| Wylie | e-texts produced with BDRC’s OCR application |
རྒྱ་གར་སྐད་དུ། ཀརྨ་མ་ཧཱ་ཀཱ་ལ་ཁྲ་དྲ་ཏནྟྲ། བོད་སྐད་དུ། ནག་པོ་ཆེན་པོ་ལས་མགོན་བྱ་རོག་གདོང་གི་རྒྱུད། དཔལ་ཁྲག་འཐུང་ནག་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། ་དུར་ཁྲོད་ཆེན་པོ་བསིལ་བའི་ཚལ་ན། བཅོམ་ལྡན་འདས་རྒྱལ་པོ་ཆེན་པོ་བཞི་ལ་ཆོས་སྟོན་པའི་ཚེ། རྒྱལ་པོ་ཆེན་པོ་རྣམ་ཐོས་ཀྱི་བུ་ཉིད་མ་ཧཱ་ཀཱ་ལ་བྱ་རོག་གདོང་ཅན་དུ་སྤྲུལ་ནས། བཅོམ་ལྡན་འདས་ལ་འདི་སྐད ་ཅེས་གསོལ་ཏོ།། དུས་ངན་བསྟན་པ་འབྱུང་བའི་ཚེ།། སངས་རྒྱས་བསྟན་པ་འཇིག་པར་འགྱུར།། མ་ཧཱ་ཀཱ་ལ་ནག་པོ་ཆེ།། དེ་ཡིས་བསྟན་པ་སྲུང་བར་བྱེད།། ལྷ་ཆེན་དཔལ་འབར་ཁྲོས་པ་ཡི།། ཐུགས་མགོན་ནག་པོ ་ཆེན་པོ་སྟེ།། དེ་ཡི་ལས་མགོན་བྱ་རོག་གདོང་།། ང་ཡིས་སངས་རྒྱས་བསྟན་པ་བསྲུང་།། ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྣམ་བཞིའི་འཁོར་རྣམས་བསྲུང་བ་དང་།། དཀོན་མཆོག་དབུ ་འཕང་བསྟོད་པར་གྱིས།། སྔགས་འཆང་བསྟན་པ་ཁྱོད་ཀྱིས་སྲུངས།། ལས་ཀྱི་མགོན་པོ་བྱ་རོག་གདོང་།། དུས་ངན་རྩོད་པ་དར་བའི་ཚེ།། སངས་རྒྱས་བསྟན་པ་རང་གིས་འཇིག། དེ་དུས་ཁྱོད་ཀྱི་ལས ་སྒྲུབས་ཤིག། ཅེས་སྩལ་ཏོ།། བྱ་རོག་གདོང་གིས་སླར་ཞུས་པ། ང་ཡི་ལས་མཁན་དམར་མོ་རྩ་འཇིབ་ཁྲག་འཇིབ་མ།། འདི་ཡིས་ང་ཡི་ལས་རྣམས་སྒྲུབ།། འཇིགས་བྱེད་དཔའ་བོའི་བཀའ་ལས་ཉན།། ཅེས་གསོལ ་ཏོ།། ལས་ཀྱི་མགོན་པོ་བྱ་རོག་གདོང་གིས་སླར་བཅོམ་ལྡན་འདས་ལ་ཞུས་པ། ང་ཡི་ལས་རྣམས་མཚོན་ཆ་འདྲ།། ཞེས་གསུངས་སོ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་གླེང་གཞིའི་ལེའུ་དང ་པོའོ།། །། དེ་ནས་བསྒྲུབ་བསྙེན་ལས་ཀྱི་རིམ་པ་ཡང་། གསད་དང་བཟློག་དང་གནན་པ་དང་།། བསྲེག་དང་གཏོར་མ་ཏིང་ངེ་འཛིན།། གནད་ལ་དབབ་དང་གཟིར་བ་དང་།། ལྟས་ངན་ཆོ་འཕྲུལ་ཚ་བའི ་རིམས།། ཡུམ་གྱིས་གསད་དང་བ་ལི་བཞིས་གསད་དང་།། ཕྱི་ནང་གསང་བའི་རྟེན་བཅའོ།། གའུ་ཐོད་པའི་གཞལ་ཡས་ཁང་།། དེ་ལྟར་རྡོ་རྗེ་འཆང་ལ་སྨྲས་སོ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ ་གཉིས་པའོ།། །། དེ་ནས་བསྙེན་པའི་རིམ་པ་ཡང་།། དུར་ཁྲོད་ས་ནག་བླངས་ནས་ནི།། རོལ་ཆ་སྣ་ཚོགས་དཀྲོལ་ནས་ནི།། དེ་ལ་མཎྜལ་བྱ་བར་གསུངས།། གྲུ་གསུམ་ནག་པོ་ཁ་ཁྱེར་ཅན།། ཁྱི་མོ་ནག་མོའི ་གཡང་གཞི་དགྲམ་པར་བྱ།། དེ་སྟེང་བུ་མོ་གཙང་མའི་ཀ་པཱ་ལ།། དེ་སྟེང་གའུ་ཁ་སྦྱོར་ནང་།། གྲི་རྒོད་སྙིང་ལ་འབེན་བྱ་ལ།། དེ་སྟེང་གྲི་གུག་གཞག་པར་བྱ།། སྟེང་ནས་དར་ནག་གུར་ཡང་ཕུབ།། ཕྱི་ནང་གསང་བའི ་རྟེན་གཟུག་ལ།། ཤ་ཁྲག་སྣ་ཚོགས་གཏོར་མ་བཤམ།། ཧཱུཾ།། ལས་ཀྱི་མགོན་པོ་ནག་པོ་ནི།། ཡན་ལག་ཐུང་ཞིང་གེལ་པ་ཡི།། ཁྲོས་པའི་མདོག་ཅན་བྱ་རོག་གདོང་།། གཡས་ཀྱིས་གྲི་གུག་ནག་པོ་ཐོགས།། གཡོན་པ ་བྷན་དམར་ཁྲག་གིས་བཀང་།། ཨོཾ་མ་ཧཱ་ཀ་ལ་གྷུ་ནི་ཧྲི་ད་ཧཱུཾ་ཕཊ། བསྙེན་པ་གྲངས་ལ་ཐེམ་པར་བསྐྱལ།། བསྟོད་པ་གཏང་ཞིང་མཆོད་པར་བྱ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་གསུམ་པའོ།། ། དེ ་ནས་གཏོར་མ་བྱ་བ་ནི། ཤ་སྣ་ཚོགས་པའི་གཏོར་མ་ཤར་དུ་དགོད།། ཁྲག་སྣ་ཚོགས་པའི་གཏོར་མ་ལྷོ་རུ་དགོད།། སྙིང་སྣ་ཚོགས་པའི་གཏོར་མ་ནུབ་ཏུ་གཞག། རུས་སྣ་ཚོགས་པའི་གཏོར་མ་བྱང་དུ་གཞག། དེ་ལ ་དམིགས་པ་བྱིན་གྱིས་བརླབ།། ཨོཾ་ཨཱཿཧཱུཾ། སྦྲང་དང་སྤེལ་དང་བདུད་རྩིར་བསྒྱུར།། ཨཱིཾ་མ་ཧཱ་ཀ་ལ་བཛྲ། གྷུ་ན་ཧྲྀ་དང་། གྲྀཧྞ་གྲྀཧྞ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། མཱ་ར་ཡ་མཱ་ར་ཡ། ཆེ་གེ་མོའི་མཱང་ས། རཀྟ་ཙིཏྟ་གོ། ་རོ་ཙ་ན། བ་སུ་ཏ་ཁ་ཁ་ཁཱ་ཧི་ཁཱ་ཧི། ཞེས་དབུལ་བར་བྱའོ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་བཞི་པའོ།། །། ཕྱི་ནང་གསང་བའི་རྟེན་རྣམས་ནི།། ཕྱི་སྲོག་ལུག་ནག་གཡག་ནག་ལ།། སྙིང་པོ ་བྲིས་ལ་རྟེན་དུ་གཟུང་།། ནང་གི་རྟེན་ནི་མདའ་དང་དར་ནག་གསོབ།། སྙིང་པོ་སྔགས་དང་བཅས་པར་བཅིངས།། གསང་བའི་རྟེན་ནི་གྲི་རྒོད་དུ།། གཡུལ་དུ་ཤི་བའི་སྙིང་ནང་དུ།། སྲོག་གི་འཁོར་ལོ ་བྲིས་བྱས་ལ།། དར་ནག་གྲིལ་ལ་ལུས་ལ་བཅིངས།། དེ་ཡིས་ལུས་དང་གྲིབ་མར་འགྱུར། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་ལྔ་པའོ།། །། དེ་ནས་གསད་པར་བྱ་བ་ནི།། ཚ་བ་གསུམ་དང་ནིམ ་པ་ཁྲག། ཡུངས་ཀར་ཡུངས་ནག་དུག་དང་ཁྲག། སྐེ་ཚེ་བ་ཡི་རྫས་དང་ཕུ་བརྒོད་རྣམས།། སྐྱེར་བའི་ཤིང་ལ་མེ་སྦར་ནས།། ལས་ཀྱི་མགོན་པོའི་གསད་པ་བྱ།། ཏིང་ངེ་འཛིན་དང་གཏོར་མ་ཡང་།། རྣལ་འབྱོར་པ་ཡིས ་རབ་ཏུ་འབད།། ཡུགས་སའི་ཁྱིམ་ནས་མེ་བླངས་ལ།། སྔགས་འདི་བཟླས་པས་བསྲེག་པར་བྱ།། ཨོཾ་མ་ཧཱ་ཀ་ལ་གྷུ་ན་ཧྲི་ད་ཧཱུཾ་ཕཊ། གྲྀཧྞ་གྲྀཧྞ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། མཱ་ར་ཡ་མཱ་ར་ཡ། ཆེ་གེ་མོ་དོམ་དྲ་རྨི ་དང་ཀུ་རུ་ཧཱུཾ་ཕཊ། ཅེས་པས་བསྲེག་པར་བྱའོ།། ལས་ཀྱི་མགོན་པོ་བྱ་རོག་གི་རྒྱུད་ལས་ལེའུ་དྲུག་པའོ།། །། ཧཱུཾ་ལས་ཀྱི་མགོན་པོ་བྱ་རོག་གདོང་།། གྲི་གུག་ཐོད་ཁྲག་ལག་ཏུ་ཐོགས།། དམིགས་པའི་ནང་ཁྲོལ ་འདྲད་ཅིང་ཟ།། དེ་ཡི་རྒྱུ་མ་འདྲེན་པར་བྱེད།། རྐང་དང་རུས་པ་སྟོབ་ཅིང་འཆའ།། ཡུམ་ནི་གསོད་བྱེད་ཁྲག་འཇིབ་མ།། ཕྱག་བཞིས་རྐང་དང་སྙིང་དང་ཁྲག། མ་མོ་རྣམས་ཀྱིས་ཤ་ལ་རོལ།། དུར་ཁྲོད་ཆེ་སྦྱར་ལེན་འདུ ་རྣམས།། དབང་པོ་རྣམས་དང་ནང་ཁྲོལ་འདྲེན།། འབྱུང་པོ་རྣམས་ཀྱིས་ཤ་ལ་སྤྱོད།། མཆོད་པ་བསྟོད་པ་སྔགས་རྣམས་དྲང་།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་བདུན་པའོ།། །། དེ་ནས་ངག་ནི ་མནན་པ་ནི།། ས་ནག་དུར་ཁྲོད་སོལ་བ་ལ།། དུག་དང་ཁྲག་གིས་བྱུག་པར་བྱ།། མར་ནག་བྱུག་ལ་འབི་འབི་བྱ།། སྐོལ་ཕོར་ནང་དུ་བཅུག་ནས་ནི།། མ་ཕྱུང་སྐྱེར་པའི་ཕུར་པས་ནི།། བུམ་པ་སླེབས་པར་ཕུག་བྱས ་ན།། དེ་ཁུང་ལིངྒ་གཞུག་པར་བྱ།། ཨོཾ་མ་ཧཱ་ཀ་ལ་དོམ་དྲ་དྲག་ཤ། ཀིང་ཀ་ར། སྟམ་བ་ལཾ་ཀུ་རུ་ལཾ། རྒྱུག་རྒྱུག། བྲེང་བྲེང་། ཐུམ་ཐུམ། བྷྱོ་བྷྱོ། ཁྲག་ལ་ལྕིབ་ལྕིབ། ཚོད་ཆོད། ཐུམ་ཐུམ་སྟམྦྷ་ནན། ལས་ཀྱི་མགོན་པོ ་བྱ་རོག་གདོང་གི་རྒྱུད་ལས་ལེའུ་བརྒྱད་པའོ།། །། ཨོཾ་མ་ཧ་ཀཱ་ལ་གྲྀཧྞ་གྲྀཧྞ་ཆེ་གེ་མོའི་མང་ས་ལ་ཁ་ཁ་ཁཱ་ཧི་ཁཱ་ཧི། ཨོཾ་མ་ཧཱ་ཀ་ལ་ཧ་ན་ཧ་ན་ཆེ་གེ་མོའི་རཀྟ་ལ་ཁ་ཁ་ཁཱ་ཧི་ཁཱ་ཧི། ཨོཾ་མ་ཧཱ་ཀཱ་ལ་ད་ཧ་ད་ཧ་ཆེ་གེ ་མོའི་ཙིཏྟ་ལ་ཁ་ཁ་ཁཱ་ཧི་ཁཱ་ཧི། ཨོཾ་མ་ཧཱ་ཀཱ་ལ་པ་ཙ་པ་ཙ་ཆེ་གེ་མོའི་ཀོ་རོ་ཙ་ན་ལ་ཁ་ཁ་ཁཱ་ཧི་ཁཱ་ཧི། ཨོཾ་མ་ཧཱ་ཀ་ལ་མཱ་ར་ཡ་ཆེ་གེ་མོའི་བ་སུ་ཏ་ལ་ཁ་ཁ་ཁཱ་ཧི་ཁཱ་ཧི། ལས་ཀྱི་མགོན་པོ་བྱ་རོག་གདོང་གི་རྒྱུད་ལས ་ལེའུ་དགུ་པའོ།། །། དེ་ནས་ཟློག་པར་འདོད་གྱུར་ན།། དུག་དང་ཁྲག་དང་སྐེ་ཚེ་དང་། ཡུངས་ཀར་ཉུང་ནག་བྲ་བོ་དང་།། སྲན་མ་ཤ་ནི་གཏོར་ཆེན་བྱ།། ལས་མཁན་ཡབ་ཡུམ་ཁ་སྦྱར་ནས།། དམ་ཚིག་མགོན་པོ ་བསྐྱེད་ནས་ནི།། ཡེ་ཤེས་མགོན་པོ་བསྟིམ་པར་བྱ།། འཇིག་རྟེན་མགོན་པོ་མཆོད་པར་བྱ།། ལས་ཀྱི་མགོན་པོ་རྦད་པར་བྱ།། མ་ཧཱ་ཀ་ལ་དྲག་ཤ། དོམ་ཏྲ་ཏྲག་ལིང་། མ་མ་ལིང་ལིང་། ལྕིབ་ལྕིབ། ཆོད ་ཆོད། ཟུམ་ཟུམ་མཱ་ར་ཡ་བཟློག། གཙུར་ཏོར་འོག་ཏུ་སྦ། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་བཅུ་པའོ།། །། དེ་ནས་ལས་བྱེད་མ་འདོད་ན།། རང་ཉིད་དམ་ཚིག་མགོན་པོར་བསྒོམ།། ཡེ་ཤེས ་མགོན་པོ་སྤྱན་དྲངས་ལ།། འཇིག་རྟེན་མགོན་ལ་བ་ལི་འབུལ།། ལས་ཀྱི་མགོན་པོ་དཀྲུག་པར་བྱ།། ཕཊ་ཧཱུཾ་ཏ་ཧྲི་ན་གྷུ་ལ་ཀ་ཧཱ་མ་ཨོཾ། དྲག་ཤད་མ་མ་ལྕིབ་ལྕིབ་ཆོད་ཆོད་ཟུམ་ཟུམ་གིང་ཀ་ར།། ཐུན་རྫས་མགོན་པོའི ་གཟུགས་ལ་བརྡེག་ཅིང་ལིངྒ་ལ་བྲབ་པོ།། ཡུལ་ལ་རྦད་དོ།། དེས་རང་དབང་མེད་པར་ལས་བྱེད་དོ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་བཅུ་གཅིག་པའོ།། །། དེ་ནས་ཐུན་གྱི་བསྒྲུབ་པ ་ཡང་།། ཡུངས་ཀར་ཉུང་ནག་དུ་དང་ཁྲག། ལུག་ནག་སྙིང་དང་གཡག་ནག་སྙིང་།། ཕོ་རོག་མི་ཕོའི་སྙིང་དག་དང་།། ཁྲག་སྐམ་བྲེ་གང་གཡག་རུར་བླུག། ཡང་ན་སུ་བྷི་ནང་དག་ཏུ།། རབས་ཆད་ཕོ་མོའི་ཟོད་ནང ་དུ།། སེར་བའི་ཐུན་རྣམས་སྦྲེང་བར་བྱ།། ཡུལ་མི་སྲོག་དང་ཡུལ་སྲུང་མི།། ཐུན་གྱི་ནང་དུ་བཅུག་པར་བྱ།། རང་ཉིད་ཡེ་ཤེས་མགོན་པོར་བསྐྱེད།། འཇིག་རྟེན་མགོན་པོ་རྣམས། ལྷ་མ་སྲིན་སྡེ་བརྒྱད་སྟེ།། གསེར་གྱི་རི ་བདུན་ནས། གསེར་གྱི་ཟོར་བ་ཐོགས།། མེ་ཏོག་འཇོམས་པར་བྱེད། ཨོཾ་མ་ཧཱ་ཀཱ་ལ་དོམ་ཏྲ་ཏྲག་ཤད། བདུད་ཁྲོམ། མ་ཧཱ་ལ་སེར་ཕྲེམ། ཤུན་ཏིང་སྨིན་ཕྲོམ། ཤར་ཤར་དྲག་ཏུ་ཕོག། ནལ་ན་ལ་ཆེམ་ཆེམ། ཕྲོམ་ཕྲོམ།། ་ཤར་ཤར་ནག་ནག་བདུད་ཕྲོམ་གྷུ་ན་ཧྲཱི་ད་ཏྲག་ཤད། ལིང་ལིང་འུར་འུར། ལྷོགས་ལྷོགས། འཁུག་མ་ལམ། ཕུ་ཕུ་ན་ག་བུར་ཐུམས། ཆེམ་ཆེམ་ཕྲོམ་ནལ་ཕྲོམ་ན་ལ། སརྦ་ཤ་ཏཱཾ་ཨ་མུ་ཀའི་ལོ་ཏོག་སྣ་ཚོགས་མ་ཧ་ཀ་ལ ་དུ་བེ་ཤ་ཤ་ཤུ་ཤུ་གིང་ཀ་ར། མ་རུ་ཙེ་མར་གུ་ལམ། ཕྲོམ་ཕྲོམ། ན་ག་ཤུ་བོ་ཧོ་ལམ། མ་མ་རག་མོ་ཛ་ཛ་ཕོབ། ཅེས་རྟགས་ལ་ཐུག་གི་བར་དུ་བཟླས་སོ།། གཟའ་བདུད་རཱ་ཧུ་ལ་དང་སྦྱར་རོ།། ཐུན་འོད་འབྱུང་གློག ་གིས་བར་སྣང་ཁེངས། འབྲུག་གིས་ས་གཞི་གཡོས། ཐུན་ལ་སེར་བ་དངོས་སུ་འོང་། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་བཅུ་གཉིས་པའོ།། །། ཡེ་ཤེས་མགོན་པོ་ནི་ས་བཅུའི་བྱང་ཆུབ་སེམས ་དཔའོ།། འཇིག་རྟེན་མགོན་པོ་ནི་ལྷ་མ་སྲིན་སྡེ་བརྒྱད་དོ།། ལས་ཀྱི་མགོན་པོ་ནི་བྱ་རོག་གདོང་ཅན་ཡིན།། མ་མོ་རྩ་སྲོག་ཁྲག་འཇིབ་མས་ལས་བྱེད་དོ།། ཆོས་འཁོར་བསྲུང་ན་ཁོ་ལ་གཉེར་གཏད་དོ།། ནོར་བསྲུང་ན ་རྟེན་གསུམ་རྟག་ཏུ་བཅད། གང་འདོད་རྦོད་ན་གསང་རྟེན་ལུས་ལ་འཆང་། མི་སྙིང་བསྐུལ་ན་གཏོར་མ་དུས་གསུམ་གཏང་། དངོས་གྲུབ་འདོད་ན་མཆོད་པ་རྟག་ཏུ་འབར་རོ།། དང་པོ་བསྙེན་པའི་ལས་ནི་ཤིན་ཏུ ་གཅེས།། བྱ་ནག་མི་ནག་གཡག་ནག་དང་།། མ་མོ་གླུ་ལེན་གར་བྱེད་དང་།། རྩམ་ཙམ་རང་ཡང་ལྔ་དང་ཤྭ་འུད་དང་།། གྲངས་དང་སེར་བ་དངོས་སུ་འབྱུང་།། ཐོག་དང་འུར་སྒྲ་ཆེན་པོ་དང་།། ད ་ཐོགས་དང་དུང་དཀར་འབུད།། ལྕེ་ལ་མེ་ཏོག་སྐྱེས་པ་དང་།། རྒྱལ་པོའི་ཚུལ་དུ་དབང་བསྐུར་བའོ།། ལུང་བསྟན་འབྱུང་དང་སྐད་སྙན་འབོད།། རྨི་ལྟས་གསལ་བོར་སྟོན་པ་ནི།། ལས་མགོན་བྱ་རོག་གདོང་གི ་ལྟས།། དངོས་སུ་བྱུང་ན་མ་མོའི་རྟགས།། དེས་ལས་གང་ཡང་ཐོགས་པ་མེད་དོ།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་བཅུ་གསུམ་པའོ།། །། མཛེ་ཐོད་སྐྱ་བོ་ཤ་མེད་ལ།། ལས་ཀྱི་མགོན་པོ་ཡབ ་ཡུམ་སྦྱར།། དུག་དང་ཚ་བ་སྐེ་ཚེ་དང་།། ཉ་སྦྲུལ་སྦལ་པ་ལྕོང་མོའི་ཤ། ལིངྒ་གཏུབ་ནས་སྦལ་པའི་གཟུགས།། འོ་མ་མར་དང་སྦྲང་རྩིས་མཆོད།། ཨོཾ་མ་ཧཱ་ཀ་ལ་ཡ། ནཱ་ག་མཱ་ར་ན་ཏྲག་ཤད། ཐུམ་ཟུམ་ཆོད་ཆོད། རྩ ་ཁྲོལ་ནཱ་ག་གུང་ལིང་ལིང་། འཇིབ་འཇིབ། ཏྲག་རག་ཤ་མཱ་ར་ཡ་ནཱ་ག་རྩད་ནས་ཆོད། ཏྲག་ཤད་ཆེ་གེ་མོའི་ཙིཏྟ་ཧུར་ཟུམ་ཟད་སོད། ཅེས་ཐུན་དུ་བྲབ་བོ།། བསྐྱེད་ཅིང་བསྟིམ་པ་དང་། མཆོད་ཅིང་བཅིང་པའོ།། ལས ་ཀྱི་མགོན་པོ་བྱ་རོག་གདོང་གི་རྒྱུད་ལས་ལེའུ་བཅུ་བཞི་པའོ།། །། འབྲས་དང་ཞོ་དང་འོ་མ་དང་། ཏིལ་དང་ཁྲེ་དང་སྲན་མའི་ཆན།། དེ་ལ་གཏོར་ཆེན་རབ་ཏུ་བྱ།། ཆང་གིས་བཀང་ལ་མར་མེ་བལྟམ།། རོལ་ཆ ་དཀྲོལ་ཞིང་དུང་ཡང་འབུད།། དགེ་འདུན་རྣམས་ཀྱིས་སྣ་དྲངས་ལ།། དམོད་དང་བཅོལ་བའི་ལས་རྣམས་ལ།། བསྐོར་བ་བྱ་ཞིང་ལས་མགོན་རྦད།། ཡུལ་ཁམས་བསྐོར་ཞིང་གཙང་སར་སྐྱོལ།། རིམས་དང་འཁྲུག་པ ་ཞི་བར་འགྱུར།། ལས་ཀྱི་མགོན་པོ་བྱ་རོག་གདོང་དེ། རྒྱལ་པོ་རྣམ་ཐོས་ཀྱི་ཐུགས་ཀར་ཐིམ་མོ།། རྣམ་ཐོས་སྲས་ཀྱིས་སླར་བཅོམ་ལྡན་འདས་ལ་གསོལ་པ། ལྔ་བརྒྱ་དུས་ཀྱི་སྙིགས་མའི་ཚེ།། དགེ་འདུན་མི་བཙུན ་ཆོས་མི་དར།། དུས་ངན་སྡེ་འཁྲུགས་མཚོན་གྱིས་གསོད།། སེར་ཆགས་རྣམས་ནི་མཚོན་གྱིས་གསོད།། སྐྱེ་བོ་རྣམས་ནི་དུག་གིས་གསོད།། གསང་སྔགས་རྒྱུད་སྡེ་ནུབ་ནས་ནི།། མུ་སྟེགས་ལོག་ཆོས་དར་བའི་དུས།། དེ ་དུས་བསྟན་པ་འདི་ཡིས་སྲུང་།། ཞེས་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ། རྣམ་ཐོས་ཀྱི་བུ་གནོད་སྦྱིན་གདུག་པ་ཅན། ངའི་འཁོར་རྣམ་བཞི་ཁྱོད་ཀྱིས་སྐྱོངས་ཤིག། དགེ་བདུན་གྱི་བསྟན་པ་ཁྱོད ་ལ་གཏད་དོ།། བྱ་རོག་གདོང་ཅན་ཁྱོད་ཀྱིས་ཟུང་།། སྦས་པ་ཡུམ་གྱིས་རྒྱུན་དུ་ཟུང་།། གསང་བར་སྦས་སོ་རྒྱུན་དུ་ཟུང་།། བཅོམ་ལྡན་འདས་ཀྱིས་དེ་སྐད་ཅེས་གསུངས་པ་ལ་རྒྱལ་པོ་རྣམ་ཐོས་རྗེས་སུ་ཡི་རང ་ངོ་།། ལས་ཀྱི་མགོན་པོ་བྱ་རོག་གདོང་གི་རྒྱུད་ལས། ཡོངས་སུ་བཟུང་བའི་ལེའུ་སྟེ་བཅོ་ལྔ་པའོ།། །། ལས་ཀྱི་མགོན་པོ་བྱ་རོག་གདོང་གི་རྒྱུད་རྫོགས་སོ།། སྣ་ནམ་གྱི་འགྱུར།། །།་