Wylie

e-texts produced with BDRC’s OCR application

བཅོམ་ལྡན་འདས་དཔལ་ཀུན་ཏུ་བཟང་པོ་བདེ་བ་ཆེན་པོ་ལ་ཕྱག་འཚལ་ལོ།། སྟོན་པ་ཐུགས་རྗེ་ཆེ་མངའ་བས།། ཐུགས་ཀྱི་དཀྱིལ་ནས་བཅུད་ཕྱུང་ནས།། བྱིན་གྱིས་བརླབས་ཀྱིས་བཤད་པ་ཡི།། རིག ་པ་ཐབས་ཀྱི་བརྒྱུད་པ་ཡིས།། མན་ངག་སེང་ཆེན་མཆོངས་པའི་རྒྱུད།། འཁོར་རྣམས་ཀུན་ལ་བསྟན་པ་ནི།། སེང་གེ་རྩལ་རྫོགས་གང་དཀར་རྩེ་ལ་མཆོད་།། ཕྱོགས་བཅུ་ཀུན་བདེ་གང་ལ་ཐོགས་པ་མེད།། རྩལ་གསུམ ་ལུས་ལ་རྫོགས་པས་དེ་བཞིན་ཀུན་ཏུ་མཆོད་།། གང་ལ་ཐོགས་པ་མེད་པས་དེ་བཞིན་ཀུན་ཏུ་བདེ།། དེ་བཞིན་མན་ངག་སྙིང་པོ་བྱང་ཆུབ་སེམས།། ཡེ་ཤེས་རྩལ་དྲུག་རྫོགས་པས་གང་ལ་ཉམ་ང་མེད།། ཐམས ་ཅད་ཐིག་ལེ་གཅིག་པས་དེ་བཞིན་ངང་ལ་མཆོད་།། དེ་ལ་ཐོགས་པ་མེད་པས་དོར་མེད་ཀུན་ཏུ་བདེ།། གང་ལ་ཐོགས་པ་མེད་པས་མན་ངག་སེང་ཆེན་མཆོང་།། ཞེས་སོ།། བྱང་ཆུབ་ཀྱི་སེམས་མན་ངག་སེང་ཆེན ་མཆོངས་པའི་རྒྱུད།། དོན་རྡེག་ཚིག་གི་ཡང་དག་དོན་བསྟན་པས།། སེང་གེ་རྩལ་རྫོགས་གང་ལ་ཐོགས་མེད་ལྟར།། མན་ངག་དོན་རྫོགས་བྱང་ཆུབ་སྙིང་པོ་ཉིད།། གང་ལྟར་མཆོད་ཡང་ཐོགས་མེད་ཀུན་ཏུ་བདེ།། གང ་ལ་བློ་མི་གནས་པས་ཐོགས་མེད་ས་ལ་འདུག། མན་ངག་སེང་ཆེན་མཆོངས་ཏེ་གང་ལ་ཐོགས་པ་མེད།། བྱང་ཆུབ་མྱུ་གུ་ཉིད་ལ་དྲན་རྟོག་རྒྱུ་བ་མེད།། དྲན་བདེ་ཤེས་པའི་སྙིང་པོ་དེ་དོན་གྱིས།། བརྡས་མཚོན་དམ ་པས་ངང་ལ་དང་ཉི་བཞག། མན་ངག་ཆེན་མཆོངས་ཏེ་གང་ལ་ཐོགས་པ་མེད།། མ་ཡེངས་བཏང་སྙོམས་རབ་ལྡན་ཤེས་པའི་མཆོག། གཟུང་འཛིན་གཉིས་བྲལ་སྙིང་པོའི་དོན་ལ་བཞག། ཇི་ལྟར་ཡང་དག་མ་ཡིན། ་གང་ལྟར་མི་འཇོག་པ།། མན་ངག་སེང་ཆེན་མཆོངས་ཏེ་གང་ལ་ཐོགས་པ་མེད།། གང་ལ་མི་སེམས་སེམས་པའི་དོན་དང་བྲལ།། ཅིར་སྣང་ཅིར་མེད་འདི་ཞེས་བསྟན་པ་མེད།། མི་གཡོ་གང་ཡང་མི་སེམས་ཉམས་ཀྱི ་མྱོང་ཆགས་མེད།། ནམ་ངག་སེང་ཆེན་མཆོངས་ཏེ་གང་ལ་ཐོགས་པ་མེད།། འགྱུར་མེད་དབྱིངས་ན་ཐོགས་མེད་ཡེ་ཤེས་མཆོངས།། མི་རྟོག་མི་འཛིན་བསྒོམ་པར་བྱ་བའི་ཡུལ་དང་བྲལ།། ཇི་ལྟར་ཡང་འཇིག་པ་མེད་པ ་བདེ་བ་ཆེན་པོའི་ངང་།། མན་ངག་སེང་ཆེན་མཆོངས་ཏེ་གང་ལ་ཐོགས་པ་མེད།། གང་ལ་ཆགས་མེད་སྤྱོད་མེད་སྣང་བ་རང་བཞིན་མེད།། དེ་བཞིན་བློ་གནས་མ་ཡེངས་རྟོག་དང་བྲལ།། ངང་ལ་དང ་གནས་བདེ་བའི་ངང་ལ་གནས།། མན་ངག་སེང་ཆེན་མཆོངས་ཏེ་གང་ལ་ཐོགས་པ་མེད།། སེམས་ལ་སེམས་ལྷ་གང་ལ་མཐོང་མེད་གསལ།། མ་མཐོང་མཐོང་བ་དེ་དོན་རྣམ་པར་དག། རིག་པ་རྒྱུན་གསལ་དང་ལ་དང ་གནས་པས།། མན་ངག་སེང་ཆེན་མཆོངས་ཏེ་གང་ལ་ཐོགས་པ་མེད།། གསལ་ལ་གསལ་ལོ་རྟོག་པ་ལས་འདས་ཤིང་།། གསལ་རྟོག་མེད་དེ་མ་ཡེངས་དང་གནས་པ།། རིག་པ་ལྷུན་ཆགས་བདེ་བ་ཆེན་པོའི ་མཆོག། མན་ངག་སེང་ཆེན་མཆོངས་ཏེ་གང་ལ་ཐོགས་པ་མེད།། ལྟ་བ་ལྟར་མེད་མན་ངག་བཞག་པ་མེད།། འདི་ཞེས་མཐོང་མེད་དོན་ཉིད་སྒོམ་དུ་མེད།། བདེ་བའི་ངང་ལ་དང་གནས་དགོངས་པའི་མཆོག། མན ་ངག་སེང་ཆེན་མཆོངས་ཏེ་གང་ལ་ཐོགས་པ་མེད།། སེང་ཆེན་དགུ་མཆོངས་མན་ངག་དོན་གྱི་དབྱིག། གདེང་ཆེན་མན་ངག་དོན་ལྡན་ཡང་།། ཐུགས་རབ་གསལ་བའི་དཀྱིལ་འཁོར་འདིར་བཅངས་ན།། སྐྱེ་བ་འདི་ལ ་འབྲས་བུ་མངོན་སངས་རྒྱས།། འདི་གཟུང་ཐུགས་ཀྱི་དཀྱིལ་དུ་གཏེར་དུ་ཆོངས།། ཞེས་བསྟན་ཏོ།། བྱང་ཆུབ་སེམས་ཀྱི་མན་ངག་སེང་ཆེན་མཆོངས་པའི་རྒྱུད།། ཨི་ཐི། རྫོགས་སོ།། །། ་