| Wylie | e-texts produced with BDRC’s OCR application |
འཇུག་པའི་མདོ་རྫོགས་སོ།། །། རྒྱ་གར་གྱི་མཁན་པོ་སུ་རེནྡྲ་བོ་དྷི་དང་། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། ཤིས་པར་བརྗོད་པའི ་ཚིགས་སུ་བཅད་པ། དཀོན་མཆོག་གསུམ་ལ་ཕྱག་འཚལ་ལོ།། ལྷ་ཡི་བཀྲ་ཤིས་དོན་གྲུབ་ཅིང་།། ཕྱོགས་རྣམས་བཀྲ་ཤིས་བྱེད་པ་དེས།། ཁྱེད་ཀྱི་དོན་རྣམས་གྲུབ་གྱུར་ཅིག། ཐམས་ཅད་མྱུར་དུ་མཐུན་པར ་ཤོག། ཕྲེང་བ་མགོ་ལ་འདུག་པ་ལྟར།། ལག་པ་གཡས་ན་དཔལ་ཡོད་ཤོག། གཡོན་ནའང་དཔལ་ནི་གནས་གྱུར་ཅིག། ཡན་ལག་ཀུན་ལའང་དཔལ་ཡོད་ཤོག། ཚོང་པ་དག་ནི་ནོར་ཚོལ་ཞིང་།། ཕྱོགས་བཅུ་དག་ཏུ ་འགྲོ་བ་རྣམས།། རྙེད་པ་ཆེན་པོ་རྙེད་གྱུར་ཅིག། དེ་དག་བདེ་བ་སྐྱིད་པར་ཤོག། དགོས་པ་ལ་ལ་གང་གི་ཕྱིར།། ཤར་ཕྱོགས་སུ་ནི་འགྲོ་བ་ན།། གང་དག་ཕྱོགས་དེར་གནས་པ་ཡི།། རྒྱུ་སྐར་ཁྱེད་ལ་སྐྱོང་གྱུར ་ཅིག། སྨིན་དྲུག་དང་ནི་སྣར་མ་དང་།། མགོ་དང་ལག་དང་ནབ་སོ་དང་།། རྒྱལ་དང་སྐག་ཅེས་བྱ་བ་སྟེ།། དེ་དག་རྣམས་ནི་ཤར་ཕྱོགས་པ།། རྒྱུ་སྐར་བདུན་པོ་དེ་དག་ནི།། འཇིག་རྟེན་སྐྱོང་བ་གྲགས་ལྡན་པ།། ཤར ་ཕྱོགས་ལོགས་ན་ཡོད་ཅེས་བསྟན།། དེ་དག་ཁྱེད་ལ་ཀུན་ཏུ་སྲུངས།། དེ་དག་བདག་པོ་རྒྱལ་པོ་ནི།། ཡུལ་འཁོར་སྲུང་ཞེས་གྲགས་པ་སྟེ།། དེ་ནི་དྲི་ཟ་ཀུན་གྱི་བདག། ཉི་མ་ལྷན་ཅིག་སྲུང་བར་ཤོག། དེ་ལ་བུ་ནི་མང ་ཡོད་ལ།། མཁས་ཤིང་མིང་ཡང་མཐུན་པ་སྟེ།། དགུ་བཅུ་རྩ་གཅིག་ཟད་པར་ཡང་།། དབང་པོ་ཞེས་བྱ་སྟོབས་པོ་ཆེ།། དེ་རྣམས་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཤར་ཕྱོགས་ལོགས་ཀྱི ་ཕྱོགས་ཆ་ན།། ལྷ་མོ་གཞོན་ནུ་བརྒྱད་ཡོད་དེ།། རྒྱལ་དང་རྣམ་པར་རྒྱལ་མ་དང་།། དོན་གྲུབ་མ་དང་མི་འཕམ་དང་།། དགའ་མཆོག་མ་དང་དགའ་བདེ་དང་།། དགའ་ཅན་མ་དང་དགའ་འཕེལ་མ།། དེ་དག་ཁྱེད་ལ ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཤར་ཕྱོགས་ལོགས་ཀྱི་ཕྱོགས་ཆ་ན།། གཞི་འཛིན་ཅེས་བྱའི་མཆོད་རྟེན་ཡོད།། རྒྱལ་བ་སྐྱོབ་པ་དགྲ་བཅོམ་པ།། དེ་རྣམས་ཀྱིས་ནི་བཞུགས་ཤིང་མཁྱེན།། དེ་ཡང ་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཕྱོགས་ན་ཁྱེད་ཅག་བདེ་བར་ཤོག། ཁྱེད་ཅག་སྡིག་པར་མ་གྱུར་ཅིག། ལྷ་རྣམས་ཀུན་གྱིས་རབ་བསྲུངས་ནས།། ནོར་རྣམས་རྙེད་དེ་ལྡོག་པར་ཤོག། དགོས ་པ་ལ་ལ་གང་གི་ཕྱིར།། ལྷོ་ཕྱོགས་སུ་ནི་འགྲོ་བ་ན།། གང་དག་ཕྱོགས་དེར་གནས་པ་ཡི།། རྒྱུ་སྐར་ཁྱེད་ལ་སྐྱོང་གྱུར་ཅིག། མཆུ་དང་གྲེ་དང་དབོ་དང་ནི།། མེ་བཞིན་ནག་པ་ལྔ་པ་ཡིན།། ས་རི་དང་ནི་ས་ག་སྟེ།། དེ ་དག་རྣམས་ནི་ལྷོ་ཕྱོགས་པ།། རྒྱུ་སྐར་བདུན་པོ་དེ་དག་ནི།། འཇིག་རྟེན་སྐྱོང་བ་གྲགས་ལྡན་པ།། ལྷོ་ཕྱོགས་ལོགས་ན་ཡོད་ཅེས་བསྟན།། དེ་དག་ཁྱེད་ལ་ཀུན་ཏུ་སྲུངས།། དེ་དག་བདག་པོ་རྒྱལ་པོ་ནི།། འཕགས་སྐྱེས ་པོ་ཞེས་བྱ་བར་བརྗོད།། དེ་ནི་གྲུལ་བུམ་ཀུན་གྱི་བདག། གཤིན་རྗེ་ལྷན་གཅིག་སྲུང་བར་ཤོག། དེ་ལ་བུ་ནི་མང་ཡོད་ལ།། མཁས་ཤིང་མིང་ཡང་མཐུན་པ་སྟེ།། དགུ་བཅུ་རྩ་གཅིག་ཟད་པར ་ཡང་།། དབང་པོ་ཞེས་བྱ་སྟོབས་པོ་ཆེ།། དེ་རྣམས་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ལྷོ་ཕྱོགས་ལོགས་ཀྱི་ཕྱོགས་ཆན།། ལྷ་མོ་གཞོན་ནུ་བརྒྱད་ཡོད་དེ།། དཔལ་ལྡན་མ་དང་གྲགས་ལྡན ་མ།། གྲགས་པ་ཐོབ་དང་གྲགས་འཛིན་མ།། ལེགས་པར་ལངས་དང་རབ་སྔ་དང་།། ལེགས་པར་སད་དང་བདེ་སྒྲུབ་མ།། དེ་དག་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་བར་ཤོག། ལྷོ་ཕྱོགས་ལོགས་ཀྱི ་ཕྱོགས་ཆ་ན།། པདྨ་ཞེས་བྱའི་མཆོད་རྟེན་ཡོད།། རྟག་ཏུ་གཟི་བརྗིད་ཀྱིས་ཀྱང་འབར།། རྟག་ཏུ་ཐམས་ཅད་གསལ་བར་བྱེད།། དེ་ཡང་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཕྱོགས་ན་ཁྱེད་ཅག ་བདེ་བར་ཤོག། ཁྱེད་ཅག་སྡིག་པ་མ་གྱུར་ཅིག། ལྷ་རྣམས་ཀུན་གྱིས་རབ་བསྲུངས་ནས།། ནོར་རྣམས་རྙེད་དེ་ལྡོག་པར་ཤོག། དགོས་པ་ལ་ལ་གང་གི་ཕྱིར།། ནུབ་ཕྱོགས་སུ་ནི་འགྲོ་བ་ན།། གང་དག་ཕྱོགས་དེར ་གནས་པ་ཡི།། རྒྱུ་སྐར་ཁྱེད་ལ་སྐྱོང་གྱུར་ཅིག། ལྷ་མཚམས་དང་ནི་སྣརོན་དང་ཡང་།། བརྩོན་འགྲུས་བརྟེན་ལྡན་སྦུབས་དང་ནི།། ཆུ་སྟོད་ཆུ་སྨད་བྱི་བཞིན་དང་།། གྲོ་བཞིན་དེ་ནི་བདུན་པ་ཡིན།། རྒྱུ་སྐར་བདུན་པོ་དེ ་དག་ནི།། འཇིག་རྟེན་སྐྱོང་བ་གྲགས་ལྡན་པ།། ནུབ་ཕྱོགས་ལོགས་ན་ཡོད་ཅེས་བསྟན།། དེ་དག་ཁྱེད་ལ་ཀུན་ཏུ་སྲུངས།། དེ་དག་བདག་པོ་རྒྱལ་པོ་ནི།། མིག་མི་བཟང་ཞེས་བྱ་བར་ཤེས།། དེ་ནི་ཀླུ་རྣམས་ཀུན་གྱི ་བདག། ཆུ་ལྷ་ལྷན་ཅིག་སྲུང་བར་ཤོག། དེ་ལ་བུ་ནི་མང་ཡོད་ལ།། མཁས་ཤིང་མིང་ཡང་མཐུན་པ་སྟེ།། དགུ་བཅུ་རྩ་གཅིག་ཟད་པར་ཡང་།། དབང་པོ་ཞེས་བྱ་སྟོབས་པོ་ཆེ།། དེ་དག་ཁྱེད་ལ་ནད་མེད་ཅིང་།། ཤིས་པ ་ལྷག་པར་སྐྱོང་གྱུར་ཅིག། ནུབ་ཕྱོགས་ལོགས་ཀྱི་ཕྱོགས་ཆ་ན།། ལྷ་མོ་གཞོན་ནུ་བརྒྱད་ཡོད་དེ།། རྣ་ཆ་སྲ་མཁྲེགས་མ་དང་ནི།། པདྨ་དཀར་དང་སྐྱ་རེང་དང་།། ཆ་མེད་གཅིག་དང་དགུ་པ་དང་།། རོལ་དང་གནག་དང ་སྟབས་མྱུར་སྲིད།། དེ་དག་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་བར་ཤོག། ནུབ་ཕྱོགས་ལོགས་ཀྱི་ཕྱོགས་ཆ་ན།། ནུབ་ཅེས་བྱ་བའི་རི་བོ་ཡོད།། ཉི་མ་ཟླ་བ་གཉིས་ཀའང་ནུབ།། ནུབ་པའང་ཁྱེད་ལ་ནོར ་སྦྱིན་འགྱུར།། དེ་ཡང་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཕྱོགས་ན་ཁྱེད་ཅག་བདེ་བར་ཤོག། ཁྱེད་ཅག་སྡིག་པར་མ་གྱུར་ཅིག། ལྷ་རྣམས་ཀུན་གྱིས་རབ་བསྲུངས་ནས།། ནོར་རྣམས་རྙེད་དེ ་ལྡོག་པར་ཤོག། དགོས་པ་ལ་ལ་གང་གི་ཕྱིར།། བྱང་ཕྱོགས་སུ་ནི་འགྲོ་བ་ན།། གང་དག་ཕྱོགས་དེར་གནོས་པ་ཡི།། རྒྱུ་སྐར་ཁྱེད་ལ་སྐྱོང་གྱུར་ཅིག། མོན་གྲུ་དང་ནི་མོན་གྲེ་དང་།། ཁྲུམས་སྟོད་དང་ནི་ཁྲུམས་སྨད ་དང་།། ནམ་གྲུ་དང་ནི་ཟ་སྐར་དང་།། བྲེ་ཉེ་དང་ནི་བདུན་པ་ཡིན།། རྒྱུ་སྐར་བདུན་པོ་དེ་དག་ནི།། འཇིག་རྟེན་སྐྱོང་བ་གྲགས་ལྡན་པ།། བྱང་ཕྱོགས་ལོགས་ན་ཡོད་ཅེས་བསྟན།། དེ་དག་ཁྱེད་ལ་ཀུན་ཏུ ་སྲུངས།། དེ་དག་བདག་པོ་རྒྱལ་པོ་ནི།། མི་ལ་ཞོན་པ་ལུས་ངན་པོ།། གནོད་སྦྱིན་ཀུན་གྱི་བདག་པོ་སྟེ།། ནོར་བཟང་ལྷན་ཅིག་སྲུང་བར་ཤོག། དེ་ལ་བུ་ནི་མང་ཡོད་ལ།། མཁས་ཤིང་མིང་ཡང་མཐུན་པ་སྟེ།། དགུ་བཅུ ་རྩ་གཅིག་ཟད་པར་ཡང་།། དབང་པོ་ཞེས་བྱ་སྟོབས་པོ་ཆེ།། དེ་དག་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། བྱང་ཕྱོགས་ལོགས་ཀྱི་ཕྱོགས་ཆ་ན།། ལྷ་མོ་གཞོན་ནུ་བརྒྱད་ཡོད་དེ།། རབས་ཆགས་ལྷ ་མོ་སྟོང་ལྷ་མོ།། ས་དང་དེ་བཞིན་པདྨ་ཅན།། རྒྱལ་པོ་ཆེ་ལ་ཉེ་གནས་དང་།། རེ་དང་ཁྲེ་ཡོད་དཔལ་ལྡན་མ།། དེ་དག་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་བར་ཤོག། བྱང་ཕྱོགས་ལོགས་ཀྱི་ཕྱོགས་ཆ ་ན།། སྤོས་དང་ལྡན་པའི་རི་བོ་ཡོད།། གནོད་སྦྱིན་འབྱུང་པོ་ཀུན་གྱི་གནས།། རྩེ་མོ་སྣ་ཚོགས་ལྟ་ན་སྡུག། དེ་ཡང་ཁྱེད་ལ་ནད་མེད་ཅིང་།། ཤིས་པ་ལྷག་པར་སྐྱོང་གྱུར་ཅིག། ཕྱོགས་ན་ཁྱེད་ཅག་བདེ་བར་ཤོག། ཁྱེད ་ཅག་སྡིག་པར་མ་གྱུར་ཅིག། ལྷ་རྣམས་ཀུན་གྱིས་རབ་བསྲུངས་ནས།། ནོར་རྣམས་རྙེད་དེ་ལྡོག་པར་ཤོག། རྒྱུ་སྐར་ཉི་ཤུ་རྩ་བརྒྱད་པོ།། ཕྱོགས་བཞི་དག་ན་བདུན་བདུན་གནས།། ལྷ་ཡི་བུ་མོ་སུམ་ཅུ་གཉིས།། ཕྱོགས ་བཞི་དག་ན་བརྒྱད་བརྒྱད་གནས།། དགེ་སྦྱོང་བརྒྱད་དང་བྲམ་ཟེ་བརྒྱད།། ཡུལ་རྣམས་ན་ནི་གྲོང་རྡལ་བརྒྱད།། དབང་པོར་བཅས་པའི་ལྷ་བརྒྱད་རྣམས།། དེ་དག་ཁྱེད་ལ་ཀུན་ཏུ་སྲུངས།། ཁྱེད་ཅག་འགྲོ་ནའང་བཀྲ ་ཤིཤེས་གྱུར།། ལྡོག་པ་ན་ཡང་བཀྲ་ཤིས་ཤོག། གཉེན་ལ་ལྟ་བ་བཀྲ་ཤིས་ཤོག། གཉེན་གྱིས་ལྟ་བའང་བཀྲ་ཤིས་ཤོག། དབང་བཅས་གནོད་སྦྱིན་རྒྱལ་ཆེན་དང་།། དགྲ་བཅོམ་པ་དག་སྙིང་བརྩེ་བས།། ཐམས་ཅད་དུ་ནི ་བཀྲ་ཤིས་དང་།། བདུད་རྩི་ཤིས་པ་ཐོབ་པར་ཤོག། ཚངས་པ་དག་ནི་དེ་བཞིན་ནོར་རྒྱས་དང་།། ཟག་པ་མེད་པ་རྣམ་པར་གྲོལ་རྣམས་དང་།། ཀླུ་དང་གནོད་སྦྱིན་རྟག་ཏུ་སྙིང་རྗེས་སྲུངས།། སྟོན་བརྒྱ་མཚུངས་པར་ཚེ། ་ནི་སྐྱོང་བར་ཤོག། འཕགས་པ་རྒྱ་ཆེ་རོལ་པའི་མདོའི། ཚོང་དཔོན་ག་གོན་དང་བཟང་པོའི་ལེའུ་ལས་བྱུང་བ། ཤིས་པར་བརྗོད་པའི་ཚིགས་སུ་བཅད་པ་རྫོགས་སོ།། །། @#།། རྒྱ་གར ་