Wylie

e-texts based on the ACIP/ALL Input

རྒྱ་གར་སྐད་དུ། ཨཱ་ཡུ་པ་ཪྱནྟ་སཱུ་ཏྲ། བོད་སྐད་དུ། ཚེའི་མཐའི་མདོ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས ་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང ་དག་ཁྱེད་སེམས་ཅན་རྣམས་ཀྱི་ཚེའི་མཐའ་ཐོས་པར་འདོད་དམ། བཅོམ་ལྡན་འདས། དེའི་དུས་ལ་བབ་ལགས་སོ། །བདེ་བར་གཤེགས་པ། དེའི་དུས་ལ་བབ་ལགས་སོ། །བཅོམ ་ལྡན་འདས། སེམས་ཅན་རྣམས་ཀྱི་ཚེའི་མཐའ་བསྟན་པ་བཅོམ་ལྡན་འདས་ལས་ཐོས་ནས་དགེ་སློང་དག་འཛིན་པར་བགྱིད་ལགས་སོ། །དགེ་སློང་དག་།དེའི་ཕྱིར་ལེགས་པར ་རབ་ཏུ་ཉོན་ལ་ཡིད་ལ་ཟུངས་ཤིག་དང་ངས་བཤད་དོ། །དགེ་སློང་དག་།དམྱལ་བ་རྣམས་ཀྱི་ཚེའི་ཚད་ནི་རིང་ན་བསྐལ་པ་གཅིག་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག། ་དུད་འགྲོ་རྣམས་ཀྱི་ཚེའི་ཚད་ནི་རིང་ན་བསྐལ་པ་གཅིག་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།མི་རྣམས་ཀྱི་ཉིན་ཞག་སུམ་ཅུ་གང་ཡིན་པ་དེ་ཡི་དྭགས་རྣམས་ཀྱི་ཉིན་ཞག ་གཅིག་གོ་། ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། ཡི་དྭགས་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལྔ་བརྒྱ་ཐུབ་སྟེ། དེ་མིའི་ལྟར་བརྩིས་ན་ལོ ་ཁྲི་ལྔ་སྟོང་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ཇི་ལྟར་རབ་ཏུ་ཆེ་བའི་ལུས་འགྲེང་ཞིང་། །མཆུ་དང་མིད ་བསྐམས་ཤིན་ཏུ་སྡུག་བསྔལ་བ། །རང་གི་སྐྲས་ཡོག་ཁ་གདངས་གནམ་དུ་ལྟ། །སྣ་ནི་ཁབ་ལྟར་རབ་ཏུ་ཕྲ་བ་དང་། །རུས་གོང་འདྲ་ལུས་གཅེར་བུ་རང་སྐྲས་ཡོག་།གཟུགས་མི་སྡུག ་པ་འགྲེང་ཞིང་ཐོད་པ་ཐོགས། །བཀྲེས་དང་སྐོམ་དང་ངལ་བས་ར་བ་གཟིར་གང་། །ཆོ་ངེས་འདེབས་ཤིང་ཀུན་ཏུ་རྒྱུག་པ་དག་།ཉམ་ཐག་སྐད་འབྱིན་སྡུག་བསྔལ་ཚོར་བ་མྱོང་། །ཕན་ཚུན ་ཕྲག་དོག་སེར་སྣ་འདིར་བསྟེན་ཅིང་། །འདིར་ནི་སྡིག་པའི་ལས་དག་བྱས་པ་ཡིས། །ཡི་དྭགས་འཇིག་རྟེན་དུ་ནི་དེ་དག་སྐྱེས། །དགེ་སློང་དག་།ཤར་གྱི་ལུས་འཕགས་ཀྱི་མི་རྣམས་ཀྱི་ཚེའི་ཚད ་ནི་ལོ་ཉིས་བརྒྱ་ལྔ་བཅུ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ནུབ་ཀྱི་བ་ལང་སྤྱོད་ཀྱི་མི་རྣམས་ཀྱི་ཚེའི་ཚད་ལོ་ལྔ་བརྒྱ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།བྱང ་གི་སྒྲ་མི་སྙན་རྣམས་ཀྱི་ཚེའི་ཚད་ནི་ལོ་སྟོང་སྟེ། བར་མ་དོར་འཆི་བ་ནི་མེད་དོ། །རྒྱུ་གང་གིས་སྒྲ་མི་སྙན་པ་རྣམས་ཀྱི་ཚེའི་ཚད་ནི་ལོ་སྟོང་ཐུབ་ལ། བར་མ་དོར ་འཆི་བ་ནི་མེད་ཅེ་ན། དགེ་སློང་དག་།བྱང་གི་སྒྲ་མི་སྙན་གྱི་མི་རྣམས་ནི་བདག་གི་བ་མེད་ཅིང་ཡོངས་སུ་འཛིན་པ་མེད་ལ་ཚེ་ངེས་པ་ཡོད་ཅིང་འདི་ནས་ཤི་འཕོས་ནས་ཀྱང་ཁྱད་པར་དུ་འགྲོ ་བ་སྟེ། ཕྱི་མ་ལ་མཐོ་རིས་སུ་ཉེ་བར་འགྲོའོ། །དགེ་སློང་དག་།རྒྱུ་དེས་ན་བྱང་གི་སྒྲ་མི་སྙན་གྱི་མི་རྣམས་ཀྱི་ཚེའི་ཚད་ནི་ལོ་སྟོང་ཐུབ་ལ་བར་མ་དོར་འཆི་བ་ནི་མེད་དོ། །དེ་ནས་བཅོམ ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། དབུལ་བས་སྡུག་བསྔལ་སེམས་ཅན་དག་།གཞན་གྱི་ནོར་ལ་སྨོན་པར་བྱེད། །དེ་དག་དམ་པ་མ་བསྟེན་པས། །གཞན ་གྱི་མངག་གཞུག་ངན་ཅིང་དམན། །ལོངས་སྤྱོད་དག་དང་ལྡན་པ་ཡི། །ཕྱུག་ཅིང་ནོར་མང་སེམས་ཅན་ནི། །ནོར་དང་འབྲུ་དང་སྐྱེ་བོར་ལྡན། །དེ་དག་དམ་པ་བསྟེན་པ་ཡིན། །བསོད ་ནམས་ཕྱུག་པས་ཉེར་འཚོ་བའི། །དགེ་བའི་ལས་ནི་འདིར་བྱས་པས། །འབྱོར་པ་ཆེན་པོ་ཕུན་སུམ་ཚོགས། །ལྷ་བཞིན་དུ་ནི་དགའ་བར་བྱེད། །ལྐོག་གྱུར་གང་ཡིན་མི་སྣང་སྟེ། ། ་མངོན་སུམ་འདི་ལ་བལྟ་བར་བྱོས། །གང་ཟག་ཁ་ཅིག་འཇིག་རྟེན་ན། །བདེ་ལྡན་སྔོན་བྱིན་འབྲས་བུ་ཡིན། །བྱང་ཕྱོགས་གླིང་གི་མི་རྣམས་ནི། །བདག་གི་མེད་ཅིང་ཡོངས་འཛིན ་མེད|་|དཔག་བསམ་ལས་བྱུང་གོས་སྟེན་པ། །དེ་ནི་སྔོན་བྱིན་འབྲས་བུ་ཡིན། །དེ་དག་གྲང་དང་ཚ་བ་མེད། །དེ་དག་ལ་ནི་ནད་མེད་ཅིང་། །གཟུགས་དང་ཁ་དོག་ཕུན་སུམ་ཚོགས། །དེ ་ནི་སྔོན་བྱིན་འབྲས་བུ་ཡིན། །བྱང་ཕྱོགས་གླིང་ན་མ་ཉམས་ཤིང་། །མ་གྲུགས་དག་ཅིང་གཙང་བ་དང་། །ཤིན་ཏུ་དཀར་བའི་སཱ་ལུ་སྐྱེ། །དེ་ནི་སྔོན་བྱིན་འབྲས་བུ་ཡིན། །ནོར་བུ་འོད ་བྱེད་འབར་བ་ཡིས། །དེ་རྣམས་རྟག་ཏུ་མཛེས་པ་དང་། །དེ་དག་ཟས་ནི་འཇུ་བྱེད་གང་། །དེ་ནི་སྔོན་བྱིན་འབྲས་བུ་ཡིན། །དེ་དག་ལ་ནི་ཚོད་མ་དང་། །སྲན་ཚོད་ཀྱང་ནི་ཅུང་ཟད་མེད། །ཁ ་དོག་དྲི་དང་རོར་ལྡན་པའི། །སཱ་ལུ་དག་ནི་རྟག་ཏུ་ཟ། །ཟས་ནི་ལན་གཅིག་བྱིན་པ་ཡིས། །སྟན་ལས་མ་ལངས་བར་དུ་ནི། །ཟད་མི་ཤེས་པར་སྡེར་ལ་ཡོད། །དེ་ནི་སྔོན་བྱིན་འབྲས་བུ ་ཡིན|་|ཀུ་བའི་འབྲས་བུ་འདྲ་བ་དང་། །བཅད་ཀྱང་ཡལ་ག་ལས་སྐྱེས་ཏེ། །བརྔས་ནས་བཙོ་མི་དགོས་པར་ཟ། །དེ་ནི་སྔོན་བྱིན་འབྲས་བུ་ཡིན། །དེ་དག་འབབ་ཆུ་བསིལ་བ་དང་། །འཐུངས ་ཀྱང་ལྟོ་ལ་མི་གནོད་པའི། །ཡན་ལག་བརྒྱད་ལྡན་ཆུ་ལ་ཡོད། །དེ་ནི་སྔོན་བྱིན་འབྲས་བུ་ཡིན། །རོལ་མོའི་ལྗོན་ཤིང་གང་དག་གིས། །དེ་དག་རྟག་ཏུ་རྩེ་ཞིང་དགའ། །ཡིད་ནི་རྟག་ཏུ ་བདེ་དང་ལྡན། །དེ་ནི་སྔོན་བྱིན་འབྲས་བུ་ཡིན། །དེ་དག་རོལ་མོའི་ལྗོན་ཤིང་བཟང་། །གོས་ཀྱི་ལྗོན་ཤིང་མང་པོ་དང་། །སྤོས་ཀྱི་ལྗོན་ཤིང་ཕུན་སུམ་ཚོགས། །དེ་ནི་སྔོན་བྱིན་འབྲས ་བུ་ཡིན། །སྤོས་དང་མེ་ཏོག་རོལ་མོ་དང་། །དེ་བཞིན་དུ་ནི་གོས་རྣམས་ཀྱང་། །གང་དག་ཇི་ལྟར་འདོད་པ་བཞིན། །དེ་དག་དེ་བཞིན་འབྱུང་བར་འགྱུར། །ནེའུ ་གསིང་དག་ནི་སྔོན་པོ་ལ། །ཤིང་བལ་ལྟ་བུར་རབ་འཇམ་པ། །གང་དུ་དེ་དག་རྟག་རྩེ་བ། །དེ་ནི་སྔོན་བྱིན་འབྲས་བུ་ཡིན། །དེ་དག་ལ་ནི་ཁྲོ་མེད་ཅིང་། །སེར་སྣ་དང་ནི་ཕྲག་དོག་མེད། ། ་ཕན་ཚུན་དག་ཏུ་རྩེ་བྱེད་པ། །དེ་ནི་སྔོན་བྱིན་འབྲས་བུ་ཡིན། །མཚན་མོ་ཐུན་ཚོད་དང་པོ་ལ། །སྐད་ཅིག་ཙམ་ཞིག་ཆར་འབེབས་ཅིང་། །རྡུལ་རྣམས་མེད་པར་བྱེད་པ་སྟེ། །དེ་ནི་སྔོན ་བྱིན་འབྲས་བུ་ཡིན། །དེ་དག་ཡོངས་སུ་འཛིན་མེད་པས། །མ་དང་བུར་ཡང་མི་ཤེས་ཤིང་། །སྡུག་བསྔལ་མེད་པས་མྱ་ངན་མེད། །དེ་ནི་སྔོན་བྱིན་འབྲས་བུ་ཡིན། །མ་དག་གིས ་ཀྱང་རང་གི་བུ། །ལམ་སྟོང་དག་ཏུ་བོར་ཏེ་འགྲོ་།མཐེ་བོ་ལས་ནི་འོ་མ་འཛག་།དེ་ནི་སྔོན་བྱིན་འབྲས་བུ་ཡིན། །དེ་དག་གང་ཡང་དུ་བ་མེད། །ཤིན་ཡང་ནི་བོར་ཏེ་འགྲོ་།བྱ་དག་གིས ་ནི་གླིང་འཕྱག་པ། །དེ་ནི་སྔོན་བྱིན་འབྲས་བུ་ཡིན། །ཁོར་ཡུག་ཏུ་ནི་འོབས་ཀྱིས་བསྐོར། །གླུ་གར་ཡིད་དུ་འོང་བ་ཡིས། །གང་དུ་རྩེ་ཞིང་དགའ་བར་བྱེད། །དེ་ནི་སྔོན་བྱིན་འབྲས ་བུ་ཡིན། །མི་ཡི་ཚེ་ནི་ལོ་སྟོང་པོ། །ཟད་པ་དག་ཏུ་བྱས་ནས་ནི། །བར་མ་དོར་ནི་འཆི་མེད་པ། །དེ་ནི་སྔོན་བྱིན་འབྲས་བུ་ཡིན། །དཔལ་ནི་རྒྱས་པར་སྤྱད་ནས་སུ། །མི་ཡི་ལུས་ནི ་བོར་ནས་ཀྱང་། །ལྷ་ཡི་ནང་དུ་སྐྱེ་བར་འགྱུར། །དེ་ནི་སྔོན་བྱིན་འབྲས་བུ་ཡིན། །དགེ་སློང་དག། ཛམྦུའི་གླིང་གི་མི་རྣམས་ལ་ནི་ཡར་འཕེལ་བ་དང་། མར་འགྲིབ་པ་ཡོད་དེ། དགེ་སློང་དག་། ་ཛམྦུའི་གླིང་གི་མི་རྣམས་ནི་ཚེ་ལོ་དཔག་ཏུ་མེད་པར་ཡང་འགྱུར། ཚེ་ལོ་བརྒྱད་ཁྲི་པ་དང་། ཚེ་ལོ་བརྒྱ་པ་དང་། ཚེ་ལོ་བཅུ་པར་ཡང་འགྱུར་རོ། །དགེ་སློང་དག་།ཛམྦུའི་གླིང་གི་མི་རྣམས ་ཀྱི་ད་ལྟར་གྱི་ཚེའི་ཚད་ནི་ལོ་བརྒྱ་པ་ཡིན་ནོ། །དགེ་སློང་དག་།ད་ལྟར་ནི་ཛམྦུའི་གླིང་གི་མི་རྣམས་ལས་རིང་དུ་འཚོ་བ་གང་ཡིན་པས་ལེགས་པར་བདེ་བར་གནས་ན་ལོ་བརྒྱའམ། ལོ ་བརྒྱ་ལས་ཅུང་ཟད་ཅིག་ལྷག་པར་ཐུབ་བོ། །དགེ་སློང་དག་།འཚོ་བའི་གནས་སྐབས་ནི་བཅུ་མྱོང་བར་འགྱུར་ཏེ། གནས་སྐབས་དང་པོ་ནི་ཞན་ཅིང་གན་རྐྱལ་དུ་ཉལ་པ་སྟེ་བྱིས་པ་ཡིན ་ནོ|་|གནས་སྐབས་གཉིས་པ་ནི་རྩེ་བའི་རང་བཞིན་ཅན་ཏེ་གཞོན་ནུ་ཡིན་ནོ། །གནས་སྐབས་གསུམ་པ་ནི་འདོད་པ་ལ་སྤྱོད་པ་སྟེ། ལང་ཚོ་ལ་བབ་པ་ཡིན་ནོ། །གནས་སྐབས་བཞི་པ་ནི ་སྤྲོ་བ་དང་ལྡན་ཞིང་ཉམས་སྟོབས་དང་ལྡན་པ་ཡིན་ནོ། །གནས་སྐབས་ལྔ་པ་ནི་སྟོབས་དང་ལྡན་ཞིང་ཤེས་རབ་དང་ལྡན་པ་ཡིན་ནོ། །གནས་སྐབས་དྲུག་པ་ནི་དཔྱོད་པའི་རང་བཞིན ་ཅན་ཏེ་དྲན་པ་དང་ལྡན་པ་ཡིན་ནོ། །གནས་སྐབས་བདུན་པ་ནི་ཆོས་ལུགས་ཁོང་དུ་ཆུད་པ་ཡིན་ནོ། །གནས་སྐབས་བརྒྱད་པ་ནི་རྒྱལ་པོས་བཀུར་ཞིང་རྒན་རབས་སུ་བཀུར་བ་ཡིན་ནོ། ། ་གནས་སྐབས་དགུ་པ་ནི་རྒས་ཤིང་འཁོགས་པ་སྟེ་རྒན་པོ་ཡིན་ནོ། །གནས་སྐབས་བཅུ་པ་ནི་ཚེའི་མཐར་ཐུག་པ་སྟེ་འཆིར་ཉེ་བ་ཡིན་ནོ། །དགེ་སློང་དག། ལོ ་བརྒྱར་འཚོ་བས་གནས་སྐབས་བཅུ་པོ་དེ་དག་མྱོང་བར་འགྱུར་རོ། །དགེ་སློང་དག་།ལོ་བརྒྱར་འཚོ་བ་ནི་དུས་ཚིགས་སུམ་བརྒྱར་འཚོ་སྟེ། དགུན་གྱི་དུས་ཚིགས་བརྒྱ་དང་། དཔྱིད ་ཀྱི་དུས་ཚིགས་བརྒྱ་དང་། དབྱར་གྱི་དུས་ཚིགས་བརྒྱ་རྣམས་སོ། །དུས་ཚིགས་སུམ་བརྒྱར་འཚོ་བ་ནི་ཟླ་བ་བཅུ་གཉིས་ཕྲག་བརྒྱར་འཚོ་བ་སྟེ། དགུན་བཞི་དང་། དཔྱིད་བཞི་དང་། ་དབྱར་བཞི་རྣམས་སོ། །ཟླ་བ་བཅུ་གཉིས་ཕྲག་བརྒྱར་འཚོ་བ་ནི་ཟླ་བ་ཕྱེད་ཉིས་སྟོང་བཞི་བརྒྱར་འཚོ་སྟེ། དགུན་བརྒྱད་དང་། དཔྱིད་བརྒྱད་དང་། དབྱར་བརྒྱད་རྣམས་སོ། །ཟླ་བ ་ཕྱེད་ཉིས་སྟོང་བཞི་བརྒྱར་འཚོ་བ་ནི། ཉིན་ཞག་སུམ་ཁྲི་དྲུག་སྟོང་དུ་འཚོ་སྟེ། དགུན་བཅུ་གཉིས་དང་། དཔྱིད་བཅུ་གཉིས་དང་། དབྱར་བཅུ་གཉིས་རྣམས་སོ། །ཉིན་ཞག་སུམ ་ཁྲི་དྲུག་སྟོང་དུ་འཚོ་བ་ནི་བར་ཆད་དུ་གྱུར་པ་མ་གཏོགས་པར་ཟན་བདུན་ཁྲི་ཉིས་སྟོང་ཟའོ། །དེ་ལ་འདི་དག་ནི་ཟན་བར་ཆད་དུ་འགྱུར་བ་ཡིན་ཏེ། འཁྲུགས་ནས་མ་ཟོས་པ་དང་། ་སྡུག་བསྔལ་བར་གྱུར་པས་མ་ཟོས་པ་དང་། ཕོངས་པ་བྱུང་ནས་མ་ཟོས་པ་དང་། བསྙུངས་པ་བྱས་ཏེ་མ་ཟོས་པ་དང་། མ་རྙེད་པས་མ་ཟོས་པ་དང་། རྙེད་ཀྱང་མ་ཟོས་པ་དང་། ་གཉིད་ལོག་ནས་མ་ཟོས་པ་དང་། ར་རོ་སྟེ་མ་ཟོས་པ་དང་། རབ་ཏུ་མྱོས་པས་མ་ཟོས་པ་སྟེ། ཟོས་པ་གང་ཡིན་པ་དང་། མ་ཟོས་པ་གང་ཡིན་པ་དེ་དག་གཅིག་ཏུ་བསྡོམས་ན་མའི་ནུ་ཞོ་འཐུང་བ ་མ་གཏོགས་པར་ཟ་མ་བདུན་ཁྲི་ཉིས་སྟོང་དུ་འགྱུར་རོ། །དགེ་སློང་། དེ་ལྟར་ངས་ཛམྦུའི་གླིང་གི་མི་རྣམས་ཀྱི་ཚེ་འང་བཤད། དུས་ཚིགས་དང་། ཟླ་བ་དང་། ཟླ་བ་ཕྱེད་པ་དང་། ཉིན་ཞག ་དང་|་ཟན་དང་། ཟན་བར་ཆད་དུ་གྱུར་པའང་བཤད་པ་ཡིན་ནོ། །དགེ་སློང་དག་།མི་རྣམས་ཀྱི་ཚེ་ལོ་ལྔ་བཅུ་གང་ཡིན་པ་དེ་ནི་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ཉིན་ཞག་གཅིག་གོ་།དེ ་སུམ་ཅུ་ལ་ཟླ་བ་གཅིག་། ཟླ་བ་བཅུ་གཉིས་ལ་ལོ་གཅིག་སྟེ། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལྷའི་ལོ་ལྔ་བརྒྱ་སྟེ། དེ་མིའི་ལོ་ལྟར་བརྩིས་ན ་ལོ་ས་ཡ་ཕྲག་དགུ་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནི་སེམས་ཅན་དམྱལ་བ་ཆེན་པོ་ཡང་སོས་ཀྱི་ཉིན་ཞག་གཅིག་གོ་།ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས ་ལ་ལོ་གཅིག་སྟེ། སེམས་ཅན་དམྱལ་བ་ཆེན་པོ་ཡང་སོས་ཀྱི་སེམས་ཅན་དམྱལ་བ་རྣམས་ཀྱི་ཚེ་ཆད་ནི་ལོ་དེ་ལྟ་བུ་བརྩིས་པའི་ལོ་ལྔ་བརྒྱ་སྟེ། དེ་མིའི་ལྟར་བརྩིས་ན་ལོ་བྱེ་བ་ཕྲག་འབུམ་དྲུག ་ཁྲི་ཉིས་སྟོང་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ལུས་ཀྱིས་ཉེས་པར་སྤྱད་བྱས་ཤིང་། །ངག་གིས་ཉེས་པར ་སྤྱད་པ་དང་། །ཡིད་ཀྱིས་ཉེས་པར་སྤྱད་བྱས་ཤིང་། །གང་ཞིག་ཉེས་པ་གཞན་ལྡན་པའི། །ལས་དེ་དག་གིས་ཡང་སོས་ཀྱི། །དམྱལ་བ་དག་ཏུ་སྐྱེ་འགྱུར་ཏེ། །ལོ་ནི ་བྱེ་བ་ཕྲག་སྟོང་དུ། །གཏགས་ཤིང་བཅོམ་ཡང་ཡང་འཚོའོ། །ཕན་ཚུན་ཁོ་ན་དག་ཆགས་པ་ཡིས། །མི་རྣམས་གསོད་པའི་མི་དག་ནི། །ལས་དེ་དག་གིས་ཡང་སོས་ཀྱི། །དམྱལ་བ་དག ་ཏུ་སྐྱེ་བར་འགྱུར། །དགེ་སློང་དག་།མི་རྣམས་ཀྱི་ལོ་བརྒྱ་གང་ཡིན་པ་དེ་ནི་སུམ་ཅུ་རྩ་གསུམ་པའི་ལྷ་རྣམས་ཀྱི་ཉིན་ཞག་གཅིག་གོ་།ཉིན་ཞག་དེ་སུམ་ཅུ་ལ་ཟླ་བ་གཅིག་གོ་།ཟླ་བ་བཅུ ་གཉིས་ལ་ལོ་གཅིག་སྟེ། སུམ་ཅུ་རྩ་གསུམ་གྱི་ལྷ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལྷའི་ལོ་སྟོང་ཐུབ་བོ། །དེ་མིའི་ལྟར་བརྩིས་ན་ལོ་བྱེ་བ་ཕྲག་གསུམ་དང་། ས་ཡ་ཕྲག ་དྲུག་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནི་སེམས་ཅན་དམྱལ་བ་ཆེན་པོ་ཐིག་ནག་གི་ཉིན་ཞག་གཅིག་གོ་།ཉིན་ཞག་དེ་སུམ་ཅུ་ལ་ཟླ་བ་གཅིག་གོ་།ཟླ་བ་བཅུ་གཉིས་ལ་ལོ ་གཅིག་སྟེ། སེམས་ཅན་དམྱལ་བ་ཆེན་པོ་ཐིག་ནག་གི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལོ་སྟོང་ཐུབ་བོ། །དེ་མིའི་ལྟར་བརྩིས་ན་ལོ་བྱེ་བ་ཕྲག་ས་ཡ་ཉིས་འབུམ་དགུ་ཁྲི་དྲུག ་སྟོང་རྩ་བཅུ་གཉིས་ཡོད་དེ། དུས་མ་ཡིན་པར་འཆི་བ་ནི་ཡོད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ཕ་མ་དག་དང་སངས་རྒྱས་དང་། །ཉན ་ཐོས་རྣམས་ལ་འཁུ་བྱེད་པ། །དེ་དག་ཐིག་ནག་སྐྱེ་འགྱུར་ཏེ། །སྡུག་བསྔལ་ཚོར་བ་མྱོང་བར་འགྱུར། །གང་ཞིག་མི་བརྩོན་འཇོག་པ་དང་། །མི་རྣམས་མཛའ་བའི་དབྱེན་བྱེད་པ། །ཐིག་ནག་ཏུ ་ནི་སྐྱེ་བར་འགྱུར། །བརྫུན་སྨྲ་བ་ཡང་དེ་བཞིན་ཏེ། །ལས་དེ་ཡིས་ནི་ཐིག་ནག་གི་།དམྱལ་བ་རྣམས་སུ་དེ་དག་སྐྱེ། །དགེ་སློང་དག་།མི་རྣམས་ཀྱི་ལོ་ཉིས་བརྒྱ་གང་ཡིན་པ་དེ་ནི་འཐབ་བྲལ ་གྱི་ལྷ་རྣམས་ཀྱི་ཉིན་ཞག་གཅིག་གོ་། ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། འཐབ་བྲལ་བའི་ལྷ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལྷའི་ལོ་ཉིས ་སྟོང་ཐུབ་བོ། །དེ་མིའི་ལྟང་བརྩིས་ན་ལོ་བྱེ་བ་ཕྲག་བཅུ་བཞི་དང་། ལོ་ཁྲི་བཞི་སྟོང་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནི་སེམས་ཅན་དམྱལ་བ་ཆེན་པོ་བསྡུས་འཇོམས་ཀྱི་ཉིན་ཞག ་གཅིག་གོ་། ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། སེམས་ཅན་དམྱལ་བ་ཆེན་པོ་བསྡུས་འཇོམས་ཀྱི་སེམས་ཅན་དམྱལ་བ་རྣམས་ཀྱི་ཚེའི་ཚད་ནི་ལོ་དེ་ལྟ ་བུར་བརྩིས་པའི་ལོ་ཉིས་སྟོང་ཡོད་དེ། དེ་མིའི་ལྟར་བརྩིས་ན་ལོ་བྱེ་བ་ཕྲག་སུམ་འབུམ་དྲུག་ཁྲི་བརྒྱད་སྟོང་རྩ་གཅིག་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནས་བཅོམ་ལྡན་འདས་ཀྱིས ་དེའི་ཚེ་ཚིགས་སུ་བཅད་དེ་བཀའ་སྩལ་པ། མི་དགེའི་ལས་རྣམ་གསུམ་བྱས་ཤིང་། །ལས་དགེ་རྣམ་གསུམ་མ་བྱས་ཏེ། །ལས་དེ་དག་གིས་བསྡུས་འཇོམས་ཀྱི། །དམྱལ་བ་དག་ཏུ་སྐྱེ ་བར་འགྱུར། །བ་ལང་ར་ལུག་མ་ཧེ་དང་། །རི་དྭགས་བྱ་གག་ཕག་རྣམས་དང་། །དེ་བཞིན་སྲོག་ཆགས་གཞན་གསོད་པ། །བསྡུས་གཞོམ་དག་ཏུ་སྐྱེ་བར་འགྱུར། ། ་དགེ་སློང་དག་།མི་རྣམས་ཀྱི་ལོ་བཞི་བརྒྱ་གང་ཡིན་པ་དེ་དགའ་ལྡན་གྱི་ལྷ་རྣམས་ཀྱི་ཉིན་ཞག་གཅིག་གོ་།ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། དགའ ་ལྡན་གྱི་ལྷ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལྷའི་ལོ་བཞི་སྟོང་ཐུབ་སྟེ། དེ་མིའི་ལྟར་བརྩིས་ན་ལོ་བྱེ་བ་ཕྲག་ལྔ་བཅུ་རྩ་བདུན་དང་། ལོ་ས་ཡ་ཕྲག་དྲུག་ཡོད་དེ། བར་མ་དོར ་འཆི་བ་ནི་ཡོད་དོ། །དེ་ནི་སེམས་ཅན་དམྱལ་བ་ཆེན་པོ་དུ་འབོད་ཀྱི་ཉིན་ཞག་གཅིག་གོ་།ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། སེམས་ཅན་དམྱལ ་བ་ཆེན་པོ་དུ་འབོད་ཀྱི་སེམས་ཅན་དམྱལ་བ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལོ་བཞི་སྟོང་ཐུབ་སྟེ། དེ་མིའི་ལྟར་བརྩིས་ན་ལོ་བྱེ་བ་ཕྲག་ས་ཡ་གཉིས་དང་། བྱེ་བ་ཕྲག ་དགུ་འབུམ་བཞི་ཁྲི་བཞི་སྟོང་དང་། བྱེ་བ་ཕྲག་བརྒྱད་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། འཇིགས ་སུ་རུང་ལ་དྲག་ཤུལ་ཅན། །ལག་པ་གཉིས་ནི་ཁྲག་གིས་བསྐུས། །སྡིག་པའི་ལས་ནི་སྤྱོད་པ་ཡིས། །རྟག་ཏུ་དུ་འབོད་འགྲོ་བར་འགྱུར། །གཞལ་ལུགས་གཡོ་དང་སྒྱུ་བྱེད་མི། །སྐྱེ་བོ ་དག་ནི་ཡིད་ཕྱུང་བས། །འཇིགས་སུ་རུང་བའི་སྒྲ་འབྱིན་ཅིང་། །ཡུན་རིང་དུ་ནི་སྲེག་འབོད་འགྱུར། །དགེ་སློང་དག་།མི་རྣམས་ཀྱི་ལོ་བརྒྱད་བརྒྱ་གང་ཡིན་པ་དེ་འཕྲུལ་དགའི་ལྷ་རྣམས་ཀྱི་ཉིན ་ཞག་གཅིག་གོ་། ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། འཕྲུལ་དགའི་ལྷ་རྣམས་ཀྱི་ཚེ་ཚད་ནི་ལོ་དེ་ལྟ་བུར་བརྩིས་པའི་ལོ་བརྒྱད་སྟོང་ཐུབ་སྟེ། དེ་མིའི ་ལྟར་བརྩིས་ན་ལོ་བྱེ་བ་ཕྲག་ཉིས་བརྒྱ་སུམ་ཅུ་དང་། ལོ་ས་ཡ་ཕྲག་བཞི་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནི་སེམས་ཅན་དམྱལ་བ་ཆེན་པོ་དུ་འབོད་ཆེན་པོའི་ཉིན་ཞག་གཅིག་གོ། ་ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། སེམས་ཅན་དམྱལ་བ་ཆེན་པོ་དུ་འབོད་ཆེན་པོའི་སེམས་ཅན་དམྱལ་བ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས ་པའི་ལོ་བརྒྱད་སྟོང་ཡོད་དོ། །དེ་མིའི་ལྟར་བརྩིས་ན་ལོ་བྱེ་བ་ཕྲག་ས་ཡ་གསུམ་དང་། བྱེ་བ་ཕྲག་ལྔ་འབུམ་ཁྲི་ཉིས་སྟོང་དྲུག་ཅུ་རྩ་དྲུག་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནས ་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ལྟ་བའི་ཐིབས་པོས་ཁེབས་གྱུར་ཅིང་། །སྲེད་པའི་གཡོག་པས་གཡོགས་པ་དག་།སྡིག་པའི་ཆོས་ནི་སྤྱོད་པ ་ཡིས|་|དུ་འབོད་དག་ཏུ་སྐྱེ་བར་འགྱུར། །ཡིད་གཅུགས་ཉམས་པའི་མི་དག་ནི། ཁ་སྤུ་སློང་ཞིང་འབར་བ་ཡིས། །བསྐོར་བའི་ཁྱིམ་གྱི་ནང་ཆུང་ནས། །དུ་འབོད་ཆེན་པོ་སྲེག་པར་འགྱུར། ། ་གཏམ་པ་བརྣོགས་པའི་མི་དག་ནི། །རལ་གྲི་ཡིས་ནི་ལུས་གཏུབ་ཅིང་། །བྱ་རྒོད་བྱ་རོག་འུག་པ་ཁྱིས། །འགུལ་བཞིན་དུ་ནི་ཟ་བར་འགྱུར། །དགེ་སློང་དག། ་མི་རྣམས་ཀྱི་ལོ་སྟོང་དྲུག་བརྒྱ་གང་ཡིན་པ་དེ་གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ཉིན་ཞག་གཅིག་གོ་།ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ་ལོ་གཅིག་སྟེ། ་གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལྷའི་ལོ་ཁྲི་དྲུག་སྟོང་ཐུབ་བོ། །དེ་མིའི་ལྟར་བརྩིས་ན་ལོ་ས་ཡ་ཕྲག་དྲུག་དང་། ལོ་བྱེ་བ་ཕྲག་དགུ་བརྒྱ ་ཉི་ཤུ་རྩ་གཅིག་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནི་སེམས་ཅན་དམྱལ་བ་ཆེན་པོ་ཚ་བའི་ཉིན་ཞག་གཅིག་གོ་།ཉིན་ཞག་དེ་སུམ་ཅུ་ལ་ཟླ་བ་གཅིག་།ཟླ་བ་བཅུ་གཉིས་ལ ་ལོ་གཅིག་སྟེ། སེམས་ཅན་དམྱལ་བ་ཆེན་པོ་ཚ་བའི་སེམས་ཅན་དམྱལ་བ་རྣམས་ཀྱི་ཚེའི་ཚད་ནི་ལོ་དེ་ལྟ་བུར་བརྩིས་པའི་ལོ་ཁྲི་དྲུག་སྟོང་ཡོད་དོ། །དེ་མིའི་ལྟར་བརྩིས་ན་ལོ་བྱེ་བ ་ས་ཡ་ཕྲག་བརྒྱད་དང་། བཞི་འབུམ་དང་། ལོ་བྱེ་བ་ཁྲག་ཁྲི་དྲུག་སྟོང་ལྔ་བརྒྱ་སུམ་ཅུ་ཡོད་དེ། བར་མ་དོར་འཆི་བ་ནི་ཡོད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ ་བཅད་དེ་བཀའ་སྩལ་པ། དགེ་སློང་བྲམ་ཟེ་དགེ་བ་དང་། །དེ་བཞིན་དུ་ནི་ཕ་མ་ལ། །གང་ཞིག་རྟག་ཏུ་གདུང་བྱེད་པ། །དེ་ནི་ཚ་བར་སྐྱེ་བར་འགྱུར། །འདིར་ནི་གང་ཞིག་གདུང་བ་ཡིས།། ་སྐྱེ་བོ་མང་པོ་གདུང་བྱེད་པ། །ལས་དེ་དག་གིས་ཚ་བ་ཡི། །དམྱལ་བ་རྣམས་སུ་སྐྱེ་བར་འགྱུར། །དགེ་སློང་དག་།ཁྱེད་ཆུ་བུར་ཅན་དུ་སྐྱེས་པའི་སེམས་ཅན་རྣམས་ཀྱི་ཚེའི་མཐའ་ཉན ་པར་འདོད་དམ། བཅོམ་ལྡན་འདས། དེའི་དུས་ལ་བབ་ལགས་སོ། །བདེ་བར་གཤེགས་པ། དེའི་དུས་ལ་བབ་ལགས་སོ། །བཅོམ་ལྡན་འདས་ལས་དགེ་སློང་དག་གིས་གང་ཆུ་བུར ་ཅན་དུ་སྐྱེས་པའི་སེམས་ཅན་རྣམས་ཀྱི་ཚེའི་མཐའ་བསྟན་པ་ཐོས་ནས། དགེ་སློང་དག་།འཛིན་པར་བགྱིད་ལགས་སོ། །དགེ་སློང་དག་།དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ ་ཟུངས་ཤིག་དང་བཤད་དོ། །དགེ་སློང་དག་།འདི་ལྟ་སྟེ། འདི་ལ་ཏིལ་ཡུལ་ཀོ་ས་ལའི་ཁལ་བཅུ་ཚད་ཉི་ཤུ་ཤོང་བའི་ཁལ་བཅུ་ཚད་ཉི་ཤུ་པ་ཏིལ་གྱིས་བྱུར་བུར་གང་བར་གྱུར་པ་དེ་ལས་མི་ལ ་ལ་ཞིག་གིས་ལོ་བརྒྱ་འདས་ཤིང་ཏིལ་འབྲུ་གཅིག་བོར་ཏེ། ཏིལ་ཁལ་བཅུ་ཚད་ཉི་ཤུ་ཤོང་བའི་ཁལ་བཅུ་ཚད་ཉི་ཤུ་པ་དེ་ཐབས་འདིས་མྱུར་དུ་ཡོངས་སུ་ཟད་ཅིང་གཏུགས་པར་གྱུར་ཀྱང་། ་དགེ་སློང་དག་།ཆུ་བུར་ཅན་དུ་སྐྱེས་པའི་སེམས་ཅན་རྣམས་ཀྱི་ཚེའི་ཚད་ནི་དེ་ལྟ་མ་ཡིན་པར་ང་སྨྲའོ། །ཆུ་བུར་ཅན་གྱི་ཉི་ཤུ་ཇི་ལྟ་བ་དེ་ལྟར་ཆུ་བུར་རྡོལ་གྱི་གཅིག་ཡིན་ནོ། །ཆུ་བུར་རྡོལ ་གྱི་ཉི་ཤུ་ཇི་ལྟ་བ་དེ་ལྟར་སོ་ཐམས་ཐམས་ཀྱི་གཅིག་ཡིན་ནོ། །སོ་ཐམས་ཐམས་ཀྱི་ཉི་ཤུ་ཇི་ལྟ་བ་དེ་ལྟར་ཀྱི་ཧུད་ཟེར་གྱི་གཅིག་ཡིན་ནོ། །ཀྱི་ཧུད་ཟེར་གྱི་ཉི་ཤུ་ཇི་ལྟ་བ་དེ་ལྟར་ཨ་ཆུ་ཟེར ་གྱི་གཅིག་ཡིན་ནོ། ། ཆུ་ཟེར་གྱི་ཉི་ཤུ་ཇི་ལྟ་བ་དེ་ལྟར་ཨུཏྤ་ལ་ལྟར་གས་པའི་གཅིག་ཡིན་ནོ། །ུཏྤ་ལ་ལྟར་གས་པའི་ཉི་ཤུ་ཇི་ལྟ་བ་དེ་ལྟར་པདྨ་ལྟར་གས་པའི ་གཅིག་ཡིན་ནོ། །པདྨ་ལྟར་གས་པའི་ཉི་ཤུ་ཇི་ལྟ་བ་དེ་ལྟར་པདྨ་ལྟར་གས་པ་ཆེན་པོའི་གཅིག་ཡིན་ནོ། །ལྷས་བྱིན་གྱི་ཕྱོགས་དགེ་སློང་ཀོ་ཀ་ལི་ཀས་དགེ་སློང་ཤཱ་རིའི་བུ་དང་། མཽདྒལ་གྱི ་བུ་ལ་ཞེ་སྡང་གི་སེམས་བསྐྱེད་པས་རང་གི་ལུས་དེ་ཉིད་ཀྱིས་སེམས་ཅན་དམྱལ་བ་ཆེན་པོ་པདྨ་ལྟར་གས་པ་ཆེན་པོར་སྐྱེས་སོ། །དགེ་སློང་དག་།དེ་ལྟ་བས་ན་དེའི་ཕྱིར་འདི་ལྟར ་བསླབ་པར་བྱ་སྟེ། སྡོང་དུམ་ཚིག་པ་ལའང་ཞེ་སྡང་གི་སེམས་བསྐྱེད་པར་མི་བྱ་ན་རྣམ་པར་ཤེས་པ་དང་ལྡན་པའི་ལུས་ལ་ལྟ་སྨོས་ཀྱང་ཅི་དགོས་པ་དེ་ལྟར་དགེ་སློང་དག་ཁྱེད་ཀྱིས ་བསླབ་པར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། མི་ཞིག་སྐྱེས་པར་གྱུར་པ་ན། །གང་གིས་བདག་ནི་གཅོད་བྱེད་པའི། །ཁ་ནས་སྟ་རེའི ་ཚིག་འབྱུང་བ། །ཉེས་པར་སྨྲ་བས་སྨྲ་བ་ནི། །གང་དག་སྨད་བྱ་བསྟོད་བྱེད་ཅིང་། །སྐྱེ་བོ་བསྟོད་བྱ་སྨོད་བྱེད་པའི། །སྡིག་གང་བདེ་བ་མི་མྱོང་བའི། །སྡིག་དེ་དེ་ཡི་ཁ་ན་གསོག་།གང ་འདིར་རྒྱན་པོས་བདག་ནོར་ཡལ། །འདི་ནི་སྡིག་པ་ཆུང་དུ་སྟེ། །གང་ཞིག་བདེ་གཤེགས་སྡང་སེམས་བསྐྱེད། །འདིར་ནི་སྡིག་པ་དེ་ཆེའོ། །ངག་དང་ཡིད་ཀྱིས་ཀྱང་ནི་སྡིག་བྱས་ཤིང་། ། ་གང་ཞིག་འཕགས་ལ་སྨོད་པ་དམྱལ་འགྲོ་སྟེ། །སྟོང་ཕྲག་བརྒྱར་ནི་ཆུ་བུར་རྡོལ་ནས་སུ། །ཆུ་བུར་ཅན་དུ་སུམ་ཅུ་རྩ་དྲུག་གོ་།སྡིག་པའི་སེམས་ཀྱིས་བདེན་པར་མི་སྨྲ་བ། །བདག་ཉིད་བརླག ་ཅིང་དམྱལ་བར་འཕེན་པར་བྱེད། །དེ་ཡིད་དྲི་མས་མ་རྙོགས་པར་བྱེད་དེ། །ཁ་ན་མ་ཐོ་མེད་པ་དེ་བཟོད་དོ། །དགེ་སློང་དག་།སེམས་ཅན་དམྱལ་བ་ཆེན་པོ་རབ་ཏུ་ཚ་བའི་ཚེའི་ཚད་ནི་བསྐལ ་པ་ཕྱེད་གཅིག་ཡིན་ཏེ། བར་མ་དོར་འཆི་བ་ནི་ཡོད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། འབྲས་བུ་ཡིད་འོང་མཐོ་རིས་སུ། །སྐྱེ་འགྱུར་དགེ་བ་སྤངས ་ནས་ནི། །འདིར་ནི་མི་སྡུག་ལས་བྱས་པས། །རབ་ཏུ་ཚ་བར་སྐྱེ་བར་འགྱུར། །དགེ་སྦྱོང་བྲམ་ཟེ་དགེ་བ་དང་། །ཕ་དང་མ་ཡང་དེ་ཡིན་ཏེ། །གང་ཡང་བླ་མ་གཞན་གསོད་པ། །རབ་ཏུ་ཚ་བར ་དེ་འཚེད་དོ། །དགེ་སློང་དག་།དམྱལ་བ་ཆེན་པོ་མནར་མེད་པའི་ཚེའི་ཚད་ནི་བསྐལ་པ་གཅིག་སྟེ། བར་མ་དོར་འཆི་བ་ནི་ཡོད་དོ། །མི་གཏི་མུག་ཅན་ལྷས་བྱིན་གྱིས་དགེ་འདུན་མཐུན ་པ་ཕྱེ་བ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། དགེ་སློང་མ་དགྲ་བཅོམ་པ་བསད་པས་རང་གི་ལུས་དེ་ཉིད་ཀྱིས་དམྱལ་བ་ཆེན་པོ་མནར་མེད་པ་དེར་སྐྱེས ་སོ|་|དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། འཕགས་པ་རྣམས་ཀྱིས་བསྟན་པ་ཡི། །ཆོས་ཀྱིས་འོས་པར་འཚོ་རྣམས་ལ། །སྡིག་པའི་ལྟ་བ་ལ ་བརྟེན་ནས། །བློ་ངན་གང་ཞིག་སྨོད་བྱེད་པ། །ཚེར་ཅན་འོད་མའི་འབྲས་བུ་ལྟར། །དེ་ནི་འབྲས་བུ་རླག་པར་བྱེད། །དགེ་བར་འགྱུར་བ་བརྗོད་བྱ་སྟེ། །སྡིག་པ ་ཅན་དག་མི་བརྗོད་དོ། །དགེ་བ་སྨྲས་ན་ལེགས་པར་འགྱུར། །སྡིག་པ་སྨྲས་ན་སྲེག་འགྱུར་བས། །གལ་ཏེ་སྨྲ་ན་དགེ་བ་སྨྲའི། །སྡིག་པ་སྨྲས་ན་རླག་པར་འགྱུར། །བྱིས་པ་རྣམས་ནི ་སྡིག་སྨྲ་སྟེ། །འཕགས་པ་རྣམས་ནི་མ་ཡིན་ནོ། །འདིར་ནི་ངན་འགྲོར་འགྲོ་བ་ཡི། །ལས་ནི་ཤས་ཆེར་བྱས་པས་ན། །ལས་དེ་དག་གིས་མནར་མེད་པའི། །དམྱལ་བ་དག་ཏུ་སྐྱེ་བར ་འགྱུར། །དགེ་སློང་དག་།ཚངས་རིས་ཀྱི་ལྷ་རྣམས་ཀྱི་ཚེའི་ཚད་ནི་བསྐལ་པ་ཕྱེད་དེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ཚངས་པའི་མདུན་ན་འདོན་གྱི་ལྷ་རྣམས་ཀྱི་ཚེའི ་ཚད་ནི་བསྐལ་པའི་བཞི་ཆ་གསུམ་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ཚངས་ཆེན་གྱི་ལྷ་རྣམས་ཀྱི་ཚེའི་ཚད་ནི་བསྐལ་པ་གཅིག་ཐུབ་སྟེ། བར་མ་དོར་འཆི་བ་ནི ་ཡོད་དོ། །དགེ་སློང་དག་།འོད་ཆུང་གི་ལྷ་རྣམས་ཀྱི་ཚེའི་ཚད་ནི་བསྐལ་པ་གཉིས་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ཚད་མེད་འོད་ཀྱི་ལྷ་རྣམས་ཀྱི་ཚེའི་ཚད་ནི ་བསྐལ་པ་བཞི་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།འོད་གསལ་གྱི་ལྷ་རྣམས་ཀྱི་ཚེའི་ཚད་ནི་བསྐལ་པ་བརྒྱད་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང ་དག་|དགེ་ཆུང་གི་ལྷ་རྣམས་ཀྱི་ཚེའི་ཚད་ནི་བསྐལ་པ་བཅུ་དྲུག་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ཚད་མེད་དགེ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་སུམ་ཅུ་རྩ་གཉིས ་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།དགེ་རྒྱས་ཀྱི་ལྷ་རྣམས་ཀྱི་ཚེའི་ཚད་ནི་བསྐལ་པ་དྲུག་ཅུ་རྩ་བཞི་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།སྤྲིན་མེད་ཀྱི་ལྷ ་རྣམས་ཀྱི་ཚེའི་ཚད་ནི་བསྐལ་པ་བརྒྱ་ཉི་ཤུ་རྩ་ལྔ་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།བསོད་ནམས་སྐྱེས་ཀྱི་ལྷ་རྣམས་ཀྱི་ཚེའི་ཚད་ནི་བསྐལ་པ་ཉིས་བརྒྱ་རྩ་ལྔ་བཅུ་ཐུབ་སྟེ། ་བར་མ་དོར་འཆི་བ་ནི་ཡོད་དོ། །དགེ་སློང་དག་།འབྲས་བུ་ཆེ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་ལྔ་བརྒྱ་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།འདུ་ཤེས་མེད་པའི ་སེམས་ཅན་དང་། མི་ཆེ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་སྟོང་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།མི་གདུང་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་ཉིས་སྟོང ་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ཤིན་ཏུ་མཐོང་གི་ལྷ་རྣམས་ཀྱི་ཚེའི་ཚད་ནི་བསྐལ་པ་བཞི་སྟོང་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།གྱ་ནོམ་སྣང་གི ་ལྷ་རྣམས་ཀྱི་ཚེའི་ཚད་ནི་བསྐལ་པ་བརྒྱད་སྟོང་ཐུབ་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།འོག་མིན་གྱི་ལྷ་རྣམས་ཀྱི་ཚེའི་ཚད་ནི་བསྐལ་པ་ཁྲི་དྲུག་སྟོང་ཐུབ་སྟེ། བར་མ་དོར ་འཆི་བ་ནི་ཡོད་དོ། །དགེ་སློང་དག་།ནམ་མཁའ་མཐའ་ཡས་སྐྱེ་མཆེད་དུ་ཉེ་བར་འགྲོ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་ཉི་ཁྲི་སྟེ། བར་མ་དོར་འཆི་བ་ནི ་ཡོད་དོ། །དགེ་སློང་དག་།རྣམ་ཤེས་མཐའ་ཡས་སྐྱེ་མཆེད་དུ་ཉེ་བར་འགྲོ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་བཞི་ཁྲི་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།ཅི་ཡང ་མེད་པའི་སྐྱེ་མཆེད་དུ་ཉེ་བར་འགྲོ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་དྲུག་ཁྲི་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།འདུ་ཤེས་མེད་འདུ་ཤེས་མེད་མིན་སྐྱེ་མཆེད་དུ་ཉེ ་བར་འགྲོ་བའི་ལྷ་རྣམས་ཀྱི་ཚེའི་ཚད་ནི་བསྐལ་པ་བརྒྱད་ཁྲི་སྟེ། བར་མ་དོར་འཆི་བ་ནི་ཡོད་དོ། །དགེ་སློང་དག་།དེ་ལྟར་དམྱལ་བ་ཆེན་པོ་མནར་མེད་པ་ནས་འདུ་ཤེས་མེད་འདུ་ཤེས ་མེད་མིན་སྐྱེ་མཆེད་ཀྱི་བར་དེ་དག་ནི། དགེ་སློང་དག་།སྲིད་པའི་རྩེ་མོ་དང་། དེ་དག་ནི་སྲིད་པའི་རྩེ་མོ་ཡིན་ནོ། །དེ་དག་ནི་སྲིད་པ་འབྱུང་བ་ཡིན་ཏེ། དེ་དག་ནི་འགྲོ་བ་ལྔའི་སེམས ་ཅན་རྣམས་འོང་བ་དང་། འགྲོ་བ་དང་། གནས་པ་དང་། འཆི་བ་དང་། སྐྱེ་བར་སྣང་ངོ་། །སྲིད་པའི་འབྱུང་བས་ཆོག་ཤེས་པར་གྱིས་ཤིག་།ང་ནི་སྲིད་པ་མངོན་པར་སྒྲུབ་པ་ཆུང་དུ ་ལའང་ཐ་ན་དེའི་སྐད་ཅིག་ཙམ་ཡང་བསྔགས་པ་མི་མཛད་དོ། །དེ་ཅིའི་ཕྱིར་ཞེ་ན། སྲིད་པ་མངོན་པར་སྒྲུབ་པ་ནི་སྡུག་བསྔལ་ཡིན་པའི་ཕྱིར་ཏེ། དཔེར་ན། མི་གཙང་བ་ནི་ཉུང་དུའང ་མི་ཞིམ་ན་མང་པོ་ལྟ་ཅི་སྨོས། དེ་ལྟར་དེ་བཞིན་དུ་ང་ནི་སྲིད་པ་མངོན་པར་སྒྲུབ་པ་ཆུང་དུ་ལའང་ཐ་ན་དེའི་སྐད་ཅིག་ཙམ་ཡང་བསྔགས་པ་མི་མཛད་དོ། །དེ་ཅིའི་ཕྱིར་ཞེ་ན། དགེ་སློང་དག་།སྲིད ་པ་མངོན་པར་སྒྲུབ་པ་ནི་སྡུག་བསྔལ་ཡིན་པའི་ཕྱིར་རོ། །སོ་སོའི་སྐྱེ་བོ་བྱིས་པ་ཐོས་པ་དང་མི་ལྡན་པ་དེ་དག་ནི་འགྲོ་བ་ལྔ་པོའི་འཁྲོ་བ་གང་དུ་ཡང་དང་། ཡང་དུ་དམྱལ་བ་རྣམས་དང་། ཡང ་དང་|་ཡང་དུ་དུད་འགྲོ་རྣམས་དང་། ཡང་དང་། ཡང་དུ་ངན་སོང་ངན་འགྲོ་ལོག་པར་ལྟུང་བ་རྣམས་སུ་ཀུན་ཏུ་རྒྱུག་།ཀུན་ཏུ་རབ་ཏུ་རྒྱུག་གོ་།དགེ་སློང་དག་།དེ་ལྟ་བས་ན་དེའི་ཕྱིར་འདི་ལྟར ་བསླབ་པར་བྱ་སྟེ། སྲིད་པ་རྒྱུན་ཆད་པར་བྱ་བ་གང་ཡིན་པ་ལ་བརྩོན་པར་བྱ་ཞིང་སྲེད་པ་མངོན་པར་མི་བསྒྲུབ་པར་བྱའོ། །དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །བཅོམ ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཚེའི་མཐའི་མདོ་རྫོགས་སོ།། །། ་རྒྱ་གར་གྱི་མཁན་པོ་བི་ཤུདྡྷ་སིདྷ་དང་། ལོཙྪ་བ་བནྡེ་དགེ་བའི་དཔལ་གྱིས་བསྒྱུར། རྒྱ་གར་གྱི་མཁན་པོ་བིདྱཱ་ཀ་ར་སིདྷ་དང་། ཞུས་ཆེན་གྱི་ལོཙྪ་བ་བནྡེ་དཔལ་བརྩེགས་ཀྱིས་ཞུས་ཆེན་བགྱིས ་ཏ་གཏན་ལ་ཕབ་པ། ། །།རྒྱ་གར་སྐད་དུ། ཨཱ་ཡུཿཔ་ཏཱི་ཡ་ཐཱ་ཀཱ་རོ་པ་རི་པྲྀ་ཙྪ་སཱུ་ཏྲ། བོད་སྐད་དུ། ཚེ་འཕོ་བ་ཇི་ལྟར་འགྱུར་པ་ཞུས་པའི་མདོ། སངས་རྒྱས་དང་། བྱང་ཆུབ ་