Wylie

e-texts based on the ACIP/ALL Input

ཀྱིས་ཞུས་ཏེ་གཏན་ལ་ཕབ་པ། །རྒྱ་གར་སྐད་དུ། ཨཱཪྱ་ཏྲཱ་ཡ་སྟྲི་ངྴ་ཏྤ་རི་བརྟ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་སུམ་ཅུ་རྩ་གསུམ་པའི་ལེའུ་ཞེས་བྱ་བ ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས ་སུམ་ཅུ་རྩ་གསུམ་པའི་ལྷའི་ནང་ན་ཤིང་ཡོངས་འདུའི་དྲུང་ན་ཨར་མོ་ནིག་ལྟ་བུའི་རྡོ་ལེབ་ལ་བཞུགས་ཏེ། སྐུ་སྐྲུན་པའི་ཡུམ་ལ་ཐུགས་བརྩེ་བའི་ཕྱིར་དགེ་སློང་བརྒྱད་སྟོང་གི་དགེ ་སློང་གི་དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། རྫུ་འཕྲུལ་ཆེ་བ། དབང་ཆེ་བར་གྲགས་པ། མཐུ་ཆེན་པོ་ཤ་སྟག་དང་། བྱང་ཆུབ་སེམས་དཔའ་བདུན་ཁྲི ་ཉིས་སྟོང་ཐམས་ཅད་ཀྱང་བྱང་ཆུབ་སེམས་དཔའ་མངོན་པར་ཤེས་པས་མངོན་པར་ཤེས་པ། བཟོད་པ་ཐོབ་པ། སྤོབས་པ་ཐོགས་པ་མེད་པ་ཕལ་ཆེར་འཇིག་རྟེན་གྱི ་ཀ་ཧམས་ཐ་དད་པ་ནས་འདུས་པ་ཤ་སྟག་དང་ཐབས་ཅིག་ཏུ་དབྱར་གནས་པར་ཞལ་གྱིས་བཞེས་ནས་དེ་ན་བཅོམ་ལྡན་འདས་འཁོར་འབུམ་ཕྲག་དུ་མས་ཡོངས་སུ་བསྐོར་ཅིང་མདུན ་གྱིས་བལྟས་ཏེ་ཆོས་སྟོན་ཏོ། །དེ་ནས་དེའི་ཚེ་ལྷའི་བུ་ཟླ་བ་ཞེས་བྱ་བ་དང་། ཟླ་མཆོག་ཅེས་བྱ་བ་གཉིས་འཁོར་དེ་ཉིད་ཀྱི་ནང་དུ་འདུས་པར་གྱུར་ཏེ་འདུག་གོ་།དེ་ནས་ལྷའི་བུ་ཟླ་བ ་ས་ཏན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་དེ་བཞིན་གཤེགས ་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷའི་བུ་ཟླ་བ་ལ་འདི་སྐད་ཅེས ་བཀའ་སྩལ་ཏོ། །ཟླ་བ། ཁྱོད་སུའི་དོན་དུ་དེ་བཞིན་གཤེགས་པ་ལ་ཞུ་བར་འདོད། དེ་ནས་བཅོམ་ལྡན་འདས་ལ་ལྷའི་བུ་ཟླ་བས་ཚིགས་སུ་བཅད་དེ་གསོལ་པ། གང་དག ་བདག་ལ་སྨན་དང་སེམས་ཅན་གཞན་ལ་སྨན་སླད་ཞུགས། །སེམས་ཅན་ཀུན་ལ་སྙིང་རྗེ་སྙིང་བརྩེ་ལེགས་པར་བསྐྱེད་ནས་ནི། །བྱང་ཆུབ་རྡུལ་བྲལ་བདུད་རྩི་འཚལ་ཞིང་དོན་དུ་སྒྲུབ ་བགྱིད་པ། །ཤཱཀྱ་སེངྒེ་བདག་ནི་དེ་དག་དོན་དུ་ཞུ་བ་ཞུ། །གང་དག་མ་ཞུམ་སེམས་ཀྱིས་བསྐལ་པ་བྱེ་བར་སྤྱོད་བགྱིད་ཅིང་། །སྡུག་བསྔལ་སྤོང་ལ་འགྲོ་བ་ཐམས་ཅད་ཀྱང་ནི་གྲོལ་བར ་བགྱིད|་|གང་དག་སེམས་ཅན་ཀུན་ལ་སེམས་སྙོམས་སྦྱོར་བ་སྙོམས་པར་བགྱིད། །བདག་ནི་མི་འདྲེན་དེ་དག་དོན་དུ་རྒྱལ་ལ་ཞུ་བ་ལགས། །གང་དག་སངས་རྒྱས་མཚན་མཆོག་གསུམ ་ཅུ་རྩ་གཉིས་རྟགས་རྣམས་ཀྱིས། །སྐུ་སྤྲས་རྡུལ་དང་བྲལ་བ་བསོད་ནམས་ཞིང་ཆེན་མཐོང་གྱུར་ནས། །ཡོན་ཏན་རྒྱ་མཚོ་གང་ཆེན་མཚོ་རྣམས་དེ་དག་འདོད་བགྱིད་པ། །གཟི་བརྗིད་ཆེན ་པོ་དེ་དག་དོན་དུ་བདག་ནི་ཞུ་བ་ལགས། །གང་དག་རྟག་ཏུ་སྐྱེས་བུ་ཁྱུ་མཆོག་ཡེ་ཤེས་མ་གཏོགས་པར། །གཞན་དུ་བློ་གྲོས་མི་བསྐྱེད་གཞན་དུ་སེམས་པར་མི་བགྱིད་དང་། །གང ་དག་ཉན་ཐོས་རང་རྒྱལ་དག་ཏུ་བློ་གྲོས་མི་སྐྱེད་པ། །རྩལ་རབ་བརྟན་པ་དེ་དག་དོན་དུ་བདག་ནི་ཞུ་བ་ལགས། །གང་དག་རྙེད་དང་མ་རྙེད་གྲགས་དང་མ་གྲགས་མཉམ་པར་སེམས། ། ་སྨད་དང་བསྔགས་དང་བདེ་དང་སྡུག་བསྔལ་དག་གིས་སྐྱོ་མི་འགྱུར། །འཇིག་རྟེན་ཆོས་རྣམས་ཟིལ་གྱིས་མནན་ཏེ་གནས་ཤིང་བསྐྱོད་མ་མཆིས། །འཇིགས་དང་བྲལ་བ་དེ་དག ་དོན་དུ་བདག་ནི་ཞུ་བ་ལགས། །གང་དག་བདག་ཕངས་མཚུངས་འདྲར་གཞན་དག་ལ་ཡང་ཕངས་པར་འཛིན། །སྲིད་པ་གསུམ་ན་ཐ་དད་འབྱེད་པ་མ་མཆིས ་སྦྱོར་བ་མཉམ། །གང་དག་བྱམས་པར་སེམས་ཤིང་ཚུལ་འཆོས་ཐ་བ་སྐྱོན་མ་མཆིས། །སྐྱེ་བོ་དེ་དག་རྣམས་ཀྱི་དོན་དུ་བདག་ནི་ཞུ་བ་ལགས། །གང་དག་རྟག་ཏུ་སྦྱིན་དང་ཚུལ་ཁྲིམས ་དག་ཅིང་རྣམ་དག་སྤྱོད། །བདག་ཉིད་སྤོང་བར་བགྱིད་ཀྱི་ཚུལ་ཁྲིམས་ཕུང་པོ་གཏོང་མི་བགྱིད། །གང་དག་རྟག་ཏུ་ལུས་དང་ངག་དང་ཡིད་རྣམས་ལེགས་པར་བསྡམས། །བདག ་ནི་དྲི་མེད་དེ་དག་དོན་དུ་རྒྱལ་ལ་ཞུ་བ་ལགས། །གང་དག་བཟོད་པ་སྨྲ་ཞིང་ལེགས་པར་བསྡམས་པའི་ཤེས་དང་ལྡན། །སྡུག་བསྔལ་དང་ནི་བསད་དང་བཅིངས་དང་བརྡེག་པ ་རྣམས་ཀྱང་བཟོད། །ཀུན་གྱིས་དཀྲུགས་ཀྱང་ཁྲོ་བ་དང་ནི་བསྐྱེད་པར་མི་བགྱིད་པ། །ངེས་པར་བགྱིད་པ་དེ་དག་དོན་དུ་བདག་ནི་ཞུ་བ་ལགས། །གང་དག་མཐུ་དང་བརྩོན་འགྲུས ་སྟོབས་གནས་དམ་པའི་དོན་དང་ལྡན། །འཇིག་རྟེན་དོན་གྱི་སླད་དུ་རྒྱུ་ཞིང་བདག་གི་ཕྱིར་མ་ལགས། །དཀར་པོའི་སྤྱོད་པ་རྣམས་ཀྱིས་མི་ངོམས་རྒྱ་མཚོའི་ཆབ་དང་འདྲ། །ཡོན་ཏན ་རྒྱ་མཚོ་དེ་དག་དོན་དུ་རྒྱལ་ལ་ཞུ་བ་ལགས། །གང་དག་རྣམ་པར་རྟོག་པ་སྣ་ཚོགས་ཤས་ཆེར་མི་འཇུག་པ། །གང་དག་ཉོན་མོངས་སྣ་ཚོགས་ཕམ་བགྱིས་འཕགས་པའི་ཡེ་ཤེས ་ལྡན|་|གང་དག་བསམ་གཏན་མངོན་ཤེས་རྣམ་བརྩོན་རྫུ་འཕྲུལ་རྐང་པར་ལྡན། །བསམ་གཏན་གནས་པ་དེ་དག་དོན་དུ་བདག་ནི་ཞུ་བ་ལགས། །གང་དག་ཤེས་རབ་ཕ་རོལ་སོན ་ཅིང་ཡེ་ཤེས་མཐའ་ཡས་ལྡན། །རྟོག་དང་ཀུན་རྟོག་བྲལ་ཞིང་སྤྲོས་པ་མ་མཆིས་ཞི་བར་གྱུར། །གང་གིས་ཆོས་འདི་དབེན་ཞིང་ཡ་མ་བརླར་ཡང་རྟོགས་གྱུར་པ། །གང་ཟག་ཆེན་པོ ་དེ་དག་དོན་དུ་བདག་ནི་ཞུ་བ་ལགས། །གང་དག་རྫུ་འཕྲུལ་ཤེས་ལ་མཁས་ཤིང་ཤིན་ཏུ་རབ་ཞི་སྤྱོད། །ཞིང་རྣམས་ཁྲག་ཁྲིག་མཆི་ལ་ཞིང་དུ་འཛིན་པའང་མ་མཆིས་དང་། ། ་སངས་རྒྱས་ཁྲག་ཁྲིག་ཕྱག་འཚལ་སངས་རྒྱས་འཛིན་པའང་མ་མཆིས་པ། །མཐོང་ན་དགའ་བ་དེ་དག་དོན་དུ་རྒྱལ་ལ་ཞུ་བ་ལགས། །གང་དག་ཉོན་མོངས་བདུད་དང་བྲལ ་ཞིང་ཕུང་པོའི་བདུད་བཅོམ་དང་། །གང་དག་འཆི་བདག་བདུད་དང་བྲལ་ཞིང་ལྷ་ཡི་བདུད་བཅོམ་དང་། །གང་དག་བདུད་ཀུན་ངས་བཅོམ་ནས་ནི་བྱང་ཆུབ་རེག་གྱུར་པ། །མུན་དང ་བྲལ་བ་དེ་དག་དོན་དུ་བདག་ནི་ཞུ་བ་ལགས། །གང་དག་ནགས་དང་ཚལ་དུ་བཅས་པའི་ས་གཞི་བསྐྱོད་ནས་ཀྱང་། །བྱང་ཆུབ་རྡུལ་མེད་ཡེ་ཤེས་མཆོག་ནི་འཚང་རྒྱ་དང་། །གང་དག ་སེམས་གཅིག་ལ་ནི་ཤེས་པ་ཅི་མཆིས་འབྱུང་འགྱུར་བ། །རྡོ་རྗེ་ལྟ་བུ་དེ་དག་དོན་དུ་བདག་ནི་ཞུ་བ་ལགས། །གང་དག་ཡེ་ཤེས་ཀུན་མཁས་གཟི་བརྗིད་ཆེན་པོས་གཟི་བསྐྱེད ་དང་|་|གང་དག་རྟག་ཏུ་སངས་རྒྱས་གདུང་ཕྱིར་ཆོས་སྤྱོད་རབ་ཏུ་བརྟན། །གང་དག་འདྲེན་པ་དང་ནི་དགེ་འདུན་མཁས་རྣམས་དགྱེས་རྒུར་སྦྱོར། །དེ ་དག་དོན་དུ་སྲིད་གསུམ་དག་ན་བདག་ནི་ཞུ་བ་ལགས། །བཅོམ་ལྡན་འདས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་མངོན་པར་ཤེས་པ་ཆེན་པོ་དང་ཡེ་ཤེས ་ཀྱི་ཁྱད་པར་དམ་པའི་ཕ་རོལ་ཏུ་སོན་པ་རྣམས་ལགས། བཅོམ་ལྡན་འདས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་ཐབས་ལ་མཁས ་པས་ཡོངས་སུ་བསྔོ་བ་ཤེས་པ་དང་ལྡན་པ་རྣམས་ལགས། བཅོམ་ལྡན་འདས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ཚུལ་གཅིག་པ་དང་། རོ ་གཅིག་པ་དང་། འཇུག་པ་གཅིག་པ་དང་། བསྟན་པ་གཅིག་པ་ཤེས་པ་རྗེས་སུ་འཐོབ་པ་རྣམས་ལགས། བཅོམ་ལྡན་འདས། ཇི་ལྟར་ན་བྱང་ཆུབ་སེམས་དཔའ་སེམས ་དཔའ་ཆེན་པོ་ཟབ་མོའི་ཚུལ་ཁྲིམས་ཅན་བག་མཆིས་པར་སྤྱོད་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ ་རྣམས་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷའི་བུ་ཟླ་བ་ལ་འདི་སྐད་ཅེས་བཀའ་སྩལ་ཏོ། །ཟླ་བ། ལེགས་སོ་ལེགས་སོ། །ཟླ་བ། ཁྱོད་ཀྱིས་གོ ་ཆ་ཆེན་པོ་བགོས་པ་རྣམས་དང་། འགྲོན་པ་ཕལ་པོ་ཆེ་སྒྲོལ་བར་འདོད་པ་རྣམས་དང་། ཆོས་ཀྱི་སྒྲོན་མ་ཆེན་པོ་སྤར་བར་འདོད་པ་རྣམས་དང་། ཆོས་ཀྱི་གྲུ་ཆེན་པོ་སྒྲོལ་བར་འདོད ་པ་རྣམས་དང་། ཆོས་ཀྱི་འཁོར་ལོ་ཆེན་པོ་བསྐོར་བར་འདོད་པ་རྣམས་དང་། ཆོས་ཀྱི་རྔ་བོ་ཆེ་ཆེན་པོ་རྡུང་བར་འདོད་པ་རྣམས་དང་། ཆོས་ཀྱི་རྒྱལ་མཚན་ཆེན་པོ་སྒྲེང་བར་འདོད ་པ་རྣམས་དང་། ཆོས་ཀྱི་ཏོག་ཆེན་པོ་གཟུང་བར་འདོད་པ་རྣམས་དང་། ཤེས་རབ་ཀྱི་སྣང་བ་ཆེན་པོ་བྱ་བར་འདོད་པ་རྣམས་དང་། ཡེ་ཤེས་ཆེན་པོའི་རྗེས་སུ་འགྲོ་བར་འདོད་པ་རྣམས ་དང་|་ཡེ་ཤེས་ཆེན་པོ་ཡོངས་སུ་རྫོགས་པར་བྱེད་འདོད་པ་དེ་དག་དང་། དེ་ལྟ་བུར་ཡོན་ཏན་ཚད་མེད་པ་དང་ལྡན་པའི་སེམས་ཅན་དེ་དག་གི་དོན་དུ་དེ་བཞིན་གཤེགས་པ་ལ་ཞུ་བར ་བྱེད་པ་ཁྱོད་ལེགས་སོ། །ལྷའི་བུ། དེའི་ཕྱིར་ལེགས་པར་རབ་ཏུ་ཉོན་ལ་ཚུལ་བཞིན་དུ་ཡིད་ལ་བྱོས་ཤིག་དང་། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མངོན ་པར་ཤེས་པ་ཆེན་པོ་དང་། ཡེ་ཤེས་ཀྱི་ཁྱད་པར་དམ་པའི་ཕ་རོལ་ཏུ་སོན་པ་ཡིན་པ་དང་། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བསམ་གྱིས་མི་ཁྱབ་པའི་ཐབས ་ལ་མཁས་པས་ཡོངས་སུ་བསྔོ་བ་ཤེས་པ་དང་ལྡན་པ་ཡིན་པ་དང་། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཚུལ་གཅིག་པ་དང་། རོ་གཅིག་པ་དང་། ་འཇུག་པ་གཅིག་པ་དང་། བཤད་པ་གཅིག་པ་ཤེས་པ་རྗེས་སུ་འཐོབ་པ་ཡིན་པ་དང་། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཟབ ་མོའི་ཚུལ་ཁྲིམས་ཅན་བག་ཡོད་པར་སྦྱོར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་ཡིན་པ་ངས་ཁྱོད་ལ་བསྟན ་ཏོ|་|བཅོམ་ལྡན་འདས། དེ་ལྟར་འཚལ་ལོ། །ཞེས་གསོལ་ཏེ། ལྷའི་བུ་ཟླ་བས་བཅོམ་ལྡན་འདས་ཀྱི་ལྟར་མཉན་པ་དང་། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ ་སྩལ་ཏོ|་|ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། མངོན་པར་ཤེས་པ་ཆེན་པོ་དང་། ཡེ་ཤེས་ཀྱི་ཁྱད་པར་དམ་པའི་ཕ་རོལ་ཏུ་སོན་པ ་ཡིན་ཏེ|་བཞི་གང་ཞེ་ན། ལྷའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཆོས་ཐམས་ཅད་ཤེས་པ་ལའང་མཁས་ལ་ཆོས་ཐམས་ཅད་ལའང་མངོན་པར་ཞེན ་པ་མེད་དོ། །དེ་ནི། ཆོས་ཐམས་ཅད་ནམ་མཁའ་དང་མཉམ་པར་རིག་པ་དང་། ཤེས་པ་དང་། ཐོབ་པ་དང་། མངོན་སུམ་དུ་གྱུར་པའང་ཡིན་ལ་ཆོས་ཐམས་ཅད་ཀྱང་ཆོས་ཉིད་དང ་མཐུན་པར་སྦྱོར་ཏེ། ཆོས་ཀྱི་དབྱིངས་ལ་མ་གཏོགས་པར་ཆོས་གཞན་ཅིའང་ཡང་དག་པར་མི་མཐོང་ངོ་། །ལྷའི་བུ། དེ་ལ་ཆོས་ཐམས་ཅད་ཚུལ་གཅིག་པ་གང་ཞེ་ན། སྔོན ་གྱི་མཐའ་ཐམས་ཅད་ཇི་ལྟར་སྟོང་པ་དེ་ཁོ་ན་བཞིན་དུ་ཕྱི་མའི་མཐའ་ཡང་སྟོང་ལ། ད་ལྟར་བྱུང་བ་གང་ཡིན་པ་དེའང་ངོ་བོ་ཉིད་སྟོང་པ་ཉིད་ཀྱིས་སྟོང་སྟེ། ལྷའི་བུ་དེ་ལྟར་ན་དུས་གསུམ ་སྟོང་པ་ཉིད་ལ་རྣམ་པར་མི་རྟོག་པ་གང་ཡིན་པ་དེ་ནི། ཇི་ལྟ་བ་བཞིན་ཞེས་བྱའོ། །དེ་ལ་བྱེད་པ་དང་། ཤེས་པ་དང་། སྟོན་པ་དང་། འདོགས་པ་དང་། འགྲེལ་པ་དང་། རྣམ་པར་འབྱེད་པ ་དང་། གསལ་བར་བྱེད་པ་དང་། འཆད་པ་འདི་ནི། མཁས་པ་ཞེས་བྱའོ། །དེ་ལ་ཇི་ལྟར་ཆོས་ཐམས་ཅད་ལ་མངོན་པར་ཞེན་པ་མེད་ཅེ་ན། ལྷའི་བུ། ཆོས་ཐམས་ཅད་ནི། བདག་ཉིད ་ཀྱི་ཀུན་ནས་སློང་བས་ཀུན་ནས་བསླང་བ་སྟེ། དེས་ཆོས་ཐམས་ཅད་དྲན་པ་ཉེ་བར་བཞག་པས་ཀུན་ནས་བསླང་པར་རིག་ནས་བདག་ལ་མངོན་པར་ཞེན་པ་མེད་དོ། །དེ་བདག་ལ་མངོན ་པར་ཞེན་པ་མེད་པས་ཆོས་གཞན་རྣམས་སློང་བར་མི་བྱེད་དོ། །ཆོས་གང་ཡང་མི་ཤེས་ཤིང་མ་བསླངས་པས་ན། དེ་ལ་མངོན་པར་ཞེན་པར་མི་ནུས་སོ། །དེ་མངོན་པར་ཞེན་པ་མེད་པས ་ན་ཆོས་རྣམ་པར་གཞག་པར་ཡང་བྱེད་ལ་ཆོས་གང་ལའང་མངོན་པར་ཞེན་པར་མི་འགྱུར་རོ། །ལྷའི་བུ། དེ་ལ་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད ་ནམ་མཁས་དང་འདྲ་བར་ཤེས་ཤེ་ན། ལྷའི་བུ། ཁམས་གསུམ་པ་ནི། སེམས་ཙམ་དུ་ཟད་ལ་སེམས་དེའང་གཟུགས་མེད་པ། བསྟན་དུ་མེད་པ། ཐོགས་པ་མེད་པ། རྣམ་པར ་རིག་པར་བྱེད་པ་མ་ཡིན་པ། སྒྱུ་མ་ལྟ་བུ་སྟེ། སེམས་དེའང་སེམས་ཀྱི་ཆོས་ཉིད་ཀྱིས་ཡོངས་སུ་བཙལ་ཀྱང་མི་རྙེད་དོ། །སེམས་གང་གིས་སེམས ་ཡོངས་སུ་བཙལ་བའི་སེམས་དེའང་མི་རྙེད་དོ། །དེ་སེམས་མི་དམིགས་པས་ཆོས་ཐམས་ཅད་མི་དམིགས་སོ། །ཆོས་ཐམས་ཅད་མི་དམིགས་པས་ཆོས་གང་ཡང་མཚན ་མའམ་རྗེས་སུ་ཡང་དག་པར་མི་མཐོང་སྟེ། ཆོས་ཐམས་ཅད་ལ་ཆགས་པར་མི་འགྱུར་རོ། །ཆོས་ཐམས་ཅད་ཡོངས་སུ་མ་གྲུབ་པའི་ཕྱིར་ནམ་མཁའ་དང་འདྲ་བར་ཤེས་སོ། ། ་ལྷའི་བུ|་དཔེར་ན། ནམ་མཁའ་མ་སྐྱེས་ཤིང་ཡོངས་སུ་མ་གྲུབ་པ་དེ་བཞིན་དུ་དེས་ཆོས་ཐམས་ཅད་ཤེས་སོ། །ཇི་ལྟར་ནམ་མཁའ་ཞེས་བྱ་བ་དེའང་དབེན་པ། དེ་བཞིན ་དུ་ཆོས་ཐམས་ཅད་ཀྱང་མིང་ཙམ་དུ་ཟང་དེ། དེ་དག་ཀྱང་དབེན་པའོ། །ཇི་ལྟར་བྱང་ཆུབ་སེམས་དཔས་ཆོས་ཉིད་དང་མཐུན་པར་སྦྱོར་ཞེ་ན། ལྷའི་བུ། འདི་ལ་བྱང་ཆུབ་སེམས ་དཔའ་སེམས་དཔའ་ཆེན་པོས་འདི་ལ་སོ་སོར་ཡང་དག་པར་བསླབ་ན། ཆོས་འདི་དག་ཐམས་ཅད་གཅིག་གིས་གཅིག་མི་ཤེས་ཤིང་མི་མཐོང་སྟེ། མིག་གིས་ཀྱང་རྣ་བ་མི ་ཤེས་ཤིང་མི་མཐོང་ལ། རྣ་བས་ཀྱང་མིག་མི་ཤེས་ཤིང་མི་མཐོང་ངོ་། །སྣས་ཀྱང་ལྕེ་མི་ཤེས་ཤིང་མི་མཐོང་ལ། ལྕེས་ཀྱང་སྣ་མི་ཤེས་ཤིང་མི་མཐོང་ངོ་། །ལུས་ཀྱིས་ཀྱང ་ཡིད་མི་ཤེས་ཤིང་མི་མཐོང་ལ། ཡིད་ཀྱིས་ཀྱང་ལུས་མི་ཤེས་ཤིང་མི་མཐོང་ངོ་། །ཆོས་འདི་དག་ཐམས་ཅད་ནི། བེམ་པོ། སྤྱོད་པ་མེད་པ། བྱེད་པ་མེད་པའོ། །དེས་དེ་ཆོས་ཀྱི་དབྱིངས་དང ་འདྲ་བར་ཤེས་ཏེ། དེ་ལྟ་བུའི་ཤེས་རབ་དང་ལྡན་པ་དེ་ནི། ཡུལ་དྲུག་ལས་ཆོས་གང་སྣང་བར་གྱུར་པ་ན། དེ་འདི་སྙམ་དུ་སེམས་ཏེ། འདི་ལ་ནི། གང་ཕྱི་རོལ་རིག་པར་བྱེད་པའི ་ནང་གི་ཆོས་གང་ཡང་མེད་དོ། །འདི་ལ་ནི། གང་ནང་རིག་པར་བྱེད་པའི་ཕ་རོལ་གྱི་ཆོས་གང་ཡང་མེད་དོ་སྙམ་མོ། །དེས་དེ་ལྟར་ཤེས་ཤིང་དེ་ལྟར་མཐོང་བས་ཆོས་གང་གིའང་སྐྱེ ་བའམ|་འགག་པའམ། གནས་པ་ཡང་དག་པར་མི་མཐོང་ངོ་། །ལྷའི་བུ། གང་ལ་སྐྱེ་བའང་མེད། འགག་པའང་མེད། གནས་པའང་མེད་པ་དེ་ནི། ཆོས་ཀྱི་དབྱིངས་སོ། །ལྷའི ་བུ|་གཞན་ཡང་བྱང་ཆུབ་སེམས་དཔའ་ནི། འདི་སྙམ་དུ་སེམས་ཏེ། ཆོས་ཐམས་ཅད་ནི། གནས་པ་སྟེ། གཏན་དུ་མི་སྐྱེ་བར་གནས་པའི་ཕྱིར་རོ་སྙམ་མོ། །དེ་དེ་ལྟར་ཆོས་ཐམས ་ཅད་ལ་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པ་དང་ལྡན་པས་ན། ཆོས་ཉིད་ལ་མ་གཏོགས་པའི་ཆོས་གང་ཡང་མི་མཐོང་ལ། ཆོས་ཐམས་ཅད་ཀྱང་ཆོས་ཉིད་དང་མཐུན་པར ་སྦྱོར་ཏེ། ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན། མངོན་པར་ཤེས་པ་ཆེན་པོ་དང་། ཡེ་ཤེས་ཀྱི་ཁྱད་པར་དམ་པའི་ཕ་རོལ་ཏུ་སོན་པ ་ཡིན་ནོ། |ལྷའི་བུ། དེ་ལ་མངོན་པར་ཤེས་པ་གང་ཞེ་ན། ལྷའི་བུ། མངོན་པར་ཤེས་པ་ཞེས་བྱ་བ་ནི། ཆོས་ཐམས་ཅད་ལ་གཞན་གྱི་དྲིང་མི་འཇོག་པའི ་ཤེས་པ་གང་ཡིན་པའོ། །ལྷའི་བུ། ཡེ་ཤེས་ཞེས་བྱ་བ་ནི། ཆོས་ཐམས་ཅད་ལ་གཉིས་སུ་མི་འབྱེད་པ་གང་ཡིན་པའོ། །ལྷའི་བུ། གཉིས་སུ་མེད་པ་ཞེས་བྱ་བ་ནི། གང་ལ་མིག་དང ་གཟུགས་འདོགས་པར་མི་བྱེད། རྣ་བ་དང་སྒྲ་འདོགས་པར་མི་བྱེད། སྣ་དང་དྲི་འདོགས་པར་མི་བྱེད། ལྕེ་དང་རོ་འདོགས་པར་མི་བྱེད། ལུས་དང་རེག་བྱ་འདོགས་པར་མི་བྱེད། ་ཡིད་དང་ཆོས་འདོགས་པར་མི་བྱེད་པའོ། །བྱང་ཆུབ་སེམས་དཔའ་ཡེ་ཤེས་དེ་ལྟ་བུ་དང་ལྡན་པ་ནི། མངོན་པར་ཤེས་པ་ལྔ་ཐོབ་པར་འགྱུར་ཏེ། དེའང་བསམ་པ་ཇི་ལྟ་བ་བཞིན ་དུ་སྨོན་ལམ་ཡོངས་སུ་རྫོགས་ནས་ཐོབ་པར་འགྱུར་རོ། །ལྷའི་བུ། བྱང་ཆུབ་སེམས་དཔའ་ཡེ་ཤེས་དེ་ལྟ་བུ་དང་ལྡན་པ་ནི། ལྷའི་མིག་གིས་ཕྱོགས་བཅུར་སངས་རྒྱས་ཀྱི་ཞིང ་བྱེ་བ་ཁྲག་ཁྲིག་འབུམ་ཕྲག་དཔག་ཏུ་མེད་པ་དག་མཐོང་ངོ་། །སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་གང་དག་བཞུགས ་བ་དེ་དག་ཀྱང་མཐོང་ངོ་། །སངས་རྒྱས་བཅོམ་ལྡན་འདས་དེ་དག་ཆོས་བསྟན་པ་གང་དག་ཡིན་པ་དེ་དག་ཀྱང་ལྷའི་རྣ་བའི་ཁམས་ཀྱིས་ཐམས་ཅད་ཐོས་སོ། །སངས་རྒྱས་ཀྱི་ཞིང ་དེ་དག་ན་སེམས་ཅན་རྣམས་ཀྱི་བསམ་པ་དང་སྤྱོད་པ་ཐ་མ་དང་། འབྲིང་དང་། རབ་དག་གང་ཡིན་པ་དེ་དག་ཐམས་ཅད་ཀྱང་རབ་ཏུ་ཤེས་སོ། །སངས་རྒྱས་ཀྱི་ཞིང་དེ་དག་ཐམས་ཅད་དུའང་སྐད ་ཅིག་དེ་ལ་འགྲོའོ། །དེ་བདག་ཉིད་ཀྱི་སྔོན་གྱི་གནས་ཤེས་པ་མངོན་སུམ་དུ་བྱེད་པ་ལས་ཀྱང་བརྩམས་ནས་ཆོས་སྟོན་པར་བྱེད་དེ། ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ ་ཡེ་ཤེས་དེ་ལྟ་བུ་དང་ལྡན་པ་ནི། ཐམས་ཅད་མཁྱེན་པ་ཉིད་མ་ཐོབ་པར་ཡང་སེམས་ཅན་རྣམས་ལ་སངས་རྒྱས་ཀྱི་བྱ་བས་ཉེ་བར་གནས་པ་ཡིན་ཏེ། སངས་རྒྱས་ཀྱི་ཆོས་ཐམས་ཅད ་ཀྱང་མྱུར་དུ་ཡོངས་སུ་རྫོགས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད ་པ་འདི་དག་བཀའ་སྩལ་ཏོ། །ཐབས་ཤེས་པ་ལ་མཁས་ཤིང་གསལ་བ་ནི། །མངོན་ཤེས་ཆེན་པོ་ཡོངས་སུ་རྫོགས་པར་བྱེད། །རྟག་ཏུ་ཆོས་ཀུན་ནམ་མཁའ་ལྟ་བུར་ཤེས། །དེ་ནི་ཟབ་མོའི ་ཚུལ་ཁྲིམས་ལྡན་པ་ཡིན། །ཆོས་རྣམས་ཐམས་ཅད་ཇི་བཞིན་ཤེས་པ་ཡི། །མཁས་པ་མངོན་པར་ཞེན་པ་མི་བྱེད་དེ། །རྟག་ཏུ་ཆོས་ཀུན་ནམ་མཁའ་ལྟ་བུ་དང་། །རྟག་ཏུ་སྟོང་པའི་བདག་མེད ་ཤེས་པ་ཡིན། །ཆོས་དང་ཆོས་ཀྱི་དབྱིངས་ལ་མཐུན་པར་སྦྱོར། །ཆོས་ཀྱི་དབྱིངས་ལ་མ་གཏོགས་མཐོང་བ་མེད། །གང་གིས་དེ་མཐོང་དེ་ཡང་ལྷག་པར་མཐོང་། །དེ་ལྟར་མངོན་པར་བརྩོན ་པས་མངོན་ཤེས་འཐོབ། །སྔོན་གྱི་ཆོས་རྣམས་ཇི་ལྟར་སྟོང་པ་བཞིན། །མ་འོངས་པ་རྣམས་དེ་བཞིན་སྟོང་པ་དང་། །དེས་ནི་ད་ལྟར་བྱུང་བའང་དེ ་བཞིན་མཐོང་། །དེ་དག་སྔོན་ཆད་ཇི་བཞིན་བརྗོད་པ་ཡིན། །ཆོས་རྣམས་ཐམས་ཅད་རྟག་ཏུ་དུས་གསུམ་སྟོང་། །མཁས་པ་མི་རྟོག་རྣམ་པར་རྟོག་མི་བྱེད། །མི་རྟོག་རྣམ་པར་རྟོག ་པར་མི་བྱེད་ན། |ཇི་བཞིན་མཐོང་བ་ལ་ནི་འཇིགས་པ་མེད། །དེ་ཉིད་ཤེས་ལྡན་མཁས་ལ་གསལ་བ་སྟེ། །ཆོས་ཀྱང་སྟོན་ལ་ཆོས་ཀྱི་འདུ་ཤེས་མེད། །རློམ་སེམས་མེད་པ་ལ་ནི ་རྟེན་པའང་མེད། །རྟེན་པ་མེད་པ་ལ་ནི་གཡོ་བའང་མེད། །ཆོས་འདི་ཐམས་ཅད་བདག་ལས་བྱུང་བ་སྟེ། །དེ་ནི་བདག་མེད་རང་བཞིན་བདག་མེད་དེ། །ཆོས་འདི་ཐམས་ཅད ་བདག་མེད་རྟོགས་ནས་ཀྱང་། །མཁས་པ་ཆོས་གཞན་ཀུན་ནས་སློང་མི་བྱེད། །མ་སྐྱེས་གང་ཡིན་དེ་ནི་འབྱུང་མི་འགྱུར། །དེ་ནི་དེ་ལ་མངོན་པར་ཞེན་པ་མེད། །རྣམ་པར་གཞག ་པས་ཆོས་ཀུན་སྟོན་པར་བྱེད། །ཆོས་རྣམས་སྟོན་ཀྱང་བདག་ལ་སེམས་པ་མེད། །སྲིད་གསུམ་ཐམས་ཅད་སེམས་ལས་འགྲུབ་པར་འགྱུར། །སེམས་དེ་ཉིད་ཀྱང་རྟག་ཏུ་བསྟན ་དུ་མེད|་|གཟུགས་མེད་ལུང་དུ་མ་བསྟན་སྒྱུ་མ་འདྲ། །མཁས་པ་དེ་ནི་སེམས་ཀྱི་ཆོས་ཉིད་ཚོལ། །དེ་ནི་སེམས་ཀྱི་ཆོས་ཉིད་ཚོལ་བ་ན། །སེམས་དང་སེམས་ཀྱི་ཆོས་ཉིད་མཐོང ་བ་མེད|་|སེམས་དེ་སེམས་གང་གིས་ནི་ཚོལ་བྱེད་པ། །སེམས་དེ་ཡང་ནི་རང་བཞིན་མཐོང་བ་མེད། །དེ་ནི་ཆོས་རྣམས་ཀུན་གྱིས་མི་གོས་ཏེ། །དེ་ཡི་མཚན་མ་འདོད་ཆགས་འཇུག་པ་མེད། །དེ་ནི ་ཆོས་ཀུན་མ་གྲུབ་ཤེས་ནས་ཀྱང་། །དེ་ཡིས་རྟག་ཏུ་ནམ་མཁའ་ལྟ་བུར་ཤེས། །ཇི་ལྟར་ནམ་མཁའ་སྐྱེས་པར་མ་གྱུར་པ། །དེ་བཞིན་དེ་ཡིས་ཆོས་རྣམས་ཐམས་ཅད་ཤེས། །སྙིང་པོ་མེད་པ ་ནམ་མཁའ་མིང་གིས་བྱས། །ཆོས་རྣམས་སྟོང་པ་མིག་གིས་རྣམ་པར་བརྗོད། །ནམ་ཡང་རྣ་བས་མིག་ནི་མཐོང་བ་མེད། །རྣ་བ་ཡིས་ནི་ནམ་ཡང་མིག་མ་མཐོང་། །སྣས་ཀྱང་ལྕེ་མིན་ལྕེས་ཀྱང ་སྣ་མ་ཡིན། །དེ་དག་གཅིག་ལ་གཅིག་ནི་མཐོང་བ་མེད། །ལུས་ཀྱིས་ནམ་ཡང་ཡིད་ནི་མཐོང་མི་འགྱུར། །ཡིད་ཀྱིས་ནམ་ཡང་ལུས་ནི་མཐོང་བ་མེད། །འདི་དག་ཕན་ཚུན་འདོགས་པར་མི་བྱེད ་དེ|་|དེ་ཕྱིར་འདི་དག་རྟག་ཏུ་དབེན་པ་ཡིན། །སྤྱོད་མེད་བྱེད་པ་མེད་པ་བེམ་པོ་སྟེ། །ཆོས་ཀྱི་དབྱིངས་ལ་རྟག་ཏུ་མཚུངས་ཤིང་མཉམ། །ནང་ཡང་ཕྱི་རོལ་དག་གིས་མི་ཤེས་ལ། །ཕྱི་རོལ་དག ་ཀྱང་ནང་གིས་མི་ཤེས་སོ། །དེ་ཕྱིར་ཆོས་རྣམས་འདི་དག་རབ་ཤེས་པ། །རྟག་ཏུ་དེ་ཡི་ཤེས་པ་མཐའ་ཡང་ཡས། །ཕྱོགས་བཅུར་སངས་རྒྱས་བྱེ་བ་ཉན་ཐོས་བཅས། །མཐོང་དུ་ཟིན་ཀྱང་རྟོག ་བར་མི་བྱེད་དོ། །ཤེས་རབ་མཐའ་ཡས་ཚུལ་ཁྲིམས་སར་དག་པ། །དེ་དག་ཆོས་རྣམས་སྟོན་པ་གང་ཡིན་པ། །ལེགས་པར་གསུངས་པ་དེ་དག་ཐམས་ཅད་ཐོས། །བཟུང་ནས་ཀྱང་ནི་ཡང་དག ་འཛིན་པར་བྱེད། །དེས་ནི་སེམས་ཅན་ཀུན་གྱི་སེམས་ཀྱང་ཤེས། །རྫུ་འཕྲུལ་གྱིས་ནི་ཞིང་རྣམས་བྱེ་བར་འགྲོ་།བསྐལ་པ་བྱེ་བ་བསམ་གྱིས་མི་ཁྱབ་པ། ། ་གངྒཱའི་བྱེ་སྙེད་སྔོན་གྱི་གནས་ཀྱང་དྲན། །དེ་ཕྱིར་མངོན་ཤེས་ལྔ་པོ་འདི་བསྒོམས་ན། །བདེ་གཤེགས་ཡེ་ཤེས་དང་ཡང་ཉེ་བར་འགྱུར། །མཁས་དེ་རྟག་ཏུ་སངས་རྒྱས་བྱེ་བས་གནས། ་བྱང་ཆུབ་མ་ཐོབ་པར་ཡང་དོན་བྱེད་འགྱུར། །གང་ཞིག་འདི་འདྲའི་ཆོས་བསྟན་ཐོས་ནས་ཀྱང་། །དགའ་བ་རྒྱ་ཆེན་གཙོ་བོ་སྐྱེ་འགྱུར་བ། །དེ་ལ་བདུད་ཀྱིས་ཚུགས་པར་མི་འགྱུར་ཏེ། ། ་མྱུར་དུ་བྱང་ཆུབ་མཆོག་ཏུ་རྫོགས་འཚང་རྒྱ། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། བསམ་གྱིས་མི་ཁྱབ་པའི་ཐབས་ཤེས་པ་ལ ་མཁས་པ་ཡིན་པར་རིག་པར་བྱའོ། །བཞི་གང་ཞེ་ན། ལྷའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཐབས་ལ་མཁས་པ་ཡིན་ཏེ། དེ་ཇི་ལྟ་ཇི་ལྟར་བདག ་ཉིད་སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ཀྱིས་གནོད་པར་གྱུར་པར་མཐོང་བ་དེ་ལྟ་དེ་ལྟར་སེམས་ཅན་རྣམས་ཀྱི་སྡུག་བསྔལ་ཞི་བར་བྱ་བའི་ཕྱིར་བརྩོན ་འགྲུས་རྩོམ་སྟེ། དེས་སེམས་ཅན་ཐམས་ཅད་ཀྱང་བྱང་ཆུབ་ཀྱི་སེམས་ལ་ངེས་པར་འདོགས་ལ་ཆོས་ཐམས་ཅད་ཀྱང་བྱང་ཆུབ་ཀྱི་སེམས་ལ་ངེས་པར་འདོགས་སོ། །དེ་སེམས ་ཅ་ཨན་ཐམས་ཅད་ཀྱི་དུས་གསུམ་དུ་ཡང་དག་པར་བསྒྲུབས་པའི་བསོད་ནམས་ཐམས་ཅད་ཀྱི་ཕུང་པོ་ལའང་རྗེས་སུ་ཡི་རང་བར་བྱེད་ལ་སངས་རྒྱས་ཐམས་ཅད་ཀྱི་དུས་གསུམ་དུ་ཡང་དག ་པར་བསྒྲུབས་པའི་བསོད་ནམས་ཀྱི་ཕུང་པོ་ལ་རྗེས་སུ་ཡི་རང་བར་བྱེད་དེ། དགེ་བའི་རྩ་བ་དེའང་སེམས་ཅན་དེ་དག་ཐམས་ཅད་ཉིད་ལ་འདོར་ཞིང་ཡོངས་སུ་གཏོང་བར་བྱེད་དེ། གང་རྣམ ་པ་ཐམས་ཅད་མཁྱེན་པ་ཉིད་དུ་ཡོངས་སུ་མི་བསྔོ་བའི་སེམས་བསྐྱེད་པའང་མེད་ལ་སེམས་ལ་མ་གཏོགས་པའི་བྱང་ཆུབ་ཀྱང་ཡང་དག་པར་མ་མཐོང་ངོ་། །བྱང་ཆུབ་ཀྱི་མཚན་ཉིད ་གང་ཡིན་པ་སེམས་ཀྱི་མཚན་ཉིད་ཀྱང་དེ་ཡིན་པར་ཤེས་ནས་འདྲ་བར་བྱེད་དོ། །སེམས་དང་བྱང་ཆུབ་ལའང་མངོན་པར་ཞེན་པ་མེད་ལ་ཐབས་ཤེས་པས་དགེ་བའི་རྩ་བའང་རྣམ་པར ་འཕེལ་བར་བྱེད་དོ། །དེས་ཆོས་ཀྱི་དབྱིངས་ཀྱང་རྣམ་པར་དག་པར་ཡང་དག་པར་མི་མཐོང་ལ། བསམ་གྱིས་མི་ཁྱབ་པའི་ཆོས་རྣམས་རྟོགས་པས་དགེ་བའི་རྩ་བ་ཡང་དག་པར་སྒྲུབ་པ ་ལའང་ཆོག་མི་ཤེས་སོ། །སེམས་ཀྱི་ལས་དང་། དགེ་བའི་སེམས་ལའང་མཆོག་ཏུ་འཛིན་པ་མེད་དོ། །དེ་སྦྱིན་པའང་སྦྱིན་པར་བྱེད་ལ་དེ་ལའང་རྣམ་པར་མི་རྟོག་གོ་།ཚུལ་ཁྲིམས་ཀྱང ་སྲུང་ལ་དེ་ལ་མཆོག་ཏུ་འཛིན་པའང་མེད་དོ། །བཟོད་པའང་སྒོམ་ལ་དེ་ལའང་མི་གནས་སོ། །བརྩོན་འགྲུས་ཀྱང་རྩོམ་ལ་དེ་ལའང་དབེན་པར་ཤེས་སོ། །བསམ་གཏན་ལའང་སྙོམས་པར ་འཇུག་ལ་དེ་ལའང་མི་རྟེན་ཏོ། །ཤེས་རབ་ལའང་སྤྱོད་ལ་དེ་ལའང་ཀུན་ཏུ་མི་སྤྱོད་དོ། །སེམས་ཅན་རྣམས་ཀྱང་ཡོངས་སུ་སྨིན་པར་བྱེད་ལ་དེའང་མི་དམིགས ་པར་སྤྱོད་དོ། །ཞིང་ཡང་ཡོངས་སུ་དག་པར་བྱེད་ལ་ཕན་གདགས་པའི་ཚུལ་གྱིས་བྱེད་དོ། །ཡེ་ཤེས་ཀྱང་ཡོངས་སུ་ཚོལ་ལ་དེའང་ཡོངས་སུ་ཚོལ་བ་མེད་པའི་ཚུལ་གྱིས་བྱེད་དོ། །ཆོས ་ཀྱང་སྟོན་ལ་དེའང་བརྗོད་དུ་མེད་པའི་ཚུལ་གྱིས་བྱེད་དེ། ལྷའི་བུ། དེ་ལྟར་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། དགེ་བའི་རྩ་བ་ཇི་ཙམ་དུ་ཆུང་བའང་ཚད་མེད ་པར་བྱེད་དོ། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་དགེ་བའི་རྩ་བ་ཇི་ཙམ་དུ་ཆུང་བའང་ཚད་མེད་པར་བྱེད་ཅེ་ན། ལྷའི་བུ། འདི་ལ་བྱང་ཆུབ་སེམས ་དཔའ་སེམས་དཔའ་ཆེན་པོ་ནི། ཆོས་ཐམས་ཅད་ལ་ཚད་མེད་པའི་འདུ་ཤེས་སྐྱེད་པར་བྱེད་དེ། གང་ལ་མུར་ཐུག་པ་ཡོད་པ་དེ་ལྟ་བུའི་ཆོས་ནི། གང་ཡང་མེད་དོ། །དེ་ཅིའི་ཕྱིར ་ཞེ་ན|་ལྷའི་བུ། ཆོས་ཐམས་ཅད་ནི། སྟོང་པ་དང་། མཚན་མ་མེད་པ་དང་། སྨོན་པ་མེད་པ་ཡིན་ལ་སྟོང་པ་གང་ཡིན་པ་དེ་ནི། ཚད་མེད་པའི་ཕྱིར་རོ། །ཚད་མེད་པར་བྱས་པའི ་སེམས་ཀྱིས་ཆོས་ཀྱི་ཕྱིར་སྦྱིན་པ་ཇི་ཙམ་དུ་ཆུང་བའང་ཐབས་ལ་མཁས་པས་ཚད་མེད་པར་བྱེད་དོ། །དེ་ཅིའི་ཕྱིར་ཞེ་ན། གང་དུ་བྱང་ཆུབ་ཀྱི་སེམས་དེ་ཡོངས་སུ་བསྔོ་བའི་བྱང ་ཆུབ་དེ་ཚད་མེད་པའི་ཕྱིར་རོ། །དེས་ཚད་མེད་པའི་སྤྱོད་པས་འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་ཚད་མེད་པའི་ཆོས་ཉིད་རྟོགས་པར་འགྱུར་རོ། །ལྷའི་བུ། གཞན ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་གྱི་སྤྱོད་པ་ལ་འཇུག་སྟེ། དེ་ཐབས་ལ་མཁས་པས་ཆོས་ཇི་ལྟ་བུ་ལ་མོས་པའི་སེམས་ཅན་རྣམས་ལ་དེ་ལྟ་བུའི ་མོས་པས་གནས་ཏེ། སྦྱིན་པའམ། རབ་ཏུ་སྦྱིན་པའམ། ཆོས་བསྟན་པས་གནས་སོ། །ལྷའི་བུ། གཞན་ཡང་སྦྱིན་པ་བྱིན་པའི་སྒོ་ནས་དེའི་རང་བཞིན་དུ་གནས་ཏེ། ཚུལ་ཁྲིམས་ཀྱི ་རང་བཞིན་དུ་མ་ཡིན། བཟོད་པའི་རང་བཞིན་དུ་མ་ཡིན། བརྩོན་འགྲུས་ཀྱི་རང་བཞིན་དུ་མ་ཡིན། བསམ་གཏན་གྱི་རང་བཞིན་དུ་མ་ཡིན། ཤེས་རབ་ཀྱི་རང་བཞིན་དུ་མ་ཡིན་མོད ་ཀྱི|་འོན་ཀྱང་སྦྱིན་པའང་སྦྱིན་པར་བྱེད་ཅིང་ཚུལ་ཁྲིམས་ཀྱང་སྲུང་ལ་དེས་ཀྱང་རློམ་སེམས་སུ་མི་བྱེད་དོ། །ཚུལ་ཁྲིམས་དང་ལྡན་ཞིང་བཟོད་པའང་ཕུན་སུམ་ཚོགས་ལ། གཞན་དག ་གིས་བྱས་པ་དང་མ་བྱས་པ་རྣམས་ཀྱང་བཟོད་དོ། །དཀར་པོའི་སྤྱོད་པ་ཐམས་ཅད་ལའང་བརྩོན་འགྲུས་རྩོམ་ལ་བསམ་གཏན་ལའང་བསམ་གཏན་བྱེད་ཅིང་། ཤེས་རབ་གྱིས་ལྷག་པར ་མཐོང་བ་ལའང་མཁས་སོ། །ལྷའི་བུ། གཞན་ཡང་བྱང་ཆུབ་སེམས་དཔའ་ཐབས་ཤེས་པ་ལ་མཁས་པ་ནི། ཉན་ཐོས་རྣམས་དང་ལྷན་ཅིག་འཁོད་ནའང་དེ་དག་ལ་འདོད་པར་ཡང་མི ་བྱེད་ལ་དེའི་སྙིང་པོ་གང་ཡིན་པ་དེས་ཀྱང་ཉེ་བར་འཚོ་བར་བྱེད་དོ། །རང་སངས་རྒྱས་ཀྱི་བྱང་ཆུབ་ཀྱི་ཐེག་པ་པ་དག་དང་ལྷན་ཅིག་འཁོད་ནའང་དེ་དག་ལ ་འདོད་པར་ཡང་མི་བྱེད་ལ། དེའི་སྙིང་པོ་གང་ཡིན་པ་དེས་ཀྱང་ཉེ་བར་འཚོ་བར་བྱེད་དེ། ལྷའི་བུ། བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། བསམ་གྱིས་མི་ཁྱབ་པའི ་ཐབས་ཤེས་པ་ལ་མཁས་པ་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །བདག་ཉིད་དང་ནི་གཞན་དག་གི་།གཉིས་ཀའི་སྡུག ་བསྔལ་རབ་ཤེས་ནས། །བདག་གི་སྡུག་བསྔལ་ཞི་བྱེད་ཅིང་། །གཞན་གྱི་སྡུག་བསྔལ་ཀུན་ཞི་བྱེད། །སེམས་ཅན་ཐམས་ཅད་བྱང་ཆུབ་སེམས། །སེམས་དེ་ལ་ནི་འདོགས་པར ་བྱེད|་|སེམས་ལ་ཆོས་རྣམས་ཐམས་ཅད་ཀྱང་། །དོན་གཅིག་ཏུ་ནི་འདོགས་པར་བྱེད། །སེམས་ཅན་ཀུན་གྱི་བསོད་ནམས་གང་། །དུས་གསུམ་གྱིས་ན་བསྡུས་རྣམས་དང་། །སངས ་རྒྱས་ཀུན་གྱི་བསོད་ནམས་གང་། །དེ་དག་ཀུན་གྱི་རྗེས་ཡི་རང་། །དགེ་བ་དེ་དག་ཐམས་ཅད་ཀྱང་། །སེམས་ཅན་ཀུན་ལ་སྦྱིན་པར་བྱེད། །སངས་རྒྱས་ཀྱི་ནི་ཡེ་ཤེས་ཕྱིར། །ལྷག་པའི་བསམ ་པས་འཇུག་པར་བྱེད། །སེམས་ནི་སྐྱེས་པ་ཐམས་ཅད་ཀྱང་། །བྱང་ཆུབ་ཏུ་ནི་ཡོངས་སུ་བསྔོ། །ཆོས་ཉིད་མ་གཏོགས་སེམས་གཞན་ནམ། །བྱང་ཆུབ་དག་ཀྱང་མཐོང་བ་མེད། །དེ་ནི ་སེམས་དང་བྱང་ཆུབ་ཀྱང་། །རྣམ་པ་གཉིས་སུ་མི་མཐོང་སྟེ། །བྱང་ཆུབ་དེ་ཡི་མཚན་ཉིད་གང་། །སེམས་ཀྱང་དེ་ཡི་མཚན་ཉིད་ཡིན། །མཉམ་པ་ཉིད་ཀྱི་ཆོས་རྣམས་མཉམ། །དེ་ནི་གནས་པ ་ཡོང་མེད་དེ། །མཛངས་པས་ཐབས་ལ་མཁས་པ་ནི། །དཀར་པོའི་ཆོས་ཀྱིས་རྒྱས་པར་འགྱུར། །དབྱིངས་དེ་ལ་ནི་འཕེལ་བ་མེད། །ཆོས་ཀྱི་དབྱིངས་ནི་བསམ་མི་ཁྱབ། །སངས་རྒྱས་ཆོས ་རྣམས་ཚོལ་བ་ལ། །རྟག་ཏུ་ཆོག་པར་འཛིན་པ་མེད། །བདག་ནི་དཀར་པོས་རྒྱས་སོ་སྙམ། །དེ་ནི་སེམས་གྱིས་བསམ་མི་བྱེད། །དེ་ནི་གང་དུ་བསྔོ་བ་ཡི། །བྱང་ཆུབ་དེ་ལའང་མཆོག་མི ་འཛིན|་|སྦྱིན་པའི་མི་རྟོག་སྦྱིན་པར་བྱེད། །རློམ་སེམས་མེད་པར་ཚུལ་ཁྲིམས་སྲུང་། །རྟག་ཏུ་བཟོད་པ་སྒོམ་བྱེད་ལ། །སེམས་ཅན་ལ་ཡང་གནས་པ་མེད། །སེམས་དང་ལུས་ནི་དབེན ་པ་ཡིས|་|རྟག་ཏུ་བརྩོན་འགྲུས་རྩོམ་པར་བྱེད། །རྟེན་མེད་བསམ་གཏན་ཕུན་སུམ་ཚོགས། །ཤེས་རབ་ཀྱི་ནི་ཕ་རོལ་སོན། །སེམས་ཅན་རྣམས་ཀྱང་སྨིན་བྱེད་ལ། །དེ་ནི་དམིགས་པས་གནས ་པ་མེད|་|ཞིང་ཡང་ཡོངས་སུ་སྦྱོང་བྱེད་ལ། །ལྷག་པར་འཛིན་པའང་ཡོད་མ་ཡིན། །དེ་ནི་སངས་རྒྱས་ཡེ་ཤེས་ཚོལ། །ཡི་གེ་རྣམས་ལའང་ཆགས་པ་མེད། །དེ་ལྟར་སྤྱོད་པ་དེ་ལ་ནི། །བྱང ་ཆུབ་རྙེད་པར་དཀའ་བ་མེད། །ཚད་མེད་བསམ་གྱིས་མི་ཁྱབ་པའི། །སྟོང་པ་ཉིད་དང་མཚན་མེད་དང་། །སྨོན་པ་མེད་ལ་མོས་ན་ནི། །དེ་ལ་ཚད་ཀྱང་མེད་པར་འགྱུར། །མོས་པ་ཇི་བཞིན་གཟུང ་ཕྱིར་སེམས་ཅན་ལ། །སྦྱིན་པ་སྤྱོད་ཀྱང་དེ་བཞིན་གནས་པ་མེད། །སྦྱིན་པའང་སྦྱིན་བྱེད་ཡང་ན་ལེན་པར་བྱེད། །དེ་དང་མཐུན་པར་ཆོས་ཀྱང་སྟོན་པར་བྱེད། །སྦྱིན ་པ་བྱས་ཀྱང་དེ་ལ་ཆགས་པ་མེད། །ཚུལ་ཁྲིམས་མཆོག་མིན་བཟོད་ལ་ཆགས་པ་མེད། །བརྩོན་འགྲུས་མཆོག་མིན་བསམ་གཏན་ཆགས་པ་མེད། །ཤེས་རབ་ཡེ་ཤེས་ལ་ནི་སེར ་སྣ་མེད|་|སྦྱིན་པ་སྦྱིན་ཡང་དེ་ནི་ཚུལ་ཁྲིམས་སྤྱོད། །བཟོད་པ་སྒོམ་ཡང་རྟག་ཏུ་བརྩོན་འགྲུས་ལྡན། །བསམ་གཏན་གྱིས་ནི་རྟག་ཏུ་གནས་པ་མེད། །སྦྱིན་བྱེད་དེ་ནི་ཤེས་པས ་ངེས་པར་འབྱུང་། །རང་སངས་རྒྱས་དང་ཉན་ཐོས་དེ་དག་དང་། །རྟག་ཏུ་གནས་ཀྱང་བྱང་ཆུབ་སེམས་དཔའ་ནི། །རྟག་ཏུ་སྙིང་པོ་ཅི་ཡོད་འཚོ་བྱེད་ཀྱང་། །འཇིགས་མེད་དེ་དག་ལ་ནི ་འདོད་པ་མེད། །ཆོས་འདི་དག་གིས་གནས་པ་རྫོགས་པ་ཡི། །བྱང་ཆུབ་སེམས་དཔའ་སྨད་དུ་མེད་པ་རྣམས། །ཐབས་ཀྱིས་ཤེས་པ་བསམ་གྱིས་མི་ཁྱབ་སྟེ། །དེ་དག་སྦྱིན་པ ་ཆུང་དུའང་མཐའ་ཡས་འགྱུར། །ལྷའི་བུ། བྱང་ཆུབ་སེམས་དཔའ་ཆོས་བཞི་དང་ལྡན་ན་ཆོས་ཐམས་ཅད་ཚུལ་གཅིག་པ་དང་། རོ་གཅིག་པ་དང་། འཇུག་པ་གཅིག་པ་དང་། ་བསྟན་པ་གཅིག་པར་རབ་ཏུ་ཤེས་སོ། །བཞི་གང་ཞེ་ན། ལྷའི་བུ། འདི་ལ་བྱང་ཆུབ་སེམས་དཔའ་ནི། ཆོས་ཀྱི་དབྱིངས་མ་འདྲེས་པའི་ཤེས་པ་ལ་མཁས་པ་དང་། ཆོས་ཐམས ་ཅད་སྟོང་པའི་རྗེས་སུ་འགྲོ་བ་དང་། ཆོས་གང་ལའང་སྒྲོ་འདོགས་པར་མི་བྱེད་དེ། བདག་ཏུ་སྒྲོ་འདོགས་པའམ། གཞན་དུ་སྒྲོ་འདོགས་པར་མི་བྱེད་པ་དང་། དབེན་པའི་ཚུལ་གྱིས་ཆོས ་ཐམས་ཅད་ཁོང་དུ་ཆུད་པ་སྟེ། ལྷའི་བུ། བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། ཆོས་ཐམས་ཅད་ཚུལ་གཅིག་པ་དང་། རོ་གཅིག་པ་དང་། འཇུག་པ་གཅིག་པ་དང་། ་བསྟན་པ་གཅིག་པར་རབ་ཏུ་ཤེས་སོ། །དེས་དེ་ལྟར་ཤེས་པས་འཇིག་རྟེན་པ་དང་། འཇིག་རྟེན་ལས་འདས་པའི་ཆོས་རྣམས་ཀྱིས་རྣམ་པ་གཉིས་སུ་མི་འཇུག་སྟེ། ཁ་ན་མ་ཐོ་བ ་དང་བཅས་པ་དང་། ཁ་ན་མ་ཐོ་བ་མེད་པ་རྣམས་དང་། ཟག་པ་དང་བཅས་པ་དང་། ཟག་པ་མེད་པ་རྣམས་དང་། འདུས་བྱས་དང་། འདུས་མ་བྱས་ཀྱི་ཆོས་རྣམས་ཀྱི་རྣམ་པ་གཉིས་སུ་མི ་འཇུག་གོ་། དེས་ནི། ཆོས་གང་ལའང་མཆོག་གམ། ཐ་མར་ཡང་དག་པར་མི་མཐོང་ངོ་། །སོ་སོའི་སྐྱེ་བོའི་ཆོས་རྣམས་དང་། དགྲ་བཅོམ་པའི་ཆོས་རྣམས་ཐ་དད་པར་ཡང་དག་པར་མི ་མཐོང་སྟེ། སོ་སོའི་སྐྱེ་བོའི་ཆོས་རྣམས་ཀྱི་རང་བཞིན་གང་ཡིན་པ་དེ་ཉིད་དགྲ་བཅོམ་པའི་ཆོས་རྣམས་ཀྱི་རང་བཞིན་ཡིན་ནོ། །དབྲིར་ཡང་མེད་ལ་བསྣན་དུ་ཡང་མེད་དོ། །ཚུལ་གཅིག ་པའང་ཤེས་ཏེ། འདི་ལྟ་སྟེ། དབེན་པའི་ཚུལ་ལོ། །ཆོས་ཐམས་ཅད་ཀྱི་རབ་ཏུ་དབྱེ་བའང་སྟོན་ལ་ཆོས་ཀྱི་དབྱིངས་ཆད་པར་ཡང་ཡང་དག་པར་མི་མཐོང་ངོ་། །བཟོད་པ་གཅིག་དང་ཡང ་ལྡན་ཏེ|་འདི་ལྟ་སྟེ། སྟོང་པ་ཉིད་ཀྱི་བཟོད་པའོ། །སྟོང་པ་ཉིད་དང་བཟོད་པའང་རྣམ་པ་གཉིས་སུ་མི་འབྱེད་དོ། །འཇུག་པ་གཅིག་གིས་ཆོས་ཐམས་ཅད་ལ་འཇུག ་སྟེ|་འདི་ལྟ་སྟེ། མི་སྐྱེ་བའི་འཇུག་པས་སོ། །ལྷའི་བུ། བྱང་ཆུབ་སེམས་དཔའ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བ་ཡིན་ཏེ། དེ་འདི་སྙམ་དུ་བདག་ཉེ ་བར་གྱུར་ཏམ། འོན་ཏེ་ཉེ་བར་མ་གྱུར་ཅིག་གུ་སྙམ་དུའང་མི་སེམས་སོ། །དེ་ཅིའི་ཕྱིར་ཞེ་ན། དེས་ཚུལ་གཅིག་པ་ལས་སེམས་ཅན་རྣམས་ཀྱང་གཞན་ལ་བྱང་ཆུབ་ཀྱང་གཞན་པར ་ཡང་དག་པར་མི་མཐོང་བའི་ཕྱིར་རོ། །གཞན་ཡང་འདི་ལ་སེམས་ཅན་མི་དམིགས་པ་གང་ཡིན་པ་དེ་ཉིད་བྱང་ཆུབ་ཡིན་ནོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཐུགས་སུ ་ཆུད་ནས་ཡང་རྒྱས་པར་དཔྱད་དེ། དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཆོས་ཀྱི་དབྱིངས་ནི་འབྱེད་པར་མི་བྱེད་དེ། །ཆོས་ཀྱི་དབྱིངས་ལ་ཡང་དག་དམིགས་པ ་མེད|་|ཆོས་དབྱིངས་ཇི་བཞིན་ཆོས་ཀུན་དེ་དང་འདྲ། །འཛིན་པ་མེད་ཅིང་རྫས་ཀྱང་ཅི་ཡང་མེད། །ཆོས་ཀུན་སྟོང་པ་ཉིད་ཀྱི་རྗེས་སུ་འགྲོ། །ནང་དང་ཕྱི་རོལ་འདུས་བྱས་གང་ཡིན ་པའི|་|ཆོས་ཀུན་ཡ་མ་བྲལ་སྟེ་བྱེད་པ་མེད། །ཆོས་རྣམས་ཐམས་ཅད་ཚུལ་གཅིག་ཡིན་པར་ཤེས། །ཆོས་རྣམས་གང་ལའང་སྒྲོ་ནི་འདོགས་མི་བྱེད། །བདག་གམ་གཞན་ལའང་རྟེན ་པར་མི་བྱེད་དེ། །བདག་དང་བདག་གི་སྙམ་པ་བསལ་བྱས་པ། །དེ་ལ་ནམ་ཡང་ཐ་དད་དབྱེ་བ་མེད། །དབེན་པ་སྤྱོད་ཅིང་རབ་ཏུ་དབེན་ལ་གུས། །ཆོས་ཀུན་སྟོང་པ་ཉིད་དུ་ལྟ་བར་བྱེད། །དེ་ནི ་ཆོས་རྣམས་ཀུན་ལ་ལྟ་བ་ན། །དབེན་པ་ལ་ཡང་རྟོག་པར་མི་བྱེད་དོ། །འཇིག་རྟེན་འཇིག་རྟེན་འདས་པའི་ཆོས་བསྟན་ལ། །དེ་ནི་ཤས་ཆེར་གཉིས་སུ་མི་འཇུག་སྟེ། །ཁ་ན་མ་ཐོ་ཁ་ན་མ་ཐོ་མེད། ། ་ཟག་བཅས་ཟག་མེད་ཆོས་ལ་དེ་མི་རློམ། །འདུས་བྱས་རྣམས་དང་འདུས་མ་བྱས་རྣམས་ལ། །གཉིས་སུ་མི་འབྱེད་རྟག་ཏུ་གཅིག་པར་ལྟ། །སོ་སོའི་སྐྱེ་བོའམ་དགྲ་བཅོམ་གང་ཡིན་པ། ། ་ཕན་གདགས་འོས་སུ་གྱུར་པའི་ཆོས་མ་མཐོང་། །སོ་སོའི་སྐྱེ་བོའི་རང་བཞིན་གང་བསྟན་པ། །དེ་དག་ཉིད་ནི་དགྲ་བཅོམ་ཆོས་རྣམས་ཡིན། །དབྲིར་ཡང་མེད་ལ་བསྣན་དུའང་ཅི་ཡང་མེད། ། ་དབེན་པའི་སྒོ་ནས་ཚུལ་གཅིག་ཁོང་དུ་ཚུད། །དེ་ནི་ཆོས་ཀུན་རབ་དབྱེ་ཤེས་མོད་ཀྱི། །ཆོས་ཀྱི་དབྱིངས་ལ་འབྱེད་པར་ཡོང་མི་བྱེད། །ཆོས་འདི་ཐམས་ཅད་སྟོང་པ་མ་གཏོགས་པ། །བཟོད ་པའང་གཞན་ལ་འདོད་པའང་གཞན་མ་ཡིན། །སྟོང་པ་ཉིད་ལ་མི་རློམ་སོམ་ཉི་མེད། །འདི་དག་སྐྱེ་མེད་རང་བཞིན་འབྱུང་བ་མེད། །དེས་ནི་འཇུག་པ་གཅིག་པར་ཐམས་ཅད་ཤེས། །དེ་ལྟར ་སྤྱོད་པ་དེ་ལ་བྱང་ཆུབ་སླ། །བྱང་ཆུབ་མཚུངས་མེད་ལ་ནི་ཉེ་བར་གྱུར། །བདག་དང་བྱང་ཆུབ་ལ་ཡང་སེམས་དཔའ་མེད། །ཆོས་རྣམས་འདི་དག་ཐམས་ཅད་བདག་ནི་དམིགས། །དེས་ནི་དམིགས ་སུ་མེད་པར་བྱང་ཆུབ་རྟོགས། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཟབ་མོའི་ཚུལ་ཁྲིམས་ཅན་བག་ཡོད་པར་གནས ་པ་ཞེས་བྱའོ། །བཞི་གང་ཞེ་ན། ལྷའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི། འདི་སྙམ་དུ་སེམས་ཏེ། ཚུལ་ཁྲིམས་ཞེས་བྱ་བ་འདི་གང་ཡིན་སྙམ་མོ། །དེ ་དེ་ལྟར་ཚུལ་བཞིན་དུ་སོ་སོར་རྟོག་པ་ན་འདི་སྙམ་དུ་སེམས་ཏེ། ལུས་ཀྱིས་ལེགས་པར་སྤྱོད་པ་དང་། ངག་གིས་ལེགས་པར་སྤྱོད་པ་དང་། ཡིད་ཀྱིས་ལེགས་པར་སྤྱོད་པ་གང ་ཡིན་པ་དེ་ནི། ཚུལ་ཁྲིམས་ཞེས་བྱ་བ་ཡིན་ནོ་སྙམ་མོ། །དེ་འདི་སྙམ་དུ་སེམས་ཏེ། དེ་ལ་ལུས་ཀྱིས་ལེགས་པར་སྤྱོད་པ་གང་ཞེ་ན། ལུས་ཀྱིས་སྲོག་གཅོད་པའམ། མ་བྱིན ་པར་ལེན་པའམ། འདོད་པ་ལ་ལོག་པར་གཡེམ་པའི་ལས་མ་བྱས་པ་གང་ཡིན་པ་དེ་ནི། ལུས་ཀྱིས་ལེགས་པར་སྤྱོད་པ་ཡིན་ནོ། །དེ་ལ་ངག་གིས་ལེགས་པར་སྤྱོད་པ་གང་ཞེ་ན། ་ངག་གིས་རྫུན་དུ་སྨྲ་བའམ། ཕྲ་མའམ། ངག་རྩུབ་པོའམ། ཚིག་ཀྱལ་པའི་ལས་མ་བྱས་པ་གང་ཡིན་པ་དེ་ནི། ངག་གིས་ལེགས་པར་སྤྱོད་པ་ཡིན་ནོ། །དེ་ལ་ཡིད་ཀྱིས་ལེགས ་པར་སྤྱོད་པ་གང་ཞེ་ན། ཡིད་ཀྱིས་བརྣབ་སེམས་སམ། གནོད་སེམས་སམ། ལོག་པར་ལྟ་བའི་ལས་མ་བྱས་པ་གང་ཡིན་པ་དེ་ནི། ཡིད་ཀྱིས་ལེགས་པར་སྤྱོད་པ་ཡིན་ནོ་སྙམ ་མོ|་|དེ་དེ་ལྟར་ཚུལ་བཞིན་དུ་སོ་སོར་རྟོག་པ་ན་དེ་འདི་སྙམ་དུ་སེམས་ཏེ། ལུས་སམ། ངག་གམ། ཡིད་ཀྱི་ལས་བྱས་པ་གང་ཡིན་པ་དེ་ནི། སྔོན་པོ་ཞེས་བྱ་བའམ། སེར་པོ་ཞེས ་བྱ་བའམ། དམར་པོ་ཞེས་བྱ་བའམ། དཀར་པོ་ཞེས་བྱ་བའམ། བཙོད་ཀའམ། ཤེལ་གྱི་ཁ་དོག་ལྟ་བུ་ཞེས་བྱ་བར་གདགས་པར་མི་ནུས་ལ། དེ་ནི། མིག་གིས་རྣམ་པར་ཤེས་པར ་བྱ་བའམ། རྣ་བས་རྣམ་པར་ཤེས་པར་བྱ་བའམ། རྣས་རྣམ་པར་ཤེས་པར་བྱ་བའམ། ལྕེས་རྣམ་པར་ཤེས་པར་བྱ་བའམ། ལུས་ཀྱིས་རྣམ་པར་ཤེས་པར་བྱ་བའམ། ཡིད་ཀྱིས་རྣམ ་པར་ཤེས་པར་བྱ་བ་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་དེ་ནི། མ་སྐྱེས་པ་དང་། མ་བསྐྱེད་པ་དང་། མ་བསྐྲུན་པ་དང་། མ་བཀག་པའི་ཕྱིར་རོ། །གང་མ་སྐྱེས་པ་དང་། མ་བསྐྱེད ་པ་དང་། མ་བསྐྲུན་པ་དང་། མ་བཀག་པ་དེ་ནི། ཆོས་གང་གིས་ཀྱང་རྣམ་པར་ཤེས་པར་བྱ་བ་མ་ཡིན་པའི་ཕྱིར་རོ་སྙམ་མོ། །དེ་འདི་སྙམ་དུ་སེམས་ཏེ། གང་འདུས་མ་བྱས་པ་དེ་ནི། ་ཚུལ་ཁྲིམས་ཡིན་ཏེ། དེ་ལ་ནི། གདགས་པ་ཅིའང་མེད་དོ། །གང་གདགས་སུ་མེད་པ་དེ་ལ་ནི། བདག་གིས་ཀྱང་མངོན་པར་ཞེན་པར་བྱར་མེད་དོ་སྙམ་སྟེ། དེ་དེ་ལྟར་སྤྱོད་པ་ནི། ་ཚུལ་ཁྲིམས་དེ་ཡང་དག་པར་མི་མཐོང་ངོ་། །གང་དུ་ཚུལ་ཁྲིམས་དེ་ཡོངས་སུ་བསྔོས་པ་དེ་ཡང་དག་པར་མ་མཐོང་སྟེ། དེ་ལྟར་ན། བྱང་ཆུབ་སེམས་དཔའ་ཟབ་མོའི་ཚུལ་ཁྲིམས་ཅན ་ཞེས་བྱའོ། །ལྷའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི། འཇིག་ཚོགས་ལ་ལྟ་བ་ཡོངས་སུ་ཤེས་པའི་ཤེས་པ་དང་ལྡན ་པ་ཡིན་ཏེ། ལྟ་བ་གང་གིས་ཚུལ་ཁྲིམས་དང་ལྡན་པའམ། ཚུལ་ཁྲིམས་འཆལ་པ་ཞེས་སྤྲོས་པར་འགྱུར་བའི་འཇིག་ཚོགས་ལ་ལྟ་བ་སློང་བར་མི་བྱེད་དོ། །ལྷའི་བུ། གཞན ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཟབ་མོའི་ཚུལ་ལ་ཞུགས་པ་ཡིན་ཏེ། དེ་ནི། ལུས་དང་། ངག་གི་སྤྱོད་པ་དང་། སྤྱོད་ཡུལ་ཤེས་པ་བཞིན་དུ་སྤྱོད་པས་ཚུལ ་ཁྲིམས་དང་ལྡན་པ་ཞེས་བྱའོ། །དེའང་བདག་ལ་དམིགས་པ་དང་། གཞན་ལ་དམིགས་པར་སྤྱོད་པར་མི་བྱེད་དེ། དེས་ན་ཟབ་མོའི་ཚུལ་ཁྲིམས་ཅན་ཞེས་བྱའོ། །ལྷའི་བུ། གཞན ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཚུལ་ཁྲིམས་མ་ཉམས་པ་དང་། ཚུལ་ཁྲིམས་མ་ཞིག་པ་ཡིན་ནོ། །ལྷའི་བུ། ཇི་ལྟར་ན། བྱང་ཆུབ་སེམས་དཔའ་སེམས་དཔའ ་ཆེན་པོ་ཚུལ་ཁྲིམས་མ་ཉམས་པ་དང་། ཚུལ་ཁྲིམས་མ་ཞིག་པ་ཡིན་ཞེ་ན། ལྷའི་བུ། བདག་ལ་དམིགས་པ་ནི། ཚུལ་ཁྲིམས་ལ་དམིགས་པར་འགྱུར་རོ། །ལྷའི་བུ། གང་དག ་བདག་ལ་མི་དམིགས་པ་དེ་ནི། ཚུལ་ཁྲིམས་ལ་མི་དམིགས་སོ། །གང་ཚུལ་ཁྲིམས་ལ་མི་དམིགས་པ་དེ་ནི། ཚུལ་ཁྲིམས་ཉམས་པར་མི་བྱེད་ཅིང་། དེ་ནི། ཚུལ་ཁྲིམས་འཇིག ་བར་མི་བྱེད་དོ། །ཅིའི་ཕྱིར་ཉམས་པར་མི་བྱེད། འཇིག་པར་མི་བྱེད་ཅེ་ན། དེ་ནི། གཞན་ལས་ཆོས་ཐམས་ཅད་ཤེས་པ་ཡིན་ཏེ། གང་གཞན་ལས་འགྱུར་བ་དེ་ལ་ནི། བདག་ཀྱང་མེད། བདག ་གི་བའང་མེད་དོ། །གང་ལ་བདག་མེད་པ་དེ་ལ་ནི། འཇིག་པར་འགྱུར་བ་ཅིའང་མེད་དེ། ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན། ཟབ ་མོའི་ཚུལ་ཁྲིམས་ཅན་བག་ཡོད་པར་གནས་པ་ཞེས་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །ལུས་དག་ངག་དག་ཡིད་ཀྱང་དག་པ ་གང་། །དེ་ནི་རྟག་ཏུ་དག་པར་སྤྱོད་པ་སྟེ། །རྟག་ཏུ་ལེགས་པར་བསྡམས་ཤིང་གནས་པ་དེ། །བྱང་ཆུབ་སེམས་དཔའ་ཚུལ་ཁྲིམས་ལྡན་ཞེས་བྱ། །ལས་ལམ་བཅུ་པོ་རབ་དགེ་འདི་དག ་རྣམས|་|བྱང་ཆུབ་སེམས་དཔའ་མཁས་པ་གང་སྲུང་ཞིང་། །ལུས་དང་ངག་དང་ཡིད་ཀྱིས་གང་བྱས་པ། །དེ་ནི་མཁས་རྣམས་ཚུལ་ཁྲིམས་ཡིན་ཞེས་བརྗོད། །མ་བྱས་མ་བསྐྱེད་མ ་སྐྱེས་གང་ཡིན་པ། །དེ་ལ་བསྔགས་པ་མེད་ཅིང་གནས་པའང་མེད། །གང་ལ་བསྔགས་པ་མེད་ཅིང་གནས་པའང་མེད། །དེ་ལ་ནམ་ཡང་གདགས་པ་རྙེད་མི་འགྱུར། །རྟག་ཏུ་ཚུལ་ཁྲིམས ་མ་ཉམས་མ་ཞིག་གང་། །དེ་ནི་མིག་གིས་ཤེས་པར་མི་ནུས་ལ། །རྣ་བས་མི་ཤེས་སྣ་དང་ལྕེས་མ་ཡིན། །ལུས་དང་ཡིད་ཀྱིས་རྣམ་པར་མི་ཤེས་སོ། །དབང་པོ་དྲུག་གིས་མི་ཤེས་གང ་ཡིན་པ|་|དེ་ལ་གནས་པར་བྱ་བར་མི་ནུས་ཏེ། །དེ་ཉིད་ཚུལ་ཁྲིམས་ཡོངས་སུ་དག་པར་མཐོང་། །ནམ་ཡང་ཚུལ་ཁྲིམས་དམིགས་ཏེ་གནས་པ་མེད། །དེ་ནི་ཚུལ་ཁྲིམས ་ཙམ་དེས་རློམ་པ་མེད། །དེ་ནི་བདག་ཏུ་འདུ་ཤེས་ཁྲིམས་མི་སྲུང་། །ཚུལ་ཁྲིམས་སྲུང་ཡང་ཚུལ་ཁྲིམས་འདུ་ཤེས་མེད། །དྲན་ལྡན་ཟབ་མོའི་ཚུལ་ཁྲིམས་ལྡན་པ་ཡིན། །འཇིག་ཚོགས ་ལྟ་བ་རྣམས་པར་གསལ་བྱས་པ། །དེ་ལ་ལྟར་བྱས་པས་འབྱུང་མི་འགྱུར། །གང་ལ་ལྟ་མེད་ལྟ་བའི་གནས་མེད་པ། །དེ་ནི་ཚུལ་ཁྲིམས་ཚུལ་ཁྲིམས་འཆལ་མི་རློམ། །ཟབ་མོའི ་ཆོས་ཀྱི་ཚུལ་ལ་ཞུགས་པ་སྟེ། །དེ་ཡི་ཆོ་ག་བརྟགས་པ་མ་ཡིན་ལ། ཤིན་ཏུ་ཤེས་བཞིན་ལྡན་ཞིང་ལེགས་པར་གསུངས། །ཚུལ་ཁྲིམས་སྒོ་ནས་གཞན་གྱིས་བརྙས་མི་འགྱུར། ། ་བདག་ཏུ་དམིགས་པས་ཚུལ་ཁྲིམས་དམིགས་པར་འགྱུར། །གང་ལ་བདག་མང་དེ་ལ་ཚུལ་ཁྲིམས་མེད། བདག་གམ་ཡང་ཚུལ་ཁྲིམས་རློམ་པ་དེ། །མཐའ་ཞེས་བྱ་སྟེ་གཉིས ་ཀ་འཇིགས་མ་ཡིན། །བདག་མེད་སྨྲ་བ་ཚུལ་ཁྲིམས་རློམ་པ་མེད། །བདག་མེད་སྨྲ་བ་ཚུལ་ཁྲིམས་རྟེན་པ་མེད། །བདག་མེད་སྨྲ་ལ་ཚུལ་ཁྲིམས་རློམ་པ་མེད། །བདག་མེད་སྨྲ་ལ་ཚུལ ་ཁྲིམས་སེམས་པ་མེད། །ཚུལ་ཁྲིམས་མ་ཉམས་ཚུལ་ཁྲིམས་མ་རྨོངས་པ། །བདག་ནི་ཚུལ་ཁྲིམས་ལྡན་ཞེས་བདག་མི་རློམ་།གང་ལ་བདག་དང་ཚུལ་ཁྲིམས་འདུ་ཤེས ་མེད|་|དེ་འདྲ་འདི་ནི་ཟབ་པ་ཞེས་ཀྱང་བརྗོད། །གང་གི་ཚུལ་ཁྲིམས་དེ་འདྲར་འཇིགས་མེད་པ། །དེ་ལ་ནམ་ཡང་འཆལ་པའི་ཁྲིམས་མི་འབྱུང་། །ཆོས་ཀུན་དམིགས་སུ་མེད་པ་གང་ཡིན ་པ|་|དེ་འདྲའི་ཚུལ་ཁྲིམས་འཕགས་པ་རྣམས་ཀྱིས་བསྔགས། །བྱིས་པ་གང་དག་བདག་ཏུ་ལྟ་ལ་གནས། །ཚུལ་ཁྲིམས་སྲུང་ཞིང་བདག་ནི་ཁྲིམས་ལྡན་སྙམ། །ཚུལ་ཁྲིམས་བདེ་བ་མ ་ལུས་ཟད་གྱུར་ནས། །དེ་དག་ངན་འགྲོ་གསུམ་ལས་ཐར་མི་འགྱུར། །གང་དག་བདག་ཏུ་ལྟ་བ་མཐའ་དག་བསལ། །དེ་དག་འདིར་ནི་བདག་དང་བདག་གི་མེད། །བདག་ཏུ་ལྟ་མེད་གང་དེ ་ཚུལ་ཁྲིམས་ལྡན། །དེ་ལ་ཕྱིན་ཆད་ལོག་པར་ལྟུང་འཇིགས་མེད། །གང་ཞིག་ཚུལ་ཁྲིམས་རྣམ་པ་འདི་འདྲར་ཤེས། །དེ་ལ་འཆལ་པའི་ཚུལ་ཁྲིམས་ལྟ་མི་ནུས། །བདག་དང་དེ་བཞིན་རྣམ ་གསུམ་མི་མཐོང་ན། །ཚུལ་ཁྲིམས་ཚུལ་ཁྲིམས་འཆལ་ལྟ་ཅི་ཞིག་སྨོས། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ལྷའི་བུ་ཟླ་བས་འདི་སྐད་ཅེས་གསོལ་ཏོ། །བཅོམ ་ལྡན་འདས། སངས་རྒྱས་བཅོམ་ལྡན་འདས་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་ཇི་ཙམ་དུ་ཟབ་པ་ནི། ངོ་མཚར་ལགས་སོ། །བཅོམ་ལྡན་འདས། བྱང་ཆུབ་སེམས ་དཔའ་སེམས་དཔའ་ཆེན་པོ་དེ་ལྟར་མི་གནས་པ་དང་། ལེན་པ་མ་མཆིས་པས་ཆོས་ཇི་ལྟ་བ་བཞིན་དུ་གནས་ལ། རྣམ་པར་རྟོག་པ་ཐམས་ཅད་ཀྱི་ཡང་དག་པར་ཆད་པ་དང་། བདག་ཏུ་འདུ ་ཤེས་པ་དང་བྲལ་བ་དང་། བསྐལ་པ་གྲངས་མ་མཆིས་པར་ཡང་སྤྱོད་པ་དང་། སངས་རྒྱས་ཀྱི་ཆོས་ཐམས་ཅད་ཡོངས་སུ་མ་རྫོགས་ཀྱི་བར་དུ་ཉན་ཐོས་དང་རང ་སངས་རྒྱས་ཀྱི་སར་ཡང་མི་ལྟུང་ལ་བར་མ་དོར་རྣམ་པར་བྱང་བར་ཡང་མི་འགྱུར་བའང་ངོ་མཚར་ཆེ་ལགས་སོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན ་པོ་ཆོས་དུ་དང་ལྡན་ན། ཆོས་ཟབ་མོ་རྣམས་ལའང་སྤྱོད་ལ། ཡང་དག་པའི་མཐའ་ཡང་མངོན་སུམ་དུ་མི་བགྱིད་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས ་ལྷའི་བུ་ཟླ་བ་ལ་འདི་སྐད་ཅེས་བཀའ་སྩལ་ཏོ། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཆོས་ཟབ་མོ་རྣམས་ལའང་སྤྱོད་ལ། ཡང་དག ་པའི་མཐའ་ཡང་མངོན་སུམ་དུ་མི་བྱེད་དོ། །བཞི་གང་ཞེ་ན། ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཐམས་ཅད་མཁྱེན་པའི་ཡེ་ཤེས་བསྒྲུབ་པའི་ཕྱིར ་དམ་བཅས་པ་ལ་བརྟེན་པས་སྙིང་པོ་ལ་གནས་པ་དང་། སེམས་ཅན་ཐམས་ཅད་ཡོངས་སུ་མི་གཏོང་བར་གནས་པའི་ཕྱིར་ཞུམ་པ་མེད་པའི་བརྩོན་འགྲུས་དང་ལྡན་པ་དང ་སངས་རྒྱས་ཀྱི་གདུང་རྒྱུན་མི་འཆད་པ་ལ་ཞུགས་པའི་ཕྱིར་སྙིང་རྗེ་ཆེན་པོ་དང་ལྡན་པ་དང་། དགེ་བའི་རྩ་བ་ཐམས་ཅད་ཡོངས་སུ་བསྔོ་བ་ལ་མཁས་པའི་ཕྱིར་ཐབས་ལ་མཁས ་པ་སྟེ|་ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན། ཆོས་ཟབ་མོ་རྣམས་ལའང་སྤྱོད་ལ། བར་མ་དོར་ཡང་དག་པའི་མཐའ་མངོན ་སུམ་དུའང་མི་བྱེད་དོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །མཁས་པ་རྟག་ཏུ་ཡི་དམ་བཅས་ལ་བརྟེན། །སྔོན་ཆད་ཡི་དམ་བཅས ་པ་སྤོང་མི་བྱེད། །དཔའ་བོ་ཐམས་ཅད་མཁྱེན་པའི་ཡེ་ཤེས་ཕྱིར། །ཐེག་པ་གཞན་ལ་འདོད་པ་སྐྱེད་མི་བྱེད། །རྟག་ཏུ་བག་དང་ལྡན་ཞིང་བརྩོན་འགྲུས་རྩོམ། །ཞུམ་པ་མེད་པའི་སེམས ་ཀྱིས་རྟག་ཏུ་སྤྱོད། །དེ་ཡིས་སེམས་ཅན་གང་ཡང་བཏང་བ་མེད། །དེ་ཡི་སེམས་ནི་སེམས་ཅན་ཀུན་ལ་སྙོམས། །འཇིག་རྟེན་འདི་དག་ཀུན་ཏུ་སྙིང་རྗེ་བས། །སྡུག་བསྔལ་བཟོད་ཅིང ་སེམས་ཀྱང་ཞུམ་པ་མེད། །ཅི་ནས་སངས་རྒྱས་གདུང་ནི་མི་འཆད་པ། །དེ་ཕྱིར་དཀོན་མཆོག་མང་པོ་འབྱུང་བར་བྱེད། །མཁས་རྣམས་ཐབས་ཤེས་པ་ལ་ལེགས་པར་བསླབས། །ལེ ་ལོ་མེད་པར་དགེ་བ་ཡོངས་སུ་བསྔོ། །འཁོར་བའི་ཆུ་བོ་ལ་ནི་ཕན་ཕྱིར་བརྩོན། །བར་མ་དོར་ནི་ཟག་རྣམས་ཟད་མི་བྱེད། །བྱང་ཆུབ་སེམས་དཔའ་འཇིགས་མེད་གང་དག་གིས། །ཆོས་རྣམས ་འདི་དག་ལེགས་པར་བསྡུས་པར་གྱུར། །དེ་དག་ཟབ་མོའི་ཆོས་རྣམས་སྤྱོད་པ་སྟེ། །ནམ་ཡང་ཡང་དག་མཐའ་ལ་རེག་མི་འགྱུར། །དེ་ནས་བཅོམ་ལྡན་འདས་ལ་ལྷའི་བུ་ཟླ་བས་འདི་སྐད་ཅེས ་གསོལ་ཏོ། །བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཟབ་མོ་ལ་སྤྱོད་པ་ལགས། དེ་སྐད་ཅེས་གསོལ་པ་དང་། བཅོམ ་ལྡན་འདས་ཀྱིས་ལྷའི་བུ་ཟླ་བ་ལ་འདི་སྐད་ཅེས་བཀའ་སྩལ་ཏོ། །ལྷའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི། སོ་སོའི་སྐྱེ་བོའི་ཆོས་བསྟན་པའི་ཕྱིར་སངས་རྒྱས ་ཀྱི་ཆོས་ཡོངས་སུ་སྒྲུབ་པའང་ཡོངས་སུ་ཚོལ་བར་མི་བྱེད་ལ། སོ་སོའི་སྐྱེ་བོའི་ཆོས་རྣམས་གསལ་བར་ཡང་མི་བྱེད། སངས་རྒྱས་ཀྱི་ཆོས་ཀྱང་རྣམ་པར་དག་པར་མི་མཐོང་སྟེ། སོ་སོའི ་སྐྱེ་བོའི་ཆོས་མ་གཏོགས་པར་སངས་རྒྱས་ཀྱི་ཆོས་འཐོབ་པ་ཡོངས་སུ་མི་ཚོལ་ལོ། །སོ་སོའི་སྐྱེ་བོའི་ཆོས་རྣམས་ཀྱང་གཞན་ལ་སངས་རྒྱས་ཀྱི་ཆོས་རྣམས་ཀྱང་གཞན་ནོ། །ཞེས་དེ་ལྟར ་མི་སྤྱོད་དེ། །སོ་སོའི་སྐྱེ་བོའི་ཆོས་རྣམས་ནི། ཆུང་ལ། སངས་རྒྱས་ཀྱི་ཆོས་རྣམས་ནི། རྒྱ་ཆེའོ། །ཞེས་དེ་ལྟར་མི་སྤྱོད་དོ། །སོ་སོའི་སྐྱེ་བོའི་ཆོས་རྣམས་ནི། ཟག་པ་དང་བཅས་པ་ཡིན་ལ། ་སངས་རྒྱས་ཀྱི་ཆོས་རྣམས་ནི། ཟག་པ་མེད་པའོ། །ཞེས་དེ་ལྟར་མི་སྤྱོད་དོ། །གཞན་ཡང་དེ་འདི་སྙམ་དུ་སེམས་ཏེ། སོ་སོའི་སྐྱེ་བོའི་ཆོས་གང་དག་ཡིན་པ་རྣམས་དང་། སངས་རྒྱས ་ཀྱི་ཆོས་གང་དག་ཡིན་པ་རྣམས་ནི། ཤེས་པའམ། མཐོང་བའམ། ཉེ་བར་བརྟག་པར་མི་ནུས་སོ། །དེ་ཅིའི་ཕྱིར་ཞེ་ན། འདི་ལྟར་དེ་དག་ནི། སྟོང་པ་ཡིན་ལ། སྟོང་པ་ཉིད་ལ་ནི། ཤེས ་པའམ|་མཐོང་བའམ། ཉེ་བར་རྟོག་པ་མེད་དེ། འདི་ལྟ་སྟེ། རང་བཞིན་གྱིས་བེམ་པོ་ཡིན་པའི་ཕྱིར་རོ་སྙམ་མོ། །ལྷའི་བུ། འདི་ལྟར་ཆོས་རྣམས་ཀྱི་ཆོས་ཉིད་དང་། ཆོས་ཀྱི་ངོ་བོ་ཉིད་དང་། ་ཆོས་གནས་པ་ཉིད་དང་། ཆོས་ཇི་ལྟ་བ་བཞིན་པ་གང་ཡིན་པ་དེ་ལ་ནི། གཉིས་པོ་གང་གིས་སོ་སོའི་སྐྱེ་བོ་ཞེས་བྱ་བའམ། ཉན་ཐོས་ཞེས་བྱ་བའམ། རང་སངས་རྒྱས་ཞེས་བྱ་བའམ། ཡང ་དག་པར་རྫོགས་པར་སངས་རྒྱས་ཞེས་བྱ་བར་གཉིས་སུ་དབྱེ་བའི་གཉིས་པ་ཅིའང་མེད་དོ། །ལྷའི་བུ། ཟབ་མོ་ལ་སྤྱོད་པའི་བྱང་ཆུབ་སེམས་དཔའ་རྣམས་ལ་ནི། གང་སངས་རྒྱས་ཀྱི་ཆོས ་མ་ཡིན་པ་དེ་ལྟ་བུའི་ཆོས་གང་ཡང་མེད་དོ། །དེ་ཅིའི་ཕྱིར་ཞེ་ན། ལྷའི་བུ། ཆོས་རྣམས་ཀྱི་ཆོས་སྨྲ་བར་བྱ་བ་གང་ཡིན་པ་དེ་ནི། སྨྲར་མེད་པ་གང་ཡིན་པ་དེ་ནི། བརྗོད་དུ་མེད་པའོ། །བརྗོད་དུ ་མེད་པ་གང་ཡིན་པ་དེ་ལ་ནི། ཡོད་པ་མེད་དོ། གང་ལ་ཡོད་པ་མེད་པ་དེ་ལ་ནི། འབྱུང་བ་མེད་དོ། །གང་ལ་འབྱུང་བ་མེད་པ་དེ་ལ་ནི། དངོས་པོའི་རྣམ་པར་རིག་པར་མེད་དོ། །ལྷའི་བུ། ཆོས ་ཐམས་ཅད་ནི། དངོས་པོ་མེད་པའང་ཡིན་ཏེ། གང་ན་ཆོས་ཐམས་ཅད་ཀྱི་བགྲང་བ་དེ་ལས་གྲོལ་བ་ནི། སངས་རྒྱས་ཀྱི་ཆོས་རྣམས་ཡིན་ཏེ། ལྷའི་བུ། དེ་བས་ན། རྣམ་གྲངས་འདིས་ཀྱང ་ཆོས་ཐམས་ཅད་ནི། རྣམ་པར་མི་རྟོག་པའི་སྤྱོད་པའི་ཚུལ་གྱིས་སངས་རྒྱས་ཀྱི་ཆོས་རྣམས་ཡིན་ནོ། །ཞེས་དེ་ལྟར་རིག་པར་བྱའོ། །གང་རྣམ་པར་རྟོག་པ་ལ་སྤྱོད་པ་དེ་དག་ལ་ནི། གཉིས ་སུ་འཇུག་པའི་རྣམ་པར་ཤེས་པ་འབྱུང་བ་ཡོད་དེ། དེ་དག་ནི། རྣམ་པར་ཤེས་པའི་སྤྱོད་ཡུལ་ལ་སྤྱོད་པའོ། གང་དག་སངས་རྒྱས་ཀྱི་ཆོས་ཟག་པ་མེད་པ ་གང་དག་ཡིན་པ་དེ་དག་ལའང་རྟོག་ལ། དེ་དག་ལ་བརྟགས་ནས་ཀྱང་ཟག་པ་རྣམས་སློང་བར་བྱེད་པ་དེ་དག་གིས་ནི། ཆོས་ཀྱི་དབྱིངས་ལ་ཀུན་ནས་ཉོན་མོངས་པའམ། རྣམ་པར ་བྱང་བ་མེད་པར་མི་ཤེས་སོ། །ཆོས་རྣམས་ཐམས་ཅད་ཀྱི་རང་བཞིན་ཤེས་པ་གང་ཡིན་པ་དེ་དག་ནི། ཆོས་གང་ལའང་ཀུན་ནས་ཉོན་མོངས་པའི་ཆོས་སམ། རྣམ་པར་བྱང་བའི ་ཆོས་སུ་འཛིན་པའང་མེད་ན། ཀུན་ནས་ཉོན་མོངས་པའི་ཆོས་སམ། རྣམ་པར་བྱང་བའི་ཆོས་སུ་དམིགས་པ་ལྟ་ག་ལ་ཡོད་དེ། དེ་ནི། གནས་མེད་དོ། །ལྷའི་བུ། དེ་ལྟར་ན། ་བྱང་ཆུབ་སེམས་དཔའ་སེམས་དཔའ་ཆེན་པོ་ཟབ་མོ་ལ་སྤྱོད་པ་ཡིན་ཏེ། གང་སངས་རྒྱས་ཀྱི་ཆོས་མ་ཡིན་པའི་ཆོས་གང་ཡང་མེད་པར་མཐོང་ལ། གང་གིས་མཐོང་བ་དེའང ་ལྷག་པར་མཐོང་བ་དང་། ཇི་ལྟར་མི་མཐོང་བ་དེ་ལྟ་བུར་མཐོང་སྟེ། དེ་ལྟར་མཐོང་བའི་བྱང་ཆུབ་སེམས་དཔའ་ནི། བདུད་དམ་བདུད་ཀྱི་རིས་ཀྱི་ལྷ་རྣམས་ཀྱིས་མི་ཚུགས་སོ། །དེ་སྐད ་ཅེས་བཀའ་སྩལ་པ་དང་། བཅོམ་ལྡན་འདས་ལ་ལྷའི་བུ་ཟླ་བས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་འདི་ལྟ ་བུའི་ཆོས་རྣམས་ལའང་ཉེ་བར་རྟོག་ལ་སྐྱེ་བའང་རྩོམ་པར་བགྱིད་དེ། སྐྱེ་བ་དང་། འགུམ་པ་དང་། གུམ་ནས་ཀྱང་སྐྱེ་བར་འགྱུར་བ་ནི། ངོ་མཚར་ལགས་སོ། །བཅོམ་ལྡན་འདས་ཀྱིས ་བཀའ་སྩལ་པ། ལྷའི་བུ། དཔེར་ན། སྒྱུ་མ་མཁན་གྱིས་སྤྲུལ་པ་ནི། འོང་བ་དང་། འགྲོ་བ་དང་། འདུག་པ་དང་། ཉལ་བ་དང་། སྨྲ་བར་ཡང་བྱེད་ལ། དེའང་རྣམ་པར་མི་རྟོག་པ་དེ་བཞིན ་དུ་ལྷའི་བུ། གང་གིས་ཆོས་ཐམས་ཅད་སྒྱུ་མ་ལྟ་བུར་ཤེས་པ་དེ་ནི། འགྲོ་བ་དང་། སྐྱེ་བ་ཐམས་ཅད་ཀྱང་སྟོན་ལ་དེའང་རྣམ་པར་མི་རྟོག་གོ་།ལྷའི་བུ། བྱང་ཆུབ་སེམས་དཔའ་ནི། སྐྱེ ་བ་དང་། འབྱུང་བའང་རློམ་སེམས་སུ་མི་བྱེད་ལ་སྔོན་གྱི་བར་དུ་བྱིན་གྱི་རླབས་ཀྱིས་སྐྱེ་བར་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ལྷའི་བུ་ཟླ་བས་འདི་སྐད ་ཅེས་གསོལ་ཏེ། །བཅོམ་ལྡན་འདས་ཀྱིས་གང་འདི་སྐད་དུ་བྱང་ཆུབ་སེམས་དཔའ་ནི། སྐྱེ་བ་དང་། འབྱུང་བའང་རློམ་སེམས་སུམ་བྱེད་ཅེས་བཀའ་སྩལ་པ་དེ་ལ། བཅོམ་ལྡན ་འདས|་དེ་བཞིན་གཤེགས་པ་ནི། ལྷ་མོ་སྒྱུ་འཕྲུལ་ལས་འཁྲུངས་ཏེ། སྐུ་སྐྲུན་པའི་ཡུམ་ལ་ཐུགས་བརྩེ་བའི་སླད་དུ་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་དབྱར་གནས ་པར་ཞལ་གྱིས་བཞེས་ན། ཇི་ལྟར་དེ་བཞིན་གཤེགས་པ་རློམ་སེམས་སུ་མི་མཛད་ལགས། བཀའ་སྩལ་པ། ལྷའི་བུ། དེ་བཞིན་གཤེགས་པ་ནི། ལྷ་མོ་སྒྱུ་འཕྲུལ་ལས་མ་སྐྱེས ་སོ། །གསོལ་པ། འོ་ན་དེ་བཞིན་གཤེགས་པ་གང་ལས་འཁྲུངས་ལགས། བཀའ་སྩལ་པ། ལྷའི་བུ། དེ་བཞིན་གཤེགས་པ་ནི། ཤེས་རབ་ཀྱི་ཕ་རོལ་ཏུ ་ཕྱིན་པ་ལས་སྐྱེས་ཏེ། ལྷའི་བུ། གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ནི། སངས་རྒྱས་བཅོམ་ལྡན་འདས་རྣམས་སྐྱེད་པའི་ཡུལ་ཡིན་ནོ། །ཞེས་སྨྲ་བ་ནི། ཡང་དག་པར་སྨྲ་བ ་ཡིན་ནོ|་|ཤེས་རབ་ཀྱི་ཕ་རོལ་ཏུ་ཕྱིན་པ་ནི། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་སྐྱེད་པའི་ཡུམ་ཡིན་ནོ། །ཞེས་སྨྲས་པ་ནི། ་ཡང་དག་པར་སྨྲ་བ་ཡིན་ནོ། །དེ་ཅིའི་ཕྱིར་ཞེ་ན། ལྷའི་བུ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ནི། ལྷ་མོ་སྒྱུ་འཕྲུལ་ལས་སྐྱེས་པ་མ་ཡིན་གྱི། ལྷའི་བུ། སྐྱེས་བུ་ཆེན་པོའི ་མཚན་སུམ་ཅུ་རྩ་གཉིས་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་པས་མངོན་པར་གྲུབ་པ་ཡིན་ནོ། །ལྷའི་བུ། དེ་བཞིན་གཤེགས་པའི་སྟོབས་བཅུ་པོ་འདི་དག་ནི། ལྷ་མོ ་སྒྱུ་འཕྲུལ་ལས་སྐྱེས་པ་མ་ཡིན་གྱི། དེ་བཞིན་གཤེགས་པའི་སྟོབས་བཅུ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་པས་མངོན་པར་གྲུབ་པ་ཡིན་ནོ། །ལྷའི་བུ། དེ་བཞིན ་གཤེགས་པའི་མི་འཇིགས་པས་བཞི་པོ་འདི་དང་། ལྷ་མོ་སྒྱུ་འཕྲུལ་ལས་སྐྱེས་པ་མ་ཡིན་ནོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། བྱམས་པ་ཆེན་པ་དང་། སྙིང་རྗེ ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་། སྤྱི་གཙུག་བལྟར་མི་མཐོང་བ་དང་། གཤེགས་པ་དོན་ཡོད་པ་དང་། སངས་རྒྱས་ཀྱི་སྤྱན་དང་། སངས་རྒྱས་ཀྱི་ཡེ་ཤེས ་དང་། སངས་རྒྱས་ཀྱི་སོ་སོ་ཡང་དག་པ་རིག་པ་དང་། ཕ་རོལ་གྱི་སེམས་ཤེས་པ་དང་། ལྷའི་བུ། མདོར་བསྡུ་ན་གང་དག་གིས་དེ་བཞིན་གཤེགས་པ་དེ་བཞིན་གཤེགས་པ་ཞེས་བྱ ་བའི་གྲངས་སུ་འགྲོ་བའི་སངས་རྒྱས་ཀྱི་ཆོས་དེ་ལྟ་བུ་གང་དག་ཡིན་པ་དེ་དག་ནི། ལྷ་མོ་སྒྱུ་འཕྲུལ་ལས་སྐྱེས་པ་མ་ཡིན་ཏེ། ལྷའི་བུ། དེ་ལྟར་ན་དེ་བཞིན་གཤེགས་པའི་སངས་རྒྱས་ཀྱི ་ཆོས་དཔག་ཏུ་མེད་པ་གང་དག་གིས་དེ་བཞིན་གཤེགས་པ་དེ་བཞིན་གཤེགས་པ་ཞེས་བྱ་བའི་གྲངས་སུ་འགྲོ་བ་དེ་ལྟ་བུ་དེ་དག་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་ཅིང་། ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་པས་མངོན་པར་གྲུབ་པ་ཡིན་ཏེ། ལྷའི་བུ། ཁྱོད་ཀྱིས་རྣམ་གྲངས་འདིས་ཀྱང་ཅི་ནས་དེ་བཞིན་གཤེགས་པ་ཤེས་རབ་ཀྱི་ཕ་རོལ་ཏུ་ཕྱིན་པ ་ལས་སྐྱེས་ཀྱི། ལྷ་མོ་སྒྱུ་འཕྲུལ་ལས་མ་ཡིན་པ་དེ་ལྟར་རིག་པར་བྱའོ། །བམ་པོ་གཉིས་པ། དེ་ནས་བཅོམ་ལྡན་འདས་ལ་ལྷའི་བུ་ཟླ་བས་འདི་སྐད་ཅེས་གསོལ་ཏོ། །བཅོམ ་ལྡན་འདས། གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པ་ཆོས་གང་གིའང་སྐྱེད་པ་མ་ལགས། སྐྲུན་པ་མ་ལགས། འགག་པར་བགྱིད་པ་མ་ལགས་ན། བཅོམ་ལྡན་འདས། ཇི་ལྟར་ཤེས ་རབ་ཀྱི་ཕ་རོལ་ཏུ་ཕྱིན་པ་དེ་བཞིན་གཤེགས་པ་སྐྲུན་པ་ལགས། བཀའ་སྩལ་པ། ལྷའི་བུ། ཆོས་གང་དག་གིས་དེ་བཞིན་གཤེགས་པ་དེ་བཞིན ་གཤེགས་པ་ཞེས་བྱ་བའི་གྲངས་སུ་འགྲོ་བའི་ཆོས་དེ་དག་ནི། སྐྱེ་བའང་མེད། འཆི་འཕོ་བའང་མེད། འབྱུང་བའང་མེད་དོ། །ལྷའི་བུ། གང་སྐྱེ་བའང་མེད། འཆི་འཕོ་བའང་མེད། ་འབྱུང་བའང་མེད་པ་དེ་ལྟ་བུའི་ཡེ་ཤེས་དེ་བསྐྱེད་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ནི། གང་སྐྱེ་བ་མེད་པ་དང་། འཆི་འཕོ་བ་མེད་པ་དང་། ་འབྱུང་བ་མེད་པའི་དེ་བཞིན་གཤེགས་པ་སྐྱེས་སོ། །ལྷའི་བུ། གང་ལ་སྐྱེ་བའང་མེད། འཆི་འཕོ་བའང་མེད། འབྱུང་བའང་མེད་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཡོད་པ་ལས ་ཡང་དག་པར་ངེས་པར་འབྱུང་བ་ཡོད་མོད་ཀྱི། ཤེས་རབ་ཀྱི་ཕ་རོལ་ཏུ་ཕྱིན་པ་མེད་པ་ལས་ནི། ངེས་པར་འབྱུང་བ་མེད་དོ། །གསོལ་པ། བཅོམ་ལྡན་འདས། དེ་ལྟར་ཤེས་རབ ་མཆིས་ན་ངེས་པར་འབྱུང་བ་མཆིས་པ་ལགས་ན། ཅི་ཤེས་རབ་ལ་སེམས་པའམ། འཚལ་བ་མ་མཆིས་སམ། དཀའ་སྩལ་པ། ལྷའི་བུ། ཤེས་རབ་ལ་ནི། སེམས་པའམ་ཤེས ་པའང་མེད་དོ། །ལྷའི་བུ། གལ་ཏེ་ཤེས་རབ་སེམས་པའམ། ཤེས་པ་ཞིག་ཡིན་པར་གྱུར་ན། ཤེས་རབ་ལ་རྟག་ཏུ་ངེས་པར་འབྱུང་བ་མེད་པར་འགྱུར་རོ། །དེ་ཅིའི་ཕྱིར་ཞེ་ན། ་ལྷའི་བུ|་གང་ལ་སེམས་ས་མ་ཚོར་བ་ཡོད་ན། དེ་ལ་ངེས་པར་འབྱུང་བ་ཅིའང་མེད་པའི་ཕྱིར་རོ། །ལྷའི་བུ། གང་གི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་སེམས་པ་མེད་ཅིང་ཤེས་པ་མེད་པ་དེའི ་ཕྱིར་ཤེས་རབ་རྟག་ཏུ་ངེས་པར་འབྱུང་བ་ཡིན་ནོ། །གསོལ་པ། བཅོམ་ལྡན་འདས། ངེས་པར་འབྱུང་བ་ཞེས་བགྱི་བ་དེ་གང་གི་ཚིག་བླ་དྭགས་ལགས། བཀའ་སྩལ་པ། ལྷའི་བུ། སྤྲོས་པ ་མེད་པའི་ཚིག་བླ་དྭགས་སོ། །གསོལ་པ། བཅོམ་ལྡན་འདས། སྤྲོས་པ་མ་མཆིས་པས་ཅི་ཞིག་ངེས་པར་འབྱིན་པར་བགྱིད་ལགས། བཀའ་སྩལ་པ། ལྷའི་བུ། གང་དག་སྤྲོས་པ་ལ ་སྤྱོད་པ་དེ་དག་ནི། ཁམས་གསུམ་དུ་སྐྱེ་བ་མི་འདོར་རོ། །གང་དག་སྤྲོས་པར་མི་བྱེད་པ་དེ་དག་ནི། ཁམས་གསུམ་དུ་སྐྱེ་བ་འདོར་བར་བྱེད་དོ། །ལྷའི་བུ། དེ་ལྟ་བས་ན། གང་ཁྱོད་སྤྲོས ་པ་མེད་པར་ངེས་པར་འབྱུང་བས་ཅི་ཞིག་ངེས་པར་འབྱིན་ཅེས་ཟེར་བ་ནི། ཁམས་གསུམ་དུ་སྐྱེ་བས་ངེས་པར་འབྱིན་པར་བྱེད་དོ། །གསོལ་པ། བཅོམ་ལྡན་འདས་ཀྱིས་ཁམས་གསུམ ་ལས་ཡང་དག་པར་འདའ་བར་བགྱི་བའི་སླད་དུ་ཉན་ཐོས་རྣམས་ལ་ཆོས་བསྟན་ལགས་སམ། བཀའ་སྩལ་པ། ལྷའི་བུ། ང་ནི། འདོད་པའི་ཁམས་ལས་ཀྱང་བརྩམས་ཏེ་ཉན་ཐོས ་རྣམས་ལ་ཆོས་སྟོན་ལ། དེ་བཞིན་གཤེགས་པས་འདོད་པའི་ཁམས་ཀྱང་མ་དམིགས་སོ། །ལྷའི་བུ། ང་ནི། གཟུགས་ཀྱི་ཁམས་ལས་ཀྱང་བརྩམས་ཏེ་ཉན་ཐོས་རྣམས་ལ་ཆོས ་སྟོན་ལ|་དེ་བཞིན་གཤེགས་པས་གཟུགས་ཀྱི་ཁམས་ཀྱང་མ་དམིགས་སོ། །ལྷའི་བུ། ང་ནི། གཟུགས་མེད་པའི་ཁམས་ལས་ཀྱང་བརྩམས ་ཏེ་ཉན་ཐོས་རྣམས་ལ་ཆོས་སྟོན་ལ། དེ་བཞིན་གཤེགས་པ་གཟུགས་མེད་པའི་ཁམས་ཀྱང་མ་དམིགས་སོ། །ལྷའི་བུ། ང་ནི། ཡང་དག་པར་འདའ་བར་བྱ་བའི་ཕྱིར་ཆོས་སྟོན ་ལ|་དེ་བཞིན་གཤེགས་པས་གང་ཡང་དག་པར་འདའ་བའི་ཆོས་དེ་ཡང་དག་པར་མ་མཐོང་ངོ་། །ལྷའི་བུ། ངའི་ཉན་ཐོས་རྣམས་ནི། འདོད་པའི་ཁམས་ལ་དམིགས་ནས་འདོད ་པའི་ཁམས་ལས་ཡང་དག་པར་འདའ་བར་མི་བྱེད་དོ། །ངའི་ཉན་ཐོས་རྣམས་ནི། གཟུགས་ཀྱི་ཁམས་ལ་དམིགས་ནས་གཟུགས་ཀྱི་ཁམས་ལས་ཡང་དག་པར་འདའ་བར་མི ་བྱེད་དོ|་|ངའི་ཉན་ཐོས་རྣམས་ནི། གཟུགས་མེད་པའི་ཁམས་ལ་དམིགས་ནས་གཟུགས་མེད་པའི་ཁམས་ལས་ཡང་དག་པར་འདའ་བར་མི་བྱེད་དོ། །ལྷའི་བུ། གཞན་ཡང ་ངའི་ཉན་ཐོས་རྣམས་ནི། ཁམས་གསུམ་པ་མི་དམིགས་པས་ཁམས་གསུམ་པ་ལ་མི་རྟེན་ཏེ། ཆོས་རྣམས་སྟོང་པ་ཉིད་དུ་དམིགས་པས་འདོད་པའི་ཁམས་སུ་སྨོན་ལམ་མི ་འདེབས་སོ། །གཟུགས་ཀྱི་ཁམས་སུ་སྨོན་ལམ་མི་འདེབས་སོ། །གཟུགས་མེད་པའི་ཁམས་སུ་སྨོན་ལམ་མི་འདེབས་སོ། །ཁམས་གསུམ་པར་སྨོན་ལམ་མི་འདེབས་པས་ན། ་ཁམས་གསུམ་པར་མི་སྐྱེའོ། །མ་སྐྱེས་པ་དེ་དག་གི་འགྲོ་བ་ནི། གདགས་སུ་མེད་དོ། །ཀྱེ་ལྷའི་བུ། འོན་ཀྱང་འཕགས་པ་རྣམས་ནི། ཡང་དག་པར་འདའ་བ་ཞེས་དེ་སྐད་རྗོད་པར་མཛད ་དོ|་|འོན་ཀྱང་དོན་དམ་པར་ན་འདི་ལ་སུ་ཡང་དག་པར་འདའ་བའང་མེད། འོང་བའང་མེད་དོ། །དེ་ཅིའི་ཕྱིར་ཞེ་ན། ལྷའི་བུ། ཆོས་ཐམས་ཅད་ནི། ཡང་དག་པར་འདའ་བར་མེད་པ་ལས ་བལྟ་བར་བྱའོ། །ལྷའི་བུ། དཔེར་ན། ནམ་མཁའ་ནི། མ་སྐྱེས་པ། མ་བྱས་པ། མངོན་པར་མ་གྲུབ་པ། འཕོ་བ་མེད་པ། འོང་བ་མེད་པ་སྟེ། ཆོས་ཐམས་ཅད་ཀྱང་དེ་བཞིན་དུ་བལྟ་བར ་བྱའོ|་|གཏམ་འདི་བསྟན་པ་ན་ལྷའི་འཁོར་དེའི་ནང་ནས་ལྷའི་བུ་བདུན་ཁྲི་ཉིས་སྟོང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །སྔོན་དགེ་བའི་རྩ་བ་བསྐྱེད ་བའི་ལྷའི་བུ་ཁྲི་དྲུག་སྟོང་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །དགེ་བའི་རྩ་བ་ཡོངས་སུ་སྨིན་པའི་བྱང་ཆུབ་སེམས་དཔའ་བརྒྱད་སྟོང་ནི། མི་སྐྱེ་བའི ་ཆོས་རྣམས་ལ་བཟོད་པ་སྐྱེས་སོ། །དེ་དག་གི་ལག་ཏུ་བཅོམ་ལྡན་འདས་ཀྱི་མཐུས་སྔོན་མ་མཐོང་བའི་མེ་ཏོག་གི་སྣོད་བྱུང་བར་གྱུར་ཏེ། མེ་ཏོག་གི་སྣོད་དེ་དག་ནས་དེ་བཞིན་གཤེགས ་པ་ལ་གཏོར་ཏོ། །མེ་ཏོག་དེ་དག་གིས་ཀྱང་སུམ་ཅུ་རྩ་གསུམ་པའི་གནས་འཁོར་ཁོར་ཡུག་ཏུ་ཁེབས་པར་གྱུར་ཏོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད ་ཅེས་གསོལ་ཏོ། །བཅོམ་ལྡན་འདས། ལྷའི་བུ་འདི་རྣམས་ཀྱིས་དེ་བཞིན་གཤེགས་པ་ལ་མེ་ཏོག་གཏོར་བ་གང་དག་ལགས་པ་འདི་དག་ནི། སྔོན་མ ་མཐོང་ལགས་སོ། །དེ་ནས་ལྷའི་བུ་ཟླ་བས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་།ད་ལྟར་གང་ལ་མེ་ཏོག་དག་གིས་གཏོར་བའི་དེ་བཞིན་གཤེགས་པ ་འདིའང་སྔོན་མ་མཐོང་ངོ་། །དེ་ཅིའི་ཕྱིར་ཞེ་ན། ཀཽ་ཤི་ཀ། སེམས་གང་གིས་དེ་བཞིན་གཤེགས་པ་མཐོང་བའི་སེམས་དེ་ནི། འགགས་ཤིང་མེད་པར་གྱུར་ཏེ་མཐོང་བར་མི ་ནུས་སོ|་|ཀཽ་ཤི་ཀ་། དེ་བས་ནི། གང་ཅི་མཐོང་ཡང་རུང་སྟེ། དེ་དག་ཐམས་ཅད་ནི། སྔོན་མ་མཐོང་བའོ། །གང་ཅི་ཐོས་ཀྱང་རུང་སྟེ། དེ་དག་ཐམས་ཅད་ནི། སྔོན་མ་ཐོས་པའོ། ། ་སྨྲས་པ། ལྷའི་བུ། ཁྱོད་ཀྱིས་དེ་བཞིན་གཤེགས་པ་མཐོང་ངམ། སྨྲས་པ། ཀཽ་ཤི་ཀ་།གལ་ཏེ་དེ་བཞིན་གཤེགས་པ་གཟུགས་ཞེས་བྱ་བ་ཡིན་ན་ནི། བདག་གིས་དེ་བཞིན ་གཤེགས་པ་མཐོང་ངོ་། །ཀཽ་ཤི་ཀ་།གལ་ཏེ་དེ་བཞིན་གཤེགས་པ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཞེས་བྱ་བ་ཡིན་ན་ནི། བདག་གིས ་དེ་བཞིན་གཤེགས་པ་མཐོང་ན། ཀཽ་ཤི་ཀ་།དེ་བཞིན་གཤེགས་པ་ནི། གཟུགས་ཞེས་བྱ་བའམ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཞེས ་བྱ་བ་མ་ཡིན་ནོ། །ཀཽ་ཤི་ཀ་།དེ་བཞིན་གཤེགས་པ་ནི། ཕུང་པོ་ལྔའི་ཆོས་ཀྱི་མཚན་ཉིད་ཀྱིས་རབ་ཏུ་ཕྱེ་བ་མ་ཡིན་ཏེ། དེ་ནི། མཐོང་བར་སླ་བ་མ་ཡིན་ནོ། ཀཽ་ཤི་ཀ་།གཞན་ཡང་གང ་ཁྱོད་འདི་སྐད་དུ་ལྷའི་བུ། ཁྱོད་ཀྱིས་དེ་བཞིན་གཤེགས་པ་མཐོང་ངམ་ཞེས་ཟེར་བ་ནི། ཇི་ལྟར་དེ་བཞིན་གཤེགས་པས་བདག་གཟིགས་པ་དེ་བཞིན་དུ་བདག་གིས་དེ་བཞིན་གཤེགས ་པ་མཐོང་ངོ་། །སྨྲས་པ། ལྷའི་བུ། ཁྱོད་ཀྱིས་དེ་བཞིན་གཤེགས་པ་ཇི་ལྟར་མཐོང་། སྨྲས་པ། ཀཽ་ཤི་ཀ་།དེ་བཞིན་གཤེགས་པ་མདུན་ན་བཞུགས་པ་འདི་ལ་ཞུས་ཤིག་།དེ་ནས་བཅོམ ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། ལྷའི་བུ་ཟླ་བ་ཇི་ལྟར་གཟིགས་པ་ལགས། བཀའ་སྩལ་པ། ཀཽ་ཤི་ཀ་།གཟུགས་སུ ་མི་མཐོང་ངོ་། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པར་མི་མཐོང་ངོ་། །སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བར་མི་མཐོང་ངོ་། །ལངས ་པ་དང་། འདུག་པ་དང་། འགྲོ་བ་དང་། འོང་བ་དང་། རྒྱབ་དང་། གློ་དང་། མདུན་དང་། ཆོས་ལ་མ་གཏོགས་པར་མི་མཐོང་ངོ་། །སློབ་པར་མི་མཐོང་ངོ་། །མི་སློབ་པར་མི་མཐོང་ངོ་། །མི་སློབ ་པའི་ཆོས་དང་ལྡན་པར་མི་མཐོང་ངོ་། །དགྲ་བཅོམ་པར་མི་མཐོང་ངོ་། །དགྲ་བཅོམ་པའི་ཆོས་དང་ལྡན་པར་མི་མཐོང་ངོ་། །ཉན་ཐོས་ཀྱི་ས་དང་། རང་སངས་རྒྱས་ཀྱི་ས་དང་། སངས་རྒྱས ་ཀྱི་སར་མི་མཐོང་སྟེ། ཀཽ་ཤི་ཀ་།དེ་ལྟར་མཐོང་ངོ་། །ཀཽ་ཤི་ཀ་།སུས་དེ་ལྟར་མཐོང་བ་དེས་ནི། ཡང་དག་པར་མཐོང་སྟེ། ལོག་པ་དེ་མཐོང་བ་མ་ཡིན་ནོ། ། ་སུ་ཡང་དག་པ་མཐོང་བ་དེས་ནི། ཅིའང་མི་མཐོང་ངོ་། །སུ་ཅིའང་མི་མཐོང་བ་དེས་ནི། མཉམ་པར་མཐོང་སྟེ། མི་མཉམ་པར་མི་མཐོང་ངོ་། །ཀཽ་ཤི་ཀ་།དེ་ལྟར་གཟིགས་པའི་དེ ་བཞིན་གཤེགས་པ་ནི། ཐམས་ཅད་གཟིགས་པ་ཞེས་བྱའོ། །ཀཽ་ཤི་ཀ་།དེ་ལྟར་གཟིགས་པའི་དེ་བཞིན་གཤེགས་པ་ནི། དེ་བཞིན་གཤེགས་པ་ཞེས་བྱ་སྟེ། འོན་ཀྱང་དེ ་བཞིན་གཤེགས་པ་ནི། ཆོས་ཀྱི་དབྱིངས་འདྲེས་པར་ཡང་མི་མཛད་དོ། །ཀཽ་ཤི་ཀ་།འདི་ཇི་སྙམ་དུ་སེམས། དེ་ལྟར་གཟིགས་པའི་དེ་བཞིན་གཤེགས་པས་ཅི་ཞིག་གཟིགས ་པར་འགྱུར། གསོལ་པ། བཅོམ་ལྡན་འདས། དེ་བཞིན་གཤེགས་པས་ནི། མིང་གཟིགས་པ་མ་ལགས། གཟུགས་གཟིགས་པ་མ་ལགས་ཏེ། བཅོམ་ལྡན་འདས། འདི ་ལ་ནི|་ཆོས་འགའ་ཙམ་ཡང་གྲངས་སུ་བགྱིས་པ་མ་མཆིས་སོ། །བཅོམ་ལྡན་འདས། ཅི་དེ་བཞིན་གཤེགས་པས་ཇི་ལྟར་གཟིགས་པ་དེ་བཞིན་དུ་ལྷའི་བུ་ཟླ་བས་ཀྱང་དེ ་ལྟར་མཐོང་ལགས་སམ། བཀའ་སྩལ་པ། ཀཽ་ཤི་ཀ་།མི་སྐྱེ་བའི་ཆོས་ལ་བཟོད་པ་ཐོབ་པའི་བྱང་ཆུབ་སེམས་དཔའ་སུའང་རུང་བ་དེ་དག་ཐམས་ཅད་ཀྱིས་ནི། ཆོས་ཀྱི་དབྱིངས ་ཀྱི་ལུས་ཀྱིས་ཆོས་འགའ་ཙམ་ཡང་གཟུང་བའི་ཕྱིར་ཆོས་གང་ཡང་མི་མཐོང་ངོ་། །གསོལ་པ། བཅོམ་ལྡན་འདས། ཅི་ལྷའི་བུ་ཟླ་བ་མི་སྐྱེ་བའི་ཆོས་ལ་བཟོད་པ་ཐོ་བ་ལགས་སམ། ་བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་།ཁྱོད་ཀྱིས་ལྷའི་བུ་ཟླ་བ་འདི་ཉིད་ལ་དྲིས་ཤིག་དང་། འདི་ཉིད་ཁྱོད་ལ་ལན་ལྡོན་ནོ། །དེ་ནས་ལྷའི་དབང་པོ་བརྒྱ་བྱིན་གྱིས་ལྷའི་བུ་ཟླ ་པ་ལ་འདི་སྐད་ཅེས་སྨྲས་སོ། །ལྷའི་བུ། ཁྱོད་མི་སྐྱེ་བའི་ཆོས་རྣམས་ལ་བཟོད་པ་སྐྱེས་སམ། སྨྲས་པ། ཀཽ་ཤི་ཀ་།ཅི་མི་སྐྱེ་བ་སྐྱེའམ། སྨྲས་པ། ལྷའི་བུ། དེ་ནི། མ་ཡིན་ནོ། །སྨྲས་པ། ་ཀཽ་ཤི་ཀ་།གལ་ཏེ་མི་སྐྱེ་བ་སྐྱེ་བར་གྱུར་པ་ན་མི་སྐྱེ་བའི་ཆོས་རྣམས་ལ་སུའི་བཟོད་པ་སྐྱེ་བར་འགྱུར། ཀཽ་ཤི་ཀ་།མི་སྐྱེ་བ་ཞེས་བྱ་བ་དེ་ནི། ཆོས་ཀྱི་དབྱིངས་ཀྱི་ཚིག་བླ་དྭགས་སོ། ། ་ཆོས་ཀྱི་དབྱིངས་གང་ཡིན་པ་དེ་ལ་ནི། སྐྱེ་བའམ་འགག་པ་མི་དམིགས་སོ། །དེ་ནས་ལྷའི་དབང་པོ་བརྒྱ་བྱིན་འདི་སྙམ་དུ་སེམས་ཏེ། ལྷའི་བུ་འདིའི་བསྟན་པ་དེ་འདྲ་བ་ལས་ན། ཀྱེ་མ ་ལྷའི་བུ|་འདི་ནི། བཟོད་པ་ཐོབ་པ་ཡིན་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེའོ་སྙམ་མོ། །དེ་ནས་ལྷའི་བུ་ཟླ་བས་ལྷའི་དབང་པོ་བརྒྱ་བྱིན་གྱི་སེམས་ཀྱི་ཡོངས་སུ ་རྟོག་པ་སེམས་ཀྱིས་ཤེས་ནས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་།བཟོད་པ་ཐོབ་པ་གང་དག་ཡིན་པ་དེ་དག་ནི། སངས་རྒྱས་ཀྱི་བྱང་ཆུབ་དང་ཉེ་བ་མ་ཡིན་ནོ། ། ་སྨྲས་པ|་ལྷའི་བུ། ཁྱོད་ཅི་ལས་བསམ་སྟེ་དེ་སྐད་ཟེར། སྨྲས་པ། ཀཽ་ཤི་ཀ་།ཐོབ་ཅེས་བྱ་བ་དེ་ནི། དམིགས་པའི་ཚིག་བླ་དྭགས་ཡིན་ལ་དམིགས་པས་ནི། ་བྱང་ཆུབ་མངོན་པར་རྫོགས་པར་འཚང་མི་རྒྱའོ། །མི་སྐྱེ་བའི་བཟོད་པ་ཞེས་བྱ་བ་དེ་ནི། མི་སྐྱེ་བའི་ཚིག་བླ་དྭགས་སོ། །མི་སྐྱེ་བ་གང་ཡིན་པ་དེ་ཉིད་ནི། བྱང་ཆུབ་བོ། །སྨྲས་པ། ལྷའི ་བུ་ཟླ་བ|་བྱང་ཆུབ་ཉིད་གང་ལས་བཙལ་བར་བྱ། སྨྲས་པ། ཀཽ་ཤི་ཀ་།བྱང་ཆུབ་ནི། བདག་གི་ངོ་བོ་ཉིད་ལས་བཙལ་བར་བྱའོ། །སྨྲས་པ། བདག་གི་ངོ་བོ་ཉིད་གང་ལས་བཙལ་བར ་བྱ|་སྨྲས་པ། ཆོས་གང་མ་སྐྱེས། མི་སྐྱེ། སྐྱེ་བར་མི་འགྱུར་བ་དེ་ལས་བཙལ་བར་བྱའོ། །ཅི་ནས་ཀྱང་ཚོལ་བ་ན་གང་བཙལ་བ་དང་། གང་གིས་བཙལ་བ་དེའང་སློང་བར་མི་བྱེད ་པ་དེ་ལྟར་བཙལ་བར་བྱའོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། ལྷའི་བུ་ཟླ་བ་འདི་དེ་ལྟར་ཟབ་མོའི་ཤེས ་རབ་དང་ལྡན་པ་ངོ་མཚར་ལགས་སོ། །བཅོམ་ལྡན་འདས། ལྷའི་བུ་ཟླ་བ་འདི་གང་ནས་ཤི་འཕོས་ཏེ་འདིར་མཆིས་པ་ལགས། དེ་ནས་ལྷའི་བུ་ཟླ་བས་ལྷའི་དབང་པོ་བརྒྱ་བྱིན ་ལ་འདི་སྐད་ཅེས་སྨྲས་སོ། །ཀཽ་ཤི་ཀ། སྒྱུ་མ་མཁན་གྱིས་སྐྱེས་པའམ། བུད་མེད་སྤྲུལ་པ་གང་ཡིན་པ་དེ་གང་ནས་ཤི་འཕོས་ཏེ་འདིར་འོངས། འདི་ནས་ཤི་འཕོས་ནས་གང་དུ་འགྲོ ་བར་འགྱུར། སྨྲས་པ། ལྷའི་བུ། སྒྱུ་མ་སྤྲུལ་པ་ལ་ནི། ཤི་འཕོའམ་སྐྱེ་བ་མེད་དོ། །དེ་ཅིའི་ཕྱིར་ཞེ་ན། དེ་ནི། རྣམ་པར་རྟོག་པ་མེད་པའི་ཕྱིར་རོ། །སྨྲས་པ། ཀཽ་ཤི་ཀ་།ཁྱོད་འདི་སྐད་དུ་སྤྲུལ་པ ་འདི་གང་ནས་ཤི་འཕོས་ཏེ་འདིར་འོངས། འདི་ནས་ཤི་འཕོས་ནས་གང་དུ་འགྲོ་བར་འགྱུར་ཞེས་ཟེར་བ་དེ་ཅི་མཁས་པ་རྣམས་ཀྱིས་སྨད་པར་མི་འགྱུར་རམ། སྨྲས་པ། ལྷའི་བུ། དེ་དེ་བཞིན ་ནོ|་|སྨྲས་པ། ཀཽ་ཤི་ཀ་།བདག་ནི། ཁྱོད་ཀྱི་དྲི་བ་དེ་ལ་འདི་སྙམ་དུ་བྱེད་དེ། གང་ཁྱོད་ཀྱིས་ལྷའི་བུ་འདི་གང་ནས་ཤི་འཕོས་ཏེ་འདིར་མཆིས། འདི་ནས་ཤི་འཕོས་ནས་གར་སྐྱེ་བར་འགྱུར ་ཞེས་ཞུས་པ་ནི། སྒྱུ་མ་ལྟ་བུའི་ཆོས་རྣམས་ལ་དེ་སྐད་འདྲི་བར་ཟད་དོ་སྙམ་མོ། །ཀཽ་ཤི་ཀ། འདི་ཇི་སྙམ་དུ་སེམས། དེ་བཞིན་གཤེགས་པས་སྤྲུལ་པ་སྤྲུལ་པར་མཛད་པ་གང་ཡིན་པ་དེ ་འོང་ངམ། འཆི་འཕོའམ། སྐྱེའམ། སྨྲས་པ། ལྷའི་བུ། དེ་ནི། མ་ཡིན་ནོ། །སྨྲས་པ། ཅི་བྱ་བ་གང་གི་ཕྱིར་སྤྲུལ་པའི་བྱ་བ་དེ་བྱེད་དམ། སྨྲས་པ། ལྷའི་བུ། བྱེད་དོ། །སྨྲས་པ། ཀཽ ་ཤི་ཀ་། དེ་བཞིན་དུ་གང་གིས་ཆོས་ཐམས་ཅད་སྤྲུལ་པ་ལྟ་བུ་དང་། སྒྱུ་མ་ལྟ་བུའི་རྟོགས་པ་དེ་ནི། འགྲོ་བ་དང་། འོང་བ་དང་། འཆི་འཕོ་དང་། སྐྱེ་བའང་སྟོན་ལ་དེ་ནི། ཅི་ལའང་རྣམ ་པར་མི་རྟོག་སྟེ། བྱ་བ་དེའང་བྱེད་དོ། །ཀཽ་ཤི་ཀ། འདི་ཇི་སྙམ་དུ་སེམས། གང་རྨི་ལམ་དུ་གཟུགས་མཐོང་བའམ། སྒྲ་ཐོས་པའམ། དྲི་སྣོམ་པའམ། རོ་མྱོང་བའམ། རེག་བྱ་ལ ་རེག་པའམ། ཆོས་རྣམ་པར་ཤེས་པ་དེ་དག་ཅི་དེ་ན་ཅིའང་ཡོད་དམ། །སྨྲས་པ། ལྷའི་བུ། དེ་ནི། མེད་དོ། །སྨྲས་པ། ཀཽ་ཤི་ཀ་།དེ་བཞིན་དུ་གང་གིས་ཆོས ་ཐམས་ཅད་རྨི་ལམ་གྱི་ངོ་བོ་ཉིད་དུ་རྟོགས་པ་དེ་ནི། མཐོང་བ་དང་། ཐོས་པ་དང་། དྲན་པ་དང་། བྱེ་བྲག་ཕྱེད་པ་དང་། རྣམ་པར་ཤེས་པའི་ཆོས་རྣམས་ལ་ཆགས་པར་མི་འགྱུར། ་རྗེས་སུ་ཆགས་པར་མི་འགྱུར། ཁོང་ཁྲོ་བར་མི་འགྱུར་རོ། །མཐོང་བ་དང་། ཐོས་པ་དང་། དྲན་པ་དང་། བྱེ་བྲག་ཕྱེད་པ་དང་། རྣམ་པར་ཤེས་པའི་ཆོས་རྣམས་ཀྱང་གཞན་དག་ལ ་རྗོད་པར་བྱེད་ལ། རྗོད་པ་དེ་ལའང་མངོན་པར་ཞེན་པ་མེད་དོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། ལྷའི་བུ ་ཟླ་བ་འདི་སྐྱེ་བའང་མི་དམིགས། འཆི་འཕོའང་མི་དམིགས་ལགས་ན། བཅོམ་ལྡན་འདས། འདིས་ཇི་ལྟར་སེམས་ཅན་རྣམས་ཡོངས་སུ་སྨིན་པར་བགྱི་བ་རྟོགས་ཤིང ་བགྱིད་པར་འགྱུར་ལགས། གང་ལ་སྐྱེ་བའང་མ་མཆིས། འཆི་འཕོའང་མ་མཆིས་པ་དེ་ནི། ཉན་ཐོས་ཀྱི་ས་ལགས་ཏེ། དེ་ནི། བྱང་ཆུབ་སེམས་དཔའི་ས་མ་ལགས་སོ། །བཅོམ ་ལྡན་འདས། བྱང་ཆུབ་སེམས་དཔས་ནི། བསྐལ་པ་སྟོང་ཕྲག་མང་པོར་འཁོར་བར་བགྱི་འཚལ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷའི་དབང་པོ་བརྒྱ ་བྱིན་ལ་འདི་སྐད་ཅེས་བཀའ་སྩལ་ཏོ། །ཀཽ་ཤི་ཀ། བྱང་ཆུབ་སེམས་དཔའ་མི་སྐྱེ་བའི་ཆོས་རྣམས་ལ་བཟོད་པ་སྐྱེས་པ་ནི། སུའང་རུང་སྟེ། དེ་ནི། སྐྱེ་བ་ལའང་རློམ་སེམས་མེད་ལ་འཆི་འཕོ ་ལའང་རློམ་སེམས་མེད་དེ། དེ་ནི། དགྲ་བཅོམ་པ་ཡོངས་སུ་མྱ་ངན་ལས་འདས་ནས་ལོ་བརྒྱ་ལོན་པ་ཇི་ལྟ་བ་དེ་བཞིན་དུ་གཟུང་བར་བྱའོ། །དེ་ཅིའི་ཕྱིར་ཞེ་ན། དེ་ལ་ནི། བདག་ཏུ་འདུ་ཤེས ་དང་|་གཞན་དུ་འདུ་ཤེས་མི་འཇུག་པའི་ཕྱིར་རོ། །ཀཽ་ཤི་ཀ་།གཞན་ཡང་བྱང་ཆུབ་སེམས་དཔའ་གང་གཏན་དུ་ཡོངས་སུ་མྱ་ངན་ལས་འདས་པའི་ཆོས་རྣམས་ལ་དེ་ལྟར་སྐྱེ་བ་ལའང ་རློམ་སེམས་མི་བྱེད། འཆི་འཕོ་ལའང་རློམ་སེམས་མི་བྱེད་པ་དང་། བདག་ཏུ་འདུ་ཤེས་པར་ཡང་མི་བྱེད། གཞན་དུ་འདུ་ཤེས་པར་ཡང་མི་བྱེད་ལ་སེམས་ཅན་གང་ཆོས་ཀྱི་ཚུལ་གྱི ་བཟོད་པ་འདི་མི་ཤེས་པ་དེ་དག་ལ་བརྡ་སྤྲད་པའི་ཕྱིར་སྙིང་རྗེ་ཆེན་པོས་ཆེད་དུ་བསྐལ་པ་བྱེ་བ་འབུམ་ཕྲག་གྲངས་མེད་པར་འཁོར་ཡང་སྐྱེ་བ་མེད་པ་ནི། མཆོག་ཏུ་དཀའ་བ་བྱེད་པ་ཡིན ་ནོ|་|ཀཽ་ཤི་ཀ་། དཔེར་ན། མི་ལ་ལ་ཞིག་མེ་མ་དག་གི་དོང་དུ་ལྷུང་ནས་ཚིག་ཅིང་འདུག་པ་དེ་ལ་མི་སྙིང་རྗེ་ཆེན་པོ་དང་ལྡན་པ་འགའ་ཞིག་གིས་ལུས་དང་སྲོག་ལའང་མ་བལྟས་ཏེ། འདོད ་པའི་ཡོན་ཏན་ལྔ་ལ་དགའ་ཞིང་འདུག་པ་ལས། དགའ་ཞིང་རྩེ་བ་བོར་ནས་མེའི་ཕུང་པོ་དེའི་ནང་ནས་མི་དེ་ཕྱུང་སྟེ། བདག་ཉིད་ཚིག་པ་ནི་དང་དུ་བླངས་ན། ཀཽ་ཤི་ཀ་།འདི་ཇི་སྙམ་དུ ་སེམས|་མི་དེ་དཀའ་བ་བྱེད་པ་ཡིན་ནམ། གསོལ་པ། བཅོམ་ལྡན་འདས། དཀའ་བ་བགྱིད་པ་ལགས་སོ། །བཀའ་སྩལ་པ། ཀཽ་ཤི་ཀ། བྱང་ཆུབ་སེམས ་དཔའ་གང་ཉོན་མོངས་པ་ཐམས་ཅད་ལས་གྲོལ་ལ་སྲིད་པ་ལེན་པར་བྱེད་པ་ནི། དེ་བས་ཀྱང་ཆེས་དཀའ་བ་བྱེད་པ་ཡིན་ན། །ཀཽ་ཤི་ཀ་།དེ་བས་ན། རྣམ་གྲངས་འདིས་ཀྱང ་ཁྱོད་ཀྱིས་འདི་ལྟར་རིག་པར་བྱ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཅི་ནས་ཀྱང་ཉན་ཐོས་དང་། རང་སངས་རྒྱས་རྣམས་ཟིལ་གྱིས་མནན་ནས་བླ་ན་མེད ་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ཀཽ་ཤི་ཀ་།ཁྱོད་འདི་སྐད་དུ་ལྷའི་བུ་འདི་གང་ནས་ཤི་འཕོས་ཏེ་འདིར་འོངས་ཞེས་ཟེར ་བ་དེ་ངས་བཤད་ཀྱི། ཉོན་ཅིག་།ཀཽ་ཤི་ཀ་།སངས་རྒྱས་ཀྱི་ཞིང་འདི་ནས་ཤར་ཕྱོགས་སུ་སངས་རྒྱས་ཀྱི་ཞིང་ཁྲག་ཁྲིག་འབུམ་ཕྲག་བདུན་ཅུ་རྩ་གཉིས་འདས་པ་ན་འཇིག་རྟེན ་གྱི་ཁམས་རིན་པོ་ཆེའི་ཕུང་པོ་བཀྲམ་པ་ཞེས་བྱ་བ་ཞིག་ཡོད་དེ། འཇིག་རྟེན་གྱི་ཁམས་དེ་ནི། རིན་པོ་ཆེ་དུ་མས་བརྒྱན་པའི་ཤིང་ལྗོན་པ་རིན་པོ་ཆེ་སྣ་ཚོགས་ཀྱི་མེ་ཏོག་རྒྱས་པ ་དག་དང་འཆག་སའི་སྐྱེད་མོས་ཚལ་གྱི་ཁང་པ་བརྩེགས་པ་རིན་པོ་ཆེ་སྣ་ཚོགས་ཀྱིས་སྤྲས་པའི་ཟམ་པ་དང་ལྡན་པ་དག་ཡོད་དོ། །ས་གཞི་ཆེན་པོ་དེའང་བཻ་ཌཱུཪྱ་ལས་གྲུབ ་པ་སྟེ|་རིན་པོ་ཆེ་འབུམ་ཕྲག་མང་པོས་སྤྲས་སོ། །ཀཽ་ཤི་ཀ་།འཇིག་རྟེན་གྱི་ཁམས་རིན་པོ་ཆེའི་ཕུང་པོ་བཀྲམ་པ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི ་སངས་རྒྱས་ཕྱག་ན་རིན་ཆེན་གཟི་བརྗིད་མངོན་པར་འཕགས་པའི་རྒྱལ་པོ་ཞེས་བྱ་བ་ཆོས་སྟོན་ཏོ། །དེ་ན་ཐེག་པ་གཉིས་པོ་འདི་ལྟ་སྟེ། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི ་ཐེག་པ་རྣམ་པར་གཞག་པ་མེད་དེ། སངས་རྒྱས་ཀྱི་ཞིང་དེ་བྱང་ཆུབ་སེམས་དཔའ་སེམས་དཔའ་ཆེན་པོ་འབའ་ཞིག་གིས་ཡོངས་སུ་གང་ངོ་། །ཀཽ་ཤི་ཀ་།དེ་བཞིན་གཤེགས་པ་དགྲ ་བ་ཅོམ་པ་ཡང་དག་པར་རྫོགས་པའི་སངས་རྒྱས་ཕྱག་ན་རིན་ཆེན་གཟི་བརྗིད་མངོན་པར་འཕགས་པའི་རྒྱལ་པོ་དེའི་ཆོས་བསྟན་པ་རེ་རེ་ལ་བྱང་ཆུབ་སེམས་དཔའ་བྱེ་བ་ཁྲག་ཁྲིག ་ཕྲག་སུམ་ཅུ་རྩ་དྲུག་གིས་བཟོད་པ་ཐོབ་པར་འགྱུར་ཏེ། བཟོད་པ་ཐོབ་པའི་མོད་ལ་བྱང་ཆུབ་སེམས་དཔའ་དེ་དག་ཏ་ལ་བདུན་སྲིད་ཙམ་གྱི་ནམ་མཁའ་ལ་འཕགས་ནས་སངས ་རྒྱས་ཀྱི་ཞིང་ཐམས་ཅད་རབ་ཏུ་གཡོས་པར་བྱས་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་རིན་པོ་ཆེའི་པདྨ་འདབ་མ་འབུམ་ཡོད་པ་ཤ་སྟག་གིས་པུས ་མོ་ནུབ་ཙམ་དུ་ཁེབས་པར་བྱས་ནས་དེ་ལྟར་འཁོད་བཞིན་དུ་ཡང་དག་པར་རྫོགས་པའི་སངས་རྒྱས་གཞན་དག་ལ་བལྟ་བ་དང་། ཕྱག་འཚལ་བ་དང་། བསྙེན་བཀུར་བྱ་བ་དང་། ་ཆོས་མཉན་པའི་ཕྱིར་བར་སྣང་ལས་སངས་རྒྱས་ཀྱི་ཞིང་གཞན་དག་ཏུ་འདོད་པར་བྱེད་དོ། །ཀཽ་ཤི་ཀ་།སངས་རྒྱས་ཀྱི་ཞིང་དེར་བཟོད་པ་ཐོབ་པའི་བྱང ་ཆུབ་སེམས་དཔའ་སུའང་མི་གནས་ཏེ། བཟོད་པ་ཐོབ་པའི་མོད་ལ་སངས་རྒྱས་ཀྱི་ཞིང་གཞན་དུ་འདོང་ངོ་། །ཀཽ་ཤི་ཀ་།དེ་བཞིན་གཤེགས་པ་དེ་བྱུང་ནས་བསྐལ་པ་བཅུ་གཉིས ་ཀྱི་བར་དུ་ཉིན་གཅིག་བཞིན་དུ་ཉིན་ལན་གསུམ་མཚན་ལན་གསུམ་དུ་ཆོས་བསྟན་པ་འབྱུང་སྟེ། ཆོས་བསྟན་པ་རེ་རེ་ལ་བྱང་ཆུབ་སེམས་དཔའ་བྱེ་བ་ཁྲག་ཁྲིག་ཕྲག་སུམ ་ཅུ་རྩ་དྲུག་གིས་བཟོད་པ་ཐོབ་པར་འགྱུར་ཏེ། བཟོད་པ་ཐོབ་པའི་མོད་ལ་སངས་རྒྱས་ཀྱི་ཞིང་གཞན་དག་ཏུ་འདོང་ངོ་། །ཀཽ་ཤི་ཀ་།བྱང་ཆུབ་སེམས་དཔའ་ཇི་སྙེད་བཟོད་པ་ཐོབ ་ན་ཨས་སངས་རྒྱས་ཀྱི་ཞིང་གཞན་དུ་འདོང་བ་དེ་སྙེད་ཀྱི་བྱང་ཆུབ་སེམས་དཔའ་དག་སངས་རྒྱས་ཀྱི་ཞིང་གཞན་དག་ནས་ཤི་འཕོས་ནས་སངས་རྒྱས་ཀྱི་ཞིང་དེར་སྐྱེ་བར་འགྱུར ་ཏེ|་ཀཽ་ཤི་ཀ་། དེ་ལྟ་བུའི་ཚུལ་གྱིས་སངས་རྒྱས་ཀྱི་ཞིང་དེ་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་མང་པོ་དག་གིས་མི་སྟོངས་སོ། །ཀཽ་ཤི་ཀ། འཇིག་རྟེན་གྱི ་ཀ་ཧམས་རིན་པོ་ཆེའི་ཕུང་པོ་བཀྲམ་པ་དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཕྱག་ན་རིན་ཆེན་གཟི་བརྗིད ་མངོན་པར་འཕགས་པའི་རྒྱལ་པོ་དེའི་ཐད་ནས་ལྷའི་བུ་ཟླ་བ་འདི་མི་སྣང་བར་གྱུར་ཏེ་ང་ལ་བལྟ་བ་དང་། ཕྱག་འཚལ་བ་དང་། བསྙེན་བཀུར་བྱ་བ་དང་། ཞུ་བ་དང་། དྲི་བར་བྱ་བ ་དང་། ཆོས་ཀྱི་རྣམ་གྲངས་འདིའང་སྐྱེ་བོ་མང་པོ་ལ་རྒྱས་པར་བྱ་བ་དང་། བྱང་ཆུབ་སེམས་དཔའ་གཞན་དག་གིའང་ཆོས་ཀྱི་བཟོད་པ་འདི་ཡོངས་སུ་རྫོགས་པར་བྱ་བའི་ཕྱིར་སུམ་ཅུ ་རྩ་གསུམ་གྱི་གནས་འདིར་གནས་པར་གྱུར་ཏོ། །ཀཽ་ཤི་ཀ་།ལྷའི་བུ་ཟླ་བ་འདི་ནི། ངའི་ཚེ་མཐས་གཏུགས་པའི་བར་དུ་དམ་པའི་ཆོས་ཡོངས་སུ་བཟུང་ནས་དེ་བཞིན་གཤེགས་པ ་ཡ་ཨོངས་སུ་མྱ་ངན་ལས་འདས་པའི་འོག་ཏུ་ཕྱི་མའི་ཚེ་ཕྱི་མའི་དུས་དམ་པའི་ཆོས་ནུབ་པའི་དུས་ལ་བབ་པ་ན་འདི་ནས་ཤི་འཕོས་ནས་ཛམྦུའི་གླིང་དུ་མི་རྣམས་དང་སྐལ་པ་མཉམ་པར ་སྐྱེ་བར་འགྱུར་ཏེ། འདི་ལྟ་བུའི་ཆོས་ཀྱི་རྣམ་གྲངས་ཟབ་མོ་ཟབ་པར་སྣང་བ་འདི་དག་ཡོངས་སུ་འཛིན་པ་ལ་བརྩོན་པར་འགྱུར་རོ། །སེམས་ཅན་འབུམ་ཕྲག་མང་པོ་དག་ཀྱང ་ཆོས་ཀྱི་བཟོད་པ་འདི་ལ་འདོད་པ་བསྐྱེད་པར་འགྱུར་རོ། །དེ་ཕྱི་མའི་ཚེ་ཕྱི་མའི་དུས་དམ་པའི་ཆོས་ནུབ་པ་ན་མིའི་འཇིག་རྟེན་ནས་ཤི་འཕོས་ནས་དགའ་ལྡན་གྱི་ལྷའི་རིས་སུ་སྐྱེ ་བར་འགྱུར་ཏེ། དགའ་ལྡན་གྱི་གནས་ན་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་ལྷན་ཅིག་ཏུ་སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ ་འདི་འཛིན་དུ་འཇུག་པར་འགྱུར་རོ། །ལྷའི་བུ་འབུམ་ཕྲག་དཔག་ཏུ་མེད་པ་སྔོན་བྱང་ཆུབ་ཏུ་སེམས་མ་བསྐྱེད་པ་དག་ཀྱང་བསྐྱེད་དུ་འཇུག་པར་འགྱུར་རོ། །གང ་ག་ཨི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དེའི་ཚེ་ལྷའི་བུ་འདི ་ཛམྦུའི་གླིང་འདིར་གནས་ནས་ལོ་བཅུའི་བར་དུ་ཁྱིམ་པར་འདུག་ཅིང་དེ་བཞིན་གཤེགས་པ་བྱམས་པ་ཉན་ཐོས་ཀྱི་དགེ་འདུན་དང་བཅས་པ་ལ་བཀུར་སྟི་བྱེད། བླ་མར་བྱེད ་པར་འགྱུར་རོ། །དེ་དེའི་འོག་ཏུ་མི་ཁྲི་བཞི་སྟོང་དང་ལྷན་ཅིག་ཏུ་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་ཏེ། རབ་ཏུ་བྱུང་ནས་ཀྱང་དེ་བཞིན་གཤེགས་པ་བྱམས་པའི ་ཚེའི་མཐས་གཏུགས་པའི་བར་དུ་དམ་པའི་ཆོས་ཡོངས་སུ་འཛིན་པར་འགྱུར་རོ། །ཡོངས་སུ་མྱ་ངན་ལས་འདས་ནས་ཀྱང་དམ་པའི་ཆོས་ཇི་སྲིད་གནས་པ་དེ་སྲིད་དུ་དམ་པའི ་ཆོས་ཡོངས་སུ་འཛིན་པར་འགྱུར་རོ། །བསྐལ་པ་བཟང་པོའི་སངས་རྒྱས་དགུ་བརྒྱ་དགུ་བཅུ་རྩ་དྲུག་འབྱུང་བར་འགྱུར་བ་གང་དག་ཡིན་པ་དེ་དག་ཐམས་ཅད་མ་ཉེས་པར་བྱེད ་པར་འགྱུར་རོ། །མཉེས་པར་བྱས་ནས་ཀྱང་བཀུར་སྟི་བྱེད་པར་འགྱུར་ཏེ། །སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱི་ཐད་དུ་ཚངས་པར་སྤྱད་པ་སྤྱོད་པར་འགྱུར་རོ། །དེ ་དེའི་འོག་ཏུ་བསྐལ་པ་གངྒཱའི་ཀླུང་བདུན་ཅུའི་བྱེ་མ་སྙེད་འདས་པ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས ་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་འོད་ཅེས་བྱ་བར་འཇིག་རྟེན་དུ་འབྱུང་བར་འགྱུར་རོ། །དེ་ནས་ལྷའི་བུ་ཟླ་བ་མཆོག་གིས་ལྷའི་བུ་ཟླ་བ་ལ་འདི་སྐད ་ཅེས་སྨྲས་སོ། །ལྷའི་བུ། ཁྱོད་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཅི་ཁྱོད་དེ་བཞིན་གཤེགས་པ་ལ་ལྷག་པར་དགའ་བ་དང་། ་དད་པ་དང་། གུས་པ་སྐྱེའམ། དེ་སྐད་ཅེས་སྨྲས་པ་དང་། ལྷའི་བུ་ཟླ་བས་ལྷའི་བུ་ཟླ་མཆོག་ལ་འདི་སྐད་ཅེས་སྨྲས་སོ། །ལྷའི་བུ། དེ་བཞིན་གཤེགས་པ་ནི། འདུན་པའི་དབང་དུ ་འགྲོ་བའམ། འཇིགས་པའི་དབང་དུ་འགྲོ་བས་ལུང་སྟོན་པ་ཅུང་ཟད་ཀྱང་མེད་དེ། ལྷའི་བུ། དེ་བཞིན་གཤེགས་པ་ནི། བྱང་ཆུབ་སེམས་དཔའ་གང་བྱང་ཆུབ་སེམས་དཔའི་བསླབ ་པ་ལ་སློབ་པ་ལུང་སྟོན་པར་ཟད་ན། བདག་གིས་དེ་བཞིན་གཤེགས་པ་ལ་ལྷག་པར་དགའ་བའམ། དད་པའམ། གུས་པ་བསྐྱེད་དུ་ཅི་ཞིག་ཡོད། སྨྲས་པ། ལྷའི་བུ། དང་བ ་གང་ལས་ཡོངས་སུ་བཙལ་བར་བྱ། སྨྲས་པ། དང་བ་སེམས་ལས་ཡོངས་སུ་བཙལ་བར་བྱའོ། །སྨྲས་པ། གང་སེམས་ལ་སེམས་སུ་འདུ་ཤེས་པ་དེས་དང་བ་གང་ལས་བཙལ ་བར་བྱ|་སྨྲས་པ། གང་ལ་འཛིན་པ་མེད་པ་དེ་ལ་དང་བ་ཡོད་དོ། །སྨྲས་པ། གང་ལ་འཛིན་པ་མེད་པ་དེ་ལ་མཆོག་ཏུ་དང་བ་ཡོད་དམ། སྨྲས་པ། ལྷའི ་བུ|་དེ་ནི། དང་བ་ཡིན་ཏེ། གང་ལ་སྡང་བའང་མེད། རབ་ཏུ་སྡང་བའང་མེད། དང་བའང་མེད་པ་དང་། གང་ལ་སོ་སོའི་སྐྱེ་བོའི་དང་བ་མེད་པ་དེ་ལ་ནི། དང་བ་ཡོད་དོ། །དེ་ལྟར ་དང་བར་གྱུར་པས་དེ་ལ་རང་བཞིན་གྱིས་དང་བའང་མེད་ལ། དེ་ནི། དེ་ཕྱིན་ཆད་ཀྱང་སྡང་བར་མི་འགྱུར་རོ། །ལྷའི་བུ། དེ་ལྟ་བས་ན། དང་བ་ཐོབ་པར་འདོད་པས་མྱུར་དུ་ཆོས་ལྔ ་ལ་སྦྱོར་བར་བྱ་སྟེ། ཅི་ནས་སྦྱོར་བའང་མེད། འབྲལ་བའང་མེད་པ་དེ་ལྟར་སྦྱོར་བར་བྱའོ། །དེ་ཅིའི་ཕྱིར་ཞེ་ན། ཆོས་ཀྱི་དབྱིངས་ལ་ནི། སྦྱོར་བ་ཡང་མེད། འབྲལ་བའང་མེད་པའི ་ཕྱིར་རོ|་|དེ་ནས་ལྷའི་བུ་ཟླ་མཆོག་གིས་ལྷའི་བུ་ཟླ་བ་ལ་འདི་སྐད་ཅེས་སྨྲས་སོ། །ལྷའི་བུ། བྱང་ཆུབ་སེམས་དཔའི་བསླབ་པ་ཞེས་བྱ་ན། བྱང་ཆུབ་སེམས་དཔའ་རྣམས་ཀྱི་བསླབ ་པ་རྣམས་གང་ཡིན། སྨྲས་པ། ལྷའི་བུ། གང་ལ་ལུས་ཀྱང་མེད། ལུས་ཀྱི་སྡོམ་པའང་མེད། ངག་ཀྱང་མེད། ངག་གི་སྡོམ་པའང་མེད། ཡིད་ཀྱང་མེད། ཡིད་ཀྱི་སྡོམ་པའང ་མེད་པ་དེ་ནི། བྱང་ཆུབ་སེམས་དཔའ་རྣམས་ཀྱི་སྡོམ་པའི་མཆོག་ཡིན་ནོ། །གང་ལ་ཡིད་ཀྱང་མེད། འཛིན་པའང་མེད། གསོག་པའང་མེད། འབྲི་བའང་མེད་པ་དེ་ནི། ལྷའི་བུ། ་བྱང་ཆུབ་སེམས་དཔའ་རྣམས་ཀྱི་བསླབ་པ་ཡིན་ནོ། །དེ་ནས་ལྷའི་བུ་ཟླ་མཆོག་གིས་ལྷའི་བུ་ཟླ་བ་ལ་འདི་སྐད་ཅེས་སྨྲས་སོ། །ལྷའི་བུ། ཁྱོད་བསླབ་པ་འདི་ལ་བསླབས་པས་དེ ་བཞིན་གཤེགས་པས་ལུང་བསྟན་ཏམ། སྨྲས་པ། ལྷའི་བུ། བདག་ནི། བསླབ་པ་འདི་ལ་བསླབས་པས་དེ་བཞིན་གཤེགས་པས་ལུང་བསྟན་ཏོ། །དེ་ཅིའི་ཕྱིར་ཞེ་ན། ལྷའི་བུ། ་བསླབ་པ་འདི་ལ་ནི། གང་གིས་ཤེས་པར་འགྱུར་བའི་བདག་གམ། བདག་གི་ཞེས་བྱ་བའམ། བདག་གི་སློབ་བོ་སྙམ་དུ་འཛིན་པ་མེད་དེ། ཡང་དག་པར་ཞུགས་པ་དེ་ནི། བདག ་སློབ་བོ་སྙམ་དུ་དེ་ལྟར་མི་སེམས་སོ། །སྨྲས་པ། ཇི་ཙམ་གྱིས་ན་ཡང་དག་པར་ཞུགས་པར་འགྱུར། སྨྲས་པ། གང་མཉམ་པ་ཉིད་ལ་སྣོན་པར་ཡང་མི་བྱེད། འབྲི་བར་ཡང་མི་བྱེད། ་ལེན་པར་ཡང་མི་བྱེད། འདོར་བར་ཡང་མི་བྱེད་པ་དང་། གང་མཉམ་པ་ཉིད་ལ་ཆོས་འདི་དག་ནི། མཆོག་གོ་།ཆོས་འདི་དག་ནི། ངན་པའོ། །ཞེས་གཉིས་སུ་མི་འབྱེད་ཅིང་ཆོས་འདི ་ལ་ཡང་དག་པར་སོ་སོར་ཤེས་ཏེ། དེ་ལྟར་ཞུགས་པ་གང་ཡིན་པ་དེ་ནི། ཡང་དག་པར་ཞུགས་པ་ཞེས་བྱའོ། །དེ་ནས་ལྷའི་བུ་ཟླ་མཆོག་གིས་ལྷའི་བུ་ཟླ་བ་ལ་འདི་སྐད་ཅེས་སྨྲས ་སོ|་|ལྷའི་བུ། ཁྱོད་ཀྱིས་ཆོས་གང་དག་ཐོབ་པ་དང་། ཆོས་གང་དག་སྤངས་པའི་ཕྱིར་དེ་བཞིན་གཤེགས་པས་ལུང་བསྟན། སྨྲས་པ། ལྷའི་བུ། བདག་ནི། སོ་སོའི་སྐྱེ་བོའི་ཆོས ་རྣམས་སྤངས་པ་དང་། སངས་རྒྱས་ཀྱི་ཆོས་རྣམས་ཐོབ་པའི་ཕྱིར་དེ་བཞིན་གཤེགས་པས་ལུང་བསྟན་པ་མ་ཡིན་གྱི། ལྷའི་བུ། བདག་ནི། ཆོས་འདི་དག་མ ་སྤངས་མ་ཐོབ་པའི་ཕྱིར་དེ་བཞིན་གཤེགས་པས་ལུང་བསྟན་ཏོ། །སྨྲས་པ། དེ་ལྟ་ན་ནི། བྱིས་པ་སོ་སོའི་སྐྱེ་བོ་རྣམས་ཀྱང་ལུང་བསྟན་པར་འགྱུར་རོ། །དེ་ཅིའི་ཕྱིར་ཞེ་ན། སོ་སོའི ་སྐྱེ་བོ་རྣམས་ནི། སོ་སོའི་སྐྱེ་བོའི་ཆོས་རྣམས་ཀྱང་མ་སྤངས་ལ། སངས་རྒྱས་ཀྱི་ཆོས་རྣམས་ཀྱང་མ་ཐོབ་པའི་ཕྱིར་རོ། །སྨྲས་པ། ལྷའི་བུ། སོ་སོའི་སྐྱེ་བོའི་ཆོས་རྣམས་ཀྱིས ་ཅི་ཞིག་སྤྲོས་པར་བྱེད། སྨྲས་པ། སྟོང་པ་ཉིད་དང་། ཆོས་ཉིད་སྤྲོས་པར་བྱེད་དོ། །སྨྲས་པ། སངས་རྒྱས་ཀྱི་ཆོས་དེ་དག་གིས་ཅི་ཞིག་སྤྲོས་པར་བྱེད། སྨྲས་པ། དེ་བཞིན ་ཉིད་དང་། ཡང་དག་པའི་མཐའ་སྤྲོས་པར་བྱེད་དོ། །སྨྲས་པ། སྟོང་པ་ཉིད་དང་། ཆོས་ཉིད་སྤྲོས་པར་ནུས་སམ། སྨྲས་པ། ལྷའི་བུ། དེ་ནི། མ་ཡིན་ནོ། །སྨྲས་པ། དེ་བཞིན ་ཉིད་དང་། ཡང་དག་པའི་མཐའ་སྤྲོས་པར་ནུས་སམ། སྨྲས་པ། དེ་ནི། མ་ཡིན་ནོ། །སྨྲས་པ། ལྷའི་བུ། བདག་གིས་དེ་ལས་བསམ་སྟེ་སོ་སོའི་སྐྱེ་བོའི་ཆོས་རྣམས་མ་སྤངས ་པ་དང་། སངས་རྒྱས་ཀྱི་ཆོས་རྣམས་མ་ཐོབ་པའི་ཕྱིར་དེ་བཞིན་གཤེགས་པས་བདག་ལུང་བསྟན་ཏོ། །ཞེས་སྨྲའོ། །སྨྲས་པ། ཅི་སྟོང་པ་ཉིད་དང་། ཆོས་ཀྱི་དབྱིངས་དང་། དེ་བཞིན ་ཉིད་དང་། ཡང་དག་པའི་མཐའ་བྱང་ཆུབ་ཏུ་ཇི་ལྟར་ལུང་བསྟན་པ་དེ་བཞིན་དུ་ཁྱོད་དེ་བཞིན་གཤེགས་པས་བྱང་ཆུབ་ཏུ་ལུང་བསྟན་ཏམ། སྨྲས་པ། བདག་ནི། སྟོང་པ་ཉིད་དང་། ཆོས ་ཀྱི་དབྱིངས་དང་། དེ་བཞིན་ཉིད་དང་། ཡང་དག་པའི་མཐའ་ཇི་ལྟ་བ་བཞིན་དུ་ལུང་བསྟན་ཏོ། །ལྷའི་བུ། ཆོས་འདི་དག་གི་དེ་བཞིན་ཉིད་ཇི་ལྟ་བ་བཞིན་དུ་ལུང་བསྟན་པའང་དེ་བཞིན ་ཏེ|་གང་ལུང་བསྟན་ཟིན་པའང་དེ་བཞིན་ནོ། །གང་ལུང་སྟོན་པའང་དེ་བཞིན་ནོ། །གང་མངོན་པར་རྫོགས་པར་འཚང་རྒྱ་བར་འགྱུར་བའམ། མངོན་པར་རྫོགས་པར་འཚང་རྒྱ་བའང་དེ ་བཞིན་ནོ། །དེ་ནས་བཅོམ་ལྡན་འདས་ལ་ལྷའི་བུ་ཟླ་མཆོག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས། ལྷའི་བུ་ཟླ་བ་འདི་ནི། ཟབ་མོའི་ཤེས་རབ་དང་ལྡན་པ་ལགས་སོ། ། ་བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ། བཟོད་པ་ཐོབ་པའི་བྱང་ཆུབ་སེམས་དཔའ་རྣམས་ཀྱི་ཆོས་ཉིད་ནི། དེ་ཡིན་ཏེ། ལན་ཅི་དང་ཅི་འདེབས་པ་དེ་དག་ཐམས་ཅད ་ཆོས་ཀྱི་དབྱིངས་ཁོ་ནས་འདེབས་ལ་ཆོས་ཀྱི་དབྱིངས་ནི། བསྟན་པའམ། ལན་གདབ་པའམ། བརྗོད་པར་ཡང་མི་ནུས་སོ། །དེ་ཅིའི་ཕྱིར་ཞེ་ན། ཆོས་ཀྱི་དབྱིངས་ནི། བརྗོད་དུ་མེད ་ཅིང་བསྙད་དུ་མེད་པའི་ཕྱིར་རོ། །ཆོས་ཀྱི་དབྱིངས་ཇི་ལྟ་བ་བཞིན་དུ་སེམས་ཅན་གྱི་ཁམས་ཀྱང་དེ་དང་འདྲའོ། །སེམས་ཅན་གྱི་ཁམས་ཇི་ལྟ་བ་བཞིན་དུ་སངས་རྒྱས་ཀྱི་ཡུལ་ཡང ་དེ་དང་འདྲའོ། །ཆོས་ཐམས་ཅད་ཀྱང་དེ་དང་འདྲའོ། །ལྷའི་བུ། བྱང་ཆུབ་སེམས་དཔའ་གང་དག་དེ་ལྟར་ཆོས་ཀྱི་དབྱིངས་ཀྱི་རྗེས་སུ་འགྲོ་བ་དེ་དག་ནི། ་གཞན་གྱི་དྲིང་མི་འཇོག་པ་ཞེས་བྱའོ། །གཏམ་འདི་བརྗོད་པ་ན་ཚེ་དང་ལྡན་པ་མཽདྒལ་གྱི་བུ་ཆེན་པོ་ཁང་བཟང་རྣམ་པར་རྒྱལ་བྱེད་ན་འདུག་སྟེ། འཁོར་ཆེན་པོ་ལ་ཆོས་སྟོན་ཅིང ་འདུག་གོ་། དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོ་སྟན་ལས་ལངས་ཏེ་འཆག་པར་བྱེད་དོ། །དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོ་འདི་སྙམ་དུ་སེམས་ཏེ། ཀྱེ་མ་ཛམྦུའི ་གླིང་འདི་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སྟོངས་སོ། །སེམས་ཅན་དགེ་བའི་བསམ་པ་ཅན་དག་ཀྱང་མང་ན། དེ་དག ་ཆོས་མི་ཐོས་པས་ཡོངས་སུ་ཉམས་པར་འགྱུར་རོ་སྙམ་མོ། །དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོས་དེ་ཉིད་ཀྱི་ཕྱིར་ལྷའི་མིག་གིས་ཛམྦུ་གླིང་འདིར་རྣམ་པར་བལྟས་ན། ་དེས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་རྒྱལ ་པོའི་ཁབ་ཀྱི་གྲོང་ཁྱེར་ཆེན་པོ་ན་རྒྱལ་པོ་གཟུགས་ཅན་སྙིང་པོའི་ཁང་པ་ན་བཤོས་གསོལ་པ་མཐོང་ནས་དེ་འདི་སྙམ་དུ་སེམས་ཏེ། འདི་ན་བདག་དང་འདྲ་བའི་དགེ་སློང་འགའ ་ལྟ་ཡོད་དམ་སྙམ་པ་དང་། དེས་བདག་དང་འདྲ་བའི་དགེ་སློང་ཞིག་བཅོམ་ལྡན་འདས་ཀྱི་གཡོན་ལོགས་ན་ཟན་ཟ་ཞིང་འདུག་པ་མཐོང་ནས་དེས་བདག་གི་ལུས་ལ་བརྟགས་སོ། །དེ ་བརྟགས་ན་དེ་དེ་ལ་ཅུང་ཟད་ཀྱང་ཐ་དད་པར་མ་མཐོང་སྟེ། བདག་ཉིད་ཀྱི་ཆུ་ཞེང་ཅི་འདྲ་བ་དེའི་ཆུ་ཞེང་ཡང་དེ་ཁོ་ན་དང་འདྲ་ལ་ལྷག་ཆད་མེད་དེ། ཁ་དོག་དེ་དང་། རྟགས་དེ་དང་། དབྱིབས་དེ་ཐ་དད ་པ་མེད་པར་མཐོང་ནས་དེ་འདི་སྙམ་དུ་སེམས་ཏེ། དེ་བཞིན་གཤེགས་པ་ཛམྦུའི་གླིང་དུ་མ་གཤེགས་སམ་སྙམ་མོ། །དེས་ཤིང་ཡོངས་སུ་འདུའི་དྲུང་དུ་བལྟས་ན་དེ་ནའང་དེ་བཞིན ་གཤེགས་པ་ལྷའི་ཚོགས་ཀྱིས་བསྐོར་ཏེ་ཆོས་སྟོན་ཅིང་བཞུགས་ལ་ཤཱ་རིའི་བུའང་གཡས་ལོགས་ན་འདུག་པ་དང་། མཽདྒལ་གྱི་བུ་འདྲ་བའི་དགེ་སློང་ཡང་གཡོན་ལོགས་ན ་འདུག་པ་དང་། དེ་མ་ཡིན་པའི་ཉན་ཐོས་ཆེན་པོ་དག་ཀྱང་དེ་ན་འཁོད་པར་མཐོང་ངོ་། །དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོ་འདི་ལྟར་ངོ་མཚར་ཆེ་བར་གྱུར་ཏེ། སངས་རྒྱས ་བཅོམ་ལྡན་འདས་རྣམས་ནི། ངོ་མཚར་ཆེའོ། །སངས་རྒྱས་བཅོམ་ལྡན་འདས་རྣམས་ནི། རྫུ་འཕྲུལ་ཆེའོ། །ཆེ་བར་ཡང་གྲགས་སོ། །མཐུའང་ཆེ་སྟེ། འདི་ལྟར་ཛམྦུའི་གླིང་ནའང་ཆོས ་སྟོན་པའི་རྒྱུན་མི་འཆད་ལ། སུམ་ཅུ་རྩ་གསུམ་གྱི་གནས་ནའང་སུམ་ཅུ་རྩ་གསུམ་པའི་ལྷ་རྣམས་ལ་ཆོས་སྟོན་ཏོ་སྙམ་མོ། །དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོ་རྒྱ་ཆེར་ངོ་མཚར ་དུ་གྱུར་ནས་ཛམྦུའི་གླིང་དུ་རྣམ་པར་བལྟས་ན། དེས་དེ་བཞིན་གཤེགས་པ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་འཁོར ་འབུམ་ཕྲག་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ཏེ་ཆོས་སྟོན་ཅིང་བཞུགས་པ་མཐོང་ངོ་། །དེ་ནའང་བདག་ཁོ་ན་དང་འདྲ་བའི་དགེ་སློང་ཁ་དོག་ཀྱང་དེ་དང་འདྲ། རྟགས ་ཀྱང་དེ་དང་འདྲ། དབྱིབས་ཀྱང་དེ་དང་འདྲ་བ་ཞིག་མཐོང་ངོ་། །ཤཱ་རིའི་བུ་དང་། འོད་སྲུང་ཆེན་པོ་དང་། ཀ་ཏྱའི་བུ་ཆེན་པོ་དང་། གང་པོ་དང་། རབ་འབྱོར་དང་། ནམ་གྲུ་དང་། རྟ་ཐུལ་དང ་ཀ་པི་ན་དང་། ཉན་ཐོས་ཆེན་པོ་ཐམས་ཅད་ཀྱང་ཆུ་ཞེང་དེ་ཁོ་ན་བཞིན་དུ་མཐོང་ངོ་། །རྒྱལ་པོའི་ཁབ་ན་ཇི་ལྟ་བ་བཞིན་དུ་རྒྱལ་བུ་རྒྱལ་བྱེད་ཀྱི་ཚལ་ནའང་དེ་དང་འདྲའོ། །རྒྱལ་བུ་རྒྱལ ་བྱེད་ཀྱི་ཚལ་ན་ཇི་ལྟ་བ་བཞིན་དུ་སུམ་ཅུ་རྩ་གསུམ་པའི་གནས་ནའང་དེ་དང་འདྲའོ། །དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོ་རྒྱ་ཆེར་ངོ་མཚར་དུ་གྱུར་ནས་ཛམྦུའི་གླིང་དུ་རྣམ་པར ་བལྟས་ན། དེས་བཅོམ་ལྡན་འདས་སེར་སྐྱའི་གནས་ཀྱི་གྲོང་ཁྱེར་ཆེན་པོ་ན་ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་པ་དང་། སེར་སྐྱའི་གྲོང་ཁྱེར་ཆེན་པོ་ན་བསོད་སྙོམས་ལ ་གཤེགས་པ་མཐོང་སྟེ། དེར་ཡང་མཽདྒལ་གྱི་བུ་དང་འདྲ་བའི་དགེ་སློང་དང་། དེ་མ་ཡིན་པའི་ཉན་ཐོས་ཆེན་པོ་དག་ཀྱང་མཐོང་ངོ་། །དེ་བཞིན་དུ་དེ་བཞིན་གཤེགས་པ་ཡངས་པའི ་གྲོང་ཁྱེར་ཆེན་པོ་ན་ལི་ཙ་བཱི་གཞོན་ན་དྲི་མ་མེད་པའི་ཟླ་བའི་ཁྱིམ་ན་བཤོས་གསོལ་ཞིང་བཞུགས་པ་མཐོང་སྟེ། དེར་ཡང་བདག་ཁོ་ན་དང་འདྲ་བའི་དགེ་སློང་ཁ་དོག་དེ་འདྲ་བ་དང་། ་རྟགས་དེ་འདྲ་བ་དང་། དབྱིབས་དེ་འདྲ་བ་དང་། དེ་མ་ཡིན་པའི་ཉན་ཐོས་ཆེན་པོ་དག་ཀྱང་མཐོང་ངོ་། །དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོས་དེ་བཞིན་གཤེགས་པ་ཝཱ་ར་ཎཱ་སིའི ་གྲོང་ཁྱེར་ཆེན་པོར་བསོད་སྙོམས་ལ་གཤེགས་ནས་སླར་གཤེགས་པ་མཐོང་སྟེ། དེར་ཡང་བདག་དང་འདྲ་བའི་དགེ་སློང་ཁ་དོག་ཀྱང་དེ་འདྲ། རྟགས་ཀྱང་དེ་འདྲ། དབྱིབས་ཀྱང ་དེ་འདྲ་བ་དང་། དེ་མ་ཡིན་པའི་ཉན་ཐོས་ཆེན་པོ་དག་ཀྱང་མཐོང་ངོ་། །དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོས་ཛམྦུའི་གླིང་འདིར་རྣམ་པར་བལྟས་ན། དེ་བཞིན་གཤེགས་པ ་བཞུགས་བཞུགས་པ་གང་ཡང་རུང་སྟེ། གཙུག་ལག་ཁང་ངམ། འཆག་སའམ། ཤིང་དྲུང་ངམ། རྡོ་ལེབ་བམ། ས་ཕྱོགས་གང་ཡང་རུང་བའི་ས་ཕྱོགས་ཇི་སྙེད་པ་དེ་དག་ཐམས ་ཅད་དུ་དེ་བཞིན་གཤེགས་པ་དགེ་སློང་གི་དགེ་འདུན་གྱིས་ཡོངས་སུ་བསྐོར་ཅིང་འདུན་གཉིས་བལྟས་པ་སྤྱོད་ལམ་སྣ་ཚོགས་ཀྱིས་བཞུགས་པ་མཐོང་ངོ་། །དེ་ནས་ཚེ་དང་ལྡན་པ་མཽདྒལ ་ག་ཡི་བུ་ཆེན་པོ་རྒྱ་ཆེར་ངོ་མཚར་དུ་གྱུར་ནས་བྱང་གི་སྒྲ་མི་སྙན་གྱི་གླིང་དུ་རྣམ་པར་བལྟས་ན་དེའང་དེ་བཞིན་གཤེགས་པ་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བྱང་གི་སྒྲ ་མི་སྙན་གྱི་གླིང་ན་བསོད་སྙོམས་ལ་གཤེགས་པ་དང་། བསོད་སྙོམས་བཞེས་ནས་བཤོས་གསོལ་ཞིང་བཞུགས་པ་མཐོང་སྟེ། དེ་ནའང་བདག་ཉིད་དང ་འདྲ་བའི་དགེ་སློང་དང་། དེ་མ་ཡིན་པའི་ཉན་ཐོས་ཆེན་པོ་དག་ཀྱང་མཐོང་ངོ་། །དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོས་ཤར་གྱི་ལུས་འཕགས་ཀྱི་གླིང་དུ་རྣམ་པར་བལྟས་ན། ་དེས་དེར་ཡང་དེ་བཞིན་གཤེགས་པ་སྐྱེ་བོའི་ཚོགས་ཆེན་པོའི་དབུས་ན་ཆོས་སྟོན་ཅིང་བཞུགས་པ་མཐོང་སྟེ། དེ་ནའང་བདག་ཉིད་དང་འདྲ་བའི་དགེ་སློང་དང་། དེ་མ་ཡིན་པའི་ཉན ་ཐོས་ཆེན་པོ་དག་ཀྱང་མཐོང་ངོ་། །དེ་བཞིན་དུ་ནུབ་ཀྱི་བ་ལང་སྤྱོད་ཀྱི་གླིང་ནའང་དེ་བཞིན་གཤེགས་པ་བསམ་གཏན་ནང་དུ་ཡང་དག་འཇོག་ལ་བཞུགས་ཏེ། སྲོག་ཆགས་སྟོང ་ཕྲག་དུ་མ་ཕྱག་འཚལ་ཞིང་འདུག་པ་དང་། ཉན་ཐོས་ཆེན་པོ་ཐམས་ཅད་མེའི་ཁམས་ཀྱི་ཏིང་ངེ་འཛིན་ལ་སྙོམས་པར་ཞུགས་པ་དག་ཀྱང་མཐོང་སྟེ། དེ་ནའང་བདག་ཉིད་དང་འདྲ ་བའི་དགེ་སློང་ཞིག་མཐོང་ངོ་། །དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོ་རྒྱ་ཆེར་ངོ་མཚར་དུ་གྱུར་ནས་ས་བླའི་ལྷ་རྣམས་ཀྱི་གནས་སུ་རྣམ་པར་བལྟས་ན། དེ་ནའང་དེ་བཞིན་གཤེགས ་པ་དགེ་སློང་གི་དགེ་འདུན་དང་ཐབས་ཅིག་ཏུ་ཆོས་སྟོན་པ་མཐོང་སྟེ། དེ་ནའང་བདག་ཉིད་དང་འདྲ་བའི་དགེ་སློང་དང་། དེ་མ་ཡིན་པའི་ཉན་ཐོས་ཆེན་པོ་དག་ཀྱང་མཐོང་ངོ་། །དེ ་བཞིན་དུ་བར་སྣང་གི་ལྷ་རྣམས་ཀྱི་གནས་སུ་རྣམ་པར་བལྟས་ན། དེ་ནའང་དེ་བཞིན་གཤེགས་པ་འཁོར་བརྒྱ་ཕྲག་དུ་མ་ལ་ཆོས་སྟོན་པ་མཐོང་སྟེ། དེ་ནའང་བདག་ཉིད་དང་འདྲ ་བའི་དགེ་སློང་དང་། དེ་མ་ཡིན་པའི་ཉན་ཐོས་ཆེན་པོ་དག་ཀྱང་མཐོང་ངོ་། །དེ་བཞིན་དུ་རྒྱལ་ཆེན་བཞིའི་རིས་ཀྱི་ལྷ་རྣམས་དང་། སུམ་ཅུ་རྩ་གསུམ་པ་དང་། འཐབ་བྲལ་དང་། དགའ ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་རྣམས་སུའང་དེ་དང་འདྲའོ། །དེ་ནས་ཚེ་དང་ལྡན་པ་མཽདྒལ་གྱི་བུ་ཆེན་པོས་ཚངས་པའི་འཇིག་རྟེན་གྱི་བར་དུ་རྣམ་པར ་བལྟས་ན། ཚངས་པའི་འཇིག་རྟེན་ནའང་དེ་བཞིན་གཤེགས་པ་ཚངས་པ་འབུམ་ཕྲག་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་པ་མཐོང་སྟེ། དེ་ནའང ་བདག་ཉིད་དང་འདྲ་བའི་དགེ་སློང་ཁ་དོག་ཀྱང་དེ་འདྲ། རྟགས་ཀྱང་དེ་འདྲ། དབྱིབས་ཀྱང་དེ་འདྲ། ཆུ་ཞེང་ཡང་དེ་ཁོ་ན་དང་འདྲ་བ་མཐོང་ངོ་། །མཽདྒལ་གྱི་བུ་འདྲ་བའི་དགེ་སློང་དེ ་དག་ཐམས་ཅད་ཀྱང་རྫུ་འཕྲུལ་གྱི་ཆོ་འཕྲུལ་གྱིས་ཆོས་སྟོན་ཏེ། ཐམས་ཅད་ཀྱང་མཽདྒལ་གྱི་བུ་ཞེས་བྱ་བར་ཤེས་སོ། །ཤཱ་རིའི་བུ་འདྲ་བའི་དགེ་སློང་དེ་དག་ཐམས་ཅད་ཀྱང ་ཤེས་རབ་ཀྱི་སྣང་བ་ཆེན་པོས་འཁོར་གྱི་མདུན་ན་སེངྒེའི་སྒྲ་སྒྲོག་སྟེ། དེ་དག་ཐམས་ཅད་ཀྱང་ཤཱ་རིའི་བུ་ཞེས་གྲགས་ཏེ། དེ་ལྟར་ཉན་ཐོས་ཆེན་པོ་དེ་དག་རང་རང་གི་སྟོབས་བསྐྱེད ་བས་ཆོས་སྟོན་ཏོ། །དེ་ནས་མཽདྒལ་གྱི་བུ་ཆེན་པོ་དགའ་ཞིང་མགུ་ལ་སྤུ་ཟིང་ཞེས་བྱེད་ནས་ངོ་མཚར་དུ་གྱུར་ཏེ་དགའ་བ་དང་། མཆོག་ཏུ་དགའ་བ་སྐྱེས ་ནས་སངས་རྒྱས་བཅོམ་ལྡན་འདས་རྣམས་ནི། ངོ་མཚར་ཏོ། །སངས་རྒྱས་བཅོམ་ལྡན་འདས་རྣམས་ནི། མཆོག་ཏུ་ངོ་མཚར་ཏོ། །ཞེས་ལན་གསུམ་དུ་ཆེད་དུ་བརྗོད་པ་ཆེད་དུ ་བརྗོད་དོ། །དེ་ནས་མཽདྒལ་གྱི་བུ་ཆེན་པོ་སངས་རྒྱས་རྣམས་ལ་ཕྱག་འཚལ་ལོ། །སངས་རྒྱས་རྣམས་ལ་ཕྱག་འཚལ་ལོ། །ཞེས་ཚིག་ཏུ་སྨྲ་ཞིང་ཁང་བཟང་རྣམ་པར་རྒྱལ་བྱེད ་ནས་ཤུགས་ཆེན་པོས་ཡན་ལག་ལྔས་ཕྱག་བྱས་སོ། །དེའི་ཚེ་ཅ་ཅོའི་སྒྲ་ཆེན་པོ་འཇིག་རྟེན་དུ་གྲགས་ཏེ། སུམ་ཅུ་རྩ་གསུམ་པའི་གནས་ཐམས་ཅད་གཡོས་སོ། །དེ་ནས་ལྷའི ་བུ་འབུམ་ཕྲག་དུ་མ་མི་དགའ་བར་གྱུར་ཏེ་བཅོམ་ལྡན་འདས་ལ་ཞུས་པ། བཅོམ་ལྡན་འདས། རྒྱུ་གང་དང་རྐྱེན་གང་གིས་ཅ་ཅོའི་སྒྲ་ཆེན་པོ་དང་། ས་ཆེན་པོ་གཡོ་བ་འཇིག་རྟེན ་དུ་བྱུང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷའི་བུ་དེ་དག་ལ་འདི་སྐད་ཅེས་བཀའ་སྩལ་ཏོ། །ལྷའི་བུ་དག་།དགེ་སློང་མཽདྒལ་གྱི་བུ་འདི་སངས ་རྒྱས་ལ་གཅེས་པར་འཛིན་པའི་ཕྱིར་ས་ཆེན་པོའི་སྟེང་དུ་ཕྱག་བྱས་ཏེ། འདི་ནི། དེའི་མཐུ་ཡིན་ནོ། །གསོལ་པ། བཅོམ་ལྡན་འདས། ཅིའི་སླད་དུ་དགེ་སློང་མཽདྒལ་གྱི་བུ་ཆེན ་པོ་ས་ཆེན་པོའི་སྟེང་དུ་ཕྱག་འཚལ་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག་།དགེ་སློང་མཽདྒལ་གྱི་བུ་དེ་འོང་གི་།དེ་ལ་དྲིས་ཤིག་།དེ་ནས་གནས་བརྟན ་མཽདྒལ་གྱི་བུ་ཆེན་པོ་ཁང་བཟང་རྣམ་པར་རྒྱལ་བྱེད་ནས་ལངས་ཏེ་ཤིན་ཏུ་མྱུར་བ་དང་། ཤིན་ཏུ་རིངས་པར་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི ་ཟ་ཧབས་ལ་མགོ་པོས་ཕྱག་འཚལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་སྤྱན་སྔར་འདུག་སྟེ་སོར་མོ་བཅུའི་ཐལ་མོ་སྦྱར་ནས ་བཅོམ་ལྡན་འདས་ལ་ཚིགས་སུ་བཅད་པ་དག་གིས་བསྟོད་པ། མགོན་པོ་མཚུངས་མེད་མི་ཡི་དབང་པོ་ཁྱད་པར་བརྙེས། །དྲི་མ་གསུམ་གྱི་ཐ་བ་སྤངས་པ་སེམས་དུལ་བ། །མི ་མཆོག་ལྷ་དང་མི་ཡི་མཆོད་པའི་གནས་གྱུར་པ། །རྒྱལ་པའི་བློ་ཡི་སྤྱོད་པ་བསམ་གྱིས་ཡོངས་སུ་མི་ཁྱབ། །ཉི་མ་འབུམ་ཕྲག་མང་པོ་དག་ནི་ཤར་བ་ན། །སེམས་ཅན་ལོང་བ་ཀུན་གྱིས ་མཐོང་བར་མི་འགྱུར་བ། །དེ་བཞིན་སྟོབས་བཅུ་མངའ་བ་ཀུན་ཏུ་འོད་ཟེར་ལྡན། །ཉན་ཐོས་ཀུན་གྱིས་ཤེས་པར་སླ་བ་མ་ལགས་སོ། །ཉན་ཐོས་འདི་དག་ཐམས་ཅད་དམུས་ལོང་འདྲ ་པ་སྟེ|་|སངས་རྒྱས་ཐེག་པ་ཞེས་ནི་འཛིན་པར་ཡོང་མི་བགྱིད། །དེ་བཞིན་གཤེགས་པ་ལ་ནི་དད་པས་མཆི་མོད་ཀྱི། །རྒྱལ་བ་དག་གིས་ཆོས་ཉི་ཀྱང་ནི་ཡོང་མ་འཚལ། །རྒྱ་མཚོ ་ཆེན་པོའི་དྲུང་ན་བ་རྗེས་ལྟ་བུ་དང་། །རི་རབ་རྒྱལ་པོ་དང་ནི་ཡུངས་འབྲུ་གཅིག་བུ་དང་། །ཉི་མའི་འོད་དང་སྲིན་བུ་མེ་ཁྱེར་འདྲ་བ་སྟེ། །སངས་རྒྱས་སྤྱན ་སྔར་ཉན་ཐོས་འཁོད་རྣམས་དེ་དང་འདྲ། །ལྷུན་པོ་རྣམས་ཀྱང་ཡུངས་འབྲུ་དག་ལ་འདོད་མི་བགྱིད། །མཁའ་ལ་ཉི་མ་གནས་པ་མེ་ཁྱེར་འདོད་མི་བགྱིད། །རྒྱ་མཚོ་ཆེན་པོ་པ ་རྗེས་ཆུ་ལ་འདོད་མི་བགྱིད། །བྱང་ཆུབ་སེམས་དཔའ་ཉན་ཐོས་རྣམས་ལ་འདོད་མི་བགྱིད། །དམུས་ལོང་མི་དང་ལྷ་ཡི་མིག་ལྡན་ཅི་འདྲ་དང་། །ཕལ་པའི་མི་དང་འཁོར་ལོས ་བསྒྱུར་བ་ཅི་འདྲ་དང་། །ཟླ་བའི་འོད་ཀྱིས་སྐར་མ་རྣམས་ནི་ཟིལ་གནོན་པ། །སངས་རྒྱས་སྤྱན་སྔར་ཉན་ཐོས་འཁོར་རྣམས་དེ་དང་འདྲ། །ལྷ་མོ་སྒྱུར་འཕྲུལ་ལ་ནི་ཐུགས་བརྩེ་དོན ་སླད་དུ|་|ལྷུན་པོའི་རྩེ་མོ་འདི་ན་རྒྱལ་བ་བཞུགས་པ་ན། །སངས་རྒྱས་དང་ནི་དགེ་སློང་དགེ་འདུན་མི་བཞུགས་པས། །བདག་ནི་ཛམྦུའི་གླིང་འདི་སྟོང་སྙམ་ཡིད་ལ་བགྱིད། ། ་བཅོམ་ལྡན་བདག་ནི་རྣམ་པར་རྒྱལ་བྱེད་ནང་ན་མཆིས། །ལྷ་ཡི་བུ་མོ་རྣམས་ལ་ཆོས་ནི་སྟོན་པ་ན། །བདག་གིས་ལྷ་ཡི་མིག་གིས་ཛམྦུའི་གླིང་དུ་བལྟས། །གྲོང་ཁྱེར་དང་ནི ་ཚོང་འདུས་བརྒྱ་ཕྲག་བརྟག་པ་བགྱིད། །བརྟགས་པའི་ཚེ་ན་བདག་གིས་དེར་ནི་རྒྱལ་བ་མཐོང་། །རྒྱལ་པོའི་ཁབ་དང་མཐུ་ཆེན་གཟུགས་ཅན་སྙིང་པོའི་ཁང་། །གྲོང་རྡལ་མི་དང ་འཁོར་གྱིས་མདུན་གྱིས་བལྟས་པ་ན། །ཉན་ཐོས་རྣམས་དང་ཐབས་ཅིག་ཏུ་ནི་བཤོས་ཀྱང་གསོལ། །གཡོན་ལོགས་ན་ནི་བདག་གི་ཁ་དོག་འདྲ་བ་ཡི། །མཽདྒལ་གྱི་ནི་བུ་མཆིས་པ ་ཡང་བདག་གིས་མཐོང་། །གཡས་ལོགས་ན་ནི་ཤཱ་རིའི་བུ་མཆིས་གཞན་དག་ཀྱང་། །རྒྱལ་བ་ཡི་ནི་ཉན་ཐོས་ཐམས་ཅད་འཁོད་པ་མཐོང་། །ལྷུན་པོ་ཡི་ནི་སྟེང་དུ་རྒྱལ་བ་གཤེགས ་སྙམ་བགྱིད། །བདག་གིས་བརྟགས་ན་ལྷུན་པོའི་ཟོམ་ན་བཞུགས་པ་མཐོང་། །བདག་ཉིད་ཀྱང་ནི་རྒྱལ་པོའི་ཁབ་ན་མཆིས་པ་དང་། །ལྷུན་པོའི་རྩེ་མོ་དེ་ཉིད་ན་ཡང་མཆིས་པ་མཐོང་། ། ་གྲོང་ཁྱེར་མཉན་ཡོད་ན་ཡང་འཇིག་རྟེན་མགོན་པོ་ནི། །སྲོག་ཆགས་བྱེ་བ་མང་པོ་དག་ལ་ཆོས་སྟོན་མཐོང་། །དེ་དག་ན་ཡང་བདག་དང་ཤཱ་རིའི་བུ་དང་ནི། །ཉན་ཐོས་གཞན་རྣམས་གང ་ལགས་དེ་དག་མཐོང་བར་གྱུར། །ཤཱཀྱ་དག་གི་ནང་དུ་བསོད་སྙོམས་གཤེགས་པ་མཐོང་། །ཡངས་པ་ནས་ནི་སླར་གཤེགས་པའང་མཐོང་བར་གྱུར། །ཝཱ་ར་ཎཱ་སིར་ཡང་ནི་དེ་བཞིན ་མཐོང་བར་གྱུར། །ཐམས་ཅད་དུ་ཡང་བདག་ཉིད་ཀྱི་ནི་ལུས་ཀྱང་མཐོང་། །བྱང་གི་སྒྲ་མི་སྙན་གྱི་གླིང་ན་དེ་བཞིན་དུ། །ཚོགས་དང་ལྷན་ཅིག་བསོད་སྙོམས་དག་ལ་རྒྱུ་བ་མཐོང་། །མ་དྲོས ་མཚོ་ཡི་ནང་དག་ན་ཡང་ཉན་ཐོས་བཅས། །བསོད་སྙོམས་ཞལ་ཟས་གསོལ་བ་བདག་གིས་མཐོང་བར་གྱུར། །དེ་བཞིན་ནུབ་ཀྱི་བ་ལང་སྤྱོད་ཀྱི་གླིང་དག་ན། །སེམས་ཅན་བྱེ་བ་ཁྲག ་ཁྲིག་མང་པོའི་དོན་མཛད་མཐོང་། །ཐམས་ཅད་དུ་ནི་མཽདྒལ་བུ་ཡང་རྫུ་འཕྲུལ་གྱི། །སྟོབས་ཀྱིས་འགྲོ་བ་རྣམས་ནི་འདུལ་བར་བགྱིད་པ་མཐོང་། །དེ་བཞིན ་དུ་ཡང་ཤར་གྱི་ལུས་འཕགས་གླིང་དག་ན། །མི་རྣམས་ལ་ནི་ཆོས་རྣམས་སྣ་ཚོགས་སྟོན་པ་མཐོང་། །དེ་ན་ཡང་ནི་བདག་དང་ཤཱ་རིའི་བུ་དག་དང་། །གཞན་ཡང་ཉན་ཐོས་གང་ལགས ་དེ་དག་བདག་གིས་མཐོང་། །དེ་བཞིན་ས་བླ་བ་ཡི་ལྷ་ཡི་གནས་རྣམས་དང་། །བར་སྣང་དག་ན་ཆོས་ནི་སྟོན་ཅིང་བཞུགས་པ་མཐོང་། །ཆོས་ཀྱི་མངའ་བདག་དམ་པ་ཁྱོད་ནི་འཇིག ་རྟེན་སྐྱོང་། །བཞི་པོ་དག་ལ་ཆོས་རྣམས་སྟོན་ཅིང་བཞུགས་པ་མཐོང་། །དེ་བཞིན་དུ་ཡང་འཐབ་བྲལ་ལྷ་རྣམས་ནང་དུ་མཐོང་། །དེ་ནས་ཤཱཀྱ་སེངྒེ་དགའ་ལྡན་དག་ཏུ་མཐོང་། །རབ ་འཕྲུལ་དག་དང་གཞན་འཕྲུལ་དབང་བྱེད་དག་ན་ཡང་། །མགོན་པོ་ཉན་ཐོས་རྣམས་དང་བཅས་པ་བདག་གིས་མཐོང་། །ཚངས་པའི་འཇིག་རྟེན་དག་ན་ཚངས་པ་བྱེ་བ་ལ། །ཆོས་རྣམས ་སྟོན་ཅིང་བཞུགས་པ་བདག་གིས་མཐོང་བར་གྱུར། །ཐམས་ཅད་དུ་ཡང་བདག་གི་ལུས་དང་དེ་བཞིན་དུ། །གཞན་ཡང་རྒྱལ་བའི་ཉན་ཐོས་རྣམས་ནི་བདག་གིས་མཐོང་། །གཙུག ་ལག་ཁང་དང་འཆག་ས་ཤིང་གི་གནས་རྣམས་དང་། །ཕུག་རྣམས་གང་ན་སྔོན་ཆད་སངས་རྒྱས་བཞུགས་བཞུགས་པ། །ཐམས་ཅད་དུའང་ཤཱཀྱ་སེངྒེ་ཅི་འདྲ་བ། །དེ་འདྲའི་ཆོས་ཀྱི ་རྒྱལ་པོ་བདག་གིས་མཐོང་བར་གྱུར། །དཔའ་བོ་ཁྱོད་ཀྱི་ཆོས་ཉིད་འདི་ནི་བདག་གིས་སུ། །མཐོང་ནས་བདག་ནི་ངོ་མཚར་རྨད་དུ་འཛིན་པར་གྱུར། །སངས་རྒྱས་འོད་མཛད་དེ་དག་རྣམས ་ཀྱི་རྫུ་འཕྲུལ་མཆོག་། འདི་འདྲ་དེ་དག་ངོ་མཚར་རབ་ཏུ་ཆེ་བ་ལགས། །རྣམ་འདྲེན་སུམ་ཅུ་གསུམ་ན་བཞུགས་པར་མ་བས་ཀྱི། །ཛམྦུའི་གླིང་ན་ཐམས་ཅད་དུ་ཡང་སྣང་ཞིང་བཞུགས། ། ་གྲོང་རྣམས་དང་ནི་ཡུལ་འཁོར་གྲོང་ཁྱེར་དག་ན་ཡང་། །ཁ་དོག་མཐུན་པ་ཡིས་ནི་ཆོས་རྣམས་སྟོན་ཅིང་བཞུགས། །འཇིག་རྟེན་མགོན་པོ་ཁྱོད་ནི་ཇི་ལྟར་མཐོང་བ་བཞིན། །དེ་སྙེད་ཀྱི་ནི ་ཤཱ་རིའི་བུ་དང་གསུས་པོ་ཆེ། །ཀ་པི་ན་དང་ནམ་གྲུ་ཀཱ་ཏྱ་ནའི་བུ། །གང་པོ་དང་ནི་རབ་འབྱོར་འོད་སྲུང་མཐོང་བར་གྱུར། །ཐོས་པ་རྒྱ་མཚོ་ལྟ་བུས་དགེ་བ་ཀུན་དགའ་བོ། །ཀུན་ཏུ་སངས ་རྒྱས་རྣམས་ལ་ཞུ་བ་བདག་གིས་མཐོང་། །ཐམས་ཅད་དུ་ཡང་བདག་གི་ལུས་ནི་མདོག་དང་རྟགས། །མཚུངས་ཤིང་ལྷག་པ་མ་མཆིས་བདག་གིས་མཐོང་བར་གྱུར། །སངས་རྒྱས་བསམ ་གྱིས་མི་ཁྱབ་རྣམས་ལ་ཕྱག་འཚལ་ཞེས། །བདག་གིས་ལྷུན་པོའི་ཟོམ་ལ་ཆེད་དུ་བརྗོད་པ་བརྗོད། །བདག་གི་སྤུ་ཡང་ཟིང་ཞེས་བགྱིད་དེ་གུས་པས་གནས། །ཡན་ལག་ལྔ་པོ་རྣམས ་ཀྱིས་ཀྱང་ནི་ཕྱག་བགྱིས་ལགས། །སྒྲ་སྐད་ཆེན་པོ་དག་ཀྱང་ཡོངས་སུ་གྲགས་པར་གྱུར། །སྟོང་གསུམ་ས་གཞི་དག་ཀྱང་རབ་ཏུ་གཡོས་པར་གྱུར། །ལྷུན་པོའི་རྩེ་མོ་འདི་ཡང་ཀུན་དུ་སྣང ་བར་གྱུར། །རྒྱལ་བ་དེས་པ་དག་གི་མཐུ་ནི་མཐོང་གྱུར་ནས། །དེ་ལྟར་བདག་ནི་ཤིན་ཏུ་རིངས་པའི་ཚུལ་གྱིས་སུ། །མི་མཆོག་ག་ལ་བཞུགས་པ་དེར་ནི ་བདག་མཆིས་ཏེ། །ཆོས་ཀྱི་རྣམ་པར་དབྱེ་བ་མཁས་པ་ཁྱོད་ལ་ཞུ། །རྒྱལ་པ་དེ་བཞིན་གཤེགས་རྣམས་ཇི་ལྟར་རྣམ་པར་འཕྲུལ། །ཛམྦུའི་གླིང་དང་ལྷ་ཡི་འཇིག་རྟེན་དག་དང ་ནི|་|ལྷོ་ཕྱོགས་དང་ནི་ཤར་ཕྱོགས་བྱང་གི་ཕྱོགས་རྣམས་དང་། །ཚངས་པའི་འཇིག་རྟེན་དང་ནི་བར་སྣང་གནས་བཞུགས་པ། །རྒྱལ་བ་རྣམས་ཀྱི་དེ་ཉིད་གང་ལགས་བདག་ལ ་གསུངས། །སྟོན་པ་ཆེན་པོ་རྫུ་འཕྲུལ་ཆེ་བ་འདི་མཐོང་བས། །དེང་ནི་བདག་གིས་རྙེད་པ་ལེགས་པར་རྙེད་པར་གྱུར། །དེ་ཡི་འོག་ཏུ་སངས་རྒྱས་ཐེག་པ་འདི་དག་ལགས། །བདག ་ཉིད་དམན་པར་གྱུར་པ་དེང་དུ་མྱ་ངན་བགྱིད། །གལ་ཏེ་བདག་སེམས་རྣམ་པར་གྲོལ་བར་མ་གྱུར་ན། །བྱང་ཆུབ་ཏུ་ནི་ད་ལྟར་སེམས་ཀྱང་བསྐྱེད་པ་ཞིག་།བཅོམ་ལྡན་བདག་གི ་ཟག་པ་ཟད་པས་བགྱིར་མ་མཆིས། །བདག་ནི་སངས་རྒྱས་ཡེ་ཤེས་འདི་ཡི་སྣོད་མ་ལགས། །ཇི་ལྟར་རྒྱ་མཚོར་རིན་ཆེན་དོན་དུ་སོང་སོང་ན། །ཀྱི་ཧུད་ནོར་བུ་རིན་ཆེན་པོར་ཏེ་མཆིང ་བུ་བླངས། །བྱང་ཆུབ་བོར་ནས་ཉན་ཐོས་གྱུར་པ་གང་ལགས་པའི། །སེམས་ཅན་རྣམས་ཀྱང་ང་ནི་དེ་འདྲར་མཁྱེན་པར་མཛོད། །སེམས་ཅན་དམན་པ་ངན་པའི་ལྟ་བ་ཅན་དག་ནི། ། ་རྒྱ་ཆེན་བྱང་ཆུབ་ཏུ་ནི་སེམས་ཀྱང་སྐྱེ་མི་འགྱུར། །བརྩོན་འགྲུས་ལྡན་ཞིང་མཐུ་རྩལ་བརྟན་པ་གང་ལགས་པ། །དེ་དག་སངས་རྒྱས་ཡེ་ཤེས་ལ་ནི་འདུན་པ་སྐྱེད། །མགོན་པོ་བདག་ནི་ཐལ་མོ་སྦྱར ་ནས་སངས་རྒྱས་ཀྱི། །ཡེ་ཤེས་མཆོག་ཞུགས་གང་ལགས་པ་ལ་ཕྱག་ཀྱང་འཚལ། །ཤཱཀྱ་སེངྒེ་བཞིན་དུ་དེ་དག་རྣམ་པར་འཕྲུལ། །བདག་ནི་འདི་ལ་ཡིད་གཉིས་མི་འཚལ་དོགས་མ་མཆིས།། ་དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽདྒལ་གྱི་བུ་ཆེན་པོ་ལ་བཀའ་སྩལ་པ། མཽདྒལ་གྱི་བུ། ཁྱོད་ཀྱི་ཡུལ་ཇི་ལྟ་བ་དེ་བཞིན་དུ་ཁྱོད་ཀྱིས་མཐོང་ཞིང་ལྟ་བར་ཟད་ཀྱི། མཽདྒལ་གྱི ་བུ|་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཡུལ་བསམ་གྱིས་མི་ཁྱབ་པ་གང་ཡིན་པ་ནི། སེམས་ཅན་ཐམས་ཅད་རང་སངས་རྒྱས་སུ་གྱུར་པས་ཀྱང་ཀུན་ཤེས་པའམ། ་རྣམ་པར་ཤེས་པར་མི་ནུས་ན། ཉན་ཐོས་ཕྱོགས་གཅིག་པ་ལ་སྤྱོད་ཅིང་ཕྱོགས་གཅིག་གི་ཤེས་པ་དང་ལྡན་པ་ཁྱོད་ཀྱིས་ལྟ་ག་ལ་ཤེས། མཽདྒལ་གྱི་བུ། གཞན་ཡང་དེ་བཞིན་གཤེགས ་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་ཞེས་བྱ་བའི་ཆོས་ཀྱི་རྣམ་གྲངས་སྟོན་གྱི། དེའི་བར་དུ་འཁོར་མ་འོངས་པ ་རྣམས་ནི། འདུས་ཤིག་།འཁོར་འདུས་པ་རྣམས་ནི། འཁོད་དུ་ཆུག་ཅིག་།བཅོམ་ལྡན་འདས། དེ་ལྟར་འཚལ་ལོ། །ཞེས་གསོལ་ཏེ། ཚེ་དང་ལྡན་པ་མཽདྒལ་གྱི་བུ་ཆེན་པོས་བཅོམ ་ལ་དན་འདས་ཀྱི་ལྟར་མཉན་ནས་ལུས་འབར་ཞིང་འོད་ཟེར་དག་འགྱེད་བཞིན་དུ་དེའི་ཚེ་ཚངས་པའི་འཇིག་རྟེན་དུ་འདུག་ནས་གླིང་ཆེན་པོ་བཞི་པའི་འཇིག ་རྟེན་གྱི་ཁམས་སུ་སྐད་ཀྱིས་བསྒོ་སྟེ་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །བསྐལ་པ་བྱེ་བ་ཁྲག་ཁྲིག་རྣམས་སུ་ཡང་། །དེ་བཞིན་གཤེགས་རྣམས་འབྱུང་བ་ཤིན་ཏུ ་དཀོན|་|ུ་དུམྦ་རའི་མེ་ཏོག་ཇི་ལྟ་བ། །འདྲེན་པ་རྣམས་མཐོང་བ་ཡང་དེ་དང་འདྲ། །འཁོར་ལོས་བསྒྱུར་བའི་རྒྱལ་པོ་རྫུ་འཕྲུལ་ཆེ། །བསོད་ནམས་སྟོབས་དང་ལྡན་ཞིང་བུ་སྟོང་དང་།། ་རིན་ཆེན་བདུན་ལྡན་འདོད་པ་གང་ཡིན་པ། །དེ་ནི་སོང་ལ་སངས་རྒྱས་ཆོས་ཉོན་ཅིག་།བརྒྱ་བྱིན་ཚངས་པར་འགྱུར་བར་སུ་འདོད་དང་། །འདིར་ནི་ལྷ་མིའི་བདེ་བ་གཞན་དག་གིས།། ་དགའ་ཞིང་རྩེ་ལ་རྟག་ཏུ་བདེ་ལྡན་འདོད། །དེ་ནི་ཆོས་ཀྱི་རྒྱལ་པོ་ལྟར་སོང་ཞིག་།ཉོན་མོངས་ཀུན་བསྐམས་ཞི་བ་མྱ་ངན་འདས། །བདུད་རྩི་རེག་དང་རྫུ་འཕྲུལ་སྟོབས་གནས་ནས།། ་རྣམ་པར་འཕྲུལ་པར་འདོད་པ་གང་ཡིན་པ། །དེ་ནི་སོང་ལ་རྒྱལ་བའི་ཆོས་ཉོན་ཅིག་།རང་སངས་རྒྱས་སམ་ཉན་ཐོས་འགྱུར་བ་འམ། །ཡང་ན་སྟོབས་བཅས་དཔུང་བཅས་བདུད་བཏུལ ་ནས|་|སངས་རྒྱས་རྐང་གཉིས་མཆོག་འགྱུར་འདོད་པ་གང་། །དེ་ནི་ཆོས་ཀྱི་མངའ་བདག་བལྟར་སོང་ཞིག་།དེ་ནས་གནས་བརྟན་མཽདྒལ་གྱི་བུས་བསྐུལ་བའི་ལྷ་བྱེ་བ་ཁྲག་ཁྲིག ་འབུམ་ཕྲག་དུ་མ་དང་། འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་རྣམས་མྱུར་བ་མྱུར་བར་ཤིན་ཏུ་རིངས་པར་མེ་ཏོག་དང་། མེ་ཏོག་ཕྲེང་དང་། སྤོས་དང་། ཕྱེ་མ་ཁྱེར་ནས ་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ལ་མཆོད་པ་བྱས་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འཁོད་དོ། ། ་དེ་ནས་ཚེ་དང་ལྡན་པ་མཽདྒལ་གྱི་བུས་རྫུ་འཕྲུལ་དེ་བཏང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་སྤྱན་སྔར་འདུག་གོ། དེ་ནས་བཅོམ་ལྡན་འདས ་ཀྱིས་ཏེ་དང་ལྡན་པ་མཽདྒལ་གྱི་བུ་ཆེན་པོ་ལ་བཀའ་སྩལ་པ། མཽདྒལ་གྱི་བུ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་། དེ་བཞིན་གཤེགས་པའི་སངས་རྒྱས ་ཀྱི་རྫུ་འཕྲུལ་གྱིས་རྣམ་པར་འཕྲུལ་བའི་ཆོ་འཕྲུལ་ཞེས་བྱ་བའི་ཆོས་ཀྱི་རྣམ་གྲངས་ངས་བཤད་དོ། །བཅོམ་ལྡན་འདས། དེ་ལྟར་འཚལ་ལོ། །ཞེས་གསོལ་ཏེ། ཚེ་དང་ལྡན་པ་མཽདྒལ ་གྱི་བུ་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ནི། ་ཟླ་བ་བྱེ་བ་ཕྲག་བརྒྱ་དང་། ཉི་མ་བྱེ་བ་ཕྲག་བརྒྱ་དང་། རྒྱ་མཚོ་ཆེན་པོ་བྱེ་བ་ཕྲག་བརྒྱ་དང་། རིའི་རྒྱལ་པོ་རི་རབ་བྱེ་བ་ཕྲག་བརྒྱ་དང་། གླིང་ཆེན་པོ་བཞི་པའི་འཇིག་རྟེན་གྱི་ཁམས ་བྱེ་བ་ཕྲག་བརྒྱ་ཡོད་དེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ནི། སངས་རྒྱས་རྣམས་ཀྱི་སངས་རྒྱས་ཀྱི་ཞིང་ཡིན་ནོ། །མཽདྒལ་གྱི་བུ། འདི ་ཇི་སྙམ་དུ་སེམས། གླིང་ཆེན་པོ་བཞི་པ་འདི་འབའ་ཞིག་ཏུ་ང་མངོན་པར་རྫོགས་པར་སངས་རྒྱས་ཀྱི། གླིང་གཞན་དུ་ནི། མ་ཡིན་ནོ་སྙམ་དུ་སེམས་ན། མཽདྒལ་གྱི་བུ། ཁྱོད་ཀྱིས ་དེ་ལྟར་བལྟ་བར་མི་བྱ་སྟེ། གླིང་ཆེན་པོ་བཞི་པའི་འཇིག་རྟེན་གྱི་ཁམས་ཐམས་ཅད་དུ་སེམས་ཅན་རྣམས་ཇི་ལྟར་ཡོངས་སུ་སྨིན་པ་བཞིན་དུ་ང་ཆོས་སྟོན་ཏེ། ཁ་ཅིག་ཏུ་ནི། མངོན ་པར་རྫོགས་པར་སངས་རྒྱས། ཁ་ཅིག་ཏུ་ནི། ད་དུང་མའི་མངལ་ན་གནས། ཁ་ཅིག་ཏུ་ནི། དགའ་ལྡན་གྱི་གནས་ན་འདུག་།ཁ་ཅིག་ཏུ་ནི། ཡོངས་སུ་མྱ་ངན་ལས་འདས་པར ་ངས་ཡང་དག་པར་ཤེས་སོ། །བམ་པོ་གསུམ་པ་སྟེ་ཐ་མ། མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉིད་ན་གླིང་ཆེན་པོ་བཞི་པའི་འཇིག ་ར་ཏེན་གྱི་ཁམས་འདི་ཉིད་ཀྱི་ཤར་ཕྱོགས་སུ་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཁྲི་ཉིས་སྟོང་འདས་པ་ན་གླིང་ཆེན་པོ་བཞི་པའི་འཇིག་རྟེན་གྱི་ཁམས་རྡུལ་མེད་ཅེས་བྱ་བ ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡུལ་བྲལ་བློ་གྲོས་ཞེས་བྱ་བ་ད་ལྟར་ཆོས་སྟོན་ཏོ། །མཽདྒལ་གྱི་བུ། གླིང་ཆེན་པོ ་བཞི་པའི་འཇིག་རྟེན་གྱི་ཁམས་དེ་ན་འཁོད་པའི་སེམས་ཅན་དེ་དག་ནི། འདོད་ཆགས་ཆུང་བ་དང་། ཞེ་སྡང་ཆུང་བ་དང་། གཏི་མུག་ཆུང་བ་དང་། བྱང་བཟང་བ་དང་། ལེགས་པར་བཤད་ཀྱིས ་བྱང་བར་བྱེད་པ་ཡིན་ནོ། །དེ་ན་བྱང་ཆུབ་སེམས་དཔའི་ཐེག་པ་པ་ནི། ཉུང་བ་སྟེ། ཕལ་ཆེར་ཉན་ཐོས་ཀྱི་ཐེག་པ་པ་ཡིན་ནོ། །མཽདྒལ་གྱི་བུ། དེ་བཞིན་གཤེགས་པ་དགྲ་བཅོམ་པ་ཡང ་དག་པར་རྫོགས་པའི་སངས་རྒྱས་རྡུལ་བྲལ་བློ་གྲོས་དེས་ཆོས་བསྟན་པ་རེ་རེ་ལ་ཉན་ཐོས་བྱེ་བ་ཕྲག་དགུ་བཅུ་རྩ་དགུ་དག་འདུལ་བར་བྱེད་དེ། ད་ལྟར་འདི་ན་རྒྱུན་དུ་ཞུགས་པ ་ཞེས་བྱ་བ་དང་། ལན་གཅིག་ཕྱིར་འོང་བ་ཞེས་བྱ་བ་དང་། ཕྱིར་མི་འོང་བ་ཞེས་བྱ་བ་བསྟན་པ་དེ་ལྟ་བུའི་དགེ་སྦྱོང་གི་ཚུལ་གྱི་འབྲས་བུ་བཞི་རྣམ་པར་གཞག་པ་ནི། དེ་ན་མེད་ཀྱི། ་དེ་དག་ཐམས་ཅད་ནི། སྟན་གཅིག་ལ་འདུག་པ་ཤ་སྟག་སྟེ། ཁ་ཅིག་ནི། མངོན་པར་ཤེས་པ་མངོན་སུམ་དུ་བྱེད་ཅིང་རྣམ་པར་ཐར་པ་བརྒྱད་རྗེས་སུ་ཐོབ་པ་དང་། ཡེ་ཤེས་ཆེན་པོ ་ཐོབ་ནས་ཏ་ལ་བདུན་སྲིད་ཙམ་གྱི་ནམ་མཁའ་ལ་མངོན་པར་འཕགས་ནས་རང་གི་མེའི་ཁམས་ཀྱིས་རང་གི་ལུས་མེས་སྲེག་པར་བྱེད་དེ། ཡོངས་སུ་མྱ་ངན་ལས་འདས་པ་དེ་དག་གི ་ཐལ་བའི་བག་ཙམ་ཡང་མེད་དོ། །མཽདྒལ་གྱི་བུ། དེ་ལྟར་ན་དེ་བཞིན་གཤེགས་པ་དེ་རྒྱུན་མི་འཆད་པར་ཆོས་སྟོན་ཅིང་སེམས་ཅན་རྣམས་རྣམ་པར་གྲོལ་བར་བྱེད་ལ་རྒྱུན་མི་འཆད ་པར་ཉན་ཐོས་རྣམས་ཡོངས་སུ་མྱ་ངན་ལས་ཟློ་བར་བྱེད་དོ། །དེ་ན་སྦྱིན་པའང་མེད། ལེན་པའང་མེད་དོ། །བཟའ་བ་དང་། བཏུང་བ་དང་། གོས་རྣམས ་བསམ་པ་ཙམ་གྱིས་འབྱུང་བར་འགྱུར་ཏེ། དཔེར་ན། སུམ་ཅུ་རྩ་གསུམ་པའི་ལྷ་རྣམས་ཀྱི་དང་འདྲའོ། །དེ་ན་སེམས་ཅན་རྣམས་མངལ་ན་གནས་པ་མེད་དེ། རྫུས་ཏེ་སྐྱེའོ། །ས ་གཞི་ཆེན་པོ་དེའང་གསེར་ལས་གྲུབ་པ་ཡིན་ནོ། །མཽདྒལ་གྱི་བུ། དེ་བཞིན་གཤེགས་པ་རྡུལ་བྲལ་བློ་གྲོས་དེའི་འཇིག་རྟེན་གྱི་ཁམས་དེ་ན་མི་དེ་དག་གི་ཚེའི་ཚད་ནི། ལོ་ལྔ ་བརྒྱ་ཐུབ་སྟེ། བར་མ་དོར་འཆི་བ་མེད་དོ། །མཽདྒལ་གྱི་བུ། འདི་ཇི་སྙམ་དུ་སེམས། འཇིག་རྟེན་གྱི་ཁམས་དེ་ན་བཞུགས་པའི་དེ་བཞིན་གཤེགས་པ་རྡུལ་བྲལ་བློ་གྲོས་ཞེས ་བྱ་བ་དེ་གཞན་ཞིག་ཡིན་སྙམ་དུ་སེམས་ན། མཽདྒལ་གྱི་བུ། ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་འཇིག་རྟེན་གྱི་ཁམས་དེ་ན་མིང་དེ་སྐད་ཅེས་བྱ་བས་ཆོས ་སྟོན་ཏོ|་|མཽདྒལ་གྱི་བུ། འདིའང་སངས་རྒྱས་ཀྱི་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་ཡིན་ཏེ། དེ་ལ་ནི། ཉན་ཐོས་དང་། རང་སངས་རྒྱས་ཐམས་ཅད་ཀྱིས་འཇུག་པར་མི ་ནུས་སོ|་|མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉིད་ན་ལྷོ་ཕྱོགས་སུ་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཁྲི་བརྒྱད་སྟོང་འདས་པ ་ན་གླིང་ཆེན་པོ་བཞི་པའི་འཇིག་རྟེན་གྱི་ཁམས་རིན་ཆེན་འབྱུང་ཞེས་བྱ་བ་རིན་པོ་ཆེ་སྣ་བཞི་འདི་ལྟ་སྟེ། གསེར་དང་། དངུལ་དང་། ཤེལ་དང་། རྡོའི་སྙིང་པོ་ལས་གྲུབ་པ་ཞིག་ཡོད ་དེ|་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་ཕུང་པོ་ཞེས་བྱ་བ་ད་ལྟར་ཆོས་སྟོན་ཏེ། མཽདྒལ་གྱི་བུ། དེ་བཞིན་གཤེགས་པ་དེ་ནི། ་ཤས་ཆེར་རང་སངས་རྒྱས་ཀྱི་ཐེག་པ་པ་རྣམས་ལས་བརྩམས་ནས་ཆོས་སྟོན་ཏེ། དེ་ན་ནི། ཉན་ཐོས་ཀྱི་ཐེག་པ་པ་དག་ཀྱང་ཉུང་ངོ་། །བྱང་ཆུབ་སེམས་དཔའི་ཐེག་པ་པ་དག་ཀྱང་ཉུང ་ངོ་། །རང་སངས་རྒྱས་ཀྱི་ཐེག་པ་པའི་སེམས་ཅན་གང་དག་ཡིན་པ་དེ་དག་འཇིག་རྟེན་གྱི་ཁམས་དེ་ནས་ཤི་འཕོས་ནས་འཇིག་རྟེན་གྱི་ཁམས་གཞན་སངས་རྒྱས་ཀྱི་ཞིང་སྟོང་པ་དག ་ཏུ་སྐྱེ་བར་འགྱུར་ཏེ། དེ་དག་རྐྱེན་གཉིས་ཀྱིས་རྫོགས་པའི་བྱང་ཆུབ་འཐོབ་པར་འགྱུར་རོ། །མཽདྒལ་གྱི་བུ། འདི་ཇི་སྙམ་དུ་སེམས། འཇིག་རྟེན་གྱི་ཁམས་དེ་ན་བཞུགས་པའི་དེ་བཞིན ་བཞིན་གཤེགས་པ་རིན་ཆེན་ཕུང་པོ་ཞེས་བྱ་བ་དེ་གཞན་ཞིག་ཡིན་སྙམ་དུ་སེམས་ན། མཽདྒལ་གྱི་བུ། ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་འཇིག་རྟེན་གྱི་ཁམས་དེ ་ན་མིང་དེ་སྐད་ཅེས་བྱ་བས་ཆོས་སྟོན་ཏོ། །མཽདྒལ་གྱི་བུ། འདིའང་སངས་རྒྱས་ཀྱི་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་ཡིན་ཏེ། དེ་ལ་ནི། ཉན་ཐོས་དང་། རང་སངས་རྒྱས ་ཐམས་ཅད་ཀྱིས་འཇུག་པར་མི་ནུས་སོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉིད་ནས་ནུབ་ཕྱོགས་སུ་གླིང་ཆེན་པོ་བཞི་པའི ་འཇིག་རྟེན་གྱི་ཁམས་ཉི་ཁྲི་ཉིས་སྟོང་འདས་པ་ན་གླིང་ཆེན་པོ་བཞི་པའི་འཇིག་རྟེན་གྱི་ཁམས་རིན་ཆེན་སྣ་ཚོགས་ཅན་ཞེས་བྱ་བ་རིན་པོ་ཆེ་སྣ་བདུན་གསེར་དང་། དངུལ་དང་། བཻ ་ཌཱུཪྱ་དང་། ཤེལ་དང་། རྡོའི་སྙིང་པོ་དང་། མུ་ཏིག་དམར་པོ་དང་། སྤུག་ལས་གྲུབ་པ་ཞིག་ཡོད་དེ། མཽདྒལ་གྱི་བུ། འཇིག་རྟེན་གྱི་ཁམས་དེ་ན་རིན་པོ་ཆེ་ལས་བྱས་པའི་འཆགས ་དག་དང་། རིན་པོ་ཆེ་ལས་བྱས་པའི་ཁང་པ་བརྩེགས་པ་དག་དང་། རིན་པོ་ཆེའི་སྟེགས་བུས་བརྒྱན་པའི་རྫིང་བུ་དག་ཀྱང་ཡོད་དོ། །བཟའ་བ་དང་། བཏུང་བ་དང་། གོས་ཀྱང་བསམ ་པ་ཙམ་གྱིས་འབྱུང་བར་འགྱུར་ཏེ། དཔེར་ན། དགའ་ལྡན་གྱི་ལྷ་རྣམས་ཀྱི་ཉེ་བར་སྤྱོད་པ་དང་། ལོངས་སྤྱོད་ཇི་ལྟ་བ་དེ་བཞིན་དུ་འཇིག་རྟེན་གྱི་ཁམས་དེ་ན་འཁོད་པའི་མི་དེ་དག ་གི་ཉེ་བར་སྤྱོད་པ་དང་། ལོངས་སྤྱོད་ཀྱང་དེ་དང་འདྲའོ། །དེ་ན་བུད་མེད་ཀྱི་མིང་ཡང་མི་གྲག་གོ་།དེ་ན་བུད་མེད་སྐྱེ་བའང་མེད་དོ། །དེ་ན་སེམས་ཅན་དེ་དག་འཁྲིག་པའི་ཆོས་ཀུན ་ཏུ་སྤྱོད་པའང་མེད་དོ། །སེམས་ཅན་དེ་དག་འདོད་པའི་རྟོག་པའང་མི་བྱེད། གནོད་སེམས་ཀྱི་རྟོག་པའང་མི་བྱེད། རྣམ་པར་འཚེ་བའི་རྟོག་པའང་མི་བྱེད་དོ། །དེ་ན་སུའང་མངལ ་ན་གནས་པ་མེད་དེ། སེམས་ཅན་དེ་དག་བརྫུས་ཏེ་སྐྱེ་ཞིང་སྐྱིལ་མོ་ཀྲུང་བཅས་བཞིན་དུ་འབྱུང་ངོ་། །མཽདྒལ་གྱི་བུ། རིན་ཆེན་སྣ་ཚོགས་ཅན་གྱི་འཇིག་རྟེན་གྱི་ཁམས་དེ་ན་དེ་བཞིན ་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་ཞེས་བྱ་བ་ད་ལྟར་ཆོས་སྟོན་ཏེ། བྱང་ཆུབ་སེམས་དཔའི་སྟེ་སྣོད་ཅེས་བྱ་བའི་ཆོས་ཀྱི་རྣམ་གྲངས ་ཀྱི་གཟུངས་ཀྱི་རྡོ་རྗེའི་ཚིག་འཁོར་གསུམ་ཡོངས་སུ་ཆད་པའི་ཕ་རོལ་ཏུ་ཕྱིན་པ་དྲུག་དང་ལྡན་པ་མ་གཏོགས་པར་གཏམ་གཞན་མི་གསུང་ངོ་། །དེ་ན་སེམས་ཅན་དཔག་ཏུ་མེད་གྲངས ་མེད་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བྱེད་དོ། །སེམས་ཅན་དཔག་ཏུ་མེད་གྲངས་མེད་པ་དག་གིས་མི་སྐྱེ་བའི་ཆོས་ལ་བཟོད་པ་ཐོབ་བོ། ། ་སེམས་ཅན་དཔག་ཏུ་མེད་གྲངས་མེད་པ་དག་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་ཏོ། །དེ་ན་ཐེག་པ་གཉིས་པོ་འདི་ལྟ་སྟེ། ཉན་ཐོས་ཀྱི་ཐེག་པ་དང་། ་རང་སངས་རྒྱས་ཀྱི་ཐེག་པ་རྣམ་པར་གཞག་པ་ཡང་མེད་དེ། བྱང་ཆུབ་སེམས་དཔའ་ཉེས་པའི་དྲི་ང་བ་མེད་ཅིང་འཁྲིག་པ་དང་བྲལ་བ་འབའ་ཞིག་གིས་གླིང་ཆེན་པོ་བཞི་པའི ་འཇིག་རྟེན་གྱི་ཁམས་དེ་ཡོངས་སུ་གང་ངོ་། །དེ་བཞིན་གཤེགས་པ་དེའི་ཚེ་ཚད་ནི། ལོ་བརྒྱད་ཁྲི་བཞི་སྟོང་ཐུབ་བོ། །མི་དེ་དག་ནི། བར་མ་དོར་འཆི་འཕོ་བ་ཡོད་དེ། སེམས་ཅན ་སུའང་དེ་ནས་ཤི་འཕོས་ནས་སེམས་ཅན་དམྱལ་བའམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་ནམ། མི་ཁོམ་པ་རྣམས་སུ་སྐྱེ་བ་མེད ་དོ|་|བྱང་ཆུབ་སེམས་དཔའ་དེ་དག་ཕལ་ཆེར་དེ་ནས་ཤི་འཕོས་ནས་སངས་རྒྱས་ཀྱི་ཞིང་ཡོངས་སུ་དག་པ་གཞན་དག་ཏུ་སྐྱེ་བར་འགྱུར་ཏེ། དེ་བཞིན་གཤེགས་པ་རྣམས་མངོན ་སུམ་དུ་འགྱུར་རོ། །གླིང་དེ་དག་ན་ལྷ་དང་། ཀླུ་དང་། གནོད་སྦྱིན་དང་། དྲི་ཟ་འཁོད་པ་གང་དག་ཡིན་པ་དེ་དག་ཐམས་ཅད་ནི། འདི་ལྟ་སྟེ། ཐམས་ཅད་མཁྱེན་པ་ཉིད་ཀྱི་སེམས་དང་། ་བློ་གྲོས་སུ་བློ་གྲོས་གཅིག་གོ་།ལྷ་དང་། ཀླུ་དང་། གནོད་སྦྱིན་དང་། དྲི་ཟ་དེ་དག་སངས་རྒྱས་ཀྱི་ཆོས་ལ་དགའ་བ་མ་གཏོགས་པར་གཞན་ལ་དགའ་བ་མི་སྐྱེད་དོ། །ལྷ་དང་། ་ཀླུ་དང་། གནོད་སྦྱིན་དང་། དྲི་ཟ་དང་། མི་དེ་དག་ཀྱང་ལྷ་ཞེས་བྱ་བའམ། ཀླུ་ཞེས་བྱ་བའམ། དྲི་ཟ་ཞེས་བྱ་བའམ། མི་ཞེས་བྱ་བར་མིང་དུ་གདགས་པ་ཙམ་ཡོད་པ་མ་གཏོགས ་པར་ཐ་དད་དུ་དབྱེར་མེད་དོ། །མཽདྒལ་གྱི་བུ། འདི་ཇི་སྙམ་དུ་སེམས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་འཇིག ་རྟེན་གྱི་ཁམས་དེ་ན་ཆོས་སྟོན་པ་གང་ཡིན་པ་དེ་གཞན་ཞིག་ཡིན་སྙམ་དུ་སེམས་ན། མཽདྒལ་གྱི་བུ། ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་འཇིག་རྟེན་གྱི ་ཁམས་དེ་ན་མིང་དེ་སྐད་ཅེས་བྱ་བས་ཆོས་སྟོན་ཏོ། །མཽདྒལ་གྱི་བུ། འདིའང་སངས་རྒྱས་ཀྱི་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་ཡིན་ཏེ། དེ་ནི། ཉན་ཐོས་དང་། རང་སངས ་རྒྱས་ཐམས་ཅད་ཀྱིས་ཀུན་ཤེས་པར་སླ་བ་མ་ཡིན་ནོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉིད་ནས་བྱང་ཕྱོགས་སུ་གླིང་ཆེན་པོ་བཞི་བའི ་འཇིག་རྟེན་གྱི་ཁམས་སུམ་ཁྲི་དྲུག་སྟོང་འདས་པ་ན་གླིང་ཆེན་པོ་བཞི་པའི་འཇིག་རྟེན་གྱི་ཁམས་འཇིགས་མེད་ཅེས་བྱ་བ་རིན་པོ་ཆེ་སྣ་གཉིས་ཏེ། གསེར་དང་། དངུལ་ལས་གྲུབ་པ ་ཞིག་ཡོད་དེ། དེ་ན་སེམས་ཅན་དམྱལ་བའི་འཇིགས་པའང་མེད། དུད་འགྲོའི་སྐྱེ་གནས་ཀྱི་འཇིགས་པའང་མེད། གཤིན་རྗེའི་འཇིག་རྟེན་གྱི་འཇིགས་པའང་མེད། མི་ཁོམ་པའི ་འཇིགས་པའང་མེད། ངན་འགྲོའི་འཇིགས་པའང་མེད་དོ། །དེ་ན་སེམས་ཅན་སུའང་ཚུལ་ཁྲིམས་ཉམས་པའམ། ལྟ་བ་ཉམས་པའམ། ཆོ་ག་ཉམས་པ་མེད་དོ། །དེ་ན་གཞན་དུ་མུ ་སྟེགས་ཅན་སྤྱོད་པ་བ་དང་། ཀུན་ཏུ་རྒྱུ་རྣམས་ཀྱི་མིང་དུ་གདགས་པ་ཡང་མེད་དོ། །མཽདྒལ་གྱི་བུ། འཇིག་རྟེན་གྱི་ཁམས་འཇིགས་མེད་དེ་ན་དེ་བཞིན་གཤེགས་པ་དགྲ་བཅོམ ་པ་ཡང་དག་པར་རྫོགས་པའི་སངས་རྒྱས་འཇིགས་མེད་སྦྱིན་ཞེས་བྱ་བ་ད་ལྟར་ཆོས་སྟོན་ཏེ། མཽདྒལ་གྱི་བུ། དེ་བཞིན་གཤེགས་པ་དེ་ནི། འདི་ལྟ་སྟེ། ཉན་ཐོས་སུ་འགྱུར་བ ་དང་|་རང་སངས་རྒྱས་སུ་འགྱུར་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བའི་ཐེག་པ་གསུམ་ལས ་བརྩམས་ནས་སེམས་ཅན་རྣམས་ལ་ཆོས་སྟོན་ཏོ། །མཽདྒལ་གྱི་བུ། དེ་བཞིན་གཤེགས་པ་དེ་གང་གི་ཚེ་བྱང་ཆུབ་མངོན་པར་རྫོགས་པར་འཚང་རྒྱ་བར་བྱ་བའི་ཕྱིར་བྱང་ཆུབ་ཀྱི ་ཤིང་དྲུང་དུ་འགྲོ་བར་འདོད་པ་དང་། བྱང་ཆུབ་ཀྱི་ཤིང་དྲུང་ན་འདུག་པ་དེ་ལ་བདུད་བློ་གྲོས་བཟང་པོ་ཞེས་བྱ་བ་ལ་སོགས་པ་བདུད་ཁྲག་ཁྲིག་ཕྲག་བདུན་ཅུ་རྩ་གཉིས་འོང་བར ་འགྱུར་རོ། །དེའི་ཚེ་དེ་བཞིན་གཤེགས་པ་བྱང་ཆུབ་སེམས་དཔར་གྱུར་པ་ད་དུང་ཐམས་ཅད་མཁྱེན་པ་མ་ཐོབ་པ་དེས་བདུད་ཇི་སྙེད་ཡོད་པ་དེ་སྙེད་ཀྱི་བྱང་ཆུབ་ཀྱི་ཤིང་སྤྲུལ་པར་བྱེད་དོ།། ་བྱང་ཆུབ་ཀྱི་ཤིང་ཇི་སྙེད་ཡོད་པ་དེ་སྙེད་ཀྱི་བྱང་ཆུབ་སེམས་དཔའ་རང་རང་གི་བྱང་ཆུབ་ཀྱི་ཤིང་དྲུང་ན་འདུག་པ་དག་སྤྲུལ་ཏེ། དེར་བདུད་དེ་དག་ངོ་མཚར་དུ་གྱུར་ནས་ཡང་དག་པའི ་བྱང་ཆུབ་སེམས་དཔའ་འདི་གང་ཡིན། བདག་ཅག་གིས་གང་གི་བར་ཆད་བྱ་སྙམ་མོ། །དེ་ནས་སྤྲུལ་པའི་བྱང་ཆུབ་སེམས་དཔའ་དེ་དག་གིས་བདུད་དེ་དག་ལ་འདི་སྐད་ཅེས ་སྨྲས་སོ། །གྲོགས་པོ་དག་།ཆོས་ཐམས་ཅད་ནི། སྒྱུ་མ་ལྟ་བུ་ཡིན་ན་འདི་ཇི་ལྟར་ཁྱོད་ཀྱིས་བར་ཆད་བྱ། གཞན་ཡང་ཁྱེད་ཀུན་གྱིས་གང་བླ་ན་མེད་པ་ཡང་དག་པར་རྫོགས་པའི ་བྱང་ཆུབ་ཏུ་སེམས་བསྐྱེད་པའམ། གང་ཡང་དག་པར་འཛུད་པ་དེའི་བསོད་ནམས་ཇི་སྙེད་འཕེལ་བར་འགྱུར་བ་ཤེས་སམ། ཁྱོད་ཀྱིས་ནི། དེའང་མི་རྟོགས་སོ། །གལ་ཏེ་ཁྱོད་ཀྱིས ་བྱང་ཆུབ་སེམས་དཔའི་ཐེག་པ་ལ་ཞུགས་པའི་བར་ཆད་བྱེད་པའི་བསོད་ནམས་མ་ཡིན་པ་ཇི་སྙེད་འཕེལ་བར་འགྱུར་བ་ཤེས་ན་ནི། ཁྱེད་པར་ཆད་བྱེད་པའི་ཕྱིར་བརྟུལ་བར་མ་བྱེད ་ཅིག་|དེ་ནས་བདུད་རྣམས་ཀྱིས་སྨྲས་པ། གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པའམ། གང་གཞན་ལ་ཁོང་དུ་ཆུད་པར་བགྱིས་ཏེ་ཡང་དག་པར ་འཛིན་དུ་འཇུག་པ་དེ་བསོད་ནམས་ཇི་སྙེད་ཅིག་སྐྱེད་པར་བགྱིད། སྨྲས་པ། གྲོགས་པོ་དག་།གང་གིས་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་རིན་པོ་ཆེས་ཡོངས་སུ་བཀང ་སྟེ་སྦྱིན་པ་བྱིན་པ་བས། གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ན། དེ་ནི། དེ་བས་ཆེས་བསོད་ནམས་མང་དུ་སྐྱེད་པར་འགྱུར་རོ། །གྲོགས ་པོ་དག་། གང་གིས་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་ཀྱི་སེམས་ཅན་དེ་དག་ཐམས་ཅད་ལ་བདེ་བའི་ཡོ་བྱད་ཐམས་ཅད་ཀྱིས་བསྐལ་པ་འབུམ་གྱི་བར་དུ་བཀུར་སྟི་བྱས ་པ་བས|་གང་གིས་གཞན་ལ་ཁོང་དུ་ཆུད་པར་བྱས་ཏེ་ཡང་དག་པར་འཛིན་དུ་གཙུག་ན། དེ་ནི། དེ་བས་ཆེས་བསོད་ནམས་མང་དུ་སྐྱེད་པར་འགྱུར་རོ། །དེ་དག་གིས་སྨྲས་པ། གང ་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བྱང་ཆུབ་སེམས་དཔའི་བར་ཆད་བགྱིས་ན། དེ་བསོད་ནམས་མ་ལགས་པ་ཇི་སྙེད་ཅིག་བསྐྱེད ་པར་འགྱུར། སྤྲུལ་པའི་བྱང་ཆུབ་སེམས་དཔའ་རྣམས་ཀྱིས་སྨྲས་པ། སེམས་ཅན་དེ་དག་གི་མིག་ཕྱུང་ན། དེ་བསོད་ནམས་མ་ཡིན་པ་ཇི་ཙམ་ཞིག་སྐྱེས་པར་འགྱུར། དེ་དག ་གིས་སྨྲས་པ། མང་ངོ་། །སྨྲས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བྱང་ཆུབ་སེམས་དཔའི་བར་ཆད་བྱས་པ་ནི་དེ་བས་ཆེས་བསོད་ནམས་མ་ཡིན་པ ་མང་དུ་བསྐྱེད་པར་འགྱུར་རོ། །དེ་ནས་བདུད་མང་པོ་དེ་དག་གདམས་ངག་འདི་དག་བསྟན་པ་དང་། ཆོ་འཕྲུལ་འདི་ལྟ་བུ་མཐོང་ནས་ཐམས་ཅད་ཀྱིས་བླ་ན་མེད་པ་ཡང་དག་པར ་རྫོགས་པའི་བྱང་ཆུབ་ཏུ་སེམས་བསྐྱེད་དོ། །སྤྲུལ་པའི་བྱང་ཆུབ་སེམས་དཔའ་དེ་དག་ཐམས་ཅད་ལའང་ལྷའི་མེ་ཏོག་དང་། མེ་ཏོག་ཕྲེང་དང་། བྱུག་པ་རྣམས་ཀྱིས་མངོན་པར ་གཏོར་ཏོ། །སིལ་སྙན་བརྒྱ་སྟོང་དག་ཀྱང་ཀུན་ཏུ་དཀྲོལ་ཏེ་ཚིག་འདི་སྐད་དུ་དེད་དཔོན་ཆེན་པོ་ཁྱོད་མྱུར་བ་མྱུར་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར ་རྫོགས་པར་སངས་རྒྱས་ནས་དེའི་འོག་ཏུ་བདག་ཅག་ཀྱང་བྱང་ཆུབ་ལ་དགོད་དུ་གསོལ་ཞེས་ཀྱང་འཛེར་ཏོ། །དེར་ལྷ་གཞན་དག་གིས་ཀྱང་སྒྲ་ཕྱུང་སྟེ། ཀྱེ་མ་བདུད་འདི་དག་གིས ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པའི་ཕྱིར་འདི་རྣམས་ནི། ངན་འགྲོའི་འཇིགས་པ་ཐམས་ཅད་ལས་རབ་ཏུ་གྲོལ་ལོ། །ཀྱེ་མ་དེ་བཞིན་གཤེགས་པ ་འདི་ནི|་འཇིགས་པ་མེད་པ་སྦྱིན་པ་སྟེ། དེ་བས་ན། དེ་བཞིན་གཤེགས་པ་འདིའི་མཚན་ནི། འཇིགས་མེད་སྦྱིན་འཇིགས་མེད་སྦྱིན་ཞེས་བྱའོ། །ཞེས་འཛེར་ཏོ། །མཽདྒལ་གྱི་བུ་། ་འདི་ཇི་སྙམ་དུ་སེམས། འཇིག་རྟེན་གྱི་ཁམས་དེ་ན་སེམས་ཅན་དེ་དག་ལ་ཆོས་སྟོན་པའི་དེ་བཞིན་གཤེགས་པ་དེ་གཞན་ཞིག་ཡིན་སྙམ་དུ་སེམས་ན། མཽདྒལ་གྱི་བུ། ཁྱོད་ཀྱིས ་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་འཇིག་རྟེན་གྱི་ཁམས་དེ་ན་མིང་དེ་སྐད་ཅེས་བྱ་བས་ཆོས་སྟོན་ཏོ། །མཽདྒལ་གྱི་བུ། འདི་ཡང་སངས་རྒྱས་ཀྱི་རྫུ་འཕྲུལ་གྱིས་རྣམ་པར ་འཕྲུལ་པའི་ཆོ་འཕྲུལ་ཡིན་ཏེ། དེ་ལ་ནི། ཉན་ཐོས་དང་། རང་སངས་རྒྱས་ཐམས་ཅད་ཀྱིས་འཇུག་པར་མི་ནུས་སོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས ་འ་དི་ཉིད་ན་ཤར་དང་ལྷོའི་ཕྱོགས་མཚམས་སུ་གླིང་ཆེན་པོ་བཞིའི་འཇིག་རྟེན་གྱི་ཁམས་བརྒྱད་ཁྲི་བཞི་སྟོང་འདས་པ་ན་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཀུན་ནས་སྣ ་ཚོགས་ཅན་ཞེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མེ་ཏོག་སྣ་ཚོགས་ཅན་ཞེས་བྱ་བ་ཆོས་སྟོན་ཏོ། །མཽདྒལ་གྱི ་བུ|་གླིང་ཆེན་པོ་བཞི་བའི་འཇིག་རྟེན་གྱི་ཁམས་དེ་ཡང་བཀྲ་ཞིང་བལྟ་ན་སྡུག་ལ་མིག་མང་རིས་སུ་འདུག་ཅིང་རིན་པོ་ཆེའི་དྲ་བས་ཁེབས་ལ། ཀ་ཙ་ལིནྡི་ཀ ་ལྟར་རེག་ན་བདེ་བའི་རྩཝ་སྔོན་པོ་ཁྲུན་དུ་སོར་བཞི་ཙམ་གྱིས་ཀུན་ཏུ་ཁྱབ་པར་འདུག་གོ་། ས་ཆེན་པོ་དེ་ཡང་རྐང་པ་བཏེག་ན་ནི། བར་ཅེས་བྱེད་ལ། རྐང་པ་བཞག་ན་ནི། ནེམ ་ཞེས་བྱེད་དེ། ས་ཆེན་པོ་དེ་ལག་མཐིལ་ལྟར་མཉམ་པར་འདུག་གོ་།མཽདྒལ་གྱི་བུ། ཀུན་ནས་སྣ་ཚོགས་ཅན་གྱི་འཇིག་རྟེན་གྱི་ཁམས་དེ་ན་གྲོང་ཁྱེར་ཆེན་པོ་བཟང་མཆོག ་ཅེས་བྱ་བ་འབྱོར་ཅིང་རྒྱས་ལ་བདེ་བ་དང་། ལོ་ལེགས་པ་དང་། ཉམས་དགའ་བ་དང་། སྐྱེ་བོ་དང་། མི་མང་པོས་གང་བ་ཞིག་ཡོད་དེ། གྲོང་ཁྱེར་དེའི་ཤར་ཕྱོགས་ནས་ནུབ་ཕྱོགས ་ཀྱི་ཆུར་ནི། དཔག་ཚད་སུམ་ཅུ་རྩ་གཉིས་ཡོད་དོ། །ལྷོ་ཕྱོགས་ནས་བྱང་ཕྱོགས་ཀྱི་ཞེང་དུ་ནི། དཔག་ཚད་བཅུ་གཉིས་ཡོད་དོ། །མཽདྒལ་གྱི་བུ། གྲོང་ཁྱེར་ཆེན་པོ་བཟང་མཆོག ་དའི་ནང་ན་སེམས་ཅན་ཆེས་མང་པོ་དག་གནས་ཀྱི། ཡུལ་ཨངྒ་དང་། མ་ག་ངྷ་དང་། ཀུ་རུ་འདི་དག་ན་ནི། དེ་ལྟ་མ་ཡིན་ནོ། །མཽདྒལ་གྱི་བུ། དེ་ལྟར་ན་དེ་བཞིན་གཤེགས་པ་མེ ་ཏོག་སྣ་ཚོགས་ཅན་ནི། གྲོང་ཁྱེར་ཆེན་པོ་བཟང་མཆོག་ན་གནས་ཤིང་བཞུགས་ཏེ། དེའི་ཆོས་བསྟན་པ་གཅིག་གིས་སེམས་ཅན་ཁྲག་ཁྲིག་ཕྲག་སུམ་ཅུ་ནི། དགྲ་བཅོམ་པ ་ཉིད་དུ་བཏུལ་ཏོ། །ཁྲག་ཁྲིག་ཕྲག་སུམ་ཅུ་ནི། ཕྱིར་མི་འོང་བའི་འབྲས་བུ་ལ་བཏུལ་ལོ། །ཁྲག་ཁྲིག་ཕྲག་སུམ་ཅུ་ནི། ལན་གཅིག་ཕྱིར་འོང་བའི་འབྲས་བུ་ལ་བཏུལ་ཏོ། །ཁྲག ་ཁྲིག་ཕྲག་སུམ་ཅུ་ནི། རྒྱུན་དུ་ཞུགས་པའི་འབྲས་བུ་ལ་བཏུལ་ཏོ། །ཁྲག་ཁྲིག་ཕྲག་སུམ་ཅུ་ནི། རང་སངས་རྒྱས་ཀྱི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །དེའི་ཉིས་འགྱུར་ནི། བླ ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །གཞན་ཡང་སེམས་ཅན་དཔག་ཏུ་མེད་པ་དག་གི་དགེ་བའི་རྩ་བ་ཡོངས་སུ་སྨིན་པར་བྱས་སོ། །མཽདྒལ་གྱི་བུ། གླིང ་ཆེན་པོ་བཞི་པའི་འཇིག་རྟེན་གྱི་ཁམས་དེ་ན་སྦྲང་རྩི་འབྱུང་ཞེས་བྱ་བའི་ཤིང་ལྗོན་པ་རྟག་ཏུ་མེ་ཏོག་དང་ལྡན་པ་དང་། རྟག་ཏུ་འབྲས་བུ་དང་ལྡན་པ་དག་ཡོད་དེ། མེ་ཏོག་དང་། འབྲས ་བུ་དེ་དག་གི་རོ་ནི། དཔེར་ན། རོ་བརྒྱ་དང་སྦྱར་བའི་འབྲས་ཆན་དང་འདྲ་སྟེ། དེ་ལས་སྐྱེས་པའམ། བུད་མེད་དག་གིས་མེ་ཏོག་གཅིག་གམ། འབྲས་བུ་གཅིག་ཟོས་ན། དེ་ཉིན་མཚན ་བདུན་གྱི་བར་དུ་དེས་འཚོ་བར་འགྱུར་ཏེ། སྤྲོ་བ་དང་། མདོག་ཀྱང་ཉམས་པར་མི་འགྱུར་ལ། ལུས་གཟི་བྱིན་དང་ཁ་དོག་དང་ལྡན་པར་ཡང་ཉམས་སུ་ཚོར་བར་འགྱུར་བ་དང་། ཟོ ་མདོག་ཡང་བར་འགྱུར་རོ། །ཟོས་ནས་ཀྱང་ཕྱི་ས་དང་གཅི་བ་མེད་ལ། ངར་སྣབས་དང་སྣབས་ཀྱང་མེད་དོ། །འཇིག་རྟེན་གྱི་ཁམས་དེ་ན་ཞིང་རྨོད་པའང་མེད། ཚོང་བྱེད་པའང་མེད། ་རྩིས་བྱེད་པའང་མེད། ལས་སུ་བྱ་བའང་མེད་དེ། སེམས་ཅན་དེ་དག་ནི་མེ་ཏོག་དང་། འབྲས་བུ་ཟའོ། །དེ་ན་ཕྱུག་པོའང་མེད། དབུལ་པོའང་མེད་དེ། ་སེམས་ཅན་དེ་དག་ལོངས་སྤྱོད་མཉམ་མོ། །མཽདྒལ་གྱི་བུ་དེ་བཞིན་གཤེགས་པ་དེའི་ཉན་ཐོས་ཀྱི་དགེ་འདུན་ནི་འབུམ་ཕྲག་དགུ་བཅུ་རྩ་དྲུག་ཡོད་དོ། །དེ་བཞིན་གཤེགས ་པ་དེའང་མེ་ཏོག་ཀུན་ཏུ་རྒྱས་པ་ཞེས་བྱ་བའི་སྐྱེད་མོས་ཚལ་དེ་ན་བཞུགས་ཏེ། བཅོམ་ལྡན་འདས་དེ་ཉན་ཐོས་ཀྱི་དགེ་འདུན་དང་བཅས་པར་བཞུགས་ནས་གདུགས་ཚོད ་ལ་བབ་པ་ན་ཤིང་ལྗོན་པ་རྣམས་དེར་འདུད་པར་འགྱུར་ཏེ། མེ་ཏོག་དང་འབྲས་བུ་དེ་དག་བཅོམ་ལྡན་འདས་དང་། དགེ་སློང་རྣམས་ཀྱི་ལྷུང་བཟེད་ཀྱི་ནང་དུ་འབྲུལ་བར་འགྱུར ་ལ|་བཤོས་གསོལ་ཟིན་བར་རིག་ནས་ཤིང་ལྗོན་པ་དེ་དག་ཕྱིར་རངས་ཏེ་སྔ་མཁོ་བཞིན་དུ་འདུག་གོ་། མཽདྒལ་གྱི་བུ་འཇིག་རྟེན་གྱི་ཁམས་དེའི་ཡོན་ཏན་ནི་དེ་དག ་ཡིན་ཏེ|་དེ་བས་ཀྱང་ལྷག་པར་ཡོད་དོ། །མཽདྒལ་གྱི་བུ་འདི་ཇི་སྙམ་དུ་སེམས། དེ་བཞིན་གཤེགས་པ་འཇིག་རྟེན་གྱི་ཁམས་དེ་ན་སེམས་ཅན་དེ་དག་ལ་ཆོས་སྟོན་པ ་དེ་གཞན་ཞིག་ཡིན་པར་ཁྱོད་སོམ་ཉིའམ། ཡིད་གཉིས་སམ། ཐེ་ཚོམ་ཟ་ན། ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་འཇིག་རྟེན་གྱི་ཁམས་དེ་ན་མེ་ཏོག ་སྣ་ཚོགས་ཅན་ཞེས་བྱ་བའི་མིང་གིས་ཆོས་སྟོན་ཏོ། །མཽདྒལ་གྱི་བུ་འདི་ཡང་སངས་རྒྱས་ཀྱི་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་ཡིན་ཏེ། དེ་ལ་ནི་ཉན་ཐོས་དང་། རང་སངས་རྒྱས་ཐམས ་ཅད་ཀྱིས་འཇུག་པར་མི་ནུས་སོ། །མཽདྒལ་གྱི་བུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉིད་ན་ལྷོ་དང་ནུབ་ཀྱི་ཕྱོགས་མཚམས་སུ་གླིང་ཆེན་པོ་བཞི་པའི་འཇིག་རྟེན་གྱི་ཁམས ་བདུན་ཁྲི་འདས་པ་ན་གླིང་ཆེན་པོ་བཞི་པའི་འཇིག་རྟེན་གྱི་ཁམས་རྣམ་པར་ཕྱེ་བའི་བློ་གྲོས་ཞེས་བྱ་བ་ཞིག་ཡོད་དེ། དེ་ན་གླིང་གཅིག་ནའང་རྒྱལ་པོ་བརྒྱད་ཁྲི་ཡོད་དོ། །གླིང་གཅིག་ལའང ་གྲོང་ཁྱེར་བརྒྱད་ཁྲི་དང་། ཚོང་འདུས་བརྒྱད་ཁྲི་ཡོད་དོ། །གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། ཚོང་འདུས་དེ་དག་ཐམས་ཅད་ནའང་མི་བྱེ་བ་ཕྲག་འབུམ་དག ་གིས་ཡོངས་སུ་གང་ངོ་། །རྒྱལ་པོ་དེ་དག་ཐམས་ཅད་ཀྱང་རང་རང་གི་རྒྱལ་སྲིད་ཀྱིས་ཆོག་པར་འཛིན་ཏོ། །རྒྱལ་པོ་དེ་དག་ཐམས་ཅད་ཀྱང་ཆོས་དང་ལྡན་པའི་རྒྱལ་པོ་སྟེ། ཆོས་མ་ཡིན་པ ་སྤངས་པ་ཤ་སྟག་གོ་། རྒྱལ་པོ་དེ་དག་ཐམས་ཅད་ལའང་བཙུན་མོ་བུད་མེད་བརྒྱད་ཁྲི་བཞི་སྟོང་བརྒྱད་ཁྲི་བཞི་སྟོང་ཡོད་དེ། བུད་མེད་དེ་དག་ཐམས་ཅད་ཀྱང་ཡུལ་གྱི་བཟང་མོ ་ཤ་སྟག་གོ་། རྒྱལ་པོ་རེ་རེ་ལའང་བུ་ལྔ་བརྒྱ་ལྔ་བརྒྱ་ཡོད་དོ། །རྒྱལ་པོ་རེ་རེ་ལའང་བུ་མོ་ཁྲི་ཉིས་སྟོང་ཉིས་སྟོང་ཡོད་དེ། དེ་དག་ཐམས་ཅད་ཀྱང་ཡུལ་གྱི་བཟང་མོ་ཤ་སྟག ་གོ་|རྒྱལ་པོ་དེ་དག་ཐམས་ཅད་ཀྱང་ཆད་པ་མེད་པ་དང་། མཚོན་ཆ་མེད་པར་རང་རང་གི་འོག་ཏུ་གཏོགས་པ་འདུལ་བར་བྱེད་དོ། །མཽདྒལ་གྱི་བུ། འཇིག ་རྟེན་གྱི་ཁམས་རྣམ་པར་ཕྱེ་བའི་བློ་གྲོས་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་རབ་ཏུ་འགྱེད་པ་ཞེས་བྱ་བ་ཆོས་སྟོན་ཏེ། མཽདྒལ་གྱི་བུ། ་དེ་བཞིན་གཤེགས་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་གླིང་ཆེན་པོ་བཞི་པའི་འཇིག་རྟེན ་ག་ཡི་ཁམས་དེར་ཏ་ལ་བདུན་སྲིད་ཙམ་གྱི་ནམ་མཁའ་ལ་མངོན་པར་འཕགས་ནས་སྐྱིལ་མོ་ཀྲུང་བཅས་ཏེ་སྐྱིལ་མོ་ཀྲུང་གཅིག་གིས་གླིང་ཆེན་པོ་བཞི་བའི་འཇིག་རྟེན་གྱི ་ཁམས་ཁྱབ་པར་བྱས་ནས་འོད་ཟེར་དག་རབ་ཏུ་འགྱེད་པ་དང་། མེ་ཏོག་གི་ཆར་འབེབས་པ་དང་། སིལ་སྙན་བརྒྱ་སྟོང་དག་དཀྲོལ་བཞིན་དུ་ས་ཆེན་པོ་རྣམ་པ་དྲུག་ཏུ ་རབ་ཏུ་བསྐྱོད་ནས་ཚངས་པའི་སྒྲ་སྐད་ལྟ་བུ་དགེ་བའི་རྩ་བ་འབུམ་ཕྲག་དུ་མས་ཡང་དག་པར་བསྒྲུབས་པའི་གསུང་གིས་ཆོས་ཀྱི་འཁོར་ལོ་བསྐོར་ཏེ། འདི་ལྟ་སྟེ། ཉོན ་མོངས་པ་ཐམས་ཅད་ཟད་པར་བྱ་བའི་ཕྱིར་རྡུལ་མེད་པ་མྱ་ངན་ལས་འདས་པ་ཡང་དག་པར་སྟོན་ཏེ། བྱང་ཆུབ་སེམས་དཔའ་རྣམས་བསྡུ་བའི་ཕྱིར་ཆོས་སྟོན་ཏོ། །དེས་དེ ་ལྟ་དེ་ལྟར་ཆོས་བསྟན་པས་གླིང་བཞི་པའི་རྒྱལ་པོ་བརྒྱད་ཁྲི་བུ་དང་བཅས། ཆུང་མ་དང་བཅས། བུ་མོ་དང་བཅས་པ་དེ་དག་མ་གཏོགས་པའི་སྐྱེས་པ་དང་། བུད་མེད་དང་། ཁྱེའུ་དང་། ་བུ་མོ་དེ་དག་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ་།རྒྱལ་པོ་དེ་དག་བུ་དང་བཅས། ཆུང་མ་དང་བཅས། བུ་མོ་དང་བཅས་པས་ཀྱང་བླ་ན་མེད ་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ་ཐམས་ཅད་ཀྱིས་ཚིག་མཐུན་པར་དེ་བཞིན་གཤེགས་པ་ལ་རབ་ཏུ་འབྱུང་བར་གསོལ་བ་འདེབས་སོ། །དེ་དག་ཐམས ་ཅད་ཀྱང་དེ་བཞིན་གཤེགས་པས་དགེ་སློང་ཚུར་ཤོག་ཅེས་གསུངས་པས་རབ་ཏུ་དབྱུང་ངོ་། །དེ་ལྟར་ཐམས་ཅད་རབ་ཏུ་བྱུང་ནས་སོ་སོའི་གྲོང་ཁྱེར་དང་། གྲོང་རྡལ་དང་། ཡུལ ་འཁོར་དང་། ཚོང་འདུས་དང་། རྒྱལ་པོའི་ཕོ་བྲང་དག་ཏུ་གནས་པའི་ལོངས་སྤྱོད་ཀྱིས་གནས་སོ། །མ་རྨོས་མ་བཏབ་པའི་འབྲས་སཱ་ལུའང་འབྱུང་ངོ་། །ལྷ་རྣམས་ཀྱང་དེ་དག་ལ ་བསྙེན་བཀུར་བྱེད་དོ། །དེ་ནས་དེ་བཞིན་གཤེགས་པ་དེའི་ཆོས་བསྟན་པ་གཉིས་པ་ལ་ཉན་ཐོས་ཀྱི་ཐེག་པ་པ་ཐམས་ཅད་ནི། ལན་གཅིག་ཕྱིར་འོང་བའི་འབྲས་བུ་ལ་བཀོད་དོ། །བྱང ་ཆུབ་སེམས་དཔའི་ཐེག་པ་པ་རྣམས་ནི། ཆོས་རྣམས་མི་སྐྱེ་བ་དང་མཐུན་པའི་བཟོད་པ་ལ་འགོད་དོ། །ཆོས་བསྟན་པ་གསུམ་པ་ལ་ནི། ཉན་ཐོས་ཀྱི་ཐེག་པ་པ་རྣམས་ནི། ཕྱིར་མི ་འོང་བའི་འབྲས་བུ་ལ་འགོད་དོ། །བྱང་ཆུབ་སེམས་དཔའི་ཐེག་པ་པ་རྣམས་ནི། མངོན་པར་ཤེས་པ་ལྔ་འཐོབ་བོ། །ཆོས་བསྟན་པ་བཞི་པ་ལ་ནི། ཉན་ཐོས ་ཀྱི་ཐེག་པ་པ་ཐམས་ཅད་ནི། དགྲ་བཅོམ་པ་ཉིད་ལ་འགོད་དོ། །བྱང་ཆུབ་སེམས་དཔའི་ཐེག་པ་པ་རྣམས་ནི། ཆོས་རྣམས་ལ་མི་སྐྱེ་བར་བཟོད་པ་འཐོབ་བོ། །རྒྱལ་པོའི་བཙུན ་མོ་དེ་དག་དང་། སྲས་དེ་དག་དང་། རྒྱལ་པོའི་བུ་མོ་དེ་དག་ནི། ལུས་དེ་ཉིད་ཀྱིས་བུད་མེད་ཀྱི་ལུས་ལས་གྱུར་ཏེ་སྐྱེས་པའི་ལུས་ཐོབ་པར་གྱུར་ནས་དེ་དག་ཐམས་ཅད་ཀྱང་དེ ་བཞིན་གཤེགས་པ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །མཽདྒལ་གྱི་བུ། འདི་ཇི་སྙམ་དུ་སེམས། འཇིག་རྟེན་གྱི་ཁམས་དེ་ན་དེ་བཞིན ་གཤེགས་པ་ཆོས་སྟོན་པ་དེ་གཞན་ཞིག་ཡིན་སྙམ་དུ་སེམས་ན། མཽདྒལ་གྱི་བུ། ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་འཇིག་རྟེན་གྱི་ཁམས་དེ་ན་མིང ་དེ་སྐད་ཅེས་བྱ་བས་ཆོས་སྟོན་ཏོ། །མཽདྒལ་གྱི་བུ། འདི་ཡང་སངས་རྒྱས་ཀྱི་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་ཡིན་ཏེ། དེ་ལ་ནི། ཉན་ཐོས་དང་། རང་སངས་རྒྱས ་ཐམས་ཅད་ཀྱིས་འཇུག་པར་མི་ནུས་སོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉིད་ན་ནུབ་དང་བྱང་གི་ཕྱོགས་མཚམས་སུ་གླིང་ཆེན་པོ ་བཞི་བའི་འཇིག་རྟེན་གྱི་ཁམས་ལྔ་ཁྲི་ལྔ་སྟོང་འདས་པ་ན་གླིང་ཆེན་པོ་བཞི་པའི་འཇིག་རྟེན་གྱི་ཁམས་སྤོས་ལྡན་ཞེས་བྱ་བ་ཞིག་ཡོད་དེ། ཙནྡན་སྤྲུལ་གྱི་སྙིང་པོ་འབའ་ཞིག་ཡོད་ལ་སྤོས ་དེ་སྲང་གཅིག་ལ་ནི། ཛམྦུ་གླིང་འདི་རིའོ། །དེ་ན་ཤིང་ལྗོན་པ་སྤོས་ཀྱི་ངད་ཀུན་ནས་ལྡང་བ་ཞེས་བྱ་བ་དག་ཀྱང་ཡོད་དེ། ཤིང་གཅིག་ལས་ཁོ་ར་ཁོར་ཡུག་ཏུ་དཔག་ཚད་བཅུར་སྤོས་ཀྱི ་ངད་ལྡང་ངོ་། །དེ་ན་ས་ཆེན་པོ་ལས་པདྨ་ཤིང་རྟའི་ཕང་ལོ་ཙམ་ལ་འདབ་མ་འབུམ་ཕྲག་དུ་མ་དང་། ཁ་དོག་འབུམ་ཕྲག་དུ་མ་དང་ལྡན་པ། འཇམ་ཞིང་ཀ་ཙ་ལིནྡི་ཀ་ལྟར་རེག་ན་བདེ་བ། ་འཕང་དུ་ཁྲུ་བཅུ་པ་ཙམ་དག་སྐྱེས་ཏེ། པདྨ་རེ་རེའི་དྲིས་ཀྱང་གླིང་བཞི་པའི་འཇིག་རྟེན་གྱི་ཁམས་དེ་དྲི་བསུང་ཞིམ་པར་བྱེད་དོ། །གླིང་བཞི་པའི་འཇིག་རྟེན་གྱི་ཁམས་དེ་ན་ཙནྡན་གྱི ་ཁང་པ་བརྩེགས་པ་དང་། ཙནྡན་གྱི་འཆགས་པདྨ་དང་མེ་ཏོག་གིས་གང་བར་འདུག་གོ། ཁང་པ་བརྩེགས་པ་ཤ་སྟག་འབུམ་ཕྲག་དུ་མས་འཇིག་རྟེན་གྱི་ཁམས་དེ་ཁྱབ་པར ་འདུག་གོ་། དེ་ན་གྲོང་དང་གྲོང་ཁྱེར་གྱི་ཡོངས་སུ་འཛིན་པ་མེད་དེ། དཔེར་ན། གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ཉེ་བར་སྤྱད་པ་དང་། ལོངས་སྤྱོད་ཇི་ལྟ་བ་དེ་བཞིན་དུ་འཇིག ་རྟེན་གྱི་ཁམས་དེ་ན་མི་དེ་དག་གི་ཉེ་བར་སྤྱད་པ་དང་། ལོངས་སྤྱོད་ཀྱང་དེ་དང་འདྲའོ། །མཽདྒལ་གྱི་བུ། འཇིག་རྟེན་གྱི་ཁམས་སྤོས་ལྡན་དེ་ན་དེ་བཞིན་གཤེགས་པ་སྤོས་འགྱེད ་འོད་ཟེར་ཅན་ཞེས་བྱ་བ་ད་ལྟར་ཆོས་སྟོན་ཏེ། དེ་བཞིན་གཤེགས་པ་དེ་ནི། ཉན་ཐོས་དང་། རང་སངས་རྒྱས་ཀྱི་གཏམ་ཡོངས་སུ་སྤངས་པ་བྱང་ཆུབ ་སེམས་དཔའ་གཏམ་འབའ་ཞིག་གསུང་ངོ་། །གླིང་ཆེན་པོ་བཞི་པའི་འཇིག་རྟེན་གྱི་ཁམས་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱང་རྫུ་འཕྲུལ་ཐོབ ་པ་ཤ་སྟག་གིས་ཡོངས་སུ་གང་ངོ་། །བྱང་ཆུབ་སེམས་དཔའི་འཁོར་དེ་ན་བྱང་ཆུབ་སེམས་དཔའ་ཆོས་ཐམས་ཅད་ལ་རྣམ་པར་འཕྲུལ་པའི་རྒྱལ་པོ་ཞེས་བྱ་བ་བསམ་གྱིས་མི ་ཁྱབ་པའི་འཇུག་པ་དང་ལྡན་པ། བཟོད་པ་གཉིས་པ་ཐོབ་པ། མངོན་པར་ཤེས་པ་རྣམས་ལ་མཁས་པ། སྤོབས་པས་རྟོགས་པར་ཁོང་དུ་ཆུད་པ། སངས་རྒྱས་འབུམ་ཕྲག་དུ ་མ་མང་པོ་ལ་བསྙེན་བཀུར་བྱས་པ་འདུག་སྟེ། མཽདྒལ་གྱི་བུ། བྱང་ཆུབ་སེམས་དཔའ་ཆོས་ཐམས་ཅད་ལ་རྣམ་པར་འཕྲུལ་བའི་རྒྱལ་པོ་དེ་ལ་དེ་བཞིན་གཤེགས་པ་དེས ་བསྐུལ་ཏེ་སྐབས་ཕྱེ་ནས་ཆོས་སྟོན་ཏེ། བཅོམ་ལྡན་འདས་དེའི་སྤྱན་སྔར་སྟན་ལས་ལངས་ནས་དེ་བཞིན་གཤེགས་པའི་ཞབས་ལ་ཕྱག་བཙལ་ཏེ། དེ་བཞིན་གཤེགས་པ ་ལ་ཨ་ལན་གསུམ་བསྐོར་བ་བྱས་ནས་སྟེང་གི་བར་སྣང་ལ་མངོན་པར་འཕགས་ཏེ་སྐྱིལ་མོ་ཀྲུང་གིས་ཁོ་ར་ཁོར་ཡུག་ཏུ་དཔག་ཚད་བཅུར་ཁྱབ་པར་བྱས་ནས་སྤུའི་ཁུང་བུ ་ཐམས་ཅད་ནས་འོད་ཟེར་དག་བཀྱེ་སྟེ། འཇིག་རྟེན་གྱི་ཁམས་ཐམས་ཅད་འོད་ཀྱིས་ཁྱབ་པར་བྱས་ནས་མེ་ཏོག་ཁ་དོག་སྣ་ཚོགས་འབུམ་དང་ལྡན་པ། ཤིང་རྟའི་ཕང་ལོ་ཙམ་དག་གིས ་ས་ཆེན་པོ་དེ་དག་ལ་མི་འགྲེང་ཙམ་དུ་བཀྲམ་སྟེ། འཇིག་རྟེན་གྱི་ཁམས་ཐམས་ཅད་དུ་ལྷ་དང་མིའི་སིལ་སྙན་དག་གི་སྒྲ་འབྱིན་ཏོ། །སིལ་སྙན་དེ་དག་ལས་ཀྱང་ཆོས་ཀྱི་ཕྱག་རྒྱའི་སྒྲ ་བརྒྱད་བརྒྱ་འབྱུང་ངོ་། །ཆོས་ཀྱི་ཕྱག་རྒྱ་རེ་རེ་ལའང་མདོ་བྱེ་བ་ཕྲག་བརྒྱད་ཅུ་རྩ་བཞི་བསྡུས་སོ། །མདོ་རེ་རེའང་ཚིགས་སུ་བཅད་པ་བདུན་ཁྲི་ཉིས་སྟོང་གིས་བརྗོད་དོ། །དེས་སྐྱིལ ་མ་ཨོ་ཀྲུང་དེ་ལས་མ་ལངས་པར་སེམས་ཅན་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དྲུག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ལ་བཀོད་དེ་ཐམས ་ཅད་ཀྱང་ཆོས་རྣམས་མི་སྐྱེ་བར་བཟོད་པ་ཐོབ་པར་བྱས་སོ། །མཽདྒལ་གྱི་བུ། འཇིག་རྟེན་གྱི་ཁམས་དེ་དེ་ལྟ་བུའི་བྱང་ཆུབ་སེམས་དཔའ་དག་གིས་ཡོངས་སུ་གང་ངོ་། །དེ་ན་སེམས་ཅན་ཞར ་བའམ|་འཐེང་པོའམ། གྱོལ་པོའམ། འོན་པའམ། དབུལ་པོའམ། མདོག་ངན་པ་འགའ་ཡང་མེད་དེ། སེམས་ཅན་དེ་དག་ཐམས་ཅད་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང ་ལྡན་པའི་བྱང་ཆུབ་སེམས་དཔའ་ཤ་སྟག་གོ། སེམས་ཅན་དེ་དག་ནི། ཆོས་ཀྱི་དགའ་བའི་དགའ་བ་མ་གཏོགས་པར་གཞན་ཅི་ལའང་དགའ་བ་མེད་དོ། །བྱང་ཆུབ་སེམས་དཔའ་སེམས ་དཔའ་ཆེན་པོ་དེ་དག་ལ་ནི། བསམ་གཏན་གྱི་དགའ་བའི་ཟས་མ་གཏོགས་པར་ཟས་གཞན་ཅིའང་མེད་དོ། །དེ་ན་མི་ཁོམ་པར་ལྟུང་ཞིང་སྐྱེ་བའང་མེད་དོ། ། ་དེ་ནས་ཤི་འཕོས་ནས་ཀྱང་དེ་བཞིན་གཤེགས་པའི་འགྲོ་བ་མ་གཏོགས་པར་འགྲོ་བ་གཞན་དུ་འགྲོ་བ་མེད་དོ། །མཽདྒལ་གྱི་བུ། འདི་ཇི་སྙམ་དུ་སེམས། འཇིག་རྟེན་གྱི་ཁམས་དེ་ན ་བཞུགས་པའི་དེ་བཞིན་གཤེགས་པ་སྤོས་འགྱེད་འོད་ཟེར་ཅན་ཞེས་བྱ་བ་དེ་གཞན་ཞིག་ཡིན་སྙམ་དུ་སེམས་ན། མཽདྒལ་གྱི་བུ། ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ་ང་ཉིད་འཇིག་རྟེན་གྱི་ཁམས་དེ་ན་མིང་འདི་སྐད་ཅེས་བྱ་བས་སེམས་ཅན་རྣམས་ལ་ཆོས་སྟོན་ཏོ། །མཽདྒལ་གྱི་བུ། འདིའང་སངས་རྒྱས་ཀྱི་རྫུ་འཕྲུལ་གྱིས་རྣམ་པར་འཕྲུལ་བའི་ཆོ ་འཕྲུལ་ཡིན་ཏེ། དེ་ལ་ནི། ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཀྱང་འཇུག་པར་མི་ནུས་སོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉིད་ན ་བྱང་དང་ཤར་གྱི་ཕྱོགས་མཚམས་སུ་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཞི་ཁྲི་ཉིས་སྟོང་འདས་པ་ན། གླིང་ཆེན་པོ་བཞི་པའི་འཇིག་རྟེན་གྱི་ཁམས་མྱ་ངན་གྱིས་འཇོམས ་པ་ཞེས་བྱ་བ་ཞིག་ཡོད་དེ། དེ་ན་སེམས་ཅན་འཁོད་པ་རྣམས་ནི། འདོད་ཆགས་ཀྱིས་ཆགས་པ་དང་། ཞེ་སྡང་གིས་སྡང་བ་དང་། གཏི་མུག་གིས་རྨོངས་པ་དང་། བརྐམ་པ་དང་། ་བརླང་བ་དང་། རྒོད་པ་དང་། མུ་ཅོར་སྨྲ་བ་དང་། དབང་པོ་ཞན་པ་དང་། སེར་སྣ་ཅན་དང་། ཚུལ་ཁྲིམས་འཆལ་བ་དང་། གནོད་སེམས་ཆེ་བ་དང་། ལེ་ལོ་ཅན་དང་། སྙོམ་ལས་ཅན་དང་། བརྗེད་ངས་པ ་དང་། ཤེས་བཞིན་མེད་པ་དང་། བདག་ཏུ་ལྟ་བ་དང་། སེམས་ཅན་དང་། སྲོག་དང་། གང་ཟག་ཏུ་ལྟ་བ་དང་། ཤེས་རབ་འཆལ་བ་དང་། ལུག་ལྟར་ལྐུག་པ་དང་། ངོ་ཚ་མི་ཤེས་པ་དང་། ཁྲེལ ་མེད་པ་དང་། གུས་པ་མེད་པ་དང་། སེམས་འཁྲུལ་པ་ཤ་སྟག་གོ་།སེམས་ཅན་དེ་དག་ནི། ཁ་དོག་ངན་པ་དང་། ཆུང་བར་གྲགས་པ་དང་། བྱད་ངན་པ་དང་། དཀའ་བས་འཚོ་བ་དང་། གཅིག་ལ་གཅིག ་འདྲིད་པས་གནས་པ་ཤ་སྟག་གོ་། དེ་ན་ཟླ་བ་དྲུག་ཏུ་ཆར་མི་འབབ་སྟེ། ལོ་ཏོག་ལེགས་པར་མི་སྨིན་ཏོ། །ས་ཆེན་པོ་དེ་ནི། རྩུབ་པ་དང་། མཁྲང་བ་དང་། ཚེར་མ་སྣ་ཚོགས་ཅན་དང་། གཡང་ས ་དང་། རི་བྲག་གིས་གང་ངོ་། །འཇིག་རྟེན་གྱི་ཁམས་དེ་ན་སེམས་ཅན་དེ་དག་གི་ཆུ་ནི། འབྲུ་མར་གྱི་སྙིགས་མ་དང་། དྲི་མ་དང་འདྲའོ། །སེམས་ཅན་དེ་དག་ནི། གོས་དང་། ཆོས་གོས་དང་། ་ལོངས་སྤྱོད་དག་གིས་དབུལ་བ་དང་། བཀྲེན་པ་དང་། གཞན་གྱི་ནོར་འཕྲོག་པ་ཤ་སྟག་གོ་།འཇིག་རྟེན་གྱི་ཁམས་དེ་ན་རྒྱལ་པོ་སྡང་ཆགས་ཞེས་བྱ་བ་ཞིག་ཡོད་དེ། སེམས་ཅན་དེ་དག་ལ ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དེ། སེམས་ཅན་དེ་དག་གི་ནོར་དང་། འབྲུ་བྱུང་ངོ་ཅོག་རྒྱལ་པོའི་མཛོད་དུ་འབྲུབ་པར་བྱེད་དོ། །སེམས་ཅན་དེ་དག་ནི། ཆད་པ་དང་། བརྡེག་པ་འབའ་ཞིག་གིས ་གཟིར་བ་ཤ་སྟག་གོ་། མཽདྒལ་གྱི་བུ། དེ་དག་ནི། འཇིག་རྟེན་གྱི་ཁམས་དེ་ན་ཚེ་དེའི་སྡུག་བསྔལ་ཡིན་ནོ། །གང་འཆི་བ་དེ་དག་ཀྱང་ཤི་ནས་ཕལ་ཆེར་སེམས་ཅན་དམྱལ ་བ་རྣམས་དང་། དུད་འགྲོའི་སྐྱེ་གནས་རྣམས་དང་། གཤིན་རྗེའི་འཇིག་རྟེན་དུ་སྐྱེ་བར་འགྱུར་རོ། །མཽདྒལ་གྱི་བུ། གླིང་ཆེན་པོ་བཞི་པའི་འཇིག་རྟེན་གྱི་ཁམས་དེ་ན་དེ་བཞིན་གཤེགས ་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྙིང་བརྩེ་བ་དང་། སྙིང་རྗེའི་སེམས་ཡིད་ལ་བྱེད་པ་ཞེས་བྱ་བ་ཆོས་སྟོན་ཏེ། མཽདྒལ་གྱི་བུ། དེ་བཞིན་གཤེགས་པ་དེ་ནི། ་ཆོ་འཕྲུལ་རྣམ་པ་བཅོ་བརྒྱད་ཀྱིས་ཆོས་སྟོན་ཏོ། །དེས་ལོ་བདུན་བརྒྱའི་བར་དུ་ཆོས་བསྟན་ཀྱང་སེམས་ཅན་གཅིག་གིས་ཀྱང་ཆོས་མངོན་པར་རྟོགས་པར་མ་གྱུར་ལ། དེ་བཞིན ་གཤེགས་པ་དེའང་སྐྱོ་བ་མེད་པའི་སྟེང་དུ་སྙིང་རྗེ་ཆེན་པོས་ཆོས་ཀྱང་སྟོན་ཏོ། །མཽདྒལ་གྱི་བུ། དེ་ལྟར་ན། དེ་བཞིན་གཤེགས་པ་དེ་གྲོང་ངམ། གྲོང་ཁྱེར་རམ། གྲོང་རྡལ་དུ་གནས་ཤིང ་བ་ཞུགས་ལ་སེམས་ཅན་དེ་དག་གིས་སྤྱོས་ཤིང་བརྒྱད་བཀག་སྟེ་སྨོད་ཅིང་གཤུང་བར་བྱེད་ཀྱང་དེར་སེམས་ཅན་ཡོངས་སུ་སྨིན་པར་བྱ་བའི་ཕྱིར་སྙིང་རྗེ་ཆེན་པོས་དེ་དག་བཟོད་པར ་མཛད་དོ། །མཽདྒལ་གྱི་བུ། དེ་བཞིན་གཤེགས་པ་དེས་ལོ་བདུན་བརྒྱ་བས་ཀྱང་ལྷག་པས་སེམས་ཅན་ཁ་ཅིག་ཡོངས་སུ་སྨིན་པར་མཛད་དེ་ཆོས་བསྟན་པ་ལན་གཅིག་ལ་སེམས ་ཅན་ཁྲག་ཁྲིག་ཕྲག་བརྒྱད་ཅུ་རྩ་བཞིས་ནི། དགྲ་བཅོམ་པ་ཉིད་ཐོབ་བོ། །ཁྲག་ཁྲིག་ཕྲག་བརྒྱད་ཅུ་རྩ་བཞིས་ནི། ཕྱིར་མི་འོང་བའི་འབྲས་བུ་ཐོབ་བོ། །ཁྲག་ཁྲིག་ཕྲག་བརྒྱད་ཅུ་རྩ་བཞིས་ནི། ་ལན་གཅིག་ཕྱིར་འོང་བའི་འབྲས་བུ་ཐོབ་བོ། །ཁྲག་ཁྲིག་ཕྲག་བརྒྱད་ཅུ་རྩ་བཞིས་ནི། རྒྱུན་དུ་ཞུགས་པའི་འབྲས་བུ་ཐོབ་སྟེ། དེ་དག་ཀྱང་ཉི་མ་གཅིག་ལ་རབ་ཏུ་བྱུང་བ་བསྙེན་པར་རྫོགས ་སོ|་|སློབ་པ་དང་མི་སློབ་པ་དེ་དག་ཐམས་ཅད་ཀྱང་གཅིག་ལ་གཅིག་ལུང་བསྟན་པས་ཉི་མ་གཅིག་གིས་ཡོངས་སུ་མྱ་ངན་ལས་འདས་སོ། །དེ་བཞིན་གཤེགས་པ་དེ་ནི། བྱང་ཆུབ་སེམས ་དཔའ་ལྔ་ལས་ཀྱི་སྒྲིབ་པས་དེར་སྐྱེས་ཏེ་སྡུག་བསྔལ་གྱི་ཚོར་བ་ཉམས་སུ་མྱོང་བ་དེ་དག་ཡོངས་སུ་སྨིན་པར་མཛད་པའི་ཕྱིར་ད་དུང་ཡང་བཞུགས་སོ། །དེ་སྐད་ཅེས་བཀའ་སྩལ་པ་དང་། ་བཅོམ་ལྡན་འདས་ལ་ཚེ་དང་ལྡན་པ་མཽདྒལ་གྱི་བུ་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས། ལས་ཀྱི་སྒྲིབ་པ་གང་གིས་ན་བྱང་ཆུབ་སེམས་དཔའ་རྣམས་རེ་ཞིག་འཇིག ་རྟེན་གྱི་ཁམས་ཉོན་མོངས་པར་སྐྱེ་བར་འགྱུར་ལགས། བཀའ་སྩལ་པ། མཽདྒལ་གྱི་བུ། བྱང་ཆུབ་སེམས་དཔའ་ཆོས་བཞི་དང་ལྡན་ན། རེ་ཞིག་སྐྱེ་བ་ངན་པ་ལེན་པར་འགྱུར་རོ། །བཞི ་གང་ཞེ་ན། མཽདྒལ་གྱི་བུ། བྱང་ཆུབ་སེམས་དཔའ་བྱང་ཆུབ་སེམས་དཔའི་མིང་གིས་རྙེད་པས་འཚོ་བར་བྱེད་ལ་བྱང་ཆུབ་སེམས་དཔའི་བསླབ་པ་ལ་མི་སློབ་པ་དང་། མཽདྒལ་གྱི་བུ། ་གཞན་ཡང་བྱང་ཆུབ་སེམས་དཔའ་དམ་པའི་ཆོས་སྤོང་བ་ཡལ་བར་འདོར་ཞིང་ཟློག་པར་མི་བྱེད་པ་དང་། མཽདྒལ་གྱི་བུ། གཞན་ཡང་བྱང་ཆུབ་སེམས ་དཔའ་བྱང་ཆུབ་སེམས་དཔའ་གཞན་དག་གི་རྙེད་པའི་བར་ཆད་བྱེད་ཅིང་བསྔགས་པ་མ་ཡིན་པ་བརྗོད་པ་དང་། མཽདྒལ་གྱི་བུ། གཞན་ཡང་བྱང་ཆུབ་སེམས་དཔའ་ལུས་ཀྱི་ལས་དང ་ངག་གི་ལས་དང་། ཡིད་ཀྱི་ལས་མ་བསྲུངས་པ་དང་ལྡན་པ་སྟེ། མཽདྒལ་གྱི་བུ། བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། རེ་ཞིག་འགྲོ་བ་ངན་པར་འགྲོ་བར་འགྱུར ་རོ|་|མཽདྒལ་གྱི་བུ། འདི་ཇི་སྙམ་དུ་སེམས། འཇིག་རྟེན་གྱི་ཁམས་དེ་ན་བཞུགས་པའི་དེ་བཞིན་གཤེགས་པ་སྙིང་བརྩེ་བ་དང་། སྙིང་རྗེའི་སེམས་ཡིད་ལ་བྱེད་པ་ཞེས་བྱ་བ་དེ ་གཞན་ཞིག་ཡིན་སྙམ་དུ་སེམས་ན། མཽདྒལ་གྱི་བུ། ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ང་ཉིད་འཇིག་རྟེན་གྱི་ཁམས་དེ་ན་མིང་དེ་སྐད་ཅེས་བྱ་བས་སེམས་ཅན ་རྣམས་ལ་ཆོས་སྟོན་ཏོ། །མཽདྒལ་གྱི་བུ། འདི་ཡང་སངས་རྒྱས་ཀྱི་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་ཡིན་ཏེ། དེ་ལ་ནི། ཉན་ཐོས་དང་། རང་སངས་རྒྱས་ཐམས་ཅད་ཀྱིས་འཇུག ་པར་མི་ནུས་སོ། །མཽདྒལ་གྱི་བུ། དེ་ལྟར་ན། དེ་བཞིན་གཤེགས་པ་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུ་སངས་རྒྱས་ཀྱི་འཕྲིན་ལས་མཛད་དེ། དེ་ལ་ནི། སྟོན ་པས་མ་བསྟན་པའི་བར་དུ་ཁྱེད་ཉན་ཐོས་རྣམས་ཀྱིས་འཇུག་པར་མི་ནུས་སོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་གླིང་ཆེན་པོ་བཞི་པའི་འཇིག་རྟེན་གྱི ་ཁམས་བྱེ་བ་ཕྲག་བརྒྱ་ཡོད་དེ། དེ་ན་དེ་བཞིན་གཤེགས་པ་མོས་པ་ཇི་ལྟ་བ་བཞིན་དུ་སེམས་ཅན་རྣམས་ལ་ཆོས་སྟོན་ཏོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས ་འདི་ཉིད་ན་གླིང་ཆེན་པོ་བཞི་པའི་འཇིག་རྟེན་གྱི་ཁམས་གང་ན་ང་ཚངས་པའི་གཟུགས་ཀྱིས་ཆོས་སྟོན་ཏེ། དེ་བཞིན་གཤེགས་པ་རབ་ཏུ་འབྱུང་བ་དང་། གོས་ངུར་སྨྲིག་མི་སྟོན་པའང་ཡོད་དོ། ། ་དེ་བཞིན་དུ་བརྒྱ་བྱིན་གྱི་གཟུགས་ཀྱིས་ཀྱང་ང་ཆོས་སྟོན་ཏོ། །དེ་བཞིན་དུ་སྐྱེ་བ་ཐམས་ཅད་ཀྱིས་ཀྱང་ང་ཆོས་སྟོན་ཏོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས ་འདི་དག་ཐམས་ཅད་ན་ཇི་ལྟ་བུར་མོས་པའི་སེམས་ཅན་རྣམས་ལ་ཇི་ལྟར་མོས་པ་བཞིན་དུ་ང་ཆོས་སྟོན་ཏོ། །སངས་རྒྱས་ཀྱི་ཞིང་ཚད་མེད་པ་གཞན་དང་གཞན་དག་ཏུའང་ང་ཆོས་སྟོན་ཏེ། དེ ་ལ་ནི|་ཉན་ཐོས་དང་། རང་སངས་རྒྱས་ཐམས་ཅད་ཀྱིས་འཇུག་པར་མི་ནུས་སོ། །མཽདྒལ་གྱི་བུ། དཔེར་ན། ཟླ་བའི་དཀྱིལ་འཁོར་རམ། ཉི་མའི་དཀྱིལ་འཁོར་ནི། གཞལ་མེད་ཁང་ནས་ཀྱང ་མི་གཡོ་ལ། གྲོང་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་ཐམས་ཅད་དུ་ཡང་དག་པར་སྣང་ངོ་། །མཽདྒལ་གྱི་བུ། དེ་བཞིན་དུ་དེ་བཞིན་གཤེགས་པ་དགྲ ་བཅོམ་པ་ཡང་དག་པར་རྫོགས་པའི་སངས་རྒྱས་ནི། རང་གི་སངས་རྒྱས་ཀྱི་ཞིང་ལས་ཀྱང་མ་གཡོས་ལ་སངས་རྒྱས་ཀྱི་ཞིང་དཔག་ཏུ་མེད་པ་དག་ཏུ་ཡང་དག་པར ་སྣང་སྟེ|་སེམས་ཅན་ཇི་ལྟར་ཡོངས་སུ་སྨིན་པར་གྱུར་པ་རྣམས་ལ་ཆོས་སྟོན་ཏོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་མཽདྒལ་གྱི་བུ་ཆེན་པོས་འདི་སྐད་ཅེས་གསོལ་ཏོ། ། ་བཅོམ་ལྡན་འདས། གང་སུམ་ཅུ་རྩ་གསུམ་དག་ན་བཞུགས་པ་དང་། ཛམྦུའི་གླིང་དང་། ལྷའི་གནས་རྣམས་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན ་གླིང་ཆེན་པོ་བཞི་པའི་འཇིག་རྟེན་གྱི་ཁམས་གཞན་དང་གཞན་དག་ན་ཆོས་སྟོན་ཅིང་བཞུགས་པ་ལ་དེ་བཞིན་གཤེགས་པ་ཡང་དག་པ་གང་ལགས། གང་ལ་ཡོན་ཕུལ་ན་མཐུ ་ཆེ་བར་འགྱུར་བའི་དེ་བཞིན་གཤེགས་པ་ཡང་དག་པ་ནི། འདི་ལགས་སོ་སྙམ་དུ་བདག་གིས་ཇི་ལྟར་འཚལ་བར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ ་དང་ལྡན་པ་མཽདྒལ་གྱི་བུ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །མཽདྒལ་གྱི་བུ། དེའི་ཕྱིར་ཁྱོད་ཉིད་ལ་ཕྱིར་དྲི་བར་བྱའི། ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་ལན་ཐོབ་ཅིག་། མཽདྒལ ་གྱི་བུ་འདི་ཇི་སྙམ་དུ་སེམས། སྒྱུ་མ་མཁན་གྱིས་སྤྲུལ་པའི་སྐྱེས་པའམ། བུད་མེད་གང་ཡིན་པ་དེ་ལ་ཡང་དག་པ་གང་ཡིན། གསོལ་པ། བཅོམ་ལྡན་འདས། དེ་ལ་ནི། ཡང་དག་པ་ཅིའང ་མ་མཆིས་སོ། །དེ་ཅིའི་སླད་དུ་ཞེ་ན། སྒྱུ་མ་མཁན་གྱིས་གསང་སྔགས་དང་། རིག་སྔགས་ཀྱི་སྟོབས་བསྐྱེད་དེ་སྦྲུལ་པ་སྤྲུལ་བར་བྱས་པས་ན་དེ་དག་ལ་ནི། ཁྱད་པར་མ་མཆིས་སོ། །བཀའ་སྩལ ་པ|་མཽདྒལ་གྱི་བུ་ཅི་གང་གི་ཕྱིར་སྤྲུལ་པ་དེའི་བྱ་བ་བྱེད་དམ། གསོལ་བ། བཅོམ་ལྡན་འདས། བགྱིད་ལགས་སོ། །བཀའ་སྩལ་པ། མཽདྒལ་གྱི་བུ་དེ་བཞིན་དུ་སྒྱུ་མ་ལྟ་བུའི་ཆོས ་ཐམས་ཅད་ལ་ནི། ཁྱད་པར་རམ་ཐ་དད་པ་དབྱེ་བ་མེད་དོ། །མཽདྒལ་གྱི་བུ། ཇི་ལྟར་སྒྱུ་མ་མཁན་གྱི་གསང་སྔགས་དང་། རིག་སྔགས་ཀྱི་སྟོབས་ཀྱིས་སྤྲུལ་པ་མང་པོ་སྤྲུལ་ལ། དེ་དག་ཀྱང ་མཉམ་ཞིང་ཁྱད་པར་མེད་པ་བཞིན་དུ་མཽདྒལ་གྱི་བུ། དེ་བཞིན་གཤེགས་པའི་ཤེས་རབ་དང་། རིག་པ་དང་། ཡེ་ཤེས་ཀྱིས་སངས་རྒྱས་ཀྱི་ཞིང་ཐམས་ཅད་དུ་སྟོན་པར་མཛད་ལ། དེ་དག ་ཀྱང་མཉམ་ཞིང་ཁྱད་པར་མེད་པ་འདི་ལྟ་སྟེ། སངས་རྒྱས་ཀྱི་འཕྲིན་ལས་ཀྱི་བྱ་བ་བྱེད་དེ། དེ་ལ་ཡོན་ཕུལ་བ་གང་ཡིན་པ་དེ་དག་གི་རྣམ་པར་སྨིན་པའང་མཉམ་པར་འགྱུར་རོ། །མཽདྒལ་གྱི ་བུ|་སངས་རྒྱས་བཅོམ་ལྡན་འདས་རྣམས་ནི། ཅུང་ཟད་ཀྱང་ཐ་དད་དུ་དབྱེར་མེད་དོ། །མཽདྒལ་གྱི་བུ། དེ་ལྟ་བས་ན། ཡང་དག་པ་མ་ཡིན་པ་དང་། སྒྱུ་མ་ལྟ་བུར་གྱུར་པའི་ཆོས་ཐམས་ཅད ་ནི|་ཆོས་ཀྱི་དབྱིངས་སུ་ཁྱད་པར་རམ་ཐ་དད་དུ་དབྱེར་མེད་དོ། །མཽདྒལ་གྱི་བུ། དེ་བཞིན་གཤེགས་པ་ནི། བཞེད་ན་འཇིག་རྟེན་གྱི་ཁམས་གཅིག་ཏུའང་མཚན་སུམ་ཅུ་རྩ་གཉིས་དང་ལྡན ་པའི་དེ་བཞིན་གཤེགས་པ་དེའི་རང་བཞིན་དང་ཆུ་ཞེང་དང་ལྡན་པ་གངྒཱའི་ཀླུང་གི་བྱེ་མ་སྙེད་སྤྲུལ་པར་མཛད་དེ། དེ་དག་ཀྱང་རྣམ་པ་དྲུག་ཅུ་དང་ལྡན་པའི ་དག་གི་ལས་ཀྱིས་སྟོན་ཏོ། །དེ་བཞིན་གཤེགས་པ་དེ་དག་ཐམས་ཅད་ཀྱིས་ཀྱང་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་མཁྱེན་ཏོ། །དེ་བཞིན་གཤེགས་པ་དེ་དག་ཐམས ་ཅད་ཀྱང་ཇི་ལྟར་མོས་པའི་སེམས་ཅན་རྣམས་ལ་མོས་པ་དང་། དབང་པོ་ཇི་ལྟ་བ་བཞིན་དུ་འཇུག་པའི་ཤེས་པ་བསྐྱེད་པའི་ཕྱིར་ཆོས་སྟོན་ཏོ། །དེ་བཞིན་གཤེགས་པ་དེ་དག ་ཐམས་ཅད་ཀྱི་ཆོས་བསྟན་པས་སེམས་ཅན་སྣ་ཚོགས་ངེས་པར་འབྱུང་བར་འགྱུར་ཏེ། དེ་ལྟར་སྡུག་བསྔལ་ཡང་དག་པར་ཟད་པར་བྱ་བའི་ཕྱིར་དེ་བཞིན་གཤེགས་པ་དེ་དག ་ཐམས་ཅད་ཆོ་འཕྲུལ་རྣམ་པ་བཞིས་ཆོས་སྟོན་ཏོ། །དེ་བཞིན་གཤེགས་པ་དེ་དག་ཐམས་ཅད་ནི། སངས་རྒྱས་ཀྱི་ཡོན་ཏན་ཐམས་ཅད་ཀྱང་ཡང་དག་པར་སྟོན་ཏོ། །མཽདྒལ་གྱི ་བུ|་འདི་ཇི་སྙམ་དུ་སེམས། དེ་དག་ལས་ཆེས་ཁྱད་པར་དུ་འཕགས་པའམ། ཆེས་གཟུགས་དང་ལྡན་པའམ། ཆེས་ཁ་དོག་དང་ལྡན་པའམ། ཆེས་སྤོབས་པ་དང་ལྡན་པའམ། ་ཆེས་ཡེ་ཤེས་དང་ལྡན་པའམ། ཆེས་རྫུ་འཕྲུལ་དང་ལྡན་པའམ། ཆེས་ཆོས་སྟོན་པ་དང་ལྡན་པའམ། ཆེས་སེམས་ཅན་ཡོངས་སུ་དགྲོལ་བ་དང་ལྡན་པ་གང་ཡིན། གསོལ་པ། ་བཅོམ་ལྡན་འདས། དེ་ལ་ནི། ཐ་དད་པར་བསྟན་པར་མི་ནུས་ལགས་སོ། །བཀའ་སྩལ་པ། མཽདྒལ་གྱི་བུ། དེ་ལྟ་བས་ན། རྣམ་གྲངས་འདིས་ཀྱང་ཆོས་ཐམས་ཅད་ནི། སྤྲུལ་པའི་ངོ་བོ ་ཉིད་དེ|་ཁྱད་པར་ཡང་མེད། ཐ་དད་དུ་དབྱེར་ཡང་མེད་པ་དེ་ལྟར་རིག་པར་བྱའོ། །མཽདྒལ་གྱི་བུ། ཆོས་ཐམས་ཅད་སྤྲུལ་པའི་ངོ་བོ་ཉིད་དུ་ཤེས་པ་གང་ཡིན་པ་དེ་དག་ནི། སོ་སོའི་སྐྱེ་བོ ་རྣམས་ལ་ཐ་དད་པར་དབྱེ་བར་མི་འདོད་ན། སངས་རྒྱས་བཅོམ་ལྡན་འདས་རྣམས་ལྟ་ཅི་སྨོས། དེ་ཅིའི་ཕྱིར་ཞེ་ན། མཽདྒལ་གྱི་བུ། ཆོས་ཐམས་ཅད་ནི། རང་བཞིན་གྱིས་སྟོང་པ། ཀུན་ཏུ ་བརྟགས་པ་དང་། ཡོངས་སུ་བརྟགས་པ་ལས་བྱུང་བ་སྟེ། དེ་དག་ལ་ཇི་ལྟར་འདོད་པ་དེ་བཞིན་དུ་རྣམ་པར་སྒྲུབ་མོད་ཀྱི། ཆོས་ཀྱི་དབྱིངས་ནི། སྐྱེ་བའང་མེད། འཇིག་པའང་མེད་དོ། ། ་མཽདྒལ་གྱི་བུ། ཆོས་ཀྱི་དབྱིངས་དེ་ནི། དེ་བཞིན་གཤེགས་པས་དེ་བཞིན་དུ་ཐུགས་སུ་ཆུད་དེ། དེ་ཐུགས་སུ་ཆུད་པའི་ཕྱིར་དེ་བཞིན་གཤེགས་པས་སྤུའི་ཁུང་བུ་གཅིག་ནས་ཛམྦུའི ་གླིང་གི་སེམས་ཅན་ཇི་སྙེད་པ་དེ་དག་ཐམས་ཅད་ཀྱི་མདུན་དུ་དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པ་ཡང་དག་པར་སྟོན་ལ། དེ་དག་ཀྱང་གཅིག་གིས་གཅིག་མི ་ཤེས་སོ|་|མཽདྒལ་གྱི་བུ། ཛམྦུའི་གླིང་ལྟ་ཞོག་གི་།གླིང་ཆེན་པོ་བཞི་པའི་འཇིག་རྟེན་གྱི་ཁམས་ཀྱི་སེམས་ཅན་ལྷའམ། མིའམ། དེ་མ་ཡིན་པའི་སྐྱེ་བའི་གནས་ན་གནས་པ་ཇི་སྙེད ་པ་ཨའི་སེམས་ཅན་དེ་དག་ཐམས་ཅད་ཀྱི་མདུན་དུ་དེ་བཞིན་གཤེགས་པས་སྤུའི་ཁུང་བུ་གཅིག་ནས་དེ་བཞིན་གཤེགས་པ་དགེ་སློང་གི་དགེ་འདུན་དང་བཅས ་པ་ཡང་དག་པར་སྟོན་ལ། དེ་དག་ཀྱང་གཅིག་གིས་གཅིག་མི་ཤེས་སོ། །མཽདྒལ་གྱི་བུ། གླིང་ཆེན་པོ་བཞི་པའི་འཇིག་རྟེན་གྱི་ཁམས་ཀྱི་སེམས་ཅན་རྣམས་ལྟ་ཞོག་གི་།མཽདྒལ ་གྱི་བུ|་ནན་གྱིས་དཔེར་བྱ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་དུ་བསྡུ་བར་བསྡུས་པ་ཇི་སྙེད་པ་དེ་དག་ཐམས་ཅད་སྔ་ཕྱི་མེད་པར་མིའི་ལུས ་ཐོབ་པར་གྱུར་ལ། མཽདྒལ་གྱི་བུ། སེམས་ཅན་མིར་གྱུར་པ་དེ་དག་ཐམས་ཅད་ཀྱི་མདུན་དུ་དེ་བཞིན་གཤེགས་པས་སྤུའི་ཁུང་བུ་གཅིག་ནས་དེ་བཞིན་གཤེགས་པ་དགེ ་སློང་གི་དགེ་འདུན་དང་བཅས་པ་ཡང་དག་པར་སྟོན་པར་མཛད་ལ། དེ་དག་ཀྱང་གཅིག་གིས་གཅིག་མི་ཤེས་སོ། །མཽདྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི ་ཁམས་ཀྱི་སེམས་ཅན་ཐམས་ཅད་ལྟ་ཞོག་གི་། མཽདྒལ་གྱི་བུ། ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་སེམས་ཅན་དུ་སྨོས་པ་གང་ཡིན་པའི་སེམས ་ཅན་གྱི་ཁམས་ནི། ཆེས་མང་གི་།སའི་ཁམས་ནི། དེ་ལྟ་མ་ཡིན་ནོ། །དེ་བཞིན་དུ་ལྷོ་དང་། ནུབ་དང་། བྱང་གི་ཕྱོགས་དང་། ཕྱོགས་མཚམས་དང་། འོག་དང་། སྟེང་གི་ཕྱོགས ་བཅུའི་ཁོ་ར་ཁོར་ཡུག་ཏུ་ཕྱོགས་རེ་རེ་ཡང་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་སེམས་ཅན་དུ་སྨོས་པ་གང་ཡིན་པའི་སེམས་ཅན་གྱི་ཁམས་ནི། ཆེས་མང་གི་།སའི་ཁམས ་ནི|་དེ་ལྟ་མ་ཡིན་ནོ། །མཽདྒལ་གྱི་བུ། ནན་གྱིས་དཔེར་བྱ་ན། སེམས་ཅན་དེ་དག་ཐམས་ཅད་ཀྱིས་སྔ་ཕྱི་མེད་པར་མིའི་ལུས་ཐོབ་པར་གྱུར་ཀྱང་མཽདྒལ་གྱིད་བུ། སེམས་ཅན་དེ་དག་ཐམས ་ཅ་ཨད་ལ་ཡང་དེ་བཞིན་གཤེགས་པས་སྤུའི་ཁུང་བུ་གཅིག་ནས་རེ་རེའི་མདུན་དུ་དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པ་ཡང་དག་པར་སྟོན་ལ་སེམས་ཅན་དེ་དག ་ཀྱང་གཅིག་གིས་གཅིག་མི་ཤེས་སོ། །མཽདྒལ་གྱི་བུ། ཕྱོགས་བཅུར་གངྒཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་དག་ན་སེམས་ཅན་འཁོད་པ་རྣམས་ལྟ་ཞོག་གི་།མཽདྒལ་གྱི་བུ། ་དེ་བཞིན་གཤེགས་པ་ནི། གདན་འདི་ལ་བཞུགས་བཞིན་དུ་སངས་རྒྱས་ཀྱི་སྤྱན་སྒྲིབ་པ་མེད་པ་དང་། ཐོགས་པ་མེད་པས་སངས་རྒྱས་ཀྱི་ཞིང་ཇི་སྙེད་ཡོད་པ་རྣམས་གཟིགས་ཏེ། དེ ་དག་ནི|་ངས་ཀྱང་སངས་རྒྱས་ཀྱི་ཡེ་ཤེས་མ་ཉམས་པས་བསྐལ་པ་འབུམ་དུའང་དཔེར་བླང་བ་བགྲངས་པའི་ཚུལ་གྱིས་བསྟན་པར་སླ་བ་མ་ཡིན་ཏེ། སངས་རྒྱས་ཀྱི་ཞིང་དེ་དག་ནི། དེ ་ཙམ་དུ་དཔག་ཏུ་མེད་དོ། །ངགས་གདན་འདི་ལ་བཞུགས་བཞིན་དུ་གང་གཟིགས་པ་དང་། དེ་བཞིན་གཤེགས་པས་དཔེར་བླང་བ་བགྲང་བ་དག་གིས་བསྟན་པ་གང་ཡིན་པ་དེ་ནི། ་སེམས་ཅན་ཐམས་ཅད་རང་སངས་རྒྱས་དང་འདྲ་བར་གྱུར་པས་ཀྱང་ཤེས་པའམ། གཞལ་བའམ། བརྟག་པར་སླ་བ་མ་ཡིན་ན། ཉན་ཐོས་རྣམས་ཀྱིས་ལྟ་ཅི་སྨོས་ཏེ། དེ ་བཞིན་གཤེགས་པ་འབའ་ཞིག་གིས་སངས་རྒྱས་ཀྱི་ཞིང་དེ་དག་བརྒྱ་ཕྲག་ཇི་སྙེད་ཡོད་པ་དང་། སྟོང་ཕྲག་ཇི་སྙེད་ཡོད་པ་དང་། འབུམ་ཕྲག་ཇི་སྙེད་ཡོད་པ་དང་། བྱེ་བ་འབུམ་ཕྲག་ཇི་སྙེད ་ཡོད་པ་དང་། གཏམས་ཕྲག་ཇི་སྙེད་ཡོད་པ་དང་། དཀྲིགས་ཕྲག་ཇི་སྙེད་ཡོད་པ་དང་། མི་འཁྲུགས་ཕྲག་ཇི་སྙེད་ཡོད་པ་དང་། གྲངས་མེད་པ་ཕྲག་ཇི་སྙེད་ཡོད་པ་དང་། དཔག་ཏུ་མེད་པ ་ཕྲག་ཇི་སྙེད་ཡོད་པ་དང་། གངྒཱའི་ཀླུང་གི་བྱེ་མ་སྙེད་ཕྲག་ཇི་སྙེད་ཡོད་པ་དང་། སྟོང་གསུམ་གྱི་རྡུལ་ཕྲ་རབ་ཀྱི་རྡུལ་ཡོངས་སུ་གང་བ་ཇི་སྙེད་ཡོད་པ་མཁྱེན་ཏོ། །མཽདྒལ་གྱི་བུ། ངས ་སངས་རྒྱས་ཀྱི་སྤྱན་སྒྲིབ་པ་མེད་པ་དང་། ཐོགས་པ་མེད་པས་སངས་རྒྱས་ཀྱི་ཞིང་ཇི་སྙེད་མཐོང་བའི་སངས་རྒྱས་ཀྱི་ཞིང་དེ་དག་ན་སེམས་ཅན་གང་སེམས་ཅན་དུ་བསྡུ་བས་བསྡུས ་ཤིང་སྨོས་པའི་སེམས་ཅན་གྱི་ཁམས་རྣམས་ནི། ཆེས་མང་གི་།སའི་ཁམས་ནི། དེ་ལྟ་མ་ཡིན་ཏེ། སེམས་ཅན་དེ་དག་ཐམས་ཅད་ཀྱིས་སྔ་ཕྱི་མེད་པར་མིའི་ལུས་ཐོབ་པར་གྱུར ་ལ་ཐོབ་ནས་ཀྱང་འཁོར་ལོས་བསྒྱུར་བའི་རྒྱལ་པོར་གྱུར་ཏེ། འཁོར་ལོས་བསྒྱུར་བའི་རྒྱལ་པོ་རེ་རེ་ལའང་དེ་སྙེད་ཀྱི་འཁོར་ཡོད་པར་གྱུར་ཀྱང་། མཽདྒལ་གྱི་བུ། འཁོར་ལོས་བསྒྱུར ་བ་ཨའི་རྒྱལ་པོ་འཁོར་དང་བཅས་པ་དེ་དག་ཐམས་ཅད་ལ་དེ་བཞིན་གཤེགས་པས་སྤུའི་ཁུང་བུ་གཅིག་ནས་རེ་རེའི་མདུན་དུ་དེ་བཞིན་གཤེགས་པ་དགེ་སློང་གི་དགེ་འདུན་དང་བཅས་པ་ཡང ་དག་པར་སྟོན་ལ་གཅིག་གིས་གཅིག་ཀྱང་མི་ཤེས་ཏེ། རང་རང་གི་དེ་བཞིན་གཤེགས་པ་མཐོང་ངོ་། །དེ་བཞིན་དུ་སྤུའི་ཁུང་བུ་ཐམས་ཅད་ནས་ཀྱང་དེ་བཞིན་གཤེགས་པ་དགེ་སློང་གི ་དགེ་འདུན་དང་བཅས་པ་ཡང་དག་པར་སྟོན་ཀྱང་དེ་བཞིན་གཤེགས་པའི་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་གྱི་བརྒྱའི་ཆའམ། སྟོང་གི་ཆའམ། འབུམ་གྱི་ཆའམ། བྱེ་བ ་ཕྲག་འབུམ་གྱི་ཆའམ། གྲངས་སམ། ཆའམ། བགྲང་བའམ། དཔེའམ། རྒྱུ་ཙམ་ཡང་ཡང་དག་པར་བསྟན་པར་མི་འགྱུར་ཏེ། མཽདྒལ་གྱི་བུ། དེ་ལྟར་ན། དེ་བཞིན་གཤེགས་པ་དགྲ ་བཅོམ་པ་ཡང་དག་པར་རྫོགས་པའི་སངས་རྒྱས་ནི། རྫུ་འཕྲུལ་དང་ཡེ་ཤེས་དཔག་ཏུ་མེད་པ་དང་ལྡན་ནོ། །མཽདྒལ་གྱི་བུ། འདི་ཇི་སྙམ་དུ་སེམས། སེམས་ཅན་འཁོར་ལོས་བསྒྱུར་བར་གྱུར ་བ་དེ་དག་གི་བསོད་ནམས་ཀྱི་ཕུང་པོ་གང་གི་འཁོར་ལོས་བསྒྱུར་བའི་རྒྱལ་སྲིད་དང་། རིན་པོ་ཆེ་སྣ་བདུན་ཐོབ་པའི་བསོད་ནམས་ཀྱི་ཕུང་པོ་མང་ངམ། གསོལ་པ། བཅོམ་ལྡན་འདས། མང ་ལགས་སོ། །བདེ་བར་གཤེགས་པ། དཔག་ཏུ་མ་མཆིས་སོ། །བཀའ་སྩལ་པ། མཽདྒལ་གྱི་བུ། ཁྱོད་མོས་པར་བྱའོ། །ཁོང་དུ་ཆུད་པར་བྱའོ། །སེམས་ཅན་འཁོར་ལོས་བསྒྱུར་བར ་ག་ཡུར་གྱུར་པ་དེ་དག་ཐམས་ཅད་ཀྱི་བསོད་ནམས་ཀྱི་ཕུང་པོ་དེ་བས་ཆེས་མང་བའི་བསོད་ནམས་ཀྱི་ཕུང་པོས་དེ་བཞིན་གཤེགས་པའི་སྤུའི་ཁུང་བུ་གཅིག ་ཡོངས་སུ་འགྲུབ་པར་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་མཽདྒལ་གྱི་བུ་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གི་སྟོན་པ་འདི་ལྟར ་རྫུ་འཕྲུལ་ཆེ་བ་དང་། འདི་ལྟར་ཆེ་བར་གྲགས་པ་དང་། འདི་ལྟར་མཐུ་ཆེ་བ་ནི། བདག་གིས་རྙེད་པ་ལེགས་པར་རྙེད་ལགས་སོ། །དེ་ལྟ་ལགས་ཀྱིས་ཀྱང་བདག་ནི། རྒྱུའི་རྗེས ་སུ་འགྲོ་བའི་ཆོས་ཐམས་ཅད་ལ་ཐོགས་པ་མ་མཆིས་པའི་ཡེ་ཤེས་འདི་ལྟ་བུ་ལས་དམན་པར་གྱུར་པ་ལགས་སོ། །བཅོམ་ལྡན་འདས། དེ་བཞིན་གཤེགས་པའི་སངས་རྒྱས་ཀྱི ་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་འདི་ཐོས་ནས་ལན་གཅིག་སེམས་བསྐྱེད་པའི་སེམས་ཅན་དེ་དག་ཀྱང་རྙེད་པ་ལེགས་པར་རྙེད་པ་ལགས་ན། གང་དག་མོས་པར ་བ་གྱིད་ལ་མོས་ཤིང་ཡིད་ཆེས་ནས་ཀྱང་རྫུ་འཕྲུལ་དང་ཡེ་ཤེས་འདི་ལྟ་བུ་ཡོངས་སུ་རྫོགས་པར་བགྱི་བའི་སླད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད ་པ་ལྷ་སྨོས་ཀྱང་ཅི་འཚལ་ཏེ། སེམས་ཅན་དེ་དག་ནི། ལྷ་དང་བཅས་པའི་འཇིག་རྟེན་ན་ཕྱག་བགྱི་བའི་གནས་ལགས་སོ། །བཀའ་སྩལ་པ། མཽདྒལ་གྱི་བུ། དེ་ནི། དེ་བཞིན་ཏེ། ་ཁྱོད་ཇི་སྐད་ཟེར་བ་བཞིན་དུ་སེམས་ཅན་གང་དག་དེ་བཞིན་གཤེགས་པའི་ཡོན་ཏན་རྣམས་ལ་ཡིད་ཆེས་པ་དེ་དག་གིས་ནི། རྙེད་པ་ལེགས་པར་རྙེད་དོ། །དེ་དག་ནི། ལོག་པར་ལྟུང ་བར་དོགས་པ་མེད་པར་ཤེས་པར་བྱའོ། །དེ་ནས་ལྷ་དེ་དག་དང་། ཀླུ་དེ་དག་དང་། བརྒྱ་བྱིན་དེ་དག་དང་། ཚངས་པ་དེ་དག་གིས་བཅོམ་ལྡན་འདས་ལས་སངས་རྒྱས་ཀྱི་རྫུ་འཕྲུལ ་གྱིས་རྣམ་པར་འཕྲུལ་བའི་ཆོ་འཕྲུལ་འདི་ཐོས་ནས་ཚིག་མཐུན་པར་སངས་རྒྱས་བཅོམ་ལྡན་འདས་རྣམས་ལ་ཕྱག་འཚལ་ལོ། །ཕྱག་འཚལ་ལོ། །སེམས་ཅན་གང་དག་གིས་ཡེ ་ཤེས་འདི་ལྟ་བུ་ཡོངས་སུ་རྫོགས་པར་བྱ་བའི་ཕྱིར་སེམས་བསྐྱེད་པའམ། སྐྱེད་པར་འགྱུར་བ་དེ་དག་ལ་ཡང་ཕྱག་འཚལ་ལོ། །ཇི་ལྟར་ད་ལྟ་ན་དེ་བཞིན་གཤེགས་པ་རྣམ་པར་འཕྲུལ་པ ་དེ་བཞིན་དུ་དེ་དག་ཀྱང་རྣམ་པར་འཕྲུལ་པར་འགྱུར་ཏེ། དེ་བས་ན་བདག་ཅག་གིས་འདི་ལ་སོམ་ཉིའམ། ཡིད་གཉིས་སམ། ཐེ་ཚོམ་ཟ་བར་མི་བྱའོ། །ཞེས་ཆེད་དུ་བརྗོད་པ་ཆེད་དུ ་བརྗོད་དོ། །དེ་ནས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དེ་དག་དང་། བརྒྱ་བྱིན་དེ་དག་དང་། ཚངས་པ་དེ་དག་གིས་བཅོམ་ལྡན་འདས་ལ་མཆོད་པ་བྱ་བ་དང་། ཆོས་ཀྱི་རྣམ་གྲངས ་འདི་ལ་གུས་པར་བྱ་བའི་ཕྱིར་སིལ་སྙན་འབུམ་སྒྲ་ཕྱུང་ངོ་། །ལྷའི་མེ་ཏོག་ཨུཏྤ་ལ་དང་། པདྨ་དང་། ཀུ་མུ་ད་དང་། པདྨ་དཀར་པོ་དག་གིས་སུམ་ཅུ་རྩ་གསུམ་གྱི་གནས་ཐམས་ཅད་ལ ་མངོན་པར་གཏོར་ཏོ། །ཆོས་ཀྱི་རྣམ་གྲངས་འདི་བསྟན་པ་ན་སྔོན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མ་བསྐྱེད་པའི་ལྷ་ཁྲག་ཁྲིག་ཕྲག་བདུན་ཅུ ་རྩ་གཉིས་ཀྱིས་སེམས་བསྐྱེད་དེ། ཚིག་འདི་སྐད་དུ་ཇི་ལྟར་ད་ལྟར་ན་དེ་བཞིན་གཤེགས་པ་སེངྒེའི་སྒྲ་སྒྲོག་པ་དེ་བཞིན་དུ་བདག་ཅག་ཀྱང་མ་འོངས་པའི་དུས་ན་ལྷ་དང་བཅས་པའི་འཇིག ་རྟེན་གྱི་མདུན་དུ་བླ་ན་མེད་པའི་སེངྒེའི་སྒྲ་སྒྲོག་པར་གྱུར་ཅིག་ཅེས་སྨྲས་སོ། །དེ་ནས་བཅོམ་ལྡན་འདས་ལ་ལྷའི་བུ་ཟླ་བ་དང་། ཟླ་མཆོག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས། ་རིགས་ཀྱི་བུའམ། རིགས་ཀྱི་བུ་མོ་གང་ཆོས་ཀྱི་རྣམ་གྲངས་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། གཞན་དག་ལའང་རྒྱ་ཆེར་ཡང ་དག་པར་སྟོན་པ་དེ་བསོད་ནམས་ཇི་ཙམ་སྐྱེད་པར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷའི་བུ་ཟླ་བ་དང་། ཟླ་མཆོག་ལ་འདི་སྐད ་ཅེས་བཀའ་སྩལ་ཏོ། །ལྷའི་བུ་དག་།རིགས་ཀྱི་བུའམ། རིགས་ཀྱི་བུ་མོ་གང་ཆོས་ཀྱི་རྣམ་གྲངས་འདི་བདག་ཉིད་ཀྱང་འཆད་ལ་གཞན་དག་ལའང་སྟོན་པ་དེ་ནི། དཀོན ་མཆོག་གསུམ་རྒྱུན་མི་གཅད་པའི་ཕྱིར་ཞུགས་པ་ཡིན་ནོ། །དེ་ཅིའི་ཕྱིར་ཞེ་ན། ལྷའི་བུ། འདི་ལྟར་ཆོས་ཀྱི་རྣམ་གྲངས་འདི་ཐོས་ན་ཉན་ཐོས་ཀྱི་སེམས་སམ། རང ་སངས་རྒྱས་ཀྱི་སེམས་བསྐྱེད་པར་མི་འགྱུར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འབའ་ཞིག་ཏུ་སེམས་བསྐྱེད་པར་འགྱུར་བའི་ཕྱིར་རོ། །དེ་ཅིའི་ཕྱིར་ཞེ་ན། ལྷའི ་བུ|་རྒྱ་ཆེན་པོ་ལ་མོས་པ་དབང་པོ་རྣོན་པོ་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ་རྣམས་ནི། ཆོས་ཀྱི་རྣམ་གྲངས་འདི་ལ་དགའ་བ་སྐྱེ་བར་འགྱུར་གྱི། ཆུང་དུ་ལ་མོས་པ ་རྣམས་ནི། དེ་ལྟ་མ་ཡིན་ནོ། །ལྷའི་བུ། རྣམ་གྲངས་འདིས་ན་གང་དག་ཆོས་ཀྱི་རྣམ་གྲངས་འདི་འཆང་བ་དང་། ཀློག་པ་རྣམས་ནི། ཅི་ནས་དཀོན་མཆོག་གསུམ་གྱི་རྒྱུན་མི་གཅད ་པའི་ཕྱིར་གནས་པ་ཡིན་པར་དེ་ལྟར་རིག་པར་བྱའོ། །ལྷའི་བུ། འདི་ཇི་སྙམ་དུ་སེམས། གང་དཀོན་མཆོག་གསུམ་རྒྱུན་མི་གཅད་པའི་ཕྱིར་གནས་པ་དེའི་བསྔགས་པའི ་མཐའམ། བསོད་ནམས་ཀྱི་མཐའ་སངས་རྒྱས་འབུམ་སྐུ་ཚེའི་ཚད་བསྐལ་པར་ཞུགས་པས་ཀྱང་བསྟན་པའམ། བཤད་པར་སྤྱོད་དམ། གསོལ་པ། བཅོམ་ལྡན ་འདས|་དེ་ནི། མ་ལགས་སོ། །བཀའ་སྩལ་པ། ལྷའི་བུ། རྣམ་གྲངས་འདིས་ཀྱང་གང་ཆོས་ཀྱི་རྣམ་གྲངས་འདི་འཆང་བའམ། གཞན་དག་ལ་སྟོན་པ་དེ་བསོད ་ནམས་ཚད་མེད་པ་སྐྱེད་པར་འགྱུར་བར་མཁས་པས་དེ་ལྟར་རིག་པར་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བྱམས་པས་འདི་སྐད་ཅེས ་གསོལ་ཏོ། །བཅོམ་ལྡན་འདས། ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། བྱམས་པ། ་དེའི་ཕྱིར་ཁྱོད་ཀྱིས་ཆོས་ཀྱི་རྣམ་གྲངས་འདི་སུམ་ཅུ་རྩ་གསུམ་པའི་ལེའུ་ཞེས་བྱ་བར་ཟུངས་ཤིག་།སངས་རྒྱས་ཀྱི་རྫུ་འཕྲུལ་གྱིས་རྣམ་པར་འཕྲུལ་པའི་ཆོ་འཕྲུལ་ཞེས་བྱ་བར་ཡང་ཟུངས ་ཤིག་། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ལྷའི་བུ་ཟླ་བ་དང་། ཟླ་མཆོག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། ཚེ་དང་ལྡན་པ་མཽདྒལ ་གྱི་བུ་ཆེན་པོ་དང་། ཚངས་པ་དེ་དག་དང་། བརྒྱ་བྱིན་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ ་མངོན་པར་བསྟོད་དོ། །འཕགས་པ་སུམ་ཅུ་རྩ་གསུམ་པའི་ལེའུ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་པྲ་ཛྙཱ་ཝརྨ་དང་། ཞུ་ཆེན་གྱི་ལོ ་ཙཱ་བ་བནྡྷེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ། རྒྱ་གར་སྐད་དུ། ཨཱཪྱ་སྠི་ར་ཨ་དྷྱ་ཤ་ཡི་བ་རི་བརྟ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས ་