| Wylie | e-texts produced with BDRC’s OCR application |
རྗེའི་ཐུགས་ལ་དབྱེར་མེད་ཐིམ།། ཞེས་ལྟ་བ་ལྷག་པ་བྱང་ཆུབ་སེམས་ཀྱི་གསང་བའི་ཐིགས་པ་ཞེས་བྱ་བ་སྟེ། ལེའུ་དང་པོའོ།། །། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འཁོར་འདས ་རྣམ་པ་གཉིས་ལ་ཡང་།། ཆོས་ཅན་རྟོགས་དང་ཆོས་ཉིད་རྟོགས།། བྱ་བ་ཡོད་དང་ལྷུན་གྱིས་གྲུབ།། དོན་རྟོགས་རྟག་རྟོགས་འདུས་མ་བྱས།། བྱང་ཆུབ་སེམས་དང་འཕྲུལ་པའི་སེམས།། རང་བྱུང་རྟེན་བྱུང་ལ་སོགས ་ཀྱིས།། འཁོར་འདས་གཉིས་སུ་ཤེས་མེད་ཤེས།། སྨན་རྡོ་ཙམ་ན་དུག་སྤང་།། སྨན་རྡོ་ཙམ་ན་དུག་མི་གནས།། སྨན་རྡོ་ཙམ་ན་དུག་ཀྱང་མེད།། སྨན་རྡོ་ཙམ་ན་དུག་མ་སྤངས།། དེ་བཞིན་ཆོས་རྣམས་ཐམས་ཅད ་ཀྱང་།། སྣང་རྡོ་ཙམ་ན་སྟོང་རྡོ་མེད།། སྟོང་རྡོ་ཙམ་ན་སྣང་མི་གནས།། གཉིས་དང་གཉིས་མེད་ལ་སོགས་དང་།། ཀུན་ཡིན་གང་ཡང་མ་ཡིན་དང་།། གང་མ་ཡིན་ན་ཀུན་མི་གནས།། ཀུན་ཡིན་ན་ནི་གང་མིན་མེད།། དེ ་བས་བྱ་བྲལ་ཤེས་མེད་དང་།། བརྗོད་མེད་ཀུན་བཟང་རྡོ་རྗེ་དགྱེ།། ཤེས་བརྗོད་ལྟ་བུའི་སྡིག་པ་མེད།། བརྗོད་བྱ་བརྗོད་བྱེད་ལ་སོགས་དང་།། ཤེས་བྱ་ཤེས་བྱེད་གཉིས་མེད་ན།། ཚད་མེད་ཐམས་ཅད་ལྷུན་གྲུབ་སྐྲ།། ་མཉམ་ཉིད་བསམ་འདས་གཉིས་མེད་དུ།། རང་ཉིད་ཤེས་ཤིང་མ་གྱུར་ན།། ཚིག་ཏུ་ཇི་སྐད་བརྗོད་གྱུར་ཡང་།། དབུལ་པོས་ཕྱུག་པོའི་ནོར་བགྲངས་འདྲ།། རང་ལ་མ་ཕན་གདུང་པས་འཛིན།། དེ་བས་རང་ཉིད་གཉིས ་མེད་ན། ཤེས་བྱ་ཤེས་བྱེད་ལ་སོགས་མེད།། སྦྱངས་ནས་རྟོགས་ཐོབ་ཕྱིས་འདོད་དང་།། རྟོགས་ཐོབ་ཐབས་ལ་རྟེན་པ་དང་།། བྱ་བ་མ་བྲལ་ཟབས་ཀྱིས་ཀྱང་།། ཡང་དག་འབྲས་བུ་ཐོབ་པ་མེད།། བྱ ་མེད་བྱེད་བྲལ་འབྲས་བུ་དེ།། ཆོས་ཉིད་དོན་རྟོགས་བདེ་ཆེན་འགྲུབ།། འདོད་པ་མ་ཟད་འབྲས་བུ་དང་།། འདོད་པས་གྲུབ་པའི་འབྲས་བུ་དང་།། འདོད་པ་མེད་པས་ལེན་པ་ནི།། བྱ་བྲལ་ལྷུན་གྲུབ་ཤེས་པར་གྱིས།། ་མདོར་ན་ཆོས་རྣམས་ཐམས་ཅད་ནི།། འཁོར་དང་མྱ་ངན་འདས་པ་སྟེ།། འཁོར་བའི་སེམས་རིག་འཁྲུལ་པའི་སེམས།། མྱ་ངན་འདས་རིག་བྱང་ཆུབ་སེམས།། སེམས་ཀྱི་ཡུལ་དང་རང་རིག་ཡུལ།། སྤྱོད་ཡུལ་དག་དང ་མ་དག་བགྱིས།། འཁོར་འདས་གཉིས་སུ་རྒྱལ་བས་མངགས། སྤྱོད་ཡུལ་དག་པའི་རྣལ་འབྱོར་ནི།། འཁོར་བར་ནམ་ཡང་མི་འཁོར་ཏེ།། རྟོགས་པ་བསྟན་པར་མ་གྱུར་ནས།། རྟེན་ནི་ཁམས་གསུམ་གནས་གྱུར་ཀྱང་།། ་སེམས་དགོངས་རྣམ་དག་རྫོགས་སངས་རྒྱས།། གལ་ཏེ་བསྟན་པར་མ་གྱུར་ན།། ཚོགས་དྲུག་འཇུག་པ་ལྷོད་པ་ཡིས།། དམྱལ་བའི་གནས་སུ་དེ་མི་སྐྱེ།། ཆོས་ཉིད་རྟོགས་དང་ལྡན་པ་ཡིས།། བྱོལ་སོང་གནས་སུ་དེ་མི ་སྐྱེ།། འདོད་པའི་གདུང་བ་ལྷོད་པ་ཡིས།། ཡི་དྭགས་གནས་སུ་དེ་མི་སྐྱེ།། འདོད་ཡོན་ལྔ་ལ་ཆགས་མེད་ཅིང་།། སྤྱོད་ཀྱང་བསྟན་པོར་མ་མཐོང་སྟེ།། འཁྲུལ་ཞིང་རང་བཞིན་མེད་རྟོགས་པས།། ལྷའི་གནས་སུ་དེ་མི ་སྐྱེ།། མིའི་ལུས་ཀྱི་རྟོགས་མཐུ་ཡིས།། གལ་ཏེ་རྟེན་ན་མི་ལུས་ཏེ།། གང་དུ་སྐྱེས་ཀྱང་རྣམ་དག་གསལ།། གང་དུ་གསལ་ཡང་མངོན་སངས་རྒྱས།། དེ་ལ་འཁོར་བའི་མིང་མི་གདགས།། དེ་བས་གསང་སྔགས་བདག ་ཉིད་ཆེ།། དོན་མེད་སྒྲ་ཕྱིར་དེ་འབྲངས་ནས།། དེ་ནི་འཐོམས་ནས་དམྱལ་བར་འགྲོ།། དེ་རྟོགས་དམྱལ་བའི་ས་བོན་ཟད།། དེ་རིང་ཕན་ཆོད་རྒྱལ་བའི་སྲས།། གཟུང་འཛིན་དབེན་པ་རྒྱལ་བ་སྟེ།། དེ་ན་རྟོག་པའི་སྲས ་ཞེས་བྱའོ།། རྟོག་པ་ཟད་ལ་རྟོག་ཞེས་ཏེ།། རྟོག་པ་སྐྱེས་ན་འགག་པར་ངེས།། དེ་ནི་སྐྱེ་འཇིག་འཁོར་བའི་ཆོས།། མངོན་པར་ཤེས་པ་ལ་ཡང་གཉིས།། ཆོས་ཅན་མངོན་པར་ཤེས་པ་དང་།། ཆོས་ཉིད་མངོན་པར་ཤེས ་པ་སྟེ།། ཤེས་པར་བྱ་བྱེད་ཅིག་ལས་མེད།། ཅིག་པོའི་དོན་དེ་འདི་ལྟར་སྟེ།། ཤེས་བྱ་ཤེས་བྱེད་གཉིས་ཡོད་ན།། ཆོས་ཅན་ཡིན་དེ་ཆོས་ཉིད་མིན།། དེ་རང་ཉིད་ལ་བྱེ་བྲག་མང་།། ཐེག་པ་རེ་ལ་ལྟ་བ་རེ།། དེ་རེ་སྒོམ་རེ ་མངོན་ཤེས་ཏེ།། ཆོས་ཉིད་མངོན་པར་ཤེས་པ་ནི།། ཤེས་དང་ཤེས་བྱ་གཉིས་མེད་ལ།། ཆོས་ཅན་ཤེས་བྱ་ཡང་དག་ལྡན།། དེ་སྤངས་ན་ཡང་དེ་མེད་དེ།། དེ་ཡོད་ན་ཡང་དེ་མེད་དོ།། རྣམ་པ་དག་ན་ལམ་ཆེན་རྙེད།། ་གཉིས་སུ་མེད་ན་བདེ་ཆེན་ཐོབ།། གཟུང་འཛིན་ངག་ན་ཡེ་ཤེས་ཆེ།། བྱ་བ་བྲལ་ན་རྫོགས་པ་ཆེ།། བྱེད་པ་བྲལ་ན་ལྷུན་གྱིས་གྲུབ།། སེམས་དང་ཆོས་ནི་ཡེ་ནས་གཉིས་མེད་ལ།། རྟོགས་པར་འདོད་པས་ནམ ་ཡང་ཐར་པ་མེད། མདོར་ན་སེམས་ཅན་སངས་རྒྱས་ཀྱང་།། སེམས་ཆོས་གཉིས་སུ་ཡོད་མེད་ལས།། རྡོ་རྗེ་ཀུན་བཟང་མི་གསུང་ངོ་།། སེམས་དང་ཆོས་ནི་གཉིས་མེད་ན།། ལྷ་རྟོགས་ལ་སོགས་གང ་གིས་ཀྱང་།། དེ་བས་བྱ་བྲ་ལ་ལྷུན་རྫོགས་མོད།། དེ་བས་སྨན་པའི་ཐེག་ཕྲན་ཀུན།། སེམས་ཀྱིས་ཆོས་རྟོགས་རྟོགས་པས་སྨན།། དེ་བས་བྱ་བྱེད་དྲང་དོན་མོད།། ཅེས་ཆོས་སེམས་གཉིས་སུ་མེད་པའི་གསང་ཐིགས ་སྟེ།། མན་ངག་གཉིས་པའོ།། བཅོམ་ལྡན་འདས་ལོག་པར་དད་སེལ་ལ་ཕྱག་འཚལ་ལོ།། རྩོད་དང་གདམས་དང་བཤད་དང་གསུམ།། དབྱེ་བ་འདི་ཡིས་ཤེས་པར་བྱ།། རང་བཞིན་དག་པའི་ཀུན་གཞི་དང་།། རྟོགས ་པས་དག་པའི་ཀུན་གཞི་དང་།། འཛིན་པས་གསགས་པའི་ཀུན་གཞི་ལ།། འཁོར་བའི་ཀུན་བཞི་འདས་པའི་གཞི།། གཉིས་ཀའི་ཀུན་གཞི་དབྱེ་བ་ཡིས།། འབྱུང་བ་དང་ནི་འབྱུང་ཆེན་དང་།། འབྱུང་ཆུང་གཞི་སྟེ་སོ་སོར ་དབྱེ།། འབྱུང་བ་ཆོས་ཉིད་འབྱུང་ཆེན་ནམ་མཁའ་ལ།། འབྱུང་ཆུང་རེ་རེ་ལ་ཡང་ལྔ།། ཆོས་ཉིད་འཁོར་འདས་ཀུན་གྱིས་གཞི།། བྱང་སེམས་འདས་པ་ཀུན་གྱིས་གཞི།། འཁྲུལ་སེམས་འཁོར་བ་ཀུན་གྱིས་གཞི།། ་སེམས་དང་སེམས་ལས་བྱུང་བ་དང་།། སེམས་དང་སེམས་ལས་ཐིམ་པ་དང་།། འཁོར་འདས་གཉིས་སུ་མཁས་པར་རིག། ཅིའི་ཕྱིར་ན་སེམས་ཞེས་ན།། སེམས་ཐིམ་པ་ཡི་སེམས་ཞེས་ན།། སེམས་འཛིན་པའི་སེམས ་ཞེས་སོ།། གང་ལྟར་བྱུང་ཡང་དེ་དེ་ཉིད།། དེ་དེ་བསྲེག་ཤད་པར་བུ་བསྣམས།། མ་རིག་མུན་པ་གསལ་བའི་ཕྱིར།། ཆོས་ཀྱི་པུ་ཏི་རབ་ཏུ་བསྣམས།། བཀྲེས་བསྒོམ་སྡུག་བསྔལ་ཞི་བྱའི་ཕྱིར།། རིན་ཆེན་སྒྲོམ་བུ་ཕྱག ་ན་བསྣམས། ཚ་གྲང་སྡུག་བསྔལ་ཞི་བྱའི་ཕྱིར།། མེ་ཆུའི་བསིལ་སྒྲོམ་ཕྱག་ན་བསྣམས།། གང་འཐད་ཐེག་པ་དེ་ལ་སྟན།། རྫོགས་པ་ཆེན་པོ་སྙིང་ཁྲིད་མན་ངག་གི་རྒྱུད།། སློབ་དཔོན་དགའ་རབ་རྡོ་རྗེས་ཡི་གེར་བཀོད ་པ་རྫོགས་སོ།། ཡང་ཏི་ནག་པོའི་འབྲུ་གཅིག་པ་བཞུགས་སོ།། @##།། རྒྱ་གར་སྐད་དུ། ཤྲཱི་མན་ཛུ་ཏན་ཏྲ་དུ། བོད་སྐད་དུ། འཇམ་དཔལ་འདུས་པའི་རྒྱུད། འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ།། ་འདི་སྐད་བདག་གིས་ཐོས་པ་དུས་གཅིག་ན། འོག་མིན་དུ་ནི་བཞུགས་ནས་ནི།། སངས་རྒྱས་སེམས་ཅན་རྒྱབ་གྱེས་དུས།། འཁོར་གྱི་རྡོ་རྗེ་སེམས་དཔའ་ལ།། ཡང་ཏི་ནག་པོའི་བསྟན་པ་ཤར།། བསྡུད་བྱེད་རོ་ལངས ་བདེ་བས་བསྡུས།། གླེང་གཞིའི་ལེའུ་སྟེ་དང་པོའོ།། །། དེ་ནས་རྡོ་རྗེ་སེམས་དཔའ་ཡིས།། ཀྱེ་སྟོན་པ་ཀུན་ཏུ་བཟང་པོ་ལགས།། རྫོགས་པ་ཆེན་པོའི་དོན་ཆེན་ལ།། དབང་ལ་བསྐུར་བའི་དོན་རྣམས་དང་།། ལམ ་སྦྱངས་བགྲོད་ཚོགས་བསགས་པ་དང་།། སྒྲིབ་སྦྱང་དམ་ཚིག་དཀྱིལ་འཁོར་དང་།། ལྷ་སྒོམ་སྔགས་བཟླས་ཏིང་འཛིན་དང་།། སྦྱིན་དང་ཚུལ་ཁྲིམས་སྨོན་ལམ་དང་།། དེ་རྣམས་དོན་ཀྱང་བཤད་དུ་གསོལ།། ཅེས་ཞུས ་སོ།། འཇམ་དཔལ་འདུས་པའི་རྒྱུད་ལས།། ཞུས་པའི་ལེའུ་སྟེ་གཉིས་པའོ།། །། ཀུན་ཏུ་བཟང་པོས་བཀའ་སྩལ་པས།། ཉོན་ཅིག་རྡོ་རྗེ་སེམས་དཔའ་ཆེ།། དབང་ལ་བསྐུར་མི་དགོས་པ་ནི།། བུམ་པ ་ཟཐབས་དང་གསང་དབང་དང་།། ཚིག་གི་དབང་དུ་ཐམས་ཅད་འདུས།། རང་ལུས་བུམ་པར་ཤེས་པ་ནི།། དེ་ནི་དབང་བསྐུར་དང་པོ་ཡིན།། རིག་སྣང་གཉིས་སུ་སྦྱོར་བ་ནི།། དེ་ནི་དབང་མཆོག་གཉིས་པ་ཡིན།། ཡེ ་ཤེས་སྐུའི་དོན་ཆོད་པས།། དེ་ནི་དབང་བསྐུར་གསུམ་པ་ཡིན།། ཚིག་རྣམས་ཐམས་ཅད་དོན་ལ་བསྡུས།། དེ་ནི་དབང་བསྐུར་བཞི་པ་ཡིན།། དབང་རྫས་རང་ལ་རབ་རྫོགས་པས།། སྣང་བ་རྫས་ཀྱི་ཁར་མ་ལུས།། ་ཅེས་གསུངས་སོ།། འཇམ་དཔལ་འདུས་པའི་རྒྱུད་ལས།། དབང་གི་ལེའུ་སྟེ་གསུམ་པའོ།། །། ལམ་སྦྱང་མི་དགོས་པའི་དོན་འདིའོ།། འབྱུང་བ་ལྔ་ལ་ལོངས་སྤྱད་པས།། དེ་ནི་ཚོགས་ཀྱི་ལམ་པའོ།། དེ་ཉིད་འོད ་གསལ་ཉིད་དུ་ཤར།། དེ་ནི་མཐོང་པའི་ལམ་པ་ཡིན།། གཉིས་སྣང་མེད་པའི་ཡེ་ཤེས་གསལ།། དེ་ནི་སྦྱོར་བའི་ལམ་པ་ཡིན།། དེ་ཉིད་རིག་པ་རང་ཡིན་པས།། དེ་ནི་སྒོམ་པའི་ལམ་པའོ།། དེ་རྣམས་གཉིས་སུ་མེད། ་པར་གནས།། དེ་ནི་མཐར་ཕྱིན་ལམ་པའོ།། ཅེས་གསུངས་སོ།། འཇམ་དཔལ་འདུས་པའི་རྒྱུད་ལས།། ལམ་གྱི་ལེའུ་སྟེ་བཞི་པའོ།། །། ས་རྣམས་མི་བགྲོད་དོན་འདིའོ།། ས་རྣམས་མི་བགྲོད་རང་ལ་རྫོགས།། ་མཉམ་པར་ཤེས་ནས་ས་རྣམས་ཀུན་དང་མཉམ།། བགྲོད་མེད་དོན་ལ་གང་གནས་པ།། དེ་ནི་ས་རྣམས་ནོན་པ་སྟེ།། གང་ཞིགས་རྣམས་བགྲོད་འདོད་པ།། ཕྱིན་པའི་དུས་མེད་ནོན་པའི་ཐབས་མེད་ཏེ།། དཔེར་ན་རི ་དྭགས་སྨིག་རྒྱུ་སྙེགས་དང་མཚུངས།། ཞེས་གསུངས་སོ།། འཇམ་དཔལ་འདུས་པའི་རྒྱུད་ལས།། སའི་ལེའུ་སྟེ་ལྔ་པའོ།། །། ཚོགས་རྣམས་མི་སོག་དོན་འདིའོ།། ཚོགས་སོག་དོན་ལ་རྣམ་གཉིས་ཏེ།། རྒྱུའི་ཚོགས ་དང་འབྲས་བུའོ།། རྒྱུ་ནི་ཐིག་ལེ་ལྷུན་གྲུབ་པ་ལ།། འབྲས་བུ་ཐམས་ཅད་མཁྱེན་པ་ཡེ་ཤེས་སོ།། གཉིས་སུ་མེད་པའི་ཆོས་སྐུ་ལ།། ཚོགས་ཉིད་རྣམ་པ་གཉིས་རྫོགས་པས།། ཚོགས་རྣམས་མི་སོག་ཡེ་ནས་རྫོགས།། ་གཉིས་སྣང་མེད་པས་བསག་ཏུ་མེད།། ཅེས་གསུངས་སོ།། འཇམ་དཔལ་འདུས་པའི་རྒྱུད་ལས།། ཚོགས་ཀྱི་ལེའུ་སྟེ་དྲུག་པའོ།། །། སྒྲིབ་པ་སྦྱང་བའི་དོན་འདིའོ།། སྒྲིབ་པ་ལ་ཡང་རྣམ་བཞི་སྟེ།། རིག་པ་སྤྲུལ་པའི ་། སྒུསྐུར་གྲུབ་པས།། ཤེས་བྱའི་སྒྲིབ་པ་དེ་ལ་མེད།། སྣང་བ་རང་སྣང་ལོང་སྐུ་ལ།། ཉོན་མོངས་སྒྲིབ་པ་སྦྱང་དུ་མེད།། གཉིས་སྣང་མེད་པའི་ཐིག་ལེ་ལ།། ལས་ཀྱི་སྒྲིབ་པ་སྦྱང་དུ་མེད།། ཆགས་པ་རང་འབྱུང་ཡེ་ཤེས་ལ།། ་བག་ཆགས་སྒྲིབ་པ་སྦྲང་དུ་མེད།། ཐམས་ཅད་ཐིག་ལེ་ཆོས་སྐུ་ལ།། སྒྲིབ་པ་བཞི་པོ་གང་དུ་སྤང་།། སྦྱང་བའི་ས་དང་སྦྱང་བའི་རྒྱུ།། གཉིས་སྤྱོད་ཕྱིར་ན་ཡང་ཏི་མིན།། ཇི་སྙེད་ཐེག་པ་འོག་མར་གོལ།། གོལ་ས་བཅད ་ཕྱིར་དོན་འདི་བསྟན།། ཅེས་གསུངས་སོ།། འཇམ་དཔལ་འདུས་པའི་རྒྱུད་ལས།། སྒྲིབ་པ་སྦྱང་བའི་ལེའུ་སྟེ་བདུན་པའོ།། །། དམ་ཚིག་བསྲུང་དུ་མེད་པའི་དོན་འདིའོ།། ཆོས་སྐུ་ཁྱབ་པས་ཅིག་པའི ་ཕྱིར།། བསྲུང་བའི་དམ་ཚིག་ས་མ་ཡ།། འབུམ་སྡེ་བཀོད་པའི་ཚིག་ཡིན་ཏེ།། ཚིག་ལ་མི་རྟེན་རང་བྱུང་བས།། དེ་རྣམས་ཐིག་ལེར་འདུས་པས་ན།། ཐམས་ཅད་བསྲུངས་བྱ་གང་ཡང་མེད།། བསྲུང་བྱ་བསྲུང་བྱེད ་གཉིས་བྱུང་ན།། དེ་ནི་ཡང་ཏི་ནག་པོ་མིན།། ཡུལ་དང་ཡུལ་ཅན་ཡིན་པའི་ཕྱིར།། ཐེག་པ་འོག་མའི་ཁྱུ་རུ་གོལ།། དེ་ཕྱིར་ཡེ་སྲུངས་དོན་འདི་སྟན།། ཞེས་གསུངས་སོ།། འཇམ་དཔལ་འདུས་པའི་རྒྱུད་ལས།། དམ་ཚིག ་བསྲུང་བའི་ལེའུ་སྟེ་བརྒྱད་པའོ།། །། དཀྱིལ་འཁོར་བསྐྱེད་དུ་མེད་པའི་དོན་འདིའོ།། ལྟེ་བ་མུ་ཁྱུད་འཁོར་ལོ་འཕགས།། ཟླ་ཁམ་རིན་ཆེན་ཟུར་གསུམ་རྣམས།། རང་ལས་སྣང་བ་ཕྱིར་དུ་ཤར།། དེ་ལ་དམ ་པར་འཛིན་པ་ནི།། ཐེག་པ་འོག་མའི་འདོད་གཞུང་ངོ་།། ཡང་ཏི་ནག་པོ་འདི་ལྟར་འདོད།། ཕྱིའི་དཀྱིལ་འཁོར་རང་སྣང་ཡིན།། ནང་གི་དཀྱིལ་འཁོར་རང་བྱུང་ཡིན།། གསང་བའི་དཀྱིལ་འཁོར་གཉིས་མེད་ཡིན།། ་ཡང་ཏིའི་དཀྱིལ་འཁོར་བསྟན་པ་ནི།། ཐམས་ཅད་ཡེ་ནས་སངས་རྒྱས་ཡིན།། ཡིན་པར་ཤེས་པས་བསྐྱེད་དུ་མེད།། ཅེས་གསུངས་སོ།། འཇམ་དཔལ་འདུས་པའི་རྒྱུད་ལས།། ཡང་ཏི་ནག་པོའི་དཀྱིལ་འཁོར་གྱི་ལེའུ ་སྟེ་དགུ་པའོ།། །། ལྷ་ལ་སྒོམ་དུ་མེད་པའི་དོན་བསྟན་པ།། དབྱིངས་ཕྱུག་ལ་སོགས་ཡུམ་རྣམས་ནི།། རང་སྣང་ཡུལ་དུ་བཟུང་བས་འཁྲུལ།། ཧེ་རུ་ཀ་སོགས་ཡབ་རྣམས་ནི།། རང་ཤར་རྟགས་ཏེ་ཡབ་ཏུ་བཟུང་།། ་ཐུགས་ལས་སྐྱེས་པའི་སྲས་མཆོག་ནི།། ཡབ་ཀྱི་རང་བྱུང་ཆ་ལས་བཟུང་།། དེའི་ཡུམ་རྣམས་ཐམས་ཅད་ཀྱིས།། ཡུམ་གྱི་སྣང་བའི་ཆ་ལས་བཟུང་།། གཉིས་མེད་ཟེར་གྱིས་གཉིས་སུ་སྒྲུབ།། དེས་ན་སྒྲུབ་པའི་གོལ་ས ་ཡིན།། ཡང་ཏི་ནག་པོའི་ལྷ་སྒོམ་ནི།། རིག་པའི་ཡེ་ཤེས་ཐམས་ཅད་ལྷ།། རིག་པའི་ལྷ་ལ་མདུན་རྒྱབ་མེད།། ཡབ་ཡུམ་གཉིས་སུ་ཕྱི་ནང་མེད།། ཕྱི་ནང་མེད་པའི་ཐིག་ལེའོ།། དེ་ཡི་དོན་ནི་དཀྱིལ་འཁོར་ཡིན།། ཞེས ་གསུངས་སོ།། འཇམ་དཔལ་འདུས་པའི་རྒྱུད་ལས།། ལྷ་སྒོམ་པའི་ལེའུ་སྟེ་བཅུ་པའོ།། །། གསང་སྔགས་བཟླས་སུ་མེད་པ་ནི།། མི་གསུང་མཉམ་པར་ཤེས་པ་ནི།། དེ་ནི་སྔགས་ཀྱི་ཏིང་འཛིན་ཡིན།། ཐིག་ལེ་གཅིག ་ཏུ་གནས་པ་ནི།། དེ་ནི་སྔགས་ཀྱི་འཕྲོ་འདུའོ།། ཐམས་ཅད་མཁྱེན་པའི་ཡེ་ཤེས་ཤར།། དེ་ནི་སྔགས་ཀྱི་གྲངས་ཚད་དོ།། ལྷུན་གྱིས་གྲུབ་ནས་རང་ལ་རྫོགས།། དེ་ནི་སྔགས་ཀྱི་འབྲས་བུའོ།། ཟླས་པའི་དུས་དང ་། གྲངས་རྣམས་དང་།། དངོས་གྲུབ་གཞན་ནས་རེ་བ་ནི།། དེ་ནི་ཡང་ཏི་ནག་པོ་མིན།། བརྗོད་མེད་དོན་ལ་གང་གནས་པ།། གསང་སྔགས་ཀུན་གྱི་བདག་པོའི་མཆོག། ཅེས་གསུངས་སོ།། འཇམ་དཔལ་འདུས་པའི་རྒྱུད ་ལས།། སྔགས་བཟླས་པའི་ལེའུ་སྟེ་བཅུ་གཅིག་པའོ།། །། སྨོན་ལམ་གདབ་ཏུ་མེད་པ་ནི།། ཐམས་ཅད་ཡང་ཏི་ནག་པོ་ལ།། ཤིས་པར་ཡུལ་བརྗོད་ག་ལ་ཡོད།། ཐམས་ཅད་བཀྲ་ཤིས་ཆེན་པོ་ཡིན།། ་ཡེ་ནས་ཤིས་པའི་འདུག་ཚུལ་ལ།། ད་བརྗོད་ཤིས་པ་བརྗོད་མི་དགོས།། ཡེ་ནས་ལྷུན་གྲུབ་ཆོས་སྐུ་ལ།། ད་ལྟ་སྨོན་ལམ་གབ་ཏུ་མེད།། ཡིན་ཕྱིར་སྨོན་ལམ་གདབ་མི་དགོས།། མིན་པར་བཏབ་པས་དགོས་པ་མེད།། ཅི ་སྟེ་ནམ་མཁའི་མེ་ཏོག་འདྲ།། ཞེས་གསུངས་སོ།། འཇམ་དཔལ་འདུས་པའི་རྒྱུད་ལས།། སྨོན་ལམ་དང་ཤིས་པ་བརྗོད་མེད་བསྟན་པའི་ལེའུ་སྟེ་བཅུ་གཉིས་པའོ།། །། ཚུལ་ཁྲིམས་བསྲུང་དུ་མེད་པའི་དོན་བསྟན ་པ།། ཚུལ་ཁྲིམས་དུས་རྣམས་ཐམས་ཅད་དུ།། མ་སྲུང་མ་ཉམས་ཡེ་ནས་སྲུངས།། ཡེ་སྲུངས་གདེང་དང་ལྡན་པ་ལ། ད་བསྲུངས་ཞེས་ནི་གང་འཆད་པ།། དེ་ནི་ཉན་ཟོས་སྡེ་པར་གོལ།། ཡང་ཏི་ནག་པོའི་ཚུལ་ཁྲིམས ་ནི།། ལྷུན་གྲུབ་ཐིག་ལེ་ཆོས་སྐུ་ལ།། སྲུང་དུ་མེད་སྣང་མེད་པའི་ཕྱིར།། ཐམས་ཅད་ཡེ་སྲུངས་ཆེན་པོར་འདུག། དེ་ནི་ཚུལ་ཁྲིམས་ཆེན་པོ་ཡིན།། དམ་ཚིག་ཆེན་པོ་དེ་ཡིན་ནོ།། ཞེས་གསུངས་སོ།། འཇམ་དཔལ་འདུས ་པའི་རྒྱུད་ལས།། ཚུལ་ཁྲིམས་དང་དམ་ཚིག་བསྲུངས་པའི་ལེའུ་སྟེ་བཅུ་གསུམ་པའོ།། །། སྦྱིན་པ་སྦྱིན་ས་མེད་པར་བསྟན་པ་ནི།། སྦྱིན་པ་ཀུན་གྱི་རྩ་བ་ནི།། སྣང་བ་འོད་གསལ་དོན་རྟོགས་པས།། ལོངས་སྐུའི་སྦྱིན ་པ་ཆེན་པོ་ཐོངས།། རིག་པ་རང་བྱུང་སྦྲུལ་སྐུ་ལ།། སྦྱིན་པ་ལེན་པའི་ཡུལ་ཀྱང་རྫོགས།། སྣང་བ་མེད་པའི་ཆོས་སྐུ་ལ།། རང་གི་རིག་པ་སྦྱིན་པ་རྫོགས།། སྣང་བྱ་སྣང་བྱེད་གཉིས་མེད་ཅིང་།། བཏང་བྱ་སྟོང་བྱེད་གཉིས ་མེད་པས།། ཡང་ཏི་ནག་པོའི་སྦྱིན་པ་རྫོགས།། གྲགས་སྣང་གཞན་གྱི་སྦྱིན་པ་རྫོགས།། ཡུལ་དང་ཡུལ་ཅན་སྦྱིན་པ་སྟོངས།། གཉིས་མེད་གཉིས་སུ་བཏང་བས་གོལ།། ཞེས་གསུངས་སོ།། འཇམ་དཔལ་འདུས་པའི ་རྒྱུད་ལས།། སྦྱིན་པ་ཡོངས་སུ་བཏང་བར་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་རྡོ་རྗེ་སེམས་དཔས་བཀའ་སྩལ་ཏེ།། དངོས་པོའི་གནས་ལས་བྱུང་བ་ཡི།། ཡང་ཏི་ནག་པོའི་དོན་རྫོགས་པས།། སེམས་ཅན ་དབང་པོ་སྨན་པ་དང་།། རང་གི་ཤེས་རབ་ཆུང་བ་དང་།། གྲོལ་བའི་ཐབས་ཆེན་བསྟན་དུ་གསོལ།། ཞེས་གསུངས་སོ།། ཀུན་ཏུ་བཟང་པོས་བཀའ་སྩལ་པ།། སེམས་ཅན་དབང་པོ་ཞན་པ་ལ།། ངོ་སྤྲོད་བཞི་ཡང་སྦྱོར་དུ ་ཆུག། འཁྲུལ་པའི་རྩ་བ་གཏིང་ནས་ཟོན།། ལྷག་མཐོང་རིག་པའི་འཁོར་ལོ་བསྐོར།། དེ་ནི་ངོ་སྤྲོད་གཉིས་པའོ།། ཡིད་ཕུང་ཟག་ནག་པོ་རྩད་ནས་ཆོད།། རིག་པ་གོས་དང་དཔྲལ་བའོ།། དེ་ནི་ངོ་སྤྲོད་བཞི་པའོ།། ཡང ་ན་བར་དོའི་རྐྱེན་གསུམ་སྟོན།། སྣང་བ་ངོ་སྤྲོད་བླ་མའི་ངག། རིག་པ་གཅེར་བུ་བཟུང་བ་དང་།། རིག་པ་གོས་དང་དཔྲལ་བ་དང་།། གཟུང་འཛིན་ཞགས་པ་བཅད་པའོ།། འབྲིང་དང་ཐ་མའི་མན་ངག་གོ། རབ་ཀྱི ་དབེན་དབང་རྣམ་པ་གསུམ་སྟེ།། རྒྱ་མཚོ་སྦུ་བ་ནམ་མཁའི་སྤྲིན།། ཨུཏྤ་ལ་ཡི་མདོག་བཞིན་ནོ།། ཡང་ན་དཔེ་ཅིག་འདི་ལྟ་སྟེ།། བ་ན་སེའི་འབྲས་བུ་བཞིན།། གཞི་ལས་འདས་པ་མེད་པའོ།། ཞེས ་གསུངས་སོ།། འཇམ་དཔལ་འདུས་པའི་རྒྱུད་ལས།། གནས་ལུགས་ལ་ངོ་སྤྲད་པ་དང་མ་གྲོལ་བ་གྲོལ་བར་བྱ་བའི་ལེའུ་སྟེ་བཅོ་ལྔ་པའོ།། །། དེ་ནས་རྡོ་རྗེ་སེམས་དཔའ་ཡིས།། བཅོམ་ལྡན་ཀུན་ཏུ་བཟང་པོ་ལ།། ་ལེགས་སོ་ཞེས་ནི་རབ་བསྟོད་ནས།། བདག་ཅག་ཤིན་ཏུ་ཡིད་རང་སྟེ།། རྒྱུད་ཆེན་འདི་ལ་མིང་འདོགས་ཞུ།། ཞེས་གསུངས་སོ།། ཀུན་ཏུ་བཟང་པོས་བཀའ་སྩལ་པ།། ངའི་བྱིན་བཤད་རྒྱུད་ཆེན་འདི།། འཇམ་དཔལ ་ཡེ་ཤེས་འདུས་པར་ཟུང་།། ཐམས་ཅད་གང་ཡང་མ་ལུས་རྫོགས།། ཐམས་ཅད་འདུས་པའི་རྒྱུད་དུ་ཟུང་།། སངས་རྒྱས་རང་འཁྲུངས་བསྟན་པས་ན།། སངས་རྒྱས་འདུས་པའི་རྒྱུད་དུ་ཟུང་།། ཡེ་ཤེས་རང་ལ་བསྟན ་པས་ན།། ཡེ་ཤེས་ཁོང་ཤར་རྒྱུད་དུ་ཟུང་།། ལྷ་སྒོམ་སྤྱོད་པ་སུན་འདོན་པས།། ལྷུན་གྲུབ་རང་ཆས་རྒྱུད་དུ་ཟུང་།། ཞེས་གསུངས་སོ།། ཞུ་བ་པོ་རྡོ་རྗེ་སེམས་དཔས་ཞུས།། སྡུད་པ་པོ་རོ་ལངས་བདེ་བས་བསྡུས།། ་འཇམ་དཔལ་འདུས་པའི་རྒྱུད་ལས།། མཚན་མའི་ལེའུ་སྟེ་བཅུ་དྲུག་པའོ།། །། ཡང་ཏི་ནག་པོའི་འབྲུ་ཅིག་པ་རྫོགས་སོ།། །། དགེའོ།། །། ་། རྫོགས་པ་ཆེན་པོ་ས་གཅིག་པ་ཞེས་བྱ་བ་བཞུགས་སོ།། ་