e-texts produced with BDRC’s OCR application

བསྡུས་པ་རྫོགས་སོ།། །། བཅོམ་ལྡན་འདས་ཀུན་ཏུ་བཟང་པོ་ཡིས།། ལྷུན་གྲུབ་སྐུ་ལ་ཕྱག་འཚལ་ནས།། ཐིག་ལེ་མཐོང་རྟོལ་རྒྱུད་གསུངས་པ།། སྟོན་པ་ཀུན་ཏུ་བཟང་པོ་ཡིས།། གནས་ནི་ཐིག་ལེ་མཁའ་ཁྱབ ་ཏུ། འཁོར་ནི་རང་བྱུང་ཡེ་ཤེས་ལ།། དུས་ནི་ཐམས་ཅད་རང་བྱུང་དུས།། བསྟན་པ་གཉིས་མེད་ཐིག་ལེའོ།། ཞེས་གསུངས་སོ།། ཀུན་ཏུ་བཟང་པོས་བཀའ་སྩལ་པ།། འཁོར་གྱི་རྡོ་རྗེ་སེམས་དཔའ་ཁྱོད།། ཐིག་ལེ ་མཐོང་རྟོལ་རིག་པའི་འཁོར་ལོ་སྐོར།། ཕུང་མགོ་ཆན་པས་ཐོབ་ལ་སྒྲོལ།། སྲིད་གསུམ་དབང་དུ་བསྡུས་ལ་སྦྱོར་སྒྲོལ་གྱིས།། ཞེས་གསུངས་སོ།། ཡང་བཀའ་སྩལ་པ། རིག་པ་འགག་པ་མེད་པ་ལ།། ཤེས་རབ་འགག ་པ་མེད་པ་ཡིས།། སྣང་སྲིད་བྱུང་ཐོབ་སྲོག་གི་རྩ་བ་ཆོད།། ཐུགས་ཀྱི་རེག་ཆོད་སྤུ་གྲི་ཚོལ།། འཛིན་བྱེད་ཞགས་པ་ཆོད་ལ་ཐོང་།། ཞེས་གསུངས་སོ།། ཡང་བཀའ་སྩལ་པ། ཐིག་ལེ་མཐོང་ནས་རྟོལ་བ་ནི།། ཙིཏྟའི་ནང ་དུ་རབ་བཏགས་པ།། རིག་པ་སྟོང་པར་གསལ་བ་ནི།། དེ་ནི་ནང་གི་ཐིག་ལེ་ཡིན།། སྣང་བར་སྟོང་པར་ཤེས་པ་ནི།། དེ་ནི་ཐིག་ལེའི་སྤྱི་རྟོལ་ཡིན།། ཉམས་མྱོང་འདྲེས་པའི་བདེ་གསལ་ནི།། ཐིག་ལེ་ཕྱི་ནང་རྟོལ་བ ་ཡིན།། ཞེས་གསུངས་སོ།། ཡང་བཀའ་སྩལ་པ། ཐིག་ལེ་ཐོག་མ་མཐོང་ནས་མ་རྟོལ་ན།། རིག་པའི་གནད་དུ་བརྡེག་པར་བྱ།། ཚོགས་དྲུག་རོལ་པ་ཤར་བ་ལ།། རིག་པ་བདེ་བར་རང་ཤར་ལྟོས།། དེ་ནི་ཐིག་ལེ་ཕྱི ་རྟོལ་ཡིན།། དཀར་པོ་དུས་སུ་རབ་ཏུ་སྦྱངས། ཁོང་ནས་ཡིད་ཀྱི་འགྱུར་བ་ལ།། འགྱུ་བས་འགྱུ་བའི་དུས་ཚོད་དུ།། བདེ་གསལ་ཉིད་དུ་ལྗང་ངེ་བལྟ།། དེ་ནི་ཐིག་ལེ་ནང་རྟོལ་ཡིན།། གཉིས་སུ་མེད་པའི་ཡེ་ཤེས་ལ།། རྒྱུ ་དང་རྐྱེན་གྱིས་མ་བསྐྱེད་པས།། རང་ཡན་ཉིད་དུ་ཤེས་པར་གསལ།། དེ་ནི་ཕྱི་རྟོལ་ནང་རྟོལ་ཡིན།། ཞེས་གསུངས་སོ།། ཡང་བཀའ་སྩལ་པ། རིག་པ་ནང་སྐྱིལ་ངས་གསུངས་དང་།། བདེ་སྟོང་ཉིད་དུ་ལྷུར་གྱིས་འབྱུང་།། ་བདེ་སྟོང་ཉིད་དུ་ལྟ་སྟངས་བྱ།། འོད་གསལ་ཉིད་དུ་ལྷངས་ཀྱིས་འབྱུང་།། ཞེས་གསུངས་སོ།། ཐིག་ལེ་མཐོང་རྟོལ་གྱི་རྒྱུད། རིག་པ་ལྷུར་འབྱུང་གི་བརྡ། སྲོག་གི་ཆན་པ་ཡང་ཏི་ནག་པོའི་རྒྱུད་རྫོགས ་སོ།། །། ཤུ་བྷཾ།། །། དགེའོ།། ། ཕྱི་ནང་གསང་བ་གསུམ་གྱི་ཡང་ཞུན་ཐིག་ལེ་འདུས་པ་བཞུགས་སོ།། @#།། ཕྱི་ནང་གསང་བ་གསུམ་གྱི་ཡང་ཞུན་ཐིག་ལེ་འདུས ་