e-texts produced with BDRC’s OCR application

སྣང་བ་བཀོད་པའི་ཞིང་ཁམས་ན།། མ་བཀོད་རིགས་པའི་རང་སྣང་སྐུ་ལ་ཕྱག་འཚལ་ལོ།། དེ་ནས་ལོ་ནི་སུམ་བརྒྱ་ཉེར་ལྡན།། སྐྱེར་གྱི་མེ་ཏོག་པད་གླིང་ལ།། འཇམ་དཔལ་དཔལ་བཟངས་རྫུས ་ཏེ་འཁྲུངས།། རྫོགས་ཆེན་འབུམ་ཕྲག་དྲུག་ཅུ་བཞི། ཁྱད་པར་ཡང་ཏིག་སྲོག་ཏིག་རྣམས།། ཨུ་རྒྱན་པདྨ་ཉིད་ལ་གཏད།། དུར་ཁྲོད་འཛག་མའི་གླིང་གོང་དུ།། ཕུང་པོ་ལྷག་མེད་རང་ཡལ་ལོ།། པདྨས་གདུང་བའི་སྨྲེ ་སྔགས་རྡུངས།། འོད་ཀྱིས་ནང་ནས་འདི་སྐད་ཤར།། ཀྱེ་མ་ཀྱེ་མ་རིགས་ལྡན་ཉོན།། གསང་སྔགས་ཨ་ཏི་འདི་ལྟར་སྤྱོད།། ཞལ་ཆེམས་བཞག་ཐབས་བཞི་ལ་ཉོན།། ལུས་འདི་བཞུགས་སྟངས་གསུམ་ལ་གཞག། ངག ་བསླབ་གནས་དང་ལ་ཟླའོ།། ཡིད་ནི་གཟེག་བྲལ་དང་བཞག་གདུང་བའོ།། ནང་དབྱིངས་རྒྱང་ཞགས་ལམ་ལ་བཞག། ཕྱི་དབྱིངས་ལུ་གུ་རྒྱུད་ལ་བཞག། གཉིས་པོ་དྲིལ་ལ་ཐིག་ལེར་བཞག། ཐིག་ལེ་དམིགས་གཏད ་བྲལ་བར་བཞག། གཉིས་པའོ།། སྐྱེས་གནས་པར་དོར་ཅིག་ཆོད་བཞག། ཆོས་ཉིད་བར་དོར་རང་སྣང་བཞག། སྲིད་པ་བར་དོར་རང་ལོག་གཞག། གཞག་ཐབས་བཞི་པ་རྫོགས་སོ།། །། གསང་སྔགས་གསང ་བའི་ཡང་གནད་རྣམས།། བཞག་ཚིགས་འདི་ལས་མ་འདུས་མེད།། ཉམས་སུ་ལོང་ཞིག་ཕྱི་རབས་རྣམས།། ལྔ་ལྡན་བུ་ལ་འདི་གཏོད་ཅིག། སྱ་མྱ་ཡ། རྒྱ་རྒྱ་རྒྱ། གཏེར་རྒྱ། སྦས་རྒྱ། ཟབ་རྒྱ།། །། ་ཐིག་ལེ་ཉག་ཅིག་ངང་དུ་ཕྱག་འཚལ་ལོ།། རྒྱ་ནག་ཤོ་ཤའི་གླིང་ཞེས་པར། ཁྱིམ་བདག་དགེ་བའི་མིང་ཅན་དུ།། རྣམ་སྣང་མཁྱེན་ལ་གཉིས་བུ་དེ།། སློབ་དཔོན་ཤི་རི་སིངྒ་དེ། མཁས་པར་སྦྱངས་པའི་དོན ་དང་ལྡན།། འཁོར་ནི་རིག་ལྡན་བསམ་མི་ཁྱབ།། རིགས་འཛིན་ཨུ་རྒྱན་ཡེ་ཤེས་མདོ།། བྷི་མ་ལ་མི་ཏྲ་བྷོ་ཏེ་དང་།། མཁས་པའི་ཐུགས་སྲས་བཞི་འཛོམ་སྟེ།། དོན་རྒྱུད་རིགས་འཛིན་གསུམ་ལ་སྣང་།། དཔེ་རྒྱུད་བྷེ་རོ ་ཉིད་ལ་སྣང་།། བྱང་ཆུབ་འབྱུང་བར་བྱེད་པ་ཡི།། ཤིང་དྲུང་ལོ་བརྒྱ་ཉི་ཤུ་བཞུགས།། དེ་ནས་ལི་ཡུལ་ལམ་ཁར་འདས།། ཐུགས་སྲས་བཞི་ལ་གཟེར་འདི་གདབ།། ལེ་ལོ་ཅན་སྙོམས་ལས་སུ་མི་འགྲོ་བ་མངོན་སུམ ་གཉིས་གནད།། མངོན་སུམ་ལྟར་སྣང་དུ་མི་གེལ་བ་ཁྲིད་ཆོད་ཀྱིས་གཟེར།། ཆོས་རྣམས་བཟང་རྟོགས་སུ་མ་ལུས་ཐགས་ཆོད་ཀྱིས་གཟེར།། ངན་རྟོག་ཐེ་ཚོམ་དུ་མ་ཤོར་བ་རྟགས་ཚད་ཀྱིས་གཟེར།། གཉིས་སྣང ་གཉིས་མེད་དུ་མ་ལུས་པ་ཞེན་མེད་ཀྱིས་གཟེར།། ཟངས་དུ་འདུག་པ་རང་གྲོལ་གྱི་གཟེར།། གཟེར་བུ་བདུན་གྱིས་དགོངས་པ་འདི།། བཻ་རོའི་ལག་ཏུ་བབ་པ་ཡི།། སྐལ་ལྡན་ལས་ཅན་ཅིག་དང་འཕྲད་པར ་ཤོག། གཟའ་བདུད་ཀྱི་རྒྱལ་པོས་སྲུངས་ཅིག། གཏེར་རྒྱ། སྦས་རྒྱ། ཟབ་རྒྱ།། ། ་