Wylie

e-texts based on the ACIP/ALL Input

@##། །རྒྱ་གར་སྐད་དུ། ཨཱཪྱ་བྲཧྨ་པ་རི་པྲྀཙྪཱ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། ་འཕགས་པ་ཚངས་པས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་། བྱང ་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས ་གཅིག་ན། བཅོམ་ལྡན་འདས་གྲོང་ཁྱེར་ཡངས་པ་ན་ཚལ་ཆེན་པོའི་ཁང་པ་བརྩེགས ་པའི་གནས་ན་དགེ་སློང་ཁྲི་ཉིས་སྟོང་གི་དགེ་འདུན་ཆེན་པོ་དང་། བྱང་ཆུབ་སེམས ་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་མི ་ཉལ་ཙམ་གྱི་ནམ་གྱི་གུང་ཐུན་ལ་སྐྱིལ་མོ་ཀྲུང་བཅས་ནས་དྲན་པ་མངོན་དུ་བཞག་སྟེ། རྟོག་པ་དང་བཅས་པ། ་དཔྱོད་པ་དང་བཅས་པའི་ཏིང་ངེ་འཛིན་ལས་སྐྱེས་པའི་དགའ་བ་དང་། བདེ་བ་ཅན་བསམ་གཏན་དང་པོ་ལ་སྙོམས ་པར་ཞུགས་སོ། །བཅོམ་ལྡན་འདས་དེ་ལས་བཞེངས་ནས་རྟོག་པ་མེད་པ། དཔྱོད་པ་མེད་པའི་ཏིང་ངེ་འཛིན་ལས་སྐྱེས་པའི་དགའ ་བ་དང་། བདེ་བ་ཅན་བསམ་གཏན་གཉིས་པ་ལ་སྙོམས་པར་ཞུགས་སོ། །བཅོམ་ལྡན་འདས་དེ་ལས་བཞེངས་ནས་དགའ་བའི་འདོད ་ཆགས་དང་བྲལ་བ། བཏང་སྙོམས་པ་དྲན་པ་དང་ལྡན་པ། བདེ་པར་གནས་པ་བསམ་གཏན་གསུམ་པ་ལ་སྙོམས་པར་ཞུགས་སོ། ། ་བཅོམ་ལྡན་འདས་དེ་ལས་བཞེངས་ནས་བདེ་བའང་སྤངས་ཏེ། སྔ་ནས་སྡུག་བསྔལ་ཡང་སྤངས་ཤིང་ཡིད་བདེ་བ་དང་། ཡིད་མི་བདེ ་བའང་ནུབ་པས་ཕྱིར་སྡུག་བསྔལ་ཡང་མེད། བདེ་བའང་མེད་པ། བཏང་སྙོམས་དང་དྲན་པ་ཡོངས་སུ་དག་པ། བསམ་གཏན་བཞི་པ ་ལ་སྙོམས་པར་ཞུགས་སོ། །དེ་ནས་བཅོམ་ལྡན་འདས་བསམ་གཏན་བཞི་པ་ལས་བཞེངས་ནས་བསམ་གཏན་གསུམ་པ་ལ ་ཞུགས་སོ། །བསམ་གཏན་གསུམ་པ་ལས་བཞེངས་ནས་བསམ་གཏན་གཉིས་པ་ལ་ཞུགས་སོ། །བསམ་གཏན་གཉིས ་པ་ལས་བཞེངས་ནས་བསམ་གཏན་དང་པོ་ལ་ཞུགས་སོ། །བསམ་གཏན་དང་པོ་ལས་བཞེངས་ནས་གདུལ་བྱ་ཇི་ལྟ་བ་བཞིན་དུ་སེམས་ཅན་ལ ་གཟུགས་ཀྱི་ལུས་ཀུན་ཏུ་སྟོན་པ་ཞེས་བྱ་བའི་ཏིང་ངེ་འཛིན་ལ་སྙམས་པར་ཞུགས་སོ། །བཅོམ་ལྡན་འདས་གདུལ་བྱ་ཇི་ལྟ་བ་བཞིན་དུ་སེམས་ཅན ་ལ་ཨ་གཟུགས་ཀྱི་ལུས་ཀུན་ཏུ་སྟོན་པའི་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེ་ནས་སྐད་ཅིག་དེ་ལ་བཅོམ་ལྡན་འདས་ཤིན་ཏུ་ལྷམ ་མེ་ལྷམ་ནེ་ལྷང་ངེར་བཞུགས་ཏེ། མི་མཇེད་ཀྱི་བདག་པོ་ཚངས་པ་ཚངས་པའི་གནས་ན་འདུག་བཞིན་དུ་བཅོམ་ལྡན་འདས་ཤིན་ཏུ་ལྷམ་མེ ་ལྷན་ནེ་ལྷང་ངེ་བ་དང་། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ་མཐོང་ངོ་། །མཐོང་ནས་ཀྱང་ཚངས་པའི ་འཇིག་རྟེན་ནས་མི་སྣང་བར་གྱུར་ནས་ཐམས་ཅད་དང་ལྡན་པའི་ཚལ་ཆེན་པོ་འོད་ཀྱིས་སྣང་བར་བྱེད་ཏེ་བཅོམ་ལྡན་འདས་ཀྱིས་སྤྱན་སྔར་ཧ་ཅང་ཡང་མི་རིང་བཞིག་ཏུ་འདུག་གོ། དེ་ནས ་མི་མཇེད་ཀྱི་བདག་པོ་ཚངས་པས་འདི་སྙམ་དུ་བསམས་ཏེ། སངས་རྒྱས་བཅོམ་ལྡན་འདས་རྣམས་ནི་བསྙེན་པར་དཀའ་བ་རྣམ་པར་ཤེས་པ་དཀའ་བ་ཡིན་ན། བཅོམ་ལྡན་འདས ་ཏིང་ངེ་འཛིན་ལ་སྙོམས་པར་ཞུགས་པ་ལ་བདག་གིས་ལུད་པ་བསལ་བའི་སྒྲའམ། སྨྲ་བ་ཙམ་གྱིས་བཞེངས་པར་གསོལ་བ་ནི་བདག་གི་ཆ་མ་ཡིན་གྱི། བདག་གིས་ཚིགས་སུ ་བཅད་པ་དག་གིས་བཅོམ་ལྡན་འདས་བཞེངས་པར་གསོལ་གོར་མ་ཆག་སྙམ་སྟེ། དེ་ནས་མི་མཇེད་ཀྱི་བདག་པོ་ཚངས་པས་བླ་གོས་ཕྲག་པ་གཅིག་ཏུ་གཟར་ནས་འདུག་བཞིན་དུ་བཅོམ ་ལྡན་འདས་ག་ལ་པ་དེར་ལོགས་སུ་ཐལ་མོ་སྦྱར་བ་བཏུད་དེ་མགོ་བཏུད་ནས། བཅོམ་ལྡན་འདས་ལ་ཚིགས་སུ་བཅད་པ་དག་གིས་བཞེངས་པར་གསོལ་ཏོ། །མ་གོས་དྲི་མ་མ་མཆིས ་རྣམ་པར་དག་། ལྷ་དང་མི་མཆོག་རྣམས་དང་དྲི་ཟ་དང་། །ཀླུ་དང་། ལྷ་མིན་རྣམས་ཀྱིས་ལེགས་མཆོད་པ། །སེམས་ཅན་སྨན་སླད་མགོན་པོ་ཁྱོད་ལ་མཆོད། །དཔེར་ན་རི་ནི་རབ་ཏུ་མི ་གཡོས་དང་། །ཇི་ལྟར་རྒྱ་མཚོ་གཏིང་ནི་མི་དཔོགས་ལྟར། །བདུད་རྣམས་ཐམས་ཅད་ཀྱིས་ཀྱང་མི་གཡོས་ལ། །ཐུབ་པ་སྐྱེས་བུ་མཆོག་ནི་བསམ་གཏན་མཛད། །ཟང་ཟིང་མི ་མངའ་མཚན་མ་མི་མངའ་ཞིང་། །ཐ་དད་མི་མངའ་བརྟན་པ་མི་མངའ་ལ། །གནས་མི་མངའ་ཞིང་སྣང་བ་མི་མངའ་བའི། །ཐུབ་པ་སྐྱེས་བུ་དམ་པ་བསམ ་གཏན་མཛད། །རྟོག་གེ་རྣམས་ཀྱི་ཡུལ་ནི་མ་ལགས་ཤིང་། །བྱིས་པ་རྣམས་ཀྱི་སྤྱོད་ཡུལ་མ་ལགས་པ། །སེམས་དང་སེམས་ལས་བྱུང་བས་རབ་འདས་པ། །བསམ་གཏན་ཕ ་རོལ་གཤེགས་པ་བསམ་གཏན་མཛད། །མགོན་པོ་སེང་གེ་བཞིན་དུ་གསུང་ཡང་སྒྲོག། ཐུབ་པ་འབྲུག་བཞིན་སྒྲོག་པ་རབ་ཏུ་མཛད། །དཔའ་བོ་ཟླ་བ་བཞིན་དུ་རབ་ཏུ་མཛེས།། ་སེམས་ཅན་དཀོན་མཆོག་ཁྱོད་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པས་བསྐུལ་བའི་ཚིགས་སུ་བཅད་པ་འདི་དག་གིས་བསྐུལ་བར ་ཐུགས་སུ་ཆུད་ནས་ཇི་ལྟར་སྐྱིལ་མོ་ཀྲུང་བཅས་པ་དེ་ཉིད་ཀྱི་ཏིང་ངེ་འཛིན་དེ་ལས་བཞེངས་སོ། །བཞེངས་ནས་བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་སྤྲན་པའི ་ཕྱིར་མགུར་བསལ་བའི་སྒྲ་མཛད་པ་དང་། མི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ཏེ། ཇི་ལྟར་སྐྱིལ་མོ་ཀྲུང་བཅས་པ་དེ་ཉིད་ཀྱིས ་བཞུགས་པ་མཐོང་ངོ་། །མཐོང་ནས་ཀྱང་བཅོམ་ལྡན་འདས་ག་བ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས ་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་མི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱིས་བདག་ལ་སྐབས་དབྱེ་བར་གནང་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ ་བདག་ཕྱོགས་འགའ་ཞིག་ཞུ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་འདི་སྐད་ཅེས་བཀའ་སྩལ་ཏོ། །ཚངས་པ། ཞུ་བ ་ལུང་བསྟན་པའི་ཕྱིར་དེ་བཞིན་གཤེགས་པས་རྟག་ཏུ་ཁྱོད་ལ་སྐབས་ཕྱེ་ཡི། ཚངས་པ། ཁྱོད་ཅི་དང་ཅི་འདོད་པ་དེ་བཞིན་གཤེགས་པ་ལ་ཞུས་ཤིག་དང་། ཞུས་པ་དེ་དང་དེ་ཉིད་ཀྱི་ལུང ་བསྟན་པས་ངས་ཁྱོད་ཀྱི་སེམས་རངས་པར་བྱའོ། །དེ་ནས་བཅོམ་ལྡན་འདས་ཀྱིས་སྐབས་ཕྱེ་བས་མི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་དུ་དང་ལྡན་ན་མྱ་ངན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར ་འཚང་རྒྱ་བ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་འདི་སྐད་ཅེས་བཀའ་སྩལ་ཏོ། །ཚངས་པ། བྱང་ཆུབ་སེམས་དཔའ ་སེམས་དཔའ་ཆེན་པོ་དག་ཆོས་གཅིག་དང་ལྡན་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །ཆོས ་གཅིག་གང་ཞེ་ན། འདི་ལྟ་སྟེ། ལུས་ཀྱི་རྗེས་སུ་སོང་བའི་དྲན་པའོ། །ཚངས་པ། བྱང་ཆུབ་སེམས་དཔའ་ལུས་ཀྱི་རྗེས་སུ་སོང་བའི་དྲན་པ་ཅི་ལྟ་བུ་ཡིན་ཞེ་ན། ཚངས་པ། འདི་ལ ་བྱང་ཆུབ་སེམས་དཔའ་ནི་འགྲོའོ་སྙམ་པའི་དྲན་པ་དང་ལྡན་པ་ཡིན་ཞིང་ཡང་དག་པར་ཇི་ལྟ་བ་བཞིན་དུ་རབ་ཏུ་ཤེས་སོ། །ལྡོག་གོ་སྙམ་དུ་དྲན་པ་དང་ལྡན་པ་ཡིན་ཞིང་ཡང ་དག་པར་ཇི་ལྟ་བ་བཞིན་དུ་རབ་ཏུ་ཤེས་སོ། །ཉལ་ལོ་སྙམ་པ་དང་། ལྡང་ངོ་སྙམ་པ་དང་། འཆག་གོ་སྙམ་པ་དང་། འདུག་གོ་སྙམ་དུ་དྲན་པ་དང་ལྡན་པ་ཡིན་ཞིང་ཡང་དག ་པར་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་གཅིག་པུ་དབེན་པར་འདུག་སྟེ་ནང་དུ་ཡང་དག་བཞག་ནས་འཁྲུག་པ་མེད་པའི་ཡིད་ཀྱི་ལུས་འདི་ཉིད་ལ། འདི་ལྟ་སྟེ། ཀྱེ་མ ་ལུས་འདི་ནི་མི་བརྟན་པ། མི་རྟག་པ། རང་བཞིན་གྱིས་ཉམ་ཆུང་བ། སྙིང་པོ་མེད་པ། ཐེར་ཟུག་མ་ཡིན་པ། རྣམ་པར་འཐོར་བའི་ཆོས་ཅན། རྣམ་པར་འཇིག་པའི་ཆོས་ཅན། ་རྟེན་ཅིང་འབྲེལ་བར་འབྱུང་བ། སྒྱུ་མ་དང་འདྲ་བ། ཟིལ་པའི་ཐིག་པ་དང་འདྲ་བ། གཡོ་བ། མི་གནས་པ། མི་གཙང་བ། རྣག་གི་དྲི་མ་ཅན། རླུང་དང་། ཉི་མས་མཐར་ཐུག ་བ|་མཐར་འདྲུལ་བ། མཐར་རྡུལ་དུ་འགྱུར་བ། ངན་སྐྱུགས་ཀྱི་མཐར་ཐུག་པ། ནད་མང་བ། གནོད་པ་ཅན། འགོ་བའི་ནད་མང་བ། ན་བ། འཇིག་པའི་ངང་ཅན། རུས་པ་བསོགས་པ། དྲི ་ང་བ། འཛག་པ་ཅན་བསྒྲིམས་ཏེ་རིམ་གྲོ་བྱེད་དགོས་པ་ཡིན་པར་ཡང་དག་པའི་དྲན་པས་ཡང་དག་པར་ཇི་ལྟ་བ་བཞིན་དུ་སོ་སོར་རྟོག་གོ། དེ་དེ་ལྟར་ཡང་དག་པའི་དྲན་པས་ལུས་ཀྱི ་སྐྱོན་རྣམས་ཡང་དག་པར་ཇི་ལྟ་བ་བཞིན་དུ་རབ་ཏུ་ཤེས་པས་ལུས་ལ་ཆགས་པ་དང་། ལུས་ལ་ཀུན་ཏུ་འདོད་ཆགས་དང་། ལུས་ལ་བདག་གི་ཉིད་ཡིན་པ་མི་བསྐྱེད་དོ། །དེ་ལུས་ལ་མི ་ལྟ་བས་སྲོག་ཆགས་པ་དང་། སྲོག་ལ་ཀུན་ཏུ་འདོད་ཆགས་དང་། སྲོག་ལ་བདག་གི་ཉིད་ཡིན་པ་མི་བསྐྱེད་དོ། །དེ་ལུས་དང་སྲོག་ལ་མི་ལྟ་བར་ཆོས་གོས་ངན་ངོན་དང་། ཁ་ཟས་ངན ་ངོན་དང་། མལ་ཆ་དང་། སྟན་ངན་ངོན་དང་། ན་བའི་གསོས་སྨན་དང་། ཡོ་བྱད་ངན་ངོན་ཙམ་དག་གིས་ཆོག་པར་འཛིན་པ་ཡིན་ནོ། །དེ་ཚངས་པ་མཚུངས་པར་སྤྱོད་པ་རྣམས་ཀྱི་བྱ ་བ་གང་དག་ཡིན་པ་དོན་དང་ལྡན་པ་རྣམས་སམ། དགེ་བ་དང་ལྡན་པ་རྣམས་ཀྱང་དེ་དག་ལ་སྟོང་བར་བྱེད་དེ། ཡོངས་སུ་མི་སྐྱོ་ཞིང་ཡོངས་སུ་ཡིད་འཆད་པ་མེད་ལ་ཡོངས་སུ་སྐྱོ་བའི ་སེམས་མི་བསྐྱེད་དོ། །དེ་མཁན་པོ་དང་སློབ་དཔོན་གྱི་གན་དུ་འགྲོ་ན་དྲན་པ་དང་ལྡན་ཞིང་འདི་སྙམ་དུ་སེམས་ཏེ། མཁན་པོ་དག་ནི་བསྙེན་པར་དཀའ་བ། སློབ་དཔོན་དག་ནི་བསྙེན ་པར་དཀའ་བ་སྟེ། བདག་དེར་སོང་བ་ན་སྡིག་པ་མི་དགེ་བ་ཀུན་ཏུ་སྤྱོད་པ་འགའ་ཞིག་གིས་བདག་ལ་གླེངས་ཤིང་དྲན་པར་བྱས་ན་མི་རུང་ངོ་སྙམ་ནས་དེ་རྒྱུ་དང་། ་རྐྱེན་དེ་དང་། གཞི་དེས་བསླབ་པ་རྣམས་ལ་གུས་པ་བྱེད་པར་འགྱུར་ཏེ། བརྟུན་པར་བྱེད་པ་དང་། ལེགས་པར་བྱ་བ་བྱེད་པ་དང་། ཞི་བ་རྣལ་དུ་བྱེད་པ་དང་། ཤིན་ཏུ་ཡོངས་སུ་མཐར ་ཐུག་པར་བྱེད་པ་ཅན་དུ་འགྱུར་རོ། །དེ་ལ་བསླབ་པ་རྣམས་ལ་གུས་པ་བྱེད་པ་ཉིད་དང་། བརྟུན་པར་བྱེད་པ་ཉིད་དང་། ལེགས་པར་བྱ་བ་བྱེད་པ་ཉིད་དང་། ཞི་བ་རྣལ་དུ་བྱེད་པ་ཉིད་དང་། ་ཤིན་ཏུ་ཡོངས་སུ་མཐར་ཐུག་པར་བྱེད་པ་ཉིད་ཀྱིས་མཁན་པོ་དང་། སློབ་དཔོན་གྱི་གན་དུ་འགྲོ་བ་ན་བག་ཚ་བ་མེད་པ་དང་། བག་འཁུམ་པ་མེད་པར་འགྲོ་ཞིང་འཇིགས་པ་དང་། ་ལྷན་ཅིག་ཏུ་བྱུང་བའི་རྒོལ་པའང་མི་སྟོན་སྟེ། དེ་ཅིའི་ཕྱིར་ཞེ་ན། གུས་པ་དང་བཅས་ཤིང་ཞེས་དང་བཅས་པ་ཡིན་ལ། རིགས་ཀྱི་བག་མ་བཞིན་དུ་འཛེམ་པ་དང་ལྡན་པའི་ཕྱིར་རོ། ། ་དེ་ལ་འཛེམ་པ་དང་ལྡན་པས་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ་གང་དག་ཡིན་པ་དེ་དག་ཐམས་ཅད་ཀྱིས་ཐམས་ཅད་དུ་ཡོངས་སུ་སྤོང་ངོ་། །ཚངས་པ། བྱང་ཆུབ་སེམས་དཔའ ་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ་དེ་དག་གང་ཞེ་ན། ཚངས་པ། སྲོག་གཅོད་པ་ནི་བྱང་ཆུབ་སེམས་དཔའི་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ་ཡིན་ནོ། །ཚངས་པ། ་མ་བྱིན་པ་ལེན་པ་དང་། མི་ཚངས་པར་སྤྱོད་པ་ནི་བྱང་ཆུབ་སེམས་དཔའི་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ་ཡིན་ནོ། །ཚངས་པ། བྱང་ཆུབ་སེམས་དཔའ་ཅི་ལྟར་ན་སྲོག་གཅོད་པ་སྤོང་བ ་ཡིན་ཞེ་ན། ཚངས་པ། འདི་ལ་བྱང་ཆུབ་སེམས་དཔའ་ནི་འདོད་ཆགས་ཀྱི་དབང་གིས་སྲོག་ཆགས་ཀྱི་སྲོག་གཅོད་པར་མི་བྱེད། ཞེ་སྡང་གི་དབང་དང་། གཏི་མུག་གི་དབང་གིས་སྲོག ་ཆགས་ཀྱི་སྲོག་གཅོད་པར་མི་བྱེད་དོ། །དེ་སེམས་ཅན་གཞན་དག་དང་། གང་ཟག་གཞན་རྣམས་ལ་བདག་ཙམ་དུ་འདུ་ཤེས་པར་བྱེད་ཅིང་སྡུག་པ་ཙམ་དུ་འདུ་ཤེས་པར་བྱེད་དེ། བདག ་ཉིད་ཀྱི་སེམས་ཅན་གཞན་དག་དང་། གང་ཟག་གཞན་རྣམས་ཀྱི་སྲོག་གཅོད་པར་མི་བྱེད་དོ། །གཞན་དག་ཀྱང་སྲོག་གཅོད་དུ་མི་འཇུག་གོ། གཞན་དག་སྲོག་གཅོད་པ་ལ་ཡང་དག ་པར་རྗེས་སུ་ཡི་རང་བར་མི་བྱེད་དོ། །བདག་གིས་ཀྱང་མི་གཅོད་དོ། །གཞན་དག་ཀྱང་གཅོད་མི་འཇུག་གོ། གཞན་དག་གཅོད་པ་ལའང་རྗེས་སུ་ཡི་རང་བར་མི་བྱེད་དོ། །བདག ་ཀྱང་མི་རྡེག་གོ། གཞན་དག་ཀྱང་རྡེག་དུ་མི་འཇུག་གོ། གཞན་དག་རྡེག་པར་བྱེད་པ་ལའང་རྗེས་སུ་ཡིད་རང་བར་མི་བྱེད་དོ། །ཇི་ལྟར་ན་མ་བྱིན་པ་ལེན་པ་སྤོང་བ་ཡིན་ཞེ་ན། ཚངས ་པ|་འདི་ལ་བྱང་ཆུབ་སེམས་དཔའ་ནི་སེམས་ཅན་རྣམས་ཀྱི་འཚོ་བའི་ཡོ་བྱད་གང་དག་ཡིན་པ། འདི་ལྟ་སྟེ། གསེར་དང་། ནོར་བུ་དང་། མུ་ཏིག་དང་། བཻ་ཌཱུཪྱ་དང་། དུང་དང་། མན ་ཤེལ་དང་། བྱུ་རུ་དང་། ས་ལེ་སྦྲམ་དང་། དངུལ་ལ་སོགས་པ་དང་། གོས་དང་། རྒྱན་གྱི་རྣམ་པ་དག་དང་། ནོར་དང་། འབྲུ་དང་། མཛོད་དང་། བདེ་བའི་རྣམ་པ ་དེ་དག་ལ་ཆགས་པ་མི་སྐྱེད། དེ་དག་ལ་རྣམ་པར་རྟོག་པར་མི་བྱེད་ཅིང་རྐུ་འཕྲོག་མི་བྱེད་དོ། །རྐུ་འཕྲོག་བྱེད་དུ་མི་འཇུག་གོ། རྐུ་འཕྲོག་བྱེད་པ་རྣམས་ལ་རྗེས་སུ་ཡི་རང་པར་མི ་བྱེད་དོ། །དེ་གྲོང་ན་ཡོད་པའམ། དགོན་པ་ན་ཡོད་པ་མ་བྱིན་ཞིང་མ་གནང་བ་རྩཝའི་འདབ་མ་ཙམ་ཡང་ལེན་པར་མི་བྱེད་དོ། །ཇི་ལྟར་ན་མི་ཚངས་པར་སྤྱོད་པ་སྤོང་བ་ཡིན་ཞེ་ན། ཚངས ་པ|་འདི་ལ་བྱང་ཆུབ་སེམས་དཔའ་དབང་པོ་རྣམས་ཀྱི་སྒོ་ལེགས་པར་བསྲུང་ཤིང་གནས་པ་ཡིན། ལེགས་པར་བསྡམ་པ་ཡིན། མཐུན་པའི་གནས་སུ་རྒྱུ་བ་ཡིན། ཤིན་ཏུ་བསྲུང ་བའི་དྲན་པ་དང་ལྡན་པ་ཡིན། རྟག་ཏུ་བསྲུང་བའི་དྲན་པ་དང་ལྡན་ཡིན། དེ་དྲན་པས་ཡི་ཀུན་ཏུ་སྲུང་བ་ཡིན། ལུས་དང་། ངག་ཤིན་ཏུ་བསྡམས་པ་ཡིན་ནོ། །མཐུན་པའི ་གནས་སུ་རྒྱུ་ལ་དྲན་པ་དང་ལྡན་པ་ཡིན་ཞིང་འདི་སྙམ་དུའང་སེམས་བསྐྱེད་དོ། །མི་ཞིག་གིས་བྱེ་མ་ཞིང་མོ་ཤིན་ཏུ་བསྲེགས་པ་ལག་པ་གཉིས་ཀྱི་སྙིམ་པས་བླངས་ཏེ་མིག ་བཀང་བ་ནི་སླའི། ཆགས་པའི་སེམས་ཀྱིས་ཡུལ་གྱི་བཟང་མོ་ལ་ལྟ་བ་ནི་ལྟ་མ་ཡིན་ནོ། །དེ་ཅིའི་ཕྱིར་ཞེ་ན། བདག་ཡུལ་གྱི་བཟང་པོ་ལ་བལྟས་པས་ཡུན་རུང་པོར་ཕུང ་ཞིང་བཅོམ་ལ་མ་རུང་བར་གྱུར་པའི་ཕྱིར་རོ་སྙམ་མོ། །དེ་དེ་ལྟར་ལུས་ལ་ལུས་ཀྱི་རྗེས་སུ་ལྟ་ཞིང་བཟའ་བ་དང་། བཏུང་བ་དང་། གནས་དང་། མལ་ཆ་དང་། སྟན་རྣམས་ལ་དྲན་པ་ལེགས ་པར་གནས་པ་ཡིན་ཏེ། དེ་དག་ལ་སྤྱོད་པ་ན་རོ་མྱང་བར་མི་བྱེད་ཅིང་ཆགས་པའི་སེམས་མེད་པ་ཡིན་ནོ། །གལ་ཏེ་དེ་ཡོངས་སུ་སྤྱོད་པ་ན་བདེ་བ་སྐྱེ་བ་ལྟ་ན་དེས་དེ་ལ་འདི་ལྟར་ཉེ་བར ་བརྟག་པར་བྱ་སྟེ། བདེ་བར་སྣང་བ་འདི་ནི་བཟློག་པའི་སྒོ་ནས་སྡུག་བསྔལ་ཡིན་ཏེ། ཁམས་གསུམ་པ་འདི་ན་འདུས་བྱས་ཀྱི་དངོས་པོ་བདེ་བ་གང་ཡང་མེད་དོ། །དེ་ཅིའི་ཕྱིར་ཞེ་ན། འདུས ་བྱས་མི་རྟག་པའི་ཕྱིར་རོ། །མཁས་པའི་རང་བཞིན་ཅན་དག་དངོས་པོ་མི་རྟག་པ་རྣམས་ལ་བདེ་བའི་འདུ་ཤེས་ཇི་ལྟར་སྐྱེད་སྙམ་དུ་བརྟག་པར་བྱའོ། །ཚངས་པ། གལ་ཏེ་བྱང་ཆུབ ་སེམས་དཔའ་ཡོངས་སུ་སྤྱོད་པ་ན་སྡུག་བསྔལ་ཁོ་ན་སྐྱེ་བའི་བདེ་བ་ནི་མ་ཡིན་ཏེ། སྡུག་བསྔལ་དེས་ཀྱང་ཡོངས་སུ་གནོད་ཅིང་ཉོན་མོངས་ན་དེས་དེ་ལ་སེམས་འདི་ལྟར་ཉེ་བར་གཞག ་པར་བྱ་སྟེ། ལུས་འདི་ནི་བསྒྲིམས་ཏེ་ཡོངས་སུ་བསྐྱང་དགོས་པ། གསུག་གིས་བསྒྲུབ་དགོས་པ་སྟེ། འདི་ནི་སྡུག་བསྔལ་རྩོམ་པས་གཟུང་བར་མི་ནུས་ཀྱི། བདེ་བ་རྩོམ་པས་གཟུང ་བར་བྱ་བ་ཡིན་ཏེ། བདག་གི་ལུས་བརྟན་ཞིང་འཚོ་བའི་འདིས་དགེ་བའི་ཆོས་རྣམས་བསྒྲུབ་པར་བྱའོ། །དཔེར་ན། རྙེད་པ་འདོད་པའི་ཚོང་པ་ཁུར་ཁལ་རྣམས་སྟོང་བྲན་བྱེད། བཅོས ་ལེགས་བྱེད་པ་ནི་ཁུར་ཁལ་རྣམས་བརྒྱན་པའི་ཕྱིར་མ་ཡིན། བདེ་བར་བྱ་བའི་ཕྱིར་མ་ཡིན་གྱི། གཞན་དུ་ན་ཇི་ཙམ་དུ་ཁལ་བཀལ་བ་བསྐུར་བའི་ཕྱིར ་རོ|་|དེ་བཞིན་དུ་བྱང་ཆུབ་སེམས་དཔའ་ཁ་ཟས་ཟ་བའང་ལུས་བརྒྱན་པའི་ཕྱིར་ཟས་ཟ་བ་མ་ཡིན། ལུས་བདེ་བ་བྱ་བའི་ཕྱིར་མ་ཡིན་ཏེ། གཞན་དུ་ན་ཇི་ཙམ་ལུས་དང ་འབྲེལ་པའི་དགེ་བའི་ཕྱོགས་བསྒྲལ་བའི་ཕྱིར་རོ་སྙམ་དུ་སེམས་ཉེ་བར་གཞག་པར་བྱའོ། །ཚངས་པ། གལ་ཏེ་བྱང་ཆུབ་སེམས་དཔའ་དེ་བཞིན་གཤེགས་པས་གསུངས ་པའི་གཉེན་པོས་སེམས་ཤེས་པར་བྱེད་མི་ནུས་ན། དེས་འདི་སྙམ་དུ་བསམ་པར་བྱ་སྟེ། སེམས་ཞེས་བྱ་བ་འདིས་ནི་མཐར་ཕྱིན་པར་དཀའ་བ། མི་མཐུན་པ་འཛིན ་པ|་འཁོར་བ་ལ་མངོན་དུ་ཕྱོགས་པ། དགེ་བའི་ཕྱོགས་ལ་མི་ཕྱོགས་པ། ཡུལ་ལ་མངོན་དུ་ཕྱོགས་པ། བདེན་པ་ལ་མི་ཕྱོགས་པ། བདེ་བ་ལ་མངོན་དུ་ཕྱོགས་པ། ་སྡུག་བསྔལ་ལ་མི་ཕྱོགས་པ། སྨྲ་བ་ལ་དགའ་བ་ལ་མངོན་དུ་ཕྱོགས་པ། དེ་ཁོ་ན་ལ་རྣམ་པར་ལྟ་བ་ལ་མི་ཕྱོགས་པ། མི་གཙང་བ་ལ་མངོན་དུ་ཕྱོགས་པ། གཙང་བ་ལ་མི ་ཕྱོགས་པ། གདུལ་དཀའ་བ། གཟུང་དཀའ་བ། གནས་མེད་པ། རྟེན་མེད་པ། གསོག། གསོབ། སྐད་ཅིག་པ། རྒྱུ་དང་། རྐྱེན་ཚོགས་པ་ལས་བྱུང་བ་ཡིན་ན། མཁས་པའི ་རང་བཞིན་ཅན་སུ་ཞིག་འདི་ལྟ་བུའི་རང་བཞིན་ཅན་གྱི་སེམས་ཀྱི་དབང་དུ་འགྲོ་ཞིང་རྗེས་སུ་འཇུག་སྙམ་དུ་བསམ་མོ། །དེ་དེ་ལྟར་སེམས་དྲན་པ་ཉེ་བར་གནས་པས་སེམས་གདུལ ་བའི་ཕྱིར་ནན་ཏན་བྱེད་དོ། །དེ་སེར་སྣའི་སེམས་གདུལ་བའི་ཕྱིར་སྦྱིན་པ་སྦྱིན་པར་བྱེད་དེ། ཐ་ན་ཁམ་གཅིག་ཙམ་མམ། རྒྱ་ཤུག་ཙམ་མམ། མོན་སྲན་གྲེའུ་ཙམ་མམ། ཏིལ ་འབྲུ་ཙམ་ཡང་རུང་། དེའང་ཐམས་ཅད་ལ་སྦྱིན་པར་བྱེད་ཀྱི། སྡུག་པ་རྣམས་ལ་མ་ཡིན། འདྲེས་པ་རྣམས་ལ་མ་ཡིན་ནོ། །དེ་ལ་འཆལ་བའི་ཚུལ་ཁྲིམས་ཀྱི་སེམས་གདུལ ་བའི་ཕྱིར་ཚུལ་ཁྲིམས་བསྲུང་སྟེ། ལུས་དང་། ངག་དང་། ཡིད་ཀྱི་སྐྱོན་མེད་པར་བྱེད་པ་ཡིན། འདྲེན་མར་མི་བྱེད་པ་ཡིན། ནག་ནོག་ཅན་དུ་མི་བྱེད་པ་ཡིན་ཏེ། ཚུལ་ཁྲིམས་དེས ་བདག་ལ་བསྟོད་པར་མི་བྱེད། གཞན་ལ་སྨོད་པར་མི་བྱེད་དོ། །དེ་གནོད་སེམས་ཀྱི་སེམས་འདུལ་བའི་ཕྱིར་བཟོད་པ་སྒོམ་སྟེ། དེ་གྲོང་ངམ། གྲོང་རྡལ་དུ་ཞུགས་པ་ན་གཤེའང ་ཅི་མི་སྙམ་པར་བྱེད་དོ། །བརྒྱབ་ཀྱང་རུང་། རྡེག་ཀྱང་རུང་། སྡིགས་ཀྱང་རུང་། རྣམ་པར་འཇོམས་ཀྱང་རུང་། སྨོད་ཀྱང་རུང་སྟེ་ཅི་མི་སྙམ་པར་བྱེད་དོ། །ཀྱེ་མ་དགེ་སྦྱོང་འདི་ནི ་མགོ་རེག་ངན་པའོ། །ཀྱེ་མ་དགེ་སྦྱོང་འདི་ནི་མགོ་རེག་མི་སྡུག་པ་ངན་པའོ་ཞེས་འཇིག་རྟེན་གྱིས་དཔྱས་ཀྱང་ཅི་མི་སྙམ་པར་བྱེད་དོ། །ཡང་དག་པར་མ་ཡིན་པས་སྐུར་ཀྱང་བཟོད ་པར་བྱེད་ཅིང་དང་དུ་ལེན་ལ། ལས་བདག་གིར་བྱ་བ་ཉིད་ལ་རྟོན་ཏེ། བཟོད་པ་དེས་ཀྱང་བདག་ལ་བསྟོད་པར་མི་བྱེད། གཞན་ལ་སྨོད་པར་མི་བྱེད་དོ། །ལེ་ལོའི ་སེམས་གདུལ་བའི་ཕྱིར་དང་། བྱང་ཆུབ་ཀྱི་ཕྱོགས་པའི་ཆོས་མ་ཐོབ་པ་རྣམས་ཐོབ་པར་བྱ་བའི་ཕྱིར་དང་། ཐོབ་པ་རྣམས་འཕེལ་བར་བྱ་བའི་ཕྱིར་དང་། འཕེལ་བ་རྣམས་ཡོངས ་སུ་སྨིན་པར་བྱ་བའི་ཕྱིར་དང་། ཡོངས་སུ་སྨིན་པ་རྣམས་ཡང་དག་པར་གཟུང་བར་བྱ་བའི་ཕྱིར་དང་། ཡང་དག་པར་གཟུང་བ་རྣམས་རྣམ་པར་དབྱེ་བའི་ཕྱིར་བརྩོན་འགྲུས ་རྩོམ་མོ། །དེ་སེམས་ཅན་གྱི་ཆེད་རྣམས་དང་། སེམས་ཅན་གྱི་བྱ་བ་རྣམས་ལ་ཡོངས་སུ་མི་སྐྱོ་ཞིང་ཡོངས་སུ་ཡི་མི་ཆད་དེ། ཡོངས་སུ་སྐྱོ་བའི་སེམས་མི་སྐྱེད་དོ། །དེ་གདོལ ་པ་ལ་ཕན་གདགས་ཀྱང་རུང་། རྒྱལ་པོ་ལ་ཕན་གདགས་ཀྱང་རུང་། ཤིན་ཏུ་ལམ་རིང་པོར་ཡང་འགྲོ་སྟེ། ཐ་དད་པ་མི་དམིགས་ཤིང་རྒྱུན་མི་གཅོད་པ་ཡིན་ནོ། །གལ ་ཏེ་བྱང་ཆུབ་སེམས་དཔའ་སྡུག་བསྔལ་ཞིང་བཀྲེན་པའི་སེམས་ཅན་གྱི་དངོས་པོ་ཐམས་ཅད་ངན་པ་ཞིག་གིས་གཏམས་སམ། འབྱོར་ཅིང་ནོར་ཆེ་བ་གང་ཡང་རུང་བ ་ཞིག་གིས་དངོས་པོ་བཟང་པོ་མཆོག་གྱ་ནོམ་པ་ཞིག་བསྟབས་ཀྱང་དེ་ལ་བྱང་ཆུབ་སེམས་དཔའ་སྙིང་བརྩེ་བའི་སེམས་བཞག་ལ་གུས་པར་བསྟོད་ཅིང་། ཡང་དག་པར ་གཟེངས་བསྟོད་ལ། ཡང་དག་པར་འཛིན་དུ་གཞུག་ཅིང་དངོས་པོ་ངན་པ་དེ་བླང་བར་བྱའོ། །དེ་ཅིའི་ཕྱིར་ཞེ་ན། འདི་ལྟ་སྟེ། སྡུག་བསྔལ་བའི་སྤྱོད་པ་འདི་ནི་སྦྱིན་པ་བྱ་དཀའ་བ་ཡིན་པའི ་ཕྱིར་རོ། །དེ་རྣམ་པར་གཡེང་བའི་སེམས་གདུལ་བའི་ཕྱིར་བསམ་གཏན་ལ་བསམ་གཏན་པར་བྱེད་དོ། །ཇི་ལྟར་བསམ་གཏན་བྱེད་ཅེ་ན། ཚངས་པ། འདི་ལ་བྱང་ཆུབ་སེམས་དཔའ ་ནི་ཐོག་མ་ཁོ་ནས་ལུས་ལེགས་པར་བསྡམས་པ་ཡིན་ནོ། །ལུས་དབེན་པར་གནས་པ་ཡིན་ནོ། །ལུས་ཀྱི་འདུ་འཛི་རྣམས་ཀྱང་ཡོངས་སུ་སྤོང་ངོ་། །ལུས་ལ་ལྷག་པར་ཆགས་པའང་འདོར ་རོ|་|ལུས་ལྕི་བའམ། ཡང་བའང་ཤེས་སོ། །ལུས་དང་མཐུན་པ་དང་། ལུས་འཚོ་བ་དང་། ལུས་ཀྱི་སྟོབས་ཀྱང་རབ་ཏུ་ཤེས་སོ། །ངག་ལེགས་པར་བསྡམས་པ་ཡིན་ཏེ། སྨྲ་བ་ཉུང་ཞིང ་བརྗོད་པ་ཉུང་ངོ་། །དོན་སྨྲ་བ་ཡིན་ཞིང་རིགས་པ་སྨྲ་བ་ཡིན་ཏེ། བྲེ་མོའི་གཏམ་ལ་དགའ་བ་ཡོངས་སུ་སྤོང་བ་ཡིན་ནོ། །དེ་ཡིད་ལེགས་པར་བསྡམས་པ་ཡིན་ཏེ། མི་དགེ་བའི་རྣམ ་པར་རྟོག་པ་ཐམས་ཅད་ཡོངས་སུ་སྤངས་སོ། །དེ་དེ་ལྟར་གནས་གསུམ་ཡོངས་སུ་དག་པས་སྔོན་པོ་དང་། སེར་པོ་དང་། དམར་པོ་དང་། དཀར་པོའི་གཟུགས་རྣམས་མི་སྣང་བར་བྱ ་བའི་ཕྱིར་ནན་ཏན་བྱེད་དེ། དེ་དག་ལ་མཚན་མར་མི་འཛིན། མངོན་རྟགས་སུ་མི་འཛིན་ཏོ། །རྒྱན་དང་། གོས་ཀྱི་རྣམས་སྣ་ཚོགས་དག་ལའང་མཚན་མར་མི་འཛིན་ཅིང་མངོན་རྟགས ་སུ་མི་འཛིན་པ་ཡིན་ནོ། །གཟུགས་དང་། སྒྲ་དང་། དྲི་དང་། རོ་དང་། རེག་པ་སྣ་ཚོགས་པ་དག་ལའང་མཚན་མར་མི་འཛིན་ཅིང་མངོན་རྟོགས་སུ་མི་འཛིན་པ ་ཡིན་ནོ། །སྐྱེས་པ་དང་། བུད་མེད་དང་། ཁྱེའུ་དང་། བུ་མོ་རྣམས་ལའང་མཚན་མར་མི་འཛིན་ཅིང་མངོན་རྟགས་སུ་མི་འཛིན་པ་ཡིན་ནོ། །དེ་གཅིག་པུ་དབེན་པར་འདུག་ནས་ནང་དུ ་ཡང་དག་པར་འཇོག་ཅིང་སེམས་གནས་པར་བྱ་བའི་ཕྱིར་ནན་ཏན་བྱེད་དེ། མི་སྡུག་པ་ལ་དམིགས་པའམ། བྱམས་པ་ལ་དམིགས་པ་འམ། སྙིང་རྗེ་ལ་དམིགས་པའམ། ཡིད ་འབྱུང་བར་འགྱུར་བ་གང་ཡང་རུང་བས་ཇི་ལྟར་ལུས་ཁེངས་པར་མི་འགྱུར་བ་དེ་ལྟར་དམིགས་པར་བྱེད་དེ། དབུགས་རྡུབ་པ་དང་། འབྱུང་བ་མི་འགག་གོ། རྒྱུན་རྣམས་ཀྱང་མི ་འཆད་དོ། །རླུང་འཁྲུག་པར་མི་འགྱུར་རོ། །སེམས་ལོག་པར་རྣམ་པར་གཡེང་བར་མི་འགྱུར་རོ། །དེ་འཆག་གམ། ཉལ་ལམ། འགྲེང་ངམ། འདུག་ཀྱང་དམིགས་པ་དེ་ཉིད ་ཀྱིས་འདུག་གོ། དེ་ཉིད་ལ་སེམས་གཏོང་ངོ་། །ཚངས་པ། གང་གི་ཚེ་བྱང་ཆུབ་སེམས་དཔའ་དམིགས་པ་ལ་སེམས་བརྟན་པར་གྱུར་པ་དེའི་ཚེ་སེམས་ལ་སེམས་མཉམ་པར ་འཇོག་སྟེ། སེམས་ཀྱིས་སེམས་ཀྱང་མི་དམིགས་སོ། །གང་གིས་མཉམ་པར་འཇོག་པ་དེའང་མི་དམིགས་སོ། །གང་གི་ཕྱིར་མཉམ་པར་འཇོག་པ་དེའང་མི་དམིགས་སོ། །དེ ་འདི་སྙམ་དུ་སེམས་ཏེ། ཀྱེ་མ་བྱིས་པ་སོ་སོའི་སྐྱེ་བོ་འདི་དག་ནི་གསོག་གི་ཆོས་རྣམས་དང་། གསོབ་ཀྱི་ཆོས་རྣམས་ལ་མངོན་པར་ཞེན་ཏོ་སྙམ་དུ་སེམས་ཏེ། འདི་ནི་བྱང་ཆུབ་སེམས ་དཔའི་ལྷག་མཐོང་ཞེས་བྱའོ། །དེ་ལྟར་རྣམ་པར་མཐོང་བས་ཉོན་མོངས་པ་རྣམས་ཀུན་ཏུ་མི་འབྱུང་ཞིང་མི་འཇུག་པ་དེ་ནི་བྱང་ཆུབ་སེམས་དཔའི་ཞི་གནས་ཞེས་བྱའོ། །ཚངས་པ། གཞན ་ཡང་བྱང་ཆུབ་སེམས་དཔའ་གཅིག་བུ་དབེན་པར་འདུག་སྟེ། ནང་དུ་ཡང་དག་བཞག་ནས་མིང་དང་། ཡི་གེ་ཇི་ལྟར་ཐོས་པ་རྣམས་ངེས་པའི་ཚིག་གི་གདགས་པས་ཡང་དག་པར་འཇོག ་ཅིང་ཡི་གེ་དེ་དག་ལ་ཉེ་བར་རྟོགས་ཏེ། དེ་དེ་ལྟར་ཉེ་བར་རྟོགས་པ་ན་ཡི་གེ་རྣམས་གསོག་དང་། གསོབ་ཏུ་མཐོང་ངོ་། །དེ་ཡི་གེ་རྣམ་པ་གསོག་དང་། གསོབ་ཏུ་མཐོང་ནས་མིང ་རྣམས་ཀྱང་གསོག་དང་། གསོབ་དུ་མཐོང་ངོ་། །གང་ལ་མིང་དེ་འདོགས་པ་དེའང་གསོག་དང་། གསོབ་ཏུ་མཐོང་ངོ་། །དེ་ལ་གཟུགས་དང་། གང་སྣང་བ་དེ་དང་། དེའང་གསོག་དང་། ་གསོབ་ཏུ་མཐོང་ངོ་། །དེ་གསོག་དང་། གསོབ་ཏུ་མཐོང་བས་ཡང་དག་པར་ཇི་ལྟ་བ་བཞིན་དུ་ཡོངས་སུ་ཤེས་པར་འགྱུར་རོ། །ཡང་དག་པར་ཇི་ལྟ་བ་བཞིན་ཡོངས་སུ་ཤེས་པས་དེ་ལ ་འདུས་བྱས་རྨི་ལམ་དང་འདྲ་བར་སྣང་ངོ་། །དེ་ལ་བྱང་ཆུབ་སེམས་དཔའ་སོ་སོར་བརྟགས་ནས་སེམས་ཅན་ལ་ལྟ་བས་སྙིང་རྗེ་ཆེན་པོའི་སེམས་ཉེ་བར་བཞག་ནས་གནས་སོ། །དེ ་འཆལ་བའི་ཤེས་རབ་ཀྱི་སེམས་གདུལ་བའི་ཕྱིར་ཤེས་རབ་སྒོམ་པར་བྱེད་དོ། །ཇི་ལྟར་སྒོམ་པ་བྱེད་ཅེ་ན། དེ་ཀུན་རྫོབ་ཀྱི་ཚུལ་དུ་བཤད་པའམ། དོན ་དམ་པའི་ཚུལ་དུ་བཤད་པའི་མདོ་སྡེ་གང་དག་ཡིན་པ་དེ་དག་བརྗོད་པ་གསལ་ཞིང་ཟུར་ཕྱིན་པ་དག་གིས་མ་ནོར་བར་འཛིན་ཏོ། །མ་ནོར་བས་ཆོས་སྟོན་པ་ལས་བཟུང་ནས ་ཀྱང་། མ་ནོར་བའི་བསམ་པས་སེམས་པར་བྱེད་དོ། །སྒོམ་པའི་རྣལ་འབྱོར་ལའང་བརྩོན་པར་བྱེད་དོ། །དེ་ཡེ་ཤེས་ཀྱི་སྟོབས་དང་། ཤེས་རབ་ཀྱི་བྱེ་བྲག་གིས་སེམས་ཅན་མི ་དམིགས། སྲོག་མི་དམིགས། གསོ་བ་མི་དམིགས། སྐྱེས་བུ་མི་དམིགས། གང་ཟག་མི་དམིགས། ཤེད་ལས་སྐྱེས་མི་དམིགས། ཤེད་བུ་མི་དམིགས་ཏེ། ཐམས་ཅད་ཀྱི ་ཐམས་ཅད་དུ་ཆད་པར་ལྟ་བར་ཡང་མི་ལྟུང་ངོ་། །བཏགས་པའི་ཐ་སྙད་རྣམས་ལའང་ལེགས་པར་བསླབ་པ་ཡིན་ནོ། །དེ་ཟིན་པའི་སའི་ཁམས་དང་། མ་ཟིན་པའི་སའི་ཁམས ་ལ་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་གོ། ཟིན་པའི་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། མ་ཟིན་པ་ལའང་ཡང་དག་པའི་ཤེས་རབ ་ཀྱིས་ཚུལ་གཅིག་ཏུ་སོ་སོར་རྟོག་སྟེ། དེ་གཉིས་ཀའང་གསོག་ཉིད་དང་། གསོ་བ་ཉིད་དུ་མཐོང་ཞིང་། བེམས་པོ་ཉིད་དང་། སྙིང་པོ་མེད་པ་ཉིད་དང་། སྟོང་པ་ཉིད་དུ་མཐོང་ངོ་།། ་དེས་དེ་ལྟར་མཐོང་བས་ཇི་ལྟར་ཕྱི་རོལ་གྱི་ཁམས་རྣམས་ལ་མངོན་པར་ཆགས་པ་མེད་པ་དེ་ལྟར་ནང་གི་རྣམས་ལ་ཡང་ངོ་། །མིག་གི་རྣམ་པར་ཤེས་པ་དང་། གཟུགས་རྣམས་ལའང ་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་གོ། རྣ་བའི་རྣམ་པར་ཤེས་པ་དང་། སྒྲ་རྣམས་དང་། སྣའི་རྣམ་པར་ཤེས་པ་དང་། དྲི་རྣམས་དང་། ལྕེའི་རྣམ་པར་ཤེས་པ་དང ་རོ་རྣམས་དང་། ལུས་ཀྱི་རྣམ་པར་ཤེས་པ་དང་། རེག་བྱ་རྣམས་ལའང་ཡང་དག་པའི་ཤེས་རབ་ཀྱིས་ཚུལ་གཅིག་ཏུ་སོ་སོར་རྟོག་གོ། དེའི་སའི་ཁམས་ལ་ནི་སྲ་བ་ཉིད་དུའང་རབ་ཏུ ་ཤེས་ལ་གཤེར་བ་ཉིད་དང་། ཚ་བ་ཉིད་དང་། ཁོང་སྟོང་ཉིད་དུའང་རབ་ཏུ་ཤེས་སོ། །ཆུའི་ཁམས་ལ་གཤེར་བ་ཉིད་དུའང་རབ་ཏུ་ཤེས་ལ་སྲ་བ་ཉིད་དང་། ཚ་བ་ཉིད་དང་། ་ཁོང་སྟོང་ཉིད་དུའང་རབ་ཏུ་ཤེས་སོ། །མེའི་ཁམས་ལ་ཚ་བ་ཉིད་དུའང་རབ་ཏུ་ཤེས་ལ་སྲ་བ་ཉིད་དང་། གཤེར་བ་ཉིད་དང་། ཁོང་སྟོང་ཉིད་དུའང་རབ་ཏུ་ཤེས་སོ། །རླུང་གི་ཁམས ་ལ་གཡོ་བ་ཉིད་དུའང་རབ་ཏུ་ཤེས་ལ་ཡང་ཞིང་གཡོ་བ་ཉིད་དུའང་རབ་ཏུ་ཤེས་སོ། །དེ་ནམ་མཁའི་ཁམས་ལ་ཁོང་སྟོང་དུའང་རབ་ཏུ་ཤེས་ལ་ཐམས་ཅད་དུ་སོང་བ་ཉིད་དུའང་རབ ་ཏུ་ཤེས་སོ། །རྣམ་པར་ཤེས་པའི་ཁམས་ལ་སྒྱུ་མ་ལྟ་བུ་ཉིད་དུའང་རབ་ཏུ་ཤེས་ལ་ཕྱིན་ཅི་ལོག་ཉིད་དུའང་རབ་ཏུ་ཤེས། ཕྱིན་ཅི་མ་ལོག་པ་ཉིད་དུའང་རབ་ཏུ་ཤེས་སོ། །དེ་མིག ་གི་རྣམ་པར་ཤེས་པ་ལ་སྟོང་པ་ཉིད་དང་། གཟུགས་ལ་མི་རྟག་པ་ཉིད་དུའང་རབ་ཏུ་ཤེས་སོ། །རྣ་བའི་རྣམ་པར་ཤེས་པ་ལ་སྟོང་པ་ཉིད་དང་། སྒྲ་ལ ་མི་རྟག་པ་ཉིད་དང་། སྣའི་རྣམ་པར་ཤེས་པ་ལ་སྟོང་པ་ཉིད་དང་། དྲི་ལ་མི་རྟག་པ་ཉིད་དང་། ལྕེའི་རྣམ་པར་ཤེས་པ་ལ་སྟོང་པ་ཉིད་དང་། རོ་ལ་མི་རྟག་པ་ཉིད་དང་། ལུས་ཀྱི ་རྣམ་པར་ཤེས་པ་ལ་སྟོང་པ་ཉིད་དང་། རེག་བྱ་ལ་མི་རྟག་པ་ཉིད་དུའང་རབ་ཏུ་ཤེས་སོ། །དེ་དེ་ལྟར་ཤེས་རབ་ལ་མཁས་པས་ཤིན་ཏུ་རྟོགས་པའི་ཤེས་རབ་དང་ལྡན་ཞིང་ཤེས ་རབ་རྣོ་བ་དང་ལྡན་ཏེ། མི་དགེ་བའི་ཆོས་རྣམས་ཀྱང་རབ་ཏུ་ཤེས། དགེ་བའི་ཆོས་རྣམས་ཀྱང་རབ་ཏུ་ཤེས། ཉན་ཐོས་ཡང་དག་པར་འགྲུབ་པར་བྱེད་པའི་ཆོས་རྣམས་ཀྱང ་རབ་ཏུ་ཤེས། རང་སངས་རྒྱས་ཡང་དག་པར་འགྲུབ་པར་བྱེད་པའི་ཆོས་རྣམས་དང་། བྱང་ཆུབ་སེམས་དཔའ་ཡང་དག་པར་འགྲུབ་པར་བྱེད་པའི་ཆོས་རྣམས་དང་། སངས ་རྒྱས་ཉིད་ཡང་དག་པར་འགྲུབ་པར་བྱེད་པའི་ཆོས་རྣམས་ཀྱང་རབ་ཏུ་ཤེས་སོ། །དེ་མི་དགེ་བའི་ཆོས་རྣམས་ཀྱིས་རྣམ་པར་སྨིན་པ་ཆུང་དུ་དང་། འབྲིང་དང་། ཆེན་པོ་སེམས ་ཅན་དམྱལ་བ་རྣམས་དང་། དུད་འགྲོ་རྣམས་དང་། ཡི་དྭགས་རྣམས་སུ་སྐྱེ་བའང་རབ་ཏུ་ཤེས་སོ། །དེར་སྐྱེས་པ་རྣམས་ཀྱི་ཚོར་བ་ཆུང་དུ་དང་། འབྲིང་དང་། ཆེན་པོའང ་རབ་ཏུ་ཤེས་སོ། །དགེ་བའི་ཆོས་རྣམས་ཀྱི་རྣམ་པར་སྨིན་པ་ཆུང་དུ་དང་། འབྲིང་དང་། ཆེན་པོ་ལྷ་རྣམས་ཀྱི་ནང་དུའམ། མི་རྣམས་ཀྱི་ནང་དུ་སྨིན་པའང་རབ་ཏུ་ཤེས་སོ། །དེར་སྐྱེས ་པ་རྣམས་ཀྱི་འབྲས་བུ་ཆུང་དུ་དང་། འབྲིང་དང་། ཆེན་པོའང་རབ་ཏུ་ཤེས་སོ། །ཉན་ཐོས་ཡང་དག་པར་འགྲུབ་པར་བྱེད་པའི་ཆོས་རྣམས་ཀྱི་རྒྱུན་ཏུ་ཞུགས་པའི་འབྲས་བུ་མངོན་དུ་བྱ་བ ་དང་། ལན་གཅིག་ཕྱིར་འོང་བའི་འབྲས་བུ་མངོན་དུ་བྱ་བ་དང་། ཕྱིར་མི་འོང་བའི་འབྲས་བུ་མངོན་དུ་བྱ་བ་དང་། དགྲ་བཅོམ་པ་ཉིད་ཀྱི་འབྲས་བུ་མངོན་དུ་བྱ་བའི་རྣམ་པའང་རབ ་ཏུ་ཤེས་སོ། །ཤེས་རབ་ཀྱི་རྣམ་པར་གྲོལ་བ་ཉིད་དང་། གཉིས་ཀའི་ཆ་ལས་རྣམ་པར་གྲོལ་བའང་རབ་ཏུ་ཤེས་སོ། །རང་སངས་རྒྱས་ཡང་དག་པར་འགྲུབ་པར་བྱེད་པའི་ཆོས་རྣམས ་ཀྱིས་ཡང་དག་པར་འགྲུབ་པའང་རབ་ཏུ་ཤེས་སོ། །འབྲས་བུ་དང་། ཞི་བ་ཉིད་ཀྱང་རབ་ཏུ་ཤེས་སོ། །བྱང་ཆུབ་སེམས་དཔའ་ཡང་དག་པར་འགྲུབ་པར་བྱེད་པའི་ཆོས་རྣམས་ཀྱི་ཚོགས ་ཀྱི་ལམ་ཡང་རབ་ཏུ་ཤེས་སོ། །ཡེ་ཤེས་ཀྱི་ལམ་ཡང་རབ་ཏུ་ཤེས་སོ། །ཤེས་ནས་ཀྱང་ཚོགས་ཀྱི་ལམ་དང་། ཡེ་ཤེས་ཀྱི་ལམ་ལ་བརྩོན་པར་བྱེད་དོ། །སངས་རྒྱས་ཉིད་ཡང་དག ་པར་འགྲུབ་པར་བྱེད་པའི་ཆོས་རྣམས་ཀྱི་རྫུ་འཕྲུལ་ཆེ་བ་ཉིད་ཀྱང་རབ་ཏུ་ཤེས་སོ། །མཐུ་ཆེ་བ་ཉིད་དང་། དམ་པ་ཉིད་དང་། རབ་མཆོག་ཉིད་དང་། ཕུལ་དུ་བྱུང་བ་ཉིད་དང་། ཆེ ་བ་ཉིད་དང་། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་། ཐུན་མོང་པའང་མ་ཡིན་ན། གཞན་སེམས་ཅན་ཐམས་ཅད ་ལྟ་སྨོས་ཀྱང་ཅི་དགོས་པའི་ཐུན་མོང་མ་ཡིན་པ་ཉིད་ཀྱང་རབ་ཏུ་ཤེས་སོ། །དེ་དེ་ལྟར་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་དྲན་པ་ལེགས་པར་ཉེ་བར་གནས་པ་སྡིག་པའི་ཆོས ་ཐམས་ཅད་དང་ནི་བྲལ། དགེ་བའི་ཆོས་ནི་ཡང་དག་པར་ཐོབ། ལུས་ཀྱི་གནོད་པ་ནི་མེད། རྣམ་པར་ཤེས་པས་འཕངས་པ་ནི་མེད། སེམས་ཀྱིས་འཕགས་པ་ནི་མེད་ལ་ཆོས ་རྣམས་ཀྱི་རྒྱུའི་ཚོགས་དང་། འབྲས་བུ་ཡང་དག་པར་ཇི་ལྟ་བ་བཞིན་དུ་རབ་ཏུ་ཤེས་པས། དཔེར་ན། རྒྱ་མཚོའི་རླབས་བཞིན་དུ་དགེ་བའི་ཆོས་རྣམས་ཀྱིས་རྣམ་པར་འཕེལ ་ཏེ|་ཇི་ལྟར་རྒྱ་མཚོའི་རླབས་འབྲི་ཞིང་ཡང་འབྱུང་བ་ལྟར། བྱང་ཆུབ་སེམས་དཔའ་ནི་ཆོས་རྣམས་ལས་དེ་ལྟ་མ་ཡིན་ནོ། །དེ་དཔེར་ན། ཟླ་བ་ཡར་གྱི་ངོའི་ཟླ་བའི་དཀྱིལ ་འཁོར་དང་འདྲ་བར་དགེ་བའི་ཆོས་རྣམས་ཀྱིས་མངོན་པར་འཕེལ་ཏེ། ཇི་ལྟར་མར་གྱི་ངོ་ལ་ཟླ་བའི་དཀྱིལ་འཁོར་འབྲི་བའི་ཆོས་ཅན་ཡིན་པ་ལྟར། བྱང་ཆུབ་སེམས ་དཔའ་ནི་ཆོས་རྣམས་ལས་དེ་ལྟ་མ་ཡིན་ནོ། །དཔེར་ན། དབྱར་གྱི་དུས་ཀྱི་ཕུ་ཆུ་བྲུབ་པ་ལྟར་དགེ་བའི་ཆོས་རྣམས་ཀྱིས་མངོན་པར་འཕེལ་ཏེ་ཇི་ལྟར་ཕུ་ཆུ་བྲུབ་པ་དབྱར་གྱི་དུས ་ཟད་ན་འབྲི་བའི་ཆོས་ཅན་ཡིན་པ་ལྟར། བྱང་ཆུབ་སེམས་དཔའ་ནི་ཆོས་རྣམས་ལས་དེ་ལྟ་མ་ཡིན་ནོ། །ཚངས་པ། དེ་ལྟར་བསླབ་པའི་བྱང་ཆུབ་སེམས་དཔའ་ནི་མྱུར་དུ་བླ་ན་མེད་པ་ཡང ་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །ལུས་ཀྱི་སྐྱོན་རྣམས་རབ་ཤེས་ན། །ལུས ་ཡོད་སྐྱོན་རྣམས་མི་སྟོན་ཏོ། །ལུས་ལ་དྲན་པ་ལེགས་གནས་ན། །སྐྱོན་མེད་ཞི་བའི་གནས་འཐོབ་བོ། །ལུས་ཀྱི་སྐྱོན་རྣམས་མི་ཤེས་ན། །ལུས་ལ་ཡོད་པའི་སྐྱོན་མི་རྟོགས། །ལུས་ལ་དྲན ་པ་མི་གནས་ན། །སྡུག་བསྔལ་བཟོད་དཀའ་གནས་ཐོབ་བོ། །སེམས་ཀྱི་སྐྱོན་རྣམས་རབ་ཤེས་ན། །སེམས་ཡོད་སྐྱོན་རྣམས་མི་སྟོན་ཏོ། །སེམས་ལ་དྲན་པ་ལེགས་གནས་ན། །སྐྱོན ་མེད་ཞི་བའི་གནས་འཐོབ་བོ། །སེམས་ཀྱི་སྐྱོན་རྣམས་མི་ཤེས་ན། །སེམས་ལ་ཡོད་པའི་སྐྱོན་མི་རྟོགས། །སེམས་ལ་དྲན་པ་མི་གནས་ན། །སྡུག་བསྔལ་བཟོད་དཀའ་གནས་འཐོབ ་བོ|་|དགེ་བའི་ཆོས་རྣམས་སྟེན་བྱེད་ཅིང་། །མི་དགེ་ཆོས་རྣམས་མི་སྟེན་པ། །ཆོས་རྣམས་ལ་ནི་མཁས་པའི་མི། །སྐྱོན་མེད་ཞི་བའི་གནས་འཐོབ་བོ། །དགེ་བའི་ཆོས་རྣམས་མི་སྟེན ་ཅིང་། །མི་དགེ་ཆོས་རྣམས་སྟེན་བྱེད་པ། །ཆོས་རྣམས་ལ་ནི་མི་མཁས་མི། །སྡུག་བསྔལ་བཟོད་དཀའ་གནས་འཐོབ་བོ། །དེ་ནས་མི་མཇེད་ཀྱི་བདག་པོ་ཚངས་པས་ལྷའི་མེ་ཏོག་མནྡཱ ་ར་བ་དག་མངོན་པར་སྤྲུལ་ཏེ་བཅོམ་ལྡན་འདས་ལ་མངོན་པར་གཏོར་ཏོ། །མངོན་པར་གཏོར་ནས་ཀྱང་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར ་དགའ་ཞིང་རྗེས་སུ་ཡི་རངས་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ཀྱི་ཐད་ནས་སོང་ངོ་། །དེ་ནས་བཅོམ་ལྡན་འདས་ཀྱིས་ནམ་ནངས་པར ་མཁྱེན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ་མདང་འདིར་མི་ཉལ་ཙམ་གྱི་ནམ་གྱི་གུང་ཐུན་ལ་ང་གཅིག་པུ་དབེན་པར་འདུག་སྟེ་ནང་དུ་ཡང་དག་བཞག་ན་མི་མཇེད་ཀྱི་བདག་པོ་ཚངས་པས་ཐམས་ཅད་དང་ལྡན་པའི་ཚལ ་ཆེན་པོ་འོད་ཀྱིས་སྣང་བར་བྱས་ནས་ངག་ལ་བ་དེར་འོངས་ཏེ་ཕྱིན་ནས་ང་ལ་མངོན་པར་བསྟོད་དེ། ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། ཕྱོགས་གཅིག ་ཏུ་འདུག་ནས་མི་མཇེད་ཀྱི་བདག་པོ་ཚངས་པས་ང་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་དབྱེ ་བར་གནང་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུ་ལགས་སོ། །དགེ་སློང ་དག། དེ་སྐད་ཅེས་གསོལ་པ་དང་། ངས་མི་མཇེད་ཀྱི་བདག་པོ་ཚངས་པ་ལ་འདི་སྐད་ཅེས་བཀའ་སྩལ་ཏོ། །ཚངས་པ། ཞུ་བ་ལུང་བསྟན་པའི་ཕྱིར་དེ་བཞིན་གཤེགས་པས་རྟག་ཏུ ་ཁྱོད་ལ་སྐབས་ཕྱེ་ཡི། ཚངས་པ། ཁྱོད་ཅི་དང་། ཅི་འདོད་པ་ཞུས་ཤིག་དང་། ཞུས་པ་དེ་དང་། དེ་ཉིད་ཀྱི་ལུང་བསྟན་པས་ངས་ཁྱོད་ཀྱི་སེམས་རངས་པར་བྱའོ། །དེ་ནས་ངས་སྐབས་ཕྱེ་བས་མི ་མཇེད་ཀྱི་བདག་པོ་ཚངས་པས་ང་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་དུ་དང་ལྡན་ན། མྱུར་དུ་བླ་ན་མེད་པ་ཡང ་དག་པར་རྫོགས་བའི་བྱང་ཆུབ་མངོན་པར་རྫོགས་པར་འཚང་རྒྱ་ལགས། དགེ་སློང་དག་།དེ་སྐད་ཅེས་གསོལ་པ་དང་། ངས་མི་མཇེད་ཀྱི་བདག་པོ་ཚངས་པ་ལ་འདི་སྐད་ཅེས་བཀའ ་སྩལ་ཏོ། །ཚངས་པ། བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་གཅིག་དང་ལྡན་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར ་འཚང་རྒྱའོ། །ཆོས་གཅིག་གང་ཞེ་ན། འདི་ལྟ་སྟེ། ལུས་ཀྱི་རྗེས་སུ་སོང་བའི་དྲན་པའོ། །དགེ་སློང་དག། ངས་མི་མཇེད་ཀྱི་བདག་པོ་ཚངས་པ་དེ་ལ་ལུས་ཀྱི་རྗེས་སུ་སོང་བ་དྲན ་པའི་རྒྱུ་དང་། ལས་དང་། འབྲས་བུའང་བསྟན་ཏོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །ལེགས་སོ། །ལེགས་སོ། །བཅོམ་ལྡན ་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་གང་བསྟན་པ་དེ་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། ལྷ་དང་། མི་རྣམས་ཀྱི་དོན་དང་། ་སྨན་པ་དང་། བདེ་བར་བགྱི་བའི་སླད་དུ་བཤད་དུ་གསོལ། དགེ་སློང་སར་པ་རྣམས་དང་། ཆོས་འདུལ་བ་འདི་ལ་རབ་ཏུ་བྱུང་ནས་རིང་པོར་མ་ལགས་ཤིང་མཆིས་ནས་རིང་པོ ་མ་ལགས་པ་རྣམས་དང་། ཐེག་པ་ཆེན་པོ་ལ་ཡང་དག་པར་ཞུགས་པའི་སྐྱེས་བུ་དམ་པ་འདི་དག་གིས་ཐོས་ན་དགའ་བ་དང་། དད་པ་ཐོབ་པར་འགྱུར། བསླབ་པ་དེ་ལའང་སྦྱོར ་པར་བརྩོན་པར་གནས་པར་འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པ་ལ་གང་བཤད་པ་དེ་དགེ་སློང་དེ་དག་ལའང་བཤད་དོ། །དེ་ནས ་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས། ལེགས་པར་བཀའ་སྩལ་ཏོ། །བདེ་བར་གཤེགས་པ། ལེགས་པར ་བཀའ་སྩལ་ཏོ། །མི་མཇེད་ཀྱི་བདག་པོ་ཚངས་པས་མདོ་སྡེ་འདི་ལྟ་བུ་དག་ཡོངས་སུ་ཞུ་བའི་སླད་དུ་བཅོམ་ལྡན་འདས་ཀྱི་ཐད་དུ་མཆིས་ནས་ཞུས་པའང་ལེགས་པར་སྨྲས ་པ་ལགས་སོ། །བཅོམ་ལྡན་འདས། མི་མཇེད་ཀྱི་བདག་པོ་ཚངས་པས་གལ་ཏེ་དགེ་བའི་རྩ་བ་གཞན་མ་མཆིས་ནའང་ཞུ་བ་ཞུས་པའི་མོད་ལ་སྐྱེས་པའི་དགེ་བའི་རྩ་བ ་འདི་ཁོ་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། དགེ་བའི་རྩ་བ་དེའི་མཐའ ་དང་། མུ་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་རྟོགས་པར་རྔོ་མི་ཐོགས་པའི་སླད་དུའོ། །དེ་ཅིའི་སླད་དུ་ཞེ་ན། བཅོམ་ལྡན་འདས། འདི་ལྟར་མི་མཇེད་ཀྱི་བདག་པོ་ཚངས ་པས་ཞུ་བ་འདི། སེམས་ཅན་ཐམས་ཅད་ཀྱི་སྤྱིའི་དོན་དུ་ཞུས་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་བ། ཀུན་དགའ་བོ། དེ་དེ་བཞིན་ཏེ། དེ་དེ་བཞིན་ནོ། །དེ་ནས་བཅོམ ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས། ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེའི་ཕྱིར་ཁྱོད་ཀྱིས་འདི་ཚངས་བས་ཞུས་པ་ཞེས་བྱ་བར་ཟུངས་ཤིག་།དྲན་པ་ཉེ་བར་གཞག་པའི་ཚུལ་བསྟན་པ་ཞེས་བྱ ་བར་ཡང་ཟུངས་ཤིག་། བག་ཡོད་པའི་ཚུལ་བསྟན་པ་ཞེས་བྱ་བར་ཡང་ཟུངས་ཤིག་།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ ་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག ་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཚངས་པས་ཞུས་པ་ཞེས་བྱ་བ་ཐེག་པ་ཆེན་པོའི་མདོ་རྫོགས ་སོ||་||རྒྱ་གར་གྱི་མཁན་པོ་ཛི་ན་མི་ཏྲ་དང་། ཞུས་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།རྒྱ་གར་སྐད་དུ། ཨཱཪྱ ་