Wylie

e-texts based on the ACIP/ALL Input

དཔལ་གྱི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་རྫོགས་སོ། ། །།རྒྱ་གར་སྐད་དུ། །ཱཪྱ་སརྦ་ནི་བ་ར་ཎ་བི་སྐཾ་བྷི་ནཱི་ནཱ་མཥྚོཏྟ་ར་ཤ་ཏ་ཀ་དྷཱ་ར་ཎཱི ་མནྟྲ་ས་ཧི་ཏ། བོད་སྐད་དུ། །འཕགས་པ་སྒྲིབ་པ་ཐམས་ཅད་རྣམ་པར་སེལ་བའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། །བྱང་ཆུབ་སེམས་དཔའ་སེམས་དཔའ་ཆེན་པོ ་སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །ོཾ་ཨ་མྲི་ཏ། བིནྡུ་ཛ་བ། མ་ཧཱ་སུ་ཁ་སྭཱ་ཧཱ། །དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང ་མཛད་ཀྱིས་ཕྱག་གཡས་པ་བརྐྱང་སྟེ་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་ཚིམ་པར་མཛད་ནས་བཀའ་སྩལ་པ། །ཡོན་ཏན ་རིན་པོ་ཆེའི་ཚོགས་ཅན་ཁྱོད་ཀྱི་གཟུངས་སྔགས་འདི་བྱུང་བས་སེམས་ཅན་རྣམས་ཀྱི་བདེ་བ་ཆེན་པོ་བསྐྱེད་པ་ལེགས་སོ་ལེགས་སོ། །ཀྱེ་རྒྱལ་བའི་སྲས། །གང་ལ་ལ ་གཟུངས་སྔགས་འདི་ཐོས་པ་ནི་དེ་བཞིན་གཤེགས་པ་གངྒཱའི་ཀླུང་བཅུའི་བྱེ་མ་སྙེད་ཀྱི་སྤྱན་སྔར་དགེ་བའི་རྩ་བ་བསྐྱེད་པ་དང་ལྡན་པར་འགྱུར་རོ། །གང་ལ་ལའི་རྣ ་ལམ་དུ་གྲགས་པར་གྱུར་པ་དེ་ཡང་སྒྲིབ་པ་དང་བྲལ་བར་འགྱུར་རོ། །སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ཟླ་བ་ཡར་གྱི་ངོ་ཚེས་བརྒྱད་དམ། །ཚེས་བཅོ་ལྔ ་ལ་སྨྱུང་བར་འདུག་ཅིང་། །གསོ་སྦྱོང་དང་ལྡན་པར་བྱས་ཏེ། སྤོས་དང་། བདུག་པ་དང་། མར་མེ་དང་། མེ་ཏོག་ཕྲེང་དང་། བྱུག་པ་ལ་སོགས་པས་མཆོད་ལ་བསྐོར ་བ་བྱས་ནས། བཟླས་བརྗོད་བྱས་ན་དམ་པ་ཅི་འདོད་པ་ཐོབ་པར་འགྱུར་ཏེ། སྡིག་པ་ཐམས་ཅད་དང་། སྡུག་བསྔལ་བ་དང་། འཇིགས་པ་ཐམས་ཅད་ལས་ཐར ་པར་འགྱུར་རོ། །བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ལ་སྤོས་ལ་སོགས་པས་མཆོད་དེ་བཟླས་བརྗོད་བྱས་ན་རྨི་ལམ་དུ་སྟོན ་པར་འགྱུར་ཏེ། བསམ་པ་ཐམས་ཅད་ཡོངས་སུ་རྫོགས་པར་བྱེད་ཅིང་། །ཉོན་མོངས་པ་དང་། སྡུག་བསྔལ་ཐམས་ཅད་སེལ་བར་བྱེད་དོ། །དེ་ནས་རྡོ་རྗེ་མེ་ཏོག ་ཏ་ཧོད་ཆེན་པོས་གསུམ་གྱི་དབང་ཕྱུག་དང་ཐབས་ཅིག་ཏུ་འཁོར་གྱི་དཀྱིལ་འཁོར་ཆེན་པོ་དེའི་ནང་ནས་སྟན་ལས་ལངས་ཏེ་བྱང་ཆུབ་སེམས་དཔའ་ཆེན་པོ ་སྒྲིབ་པ་ཐམས་ཅད་རྣམ་པར་སེལ་བ་ལ་བཏུད་ནས་མཚན་བརྒྱ་རྩ་བརྒྱད་ཀྱིས་མངོན་པར་བསྟོད་པ། སེམས་ཅན་ཀུན་གྱི་གཙོ་བོ་ཆེ། །བྱང་ཆུབ་སེམས་དཔའ ་ཚུལ་ཆེ་བ། ཉོན་མོངས་དྲི་མ་ཀུན་ལས་འདས། །ཆོས་དབྱིངས་ཁྱོད་ལ་ཕྱག་འཚལ་ལོ། །སྒྲིབ་པ་ཀུན་ལས་ངེས་པར་གྲོལ། །ཉོན་མོངས་དྲི་མ་ཀུན་སེལ་ཅིང་། ། ་ཉེས་པ་ཀུན་ལས་རྣམ་གྲོལ་བ། །སྐྱོན་བྲལ་ཁྱོད་ལ་ཕྱག་འཚལ་ལོ། །ལམ་སྲང་གཅིག་པུའི་ཚུལ་སྟོན་ཅིང་། །ཐེག་པ་གཅིག་པུའི ་ཚུལ་གཅིག་པ། །ཐེག་པ་ཆེན་པོའི་ཚུལ་བརྙེས་ཏེ། །ཐེག་པ་དག་པ་ཁྱོད་ཕྱག་འཚལ། །སྣང་བ་ཆེན་པོར་སྣང་བ་བརྙེས། །ཡོན་ཏན་དཀྱིལ་འཁོར་འཇིག་རྟེན ་བདག་། ཟླ་བ་བཞིན་དུ་འོད་དཀར་བ། །འཇིག་རྟེན་འདས་པ་ཁྱོད་ཕྱག་འཚལ། །ཐེག་པ་ཆེན་པོ་དག་པ་ཆེ། །སངས་རྒྱས་ཐེག་པ་རྟོགས་གྱུར་ཅིང་། །རྡོ་རྗེའི་དཀྱིལ ་འཁོར་རྣམ་གྲངས་པ། །རྡོ་རྗེ་ཆེན་པོ་ཁྱོད་ཕྱག་འཚལ། །དཔའ་བོ་ཆེན་པོ་བདུད་ལས་རྒྱལ། །དར་བ་ཆེ་པོ་ཉོན་མོངས་ཆོམས། །བགེགས་ཐུབ་གཤིན་རྗེ ་ཐུབ་པ་སྟེ། །རིན་ཆེན་དྲ་བ་ཁྱོད་ཕྱག་འཚལ། །ཟླ་བ་ཆེན་པོ་ཉི་མ་ཆེ། །ལྷུན་པོ་ཆེན་པོ་དབང་ཕྱུག་ཆེ། །ལྷ་ཆེན་མགོན་པོ་ཆེན་པོ་སྟེ། །འབྱོར་པ་ཆེན་པོ་ཁྱོད ་ཕྱག་འཚལ། །སྒྲིབ་པ་ཐམས་ཅད་གཅོད་མཛད་ཅིང་། །སྒྲིབ་པ་ཐམས་ཅད་སེལ་མཛད་པ། །ཀུན་མཁྱེན་ཡོན་ཏན་བདག་ཉིད་ཆེ། །རྣམ་སེལ་ཁྱོད་ལ་ཕྱག ་འཚལ་ལོ། །སངས་རྒྱས་སྤྱོད་ཡུལ་བཞུགས་པ་སྟེ། ཆོས་ཀྱི་སྤྱོད་ཡུལ་གཤེགས་པ་ལགས། །ཡེ་ཤེས་དབང་ཕྱུག་ཡེ་ཤེས་ཆེ། །སྲེད་བྲལ་ཁྱོད་ལ་ཕྱག་འཚལ ་ལོ། །སྐུ་མཛེས་ཡོན་ཏན་སྙིང་པོ་མཁྱེན། །རྡོ་རྗེ་ཡི་ནི་དཀྱིལ་འཁོར་བརྒྱན། །སངས་རྒྱས་ལམ་སྟེ་དོན་ཡོད་ཆེ། །ཡེ་ཤེས་དག་པ་ཁྱོད་ཕྱག་འཚལ། །བསྟན་པ་གནས ་དབང་བདག་པོ་སྟེ། །བདེ་མཛད་ཐུགས་ཀྱང་ཞི་བ་སྟེ། །ཡངས་པ་དྲི་མེད་ཤེས་རབ་ཅན། །སྣང་བ་དག་པ་ཁྱོད་ཕྱག་འཚལ། །ཟབ་ཅིང་བརྟན་ལ་རྣམ་པར་གནོན། །ཞི ་བ་འཇིག་རྟེན་དག་པར་མཛད། །སྟོན་པ་སྐྱབས་འོས་སྲིད་གསུམ་ན། །དཔའ་བཙན་ཁྱོད་ལ་ཕྱག་འཚལ་ལོ། །སྐལ་བ་ཆེན་པོ་ཉོན་མོངས་བཅོམ། །འཁོར ་བའི་དཀྱིལ་འཁོར་འཇོམས་པ་སྟེ། །ཞི་བ་ཞི་མཛད་བདེ་འབྱུང་བ་།ཆུ་བོ་ཞི་མཛད་ཁྱོད་ཕྱག་འཚལ། །ཐར་པའི་རྒྱུ་སྟེ་ཆོས་ལུགས་ཆེ། །བདེ་འགྲོར་གནས་པ ་དྲི་མ་མེད། །རྣམ་དག་ཐུགས་མངའ་ཞི་བ་མཁྱེན། །ཉེས་སེལ་ཁྱོད་ལ་ཕྱག་འཚལ་ལོ། །རྩེ་མོ་ཡངས་པ་རྣམ་པར་གྲགས། །སྔགས་ཆེན་མང་པོས་འདུལ ་མཛད་པ། །སྙིང་པོ་ཆེན་པོ་དཀྱིལ་འཁོར་མཆོག་།དཀྱིལ་འཁོར་མཁྱེན་པ་ཁྱོད་ཕྱག་འཚལ། །སྡུག་བསྔལ་གསུམ་སེལ་གསུམ་གྱི་མཆོག་།དཀོན་མཆོག ་གསུམ་དང་སྤྱོད་ཡུལ་འདྲ། །རྣམ་གསུམ་མཁྱེན་པ་བརྙེས་པའི་བདག་།རྣམ་ཐར་གསུམ་ཁྱོད་ཕྱག་འཚལ་ལོ། །བྱང་ཆུབ་སེམས་དཔའི་ཡོན་ཏན་གྱི། །འབྱོར་པ ་བརྙེས་ཤིང་མཉམ་ཉིད་བརྙེས། །བསྐལ་པ་དག་ནི་གྲངས་མེད་པར། །ཚོགས་ཆེན་བསགས་ཁྱོད་ཕྱག་འཚལ་ལོ། །ས་ལ་གནས ་པ་ས་ཆེན་བརྙེས། །ས་ཡི་འབྲས་བུ་ཕུན་སུམ་ཚོགས། །ཡང་དག་ས་འཛིན་ལས་བྱུང་བ། །ཡེ་ཤེས་ས་ཁྱོད་ཕྱག་འཚལ་ལོ། །ཏིང་ངེ་འཛིན་ལ་མངའ་བརྙེས ་པ། །ཉེས་གསུམ་སྤོང་ཞིང་སྡིག་པ་སེལ། །ཏིང་འཛིན་མཁྱེན་ཅིང་རྒྱ་ཆེ་བ། །མཉམ་པ་ཉིད་མཉམ་ཁྱོད་ཕྱག་འཚལ། །མགོན་པོ་ཆེན་པོ་སྣང་བ་ཆེ། ། ་སྡུག་བསྔལ་ཆེན་པོའི་དྲི་མ་སེལ། །ཞི་གྱུར་མ་ལུས་ཞི་མཛད་པ། །ཡོན་ཏན་ཕ་མཐའ་ཁྱོད་ཕྱག་འཚལ། །སངས་རྒྱས་ཀུན་མཚུངས་གསུང་ལྡན་པ། །ཆོས ་ཀུན་ཞི་བ་ཕུན་སུམ་ཚོགས། །དཀོན་མཆོག་གསུམ་རིགས་དཔེ་མེད་པ། །རིན་ཆེན་མཐའ་ཡས་ཁྱོད་ཕྱག་འཚལ། །རྡོ་རྗེ་ཆེན་པོ་དྲི་མེད་མཆོག་།རྡོ་རྗེ་མཚོན ་བསྣམས་སྡིག་མི་མངའ། །ནམ་མཁའ་མ་ལུས་ཡུལ་དང་ལྡན། །ཡེ་ཤེས་སྤྱོད་ཡུལ་རྒྱ་མཚོ་མངའ། །དེ་བཞིན་གཤེགས་དང་ཡུལ་གཅིག་པ། །སེལ ་བ་པོ་སྟེ་དྲི་མ་སྦྱོང་། །ཤེས་རབ་ཆེན་པོ་རྒྱལ་བའི་སྲས། །སྲེད་གཅོད་ཁྱོད་ལ་ཕྱག་འཚལ་ལོ། །རྡོ་རྗེ་དཀྱིལ་འཁོར་རྡོ་རྗེའི་མཆོག་།རྡོ་རྗེ་འདུལ་བ་རྡོ་རྗེ་འཆང་།། ་རྡོ་རྗེ་རྩལ་ཅན་རྣམས་ཀྱི་རྩལ། །རྡོ་རྗེ་སྣང་བ་ཁྱོད་ཕྱག་འཚལ། །རིན་ཆེན་ཆེན་པོ་རིན་ཆེན་བློ། །རིན་ཆེན་རྡོ་རྗེའི་འོད་ཆེ་བ། །རིན་ཆེན་འོད་མཛེས་རིན་ཆེན་འབྱུང་། ། ་རིན་ཆེན་བསྟན་པ་སྲུང་མཛད་པ། །སྟོང་པ་ཉིད་ཀྱི་ཡུལ་བརྙེས་ཤིང་། །ཡེ་ཤེས་སྟོང་པ་ཉིད་ཀྱིས་སྟོན། །སྟོང་ཉིད་ལོངས་སྤྱོད་ཡུལ་དང་ལྡན། །སྟོང་ཉིད་མཆོག ་ཁྱོད་ཕྱག་འཚལ་ལོ། །ཤེས་རབ་མཚུངས་མེད་ཤེས་རབ་ཅན། །དགེ་བ་རྣམ་དག་ས་དང་བྲལ། །ཆོས་གཅིག་ལས་བྱུང་སྣང་བ་པོ། །འཇིག་རྟེན་འདས་པའི་ཚུལ ་ཆེན་ལགས། །འཇིག་རྟེན་སྣང་མཛད་སྨྲ་མཁས་པ། །འཇིག་རྟེན་ཆོས་ལས་སྣང་བར་འདས། །འཇིག་རྟེན་མཁྱེན་པའི་ཡོན་ཏན་བརྙེས། །བརྒྱན་པར་མཛད་པ ་དཀྱིལ་འཁོར་དག་། ཉེས་པ་མ་ལུས་སེལ་བ་སྟེ། །ཕྱག་ཆེན་སྐྱེ་བོ་ཀུན་ལ་ཕན། །ས་འཛིན་རྣམ་པར་གྲགས་པ་པོ། །ཀུན་མཁྱེན་ཁྱོད་ལ་ཕྱག་འཚལ་ལོ། ། ་དགའ་མཁྱེན་དགའ་ལ་ལོངས་སྤྱོད་པ། །དགའ་བའི་རིགས་མཆོག་རྣམས་ཀྱི་མཆོག་།དགའ་བར་མཛད་པའི་རྟོག་པ་ཅན། །དགའ་བ་ལྡན་པ་ཁྱོད་ཕྱག་འཚལ།། ་སྒེག་ཆེན་འཛིན་ཅིང་དགོངས་པར་ལྡན། །རྣམ་པར་སྒེག་ལ་སྤྱོད་པ་བརྟན། །རྡོ་རྗེ་རིག་པ་སྒེག་པའི་མཆོག་།སྒེག་ཆེན་ཁྱོད་ལ་ཕྱག་འཚལ་ལོ། །སངས་རྒྱས ་བྱང་ཆུབ་སེམས་དཔའི་མཆོག་། རྡོ་རྗེ་མཆོག་གི་དཀྱིལ་འཁོར་ཆེ། །ཐེག་པ་ཆེན་པོའི་ཚུལ་ལ་གནས། །བླ་མེད་མཆོག་ཁྱོད ་ལ་ཕྱག་འཚལ། །དཔའ་བོ་བྱང་ཆུབ་སེམས་དཔའི་མཆོག་།སྒྲིབ་པ་ཐམས་ཅད་སེལ་མཛད་ལ། །རྡོ་རྗེའི་དཀྱིལ་འཁོར་འཁོར་རྣམས་ཀྱིས། །མིང་བརྒྱ་རྩ ་བརྒྱད་ཀྱིས་བསྟོད་ནས། །རྡོ་རྗེ་བསྟན་པ་རྣམ་གྲགས་པ། །བཅོམ་ལྡན་རྡོ་རྗེ་ཅན་གྱིས་གསུངས། །ཀྱེ་མ་འབྱོར་ཆེན་སྣང་བ་ཡིས། །དཀྱིལ་འཁོར་རྒྱལ་བའི ་དཀྱིལ་འཁོར་བ། །གང་ཞིག་མིང་བརྒྱ་རྩ་བརྒྱད་པ། །འདི་དག་སོ་སོར་རྗོད་བྱེད་ན། །དེ་ནི་ཉེས་པ་ཀུན་ཟློག་ཅིང་། །རྟག་ཏུ་དེ་ཡི་ཕྱི་བཞིན་འབྲང་། །ནང་པར་ལངས ་ནས་གཙང་མ་ཡིས། །སྒྲིབ་པ་ཐམས་ཅད་སེལ་བ་ལ། །བློ་ལྡན་གང་ཞིག་བསྟོད་བྱེད་པ། །དེ་ཡི་སྡིག་པ་མེད་པར་འགྱུར། །གང་ཞིག་མིང་བརྒྱ་རྩ་བརྒྱད་མཆོག། ་ནང་པར་ལངས་ནས་རྗོད་བྱེད་པ། །སྡང་བ་ཐམས་ཅད་དེ་དབང་འགྱུར། །བགེགས་རྣམས་ཀྱིས་ཀྱང་ཡོངས་སུ་བཏང་། །སྡིག་པ་དག་པ་འཐོབ་པ་དང་། །དེ་བཞིན ་བསོད་ནམས་འཕེལ་བ་དང་། །ཡེ་ཤེས་རྒྱ་མཚོ་ལོངས་སྤྱོད་ཅིང་། །ས་མཆོག་ཆེན་པོ་ཐོབ་པར་འགྱུར། །གང་ཞིག་ངེས་པར་གནས་བྱས་ལ། །མིང་བརྒྱ་རྩ ་བརྒྱད་མཆོག་འདོན་པ། །དེས་ནི་འབྱོར་ཆེན་སངས་རྒྱས་ས། །རིང་པོར་མི་ཐོགས་ཐོབ་པར་འགྱུར། །རྒྱུད་ཆེན་ལྡན་ཞིང་བློ་ཆེ་བ། །གང་ཞིག་མིང་མཆོག་འདོན་པ་ནི། །རྡོ་རྗེ་དཀྱིལ ་འཁོར་བསྟན་པ་ལ། །རིང་པོར་མི་ཐོགས་འཇུག་པར་འགྱུར། །བྱང་ཆུབ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས ་པ་རྫོགས་སོ། ། །།རྒྱ་གར་སྐད་དུ། ཨཱཪྱ་ཀྵི་ཏི་གརྦྷ་ཨཥྚོཏྟ་ར་ཤ་ཏ་ཀ་ནཱ་མ་དྷཱ་ར་ཎཱི་མནྟྲ་ས་ཧི་ཏ། བོད་སྐད་དུ། འཕགས་པ་སའི་སྙིང་པོའི ་