| Wylie | e-texts produced with BDRC’s OCR application |
རྒྱ་གར་སྐད་དུ། མ་མ་ཨ་ཀྵེ། བོད་སྐད་དུ། རིགས་དྲུག་རང་གྲོལ། བཅོམ་ལྡན་འདས་སྐུ་གསུམ་རང་གྲོལ་དེ་ལ་ཕྱག་འཚལ་ལོ།། ཚེ་ལོ་ཁྲི་ཚོ་བརྒྱད་པའི་དུས།། ལུས་ཀྱི་འོད་ཟེར་ཉི་ཟླ་འབྱུང་།། ཉོན ་མོངས་ཕོ་མོ་དབང་སྒོ་དང་།། གཟུང་འཛིན་ཆགས་སྡང་རབ་ཏུ་འཐས།། དེ་འདུལ་གཉེན་པོར་རྡོ་རྗེ་འཆང་།། མངལ་དུ་སྐྱེ་བའི་ཚུལ་ཡང་བསྟན།། ཁྱེའུ་ཆུང་རྣམ་པར་རོལ་པ་ཞེས།། འཁོར་དུ་གནོད་སྦྱིན་སྲིན་པོར ་བསྐོར།། སྟོང་ཕྲག་ལྔ་པ་འདི་གསུང་།། གྲ་པཱ། ཨེ་མ། མ་བཅོས་ཞོགས་དང་ཁ་དོག་ཡེངས།། མ་ཡེངས་ཞོག་ལ་ངང་དངས་ཐོན།། རྒྱུན་དུ་སྐྱོངས་དང་མཉམ་རྗེས་གསལ།། སྣང་སྟོང་སྲེས་དང་དོན་གོ་ཆོད།། ཆོས ་སྐུའི་ངོ་སྤྲོད་རྩ་གཅིག་གིས།། ཆོས་སྐུའི་ཞིང་ཁམས་ལྟ་བར་གྱིས།། ལོངས་སྐུའི་ངོ་སྤྲོད་རྩ་གཅིག་གིས།། ལོངས་སྐུའི་ཞིང་ཁམས་སྤྱོད་པར་གྱིས།། སྦྲུལ་སྐུའི་ངོ་སྤྲོད་རྩ་གཅིག་གིས།། སྦྲུལ་སྐུའི་ཞིང་ཁམས་ལྟ་བར ་གྱིས།། སྐྱེ་གནས་པར་དོ་གྲས་ཟག་ཆོད།། འཆི་ཁའི་བར་དོར་རང་གསལ་ཐོབ།། ཆོས་ཉིད་བར་དོར་མཁྱེན་སྤྱོད་རྒྱས།། སྲིད་པའི་བར་དོར་སྤྲུལ་ཞིང་གྲོལ།། ལྷུན་གྲུབ་སྦུབས་སུ་བུ་དྷའོ།། འདི་ནི་འབྱུང་ལྔའི་སྒྲ ་ཤར།། ཨ་ཏི་བསྟན་པའི་ཐིག་ལེ་ཡིན།། རྒྱུ་ཡི་རྒྱུད་ཀྱིས་རང་ངོ་འཕྲོད།། ཐུགས་རྗེ་རེག་སངས་རྒྱས་པའོ།། སྔགས་ཀྱི་སྲུངས་མས་སྲུངས་ཅིག། ས་མ་ཡ། རྒྱ་རྒྱ་རྒྱ། གཏེར་རྒྱ། སྦས་རྒྱ། ཟབ་རྒྱ། ར་ཊ་གི་སྲ། འཐས ་ནྱ། ནྱ་ར་ཉི་ཙ།། །། @#།། ཥཱ་ཌ1། རྡ་ཧ་ཏཾ་ཥ། རྒྱ་གར་སྐད་དུ། བུདྡྷ་ཀ་ར་ཡ་ཧུ་མ་ན་མ། བོད་སྐད་དུ། སངས་རྒྱས་ཀྱི་ཞལ་ཆེམས་དང་པོ་ཞེས་བྱ་བ། དྲུག་པ་རྡོ་རྗེ་འཆང་ཆེན་ཉིད་ལ་ཕྱག ་འཚལ་ལོ།། ཚེ་ལོ་ལྔ་ཁྲི་ཐུབ་པའི་དུས།། འགྲོ་བ་སེམས་ཅན་ཐམས་ཅད་ནི།། སྐྱེ་བ་རྣམ་བཞི་དག་ལས་སྐྱེས།། ཡུལ་ནི་སུམ་ཅུ་རྩ་གསུམ་ཞེས།། དགའ་དང་ལྡན་པའི་ཡུལ་དེ་རུ།། གསོ་བར་བྱེད་པ་སྨན་གྱི ་ཚལ།། འཚོ་བྱེད་གཞོན་ནུའི་ལྡུམ་ར་དེར།། ལོངས་སྐུ་རྡོ་རྗེ་འཆང་ཆེན་ང་།། རྡོ་རྗེ་འཆང་དུ་སྐུ་སྤྲུལ་ནས།། སངས་རྒྱས་འོད་སྲུངས་ལ་སོགས་ཏེ།། རབ་ནི་གཉིས་པའི་འཁོར་གྱིས་བསྐོར།། འབྲས་བུ་གསུམ་གྱི་ཟས ་ཀྱང་ཟོས།། ཆོས་ནི་ཕ་རོལ་ཕྱིན་པ་སྟེ།། རྒྱས་པ་འཁྲུ་གང་རེ་རེ་དང་།། འབྲིང་ནི་སྟོང་ཕྲག་སྟོང་པ་དང་།། ཉི་ཁྲི་དང་ནི་གཉིས་སུ་གསུང་།། ཐ་མ་ཤེས་རབ་ཁྲི་བ་དང་།། སྔགས་ཀྱི་རྒྱུད་སྡེ་མེ་ལྕེ་འཕྲེངས།། སྒོ་ངའི་སྒྲ ་ལ་སོགས་པ་དང་།། ཡེ་ཤེས་རྒྱན་གྱིས་བཤད་རྒྱུད་དང་།། ཐིག་ལེ་མཆོག་རྒྱུད་ཀུན་གསལ་དང་།། གསང་སྔགས་རྒྱུད་སྡེ་མང་དུ་གསུངས།། ལྷ་དབང་བརྒྱ་བྱིན་ཁངས་བཟང་གི། ལྷོ་ཡི་ཕྱོགས་སུ་དེ་ལྟར་བཤད།། ལྷ ་དབང་བརྒྱ་སྦྱིན་བཙུན་མོ་བཞི།། སུམ་ཅུ་རྩ་གསུམ་སྲས་དང་བཅས།། ཉོན་མོངས་ཟད་པར་བྱ་ཕྱིར་འོང་།། ལོ་ནི་སུམ་ཅུ་རྩ་ལྔ་ལོན།། དེ་ནས་འདའ་བའི་ཚུལ་ཡང་སྟོན།། སྟོང་ཕྲག་བརྒྱད་དུ་ཏིང་འཛིན་སྒོམ།། དེ ་