Wylie

e-texts based on the ACIP/ALL Input

@##། །རྒྱ་གར་སྐད་དུ། ཨཱཪྱ་སུ་བི་ཀྲཱནྟ་བི་ཀྲཱ་མ་པ་རི་པྲྀཙྪ་པྲ་ཛྙཱ་པཱ་ར་མི་ཏཱ་ནི་དེ ་ཤ|་བོད་སྐད་དུ། འཕགས་པ་རབ་ཀྱི་རྩལ་གྱིས་རྣམ་པར་གནོན་པས་ཞུས་པ། ཤེས ་རབ་ཀྱི་ཕ་རོལ་ཏུ་ཕྱིན་པ་བསྟན་པ། བམ་པོ་དང་པོ། སངས་རྒྱས་དང་། བྱང་ཆུབ་སེམས ་དཔའ་དང་། འཕགས་པ་ཉན་ཐོས་ཐམས་ཅད་ལ་ཕྱག་འཚལ་ལོ། །འདི་སྐད་བདག ་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ ་ལནྡ་ཀ་གནས་པ་ན་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ ་སེམས་དཔའ་ཆེན་པོ་སངས་རྒྱས་ཀྱི་ཞིང་ཐ་དད་པ་ནས་འདུས་པ། སྐྱེ་བ་གཅིག་གིས་ཐོགས་པ། ཚད་མེད ་གྲངས་མེད་པ་དང་ཐབས་ཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་འཁོར་བརྒྱ་སྟོང་དུ་མས་ཡོངས་སུ་བསྐོར ་ཅིང་མདུན་གྱིས་བལྟས་ཏེ་ཆོས་སྟོན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས ་ར་ནམ་པར་གནོན་པ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ནས་འདུག་པ་དེ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར ་ན་ཨས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས ་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། དེ་བཞིན ་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱོགས་འགའ་ཞིག་ཞུ་ལགས་སོ། །དེ་སྐད་ཅེས་གསོལ་པ་དང་། ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་ལ་འདི་སྐད་ཅེས་བཀའ་སྩལ ་ཏོ|་|རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཁྱོད་ཅི་དང ་ཅི་འདོད་པ་དྲིས་ཤིག་དང་། དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས ་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པས་འདི ་སྐད་ཅེས་གསོལ་ཏོ། །བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི་བ། བཅོམ ་ལྡན་འདས། ཇི་ཙམ་གྱིས་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི། ་བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལགས། ་བཅོམ་ལྡན་འདས། ཇི་ལྟར་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས ་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་བ་ལགས། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ ་པ་ན་བདུད་སྡིག་ཅན་གྱིས་གླགས་མི་རྙེད་ཅིང་བདུད་ཀྱི་ལས་ཐམས་ཅད་ཀྱང་རྟོགས་པར་འགྱུར་བ་ལགས། བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ ་ཏུ་ཕྱིན་པ་ལ་གནས་པ་ཇི་ལྟ་བུས་གནས་ན། མྱུར་དུ་ཐམས་ཅད་མཁྱེན་པ་ཉིད་ཀྱི་ཆོས་རྣམས་ཡོངས་སུ་རྫོགས་པར་འགྱུར་བ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་ལ་འདི་སྐད་ཅེས་བཀའ་སྩལ་ཏོ། །རབ་ཀྱི་རྩལ་གྱིས་རྣམ་པར་གནོན་པ། ཁྱོད་བྱང་ཆུབ་སེམས་དཔའ་སེམས ་དཔའ་ཆེན་པོ་རྣམས་ཀྱི་དོན་དང་། ཅི་ནས་ཁྱོད་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་རྣམས་ཀྱི་སྐྱེ་བོ་ཕལ་པོ་ཆེའི་དོན་དང་། ་ཕན་པ་དང་། བདེ་བའི་ཕྱིར་ཞུགས་ཤིང་། ད་ལྟར་གྱི་དང་། མ་འོངས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་སྣང་བ་བྱེད་པར་འདོད་པས། དེ་བཞིན་གཤེགས ་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདྲི་བ་ལེགས་སོ། །ལེགས་སོ། །དེ་ནས་བཅོམ་ལྡན་འདས་ཀྱིས་མཁྱེན་བཞིན་དུ་བྱང་ཆུབ་སེམས ་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་ལ་འདི་སྐད་ཅེས་བཀའ་སྩལ་ཏོ། །རབ་ཀྱི་རྩལ་གྱིས་རྣམ་པར་གནོན་པ། ཁྱོད་དོན་གྱི་དབང་གང ་མཐོང་ནས་དེ་བཞིན་གཤེགས་པ་ལ་དོན་འདི་ལྟ་བུ་འདྲི། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར ་གནོན་པས་འདི་སྐད་ཅེས་གསོལ་ཏོ། །བཅོམ་ལྡན་འདས། སེམས་ཅན་ཐམས་ཅད་ལ་སྨན་པ་དང་། སེམས་ཅན་ཐམས་ཅད་ལ་སྙིང་བརྩེ་བ་དང་། སེམས་ཅན་ཐམས་ཅད་ཀྱི་དོན་གྱི ་སླད་དུ་བདག་དེ་བཞིན་གཤེགས་པ་ལ་དོན་འདི་ཞུ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཉན་ཐོས་དང་། རང ་སངས་རྒྱས་དང་། བྱང་ཆུབ་སེམས་དཔའ་དང་། ཡང་དག་པར་རྫོགས་པའི་སངས་རྒྱས་ཀྱི་ཆོས་དང་། ཆོས་ཐམས་ཅད་སྡུད་པ་ལགས་པའི་སླད་དུའོ། །བཅོམ་ལྡན་འདས། དེ་ལ ་སེམས་ཅན་གང་དག་ཉན་ཐོས་ཀྱི་ཐེག་པ་ལ་ངེས་པར་གྱུར་པ་དེ་དག་གིས་ཐོས་ན། མྱུར་དུ་ཟག་པ་མ་མཆིས་པའི་ས་མངོན་སུམ་དུ་བགྱིད་པར་འགྱུར་བ་དང་། གང་དག་རང་སངས་རྒྱས ་ཀྱི་ཐེག་པ་ལ་ངེས་པར་གྱུར་པ་དེ་དག་ཀྱང་མྱུར་དུ་རང་སངས་རྒྱས་ཀྱི་ཐེག་པ་ལ་ངེས་པར་འབྱུང་བར་འགྱུར་བ་དང་། གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར ་ཞུགས་པ་དེ་དག་ཀྱང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དང་། གང་དག་ཡང་དག་པ་ཉིད་སྐྱོན་མེད་པ་ལ་མ་ཞུགས་ཤིང་ས་གསུམ་ལ་མ་ངེས ་པ་དེ་དག་གིས་ཐོས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་འགྱུར་བ་དང་། བཅོམ་ལྡན་འདས། དེ་བཞིན་གཤེགས་པས་ཤས་རབ་ཀྱི་ཕ་རོལ་ཏུ་ཕྱིན་པ་འདི་ཞུས་པའི་ལན ་བཏབ་པས། སེམས་ཅན་ཐམས་ཅད་ཀྱི་དགེ་བའི་རྩ་བ་བསྐྱེད་པར་འགྱུར་བའི་སླད་དུ་དེ་བཞིན་གཤེགས་པའི་ཡུལ་དང་། དེ་བཞིན་གཤེགས་པའི་ཡེ་ཤེས་བསྟན་དུ་གསོལ། བཅོམ་ལྡན་འདས། བདག ་ནི|་སེམས་ཅན་དམན་པ་ལ་མོས་པ་རྣམས་ཀྱི་སླད་དུ་དེ་བཞིན་གཤེགས་པ་ལ་ཞུ་བ་མ་ལགས། དབུལ་བའི་སེམས་དང་ལྡན་པ་རྣམས་ཀྱི་མ་ལགས། དབུལ་པོའི་ཐེག་པ་ལ་ཡང་དག་པར་ཞུགས་པ་རྣམས ་ཀྱི་སླད་དུ་མ་ལགས། ལེ་ལོ་ཅན་རྣམས་ཀྱི་སླད་དུ་མ་ལགས། ལེ་ལོའི་ཟིལ་གྱིས་ནོན་པ་རྣམས་ཀྱི་སླད་དུ་མ་ལགས། ལྟ་བའི་འདམ་དུ་བྱིང་བ་རྣམས་ཀྱི་སླད་དུ་མ་ལགས། བདུད་ཀྱི་ཞགས་པས་ཟིན་པ ་རྣམས་ཀྱི་སླད་དུ་མ་ལགས། ངོ་ཚ་མ་འཚལ་ཅིང་ཁྲེལ་མ་མཆིས་པ་རྣམས་ཀྱི་སླད་དུ་མ་ལགས། ཡོ་བྱད་བསྙུངས་པ་དང་མི་ལྡན་པ་རྣམས་ཀྱི་སླད་དུ་མ་ལགས། བསྐྱུད་ངེས་པ་རྣམས་ཀྱི་སླད་དུ་མ་ལགས། ་སེམས་འཁྲུལ་པ་རྣམས་ཀྱི་སླད་དུ་མ་ལགས། འདོད་པའི་འདམ་དུ་བྱིང་བ་རྣམས་ཀྱི་སླད་དུ་མ་ལགས། གཡོ་ཅན་རྣམས་ཀྱི་སླད་དུ་མ་ལགས། སྒྱུ་ཅན་རྣམས་ཀྱི་སླད་དུ་མ་ལགས། བགྱིས་པ ་མི་གཟོ་བ་རྣམས་ཀྱི་སླད་དུ་མ་ལགས། སྡིག་པ་འཚལ་བ་རྣམས་ཀྱི་སླད་དུ་མ་ལགས། སྡིག་པ་སྤྱོད་པ་རྣམས་ཀྱི་སླད་དུ་མ་ལགས། ཚུལ་ཁྲིམས་ཉམས་པ་རྣམས་ཀྱི་སླད་དུ་མ ་ལགས|་ཚུལ་ཁྲིམས་ཡོངས་སུ་མ་དག་པ་རྣམས་ཀྱི་སླད་དུ་མ་ལགས། ལྟ་བ་མ་ཉམས་པ་རྣམས་ཀྱི་སླད་དུ་མ་ལགས། བདུད་ཀྱི་སྤྱོད་ཡུལ་ལ་སྤྱོད་པ་རྣམས་ཀྱི་སླད་དུ་མ་ལགས། བདག་ལ་བསྟོད ་པ་རྣམས་ཀྱི་སླད་དུ་མ་ལགས། གཞན་ལ་སྨོད་པ་རྣམས་ཀྱི་སླད་དུ་མ་ལགས། རྙེད་པ་དང་བཀུར་སྟི་ལ་གདུ་བ་རྣམས་ཀྱི་སླད་དུ་མ་ལགས། ལྷུང་བཟེད་དང་ཆོས་གོས་ལ་ཆགས་པ་རྣམས་ཀྱི་སླད ་དུ་མ་ལགས། ཚུལ་འཆོས་པ་རྣམས་ཀྱི་སླད་དུ་མ་ལགས། ཁ་གསག་ཅན་རྣམས་ཀྱི་སླད་དུ་མ་ལགས། གཞོགས་སློང་ཅན་རྣམས་ཀྱི་སླད་དུ་མ་ལགས། ཐོབ་ཀྱིས་འཇལ་བ་རྣམས་ཀྱི་སླད་དུ ་མ་ལགས། རྙེད་པ་ལ་རྙེད་པར་སྒྲུབ་པ་རྣམས་ཀྱི་སླད་དུ་མ་ལགས། བཅོམ་ལྡན་འདས། སེམས་ཅན་དེ་ལྟ་བུ་རྣམས་ཀྱི་སླད་དུ་བདག་དེ་བཞིན་གཤེགས་པ་ལ་ཞུ་བ་མ་ལགས་སོ། །བཅོམ་ལྡན ་འདས|་སེམས་ཅན་གང་དག་ཐམས་ཅད་མཁྱེན་པའི་ཡེ་ཤེས་ཚོལ་བ་དང་། ཆགས་པ་མ་མཆིས་པའི་ཡེ་ཤེས་དང་། རང་བྱུང་གི་ཡེ་ཤེས་དང་། མི་མཉམ་པའི་ཡེ་ཤེས་དང་། བླ་ན ་མེད་པའི་ཡེ་ཤེས་ཚོལ་བ་དེ་དག་དང་། གང་དག་བདག་དང་ཕ་རོལ་ཀྱང་མི་དམིགས་ན། བདག་ལ་བསྟོད་པ་དང་། གཞན་ལ་སྨོད་པ་ལྟ་ག་ལ་མཆིས་ཏེ། བཅོམ་ལྡན་འདས། རྭ་བཅད་པ ་ལྟ་བུར་ང་རྒྱལ་མ་མཆིས་པ། ཟུག་རྔུ་ཕྱུང་བ། གདོལ་པ་ལྟ་བུར་སེམས་དམའ་བ། སེམས་དང་། ཆུ་དང་། མེ་དང་། རླུང་དང་། ནམ་མཁའ་དང་མཚུངས་པའི་སེམས་ཅན་རྣམས་དང་། བྱང་ཆུབ་སེམས ་དཔའ་སེམས་དཔའ་ཆེན་པོ་རྣམས་ཀྱི་སླད་དུ་བདག་དེ་བཞིན་གཤེགས་པ་ལ་ཞུ་ལགས་སོ། །བཅོམ་ལྡན་འདས། གང་དག་ཆོས་ཀྱང་མི་དམིགས་ཤིང་རློམ་སེམས་སུ་མི་བགྱིད་ལ་མངོན་པར་ཞེན་པ་མ ་མཆིས་ན། ཆོས་མ་ལགས་པ་ལྟ་ག་ལ་མཆིས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་སླད་དུ་བདག་དེ་བཞིན་གཤེགས་པ་ལ་ཞུ་བ་ལགས་སོ། །བཅོམ་ལྡན་འདས། བསམ ་པ་དག་པ། གཡོ་མ་མཆིས་པ། སྒྱུ་མ་མཆིས་པ། དྲང་བ། སེམས་མཉམ་པ། སེམས་ཅན་ཐམས་ཅད་ལ་སྨན་པ་དང་། སྙིང་བརྩེ་བ་ཅན། ཡང་དག་པར་འཛིན་དུ་སྩོལ་བ། ཡང་དག ་པར་གཟེངས་བསྟོད་པ། ཡང་དག་པར་དགའ་བར་བགྱིད་པ། ཁུར་ཆེན་པོ་ཁྱེར་བ། ཐེག་པ་ཆེན་པོ་ལ་མངོན་པར་ཞུགས་པ། བགྱི་བ་ཆེན་པོས་སོ་སོར་ཉེ་བར་གནས་པ། སྙིང་རྗེ་ཆེན་པོ་དང་ལྡན ་པ|་སེམས་ཅན་ཐམས་ཅད་བདེ་བ་ཐོབ་པར་བགྱིད་པ། འདྲེན་པ། རྣམ་པར་འདྲེན་པ། ཡོངས་སུ་འདྲེན་པ། ཆོས་ཐམས་ཅད་ལ་མི་བརྟེན་པར་གནས་པ། སྐྱེ་བའི་གནས་ཐམས་ཅད་མི་ཚོལ་བ། ་བདུད་ཀྱི་ཞགས་པ་ཐམས་ཅད་ལས་རྣམ་པར་གྲོལ་བ། འདུན་པ་ཅན། བརྩོན་འགྲུས་དང་ལྡན་པ། བག་མཆིས་པ། ཆོས་ཐམས་ཅད་ཀྱི་དམ་པའི་ཕ་རོལ་ཏུ་ཕྱིན་པ། ཐེ་ཚོམ་ཐམས་ཅད་གཅོད་པ་ལ ་མཁས་པའི་སེམས་ཅན་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སླད་དུ་བཅོམ་ལྡན་འདས། བདག་དེ་བཞིན་གཤེགས་པ་ལ་ཞུ་ལགས ་སོ|་|བཅོམ་ལྡན་འདས། སེམས་ཅན་གང་དག་སངས་རྒྱས་ཀྱི་ཡེ་ཤེས་ལ་ཡང་རློམ་སེམས་སུ་མི་བགྱིད་ཅིང་མངོན་པར་མི་ཞེན་ལ་ཆགས་པར་མི་གནས་ཤིང་། རློམ་སེམས་ཐམས་ཅད ་ལས་ཡང་དག་པར་འདས་པའི་ལམ་ལ་གནས་པ། ལམ་དུ་ཞུགས་པ། ལམ་སྟོན་པའི་སེམས་ཅན་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་སླད་དུ་བཅོམ་ལྡན ་འདས|་བདག་དེ་བཞིན་གཤེགས་པ་ལ་ཞུ་ལགས་སོ། །བཅོམ་ལྡན་འདས། བདག་ནི། སེམས་ཅན་ཐམས་ཅད་ལ་བདེ་བ་དང་། ལྟག་ན་མ་མཆིས་པའི་བདེ་བ་དང་། བླ་ན་མ་མཆིས་པའི་བདེ་བ ་དང་། མྱ་ངན་ལས་འདས་པའི་བདེ་བ་དང་། སངས་རྒྱས་ཀྱི་བདེ་བ་དང་། འདུས་མ་བགྱིས་པའི་བདེ་བ་ཉེ་བར་སྒྲུབ་པར་འཚལ་ཏེ། བདག་སེམས་ཅན་ཐམས་ཅད་ཀྱི་དོན་དང་། སྨན་པ་དང་། བདེ ་བ་དང་། གྲུབ་པ་དང་། བདེ་བའི་སླད་དུ་དེ་བཞིན་གཤེགས་པ་ལ་ཞུ་ལགས་སོ། །བཅོམ་ལྡན་འདས། བདག་ནི། ཐེ་ཚོམ་མ་མཆིས་པར་འཚལ་ཞིང་། ཐེ་ཚོམ་མ་མཆིས་ནས་ཀྱང་སེམས ་ཅན་རྣམས་ཀྱི་ཐེ་ཚོམ་རབ་ཏུ་སྤང་བའི་སླད་དུ་ཆོས་བཤད་པར་འཚལ་ཏེ། བཅོམ་ལྡན་འདས། བདག་སེམས་ཅན་ཐམས་ཅད་ཀྱི་ཐེ་ཚོམ་བསལ་བའི་སླད་དུ་བཅོམ་ལྡན་འདས་ལ་ཞུ་ལགས་སོ། ། ་དེ་ཅིའི་སླད་དུ་ཞེ་ན། བཅོམ་ལྡན་འདས། སེམས་ཅན་ཐམས་ཅད་ནི། སྡུག་བསྔལ་དང་མི་མཐུན་ཞིང་བདེ་བ་འཚལ་ལ། སེམས་ཅན་ཐམས་ཅད་ནི། བདེ་བ་དོན་དུ་གཉེར་བ་ལགས་ཏེ། བཅོམ ་ལྡན་འདས། ཤེས་རབ་མ་གཏོགས་པར་གཞན་སེམས་ཅན་རྣམས་ཀྱི་བདེ་བ་གང་ཡང་བདག་གིས་མ་མཐོང་ཞིང་། བཅོམ་ལྡན་འདས། བྱང་ཆུབ་སེམས་དཔའི་ཐེག་པ། ཐེག་པ་ཆེན་པོ་མ་གཏོགས ་པར་གཞན་སེམས་ཅན་རྣམས་ཀྱི་བདེ་བ་གང་ཡང་མ་མཆིས་ཏེ། བཅོམ་ལྡན་འདས། བདག་གིས་དོན་གྱི་དབང་འདི་མཐོང་བས་སེམས་ཅན་རྣམས་ལ་བདེ་བ་ཉེ་བར་བསྒྲུབ་པའི་སླད་དུ་ཤེས་རབ་ཀྱི་ཕ ་རོལ་ཏུ་ཕྱིན་པ་ཞུ་ལགས་སོ། །བཅོམ་ལྡན་འདས། བྱང་ཆུབ་སེམས་དཔའ་རྣམས་ཀྱི་དོན་འདི་ཡང་དག་པར་མཐོང་བས་བདག་གིས་དེ་བཞིན་གཤེགས་པ་ལ་དོན་འདི་ཞུ་ལགས་སོ། །དེ་སྐད་ཅེས ་གསོལ་བ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་ལ་འདི་སྐད་ཅེས་བཀའ་སྩལ་ཏོ། །རབ་ཀྱི་རྩལ་གྱིས་རྣམ་པར་གནོན་པ། ་ལེགས་སོ། །ལེགས་སོ། །ཁྱོད་སྐྱེ་བོ་ཕལ་པོ་ཆེ་ལ་སྙིང་བརྩེ་བའི་ཕྱིར་དེ་བཞིན་གཤེགས་པ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འདྲི་བ་ནི། ཁྱོད་ཀྱི་ཡོན་ཏན་གྱི་མཐའ་རྟོགས་པར་སླ་བ་མ་ཡིན་ནོ། ། ་དེའི་ཕྱིར་རབ་ཀྱི་རྩལ་གྱིས་རྣམ་པར་གནོན་པ། ལེགས་པར་ཉོན་ལ་ཡིད་ལ་རབ་ཏུ་ཟུངས་ཤིག་དང་། ངས་ཁྱོད་ལ་བཤད་དོ། །བཅོམ་ལྡན་འདས། ལེགས་སོ། །ཞེས་གསོལ་ནས་བྱང་ཆུབ་སེམས ་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རབ་ཀྱི་རྩལ ་གྱིས་རྣམ་པར་གནོན་པ། ཁྱོད་འདི་སྐད་དུ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི་བ། བཅོམ་ལྡན་འདས། ཇི་ཙམ་གྱིས་ན། བྱང ་ཆུབ་སེམས་དཔའ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི་ཞེས་ཟེར་བ་ནི། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་གིས་ཀྱང་བརྗོད་པར་བྱ ་བ་མ་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཚིག་ཐམས་ཅད་ལས་འདས་པའོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། འདི་ཤེས་རབ་ཀྱི་ཕ་རོལ་ཏུ ་ཕྱིན་པའོ། །འདིའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །འདིས་ཤེས་རབ་ཀྱི་ཕ་རོལ་ཏུ་ཕྱིན་པའོ། །ཞེས་བརྗོད་པར་མི་ནུས་སོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། ཆོས་ཐམས ་ཅད་ཀྱི་ཕ་རོལ་ཏུ་ཕྱིན་པ་ཡིན་ཏེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཉིད་ཀྱང་དེ་བཞིན་གཤེགས་པས་མ་རྙེད་མ་དམིགས ་ན|་ཤེས་རབ་ཀྱི་ཕ་རོལ་ཏུ་ཕྱིན་པ་ལྟ་དམིགས་པར་ག་ལ་འགྱུར། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཅེས་བྱ་བ་འདི་ནི། ཆོས་ཐམས་ཅད་ཀུན་དུ་ཤེས་པ་འདི་ནི། ཆོས་ཐམས ་ཅད་ཀུན་ཏུ་རིག་པ་སྟེ། དེའི་ཕྱིར་ཤེས་རབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ཀུན་ཏུ་རིག་པ་གང་ཞེ་ན། ཆོས་འདི་དག་ཐམས་ཅད་ནི། རྣམ་པ་གཞན་ན། ཆོས་ཐམས་ཅད་རྣམ ་པ་གཞན་དུ་བརྗོད་དེ། ཆོས་ཐམས་ཅད་ནི། བརྗོད་པ་ལས་རྣམ་པར་གྲོལ་བ་མ་ཡིན་ནོ། །གང་ཆོས་ཐམས་ཅད་ཀུན་ཏུ་ཤེས་པ་དང་། གང་ཆོས་ཐམས་ཅད་ཀུན་ཏུ་རིག་པ་དེ་ཡང་ཚིག་གིས་བརྗོད་པར་མི་ནུས ་མོད་ཀྱི|་འོན་ཀྱང་ཇི་ལྟར་སེམས་ཅན་རྣམས་ཀྱིས་ཤེས་པར་འགྱུར་བ་དེ་ལྟར་ཤེས་རབ་ཅེས་བྱའོ། །འདི་ནི། བཏགས་པ་ཞེས་བྱ་སྟེ། དེའི་ཕྱིར་ཤེས་རབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ་ཆོས་ཐམས་ཅད་ནི། གདགས་སུ་མེད། གཟུང་དུ་མེད། བཤད་དུ་མེད། སྣང་བ་མེད། དེ་ལྟ་བུར་ཀུན་ཏུ་རིག་པ་དེ་ནི། ཀུན་ཏུ་རིག་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཅེས་བྱ ་བ་དེ་ནི|་ཀུན་ཤེས་པའང་མ་ཡིན། ཀུན་མི་ཤེས་པའང་མ་ཡིན། དེ་ལས་ཀྱང་མ་ཡིན། དེ་ལས་མ་ཡིན་པ་ཡང་མ་ཡིན་ཏེ། དེའི་ཕྱིར་ཤེས་རབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ་དེ་ནི། མི ་ཤེས་པའི་སྤྱོད་ཡུལ་ཡང་མ་ཡིན། ཡེ་ཤེས་ཀྱི་སྤྱོད་ཡུལ་ཡང་མ་ཡིན། མི་ཤེས་པའི་ཡུལ་ཡང་མ་ཡིན། ཡེ་ཤེས་ཀྱི་ཡུལ་ཡང་མ་ཡིན་ཏེ། ཡེ་ཤེས་ནི། ཡུལ་མེད་པའོ། །གལ་ཏེ་ཡེ་ཤེས་ལ་ཡུལ ་ཡོད་དུ་ཟིན་ན། མི་ཤེས་པར་འགྱུར་རོ། །ཡེ་ཤེས་ནི། མི་ཤེས་པ་ལས་མ་ཡིན། མི་ཤེས་པའང་ཡེ་ཤེས་ལས་མ་ཡིན། ཡེ་ཤེས་ནི། མི་ཤེས་པ་མ་ཡིན། ཡེ་ཤེས་པ་ཡང་ཡེ་ཤེས་མ་ཡིན་ཏེ། ་ཡེ་ཤེས་ཀྱིས་ཡེ་ཤེས་ཞེས་བྱའོ། །ཡེ་ཤེས་ཀྱིས་མི་ཤེས་པ་ཞེས་མི་བྱའོ། །མི་ཤེས་པས་ཡེ་ཤེས་ཞེས་བྱའོ། །དེ་ལ་ཡེ་ཤེས་དེ་ནི། འདིའོ། །ཡེ་ཤེས་དེ་ནི། འདིའི ་འོ|་|ཡེ་ཤེས་དེ་ནི། འདིས་སོ། །ཡེ་ཤེས་དེ་ནི། འདིའི་ཕྱིར་རོ། །ཞེས་ཡེ་ཤེས་ཅུང་ཟད་ཀྱང་བསྟན་པར་མི་ནུས་ཏེ། དེའི་ཕྱིར་ཡེ་ཤེས་དེ་ནི། ཡེ་ཤེས་ཉིད་ཀྱིས་མེད་དོ། །ཡེ་ཤེས་ཀྱང་ཡེ་ཤེས ་སུ་མི་གནས་ཏེ། མི་ཤེས་པས་ཀྱང་ཡེ་ཤེས་ཞེས་མི་བྱའོ། །གལ་ཏེ་མི་ཤེས་པས་ཡེ་ཤེས་ཞེས་བྱ་ན་ནི། དེའི་ཕྱིར་བྱིས་པ་སོ་སོའི་སྐྱེ་བོ་ཐམས་ཅད་ཀྱང་ཡེ་ཤེས་ཅན་དུ་འགྱུར་རོ། །གང་ཡེ ་ཤེས་དང་མི་ཤེས་པ་མི་དམིགས་ཤིང་ཡེ་ཤེས་དང་མི་ཤེས་པ་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པ་དེ་ཉིད་ཡེ་ཤེས་ཞེས་བྱ་སྟེ། ཡེ་ཤེས་ནི། ཇི་སྐད་དུ་བརྗོད་པ་དེ་བཞིན་དུ་མ་ཡིན ་ནོ|་|དེ་བས་ན། ཡེ་ཤེས་ནི། བརྗོད་པར་བྱ་བ་མ་ཡིན་ཞིང་། ཡུལ་ཐམས་ཅད་ལས་རབ་ཏུ་འདས་པ་སྟེ། ཡེ་ཤེས་ནི། གང་གི་ཡུལ་ཡང་མ་ཡིན་ནོ། །ཡེ་ཤེས་ཀྱི་ཡུལ་ཡང་གང་ཡང་མ ་ཡིན་ནོ|་|རབ་ཀྱི་རྩལ་གྱིས་རྣམ་པར་གནོན་པ། ཡེ་ཤེས་བསྟན་པའི་ཡུལ་ཡང་མ་ཡིན། ཕྱོགས་ཀྱང་མ་ཡིན་པ་འདི་གང་གིས་ཤེས་པ་དེ་ནི། ཡེ་ཤེས་ཅན་ནམ། ཡེ་ཤེས་ཅན་མ ་ཡིན་པ་ཞེས་བྱ་བའི་གྲངས་སུ་མི་འགྲོའོ། །རབ་ཀྱི་རྩལ་གྱིས་རྣམ་པར་གནོན་པ། གང་འདི་ལྟར་རབ་ཏུ་ཤེས་པ་དང་། རྗེས་སུ་རྟོགས་པ་དང་། ཀུན་ཏུ་ཤེས་པ་དེ་ནི། ཤེས་རབ་ཅེས་བྱའོ། ། ་རབ་ཀྱི་རྩལ་གྱིས་རྣམ་པར་གནོན་པ། གང་འདི་ལྟར་མངོན་པར་རྟོགས་པ་མངོན་སུམ་དུ་བྱེད་པ་དེ་ནི། འཇིག་རྟེན་ལས་འདས་པའི་ཤེས་རབ་ཅེས་བྱ་སྟེ། འཇིག་རྟེན་ལས་འདས་པའི་ཤེས་རབ་ཅེས་ཇི་སྐད་དུ ་བརྗོད་པ་བཞིན་དུ་ནི་མ་ཡིན་ནོ། །དེ་ཅིའི་ཕྱིར་ཞེ་ན། འཇིག་རྟེན་ཉིད་ཀྱང་མི་དམིགས་ན། འཇིག་རྟེན་ལས་འདས་པའི་ཤེས་རབ་ལྟ་ག་ལ་ཡོད་དེ། འཇིག་རྟེན་ལས་འདས་པའི་ཤེས་རབ་ཀྱིས་གང་འཇིག ་རྟེན་ལས་སྒྲོལ་བར་འགྱུར་བ་ལྟ་ཅི་སྨོས། དེ་ཅིའི་ཕྱིར་ཞེ་ན། དེས་འཇིག་རྟེན་མི་དམིགས་པས་ཅི་ཡང་སྒྲོལ་བར་མི་བྱེད་དེ། དེའི་ཕྱིར་འཇིག་རྟེན་ལས་འདས་པའི་ཤེས་རབ་ཅེས་བྱའོ། །རབ་ཀྱི་རྩལ་གྱིས ་རྣམ་པར་གནོན་པ། འཇིག་རྟེན་ཞེས་བྱ་བ་འདི་ནི། བཏགས་པ་ཞེས་བརྗོད་པ་སྟེ། བཏགས་པ་ནི། འཇིག་རྟེན་ལས་ཡང་དག་པར་འདས་པ་མ་ཡིན་གྱི། བཏགས་པ་ཐམས་ཅད་ལས་ཡང་དག་པར ་འདས་པ་ནི། འཇིག་རྟེན་ལས་འདས་པ་ཞེས་བྱའོ། །འདའ་བར་བྱ་བ་ནི། འཇིག་རྟེན་ལས་འདས་པ་མ་ཡིན་གྱི། འདའ་བར་མི་བྱ་བ་ནི། འཇིག་རྟེན་ལས་འདས་པའོ། །དེ་ཅིའི་ཕྱིར་ཞེ་ན། དེ་ལ་གང ་འདའ་བར་བྱ་བའམ། གང་གིས་འདའ་བར་བྱ་བའི་ཆོས་ཕྲ་རབ་ཙམ་ཡང་མེད་པས་དེའི་ཕྱིར་འདས་པ་ཞེས་བྱ་སྟེ། འཇིག་རྟེན་ལས་འདས་པ་ལ་ནི། འཇིག་རྟེན་ཡང་མེད། འཇིག་རྟེན་ལས་འདས ་པ་ཡང་མེད་དོ། །བླ་ན་མེད་པ་ལ་ནི། བསྒྲལ་བ་མེད་དེ། དེའི་ཕྱིར་འཇིག་རྟེན་ལས་འདས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། འཇིག་རྟེན་ལས་འདས་པའི་ཤེས་རབ་བསྟན ་པ་ཞེས་བྱ་སྟེ། འཇིག་རྟེན་ལས་འདས་པའི་ཤེས་རབ་ཅེས་ཇི་སྐད་དུ་བརྗོད་པ་བཞིན་དུ་མ་ཡིན་ནོ། །དེ་ཅིའི་ཕྱིར་ཞེ་ན། འཇིག་རྟེན་ལས་འདས་པ་ནི། བརྗོད་པར་བྱ་བ ་མ་ཡིན་གྱི། དེ་ནི། བརྒལ་བ་སྟེ། དེ་ལ་ནི། འདའ་བར་བྱ་བ་ཅི་ཡང་མེད་པས། དེའི་ཕྱིར་འཇིག་རྟེན་ལས་འདས་པའི་ཤེས་རབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལ་གང་ངེས ་པར་རྟོགས་པའི་ཤེས་རབ་དེས་ཅི་ངེས་པར་རྟོགས། འདི་ལ་ནི། ངེས་པར་རྟོགས་པར་བྱ་བ་ཅི་ཡང་མེད་དོ། །གལ་ཏེ་ངེས་པར་རྟོགས་པར་བྱ་བ་འགའ་ཞིག་ཡོད་དུ་ཟིན་ན་ནི། འདི་ཤེས་རབ་ཀྱིས ་ངེས་པར་རྟོགས་པ་ཞེས་གདགས་ན། གང་གིས་ཀྱང་མི་རྟོགས་ཤིང་། ཀུན་རྟོགས་པ་མ་ཡིན་ལ། གང་གིས་རྟོགས་པར་འགྱུར་བའི་བྱེ་བྲག་གང་ཡང་མི་དམིགས་སོ། །ངེས་པར་རྟོགས་པ ་ཞེས་བྱ་བ་ནི། འདི་ལ་རྟོགས་པར་བྱེད་པ་ཅི་ཡང་མེད་ཅིང་ཀུན་ཏུ་རྟོགས་པར་བྱ་བ་ཡང་མེད་དེ། དེ་ལ་རྟོགས་པར་བྱེད་པ་ཅི་ཡང་མེད་ཅིང་ཀུན་ཏུ་རྟོགས་པར་བྱ་བ་ཡང་མེད་པས། དེའི་ཕྱིར་ངེས་པར ་རྟོགས་པ་ཞེས་བྱའོ། །འདི་ལ་ནི། གང་ཡང་མཐར་འགྲོ་བ་མེད་ཅིང་དབུས་སུ་ཡང་མ་ཡིན་ཏེ། དེའི་ཕྱིར་ངེས་པར་རྟོགས་པ་ཞེས་བྱའོ། །ངེས་པར་རྟོགས་པའི་ཤེས་རབ་ཀྱིས་རྟོགས་པ་ནི། སྟེང་མ ་རྟོགས་ཏེ། གང་དུ་ཡང་མི་རྒྱུག་།རྣམ་པར་མི་རྒྱུག་ལ། ཀུན་ཏུ་མི་རྒྱུག་སྟེ། དེའི་ཕྱིར་ངེས་པར་རྟོགས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ངེས་པར་རྟོགས་ཞེས་བྱ་བའི ་ཤེས་རབ་ཀྱིས་ཅི་ངེས་པར་རྟོགས་ཤེ་ན། གང་ཅི་སྣང་བ་དེ་ཐམས་ཅད་ངེས་པར་རྟོགས་སོ། །གང་གིས་ངེས་པར་རྟོགས་ཤེ་ན། ཤེས་རབ་ཀྱིས་སོ། །ཤེས་རབ་ཀྱིས་ཇི་ལྟར་ངེས་པར་རྟོགས་ཤེ་ན། གང ་བཏགས་པའི་མཚན་ཉིད་དེ་ཐམས་ཅད་མཚན་ཉིད་མེད་པ་དང་། མཚན་ཉིད་མེད་པ་ཡང་བཏགས་པའི་མཚན་ཉིད་དུའོ། །རབ་ཀྱི་རྩལ་གྱིས་རྣམ་པར་གནོན་པ། གང་འདི་ལྟ་བུའི་ཤེས་རབ་དང་ལྡན་པས ་ངེས་པར་རྟོགས་པ་དེས་ནི། ཁམས་གསུམ་རྟོགས་སོ། །ཇི་ལྟར་རྟོགས་ཤེ་ན། ཁམས་གསུམ་ནི། ཁམས་མེད་པར་རྟོགས་ཏེ། འདི་ལ་ནི། ཁམས་རྟོགས་པ་ཅི་ཡང་མེད་དོ། །དེས་ཁམས་གསུམ་ནི། ་ཁམས་མེད་པར་རྟོགས་སོ། །གང་དེ་ལྟར་ཁམས་གསུམ་ཁམས་མེད་པར་ངེས་པར་རྟོགས་པ་དང་། གང་གིས་དེ་ལྟར་ཁམས་གསུམ་ངེས་པར་རྟོགས་པ་དེ་ནི། ངེས་པར་རྟོགས་པའི་ཤེས་རབ་དང ་ལྡན་པ་ཞེས་བྱའོ། །ཇི་ལྟར་ན། ངེས་པར་རྟོགས་པའི་ཤེས་རབ་དང་ལྡན་ཞེ་ན། ངེས་པར་རྟོགས་པར་བྱ་བ་ནི། མི་དགེ་བ་གང་ཡང་མེད་དེ། དེས་ཐམས་ཅད་དགེ་བར་ངེས་པར་རྟོགས་ཏེ། དེ་ངེས ་པར་རྟོགས་པའི་ཤེས་རབ་ཀྱིས་རབ་ཏུ་འདའོ། །དེ་དེ་ལྟར་རྟོགས་པའི་ཤེས་རབ་དང་ལྡན་པས། གང་ཅི་མཐོང་བ་དང་། ཐོས་པ་དང་། བསྣམས་པ་དང་། མྱངས་པ་དང་། རིག་པ་དང་། རྣམ་པར ་ཤེས་པ་དེ་དག་ཐམས་ཅད་ངེས་པར་རྟོགས་སོ། །ཇི་ལྟ་བུར་རྟོགས་ཤེ་ན། མི་རྟག་པ་དང་། སྡུག་བསྔལ་བ་དང་། འབྲས་དང་། ནད་དང་། ཟུག་རྔུ་དང་། སྟོང་པ་ཉིད་དང་། སྡིག་པ་དང་། གནོད་པ ་དང་། མཐའ་མ་དང་། འཇིག་པ་དང་། འཇིག་པའི་ཆོས་ཉིད་དང་། གཡོ་བ་དང་། འཇིག་པའི་ཚུལ་ཅན་དང་། བདག་མེད་པ་དང་། མི་སྐྱེ་བ་དང་། མི་འགོག་པ་དང་། ་མཚན་ཉིད་མེད་པ་སྟེ། རབ་ཀྱི་རྩལ་གྱིས་རྣམ་པར་གནོན་པ། དེ་ནི། བསིལ་བར་གྱུར་པ། ཟུག་རྔུ་མེད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ཟུག་རྔུ ་མེད་པ་ཞེས་བྱ་བའི་སྨན་གྱི་རིགས་དེ་གང་ན་འདུག་པ་དེ་ན་ཟུག་རྔུ་ཐམས་ཅད་སེལ་ཅིང་ངེས་པར་འདོན་ཏོ། །དེ་བཞིན་དུ་འདི་ལྟ་བུའི་ཆོས་རྣམས་དང་ལྡན་པའི་དགེ་སློང་ནི། ཟུག་རྔུ་མེད་ཅིང་བསིལ་བར ་འགྱུར་ལ། ངེས་པར་རྟོགས་པའི་ཤེས་རབ་དང་ལྡན་ཞིང་དུག་མེད་རྟག་ཏུ་གནས་ལ། ངེས་པར་རྟོགས་པའི་ཤེས་རབ་ཀྱིས་ཁམས་གསུམ་ཐམས་ཅད་ལ་མི་ཆགས་ཤིང་བདུད་ཀྱི་ཞགས་པ ་ཐམས་ཅད་ལས་རབ་ཏུ་འདས་སོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། རྡོ་རྗེ་ནི། དབུག་པའི་ཕྱིར་གང་དུ་བཙུགས་པ་དེ་དང་། དེ་ཉིད་དུ་ངེས་པར་ཕིགས་སོ། །དེ་བཞིན ་དུ་དགེ་སློང་གིས་ངེས་པར་རྟོགས་པའི་ཤེས་རབ་ཀྱིས་ཡོངས་སུ་ཟིན་པའི་རྡོ་རྗེ་ལྟ་བུའི་ཏིང་ངེ་འཛིན་གང་དུ་བཙུགས་པ་དང་། གང་དུ་སྤྱོད་པ་དེ་དག་ཐམས་ཅད་ངེས་པར་རྟོགས་སོ། །དེ་ངེས་པར་རྟོགས ་པའི་ཤེས་རབ་འཇིག་རྟེན་ལས་འདས་པ་ཡང་དག་པར་སྡུག་བསྔལ་ཟད་པར་འགྱུར་བ་དང་ལྡན་པས་ཆགས་པ་མེད་པ་ནི། གསུམ་རིག་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། རིག་པ ་ཞེས་བྱ་བ་དེ་ནི། མ་རིག་པ་ཉེ་བར་ཞི་བའི་ཚིག་བླ་དྭགས་སོ། །མ་རིག་པ་ཡོངས་སུ་ཤེས་པ་ཞེས་བྱ་བ་དེ་ནི། སྡུག་བསྔལ་གྱི་ཕུང་པོ་ཉེ་བར་ཞི་བའི་ཚིག་བླ་དྭགས་སོ། །རབ་ཀྱི་རྩལ་གྱིས་རྣམ་པར་གནོན་པ། ་འདི་ལྟ་སྟེ། དཔེར་ན། སྨན་པ་མཁས་པ། གསལ་བ། ཡིད་རྣོ་བ། ལྷག་པར་རྟོགས་པ་དང་ལྡན་པ། སྨན་ཐམས་ཅད་ལ་མཁས་པ། ནད་ལྡང་བ་ཐམས་ཅད་ལ་མཁས་པ། སྡུག་བསྔལ་ཐམས ་ཅད་ལས་རྣམ་པར་འགྲེལ་བ། དེས་ནད་པ་གང་དང་གང་ལ་གསོ་བ་བྱས་པ་དེ་དང་དེ་འཚོའོ། །དེ་ཅིའི་ཕྱིར་ཞེ་ན། འདི་ལྟ་སྟེ། དེ་སྨན་ཐམས་ཅད་ལ་མཁས་ཤིང་ནད་ལྡང་བ་ཐམས་ཅད་ལ་མཁས་ཏེ། ནད ་ཐམས་ཅད་ལས་ཐར་པར་བྱེད་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་རིག་པ་གསུམ་པོས་ནི། མ་རིག་པ་ཐམས་ཅད་ཉེ་བར་ཞི་བར་འགྱུར། སྡུག་བསྔལ་ཐམས་ཅད་འཇོམས ་པར་འགྱུར། རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་དང་། ཡིད་མི་བདེ་བ་དང་འཁྲུག་པ་ཐམས་ཅད་ཉེ་བར་ཞི་བར་འགྱུར་ཏེ། རབ་ཀྱི་རྩལ་གྱིས་རྣམ་པར་གནོན་པ། དེ་ནི། ་འཇིག་རྟེན་ལས་འདས་པའི་ཤེས་རབ་ངེས་པར་རྟོགས་པར་འགྲོ་བ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ངས་འདི་ལ་དགོངས་ནས། སྲིད་པར་སྐྱེ་བ་ཡོངས་སུ་ཟད་པར། །གང་གིས་ཡང་དག ་རབ་ཤེས་པ། །གང་རྣམས་རྟོགས་པར་འགྲོ་བ་དེ། །འཇིག་རྟེན་ན་ནི་ཤེས་རབ་མཆོག་།ཅེས་བཤད་དོ། །རབ་ཀྱི་རྩལ་གྱིས་རྣམ་པར་གནོན་པ། སྲིད་པར་སྐྱེ་བ་ཡོངས་སུ་ཟད་པ་ཞེས་བྱ་བ་གང་གི ་ཚིག་བླ་དྭགས་ཡིན་ཞེ་ན། དེ་ནི། འབྱུང་བ་དང་། ནུབ་པ་རབ་ཏུ་རྟོགས་པའི་ཚིག་བླ་དྭགས་སོ། །འབྱུང་བ་དང་། ནུབ་པ་གང་ཞེ་ན། ཀུན་འབྱུང་བའི་ཆོས་ཅི་ཡང ་རུང་སྟེ|་དེ་ཐམས་ཅད་ནི། འགོག་པའི་ཆོས་ཏེ། འདི་ལྟར། ཀུན་འབྱུང་བ་དང་། ནུབ་པ་རབ་ཏུ་རྟོགས་སོ། །རབ་ཀྱི་རྩལ་གྱིས་རྣམ་པར་གནོན་པ། ཀུན་འབྱུང་བ་ཞེས་བྱ་བ་དེ་ནི། འབྱུང ་བའི་ཚིག་བླ་དྭགས་སོ། །ནུབ་པ་ཞེས་བྱ་བ་དེ་ནི། འགོག་པའི་ཚིག་བླ་དྭགས་ཏེ། འབྱུང་བ་དང་། ནུབ་པ་ཞེས་ཇི་སྐད་དུ་བརྗོད་པ་དེ་བཞིན་དུ་ནི་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། ་ཀུན་འབྱུང་བ་གང་ཅི་ཡང་རུང་སྟེ། དེ་ནི། ཀུན་འབྱུང་བའི་ཆོས་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། མཉམ་པ་ལ་འབྱུང་བ་གང་ཡང་མེད་དེ། དེ་ནི། ཀུན་འབྱུང་བར་མི་འགྱུར་རོ། ། ་དེ་མཉམ་པ་ཉིད་ཀྱི་རྗེས་སུ་སོང་སྟེ། དེའི་ཕྱིར་ཀུན་འབྱུང་བ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། མཉམ་པའི་རྗེས་སུ་སོང་བ་ཞེས་བྱ་བ་ནི། འདི་ལ་འབྱུང་བ་གང་ཡང་མེད་དེ། ཀུན ་འབྱུང་བར་མི་འགྱུར་རོ། །དེའི་རང་བཞིན་དེ་ནི། རང་གི་ངང་གིས་འཇིག་ཅིང་། དེ་ནི། འགོག་པ་སྟེ། དེ་ལ་ནི། འགོག་པ་གང་ཡང་མེད་དོ། །སྙམ་པ་ནི། བླ་ན་མེད་པའི་འགོག་པ་སྟེ། གང་ལ་སྐྱེ་བ ་མེད་པ་དེ་ལ་འགོག་པ་མེད་དེ། དེ་ནི། འགོག་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྐྱེ་བ་མེད་ཅིང་འགོག་པ་མེད་པའི་ཕྱིར་གང་འབྱུང་བ་དང་། ནུབ་པ་རྟོགས་པ་དེ་ནུབ་པ་རབ་ཏུ ་རྟོགས་པ་སྟེ། དེའི་ཕྱིར་འབྱུང་བ་དང་། ནུབ་པ་རབ་ཏུ་རྟོགས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། །རབ་ཏུ་རྟོགས་པ་ཞེས་བྱ་བ་དེ་ནི། རྟེན་ཅིང་འབྲེལ་པར་འབྱུང་བ་ཡོངས་སུ་ཤེས་པ་ཞེས་བྱའོ། །གང ་ལ་བརྟེན་ནས་ཆོས་གང་སྐྱེ་བ་དེ་ཉིད་ལ་བརྟེན་ནས་ཆོས་དེ་མེད་དེ། འདི་ནི། རྟེན་ཅིང་འབྲེལ་པར་འབྱུང་བ་རབ་ཏུ་རྟོགས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ནི། རྟེན་ཅིང་འབྲེལ་པར་འབྱུང ་བའི་ཡང་དག་པ་ཉིད་ཇི་ལྟ་བ་བཞིན་དུ་སྐྱེ་བ་མེད་པར་བསྟན་ཏོ། །མི་སྐྱེ་བ་ནི། རྟེན་ཅིང་འབྲེལ་པར་འབྱུང་བ་སྟེ། མི་འབྱུང་བ་མཉམ་པས་དེའི་ཕྱིར་རྟེན་ཅིང་འབྲེལ་པར་འབྱུང་བ་ཞེས་བྱའོ། །གང་ལ་སྐྱེ་བ་མེད ་པ་དེ་ལ་འགོག་པ་གལ་ཡོད་དེ། འགོག་པ་དང་མི་འགལ་བ་དེ་ནི། རྟེན་ཅིང་འབྲེལ་པར་འབྱུང་བའི་འགོག་པ་མེད་པ་སྟེ། སྐྱེ་བ་མེད་པ་ནི། རྟེན་ཅིང་འབྲེལ་བར་འབྱུང་བ་ཞེས་བྱའོ། །གང་རྟེན་ཅིང་འབྲེལ ་པར་འབྱུང་བ་དེ་ནི། མ་བྱུང་བའོ། །གང་མ་བྱུང་བ་དེ་ནི། འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན། གང་འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་པ ་དེ་ལ་འགོག་པ་མེད་དོ། །གང་ལ་འགོག་པ་མེད་པ་དེ་ནི། མི་སྐྱེ་བ་ཤེས་པ་ཞེས་བྱའོ། །གང་གིས་མི་སྐྱེ་བར་ཤེས་པ་དེ་ནི། ཡང་བསྐྱེད་པ་མ་ཡིན། འགོག་པ་མངོན་སུམ་དུ་བྱེད་པའང་མ་ཡིན་ནོ། ། ་གང་མི་སྐྱེ་བ་དེ་འགོག་པ་མི་བྱེད་དེ། སྐྱེ་བ་ཡིན་ན་ནི། འགོག་པར་ཡང་ཤེས་སོ། །གང་མི་བསྐྱེད་པ་དེས་ཆོས་ཐམས་ཅད་འགོག་པ་ཉིད་དུ་ཤེས་ཤིང་མཐོང་ལ་རབ་ཏུ་རྟོགས་ཤིང་མངོན་སུམ་དུ་བྱས་ཏེ། ། ་དེའི་ཕྱིར་འགོག་པ་མངོན་སུམ་དུ་བྱས་པ་ཞེས་བྱའོ། །ཟང་བ་ཤེས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། མི་ཤེས་པ་ཟད་པ་དེའི་ཕྱིར་ཟད་པ་ཤེས་པ ་ཞེས་བྱའོ། །གང་གིས་ཟད་ཅེ་ན། མི་ཟད་པས་ཟད་དེ། དེའི་ཟད་པ་ཡང་མི་མཐོང་ངོ་། །རབ་ཀྱི་རྩལ་གྱིས་རྣམ་པར་གནོན་པ། མི་ཤེས་པ་མེད་པས་དེའི་ཕྱིར་དེ་ཟད་པ་ཤེས་པ་ཞེས་བྱའོ། །རབ ་ཀྱི་རྩལ་གྱིས་རྣམ་པར་གནོན་པ། མི་ཤེས་པ་ཡོངས་སུ་ཤེས་པ་དེའི་ཕྱིར་མི་ཤེས་པ་ཟད་དེ། ཟད་པ་ཤེས་པ་ཞེས་བྱའོ། །མི་ཤེས་པ་ནི། ཟད་པའམ། མ་ཟད་པ་མ་ཡིན་ཏེ། འདི་ནི། ་ཤེས་པ་དང་བྲལ་བའི་ཕྱིར་ཟད་པ་ཤེས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པ་སྟེ། དེའི་ཕྱིར་བྲལ་བ་ཞེས་བྱའོ། །མི ་ཤེས་པ་དང་བྲལ་བ་དང་། ཤེས་པ་དང་བྲལ་བ་འདི་ལས་གཞན་ཅི་ཡང་མི་དམིགས་སོ། །ཡེ་ཤེས་ཉིད་ཀྱང་མི་དམིགས་ན། གང་ཟད་པ་ལས་རྣམ་པར་གྲོལ་བ་མི་ཤེས་པ་ལྟ་ཅི་སྨོས་ཏེ། དེའི ་ཕྱིར་ཟད་པ་ཤེས་པ་ཞེས་བྱའོ། །ཇི་སྐད་བརྗོད་པ་བཞིན་དུ་མ་ཡིན་ནོ། །ཟད་པ་ཤེས་པ་གང་ཡིན་པ་དེ་ལ་ཐ་སྙད་དུ་གདགས་པ་གང་ཡང་མེད་མོད་ཀྱི། འོ་ན་ཀྱང་འདི་ལྟར་མི་ཤེས་པ་ཟད་པ་དང་། ་ཟད་པ་ཤེས་པ་ཞེས་བསྟན་ཏོ། །རབ་ཀྱི་རྩལ་གྱིས་རྣམ་པར་གནོན་པ། གང་གིས་ཆོས་ཐམས་ཅད་མི་ཟད་པ་དང་། ཟད་པ་ཤེས་པ་ལ་བརྟགས་པ་ཁོང་དུ་ཆུད་པ་དེ་ཟད་པ་ཤེས་པ་དང་བྲལ་ཏེ། ་ཟད་པ་མེད་པའི་མཐའ་རྗེས་སུ་ཐོབ་བོ། །མཐའ་མེད་པ་ནི། མྱ་ངན་ལས་འདས་པའི་མཐའ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །ཆོས་ཐམས་ཅད་ནི། མྱ་ངན་ལས་འདས་པའི་མཐའ་སྟེ། མཐའ ་མེད་པའོ། །མཐའ་ཐམས་ཅད་ཆད་པ་ནི། མྱ་ངན་ལས་འདས་པའི་མཐའ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །མྱ་ངན་ལས་འདས་པའི་མཐའ་ནི། ཐ་སྙད་ཐམས་ཅད་ཆད་པ། བརྗོད་པར་བྱ ་བ་མ་ཡིན་པ་སྟེ། རབ་ཀྱི་རྩལ་གྱིས་རྣམ་པར་གནོན་པ། མྱ་ངན་ལས་འདས་པའི་དབྱིངས་བསྟན་པ་འདི་ཡང་ཇི་སྐད་བསྟན་པ་བཞིན་དུ་ནི་མ་ཡིན་ནོ། །བསྟན་པ་ཐམས་ཅད་ལས་ཡང་དག་པར་འདས ་པས་མྱ་ངན་ལས་འདས་པའི་དབྱིངས་ནི། བསྟན་དུ་མེད་དེ། བསྟན་པ་ཐམས་ཅད་རབ་ཏུ་ཆད་པ་དེ་ནི། མྱ་ངན་ལས་འདས་པའི་དབྱིངས་ཞེས་བྱའོ། །མྱ་ངན་ལས་འདས་པའི་དབྱིངས་ཞེས་བྱ་བ་གང ་ཡིན་པ་དེ་ནི། འཇིག་རྟེན་ལས་འདས་པའི་ཤེས་རབ་ངེས་པར་རྟོགས་པ་བསྟན་པ་ལ་བྱའོ། །རབ་ཀྱི་རྩལ་གྱིས་རྣམ་པར་གནོན་པ། མྱ་ངན་ལས་འདས་པའི་དབྱིངས་དེ་ནི། ཡུལ་ན་མི་གནས། ་ཕྱོགས་ན་མི་གནས་པ་ཞེས་བསྟན་ཏོ། །རབ་ཀྱི་རྩལ་གྱིས་རྣམ་པར་གནོན་པ། །དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན ་པ་ལ་ཚུ་རོལ་ལམ། ཕ་རོལ་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཚུ་རོལ་ལམ། ཕ་རོལ་དམིགས་ན་ནི། དེ་བཞིན་གཤེགས་པས ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུ་རོལ་ལམ། ཕ་རོལ་བཤད་པ་ཞིག་ན། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པའི་ཚུ་རོལ་མི ་དམིགས་པས་དེའི་ཕྱིར་དེའི་ཕ་རོལ་ཀྱང་མེད་མོད་ཀྱི། འོན་ཀྱང་རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་དེ་ནི། ཆོས་ཐམས་ཅད་ཀྱི་ཕ་རོལ་ལོ། ། ་དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཚིག་དང་། ལས ་ཀྱིས་ཉེ་བར་གནས་པ་མ་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། བསྟན་དུ་མེད་པའོ། །ཆོས་ཐམས་ཅད་དེ་ལྟར་ཁོང་དུ་ཆུད་ན། དེ་ནི། ཇི་ལྟ་བ་བཞིན་དུ་རབ་ཏུ་ཆུད་དེ། མི་འགལ་ལོ། ། ་དེ་ཅིའི་ཕྱིར་ཞེ་ན། དེ་ལ་ཁོང་དུ་ཆུད་པ་ཅི་ཡང་མེད་ཅིང་རབ་ཏུ་རྟོགས་པ་ཡང་མེད་པའི་ཕྱིར་རོ། །ཁོང་དུ་ཆུད་པ་དང་། རབ་ཏུ་རྟོགས་པ་མཉམ་པ་ཉིད་ནི། བྱང་ཆུབ་སྟེ། ཆོས་ཐམས་ཅད་ཁོང ་དུ་ཆུད་པ་ནི། བྱང་ཆུབ་ཅེས་བྱའོ། །ཇི་ལྟར་ཆོས་ཐམས་ཅད་ཁོང་དུ་ཆུད་ཅེ་ན། འདི་ལ་བྱང་ཆུབ་གང་ཡང་མེད་དེ། འདི་ཁོང་དུ་ཆུད་པ་གང་ཡང་མེད་དེ། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས ་རྣམ་པར་གནོན་པ། གལ་ཏེ་བྱང་ཆུབ་དམིགས་ན་ནི། བྱང་ཆུབ་ལ་ཡང་བྱང་ཆུབ་དམིགས་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་ལ་ནི། བྱང་ཆུབ་མེད་དེ། དེ་ལྟར ་བྱང་ཆུབ་འདི་མངོན་པར་རྫོགས་པར་འཚང་རྒྱ་བར་བྱའོ། །ཁོང་དུ་ཆུད་པ་མེད་པ་དང་། རབ་ཏུ་རྟོགས་པ་མེད་པས་རྗེས་སུ་རྟོགས་པ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །ཆོས་ཐམས་ཅད ་ནི|་ཁོང་དུ་ཆུད་པ་མ་ཡིན། རབ་ཏུ་རྟོགས་པ་མ་ཡིན་ཏེ། ཆོས་ནི། ཆོས་ཀྱི་ངོ་བོ་ཉིད་ཀྱིས་མེད་དོ། །དེ་ལྟར་ཁོང་དུ་ཆུད་པ་དེ་ནི། བྱང་ཆུབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ ་བཞིན་གཤེགས་པས་ནི། བྱང་ཆུབ་མ་དམིགས་ཤིང་། དེ་བཞིན་གཤེགས་པས་ནི། བྱང་ཆུབ་རྣམ་པར་མ་རིག་སྟེ། བྱང་ཆུབ་ནི། རྣམ་པར་རིག་པར་བྱ་བ་མ་ཡིན། རབ་ཏུ་རྣམ་པར ་རིག་པར་བྱ་བ་མ་ཡིན་ནོ། །དེ་བཞིན་གཤེགས་པས་ནི། བྱང་ཆུབ་མ་མཁྱེན་མ་བསྐྱེད་དེ། བྱང་ཆུབ་ནི། མ་སྐྱེས་ཤིང་མངོན་པར་མ་གྲུབ་བོ། །བྱང་ཆུབ་ནི། སུའི་ཡང་མ་ཡིན་ཞིང་། བྱང་ཆུབ ་ལ་སེམས་ཅན་ནམ། སེམས་ཅན་དུ་གདགས་པ་གང་ཡང་མེད་དོ། །གང་ལ་སེམས་ཅན་ནམ། སེམས་ཅན་དུ་གདགས་པ་མེད་པ་དེ་ལ། འདི་ནི། བྱང་ཆུབ་སེམས་དཔའ། འདི་ནི། བྱང་ཆུབ་སེམས ་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཇི་ལྟར་བརྗོད། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་ལ་བྱང་ཆུབ་ཀྱང་མེད། བྱང་ཆུབ་ལ་སེམས་ཅན་ཡང་མེད་དེ། བྱང་ཆུབ་འདི་ནི། ཤིན ་ཏུ་འདས་པའོ། །བྱང་ཆུབ་འདི་ནི། མ་སྐྱེས་པའོ། །བྱང་ཆུབ་འདི་ནི། མངོན་པར་མ་གྲུབ་པའོ། །བྱང་ཆུབ་འདི་ནི། མཚན་ཉིད་མེད་པ་སྟེ། འདི་ལ་སེམས་ཅན་མེད་ཅིང་མི་དམིགས་སོ། ། ་བྱང་ཆུབ་ནི། སེམས་ཅན་གྱིས་བཏགས་པ་མ་ཡིན་གྱི། སེམས་ཅན་མེད་པར་ཁོང་དུ་ཆུད་པ་ནི། བྱང་ཆུབ་ཅེས་བྱའོ། །བྱང་ཆུབ་སེམས་ཅན་མ་ཡིན་པར་གང་གིས་ཤེས ་པ་དེ་བྱང་ཆུབ་སེམས་དཔའ་ཞེས་བྱའོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་ནི། སེམས་ཅན་གྱི་འདུ་ཤེས་ཀྱིས་བསྐྱེད་པ་མ་ཡིན་གྱི། སེམས ་ཅན་གྱི་འདུ་ཤེས་རྣམ་པར་འཇིག་པའི་ཕྱིར་བྱང་ཆུབ་སེམས་དཔའ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི། བརྗོད་པར་བྱ་བ་མ ་ཡིན་ཞིང་། བྱང་ཆུབ་སེམས་དཔའ་ནི། སེམས་ཅན་གྱི་རང་བཞིན་དང་བྲལ་བའི་ཕྱིར་རོ། །བྱང་ཆུབ་ནི། སེམས་ཅན་དུ་འདུ་ཤེས་པ་དང་བྲལ་བ་སྟེ། གང་གིས་བྱང་ཆུབ་འདི་ལྟར་ཤེས ་པ་དེ་བྱང་ཆུབ་སེམས་དཔའ་ཞེས་བྱའོ། །བྱང་ཆུབ་ཇི་ལྟ་བུར་ཤེས་ཤེ་ན། བྱང་ཆུབ་འདི་ནི། ཤིན་ཏུ་འདས་པའོ། །བྱང་ཆུབ་འདི་ནི། བྱ་བ་མ་ཡིན་པའོ། །བྱང་ཆུབ་འདི་ནི། སྐྱེ་བ་མེད་པ ་འགོག་པ་མེད་པའོ། །བྱང་ཆུབ་ནི། བྱང་ཆུབ་ཀྱིས་ཤེས་པར་མི་བྱེད། བྱང་ཆུབ་ནི། རྣམ་པར་ཤེས་པ་བྱ་བ་མ་ཡིན། རྣམ་པར་རིག་པར་བྱ་བ་མ་ཡིན། གདགས་པར་བྱ་བ་མ་ཡིན་ཏེ། ་མངོན་པར་མ་གྲུབ་པ་ནི། བྱང་ཆུབ་ཅེས་བྱའོ། །རྣམ་པར་མི་རྟོག་པ་དང་། རྟོག་པ་བཅད་པའི་ཕྱིར་གང་གིས་ཁོང་དུ་ཆུད་པ་དག་རབ་ཏུ་རྟོགས་པ་དེའི་ཕྱིར་བྱང་ཆུབ་སེམས་དཔའ་ཞེས་བྱ་སྟེ། འདི ་སྐད་དུ་བརྗོད་པ་བཞིན་དུ་མ་ཡིན་ནོ། །དེ་ཅིའི་ཕྱིར་ཞེ་ན། སེམས་ཅན་མེད་པའི་ཕྱིར་རོ། །གལ་ཏེ་བྱང་ཆུབ་སེམས་དཔའ་ཡང་དག་པར་དམིགས་ན་ནི། འདི་ནི། བྱང་ཆུབ། འདི་ནི། སེམས ་ཅན་ཞེས་བྱང་ཆུབ་དེ་ཡང་རྙེད་པར་འགྱུར་རོ། །སེམས་ཅན་མེད་པ་དང་། སེམས་ཅན་མ་ཡིན་པ་དང་། སེམས་ཅན་དང་བྲལ་བར་ཁོང་དུ་ཆུད་པ་ནི། བྱང་ཆུབ་སེམས་དཔའ་ཞེས་བྱའོ། །སེམས ་ཅན་མེད་པ་དང་། སེམས་ཅན་དུ་འདུ་ཤེས་རྣམ་པར་བཤིག་པས་བྱང་ཆུབ་སེམས་དཔའ་ཞེས་བྱའོ། །དེ་ཅིའི་ཕྱིར་ཞེ་ན། སེམས་ཅན་གྱི་ཁམས་ཞེས་བྱ་བ་དེ་ནི། སེམས་ཅན་མེད་པའི ་ཚིག་བླ་དྭགས་སོ། །སེམས་ཅན་གྱི་ཁམས་མེད་པའི་ཕྱིར་སེམས་ཅན་ལ་སེམས་ཅན་མེད་དོ། །གལ་ཏེ་སེམས་ཅན་ལ་སེམས་ཅན་ཡོད་ན་ནི། སེམས་ཅན་གྱི་ཁམས་ཞེས་མི་བྱའོ། །སེམས ་ཅན་གྱི་ཁམས་ཞེས་བྱ་བ་དེ་ནི། ཁམས་མེད་པར་བསྟན་ཏེ། ཁམས་མེད་པ་ནི། སེམས་ཅན་གྱི་ཁམས་སོ། །གལ་ཏེ་སེམས་ཅན་གྱི་ཁམས་སེམས་ཅན་ཁམས་སུ་གྱུར་ན་ནི། སྲོག་དེ་ལུས ་དེ་ཡིན་པར་འགྱུར་རོ། །ཅི་སྟེ་སེམས་ཅན་གྱི་ཁམས་ལས་རྣམ་པར་གྲོལ་བ་ཁམས་སུ་གྱུར་ན་ནི། སྲོག་ཀྱང་གཞན། ལུས་ཀྱང་གཞན་དུ་འགྱུར་རོ། །ཁམས་མེད་པ་ནི། སེམས་ཅན་གྱི་ཁམས ་ཏེ|་བརྡས་ཐ་སྙད་དུ་གདགས་པའི་ཚིག་ཏུ་འགྲོའོ། །སེམས་ཅན་གྱི་ཁམས་ལ་ནི། ཁམས་མེད་དེ། ཁམས་མ་གཏོགས་པར་སེམས་ཅན་གྱི་ཁམས་མེད་དོ། །ཆོས་ཐམས་ཅད་ནི། ཁམས་མེད ་པ་སྟེ|་ངས་དེ་ལ་དགོངས་ནས་སེམས་ཅན་གྱི་ཁམས་ནི། གང་བའམ། བྲི་བར་ཡང་མི་མངོན་ནོ། །ཞེས་བཤད་དོ། །དེ་ཅིའི་ཕྱིར་ཞེ་ན། སེམས་ཅན་གྱི་ཁམས་རབ་ཏུ་དབེན ་པའི་ཕྱིར་སེམས་ཅན་གྱི་ཁམས་ནི། སེམས་ཅན་མ་ཡིན་ནོ། །ཇི་ལྟར་སེམས་ཅན་གྱི་ཁམས་བྲི་བ་དང་། གང་བར་མི་མངོན་པ་བཞིན་དུ་ཆོས་ཐམས་ཅད་ཀྱང་བྲི་བའམ་གང་བར་མི་མངོན་ནོ། ། ་གང་དག་བྲི་བའམ། གང་བར་འགྱུར་བར་ཆོས་ཐམས་ཅད་ལ་ཡོངས་སུ་གྲུབ་པ་གང་ཡང་མེད་དེ། གང་གིས་དེ་ལྟར་ཆོས་ཐམས་ཅད་ཁོང་དུ་ཆུད་པ་དེ་ནི། སངས་རྒྱས་ཀྱི་ཆོས་ཁོང་དུ་ཆུད་པ ་ཞེས་བྱ་སྟེ། ངས་འདི་ལ་དགོངས་ནས་ཇི་ལྟར་སེམས་ཅན་གྱི་ཁམས་བྲི་བའམ། གང་བར་མི་མངོན་པ་དེ་བཞིན་དུ་ཆོས་ཐམས་ཅད་ཀྱང་བྲི་བའམ། གང་བར་མི་མངོན་ནོ། །ཞེས་བཤད་དོ། །གང ་ཡང་ཡོངས་སུ་མ་གྲུབ་པའི་ཚུལ་གྱིས་ཆོས་ཐམས་ཅད་བྲི་བ་མ་ཡིན། གང་བ་མ་ཡིན་པ་དེས་སངས་རྒྱས་ཀྱི་ཆོས་ཀྱང་བྲི་བ་མ་ཡིན། གང་བ་མ་ཡིན་ནོ། །དེ་ལྟར་ཆོས་ཐམས་ཅད་ཁོང་དུ་ཆུད ་པའི་ཕྱིར་སངས་རྒྱས་ཀྱི་ཆོས་རྣམས་བྲི་བ་མེད་ཅིང་གང་བ་མེད་པའོ། །ཆོས་ཐམས་ཅད་བྲི་བ་མེད་ཅིང་གང་བ་མེད་པའི་ཕྱིར་སངས་རྒྱས་ཀྱི་ཆོས་ཞེས་བྱ་བ་དེ་ནི། སངས་རྒྱས་ཀྱི་ཆོས་ཀྱི་ཚིག་བླ ་དྭགས་མ་ཡིན་ནོ། །སངས་རྒྱས་ཀྱི་ཆོས་ནི། གང་གིས་ཀྱང་བྲི་བའམ། གང་བར་བྱ་བར་མི་ནུས་སོ། །དེ་ཅིའི་ཕྱིར་ཞེ་ན། འདི་ནི། ཆོས་ཐམས་ཅད་ཁོང་དུ་ཆུད་པའི་ཕྱིར་ཏེ། གང་ཆོས ་ཐམས་ཅད་ཁོང་དུ་ཆུད་པ་དེ་ལ་བྲི་བའམ། གང་བའི་ཆོས་ཅི་ཡང་མེད་དོ། །ཆོས་ཐམས་ཅད་ཅེས་བྱ་བ་དེ་ནི། ཆོས་ཀྱི་དབྱིངས་ཀྱི་ཚིག་བླ་དྭགས་ཏེ། ཆོས་ཀྱི་དབྱིངས་ལ་ནི། བྲི་བའམ། གང་བ་མེད ་དོ|་|དེ་ཅིའི་ཕྱིར་ཞེ་ན། ཆོས་ཀྱི་དབྱིངས་ནི། མཐའ་ཡས་པའི་ཕྱིར་རོ། །སེམས་ཅན་གྱི་ཁམས་དང་། ཆོས་ཀྱི་དབྱིངས་ནི། ཐ་དད་དུ་མི་དམིགས་སོ། །སེམས་ཅན་གྱི་ཁམས་དང་། ཆོས་ཀྱི ་དབྱིངས་ལ་བྲི་བའམ། གང་བ་དམིགས་པའམ་ཡོད་པ་མ་ཡིན་ཏེ། གང་གིས་དེ་ལྟར་ཁོང་དུ་ཆུད་པ་དེ་ནི། བྱང་ཆུབ་ཅེས་བྱའོ། །དེའི་ཕྱིར་སངས་རྒྱས་ཀྱི་ཆོས་རྣམས་བྲི་བའམ། གང་བར་མི་མངོན ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྲི་བ་མེད་ཅིང་གང་བ་མེད་པ་ཞེས་ཇི་སྐད་དུ་སྨྲས་པ་དེ་ནི། རྟག་པ་ཡང་དག་པ་ཇི་ལྟ་བ་བཞིན་དུ་མཐོང་བའི་ཚིག་བླ་དྭགས་སོ། །དེ་ལ་ནི། ཅི་ཡང ་བསལ་བའམ། གཞག་པར་མི་ནུས་ཏེ། གང་དེ་ལྟར་ཁོང་དུ་ཆུད་པ་དེ་ནི། བྱང་ཆུབ་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་ཅེས་བྱ་བ་དེ་ནི། སངས་རྒྱས་ཀྱི་མཚན་ཉིད་དོ། ། ་སངས་རྒྱས་ཀྱི་མཚན་ཉིད་ཇི་ལྟ་བུ་ཞེ་ན། ཆོས་ཐམས་ཅད་ཀྱི་མཚན་ཉིད་མཚན་ཉིད་མེད་པ་དེ་ནི། སངས་རྒྱས་ཀྱི་མཚན་ཉིད་དོ། །བྱང་ཆུབ་ནི། མཚན་ཉིད་མེད་པ་སྟེ། མཚན་ཉིད་ཀྱི་རང་བཞིན་ལས ་ལྡོག་པའོ། །གང་དེ་ལྟར་ཁོང་དུ་ཆུད་པ་དེ་ནི། བྱང་ཆུབ་ཅེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། དེ་ནི། ཆོས་ཐམས་ཅད་རྗེས་སུ་རྟོགས ་པས་བྱང་ཆུབ་སེམས་དཔའ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། གང་ལ་ལ་ཞིག་ཆོས་འདི་རབ་ཏུ་མི་ཤེས། ཁོང་དུ་མ་ཆུད་པར་བདག་བྱང་ཆུབ་སེམས ་དཔའ་ཞེས་ཁས་འཆེ་ན། དེ་ནི། བྱང་ཆུབ་སེམས་དཔའི་ས་ལས་རིང་ངོ་། །དེ་ནི། བྱང་ཆུབ་སེམས་དཔའི་ཆོས་རྣམས་ལས་རིང་ངོ་། །དེ་ནི། བྱང་ཆུབ་སེམས་དཔའི་མིང་གིས་ལྷ་དང་། མི ་དང་། ལྷ་མ་ཡིན་དང་བཅས་པའི་འཇིག་རྟེན་ལ་སླུ་བའོ། །རབ་ཀྱི་རྩལ་གྱིས་རྣམ་པར་གནོན་པ། གལ་ཏེ་ཚིག་ཙམ་གྱིས་བྱང་ཆུབ་སེམས་དཔར་གྱུར་ན་ནི། དེའི་ཕྱིར་སེམས་ཅན་ཐམས་ཅད ་ཀྱང་བྱང་ཆུབ་སེམས་དཔར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། བྱང་ཆུབ་སེམས་དཔའི་ས་ཞེས་བྱ་བ་དེ་ནི། ཚིག་གི་ལས་ཙམ་མ་ཡིན་ནོ། །ཚིག་གིས་བླ་ན་མེད ་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མི་ནུས་སོ། །ཚིག་གི་ལས་ཀྱིས་བྱང་ཆུབ་དང་། བྱང་ཆུབ་སེམས་དཔའི་ཆོས་རྣམས་ཐོབ་པར་མི་འགྱུར་རོ། །རབ ་ཀྱི་རྩལ་གྱིས་རྣམ་པར་གནོན་པ། སེམས་ཅན་ཐམས་ཅད་ནི། བྱང་ཆུབ་ལ་སྤྱོད་མོད་ཀྱི། མི་ཤེས་ཤིང་ཁོང་དུ་མ་ཆུད་དེ། དེའི་ཕྱིར་དེ་དག་བྱང་ཆུབ་སེམས་དཔའ་ཞེས་མི་བྱའོ། ། ་དེ་ཅིའི་ཕྱིར་ཞེ་ན། སེམས་ཅན་རྣམས་སེམས་ཅན་མེད་པར་མི་ཤེས་པའི་ཕྱིར་རོ། །གལ་ཏེ་དེ་ལྟར་ཤེས་ན། བདག་གི་སྤྱོད་པ་དག་གིས་བྱང་ཆུབ་སེམས་དཔའ་དག་ཏུ་འགྱུར་བའི་རིགས ་སོ|་། སེམས་ཅན་ཐམས་ཅད་ནི། ཕྱིན་ཅི་ལོག་པས་རང་གི་སྤྱོད་པ་དང་། རང་གི་ཡུལ་དང་། རང་གི་སྤྱོད་ཡུལ་རབ་ཏུ་མི་ཤེས་སོ། །གལ་ཏེ་རང་གི་སྤྱོད་པ་རབ་ཏུ་ཤེས་ན་ནི། དེ་དག་སླར་གང་ལ་ཡང་རྣམ ་པར་རྟོག་ཅིང་སྤྱོད་པར་མི་འགྱུར་རོ། །རྣམ་པར་རྟོག་པ་དང་། སྤྱོད་པ་དེ་དག་གིས་བྱིས་པ་སོ་སོའི་སྐྱེ་བོ་ཐམས་ཅད་ཡང་དག་པ་མ་ཡིན་པ་ལ་དམིགས་ཤིང་སྤྱོད་ཀྱང་དེ་དག་བྱང་ཆུབ་ལ་དམིགས་པ ་སྙམ་དུ་རློམ་སེམས་སུ་བྱེད་དེ། དམིགས་པ་ལ་སྤྱོད་ཅིང་རྟོག་པ་ལ་སྤྱོད་པ་དེ་དག་ལ་བྱང་ཆུབ་ག་ལ་ཡོད། བྱང་ཆུབ་སེམས་དཔའི་ཆོས་རྣམས་ག་ལ་ཡོད་དེ། གང་གི་ཆོས་དེ་ལྟ་བུར་རབ་ཏུ་ཤེས་པ ་དེ་དག་སླར་ཡང་དག་པ་མ་ཡིན་པའི་དམིགས་པ་ལ་མི་སྤྱོད་ཅིང་། དེ་དག་ནི། ཕྱིར་ཆོས་གང་ཡང་རློམ་སེམས་སུ་མི་བྱེད། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས ་བྱའོ|་|བྱང་ཆུབ་སེམས་དཔའ་ནི། རྟོག་པ་དང་། རྣམ་པར་རྟོག་པ་ལ་མི་སྤྱོད་དོ། །གང་ལ་རྟོག་པ་མེད་པ་དེ་ལ་སྤྱོད་པ་གང་ཡང་མེད་དོ། །གང་ལ་རྣམ་པར་རྟོག་པ་མེད་པ་དེ་ལ་སྤྱོད་པའི་དོན་གང ་ཡང་མེད་དོ། །སངས་རྒྱས་དང་། བྱང་ཆུབ་སེམས་དཔའ་རྣམས་ཀྱི་སྤྱོད་པ་ཐམས་ཅད་ནི། རྣམ་པར་མི་རྟོག་པར་སྤྱོད་ཅིང་ཐམས་ཅད་རློམ་སེམས་མེད་ལ་དམིགས་པ་དང་བཅས་པ་མ་ཡིན་པ་སྟེ། ་ཆོས་ཐམས་ཅད་དེ་ལྟར་རབ་ཏུ་ཤེས་པ་དེ་ནི། ཕྱིར་དམིགས་པའམ། རྣམ་པར་རྟོག་པ་ལ་སྤྱོད་པའམ། རྣམ་པར་སྤྱོད་པ་མེད་དེ། དེ་ནི། སྤྱོད་པ་མེད་པའི་ཚུལ་གྱིས་བྱང་ཆུབ་སེམས་དཔའ་རྣམས ་ཀྱི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་ན། བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱོད་པ་ལ་སྤྱོད་པ་ཡིན་ནོ། །རབ་ཀྱི་རྩལ ་གྱིས་རྣམ་པར་གནོན་པ། གང་དེ་ལྟར་ཆོས་ཁོང་དུ་ཆུད་ཅིང་རབ་ཏུ་རྟོགས་པ་དེའི་ཕྱིར་བྱང་ཆུབ་སེམས་དཔའ་ཞེས་བྱའོ། །དེས་སེམས་ཅན་དུ་འདུ་ཤེས་པ་བསལ་བས་སེམས་ཅན་མེད ་པ་ཞེས་བྱ་བ་དེ་ནི། བྱང་ཆུབ་སེམས་དཔའི་ཚིག་བླ་དྭགས་སོ། །དེ་ཅིའི་ཕྱིར་ཞེ་ན། དེས་སེམས་ཅན་ཐམས་ཅད་ཡང་དག་པ་མ་ཡིན་པ་དང་། སེམས་ཅན་ཐམས་ཅད་སེམས་ཅན་མ ་ཡིན་པ་དང་། སེམས་ཅན་ཐམས་ཅད་ནི། ཕྱིན་ཅི་ལོག་གིས་སེམས་ཅན་དང་། སེམས་ཅན་ཐམས་ཅད་ནི། ཡོངས་སུ་བརྟགས་པས་སེམས་ཅན་དང་། སེམས་ཅན་ཐམས་ཅད་ནི། ཡོད ་པ་མ་ཡིན་པ་ལ་དམིགས་པས་སེམས་ཅན་དང་། སེམས་ཅན་ཐམས་ཅད་ནི། རང་གི་སྤྱོད་པ་རྣམ་པར་མ་རུང་པར་བྱས་པས་སེམས་ཅན་དང་། སེམས་ཅན་ཐམས་ཅད་ནི། མ་རིག་པ་འདུ་བྱེད ་པས་སེམས་ཅན་ནོ། །ཞེས་ཤེས་པའི་ཕྱིར་རོ། །དེ་ཅིའི་ཕྱིར་ཞེ་ན། སེམས་ཅན་ཐམས་ཅད་ནི། ཆོས་གང་དག་མེད་པའི་ཆོས་དེ་དག་མངོན་པར་འདུ་བྱེད་པས། དེའི་ཕྱིར་སེམས་ཅན་ཐམས ་ཅད་ནི། མ་རིག་པ་འདུ་བྱེད་པས་སེམས་ཅན་ཞེས་བྱའོ། །ཆོས་མེད་པ་གང་ཞེ་ན། ང་ཞེའམ། ངའི་ཞེའམ། ངའོ། །ཞེས་བྱ་བའི་ཆོས་གང་ཡང་མེད་པའོ། །གལ་ཏེ་ཆོས་འགའ་ཞིག་ང་ཞེའམ ་ངའི་ཞེའམ། ངའོ། །ཞེས་བྱ་བར་གྱུར་ན། དེའི་ཕྱིར་སེམས་ཅན་ཐམས་ཅད་ཡང་དག་པར་འགྱུར་བ་ཞིག་ན། རབ་ཀྱི་རྩལ་གྱིས་རྣམ་པར་གནོན་པ། འདི་ལྟར་ང་ཞེའམ། ངའི་ཞེའམ། ངའོ། །ཞེས་བྱ ་བའི་ཆོས་གང་ཡང་མེད་པས། དེའི་ཕྱིར་སེམས་ཅན་ནི། ཡང་དག་པ་མ་ཡིན་པ་སྟེ། སེམས་ཅན་ཐམས་ཅད་ནི། མ་རིག་པ་འདུ་བྱེད་པས་སེམས་ཅན་ཐམས་ཅད་ཅེས་བྱའོ། །རབ་ཀྱི་རྩལ་གྱིས ་རྣམ་པར་གནོན་པ། གང་ལ་ཡང་ང་ཞེའམ། ངའི་ཞེའམ། ངའོ། །ཞེས་བྱ་བའི་སེམས་ཅན་ཞེས་བྱ་བའི་ཆོས་གང་ཡང་མེད་དེ། གང་གི་ཕྱིར་མེད་པ་དེའི་ཕྱིར་སེམས་ཅན་ནི། ཡང་དག་པ་མ་ཡིན ་པ་ཞེས་བྱའོ། །ཡང་དག་པ་མ་ཡིན་པ་ཞེས་བྱ་བ་དེ་ནི། སེམས་ཅན་མེད་པའི་ཚིག་བླ་དྭགས་སོ། །ཇི་ལྟར་སེམས་ཅན་དུ་འདུ་ཤེས་པ་ཡང་དག་པ་མ་ཡིན་པ་ལ་མངོན་པར་ཞེན་པ་དེ་ལྟར་སེམས་ཅན ་རྣམས་ཡང་དག་པ་མ་ཡིན་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ཡང་དག་པ་མ་ཡིན་པ་ཞེས་བྱ་བ་དེ་ལ་ནི། ཡང་དག་པ་ཅི་ཡང་མེད་ཅིང་མ་བྱུང་བའོ། །ཆོས་ཐམས་ཅད་ཀྱང་ཡང ་དག་པ་མ་ཡིན་ཞིང་མ་བྱུང་བའོ། །དེ་ལ་སེམས་ཅན་ཡང་དག་པ་མ་ཡིན་པ་ལ་ལྷག་པར་ཆགས་པ་དེ་ནི། རྣམ་པར་འཆིང་བ་སྟེ། དེའི་ཕྱིར་ཡང་དག་པ་མ་ཡིན་པ་ལ་དམིགས་པ་ནི། སེམས་ཅན་ཞེས ་བྱའོ|་|དེ་དག་ནི། སྤྱོད་པ་གང་ཁོང་དུ་ཆུད་པས་བྱང་ཆུབ་སེམས་དཔའ་ཞེས་བྱ་བའི་རང་གི་སྤྱོད་པ་དེ་མི་ཤེས་ཏེ། ཡོངས་སུ་མ་རྟོགས་པས་སེམས་ཅན་ནི། ཡང་དག་པ་མ་ཡིན་པ་ཞེས་བྱའོ། །རབ ་ཀྱི་རྩལ་གྱིས་རྣམ་པར་གནོན་པ། གང་དེ་ལྟར་ཆོས་ཁོང་དུ་ཆུད་པ་དེ་ནི། བྱང་ཆུབ་སེམས་དཔའ་ཞེས་བྱའོ། །བྱང་ཆུབ་སེམས་དཔའ་ཞེས་བྱ་བ་དེ་ནི། གང་གིས་ཆོས ་ཐམས་ཅད་ཁོང་དུ་ཆུད་ཅིང་ཤེས་ལ། སེམས་ཅན་རྗེས་སུ་རྟོགས་པའི་ཚིག་བླ་དྭགས་སོ། །ཇི་ལྟར་ཤེས་ཤེ་ན། ཡང་དག་པ་མ་ཡིན་པ་དང་། མ་བྱུང་བ་དང་། ཕྱིན་ཅི་ལོག་མ་ཡིན་པར་རོ། ། ་ཇི་ལྟར་བྱིས་པ་སོ་སོའི་སྐྱེ་བོ་དག་གིས་བརྟགས་པ་དེ་དག་ནི། དེ་བཞིན་དུ་མ་ཡིན་ནོ། །ཇི་ལྟར་བྱིས་པ་སོ་སོའི་སྐྱེ་བོ་དག་གིས་རྙེད་པ་དེ་དག་དེ་བཞིན་དུ་མ་ཡིན་ཏེ། དེའི་ཕྱིར་བྱང་ཆུབ་སེམས ་དཔའ་ཞེས་བྱའོ། །དེ་ཅིའི་ཕྱིར་ཞེ་ན། བྱང་ཆུབ་ནི། མ་བརྟགས། རྣམ་པར་མ་བརྟགས་ཤིང་། བྱང་ཆུབ་ནི། རྣམ་པར་མ་བསྒྲུབས་ལ་མི་དམིགས་པའི་ཕྱིར་རོ། །རབ་ཀྱི་རྩལ་གྱིས་རྣམ ་པར་གནོན་པ། དེ་བཞིན་གཤེགས་པས་ནི། བྱང་ཆུབ་མ་བརྙེས་སོ། །ཆོས་ཐམས་ཅད་མི་རྙེད་ཅིང་ཆོས་ཐམས་ཅད་མི་དམིགས་པའི་ཕྱིར་བྱང་ཆུབ་ཅེས་བྱའོ། །དེ་ལྟ་བུ་ནི། སངས་རྒྱས་ཀྱི ་བྱང་ཆུབ་ཅེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། གང་དག་བྱང་ཆུབ་ཀྱི་ཕྱིར་སེམས་འདི་བསྐྱེད་པར་བྱའོ། །ཞེས་བྱང་ཆུབ་ཏུ་སེམས ་བསྐྱེད་པ་དང་། གང་དུ་བདག་གིས་སེམས་བསྐྱེད་པར་བྱ་བའི་བྱང་ཆུབ་དེ་ཡོད་དོ། །ཞེས་བྱང་ཆུབ་རློམ་སེམས་སུ་བྱེད་པ་དེ་དག་ནི། བྱང་ཆུབ་སེམས་དཔའ་ཞེས་མི་བྱ་སྟེ། དེ་དག་ནི། སེམས ་ཅན་བསྐྱེད་པ་ཞེས་བྱའོ། །དེ་ཅིའི་ཕྱིར་ཞེ་ན། འདི་ལྟར། དེ་དག་ནི། སྐྱེ་བར་མངོན་པར་ཞེན་ཅིང་སེམས་སུ་མངོན་པར་ཞེན་ནས་བྱང་ཆུབ་ལ་མངོན་པར་ཞེན་པའི་ཕྱིར་རོ། །གང་དག་བྱང་ཆུབ་ཀྱི་ཕྱིར ་སེམས་བསྐྱེད་པ་དེ་དག་ནི། བྱང་ཆུབ་ཀྱི་སེམས་ལ་མངོན་པར་ཞེན་པ་ཞེས་བྱའོ། །གང་གི་ཕྱིར་མངོན་པར་འདུ་བྱེད་པ་དེའི་ཕྱིར་བྱང་ཆུབ་ཏུ་སེམས་བསྐྱེད་དེ། དེ་བས་ན། མངོན་པར་འདུ་བྱེད་ནི། སེམས ་ཅན་ཞེས་བྱ་སྟེ། བྱང་ཆུབ་སེམས་དཔའ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་ནི། སེམས་ཅན་སྐྱེས་པ་ཞེས་བྱ་བའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་ནི། མ་སྐྱེས་ཤིང་། ་བྱང་ཆུབ་ནི། བསམ་དུ་མེད་པས་བྱང་ཆུབ་ཀྱི་ཕྱིར་སེམས་པར་མི་ནུས་སོ། །རབ་ཀྱི་རྩལ་གྱིས་རྣམ་པར་གནོན་པ། དེ་དག་སྐྱེ་བ་ཉིད་ལ་མངོན་པར་ཞེན་ཀྱང་དེ་དག་སྐྱེ་བ་རབ་ཏུ་མི་ཤེས་སོ། །རབ་ཀྱི ་རྩལ་གྱིས་རྣམ་པར་གནོན་པ། སྐྱེ་བ་མཉམ་པ་ཉིད་གང་ཡིན་པ་དེ་ནི། ཡང་དག་པ་ཉིད་དོ། །སེམས་མཉམ་པ་ཉིད་གང་ཡིན་པ་དང་། ཡང་དག་པ་ཉིད་གང་ཡིན་པ་དང་། མཉམ་པ་ཉིད་གང་ཡིན་པ་དང་། ་ཡང་དག་པ་ཉིད་དེ་ནི། བྱང་ཆུབ་སྟེ། གང་ན་ཡང་དག་པ་ཇི་ལྟ་བ་ཉིད་ཡོད་པ་དེ་ན་རྣམ་པར་རྟོག་པ་གང་ཡང་མེད་ན། དེ་དག་ནི། སེམས་དང་། བྱང་ཆུབ་ལ་རྣམ་པར་བརྟགས་ཏེ། གཉིས་སུ་མངོན ་པར་ཞེན་ནས་བྱང་ཆུབ་ཀྱི་ཕྱིར་སེམས་བསྐྱེད་དོ། །རབ་ཀྱི་རྩལ་གྱིས་རྣམ་པར་གནོན་པ། སེམས་ཀྱང་གཞན་མ་ཡིན། བྱང་ཆུབ་ཀྱང་གཞན་མ་ཡིན། སེམས་ལ་བྱང་ཆུབ་མེད། བྱང་ཆུབ་ལ་ཡང ་སེམས་མེད་དེ། བྱང་ཆུབ་གང་ཡིན་པ་དང་། སེམས་གང་ཡིན་པ་དེ་ནི་ཡང་དག་པ་ཇི་ལྟ་བ་ཉིད་དང་། ཇི་ལྟ་བ་བཞིན་ནོ། །དེ་ལ་ནི་བྱང་ཆུབ་ཀྱང་མེད། སེམས་ཀྱང ་མེད་དོ། །གང་གིས་སེམས་ཉིད་དང་། བྱང་ཆུབ་དང་། སྐྱེ་བ་དང་། མི་སྐྱེ་བ་ཡང་མི་དམིགས་པ་དེ་བྱང་ཆུབ་སེམས་དཔའ་ཞེས་བྱའོ། །ཡང་དག་པ་ཇི་ལྟ་བ་བཞིན་གྱི་སེམས་དཔའ་ཞེས་བྱའོ། །སེམས་དཔའ་ཆེན ་པོ་ཞེས་བྱའོ། །དེ་ཅིའི་ཕྱིར་ཞེ་ན། དེས་གང་དང་གང་ལ་དེས་ཡང་དག་པ་མ་ཡིན་པ་གང་ཡིན་པ་དེ་ཤེས་པའི་ཕྱིར་རོ། །ཡང་དག་པ་མ་ཡིན་པ་གང་ཞེ་ན། འཇིག་རྟེན་ཐམས་ཅད་ནི་ཡང་དག་པ་མ་ཡིན ་པ་སྟེ|་ཡང་དག་པ་མ་ཡིན་པར་རྟོགས་སོ། །ཀྱེ་མ་འཇིག་རྟེན་གནས་པ་འདི་ནི་ཡང་དག་པ་མ་ཡིན་པའོ། །མ་བྱུང་བའོ། །དེ་ཅིའི་ཕྱིར་ཞེ་ན། ཡང་དག་པ་མ་ཡིན་པ། མི་འབྱུང་བ་ཞེས་བྱ་ཞེ ་ན་ཡང་དག་པ་མ་ཡིན་པ་ལ་འབྱུང་བ་གང་ཡང་མེད་དེ། ཡང་དག་པ་མ་ཡིན་པ་ནི་མི་འབྱུང་བའོ། །དེའི་ཕྱིར་ཆོས་ཐམས་ཅད་ནི་ངོ་བོ་ཉིད་ཀྱིས་མེད་པ། ཡང་དག་པ་མ་ཡིན་པ་ཞེས་བྱའོ། །གང་གིས ་དེ་ལྟར་ཤེས་པ་དེ་ནི་ཡང་དག་པ་ཇི་ལྟ་བ་བཞིན་གྱི་སེམས་ཅན་ཞེས་བྱའོ། །ཡང་དག་པ་ལ་ཡང་དག་པ་ཞེས་མངོན་པར་མི་ཞེན་པས་དེའི་ཕྱིར་ཡང་དག་པ་ཇི་ལྟ་བ་བཞིན་གྱི་སེམས་ཅན་ཞེས་བྱ་སྟེ ་ཇི་སྐད་དུ་བརྗོད་པ་བཞིན་དུ་མ་ཡིན་ནོ། །དེ་ཅིའི་ཕྱིར་ཞེ་ན། ཡང་དག་པ་མ་ཡིན་པ་ལ་སེམས་ཅན་ནམ། སེམས་ཅན་ཆེན་པོ་ཞེས་བྱ་བ་གང་ཡང་མེད་པའི་ཕྱིར་རོ། །གང་གིས་ཐེག་པ་ཆེན་པོ་ཁོང ་དུ་ཆུད་པ་དེ་སེམས་ཅན་ཆེན་པོ་ཞེས་བྱའོ། །ཐེག་པ་ཆེན་པོ་གང་ཞེ་ན། ཐམས་ཅད་མཁྱེན་པའི་ཡེ་ཤེས་ནི་ཐེག་པ་ཆེན་པོའོ། །ཐམས་ཅད་མཁྱེན་པའི་ཡེ་ཤེས་གང་ཞེ་ན། གང་ཅི་ཡང་རུང་སྟེ། ་འདུས་བྱས་ཤེས་པ་དང་། འདུས་མ་བྱས་ཤེས་པ་དང་། འཇིག་རྟེན་ཤེས་པ་དང་། འཇིག་རྟེན་ལས་འདས་པ་ཤེས་པ་དེས་སེམས་ཅན་ཆེན་པོ་ཞེས་བྱའོ། །དེ་ཅིའི་ཕྱིར་ཞེ་ན། དེ་སེམས་ཅན་དུ་འདུ ་ཤེས་པ་ཆེན་པོ་མེད་པས། དེའི་ཕྱིར་སེམས་ཅན་ཆེན་པོ་ཞེས་བྱའོ། །དེ་ལ་མ་རིག་པའི་ཕུང་པོ་ཆེན་པོ་མེད་པས། དེའི་ཕྱིར་སེམས་ཅན་ཆེན་པོ་ཞེས་བྱའོ། །དེ་ལ་འདུ་བྱེད་ཀྱི་ཕུང་པོ་མེད་པས། དེའི ་ཕྱིར་སེམས་ཅན་ཆེན་པོ་ཞེས་བྱའོ། །དེ་ལ་མི་ཤེས་པའི་ཕུང་པོ་ཆེན་པོ་མེད་པས། དེའི་ཕྱིར་སེམས་ཅན་ཆེན་པོ་ཞེས་བྱའོ། །དེ་ལ་སྡུག་བསྔལ་གྱི་ཕུང་པོ་ཆེན་པོ་མེད་པས། དེའི་ཕྱིར་སེམས་ཅན་ཆེན ་པོ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། གང་དག་སེམས་དཔའ་ཆེན་པོའི་འདུ་ཤེས་ལ་ཡང་སྨོད་ལ། སེམས་ཀྱང་མི་དམིགས། སེམས་ལས་བྱུང་བའི་ཆོས་དང་། སེམས་ཀྱི་རང་བཞིན ་ཡང་རབ་ཏུ་མི་ཤེས། བྱང་ཆུབ་ཀྱང་མི་དམིགས། བྱང་ཆུབ་ཀྱི་ཕྱོགས་ཀྱི་ཆོས་རྣམས་དང་། བྱང་ཆུབ་ཀྱི་རང་བཞིན་ཡང་རབ་ཏུ་མི་ཤེས་ཏེ། དེ་དག་མི་ཤེས་པའི་སེམས་ཀྱིས་བྱང་ཆུབ་ཀྱང་མི ་མཐོང་། བྱང་ཆུབ་མ་གཏོགས་པར་སེམས་ཀྱང་མི་མཐོང་། བྱང་ཆུབ་ལ་སེམས་མི་མཐོང་། སེམས་ལ་བྱང་ཆུབ་མི་མཐོང་སྟེ། གང་དེ་ལྟར་རྣམ་པར་འཇིག་པ་དེ་ནི་སྒོམ་པ་ཡང་མེད། རྣམ་པར ་འཇིག་པར་བྱེད་པ་ཡང་མེད་དེ། དེ་རྣམ་པར་འཇིག་པར་བྱེད་པ་དེ་ཡང་མི་དམིགས་ཤིང་རློམ་སེམས་སུ་མི་བྱེད་པ། མངོན་པར་ཞེན་པ་དེ་དག་བྱང་ཆུབ་ཏུ་སེམས་བསྐྱེད ་དོ|་|རབ་ཀྱི་རྩལ་གྱིས་རྣམ་པར་གནོན་པ། གང་དེ་ལྟར་བྱང་ཆུབ་ཏུ་སེམས་བསྐྱེད་པ་དེ་དག་ནི། བྱང་ཆུབ་སེམས་དཔའ་ཡང་དག་པ་ཞེས་བྱ་སྟེ། དེ་དག་བྱང་ཆུབ་ལས་ཕྱིར་མི་ལྡོག་གོ་། ་དེ་ཅིའི་ཕྱིར་ཞེ་ན། གང་དག་འདི་ལྟར་བྱང་ཆུབ་དང་། སེམས་དང་། སྐྱེ་བ་དང་། འགོག་པ་ཐ་དད་དུ་བྱ་བར་ཡང་དག་པར་རྗེས་སུ་མི་མཐོང་བ་དེ་དག་བྱང་ཆུབ་ཉིད་ལ་གནས་པ་སྟེ། འདི་ནི། ་གང་ཡང་ཡང་དག་པར་རྗེས་སུ་མི་མཐོང་ངོ་། །གང་ལ་ཡང་མངོན་པར་མི་ཞེ་ན། གང་ལ་ཡང་རྣམ་པར་རྟོག་པར་མི་འགྱུར་ཏེ། རབ་ཀྱི་རྩལ་གྱིས་རྣམ་པར་གནོན་པ། གང་དག་དེ་ལྟར་རྣམ ་པར་གྲོལ་བ་དང་། རྣམ་པར་གྲོལ་བར་སེམས་མི་བསྐྱེད་པ་དེ་དག་ནི། བྱང་ཆུབ་སེམས་དཔའ་ཡང་དག་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། གང་དག་སེམས་ཅན་དུ་འདུ་ཤེས ་པ་དང་། བྱང་ཆུབ་ཏུ་འདུ་ཤེས་པ་དང་། བྱང་ཆུབ་ཀྱི་ཕྱིར་སེམས་བསྐྱེད་ན། དེ་དག་ནི། བྱང་ཆུབ་ལས་རིང་བ་སྟེ། དེ་ནི། བྱང་ཆུབ་དང་ཉེ་བ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། ་གང་དག་བྱང་ཆུབ་ལས་རིང་བའམ། ཉེ་བར་ཡང་དག་པར་རྗེས་སུ་མི་མཐོང་བ་དེ་དག་བྱང་ཆུབ་དང་ཉེ་བ་སྟེ། དེ་ནི། བྱང་ཆུབ་ཀྱི་ཕྱིར་སེམས་བསྐྱེད་པའོ། །རབ་ཀྱི་རྩལ་གྱིས་རྣམ་པར་གནོན་པ། ་ངས་དེ་ལ་དགོངས་ནས་གང་བདག་གཉིས་སུ་མེད་པར་ཤེས་པ་དེ་ནི། སངས་རྒྱས་དང་། ཆོས་ཀྱང་རབ་ཏུ་ཤེས་སོ། །ཞེས་བཤད་དོ། །དེ་ཅིའི་ཕྱིར་ཞེ་ན། གཉིས་སུ་མེད་པར་ཡོངས་སུ་ཤེས་པས་ཆོས ་ཐམས་ཅད་ཡོངས་སུ་ཤེས་ཏེ། དེ་ཆོས་ཐམས་ཅད་ཀྱི་བདག་གི་ངོ་བོ་ཉིད་བསྒོམས་པའི་ཕྱིར་རོ། །གང་གཉིས་སུ་མེད་པའི་ཆོས་ཤེས་པ་དེ་ནི། སངས་རྒྱས་ཀྱི་ཆོས་ཤེས་པ་སྟེ། ཆོས་གཉིས་སུ ་མེད་པར་ཡོངས་སུ་ཤེས་པས་སངས་རྒྱས་ཀྱི་ཆོས་ཡོངས་སུ་ཤེས་སོ། །བདག་ཡོངས་སུ་ཤེས་པས་ཁམས་གསུམ་ཐམས་ཅད་ཡོངས་སུ་ཤེས་སོ། །རབ་ཀྱི་རྩལ་གྱིས་རྣམ་པར་གནོན་པ། གང ་དག་ཡོངས་སུ་ཤེས་པ་ཞེས་བྱ་བ་དེ་ནི། ཆོས་ཐམས་ཅད་ཀྱི་ཕ་རོལ་ལོ། །ཆོས་ཐམས་ཅད་ཀྱི་ཕ་རོལ་ཡང་གང་ཞེ་ན། གང་ཕ་རོལ་ཉིད་ཀྱང་མི་དམིགས། ཕ་རོལ་ཏུ་རློམ་སེམས་སུ་མི་བྱེད། ཕ ་རོལ་ལ་མངོན་པར་མི་ཞེན་པ་དེ་ནི། ཡོངས་སུ་ཤེས་པས་ཕ་རོལ་ཏུ་སོང་བ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་འདི་ནི། བྱང ་ཆུབ་སེམས་དཔའི་ས་ཡིན་པར་རིག་པར་བྱའོ། །གང་ལ་ཤེས་པར་བྱ་བ་དང་། རྟོགས་པར་བྱ་བ་ཕྲ་རབ་ཙམ་ཡང་མེད་པ་དེ་ནི། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེ ་ལ་ནི|་འོང་བའམ། འགྲོ་བ་མི་མངོན་ནོ། །གླེང་གཞིའི་ལེའུ་ཞེས་བྱ་སྟེ། དང་པོའོ།། །།བམ་པོ་གཉིས་པ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི ་སྐད་ཅེས་གསོལ་ཏོ། །བཅོམ་ལྡན་འདས། ང་རྒྱལ་ཅན་མཚན་མ་ལ་སྤྱོད་པ་རྣམས་བསྟན་པ་འདི་ལ་སྐྲག་པར་འགྱུར་ལགས་སོ། །དེ་ནས་ཚེ་དང་ལྡན་པ་ཤཱ་རདྭ་ཏིའི ་བུས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ། འདི་ནི། ང་རྒྱལ་ཅན་རྣམས་ཀྱི་ཡུལ་མ་ཡིན། རྟོགས་པ་མ་ཡིན་པས་དེ་དག་འདི་ལ་སྐྲག་པར ་མི་འགྱུར་རོ། །དེ་ཅིའི་ཕྱིར་ཞེ་ན། གང་སྡིག་པའི་གྲོགས་པོའི་ལག་ཏུ་སོང་བ་དེ་དག་ནི། འདི་ལ་སྐྲག་པར་གྱུར་ཟིན་པས། འདི་ནི། དེ་དག་གི་ཡུལ་མ་ཡིན་ཞིང་མི་རྟོགས་སོ། །ཚེ་དང་ལྡན་པ་ཀུན ་དགའ་བོ། གང་དག་ང་རྒྱལ་སྤང་བའི་ཕྱིར་ཞུགས་ཤིང་། ང་རྒྱལ་སྤང་བའི་ཕྱིར་བརྩོན་པ་དེ་དག་ནི། འདི་ལ་སྐྲག་པར་འགྱུར་རོ། །དེ་ཅིའི་ཕྱིར་ཞེ་ན། ང་རྒྱལ་ཡོངས་སུ་ཤེས་པས་ང་རྒྱལ་མེད་པ ་ཚོལ་ཞིང་ང་རྒྱལ་སྤོང་བ་ཚོལ་བའི་ཕྱིར་རོ། །ཚེ་དང་ལྡན་པ་ཀུན་དགའ་བོ། གང་དག་ང་རྒྱལ་མི་དམིགས་ཤིང་། ཡང་དག་པར་མི་མཐོང་ལ། རློམ་སེམས་སུ་མི་བྱེད་ཅིང་། མངོན་པར་མི་ཞེན ་པ་དེ་དག་ནི། གང་ལ་ཡང་མི་སྐྲག། གང་ལ་ཡང་མི་དངངས། གང་ལ་ཡང་དངང་བར་མི་འགྱུར་རོ། །ཚེ་དང་ལྡན་པ་ཀུན་དགའ་བོ། ང་རྒྱལ་ཅན་རྣམས་ཀྱི་ཕྱིར་ཆོས་བསྟན་པ་འདི་ཞུགས་པ་མ ་ཡིན་ནོ|་|ཚེ་དང་ལྡན་པ་ཀུན་དགའ་བོ། འདི་ནི། ང་རྒྱལ་ཅན་རྣམས་ཀྱི་ཡུལ་མ་ཡིན་ཏེ། གོ་སྐབས་མེད་དོ། །གང་དག་ང་རྒྱལ་སྤང་བའི་ཕྱིར་བརྩོན་ཞིང་འབད་པ་དེ་དག་ནི། ཡང་དག་པར་འབད ་པ་མ་ཡིན་ནོ། །ཚེ་དང་ལྡན་པ་ཀུན་དགའ་བོ། ང་རྒྱལ་ཞེས་བྱ་བ་དེ་ནི། ལྷག་པར་བྱེད་པ་སྒྲོ་འདོགས་པའི་ཚིག་བླ་དྭགས་སོ། །གང་དག་ང་རྒྱལ་ལ་སྤྱོད་ཅིང་ལྷག་པར་བྱེད་པ་སྒྲོ་འདོགས་པར་བྱེད་པ ་དེ་དག་ནི། མཚུངས་པར་མི་སྤྱོད་དོ། །མཚུངས་པར་སྤྱོད་པ་ཡང་ཆོས་འདི་ལ་ཐེ་ཚོམ་ཟའོ། །ཚེ་དང་ལྡན་པ་ཀུན་དགའ་བོ། གང་དག་མཉམ་པ་ཡང་མི་དམིགས། མི་མཉམ་པ་ཡང་མ་ཡིན། ་མཉམ་པར་ཡང་རློམ་སེམས་མི་བྱེད། མི་མཉམ་པར་ཡང་མ་ཡིན། མཉམ་པར་ཡང་མི་ཞེ་ན། མི་མཉམ་པར་ཡང་མ་ཡིན་པ་དེ་དག་ནི། གང་ལ་ཡང་མི་སྐྲག། མི་དངངས། དངང་པར་མི ་འགྱུར་རོ། །ཚེ་དང་ལྡན་པ་ཀུན་དགའ་བོ། འདི་ནི། བྱིས་པ་སོ་སོའི་སྐྱེ་བོ་ཐམས་ཅད་ཀྱི་ཡུལ་མ་ཡིན་ཏེ། མི་རྟོགས་སོ། །ཚེ་དང་ལྡན་ཀུན་དགའ་བོ། འདི་ནི། བྱིས་པ་སོ་སོའི་སྐྱེ་བོ་ཐམས་ཅད་ཀྱིས་ཤེས ་ཤིང་རྟོགས་པ་མ་ཡིན་ནོ། །ཚེ་དང་ལྡན་པ་ཀུན་དགའ་བོ། ཉན་ཐོས་ཀྱི་ཐེག་པ་ཅན་རྣམས་ཀྱིས་ཀྱང་མི་རྟོགས་སོ། །འདི་ནི། གང་རང་སངས་རྒྱས་ཀྱི་ཐེག་པ་ཅན་ཆོས་ཟབ་མོ་ལ་སྤྱོད་པ་དེ་དག་གིས ་ཀྱང་མི་རྟོགས་སོ། །ཚེ་དང་ལྡན་པ་ཀུན་དགའ་བོ། བྱང་ཆུབ་སེམས་དཔའི་ཐེག་པ་ཅན་གང་དག་མཚན་མ་ལ་སྤྱོད་པ་དགེ་བའི་བཤེས་གཉེན་གྱིས་ཡོངས་སུ་མ་ཟིན་པ། སྡིག་པའི་གྲོགས་པོའི་ལག་ཏུ ་སོང་བ་དེ་དག་ཀྱང་ཆགས་པ་མེད་པའི་ཆོས་འདི་དག་མི་རྟོགས་ཤིང་ཡུལ་མ་ཡིན་ཏེ། ཚེ་དང་ལྡན་པ་ཀུན་དགའ་བོ། ཉན་ཐོས་ཀྱི་ཐེག་པ་ཅན་བདེན་པ་མཐོང་བ་དང་། བྱང་ཆུབ་སེམས་དཔའི་ཐེག་པ་ཅ ་དགེ་བའི་བཤེས་གཉེན་གྱིས་བསྟན་པ། ཆོས་ཟབ་མོ་ལ་མོས་པ། གང་ཆོས་འདི་དག་ལ་མཐུན་པར་སྤྱོད་པ་དང་། གང་ཆོས་འདི་ཁོང་དུ་ཆུད་ཅིང་སྤྱོད་པ་རྣམས་ནི། མ ་གཏོགས་སོ། །ཀུན་དགའ་བོ། བྱང་ཆུབ་སེམས་དཔའ་མཚན་མ་དང་བྲལ་བ། མཚན་མ་མེད་པ་ལ་སྤྱོད་པ། སྣ་ཚོགས་མེད་པ་ལ་སྤྱོད་པ། ཟབ་མོའི་ཆོས་ཤིན་ཏུ་མཐར་ཕྱིན་པ། གང་དག ་སེམས་དང་། བྱང་ཆུབ་ཀྱང་མི་དམིགས་ཤིང་ཆོས་གང་ཡང་ཐ་དད་དུ་མི་བྱེད་ལ། ཡང་དག་པར་རྗེས་སུ་མི་མཐོང་བ་དེ་དག་ནི། འདི་ལྟ་བུའི་ཆོས་ལ་རྨོངས་པར་མི་འགྱུར། ཐེ་ཚོམ་མི་ཟའོ།། ་དེ་ཅིའི་ཕྱིར་ཞེ་ན། དེ་དག་ཆོས་ཐམས་ཅད་དང་རྗེས་སུ་མཐུན་པར་གནས་ཏེ། མི་མཐུན་པར་ནི་མ་ཡིན་པའི་ཕྱིར་རོ། །དེ་དག་གིས་གང་དང་གང་ལ་ཆོས་འདྲི་བ་དེ་དང་དེས་རྗེས་སུ་མཐུན་པར་ལན ་འདེབས་ཤིང་རྗེས་སུ་མཐུན་པར་སྨྲ་བར་བྱེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཇི་ལྟར་ཤཱ་རིའི་བུ་འདིས་བཤད ་པ་དེ་དེ་བཞིན་ཏེ། ཀུན་དགའ་བོ། ཆོས་བསྟན་པ་འདི་དང་། སངས་རྒྱས་ཀྱི་བྱང་ཆུབ་དང་རྗེས་སུ་མཐུན་པའི་སངས་རྒྱས་ཀྱི་བྱང་ཆུབ་འདི་ནི། ང་རྒྱལ་ཅན་རྣམས་ཀྱིས་མ་ཡིན། འཇུག་པའི ་ཡུལ་མ་ཡིན་ནོ། །ཀུན་དགའ་བོ། སངས་རྒྱས་ཀྱི་ཆོས་རྒྱ་ཆེན་པོ་ལ་ནི། དམན་པ་ལ་མོས་པའི་སེམས་ཅན་རྣམས་ཀྱི་སེམས་མི་འཇུག་གོ་།ཀུན་དགའ་བོ། དམན་པ་ལ་མོས་པ་ང་རྒྱལ་ཅན ་རྣམས་ནི། ང་རྒྱལ་གྱི་དབང་གིས་འགྲོ་བས། དེ་དག་སངས་རྒྱས་ཀྱི་བྱང་ཆུབ་ལ་མི་མཐུན་པར་གནས་སོ། །ཀུན་དགའ་བོ། འཁོར་འདི་ནི། གཙང་མ་སྟེ། སྔོན་གྱི་རྒྱལ་བ་རྣམས་ལ་བྱ་བ་བྱས་ཤིང་དགེ ་བའི་རྩ་བ་བསྐྱེད་པ། སངས་རྒྱས་མང་པོ་ལ་བསྙེན་བཀུར་བྱས་པ། ཟབ་མོ་ལ་མོས་པ་ཟབ་མོ་སྤྱོད་པ་སྟེ། ཀུན་དགའ་བོ། འཁོར་འདི་ལ་དེ་བཞིན་གཤེགས་པས་ཡིད་བརྟན་ནས་ཆོས་མངོན་པར ་སྟོན་གྱི|་རྗེས་སུ་སྲུང་བའི་ཆོས་ནི། ཅུང་ཟད་ཀྱང་མི་སྟོན་ཏོ། །ཀུན་དགའ་བོ། འཁོར་འདི་ནི། སྙིང་པོ་སྟེ། ས་ཞག་དང་། གསེག་མ་དང་། གྱོ་མོ་མེད་པ། སངས་རྒྱས་བརྒྱ་སྟོང་མང་པོ་ལ ་བསྙེན་བཀུར་བྱས་པ། སྙིང་པོ་ལ་རབ་ཏུ་གནས་པའོ། །ཀུན་དགའ་བོ། གསེག་མ་དང་། གྱོ་མོ་ཞེས་བྱ་བ་དེ་ནི། བྱིས་པ་སོ་སོའི་སྐྱེ་བོ་རྣམས་ཀྱི་ཚིག་བླ་དྭགས་ཏེ། གང་དག་ཆོས་འདི་ལ་གོ ་སྐབས་མེད་པའོ། །ཀུན་དགའ་བོ། ས་ཞག་ཅེས་བྱ་བ་དེ་ནི། སེམས་ཅན་ང་རྒྱལ་ཅན་རྣམས་ཀྱི་ཚིག་བླ་དྭགས་སོ། །ཀུན་དགའ་བོ། འཁོར་འདི་ནི། ང་རྒྱལ་མེད་པ། དགེ་བའི་རྩ་བ་ཆེན་པོས ་མངོན་པར་འཕགས་པའོ། །ཀུན་དགའ་བོ། འདི་ལྟ་སྟེ། དཔེར་ན། ཀླུའི་རྒྱལ་པོ་མ་དྲོས་པ་རབ་ཏུ་དགའ་བར་གྱུར་ཏེ། དགའ་བ་དང་། ཡིད་བདེ་བ་སྐྱེས་ནས་རང་གི་གནས་ན་འདོད་པའི་ཡོན་ཏན ་ལྔ་ལ་ཀུན་དུ་སྤྱོད་ཅིང་། རང་གི་གནས་ན་རབ་ཏུ་དགའ་བར་ཡན་ལག་བརྒྱད་དང་ལྡན་པའི་ཆར་གྱི་ཆུ་ཆེན་པོ་འབེབས་སོ། །དེའི་བུར་གྱུར་པ་དེ་དག་ཀྱང་རབ་ཏུ་དགའ་ནས་རང་རང་གི་གནས་ན ་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ཏེ་རྩེ་ཞིང་ཆར་ཆེན་པོ་འབེབས་སོ། །ཀུན་དགའ་བོ། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར ་རྫོགས་པའི་སངས་རྒྱས་ཀྱང་ཆོས་ཀྱི་ཆར་ཆེན་པོ་འབེབས་སོ། །གང་འདི་སྲས་ཐུ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་འཇིག་རྟེན་གྱི་ཁམས་འདི་ནས་རང་རང་གི་སངས ་རྒྱས་ཀྱི་ཞིང་དུ་སོང་སྟེ་ཆོས་ཀུན་འབྱུང་བ་འདི་ལ་བརྩམས་ནས་དེ་བཞིན་གཤེགས་པ་དེ་དག་གི་སྤྱན་སྔར་ཆོས་ཀྱི་ཆར་ཆེན་པོ་གཏོང་ཞིང་ཆོས་ཀྱི་ཆར་ཆེན་པོ་རབ་ཏུ་འབེབས་སོ། །ཀུན་དགའ ་བོ|་འདི་ལྟ་སྟེ། དཔེར་ན། ཀླུའི་རྒྱལ་པོ་རྒྱ་མཚོ་ནི། གང་གི་ཚེ་རབ་ཏུ་དགའ་བར་གྱུར་པ་དེའི་ཚེ་རང་གི་གནས་ནས་ཆར་གྱི་རྒྱུན་ཆེན་པོ་འབེབས་སོ། །གང་དག་གནས་དེ་ན་གནས་པར ་གྱུར་པའི་ཀླུ་དེ་དག་གིས་ཀྱང་ཆར་གྱི་རྒྱུན་དེ་མནོས་ནས་དགའ་བར་གྱུར་ཏེ་ཆར་གྱི་རྒྱུན་དེས་བདེ་བར་ཤེས་སོ། །གང་དག་དེའི་བུར་གྱུར་པ་དེ་དག་ཀྱང་ཆར་གྱི་རྒྱུན་དེ་བཟོད་ཅིང་ཆར་གྱི་རྒྱུན ་དེས་མཆོག་ཏུ་དགའ་བ་ཐོབ་བོ། །དེ་ཅིའི་ཕྱིར་ཞེ་ན། ཀུན་དགའ་བོ། ཀླུ་གཞན་དག་གིས་ཆར་གྱི་རྒྱུན་དེ་མི་བཟོད་ལ། ཀླུ་གཞན་དག་གིས་ཆར་གྱི་རྒྱུན་དེས་བདེ་བར་མི་ཤེས་ཤིང་ཆར་གྱི ་རྒྱུན་དག་གིས་དགའ་བར་མི་འགྱུར་བའི་ཕྱིར་རོ། །ཀུན་དགའ་བོ། དེ་བཞིན་དུ་གང་དག་དེ་བཞིན་གཤེགས་པའི་ཆོས་དཀོན་མཆོག་ལ་ལྷག་པར་ཆགས་པ་དང་། གང་དག་དེ་བཞིན་གཤེགས ་པའི་སྲས་ཀྱི་ཐུ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་བྱས་པ། བསམ་པ་རྒྱ་ཆེ་བ། ཆོས་ཟབ་མོའི་ཚུལ་ལས་ངེས་པར་སྐྱེས་པ་དེ་དག་ནི། དེ་བཞིན་གཤེགས་པའི་ཆོས ་ཀྱི་ཚུལ་གྱི་ཆར་ཆེན་པོ་འདི་བཟོད་དོ། །ཐོས་ནས་རབ་ཏུ་དགའ་ཞིང་མགུ་སྟེ་བདེ་བར་ཤེས་སོ། །ཀུན་དགའ་བོ། དེ་བཞིན་གཤེགས་པས་དོན་གྱི་དབང་འདི་ལ་བརྟེན་ཏེ་བསམ་པ་དག་པའི་འཁོར་དུ ་སེངྒེའི་སྒྲ་ཆེན་པོ་སྒྲོག་ཅིང་ཆོས་ཀྱི་ཆར་ཆེན་པོ་འབེབས་སོ། །ཀུན་དགའ་བོ། འདི་ལྟ་སྟེ། དཔེར་ན། འཁོར་ལོས་བསྒྱུར་བའི་རྒྱལ་པོ་རིན་པོ་ཆེའི་མཛོད་མང་པོ་བསགས་པ་དང་ལྡན་པ་དེས། བུ ་མང་པོ་རིགས་དང་ལྡན་ཞིང་མ་རྒྱུད་ཀྱིས་ཀྱང་དག་པ་དེ་དག་ཐམས་ཅད་བཀུག་ནས་རིན་པོ་ཆེའི་མཛོད་བགོས་ཏེ། བུ་གང་ལ་ཡང་མི་བསླུ་བར་བྱིན་ནོ། །དེ་ལྟར་བགོས་པ་དེ་དག་འཁོར་ལོས་བསྒྱུར ་བའི་རྒྱལ་པོ་དེ་ལ་དགའ་བ་དང་། མགུ་བ་ཆེན་པོ་ལྷག་པར་སྐྱེས་ནས་འཁོར་ལོས་བསྒྱུར་བའི་རྒྱལ་པོ་དང་དོན་མཚུངས་པར་གྱུར་ཏོ། །སྙམ་སྟེ། བདག་བདེ་བར་ཤེས་སོ། །ཀུན་དགའ་བོ། དེ་བཞིན ་དུ་དེ་བཞིན་གཤེགས་པ་ཆོས་ཀྱི་རྒྱལ་པོ། ཆོས་ཀྱི་བདག་པོ། རང་བྱུང་གིས་ཀྱང་སྲས་དེ་དག་བསྡུས་ནས་ཆོས་རིན་པོ་ཆེའི་མཛོད་འདི་མཉམ་པར་བགོས་ཏེ། སྲས་དེ་དག་གང་ལ་ཡང་མི་སླུ་བས ་དེ་དག་ང་ལ་དགའ་བ་དང་། མགུ་བ་དང་། གུས་པ་ཆེར་བསྐྱེད་ཅིང་དོན་མཐུན་པ་སངས་རྒྱས་ཀྱི་རིགས་མི་གཅོད་པར་གནས་སོ། །ཀུན་དགའ་བོ། སེམས་ཅན་གཞན་དམན་པ་ལ་མོས་པ། ང ་རྒྱལ་ཅན། ལྟ་བ་ལ་སྤྱོད་པ། མཚན་མ་ལ་སྤྱོད་པ། དམིགས་པ་ལ་སྤྱོད་པ། ངའོ་སྙམ་པའི་ང་རྒྱལ་གྱིས་བཅོམ་པ། འདོད་ཆགས་དང་། ཞེས་སྡང་དང་། གཏི་མུག་གི་ཟིལ ་གྱིས་གནོན་པ། ལོག་པའི་ལམ་དུ་དོང་བ་རྣམས་ཀྱི་ཆོས་རིན་པོ་ཆེ་འདི་བཟོད་པར་མི་ནུས་སོ། །ཀུན་དགའ་བོ། དམན་པ་ལ་མོས་པའི་སེམས་ཅན་རྣམས་ནི། འཁོར་ལོས་བསྒྱུར་བའི་ནོར་མི ་འདོད་ཀྱི། ཀུན་དགའ་བོ། གང་དག་འཁོར་ལོས་བསྒྱུར་བའི་བུར་གྱུར་པ་དེ་དག་ནི། འཁོར་ལོས་བསྒྱུར་བའི་ནོར་འདོད་དོ། །ཀུན་དགའ་བོ། སེམས་ཅན་དབུལ་པོ་རྣམས་ནི། འཁོར་ལོ་རིན་པོ ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བློན་པོ་རིན་པོ་ཆེ་དང་། གོས་མང་པོ་དང་། གསེར་དང་། ནོར ་བུ་དང་། མུ་ཏིག་དང་། བཻ་ཌཱུཪྱ་དང་། དུང་དང་། མན་ཤེལ་དང་། བྱི་རུ་དང་། ས་ལེ་སྦྲམ་དང་། དངུལ་མང་པོ་དག་དགོས་པར་མི་འཛིན་ཏེ། རྙེད་ཀྱང་དགའ་བར་ཀུན་ཏུ་སྤྱོད་པར་མི་ནུས་ཤིང་། ་རིན་ཐང་ཆུང་ངུར་ཚོང་ལ་མི་མཁས་པས་འདོར་རོ། །དེ་ཅིའི་ཕྱིར་ཞེ་ན། དེ་དག་རིན་པོ་ཆེ་ལ་མི་མཁས་པའི་ཕྱིར་རོ། །ཀུན་དགའ་བོ། སེམས་ཅན་དབུལ་པོ་ནི། རིན་པོ་ཆེ་འདིའི་མིང་ནི། འདིའོ། །ཞེས ་བྱ་བར་རིན་པོ་ཆེ་རྣམས་ཀྱི་མིང་ཡང་མི་ཤེས་སོ། །ཀུན་དགའ་བོ། དེ་བཞིན་དུ་དེ་བཞིན་གཤེགས་པའི་སྲས་བདེན་པ་མཐོང་བ་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག ་ནི|་ཆོས་རིན་པོ་ཆེའི་མཛོད་འདི་ཚོལ་བ་སྟེ། ཆོས་རིན་པོ་ཆེ་དམིགས་སུ་མེད་པ། སྟོང་པ་ཉིད་དང་ལྡན་པ། སངས་རྒྱས་ཀྱི་ཆོས་དང་ལྡན་པ་འདི་འདོད་ཅིང་བཟོད་དེ་དེ་དག་དེས་བྱ་བ་བྱེད་དོ། །སེམས་ཅན ་དབུལ་པོ་ཐོས་པ་དང་བྲལ་བ། ཐོས་པ་ཉམས་པ། མིག་དང་མི་ལྡན་པའི་བྱིས་པ་དེ་དག་ནི། ཆོས་རིན་པོ་ཆེའི་མཛོད་རྙེད་ཀྱང་ཅི་ཞིག་བྱ་ཞེས་འདོར་ཞིང་གཞན་ལ་སྦྱིན་པར་སེམས་སོ། །ཀུན་དགའ་བོ། ་གདོལ་པ་དང་། གཡུང་པོ་དང་། སྨྲིག་མ་མཁན་དང་། དབུལ་བོས་འཚོ་བའི་སེམས་ཅན་གང་གཞན་ལ་ལས་རིན་པོ་ཆེ་མང་པོ་རྙེད་ན། བདག་མི་སྤྱོད་དེ། རིན་ཐང་ཆུང་ངུར་འཚོང་ཞིང་འདོར་རོ། །ཀུན ་དགའ་བོ། སེམས་ཅན་དབུལ་པོ་ཞེས་བྱ་བ་དེ་ནི། མུ་སྟེགས་ཅན་ཐམས་ཅད་དང་། གང་མུ་སྟེགས་ཅན་གྱི་ཉན་ཐོས་རྣམས་ཀྱི་ཚིག་བླ་དྭགས་སོ། །ཀུན་དགའ་བོ། སེམས་ཅན་དབུལ་པོ་ཞེས ་བྱ་བ་དེ་ནི། བྱིས་པ་སོ་སོའི་སྐྱེ་བོ། །ལྟ་བའི་འདམ་དུ་བྱིང་བ། དམིགས་པ་ཅན། འཆིང་བ་ལ་མངོན་པར་ཞེན་པ། མཚན་མ་ལ་སྤྱོད་པ། ལམ་ལོག་པར་སོང་བ་རྣམས་ཀྱི་ཚིག་བླ་དྭགས་ཏེ། དེ ་དག་ནི། ཆོས་རིན་པོ་ཆེ་འདི་རྙེད་ན། ཀུན་ཏུ་སྤྱོད་མི་ནུས་ཤིང་འདོར་ཏེ། དོན་མེད་པར་ཡང་གཞན་ལ་ཡང་སྦྱིན་པར་བྱེད་དོ། །ཀུན་དགའ་བོ། གང་སངས་རྒྱས་ཀྱི་སྲས་སངས་རྒྱས་ཀྱི་སྤྱོད་ཡུལ ་ལ་སྤྱོད་པ། དེ་བཞིན་གཤེགས་པའི་རིགས་རྒྱུན་མི་གཅད་པར་གནས་པ་དེ་དག་ཆོས་རིན་པོ་ཆེ་འདི་ལ་ཡོངས་སུ་སྤྱོད་དོ། །རྙེད་ནས་ཀྱང་ཆུད་མི་གསོན་ཅིང་འདི་ལ་རིན་པོ་ཆེར་འདུ་ཤེས་པར་འགྱུར ་རེ|་|ཀུན་དགའ་བོ། ཝས་ནི། སེངྒེའི་སྒྲ་སྒྲོག་མི་ནུས་སོ། །ཀུན་དགའ་བོ། གང་སེངྒེའི་ཕྲུག་གུར་གྱུར་ལ་སེངྒེ་ཆེན་པོས་བསྐྱེད་པ་དེ་དག་སེངྒེའི་སྒྲ་སྒྲོག་གོ་།ཀུན་དགའ་བོ། ་དེ་བཞིན་དུ་ཝ་ལྟ་བུ་ནི། བྱིས་པ་སོ་སོའི་སྐྱེ་བོ་ལོག་པར་ལྟ་བ་ཐམས་ཅད་དེ། དེ་དག་གིས་ནི། དེ་བཞིན་གཤེགས་པའི་སེངྒེའི་སྒྲ་དང་། ཡང་དག་པར་རྫོགས་པའི་སངས་རྒྱས་སེངྒེའི་ཆེན ་པོའི་ཆོས་ཡོངས་སུ་ལོངས་སྤྱོད་པར་མི་ནུས་སོ། །ཀུན་དགའ་བོ། གང་ཡང་དག་པར་རྫོགས་པའི་སངས་རྒྱས་ཀྱི་སྲས་སངས་རྒྱས་ཀྱི་སེངྒེ་ཆེན་པོ་དང་། རང་བྱུང་གི་ཡེ་ཤེས་ཀྱིས་བསྐྱེད་པ་དག་ནི། ་ཡང་དག་པར་རྫོགས་པའི་སངས་རྒྱས་ཀྱི་སེངྒེའི་སྒྲ་སྒྲོག་ཅིང་ཀུན་ཏུ་སྤྱོད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། འདི ་ལྟར|་དེ་བཞིན་གཤེགས་པའི་འཁོར་ཡོངས་སུ་དག་པ་འདུས་པ་འདི་ནི། ངོ་མཚར་ལགས་སོ། །བཅོམ་ལྡན་འདས། དེ་བཞིན་གཤེགས་པའི་འཁོར། རང་བྱུང་གི་འཁོར། མི་ཚུགས་པའི ་འཁོར|་རྡོ་རྗེ་ལྟ་བུའི་འཁོར། མི་བསྒུལ། མི་བསྐྱོད་པ། མི་འཁྲུགས་པའི་འཁོར་ཡོངས་སུ་དག་པ་འདི་ནི། རབ་ཏུ་ངོ་མཚར་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན ་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རིའི་བུ། ཁྱོད་འཁོར་འདིའི་ཡོན་ཏན་ཡོངས་སུ་བརྗོད་དམ། གསོལ་པ། བཅོམ་ལྡན་འདས། བདག་གིས ་འཁོར་འདིའི་ཡོན་ཏན་ཡོངས་སུ་བརྗོད་པར་རྔོ་མི་ཐོགས་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། འཁོར་འདི་ནི། རི་རབ་དང་འདྲ་སྟེ། ཡོན་ཏན་མཐའ་ཡས་པ་དང་ལྡན་པ ་ལགས་པའི་སླད་དུའོ། །བཀའ་སྩལ་པ། ཤཱ་ར་དྭ་ཏིའི་བུ། དེ་དེ་བཞིན་ཏེ། འཁོར་འདི་ནི། ཡོན་ཏན་མཐའ་ཡས་པ་དང་ལྡན་པ་སྟེ། འཁོར་འདིའི་ཡོན་ཏན་གྱི་མཐའ་ཡང་དག་པར་རྫོགས་པའི ་སངས་རྒྱས་རྣམས་ཀྱིས་ཀྱང་རྟོགས་པར་མི་ནུས་ན། སེམས་ཅན་གཞན་ཐམས་ཅད་ཀྱིས་ལྟ་ཅི་སྨོས། ཤཱ་རདྭ་ཏིའི་བུ། འཁོར་འདི་ནི། དེ་བཞིན་གཤེགས་པས་བསྡུས་པ་མ་ཡིན་ཞིང་། འདི ་ལ་དེ་བཞིན་གཤེགས་པས་རྩོལ་བ་ཅི་ཡང་མི་མཛད་དེ། རང་གི་དགེ་བའི་རྩ་བས་ངའི་མིང་ཐོས་ནས་འཁོར་འདིར་འདུས་ཏེ་དེ་བཞིན་གཤེགས་པའི་འཁོར་འདི་གང་ལ་ཡང་མ་གླེང་མ་བསྒོ་བར་དེ ་དག་རང་གི་དགེ་བའི་རྩ་བས་བསྐུལ་ནས་འཁོར་འདིར་ལྷགས་སོ། །འདི་ལྟ་བུའི་ཆོས་བསྟན་པ་ལ་འདི་ལྟ་བུའི་སེམས་ཅན་ཆེན་པོ་འདུ་བར་འགྱུར་བ་ནི། དེའི་ཆོས་ཉིད་དོ། །ཤཱ་རདྭ་ཏིའི་བུ། གང ་སངས་རྒྱས་བཅོམ་ལྡན་འདས་གཞན་དག་བྱང་ཆུབ་སེམས་དཔའི་སྡེ་སྣོད་ཐེ་ཚོམ་ཐམས་ཅད་གཅོད་པ་འདི་ཡང་དག་པར་སྟོན་པ་དེ་དག་གི་འཁོར་ཀྱང་འདི་ལྟ་བུར་འདུ་བར་འགྱུར་ཏེ། འདི་ལྟ་བུ ་འདི་འདྲ་བའི་འཁོར་གྱི་དཀྱིལ་འཁོར་གདོན་མི་ཟ་བར་འབྱུང་བ་ནི། ཆོས་བསྟན་པ་འདིའི་ཆོས་ཉིད་དོ། །ཀུན་དགའ་བོའི་ལེའུ་ཞེས་བྱ་སྟེ། གཉིས་པའོ།། །།དེ་ནས་བཅོམ་ལྡན ་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་ལ་བཀའ་སྩལ་པ། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ ་ཀྱི་ཕ་རོལ་ཏུ་ཕྱིན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་ལ། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཞེ་ན། གང་ཆོས་ཐམས་ཅད་ཀྱི་ཚུ་རོལ་རྟོགས་པ་སྟེ། དེ་ནི ་བསྟན་པར་མི་ནུས་མོད་ཀྱི། ཇི་ལྟར་ཁྱེད་ཤེས་པར་འགྱུར་བ་དང་། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཐ་སྙད་ཀྱི་ཚིག་ཏུ་འགྱུར་བ་དེ་ལྟར་རབ་ཏུ་བཤད་པར་བྱའོ། །གཟུགས་ཤེས ་རབ་ཀྱི་ཕ་རོལ་ཏུ་ཕྱིན་པ་མ་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་གཟུགས་ལས་གཞན་པ་ཡང་མ་ཡིན་ནོ། །དེ་བཞིན་དུ་སྦྱར་ཏེ། དེ་ལྟར་ཚོར་བ་དང་། འདུ་ཤེས་དང་། འདུ་བྱེད ་རྣམས་དང་། རྣམ་པར་ཤེས་པ་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་ཤེས་པ་ལས་གཞན་པ་ཡང་མ་ཡིན་ནོ། །དེ་ཅིའི་ཕྱིར་ཞེ་ན། རབ ་ཀྱི་རྩལ་གྱིས་རྣམ་པར་གནོན་པ། གཟུགས་ཀྱི་ཕ་རོལ་གང་ཡིན་པ་དེ་གཟུགས་མ་ཡིན་ནོ། །དེ་བཞིན་དུ་སྦྱར་ཏེ། དེ་ལྟར་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ ་པར་ཤེས་པའི་ཕ་རོལ་གང་ཡིན་པ་དེ་རྣམ་པར་ཤེས་པ་མ་ཡིན་པའི་ཕྱིར་རོ། །གཟུགས་ཀྱི་ཕ་རོལ་ཇི་ལྟ་བར་གཟུགས་ཀྱང་དེ་བཞིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ ་བྱེད་རྣམས་དང་། རྣམ་པར་ཤེས་པའི་ཕ་རོལ་ཇི་ལྟ་བར་རྣམ་པར་ཤེས་པ་ཡང་དེ་བཞིན་ནོ། །རྣམ་པར་ཤེས་པའི་ཕ་རོལ་ཇི་ལྟ་བར་ཆོས་ཐམས་ཅད་ཀྱང་དེ་བཞིན་ནོ། །ཆོས་ཐམས་ཅད་ཀྱི་ཕ ་རོལ་གང་ཡིན་པ་དེ་དག་ནི། ཆོས་ཐམས་ཅད་མ་ཡིན་ནོ། །ཆོས་ཐམས་ཅད་ཀྱི་ཕ་རོལ་ཇི་ལྟ་བར་ཆོས་ཐམས་ཅད་ཀྱང་དེ་བཞིན་ནོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལ་གཟུགས་ཀྱི་ཕ་རོལ ་གང་ཡིན་པ་དེ། གཟུགས་མ་ཡིན་ནོ། །ཞེས་བྱ་བ་དེ་ནི། གཟུགས་ཀྱི་འབྲེལ་བ་བསྟན་པའོ། །གཟུགས་ཀྱི་ཕ་རོལ་ཇི་ལྟ་བར་གཟུགས་ཀྱང་དེ་བཞིན་ནོ། །ཞེས་བྱ་བ་དེ་ནི། གཟུགས་ཀྱི་ངོ་བོ་ཉིད ་བཤད་པ་བསྟན་པའོ། །དེ་ནི། གཟུགས་ཀྱི་ཇི་ལྟ་བ་བཞིན་བསྟན་པའོ། །དེ་ནི། གཟུགས་ཀྱི་རང་བཞིན་བསྟན་པའོ། །དེ་ནི། གཟུགས་ཀྱི་མི་དམིགས་པ་བསྟན་པའོ། །དེ་བཞིན་དུ་ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་ཕ་རོལ་གང་ཡིན་པ་དེ། རྣམ་པར་ཤེས་པ་མ་ཡིན་ནོ། །ཞེས་བྱ་བ་དེ་ནི། རྣམ་པར་ཤེས་པའི་འབྲེལ་བ་བསྟན་པའོ། །རྣམ་པར་ཤེས ་པའི་ཕ་རོལ་ཇི་ལྟ་བར་རྣམ་པར་ཤེས་པ་ཡང་དེ་བཞིན་ནོ། །ཞེས་བྱ་བ་དེ་ནི། རྣམ་པར་ཤེས་པའི་ངོ་བོ་ཉིད་བཤད་པ་བསྟན་པའོ། །དེ་ནི། རྣམ་པར་ཤེས་པའི་ཇི་ལྟ་བ་བཞིན་དང་། རྣམ་པར་ཤེས་པའི ་རང་བཞིན་དང་། རྣམ་པར་ཤེས་པ་མི་དམིགས་པ་བསྟན་པའོ། །རྣམ་པར་ཤེས་པའི་ཕ་རོལ་ཇི་ལྟ་བར་ཆོས་ཐམས་ཅད་ཀྱང་དེ་བཞིན་ནོ། །ཞེས་བྱ་བ་དང་། ཆོས་ཐམས་ཅད་ཀྱི་ཕ་རོལ་གང་ཡིན་པ ་དེ་དག་ཆོས་ཐམས་ཅད་མ་ཡིན་ནོ། །ཞེས་བྱ་བ་དེ་ནི། ཆོས་ཐམས་ཅད་ཀྱི་འབྲེལ་པ་བསྟན་པའོ། །ཆོས་ཐམས་ཅད་ཀྱི་ཕ་རོལ་ཇི་ལྟ་བར་ཆོས་ཐམས་ཅད་ཀྱང་དེ ་བཞིན་ནོ། །ཞེས་བྱ་བ་དེ་ནི། ཆོས་ཐམས་ཅད་ཀྱི་ངོ་བོ་ཉིད་བཤད་པ་བསྟན་པའོ། །དེ་ནི། ཆོས་ཐམས་ཅད་ཀྱི་ཇི་ལྟ་བ་བཞིན་དང་། ཆོས་ཐམས་ཅད་ཀྱི་རང་བཞིན་དང་། ཆོས་ཐམས་ཅད་ཀྱི་མི་དམིགས ་པ་བསྟན་པའོ། །ཆོས་ཐམས་ཅད་ཀྱི་ཇི་ལྟ་བ་བཞིན་དང་། ཆོས་ཐམས་ཅད་ཀྱི་རང་བཞིན་དང་། ཆོས་ཐམས་ཅད་ཀྱི་མི་དམིགས་པ་ཇི་ལྟ་བར་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དེ་བཞིན་ཏེ། ་རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་ལ་མི་གནས་སོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མི ་གནས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་ཀྱི་ནང་ངམ། ཕྱིའམ། གཉི་ག་མེད་པ་ལས་རིང་དུ་གནས་པ་ཡང་མ་ཡིན་ཏེ། ཚོར་བ་དང་། འདུ་ཤེས་དང་། འདུ་བྱེད ་རྣམས་དང་། རྣམ་པར་ཤེས་པའི་ནང་ངམ། ཕྱིའམ། གཉི་ག་མེད་པ་ལས་རིང་དུ་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས ་དང་ལྡན་པ་ཡང་མ་ཡིན། གཟུགས་དང་མི་ལྡན་པ་ཡང་མ་ཡིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དང་ལྡན་པ ་ཡང་མ་ཡིན། མི་ལྡན་པ་ཡང་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་དང་ཡང་ལྡན་པ་ཡང་མ་ཡིན། མི་ལྡན་པ་ཡང་མ་ཡིན་ནོ། །གཟུགས ་ཀྱི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །དེ་བཞིན་དུ་ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་གང་ཡིན་པ་དེ། ་ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ཞེས་བྱ་བ་འདི་ནི། གཟུགས་དང་བྲལ་བའོ། །དེ་ཅིའི་ཕྱིར་ཞེ་ན། གཟུགས་ལ་ནི། གཟུགས་མེད་དེ། གང ་མེད་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་དེ་བཞིན་ཏེ། རབ་ཀྱི་རྩལ་གྱིས་རྣམ་པར་གནོན་པ། རྣམ་པར་ཤེས་པ ་ཞེས་བྱ་བ་འདི་ནི། རྣམ་པར་ཤེས་པ་དང་བྲལ་བའོ། །རྣམ་པར་ཤེས་པ་ལ་རྣམ་པར་ཤེས་པ་མེད་དེ། གང་མེད་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས ་ནི|་གཟུགས་ཀྱི་རང་བཞིན་དང་བྲལ་བའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་རྣམ་པར་ཤེས་པའི་རང་བཞིན་དང་བྲལ་བ་སྟེ། བྲལ་བའི ་རང་བཞིན་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །གཟུགས་ལ་གཟུགས་ཀྱི་རང་བཞིན་མེད་དོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང ་རྣམ་པར་ཤེས་པ་ལ་རྣམ་པར་ཤེས་པའི་རང་བཞིན་མེད་དེ། རང་བཞིན་མེད་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། ་གཟུགས་ཀྱི་སྤྱོད་ཡུལ་མ་ཡིན་ནོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་རྣམ་པར་ཤེས་པའི་སྤྱོད་ཡུལ་མ་ཡིན་ནོ། །རབ་ཀྱི་རྩལ་གྱིས་རྣམ ་པར་གནོན་པ། སྤྱོད་ཡུལ་མ་ཡིན་ཞེས་བྱ་བ་ནི། གཟུགས་ཀྱིས་གཟུགས་ཡང་དག་པར་མི་ཤེས་མི་མཐོང་བ་སྟེ། གཟུགས་ཀྱིས་མི་ཤེས་མི་མཐོང་བ་གང་ཡིན་པ་དེ། ཤེས་རབ ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པས་རྣམ་པར་ཤེས་པ་མི་ཤེས་མི་མཐོང་ངོ་། ། ་རྣམ་པར་ཤེས་པས་མི་ཤེས་མི་མཐོང་བ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ཀྱིས་གཟུགས་ཀྱི་ངོ་བོ་ཉིད་མི་ཤེས་སོ།། ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པས་རྣམ་པར་ཤེས་པའི་ངོ་བོ་ཉིད་མི་ཤེས་ཏེ། ངོ་བོ་ཉིད་མེད་པར་ཡོངས་སུ་ཤེས་པ་དེ། ཤེས་རབ་ཀྱི་ཕ་རོལ ་ཏུ་ཕྱིན་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། གཟུགས་ལ་ཀུན་ཏུ་སྦྱོར་བར་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དོ། །ཚོར་བ་དང་། འདུ་ཤེས་དང་། འདུ་བྱེད ་རྣམས་དང་། རྣམ་པར་ཤེས་པ་ནི|་རྣམ་པར་ཤེས་པ་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད ་རྣམས་དང་། རྣམ་པར་ཤེས་པ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས ་ནི|་འབྲི་བར་འགྱུར་བའམ། འཕེལ་བར་འགྱུར་བ་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་འབྲི་བར་འགྱུར་བའམ། འཕེལ་བར ་འགྱུར་བ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མི་འབྲི། མི་འཕེལ་བ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ ་ཀྱི་རྩལ་གྱིས་རྣམ་པར་གནོན་པ། གཟུགས་ནི། ཀུན་ནས་ཉོན་མོངས་པར་འགྱུར་བའམ། རྣམ་པར་བྱང་བར་འགྱུར་བ་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས ་དང་། རྣམ་པར་ཤེས་པ་ཡང་ཀུན་ནས་ཉོན་མོངས་པར་འགྱུར་བའམ། རྣམ་པར་བྱང་བར་འགྱུར་བ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར ་ཤེས་པ་ཀུན་ནས་ཉོན་མོངས་པ་མ་ཡིན། རྣམ་པར་བྱང་བ་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། །རབ་ཀྱི་རྩལ་གྱིས་རྣམ་པར ་གནོན་པ། གཟུགས་ནི། རྣམ་པར་དག་པའི་ཆོས་ཅན་ཡང་མ་ཡིན། རྣམ་པར་མ་དག་པའི་ཆོས་ཅན་ཡང་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ ་པར་ཤེས་པ་ཡང་རྣམ་པར་དག་པའི་ཆོས་ཅན་ཡང་མ་ཡིན། རྣམ་པར་མ་དག་པའི་ཆོས་ཅན་ཡང་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ ་པར་ཤེས་པ་རྣམ་པར་དག་པའི་ཆོས་ཉིད་ཀྱང་མ་ཡིན། རྣམ་པར་མ་དག་པའི་ཆོས་ཉིད་ཀྱང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར ་གནོན་པ། གཟུགས་ནི། འཕོ་བའམ། མི་འཕོ་བ་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་འཕོ་བའམ། མི་འཕོ་བ་མ་ཡིན ་ཏེ|་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འཕོ་བ་ཡང་མ་ཡིན། མི་འཕོ་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན ་པའོ|་|རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། སྦྱོར་བའམ། མི་སྦྱོར་བ་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང ་སྦྱོར་བའམ། མི་སྦྱོར་བ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འདུ་བ་ཡང་མ་ཡིན། འབྲལ་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། འཆི་འཕོའམ། སྐྱེ་བ་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་འཆི ་འཕོ་དང་། སྐྱེ་བ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འཆི་འཕོ་བ་ཡང་མ་ཡིན། སྐྱེ་བ་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། སྐྱེ་བའམ། འཆི་བ་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་སྐྱེ་བའམ། འཆི ་བ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། མི་སྐྱེ། མི་འཆི་བ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ ་པར་གནོན་པ། གཟུགས་ནི། འཁོར་བར་འགྱུར་བའམ། འཁོར་བའི་ཆོས་ཅན་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་འཁོར་བར་འགྱུར ་བའམ|་འཁོར་བའི་ཆོས་ཅན་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འཁོར་བར་མི་འགྱུར་ཞིང་། འཁོར་བའི་ཆོས་ཅན་མ་ཡིན་པ་གང་ཡིན ་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། ཟད་པར་འགྱུར་པའམ། ཟད་པའི་ཆོས་ཅན་མ་ཡིན་ནོ། །དེ་བཞིན་དུ་ཚོར ་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་ཟད་པར་འགྱུར་བའམ། ཟད་པའི་ཆོས་ཅན་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས ་དང་། རྣམ་པར་ཤེས་པ་ཟད་པར་མི་འགྱུར་ཞིང་། ཟད་པའི་ཆོས་ཉིད་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། ཀུན ་འབྱུང་བའི་ཆོས་ཅན་མ་ཡིན། འགོག་པའི་ཆོས་ཅན་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་ཀུན་འབྱུང་བའི་ཆོས་ཅན་མ་ཡིན། ་འགོག་པའི་ཆོས་ཅན་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཀུན་འབྱུང་བའི་ཆོས་ཉིད་ཀྱང་མ་ཡིན། འགོག་པའི་ཆོས ་ཉིད་ཀྱང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། སྐྱེ་བའི་ཆོས་ཅན་ནམ། འཇིག་པའི་ཆོས་ཅན་མ་ཡིན་ནོ། །དེ ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་སྐྱེ་བའི་ཆོས་ཅན་ནམ། འཇིག་པའི་ཆོས་ཅན་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས ་དང་། འདུ་བྱེད་རྣམས་དང་། རྣམ་པར་ཤེས་པ་སྐྱེ་བའི་ཆོས་ཉིད་ཀྱང་མ་ཡིན། འཇིག་པའི་ཆོས་ཉིད་ཀྱང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ ་པར་གནོན་པ། གཟུགས་ནི། འགྱུར་བའི་ཆོས་ཅན་ནམ། མི་འགྱུར་བའི་ཆོས་ཅན་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང ་འགྱུར་བའི་ཆོས་ཅན་ནམ། མི་འགྱུར་བའི་ཆོས་ཅན་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འགྱུར་བའི་ཆོས་ཉིད་ཀྱང་མ་ཡིན། ་མི་འགྱུར་བའི་ཆོས་ཉིད་ཀྱང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། རྟག་པའམ། མི་རྟག་པ་མ་ཡིན་ནོ། །དེ་བཞིན ་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་རྟག་པའམ། མི་རྟག་པ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ ་པར་ཤེས་པ་རྟག་པ་ཡང་མ་ཡིན། མི་རྟག་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། བདེ་བའམ། སྡུག་བསྔལ ་བ་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་བདེ་བའམ། སྡུག་བསྔལ་བ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ ་བྱེད་རྣམས་དང་། རྣམ་པར་ཤེས་པ་བདེ་བ་ཡང་མ་ཡིན། སྡུག་བསྔལ་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ ་པར་གནོན་པ། གཟུགས་ནི། སྡུག་པའམ། མི་སྡུག་པ་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྡུག་པ་ཡང་མ་ཡིན། མི་སྡུག་པ ་ཡང་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་སྡུག་པ་ཡང་མ་ཡིན། མི་སྡུག་པ་ཡང་མ་ཡིན་པ་གང་ཡིན་པ་དེ། ཤེས ་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། བདག་གམ། བདག་མེད་པ་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས ་དང་། རྣམ་པར་ཤེས་པ་ཡང་བདག་གམ། བདག་མེད་པ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བདག་ཀྱང་མ་ཡིན། བདག ་མེད་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། འདོད་ཆགས་ཀྱི་ཆོས་ཅན་ནམ། འདོད་ཆགས་དང་བྲལ་བའི ་ཆོས་ཅན་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་འདོད་ཆགས་ཀྱི་ཆོས་ཅན་ནམ། འདོད་ཆགས་དང་བྲལ་བའི་ཆོས་ཅན་མ་ཡིན ་ཏེ|་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འདོད་ཆགས་ཀྱི་ཆོས་ཉིད་ཀྱང་མ་ཡིན། འདོད་ཆགས་དང་བྲལ་བའི་ཆོས་ཉིད་ཀྱང་མ་ཡིན་པ་གང་ཡིན་པ ་དེ|་ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། ཞེ་སྡང་གི་ཆོས་ཅན་ནམ། ཞེ་སྡང་མེད་པའི་ཆོས་ཅན་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས ་དང་། འདུ་བྱེད་རྣམས་དང་། རྣམ་པར་ཤེས་པ་ཡང་ཞེ་སྡང་གི་ཆོས་ཅན་ནམ། ཞེ་སྡང་མེད་པའི་ཆོས་ཅན་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར ་ཤེས་པ་ཞེ་སྡང་གི་ཆོས་ཉིད་ཀྱང་མ་ཡིན། ཞེ་སྡང་མེད་པའི་ཆོས་ཉིད་ཀྱང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། གཏི་མུག་གི ་ཆོས་ཅན་ནམ། གཏི་མུག་མེད་པའི་ཆོས་ཅན་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་གཏི་མུག་གི་ཆོས་ཅན་ནམ། གཏི་མུག་མེད་པའི་ཆོས ་ཅན་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་གཏི་མུག་གི་ཆོས་ཉིད་ཀྱང་མ་ཡིན། གཏི་མུག་མེད་པའི་ཆོས་ཉིད་ཀྱང་མ་ཡིན་པ་གང་ཡིན་པ ་དེ|་ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ལ་བྱེད་པ་པོའམ། བྱེད་དུ་འཇུག་པ་གང་ཡང་མེད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད ་རྣམས་དང་། རྣམ་པར་ཤེས་པ་ལ་ཡང་བྱེད་པ་པོའམ། བྱེད་དུ་འཇུག་པ་གང་ཡང་མེད་དེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར ་ཤེས་པ་ལ་བྱེད་པ་པོ་ཡང་མེད། བྱེད་དུ་འཇུག་པ་ཡང་མེད་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ལ་སློང་བ་པོའམ། ཀུན་ནས ་སློང་བ་པོ་གང་ཡང་མེད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཡང་སློང་བ་པོའམ། ཀུན་ནས་སློང་བ་པོ་གང་ཡང་མེད་དེ། གཟུགས་དང་། ཚོར ་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སློང་བ་པོ་ཡང་མེད། ཀུན་ནས་སློང་བ་པོ་ཡང་མེད་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས ་རྣམ་པར་གནོན་པ། གཟུགས་ཤེས་པའམ། ཤེས་པར་བྱེད་དུ་འཇུག་པ་གང་ཡང་མེད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཡང་ཤེས ་པའམ|་ཤེས་པར་བྱེད་དུ་འཇུག་པ་གང་ཡང་མེད་དེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཤེས་པ་པོ་ཡང་མེད། ཤེས་པར་བྱེད ་དུ་འཇུག་པ་ཡང་མེད་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ལ་ཚོར་བ་པོའམ། ཚོར་བར་བྱེད་དུ་འཇུག་པ་གང་ཡང་མེད་དོ། ། ་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཚོར་བ་པོའམ། ཚོར་བར་བྱེད་དུ་འཇུག་པ་གང་ཡང་མེད་དེ། གཟུགས་དང་། ཚོར་བ་དང་། འདུ་ཤེས་དང་། ་འདུ་བྱེད་རྣམས་དང་། རྣམ་པར་ཤེས་བ་ལ་ཚོར་བ་པོ་ཡང་མེད། ཚོར་བར་བྱེད་དུ་འཇུག་པ་ཡང་མེད་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། ་གཟུགས་ལ་ཤེས་པ་པོའམ། མཐོང་བ་པོ་གང་ཡང་མེད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཡང་ཤེས་པ་པོའམ། མཐོང་བ་པོ་གང་ཡང ་མེད་དེ|་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཤེས་པ་པོ་ཡང་མེད། མཐོང་བ་པོ་ཡང་མེད་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ལ་ནི། ཆད་པའམ། རྟག་པ་མེད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཡང་ཆད ་པའམ|་རྟག་པ་མེད་དེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཆད་པ་ཡང་མ་ཡིན། རྟག་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི ་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། མཐའ་འམ། མཐའ་མེད་པ་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས ་པ་ཡང་མཐའམ། མཐའ་མེད་པ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མཐའང་མ་ཡིན། ་མཐའ་མེད་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། ལྟ་བར་སོང་བ་ཡང་མ་ཡིན། ལྟ་བར་སོང་བ་སྤོང ་བ་ཡང་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་ལྟ་བར་སོང་བ་ཡང་མ་ཡིན། ལྟ་བར་སོང་བ་སྤོང་བ་ཡང་མ་ཡིན་ཏེ། གཟུགས ་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལྟ་བར་སོང་བ་ཡང་མ་ཡིན། ལྟ་བར་སོང་བ་སྤོང་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། སྲེད་པ་ཡང་མ་ཡིན། སྲེད་པ་སྤོང་བ་ཡང་མ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས ་དང་། རྣམ་པར་ཤེས་པ་ཡང་སྲེད་པ་ཡང་མ་ཡིན། སྲེད་པ་སྤོང་བ་ཡང་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྲེད་པ ་ཡང་མ་ཡིན། སྲེད་པ་སྤོང་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། དགེ་བའམ། མི་དགེ་བ་མ་ཡིན ་ནོ|་|དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་དགེ་བའམ། མི་དགེ་བ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ ་བྱེད་རྣམས་དང་། རྣམ་པར་ཤེས་པ་དགེ་བ་ཡང་མ་ཡིན། མི་དགེ་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་ལ་འགྲོ་བ ་འམ|་འོང་བ་མི་མངོན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཡང་འགྲོ་བའམ། འོང་བ་མི་མངོན་ཏེ། གཟུགས་དང་། ཚོར་བ་དང་། འདུ་ཤེས ་དང་། འདུ་བྱེད་རྣམས་དང་། རྣམ་པར་ཤེས་པ་འགྲོ་བའམ། འོང་བར་ཡང་མི་མངོན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། གནས་པའམ། མི་གནས་པ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་གནས་པ ་ཡང་མ་ཡིན། མི་གནས་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས ་དང་། རྣམ་པར་ཤེས་པ་ནི། ཚུ་རོལ་ལམ། ཕ་རོལ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཚུ་རོལ་ཡང་མ་ཡིན། ཕ་རོལ་ཡང་མ ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། ་རྣམ་པར་ཤེས་པ་ནི། ཚུལ་ཁྲིམས་སམ། འཆལ་བའི་ཚུལ་ཁྲིམས་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཚུལ་ཁྲིམས་ཀྱང་མ་ཡིན། ་འཆལ་བའི་ཚུལ་ཁྲིམས་ཀྱང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། ་རྣམ་པར་ཤེས་པ་ནི། རྗེས་སུ་ཆགས་པའམ། ཁོང་ཁྲོ་བ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྗེས་སུ་ཆགས་པ་ཡང་མ་ཡིན། ཁོང ་ཁྲོ་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ ་པར་ཤེས་པ་ནི། སྦྱིན་པར་བྱེད་པའམ། ལེན་པ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྦྱིན་པར་བྱེད་པ་ཡང་མ་ཡིན། ལེན ་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར ་ཤེས་པ་ནི། བཟོད་པའམ། མི་བཟོད་པ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བཟོད་པ་ཡང་མ་ཡིན། མི་བཟོད་པ་ཡང་མ་ཡིན ་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། ་བརྩོན་འགྲུས་སམ། ལེ་ལོ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། བརྩོན་འགྲུས་ཀྱང་མ་ཡིན། ལེ་ལོ་ཡང་མ་ཡིན་པ་གང ་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། ཏིང་ངེ ་འཛིན་ཡང་མ་ཡིན། སེམས་རྣམ་པར་གཡེང་བ་ཡང་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། ཏིང་ངེ་འཛིན་ཀྱང་མ་ཡིན། ་སེམས་རྣམ་པར་གཡེང་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད ་རྣམས་དང་། རྣམ་པར་ཤེས་པ་ནི། ཤེས་རབ་ཀྱང་མ་ཡིན། འཆལ་བའི་ཤེས་རབ་ཀྱང་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཤེས ་རབ་ཀྱང་མ་ཡིན། འཆལ་བའི་ཤེས་རབ་ཀྱང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར ་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། ཕྱིན་ཅི་ལོག་གམ། ཕྱིན་ཅི་ལོག་མ་ཡིན་པ་ཡང་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས ་དང་། རྣམ་པར་ཤེས་པ་ནི། ཕྱིན་ཅི་ལོག་ཀྱང་མ་ཡིན། ཕྱིན་ཅི་ལོག་མ་ཡིན་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས ་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། དྲན་པ་ཉེ་བར་གཞག་པའམ། དྲན་པ་ཉེ་བར་མ་གཞག་པ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས ་དང་། འདུ་བྱེད་རྣམས་དང་། རྣམ་པར་ཤེས་པ་ནི། དྲན་པ་ཡང་མ་ཡིན། མི་དྲན་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས ་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། ཡང་དག་པའི་སྤོང་བའམ། ཡང་དག་པའི་སྤོང་བ་མ་ཡིན་པ་ཡང་མ་ཡིན་ཏེ། གཟུགས་དང་། ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་དག་པའི་སྤོང་བ་མ་ཡིན། ཡང་དག་པའི་སྤོང་བ་མ་ཡིན་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི ་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། རྫུ་འཕྲུལ་གྱི་རྐང་པའམ། ཚད་མེད་པ་མ་ཡིན་ཏེ། གཟུགས་དང་། ཚོར ་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། རྫུ་འཕྲུལ་གྱི་རྐང་པ་ཡང་མ་ཡིན། ཚད་མེད་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ལམ་མ་ཡིན་ཏེ། ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ལམ་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། རིག་པའམ། རྣམ་པར་གྲོལ་བ་མ་ཡིན་ཏེ། ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རིག་པ་ཡང་མ་ཡིན། རྣམ་པར་གྲོལ་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ ་པའོ|་|རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། བསམ་གཏན་དང་། རྣམ་པར་ཐར་པ་དང་། ཏིང་ངེ ་འཛིན་དང་། སྙོམས་པར་འཇུག་པ་ཡང་མ་ཡིན། མངོན་པར་ཤེས་པ་ཡང་མ་ཡིན། མངོན་པར་ཤེས་པ་མ་ཡིན་པ་ཡང་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས ་དང་། འདུ་བྱེད་རྣམས་དང་། རྣམ་པར་ཤེས་པ་ནི། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཡང་མ་ཡིན། མངོན་པར་ཤེས་པ་ཡང་མ་ཡིན། མངོན ་པར་ཤེས་པ་མ་ཡིན་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད ་རྣམས་དང་། རྣམ་པར་ཤེས་པ་ནི། སྟོང་པ་ཉིད་དམ། མཚན་མ་མེད་པའམ། སྨོན་པ་མེད་པ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར ་ཤེས་པ་ནི། སྟོང་པ་ཉིད་ཀྱང་མ་ཡིན། མཚན་མ་མེད་པ་ཡང་མ་ཡིན། སྨོན་པ་མེད་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར ་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། འདུས་བྱས་དང་། འདུས་མ་བྱས་མ་ཡིན་ཏེ། གཟུགས་དང་། ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། འདུས་བྱས་ཀྱང་མ་ཡིན། འདུས་མ་བྱས་ཀྱང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས ་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། འདུ་བའམ། མི་འདུ་བ་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། ་འདུ་བྱེད་རྣམས་དང་། རྣམ་པར་ཤེས་པ་ནི། འདུ་བ་ཡང་མ་ཡིན། མི་འདུ་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས ་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། ཤེས་པའམ། མི་ཤེས་པ་ཡང་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། ་རྣམ་པར་ཤེས་པ་ནི། ཤེས་པ་ཡང་མ་ཡིན། མི་ཤེས་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། རློམ་སེམས་སམ། གཡོ་བའམ། སྤྲོས་པ་མ་མཆིས་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། ་རྣམ་པར་ཤེས་པ་རློམ་སེམས་མ་ཡིན། གཡོ་བ་མ་ཡིན། སྤྲོས་པ་མེད་པ་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གཟུགས་དང་། ཚོར ་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། འདུ་ཤེས་མ་ཡིན། འདུ་ཤེས་མ་ཡིན་པ་ཡང་མ་ཡིན་ཏེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས ་དང་|་རྣམ་པར་ཤེས་པ་ནི། འདུ་ཤེས་མ་ཡིན། འདུ་ཤེས་མ་ཡིན་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། ཉེ་བར་ཞི་བ་ཡང་མ་ཡིན། ཉེ་བར་མ་ཞི་བ་ཡང་མ་ཡིན་ཏེ། གཟུགས་དང་། ཚོར ་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཉེ་བར་ཞི་བ་ཡང་མ་ཡིན། ཉེ་བར་མ་ཞི་བ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས ་རྣམ་པར་གནོན་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། ལྡོག་པ་ཡང་མ་ཡིན། མི་ལྡོག་པ་ཡང་མ་ཡིན་ཏེ། གཟུགས་དང་། ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། ལྡོག་པ་ཡང་མ་ཡིན། མི་ལྡོག་པ་ཡང་མ་ཡིན་པ་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར ་གནོན་པ། གང་ཕུང་པོ་ལྔ་པོ་དག་མངོན་དུ་འགྲུབ་པར་གཏོགས་པར་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་ཕུང་པོ་ལྔ་པོ་དག་མངོན་དུ་འགྲུབ་པར་གཏོགས་པར་བསྟན ་པའི་དེ་བཞིན་ཉིད་དང་། མ་ནོར་བ་དེ་བཞིན་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། ་གང་ཁམས་དང་། སྐྱེ་མཆེད་དང་། རྟེན་ཅིང་འབྲེལ་བར་འབྱུང་བ་མངོན་དུ་འགྲུབ་པར་གཏོགས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་ཁམས་དང་། སྐྱེ་མཆེད་དང་། རྟེན་ཅིང ་འབྲེལ་བར་འབྱུང་བ་མངོན་དུ་འགྲུབ་པར་གཏོགས་པ་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས ་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་ཕྱིན་ཅི་ལོག་དང་། སྒྲིབ་པ་མངོན་དུ་འགྲུབ་པར་གཏོགས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང ་ཕྱིན་ཅི་ལོག་དང་། སྒྲིབ་པ་མངོན་དུ་འགྲུབ་པར་གཏོགས་པ་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་སྲེད་པར་སྤྱོད་པ་སུམ་ཅུ་རྩ་དྲུག་མངོན་དུ་འགྲུབ་པར་གཏོགས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་སྲེད ་པར་སྤྱོད་པ་སུམ་ཅུ་རྩ་དྲུག་མངོན་དུ་འགྲུབ་པར་གཏོགས་པ་བསྟན་པའི་དེ་བཞིན་དང་། མ་ནོར་བ་དེ་བཞིན་དང་། གཞན་མ་ཡིན་པ་དེ་བཞིན་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་ལྟ་བར་གྱུར་པ་དྲུག་ཅུ་རྩ་གཉིས་མངོན་དུ་འགྲུབ་པར་གཏོགས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། ལྟ་བར་གྱུར་པ་དྲུག ་ཅུ་རྩ་གཉིས་མངོན་པར་འགྲུབ་པར་གཏོགས་པ་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན ་ཉིད་དེ|་ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་བསྟན་པ་དེ། ཤེས ་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། ་གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་མངོན་པར་ཤེས་པ་ལྔ་པོ་དག་བསྟན་པ ་དེ|་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་མངོན་པར་ཤེས་པ་ལྔ་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ ་བཞིན་ཉིད་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་འདུས་བྱས་སུ་གཏོགས་པའི་འཇིག་རྟེན་གྱི་དགེ་བ་དང་། མི་དགེ་བའི་ཆོས་ཐམས་ཅད་མངོན་དུ ་འགྲུབ་པར་གཏོགས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་དེ་དག་གི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི ་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་རྐང་པ་དང་། ་དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ལམ་མངོན་དུ་འགྲུབ་པར་གཏོགས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་དྲན་པ་ཉེ་བར་གཞག་པ་དང་། ཡང་དག ་པར་སྤོང་བ་དང་། རྫུ་འཕྲུལ་གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ལམ་མངོན་དུ་འགྲུབ་པར་གཏོགས་པ་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། ་གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་འཕགས་པའི་བདེན་པ་བཞི་བསྟན་པ་དེ། ཤེས ་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་འཕགས་པའི་བདེན་པ་བཞི་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ་ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ ་རྣམ་པར་དག་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ ་རྣམ་པར་དག་པ་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་འདུས་བྱས་སུ་གཏོགས་པ་འཇིག་རྟེན་ལས་འདས་པའི་མི་གནས་པ། ཟག་པ་མེད་པའི་ཆོས་རྣམས་བསྟན་པ་དེ། ཤེས་རབ་ཀྱི ་ཕ་རོལ་ཏུ་ཕྱིན་པ་མ་ཡིན་གྱི། གང་འདུས་བྱས་སུ་གཏོགས་པ་འཇིག་རྟེན་ལས་འདས་པའི་མི་གནས་པ། ཟག་པ་མེད་པའི་ཆོས་རྣམས་བསྟན་པའི་དེ་བཞིན་ཉིད་དང་། མ་ནོར་པ་དེ་བཞིན་ཉིད ་དང་|་གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་སྟོང་པ་ཉིད་དང་། མཚན་མ ་མེད་པ་དང་། སྨོན་པ་མེད་པ་དང་། མི་སྐྱེ་བ་དང་། མངོན་པར་འདུས་མ་བྱས་པའི་ཆོས་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་སྟོང་པ་ཉིད་དང་། མཚན་མ་མེད་པ་དང་། ་སྨོན་པ་མེད་པ་དང་། མི་སྐྱེ་བ་དང་། མངོན་པར་འདུས་མ་བྱས་པའི་ཆོས་བསྟན་པའི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ ་བཞིན་ཉིད་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་རིག་པ་དང་། རྣམ་པར་གྲོལ་བ་དང་། འདོད་ཆགས་དང་བྲལ་བ་དང་། འགོག་པ་དང་། མྱ་ངན་ལས ་འདས་པ་བསྟན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་གྱི། གང་རིག་པ་དང་། རྣམ་པར་གྲོལ་བ་དང་། འདོད་ཆགས་དང་། བྲལ་བ་དང་། འགོག་པ་དང་། མྱ་ངན་ལས་འདས་པ་བསྟན་པའི་དེ་བཞིན ་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ཅིའི ་ཕྱིར་ཞེ་ན། གཟུགས་སུ་གཏོགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པར་གཏོགས་པ་ཡང་ཤེས ་རབ་ཀྱི་ཕ་རོལ་ཏུ་ཕྱིན་བ་ཡང་མ་ཡིན། ས་དང་། ཆུ་དང་། མེ་དང་། རླུང་དང་། ནམ་མཁར་གཏོགས་པ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན། འདོད་པའི་ཁམས་དང་། གཟུགས ་ཀྱི་ཁམས་དང་། གཟུགས་མེད་པའི་ཁམས་སུ་གཏོགས་པ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན། འདུས་བྱས་དང་། འདུས་མ་བྱས་སུ་གཏོགས་པ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ ་མ་ཡིན། འཇིག་རྟེན་པ་དང་། འཇིག་རྟེན་ལས་འདས་པ་དང་། ཟག་པ་དང་བཅས་པ་དང་། ཟག་པ་མེད་པའི་ཆོས་སུ་གཏོགས་པ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན། དགེ་བ་དང་། མི ་དགེ་བའི་ཆོས་སུ་གཏོགས་པ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན། སེམས་ཅན་གྱི་ཁམས་སུ་གཏོགས་པ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་ཞིང་། ཆོས་དེ་དག་ལས་རྣམ ་པར་གྲོལ་བ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་དུ་ཡང ་གཏོགས་པ་ཡང་མ་ཡིན། མི་གཏོགས་པ་ཡང་མ་ཡིན་ཏེ། གང་གཏོགས་པ་དང་། གང་མི་གཏོགས་པའི་ཆོས་རྣམས་ཀྱི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་ཉིད་ཅེས་བྱ་བ་དེ། གང་གི་ཚིག་བླ་དྭགས་ཡིན་ཞེ་ན། རབ ་ཀྱི་རྩལ་གྱིས་རྣམ་པར་གནོན་པ། ཇི་ལྟར་བྱིས་པ་སོ་སོའི་སྐྱེ་བོ་རྣམས་ཀྱིས་དམིགས་པའི་ཆོས་དེ་དག་ནི། དེ་བཞིན་དུ་མ་ཡིན་ཞིང་། གཞན་དུ་ཡང་མ་ཡིན། ཇི་ལྟར་ཆོས་རྣམས་དེ་བཞིན་གཤེགས ་པ་དང་། དེ་བཞིན་གཤེགས་པའི་ཉན་ཐོས་དང་། བྱང་ཆུབ་སེམས་དཔས་མཐོང་བའི་ཆོས་དེ་ལྟ་བུ་ནི། དེ་བཞིན་ཉིད། མ་ནོར་བ་དེ་བཞིན་ཉིད། གཞན་མ་ཡིན་པ་དེ་བཞིན་ཉིད་དེ། དེའི་ཕྱིར་དེ ་བཞིན་ཉིད་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པའོ། །རབ་ཀྱི་རྩལ་གྱིས་རྣམ ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་འབྲི་བའི་ཕྱིར་རམ། འཕེལ་བའི་ཕྱིར་ཉེ་བར་གནས་པ་མ་ཡིན་ནོ། །ཆོས་གང་འདུ་བའི་ཕྱིར་རམ། འབྲལ་བའི་ཕྱིར་རམ། བྲི ་བའི་ཕྱིར་རམ། གང་བའི་ཕྱིར་རམ། གསོག་པའི་ཕྱིར་རམ། མི་གསོག་པའི་ཕྱིར་རམ། འཕོ་བའི་ཕྱིར་རམ། མི་འཕོ་བའི་ཕྱིར་རམ། སྐྱེ་བའི་ཕྱིར་རམ། འགོག་པའི་ཕྱིར་རམ། ཀུན་ནས་ཉོན ་མོངས་པའི་ཕྱིར་རམ། རྣམ་པར་བྱང་བའི་ཕྱིར་རམ། འཇུག་པའི་ཕྱིར་རམ། ལྡོག་པའི་ཕྱིར་རམ། ཀུན་འབྱུང་བའི་ཕྱིར་རམ། ནུབ་པའི་ཕྱིར་རམ། མཚན་ཉིད་ཀྱི་ཕྱིར་རམ། མཚན་ཉིད་མ ་ཡིན་པའི་ཕྱིར་རམ། མཉམ་པའི་ཕྱིར་རམ། མི་མཉམ་པའི་ཕྱིར་རམ། ཀུན་རྫོབ་ཀྱི་ཕྱིར་རམ། དོན་དམ་པའི་ཕྱིར་རམ། བདེ་བའི་ཕྱིར་རམ། སྡུག་བསྔལ་བའི་ཕྱིར་རམ། རྟག་པའི་ཕྱིར་རམ། མི ་རྟག་པའི་ཕྱིར་རམ། སྡུག་པའི་ཕྱིར་རམ། མི་སྡུག་པའི་ཕྱིར་རམ། བདག་གི་ཕྱིར་རམ། བདག་མེད་པའི་ཕྱིར་རམ། བདེན་པའི་ཕྱིར་རམ། རྫུན་པའི་ཕྱིར་རམ། བྱེད་པ་པོའི་ཕྱིར་རམ། བྱེད ་པ་པོ་མེད་པའི་ཕྱིར་རམ། འབྱུང་བའི་ཕྱིར་རམ། མི་འབྱུང་བའི་ཕྱིར་རམ། ངོ་བོ་ཉིད་ཀྱི་ཕྱིར་རམ། ངོ་བོ་ཉིད་མེད་པའི་ཕྱིར་རམ། འཆི་འཕོ་བའི་ཕྱིར་རམ། སྐྱེ་བའི་ཕྱིར་རམ། སྐྱེས་པའི་ཕྱིར་རམ། ་མངོན་པར་འགྲུབ་པའི་ཕྱིར་རམ། སྐྱེ་བའི་ཕྱིར་རམ། སྐྱེ་བ་ཀུན་འབྱུང་བའི་ཕྱིར་རམ། ཚོགས་པའི་ཕྱིར་རམ། མ་ཚོགས་པའི་ཕྱིར་རམ། འདོད་ཆགས་དང་བཅས་པའི་ཕྱིར་རམ། འདོད་ཆགས ་དང་བྲལ་བའི་ཕྱིར་རམ། ཞེ་སྡང་དང་བཅས་པའི་ཕྱིར་རམ། ཞེ་སྡང་དང་བྲལ་བའི་ཕྱིར་རམ། གཏི་མུག་དང་བཅས་པའི་ཕྱིར་རམ། གཏི་མུག་དང་བྲལ་བའི་ཕྱིར་རམ། ཕྱིན་ཅི་ལོག་གི་ཕྱིར་རམ། ཕྱིན ་ཅི་ལོག་མ་ཡིན་པའི་ཕྱིར་རམ། དམིགས་པའི་ཕྱིར་རམ། དམིགས་པ་མེད་པའི་ཕྱིར་རམ། ཟད་པའི་ཕྱིར་རམ། མི་ཟད་པའི་ཕྱིར་རམ། ཤེས་པའི་ཕྱིར་རམ། མི ་ཤེས་པའི་ཕྱིར་རམ། དམའ་བའི་ཕྱིར་རམ། མཐོ་བའི་ཕྱིར་རམ། ཕན་པའི་ཕྱིར་རམ། མི་ཕན་པའི་ཕྱིར་རམ། འགྲོ་བའི་ཕྱིར་རམ། མི་འགྲོ་བའི་ཕྱིར་རམ། ཡོད་པའི་ཕྱིར་རམ། ་མེད་པའི་ཕྱིར་རམ། རྗེས་སུ་ཆགས་པའི་ཕྱིར་རམ། ཁོང་ཁྲོ་བའི་ཕྱིར་རམ། སྣང་བའི་ཕྱིར་རམ། མུན་པའི་ཕྱིར་རམ། ལེ་ལོའི་ཕྱིར་རམ། བརྩོན་འགྲུས་བརྩམས་པའི་ཕྱིར་རམ། སྟོང ་པ་ཉིད་ཀྱི་ཕྱིར་རམ། སྟོང་པ་ཉིད་མ་ཡིན་པའི་ཕྱིར་རམ། མཚན་མའི་ཕྱིར་རམ། མཚན་མ་མེད་པའི་ཕྱིར་རམ། སྨོན་པའི་ཕྱིར་རམ། སྨོན་པ་མེད་པའི་ཕྱིར་རམ། མངོན་པར་འདུ་བྱེད་པའི ་ཕྱིར་རམ། མངོན་པར་འདུ་མི་བྱེད་པའི་ཕྱིར་རམ། ནུབ་པའི་ཕྱིར་རམ། ནུབ་པ་མེད་པའི་ཕྱིར་རམ། རིག་པའི་ཕྱིར་རམ། རྣམ་པར་གྲོལ་བའི་ཕྱིར་རམ། ཉེ་བར་ཞི་བའི་ཕྱིར་རམ། ཉེ་བར་མ་ཞི་བའི ་ཕྱིར་རམ། གྲུབ་པའི་ཕྱིར་རམ། མི་གྲུབ་པའི་ཕྱིར་རམ། ཚུལ་བཞིན་གྱི་ཕྱིར་རམ། ཚུལ་བཞིན་མ་ཡིན་པའི་ཕྱིར་རམ། ཡོངས་སུ་ཤེས་པའི་ཕྱིར་རམ། ཡོངས་སུ་མི་ཤེས་པའི་ཕྱིར་རམ། ་ངེས་པར་འབྱུང་བའི་ཕྱིར་རམ། ངེས་པར་འབྱུང་བ་མ་ཡིན་པའི་ཕྱིར་རམ། འདུལ་བའི་ཕྱིར་རམ། འདུལ་བ་མ་ཡིན་པའི་ཕྱིར་རམ། ཚུལ་ཁྲིམས་ཀྱི་ཕྱིར་རམ། འཆལ་བའི་ཚུལ་ཁྲིམས ་ཀྱི་ཕྱིར་རམ། རྣམ་པར་གཡེང་བའི་ཕྱིར་རམ། རྣམ་པར་གཡེང་བ་མ་ཡིན་པའི་ཕྱིར་རམ། ཤེས་རབ་ཀྱི་ཕྱིར་རམ། འཆལ་བའི་ཤེས་རབ་ཀྱི་ཕྱིར་རམ། རྣམ་པར་ཤེས་པའི་ཕྱིར་རམ། རྣམ་པར ་ཤེས་པ་མ་ཡིན་པའི་ཕྱིར་རམ། གནས་པའི་ཕྱིར་རམ། མི་གནས་པའི་ཕྱིར་རམ། བསྐལ་པ་མཉམ་པའི་ཕྱིར་རམ། བསྐལ་པ་མི་མཉམ་པའི་ཕྱིར་རམ། འབྱུང་བའི་ཕྱིར་རམ། འཇིག་པའི་ཕྱིར ་རམ|་ཐོབ་པའི་ཕྱིར་རམ། མ་ཐོབ་པའི་ཕྱིར་རམ། མངོན་པར་རྟོགས་པའི་ཕྱིར་རམ། མངོན་པར་རྟོགས་པ་མ་ཡིན་པའི་ཕྱིར་རམ། མངོན་སུམ་དུ་བྱ་བའི་ཕྱིར་རམ། མངོན་སུམ་དུ་མི་བྱ་བའི ་ཕྱིར་རམ|་རབ་ཏུ་རྟོགས་པའི་ཕྱིར་རམ། རབ་ཏུ་རྟོགས་པ་མ་ཡིན་པའི་ཕྱིར་ཉེ་བར་གནས་པ་མ་ཡིན་ནོ། །དེ་བཞིན་ཉིད་ཀྱི་ལེའུ་སྟེ། གསུམ་པའོ།། །།བམ་པོ་གསུམ་པ། ་རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སྐྱེས་བུ་རྨི་ལམ་རྨིས་པས་རྨི་ལམ་གྱི་རང་བཞིན་བཤད་པ་བསྟན་ཀྱང་རྨི་ལམ་གྱི་རང་བཞིན་བསྟན་པ་མེད་དོ། །དེ་ཅིའི་ཕྱིར་ཞེ་ན། རྨི ་ལམ་ཉིད་ཀྱང་མེད་ན། རྨི་ལམ་གྱི་རང་བཞིན་བསྟན་པ་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་སྟོན་ཀྱང་ཤེས་རབ་ཀྱི་ཕ་རོལ་ཏུ ་ཕྱིན་པའི་རང་བཞིན་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། རྨི་ལམ་ནི། ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ། །དེ་བཞིན་དུ་ཤེས་རབ་ཀྱི ་ཕ་རོལ་ཏུ་ཕྱིན་པ་ཡང་ཆོས་གང་ཡང་བསྟན་པར་ཡང་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སྒྱུ་མ་མཐོང ་བའི་སྐྱེས་བུ་སྒྱུ་མའི་རང་བཞིན་བཤད་པ་སྟོན་ཀྱང་སྒྱུ་མའི་རང་བཞིན་གང་ཡང་མེད་ན། སྒྱུ་མའི་རང་བཞིན་བསྟན་པའི་ངོ་བོ་ཉིད་ལྟ་ག་ལ་ཡོད། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ ་སྟོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་བསྟན་པ་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སྒྱུ་མ་ནི། ཆོས་གང་མངོན་པར་འགྲུབ་པའི ་ཕྱིར་ཡང་ཉེ་བར་གནས་པ་མ་ཡིན་ནོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་མངོན་པར་འགྲུབ་པའི་ཕྱིར་ཡང་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར ་གནོན་པ། འདི་ལྟ་སྟེ། དཔེར་ན། མིག་ཡོར་མཐོང་བའི་སྐྱེས་བུ་མིག་ཡོར་གྱི་རང་བཞིན་སྟོན་ཀྱང་མིག་ཡོར་གྱི་རང་བཞིན་གང་ཡང་མེད་ན། མིག་ཡོར་གྱི་རང་བཞིན་བསྟན་པ་ལྟ་ག ་ལ་ཡོད|་རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་གང་ཡང་མེད་ན། ཤེས་རབ་ཀྱི་ཕ་རོལ་ཏུ ་ཕྱིན་པའི་རང་བཞིན་བསྟན་པ་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། མིག་ཡོར་ནི། ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ། །དེ་བཞིན་དུ ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སྨིག་རྒྱུ་མཐོང་བའི་སྐྱེས་བུ་སྨིག་རྒྱུ་བཤད་པ ་སྟོན་ཀྱང་སྨིག་རྒྱུ་བསྟན་པ་གང་ཡང་མེད་ན། སྨིག་རྒྱུ་བསྟན་པའི་རང་བཞིན་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་ཀྱང་ཤེས་རབ་ཀྱི་ཕ ་རོལ་ཏུ་ཕྱིན་པའི་རང་བཞིན་བསྟན་པ་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སྨིག་རྒྱུ་ནི། ཆོས་གང་བསྟན་པར་ཡང་ཉེ་བར་གནས་པ་ཡང་མ་ཡིན་ནོ། །དེ ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། བྲག་ཅའི་སྤྱོད་ཡུལ་ལ་གནས་པའི ་སྐྱེས་བུས་བྲག་ཅའི་སྒྲ་ཐོས་ཀྱི། དེ་ནི། མི་མཐོང་སྟེ། ནམ་བདག་གིས་སྒྲ་ཕྱུང་བ་དེའི་ཚེ་སྒྲ་དེ་ཐོས་སོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པའི་ཚིག་ཐོས་པར་འགྱུར་ཡང་ཆོས་གང ་བསྟན་པ་ཐོས་པར་འགྱུར་བ་མེད་དེ། གཞན་དུ་ན་ནམ་མངོན་པར་བཤད་པ་དེའི་སྟེ་ཀུན་ཤེས་ཤིང་། ཐོས་པའི་ལམ་དུ་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ་ལྦུ་བ་རྡོས་པ་མཐོང་བའི་སྐྱེས་བུ་ལྦུ་བ་རྡོས་པའི་རང་བཞིན་སྟོན་ཀྱང་ལྦུ་བ་རྡོས་པའི་རང་བཞིན་ནང་དང་ཕྱི་ནས་ཀྱང་མི་དམིགས་ན། དེ་བསྟན་པའི་རང་བཞིན་དམིགས་པར་ལྟ་ག་ལ་འགྱུར། རབ་ཀྱི་རྩལ ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་ཡང་མི་དམིགས་སོ། །རབ་ཀྱི་རྩལ་གྱིས་རྣམ་པར་གནོན ་པ|་འདི་ལྟ་སྟེ། དཔེར་ན། ལྦུ་བ་རྡོས་པ་དེ་ནི། ཆོས་གང་མངོན་པར་འགྲུབ་པའི་རང་བཞིན་དུ་ཉེ་བར་མི་འགྲོའོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ ་ཡང་ཆོས་གང་མངོན་པར་འགྲུབ་པའི་རང་བཞིན་དུ་ཡང་ཉེ་བར་མི་འགྲོའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ཆུའི་ཆུ་བུར་མཐོང་བའི་སྐྱེས་བུ་ཆུའི་ཆུ་བུར་གྱི་རང་བཞིན་སྟོན ་ཀྱང་ཆུའི་ཆུ་བུར་གྱི་རང་བཞིན་ཡང་མེད་ན། ཆུའི་ཆུ་བུར་གྱི་རང་བཞིན་བསྟན་པ་ལྟ་ག་ལ་ཡོད། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་ཀྱང་ཤེས ་རབ་ཀྱི་ཕ་རོལ་ཏུ་ཕྱིན་པའི་རང་བཞིན་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ཆུའི་ཆུ་བུར་ནི། ཆོས་གང་མངོན་པར་འགྲུབ་པར་འགྱུར་བར་ཉེ་བར་གནས་པ་མ་ཡིན ་ནོ|་|རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་མངོན་པར་འགྲུབ་པར་འགྱུར་བར་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར ་གནོན་པ། འདི་ལྟ་སྟེ། དཔེར་ན། སྐྱེས་བུས་ཆུ་ཤིང་གི་སྙིང་པོ་ཀུན་དུ་བཙལ་ཀྱང་མི་རྙེད་མོད་ཀྱི། འོན་ཀྱང་དེའི་འདབ་མ་རྣམས་ཀྱིས་དགོས་པ་བྱེད་དོ། །རབ་ཀྱི་རྩལ་གྱིས་རྣམ་པར ་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་སྙིང་པོ་མེད་མོད་ཀྱི། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པས་དགོས་པ་ཡང་བྱེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ ་སྟེ|་དཔེར་ན། སྐྱེས་བུས་ནམ་མཁའ་སྟོན་པར་ཐ་སྙད་འདོགས་ཀྱང་ནམ་མཁའ་ལ་ནི། བསྟན་པ་ཅི་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ ་ཕྱིན་པ་ཞེས་ཐ་སྙད་འདོགས་ཀྱང་ཆོས་གང་བསྟན་པར་ཡང་ཐ་སྙད་གདགས་པར་བྱ་བ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ནམ་མཁའ་ཞེས་ཐ་སྙད་འདོགས ་ཀྱང་ཆོས་གང་བསྟན་པར་ཡོངས་སུ་གྲུབ་ཅིང་ཐ་སྙད་གདགས་པ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཐ་སྙད་འདོགས་ཀྱང་ཆོས་གང་བསྟན་པར ་ཐ་སྙད་དུ་གདགས་པ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། གྲིབ་མ་དང་། ཉི་ལོགས་ཞེས་ཐ་སྙད་འདོགས་ཀྱང་འདི་གཉིས་ནི། ཆོས་གང་ཡོངས་སུ་མ་གྲུབ་པའི་ཕྱིར ་ཡང་ཉེ་བར་མི་གནས་ལ་སྣང་བ་ཡང་མངོན་ནོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཐ་སྙད་འདོགས་པའི་ཚིག་ཏུ་འགྲོ་ཡང་ཆོས་གང་བསྟན་པར ་ཡང་ཐ་སྙད་ཀྱི་ཚིག་ཏུ་ཡང་མི་འགྲོ་ལ། ཆོས་རྣམས་སྣང་བར་ཡང་བྱེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ནོར་བུ་རིན་པོ་ཆེ་སྦྱངས་པ་ནི། སྣང་བ་ཆེན་པོར་ཉེ་བར ་གནས་པར་གྱུར་ཀྱང་སྣང་བ་དེ་ནང་ངམ་ཕྱི་རོལ་ན་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྣང་བའི་བྱ་བ་ཆེན་པོས ་ཉེ་བར་གནས་ཀྱང་། སྣང་བ་དེ་ནི། ནང་ངམ་ཕྱི་རོལ་དུ་མཐོང་བར་ཉེ་བར་མི་འགྲོའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ཡུངས་མར་གྱི་མར་མེ་བུས་ན། དེའི་འོད ་འཕྲོ་བ་ཡུད་ཙམ་ཡང་མི་གནས་མོད་ཀྱི། སྣང་བར་ཡང་བྱེད། སྣང་བ་དེས་གཟུགས་རྣམས་ཀྱང་མཐོང་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ ་ཏུ་ཕྱིན་པ་ཆོས་གང་ལ་ཡང་མི་གནས་མོད་ཀྱི། ཆོས་རྣམས་ཀྱི་སྣང་བའི་བྱ་བ་ཡང་བྱེད་དེ། སྣང་བ་དེས་འཕགས་པ་རྣམས་ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་མཐོང་བར་འགྱུར་རོ། ། ་དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ ་ཡོངས་སུ་མ་གྲུབ་པ་བསྟན་པ་ངོ་མཚར་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །དེ་དེ་བཞིན་ཏེ། ཤཱ ་རིའི་བུ|་དེ་དེ་བཞིན་ནོ། །གཟུགས་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །མ་རིག་པ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །འདུ་བྱེད་ཡོངས་སུ་མ་གྲུབ་པ ་དང་། རྣམ་པར་ཤེས་པ་ཡོངས་སུ་མ་གྲུབ་པ་དང་། མིང་དང་གཟུགས་ཡོངས་སུ་མ་གྲུབ་པ་དང་། སྐྱེ་མཆེད་དྲུག་ཡོངས་སུ་མ་གྲུབ་པ་དང་། རེག་པ་ཡོངས་སུ་མ་གྲུབ་པ་དང་། ཚོར་བ་ཡོངས ་སུ་མ་གྲུབ་པ་དང་། སྲེད་པ་ཡོངས་སུ་མ་གྲུབ་པ་དང་། ལེན་པ་ཡོངས་སུ་མ་གྲུབ་པ་དང་། སྲིད་པ་ཡོངས་སུ་མ་གྲུབ་པ་དང་། སྐྱེ་བ་ཡོངས་སུ་མ་གྲུབ་པ་དང་། རྒ་བ་དང་། ན་བ་དང་། འཆི་བ ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །ཁམས་དང་། ་སྐྱེ་མཆེད་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། ཞི་བ་དང་། ཕྱིན་ཅི་ལོག་དང་། སྒྲིབ་པ་དང་། ་ལྟ་བ་རྣམ་པར་སྤྱོད་པ་དང་། གསོག་པ་དང་། ཉེ་བར་གསོག་པ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །བདེ་བ་དང་། སྡུག་བསྔལ་བ་དང་། བདེ་བ་ཡང ་མ་ཡིན|་སྡུག་བསྔལ་བ་ཡང་མ་ཡིན་པ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །སྐྱེ་བ་དང་། འཇིག་པ་དང་། གནས་པ་དང་། གཞན་དུ་འགྱུར་བ་ཡོངས ་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །ཀུན་འབྱུང་བ་དང་། ནུབ་པ་དང་། བདག་དང་། སེམས་ཅན་དང་། སྲོག་དང་། གསོ་བ་དང་། སྐྱེས ་བུ་དང་། གང་ཟག་དང་། ཤེད་ལས་སྐྱེས་དང་། ཤེད་བུ་དང་། བྱེད་པ་པོ་དང་། བྱེད་དུ་འཇུག་པ་དང་། སློང་བ་པོ་དང་། ཚོར་བ་པོ་དང་། ཚོར་བར་བྱེད་པ་པོ་དང་། ཤེས་པར་བྱེད་པ་དང་། ཤེས ་པར་བྱེད་དུ་བཅུག་པ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པོ། །བདེན་པ་དང་། རྫུན་པ་དང་། འདུས་བྱས་དང་། འདུས་མ་བྱས་དང་། འགྲོ་བ་དང་། མི་འགྲོ་བ ་དང་། མཐོང་བ་དང་བཅས་པ་དང་། མི་མཐོང་བ་དང་། ནང་དང་། ཕྱི་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །ས་དང་། ཆུ་དང་། མེ་དང་། རླུང་དང་། ་འདོད་པ་དང་། གཟུགས་དང་། གཟུགས་མེད་པ་དང་། ནམ་མཁའ་དང་། རྣམ་པར་ཤེས་པ་དང་། ཆོས་ཀྱི་ཁམས་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ ་གྲུབ་བོ|་|ལས་ཀྱི་རྣམ་པར་སྨིན་པ་དང་། རྒྱུ་དང་། རྐྱེན་དང་། ཆད་པ་དང་། རྟག་པ་དང་། འདས་པ་དང་། མ་འོངས་པ་དང་། ད་ལྟར་བྱུང་བ་དང་། སྔོན་གྱི་མཐའ་དང་། ཕྱི་མའི་མཐའ་དང་། ་དབུས་དང་། ཚུལ་ཁྲིམས་དང་། འཆལ་བའི་ཚུལ་ཁྲིམས་དང་། བཟོད་པ་དང་། གནོད་སེམས་དང་། བརྩོན་འགྲུས་དང་། ལེ་ལོ་དང་། བསམ་གཏན་དང་། རྣམ་པར་གཡེང་བ ་དང་། ཤེས་རབ་དང་། འཆལ་བའི་ཤེས་རབ་དང་། སེམས་དང་། ཡིད་དང་། རྣམ་པར་ཤེས་པ་དང་། དེ་མ་ཐག་པ་དང་། འཆི་འཕོ་དང་། སྐྱེ་བ་དང་། ཀུན་ནས་ཉོན་མོངས་པ་དང་། རྣམ་པར ་བྱང་བ་དང་། དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ལམ་དང་། འཕགས་པའི་བདེན ་པ་དང་། ཚད་མེད་པ་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། མངོན་པར་ཤེས་པ་དང་། སྟོང་པ་ཉིད་དང་། མཚན་མ་མེད་པ་དང་། ་སྨོན་པ་མེད་པ་དང་། དགེ་བ་དང་། མི་དགེ་བ་དང་། ཟག་པ་དང་བཅས་པ་དང་། ཟག་པ་མེད་པ་དང་། འཇིག་རྟེན་པ་དང་། འཇིག་རྟེན་ལས་འདས་པ་དང་། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ ་བ་མེད་པ་དང་། འདུས་བྱས་དང་། འདུས་མ་བྱས་དང་། ལུང་དུ་བསྟན་པ་དང་། ལུང་དུ་མ་བསྟན་པ་དང་། དཀར་པོ་དང་། ནག་པོ་དང་། དཀར་ནག་མ་ཡིན་པ་དང་། གཏོགས་པ་དང་། མི་གཏོགས ་པ་དང་། ངན་པ་དང་། བཟང་པོ་དང་། འབྲིང་དང་། འདོད་ཆགས་དང་། ཞེ་སྡང་དང་། གཏི་མུག་དང་། མཐོང་བ་དང་། ཐོས་པ་དང་། བྱེ་བྲག་ཕྱེད་པ་དང་། རྣམ་པར་ཤེས་པ་དང་། རློམ་སེམས ་དང་། གནས་པ་དང་། རྣམ་པར་རྟོག་པ་དང་། དཔྱོད་པ་དང་། རྣམ་པར་དཔྱོད་པ་དང་། དམིགས་པ་དང་། རྒྱུ་དང་། ཕྲག་དོག་དང་། སེར་སྣ་དང་། འདུ་བ་དང་། གཉིས་ཀྱི་མཚན་ཉིད་དང་། མ་སྐྱེས ་པ་དང་། མངོན་པར་འདུ་མི་བྱེད་པ་དང་། ཞི་གནས་དང་། ལྷག་མཐོང་དང་། རིག་པ་དང་། རྣམ་པར་གྲོལ་བ་དང་། ཟད་པ་དང་། འདོད་ཆགས་དང་བྲལ་བ་དང་། འགོག ་པ་དང་། ཕུང་པོ་ཐམས་ཅད་ངེས་པར་འདོར་བ་དང་། འབྱུང་བ་དང་། ཀུན་རྫོབ་དང་། དོན་དམ་པ་དང་། ཉན་ཐོས་དང་། རང་སངས་རྒྱས་ཀྱི་ས་དང་། ཐམས་ཅད་མཁྱེན་པའི་ཡེ་ཤེས་དང་། ་ཆགས་པ་མེད་པའི་ཡེ་ཤེས་དང་། རང་བྱུང་གི་ཡེ་ཤེས་དང་། མི་མཉམ་པ་དང་མཉམ་པའི་ཡེ་ཤེས་དང་། བྱང་ཆུབ་སེམས་དཔའི་སྨོན་ལམ་དང་། ཉན་ཐོས་ཀྱི་དགེ་འདུན་དང་། རང ་སངས་རྒྱས་ཀྱི་ཕུན་སུམ་ཚོགས་པ་དང་། ཚད་མེད་པར་གཏོགས་པ་དང་། མི་མཉམ་པ་དང་མཉམ་པའི་ཆོས་ཀྱི་ཡེ་ཤེས་དང་། ཆོས་ཐམས་ཅད་ཀྱི་ཇི་ལྟ་བ་བཞིན་བསྟན་དུ་མེད་པ་དང་། ་ཆོས་ཐམས་ཅད་ཤེས་པ་དང་། མཐོང་བ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །བསིལ་བར་འགྱུར་པ་དང་། ཞི་བ་དང་། རབ་ཏུ་ཞི་བ་ཡོངས་སུ ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། །སེམས་ཅན་ཡོངས་སུ་སྨིན་པར་བྱ་བ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་པའོ། ། ་མཚན་ཕུན་སུམ་ཚོགས་པ་དང་། སངས་རྒྱས་ཀྱི་ཞིང་ཡོངས་སུ་དག་པ་དང་། སངས་རྒྱས་ཀྱི་སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་བོ། །མྱ་ངན་ལས་འདས་པ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་བོ། །དགེ་བ་དང་། མི་དགེ་བའི་ཆོས་ཐམས་ཅད ་ཀྱི་བར་དུ་ཡོངས་སུ་མ་གྲུབ་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་གྲུབ་སྟེ། དེ་བཞིན་དུ་ཐམས་ཅད་ལ་ཡང་རྒྱས་པར་སྦྱར་རོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའ་ནི། གཟུགས ་མེད|་བསྟན་དུ་མེད། དངོས་པོ་མེད་དེ། ཡོངས་སུ་མ་གྲུབ་བོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་གཟུགས་མེད། བསྟན་དུ་མེད། དངོས་པོ་མེད་དེ། ཡོངས་སུ་མ་གྲུབ་པའོ། །ཤཱ་རིའི ་བུ|་འདི་ལྟ་སྟེ། དཔེར་ན། འཇའ་ནི། ཚོན་གྱི་རྣམ་པ་སྣ་ཚོགས་སུ་ཀུན་ཏུ་སྣང་ཡང་དེ་ལ་ཚོན་གང་ཡང་ཡོངས་སུ་གྲུབ་པ་མེད་དེ། མི་དམིགས་སོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་བསྟན ་པ་སྣ་ཚོགས་སུ་ཉེ་བར་གནས་མོད་ཀྱི། དེ་ལ་བསྟན་པའི་རང་བཞིན་མི་དམིགས་སོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའ་ལ་སོར་མོ་ལྔ་ཡོངས་སུ་གྲུབ་པར་སྔོན་ནམ་ཡང་སུས་ཀྱང་མ་མཐོང ་ངོ་། །ཤཱ་རདྭ་ཏིའི་བུ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་གྲུབ་པའི་རང་བཞིན་སྔོན་ནམ་ཡང་སུས་ཀྱང་མ་མཐོང་ངོ་། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང ་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། མཐོང་བར་དཀའ་བ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་སུ་ལ་ཡང་མཐོང ་བར་ཉེ་བར་མི་འགྲོའོ། །གསོལ་བ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཁོང་དུ་ཆུད་པར་དཀའ་བ་ལགས་སོ། །བཀའ་སྩལ་པ། ཤཱ་རིའི་བུ། འདི ་ལྟར་འདི་ལ་ནི། གང་མངོན་པར་རྫོགས་པར་རྟོགས་པ་ཡོངས་སུ་གྲུབ་པའི་ཆོས་གང་ཡང་མི་དམིགས་སོ། །གསོལ་བ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། བསྟན ་དུ་མ་མཆིས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཆོས་གང་བསྟན་པར་ཡང་ཉེ་བར་གནས་པ་མ་ཡིན་ནོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། རང ་བཞིན་མ་མཆིས་པ་ལགས་སོ། །བཀའ་སྩལ་པ། ཤཱ་རིའི་བུ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་རང་བཞིན་མེད་པས། ཤེས ་རབ་ཀྱི་ཕ་རོལ་ཏུ་ཕྱིན་པའི་རང་བཞིན་མེད་དོ། །ཁམས་དང་། སྐྱེ་མཆེད་དང་། རྟེན་ཅིང་འབྲེལ་བར་འབྱུང་བ་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །ཕྱིན་ཅི ་ལོག་དང་། སྒྲིབ་པ་དང་། ལྟ་བར་གྱུར་པ་དང་། སྲེད་པ་རྣམ་པར་སྤྱོད་པ་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །བདག་དང་། སེམས་ཅན་དང་། སྲོག་དང་། ་གསོ་བ་དང་། སྐྱེས་བུ་དང་། གང་ཟག་དང་། ཤེད་ལས་སྐྱེས་པ་དང་། ཤེད་བུ་དང་། བྱེད་པ་པོ་དང་། བྱེད་དུ་འཇུག་པ་དང་། སློང་བ་པོ་དང་། ཀུན་ནས་སློང་བ་པོ་དང་། ཚོར་བ་པོ་དང་། ཚོར ་བར་བྱེད་པ་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །ས་དང་། ཆུ་དང་། མེ་དང་། རླུང་དང་། ནམ་མཁའ་དང་། རྣམ་པར་ཤེས་པ་དང་། ཆོས་ཀྱི་ཁམས་རང་བཞིན་མེད ་པས|་ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །འདོད་པ་དང་། གཟུགས་དང་། གཟུགས་མེད་པའི་ཁམས་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། ་ཚུལ་ཁྲིམས་དང་། འཆལ་བའི་ཚུལ་ཁྲིམས་དང་། བཟོད་པ་དང་། གནོད་སེམས་དང་། བརྩོན་འགྲུས་དང་། ལེ་ལོ་དང་། བསམ་གཏན་དང་། རྣམ་པར་གཡེང་བ་དང་། ཤེས་རབ་དང་། འཆལ ་པའི་ཤེས་རབ་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །བྱང་ཆུབ་ཀྱི་ཕྱོགས་ཀྱི་ཆོས་རྣམས་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད ་དོ|་|འཕགས་པའི་བདེན་པ་དང་། ཞི་གནས་དང་། ལྷག་མཐོང་དང་། མངོན་པར་ཤེས་པ་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་རང ་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །རིག་པ་དང་། རྣམ་པར་གྲོལ་བ་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །ཟད་པ་དང་། ་འདོད་ཆགས་དང་བྲལ་བ་དང་། འགོག་པ་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །མི་སྐྱེ་བ་ཤེས་པ་དང་། འགོག་པ་ཤེས་པ་རང་བཞིན་མེད་པས། ཤེས ་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །མྱ་ངན་ལས་འདས་པ་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །ཉན་ཐོས་ཀྱི་ས་དང་། རང ་སངས་རྒྱས་ཀྱི་ས་དང་། སངས་རྒྱས་ཀྱི་ས་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །དོན་དམ་པ་ཤེས་པ་བསྟན་པ་དང་། ཀུན་རྫོབ་རང་བཞིན་མེད་པས། ཤེས ་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། །ཆགས་པ་མེད་པའི་ཡེ་ཤེས་དང་། ཐམས་ཅད་མཁྱེན་པའི་ཡེ་ཤེས་རང་བཞིན་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་མེད་དོ། ། ་དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས ་གང་ཡང་ཡོངས་སུ་གྲུབ་པའི་སླད་དུ་ཉེ་བར་གནས་པ་མ་ལགས། འགོག་པའི་སླད་དུ་མ་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ་ཆོས་གང་ཡང་སྐྱེ་བའི་ཕྱིར་རམ། ཡོངས་སུ་གྲུབ་པའི་ཕྱིར་རམ། འགོག་པའི་ཕྱིར་རམ། བདག་མེད་པའི་ཕྱིར་ཉེ་བར་གནས་པ་མ་ཡིན་ནོ། །གསོལ་པ། བཅོམ་ལྡན་འདས། ཤེས་རབ ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་ལ་ཡང་དམིགས་པའི་ཚུལ་གྱིས་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཆོས་ཉིད་ཀྱང་མེད་ན། གང་ལ་དམིགས ་པར་འགྱུར་ཏེ། འདི་ལྟར་ཆོས་ཐམས་ཅད་དམིགས་པ་མེད་དོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་འབྲི་བའམ། འཕེལ་བའི་སླད་དུ་ཉེ་བར་གནས ་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་འབྲི་བར་འགྱུར་བའམ། འཕེལ་བར་འགྱུར་བའི་ཆོས་གང་ཡང་ཡང་དག་པར་རྗེས ་སུ་མི་མཐོང་ངོ་། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་ལས་ཡང་དག་པར་འདའ་བའི་སླད་དུ་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ ་རིའི་བུ|་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཡང་དག་པར་འདའ་བར་བྱ་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས ་གང་ཡང་འབྲི་བའམ། གསོག་པའི་སླད་དུ་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། གང་འབྲི་བའམ། གསོག་པར་འགྱུར ་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་ཡང་འདུ་བའམ། འབྲལ་བའི་སླད་དུ་ཉེ་བར་གནས་པ་མ་ལགས་སོ། ། ་བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཀུན་ཏུ་སྦྱོར་བའམ། ཀུན་ཏུ་མི་སྦྱོར་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས ་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་གི་ཚུལ་ལམ། ཚུལ་མ་ལགས་པའི་སླད་དུ་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ ་ཀྱི་ཕ་རོལ་ཏུ་ཕྱིན་པ་ནི། ཆོས་གང་བཀུར་བ་དང་། །རྣམ་པར་བཀུར་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང ་ལ་ཡང་ཕན་པ་དང་། གནོད་པའི་སླད་དུ་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། གང་ལ་ཡང་ཕན་པའམ། གནོད་པར་བྱ ་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་འབྱུང་བའམ། མི་འབྱུང་བའི་སླད་དུ་ཉེ་བར་གནས་པ་མ་ལགས ་སོ|་|བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་འབྱུང་བའམ། མི་འབྱུང་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན ་འདས|་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་ལ་ཡང་སྦྱོར་བའམ། མི་སྦྱོར་བའི་སླད་དུ་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི ་ཕ་རོལ་ཏུ་ཕྱིན་པ་ནི། ཆོས་གང་སྦྱོར་བའམ། མི་སྦྱོར་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་དང་ཡང་གནས ་པའམ|་མི་གནས་པའི་སླད་དུ་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གནས་པར་བྱེད་པའམ། གནས་པར་མི་བྱེད་པའི ་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་འཇུག་པའམ། ལྡོག་པའི་སླད་དུ་ཉེ་བར་གནས་པ་མ་ལགས་སོ། །བཀའ་སྩལ ་པ|་ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་འཇུག་པའམ། ལྡོག་པའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ ་ཕྱིན་པ་འདི་ནི། ཆོས་གང་གི་བྱ་བའམ། བྱེད་པའི་སླད་དུ་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་གི་བྱ་བའམ། བྱེད ་པར་འགྱུར་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་གི་མཉམ་པ་དང་། མི་མཉམ་པའི་སླད་དུ་ཉེ་བར་གནས་པ་མ་ལགས ་སོ|་|བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་མཉམ་པ་དང་། མི་མཉམ་པའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས ་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་ཡང་སྡུད་པའམ། ཀུན་སྡུད་པའི་སླད་དུ་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས ་གང་བསྡུ་བར་བྱ་བའམ། དོར་བར་བྱ་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། བགྱི་བ་གང་གིས ་ཀྱང་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་བྱ་བ་བྱེད་པའི་ཆོས་གང་ཡང་མི་དམིགས་སོ། །གསོལ་པ། བཅོམ ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཟབ་ལགས་སོ། །བཀའ་སྩལ་པ། ཤཱ་རིའི་བུ། གཟུགས་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་པོ། །ཤཱ་རིའི་བུ། ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །མ་རིག་པ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །འདུ་བྱེད་དང་། ་རྣམ་པར་ཤེས་པ་དང་། མིང་དང་། གཟུགས་དང་། སྐྱེ་མཆེད་དྲུག་དང་། རེག་པ་དང་། ཚོར་བ་དང་། སྲེད་པ་དང་། ལེན་པ་དང་། སྲིད་པ་དང་། སྐྱེ་བ་དང་། རྒ་ཤི་དང་། ན་བ་དང་། འཆི་བ་དང་། ་མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །ཕྱིན་ཅི་ལོག་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན ་པ་ཟབ་བོ། །སྒྲིབ་པ་ལྔ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །ལྟ་བ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །བདག་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། ། ་སེམས་ཅན་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །སྤྲོས་པ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། སྤྲོས་པ་མེད་པ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །ཚུལ ་ཁྲིམས་དང་། འཆལ་བའི་ཚུལ་ཁྲིམས་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། བཟོད་པ་དང་། གནོད་སེམས་དང་། བརྩོན་འགྲུས་དང་། ལེ་ལོ་དང་། བསམ་གཏན་དང་། རྣམ ་པར་གཡེང་བ་དང་། ཤེས་རབ་དང་། འཆལ་བའི་ཤེས་རབ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། ཕྱིན ་ཅི་མ་ལོག་པ་དང་། ལམ་ཡན་ལག་བརྒྱད་པ་དང་། སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་དང་། རྣམ་པར་གྲོལ་བའི་ཡེ་ཤེས་མཐོང་བ་དང་། འདས་པ་དང་། ་མ་འོངས་པ་དང་། ད་ལྟར་བྱུང་བ་དང་། དུས་གསུམ་མཉམ་པ་ཉིད་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །མི་འཇིགས་པ་དང་། རྫུ་འཕྲུལ་གྱི་རྐང་པ་དང་། །མངོན་པར་ཤེས་པ་ཟབ་པས ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །འདས་པ་དང་། མ་འོངས་པ་དང་། ད་ལྟར་བྱུང་བ་ལ་ཐོགས་པ་མེད་པའི་ཡེ་ཤེས་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །སངས་རྒྱས་དང་། ་ཆོས་དང་། དགེ་འདུན་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །ཟད་པ་ཤེས་པ་དང་། མི་སྐྱེ་བ་ཤེས་པ་དང་། མི་འགོག་པ་ཤེས་པ་དང་། མངོན་པར་འདུ་མི་བྱེད་པ་ཤེས་པ་དང་། ་འདོད་ཆགས་དང་བྲལ་བ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །སྒྲིབ་པ་ཟབ་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་བོ། །ཤཱ་རིའི་བུ། འདི་ལྟ་སྟེ། ་དཔེར་ན། རྒྱ་མཚོ་ནི། རྒྱ་ཆེ་ཞིང་ཟབ་སྟེ། དཔག་ཏུ་མེད་དོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་རྒྱ་ཆེ་ཞིང་ཟབ་སྟེ། དཔག་ཏུ་མེད་དོ། །ཤཱ་ར་དྭ་ཏིའི་བུ། ཟབ་ཅེས་བྱ་བ་ནི། ་ཆོས་རིན་པོ་ཆེ་དཔག་ཏུ་མེད་པ་བསགས་པར་གྱུར་པ་གང་གཏིང་མི་རྙེད་པའོ། །ཤཱ་རདྭ་ཏིའི་བུ། ཟབ་ཅེས་བྱ་བ་དེ་ལ་འགྲོ་བ་མི་རྙེད་པའོ། །ཤཱ་ར་དྭ་ཏིའི་བུ། ཟབ་ཅེས་བྱ་བ་ནི། དེའི་ཡོན ་ཏན་གྱི་མཐའ་མི་རྟོགས་པའོ། །ཤཱ་རདྭ་ཏིའི་བུ|་འདི་ལྟ་སྟེ། དཔེར་ན། མཚོ་ཆེན་པོ་རྒྱ་མཚོ་ནི། རིན་པོ་ཆེ་ཐམས་ཅད་བསགས་པ། རིན་པོ་ཆེ་དཔག་ཏུ་མེད་པས་གང་བ། རིན་པོ་ཆེ ་ཆེན་པོས་རབ་ཏུ་གང་བའོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་རིན་པོ་ཆེ་ཐམས་ཅད་བསགས་པ། ཆོས་རིན་པོ་ཆེ་ཆེན་པོ་བསགས་པ། ཆོས་རིན་པོ་ཆེ་དཔག་ཏུ་མེད་པ ་བསགས་པའོ། །གསོལ་བ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་བསྟན་པར་ཡང་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར ་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་བསྟན་པའི་ཆོས་གང་ཡང་དམིགས་པར་ཉེ་བར་གནས་པ་མ་ཡིན་ནོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ་ཆོས་གང་འཚལ་བའམ། མ་འཚལ་བར་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་ཤེས་པའམ། མི་ཤེས་པར་འགྱུར་བའི ་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་ཡང་བསྲུང་བའམ། སྦ་བའི་སླད་དུ་ཉེ་བར་གནས་པ་མ་ལགས་སོ། །བཀའ ་སྩལ་པ|་ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་བསྲུང་བའམ། སྦ་བར་བྱ་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ ་ཏུ་ཕྱིན་པ་འདི་ནི། ཆོས་གང་ཡང་ཀུན་ཏུ་སྡུད་པའམ། ཡོངས་སུ་སྡུད་པའི་སླད་དུ་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ ་ཆོས་གང་ཀུན་ཏུ་བསྡུ་བའམ། ཡོངས་སུ་བསྡུ་བར་བྱ་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་གི་གནས་སུ ་ཡང་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། གང་ལ་གནས་བཅའ་བའི་ཆོས་གང་ཡང་མི་དམིགས་སོ། །གསོལ་པ། བཅོམ ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་གི་གནས་སམ། གཞིར་ཡང་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ ་ཏུ་ཕྱིན་པ་ནི། གང་ལ་གནས་སམ། གཞིར་བྱ་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང ་ཡང་མངོན་པར་ཞེན་པར་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། གང་ལ་མངོན་པར་ཞེན་པར་བྱ་བའི་ཆོས་གང་ཡང་མི་དམིགས་སོ། ། ་གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་ལ་ཡང་ལྷག་པར་ཞེན་པ་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི ་ཕ་རོལ་ཏུ་ཕྱིན་པ་ནི། ཆོས་གང་ལ་ཡང་ལྷག་པར་ཞེན་པར་བྱ་བའི་ཆོས་གང་ཡང་ཡང་དག་པར་རྗེས་སུ་མི་མཐོང་ངོ་། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས ་གང་དང་ཡང་གནས་པའམ། མི་གནས་པར་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་དང་ལྷན་ཅིག་ཏུ་གནས་པའི ་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་གི་མཚམས་སྦྱར་བའམ། མཚམས་སྦྱར་བ་མ་ལགས་པར་ཡང་ཉེ་བར ་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་མཚམས་སྦྱར་བར་བྱ་བའམ། མཚམས་སྦྱར་བར་བྱ་བ་མ་ཡིན་པའི་ཆོས་གང ་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་ལ་ཡང་འདོད་ཆགས་སམ། འདོད་ཆགས་དང་བྲལ་བར་ཉེ་བར་གནས་པ་མ་ལགས་སོ། ། ་བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་ལ་ཆགས་པར་འགྱུར་བའམ། མི་ཆགས་པར་འགྱུར་བའི་ཆོས་གང་ཡང་མི་དམིགས་སོ། །གསོལ་པ། བཅོམ ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་ལ་ཡང་ཞེ་སྡང་ངམ། ཞེ་སྡང་མ་མཆིས་པར་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས ་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་ལ་ཞེ་སྡང་དང་བཅས་པའམ། ཞེ་སྡང་མེད་པའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས ་གང་ལ་ཡང་གཏི་མུག་གམ། གཏི་མུག་དང་བྲལ་བར་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་ལ་རྨོངས་པའམ། ་རྨོངས་པར་མི་འགྱུར་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་གི་ཤེས་པ་པོའམ། ཤེས་པར་བགྱིད་པ་མ་ལགས ་སོ|་|བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་ཤེས་པའམ། ཆོས་གང་ཤེས་པར་བྱེད་པར་འགྱུར་བའི་ཆོས་གང་ཡང་མི་དམིགས་སོ། །གསོལ་པ། ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་གི་རང་བཞིན་ནམ། རང་བཞིན་མ་ལགས་པར་ཉེ་བར་གནས་པ་མ་ལགས་སོ། །བཀའ ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་གི་རང་བཞིན་ནམ། རང་བཞིན་མ་ཡིན་པར་ཡང་དག་པར་རྗེས་སུ་མི་མཐོང་ངོ་། །གསོལ་པ། བཅོམ་ལྡན ་འདས|་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཆོས་གང་གི་དག་པའམ། རྣམ་པར་དག་པར་ཡང་ཉེ་བར་གནས་པ་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི ་ཕ་རོལ་ཏུ་ཕྱིན་པ་ནི། ཆོས་གང་སྦྱོང་བའམ། རྣམ་པར་སྦྱོང་བའི་ཆོས་གང་ཡང་ཡང་དག་པར་རྗེས་སུ་མི་མཐོང་ངོ་། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ ་འདི་ནི|་རང་བཞིན་གྱིས་ཡོངས་སུ་དག་པ་ལགས་སོ། །བཀའ་སྩལ་པ། ཤཱ་རིའི་བུ། གཟུགས་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། ཤཱ་རིའི་བུ། ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། མ་རིག་པ་ཡོངས་སུ་དག་པས་ཤེས་རབ ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། འདུ་བྱེད་ཡོངས་སུ་དག་པ་དང་། རྣམ་པར་ཤེས་པ་ཡོངས་སུ་དག་པ་དང་། མིང་དང་གཟུགས་ཡོངས་སུ་དག་པ་དང་། སྐྱེ་མཆེད་དྲུག་ཡོངས་སུ་དག ་པས|་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ་། རེག་པ་དང་། ཚོར་བ་དང་། སྲེད་པ་དང་། ལེན་པ་དང་། སྲིད་པ་དང་། སྐྱེ་བ་དང་། རྒ་བ་དང་། ན་བ་དང་། འཆི་བ་ཡོངས་སུ་དག་པས། ཤེས ་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ ་ཡོངས་སུ་དག་གོ། ཕྱིན་ཅི་ལོག་དང་། སྒྲིབ་པ་དང་། ལྟ་བར་གྱུར་པ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། འདོད་ཆགས་དང་། ཞེ་སྡང་དང་། གཏི་མུག ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ་།བདག་དང་། སེམས་ཅན་དང་། སྲོག་དང་། གསོ་བ་དང་། སྐྱེས་བུ་དང་། གང་ཟག་དང་། ཤེད་ལས་སྐྱེས་པ་དང་། ཤེད ་བུ་དང་། བྱེད་པ་པོ་དང་། བྱེད་དུ་འཇུག་པ་དང་། ཚོར་བ་པོ་དང་། ཚོར་བར་བྱེད་པ་དང་། སློང་བ་པོ་དང་། ཀུན་ནས་སློང་བ་པོ་དང་། མཐོང་བ་པོ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ ་ཕྱིན་པ་ཡོངས་སུ་དག་གོ། ཆད་པ་དང་། རྟག་པ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། མཐའ་དང་། མཐའ་མེད་པ་ཡོངས་སུ་དག་པས་ཤེས་རབ་ཀྱི་ཕ་རོལ ་ཏུ་ཕྱིན་པ་ཡོངས་སུ་དག་གོ། སྦྱིན་པ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ་ཤེས་རབ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། དབང་བོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། བསམ་གཏན་དང་། ་རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ་།བྱམས་པ་དང་། སྙིང་རྗེ་དང་། དགའ་བ་དང་། ་བཏང་སྙོམས་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ་།དྲན་པ་ཉེ་བར་གཞག་པ་དང་། ཡང་དག་པར་སྤོང་བ་ཡོངས་སུ་དག་པས། ཤེས་རབ་ཀྱི་ཕ ་རོལ་ཏུ་ཕྱིན་པ་ཡོངས་སུ་དག་གོ། ཕྱིན་ཅི་མ་ལོག་པ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ་ལམ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ་།མངོན་པར་ཤེས་པ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། ལམ་ཡོངས་སུ ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། ཉན་ཐོས་ཀྱི་ས་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ་།རང་སངས་རྒྱས་ཀྱི་ས་ཡོངས་སུ་དག ་པས|་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ་། སངས་རྒྱས་ཀྱིས་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། སངས་རྒྱས་དང་། ཆོས་དང་། དགེ་འདུན ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། འདས་པ་དང་། མ་འོངས་པ་དང་། ད་ལྟར་བྱུང་བའི་ཡེ་ཤེས་མཐོང་བ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ ་ཕྱིན་པ་ཡོངས་སུ་དག་གོ། ཐོགས་པ་མེད་པའི་ཡེ་ཤེས་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་དག་པས ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། འདོད་པའི་ཁམས་ཡོངས་སུ་དག་པ་དང་། གཟུགས་ཀྱི་ཁམས་ཡོངས་སུ་དག་པ་དང་། གཟུགས་མེད་པའི་ཁམས་ཡོངས་སུ་དག་པས། ཤེས ་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། སའི་ཁམས་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། ཆུ་དང་། མེ་དང་། རླུང་གི་ཁམས་ཡོངས་སུ་དག་པས། ཤེས་རབ ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། སེམས་ཅན་གྱི་ཁམས་ཡོངས་སུ་དག་པ་དང་། ཆོས་ཀྱི་དབྱིངས་ཡོངས་སུ་དག་པ་དང་། ནམ་མཁའི་ཁམས་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ ་ཕྱིན་པ་ཡོངས་སུ་དག་གོ། དེ་སྐད་ཅེས་བཀའ་སྩལ་བ་དང་། བཅོམ་ལྡན་འདས་ལ་ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། འདི་ལྟར་ཤེས་རབ་ཀྱི་ཕ་རོལ་ཏུ ་ཕྱིན་པ་རང་བཞིན་གྱིས་ཡོངས་སུ་དག་པ་ངོ་མཚར་ལགས་སོ། །བཀའ་སྩལ་པ། ཤཱ་རིའི་བུ། ནམ་མཁའ་ཡོངས་སུ་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་གོ། གསོལ་པ། ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་མ་མཆིས། བསྟན་དུ་མ་མཆིས་པ་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། འདི ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་གི་གཟུགས་ཡོངས་སུ་གྲུབ་པ་ལས་བསྟན་པར་ཉེ་བར་གནས་པ་མ་ཡིན་ནོ། །གསོལ་བ། བཅོམ་ལྡན་འདས། ཤེས་རབ་ཀྱི་ཕ་རོལ ་ཏུ་ཕྱིན་པ་འདི་ནི། ཐོགས་པ་མ་མཆིས་པ་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། གང་ལ་ཐོགས་པའི་ཆོས་གང་ཡང་ཡང་དག་པར ་རྗེས་སུ་མི་མཐོང་ངོ་། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། མ་བགྱིས་པའོ། །བཀའ་སྩལ་པ། ཤཱ་རདྭ་ཏིའི་བུ། བྱེད་པ་པོ་མི་དམིགས་པའི་ཕྱིར ་རོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཡང་དག་པར་འདུ་བ་མ་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། འདི་ལྟར་ཤེས་རབ་ཀྱི་ཕ་རོལ ་ཏུ་ཕྱིན་པ་ནི། ཆོས་གང་དང་ལྷན་ཅིག་འདུ་བར་འགྱུར་བའི་ཆོས་གང་ཡང་ཡང་དག་པར་རྗེས་སུ་མི་མཐོང་ངོ་། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ་གདགས་སུ་མ་མཆིས་པ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་གིས་གདགས་པའི་ཆོས་གང་ཡང་མི་དམིགས་སོ། །གསོལ་པ། ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཐུན་མོང་མ་ལགས་སོ། །བཀའ་སྩལ་པ། ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་དང་ཐུན་མོང་དུ་འགྱུར ་བའི་ཆོས་གང་ཡང་མི་དམིགས་སོ། །གསོལ་པ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། མཚན་ཉིད་མ་མཆིས་པ་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། མཚན ་ཉིད་མི་དམིགས་པའི་ཕྱིར་རོ། །གསོལ་བ། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། སྣང་བ་མ་མཆིས་པ་ལགས་སོ། །བཀའ་སྩལ་པ། སྣང་བ་མི་དམིགས་པའི་ཕྱིར་རོ། །གསོལ ་པ|་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། མཐའ་ཡས་པའི་ཕ་རོལ་ཏུ་ཕྱིན་པ་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། གཟུགས་མཐའ་ཡས་པས། ཕ་རོལ་ཏུ ་ཕྱིན་པ་འདི་མཐའ་ཡས་སོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །ཕྱིན་ཅི་ལོག་མཐའ་ཡས་པས ་ཕ་རོལ་ཏུ་ཕྱིན་པ་འདི་མཐའ་ཡས་སོ། །སྒྲིབ་པ་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །མ་རིག་པ་མཐའ་ཡས་པ་དང་། འདུ་བྱེད་རྣམས་མཐའ་ཡས་པ་དང་། རྣམ་པར ་ཤེས་པ་མཐའ་ཡས་པ་དང་། མིང་དང་གཟུགས་མཐའ་ཡས་པ་དང་། སྐྱེ་མཆེད་དྲུག་དང་། རེག་པ་དང་། ཚོར་བ་དང་། སྲེད་པ་དང་། ལེན་པ་དང་། སྲིད་པ་དང་། སྐྱེ་བ་དང་། རྒ་བ་དང་། ན་བ ་དང་|་འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་པ་དང་། ཡིད་མི་བདེ་བ་དང་། འཁྲུག་པ་མཐའ་ཡས་པས། ཕ་རོལ་ཏུ་ཕྱིན་པ་འདི ་མཐའ་ཡས་སོ། །ལྟ་བར་གྱུར་བ་མཐའ་ཡས་པ་དང་། འདོད་ཆགས་དང་། ཞེ་སྡང་དང་། གཏི་མུག་མཐའ་ཡས་པ་དང་། ཆད་པ་དང་། རྟག་པ་མཐའ་ཡས་པ་དང་། སྔོན་གྱི་མཐའི་མུ ་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །ཕྱི་མའི་མཐའི་མུ་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །སྦྱིན་པ་མཐའ་ཡས་པ་དང་། ཚུལ་ཁྲིམས ་མཐའ་ཡས་པ་དང་། བཟོད་པ་མཐའ་ཡས་པ་དང་། བརྩོན་འགྲུས་མཐའ་ཡས་པ་དང་། བསམ་གཏན་མཐའ་ཡས་པ་དང་། ཤེས་རབ་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ ་ཡས་སོ|་|དྲན་པ་ཉེ་བར་གཞག་པ་མཐའ་ཡས་པ་དང་། ཡང་དག་པའི་སྤོང་བ་དང་། རྫུ་འཕྲུལ་གྱི་རྐང་བ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་མཐའ་ཡས་པ་དང་། ཕྱིན ་ཅི་མ་ལོག་པ་མཐའ་ཡས་པས། ཕ་རོལ་ཏུ་ཕྱིན་པ་འདི་ནི། མཐའ་ཡས་སོ། །བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་མཐའ་ཡས་པས། ཕ ་རོལ་ཏུ་ཕྱིན་པ་འདི་མཐའ་ཡས་སོ། །དམིགས་པ་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །རིག་པ་དང་། རྣམ་པར་གྲོལ་བའི་ཡེ་ཤེས་མཐོང་བ་མཐའ་ཡས་པས། ཕ་རོལ ་ཏུ་ཕྱིན་པ་འདི་མཐའ་ཡས་སོ། །ཉན་ཐོས་ཀྱི་ས་དང་། རང་སངས་རྒྱས་ཀྱི་ས་མཐའ་ཡས་པས་ཕ་རོལ་ཏུ་ཕྱིན་པ་འདི་མཐའ་ཡས་སོ། །ཉན་ཐོས་ཀྱི་ཆོས་དང་། རང་སངས་རྒྱས་ཀྱི་ཆོས་དང་། སངས་རྒྱས ་ཀྱི་ཆོས་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །བདག་དང་། སེམས་ཅན་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །འདོད་པའི་ཁམས་མཐའ་ཡས་པས། ་ཕ་རོལ་ཏུ་ཕྱིན་པ་འདི་མཐའ་ཡས་སོ། །གཟུགས་ཀྱི་ཁམས་མཐའ་ཡས་པ་དང་། གཟུགས་མེད་པའི་ཁམས་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །མངོན་པར་ཤེས་པ ་མཐའ་ཡས་པ་དང་། སྒྲིབ་པ་མཐའ་ཡས་པས་ཕ་རོལ་ཏུ་ཕྱིན་པ་འདི་མཐའ་ཡས་སོ། །འདས་པ་དང་། མ་འོངས་པ་དང་། ད་ལྟར་བྱུང་བའི་ཡེ་ཤེས་མཐོང་བ་མཐའ་ཡས་པས། ཕ་རོལ་ཏུ་ཕྱིན་པ ་འདི་མཐའ་ཡས་སོ། །ཆགས་པ་མེད་པ་མཐའ་ཡས་པ་དང་། ནམ་མཁའ་མཐའ་ཡས་པ་དང་། ཆོས་ཀྱི་དབྱིང་མཐའ་ཡས་པས། ཕ་རོལ་ཏུ་ཕྱིན་པ་འདི་མཐའ་ཡས་སོ། །ཤཱ་རིའི་བུ། ཤེས ་རབ་ཀྱི་ཕ་རོལ་ཏུ་ཕྱིན་པ་ནི། ཐོག་མ་དང་། པར་དང་། ཐ་མ་མི་དམིགས་སོ། །གང་གིས་ཀྱང་མི་དམིགས་སོ། །ཤཱ་ར་དྭ་ཏིའི་བུ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། མཐའ་ཡས་མུ ་མེད་པའོ། །འདི་ལྟ་སྟེ། དཔེར་ན། ནམ་མཁའི་མཐའ་མི་དམིགས་པ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་མཐའ་ཡས་མི་དམིགས་སོ། །སའི་ཁམས་མཐའ་ཡས་པས། ཤེས་རབ་ཀྱི་ཕ ་རོལ་ཏུ་ཕྱིན་པ་མཐའ་ཡས་པར་བལྟའོ། །ཆུའི་ཁམས་མཐའ་ཡས་པ་དང་། མེའི་ཁམས་མཐའ་ཡས་པ་དང་། རླུང་གི་ཁམས་མཐའ་ཡས་པ་དང་། རྣམ་པར་ཤེས་པའི ་ཁམས་མཐའ་ཡས་པས། ཤེས་རབ་ཀྱི་ཕ་རོལ་ཏུ་ཕྱིན་པ་མཐའ་ཡས་པར་ཁོང་དུ་ཆུད་པར་བྱའོ། །ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། མཐའ་མེད། དབུས་མེད། མུ ་མེད་པར་ཁོང་དུ་ཆུད་པར་བྱའོ། །ཤཱ་རིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཡུལ་ན་མི་གནས། ཕྱོགས་ན་མི་གནས་སོ། །ཤཱ་རིའི་བུ། གཟུགས་མུ་མེད་པས། ཤེས་རབ་ཀྱི་ཕ ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །དེ་བཞིན་དུ་སྦྱར་ཏེ། འདི་ལྟར་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད ་པར་རིག་པར་བྱའོ། །མ་རིག་པ་མུ་མེད་པ་ནས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པའི་བར་དུ་མུ་མེད་པས། ཤཱ་རིའི་བུ། ་ཤེས་རབ་ཀྱི་ཕ་རོལ་ཏུ་ཕྱིན་པ་ནི། མུ་མེད་པར་རིག་པར་བྱའོ། །ཕྱིན་ཅི་ལོག་མུ་མེད་པ་དང་། སྒྲིབ་པ་མུ་མེད་པ་དང་། ལྟ་བར་སོང་བ་མུ་མེད་པས། ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ ་མུ་མེད་པར་རིག་པར་བྱའོ། །བདག་མུ་མེད་པ་དང་། སེམས་ཅན་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །སྦྱིན་པ་མུ་མེད་པ་དང་། ཚུལ་ཁྲིམས་མུ་མེད་པ ་དང་། བཟོད་པ་མུ་མེད་པ་དང་། བརྩོན་འགྲུས་མུ་མེད་པ་དང་། བསམ་གཏན་མུ་མེད་པ་དང་། ཤེས་རབ་མུ་མེད་པས། ཤེས་རབ་ཀྱི་ཕ་རོལ་ཏུ་པོ་ཕྱིན་པ་མུ་མེད་པར་རིག་པར་བྱའོ། །དྲན་པ་ཉེ་བར ་གཞག་པ་དང་། ཡང་དག་པའི་སྤོང་པ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། བསམ་གཏན་དང་། ་རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །ཤཱ་རིའི་བུ། སྡུག་བསྔལ་བ་དང་། ཀུན་འབྱུང་བ ་དང་། འགོག་པ་དང་། ལམ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །ཤཱ་རིའི་བུ། མངོན་པར་ཤེས་པ་མུ་མེད་པ་དང་། རྣམ་པར་གྲོལ་བ་མུ་མེད་པ་དང་། རྣམ ་པར་གྲོལ་བའི་ཡེ་ཤེས་མཐོང་བ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ།། ཤཱ་རིའི་བུ། སོ་སོའི་སྐྱེ་བོའི་ཆོས་མུ་མེད་པ་དང་། ཉན་ཐོས་ཀྱི་ཆོས་མུ་མེད་པ ་དང་། རང་སངས་རྒྱས་ཀྱི་ཆོས་མུ་མེད་པ་དང་། སངས་རྒྱས་ཀྱི་ཆོས་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །ཤཱ་རིའི་བུ། རིག་པ་མུ་མེད་པ་དང་། རྣམ་པར་གྲོལ་བ ་མུ་མེད་པ་དང་། རྣམ་པར་གྲོལ་བའི་ཡེ་ཤེས་མཐོང་བ་མུ་མེད་པས། ཤེས་རབ་ཀྱི་ཕ་རོལ་ཏུ་ཕྱིན་པ་མུ་མེད་པར་རིག་པར་བྱའོ། །ཤཱ་རདྭ་ཏིའི་བུ། མུ་མེད་པ་དམིགས་སུ་མེད་པས། ཤེས་རབ་ཀྱི་ཕ་རོལ་ཏུ ་ཕྱིན་པ་མུ་མེད་པ་ཞེས་བྱའོ། །མཐའ་དམིགས་སུ་མེད་པས། མཐའ་ཡས་པ་ཞེས་བྱའོ། །ཤཱ་རདྭ་ཏིའི་བུ། མཐའ་མེད་པ་ཞེས་བྱ་བ་དེ་ནི། མུ་མེད་པའི་ཚིག་གོ། ཤཱ་རིའི ་བུ|་བདག་མ་སྐྱེས་པས། ཆོས་ཐམས་ཅད་མཐའ་ཡས་པར་རིག་པར་བྱའོ། །ཤཱ་རིའི་བུ། ནམ་མཁའ་མཐའ་ཡས་པས། ཆོས་ཐམས་ཅད་མཐའ་ཡས་མུ་མེད་པར་རིག་པར་བྱའོ། །དེ་སྐད ་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། ཆོས་འདི་བྱང་ཆུབ་སེམས་དཔའ་ཇི་ལྟ་བུ་དག་གི་ཡུལ་དུ ་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ། ཆོས་འདི་ནི། བྱང་ཆུབ་སེམས་དཔའ་གང་དག་ཆོས་ཀྱང་མི་དམིགས་ན། ཆོས་མ་ཡིན་པ་ལྟ་ཅི་སྨོས། ལམ་ཡང ་མི་དམིགས་ན། ལམ་མ་ཡིན་པ་ལྟ་ཅི་སྨོས། ཚུལ་ཁྲིམས་ཀྱང་མི་དམིགས་ཤིང་རློམ་སེམས་སུ་མི་བྱེད་ན། འཆལ་བའི་ཚུལ་ཁྲིམས་ལྟ་ཅི་སྨོས་ཏེ། ཁམས་གསུམ་ཐམས་ཅད་དུ ་ཡང་མི་གཏོགས། སྲིད་པར་འགྲོ་བ་དང་། འཆི་འཕོ་བ་དང་། སྐྱེ་བ་ཐམས་ཅད་དུ་ཡང་མི་གཏོགས། ལུས་དང་སྲོག་ལ་ཡང་མི་ཆགས་ན། ཕྱི་རོལ་གྱི་དངོས་པོ་རྣམས་ལ་ལྟ་ཅི་སྨོས་ཏེ། ་འཁོར་བའི་རྒྱུད་མཐར་བྱས་པ། སྲིད་པའི་རྒྱ་མཚོ་ཆེན་པོ་ལས་བརྒལ་བ། ཡུལ་ཆེན་པོ་ལས་འདས་པའི་བྱང་ཆུབ་སེམས་དཔའ་དེ་དག་གི་ཡུལ་དང་། བགྲོད་པ་ཡིན་ནོ། །ཡུལ་ཐམས ་ཅད་ཡུལ་མ་ཡིན་པར་གང་གིས་ཡོངས་སུ་ཤེས་པ་དེ་དང་དེ་དག་ནི། རྣམ་པ་དེ་ལྟ་བུའི་སྐྱེས་བུ་དམ་པ་དག་སྟེ། ཡུལ་ཐམས་ཅད་ལ་མི་ཆགས་པ་དེ་དང་དེ་དག་ནི། སེངྒེ་ཆེན་པོའོ། །ཡུལ་ཐམས་ཅད ་ལ་མ་ཞུགས་པ་དེ་དང་དེ་དག་ནི། རྣམ་པ་དེ་ལྟ་བུ་དག་གོ། ཡུལ་ཐམས་ཅད་ཀྱིས་མི་གོས་པ་དེ་དང་དེ་དག་ནི། ཡུལ་དང་མ་འདྲེས་པའོ། །ཡུལ་ཐམས་ཅད་ལས་ཡང་དག་པར་འདས་པ་དེ་དང ་དེ་དག་ནི། དེད་དཔོན་ཆེན་པོ་སྟེ། ཤཱ་རིའི་བུ། ཆོས་འདི་ནི། དེ་དག་གི་ཡུལ་དང་། བགྲོད་པ་མ་ཡིན་ནོ། །ཤཱ་རིའི་བུ། འཁོར་འདི་ནི། གང་ཆོས་འདི་ལ་མ་མོས་ཤིང་ཡུལ་དུ་མ་གྱུར་པའམ། ་གང་ཆོས་རྣམ་པ་འདི་ལྟ་བུ་འདི་ལ་སོམ་ཉི་དང་བཅས་པའམ། ཐེ་ཚོམ་དང་བཅས་པའི་བྱང་ཆུབ་སེམས་དཔའ་གཅིག་ཀྱང་ངས་མ་མཐོང་ངོ་། །ཤཱ་རིའི་བུ། འཁོར་འདི་ནི། ཆོས་འདི་ལ་ཐེ་ཚོམ་མེད་དོ།། ་ནེམ་ནུར་མེད་དོ། །ཡིད་གཉིས་མེད་དོ། །ཤཱ་རིའི་བུ། བྱང་ཆུབ་སེམས་དཔའ་འདི་དག་ནི། ཆོས་འདི་ལ་ཡིད་གཉིས་མེད་དོ། །ཤཱ་རིའི་བུ། སྐྱེས་བུ་དམ་པ་འདི་དག་ནི། སེམས་ཅན་ཐམས་ཅད་ཀྱི་ཡིད ་གཉིས་ཡང་དག་པར་གཞོམ་པའི་ཕྱིར་གནས་པའོ། །ཤཱ་རིའི་བུ། འདི་དག་ནི། འདི་ལྟ་བུའི་ཆོས་ལ་སོམ་ཉི་མེད་དེ། སོམ་ཉི་ལས་ཡང་དག་པར་འདས་པའོ། །ཤཱ་རིའི་བུ། གང་ཡང་ཕྱི་མའི་ཚེ་ཕྱི ་མའི་དུས་ན་ཆོས་བསྟན་པ་འདི་ཉན་པ་དེ་དག་ཀྱང་ཆོས་ཐམས་ཅད་ལ་ཐེ་ཚོམ་མེད་པར་གནས་ཏེ་སེམས་ཅན་ཐམས་ཅད་ཀྱི་ཐེ་ཚོམ་གཅད་པའི་ཕྱིར་ཞུགས་པར་འགྱུར་རོ། །ཤཱ་རིའི་བུ། སེམས་ཅན་དགེ ་བའི་རྩ་བ་ཆུང་དུ་རྣམས་ནི། ཆོས་འདི་ལ་མོས་པར་ངས་མ་བཤད་དོ། །ཆོས་འདི་ལ་དེ་དག་གི་གོ་སྐབས་མེད་དེ། འདི་ནི། དེ་དག་གི་ནོར་མ་ཡིན་ནོ། །ཤཱ་རིའི་བུ། ་ཆོས་བསྟན་པ་འདི་གང་དག་གི་རྣ་ལམ་དུ་ཐོས་པའི་སེམས་ཅན་དེ་དག་ཀྱང་དགེ་བའི་རྩ་བ་ཆུང་དུ་དང་ལྡན་པ་མ་ཡིན་ན། གང་དག་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར ་བྱེད་པ་ལྟ་ཅི་སྨོས་ཏེ། དེ་དག་སངས་རྒྱས་བཅོམ་ལྡན་འདས་རྣམས་ཀྱིས་སངས་རྒྱས་ཀྱི་ཆོས་ལ་ངེས་པར་ལུང་བསྟན་ཏེ། ཇི་ལྟར་ད་ལྟར་ང་སེངྒེའི་སྒྲ་སྒྲོགས་པ་དང་། འཇིགས་པ་མེད་པའི་སྒྲ ་དང་། སྐྱེས་བུ་ཆེན་པོའི་སྒྲ་དང་། རང་བྱུང་གི་སྒྲ་སྒྲོག་པ་བཞིན་དུ་དེ་དག་ཀྱང་སེངྒེའི་སྒྲ་སྒྲོག་པར་འགྱུར་རོ། །གང་དག་ཐ་ན་ཆོས་འདི་ལ་དད་པ་བསྐྱེད་ནས་བླ་ན་མེད་པ་ཡང་དག་པར་རྫོགས ་པའི་བྱང་ཆུབ་ལ་འདུན་པ་བསྐྱེད་པར་འགྱུར་བ་དེ་དག་གི་ལུང་བསྟན་པ་ཡང་དེ་ཉིད་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ། སེམས་ཅན་གང་དག་ཆོས་ཟབ་མོ་ཐོས ་ནས་དགའ་བ་བསྐྱེད་ཅིང་མཆོག་ཏུ་དགའ་བ་དང་མོས་པ་བསྐྱེད་པ་དེ་དག་ཤིན་ཏུ་རྙེད་པར་དཀའོ། །ཤཱ་རིའི་བུ། དེ་དག་ཀྱང་སེམས་ཅན་གང་ཆོས་ཟབ་མོ་ཐོས་ནས་བླ་ན་མེད་པ ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ཅིང་མོས་པ་བསྐྱེད་དེ་དགེ་བ་ཆེན་པོ་དང་ལྡན་པ་ནི། ཤིན་ཏུ་རྙེད་པར་དཀའ་སྟེ། ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་འདི ་གང་དག་གི་རྣ་ལམ་དུ་ཐོས་པར་འགྱུར་བ་དང་། ཐོས་ནས་ཀློག་པ་དང་། མོས་པ་དང་། དགའ་བ་དང་། ཡིད་བདེ་བ་ཆེན་པོ་བསྐྱེད་པ་དང་། ཕྱིར་ཞིང་ཉན་པའི་ཕྱིར་ཆོས་འདི་ལ་འདུན་པ་བསྐྱེད་པའི ་སེམས་ཅན་དེ་དག་ཀྱང་འཁོར་བ་ཆེན་པོར་ཞུགས་པར་ངས་མ་བཤད་ན། ལུང་ནོད་པ་དང་། ཁ་ཏོན་བྱེད་པ་དང་། གཞན་ལ་སྟོན་པ་ལྟ་ཅི་སྨོས། ཤཱ་རིའི་བུ། ཉན་ཐོས་དང་། རང་སངས་རྒྱས ་ཀྱི་ཐེག་པ་ལ་ངེས་པར་མ་ཞུགས་ཤིང་མ་ངེས་པ་ནི། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཤཱ་རིའི་བུ། ཆོས་ཀྱི་མཆོག་འདི་ལ་ཆོས་ཆུང་དུ་དང་ལྡན ་པའི་སེམས་ཅན་རྣམས་ཀྱི་གོ་སྐབས་ངས་མ་མཐོང་ངོ་། །ཤཱ་རིའི་བུ། སངས་རྒྱས་ཀྱི་བྱང་ཆུབ་འདི་ནི། རྒྱ་ཆེ་ན། སེམས་ཅན་ནི། ཕལ་ཆེར་དམན་པ་ལ་མོས་ཤིང་ཆོས་ཆུང་ངུ་དང ་ལྡན་ཏེ། འདི་ལྟ་བུའི་ཆོས་ཟབ་མོ་ཆགས་པ་མེད་པ་ལ་དགེ་བར་མ་བྱས་ཤིང་མི་མཁས་སོ། །ཤཱ་རིའི་བུ། འདི་ནི། སེམས་ཅན་གང་དག་རྒྱ་ཆེ་ཞིང་ཆོས་རྒྱ་ཆེན་པོ་ལ་མོས་པ། ཐེག་པ ་ཆེན་པོ་ལ་ཡང་དག་པར་ཞུགས་པ། དགོས་པ་ཤིན་ཏུ་ཡོངས་སུ་རྙེད་པ། གོ་ཆ་ཆེན་པོ་ཤིན་ཏུ་བགོས་པ། དོན་ལེགས་པར་རྣམ་པར་རྟོགས་པ། ལམ་ཆེན་པོ་དྲང་ཞིང་ཉམ་ང་བ་མེད་པ། ཚང ་ཚིང་མེད་པ། མཉམ་པ། སྨྱིག་མ་དང་ཚེར་མ་མེད་པ། ངམ་གྲོག་དང་གཡང་ས་མེད་པ། གཙང་བ། གནོད་པ་མེད་པ། གྱ་གྱུ་མེད་པ། ཡོན་པོ་མེད་པར་ཞུགས་པ་དང་། ཤཱ་རིའི་བུ། གང ་དག་འཇིག་རྟེན་ལ་ཕན་པ་དང་། འཇིག་རྟེན་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་རྣམས་ཀྱི་དོན་དང་། ཕན་པ་དང་བདེ་བའི་ཕྱིར་ཞུགས་པ། ་སྣང་བ་བྱེད་པ། སེམས་ཅན་རྣམས་ཀྱི་མུ་སྟེགས་སུ་གྱུར་པ། སྙིང་རྗེ་ཆེན་པོ་དང་ལྡན་པ། ཕན་པར་སྙིང་བརྩེ་བ། ཕན་པར་འདོད་པ། བདེ་བར་འདོད་པ། གྲུབ་པ་དང་བདེ་བར་འདོད་པ། ་སེམས་ཅན་ཐམས་ཅད་ལ་བདེ་བར་སྦྱར་བར་ཉེ་བར་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟ་བུ་དེ་དག་གི་ནོར་ཆེན་པོ་ཡིན་ནོ། །ཤཱ་རིའི་བུ། སེམས་ཅན་ཆེན་པོ་དེ ་དག་ནི|་ཆོས་དཀོན་མཆོག་འདི་ཚོལ་བ་སྟེ། འདི་ནི། དེ་དག་གི་ནོར་དམ་པའོ། །དེ་ཅིའི་ཕྱིར་ཞེ་ན། ཤཱ་རིའི་བུ། སེམས་ཅན་བསོད་ནམས་མ་བྱས་པ། དམན་པ་ལ་མོས་པ། དད ་པ་རབ་ཏུ་ཉམས་པ་རྣམས་ནི། ཆོས་ཀྱི་ནོར་རྒྱ་ཆེན་པོ་འདི་ལ་མོས་པ་མི་སྐྱེའོ། །ཤཱ་རིའི་བུ། ངས་དེ་ལ་དགོངས་ཏེ་སེམས་ཅན་དམན་པ་ལ་མོས་པ་རྣམས་ཀྱང་དམན་པ་ལ་མོས་པ་དང་། རྒྱ ་ཆེན་པོ་ལ་མོས་པ་རྣམས་ཀྱང་རྒྱ་ཆེན་པོ་ལ་མོས་པ་ཁམས་སོ་སོར་སྦྱར་རོ། །ཞེས་བཤད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་ཡུལ་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ་ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་། སྤྱོད་ཡུལ་ནི། མཐའ་ཡས་སོ། །ཤཱ་རིའི་བུ། འདི་ལྟ་སྟེ། དཔེར་ན། རླུང་གི་ཁམས་ཀྱི་ཡུལ་དང་། སྤྱོད་ཡུལ་ནི། མཐའ་ཡས་སོ། ། ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་། སྤྱོད་ཡུལ་ཡང་མཐའ་ཡས་སོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའ་ནི། རླུང་གི་ཁམས་ཀྱི་ཡུལ་དང་། སྤྱོད་ཡུལ་ལོ།། ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་། སྤྱོད་ཡུལ་ནི། ནམ་མཁའོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའི་ཁམས་ཀྱི་ཡུལ་དང་། སྤྱོད་ཡུལ་ནི། མཐའ་ཡས ་སོ|་|དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཡུལ་དང་། སྤྱོད་ཡུལ་ཡང་མཐའ་ཡས་སོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའི་ཁམས་དང་། རླུང་གི་ཁམས་ནི། གང་ན ་ཡང་མི་སྣང་ཞིང་ཆོས་གང་མངོན་པར་གྲུབ་པའི་མཚན་ཉིད་དུ་ཡང་ཉེ་བར་གནས་པ་མ་ཡིན་ནོ། །ཤཱ་རིའི་བུ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་ལ་ཡང་མི་སྣང་ཞིང་ཆོས ་གང་མངོན་པར་གྲུབ་པའི་མཚན་ཉིད་དུ་ཡང་ཉེ་བར་གནས་པ་མ་ཡིན་ནོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའི་ཁམས་དང་། རླུང་གི་ཁམས་ནི། གཟུང་དུ་མེད་ཅིང་ཡོངས་སུ་མ ་གྲུབ་པས། ཁ་དག་གི་མཚན་མའི་གྲངས་སུ་མི་འགྲོའོ། །ཤཱ་རིའི་བུ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་གཟུང་དུ་མེད་ཅིང་ཡོངས་སུ་མ་གྲུབ་པས། ཁ་དོག་དང་མཚན་མ་གང ་གིས་ཀྱང་གང་གི་གྲངས་སུ་ཡང་ཉེ་བར་འགྲོ་བ་མ་ཡིན་ནོ། །ཤཱ་རིའི་བུ། འདི་ལྟ་སྟེ། དཔེར་ན། ནམ་མཁའི་ཁམས་དང་། རླུང་གི་ཁམས་ནི། ཆོས་གང་ཡོངས་སུ ་གྲུབ་པར་མཐོང་བར་ཉེ་བར་འགྲོ་བ་མ་ཡིན་ནོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས་གང་ཡོངས་སུ་གྲུབ་པར་མཐོང་བར་ཉེ་བར་འགྲོ་བ་མ་ཡིན་ནོ། །གསོལ་པ། བཅོམ ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པའི་མཚན་ཉིད་གང་ལགས། བཀའ་སྩལ་པ། ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། མཚན་ཉིད་མེད་དོ། །ཤཱ་རིའི་བུ། འདི་ལྟ་སྟེ། དཔེར ་ན|་ནམ་མཁའི་ཁམས་དང་། རླུང་གི་ཁམས་ནི། ཆོས་གང་གི་ཡོངས་སུ་གྲུབ་པའི་མཚན་ཉིད་དུ་ཡང་ཉེ་བར་འགྲོ་བ་མ་ཡིན་ནོ། །ཤཱ་རིའི་བུ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཆོས ་གང་ཡོངས་སུ་གྲུབ་པའི་མཚན་ཉིད་དུ་ཡང་ཉེ་བར་འགྲོ་བ་མ་ཡིན་ཏེ། ཤཱ་རིའི་བུ། འདི་ལྟར་མེད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ནི། མཚན་ཉིད་མེད་པའོ། །ཤཱ་རིའི་བུ། འདི་ལྟ་སྟེ། ་དཔེར་ན། ནམ་མཁའི་ཁམས་ནི། གང་དུ་ཡང་མི་ཆགས་སོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་གང་དུ་ཡང་མི་ཆགས་ཏེ། དེའི་ཕྱིར་ཆགས་པ་མེད་པའི་མཚན་ཉིད་ཅེས་བྱའོ། ། ་ཤཱ་རིའི་བུ། ཆགས་པ་མེད་པ་ལ་ནི། མཚན་ཉིད་ཅི་ཡང་མེད་མོད་ཀྱི། འོན་ཀྱང་གང་གི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཆགས་པ་མེད་པའི་མཚན་ཉིད་དོ། །ཞེས་བྱ་བ་དེ་ནི། ཐ་སྙད་ཀྱི་ཚིག ་གོ། ཤཱ་རིའི་བུ། ཆགས་པ་མེད་པ་ལ་ནི། མཚན་ཉིད་མེད་ཅིང་མཚན་མ་མེད་དེ། དེ་ཉིད་མཚན་ཉིད་མེད་པར་བསྟན་ཏོ། །ཤཱ་རིའི་བུ། ཆགས་པ་མེད་པ་ཞེས་བྱ་བ་དེ་ནི། ཆགས་པ་ཡོངས་སུ་ཤེས ་པའོ|་|དེ་ནི། ཆགས་པ་མི་དམིགས་སོ། །དེ་ནི། ཆགས་པའི་ཡང་དག་པ་ཇི་ལྟ་བ་བཞིན་ནོ། །དེ་ནི། ཆགས་པའི་ཕྱིན་ཅི་མ་ལོག་པ་ཡོངས་སུ་ཤེས་པའོ། །ཤཱ་རིའི་བུ། ཆགས་པ་ལ་ཆགས ་པ་མེད་དེ། དེའི་ཕྱིར་ཆགས་པའི་ཡང་དག་པ་ཇི་ལྟ་བ་ཉིད་དང་། ཆགས་པ་མི་དམིགས་པ་ནི། ཆགས་པ་མེད་པ་ཞེས་བྱའོ། །ཤཱ་རིའི་བུ། ཡེ་ཤེས་བསྟན་པས། ཤེས་རབ་ཀྱི་ཕ་རོལ་ཏུ་ཕྱིན་པ ་འདི་ཆགས་པ་མེད་པའི་མཚན་ཉིད་དོ། །ཤཱ་རིའི་བུ། ཆོས་ཐམས་ཅད་ནི། ཆགས་པ་མེད་པའི་མཚན་ཉིད་དེ། ཆོས་གང་གི་མཚན་ཉིད་གང་ཡིན་པ་དེ་མཚན་ཉིད་མེད་པ་སྟེ། ཆོས་གང་ཡང ་མཚན་ཉིད་མངོན་པར་འགྲུབ་པའི་ཕྱིར་ཉེ་བར་གནས་པ་མ་ཡིན་ནོ། །གང་ལ་མཚན་ཉིད་མེད་པ་དེ་ནི། མཚན་ཉིད་མེད་པ་ཞེས་བྱའོ། །གང་མཚན་ཉིད་མེད་པ་དེ་ལ་ཆགས་པ་མེད་དོ། །གལ་ཏེ ་ཆོས་ཀྱི་དབྱིངས་མཚན་ཉིད་ཅིག་ཡོད་ན་ནི། ཆོས་ཐམས་ཅད་ལ་ཆགས་པར་ཡང་འགྱུར་ན། གང་གི་ཕྱིར་ཆོས་ཐམས་ཅད་ལ་མཚན་ཉིད་མེད་པ་དེའི་ཕྱིར་དེ་དག་ལ་ཆགས་པ་མེད་དེ། དེས ་ན|་ཆོས་ཐམས་ཅད་ཆགས་པ་མེད་པའི་མཚན་ཉིད་ཅེས་བྱ་སྟེ། ཇི་སྐད་དུ་བརྗོད་པ་དེ་བཞིན་དུ་ནི་མ་ཡིན་ནོ། །གང་ཆགས་པ་མེད་པའི་མཚན་ཉིད་དེ་ནི། བརྗོད་པར་མི་ནུས་སོ། །དེ་ཅིའི་ཕྱིར ་ཞེ་ན|་མེད་པའི་ཕྱིར་ཆགས་པ་མེད་པའི་མཚན་ཉིད་དོ། །དབེན་པའི་ཕྱིར་ཆགས་པ་མེད་པའི་མཚན་ཉིད་དོ། །མི་དམིགས་པའི་ཕྱིར་ཆགས་པ་མེད་པའི་མཚན་ཉིད་དོ། ། ་ཤཱ་རིའི་བུ། ཆོས་གང་ཆགས་པ་མེད་པའི་མཚན་ཉིད་ཀྱི་ཆོས་གང་ཡིན་པ་དེ་ནི། མཐོང་བ་ཅིར་ཡང་ཉེ་བར་གནས་པ་མ་ཡིན་ཞིང་མི་མཐོང་བར་ཡང་མ་ཡིན་མོད་ཀྱི། འོན་ཀྱང་དེ་སེམས ་ཅན་རྣམས་ལ་ཆགས་པ་མེད་པའི་མཚན་ཉིད་ཅེས་བསྟན་པར་བྱས་སོ། །ཤཱ་རིའི་བུ། ཀུན་ནས་ཉོན་མོངས་པའི་མཚན་ཉིད་གང་ཡིན་པ་དེ་ནི། མཚན་ཉིད་མེད་པ་སྟེ། ཀུན་ནས་ཉོན་མོངས ་པ་ནི|་མཚན་ཉིད་ཀྱིས་ཉེ་བར་གནས་པ་མ་ཡིན་གྱི། ཤཱ་རིའི་བུ། ཀུན་ནས་ཉོན་མོངས་པ་ནི། ཕྱིན་ཅི་ལོག་གིས་ཉེ་བར་གནས་པའོ། །ཕྱིན་ཅི་ལོག་གང་ཡིན་པ་དེ་ནི། མཚན་ཉིད་མེད་པའོ།། ་གང་མཚན་ཉིད་མེད་པ་དེ། ཐ་སྙད་ཀྱིས་ཀྱང་མཚན་ཉིད་མེད་དེ། དེ་མཚན་ཉིད་མེད་པ་ཁོ་ནའོ། །ཤཱ་རིའི་བུ། རྣམ་པར་བྱང་བ་གང་ཡིན་པ་དེ་ཡང་མཚན་ཉིད་མེད་པའོ། །དེ་ཅིའི་ཕྱིར་ཞེ་ན། ་ཤཱ་རིའི་བུ། ཀུན་ནས་ཉོན་མོངས་པ་ཉིད་ཀྱང་མཚན་ཉིད་མེད་ན། རྣམ་པར་བྱང་བ་ལྟ་ཅི་སྨོས། ཤཱ་རིའི་བུ། གང་ཀུན་ནས་ཉོན་མོངས་པ་ཡོངས་སུ་ཤེས་པ་དེ་ནི། ཡང་དག་པ་ཇི་ལྟ་བ་བཞིན ་ཏེ|་དེ་ལ་ཀུན་ནས་ཉོན་མོངས་པ་ཅི་ཡང་མེད་མོད་ཀྱི། སེམས་ཅན་རྣམས་ནི། ཕྱིན་ཅི་ལོག་པས་ཀུན་ནས་ཉོན་མོངས་སོ། །གང་ཕྱིན་ཅི་ལོག་པ་དེ། ཡང་དག་པ་མ་ཡིན་ནོ། །གང་ཡང་དག་པ ་མ་ཡིན་པ་དེ། ཡང་དག་པ་ཡོངས་སུ་གྲུབ་པའམ། མཚན་ཉིད་མེད་དོ། །ཤཱ་རིའི་བུ། གང་དེ་ལྟར་ཤེས་པ་དེ་ནི། རྣམ་པར་བྱང་བ་ཞེས་བྱའོ། །ཀུན་ནས་ཉོན་མོངས་པ་ཉིད་ཀྱང་མཚན་ཉིད ་མེད་ན|་རྣམ་པར་བྱང་བ་ལྟ་ཅི་སྨོས། ཤཱ་རིའི་བུ། འདི་ལྟ་སྟེ། ཀུན་ནས་ཉོན་མོངས་པའམ། རྣམ་པར་བྱང་བའི་ཆོས་འདི་གཉིས་ནི། མཚན་ཉིད་མེད་ཅིང་ཡོངས་སུ་མ་གྲུབ་པའོ། །ཤཱ་རིའི ་བུ|་ཆོས་ཐམས་ཅད་ནི། མཚན་ཉིད་མེད་ཅིང་ཡོངས་སུ་མ་གྲུབ་པ་སྟེ། དེ་ནི། ཆགས་པ་མེད་པ་ཞེས་བྱའོ། །ཆོས་ཐམས་ཅད་ཆགས་པ་མེད་པའི་མཚན་ཉིད་ཅེས་བྱ་བ་ནི། ཆོས་ཐམས ་ཅད་ཆགས་པ་མེད་པ་ཡིན་ན། ཤཱ་རིའི་བུ། བྱིས་པ་སོ་སོའི་སྐྱེ་བོ་ཐམས་ཅད་ནི། ཆགས་པ་མེད་པ་ལ་ཆགས་སོ། །ཤཱ་རིའི་བུ། འདི་ནི། ཆོས་ཐམས་ཅད་ཆགས་པ་མེད་པའི་མཚན་ཉིད ་དེ|་ཡེ་ཤེས་ཀྱི་སྤྱོད་ཡུལ་ཞེས་བསྟན་ཏོ། །ཤཱ་རིའི་བུ། འདི་ནི། ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་ཡུལ་ལོ། །ཆགས་པ་མེད་པའི་མཚན་ཉིད་ཡེ་ཤེས་ཀྱི་སྤྱོད་ཡུལ་ནི། ཤེས་རབ་ཀྱི་ཕ ་རོལ་ཏུ་ཕྱིན་པ་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་ཡུལ་མཐའ་ཡས་ཞེས་བྱའོ། །གང་ཆགས་པ་མེད་པ་དེའི་ཡུལ་དང་། སྤྱོད་ཡུལ་མཐའ་ཡས་སོ། །ཤཱ་རིའི་བུ། སྤྱོད་ཡུལ ་ཞེས་བྱ་བ་དེ་ནི། སྤྱོད་ཡུལ་མེད་པའི་ཚིག་བླ་དྭགས་སོ། །ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། སྤྱོད་ཡུལ་བསྟན་པའི་མཚན་ཉིད་ཀྱིས་ཕྱེ་བ་མ་ཡིན་ནོ། །ཤཱ་རིའི་བུ། ཡུལ་ཞེས་བྱ ་བ་དེ་ནི|་ཆོས་ཐམས་ཅད་ཡུལ་མེད་པའོ། །དེ་ནི། ཡང་དག་པ་ཇི་ལྟ་བ་ཉིད་དང་། ཇི་ལྟ་བ་བཞིན་པའོ། །མེད་པའི་ཕྱིར་ཆོས་ཐམས་ཅད་ཡུལ་མེད་དེ། ཆོས་རྣམས ་དེ་ལྟར་ཡོངས་སུ་ཤེས་པ་དེ་ནི། ཡུལ་དང་། སྤྱོད་ཡུལ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །གང་ཆོས་རྣམས་དེ་ལྟར་ཡོངས་སུ་ཤེས་པ་ནི། གང་ལ་ཡང་ཆགས་པ ་མེད་དེ|་ཆགས་པ་མེད་པའི་མཚན་ཉིད་ཅེས་བྱའོ། །དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཆགས་པ་མེད་པའི་མཚན་ཉིད་ཅེས་བྱའོ། །ཤཱ་རིའི་བུ། འདི་ལྟ་བུའི་ཆོས་འདི་ལ་གྲོགས ་མང་དུ་མི་རྙེད་དོ། །འདི་ལྟ་བུའི་ཆོས་འཆད་པ་དང་། ཡང་དག་པར་རབ་ཏུ་སྟོན་པ་དང་། རྣམ་པར་འབྱེད་པ་གང་ཡིན་པ་དེ་ནི། དེ་བཞིན་གཤེགས་པའི་ཡེ་ཤེས་ཀྱི་ཡུལ་བསྟན་པའོ།། ་ཤཱ་རིའི་བུ། ཆོས་འདི་ལ་ནི། བདེན་པ་མཐོང་བའི་ཉན་ཐོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པ། ལྟ་བ་ཕུན་སུམ་ཚོགས་པའི་གང་ཟག་ཕྱིར་མི་ལྡོག་པ ་རྣམས་མ་གཏོགས་པར་གྲོགས་གཞན་གང་ཡང་མེད་དེ། ལྟ་བ་ཕུན་སུམ་ཚོགས་པ་ཆོས་འདི་ལ་སྤྱོད་པ་དེ་དག་ཀྱང་ཐེ་ཚོམ་དུ་འགྱུར་རོ། །ཤཱ་རིའི་བུ། བྱང་ཆུབ་སེམས་དཔའ་ཐེ་ཚོམ་མེད ་པ|་ལུས་མངོན་སུམ་དུ་གྱུར་པ་རྣམས་ཆོས་འདི་ལ་བཟོད་པ་ཐོབ་པར་འགྱུར་གྱི། ཤཱ་རིའི་བུ། བྱིས་པ་སོ་སོའི་སྐྱེ་བོ་རྣམས་ནི། མ་ཡིན་ནོ། །ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན ་པ་འདི་ནི། དམན་པ་ལ་མོས་པའི་སེམས་ཅན་རྣམས་ཀྱི་ལག་ཏུ་འགྲོ་བར་མི་འགྱུར་གྱི། ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ནི། སེམས་ཅན་གང་དགེ་བའི་རྩ་བ་ཡོངས་སུ ་དག་པ་དང་ལྡན་པ། སངས་རྒྱས་མང་པོ་ལ་བསྙེན་བཀུར་བྱས་པ་དེ་དག་གི་ལག་ཏུ་འགྲོ་བར་འགྱུར་རོ། །ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ནི། སེམས་ཅན་གང་དག་དགེ་བའི་རྩ་བ་བསྐྱེད་པ། ་བསམ་པ་དགེ་བ། སངས་རྒྱས་བཅོམ་ལྡན་འདས་རྣམས་ལ་ལྷག་པར་བྱ་བ་བྱས་པ། བྱང་ཆུབ་ཀྱི་ཕྱིར་ས་བོན་བསྐྱེད་པ། སངས་རྒྱས་ཀྱི་ཐེག་པ་ལ་ཞུགས་པ། སངས་རྒྱས་བཅོམ་ལྡན་འདས་རྣམས ་དང་ཉེ་བར་གནས་པ། ཚུལ་བཞིན་ཀུན་འདྲི་བ་དེ་དག་གི་ལག་ཏུ་འགྲོ་བར་འགྱུར་རོ། །ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ནི། གང་དག་བཟོད་པ་ཐོབ་པ་དང་ཉེ་བར་གྱུར་པ་དང་། བཟོད་པ ་ཐོབ་པ་དེ་དག་གི་ལག་ཏུ་འགྲོ་བར་འགྱུར་རོ། །གང་དག་ལུང་བསྟན་པ་དེ་དག་ཀྱང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཏེ། སྨོན་ལམ ་གྱི་དབང་གིས་ནི། མ་གཏོགས་སོ། །གང་དག་ལུང་མ་བསྟན་པ་དེ་དག་ཀྱང་མྱུར་དུ་མངོན་སུམ་དུ་ལུང་བསྟན་པ་ཐོབ་པར་འགྱུར་རོ། །ཤཱ་རིའི་བུ། སེམས་ཅན་གང་དག་དགེ་བའི་རྩ་བ་ཡོངས་སུ་མ ་སྨིན་པའི་རྣ་ལམ་དུ་མདོ་སྡེ་འདི་ཐོས་པར་གྱུར་པ་དེ་དག་ཀྱང་ལུང་བསྟན་པ་ཉིད་དུ་རིག་པར་བྱ་ན། གང་མདོ་སྡེ་འདི་རྙེད་པ་དང་། ཡི་གེར་བྲི་བ་དང་། འཆང་བ་དང་། ལུང་ནོད་པ་དང་། ཁ་ཏོན་བྱེད ་པ་དང་། གཞན་ལ་ཡང་རྒྱ་ཆེར་རབ་ཏུ་སྟོན་པ་ལྟ་ཅི་སྨོས། ཤཱ་རིའི་བུ། སེམས་ཅན་གང་དག་དགེ་བའི་རྩ་བ་ཡོངས་སུ་མ་སྨིན་པ་དེ་དག་གིས་མདོ་སྡེ་འདི་མཉན་པ ་དང་། ཡི་གེར་བྲི་བ་དང་། ཀློག་པ་དང་། ཁ་ཏོན་བྱེད་པ་དེ་ནི། གནས་མེད་དེ། ཤཱ་རིའི་བུ། ཆོས་ཀྱི་རྣམ་གྲངས་འདི་ནི། སེམས་ཅན་གང་དག་དགེ་བའི་རྩ་བ་འབར་བ་རྣམས་ཀྱི་ལག་ཏུ ་འགྲོ་བར་འགྱུར་རོ། །ཤཱ་རིའི་བུ། ཁྱོད་མོས་པར་བྱའོ། །ཁྱོད་ཀྱིས་ཁོང་དུ་ཆུད་པར་བྱའོ། །བྱང་ཆུབ་སེམས་དཔའི་ཐེག་པ་ཅན་ནམ། ཉན་ཐོས་ཀྱི་ཐེག་པ་ཅན་གྱི་རིགས་ཀྱི་བུའམ། ་རིགས་ཀྱི་བུ་མོ་དེས་ཆོས་འདི་རྙེད་ན། སྤྲོ་བ་ཆུང་བ་དང་། ལེ་ལོ་དང་། གཉིད་ཆེ་བ་དང་། ཤེས་བཞིན་མེད་པ་དང་། དྲན་པ་ཉེ་བར་མི་འཇོག་པ་དང་། སེམས་གཡེང་བ་དང་། ཟང་ཟིང་ལ ་ཆགས་པ་དང་། བརྐམ་པ་དང་། མུ་ཅོར་སྨྲ་བ་དང་། སྨྱོན་ཐབས་དང་། ཁ་ཕྱར་དང་། དབང་པོ་ཕྱལ་བར་མི་བྱའོ། །ཤཱ་རིའི་བུ། དགེ་བའི་རྩ་བ་བྱས་པ་དག་ཀྱང་མི་སླུའོ། །བྱང་ཆུབ་སེམས ་དཔའ་ཆོས་འདི་རྙེད་ནས་བག་ཡོད་པ་དང་། བརྩོན་འགྲུས་དང་། སྤྲོ་བ་དང་། མོས་པ་དང་། ལེ་ལོ་མེད་པ་དང་། དབང་པོ་བསྡམས་པ་དང་། མུ་ཅོར་མི་སྨྲ་བ་རབ་ཏུ་བསྟེན་པར་བྱའོ། །དྲན ་པ་ཉེ་བར་གཞག་པ་དང་། མང་དུ་ཐོས་པ་ལ་སྦྱོར་བར་བྱའོ། །བརྩོན་འགྲུས་བརྩམས་ལ་འདི་ལྟ་བུའི་ཡོན་ཏན་འདི་དག་ཡོངས་སུ་བསྐང་བའི་ཕྱིར་འབད་པར་བྱའོ། །ཤཱ་རིའི་བུ། འདི་ལྟ་བུའི ་ཆོས་ཐོས་པའི་འབྲས་བུ་ནི། འདི་མ་ཡིན་ཏེ། གང་བྱང་ཆུབ་སེམས་དཔའ་དང་། ཉན་ཐོས་འདི་ལྟ་བུའི་ཆོས་ཐོས་ན། བག་བྱེད་པར་མི་འགྱུར་བ་དང་། ཡིད་རྟོན་པར་མི་འགྱུར་བ་དང་། འདུན་པ ་ཡོངས་སུ་ཉམས་པ་དང་། བརྩོན་འགྲུས་བྲི་བ་དང་། མ་དྲིས་པ་སྟོན་པ་དང་། གནོད་སེམས་མང་དུ་འགྱུར་བ་དེ་ནི། ཐོས་པའི་འབྲས་བུ་མ་ཡིན་ནོ། །དེ་དག་གིས་འདི་ལྟ་བུའི་ཆོས་འདི་ཐོས་པ་མ་ཡིན ་ནོ|་|ཤཱ་རིའི་བུ། ཐོས་ཞེས་བྱ་བ་དེ་ནི། ཡང་དག་པའི་ནན་ཏན་གྱི་ཚིག་བླ་དྭགས་ཏེ། ལོག་པའི་ནན་ཏན་གྱི་ནི་མ་ཡིན་ནོ། །ཤཱ་རིའི་བུ། ལོག་པར་ཞུགས་པས་ནི། ཆོས་འདི་ཐོས་པར་མི་འགྱུར་རོ།། ་ཤཱ་རིའི་བུ། ཐོས་ནས་ཁྱོད་དོན་ལ་མཁས་ཤིང་ནན་ཏན་གྱིས་གནས་པར་བྱའོ། །ཤཱ་རིའི་བུ། ལོག་པར་ཞུགས་པ་རྣམས་ལ་རྗེས་སུ་མཐུན་པའི་བཟོད་པ་ཡང་མེད་དོ། །ཤཱ་རིའི་བུ། གང་ཇི་སྐད་བསྟན ་པའི་ཆོས་འདི་ལ་ལོག་པར་མི་སྒྲུབ་པ་དེ་ནི། ཆོས་འདི་ལ་ནན་ཏན་བྱེད་བ་ཞེས་བྱའོ། །ཤཱ་རིའི་བུ། བཟོད་པ་ཕུན་སུམ་ཚོགས་པའི་གང་ཟག་ནན་ཏན་ལ་གནས་པ་དག་ནི། ཕྱིར་ངན་སོང་དུ་འགྲོ ་བར་མི་འགྱུར་གྱི། མྱུར་དུ་ཆོས་འདི་ཡང་དག་པར་སྒྲུབ་པར་འགྱུར་རོ། །དགེ་བའི་རྩ་བ་ངན་ངོན་ཙམ་ལ་ཡིད་བརྟན་པར་མི་བྱ་སྟེ། ཆོས་འདི་ཡོངས་སུ་མ་གྲུབ་ཀྱི་བར་དུ་བརྩོན་པ་མི་གཏོང་བས ་ཀྱང་ཡིད་བརྟན་པར་མི་བྱའོ། །ཤཱ་རིའི་བུ། གང་ཆོས་འདི་ལ་བསླབ་པ་དང་། ཡོངས་སུ་གྲུབ་པ་དང་། བཟོད་པ་ཐོབ་པ་དེ་ནི། ཕྱིར་ངན་སོང་དུ་འགྲོ་བར་འགྱུར་བའི་ལས་མི་བྱེད་དོ། །དེ་ནི། ཕྱིར ་ལེ་ལོ་དང་། འབྲི་བ་ལ་བརྟེན་པར་མི་འགྱུར་ཏེ། དེའི་ཕྱིར་ལྡོག་པའི་འཇིགས་པ་མེད་པར་འགྱུར་རོ། །དེ་ལྷོད་པར་ཡང་མི་འགྱུར་རོ། །དེ་ཅིའི་ཕྱིར་ཞེ་ན། ཤཱ་རིའི་བུ། དེ ་ནི|་ཀུན་ནས་ཉོན་མོངས་པ་དང་། རྣམ་པར་བྱང་བ་ཡོངས་སུ་ཤེས་པ་ཡིན་ནོ། །དེའི་ཆོས་ཐམས་ཅད་ནི། ཕྱིན་ཅི་ལོག་ལས་བྱུང་སྟེ། ཡང་དག་པ་མ་ཡིན་པའོ། །ཞེས་ཡང་དག་པ་ཇི་ལྟ ་བ་བཞིན་དུ་མཐོང་བ་ཡིན་ནོ། །དེ་ལྟར་ཡང་དག་པ་མཐོང་བ་དེ་ནི། བཟོད་པ་ཕུན་སུམ་ཚོགས་པ་ཡིན་ནོ། །དེས་པ་དང་། ཚིག་ཉུང་བ་དང་། ཚུལ་ཁྲིམས་རྣམ་པར་དག་པ་ལ་གནས་པ ་དང་། ཆོ་ག་དང་། སྤྱོད་ཡུལ་དང་། སྤྱོད་པ་དང་། སྡོམ་པ་ཕུན་སུམ་ཚོགས་པ་ཡིན་ཏེ། ཤཱ་རིའི་བུ། སེམས་ཅན་དེ་ལྟ་བུ་ལ་ལྷ་རྣམས་ཀྱང་མོས་པར་འགྱུར་ན། མི་རྣམས་ལྟ་ཅི་སྨོས། ་སེམས་ཅན་དེ་ལྟ་བུ་ལ་ལྷ་རྣམས་ཀྱང་དགའ་བར་འགྱུར་ན། མི་རྣམས་ལྟ་ཅི་སྨོས། དེ་དག་གི་ནང་དུ་ལྷ་རྣམས་ཀྱང་འགྲོ་བར་འགྱུར་ན། མི་རྣམས་ལྟ་ཅི་སྨོས། དེ་དག་ལ་ལྷ་རྣམས་ཀྱིས་ཀྱང ་བཀུར་སྟི་བྱ་བར་འོས་པ་ཡིན་ན། མི་རྣམས་ལྟ་ཅི་སྨོས། དེ་དག་ལ་ལྷ་རྣམས་ཀྱང་སྲུང་བར་འགྱུར་ན། མི་རྣམས་ལྟ་ཅི་སྨོས། དེ་བཞིན་དུ་ཀླུ་དང་། གནོད་སྦྱིན་དང་། སྲིན་པོ་དང་། ནམ ་མཁའ་ལྡིང་དང་། དྲི་ཟ་རྣམས་ཀྱང་དེ་དག་ལ་སྲུང་བར་འགྱུར། དེ་དག་ལ་བསྲུང་བ་དང་། བསྐྱབ་པ་དང་། སྦེད་པའི་ཕྱིར་འབད་པར་འགྱུར་རོ། །དཔེའི་ལེའུ་ཞེས་བྱ་སྟེ། བཞི་པའོ།། །། ་བམ་པོ་བཞི་པ། དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། སྟོན་པ་ཡང་འདི་ན་མངོན་སུམ་དུ་གྱུར། འཁོར་འདི་ཡང་ཆོས་ཟབ ་མོ་བསྟན་པའི་སྣོད་དུ་གྱུར་ཏེ། ཚེ་དང་ལྡན་པ་རབ་འབྱོར། འཁོར་འདི་ནི། དག་ཅིང་ཟབ་མོའི་ཆོས་ཐོས་པར་འདོད་ན། ཁྱོད་ཅིའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩམས་ཏེ་སྤོབས་པར་མི ་བྱེད་པར་ཅང་མི་སྨྲ་བར་འདུག་། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རིའི་བུ་།ཁོ་བོས་ནི། གང་ལ་བརྩམས་ཏེ་སྤོབས་པར་བྱ་བའི ་ཆོས་དེ་ཡང་དག་པར་རྗེས་སུ་མི་མཐོང་ངོ་། །ཚེ་དང་ལྡན་པ་ཤཱ་རིའི་བུ། ཁོ་བོས་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་རྗེས་སུ་མི་མཐོང་། བྱང་ཆུབ་སེམས་དཔའ་དང་། སྤོབས་པ་དང་། ་གང་སྤོབས་པར་འགྱུར་བ་དང་། གང་གིས་སྤོབས་པར་འགྱུར་བ་དང་། གང་ལས་སྤོབས་པར་འགྱུར་བ་ཡང་མི་མཐོང་སྟེ། ཚེ་དང་ལྡན་པ་ཤཱ་རིའི་བུ། ཁོ་བོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དང་། གང་སྤོབས་པར་འགྱུར་བ་དང་། གང་གིས་སྤོབས་པར་འགྱུར་བ་དང་། གང་ལས་སྤོབས་པར་འགྱུར་བ་དང་། གང་ལ་སྤོབས་པར ་འགྱུར་བ་མི་མཐོང་ན། ཇི་སྐད་དུ་བསྟན་པར་བྱ། ཁོ་བོས་གང་ལ་བརྩམས་ཏེ་སྤོབས་བར་བྱ། ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ཐ་སྙད་མེད་པ། སྨྲར་མེད་པ། བརྗོད་དུ་མེད ་པའོ|་|ཚེ་དང་ལྡན་པ་ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། སྨྲ་བའམ། བསྙད་པའམ། བརྗོད་པར་མི་ནུས་ཏེ། གང་དེ་ལྟར་ལན་འདེབས་པ་ནི། ཤེས་རབ་ཀྱི་ཕ་རོལ ་ཏུ་ཕྱིན་པའོ། །ཚེ་དང་ལྡན་པ་ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། འདས་པ་དང་། མ་འོངས་པ་དང་། ད་ལྟར་བྱུང་བ་ཡང་མ་ཡིན་ནོ། །ཚེ་དང་ལྡན་པ་ཤཱ་རིའི་བུ། ཤེས་རབ་ཀྱི་ཕ་རོལ ་ཏུ་ཕྱིན་པ་ནི། འདས་པའི་མཚན་ཉིད་དང་། མ་འོངས་པའི་མཚན་ཉིད་དང་། ད་ལྟར་བྱུང་བའི་མཚན་ཉིད་དུ་བསྟན་པར་མི་ནུས་སོ། །ཚེ་དང་ལྡན་པ་ཤཱ་རིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། ་ཐ་སྙད་མ་ཡིན་ཏེ། མཚན་ཉིད་མེད་པའོ། །ཚེ་དང་ལྡན་པ་ཤཱ་རིའི་བུ། མཚན་ཉིད་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པའི་མཚན་ཉིད་ཡང་དག་པར་རྗེས་སུ་མི་མཐོང་ངོ་། །ཚེ་དང་ལྡན་པ ་ཤཱ་རིའི་བུ། གཟུགས་ཀྱི་འདས་པའི་མཚན་ཉིད་དམ། མ་འོངས་པའི་མཚན་ཉིད་དམ། ད་ལྟར་བྱུང་བའི་མཚན་ཉིད་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་ནོ། །ཚོར་བ་དང་། འདུ ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་འདས་པའི་མཚན་ཉིད་དང་། མ་འོངས་པའི་མཚན་ཉིད་དང་། ད་ལྟར་བྱུང་བའི་མཚན་ཉིད་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པ ་མ་ཡིན་ནོ། །ཚེ་དང་ལྡན་པ་ཤཱ་རིའི་བུ། འདས་པ་དང་། མ་འོངས་པ་དང་། ད་ལྟར་བྱུང་བའི་གཟུགས་ཀྱི་མཚན་ཉིད་ཀྱི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན ་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ། །འདས་པ་དང་། མ་འོངས་པ་དང་། ད་ལྟར་བྱུང་བའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ ་པར་ཤེས་པའི་མཚན་ཉིད་ཀྱི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་གང་ཡིན་པ་དེ། ཤེས་རབ་ཀྱི་ཕ་རོལ་ཏུ་ཕྱིན་པའོ།། ་ཚེ་དང་ལྡན་པ་ཤཱ་རདྭ་ཏིའི་བུ། འདས་པ་དང་། མ་འོངས་པ་དང་། ད་ལྟར་བྱུང་བའི་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་མཚན་ཉིད་ཀྱི་དེ་བཞིན ་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཇི་ལྟ་བ་བཞིན་གྱི་དེ་བཞིན་ཉིད་དེ་ནི། གདམས་པའམ། ཚིག་གི་ལས་ཀྱིས་བརྗོད་པར་རམ། བསྙད་པར་རམ། ལན་གཉིས ་པར་མ་ནུས་སོ། །ཚེ་དང་ལྡན་པ་ཤཱ་རདྭ་ཏིའི་བུ། གང་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་འཇུག་པ་དེས་ཤེས་རབ་ཀྱི་ཕ་རོལ་ཏུ་ཕྱིན་པ་རྟོགས་སོ། །ཚེ་དང་ལྡན་པ་ཤཱ་རིའི་བུ། ཤེས་རབ་ཀྱི་ཕ་རོལ་ཏུ ་ཕྱིན་པ་ནི། ཆོས་གང་བསྟན་པའི་མཚན་ཉིད་དུ་ཡང་ཉེ་བར་གནས་པ་མ་ཡིན་ཏེ། གཟུགས་བསྟན་པའི་མཚན་ཉིད་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བསྟན ་པའི་མཚན་ཉིད་དུ་ཉེ་བར་གནས་པ་མ་ཡིན་ནོ། །རྟེན་ཅིང་འབྲེལ་བར་འབྱུང་བའི་མཚན་ཉིད་དུ་ཉེ་བར་གནས་པ་མ་ཡིན་ནོ། །མིང་དང་གཟུགས་ཀྱི་མཚན་ཉིད་དང་། བདག་གི་མཚན་ཉིད་དང་། སེམས ་ཅན་གྱི་མཚན་ཉིད་དང་། ཆོས་ཀྱི་དབྱིངས་ཀྱི་མཚན་ཉིད་དང་། འདུ་བའི་མཚན་ཉིད་དང་། འབྲལ་བའི་མཚན་ཉིད་དང་། རྒྱུའི་མཚན་ཉིད་དང་། རྐྱེན་གྱི་མཚན་ཉིད་དང་། ་སྡུག་བསྔལ་གྱི་མཚན་ཉིད་དང་། བདེ་བའི་མཚན་ཉིད་དང་། རྣམ་པར་གཞག་པའི་མཚན་ཉིད་དང་། སྐྱེ་བའི་མཚན་ཉིད་དང་། འཇིག་པའི་མཚན་ཉིད་དང་། ཀུན་ནས་ཉོན་མོངས་པའི་མཚན་ཉིད ་དང་། རྣམ་པར་བྱང་བའི་མཚན་ཉིད་དང་། རང་བཞིན་གྱི་མཚན་ཉིད་དང་། ཀུན་རྫོབ་ཀྱི་མཚན་ཉིད་དང་། དོན་དམ་པའི་མཚན་ཉིད་དང་། བདེན་པའི་མཚན་ཉིད་དང་། རྫུན་པའི་མཚན་ཉིད་དང་། ་འཕོ་བའི་མཚན་ཉིད་དང་། འཇུག་པའི་མཚན་ཉིད་དུ་ཉེ་བར་གནས་པ་མ་ཡིན་ནོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། མཚན་ཉིད་ཐམས་ཅད ་དང་བྲལ་བ་སྟེ། འདི་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཞེའམ། འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཞེའམ། འདིས་ཤེས་རབ་ཀྱི་ཕ་རོལ་ཏུ་ཕྱིན་པ་ཞེའམ། འདིའི་ཤེས་རབ་ཀྱི་ཕ་རོལ ་ཏུ་ཕྱིན་པ་ཞེས་དེ་སུས་མཐོང་བར་ཡང་ཉེ་བར་མི་འགྲོའོ། །ཚེ་དང་ལྡན་པ་ཤཱ་རདྭ་ཏིའི་བུ། ཆོས་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པའི་ཆོས་དེ་ཁོ་བོས་ཡང་དག་པར་རྗེས་སུ་མི་མཐོང ་ངོ་། །ཚེ་དང་ལྡན་པ་ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་ངེས་པར་བསྟན་པར་ཡང་ཉེ་བར་འགྲོ་བའམ། ཉེ་བར་འགྲོ་བར་འགྱུར་བ་མ་ཡིན་ནོ། །ཚེ་དང་ལྡན་པ་ཤཱ་རདྭ ་ཏིའི་བུ|་ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་ངེས་པར་བསྟན་པར་ཉེ་བར་འགྲོ་བ་མ་ཡིན་ནོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ངེས་པར་བསྟན ་པར་ཉེ་བར་འགྲོ་བ་མ་ཡིན། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ངེས་པར་བསྟན་པར་ཉེ་བར་འགྲོ་བ་མ་ཡིན་ནོ། །ཁམས་རྣམས་ངེས་པར་བསྟན་པར་ཉེ་བར་འགྲོ་བ་མ ་ཡིན|་རྟེན་ཅིང་འབྲེལ་བར་འབྱུང་བ་ངེས་པར་བསྟན་པར་ཉེ་བར་འགྲོ་བ་མ་ཡིན། རིག་པ་དང་། རྣམ་པར་གྲོལ་བ་ངེས་པར་བསྟན་པར་ཉེ་བར་འགྲོ་བ་མ་ཡིན་ནོ། །ཚེ་དང་ལྡན་པ་ཤཱ་རདྭ་ཏིའི་བུ། ་གང་འཇིག་རྟེན་ལས་འདས་པའི་ཤེས་རབ་ངེས་པར་འབྱེད་པར་འགྲོ་བ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ངེས་པར་བསྟན་པར་ཉེ་བར་མི་འགྲོའོ། །ཤཱ་རིའི་བུ། འདི་ལྟ་སྟེ། ཆོས་གང་ངེས་པར ་བསྟན་པར་ཡང་ཉེ་བར་མི་འགྲོ་བའི་ཆོས་དེ་ཇི་ལྟར་བརྗོད་ཅིང་ངེས་པར་བསྟན་པར་འགྱུར། ཚེ་དང་ལྡན་པ་ཤཱ་རདྭ་ཏིའི་བུ། གང་དག་ཆོས་རྣམས་ཀྱི་ཚུལ་དེ་ལྟར་རབ་ཏུ་ཤེས་པ་དེ་དག་གིས་ཤེས ་རབ་ཀྱི་ཕ་རོལ་ཏུ་ཕྱིན་པ་བསྟན་པར་རབ་ཏུ་ཤེས་སོ། །ཚེ་དང་ལྡན་པ་ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་བསྟན་པ་དང་། ངེས་པར་བསྟན་པར་ཡང་ཉེ་བར་གནས་པ ་མ་ཡིན་ནོ། །ཚེ་དང་ལྡན་པ་ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་བསྟན་པ་དང་། ངེས་པར་བསྟན་པར་ཉེ་བར་གནས་པ་མ་ཡིན་ནོ། །ཚོར་བ་དང་། འདུ་ཤེས་དང་། འདུ ་བྱེད་རྣམས་དང་། རྣམ་པར་ཤེས་པ་བསྟན་པ་དང་། ངེས་པར་བསྟན་པར་ཉེ་བར་གནས་པ་མ་ཡིན་ནོ། །མིང་དང་གཟུགས་བསྟན་པ་དང་། ངེས་པར་བསྟན་པར་ཉེ་བར་གནས ་པ་མ་ཡིན། ཀུན་ནས་ཉོན་མོངས་པ་དང་། རྣམ་པར་བྱང་བ་བསྟན་པ་དང་། ངེས་པར་བསྟན་པར་ཉེ་བར་གནས་པ་མ་ཡིན། རྟེན་ཅིང་འབྲེལ་བར་འབྱུང་བ་བསྟན་པ་དང་། ངེས་པར་བསྟན་པར་ཉེ ་བར་གནས་པ་མ་ཡིན། ཕྱིན་ཅི་ལོག་རྣམས་བསྟན་པ་དང་། ངེས་པར་བསྟན་པར་ཉེ་བར་གནས་པ་མ་ཡིན། སེམས་ཅན་གྱི་ཁམས་དང་། བདག་གི་ཁམས་བསྟན་པ་དང་། ངེས ་པར་བསྟན་པར་ཉེ་བར་གནས་པ་མ་ཡིན། སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་བསྟན་པ་དང་། ངེས་པར་བསྟན་པར་ཉེ་བར་གནས་པ་མ་ཡིན། འདོད ་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་བསྟན་པ་དང་། ངེས་པར་བསྟན་པར་ཉེ་བར་གནས་པ་མ་ཡིན། ཚུལ་ཁྲིམས་དང་། འཆལ་བའི་ཚུལ་ཁྲིམས་བསྟན་པ ་དང་། ངེས་པར་བསྟན་པར་ཉེ་བར་གནས་པ་མ་ཡིན། བཟོད་པ་དང་། གནོད་སེམས་དང་། བརྩོན་འགྲུས་དང་། ལེ་ལོ་དང་། བསམ་གཏན་དང་། རྣམ་པར་གཡེང་བ་དང་། ཤེས་རབ་དང་། ་འཆལ་བའི་ཤེས་རབ་བསྟན་པ་དང་། ངེས་པར་བསྟན་པར་ཉེ་བར་གནས་པ་མ་ཡིན། དྲན་པ་ཉེ་བར་གཞག་པ་དང་། ཡང་དག་པའི་སྤོང་བ་དང་། རྫུ་འཕྲུལ་གྱི་རྐང་པ་དང་། ཚད་མེད་པ་དང་། ་དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། བསམ་གཏན་དང་། རྣམ་པར་ཐར་བ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། མངོན་པར་ཤེས་པ་བསྟན་པ་དང་། ངེས་པར་བསྟན ་པར་ཉེ་བར་གནས་པ་མ་ཡིན། བདེན་པ་དང་། ལམ་དང་། འབྲས་བུ་བསྟན་པ་དང་། ངེས་པར་བསྟན་པར་ཉེ་བར་གནས་པ་མ་ཡིན། ཉན་ཐོས་ཀྱིས་དང་། རང་སངས་རྒྱས་ཀྱིས་དང་། བྱང་ཆུབ་སེམས ་དཔའི་ས་བསྟན་པ་དང་། ངེས་པར་བསྟན་པར་ཉེ་བར་གནས་པ་མ་ཡིན། ཉན་ཐོས་ཀྱི་ཆོས་དང་། རང་སངས་རྒྱས་ཀྱི་ཆོས་དང་། བྱང་ཆུབ་སེམས་དཔའི་ཆོས་བསྟན་པ་དང་། ངེས་པར་བསྟན་པར ་ཉེ་བར་གནས་པ་མ་ཡིན། ཆོས་གང་ཤེས་པ་དང་། མི་ཤེས་པ་དང་། བསྟན་པ་དང་། བསྟན་དུ་མེད་པར་ཉེ་བར་གནས་པ་མ་ཡིན། མི་སྐྱེ་བ་ཤེས་པ་དང་། ཟད་པ་ཤེས་པ་དང་། འགོག་པ ་ཤེས་པ་བསྟན་པའམ། བསྟན་པ་མ་ཡིན་པར་ཉེ་བར་གནས་པ་མ་ཡིན། མྱ་ངན་ལས་འདས་པ་བསྟན་པའམ། བསྟན་པ་མ་ཡིན་པར་ཉེ་བར་གནས་པ་མ་ཡིན་ནོ། །ཚེ་དང་ལྡན་པ་ཤཱ་རདྭ་ཏིའི་བུ ་འདི་ལྟ་སྟེ། ཆོས་གང་བསྟན་པའམ། བསྟན་པ་མ་ཡིན་པར་ཡང་ཉེ་བར་གནས་པ་མ་ཡིན་པ་དེའི་ཐ་སྙད་ཇི་ལྟར་བསྟན་པར་བྱ། ཚེ་དང་ལྡན་པ་ཤཱ་རདྭ་ཏིའི་བུ། སུ་ཤེས་རབ་ཀྱི་ཕ་རོལ་ཏུ་ཕྱིན ་པ་ནི། ཆོས་གང་བསྟན་པའམ། བསྟན་པ་མ་ཡིན་པར་ཉེ་བར་གནས་པ་མ་ཡིན་པར་བསྟན་པ་འདི་ལྟ་བུ་ཁོང་དུ་ཆུད་པ་དེས་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་ཤེས་ཤིང་། ཤེས་རབ་ཀྱི་ཕ་རོལ་ཏུ་ཕྱིན ་པ་བསྟན་པ་ཡང་ཤེས་སོ། །ཚེ་དང་ལྡན་པ་ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཆོས་གང་ལ་ཡང་སྦྱོར་བའམ། མི་སྦྱོར་བར་ཉེ་བར་གནས་པ་མ ་ཡིན་ནོ|་|དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དོ། །དེ་བཞིན ་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དོ། །རྟེན་ཅིང་འབྲེལ་བར་འབྱུང་བ་ཀུན་ཏུ་སྦྱོར ་པ་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དོ། །འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར ་ཡང་མི་བྱེད་དོ། །སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དོ། །སེམས་ཅན་གྱི་ཁམས་དང་། ་བདག་གི་ཁམས་དང་། ཆོས་ཀྱི་དབྱིངས་དང་། ནམ་མཁའི་ཁམས་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དོ། །ཚུལ་ཁྲིམས་དང་། འཆལ་བའི་ཚུལ་ཁྲིམས་དང་། ་བཟོད་པ་དང་། གནོད་སེམས་དང་། བརྩོན་འགྲུས་དང་། ལེ་ལོ་དང་། བསམ་གཏན་དང་། རྣམ་པར་གཡེང་བ་དང་། ཤེས་རབ་དང་། འཆལ་བའི་ཤེས་རབ་ལ་ཀུན་ཏུ་སྦྱོར་བར་ཡང་མི་བྱེད། ་ཀུན་ཏུ་མི་སྦྱོར་བར་ཡང་མི་བྱེད་དོ། །དྲན་པ་ཉེ་བར་གཞག་པ་རྣམས་དང་། ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་། ཚད་མེད་པ་རྣམས་དང་། དབང་པོ་རྣམས་དང་། སྟོབས ་རྣམས་དང་། བྱང་ཆུབ་ཀྱི་ཡན་ལག་རྣམས་དང་། བསམ་གཏན་རྣམས་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི ་སྦྱོར་བར་ཡང་མི་བྱེད་དོ། །ལམ་དང་། ལམ་གྱི་འབྲས་བུ་དང་། སྡུག་བསྔལ་བ་དང་། ཀུན་འབྱུང་བ་དང་། འགོག་པ་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དོ། །ཉན ་ཐོས་ཀྱི་ས་དང་། རང་སངས་རྒྱས་ཀྱི་ས་དང་། བྱང་ཆུབ་སེམས་དཔའི་ས་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དོ། །ཉན་ཐོས་ཀྱི་ཆོས་དང་། རང་སངས་རྒྱས་ཀྱི་ཆོས ་དང་། བྱང་ཆུབ་སེམས་དཔའི་ཆོས་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དོ། །འདས་པ་དང་། མ་འོངས་པ་དང་། ད་ལྟར་བྱུང་བར་ཤེས་པ་དང་། དུས་གསུམ་མཉམ ་པ་ཉིད་ལ་ཀུན་ཏུ་སྦྱོར་བར་ཡང་མི་བྱེད། ཀུན་ཏུ་མི་སྦྱོར་བར་ཡང་མི་བྱེད་དོ། །ཐོགས་པ་མེད་པ་དང་། མི་སྐྱེ་བ་ཤེས་པ་དང་། ཟད་པ་ཤེས་པ་དང་། མྱ་ངན་ལས་འདས་པ་ལ་ཀུན་ཏུ་སྦྱོར་བར་ཡང ་མི་བྱེད|་ཀུན་ཏུ་མི་སྦྱོར་བར་ཡང་མི་བྱེད་དོ། །ཚེ་དང་ལྡན་པ་ཤཱ་རདྭ་ཏིའི་བུ། འདི་ལྟ་སྟེ། ཆོས་གང་ལ་ཡང་ཀུན་ཏུ་སྦྱོར་བའམ། ཀུན་ཏུ་སྦྱོར་བ་མ་ཡིན་པར་ཉེ་བར་གནས་པ་མ་ཡིན་པ་དེ། ཇི་ལྟར ་བསྟན་པར་བྱ། ཚེ་དང་ལྡན་པ་ཤཱ་རདྭ་ཏིའི་བུ། ཁོ་བོ་ཆོས་གང་ལ་སྤོབས་པར་འགྱུར་བ་དང་། གང་གིས་ཁོ་བོ་སྤོབས་པར་འགྱུར་བ་དང་། གང་ལ་ཁོ་བོ་སྤོབས་པར ་འགྱུར་བ་དང་། གང་ལ་ཁོ་བོས་བརྩམས་པར་སྤོབས་པར་འགྱུར་བའི་ཆོས་དེ་ཡང་དག་པར་རྗེས་སུ་མི་མཐོང་སྟེ། ཁོ་བོས་དབང་དེ་མཐོང་བས་ཁོ་བོས་དེ་སྐད་སྨྲས་སོ། །རབ་འབྱོར་གྱི་ལེའུ ་ཞེས་བྱ་སྟེ། ལྔ་པའོ།། །།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་ལ་འདི་སྐད་ཅེས་བཀའ་སྩལ ་ཏོ|་|རབ་ཀྱི་རྩལ་གྱིས་རྣམ་པར་གནོན་པ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ཆོས་གང་ལ་ཡང་མི་སྤྱོད་དོ། །དེ་ཅིའི་ཕྱིར ་ཞེ་ན|་རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི། ཕྱིན་ཅི་ལོག་ལས་བྱུང་བ། བདེན་པ་མ་ཡིན་པ། མེད་པ། ལོག་པ། ཡང་དག་པ་མ་ཡིན་པ་སྟེ། རབ་ཀྱི་རྩལ་གྱིས ་རྣམ་པར་གནོན་པ། དེའི་ཕྱིར་གང་ཆོས་འགའ་ཞིག་ལ་སྤྱོད་ན། དེ་ནི། ཕྱིན་ཅི་ལོག་ལ་སྤྱོད་པའོ། །དེ་ནི། ཡང་དག་པ་མ་ཡིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། ་བྱང་ཆུབ་སེམས་དཔའ་ནི། ཕྱིན་ཅི་ལོག་ལ་སྤྱོད་པས་རབ་ཏུ་ཕྱེ་བའམ། ཡང་དག་པ་མ་ཡིན་པ་སྤྱོད་པས་རབ་ཏུ་ཕྱེ་བ་མ་ཡིན་ནོ། །བྱང་ཆུབ་སེམས་དཔའ་ཕྱིན་ཅི་ལོག་གམ། ཡང་དག ་པ་མ་ཡིན་པ་ལ་སྤྱོད་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །གང་ཕྱིན་ཅི་ལོག་དང་། ཡང་དག་པ་མ་ཡིན་པ་ལ་སྤྱོད་པ་གང་ཡང་མེད་པས། དེའི་ཕྱིར་བྱང་ཆུབ་སེམས་དཔའ་དེ ་ལ་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། ཕྱིན་ཅི་ལོག་ཅེས་བྱ་བ་འདི་ནི། ལོག་པར་བྱིས་པ་སོ་སོའི་སྐྱེ་བོ་རྣམས་ཀྱིས་བཟུང་བ་སྟེ། ཆོས་དེ་ནི། ཇི་ལྟ་བ་བཞིན་དུ་མ་ཡིན་ནོ། །གང ་དག་ཇི་ལྟར་བཟུང་བ་དེ་བཞིན་དུ་མ་ཡིན་པ་དེ་ནི། ཕྱིན་ཅི་ལོག་དང་། ཡང་དག་པ་མ་ཡིན་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་ནི། ཕྱིན་ཅི་ལོག་དང་། ་ཡང་དག་པ་མ་ཡིན་པ་ལ་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་ནི། ཡང་དག་པར་སྨྲ་བ་སྟེ། ཕྱིན་ཅི་ལོག་མ་ཡིན་པ་ལ་སྤྱོད་པའོ། །གང་དུ་ཡང་དག་པ་ལ་ཕྱིན ་ཅི་ལོག་པ་དེ་ལ་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། སྤྱོད་པ་ཐམས་ཅད་ཡང་དག་པར་ཆད་པ་ནི། ་བྱང་ཆུབ་སེམས་དཔའི་སྤྱོད་པ་སྟེ། འདི་ནི། བྱང་ཆུབ་སེམས་དཔའི་སྤྱོད་པའོ། །འདིས་བྱང་ཆུབ་སེམས་དཔའི་སྤྱོད་པའོ། །འདི་ན་བྱང་ཆུབ་སེམས་དཔའི་སྤྱོད་པའོ། །འདི་ལས་བྱང་ཆུབ་སེམས ་དཔའི་སྤྱོད་པའོ། །ཞེས་བྱང་ཆུབ་སེམས་དཔའི་སྤྱོད་པ་དེ་ཀུན་ཏུ་བསྟན་པར་མི་ནུས་ཏེ། བྱང་ཆུབ་སེམས་དཔའི་སྤྱོད་པ་ནི། དེ་ལྟ་བུས་རབ་ཏུ་ཕྱེ་བ་མ་ཡིན་ནོ། །བྱང་ཆུབ་སེམས་དཔའ་དག་ནི། སོ ་སོའི་སྐྱེ་བོའི་སྤྱོད་པ་བཟློག་པའོ། །ཉན་ཐོས་ཀྱི་སྤྱོད་པ་བཟློག་པ་དང་། རང་སངས་རྒྱས་ཀྱི་སྤྱོད་པ་བཟློག་པ་དང་། སྤྱོད་པ་ཐམས་ཅད་བཟློག་པའི་ཕྱིར་བྱང་ཆུབ་སེམས་དཔའི ་སྤྱད་པ་ལ་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་འདི་དག་ནི། སངས་རྒྱས་ཀྱི་ཆོས་དེ་དག་གོ་།འདིས་སངས་རྒྱས་ཀྱི་ཆོས་དེ་དག་གོ། འདི་ནི། སངས་རྒྱས་ཀྱི ་ཆོས་དེ་དག་གོ། འདིའི་སངས་རྒྱས་ཀྱི་ཆོས་དེ་དག་གོ་།ཞེས་སངས་རྒྱས་ཀྱི་ཆོས་གང་ཡིན་པ་དེ་དག་ལ་ཡང་མི་སྤྱོད་ཅིང་མངོན་པར་ཞེན་པ་མེད་དེ། རབ་ཀྱི་རྩལ་གྱིས་རྣམ་པར་གནོན་པ། བྱང ་ཆུབ་སེམས་དཔའ་ནི། དེ་ལྟར་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་དག་ཐམས་ཅད་ནི། རྣམ་པར་རྟོག་པ་ལ་སྤྱོད་པའོ། །བྱང་ཆུབ་སེམས་དཔའི་སྤྱོད་པ་ནི། རྟོག་པ་ཐམས ་ཅད་སྤངས་པ་ཡིན་པས། བྱང་ཆུབ་སེམས་དཔའ་ནི། རྣམ་པར་རྟོག་པ་དང་། མི་རྟོག་པ་ལ་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། རྟོག་པ་ཞེས་བྱ་བ་དེ་ནི། ཆོས་རྣམས་ལ་རྣམ ་པར་རྟོག་པའོ། །ཆོས་ཐམས་ཅད་ནི། རྣམ་པར་མི་རྟོག་པ་ཡིན་པས། ཆོས་ཐམས་ཅད་ལ་བརྟག་པར་མི་ནུས་སོ། །དེའི་ཕྱིར་གང་ཆོས་ལ་རྟོག་པ་དེ་ལོག་པར་རྟོག་པའོ། །རབ་ཀྱི་རྩལ་གྱིས ་རྣམ་པར་གནོན་པ། ཆོས་ནི། རྟོག་པའམ། མི་རྟོག་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། རྟོག་པ་ཞེས་བྱ་བ་དེ་ནི། མཐའ་གཅིག་གོ། མི་རྟོག་པ་ཞེས་བྱ་བ་ནི། མཐའ་གཉིས ་ཏེ|་རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་ནི། མཐའ་དང་། མཐའ་མེད་པ་ལ་མི་སྤྱོད་དོ། །གང་མཐའ་དང་། མཐའ་མེད་པ་ལ་མི་སྤྱོད་པ་དེས་ནི། དབུས་ཡང་དག་པར་རྗེས ་སུ་མི་མཐོང་ངོ་། །རང་ཀྱི་རྩལ་གྱིས་རྣམ་པར་གནོན་པ། དབུས་ཡང་དག་པར་རྗེས་སུ་མཐོང་ཞིང་དབུས་ལ་སྤྱོད་ན་ནི། མཐའ་ཉིད་ལ་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། དབུས ་ལ་ནི|་སྤྱོད་པ་བསྟན་པའམ། ངེས་པར་བསྟན་པ་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། དབུས་ཞེས་བྱ་བ་དེ་ནི། འཕགས་པའི་ལམ་ཡན་ལག་བརྒྱད་པའི་ཚིག་བླ་དྭགས ་སོ|་|རབ་ཀྱི་རྩལ་གྱིས་རྣམ་པར་གནོན་པ། འཕགས་པའི་ལམ་ཡན་ལག་བརྒྱད་པ་ནི། ཆོས་གང་དམིགས་པ་དང་། ཆོས་གང་མཐོང་བའི་ཕྱིར་ཉེ་བར་གནས་པ་མ་ཡིན་ནོ། །རབ་ཀྱི་རྩལ་གྱིས ་རྣམ་པར་གནོན་པ། ནམ་ཆོས་གང་ལ་ཡང་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད་པ་དེའི་ཚེ་ལམ་གྱི་རྒྱུན་བཅད་ཅེས་བྱའོ། །དེ་ཆོས་ཐམས་ཅད་ལ་སྒོམ་པར་ཡང་མི་བྱེད། མི་སྒོམ་པར ་ཡང་མི་བྱེད་པས། སྒོམ་པ་ལས་ཡང་དག་པར་འདས་ནས་ཆོས་མཉམ་པ་ཉིད་རྙེད་དེ། ཆོས་མཉམ་པ་ཉིད་དེས་ལམ་གྱི་འདུ་ཤེས་ཀྱང་མི་འབྱུང་ན། ལམ་མཐོང་བར་ལྟ་ག་ལ་འགྱུར། རབ་ཀྱི ་རྩལ་གྱིས་རྣམ་པར་གནོན་པ། ལམ་གྱི་རྒྱུན་བཅད་ཅེས་བྱ་བ་དེ་ནི། དགེ་སློང་ཟག་པ་ཟད་པ་དགྲ་བཅོམ་པའི་ཚིག་བླ་དྭགས་སོ། །དེ་ཅིའི་ཕྱིར་ཞེ་ན། དེས་བསྒོམས་པ་ཡང་མེད་ཅིང་བསྒོམས་པ ་མེད་པ་ཡང་མ་ཡིན་པར་ལམ་བསྒོམས་པ་མེད་པས། དེའི་ཕྱིར་སྒོམ་པ་མེད་ཅེས་བྱའོ། །སྒོམ་པ་མེད་པ་ཡང་དེ་ལ་མེད་པས། དེའི་ཕྱིར་སྒོམ་པ་མེད་ཅེས་བྱའོ། །དེ་སྒོམ ་པ་དང་བྲལ་བས་དེའི་ཕྱིར་སྒོམ་པ་མེད་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། གལ་ཏེ་སྒོམ་པའམ། སྒོམ་པ་མེད་པ་ཞིག་ཡོད་ན་ནི། དེ་དམིགས་པར་འགྱུར་ཏེ། དེ་སྒོམ་པ་མེད ་པར་མི་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། སྒོམ་པ་མེད་པ་ཞེས་བྱ་བ་དེ། སྒོམ་པ་དང་བྲལ་བས། སྒོམ་པ་མེད་པ་སྟེ། འདི་དངོས་པོ་དང་བྲལ་བས། དེའི་ཕྱིར་སྒོམ་པ་མེད་པ ་ཞེས་བྱ་སྟེ། ཇི་སྐད་དུ་བརྗོད་པ་བཞིན་དུ་ནི་མ་ཡིན་ནོ། །དེ་ཅིའི་ཕྱིར་ཞེ་ན། སྒོམ་པ་མེད་པ་འདི་ནི། བརྗོད་དུ་མེད་པའོ། །སྒོམ་པ་མེད་པ་འདི་ནི། བྲལ་བའོ། །བྲལ་བ་གང་ཞེ་ན། གང ་ཕྱིན་ཅི་ལོག་ཀུན་ནས་མི་ལྡང་བ་དང་། གང་ཡང་དག་པ་མ་ཡིན་པ་ཀུན་ནས་མི་ལྡང་བའོ། །རབ་ཀྱི་རྩལ་གྱིས་རྣམ་པར་གནོན་པ། ཕྱིན་ཅི་ལོག་གིས་ཕྱིན་ཅི་ལོག་ཀུན་ནས་མི་སློང་སྟེ། ཕྱིན ་ཅི་ལོག་ནི། ཀུན་ནས་ལངས་པ་ཉིད་མ་ཡིན་ནོ། །དེ་ལ་ཀུན་ནས་སློང་བ་ཅི་ཡང་མེད་དོ། །གལ་ཏེ་དེ་ལ་སློང་བ་འགའ་ཞིག་ཡོད་ན་ནི། དེར་ཡང་བརྗོད་ན། འདི་ལྟར་ཡང་དག་པ་མ་ཡིན་པ ་ལས་བྱུང་བས། དེའི་ཕྱིར་ཕྱིན་ཅི་ལོག་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔས་ནི། ཆོས་ཐམས་ཅད་ཕྱིན་ཅི་ལོག་མེད་པར་ཁོང་དུ་ཆུད་དོ། །དེ་ཅིའི་ཕྱིར ་ཞེ་ན|་དེས་ཕྱིན་ཅི་ལོག་ནི། ཡང་དག་པ་མ་ཡིན་པར་ཤེས་པའི་ཕྱིར་རོ། །ཕྱིན་ཅི་ལོག་ལ་ནི། ཕྱིན་ཅི་ལོག་མེད་དེ། གང་གིས་ཕྱིན་ཅི་ལོག་ཡང་དག་པ་མ་ཡིན་པ་དང་། ཕྱིན་ཅི་ལོག་ལ་ཕྱིན་ཅི་ལོག་མེད ་པར་ཤེས་པ་དེས། ཆོས་ཐམས་ཅད་ཕྱིན་ཅི་ལོག་མ་ཡིན་པར་ཁོང་དུ་ཆུད་དོ། །གང་ཕྱིན་ཅི་ལོག་མ་ཡིན་པར་ཁོང་དུ་ཆུད་པ་དེ་ལ་ཕྱིན་ཅི་ལོག་གང་ཡང་མི་འབྱུང་ངོ་། །གང་ལ་ཕྱིན་ཅི་ལོག་གང་ཡང་མེད་པ ་དེ་ལ་སྤྱོད་པ་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། སྤྱོད་པ་ཐམས་ཅད་ནི། སྤྱོད་པ་ལས་བྱུང་བ་དང་། སྤྱོད་པ་ལ་རྣམ་པར་རྟོག་པས་ཕྱིན་ཅི་ལོག་གོ། བྱང་ཆུབ་སེམས་དཔའ་ནི། ་སྤྱོད་པ་ལ་རྣམ་པར་མི་རྟོག་སྟེ། དེའི་ཕྱིར་དེ་ཕྱིན་ཅི་ལོག་མེད་པར་གནས་པ་ཞེས་བྱའོ། །གང་ཕྱིན་ཅི་ལོག་མེད་པ་དེ་ནི། ཕྱིར་གང་ལ་ཡང་མི་སྤྱོད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས ་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། སྤྱོད་པ་མེད་པ་ཞེས་བྱ་བ་ནི། ཆོས་གང་ལ་ཡང་མི་སྤྱོད། རྣམ་པར་མི་སྤྱོད་ཅིང་། སྤྱོད་པའི་མཚན་ཉིད་མི་སྟོན་པའོ། །དེ་ནི། བྱང་ཆུབ ་སེམས་དཔའི་སྤྱོད་པ་ཞེས་བྱ་སྟེ། གང་འདི་ལྟ་བུར་སྤྱོད་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་གཟུགས་ཀྱི་དམིགས་པ ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེས་དམིགས་པ་ཐམས་ཅད་རབ་ཏུ་དབེན་པར་ཤེས་པའི་ཕྱིར་རོ། །དབེན་པ་གང་ཡིན་པ་དེ་ལ་སྤྱོད་པ་གང་ཡང་མེད་དེ། དེའི་ཕྱིར ་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་མིག་གི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ ་ལ་སྤྱོད་པ་མ་ཡིན་ནོ། །རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེས་དམིགས ་པ་ཐམས་ཅད་ཡང་དག་པ་མ་ཡིན་པར་ཤེས་པའི་ཕྱིར་རོ། །གང་དམིགས་པ་ཐམས་ཅད་ཡང་དག་པ་མ་ཡིན་པར་ཤེས་པ་དེ་ནི། གང་ལའང་མི་སྤྱོད་དེ། དེའི་ཕྱིར་སྤྱོད་པ་མེད་པ་ནི། བྱང ་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་གཟུགས་དང་། སྒྲ་དང་། དྲི་དང་། རོ་དང་། རེག་བྱ་དང་། ཆོས་ཀྱི་དམིགས་པ་ལ ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེས་དམིགས་པ་ཐམས་ཅད་ཕྱིན་ཅི་ལོག་ལས་བྱུང་བར་ཤེས་ཤིང་གང་ཕྱིན་ཅི་ལོག་པ་དེ་ཡང་དག་པ ་མ་ཡིན་པར་ཡོངས་སུ་ཤེས་པའི་ཕྱིར་རོ། །གང་གིས་ཕྱིན་ཅི་ལོག་ཡང་དག་པ་མ་ཡིན་པར་ཡོངས་སུ་ཤེས་པ་དེ་ནི། དམིགས་པ་གང་ལ་ཡང་མི་སྤྱོད་དེ། དེའི་ཕྱིར་སྤྱོད་པ་མེད་པ་ནི། བྱང ་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའི་མིང་དང་གཟུགས་ཀྱི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ ་ཡིན་ནོ། །དེ་ཅིའི་ཕྱིར་ཞེ་ན། དེས་དམིགས་པ་ཐམས་ཅད་དམིགས་སུ་མེད་པའི་རྣམ་པར་མཐོང་བའི་ཕྱིར་རོ། །གང་གིས་དམིགས་པ་ཐམས་ཅད་དམིགས་པ་མེད་པར་ཁོང་དུ་ཆུད་པ་དེ་ནི། ་དམིགས་པ་གང་ལ་ཡང་མི་སྤྱོད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་སེམས་དཔའ ་ཆེན་པོ་དག་། སེམས་ཅན་དང་། བདག་གི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་སེམས་ཅན་དུ་འདུ་ཤེས་པ་དང་། བདག ་ཏུ་འདུ་ཤེས་པ་དེ་ཡང་དག་པར་མ་ཡིན་པར་ཤེས་པའི་ཕྱིར་རོ། །གང་གིས་སེམས་ཅན་དུ་འདུ་ཤེས་པ་དང་། བདག་ཏུ་འདུ་ཤེས་པ་ཡང་དག་པ་མ་ཡིན་པར་ཤེས་པ་དེ། སྤྱོད་པ་གང་ཡང་མི་སྤྱོད ་དོ|་|གང་སྤྱད་པ་གང་ལ་ཡང་མི་སྤྱོད་པ་དེ། སྤྱོད་པ་མེད་པ་སྟེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས ་དཔའ་སྲོག་ཏུ་འདུ་ཤེས་པ་དང་། གསོ་བ་དང་། སྐྱེས་བུ་དང་། གང་ཟག་དང་། ཤེད་ལས་སྐྱེས་དང་། ཤེད་བུ་དང་། སློང་བ་པོ་དང་། ཀུན་ནས་སློང་བ་པོ་དང་། བྱེད་དུ་འཇུག་པ་དང་། ཚོར་བ་པོ ་དང་|་ཚོར་བར་བྱེད་པར་འདུ་ཤེས་པ་དང་། ཤེས་པར་བྱེད་པ་དང་། ཤེས་པ་པོར་འདུ་ཤེས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི ་ཕྱིར་ཞེ་ན། དེ་དག་གིས་འདུ་ཤེས་ཐམས་ཅད་རྣམ་པར་བཤིག་པའི་ཕྱིར་རོ། །གང་དག་གིས་འདུ་ཤེས་ཐམས་ཅད་རྣམ་པར་བཤིག་པ་དེ་དག་ཕྱིར་འདུ་ཤེས་གང་ལ་ཡང་མི་སྤྱོད་དེ། དེའི ་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་ཕྱིན་ཅི་ལོག་དང་། ལྟ་བར་གྱུར་པ་དང་། སྒྲིབ་པ་ལ་སྤྱོད་ན། ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །ཕྱིན་ཅི་ལོག་དང་། ལྟ་བར་གྱུར་པ་དང་། སྒྲིབ་པའི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི ་ཕྱིར་ཞེ་ན། དེ་དག་གིས་ཕྱིན་ཅི་ལོག་དང་། ལྟ་བར་གྱུར་པ་དང་། སྒྲིབ་པའི་དམིགས་པ་ཡོངས་སུ་ཤེས་པའི་ཕྱིར་རོ། །གང་ཡོངས་སུ་ཤེས་པ་དེ་སྤྱོད་པ་མེད་དེ། དེའི་ཕྱིར་སྤྱོད་པ་མེད་པ་ནི། བྱང ་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་རྟེན་ཅིང་འབྲེལ་བར་འབྱུང་བའི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་རྟེན་ཅིང་འབྲེལ་བར་འབྱུང་བ་ཡང་ཤེས་ཤིང་རྟེན་ཅིང་འབྲེལ་བར་འབྱུང་བའི་དམིགས་པ་ཡང་ཤེས་པའི་ཕྱིར་རོ། །གང་རྟེན་ཅིང་འབྲེལ ་བར་འབྱུང་བ་དང་། རྟེན་ཅིང་འབྲེལ་པར་འབྱུང་བའི་དམིགས་པ་ཤེས་པ་དེ་ལ་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ ་པར་གནོན་པ། བྱང་ཆུབ་སེམས་དཔའ་དག་།འདོད་པའི་ཁམས་ཀྱི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་ནོ། །གཟུགས་དང་། གཟུགས་མེད་པའི་ཁམས་ཀྱི་དམིགས་པ་ལ་སྤྱོད ་ན|་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གི་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཀྱི་དམིགས་པ་རྣམ ་པར་བཤིག་པའི་ཕྱིར་རོ། །གང་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཀྱི་དམིགས་པ་རྣམ་པར་འཇིག་པ་དེ་ལ་སྤྱོད་པ་གང་ཡང་མེད་དེ། དེའི་ཕྱིར ་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་དག་ཚུལ་ཁྲིམས་དང་། འཆལ་བའི་ཚུལ་ཁྲིམས་ཀྱི་དམིགས ་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གི་ཚུལ་ཁྲིམས་དང་། འཆལ་བའི་ཚུལ་ཁྲིམས་ཀྱི་དམིགས་པ་ཡོངས་སུ་ཤེས་པའི་ཕྱིར་རོ།། ་གང་ཚུལ་ཁྲིམས་དང་། འཆལ་བའི་ཚུལ་ཁྲིམས་ཀྱི་དམིགས་པ་ཤེས་པ་དེ་ལ་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ ་གྱིས་རྣམ་པར་གནོན་པ། བྱང་ཆུབ་སེམས་དཔའ་དག་།བཟོད་པ་དང་། གནོད་སེམས་དང་། བརྩོན་འགྲུས་དང་། ལེ་ལོ་དང་། བསམ་གཏན་དང་། རྣམ་པར་གཡེང་བ་དང་། ་ཤེས་རབ་དང་། འཆལ་བའི་ཤེས་རབ་ཀྱི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་དམིགས་པ་ཐམས་ཅད་ཡོངས་སུ་ཤེས ་པའི་ཕྱིར་རོ། །གང་དམིགས་པ་ཐམས་ཅད་ཡོངས་སུ་ཤེས་པ་དེ་ལ་ནི། སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ ་པར་གནོན་པ། བྱང་ཆུབ་སེམས་དཔའ་དག་།ཕྱིན་ཅི་ལོག་མ་ཡིན་པ་དང་། ཡང་དག་པར་སྤོང་བ་དང་། དྲན་པ་ཉེ་བར་གཞག་པ་དང་། ཚད་མེད་པའི་དམིགས་པ་ལ་སྤྱོད་ན། ཤེས་རབ་ཀྱི་ཕ ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་དམིགས་པ་ཐམས་ཅད་ཡ་མ་བརླར་ཤེས་པའི་ཕྱིར་རོ། །གང་དམིགས་པ་ཐམས་ཅད་ཡ་མ་བརླར་ཡོངས་སུ་ཤེས་པ ་དེ་ལ་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་དག། དབང་པོ་དང་། སྟོབས ་དང་། བྱང་ཆུབ་ཀྱི་ཡན་ལག་དང་། ཏིང་ངེ་འཛིན་དང་། སྙོམས་པར་འཇུག་པའི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་དབང ་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ཏིང་ངེ་འཛིན་དང་། སྙོམས་པར་འཇུག་པའི་དམིགས་པ་རྣམ་པར་བཤིག་པའི་ཕྱིར་རོ། །གང་རྣམ་པར་འཇིག་པ་དེ་ལ་སྤྱོད་པ་གང་ཡང་མེད་དེ། དེའི ་ཕྱིར་སྤྱོད་པ་མེད་པ་ཞེས་བྱ་བ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་དག། སྡུག་བསྔལ་དང་། ཀུན་འབྱུང་བ་དང་། འགོག་པ ་དང་། ལམ་གྱི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ ་གྱི་དམིགས་པ་རྣམ་པར་བཤིག་པའི་ཕྱིར་རོ། །གང་རྣམ་པར་འཇིག་པ་དེ་ལ་རྣམ་པར་འཇིག་པ་གང་ཡང་མེད་ཅིང་དེ་ལ་ཡང་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས ་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་དག་།རིག་པ་དང་། རྣམ་པར་གྲོལ་བའི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ ་ཡིན་ནོ|་|དེ་ཅིའི་ཕྱིར་ཞེ་ན། དེ་དག་གིས་རིག་པ་དང་། རྣམ་པར་གྲོལ་བའི་དམིགས་པ་རྣམ་པར་བཤིག་པའི་ཕྱིར་རོ། །གང་རྣམ་པར་འཇིག་པ་དེ་ལ་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། ་བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་དག་།མི་སྐྱེ་བའི་དམིགས་པའམ། ཟད་པའི་དམིགས་པའམ། མངོན་པར་འདུ་མི་བྱེད་པའི ་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་མི་སྐྱེ་བ་དང་། ཟད་པ་དང་། མངོན་པར་འདུ་མི་བྱེད་པའི་དམིགས ་པ་རྣམ་པར་བཤིག་པའི་ཕྱིར་རོ། །གང་རྣམ་པར་འཇིག་པ་དེ་ལ་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱིས་རྩལ་གྱིས་རྣམ་པར་གནོན ་པ|་བྱང་ཆུབ་སེམས་དཔའ་དག། ས་དང་། ཆུ་དང་། མེ་དང་། རླུང་དང་། ནམ་མཁའི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས ་ས་དང་། ཆུ་དང་། མེ་དང་། རླུང་དང་། ནམ་མཁའི་དམིགས་པ་རྣམ་པར་བཤིག་པའི་ཕྱིར་རོ། །གང་རྣམ་པར་འཇིག་པ་ལ་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས ་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་དག་།ཉན་ཐོས་དང་། རང་སངས་རྒྱས་ཀྱི་སའི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་ཉན་ཐོས་དང་། རང་སངས་རྒྱས་ཀྱི་སའི་དམིགས་པ་རྣམ་པར་བཤིག་པའི་ཕྱིར་རོ། །གང་རྣམ་པར་འཇིག་པ་དེ་ལ་སྤྱོད་པ་གང་ཡང་མེད་དེ། ་དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་དག། ཉན་ཐོས་དང་། རང་སངས་རྒྱས་ཀྱི་ཆོས་ཀྱི་དམིགས ་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་ཉན་ཐོས་དང་། རང་སངས་རྒྱས་ཀྱི་ཆོས་ཀྱི་དམིགས་པ་རྣམ་པར་བཤིག་པའི་ཕྱིར་རོ། །གང་རྣམ་པར ་འཇིག་པ་དེ་ལ་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་དག། མྱ་ངན་ལས ་འདས་པའི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་མྱ་ངན་ལས་འདས་པའི་དམིགས་པ་ཡོངས་སུ་ཤེས་པའི་ཕྱིར་རོ། །གང་ཡོངས ་སུ་ཤེས་པ་དེ་ལ་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་དག་།མཚན་ཡོངས་སུ ་དག་པའི་དམིགས་པ་ལ་སྤྱོད་དམ། སངས་རྒྱས་ཀྱི་ཞིང་ཡོངས་སུ་དག་པའི་དམིགས་པ་ལ་སྤྱོད་དམ། ཉན་ཐོས་ཕུན་སུམ་ཚོགས་པའི་དམིགས་པ་ལ་སྤྱོད་དམ། བྱང་ཆུབ་སེམས་དཔའ་ཕུན་སུམ ་ཚོགས་པའི་དམིགས་པ་ལ་སྤྱོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དེ་དག་གིས་མཚན་ཡོངས་སུ་དག་པའི་དམིགས་པ་དང་། སངས་རྒྱས་ཀྱི་ཞིང་ཡོངས་སུ ་དག་པའི་དམིགས་པ་དང་། ཉན་ཐོས་ཕུན་སུམ་ཚོགས་པའི་དམིགས་པ་དང་། བྱང་ཆུབ་སེམས་དཔའ་ཕུན་སུམ་ཚོགས་པའི་དམིགས་པ་རྣམ་པར་བཤིག་པའི་ཕྱིར་རོ། །གང་རྣམ་པར་འཇིག་པ་དེ་ལ ་སྤྱོད་པ་གང་ཡང་མེད་དེ། དེའི་ཕྱིར་སྤྱོད་པ་མེད་པ་ནི། བྱང་ཆུབ་སེམས་དཔའི་སྤྱོད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས ་དཔའ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །འདི་ནི། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་དམིགས་པ་ཐམས་ཅད་ཡོངས་སུ་ཤེས་པའི་སྤྱོད་པ་དང་། ་དམིགས་པ་ཐམས་ཅད་རྣམ་པར་འཇིག་པའི་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་དེ་ལྟར་སྤྱོད་ན། གཟུགས་ཀྱི་དམིགས་པ་རྣམ་པར་དག་པ་ལ་མི ་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དམིགས་པ་རྣམ་པར་དག་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་གཟུགས་ཀྱི་དམིགས་པ་རང ་བཞིན་གྱིས་རྣམ་པར་དག་པར་ཡོངས་སུ་ཤེས་པའི་ཕྱིར་རོ། །སྤྱོད་པ་དེ་ལྟ་བུ་གང་ཡིན་པ་དེ། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར ་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། མིག་གི་དམིགས་པ་རྣམ་པར་དག་པ་ལ་མི་སྤྱོད་དོ། །རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་དམིགས་པ་རྣམ་པར་དག་པ ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་ཡིད་ཀྱི་བར་གྱི་དམིགས་པ་རང་བཞིན་གྱིས་རྣམ་པར་དག་པར་ཡོངས་སུ་ཤེས་པའི་ཕྱིར་རོ། །སྤྱོད་པ་དེ་ལྟ་བུ་གང་ཡིན་པ་དེ། བྱང་ཆུབ་སེམས་དཔའི ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། གཟུགས་དང་། སྒྲ་དང་། དྲི་དང་། རོ་དང་། རེག་བྱ་དང་། ཆོས་ཀྱི ་དམིགས་པ་རྣམ་པར་དག་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་ཆོས་ཀྱི་བར་གྱི་དམིགས་པ་རང་བཞིན་གྱིས་རྣམ་པར་དག་པར་ཡོངས་སུ་ཤེས་པའི་ཕྱིར་རོ། །སྤྱོད་པ་དེ་ལྟ་བུ་གང་ཡིན་པ་དེ། བྱང ་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། མིང་དང་གཟུགས་ཀྱི་དམིགས་པ་རྣམ་པར་དག ་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་མིང་དང་གཟུགས་ཀྱི་དམིགས་པ་རང་བཞིན་གྱིས་རྣམ་པར་དག་པར་ཡོངས་སུ་ཤེས་པའི་ཕྱིར་རོ། །སྤྱོད་པ་དེ་ལྟ་བུ་གང་ཡིན་པ་དེ། བྱང་ཆུབ་སེམས་དཔའི ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། བདག་དང་། སེམས་ཅན་གྱི་དམིགས་པ་རྣམ་པར་དག་པ་ལ་མི་སྤྱོད་དོ། ། ་དེ་ཅིའི་ཕྱིར་ཞེ་ན། དེས་བདག་དང་སེམས་ཅན་གྱི་དམིགས་པ་རང་བཞིན་གྱིས་རྣམ་པར་དག་པར་ཡོངས་སུ་ཤེས་པའི་ཕྱིར་རོ། །སྤྱོད་པ་དེ་ལྟ་བུ་གང་ཡིན་པ་དེ། བྱང་ཆུབ་སེམས་དཔའི་ཤེས་རབ་ཀྱི་ཕ ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱི་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། སྲོག་དང་། འབྱུང་བ་དང་། གང་ཟག་དང་། བྱེད་པ་པོ་དང་། བྱེད་དུ་འཇུག་པ་དང་། སློང་བ ་པོ་དང་། ཀུན་ནས་སློང་བ་པོ་དང་། ཚོར་བ་པོ་དང་། ཚོར་བར་བྱེད་པ་དང་། ལྟ་བའི་དམིགས་པ་རྣམ་པར་དག་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་སྲོག་དང་། འབྱུང་བ ་དང་། གང་ཟག་དང་། བྱེད་པ་པོ་དང་། བྱེད་དུ་འཇུག་པ་དང་། སློང་བ་པོ་དང་། ཀུན་ནས་སློང་བ་པོ་དང་། ཚོར་བ་པོ་དང་། ཚོར་བར་བྱེད་པ་དང་། ལྟ་བའི་དམིགས་པ་རང་བཞིན་གྱིས་རྣམ་པར་དག་པར ་ཡོངས་སུ་ཤེས་པའི་ཕྱིར་རོ། །སྤྱོད་པ་དེ་ལྟ་བུ་གང་ཡང་ཡིན་པ་དེ། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི ་བྱང་ཆུབ་སེམས་དཔའ་ནི། ཕྱིན་ཅི་ལོག་དང་། ལྟ་བར་གྱུར་པའི་རང་བཞིན་གྱི་དམིགས་པ་རྣམ་པར་དག་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་ཕྱིན་ཅི་ལོག་དང་། ལྟ་བར་གྱུར་པའི་དམིགས ་པ་རང་བཞིན་གྱིས་རྣམ་པར་དག་པར་ཡོངས་སུ་ཤེས་པའི་ཕྱིར། རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། སྒྲིབ་པའི་དམིགས་པ་རྣམ་པར་དག་པ ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་སྒྲིབ་པའི་དམིགས་པ་རང་བཞིན་གྱིས་རྣམ་པར་དག་པར་ཡོངས་སུ་ཤེས་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང ་ཆུབ་སེམས་དཔའ་ནི། རྟེན་ཅིང་འབྲེལ་པར་འབྱུང་བའི་དམིགས་པ་རྣམ་པར་དག་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་རྟེན་ཅིང་འབྲེལ་པར་འབྱུང་བའི་དམིགས་པ་རང་བཞིན་གྱིས་རྣམ་པར་དག ་པར་ཡོངས་སུ་ཤེས་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཀྱི ་དམིགས་པ་རྣམ་པར་དག་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཀྱི་དམིགས་པ་རང་བཞིན་གྱིས་རྣམ་པར་དག་པར ་ཡོངས་སུ་ཤེས་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། ཚུལ་ཁྲིམས་དང་། འཆལ་བའི་ཚུལ་ཁྲིམས་ཀྱི་དམིགས་པ་རྣམ་པར་དག་པ་ལ་མི ་སྤྱོད་དོ|་|དེ་ཅིའི་ཕྱིར་ཞེ་ན། དེས་ཚུལ་ཁྲིམས་དང་། འཆལ་བའི་ཚུལ་ཁྲིམས་ཀྱི་དམིགས་པ་རང་བཞིན་གྱིས་རྣམ་པར་དག་པར་ཡོངས་སུ་ཤེས་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། ་དེ་ལྟར་སྤྱོད་པའི་བྱང་ཆུབ་སེམས་དཔའ་ནི། བཟོད་པ་དང་། གནོད་སེམས་དང་། བརྩོན་འགྲུས་དང་། ལེ་ལོ་དང་། བསམ་གཏན་དང་། རྣམ་པར་གཡེང་བ་དང་། ཤེས་རབ་དང་། འཆལ་བའི་ཤེས ་རབ་ཀྱི་དམིགས་པ་རྣམ་པར་དག་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་བཟོད་པ་དང་། གནོད་སེམས་དང་། བརྩོན་འགྲུས་དང་། ལེ་ལོ་དང་། བསམ་གཏན་དང་། རྣམ་པར་གཡེང་བ་དང་། ཤེས ་རབ་དང་། འཆལ་བའི་ཤེས་རབ་ཀྱི་དམིགས་པ་རང་བཞིན་གྱིས་རྣམ་པར་དག་པར་ཡོངས་སུ་ཤེས་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། ་འདས་པ་དང་། མ་འོངས་པ་དང་། ད་ལྟར་བྱུང་བའི་དམིགས་པ་རྣམ་པར་དག་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་འདས་པ་དང་། མ་འོངས་པ་དང་། ད་ལྟར་བྱུང་བའི ་དམིགས་པ་རང་བཞིན་གྱིས་རྣམ་པར་དག་པར་ཡོངས་སུ་ཤེས་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཐོགས་པ་མེད ་པའི་དམིགས་པ་རྣམ་པར་དག་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་ཐོགས་པ་མེད་པའི་དམིགས་པ་རང་བཞིན་གྱིས་ཡོངས་སུ་དག་པར་ཤེས་པའི་ཕྱིར་རོ། །རབ་ཀྱི་རྩལ་གྱིས་རྣམ་པར ་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། མངོན་པར་ཤེས་པའི་དམིགས་པ་རྣམ་པར་དག་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། དེས་མངོན་པར་ཤེས་པའི་དམིགས་པ་རང་བཞིན ་གྱིས་ཡོངས་སུ་དག་པར་ཤེས་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། ཐམས་ཅད་མཁྱེན་པའི་དམིགས་པ་རྣམ་པར་དག་པ་ལ་མི ་སྤྱོད་དོ|་|དེ་ཅིའི་ཕྱིར་ཞེ་ན། དེས་ཐམས་ཅད་མཁྱེན་པའི་དམིགས་པ་རང་བཞིན་གྱིས་ཡོངས་སུ་དག་པར་ཤེས་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ ་སེམས་དཔའ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་སྟེ། དེ་ནི། དམིགས་པ་རྣམ་པར་དག་པ་གང་ལ་ཡང་མི་སྤྱོད་དོ། །དེ་ཅིའི་ཕྱིར་ཞེ་ན། དམིགས་པ་ཐམས་ཅད་རང་བཞིན་གྱིས་ཡོངས ་སུ་རྣམ་པར་དག་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་དམིགས་པ་ཐམས་ཅད་རང་བཞིན་གྱིས་ཡོངས་སུ་དག་པ་ཤེས་རབ ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་འདི་ནི། གཟུགས་སོ། །ཞེས་ཡང་དག་པར་རྗེས་སུ་མི་མཐོང་། འདིས་གཟུགས ་ཞེས་ཡང་དག་པར་རྗེས་སུ་མི་མཐོང་། འདིའི་གཟུགས་ཞེས་ཡང་དག་པར་རྗེས་སུ་མི་མཐོང་། འདི་ལས་གཟུགས་ཞེས་ཡང་དག་པར་རྗེས་སུ་མི་མཐོང་སྟེ། དེ་དེ་ལྟར་གཟུགས་ཡང་དག་པར་རྗེས ་སུ་མི་མཐོང་བས། གཟུགས་མི་འདེག། མི་འཇོག། གཟུགས་མི་སྐྱེད། མི་འགོག། གཟུགས་ལ་མི་སྤྱོད། རྣམ་པར་མི་སྤྱོད་དོ། །གཟུགས་ཀྱི་དམིགས་པ་ལ་མི་སྤྱོད། རྣམ་པར་མི་སྤྱོད་དོ། །རབ་ཀྱི ་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་འདི་ནི། ཚོར་བའོ། །འདི་ནི། འདུ་ཤེས་སོ། །འདི་ནི། འདུ་བྱེད་རྣམས་སོ། །འདི་ནི། རྣམ་པར་ཤེས་པའོ། །ཞེས་ཡང་དག་པར ་རྗེས་སུ་མི་མཐོང་། འདིས་རྣམ་པར་ཤེས་པ་ཞེས་ཡང་དག་པར་རྗེས་སུ་མི་མཐོང་། འདིའི་རྣམ་པར་ཤེས་པ་ཞེས་ཡང་དག་པར་རྗེས་སུ་མི་མཐོང་། འདི་ལས་རྣམ་པར་ཤེས་པ་ཞེས་ཡང་དག་པར ་རྗེས་སུ་མི་མཐོང་སྟེ། དེ་དེ་ལྟར་རྣམ་པར་ཤེས་པ་ཡང་དག་པར་རྗེས་སུ་མི་མཐོང་བས་རྣམ་པར་ཤེས་པ་མི་འདེག། མི་འཇོག། རྣམ་པར་ཤེས་པ་མི་སྐྱེད། མི་འགོག། རྣམ་པར་ཤེས་པ་ལ་མི ་སྤྱོད|་རྣམ་པར་མི་སྤྱོད་དོ། །རྣམ་པར་ཤེས་པའི་དམིགས་པ་ལ་མི་སྤྱོད། རྣམ་པར་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་དེ་ལྟར་སྤྱོད་པའི་བྱང་ཆུབ་སེམས་དཔའ་ནི། གཟུགས་ལ་འདས་པ་ཞེས་མི་སྤྱོད། གཟུགས་ལ་མ་འོངས ་པ་ཞེས་མི་སྤྱོད། གཟུགས་ལ་ད་ལྟར་བྱུང་བ་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་འདས་པ་དང་། མ་འོངས་པ་དང་། ད་ལྟར་བྱུང ་བ་ཞེས་མི་སྤྱོད་དོ། །གཟུགས་ལ་བདག་ཅེས་མི་སྤྱོད། གཟུགས་ལ་བདག་གི་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་བདག་ཅེས ་མི་སྤྱོད། རྣམ་པར་ཤེས་པ་ལ་བདག་གི་ཞེས་མི་སྤྱོད་དོ། །གཟུགས་ལ་སྡུག་བསྔལ་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྡུག ་བསྔལ་ཞེས་མི་སྤྱོད་དོ། །གཟུགས་ལ་བདག་གི་དང་། གཞན་གྱི་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་བདག་གི་དང་། གཞན ་གྱི་ཞེས་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །རབ་ཀྱི་རྩལ་གྱིས་རྣམ་པར་གནོན་པ། ་གཞན་ཡང་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་ཀྱི་ཀུན་འབྱུང་བ་ལ་མི་སྤྱོད། གཟུགས་ཀྱི་འགོག་པ་ལ་མི་སྤྱོད། གཟུགས་ལ་ཟབ་ཅེས་མི་སྤྱོད། གཟུགས ་ལ་མི་ཟབ་ཅེས་མི་སྤྱོད། གཟུགས་ལ་སྟོང་ཞེས་མི་སྤྱོད། གཟུགས་ལ་མི་སྟོང་ཞེས་མི་སྤྱོད། གཟུགས་ལ་མཚན་མ་ཞེས་མི་སྤྱོད། གཟུགས་ལ་མཚན་མ་མེད་པ་ཞེས་མི་སྤྱོད། གཟུགས་ལ་སྨོན ་པ་ཞེས་མི་སྤྱོད། གཟུགས་ལ་སྨོན་པ་མེད་པ་ཞེས་མི་སྤྱོད། གཟུགས་ལ་མངོན་པར་འདུ་བྱེད་པ་ཞེས་མི་སྤྱོད། གཟུགས་ལ་མངོན་པར་འདུ་མི་བྱེད་པ་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་ཀུན་འབྱུང་བ་ལ་མི་སྤྱོད། རྣམ་པར་ཤེས་པའི་འགོག་པ་ལ་མི་སྤྱོད། རྣམ་པར་ཤེས་པ་ལ་ཟབ་ཅེས་མི་སྤྱོད། རྣམ་པར་ཤེས་པ ་ལ་མི་ཟབ་ཅེས་མི་སྤྱོད། རྣམ་པར་ཤེས་པ་ལ་སྟོང་ཞེས་མི་སྤྱོད། རྣམ་པར་ཤེས་པ་ལ་མི་སྟོང་ཞེས་བྱ་བར་མི་སྤྱོད། རྣམ་པར་ཤེས་པ་ལ་མཚན་མ་ཞེས་མི་སྤྱོད། རྣམ་པར་ཤེས་པ་ལ་མཚན ་མ་མེད་པ་ཞེས་མི་སྤྱོད། རྣམ་པར་ཤེས་པ་ལ་སྨོན་པ་ཞེས་མི་སྤྱོད། རྣམ་པར་ཤེས་པ་ལ་སྨོན་པ་མེད་པ་ཞེས་མི་སྤྱོད། རྣམ་པར་ཤེས་པ་ལ་མངོན་པར་འདུ་བྱེད་པ་ཞེས་མི་སྤྱོད། རྣམ་པར ་ཤེས་པ་ལ་མངོན་པར་འདུ་མི་བྱེད་པ་ཞེས་མི་སྤྱོད་དོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། འདི་དག་ཐམས་ཅད་ནི། རློམ་སེམས་སུ་གྱུར་པ་དང་། གཡོས་པ་དང་། སྤྲོས ་པ་དང་། སྲེད་པར་གཏོགས་པའི་ཕྱིར་རོ། །བདག་གིས་སྤྱད་པར་བྱའོ། །ཞེས་བྱ་བ་དེ་ནི། གཡོས་པའོ། །འདིར་སྤྱད་པར་བྱའོ། །ཞེས་བྱ་བ་དེ་ནི། སྤྲོས་པའོ། །འདིས་སྤྱོད་དོ། །ཞེས ་བྱ་བ་དེ་ནི། སྲེད་པར་གཏོགས་པའོ། །འདི་ལ་སྤྱད་པར་བྱའོ། །ཞེས་བྱ་བ་དེ་ནི། རློམ་སེམས་སོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལ་བྱང་ཆུབ་སེམས་དཔའ་དག་ནི། དེ་དག་ཐམས་ཅད་རློམ ་སེམས་དང་། གཡོས་པ་དང་། སྤྲོས་པ་དང་། སྲེད་པར་གཏོགས་པ་ཤེས་ནས་མི་ཤེས་པ་ཐམས་ཅད་ཡང་དག་པར་གཞོམ་པའི་ཕྱིར་ཅི་ལ་ཡང་རློམ་སེམས་སུ་མི་བྱེད་དོ། །རློམ་སེམས་སུ་མི་བྱེད ་པས་གང་ལ་ཡང་མི་སྦྱོར་རོ། །དེ་དག་གནས་མེད་ཅིང་འདུ་བ་ཡང་མེད། འབྲལ་བ་ཡང་མེད་པས་ཅིར་ཡང་ལྡང་བར་མི་བྱེད་དོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། བྱང་ཆུབ་སེམས ་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་རློམ་སེམས་ཐམས་ཅད་ཡང་དག་པར་འཇོམས་པའོ། །རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་བྱང་ཆུབ་སེམས་དཔའ ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པ་ནི། གཟུགས་ལ་རྟག་ཅེས་སམ། མི་རྟག་ཅེས་མི་སྤྱོད་དོ། །གཟུགས་ལ་སྟོང་ཞེས་སམ་མི་སྟོང་ཞེས་མི་སྤྱོད་དོ། །གཟུགས་ལ་སྒྱུ་མ་ལྟ་བུ་ཞེས་མི་སྤྱོད ་དོ། །གཟུགས་ལ་རྨི་ལམ་ལྟ་བུ་ཞེས་མི་སྤྱོད་དོ། །གཟུགས་ལ་མིག་ཡོར་ལྟ་བུ་ཞེས་མི་སྤྱོད་དོ། །གཟུགས་ལ་བྲག་ཅ་ལྟ་བུ་ཞེས་མི་སྤྱོད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས ་དང་། རྣམ་པར་ཤེས་པ་ལ་རྟག་ཅེས་སམ་མི་རྟག་ཅེས་མི་སྤྱོད་དོ། །རྣམ་པར་ཤེས་པ་ལ་སྟོང་ཞེས་སམ་མི་སྟོང་ཞེས་མི་སྤྱོད་དོ། །རྣམ་པར་ཤེས་པ་ལ་སྒྱུ་མ་ལྟ་བུ་ཞེས་མི་སྤྱོད་དོ། །རྣམ་པར་ཤེས་པ་ལ་རྨི ་ལམ་ལྟ་བུ་ཞེས་མི་སྤྱོད་དོ། །རྣམ་པར་ཤེས་པ་ལ་མིག་ཡོར་ལྟ་བུ་ཞེས་མི་སྤྱོད་དོ། །རྣམ་པར་ཤེས་པ་ལ་བྲག་ཅ་ལྟ་བུ་ཞེས་མི་སྤྱོད་དོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། དེ ་དག་ཐམས་ཅད་ནི། རྣམ་པར་བརྟགས་པ་དང་། རྣམ་པར་དཔྱད་པ་དང་། དཔྱད་པ་དང་། རྣམ་པར་དཔྱད་པ་མ་ཡིན་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ ་ནི|་དེ་དག་ཐམས་ཅད་རྣམ་པར་བརྟགས་པ་དང་། རྣམ་པར་དཔྱད་པ་དང་། དཔྱད་པ་དང་། རྣམ་པར་དཔྱད་པ་ཡིན་པར་ཤེས་ནས་སྤྱོད་པ་ཐམས་ཅད་ཡང་དག་པར་གཞོམ་པ་དང་། སྤྱོད་པ ་ཐམས་ཅད་ཡོངས་སུ་ཤེས་པར་བྱ་བའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དེ། རབ་ཀྱི་རྩལ་གྱིས་རྣམ་པར་གནོན་པ། འདི་ནི། བྱང་ཆུབ་སེམས་དཔའི་སྤྱོད་པ་བསྟན་པའོ། །དེ་སྐད་ཅེས ་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པས་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའི་ཤེས་རབ་ཀྱི་ཕ ་རོལ་ཏུ་ཕྱིན་པ་ལ་སྤྱོད་པ་འདི་ནི། བསམ་གྱིས་མི་ཁྱབ་ལགས་སོ། །བཀའ་སྩལ་པ། རབ་ཀྱི་རྩལ་གྱིས་རྣམ་པར་གནོན་པ། དེ་དེ་བཞིན་ཏེ། གཟུགས་བསམ་གྱིས་མི་ཁྱབ་པས། བྱང་ཆུབ་སེམས ་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བསམ ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །མིང་དང་གཟུགས་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས ་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །རྟེན་ཅིང་འབྲེལ་པར་འབྱུང་བ་བསམ་གྱིས་མི་ཁྱབ་པ་དང་། ཀུན་ནས་ཉོན་མོངས་པ་བསམ་གྱིས་མི་ཁྱབ་པས། བྱང་ཆུབ་སེམས ་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ ་སྤྱོད་པ་འདི་བསམ་གྱིས་མི་ཁྱབ་བོ། །ཕྱིན་ཅི་ལོག་བསམ་གྱིས་མི་ཁྱབ་པ་དང་། ལྟ་བར་གྱུར་པ་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ ་འདི་བསམ་གྱིས་མི་ཁྱབ་བོ། །འདོད་པའི་ཁམས་བསམ་གྱིས་མི་ཁྱབ་པ་དང་། གཟུགས་ཀྱི་ཁམས་བསམ་གྱིས་མི་ཁྱབ་པ་དང་། གཟུགས་མེད་པའི་ཁམས་བསམ་གྱིས་མི་ཁྱབ་པས། བྱང ་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །བདག་བསམ་གྱིས་མི་ཁྱབ་པ་དང་། སེམས་ཅན་བསམ་གྱིས་མི་ཁྱབ་པ་དང་། སྦྱིན་པ་བསམ་གྱིས་མི ་ཁྱབ་པ་དང་། སེར་སྣ་བསམ་གྱིས་མི་ཁྱབ་པ་དང་། ཚུལ་ཁྲིམས་བསམ་གྱིས་མི་ཁྱབ་པ་དང་། འཆལ་བའི་ཚུལ་ཁྲིམས་བསམ་གྱིས་མི་ཁྱབ་པ་དང་། བཟོད་པ་བསམ་གྱིས་མི་ཁྱབ་པ་དང་། གནོད་སེམས ་བསམ་གྱིས་མི་ཁྱབ་པ་དང་། བརྩོན་འགྲུས་བསམ་གྱིས་མི་ཁྱབ་པ་དང་། ལེ་ལོ་བསམ་གྱིས་མི་ཁྱབ་པ་དང་། བསམ་གཏན་བསམ་གྱིས་མི་ཁྱབ་པ་དང་། རྣམ་པར་གཡེང་བ་བསམ་གྱིས་མི་ཁྱབ་པ་དང་། ་ཤེས་རབ་བསམ་གྱིས་མི་ཁྱབ་པ་དང་། འཆལ་བའི་ཤེས་རབ་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །འདོད་ཆག ་དང་། ཞེ་སྡང་དང་། གཏི་མུག་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །དྲན་པ་ཉེ་བར་གཞག་པ་བསམ་གྱིས་མི་ཁྱབ ་པ་དང་། ཡང་དག་པར་སྤོང་བ་དང་། ཕྱིན་ཅི་མ་ལོག་པ་དང་། ཚད་མེད་པ་དང་། རྫུ་འཕྲུལ་གྱི་རྐང་པ་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི ་བསམ་གྱིས་མི་ཁྱབ་བོ། །དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ཏིང་ངེ་འཛིན་དང་། སྙོམས་པར་འཇུག་པ་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །རིག་པ་དང་། རྣམ་པར་གྲོལ་བ་བསམ་གྱིས་མི་ཁྱབ་པ་དང་། ཟད་པ་ཤེས་པ་དང་། མི་སྐྱེ་བ་ཤེས་པ་དང་། མངོན ་པར་འདུ་མི་བྱེད་པ་ཤེས་པ་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །ཉན་ཐོས་དང་། རང་སངས་རྒྱས་ཀྱི ་ས་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །ཉན་ཐོས་དང་། རང་སངས་རྒྱས་ཀྱི་ཆོས་བསམ་གྱིས ་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །མངོན་པར་ཤེས་པ་བསམ་གྱིས་མི་ཁྱབ་པ་དང་། འདས་པ་དང་། མ་འོངས ་པ་དང་། ད་ལྟར་བྱུང་བ་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ།། །།བམ་པོ་ལྔ་པ། ཐོགས ་པ་མེད་པའི་སྤོབས་པ་བསམ་གྱིས་མི་ཁྱབ་པ་དང་། མྱ་ངན་ལས་འདས་པ་བསམ་གྱིས་མི་ཁྱབ་པ་དང་། སངས་རྒྱས་ཀྱི་ཆོས་བསམ་གྱིས་མི་ཁྱབ་པས། བྱང་ཆུབ་སེམས་དཔའི་ཤེས་རབ ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་བསམ་གྱིས་མི་ཁྱབ་བོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། སེམས ་ཀྱིས་བསྐྱེད་པ་མ་ཡིན་པའི་ཕྱིར་ཏེ། དེའི་ཕྱིར་བསམ་གྱིས་མི་ཁྱབ་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། སེམས་བསྐྱེད་ཅེས་བྱ་བ་དེ་ནི། ཕྱིན་ཅི་ལོག་གོ། རབ་ཀྱི་རྩལ་གྱིས་རྣམ་པར་གནོན་པ། ་སེམས་ཞེས་བྱ་བ་དེ་ནི། སེམས་རབ་ཏུ་རྟོག་པའོ། །རབ་ཀྱི་རྩལ་གྱིས་རྣམ་པར་གནོན་པ། སེམས་ཀྱི་རང་བཞིན་གང་ཡིན་པ་དེ་སྐྱེ་བ་དང་། འབྱུང་བ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། ཕྱིན ་ཅི་ལོག་དང་ལྡན་པའི་སེམས་སྐྱེ་སྟེ། དེ་ལ་སེམས་ཀྱང་སྒྲིབ་པ་མེད་ལ། ཕྱིན་ཅི་ལོག་གང་གིས་བསྐྱེད་པ་དེ་ཡང་སྒྲིབ་པ་མེད་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། བྱིས་པ་སོ་སོའི་སྐྱེ ་བོ་རྣམས་ནི། སྒྲིབ་པ་མེད་པ་དང་། གང་དུ་སྐྱེ་བ་དེ་ཡང་སྒྲིབ་པ་མེད་པ་དང་། གང་གིས་བསྐྱེད་པ་དེ་ཡང་སྒྲིབ་པ་མེད་པར་མི་ཤེས་སོ། །དེ་དག་ནི། སེམས་དབེན་པར་མི་ཤེས་ཤིང་དམིགས་པ་དབེན ་པར་མི་ཤེས་པས་བདག་སེམས། བདག་གི་སེམས། འདིའི་སེམས། འདི་ལས་སེམས་ཞེས་མངོན་པར་ཞེན་ཏོ། །དེ་དག་སེམས་ལ་མངོན་པར་ཞེན་པས། དགེ་བ་ཞེས་མངོན་པར་ཞེན། མི་དགེ་བ ་ཞེས་མངོན་པར་ཞེན། བདེ་བ་ཞེས་མངོན་པར་ཞེན། སྡུག་བསྔལ་ཞེས་མངོན་པར་ཞེན། ཆད་པ་ཞེས་མངོན་པར་ཞེན། རྟག་པ་ཞེས་མངོན་པར་ཞེན། ལྟ་བར་གྱུར་པ་ཞེས་མངོན་པར་ཞེན། སྒྲིབ་པ ་ཞེས་མངོན་པར་ཞེན། ཚུལ་ཁྲིམས་དང་། འཆལ་བའི་ཚུལ་ཁྲིམས་ཞེས་མངོན་པར་ཞེན། འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཞེས་མངོན་པར་ཞེན། རྟེན ་ཅིང་འབྲེལ་པར་འབྱུང་བ་ཞེས་མངོན་པར་ཞེན། མིང་དང་གཟུགས་ཞེས་མངོན་བར་ཞེན། འདོད་ཆགས་དང་། ཞེ་སྡང་དང་། གཏི་མུག་ཅེས་མངོན་པར་ཞེན། ཕྲག་དོག་དང་། ་སེར་སྣ་ཞེས་མངོན་པར་ཞེན། ངའོ་སྙམ་པའི་ང་རྒྱལ་ཞེས་མངོན་པར་ཞེན། སྡུག་བསྔལ་ཞེས་མངོན་པར་ཞེན། ཀུན་འབྱུང་བ་ཞེས་མངོན་པར་ཞེན། འགོག་པ་ཞེས་མངོན་པར་ཞེན། ལམ ་ཞེས་མངོན་པར་ཞེན། དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། ཕྱིན་ཅི་མ་ལོག་པ་དང་། རྫུ་འཕྲུལ་གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་ཅེས ་མངོན་པར་ཞེན། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཞེས་མངོན་པར་ཞེན། མི་སྐྱེ་བ་དང་། ཟད་པ་དང་། མངོན་པར་འདུ་མི་བྱེད་པ་ཞེས་མངོན ་པར་ཞེན། ཉན་ཐོས་དང་། རང་སངས་རྒྱས་ཀྱི་ས་ཞེས་མངོན་པར་ཞེན། ཉན་ཐོས་དང་། རང་སངས་རྒྱས་ཀྱི་ཆོས་ལ་ཡང་མངོན་པར་ཞེན། མངོན་པར་ཤེས་པ་ལ་ཡང་མངོན་པར་ཞེན། མྱ་ངན ་ལས་འདས་པ་ལ་ཡང་མངོན་པར་ཞེན། སངས་རྒྱས་ཀྱི་ཡེ་ཤེས་ལ་ཡང་མངོན་པར་ཞེན། མཚན་མ་ལ་ཡང་མངོན་པར་ཞེན། སངས་རྒྱས་ཀྱི་ཞིང་ལ་ཡང་མངོན་པར་ཞེན། ཉན་ཐོས་ཕུན་སུམ ་ཚོགས་པ་ལ་ཡང་མངོན་པར་ཞེན། བྱང་ཆུབ་སེམས་དཔའ་ཕུན་སུམ་ཚོགས་པ་ལ་ཡང་མངོན་པར་ཞེན་ཏོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལ་བྱང་ཆུབ་སེམས་དཔས་མངོན་པར་ཞེན ་པ་འདི་ལྟ་བུ་དག་ནི། སེམས་ཅན་རྣམས་ཀྱི་ཕྱིན་ཅི་ལོག་གི་སེམས་ལས་བྱུང་བར་མཐོང་ནས་ཕྱིན་ཅི་ལོག་གང་ལ་ཡང་སེམས་མི་བསྐྱེད་དོ། །དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ་སེམས་དང་བྲལ་བའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། གང་སེམས་རང་བཞིན་གྱིས་འོད་གསལ་བ་དང་། རང་བཞིན་གྱིས་ཡོངས་སུ་དག་པ་དེ་ལ་སེམས་བསྐྱེད་པ་གང་ཡང ་མེད་དོ|་|རབ་ཀྱི་རྩལ་གྱིས་རྣམ་པར་གནོན་པ། དམིགས་པ་ཡོད་པས་བྱིས་པ་སོ་སོའི་སྐྱེ་བོ་རྣམས་སེམས་བསྐྱེད་དོ། །དེ་ལ་བྱང་ཆུབ་སེམས་དཔས་དམིགས་པ་ཡང་རབ་ཏུ་ཤེས་ཤིང ་སེམས་གང་ནས་སྐྱེ་ཞེས་སེམས་སྐྱེ་བ་ཡང་རབ་ཏུ་ཤེས་པས་དེ་འདི་སྙམ་དུ། སེམས་འདི་ནི། རང་བཞིན་གྱིས་འོད་གསལ་བའོ། །ཞེས་རྟོག་ཅིང་། དེ་འདི་སྙམ་དུ་སེམས་ཏེ། དམིགས ་པ་ལ་བརྟེན་ནས་སེམས་སྐྱེའོ། །སྙམ་མོ། །དེས་དམིགས་པ་ཡོངས་སུ་ཤེས་པས་སེམས་མི་སྐྱེ་མི་འགོག་པ་སྟེ། དེའི་སེམས་དེ་འོད་གསལ་བ་དང་། ཀུན་ནས་ཉོན་མོངས་པ་ཅན་མ་ཡིན ་པར་ཡིད་དུ་འོང་བ་དང་། ཡོངས་སུ་དག་པ་ཡིན་ནོ། །དེ་སེམས་མི་སྐྱེ་བ་ལ་གནས་པས་ཆོས་གང་ཡང་མི་སྐྱེད་མི་འགོག་གོ། རབ་ཀྱི་རྩལ་གྱིས་རྣམ་པར་གནོན་པ། འདི་ནི། ཤེས་རབ་ཀྱི ་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའི་སེམས་སྐྱེ་བ་ཡོངས་སུ་ཤེས་པ་སྟེ། གང་འདི་ལྟར་སྤྱོད་པའི་བྱང་ཆུབ་སེམས་དཔའ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། ། ་དེ་ལྟར་སྤྱོད་པ་དེ་བདག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ་ཞེས་སམ། འདི་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །ཞེས་སམ། འདིས་ཤེས་རབ་ཀྱི་ཕ་རོལ ་ཏུ་ཕྱིན་པ་ལ་སྤྱོད་དོ། །ཞེས་སམ། འདི་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །ཞེས་འདི་སྙམ་དུ་མི་སེམས་སོ། །གལ་ཏེ་འདི་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་སམ། འདིས་ཤེས ་རབ་ཀྱི་ཕ་རོལ་ཏུ་ཕྱིན་པ་ཞེས་སམ། འདིའི་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་སམ། འདི་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཀུན་ཤེས་ན་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད ་པ་མ་ཡིན་ནོ། །བདག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །སྙམ་པའི་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ཡང་ཡང་དག་པར་རྗེས་སུ་མི་མཐོང་མི་དམིགས་པ་ནི། ཤེས་རབ་ཀྱི་ཕ་རོལ ་ཏུ་ཕྱིན་པ་ལ་སྤྱོད་པའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པས་འདི་སྐད་ཅེས་གསོལ་ཏོ། ། ་བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་བྱང་ཆུབ་སེམས་དཔའི་སྤྱོད་པ་འདི་ནི། བླ་ན་མ་མཆིས་པ་ལགས་སོ། །བཅོམ་ལྡན་འདས། འདི་ལྟ་སྟེ། ཤེས ་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་བྱང་ཆུབ་སེམས་དཔའི་སྤྱོད་པ་འདི་ནི། འོད་གསལ་བ་ལགས་སོ། །བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་བྱང་ཆུབ ་སེམས་དཔའི་སྤྱོད་པ་འདི་ནི། ལྟག་ན་མ་མཆིས་པ་ལགས་སོ། །བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་བྱང་ཆུབ་སེམས་དཔའི་སྤྱོད་པ་འདི་ནི། མངོན་པར་འཕགས ་པ་ལགས་སོ། །བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་བྱང་ཆུབ་སེམས་དཔའི་སྤྱོད་པ་འདི་ནི། མི་ནོན་པ་ལགས་ཏེ། བདུད་དམ། བདུད་ཀྱི་འཁོར་ཏམ། གཞན་ཡང ་མཚན་མ་ལ་སྤྱོད་པ་དང་། དམིགས་པ་ལ་སྤྱོད་པ་དང་། བདག་ཏུ་ལྟ་བ་དང་། སེམས་ཅན་དུ་ལྟ་བ་དང་། སྲོག་ཏུ་ལྟ་བ་དང་། གང་ཟག་ཏུ་ལྟ་བ་དང་། ཆད་པར་ལྟ་བ་དང་། རྟག་པར་ལྟ་བ་དང་། ཕུང་པོར་ལྟ ་བ་དང་། ཁམས་སུ་ལྟ་བ་དང་། སྐྱེ་མཆེད་དུ་ལྟ་བ་དང་། སངས་རྒྱས་སུ་ལྟ་བ་དང་། ཆོས་སུ་ལྟ་བ་དང་། དགེ་འདུན་དུ་ལྟ་བ་དང་། མྱ་ངན་ལས་འདས་པར་ལྟ་བ་དང་། ཐོབ་པར་འདུ་ཤེས་པ་དང་། ང ་རྒྱལ་ཅན་དང་། འདོད་ཆགས་དང་། ཞེ་སྡང་དང་། གཏི་མུག་ལ་སྤྱོད་པ་དང་། ཕྱིན་ཅི་ལོག་ལ་སྤྱོད་པ་དང་། ལོག་པའི་ལམ་ལ་རབ་ཏུ་གནས་པ་གང་གིས་ཀྱང་མི་ནོན་པ་ལགས་སོ། །བཅོམ་ལྡན་འདས། ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་བྱང་ཆུབ་སེམས་དཔའི་སྤྱོད་པ་འདི་ནི། འཇིག་རྟེན་ཐམས་ཅད་ལས་མངོན་པར་འཕགས་པ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས ་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་ཀྱིས་རྣམ་པར་གནོན་པ་ལ་འདི་སྐད་ཅེས་བཀའ་སྩལ་ཏོ། །དེ་དེ་བཞིན་ནོ། །རབ་ཀྱི་རྩལ་གྱིས་རྣམ་པར་གནོན་པ། དེ་དེ་བཞིན ་ཏེ|་བྱང་ཆུབ་སེམས་དཔའི་སྤྱོད་པ་འདི་ནི། བདུད་དམ། བདུད་ཀྱི་རིས་ཀྱི་ལྷའི་བུའམ། བདུད་ཀྱི་འཁོར་གྱིས་མི་ནོན་པའོ། །མྱ་ངན་ལས་འདས་པར་ལྟ་བའམ། མྱ་ངན ་ལས་འདས་པ་ལ་མངོན་པར་ཞེན་པའི་བྱིས་པ་སོ་སོའི་སྐྱེ་བོ་ཐམས་ཅད་ཀྱིས་མི་ནོན་པའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། བྱང་ཆུབ་སེམས་དཔའ་རྣམས་ཀྱི་སྤྱོད་པ་ཡིན་གྱི། འདི ་ནི|་སོ་སོའི་སྐྱེ་བོ་ཐམས་ཅད་ཀྱི་སྤྱོད་པ་མ་ཡིན། འདི་ནི། སློབ་པ་དང་། མི་སློབ་པ་དང་། ཉན་ཐོས་ཀྱི་ཐེག་པ་ཅན་དང་། རང་སངས་རྒྱས་ཀྱི་ཐེག་པ་ཅན་རྣམས་ཀྱི་སྤྱོད་པ་མ་ཡིན་ནོ། །རབ་ཀྱི་རྩལ ་གྱིས་རྣམ་པར་གནོན་པ། གལ་ཏེ་ཉན་ཐོས་ཀྱི་ཐེག་པ་ཅན་ནམ། རང་སངས་རྒྱས་ཀྱི་ཐེག་པ་ཅན་རྣམས་ཀྱི་སྤྱོད་པར་གྱུར་དུ་ཟིན་ན་ནི། དེ་དག་ལ་ཉན་ཐོས་ཀྱི་ཐེག་པ་ཅན་ནམ། རང་སངས་རྒྱས་ཀྱི ་ཐེག་པ་ཅན་ཞེས་བྱ་བའི་ཐ་སྙད་འདི་གང་ཡང་མེད་པར་གྱུར་ཏེ། བྱང་ཆུབ་སེམས་དཔའ་ཉིད་དུ་འགྱུར་ཞིང་། དེ་དག་མི་འཇིགས་པ་བཞི་ཐོབ་པའི་དེ་བཞིན་གཤེགས་པར་འགྱུར་བ་ཞིག་ན། རབ ་ཀྱི་རྩལ་གྱིས་རྣམ་པར་གནོན་པ། འདི་ལྟར་སྤྱོད་པ་འདི་ཉན་ཐོས་ཀྱི་ཐེག་པ་ཅན་རྣམས་ཀྱི་མ་ཡིན། རང་སངས་རྒྱས་ཀྱི་ཐེག་པ་ཅན་རྣམས་ཀྱི་མ་ཡིན་ཏེ། དེའི་ཕྱིར་དེ་དག་བྱང་ཆུབ་སེམས་དཔའ ་ཞེས་བྱ་བའི་གྲངས་སུ་མི་འགྲོའོ། །མི་འཇིགས་པ་བཞི་ཐོབ་པའི་དེ་བཞིན་གཤེགས་པར་ཡང་མི་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། གང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད ་པ་འདི་ནི། མི་འཇིགས་པའི་ས་ལགས་སོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་དག་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས ་པར་སངས་མ་རྒྱས་ཀྱང་སྨོན་ལམ་གྱི་དབང་གིས་དང་། སངས་རྒྱས་བཅོམ་ལྡན་འདས་རྣམས་ཀྱི་བྱིན་གྱི་རླབས་ཀྱི་དབང་གིས་མྱུར་དུ་མི་འཇིགས་པ་བཞི་ཐོབ་པར་འགྱུར་རོ། །རབ་ཀྱི་རྩལ་གྱིས ་རྣམ་པར་གནོན་པ། ཉན་ཐོས་ཀྱི་ཐེག་པ་ཅན་རྣམས་དང་། རང་སངས་རྒྱས་ཀྱི་ཐེག་པ་ཅན་རྣམས་ལ་མི་འཇིགས་པ་བཞི་མེད་དེ། དེ་དག་ལ་དེ་བཞིན་གཤེགས་པ་ཡང་མི་འཇིགས་པ་བཞི་བྱིན་གྱིས ་མི་རློབ་བོ། །རབ་ཀྱི་རྩལ་གྱིས་རྣམ་པར་གནོན་པ། སྨོན་ལམ་གྱི་དབང་གིས་གང་གིས་མི་འཇིགས་པ་བཞི་ཐོབ་པར་འགྱུར་བ་དེ་ནི། བྱང་ཆུབ་སེམས་དཔའི་སའོ། །དེ་ཅིའི་ཕྱིར་ཞེ་ན། རབ་ཀྱི་རྩལ ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་དག་ནི། སོ་སོ་ཡང་དག་བར་རིག་པ་བཞི་ཐོབ་པར་འགྱུར་བའི་ཕྱིར་ཏེ། བཞི་གང་ཞེ་ན། འདི་ལྟ་སྟེ། ་དོན་སོ་སོ་ཡང་དག་པར་རིག་པ་དང་། ཆོས་སོ་སོ་ཡང་དག་པར་རིག་པ་དང་། ངེས་པའི་ཚིག་སོ་སོ་ཡང་དག་པར་རིག་པ་དང་། སྤོབས་པ་སོ་སོ་ཡང་དག་པར་རིག་པའོ། །སོ་སོ་ཡང་དག་པར་རིག་པ ་འདི་བཞི་དང་ལྡན་པ་དེ་དག་མངོན་པར་རྫོགས་པར་སངས་མ་རྒྱས་ཀྱང་སྨོན་ལམ་གྱི་དབང་གིས་མི་འཇིགས་པ་བཞི་རབ་ཏུ་འཛིན་ཏོ། །དེ་བཞིན་གཤེགས་པས་ཀྱང་དེ་དག་དགེ་བའི་རྩ་བ་དང་ལྡན་པར ་མཁྱེན། ཤེས་རབ་ཀྱི་ཕ་རོལ་ཏུ་ཕྱིན་པའི་ས་ཡང་རྗེས་སུ་ཐོབ་པར་མཁྱེན་ནས་མི་འཇིགས་པ་བཞི་བྱིན་གྱིས་རློབ་བོ། །རབ་ཀྱི་རྩལ་གྱིས་རྣམ་པར་གནོན་པ། དེའི་ཕྱིར ་བྱང་ཆུབ་སེམས་དཔའ་སོ་སོ་ཡང་དག་པར་རིག་པ་བཞི་ཐོབ་པར་འདོད་ཅིང་མྱུར་དུ་མི་འཇིགས་པ་བཞི་ལ་མཁས་པར་འགྱུར་བར་འདོད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ ་པར་བྱ|་སྤྱད་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔས་ཆོས་ཐམས་ཅད་ཀྱི་རྒྱུ་དང་། ཀུན ་འབྱུང་བ་དང་། ནུབ་པ་དང་། འགོག་པ་ཡང་རབ་ཏུ་ཤེས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཆོས་གང་ཡང་མི་སྦྱོར་རོ། །ཆོས་ཐམས་ཅད་ཀྱི་རྒྱུ་དང་། ཀུན་འབྱུང་བ་དང་། འགོག ་པ་དང་། ལམ་དང་། མཚན་ཉིད་རབ་ཏུ་ཤེས་པས། གཟུགས་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས ་དང་། རྣམ་པར་ཤེས་པ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། མིང་དང་གཟུགས་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། ཀུན་ནས་ཉོན་མོངས་པ་དང་། ་རྣམ་པར་བྱང་བ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། ཕྱིན་ཅི་ལོག་དང་། སྒྲིབ་པ་དང་། ལྟ་བར་གྱུར་པ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། འདོད་ཆགས ་དང་། ཞེ་སྡང་དང་། གཏི་མུག་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ལ་སྒོམ་པར་ཡང་མི་བྱེད། མི་སྒོམ ་པར་ཡང་མི་བྱེད། སེམས་ཅན་གྱི་ཁམས་དང་། བདག་གི་ཁམས་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། ཆད་པར་ལྟ་བ་དང་། རྟག་པར་ལྟ་བ་ལ་སྒོམ་པར་ཡང་མི་བྱེད། མི་སྒོམ་པར ་ཡང་མི་བྱེད། སྦྱིན་པ་དང་། སེར་སྣ་དང་། ཚུལ་ཁྲིམས་དང་། འཆལ་བའི་ཚུལ་ཁྲིམས་དང་། བཟོད་པ་དང་། གནོད་སེམས་དང་། བརྩོན་འགྲུས་དང་། ལེ་ལོ་དང་། བསམ་གཏན ་དང་|་རྣམ་པར་གཡེང་བ་དང་། ཤེས་རབ་དང་། འཆལ་བའི་ཤེས་རབ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། ་ཕྱིན་ཅི་མ་ལོག་པ་དང་། རྫུ་འཕྲུལ་གྱི་རྐང་པ་དང་། ཚད་མེད་པ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ཏིང་ངེ་འཛིན་དང་། སྙོམས ་པར་འཇུག་པ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། རྟེན་ཅིང་འབྲེལ་པར་འབྱུང་བ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། སྡུག་བསྔལ་དང་། ཀུན་འབྱུང་བ་དང་། འགོག ་པ་དང་། ལམ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། མི་སྐྱེ་བའི་ཤེས་པ་དང་། ཟད་པ་ཤེས་པ་དང་། མངོན་པར་འདུ་མི་བྱེད་པ་ཤེས་པ་ལ་སྒོམ་པར་ཡང་མི་བྱེད། མི་སྒོམ ་པར་ཡང་མི་བྱེད། སོ་སོའི་སྐྱེ་བོའི་ས་དང་། ཉན་ཐོས་ཀྱིས་དང་། རང་སངས་རྒྱས་ཀྱི་ས་དང་། བྱང་ཆུབ་སེམས་དཔའི་ས་ལ་སྒོམ་པར་ཡང་མི་བྱེད། མི་སྒོམ་པར ་ཡང་མི་བྱེད། སོ་སོའི་སྐྱེ་བོའི་ཆོས་དང་། ཉན་ཐོས་ཀྱི་ཆོས་དང་། རང་སངས་རྒྱས་ཀྱི་ཆོས་དང་། བྱང་ཆུབ་སེམས་དཔའི་ཆོས་དང་། སངས་རྒྱས་ཀྱི་ཆོས་ལ་སྒོམ་པར་ཡང་མི་བྱེད། མི ་སྒོམ་པར་ཡང་མི་བྱེད། ཞི་གནས་དང་། ལྷག་མཐོང་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། མྱ་ངན་ལས་འདས་པ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། ་འདས་པ་དང་། མ་འོངས་པ་དང་། ད་ལྟར་བྱུང་བའི་ཡེ་ཤེས་མཐོང་བ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། ཐོགས་པ་མེད་པའི་ཡེ་ཤེས་ལ་སྒོམ་པར་ཡང་མི་བྱེད། མི་སྒོམ་པར ་ཡང་མི་བྱེད། སངས་རྒྱས་ཀྱི་ཡེ་ཤེས་དང་། སངས་རྒྱས་ཀྱི་མི་འཇིགས་པ་ལ་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ་དེ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི། བསྒོམ་པར་བྱ་བ་མ་ཡིན་པའི་ཕྱིར་རོ། །མིང་དང་གཟུགས་དང་། ཕྱིན་ཅི་ལོག་དང་། ལྟ་བར ་གྱུར་པ་དང་། དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་རྐང་པ་དང་། ཕྱིན་ཅི་མ་ལོག་པ་དང་། ཚད་མེད་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། མངོན་པར་ཤེས་པ་དང་། ཟད་པ་ཤེས་པ་དང་། མངོན་པར་འདུ་མི་བྱེད་པ་ཤེས་པ་ནི། བསྒོམ་པར་བྱ་བ་མ་ཡིན་པའི་ཕྱིར་རོ། །སོ་སོ་སྐྱེ་བོའི་ས ་དང་། ཉན་ཐོས་ཀྱི་ས་དང་། རང་སངས་རྒྱས་ཀྱི་ས་དང་། བྱང་ཆུབ་སེམས་དཔའི་ས་ནི། བསྒོམ་པར་བྱ་བ་མ་ཡིན་པའི་ཕྱིར་རོ། །སོ་སོའི་སྐྱེ་བོ་དང་། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས ་དཔའི་ཆོས་ནི། བསྒོམ་པར་བྱ་བ་མ་ཡིན་པའི་ཕྱིར་རོ། །མྱ་ངན་ལས་འདས་པ་ནི། བསྒོམ་པར་བྱ་བ་མ་ཡིན་པའི་ཕྱིར་རོ། །འདས་པ་དང་། མ་འོངས་པ་དང་། ད་ལྟར་བྱུང་བའི་ཡེ་ཤེས་མཐོང་བ་ནི། ་བསྒོམ་པར་བྱ་བ་མ་ཡིན་པའི་ཕྱིར་རོ། །ཐོགས་པ་མེད་པའི་ཡེ་ཤེས་ནི། བསྒོམ་པར་བྱ་བ་མ་ཡིན་པའི་ཕྱིར་རོ། །ཡང་དག་པར་རྫོགས་པའི་སངས་རྒྱས་ཀྱི་ཡེ་ཤེས་ཀྱང་བསྒོམ་པར་བྱ་བ་མ་ཡིན་པའི ་ཕྱིར་རོ|་|དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། དངོས་པོ་ཡོངས་སུ་གྲུབ་པ་གང་ཡང་མེད་པའི་ཕྱིར་ཐ་སྙད་འདི་དག་ཐམས་ཅད་ནི། ཡང་དག་པ་མ་ཡིན་པ་སྟེ། དེ་ལ་ངོ་བོ་ཉིད་གང ་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི། ཡང་དག་པ་མ་ཡིན་པ། མ་བྱུང་བ་སྟེ། དངོས་པོ་མེད་པའི་རང་བཞིན་ཡིན་ནོ། །དེ་ཅིའི་ཕྱིར་ཞེ་ན། ཕྱིན་ཅི་ལོག་གང་ཡིན ་པ་དེ་ནི|་ཡང་དག་པ་མ་ཡིན་ལ། ཆོས་ཐམས་ཅད་ནི། ཕྱིན་ཅི་ལོག་ལས་བྱུང་བའི་ཕྱིར་རོ། །ཕྱིན་ཅི་ལོག་གང་ཡིན་པ་དེ། ཡང་དག་པ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། ཆོས ་ཐམས་ཅད་ནི། དངོས་པོ་མེད་པ་སྟེ། རང་བཞིན་མེད་པའི་ཕྱིར་དངོས་པོ་མི་དམིགས་སོ། །རབ་ཀྱི་རྩལ་གྱིས་རྣམ་པར་གནོན་པ། དངོས་པོ་མེད་པ་ཞེས་བྱ་བ་ནི། ཡང ་དག་པ་མ་ཡིན་ཞིང་མ་བྱུང་བ་སྟེ། དེའི་ཕྱིར་དངོས་པོ་མེད་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དངོས་པོ་མེད་པ་ཞེས་བྱ་བ་འདི་ནི། མེད་པ་ཡོངས་སུ་བསྟན་པའོ། །གང་ལ ་དངོས་པོ་མེད་པ་དེ་ལ་སྒོམ་པའང་མེད། མི་སྒོམ་པའང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། སེམས་ཅན་རྣམས་ནི། ཕྱིན་ཅི་ལོག་ལས་བྱུང་བས་སྒོམ་པར་ཡང་བྱེད། མི་སྒོམ ་པར་ཡང་བྱེད་དེ། དེ་ལ་ནི། དངོས་པོ་ཅི་ཡང་མེད་དོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི། དངོས་པོ་མེད་པའི་ཕྱིར་དངོས་པོ་མེད་པའི་རང་བཞིན ་ཏེ|་དངོས་པོ་དང་བྲལ་བས་དེ་ལ་ནི། བསྒོམ་པར་བྱ་བ་ཅི་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། གང་གི་ཚེ་བྱང་ཆུབ་སེམས་དཔའ་ཆོས་འདི་དག་ལ་ཆོས་ཀྱི་རྗེས་སུ་ལྟ་ཞིང་གནས ་ཏེ|་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་ཆོས་གང་ལ་ཡང་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྒོམ་པ་ཞེས་བྱའོ། །རབ ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་ཅིང་དེ་ལྟར་གནས་ན། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྒོམ་པ་ཡོངས་སུ་རྫོགས་པར་འགྱུར་རོ། །རབ་ཀྱི་རྩལ ་གྱིས་རྣམ་པར་གནོན་པ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་དང་ཕྲད་པའི་རྒྱུར་སེམས་མི་བསྐྱེད་དོ། །ཚེར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དང་ཕྲད་པའི་རྒྱུར་སེམས་མི་སྐྱེད། ཐ་བ་དང་ལྡན་པའི་སེམས་མི་སྐྱེད། གནོད་སེམས་དང་ལྡན་པའི་སེམས་མི་སྐྱེད། སེར་སྣ་དང ་ལྡན་པའི་སེམས་མི་སྐྱེད། ཀུན་ནས་ཉོན་མོངས་པ་དང་ལྡན་པའི་སེམས་མི་སྐྱེད། ལེ་ལོ་དང་ལྡན་པའི་སེམས་མི་སྐྱེད། རྣམ་པར་གཡེང་བ་དང་ལྡན་པའི་སེམས་མི་སྐྱེད། འཆལ་བའི་ཤེས ་རབ་དང་ལྡན་པའི་སེམས་མི་སྐྱེད། འདོད་པ་དང་ལྡན་པའི་སེམས་མི་སྐྱེད། གཟུགས་ཀྱི་དམིགས་པ་ལ་མངོན་པར་ཞེན་པ་དང་ལྡན་པའི་སེམས་མི་སྐྱེད། བརྣབ་སེམས་དང་ལྡན་པའི་སེམས ་མི་སྐྱེད|་ཕྲ་མ་དང་ལྡན་པའི་སེམས་མི་སྐྱེད། ལོག་པར་ལྟ་བ་དང་ལྡན་པའི་སེམས་མི་སྐྱེད། ལོངས་སྤྱོད་ལ་མངོན་པར་ཞེན་པ་དང་ལྡན་པའི་སེམས་མི་སྐྱེད། དབང་ཕྱུག་ལ་མངོན་པར་ཞེན ་པ་དང་ལྡན་པའི་སེམས་མི་སྐྱེད། ལོངས་སྤྱོད་ཆེན་པོའི་རིགས་སུ་སྐྱེ་བ་ལ་མངོན་པར་ཞེན་པ་དང་ལྡན་པའི་སེམས་མི་སྐྱེད། ལྷར་སྐྱེ་བ་ལ་མངོན་པར་ཞེན་པ་དང་ལྡན་པའི་སེམས་མི་སྐྱེད། ་འདོད་པའི་ཁམས་ལ་མངོན་པར་ཞེན་པ་དང་ལྡན་པའི་སེམས་མི་སྐྱེད། གཟུགས་དང་། གཟུགས་མེད་པའི་ཁམས་ལ་མངོན་པར་ཞེན་པ་དང་ལྡན་པའི་སེམས་མི་སྐྱེད། ཉན་ཐོས་ཀྱི་ས་དང ་ལྡན་པའི་སེམས་མི་སྐྱེད། རང་སངས་རྒྱས་ཀྱིས་དང་ལྡན་པའི་སེམས་མི་སྐྱེད། བྱང་ཆུབ་སེམས་དཔའི་སྤྱད་པ་སྤྱོད་པ་ལ་མངོན་པར་ཞེན་པ་དང་ལྡན་པའི་སེམས ་མི་སྐྱེད་དེ། ཐ་ན་མྱ་ངན་ལས་འདས་པར་ལྟ་བ་དང་ལྡན་པའི་སེམས་མི་སྐྱེད་དོ། །དེ་སེམས་རྣམ་པར་དག་པ་འདི་དང་ལྡན་པས་སེམས་ཅན་རྣམས་ལ་བྱམས་པ་དང་། སྙིང་རྗེ་དང་། དགའ ་བ་དང་། བཏང་སྙོམས་ཀྱིས་ཁྱབ་པར་བྱེད་དོ། །དེས་སེམས་ཅན་དུ་འདུ་ཤེས་པ་རྣམ་པར་བཤིག་པ་ཡིན་ཏེ། སེམས་ཅན་དུ་འདུ་ཤེས་པ་ལ་ཡང་མི་གནས། ཚངས་པའི་གནས ་པ་བཞི་པོ་དེ་དག་ལ་ཡང་མངོན་པར་མ་ཞེན་ཏེ། ཐབས་ལ་མཁས་པ་དང་ལྡན་པས་ཤེས་རབ་དང་ལྡན་པར་འགྱུར་རོ། །ཆོས་དེ་དག་དང་ལྡན་ཞིང་ཤེས་རབ་ཀྱི་ཕ་རོལ་ཏུ་ཕྱིན་པ་ལ ་སྤྱོད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་མྱུར་དུ་ཡོངས་སུ་རྫོགས་པར་འགྱུར་རོ། །དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པ་དེ་ནི། གཟུགས་ཁས་མི་ལེན་མི་འཛིན་ཏོ།། ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཁས་མི་ལེན་མི་འཛིན་ཏོ། །ཕྱིན་ཅི་ལོག་དང་། སྒྲིབ་པ་དང་། ལྟ་བར་གྱུར་པ་ཁས་མི་ལེན་མི་འཛིན་ཏོ། །འདོད ་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཁས་མི་ལེན་མི་འཛིན་ཏོ། །ཆད་བ་དང་རྟག་པ་ཁས་མི་ལེན་མི་འཛིན་ཏོ། །རྟེན་ཅིང་འབྲེལ་པར་འབྱུང་བ ་ཁས་མི་ལེན་མི་འཛིན་ཏོ། །ས་དང་། ཆུ་དང་། མེ་དང་། རླུང་གི་ཁམས་ཁས་མི་ལེན་མི་འཛིན་ཏོ། །འདོད་ཆགས་དང་། ཞེ་སྡང་དང་། གཏི་མུག་ཁས་མི་ལེན་མི་འཛིན་ཏོ། །ནམ་མཁའི་ཁམས ་ཁས་མི་ལེན་མི་འཛིན་ཏོ། །ཚུལ་ཁྲིམས་དང་། འཆལ་བའི་ཚུལ་ཁྲིམས་ཁས་མི་ལེན་མི་འཛིན་ཏོ། །བཟོད་པ་དང་། གནོད་སེམས་དང་། བརྩོན་འགྲུས་དང་། ལེ་ལོ་དང་། བསམ་གཏན ་དང་། རྣམ་པར་གཡེང་བ་དང་། ཤེས་རབ་དང་། འཆལ་བའི་ཤེས་རབ་ཁས་མི་ལེན་མི་འཛིན་ཏོ། །དྲན་པ་ཉེ་བར་གཞག་པ་དང་། ཡང་དག་པའི་སྤོང་བ་དང་། ཚད་མེད་པ་དང་། རྫུ ་འཕྲུལ་གྱི་རྐང་པ་ཁས་མི་ལེན་མི་འཛིན་ཏོ། །དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ཏིང་ངེ་འཛིན་དང་། སྙོམས་པར་འཇུག་པ་ཁས་མི་ལེན་མི་འཛིན་ཏོ། །མངོན ་པར་ཤེས་པ་ཁས་མི་ལེན་མི་འཛིན་ཏོ། །སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་ཁས་མི་ལེན་མི་འཛིན་ཏོ། །མི་སྐྱེ་བ་ཤེས་པ་དང་། ཟད་པ་ཤེས་པ་དང་། མངོན ་པར་འདུ་མི་བྱེད་པ་ཤེས་པ་ཁས་མི་ལེན་མི་འཛིན་ཏོ། །བདག་གི་ཁམས་དང་། སེམས་ཅན་གྱི་ཁམས་དང་། ཆོས་ཀྱི་དབྱིངས་ཁས་མི་ལེན་མི་འཛིན་ཏོ། །སོ་སོའི་སྐྱེ་བོ་དང་། ཉན་ཐོས་དང་། ་རང་སངས་རྒྱས་ཀྱིས་ཁས་མི་ལེན་མི་འཛིན་ཏོ། །སོ་སོའི་སྐྱེ་བོའི་ཆོས་དང་། ཉན་ཐོས་དང་། རང་སངས་རྒྱས་ཀྱི་ཆོས་ཁས་མི་ལེན་མི་འཛིན་ཏོ། །འདས་པ་དང་། མ་འོངས་པ་དང་། ད་ལྟར ་བྱུང་བའི་ཡེ་ཤེས་མཐོང་བ་ཁས་མི་ལེན་མི་འཛིན་ཏོ། །ཐོགས་པ་མེད་པའི་ཡེ་ཤེས་མཐོང་བ་ཁས་མི་ལེན་མི་འཛིན་ཏོ། །སངས་རྒྱས་ཀྱི་ཡེ་ཤེས་དང་། སྟོབས་དང་། མི ་འཇིགས་པ་ཁས་མི་ལེན་མི་འཛིན་ཏོ། །སྒྲིབ་པ་ཁས་མི་ལེན་མི་འཛིན་ཏོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ཁས་ལེན་པ་མེད་ཅིང་འཛིན་པ་མེད་དེ། ་གང་གིས་ཀྱང་ཁས་བླངས་པ་མེད་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། གཟུང་བར་བྱ་བའི་ཆོས་གང་ཡང་མེད་དེ། སུས་ཀྱང་མ་བཟུང་ངོ་། །དེ་ཅིའི་ཕྱིར་ཞེ་ན། དེ་ལ་གཟུང་བར ་བྱ་བའམ་འཛིན་པར་འགྱུར་བ་ཅི་ཡང་མེད་པའི་ཕྱིར་རོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི། སྒྱུ་མ་ལྟ་བུའི་ཕྱིར་སྙིང་པོ་མེད་པའོ། །ཆོས་ཐམས་ཅད་ནི། སྙིང་པོ་མི་དམིགས་པས་ཡ་མ ་བརླའོ|་|ཆོས་ཐམས་ཅད་ནི། གཟུང་དུ་མེད་པས་མིག་ཡོར་དང་མཚུངས་སོ། །ཆོས་ཐམས་ཅད་ནི། རང་བཞིན་མེད་པས་གསོག་གོ་།ཆོས་ཐམས་ཅད་ནི། མི་ཉེ་མི་བཟོད་པའི་ཕྱིར་དབུ་བརྡོས ་པ་ལྟ་བུའོ། །ཆོས་ཐམས་ཅད་ནི། བྱུང་ནས་འཇིག་ཅིང་འཇུ་བས་ཆུའི་ཆུ་བུར་དང་མཚུངས་སོ། །ཆོས་ཐམས་ཅད་ནི། ཕྱིན་ཅི་ལོག་ལས་བྱུང་བས་སྨིག་རྒྱུ་དང་འདྲའོ། །ཆོས་ཐམས་ཅད་ནི། སྙིང ་པོ་མེད་པས་ཆུ་ཤིང་གི་སྙིང་པོ་ལྟ་བུའོ། །ཆོས་ཐམས་ཅད་ནི། གཟུང་དུ་མེད་པས་ཆུ་ཟླ་དང་མཚུངས་སོ། །ཆོས་ཐམས་ཅད་ནི། ཡོད་པ་མ་ཡིན་པ་ལ་ཡོངས་སུ་བརྟགས་པས་འཇའ་ཚོན་དང ་འདྲའོ|་|ཆོས་ཐམས་ཅད་ནི། ཀུན་ནས་ལྡང་བ་མེད་པས་གཡོ་བ་མེད་དོ། །ཆོས་ཐམས་ཅད་ནི། ཡ་མ་བརླའི་རང་བཞིན་ལ་རྟོག་པས་ཆད་པ་སྟོང་པ་དང་མཚུངས་སོ། །རབ་ཀྱི་རྩལ་གྱིས་རྣམ་པར་གནོན་པ། ་དེ་ལྟར་ཆོས་ཐམས་ཅད་ཡང་དག་པར་རྗེས་སུ་མཐོང་བའི་བྱང་ཆུབ་སེམས་དཔའ་ནི། ཅི་ཡང་ཁས་མི་ལེན་མི་འཛིན་ཏོ། །མི་འདུག་གོ་། ལྷག་པར་ཆགས་ནས་མི་གནས་སོ། །རབ་ཀྱི་རྩལ་གྱིས་རྣམ ་པར་གནོན་པ། འདི་ནི། བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཆོས་ཐམས་ཅད་ལ་དང་པ་དང་། མི་གནས་པ་དང་། ལྷག་པར་ཆགས་པ་མེད་པ་དང་། མངོན་པར་མི་ཆགས ་པའོ|་|རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། ་གཞན་ཡང་དེ་ལྟར་སློབ་པའི་བྱང་ཆུབ་སེམས་དཔའ་ནི། གཟུགས་ལ་མི་སློབ། གཟུགས་ལས་ཡང་དག་པར་འདའ་བར་བྱ་བའི་ཕྱིར་མི་སློབ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ ་པར་ཤེས་པ་ལ་མི་སློབ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལས་ཡང་དག་པར་འདའ་བར་བྱ་བའི་ཕྱིར་ཡང་མི་སློབ། གཟུགས་སྐྱེ་བ་ལ་མི་སློབ། གཟུགས ་འགག་པ་ལ་མི་སློབ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྐྱེ་བ་ལ་མི་སློབ། རྣམ་པར་ཤེས་པ་འགག་པ་ལ་མི་སློབ། གཟུགས་འདུ་བ་དང་མི་འདུ་བའི་ཕྱིར ་མི་སློབ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འདུ་བ་དང་མི་འདུ་བའི་ཕྱིར་ཡང་མི་སློབ། གཟུགས་ལས་འདའ་བ་དང་། འཇུག ་པ་དང་། གནས་པ་དང་། མི་གནས་པའི་ཕྱིར་ཡང་མི་སློབ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལས་འདའ་བ་དང་། འཇུག་པ་དང་། གནས་པ་དང་། ་མི་གནས་པའི་ཕྱིར་ཡང་མི་སློབ་བོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སློབ་པའི་བྱང་ཆུབ་སེམས་དཔའ་ནི། གཟུགས་རྟག་པར་ཡང་མི་སློབ། གཟུགས་བདེ་བ་དང་། ་གཟུགས་སྡུག་པ་དང་། གཟུགས་བདག་ཏུའང་མི་སློབ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྟག་པར་ཡང་མི་སློབ། རྣམ་པར་ཤེས་པ་བདེ་བ་དང་། ་རྣམ་པར་ཤེས་པ་སྡུག་པ་དང་། རྣམ་པར་ཤེས་པ་བདག་ཏུའང་མི་སློབ་བོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སློབ་པའི་བྱང་ཆུབ་སེམས་དཔའ་ནི། གཟུགས་འདས་པའི ་དམིགས་པ་ལ་མི་སྤྱོད། གཟུགས་མ་འོངས་པའི་དམིགས་པ་ལ་མི་སྤྱོད། གཟུགས་ད་ལྟར་བྱུང་བའི་དམིགས་པ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། ་རྣམ་པར་ཤེས་པ་འདས་པའི་དམིགས་པ་ལ་མི་སྤྱོད། མ་འོངས་པའི་དམིགས་པ་ལ་མི་སྤྱོད། ད་ལྟར་བྱུང་བའི་དམིགས་པ་ལ་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར ་སྤྱོད་པའི་བྱང་ཆུབ་སེམས་དཔའ་ནི། འདས་པ་ལ་སྟོང་པའི་རྣམ་པ་དང་། ཞི་བའི་རྣམ་པ་དང་། བདག་མེད་པའི་རྣམ་པར་སོ་སོར་རྟོག་སྟེ། གང་འདས་པ་དེ་ལ་སྟོང་པ་དང་། ཞི་བ་དང་། བདག་མེད་པ ་ཞེས་དེ་ལྟར་ཡང་མི་སྤྱོད་དོ། །མ་འོངས་པ་ལ་སྟོང་པའི་རྣམ་པ་དང་། ཞི་བའི་རྣམ་པ་དང་། བདག་མེད་པའི་རྣམ་པར་སོ་སོར་རྟོག་སྟེ། གང་མ་འོངས་པ་དེ་ལ་སྟོང་པ་དང་། ཞི་བ་དང་། བདག་མེད ་པ་ཞེས་དེ་ལྟར་ཡང་མི་སྤྱོད་དོ། །ད་ལྟར་བྱུང་བ་ལ་སྟོང་པའི་རྣམ་པ་དང་། ཞི་བའི་རྣམ་པ་དང་། བདག་མེད་པའི་རྣམ་པར་སོ་སོར་རྟོག་སྟེ། གང་ད་ལྟར་བྱུང་བ་དེ་ལ་སྟོང་པ་དང་། ཞི་བ་དང་། བདག ་མེད་པ་ཞེས་དེ་ལྟར་ཡང་མི་སྤྱོད་དོ། །འདས་པ་ལ་སྟོང་པའམ། བདག་གམ། བདག་གིའམ། རྟག་པའམ། བརྟན་པའམ། ཐེར་ཟུག་པའམ། མི་འགྱུར་བའི་ཆོས་ཅན་ཞེས་དེ་ལྟར་ཡང་མི་སྤྱོད ་དོ|་|མ་འོངས་པ་ལ་སྟོང་པའམ། བདག་གམ། བདག་གིའམ། རྟག་པའམ། བརྟན་པའམ། ཐེར་ཟུག་པའམ། མི་འགྱུར་བའི་ཆོས་ཅན་ཞེས་དེ་ལྟར་ཡང་མི་སྤྱོད་དོ། །ད་ལྟར་བྱུང་བ་ལ་སྟོང ་པའམ|་བདག་གམ། བདག་གིའམ། རྟག་པའམ། བརྟན་པའམ། ཐེར་ཟུག་པའམ། མི་འགྱུར་བའི་ཆོས་ཅན་ཞེས་དེ་ལྟར་ཡང་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད ་པའི་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ལ་བདུད ་སྡིག་ཅན་གྱིས་སྐབས་མི་རྙེད་དོ། །དེ་ལྟར་སྤྱོད་པ་ནི། བདུད་ཀྱི་ལས་ཐམས་ཅད་ཁོང་དུ་ཆུད་པས་བདུད་གྱི་ལས་དེ་དག་གིས་མི་འཕྲོག་གོ་།རབ་ཀྱི་རྩལ་གྱིས་རྣམ་པར་གནོན ་པ|་གཞན་ཡང་དེ་ལྟར་སྤྱོད་པའི་བྱང་ཆུབ་སེམས་དཔའ་ནི། གཟུགས་ལ་མི་དམིགས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མི་དམིགས། ཕྱིན་ཅི་ལོག ་དང་ལྟ་བར་གྱུར་པ་ལ་མི་དམིགས། བདག་ཏུ་མངོན་པར་ཞེན་པ་ལ་མི་དམིགས། སེམས་ཅན་དུ་མངོན་པར་ཞེན་པ་ལ་མི་དམིགས། ཆད་པ་དང་། རྟག་པ་ལ་མི་དམིགས། མཐའ་དང་། མཐའ ་མེད་པ་ལ་མི་དམིགས། གཟུགས་དང་། སྒྲ་དང་། དྲི་དང་། རོ་དང་། རེག་པ་ལ་མི་དམིགས། འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ལ་མི་དམིགས། རྟེན་ཅིང ་འབྲེལ་པར་འབྱུང་བ་ལ་མི་དམིགས། ས་དང་། ཆུ་དང་། མེ་དང་། རླུང་དང་། ནམ་མཁའི་ཁམས་ལ་མི་དམིགས། བདེན་པ་དང་། རྫུན་པ་ལ་མི་དམིགས། འདུ་བ་དང་། འབྲལ་བ་ལ་མི་དམིགས། འདོད ་ཆགས་དང་། ཞེ་སྡང་དང་། གཏི་མུག་ལ་མི་དམིགས། འདོད་ཆགས་དང་། ཞེ་སྡང་དང་། གཏི་མུག་སྤོང་བ་ལ་མི་དམིགས། ཚུལ་ཁྲིམས་དང་འཆལ་བའི་ཚུལ་ཁྲིམས་ལ་མི་དམིགས། བཟོད་པ་དང་། ་གནོད་སེམས་ལ་མི་དམིགས། བརྩོན་འགྲུས་དང་ལེ་ལོ་ལ་མི་དམིགས། བསམ་གཏན་དང་རྣམ་པར་གཡེང་བ་ལ་མི་དམིགས། ཤེས་རབ་དང་འཆལ་བའི་ཤེས་རབ་ལ་མི་དམིགས། དྲན་པ་ཉེ་བར ་གཞག་པ་དང་། ཡང་དག་པའི་སྤོང་བ་དང་། རྫུ་འཕྲུལ་གྱི་རྐང་པ་དང་། ཕྱིན་ཅི་མ་ལོག་པ་ལ་མི་དམིགས། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ཏིང་ངེ་འཛིན་དང་། སྙོམས་པར་འཇུག་པ་ལ་མི ་དམིགས། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ལ་མི་དམིགས། མི་སྐྱེ་བ་ཤེས་པ་དང་། ཟད་པ་ཤེས་པ་དང་། མངོན་པར་འདུ་མི་བྱེད་པ་ཤེས་པ་ལ་མི་དམིགས། སོ་སོའི་སྐྱེ ་བོ་དང་། ཉན་ཐོས་དང་། རང་སངས་རྒྱས་ཀྱི་ས་ལ་མི་དམིགས། སོ་སོའི་སྐྱེ་བོ་དང་། ཉན་ཐོས་དང་། རང་སངས་རྒྱས་ཀྱི་ཆོས་ལ་མི་དམིགས། སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ ་ལ་མི་དམིགས། མངོན་པར་ཤེས་པ་དང་། ཡེ་ཤེས་མཐོང་བ་ལ་མི་དམིགས། རྣམ་པར་གྲོལ་བ་ལ་མི་དམིགས། རྣམ་པར་གྲོལ་བའི་ཡེ་ཤེས་མཐོང་བ་ལ་མི་དམིགས། མྱ་ངན་ལས་འདས་པ་ལ་མི ་དམིགས། འདས་པ་དང་། མ་འོངས་པ་དང་། ད་ལྟར་བྱུང་བའི་ཡེ་ཤེས་མཐོང་བ་ལ་མི་དམིགས། ཐོགས་པ་མེད་པའི་ཡེ་ཤེས་ལ་མི་དམིགས། སངས་རྒྱས་ཀྱི་ཡེ་ཤེས་ལ་མི་དམིགས། སངས་རྒྱས ་ཀྱི་སྟོབས་དང་། མི་འཇིགས་པ་ལ་མི་དམིགས། སངས་རྒྱས་ཀྱི་ཞིང་ཡོངས་སུ་དག་པ་ལ་མི་དམིགས། མཚན་ཡོངས་སུ་དག་པ་ལ་མི་དམིགས། ཉན་ཐོས་ཕུན་སུམ་ཚོགས་པ་ལ་མི་དམིགས། རང ་སངས་རྒྱས་ཕུན་སུམ་ཚོགས་པ་ལ་མི་དམིགས། བྱང་ཆུབ་སེམས་དཔའ་ཕུན་སུམ་ཚོགས་པ་ལ་མི་དམིགས་སོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། གང་དུ་འདི་དག་ལ ་དམིགས་པར་འགྱུར་བའི་འཛིན་པ་གང་ཡང་ཆོས་ཐམས་ཅད་ལ་མེད་དེ། ཆོས་ཐམས་ཅད་དམིགས་པ་མེད་པའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། ཇི་སྲིད་དུ ་དམིགས་པ་དེ་སྲིད་དུ་ལྷག་པར་ཆགས་པ་དང་། དེ་སྲིད་དུ་མངོན་པར་ཞེན་པ་དང་། དེ་སྲིད་དུ་ལེན་པ་དང་། དེ་སྲིད་དུ་སྡུག་བསྔལ་བ་དང་། ཡིད་མི་བདེ་བ་དང་། དེ་སྲིད་དུ་མྱ་ངན་མི་བཟད་པའི་ཟུག ་རྔུ་དང་། འཁྲུག་པ་དང་། སྨྲེ་སྔགས་འདོན་པ་འབྱུང་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། ཇི་སྲིད་དུ་དམིགས་པ་དེ་སྲིད་དུ་འཆིང་བའོ། །དེ་སྲིད་དུ་ལམ་མེད་པའོ། །དེ་སྲིད ་དུ་སྡུག་བསྔལ་བ་དང་། ཡིད་མི་བདེ་བའོ། །ཇི་སྲིད་དུ་དམིགས་པ་དེ་སྲིད་དུ་རློམ་སེམས་དང་། གཡོ་བ་དང་། སྤྲོས་པའོ། །ཇི་སྲིད་དུ་དམིགས་པ་དེ་སྲིད་དུ་འཐབ་པ་དང་། རྩོད་པ་དང་། ་འགྱེད་པའོ། །ཇི་སྲིད་དུ་དམིགས་པ་དེ་སྲིད་དུ་མ་རིག་པའི་མུན་པ་དང་། གཏི་མུག་གོ། ཇི་སྲིད་དུ་དམིགས་པ་དེ་སྲིད་དུ་འཇིགས་པའོ། །དེ་སྲིད་དུ་སྐྲག་པའོ། །ཇི་སྲིད་དུ་དམིགས་པ་དེ་སྲིད་དུ ་བདུད་ཀྱི་ཞགས་པ་དང་། བདུད་ཀྱིས་འཇོམས་པའོ། །ཇི་སྲིད་དུ་དམིགས་པ་དེ་སྲིད་དུ་སྡུག་བསྔལ་གྱིས་རབ་ཏུ་ཉེན་ཅིང་བདེ་བ་ཀུན་ཚོལ་བར་འགྱུར་བའོ། །རབ་ཀྱི་རྩལ་གྱིས་རྣམ་པར་གནོན་པ། ་དེ་ལ་བྱང་ཆུབ་སེམས་དཔས་ཉེས་དམིགས་འདི་དག་མཐོང་ནས་ཆོས་གང་ལ་ཡང་མི་དམིགས་སོ། །དེ་མི་དམིགས་པས་ཆོས་གང་ལ་ཡང་མི་འཛིན་ཏོ། །དེ་ཆོས་ཐམས་ཅད་ལ་འཛིན་པའམ། ་ཀུན་ཏུ་འཛིན་པར་མི་གནས་སོ། །དམིགས་པ་མེད་པ་དང་། དམིགས་པ་ཡ་མ་བརླ་དེ་དག་ལ་ཡང་རློམ་སེམས་སུ་མི་བྱེད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས ་དཔའ་སེམས་དཔའ་ཆེན་པོས་ནི། ཆོས་གང་ལ་ཡང་མངོན་པར་མི་ཞེན་ཏེ། ཆོས་གང་ལ་ཡང་མངོན་པར་མི་དགའོ། །ཆོས་གང་ལ་ཡང་ལྷག་པར་ཆགས་ནས་མི་གནས་ཏེ། རབ་ཀྱི་རྩལ་གྱིས ་རྣམ་པར་གནོན་པ། འདི་ནི། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཆོས་ཐམས་ཅད་ལ་དམིགས་པ་དང་བྲལ་བའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར ་སྤྱོད་པའི་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་ཏེ། དེ་ལ་བདུད་སྡིག་ཅན་དང་། བདུད་ཀྱི་རིས་ཀྱི་ལྷ་དང་། བདུད་ཀྱི་འཁོར་དང་། བདུད་ཀྱི་བྱིན་གྱིས ་བརླབས་པ་དག་གིས་བར་ཆད་བྱ་བར་མི་ནུས་སོ། །གང་དེ་ལ་མཐོ་འཚམ་པ་དང་། གང་བཟུང་ནས་འདུལ་བར་འགྱུར་བའི་གླགས་རྙེད་པར་མི་འགྱུར་རོ། །རྟག་ཏུ་བདུད་ཀྱི་ལས་ཐམས་ཅད་ཀྱང་ཁོང་དུ ་ཆུད་པར་འགྱུར་རོ། །བདུད་ཀྱི་ལས་ཀྱི་དབང་དུ་འགྲོ་བར་མི་འགྱུར་རོ། །བདུད་ཀྱི་གནས་ཐམས་ཅད་སྦ་བཀོང་བར་བྱེད་དོ། །གཞན་མུ་སྟེགས་ཅན་ཐམས་ཅད་ཚར་གཅད་པའི་ཕྱིར་གནས་པར་འགྱུར་རོ།། ་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་ཐམས་ཅད་ཟིལ་གྱིས་གནོན་པར་འགྱུར་རོ། །ཕས་ཀྱི་རྒོལ་བ་ཐམས་ཅད་ཀྱིས་མི་རྫི་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད ་པའི་བྱང་ཆུབ་སེམས་དཔའ་ནི། གཟུགས་སུ་རྟོག་པའམ། མི་རྟོག་པ་ལ་མི་གནས་པ་ཡིན། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར ་ཤེས་བར་རྟོག་པ་དང་མི་རྟོག་པ་ལ་མི་གནས་པ་ཡིན་ཏེ། གཟུགས་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས ་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། སྒྲིབ་པ་དང་། ལྟ་བར་གྱུར་བ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། འདོད་པའི་ཁམས་དང་། གཟུགས་ཀྱི་ཁམས ་དང་། གཟུགས་མེད་པའི་ཁམས་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། འདོད་ཆགས་དང་། ཞེ་སྡང་དང་། གཏི་མུག་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། བདེན ་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། རྫུན་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། ས་དང་། ཆུ་དང་། མེ་དང་། རླུང་གི་ཁམས་ལ་རྟོག་པར་ཡང་མི་བྱེད། མི ་རྟོག་པར་ཡང་མི་བྱེད། འདུ་བ་དང་འབྲལ་བ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། རྟེན་ཅིང་འབྲེལ་པར་འབྱུང་བ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། བདག་ཏུ ་འདུ་ཤེས་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། སེམས་ཅན་དུ་འདུ་ཤེས་པ་དང་། སྲོག་ཏུ་འདུ་ཤེས་པ་དང་། གང་ཟག་ཏུ་འདུ་ཤེས་པ་ལ་རྟོག་པར་ཡང་མི་བྱེད། མི་རྟོག ་པར་ཡང་མི་བྱེད། གཏོང་བ་དང་སེར་སྣ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། ཚུལ་ཁྲིམས་དང་འཆལ་བའི་ཚུལ་ཁྲིམས་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། བཟོད་པ ་དང་། གནོད་སེམས་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། བརྩོན་འགྲུས་དང་ལེ་ལོ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། བསམ་གཏན་དང་རྣམ་པར་གཡེང་བ ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། ཤེས་རབ་དང་འཆལ་བའི་ཤེས་རབ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། ཕྱིན་ཅི་མ་ལོག་པ་དང་། ཡང་དག་པར་སྤོང་བ ་དང་། རྫུ་འཕྲུལ་གྱི་རྐང་པ་དང་། དྲན་པ་ཉེ་བར་གཞག་པ་རྣམས་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ཏིང་ངེ་འཛིན་དང་། ་སྙོམས་པར་འཇུག་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད་། ་བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། མི་སྐྱེ་བ་ཤེས་པ་དང་། ཟད་པ་ཤེས་པ་དང་། མངོན་པར་འདུ་མི་བྱེད་པ་ཤེས་པ ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། སོ་སོའི་སྐྱེ་བོའི་ཆོས་དང་། ཉན་ཐོས་ཀྱི་ཆོས་དང་། རང་སངས་རྒྱས་ཀྱི་ཆོས་དང་། སངས་རྒྱས་ཀྱི་ཆོས་ལ་རྟོག་པར་ཡང་མི་བྱེད། མི་རྟོག་པར ་ཡང་མི་བྱེད། སོ་སོའི་སྐྱེ་བོའི་ས་དང་། ཉན་ཐོས་ཀྱི་ས་དང་། རང་སངས་རྒྱས་ཀྱི་ས་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། སྒྲིབ་པ་ལ་རྟོག་པར་མི་བྱེད། མི ་རྟོག་པར་ཡང་མི་བྱེད། འདས་པ་དང་། མ་འོངས་པ་དང་། ད་ལྟར་བྱུང་བའི་ཡེ་ཤེས་མཐོང་བ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། ཐོགས་པ་མེད་པའི་ཡེ་ཤེས་ལ་རྟོག་པར ་ཡང་མི་བྱེད། མི་རྟོག་པར་ཡང་མི་བྱེད། རིག་པ་དང་རྣམ་པར་གྲོལ་བ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། རྣམ་པར་གྲོལ་བའི་ཡེ་ཤེས་མཐོང་བ་ལ་རྟོག་པར་ཡང་མི་བྱེད། མི ་རྟོག་པར་ཡང་མི་བྱེད། སངས་རྒྱས་ཀྱི་ཡེ་ཤེས་མཐོང་བ་དང་། མི་འཇིགས་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། མཚན་ཡོངས་སུ་དག་པ་ལ་རྟོག་པར་ཡང་མི་བྱེད། མི ་རྟོག་པར་ཡང་མི་བྱེད། སངས་རྒྱས་ཀྱི་ཞིང་ཡོངས་སུ་དག་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། ཉན་ཐོས་ཕུན་སུམ་ཚོགས་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི ་བྱེད|་རང་སངས་རྒྱས་ཕུན་སུམ་ཚོགས་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། བྱང་ཆུབ་སེམས་དཔའི་ཕུན་སུམ་ཚོགས་པ་ལ་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། ་དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། རྟོག་པ་ཡོད་ན། རྟོག་པ་དང་བྲལ་བར་འགྱུར་བའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། གང་ན་རྟོག་པ་མེད་པ་དེ་ན། མི་རྟོག ་པ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། བྱིས་པ་སོ་སོའི་སྐྱེ་བོ་ཐམས་ཅད་ནི། རྟོག་པ་ལས་བྱུང་སྟེ། དེ་དག་གི་འདུ་ཤེས་ནི། ལོག་པར་རྟོག་པ་ལས་བྱུང་བས་དེ་དག་རྟོག་པར་ཡང་བྱེད། མི ་རྟོག་པར་ཡང་བྱེད་དོ། །རབ་ཀྱི་རྩལ་གྱིས་རྣམ་པར་གནོན་པ། རྟོག་ཅེས་བྱ་བ་དེ་ནི། མཐའ་གཅིག་གོ། མི་རྟོག་ཅེས་བྱ་བ་དེ་ནི། མཐའ་གཉིས་ཏེ། གང་ན་རྟོག་པ་དང་། མི་རྟོག་པ་མེད་པ་དེ་ནི་མཐའ ་དང་དབུས་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། དབུས་ཞེས་བྱ་བར་རྟོག་ན། དེ་ཉིད་ཀྱང་མཐའ་ཡིན་ནོ། །ཇི་སྲིད་དུ་རྟོག་པ་དེ་སྲིད་དུ་མི་རྟོག་པ་སྟེ། དེ་ལ་མི་རྟོག་པ་ཆད་པར་མི་འགྱུར ་རོ། །རབ་ཀྱི་རྩལ་གྱིས་རྣམ་པར་གནོན་པ། གང་ན་རྟོག་པ་མེད་ཅིང་མི་རྟོག་པ་ཡང་མེད་པ་དེ་ན་རྟོག་པ་ཡང་དག་པར་ཆད་དོ། །རབ་ཀྱི་རྩལ་གྱིས་རྣམ་པར་གནོན་པ། རྟོག་པ་ཆད་ཅེས་བྱ་བ་དེ་ལ ་ཆད་པ་གང་ཡང་མེད་དེ། དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། རྟོག་པ་དང་། མི་རྟོག་པ་ནི། ཕྱིན་ཅི་ལོག་ལས་བྱུང་བས་མེད་པའི་ཕྱིར་རོ། །དེ་དག་གི་རྣམ་པར་ཞི་བ་གང་ཡིན ་པ་དེ་ནི། ཕྱིན་ཅི་ལོག་མ་ཡིན་པ་སྟེ། དེ་ལ་ཆད་པ་གང་ཡང་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། ཆད་པ་མེད་པ་ཞེས་བྱ་བ་དེ་ནི། སྡུག་བསྔལ་ཡང་དག་པར་ཆད་པའི་ཚིགས་བླ་དྭགས་ཏེ། ་སྡུག་བསྔལ་ཡང་དག་པར་ཆད་པ་གང་ཡང་མེད་དོ། །གལ་ཏེ་སྡུག་བསྔལ་ཡང་དག་པར་ཆད་པར་འགྱུར་ན་ནི། སྡུག་བསྔལ་ཡོངས་སུ་གྲུབ་པ་འགའ་ཞིག་ཀྱང་ཡོད་པར་འགྱུར་ཏེ། སྡུག་བསྔལ ་ཡང་དག་པར་ཆད་ཅེས་བྱ་བ་དེ་ནི་ཡོངས་སུ་གྲུབ་པ་མེད་པར་མཐོང་བའོ། །གང་འདི་སྡུག་བསྔལ་ཡང་དག་པར་ཆད་ཅེས་བྱ་བ་དེ་ནི་སྡུག་བསྔལ་ཡོངས་སུ ་ཤེས་པའོ། །གང་སྡུག་བསྔལ་ལ་རྟོག་པར་ཡང་མི་བྱེད་མི་རྟོག་པར་ཡང་མི་བྱེད་པ་དེ་ནི་སྡུག་བསྔལ་རྣམ་པ་ཞི་བའོ། །དེ་ནི་སྡུག་བསྔལ་མི་སྐྱེད་མི་འབྱུང་བ་སྟེ། རབ་ཀྱི་རྩལ་གྱིས་རྣམ་པར ་གནོན་པ། དེ་ལྟར་མཐོང་བའི་བྱང་ཆུབ་སེམས་དཔའ་ནི་ཆོས་གང་ལ་ཡང་རྟོག་པར་ཡང་མི་བྱེད། མི་རྟོག་པར་ཡང་མི་བྱེད། རབ་ཀྱི་རྩལ་གྱིས་རྣམ་པར་གནོན་པ། འདི་ནི་བྱང་ཆུབ་སེམས་དཔའ་ཤེས ་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་རྟོག་པ་དང་། མི་རྟོག་པ་ཐམས་ཅད་ཡོངས་སུ་ཤེས་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་ཏེ། དེ་ལ་བདུད་སྡིག་ཅན་དང་བདུད་ཀྱི་འཁོར་རྣམས་པར་ཆད་བྱ་བའི་ཕྱིར་གནས་པར་མི་འགྱུར་རོ། །བདུད་ཀྱི་ལས་བྱུང་ཞིང་སྐྱེས་པ་རྣམས་ཀྱང་ཁོང་དུ ་ཆུད་པར་འགྱུར་ཏེ། བདུད་ཀྱི་ལས་བྱུང་ཞིང་སྐྱེས་པ་རྣམས་ཀྱི་དབང་དུ་འགྲོ་བར་མི་འགྱུར་རོ། །བདུད་སྡིག་ཅན་ཕམ་པར་བྱེད་དོ། །སྤ་བཀོང་བ་དང་དང་དེའི་ཕྱོགས་ཉུང་བར་བྱེད་དོ། །འཇིགས་པ་དང་། སྐྲག་པ ་མེད་པར་འགྱུར་རོ། །བདུད་ཀྱིས་མི་ཐུལ་བར་འགྱུར་རོ། །དེའི་ངན་སོང་དུ་འགྲོ་བ་ཐམས་ཅད་རྒྱུན་ཆད་པར་འགྱུར་རོ། །དེས་ལམ་ངན་པ་བཀག་པར་འགྱུར་རོ། །ཆུ་བོ་ཐམས་ཅད་ལས་བརྒལ་བར་འགྱུར་རོ། ། ་གཏི་མུག་གི་མུན་པ་དང་བྲལ་བར་འགྱུར་རོ། །མིག་ཐོབ་པས་སེམས་ཅན་ཐམས་ཅད་ལ་སྣང་བར་འགྱུར་རོ། །སངས་རྒྱས་ཀྱི་རིགས་རྒྱུན་མི་གཅོད་པར་གནས་པར་འགྱུར་རོ། །ལམ་མཉམ་པ་ཉིད ་ཀྱི་ཕྱིར་ལམ་རྒྱུན་གཅོད་པར་འགྱུར་རོ། །སེམས་ཅན་ཐམས་ཅད་ལ་སྙིང་བརྩེ་བར་འགྱུར་རོ། །ཆོས་ལ་མིག་རྣམ་པར་དག་པར་འགྱུར་རོ། །ལེ་ལོ་མེད་ཅིང་བརྩོན་འགྲུས་ཕུན་སུམ་ཚོགས་པར་འགྱུར ་རོ|་|གནོད་སེམས་ཀྱི་སེམས་མེད་པས་བཟོད་པ་ཐོབ་པར་འགྱུར་རོ། །མི་གནས་པའི་བསམ་གཏན་པས་བསམ་གཏན་པར་འགྱུར་རོ། །ངེས་པར་རྟོགས་པའི་ཤེས་རབ་དང་ལྡན་པས་ཤེས ་རབ་ཐོབ་པར་འགྱུར་རོ། །སྒྲིབ་པ་མེད་ཅིང་འགྱོད་པ་དང་བྲལ་བར་འགྱུར་རོ། །བདུད་ཀྱི་ཞགས་པ་ཐམས་ཅད་དང་བྲལ་བར་འགྱུར་རོ། །སྲིད་པའི་དྲ་བ་ཐམས་ཅད་དང་བྲལ་བས་བཅིངས་པ་བཅད་པར ་འགྱུར་རོ། །བརྗེད་པ་མེད་པར་དྲན་པ་ཉེ་བར་གནས་པར་འགྱུར་རོ། །ཚུལ་ཁྲིམས་ཡོངས་སུ་དག་པའི་ཕ་རོལ་ཏུ་ཕྱིན་པ་ཐོབ་པས་ཚུལ་ཁྲིམས་རྣམ་པར་དག་པར་འགྱུར་རོ། །སྐྱོན་ཐམས་ཅད་བསལ་བས ་ཡོན་ཏན་ལ་གནས་པར་འགྱུར་རོ། །རབ་ཏུ་གཡོ་བ་མེད་པའི་ཤེས་རབ་ཀྱི་སྟོབས་བསྐྱེད་པ་རྙེད་པར་འགྱུར་རོ། །ཕས་ཀྱི་རྒོལ་བ་ཐམས་ཅད་ཀྱིས་མི་རྫི་བར་འགྱུར་རོ། །ཆོས་ཐམས་ཅད་རྣམ་པར་དག ་པའི་ཕ་རོལ་ཏུ་ཕྱིན་པ་ཐོབ་པས་ཆོས་ཡོངས་སུ་མི་ཉམས་པར་འགྱུར་རོ། །ཆོས་སྟོན་པ་ལ་བག་ཚ་བ་མེད་པར་འགྱུར་རོ། །འཁོར་གྱི་ནང་དུ་འགྲོ་བ་ལ་སྔ་བཀོང་བ་མེད་པར་འགྱུར་རོ། །ཆོས་ཀྱི་སྦྱིན་པ་ལ ་འཛིན་པ་མེད་ཅིང་ལྷུག་པར་གཏོང་བར་འགྱུར་རོ། །ལམ་མཉམ་པས་ལམ་རྣམ་པར་སྦྱངས་པར་འགྱུར་རོ། །ལམ་ངན་པ་ཡོངས་སུ་ཤེས་པས་བསྒོམ་པ་བསྒོམས་པར ་འགྱུར་རོ། །ཆོས་རྣམ་པར་དག་པས་བག་ཆགས་བསྒོས་པར་འགྱུར་རོ། །ཤེས་རབ་རྣམ་པར་དག་པས་སྦྱང་བ་སྦྱངས་པར་འགྱུར་རོ། །རྒྱ་མཚོ་དང་མཚུངས་པའི་ཕྱིར་ཤེས་རབ་བབ་པར་འགྱུར་རོ།། ་བག་ཚ་བ་མེད་པས་གཏིང་དཔག་དཀའ་བར་འགྱུར་རོ། །ཆོས་རྒྱ་མཚོ་དཔག་ཏུ་མེད་པས་དཔག་ཏུ་མེད་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས ་དཔའ་ནི། ཡོན་ཏན་དེ་རྣམས་དང་། གཞན་དག་དང་ཡང་ལྡན་པ་ཡིན་ཏེ། དེ་དག་གི་ཡོན་ཏན་ནི། རྟོགས་པར་མི་ནུས་སོ། །རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་བྱང་ཆུབ་སེམས་དཔའ ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་དང་མི་ལྡན་པར་མི་འགྱུར། ལོངས་སྤྱོད་དང་མི་ལྡན་པར་མི་འགྱུར། གཡོག་དང་མི་ལྡན་པར་མི་འགྱུར། རུས་དང་མི་ལྡན་པར་མི ་འགྱུར|་རིགས་དང་མི་ལྡན་པར་མི་འགྱུར། ཡུལ་དང་མི་ལྡན་པར་མི་འགྱུར། མཐའ་འཁོབ་ཀྱི་ཡུལ་དུ་སྐྱེ་བར་མི་འགྱུར། མི་དལ་བ་རྙེད་པར་མི་འགྱུར། སེམས་ཅན་ཡོངས་སུ་དག་པ་ལས་ཀྱི ་མཐའ་ཡོངས་སུ་མ་དག་པ་རྣམས་དང་འདུ་བར་མི་འགྱུར། རང་གི་སེམས་མི་འདོར། ཤེས་རབ་ཉམས་པར་མི་འགྱུར་ཏེ། དེ་ཆོས་གང་ཕ་རོལ་ལས་ཐོས་པ་དེ་ཆོས་ཐམས་ཅད་མཉམ་པ་ཉིད་དང ་སྦྱོར་རོ། །སངས་རྒྱས་ཀྱི་རིགས་དང་། ཐམས་ཅད་མཁྱེན་པའི་རིགས་མི་གཅོད་པར་གནས་པར་འགྱུར་རོ། །སངས་རྒྱས་ཀྱི་ཆོས་ལ་སྣང་བ་ཐོབ་པར་འགྱུར་རོ། །ཐམས་ཅད་མཁྱེན་པ་དང་ཉེ་བར་འགྱུར་རོ། ། ་གལ་ཏེ་དེ་ལ་བདུད་སྡིག་ཅན་མཐོ་འཚམ་པའི་ཕྱིར་འོངས་ན། དེས་དེ་དག་གི་སྤོབས་པ་གཅོད་ཅིང་བདུད་ཀྱི་ཞགས་པ་ཐམས་ཅད་གཅོད་དེ། བདུད་ཀྱི་འཁོར་དང་བཅས་པ་ཐལ་བར་རློག་གོ་།བདུད་ཀྱི་རིས ་བདུད་བྱེ་བ་ཐམས་ཅད་ཀྱིས་ཀྱང་ཐུབ་པར་མི་འགྱུར་གྱི། དེས་བདུད་རྣམས་འཇིགས་སྐྲག་ནས་འབྲོས་པར་འགྱུར་རོ། །བདུད་སྡིག་ཅན་འདི་སྙམ་དུ། དེ་ནི། བདག་གི་ཡུལ་ལས་རབ་ཏུ་འདས། དེ་ནི། ཕྱིར ་བདག་གི་ཡུལ་ལ་མི་སྤྱོད་དེ། དེའི་ཕྱིར་བདག་གི་ཡུལ་ལ་མི་གནས། དེའི་ཕྱིར་བདག་གི་ཡུལ་ལ་འདུག་པར་མི་འགྱུར། སེམས་ཅན་གཞན་ཡང་བདག་གི་ཡུལ་ལས་གྲོལ་བར་བྱེད། སྒྲོལ་བར་བྱེད་དོ། ། ་སྙམ་དུ་སེམས་ཏེ། དེ་ལ་བྱང་ཆུབ་སེམས་དཔའ་དེས་ཕྱོགས་ཉུང་ངུར་བྱེད་དོ། །སྙམ་ནས་མྱ་ངན་བྱེད་དེ་དུ་བཞིན་སྨྲེ་སྔགས་འདོན་ཏེ། དེ་ཉམས་དམས་ལ་སྡུག་བསྔལ་ཞིང་ཡིད་མི་བདེ་སྟེ། ཡིད་ལ་གཅགས ་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། གང་གི་ཚེ་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ། ཤེས་རབ་ཀྱི་ཕ་རོལ་ཏུ་ཕྱིན ་པ་ལ་སྦྱོར་བར་བྱེད་པ་དེའི་ཚེ་བདུད་ཀྱི་གནས་ཐམས་ཅད་གཟི་ཆུང་ཞིང་མོག་མོག་པོར་འགྱུར་རོ། །བདུད་སྡིག་ཅན་ཡང་འདི་སྙམ་དུ། འདིས་བདག་གི་ཡུལ་ནས་སེམས་ཅན་རྣམས་བསྐྱབ་པར་འགྱུར། ་འདིས་བདག་གི་ཡུལ་ནས་སེམས་ཅན་རྣམས་སྒྲོལ་བར་འགྱུར། འདིས་བདག་གི་ཡུལ་ནས་སེམས་ཅན་རྣམས་ཡོངས་སུ་གྲོལ་བར་འགྱུར། འདིས་སེམས ་ཅན་རྣམས་བདག་གི་ཡུལ་ནས་འདྲེན་པར་འགྱུར། འདིས་བདུད་ཀྱི་ཞགས་པ་གཅོད་པར་འགྱུར། འདིས་སེམས་ཅན་འདོད་པའི་འདམ་དུ་བྱིང་བ་རྣམས་འབྱིན་པར་འགྱུར། འདིས་སེམས ་ཅན་རྣམས་ལྟ་བའི་དྲ་བ་ལས་ཐར་པར་བྱེད་པར་འགྱུར། འདིས་སེམས་ཅན་རྣམས་སྒྲིབ་པའི་ལམ་ལས་འདོན་པར་འགྱུར། འདིས་སེམས་ཅན་རྣམས་ཡང་དག་པའི་ལམ་ལ་རབ་ཏུ ་འགོད་པར་འགྱུར། འདིས་སེམས་ཅན་རྣམས་ལྟ་བའི་ཐིབས་པོ་ལས་སྒྲོལ་བར་འགྱུར་རོ། །སྙམ་དུ་སེམས་ཤིང་། སྡུག་བསྔལ་བ་དང་། ཡིད་མི་བདེ་བར་འགྱུར། མྱ་ངན་གྱི་ཟུག་རྔུ ་དང་ལྡན་ཞིང་མྱ་ངན་གྱི་ཟུག་རྔུ་ཆེན་པོས་ཟུག་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། བདུད་དེ་དག་གིས་དོན་གྱི་དབང་འདི་མཐོང་བས་སྡུག་བསྔལ་ཞིང་ཡིད་མི་བདེ་སྟེ། མྱ ་ངན་གྱི་ཟུག་རྔུས་ཟུག་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སྐྱེས་བུ་ནོར་གྱི་ཕུང་པོ་ཆེན་པོ་ཉམས་པར་གྱུར་པ་ནི། སྡུག་བསྔལ་བར་འགྱུར་ཏེ། མི ་དགའ་ཞིང་ཡིད་མི་བདེ་བ་ཆེན་པོ་དང་ལྡན་ནོ། །དེ་བཞིན་དུ་གང་གི་ཚེ་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ། ཤེས་རབ ་ཀྱི་ཕ་རོལ་ཏུ་ཕྱིན་པ་ལ་སྦྱོར་བར་བྱེད་པ་ན། བདུད་སྡིག་ཅན་ཡང་སེམས་མི་བདེ་བ་དང་། ཡིད་ལ་གཅགས་པ་དང་། མྱ་ངན་གྱི་ཟུག་རྔུས་ཟུག་སྟེ། སྡུག་བསྔལ་ཞིང་རང་གི་གནས་ལ་ཡང་མི ་དགའ་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་བདུད་སྡིག་ཅན་དེ་དག་གཅིག་ཏུ་འདུས་ནས་ཇི་ལྟར་བྱ། ཅི་ཞིག་བྱ་སྙམ་དུ་སེམས་ཤིང་། ཐེ་ཚོམ་དང་། མྱ་ངན་གྱི ་ཟུག་རྔུས་ཟུག་པར་འགྱུར་རོ། །དེ་དག་ཐེ་ཚོམ་དང་། མྱ་ངན་གྱི་ཟུག་རྔུས་ཟུག་པར་གྱུར་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ་གླགས་བཙལ་བའི ་ཕྱིར་དོང་ཡང་། དེ་ན་བྱང་ཆུབ་སེམས་དཔའི་སྤུ་ཡང་མི་གཡོ་ན། ལུས་དང་སེམས་གཞན་དུ་འགྱུར་བ་ལྟ་ཅི་སྨོས་ཏེ། འཇིགས་ཤིང་སྤུ་ཟིང་ཞེས་བྱེད་པ་དང་བྲལ་བར་འགྱུར། བདུད་སྡིག་ཅན་དུ་ཡང་ཤེས ་པར་འགྱུར་རོ། །ཤེས་ནས་ཀྱང་བྱིན་གྱིས་རློབ་བོ། །དེས་བདུད་སྡིག་ཅན་བྱིན་གྱིས་བརླབས་ནས་ཉམས་སྨད་པར་འགྱུར། འཇིགས་ཤིང་སེམས་ཞུམ་པར་འགྱུར་ཏེ། དེ་ལ་གླགས་རྙེད་པར་མ་ནུས་ནས ་དེ་འདི་སྙམ་དུ། བདག་གིས་ཀྱང་དེ་ལ་གླགས་རྙེད་པར་མ་ནུས་ན། བདག་གི་འཁོར་གྱིས་ལྟ་ཅི་སྨོས་ཏེ། གང་གཞན་དག་གིས་བྱིན་གྱིས་བརླབས་པར་ལྟ་ག་ལ་འགྱུར་སྙམ་དུ་སེམས་སོ། །དེའི་ཕྱིར་བདུད ་སྡིག་ཅན་དེ་དག་འཇིགས་ཤིང་སྤྲོ་བ་ཡོངས་སུ་ཉམས་ནས་སྡུག་བསྔལ་དང་། ཡིད་མི་བདེ་བ་སྐྱེས་ཏེ། རང་གི་གནས་སུ་དོང་ནས་སེམས་ཁོང་དུ་ཆུད་ནས་འཁོད་དེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ ་སྤྱོད་པའི་བྱང་ཆུབ་སེམས་དཔའ་ལ་སེ་གོལ་གཏོགས་པ་ཙམ་གྱི་སྲིད་དུ་ཡང་སེམས་རྨོངས་པར་བྱེད་མི་ནུས་ན། གཞན་བར་ཆད་བྱ་བར་ལྟ་ཅི་སྨོས། རབ་ཀྱི་རྩལ ་གྱིས་རྣམ་པར་གནོན་པ། འདི་ནི་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་དེ་ལྟ་བུའི་ཤེས་རབ་ཀྱི་སྟོབས་བསྐྱེད་པར་འགྱུར་བའོ། །ཤེས་རབ་ཀྱི་སྟོབས་བསྐྱེད་པ་དེ་ལྟ་བུ་དང་ལྡན ་པས་གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་དེ་དག་ཐམས་ཅད་བདུད་དུ་གྱུར་ལ། དེ་དག་ཐམས་ཅད་ཀྱང་འཁོར་བདུད་མང་པོ་དང་ལྷན་ཅིག་ཏུ་ཤེས་རབ་ཀྱི་ཕ་རོལ ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ལ་མཐོ་འཚམ་པའི་བསམ་པས་དོང་ཡང་། རབ་ཀྱི་རྩལ་གྱིས་རྣམ་པར་གནོན་པ། བདུད་སྡིག་ཅན་དེ་དག་ཐམས་ཅད་ཀྱིས་བར་ཆད་བྱ་བར་མི་ནུས ་སོ|་|དེ་ཅིའི་ཕྱིར་ཞེ་ན། དེའི་ཚེ་བྱང་ཆུབ་སེམས་དཔའ་དེ་ལྟ་བུའི་ཤེས་རབ་ཀྱི་སྟོབས་བསྐྱེད་པ་དང་། ཤེས་རབ་ཀྱི་རལ་གྲི་དང་། ཤེས་རབ་ཀྱི་མཚོན་ཆ་དང་ལྡན་པར་འགྱུར་བའི་ཕྱིར་རོ། ། ་རབ་ཀྱི་རྩལ་གྱིས་རྣམ་པར་གནོན་པ། དེའི་ཚེ་བྱང་ཆུབ་སེམས་དཔའ་ཤེས་རབ་བསམ་གྱིས་མི་ཁྱབ་པ་དང་། དཔག་ཏུ་མེད་པ་དང་། མི་མཉམ་པ་དང་མཉམ་པ་དང་ལྡན་པར་འགྱུར་རོ། ། ་དེའི་ཕྱིར་དེ་ལ་བདུད་སྡིག་ཅན་གྱིས་ཟིལ་གྱིས་གནོན་མི་ནུས་སོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པའི་མཚོན་ཆ་དེ་ནི་མཚོན་ཆ་ཆེན་པོའོ། ། ་རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། ཤེས་རབ་ཀྱི་རལ་གྲི་དེ་ནི་རལ་གྲི་ཆེན་པོ་སྟེ། དེ་ནི་བདུད་སྡིག་ཅན་རྣམས་ཀྱི་ཡུལ་མ་ཡིན། སྤྱོད་ཡུལ་མ་ཡིན་ནོ། །རབ་ཀྱི་རྩལ་གྱིས་རྣམ་པར ་གནོན་པ། འདི་ལྟ་སྟེ། བྱང་ཆུབ་སེམས་དཔས་ཤེས་རབ་ཐ་མལ་པ་དེ་ལྟ་བུའི་ཤེས་རབ་ཀྱང་ཕྱི་རོལ་གྱི་དྲང་སྲོང་གང་དག་བསམ་གཏན་བཞི་དང་། གཟུགས་མེད་པའི་སྙོམས་པར་འཇུག་པ་བཞི་རྙེད་པ ་དང་། གང་དག་བདུད་ཀྱི་ཡུལ་འདོད་པའི་ཁམས་ལས་འདས་ནས་ཚངས་པའི་འཇིག་རྟེན་དང་། གཟུགས་མེད་པའི་ལྷའི་རིས་བཞིར་སྐྱེ་བ་དེ་དག་གི་ཡུལ་ཡང་མ་ཡིན། སྤྱོད་ཡུལ་ཡང་མ་ཡིན་ན། ཤེས ་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཤེས་རབ་ལྟ་ཅི་སྨོས་ཏེ། གང་གཟུགས་དང་། གཟུགས་མེད་པའི་ཁམས་ཀྱི་ཡུལ་མ་ཡིན་པ་དེ། བདུད་སྡིག་ཅན་རྣམས་ཀྱི་ཡུལ་ག་ལ་ཡིན། རབ་ཀྱི་རྩལ་གྱིས ་རྣམ་པར་གནོན་པ། སྟོབས་བསྐྱེད་པ་རྙེད་པའི་བྱང་ཆུབ་སེམས་དཔའ་ལ་ནི་དེའི་ཚེ་འདི་ལྟ་སྟེ། སྟོབས་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པའི་སྟོབས་དང་ལྡན་པར་འགྱུར་རོ། །རབ་ཀྱི་རྩལ་གྱིས་རྣམ ་པར་གནོན་པ། གང་སུ་དག་ཤེས་རབ་ཀྱི་ཕ་རོལ་ཏུ་ཕྱིན་པའི་སྟོབས་དང་ལྡན་པར་འགྱུར་བ་དང་། ཤེས་རབ་ཀྱི་མཚོན་རྣོན་པོ་དང་ལྡན་པར་འགྱུར་བ་དེ་དག་ནི་བདུད་སྡིག་ཅན་རྣམས་ཀྱིས་མི་ཚུགས། མི ་ཐུབ་བོ|་|རབ་ཀྱི་རྩལ་གྱིས་རྣམ་པར་གནོན་པ། གང་ལ་ལ་ཤེས་རབ་ཀྱི་སྟོབས་དང་། ཤེས་རབ་ཀྱི་མཚོན་རྣོན་པོ་དང་ལྡན་པ་དེ་དག་གང་ལ་ཡང་གནས་པར་མི་བྱེད་དེ། དེ་དག་མི་གནས་པར་འགྱུར ་རོ|་|དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། གནས་པར་གྱུར་ན་ནི། གཡོ་བར་འགྱུར་རོ། །གཡོ་བར་གྱུར་ན་ནི། འགུལ་བར་འགྱུར་རོ། །འགུལ་བར་གྱུར་ན ་ནི|་སྤྲོས་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། གང་དག་གནས་པར་འགྱུར་བ་དང་། གཡོ་བར་འགྱུར་བ་དང་། འགུལ་བར་འགྱུར་བ་དང་། སྤྲོས་པར་འགྱུར་བ་དེ་དག་ནི། ་བདུད་སྡིག་ཅན་གྱི་དབང་དུ་འགྲོ་བ་ཡིན་ཏེ། བདུད་ཀྱི་ཞགས་པ་ལས་ཡོངས་སུ་གྲོལ་བར་མི་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། གང་སྲིད་པའི་རྩེ་མོར་སྐྱེས་པའི་སེམས་ཅན ་གནས་ཤིང་གནས་དང་འབྲེལ་པ། གནས་ལ་ཆགས་པ་དེ་དག་ཀྱང་བདུད་ཀྱི་ཡུལ་དུ་འོང་བར་འགྱུར་ཏེ། འདི་ལྟ་སྟེ། རངས་བྱེད་ཀྱི་བུ་ལྷག་སྤྱོད་དང་། སྒྱུ་རྩལ་ཤེས་ཀྱི་བུ་རིང་འཕུར ་དང་། གང་གཞན་གཟུགས་མེད་པ་ན་གནས་ཤིང་གནས་དང་འབྲེལ་པ། གནས་ལ་ཆགས་པ་དེ་དག་ཀྱང་བདུད་ཀྱི་ཞགས་པ་ལས་ཡོངས་སུ་མ་གྲོལ་ཞིང་བདུད་ཀྱི་ཞགས་པས་མཚམས ་བཅད་པའོ། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ། ཤེས་རབ་ཀྱི་ཕ་རོལ་ཏུ་ཕྱིན ་པ་ལ་སྦྱོར་བར་བྱེད་པ་ན། གང་ལ་ཡང་གནས་པར་མི་བྱེད་དེ། ཐམས་ཅད་དུ་ཡང་མི་གནས་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། གང་གི་ཚེ་བྱང་ཆུབ་སེམས་དཔའ་ཤེས ་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དང་ལྡན་པར་གནས་པ་དེའི་ཚེ་གཟུགས་ལ་གནས་པར་མི་འགྱུར། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་གནས་པར ་མི་འགྱུར། ཕྱིན་ཅི་ལོག་དང་། སྒྲིབ་པ་དང་། ལྟ་བར་གྱུར་པ་ལ་གནས་པར་མི་འགྱུར། མིང་དང་གཟུགས་ལ་གནས་པར་མི་འགྱུར། འདོད་པ་དང་། གཟུགས་དང་། གཟུགས་མེད་པའི ་ཁམས་ལ་གནས་པར་མི་འགྱུར། བདག་དང་སེམས་ཅན་དུ་འདུ་ཤེས་པ་ལ་གནས་པར་མི་འགྱུར། སྲོག་དང་། གང་ཟག་དང་། ཁམས་དང་། སྐྱེ་མཆེད་ལ་གནས་པར་མི་འགྱུར། ས་དང་། ་ཆུ་དང་། མེ་དང་། རླུང་དང་། ནམ་མཁའ་དང་། རྣམ་པར་ཤེས་པ་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་གནས་པར་མི་འགྱུར་རོ། །སྲིད་པའི་སྲེད་པ་ལ་གནས་པར་མི་འགྱུར ་རྣམ་པར་འབྱོར་པའི་སྲེད་པ་ལ་གནས་པར་མི་འགྱུར། ཆད་པ་དང་རྟག་པ་ལ་གནས་པར་མི་འགྱུར། མཐའ་དང་མཐའ་མེད་པ་ལ་གནས་པར་མི་འགྱུར། རྟེན་ཅིང་འབྲེལ་པར་འབྱུང་བ་ལ་གནས ་པར་མི་འགྱུར། སྦྱིན་པ་དང་སེར་སྣ་ལ་གནས་པར་མི་འགྱུར། ཚུལ་ཁྲིམས་དང་འཆལ་བའི་ཚུལ་ཁྲིམས་ལ་གནས་པར་མི་འགྱུར། བཟོད་པ་དང་གནོད་སེམས་ལ་གནས་པར་མི་འགྱུར། ་བརྩོན་འགྲུས་དང་ལེ་ལོ་ལ་གནས་པར་མི་འགྱུར། བསམ་གཏན་དང་རྣམ་པར་གཡེང་བ་ལ་གནས་པར་མི་འགྱུར། ཤེས་རབ་དང་འཆལ་པའི་ཤེས་རབ་ལ་གནས་པར་མི་འགྱུར། ཕྱིན་ཅི ་མ་ལོག་པ་དང་། ཡང་དག་པར་སྤོང་བ་དང་། ཚད་མེད་པ་དང་། དྲན་པ་ཉེ་བར་གཞག་པ་ལ་གནས་པར་མི་འགྱུར། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ་ཏིང་ངེ་འཛིན་དང་། སྙོམས་པར་འཇུག་པ་ལ་གནས་པར་མི་འགྱུར། སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་ལ་གནས་པར་མི་འགྱུར། མི་སྐྱེ་བ་དང་། ཟད་པ་ཤེས་པ་དང་། ་མངོན་པར་འདུ་མི་བྱེད་པ་ཤེས་པ་ལ་གནས་པར་མི་འགྱུར། རིག་པ་དང་རྣམ་པར་གྲོལ་བ་ལ་གནས་པར་མི་འགྱུར། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་ལ་གནས་པར ་མི་འགྱུར། སོ་སོའི་སྐྱེ་བོ་དང་། ཉན་ཐོས་དང་། རང་སངས་རྒྱས་ཀྱི་ས་ལ་གནས་པར་མི་འགྱུར། སོ་སོའི་སྐྱེ་བོའི་ཆོས་དང་། ཉན་ཐོས་ཀྱི་ཆོས་དང་། རང་སངས་རྒྱས་ཀྱི་ཆོས་དང་། སངས་རྒྱས་ཀྱི ་ཆོས་ལ་གནས་པར་མི་འགྱུར། མྱ་ངན་ལས་འདས་པ་ལ་གནས་པར་མི་འགྱུར། འདས་པ་དང་། མ་འོངས་པ་དང་། ད་ལྟར་བྱུང་བ་ལ་ཐོགས་པ་མེད་པ་ལ་གནས་པར་མི་འགྱུར། དུས་གསུམ ་མཉམ་པ་ཉིད་ལ་གནས་པར་མི་འགྱུར། སངས་རྒྱས་ཀྱི་ཡེ་ཤེས་དང་། སྟོབས་དང་། མི་འཇིགས་པ་ལ་གནས་པར་མི་འགྱུར། ཐམས་ཅད་མཁྱེན་པའི་ཡེ་ཤེས་ལ་གནས་པར་མི་འགྱུར། ་མཚན་ཕུན་སུམ་ཚོགས་པ་ལ་གནས་པར་མི་འགྱུར། སངས་རྒྱས་ཀྱི་ཞིང་ཕུན་སུམ་ཚོགས་པ་ལ་གནས་པར་མི་འགྱུར། ཉན་ཐོས་ཕུན་སུམ་ཚོགས་པ་ལ་གནས་པར་མི་འགྱུར། བྱང ་ཆུབ་སེམས་དཔའ་བཀོད་པ་ཕུན་སུམ་ཚོགས་པ་ལ་གནས་པར་མི་འགྱུར། ཆོས་ཐམས་ཅད་ལ་གནས་པར་མི་འགྱུར་ཏེ། མི་གཡོ། ཀུན་ཏུ་མི་གཡོའོ། །དེ་གནས་ཐམས་ཅད་རྣམ་པར་བསལ་བས་མི ་གནས་ཏེ། ལམ་ལ་ཡང་མངོན་པར་མི་ཞེན། གནས་མེད་པ་ལ་ཡང་རློམ་སེམས་སུ་མི་བྱེད་དོ། །དེ་འདི་ནི། གནས་སོ། །ཞེས་མི་དམིགས། འདི་ན་གནས་སོ། །ཞེས་མི་དམིགས། འདིའི་གནས ་སོ|་|ཞེས་མི་དམིགས། རློམ་སེམས་སུ་མི་བྱེད། འདི་ནས་གནས་སོ།། ཞེས་མི་དམིགས་ཏེ། དེ་གནས་ཐམས་ཅད་ལ་རློམ་སེམས་སུ་མི་བྱེད། མི་དམིགས། མངོན་པར་མི་ཞེན་པས་གནས ་གང་དུ་ཡང་ཉེ་བར་མི་འགྲོ། ཉེ་བར་མི་སྟོན། མངོན་པར་དགའ་བར་མི་འགྱུར། ལྷག་པར་ཆགས་ནས་མི་གནས་ཏེ། གནས་ཐམས་ཅད་ཀྱིས་མི་གོས་མི་ཆགས་པས། གནས་ཐམས་ཅད ་རྣམ་པར་དག་པ་རྗེས་སུ་ཐོབ་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའི་ཆོས་ཐམས་ཅད་ཀྱི་གནས ་རྣམ་པར་དག་པའི་ཡེ་ཤེས་མཐོང་བ་སྟེ། དེས་དེ་ལ་བདུད་སྡིག་ཅན་རྣམས་ཀྱིས་གླགས་མི་རྙེད་ཅིང་བདུད་སྡིག་ཅན་རྣམས་ཀྱིས་མི་ཐུབ་སྟེ། བདུད་སྡིག་ཅན་རྣམས་ཟིལ་གྱིས་གནོན་པར་འགྱུར ་རོ|་|སྤྱོད་པའི་ལེའུ་ཞེས་བྱ་སྟེ། དྲུག་པའོ།། །།བམ་པོ་དྲུག་པ། རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས ་པའི་བྱང་ཆུབ་ཏུ་སེམས་མ་བསྐྱེད་པར་ཐོག་མ་ཉིད་དུ་དགེ་བའི་རྩ་བའི་ཚོགས་མང་པོ་ཡང་དག་པར་བསྒྲུབས་པར་འགྱུར། སངས་རྒྱས་མང་པོ་ལ་བསྙེན་བཀུར་བྱས་པར ་འགྱུར། སངས་རྒྱས་མང་པོ་ལ་ཀུན་འདྲི་བར་འགྱུར། སངས་རྒྱས་བཅོམ་ལྡན་འདས་རྣམས་ལ་བྱ་བ་བྱས་པར་འགྱུར། ལྷག་པའི་བསམ་པ་ཕུན་སུམ་ཚོགས་པར་འགྱུར། སྦྱིན་པ་འགྱེད ་པ་ལ་དགའ་བར་འགྱུར། ཚུལ་ཁྲིམས་རྣམ་པར་དག་པ་ལྷུར་ལེན་པར་འགྱུར། བཟོད་པ་དང་། དེས་པ་ཕུན་སུམ་ཚོགས་པར་འགྱུར། བརྩོན་འགྲུས་དང་ལྡན་པར་འགྱུར། བསམ་གཏན་རྣམ ་པར་དག་པ་ལྷུར་ལེན་པར་འགྱུར། ཤེས་རབ་དང་ལྡན་པར་འགྱུར། ཤེས་རབ་རྣམ་པར་དག་པ་ལྷུར་ལེན་པར་འགྱུར་ཏེ། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད ་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཏེ། ཤེས་རབ་ཀྱི་སྟོབས་དང་། ཡེ་ཤེས་ཀྱི་སྟོབས་དེས་ཅི་ནས་ཀྱང་བདག་ལ་བདུད་སྡིག་ཅན་གྱིས་གླགས་རྙེད་པར་མ་གྱུར་ཅིག། བདག་ལ་གཙེ ་བར་མ་གྱུར་ཅིག་། ཅེས་བདུད་སྡིག་ཅན་རྣམས་ལ་བྱིན་གྱིས་རློབ་བོ། །དེས་བྱིན་གྱིས་བརླབས་པས་བདུད་ཀྱིས་གླགས་མི་རྙེད་ཅིང་། དེ་ལ་བར་ཆད་བྱ་བའི་ཕྱིར་ཉེ་བར་གནས་པར་མི་འགྱུར་ཏེ། ་བྱང་ཆུབ་སེམས་དཔའ་དེ་ལ་བདག་གིས་ཀླན་ཀ་བཙལ་བའམ། མཐོ་འཚམ་པར་བྱའོ། །སྙམ་དུའང་སེམས་མི་བསྐྱེད་དོ། །གལ་ཏེ་དེ་དག་གིས་བར་ཆད་བྱ་བའི་ཕྱིར་སེམས་བསྐྱེད་ན། དེའི ་ཕྱིར་དེ་བདག་ལ་སྡུག་བསྔལ་ཆེན་པོ་འབྱུང་བར་ཡང་དག་པར་ཤེས་ནས་དེ་བདག་ལ་འཇིགས་པ་ཆེན་པོ་ཉེ་བར་གནས་པར་འགྱུར་བས། བདག་མེད་པར་མི་འགྱུར་གྲང་སྙམ་སྟེ། སྐྱོ་བར་གྱུར་ནས་མཐོ ་འཚམ་པའི་སེམས་གློན་པར་འགྱུར་ཞིང་། དེ་དག་གིས་སེམས་བསྐྱེད་པ་དེ་དག་ཀྱང་ནུབ་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། རྣམ་གྲངས་འདིས་བྱང་ཆུབ་སེམས་དཔའ་ལ་བདུད་སྡིག ་ཅན་རྣམས་ཀྱི་བར་ཆད་བྱ་བའི་ཕྱིར་ཉེ་བར་གནས་ཤིང་བར་ཆད་བྱ་བའི་སྐབས་མི་རྙེད་དོ། །རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འཆད་པ་དང་། བྱང ་ཆུབ་སེམས་དཔས་འདུན་པ་དང་། ལྷག་པའི་བསམ་པ་དང་། གུས་པ་དང་། རིམ་གྲོ་བྱ་བ་དང་། སྟོན་པར་འདུ་ཤེས་བསྐྱེད་པར་འགྱུར། ཕ་རོལ་ཏུ་ཕྱིན་པ་དྲུག་དང་ལྡན་པའི་གཏམ་བརྗོད་པ་ན་དོགས ་པ་དང་། ཐེ་ཚོམ་དང་། ཡིད་གཉིས་བསྐྱེད་པར་མི་འགྱུར། ཆོས་ཟབ་མོ་ཐོས་ན་མགོ་རྨོངས་པའམ། དོགས་པ་དང་། ཐེ་ཚོམ་བསྐྱེད་པར་མི་འགྱུར་ཏེ། དེ་ནམ་དུ་ཡང་ཆོས་ཀྱིས་ཕོངས་པར་འགྱུར་བའི ་ལས་གསོག་པར་མི་འགྱུར། དེ་ནམ་དུ་ཡང་ཆོས་ཀྱིས་ཕོངས་པར་འགྱུར་བའི་སེམས་བསྐྱེད་པར་མི་འགྱུར་ཏེ། སེམས་ཅན་གཞན་མང་པོ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་འཛིན ་དུ་འཇུག་པར་འགྱུར། ཕ་རོལ་ཏུ་ཕྱིན་པ་ཐམས་ཅད་ལ་ཡང་ཡང་དག་པར་དགའ་བ་དང་། ཡང་དག་པར་གཟེངས་བསྟོད་པར་བྱས་པར་འགྱུར་རོ། །དེའི་སྔོན་གྱི་བསམ་པ་རྣམ་པར་དག་པ་དང་། སྔོན་གྱི ་བསམ་པ་ཀུན་ནས་ཉོན་མོངས་པ་མེད་པས་བདུད་སྡིག་ཅན་རྣམས་བར་ཆད་བྱ་བའི་ཕྱིར་ཉེ་བར་གནས་པར་མི་འགྱུར། བདུད་སྡིག་ཅན་རྣམས་ཀྱིས་དེ་ལ་གླགས ་རྙེད་པར་མི་འགྱུར། བདུད་ཀྱི་ལས་བྱུང་ཞིང་སྐྱེས་པ་ཐམས་ཅད་ཁོང་དུ་ཆུད་པར་འགྱུར། བདུད་ཀྱི་ལས་ཀྱིས་འཕྲོག་པར་མི་འགྱུར། བདུད་ཀྱི་ལས་ཀྱི་དབང་དུ་འགྲོ་བར་མི་འགྱུར་རོ། །རབ་ཀྱི ་རྩལ་གྱིས་རྣམ་པར་གནོན་པ། རྣམ་གྲངས་འདིས་ཀྱང་བྱང་ཆུབ་སེམས་དཔའ་ལ་བདུད་སྡིག་ཅན་རྣམས་མཐོ་འཚམ་པའི་ཕྱིར་ཉེ་བར་གནས་པར་མི་འགྱུར་རོ། །རབ་ཀྱི་རྩལ་གྱིས་རྣམ་པར ་གནོན་པ། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའི་ནི། གཟུགས་དང་འདུ་བའི་མཚན་མ་ལ་མི་སྤྱོད། གཟུགས་དང་འབྲལ་བའི་མཚན་མ་ལ་མི་སྤྱོད། ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དང་འདུ་བའི་མཚན་མ་ལ་མི་སྤྱོད། འབྲལ་བའི་མཚན་མ་ལ་མི་སྤྱོད་དོ། །གཟུགས་ཀྱི་མཚན་ཉིད་དང་འདུ་བའི་མཚན ་མ་ལ་མི་སྤྱོད། གཟུགས་ཀྱི་མཚན་ཉིད་དང་འབྲལ་བའི་མཚན་མ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་མཚན་ཉིད་དང་འདུ་བའི་མཚན་མ་ལ ་མི་སྤྱོད། འབྲལ་བའི་མཚན་མ་ལ་མི་སྤྱོད། གཟུགས་རྣམ་པར་དག་པའི་མཚན་མ་ལ་མི་སྤྱོད། གཟུགས་རྣམ་པར་དག་པའི་མཚན་མ་མེད་པ་ལ་མི་སྤྱོད། ཚོར་བ་དང་། འདུ་ཤེས་དང་། འདུ ་བྱེད་རྣམས་དང་། རྣམ་པར་ཤེས་པ་རྣམ་པར་དག་པའི་མཚན་མ་ལ་མི་སྤྱོད། རྣམ་པར་ཤེས་པ་རྣམ་པར་དག་པའི་མཚན་མ་མེད་པ་ལ་མི་སྤྱོད། གཟུགས་ཀྱི་དམིགས་པ་རྣམ་པར་དག་པའི་མཚན་མ་ལ ་སྤྱོད|་གཟུགས་ཀྱི་དམིགས་པ་རྣམ་པར་དག་པའི་མཚན་མ་མེད་པ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དམིགས་པ་རྣམ་པར་དག་པའི་མཚན་མ་ལ་མི་སྤྱོད། རྣམ ་པར་ཤེས་པའི་དམིགས་པ་རྣམ་པར་དག་པའི་མཚན་མ་མེད་པ་ལ་མི་སྤྱོད། གཟུགས་འབྱུང་བ་རྣམ་པར་དག་པ་དང་འདུ་བ་ལ་མི་སྤྱོད། གཟུགས་འབྱུང་བ་རྣམ་པར་དག་པ་དང་འབྲལ་བ་ལ་མི་སྤྱོད། ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འབྱུང་བ་རྣམ་པར་དག་པ་དང་འདུ་བ་ལ་མི་སྤྱོད། རྣམ་པར་ཤེས་པ་འབྱུང་བ་རྣམ་པར་དག་པ་དང་འབྲལ་བ་ལ་མི་སྤྱོད། གཟུགས་ཀྱི་དམིགས་པ་ངོ་བོ་ཉིད་རྣམ ་པར་དག་པ་དང་འདུ་བ་ལ་མི་སྤྱོད། གཟུགས་ཀྱི་དམིགས་པ་ངོ་བོ་ཉིད་རྣམ་པར་དག་པ་དང་འབྲལ་བ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དམིགས་པ་ངོ་བོ་ཉིད་རྣམ ་པར་དག་པ་དང་འདུ་བ་ལ་མི་སྤྱོད། རྣམ་པར་ཤེས་པའི་དམིགས་པ་ངོ་བོ་ཉིད་རྣམ་པར་དག་པ་དང་འབྲལ་བ་ལ་མི་སྤྱོད། གཟུགས་ཀྱི་རང་བཞིན་རྣམ་པར་དག་པ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད ་རྣམས་དང་། རྣམ་པར་ཤེས་པའི་རང་བཞིན་རྣམ་པར་དག་པ་ལ་མི་སྤྱོད། གཟུགས་ཀྱི་དམིགས་པ་རང་བཞིན་རྣམ་པར་དག་པ་དང་འདུ་བ་ལ་མི་སྤྱོད། གཟུགས་ཀྱི་དམིགས་པ་རང་བཞིན་རྣམ་པར་དག་པ་དང་། ་འབྲལ་བ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དམིགས་པ་རང་བཞིན་རྣམ་པར་དག་པ་དང་འདུ་བ་ལ་མི་སྤྱོད། རྣམ་པར ་ཤེས་པའི་དམིགས་པ་རང་བཞིན་རྣམ་པར་དག་པ་དང་འབྲལ་བ་ལ་མི་སྤྱོད། གཟུགས་འདས་པ་དང་། མ་འོངས་པ་དང་། ད་ལྟར་བྱུང་བའི་རྣམ་པར་དག་པ་ལ་མི་སྤྱོད། ཚོར་བ་དང་། འདུ་ཤེས་དང་། འདུ ་བྱེད་རྣམས་དང་། རྣམ་པར་ཤེས་པ་འདས་པ་དང་། མ་འོངས་པ་དང་། ད་ལྟར་བྱུང་བའི་རྣམ་པར་དག་པ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དམིགས ་པ་འདས་པ་དང་། མ་འོངས་པ་དང་། ད་ལྟར་བྱུང་བ་རྣམ་པར་དག་པ་དང་འདུ་བ་ལ་མི་སྤྱོད་དོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དམིགས་པ་འདས་པ ་དང་། མ་འོངས་པ་དང་། ད་ལྟར་བྱུང་བའི་རྣམ་པར་དག་པ་དང་འབྲལ་བ་ལ་མི་སྤྱོད་དོ། །དེ་ལྟར་སྤྱོད་པ་ནི། གཟུགས་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། ཚོར་བ་དང་། འདུ ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དང་འདུ་བར་ཡང་མི་བྱེད། འབྲལ་བར་མི་བྱེད། མིང་དང་གཟུགས་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། ཕྱིན་ཅི་ལོག་དང ་ལྟ་བར་གྱུར་པ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། འདོད་པ་དང་། གཟུགས་དང་། གཟུགས་མེད་པའི་ཁམས་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། འདོད ་ཆགས་དང་། ཞེ་སྡང་དང་། གཏི་མུག་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། བདག་དང་། སེམས་ཅན་དང་། སྲོག་དང་། གང་ཟག་དང་། དངོས་པོ་དང་། དངོས་པོ་མེད་པར་འདུ་ཤེས་པ་དང ་འདུ་བར་ཡང་མི་བྱེད། འབྲལ་བར་ཡང་མི་བྱེད། ཆད་པ་དང་། རྟག་པ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། ཁམས་དང་། སྐྱེ་མཆེད་དང་འདུ་བར་ཡང་མི་བྱེད། འབྲལ་བར་ཡང་མི ་བྱེད། ས་དང་། ཆུ་དང་། མེ་དང་། རླུང་དང་། ནམ་མཁའ་དང་། རྣམ་པར་ཤེས་པའི་ཁམས་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། རྟེན་ཅིང་འབྲེལ་བར་འབྱུང་བ་དང་འདུ་བར་ཡང་མི ་བྱེད|་འབྲལ་བར་ཡང་མི་བྱེད། འདོད་པའི་ཡོན་ཏན་ལྔ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། ཀུན་ནས་ཉོན་མོངས་པ་དང་། རྣམ་པར་བྱང་བ་དང་འདུ་བར་ཡང་མི་བྱེད། འབྲལ་བར་ཡང་མི ་བྱེད|་གཏོང་བ་དང་། སེར་སྣ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། ཚུལ་ཁྲིམས་དང་། འཆལ་པའི་ཚུལ་ཁྲིམས་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། བཟོད་པ་དང་། ་གནོད་སེམས་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། བརྩོན་འགྲུས་དང་། ལེ་ལོ་དང་འདུ་བར་ཡང་མི་བྱེད་འབྲལ་བར་ཡང་མི་བྱེད། བསམ་གཏན་དང་། རྣམ་པར་གཡང་བ་དང་འདུ་བར་མི ་བྱེད|་འབྲལ་བར་ཡང་མི་བྱེད། ཤེས་རབ་དང་། འཆལ་པའི་ཤེས་རབ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། ཕྱིན་ཅི་མ་ལོག་པ་དང་། ཡང་དག་པར་སྤོང་བ་དང་། ཚད་མེད་པ་དང ་དང་། གནོད་སེམས་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། བརྩོན་འགྲུས་དང་། ལེ་ལོ་དང་འདུ་བར་ཡང་མི་བྱེད་འབྲལ་བར་ཡང་མི་བྱེད། བསམ་གཏན་དང་། རྣམ་པར་གཡེང་བ་དང་འདུ་བར་མི་བྱེད། འབྲལ་བར་ཡང་མི་བྱེད། ་ཤེས་རབ་དང་། འཆལ་བའི་ཤེས་རབ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། ཕྱིན་ཅི་མ་ལོག་པ་དང་། ཡང་དག་པར་སྤོང་བ་དང་། ཚད་མེད་པ་དང་། དྲན་པ་ཉེ་བར་བཞག་པ་དང་། རྫུ་འཕྲུལ་གྱི་རྐང་པ་དང་འདུ་བར་ཡང་མི་བྱེད། འབྲལ ་བར་ཡང་མི་བྱེད། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། ཏིང་ངེ་འཛིན་དང་། སྙོམས་པར་འཇུག་པ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་དང་འདུ་བར་ཡང་མི་བྱེད། འབྲལ་བར་ཡང ་མི་བྱེད། ཞི་གནས་དང་། ལྷག་མཐོང་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། རིག་པ་དང་། རྣམ་པར་གྲོལ་བ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། རྣམ་པར་གྲོལ་བའི་ཡེ་ཤེས་མཐོང་བ་དང་འདུ་བར་ཡང ་མི་བྱེད། འབྲལ་བར་ཡང་མི་བྱེད། མངོན་པར་ཤེས་པ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། སོ་སོའི་སྐྱེ་བོ་དང་། ཉན་ཐོས་དང་། རང་སངས་རྒྱས་ཀྱིས་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། སོ་སོའི་སྐྱེ་བོ་དང་། ་ཉན་ཐོས་དང་། རང་སངས་རྒྱས་ཀྱི་ཆོས་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། སྐྱེ་བ་དང་། ཟད་པ་དང་། མངོན་པར་འདུ་མི་བྱེད་པ་ཤེས་པ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། འཁོར་བ་དང་། མྱ་ངན་ལས་འདས་པ་དང་འདུ ་བར་ཡང་མི་བྱེད། འབྲལ་བར་ཡང་མི་བྱེད། སངས་རྒྱས་ཀྱི་ཡེ་ཤེས་དང་། སྟོབས་དང་། མི་འཇིགས་པ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། མཚན་ཕུན་སུམ་ཚོགས་པ་དང་འདུ་བར་ཡང་མི་བྱེད། འབྲལ ་བར་ཡང་མི་བྱེད། སངས་རྒྱས་ཀྱི་ཞིང་གི་བཀོད་པ་ཕུན་སུམ་པ་ཚོགས་པ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད། ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་ཕུན་སུམ ་ཚོགས་པ་དང་འདུ་བར་ཡང་མི་བྱེད། འབྲལ་བར་ཡང་མི་བྱེད་དོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི་འདུ་བར་ཡང་མི་བྱེད། འབྲལ་བར་ཡང་མི་བྱེད་པ་མ ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི་འདུ་བ་དང་འབྲལ་བར་ཉེ་བར་གནས་པ་མ་ཡིན་པའི་ཕྱིར་རོ། །རབ་ཀྱི་རྩལ་གྱིས་རྣམ་པར ་གནོན་པ། འདུ་ཞེས་བྱ་བའི་ཚིག་དེ་ནི་རྟག་པའོ། །འབྲལ་ཞེས་བྱ་བའི་ཚིག་དེ་ནི་ཆད་པའོ། །རབ་ཀྱི་རྩལ་གྱིས་རྣམ་པར་གནོན་པ། གང་གིས་ཀྱང་ཆོས་ཐམས་ཅད་འདུ་བའམ་འབྲལ ་པར་འགྱུར་བར་ཁོང་དུ་ཆུད་པ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི་འདུ་བའམ་འབྲལ་བའི་ཕྱིར་ཉེ་བར་གནས་པ་གང་ཡང་མེད་དོ། །རབ་ཀྱི་རྩལ་གྱིས་རྣམ ་པར་གནོན་པ། གལ་ཏེ་ཆོས་རྣམས་ལ་འདུ་བའམ་འབྲལ་བར་འགྱུར་བ་འགའ་ཞིག་ཡོད་ན། ཆོས་རྣམས་ཀྱི་བྱེད་པ་པོ་དང་། བྱེད་དུ་འཇུག་པ་དང་། སློང་བ་པོ་དང་། ཀུན་ནས་སློང་བ་པོ ་དང་། ཚོར་བ་པོ་དང་། ཚོར་བར་བྱེད་པ་དང་། ཤེས་པ་པོ་དང་། ཤེས་པར་བྱེད་པ་དང་། འདུ་བ་དང་། འབྲལ་བ་རྙེད་པར་འགྱུར་ཏེ། དེ་བཞིན་གཤེགས་པས་ཀྱང་ཆོས་རྣམས་ཀྱི་བྱེད་པ་པོ་དང་། བྱེད་དུ ་འཇུག་པ་དང་། སློང་བ་པོ་དང་། ཀུན་ནས་སློང་བ་པོ་དང་། ཚོར་བ་པོ་དང་། ཚོར་བར་བྱེད་པ་པོ་དང་། ཤེས་པ་པོ་དང་། ཤེས་པར་བྱེད་པ་པོ་དང་། འདུ་བར་བྱེད་པ་པོ་དང་། ་འབྲལ་བར་བྱེད་པ་པོ་དེ་ནི། འདིའོ། །ཞེས་བཅས་པར་འགྱུར་བ་ཞིག་ན། རབ་ཀྱི་རྩལ་གྱིས་རྣམ་པར་གནོན་པ། གང་གི་ཕྱིར་ཆོས་ཐམས་ཅད་ཀྱི་འདུ་བ་དང་འབྲལ་བ་ཉེ་བར་གནས་པ་གང་ཡང ་མེད་པ་དེའི་ཕྱིར་ཆོས་རྣམས་ཀྱི་བྱེད་པ་པོ་དང་། བྱེད་དུ་འཇུག་པ་དང་། སློང་བ་པོ་དང་། ཀུན་ནས་སློང་བ་པོ་དང་། ཚོར་བ་པོ་དང་། ཚོར་བར་བྱེད་པ་པོ་དང་། ཤེས་པ་པོ་དང་། ཤེས་པར ་བྱེད་པ་པོ་དང་། འདུ་བར་བྱེད་པ་པོ་དང་། འབྲལ་བར་བྱེད་པ་པོ་གང་ཡང་མི་དམིགས་ཏེ། མི་དམིགས་པས་དེ་བཞིན་གཤེགས་པས་ཀྱང་མ་བཅས་སོ། །རབ་ཀྱི་རྩལ་གྱིས་རྣམ་པར་གནོན་པ། ་ཆོས་ཐམས་ཅད་ནི། ཕྱིན་ཅི་ལོག་ལས་བྱུང་སྟེ། ཕྱིན་ཅི་ལོག་དེ་ཡང་འདུ་བ་དང་འབྲལ་བ་གང་ཡང་མེད་དོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཕྱིན་ཅི་ལོག་གི་དངོས་པོ ་དམིགས་སུ་མེད་དེ། དེའི་འབྱུང་བ་ཡང་མི་དམིགས་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཕྱིན་ཅི་ལོག་ནི། མེད་པ། ཡང་དག་པ་མ་ཡིན་པ། རྫུན་པ། གསོག ་སླུ་བའི་ཆོས་ཅན་ཏེ། དེ་ལ་ཆོས་གང་ཡང་མི་དམིགས་པས། དེ་ནི། ཕྱིན་ཅི་ལོག་ཅེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ཕྱིན་ཅི་ལོག་ཅེས་བྱ་བ་འདི་ནི། སེམས་ཅན་རྣམས་ལ་སླུ་བའོ།། ་འདི་ནི|་སེམས་ཅན་རྣམས་ལ་འདྲིད་པའོ། །འདི་ནི། སེམས་ཅན་རྣམས་ཀྱི་ཡང་དག་པ་མ་ཡིན་པ་ཀུན་རྟོག་པའོ། །འདི་ནི། སེམས་ཅན་རྣམས་ཀྱི་རློམ་སེམས་དང་། གཡོ་བ་དང་། སྤྲོས་པའོ། ། ་རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། བྱིས་པ་ནི། ཆད་པ་སྟོང་པས་བྲིད་ན། དེ་ཡང་དག་པ་སྙམ་དུ་འཛིན་ཏོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་བྱིས་པ ་སོ་སོའི་སྐྱེ་བོ་རྣམས་ཀྱང་གསོག་དང་། ཕྱིན་ཅི་ལོག་གིས་བྲིད་པས་རྨོངས་ནས་འདི་ཡང་དག་པ་ཡིན་པ་སྙམ་དུ་སེམས་སོ། །དེ་དག་ཡང་དག་པ་མ་ཡིན་པ་ལ་ཡང་དག་པར་འདུ་ཤེས་ཤིང་ཕྱིན་ཅི ་ལོག་པས། དེའི་ཕྱིར་ཕྱིན་ཅི་ལོག་དེ་ལས་འགྲོལ་དཀའ་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་ན། བྱིས་པ་སོ་སོའི་སྐྱེ་བོ་ཐམས་ཅད་ཕྱིན་ཅི་ལོག་གི་བཅིང་བས་བཅིངས་ནས ་ཀུན་ཏུ་འཁྱམས་ཏེ། འདུ་བ་དང་། འབྲལ་བ་མེད་པར་དེ་དག་འདུ་བ་སྙམ་དུ་སེམས། འདུ་བ་སྙམ་དུ་དམིགས། འདུ་བ་ཞེས་བཞག་པར་མཐོང་ཞིང་། འབྲལ་བ་ཞེས་མངོན་པར་ཞེན་ཏོ། །རབ་ཀྱི ་རྩལ་གྱིས་རྣམ་པར་གནོན་པ། གང་ན་འདུ་བར་གྱུར་བ་དེ་ན་འབྲལ་བར་འགྱུར་རོ། །གང་ན་འདུ་བ་དང་འབྲལ་བར་མི་དམིགས། རློམ་སེམས་སུ་མི་བྱེད། མངོན་པར་མི་ཞེན་པ་དེ་ནི། རབ་ཏུ་གྲོལ ་བའོ|་|གལ་ཏེ་འབྲལ་བ་སྙམ་དུ་སེམས་ཤིང་། དམིགས་པ་ལ་མངོན་པར་ཞེན་ན་ནི། དེ་འདུ་བ་ཉིད་དུ་འགྱུར་གྱི། འབྲལ་བ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལ་བྱང ་ཆུབ་སེམས་དཔས་དོན་གྱི་དབང་འདི་མཐོང་བས་ཆོས་གང་དང་ཡང་འདུ་བར་ཡང་མི་བྱེད། འབྲལ་བར་ཡང་མི་བྱེད། ཆོས་གང་འདུ་བའི་ཕྱིར་རམ། འབྲལ་བའི་ཕྱིར ་ཡང་ཉེ་བར་གནས་པར་མི་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔས་འདུ་བ་དང་འབྲལ་བ་ཡོངས་སུ་ཤེས ་པའོ|་|རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་ན། བྱང་ཆུབ་སེམས་དཔའ་མྱུར་དུ་ཆོས་ཐམས་ཅད་ཀྱི་ཕ་རོལ་ཁོང་དུ་ཆུད་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། ་གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ནི། གཟུགས་ལ་མི་ཆགས་པ་ཉིད་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ ་པར་ཤེས་པ་ལ་མི་ཆགས་པ་ཉིད་ལ་མི་སྤྱོད། གཟུགས་ལ་མི་ཆགས་པ་ཉིད་ཀྱི་རྣམ་པར་དག་པ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ ་མི་ཆགས་པ་ཉིད་ཀྱི་རྣམ་པར་དག་པ་ལ་མི་སྤྱོད། གཟུགས་ལ་མི་ཆགས་པ་ཉིད་ཀྱི་དམིགས་པ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ ་མི་ཆགས་པ་ཉིད་ཀྱི་དམིགས་པ་ལ་མི་སྤྱོད། གཟུགས་ལ་མི་ཆགས་པ་ཉིད་དང་། འདུ་བ་ལ་མི་སྤྱོད། གཟུགས་ལ་མི་ཆགས་པ་ཉིད་དང་འབྲལ་བ་ལ་མི་སྤྱོད། ཚོར་བ་དང་། འདུ་ཤེས་དང ་འདུ་བྱེད་རྣམས་དང་། རྣམ་པར་ཤེས་པ་ལ་མི་ཆགས་པ་ཉིད་དང་འདུ་བ་ལ་མི་སྤྱོད། རྣམ་པར་ཤེས་པ་ལ་མི་ཆགས་པ་ཉིད་དང་འབྲལ་བ་ལ་མི་སྤྱོད། གཟུགས་ལ་མི་ཆགས་པ་ཉིད་ཀྱི་རྣམ ་པར་དག་པ་དང་འདུ་བ་ལ་མི་སྤྱོད། གཟུགས་ལ་མི་ཆགས་པ་ཉིད་ཀྱི་རྣམ་པར་དག་པ་དང་འབྲལ་བ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ ་མི་ཆགས་པ་ཉིད་ཀྱི་རྣམ་པར་དག་པ་དང་འདུ་བ་ལ་མི་སྤྱོད། རྣམ་པར་ཤེས་པ་ལ་མི་ཆགས་པ་ཉིད་ཀྱི་རྣམ་པར་དག་པ་དང་འབྲལ་བ་ལ་མི་སྤྱོད། གཟུགས་ཀྱི་དམིགས་པ་རྣམ་པར་དག་པ་དང ་འདུ་བ་ལ་མི་སྤྱོད། གཟུགས་ཀྱི་དམིགས་པ་རྣམ་པར་དག་པ་དང་འབྲལ་བ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དམིགས་པ་རྣམ་པར་དག ་པ་དང་འདུ་བ་ལ་མི་སྤྱོད། རྣམ་པར་ཤེས་པའི་དམིགས་པ་རྣམ་པར་དག་པ་དང་འབྲལ་བ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས ་དཔས་གཡོ་བ་དང་། རློམ་སེམས་དང་། འགུལ་བ་དང་། སྤྱོད་པ་དང་། རྣམ་པར་སྤྱོད་པ་དེ་དག་ཐམས་ཅད་ཡོངས་སུ་ཤེས་ནས་གང་ལ་ཡང་མི་སྤྱོད། རྣམ་པར་མི་སྤྱོད་པའི་ཕྱིར་རོ། ། ་རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ནི། གཟུགས་འདས་པ་དང་། མ་འོངས་པ་དང་། ད་ལྟར་བྱུང ་པ་ལ་ཆགས་པར་མི་སྤྱོད། གཟུགས་འདས་པ་དང་། མ་འོངས་པ་དང་། ད་ལྟར་བྱུང་བ་ལ་མི་ཆགས་པར་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས ་དང་། རྣམ་པར་ཤེས་པ་འདས་པ་དང་། མ་འོངས་པ་དང་། ད་ལྟར་བྱུང་བ་ལ་ཆགས་པར་མི་སྤྱོད། རྣམ་པར་ཤེས་པ་འདས་པ་དང་། མ་འོངས་པ་དང་། ད་ལྟར་བྱུང་བ་ལ་མི་ཆགས་པར ་མི་སྤྱོད|་གཟུགས་འདས་པ་དང་། མ་འོངས་པ་དང་། ད་ལྟར་བྱུང་བ་རྣམ་པར་དག་པ་ལ་མི་སྤྱོད། གཟུགས་འདས་པ་དང་། མ་འོངས་པ་དང་། ད་ལྟར་བྱུང་བ་རྣམ་པར་དག་པ་མ ་ཡིན་པ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འདས་པ་དང་། མ་འོངས་པ་དང་། ད་ལྟར་བྱུང་བ་རྣམ་པར་དག་པ་ལ་མི་སྤྱོད། རྣམ་པར ་ཤེས་པ་འདས་པ་དང་། མ་འོངས་པ་དང་། ད་ལྟར་བྱུང་བ་རྣམ་པར་དག་པ་མ་ཡིན་པ་ལ་མི་སྤྱོད། གཟུགས་འདས་པ་དང་། མ་འོངས་པ་དང་། ད་ལྟར་བྱུང་བ་ལ་མི་ཆགས་པའི་དམིགས་པ ་རྣམ་པར་དག་པ་ལ་མི་སྤྱོད། གཟུགས་འདས་པ་དང་། མ་འོངས་པ་དང་། ད་ལྟར་བྱུང་བ་ལ་མི་ཆགས་པའི་དམིགས་པ་རྣམ་པར་དག་པ་མ་ཡིན་པ་ལ་མི་སྤྱོད། ཚོར་བ་དང་། འདུ་ཤེས་དང་། ་འདུ་བྱེད་རྣམས་དང་། རྣམ་པར་ཤེས་པ་འདས་པ་དང་། མ་འོངས་པ་དང་། ད་ལྟར་བྱུང་བ་ལ་མི་ཆགས་པའི་དམིགས་པར་རྣམ་པར་དག་པ་ལ་མི་སྤྱོད་དོ། །རྣམ་པར་ཤེས་པ་འདས་པ་དང་། མ ་འོངས་པ་དང་། ད་ལྟར་བྱུང་བ་ལ་མི་ཆགས་པའི་དམིགས་པ་རྣམ་པར་དག་པ་མ་ཡིན་པ་ལ་མི་སྤྱོད་དོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི ་བྱང་ཆུབ་སེམས་དཔས་ནི། སྤྱོད་པ་ཡང་དག་པར་རྗེས་སུ་མི་མཐོང་བའི་ཕྱིར་རོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའི་སྤྱོད་པ ་ཐམས་ཅད་ལ་འཇུག་པ་དེ་ནི། སྤྱོད་པ་མེད་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། མྱུར་དུ་ཐམས་ཅད་མཁྱེན་པ་ཉིད་ཀྱི་ཆོས་ཡོངས་སུ་རྫོགས་པར་འགྱུར ་རོ|་|རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ནི། གཟུགས་ལ་མ་བསྒྲིབས་པ་ཞེས་མི་སྤྱོད། མ་བསྒྲིབས་པ་མ་ཡིན་པ་ཞེས་མི ་སྤྱོད|་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མ་བསྒྲིབས་པ་ཞེས་མི་སྤྱོད། རྣམ་པར་ཤེས་པ་ལ་མ་བསྒྲིབས་པ་མ་ཡིན་པ་ཞེས་མི་སྤྱོད། གཟུགས་ལ་ཞི་ཞེས་མི་སྤྱོད། ་གཟུགས་ལ་མ་ཞི་ཞེས་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཞི་བ་ཞེས་མི་སྤྱོད། རྣམ་པར་ཤེས་པ་ལ་མ་ཞི་ཞེས་མི་སྤྱོད། གཟུགས་ལ་རང་བཞིན ་གྱིས་མ་བསྒྲིབས་པ་ཞེས་མི་སྤྱོད། གཟུགས་ལ་རང་བཞིན་གྱིས་མ་བསྒྲིབས་པ་མ་ཡིན་ཞེས་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་རང་བཞིན་གྱིས་མ ་བསྒྲིབས་པ་ཞེས་མི་སྤྱོད། རྣམ་པར་ཤེས་པ་ལ་རང་བཞིན་གྱིས་མ་བསྒྲིབས་པ་མ་ཡིན་ཞེས་མི་སྤྱོད། གཟུགས་ལ་རང་བཞིན་གྱིས་ཞི་བ་ཞེས་མི་སྤྱོད། གཟུགས་ལ་རང ་བཞིན་གྱིས་མ་ཞི་བ་ཞེས་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་རང་བཞིན་གྱིས་ཞི་བ་ཞེས་མི་སྤྱོད། རྣམ་པར་ཤེས་པ་ལ་རང་བཞིན་གྱིས་མ་ཞི་ཞེས ་མི་སྤྱོད། གཟུགས་འདས་པ་དང་། མ་འོངས་པ་དང་། ད་ལྟར་བྱུང་བ་ལ་རང་བཞིན་གྱིས་དབེན་པའམ། རང་བཞིན་གྱིས་ཞི་བ་ཞེས་མི་སྤྱོད། གཟུགས་འདས་པ་དང་། མ་འོངས་པ་དང་། ད་ལྟར ་བྱུང་བ་ལ་རང་བཞིན་གྱིས་དབེན་པ་མ་ཡིན་པའམ། རང་བཞིན་གྱིས་ཞི་བ་མ་ཡིན་པ་ཞེས་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འདས་པ་དང་། མ་འོངས ་པ་དང་། ད་ལྟར་བྱུང་བ་ལ་རང་བཞིན་གྱིས་དབེན་པའམ། རང་བཞིན་གྱིས་ཞི་བ་ཞེས་མི་སྤྱོད། རྣམ་པར་ཤེས་པ་འདས་པ་དང་། མ་འོངས་པ་དང་། ད་ལྟར་བྱུང་བ་ལ་རང་བཞིན་གྱིས་དབེན་པ་མ་ཡིན ་པའམ། རང་བཞིན་གྱིས་ཞི་བ་མ་ཡིན་པ་ཞེས་མི་སྤྱོད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། མྱུར་དུ་ཐམས་ཅད་མཁྱེན་པ་ཉིད་ཀྱི་ཆོས་ཡོངས་སུ ་རྫོགས་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ནི། གཟུགས་ལ་རློམ་སེམས་སུ་མི་བྱེད། དེ ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་རློམ་སེམས་སུ་མི་བྱེད། གཟུགས་ཀྱི་རྣམ་པར་དག་པ་ལ་རློམ་སེམས་སུ་མི་བྱེད། གཟུགས་ཀྱི་དམིགས་པ ་རྣམ་པར་དག་པ་ལ་རློམ་སེམས་སུ་མི་བྱེད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་རྣམ་པར་དག་པ་ལ་རློམ་སེམས་སུ་མི་བྱེད། རྣམ་པར་ཤེས ་པའི་དམིགས་པ་རྣམ་པར་དག་པ་ལ་རློམ་སེམས་སུ་མི་བྱེད། རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ནི། གཟུགས ་ལ་མངོན་པར་མི་ཞེ་ན། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མངོན་པར་མི་ཞེ་ན། གཟུགས་ཀྱི་རྣམ་པར་དག་པ་ལ་མངོན་པར་མི་ཞེ་ན། ཚོར ་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་རྣམ་པར་དག་པ་ལ་མངོན་པར་མི་ཞེ་ན། གཟུགས་ཀྱི་དམིགས་པ་རྣམ་པར་དག་པ་ལ་མངོན་པར་མི་ཞེ་ན། ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དམིགས་པ་རྣམ་པར་དག་པ་ལ་མངོན་པར་མི་ཞེན་ཏོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས ་དཔའ་ནི། མྱུར་དུ་ཐམས་ཅད་མཁྱེན་པ་ཉིད་ཀྱི་ཆོས་རྣམས་ཡོངས་སུ་རྫོགས་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། དེ་བཞིན། ་གཤེགས་པའི་སྟོབས་བཅུ་དང་། དེ་བཞིན་གཤེགས་པའི་མི་འཇིགས་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། བྱམས་པ་ཆེན་པོ་དང་། ་སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་ཉེ་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། སྐྱེས་བུ་ཆེན ་པོའི་མཚན་སུམ་ཅུ་རྩ་གཉིས་པར་ཉེ་བར་འགྱུར། གསེར་གྱི་ཁ་དོག་གི་མདོག་དང་ཉེ་བར་འགྱུར། དེ་བཞིན་གཤེགས་པའི་འོད་མཐའ་ཡས་པ་དང་ཉེ་བར་འགྱུར། གླང་པོ་ལྟར་བལྟ་བ་དང་ཉེ ་བར་འགྱུར། སྤྱི་གཙུག་བལྟར་མི་མངོན་པ་དང་ཉེ་བར་འགྱུར། འདས་པ་དང་། མ་འོངས་པ་དང་། ད་ལྟར་བྱུང་བ་ལ་ཐོགས་པ་མེད་པའི་ཡེ་ཤེས་མཐོང་བ་དང་ཉེ་བར་འགྱུར། དེ་བཞིན་གཤེགས ་པའི་གདམས་པ་དང་། རྗེས་སུ་བསྟན་པ་དང་། ཆོ་འཕྲུལ་དང་ཉེ་བར་འགྱུར། འདས་པ་དང་། མ་འོངས་པ་དང་། ད་ལྟར་བྱུང་བ་ལ་ཐོགས་པ་མེད་པའི་ཡེ་ཤེས་མཐོང་བ་ལ་ལུང་བསྟན་པ་དང་ཉེ ་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། མྱུར་དུ་སངས་རྒྱས་ཀྱི་ཆོས་ཡོངས་སུ་དག་པ་ཐམས་ཅད་ཐོབ་པར་འགྱུར་རོ། །རབ་ཀྱི་རྩལ་གྱིས ་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། མྱུར་དུ་སངས་རྒྱས་ཀྱི་ཞིང་ཡོངས་སུ་དག་པ་ཐོབ་པར་འགྱུར་རོ། །མྱུར་དུ་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས ་དཔའ་བཀོད་པ་ཕུན་སུམ་ཚོགས་པ་ཡོངས་སུ་འཛིན་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། གཟུགས་ལ་རབ་ཏུ་མི་གནས། ཚོར་བ་དང་། ་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་རབ་ཏུ་མི་གནས། མིང་དང་གཟུགས་ལ་རབ་ཏུ་མི་གནས། ཕྱིན་ཅི་ལོག་དང་། སྒྲིབ་པ་དང་། ལྟ་བར་གྱུར་པ་ལ་རབ་ཏུ་མི་གནས། འདོད ་པ་དང་། གཟུགས་དང་། གཟུགས་མེད་པའི་ཁམས་ལ་རབ་ཏུ་མི་གནས། བདག་གི་ཁམས་དང་། སེམས་ཅན་གྱི་ཁམས་ལ་རབ་ཏུ་མི་གནས། གང་ཟག་དང་། སྲོག་ཏུ་འདུ་ཤེས་པ་ལ་རབ་ཏུ་མི ་གནས། ཚུལ་ཁྲིམས་དང་། འཆལ་བའི་ཚུལ་ཁྲིམས་དང་། ས་དང་། ཆུ་དང་། མེ་དང་། རླུང་དང་། ནམ་མཁའ་དང་། རྣམ་པར་ཤེས་པའི་ཁམས་ལ་རབ་ཏུ་མི་གནས། ཁམས་དང་། སྐྱེ་མཆེད་ལ་རབ་ཏུ ་མི་གནས། ཀུན་ནས་ཉོན་མོངས་པ་དང་། རྣམ་པར་བྱང་བ་ལ་རབ་ཏུ་མི་གནས། རྟེན་ཅིང་འབྲེལ་པར་འབྱུང་བ་ལ་རབ་ཏུ་མི་གནས། གཏོང་བ་དང་སེར་སྣ་ལ་རབ་ཏུ་མི་གནས་ཚུལ་ཁྲིམས་དང་འཆལ་བའི ་ཚུལ་ཁྲིམས་ལ་རབ་ཏུ་མི་གནས། བཟོད་པ་དང་གནོད་སེམས་ལ་རབ་ཏུ་མི་གནས། བརྩོན་འགྲུས་དང་ལེ་ལོ་ལ་རབ་ཏུ་མི་གནས། བསམ་གཏན་དང་རྣམ་པར་གཡེང་བ་ལ་རབ་ཏུ་མི་གནས། ཤེས ་རབ་དང་འཆལ་བའི་ཤེས་རབ་ལ་རབ་ཏུ་མི་གནས། དྲན་པ་ཉེ་བར་གཞག་པ་དང་། ཡང་དག་པའི་སྤོང་བ་དང་། ཚད་མེད་པ་དང་། རྫུ་འཕྲུལ་གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི ་ཡན་ལག་ལ་རབ་ཏུ་མི་གནས། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ལ་རབ་ཏུ་མི་གནས། སྡུག་བསྔལ་དང་། ཀུན་འབྱུང ་བ་དང་། འགོག་པ་དང་། ལམ་ལ་རབ་ཏུ་མི་གནས། ཟད་པ་དང་། མངོན་པར་འདུ་མི་བྱེད་པ་དང་། མི་སྐྱེ་བ་ཤེས་པ་ལ་རབ་ཏུ་མི་གནས། ཞི་གནས་དང་། ལྷག་མཐོང་ལ་རབ་ཏུ་མི་གནས། མངོན ་པར་ཤེས་པ་ལ་རབ་ཏུ་མི་གནས། རིག་པ་དང་། རྣམ་པར་གྲོལ་བ་ལ་རབ་ཏུ་མི་གནས། སོ་སོའི་སྐྱེ་བོ་དང་། ཉན་ཐོས་དང་། རང་སངས་རྒྱས་དང་། སངས་རྒྱས་ཀྱི་ས་ལ་རབ་ཏུ་མི་གནས། སོ་སོའི ་སྐྱེ་བོ་དང་། ཉན་ཐོས་དང་། རང་སངས་རྒྱས་དང་། སངས་རྒྱས་ཀྱི་ཆོས་ལ་རབ་ཏུ་མི་གནས། མྱ་ངན་ལས་འདས་པ་ལ་རབ་ཏུ་མི་གནས། སངས་རྒྱས་ཀྱི་ཡེ་ཤེས་དང་། སྟོབས་དང་། མི་འཇིགས་པ ་ལ་རབ་ཏུ་མི་གནས། ཐོགས་པ་མེད་པའི་ཡེ་ཤེས་ལ་རབ་ཏུ་མི་གནས། འདས་པ་དང་། མ་འོངས་པ་དང་། ད་ལྟར་བྱུང་བའི་ཡེ་ཤེས་མཐོང་བ་ལ་རབ་ཏུ་མི་གནས། སངས་རྒྱས་ཀྱི་ཞིང་ཕུན་སུམ ་ཚོགས་པ་ལ་རབ་ཏུ་མི་གནས། ཉན་ཐོས་བཀོད་པ་ཕུན་སུམ་ཚོགས་པ་ལ་རབ་ཏུ་མི་གནས། བྱང་ཆུབ་སེམས་དཔའ་བཀོད་པ་ཕུན་སུམ་ཚོགས་པ་ལ་རབ་ཏུ་མི་གནས་སོ། །དེ་ཅིའི་ཕྱིར་ཞེ་ན། རབ ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི། མི་གནས་པའི་ཕྱིར། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི། གནས་མེད་པའོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས ་རྣམ་པར་གནོན་པ། ཆོས་ཐམས་ཅད་ནི། གཞི་མེད་པ་སྟེ། གཞི་མེད་པའི་ཕྱིར་མི་གནས་སོ། །རབ་ཀྱི་རྩལ་གྱིས་རྣམ་པར་གནོན་པ། གལ་ཏེ་ཆོས་རྣམས་ལ་གནས་ཡོད་པར་གྱུར་ན་ནི། ཆོས་རྣམས་ཀྱི ་གཞི་ཡོད་པའམ། ཐེར་ཟུག་ཏུ་གནས་པར་འགྱུར་ཏེ། དེ་བཞིན་གཤེགས་པས་ཀྱང་འདི་ནི། ཆོས་རྣམས་ཀྱི་རྟེན། འདི་ནི། ཆོས་རྣམས་ཀྱི་གཞི། འདི་ནི། ཆོས་རྣམས་ཀྱི་གསོག་པ་ཞེས་ཆོས ་ཐམས་ཅད་ཀྱི་གནས་སྟོན་པར་འགྱུར་བ་ཞིག་ན། རབ་ཀྱི་རྩལ་གྱིས་རྣམ་པར་གནོན་པ། གང་གི་ཕྱིར་ཆོས་ཐམས་ཅད་མི་གནས་ཤིང་གཞི་མེད་པ་དང་། གསོག་པ་མེད་པ་དེའི་ཕྱིར་ཆོས་གང་ཡང་ཐེར་ཟུག ་ཏུ་གནས་པ་མེད་དེ། དེ་བས་ན། དེ་བཞིན་གཤེགས་པས་ཆོས་རྣམས་ཀྱི་གནས་དང་། གཞི་དང་། གསོག་པ་མ་བསྟན་ཏོ། །རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི། ཡོངས་སུ་མ་གྲུབ་པ་སྟེ། ་རང་བཞིན་མེད་པའོ། །ཆོས་གང་ཡང་མེད་ཅིང་ཡོངས་སུ་མ་གྲུབ་པས། ཆོས་རྣམས་ནི། གང་དུ་ཡང་མི་གནས་ཏེ། དེའི་ཕྱིར་ཆོས་ཐམས་ཅད་ནི། མི་གནས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན ་པ|་གནས་མེད་པའི་ཚུལ་དང་། རྟེན་པ་མེད་པའི་ཚུལ་གྱིས་ཆོས་ཐམས་ཅད་མི་གནས་པ་སྟེ། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི། གནས་པ་མེད་དོ། །རབ་ཀྱི་རྩལ་གྱིས་རྣམ་པར ་གནོན་པ། འདི་ལྟ་སྟེ། དཔེར་ན། ཆུ་ཀླུང་ཆེན་པོ་བཞི་ནི། མཚོ་མ་དྲོས་པ་ལས་འབབ་སྟེ། མཚོ་ཆེན་པོ་ལ་མ་ཐུག་པར་རྒྱུན་མི་འཆད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཆོས་ཅན་ཡང ་མངོན་པར་འདུ་བྱེད་པ་ཟད་པར་མ་གྱུར་གྱི་བར་དུ་གནས་པ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། མངོན་པར་འདུ་མི་བྱེད་ཅེས་བྱ་བ་དེ་ལ་གནས་ཀྱང་མེད། གནས་མ ་ཡིན་པའང་མེད། རྒྱུན་མི་འཆད་པའང་མེད་དེ། བགྲང་བ་དེ་ཐམས་ཅད་དེ་ལ་མེད་དོ། །རབ་ཀྱི་རྩལ་གྱིས་རྣམ་པར་གནོན་པ། གནས་ཞེས་བྱ་བའམ། རྒྱུན་ཆད་ཅེས་བྱ་བའམ། གནས་མེད་པ ་ཞེས་བྱ་བའམ། མངོན་པར་འདུ་བྱེད་པ་ཞེས་བྱ་བ་དེ་དག་ནི། བགྲང་བར་བསྟན་པའོ། །རབ་ཀྱི་རྩལ་གྱིས་རྣམ་པར་གནོན་པ། གནས་སམ། རྟེན་ནམ། གཞི་ཞེས་བྱ་བ་དེ་ནི། སེམས་ཅན་རྣམས ་ཀྱི་ཇི་ལྟར་འཇུག་པ་བསྟན་པ་བྱས་པའོ། །མངོན་པར་འདུ་བྱེད་པ་མེད་པ་ལ་ནི། བགྲང་པ་འདི་གང་ཡང་མེད་དེ། དེའི་ཕྱིར་ཆོས་ཐམས་ཅད་མི་གནས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ་འདི་ནི|་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ཆོས་ཐམས་ཅད་ལ་མི་གནས་པར་སྦྱོར་བའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ ་ནི|་མྱུར་དུ་ཐམས་ཅད་མཁྱེན་པ་ཉིད་ཀྱི་ཆོས་རྣམས་ཡོངས་སུ་རྫོགས་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཉེ་བར་འགྱུར། མྱུར་དུ་བྱང་ཆུབ་ཀྱི་སྙིང་པོར་འགྲོ་བར་འགྱུར། མྱུར་དུ ་ཐམས་ཅད་མཁྱེན་པའི་ཡེ་ཤེས་ཐོབ་པར་འགྱུར། མྱུར་དུ་འདས་པ་དང་། མ་འོངས་པ་དང་། ད་ལྟར་བྱུང་བའི་ཡེ་ཤེས་ཡོངས་སུ་རྫོགས་པར་འགྱུར། མྱུར་དུ་སེམས་ཅན་ཐམས་ཅད་ཀྱི་སེམས་བསྐྱེད ་མ་དང་། གཡོས་པའི་ཕ་རོལ་ཏུ་འགྲོ་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་དོན་བྱེད་པར་འདོད་པ་དང་། སེམས ་ཅན་ཐམས་ཅད་ལ་སྦྱིན་པ་སྦྱིན་པར་འདོད་པ་དང་། སེམས་ཅན་ཐམས་ཅད་ལ་ཆོས་ཀྱི་སྦྱིན་པས་ཚིམ་པར་བྱེད་པར་འདོད་པ་དང་། སེམས་ཅན་ཐམས་ཅད་ཀྱི་མ་རིག་པའི་སྒོ་ངའི་སྤུབས་གཅོག་པར་འདོད ་པ་དང་། སེམས་ཅན་ཐམས་ཅད་ལ་ཡེ་ཤེས་ཆེན་པོ་སངས་རྒྱས་ཀྱི་ཡེ་ཤེས་སྒྲུབ་པར་འདོད་པ་དང་། སེམས་ཅན་ཐམས་ཅད་ལ་སྙིང་བརྩེ་བར་འདོད་པ་དང་། སེམས་ཅན་ཐམས་ཅད་ལ་ཕན་པ་ཚོལ་བར ་འདོད་པ་དང་། སེམས་ཅན་ཐམས་ཅད་ལ་ཆོས་ཀྱི་ལོ་ལེགས་པར་འདོད་པ་དང་། སེམས་ཅན་ཐམས་ཅད་ལ་ལོངས་སྤྱོད་ཀྱི་ལོ་ལེགས་པར་བྱེད་པར་འདོད་པ་དང་། སེམས་ཅན་ཐམས་ཅད་ལ་ཚུལ་ཁྲིམས ་ཀྱི་ལོ་ལེགས་པར་བྱེད་པར་འདོད་པ་དང་། སེམས་ཅན་ཐམས་ཅད་ལ་བཟོད་པ་དང་དེས་པའི་ལོ་ལེགས་པར་བྱེད་པར་འདོད་པ་དང་། སེམས་ཅན་ཐམས་ཅད་ལ་བརྩོན་འགྲུས་ཀྱི་ལོ་ལེགས་པར་བྱེད་པར་འདོད་པ་དང་། ་སེམས་ཅན་ཐམས་ཅད་ལ་བསམ་གཏན་གྱི་ལོ་ལེགས་པར་བྱེད་པར་འདོད་པ་དང་། སེམས་ཅན་ཐམས་ཅད་ལ་ཤེས་རབ་ཀྱི་ལོ་ལེགས་པར་བྱེད་པར་འདོད་པ་དང་། སེམས་ཅན་ཐམས་ཅད་བསྡམ་པར་གྲོལ་བའི ་ལོ་ལེགས་པར་བྱེད་པར་འདོད་པ་དང་། སེམས་ཅན་ཐམས་ཅད་ལ་མཐོ་རིས་སུ་སྐྱེ་བའི་ལོ་ལེགས་པར་བྱེད་པར་འདོད་པ་དང་། སེམས་ཅན་ཐམས་ཅད་ལ་རིག་པ་དང་། རྣམ་པར་གྲོལ་བའི་ལོ་ལེགས་པར་བྱེད་པར ་འདོད་པ་དང་། སེམས་ཅན་ཐམས་ཅད་ལ་རིག་པ་དང་། རྣམ་པར་གྲོལ་བའི་ཡེ་ཤེས་མཐོང་བའི་ལོ་ལེགས་པར་བྱེད་པར་འདོད་བ་དང་། སེམས་ཅན་ཐམས་ཅད་ལ་མྱ་ངན་ལས་འདས ་པའི་ལོ་ལེགས་པར་བྱེད་པར་འདོད་པ་དང་། སེམས་ཅན་ཐམས་ཅད་ལ་སངས་རྒྱས་ཀྱི་ཆོས་ཀྱི་ལོ་ལེགས་པར་བྱེད་པར་འདོད་པ་དང་། སེམས་ཅན་ཐམས་ཅད་ལ་ཡོན་ཏན་ཕུན་སུམ་ཚོགས་པ་ཐམས་ཅད ་ཀྱི་ལོ་ལེགས་པར་བྱེད་པར་འདོད་པ་དང་། དགེ་སྦྱོང་དང་། བྲམ་ཟེ་དང་། ལྷ་དང་། བདུད་དང་། གཞན་སུས་ཀྱང་ཆོས་དང་མཐུན་པར་སྔོན་མ་བསྐོར་བའི་ཆོས་ཀྱི་འཁོར་ལོ་བསྐོར་བར་འདོད་པ་དང་། ཆོས་ཀྱི་གཏམ ་བྱེད་པར་འདོད་པ་དང་། སངས་རྒྱས་ཀྱི་སར་ལུང་བསྟན་པར་འདོད་པ་དང་། ཉན་ཐོས་ཀྱི་ས་ལ་ལུང་བསྟན་པར་འདོད་པ་དང་། རང་སངས་རྒྱས་ཀྱི་ས་ལ་ལུང་བསྟན་པར་འདོད་པ་དང་། སེམས་ཅན་རྣམས་ཀྱི་སྔོན་གྱི ་སྨོན་ལམ་དང་། དགེ་བའི་རྩ་བ་བསྐུལ་བར་འདོད་པས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བསླབ་པར་བྱའོ། །བརྩོན་པར་བྱའོ། །འབད་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྒོམ་པར་སྦྱོར་བ་ལ་བརྩོན་པར་བྱའོ།། ་རབ་ཀྱི་རྩལ་གྱིས་རྣམ་པར་གནོན་པ། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ལ་བརྩོན་པ་དང་། ནན་ཏན་བྱེད་པ་དང་། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་གནས་པ་དེ་མི་འདོར་བ་ལས ་སངས་རྒྱས་ཀྱི་ཆོས་ཐམས་ཅད་མྱུར་དུ་ཡོངས་སུ་རྫོགས་པར་བྱེད་པ་དེ་ལྟ་བུ་བྱང་ཆུབ་སེམས་དཔའི་ཆོས་གཞན་གང་ཡང་ངས་མ་མཐོང་ངོ་། །རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་གང་ལ་ལ་ཤེས ་རབ་ཀྱི་ཕ་རོལ་ཏུ་ཕྱིན་པ་འདི་ལ་སྤྱོད་ན་བྱང་ཆུབ་སེམས་དཔའ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་ཞིང་། དེར་ཐུག་པར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་གང ་ལ་ལའི་རྣ་ལམ་དུ་ཐོས་པ་དང་། ཐོས་ནས་ཀྱང་མོས་པ་དང་། མངོན་པར་དགའ་བ་དང་། ཡང་དག་པར་འདུ་ཤེས་བསྐྱེད་པ་དེ་དག་ཀྱང་དགེ་བའི་རྩ་བ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྲུབ་པར་འགྱུར་རོ། །ཞེས ་ངས་བཤད་དེ། དེར་ཐུག་པར་ཡང་རིག་པར་བྱའོ། །རིགས་ཀྱི་བུའམ། རིགས་ཀྱི་བུ་མོ་དེ་དག་ནི། ཚོགས་ཆེན་པོ་བསགས་པས་དགེ་བའི་རྩ་བ་གཞན་ཡང་ཡོངས་སུ་སྡུད་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། ཤེས ་རབ་ཀྱི་ཕ་རོལ་ཏུ་ཕྱིན་པའི་ཐབས་མཁས་པ་བསྟན་པའི་ལེའུ་འདི་བྱང་ཆུབ་སེམས་དཔའ་གང་དག་གི་ལག་ཏུ་སོང་བར་གྱུར་པ་དེ་དག་ཁ་ཅིག་སངས་རྒྱས་བཅོམ་ལྡན་འདས་རྣམས་ཀྱིས་མངོན་སུམ་དུ་ལུང་མ་བསྟན་ཀྱང་དེ་དག་ནི། ལུང ་བསྟན་པ་དང་ཉེ་སྟེ། དེ་དག་ནི། རིང་པོ་མི་ཐོགས་པར་མངོན་སུམ་དུ་ལུང་བསྟན་པ་ཐོབ་པར་འགྱུར་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སེམས་ཅན་གང་དགེ་བ་བཅུའི་ལས་ཀྱི་ལམ་ཡང ་དག་པར་བཟུང་སྟེ་འདུག་པའི་སེམས་ཅན་དེ་དག་བྱང་གི་སྒྲ་མི་སྙན་དུ་སྐྱེ་བ་དང་ཉེ་བ་སྟེ། དེར་ཐུག་པར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བྱང་ཆུབ་སེམས་དཔའ ་གད་གི་ལག་ཏུ་འགྲོ་བར་འགྱུར་བ་དེ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བ་ཡིན་པར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སེམས་ཅན་གང་དག་སྦྱིན་པ ་སྦྱིན་ཞིང་ལྷུག་པར་གཏོང་བར་འགྱུར་ལ། སེམས་ཅན་རྣམས་ཀྱང་སྦྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན་པས་ཀུན་སྡུད་ཅིང་ཚུལ་ཁྲིམས་ཀྱང་སྲུང་ལ། ང་རྒྱལ་བཅོམ་པའི ་སེམས་ཅན་དེ་དག་མྱུར་དུ་རིགས་མཐོན་པོ་དང་ལོངས་སྤྱོད་ཆེན་པོར་འགྱུར་ཏེ། དེར་ཐུག་པར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སེམས་ཅན་གང་དག་སྦྱིན ་པའི་ངང་ཚུལ་ཅན་དུ་གྱུར་པ། ཚུལ་ཁྲིམས་ཕུན་སུམ་ཚོགས་པར་གྱུར་པ། བཟོད་པ་ཕུན་སུམ་ཚོགས་པར་གྱུར་པ། སེམས་ཅན་ལ་བྱམས་པ་བསྐྱེད་པ། སེམས་ཅན་རྣམས་ཀྱང་ཚུལ་ཁྲིམས་འཛིན་དུ་འཇུག་ཅིང ་དབང་པོར་གྱུར་པ་ལ་སོགས་པ་དེ་དག་ནི། མྱུར་དུ་འཁོར་ལོས་བསྒྱུར་བའི་རྒྱལ་པོ་བྱེད་པར་འགྱུར་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི། བྱང ་ཆུབ་སེམས་དཔའ་གང་གི་ལག་ཏུ་འགྲོ་བར་འགྱུར་བ་དེ་མྱུར་དུ་བྱང་ཆུབ་ཀྱི་སྙིང་པོར་འགྲོ་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། རྒྱལ་པོ་རྒྱལ་རིགས་གང་ཟླ་བ་ཉ་ཚེས་བཅོ ་ལྔ་ལ་དོན་བྱེད་ཅིང་འདུག་པའི་མདུན་དུ་འཁོར་ལོ་རིན་པོ་ཆེ་བྱུང་བར་གྱུར་ན། དེ་ཉིད་འཁོར་ལོས་བསྒྱུར་བར་འགྱུར་ཞིང་། མྱུར་དུ་དེའི་རིན་པོ་ཆེ་སྣ་བདུན་ཐམས་ཅད་ཀྱང་འབྱུང་བར་འགྱུར་བར་རིག་པར་བྱའོ། ། ་རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་ལེའུ་འདི། བྱང་ཆུབ་སེམས་དཔའ་གང་གི་ལག་ཏུ་འགྲོ་བར་འགྱུར་བ་དེ། མྱུར་དུ་ཐམས་ཅད་མཁྱེན་པའི་དམིགས་པ་དང་ལྡན་པར ་འགྱུར་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། སེམས་ཅན་གང་དག་དགེ་བའི་རྩ་བ་མཆོག་དང་ལྡན་པར་གྱུར་ཅིང་། སྤྱོད་པ་ཡང་བཟང་། རྒྱ་ཆེན་པོ་ལ་ཡང ་མོས་པར་གྱུར་ལ། དེ་དག་མིའི་ལུས་ལ་མི་མཐུན་པར་འདུ་ཤེས་འཇོག་ཅིང་། ཚུལ་ཁྲིམས་ཕུན་སུམ་ཚོགས་པར་གྱུར་པ། སྐྱེ་བོ་མང་པོའི་བྱ་བ་བྱེད་པར་གྱུར་པ། ལྷར་སྐྱེ་བར་འདོད་ན། དེ་དག་མྱུར་དུ ་རྒྱལ་ཆེན་བཞིའི་རིས་ཀྱི་ལྷ་རྣམས་དང་སྐལ་པ་མཉམ་པར་སྐྱེ་ཞིང་། དེ་ན་ཡང་དབང་པོ་བྱེད་པར་འགྱུར་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། གང་སུ་དག་དགེ་བའི་རྩ་བ་ཡོངས ་སུ་དག་པ་དང་། དགེ་བའི་རྩ་བ་མཆོག་དང་ལྡན་ལ་སྔར་སྦྱིན་པ་སྦྱིན་ཞིང་ཕྱིས་བདག་སྤྱོད་པ་དང་། སྔར་སེམས་ཅན་གཞན་དག་གི་བྱ་བ་བྱེད་དེ། ཕྱིས་བདག་གི་བྱེད་པ་དང་། ཆོས་མ་ཡིན་པ་ལ་འདོད ་ཅིང་ཆགས་པ་མེད་པ་དང་། མི་བཟད་པའི་འདོད་པ་དང་། ཆགས་པ་མེད་པ་དང་། ལྷའི་དབང་པོ་དང་། བདག་པོར་འདོད་པ་དེ་དག་ནི། རིང་པོར་མི་ཐོགས་པར་མི་གཡོ་མི་བསྐྱོད་པར་སུམ་ཅུ་རྩ་གསུམ ་པའི་ལྷ་རྣམས་ཀྱི་དབང་པོ་དང་བདག་པོ་བྱེད་པར་འགྱུར་ཏེ། ལྷའི་དབང་པོ་བརྒྱ་བྱིན་དུ་ཡང་འགྱུར་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན ་པ་འདི། བྱང་ཆུབ་སེམས་དཔའ་གང་ལ་ཉེ་བར་གྱུར་བ་དེ་མྱུར་དུ་ཆོས་ཐམས་ཅད་ལ་དབང་བྱེད་པའི་དབང་པོ་རྗེས་སུ་ཐོབ་པར་འགྱུར་ཞིང་དེར་ཐུག་པར་རིག་པར་བྱའོ། །རབ་ཀྱི་རྩལ་གྱིས་རྣམ་པར ་གནོན་པ། འདི་ལྟ་སྟེ། དཔེར་ན། སེམས་ཅན་གང་དག་ཚངས་པའི་གནས་པ་བཞི་རྙེད་པར་གྱུར་པ་དེ་དག་ནི། མྱུར་དུ་ཚངས་པའི་འཇིག་རྟེན་དུ་སྐྱེ་བར་འགྱུར་བར ་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི། བྱང་ཆུབ་སེམས་དཔའ་གང་ལ་ཉེ་བར་འགྱུར་བ་དེ། མྱུར་དུ་ཆོས་ཀྱི་འཁོར་ལོ ་བསྐོར་བར་འགྱུར་བར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། དབྱར་གྱི་ཟླ་བ་ཉེ་བར་གནས་པ་ནས་ཆེན་པོ་འདི་སྤྲིན་ལ་བརྟེན་ནས་སྣུམ་པར་འགྱུར་ཞིང ་ཆར་མཐར་གྱིས་བབ་པས་བངས་ནས་ཆུ་འབྱུང་སྟེ། གང་ཆུ་མིག་མང་པོ་བྱུང་བ་དེས་ས་ཆེན་པོའི་སྟེང་འདི་ཚིམ་བར་བྱེད་དེ། དེ་བཞིན་དུ་ས་ཆེན་པོའི་ཁོང་ཡང་བངས་པར་འགྱུར། སྟེང་འདི ་ཆུས་གཡོགས་ནས་གང་ལྗོངས་དང་། ཐང་རྣམས་ཚིམ་པར་བྱེད་དེ། དེ་ལྟར་ས་ཆེན་པོ་འདིའི་ཐང་སྤྲིན་གྱིས་བངས་པར་བྱས་པས་རྩཝ་དང་། ཤིང་གེལ་པ་དང་། སྨན་དང་། ནགས་ཚལ ་རྣམས་ཀྱང་ངོམ་པར་འགྱུར་རོ། །དེ་དག་ངོམས་པས་ཡལ་ག་དང་། འོ་མ་དང་། འདབ་མ་མང་པོ་སྐྱེ་བར་འགྱུར། མེ་ཏོག་དང་། འབྲས་བུ་མང་པོ་ཡང་ཆགས་པར་འགྱུར་རོ། །དེའི་ཚེ་ས་ཆེན་པོ ་འདིས་ཡིད་དུ་འོང་བའི་དྲི་འབྱིན་ཏེ། དེའི་ཚེ་ས་ཆེན་པོ་འདི་མེ་ཏོག་དང་། འབྲས་བུ་དང་། ཆུ་མིག་དང་། མཚེའུ་དང་། ལྟེང་ཀ་དག་གིས་མཛེས་པར་བྱས་པར་འགྱུར། དེ་ན་མི་དང་། མི་མ་ཡིན་པ་རྣམས ་མེ་ཏོག་དང་། འབྲས་བུ་དེ་དག་ལ་བྲ་ཞིང་། དྲི་དེ་དག་ལ་ཡང་སྣོམ་པས་དགའ་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ནམ་བྱང་ཆུབ་སེམས་དཔའ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མངོན་དུ ་གྱུར་ཅིང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སྦྱོར་བར་བྱེད་ན། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་འདི། རིང་པོ་མི་ཐོགས་པར་ཐམས་ཅད་མཁྱེན་པའི་ཡེ་ཤེས་ཀྱིས་བརླན་པར་བྱས་ནས ་ཐམས་ཅད་མཁྱེན་པའི་ཡེ་ཤེས་རྣམ་པར་འབྱེད་པར་འགྱུར། ཐམས་ཅད་མཁྱེན་པའི་ཡེ་ཤེས་རབ་ཏུ་སྟོན་པར་འགྱུར་ཏེ། དེས་བླ་ན་མེད་པའི་ཆོས་རིན་པོ་ཆེ་རབ་ཏུ་བསྟན་པའི་ཕྱིར་སེམས་ཅན་རྣམས་རླན་པར་བྱེད ་པར་རིག་པར་བྱའོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། གང་དག་ཀླུའི་རྒྱལ་པོ་མ་དྲོས་པའི་གནས་སུ་སྐྱེས་པའི་སེམས་ཅན་དེ་དག་ཀྱང་ཀླུང་ཆེན་པོ་བཞི་འབེབས་ཤིང་རྒྱ ་མཚོ་ཆེན་པོ་འགེངས་བར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི། བྱང་ཆུབ་སེམས་དཔའ་གང་དག་གི་ལག་ཏུ་སོང་ཞིང་འདི་ལ་སློབ་པ་དེ ་དག་ཐམས་ཅད་ཀྱང་ཆོས་ཆེན་པོའི་རྒྱུན་རབ་ཏུ་འབེབས་ཤིང་ཆོས་ཀྱི་སྦྱིན་པ་དེས་སེམས་ཅན་ཐམས་ཅད་ལ་ཚིམ་པར་བྱེད་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། ་སེམས་ཅན་གང་དག་རིའི་རྒྱལ་པོ་རི་རབ་ཀྱི་དྲུང་དུ་ཕྱིན་པ་དེ་དག་ཐམས་ཅད་ནི། འདི་ལྟ་སྟེ། གསེར་གྱི་ཁ་དོག་ཏུ་ཁ་དོག་གཅིག་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས ་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་བྱང་ཆུབ་སེམས་དཔའ་གང་གི་ལག་ཏུ་སོང་བ་དེ་དག་ཐམས་ཅད་ཀྱང་འདི་ལྟ་སྟེ། དེ་བཞིན་གཤེགས་པའི་འགྲོ་བའམ། ཐམས ་ཅད་མཁྱེན་པའི་འགྲོ་བར་འགྲོ་བ་གཅིག་ཏུ་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། དཔེར་ན། མཚོ་ཆེན་པོ་རྒྱ་མཚོ་ཆེན་པོ་ནི། ཆུ་ཐམས་ཅད་ཀུན་ཏུ་འཛིན་ཏེ། དེར་རྟག་ཏུ་ཆུ ་ཐམས་ཅད་འབབ་པོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་བྱང་ཆུབ་སེམས་དཔའ་གང་གི་ལག་ཏུ་འགྲོ་བ་དེ་མྱུར་དུ་ཆོས་ཐམས་ཅད་ཀྱི ་རྒྱ་མཚོ་དང་། ཆོས་ཐམས་ཅད་ཀྱི་སྣོད་དང་། ཆོས་ཐམས་ཅད་ཡང་དག་པར་འདུ་བར་འགྱུར་ཏེ། མྱུར་དུ་ཆོས་ཀྱི་བརྡས་མི་འཁྲུགས་པར་འགྱུར་ཞིང་དེར་ཐུག་པར་རིག་པར་བྱའོ། །རབ་ཀྱི་རྩལ་གྱིས ་རྣམ་པར་གནོན་པ། འདི་ལྟ་སྟེ། དཔེར་ན། ཉི་མའི་དཀྱིལ་འཁོར་ཤར་ན་འོད་ཐམས་ཅད་མོག་མོག་པོར་བྱེད་དོ། །རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི ་ཤར་བའི་བྱང་ཆུབ་སེམས་དཔའ་ཡང་སེམས་ཅན་ཐམས་ཅད་ལ་ཆོས་ཀྱི་སྣང་བ་བྱེད་པར་ཉེ་བར་གནས་པར་འགྱུར་ཏེ། རབ་ཀྱི་རྩལ་གྱིས་རྣམ་པར་གནོན་པ། བྱང་ཆུབ་སེམས་དཔའ་འདི་ལ་ཤར ་བས་སེམས་ཅན་ཐམས་ཅད་ཀྱི་དགེ་བའི་རྩ་བ་སྣང་བར་བྱེད་པར་ཉེ་བར་གནས་པར་འགྱུར་། སེམས་ཅན་ཐམས་ཅད་ཀྱི་སྦྱིན་གནས་སུ་འགྱུར། སེམས་ཅན་ཐམས་ཅད་ཀྱི་བསོད་ནམས་ཀྱི་ཞིང ་རྣམ་པར་དག་པར་འགྱུར། སེམས་ཅན་ཐམས་ཅད་ཀྱིས་འགྲོ་བར་བྱ་བར་འགྱུར། སེམས་ཅན་ཐམས་ཅད་ཀྱིས་མཆོད་པར་འགྱུར། རབ་ཏུ་བསྟོད་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སློབ་པའི་བྱང་ཆུབ་སེམས་དཔའ་ནི། བྱང་ཆུབ་སེམས་དཔའི་མཆོག་ལ་སློབ་པའོ། །སེམས་ཅན་ཐམས་ཅད་ཀྱི་མྱ་ངན་ལས་འདས་པའི་ལམ་རྣམ་པར་སྦྱར་བའི་ཕྱིར ་སློབ་པའོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པའི་བསླབ་པ་དེ་ནི། མཆོག་།དམ་པ། རབ། ཕུལ་དུ་བྱུང་བ། བླ་ན་མེད་པའི་བསླབ་པའོ། །རབ་ཀྱི་རྩལ་གྱིས ་རྣམ་པར་གནོན་པ། འདི་ལ་སློབ་པའི་བྱང་ཆུབ་སེམས་དཔའ་ནི། བསླབ་བ་ཐམས་ཅད་ཀྱི་དམ་པའི་མཆོག་རྙེད་པར་འགྱུར། བསླབ་པ་ཐམས་ཅད་བཟུང་བས་འབྱུང་བར་འགྱུར། བསླབ་པ་ཐམས་ཅད ་ཀྱང་སྟོན་པར་འགྱུར། བསླབ་པ་ཐམས་ཅད་ཐོབ་པར་བྱེད་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་བྱང ་ཆུབ་སེམས་དཔའི་སྤྱད་པ་སྤྱོད་པ་ན་བསླབ་པ་འདི་ལ་བསླབ་བོ། །སློབ་བོ། །སློབ་པར་འགྱུར་རོ། །སངས་རྒྱས་བཅོམ་ལྡན་འདས་རྣམས་བསླབ་པ་འདི་ལ་ཤིན་ཏུ་གནས་ནས་སེམས་ཅན་ཐམས་ཅད་བླ་ན ་མེད་པའི་བསླབ་པ་ཡོངས་སུ་དག་པ་ཡང་དག་པར་རབ་ཏུ་བསྟན། ཡང་དག་པར་རབ་ཏུ་སྟོན། ཡང་དག་པར་རབ་ཏུ་སྟོན་པར་འགྱུར་རོ། །ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། འདི་ལྟ་སྟེ། ་ཤེས་རབ་ཀྱི་ཕ་རོལ་ཏུ་ཕྱིན་པའི་བསླབ་པ་འདི་ནི་འཇིག་རྟེན་ཐམས་ཅད་ལས་མངོན་པར་འཕགས་པའི་བསླབ་པ་ཡིན་པའི་ཕྱིར་འདི་ལྟ་སྟེ། ཤེས་རབ་ཀྱི་ཕ་རོལ་ཏུ ་ཕྱིན་པའི་བསླབ་པ་འདི། མིའི་འཇིག་རྟེན་ཐམས་ཅད་ཀྱི་མཆོག་།འཇིག་རྟེན་ཐམས་ཅད་ན་རང་བྱུང་གི་བསླབ་པའོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པའི ་བྱང་ཆུབ་སེམས་དཔའ་ནི་འཇིག་རྟེན་པ་དང་། འཇིག་རྟེན་ལས་འདས་པ་དང་། འདུས་བྱས་དང་། འདུས་མ་བྱས་དང་། ཟག་པ་དང་བཅས་པ་དང་། ཟག་པ་མེད་པ་དང་། ཁ་ན་མ་ཐོ་བ་དང་བཅས་པ ་དང་། ཁ་ན་མ་ཐོ་བ་མེད་པ་དང་། ཆོས་གང་ལ་ཡང་སློབ་པར་མི་འགྱུར་རོ། །གང་དུ་ཡང་ཆགས་པ་མི་བསྐྱེད་དེ། ཆོས་ཐམས་ཅད་ལ་མི་ཆགས་པར་གནས་པར་འགྱུར་རོ། །དེ་ཅིའི་ཕྱིར་ཞེ་ན། རབ ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ནི་ཆགས་པ་མེད། བཅིངས་པ་མེད། གྲོལ་བ་མེད་དེ། ཆོས་གང་འདུ་བར་རམ། བཅིངས་པར་ཉེ་བར་གནས་པ་མ་ཡིན་པའི་ཕྱིར་རོ། ། ་རབ་ཀྱི་རྩལ་གྱིས་རྣམ་པར་གནོན་པ། གཟུགས་ནི། མ་ཆགས། མ་བཅིངས། མ་གྲོལ་བའོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡང་མ་ཆགས། མ་བཅིངས། ་མ་གྲོལ་བའོ། །མིང་དང་གཟུགས་ཀྱང་མ་ཆགས། མ་བཅིངས། མ་གྲོལ་བའོ། །ཕྱིན་ཅི་ལོག་དང་། སྒྲིབ་པ་དང་། ལྟ་བར་གྱུར་པ་ཡང་མ་ཆགས། མ་བཅིངས། མ་གྲོལ་བའོ། །འདོད་ཆགས་དང་། ་ཞེ་སྡང་དང་། གཏི་མུག་ཀྱང་མ་ཆགས། མ་བཅིངས། མ་གྲོལ་བའོ། །ནང་གི་སྐྱེ་མཆེད་དྲུག་ཀྱང་མ་ཆགས། མ་བཅིངས། མ་གྲོལ་བའོ། །ཕྱིའི་སྐྱེ་མཆེད་དྲུག་ཀྱང་མ་ཆགས། མ་བཅིངས། མ་གྲོལ ་བའོ|་|འདོད་པ་དང་། གཟུགས་དང་། གཟུགས་མེད་པའི་ཁམས་ཀྱང་མ་ཆགས། མ་བཅིངས། མ་གྲོལ་བའོ། །བདག་གི་ཁམས་དང་། སེམས་ཅན་གྱི་ཁམས་ཀྱང་མ་ཆགས། མ་བཅིངས། མ་གྲོལ ་བའོ|་|རྟེན་ཅིང་འབྲེལ་པར་འབྱུང་བར་ཡང་མ་ཆགས། མ་བཅིངས། མ་གྲོལ་བའོ། །ཀུན་ནས་ཉོན་མོངས་པ་དང་། རྣམ་པར་བྱང་བ་ཡང་མ་ཆགས། མ་བཅིངས། མ་གྲོལ་བའོ། །དེ་བཞིན་དུ་གཏོང ་བ་དང་སེར་སྣ་དང་། ཚུལ་ཁྲིམས་དང་འཆལ་པའི་ཚུལ་ཁྲིམས་དང་། བཟོད་པ་དང་གནོད་སེམས་དང་། བརྩོན་འགྲུས་དང་ལེ་ལོ་དང་། བསམ་གཏན་དང་རྣམ་པར་གཡེང་བ་དང་། ཤེས་རབ་དང ་འཆལ་པའི་ཤེས་རབ་ཀྱང་མ་ཆགས། མ་བཅིངས། མ་གྲོལ་བའོ། །སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་ཡང་མ་ཆགས། མ་བཅིངས། མ་གྲོལ་བའོ། །དྲན་པ་ཉེ་བར ་གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་རྐང་པ་དང་། ཚད་མེད་པ་དང་། ཕྱིན་ཅི་མ་ལོག་པ་ཡང་མ་ཆགས། མ་བཅིངས། མ་གྲོལ་བའོ། །དབང་པོ་དང་། སྟོབས་དང་། བྱང་ཆུབ་ཀྱི ་ཡན་ལག་དང་། ཏིང་འཛིན་དང་། སྙོམས་པར་འཇུག་པ་ཡང་མ་ཆགས། མ་བཅིངས། མ་གྲོལ་བའོ། །ས་དང་། ཆུ་དང་། མེ་དང་། རླུང་དང་། ནམ་མཁའ་དང་། རྣམ་པར་ཤེས་པའི་ཁམས་ཀྱང་མ ་ཆགས|་མ་བཅིངས། མ་གྲོལ་བའོ། །མི་སྐྱེ་བ་དང་། ཟད་པ་དང་། མངོན་པར་འདུ་མི་བྱེད་པ་ཤེས་པ་ཡང་མ་ཆགས། མ་བཅིངས། མ་གྲོལ་བའོ། །རིག་པ་དང་། རྣམ་པར ་གྲོལ་བ་ཡང་མ་ཆགས། མ་བཅིངས། མ་གྲོལ་བའོ། །མངོན་པར་ཤེས་པ་ཡང་མ་ཆགས། མ་བཅིངས། མ་གྲོལ་བའོ། །རྣམ་པར་གྲོལ་བའི་ཡེ་ཤེས་མཐོང་བ་ཡང་མ་ཆགས། མ་བཅིངས། མ ་གྲོལ་བའོ། །སོ་སོའི་སྐྱེ་བོ་དང་། ཉན་ཐོས་དང་། རང་སངས་རྒྱས་ཀྱི་ཆོས་ཀྱང་མ་ཆགས། མ་བཅིངས། མ་གྲོལ་བའོ། །མྱ་ངན་ལས་འདས་པ་ཡང་མ་ཆགས། མ་བཅིངས། མ་གྲོལ་བའོ། ། ་སངས་རྒྱས་ཀྱི་ཡེ་ཤེས་དང་། སྟོབས་དང་། མི་འཇིགས་པ་ཡང་མ་ཆགས། མ་བཅིངས། མ་གྲོལ་བའོ། །འདས་པ་དང་། མ་འོངས་པ་དང་། ད་ལྟར་བྱུང་བ་ལ་ཐོགས་པ་མེད་པའི་ཡེ་ཤེས ་མཐོང་བ་ཡང་མ་ཆགས། མ་བཅིངས། མ་གྲོལ་བའོ། །དེ་ཅིའི་ཕྱིར་ཞེ་ན། རབ་ཀྱི་རྩལ་གྱིས་རྣམ་པར་གནོན་པ། ཆོས་ཐམས་ཅད་ལ་བཅིངས་པ་མི་དམིགས་པས་ཆོས་ཐམས་ཅད་ནི། ་ཆགས་པ་མེད། བཅིངས་པ་མེད་དོ། །དེའི་ཕྱིར་དེ་དག་གི་གྲོལ་བ་མི་དམིགས་སོ། །རབ་ཀྱི་རྩལ་གྱིས་རྣམ་པར་གནོན་པ། ཆགས་པ་མེད་ཅེས་བྱ་བ་དེ་ནི། དེ་དག་ལ་གྲོལ་བ་གང་ཡང་མེད་མོད ་ཀྱི|་འོན་ཀྱང་གང་དེ་ལྟར་ཆོས་རྣམས་མཐོང་བ་དེ་ནི། ཆགས་པ་མེད་པའི་ཡེ་ཤེས་མཐོང་བ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། མི་ཆགས་པ་ཞེས་བྱ་བ་ནི། ཆགས་པ་མི་དམིགས ་ཤིང་|་ཆགས་པ་མེད་པ་ལ་ཆགས་པ་ཡང་དག་པ་མ་ཡིན་པའི་ཕྱིར་ཆགས་པ་མེད་པ་ཞེས་བྱ་སྟེ། དེ་ལ་ནི། གང་ཆགས་པར་འགྱུར་བའམ། བཅིངས་པར་འགྱུར་བ་ཅི་ཡང་མི་དམིགས་སོ། །གང ་གི་ཕྱིར་གང་ཆགས་པར་འགྱུར་བ་དང་། བཅིངས་པར་འགྱུར་བ་མི་དམིགས་པ་དེའི་ཕྱིར་མི་ཆགས་པ་ཞེས་བྱའོ། །རབ་ཀྱི་རྩལ་གྱིས་རྣམ་པར་གནོན་པ། རྟོགས་པ་མེད་པ་ཞེས་བྱ་བ་ནི། རྟོགས་པ་མི ་དམིགས་ཤིང་། རྟོགས་པ་ཡོད་པ་མ་ཡིན་པའི་ཕྱིར་རྟོགས་པ་མེད་པ་ཞེས་བྱ་སྟེ། དེ་ལ་ནི། རྟོགས་པར་འགྱུར་བ་ཅི་ཡང་མེད་དོ། །དེ་ལ་གང་རྟོགས་པ་ཅི་ཡང་མི་དམིགས་ཏེ། གང་གི་ཕྱིར་གང ་རྟོགས་པ་མི་དམིགས་པ་དེའི་ཕྱིར་རྟོགས་པ་མེད་པ་ཞེས་བྱའོ། །གང་ཆགས་པ་མེད་ཅིང་རྟོགས་པ་མེད་པ་དེ་ལ་རྣམ་པར་གྲོལ་བ་ག་ལ་ཡོད། གང་ཆགས་པར་མི་འགྱུར། འཆིང་བར་མི་འགྱུར་བ ་ནི|་གྲོལ་བ། བྲལ་བ། བསིལ་བར་གྱུར་པ། རབ་ཏུ་རྣམ་པར་གྲོལ་བ་སྟེ། དེ་ལ་ནི། ཕྱིར་ཡང་རྟོགས་པར་བྱ་བ་གང་ཡང་མེད་པས། དེའི་ཕྱིར་གྲོལ་བ་ཞེས་བྱ་སྟེ། དེ་ལ་ཐར་པ་ཡང་མེད་དོ། །རབ ་ཀྱི་རྩལ་གྱིས་རྣམ་པར་གནོན་པ། འདི་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའ་ནི། ཆོས་ཐམས་ཅད་ལ་མ་ཆགས། མ་བཅིངས། མ་གྲོལ་བའི་ཡེ་ཤེས་མཐོང་བ ་ལ་འཇུག་པའོ། །རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཉེ་བར་འགྱུར། མྱུར་དུ་ཐམས་ཅད ་མཁྱེན་པའི་ཡེ་ཤེས་ཐོབ་པར་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི ་བྱང་ཆུབ་སེམས་དཔའ་ཐམས་ཅད་ཀྱི་ཐེ་ཚོམ་གཅོད་པའི་ཕྱིར་ངས་ཕྱག་རྒྱ་འདི་བཞག་གོ་། རབ་ཀྱི་རྩལ་གྱིས་རྣམ་པར་གནོན་པ། ཕྱི་མའི་ཚེ་ཕྱི་མའི་དུས་ལྔ་བརྒྱ་ཐ་མ་ལ་ངའི་ཉན་ཐོས་རྣམས ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་མི་ནུས་པའི་ཕྱིར་ངས་ཕྱག་རྒྱ་འདི་བསྟན་ཅིང་བྱིན་གྱིས་བརླབས་སོ། །དེ་ནས་བཅོམ་ལྡན་འདས་ཀྱིས་བཟང་སྐྱོང་དང་། དེད་དཔོན་བཟང་པོ་ལ་སོགས ་པ་བྱང་ཆུབ་སེམས་དཔའ་ལྔ་བརྒྱ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་ལ་བཀའ་སྩལ་པ། རིགས་ཀྱི་བུ་དག་།ཁྱོད་ཀྱིས་དེ་བཞིན ་གཤེགས་པ་ཡོངས་སུ་མྱ་ངན་ལས་འདས་ནས་ཕྱི་མའི་ཚེ་ཕྱི་མའི་དུས་ན་དམ་པའི་ཆོས་ནུབ་ཅིང་རབ་ཏུ་རྣམ་པར་འཇིག་སྟེ་ཟད་པར་འགྱུར་བའི་དུས་ན། དེ་བཞིན་གཤེགས་པས ་བསྐལ་པ་བྱེ་བ་ཁྲག་ཁྲིག་འབུམ་ཕྲག་མང་པོར་ཡང་དག་པར་བསྒྲུབས་པའི་ཆོས་རིན་པོ་ཆེའི་མཛོད། ཤེས་རབ་ཀྱི་ཕ་རོལ་ཏུ་ཕྱིན་པའི་སྔོན་དུ་འགྲོ་བ། ཤེས་རབ་ཀྱི་ཕ་རོལ་ཏུ་ཕྱིན ་པའི་འབྱུང་བ། ཤེས་རབ་ཀྱི་ཕ་རོལ་ཏུ་ཕྱིན་པའི་གནས་འདི་གཟུང་བ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་ནུས་སམ། དེ་སྐད་ཅེས་བཀའ་སྩལ་པ་དང་། བཅོམ ་ལྡན་འདས་ལ་བྱང་ཆུབ་སེམས་དཔའ་དེ་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་གིས་དེ་བཞིན་གཤེགས་པས་བསྐལ་པ་བྱེ་བ་ཁྲག་ཁྲིག་འབུམ་ཕྲག་མང་པོར་ཡང་དག ་པར་བསྒྲུབས་པ། བླ་ན་མེད་པའི་ཆོས་རིན་པོ་ཆེའི་མཛོད། ཤེས་རབ་ཀྱི་ཕ་རོལ་ཏུ་ཕྱིན་པའི་མངོན་དུ་འགྲོ་བ། ཤེས་རབ་ཀྱི་ཕ་རོལ་ཏུ་ཕྱིན་པའི་འབྱུང་བ། ཤེས་རབ་ཀྱི་ཕ་རོལ་ཏུ་ཕྱིན་པའི་གནས ་འདི་གཟུང་བ་དང་། གཞན་དག་ལ་རྒྱ་ཆེར་ཡང་དག་པར་རབ་ཏུ་སྟོན་པའི་རྔོ་ཐོགས་ལགས་སོ། །བཅོམ་ལྡན་འདས། དུས་དེ་ནི། འཇིགས་པ་ཆེན་པོ། མྱ་ངན་ཆེན་པོ། མ་རུངས་པ་ཆེན་པོར ་འགྱུར་ཏེ། སེམས་ཅན་ཆོས་ཀྱིས་ཕོངས་པར་འགྱུར་བའི་ལས་དང་ལྡན་པ་ཕལ་ཆེར་འབྱུང་། ལོག་པར་ཆགས་ཤིང་བརྐམ་པ། ལོག་པའི་འདོད་ཆགས་ཀྱིས་ཆགས་པ། ཆོས་མ་ལགས་པ་ལ ་འདོད་ཆགས་ཀྱིས་ཆགས་པ། ཕྲག་དོག་དང་འདོད་པས་ཡོངས་སུ་ཟིན་པའི་སེམས་དང་ལྡན་པ། ཁྲོ་བ། གཏུམ་པ། བརླང་པ། བཀའ་བློ་མི་བདེ་བ། གཡོ་ཅན། མི་སྲུན་པ། སྒྱུ་ཅན། ཆོས ་མ་ལགས་པ་སྤྱོད་པ། འཐབ་པ་དང་། རྩོད་པ་དང་། མཚང་འདྲུ་བ་དང་། འབྲེག་པ་མང་བ། སྡོམ་པ་ལ་མི་གནས་པ། འདོད་པ་དང་བརྐམ་པའི་ཟིལ་གྱིས་ནོན་པ། ལེ་ལོ་ཅན། བརྩོན་འགྲུས་ཆུང ་བ|་དྲན་པ་ཉམས་པ། ཤེས་བཞིན་ཅན་མ་ལགས་པ། གཅམ་བུ་མུ་ཅོར་སྨྲ་བ། ཁ་ཕྱར་ཅན། སྡིག་པའི་ལས་ཁོང་ན་སྦེད་ཅིང་འཆང་བ། འདོད་ཆགས་དང་། ཞེ་སྡང་དང་། གཏི་མུག་ཆེ་བ། ་མ་རིག་པའི་སྒོ་ངའི་སྦུབས་དང་། གཏི་མུག་གི་མུན་ནག་གིས་ཟིལ་གྱིས་ནོན་པ། བདུད་ཀྱི་ཕྱོགས་དང་མཐུན་པར་སྤྱོད་པ། ཆོས་འདུལ་བ་ཟབ་མོ། །ཆོས་རིན་པོ ་ཆེའི་མཛོད་འདི་ལ་ཕྱིར་རྒོལ་བ་འབྱུང་། མི་སླུ་བའི་ངང་ཚུལ་ཅན་འབྱུང་ལགས་མོད་ཀྱི། བཅོམ་ལྡན་འདས། བདག་ཅག་རྣམས་དེ་བཞིན་གཤེགས་པས་བསྐལ་པ་བྱེ་བ་ཁྲག་ཁྲིག ་འབུམ་ཕྲག་མང་པོར་དགེ་བའི་རྩ་བ་བསྒྲུབས་པ། བླ་ན་མེད་པའི་ཆོས་རིན་པོ་ཆེའི་མཛོད་འདི་འཛིན་ཅིང་ཀློག་པར་སྤྲོ་ལགས་སོ། །གང་དག་ཐ་མའི་དུས་དེ་ན་ཆོས་འདི་ཚོལ་བ། ཆོས་འདི ་ལ་སློབ་འཚལ་བ། གཡོ་མ་མཆིས་པ། དྲང་པ། སྒྱུ་མ་མཆིས་པ། གང་སྲོག་གི་ཕྱིར་ཡང་མི་གཏོང་བ། ཆོས་འདི་ལ་སླར་མི་རྒོལ་བ། ཆོས་ཀྱི་རྣམ་གྲངས་འདི་སྤོང་བར་མི་འགྱུར་བ། ་ཆོས་ཀྱི་རྣམ་གྲངས་འདི་ལ་རྒྱབ་ཀྱིས་ཕྱོགས་པར་མི་འགྱུར་བ་ནི་རབ་ཏུ་ཉུང་བར་འགྱུར་ཏེ། དེ་དག་གི་དོན་བགྱི་ཞིང་སྤྲོ་བ་སྩལ་ནས་ཆོས་འདི་ལྟ་བུ་འདི་ལ་ཡང་དག་པར་གཟེངས ་བསྟོད་པར་བགྱི། ཡང་དག་པར་རབ་ཏུ་དགའ་བར་བགྱི་ལགས་སོ། །དེ་ནས་བཅོམ་ལྡན་འདས་ཀྱིས་དེའི་དུས་ན་ཆོས་ཀྱི་གནས་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་བྱིན་གྱིས་བརླབས ་ཏེ། ཆོས་ཀྱི་རྣམ་གྲངས་འདི་ལ་བདུད་སྡིག་ཅན་རྣམས་ཀྱི་ཞགས་པ་གཅད་པའི་ཕྱིར་བྱིན་གྱིས་བརླབ་པ་མཛད་དོ། དེ་ནས་བཅོམ་ལྡན་འདས་འཛུམ་པ་མཛད་པ་དང་། སྟོང་གསུམ་གྱི ་སྟོང་ཆེན་པོའི་འཇིག་རྟེན་གྱི་ཁམས་སྣང་བ་ཆེན་པོས་ཁྱབ་པར་གྱུར་ཏོ། །ལྷ་རྣམས་ཀྱིས་ཀྱང་མི་མཐོང་། མི་རྣམས་ཀྱིས་ཀྱང་ལྷ་མཐོང་ངོ་། །གང་དེར་འདུས་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ་ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དེ་དག་ཐམས་ཅད་ཀྱིས་ལྷའི་མེ་ཏོག་བཅོམ་ལྡན་འདས་ལ་གཏོར། ལྷའི་གོས་ཀྱང་ཕུལ་ནས་སྒྲ་སྐད་ཆེན་པོ་ཕྱུང་སྟེ་ཨ་ལ་ལ། དེ་བཞིན ་གཤེགས་པས་བདུད་སྡིག་ཅན་རྣམས་ཀྱི་སྤྱོད་ཡུལ་མ་ལགས་པ་བྱིན་གྱིས་བརླབས་པ་འདི་ནི་བྱིན་གྱིས་བརླབས་ཆེན་པོ་ལགས་ཏེ། ཆོས་ཀྱི་བྱིན་གྱིས་བརླབས་འདིས་བདུད་ཀྱི་ཞགས་པ་ཐམས་ཅད་བཀུམ་མོ། ་རིགས་ཀྱི་བུའམ། རིགས་ཀྱི་བུ་མོ་དེ་དག་བདུད་སྡིག་ཅན་གྱིས་འཇིགས་སོ་སྙམ་དུ་དོགས་པར་མི་བགྱིའོ། །གང་ཆོས་ཀྱི་རྣམ་གྲངས་འདི་འཛིན་པ་དང་། ཀློག་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན ་པའི་བྱང་ཆུབ་སེམས་དཔའ་དེ་དག་ནི་བདུད་སྡེ་དང་བཅས་པ་ལས་རྒྱལ་བར་འགྱུར་རོ། །གང་ཆོས་ཀྱི་རྣམ་གྲངས་འདི་འཛིན་པ་དང་། ཀློག་པ་དང་། གཞན་ལ་ཡང་རྒྱ་ཆེར་ཡང་དག་པར་སྟོན་པ་དེ་དག་ནི་བདུད་སྡིག་ཅན་སྡེ་དང་བཅས ་པ་ལས་རྒྱལ་བར་འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རབ་ཀྱི་རྩལ་གྱིས་རྣམ་པར་གནོན་པ་ལ་འདི་སྐད་ཅེས་བཀའ་སྩལ་ཏོ། །དེ་དེ་བཞིན་ནོ། །རབ་ཀྱི་རྩལ་གྱིས་རྣམ་པར་གནོན་པ། དེ་དེ་བཞིན་ཏེ། ་ལྷའི་བུ་དེ་དག་གིས་ཚིག་ཇི་སྐད་སྨྲས་པ་དེ་བཞིན་ཏེ། རབ་ཀྱི་རྩལ་གྱིས་རྣམ་པར་གནོན་པ། དེ་བཞིན་གཤེགས་པས་ཆོས་ཀྱི་རྣམ་གྲངས་འདི་ལ་བདུད་སྡིག་ཅན་རྣམས་ཀྱི་མཚམས་བཅད་དོ། །རབ་ཀྱི་རྩལ་གྱིས་རྣམ་པར་གནོན་པ། རིགས ་ཀྱི་བུའམ། རིགས་ཀྱི་བུ་མོ་གང་ཆོས་ཀྱི་རྣམ་གྲངས་འདི་འཛིན་པ་དང་། འཆང་བ་དང་། ཀློག་པ་དང་། གཞན་དག་ལ་ཡང་རྒྱ་ཆེར་ཡང་དག་བར་སྟོན་པ་དེ་དག་ནི། ་བདུད་སྡིག་ཅན་རྣམས་ཀྱི་སྤྱོད་ཡུལ་དུ་མི་འགྱུར་ཏེ། རིགས་ཀྱི་བུ་དང་རིགས་ཀྱི་བུ་མོ་དེ་དག་ནི། བདུད་སྡིག་ཅན་རྣམས་ཀྱིས་མི་ཚུགས་པར་འགྱུར་རོ། །གང་དག་ཆོས་ཀྱི་རྣམ་གྲངས ་འདི་འཛིན་པ་དང་། འཆང་བ་དང་། ཀློག་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་དེ་དག་ནི། བདུད་དང་། ཕྱིར་རྒོལ་བ་ཆོམ་པར་འགྱུར། གཡུལ་ལས་རྒྱལ་བར ་འགྱུར་རོ། །རབ་ཀྱི་རྩལ་གྱིས་རྣམ་པར་གནོན་པ། ཆོས་ཀྱི་རྣམ་གྲངས་འདི་ནི། ཀུན་ནས་ཉོན་མོངས་པ་ཅན་དང་། བདུད་ཀྱི་ཞགས་པས་བཅིངས་པའི་སེམས་ཅན་རྣམས་ཀྱི་ལག་ཏུ་འགྲོ ་བར་མི་འགྱུར་ཏེ། རབ་ཀྱི་རྩལ་གྱིས་རྣམ་པར་གནོན་པ། འདི་ནི། ཅང་ཤེས་པ་རྣམས་ཀྱིས་ཡིན་གྱི། ཅང་ཤེས་པ་མ་ཡིན་པ་རྣམས་ཀྱིས་ནི། མ་ཡིན་ནོ། །རབ་ཀྱི་རྩལ་གྱིས་རྣམ་པར ་གནོན་པ། འདི་ལྟ་སྟེ། དཔེར་ན། གླང་པོ་ཆེ་ཅང་ཤེས་དང་། རྟ་ཅང་ཤེས་གང་ཡིན་པ་དེ་དག་ནི། ཁམས་ཀྱི་རྒྱལ་པོ་རྣམས་ཀྱིས་ཡོངས་སུ་སྤྱོད་པར་མི་བྱེད་དོ། །དེ་དག་ནི། སྐྱེ་བོ་གཏུམ་པོ ་རྣམས་ཀྱིས་མཐོང་བར་ཡང་མི་འགྲོའོ། །རབ་ཀྱི་རྩལ་གྱིས་རྣམ་པར་གནོན་པ། གླང་པོ་ཆེ་ཅང་ཤེས་དང་། རྟ་ཅང་ཤེས་དེ་ལྟ་བུ་ནི། འཁོར་ལོས་བསྒྱུར་བའི་རྒྱལ་པོས་མཐོང་བར་ཉེ་བར་འགྲོ་སྟེ ་དེ་དག་གི་ལོངས་སྤྱོད་དང་། བསྙེན་བཀུར་བྱ་བ་དང་། ཡོངས་སུ་སྤྱད་པའི་ཕྱིར་མངོན་པར་བྱུང་བས་དེ་དག་ནི། འཁོར་ལོས་བསྒྱུར་བའི་རྒྱལ་པོ་རྣམས་ཀྱིས་ཡོངས་སུ་སྤྱོད་པར་འགྱུར་རོ། །རབ་ཀྱི ་རྩལ་གྱིས་རྣམ་པར་གནོན་པ། དེ་བཞིན་དུ་འདི་ལྟ་བུའི་ཆོས་ཀྱི་རྣམ་གྲངས་འདི་ནི། མི་ཅང་ཤེས་ཀྱི་སེམས་ཅན་རྣམས་ཀྱི་ལོངས་སྤྱོད་ཀྱི་ཕྱིར་ལག་ཏུ་འགྲོ་བར་འགྱུར་རོ། །རབ་ཀྱི་རྩལ་གྱིས་རྣམ ་པར་གནོན་པ། འདི་ལྟ་སྟེ། དཔེར་ན། ཀླུའི་རྒྱལ་པོ་ཉེ་རྩི་དང་། ཀླུའི་རྒྱལ་པོ་རབ་གནས་དང་། ཀླུའི་རྒྱལ་པོ་ས་སྲུང་གི་བུ་དེ་དག་ནི། མི་རྣམས་ཀྱི་ལོངས་སྤྱོད་ཀྱི་ཕྱིར་ཉེ་བར་མི་འགྲོ་།མི་རྣམས་ཀྱིས ་མཐོང་བར་ཉེ་བར་མི་འགྲོ་། དེ་དག་ནི། གཞན་གྱི་ཉེ་བར་སྤྱོད་པ་དང་། ལོངས་སྤྱོད་ཀྱི་ཕྱིར་ཉེ་བར་མི་འགྲོའོ། །ཀླུའི་རྒྱལ་པོ་དེ་དག་ནི། ལྷ་ཅང་ཤེས་རྣམས་ཀྱི་ལོངས་སྤྱོད་རྣམས་ཀྱི་ཕྱིར་ཉེ་བར་མི ་འགྲོའོ|་|ཇི་ལྟ་ཇི་ལྟ་བུར་ལྷའི་དབང་པོ་བརྒྱ་བྱིན་བཀོད་པ་བྱས་ནས་འགྲོ་བ་ན་ཀླུའི་རྒྱལ་པོ་དེ་དག་ཀྱང་དེ་ལྟ་དེ་ལྟ་བུར་དེ་འདྲ་བའི་བཀོད་པ་བྱས་ནས་ལོངས་སྤྱོད་ཀྱི་ཕྱིར་ཡང་ཉེ་བར་འགྲོའོ། །རབ་ཀྱི ་རྩལ་གྱིས་རྣམ་པར་གནོན་པ། དེ་བཞིན་དུ་ཆོས་ཀྱི་རྣམ་གྲངས་འདི་ནི། འདི་ལྟ་སྟེ། མིའི་དབང་པོ་དང་། མི་ཅང་ཤེས་རྣམས་ཀྱིས་བཀླག་པ་དང་། བཤད་པ་དང་། རབ་ཏུ་བསྟན་པའི་ཉེ་བར་སྤྱོད ་པ་དང་། ལོངས་སྤྱོད་དུ་འགྱུར་ཏེ། ཆོས་ཀྱི་རྣམ་གྲངས་འདི་ནི། དེ་དག་གི་བཀོད་པ་ཆེན་པོ་དང་། རྒྱས་པ་ཆེན་པོ་དང་། ཆོས་ཀྱི་སྣང་བ་ཆེན་པོ་བྱེད་པར་འགྱུར། དེ་དག་ཆོས་ཀྱི་རྣམ་གྲངས་འདི་ལ ་ཆོས་ཀྱི་དགའ་བ་ཆེན་པོ་མྱོང་བར་འགྱུར་རོ། །གང་ཆོས་ཀྱི་རྣམ་གྲངས་འདི་ལས་ཚུལ་གཅིག་ཙམ་འཛིན་པ་དེ་དག་ཀྱང་མཆོག་ཏུ་དགའ་བ་དང་ལྡན་པར་འགྱུར ་ན|་གང་ཐམས་ཅད་རྫོགས་པར་བྲིས་པ་དང་། འཛིན་པ་དང་། འཆང་བ་དང་། མཆོད་པ་དང་། རྒྱས་པར་བྱེད་པ་ལྟ་ཅི་སྨོས། ཆོས་ཀྱི་རྣམ་གྲངས་འདིས་མིའི་དབང་པོ་དང་། མི་ཅང ་ཤེས་དེ་དག་བཟུང་བར་འགྱུར་རོ། །འདི་ནི། ཅང་ཤེས་མ་ཡིན་པ་རྣམས་ཀྱི་སྤྱོད་ཡུལ་མ་ཡིན་ནོ། །རབ་ཀྱི་རྩལ་གྱིས་རྣམ་པར་གནོན་པ། འདི་ནི། ཐེ་ཚོམ་ཐམས་ཅད་གཅོད་པའི་ཕྱིར ་ངས་དེ་དག་སྨྲས་སོ། །ཆོས་ཀྱི་རྣམ་གྲངས་འདི་བཤད་པ་ན་བྱང་ཆུབ་སེམས་དཔའ་དུ་མ་དཔག་ཏུ་མེད་པ་དག་གིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །སེམས་ཅན་གྲངས ་མེད་དཔག་ཏུ་མེད་པ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། དེ་དག་བྱང་ཆུབ་ཏུ་ངེས་པར་འགྱུར་བར་དེ་བཞིན་གཤེགས་པས་བསྟན་ཏོ། །བཅོམ ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཀྱི་རྩལ་གྱིས་རྣམ་པར་གནོན་པ་དང་། འཁོར་བཞི་དང་། ལྷ་དང་། མི་དང་། ལྷ་མ་ཡིན་དང་། ་ཀླུ་དང་། གནོད་སྦྱིན་དང་། དྲི་ཟ་དང་། ནམ་མཁའི་ལྡང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་བཅས་པའི་འཇིག་རྟེན་ཡིད་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར ་བསྟོད་དོ། །ཕན་ཡོན་གྱི་ལེའུ་ཞེས་བྱ་སྟེ། བདུན་པའོ།། །།འཕགས་པ་རབ་ཀྱི་རྩལ་གྱིས་རྣམ་པར་གནོན་པས་ཞུས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་རྫོགས་སོ།། །། ་རྒྱ་གར་གྱི་མཁན་པོ་ཤཱི་ལེནྡྲ་བོ་དྷི་དང་། ཛི་ན་མི་ཏྲ་དང་། ཞུ་ཆེན་གྱི་ལོ་ཙྪ་བ་བནྡྷེ་ཡེ་ཤེས་སྡེས་བསྒྱུར་ཅིད་ཞུས་ཏེ། སྐད་གསར་བཅད་ཀྱིས་ཀྱང་བཅོས་ནས་གཏན་ལ་ཕབ་པའོ།། །།རྒྱ་གར་སྐད་དུ། ཨཱཪྱ ་