Wylie

e-texts based on the ACIP/ALL Input

བོད་སྐད་དུ། འཕགས་པ་ལེགས་ཉེས་ཀྱི་རྒྱུ་དང་། འབྲས་བུ་བསྟན་པ་ཞེས་བྱ་བ་ཐེག་པོ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེའི་ཚེ་བཅོམ ་ལྡན་འདས་བྱང་ཆུབ་སེམས་དཔའ་ཚད་མེད་པ་དང་། ལྷ་དང་། མིའི་འཁོར་མང་པོས་ཡོངས་སུ་བསྐོར་ཅིང་། སེམས་རྩེ་གཅིག་ཏུ་ཆོས་ཉན་པ་དག་ལ་ཆོས་སྟོན་པར་མཛད་དོ། །དེ་ནས ་ཚེ་དང་ལྡན་པ་ཀུན་དགའ་བོས་སེམས་ཅན་རྣམས་ཀྱི་ཆེད་དུ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ད་ལྟར་འཇིག་རྟེན་ན་རྣམ་པ་གཅིག་ཏུ་མིར་སྐྱེས ་པར་མཚུངས་པ་ལ། ཁ་ཅིག་ནི་སྡུག་ཅིང་ཁ་ཅིག་ནི་བྱད་བཞིན་མི་སྡུག་པ་དང་། ཁ་ཅིག་ནི་དཔའ་ཞིང་། ཁ་ཅིག་ནི་ཞན་པ་དང་། ཁ་ཅིག་ནི་དབུལ་ཞིང་། ཁ་ཅིག་ནི་ཕྱུག་པ་དང་། ཁ ་ཅིག་ནི་སྡུག་བསྔལ་ཞིང་། ཁ་ཅིག་ནི་བདེ་བ་དང་ལྡན་པ་དང་། ཁ་ཅིག་ནི་ཡ་རབས་སུ་གྱུར་ཅིང་། ཁ་ཅིག་ནི་མ་རབས་སུ་གྱུར་ཏེ། སྒྲ་དབྱངས་མི་མཚུངས་ཤིང་སྐད་ཐ་དད་པར་གྱུར ་པ་དང་། ཁ་ཅིག་ནི་ལོ་བརྒྱར་ལོན་ཀྱང་འཆི་བར་མི་འགྱུར་ལ། ཁ་ཅིག་ནི་ལོ་སུམ་ཅུ་ལོན་ནས་སྔར་འགུམ་པ་དང་། ཁ་ཅིག་ནི་ལོ་བཅོ་ལྔ་ལོན་ནས་གློ་བུར་འཆི་བ་དང་། ཁ་ཅིག ་ནི་མའི་མངལ་ཉིད་དུ་འགུམ་པ་དང་། ཁ་ཅིག་ནི་བྱད་བཞིན་སྡུག་ཅིང་མཛེས་པ་དང་། ཁ་ཅིག་ནི་དབུལ་ཞིང་མ་རབས་སུ་གྱུར་ལ་བྱད་བཞིན་མི་སྡུག་པ་དང་། ཁ་ཅིག་ནི་ཕྱུག་ཅིང་ཡ་རབས ་སུ་སྐྱེ་བ་དང་། ཁ་ཅིག་ནི་དཔའ་ཞིང་དམན་པར་གྱུར་ལ། ཁ་ཅིག་ནི་ཞན་ཅིང་རིགས་མཐོང་པོར་སྐྱེས་པ་དང་། ཁ་ཅིག་ནི་སྡུག་བསྔལ་ཞིང་ཚེ་རིང་ལ། ཁ་ཅིག་ནི་བདེ་ཞིང་ཚེ་ཐུང་བ་དང་། ཁ ་ཅིག་ནི་དགེ་བ་སྤྱད་ཀྱང་། ནོངས་སྐྱོན་དང་བཅས་པར་འགྱུར་ལ། ཁ་ཅིག་ནི་སྡིག་པ་བགྱིས་ཀྱང་བསོད་ནམས་ཀྱི་ཕན་ཡོན་ཐོབ་པ་དང་། ཁ་ཅིག་ནི་ཚོ་ཞིང་དཀར་ཡང་མིག་ཡ་ཡོར་གྱུར་ཅིང ་མི་གསལ་ལ། ཁ་ཅིག་ནི་སྔོ་ཞིང་གང་ཀྱང་མངལ་བྱད་དང་ལྡན་པ་དང་། ཁ་ཅིག་ནི་ཐུང་ཞིང་བོང་ཐུང་ཡང་སེམས་རྩལ་དང་ལྡན་པ་དང་། ཁ་ཅིག་ནི་རིང་ཞིང་བོང་ཆེའང་གཞན ་དག་གི་གཡོག་བགྱིད་པ་དང་། ཁ་ཅིག་ནི་བུ་ཚ་མངལ། ཁ་ཅིག་ནི་གཅིག་པུ་གནས་པ་དང་། ཁ་ཅིག་ནི་སླད་རོལ་ཏུ་རྒྱུ་ཞིང་བཀྲེས་པ་དང་། གྲང་བ་དག་གིས་ཉེན་པར་འགྱུར་ལ། ཁ ་ཅིག་ནི་ཁྱིམ་ན་གནས་ཀྱང་གོས་ཟས་དག་ལ་དགའ་འབྱོར་པ་དང་། ཁ་ཅིག་ནི་གཞོན་པའི་ཚེ་དབུལ་ཞིང་ཕོངས་ལ། རྒས་པའི་ཚེ་གདོད་ཕྱུག་པོར་འགྱུར་པ་དང་། ཁ་ཅིག་ནི་ཡུས་མ་མཆིས ་བཞིན་དུའང་ནོངས་པ་མ་མཆིས་པར་ནན་གྱིས་གོ་རར་སྩལ་པ་དང་། ཁ་ཅིག་ནི་ཕ་མའང་སྙིང་རྗེ་དང་ལྡན་པ། བུའང་སྲི་ཞུ་ཆེ་ཞིང་མདོ་སྡེ་དང་། གཙུག་ལག་གི་དོན་གླེང་བར་བགྱིད ་ལ|་ཁ་ཅིག་ནི་ཕུ་བོ་ནུ་བོ་སོ་སོར་ཕྱེ་ནས་འཐབ་ཅིང་རྩོད་པར་བགྱིད་པ་དང་། ཁ་ཅིག་ནི་ཁང་ཁྱིམ་དག་བརྩིགས་ནས་འབྱོར་པ་སྣ་ཚོགས་དང་ལྡན་ལ། ཁ་ཅིག ་ནི་ཁང་ཁྱིམ་མ་མཆིས་པས་གཞན་དག་ལ་རྟེན་པ་དང་། ཁ་ཅིག་ནི་བྱ་འདབ་ཆགས་བཞིན་དུ་ཤིང་དང་། ཐང་ལ་གནས་པ་དང་། ཁ་ཅིག་ནི་གཅན་གཟན་གྱི་རྣམ་པ་དང་མཚུངས་ཤིང ་སྤུའི་གསོད་དང་ལྡན་པ་ཟས་སུ་རྩཝ་འཚལ་ཞིང་ཁྲག་འཐུང་བ་དང་། ཁ་ཅིག་ནི་ཡི་གེ་མ་འཚལ་བ་དང་། ཁ་ཅིག་ནི་ཅི་ཡང་མ་བགྱིས་པར་བདེ་བའི་རྣམ་པར་སྨིན་པ་མྱོང་བར་འགྱུར་ལ། ་ཁ་ཅིག་ནི་སླ་བར་བགྱིད་པའི་གནས་ཀྱང་མི་རྙེད་པ་དང་། ཁ་ཅིག་ནི་དབང་པོ་གསལ་བས་ཤེས་པ་དང་ལྡན་ལ། ཁ་ཅིག་ནི་དབང་པོ་མི་གསལ་བས་ཤེས་པ་དང་ལྡན་པ་དང་། ཁ་ཅིག་ནི ་བཙལ་ན་གདོད་ཐོབ་པར་འགྱུར་ལ། ཁ་ཅིག་ནི་མ་བཙལ་བར་ཡང་རྙེད་པར་འགྱུར་བ་དང་། ཁ་ཅིག་ནི་ཕྱུག་ཀྱང་སེར་སྣ་ཆེ་ལ། ཁ་ཅིག་ནི་དབུལ་པོར་གྱུར་ཀྱང་གཏོང་བ་ལ་དགའ ་བ་དང་། ཁ་ཅིག་ནི་ཚིག་སྨྲས་པ་རྣམས་མཉེན་ཞིང་དེས་ལ། ཁ་ཅིག་ནི་ཚིག་སྨྲས་པ་རྣམས་གཏུམ་ཞིང་བརླང་བ་དང་། ཁ་ཅིག་ནི་མང་པོ་ཀུན་གྱིས་བཀུར་ཞིང་སྙིང་དུ་སྡུག་པར ་འགྱུར་ལ། ཁ་ཅིག་ནི་མང་པོ་ཀུན་གྱིས་ཐག་རིང་དུ་སྤོང་བར་བགྱིད་པ་དང་། ཁ་ཅིག་ནི་བྱམས་པའི་སེམས་ཀྱིས་སྲོག་ཆགས་གསོ་བར་བགྱིད་ལ། ཁ་ཅིག་ནི་སྲོག་ཆགས་དཔག་ཏུ ་མ་མཆིས་པ་དག་གསོད་པར་བགྱིད་པ་དང་། ཁ་ཅིག་ནི་ཡངས་པ་མང་པོ་ཀུན་གྱིས་ཡིད་དུ་མཆི་བར་འགྱུར་ལ། ཁ་ཅིག་ནི་གཞན་དག་གིས་སྤོང་བར་བགྱིད་པ་དང་། ཁ་ཅིག་ནི་ཆུང་མ་དང ་གྱོས་སྒྱུག་ལ་སོགས་པས་སྡང་བར་འགྱུར་ལ། ཁ་ཅིག་ནི་གཉེན་བཤེས་ཀུན་དགའ་བར་འགྱུར་བ་དང་། ཁ་ཅིག་ནི་ཆོས་ཀྱི་ཚིག་མཉན་པར་དགའ་བ་དང་། ཁ་ཅིག་ནི་མདོ་སྡེ་ཐོས་ནས་གཉིད ་ལོག་བགྱིད་པ་དང་། ཁ་ཅིག་ནི་དཔའ་ཞིང་རྩལ་དང་ལྡན་ཀྱང་ཞེས་མ་མཆིས་ལ། ཁ་ཅིག་ནི་ཚིག་འབྲུ་དང་། དོན་དག་ལ་སློབ་པར་མོས་པ་དང་། ཁ་ཅིག་ནི་དུད་འགྲོའི་དབྱིབས་ཐ་དད་པ་སྣ ་ཚོགས་བགྱིས་པ་དག་གདའ་ན། བཅོམ་ལྡན་འདས། དེ་དག་གི་རྒྱུ་དང་། འབྲས་བུ་གང་ལགས་པ་རྒྱ་ཆེར་བཀས་བཤད་དུ་གསོལ། འཁོར་མང་པོ་རྣམས་ཀྱིས་ཐོས་ཤིང་རྟོགས་པར་འགྱུར ་ལ་སེམས་རྩེ་གཅིག་ཏུ་དགེ་བ་ལ་གཞོལ་བར་འགྱུར་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཁྱོད་ཀྱིས་ཇི་སྐད་དྲིས་པ་དེ་དེ་བཞིན་ཏེ། རྣམ་པར་སྨིན་པ ་མྱོང་བར་མི་མཚུངས་པར་གྱུར་པ་དེ་དག་ཐམས་ཅད་ནི། ཚེ་རབས་སྔ་མ་དག་ལས་ཀྱི་སྤྱོད་པ་མི་མཉམ་པའི་དབང་གིས་ན། ཐ་དད་པའི་བྱེ་བྲག་བརྒྱ་སྟོང་མང་པོ་མྱོང་བར་གྱུར་པ་ཡིན ་ཏེ|་ཚེ་འདི་ལ་བྱད་བཞིན་སྡུག་པ་གང་ཡིན་པ་དེ་ནི། བཟོད་པ་དང་དུ་བླངས་པར་ལས་འོངས་པ་ཡིན་ནོ། །བྱད་མི་སྡུག་པ་གང་ཡིན་པ་དེ་ནི། ཁོང་ཁྲོ་བ་ལས་འོངས་པ་ཡིན་ནོ། །མིར ་གྱུར་ཀྱང་དབུལ་པོར་གྱུར་པ་གང་ཡིན་པ་དེ་ནི། སེར་སྣ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་ཕྱུག་པོར་གྱུར་པ་གང་ཡིན་པ་དེ་ནི། སྦྱིན་པ་བཏང་བ་ལས་འོངས ་པ་ཡིན་ནོ། །ཡ་རབས་མཐོང་པོར་གྱུར་པ་གང་ཡིན་པ་དེ་ནི། གཞན་དག་ལ་གུས་པར་ཕྱག་བྱས་པ་ལས་འོངས་པ་ཡིན་ནོ། །མ་རབས་སུ་གྱུར་པ་གང་ཡིན་པ་དེ་ནི། ང་རྒྱལ་བྱས་པ་ལས ་འོངས་པ་ཡིན་ནོ། །མིར་གྱུར་ཀྱང་ལུས་རིང་ཞིང་བོང་ཆེ་བ་གང་ཡིན་པ་དེ་ནི། གུས་པས་བཀུར་སྟི་བྱས་པ་ལས་འོངས་པ་ཡིན་ནོ། །ལུས་ཐུད་དུ་གང་ཡིན་པ་དེ་ནི། ཆོས་ལས་བརྙས ་པ་ལས་འོངས་པ་ཡིན་ནོ། །མིར་གྱུར་ཀྱང་བཀའ་བློ་མི་བདེ་བ་གང་ཡིན་པ་དེ་ནི། སྔོན་ལུག་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་མང་ཅིང་རིད་པ་གང་ཡིན་པ་དེ་ནི། དེ་བཞིན ་གཤེགས་པའི་སྣང་བ་བསྒྲིབས་པ་ལས་འོངས་པ་ཡིན་ནོ། །མིར་གྱུར་ཀྱང་མཆུ་མི་སྡུག་པ་གང་ཡིན་པ་དེ་ནི། མཆོད་རྟེན་གྱི་བྲས་མྱངས་པ་ལས་འོངས་པ་ཡིན་ནོ། །མིར་གྱུར་ཀྱང་མིག ་དམར་བ་གང་ཡིན་པ་དེ་ནི། མེའི་སེར་སྣ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་མིག་མི་གསལ་བ་གང་ཡིན་པ་དེ་ནི། ཁྲའི་མིག་བྲུས་པ་ལས་འོངས་པ་ཡིན་ནོ། །མིར་གྱུར་ཀྱང ་ལྐུགས་པ་གང་ཡིན་པ་དེ་ནི། ཆོས་ལས་སྐུར་པ་བཏབ་པ་ལས་འོངས་པ་ཡིན་ནོ། །མིར་གྱུར་ཀྱང་འོན་བར་གྱུར་པ་གང་ཡིན་པ་དེ་ནི། ཆོས་ཐོས་པར་མི་དགའ་བ་ལས་འོངས་པ་ཡིན་ནོ། ། ་མིར་གྱུར་ཀྱང་སོ་རྣོན་པོར་གྱུར་པ་གང་ཡིན་པ་དེ་ནི། རུས་པ་འཆའ་ཞིང་ཤ་ཟ་བར་མངོན་པར་དགའ་བ་ལས་འོངས་པ་ཡིན་ནོ། །མིར་གྱུར་ཀྱང་སྣ་དགྱེ་བོར་གྱུར་པ་གང་ཡིན་པ་དེ་ནི། དྲི ་མི་ཞིམ་པ་དག་གིས་དེ་བཞིན་གཤེགས་པ་ལ་མཆོད་པ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་མཆུ་ཤོ་རེར་གྱུར་པ་གང་ཡིན་པ་དེ་ནི། ཉའི་འགྲམ་པ་ཕུག་པ་ལས་གྱུར་པ ་ཡིན་ནོ། །མིར་གྱུར་ཀྱང་སྐྲ་སེར་པོར་གྱུར་པ་གང་ཡིན་པ་དེ་ནི། ཕག་གི་སྤུ་གཏོགས་པ་ལས་འོངས་པ་ཡིན་ནོ། །མིར་གྱུར་ཀྱང་རྣམ་བ་རལ་བ་གང་ཡིན་པ་དེ་ནི། གཞན་དག་གི་རྣ་བ་ཕུག ་པ་ལས་གྱུར་པ་ཡིན་ནོ། །མིར་གྱུར་ཀྱང་ལུས་ཀྱི་ཤ་བྲུར་ལྟ་བུར་གྱུར་པ་གང་ཡིན་པ་དེ་ནི། གོས་ཡང་ཞིང་སྲབ་པ་དག་བགོས་ནས། དེ་ནས་དེ་བཞིན་གཤེགས་པའི་སྐུ་གཟུགས་ཀྱི་སྤྱན་སྔར ་འོངས་པ་ལས་གྱུར་པ་ཡིན་ནོ། །མིར་གྱུར་ཀྱང་མདོག་གང་པ་གང་ཡིན་པ་དེ་ནི། དེ་བཞིན་གཤེགས་པའི་སྐུ་གཟུགས་ཁྱམས་དག་གི་འོག་ཏུ་བཞག་ནས་དུད་པས་བདུགས་པ་ལས་གྱུར་པ་ཡིན ་ནོ|་|མིར་གྱུར་ཀྱང་རྐང་ལག་ཞ་བོར་གྱུར་པ་གང་ཡིན་པ་དེ་ནི། མཁན་པོ་དང་། སློབ་དཔོན་དང་། བླ་མ་རྣམས་མཐོང་ཡང་ལྡང་བ་མེད་པ་ལས་གྱུར་པ་ཡིན་ནོ། །མིར་གྱུར་ཀྱང་སྒུར་པོར་གྱུར་པ་གང ་ཡིན་པ་དེ་ནི། གོས་ཡང་ཞིང་སྲབ་པ་དག་བགོས་ནས་ཕན་ཚུན་དུ་འགྲོ་བའི་ཚེ། དེ་བཞིན་གཤེགས་པའི་སྐུ་གཟུགས་ལ་རྒྱབ་ཀྱིས་ཕྱོགས་པ་ལས་གྱུར་པ་ཡིན་ནོ། །མིར་གྱུར་ཀྱང་དཔྲལ་བ ་མི་སྡུག་པ་གང་ཡིན་པ་དེ་ནི། དེ་བཞིན་གཤེགས་པ་མཐོང་བའི་ཚེ་ཕྱག་ཀྱང་མི་བྱེད་ལ། ལག་པས་དཔྲལ་བར་བརྡབས་པ་ལས་གྱུར་པ་ཡིན་ནོ། །མིར་གྱུར ་ཀྱང་གཉའ་བ་ཐུང་བ་གང་ཡིན་པ་དེ་ནི། བླ་མ་དག་མཐོང་ནས་མགོ་སྤས་ཏེ་བྲོས་ནས་འབྱོལ་བ་ལས་གྱུར་པ་ཡིན་ནོ། །མིར་གྱུར་ཀྱང་རྟག་པར་སྙིང་ན་བ་གང་ཡིན་པ་དེ་ནི། སེམས ་ཅན་གྱི་ལུས་ཀྱི་ཡན་ལག་བཅད་ཅིང་གཏུབས་པ་ལས་གྱུར་པ་ཡིན་ནོ། །མིར་གྱུར་ཀྱང་མཛེ་ཅན་དུ་གྱུར་པ་གང་ཡིན་པ་དེ་ནི། ཉེས་པ་མེད་པར་གཞན་དག་གི་ནོར་བླངས་པ་ལས ་གྱུར་པ་ཡིན་ནོ། །མིར་གྱུར་ཀྱང་དབུགས་ཐུང་བ་གང་ཡིན་པ་དེ་ནི་དགུན་གྲང་བའི་དུས་ཀྱི་ཚེ། གཞན་དག་ལ་ཟས་གྲང་མོ་དག་བྱིན་པ་ལས་གྱུར་པ་ཡིན་ནོ། །མིར་གྱུར་ཀྱང་བུ་ཁྱེའུ ་དང་|་བུ་མོ་མེད་པར་གྱུར་པ་གང་ཡིན་པ་དེ་ནི། བྱ་མང་པོ་དག་གི་ཕྲུ་གུ་བསད་པ་ལས་གྱུར་པ་ཡིན་ནོ། །མིར་གྱུར་ནས་བུ་ཚ་མང་བ་གང་ཡིན་པ་དེ་ནི། སེམས་ཅན་གསོ་བར་དགའ་བ་ལས ་འོངས་པ་ཡིན་ནོ། །མིར་གྱུར་ནས་ཚེ་རིང་བ་གང་ཡིན་པ་དེ་ནི། བྱམས་པའི་སེམས་དང་ལྡན་པ་ལས་འོངས་པ་ཡིན་ནོ། །མིར་གྱུར་ནས་ཚེ་ཐུང་བ་གང་ཡིན་པ་དེ་ནི། སྲོག་ཆགས ་མང་པོ་བསད་པ་ལས་གྱུར་པ་ཡིན་ནོ། །མིར་གྱུར་ནས་ཕྱུག་པོར་གྱུར་པ་གང་ཡིན་པ་དེ་ནི། སྦྱིན་པ་བཏང་བ་ལས་གྱུར་པ་ཡིན་ནོ། །མིར་གྱུར་ནས་རྟ་དང་། ཤིང་རྟ་དང་ལྡན་པ་གང ་ཡིན་པ་དེ་ནི། དཀོན་མཆོག་གསུམ་ལ་རྟ་དང་། ཤིང་རྟ་ཕུལ་བ་ལས་གྱུར་པ་ཡིན་ནོ། །མིར་གྱུར་ནས་དབང་པོ་གསལ་བ་གང་ཡིན་པ་དེ་ནི། མདོ་སྡེ་འདྲི་ཞིང་ཁ་ཏོན་འདོན་པ་ལས་གྱུར ་པ་ཡིན་ནོ། །མིར་གྱུར་ཀྱང་དབང་པོ་མི་གསལ་བ་གང་ཡིན་པ་དེ་ནི། དུད་འགྲོའི་གནས་ནས་འོངས་པ་ཡིན་ནོ། །མིར་གྱུར་ཀྱང་གཞན་གྱི་བྲན་དང་། བྲན་མོ་བྱེད་པ་གང་ཡིན་པ་དེ་ནི། བུ ་ལོན་ཆགས་པ་ལས་འོངས་པ་ཡིན་ནོ། །མིར་གྱུར་ཀྱང་མི་བརྟན་ཅིང་ཡངས་པ་གང་ཡིན་པ་དེ་ནི། སྔོན་སྤྲེའུ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་མཛེ་ནད་ཀྱིས་བཏབ་པ་གང་ཡིན་པ ་དེ་ནི། དཀོན་མཆོག་གསུམ་རྣམ་པར་བཤིག་པ་ལས་གྱུར་པ་ཡིན་ནོ། །མིར་གྱུར་ཀྱང་རྐང་ལག་འཇམ་འགྲུས་སུ་གྱུར་པ་གང་ཡིན་པ་དེ་ནི། སེམས་ཅན་གྱི་རྐང་ལག་དམ་དུ་བཅིངས ་བ་ལས་འོངས་པ་ཡིན་ནོ། །མིར་གྱུར་ཀྱང་ལུས་ལ་རྨ་དང་། ཤུ་བ་འབྱུང་ཞིང་ཡུན་རིང་པོར་སྨན་དང་། དཔྱད་བྱས་ཀྱང་སོས་སུ་མི་བཏུབ་པ་གང་ཡིན་པ་དེ་ནི། སེམས་ཅན་ལ་བརྡེག་བཙོག ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་རང་བཞིན་མི་སྲུན་པ་གང་ཡིན་པ་དེ་ནི། སྡིག་སྦྲུལ་བྱས་པ་ལས་འོངས་པ་ཡིན་ནོ། །མིར་གྱུར་ནས་དབང་པོ་དྲུག་ཚང་བ་གང་ཡིན་པ་དེ་ནི། ་ཚུལ་ཁྲིམས་བསྲུངས་པ་ལས་འོངས་པ་ཡིན་ནོ། །མིར་གྱུར་ཀྱང་དབང་པོ་རྣམས་མ་ཚང་བ་གང་ཡིན་པ་དེ་ནི། ཚུལ་ཁྲིམས་འཆལ་བ་ལས་འོངས་པ་ཡིན་ནོ། །མིར་གྱུར་ཀྱང་གཙང ་སྦྲ་མེད་པ་གང་ཡིན་པ་དེ་ནི། ཕག་བྱས་པ་ལས་འོངས་པ་ཡིན་ནོ། །མིར་གྱུར་ནས་གླུ་གར་ལ་དགའ་བ་གང་ཡིན་པ་དེ་ནི། རོལ་མོ་མཁན་བྱས་པ་ལས་འོངས ་པ་ཡིན་ནོ། །མིར་གྱུར་ཀྱང་འདོད་ཆེན་ཆེ་བ་གང་ཡིན་པ་དེ་ནི། ཁྱི་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་གཉའ་བར་ལྦ་པ་ཡོད་པ་གང་ཡིན་པ་དེ་ནི། གཅིག་པུ་བསྣོགས་པ ་ལས་འོངས་པ་ཡིན་ནོ། །མིར་གྱུར་ནས་ཁའི་དྲི་མནམ་པ་གང་ཡིན་པ་དེ་ནི། ཚིག་ངན་གྱིས་གཞན་ལ་སྤྱོད་པ་ལས་འོངས་པ་ཡིན་ནོ། །མིར་གྱུར་ཀྱང་ཕོ་མཚན་དང་མི་ལྡན་པ་དེ་ནི། ་ཁྱི་དང་། ཕག་རྣམས་ཀྱི་རླིག་པ་བཅད་པ་ལས་གྱུར་པ་ཡིན་ནོ། །མིར་གྱུར་ནས་ལྕེ་ཐུང་བ་གང་ཡིན་པ་དེ་ནི། དབེན་པ་དག་ཏུ་བླ་མ་དག་ལ་ཚིག་མི་སྙན་པ་བརྗོད་པ་ལས་འོངས་པ་ཡིན་ནོ། ། ་མིར་གྱུར་ཀྱང་གཞན་གྱི་ཆུང་མ་ལ་གཡེམ་པར་དགའ་བ་དེ་ནི། ཤི་འཕོས་ནས་བྱ་ངང་པ་དག་ཏུ་ལྟུང་བར་འགྱུར་རོ། །མིར་གྱུར་ཀྱང་བདག་དང་ཉེ་ཞིང་གཉེན་དུ་འབྲེལ་བ་དག་ལ་གཡེམ ་པར་མངོན་པར་དགའ་བ་གང་ཡིན་པ་དེ་ནི། ཤི་འཕོས་ནས་བྱེའུ་མཆིལ་བ་དག་ཏུ་ལྟུང་བར་འགྱུར་རོ། །མིར་གྱུར་ནས་མདོ་སྡེ་དང་། བསྟན་བཅོས་དག་ལ་སེར་སྣ་བྱེད་ཅིང་ཤེས་ཀྱང ་སྦས་ནས་གཞན་དག་ལ་མི་སྟོན་པ་གང་ཡིན་པ་དེ་ནི། ཤི་འཕོས་ནས་ཤིང་སྲིན་དག་ཏུ་སྐྱེ་བར་འགྱུར་རོ། །མིར་གྱུར་ནས་མདའ་གཞུ་ཐོགས་ཤིང་གཞོམ་པ་ལ་མངོན་པར་དགའ་བ ་གང་ཡིན་པ་དེ་ནི། ཤི་འཕོས་ནས་ཀླ་ཀློ་ཅན་དུ་ལྟུང་བར་འགྱུར་རོ། །རྔོན་པ་བྱེད་ཅིང་སྲོག་ཆགས་བསོད་པ་ལ་མངོན་པར་དགའ་བ་གང་ཡིན་པ་དེ་ནི། ཤི་འཕོས་ནས་འཕར་སྤྱད་དག་ཏུ ་ལྟུང་བར་འགྱུར་རོ། །མགོ་རྒྱན་དང་། མེ་ཏོག་ཐོགས་པ་ལ་མངོན་པར་དགའ་བ་གང་ཡིན་པ་དེ་ནི། ཤི་འཕོས་ནས་གཅིན་རྟུག་གི་སྲིན་བུ་བྱེད་པར་འགྱུར་རོ། །གོས་རིང་པོ་གྱོན་པར་དགའ་བ་དེ་ནི། ་ཤི་འཕོས་ནས་སྲིན་བུ་མཇུག་རིང་བྱེད་པར་འགྱུར་རོ། །ཉལ་ཞིང་ཟ་བར་མངོན་པར་དགའ་བ་དེ་ནི། ཤི་འཕོས་ནས་ཕག་ཏུ་སྐྱེ་བར་འགྱུར་རོ། །གོས་ཚོན་ཅན་གྱོན་པ་ལ་མངོན་པར ་དགའ་བ་གང་ཡིན་པ་དེ་ནི། ཤི་འཕོས་ནས་བྱེའུ་ཁྲེའུ་བྱེད་པར་འགྱུར་རོ། །གཞན་གྱི་ཚིག་ཟློས་ཤིང་ཀུ་རེ་བྱེད་པ་མངོན་པར་དགའ་བ་དེ་ནི། ཤི་འཕོས་ནས་བྱ་ནེ་ཙོ་བྱེད་པར་འགྱུར ་རོ|་|ཕྲ་མ་བྱེད་པ་ལ་མངོན་པར་དགའ་བ་གང་ཡིན་པ་དེ་ནི། ཤི་འཕོས་ནས་སྦྲུལ་ལུས་པོ་ཆེ་དག་ཏུ་སྐྱེ་བར་འགྱུར་རོ། །ཉེས་པ་མེད་པར་དག་ལ་རྣམ་པར་འཚེ་བ་གང་ཡིན་པ་དེ་ནི། ་ཤི་འཕོས་ནས་སྲིན་བུ་འཁོན་དུ་འཛིན་པའི་སེམས་དང་བཅས་པ་དག་ཏུ་སྐྱེ་བར་འགྱུར་རོ། །གཞན་གྱི་དབྱེན་བྱེད་པར་དགའ་བ་གང་ཡིན་པ་དེ་ནི། ཤི་འཕོས་ནས་སྲིན་བྱ་དག་ཏུ་སྐྱེ ་བར་འགྱུར་རོ། །དམོད་མོའི་ཚིག་སྨྲ་བ་ལ་མངོན་པར་དགའ་བ་གང་ཡིན་པ་དེ་ནི། ཤི་འཕོས་ནས་ཝ་དག་ཏུ་སྐྱེ་བར་འགྱུར་རོ། །གཞན་དག་སྐྲག་ཅིང་དངངས་པར་མངོན་པར་དགའ ་བ་གང་ཡིན་པ་དེ་ནི། ཤི་འཕོས་ནས་རི་དྭགས་ཤ་བའི་རིགས་སུ་སྐྱེ་བར་འགྱུར་རོ། །ཚེ་སྔ་མ་ལ་ཤིང་གི་ལྷ་མ་གོན་ནས་དྲི་གཙང་ཁང་དུ་ཞུགས་པ་གང་ཡིན ་པ་དེ་ནི། ཚེ་འདི་ལ་རྟའི་རིགས་སུ་སྐྱེ་བར་འགྱུར་རོ། །ཚེ་སྔ་མ་ལ་འཕྱེན་གཏོང་བ་ལ་མངོན་པར་དགའ་བ་གང་ཡིན་པ་དེ་ནི། སྲིན་བུ་གནམ་པོའི་རིགས་སུ་སྐྱེ་བར་འགྱུར་རོ། །ཚེ་སྔ་མ ་ལ་དགེ་འདུན་གྱི་གཏུན་དང་། རང་ཐག་ཡོངས་སུ་སྤྱོད་པ་གང་ཡིན་པ་དེ་ནི། ཚེ་འདི་ལ་སྲོག་ཆགས་སྲིན་བུ་མགོ་རྡེབས་པ་དག་ཏུ་སྐྱེ་བར་འགྱུར་རོ། །ཚེ་སྔ་མ་ལ་གཞན་དག་གི་ཟས ་ཀྱི་བགེགས་བྱས་ན། ཚེ་འདི་ལ་ཤིང་སྲིན་བྱེད་པར་འགྱུར་རོ། །དགེ་འདུན་གྱི་ཆུ་བརྐུས་ནས་ཡོངས་སུ་སྤྱད་པ་གང་ཡིན་པ་དེ་ནི། ཚེ་འདི་ལ་ཉ་དང་། ཆུ་སྲིན་དག་ཏུ་སྐྱེ་བར་འགྱུར་རོ། ། ་དགེ་འདུན་གྱི་ས་གཞི་དག་ལ་མི་གཙང་བ་འདོར་བ་གང་ཡིན་པ་དེ་ནི། བཤད་གཅིའི་ནང་དུ་སྲིན་བུ་དག་ཏུ་སྐྱེ་བར་འགྱུར་རོ། །དགེ་འདུན་གྱི་ཤིང་ཏོག་བརྐུས་པ་གང་ཡིན་པ་དེ་ནི། ་འཇིམ་རྫབ་ཟ་བའི་སྲིན་བུ་བྱེད་པར་འགྱུར་རོ། །དགེ་འདུན་གྱི་དཀོར་བརྐུས་པ་གང་ཡིན་པ་དེ་ནི། རང་ཐག་འདྲེན་པའི་གླང་དང་། བོང་བུ་བྱེད་པར་འགྱུར་རོ། །དགེ་འདུན་གྱི་དཀོར་ལ ་ལ་ནན་གྱིས་སློང་ཞིང་སྔ་སྐྱིན་བྱེད་ན། ཕུག་རོན་དཀར་པོ་བྱེད་པར་འགྱུར་རོ། །དགེ་འདུན་ལ་འཕྱ་ཞིང་སྨོད་པར་བྱེད་ན་གླང་གི་གཉའ་བའི་སྲིན་བུར་སྐྱེ་བར་འགྱུར་རོ། །དགེ་འདུན་གྱི ་ཚོད་ལྡུམ་ཟོས་ན་ཚོད་མའི་སྲིན་བུར་སྐྱེ་བར་འགྱུར་རོ། །དགེ་འདུན་གྱི་ཁྲི་སྟན་ལ་འདུག་ན་སའི་སྲིན་བུ་མཇུག་རིང་དུ་སྐྱེ་བར་འགྱུར་རོ། །དགེ་འདུན་གྱི་ཡོ་བྱད་སྣ་ཚོགས་དག་ལ་ཡོངས ་སུ་སྤྱོད་པར་བྱེད་ན་ཕྱེ་མ་ལེབ་ཏུ་སྐྱེ་བར་འགྱུར་རོ། །རུས་པ་དག་ཐོགས་ནས་གཙུག་ལག་ཁང་དུ་བྱེད་ན་བྱ་མཆུ་རིང་དུ་སྐྱེ་བར་འགྱུར་རོ། །དམར་རྩི་དང་། དཀར་རྩི་དག་མཆུ་ལ་བརྐུས ་ནས་གཙུག་ལག་ཁང་དུ་འཇུག་པར་བྱེད་ན། བྱ་མཆུ་དམར་དག་ཏུ་སྐྱེ་བར་འགྱུར་རོ། །གོས་ཚོན་ཅན་བགོས་ཏེ་གཙུག་ལག་ཁང་དུ་འགྲོ་བར་བྱེད་ན་བྱ་ཁ་དོག་སེར་པོ་དག་ཏུ་སྐྱེ་བར་འགྱུར ་རོ|་|ཁྱོ་ཤུག་གཙུག་ལག་ཁང་དུ་གནས་ནས་ཉལ་པོ་བྱས་ན་བྱ་མགོ་སྔོན་དག་ཏུ་སྐྱེ་བར་འགྱུར་རོ། །དེ་བཞིན་གཤེགས་པའི་མཆོད་རྟེན་ལ་བརྫིས་ན་རྔ་མོའི་ལུས་བྱེད་པར་འགྱུར་རོ། ། ་ལྷམ་བགོས་ཏེ་དེ་བཞིན་གཤེགས་པའི་དྲི་གཙང་ཁང་དུ་འགྲོ་བར་བྱེད་ན། སྦལ་བར་སྐྱེ་བར་འགྱུར་རོ། །ཆོས་ཉན་པའི་ཚེ་ཀླག་ཅོར་ཟེར་ན་ནི་བྱ་ལྕེ་བརྒྱ་པ་དག་ཏུ་སྐྱེ་བར་འགྱུར་རོ། །དགེ ་སློང་མ་གཙང་མ་སུན་པར་བྱེད་ན། ཤི་འཕོས་ནས་སེམས་ཅན་དམྱལ་བའི་གནས་ལྕགས་ཀྱི་བྲག་ཕུག་ཏུ་ལྟུང་ཞིང་རལ་གྲིའི་འཁོར་ལོ་བརྒྱ་སྟོང་དུ་མ་གཅིག་ཏུ་བབས་ནས་ལུས ་གཅོད་པར་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་འདི་སྐད་གསུངས་པ་ལྟ་ན་དགེ་འདུན་གྱི ་རྫས་ཡོངས་སུ་སྤྱོད་པ་གང་ལགས་པ་དེ་དག་ལ་ཡང་དག་པར་ཤིན་ཏུ་ལྕི་བ་ཞིག་ལགས་པར་གྱུར་ན། སྦྱིན་བདག་བཞི་པོ་ཇི་ལྟར་གཙུག་ལག་ཁང་དུ་མཆི་ཞིང ་བཀུར་སྟི་དང་|་ཕྱག་འཚལ་བར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གཙུག་ལག་ཁང་དུ་འགྲོ་བ་ལ་སེམས་རྣམ་པ་གཉིས་ཡོད་དེ། དགེ་བའི ་སེམས་དང་། མི་དགེ་བའི་སེམས་གང་ཡིན་པའོ། །དགེ་བའི་སེམས་ཞེས་བྱ་བ་ནི་ཇི་ལྟ་བུ་ཞེ་ན། གང་གིས་གཙུག་ལག་ཁང་དུ་ཕྱིན་ནས། དེ་བཞིན་གཤེགས་པ་མཐོང་ན་ཕྱག ་བྱེད་པ་དང་། དགེ་འདུན་མཐོང་ན་གུས་པར་བཀུར་སྟི་བྱས་ནས། མདོ་སྡེའི་དོན་འདྲི་བར་བྱེད་པ་དང་། སྡོམ་པ་ཡང་དག་པར་བླངས་ནས་ཉེས་པ་འཆགས་པར་བྱེད་པ་དང་། ནོར ་རྫས་དག་ཡོངས་སུ་བཏང་ནས་དཀོན་མཆོག་གསུམ་གྱི་ཞལ་ཏ་བྱེད་པ་དང་། ལུས་དང་། སྲོག་ལ་འཕངས་པ་མེད་པར་ཆོས་ཆེན་པོ་ཡོངས་སུ་སྲུང་ཞིང་ཡང་དག་པར་འཛིན་པར་བྱེད་པའི ་གང་ཟག་དེ་ལྟ་བུ་དག་ནི་གོམ་པ་གཅིག་འདོར་བར་བྱེད་ན་ཡང་། ལྷའི་གཞལ་མེད་ཁང་དྲུང་དུ་འོང་ཞིང་། མ་འོངས་པ་ན་ཁྱིམ་བདག་ཤུག་དེ་ཀ་བཞིན་དུ་རྣམ་པར་སྨིན་པའི་འབྲས་བུ ་མྱོང་བར་འགྱུར་བ་གང་ཡིན་པ་དེ་ནི། སྐྱེས་བུ་མཆོག་ཏུ་དགེ་བ་ཞེས་བྱའོ། །མི་དགེ་བའི་སེམས་དང་ལྡན་པ་ཇི་ལྟ་བུ་ཞེ་ན། སེམས་ཅན་གང་ལ་ལ་ཞིག་གཙུག་ལག་ཁང་དུ་འཇུག ་པའི་ཚེ། དགེ་འདུན་ལ་སློང་མོ་དང་། གཡར་པོ་དང་། སྔ་སྐྱིན་འབའ་ཞིག་བྱ་བར་སེམས་པ་དང་། དགེ་འདུན་གྱི་སྐྱོན་ཚོལ་ཞིང་རྩེ་གཅིག་ཏུ་རྣམ་པར་བཤིག་པ་འབའ་ཞིག་ཏུ་འདོད་པ ་དང་|་དགེ་སློང་གི་དགེ་འདུན་གྱི་ཟས་ཟོས་ནའང་སེམས་ལ་གནོད་པ་ཅི་ཡང་མེད་ཅིང་། ཁུར་བ་དང་། ཤིང་ཏོག་དང་། ལྡམ་ལྡུམ་དག་ཁྱེར་ནས། རང་གི་ཁྱིམ་དུ་འགྲོ་བར་བྱེད་པའི ་གང་ཟག་དེ་ལྟ་བུ་དག་ཤི་འཕོས་མ་ཐག་ཏུ་ལྕགས་ཀྱི་ཐུ་ལུམ་ཟ་བའི་སེམས་ཅན་དམྱལ་བར་ལྟུང་ཞིང་། ཟངས་ཀྱི་ནང་དུ་བཙོ་བ་དང་། སྤར་བའི་མེས་བསྲེགས་པ་དང་། རལ་གྲི་ལྟ་བུའི ་རི་ལོ་མ་ཅན་གྱི་ལྗོན་ཤིང་ལ་འཛེག་པ་ལ་སོགས་པའི་སྡུག་བསྔལ་གང་ཡང་མི་མྱོང་བ་མེད་པར་འགྱུར་ཏེ། འདི་ནི་སྐྱེས་བུ་མཆོག་མི་དགེ་བ་ཞེས་བྱའོ། །བཅོམ་ལྡན་འདས་ཀྱིས་བཀའ་སྩལ ་པ|་ཀུན་དགའ་བོ། འདི་ནི་ངས་མ་འོངས་པའི་དུས་ཀྱི་སློབ་མ་རྣམས་ལ་རྗེས་སུ་བསྟན་པ་ཡིན་གྱི། བག་ཡོད་པར་བསྒྲིམས་ཏེ། དཀོན་མཆོག་གསུམ་པོ་དག་ལ་ཉེས་པ་མི་བྱེད་པ ་པ་དང་། ནུར་བའི་སེམས་སྐྱེ་བ་མེད་པར་དེ་བཞིན་གཤེགས་པའི་བཀའ་སྩལ་པ་བཞིན་བྱེད་ན། དེ་བཞིན་གཤེགས་པ་བྱམས་པ་འཇིག་རྟེན་དུ་བྱུང་བའི་ཚེ། ཡོངས་སུ་མྱ་ངན་ལས ་འདའ་བར་འགྱུར་བ་ཐེ་ཚོམ་མེད་དོ། །བཅོམ་ལྡན་འདས་ཀྱིས་བཀའ་སྩལ་པ། ཚེ་འདི་ལ་གཞན་གྱི་ལུས་ལས་གོས་བཤུས་ཏེ་འཕྲོག་པར་བྱེད་ན། ཤི་འཕོས་ནས་གྲང་བའི་སེམས ་ཅན་དམྱལ་བར་ལྟུང་བ་དང་། གཞན་ཡང་། དར་གྱི་སྲིན་བུར་སྐྱེས་ནས་འཚེད་པར་འགྱུར་རོ། །ཚེ་འདི་ལ་སྐུ་གཟུགས་དང་། མདོ་སྡེའི་སྤྱན་སྔར་མར་མེ་སྦར་བ་ལ ་མངོན་པར་མི་དགའ་ན། ཤི་འཕོས་ནས་རི་འཁོར་ཡུག་གི་བར་ན་སེམས་ཅན་དམྱལ་བའི་གནས་མུག་ནག་ཡོད་པ་དག་ཏུ་ལྟུང་བར་འགྱུར་རོ། །ཚེ་འདི་ལ་སེམས་ཅན་གྱི་སྲོག་བཅད ་པས་དམྱལ་ཞིང་གཏུབ་པར་བྱེད་ན། ཤི་འཕོས་ནས་སེམས་ཅན་དམྱལ་བ་མཚོན་ལྟར་རབ་ཏུ་རྣོ་བའི་རི་ལ། རལ་གྲི་ལོ་མ་ཅན་གྱི་ལྗོན་ཤིང་འཛེགས་པ་དག་ཏུ་ལྟུང་བར་འགྱུར་རོ།། ་ཚེ་འདི་ལ་ཁ་ཅིག་སྡིག་གཏོང་ཞིང་རྔོན་པ་བྱེད་པར་མངོན་པར་དགའ་བ་དེ་དག་ནི། ཤི་འཕོས་ནས་སོག་ལེས་འདྲལ་བའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་མང་དུ་འདོད ་པས་ལོག་པར་གཡེམ་པ་གང་ཡིན་པ་དེ་ནི། ཤི་འཕོས་ནས་ཟངས་ཀྱི་ཀ་བ་རབ་ཏུ་འབར་བ་ལ་འཇུ་བ་དང་། ལྕགས་ཀྱི་ཁྲི་རབ་ཏུ་ཚ་བ་ལ་ཉལ་བའི་སེམས་ཅན་དམྱལ་བར་ལྟུང ་བར་འགྱུར་རོ། །ཚེ་འདི་ལ་ཆུང་མ་མང་པོ་འཆང་བ་གང་ཡིན་པ་དེ་ནི། ལྕགས་ཀྱི་རང་ཐག་ཏུ་འཐག་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་ཁྱིམ་ཐབ་མང་པོ་བདོག ་པ་གང་ཡིན་པ་དེ་ནི། ཤི་འཕོས་ནས་སྦྲུལ་གདུག་པ་དང་ལྡན་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་སྒོ་ང་བསྲེགས་པ་གང་ཡིན་པ་དེ་ནི། ཤི་འཕོས་ནས་མེ་མ ་མུར་རབ་ཏུ་ཚ་བ་དང་ལྡན་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་ཕག་དང་། བྱ་རྣམས་བཤུ་ཞིང་འཐོག་པ་གང་ཡིན་པ་དེ་ནི། ཤི་འཕོས་ནས་ཟངས་དག་ཏུ་འཚེད ་པའི་སེམས་ཅན་དམྱལ་བ་དག་ཏུ་ལྟུང་བར་འགྱུར་རོ། །ཚེ་འདི་ལ་ཕག་དང་། ཁྱིའི་རླིག་པ་འབྱིན་པ་གང་ཡིན་པ་དེ་ནི། ཤི་འཕོས་ནས་རྡོ་ཟུར་དང་ལྡན་པའི་སེམས་ཅན་དམྱལ་བར་ལྟུང ་བར་འགྱུར་རོ། །ཚེ་འདི་ལ་ཆང་འཐུངས་ནས་མྱོས་པར་བྱས་པ་གང་ཡིན་པ་དེ་ནི། ཤི་འཕོས་ནས་ལྕགས་ཁུ་འཐུངས་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ ་སེམས་ཅན་གྱི་ལུས་ཀྱི་ཡན་ལག་བཅད་ཅིང་གཏུབས་པ་གང་ཡིན་པ་དེ་ནི། ཤི་འཕོས་ནས་ལྕགས་ཀྱི་འཁོར་ལོ་དང་ལྡན་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ ་དགེ་འདུན་གྱི་ཤིང་ཏོག་བརྐུས་པ་གང་ཡིན་པ་དེ་ནི། ཤི་འཕོས་ནས་ལྕགས་ཀྱི་ཐུ་ལུམ་ཟ་བའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་ཕག་གི་རྒྱུ་མ་དང་། ཤ་ཟོས་པ་གང ་ཡིན་པ་དེ་ནི། ཤི་འཕོས་ནས་ལྗན་ལྗིན་གྱིས་གང་བའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་ཉ་གསོན་པོར་ཟོས་པ་གང་ཡིན་པ་དེ་ནི། ཤི་འཕོས་ནས་མཚོན་ཆ་དང་། ་དབྱིག་པ་དང་། རལ་གྲི་སོ་ཅན་གྱི་ལྗོན་ཤིང་དང་ལྡན་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་མ་ཡར་མོར་གྱུར་ནས་ཆུང་མ་སྔན་མའི་བུ་དག་ལ་ནེར་པ་བྱས་པ ་གང་ཡིན་པ་དེ་ནི། ཤི་འཕོས་ནས་མེ་རབ་ཏུ་འབར་བའི་ཤིང་རྟ་དང་ལྡན་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་ཕྲ་མ་བྱས ་ནས་དཀྲུགས་མ་བྱས་པ་གང་ཡིན་པ་དེ་ནི། ཤི་འཕོས་ནས་ལྕགས་ཀྱི་ཐོང་གཤོལ་གྱིས་རྨོ་བའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་མི་སྙན་པས་གཞན་དག་ལ ་སྤྱོས་པ་གང་ཡིན་པ་དེ་ནི། ཤི་འཕོས་ནས་ལྕེ་རབ་ཏུ་འབྱིན་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་རྫུན་མང་དུ་སྨྲས་པ་གང་ཡིན་པ་དེ་ནི། ཤི་འཕོས་ནས་ལྕེ ་ལྕགས་ཀྱི་གཟེར་གྱིས་འདེབས་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་སྲོག་བཅད་ནས་ལོག་པའི་ལྷ་ལ་མཆོད་སྦྱིན་བྱས་པ་གང་ཡིན་པ་དེ་ནི། ཤི་འཕོས ་ནས་ལྕགས་ཀྱི་རྟུན་གྱིས་བརྡུངས་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་བོན་མོ་བྱས་ནས་འདྲེ་གདོན་གྱི་ཚིག་འདོན་ཅིང་གཞན་དག་བསླུས་ཏེ་ནོར་བླངས ་པ་གང་ཡིན་པ་དེ་ནི། ཤི་འཕོས་ནས་ཤའི་རི་ལྟ་བུའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་བོན་མོ་བྱས་ནས་མིག་བཙུམས་ཏེ། ས་ལ་ཉལ་ནས་གཞན་དག ་ལ་མཐོ་རིས་སུ་སྐྱེ་བར་འགྱུར་རོ་ཞེས་དྲང་པོ་མ་ཡིན་པའི་འདྲེ་གདོན་དག་གིས་ལེན་པ་གང་ཡིན་པ་དེ་ནི། ཤི་འཕོས་ནས་རྐེད་པ་གཏུབ་པའི་སེམས་ཅན་དམྱལ་བར་ལྟུང་བར ་འགྱུར་རོ། །ཚེ་འདི་ལ་བོན་མོ་བྱས་ནས་གཞན་དག་གི་སྲོག་བཅད། ལྷ་འདྲེ་དང་། ལམ་ལྔའི་སའི་བདག་པོ་དང་། སྲིན་མོ་ལ་སོགས་པ་ལ་མཆོད་པ་བྱེད་དུ་བཅུག་པ་གང་ཡིན་པ་འདི་ལྟ་བུ་ལ ་སོགས་པ་དེ་དག་ཐམས་ཅད་ནི་སྐྱེས་བུ་བླུན་པོ་རྣམས་འདྲིད་པ་ཡིན་པས། ཤི་འཕོས་ནས་སྟ་རེས་གཅོད་པའི་སེམས་ཅན་དམྱལ་བར་ལྟུང་བར་འགྱུར་རོ། །སེམས་ཅན་དམྱལ ་བའི་སྲུང་མ་རྣམས་ཀྱིས་ཡན་ལག་བཅད་ཅིང་གཏུབ་པ་དང་། བྱ་ལྕགས་ཀྱི་མཆུ་ཅན་གྱིས་མིག་གི་འབྲས་བུ་གཉིས་ལ་འཐོག་པར་འགྱུར་རོ། །ཚེ་འདི་ལ་བོན་མོ་བྱས་ནས་མི་ཤི་བའི ་རོ་རྣམས་སྦེད་པ་དང་། ཁང་ཁྱིམ་རྣམས་ཀྱི་བཟང་ངན་དང་། རིགས་ལྔ་པོ་རྣམས་ཀྱིས་ཁེ་འཐོབ་པ་དང་། མི་འཐོབ་པ་ལྟ་བ་དང་། ཀླུ་རྣམས་བདེ་བར་འགོད་པ་དང་། དར་གྱི་སྲིན ་བུ་དག་ལ་གཏང་རག་གཏོང་བ་དང་། སྲིན་མནན་ནས་སྐྱེས་བུ་བླུན་པོ་དག་བསླུས་ཏེ། ནོར་མང་པོ་བླངས་པ་དང་། རྫུན་ཚིག་གིས་བཟང་ངན་སྟོན་པ་གང་ཡིན་པ་དེ་དག་ནི་ཤི་འཕོས ་ནས|་ལྕགས་ཀྱི་དྲ་བ་ཅན་གྱི་སེམས་ཅན་དམྱལ་བར་ལྟུང་བར་འགྱུར་བས། བྱ་འདབ་ཆགས་མ་རུངས་པ་ཚད་མེད་པ་སྙེད་དེའི་ལུས་ལ་འདུ་སྟེ། ཤ་རྣམས་མ་ལུས་པར་ཟོས ་ནས་རུས་པ་དང་། རྒྱུས་པ་རྣམས་ཀྱང་འཐོག་པར་བྱེད་པས་སྡུག་བསྔལ་དཔག་ཏུ་མེད་པ་དག་མྱོང་བར་འགྱུར་རོ། །ཚེ་འདི་ལ་སྨན་པ་བྱས་ཏེ། ནད་གསོ་བར་མི་ནུས་བཞིན་དུ ་གཞན་དག་བསླུས་ཏེ་ནོར་བླངས་པ་གང་ཡིན་པ་དེ་ནི། ཤི་འཕོས་ནས་གཏར་བ་དང་། མེ་བཙས་བསྲེགས་པའི་སེམས་ཅན་དམྱལ་བར་ལྟུང་བར ་འགྱུར་བས་ལུས་ལ་ཀུན་ཏུ་མེ་རབ་ཏུ་འབར་བའི་སེམས་ཅན་དམྱལ་བ་ཆེན་པོར་ལྟུང་བར་འགྱུར་རོ། །ཚེ་འདི་ལ་མཆོད་རྟེན་དང་། གཙུག་ལག་ཁང་བཤིག་པ་དང་། མཁན ་པོ་དང་། སློབ་དཔོན་གྱི་བསྒོ་བ་མ་ཉན་པ་དང་། ཕ་མ་ལ་སྲིད་ཞུ་མེད་པ་གང་ཡིན་པ་དེ་དག་ནི། ཤི་འཕོས་ནས་མནར་མེད་པའི་སེམས་ཅན་དམྱལ་བ་ཆེན་པོ་དང་། སེམས ་ཅན་དམྱལ་བ་ཆེན་པོ་བརྒྱད་པོ་དག་ཏུ་སྡུག་བསྔལ་སྣ་ཚོགས་མྱོང་བ་དང་། གཞན་ཡང་། སེམས་ཅན་དམྱལ་བ་ཆུང་དུ་བརྒྱ་སུམ་ཅུ་རྩ་དྲུག་པོ་ཀུན་ཏུ་འཇུག་ཅིང་། བསྐལ་པ ་གཅིག་གམ། བསྐལ་པ་གཉིས་སམ། བསྐལ་པ་ལྔ་བརྒྱའི་བར་དུ་སྡུག་བསྔལ་མྱོང་ནས། དེའི་འོག་ཏུ་གདོད་ཐར་བར་འགྱུར་ཏེ། དགེ་བའི་བཤེས་གཉེན་དང་ཕྲད་ན ་ནི|་བྱང་ཆུབ་ཏུ་སེམས་བསྐྱེད་པར་འགྱུར་ལ། གལ་ཏེ་ཕྲད་པར་མི་གྱུར་ན་ནི། སླར་ཡང་སེམས་ཅན་དམྱལ་བར་ལྟུང་བར་འགྱུར་རོ། །བཅོམ་ལྡན་འདས་ཀྱིས་བཀའ ་སྩལ་པ། མིར་གྱུར་ཀྱང་ལུས་ཀྱི་བོང་ཆེ་ཞིང་ཤིན་ཏུ་མནམ་པ་དང་། ཁྲོ་སྐྱེན་ཞིང་དགྲོལ་དཀའ་བ་གང་ཡིན་པ་དེ་ནི། སྔོན་གྱི་རྔ་མོ་བྱས་པ་ལས་འོངས་པ་ཡིན་ནོ། །མིར ་གྱུར་ཀྱང་འགྲོ་བ་ལ་དགའ་ཞིང་། ཟན་ཟ་བ་འགྲུས་པ་དང་། ཉམ་ང་བ་དག་ལ་འབྱོལ་བ་མེད་པ་གང་ཡིན་པ་དེ་ནི། སྔོན་རྟ་བྱས་པ་ལ་འོས་པའི་ཡིན་ནོ། །མིར་གྱུར་ཀྱང་གྲང་བ ་དང་|་ཚ་བ་དག་བཟོད་ཅིང་སེམས་ལ་འཛིན་པ་མེད་པ་གང་ཡིན་པ་དེ་ནི། སྔོན་གླང་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་སྒྲ་སྐད་ཆེ་བ་དང་། ངོ་ཚ་མེད་ཅིང་ཁྲེལ་མེད་པ ་དང་|་སྲེད་པ་དང་། གྲང་བ་མང་ཞིང་ལེགས་ཉེས་ཀྱི་བྱེ་བྲག་མི་ཕྱེད་པ་གང་ཡིན་པ་དེ་ནི། སྔོན་གྱི་བོང་བུ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་རྟག་པར་ཤ་ལ་བརྐམ ་ཞིང་|་བྱ་བ་དག་ལ་འཇིགས་པ་མེད་པ་གང་ཡིན་པ་དེ་ནི། སྔོན་སེང་གེ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་ལུས་རིང་ཞིང་མིག་ཟླུམ་པ་དང་། འབྲོག་དགོན་པ་ན་མང་དུ ་རྒྱུ་བ་དང་། བུ་དང་། ཆུང་མ་ལ་སྡང་བ་གང་ཡིན་པ་དེ་ནི། སྔོན་སྟག་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་སྲན་ཞིང་མིག་ཆུང་བ་དང་། གནས་གཅིག་ཏུ་གནས་པར་མོས ་པ་མེད་པ་གང་ཡིན་པ་དེ་ནི། སྔོན་བྱ་འདབ་ཆགས་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་རང་བཞིན་མི་བརྟན་ཞིང་སྲོག་ཆགས་ཕྲ་མོ་གསོད་པ་ལ་དགའ་བ་གང་ཡིན་པ ་དེ་ནི། སྔོན་གྱི་ཝ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་དཔའ་ཞིང་བཤོར་བ་དང་། འདོད་ཆགས་ཆུང་ཞིང་ཆུང་མ་ལ་སྲེད་པ་མེད་པ་གང་ཡིན་པ་དེ་ནི། སྔོན་སྤྱང་གི་བྱས ་པ་ལས་འོངས་པ་ཡིན་ནོ། །མིར་གྱུར་ཀྱང་གོས་བཟང་པོ་ལ་མི་དགའ་བ་དང་། མ་ཡིན་པ་བྱས་པ་དག་ལ་རྟོག་པ་དང་། གཉིད་ཆུང་ཞིང་ཞེ་སྡང་མང་བ་གང ་ཡིན་པ་དེ་ནི། སྔོན་གྱི་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་གཡེམ་པ་ལ་དགའ་ཞིང་སྐྱེ་བོ་མང་པོའི་ཡིད་དུ་འོང་བའི་གཏམ་བརྗོད་པ་ལ་མངོན་པར་དགའ་བ་གང་ཡིན ་པ་དེ་ནི། སྔོན་ནེ་ཙོ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་ལུས་ཀྱི་བོང་ཆུང་ཞིང་གཡེམ་པ་ལ་དགའ་བ་དང་། སེམས་རྩེ་གཅིག་ཏུ་མི་གནས་པ་དང་། གཟུགས་མཐོང ་མ་ཐག་ཏུ་མངོན་པར་ཞེན་པའི་སེམས་འབྱུང་བ་གང་ཡིན་པ་དེ་ནི། སྔོན་བྱེའུ་མཆིལ་པ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་མིག་དམར་ཞིང་སོ་ཐུང་བ་དང་། སྨྲ་བའི ་ཚེ་ལྦུ་བ་འབྱུང་ཞིང་། ཉལ་ནན་གོས་ཀྱིས་ལུས་དཀྲི་བར་བྱེད་པ་གང་ཡིན་པ་དེ་ནི། སྔོན་སྤྲུལ་དང་། རྩངས་པར་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་སྨྲས་མི་ཐག་ཏུ་ཁོང་ཁྲོ ་ཞིང་ཕ་རོལ་གྱི་དོན་ལ་སོ་སོར་མི་རྟོག་པ་དག་གི་གདུག་པ་འབྱིན་པ་གང་ཡིན་པ་དེ་ནི། སྔོན་སྡིག་པ་བྱས་པ་ལས་འོངས་པ་ཡིན་ནོ། །མིར་གྱུར་ཀྱང་གཅིག་པུ་དབེན་པར་གནས ་ཤིང་ཟས་ལ་བརྐམ་པ་དང་། མཚན་མོ་གཉིད་ཆུང་བ་གང་ཡིན་པ་དེ་ནི། སྔོན་བྱི་ལ་བྱས་པ་ལས་འོངས་བ་ཡིན་ནོ། །མིར་གྱུར་ཀྱང་རྩིག་པ་ཕུག་ནས་རྐུན་པོ་བྱེད་པ་དང་། ནོར་ལ ་བརྐམ་ཞིང་འཁོན་འབྱུང་སླ་བ་དང་། ཉེ་རིང་གི་མཚན་མ་མེད་པ་གང་ཡིན་པ་དེ་ནི། སྔོན་བྱི་བ་བྱས་པ་ལས་འོངས་པ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། མིར་གྱུར་ཀྱང ་མཆོད་རྟེན་དང་། གཙུག་ལག་ཁང་བཤིག་པ་དང་། དཀོན་མཆོག་གསུམ་གྱི་དཀོར་སྦས་ནས། བདག་ཉིད་ཀྱིས་ཡོངས་སུ་སྤྱོད་པ་གང་ཡིན་པ་དེ་ནི། ཤི་འཕོས་ནས་སེམས་ཅན ་དམྱལ་བ་ཆེན་པོར་མནར་མེད་པར་ལྟུང་བར་འགྱུར་རོ། །སེམས་ཅན་དམྱལ་བ་ལས་ཐར་བར་གྱུར་ནའང་། དུད་འགྲོའི་སྐྱེ་གནས་ཀྱི་ལུས། འདི་ལྟ་སྟེ། ཕུག་རོན་དང་། མཆིལ་པ ་དང་|་དུར་པ་དང་། ནེ་ཙོ་དང་། བྱེའུ་སྔོན་པོ་དང་། ཉ་དང་། རུས་སྤལ་དང་། སྤྲེའུ་དང་། རི་དྭགས་ཀྱི་ལུས་ལེན་པར་འགྱུར་རོ། །བརྒྱ་ལམ་ན་མིའི་ལུས་ཐོབ་པར་གྱུར་ནའང་མ་ནིང ་དང་|་བུད་མེད་དང་། མཚན་གཉིས་པ་དང་། དབང་པོ་མེད་པ་དང་། སྨད་འཚོང་མ་དག་ཏུ་འགྱུར་རོ། །མིར་གྱུར་ཀྱང་ཁོང་ཁྲོ་བ་དག་ལ་མངོན་པར་དགའ་བ་དེ་ནི། ཤི་འཕོས་ནས ་སྤྲུལ་གདུག་པ་དང་། སྟག་དང་། སེང་གེ་དང་། སྤྱང་ཀི་དང་། དོམ་དང་། དྲེད་དང་། བྱི་ལ་དང་། བྱ་ཁྲའི་རྣམ་པ་དག་ཏུ་ལྟུང་བར་འགྱུར་རོ། །བརྒྱ་ལ་བརྒྱ་ལམ་ནི་མིའི་ལུས་ཐོབ ་པར་གྱུར་ནའང་ཁྱིམ་བྱ་དང་། ཕག་གསོད་པ་དང་། བཤན་པ་དང་། རྔོན་པ་བྱེད་པ་དང་། བྱ་ཤོར་བ་དང་། བརྩོན་སྲུང་བྱེད་པ་ལ་མངོན་པར་དགའ་བར་འགྱུར་རོ། །མིར་གྱུར་ཀྱང ་གླེན་ཞིང་གཏི་མུག་པ་དང་། རིགས་པའི་ཚུལ་གང་ཡིན་པ་མི་ཤེས་པ་དེ་ནི། ཤི་འཕོས་ནས་གླང་པོ་ཆེ་དང་། ཕག་དང་། བ་ལང་དང་། ཆུ་གླང་དང་། སྲོ ་ཤིག་དང་། སྦྲང་མ་དང་། སྦྲང་བུ་མཆུ་རིང་དང་། གྲོག་མ་ལ་སོགས་པའི་ལུས་ལེན་པར་འགྱུར་ཏེ། གལ་ཏེ་མིའི་ལུས་ཐོབ་པར་གྱུར་ནའང་འོན་པ་དང་། ལོང་བ་དང་། ཀླུགས ་པ་དང་། ལུས་ཀྱི་ཡན་ལག་མ་ཚང་བ་དང་། རྒྱབ་སྒུར་བ་དང་། དབང་པོ་མ་ཚང་བ་དག་ཏུ་འགྱུར་རོ། །མིར་གྱུར་ཀྱང་ཁེངས་ཤིང་ང་རྒྱལ་ཆེ་བ་གང་ཡིན་པ་དེ་ནི། ཤི་འཕོས་ནས ་མི་གཙང་བའི་གནས་ཀྱི་སྲིན་བུ་དང་། རྔ་མོ་དང་། བོང་བུ་དང་། རྟ་དང་། ཁྱི་དག་ཏུ་ལྟུང་བར་འགྱུར་ཏེ། གལ་ཏེ་མིར་སྐྱེས་ནའང་བྲན་མོའི་ལུས་ལེན་ཅིང་དབུལ་ཕོངས་པས་སློང ་མོ་བྱེད་པ་དང་། མང་པོ་ཀུན་གྱིས་བརྙས་ཤིང་སྨད་པ་དག་ཏུ་ལྟུང་བར་འགྱུར་རོ། །མིར་གྱུར་ཀྱང་བླ་མའི་མཐུ་བསྙེམས་པའི་རྒྱུས་གཞན་གྱི་ནོར་ལེན་པ་གང་ཡིན་པ་དེ་ནི། ཤི ་འཕོས་ནས་ཤའི་རི་ལྟ་བུའི་སེམས་ཅན་དམྱལ་བར་ལྟུང་བར་འགྱུར་ཞིང་། སྐྱེ་བོ་བརྒྱ་སྟོང་མང་པོས་ལུས་ཀྱི་ཤ་བཅད་ནས་ཟ་བར་འགྱུར་རོ། །ཚེ་འདི་ལ་གཞན་དག་བགྲང་དུ ་བཞུགས་པ་ལ་མངོན་པར་དགའ་བ་གང་ཡིན་པ་དེ་ནི། ཚེ་འཕོས་ནས་གླང་པོ་ཆེ་དག་ཏུ་སྐྱེ་ཞིང་རྐང་ལག་དྲང་བས་ཉལ་དུ་མེད་པ་དག་ཏུ་ལྟུང་བར་འགྱུར་རོ། །ཚེ་འདི་ལ་མཆོད་རྟེན ་དྲལ་ནས་ནུབ་མོ་ཟན་ཟོས་པ་གང་ཡིན་པ་དེ་ནི། ཚེ་འཕོས་ནས་ཡི་དྭགས་འདྲེ་བཀྲེན་དག་ཏུ་ལྟུང་བས། ལོ་བརྒྱ་ཕྲག་མང་པོར་བཟའ་བ་དང་། བཏུང་བ་ཐོབ་པར་མི་འགྱུར་རོ། །འགྲོ་བའི ་ཚེ་ལྷུ་ཚིགས་ཀུན་ཏུ་མེ་རབ་ཏུ་འབར་བར་འགྱུར་རོ། །ཚེ་འདི་ལ་སྒྲོན་མོར་འདུག་པ་ལ་མངོན་པར་དགའ་བ་གང་ཡིན་པ་དེ་ནི། ཚེ་འཕོས་ནས་གྲང་བས་སྦྲེབས་པའི་སྲིན་བུ་དག་ཏུ ་སྐྱེ་བར་འགྱུར་རོ། །ཚེ་འདི་ལ་མཆོད་རྟེན་གྱི་ཟས་ལྷག་མ་ཁྱེར་བ་གང་ཡིན་པ་དེ་ནི། ཤི་འཕོས་ནས་ལྕགས་ཀྱི་ས་གཞི་རབ་ཏུ་ཚེ་བའི་སེམས་ཅན་དམྱལ་བར་ལྟུང་བར་འགྱུར ་རོ|་|བརྒྱ་ལ་མིར་སྐྱེས་པར་གྱུར་ནའང་ལྐོག་མ་ནད་ཀྱིས་བཏབ་པ་དང་། ཚེ་ཐུང་བར་འགྱུར་རོ། །ཚེ་འདི་ལ་དེ་བཞིན་གཤེགས་པའི་སྐུ་གཟུགས་ལ་ཕྱག་བྱེད་ནའང་མགོ་བོ་ས ་ལ་མི་གཏུག་པ་གང་ཡིན་པ་དེ་ནི། ཤི་འཕོས་ནས་མགོ་ཐུར་དུ་དབྱངས་པའི་སེམས་ཅན་དམྱལ་བར་ལྟུང་བར་འགྱུར་ཏེ། བརྒྱ་ལམ་ན་མིའི་ནང་དུ་སྐྱེས་ནའང་། གཞན་དག་གིས ་མང་དུ་སླུ་བར་འགྱུར་རོ། །ཚེ་འདི་ལ་དེ་བཞིན་གཤེགས་པའི་སྐུ་གཟུགས་ལ་ཕྱག་བྱས་པ་ན། ཐལ་མོ་མི་སྦྱོར་བར་བྱེད་པ་གང་ཡིན་པ་དེ་ནི། ཤི་འཕོས་ནས་ཡུལ་མཐའ ་འཁོབ་དག་ཏུ་སྐྱེ་བར་འགྱུར་ཞིང་། འབད་པ་མང་པོ་བཙལ་ཡང་ཅི་ཡང་འཐོབ་པར་མི་འགྱུར་རོ། །ཚེ་འདི་ལ་དྲིལ་ཅན་གྱི་སྒྲ་ཐོས་ཀྱང་མི་ལྡང་བ་གང་ཡིན་པ་དེ་ནི། ཤི་འཕོས་ནས ་སྤྲུལ་ལུས་ཆེན་པོ་དག་ཏུ་ལྟུང་བར་འགྱུར་ཞིང་། ལུས་རིང་ལ་ཆེ་བས་སྲོག་ཆགས་ཕྲ་མོ་མང་པོ་རྣམས་ཀྱིས་བཟའ་བར་འགྱུར་རོ། །ཚེ་འདི་ལ་ལག་པ ་རྒྱབ་ཏུ་བསྟན་ཏེ། དེ་བཞིན་གཤེགས་པ་ལ་ཕྱག་བྱས་པ་གང་ཡིན་པ་དེ་ནི། ཤི་འཕོས་ནས་ཕྱིན་ཀ་ལོག་ཏུ་བཅིངས་པའི་སེམས་ཅན་དམྱལ་བར་ལྟུང་བར་འགྱུར་ཏེ། གལ་ཏེ ་མིར་སྐྱེས་པར་གྱུར་ན། ཉེས་པ་མེད་པར་གྱོད་འབྱུང་བར་འགྱུར་རོ། །ཚེ་འདི་ལ་ཐལ་མོ་སྦྱར་ནས་ཡན་ལག་ལྔ་ས་ལ་གཏུགས་ཏེ། ཕྱག་བྱས་པ་གང་ཡིན་པ་དེ་ནི། རྟག་པར་ཆོ ་རིགས་བཙུན་པར་འགྱུར་ཞིང་། རྒྱུན་དུ་བདེ་བ་མྱོང་བར་འགྱུར་རོ། །ཚེ་འདི་ལ་ཁྲོ་སྐྱོན་ཞིང་ལྟོ་ལ་འཁོད་པ་གང་ཡིན་པ་དེ་ནི། སྔོན་སྨྱོན་པ་བྱས་པ་ལས་འོངས་པ་ཡིན་ནོ། །ཚེ ་འདི་ལ་མིག་ཡ་ཡོར་གྱུར་པ་གང་ཡིན་པ་དེ་ནི། སྔོན་ལོག་པའི་སེམས་ཀྱིས་གཞན་གྱི་ཆུང་མ་ལ་བལྟས་པ་ལས་གྱུར་པ་ཡིན་ནོ། །ཚེ་འདི་ལ་ཆུང་མའི་ནོན་བྱས་ནས་ཕ་མ་ལ ་སྤྱོས་པ་གང་ཡིན་པ་དེ་ནི། ཤི་འཕོས་ནས་ལྕེ་ཐོང་གཤོལ་གྱིས་རྨོད་པའི་སེམས་ཅན་དམྱལ་བར་ལྟུང་བར་འགྱུར་རོ། །ཚེ་འདི་ལ་ཆང་གི་ནང་དུ་བསྣན་ཏེ། གཞན་དག་ལ ་བྱིན་པ་གང་ཡིན་པ་དེ་ནི། ཤི་འཕོས་ནས་ཆུའི་ནང་དུ་སྲིན་བུ་དག་ཏུ་སྐྱེ་བར་འགྱུར་རོ། །བརྒྱ་ལ་མིའི་ནང་དུ་སྐྱེས་བར་གྱུར་ནའང་ལུས་སྐྲད་ཞིང་དབུགས་ཐུང་བས་འཆི་བའི ་དུས་བྱེད་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། ཇི་སྐད་དུ་བསྟན་པའི་སྡུག་བསྔལ་སྣ་ཚོགས་མང་པོ་དེ་དག་ཐམས་ཅད་ནི། སྡིག་པ་མི་དགེ་བའི་ལས་རྣམས་པ་བཅུའི ་དབང་ལས་གྱུར་པ་ཡིན་པས། རབ་གང་ཡིན་པ་དེ་ནི་སེམས་ཅན་དམྱལ་བའི་རྒྱུ་དང་། རྐྱེན་བྱེད་པར་འགྱུར་རོ། །འབྲིང་གང་ཡིན་པ་དེ་ནི་དུད་འགྲོའི་སྐྱེ་གནས་ཀྱི་རྒྱུ་དང་། རྐྱེན་བྱེད་པར་འགྱུར ་རོ|་ཐ་མ་གང་ཡིན་པ་དེ་ནི་ཡི་དྭགས་ཀྱི་རྒྱུ་དང་། རྐྱེན་བྱེད་པར་འགྱུར་རོ། །སྲོག་གཅོད་པའི་ཁ་ན་མཐོ་བ་དེས་ནི། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི ་འཇིག་རྟེན་དག་ཏུ་ལྟུང་བར་འགྱུར་རོ། །གལ་ཏེ་མིར་སྐྱེས་པར་གྱུར་ནའང་རྣམ་པར་སྨིན་པའི་འབྲས་བུ་རྣམ་པར་གཉིས་འཐོབ་པར་འགྱུར་ཏེ། ཚེ་ཐུང་བ་དང་། ནད་མང་བ་གང་ཡིན ་པའོ|་|མ་བྱིན་པར་ལེན་པའི་ཁ་ན་མ་ཐོབ་པ་གང་ཡིན་པ་དེ་ནི། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང་བར་བྱེད་དོ། །གལ་ཏེ ་མིར་སྐྱེས་པར་གྱུར་ན་ཡང་རྣམ་པར་སྨིན་པའི་འབྲས་བུ་རྣམ་པ་གཉིས་འཐོབ་པར་འགྱུར་ཏེ། དབུལ་ཞིང་ཕོངས་པ་དང་། ནོར་ཐུན་མོང་དུ་འགྱུར་ཞིང་རང་དབང་མེད་པ་གང་ཡིན་པའོ།། ་འདོད་པས་ལོག་པར་གཡེམ་པའི་ཁ་ན་མ་ཐོ་བ་གང་ཡིན་པ་དེ་ནི། སེམས་ཅན་རྣམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང ་བར་བྱེད་དོ། །གལ་ཏེ་མིར་སྐྱེས་པར་གྱུར་ནའང་རྣམ་པར་སྨིན་པའི་འབྲས་བུ་རྣམ་པ་གཉིས་འཐོབ་པར་གྱུར་ཏེ། ཆུང་མ་གཞན་གྱིས་བྱི་བ་བྱེད་པ་དང་། ་ཆུང་མ་དང་། ཕན་ཚུན་རྩོད་ཅིང་བདག་གི་སེམས་ཀྱིས་བསམས་པ་བཞིན་དུ་མི་འགྱུར་བ་གང་ཡིན་པའོ། །བརྫུན་དུ་སྨྲ་བའི་ཁ་ན་མ་ཐོ་བ་གང་ཡིན་པ་དེ་ནི། སེམས་ཅན་རྣམས ་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང་བར་བྱེད་དོ། །གལ་ཏེ་མིར་སྐྱེས་པར་གྱུར་ནའང་རྣམ་པར་སྨིན་པའི་འབྲས་བུ ་རྣམ་པ་གཉིས་འཐོབ་པར་འགྱུར་ཏེ། སྐུར་པ་མང་བ་དང་། རྟག་པར་གཞན་གྱི་མང་དུ་བསླུས་པར་འགྱུར་བ་གང་ཡིན་པའོ། །ཕྲ་མ་བྱས་པའི་ཁ་ན་མ་ཐོ་བ་གང་ཡིན་པ ་དེས་ནི། སེམས་ཅན་རྣམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང་བར་བྱེད་དོ། །གལ་ཏེ་མིར་སྐྱེས་པར་གྱུར་ནའང ་རྣམ་པར་སྨིན་པའི་འབྲས་བུ་རྣམ་པ་གཉིས་འཐོབ་པར་འགྱུར་ཏེ། རྟག་པར་སྒྲ་མི་སྙན་པ་ཐོས་པར་འགྱུར་བ་དང་། གང་ཅི་སྨྲས་ཀྱང་རུང་བ་སྟེ། རྒྱུན་དུ་རྩོད་པ་ཅན་འགྱུར་བ་གང ་ཡིན་པའོ། །ཚིག་ཀྱལ་བ་སྨྲས་པའི་ཁ་ན་མ་ཐོ་བ་གང་ཡིན་པ་དེས་ནི། སེམས་ཅན་རྣམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན ་དག་ཏུ་ལྟུང་བར་བྱེད་དོ། །གལ་ཏེ་མིར་སྐྱེས་པར་གྱུར་ནའང་རྣམ་པར་སྨིན་པའི་འབྲས་བུ་རྣམ་པ་གཉིས་འཐོབ་པར་འགྱུར་ཏེ། བདེན་པ་ཞིག་སྨྲས་ནའང་གཞན་དག་ཡིད་ཆེས་བར ་མི་འགྱུར་བ་དང་། ཚིག་སྨྲས་པ་རྣམས་གཞན་གྱིས་གོ་བར་མི་འགྱུར་བ་གང་ཡིན་པའོ། །བརྣབ་སེམས་བསྐྱེད་པའི་ཁ་ན་མ་ཐོ་བ་གང་ཡིན་པ་དེས་ནི། སེམས་ཅན་རྣམས་སེམས་ཅན ་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང་བར་བྱེད་དོ། །གལ་ཏེ་མིར་སྐྱེས་ནའང་རྣམ་པར་སྨིན་པའི་འབྲས་བུ་རྣམ་པ་གཉིས་འཐོབ་པར་འགྱུར ་ཏེ|་ནོར་ལ་བརྐམ་ཞིང་ཆོག་ཤེས་པ་མེད་པ་དང་། མང་དུ་ཚོལ་ཞིང་རྟག་པར་ཡིད་བཞིན་དུ་མངོན་པར་གྲུབ་པར་མི་འགྱུར་བ་གང་ཡིན་པའོ། །གནོད་སེམས་ཀྱི་ཁ་ན་མ་ཐོ་བ་གང ་ཡིན་པ་དེ་ནི། སེམས་ཅན་རྣམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང་བར་བྱེད་དོ། །གལ་ཏེ་མིར་སྐྱེས་པར་གྱུར ་ནའང་རྣམ་པར་སྨིན་པའི་འབྲས་བུ་རྣམ་པ་གཉིས་མྱོང་བར་འགྱུར་ཏེ། རྟག་པར་གཞན་གྱིས་གླགས་ཚོལ་བར་འགྱུར་བ་དང་། རྟག་པར་གཞན་གྱིས་གནོད་པ་བྱེད་པར་འགྱུར་བ་གང ་ཡིན་པའོ། །ལོག་པར་ལྟ་བའི་ཁ་ན་མ་ཐོ་བ་གང་ཡིན་པ་དེས་ནི། སེམས་ཅན་རྣམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དག་ཏུ་ལྟུང་བར ་བྱེད་དོ། །གལ་ཏེ་མིར་སྐྱེས་པར་གྱུར་ནའང་རྣམ་པར་སྨིན་པའི་འབྲས་བུ་རྣམ་པ་གཉིས་འཐོབ་པར་འགྱུར་ཏེ། རྟག་པར་ལོག་པར་ལྟ་བའི་ཁྱིམ་དག་ཏུ ་སྐྱེ་བར་འགྱུར་བ་དང་། སེམས་གཡོ་སྒྱུ་དང་བཅས་པར་འགྱུར་བ་གང་ཡིན་པའོ། །ཀྱེ་སངས་རྒྱས་ཀྱི་སྲས་རྣམས། དེ་ལྟར་ན་སྡིག་པ་མི་དགེ་བའི་ལས་ཀྱི་ལམ་བཅུ་པོ་རྣམས་ནི ་སྡུག་བསྔལ་མང་པོ་སྣ་ཚོགས་ཀྱིས་ཕུང་པོ་ཆེན་པོའི་རྒྱུ་དང་། རྐྱེན་དུ་གྱུར་པ་ཡིན་ནོ། །དེ་ནས་དེའི་ཚེ་འཁོར་འདུས་པ་ཆེན་པོ་དེ་ཉིད་དུ་སྡིག་པ་མི་དགེ་བའི་ལས་བཅུ་པོ་དག་བྱས་པ ་གང་ཡིན་པ་དེ་དག་བཅོམ་ལྡན་འདས་ཀྱིས་སེམས་ཅན་དམྱལ་བའི་སྡུག་བསྔལ་གྱི་རྣམ་པར་སྨིན་པ་བཀས་བཤད་པ་ཐོས་པ་དང་། དེ་དག་ཐམས་ཅད་སྐད་ཆེར་ཕྱུང་སྟེ་དུས ་ནས|་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་དགེ་བ་ཇི་ལྟ་བུ་ཞིག་སྤྱད་ན། སྡུག་བསྔལ་འདི་དག་ལས་ཐར་པར་འགྱུར་ལགས། ་བཅོམ་ལྡན་འདས་ཀྱིས་བཀའ་སྩལ་པ། སེམས་ཅན་ཐམས་ཅད་བསོད་ནམས་ཀྱི་ལས་ལ་གཟུད་པར་བྱ་སྟེ། ཇི་ལྟར་བསོད་ནམས་མངོན་པར་བསྒྲུབ་པར་བྱ་ཞེ་ན། སེམས ་ཅན་གང་ལ་ལ་ཞིག་ཚེ་འདི་ལ་ཡོངས་སུ་བསྐུལ་བའི་བདག་པོ་ཆེན་པོ་བྱས་ཏེ། དེ་བཞིན་གཤེགས་པའི་མཆོད་རྟེན་དང་། དྲི་གཙང་ཁང་དང་། གཙུག་ལག་ཁང་བརྩིགས་ན ་མ་འོངས་པ་ན། གདོན་མི་ཟ་བར་རྒྱལ་པོ་བྱེད་ཅིང་། སྐྱེ་བོ་མང་པོ་ལ་དབང་བྱེད་པར་འགྱུར་བས། གང་ཡང་དག་མི་ཉན་པ་མེད་པར་འགྱུར་རོ། །ཚེ་འདི་ལ་གྲོང་དང་། གྲོང་གི་གཙོ་བོར ་གྱུར་ཀྱང་དྲང་རྐན་ཆེ་ཞིང་ཆོས་བཞིན་དུ་སྐྱོང་བར་བྱེད་པ་གང་ཡིན་པ་དེ་ནི། མ་འོངས་པ་ན་གདོན་མི་ཟ་བར་རྒྱལ་པོའི་བློན་པོ་བྱེད་པར་འགྱུར་ཞིང་། གོས་ཟས་དང་། རྟ་ཕུན་སུམ་ཚོགས ་པ་དང་། ཅི་དང་། ཅི་འདོད་པ་འབྱོར་བར་འགྱུར་རོ། །ཚེ་འདི་ལ་སྐྱེ་བོ་མང་པོ་བསོད་ནམས་བྱེད་པར་བསྐུལ་ཞིང་གཟུང་བ་གང་ཡིན་པ་དེ་ནི། མ་འོངས་པ་ན་གདོན་མི་ཟ་བར་ཆོ་རིགས ་བཙུན་ཞིང་ཤིན་ཏུ་ཕྱུག་པའི་ཁྱིམ་བདག་ཏུ་འགྱུར་བར་སྐྱེའོ། །སྐྱེ་བོ་མང་པོ་ཀུན་གྱིས་བཀུར་བ་དང་། ཕྱོགས་བཅུ་པོ་དག་ཏུ་དོན་གཉེར་བ་དག་ཀྱང་འགྲུབ་པར་འགྱུར་རོ། །ཚེ་འདི ་ལ་མར་མེ་བཙུགས་ནས་མཆོད་པ་བྱེད་པ་ལ་མངོན་པར་དགའ་བ་གང་ཡིན་པ་དེ་ནི། ཉི་ཟླའི་ལྷར་སྐྱེ་བར་འགྱུར་བས་འོད་ཟེར་གྱིས་བདག་ཉིད་གསལ་བར་བྱེད་པར་འགྱུར་རོ། །ཚེ ་འདི་ལ་སྦྱིན་པ་གཏོང་བ་ལ་དགའ་བ་དང་། བྱམས་པའི་སེམས་ཀྱིས་སྲོག་ཆགས་གསོ་བར་དགའ་བ་གང་ཡིན་པ་དེ་ནི། སྐྱེ་བ་ཐམས་ཅད་དུ་ཕྱུག་པོར་འགྱུར་བས་གོས་ཟས་དག ་རང་འབྱུང་བར་འགྱུར་རོ། །ཚེ་འདི་ལ་སྐྱེ་བོ་མང་པོ་རྣམས་ལ་བཟའ་བ་དང་། བཏུང་བ་སྦྱིན་པ་ལ་མངོན་པར་དགའ་བ་གང་ཡིན་པ་དེ་ནི། སྐྱེ་བ་ཐམས་ཅད་དུ་ལྷའི་ཟས་རང་འབྱུང ་བར་འགྱུར་བ་དང་། གཟུགས་དང་། སྟོབས་ཕུན་སུམ་ཚོགས་པ་དང་། དབང་པོ་རྣོ་ཞིང་སྤོབས་པ་དང་ལྡན་པ་དང་ཚེ་རིང་བར་འགྱུར་རོ། །གང་གིས་དུད་འགྲོའི ་གནས་སུ་སོང་བ་རྣམས་ལ་སྦྱིན་པ་ཡོངས་སུ་བཏང་ན། རྣམ་པར་སྨིན་པའི་འབྲས་བུ་བརྒྱ་འགྱུར་སྙེད་འཐོབ་པར་འགྱུར་རོ། །འདོད་ཆེན་པོ་དག་ལ་སྦྱིན་པ་ཡོངས་སུ་བཏང་ན་རྣམ ་པར་སྨིན་པ་སྟོང་འགྱུར་སྙེད་འཐོབ་པར་འགྱུར་རོ། །ཚུལ་ཁྲིམས་དང་ལྡན་པའི་དགེ་སློང་ལ་སྦྱིན་པ་ཡོངས་སུ་བཏང་ན་རྣམ་པར་སྨིན་པ་ཁྲི་འགྱུར་སྙེད་འཐོབ་པར་འགྱུར་རོ། ། ་གང་གིས་ཐེག་པ་ཆེན་པོ་དེ་བཞིན་གཤེགས་པའི་གསང་བའི་སྙིང་པོ་འཁོར་མང་པོ་ལ་ཡང་དག་པར་བསྒྲགས་ནས། སེམས་ཀྱི་མིག་འབྱེད་པའི་ཆོས་སྨྲ་བ་གང་དག་ལ་སྦྱིན་པ ་ཡོངས་སུ་བཏང་ན་རྣམ་པར་སྨིན་པའི་འབྲས་བུ་ཚད་མེད་པ་སྙེད་འཐོབ་པར་འགྱུར་རོ། །གང་གིས་སངས་རྒྱས་དང་། བྱང་ཆུབ་སེམས་དཔའ་རྣམས་ལ་སྦྱིན་པ་ཡོངས་སུ་བཏང་ན། ་རྣམ་པར་སྨིན་པའི་འབྲས་བུ་མཐར་ཐུག་པ་མེད་པ་སྙེད་ལ་ལོངས་སྤྱོད་པར་འགྱུར་རོ། །གཞན་ཡང་། གང་ཟག་རྣམ་པ་གསུམ་ལ་སྦྱིན་པ་ཡོངས་སུ་བཏང་ན་རྣམ་པར་སྨིན་པའི ་འབྲས་བུ་ཡོངས་སུ་གཏུགས་པར་མི་འགྱུར་ཏེ། དེ་བཞིན་གཤེགས་པ་རྣམས་དང་། ཕ་མ་དང་། ནད་པ་རྣམས་སོ། །ཟས་ཟ་གཅིག་ཙམ་ཡོངས་སུ་བཏང་བས་ཀྱང་རྣམ ་པར་སྨིན་པའི་འབྲས་བུ་ཚད་མེད་པ་སྙེད་འཐོབ་པར་འགྱུར་རོ། །རྟག་པར་ཡོངས་སུ་བཏང་བས་ཡོངས་སུ་གཏུགས་པར་མི་འགྱུར་བ་ལྟ་སྨོས་ཀྱང་ཅི་དགོས། ཚེ་འདི་ལ་དགེ་འདུན་མང་པོའི ་སྐུ་བསིལ་བ་གང་ཡིན་པ་དེ་ནི། སྐྱེ་བ་ཐམས་ཅད་དུ་བྱང་བཞིན་སྡུག་ཅིང་མཛེས་པ་དང་། རང་བཞིན་གྱིས་གོས་ཟས་དང་ལྡན་པ་དང་། སྐྱེ་བོ་མང་པོ་ལ་ཀུན་གྱིས་བཀུར་བར་འགྱུར་རོ། །ཚེ ་འདི་ལ་བསྔགས་པ་བརྗོད་པ་དང་། མདོ་སྡེའི་ཆོས་ཀློག་ཅིང་ཁ་ཏོན་དུ་འདོན་པར་དགའ་བ་གང་ཡིན་པ་དེ་ནི། སྐྱེ་བའི་གནས་ཐམས་ཅད་དུ་སྒྲ་དབྱངས་སྙན་ཅིང་ཐོས་པ་རྣམས་རབ་ཏུ་དགའ ་བར་འགྱུར་རོ། །ཚེ་འདི་ལ་ཚུལ་ཁྲིམས་བསྲུང་བར་མངོན་པར་དགའ་བ་གང་ཡིན་པ་དེ་ནི། སྐྱེ་བ་ཐམས་ཅད་དུ་བྱད་བཞིན་སྡུག་ཅིང་། མིའི་ནང་ན་མཆོག་ཏུ་འགྱུར་རོ། །ཚེ་འདི་ལ་ལམ ་ཀར་ཁྲོན་པ་བརྐོས་ནས་སྐྱེད་ཤིང་བཙུགས་ནས་གྲིབ་མ་མང་པོ་ཀུན་ལ་བསྒྲིབས་པར་མངོན་པར་དགའ་བ་གང་ཡིན་པ་དེ་ནི། སྐྱེ་བ་ཐམས་ཅད་དུ་མིའི་རྒྱལ་པོ་བྱེད་ཅིང་རོ་བརྒྱ་དང་ལྡན ་པའི་བཟའ་བ་དང་། བཏུང་བ་བསམས་པ་ཙམ་གྱིས་འབྱོར་བར་འགྱུར་རོ། །ཚེ་འདི་ལ་མདོ་སྡེ་བྲིས་ཏེ་གཞན་དག་ལ་བྱིན་ནས་ཀློག་ཏུ་བཅུག་པ་ལ་མངོན་པར་དགའ་བ་གང་ཡིན་པ་དེ ་ནི|་སྐྱེ་བ་ཐམས་ཅད་དུ་བདག་གི་སྤོབས་པ་མང་པོ་དང་ལྡན་པ་དང་། ཆོས་བསླབས་པ་ལ་ལན་གཅིག་ཐོས་པ་ཙམ་གྱིས་གོ་བར་འགྱུར་བ་དང་། སངས་རྒྱས་དང་། བྱང་ཆུབ་སེམས ་དཔའ་རྣམས་ཀྱིས་བྱིན་གྱིས་རློབ་ཅིང་། ཡོངས་སུ་བསྲུང་བ་དང་། རྟག་པར་མིའི་ནང་དུ་མཆོག་དམ་པ་གཙོ་བོ་བྱེད་པར་འགྱུར་རོ། །ཚེ་འདི་ལ་ཟམ་པ་དང་། ་གྲུ་གཟིངས་བཅས་ནས་སྐྱེ་བོ་མང་པོ་སྒྲོལ་བར་མངོན་པར་དགའ་བ་གང་ཡིན་པ་དེ་ནི། སྐྱེ་བ་ཐམས་ཅད་དུ་རིན་པོ་ཆེ་སྣ་བདུན་ཕུན་སུམ་ཚོགས་པ་དང་། སྐྱེ་བོ་མང་པོ་ཀུན་གྱིས ་བཀུར་ཞིང་བསྔགས་པ་བརྗོད་ནས་མངོན་པར་དགའ་བ་དང་། ཕན་ཚུན་འགྲོ་ཞིང་འོང་བའི་ཚེ་མང་པོ་ཀུན་གྱིས་བསྙེན་བཀུར་དང་། རིམ་གྲོ་བྱེད་པར་འགྱུར་རོ། །བཅོམ་ལྡན་འདས ་ཀྱིས་བཀའ་སྩལ་པ། ཀུན་དགའ་བོ། ངས་ཇི་སྐད་དུ་མདོ་སྡེ་དེ་དང་། དེ་དག་ཏུ་རྒྱུ་དང་། འབྲས་བུ་བསྟན་ནས་སེམས་ཅན་མང་པོ་རྣམས་ཀློག་པ་དང་། ཁ་ཏོན་དུ་འདོན་པ་དང་། མངོན ་པར་བསྒྲུབ་པར་བསྐུལ་ནས་སྡུག་བསྔལ་གྱིས་བགེགས་ལས་ཡོངས་སུ་བཟླས་པ་དེ་བཞིན་དུ་འདིར་ཡང་དེ་ལྟར་བསྟན་པ་ཡིན་པས། གང་ལ་ལ་ཞིག་གིས་ཆོས་ཀྱི་རྣམ་གྲངས་འདི་ཐོས ་ནས|་སྐུར་པ་འདེབས་པར་བྱེད་པ་དེ་ནི། ཚེ་འདི་ཉིད་ལ་ལྕེའི་དབང་པོ་ལྟུང་བར་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། ། ་བཅོམ་ལྡན་འདས། ཆོས་ཀྱི་རྣམ་གྲངས་འདིའི་མིང་ཅི་ལགས། ཅི་ལྟར་ཡོངས་སུ་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཆོས་ཀྱི་རྣམ་གྲངས ་འདི་ནི་ལེགས་ཉེས་ཀྱི་རྒྱུ་དང་། འབྲས་བུ་བསྟན་པ་ཞེས་བྱ་སྟེ། བྱང་ཆུབ་སེམས་དཔའི་སྤྱོད་པ་མངོན་པར་སྒྲུབ་པར་སྨོན་ལམ་བཏབ་པ་ཞེས་བྱ་བར་ཡང་ཟུངས་ཤིག་།བཅོམ་ལྡན་འདས་ཀྱིས ་ཆོས་ཀྱི་རྣམ་གྲངས་འདི་བསྟན་པ་ན། ལྷ་དང་། མི་སྟོང་ཕྲག་བརྒྱད་ཅུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །བུད་མེད་བརྒྱ་སྟོང་དུ་མ་ཚེ་འདི ་ཉིད་ལ་བུད་མེད་ཀྱི་དབང་པོ་མེད་པར་གྱུར་ནས། སྐྱེས་པའི་ལུས་མངོན་པར་གྲུབ་པར་གྱུར་ཏོ། །སྡིག་པ་སྤྱོད་པའི་སྐྱེ་དགུ་སྟོང་ཉིས་བརྒྱ་ནི། གདུག་པའི་སེམས་སྤངས་ནས། བདག་གི ་ཚེ་རབས་དྲན་པར་གྱུར་ཏོ། །དགེ་བ་སྤྱོད་པའི་སྐྱེ་བོ་ཚད་མེད་པ་དག་ནི་མི་སྐྱེ་བའི་བཟོད་པ་ཐོབ་ནས། རྟག་པར་བདེ་བ་མྱོང་བར་གྱུར་ཏོ། །ཚེ་འཕོ་བར་འགྱུར་བ་ཚད་མེད་པ་སྙེད་ནི་སངས ་རྒྱས་ཀྱི་ཞིང་ཡོངས་སུ་དག་པར་སྐྱེས་ནས། བྱང་ཆུབ་སེམས་དཔའ་རྣམས་དང་མཉམ་ཞིང་མཚུངས་པའི་གྲོགས་སུ་གྱུར་ཏོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ་འཁོར་འདུས་པ་ཐམས་ཅད་རང་གི་གནས་སུ་དོང་སྟེ། བསོད་ནམས་མངོན་པར་འདུ་བྱེད་ཅིང་། རབ་ཏུ་དགའ་བར་དགའ་བཞིན་དུ་སྤྱོད་པར་གྱུར་ཏོ། །འཕགས་པ་ལེགས་ཉེས་ཀྱི་རྒྱུ ་དང་|་འབྲས་བུ་བསྟན་པ་ཞེས་བྱ་བའི་མདོ་རྫོགས་སོ། ། །།ཞུས་ཆེན་གྱི་ལོ་ཙྪ་བ་བནྡེ་ཆོས་གྲུབ་ཀྱིས་རྒྱ་གར་དང་། རྒྱའི་དཔེ་ལས་བསྒྱུར་ཅིང་ཞུས་ཏེ་གཏན་ལ་ཕབ་པ།། །། ་