| Wylie | e-texts produced with BDRC’s OCR application |
རྒྱུ་བའི་རིག་པ་ཡུལ་འོད་ལྔ་རུ་ཤར་ཏེ། དང་པོ་རྩི་ཡིན་མཉམ་དུ་ཤེས་པས། བར་དུ་ཡིན་མིན་གྱི་ཤེས་པ། ཟ་མར་ཡིན་གདེངས་ཀྱི་ཤེས་པས་གཅད་པས་ཡིད་འཁོར་ལོ་གསུམ་ཞེས་དེ་ལ་བྱའོ།། དུས ་དེ་ཙམ་ན་ཡར་སངས་མ་རྒྱས། མར་འཁོར་བར་མ་འཁྱམས་པས་ལུང་མ་བསྟན་གྱི་སྒོ་ཞེས་བྱའོ།། བར་དེར་ཀུན་ཏུ་བཟང་པོས་རིག་པ་ཡེ་ཤེས་ལྡེ་མིག་ཅིག། འཕགས་པ་བློ་གྲོས་མི་ཟད་པ་ཞེས་བྱ་བ་མུན་པ་དམག ་ཏུ་གྱུར་པ་ཁང་དགུ་རིམ་གྱི་ནང་ན་ཡོད་དོ།། དེ་ལྟ་རུ་ཕྱིན་པ། ཁང་པ་དང་པོ་ན་མུན་པ་གནག་ལ་འཇིགས། གཉིས་པ་ན་ཡ་མ་ནག་པོ་ཟ་ཚུལ་གྱི་དབུ། གསུམ་པ་ན་བདུད་སྦྱིན་གྱིས་སྲོག་གཅོད། བཞི་པ་ན་སྲིན་པོའི ་རྒྱལ་པོའི་དབུགས་ལེན།། ལྔ་པ་ནི་གང་ལ་དཀར་པོ་ཕྱག་ན་དུང་གི་མཁར་བ་བསྣམས་ནས་བརྡེག་ཅིང་གསོད།། དྲུག་པ་མུན་པའི་ནང་ན་མེ་རླུང་གིས་མ་བསྐྱོད་བར་དུ་འདུག། བདུན་པ་ན་ཉི་ཟླ་ཕྲུག་ཅིག་ལ་ཤར ་ནུབ་མེད་པར་འདུག། བརྒྱད་པ་ན་ནོར་བུར་རིན་པོ་ཆེ་ལ་ལྷའི་བུ་རྣམས་རྩེ་ཞིང་སྣང་། དགུ་པར་ཕྱིན་པས་ཡིད་བཞིན་གྱི་ནོར་བུ། རིན་པོ་ཆེ་འོད་འབར་བའི་རྩར་འཕགས་པ་བློ་གྲོས་མི་ཟད་པ་ཞུགས་ནས། ཀུན་ཏུ ་བཟང་པོས་བཀའ་སྩལ་པ། འགྲོ་བའི་ལམ་ནོར་ཐར་པའི་གོ་ཡང་འགག། མ་རིག་རྨོངས་པ་ཐུགས་རྗེའི་ཞགས་པ་བཟུང་། འཕྲུལ་གྱི་སྒོ་མ་ཕྱེད་པས་མུན་པའི་ནང་དུ་འཁྱམས། ཅེས་ཞུས་པས་འཕྲུལ་གྱི་སྒོ་ཕྱེད་པས། ་མུན་པའི་ནང་དུ་འཁྱམས། ཅེས་ཞུས་པས། འཕགས་པ་བློ་གྲོས་མི་ཟད་པས་བཀའ་སྩལ་པ། ཐམས་ཅད་འབྱེད་པ་འཁྲུལ་གྱི་ལྡེ་མིག་འདི།། ཡིད་བཞིན་ནོར་བུའི་ནང་ནས་སྟོན་ལ་སྦྱིན།། ཉི་ཟླའི་སྒོ་ཕྱེ་སྣང་སྟོང ་དབྱེར་མེད་འབྱུང་།། ཤེས་རིག་སྒྲོ་བརྟགས་དགྲ་ལ་ལྟོས།། མེ་མར་འོད་ལ་ལྷ་ནམ་མཁའ་གསེར་གྱི་སྒྲོན་མ་ལྟོས།། ཅེས་གསུངས་ནས། འཕགས་པ་བློ་གྲོས་མི་ཟད་པ་མི་སྣང་བར་འགྱུར་རོ།། མཚན་དང་དཔེ་བྱད ་ལས་ཀུན་ཏུ་བཟང་པོར་སངས་རྒྱས་པའི་ལེའུ་སྟེ་ལྔ་པའོ།། །། ཁམས་གསུམ་གྱི་སེམས་ཅན་སེམས་ཅན་དུ་འཁྲུལ་པ་གསུངས་པ་ནི། གཞི་རིན་པོ་ཆེ་གསེར་གྱི་སྒྲོན་མ་ནས། མི་ཟད་པའི་ནོར་ལ་སྦྱང་པས། ཀུན ་ལ་སྙོམས་པའི་ཟད་མ་ལ་སྦྱིན། ལས་ཀྱི་ལུས་བླངས་རྒྱུ་རྐྱེན་དུས་ཀྱང་མཚུངས། མ་རིག་ལེ་ལོས་སྙོམས་ལས་དམར་ལ་སྦྱར། སྲིད་ལེན་གཉིས་ཀྱི་དུས་མཚུངས། རིག་པ་ཡུལ་དང་མཚུངས། འབྱུང་དུ་ཐབས་མེད་རི ་དྭགས་རྒྱར་ཆུད་འདྲ། མ་རིག་རྨོངས་པའི་སེམས་ཆགས་སྡུག་བསྔལ་མེད་སྐྱེས་དང་། ལས་ཀྱི་ཕྱིར་ཐོན་བག་ཆགས་སྣ་ཚོགས་བརྟས། ཕ་དང་མར་བལྟས་དགྲ་དང་གཉེན་དུ་བཟུང་། ཡུལ་ཁང་ཁྱིམ་ཁང་དག་ལ་རྟེན ་བཅས་ནས། མ་བཅད་ཡུལ་ལུང་དང་བདག་གིར་བཟུང་འཛིན། མི་སྡོད་དབུགས་ཆད་གར་འགྲོ་ཤེས་པར་གྱིས།། འགྲོ་དྲུག་ལས་ཀྱི་སྡུག་བསྔལ་ཆ་མཆིས་སམ།། འགྲོ་དྲུག་རྟག་ཏུ་འཁྱམས་པས་དོན་དང་རྩང་ཕྲད ་དེ།། དེ་བས་མན་ངག་གདམས་པ་འདི་ལ་ལྟོས།། ཅེས་གསུངས་སོ།། ཨ་ཏི་སྤྱི་གཅོད་ཀྱི་རྒྱུད་ལས་ཁམས་གསུམ་དུ་འཁྲུལ་པའི་ལེའུ་སྟེ་དྲུག་པའོ།། །། མན་ངག་གདམས་པ་བསྟན་དུ་གསོལ།། ་བཀའ་སྩལ་པ། ཕྱིའི་མེ་ལོང་ལྟས་ཙམ་ན། འགྲོ་དྲུག་སྲིད་པ་ཝ་ལེགས་ལ། འགྲོ་དྲུག་སྙིང་པོ་སྦུབས་ན་གནས།། མ་དག་འཁྲུལ་པའི་སྣང་བ་དེ།། རང་གྲོལ་ཡིན་པར་རྟོགས་ཙམ་ན།། རང་བྱུང་ཡེ་ཤེས་དགོངས་པ ་ཐོབ།། ནང་གི་མེ་ལོང་ལྟས་ཙམ་ན།། རྒྱུད་དྲུག་ཆགས་སྡང་ཝ་ལེ་གསལ།། རྒྱུད་དྲུག་རང་གི་སྦུབས་སུ་གསལ།། རྒྱུད་དྲུག་རང་གྲོལ་དུ་ཤེས་ཙམ་ན།། རང་རིག་ཡེ་ཤེས་ཀྱི་དགོངས་པ་ཐོབ།། གསང་བའི་མེ་ལོང ་། ལྟས་ཙམ་ན།། འགྱུ་བ་ཐོགས་མེད་དུ་ཝ་ལེ་གསལ།། རང་ཤར་ཡེ་ཤེས་ཀྱི་སྦུབས་སུ་གསལ།། འགྱུ་བ་རང་གྲོལ་དུ་ཤེས་ཙམ་ན།། ལྷག་མཐོང་ཡེ་ཤེས་ཀྱི་དགོངས་པ་ཤར།། ལྷུན་གྲུབ་སྲིད་པའི་མེ་ལོང་གི་ནང་ན ་ཐམས་ཅད་གསལ།། ཡེ་ཤེས་དྲི་མེད་ཀྱི་དཀྱིལ་འཁོར་དུ་ཐམས་ཅད་རྒྱས།། མཚན་མ་སྣ་ཚོགས་ཀྱི་མེ་ལོང་དུ་ཐམས་མཆི།། ཆོས་སྐུ་མེ་ལོང་གི་ནང་ན་རྟོག་པ་སྐྱེ་མི་སྲིད།། སྦྲུལ་སྐུ་མི་ལོང་གི་ནང་ནས།། འགྱུ་བ་མེད ་ན་ཡེ་ཤེས་གསལ་མི་སྲིད།། འབྲས་བུ་ཐིག་ལེ་ཉག་ཅིག་ལ།། སྐུ་གསུམ་འགྲུབ་མི་སྲིད།། རྣལ་འབྱོར་ཡེ་ཤེས་ངོས་ཟིན་དུས་སུ་ཤེས་པ་རྒྱུན་གཉིས་སུ་འཆར་མི་སྲིད་དོ།། ཅེས་གསུངས་སོ།། ཨ་ཏི་སྤྱི་གཅོད་ཀྱི་རྒྱུད ་ལས། མེ་ལོང་གནད་ཏུ་བརྡེག་པའི་ལེའུ་སྟེ་བདུན་པའོ།། །། ཡང་བཀའ་སྩལ་པ། རིག་པ་ཆོས་ཀྱི་སྐུའི་དོན་རྟོགས་ན། འགྱུ་བ་ཟང་ཐལ་གཅད་པས་དམྱལ་བ་ཡང་རྫོགས་པས་ཕྱིར་གཅད།། ཐིག་ལེ་རང་གྲོལ ་དུ་ཤར་བས་ལྷ་མ་ཡིན་རྫོགས་ཏེ་སྤྱིར་གཅད། བྱང་ཆུབ་སེམས་ཀྱི་འོད་གསལ་རིན་པོ་ཆེ་ལ་ལོངས་སྤྱད་པས་ལྷ་རྫོགས་རི་སྤྱིར་གཅད། འགྲོ་དྲུག་རང་གྲོལ་དུ་ཤེས་ན། ཁམས་གསུམ་ལུས་དང་བག་ཆགས་འཁྲུལ་ཏེ ་མཆིའོ།། ཅེས་གསུངས་སོ།། ཨ་ཏི་སྤྱི་གཅོད་ཀྱི་རྒྱུད་ལས། འགྲོ་དྲུག་གཡང་ས་གཅད་པའི་ལེའུ་སྟེ་བརྒྱད་པའོ།། །། ཡང་བཀའ་སྩལ་པ། འོད་གསལ་དུ་མུ་གཅད་ནས་རིག་པ་ལ་སྟེགས་བཅས་པས་མུ་སྟེགས ་ཀྱི་ལྟ་བ་སྤྱིར་གཅད། ཐིག་ལེ་ཟང་ཐལ་ཡིད་ལ་འདོགས་པས་ཡི་དྭགས་རྫོགས་ཏེ་ཕྱིར་གཅད། ཐིག་ལེ་སྦྱོར་བ་ལས་བྱོལ་ནས་ཟང་ཐལ་དུ་སོང་པས། བྱོལ་སོང་རྫོགས་ཏེ་ཕྱིར་གཅད། དེ་ལ་ཞེན་པ་མི་མངའ་བས།། ་མི་ཡང་རྫོགས་ཏེ་ཕྱིར་གཅད། རང་དོན་འོད་གསལ་ཟབ་མོ་ལ་སྤྱད་པས་རང་སངས་རྒྱས་སངས་རྒྱས་ཀྱི་ལྟ་བ་སྤྱིར་གཅད། སྒྲིབ་པ་ཐམས་ཅད་ཟང་ཐལ་དུ་བྱང་ནས་འོད་གསལ་དུ་སེམས་དཔའ། བྱང་ཆུབ་སེམས ་དཔའི་ལྟ་བ་སྤྱིར་གཅད། ཀྲི་ཡ་ནི་འོད་གསལ་དུ་བསྒྲི་ནས་ཡང་དག་པའི་དོན་རྟོགས་པས། ཀྲི་ཡའི་ལྟ་བ་སྤྱིར་གཅད། འོད་གསལ་རྒྱ་ཆུང་དུ་མ་ཡིན་ཏེ། སྣང་སྲིད་ཡོ་ག་འོད་གསལ་དུ་རྟོགས་པས་ཡོ་གའི་ལྟ་བ་སྤྱིར ་གཅད། ཐམས་ཅད་མ་ལུས་པར་འོད་གསལ་ཆེན་པོའི་ངང་དུ་རྫོགས་པས་ཡོ་གསལ་བས་མ་ཧཱ་ཡོ་གའི་ལྟ་བ་སྤྱིར་གཅད། སྐྱེ་བ་མེད་པས་ཨཱ་གཉིས་སུ་མེད་པས་ནུ་རྩེས་བྱས་ཏེ། ཐམས་ཅད་གཉིས་སུ ་མེད་པས། ཨཱ་ནུའི་ལྟ་བ་སྤྱིར་གཅད།། ཐམས་ཅད་འོད་གསལ་དང་རྫོགས་པས། ལྟ་བ་ཐམས་ཅད་ཆེ་བས་ན། རྫོགས་ཆེན་གྱི་ལྟ་བ་སྤྱིར་གཅད་པས། བདེ་བར་གཤེགས་པ་སྐུ་དང་ཡེ་ཤེས་སུ་འཁྲུལ་པའི་གོལ་ས ་གཅད། ཅེས་གསུངས་སོ།། ཨཱ་ཏི་སྤྱི་གཅོད་ཀྱི་རྒྱུད་ལས་མཚན་མ་ལམ་གྱི་གོལ་ས་གཅད་པའི་ལེའུ་སྟེ་དགུ་པའོ།། །། ཡང་བཀའ་སྩལ་པ་ཡེ་ཤེས་ངོས་བཟུང་བཤད་པར་བྱ། ཅེས་གསུངས་སོ།། དེ་ནས་འགག་པ ་མེད་པས་ཡེ་ཤེས་ཀྱི་སྐྱེ་བ་བཤད་པ། དང་པོ་ཡེ་ཤེས་ངོས་བཟུང་བ་ལ་གསུམ་སྟེ། འགྱུ་བ་དེ་ལ་ཞག་ཅིག་ཏུ་ལྟ་བ་དང་གཅིག། ནུབ་གཉིས་པ་འོད་གསལ་ཐུན་དུ་བཅུག་ལ་བསྐོར་བ་དང་གཉིས། ནུབ་གསུམ་པ་འོད ་གསལ་གྱི་མལ་དུ་བཟུང་བ་དང་གསུམ་མོ།། དང་པོ་ཞག་ཅིག་ཏུ་ལྟས་པས། འགྱུ་བ་བུན་ལོང་གི་སོང་བས། མཚན་མ་ཞི་བ་ནི་ཞི་གནས་རྩེ་ཅིག་གི་བསམ་གཏན་ཞེས་བྱས་ཏེ། གང་ཟག་བདག་མེད་ཉན་ཐོས་དང ་ཁྱད་མེད་དོ།། སྣང་བ་འདི་སྟོང་པ་ལ་མེ་ལོང་གི་སྐར་མ་ལྟར་མཐོང་བ་ནི། ཆོས་ཀྱི་བདག་མེད་བསམ་གཏན་དེ། དེས་ཀྱང་སངས་མི་རྒྱ་བས། ཕལ་ཆེན་ལྟ་བ་ཁ་རྐྱངས་དང་དེ་གཉིས་ན་གནས་སོ།། དབུ་མའི་ལྟ་བར ་ཀྱང་མ་བསླེབས་སོ།། ནུབ་གཉིས་པ་འོད་གསལ་དུ་བསྐོར་བ་ལ་གསུམ་སྟེ། སྣང་བ་འོད་གསལ་དུ་ཐུན་གསུམ་དུ་བསྐོར་བས་ནི་ཕྱི་ནང་རང་སྣང་དུ་ངོ་སྤྲད་དེ། རྟ་དཀྱུས་པའི་འདྲོག་ལ་མེ་ཏོག་ཆད་པ་དང་འདྲའོ།། ་ཟུཐུན་གསུམ་ཚོགས་བདུན་བསྐོར་བས་ནང་སྣང་བར་རང་གྲོལ་ཏེ། དུག་ལ་སྔགས་ཀྱི་ཐེབས་པ་དང་འདྲའོ།། ཐུན་གསུམ་དུ་འགྱུ་བ་གསང་ལམ་འོད་གསལ་དུ་བསྐོར་བས་གསུང་སྣང་བ་རང་གྲོལ་དུ་ཤར་ཏེ་ག་བུར ་ཚབ་ནད་ཀྱིས་ཟོས་པ་དང་འདྲའོ།། དེ་ནི་ཐུན་ཚད་བཟང་བ་བསྟན་པའོ།། ད་ནི་འོད་གསལ་ལམ་དུ་བཟུང་བ་བསྟན་ཏེ། ནུབ་ཐ་མ་ལ་ཐུན་གོང་དུ་བཤད་པ་འཁོར་ལོ་དེ་བསྐོར་བའི་གཏིང་ལ་ཇི་ཙམ་གནས་ལྟ་བ ་ཤིན་ཏུ་གཅེས་ཏེ། འཁོར་ལོ་དང་གནས་པ་གསུམ་ཆ་གསུམ་གཉིས་མགོ་ལ་འཆར་རམ་ཕྱེད་འཆར་རམ། བཞི་ཅར་འཆར་རམ། ལྔ་ཆའམ་དྲུག་ཆའམ་ཇི་ཙམ་འཆར་བ་ནི། ལམ་དུ་འཇུད་པ་ཡིན་ཏེ། དབང་པོ་རབ ་འབྲིང་རྟགས་དང་སྦྱར། མི་འཁོར་བའི་དབང་མེད་པའི་ཐབས་ནི། གོང་མ་སྣང་བ་བུན་ནེ་བ་དེ་ལམ་བཞག་པར། མིག་རྩ་མཐོང་བྱེད་ཏུ་གྱུར་པ་ལ་སྣང་བ་གཏད་པས། འགྱུར་བ་དེ་ཀྱུས་ཅེཙེར་བྱུང་བའི་དུས་སུ།། ་འབྲས་བུ་དྲིལ་སྐུ་ལ་བསྐོར་བསྐུལ། སྣང་བ་ལ་ཡན་དུ་ཆུག། ཡང་བསྐུལ་གྱིན་བསྐོར། བཙུན་མ་ཟོ་ཆུ་རྒྱུད་མ་འདྲ་བ་མི་དམིགས། སྤྱི་སེར་འདྲ་བའི་འགྱུ་བ། འཁོར་ལོ་ལྟ་བུའི་ཉམས། ཉི་ཟླ་ལྟ་བུའི་དོན། དཔེར་ན། ་འཁོར་ལོ་སྦྱར་བའི་རྒྱལ་པོ་དེ་རིན་པོ་ཆེ་གསེར་གྱི་ཁང་པ་ལ་སོགས་པ་དང་། རིན་པོ་ཆེའི་སྟེང་རྣམས་ནས་འགྲོ་བ་ལས་ཐོག་མི་འགྲོ་བ་བཞིན། འགྱུ་བ་འོད་གསུམ་དུ་བསྐོར་ན་འོད་གསལ་གྱི་མལ ་ལས་མི་འདའོ།། གསལ་གདབ་སྒྲར་འགྱུར་དུ་བསྐོར། ཞལ་གྱི་བྱུང་བའི་དུས་སུ་མལ་དུ་གཞུག། ཆུ་བོ་རྒྱུན་གྱི་རྣལ་འབྱོར་ཅེས་ཀྱང་དེ་ལ་བྱ།། རྫོགས་པ་སྤྱི་གཅོད་ཅེས་ཀྱང་དེ་ལ་བྱ། ཅེས་གསུངས་སོ།། ཡེ་ཤེས ་ངོས་བཟུང་བའི་ལེའུ་སྟེ་བཅུ་པའོ།། །། ཡང་བཀའ་སྩལ་པ། རྟགས་ཀྱི་རིམ་པ་བཤད་པར་བྱ། འགྱུ་བ་ངོས་ཟིན་ན་ཡེ་ཤེས་མི་འཆར་མི་སྲིད་དེ། དང་པོ་ལུས་འདར་བ་སྙམ་བྱེད་པ་དང་། འགྱུ་བ་དེ་ངོས་ཟིན་པའི ་རྟགས། དེ་ནས་ལུས་འགུལ་མི་ཤེས་པ་མཉམ་བྱེད་པའམ་ཐང་དེ་མ་འོང་སྟེ། འགྱུ་བ་དེ་སངས་ཏེ་འོང་བའི་རྟགས། དེ་ནས་འདག་པ་ལ་སྐོར་ཕོར་བཏབ་པའམ།། སྤོས་དང་སྤོས་རྒྱ་ལྟ་བུ་འོང་སྟེ། ཡེ་ཤེས་འཆར་བའི ་རྟགས། འགྱུ་བ་དེ་ལ་འཁོར་ལོ་མ་བསྐོར་ཀྱང་འོད་གསལ་སྐམ་དུ་ཞུགས་པ་ནི། འོད་གསལ་ལམ་དུ་ཚུད་ནས་བརྟན་པ་ཐོབ་པའོ།། བཀྲག་ཤེས་མདངས་གསལ་རིག་པ་ཁོང་ནས་གྲོལ།། སྐྲན་དང་ནད་ཀྱང་འབྱང ་བར་བྱེད་པའི་གདམས་པ་འདི།། རྣལ་འབྱོར་ཉམས་སུ་ལེན་པ་འགའ་རྣམས་ལ།། བླ་མ་དམ་པའི་རྐྱེན་དུ་ཤར་ནས་ཀྱང་།། མྱུར་དུ་གདམས་པ་འདི་དང་ཕྲད་པར་ཤོག། ཅེས་གསུངས་སོ།། འཇམ་དཔལ་བཤེས ་གཉེན་རྗེས་སུ་ཡི་རང་པའི་ལེའུ་སྟེ་བཅུ་གཅིག་པའོ།། །། ཨ་ཏི་རྫོགས་པ་གསང་བ་སྤྱི་གཅོད་ཀྱི་རྒྱུད་ལས་ཉམས་ཀྱི་གདམས་ངག་ལྷུག་པ་རིན་པོ་ཆེ་སྒྲོན་མེ་ཞེས་བྱ་བ་ཨ་ཏི་སྤྱི་རྒྱུད་རྫོགས་སོ།། །། སངྒ ་ལཾ།། །། རྩོད་པའི་འཁོར་ལོའི་རྒྱུད་བཞུགས་སོ།། @##།། རྒྱ་གར་སྐད་དུ། བྲེ་ཧྨ་ཏེ་ཙཀྲ་ཏན་ཏྲ། བོད་སྐད་དུ། རྩོད་པའི་འཁོར་ལོའི་རྒྱུད། བཅོམ་ལྡན་འདས་རོ་ལངས་བདེ་བ་ལ་ཕྱག་འཚལ ་ལོ།། རིན་པོ་ཆེ་རྩོད་པ་སྒྲའི་འཁོར་ལོ།། འཇམ་དཔལ་བཤེས་གཉེན་ལ་བཤད་པ། གནས་ནི་བྱང་ཆུབ་ཤིང་དྲུང་དུ། སྟོན་པ་དགའ་རབ་རྡོ་རྗེ་ཡིས། འཁོར་ནི་པཎྜི་ཏ་ཉིས་བརྒྱ་ལ། དུས་ནི་རྩོད་པ་སྒྲའི་དུས། བསྟན ་པ་དྷ་ཧེའི་ཁང་དུ། རྩོད་པའི་འཁོར་ལོ་འདི་བསྟན་ཏོ།། རྩོད་པའི་གཞི་ལ་གཉིས་སུ་འདུས།། གཞིའི་དོན་ལ་རྩོད་པ་དང་།། ལམ་གྱི་ཆོས་ལ་རྩོད་པའོ།། རྫོགས་པ་ཆེན་པོའི་རྩོད་པ་འདི།། གཞི་ཆོས་ཉིད་ཐིག་ལེ་ཉག ་ཅིག་ཏུ་དམ་བཅའ།། སྟན་ཚིགས་ཅིའི་ཕྱིར་ཞེ་ན།། གཉིས་སྣང་མེད་པའི་ཕྱིར་ཞེས་བྱ།། གཉིས་སུ་སྣང་བའི་སྐྱོན་གཏོང་ལ།། ཁྱོད་རང་ལ་གཉིས་སུ་སྣང་ངམ།། ངའི་གྲུབ་མཐའ་ལ་སྐྱོན་གཏོང་།། ང་ལ་སྐྱོན་གཏོང ་ན།། རིག་པས་གཏོང་ངམ།། ཚད་མའི་གཞལ་བྱས་གཏོང་།། རིག་པས་གཏོང་ན། ཆོས་ཉིད་ཀྱི་རིག་པས་གཏོང་ངམ།། འཐད་པ་སྒྲུབ་པའི་རིག་པས་གཏོང་ངམ།། བྱ་བ་བྱེད་པའི་རིག་པས་གཏོང་ངམ།། ལྟོས་པའི ་རིག་པས་གཏོང་། ཆོས་ཉིད་ཀྱི་རིག་པས་གཏོང་ཟེར་ན།། ཆོས་དང་ཆོས་ཉིད་རིག་པ་གསུམ་དུ་འདོད་དམ།། གཅིག་ཏུ་འདོད་དམ།། ཞེས་པར་འདྲིའོ།། རིག་པའི་རྒྱབ་གནོན་ཕར་ལ་བྱའོ།། གསུམ་དུ ་འདོད་ན། རིག་པ་ལས་ཆོས་བྱུང་ངམ།། ཆོས་ལས་རིགས་པ་བྱུང་།། ཉིད་ལས་རིག་པ་དང་ཆོས་བྱུང་།། དེ་གསུམ་ཁྱོད་རང་ཡིན་ནམ་ལོགས་པ་ཡིན།། ཞེས་འདྲི་སྟེ། གང་ཡང་ཁས་མི་ལེན་ན།། གོང་དུ་དམ་བཅའ།། ་སྭཱ་ཧཱ་ཆོས་ལས་རིག་པ་བྱུང་ཟེར་ན་རྒྱ་ཆད་པ་དང་།། ཡུལ་ལས་རིག་པ་བྱུང་བའི་སྐྱོན།། འགལ་ལོ་ཉིད་ལས་རིག་པ་བྱུང་ཟེར་ན།། རྒྱ་ཆད་པའི་སྐྱོན་གཏང་ངོ་།། ཅི་ཏེ་ཟེར་ན། ཉིད་ཀྱི་གོ་བ་འདྲིའོ།། ཉིད་ལ་རྒྱུ་རྐྱེན ་ཡོད་ནས་བྱུང་ངམ་མེད་ནས་བྱུང་འདྲིའོ།། རྒྱུ་རྐྱེན་ཡོད་ན་ཉིད་མ་ཡིན་པའི་སྐྱོན་འབྱུང་ངོ་།། རྒྱུ་རྐྱེན་མེད་ནས་འབྱུང་ན།། ནམ་མཁའ་ལ་མེ་གཏོང་བར་འབྱུང་བར་ཐལ་ལོ།། ཅི་སྟེ་བཞི་མེད་པ་ལས་འབྱུང་བའི་ཕྱིར ་རོ།། དེ་བས་ཀྱང་འདི་ལྟར་ཕར་འདྲིའོ།། རིག་པ་ཁྱོད་གཉིས་གཅིག་ནས་གཏན་ལ་འབེབས་སམ།། མི་ཅིག་ཀྱང་གཏན་ལ་འབེབས།། གཅིག་ཟེར་ན་རིགས་པས་རིག་པ་གཏན་ལ་འབེབས།། འབེབས་ན་ཐུགས ་མེད་དུ་ཐལ་ལོ།། རིགས་པས་རང་གཏན་ལ་འབེབས་ན་འབྲེལ་མེད་དུ་ཐལ་ལོ།། གཅིག་ལ་འབེབས་མཁན་མེད་པར་ཐལ་ལོ།། ཐད་དད་འབྲེལ་པ་མེད་ཏེ་དབབ་ཏུ་མི་འདོད་པར་ཐལ་ལོ།། འབྲེལ་པ་ཡོད་ཟེར་ན། ་བདག་ཉིད་གཅིག་གམ་འདྲིའོ།། བདག་ཉིད་ཅིག་ན། བདག་རིག་པ་ཅིག་གམ།། རིག་པ་བདག་ཏུ་གཅིག། བདག་རིག་པ་ཅིག་ན། གོང་སྐྱོན་འོང་། དེ་ལས་བྱུང་བའི་འབྲེལ་པ་ཡོད་ཟེར་ན། རྒྱ་ཆད་པའི་སྐྱོན་འོང ་