| Wylie | e-texts produced with BDRC’s OCR application |
བ་མཐར་ཕྱིན་པར་བྱའོ།། སངས་རྒྱས་རྡོ་རྗེ་འཆང་ཆེན་པོས།། མཁའ་འགྲོ་མ་ལྔའི་ལུང་བསྡུས་ནས་ལག་ན་རྡོ་རྗེ་ལ་གཏད་དོ།། འཇུག་དགའ་རབ་རྡོ་རྗེས་བསྡུས་ནས། འཇམ་དཔལ་ལ་གཏད་དེ།། ་འགུལ་ཁུག་མའོ།། བྱང་ཆུབ་སེམས་ཀྱི་སྙིང་པོ་སེང་གེ་འཁྱིལ་པའི་སྒྲུབ་ཐབས་འདི་ལ།། ངེས་པའི་སྒྲུབ་ལུགས་ཀྱི་རྟགས་རྣམ་པ་བཞི་འབྱུང་བའི་དུས་སུ་བདུད་རྣམ་པ་བཞི་འཇུག་སྟེ། ཕྱི་མཚན་མ་ལ་བརྟེན་ཏེ་སྒྲུབ ་པ་ཞེས་འབྱུང་བ་དེ། བག་ཆགས་ཀྱི་རྒྱུད་ལུས་ཡེ་ཤེས་ཀྱི་ལུས་ལ་འཇུག་པའི་དུས་སུ།། ཤེས་པ་སྤངས་མཐོན་གྱི་ཉམས་སྐྱེ།། འཇའ་ཚོན་གྱི་གདན་བསྟིངས།། ཉི་ཟླའི་རྟ་ཞོན། ཕྱོགས་སྣང་བ་དག་པའི་ཡུལ་སྣང་སྟེ།། ་ཤེས་བྱ་དེའི་དུས་སུ་ཕུང་པོའི་བདུད་འཇུག་སྟེ། ཡེ་ཤེས་ཀྱི་ལུས་ལ་བར་དུ་གཅོད་པའི་བདུད་ཞེས་བྱ་སྟེ། དེའི་དུས་སུ་བདག་ཏུ་རྟོག་པའི་ང་རྒྱལ།། འཕགས་པ་ནམ་མཁའ་མཛོད་ཅེས་བྱ་བ་འབྱུང་ངོ་།། དེ་ཉིད ་བདག་ཉིད་ཆེན་པོར་ཤེས་པར་བྱ་སྟེ། བརྟགས་ཀྱི་ཡེ་ཤེས་མཚོན་གང་བ་དང་དོན་གྱི་ཡེ་ཤེས་མཚོན་གང་བ་ཞེས་འབྱུང་སྟེ། དེ་ལ་མར་མཛད་ཆེན་པོའི་རྒྱས་ཐོབ་ཅིག། དེ་མཚོན་པར་བྱེད་པ་ལམ་རྣམ་པ་བཞི་ལ ་གནས་པའི་དུས་སུ། ཤེས་པ་འཁོར་བུའི་ཉམས་སྐྱེ། སྨུག་ཟིལ་ལྟ་བུ་དང་།། ར་རོ་ལྟ་བུ་དང་། ལུས་ཡང་བ་དང་། ཕྱི་ནང་གི་སྲིན་བུ་མི་འབྱུང་བ་དང་། མ་ཟོས་པར་ཚིམ་པ་དང་། གང་ལ་ཡང་ཉམས་ང་བ་མེད་པ་དང ་གཞན་སྙིང་རྗེའི་གནས་སུ་མཐོང་བ་དང་། རི་དང་ཁམ་ཁྱིམ་གྱིས་མི་ཁེངས་པར་ཤེས་པ་ཟང་ཐལ་དང་།། སྣང་བ་ཕྱོགས་ཆ་ཙམ་དག་པ་དང་། འགྲོ་དྲུག་གི་གནས་སྐབས་ཀྱིས་མཐོང་བ་དག་འབྱུང་བ་སྟེ། དེའི་དུས ་སུ་ཉོན་མོངས་པའི་བདུད་འཇུག་སྟེ། དེ་ནི་བདག་སངས་རྒྱའོ་མཉམ་ཤེས་པའི་ཤེས་པ་འབྱུང་སྟེ། གཞན་ལ་འདི་འདྲ་བའི་གཏམ་སྨྲ་ཞིང་། དེ་ལ་དགའ་བར་བྱེད་པ་ནི། ཆོས་ཀྱི་མཐའ་ལ་ཞེན་པས་ཉོན་མོངས་པའི ་བདུད་ཅེས་བྱའོ།། དེའི་དུས་སུ་མ་ཆགས་པའི་གནས་སྐུ་གསུམ་བཞི་ལྡན་ཀྱིས་རྒྱས་ཐོབ་ཤིག། ནང་ལྷའི་དཀྱིལ་འཁོར་ལ་བརྟེན་ཏེ་བསྒྲུབ་པའི་དུས་སུ། ཐུགས་རྣམ་དག་གི་ཀློང་ན་རང་བྱུང་ཡེ་ཤེས་ཀྱི་དཀྱིལ་འཁོར ་གསལ་བ་དང་། སྡེ་ལུང་བསྟན་པ་དང་། ཡི་གེའི་ཚོགས་དང་། སྣང་བ་མེད་པའི་གཏམ་ཐོས་པ་དང་། རིན་པོ་ཆེའི་མཆོད་རྟེན་ལ་འཛེག་པ་དང་། བདུད་རྩིའི་ཟས་ལ་ལོངས་སྤྱོད་པ་དང་། རྟེན་མེད་ཀྱི་ནམ་མཁའ་ལ ་སྟེག་བཅས་ཏེ། བར་སྣང་ལམ་དུ་བདེ་བ་དང་། ལྷ་དང་སློབ་དཔོན་དང་མཁའ་འགྲོ་བརྒྱད་མར་མཆོད་པའི་ཕྱག་རྒྱའི་ཚོགས་མང་པོས།། བདག་ལ་དབང་བསྐུར་བ་དང་། ལུང་སྟོན་པ་དང་། དེའི་ཚེ་བདག་ལ་ཤེས ་རབ་ཁྱད་པར་ཅན་སྐྱེས་ཏེ། ཉམས་དགའ་ཞིང་ཤེས་རབ་ཀྱི་མཐའ་གྲོལ་བ་དང་། ཆོས་ཐམས་ཅད་གང་དང་ཡང་མཐུན་ལ་ཆོས་ཀྱིས་མི་འགྲོལ་བར་མཐོང་བ་དང་། གཞན་དེ་ལ་སོགས་པའི་སྣང་བ་དམྱལ་བའི་སྡུག ་བསྔལ་ཉམས་སུ་མྱོང་དུ་ཡོང་བ་དང་། ཡི་དྭགས་དང་བྱོལ་སོང་གི་སྐྱེ་གནས་སྟོན་པ་དང་། བདུད་ཀྱི་ཆ་བྱད་མང་པོ་བདག་ལ་སྐྱེ་བུར་འབྱེད་པ་འབྱུང་སྟེ། དེའི་དུས་སུ་ལྷའི་བུའི་བདུད་འཇུག་སྟེ། དེ ་རྣམས་ལ་བླང་དོར་དང་ཉམ་ང་བ་མེད་པར་གངས་ལ་ཉི་མ་ཤར་བ་ལྟ་བུ་གསལ་བ་གསུམ་གྱིས་རྒྱས་ཐོབ་ཅིག། གསང་བ་བྱང་ཆུབ་སེམས་དངོས་སུ་གྲུབ་པའི་དུས་སུ། མེ་ལོང་གཡའ་དག་གི་དགོངས་པ། མ་སྒྲིབས ་པ་ཡོངས་སུ་གསལ་བ་དང་། ནམ་མཁའི་མཐོངས་ནས་སྣང་གསལ་གི་ཉི་མ་ཤར་བ་ལྟ་བུ། ཆོས་ཉིད་དག་པའི་ཀློང་ནས་ཡེ་ཤེས་རང་སྣང་གི་དགོངས་པ། གཟིགས་སྣང་གི་མཐའ་ལས་འདས་པའི་ཉམས་སྐྱེ་སྟེ། དེའི ་དུས་སུ་འཆི་བདག་གི་འཇུག་སྟེ། རྒྱུ་རྐྱེན་མེད་པར་ཡེ་ཤེས་ཀྱི་སྐུ། སྐྱེ་འཆི་མཐའ་ལས་གྲོལ་བ། སྐར་མདའ་ལྟ་བུའི་རྒྱས་ཐོབ་ཤིག། གང་ལ་དེ་བྱུང་དེ་ལ་དགོངས་ཏེ།། དེ་ལ་དེ་མེད། དེའི་སྤྱོད་ཡུལ་མིན། ཞེས་དེ ་ཉིད་གསུངས། བྱང་ཆུབ་སེམས་སེང་གེ་འཁྱིལ་པའི་དགོངས་པས། བདུད་བཞི་ལ་ཡེ་ཤེས་བཞིའི་རྒྱས་གདབ་བོ།། དེ་ནས་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ་དེས། མ་བྱོན་པར་མཁྱེན་ནས། ཐུགས ་རྗེའི་སྤྲུལ་པ། ཡེ་ཤེས་ཀྱི་རྣལ་འབྱོར་མ་བཞི། ལྗགས་ཀྱི་འོད་ཟེར་ལས་འཕྲོས་ཏེ། རྡོ་རྗེ་ཐུགས་ཀྱི་བུ་མོ་ཞེས་ཀྱང་བྱ། ཉིད་ཀྱི་སྐུ་ལས་སྐྱེས་པས། ཉིད་ལས་མི་གཞན་པའི་འཁོར་རྡོ་རྗེ་རྣལ་འབྱོར་མ་བཞི་ཞེས་ཀྱང ་བྱ། འཁོར་བ་ཞེས་གནོན་ཅིང་སྡུག་བསྔལ་རྩད་ནས་གཅོད་པས། སྲིད་པ་སྒྲོལ་བྱེད་ཀྱི་ཁྲོ་མོ་བཞི་ཞེས་ཀྱང་བྱའོ།། འདས་དུས་མ་བྱོན་པའི་མངོན་རོལ། འོག་མིན་གྱི་གནས་ལྕང་ལོ་ཅན་གྱི་ཕྲོ་བྲང་དུ། ཡེ་ཤེས་རྣམ ་དག་གི་དབྱིངས་ནས། ཉིད་ཀྱི་ཞལ་བཟང་པོ་བསྟན་ནས། དུར་ཁྲོད་ཆེན་པོ་བཞིར་མི་འགྱུར་བའི་གཟེར་ཆེན་པོ་ཞིག་བཏབ་ནས། བཛྲ་སྭ་ཧཱུཾ་ལི་ཀ་ར་བཞི་བཞག་ནས་ཡོད་ཀྱིས།། ལག་ན་རྡོ་རྗེ་ཁྱོད་དེར་སོང་ཅིག། ་དུར་ཁྲོད་ཆེན་པོ་བསིལ་བའི་ཚལ་ན།། མཁའ་འགྲོ་མ་རོ་ཟ་ཤན་ཏི་ཐོད་པའི་བ་ཅན་བྱ་བས། གཟེར་ལྟ་བུའི་གདམ་ངག་བསྟན་ཏོ།། དུར་ཁྲོད་ཆེན་པོ་མེ་རི་འབར་བ་ཞེས་བྱ་བ་ནས། མཁའ་འགྲོ་མ་རྡོ་རྗེ་ཁྲོ་གདོང་མ ་བྱ་བས། ཐོགས་པ་མེད་པ་ཐོག་ལྟ་བུའི་མན་ངག་བསྟན་ཏེ། དུར་ཁྲོད་ཆེན་པོ་སོ་ཤའི་གླིང་ཞེས་བྱ་བ་ནས། ཀ་རུ་ཎ་ནམ་མཁའ་ལྡིང་དང་། ཤིང་གི་ལྷ་མོ་འཆང་མ་གཉིས། ཡིད་ཀྱི་མཚོས་པའི་བུ་མོ།། མཁའ་འགྲོ ་ནམ་མཁའི་བུ་མོ་རྡོ་རྗེ་རླུང་གི་གཤོག་པ་ཅན་ཞེས་བྱ་བས། གངས་ལ་ཉི་མ་ཤར་བ་ལྟ་བུའི་གདམས་ངག་སྟོན་ཏོ།། དུར་ཁྲོད་ཆེན་པོ་ཤིན་ཏུ་རུ་ལུང་བྷ་ར་ཧ་ཏི་བྱ་བ་ནས། མཁའ་འགྲོ་མ་གཙུག་གི་རྒྱན་གཅིག་བྱ་བས། ་ཕྱིར་མི་བཟློག་པ་སྐར་མདའ་ལྟ་བུའི་གདམས་ངག་སྟོན་ཏེ། བཛྲ་གུ་ཧྱ་ཛྙཱ་ན་མ་ཧཱ། རཏྣ་བྷ་ཡེ་སྭཱ་ཧཱ། རྡོ་རྗེ་གསང་བ་ཆེན་པོའི་སྐུ། རིན་ཆེན་དབྱིགས་གི་སྒྲོན་མའི་མན་ངག། རང་བྱུང་རིག་པའི་རྒྱལ་པོ་ལ་ཕྱག་འཚལ ་ལོ།། བཅོམ་ལྡན་འདས་རྡོ་རྗེ་འཆང་གིས། ལག་ན་རྡོ་རྗེ་ལ་ལུང་བསྟན་པ། རྒྱ་ནག་པོའི་ཡུལ་སྟག་ཤིང་ནག་པོའི་ནགས་ཚལ་ན། ཧ་ཤང་མ་ཧཱ་ཡིན་གྱི་གནས། རང་བྱུང་གི་བྲག་ཕུག་ཁ་བྱང་དུ་བསྟན ་པས་ན། འཆི་བདག་གཤིན་རྗེ་རྡོ་ལ་འབུར་དུ་བསྐོས་པ། གཟུངས་གྲུ་བཞི་པའི་ཞབས་གཡོན་བསྐྱང་བའི་འོག་ན། ཐོག་མའི་སངས་རྒྱས་འོད་མི་འགྱུར་བ་ཡོད་ཀྱིས། ལག་ན་རྡོ་རྗེ་གནས་དེ་ན། མཁའ་འགྲོ་མ་པུཪྵ ་ཉེ་བར་ཞི་བ་ཞེས་བྱ་བ། གཅེར་བུ་ལུས་ལ་ཨེ་ལའི་ཐལ་བ་བྱུགས་ནས།། ལྕེ་སྤྱང་གི་ཡང་བཞི་ཕྲག་པ་ལ་སྐལ་པ་དར་སོད་ལ། བཅོམ་ལྡན་འདས་སྣང་བ་མཐའ་ཡས་ཀྱི་ཐུགས་ཀྱི་མེ་ལོང་འདི་སྟོན་པ་ལ་ཞུས་ཅིག། ་ཅེས་ལུང་བསྟན་པས། དེ་ནས་ལག་ན་རྡོ་རྗེ་བཅོམ་ལྡན་འདས་ལ་སྐོར་བ་བྱས་ཏེ་ཕྱིན་པས། དེ་བཞིན་འདུ་སྟེ་ལྟས་པ་དང་། མཐིང་གི་ཤོག་བུ་སོར་བཞི་པ་གཅིག་ལ། རིན་པོ་ཆེའི་ཡི་གེ་རང་གནན་དུ་བྲིས་ནས། ཡ ་མཚན་རྨད་དུ་བྱུང་བའི་འོད་འཕྲོ་ཞིང་འདུག་སྟེ། ཉིད་ཀྱིས་གཟིགས་པ་དང་། ཆོས་ཐམས་ཅད་ཀྱི་དེ་བཞིན་ཉིད་བྱ་རྩལ་ལས་འདས་པའོ།། འདབ་ཆགས་ཀྱི་ཁྱུང་ལྟ་བུའི་གདམས་པ་བསྟན་ནོ།། བཛྲ་ཛྙཱ་ན་མ་ལ་མ་ཧཱ། ་བཅོམ་ལྡན་འདས་མཉམ་པའི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བྱང་ཆུབ་སེམས་དཔའ་ཕྱག་ན་རྡོ་རྗེ་ཐུགས་རྗེ་དང་རྫུ་འཕྲུལ་དུ་ལྡན་པ། ལེགས་པར་ཡིད་ལ་ཟུང་ཅིག། ་ཐོག་མ་མེད་པའི་གནས་སྔོན་བྱུང་བའི་དུས་སུ། ཧར་ཤང་འབར་ནེའི་ནགས་ཚལ་དུ། བདག་རྡོ་རྗེ་རྣལ་འབྱོར་མ་ཉིད་ཀྱིས་ཐུགས་རྗེ་རང་བྱུང་ཉི་མ་ཤར་ནས།། ང་ཉིད་ཡེ་ཤེས་སྣང་བའི་དུས་ན། ཆོས་ཀྱི་དབྱིངས་ཀྱི ་ཕོ་བྲང་ན་རིག་པ་ལས་ཐ་མི་དད་པ། རང་བྱུང་གི་སྐུ་ལྔ་སྣང་ལ་རང་བཞིན་མེད་པར་རང་གསལ་བ། མནན་ན་ནེམ་ཞེས་བྱེད་པ། གདོས་པའི་སྤྱོད་ཡུལ་མིན་པ། སྟེག་ན་འཕར་ཞེས་བྱེད་པ། གསལ་བ་ཟང་ཐལ་ཡིན ་པ། ངམ་འགྲོག་དང་གཡང་ས་མེད་པ། ཚེར་མ་དང་། རྣོ་ཟུར་མེད་པ། ལྕོང་རོང་བྱ་སྐྱིབས་མེད་པ། ཤེས་རབ་ཉམ་བདེ་བ་ལ་ཕྱོགས་སུ་མ་ལྷུང་བ། བུལ་བའི་ཡུལ་བདེ་བ་ཉམས་སུ་མྱོང་བའོ།། ནང་རིག་པ་ཆོས་ཀྱི ་སྐུ། འགག་པ་མེད་པར་ལྷུག་པའི་ཤེས་རབ་ཁོང་ནས་ཤར་བས། ལྷན་ཅིག་སྐྱེས་པའི་ཡེ་ཤེས་རིན་པོ་ཆེ་འོད་འབར་བའི་ནང་ན་བཀོད་པ་མེད་པ་ཕྱག་རྒྱའི་དཀྱིལ་འཁོར།། རང་དེའི་ཡོན་ཏན་གྱི་སྐུ་མ་འདྲེས་པར་སོ། ་སོར་གསལ་བ། བདག་མེད་པའི་བདག་ཉིད་ཆེན་པོ།། ཞི་བ་ཆོས་ཀྱི་སྐུ་མཉམ་ལ་མ་འདྲེས་པར་བཞུགས་སོ།། དེ་ཁོ་ན་ཉིད་མ་བྱས་པའི་ཆོས་ཞེས་བྱ་བའི་འབས་ཀྱི་གྲུབ་པ་ཡེ་ཤེས་རང་སྣང་དབབ་བཅས་པ་ནི། ་སངས་རྒྱས་ཐམས་ཅད་ཀྱི་མཁྱེན་པ་ལ་སོགས་སོ།། ཞེས་རྡོ་རྗེ་ཅན་ལ་སྨྲས་སོ།། ས་བཅུ་པའི་བྱང་ཆུབ་སེམས་དཔའ་ཁྱོད། ཚིག་ཉུང་ལ་དོན་ཆེ་བ། སླབ་སླབ་མ་གོ་ཀ་བ། འདི་ནི་རང་བྱུང་གི་བཅོམ་ལྡན་འདས། ་རྩལ་སྒྲུབ་ཀྱི་མཐའ་ལས་འདས་པ། འདའ་ཆགས་ཀྱི་རྒྱལ་པོ་ཁྱུད་ལྟ་བུ་སྟེ། ལས་ཀྱི་མཐའ་གང་ལ་ཡང་མི་གནས་སོ།། དེའི་ཕྱིར་རྟོགས་པའི་དོན་ཐུགས་སུ་ཆུད་པར་རྣམ་པར་དག་པའི་ས་ནོར་རེ།། ་མཁའ་འགྲོ་མ་པུདྡྷ་ཉེ་བར་ཞིང་། དཔལ་ཕྱག་ན་རྡོ་རྗེས་མགོ་བོ་ཁོས། ཞེས་དོན་མཐའ་ལ་སྩལ་བའོ།། རང་རིག་པའི་ཡེ་ཤེས་ཀྱི་རྩལ་ལས་རྡོ་རྗེ་འཆང་གི་སྐུ་བསྟན། ཆོས་ཉིད་མ་བཅོས་པའི་ངང་ན། རྡོ་རྗེ་མཁའ ་འགྲོ་མ་ཕྱུང་སྟེ། དེ་གཉིས་སུ་མེད་པ་ལས། ཡེ་ཤེས་ཀྱི་མཁའ་འགྲོ་མ་བཞི་ཕྱུང་སྟེ། རྒྱུ་རྒྱུ་རུ་གནས་པ། རྒྱུ་འབྲས་བུར་སྨིན་པ། འབྲས་བུ་རྒྱུ་ལ་ཤར་བ་རྒྱུ་ཉིད་ཡེ་ཤེས་སུ་གྲོལ་བའོ།། རིན་པོ་ཆེ་དབྱིག་གི་སྒྲོན་མའི ་མན་ངག། བྱ་རྩལ་མེད་པ་འདབ་ཆགས་ཀྱི་རྒྱལ་པོ་ཁྱུང་ལྟ་བུའི་མན་ངག་གི་དགོངས་པ་མཐར་ཕྱིན་པ།། ལག་ན་རྡོ་རྗེ་ལ་རྡོ་རྗེ་འཆང་གི་ལུང་བསྟན་པའོ།། བཛྲ་ཙིཏྟ་མ་ཧ། བཅོམ་ལྡན་འདས་རྡོ་རྗེ་འཛིན་པ་ལ་ན ་མོ།། རྡོ་རྗེ་ཅན་ཉོན་ཅིག། དུར་ཁྲོད་ཆེན་པོ་བསིལ་བའི་ཚལ་དུ་སོང་ལ། ཐོད་པའི་ཕྲེང་བ་ཅན་ལ། སོན་ཕ་ལ་གྷ་ཚ་པྲ་ཤིག། རྡོ་རྗེ་གདན་གྱི་ཤར་ཕྱོགས་ན་རང་བྱུང་གི་མཆོད་རྟེན་ཁྲུ་བརྒྱད་པའི་འོག་ན། སྲིན་བུ ་རཀྵ་ཛ་ལའི་ཐོད་པའི་ནང་དུ། རྫོགས་པ་ཆེན་པོ་གཟེར་ལྟ་བུའི་མན་ངག་ཡོད་ཀྱིས། དེ་མཁའ་འགྲོ་མ་ལ། བྱང་ཆུབ་སེམས་དཔའ་འཕགས་པ་གཙུག་ཏོར་དྲི་མ་མེད་པའི་ཕྱག་རྒྱ་སྟོན་ལ་ཞུས་ཅིག། དེ་ནས་རིན་པོ་ཆེ ་གསང་བའི་སྦུབས་གསུམ་ན། བཀོད་པ་མེད་པར་ཕྱག་རྒྱའི་དཀྱིལ་འཁོར་ལྔ་རང་བྱུང་དུ་གསལ་བས། མ་སྒོམ་པ་ཆེན་པོ་རྫོགས་སོ།། གསང་སྔགས་ཆེན་པོ་ཡི་གེ་ལྔ་པའི་འཁོར་ལོ།། མི་གསུང་བའི་གསུང་བ་ཆེན་པོ ་དང་ལྡན་པས། དེ་ཁོ་ན་ཉིད་ཀྱི་སྙེན་པ་རྫོགས་སོ།། སྙིང་པོ་བྱང་ཆུབ་མཆོག་གི་ཐིག་ལེ་ཡན་ལག་མེད་པའི་རྡོ་རྗེ་ལ། བཅའ་རུ་མེད་པའི་དམ་ཚིག་གི་ཕྱག་རྒྱ་རྫོགས་སོ།། དམ་ཚིག་ས་མ་ཡ་བཀོད་པའི་རྒྱལ་པོ་རྒྱལ ་པོ།། བསྲུངས་པ་མེད་པའི་དམ་ཚིག་ལ། མ་བསྲུངས་པ་མེད་པ་རྫོགས་སོ།། རྫོགས་ལྡན་ཆེན་པོ་ཡེ་ནས་ལྷུན་གྱིས་གྲུབ་པ་ལ་བསྟན་པའི་ཆོས་མེད་པས། སྐྱོབ་པའི་མཐའ་དང་བྲལ་བར་བསྟན་པ་རྫོགས་སོ།། ལག་ན ་རྡོ་རྗེ་ལ་རྫོགས་ལྡན་ཆེན་པོ་གསེར་ལྟ་བུའི་ལུང་བསྟན་པའོ།། བཛྲ་ཨ་ཏི་ཛྙཱ་ན་མ་ཧཱ། རྡོ་རྗེ་འཛིན་པ་ལ་ན་མོ།། གསང་བའི་མགོན་པོ་བླ་ན་མེད། ཡེ་ཤེས་དབྱིངས་ནས་རང་བྱུང་བའི། ཐོག་དང་འདྲ་བའི་མན་ངག ་འདི། བྱ་ཁྲག་ཟན་ལ་བཙུམ་པ་བཞིན། ཐེ་ཚོམ་མེད་པར་ཡིད་ལ་འཆོངས། བཛྲ་པ་ཎི་མེ་རི་འབར་བའི་དུར་ཁྲོད་ན། མཁའ་འགྲོ་མ་རྡོ་རྗེའི་མཆུ་ཅན་ཞེས་བྱ་བ་ཡོད་ཀྱིས། དེར་སོང་ལ་ཤིང་འཛམ་བུ་པྲི་ཤའི་དྲུང་ན། ་གསེར་གྱི་རུས་སྦལ་གྱི་འོག་ན་བསྟན་པ་ཐམས་ཅད་ཀྱི་སྙིང་པོ་ཐོག་ལྟ་བུའི་མན་ངག་ཡོད་ཀྱིས། དེར་མཁའ་འགྲོ་མ་ལ་རིག་པའི་མེ་ཏོག་ཕུལ་བ་ཞུས་ཅིག། ལག་ན་རྡོ་རྗེ་ནུབ་ཕྱོགས་ཀྱི་ཞིང་ཁམས་ན་སྣང་བ་མཐའ ་ཡས་ཀྱི་ཞིང་ཁམས་བསམ་གྱིས་མི་ཁྱབ་པ་ཡོད་ཀྱིས། དེར་ཁྱོད་སེང་གེའི་འགྲོས་སྟངས་ཀྱིས་སོང་ལ། གླང་པོ་ཆེའི་ལྟ་སྟངས་ཀྱིས་ལྟོས་ཤིག། དེ་ན་མངོན་པར་དགའ་བའི་ཚལ་བྱང་ཆུབ་མཐའ་ཡས ་ཀྱིས་བྲག་ཕུག། སེང་གེའི་སྒྲ་སྒྲོག་པ་ཞེས་བྱ་བ་ན། འཕགས་པ་ནམ་མཁའི་མཛོད་ཅེས་བྱ་བ། ཤིན་ཏུ་སྐྱེ་བུད་ཅིག་ཡོད་ཀྱིས།། དེ་ལ་མ་འཇིགས་ཤིག། དེ་འདས་པའི་ཕ་རོལ་ན། སངས་རྒྱས་མར་མེ་མཛད་རྒྱན ་འོད་ཀྱི་ཕུང་པོ་སྣང་བ་ཞེས་བྱ་བ་ཡོད་ཀྱིས།། དེའི་ཚེ་དེའི་དུས་སུ་མངོན་པར་རྫོགས་པར་སངས་རྒྱས་པར་འགྱུར་རོ།། བཛྲ་པཱ་ཎི་ལ་རྡོ་རྗེ་འཆང་གི་གདམས་ངག་ཐོག་བབས་སུ་བསྟན་པའི་ལུང་བསྟན་པའོ།། བཛྲ་ས ་ཏོ་ཁེ་ཧེ་བཛྲ། རྡོ་རྗེ་འཛིན་པ་ལ་ཕྱག་འཚལ་ལོ།། བཛྲ་པཱ་ནི་དུར་ཁྲོད་ཆེན་པོ་མང་གའི་གླིང་ན། མཁའ་འགྲོ་མ་ནམ་མཁའི་བུ་མོ་རྡོ་རྗེ་རླུང་གི་གཤོག་པ་ཅན་བྱ་བ་ཡོད་ཀྱིས། དེའི་ཐུགས་ཀྱི་ཕྱག་རྒྱ་སྟོན་ལ། རང་བྱུང ་གི་མེ་ཏོག་སྟོན་ལ་ཞུས་ཅིག། རྒྱའི་བང་སོ་ནག་པོའི་བྱང་ཕྱོགས་ཕོ་འོད་དྲག་པ་ཅན་གྱི་འོག་ན། ལྕགས་ཀྱི་སྡིག་པ་མགོ་དགུ་པ་ཅིག་གི་འོག་ན། བྱང་ཆུབ་སྙིང་པོ་ཉི་མ་ཤར་བ་ལྟར་བུའི་གདམས་ངག་ཚིག་གསུམ ་ཡོད་ཀྱིས། དེ་ཞུས་ཅིག། བཛྲ་པཱ་ཎི་བྱ་བ་མེད་པར་ཡེ་ཤེས་ཀྱི་འོད་གསལ་བ། དགོངས་པ་ཉི་ཤར་བ་ལྟ་བུའི་མན་ངག་གིས།། འཇིག་རྟེན་པའི་མུན་པ་དག་པར་བྱེད་པས། ཡུལ་དག་པ་ཆོས་ཀྱི་དབྱིངས་ཀྱི་ཕོ་བྲང་མེ ་ལོང་གཡའ་དག་པ་རྟར་གསལ་བ། རང་རིག་པ་ཆོས་ཀྱི་སྐུ་སངས་རྒྱས་ལྔའི་བདག་ཉིད་དུ་གསལ་བ། ཤེས་རབ་མར་མེ་རླུང་གིས་མ་བསྐྱོད་པ་ལྟར་གསལ་བ། བར་ན་ཡེ་ཤེས་ཀྱི་སྐུ་བདེ་བ་ཆེན་པོ་ནམ་མཁའི་འཇའ ་ཚོན་ལྟར་མ་འདྲེས་ལ་ཡོངས་སུ་རྫོགས་པར་གསལ་བའོ།། གསང་བ་གསུམ་དང་ལྡན་གྱུར་ན། སངས་རྒྱས་ཉིད་ཀྱིས་དགོངས་པ་ཡིན། དགོངས་པ་མཐར་ཕྱིན་པའི་ལུང་བསྟན་པའོ།། བཛྲ་ཙཏྟི་པྲ་ཏི་ཥ་ཛྙཱ་ན་ཨཱཿཧཱུཾ། ་བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ།། བཛྲ་པཱ་ནཾ། དུར་ཁྲོད་ཆེན་པོ་ཤིན་ཏུ་རུ་ལུང་བར་ཧཥྚི་བྱ་བ་ན།། མཁའ་འགྲོ་མ་གཙུག་གི་རྒྱན་ཅིག་བྱ་བ་ཡོད་ཀྱིས། དེར་སོང་ལ་ཕ་ལ་པྲ་ས་རད་དུ་པྲ་ཤིག། ་ཡུལ་མ་གཏའི་ཤར་ཕྱོགས་ན། རིན་པོ་ཆེ་སྣ་ལྔའི་ཕ་ལོང་འོག་ན། བསྟན་པ་ཐམས་ཅད་ཀྱི་སྙིང་པོ་གསང་བ་ནམ་མཁའི་རྒྱན་ཞེས་བྱ་བ་ཡོད་ཀྱིས། མཁའ་འགྲོ་མ་ལ་བསྐོར་བ་ལན་གསུམ་གྱིས་ལ། ལྗགས་ཀྱི་པདྨ ་ཡི་གེ་ལྔ་པའི་འཁོར་ལོ་སྟོན་ལ་ཞུས་ཅིག། དེ་ནས་ཡེ་ཤེས་ཀྱི་རྩལ་སྐར་མདའ་ནམ་མཁའ་ལ་བྱུང་བ་ལྟ་བུའི་མན་ངག་གིས།། སྐད་ཅིག་མ་གསུམ་ལ་སྦུབས་གསུམ་གཅོད་པར་བྱེད་པ། བྱེད་པ་པོ་མེད་པར་མཐོང་བ ་པོས་མཐོང་ནས་ཤེས་པ་པོས་ཤེས་སོ།། ཁྱོད་ནུབ་ཕྱོགས་སུ་ཕྱིན་པའི་ཚེ། བསྐྱོད་པ་མེད་པར་སྐྱེ་མེད་ནམ་མཁའ་ཀློང་ནས། བཀོད་པ་མེད་པར་ཡེ་ཤེས་ཀྱི་གཞལ་མེད་ཁང་དུ། འགྱུར་མེད་རྡོ་རྗེའི་གདན་ལ་རང་སྣང ་རྟོག་པའི་འཁོར་དང་ལྷན་ཅིག་ཏུ་འཁོད་དེ། ཡུལ་ཆོས་ཀྱི་དབྱིངས་ཀྱི་ཕོ་བྲང་ཁྱབ་བརྡལ་འུབ་ཆུབ་ཆེན་པོར་འདུས་ཏེ། དོན་གྱི་དགོངས་པ་ཉག་གཅིག་ལ་འདུ་བྲལ་མེད་པར་བཞུགས་སོ།། དེ་ནས ་སངས་རྒྱས་ཀྱི་ཞིང་སངས་རྒྱས་མྱ་ངན་ལས་འདའ་བར་བསྟན་ཏོ།། ཞེས་ལུང་བསྟན་ནས་བཅོམ་ལྡན་འདས་དང་ཐབས་གཅིག་ཏུ་བཞུགས་སོ།། སངས་རྒྱས་ཐམས་ཅད་ཀྱི་དགོངས་གསང་བ་ནམ་མཁའི་རྒྱན་ཞེས་བྱ ་པབཔ། ལག་ན་རྡོ་རྗེ་ལ་རྡོ་རྗེ་སེམས་དཔས་ལུང་བསྟན་པའོ།། དེ་ལ་ཞུ་བ་པོ་དགའ་རབ་རྡོ་རྗེས་ཞུས་ཏེ། སྡུས་པ་པོ་རྡོ་རྗེ་ཆོས་ཀྱིས་བསྡུས་ནས། རིན་པོ་ཆེ་ཟ་མ་ཏོག་མཚོན་གང་བའི་ནང་དུ་སྦས་ནས། འགུལ་ཁུག་དུ ་བཅུག་ནས། ཉིད་ཀྱི་ཐུགས་དམ་རྩེ་གཅིག་པར་མཛད་དོ།། རྒྱུད་ལུང་མན་ངག་གྲངས་མང་ཡང་། བསྟན་པའི་སྙིང་པོ་ཡི་གེ་ལྔ། ཐུགས་ཀྱི་གཏེར་དུ་བཅངས་པ་ཡིན། གཅིག་ལས་གཉིས་སུ་མ་སྤེལ་གཅིག། ཅེས ་བཀའ་སྡིགས་སོ།། ན་ར་ཀན། འཇམ་དཔལ་རྡོ་རྗེ་ཡེ་ཤེས་ངས།། ཤྲི་སིང་ཧ་ཁྱོད་ལ་གཏད། ཕྱག་རྒྱ་ལྔ་ཡི་དབྱིངས་སུ་སྦས།། རྡོ་རྗེ་འཆང་གིས་རྒྱ་ཡིས་བཏབ།། མཁའ་འགྲོ་ལྔ་ཡིས་མདུད་པ་བཀྲོལ།། འཇམ ་དཔལ་རྡོ་རྗེ་ཆོས་ཀྱི་འགུལ་ཁུག་མ།། སྣོད་དུ་མི་སྦ་རང་གི་ལུས་ལ་བཅངས། ཡིད་ལ་དྲན་པ་ཙམ་གྱིས་འབྲས་བུ་མངོན་སངས་རྒྱས།། ཆུ་སྲིན་པིར་གྱི་བྲི་བ་བཞིན།། སྲིད་པ་འཁྲུགས་ཀྱང་ཁ་མི་འབྱུང་།། བྱ་བརྩལ ་མེད་པ་གསང་བ་རིན་པོ་ཆེ་དབྱིག་གི་སྒྲོན་མ།། སྐད་འགྱུར་བཞི་རྫོགས་སོ།། དབུ་གྲུ་སྨོན་ལམ་སེང་གེ་ནས་བརྒྱུད་པ། ཇོ་སྲས་སྦས་ཀྱི་ཐུགས་དམ་མོ། ཁོང་ལ་མགོ་བན་ནོར་བུས་ཞུས་སོ།། འདི་རྣམས་དོ་ལ་སྨན་ཆུ ་ལུང་ནས་གདན་དྲངས་པ་ཡིན།། །། དགེའོ།། །། རྫོགས་པ་ཆེན་པོ་ཡེ་ཤེས་ནམ་མཁའི་རྒྱུད་བཞུགས་སོ།། @##།། རྒྱ་གར་སྐད་དུ། ཨ་ཏི་མ་ཧཱ་བོ་དྷི་ཙིཏྟ་ཀོ་དྷརྨ་མུ་ལ་ཨ་ཀར་ཤ་འདུ་ཡེ་ཛྙཱ་ན་ཨ་ཀར་ཤ ་ན་མ། བོད་སྐད་དུ། རྫོགས་པ་ཆེན་པོ་བྱང་ཆུབ་ཀྱི་སེམས་མཛོད་ཀྱི་ཆོས།། རྩ་བ་ནམ་མཁའ་གཉིས་པ་ལས།། ཡེ་ཤེས་ནམ་མཁའ་ཞེས་བྱ་བ།། བཅོམ་ལྡན་འདས་བདུད་ཀྱི་སྟོབས་རབ་ཏུ་འཇོམས་པ་ལ་ཕྱག་འཚལ ་ལོ།། འདི་སྐད་བདག་གིས་ཟོས་པའི་དུས་གཅིག་ན།། འོག་མིན་གྱི་གནས་མཆོག་དམ་པ་རུ།། རིགས་ལྔ་བདེ་གཤེགས་སངས་རྒྱས་དང་།། ཡེ་ཤེས་མཁའ་འགྲོ་རྣམ་ལྔ་དང་།། སྤྲིན་གྱི་ཤུགས་ཅན་བྱང་སེམས ་བདུན།། ཀུན་ཏུ་བཟང་པོས་ལུང་བསྟན་ནས།། ལྷོ་ཕྱོགས་ཡིད་འདྲེས་མཚལ་དག་དུ།། གཞོན་ནུ་རབ་ཏུ་དང་བ་ཡིས།། ལུང་བསྟན་སེམས་ཕྱོགས་ཆེན་པོའི་མཛོད།། བསྐལ་པ་དང་པོའི་ཐོག་མ་ལ།། འཁོར་འདས་ས ་བོན་ཚུལ་དུ་གནས།། དེ་ནས་བར་གྱི་བསྐལ་པ་ལ།། མྱུག་གུའི་ཚུལ་དུ་འབྱུང་བའི་དུས། བསྐལ་པ་ཐ་མར་རྒྱབ་གྱེས་པ།། ཏིལ་གྱི་འབྲུ་ཙམ་དགེ་བའི་ལས།། མ་བསགས་ཀུན་བཟངས་རང་སར་གྲོལ།། ཏིལ་གྱི་འབྲུ ་ཙམ་སྡིག་པའི་ལས།། མ་བྱས་འགྲོ་དྲུག་ཁམས་གསུམ་འཁོར།། དགེ་སྡིག་ནང་ནས་གང་ཆེ་བ།། གཞི་སྣང་རྟོགས་དང་མ་རྟོགས་ཡིན།། མཛད་ཆེན་གཅིག་གི་ངོ་བོ་བས།། ཆེ་བ་ལྔའི་ཀ་བ་རྩུགས།། ་ཐིག་ལེ་དྲུག་གི་གདུང་མ་བྲེས།། སྣང་བ་བཅུ་བདུན་ཕྱམ་གྱིས་ཕུག་བརྒྱད་ཁྲི་བཞི་སྟོང་མིག་ཆགས་བྱས།། སྐུ་དང་ཡེ་ཤེས་ནོར་གྱི་དབྱིག། ཕྱག་རྒྱ་བཞི་ཡིས་རྒྱས་བཏབ་ཏེ།། ཕྱོགས་བཞི་སྒོ་མོ་གསལ་བ་ལ།། བཟུང ་འཛིན་གཉིས་ཀྱི་སྒོ་ལྕགས་བཅུག། ལྡེ་མིག་མཐའི་མོན་བུས་ཁྱེར།། མཛོད་ནི་གང་གིས་མཐོང་གྱུར་པ།། དེ་ཚེ་སངས་རྒྱས་ཉག་ཅིག་རྟོགས།། ནོར་རྫས་གཞི་ལ་ལོངས་སྤྱད་ནས།། དབུལ་བ་བྲལ་བའི་བདག་པོ ་བཞིན།། ཡིད་ལ་བསམ་པ་ཡོངས་རྫོགས་ནས།། འདོད་པ་ཐམས་ཅད་རབ་ཏུ་འགྲུབ།། དེ་ཕྱིར་སྐལ་ལྡན་རྣལ་འབྱོར་གྱི།། དབང་ཕྱུག་ཆེན་པོ་འབད་པར་བྱ།། དབུས་ན་ཆོས་འབྱུང་ཆེན་པོའི་མཛོད།། ཨོཾ་གྱུར ་། སྔགས་ཀྱི་སྡོང་པོ་ཅན།། ཨེ་མ་གསང་བ་རྨད་དུ་བྱུང་།། མ་ཟད་བརྒྱན་གྱི་འཁོར་ལོ་སྐུ།། ཤར་ནས་ཐིག་ལེ་ཆེན་པོའི་མཛོད།། མ་རྟོག་ཧཱུཾ་གི་ངོ་བོ་ཉིད།། ཨེ་མ་གསང་བ་རྨད་བྱུང་ཆོས།། ཆོས་སྐུ་རང་བྱུང་འོད་གསལ ་སྐུ།། ལྷོ་ན་སྲིད་པ་ཆོས་ཉིད་མཛོད།། ས་ནི་ནམ་མཁའི་སྒྲོན་བུ་འབར།། ཨེ་མ་གསང་བ་རྨད་བྱུང་ཆོས།། ཡེ་ཤེས་ལྷུན་རྫོགས་ཆེན་པོའི་སྐུ།། ནུབ་ན་ཡེ་ཤེས་ཁྱབ་བརྡལ་མཛོད།། གསུང་མཆོག་ཨའི་རྣམ་པ་ཅན།། ་ཨེ་མ་གསང་བ་རྨད་བྱུང་ཆོས།། ཡེ་ཤེས་དབྱིངས་ན་འོད་གསལ་སྐུ།། བྱང་ན་ཀུན་གཞི་སྙིང་པོའི་མཛོད།། ཧ་ནི་འཕྲིན་ལས་ཀུན་གྱི་བདག། ཨེ་མ་གསང་བ་རྨད་བྱུང་ཆོས།། རྡོ་རྗེ་མགོན་པོ་ཐུགས་ཀྱི་མཆོག། ཀུན ་གཞིའི་མཛོད་ཆེན་ཁ་ཆེ་ནས།། གཡས་ན་ཆོས་ཉིད་རང་བྱུང་རྩ།། གཡོན་ན་ཡོན་ཏན་དང་འབྱེད་རྩ།། མདུན་ན་ཡེ་ཤེས་རང་བྱུང་རྩ།། རྒྱབ་ན་རང་རྒྱུད་ལས་ཀྱི་རྩ།། དབུས་ན་རྩ་བརྒྱད་འདུས་པར་གནས།། མི་ཟད ་