| Wylie | e-texts produced with BDRC’s OCR application |
བདེ་བའི་ཡེ་ཤེས་མཐའ་ཀླགས་ཀྱང་།། སྣང་དང་བརྗོད་པའི་མཐའ་ལས་འདས་པའོ།། བྱང་ཆུབ་སེམས་ནམ་མཁའི་རྒྱལ་པོ་རྫོགས་སོ།། །། @#།། རྒྱ་གར་སྐད་དུ། མཉྫུ་སུ་ཁ། བོད་སྐད་དུ། བདེ་འཇམ། ་བཅོམ་ལྡན་འདས་རྡོ་རྗེ་བདེ་བ་ཆེན་པོ་ལ་ཕྱག་འཚལ་ལོ།། བདེ་འཇམ་དབྱིངས་ཕྱུག་སྡུག་བསྔལ་བྷ་ག་ལ།། དབྱེར་མེད་ལྷུན་རྫོགས་ཐིག་ལ་དབྱིང་ཉིད་ཆེ།། བསྐྱོད་པ་མི་མངའ་ཡེ་ནས་རིན་པོ་ཆེ།། བྱ་བ་མེད་པར ་ལྷུན་རྫོགས་ཐིག་ལེ་ཆེ།། ཐམས་ཅད་མ་བཀག་དབྱེར་མེད་བདག་ཉིད་ཆེ།། སྐྱེ་མེད་དབྱིངས་ལས་ཐམས་ཅད་འགགས་ཤིང་།། དུས་གསུམ་འདུ་འབྲལ་མེད་པའི་གསལ་བ་ཡང་།། དོན་དམ་ཀློང་དུ་གྱུར་པས་སེམས ་དཔའ་ཆེ།། རྒྱུ་ལས་བསྒྲུབ་ཏུ་མེད་པས་ཡེ་ནས་གནས།། བཙལ་དུ་མེད་པས་བོད་པ་མངོན་སུམ་དབྱིངས།། སྨོན་དུ་མེད་པས་ཐམས་ཅད་རང་ལ་རྫོགས།། ཐ་སྙད་མེད་པས་རྣལ་འབྱོར་ཆེན་པོའི་བདག། གོ་འཕང ་མེད་པས་ལྟ་བ་ཀུན་གྱི་དབྱིངས།། འདུལ་བའི་ལས་རྣམས་ཐམས་ཅད་ཅི་སྤྱད་ཀྱང་།། རོལ་པ་ཉིད་ལས་མ་ཉམས་ཤིན་ཏུ་བདེ།། ཐིག་ལེ་ཉིད་པས་སྤང་དུ་མེད་པའི་ཕྱིར།། རྩ་བའི་འདོད་ཆགས་ཞེ་སྡང་གཏི་མུག ་ཀྱང་།། སྤང་དུ་མེད་པས་བྱང་ཆུབ་ཆེན་པོའི་ལམ།། བསམ་དུ་མེད་པའི་ཡེ་ཤེས་གསལ་བ་ནི།། རྣམ་གྲངས་མེད་པས་དབྱིང་ཉིད་བདག་པོའི་ཀློང་།། གཟུགས་རྣམས་མེད་པས་བྱང་ཆུབ་སྙིང་པོའི་སྐུ།། རྣམ་རྟོག་ཞི ་བས་ཁྱད་པར་ཡེ་ཤེས་ཆེ།། གདོད་ནས་མ་བསྐྱེད་པ་ནི་དངོས་གྲུབ་སྟེ།། འཆི་བ་མེད་པས་བདུད་རྩིའི་དབྱིངས།། ཐིག་ལེ་ཡེ་ནས་གསལ་བའི་དམ་ཚིག་ལ།། ཐ་ཚིག་མིང་དུ་བཏགས་པ་མེད།། རི་རབ་རྩེ་ནས་ཉི་མ ་སྟོང་ཤར་བས།། ཡེ་ཤེས་ཐུགས་ཀྱི་ཉི་མ་གཅིག་ཤར་དྲོ།། རང་ལ་ཐམས་ཅད་ཤར་བའི་འོད་ཟེར་ནི།། ཤར་བ་ཉིད་ན་དུས་གསུམ་ནུབ་པ་མེད།། མི་གནས་དམིགས་སུ་མེད་པས་གསལ་བ་ནི།། བསྒོམ་དུ་མེད་ཉིད ་བསྒོམ་དུ་མེད་པས་བདེ།། ཡེ་ནས་མ་བསྒོམས་ཇི་བཞིན་གསལ་བ་ཡང་།། བསྒོམས་པས་གཞན་ནས་རྒྱལ་བའི་ཆོས་མི་རྙེད།། རྡོ་རྗེ་ཉི་མ་དབྱིངས་ནས་ཤར་བ་ཡིས།། ཐམས་ཅད་ཀུན་ཀྱང་དེ་བཞིན་ཉིད་དུ ་གསལ།། འགྱུར་བ་མེད་པས་ལྟ་བ་བལ་ནག་སྟེ།། ཅིར་ཡང་འགྱུར་བས་ཐུགས་རྗེ་བལ་དཀར་བཞིན།། བརྟགས་ན་ཐམས་ཅད་བལ་ནག་ཉིད་ཀྱི་དབྱིངས།། ལྷུན་གྱི་གནས་པས་ལྟ་བའི་གོ་འཕང ་གཅོད།། གདོད་ནས་དག་པས་སྲིད་པའི་པདྨ་བཞིན།། འགྱུར་བ་མེད་པས་ཐིག་ལེའི་དབྱིངས་ན་བདེ།། བྱ་བ་མེད་པས་ཐམས་ཅད་ཀུན་ལ་འཇམ།། དུས་གསུམ་མེད་པས་ཐིག་ལེ་ཉིད་དུ་འབྱམ།། ཡེ་ནས་སྙིང་པོ ་བཙལ་དུ་མེད་པ་ལ།། བཙལ་བའི་བསམ་པས་དོན་དམ་དབྱིངས་མི་བསྐྱོད།། དྲ་བ་ཉིད་པས་མུ་ཁྱུད་ཕྱོགས་བཅུར་བདེ།། ཐིག་ལེ་ཉིད་པས་ཐིག་ཕྲན་དགུ་ལ་བདེ།། རྩེ་རྒྱལ་རྟོགས་ན་གྲུབ་པའི་གནས་ཆེན ་བདེ།། ཐིག་ལེ་ཡེ་ནས་བདེ་བའི་རྡོ་རྗེའི་དབྱིངས།། ཐོགས་མེད་ཡོངས་སུ་སྦྱང་བའི་བྷ་ག་ལ།། དབྱེར་མེད་ལྷུན་རྫོགས་ཐིག་ལེ་དབྱིངས་ཉིད་ཆེ།། སྐུ་གསུང་ཐུགས་ཤར་མུ་ཁྱུད་དཀྱིལ་འཁོར་བདེ།། རྣམ་པར་དག ་པས་བདེ་བའི་བྱང་ཆུབ་སྒྲ།། འགྲོ་བའི་ལམ་ཆེན་མཁའ་དབྱིངས་དག་པ་ལ།། ཐིག་ལེ་ཡེ་ནས་བདེ་བ་རྡོ་རྗེའི་དབྱིངས།། རྡོ་རྗེ་ཉི་མ་དུས་གསུམ་འདུ་འབྲལ་མེད།། དེ་བས་ཐིག་ལེ་ཐམས་ཅད་རྡོ་རྗེའི ་དབྱིངས།། བརྡལ་པ་ཉིད་ན་དུས་གསུམ་འདུ་འབྲལ་མེད།། བྱང་ཆུབ་སེམས་ནི་ཡེ་ནས་གསལ་བའི་ཕྱིར།། ཀློང་གི་དཀྱིལ་འཁོར་ཆེན་པོ་བདེ་འཇམ་རྫོགས་སོ།། །། ་