| Wylie | e-texts produced with BDRC’s OCR application |
རྩ་ཙ་ཐཀགྷ་ཙ་བྷཿ། དགོངས་པ་རང་གྲོལ་གྱི་སྐད་དུ། ཨོཾ་ཧུ་ལཱུ་ལི། བོད་སྐད་དུ། ཐིག་ལེ་ཡང་ཟབ་འབྲས་བུ་ཡེ་གྲོལ་ཆེན་པོའི་རྒྱུད། བླ་མ་རང་རིག་དོན་གྱི་ལྷ་ལ་ཕྱག་འཚལ་ལོ།། ཆོས་སྐུ་ཀ་དག་དོན ་རིག་ཅིང་།། ལོངས་སྐུ་ལྷུན་གྲུབ་དང་དུ་ཤར།། སྦྲུལ་སྐུ་ཐོས་པའི་དུས་གཅིག་ན།། ཆོས་སྐུའི་གནས་སུ་ལོངས་སྐུའི་གཙོ།། སྤྲུལ་པའི་འཁོར་ལ་ངོ་བོ་བསྟན།། འདི་དང་ཕྲད་ཚད་འཁོར་བ་སྒྲོལ།། འདི་ཡི་རྒྱུད་འཛིན ་སངས་རྒྱས་སྲས།། འགྲོ་བ་འདྲེན་པའི་བླ་མ་ཡིན། རྒ་དྷ་ག་པྲ་བྷར། འདི་ནི་རང་འབྱུང་ཐིག་ལེའི་མདངས།། གཉོ་འཁོར་གཉིས་སུ་མེད་པའི་ཕྱིར།། མ་བརྗོད་འདྲའི་ཚུལ་དུ་ཤར།། དགོངས་པ་གཉིས་མེད་ངང་དུ ་གྲོལ།། ཨོཾ། སྣང་བ་ཐམས་ཅད་སེམས་ཀྱི་རྩ་ལ། ཨ། སེམས་ཉིད་གཞི་མེད་ཐིག་ལེ་སྟོང་། ཧཱུཾ། སྟོང་པ་ཟག་མེད་བདེ་བ་ཆེ། ཨོཾ་ཧཱུཾཿབདེ་ཆེན་བློ་འདས་ཀུན་ཏུ་བཟང་།། རྟགས་དང་ཚིག་དང་དྷ་པ་ཡི།། དབང་དོན་གོ། ་ན་ཐོབ་པ་ཡིན།། མ་མ་ཀུ་ལིང་ས་མན་ཏ།། རྟ། ཐཱཀ། བླ་མ་སྐུ་གསུམ་རིག་པའི་སྒྲ།། རྡོ་རྗེ་སེམས་དཔའ་བདག་གི་སྐུ།། ཙེཎྜ་དུང་ཁང་ཞི་ཁྲོའི་ཚོགས།། ཡེ་ཡིན་གསལ་གདབ་དོན་ལ་བལྟ།། རྩ་གནས་རྒྱལ་བའི་ལྷ ་ཚོགས་རྣམས།། ཐིག་ལེ་འོད་ཀྱི་སྐུ་རུ་བཞུགས།། རླུང་གི་ཞགས་པས་གཟུགས་བྱས་ནས།། ཤེས་རབ་ལྡན་པའི་བདེ་བ་བསྐྱེད།། ཨོཾ་ཧཱ། ཧྱ་ཏྱ། ལྟ་བ་མཐའ་བྲལ་ཡངས་པའི་ཀློང་།། སྒོམ་པ་འཛིན་བྲལ་ཐིག་ལེའི ་དབྱིངས།། སྤྱོད་པ་ཆགས་བྲལ་ཆོས་ཉིད་གྲོལ།། འབྲས་བུ་བློ་བྲལ་སྐུ་གསུམ་རྫོགས།། གཞི་ལ་བྱུང་གནས་འགྲོ་གསུམ་བྲལ།། མ་བཅོས་སེམས་ཉིད་ཆོས་ཀྱི་སྐུ།། ལམ་ནི་རྟོག་ཚོགས་ཤར་གྲོལ ་ཏེ།། མཐའ་བྲལ་ཐིག་ལེ་ལོངས་སྤྱོད་རྫོགས།། འབྲས་བུ་བར་དོ་སངས་རྒྱས་ཏེ།། སངས་རྒྱས་སྤྲུལ་པ་དཔག་མེད་འགྱེད།། དབྱིངས་སྒྲོན་མ་དང་ཡེ་ཤེས་མུན་པ་རིག་པ་ལུ་གུ་རྒྱུད་གསུམ།། གཉིས་མེད་ངང་དུ་ལྷུན ་རྫོགས་འགྱུར།། རང་བྱུང་ཉག་གཅིག་ཡེ་ཤེས་དོན།། རང་ཤར་ལྷུག་པ་གཟའ་གཏད་བྲལ།། དེ་ཡི་མཐའ་འཛིན་གྲོལ་གྱུར་ན།། འཁོར་འདས་ཆོས་རྣམས་ཐམས་ཅད་ཀྱང་། རང་འབྱུང་རིག་པའི་རྩལ་དུ་ཤར།། རྟ་ཏྱ།། ་རྒྱུད་འདི་བཅངས་ནས་བདུད་བཞི་ཐུལ།། སངས་རྒྱས་ཀུན་གྱི་སྲས་གཅིག་ཡིན།། ཏིལ་ལ་སྟོང་གསལ་ལས་ཀུན་བྱེད།། ཀུན་ཏུ་བཟང་པོའི་ས་བོན།། ཐམས་ཅད་འདི་ལས་འབྱུང་ཞིང་གྲོལ།། རྒྱུད་འདི་རིན་ཆེན་ལྔ ་ཡིས་བྲིས།། མཐོང་ཐོས་བཅངས་པས་སངས་རྒྱས་ཏེ།། སྐུ་གསུམ་རྟགས་ཀྱི་འགྲོ་བ་འདུལ།། རྒྱུད་འདི་མཁའ་འགྲོ་རྣམས་ལ་གཏད།། དམ་ཚིག་བྱ་ར་རྒྱུན་དུ་གྱིས། ས་མ་ཡཱ། འབྲས་བུ་ཡེ་གྲོལ་གྱི་རྒྱུད་རྫོགས ་སོ།། །། ་