| Wylie | e-texts produced with BDRC’s OCR application |
རྒྱ་གར་སྐད་དུ། ཤྲཱི་ཀ་ལ་མ་ཧཱ་ཀ་ཡ་བཱཀ་ཙིཏྟ་ཀྲོ་དྷ་ཏན་ཏྲ་ནཱ་མ། བོད་སྐད་དུ། དཔལ་མགོན་པོ་ནག་པོ་ཆེན་པོ་སྐུ་གསུང་ཐུགས་ཁྲོས་པའི་རྒྱུད་ཅེས་བྱ་བ། ཁྲག་འཐུང་འདུས་པའི་གཙོ་བོ་བུདྡྷ་ཧེ་རུ་ཀ་ལ ་ཕྱག་འཚལ་ལོ།། འདི་སྐད་བདག་གིས་བསྟན་པའི་དུས་གཅིག་ན། ཆོས་ཉིད་རྣམ་པར་མ་ཕྱེ་བའི་ཞིང་ཁམས་རྒྱན་ཡོངས་སུ་བཀོད་པ། དཀར་སེར་དམར་ལྗང་མཐིང་གའི་ཨེ་གྲུ་གསུམ་འབར་བ་དྲག་པོའི་གཞལ ་ཡས་ཁང་ན། གསལ་འཚེར་ལྷུན་སྡུག་གཟི་བྱིན་འཕྲོ་བ། ཁྲག་འཐུང་རིག་པའི་ཧེ་རུ་ཀ་ལྔ་ཀྲོ་དྷི་ཤྭ་རཱི་རིག་པའི་ཡུམ་ལྔ་དང་འཁྲིལ་ཅིང་། མཁའ་འགྲོ་རྒྱ་མཚོའི་ཚོགས་དང་བཅས་ཏེ་ཡེ་ནས་ལྷུན་གྲུབ་ཏུ་བཞུགས་སྐད ་དོ།། བཞུགས་སོ་བཞུགས་པར་གྱུར།། འདི་སྐད་བདག་གིས་ཐོས་པའི་དུས་གཅིག་ན། ཁྲག་འཐུང་རིག་པའི་རྩལ་ཕྱིར་འཁྱམས་པས་མ་རིག་བདག་འཛིན་གྱི་རཱུ་ཏྲ་ལྔར་གྱུར་ཏེ། གཤིན་ས་དང་། གཤིན་ཆུ་དང་། ་གཤིན་མོ་དང་། གཤིན་རླུང་དང་། གཤིན་ཨེ་ནག་པོ་ལྔ་དང་།། དེ་རྣམས་ཀྱི་ཆུང་མ་སྲིད་པ་ཤ་ཟ། སྲིད་པ་ཁྲག་འཐུང་། སྲིད་པ་དྲོད་འཕྲོག་དང་། སྲིད་པ་དབུགས་ལེན། སྲིད་པའི་རྒྱལ་མོ་མུ་ཁ་ལེ་དང་ལྔས་ཁམས ་གསུམ་ཀུན་གྱི་སྲོག་གཅོད་ཅིང་སྤྲུལ་པ་དང་ཡང་སྦྲུལ་སྣ་ཚོགས་པར་བཀྱེ་སྟེ།། འདོད་ཆགས་ཞེ་སྡང་གཏི་མུག་དང་། ང་རྒྱལ་ཕྲག་དོག་དཔུང་བསྐྱེད་ནས་ས་ཆུ་མེ་རླུང་ནམ་མཁའ་ལ་གནས་བཅས་ཏེ་སེམས་ཅན ་ཀུན་གྱི་སྙིང་ལ་ཞུགས་ནས་འགྲོ་བ་སྡུག་བསྔལ་གྱིས་ཉམ་ཐག་པ་དེའི་ཚེ་དེའི་དུས་ན་ཁྲག་འཐུང་རིག་པའི་ཧེ་རུ་ཀ་ལྔ་ལས། ཐུགས་རྗེ་རང་བྱུང་གི་འོད་ཟེར་སྟེང་འོག་ཕྱོགས་མཚམས་མེད་པར་འཕྲོས་སོ།། མ་རིག་པ། ་བདག་འཛིན་འཇོམས་པའི་མཚོན་ཆས་ནི་ཁེངས།། དྲག་པོ་སྔགས་ཀྱི་རང་སྒྲ་ནི་དྲག་ལ་ལྡིར་ཆེ། འཇིགས་བྱེད་ཁྲོ་གཏུམ་གྱི་སྒྲ་ནི་ཆེ་ལ་མང་བས་མ་རིག་བདག་འཛིན་གྱི་རུ་ཏྲ་ལྔ་དང་སྲིད་པ་སྲོག ་གཅོད་ཀྱི་ཆུང་མ་ལྔ། སྤྲུལ་པ་ཡང་དང་སྤྲུལ་པ་སྣ་ཚོགས་པ་རྣམས་སྟོང་གསལ་འཛིན་མེད་དུ་བརྒྱལ་ཏེ་ཇི་ཡེ་བཞིན་པར་བརྒྱལ་བ་སངས་ནས་ཁྲག་འཐུང་ཡབ་ཡུམ་ལྔ་རང་དུ་ཤེས་སོ།། ཨོཾ་སྐུའི་དབང་བསྐུར་བས ་གཤིན་རྗེ་ཆུང་མ་དང་བཅས་པ་ཁྲག་འཐུང་ལྷ་ལྔ་ཡབ་ཡུམ་དུ་བསྒྱུར་ཏེ། འཇིགས་བྱེད་ཕྱག་བཞི་པ་ཡབ་ཡུམ་གྱིས་སངས་རྒྱས་བསྟན་པའི་མགོན་བྱེད་པར་ཁས་བླངས་སོ།། ཨཱཿགསུང་གི་དབང་བསྐུར་བས་ཞི་རྒྱས ་དབང་དྲག་བཞི་རུ་བསྒྱུར་ཏེ། འཇིགས་བྱེད་ཆེན་པོའི་ཕྲིན་ལས་ཀྱིས་སྒྲུབ་པ་པོའི་མགོན་བྱེད་པར་ཁས་བླངས་སོ།། ཧཱུཾ་ཐུགས་ཀྱི་དབང་བསྐུར་བས་སྐྱེ་མེད་འོ་གསལ་འཛིན་མེད་དུ་སངས་རྒྱས་ཏེ་སེམས་ཅན་ཀུན་གྱི ་སྙིང་ལ་གནས་བཅས་པས་སེམས་ཅན་ཀུན་གྱི་མགོན་བྱེད་པར་ཁས་བླངས་སོ།། སྐུ་བརྗོད་ལས་འདས་པས་ནམ་མཁའི་མཐའ་དང་མཉམ་པའོ།། གསུང་བརྗོད་ལས་འདས་པས་ཕྲིན་ལས་བཞི་ལས ་འདུས་པའོ།། ཐུགས་བརྗོད་ལས་འདས་པས་བསྒྲལ་ཚད་བྱང་ཆུབ་པས་སོ།། མཚན་ཡང་ཡེ་ཤེས་མགོན་པོ་ཕྱག་བཞི་པ་ཞེས་གྲགས་སྐད་དོ།། གྲགས་སོ།། གྲགས་པར་འགྱུར་བས། ནག་པོའི་ཕྱོགས་ཀྱི་མ་མོ་དང་། ་ལྷ་དང་། ཀླུ་དང་། བདུད་དང་། གཟའ་དང་། ཚངས་པ་དང་། གཤིན་རྗེ་དང་། བཙན་དང་། གནོད་སྦྱིན་དང་། མི་སྲུན་པ་དུ་མ་ལྷགས་ཏེ། ད་ནི་སངས་རྒྱས་འབྱུང་ངོ་།། འདིས་བསྟན་པ་སྲུང་བར་འགྱུར་རོ།། ད་ནི ་ཆོས་དར་རོ།། ཧ་ལ་ཧ་ལ་ཞེས་མི་དགའ་བའི་ཚིག་ཏུ་མ་སྨྲ་ཞིང་ནད་རིགས་དུ་མའི་རླུང་འཚུབས་སོ།། དེར་ཁས་བླངས་རྗེས་སུ་དྲེགས་པ་ཟིལ་གནོན་གྱི་ཏིང་ངེ་འཛིན་ལས་བཞེངས་ཏེ། ཨོཾ་ཨཱཿཧཱུཾ་ཀྲོ་དྷ་མཱ་ར་ན་མཱ་ར་ན ་ཞེས་པའི་སྒྲ་བསྒྲགས་པས། ཤར་དུ་ས་གཡོས། ལྷོ་རུ་གློག་འཁྱུག། ནུབ་ཏུ་འབྲུག་ལྡིར། བྱང་དུ་ཐོག་བབས། སྐུ་ཁྲོས་པས་ཞལ་གྱི་དཀྱིལ་འཁོར་གཟུགས་མེད་ཀྱི་ཁམས་ནས་ཁྲོ་ཞིང་གཙིགས། སྐུ་ལུས་གཟུགས ་ཁམས་ན་འཁྱིལ་བ་ཕྱག་བཞིན་སྙིང་དང་། རལ་གྲི་དང་། ཐོད་ཁྲག་དང་། རྩེ་གསུམ་བསྣམས་པ། ཞབས་གཉིས་ཕྱེད་སྐྱིལ་དུ་བཞུགས་ཏེ་པདྨ་ཉི་ཟླའི་གདན་ལ་འདོད་ཁམས་རིགས་དྲུག་མནན་ནས་ཁྲོ་བོ་ཁྱུང་གིས ་འཇིག་རྟེན་གྱི་ཁམས་བཀང་ངོ་།། གསུང་ཁྲོས་པས་ཨོཾ་ཨཱཿཧཱུཾ་མ་ཧཱ་ཀཱ་ལ་ཨེ་ཀ་ཛཱ་ཏི་མ་མ་ཧཱུཾ་ཧཱུཾ་དགྲ་བགེགས་མཱ་ར་ཡ་མཱ་ར་ཡ་ཧཱུཾ་ཧཱུཾ་ཕཊ་ཕཊ། ཅེས་སྟོང་གསུམ་དུ་བསྒྲགས་སོ།། ཐུགས་ཁྲོས་པས་གཟི་བརྗིད ་བསྐལ་པའི་མེ་ལྟར་འབར་ཏེ་ལོག་པའི་དགྲ་བགེགས་ཞེ་ལ་བཅངས་ན་སྐྱེ་མེད་ཆོས་སྐུའི་ཞིང་དུ་སྒྲོལ་བར་དམ་བཅས་པས་མི་སྲུན་པ་ཐམས་ཅད་བརྒྱ་ལ་རེངས་ཁྲག་ཏུ་སྐྱུགས་སོ།། དཀར་པོའི་ཕྱོགས་ཀྱི་ལྷ་དང་མི ་#།། དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ་མཆོད་པའི་སྤྲིན་གཏིབས་ཤིང་བསྟོད་པས་ཧཱུཾ་རཾ་རཾ། དམར་ནག་མེ་ཡི་དཀྱིལ་འཁོར་ནས།། པདྨ་ཉི་ཟླ་རོ་སྟེང་དུ།། དཔལ་ལྡན་ཡེ་ཤེས ་མགོན་པོ་ནི།། སྐུ་མདོག་མཐིང་ནག་གསུས་པོ་ཆེ།། ཞལ་གཅིག་ཕྱག་བཞི་ཕྱེད་སྐྱིལ་བཞུགས།། གཡས་གཉིས་ཙིཏྟ་རལ་གྲི་བསྣམས།། གཡོན་གཉིས་ཐོད་ཁྲག་ཁ་ཊྭཱཾ་བསྣམས།། ཞལ་གདངས་ལྗགས་འདྲིལ་མཆེ་བ ་གཙིགས།། ཁྲོ་གཉེར་སྤྱན་གསུམ་དམར་ལ་འཁྱུག། ཨག་ཙམ་སྨིན་མ་དབུ་སྐྲ་སེར།། ཐོད་སྐམ་རིན་ཆེན་སྦྲུལ་གྱིས་བརྒྱན།། མི་མགོའི་དོ་ཤལ་སྟག་ལྤགས་དཀྲིས།། འཇིགས་བྱེད་ཆེན་པོར་ཕྱག་འཚལ ་བསྟོད།། ཅེས་དཔལ་ནག་པོ་ཆེན་པོའི་སྐུ་གསུང་ཐུགས་ཁྲོས་པའི་རྒྱུད་ལས། འབྱུང་འཁྲུལ་རང་ཤེས་གླེང་གཞིའི་ལེའུ་སྟེ་དང་པོའོ།། །། དེ་ནས་འོག་མིན་བྷནྡྷ་འབར་བའི་གཞལ་ཡས་ཁང་སྐམ་རློན་གྱི་མི ་མགོའི་རྩིག་པ་བརྩིགས་པ། ཁྲག་དང་ཞག་ཏུ་འཁྱིལ་བ། ཞིང་ལྤགས་ཀྱི་བླ་རེ་ལ་ཞིང་ཆུང་གི་འཕན་འཕྱར་བ། རཀྟའི་མཚོ་ལ་ཙིཏྟ་མེ་ཏོག་བཀྲམ་པ་ན། ཨེ་ཀ་ཛཱ་དཀར་མོ་དང་། དམར་མོ་དང་། སེར་མོ་དང་། ལྗང ་གུ་ནག་མོ་འབུམ་གྱི་གཙོ་མོ་ཐོད་མཁར་བརྒྱའི་བདག་མོ། སྲིད་པ་ལས་ཀྱི་འབྱུང་ཁུངས་མ་ཞེས་བྱ་བའི་བུ་མོ་ཙན་ཏི་དབང་ཕྱུག་མ་ཞེས་བྱ་བས་རུས་པའི་བྱིན་གསོལ། རཀྟ་དམར་གྱི་སྐྱེམས་དྲངས་ནས་ཕྱག་དང ་བསྐོར་བ་བྱས་ཤིང་ཡེ་ཤེས་མགོན་པོ་ཉིད་ལས་འཁྲིལ་ཏེ། དགྱེས་ཆེན་སུ་ལ་མ་ཧཱ་ཨ་མྲྀ་ཏ། ཨེ་མ་ངོ་མཚར་རབ་འཇིགས་སོ།། མ་རུངས་དྲེགས་པའི་ཚོགས་རྣམས་ལ།། ཞིང་བཅུ་སྒྲོལ་བའི་ལས ་བཅོལ་གྱིས།། ཐུགས་རྗེས་དགོངས་ནས་བརྒྱ་ལ་རེངས་སློང་།། ཁྲག་སྐྱུགས་ཕྲིན་ལས་དག་ལ་བཀོད།། ཅེས་ནི་ཞུ་བ་རབ་བཞུགས་པས།། འཇིགས་བྱེད་ཡེ་ཤེས་མགོན་པོ་ཡིས།། གཏུམ་ཁྲོས་དགྱེས་པའི་འཛུམ ་བཏོན་ནས།། དྷརྨཱ་ཀཱ་ལ་ཤན་ཏིང་ཀུ། ཞེས་པའི་སྒྲ་ཡིས་བརྒྱ་ལ་བསླངས་ནས།། རང་རང་ཕྱོགས་ཀྱི་ས་ལ་འཁོད།། དེ་ནས་སེང་གདོང་གིས་གུས་པའི་ཚུལ་གྱིས་འདི་སྐད་གསོལ།། ཧཱུཾ་གཙོ་མཆོག་འབར་བའི་ཕྱག ་བཞི་པ།། མཐིང་ནག་རབ་འཇིགས་ཡེ་ཤེས་མགོན།། དྲེགས་པའི་ཚོགས་བདག་སྐྱབས་སུ་མཆི།། བརྒྱ་ལ་རེངས་ཁྲག་སྐྱུགས་གྲོལ་མཛད་ཅིང་།། ཀུན་ལ་དྲིན་ཆེན་ལྷ་མོའི་སྐུ།། ཡུམ་མཆོག་ཙ་ཏི་དབང་ཕྱུག་གཙོ།། སྐུ ་མདོག་ནག་མོ་ཁྲོ་ཚུལ་ཅན།། ཞལ་གཅིག་ཕྱག་གཉིས་ཟོད་སྐམ་བརྒྱན།། ཕྱག་གཡས་གྲི་གུག་དགྲ་སྙིང་འབྱིན།། ཕྱག་གཡོན་ཟོད་ཁྲག་གཙོ་ལ་སྟོབ།། མཆེ་གཙིགས་ཁྲོ་གཉེར་སྤྱན་གསུམ་དམར།། གཅེར་བུ ་སྐྲ་གྲོལ་རུས་པས་བརྒྱན།། ཞབས་གཉིས་ཡབ་ལ་འཁྲིལ་ཅིང་སྦྱོར།། གཉིས་མེད་བདེ་ཆེན་ཧེ་རུ་ཀ། ཁྲག་འཐུང་ཡབ་ཡུམ་ཕྱག་འཚལ་བསྟོད།། ཆེ་མཆོག་ཉིད་ཀྱི་སྤྱན་སྔ་རུ།། ཁས་བླངས་ཁྲག་འཐུང་ཡབ་ཡུམ་གྱི།། ་བཀའ་ཉན་ལས་བྱེད་སྲོག་འབུལ་ལོ།། སི་ན་ར་ཧཱུཾ་ཕཊ་ཏྲི་ཧྲིང་ཛ། བསད་པའི་གཏོར་མ་བདག་ལ་ཞུ།། གར་རྦད་རླག་བྱེད་བསྒྲུབ་མཆོག་སྐྱོང་།། ས་མ་ཡ། སྲིན་པོ་ཧ་ལ་ཕ་རི་དང་།། ཌཱ་ཀི་ཤ་ཟ་ནག ་མོའི་བུ།། ཤ་ཟ་ཁྲག་འཐུང་བྱ་རོག་གདོང་།། གུས་པའི་ཚུལ་གྱིས་འདི་སྐད་གསོལ།། ཆེ་མཆོག་སྤྲུལ་པ་ཁྲག་འཐུང་རྒྱལ།། དྲེགས་པའི་ཚོགས་བདག་སྐྱབས་སུ་མཆི།། ཞི་རྒྱས་དབང་དྲག་ཕྲིན་ལས་སྐུ།། དཀར་སེར ་དམར་ལྗང་མཐིང་བ་ཡིས།། ལས་གྲུབ་ཡབ་ཡུམ་ཕྱག་འཚལ་བསྟོད།། བསྟན་སྲུང་གཙོ་བོ་ཡབ་ཡུམ་གྱི།། བཀའ་ཉན་ལས་བྱེད་སྲོག་འབུལ་ལོ།། ཀ་ཀ་མུ་ཀ་ཧཱུཾ་ས་མ་ཡ་སྲོག་དུང་ཛ་ཛ། ཤ་ཆང་དམར་གྱི་གཏོར་མ ་ཞུ།། བསྟན་པ་བསྲུང་ཞིང་བསྒྲུབ་མཆོག་སྐྱོང་།། སྲིན་མོ་བླག་འབར་མི་ཐོད་ཅན།། བདུད་པོ་སྒོས་བྱེའི་བུ་མོ་ནི།། འབར་མ་ནག་མོས་འདི་སྐད་གསོལ།། ཆེ་མཆོག་སྤྲུལ་པ་ཕྱག་བཞི་པ།། བཀའ་ཉན་ལས་བྱེད་སྲོག ་འབུལ་ལོ།། མ་མ་ནག་པོ་ཛ་ལི་རུ་ཧྲིང་ཛ་ཛ།། རག་ཏ་ཤ་ཁྲག་གཏོར་མ་ཞུ།། བླ་ཚེ་འཕྲོག་ནས་བསྒྲུབ་མཆོག་སྐྱོང་།། ཀླུ་མོ་གློག་ལྕམ་འབར་མ་དང་།། སྲིན་པོ་རག་ཤ་ཧ་ལིའི་བུ།། རཱ་ཧུ་ལ་ཡིས་འདི་སྐད ་གསོལ།། ཆོས་སྐུ་འགྱུར་མེད་ནག་པོ་ཆེ།། ཕྲིན་ལས་ལྷུན་གྲུབ་ཕྱག་བཞི་པ།། གཉིས་མེད་བདེ་ཆེན་ཡབ་ཡུམ་གྱི།། བཀའ་ཉན་ལས་བགྱིད་སྲོག་འབུལ་ལོ།། རཀྵ་རཱ་ཧུ་ལ་པ་ཧྲིང་ཛ། ཤ་ཁྲག་འདི་ལ་གཏོར་མ ་ཞུ།། བླ་སྲོག་འབྱེད་ཅིང་བསྒྲུབ་མཆོག་སྐྱོང་།། ཀླུ་ཆེན་བརྒྱད་ཀྱིས་འདི་སྐད་གསོལ།། ཁྲག་འཐུང་ཁྱུང་གི་ཚོགས་རྣམས་ལ།། གུས་བཏུད་བཀའ་ཉན་རང་སྲོག་འབུལ།། ནཱ་ག་ན་ག་རཱ་ཛ་ཕུ་ཧྲིང་ཛ།། དུག་རླངས ་འབྱེད་ཅིང་བསྒྲུབ་མཆོག་སྐྱོང་།། ཤར་ཕྱོགས་རྒྱལ་པོས་འདི་སྐད་གསོལ།། བདག་ནི་ཁྲག་འཐུང་བཀའ་ལ་ཉན།། རང་སྲོག་འབུལ་ཞིང་དམ་ཉམས་སྒྲོལ།། ཀིང་ཀར་ར་ར་ར་ཧྲིང་ཛ། བཤོས་བུ་གསེར་སྐྱེམས་གཏོར ་མ་ཞུ།། སྒྲོ་འབོག་གཏོང་ཞིང་བསྒྲུབ་མཆོག་སྐྱོང་།། ས་མ་ཡ་ན་ར་ཀན། ལྷོ་ཕྱོགས་གཤིན་རྗེས་འདི་སྐད་གསོལ།། བདག་ནི་ཁྲག་འཐུང་བཀའ་ལ་ཉན།། རང་སྲོག་འབུལ་ཞིང་དམ་ཉམས་སྒྲོལ།། ཡ་མ་རཱ་ཛ་ཧྲིང ་ཛ།། སྙིང་སྣ་དག་གི་གཏོར་མ་ཞུ།། སྲོག་རྩ་གཅོད་ཅིང་བསྒྲུབ་མཆོག་སྐྱོང་།། ནུབ་ཕྱོགས་བཙན་གྱིས་འདི་སྐད་གསོལ།། བདག་གི་ཁྲག་འཐུང་བཀའ་ལ་ཉན།། རང་སྲོག་འབུལ་ཞིང་དམ་ཉམས་སྒྲོལ།། བཛྲ་ས་དུ་ཙ ་ཧྲིང་ཛ། བཤོས་བུ་ཤ་ཁྲག་གཏོར་མ་ཞུ།། གཟེར་ཐབས་གཏོང་ཞིང་བསྒྲུབ་མཆོག་སྐྱོང་།། བྱང་ཕྱོགས་གནོད་སྦྱིན་འདི་སྐད་གསོལ།། བདག་ནི་ཁྲག་འཐུང་བཀའ་ལ་ཉན།། རང་སྲོག་འབུལ་ཞིང་དམ་ཉམས ་སྒྲོལ།། ཡཀྐ་ནག་པོ་དུན་ཧྲིང་ཛ།། བྱ་དམར་ཤ་ཁྲག་གཏོར་མ་ཞུ།། ཚེ་སྲོག་སྡུད་ཅིང་བསྒྲུབ་མཆོག་སྐྱོང་།། ས་མ་ཡ་ན་ར་ཀན། དཔལ་ནག་པོ་ཆེན་པོ་སྐུ་གསུང་ཐུགས་ཁྲོས་པའི་རྒྱུད་ལས། སྲོག་འབུལ་ཁས་བླངས ་ཀྱི་ལེའུ་སྟེ་གཉིས་པའོ།། །། ཙ་ཏི་ཉིད་ཀྱིས་ཡང་གསོལ་པ།། ཚེ་སྲོག་སྤྲུལ་པ་དྲེགས་པའི་གཙོ།། མ་སྲིང་སྨིན་བྱེད་དབང་ནི་གང་།། དམ་ཚིག་བསྲུང་ཚུལ་ཇི་ལྟར་བགྱི།། ཁྱེད་ནི་འདུལ་བྱེད་ལྷ་ནི ་ཅི།། སྤྱི་བསྒྲུབ་བསྙེན་པ་ཇི་ལྟར་བགྱི།། སྐུ་གསུང་ཐུགས་ཀྱི་ལས་མཁན་དཔུང་།། མཉེས་ཤིང་འདུ་བའི་བསྒྲུབ་རྫས་རྣམས།། འདུས་པའི་འཁོར་ལ་གསུང་དུ་གསོལ།། ནག་པོ་ཆེན་པོས་བཀའ་སྩལ་པ།། ཀྱེ། ་ཀྱེ་འདུས་པའི་འཁོར་ཚོགས་ཉོན།། རིན་ཆེན་བདུད་རྩིའི་ས་དག་ལ།། དཀྱིལ་འཁོར་མདའ་གང་གྲུ་བཞི་བྱ།། ཆོས་འབྱུང་ཉིས་བརྩེགས་པད་འདབ་བཞི།། དེ་ཡི་ཕྱི་རིམ་འཁོར་ལོ་བཞི།། ཡང་ན་པདྨ་འདབ་བརྒྱད ་བྱ།། ཐོད་ཕྲེང་རྡོ་རྗེ་ར་བར་བཅས།། མེ་རི་དམར་ནག་བསྐོར་བ་ལ།། པདྨ་འཁོར་ལོ་ཕྱོགས་ཀྱི་ཚོན།། གཏོར་ཚོགས་སུ་མཐོང་སིནྡྷུ་ར།། མཆོད་ལྔ་གསུར་ཆེ་ལྷག་སྤྲོད་གླིང་།། ལེགས་པར་སྟ་གོན་ཚོགས་བཅས ་ཏེ།། སྤྱན་དྲང་བཞུགས་གསོལ་མཆོད་གཏོར་དབུལ།། ཞི་ཁྲོ་གཞུང་བསྲང་དབང་བསྐུར་རོ།། ཞེས་སྣང་སྲིད་དྲག་པོ་དུར་ཁྲོད་བརྒྱད་དང་བཅས་པའི་དཀྱིལ་འཁོར་དུ་གྱུར་ཏེ་ཙ་ཏི་དབང་ཕྱུག་གིས་ཡང་གསོལ་པ།། ་དཔལ་ལྡན་འཇིགས་བྱེད་ཆེན་པོ་ཀྱེ།། འཇིགས་པའི་དཀྱིལ་འཁོར་འདི་རུ་ནི།། དྲེགས་པ་ཕོ་མོ་སླར་གཞུག་པ།། དཔའ་བོ་བླ་མས་གསུང་དུ་གསོལ།། དཔའ་བོ་ཆེན་པོས་བཀའ་སྩལ་པ།། ཧོ་དཔལ་ལྡན་ཁྲག་འཐུང ་ཡབ་ཡུམ་གྱི།། འཇིགས་པའི་དཀྱིལ་འཁོར་འདིར་བཞུགས་ལེགས།། སངས་རྒྱས་བསྟན་པ་བསྲུང་པའི་ཕྱིར།། དྲག་པོའི་ཕྲིན་ལས་གྲུབ་པར་མཛོད།། ཨོཾ་མ་ཧཱ་ཀ་ལ་ཨེ་ཀ་ཛཱ་ཏི། ཨཱ་བེ་ཤ་ཡ་མ་མ་ཧཱུཾ ་ཧཱུཾ།། ཡེ་ཤེས་བབས་ནས་ལྡེག་པ་དང་།། རི་རབ་འགུལ་ཞིང་རྒྱ་མཚོ་འཁྱམས།། ས་རྣམས་གཡོས་ཤིང་བྱིན་ཕེབས་པས།། སངས་རྒྱས་ཞིང་ཁམས་མཐའ་ཡས་ན།། སྒྲུབ་བྱེད་ཀུན་གྱི་རྟགས་ཐོན་ན།། དེ་ནས་བུམ་པ ་རབ་ཐོགས་ཏེ།། ང་ཡིས་བཀའ་ཉན་དྲེགས་པའི་ཚོགས།། འཇིགས་བྱེད་དཀྱིལ་འཁོར་འདི་ལ་ལྟོས།། བདག་ནི་ཡབ་ཡུམ་ཧེ་རུ་ཀ། འཇིགས་པའི་ང་རོ་མེ་འོད་འབར།། དཔལ་དང་ལྡན་པའི་དབང་བསྐུར་རོ།། ་བཛྲ་རཏྣ་པདྨ་ཀརྨ་བུདྡྷ།། མ་ཧཱ་ཀཱ་ལ་ཨེ་ཀ་ཙ་ཏི་ཨ་བྷི་ཥིཉྩ་ཨཾ། དབང་ཐོབ་སངས་རྒྱས་ཀུན་ཞལ་མཐོང་།། བཀའ་ཉན་བསྟན་བསྲུང་ཁས་བླངས་སོ།། ཕྱག་གཡོན་ཐོད་པ་རབ་གཏད་དོ།། བྱང་སེམས་དཀར་དམར ་ཧེར་ཀའི་བཅུད།། བདུད་རྩི་ལྔ་ནི་ཁྲག་འཐུང་རྫས།། དངོས་གྲུབ་མྱུར་ཐོབ་དབང་བསྐུར་རོ།། ཨཱཿམ་ཧཱ་ཀ་ལ་ཨེ་ཀ་ཙ་ཏི་མ་ཧཱ་སུ་ཁ་ཨ་མྲྀ་ཏི། ཨ་བྷི་ཥིཉྩ་ཨཱ། དབང་ཐོབ་སྔགས་དང་དམ་ཚིག་སྤྱོད།། སྔགས་ཀྱི ་སྒོར་ཞུགས་བུ་ལྟར་དགོངས།། མེ་ལོང་སིན་དྷུ་ར་བསྟན་ཏེ།། དྲི་མེད་ཤེལ་སྒོང་རང་རིག་སེམས།། སྣང་གྲག་མེ་ལོང་གཟུགས་བརྙན་ལས།། ཡབ་ཡུམ་གཉིས་མེད་སྦྱོར་ཅིང་རོལ།། གསལ་ལ་ངོ་སྟོང་དབང་བསྐུར ་རོ།། ཨོཾ་ཧཱུཾ་མ་ཧཱ་ཀ་ལ་ཨེ་ཀ་ཙ་ཏི། པྲཛྙཱ་ཛྙཱ་ན་ཨ་བྷི་ཥིཉྩ་ཧཱུཾ། དབང་ཐོབ་མཆོག་གི་ས་ལ་གནས།། ཆོས་བྱེད་ཐུགས་དམ་ཙམ་གྱིས་འགྲོ།། ཨེ་མ་ལྟོས་ཤིག་ལྟོས་ཤིག་སེམས་ལ་ལྟོས།། ལུས་ནི་གསལ ་སྟོང་ང་ཡི་སྐུ།། ངག་ནི་གྲག་སྟོང་ང་ཡི་གསུང་།། སེམས་ནི་རིག་སྟོང་ང་ཡི་ཐུགས།། ངོ་བོ་མཐོང་ན་འཁོར་བ་མེད།། རང་བཞིན་མཐོང་ན་སངས་རྒྱས་ཡིན།། ཐུགས་རྗེ་དྲག་པོའི་ལས་བྱས་ན།། ཞིང་བཅུ་ཐར་པའི་ས ་ལ་བཀོད།། ཁྲག་འཐུང་རིག་པའི་ཧེ་རུ་ཀས།། ང་ཡང་དེ་ལྟར་སྨིན་པར་བྱས།། སྐུ་གསུང་ཐུགས་ཁྲོས་པའི་རྒྱུད་ལས། དབང་གི་ལེའུ་སྟེ་གསུམ་པའོ།། ། ཙ་ཏི་དབང་ཕྱུག་ཡང་གསོལ་པ།། དབང་གི ་རིམ་པ་དེ་ལྟར་ན།། དམ་ཚིག་བསྲུང་ཚུལ་གསུང་དུ་གསོལ།། ཁྲག་འཐུང་ཆེན་པོས་བཀའ་སྩལ་པ།། སྤྱི་རུ་དམ་ཚིག་འབུམ་སྡེ་དེ།། ཡན་ལག་གྲངས་ནི་དམ་ཚིག་དང་།། བསྒྲུབ་པའི་དམ་ཚིགས་ཉི་ཤུ་བསྲུང་།། རྩ་བ ་སྐུ་གསུང་ཐུགས་ཡིན་ནོ།། བླ་མ་ཡི་དམ་རང་རེ་དང་།། མཆེད་ལྕམ་སེམས་ཅན་མ་ཁྲེལ་བསྲུང་།། ཟླ་དང་ཞར་དང་སྐུ་གསུང་ཐུགས། ཡན་ལག་གྲངས་ཀྱིས་མ་ཉམས་ན།། དམ་ཅན་འགོ་བས་མཐུ་རྩལ ་འབྱུང་།། མང་པོས་བཀུར་བས་གྲགས་པ་སྟེ།། ཡིད་དུ་འོང་ཞིང་སངས་རྒྱའོ།། དམ་ཚིག་ཉམས་པར་གྱུར་པ་ན།། རྡོ་རྗེ་དམྱལ་བ་ཆེན་པོར་སྐྱེ།། མི་བཟད་སྡུག་བསྔལ་མྱོང་བར་འགྱུར།། དམ་ཚིག་ཉམས་པའི་སྔ་ལྟས ་སུ།། རིམས་དང་ཡམས་ནད་འཚེ་བ་འབྱུང་།། དབང་པོ་འགག་ཅིང་མཛེ་ཤུ་དང་།། ཡིད་དུ་མི་འོང་སྣ་ཚོགས་པས།། དམ་ཚིག་ཉམས་པ་རླག་པར་བྱེད།། དེས་ན་ཕྱག་དང་བསྐོར་བ་དང་།། སྔགས་བཤགས་ཏིང ་འཛིན་དག་ལ་འབད།། དམ་ལྡན་བསྙེན་བསྒྲུབ་རེམ་ལ་ནི།། སྤྲིན་ལྟར་འདུ་ཞིང་བུ་ལྟར་བརྩེ།། ཅི་བཅོལ་ཕྲིན་ལས་ཀུན་སྒྲུབ་པའོ།། སྐུ་གསུང་ཐུགས་ཁྲོས་པའི་རྒྱུད་ལས་དམ་ཚིག་གི་ལེའུ་སྟེ་བཞི ་པའོ།། །། ཙ་ཏི་དབང་ཕྱུག་ཡང་གསོལ་པ།། དམ་ཚིག་རིམ་པ་དེ་ལྟར་ན།། འདུལ་བྱེད་ལྷ་ནི་གསུང་དུ་གསོལ།། ཁྲག་འཐུང་ཆེན་པོས་བཀའ་སྩལ་པ།། ང་ཡི་འདུལ་བྱེད་ལྷ་ཉིད་ནི།། ཁྲག་འཐུང་རིག་པའི་ཧེ་རུ ་ཀ། མ་བསྐྱེད་དབྱིངས་ན་གསལ་བར་བཞུག། འབྲལ་བ་མེད་ཅིང་གནས་པ་མེད།། རང་གི་སེམས་ཉིད་རྟོགས་པར་གྱིས།། ང་ལ་སྐྱེ་བའི་ཡུལ་མེད་པས།། འཆི་བ་ཞེས་བྱ་མི་འོང་ངོ་།། ང་ལ་འགྲོ་དང་འོང་མེད ་ལ།། འདུ་འབྲལ་ཞེས་བྱ་མིང་ནས་མེད།། ང་ལ་གསལ་དང་འགྲིབ་པ་མེད།། ང་ལ་དགྱེས་དང་མི་དགྱེས་མེད།། ང་ལ་བསྒྲུབ་པའི་རྫས་ཀྱང་མེད།། བཟླས་པར་བྱ་བའི་སྔགས་ཀྱང་མེད།། ཐམས་ཅད་རང་གི་བྱེད་པ ་ཡིན།། མེ་ལོང་གཟུགས་བརྙན་ལྟར་ཤེས་ན།། སྣང་གྲག་འདུལ་བྱེད་ལྷ་ཡིན་ནོ།། བྲག་ཆ་ལྟ་བུ་ཤེས་པ་ཡིན།། ཚིག་རྣམས་འདུལ་བྱེད་ལྷ་ཡིན་ནོ།། རིག་པའི་དོན་ཉིད་རྟོགས་པ་ན།། ཐམས་ཅད་འདུལ་བྱེད་ལྷ ་ཡིན་ནོ།། ཞི་ཁྲོ་བསྐྱེད་རིམ་གསལ་བ་ན།། ང་ཉིད་འདུལ་བྱེད་ལྷ་ཡིན་ནོ།། ང་ཉིད་ཡབ་ཡུམ་གསལ་བ་ན།། དྲེགས་པ་འདུལ་བྱེད་ལྷ་ཡིན་ནོ།། ཁྲག་འཐུང་རིགས་ལྔའོ་སྙིང་པོས་ནི།། ང་ཉིད་འདུལ ་ཞིང་ཐམས་ཅད་བསྒྲག། མཆོག་དང་ཐུན་མོང་དངོས་གྲུབ་འབྱུང་།། སྐུ་གསུམ་ཐུགས་ཁྲོས་པའི་རྒྱུད་ལས་འདུལ་བྱེད་ལྷའི་ལེའུ་སྟེ་ལྔ་པའོ།། །། ཙ་ཏི་ཉིད་ཀྱིས་ཡང་གསོལ་པ།། འདུལ་བྱེད་ལྷ་ནི་དེ་ལྟར ་ན།། སྤྱི་བསྒྲུབ་རིམ་པ་གསུང་དུ་གསོལ།། ཕྱག་བཞི་པ་ཡིས་བཀའ་སྩལ་པ།། དཀྱིལ་འཁོར་དབང་དང་མཐུན་པ་ལ།། ཕྱོགས་མཚོན་སྒོ་དང་བཅས་པ་བྲི།། དབུས་སུ་ཐོད་པ་ཁ་སྦྱར་ནང་།། གྲི་སྙིང་བྱ་རོག་ནལ་སྙིང ་དང་།། འཁོར་ལོར་བཅས་པ་དར་ནག་གྲིལ།། ནས་ཀྱི་ཚོམ་བུ་གཏོར་མར་བཅས།། ཡབ་ཡུམ་གཙོ་འཁོར་ཉིད་ཡིན་ནོ།། ཧེ་རུ་ཀ་ཡི་ང་རྒྱལ་གྱིས།། སྙིང་གར་སྲོག་ཕུལ་སྔགས་བསམས་ཏེ།། འོད་ཟེར་དམར་པོས ་དབང་བསྡུས་ལ།། གསལ་བའི་སེམས་ཀྱིས་འབུམ་དུ་བསྐྱལ།། ཨོཾ་མ་ཧཱ་ཀཱ་ལ་ཨེ་ཀ་ཙ་ཏི་གྷུ་ན་ཧྲི་ད་ཧཱུཾ་ཕཊ་མ་ཧཱ་ཀཱ་ལ་ཁ་ཁ་མུ་ཁ་ཧཱུཾ། ས་མ་ཡ་སྲོག་དུང་ཛ་ཛ། མ་མ་རག་མོ་ཛ་ལི་རོ་ཏྲིང་ཛ། སན་ར་ཧུ་ཧྲིང་ཧྲིང་ཛ། ་རཀྟ་རཱ་ཧུ་ལ་ཧྲིང་ཛ། གིང་ཀ་ར་ཧྲིང་ཛ། ཡ་མ་རཱ་ཛ་ཧྲིང་ཛ། བཛྲ་ས་དུ་ཧྲིང་ཛ། ཡཀྵ་ནག་པོ་ཧྲིང་། མི་ཚོར་བཟླས་ན་སྣང་སྲིད་གཡོ།། འགྲོ་བ་ཀུན་གྱི་སྲོག་འབྲལ་ལོ།། ཅི་བསམ་འགྲུབ་ཅིང་བསྟན་པ་བསྲུང་།། སྐུ ་གསུམ་ཐུགས་ཁྲོས་པའི་རྒྱུད་ལས་སྤྱི་བསྒྲུབ་ཀྱི་ལེའུ་སྟེ་དྲུག་པའོ།། །། ཙ་ཏི་ཉིད་ཀྱིས་ཡང་གསོལ་པ།། སྤྱི་བསྒྲུབ་རིམ་པ་དེ་ལྟར་ན།། སྐུ་གསུང་ཐུགས་ཀྱིས་ལས་མཁན་གསུང་།། ནག་པོ་ཆེན་པོས་བཀའ ་སྩལ་པ།། ཆེ་མཆོག་ཁྲོས་པའི་ནུས་མཐུ་ཡིས།། རཱུ་ཏྲ་ལྔ་བཏུལ་ང་ཡང་ལྔ་རུ་འགྱུར།། ཆུང་མ་ལྔ་ནི་བཏུལ་བ་ཡིས།། གཏུམ་པའི་དབང་ཕྱུག་ཙན་ཏི་ཀ། གློག་འབར་རལ་གཅིག་ཤ་ཟ་མ།། ཡེ་ནས་ལྷུན་གྲུབ་དགོངས ་པ་ཤེས།། བསྟན་བསྒྲུབ་སེམས་ཅན་མགོན་དུ་བསྒྱུར།། དྲེགས་པ་འདུལ་ཕྱིར་སྐུ་ཆེའོ།། ཕྲིན་ལས་བསྒྲུབ་ཕྱིར་གསུང་ཆེའོ།། སངས་རྒྱས་ཞིང་སྦྱོར་ཐུགས་ཆེའོ།། ཡེ་ཤེས་མགོན་པོ་ཡབ་ཡུམ་གྲགས།། ང་ཉིད་སྟོང་པ ་ཉིད་ཡང་ཆེ།། ང་ཉིད་གསལ་འཚེར་ལྷུན་ཉིད་སྡུག། ང་ཉིད་ཀུན་ཁྱབ་བདེ་ཆེན་འཁྲིལ།། སྐུ་ཡི་ལས་མཁན་བྱ་རོག་གདོང་།། བཀའ་དང་བསྟན་པ་ཁྱོད་ཀྱིས་སྲུངས།། གསུང་གི་ལས་མཁན་འབར་མ ་ནག། བཀའ་དང་བསྟན་པ་ཁྱོད་ཀྱིས་སྲུངས།། ཐུགས་ཀྱི་ལས་མཁན་རཱ་ཧུ་ལ།། བཀའ་དང་བསྟན་པ་ཁྱོད་ཀྱིས་སྲུངས།། ཆོས་བྱེད་བསྒྲུབ་མཆོག་དམ་པ་ཡིས།། བོས་པའི་དུས་ན་སྙན་མ་སྲ།། གཡབ་པའི་ཚེ་ན་སྤྱན ་མ་བརྟུལ།། ལུས་དང་གྲིབ་མ་བཞིན་དུ་འགྲོགས།། བརྟེན་པའི་ཚེ་ན་ཕྲག་མ་དོག། རྦད་པའི་ཚེ་ན་མཐུ་མ་ཆུང་།། གསོད་པའི་ཚེ་ན་དང་མ་རིང་།། ཙིཏྟ་གཏོར་མ་ལྷག་སྤྱོད་ལྔ།། དར་ནག་གླིང་དུ་གསེར་ཆེན་དུ།། ཤ་ལྔ ་བདུད་རྩི་ལྔ་ཚོགས་ན།། ཤ་ལ་སྦྲང་བཞིན་ཁྱེད་རྣམས་འདུས།། ཆོས་བྱེད་དམ་ཚིག་ཅན་ལ་ནི།། ཅི་ཡང་མེད་ལས་དམ་ལ་འདུས།། སྔགས་པ་དམ་ཚིག་མི་བསྲུང་ན།། བསྲུངས་ཀྱང་སྐལ་ཉམས་ལས་མ ་བྱེད།། བྱ་རོག་འབར་མ་སེང་གེ་གདོང་།། གཟའ་བདུད་རྒྱལ་པོ་གཤིན་རྗེ་བཙན།། གནོད་སྦྱིན་ཀླུ་དང་མི་སྲུན་ཚོགས།། སངས་རྒྱས་བསྟན་པའི་བཀའ་འདི་སྲུངས།། རྣལ་འབྱོར་ཡོངས་ཀྱི་དགྲ་བླ་མཛོད།། རིག་འཛིན ་ཀུན་གི་སྲོག་ཤིང་གིས།། དམ་ཉམས་ཀུན་གྱི་སྲོག་རྩ་ཆོད།། བདུད་འདུལ་རྣམས་ཀྱི་དབང་ཕྱུག་ཆེ།། གཙུག་ལག་ཁང་གི་སྲུང་མ་རྣམས།། ལེགས་ཉེས་ཀུན་གྱི་ལྟང་འཛིན་ཆེ།། ནག་པོ་སྟོང་གི་ཚོགས་ཀྱིས་བསྐོར།། ཤ་ཟ ་འབུམ་གྱི་ཚོགས་ཀྱིས་བསྐོར།། གནོད་སྦྱིན་དུ་མའི་ཚོགས་ཀྱིས་བསྐོར།། བདུད་ཕོ་ཉི་ཁྲིའི་ཚོགས་ཀྱིས་བསྐོར།། མི་སྲུན་དྲག་པོ་མཐུ་ཆེན་རྣམས།། བསྟན་འཇིག་དགྲ་བོ་ཟས་སུ་གཏད།། དམ་ཉམས་ཤ་ཟོ་ཁྲག་ནི ་ང་།། སྙིང་ཕྱུང་སྲོག་ཆོད་དུས་མཐའ་སྔས།། ནོར་ཕྲོགས་གྲང་སྦྲེལ་ཉེ་དང་ཕྱེས།། ལོ་ཟླར་མ་བཞག་ཟ་མར་སྒྲོལ།། ཅེས་ཡབ་ཡུམ་ཆོས་ཉིད་མཉམ་པའི་ཏིང་ངེ་འཛིན་ལ་བཞུགས་ཏེ་ཁྲག་འཐུང་རིག་པའི་ཧེ་རུ་ཀ ་ལ་ཐིམ། དཔལ་ནག་པོ་ཆེན་པོའི་སྐུ་གསུང་ཐུགས་ཁྲོས་པའི་རྒྱུད་ལས། ལས་མཁན་གཉེར་གཏད་པའི་ལེའུ་སྟེ་བདུན་པའོ།། །། དེ་ནས་ལྷ་དང་མི་དང་ལྷ་མ་ཡིན་དང་སྣང་སྲིད་ཀྱི་ལྷ་སྲིན་སྡེ་བརྒྱད་རྣམས་ཀྱིས།། ་བསད་པའི་ཤ་དང་བཙོས་པའི་ཆང་།། བཙོང་སྒོག་ལ་ཕུག་སྦོད་རིགས་དང་།། ཁམ་བུ་ཀུ་ཤུ་བཅོལ་ཏི་དང་།། རྒུན་འབྲུམ་ཀ་ར་བུ་རམ་དང་།། རཀྟ་ལ་སོགས་ཁྲག་སྣ་སྟོང་།། མ་ཧཱ་ཙིཏྟ་ལ་སོགས་སྙིང་སྣ་སྟོང་།། མཱཾ་ས་ལ ་སོགས་ཤ་སྣ་སྟོང་།། སུ་ར་ལ་སོགས་ཆང་སྣ་སྟོང་།། བྷན་དྷ་ནང་ཁྲོལ་རུས་པའི་ཚོགས།། དར་ནག་རྒྱལ་མཚན་གསུར་ཆེན་སྤོས།། རོལ་མོའི་ཚོགས་ཀྱིས་རབ་མཆོད་ནས།། འཇིགས་བྱེད་ཆེན་པོ་ཁྲག་འཐུང ་གིས།། གཉེར་གཏད་བཀའ་བསྒོ་སྤུན་གསུམ་ལ།། མགྲིན་གཅིག་བསྡེབས་ནས་འདི་སྐད་གསོལ།། ཆོས་དབྱིངས་སྐྱེ་མེད་ངང་ཤེད་ནས།། ཐབས་དང་ཤེས་རབ་གདུག་པ་འདུལ།། དྲག་པོ་འཇིགས་བྱེད་སྐུར་བསྟན ་པའི།། མགོན་པོ་ཡབ་ཡུམ་ཕྱག་འཚལ་བསྟོད།། སྔོན་ཚེ་ཁྲག་འཐུང་སྤྱན་སྔ་རུ།། བསྟན་པ་བསྲུང་བར་ཁས་བླངས་པའི།། སྲིན་པོའི་གཟུགས་འཆང་གདུག་པ་འདུལ།། བྱ་རོག་གདོང་ལ་ཕྱག་འཚལ་བསྟོད།། ནག་པོའི ་ལས་མཛད་མཁའ་འགྲོའི་གཙོ།། སྲིན་པོའི་གཟུགས་ཀྱི་དུག་ཆར་འབེབས།། ཤ་ཟ་ཁྲག་འཐུང་རབ་འབར་མ།། ནག་མོ་བྱ་ཞོན་མ་ལ་ཕྱག་འཚལ་བསྟོད།། འཇིག་རྟེན་ལས་གྲུབ་དྲེགས་པ་ཅན།། རང་སྔགས་དམོད་པའི ་མཚོན་ཆ་ཡིས།། སྲོག་དབུགས་འབྲལ་བའི་མཐུ་བོ་ཆེ།། རཱ་ཧུ་ལ་ལ་ཕྱག་འཚལ་བསྟོད།། དེ་སྐད་བསྟོད་ཅིང་འདི་སྐད་གསོལ།། དུས་ནི་བསྐལ་པ་ཕྱི་མའི་དུས་ཀྱི་ཚེ།། ཆོས་ལ་དགྲ་དང་འཚེ་བ་བྱེད་པ་ཡིས།། གཙུག ་ལག་ཆོས་དཀོར་གཉེན་པོ་རླག་པར་བྱེད།། ཕྱིར་རབས་སྔགས་པ་ནང་དམེ་བྱས་པ་ཡིས།། ཞིང་བཅུ་གདུག་པ་རཱུ་ཏྲ་དར་བར་འགྱུར།། དེ་ཚེ་སྒྲོལ་བའི་ལས་བསྒོས་ཇི་ལྟར་འཚལ།། སྒྲུབ་གནས་ཟླ་བ་གང ་ལ་བྱ།། དཀྱིལ་འཁོར་བསྒྲུབ་རྫས་ཅི་དང་ཅི།། འབོད་རྦད་གསད་པའི་ལས་མཐའ་གང་།། རྟགས་དང་མཚན་མ་ཇི་ལྟར་འོང་།། མ་གྲུབ་སྤོགས་ཆོ་ག་ཇི་ལྟར་བགྱི།། ཕྲིན་ལས་བཞི་དང་ལས་ཚོགས་དང་།། དངས་མ་སྲོག ་གི་ཡི་གེ་རྣམས།། འདུས་པའི་འཁོར་ལ་གསུང་དུ་གསོལ།། སྐུ་གསུང་ཐུགས་ཁྲོས་པའི་རྒྱུད་ལས་སྒྲོལ་བ་ལས་ཞུས་ཀྱི་ལེའུ་སྟེ་བརྒྱད་པའོ།། །། དེ་ནས་ལས་ཀྱི་མགོན་པོ་ཡིས།། བྱ་རོག་དག་ལ་རབ་ཞོན ་ནས།། ཕྱག་གཉིས་གྲི་གུག་ཐོད་ཁྲག་བསྣམས།། སྟག་ལྤགས་མི་མགོ་གཡང་གཞི་གསོལ།། ཀ་ཁ་མུ་ཁ་ཀྲོ་ཏ་མཱ་ར་ཡ། བྱ་རོག་ཁྲོས་པའི་གསུང་སྒྲོག་ཅིང་།། འདུས་པའི་འཁོར་ལ་བཀའ་སྩལ་པ།། ཞིང་བཅུ་རཱ་ཏྲ་དར ་དུས་སུ།། སྙིང་སྟོབས་བརྩོན་འགྲུས་ངར་ལྡན་གྱིས།། སེམས་བསྐྱེད་བསྟན་སྲུང་དམ་བཅས་ལ།། དུར་ཁྲོད་ལྷ་ཁང་བྲག་ནག་ཕུག། ཟླ་བ་ཐ་ཆུང་བཞི་པོ་ལ།། དུར་ཁྲོད་ལ་དཀྱིལ་འཁོར་བྱ།། སྤྱི་བསྒྲུབ་དག་དང ་མཐུན་པ་ཡིས།། ཕུང་ས་གསུམ་ལ་འབྲུབ་ཁུང་སྟེ།། ཁྲུ་གང་རྒྱལ་དུག་ཁྲག་རྩང་།། རབས་ཆད་ཕོ་མོའི་ཐོད་པ་ལ།། སྤུ་གྲི་སྔགས་ཀྱི་འཁོར་ལོ་བྲི།། ཕོ་ཐོད་སྟེང་ལ་མོ་ཐོད་འོག། བཀང་རྫས་དང་ནི་དྲི་མ་དང་།། དུག་སྣ ་ཁྲག་སྣ་ཐད་ཕྲོམ་པ།། གྲོག་མཁར་སྤུངས་ས་ཕྱེ་དང་བསྲེ།། དགྲ་བོའི་འདྲ་འབག་ལིངྒ་བྱ།། རས་སམ་གྲོ་ག་དག་ལ་ནི།། ལིངྒ་བྲིས་ལ་སྙིང་གར་གཞུག། ཐོད་ནང་བསྒྱེལ་ལ་འབྲུབ་ཁུང་ནང་།། གཟུངས་ཐག་བཏགས་ལ ་ལྷ་དང་དབྱེ།། ཨོཾ་མ་ཧཱ་ཀ་ལ་ཨ་མྲྀ་ཤག་ཕྱེ་ཤག་ཕྱེ་མ་མ་ཏྲག་རཱ་ཏྲ་མཱ་ར་ཡ་ཕཊ། སྨེ་རྫས་དུག་གིས་བདུག་བྱས་ནས།། སྐམ་རློན་ཐུན་རྫས་ཐོད་པ་བཅད།། ལུག་ནག་གཡག་ནག་བྱ་རོག་གསོབ།། རྒོད་དང་བྱ་རོག་རྒོད ་དང་མདའ།། འཁོར་ལོ་སྟག་གཟིག་དགྲ་སྙིང་བཅས།། ནལ་གསོབ་སྙིང་དང་སྦལ་མིག་ཅན།། གཏོར་མ་ཤ་ཁྲག་ཆང་གིས་བྲན། སྐུ་གསུང་ཐུགས་ཁྲོས་པའི་རྒྱུད་ལས། དཀྱིལ་འཁོར་བསྒྲུབ་རྫས་བཅའ་གཞིའི་ལེའུ་སྟེ ་དགུ་པའོ།། །། ཡང་ནི་བཤད་ཀྱིས་ལེགས་ཉོན་དང་།། པདྨ་ཉི་ཟླའི་གདན་སྟེང་ན།། རྗེ་དཔོན་གསལ་བར་སྔགས་འདི་བོད།། ཨོཾ་མ་ཧཱ་ཀཱ་ལ་ཀ་ཁ་མུ་ཁ་ཧཱ་ས་མ་ཡ་སྲོག་དུང་དུང་ཛ་ཛ།། མ་མ་རག་མོ་ཛ་ལི་རུ་ཏྲིང་ཛ། ་རག་ཤ་རཱ་ཧུ་ལ་ས་ཧྲིང་ཛ།། གདན་དྲང་བཞུགས་བསྟོད་མཆོད་གཏོར་དབུལ།། སངས་རྒྱས་བསྟན་སྲུང་མཐུ་བོ་ཆེ།། ཡབ་ཡུམ་འཁོར་བཅས་དགོངས་ཤིང་གཤེགས།། བདུད་ཀྱི་བར་ཆོད་བསལ་བ་དང་།། གདུག་པ་དགྲ ་བགེགས་བསྒྲལ་བའི་ཕྱིར།། དྲག་པོའི་གཞལ་ཡས་དཀྱིལ་འཁོར་འདིར།། གཉིས་མེད་གདན་ཞུགས་འཕྲིན་ལས་མཛོད། ས་མ་ཡ། ཨཱ་ཀ་ར་ཤ་ཡ་ཧཱི་ཛ་ཨཱ་བེ་ཤ་ཡ་ཏིཥྛ་ལྷན།། ཁམས་གསུམ་དྲེགས་པའི་མཐུ་བོ ་ཆེ།། འཇིགས་བྱེད་མེ་འབར་ཡབ་ཡུམ་སྐུ།། ལས་མགོན་གིང་ཚོགས་ཕྱག་འཚལ་ལོ།། བཟའ་དང་བཅའ་དང་བཏུང་བ་དང་།། བཤོས་དང་ཁ་ཟས་སྣ་ཚོགས་དང་།། སྒྲ་དང་དྲི་དང་རོ་དང་རེག། བདུད་རྩི་ཤ ་ཁྲག་གཏོར་མ་འབུལ།། དགྱེས་པར་དགོངས་ལ་བཞེས་སུ་གསོལ།། མ་ཧཱ་ཀཱ་ལ་ཌཱ་ཀི་ནཱི་ས་མ་ཡ། དྷཱ་པེ་པུཥྤེ་གནྡྷེ་ཧཱུཾ། ནེ་བིཏྱ་ཨཱ་ལོ་ཀེ་ཤཔྡ་ཧཱུཾ། མ་ཧ་ཀཱ་ལ་ས་མ་ཡ་སརྦ་པཱུ་ཛ་ཧོ། བྷ་ལིང་ཏ་ཁཱ་ཧི་མ་ཧཱ་མཾ་ས་ཁཱ་ཧི། མ་ཧཱ ་ཙིཏྟ་ཁཱ་ཧི། མ་ཧཱ་སུ་ར་ཁྭ་ཧི། པྲ་བེ་ཀརྨ། སརྦ་ཨརྠ་སིདྡྷ་ཡེ་སྭཱ་ཧཱ། དེ་ལྟར་དུས་བཞིར་མཆོད་ཅིང་བོད།། སྐུ་གསུང་ཐུགས་ཁྲོས་པའི་རྒྱུད་ལས། བོད་པའི་ལེའུ་སྟེ་བཅུ་པའོ།། །། ཡང་ནི་བཤད་ཀྱིས་ལེགས་པར ་ཉོན། ཨོཾ་མ་ཧཱ་ཀཱ་ལ་ཨེ་ཀ་ཙ་ཏི་གྷུ་ན་ཧྲི་ཏ་དགྲ་བོ་ཨཾ་ཀུ་ཤ་ཡ་ཛ་ཛ་བཛྲ་མ་ཧཱ་ཀཱ་ལ་ཨ་ནུ་ཀཾ། དགྲ་བོའོ་སྲོག་བྷྱོ་རྦད། ཁ་ལ་རག་ཤ་རྦད། སྙིང་ཁ་ལ་རག་ཤ་རྦད། སྲོག་ལ་རག་ཤ་རྦད། སྙིང་ཁྲག་བལ་མོ་ཁ་ལ་རག ་ཤ་རྦད། ཛ་ཡཱ་ཛ་ཡ། ཡཻ་ཡེ། ལྡེང་ལྡེང་། བྲམ་ཐམ། ལྷང་ལྗང་། དགྲ་བོའི་སྲོག་ལ་ཟུམ་རིལ་ཟད། རུ་རུ་ཤི་ཏི་ཀྲི་མ་རུ་སོད།། ཟུམས་མ་རག་དུ་སྤ་སོད། ཁ་དུག་ཤ་ཥ་མ་སོད། དགྲ་བོའི་སྲོག་ལ་ཐུམས་རྦད་སོད་རྣཾམ་ཡ ་རྣི་ཡ་ཡ་ཙ་དུན་སོད།། ཨ་མུ་ཀཾ་ས་ཀ་རྦུད་མཱ་ར་ཡ་སྲོག་ལ་ཐུན་བྷྱོ། དགྲ་བོ་ཆེ་གེ་མོ་མཱ་ར་ཡ་རྦད་སོད།། རམ་ཏ་དེའི་བདེ་བ་བྱི་ནུ་ཙན་ཏྲ་རུ་བ་ནི་རཱ་ཧུ་ལ་དགྲ་བོའི་སྙིང་ལ་ཁྲག་རྦད།། ཧེ་ཀ་ལི་མ་ཧཱ་ཙན་དྷ་ཙན་དྷ་མཱ་ར་ཡ ་རྦད།། འབར་མ་སེང་གདོང་གཟའ་བདུད་ཀྱིས།། དགྲ་བོ་གནས་པའི་ས་ཕྱོགས་སུ།། ཁ་བལྟས་ང་རོ་དྲག་པོས་རྦད།། བསྐུལ་འདི་གཏང་ཞིང་མི་ལྤགས་རྡེ་བ། ཧཱུཾ།། མི་མངོན་དབྱིངས་ནས་བཞུགས་པ་ཡི།། བསྟན་སྲུང ་དཔལ་ལྡན་ནག་པོ་ཆེ།། རིགས་ལྔ་ཁྲག་འཐུང་སྤྲུལ་པ་སྟེ།། ཆོས་སྐྱོང་མགོན་པོ་མཐུ་བོ་ཆེ།། བཀའ་སྲུང་ཆེན་པོ་དམ་ཚིག་ཅན།། སྐུ་མདོག་མཐིང་ནག་འབར་བ་ལ།། ཞལ་གཅིག་ཕྱག་བཞི་འཇིགས་པའི ་གཟུགས།། དབུ་སྐྲ་ཁམ་ནག་གྱེན་དུ་བརྫེས།། སྦྲུལ་དང་ཐོད་པའི་ཕྲེང་བ་བཅིངས།། ཞལ་ནས་འཇིགས་པའི་ཁྲོ་གཉེར་གྱིས།། བདུད་དཔུང་མ་ལུས་སྐྲག་པར་མཛད།། སྤྱན་གསུམ་དམར་ལ་འཁྲུག་པ་ཡིས།། སྡང་མིག ་ཕྱོགས་བཅུ་ཀུན་ཏུ་བལྟ།། ཤངས་ནས་དྲག་པོའི་འཐོར་རླུང་འབུད།། སྨ་ར་ཨག་ཚོམ་སྨིན་མ་སེར།། ཞལ་གདངས་ཧ་ཧ་ཧཱུཾ་ཕཊ་སྒྲོགས།། མཆེ་གཙིགས་ལྗགས་འདྲིལ་རྐན་སྒྲ་རྡེབ།། ཕྱག་གཡས་དང་པོ་དགྲ་སྙིང ་འཛིན།། འོག་མ་རལ་གྲི་དགྲ་སྲོག་གཅོད།། ཕྱག་གཡོན་ཐོད་པ་སྙིང་ཁྲག་འཐུང་།། འོག་མ་ཁ་ཊྭཱཾ་དུག་གསུམ་འཇོམས།། ཟུང་ལ་སྦོམ་ཞིང་གེལ་བའི་གཟུགས།། སྐུ་ལ་མི་མགོའི་ཕྲེང་བས་བརྒྱན།། ཡན་ལག་སྦྲུལ་གྱི ་ཆུན་པོས་བཅིངས།། སྐུ་སྨད་སྟག་གི་པགས་པས་དཀྲིས།། ཞབས་གཉིས་བརྡབས་པས་དགྲ་བགེགས་འདུལ།། པདྨ་ཉི་ཟླ་རོ་གདན་ལ།། དཔའ་བོའི་སྟངས་སྟབས་ཚུལ་གྱིས་བཞུགས།། མེ་དཔུང་འབར་བའི་ཀློང་དཀྱིལ ་ནས།། ཁམས་གསུམ་མ་ལུས་དབང་དུ་སྡུད།། ཞལ་ནས་མེ་འབར་འུ་རུ་རུ།། དབུ་སྐྲ་རལ་མུན་ལྟར་གཏིབས།། སྤྱན་ནས་གློག་དམར་ཁྲུགས་སེ་ཁྱུག། སྙན་ནས་འབྲུག་སྒྲ་དི་རི་རི།། དྲག་སྔགས་ཐོག ་སེར་ཆེམས་སེ་ཆེམ།། དཔལ་ལྡན་མགོན་པོ་དྲག་ཤུལ་ཅན།། མཐུན་རྫས་མཆོད་པ་འདི་བཞེས་ལ།། བདུད་དཔུང་ཐལ་བར་རླག་པར་མཛོད།། བགེགས་དཔུང་མ་ལུས་བསྒྲལ་བ་དང་།། དགྲ་བོའི་སྲོག་རྩ་ཆོད་ལ ་ཤོག། ཧཱུཾ། ཡུམ་མཆོག་ཙ་ཏི་དབང་ཕྱུག་མ།། ཞལ་གཅིག་ཕྱག་གཉིས་སྐུ་མདོག་ནག། གཅེར་བུ་སྐྲ་གྲོལ་རུས་པས་བརྒྱན།། ཕྱག་གཡས་གྲི་གུག་དགྲ་སྙིང་འབྱིན།། ཕྱག་གཡོན་ཐོད་ཁྲག་གཙོ་ལ་སྟོབ།། ཞལ ་གདངས་སྤྱན་གསུམ་མཆེ་གཙིགས་ཁྲོ།། ཞབས་གཉིས་ཡབ་ལ་འཁྲིལ་ཅིང་སྦྱོར།། བདེ་ཆེན་སྟོང་གསུམ་གར་བསྒྱུར་ལ།། གདུག་པའི་བུ་མོ་དྲག་རྩལ་ཅན།། མཐུན་པའི་དམ་རྫས་འདི་བཞེས་ལ།། དམ་ཉམས་དགྲ་བོའི ་སྙིང་ཁྲག་གཞིབས།། དུས་ལ་བབ་པོ་ཙ་ཏི་མ།། ཧེ་རུ་ཀ་ཡི་སྤྱན་སྔ་རུ།། ཁས་བླངས་ཡབ་ཡུམ་ད་རྒྱུགས་ཤིག། ཨོཾ་མ་ཧཱ་ཀ་ལ་ཙ་ཏི་མ་མ་ཧཱུཾ་ཧཱུཾ། དགྲ་བོའི་བླ་རྩ་བྲུཾ་རིལ་བྷྱོ། ཧཱུཾ་ཡེ་ཤེས་མགོན་པོ་ཡབ་ཡུམ་གྱི།། སྐུ་ཡི ་ལས་མཁན་དྲག་རྩལ་ཅན།། མེ་དཔུང་འབར་བའི་ཀློང་དཀྱིལ་ནས།། ལས་ཀྱི་མགོན་པོ་མཐུ་བོ་ཆེ།། མཐིང་ནག་རབ་འཇིགས་བྱ་རོག་གདོང་།། ཞལ་གཅིག་ཕྱག་གཉིས་བྱ་རོག་གདོང་།། སྤྱན་གསུམ་དམར་པོ་སྡང ་མིག་ལོག། དབུ་སྐྲ་དམར་ནག་གྱེན་དུ་བརྫེས།། ཞལ་གདངས་མཆུ་ནི་ཁྲག་གིས་བྱུགས།། དགྲ་བོའི་སྙིང་ཁྲག་དྲོན་མོ་འཐུང་།། རྣོ་གདུག་མཆེ་བ་ཟླ་ཚེས་གཙིགས།། དགྲ་བོའི་སྲོག་རྩ་དམར་པོ་ཟ།། མི་མགོའི་ཕྲེང་བ་སྐུ ་ལ་གསོལ།། ཞིང་ཆེན་པགས་པ་སྟོད་དུ་གོན།། སྟག་གི་ཤམ་ཐབས་སྨད་དུ་དཀྲིས།། གདུག་པ་སྦྲུལ་གྱི་སྐེ་རགས་ཅན།། སྐུ་ལུས་སྦོམ་ཐུང་གསུས་པོ་ཆེ།། མ་རུངས་ཀུན་འདུལ་མཐུ་རྩལ་ཅན།། ཁྱོད་ཀྱི་ཐུགས་དམ་དུས ་ལ་བབ།། སྔོན་གྱི་ཁས་བླངས་དམ་བཅས་ལྟར།། སངས་རྒྱས་བསྟན་པ་བསྲུང་འཚལ་གྱིས།། ཤ་ཁྲག་དམར་གྱིས་བརྒྱན་པ་ཡི།། དམ་རྫས་བདུད་རྩི་འདི་གསོལ་ལ།། མགྱོགས་བྱེད་བྱ་རོག་ཆིབས་བསྐྱོད་ཅིག། དགྲ་ལ ་རྦད་ཀྱིས་སོད་ལ་ཤོག། ཕྱག་གཡས་གྲི་གུག་དམར་པོ་ཡིས།། དགྲ་སྲོག་དམར་པོ་ཆོད་ལ་ཤོག། ཕྱག་གཡོན་ཐོད་པར་ཁྲག་ཐོགས་ལ།། དགྲ་བོའི་སྙིང་ཁྲག་དྲོན་མོ་གསོལ།། སྡེར་མོ་ལྕགས་ཀྱུ་འབར་བ་ཡིས།། གློ་སྙིང ་ནང་ཁྲོལ་ཕྱུང་ལ་ཤོག། སྤྲུལ་པའི་བྱ་རོག་མང་པོའི་ཚོགས།། ད་རུང་དགྲ་བོའི་ཤ་ལ་ཆུམས།། ཕོ་ཉ་དགྲ་བོའི་བླ་ལ་བྷྱོ།། ཤ་ཟ་སྲིན་པོ་མཐུ་སྟོབས་ཅན།། དགྲ་བོའི་རྩ་ཁྲག་ཁོང་ནས་འཐུང་།། ནག་པོ་འཁོར་བཅས ་དགྲ་པོ་ནག་པོ་ཡི།། ལས་བྱེད་མི་སྲུན་སེང་གེའི་གདོང་།། ཁས་བླངས་བཞིན་དུ་དམ་མ་འདའ།། བསད་ཁྲག་འཁྱིལ་པའི་རྦ་ཀློང་ནས།། ནག་པོ་ཁྲག་རལ་སྐུ་བསྐྱོད་ཅིག། རླུང་རྟ་ནག་པོ་ཆིབས་སུ་ཆིབས།། སྐུ་མདོག ་ནག་མོ་འཇིགས་སུ་རུང་།། དར་ནག་བེར་ཆེན་སྐུ་ལ་གསོལ།། ཕྱག་གཡས་དར་ནག་བ་དན་ཕྱིར།། ནག་པོའི་རུ་དང་ལྷབས་སེ་ལྷབ།། ཕྱག་གཡོན་ཐོད་པར་དམའ་གཏོར་ཁྱེར།། དམ་ཅན་ཕོ་མོ་སྤྲིན་ལྟར ་སྡུད།། གཡུ་རལ་གསེབ་ནས་སེང་ཆུང་འཕྱོ།། འཇིགས་བྱེད་སྤྲུལ་པ་སྣ་ཚོགས་འགྱེད།། གུང་གཉིས་རྒྱུ་ཞིང་རླུང་འཚུབ།། བམ་རོ་ཕོ་མོ་སྤྱི་གཙུག་འགྲོ།། རྐང་པས་གཏོར་ཁྱེར་དགྲ་ལ་འཕེན།། ལས་ཀྱི་མགོན་པོའི་བཀའ ་འཁོར་ནི།། མི་སྲུན་དྲག་པོ་དགྲ་བགེགས་འདུལ།། སེང་གེའི་གདོང་ཅན་དགྲ་ལ་ཡ།། དགྲ་བོའི་ཤ་ཁྲག་གཏོར་མ་ལོངས།། ནམ་ཕྱེད་སྲོག་གི་དངས་མཆོད།། ཉིན་ཕྱེད་དབུགས་ཀྱི་རྟ་ཕོ་ཕྲོགས།། རླུང་དམར་ནད་ཀྱིས ་དགྲ་རྩད་ཆོད།། སྙིང་ཁྲག་དྲོན་མོ་ཞལ་དུ་གསོལ།། བཅོལ་བའི་ལས་འདི་གྲུབ་པར་མཛོད།། ཨོཾ་མ་ཧཱ་ཀ་ལ་སི་ན་ར་ཧཱུཾ་ཕཊ་ཡ་མ་རཱ་ཛ་དུན་ཏྲི་ཕུ་ཏྲི་དགྲ་བགེགས་མཱ་ར་ཡ་སོད་སྭཱ་ཧཱ། ལམ་བསྒྲུབས་ཡ་མཆོད། ཁམ་འཐུང ་ར་མ་གཏོར། མཱ་ར་ཡ་རྦད་སོད།། དཔལ་ལྡན་མགོན་པོ་ནག་པོ་ཡི།། ཐུགས་ཀྱི་ལས་མཁན་མཐུ་བོ་ཆེ།། མགོ་དགུ་བྱ་རོག་གདོང་པ་ཅན།། འཇིགས་བྱེད་ཆེན་པོ་མ་རུངས་པ།། སྐུ་མདོག་དུད་ཀ་འབར ་བ་ལ།། རོ་སྟོད་སྲིན་པོ་རོ་སྨད་སྦྲུལ།། མགོ་ལུས་མེད་པར་མིག་གིས་གང་།། སྡེ་བརྒྱད་ཀུན་གྱི་དམག་དཔོན་མཛད།། ཕྱག་གཡས་ཆུ་སྲིན་ཞགས་པ་ཐོགས།། ཕྱག་གཡོན་རཱ་ཡི་མདའ་གཞུ་འཛིན།། ལས་སུ་གདུག་པའི ་དགྲ་བགེགས་འཇོམས།། ས་ཆུ་མེ་རླུང་དཀྲུགས་པ་ཡིས།། དམ་ཉམས་དགྲ་བོ་མྱལ་ཐག་ཆོད།། ཤ་ཁྲག་ཏིལ་དང་འོ་མ་དང་།། ཀླུ་སྨན་མཆོད་པ་འདི་ཞེས་ལ།། བསྟན་པ་འཇིག་པའི་དགྲ་བོ་འདི།། ལུས་སྲོག་དུམ་བུར ་གཏུབས་ལ་ཤོག། དུས་ལ་བབ་པོ་རཱ་ཧུ་ལ། རག་ཤ་ར་ཧུ་ལ། དགྲ་བོའི་དབུགས་ཆོད། ཐུམ་རིལ་རྦད་སོད།། བྷྱོ། དཔལ་ལྡན་མགོན་པོ་ནག་པོ་ཡི།། ཤར་ཕྱོགས་སྒྲོལ་གིང་མཐུ་བོ་ཆེ།། ཚངས་པ་དུང་གི་ཐོར་ཚུགས ་ཅན།། ཤར་ཕྱོགས་གནམ་ས་ཕྱེད་ཀྱི་བདག། དཀར་པོ་ཞལ་གཅིག་ཕྱག་གཉིས་པ།། གཡས་པ་དར་མདུང་དགྲ་ལ་འདེབས།། གཡོན་པ་མཚོན་ཆའི་འཁོར་ལོ་བསྐོར།། ཆིབས་སུ་རྟ་དཀར་ཟེ་དམར་ཆིབས།། སྐུ་ལ་དར ་དཀར་འཇོལ་བེར་གསོལ།། སྟག་ཤུབས་གཡས་ལ་གཟིགས་ཤུབས་གཡོན།། ཁྱོད་ཀྱི་ཐུགས་དམ་དུས་ལ་བབ།། བཤོས་བུ་གསེར་སྐྱེམས་འདི་གསོལ་ལ།། བསྟན་པ་འཇིག་པའི་དགྲ་བོ་འདི།། སྐྱོ་འབོག་ནད་ཀྱིས་སོད ་ལ་ཤོག། གིང་ཀར་དགྲ་བོའི་སྲོག་ལ་བྲེང་ཤག་རྦད་བྷྱོ། དཔལ་ལྡན་མགོན་པོ་ནག་པོ་ཡི།། ལྷོ་ཕྱོགས་སྒྲོལ་གིང་མཐུ་བོ་ཆེ།། གཤིན་རྗེ་དམར་པོ་འགོང་པོའི་རྗེ།། ལྷོ་ཕྱོགས་གནམ་ས་ཕྱེད་ཀྱི་བདག། དམར་པོ་ཞལ ་གཅིག་ཕྱག་གཉིས་པ།། གཡས་པ་སྤུ་གྲིས་དགྲ་སྲོག་ཆོད།། གཡོན་པ་བཙན་ཞགས་དགྲ་ལ་འདེབས།། ཆིབས་སུ་བཙན་ར་དམར་པོ་ཆིབས།། རྒྱབ་ན་བསེ་ཡི་ཕུབ་ཕུབ་དམར་ཁུར།། སྟེང་ན་བསེ་ཡི་བྱ་ཁྲ་ལྡིང་།། ཁྱོད ་ཀྱི་ཐུགས་དམ་དུས་ལ་བབ།། སྙིང་སྣའི་གཏོར་མ་འདི་བཞེས་ལ།། བསྟན་པ་འཇིག་པའི་དགྲ་བོ་འདི།། ཤན་པའི་སྒྲ་གྲིས་གཏུབས་ལ་ཤོག། ཡ་མ་ཏྲི་ལིང་རྦད། དགྲ་བོའི་སྙིང་ལ་དགུ་རྨུགས་རྦད།། བྷྱོ། ་དཔལ་ལྡན་མགོན་པོ་ནག་པོ་ཡི།། ནུབ་ཕྱོགས་སྒྲོལ་གིང་མཐུ་བོ་ཆེ།། བཙན་གྱི་རྒྱལ་པོ་རྫུ་འཕྲུལ་ཅན།། ནུབ་ཕྱོགས་གནམ་ས་ཕྱེད་ཀྱི་བདག། སྔོ་ནག་ཞལ་ཅིག་ཕྱག་གཉིས་པ།། གཡས་པ་རྡོ་རྗེ་དགྲ་ལ ་གསོར།། གཡོན་པ་དགྲ་སྙིང་དམར་པོ་འཛིན།། སྐུ་ལ་ཟ་འོག་བེར་ཆེན་གསོལ།། ཆིབས་སུ་སེང་གེ་སྔོ་ནག་ཆིབས།། སྤྲུལ་པ་ལྕགས་སྤྱང་སྔོན་པོ་འགྱེད།། ཁྱོད་ཀྱི་ཐུགས་དམ་དུས་ལ་བབ།། བཤོས་བུ་ཤ་ཁྲག་འདི ་གསོལ་བ།། བསྟན་པ་འཇིག་པའི་དགྲ་བོ་འདི།། གཟེར་ཐབས་ནད་ཀྱིས་སོད་ལ་ཤོག། ཧྲི་བཛྲ་ས་དུ། དགྲ་བོའི་བླ་ལ་རྒྱུག་རྒྱུག་རྦད།། བྷྱོ། དཔལ་ལྡན་མགོན་པོ་ནག་པོ་ཡི།། བྱང་ཕྱོགས་སྒྲོལ་གིང་མཐུ་བོ་ཆེ།། གནོད ་སྦྱིན་ལྕགས་ཀྱི་བེར་ཀ་ཅན།། བྱང་ཕྱོགས་གནམ་ས་ཕྱེད་ཀྱི་བདག། ནག་པོ་ཞལ་གཅིག་ཕྱག་གཉིས་པ།། གཡས་པ་ལྕགས་ཀྱི་བེར་ག་བསྣམས།། གཡོན་པ་དགྲ་སྙིང་དྲོན་མོ་ཟ།། སྐུ་ལ་རེ་ནག་ཀློག་པ་གོན།། ཆིབས་སུ ་བདུད་རྟ་ནག་པོ་ཆིབས།། བདུད་ཀྱིས་ཁྲམ་ཐོགས་དགྲ་ལ་འགྱེད།། ཁྱོད་ཀྱི་ཐུགས་དམ་དུས་ལ་བབ།། བྱ་དམར་ཤ་ཁྲག་འདི་གསོལ་ལ།། བསྟན་པ་འཇིག་པའི་དགྲ་བོ་འདི།། ཚེ་སྲོག་དུས་མཐའ་སྡུས་ལ ་ཤོག། ཡག་ཤ་ནག་པོ་རྒྱུག་ཕྲེང་། དགྲ་བོ་ཐུམས་རིལ་རྦད་སོད།། བྷྱོ།། གཞན་ཡང་མགོན་པོའི་བཀའ་འཁོར་ན།། ནག་པོའི་དམག་ཚོགས་ཉོ་རེ་རེ།། ནག་མོ་ཟོར་འཕེན་ཤ་ར་ར།། ཤ་ཟ་ཁྲག་འཐུང་ཕུངས་སེ ་ཕུང་།། གནོད་སྦྱིན་སྲོག་གཅོད་ར་ལ་ལ།། བདུད་ཕོ་ཁྲམ་ཐོགས་ཡེ་རེ་རེ།། དྲག་པོའི་ཕོ་ཉ་ཤ་ར་ར།། རྒྱ་མོ་མོན་མོ་ལྟེམས་སེ་ལྕེམ།། བྱ་རོག་མང་པོ་ཐིབས་སེ་ཐིབ།། ཅེ་སྤྱང་དུ་འབོད་དི་རི་རི།། མཐུན་པའི་དམ་རྫས ་ཀུན་བཞེས་ལ།། བསྟན་དགྲ་ཕུང་གསུམ་གཡབ་ཀྱིས་ཐོབ།། བདུན་རྒྱུད་རྩད་ནས་ཆོད་ལ་ཤོག། མ་ཧཱ་ཀ་ལ་ཡི་ཤ་ཙ་ཡཀྵ་མཱ་ར་ཡ་སརྦ་དུཥྚཱཾ་སརྦ་ཤ་ཏཱཾ། ཨཾ་ཀུ་ཤ་ཡ་ཛ། མཱ་ར་ཡ། ན་ཤ་ཡ། ཐུམ་རིལ་ཟད། སྐུ ་གསུང་ཐུགས་ཁྲོས་པའི་རྒྱུད་ལས་རྦད་བསྐུལ་གྱི་ལེའུ་སྟེ་བཅུ་གཅིག་པའོ།། །། ཡང་ནི་བཤད་ཀྱིས་ལེགས་པར་ཉོན།། མ་ཧཱ་ཀཱ་ལ་ཀ་ཁ་མུ་ཁ། དགྲ་བོའི་སྲོག་ཐུམས་རིལ་རྩ་ལ་བྲེང་ཤིག། ཙིཏྟ་རྨུགས།། ་ཁྲག་ཐིབས་རྦད། ལིང་ཤག་རྦད། ནརི་ཧུར་ཐུམས་ཛ་ཁྲམ་རྦད། རི་ཏྲ་ཁམ་ཙི་ཏ་ཤག་དགྲ་བའི་ཙིཏྟ་གཟེར་ཐིམ་རྦད། བཛྲ་ཡཀྐ་སྠེ་ཏ་ན་བྷ་ར་རུ་ས་གྲི་ན་རུ་པ་ཧཱུཾ་ཕཊ། ཐིབས་ཁམས་ཤག་དུན། དགྲ་བོའི་རྩ་སྲོག་སྙིང་ལ ་གཟེར་ཐུམས་མཱ་ར་ཡ་ལ་རྦད་སོད། རག་མོ་ནརྀ་ཤང་ཀུ་རུ་རུ་ལུ་ཐུམས་རྦད། རག་མོ་ཁ་ལ་རྩ་དུན་བྷྱོ། རག་ཏ་ཐུན་རྦད། རྩ་ལ་རྩ་ཐུན་བྷྱོ། རྩ་རྩི་ཏ་རྦད། སྙིང་ལ་དུན། རག་མོ་ཁ་ལ་ཙ་ཙ་དུན་བྷྱོ། ཏིཥྛ་བ་མ་རིམ། ས་མ ་ཡ་དུན་བྷྱོ། སོད་སོད། སྐམ་ཐུན་མཚོན་ལ་རློན་ཐུན་ནད།། བསམས་ལ་ཨ་མྦ་ཀ་ལ་བརྡེག། མེ་རླུང་མཚོན་གྱིས་གཏུབས་པར་བསྒོམ།། སྐུ་གསུང་ཐུགས་ཁྲོས་པའི་རྒྱུད་ལས་གསད་པའི་ལེའུ་སྟེ་བཅུ ་གཉིས་པའོ།། །། ཡང་ནི་བཤད་ཀྱིས་ལེགས་པར་ཉོན།། ཨོཾ་མ་ཧ་ཀཱ་ལ་ཁ་མུ་ཁ་ཀྲོ་དྷ་ཨ་མུ་ཀཾ་ནརྀ་ཤང་ཀུ་རུ་རྦད། སྙིང་ལ་ཐུམས་རི་ལ་ཙིཏྟ་རྦད། སྲོག་ལ་མྱགས་ཆོད་རྦད། སོད་སོད་སྙིང་ཕྱུང་སྲོག་རྩ ་རྦད།། ཐུམས་ནརྀར་དགྲ་བོ་སོད་རྦད། མ་ཧཱ་ཀཱ་ལ་དགྲ་བོའི་སྲོག་ལ་མཱ་ར་ཡ་རྦད། ཧ་བ་ཧབ་ཧུབ་ཧུབ་མ་མ་རག་མོ་ཧ་བ་ཧ་བ་ཧུབ་ཧུབ་ས་མཱ་ར་ཧཱུཾ་ཕཊ། ཧ་བ་ཧ་བ་ཧུབ་ཧུ་བ། རག་ཤ་རཱ་ཧུ་ལ་ཧ་བ་ཧ་བ་ཧུབ་ཧུ་བ། གིང ་ཀར་ཧ་བ་ཧབ་ཧུ་བ་ཧུ་བ། ཡ་མ་ར་ཛཱི་ཧ་བ་ཧབ་ཧུ་བ་ཧུ་བ། བཛྲ་ས་དུ་ཧ་བ་ཧ་བ་ཧུབ་ཧུ་བ། ཡག་ཤ་ནག་པོ་ཧ་བ་ཧབ་ཧུབ་ཧུ་བ། ཕུར་པ་བརྡབ་ཅིང་གྲི་གུག་གཏུབས། ཨོཾ་མ་ཧཱ་ཀཱ་ལ་ཀ་ཁ་མུ་ཁ། དགྲ་བོའི་སྙིང་ལ་རམ། སྲོག ་ལ་རམ། རྩ་ལ་རམ། མ་ཧཱ་ཀཱ་ལ་ས་མ་ཡ་རྦད། རུ་པ་ད་ཧ་ད་ཧ་ཛ་ལ་རཾ། པ་ཙ་པ་ཙ་ཛ་ལ་རཾ། བནྡྷ་བནྡྷ་མཱ་ར་ཡ་ཛ་ལ་རཾ། མ་ཧཱ་ཤ་ཡ་ནི་སྲོག་ལ་ནི། དགྲ་བོའི་སྙིང་ལ་ཡ་ཡ། དགྲ་བོ་མཱ་ར་ཡ་ཧཱུཾ་ཕཊ། ལས་ཀྱི་དཀྱིལ ་འཁོར་འབྲུབ་ཁུང་ཅན།། དྲག་པོའི་མེ་སྦར་ལིང་རོ་དབུལ།། ཨོཾ་མ་ཧ་ཀཱ་ལ་གུ་ན་ཧྲི་ད། དགྲ་བོ་ད་ཧ་ད་ཧ་སྟམ་བྷ་ཡ་ནན། པ་ཙ་པ་ཙ་སྟམ་བྷ་ཡ་ནན། ཡ་མ་ཡ་མ་ཧ་ཡ་སྟམ་བྷ་ཡ་ནན། མ་ཧཱ་ཀཱ་ལ་ཀ་ཁ་མུ་ཁ་མི་རུས་མ ་ཨ་ནན་ཡ་གྷ་ཏི་ར། ཛ་ཧ་ཏ། ས་གུ་མཱ་ར་ཡ།། སྟམ་བྷ་ཡ་ཧཱུཾ་ཕཊ།། ལིང་རོ་བསྲེགས་པའི་ཐལ་བ་ལ།། དགྲ་བོའི་གཟུགས་ནི་བྱས་ནས་ཀྱང་།། མཆོད་རྟེན་གཞི་མདོ་ཐེམ་འོག་མནན།། དགྲ་བོ་གནས་པའི་ཕྱོགས་དག ་ཏུ།། ཁྲག་ཟོར་གཏོར་ཟོར་ཐུན་ཟོར་འཕེན། སྐུ་གསུང་ཐུགས་ཁྲོས་པའི་རྒྱུད་ལས་གཏུབ་བསྲེག་མནན་གཟེར་ལས་མཐའི་ལེའུ་སྟེ་བཅུ་གསུམ་པའོ།། ། ཡང་ནི་བཤད་ཀྱིས་ལེགས་པར་ཉོན།། བག་དྲོ་བྱིན ་ཆེ་ཆོས་ཉིད་གནས།། ལུས་བདེ་ཉམས་འབར་རིག་པ་དངས།། གཙོ་བོ་ཡེ་ཤེས་ཡབ་ཡུམ་རྟགས།། དངོས་སམ་རྨི་ལམ་ཉམས་སྣང་ལ།། ཞལ་སྟོན་བྱིན་རློབ་མིང་ཡང་སྟོན།། ཕྱི་མ་ཁྲག་འཐུང་རིག་པ་ཡི།། ལྷ་ལ་བསྟིམ ་ནས་མངོན་སངས་རྒྱས།། སྤྱི་བསྒྲུབས་རྟགས་ནི་འདི་ལྟར་འབྱུང་།། མི་ནག་བུད་མེད་བྱ་རོག་ཞོན།། ང་དང་འབར་མ་ཡིན་པའོ།། རྟ་ནག་ཞོན་ན་སེང་གེ་གདོང་།། སྨིགས་མངས་སྦྲུལ་ཞུགས་མེ་འོད་གཟའ།། རྟ་དཀར ་མདུང་ཅན་རྒྱལ་པོ་སྟེ།། ར་དམར་ཞུབ་ཅན་གཤིན་རྗེའོ།། ཟབ་སླག་སེང་གེ་ཆིབས་པ་དང་།། གནོད་སྦྱིན་རྟ་ནག་ལྕགས་མཁར་ཐོགས།། སྦྲུལ་མགོ་སྦལ་པ་ཐོགས་པ་ཀླུ།། མེ་འབར་རླུང་འཚུབ་ཅེ་སྦྱང་བྱ།། སྤྲེའུ་ཁྱི་དང ་བྱ་ཁྲ་དང་།། སྤྱང་ཀི་གཡག་ནག་ལ་སོགས་སྟག། བན་སྔགས་རྟ་ནག་མི་ནག་དང་།། ཨ་ཙ་ར་དང་བྱ་རོག་དང་།། བུད་མེད་རྒྱལ་མོ་མོན་མོ་དང་།། ཐོག་འཚེག་ཐུག་ཆོམས་འདི་ཡིས་ཁེངས།། བད་པོ་དུས་ཀྱི་རྟགས་ཡིན ་ནོ།། དམག་འདྲེན་གྲོང་བསྒྱེལ་བཙོན་བཟུང་དང་།། རྟ་ཕྱུག་ར་ལུག་དགྲ་ཁྲིད་དང་།། བྱ་རོག་ཁྲ་ཡིས་སེམས་ཅན་གསང་།། རྦད་པ་དུས་ཀྱི་རྟགས་ལྔ་ཡིན།། རྟ་ཕྱུགས་ར་ལུག་རི་དྭགས་གསད། དམར ་གསོད་ནང་ཁྲོལ་སྟེར་དང་ཟ།། མགོ་བཅད་སྙིང་ཕྱུང་རོ་དང་ནི།། བསེ་དྲིས་ཁེངས་ནས་ཁྲག་དྲི་བསྣམས།། རང་ཡང་འགྲངས་ཤིང་ཤེས་པ་ཧུར།། གསད་པ་དུས་ཀྱི་རྟགས་ཡིན་ནོ།། ལིངྒ་གས་ཤིང་སུམས་པ་དང་།། ཁྲག ་རུལ་མནམ་ཞིང་གཟུགས་མི་གསལ།། གཏུམ་རྔམས་དུས་ཀྱི་རྟགས་ཡིན་ནོ།། མེ་ནི་དམར་གསལ་འབར་སྐྱེན་ན།། བསྲེག་པ་དུས་ཀྱི་རྟགས་ཡིན་ནོ།། བློ་བདེ་རྨི་ལམ་ཉལ་སོང་ན།། མནན་པ་དུས་ཀྱི་རྟགས ་ཡིན་ནོ།། འུར་རྡོ་སྐད་ཆེ་མེ་སྟག་འཕྲོ།། ཟོར་འཕེན་དུས་ཀྱི་རྟགས་ཡིན་ནོ།། སྙིང་དང་ལག་མེད་ཡང་ཡང་རྨི།། ལས་འགྲུབ་མི་འགྱང་རྟགས་ཡིན་ནོ།། བྱ་རོག་འཐབ་དང་དམག་རོགས་འཛིངས།། མི་ནག་ཁྲོ་དང་བུད ་མེད་འདུ།། འཚུབ་ནག་ཟག་ནག་རྨི་བ་དང་།། ཚིག་པ་ཟ་ཞིང་མི་དགའ་དང་།། ཁྲོ་ཚིག་བྱེད་ན་འཁུ་ལྡོག་རྟགས།། མདའ་མདུང་རྡོ་དང་སེར་བ་བབས།། སྐྱེས་པ་བུད་མེད་ལ་སོགས་པས།། གོས་དང་ལག་ཆ་མེད་པ ་དང་།། ཡང་ན་རྭ་ཆེགས་རྡུང་བྱེད་དང་།། ཁྲལ་འདོད་རྒྱན་འགྱེད་ཤགས་འགྱེད་དང་།། རང་ཡང་ལྟོགས་ཤིང་སྐོམ་པ་དང་།། བྱ་རོག་སྤུ་མེད་གཡག་རུ་ཆག། དར་ནག་མདུང་བསྙིལ་རྨིས་པ་དང་།། ཟློག་པ་བྱུང་བའི ་རྟགས་ཡིན་ནོ།། དང་པོ་འཕྲུལ་ཆེ་བར་དུ་ལྷངས། མཐའ་མ་ཤ་ཡི་ལོངས་སྤྱོད་རྨི།། ནུས་པས་བསྟན་པ་སྲུང་བར་བྱེད།། གྲགས་པས་ཀུན་གྱིས་འཁུར་བར་འགྱུར།། རྣལ་འབྱོར་དམ་ཚིག་མ་ཉམས་ནས།། ལས་ཀུན ་འགྲུབ་པར་ཐེ་ཚོམ་མེད།། སྐུ་གསུང་ཐུགས་ཁྲོས་པའི་རྒྱུད་ལས། རྟགས་ཀྱི་ལེའུ་སྟེ་བཅུ་བཞི་པའོ།། །། ཡང་ནི་བཤད་ཀྱིས་ལེགས་པར་ཉོན།། ཨོཾ་མ་ཧཱ་ཀཱ་ཨེ་ཀ་ཙ་ཏི་ལྷུན་ཧྲི་ཏ་ཧཱུཾ་ཕཊ། མ་ཧཱ་ཀཱ་ལ་ཀ་ཁ་མུ་ཁ་རུ ་ཏྲ་ཏི་ནན་རྩ་ཁྲག་ཙིཏྟ་རྒྱས། སྲེག་ཁྲི་ཁྲག་ཧུར་ཐུམས་ཛ། མ་ཧ་ཀཱ་ལ་དགྲ་བོའི་རྩ་ཁྲག་ཙིཏྟ་ཧུར་སྲོག་ལ་ཐུམ་རི་ལ་རྦད། ནརྀ་ཐུམས་ཐུམས་ཙིཏྟ་རྒུད་རྦད། སྲོག་ལ་རྨུགས། ཙིཏྟ་རྦུད་རྦད་མྱོགས། ཙིཏྟ་ཀུ་ལ་རྦད། རྦད ་ཡམ། རྦད་ཐུམས། རྦད་རཾ། རྦུད་མྱོགས། རྦད་ལ་མ་ཐུད་མྱོགས། རྦད་ལམ་རྒུད་མྱགས། རྦད་མ་ཧཱ་ཀཱ་ལ་དགྲ་བོའི་སྲོག་ལ་མྱོགས་ཐུམས་རི་ལ་རྦད།། རྟགས་དང་ལྡན་པ་ལས་འགོར་ན།། རང་ཉིད་ཧེ་རུ་ཀ་རུ ་བསྒོམ།། ཞི་ཁྲོ་སྩལ་ཞིང་སྐམ་ཐུན་ཟབ།། ཀྱེ་དྲིལ་དྲག་སྔགས་མགོ་གཞུག་བཟློག། ཅེན་པར་སྔགས་དེས་རཱ་ཏྲ་གསད།། ཐེ་ཚོམ་མེད་པའི་དྲག་སྔགས་འདི།། བློ་ལ་མི་གཟར་རང་ལ་གཞན།། སྐུ་གསུང་ཐུགས་ཁྲོས་པའི ་རྒྱུད་ལས་སྤོགས་པའི་ལེའུ་སྟེ་བཅོ་ལྔ་པའོ།། །། ཡང་ནི་བཤད་ཀྱིས་ལེགས་པར་ཉོན།། ནད་གདོན་ཞི་བའི་ལས་བྱེད་ན།། རྗེ་འབངས་འཁོར་བཅས་དཀར་པོར་བསྒོམ།། རྒྱས་པའི་དུས་སུ་སེར་པོ་སྟེ།། དབང་གི ་དུས་སུ་དམར་པོ་ལ།། དྲག་པོ་ལྗང་ནག་འོད་ཟེར་འཕྲོ།། འཇམ་ཞིང་རྒྱས་ཤིང་དབང་གི་ཤིང་།། དྲག་པོའི་ཤིང་རྣམས་བསག་བྱ་སྟེ།། ཟླུམ་པོ་གྲུ་བཞི་ཟླ་གམ་དང་།། གྲུ་གསུམ་དཀྱིལ་འཁོར་སྟེང་དུ ་ཅིག། སྐུ་བསྐྱེད་བསྲེག་རྫས་དབུལ་ཞིང་བསྟོད།། ཞི་བ་ཤཱིནྟཾ་ཀུ་རུ་སྭཱ་ཧ། བ་སུ་རཏྣ་པུཥྚི་ཀུ་རུ་སྠཱ་ཧ། ཨ་མྲི་ནརྀ་བ་ཤཾ་ཀུ་རུ་སྭཱ་ཧཱ། རཱུ་ཏྲ་མཱ་ར་ཡ་ཕཊ།། ལན་གྲངས་བརྒྱ་རྩས་ལས་ཀུན་འགྲུབ།། ཧེ་རུ་ཀ་ཡིས་འཁུ་ལྡོ། ་འཆིངས།། རང་འོག་གནན་པས་བན་དགྲ་འཆིངས།། རྟེན་གཏོར་བཅས་པས་སྲིའུ་གསོས།། གཏོར་ཐོར་འཕངས་ན་རྦད་འདྲེ་བཟློག། ཕུར་པའི་རྩེ་ཡིས་སེར་བ་ཐུབ།། རྡེའུ་དཀར་ནག་ཞོ་ཆང་སྲུང་།། ཚ་ཚས་གཞན་གྱི ་ངག་ནི་ནོན།། བུམ་པས་ངག་མནན་བྱས་པ་ཁྲོལ།། རྫས་སྣ་བཞི་ཡིས་ལྟས་ངན་འགྲུབ།། རྫས་སྣ་གསུམ་གྱིས་ཛག་པ་བཅིངས།། ལྷ་མོས་ནོར་རྣམས་སྟེར་བར་བྱེད།། རྫས་སྣ་གསུམ་གྱིས་མིག་མཐོང་འགྲུབ།། རྫས ་སྣ་བཅུ་ཡིས་སེར་བ་ཕེབས།། ཁྱུང་གིས་ཆར་པ་ཕེབས་པར་བྱེད།། རྫས་སྣ་དགུ་ཡིས་བུད་མེད་ཁུགས།། ཚོགས་གཏོར་བཤོས་བུས་ཐུགས་དམ་སྐོངས།། གང་བྱེད་རྩ་སྔགས་ཤམ་བུར་བསྒྱུར།། སྐུ་གསུང་ཐུགས་ཁྲོས ་པའི་རྒྱུད་ལས། ལས་ཚོགས་ཀྱི་ལེའུ་སྟེ་བཅུ་དྲུག་པའོ།། །། ཡང་ནི་བཤད་ཀྱིས་ལེགས་པར་ཉོན།། ཧཱུཾ་དང་མ་གཉིས་རྗེ་ཡི་སྲོག། ཡབ་ཡུམ་དབྱིངས་ནས་ཤར་བ་སྟེ།། ཧེ་རུ་ཀ་དང་གཉིས་སུ་མེད།། ཧཱུཾ་རུ་ཧཱུཾ་ས ་ལས་མཁན་སྲོག། གཙོ་བོ་ཡབ་ཡུམ་གཉིས་མེད་ནི།། གཉིས་སུ་མེད་པའི་སྤྲུལ་པའོ།། ར་ཡཱ་ཙ་དུ་གིང་བཞིའི་སྲོག། འཆུག་མེད་སྲོག་གི་གནད་བསྐུལ་བས།། གླག་ཁྲ་གཟན་ལ་འཐུམས་པ་བཞིན།། གང་ལ་དམིགས ་པའི་དགྲ་བོ་དེ།། རླག་པར་བྱེད་ཅིང་རང་ལ་འདུ།། ཅི་བཅོལ་བསྒོ་བའི་ལས་ཀུན་བྱེད།། སངས་རྒྱས་བསྟན་པ་ང་ཡིས་བསྲུང་།། དབང་ལྡན་བསྲུང་བ་མི་སྒྲུབ་རེ།། ཞེས་སྐུ་གསུང་ཐུགས་ཁྲོས་པའི་རྒྱུད་ལས། དངས་མ ་སྲོག་གི་ལེའུ་སྟེ་བཅུ་བདུན་པའོ།། །། ཡང་ནི་བཤད་ཀྱིས་ལེགས་པར་ཉོན།། ནག་པོ་ཁྲོས་པའི་གསང་རྒྱུད་འདི།། སྤྱི་གཙུག་ངག་ཏུ་ཁུར་ནས་ཀྱང་།། ཀློག་དང་འཆང་དང་ཀུན་ཆུབ་ཀྱིས།། མཆོད་པའི་ཚོགས ་ཀྱིས་རབ་མཆོད་ལ།། སངས་རྒྱས་བསྟན་པ་རྒྱུད་འདིས་སྲུང་།། རྒྱུད་འདི་བཞུགས་པའི་ས་ཕྱོགས་སུ།། དྲེགས་པའི་ཚོགས་རྣམས་རབ་འདི་ཞིང་།། འདི་ལ་བསྲུང་ཞིང་བསྒོམ་ཟློས་ན།། ཤ་ལ་སྦྲང་བཞིན་འདུ་བར ་བྱེད།། བུ་ལྟར་བརྩེ་ཞིང་ལས་ཀུན་འགྲུབ།། ཐོགས་མེད་ནུས་པའི་རྩལ་སྐྱེད་དོ།། དཔལ་ནག་པོ་ཆེན་པོ་སྐུ་གསུང་ཐུགས་ཁྲོས་པའི་རྒྱུད་ལས། རྒྱུད་གཏད་པའི་ལེའུ་སྟེ་བཅོ་བརྒྱད་པའོ།། །། སྐུ་གསུང་ཐུགས ་ཁྲོས་པའི་རྒྱུད་ལེའུ་བཅོ་བརྒྱད་པ་གསུངས་པས། ལྷ་དང་མི་དང་། ལྷ་མ་ཡིན་དང་། མི་སྲུན་དྲག་པོའི་འཁོར་རྣམས་ཡི་རངས་ཏེ། ནག་པོ་ཆེན་པོས་གསུངས་པ་ལ་མངོན་པར་བསྟོད་དོ།། སྐུ་གསུང་ཐུགས་ཁྲོས་པའི་རྒྱུད ་@། རྫོགས་སོ།། །། ཨེ་མ་ཧོ།། མུ་རྒྱན་པདྨ་བདག་ལ་ཡང་།། སྐུ་གསུམ་ཐུགས་ནི་ཁྲོས་པའི་རྒྱུད།། བསིལ་ཚལ་དུར་ཁྲོད་མགོན་པོ་ཡིས།། གསུངས་ཤིང་བཀྲོལ་ནས་བདག་ལ་གཏད།། ཡེ་ཤེས་འཚོ ་རྒྱལ་ཐུགས་ལ་ཆོངས།། ཕྱི་རབས་དོན་དུ་གཏེར་དུ་སྦས།། ལས་ཅན་གཅིག་གིས་རྙེད་ནས་ཀྱང་།། སངས་རྒྱས་བསྟན་པ་བསྲུང་བར་ཤོག། གསོད་བྱེད་གྲི་གུག་གི་རྒྱ་ཡོད་དོ།། ས་མ་ཡ། རྒྱ་རྒྱ་རྒྱ། གཏེར་རྒྱ། སྦས་རྒྱ།། ་གཏད་རྒྱའོ།། ། འདིར་དཔལ་མགོན་མ་ནིང་ནག་པོའི་ལས་རྒྱུད་ལེའུ་བཅུ་གསུམ་པ། དངོས་གྲུབ་བསྟན་གཟིགས་ལེའུ་བཅུ་གཅིག་པ་རྒྱ་གཏེར་བྱོན། མགོན་པོ་ནག་པོ་སྙིང་གི་དངོས་གྲུབ་བསྟན་གཟིགས་རྟོག ་པ་ལྡང་རྒྱའི་གཏེར་བྱོན་རྣམས་འོངས་དགོས་ཀྱང་དཔེ་མ་འབྱོར།། ་