| Wylie | e-texts produced with BDRC’s OCR application |
ཏོ།། ཞེས་གསུངས་སོ།། ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མའི་ཕྱི་མ་ལས་ལེའུ་སྟེ་བཞི་པའོ།། །། མཐར་ཐུག་པའི་རྒྱུད་ཅེས་བྱ་བ་རྫོགས་སོ།། །། @#།། རྒྱ་གར ་སྐད་དུ། སན་ཏི་མ་ཧཱ་ས་མནྟ་བྷ་དྲ་བི་ཏ་གུ་ཧྱ་ནཱ་མ་ཏནྟ། བོད་སྐད་དུ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པ་ཕྱི་མ་གསང་བའི་རྒྱུད་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ ་ལོ།། དེ་ནས་དཔལ་ཀུན་ཏུ་བཟང་པོས་ཡང་བཀའ་སྩལ་པ། ཉོན་ཅིག་དཔལ་རྡོ་རྗེ་སེམས་དཔའ། སྟོང་གསལ་རིག་པ་ཆོས་སྐུར་རྟོགས་པར་འདོད་ན། དང་པོ་སེམས་འཛིན་བྱས་ལ། དེ་ནས་ལམ་དུ་བླང་བ་ནི། སྒོམ ་ཡོད་ཐབས་ལ་བརྟེན་པ་ཞེས་བྱའོ།། སྒོམ་མེད་ཤེས་རབ་ལ་བརྟེན་པ་ནི། དེ་ནས་ཐམས་ཅད་རིག་པ་སྟོང་གསལ་དུ་ཤེས་པའོ།། དེ་གཉིས་དབྱེར་མེད་ཅེས་བྱ་བ་སྟེ། དེ་ལྟ་བུ་ཡི་མ་བྲལ་བར་ཤེས་པར་བྱའོ།། ཞེས ་བཀའ་སྩལ་ཏོ།། རྒྱུད་ཕྱི་མ་ལས་ལེའུ་སྟེ་དང་པོའོ།། །། དེ་ནས་གཞན་ཡང་བཀའ་སྩལ་པ། སྣང་སྲིད་འདི་ངེས་པ་མེད་པའི་ཕྱིར་ན་སེམས་སོ།། དེ་ཅིའི་ཕྱིར་ཞེ་ན། སྣང་བ་ངེས་པ་མེད་པ་ནི། དཔེར་ན་ཆུ་ཉེས ་ཁང་ཁྱིམ་དུ་མཐོང་། ཡི་དྭགས་ཀྱིས་རྣག་ཁྲག་ཏུ་མཐོང་། མིས་ཆུ་རུ་མཐོང་སྟེ། དེས་ན་ངེས་པ་མེད་དོ།། དེས་ན་སྣང་བ་འདི་རང་གི་སེམས་ཀྱི་འཁྲུལ་སྣང་ངོ་།། སེམས་རང་བྱུང་ཡེ་ཤེས་སྟོང་གསལ་དུ ་སྣང་བའོ།། ཞེས་གསུངས་སོ།། རྒྱུད་ཕྱི་མ་ལས་ལེའུ་སྟེ་གཉིས་པའོ།། །། དེ་ནས་ཡང་བཀའ་སྩལ་པ། སྣང་བ་ཡེ་ནས་མེད་རང་བཞིན་དུ་སྣང་བ་ཡིན་ཏེ། མིན་པ་ལ་ཡིན་པར་གཟུང་བས་འཁྲུལ་ཏེ། ང་བདག་ཏུ ་གཟུང་ནས་དེ་ལས་ཉོན་མོངས་པ་འབྱུང་སྟེ། དེས་འཁོར་བར་འཁྱམས་པ་ཡིན་ཏེ། རིག་པ་སྟོང་གསལ་རྟོགས་པས། ནང་ཉམས་ཕྱིར་ཤར་བས་སྣང་བ་ལ་འཁྲུལ་སྣང་དུ་མཐོང་བའོ།། ན་བུན་ལྟ་བུར་བུན་ནེ་ལང་ངེ ་མཐོང་ཙམ་ན། ཉོན་མོངས་པ་ལས་ལོག་ནས། ཤིན་ཏུ་ཆོས་ཉིད་དམ་པར་འགྱུར་ཏེ། རྣལ་འབྱོར་གྱི་དབང་ཕྱུག་དམ་པའོ།། ཞེས་གསུངས་སོ།། རྒྱུད་ཕྱི་མ་ལས་ལེའུ་སྟེ་གསུམ་པའོ།། །། དེ་ནས་དཔལ་ཀུན་ཏུ ་ཟང་པོས་བཀའ་སྩལ་པ། དེ་ལྟར་རྡོ་རྗེ་སེམས་དཔས་དེ་ཡི་དོན་རྣམས་སུ་བླང་ཞིང་། བླ་མེད་ཡེ་ཤེས་གསལ་བའི་རྒྱུད་འདི་གཟུང་བར་བྱའོ།། ཞེས་བཀའ་སྩལ་པས་འཁོར་རྣམས་ཐམས་ཅད་ཡི་རང་བར་གྱུར ་ཏོ།། ཞེས་གསུངས་སོ།། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མ་ལས་ལེའུ་སྟེ་བཞི་པ་རྫོགས་སོ།། །། རྒྱ་གར་གྱི་མཁན་པོ་གུ་རུ་ཤྲཱི་སིདྷ་དང་། ལོཙྪ་བ་རྡོ་རྗེ་ཡང་དབང་གཏེར ་གྱིས་བསྒྱུར་བའོ།། ། ་