<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
Gpb037.039: <br><table><tr><td>
<input type="button" onclick="location.href='tcompleteup.php?id=Gpb037.039&coll=Gpb&volcur=0';" value="show page break" />
<td width=150><td>
<input type="button" onclick="location.href='tcompleteul.php?id=Gpb037.039&coll=Gpb&volcur=0';" value="show line break" />

<td width=150><td>
<a href="tcomplete.php?coll=Gpb&id=Gpb037.039&volcur=0" style=font-size:25px;">Wylie</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">ན་མངོན་པར་རྫོགས་པར་སངས་རྒྱས་སོ།། ཡེ་ཤེས་ཁོང་གསལ་དྲན་པར་བྱའོ།། དེའི་ཡོན་ཏན་ནི་ཆོས་སྐུ་མཁའ་ཁྱབ་དང་ལྡན་ནོ།། རྫོགས་སོ།། །། @#།། སངས་རྒྱས་ཐིག་ལེ་ཉག
་གཅིག་ལ། ཆོས་སྐུ་བརྡལ་ཁྱབ། རྟོགས་པར་བྱ་བའམ། བཙལ་བའི་ཆོས་མེད་དོ། གང་ཟག་བློའི་ངོས་ནས་གཉིས་སུ་མེད་པར་རྟོགས་དགོས་པ་ལས། རྩ་རླུང་ཐིག་ལེའི་གདམས་པ་བཤད་པར་བྱ། དེ་ནས་གདམས
་པ་ནི། རྩ་དང་ཐིག་ལེའི་གནད་གསུམ་རང་གྲོལ་དུ་ཤེས་དགོས་ཏེ། ཐིག་ལེ་ཆེན་པོའི་རྩ་རླུང་འདི་ནི་ཕྱི་ནང་གསང་བ་གསུམ་དུ་འདུས་པའོ།། དེ་ལ་ཐིག་ལེ་ཕྱི་ལྟར་བཤད་པ། ཕྱི་འབྱུང་བ་ལྔ་ནི་ངོ་བོའི་འོད་གསལ་དེ
་རག་གསལ་དུ་གནས་རང་བྱུང་ཡེ་ཤེས་སོ།། དེ་ནི་ཕྱིའི་ཐིག་ལེའོ།། ནང་གི་ཐིག་ལེ་ནི་ངོ་བོ་རིག་པའི་ཡེ་ཤེས་རང་ཤར་ངོ་ཤེས་པའོ།། གསང་བའི་ཐིག་ལེ་ནི་སྒོམ་པས་མ་རྙེད། མ་བསྒོམས་པས་མ་གཏོར། ཡེ་ཤེས
་རང་ལས་མ་རྟོགས་པ་མེད་དོ།། ཕྱི་གསལ་བ་འབྱུང་ལྔ་ནི་རང་སྣང་ཆེན་པོའོ།། ནང་རིག་པའི་ཡེ་ཤེས་ཀྱི་གདངས་ནི། མེ་ལོང་དང་བྱད་ལྟ་བུའོ།། གཉིས་སུ་མེད་པའི་ཆོས་སྐུ་བརྡལ་ཁྱབ་ཆེན་པོ་དང་། ཡེ་ཤེས་བརྡལ
་ཁྱབ་གཉིས་སུ་མེད་པའོ།། ཐིག་ལེ་གསང་བ་གསུམ་པོ་འདི་རྟོགས་ཤིག། རྟོགས་པ་སངས་རྒྱས་ཀྱི་དགོངས་པ་ཁོང་དུ་ཆུད་པ་ཞེས་བྱའོ།། རླུང་ལ་ཡང་ཕྱི་ནང་གསང་བ་གསུམ་སྟེ། ཐོག་མ་གནས་ནས
་རིག་པ་བསྐྱོད་པ་གཞི་ལ་གནས་སོ།། ཕྱིའི་རླུང་ནི་གླིང་བཞི་འདེགས་པ་དང་། རང་བྱུང་དུ་བསྐྱོད་པའི་རླུང་ངོ་།། ནང་གི་རླུང་ནི་འགྲོ་བ་དང་། འདོན་པ་དང་། བསྐྱོད་པའོ།། གསང་བའི་རླུང་ནི་འགྱུ་བ་དང་། མཉམ
་བྱེད་དང་། དབུགས་འབྱུང་བའོ།། རླུང་གསུམ་པོ་དེ་ཡང་ཡེ་ཤེས་ཀྱི་རླུང་དུ་རྟོགས་ན་སྐུ་གསུམ་ཐོབ་བོ།། རྩ་ལ་ཡང་ཕྱི་ནང་གསང་བ་གསུམ་སྟེ། ཕྱིའི་རྩ་ནི་ཆོས་ཉིད་རང་བྱུང་གི་རྩ་སྟེ། འོད་ལྔ་སྟེ་སྟོང་པར་རང་སྣང
་དུ་ཤེས་པའོ།། ནང་གི་རྩ་ནི་རྣམ་རྟོག་རང་རིག་པའི་ཡེ་ཤེས་རང་ཤར་བ་སྟེ། རིག་པའི་ཡེ་ཤེས་སོ།། གསང་བའི་རྩ་ནི་དབུགས་དང་འགྱུ་བ་སྟོང་པ་ཉིད་ཀྱི་ཡེ་ཤེས་དབྱེར་མེད་པའི་ཆོས་སྐུ་ཟག་ཐལ་ལོ།། རྩ་དང་རླུང
་དང་ཐིག་ལེ་གཏན་ལ་ཕབ་པ། སྐུ་གསུམ་བཀོག་གཞེངས་ཀྱི་དགོངས་པ། བསྟན་མ་ཐོག་ཏུ་ལྟ་སྒོམ་ལ་རག་མ་ལུས་པ་ལས། སངས་རྒྱས་ཀྱི་དགོངས་པ་སྐད་ཅིག་མ་ལ་ཐོབ་པ། ཟག་བཅས་ཕུང་པོའི་ནང་དུ་སངས
་རྒྱས་ཀྱི་དགོངས་པ་དང་མཇལ་བ། ལམ་བགྲོད་པར་རང་སར་སླེབ་པ། སྐུ་གསུམ་གྱི་དགོངས་པ་དུས་གཅིག་ལ་ཐོབ་པ། འཁོར་བའི་མངལ་ཁ་དུས་གཅིག་ལ་རྒྱས་ཐེབས་པ་ཞེས་བྱ་བའི་མན་ངག། མཛོད་ཀྱི
་གདམས་པ། རྩ་རླུང་ཐིག་ལེ་གཏན་པ་རྩ་རླུང་གི་རྩ་བ་རྫོགས་སོ།། །། @#།། གསང་སྐོར་གྱི་མན་ངག་ལ། རྩ་དང་རླུང་དང་ཐིག་ལེ་གསུམ་ལམ་དུ་བཀྱེར་བའི་ཐབས་ལ། ད་ལྟར
་