Wylie

e-texts produced with BDRC’s OCR application

རྒྱ་གར་སྐད་དུ། ཀི་ཀང་ཀྲག་ཙ་ནེ་ནལ་ཚབ་ཏུ་སེབ་ལིང་།། ཤན་པ་པྲ་ལིང་སད་རག་ཤ་སེན་སེན་ས་རི་ལིང་གུ་ཧྱ་ཏ་ན་རཱ་ཛ་ཙིཏྟ་ཧ་ལ་མ་ཧཱ་ཏནྟྲ། བོད་སྐད་དུ། བདུད་བྱ་རོག ་བགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་མདོ་སྙིང་གཟེར་ནག་པོའི་རྒྱུད་ཆེན་པོ། བཅོམ་ལྡན་འདས་འཇམ་དཔལ་གཤིན་རྗེའི་གཤེད་ལ་ཕྱག་འཚལ་ལོ།། འདི ་སྐད་བདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་ཐམས་ཅད་ཀྱི་སྐུ་མཆོག། བཅོམ་ལྡན་འདས་འཕགས་པ་འཇམ་དཔལ་གཞོན་ནུ་འོག་མིན་གྱི་མཐའ་དང་དབུས་མེད ་པ། སྟེང་འོག་ཕྱོགས་མཚམས་ཀུན་ཏུ་འདོད་པའི་ཡོན་ཏན་ལྔ་དང་། རིན་པོ་ཆེ་སྣ་ཚོགས་ཀྱིས་རྣམ་པར་སྤྲས་པའི་གཞལ་ཡས་ཁང་ན། འཁོར་གྱི་བྱང་ཆུབ་སེམས་དཔའ་རྣམས ་དང་། ཐབས་ཅིག་ཏུ་བཞུགས་ཤིང་སེམས་ཅན་གྱི་དོན་མཛད་པ་ལས། ཐུགས་ཞི་བས་མི་ཐུལ་བའི་གདུག་པ་ཅན་དང་། ཡ་མ་དམ་སྲི་ལ་སོགས་པ་ལོག་འདྲེན་ཅན ་རྣམས་དང་། འགལ་བྱེད་ཆམ་ལ་དབབ་པའི་ཆེད་དུ། བཅོམ་ལྡན་འདས་ཉིད་གདུག་པ་སྤ་བཀོང་མི་བསྒྲུངས་ཀུན་འདུས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཞུགས ་མ་ཐག་ཏུ་འཇིགས་བྱེད་ཁྲག་འཐུང་གི་སྐུ། རྡོ་སྟང་ཟིལ་བཅག་པའི་འཕྲོ་ལྟར་ནག་ལ་འཚེར་ཞིང་རྔམ་བརྗིད་ལྡན་པ། དུར་ཁྲོད་ཀྱི་རྒྱན་སྣ་ཚོགས་ཀྱིས་བཀླུབས་ཤིང་། གདུག་པའི ་མཚོན་ཆ་སྣ་ཚོགས་བསྣམས་པ། ཞབས་གཉིས་ན་རག་དམྱལ་བའི་བསྟན་པ་གཟིར་ཞིང་། སྣང་སྲིད་ཁོང་སྟོང་ན་འཕྱོ་བ་ཞིག་དབྱིངས་ལས་མངོན་དུ་ཤར་ཏེ། གནས་ཚད་དང་དཔག་པ ་ལས་འདས་ཤིང་། རྩེ་མོ་ཀུན་ཏུ་མ་ཆད་པ། དུར་ཁྲོད་ཀྱི་ལོང་ལོང་འཕྱོ་བ་ན། འཁོར་གྱི་གཙོ་བོར་གྱུར་པ། རྡོ་རྗེ་འཛིན་པ་ཆེན་པོ་དང་། རྒྱལ་པོ་དང་། རྒྱལ་ཐེབས་དང་། རྒྱལ་ཕྲན་དང་། ནང་བློན་དང་། ཕྱི་བློན་ལ ་སོགས་པ་རེ་རེའི་འཁོར་ན་ཡང་། ནད་གཏོང་བ་དང་ཁྲམ་འདེབས་མི་བསྒྲངས་པའི་ཚོགས་བསམ་གྱིས་མི་ཁྱབ་པ་དག་དང་། གཞན་ཡང་འདོད་པའི་གཙོ་མོའི་ཚོགས། རྒྱལ་མོ་དང་། རྒྱལ་མོའི་རྒྱལ་མོ་དང་། ་རྒྱལ་ཐེབས་མོ་དང་བློན་མོ་དང་། བྲན་མོ་དང་། གཡོག་མོའི་ཚོགས་རེ་རེའི་འཁོར་ན་ཡང་། འདུ་བ་རྣམ་བཞི་ནད་ཀྱི་བདག་མོ་དང་། བཞི་བརྒྱ་རྩ་བཞིའི་ནད་གཏོང་བའི་ཚོགས་བསམ་གྱིས་མི་ཁྱབ་པ་དང་། ཐབས ་ཅིག་ཏུ་བཞུགས་སོ།། ཡུམ་བེ་ཏཱ་ལི་དང་། ཨེ་ཀ་ཛ་ཊིས་ཀྱང་མདུན་གྱིས་བལྟས་ནས། སྐུ་ལ་རྣམ་པར་འཁྲིལ་ཏེ་གནས་སོ།། དེ་ནས་བཅོམ་ལྡན་འདས་འཇིགས་བྱེད་ཆེན་པོས། འོད་ཟེར་སྣ་ལྔ་དུག་ལྔ་ཀུན་སྡུད ་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞུགས་མ་ཐག་ཏུ་ཡུམ་བཻ་ཏཱ་ལིས་ཨ་ཧོ་ཞེས་སྨིན་མཚམས་གློག་འགྱུ་བའི་བརྡ་གཅིག་མཛད་པས། འཇིགས་བྱེད་ཆེན་པོས་ཀྱང་བསྐུལ་བ་དེ་ཐུགས་སུ་ཆུད་ནས། ་ཨ་ཧོ་སུ་ཁ་ཞེས་བྱ་བ་བྱང་ཆུབ་སེམས་ཀྱི་ཆར་ཡུམ་གྱི་མཁའ་ལ་མངོན་པར་བབ་ནས་རོལ་པ་མཛད་པས་འཁོར་རྣམས་དང་དགྱེས་པའི་རོ་དུས་གཅིག་ཏུ་བསྟར་ཏེ། འོད་ཟེར་ཕྱོགས་བཅུའི་འཇིག་རྟེན་གྱི་ཁམས་སུ ་སྤྲོས་པས། སེམས་ཅན་ཐམས་ཅད་ལ་བྱང་ཆུབ་སེམས་ཀྱིས་དབང་བསྐུར་ནས་བདེ་བ་ལ་བཀོད་དེ། འོད་ཟེར་དེ་དག་གིས་ཁམས་གསུམ་གྱི་གདུག་པ་ཅན་དང་། ཕྱིན་ཅི་ལོག་གི་དུག་ལྔ་དང་། མི་དགེ ་བ་བཅུ་ལ་སོགས་པའི་བཅུད་ཐམས་ཅད་བསྡུས་ནས་ཉིད་ཀྱི་སྐུ་ལ་ཐིམ་པར་མཛད་དོ།། དེ་ནས་གཉིས་སུ་མེད་པའི་རོལ་པ་ལས་ཞེ་སྡང་གི་འོད་ཟེར་ནག་པོ་དང་། ང་རྒྱལ་གྱི་འོད་ཟེར་སེར་པོ་དང་། ཕྲག་དོག་གི ་འོད་ཟེར་ལྗང་གུ་ལ་སོགས་པ། རི་རབ་ཀྱི་རྩེ་ལ་གཡུང་དྲུང་གི་གནས་སུ་འཕྲོ་བ་ལས་སྲིན་པོ་ཡག་ཤ་ཛ་ལ་འབར་བར་གྱུར་ཏེ། རི་རབ་ཀྱི་རྩེ་ན་ཞེ་སྡང་གི་མེ་འབར་ཞིང་གནས་སོ།། འདོད་ཆགས་ཀྱི་འོད་ཟེར་དམར ་པོ་དང་། གཏི་མུག་གི་འོད་ཟེར་དུད་ཀ་རྒྱ་མཚོའི་གཏིང་དུ་འཕྲོས་པ་ལས། འབྲས་བུ་ཀླུ་མོ་ཡག་ཤ་མོར་གྱུར་ཏེ། རྒྱ་མཚོའི་གཏིང་ན་འདོད་ཆགས་ཀྱི་ཁྲག་མཚོ་ཁོལ་ཞིང་གནས་པ་ལས། ཡུམ་བཻ་ཏ་ལཱིས་འཛུམ་པའི ་མདངས་ཀྱིས། ཀླུ་མོ་རྡོ་རྗེ་ཡག་ཤ་མོ་ལ་གཟིགས་ནས། འདོད་ཆགས་ཀྱི་ཟིལ་པ་དང་བཅས་པའི་ལྗགས་ཀྱིས་བརྡ་ཞིག་མཛད་པས། ཀླུ་མོ་རྡོ་རྗེ་ཡག་ཤ་མོ་ཡང་ཡིད་གཡོ་བའི་འདོད་ཆགས་དྲག་པོ་སྐྱེས་ཏེ། ཀྟི་ཀྟི ་ཞེས་བྱ་བའི་འདོད་ཆགས་ཀྱི་སྐད་དྲག་པོ་འབྲུག་སྟོང་དུས་གཅིག་ཏུ་ལྡིར་བ་ཙམ་བྱུང་ངོ་།། བྱུང་མ་ཐག་ཏུ་རི་རབ་ཀྱི་རྩེ་ལ་གནས་པའི་སྲིན་པོ་ཡག་ཤ་འབར་བ་ཡང་། ཡིད་གཡོ་བའི་འདོད་ཆགས་དྲག་པོ་རབ་ཏུ་སྐྱེས ་ནས། གྷ་གྷ་ཞེས་བྱ་བའི་སྒྲ་སྐད་ཆེན་པོ་འབྲུག་སྟོང་དུས་གཅིག་ལྡིར་བ་ཙམ་བྱུང་ངོ་།། བྱུང་མ་ཐག་ཏུ་འཇིག་རྟེན་གྱི་ཁམས་སྟོང་གསུམ་དུས་གཅིག་ཏུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། ཆེམ་རབ་ཏུ ་ཆེམ། ཀུན་ཏུ་རབ་ཏུ་ཆེམ། འུར་རབ་ཏུ་འུར། ཀུན་ཏུ་རབ་ཏུ་འུར། ལྡེག་རབ་ཏུ་ལྡེག། ཀུན་ཏུ་རབ་ཏུ་ལྡེག། ཤིག་རབ་ཏུ་ཤིག། ཀུན་ཏུ་རབ་ཏུ་ཤིག། མཐའ་མཐོ་ན་ནི་དབུས་དམའ། དབུས་མཐོ་ན་ནི་མཐའ་དམའ ་བར་གྱུར་ཏོ།། འཇིག་རྟེན་གྱི་ཁམས་ན་གནས་པའི་ལྷ་དང་། ཀླུ་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟ་དང་། མིའམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། སྲིན་པོ་དང་། ཡི་དྭགས་དང་། ་ཤ་ཟ་དང་། འབྱུང་པོ་དང་། གྲུལ་བུམ་དང་། སྲུལ་པོ་དང་། ལུས་སྲུལ་པོ་དང་། སྐེམ་བྱེད་དང་། བརྗེད་བྱེད་དང་། སྨྱོ་བྱེད་དང་། གྲིབ་གནོན་དང་། གནོན་པོ་དང་། ནམ་གྲུ་ལ་སོགས་པའི་མི་བསྙུངས་པའི ་ཚོགས་ཐམས་ཅད་སྤངས་ཤིང་ངོ་མཚར་དུ་གྱུར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ།། འཕགས་པའི་ནང་ནས་འཕགས་པ་གཤིན་རྗེའི་གཤེད།། དབྱིངས་དང་ཡེ་ཤེས་གཉིས་མེད་འོད་ཟེར ་གྱིས།། སྣང་སྲིད་དུག་ལྔ་བསྡུས་པའི་བྱིན་རླབས་ནི།། ཀི་ཀང་སྒྲ་སྐད་འབྲུག་སྟོང་ལྡིར་ཙམ་ན།། སྟོང་གསུམ་དུས་གཅིག་གཡོས་པ་ངོ་མཚར་ཆེ།། བདག་ཅག་རྣམས་ལ་ཐུགས་རྗེས་བསྐྱབ་ཏུ་གསོལ།། ཞེས་གླེངས ་ནས། རང་རང་གི་གནས་སུ་དེངས་སོ།། དེ་ནས་སྲིན་པོ་ཡག་ཤ་ཛ་ལ་རི་རབ་ཀྱི་རྩེ་ལ་ཞེ་སྡང་གི་མེ་འབར་བ་དང་། ཀླུ་མོ་རྡོ་རྗེ་ཡག་ཤ་མོ་རྒྱ་མཚོའི་གཏིང་ནས་འདོད་ཆགས་ཁྲག་མཚོར་འཁྱིལ་བ ་གཉིས་ལུས་མ་ཕྲད་པར་ཀིང་ཀང་གི་སྒྲས་བསྐུལ་ཏེ་ཡིད་ཀྱིས་བཤོས་པ་ལས། བུ་མིང་སྲིད་ལྔ་མཚེ་མར་སྐྱེས་སོ།། བུ་མོ་སྤུན་བཞི་མོང་པོ་དང་ལྔའོ།། མིང་པོ་ཀི་ཀང་ཕུད་བྱེད་ཆེན་པོ་དང་། སྲིན་མོ་ཀི་ཀང་མགོ ་བརྙན་མ་བཞིར་གྱུར་ནས། སྲིད་པ་གསུམ་གྱི་སེམས་ཅན་ཐམས་ཅད་ཟ་ཞིང་འཆའ་སྟེ། འཇིག་རྟེན་ཕུང་བ་ལ་ཐུག་པར་གྱུར་པ་ལས། བཅོམ་ལྡན་འདས་འཇིགས་བྱེད་གཤིན་རྗེའི་གཤེད་པོས་འཁོར་ལོ་གཅིག་མིང ་པོ་ལ་བརྒྱབ་པས་ལུས་དུམ་བུ་བརྒྱད་དུ་གཏུབས་ཏེ། བཅོམ་ལྡན་འདས་ཀྱི་སྐུ་དཔག་པ་ལས་འདས་པའི་ཁོང་སྟོང་དུ་སྣང་སྲིད་བཅུག་ནས་ཐུགས་རིན་པོ་ཆེའི་ཡང་རང་བཞིན་གྱི་ཁོང་སེང་། ཀུན་རིག་གི་གའུ་ན་རིན ་པོ་ཆེ་གསེར་གྱི་འཁོར་ལོ་རྩིབས་བཞི་པ་གཅིག་བཏོན་པའི་མཐའ་རྒྱ་མཚོ་ཆེན་པོ་བཞི་དང་། རོ་ལ་མཚོ་བདུན་གྱིས་ནི་བསྐོར། གསེར་གྱི་རི་བདུན་གྱིས་འཁོར་བར་བཅད། དེ་ལྟར་བྱས་པའི་ཕྱོགས་བཞི་མཚམས ་བརྒྱད་དུ། ཀི་ཀང་ཆེན་པོ་གཟིར་ཏེ། མགོ་ལྷོ་ནུབ་བྱུང་སྟེ་དགོད། ཤར་ལྷོ་ལག་པ་གཡས་པ་དགོད། བྱང་ནུབ་ཏུ་ལག་པ་གཡོན་པ་དགོད། བྱང་ཤར་དུ་རྐང་པ་གཉིས་དགོད། ཤར་དུ་མཇུག་མ་དགོད། ལྷོ་རུ་དཔུང ་པ་གཡས་དགོད། ནུབ་ཏུ་དཔུང་པ་གཡོན་དགོད། བྱང་དུ་ཆུ་སོ་དགོད། རྐང་པ་གཉིས་ཀྱི་བར་དུ་མིག་དང་མཆེ་བ་སྙིང་གསུམ་དགོད། རི་རབ་ཀྱི་གྲཝ་མཚམས་སུ་སྲིང་མོ་བཞི་དགོད་དོ།། དེ་ལྟར་བཀྲམ་ཞིང་སྦས་པ ་ལས་སྤ་རུ་མ་བཏུབ་སྟེ། ལུས་དེ་དུམ་བུ་རེ་རེ་ལས། ཀི་ཀང་རེ་རེ་བྱུང་སྟེ། ཤིན་ཏུ་ཡང་འཇིག་རྟེན་གཡོས་སོ།། སྲིང་མོ་ཡང་སྤ་རུ་མ་བཏུབ་སྟེ། གྲ་བཞི་ནས་ལངས་ནས། སྲིད་པ་གསུམ་གྱི་སེམས་ཅན་ལ་ཤིན་ཏུ་ཡང ་དུས་དང་རྣམ་པ་མེད་པར་ཟ་ཞིང་འཆའ་བ་དང་། སྦྱོར་བ་ངན་པ་གཏོང་བ་ལས། ཡང་བཅོམ་ལྡན་འདས་གཤིན་རྗེའི་གཤེད་པོས་ཁམས་གསུམ་དབང་དུ་བསྡུས། སྲིད་གསུམ་ཟིལ་གྱིས་མནན། སྟོང་གསུམ་གྱི་སྟོང ་ཆེན་པོའི་འཇིག་རྟེན་གྱི་ཁམས་ཐམས་ཅད་མུན་ནག་བཞིན་དུ་གཏིབས་ཏེ། ཐུགས་ཡེ་ཤེས་ཀྱི་ཉི་ཟེར་གྱི་རྩེ་ལ། ལྕགས་ཀྱུའི་ཚོགས་དང་། ཞགས་པའི་ཚོགས་དང་། ལྕགས་སྒྲོག་གི་ཚོགས་དང་། དྲིལ་བུའི་ཚོགས ་བསམ་གྱིས་མི་ཁྱབ་པར་སྤྲོས་ཏེ། ཧཱུཾ་ཧཱུཾ་ཕཊ། ཧ་ལ་ཧ་ལ་ཛཿཧཱུཾ་ཧོཿ།། ཨེ་ཨ་རལླི་ཧྲིང་ཛ་ཛ། ཞེས་འབྲུག་སྟོང་དུས་གཅིག་ལྡིར་བ་ཙམ་གྱི་སྒྲ་བསྒྲགས་ནས་དབང་དུ་བསྡུས་པས། ཀི་ཀང་མིང་པོ་དང་། སྲིང་མོར ་བཅས་པ། བྲེད་རབ་ཏུ་བྲེད། ཀུན་ཏུ་རབ་ཏུ་བྲེད། འདར་རབ་ཏུ་འདར། ཀུན་ཏུ་རབ་ཏུ་འདར། སྔགས་རབ་ཏུ་སྔངས། ཀུན་ཏུ་རབ་ཏུ་སྤངས་ནས། བཅོམ་ལྡན་འདས་ལ་མགྲིན་གཅིག་ཏུ་ཐལ་མོ་སྦྱར་ཏེ་འདི་སྐད ་ཅེས་གསོལ་ཏོ།། ཨེ་མ་ཧོ་འཇིགས་བྱེད་ཆེན་པོ་ལགས།། བདག་ཅག་ཀི་ཀང་མིང་སྲིང་རྣམས།། ཕ་ལ་གདུག་པའི་བུ་ལགས་པས།། སྣང་སྲིད་སྲོག་ཆགས་མ་ལུས་ཀུན།། སུ་འཕྲད་ཁྲུར་མིད་འཆའ་བ ་དང་།། སྦྱོར་བ་ངན་པ་གཏོང་བ་དང་།། ལོ་ཏོག་འཇོམས་པའི་ལས་འདི་དག། བདག་ཅག་རྣམས་ཀྱི་རང་ལས་ན།། དཔའ་བོ་ཆེན་པོ་ཅི་ལ་བཀྱོན།། སྔར་ཡང་དཔའ་བོ་ཆེན་པོ་ཡིས།། བདག་གི་ལུས་གཏུབས་ཕྱོགས ་བཅུར་སྦས།། འདི་ཡང་ཤིན་ཏུ་མ་ལེགས་སོ།། ཐུགས་རྗེ་འབྲེང་ཡང་མི་མངའ་འམ།། གཙོ་བོ་ཆེན་པོ་ཁྱོད་ཉིད་ནི།། ཐུགས་རྗེ་བྱམས་པའི་མངའ་བདག་ན།། འདི་ལྟའི་ཆོ་འཕྲུལ་ཅི་ལ་སྟོན།། གདུག་པའི་གསུང་སྒྲ་ཅི ་ལ་སྒྲོགས།། ཐུགས་ཀྱི་སྤྲུལ་པ་ཅི་ལ་འགྱེད།། དཔའ་བོ་ཆེན་པོ་བདག་ཅག་ལ།། བཀའ་བབ་མི་འཚལ་འབངས་སུ་མཆི།། འབངས་ལ་ནན་ཏན་མ་ཆུང་ཞིག། ཅེས་གསོལ་ཏོ།། སྤྱི་སྡོམ་སྲོག་སྙིང་འདི་མདོངས་གསོལ ་དུ་ཕུལ་ལོ།། ཨ་ཡ་མ་དུ་རུ་ཙ་ཤ་ན་ལ་བཛྲ་མ་མ་ཏིང་ལ་བོ་ཨ་ཏྲ་བཛྲ་ལི་ཕི་མ་རོ་ཏྲི་ཛ། བདག་ཅག་རྣམས་ཀྱི་སྲོག་ཏིག་སྟེ།། དཔའ་བོ་ལྷ་རྗེས་བཞེས་སུ་གསོལ།། དེ་སྐད་ཅེས་གསོལ་པ་དང་། འཇིགས་བྱེད་ཆེན ་པོས་འདི་སྐད་ཅེས་བཀའ་སྩལ་ཏོ།། ལེགས་སོ་ཀི་ཀང་ཆེན་པོ་དག། དེ་ལྟར་དུས་དུས་ཐམས་ཅད་དུ།། སེམས་ཅན་རྣམས་ལ་སྦྱོར་ངན་མ་གཏོང་བར། ཀོང་ཙེར་འཇུག་པའི་ཚེས་གྲངས་དང་།། ཀི་ཀང་རྒྱུ་བའི་ཚེས ་གྲངས་དང་།། དུས་དང་དུས་ཚོད་རྒྱུ་ཕྱོགས་དང་།། སོ་སོའི་མིང་རེ་དཔོན་སྣ་རེ་བསྐོ་ཡིས།། ང་ཡི་དམ་ལས་མ་འདའ་ཞིག། འོན་ཀྱང་སེམས་ཅན་བདེ་བ་ལས།། ཁྱོད་ཀྱང་ཡིད་བདེ་བར་ནི་འགྱུར།། དེ་སྐད་ཅེས ་བཀའ་སྩལ་པ་དང་། ཀི་ཀང་རྣམས་ཀྱིས་འདི་སྐད་ཅེས་གསོལ་ཏོ།། ཨེ་མ་ཧོ།། འཇིགས་བྱེད་ཆེན་པོ་བཀའ་སྩོལ་ཅིག། བྱམས་མགོན་ཆེན་པོ་བཀའ་སྩོལ་ཅིག། ཀོང་ཙེར་འཇུག་པའི་ཚེས་གྲངས་གང་།། ཀི་ཀང ་རྒྱུ་བའི་ཚེས་གྲངས་གང་།། རྒྱུ་བའི་དུས་ནི་གང་ལ་བགྱི།། དུས་ཀྱི་ཚོད་ནི་གང་ལ་བགྱི།། ཕྱོགས་ཀྱི་གང་ནས་གང་ལ་རྒྱུ།། བདག་ཅག་མིང་སྲིང་འདི་རྣམས་ཀྱི།། མིང་གི་མཚན་ཉིད་ཇི་ལྟར་ལགས།། དཔོན་སྣ་བགྱི ་ན་ཇི་ལྟར་བགྱི།། བདག་ཅག་དམ་ལས་མི་འདའ་ཡིས།། དཔའ་བོ་ཆེན་པོས་བཀའ་སྩོལ་ཅིག། དེ་སྐད་ཅེས་གསོལ་པ་དང་། བཅོམ་ལྡན་འདས་འཇིགས་བྱེད་ཆེན་པོ་དགྱེས་ཏེ། ཞལ་འཛུམ་པ་མཛད་ནས་འདི་སྐད ་ཅེས་བཀའ་སྩལ་ཏོ།། ཀ་ཡེ་ཀི་ཀང་མིང་སྲིད་རྣམས།། ཉོན་ཅིག་ཁྱོད་རྣམས་གུས་པས་ཉོན།། ངས་གསུང་པ་ལ་སེམས་བྲུད་ཅིག། ཀོང་ཙེར་འཇུག་པའི་ཚེས་གྲངས་ནི།། བཞི་དང་བརྒྱད་དང་བཅུ་གཅིག་དང་།། བཅོ ་ལྔ་བཅོ་བརྒྱད་ཉི་ཤུ་གཉིས།། ཉི་ཤུ་ལྔ་དང་ཉི་ཤུ་དགུ། དེ་ལ་ཀོང་ཙེར་འཇུག་པར་བྱེད།། ཀི་ཀང་རྒྱུ་བའི་ཚེས་གྲངས་ནི།། ལྔ་དང་དགུ་དང་བཅུ་གཉིས་དང་།། བཅུ་དྲུག་བཅུ་དགུ་ཉི་ཤུ་གསུམ།། ཉི་ཤུ་དྲུག་དང་གནམ ་སྟོང་ལ།། ཀི་ཀང་རྒྱུ་བ་ཤེས་པར་བྱོས།། རྒྱུ་བའི་དུས་རྣམས་སྟོན་པ་ནི།། ཕྱོགས་བཞི་མཚན་མོ་རྒྱུ་བ་དང་།། མཚན་བཞི་ཉིན་མོ་རྒྱུ་བ་ནི།། རྒྱུ་བའི་དུས་སུ་ཤེས་པར་བྱ།། དུས་ཀྱི་ཚོད་རྣམས་བསྟན་པ ་ནི། སྲོད་དང་སྔ་དྲོ་དང་པོ་དང་།། ནམ་གྱི་ཕྱི་དབྱིངས་ཀྱང་དང་ཉི་མ་ཕྱེད།། ནམ་ཕྱེད་ཉི་མ་མྱུར་ཆེན་དང་།། སྐྲ་རེངས་ཤར་དང་མྱུར་ཆུད་རྣམས།། དུས་ཀྱི་ཚོད་དུ་ཤེས་པར་བྱ།། དེ་ནས་རྒྱུ་བའི་ཕྱོགས་བསྟན ་ཏེ།། ནུབ་ནས་ཤར་དུ་རྒྱུ་བ་དང་།། ཤར་ལྷོ་མཚམས་ནས་ནུབ་བྱང་དུའོ།། བྱང་ནས་ལྷོ་རུ་རྒྱུ་བ་དང་།། ལྷོ་ནུབ་མཚམས་ནས་བྱང་ཤར་དུའོ།། ཤར་ནས་ནུབ་ཏུ་རྒྱུ་བ་དང་།། ནུབ་བྱང་མཚམས་ནས་ལྷོ་ཤར་དུའོ།། ལྷོ། ་ནས་བྱང་དུ་རྒྱུ་བ་དང་།། བྱང་ཤར་མཚམས་ནས་ལྷོ་ནུབ་ཏུའོ།། རྒྱུ་བའི་ཕྱོགས་ནི་དེ་ལྟར་བྱོས།། དེ་ནས་མིང་ཡང་ངས་གདགས་ཀྱི།། མགོ་ལས་སྤྲུལ་པ་ཆེན་པོ་ནི།། བི་ཏྲ་བི་ཏྲ་བྱ་བ་སྟེ།། བྱ་རོག་མགོ་ཅན་བྱ་བར ་གདགས།། ལག་པ་གཡས་ལས་སྤྲུལ་པ་ནི།། དྲང་སྲོང་རཱ་ཧུ་ལ་ཞེས་གདགས།། མིག་དང་མཆེ་བ་སྙིང་གསུམ་ལས།། སྤྲུལ་པ་སྒྲ་གཅན་འཛིན་དུ་གདགས།། ལག་པ་གཡོན་ལས་སྤྲུལ་པ་ནི།། དུ་བ་མཇུག་རིང་བྱ ་བར་གདགས།། དཔུང་པ་གཡས་ལས་སྤྲུལ་པ་ནི།། ཁྱབ་འཇུག་ཆེན་པོ་བྱ་བར་གདགས།། མཇུག་མ་ལས་སྦྲུལ་ཆེན་པོ་ནི།། བིཥྚ་ར་ཙ་བྱ་བར་གདགས།། ཆུ་སོ་ལས་སྦྲུལ་ཆེན་པོ་ནི།། ཙ་ར་ཀ་ཞེས་བྱ་བར ་གདགས།། དཔུང་པ་གཡོན་ལས་སྤྲུལ་པ་ནི།། ལྗང་སྔོན་དྲག་པོ་བྱ་བར་གདགས།། ཤར་ལྷོ་མཚམས་ཀྱི་སྲིན་མོ་ལ།། སྟག་སྲིན་ཟོར་གདོང་བྱ་བར་གདགས།། ལྷོ་ནུབ་མཚམས་ཀྱི་སྲིན་མོ་ལ།། བམ་སྲིན་དྲེད་གདོང ་བྱ་བར་གདགས།། ནུབ་བྱང་མཚམས་ཀྱི་སྲིན་མོ་ལ།། ཀོང་སྲིན་བན་གདོང་བྱ་བར་གདགས།། བྱང་ཤར་མཚམས་ཀྱི་སྲིན་མོ་ལ།། འབྲོག་སྲིན་ཆུ་སྲིན་གདོང་དུ་གདགས།། དེ་ནས་དཔོན་སྣ་བསྐོ་བྱ་བ།། ནུབ་ཀྱི ་ཕྱོགས་ནས་བསྐྱོད་པའི་ཚེ།། སྲིད་པའི་མ་མོའི་དཔོན་སྣར་བསྐོ།། ཤར་ལྷོ་མཚམས་ནས་བསྐྱོད་པའི་ཚེ།། དགྲ་བླའི་རྒྱལ་མོའི་དཔོན་སྣར་བསྐོ།། བྱང་གི་ཕྱོགས་ནས་བསྐྱོད་པའི་ཚེ།། བདུད་ཀྱི་དམག་ཚོགས་དཔོན ་སྣར་བསྐོ།། ལྷོ་ནུབ་མཚམས་ནས་བསྐྱོད་པའི་ཚེ།། སྲིན་པོ་འབུམ་གྱི་དཔོན་སྣར་བསྐོ།། ཤར་གྱི་ཕྱོགས་ནས་བསྐྱོད་པའི་ཚེ།། དམུ་བདུད་ཡོངས་ཀྱི་དཔོན་སྣར་བསྐོ།། ནུབ་བྱང་མཚམས་ནས་བསྐྱོད་པའི ་ཚེ།། གཤིན་རྗེ་ཡོངས་ཀྱི་དཔོན་སྣར་བསྐོ།། ལྷོ་ཡི་ཕྱོགས་ནས་བསྐྱོད་པའི་ཚེ།། ཀླུ་བཙན་དགྲ་བླའི་དཔོན་སྣར་བསྐོ།། བྱང་ཤར་མཚམས་ནས་བསྐྱོད་པའི་ཚེ།། བི་ནཱ་ཡ་ཀ་དཔོན་སྣར་བསྐོ།། དེ་ལྟར་ང་ཡི་བཀའ ་ཕབ་པ།། རྟག་ཏུ་ཡིད་ལ་དྲན་པར་བྱོས།། ཞེས་བཀའ་སྩལ་པ་དང་། ཀི་ཀང་མིང་སྲིང་རྣམས་དགའ་མགུ་ཡི་རངས་ཏེ།། ཧ་ཧ་ཧི་ཧི་ཞེས་པའི་སྒྲ་དུས་གཅིག་ཏུ་ཕྱུང་ནས། ཡང་དཔའ་བོ་ཆེན་པོ་ལ་འདི་སྐད་ཅེས ་གསོལ་ཏོ།། ཀྱེ་མ་དཔའ་བོ་ཆེན་པོ་ལགས།། འཇུག་དང་རྒྱུ་བའི་ཚེས་གྲངས་དང་།། དུས་དང་དུས་ཀྱི་ཚོད་རྣམས་དང་།། རྒྱུ་བའི་ཕྱོགས་དང་མིང་རྣམས་དང་།། དཔོན་སྣ་བསྐོ་བའི་སྡུག་ལས ་རྣམས།། བཀའ་སྩལ་བཞིན་དུ་གཉེར་ལེན་ན།། བདག་ཅག་རྣམས་ཀྱི་མཐུན་རྫས་དང་།། འཚལ་བའི་ཟས་སྐལ་གང་གིས་བགྱི།། དཔའ་བོ་ཆེན་པོས་བཀའ་སྩོལ་ཅིག། ཅེས་གསོལ་པ་དང་། ཡང་བཅོམ་ལྡན་འདས ་འཇིགས་བྱེད་ཆེན་པོས་དགྱེས་པ་ཆེན་པོའི་གསུང་ཕྱུང་ནས། འདི་སྐད་ཅེས་བཀའ་སྩལ་ཏོ།། ཀི་ཀང་དྲང་སྲོང་ཆེན་པོ་རྣམས།། དེ་སྐད་གསུངས་པ་ཤིན་ཏུ་ལེགས།། ངས་གསུངས་པ་ལས་སེམས་ཟུད་ཅིག། ཁྱོད་ཀྱི ་ཕ་ནི་སྲིན་ཡིན་པས།། ཤ་རུལ་ཁྲག་རུལ་ཉ་རུལ་དང་།། བཙོས་དང་རྗེན་ཤ་སྣ་ཚོགས་དང་།། ར་མཆིན་ལ་སོགས་མར་ཆེན་རྣམས།། ཕ་ཟས་བུ་ལ་དབོག་པར་བྱ།། ཁྱོད་ཀྱི་མ་ནི་ཀླུ་ཡིན་པས།། དཀར་གསུམ་མངར ་གསུམ་ཀླུ་སྨན་དང་།། ལ་སྨན་རྩི་སྨན་སྣ་ཚོགས་དང་།། དྲི་ཡི་རྒྱལ་པོ་ག་པུར་རྣམས།། མ་ཟས་བུ་ལ་དབོག་པར་བྱ།། དེ་ལྟར་མཐུན་པའི་རྫས་བསྟན་ནས།། ཁྱོད་ཀྱི་ཟས་སྐལ་བསྟན་པ་ནི།། གསང་སྔགས་གཉེན་གྱི ་བསྟན་པ་ལ།། འབྱོལ་ཅིག་སྡང་སེམས་ལྡན་པ་དང་།། དམ་ལ་གནས་པའི་རྣལ་འབྱོར་ལ།། གདུག་ཅིང་རྒྱབ་ཀྱིས་ཕྱོགས་པ་དང་།། དམ་ཚིག་ཉམས་དང་དམ་ལས་ལྡོག། འདི་དག་ཁྱོད་ཀྱི་ཟས་སྐལ་ལོ།། ཞུ་བླག ་མེད་པར་མྱུར་དུ་སྒྲོལ།། སྒྲོལ་བའི་བདག་པོར་ངས་དབང་བསྐུར།། སྲོག་དང་དབུགས་ལ་དབང་བསྐུར་རོ།། གསོད་ཅིང་གསོ་བར་དབང་བསྐུར་རོ།། རྣལ་འབྱོར་དམ་ལ་གནས་པ་དང་།། བསྟན་པ་གཉེན་པོ་འཛིན ་པ་དང་།། བཀའ་བཞིན་སྤྱོད་པའི་རྣལ་འབྱོར་པའི།། བཀའ་ལས་མི་འདའ་དམ་ལས་མི་འདའ་བར།། དེ་ཡི་དགོངས་པ་མྱུར་དུ་སྒྲུབས།། ཉོན་ཅིག་ཀི་ཀང་ཆེན་པོ་རྣམས།། ང་ཡི་བཀའ་ལས་ཁྱོད་མ་འདའ།། གལ་ཏེ ་བཀའ་ལས་འདས་གྱུར་ན།། མགོ་ལུས་དུམ་བུ་སྟོང་དུ་འགྱུར།། རུལ་མྱགས་ཚིགས་ནས་དམྱལ་བར་འགྲོ།། ས་མ་ཡ་ཙིཏྟ་ན་ར་ཀན། ཞེས་པའི་སྒྲ་བསྒྲགས་ནས། མི་གཡོ་ཞིང་མི་འཁུ་བར་བྱས་ཏེ། དམ་ལ་སྩལ་ཞིང ་དབང་བསྐུར་ནས། འཇིག་རྟེན་བདེ་བ་ལ་བཀོད་དེ། ཟས་སུ་ནི་སངས་རྒྱས་ཀྱི་བསྟན་པ་འཇིག་པ་དང་། དམྱལ་བའི་གྲོང་རྟེན་བྱེད་པ་དང་། དམ་ལས་ཟློག་པའི་སྲོག་དང་དབུགས་ལ་དབང་བསྐུར་ཏེ། དབང་ལྷ་མ ་སྲིན་སྡེ་རྒྱད་དམ་ལ་བཏགས་ནས་དབང་བསྐུར་རོ།། རོག་ཏི་ནག་པོ་དེ་ཡང་ལུས་སྲིན་པོ་ལ། མགོ་བྱ་རོག་གིས་བརྩེགས་པ་དེ། ལྷ་མ་སྲིན་སྡེ་བརྒྱད་དུ་གྱུར་ནས་དུས་ཚོད་དང་ཚེས་གྲངས་ལ་འཇུག་ཅིག་རྒྱུ་བ་དང་། ་ཀི་ཀང་དང་གཤེད་བཞིས་བསྐྱོད་འགུལ་གྱིས། སྲོག་དང་དབུགས་ལ་དབང་བྱེད་པར་གྱུར་པས། ཀེ་ཀང་མིང་སྲིང་རྣམས་རྗེས་སུ་ཡི་རངས་ཏེ། འཇིགས་བྱེད་ཆེན་པོ་ལ་གཡས་ཕྱོགས་ནས་ལན་གསུམ་བསྐོར་བ་བྱས ་ནས། པུས་བཙུགས་ཐལ་མོ་སྦྱར་ནས་འདི་སྐད་ཅེས་གསོལ་ཏོ།། ཨ་ལ་ལ་ཧོ། འཇིགས་བྱེད་ཆེན་པོས་བདག་ཅག་རྣམས་ལ་ཐུགས་བརྩེ་བར་དགོངས་ནས། བདག་ཅག་རང་རང་གི་སྤྱོད་པ་ལས་དང ་མཐུན་པར་བཀའ་སྩལ་པ་ངོ་མཚར་ཆེའོ།། བདག་ཅག་མིང་སྲིད་ཇི་ལྟར་བཀའ་སྩལ་པ་ལས་མི་འདའ་ཞིང་། གཉེར་དུ་གཏད་པའི་ལས་རྣམས་གདོན་མི་ཟ་བར་བགྱིད་དོ་ཞེས་གསོལ་ཞིང་དམ་བཅས་ནས། རང་རང ་གི་གནས་ག་ལ་བ་དེར་དོང་ངོ་།། བཅོམ་ལྡན་འདས་དཔལ་ཆེན་པོ་ཉིད་ཀྱང་། སྐུ་རྟག་པ་ཆེན་པོའི་ཀློང་ན་དུས་གསུམ་དུ་འདུ་འབྲལ་མེད་པར་བཞུགས་སོ།། བདུད་བྱ་རོག་མགོ་བརྩེགས་རོག་ཏི་ནག་པོ་གསང་བ ་སྒྲོལ་བྱེད་ཀྱི་རྒྱལ་པོ་ཀི་ཀང་རཀྵ་སྙིང་གཟེར་དྲག་པོའི་རྒྱུད་ལས། བཅས་ཀ་གླེང་གཞིའི་ལེའུ་དང་པོའོ།། །། དེ་ནས་འཇིགས་བྱེད་ཆེན་པོ་གཤིན་རྗེའི་གཤེད་པོ་ལ། འཁོར་གྱི་གཙོ་བོར་གྱུར་པ་རྡོ་རྗེ་འཛིན་པ ་ཆེན་པོ་དང་། གཞན་ཡང་འཇིག་རྟེན་དང་འཇིག་རྟེན་ལས་འདས་པའི་འཁོར་བསམ་གྱིས་མི་ཁྱབ་པ་དག་གིས་གཡས་ཕྱོགས་ནས་ལན་བརྒྱ་སྟོང་བསྐོར་བ་བྱས་ཏེ། ཕྱི་ནང་གསང་བའི་མཆོད་པ་ཆེན་པོ་དག་གིས་རྣམ ་པར་མཆོད་ནས་འདི་སྐད་ཅེས་གསོལ་ཏོ།། བཅོམ་ལྡན་མགོན་པོ་བདག་ཅག་རྣམས།། སངས་རྒྱས་ཆོས་དང་དགེ་འདུན་དང་།། ཁམས་གསུམ་སྒྲོལ་བྱེད་ཁྱོད་ཉིད་ལ།། སྐྱབས་སུ་མཆིས་ཀྱིས་བཀའ་སྩོལ་ཅིག། རབ ་ཏུ་མི་བཟད་འཇིགས་པའི་སྐུ།། གཟི་བརྗིད་འབར་བས་ཕྱོགས་ཁྱབ་ནས།། ཁམས་གསུམ་མ་ལུས་འཁྲུག་མཛད་པ།། ཁྱོད་ཀྱི་གཟི་བརྗིད་མཆོག་འཚལ་གྱིས།། ལོག་སྲེད་གདུལ་བའི་སྟོབས་འཚལ་བས།། ཇི་ལྟ་བུས ་ནི་འགྲུབ་པར་འགྱུར།། ཇི་ལྟ་བུས་ནི་མཉེས་པར་བགྱི།། ཇི་ལྟ་བུས་ནི་གྲུབ་པར་བགྱི།། ཇི་ལྟ་བུས་ནི་དང་བར་འགྱུར།། བདག་ཅག་ཐེ་ཚོམ་ཆེན་པོ་སྐྱེས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི ་བསྟན་པ་ལ།། འབྱོལ་ཅིང་སྡང་སེམས་ལྡན་པ་དང་།། དམ་ལ་གནས་པའི་རྣལ་འབྱོར་ལ།། གདུག་ཅིང་རྒྱབ་ཀྱིས་ཕྱོགས་པ་དང་།། དམ་ཚིག་ཉམས་དང་ལྡོག་པ་དང་།། འགལ་བྱེད་ཆམ་ལ་དབབ་པའི་ཕྱིར།། དྲེགས ་པ་མི་བསྒྲུངས་ཕོ་མོ་ཡི།། ཀི་ཀང་དབབ་དང་གཤེད་བཞི་ཡིས།། གསོ་བསད་ལས་རྣམས་རྟོག་པའི་མཆོག། དཔལ་བོས་རྒྱས་པར་བཀའ་སྩོལ་ཅིག། བསྟན་པ་བསྲུང་ཕྱིར་བཤད་དུ་གསོལ།། ཞེས་གསོལ་པ་དང་།། ་འཇིགས་བྱེད་གཤིན་རྗེའི་གཤེད་པོས་དགྱེས་པའི་གསུང་ཕྱུང་ནས། རྡོ་རྗེ་འཛིན་པ་ལ་སོགས་པ་ལམ་པར་གྱུར་པའི་འཁོར་རྣམས་ལ། ཞུ་དོན་རྟོགས་པའི་འཁོར་ལོ་འདི་རྒྱས་པར་བཀའ་སྩལ་པ། ང་ནི་དུས་གསུམ ་སྔོན་དུ་བྱུང་།། སངས་རྒྱས་ཀུན་གྱི་སྔོན་དུ་བྱུང་།། ང་ནི་དུས་གསུམ་ཕྱིས་ཀྱང་འབྱུང་།། ང་ནི་ལྔ་བརྒྱ་ཐ་མའི་ཚེ།། ང་ཡི་བསྟན་པ་འབྱུང་བར་བྱེད།། བསྟན་པ་ཐམས་ཅད་ནུབ་པའི་ཚེ།། དེ་ཚེ་ང་ཡི་བསྟན་པ ་འབྱུང་།། ལས་ངན་མཚམས་མེད་བྱེད་པའི་ཚེ།། དེ་ཚེ་ང་ཡི་བསྟན་པ་འབྱུང་།། ཟས་ངན་ལྕི་བ་ཟ་བའི་ཚེ།། དེ་ཚེ་ང་ཡི་བསྟན་པ་འབྱུང་།། གོས་ངན་དུག་རུལ་གྱོན་པའི་ཚེ།། དེ་ཚེ་ང་ཡི་བསྟན་པ ་འབྱུང་།། གནས་ངན་མཁར་སྤྲེའུ་བརྩིག་པའི་ཚེ།། དེ་ཚེ་ང་ཡི་བསྟན་པ་འབྱུང་།། གཉེན་ངན་ཉེ་བ་འཐབ་པའི་ཚེ།། དེ་ཚེ་ང་ཡི་བསྟན་པ་འབྱུང་།། དམ་ཚིག་ཉམས་པ་མང་པོའི་ཚེ།། དེ་ཚེ་ང་ཡི་བསྟན་པ་འབྱུང་།། ་ནི་དུས་གསུམ་འབྱུང་བའི་སྐུ།། རཱུ་ཏྲ་དར་བའི་དུས་ངན་ལ།། རོག་ཏི་ནག་པོའི་རྒྱུད་བྱུང་སྟེ།། རྣལ་འབྱོར་གང་གིས་བསླབ་པ་ལས།། དེ་ལ་རྟག་ཏུ་ཐུགས་བརྩེའོ།། དམ་ཚིག་ཉམས་པ་མང་པོ་ལ།། ང་ཡི་ཀིང་ཀང ་འབེབས་བྱེད་པའོ།། འཕགས་པའི་ནང་ནས་འཇམ་དཔལ་ཉིད།། ལྷ་མོའི་ནང་ནས་འོད་ཟེར་ཅན།། འདི་གཉིས་མ་གཏོགས་དངོས་གྲུབ་གཞན།། རིག་འཛིན་ཀུན་ཀྱང་དངོས་གྲུབ་ཡལ།། ང་ཡི་ལྟོ་ནས་སྲིད་གསུམ ་འབྱིན།། ཇི་ལྟ་བུས་ནི་ཞི་གྱུར་ཡང་།། ཐམས་ཅད་ཞི་བ་ང་ཡི་སྐུ།། ཇི་ལྟ་བུས་ནི་ཁྲོས་གྱུར་ཡང་།། ཐམས་ཅད་ཁྲོས་པ་ང་ཡི་སྐུ།། རྡོ་རྗེ་འཛིན་སོགས་ཁྱོད་ཉོན་ཅིག། ང་ལ་གུས་གྱུར་ཁྱོད་རྣམས་ཀུན།། ང་ཡི་གཟི ་བརྗིད་མཆོག་འདོད་ན།། མི་ཟད་ང་ཡི་སྐུ་གསུང་ཐུགས།། རྟག་ཏུ་ཡིད་ལ་གནས་པར་གྱིས།། ང་ཡི་དངོས་གྲུབ་མཆོག་ཐོབ་འགྱུར།། རྣལ་འབྱོར་ཆེན་པོ་ས་མ་ཡའོ།། དཀོན་མཆོག་གསུམ་ནི་གནས་པ་དང་།། དེ་ཡི ་བཀའ་ཡང་བསྐྱང་བ་དང་།། སེམས་ཅན་ཀུན་ལ་སྙིང་བརྩེ་དང་།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། རཱ་ཧུ་ལ་ཡི་ལུང་ལས་འདི།། གཟའ་བདུད་གདུག་པའི་དྲག་སྔགས ་འདི།། ཀི་ཀང་དབབ་དང་གཤེད་བཞི་ཡིས།། འཇིག་རྟེན་ཁམས་ཀུན་ཁྱབ་གྱུར་ཏེ།། གསད་དང་གསོ་བའི་ལས་བྱེད་པ།། ཁྱབ་བྱེད་ཆེན་པོ་རཱ་ཧུ་ལའི།། དྲག་པོ་སྒྲོལ་བའི་དཀྱིལ་འཁོར་དུ།། ཕུང་བྱེད་ཆེན་པོའི་དམ ་ཚིག་ནི།། སློབ་དཔོན་གཉེན་པར་མི་འགྱུར་ཞིང་།། སེམས་ཅན་ཐམས་ཅད་སྲོག་ལ་འབེབས།། མ་འདས་མི་འདའ་འདའ་མི་འགྱུར།། ཕུང་བྱེད་ཆེན་པོ་ས་མ་ཡ།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན ་གྱི་བསྟན་པ་ལ།། འབྱོལ་ཞིང་སྡང་སེམས་ལྡན་པ་དང་།། དམ་ལ་གནས་པའི་རྣལ་འབྱོར་ལ།། གདུག་ཅིང་རྒྱབ་ཀྱིས་ཕྱོགས་པ་དང་།། དམ་ཚིག་ཉམས་དང་དམ་ལོག་པའི།། འགལ་བྱེད་ཆམ་ལ་དབབ་པའི ་ཕྱིར།། སྔགས་པས་ཐོག་མ་ཉིད་དུ་ནི།། ས་ནི་ཡང་དག་བརྟག་བྱ་སྟེ།། རི་མཐོ་རྩེ་དང་གཡང་ས་དང་།། དུར་ཁྲོད་རོ་ཁང་ཡ་ག་ཅན།། འཐབས་པ་སྟོང་པ་ལ་སོགས་པར།། བླང་སྦྲང་གཟུང་དང་བསྲུང་བ་དང་།། བྱིན ་བརླབས་མཚམས་བཅད་རྫོགས་བྱས་ནས།། བསྒྲུབ་པའི་དམ་རྫས་བཤམ་པ་ནི།། བསེ་གབ་ཁ་སྦྱར་གྱི་ནང་དུ།། དཀར་གསུམ་མངར་གསུམ་ཀླུ་སྨན་དང་།། ལ་སྨན་རྩི་སྨན་ལ་སོགས་པ།། དྲི་ཡི་རྒྱལ་པོ་ག་བུར ་དང་།། འདི་རྣམས་བསེ་གབ་ནང་དུ་བསྩལ།། དེ་ནས་བྷནྣའི་ཀླད་ཕོར་དུ།། ཤ་སྣ་སྣ་ཚོགས་དག་དང་ནི།། སྐེ་ཚེ་ཤང་ཚེ་ཉུང་ནག་ཏིལ།། ཐལ་ཆེན་གསུར་ཆེན་ཁྲག་ཆེན་རྣམས།། བ་ཡི་འོ་མ་དང་སྦྱར ་བསྩལ།། གཞན་ཡང་གུ་གུལ་ནག་པོ་དང་།། འབྲས་དང་ཆན་དང་སྒྲུབ་སྨན་རྣམས།། ཆང་དང་སྦྱར་ལ་བསྩལ་བར་བྱའོ།། དེ་ནས་འགལ་བྱེད་དམ་སྲིའི་གཟུགས།། སྦྲུལ་སྔོན་དག་གི་ཤུན་པ་ལ།། མིང་རུས་བླ་དྭགས ་གཟུགས་བྲིས་ཏེ།། བྷནྡ་ཁ་སྦྱར་ནང་དུའོ།། ཙ་ར་རོག་པོ་འགལ་ཁ་ལ།། རྭ་ལ་རོག་ཏིའི་སྙིང་པོ་བྲིའོ།། སྐེ་རུ་གང་དམིགས་བྲིས་ལ་གདགས།། དམིགས་པ་དེ་ལ་བཅས་པ་དང་།། དེ་ཡི་དྲུང་དུ་བཞག་པ་ནི།། གདོང ་ཁ་བཞི་རུ་སྡོམ་ནས་སུ།། ཡུགས་ས་མོ་ཡི་ཀླད་ཕོར་དུ།། སྟག་དོམ་པན་གླང་ཉ་ཡི་སྙིང་།། ཤ་རུལ་ཁྲག་རུལ་ར་མཆིན་བཞག། མཛེ་མོའི་འོ་མ་ལ་སོགས་དང་།། སེམས་ཅན་སྣ་ཚོགས་ཤ་རྣམས་དག། ཀླད་ཕོར་ནང ་དུ་བསྩལ་བར་བྱ།། ཁྲག་སྣ་དག་དང་སྦྱར་བར་བྱ།། བདུད་བྱ་རོག་ནག་པོ་མགོ་བརྩེགས་པའི་རོག་ཏི་ནག་པོ་གསང་བ་སྒྲོལ་བྱེད་ཀྱི་ཀི་ཀང་རཀྵའི་མདོ་སྙིང་གཟེར་དྲག་པོ་ཆེན་པོའི་རྒྱུད་ལས། མཐུན་རྫས་ལིངྒ ་བཅའ་ཐབས་གལ་ཆེན་གནད་ཀྱི་ལེའུ་གཉིས་པའོ།། །། དེ་ནས་དཔའ་བོ་གཤེད་ཆེན་གྱིས།། སྙིགས་མ་དུས་ཀྱི་ཐ་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། གསོ ་གསད་མཆོད་ཚུལ་བསྟན་པ་ལ།། དང་ལ་རྒྱུ་འཇུག་བཤད་བྱ་སྟེ།། བཞི་ལ་ཀོང་ཚེར་འཇུག་བྱེད་ཅིང་།། ལྔ་ཡི་སྲོད་ལ་ཀི་ཀང་རྒྱུ།། བརྒྱད་ལ་ཀོང་ཙེར་འཇུག་བྱེད་ཅིང་།། དགུ་ཡི་སྔ་དྲོ་ཀི་ཀང་རྒྱུ།། བཅུ་གཅིག་ཀོང ་ཙེཅེར་འཇུག་བྱེད་ཅིང་།། བཅུ་གཉིས་བྱང་ལ་ཀི་ཀང་རྒྱུ།། བཅོ་ལྔ་ཀོང་ཙེར་འཇུག་བྱེད་ཅིང་།། བཅུ་དྲུག་ཉིན་གུང་ཀི་ཀང་རྒྱུ།། བཅོ་བརྒྱད་ཀོང་ཙེར་འཇུག་བྱེད་ཅིང་།། བཅུ་དགུའི་ནམ་ཕྱེད་ཀི་ཀང་རྒྱུ།། ཉི་ཤུ་གཉིས ་ལ་ཀོང་ཙེར་འཇུག། རྩ་གསུམ་མྱུར་ཆེན་ཀི་ཀང་རྒྱུ།། ཉི་ཤུ་ལྔ་ལ་ཀོང་ཙེར་འཇུག། རྩ་དྲུག་ཐོ་རངས་ཀི་ཀང་རྒྱུ།། ཉི་ཤུ་དགུ་ལ་ཀོང་ཙེར་འཇུག། གནམ་སྟོང་མྱུར་ཆུང་ཀི་ཀང་རྒྱུ།། ཀོང་ཙེར་འཇུག་པ་གསོ་བྱ་བ།། ཀི ་ཀང་རྒྱུ་བ་བསད་པའི་ལས།། ལས་ཀྱི་བྱེ་བྲག་དེ་དག་ཀྱང་།། གསོ་བའི་ལས་ནི་འདི་ལྟ་སྟེ།། མ་ནོར་ཚེས་གྲངས་ཤིན་ཏུ་གཅེས།། ཚེས་གྲངས་བཞི་ཡི་མཚན་མོ་དག། ནུབ་ཀྱི་ཕྱོགས་སུ་ཁ་བལྟས་ལ།། མངར་གསུམ ་ཀླུ་སྨན་སྣ་ཚོགས་ཀྱིས།། མཆོད་ཅིང་ཀོང་ཙེ་ཞི་བར་བསམ།། བསད་ན་ཤ་ཁྲག་དམར་གྱིས་མཆོད།། ཀི་ཀང་གཏུམ་ཁྲོ་དྲག་པོར་དམིགས།། ཚེས་གྲངས་བརྒྱད་ཀྱི་ཉིན་པར་དག། ཤར་ལྷོ་མཚམས་སུ་ཁ་བལྟས ་ལ།། མངར་གསུམ་ཀླུ་སྨན་སྣ་ཚོགས་ཀྱིས།། གསེར་ཕྱེ་དག་ནི་མཆོད་བྱ་ཞིང་།། དྲང་སྲོང་ཀོང་ཚེ་ཞི་བར་བསམ།། ཤ་ཁྲག་དམར་གྱི་དམ་རྫས་དང་།། བྱ་རྒོད་དག་གི་ཤས་མཆོད་ཅིང་།། དྲང་སྲོང་ཀི་ཀང་གཏུམ་རྔམ ་བསྐུལ།། ཚེས་གྲངས་བཅུ་གཅིག་མཚན་མོ་དག། བྱང་གི་ཕྱོགས་སུ་ཁ་བལྟས་ལ།། དཀར་གསུམ་མངར་གསུམ་ཀླུ་སྨན་གྱིས།། མཆོད་ཅིང་ཀོང་ཙེ་ཞི་བར་བསམ།། ཤ་ཁྲག་དམར་དང་ཉུང་ནག ་དང་།། ནས་དང་ཏིལ་གྱིས་མཆོད་བྱ་ཞིང་།། ཀི་ཀང་གཏུམ་ཁྲོ་དྲག་པོར་བསྐུལ།། ཚེས་གྲངས་བཅོ་ལྔའི་ཉིན་པར་དག། ལྷོ་ནུབ་མཚམས་སུ་ཁ་བལྟས་ལ།། དཀར་གསུམ་མངར་གསུམ་ཀླུ་སྨན་གྱིས།། མཆོད་ཅིང ་ཀོང་ཙེ་ཞི་བར་བསམ།། ཤ་རུལ་ཁྲག་རུལ་ཉ་རུལ་དང་།། བཙོས་དང་རྗེན་ཤ་སྣ་ཚོགས་ཀྱིས།། མཆོད་ཅིང་ཀི་ཀང་གཏུམ་ཁྲོར་བསྐུལ།། ཚེས་གྲངས་བཅོ་བརྒྱད་མཚན་མོ་ལ།། ཤར་གྱི་ཕྱོགས་སུ་ཁ་བལྟས ་ལ།། དཀར་གསུམ་སྨན་གྱིས་མཆོད་བྱ་ཞིང་།། ཀོང་ཙེ་ཞི་བ་ཆེན་པོར་བསམ།། ཤ་ཁྲག་དམར་གྱི་དམ་རྫས་དང་།། ནས་གྲོ་ཏིལ་གྱིས་མཆོད་བྱ་ཞིང་།། ཀི་ཀང་གཏུམ་ཁྲོ་དྲག་པོར་བསྐུལ།། ཉི་ཤུ་གཉིས་ཀྱི་ཉིན་པར ་ནི།། ནུབ་བྱང་མཚམས་སུ་ཁ་བལྟས་ནས།། དཀར་གསུམ་ཀླུ་སྨན་སྣ་ཚོགས་ཀྱིས།། མཆོད་ཅིང་ཀོང་ཙེ་ཞི་བར་བསམ།། ཤ་རུལ་ཁྲག་རུལ་དམ་རྫས་ཀྱིས།། མཆོད་ཅིང་ཀི་ཀང་གཏུམ་ཁྲོར་བསྐུལ།། ཉི་ཤུ་ལྔ་ཡི་ཟོ ་རངས་དག། ལྷོ་ཡི་ཕྱོགས་སུ་ཁ་བལྟས་ལ།། དཀར་གསུམ་ཀླུ་སྨན་སྣ་ཚོགས་ཀྱིས།། མཆོད་ཅིང་ཀི་ཀང་ཞི་བར་བསམ།། ཤ་ཁྲག་བཙོས་རྗེན་སྣ་ཚོགས་ཀྱིས།། མཆོད་ཅིང་ཀི་ཀང་གཏུམ་ཁྲོར་བསྐུལ།། ཉི་ཤུ་དགུ་ཡི ་ཉིན་པར་དག། བྱང་ཤར་མཚམས་སུ་ཁ་བལྟས་ལ།། དཀར་གསུམ་ཀླུ་སྨན་མཆོད་བྱ་ཞིང་།། ཀོང་ཙེ་ཞི་བ་ཆེན་པོར་བསམ།། ཤ་རུལ་ཁྲག་རུལ་སྙིང་ཁྲག་དང་།། ར་མཆིན་དམར་གྱིས་མཆོད་བྱ་ཞིང་།། ཀི་ཀང ་གཏུམ་ཁྲོ་དྲག་པོར་བསྐུལ།། ལས་ཀྱི་བྱེ་བྲག་དེ་དག་ཀྱང་།། བསད་པའི་ལས་དག་མི་བརྩོན་ན།། དཀར་གསུམ་མངར་གྱི་མཆོད་བྱ་ཞིང་།། བདེན་བདར་ཞི་བ་ཆེན་པོར་བསམ།། ཤཱནྟིང་ཀུ་རུའི་སྒྲ་ཡང་བརྗོད།། གསོ ་བའི་ལས་ནི་དེ་ལྟར་རོ།། ཕུང་བྱེད་གསོད་པའི་ལས་རྩོམ་ན།། ཤ་ཁྲག་དམར་གྱིས་གོང་བཞིན་མཆོད།། ཀི་ཀང་གཏུམ་ཁྲོ་དྲག་པོར་བསྐུལ།། ཁམས་གསུམ་ཕུང་བྱེད་སྒྲོལ་བདག་སྟེ།། སྲོག་སེར་ལས་ཀྱི་བདག་པོ ་ཡིན།། ལྔ་བརྒྱ་དུས་ཀྱི་སྙིགས་མ་ལ།། རྟག་ཏུ་མཆོད་བསྐུལ་སུས་བྱེད་པ།། སྲོག་སེར་ལས་རྣམས་གདོན་མི་ཟའོ།། བདུད་བྱ་རོག་མགོ་བརྩེགས་རོག་ཏི་ནག་པོ་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རཀྵའི་མདོ།། ་སྙིང་གཟེར་དྲག་པོའི་རྒྱུད་ཆེན་པོ་ལས། གསོ་གསད་མཆོད་ཚུལ་རྟོག་པ་གནད་ཀྱི་ལེའུ་གསུམ་པའོ།། །། དེ་ནས་དཔའ་བོ་གཙོ་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི་བསྟན་པ ་ལ།། འཚེ་བྱེད་ཆམ་ལ་དབབ་པའི་ཕྱིར། ཕུང་བྱེད་མདོ་བསྐུལ་ཆེན་པོ་ནི།། གཟའ་བདུད་འཇུག་ཅིང་ཀི་ཀང་འབེབས་བྱེད་པའི།། གཟའ་བདུད་ཆེན་པོ་མི་སྲུན་པ།། ཁྱབ་འཇུག་ཆེན་པོ་ཀུན་ཏུ་རྒྱུ།། འཇིགས་བྱེད ་རོག་ཏི་སྤྲུལ་པའི་སྐུ།། ལུས་པོ་གཅིག་ལ་མགོ་བོ་དགུ།། མགོ་ལུས་མེད་པར་མིག་གིས་གང་།། རོ་སྟོད་མི་ལ་རོ་སྨད་སྦྲུལ།། ལུས་ནི་བརྗིད་པ་དུད་ཀའོ།། ལག་ན་ཆུ་སྲིན་ཞགས་པ་ཐོགས།། བ་ནི་སྲིན ་ལ་མ་ནི་ཀླུ།། ཀླུ་སྲིན་ཚོགས་པའི་མཐུ་བོ་ཆེ།། ལྷོ་ནུབ་མཚམས་ནས་སྐུ་བཞེངས་ཏེ།། ཟླ་བའི་རྗེས་གཅོད་ཤར་དུ་རྒྱུ།། ཉི་མའི་རྗེས་གཅོད་ནུབ་ཏུ་རྒྱུ།། ཉིན་མོ་རྒྱུ་བས་མཚམས་བཞི་འཇོམས།། མཚན་མོ་རྒྱུ་ཞིང ་ཕྱོགས་བཞི་འཇོམས།། བར་སྣང་ཁམས་ལ་རྒྱུ་ཙམ་ན།། འཇིག་རྟེན་ཁམས་ཀུན་སྲེག་པར་བྱེད།། ལོ་ཉེས་འཁྲུག་པ་རིམས་ནད་གཏོང་།། ཉི་མ་ཟླ་བ་ལྟོ་རུ་ཟ།། རྒྱ་མཚོའི་གཏིང་ན་གནས་པའི་ཚེ།། ཀླུ་རྣམས་ཀུན ་ཀྱང་དཀྲུག་ཅིང་སློང་།། ཐོག་དང་སེར་བ་ས་གཡོས་གཏོང་།། འཇིགས་བྱེད་ཆེན་པོ་མི་བསྒྲུངས་པ།། མིང་བརྒྱ་པོ་ལ་མཁན་སྟོང་པོ། ཡང་། མིག་བརྒྱ་པོ་ལ་ཁ་སྟོང་པོ།། དུས་ཚོད་ཚེས་གྲངས་ཀུན་གྱི་བདག། ལྷ་འདྲེ་ཀུན་གྱི ་ནང་བྱན་མཁན།། ལྷ་སྲིན་སྡེ་བརྒྱད་དམག་དཔོན་བྱེད།། འབྱུང་བ་ལྔ་ཡི་བདུད་ཆེན་པོ།། མཚན་ནི་རྣམ་པ་དགུ་རུ་གྲགས།། སྟེང་འོག་ཕྱོགས་མཚམས་ཀུན་དུ་ཡང་།། རྒྱུ་ཞིང་ཀི་ཀང་འབེབས་པར་བྱེད།། ལྷོ་ནུབ ་མཚམས་ནས་བསྐྱོད་ཙམ་ན།། སྲིན་པོ་རག་ཤ་པ་ཏི་བྱ།། ཀི་ཀང་བ་ཏ་ཆེན་པོ་བྱ།། སྲིན་པོའི་ཀི་ཀང་ཆེན་པོ་འབེབས།། ཤར་ལྷོ་མཚམས་ནས་བསྐྱོད་ཙམ་ན།། དྲང་སྲོང་ཆེན་པོ་རཱ་ཧུ་ལ།། དྲང་སྲོང་གི་ནི་ཀི་ཀང ་མཆོག། ཀི་ཀང་བདག་ཉིད་ཅན་ཞེས་བྱ།། བྱང་ཤར་མཚམས་ནས་བསྐྱོད་ཙམ་ན།། འཇིགས་བྱེད་རཱ་ཙ་སྒྲ་གཅན་འཛིན།། བི་ནཱ་ཡ་ག་ཕོ་ཉར་འགྱེད།། ཀི་ཀང་དབབ་པའི་ལས་ལ་བརྩོན།། ནུབ་བྱང་མཚམས་ནས ་བསྐྱོད་ཙམ་ན།། དུ་བ་མཇུག་རིང་ཆེན་པོ་སྟེ།། འཇིག་རྟེན་སྒྲོལ་བའི་མཐུ་བོ་ཆེ།། འཇིག་རྟེན་གཡོ་འགུལ་བྱེད་པའི་བདག། ལྷོ་ཡི་ཕྱོགས་ནས་བསྐྱོད་པའི་ཚེ།། ཁྱབ་འཇུག་ཆེན་པོ་བྱ་བ་སྟེ།། དུས་ཚོད་ཚེས་གྲངས ་ཀུན་དུ་རྒྱུ།། སྤྲུལ་པའི་སྐུ་ནི་ཀི་ཀང་འབེབས།། ཤར་གྱི་ཕྱོགས་ནས་བསྐྱོད་པའི་ཚེ།། དམུ་བདག་ཆེན་པོ་ཧ་ལི་ཀ། བི་ནུ་རཱ་ཙའི་ཀི་ཀང་བདག། དམུ་ཡི་ཀི་ཀང་འབེབས་པར་བྱེད།། བྱང་གི་ཕྱོགས་ནས་བསྐྱོད་ཙམ ་ན།། བདུད་པོ་རོག་ཏི་འབར་བའི་གཟུགས།། བདུད་ཀྱི་ཀི་ཀང་འབར་བ་འབེབས།། ཀི་ཀང་འབར་བ་ཙ་ར་ཀ། ནུབ་ཀྱི་ཕྱོགས་ནས་བསྐྱོད་ཙམ་ན།། སྲིད་པའི་མ་མོ་རྣམས་དང་རོལ།། མ་མོའི་ཀི་ཀང་ཀུན་གྱི ་བདག། ལྗང་སྔོན་ཆེན་པོའི་ཀི་ཀང་འབེབས།། ལྷོ་ནུབ་མཚམས་ནས་བསྐྱོད་ཙམ་ན།། རོག་ཏི་བྱ་རོག་མགོ་བརྩེགས་ཏེ།། སྐར་ཆེན་འབར་བའི་འོད་ཆེན་པོ།། སྔོན་དུ་སུ་འཕྲད་ཁྱུར་མིད་ཟ།། ཁྱོད་ནི་ཁྲོ་ཆེན་སྤྲུལ་པ ་སྟེ།། ལྷོ་ནུབ་མཚམས་ནས་སྐུ་བཞེངས་ནས།། ལྷ་སྲིན་སྡེ་བརྒྱད་དམག་དཔོན་བྱེད།། ནུབ་ནས་ཤར་དུ་བསྐྱོད་ཙམ་ན།། སྲིད་པའི་མ་མོའི་དམག་དཔོན་བྱེད།། ནད་ངན་སྣ་ཚོགས་ཀི་ཀང་འབེབས།། ལྷོ་ཤར་མཚམས ་ནས་བསྐྱོད་པའི་ཚེ།། དགྲ་བླ་རྒྱལ་པོས་མའི་ཡང་དམག་དཔོན་བྱེད།། ཐོག་དང་བུ་ཡུག་ཀི་ཀང་ནི།། དམ་སྲི་གདུག་པའི་སྙིང་ལ་འབེབས།། བྱང་ནས་ལྷོ་རུ་བསྐྱོད་པའི་ཚེ།། བདུད་དམག་ཀུན་གྱི་དམག ་དཔོན་བྱེད།། བདུད་ཀྱི་ཀི་ཀང་དགྲ་ལ་ཡ།། ལྷོ་ནུབ་མཚམས་ནས་བསྐྱོད་པའི་ཚེ།། སྲིན་པོ་འབུམ་གྱི་དམག་དཔོན་བྱེད།། སྲིན་པོའི་ཀི་ཀང་དགྲ་ལ་འབེབས།། གྲི་ཐབས་སྣ་ཚོགས་ཀི་ཀང་ཡ།། ཤར་ནས་ནུབ་ཏུ ་བསྐྱོད་ཙམ་ན།། དམུ་བདུད་ཡོངས་ཀྱི་དམག་དཔོན་བྱེད།། དམུ་རྡོ་འབེབས་པའི་ལས་བྱེད་ཅིང་།། གར་རྦད་དམུ་ཡི་ཀི་ཀང་གཏོང་།། ནུབ་བྱང་མཚམས་ནས་སྐུ་སྐྱོད་ནས།། གཤིན་རྗེ་ཡོངས་ཀྱི་དམག་དཔོན ་བྱེད།། སྐྱེ་འགྲོ་ཡོངས་ཀྱི་བླ་ཚེ་སྡུད།། གཤིན་རྗེའི་ཀི་ཀང་དབང་མེད་འབེབས།། ལྷོ་ནས་བྱང་དུ་བསྐྱོད་ཙམ་ན།། ཀླུ་བཙན་དགྲ་བླའི་དམག་དཔོན་བྱེད།། ཐོག་དང་སེར་བའི་སྣ་འདྲེན་ཅིང་།། ཐོག་སེར་མཛེ་ནད་ཀི ་ཀང་འབེབས།། བྱང་ཤར་མཚམས་ནས་བསྐྱོད་པའི་ཚེ།། འཐིབས་གྲིར་གསོད་པའི་ཀི་ཀང་འབེབས།། མདུན་དུ་གང་བྱུང་ཁྱུར་མིད་བྱེད།། གཟའ་བདུད་ཆེན་པོ་ཁྱོད་བསྐུལ་གྱིས།། དམ་ཚིག་བདག་པོ་ས་མ་ཡ།། བི ་ཏྲེཏྲིཏྲེ་པ་ཏྲའི་དུས་ལ་བབ།། སྒྲ་གཅན་འཛིན་གྱི་དུས་ལ་བབ།། དུ་བ་མཇུག་རིངས་དུས་ལ་བབ།། ཁྱབ་འཇུག་ཆེན་པོའི་དུས་ལ་བབ།། བི་ནུ་རཱ་ཙའི་དུས་ལ་བབ།། ཙ་ར་ཀ་ཡི་དུས་ལ་བབ།། ལྗང་སྔོན་དྲག་པོའི་དུས་ལ ་བབ།། བྱ་རོག་མགོ་བརྩེགས་དུས་ལ་བབ།། བདུད་བྱ་རོག་མགོ་བརྩེགས་རོག་ཏི་ནག་པོ་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རཀྵའི་མདོ་སྙིང་གཟེར་དྲག་པོའི་རྒྱུད་ལས། ཕུང་བྱེད་མདོ་བསྐུལ་དྲག་པོའི་ལེའུ་སྟེ ་བཞི་པའོ།། །། དེ་ནས་བཅོམ་ལྡན་གཤེད་ཆེན་པོས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། ཚེས་གྲངས་དུས་ལ་བབ་པའི་ཚེ།། དྲག ་སྔགས་ཐུན་གཟེར་དབབ་བྱ་བ།། འཇུག་དང་རྒྱུ་བའི་དུས་ཤེས་ནས།། མཆོད་དང་དྲག་པོའི་ཐུན་གཟེར་དབབ།། དེ་ལ་འཇུག་པའི་ཚེས་གྲངས་ནི།། བཞི་དང་བརྒྱད་དང་བཅུ་གཅིག་དང་།། བཅོ་ལྔ་བཅོ་བརྒྱད་ཉི་ཤུ ་གཉིས།། ཉི་ཤུ་ལྔ་དང་ཉི་ཤུ་དགུ།། དེ་རྣམས་དག་ལ་འཇུག་བྱེད་ཅིང་།། རྒྱུ་བའི་དུས་ནི་འདི་ལྟ་སྟེ།། ལྔ་དང་དགུ་དང་བཅུ་གཉིས་དང་།། བཅུ་དྲུག་བཅུ་དགུ་ཉི་ཤུ་གསུམ།། ཉི་ཤུ་དྲུག་དང་གནམ་སྟོང་ལ།། ཀི་ཀང ་དྲག་པོ་རྒྱུ་བར་བྱེད།། བཞི་ལ་ཞུགས་ནས་ལྔ་ལ་གདོན།། བརྒྱད་ལ་ཞུགས་ནས་དགུ་ལ་གདོན།། བཅུ་གཅིག་ཞུགས་ནས་བཅུ་གཉིས་གདོན།། བཅོ་ལྔ་ཞུགས་ནས་བཅུ་དྲུག་གདོན།། བཅོ་བརྒྱད་ཞུགས་ནས་བཅུ ་དགུ་གདོན།། ཉི་ཤུ་གཉིས་འཇུག་གསུམ་ལ་གདོན།། ཉི་ཤུ་ལྔ་འཇུག་རྩ་དྲུག་གདོན།། ཉི་ཤུ་དགུ་ལ་ཞུགས་བྱས་ལ།། གནམ་སྟོང་དྲག་པོའི་ཐུན་ཟར་དབབ།། བཞི་ལ་ཀོང་ཙེ་མཆོད་བྱས་ལ།། ལྔ་ལ་ཀི་ཀང་དབབ ་པར་བྱ།། ཚེས་གྲངས་ལྔ་ཡི་སྲོད་དག་ལ།། དཔུང་པ་གཡོན་པ་མ་མོར་སྦྲུལ།། ནུབ་ནས་ཤར་དུ་རྒྱུ་བར་བྱེད།། ལིངྒ་ཤར་དུ་བཞག་ནས་ཀྱང་།། ནུབ་ནས་མ་མོའི་དྲག་སྔགས་བརྡེག། མ་མོ་འཕེལ་བ ་བཞི་གཏོང་སྟེ།། གདོན་མི་ཟ་བར་ལས་འགྲུབ་པོ།། མ་མོའི་ལས་རྣམས་གྲུབ་པའི་རྟགས།། སྤྲིན་ཡང་ཁམ་ནག་འཕང་བསྟོད་ནས།། འཁྲུག་ཅིང་སེར་བ་དུམ་བུར་འོང་།། འཚུབ་ནག་ཆེན་པོ་གཡོ་བར་བྱེད།། གང ་དམིགས་རྟེན་ལ་བརྡེག་པའི་སྔགས།། ཨཽ་ཏྲག་རཀྵ་སྙིང་ཁ་རག། ཏྲག་མ་མ་རག་མོ་ཧྲི་ལ། ཡམ་ཤག་རྦད། ཧྲིལ་ཤར་བྷྱོ། ནརྀ་མཱ་ར་ཡ་ཧཱུཾ། ཕུང་བྱེད་ལས་འདི་གསང་བའི་མཆོག། སྲིད་པ་སྒྲུབ་པར་ཐེ་ཚོམ ་མེད།། དམར་ཟོར་མཚོན་ཆ་སྣ་ལྔ་དང་།། ཉི་ཤུ་རྩ་ལྔས་ལིངྒ་བྲབ།། ལོག་སྲེད་གནས་པའི་ཕྱོགས་དག་ཏུ།། སྡང་མིག་བལྟ་ཞིང་སྡིགས་མཛུབ་བསྒྲེང་།། བྱས་པ་ཙམ་གྱིས་ཕུང་བར་བྱེད།། བརྒྱད་ལ་ཀོང་ཙེ་མཆོད ་ས་ལ།། དགུ་ལ་ཀི་ཀང་དབབ་པར་བྱ།། ཚེས་གྲངས་དགུ་ཡི་སྔ་དྲོ་ལ།། ལག་གཡས་དགྲ་བླའི་རྒྱལ་མོར་སྦྲུལ།། ཤར་ལྷོ་མཚམས་ནས་ནུབ་བྱང་དུ།། དྲང་སྲོང་ཀི་ཀང་རྒྱུ་བྱེད་པས།། ལིངྒ་མིང་རུས་བླ་དགས ་ལ།། བྱ་རྒོད་ཤ་དང་དམར་ཆེན་དུ།། སྦྱར་ལ་ནུབ་བྱང་མཚམས་སུ་བཞག། ཉུང་དཀར་བྱ་རོག་གཤོག་ཕུར་དང་།། གསེར་ཕྱེ་དག་ལ་དྲག་སྔགས་བཟླས།། ཤར་ལྷོ་མཚམས་ནས་བརྡེག་པར་བྱ།། ཨོཾ་ཏྲག་རག་ཤ་ཨ ་ས་མེ་རུ་རུ་མ་མ་རུ་ལུ་རུ་ལུ་ཧུར་ཐུམ། མ་མ་ཏྲག་རག་ཤ་ཧྲིལ་ཤར་ཕྲོམ་ནི། མཱ་ར་ཡ་བྷྱོ་རྦད། འདི་བསད་ལས་གྲུབ་རྟགས་རྣམས་ཀྱང་།། ནམ་མཁའ་དཔལ་སྐྱ་ཐབས་མཐའ་ཡང་སངས་ནས།། སྤྲིན་ཡང་ལུག་གི་ལྟོ ་ཚིལ་འདྲ།། སེར་བ་ཉ་མིག་ཏུ་འོང་ཞིང་།། ཐོག་སེར་བུ་ཡུག་མྱུར་དུ་འབབ།། བརྩམ་པ་ཙམ་གྱིས་ལས་གྲུབ་པས།། སུམ་ཅུ་རྩ་གཅིག་སྔགས་རྒོད་ལ།། ནམ་ཡང་ཐེ་ཚོམ་མི་བྱའོ།། བཅུ་གཅིག་ཀོང་ཙེ་མཆོད་བྱས ་ནས།། བཅུ་གཉིས་ཀི་ཀང་དབབ་པར་བྱ།། ཚེས་གྲངས་བཅུ་གཉིས་ནམ་འཇིང་ལ།། ཆུ་སོ་བདུད་དུ་སྤྲུལ་ནས་ཀྱང་།། བྱང་ནས་ལྷོ་རུ་རྒྱུ་བྱེད་པས།། ལིངྒ་ལྷོར་བཞག་དམར་དང་སྐྲག། བྱང་ནས་ལྕགས་ཕུར་བླང ་དྲག་དང་།། ཉུང་ནག་སྐེ་ཙེ་ཤང་ཚེ་དང་།། ཕུང་བྱེད་བདུད་ཀྱི་དྲག་སྔགས་བཟླས།། ཨོཾ་པ་ཤ་མི་ཀི་ཡག་ཤ་ཕུར་པ་དུ་ཀ་ལ། རཱ་ཧུ་ལ་ཧུར་ཟུམ་ཤར་ཧྲིལ་རྦད་སུ། རུ་རུ་པྲ་པྲ་ཐུམས་ཐུམས། ནརྀ་མཱ་ར་ཡ་རྦད་ཡ། ་ཕུད་བྱེད་དམོད་མོ་འདི་གྲུབ་རྟགས།། སྤྲིན་ཡང་ཤིང་ལོ་གཤིབ་འདྲ་དང་།། མཐིང་ནག་སེམས་ཅན་གཟུགས་རྦད་དང་།། སེར་བ་ཁམ་ནག་ཟུར་གསུམ་དབྱིབས།། དྲག་ཏུ་དབབ་ཅིང་རླུང་ཚུབས ་ལྡང་།། ལྕགས་ཐོག་འབར་བས་མྱུར་དུ་འཇོམས།། ཕུང་བྱེད་དྲག་སྔགས་འདི་བཏབ་ནས།། རི་རབ་ཆེན་པོའི་འཇིག་འགྱུར་ན།། ཐོག་ཟེར་ལས་ལ་སྨོས་ཅི་དགོས།། བཅོ་ལྔ་ཀོང་ཙེ་མཆོད་བྱས་ནས།། བཅུ་དྲུག་ཀི ་ཀང་དབབ་པར་བྱ།། ཚེས་གྲངས་བཅུ་དྲུག་ཉིན་ཕྱེད་ན།། མགོ་བོ་སྲིན་པོར་སྦྲུལ་བྱས་ནས།། ལྷོ་ནུབ་མཚམས་ནས་བྱང་ཤར་དུ།། སྲིན་པོའི་ཀི་ཀང་རྒྱུ་བྱེད་པས།། ལིངྒ་བྱང་ཤར་མཚམས་དག ་ཏུ།། བཙོས་དང་རྗེན་ཤ་སྦྱར་ལ་བཞག། ལྷོ་ནུབ་སྲིན་པོའི་ཕྱོགས་དག་ན།། ཤ་རུལ་ཁྲག་རུལ་ཉ་རུལ་དང་།། གཟེ་མ་རག་ཤའི་ཐུན་དག་གིས།། ཤུལ་རིངས་དག་ཏུ་བརྡེག་པར་བྱ།། ཨཽ་སེན་སེན་རཀྑ་ཡཀྐ་ཁྲག་ལ ་ཧུརུར་ཐུམས། མུ་ཤ་ཙ་ཐུན། དུ་མ་རྔུབ་ནརྀ་མཱ་ར་ཡ་རྦད་ཨ། རགྨའི་སྔགས་རྒོད་འདི་འགྲུབ་རྟགས།། སྤྲིན་པ་ཁམ་ནག་ཀུན་ཏུ་འཁྲིགས།། གཡག་དང་མདུང་ཤིང་ཤར་བ་འདྲ།། རླུང་དམར་ཐོག་དང་སེར་བ ་ཡང་།། བཙན་དམར་རྦད་ཁམ་མཆོངས་ཤིང་འོང་།། ཉི་ཤུ་རྩ་གསུམ་དྲག་སྔགས་འདི།། བཟླས་པ་ཙམ་གྱིས་འགྲུབ་པར་འགྱུར།། བརྒྱ་བྱིན་ཉིད་ཀྱང་རླག་པར་བྱེད།། བཅོ་བརྒྱད་ཀོང་ཙེ་མཆོད་བྱས་ནས། བཅུ་དགུ ་ཀི་ཀང་དབབ་བར་བྱ།། ཚེས་གྲངས་བཅུ་དགུའི་ནམ་ཕྱེད་ན།། མཇུག་མ་དམུ་བདུད་ཆེན་པོར་སྦྲུལ།། ཤར་ནས་ནུབ་ཏུ་རྒྱུ་བྱེད་པས།། ལིངྒ་དམར་བཅས་ནུབ་ཏུ་བཞག། ཤར་ནས་གྲོ་དང་ཏིལ་དཀར་དང་།། ནས ་སྔོན་རྨ་བྱའི་སྙིང་ཁྲག་དང་།། དམུ་བདུད་རོལ་པའི་དྲག་སྔགས་བཟླས།། ཨཱི་ཏྲཾ་ཏྲཾ་ཤི་གྲིན་རཱ་ཙ་དུན་ཏེ། རཱ་ཙ་དུན་ཏེ་བཤག་དྲི་ལ་ཧྲཱི་ལ། རྦད་སུ་རི་ཤར་ཧ་ལི་ནན་བྷྱོ།། ནརྀ་མཱ་ར་ཡ་རྦད། དམུ་བདུད་སྔགས་བཟླས་གྲུབ ་རྟགས་ནི།། སྤྲིན་ཡང་ཕྱིང་པ་བརྐྱང་འདྲ་ལ།། ཁམ་ནག་ལན་འགའ་འཁྲུག་ཅིང་འོང་།། སེར་བ་གོང་གསུམ་གཅོད་བྱེད་ཅིང་།། བྱ་འཕུར་འདྲ་ཞིང་གོང་གསུམ་གཅོད།། ལྕེ་འབེབས་རྒྱ་མཚོ་འཁྲུག་པར་བྱེད།། ཚངས ་པའི་གནས་ཀྱང་འཇིག་པར་འགྱུར།། ས་གཡོས་དམུ་རྡོ་ཀུན་ཏུ་འབེབས།། ཉི་ཤུ་གཉིས་ལ་ཀོང་ཙེ་མཆོད།། ཉི་ཤུ་གསུམ་ལ་ཀི་ཀང་དབབ།། ཉི་ཤུ་གསུམ་གྱི་སྣར་ཆེན་ལ།། ལག་པ་གཤིན་རྗེར་སྤྲུལ་པ་ཡིས།། ནུབ ་བྱང་མཚམས་ནས་ལྷོ་ཤར་རྒྱུ།། ལིངྒ་དམར་བཅས་ཤར་ལྷོ་བཞག། ཤ་ཁྲག་ཙིཏྟར་བཅས་པ་ལ།། ཕུང་བྱེད་མ་མོའི་དྲག་སྔགས་བཟླས།། ནུབ་བྱང་མཚམས་ནས་བརྡེག་པར་བྱ།། ཨཱ~ཾ་ཡ་མ་རཱ་ཙ་ས་དོ་མེ་ཡཾ་བྱ་ཙ་ཡེ། ་སིང་ག་ཡེ་རུ་ཙ་དུ་ཙ་རམ་ཧྲིལ་ཤར་ཡ་མ་རི་བྷྱོ། ནརྀ་མཱ་ར་ཡ་རྦད་ཡ། བཟླས་པ་ཙམ་གྱིས་འགྲུབ་འགྱུར་བས།། ཕུང་བྱེད་སྔགས་རྒོད་གྲུབ་པའི་རྟགས།། སྲིན་པ་དམར་ནག་ཧྲལ་ཧྲལ་པོ།། སེམས་ཅན་སྣ་ཚོགས ་གཟུགས་སུ་སྣང་།། ཚུབ་ནག་དྲག་པོར་བཅས་པ་དང་།། སེར་བ་ཐུ་ལུམ་རྩེ་མེད་ཀྱང་།། སྔོན་དུ་འབབ་པ་ཐེ་ཚོམ་མེད།། ལོག་སྲེད་ཡུལ་དུ་ཐུན་འཕང་ཞིང་།། སྡིགས་མཛུབ་བསྒྲེངས་ནས་ཁ་བསྟན་པས།། ཐོག་སེར ་ཇི་ཙམ་འདོད་པར་འགྲོ།། ཉི་ཤུ་ལྔ་ལ་ཀོང་ཙེ་མཆོད།། ཉི་ཤུ་དྲུག་ལ་ཀི་ཀང་དབབ།། ཉི་ཤུ་དྲུག་གི་ཐོ་རངས་ཁ།། སྐྱ་རེངས་དང་པོ་ཤར་ཙམ་ན།། དཔུང་གཡོན་ཀླུ་བཙན་དགྲ་ལྷར་སྦྲུལ།། ལྷོ་ནས་བྱང་དུ་རྒྱུ་བྱེད ་པས།། ལིངྒ་དཀར་དམར་བཅས་པ་དག། བྱང་ཕྱོགས་དག་ཏུ་གཞག་པར་བྱ།། དཀར་དམར་རྫས་དང་ཏིལ་དཀར་ལ།། ཀླུ་བཙན་དགྲ་ལྷའི་དྲག་སྔགས་བཟླས།། ལྷོ་ནས་ཕུང་བྱེད་ཆེན་པོ་བསྐུལ།། ཨོཾ ་ནཱ་ག་སེན་སེན་དུམ་པ་ལེ། ཤག་པ་ཀུ་པ་ཙ་བཛྲ་སྭ་དྷཱ་ས་མ་ཡ། ཧྲིལ་ཤར་བྷྱོ།། ནརྀ་མཱ་ར་ཡ་དུ་རྦད་དུ་ཡ། འདི་གསང་ལས་གྲུབ་རྟགས་རྣམས་ཀྱང་།། སྦྱིན་པ་ཕྱར་སྐྱེ་དྲིལ་འདྲ་དམར།། རླུང་དང་འདྲེས་པའི་སེར་བ ་ཡང་།། སྒྲ་ཚུགས་དྲིལ་བ་བཞིན་དུའོ།། ཐོག་དང་བུ་ཡུག་རླུང་ནག་ཀྱང་།། སུམ་ཅུ་རྩ་གསུམ་སྔགས་ཀྱིས་འགྲུབ།། ལོག་སྲེད་གཏན་ཕུང་སྔགས་འདི་ལ།། རྟོག་དཔྱོད་ཡིད་གཉིས་གང་ཟ་བས།། ང་ཡི་དངོས ་གྲུབ་ཐོབ་མི་སྲིད།། སྔགས་པས་ཐེ་ཚོམ་མེད་ན་འགྲུབ།། ཉི་ཤུ་དགུ་ལ་ཀོང་ཙེ་མཆོད།། གནམ་སྟོང་ཀི་ཀང་དབབ་པར་བྱ།། གནམ་སྟོང་ཉི་མ་སྣར་ཆུང་ལ།། སྙིང་དང་མཆེ་བ་མིག་དང་གསུམ།། བྱང་ཤར་མཚམས ་ས་ལྷོ་ནུབ་ཏུ།། བི་ན་ཡ་ཀར་སྤྲུལ་ཏེ་རྒྱུ།། ལིངྒ་ཤ་རུལ་ཁྲག་རུལ་དང་།། ར་མཆིན་བཅས་པ་ལྷོ་ནུབ་བཞག། ཐལ་ཆེན་ཁྲག་དང་ཉུང་དཀར་ལ།། སྐྲ་གཅན་འཛིན་གྱི་སྔགས་བཟླས་ནས།། སྔགས་པས་བྱང་ཤར ་མཚམས་ནས་བྲབ།། ཨཱིཾ་ཡ་སྙིང་། ཡ་མ་ཁྲག། ཡ་མ་དུ། རཱ་ཧུ་ལ། ཧུར་ཧུ་ར། པྲ་ཙར་མུད་ནན། དགྲ་སྲི་ཛར་སང་ནི། དེ་པེ་ཡེ་ནན། ཧྲིལ་ཤག་སེ་ན་ཡ་བྷྱོ།། ནརྀ་མཱ་ར་ཡ་བྷྱོ། བཟླས་པ་ཙམ་གྱིས་གྲུབ་པའི ་རྟགས།། སྤྲིན་པ་དུང་ཀ་མགོ་བོ་ཆེ།། ལྷུག་པས་བར་སྣང་ཀུན་ཁེབས་ནས།། འཁྲུག་ཅིང་ཐོག་སེར་མྱུར་དུ་འབབ།། འབྲུག་སྒྲ་དྲག་པོས་སྟོང་གསུམ་ཁེངས།། དེ་ལྟར་གྲུབ་པའི་རྟགས་བྱུང་ན།། ཐོག་དང་སེར་བ་གང ་ཡང་རུང་།། དམིགས་པའི་རྟེན་ལ་མྱུར་བར་བྱ།། གྲུབ་རྫས་དངོས་གྲུབ་དང་བླང་ལ།། བདག་དང་གཉིས་སུ་མེད་པར་བྱའོ།། ཐོག་སེར་གཏོང་བའི་དུས་སུ་ཡང་།། ཀོང་ཙེ་ཀི་ཀང་ཡང་ཀང་ནི།། བརྩོན་ལྡན་སྔགས ་པས་ཤེས་བྱས་ལ།། རྫས་ལ་སྔགས་བཟླས་ཟོར་དུ་འཕང་།། ཟོར་འཕང་མཛུབ་རིས་གར་བྱས་པ།། ཉི་མ་རེ་རེས་འཇོམས་པར་བྱེད།། སེར་བ་རྦད་ཁམ་དུ་འོང་བས།། སྔགས་པས་དྲག་སྔགས་གྲུབ་པར ་བཟླས།། རོག་ཏི་ནག་པོ་འདི་གྲུབ་ན།། རི་རབ་ཆེན་པོའང་འཇིག་པ་དང་།། རྒྱ་མཚོ་ཆེན་པོ་སྐེམ་པ་དང་།། ཡམས་ནད་མཛེ་ཤུ་ལྟས་ངན་དང་།། ཐོག་སེར་ལས་རྣམས་ཅི་འདོད་པ།། དུས་མེད་པར་ཡང་འབེབས་པར ་ངེས།། སྲོག་སེར་ལས་རྣམས་གང་རྩོམ་ཡང་།། སོ་དགུ་པ་ཡི་སྔགས་ལ་སོགས།། སྡེ་ཚན་བརྒྱད་པོའི་ཐུན་གྱིས་དབབ།། སྡེ་ཚན་བརྒྱད་པོའི་སྒྲུབ་ཐུན་ལ།། དྲག་པོར་ཉམས་སུ་གང་ལེན་པ།། ད་ནི་ང་ཡི་གདང་བརྒྱུད ་འཛིན།། བདུད་བྱ་རོག་མགོ་བརྩེགས་རོག་ཏི་ནག་པོའི་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རགྣའི་མདོ། སྙིང་གཟེར་དྲག་པོའི་སྔགས་རྒྱུད་ཆེན་པོ་ལས། བཤད་པ་སྲོག་ཐུན་ཐོག་སེར་གྱི་རྟོག་པའི་ལེའུ་སྟེ་ལྔ ་པའོ།། །། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། ཕུང་བྱེད་དྲག་པོའི་དཀྱིལ ་འཁོར་མཆོག། དཔའ་བོ་ཆེན་པོས་རབ་བཤད་པ།། སྟོང་གསུམ་མི་མཇེད་འཇིག་རྟེན་འདི།། མིང་གཅིག་སྲིད་བཞི་སྒྲུབ་པ་ནི།། གདང་ཆེན་དྲོད་ལྡན་རྣལ་འབྱོར་གྱིས།། ཐོག་མར་གནས་རབ་བརྟག་བྱ་བ།། རི་བྲག ་གཉེན་ཞིང་དགོན་པའམ།། རི་མཐོ་ཐིབས་པ་བཀྲ་མི་ཤིས།། གཅན་གཟན་གདུག་པའི་ཁ་ཡལ་བར་ཡིན་ནམ་དང་།། ཨེ་དབྱིབས་འདྲ་བར་མཁས་པས་བརྟག། དེ་ནས་བསླང་བའི་ལས་ཆེན་ནི།། སྣང་དང་མི་སྣང་ལ ་སོགས་པའི།། གང་དག་བདག་པོར་གྱུར་པ་ལས།། མཆོད་སྦྱིན་གཏོར་རྩལ་འདི་སྐད་བརྗོད།། དགོངས་ཤིག་ས་བདག་སྡེ་དཔུང་བཅས།། དོན་ལྡན་རྣལ་འབྱོར་བདག་ཉིད་ཀྱིས།། འཇིག་རྟེན་ལོག་སྲེད་འདུལ་བའི ་ཕྱིར།། བརྟེན་པ་གནས་ཀྱིས་སློང་ན།། རྟེན་གནས་བདག་པོར་གྱུར་པ་ཁྱེད།། མ་སྐྲག་ཕྲག་དོག་མ་སྐྱེ་བར།། གདུག་འདུལ་ལས་ཀྱི་གྲོགས་བྱོས་ཤིག། དེ་ནས་ལྷ་མོ་དྲན་བྱ་བ།། སྔོན་ཚེ་བཅོམ་ལྡན་གཤེད་ཆེན ་གྱིས།། ཐུགས་རྗེས་ས་ལ་གཤེགས་ནས་ནི།། རཱུ་ཏྲ་གཤིན་རྗེ་ཀུན་བསྒྲལ་ནས།། བསྟན་རྒྱས་འགྲོ་དྲུག་སྨིན་པ་ལྟར།། རྣལ་འབྱོར་དབང་ཕྱུག་བདག་ཉིད་ཀྱང་།། འདིར་གནས་ལོག་སྲེད་ཀུན་འདུལ་བས།། ས་བདག ་འཁོར་བཅས་དབང་མཛོད་ཅིག། དེ་ནས་ས་ནི་སྦྱང་བྱ་བ།། ཁྲུ་གང་བརྐོས་ཏེ་གཏེར་སྩལ་ལ།། ས་ཡི་རོ་ལྔ་གང་བྱུང་ཡང་།། མི་སྒོ་དྲག་པོའི་དཀྱིལ་འཁོར་ནི།། ཁྲུ་ལྔ་པ་ཡི་ཚད་དུ་བྱ།། དྲི་དང་ལྡན་པའི་རྣམ་ལྔས ་བྱུག། སྟེང་དུ་བདག་ཉིད་རབ་གནས་ལ།། གཟུང་ཞིང་གྱད་ཚུལ་རྔམ་སྟབས་ཀྱིས།། རྡོ་རྗེ་ཀེང་རུས་གཏམས་པ་དང་།། གྲུ་གསུམ་དྲག་པོའི་གནས་སུ་བརླབ།། དེ་ནས་དཀོན་མཆོག་འཁོར་བཅས་ལ།། མཆོད་སྦྱིན ་རྒྱ་ཆེན་བསྔོ་བྱ་སྟེ།། ཕྱི་ནས་བསྐང་བཤགས་དྲག་ཏུ་བྱ།། དེ་ནས་གདུག་བྱེད་རབ་བཅིང་བ།། རྣལ་འབྱོར་གཤེད་ཆེན་ཐུགས་ཀ་ནས།། མཐིང་ནག་ཧཱུཾ་གི་ཁྱད་པར་ལས།། སྟོང་གསུམ་ཁྲོ་བོར་རབ་གསལ་ཏེ།། རྔམ ་སྒྲས་འཇིག་རྟེན་ཀུན་བཀང་ནས།། གདུག་པ་གཡོ་འགུལ་མིང་ཡང་མེད།། གནོད་མཛེས་གསང་སྔགས་དྲག་པོ་ཡིས།། གང་དམིགས་ལོག་སྲེད་མ་གཏོགས་པ།། གདུག་པ་མ་ལུས་མཚམས་བཅད་དོ།། ཨོཾ་སུམ་བྷ་ནི ་སུམ་བྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག་ཝཱན་བིདྱ་རཱ་ཛ་ཧཱུཾ་ཕཊ། དེ་ནས་དྲག་པོའི་དཀྱིལ་འཁོར་དུ།། བརྟུལ་ཞུགས་ལྡན་པས་འདི་སྐད་བརྗོད།། གདུག་འདུལ་དྲག་པོའི་དཀྱིལ་འཁོར ་དུ།། འགལ་བྱེད་མ་ལུས་བསྒྲལ་སླད་དུ།། དཀར་གསུམ་དམེ་ཁྲག་དམ་རྫས་འདིས།། ཕུང་བྱེད་དཀྱིལ་འཁོར་ཆག་ཆག་འདེབས།། ཨོཾ་མེ་ཧཱ་ཛ་ལ་མཎྜལ་ཧཱུཾ། དེ་ནས་ཚོན་དང་ཀུ་ཀུ་ར།། ཕག་ཆེན་རྒྱུ་མ་གསུམ་སྒྲིལ ་ལ།། ཐལ་ཆེན་བྱུགས་ལ་འདི་སྐད་བརྗོད།། དུར་ཁྲོད་དྲག་པོའི་དཀྱིལ་འཁོར་འདིར།། འགལ་བྱེད་གདུག་པ་བསྒྲལ་སླད་དུ།། སྲིན་པོ་རོལ་པའི་ཐིག་བཏབ་པས།། སྲིད་གསུམ་དཀྱིལ་འཁོར་ཉིད་དུ ་གསལ།། ཨོཾ་མ་ཧཱ་ཛྙཱ་ན་མཎྜལ་ཧཱུཾ། བསྒྲུབ་པའི་དཀྱིལ་འཁོར་བྲི་བར་བྱ།། དབུས་སུ་གྲུ་གསུམ་ཨེ་བསྐྱེད་ལ།། འཁོར་ལོ་རྩིབས་བཞི་མཐའ་བསྐོར་དུ།། གདུག་པ་སྦྲུལ་གྱིས་བསྐོར་བར་བྱ།། བར་ཁྱམས་སྒོ་བཞི ་བཅས་པ་དག། གཤེད་པོ་ཉིད་ཀྱི་ཁོང་པར་བྲི།། ཨེ་ཟུར་གསུམ་གྱི་རྩེ་རྣམས་ལ།། སྐྱེད་རྡོ་དཀར་དམར་ནག་པོ་ལ།། གསུམ་བཙུགས་གཤིན་རྗེར་དབང་བསྐུར་རོ།། རྩིབས་ལ་སྲིན་མོའི་མཚན་མ་དགོད།། བར ་ཁྱམས་དག་ལ་དགོད་བྱ་བ།། དྲང་སྲོང་རྣམས་ཀྱི་མཚན་མའོ།། དེ་ལྟར་བྲི་བའི་ལས་བསྟན་ནས།། དེ་ཡི་སྟེང་དུ་བསྒྲུབ་བྱའི་རྫས།། ཟངས་སམ་ཐོད་པ་མཚན་ངན་དུ།། ཁྲག་སྣ་སྙིང་སྣ་སྣ་ཚོགས་དང་།། དཀར་ཟབ ་ར་ཡི་མཆིན་པ་དང་།། བ་ཡི་འོ་མ་དམེ་ཁྲག་གསུམ།། ཆུ་བདུད་ཚང་བ་དག་དང་ནི།། ས་རྡོ་དྲུབས་དང་གོང་བུ་དང་།། སྔོ་སྣ་ཕལ་དག་ཅི་འབྱོར་སྩལ།། མཱ་ར་ཡ་ཡི་ལིངྒ་དང་།། ཡུལ་གྱི་ཕོ་ཆུ་རྫི་བ་རྫིང་ས་ཡང ་དང་།། ཡུལ་གྱི་མིང་ཡང་བྲིས་ལ་སྩལ།། ཙ་ར་རོག་པོ་འགལ་ཁ་བ།། ཆ་སུ་གོང་བཞིན་གསལ་བྱས་ལ།། སྟེགས་བུའི་རྩར་གདགས་གནས་སྤོ་བྱ།། ཀླད་ཕོར་བཞི་ནི་ཁྲག་བཀང་ནས།། གདོང་མོ་བཞི་ཡི་མདུན་དུ ་བཞག། ཀླད་པོར་དེ་དག་རྣམས་སུ་ནི།། ཡ་མ་དམ་སྲིའི་ལིངྒ་དང་།། ཡུལ་གྱི་མིང་དང་སྲུང་སྔོ་ཀུན།། སྔགས་ཀྱིས་བཏབ་པ་ཕོར་པར་རྩལ།། དེ་ལ་སྲིན་མོ་བཞིས་བརྟེན་བསྒྲུབ།། ཐོད་པ་མཱ་ར་ཡ་ཡི་ཐོད་པར ་བྱ།། ཟང་བུ་མ་རའི་བུ་སྲིང་དག། གཟེད་མོར་ཤི་བའི་ཐོད་པར་བྱ།། དྲེའུ་དང་མཛོ་ཡི་ཐོད་པ་དང་།། སྨད་ལ་བསྒྲུབ་ནས་མནན་པས་འགྲུབ།། ལིངྒ་དང་བཅས་ཐོད་པ་དག། དེ་རྣམས་དགུག་ཅིང་དྲང་བར་བྱའོ།། ཧཱུཾ ་གཤེད་ཆེན་ཡ་མ་རཱ་ཙ་ནི།། ཡ་མ་དམ་སྲི་ཉམས་པའི་གཤེད།། བསྟན་པ་རྒྱ་མཚོ་བསྲུང་མཛད་ལྷ།། གྲུ་གསུམ་རྩེ་ལ་གཤེགས་སུ་གསོལ།། སྲོག་བདུད་དམར་པོ་བདུད་ཀྱི་བུ།། གཤིན་རྗེ་རྒྱལ་པོ་མེ་རུ་ཙེ།། བསྟན་པ ་གཉེན་པོ་བསྲུང་མཛད་ལྷ།། གྲུ་གསུམ་རྩེ་ལ་གཤེགས་སུ་གསོལ།། གཤིན་རྗེ་ནག་པོ་དགྲ་ཡི་གཤེད།། ནག་པོ་རགྣ་གློག་ཕྲེང་ཅན།། བསྟན་པ་རྒྱ་མཚོ་བསྲུང་མཛད་ལྷ།། གྲུ་གསུམ་རྩེ་ལ་གཤེགས་སུ་གསོལ།། ཨོཾ ་ཀྲོ་ཏ་བི་ཙ་ར་ཙ་ཧཱུཾ། ཨོཾ་ཧེ་རེ་ཏེ་པ་ག་ཙ་ཧཱཾ། ཨཽ་ཡ་མ་རཱ་ཙ་ས་ཏོ་མེ་ཡ་ཧཱུཾ། ཐོད་པ་ལིངྒ་དྲང་བྱ་བ།། དང་ལ་མ་ཉེས་དབང་བཙུགས་ལ།། དེ་ནས་དྲག་པོའི་ལས་ལ་གཟུད་།། བསྟན་པ་འཇིག་པ་འགུགས་མཛད ་པ།། ཉམས་པའི་སྲོག་གཤེད་སྲོག་གི་གཤེད།། ཡ་མ་རཱ་ཙའི་དུས་ལ་བབ།། ཐུགས་ལས་གཤིན་རྗེ་འབུམ་འགྱེད་ཅིང་།། རོལ་པའི་སྟབས་ཀྱིས་མ་མོ་འདུལ།། ཕྲིན་ལས་དམ་ཉམས་བླ་ཚེ་འགུགས།། དགྲ་བོའི་བླ་ཚེ ་ཁྱེར་ལ་ཤོག། གང་དམིགས་རྟེན་ལ་མྱུར་དུ་སྟིམས།། ཉམས་པའི་སྲོག་གཤེད་སྲོག་གི་བདུད།། མ་རུ་ཙེ་ཡི་དུས་ལ་བབ།། ཐུགས་ལས་གཤིན་རྗེ་འབུམ་འགྱེད་ཅིང་།། རོལ་པའི་སྟབས་ཀྱིས་མ་མོ ་འདུལ།། ཕྲིན་ལས་ཉམས་པའི་བླ་ཚེ་འགུགས།། ཕྲིན་ལས་ཕྱོགས་བཞི་མཚམས་བརྒྱད་ནས།། དགྲ་བོའི་བླ་ཚེ་ཁྱེར་ལ་ཤོག། གང་དམིགས་རྟེན་ལ་མྱུར་དུ་སྙིམས།། དགྲ་བོའི་སྲོག་ལེན་སྲོག་གི་བདག། གཤིན་རྗེ ་ནག་པོའི་དུས་ལ་བབ།། ཐུགས་ལས་གཤིན་རྗེ་འབུམ་འགྱེད་ཅིང་།། ཕྲིན་ལས་ཕྱོགས་བཞི་མཚམས་བརྒྱད་ཁྱབ།། རོལ་པའི་སྟབས་ཀྱིས་མ་མོ་འདུལ།། ཕྲིན་ལས་དམ་ཉམས་བླ་ཚེ་འགུགས།། དགྲ་བོའི་བླ་ཚེ་ཁྱེར ་ལ་ཤོག། གང་དམིགས་རྟེན་ལ་མྱུར་དུ་སྙིམས།། སྤྲུལ་པའི་གཤིན་རྗེ་ཐོད་པ་འདྲེན།། དྲོངས་ཤིག་སེམས་ཤིག་མྱུར་དུ་སྙིམས།། ཨཱ་ཀར་ཤ་ཡ་ནརི་ཧཱུཾ་ཛ་ཛ། བསྟན་པ་འཇིག་པ་དྲང་བཀུག་ནས།། དམིགས་པའི་རྟེན་ལ ་བསྟིམ་བྱས་ལ།། གཏད་དོ་གཏད་དོའི་ཚིག་སྒྲ་དང་།། ཤོར་ར་རེ་ཡི་ངག་ཕྱུང་སྟེ།། རྣམ་གསུམ་ཕྱག་ཏུ་གཏད་བྱས་ལ།། རི་བོ་གསུམ་གྱི་རྩེ་ལ་བསྐྱལ།། བསྐལ་པར་ཐར་པའི་དུས་མེད་པའི།། གཤིན་རྗེ་ཡུལ་དུ ་བསྐུལ་བ་ལས།། སྡུག་བསྔལ་མང་པོ་ཡ་རེ་ང་།། ཀི་ཀང་མང་པོས་སྲོག་བཅད་ནས།། གཤིན་རྗེ་རྣམས་ཀྱི་ལྷོ་རུ་སྦྱིན།། རཱ་ཧུ་ལ་ཡིས་ཁྱུར་མིད་བྱ།། བདུད་མོ་བཞི་ཡིས་རྔམ་ཟས་བྱ།། ལྷག་མ་ལུས་པ་མེད་པ ་རུ།། གཤིན་རྗེ་རྣམས་ཀྱིས་བཞེས་སུ་གསོལ།། ཐོད་པ་ལིངྒ་ལ་སོགས་པ།། དམིགས་པའི་རྟེན་ཀུན་དྲངས་བྱས་ལ།། སྐྱེད་པོ་གསུམ་ལ་བསྐུར་བར་བྱའོ།། བདུད་རོག་ཏི་ནག་པོ་བྱ་རོག་མགོ་བརྩེགས་གསང་བ་སྒྲོལ ་བྱེད་ཀྱི་རྒྱལ་པོ་ཀི་ཀང་རཀྵའི་མདོ་སྙིང་གཟེར་དྲག་པོའི་རྒྱུད་ཆེན་པོ་ལས། དཀྱིལ་འཁོར་བཅའ་གཞིའི་གསང་ཆེན་གནད་ཀྱི་ལེའུ་དྲུག་པའོ།། ། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི་ཐ ་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། ཕུང་བྱེད་དཀྱིལ་འཁོར་སྤྱན་དྲངས་ཏེ།། ཆོས་དབྱིངས་མི་མངོན་རྣམ་དག་དབྱིངས་ཀྱི་ལྷ།། བསྟན་པ་རྒྱ་མཚོ་མ་ལུས་བསྲུང་བའི ་ཕྱིར།། སྟོང་ཉིད་ངང་ལས་ཁྲོ་གཏུམ་སྐུར་བཞེངས་ཤིག། འཁོར་དང་བཅས་པས་སྤྱན་འདྲེན་གྱི།། གྲུ་གསུམ་མཐིང་ནག་རི་བོ་གསུམ་འདུས་པའི།། གནས་འདིར་སྤྱན་འདྲེན་ཚུལ་བཞིན་གཤེགས་སུ་གསོལ།། ཨོཾ་བུདྡྷ ་དྷརྨ་སང་གེ་བྷྱཿ། ཀྲོ་ཏེ་བྷྱཿཱ་རལླ། བི་བ་སརྦ་བི་ས་ར་ཧཱུཾ་ཛ། དབྱིངས་དང་ཡེ་ཤེས་རོལ་པའི་དཀྱིལ་འཁོར་ནས།། གྲུ་གསུམ་མཐིང་ནག་ཨེ་ཡི་གནས་མཆོག་འདིར།། ཡ་མཱནྟ་ཀ་ཡབ་ཡུམ་གཤེགས་སུ་གསོལ།། ཞེ ་སྡང་མེ་ལྟར་འབར་བའི་དཀྱིལ་འཁོར་ནས།། ཡཀྵ་ཛ་ལ་འབར་བ་གཤེགས་སུ་གསོལ།། འདོད་ཆགས་ཁྲག་མཚོ་ཁོལ་མའི་དཀྱིལ་འཁོར་ནས།། ཀླུ་མོ་རྡོ་རྗེ་གློག་འགྱུ་གཤེགས་སུ་གསོལ།། ཚང་སྐོང་རྒྱ་མཚོ་ཀློང ་དཀྱིལ་གཏིང་རུམ་ན།། མ་མོ་ལས་ལ་འཁྲུག་པའི་དཀྱིལ་འཁོར་ནས།། ཕུང་བྱེད་ལྗང་སྔོན་དྲག་པོ་གཤེགས་སུ་གསོལ།། ཤར་ལྷོ་དྲང་སོང་རོལ་པའི་དཀྱིལ་འཁོར་ནས།། དྲང་སྲོང་མཐུ་ཆེན་སྒྲོལ ་བདག་གཤེགས་སུ་གསོལ།། བྱང་ཕྱོགས་བདུད་དཔུང་འཁྲུག་པའི་དཀྱིལ་འཁོར་ནས།། བདུད་དཔོན་རོག་ཏི་འབར་བ་གཤེགས་སུ་གསོལ།། ལྷོ་ནུབ་སྲིན་པོ་རོལ་པའི་དཀྱིལ་འཁོར་ནས།། སྲིན་པོ་བྱི་ཏྲི་པ་ཏྲ ་གཤེགས་སུ་གསོལ།། ཤར་ཕྱོགས་དམུ་བདུད་ཚོགས་ཀྱི་དཀྱིལ་འཁོར་ནས།། ཕུང་བྱེད་བྷི་ནུ་རཱ་ཙ་གཤེགས་སུ་གསོལ།། ནུབ་བྱང་གཤིན་རྗེ་རོལ་པའི་དཀྱིལ་འཁོར་ནས།། དུ་བ་མཇུག་རིང་ཆེན་པོ་གཤེགས་སུ ་གསོལ།། ལྷོ་ཕྱོགས་ཀླུ་བཙན་འཁྲུག་པའི་དཀྱིལ་འཁོར་ནས།། མི་བསྒྲུངས་ཁྱབ་མཇུག་ཆེན་པོ་གཤེགས་སུ་གསོལ།། བྱང་ཤར་བགེགས་ཆེན་གཏུམ་ཁྲོའི་དཀྱིལ་འཁོར་ནས།། བགེགས་དཔོན་གཟའ་བདུད་སྒྲ ་གཅན་གཤེགས་སུ་གསོལ།། མགོ་དཔུང་ཡན་ལག་དུར་ཁྲོད་དཀྱིལ་འཁོར་ནས།། སྡེ་བརྒྱད་རོལ་པའི་མཐུ་ཆེན་གཤེགས་སུ་གསོལ།། སྟོང་གསུམ་ཤར་ཕྱོགས་ནམ་མཁའི་དཀྱིལ་ཡངས་ནས།། སྲིང་གཅིག་སྟག ་སྲིན་ཟོར་གདེང་གཤེགས་སུ་གསོལ།། གླིང་བཞི་ལྷོ་ཕྱོགས་ནམ་མཁའི་དཀྱིལ་ཡངས་ནས།། སྲིང་གཅིག་བམ་སྲིན་དྲེད་གདོང་གཤེགས་སུ་གསོལ།། གླིང་བཞི་ནུབ་ཕྱོགས་ནམ་མཁའི་དཀྱིལ་ཡངས་ནས།། སྲིན ་གཅིག་ཀོང་སྲིན་བམ་གདོང་གཤེགས་སུ་གསོལ།། འཇིག་རྟེན་བྱང་ཕྱོགས་ནམ་མཁའི་དཀྱིལ་ཡངས་ནས།། སྲིང་གཅིག་འབྲོག་སྲིན་ཆུ་སྲིན་གཤེགས་སུ་གསོལ།། དྲེགས་པ་མི་བསྒྲུངས་ཕོ་མོ་འཁོར་དང ་བཅས།། མཐུན་པའི་དམ་རྫས་གཉེན་ལ་སྤྱན་འདྲེན་གྱི།། བསྟན་པ་བསྲུང་ཕྱིར་མ་ཐོགས་མྱུར་དུ་གཤེགས།། ཨོཾ་སརྦ་ཏ་ཐཱ་ག་ཏ་ས་མ་ཡ། ཨེ་ཧྱེ་ཧི། པྲ་བྷ་བ། ཨ་ར་ལི། ཧེ་ཏྲི་སརྦ་པྲ་བུདྡྷ། ཛཿཧཱུཾ་བ་ཧོཿ།། བི་ས་ར་ཧེ ་ཧི་ཛ་ཛ། ཐུགས་རྗེས་ལོག་འདྲེན་འདུལ་མཛད་དཀྱིལ་འཁོར་ཚོགས།། གཤེད་པོ་ཡབ་ཡུམ་ལྕམ་དྲལ་སྲས་དང་བཅས།། དྲེགས་པ་མི་བསྒྲུངས་ཕོ་མོ་ལ་སོགས་པ།། བསྟན་པ་བསྲུང་ཕྱིར་གཉིས་མེད་བཞུགས་སུ ་གསོལ།། ཨཱིཾ་སརྦ་ཏ་ཐཱ་ག་ཏ། ཡ་མཱནྟ་ཀ། ཛཿཧཱུཾ་བཾ་ཧོཿ།། ཀ་ཡ་བཱག་ཙིཏྟ། ས་མ་ཡ་ཏིཥྛ་ལྷ་ན། ཨོཾ་ཨཱ་ཧཱུཾ། ཐུགས་རྗེས་གདུག་པ་མ་ལུས་འདུལ་མཛད་པ།། དྲེགས་པ་འདུལ་མཛད་འབར་བའི་དཀྱིལ་འཁོར ་མཆོག། ཁྲོ་བོའི་རྒྱལ་པོ་འཇིགས་བྱེད་གཤིན་རྗེའི་གཤེད།། བརྗིད་པའི་འོད་ཕུང་ལྡན་ལ་ཕྱག་འཚལ་ལོ།། མཉམ་ཉིད་ཐུགས་མངའ་གདུག་འདུལ་ཡུམ་ཆེན་མོ།། ཆགས་པའི་རོལ་པས་ཐུགས་རྗེའི་འོད་ཟེར ་འཕྲོ།། གཡས་གཡོན་འཁྲིལ་སྦྱོར་བརྗིད་པས་འཁོར་འཁོར་བ་ཡང་རྣམས་འདུལ།། དབྱིངས་ནས་ཁྲོ་མཆོག་སྐུ་ལ་ཕྱག་འཚལ་ལོ།། དུག་ལྔ་ཀུན་འདུལ་ཐུགས་རྗེའི་བྱིན་རླབ་ཀྱིས།། ལྕམ་དྲལ་སྐུ་འཁྲུངས་འཇིག་རྟེན ་ཀུན་གྱི་མེས།། ཀི་ཀང་སྒྲ་སྒྲོགས་སྲིད་གསུམ་སྤ་བཀོང་བའི།། ཐུགས་རྗེ་རོལ་པའི་གསལ་ལ་ཕྱག་འཚལ་ལོ།། རྔམ་ཆེན་སྲིད་གསུམ་སྒྲོལ་བའི་སྟོབས་མངའ་བའི།། སྲོག་སེར་ལས་ཀྱི་མངའ་བདག ་ཕུང་བྱེད་ཚོགས།། ལྕམ་དྲལ་འགལ་བྱེད་འདུལ་བའི་འཁོར་དང་བཅས།། རྣལ་འབྱོར་གདུང་བའི་ཡིད་ཀྱིས་ཕྱག་འཚལ་ལོ།། ཨ་ལ་ལ་ཧོ།། མ་ཧ་གུ་ཧྱ་ས་མ་ཡ།། ཕུ་རུ་ཤ་མ་ཧོ།། གདུག་པ་མ་ལུས་འཇོམས་ཤིང ་སྒྲོལ།། གཤིན་རྗེ་རཱུ་ཏྲ་ཀུན་འདུལ་བ།། བཅོམ་ལྡན་མགོན་པོ་ཡབ་ཡུམ་ལ།། དམེ་གཏོར་ཁྲག་དང་རབ་སྦྱར་བའི།། དུར་ཁྲོད་རྫས་ཀྱི་མཆོད་པ་འབུལ།། འཇིག་རྟེན་མི་འགྱུར་ཞེ་སྡང་སྐུ།། གདུག་བྱེད་སྲིན་པོའི་ཚུལ ་ཅན་ལ།། ཤ་ཁྲག་གསུར་བཅས་འདི་འབུལ་གྱི།། རྔམ་པའི་ཞལ་དུ་ཐིམ་པར་བཞེས།། བ་སུ་རིགས་བརྒྱད་ཀུན་འདུལ་བའི།། ཐོག་སྨན་རཀྟའི་ལྕམ་གཅིག་མ།། དཀར་གསུམ་དྲི་དང་བདུག་པ་འདི།། དམིགས་ཤིང ་དབུལ་ལོ་བཞེས་སུ་གསོལ།། དུག་ལྔ་འཆོལ་བའི་དཔོན་སྲས་མཆེད།། སྡེ་བརྒྱད་འཇིགས་བྱེད་ཀྱང་རོལ་པའི་ལྕམ་དྲལ་ལ།། དཀར་གསུམ་རྫས་ཀྱི་མཆོད་པ་འབུལ།། གཙང་སྨེ་མེད་པར་རོལ་དུ་གསོལ།། ཨོཾ་སརྦ་ཨ་མྲྀ ་ཏ་བ་བ་ཧ་རེ་ནི་སྭཱ་ཧཱ་ཨཱིཾ་ཨཱཿཧཱུཾ། ས་མ་ཡ་སྟམ། ཧ་ཧ་ཧེ་ཧེ་མ་ཏྲང་ཁ། ཀ་རུག་ཤ། སརྦ་ཀྵེ་བཾ་ཏི་ཁ་ཁ་ཤ་ཏ་བ་ལ་ཁ་རམ་ཁཱ་ཧེ་ཁ་ལེ་བྷྱོ་བྷྱོ།། ཧ་ཧེ་རཀྐ་ཁཱ་ཧི། རཀྟ་རུ་ཏི་རུ་བ་ལིང་ཏ་ཁ་རམ། པི་བ་ཨ་ར་ལི། པི་བ ་སརྦྦ་བི་ས་ར། ཏྲ་ཏྲད་ས་སྙད་གནྡྷ་སྭཱ་ཧཱ།། སྔགས་པ་རྣལ་འབྱོར་ལྡན་པ་ཡིས།། ཛཿཧཱུཾ་བཾ་ཧོཿའི་ཕྱག་རྒྱ་དང་།། བེ་ཅོན་སྡིགས་མཛུབ་རབ་བསྒྲེངས་ནས།། དབྱིངས་ནས་བསྐུལ་ཞིང་སྤྱན་དྲངས་ལ།། གཉིས་མེད ་བསྟིམ་རྫོགས་མཆོད་པར་དབུལ།། ང་ཡིས་བསྟེན་པའི་གསང་སྒྲུབ་འདིས།། ལྔ་བརྒྱ་ཐ་མའི་དུས་སུ་འབྱུང་།། དེ་དུས་དད་མོས་གང་བསྒྲུབ་པ།། སྐུ་གསུང་ཐུགས་ཀྱི་དངོས་གྲུབ་མཆོག། ངེས་པར་ཐོབ་ཅིང་གཟི ་བརྗིད་ཆེ།། འཇིག་རྟེན་འདིར་ཡང་གསད་གསོ་དང་།། སྲིད་པ་སྒྲུབ་པར་ཐེ་ཚོམ་མེད།། བདུད་རོག་ཏི་ནག་པོ་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རཀྵའི་མདོ་སྙིང་གཟེར་དྲག་པོའི་རྒྱུད་ལས། ཕུང་བྱེད་ཕྲིན་ལས ་ཀྱི་རྒྱུད་ཆེན་པོའི་ལེའུ་བདུན་པའོ།། །། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། དམྱལ་བ་རྡོ་རྗེ་བྱེད་པ་དང་།། སྡང་སེམས་ངན་པས་མནར་བ་ཀུན།། གོས་སུ་རེ་བ་གྱོན ་ནས་ནི།། ཟས་སུ་ལྕི་བའི་ཟས་ལ་ཟ།། སྲོག་གཅོད་སྡིག་ལ་དགའ་བ་དང་།། དེ་འདྲའི་ལས་ཀྱིས་མཚམས་སྦྱར་ནས།། རུ་ཏྲའི་གནས་ཀུན་རྒྱུད་མར་ལེན།། དེ་འདུལ་གཉེན་པོར་བཀའ་འདི་སྲུངས།། བདུད་པོ་རོག་ཏི ་ནག་པོ་སྟེ།། བྱ་རོག་མགོ་བརྩེགས་ཀི་ཀང་འདི།། གཤིན་རྗེ་གཤེད་པོ་ང་ཉིད་ཀྱིས།། དམ་བཏགས་དམ་བསྩལ་ཟས་སུ་ནི།། བསྟན་པ་འཇིག་པ་རྣམས་བྱིན་པས།། འདི་ཉིད་བསྒྲུབ་པའི་དུས་སུ་ནི།། དང་ལ་གཙོ་བོ ་ཡབ་ཡུམ་བསྐྱེད།། དེ་ནས་འཁོར་རྣམས་རིམ་གྱིས་སོ།། དེ་ལ་ཐོག་མར་སྔགས་པ་ཡིས།། ཀུ་ཤའི་སྟན་ལ་མཉམ་གནས་ལ།། འཁོར་འདས་ཆོས་རྣམས་དམིགས་མེད་ཅིང་།། ཡེ་མེད་བདལ་བའི་ངང ་ཉིད་ལས།། ཁྱབ་གད་ལ་སྙིང་རྗེའི་ངོ་བོ་ནི།། བདེ་གཤེགས་ཀུན་གྱི་ཐུགས་ཉིད་དེ།། མཐིང་ནག་ཡ་ཡི་འཕྲོ་འདུ་ལས།། བདེ་གཤེགས་སྐུ་གསུང་ཐུགས་བསྐུལ་ཞིང་།། མཐིང་ནག་བེ་ཅོན་ཉིད་དུ་གསལ།། འོད་ཟེར ་སྣ་ལྔའི་འཕྲོ་འདུ་ལས།། འབྱུང་བའི་དཀྱིལ་འཁོར་རིམ་གྱིས་ཆགས།། ཨེ་ཡཾ་ཁཾ་སྱཱཾ་རཾ་ཀེ་བྷྲཱུཾ།། དུར་ཁྲོད་རོལ་པའི་དཀྱིལ་འཁོར་ནི།། ཡི་དྭགས་ཀི་ཐོད་ལང་ལོང་འཕྱོ།། རྩིབས་བཞི་ལྟེ་དབུས་ཨེ་ཡི་གནས།། བར ་ཁྱམས་སྒོ་བཞི་རབ་ཏུ་གསལ།། ཨེ་ཙཀྲ་མཎྜལ།། མཐིང་ནག་ཨེ་ཡི་ཕོ་བྲང་དུ།། མི་རོ་རྟ་རོའི་གདན་སྟེངས་སུ།། བཅུ་པ་སྐུ་ཡི་བསྐྱེད་སྔགས་ཀྱིས།། གཤིན་རྗེ་གཤེད་ཉིད་འབར་བའི་སྐུ།། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ། ་ཧཱུཾ།། སྟག་ཟིལ་ཆུ་ནག་རླབ་འདྲ་བའི།། མཐིང་ནག་གྲུ་གསུམ་སྲིད་རྩེར་འབར།། ཐོད་སྐམ་ཉི་ཟླ་རབ་གསལ་བའི།། སྦྲུལ་ནག་ཐོད་ཀྱིས་རྣམ་པར་བརྒྱན།། སྤྱན་དཀྱུས་ཤིན་ཏུ་རིང་བ་ནི།། གཡོན་གསུམ་ཐུགས ་རྗེས་ཐུར་དུ་གཟིགས།། ངན་སོང་སྡུག་བསྔལ་ཕྱགས་མས་འདེབས།། གཡས་གསུམ་སྡང་མིག་ཞེ་ལ་གནོན།། འཇིག་རྟེན་དྲེགས་པའི་ཚོགས་རྣམས་འདར།། དབུས་གསུམ་མཐའ་འདས་མི་གཡོའི་སྤྱན།། གཟིགས ་པ་མེད་པའི་ཚུལ་གྱིས་གཟིགས།། སྤྱན་མིག་དམར་སེར་ཤིན་ཏུ་ལྕི།། འབྲས་བུ་མཐིང་ནག་འདྲིལ་ལ་འཚེར།། སྨིན་མ་གློག་འགྱུས་སྟོང་ཁམས་གསལ།། རྫི་མ་ལྕགས་ཀྱུ་ཤིན་ཏུ་འཁྲུགས།། སྙན་ནས་འབྲུག་སྒྲོགས ་སྟོང་གསུམ་འགེངས།། ཤངས་ནས་རླུང་འཚུབས་རྡོ་རྗེར་འཕྲོ།། ཞལ་གདངས་གྲུ་གསུམ་ཧོམ་ཁུང་དབྱིབས།། ཚེམས་ཀྱིས་སྐྱེ་ཤི་རྩད་གཅོད་པ།། མཆེ་བ་བཅུ་གཉིས་དཀར་ལ་འཚེར།། ཟུར་གསུམ་རི་རབ་ཕུར་བུས ་བསྣོལ།། ལྗགས་ཀྱིས་དུག་གསུམ་རིལ་མིད་མཛད།། ཨག་ཚོམ་མེ་སྟག་དམར་པོས་མཛེས།། བཅུ་བདུན་གདུག་པའི་གསུང་སྒྲ་ཡིས།། སྟོང་གསུམ་སྤྲུལ་པས་འགེངས་པའོ།། ཕྱག་དྲུག་འབར་བའི་གཡས་དང ་པོ།། བེ་ཅོན་འཕྱར་ཞིང་ནམ་མཁར་གདེངས།། གཡས་པར་གཡས་ཀྱི་ཐ་མ་ན།། རལ་གྲི་ལྕགས་ཀྱུ་རབ་བསྣམས་པ།། གཡོན་གྱི་དང་པོ་བྷ་ན་དམར་རྔུབ།། བར་མ་དེ་བཞིན་སྡིགས་མཛུབ་བསྒྲེང་།། ཐ་མས་ས་གཞི ་རབ་མནན་ནས།། རཀྟའི་རྒྱ་མཚོ་འཁྲུགས་པའོ།། བ་སྤུ་རྩང་ཕུར་གཤིབས་པ་ལས།། མེ་སྟག་ཐུ་ལུམ་རབ་ཏུ་འཁྲུགས།། སྟོབས་དང་བྱཱ་གྷཱ་ཅར་མ་དང་།། ཚངས་པའི་གཡང་གཞིན་ན་བཟར་བཀླུབས།། རུ་དྷི ་རཀྟ་ཐལ་བས་མཚན།། གདུག་སྦྲུལ་རིགས་བཞིས་ཡན་ལག་དཀྲིས།། རྣམ་དྲང་ཐོད་རློན་འབར་བས་ཀྱང་།། སེ་རལ་ཁ་རུ་བརྒྱན་པའོ།། ཞབས་ནི་ན་རག་དམྱལ་ཁམས་གཟིར།། མེ་དཔུང་གདུག་པའི་ཀློང་དཀྱིལ ་ན།། རྔམ་བརྗིད་སྟོབས་ཀྱིས་གནས་པར་བསམ།། སྦྱོར་སྒྲོལ་ཡུམ་གྱི་སྒྲ་བསྐྱེད་པ།། ཀུན་གཞི་དབྱིངས་ཀྱི་ངོ་བོ་ནི།། ཁྲོ་མཆོག་ཉིད་ཀྱི་གཡས་གཡོན་དུ།། དམར་སྡུག་མ་གཉིས་སྤྲོ་བསྡུས་པས།། སྦྱོར ་སྒྲོལ་ཡུམ་མཆོག་ཁྲོས་པའི་སྐུ།། རོ་ལངས་གཡོན་ནས་འཁྲིལ་ཤིང་སྦྱོར།། དམར་ཆེན་གཙོ་བོའི་ཞལ་དུ་སྟོབ།། སྒྲོལ་བྱེད་མཐིང་ནག་གཡས་ཕྱོགས་ནས།། ཙིཏྟ་ཁ་ཊྭཱཾ་ཕྱག་ན་བསྣམས།། རྒྱན་དང་ཆ་ལུགས་ཡབ་དང ་མཐུན།། མེ་དཔུང་ཀློང་ན་དེ་བཞིན་གཤེགས།། མ་བེ་ཏཱ་ལི་རཀྐ་མན་ཧཱུཾ་བྷྱོ།། མ་ཨེ་ཀ་ཛ་ཊི་ཏྲག་ཤ་བྷྱོ།། དེ་ནས་གཙོ་བོའི་ཐུགས་ཀ་ནས།། འོད་ཟེར་སྣ་ལྔའི་སྤྲོ་བསྡུ་ཡིས།། མཐིང་དམར་གཉིས་ཀ་འོད་དུ ་འབར།། སྒྲོ་བསྡུས་དབྱུག་ཏོ་ཐོད་རློན་གསལ།། དབྱུག་ཏོ་འོད་ཀྱི་ཁྱད་པར་ལས།། བདུད་པ་སྐུ་ཡི་བསྐྱེད་སྔགས་ཀྱིས།། གཡས་ཕྱོགས་ཟླ་གམ་རཀྟའི་དཀྱིལ།། ཀེང་རུས་གྲམ་བུའི་གདན་སྟེང་དུ།། ཡཀྵ་ཛ་ལ་ཞེ ་སྡང་སྐུ།། སྔོ་ནག་སྐུ་གཅིག་དབུ་གསུམ་བརྗིད།། དབུ་གཡས་སེང་ཆེན་ཁ་གསལ་དང་།། དབུ་གཡོན་ཕག་རྒོད་རྔམ་ཚུལ་ཅན།། དབུས་མ་སྲིན་པོའི་མཆེ་གཙིགས་ཅན།། དབུ་སྐྲ་རལ་པ་དམར་ནག་ལ།། རྒྱུ་སྐར ་ཚོགས་ཀྱི་ཐོད་གདེངས་ཅན།། སྤྱན་གསུམ་སྨིན་མ་མེ་འབར་ཞིང་།། སྙན་ནས་འབྲུག་སྒྲ་དྲག་པོ་འབྱིན།། ཤངས་ནས་ནད་འཐུལ་སྤྲིན་དུ་འཁྲུགས།། ཞལ་གདངས་ལྗགས་འདྲིལ་མཆེ་གཙིགས་ཤིང་།། བ་སྤུ་ཁ་ཊྭཱཾ་རྩེ ་མོ་ལས།། ཐོག་སེར་ཐུ་ལུམ་འཁྲུགས་པའོ།། ཕྱག་གཡས་དབྱུག་ཏོ་ཕྱར་ཞིང་བརྡེག། ཕྱག་གཡོན་ཁྲག་མཚོ་འཁྲུག་ཅིང་རྔུབ།། བརྐྱང་བསྐུམ་ཞབས་བགྲད་འཆི་བདག་གཟུགས།། སྦྲུལ་གདུག་ཀོ་རློན་ཚོགས་རྣམས ་དང་།། ཐལ་བའི་རྒྱན་གྱིས་མཚན་པའོ།། ཨཽ་ཡཀྐ་ཛ་ལ་ནི་ཧཱུཾ། ཐོད་རློན་འོད་ཀྱི་ཁྱད་པར་ལས།། བདུན་པའི་སྐུ་ཡི་བསྐྱེད་སྔགས་ཀྱིས།། གཡོན་ཕྱོགས་ཟླ་གམ་རཀྟའི་དཀྱིལ།། ཀེང་ཐོད་ཡི་དྭགས་གདན་སྟེང ་དུ།། ཀླུ་མོ་རྡོ་རྗེ་གློག་འགྱུ་མ།། དམར་ནག་སྐུ་གཅིག་དབུ་གཉིས་བརྗིད།། དབུ་གཅིག་བན་གླང་འབྲུག་སྒྲ་འདོན།། དབུ་གཅིག་ཆུ་སྲིན་སྒྲ་ཡང་འབྱིན།། རལ་པ་སྤྲུགས་པའི་སྒྲ་གསེབ་ནས།། སྡོམ་སྡིག་ཆུ་སྲིན་ཆར ་དུ་འབེབས།། བ་སྤུ་ཐོག་འབེབས་མེ་འབར་ཞིང་།། ཁ་རླངས་ཡམས་ནད་སྤྲིན་དུ་འཁྲིགས།། ཕྱག་གཡས་སྦྲུལ་ཞགས་ནག་པོ་བསྣམ།། ཕྱག་གཡོན་ཁྲག་ཟོར་མདང་འཕེན་ཞིང་།། མཛེ་ཤུག་ཡན་པའི་སྟོང་སླག ་ལ།། སྦྲུལ་ནག་བརྗིད་པའི་གོ་ཟླ་ཅན།། ཐ་མ་ཉ་ཕྲན་ཆགས་མཛེས།། བ་སུ་རིགས་བརྒྱད་འཁོར་དུ་སྡུད།། ཀླུ་ཕྲན་ཚོགས་དང་བཅས་པ་བསྐྱེད།། ཨོཾ་ནཱ་ག་སེར་རཀློ་ཧཱུཾ། དེ་ནས་གཙོ་བོའི་གཡས་ཕྱོགས་ནས།། ཀླུ ་སྲིན་གདུག་པ་ལྕམ་དྲལ་གྱིས།། འདོད་ཆགས་སྐད་ངན་ཀི་ཀང་སྒྲུབ།། ཡིད་གཡོས་ཆགས་པའི་གཟེར་མདའ་ཡིས།། སྣང་སྲིད་སྲོག་མདངས་ཀུན་ཕྲོགས་ནས།། སླར་འདུས་འབྲུ་བརྒྱད་འོད་དུ་འབར།། མ་ཙ་དུ་ར་ཨ ་ཡན་ཤ། ནུབ་ཕྱོགས་པར་ཁྱམས་ཁྲག་མཚོ་ལ།། དམར་ལྡང་མ་ཡི་འཕྲོ་འདུ་ལས།། འབྲུ་ལྔ་ཕུང་བྱེད་བསྐྱེད་སྔགས་ཀྱིས།། ལྗང་སྔོན་དྲག་པོ་ཁྲོས་པའི་སྐུ།། ཁ་གདངས་མཆེ་གཙིགས་མིག་བགྲང ་ཅིང་།། སྣ་འབུད་རྣ་ཀྲོངས་རལ་པ་གཟིངས།། གཡས་ན་ཆུ་སྲིན་ཞགས་པ་ཐོགས།། གཡོན་ན་ལྕགས་སྒྲོག་དམར་པོ་ཅན།། ཐོག་སེར་གྲི་ཐབས་གཏོང་བའི་བདག། མ་རཀྵོ་བཾ་ཧཱུཾ། ཤར་ལྷོ་བར་ཁྱམས་ཁྲག་མཚོ་ལ།། ་དཀར་སེར་ཙ་ཡི་ཕྲོ་འདུ་ལས།། དྲང་སྲོང་དཀར་སེར་ཁྲོས་པའི་སྐུ།། ཁ་གདངས་མཆེ་གཙིགས་མིག་བགྲད་ཅིང་།། སྣ་འབུད་རྣ་ཀྲོངས་རལ་ཆེན་གཟིངས།། གཡས་ན་ཆུ་སྲིན་ཞགས་པ་ཐོགས།། གཡོན་ན་ཏྲི་ཤཱུལ ་གཡབ་ནག་འདོར།། ཐོག་སེར་ཡམས་ནད་གཏོང་བའི་བདག། ཙ་བ་དེ་པེ་ལེ་ཧཱུཾ། བར་ཁྱམས་བྱང་ཕྱོགས་ཁྲག་མཚོ་ལ།། མཐིང་ནག་དུ་ཡི་འཕྲོ་འདུ་ལ།། བདུད་པོ་རོག་ཏི་མཐིང་ནག་སྐུ།། ཁ་བགྲད་མཆེ་གཙིགས ་དེ་བཞིན་ཏེ།། གཡས་ན་ཆུ་སྲིན་ཞགས་པ་ཐོགས།། གཡོན་ན་བདུད་ཞགས་ནག་པོ་ཐོགས།། ཐོག་སེར་ཡམས་ནད་གཏོང་བའི་བདག། གྱད་ཚུལ་སྟབས་ཀྱིས་གནས་པའོ།། དུ་རམ་མི་ཀི་ཧཱུཾ། བར་ཁྱམས་ལྷོ་ནུབ ་ཁྲག་མཚོ་ལ།། དམར་ནག་ར་ཡི་འཕྲོ་འདུ་ལས།། སྲིན་པོ་བྱི་ཏྲི་ཁྲོས་པའི་སྐུ།། ཁ་བགྲད་མཆེ་གཙིགས་དེ་བཞིན་ཏེ།། གཡས་ན་ཆུ་སྲིན་ཞགས་པ་ཐོགས།། གཡོན་ན་ཨུར་མོ་གྲི་ཆེན་གདེངས།། ནད་དང་འཁྲུག ་པ་ཐོག་སེར་བདག། ཕྱ་རང་གཟུགས་ཆེན་འགྱིངས་ཤིང་གནས།། རགྣ་ཏྲི་ཨ་ཧཱུཾ།། བར་ཁྱམས་ཤར་ཕྱོགས་ཁྲག་མཚོ་ལ།། དུང་ཀ་ཨ་ཡི་འཕྲོ་འདུ་ལས།། ཕུང་བྱེད་དམུ་བདུད་བརྗིད་པའི་སྐུ།། ཁ་བགྲད་མཆེ ་གཙིགས་དེ་བཞིན་ཏེ།། གཡས་ན་ཆུ་སྲིན་ཞགས་པ་ཐོགས།། གཡོན་ན་སྟག་ཆེན་མི་མགོ་ཐོགས།། དམུ་རྡོ་ཐོག་སེར་ཡམས་ཀྱི་བདག། རང་ལས་བཙན་ཐབས་བྱེད་པའོ།། ཨ་ཏྲིར་མ་ཏྲ་མ་ཧཱུཾ། བར་ཁྱམས་ནུབ་བྱང ་ཁྲག་མཚོ་ལ།། སྔོ་ནག་ཡ་ཡི་འཕྲོ་འདུ་ལས།། གསོད་བྱེད་མཇུག་རིངས་ཁྲོས་པའི་སྐུ།། ཁ་བགྲད་མཆེ་གཙིགས་དེ་བཞིན་ཏེ།། གཡས་ན་ཆུ་སྲིན་ཞགས་པ་ཐོགས།། གཡོན་ན་ཐོད་དབྱུག་འཕྱར་ཞིང་བརྡེག། སྐྱེ ་འགྲོའི་ཚེ་སྲོག་ཐོག་སེར་བདག། བརྡའ་མི་འཕྲོད་པའི་བཙན་ཐབས་ཅན།། རོལ་པའི་སྟོབས་ཀྱིས་གནས་པའོ།། ཡ་མ་ས་ན་ཡམ་ཧཱུཾ།། བར་ཁྱམས་ལྷོ་ཕྱོགས་ཁྲག་མཚོ་ལ།། སེར་ནག་ན་ཡི་འཕྲོ་འདུ་ལས།། ཁྱབ ་འཇུག་སེར་ནག་བརྗིད་པའི་སྐུ།། དེ་བཞིན་ཁ་བགྲད་མཆེ་གཙིགས་ནས།། གཡས་ན་ཆུ་སྲིན་གདུག་པ་ཕྱར།། གཡོན་ན་སྦྲུལ་ནག་སུམ་སྒྲིལ་སྡོག། ཐོག་དང་སེར་བ་ས་གཡོས་དང་།། དྲག་ཤུལ་སྟོབས་ཀྱིས་གནས ་པའོ།། ན་ག་རི་ཧཱུཾ། བར་ཁྱམས་བྱང་ཤར་ཁྲག་མཚོ་ལ།། དཀར་དམར་ཤ་ཡི་འཕྲོ་འདུ་ལས།། མི་བསྒྲུངས་སྒྲ་གཅན་ཁྲོས་པའི་སྐུ།། ཁ་གདངས་མཆེ་གཙིགས་མིག་བགྲད་ཅིང་།། སྣ་འབུད་རྣ་ཀྲོངས་རལ་པ ་གཟིངས།། གཡས་ན་ཆུ་སྲིན་གདུག་པ་ཕྱར།། གཡོན་ན་ཁྲམ་ཤིང་རྡོ་རྗེ་ཅན།། ཐོག་སེར་འཐིབ་གྲིའི་ལས་མཁན་པ།། རོལ་པའི་སྟབས་ཀྱིས་གནས་པའོ།། ཤ་ཨི་སན་ཏྲི་ཧཱུཾ། ཕུང་བྱེད་ཆེན་པོ་འདི ་རྣམས་ནི།། རེ་རེ་བསྐུལ་ཀྱང་དགུ་དཔུང་ཆེ།། ཕུང་ལས་སྣ་ཚོགས་བསམ་མི་ཁྱབ།། གཟའ་བདུད་རྒྱུ་སྐར་ཐབས་ཀྱིས་རོལ།། ཕན་གནོད་ལས་ལ་བརྩོན་པའོ།། ཀི་ཀང་རོལ་པ་སྡེ་བརྒྱད་དཔོན།། ཐོག་སེར་ཡམས ་ནད་སྣ་ཚོགས་དང་།། ས་གཡོས་འཁྲུག་པ་འབྱུང་ལྔའི་བདུད།། ཀུན་ཏུ་ཁྱབ་ཅིང་ཀུན་ལ་འཇུག། སྲིད་གསུམ་སྒྲོལ་བའི་ལས་མཁན་དེ།། སྔགས་པས་གསལ་བསྒོམ་དྲག་བསྐུལ་ནས།། རྩིབས་བཞི་འཁོར་ལོའི་གདན ་སྟེངས་སུ།། མ་ཙ་ཤ་ཡི་འོད་འཕྲོས་པས།། འབྱུང་བཞི་སྐྱེ་དགུའི་སྲོག་བསྡུས་ནས།། སེར་ནག་མ་ཡི་ངོ་བོ་ལས།། བདུན་པ་སྐུ་ཡི་བསྐྱེད་སྔགས་ཀྱིས།། སྟག་སྲིན་སེར་ནག་སྟག་གི་མགོ། རལ་དམར་གསེར་གྱི་ཟོར ་བས་བརྒྱན།། སྟག་ལྤགས་རློན་པའི་ཡ་བས་བསྐོར།། སྙན་ནས་འབྲུག་སྒྲ་དྲག་པོ་སྒྲོགས།། སྤྱན་ནས་ཁྲག་གི་མཆི་མ་འཛག། ཤངས་ནས་རྫི་འབུད་ལོ་ཉེས་གཏོང་།། ཞལ་གདངས་གློག་འགྱུ་ལྗགས་ལས ་ཀྱང་།། ཁྲག་ཆེན་སེར་བ་དྲག་ཏུ་འབེབས།། ངན་སྐྱུགས་ཕོ་ལོག་སྤོས་ནད་གཏོང་།། ཁ་རླངས་སྤྲིན་ལས་ཐོག་སེར་འབེབས།། ཐུགས་ལས་ལྟས་ངན་སྤྲུལ་པ་འགྱེད།། གཡས་ན་བསེ་ཕུར་འདྲིལ་ཞིང ་འདེབས།། གཡོན་ན་ཁྲག་ཟོར་དལ་ཁ་འབེབས།། ཆིབས་སུ་སྲེག་བྱེད་ཉི་མ་ཆིབས།། ཤར་ཕྱོགས་འཁོར་ལོའི་རྩིབས་སྟེང་ནའོ།། རག་མོ་ཙིཏྟ་ཤ་ལ་མ་བྷྱོ།། སྨུག་ནག་ར་ཡི་ངོ་བོ་ལས།། བདུན་པ་རྒྱུ་ཡི་བསྐྱེད ་སྔགས་ཀྱིས།། བམ་སྲིན་སྨུག་ནག་དྲེད་མགོ་མ།། རལ་ནག་ལྕགས་ཀྱི་ཁྲོ་ཆུ་འཛག། དྲེད་ཀྱི་གཡང་གཞི་ཡ་བས་བསྐོར།། སྙན་ནས་འབྲུ་སྒྲ་དྲག་པོ་འབྱིན།། སྤྱན་ནས་ཁྲག་གི་མཆི་མ་འཛག། ཤངས་ནས་རྫི་འབུད ་ལོ་ཉེས་གཏོང་།། ཞལ་གདངས་གློག་འགྱུ་ལྗགས་ལས་ཀྱང་།། གནམ་ལྕགས་སེར་བ་དྲག་ཏུ་འབེབས།། ངན་སྐྱུགས་གླང་སྣའི་ནད་གཏོང་ཞིང་།། ཁ་རླངས་སྤྲིན་ལས་ལྕགས་ཐོག་འབེབས།། ཐུགས་ལས་ལྟས་ངན ་སྦྲུསྤྲུལ་པ་འགྱེད།། གཡས་ན་གནམ་ལྕགས་སྟ་ཆེན་འཕྱར།། གཡོན་ན་གདུག་པའི་སྦྲུལ་ཞགས་ཐོགས།། རོལ་པའི་སྟབས་ཀྱིས་ཟླ་བ་ཆིབས།། ལྷོ་ཕྱོགས་འཁོར་ལོའི་སྟེང་ནའོ།། རམ་མོ་རུ་རུ་ཁ་རག་བྷྱོ།། དམར་ནག ་ཙ་ཡི་འཕྲོ་འདུ་ལས།། བདུན་པ་སྐུ་ཡི་བསྐྱེད་སྔགས་ཀྱི།། ཀོང་སྲིན་དམར་ནག་གླང་མགོ་མ།། རལ་དམར་ཁྲག་གི་གྲུ་ཆར་འབེབས།། བན་གླང་གཡང་གཞི་ཡ་བས་བསྐོར།། སྙན་ནས་འབྲུག་སྒྲ་དྲག་པོ ་འབྱིན།། སྤྱན་ནས་ཁྲག་གི་མཆི་མ་འཛག། ཤངས་ནས་རྫི་འབུད་ལོ་ཉེས་གཏོང་།། ཞལ་གདངས་གློག་འགྱུ་ལྗགས་ལས་ཀྱང་།། ཁར་ཐོག་ཐུ་ལུམ་དྲག་ཏུ་འཁྲུག། ངན་སྐྱུགས་ཁྲག་ནད་གཟེར་བ་གཏོང་།། ཁ་རླངས ་སྤྲིན་ལས་བཙའ་མུག་གཏོང་།། ཐུགས་ལས་ལྟས་ངན་སྤྲུལ་པ་འགྱེད།། གཡས་ན་ཟངས་གྲི་དམར་པོ་ཐོགས།། གཡོན་ན་གློག་ཞགས་བསྡོག་ཅིང་འཕེན།། ཀླུ་རྒྱལ་སྡིག་པ་ཆིབས་སུ་ཆིབས།། ནུབ ་ཕྱོགས་འཁོར་ལོའི་སྟེང་ནའོ།། ར་ཙ་མུ་ཤ་མ་བྷྱོ།། ལྗང་ནག་ཤ་ཡི་ངོ་བོ་ལས།། བདུན་པ་སྐུ་ཡི་བསྐྱེད་སྔགས་ཀྱིས།། འབྲོག་སྲིན་ལྗང་ནག་ཆུ་སྲིན་མགོ། རལ་ནག་ལྕགས་ཀྱི་ཆར་འབེབས་ཤིང་།། ཆུ་སྲིན་གཡང ་གཞི་ཡ་བས་བསྐོར།། སྙན་ནས་འབྲུག་སྒྲ་དྲག་པོ་འབྱིན།། སྤྱན་ནས་ཁྲག་གི་མཆི་མ་འཛག། ཤངས་ནས་རྫི་འབུད་ལོ་ཉེས་གཏོང་།། ཞལ་གདངས་གློག་འགྱུ་ལྗགས་ལས་ཀྱང་།། ལྕགས་ཐོག་ཐུ་ལུམ་དྲག་ཏུ ་འབེབས།། ངན་སྐྱུགས་ལྐོག་རྒལ་གག་པ་གཏོང་།། ཁ་རླངས་སྤྲིན་ལས་ཡམས་ནད་གཏོང་།། ཐུགས་ལས་ལྟས་ངན་སྤྲུལ་པ་འགྱེད།། གཡས་ན་རྡོ་རྗེ་བེ་ཅོན་ཕྱར།། གཡོན་ན་འཇའ་ཞགས་བསྡོག་ཅིང་འཕེན།། ཕྱག ་རྒྱལ་རྨིག་པ་ཆིབས་སུ་བཅིབས།། བྱང་ཕྱོགས་འཁོར་ལོའི་སྟེང་ནའོ།། རཀློ་ཤིག་ཁ་རག་ལམ་བྷྱོ།། ཀུན་ཀྱང་སྲིན་མོའི་ཆ་ལུགས་ཅན།། སྲིད་གསུམ་སེམས་ཅན་སྲོག་ལ་ཟ།། འཇིག་རྟེན་ཕུང་བའི་ཀི་ཀང ་འབེབས།། སྲིད་པ་དཀྲུགས་པའི་ལས་མཁན་མ།། རྣལ་འབྱོར་སེམས་དཔའི་སྟོབས་ཀྱིས་བསྐུལ།། སེམས་ཅན་ཕལ་གྱིས་མ་ཡིན་ནོ།། བདུད་རོག་ཏི་ནག་པོ་བྱ་རོག་མགོ་བརྩེགས་གསང་བ་སྒྲོལ་བྱེད་རྒྱལ་པོ་ཀི ་ཀང་རགྣའི་མདོ། སྙིང་གཟེར་དྲག་པོའི་རྒྱུད་ཆེན་པོ་ལས། བཤན་པ་རགྣ་སྒོམ་ཁོག་རྩ་བའི་ལེའུ་བརྒྱད་པའོ།། །། དེ་ནས་དཔའ་བོ་གཤེད་ཆེན་གྱིས།། ལྔ་བརྒྱ་ཐ་མ་དུས་ཀྱི་སྙིགས་མའི་ཚེ།། སངས་རྒྱས ་དཀོན་མཆོག་གཉེན་གྱི་བསྟན་པ་ལ།། འགའ་བྱེད་ལོག་སྲེད་ཆམ་ལ་དབབ་པའི་ཕྱིར།། ཤན་པ་གཙོ་འཁོར་བསྐུལ་བའི་ལས་བཤད་པ།། ཧཱུཾ།། འཇམ་དཔལ་ལྷ་མཆོག་ཡ་མནྟ་ཀ་ནི།། གྲུ་གསུམ་མཐིང་ནག་ཨེ་ཡི་ཕོ ་བྲང་དུ།། རྟ་རོ་གཅལ་བཀྲམ་མི་རོའི་ཁྲི་སྟེང་ན།། རི་རབ་བརྗིད་པའི་སྐུ་མཆོག་རབ་བཞེངས་པ།། འཕགས་པ་ཡ་མཱན་གཤེད་པོ་འབར་བའི་སྐུ།། སྟང་ཟིལ་ཆུ་ནག་རླབས་ལྟར་གནག་ལ་འཚེར།། རལ་པ་མཐིང་ནག ་དབུས་སུ་ཐོར་ཚུགས་བཅིངས།། ཐོད་སྐམ་སྦྲུལ་གདུག་ཉི་ཟླའི་ཐོད་ཀྱིས་བརྒྱན།། མི་བཟད་སྤྱན་དགུ་ཤིན་ཏུ་འབར་བ་ནི།། གཡོན་གསུམ་ཐུགས་རྗེས་ཐུར་དུ་གཟིགས་པ་ཡིས།། ངན་སོང་སྡུག་བསྔལ་ཐར་ལམ ་གནས་སུ་འདྲེན།། གཡས་གསུམ་སྡང་མིག་དམར་པོ་བཟློག་པ་ཡིས།། ཁྲོ་གཏུམ་བཙན་དྲག་ཕྱོགས་མེད་ཟིལ་གྱིས་གནོན།། དབུས་གསུམ་མཐའ་བྲལ་མི་གཟིགས་གཟིགས་ཚུལ་གྱིས།། རྟག་ཚང་མཐའ་འདས་ཆོས ་སྐུ་ས་ལ་བ།། སྤྱན་སྤྲིན་དམའ་སེར་འབྲས་བུ་མཐིང་ནག་འདྲིལ།། སྨིན་མཚམས་གློག་འགྱུ་སྟོང་ཁམས་འོད་གསལ་བྱེད།། རྫི་མ་ལྕགས་ཀྱུ་ཤིན་ཏུ་འཁྲུགས་ཤིང་འབར།། གསན་པ་མ་འགགས་སྙན་འབྲུག་སྒྲ་འབྱིན ་ཅིང་།། ཤངས་ནས་རྡོ་རྗེའི་རླུང་ཚུབས་མཐིང་ནག་འབྱིན།། ཞལ་གསུམ་ཧོམ་ཁུང་གདངས་པའི་ཞལ་ནས་ནི།། མཆེ་བ་ཕུར་བུ་བསྣོལ་བའི་ཚེམས་གཙིགས་པས།། རཱུ་ཏྲ་ལ་སོགས་ལོག་ལྟ་ཟད་པར ་སྒྲོལ།། ལྗགས་ནི་ཧོམ་གཟར་དུག་གསུམ་རིལ་མིད་མཛད།། བཅུ་བདུན་ཧཱུཾ་སྒྲས་སྟོང་ཁམས་དྲེགས་པ་འདུལ།། ཨག་ཚོམ་མེ་འབར་གདུག་པའི་མེ་སྟག་འཕྲོ།། འཇིགས་བྱེད་དྲུག་གི་གཡས་ཀྱི་དང་པོ་ན།། བེ་ཅོན ་ཕྱར་ཞིང་ནམ་མཁར་རབ་ཏུ་གདེངས།། གཡས་པ་རལ་གྲིས་སྐྱེ་ཤི་རྩད་ནས་གཅོད།། ཐ་མ་ལྕགས་ཀྱུས་ལོག་སྲེད་ཙིཏྟ་འདྲེན།། གཡོན་གྱི་དང་པོ་བྷནྣ་རཀྟ་རྔུབ།། བར་བས་སྡིགས་མཛུབ་རྩེ་ལ་མེ་ཆེན ་འཁྲུག། གཡོན་གྱི་ཐ་མས་འཇིག་རྟེན་ས་གཞི་གནོན།། བ་སྤུ་རྩང་ཕུར་གཤིབས་པའི་རྩེ་མོ་ལས།། མེ་སྟག་ཐུ་ལུམ་ཐོག་སེར་རབ་ཏུ་འཁྲུག། ཀོ་རློན་ཚོགས་དང་ཁྲག་ཞགས་ཐལ་བས་མཚན།། བ་སུ་རིགས་བཞི་ཐོད ་རློན་རྒྱན་གྱིས་བརྒྱན།། ཞབས་བགྲད་གྱད་ཚུལ་ན་རག་དམྱལ་ཁམས་གཟིར།། མེ་དཔུང་ཀློང་ན་རྔོ་མ་བརྗིད་སྟབས་ཀྱིས་བཞུགས།། ཐམས་ཅད་མ་ལུས་ཁྲོ་རྒྱལ་ཁྱོད་ཀྱི་སྐུ།། དེ་འདྲར་བདག་བསྒོམ་བདག་གིས་རང ་བོར་ནས།། ཁྱེད་ཀྱི་སྐུ་རུ་འགྱུར་བར་བྱིན་གྱིས་རློབས།། བདག་ལ་གནོད་བྱེད་དགྲ་དང་བགེགས་ཀྱི་ཚོགས།། ཐུལ་ཅིག་ཆོམས་ཤིག་ལྔ་ཕུང་རྡུལ་དུ་རློག། ཧཱུཾ། ཀུན་གཞི་རྣམ་དག་དབྱིངས་ཀྱི་ངོ་བོ་ནི།། གཡོན་ནས ་ཁྲོ་མཆོག་སྦྱོར་བའི་ཡམ་ཆེན་མོ།། བཻ་ཏཱ་རཀྵ་མི་བཟད་ཁྲོས་པའི་སྐུ།། རྒྱན་དང་ཆ་ལུགས་གཙོ་བོ་ཡབ་དང་མཐུན།། རི་རབ་ཆེན་པོ་ཁོང་པའི་ཁོང་བདག་མོ།། ཁམ་ནག་རལ་པ་ནམ་མཁའི་ཐོར་ཚུགས་ཏེ།། རི་རབ ་མཆོག་གི་ཐོད་གདེངས་བརྗིད་བག་ཅན།། སྤྱི་བོའི་གཙུག་ནས་སྣ་ལྔའི་འོད་ཟེར་འཕྲོ།། སྐྲ་མཚམས་སྤྲུལ་པས་སྟོང་ཁམས་ཁྱབ་པར་བྱེད།། དཔྲལ་བའི་དབྱིངས་སུ་འབྲུག་སྒྲ་དྲག་པོ་སྒྲོགས།། སྨིན་མཚམས་གློག ་འགྱུས་སྟོང་ཁམས་གདུག་པ་བསྲེག། སྤྱན་ནས་མཆི་མ་རཀྟའི་གྲུ་ཆར་འབེབས།། ཤངས་ནས་བུ་ཡུག་རྫི་འབུད་ཐོག་སེར་འབེབས།། ཞལ་ནས་ནད་རླངས་ལོག་སྲེད་ཚོགས་ལ་འབུད།། ཐུགས་ཀྱི་དཀྱིལ་ནས་ཐོག ་མདའི་ཆར་ཆེན་འབེབས།། གཡས་པའི་ཕྱག་གིས་གཙོར་འཁྱུད་འཁྲིལ་ཞིང་སྦྱོར།། གཡོན་པས་ཐོད་ཁྲག་འཇིགས་བྱེད་ཞལ་དུ་སྟོབ།། གྲུ་གསུམ་མཐིང་ནག་འབར་བའི་ཀློང་དཀྱིལ་ནས།། གཙོ་ལ་འཁྲིལ་སྦྱོར་བཻ་ཏཱ ་རོ་ལངས་མ།། མཉམ་ཉིད་སུན་འབྱིན་དཀོན་མཆོག་སྨད་པ་དང་།། བསྟན་པ་འཇིག་བྱེད་ལོག་སྲེད་དམ་ཉམས་འདི།། ཆོམས་ཤིག་རྡུངས་ཤིག་མ་ཐོགས་མྱུར་དུ་སྒྲོལ།། ཧཱུཾ། གཡས་ནས་ཡུམ་བསྐྱེད་ཛ་ཏི་རལ་གཅིག ་མ། སྐྲ་མདོག་མཐིང་ནག་གཡུ་ཡི་རལ་པ་ཅན།། བདུད་ཀྱི་བུ་མོ་ང་རྒྱལ་དྲག་ཤུལ་ཆེ།། འཇིག་རྟེན་ཁྱབ་གནས་མཚན་མོ་མུན་ལ་རྒྱུ།། མེ་ཡི་བསྐལ་པས་གཤིན་རྗེ་ལས་ལ་འཁོལ།། ཁྲག་གི་སྐྱུགས་འཐོར་མྱོས ་མཛད་དབང་དུ་སྡུད།། སྐྱེ་འགྲོའི་ཚེ་སྲོག་དབང་བྱེད་དབུགས་ལ་མོས།། ཀུན་གྱི་དབང་པོ་སྡུད་ཅིང་ཉམས་པ་ལེན།། འདོམ་གང་ཙམ་ནས་སྙིང་འབྱིན་ལས་མཁན་མ།། གཡས་ཀྱི་ཕྱག་ན་ཞིང་ཆེན་ཙིཏྟ ་འབྱིན།། གཡོན་པས་སྤུ་གྲིས་དམ་ཉམས་སྲོག་གཅོད་མ།། རོལ་པའི་སྟབས་ཀྱིས་དྲག་ཤུལ་ཙན་ཐབས་ཅན།། སྲོག་གཅོད་བརྩོན་པའི་ལས་མཁན་འཁོར་དང་བཅས།། ལོག་སྲེད་ཙིཏྟ་ཕྱུང་ཞིག་སྲོག་རྩ་དམར་ནས ་དྲོངས།། ཞེ་སྡང་མེ་ལྟར་འབར་བའི་དཀྱིལ་འཁོར་ནས།། སྲིན་པོ་ཡཀྵ་ཛ་ལ་འབར་བ་ནི།། ང་རྒྱལ་ཕྲག་དོག་ཞེ་སྡང་ཚུལ་འཆང་བའི།། སྲོག་བདག་སྐུ་གཅིག་དབུ་གསུམ་རྣམ་པར་རོལ།། དབུ་གཅིག་མཆེ་གཙིགས ་སྲིན་པོ་ང་ཚོ་ཅན།། དབུ་གཅིག་སང་ཆེན་གཏུམ་པའི་འབྲུག་སྒྲ་སྒྲོགས།། དབུ་གཅིག་གཡག་རྒོད་ཧ་ལ་རྔམ་ཚུལ་ཅན།། གདུག་བྱེད་རལ་པ་སྤྲུགས་པའི་སྒྲ་གསེབ་ནས།། རྒྱུ་སྐར་འབུམ་གྱི་ཚོམས་བུ་འཁྲུག་ཅིང ་འར།། སྡང་མི་བཟློག་ཅིང་སྨིན་མ་མེ་ལྟར་འབར།། སྙན་ནས་འབྲུག་སྒྲོགས་ཁམས་གསུམ་འཐིབས་ཀྱིས་མནན།། ཤངས་ནས་དུད་འཐུལ་གྲུ་གསུམ་ཞལ་གདངས་ཤིང་།། ལྗགས་འདྲིལ་ཚེམས་གཅིག་རྒྱུ་དྲུག་རིལ ་མིད་མཛད།། བ་སྤུ་ཁ་ཊྭཱཾ་འཁྲུག་པའི་རྩེ་མོ་ལས།། ཐོག་སེར་བུ་ཡུག་ཏྲི་ཤཱུལ་ཆར་དུ་འབེབས།། ཕྱག་གཡས་ཏིར་དབྱུག་ནམ་མཁར་གདེངས་པ་ཡིས།། ཞེ་སྡང་སྲིན་པོ་འཇིག་རྟེན་ལམ་ལས་སྒྲོལ།། ཕྱག་གཡོན་ཁྲག ་མཚོ་འཁྲུག་ཅིང་ཞལ་དུ་གསོལ།། འདོད་ཆགས་ཁྲག་མཚོ་འཁྲུག་པའི་དཀྱིལ་འཁོར་ནས།། ཡུམ་ཆེན་ཀླུ་མོ་རྡོ་རྗེ་ཡཀྵ་མོ།། འདོད་ཆགས་གཏི་མུག་འདུལ་བའི་ཁྱད་པར་ནི།། སྐུ་མདོག་དམར་ནག་དབུ་གཉིས་བརྗིད ་པ་སྟེ།། དབུ་གཅིག་བན་གླང་འཇིགས་བྱེད་ཕཊ་སྒྲ་ཅན།། དབུ་གཅིག་ཆུ་སྲིན་དམར་འཚེར་ལྷང་ལྷང་འདོན།། རྒྱན་དང་ཆ་ལུགས་མི་བསྒྲུངས་ཡབ་དང་མཐུན།། ཕུང་བྱེད་ཀླུ་རྒྱལ་ཀུན་གྱི་ཡང་ཕྱི་མོ།། ཙི་ཙི་ཛྭ་ལའི ་ནད་ཀྱི་བདག་མོ་སྟེ།། འཇིགས་བྱེད་རལ་པ་སྤྲུགས་པའི་སྐྲ་གསེབ་ནས།། སྡོམ་དང་སྡིག་པ་མི་བསྒྲུབས་ཆར་ཆེན་འབེབས།། རྡོ་རྗེ་ལྕེ་འབེབས་ཐོག་གི་བུ་ཡུག་ཅན།། ཁ་རླངས་སྤྲིན་ཕུང་འཁྲིགས་པའི་བྱིན་བརླབས ་ལས།། ཀླུ་ནད་བསམ་ཡས་གཏོང་ཞིང་ཕུང་བྱེད་མ།། གཡས་པས་སྦྲུལ་ཞགས་དམ་ཉམས་ཀུན་འཆིང་ཞིང་།། ཕྱག་གཡོན་རྒྱ་མཚོ་འཁྲུག་ཅིང་ནད་གཏོང་མ།། ཐུགས་དམ་དུས་ལ་བབ་པོ་ས་མ་ཡ།། ཀླུ་ཐུན་སྣ ་ཚོགས་དམ་ཉམས་དགྲ་ལ་ཡ།། འདོད་ཆགས་ཞེ་སྡང་རོལ་པའི་དཀྱིལ་འཁོར་ནས།། མི་དགེ་བཅུ་འདུས་དུག་ལྔའི་དོན་སྲས་པོ།། ལུས་པོ་གཅིག་ལ་མི་མཐུན་མགོ་དགུ་སྐྱེས།། མི་མཐུན་མགོ་དགུ་རྩ་གཅིག་དུ་མ ་འཁྲིལ།། མི་མཐུན་མགོ་དགུས་སྦྱོར་བ་ཀུན་གཏོང་བ།། སྲོག་དང་སེར་བ་མི་མཐུན་ལས་དགུར་སྟོན།། མགོ་གཅིག་སྲིན་པོ་བི་ཏྲི་པ་ཏྲའི་མགོ། སྲིན་པོའི་ཀི་ཀང་དྲག་པོའི་སེར་ཆེན་འབེབས།། མགོ་གཅིག་ཕུང་བྱེད ་སྲིན་པོ་རཱ་ཧུ་ལ།། སྦྱིན་ཐང་ཀྱང་འདང་ཀི་ཀང་ཐོག་སེར་དྲག་ཏུ་འབེབས།། མགོ་གཅིག་འཇིགས་བྱེད་གཟའ་བདུད་སྒྲ་གཅན་འཛིན།། སྲོག་གཅོད་གཏིབས་གྲི་ཀི་ཀང་དྲག་ཏུ་འབེབས།། མགོ་གཅིག ་དུ་བ་མཇུག་རིངས་ཆེན་པོ་སྟེ།། འཇིགས་བྱེད་ཀུན་སྒྲོལ་གཏན་ཕུང་ཀི་ཀང་འབེབས།། མགོ་གཅིག་ཁྱབ་འཇུག་ཆེན་པོ་སྤྲུལ་པའི་སྐུ།། ལྷ་སྲིན་གདུག་པ་ཀུན་གྱི་ཀི་ཀང་འབེབས།། མགོ་གཅིག་དམུ་བདུད་བྱིཥྚ་རཱ་ཛ ་སྟེ།། གློ་བུར་འཁྲུག་པའི་ཀི་ཀང་ཆེན་པོ་འབེབས།། མགོ་གཅིག་བདུད་པོ་ཙ་ར་ཀ་ཡི་མགོ། དྲག་པོ་ལས་ཀྱི་ཀི་ཀང་ཧུར་ཐུམ་འབེབས།། མགོ་གཅིག་འཇིགས་བྱེད་ལྡང་སྔོན་དམག་དཔོན་ཏེ།། ཐོག་སེར་གྲི་ཐབས་སྣ ་ཚོགས་ཀི་ཀང་འབེབས།། རོག་ཏི་ནག་པོ་བྱ་རོག་མགོ་བརྩེགས་ཏེ།། ས་གཡོས་སད་སེར་བཙའ་དང་མུ་གེ་དང་།། ཕུང་བྱེད་ནད་ངན་སྣ་ཚོགས་ཀི་ཀང་འབེབས།། བཀའ་ལས་འདས་པའི་ལོག་ལྷ་དམ་སྲི་ལ།། ཀི ་ང་སྣ་ཚོགས་དབབ་པའི་དུས་ལ་བབ།། རལ་པ་དམར་པོ་སྤྲུགས་པའི་སྐ་གསེབ་ནས།། འཇིགས་བྱེད་ཕུང་བྱེད་གཟའ་བདུད་ཆར་དུ་འབེབས།། སྐུ་མདོག་དུད་ཀ་བ་སྤུའི་དཀྱིལ་འཁོར་ནས།། རྡོ་རྗེའི་ལྷ་འབེབས ་སེར་ཆེན་འོད་ཀྱི་བདག། མགོ་ལུས་མིག་མངས་ཁམས་གསུམ་བྱ་ར་མཁན།། སྨིན་མ་གློག་འགྱུ་བར་སྣང་འོད་ཀྱིས་འགེངས།། སྣ་ནས་བཞི་བརྒྱ་རྩ་བཞིའི་ནང་རླངས་འཐུལ།། གདུག་པའི་ཁ་རླངས་པར་སྣང་སྤྲིན་དུ ་འཁྲིགས།། སེན་མོ་ལྕགས་ཀྱུ་གཡས་ན་ཆུ་སྲིན་ཕྱར།། འཛིན་ཤེས་གཏོང་མི་ཤེས་པའི་ཞགས་ཆེན་གྱིས།། ལོག་སྲེད་ཀུན་འདུལ་དམ་ཉམས་འཛིན་པར་བྱེད།། བཀའ་ལས་འདའ་བྱེད་དམ་ཉམས་སྨོད་པ་ལ།། སྲོག ་ལ་ཆན་ཐོབ་ལོ་ལ་སེར་བ་ཕོབ།། གློ་བུར་ཡེ་འདྲོག་དམ་སྲིའི་སྙིང་ལ་ཡ།། ཤར་ཕྱོགས་འཁོར་ལོ་འབར་བའི་རྩིབས་སྟེང་དུ།། སྲིང་གཅིག་ཆེན་མོ་སྟག་སྲིན་ཟོར་བ་གདོང་།། བཀའ་ལས་མི་འདའ་འབར་བ་བཞད་མོ ་ཆེ།། རལ་དམར་སྤྱི་བཅིངས་གསེར་གྱི་ཟོར་བས་བརྒྱན།། སྐུ་ལ་སྟག་ལྤགས་གཡང་གཟི་གོ་ཟུ་གསོལ།། སྙན་ནས་འབྲུག་སྒྲ་སྤྱན་ནས་ཁྲག་འཛག་ཅིང་།། ཤངས་ནས་རྫི་འབུད་བཙའ་འཐིབས་ལོ་ཉེས ་གཏོང་།། ལྗགས་ནས་གློག་འགྱུ་མུན་པའི་གོ་སྐབས་འབྱེད།། ཞལ་གདངས་ཁྲག་ཆེན་སེར་བ་དྲག་ཏུ་འབེབས།། ཁྲག་ཞག་ངན་སྐྱུགས་ཕོ་ལོག་སྤོས་ནད་གཏོང་།། ཁ་རླངས་སྤྲིན་འཁྲུག་གསེར་གྱི་ཐོག་འབེབས ་མ།། ཐུགས་ལས་ལྟས་ངན་སྣ་ཚོགས་སྤྲུལ་པ་འགྱེད།། གཡས་ན་ཟོར་ཕུར་འདྲིལ་ཞིང་སྙིང་ལ་འདེབས།། གཡོན་ན་ཁྲག་ཟོར་དམར་པོ་དགྲ་ལ་འཕེན།། ཁྱེད་ཀྱི་ཆིབས་སུ་སྲེག་བྱེད་ཉི་མ་ཆིབས།། བསྟན་པ་འཇིག ་བྱེད་དམ་ཉམས་དགྲ་བོ་ལ།། ཕོ་ལོག་ཀི་ཀང་དུས་འདིར་མྱུར་དུ་ཕོབ།། ལྷོ་ཕྱོགས་འཁོར་ལོ་འབར་བའི་རྩིབས་སྟེང་དུ།། སྲིང་གཅིག་ཆེན་མོ་བམ་སྲིན་དྲང་མོ་གདོང་།། སྐུ་མདོག་སྨུག་ནག་འབར་བ་བཞད་མོ ་ཆེ།། ལྕགས་ཀྱི་རལ་ནག་ཁྲོ་ཆུའི་ཐོ་ལུམ་འཕྲོ།། སྐུ་ལ་དྲེད་ལྤགས་གཡང་གཞི་ཡ་བས་བསྐོར།། སྙན་ནས་འབྲུག་སྒྲོགས་སྤྱན་ནས་ཁྲག་འཛག་ཅིང་།། ཤངས་ནས་རྫི་འབུད་བཙའ་འཐིབས་ལོ་ཉེས ་གཏོང་།། ཁ་རླངས་སྤྲིན་ལས་ལྕགས་ཀྱི་ཐོག་འབེབས་མ།། ལྗགས་ལས་གློག་འགྱུ་མུན་པའི་གོ་སྐབས་མེད།། ཞལ་གདངས་ཁྲག་ཆེན་སེར་བ་དྲག་ཏུ་འབེབས།། ཁྲག་ཞག་ངན་སྐྱུགས་གླང་སྣའི་ནད་གཏོང ་མ།། ཐུགས་ལས་ལྟས་ངན་སྣ་ཚོགས་སྤྲུལ་པ་འགྱེད།། གཡས་ནས་གནམ་ལྕགས་དགྲ་སྟ་འཕྱར་ཞིང་བརྡེག། གཡོན་ན་སྦྲུལ་ཞགས་གདུག་པས་དམ་ཉམས་འཆིང་།། ཁྱེད་ཀྱི་ཆིབས་སུ་བསིལ་བྱེད་ཟླ་བ ་ཆིབས།། ལྕེ་རིང་ནད་གཏོང་སྤྲུགས་པའི་གླུ་དབྱངས་མཁན།། བསྟན་པ་འཇིགས་པའི་ལོག་སྲེད་འབྱུང་པོ་ལ།། གླང་སྣའི་ཀི་ཀང་དུས་འདིར་མྱུར་དུ་ཕོབ།། ནུབ་ཕྱོགས་འཁོར་ལོ་འབར་བའི་རྩིབས་སྟེང་ནས།། སྲིང ་གཅིག་ཆེན་མོ་ཀོང་སྲིན་བན་གླང་གདོང་།། སྐུ་མདོག་དམར་ནག་འོད་འབར་བཞད་མོ་ཆེ།། ཟངས་ཀྱི་རལ་ཆེན་ཐུ་ལུམ་རབ་ཏུ་འཕྲོ།། སྐུ་ལ་བན་གླང་གཡང་བཞི་ན་བཟའ་མནབས།། སྙན་ནས་འབྲུག་སྒྲོགས་སྤྱན ་ནས་རཀྟ་འཛག། ཤངས་ནས་རྫི་འབུད་བཙའ་འཐིབས་ལོ་ཉེས་གཏོང་།། ལྗགས་ནས་གློག་འགྱུ་བར་སྣང་འོད་ཀྱིས་འགངས།། ཞལ་གདངས་ཁྲག་གི་བུ་ཡུག་རབ་ཏུ་འཐོར།། ཁྲག་ཞགས་ངན་སྐྱུགས་ཁྲག་ནད་སྣ ་ཚོགས་ཟེར།། ཁ་རླངས་སྤྲིན་ཕུང་ཟངས་ཀྱི་ཐོག་འབེབས་མ།། ཐུགས་ལས་སྤྲུལ་པའི་ལྟས་ངན་དགྲ་ལ་གཏོང་།། གཡས་ན་ཟངས་གྲི་དམར་པོས་སྲོག་རྩ་གཅོད།། གཡོན་པས་གློག་ཞགས་དམ་ཉམས་ཀུན་འཆིང ་མ།། ཁྱེད་ཀྱི་ཆིབས་སུ་ཀླུ་རྒྱལ་སྡིག་པ་བཅིབས།། བསྟན་པ་འཇིག་པའི་དམ་ཉམས་ལོག་སྲེད་ལ།། ཁྲག་ནད་གཟེར་བ་དུས་འདིར་མྱུར་དུ་ཕོབ།། བྱང་ཕྱོགས་འཁོར་ལོ་འབར་བའི་རྩིབས་སྟེང་དུ།། སྲིང་གཅིག་ཆེན ་མོ་འབྲོག་སྲིན་ཆུ་སྲིན་གདོང་།། སྐུ་མདོག་ལྗང་ནག་འོད་འབར་བཞད་མོ་ཆེ།། ལྕགས་ཀྱི་རལ་ཆེན་ཚ་ཚ་རབ་ཏུ་འཁྲུག། ཆུ་སྲིན་གཡང་གཞིའི་སྟོད་གཡོགས་ཡ་བས་བསྐོར།། སྙན་ནས་འབྲུག་སྒྲོགས་སྤྱན་ནས་ཁྲག ་ཆེན་འཐོར།། ཤངས་ནས་རྫི་འབུད་ལོ་ཉེས་འཁྲུག་པ་གཏོང་།། ལྗགས་ནས་གློག་འགྱུ་སྟོང་ཁམས་འོད་ཀྱིས་སྲེག། ཞལ་གདངས་ཁྲག་གི་ཆར་ཆེན་རབ་ཏུ་འབེབས།། ཁྲག་ཞག་དུག་སྐྱུགས་ལྷོག་རྒལ་གག་པ ་གཏོང་།། ཁ་རླངས་སྤྲིན་ལས་རྡོ་རྗེ་ཐོག་འབབས་མ།། ཐུགས་ལས་ལྟས་ངན་སྣ་ཚོགས་སྤྲུལ་པ་འགྱེད།། གཡས་ན་རྡོ་རྗེ་བེ་ཅོན་འཕྱར་ཞིང་བརྡེག། གཡོན་ན་འཇའ་ཞགས་སྐྱེ་འགྲོ་ཀུན་འཆིང་མ།། ཁྱེད་ཀྱི་ཆིབས་སུ ་ཁྲོ་རྒྱལ་སྨིག་པ་བཅིབས།། བསྟན་པ་འཇིག་པའི་དམ་ཉམས་འབྱུང་པོ་ལ།། ལྐོག་རྒལ་གག་པ་མ་ཐོགས་མྱུར་དུ་ཕོ་བ།། ཀུན་ཀྱང་སྲིན་མི་མི་སྲན་འཇིག་བྱེད་མ།། ནམ་མཁའི་དཀྱིལ་ནས་འབྲུག་གི་སྒྲ་སྒྲོགས ་ཤིང་།། བར་སྣང་ཁམས་ནས་གློག་འགྲུ་མཐུ་མོ་ཆེ།། རི་རབ་རྩེ་ནས་ཐོག་འབེབས་དྲག་ཤུལ་ཅན།། འཛམ་བུའི་གླིང་བཞི་ཕུང་བྱེད་མཁའ་འགྲོ་ཡང་ཁ་འཁོར་མ།། འཇིག་རྟེན་ཁམས་སུ་ཀི་ཀང་སྣ ་ཚོགས་འབེབས།། དམིགས་ཀྱི་གཉེར་གཏད་ལོག་སྲེད་འབྱུང་པོ་འདི།། བཏང་སྙོམས་ཡལ་བ་མེད་པའི་རྩེ་གཅིག་མཐུས།། ཐུལ་ཅིག་ཆོམས་ཤིག་ནད་ངན་སྣ་ཚོགས་ཕོབ།། བདུད་རོག་ཏི་ནག་པོ་བྱ་རོག་མགོ ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་མདོག། སྙིང་གཟེར་དྲག་པོའི་རྒྱུད་ཆེན་པོ་ལས། བཤན་པ་ཕོ་མོ་སྲོག་བསྐུལ་གྱི་ལེའུ་དགུ་པའོ།། །། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ ་དུས་ཀྱི་སྙིགས་མའི་ཚེ།། སངས་རྒྱས་གཉན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། དྲག་པོ་གསང་སྔགས་རབ་བཤད་པ།། ཨཱིཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། ཁྲོ་མཆོག་ཉིད་ཀྱི ་གསང་སྔགས་སོ།། ཨོཾ་སརྦ་ཏ་ཐཱ་ག་ཏ་ཀྲོ་ཏ་ཡ་བི་ཛ་ཡ། ཛ་ལི་ཨིར་ནི་ཛཱི་ཧཱ་པྲ་ཏ་ཤཱི་རཾ་སྟི་ཧཱུཾ་ཕཊ། ལུས་བསྲུང་གོ་བགོ་བའི་གསང་སྔགས་ཡིན་ནོ།། ཨོཾ་བཛྲ་བེ་ཏ་ལཾ་རགྣ་རགྣ་མ་སྭཱ་ཧཱ། རོ་ལངས་ཁྲོ་མའི་གསང ་སྔགས་སོ།། ཨོཾ་ཨེ་ཀ་ཛཱ་ཊི་ཛ། ཏྲག་རགྨ། མུ་ཏྲ་མུ་ཏྲ་རུ་ལུ་རུ་ལུ་ཧཱུཾ་བྷྱོ་བྷྱོ། ཨེ་ཀ་ཛ་ཊིའི་གསང་སྔགས་སོ།། ཨོཾ་པ་ཤ་མི་ཀི་ཕོར་པ། དུ་དུན་མ་ག་ཤི་ཀྲི་ཧ་ན་ཛ་ལ་ཏ་མུར་ཛི་ཙི་ཙི་ཡང་ཏི་ཀྲ་ཏི་དུར་ཡཾ་སྭཱ་ཧ། མགོ ་དགུ་སྤྱིའི་གསང་སྔགས་སོ།། ཨཽ་ཙ་ཏི་པྲ་ཏི་ཀ་ར་ནི་རཱ་ཧུ་ལ། བི་ཀྲནྟ་ཧཱུཾ་ཏ་ཀ་རཾ་ཤ་ར་མ་ཏ་མཱ་ར་ཕཊ། ལས་ཀྱི་བསྐུལ་བའི་གསང་སྔགས་སོ།། ཨོཾ་བཛྲ་ཡཀྐ་ཛ་ལ་ནི། ཀ་ལ་པྲ་ཙ་ར། ཙིཏྟ་རཀྟ་མུར་ནན་སྭཱ་ཧཱ། སྲིན་པོ ་གདུག་པའི་གསང་སྔགས་སོ།། ཨཱིཾ་ཡཀྐ་ར་ཨུ་ཙཱཏྨ། ནཱ་ག་ལེ་དུམ་པ་ལེ་ཙིཏྟ་ཀུ་ལུ་རུ་ལུ་བྷྱོ། གློག་འགྱུ་མའི་གསང་སྔགས་སོ།། མ་རག་མོ། པན་ཡཾ་ཤིག། མཱ་ར་ཡ་ནརྀ་ཛ་ཛ། ཙ་བད་ཙ་ལེ། པྲ་བེ་ཤ། མ་ར་ཏྲི་ཛ་ཛ། ་དུར་མེ་མི་ཀི་རཱ་ཧུ་ལ། ཧུར་ཟུམ་མ་ར་ཛ་ཛ། རགྨ་ཏྲི་ཨ་ཙིཏྟ་རྦད། མ་ར་ཡ་ནརི་ཛ་ཛ།། ཨ་ཏྲི་རཾ་རཾ་དུ་ན་ཤག། མཱ་ར་ཡ་ཨ་ནརྀ་ཛ་ཛ། མ་མ་ས་ན་ཡཾ། ར་ཙ་རམ་ཤར། མ་ར་ཡ་ནརྀ་ཛ་ཛ། ན་ག་རི་ཤི་ཧྲི་ལ་ཤག། བཛྲ་སད ་དུན། ར་མ་ཧྲཱི་ལ་མཱ་ར་ཡ་ནརྀ་ཛ་ཛ། ཤི་ཨི་སན་ཏྲི་ཡཾ་དུ། རཱ་ཧུ་ལ་ཧྲི་ལ། ཤག་ར་མ་ཤ་ར། ནརྀ་མཱ་ར་ཡ་ཛ་ཛ། སྡེ་བརྒྱད་རོལ་པའི་དགུག་སྔགས་སོ།། ཨཱིཾ་མཉྫུ་ཤྲཱི་ཡ་མཱནྟ་ཀ། པེ་ཏཱ་ལི་རགྨ་ཨེ་ཀ་ཛ་ཊི། སྙིང་ཁ་རག། སུ ་བཛྲ་ཡགྒ་མན་རག་མོ།། ནཱ་ག་དུམ་པ་ལེ། ཤ་ཤུ་མ་རགྷོ།། ཙ་བད་ས་ལེ། དུ་ར་མ་མི་ཀ་རགྨ་ནརྀ་རཾ་ཏྲཾ། ཡ་མ་པ་ན་ཡཾ། ན་ག་རི་ཤི་ཤ་ཨིནྟ། ར་ཙིཏྟ་དུ་དུ་ཙ་ས་མུ་ཤ་ཁ། རག་ལམ་བྷྱོ།། མ་མ་རཾ། ཧྲི་ལ་ཧྲི་ལ། ཤར ་ཤར། རུ་ཙ་དུ་ཙ་ཤུ་ཏྲི་ཕྲོམ་དུད་ཀར་ཕྲོམ། ས་མནྟ་ཀ་ཨ་ཀ་ར། དུ་རུ་དུ་རུ་ཕྲོམ། ཡ་མ་སྙིང་། ཡ་མ་ཁྲག། ཡ་མ་དུ། ཡུག་ཏི་སྨིན་ཁྲག་དུ་ཙར། ཤར་ཤར། ཧྲིལ་ཧྲི་ལ། ཡ་ར་མ་ཧྲིལ་བྷྱོ། རཀྵ་བྷྱོ།། ནཱ་རག ་བྷྱོ།། གདུག་པའི་དྲིལ་སྔགས་དྲག་པོ་ཡིན།། བདུད་རོག་ཏི་ནག་པོ་བྱ་རོག་མགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་མདོ། སྙིང་གཟེར་དྲག་པོའི་རྒྱུད་ཆེན་པོ་ལས། ཤན་པ་སྲོག ་སྔགས་ཀྱི་ལེའུ་བཅུ་པའོ།། །། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། ཕུང་བྱེད་རོལ་པའི ་ལས་བཤད་དེ།། སྡེ་བརྒྱད་དྲེགས་པའི་དཀྱིལ་འཁོར་འདི།། བཀའ་ཐོབ་བསྙེན་པ་རྫོགས་པ་ཡིས།། དུར་ཁྲོད་རོ་ཡི་ངས་བླངས་ལ།། མཛེ་ཅན་བསྲེགས་པའི་རུས་སོལ་དང་།། བི་ཥའི་ཐལ་བ་མཛོ་རྟོལ་དང་།། སྦྲུལ ་དང་སྦལ་པའི་སྙིང་ཁྲག་དང་།། བི་ཥའི་འདབ་མའི་སྔོ་ཁུ་དང་།། སྐྱེར་པའི་རྩ་ཤུན་བཀུས་པ་ལ།། ཕོ་རོག་སྒྲོ་མར་སྒྲོ་སྐྱུག་གིས།། མགོ་དགུ་རོལ་པའི་གཟུགས་བྲིས་ལ།། ཁ་བགྲད་གཟུགས་ཆེན་དུང་ཀ་ཆུ་སྲིན ་ཅན།། མགོ་ལུས་མིག་གང་མཇུག་མ་སྦྲུལ།། སྡེ་བརྒྱད་དཔོན་སྣར་མཁས་པས་བྲི།། བསྟོད་དང་མཆོད་པ་ཀུན་རྫོགས་ནས།། ཀོང་ཚེར་འཇུག་པའི་ཚེས་གྲངས་ལ།། ནུབ་ནས་མཁས་པས་དགྲ་ནས་ཀྱང་།། གྲོ་གའམ ་དུར་ཁྲོད་རས་ཆེན་ལ།། ཁྲག་ཆེན་དག་གིས་གང་དམིགས་བྲི།། དེ་ནས་རྣལ་འབྱོར་བདག་ཉིད་ཀྱིས།། གཤེད་པོ་ཁྲོས་པའི་སྐུར་བསྐྱེད་དེ།། སྲིད་པའི་མ་མོ་ཀུན་མངག་སྟེ།། གང་དམིགས་རྣམ་ཤེས་རླུང་འདྲ། ་བ།། རྟེན་ལ་ཕབ་སྟེ་རབ་བཅིངས་ནས།། དཀར་དང་དམར་ཆེན་རྫས་སྦྱར་ལ།། ལྗང་སྔོན་ཞལ་དུ་འདི་སྐད་བསྟབ།། མ་མོ་རོལ་པའི་དཀྱིལ་འཁོར་ནས།། དམག་དཔོན་ཆེན་པོ་སྐུ་བཞེངས་ཤིག། ཆུ་སྲིན་གདུག་པ ་ཞལ་གདངས་ཤིག། བསྟན་པ་འཇིག་བྱེད་དགྲ་བོ་འདི།། སྒྲོལ་གིང་དམག་དཔོན་ཆེམས་གྱིས་ཆེམས།། མ་མོའི་ཚོགས་ཀྱི་ཞལ་དུ་བསྟབ།། གཏད་དོ་གཏད་དོ་སླར་མ་བཏང་།། མ་རག་མོ་ཧབ་ཧུབ་ཁྲམ་ཁ་མཱ་ར་ཡ།། ་ཁྲི་བཟླས་ལྡང་སྔོན་ལག་ཏུ་གཏད།། བསྐལ་པར་ཐར་དུས་མེད་པའོ།། དེ་བཞིན་ཀོང་ཙེའི་ཚེས་གྲངས་ལ།། མགོ་དགུ་རོལ་པ་ཤར་ལྷོར་དགྲམ།། ནུབ་བྱང་མཚམས་ནས་འདི་སྐད་བསྟབ།། ཤར་ལྷོ་མཚམས་ནས་སྐུ ་བཞེངས་པ།། དྲང་སྲོང་ཆེན་པོ་ཞལ་གདངས་ཤིག། བསྟན་པ་འཇིག་བྱེད་དམ་ཉམས་འདི།། རཱ་ཧུ་ལ་ཡི་ཞལ་དུ་བསྟབ།། དགྲ་ལྷའི་རྒྱལ་པོའི་ལག་ཏུ་གཏད།། གཏད་དོ་གཏད་དོ་སླར་མ་བཏང་།། ཙ་སང་ས་ལེ་རཱ་ཧུ ་ལ་ཧབ་ཧུབ་ཁྲམ་ཁ་མཱ་ར་ཡ། ཁྲི་བཟླས་དྲང་སྲོང་ལག་ཏུ་གཏན།། ཕུང་བྱེད་འཁོར་བཅས་རོལ་པར་དམིགས།། བསྐལ་པར་ཐར་དུས་མེད་པའོ།། དེ་བཞིན་ཀོང་རྩེའི་ཚེས་གྲངས་ལ།། བདུད་པོ་མགོ་དགུ་བྱང་དུ ་དགྲམ།། གང་དམིགས་ལྷོ་ནས་འདི་སྐད་བསྟབ།། བྱང་ནས་ཕུང་བྱེད་སྐུ་བཞེངས་པ།། བདུད་དཔོན་ཁྲོས་པ་ཞལ་གདངས་ཤིག། བསྟན་པ་འཇིག་བྱེད་འབྱུང་པོ་འདི།། ཙ་ར་ཀ་ཡི་ཞལ་དུ་བསྟབ།། བདུད་པོ་རོལ ་པའི་ཕྱག་ཏུ་གཏད།། གཏད་དོ་གཏད་དོ་སླར་མ་བཏང་།། དུ་རཾ་མི་ཀི་ཙ་ར་ཧབ་ཧུབ་ཁྲམ་ཁ་མཱ་ར་ཡ། ཁྲི་བཟླས་ཕུང་བྱེད་ལག་ཏུ་གཏད།། བདུད་དཔུང་འཁོར་བཅས་རོལ་པར་བསམ།། བསྐལ ་པར་ཐར་དུས་མེད་པའོ།། དེ་བཞིན་ཀོང་ཙེའི་ཚེས་གྲངས་ལ།། སྲིན་པོ་མགོ་དགུའི་ལྷོ་ནུབ་དགྲམ།། བྱང་ཤར་མཚམས་ནས་འདི་སྐད་བསྟབ།། ལྷོ་ནུབ་མཚམས་ནས་སྐུ་བཞེངས་པ།། སྲིན་པོ་མགོ་དགུ་ཞལ་གདངས ་ཤིག། བསྟན་པ་འཇིག་པའི་འབྱུང་པོ་འདི།། བི་ཏྲི་པ་ཏྲའི་ཞལ་དུ་བསྟབ།། སྲིན་པོའི་ཚོགས་ཀྱི་ལག་ཏུ་གཏད།། གཏད་དོ་གཏད་དོ་སླར་མ་བཏང་།། རཀྵ་ཏྲི་ཨ་རྦད་ཧ་བ་ཧུབ་ཁྲམ་ཁ་མཱ་ར་ཡ། ཁྲི་བཟླས་སྲིན་པོའི ་ལག་ཏུ་གཏད།། རཀྴ་ཚོགས་ཀྱིས་རོལ་པར་བསམ།། བསྐལ་པར་ཐར་དུས་མེད་པའོ།། དེ་བཞིན་ཀོང་ཙེའི་ཚེས་གྲངས་ལ།། དམུ་བདུད་མགོ་དགུ་ཤར་དུ་དགྲམ།། ནུབ་ནས་ལོག་སྲེད་འདི་སྐད་བསྟབ།། ཤར་གྱི ་ཕྱོགས་ནས་སྐུ་བཞེངས་པ།། དམུ་བདུད་མགོ་དགུ་ཞལ་གདངས་ཤིག། བསྟན་པ་འཇིག་པའི་འབྱུང་པོ་འདི།། ཧ་ལི་ཀ་ལིའི་ཞལ་དུ་བསྟབ།། དམུ་བདུད་ཚོགས་ཀྱི་ཕྱག་ཏུ་གཏད།། གཏད་དོ་གཏད་དོ་སླར་མ ་བཏང་།། ཨ་ཏྲི་རམ་ཏྲཾ་དུན་ཤན་ཧ་བ་ཧུབ་ཁྲམ་ཁ་མཱ་ར་ཡ། ཁྲི་བཟླས་དམུ་བདུད་ལག་ཏུ་གཏད།། ཧ་ལི་ཚོགས་ཀྱིས་རོལ་པར་བསམ།། བསྐལ་པར་ཐར་དུས་མེད་པའོ།། དེ་བཞིན་ཀོང་ཙེའི་ཚེས་གྲངས་ལ།། ཡ་མཱན ་མགོ་དགུ་ནུབ་བྱང་དགྲམ།། ཤར་ལྷོ་མཚམས་ནས་འདི་སྐད་བསྟབ།། ནུབ་བྱང་མཚམས་ནས་སྐུ་བཞེངས་པ།། ཕུང་བྱེད་མགོ་དགུ་ཞལ་གདངས་ཤིག། བསྟན་པ་འཇིག་པའི་དམ་ཉམས་འདི།། དུ་བ་མཇུག་རིང་ཞལ ་དུ་བསྟབ།། གཤིན་རྗེའི་ཚོགས་ཀྱི་ཕྱག་ཏུ་གཏད།། གཏད་དོ་གཏད་དོ་སླར་མ་བཏང་།། ཡམས་ན་ཡ་མ་ར་ཙ་ཁྲི་ཤི་དུན་ཁྲམ་ཁ་མཱ་ར་ཡ། ཁྲི་བཟླས་གཤིན་རྗེའི་ལག་ཏུ་གཏད།། མཇུག་རིང་ཁྲོས་པས་རོལ་པར ་བསམ།། བསྐལ་པར་ཐར་དུས་མེད་པའོ།། དེ་བཞིན་ཀོང་ཙེའི་ཚེས་གྲངས་ལ།། ཀླུ་བཙན་མགོ་དགུ་ལྷོ་རུ་དགྲམ།། བྱང་ནས་ལོག་སྲེད་འདི་སྐད་བསྟབ།། ལྷོ་ཡི་ཕྱོགས་ནས་སྐུ་བཞེངས་པ།། ཀླུ་བཙན་མགོ་དགུ ་ཞལ་གདངས་ཤིག། བསྟན་པ་འཇིག་པའི་ལོག་སྲེད་འདི།། ཁྱབ་འཇུག་ཆེན་པོའི་ཞལ་དུ་བསྟབ།། ཀླུ་བཙན་དགྲ་ལྷའི་ཕྱག་ཏུ་གཏད།། གཏད་དོ་གཏད་དོ་སླར་མ་བཏང་།། ནཱ་ག་རི་ཤི་ས་དུན་ཧབ་ཧུབ་ཁྲམ་ཁ་མཱ་ར ་ཡ། ཁྲི་བཟླས་ཀླུ་བཙན་ལག་ཏུ་གཏད།། ཁྱབ་འཇུག་ཆེན་པོས་རོལ་པར་བསམ།། བསྐལ་པར་ཐར་དུས་མེད་པའོ།། དེ་བཞིན་ཀོང་ཙེའི་ཚེས་གྲངས་ལ།། བགེགས་དཔོན་མགོ་དགུ་བྱང་ཤར་དགྲམ།། སྔགས་པས ་གཤེད་པོའི་ཚུལ་འཆང་བ།། དམ་རྫས་ལིངྒ་བཅས་པ་དག། ལྷོ་ནུབ་མཚམས་ནས་འདི་སྐད་བསྟབ།། བྱང་ཤར་མཚམས་ནས་སྐུ་བཞེངས་པ།། བགེགས་དཔོན་མགོ་དགུ་ཞལ་གདངས་ཤིག། བསྟན་པ་འཇིག་པའི ་ལོག་སྲེད་འདི།། སྒྲ་གཅན་འཛིན་གྱི་ཞལ་དུ་བསྟབ།། བི་ན་ཡ་ཀའི་ཕྱག་ཏུ་གཏད།། གཏད་དོ་གཏད་དོ་སླར་མ་བཏང་ཞིག། ཤ་ཨི་སན་ཏྲི་ཡམ་དུ་བྱ། རཱ་ཧུ་ལ་ཧབ་ཧུབ་ཁྲམ་ཁ་མཱ་ར་ཡ། ཁྲི་བཟླས ་བགེགས་ཆེན་ལག་ཏུ་གཏད།། སྒྲ་གཅན་འཛིན་གྱིས་རོལ་པར་བསམ།། བསྐལ་པར་ཐར་དུས་མེད་པའོ།། དེ་ནས་དཀར་དམར་རྫས་ཆེན་དང་།། གང་དམིགས་རྟེན་དུ་བཅས་པ་དེ།། ཕུང་བྱེད་སྐུ་ལ་དྲིལ་ནས ་ཀྱང་།། ཀི་ཀང་དྲག་པོའི་ཕྱོགས་དག་གམ།། ཁམས་ལ་དགྲ་དར་ཕྱོགས་སུ་སྦ།། དེ་ནས་ཐུན་ཟོར་དྲག་བསྐུལ་ན།། ཚངས་པའི་ཚེ་དང་ལྡན་གྱུར་ཡང་།། མྱུར་དུ་འཆི་བར་ཐེ་ཚོམ་མེད།། ཕུང་བྱེད་རྒྱལ་པོ་འདིས་རོལ ་ནས།། གཟའ་བདུན་རྒྱུ་སྐར་འདིས་རོལ་ན།། རྟག་ཏུ་གདུག་པའི་སྦྱོར་ངན་གྱིས།། གང་དམིགས་གཙོ་འཁོར་རིགས་རྒྱུད་བཅས།། ཐང་གཅིག་ཡིད་ཀྱིས་རླག་པར་བྱེད།། བདུད་རོག་ཏི་ནག་པོ་བྱ་རོག་མགོ་བརྩེགས ་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་མདོ། སྙིང་གཟེར་དྲག་པོའི་རྒྱུད་ཆེན་པོ་ལས། གཟའ་གཏད་དྲག་པོའི་ལེའུ་བཅུ་གཅིག་པའོ།། །། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི ་སྙིགས་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། གཏན་འཕོ་ལས་ཀྱི་འཁོར་ལོ་འདི།། ཐོག་མར་བརྟག་པའི་གནས་ཆེན་དུ།། ཆོ་གར་ལྡན་པའི་སྔགས་པ་ཡིས།། སྡེ ་བརྒྱད་རོལ་པའི་དཀྱིལ་འཁོར་ནི།། དུར་ཁྲོད་ཐལ་བས་ཚུལ་བཞིན་བྲི།། རྫས་ཚོགས་དྲུག་འབུམ་བཟླས་བྱས་ཏེ།། མཚན་མ་བཟང་བ་མཐོང་བ་ན།། ལོག་སྲེད་ཕ་མེས་ཐོད་པའམ།། རབས་ཆད་མཛེ་ཅན་ཐོད་པ ་དང་།། གཟེད་དང་ཡུགས་མོའི་ཐོད་པ་ལ།། མཁས་པས་འཁོར་ལོ་བྲི་བྱ་ལ།། ལྕེས་བསད་བསྲེགས་པའི་རུས་སོལ་དང་།། གསེར་དང་གནམ་ལྕགས་ལ་སོགས་པ།། བརྡར་ཁུ་བི་ཥར་བཅས་པ་ལ།། འབུམ་བདུན ་པདྨ་རཀྟར་སྦྱར།། ཁཱ་ཁ་རིག་བྱེད་སྒྲོ་རྩ་ཡིས།། ཕོ་ཐོད་གོང་མ་དག་ལ་ནི།། རིམ་བཞིན་ཟླུམ་པོར་ཀུན་ཏུ་བསྐོར།། གཉིས་པ་རྩིབས་བརྒྱད་དག་ཏུ་བཀོད།། གསུམ་པ་བཅུ་གཉིས་འཁོར་བར་བྱ།། དེ་ནས་དྲག་པོའི ་སྔགས་གཞན་ལ།། ཕུང་བྱེད་ཕོ་ཡི་སྔགས་དགོད་དེ།། ལྟེ་དབུས་ཡ་དཀྱིལ་བསྒྲུབ་བྱ་ཞིང་།། དེ་མཐའ་ཡཀྴའི་སྔགས་ཀྱིས་བསྐོར།། གཉིས་པ་རྩིབས་བརྒྱད་སྟེང་དུ་ཡང་།། ཕྱོགས་བཞི་མཚམས་བརྒྱད་ཇི་ལྟ ་བར།། གདུག་པའི་ཡི་གེ་འབྲུ་བརྒྱད་དགོད།། རྩིབས་མཚན་བསྒྲུབ་བྱའི་མིང་རུས་ཡུལ།། ཚང་བར་སྔགས་པས་བྲི་བར་བྱ།། གསུམ་པ་བཅུ་གཉིས་དག་ལ་ཡང་།། ཕྱོགས་བཞི་གདུག་པའི་གསང་སྔགས་དེ།། ཁྱིམ ་གསུམ་བཞི་པོ་ཚང་བར་དགོད།། རྩིབས་མཚན་བཅུ་གཉིས་དག་ལ་ཡང་།། མཚམས་བཞི་གདུག་པའི་གསང་སྔགས་ཏེ།། གོང་གསུམ་གྲོང་གསུམ་ཀྱང་མཚོན་བཞི་ཚང་བར་དགོད།། འབྲུ་ཐད་རིམ་པས་ལེགས་པར ་བྲི།། ཐ་མ་བཅུ་བདུན་སྔགས་ཀྱིས་བསྐོར།། དེ་མཐར་ཕྱག་ཞབས་ཡང་དག་བྲི།། སྐྱེ་ཤི་བཞི་ཡང་སྲོག་ལ་གཏན་འཕོ་བའི།། ཁྲུས་མཁན་ཕོ་ཡི་འཁོར་ལོ་ཡིན།། མོ་ཟོད་དག་ལ་འདི་ལྟ་སྟེ།། རིམ་པ་གོང ་དང་འདྲ་བ་ལ།། གཉིས་པ་རྩིབས་བཞི་ལེགས་པར་བྲི།། དེ་ནས་བདུན་པའི་མོ་སྔགས་ནི།། ལྟེ་དབུས་ཡ་དཀྱིལ་བསྒྲུབ་བྱ་བྲི།། དེ་མཐའ་གློག་འགྱུའི་སྔགས་ཀྱིས་བསྐོར།། གཉིས་པའི་རྩིབས་སྟེངས་འབྲུ་བཞི ་བཞག། རྩིབས་མཚན་བསྒྲུབ་བྱའི་མིང་རུས་ཡུལ།། ལེགས་པར་བྷྱོ་ཡི་བར་དུ་བྲིས།། གསུམ་པར་ཕུང་བྱེད་མ་བཞིའི་སྔགས།། ཚུལ་བཞིན་འཁོར་བར་དགོད་པར་བྱ།། བཞི་པ་རོལ་པའི་གསང་སྔགས་དང་།། རལ ་གཅིག་མ་ཡི་སྔགས་ཀྱིས་བསྐོར།། ཞལ་དང་ཕྱག་ཞབས་དེ་བཞིན་བྲི།། ཕུང་བྱེད་མ་ཡི་འཁོར་ལོ་ཡིན།། རྣམ་གཉིས་འཁོར་ལོ་དེ་བཞིན་དང་།། འུག་པའི་སྒོ་ངའི་མར་གྱིས་བྱུག། དེ་ལྟར་བྲི་བའི་འཁོར་ལོ ་དེ།། མོ་ཐོད་གན་རྐྱལ་རི་གསུམ་རྩེ།། ཕོ་ཐོད་ཁ་སྦུབ་ཁ་སྦྱར་ལ།། ནང་དུ་དཀར་དམར་རྫས་ལ་སོགས།། གསེར་སྒོང་རྣམས་ཀྱིས་རབ་ཏུ་དགང་།། དེ་ནས་ཕུང་བྱེད་སྔགས་ཀྱིས་བྲབ།། དུས་ལ་བབ་ན་དམིགས་རྟེན ་སྒྲོལ།། ཐུན་དབབ་མཚོན་གདབ་མཚོན་གྱིས་བཤིག། ཁ་བརྒྱད་སྦྱིན་སྲེག་ལས་ལ་བྱ།། སོལ་ཐལ་རྟེན་དུ་བྱས་པ་དག། སྙིང་ཤུན་བྲུབ་ལ་ཁར་བཅུ་གནས།། སྦྲུལ་གྱིས་ཁ་བཅིང་འཁོར་ལོར་གཞུག། དེ་ཉིད་ཤུན་ལ ་གྲིལ་ནས་ཀྱང་།། དུས་ཚོད་གནད་ལ་བབ་པའི་ཚེ།། སྔགས་པས་ཡུལ་གྱི་དབྱིངས་སུ་སྦ།། ཐབ་ཟོར་སྔགས་ཀྱིས་རབ་བསྐུལ་ནས།། སྲིད་པ་ལྟོ་ཟློག་ཁྲུས་ཀྱིས་དབྱུང་།། གྲོང་ཁྱེར་པུ་ཤུའི་རྩར་སྦས་ནས།། སྔགས ་ཟེར་ཐུན་གྱིས་རབ་བསྐུལ་ན།། ལྕེ་འབབ་གྲོང་ཁྱེར་ར་བཅུ་འཇིག། དེ་བཞིན་རི་མཐོ་རྩེར་སྦས་ནས།། སྟེང་དུ་ཐོ་བ་རྩིག་ཐུན་བསྐུལ་ན།། དམིགས་རྟེན་ཡུལ་ཕྱུང་འཁྲུག་པས་ཕུང་།། དུར་ཁྲོད་དཀྱིལ་དུ་སྦས་བྱས ་ནས།། བི་ཥའི་ཐུན་གྱིས་རབ་བསྐུལ་ན།། མཛེ་སྐྲན་དམུ་ཆ་ཡམས་སུ་འབྱུང་།། ལྕེ་དབབ་སད་སེར་སྨོས་ཅི་དགོས།། དྲེའུ་དང་མཛོ་ཡི་ཐོད་པ་ཡི།། བར་དུ་འཁོར་ལོ་དེ་བཅུག་ནས།། ལོ་གཤེད་ཟླ་དང་ཚེས་གྲངས ་དང་།། དུས་ཚོད་གནད་ལ་བབ་པའི་ཚེ།། ལོག་སྲེད་དུར་གྱི་བྱིངས་སུ་སྦ།། དེ་ནས་སྔགས་ཐུན་ཟོར་བསྐུལ་ན།། འགལ་བྱེད་གཙོ་བོར་བཅས་པ་སྟེ།། ཚངས་པའི་ཚེ་དང་ལྡན་གྱུར་ཡང་།། འདི་ཙམ་ཐང་གཅིག་ཡུད ་ཀྱིས་རླག། གཙོ་འཁོར་བཅས་པ་རྩད་ཆོད་དེ།། གཏན་འཕོ་རྨིག་མེད་ཐེ་ཚོམ་མེད།། བདུད་རོག་ཏི་ནག་པོ་བྱ་རོག་མགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་མདོ།། སྙིང་གཟེར་དྲག་པོའི་རྒྱུད ་ཆེན་པོ་ལས། བཤན་པ་འཁོར་ལོ་ནག་པོའི་ལེའུ་བཅུ་གཉིས་པའོ།། །། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ ་ལ་དབབ་པའི་ཕྱིར།། ཀི་ཀང་ཕུར་པའི་ལས་བཤད་པ།། རྣལ་འབྱོར་བརྟུལ་ཞུགས་ཆེན་པོ་ཡིས།། ཕུན་སུམ་ཚོགས་པ་ཀུན་ལྡན་ནས།། སྡེ་བརྒྱད་རོལ་པའི་དཀྱིལ་འཁོར་ནི།། ཐིག་གིས་ཡུལ་བཅད་ཇི ་བཞིན་དུ།། རོ་བསྲེགས་ཐལ་ཆེན་སོལ་ཕྱེ་དང་།། རཀྟ་སྐྱེར་ཤུན་སྐམ་ཕྱེ་དང་།། བི་ཥའི་འདབ་སྐམས་ཕྱེ་མ་ཡིས།། ཨེ་དང་འཁོར་ལོ་མགོ་དཔུང་བཅས།། སྒོ་བཞི་མཛེས་པའི་དཀྱིལ་འཁོར་ནི།། མཁས་པས་ཁ་དོག ་གསལ་བར་དབྲི།། ཕྱི་རོལ་ཨེ་རྒྱར་མདའ་ཚད་པའོ།། ནང་དུ་དམིགས་རྟེན་ཙ་ར་གདགས།། དེ་ནས་དྲག་པོའི་ཕུར་པ་ཡི།། རྒྱུ་དང་དབྱིབས་ཚད་བྱིན་རླབ་དང་།། དགོད་དང་སྒྲུབ་པའི་ཁྱད་པར་བསྟན།། དེ་ལ་རྒྱུ་ཡི ་བྱེ་བྲག་ནི།། ལྕགས་སྣ་ལྔ་དང་མཆོག་ཆེན་རྐང་།། མཛོ་མོའི་ཤིང་དང་ཤྭ་ནའི་རྐང་།། ཤིར་ཤིང་ཕག་རྒོད་མཆེ་བ་དང་།། གླང་ཤིང་གླང་ཆེན་མཆེ་བ་དང་།། སྐྱེར་ཤིང་མ་ཧེའི་རྭ་རྩེ་དང་།། སེང་ལྡེང་སྨུག་པོ་ལ་སོགས ་ཡང་།། ཕུར་པའི་དབྱིབས་ནི་རི་རབ་རྩེ།། རྩ་བ་མགོ་ལ་ཙོ་ཏོ་རྩེ།། རྒྱ་མདུད་གཉིས་པ་ལོགས་བརྒྱད་མཛེས།། རྩེ་མོ་ཟུར་གསུམ་དཔལ་དང་ལྡན།། ལྕགས་སྣའི་ཕུར་པ་དག་ལ་ནི།། མཁས་པས་སོར་ཚེད་བཅུ་དྲུག ་པའོ།། མཆོག་ཆེན་རྐང་ལ་བཅུ་གཉིས་ཚད།། མཛོ་མོ་ལ་སོགས་བརྒྱད་པོ་ནི།། སོར་བརྒྱད་ཚད་དུ་ཤེས་པར་བྱ།། སེང་ལྡེང་ལས་བྱས་སོར་བཞིའི་ཚད།། དེ་ལྟར་ཚད་ལྡན་རྫས་མཆོག་དེ།། མཁས་པས་བྱིན་གྱིས ་བརླབ་བྱ་བ།། སྟོང་ཉིད་ངང་ལས་སྐུར་བཞེངས་པ།། རྣལ་འབྱོར་གཤེད་པོའི་ཐུགས་ཀ་ནས།། ཡ་བཞི་འོད་འཕྲོས་སླར་འདུས་པས།། ལག་མཐིལ་གཡས་གཡོན་མཐེ་བོར་གཉིས།། ཡ་མ་རཱ་ཙ་ཡབ་ཡུམ་དང་།། སྐུ ་སྲིན་ཕོ་མོའི་སྐུར་གསལ་བའོ།། ཡ་མ་ར་ཙ་ས་དོ་མེ་ཡ། མ་མ་ཨེ་ཀ་ཛ་ཊི་ས་མ་ཡ་ཧོ།། ས་མ་ཡ་སྟཾ། ཡཀྟ་ཛ་ལ་ནི། སྙིང་ཁྲག་ཡག་མོ་ནཱ་ག་ལེ། ས་མ་ཡ་ཧ།། ས་མ་ཡ་སྟཾ། ཐལ་མོ་ལན་གསུམ་དྲག་བརྡབས ་པས།། འོད་ཟེར་སྤྲོ་བསྡུས་འབྲུ་བརྒྱད་ལས།། གཡས་མཛུབ་གུང་མོ་སྲིན་ལག་དང་།། མཐེའུ་ཆུང་དེ་བཞིན་མཛུབ་མོ་དང་།། གུང་མོ་སྲིན་ལག་མཐེའུ་ཆུང་རྣམས།། བི་ཏྲི་པ་ཏྲ་རཱ་ཧུ་ལ།། སྒྲ་གཅན་མཇུག་རིངས་ཡབ ་འཇུག་དང་།། བིཥྞ་ར་ཙ་ཙ་ར་ཀ། ལྗང་སྔོན་ལ་སོགས་རིམ་བཞིན་ཏེ།། དེ་ནས་འབྲུ་བཞི་འོད་འཕྲོས་པས།། མཐེབ་སྙིང་གཡས་གཡོན་དག་དང་ནི།། དེ་བཞིན་མཛུབ་སྙིང་གཡས་གཡོན་ལ།། སྟག་སྲིན་བམ་སྲིན ་ཀོང་སྲིན་དང་།། འབྲོག་སྲིན་ལ་སོགས་རིམ་བཞིན་བསྒོམ།། དེ་ནས་ཕན་ཚུན་དམ་བསྣོལ་བའི།། བར་དུ་ཕུར་པ་དེ་བཅུག་ནས།། རྟིང་པས་དྲིལ་ཤིང་སྔགས་འདི་བཟླས།། ཨོཾ་ཀ་ཡ་ཤྲཱི་མ་ཧཱ་བཛྲ་དཱིཔྟ་ཙཀྲ་ཧ་ན་ཧ་ན ་ཨོཾ། དེ་ནས་ཐལ་སྦྱར་རྩེ་སྤྲད་པའི།། བར་དུ་ཕར་ཚོགས་དེ་བཅུག་ནས།། དྲིལ་ཚུལ་བསྟན་ཅིང་སྔགས་འདི་བཟླས།། ཧྲིཿབཱག་བུ་མུར་བ་ཨཱ། དེ་ནས་ཐལ་སྦྱར་དམ་བསྣོལ་ནས།། གུང་མོ་བསྒྲེངས་ཏེ་རྩེ་སྤྲད ་པའི།། བར་དུ་ཕུར་བཅུག་སྔགས་འདི་བཟླས།། ཧཱུཾ་ཙིཏྟ་བཛྲ་སྭཱ་ཧཱུཾ། གྲུ་གསུམ་འོད་ཀྱི་སྤྲོ་བསྡུ་དང་།། དྲེགས་པ་ཕོ་མོའི་འོད་ཟེར་གྱིས།། བདེ་གཤེགས་སྐུ་གསུང་ཐུགས་བསྡུས་ནས།། འཁྲུལ་རྟོག་ལོག ་ལྷལྟ་ཀུན་བསྲེགས་ནས།། ཕུར་པ་གཙོ་འཁོར་སྐུར་གསལ་བྱེད།། སྐུ་གསུང་ཐུགས་དང་ལྡན་པར་བརླབ།། དེ་ནས་བྱུག་བདུག་དྲག་ཏུ་དྲིལ།། སྔགས་འདིས་སྲིད་གསུམ་སྒྲོལ་བར་བསྐུལ།། ཨོཾ་བཛྲ་ཀྲོ་ཏ་རོག་ཏི་ཡཀྐ་ཀི ་ལི་ཀཱི་ལ་ཡ། སརྦ་བིགྷྣཱན་མཱ་ར་ཡ་ཧཱུཾ་ཕཊ། ཕུང་བྱེད་སྒྲོལ་བདག་ཕོ་མོ་དེ།། སྔགས་པས་འདི་སྐད་དགོད་པར་བྱ།། ཧཱུཾ། སྲིད་གསུམ་སྒྲོལ་བའི་དཀྱིལ་འཁོར་ནི།། ཡུམ་མཆོག་མཁའ་དཀྱིལ་ཨེ་ཀློང་དུ།། འཇིགས་བྱེད ་སྐུ་མཆོག་དྲེགས་པ་འདུལ།། བྱད་ཚུལ་སྟབས་ཀྱིས་བཞུགས་སུ་གསོལ།། ཕུང་བྱེད་ཡབ་སྲས་ལྕམ་དང་བྲལ།། རྩིབས་རྒྱད་མགོ་དཔུང་ཡན་ལག་དང་།། སྒོ་བཞི་ཀེང་རག་གདན་སྟེངས་སུ།། རྔམས་ཤིང་ཆུབ་པས ་བཞུགས་སུ་གསོལ།། བསྐྱེད་པ་རྩ་བའི་སྔགས་མཇུག་ལ།། ས་མ་ཡ་ཏིཥྛ་ལྷན། ཞེས་བརྗོད། ཨེ་དང་དེ་བདུན་རྩིབས་བརྒྱད་དང་།། སྒོ་བཞི་ཀེང་རག་གདན་སྟེངས་སུ།། མི་མཐུན་རྫས་ཕུར་བཅུ་བཞི་དགོད།། དུས ་གསུམ་དཀར་ནག་དུད་པས་བདུག། ཐུན་རྫས་མཆོད་པ་རིམ་པས་བཞག། སྒྲུབ་དང་ཁྱད་པར་དྲག་པོའི་ལས།། བསྒྲུབ་པ་སྐྱེད་ཆོ་ག་བཟླས་པ་ནི།། སྔགས་བསྙེན་འོག་ཏུ་འབུམ་བཟླས་ནས།། སྡེ་བརྒྱད་ཀུན་ལ ་དཔང་བཙུགས་ཤིང་།། ཐ་ཚིག་ཅན་རྣམས་དྲག་མངགས་ནས།། གྲུབ་པའི་རྟགས་རྣམས་ཡིད་བརྟན་འབྱུང་།། དེ་ནས་ཁྱད་པར་དྲག་པོའི་ལས།། ཀི་ཀང་རྒྱུ་བའི་དུས་དག་ལ།། མདའ་ཚད་ཨེ་བརྒྱད་གང་ཡིན ་པར།། ལོག་པར་བལྟ་བའི་འབྱུང་པོ་དེ།། ཁ་སྦུབ་གན་རྐྱལ་གང་ཡང་རུང་།། སྙིང་གི་ཐད་ཀར་མིང་རུས་བརྒྱད།། མགོ་དཔུང་ཡན་ལག་གནས་བརྒྱད་དུ།། སྡེ་བརྒྱད་རོལ་པའི་ཐུན་བརྒྱད་དབབ།། དེ་ནས་དྲག་པོའི ་ཕུར་པས་བརྡེག། ལྕགས་ཕུར་རླངས་ལ་འདི་སྐད་གདང་།། ཧཱུཾ་མཁའ་ཀློང་ཨེ་ཡི་ཕོ་བྲང་ནས།། ཁྲོ་མཆོག་རྒྱལ་པོ་སྐུ་བཞེངས་ཏེ།། སྐུ་སྟོད་གཤེད་པོ་འབར་བའི་སྐུ།། སྐུ་སྨད་ཟུར་གསུམ་ཀཱི་ལ་ཡ།། སྲོག་གཤེད་ཁྲོས ་པའི་དཔལ་དང་ལྡན།། ལྟེ་བའི་དཀྱིལ་དུ་ཀཱི་ལ་ཡ།། ཨོཾ་མཉྫུ་ཤྲཱི་ཨ་ཀྲོ་ཏེ་ཀ་ཡ་མཱཏྟ་ཀ་ཨ་མུ་ཀཾ་ཛ་ཀཱི་ལི་ཀཱི་ལ་ཡ། སརྦ་བིགྷ་ནཱན་ཆེ་གེ་མོ་མཱ་ར་ཡ། ཨོཾ་བེ་ཏཱ་ལི་རགྣ་ཀྲོ་དྷི་ཤྭ་རའི་ཨུ་ཙུཥྨ། སྙིང་ཁ་རག་ཨེ་ཀ་ཛ་ཊི་མ་མ ་ཏྲག་ཤ་བྷུ།། ཀཱི་ལི་ཀཱི་ལ་ཡ་ཆེ་གེ་མོ་མཱ་ར་ཡ་ཕཊ། ཧཱུཾ། ཁྲག་མཚོ་རུས་ཁིའི་གདན་སྟེང་ནས།། སྲིན་པོ་མེ་འབར་ཁྲོས་པའི་སྐུ།། སྐུ་སྨད་ཟུར་གསུམ་དཔལ་དང་ལྡན།། སྲོག་རྩ་བཅད་པའི་དུས་ལ་བབ།། ཨཱ~ཾ་ཡཀྐ་ཛ ་ལ་ནི་སྙིང་ཁྲག་ཙ་ཙ་ར་ཙ་རྦད། རགྣ་ཡགྣ་ཀཱི་ལི་ཀཱི་ལ་ཡ་སརྦ་བིགྷྣཱན་ཆེ་གེ་མོ་མཱ་ར་ཡ་ཧཱུཾ་ཕཊ། ཡག་མོ་ན་ག་ལེ་སྙིང་དུན་ཏི་ཙ་ཙ་ར་ཙ་རྦད། ཀཱི་ལི་ཀཱི་ལ་ཡ་སརྦ་བིགྷྣཱན་མཱ་ར་ཡ་ཕཊ། ཧཱུཾ། ནུབ་ཀྱི་ཕྱོགས་ནས་སྐུ ་བཞེངས་པ།། སྐུ་སྟོད་ལྡང་སྔོན་དབུ་དཔུང་ཆེ།། སྐུ་སྨད་ཟུར་གསུམ་དཔལ་དང་ལྡན།། དཔུང་པ་གཡོན་ལ་ཀཱི་ལ་ཡ།། དགུག་སྔགས་དང་པོའི་མཇུག་ཏུ་ཡང་།། གདབ་སྔགས་འདི་བཟླས་གསལ ་བསྒོམ་བརྡེག། ཀཱི་ལི་ཀཱི་ལ་ཡ་སརྦ་བིགྷྣཱན་ཆེ་གེ་མོ་མཱ་ར་ཡ་ཧཱུཾ་ཕཊ།། ཧཱུཾ།། ཤར་ལྷོ་མཚམས་ནས་སྐུ་བཞེངས་པ།། སྐུ་སྟོད་དྲང་སྲོང་དབུ་དཔུང་ཆེ།། སྐུ་སྨད་ཟུར་གསུམ་དཔལ་དང་ལྡན།། ལག་པ་གཡས་ལ་ཀཱི་ལ ་ཡ།། གུག་སྔགས་གཉིས་པའི་མཇུག་ཏུ་ཡང་།། གདབ་སྔགས་འདི་ཟླས་མྱུར་དུ་བརྡེག། ཀཱི་ལི་ཀི་ལ་ཡ་སརྦ་བིགྷྣཱན་ཆེ་གེ་མོ་ལ་ཨཱ་བེ་པོ་ཤ་ན་མཱ་ར་ཡ་ཧཱུཾ་ཕཊ། ཧཱུཾ། བྱང་གི་ཕྱོགས་ནས་སྐུ་བཞེངས་པ།། སྐུ་སྟོད་བདུད ་པོ་དབུ་དཔུང་ཆེ།། སྐུ་སྨད་ཟུར་གསུམ་དཔལ་དང་ལྡན།། གསང་བའི་གནས་སུ་ཀཱི་ལ་ཡ།། གསུམ་པ་སྔགས་མཇུག་འདི་བཟླས་བརྡེག། ཀཱི་ལི་ཀཱི་ལ་ཡ་སརྦ་བིགྷྣཱན་ཆེ་གེ་མོ་ཀུ་རུ་ཤེ་མཱ་ར་ཡ་ཧཱུཾ་ཕཊ། ཧཱུཾ། ལྷོ་ནུབ ་མཚམས་ནས་སྐུ་བཞེངས་པ།། སྐུ་སྟོད་བི་ཏྲི་དབུ་དཔུང་ཆེ།། སྐུ་སྨད་ཟུར་གསུམ་དཔལ་དང་ལྡན།། ཀླད་པའི་དཀྱིལ་དུ་ཀཱི་ལ་ཡ།། བཞི་པའི་སྔགས་མཇུག་འདི་བཟླས་བརྡེག། ཀཱི་ལི་ཀཱི་ལ་ཡ་སརྦ་བིགྷྣཱན་ཆེ་གེ་མོ་ས ་དྷན་དྷ་ཤ་མཱ་ར་ཡ་ཧཱུཾ་ཕཊ། ཧཱུཾ། ཤར་གྱི་ཕྱོགས་ནས་སྐུ་བཞེངས་པ།། སྐུ་སྟོད་ཧ་ལིང་དབུ་དཔུང་ཆེ།། སྐུ་སྨད་ཟུར་གསུམ་དཔལ་དང་ལྡན།། གཞང་དང་རྐུབ་ཏུ་ཀཱི་ལ་ཡ།། དགུག་སྔགས་ལྔ་མཇུག་འདི་བཟླས ་བརྡེག། ཀཱི་ལི་ཀཱི་ལ་ཡ་སརྦ་བི་གྷ་ནཱན་ཆེ་གེ་མོ་ཧབ་ཧུབ་ཁ་རག་མཱ་ར་ཡ་ཧཱུཾ་ཕཊ། ཧཱུཾ། ནུབ་བྱང་མཚམས་ནས་སྐུ་བཞེངས་པ།། སྐུ་སྟོད་ཡ་མ་དབུ་དཔུང་ཆེ།། སྐུ་སྨད་ཟུར་གསུམ་དཔལ་དང་ལྡན།། ལག་པ་གཡོན་ལ ་ཀི་ལ་ཡ།། དྲུག་པའི་སྔགས་མཇུག་འདི་བཟླས་བརྡེག། ཀཱི་ལི་ཀཱི་ལ་ཡ་སརྦ་བི་གྷ་ནཱན་ཆེ་གེ་མོ་ཁུ་རུ་རུ་པེ་ཤ་མཱ་ར་ཡ་ཧཱུཾ་ཕཊ། ཧཱུཾ། ལྷོ་ཡི་ཕྱོགས་ནས་སྐུ་བཞེངས་པ།། སྐུ་སྟོད་ཁྱབ་འཇུག་དབུ་དཔུང་ཆེ།། སྐུ་སྨད་ཟུར ་གསུམ་དཔལ་དང་ལྡན།། དཔུང་པ་གཡས་ལ་ཀཱི་ལ་ཡ།། བདུན་པའི་སྔགས་མཇུག་འདི་བཟླས་བརྡེག། ཀི་ལ་ཀཱི་ལ་ཡ་སརྦ་བི་གྷ་ནཱན་ཆེ་གེ་མོ་ཁ་ལོ་ཤན་རཀྟ་མཱ་ར་ཡ་ཧཱུཾ། ཧཱུཾ། བྱང་ཤར་མཚམས་ནས་སྐུ་བཞེངས ་པ།། སྐུ་སྟོད་སྒྲ་གཅན་དབུ་དཔུང་ཆེ།། སྐུ་སྨད་ཟུར་གསུམ་དཔལ་དང་ལྡན།། སྙིང་གི་དཀྱིལ་དུ་ཀཱི་ལ་ཡ།། དགུག་སྔགས་མཐའ་མའི་མཇུག་དག་ལ།། གདབ་སྔགས་འདི་བཟླས་གསལ་བསྒོམ་བརྡེག། ཀཱི་ལི་ཀཱི་ལ ་ཡ་སརྦ་བི་གྷ་ནཱན་ཆེ་གེ་མོ་བི་ཏ་བལ་སུ་མཱ་ར་ཡ་ཧཱུཾ་ཕཊ།། ཤར་ཕྱོགས་ནམ་མཁའི་དཀྱིལ་ཡངས་ནས།། སྲིང་གཅིག་སྟག་སྲིན་ཕུང་བྱེད་མ།། ལོ་ཏོག་ནད་ཀྱི་མངའ་བདག་མོ།། ལོང་རྩ་གཡས་ལ་ཀཱི་ལ་ཡ།། མ་ར ་ཙིཏྟ་ཤ་ལ་ཐིབ། ཙ་དུན་ཧ་ར་ལ་བྷྱོ།། ཀཱི་ལི་ཀཱི་ལ་ཡ་སརྦ་བི་གྷ་ནཱན་ཆེ་གེ་མོ་མཱ་ར་ཡ་ཧཱུཾ་ཕཊ། ལྷོ་ཕྱོགས་ནམ་མཁའི་དཀྱིལ་ཡངས་ནས།། སྲིང་གཅིག་བམ་སྲིན་དྲེད་མོའི་གདོང་།། གླང་སྣ་ནད་ཀྱི་མངའ་བདག ་མོ།། ཨ་སོ་ལི་ཀ་གཡས་ལ་ཡ།། རགྷོ་རུ་རུ་ཁ་རག་ཧེད་ཙིཏྟ་མ་མ་བྷྱོ།། ཀི་ལ་ཀི་ལ་ཡ་སརྦ་བི་གྷ་ནཱན་ཆེ་གེ་མོ་མཱ་ར་ཡ་ཧཱུཾ་ཕཊ། ནུབ་ཕྱོགས་ནམ་མཁའི་དཀྱིལ་ཡངས་ནས།། སྲིང་གཅིག་ཀོང་སྲིན་བན ་གླང་གདོང་།། ཁྲག་ནད་གཟེར་བའི་མངའ་བདག་མོ།། ཨ་སོ་ལི་ཀ་གཡོན་ལ་ཡ། རག་མོ་ཙ་བ་ཤམ་ཁ་ཐུམས་ཙ་ར་ན་བྷྱོ། ཀཱི་ལ་ཀཱི་ལ་ཡ་སརྦ་བི་གྷ་ནཱན་ཆེ་གེ་མོ་མཱ་ར་ཡ་ཧཱུཾ་ཕཊ། བྱང་ཕྱོགས་ནམ་མཁའི་དཀྱིལ ་ཡངས་ནས།། སྲིང་གཅིག་འབྲོག་སྲིན་ཆུ་སྲིན་གདོང་།། ལྷོག་རྒལ་གག་པའི་མངའ་བདག་མོ།། ལོང་རྩ་གཡོན་ལ་ཀཱི་ལ་ཡ།། རག་མོ་ཤིག་ཤིག་ཁ་རག་ལམ། བལ་ཕྱུར་དུ་ཡ་མ་བྷྱོ།། ཀཱི་ལི་ཀཱི་ལ་ཡ་སརྦ་བི་གྷ་ནཱན ་ཆེ་གེ་མོ་མཱ་ར་ཡ་ཧཱུཾ་ཕཊ། གདབ་ཚུལ་བསྟན་པ་ཙམ་གྱིས་ཀྱང་།། སྲིད་པ་གསུམ་ཡང་སྐད་ངན་འདོན།། དམིགས་རྟེན་གང་བཅས་སྨྲེ་སྔགས་འདོན།། སྡུག་བསྔལ་མི་བཟོད་ཡ་རེ་ཆ།། བུབ་འགྱེལ་བརྒྱལ་ཏེ་འདུག་པ ་ལ།། ཕུར་པས་གནས་རྣམས་ཐལ་ཕྱུང་ལ།། དབང་པོ་བླ་རྟེན་བག་བཞི་ཉམས།། བཀྲག་དང་གཟི་མདངས་ཕུར་པས་བསྡུས།། རོག་ཏི་ནག་པོ་འཁོར་བཅས་ཀྱིས།། དབང་པོ་གནས་ཡུལ་བཅས་པ་དང་།། ཤ་དང ་རུས་པ་པགས་པ་སོགས།། རྔམས་ཤིང་བཅད་དེ་བཏོག་ཅིང་ཟ།། སྲོག་གཤེད་ཕོ་མོས་སྲོག་གཅོད་ཅིང་།། སྲིན་པོ་ཕོ་མོའི་སྤྲུལ་པ་རྣམས།། ལ་ལ་ཡིས་ནི་དབུགས་མ་རྔུབ།། ལས་ལ་ཡིས་ནི་ཁྲག་ལ་འཇིབ།། ལ་ལས ་སྲོག་པ་རྩ་ནས་འདྲེན།། ལ་ལས་ཀླད་ཁྲག་དཀྲུག་ཅིང་འཐུང་།། ཀི་ཀང་ཕབ་ནས་བསད་པ་ལ།། རྗེས་ཤུལ་མེད་པར་ཟ་བྱེད་ཅིང་།། མཱ་ར་ཡ་ཡི་ཡུལ་དག་ཏུ།། སེར་བ་སྣ་ཚོགས་སྒོང་ལྟར་འདྲིལ།། ཀི་ཀང་སྣ་ཚོགས ་དུས་མེད་ཕོབ།། དེ་ནས་མཚོན་ཆ་རྣོན་པོས་ཤིགས།། ལྷ་ཚོགས་ཀུན་ལ་ཐིམ་པར་ཕུལ།། སྦྱིན་བསྲེག་གནན་པའི་ལས་རྫོགས་བྱ།། རྔམ་སྟབས་དྲག་པོས་རྣམ་པར་གཟིར།། དྲག་པོའི་ལས་འདི་ཀུན་རྫོགས་ན།། རྡོ ་རྗེ་འཛིན་པ་ཉིད་ཀྱང་འཇིག། བདུད་རོག་ཏི་ནག་པོ་བྱ་རོག་མགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་མདོ།། སྙིང་གཟེར་དྲག་པོའི་རྒྱུད་ཆེན་པོ་ལས། མངགས་པ་སྲོག་ཕུར་གྱི་ལེའུ་བཅུ་གསུམ ་པའོ།། །། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། ཕུང་བྱེད་སྲོག་ཟོར་ལས་བཤད ་པ།། སྔགས་པ་རྣལ་འབྱོར་ལྡན་པ་ཡིས།། དྲག་པོར་བརྟག་པའི་གནས་ཆེན་དུ།། གཤེད་ཀྱི་ཟླ་བ་ཚེས་གཅིག་ལ།། འཇིག་རྟེན་གདུག་པའི་ལྷ་སྲིན་ལ།། མཆོད་སྦྱིན་བསྔོས་ཏེ་བཀའ་བསྒོ་ལ།། དེ་ནས་དྲག་པོའི་ལས ་འདི་བརྩམས།། དཀྱིལ་འཁོར་འདོམ་གང་ཚད་ལྡན་པའི།། དེ་དབུས་གྲུ་གསུམ་ཁྲུ་དོའི་ཚད།། སོར་ཚད་དྲུག་པ་རིམ་གསུམ་སྟེ།། དཔངས་ཀྱང་སོར་ཚད་དྲུག་དྲུག་པ།། ཐ་མ་ཀུན་ཏུ་ཟླུམ་པོར་བསྐོར།། དུར་ཁྲོད ་སོལ་ཕྱེ་ཁྲག་ཆེན་གྱིས།། གྲུ་གསུམ་ཀུན་ཏུ་སྤུག་ནག་ཏུའོ།། ཟླ་གམ་བམ་ཆེན་ཁྲག་གིས་བྱུག། ཐ་མ་རཀྟ་ཐལ་ཆེན་དང་།། དུག་དང་དཀར་དམར་རྫས་སྦྱར་བྱུག། དཀྱིལ་དུ་བེ་ཅོན་ཕྱག་རྒྱ ་བཞག། དང་པོ་རྡོ་རྗེ་མདའ་གཞུས་མཚན།། གཉིས་པ་ཐོད་པ་དགུས་མཚན་པའོ།། གསུམ་པ་མེ་རིས་མཚན་པ་བྲི།། དུར་ཁྲོད་རོ་ཡིས་ཐལ་བས་བྱུག། དེ་ནས་གདུག་པའི་ཤིང་རྫས་ནི།། དུར་ཁྲོད་ཤིང་དང་སྐྱེར་པ ་དང་།། ནིམ་པའི་ཤིང་དང་ཡུངས་ཀར་ཤིང་།། གདུག་པའི་བསེ་ཤིང་སེང་ལྡེང་དང་།། བྲ་མའི་ཤིང་དང་དུག་ཤིང་སྟེ།། དཔལ་དུར་ཁྲོད་ཤིང་དག་ལ།། རོ་རས་ཤུན་གྱིས་བྱུག་པ་ཡིས།། ཚད་མེད་ཅི་རིགས་སྦམས ་ནས་དྲིལ།། གྲུ་གསུམ་དབུས་སུ་དེ་རྫས་བསྒྲེང་།། གྲུ་གསུམ་ཕྱི་སྣམ་མེ་རི་ལ།། གདུག་པའི་རྣོ་རྩང་ཉི་ཤུ་གཅིག། སོར་ཚད་བཅུ་དྲུག་ལྡན་པ་ལ།། རྩེ་ལ་དུག་བྱུག་མཁས་པས་དགྲམ།། ཡུགས་ས་མོ་ཡི་སྐྲ་དག ་ལ།། བཤན་པས་ཕྱིར་ཕྱོགས་བཀལ་བ་ཡི།། ཕུང་བྱེད་ཁྲམ་ཐག་ནག་པོ་ཡིས།། རྩང་སྡོམ་འགག་མིག་བཅུ་གཉིས་བྱ།། ཟླ་གམ་གྲུ་བཞིའི་སྟེང་དུ་ཡང་།། དཀར་དམར་ལ་སོགས་རྫས་རྣམས་བཞག། བསྐྱེད་མཆོད ་བཟླས་དང་བསྟོད་པ་བྱ།། དེ་ནས་ལོག་སྲེད་འབྱུང་པོའི་གཟུགས།། ཕྱི་ས་གོས་ཀྱི་དུམ་བུའམ།། རྐང་རྗེས་མཆིལ་སྣབས་གང་རྙེད་དང་།། ལན་ཚྭ་ལྡོང་རོས་ས་ཞག་དང་།། བག་ཕྱེ་དག་ལ་ཁག་གིས་སྦྲུས།། གཅིག་ལ ་མཐོ་གང་ཚད་ལྡན་ཏེ།། སོར་བརྒྱད་ལྡན་པ་བཅུ་གཉིས་བྱ།། དཔྲལ་བ་སྙིང་ག་ཡན་ལག་ལ།། མིང་རུས་བླ་དྭགས་གསལ་བར་བྲི།། དེ་ནས་གཡེལ་མེད་ཏིང་འཛིན་དང་།། སྙིང་རྗེ་གདུག་པའི་ངན་སེམས ་ཀྱིས།། ཕུང་བྱེད་གཙོ་འཁོར་ཀུན་མངགས་ཏེ།། གང་དམིགས་རྟེན་ལ་བཀུག་བསྟིམ་ནས།། ཁྲག་ཐག་འགག་མིག་བཅུ་གཉིས་ལ།། དམིགས་རྟེན་བཅུ་གཉིས་སྐེ་ནས་གདགས།། གཅིག་ནི་ནུབ་ཏུ་ཁ་བལྟས ་ཏེ།། དམར་དང་སྐྲག་ལ་ཤར་དུ་བཞག། དེ་ནས་གནད་ལ་དབབ་པའི་ཚེ།། ཡུགས་སའམ་བཤན་པས་མེ་སྦར་ནས།། བདུད་རྩི་སྣ་ལྔ་ལ་སོགས་ཏེ།། དཀར་དམར་རྫས་དང་སྔོ་ཁུ་དང་།། རིན་ཆེན་སྣ་ལྔ་དུག་ལ ་སོགས།། མིང་རུས་རྟེན་དུ་བཅས་པ་ལ།། རྩ་བའི་སྔགས་བཟླས་མཇུག་ཏུ་ཡང་།། མ་མ་སརྦ་ཤ་ཧཱུཾ་ཆེ་གེ་མོ་ཨགྣེ་ཡེ་ཛ་ལ་མཱ་ར་ཡ་ཧཱུཾ་ཕཊ། འདི་བཟླས་སྔགས་པས་སེང་ལྡེང་ལ།། བརྒྱ་བརྒྱར་བསྲེག་ན་ལས ་ཀུན་འགྲུབ།། དེ་ནས་རྫས་དང་ཐལ་འཇིམ་དེ།། མི་སོག་མེ་སོགས་ཀྱང་ཁམ་གྱིས་བླང་བྱས་ནས།། དྲག་སྔགས་བཟླས་ཤིང་ལིངྒ་ལིངྒ་བྲབ་བཤམ་ཤ་ཡང་།། ལྗང་སྔོན་དྲག་པོའི་སྲེག་ཟོར་ཡིན།། དེ་ནས་ཆོ་ག་ཇི ་བཞིན་དུ།། དུས་ཚོད་གནད་ལ་བབ་པའི་ཚེ།། ལིངྒ་ནུབ་བྱང་མཚམས་སུ་བཞག། སྔགས་པ་ཤར་ལྷོ་མཚམས་སུ་གནས།། སྐྱེར་བའི་ཤིང་ལ་མེ་སྦར་ཏེ།། རྫས་དང་ལིངྒ་ལ་སོགས་ལ།། སྔགས་བཟླས་བརྒྱ་བརྒྱར ་བསྲེག་བྱས་ནས།། ཐལ་འཇིབ་མེ་སོག་ཁེམ་གྱིས་བྲབ།། དྲང་སྲོང་ཆེན་པོའི་སྲེག་ཟོར་ཡིན།། དེ་ནས་ཆོ་ག་ཇི་བཞིན་དུ།། དུས་ཚོད་གནད་ལ་བབ་པའི་ཚེ།། ལིངྒ་དམར་སྐྲག་ལྷོ་རུ་གཞག། སྔགས ་པས་བྱང་གི་ཕྱོགས་གནས་ལ།། ནིམ་པའི་ཤིང་ལ་མེ་སྦར་ཏེ།། རྫས་དང་ལིང་ག་ལ་སོགས་ལ།། སྔགས་བཟླས་བརྒྱ་བརྒྱར་བསྲེག་བྱས་ལ།། ཐལ་འཇིམ་སྔགས་ཀྱིས་དེ་བཞིན་བྲབ།། ཐལ་འཇིམ་མི་སོག་གཡས ་པས་བྲབ།། ཙ་ར་ཀ་ཡི་སྲེག་ཟོར་ཡིན།། དེ་ནས་ཆོ་ག་ཇི་བཞིན་དུ།། དུས་ཚོད་གནད་ལ་བབ་པའི་ཚེ།། ལིངྒ་བྱང་ཤར་མཚམས་སུ་བཞག། སྔགས་པས་ལྷོ་ནུབ་མཚམས་སུ་གནས།། ཉུང་དཀར་ཉུང་ནག་ཤིང་དག ་ལ།། ཡུགས་སའམ་བཤན་པས་མེ་སྦར་ཏེ།། རྫས་དང་ལིངྒ་ལ་སོགས་ལ།། སྔགས་བཟླས་བརྒྱ་བརྒྱར་བསྲེག་བྱས་ནས།། ཐལ་འཇིམ་དེ་བཞིན་སྔགས་ཀྱིས་བྲབ།། བི་ཏྲི་པ་ཏྲའི་སྲེག་ཟོར་ཡིན།། དེ་ནས་ཆོ་ག་ཇི ་བཞིན་དུ།། དུས་ཚོད་གནད་ལ་བབ་པའི་ཚེ།། ལིངྒ་དམར་བཅས་ནུབ་ཏུ་བཞག། སྔགས་པ་ཤར་གྱི་ཕྱོགས་གནས་ལ།། གདུག་པ་བསེ་ཡི་ཤིང་དག་ལ།། ཡུགས་སའམ་བཤན་པས་མེ་སྦར་ཏེ།། རྫས་དང་ལིང་ག་ལ ་སོགས་པ།། སྔགས་བཟླས་བརྒྱ་བརྒྱར་བསྲེག་བྱས་ནས།། ཐལ་འཇིམ་སྔགས་ཀྱིས་དེ་བཞིན་བྲབ།། བིཥྞུ་རཱ་ཙའི་སྲེག་ཟོར་ཡིན།། དེ་ནས་ཆོ་ག་ཇི་བཞིན་དུ།། དུས་ཚོད་གནད་ལ་བབ་པའི་ཚེ།། ལིངྒ་ཤར་ལྷོ ་མཚམས་སུ་བཞག། སྔགས་པ་ནུབ་བྱང་མཚམས་སུ་གནས།། སེང་ལྡེང་ཤིང་ལ་མེ་སྦར་ཏེ།། རྫས་དང་ལིངྒ་ལ་སོགས་ལ།། སྔགས་བཟླས་བརྒྱ་བརྒྱར་བསྲེག་བྱས་ནས།། ཐལ་འཇིམ་སྔགས་ཀྱིས་ལིངྒ་བྲབ།། མཇུག ་རིངས་དྲག་པོའི་སྲེག་ཟོར་ཡིན།། དེ་ནས་ཆོ་ག་ཇི་བཞིན་དུ།། དུས་ཚོད་གནད་ལ་བབ་པའི་ཚེ།། ལིངྒ་དམ་རྫས་བྱང་དུ་བཞག། སྔགས་པ་ལྷོ་ཡི་ཕྱོགས་གནས་ལ།། བྲ་མེའི་ཤིང་ལ་མེ་སྦར་ཏེ།། རྫས་དང་ལིངྒ་ལ ་སོགས་ལ།། སྔགས་བཟླས་བརྒྱ་བརྒྱར་བསྲེག་བྱས་ནས།། ཐལ་འཇིམ་སྔགས་ཀྱིས་ལིངྒ་བྲབ།། ཁྱབ་འཇུག་ཆེན་པོའི་སྲེག་ཟོར་ཡིན།། དེ་ནས་ཆོ་ག་ཇི་བཞིན་དུ།། དུས་ཚོད་གནད་ལ་བབ་པའི་ཚེ།། ལིངྒ་དམ་རྫས ་ཆ་གཅིག་དང་། སྦྱར་ལ་ལྷོ་ནུབ་མཚམས་སུ་བཞག། སྔགས་པ་བྱང་ཤར་མཚམས་གནས་ལ།། བི་ཥ་སྣ་ཚོགས་ཤིང་དག་ལ།། ཡུགས་སའམ་བཤན་པས་མེ་སྦར་ཏེ།། བདུད་རྩི་སྣ་ལྔ་ལ་སོགས་ལ།། དཀར་དམར ་རྫས་དང་སྔོ་ཁུ་དང་།། རིན་ཆེན་སྣ་ལྔ་དགུ་ལ་སོགས།། དུར་ཁྲོད་རས་དང་གྲོ་ག་དང་།། ཁྲག་གིས་བྲིས་པའི་མིང་རྟེན་ལ།། རྩ་བའི་སྔགས་ཀྱི་མཇུག་ཏུ་ཡང་།། མ་མ་སརྦ་ཤ་ཏྲཱུཾ་ཆེ་གེ་མོ་ཨགྣེ་ཛ་ལ་མཱ་ར་ཡ་ཧཱུཾ་ཕཊ། དེ ་བཟླས་སྔགས་པས་སེང་ལྡེང་ལ།། བརྒྱ་བརྒྱར་བསྲེག་ན་སྲིད་གསུམ་ཕུང་།། ཚངས་དང་བརྒྱ་བྱིན་ལ་སོགས་ཀྱང་།། ངེས་པར་སྲོག་ལས་གཏན་འཕོའོ།། དཻ་ནས་རྫས་དང་ཐལ་འཇིམ་དེ།། མི ་སོག་གཡས་པའི་ཁེམ་དག་གིས།། དྲག་སྔགས་བཟླས་ཤིང་ལིངྒ་བྲབ།། སྒྲ་གཅན་འཛིན་གྱི་སྲེག་ཟོར་ཡིན།། དེ་ནས་དམིགས་རྟེན་ལིངྒ་ལ།། རྩང་གིས་གཏུབ་ཅིང་ཐག་པས་སྦྲེལ།། དེ་ནས་རྫས་དང ་བཅས་པ་དག། རེ་དུལ་ནག་པོས་བྲིལ་ནས་ཀྱང་།། ཕྱོགས་ངན་གཤེད་ཀྱི་ལག་ཏུ་གཏད།། ཡང་ན་ནཱ་ག་གནས་སར་སྦ།། སྲེག་ཟོར་ཧོམ་བརྒྱད་འདི་རྫོགས་ན།། འཇིག་རྟེན་ཕུང་ལས་ཀུན་གྲུབ་སྟེ།། ཐོག་སེར ་ཡམས་ནད་སྣ་ཚོགས་དང་།། བཙའ་མུག་ལོ་ཉེས་འཁྲུག་པའི་ས།། ལོག་སྲེད་ཉིད་ཕུང་ཡུལ་ཁམས་ཕུང་།། བཤན་པ་ནག་པོའི་སྲོག་ལས་འདི།། ལྔ་བརྒྱ་དུས་ཀྱི་མཐའ་མའི་ཚེ།། གབ་གསང་དོན་གྱི་བློ་ཅན ་དང་།། སྔགས་བསྙེན་རྫོགས་དང་ཕྱག་རྒྱ་གསལ།། དམ་ཚིག་བརྩེར་ལྡན་མཁས་པས་བྱ།། དམ་མེད་རས་ཆོད་གཟུ་ལུམས་ཅན།། བཀའ་ཐོབ་མེད་པའི་རང་བྱན་མཁན།། གང་དེས་འདི་རྩོམ་རང་ཉིད་རླག། བདུད ་རོག་ཏི་ནག་པོ་བྱ་རོག་མགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀེ་ཀང་རོག་ཏིའི་མདོ། སྙིང་གཟེར་དྲག་པོའི་རྒྱུད་ཆེན་པོ་ལས། བཤན་པ་ཧོམ་ནག་གི་ལེའུ་བཅུ་བཞི་པའོ།། །། དེ་ནས་བཅོམ་ལྡན ་གཤེད་ཆེན་གྱིས།། ལྔ་བརྒྱ་དུས་ཀྱི་སྙིགས་མའི་ཚེ།། འགལ་བྱེད་ཆམ་ལ་དབབ་པའི་ཕྱིར།། ཁུས་འདེབས་དྲག་པོའི་ལས་བཤད་པ།། ཆོ་ག་ཀུན་ལྡན་སྔགས་པ་ཡིས།། ཁྲུ་དོའི་ཚད་མཛེས་དཀྱིལ་འཁོར་ལ།། འདི ་ལ་ཐིག་དག་བྲི་མི་དགོས།། དམེ་ཁྲག་དག་གིས་དམར་པོར་བྱུག། སྟེང་དུ་ཙ་རའི་ཤུན་གདིང་ཞིང་།། དེ་སྟེང་ལོག་སྲེད་འབྱུང་པོའི་གཟུགས།། སྨོས་པའི་རྒྱུ་ཡི་བྱེ་བྲག་ལ།། འདྲ་འབག་ཁྲུ་གང་ཚད་དུ་བྱ།། དཔྲལ་བ ་སྙིང་ག་ཡན་ལག་ལ།། མིང་རུས་བླ་དྭགས་རྫོགས་པར་བྲི།། ཁོང་པར་ཙ་རའི་སྙིང་ཡང་གཞུག། དེ་ནས་ཞིང་ཆེན་གཡང་གཞི་ལ།། དུག་དང་པདྨ་རཀྟ་ཡིས།། དཔྲལ་བ་འགྲམ་པ་གཡས་གཡོན་དང་།། སྙིང་ག་ལྟེ་བ ་རྣམས་སུ་ཡང་།། གཤེད་པོ་བེ་ཏཱ་ཙ་ཏི་དང་།། ཀླུ་སྲིན་གདུག་པའི་གསང་སྔགས་བྲི།། སྐེ་དང་བླ་དཔུང་གཡས་གཡོན་དང་།། གསང་གནས་མཁལ་ཁུང་གཡས་གཡོན་དུ།། སྡེ་བརྒྱད་གསང་སྔགས་འཁོར་བར ་བྲི།། ཡན་ལག་བཞི་ཡི་མཐིལ་དག་ལ།། གདོང་མོ་བཞི་ཡི་གསང་སྔགས་བྲི།། དེ་ལྟར་བྲིས་པའི་རྒྱལ་མཚན་དེ།། ནུབ་ཕྱོགས་ངོས་སུ་མཁས་པས་བསྒྲེང་།། མཐུན་པའི་དམ་རྫས་རྫོགས་པར་བཤམ།། དེ་ནས་ཆོ་ག ་རྫོགས་བྱས་ཏེ།། རླག་བྱེད་རོལ་པའི་ཚོགས་མངགས་ནས།། གང་ལ་བྱ་བའི་དངོས་པོ་དེ།། དབང་མེད་སྔགས་ཀྱིས་དགུག་ནས་ཀྱང་།། དམིགས་པའི་རྟེན་ལ་ངེས་པར་དབབ།། དེ་ནས་དུས་ལ་བབ་པའི ་ཚེ།། འདོམས་དང་སྙིང་ག་མགོ་རྣམས་ལ།། ཚིལ་ཆེན་གུ་གུལ་རྒྱལ་ཚིལ་གྱིས།། མེ་བཏང་དུད་པ་ཆེར་བྱུང་ལ།། རྒྱལ་མཚན་བརྡབ་ཅིང་འདི་སྐད་བརྗོད།། ཧཱུཾ་ང་ནི་རྡོ་རྗེ་འཛིན་པ་སྟེ།། སངས་རྒྱས་སྲས་ཀྱི་ཐུ་བོ ་ཡིན།། རྒྱལ་བ་རྣམས་ཀྱི་གདུང་བརྒྱུད་འཛིན།། སེམས་ཅན་དོན་ལ་གཅིག་ཏུ་བརྩོན།། ལྷ་སྲིན་གདུག་པ་འཁོར་བཅས་ཀྱིས།། དམ་ཉམས་ལོག་སྲེད་འབྱུང་པོ་འདི།། བསྒྲལ་བའི་ཞིང་ལ་འདི་གཏོགས ་ཀྱི།། གཏན་ཕུང་གཤེད་མ་ཁྱེད་ཀྱིས་མཛོད།། ལྷ་སྲིན་གདུག་པ་མིང་ཀྲུག་ཏུ།། ལོག་སྲེད་འབྱུང་པོས་མ་ལངས་ས།། དེ་སྐད་བརྗོད་ཅིང་གཡབ་ནག་དོར།། ཁུས་འདེབས་ངོ་ཡི་ཉེ་དམིགས་བགྲངས།། དྲག་སྔགས ་བཟླས་ཤིང་རྒྱལ་མཚན་བརྡབ།། ཁྲག་དང་དུག་མཚོན་ཆར་དུ་དབབ།། དེ་ནས་དུས་ཚིག་བརྒྱད་འབྱོར་ནས།། དམིགས་རྟེན་ཁོང་གཤག་ཙིཏྟ་ཕྱུང་།། གཏུབ་ཅིང་ལྷ་ཚོགས་ཞལ་དུ་བསྟབ།། གཟུགས་ཕུང་ཐུན་རྫས ་བཅས་པ་དག། ཙ་རའི་པགས་པས་དྲིལ་ནས་ཀྱང་།། ཕྱོགས་ངན་གཤེད་ཀྱི་ལག་ཏུ་གཏད།། ཡང་ན་བུ་ཤུ་མར་པའམ།། སྨོས་པའི་གནས་སུ་སྦས་བྱས་ནས།། དུས་དུས་ཟོར་གྱིས་དྲག་བསྐུལ་བྱ།། བཙན་ཐབས་མྱུར ་བའི་ལས་ཡིན་ནོ།། ལྔ་བརྒྱ་དུས་ཀྱི་སྙིགས་མའི་ཚེ།། དད་མོས་ཉམས་སུ་འདི་ལེན་ན།། ལྟས་དང་ཆོ་འཕྲུལ་འདི་འདྲ་འབྱུང་།། བུད་མེད་མི་རེངས་བཙུན་ཆེན་དང་།། དགེ་བཤེས་རྟ་པ་མིན་པ་དང་།། མཛེ་ཅན་མི ་རེངས་ནག་པོ་འབྱུང་།། དེ་དག་གུས་ཤིང་འདུད་པ་དང་།། ཕྱག་བྱེད་གདུག་པའི་མཚོན་ཐོགས་ན།། སྔགས་རྫོགས་ལས་རྣམས་གྲུབ་པའི་ལྟས།། མཚོན་མེད་ཕར་ལ་བྱིན་པ་དང་།། མི་གུས་ལོག་པར་བལྟ་བ ་ན།། ལས་རྣམས་གང་ཡང་མི་འགྲུབ་བོ།། ཉི་ཟླ་ཀླད་ལ་འཁོར་བ་ན།། གང་ཡང་ཐེ་ཚོམ་མེད་པར་འགྲུབ།། མངོན་སུམ་པ་ཡི་ཆོ་འཕྲུལ་ཡང་།། འབྲུག་སྒྲ་ཐོག་དང་སེར་བ་དང་།། ནམ་མཁའ་འཁྲུག་ཅིང་འཁྱིལ་བ ་དང་།། ཉི་ཟླ་འོད་དང་བྲལ་བ་དང་།། འཚུབ་ན་བུ་ཡུག་ས་གཡོས་དང་།། གཅན་གཟན་གདུག་པའི་སྒྲ་འབྱིན་ན།། རྣལ་འབྱོར་ལས་རྣམས་འགྲུབ་པ་སྟེ།། ཕན་གནོད་བྱེ་བྲག་ཤེས་པར་བྱའོ།། བདུད་རོག་ཏི་ནག་པོ ་བྱ་རོག་མགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་མདོ། སྙིང་གཟེར་དྲག་པོའི་རྒྱུད་ཆེན་པོ་ལས། ཕུང་བྱེད་ཁུས་འདེབས་ཀྱི་ལེའུ་བཅོ་ལྔ་པའོ།། །། གཟའ་བདུད་ཆེན་པོ་ཁྱབ་འཇུག་གི ་རྒྱུད་ཅེས་བྱ་བ་རྫོགས་སོ།། །། འདི་ནི་ཤིན་ཏུ་གཉན་ཅིང་རྩུབ་སྟེ་ཁྲོ་ཆུ་ཁོལ་མ་དང་འདྲ་བས་གསང་རྒྱའོ།། །། ་