| Wylie | e-texts produced with BDRC’s OCR application |
སོ།། །། @#།། རྒྱ་གར་སྐད་དུ།། མ་ཎི་རནྟ་ཏན་ཏྲ།། བོད་སྐད་དུ།། ནོར་བུ་རིན་པོ་ཆེའི་རྒྱུད།། དཔལ་ཡིད་བཞིན་ལྷུན་གྲུབ་ཀྱི་རྒྱལ་པོ་ལ་ཕྱག་འཚལ་ལོ།། སྟོན་པ་རྡོ་རྗེ་སེམས་དཔའ ་ཡིས།། གནས་ནི་ཆོས་དབྱིངས་ཕོ་བྲང་དུ།། འཁོར་གྱི་རོ་ལངས་བདེ་བ་ལ།། དབྱེར་མེད་དུས་མཉམ་རང་གསལ་དུས།། རིན་ཆེན་འབར་བའི་བསྟན་པ་ཤར།། ཅེས་གསུངས་སོ།། ནོར་བུ་རིན་པོ་ཆེའི་རྒྱུད ་ལས།། ཕུན་སུ་འཚོགས་པའི་ངོ་སྤྲད་པའི་ལེའུ་སྟེ་དང་པོའོ།། །། འཁོར་གྱི་རོ་ལངས་ཆེན་པོ་ཡིས།། སྟོན་པ་རྡོ་རྗེ་སེམས་དཔའ་ལ།། རིན་པོ་ཆེ་ཡི་དབྱེ་བ་དང་།། ཐིག་ལེ་སྣང་བར་དབྱེ་བ་དང་།། རིག་པ་སྣང ་བར་དབྱེ་བ་དང་།། རང་གི་འདུག་ཚུགས་བསྟན་དུ་གསོལ།། ཞེས་བཞུས་སོ།། སྟོན་པ་རྡོ་རྗེ་སེམས་དཔའ་ཡིས།། ཞུས་པའི་དོན་འདི་ཤིན་ཏུ་ལེགས།། ངས་གསུངས་པ་ལ་མ་བཀག་པར།། ཁྱོད་ནི་ཤེས་རབ་རྩེ ་གཅིག་ཉོན།། ཞེས་གསུངས་སོ།། ཞུས་པ་དང་ལན་གྱི་ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས་དཔས་བཀའ་སྩལ་པ།། ནོར་བུ་རིན་པོ་ཆེ་དང་མན་ཤེལ་རིན་པོ་ཆེ།། ནོར་བུ་རིན་པོ་ཆེ་ནི་ཀླུ་ཆེན་པོ་བརྒྱད་ལ ་ཡོད།། ནོར་བུ་རིན་པོ་ཆེ་བསམ་འཕེལ་ནི་ལོངས་སྐུ་ལ་ཡོད།། ཡིད་བཞིན་གྱི་ནོར་བུ་རིན་པོ་ཆེ་ནི་སྦྲུལ་སྐུ་ལ་ཡོད།། ནོར་བུ་རིན་པོ་ཆེ་བསམ་གྲུབ་ནི་ཆོས་སྐུ་ལ་ཡོད།། ནོར་བུ་རིན་པོ་ཆེ་བསམ་འཕེལ་ནི་སྤྱིས་ན ་ཡོད།། ནོར་བུ་རིན་པོ་ཆེ་ལྔ་པོ་དེ་དག་ནི་ནང་ལྟར་དུ་བསྟན་པའོ།། རིན་པོ་ཆེ་བརྒྱ་ནི་ལྷའི་དབང་པོ་བརྒྱ་བྱིན་ལ་ཡོད།། རིན་པོ་ཆེ་ཨིནྡྲ་ནཱི་ལ་ནི་བྱང་ཆུབ་སེམས་དཔའ་ལ་ཡོད།། ནོར་བུ་རིན་པོ་ཆེ ་མཆིང་བུ་ནི་ཨུ་རྒྱན་ན་ཡོད།། ནོར་བུ་རིན་ཆེ་བཀྲུན་མ་ནི་རྒྱ་བོད་ཀྱི་མཚམས་ན་ཡོད།། ནོར་བུ་ཆུ་དྭངས་ནི་བོད་ན་སྐལ་ལྡན་ལ་ཡོད།། དེ་རྣམས་ནང་དུ་བསྟན་པའོ།། ནོར་བུ་རིན་པོ་ཆེ་ཡོངས་སུ་གྲུབ་པ་དང་།། ནོར ་བུ་རིན་པོ་ཆེ་བསམ་འདས་དང་།། ནོར་བུ་རིན་ཆེ་སྣང་གསལ་དང་།། ནོར་བུ་འཕྲུལ་གསལ་དང་།། འདོད་པ་གྲུབ་པའི་རིན་པོ་ཆེ་ནི་གསང་བར་བསྟན་པའོ།། རྡོ་རྗེ་སེམས་དཔས་ནོར་བུ་རིན་པོ་ཆེའི་རྒྱུད་དབྱེ་བསྟན ་པའི་ལེའུ་སྟེ་གསུམ་པའོ།། །། དེ་ནས་ཡང་རྡོ་རྗེ་སེམས་དཔའ་བཀའ་སྩལ་པ།། རོ་ལངས་ཆེན་པོ་ཁྱོད་ཉོན་ཅིག། རིན་ཆེན་མན་ཤེལ་བསྟན་པ་ནི།། རིན་པོ་ཆེ་རྡོ་རྗེ་ཤེལ་ནི་གངས་དང་གཡའི་མཚམས་ན ་གནས་སོ།། རིན་པོ་ཆེ་ཆུ་ཤེལ་དང་མེ་ཤེལ་ནི་འབྱུང་བའི་བཅུད་ལ་གནས་སོ།། རིན་པོ་ཆེ་མཚོན་ཤེལ་ནི་རྒྱ་མཚོའི་གཏིང་གི་འདམ་ལ་གནས་སོ།། རིན་པོ་མན་ཤེལ་ནི་ཀུན་ཏུ་བཟང་པོའི་ཐུགས་ཀ་ན་གནས་སོ།། དེ ་རྣམས་ནི་ཕྱི་ལྟར་བཤད་པའོ།། རིན་པོ་ཆེ་རྡོ་ཤེལ་ནི་སྡེ་སྣོད་གསུམ་མོ།། མེ་ཤེལ་དང་ཆུ་ཤེལ་ནི་ཡོ་ག་གསུམ་མོ།། རིན་པོ་ཆེ་མཚོན་ཤེལ་ནི།། མ་ཧཱ་ན་སེམས་ཕྱོགས་གསུམ་དུ་ངོ་སྤྲས་དོ།། རིན་པོ་ཆེ་མན་ཤེལ ་ནི།། ཀུན་ཏུ་བཟང་པའི་དགོངས་པར་ངོ་སྤྲད་དོ།། དེ་རྣམས་ནི་ནང་ལྟར་བཤད་པའོ།། རང་གིས་རང་ལ་མ་ལྟས་ཏེ།། རག་གྲོལ་བའི་རིན་པོ་ཆེ་རིག་པའི་ཡེ་ཤེས་སུ་ངོ་སྤྲད་དོ།། རང་གྲོལ་རང་བྱུང་ལྷུན་གྲུབ་ཀྱི་ནོར ་བུ་ནི།། རང་བྱུང་ཡེ་ཤེས་སུ་ངོ་སྤྲད་དོ།། གང་ལ་ཡང་མི་ལྟོས་ཏེ་ཡིད་བཞིན་དུ་གྲུབ་པའི་ནོར་བུ་ནི།། རང་རིག་པའི་ཡེ་ཤེས་སུ་ངོ་སྤྲད་དོ།། ཡོངས་སུ་གྲུབ་པའི་ནོར་བུ་རིན་པོ་ཆེ་ནི།། རྣམ་པ་ཐམས་ཅད་མཁྱེན་པའི ་ཡེ་ཤེས་སུ་ངོ་སྤྲད་དོ།། ནོར་བུ་རིན་པོ་ཆེ་སྣང་བྱེད་ནི།། ཐམས་ཅད་མཁྱེན་པའི་ཡེ་ཤེས་ཟང་ཐལ་དུ་ངོ་སྤྲད་དོ།། ཞེས་གསུངས་སོ།། རྡོ་རྗེ་སེམས་དཔས་མི་ཡི་བྱང་ཆུབ་སེམས་དཔའ་ལ།། མན་ཤེལ་ལ་ངོ་སྤྲད་རྣམ ་པ་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་རྡོ་རྗེ་སེམས་དཔས་བཀའ་སྩལ་པ།། ཐིག་ལེ་ཉག་གཅིག་བསྟན་པ་ནི།། ངོ་བོ་རྩལ་དང་ལས་དང་གསུམ།། ངོ་བོ་ཐབས་ཅད་མཁྱེན་པའི་ཡེ་ཤེས་སོ།། རྩ་ནི་ཡེ་ཤེས ་ཆེན་པོ་ཡིན།། ལས་ནི་རང་གྲོལ་ཉག་གཅིག་གོ། སྣང་བ་ཆེན་པོ་ཐིག་ལེའི་རྩལ།། འགྱུར་བ་མེད་པའི་ཤེས་རབ་དང་།། འགག་པ་མེད་པའི་ཤེས་རབ་དང་།། བདག་འཛིན་མེད་པའི་ཤེས་རབ་བོ།། ཤེས་རབ་གསུམ ་ལ་ངོ་སྤྲད་པས།། ད་ལྟ་ཉིད་དུ་ཟད་ཐལ་ཡིན།། ཞེས་གསུང་སོ།། ནོར་བུ་རིན་པོ་ཆེའི་རྒྱུད་ལས།། ཐིག་ལེ་དང་སྣང་བ་ངོ་སྤྲད་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་སེམས་དཔའ་བཀའ་སྩལ་པ།། རང་རིག་ངོ་བོ ་འདུ་ཚུལ་ལས་དང་གསུམ།། ངོ་བོ་རང་རིག་རང་གསལ་ལོ།། འདུག་ཚུགས་རང་བཞིན་མེད་པའོ།། ལས་ནི་ཤེས་རབ་རྣམ་གསུམ་མོ།། ཐོག་པ་མེད་པའི་ཤེས་རབ་དང་།། རྒྱུན་གྱི་བཏེགས་པའི་ཤེས ་རབ་དང་།། ཤེས་རབ་ཟང་ཐལ་རྣམ་གསུམ་མོ།། ཤེས་རབ་གསུམ་ལ་ངོ་སྤྲད་པས།། རིག་པ་ཡེ་ཤེས་ཆེན་པོ་གྲོལ།། ཞེས་གསུངས་སོ།། ནོར་བུ་རིན་པོ་ཆེའི་རྒྱུད་ལས།། རིག་པའི་ངོ་སྤྲད་པའི་ལེའུ་སྟེ་དྲུག་པའོ།། ་རྡོ་རྗེ་སེམས་དཔས་བཀའ་རྩལ་པ།། ཉོན་ཅིག་འཕྲོ་བ་ཀུན་གྱི་མགོན།། རིག་པའི་སྣང་བ་བསྟན་པ་ནི།། ཡེ་ཤེས་ལྔ་དང་སྐུ་ལྔ་དང་ལྷ་སྒོམ་སྤྱོད་པ་འབྲས་བུ་དང་།། ཚུལ་ཁྲིམས་སྡོམ་པ་དམ་ཚིག་དང་།། འཇུག་སྒོ་ལ ་སོགས་གྲུབ་པའི་འབྲས་བུ་རྣམས།། ཡང་དག་དོན་དང་མཐུན་པ་མེད།། འོག་མ་ཀྲི་ཕྱིར་བསྟན་པ་ཡིན།། ལྔ་དང་བཞི་དང་གསུམ་དུ་འདོད་པ་རྣམས།། རྒྱུ་ལམ་འབྲས་བུ་ཛ་ལོག་པས།། རི་དྭགས་སྨིག་སྒྱུ་རྙེག་པ ་འདྲ།། དཔེར་ན་རྣལ་འབྱོར་ཁ་ཊྭཱཾ་ཀས། མིག་གཅིག་ལ་ནི་རྒྱབ་ན་ནི།། རྨ་བུག་གསུམ་དུ་འབྱུང་བ་ལས།། རྨ་གཅིག་འབྱུང་བར་ག་ལ་འགྱུར།། དེ་བཞིན་ཐིག་ལེ་ཉག་གཅིག་ལ།། ལྷ་སྒོམ་སྤྱོད་པ་འཆིང་བའི་རྒྱུ།། ་ནི་ལམ་གྱི་གོལ་ས་ཡིན།། སྐུ་ལྔ་ཡེ་ཤེས་ལྔ་འདོད་པ།། དེ་ནི་འབྲས་བྲས་བུའི་གོལ་ས་ཡིན།། ཀུན་གཞི་ཆོས་སྐུར་འདོད་པ་ནི།། དེ་ནི་གཞི་ཡི་གོལ་ས་ཡིན།། གཅིག་པོ་འདི་ལྟར་ཤེས་པར་གྱིས།། རིག་པའི་ཡེ་ཤེས ་རང་གྲོལ་ལ།། ཤེས་རབ་ཟང་ཐལ་རང་གསལ་བ།། དང་པོ་འཇུག་པའི་སྒོ་མེད་པས།། མཚན་མའི་ལམ་དུ་དེ་མི་གོལ།། བར་དུ་ལྔ་གསུམ་མི་འདོད་པས།། འབྲས་བུ་རེ་དོགས་ང་མི་གོལ་ཐིག་ལེ་ཉག་གཅིག་རིག་པ ་ལ།། ས་དང་ལམ་ལ་བགྲོད་མེད་པས།། ཐེག་པ་རིམ་དགུར་ང་མི་གོལ།། ཐ་མ་ཉག་གཅིག་རང་ཡིན་པས།། སྐྱོན་ཡོན་གཉིས་ལ་རྦད་ཁམ་ཐོང་།། ཞེས་གསུངས་སོ།། ནོར་བུ་རིན་པོ་ཆེའི་རྒྱུ་ལས།། རང་རིག་པའི ་སྣང་བ་དང་ཐིག་ལེ་ཉག་གཅིག་ལ་ངོ་སྤྲད་པའི་ལེའུ་སྟེ་བདུན་པའོ།། །། རྡོ་རྗེ་སེམས་དཔས་བཀའ་སྩལ་པ།། བྱང་ཆུབ་སེམས་དཔའ་ཉོན་ཅིག། རང་གི་འདུག་ཚུལ་བསྟན་པ་ནི།། ང་ནི་རྡོ་རྗེ་སེམས་དཔའ་སྟེ།། མེ ་ཏོག་པདྨའི་འདབ་མ་ལས།། ང་ཉིད་རྫུས་ཏེ་ལོངས་སྐུར་སྐྱེས།། ཡར་ལ་ཆོས་སྐུའི་ཞིང་ཁམས་གསལ།། མར་ལ་ཁམས་གསུམ་མ་ལུས་གསལ།། ཐུགས་ཁར་བུདྡྷ་ཞི་གཉིས་གསལ།། ཐམས་ཅད་ང་ལས་བྱུང ་ཡིན།། ཐམས་ཅད་ང་ལས་སྐྱེས་པ་ཡིན།། ང་མེད་པ་ཡི་སྔོན་རོལ་ན།། ཆོས་སྐུ་བྱ་བའི་མིང་ཡང་མེད།། ཅེས་གསུངས་སོ།། ནོར་བུ་རིན་པོ་ཆེའི་རྒྱུད་ལས་རྡོ་རྗེ་སེམས་དཔའ་ངོ་སྤྲད་པའི་ལེའུ་སྟེ་བརྒྱད་པའོ།། ། དེ ་ནས་ཀུན་ཏུ་བཟང་པོའི་རང་གི་འདུག་ཚུགས་བསྟན་པ་ནི།། ཧ་ཧར་ང་ནི་ཀུན་ཏུ་བཟང་པོ་ཡིན།། སྤྱན་ལ་ཡེ་ཤེས་ཟང་ཐལ་གསལ།། སྙན་ན་འགྲོ་དྲུག་འཁོར་ལོ་གསལ།། ལྗགས་ལ་ལོངས་སྐུའི་ཞིང་ཁམས ་གསལ།། ཐུགས་ལ་ཐིལ་ལེ་ཉག་གཅིག་གསལ།། ཐམས་ཅད་ང་ཡི་སྣང་བ་ཡིན།། ཐམས་ཅད་ང་ཡི་རོལ་པ་ཡིན།། ཐམས་ཅད་ང་ཡི་འདུག་ཚུགས་ཡིན།། ཐམས་ཅད་དབྱེད་མེད་ང་ཡི་སྐུ།། ཐམས ་ཅད་འགག་མེད་ང་ཡི་གསུང་།། ཐམས་ཅད་ཟད་ཐལ་ང་ཡི་ཐུགས།། གཉིས་སྣང་མེད་པའི་ཤེས་རབ་འཆང་།། ཧ་ཧ་སརྦ་ཡོ་གི་ནི་ཨ་སིང་གུ་ཧྱ་ས་མ་ཡ་སྟྭཾ།། ཞེས་གསུངས་སོ།། ནོར་བུ་རིན་པོ་ཆེའི་རྒྱུད ་ལས།། ཀུན་ཏུ་བཟང་པོའི་ངོ་སྤྲོད་ཀྱི་ལེའུ་སྟེ་དགུ་པའོ།། །། དེ་ནས་མིའི་བྱང་ཆུབ་སེམས་དཔའ་དགའ་རབ་རྡོ་རྗེས།། རང་གི་འདུག་ཚུགས་གསལ་བཏབ་པ།། ཨེ་མ་ཧོ་ཨེ་མ་ཧོ་འདུས་པའི་ཚོགས།། ཙིཏྟའི ་དཀྱིལ་འཁོར་ཆེན་པོ་ན།། ཡེ་ཤེས་ཟང་ཐལ་ཆེན་པོ་གནས།། ལྷ་སྒོམ་སྤྱོད་པས་ཅི་བགྱིར་མཆིས།། ལྗགས་ལ་རིག་པའི་ཡེ་ཤེས་གནས།། ཡེ་ཤེས་ལྔ་ཡིས་ཅི་བགྱིར་མཆིས།། སྙན་ལ་རང་གྲོལ་ཡེ་ཤེས ་གནས།། ཐོས་བསམ་སྒོམ་གསུམ་ཅི་བགྱིར་མཆིས།། མིག་ལ་ལྷུན་གྲུབ་ཡེ་ཤེས་གནས།། ཡེ་ཤེས་ལྔ་ཡིས་ཅི་བགྱིར་མཆིས།། སྣ་ལ་ཐིག་ལེ་ཟང་ཐལ་གནས།། སྐུ་གསུམ་སྐུ་ལྔར་ཅི་དགྱིར་མཆིས།། ལུས་ལ་ཐམས ་ཅད་མཁྱེན་པ་གནས།། ཐ་སྙད་ཚིག་གིས་ཅི་བགྱིར་མཆིས།། ཡིད་མ་རང་བྱུང་ཡེ་ཤེས་གནས།། བླ་མའི་རྒྱུད་པས་ཅི་བགྱིར་མཆིས།། ཐམས་ཅད་ང་ལ་བསྟེན་པ་ཡིན།། ང་མེད་པ་ཡི་སྔོན་རོལ་ན།། སྒྲ་འགྱུར་བྱ་བའི ་མིང་ཡང་མེད།། ང་མེད་པ་ཡི་སྔོན་རོལ་ན།། སྔགས་འགྱུར་བྱ་བ་མིང་ཡང་མེད།། ང་མེད་པ་སྔོན་རོལ་ན།། བརྡ་འགྱུར་བྱ་བའི་མིང་ཡང་མེད།། ང་ནི་རང་འགྱུར་རང་གདངས་རང་སྣང་བའོ།། དངོས་མེད་དངོས་སུ ་སྣང་བས་ཛ་ལོག་གོ། འདུག་ཚུགས་གཉིས་སུ་སྣང་བས་ཛ་ལོ་གོ། འབྲས་བུར་རང་ཆས་ཡིན་བཞིན་དུ།། བཙལ་བྱ་རྩོལ་བ་བྱེད་པས་ཛ་ལོག་གོ། བསྒྲུབས་པས་མ་བྱུང་ཤེས་པས་གྲོལ།། བཙམ་པས་མ་བྱུང་མཐོང ་བས་གྲོ་ལ།། བསྒྱུར་བས་མ་བྱུང་རིག་པས་གྲོལ།། སྦྱངས་པས་མ་བྱུང་བསྐུལ་བས་གྲོལ།། བཀག་པས་མ་བྱུང་ཤར་བས་གྲོལ།། ཨེ་མ་ཧོ།། དྷརྨ་སརྦ་ཨ་ཨ་མ་ལ་མ་མ་ལ།། ཧཱུཾ་ཧཱུཾ་ཧཱུཾ།། ཞེས་གསུངས ་སོ།། །། ནོར་བུ་རིན་པོ་ཆེའི་རྒྱུད་ལས།། དགའ་རབ་རྡོ་རྗེ་ལ་ངོ་སྤྲོད་ཀྱི་ལེའུ་སྟེ་བཅུ་པའོ།། །། ཀུན་བཟང་རྡོ་རྗེ་སེམས་དཔའ་ཡིས།། དགའ་རབ་རྡོ་རྗེ་ལ་གདམས་པས།། རྗེས་སུ་ཡི་རང་ངོ་།། རྫོགས ་སོ།། ་