Wylie

e-texts produced with BDRC’s OCR application

རྒྱུད་ཕྱི་མའི་རིམ་པར་གསུངས་པ་རྫོགས་སོ།། །། @#།། རྒྱ་གར་སྐད་དུ། ཤྲ་ན་མུ་ཁ་ཀརྨ་རཱཛྫི་ཏནྟྲ། བོད་སྐད་དུ། ཕྲ་མེན་སྦྱང་ཀི་ལས་ཀྱི་རྒྱལ་མོའི་རྒྱུད། བཅོམ་ལྡན་འདས་དཔལ་ཀུན་ཏུ ་བཟང་པོ་ཧེ་རུ་ཀ་ལ་ཕྱག་འཚལ་ལོ།། འདི་སྐད་བདག་གིས་བཤད་པའི་ཚེ།། སངས་རྒྱས་མ་བྱུང་སྔོན་རོལ་དུ།། ཆོས་ཉིད་སྐྱེ་བ་མེད་དབྱིངས་ན།། སྟོན་པ་ཀུན་ཏུ་བཟང་པོ་དང་།། རིགས་ལྔའི་སངས་རྒྱས་ཡབ་ཡུམ ་དང་།། སྲས་བཅས་བྱང་ཆུབ་སེམས་དཔའ་རྣམས།། མཉམ་པའི་ངཔལ་བདེ་བར་བཞུགས།། དེ་ཚེ་འཛིན་རྟོག་དབང་གིས་ཀྱང་།། འཛིན་རྟོག་གསུམ་པོ་རིམ་གྱིས་ཆགས།། སྐྱེ་འགྲོ་མ་ལུས་ཐམས་ཅད ་ལ།། དྲེགས་པས་རིམ་པར་དབང་བསྒྱུར་བ།། བསམ་པ་ལོག་པའི་བར་ཆད་བདུད།། ང་རྒྱལ་ཁེངས་པའི་གཤིན་རྗེ་དང་།། གཏི་མུག་རྨོངས་པའི་སྲིན་པོ་རྣམས།། སྲིད་པ་གསུམ་ལས་དབང་ཆེ་སྟེ། ཁམས་གསུམ་མ་ལུས ་རིམ་གྱིས་བསྡུས།། ང་རྒྱལ་དྲེགས་པའི་གཟུགས་འཆང་བས།། གཟུགས་ཕུང་ཆེ་ལ་གདོས་པོ་རགས།། ང་རོ་ཆེ་ཞིང་གཏུམ་བག་ཅན།། ལག་ན་མཚོན་ཆ་སྣ་ཚོགས་ཐོགས།། བྱམས་དང་སྙིང་རྗེའི་ལམ་དང་བྲལ།། ཆེ ་བཙན་རྟག་པར་འཛིན་པའི་མཐུས།། ལོག་པའི་ལམ་དང་གོལ་བའི་ས།། ཕྱིན་ཅི་ལོག་ལ་ཡིད་ཆེས་པས།། ལས་སུ་མཚན་མའི་ཆོས་ལ་སྤྱོད།། སྲིད་པའི་ས་བོན་རྩུབ་མོས་འཕང་།། དམྱལ་བའི་སྡུག་བསྔལ་ཉམས་སུ ་མྱོང་།། གལ་ཏེ་དེ་ལས་ཐར་ནས་ཀྱང་།། སླར་ཡང་སྲིན་པོའི་ལུས་བླངས་ནས།། གོང་མ་བཞིན་དུ་འཁོར་བར་བྱེད།། དེ་ཡི་འཁོར་ཡང་སྲིན་མོ་དང་།། མ་མོ་དང་ནི་མཁའ་འགྲོ་དང་།། ཤིན་ཏུ་གཏུམ་པའི་འཁོར་དང ་བཅས།། གསོད་པའི་ལས་ལ་འབབས་ཤིང་གྲིམ།། ཤ་དང་ཁྲག་དང་སྲོག་ལ་སྤྱོད།། ངེས་པའི་ལུང་དང་མ་ལྡན་པས།། ཀུན་ཀྱང་དམྱལ་བའི་ལམ་དུ་འགྲོ།། སྦྲུལ་སྐུ་ལ་སོགས་སངས་རྒྱས་ཀྱིས།། འདུལ་བའི་ལས་སུ་མ ་གྱུར་ཏེ།། སླར་ཡང་ཁེངས་པས་རྒོལ་བར་བྱེད།། སྟུག་པོས་བརྒྱན་པའི་ཞིང་ཁམས་ན།། རྒྱལ་བ་རྣམས་ཀྱི་ཐུགས་ཀྱིས་གཟིགས།། རྡོ་རྗེ་སེམས་དཔའ་སྟན་ལས་ལངས། ཀུན་བཟང་ཡབ་ལ་འདི་སྐད་གསོལ།། ཨེ་མ ་བཅོམ་ལྡན་ཨ་ལ་ལ།། རྒྱལ་བའི་ཞིང་ཁམས་འདི་དག་ན།། ལོག་པའི་བདུད་དང་སྲིན་པོ་རྣམས།། སངས་རྒྱས་བཀའ་ལས་འགལ་བགྱིད་པ།། འདི་ལ་ནན་ཏན་ཇི་ལྟར་བགྱི།། ཀུན་བཟང་ལྷ་ཡིས་བཀའ་སྩལ ་པ།། བདུད་དང་གཤིན་རྗེ་སྲིན་པོ་རྣམས།། ང་རྒྱལ་དྲེགས་པས་འཆིང་བ་ལ།། ཤིན་ཏུ་གདུག་ཅིང་གཏུམ་བྱེད་པས།། དེ་ལ་ཞི་བས་ཕན་མི་འགྱུར།། ཤེས་རབ་ཐབས་དང་ལྡན་བྱས་ནས། ཁྲོ་བོར་དེ་བཞིན་གཤེགས ་མཛད་པ།། སངས་རྒྱས་ཐུགས་རྗེ་ཁྲོས་པ་ཡིས།། སྟོང་གསུམ་མ་ལུས་ཐམས་ཅད་ཀྱང་།། སྐད་ཅིག་ཡུད་ལ་མེད་འགྱུར་ན།། སྲིད་པ་གསུམ་ལ་སྨོས་ཅི་དགོས།། དུར་ཁྲོད་གར་གྱི་ཕྱག་རྒྱར་བསྐྱེད།། དེ་ནས་སྟོན་པ་རྡོ་རྗེ ་འཆང་།། ལེགས་པར་ཐལ་སྦྱར་ཕྱག་འཚལ་ནས།། དེ་ཉིད་ལ་ནི་གནས་བསྒྱུར་ཏེ།། གདུག་ཅིང་དྲག་ལ་རྩུབ་པ་ཡིས།། གོང་མ་ལས་ཀྱང་ཆེར་སྣང་ཞིང་།། དབུ་དང་ཕྱག་ཞབས་མང་པོ་དང་།། མཚོན་ཆ་རྣམ་པ་སྣ་ཚོགས ་པས།། འཇིགས་པའི་ཆ་ལུགས་མང་པོས་བརྒྱན།། གཟི་བྱིན་མཐུ་དཔུང་བསྐྱང་དུ་མེད།། རབ་ཏུ་རྔམས་ཤིང་ཐུགས་གཏུམས་ནས།། དགྱེས་མཛད་རྡོ་རྗེ་གསོར་ནས་ཀྱང་།། གོམས་པའི་སྟོབས་ཀྱིས་གར་བྱེད་ཅིང་།། སྐུ ་ཡི་སྤྲུལ་པ་སྣ་ཚོགས་ཀྱིས།། འཇིག་རྟེན་གསུམ་པོ་ཀུན་བཀང་ནས།། སྲིད་པ་གསུམ་ཡང་དུས་གཅིག་གཡོས།། ཉི་མ་འབུམ་གྱི་འོད་བདལ་བས།། དྲེགས་པ་ཀུན་ཀྱང་ཚིག་ཅིང་བྲོས།། འབྲུག་སྟོང་མ ་པོའི་སྒྲ་བསྒྲགས་པས།། གདུག་པ་མ་ལུས་བརྒྱལ་ཞིང་སྐྲག། སླན་ཆད་སྡོམ་ཞེས་སྨྲ་བ་དང་།། འབངས་སུ་མཆིས་ཞེས་བྲོ་བོར་ཀྱང་།། ཐུགས་རྗེས་དེ་ཡི་ཁར་མ་བཏང་།། སྲིན་པའི་ཆུང་མ་སྲིན་མོ་གཏུམ།། སྨུག་ནག་ཀྲོ ་ཏཱིཏི་ཤྭ་རཱི་དེ།། དཔལ་ཆེན་འབར་བའི་ཐུགས་རྗེ་ཡིས།། ཕྱག་རྒྱ་བཞི་ཡིས་དབང་དུ་བསྡུས།། ཐབས་དང་ཤེས་རབ་རོལ་པ་ཡིས།། བྱང་ཆུབ་སེམས་ཀྱིས་བྱིན་བརླབ་པས།། དཔལ་ཆེན་ཡཀྐ་ཧེ་རུ་ཀ། རྔམ་པའི་ཚུལ ་གྱིས་ཕྱིར་འཐོན་ཏེ།། སྐུ་ཆེ་ཡན་ལག་རགས་པ་དང་།། ཞལ་བགྲད་མཆེ་བ་གཙིགས་པ་ཡིས།། འཇིག་རྟེན་ཁམས་ཀུན་གང་བྱས་ནས།། བདུད་དང་སྲིན་པོ་གཤིན་རྗེ་དང་།། གདུག་པ་མ་ལུས་སྐྲག་པར ་མཛད།། འཇིགས་པའི་གདོང་ལ་འཇིགས་པའི་གཟུགས།། འཇིགས་པའི་མཚོན་ཆ་སྣ་ཚོགས་ཀྱིས།། ཕ་རོལ་དྲེགས་པ་ཚར་བཅད་ནས།། ཤིན་ཏུ་སྐྲག་ཅིང་བརྒྱལ་བར་བྱས།། རབ་ཏུ་འབར་བའི་མེ་དཔུང་དང་།། སྲེག ་པའི་མེ་ཆེན་རབ་སྦར་ཏེ།། ཕ་རོལ་གཡུལ་ལས་རྒྱལ་བར་མཛད།། སྲིན་པོ་ཆུང་མ་ལ་སོགས་རྣམས།། ཕྱག་རྒྱ་བཞི་ཡིས་དབང་བསྡུས་ནས།། ཐབས་དང་ཤེས་རབ་རོལ་པར་མཛད།། ཞལ་ནས་གདུག་པའི་ཚིག་འདི ་བརྗོད།། ང་ནི་ཤིན་ཏུ་སྒྲིབས་བཀྲེས་ཤིང་སྐོམས། ཤིང་སྐབས།། ང་ནི་སངས་རྒྱས་ཉིད་ཤ་ཅན།། དུས་གསུམ་སངས་རྒྱས་ཟོས་པས་ང་མ་འགྲངས།། ད་རུང་འགྲོ་ཀུན་ཟ་འདོད་བཀྲེས་ལ་སྐོམ།། འཇིག་རྟེན་ལྷ་མི་འགའ ་ཙམ་བསད་པ་ལ།། གསོད་མ་འཇིགས་སུ་རུང་ཞེས་སུ་སྒྲོགས་པ།། འཇིགས་བྱེད་ང་ལྟ་བུ་ལ་ཇི་སྐད་སྨྲ།། གང་ཞིག་གསོད་པར་འདོད་ཀྱང་མི་གཏོང་ངོ་།། རབ་ཏུ་རྔམ་པའི་ཚིག་དེ་ཐོས་ཙམ་གྱིས།། བདུད་ལ་སོགས་ཏེ ་སྲིན་པོ་ཐམས་ཅད་ཀུན།། རབ་ཏུ་སྐྲག་སྟེ་ཚིག་ཏུ་འདི་སྐད་སྨྲ།། མི་བྱེད་ཐོང་ཐོང་རྒྱལ་པོ་མི་བྱེད་ཐོང་།། ཅི་སྟེ་སངས་རྒྱས་ཆོས་དང་དགེ་འདུན་རྣམས།། སྙོམས་པའི་སྙིང་རྗེ་ཁྱོད་ལ་མི་མངའ་འམ།། ཡུན་དུ་འབངས་བགྱི ་ངེས་པའི་བྲོ་འབོར་ཞེས།། གདུང་བས་ཁས་ལེན་སྨྲ་ཡང་མ་བཏང་སྟེ།། གཟིར་གནོན་ཕྱག་རྒྱ་ཆེན་པོས་མ་བཏང་སྟེ།། འདར་ཞིང་ཐར་མེད་དྲུང་ན་ཉན་ཅིང་འཁོར།། དེ་ཡི་འཁོར་དང་སླས་དང་བྲན་དུ་བཅས།། འདར ་ཞིང་སྐྲག་ནས་གཅེར་བུ་བཞིན་དུ་གནས།། ཕྲ་མེན་སྦྲང་ཀི་ལས་ཀྱི་རྒྱལ་མོའི་རྒྱུད་ལས། སྔོན་བྱུང་བའི་གླེང་གཞིའི་ལེའུ་སྟེ་དང་པའོ།། །། འདས་པའི་དུས་ན་སྔོན་བྱུང་བས།། བདུད་དང་གཤིན་རྗེ་དབང་ཕྱུག ་སྟེ།། དཔལ་ཆེན་ཡཀྐ་ཧེ་རུ་ཀས།། ཐུགས་རྗེ་ཚད་མེད་བཞིས་བསྒྲལ་ནས།། རོ་ཡི་ཉལ་ཐབས་གན་རྐྱལ་ཏེ།། འཛམ་གླིང་ལྷོ་ཡི་ཞིང་ཁམས་སུ།། བོར་ནས་ས་གཞིར་གྱུར་པ་ནི།། དུར་ཁྲོད་ཆེན་པོ་བརྒྱད་དུ་གྱུར།། མགོ ་ནི་ལྷོ་ནུབ་མཚམས་སུ་བསྟན།། རྐང་པ་བྱང་ཤར་མཚམས་སུ་བསྟན།། ལག་པ་གཉིས་ནི་གཡས་གཡོན་བརྐྱང་།། མགོ་དང་ལུས་སྙིང་ཡན་ལག་ནི།། དུར་ཁྲོད་བརྒྱད་དུ་བསྟན་པ་ལས།། ཐུགས་རྗེ་ཆེན ་པོའི་བྱིན་རླབས་ཀྱིས།། དུར་ཁྲོད་གནས་སུ་སྦྱང་བའི་ཕྱིར།། རོ་ཡི་བསྲུང་མ་ཆེན་པོ་ནི།། མ་མོ་ཆེན་མོ་བརྒྱད་བཞག་གོ། དེ་ཡི་གནས་རྟེན་ཆེན་པོ་ཡིན།། མཚོན་རྟེན་ཆེན་པོ་གཟི་བརྗིད་ཅན།། རང་བྱུང་རེ་རེ་བཞག་པ ་ཡིན།། དེ་ཡི་ལུས་སྙིང་མ་གྷ་དྷ།། དུར་ཁྲོད་ཆེན་པོ་བསིལ་བའི་ཚལ།། མ་མོ་ཆེན་མོ་ཀོའུ་རི་མ།། མཁས་ཤིང་སྙིང་སྟོབས་ཆེ་བའི་སའོ།། མཆོད་རྟེན་མིང་ནི་བདེ་བྱེད་ལེགས།། དེ་ཡི་མགོ་ནི་ལྷོ་ཕྱོགས་ཀྱི།། དུར་ཁྲོད ་ཆེན་པོར་བཞག་པ་ཡིན།། སིང་གྷ་ཡུལ་གྱི་གླིང་ཕྲན་ཡིན།། མ་མོ་ཆེན་མོ་ཙོའུ་རི་མ།། མཐོང་ཐོས་རྣམ་པར་འཕྲུལ་བག་མངའ།། མཆོད་རྟེན་རི་བོ་ཏ་ལ་ཡིན།། ལག་པ་གཡས་པ་ཤར་ལྷོ་མཚམས།། དུར་ཁྲོད་ཆེན་པོ ་བལ་ཡུལ་ཡིན།། མ་མོ་ཆེན་མོ་པུཀྐ་སཱི།། ལྷག་པར་ཟས་ཀྱི་ལོངས་སྤྱོད་ཆེ།། མཆོད་རྟེན་ཁ་ཤོ་བྱ་ཀྲི་ཁ།། ལག་པ་གཡོན་པ་ལྷོ་ནུབ་མཚམས།། དུར་ཁྲོད་ཆེན་པོ་སཱ་ལའི་ཡུལ།། མ་མོ་ཆེན་མོ་བེ་ཏ་ལཱི།། ཕྱག་ན་རྡོ་རྗེ ་དབང་གི་གནས།། དེ་ན་མཐུ་དང་དབང་ཡང་ཆེ།། གྱད་ཡུལ་མཆོད་རྟེན་གོ་མ་ལ།། རྐང་པ་གཡས་པ་བྱང་ཤར་མཚམས།། དུར་ཁྲོད་ཆེན་པོ་ཡུ་ལི་ཡུལ།། མ་མོ་ཆེན་མོ་ཙཎྜ་ལི།། ལྷ་མོ་ཤང་ཀི་ནི་ཞེས་གྲགས།། ཆུ་དང་མེ ་གྲུབ་རྫུ་འཕྲུལ་ཅན།། མཆོད་རྟེན་མིང་ནི་གྷེའུ་དོ་ཤ་ན། རྐང་པ་གཡོན་པ་ལྷོ་ནུབ་མཚམས།། དུར་ཁྲོད་ཆེན་པོ་ཁ་ཆེའི་ཡུལ།། མ་མོ་ཆེན་མོ་པྲ་མོ་ཧ།། བདེ་སྐྱིད་ལྡན་པ་ཕུན་སུམ་ཚོགས།། མཆོད་རྟེན་མིང་ནི་ཀ་ནིཥྐ།། ཕོ ་མཚན་སྟེང་གི་བྱང་ཕྱོགས་ནས།། དུར་ཁྲོད་ཆེན་པོ་ཨོཾ་རྒྱན་ཡུལ།། མ་མོ་ཆེན་མོ་གྷསྨ་རཱི།། འབྱོར་པ་ལོངས་སྤྱོད་ལྔ་དང་ལྡན།། དངོས་གྲུབ་ཅན་ཡང་དེ་ན་མང་།། གཟི་ཡི་མཆོད་རྟེན་ཆེན་པོ་སྟེ།། མིང་ཡང་དྷརྨ ་ཙཀྲའོ།། དེ་ཡི་ནང་ཁྲོལ་ཐམས་ཅད་ཀུན།། དུར་ཁྲོད་ཆེན་པོ་ཟ་ཧོར་ཡུལ།། རྒྱ་མཚོའི་གླིང་གི་མ་ཧ་དེ།། ལང་ཀ་པུ་རི་སྲིན་པོའི་གནས།། མ་མོ་ཆེན་མོ་སྤ་ཤ་ནི།། སྲིན་པོ་སྲིན་མོ་ཤ་ཟ་རྣམས།། དེ་དག་ཀུན་ལ་དབང ་བསྒྱུར་ཞིང་།། རིན་ཆེན་ནོར་དང་དཔག་བསམ་ཤིང་།། འབྱོར་པ་ལོངས་སྤྱོད་ཀུན་དང་ལྡན།། མཆོད་རྟེན་བདེ་བྱེད་གཞོན་ནུའོ།། འཇིག་རྟེན་དུ་བསྟན་པའི་དུར་ཁྲོད་ཆེན་པོ་བརྒྱད་ཀྱི་གླེང་བཞིའི་ལེའུ་སྟེ་གཉིས ་པའོ།། །། དེ་ནས་འཇིག་བྱེད་ཆེན་པོའི་དཀྱིལ་འཁོར་བསྐྱེད་དེ། དང་པོ་དེ་བཞིན་ཉིད་ཀྱི་ཏིང་ངེ་འཛིན་ཆོས་ཉིད་ཀྱི་དབྱིངས་སྤྲོས་པ་དང་བྲལ་བར་བསྒོམ་མོ།། དེ་ནས་ཀུན་ཏུ་སྣང་བའི་ཏིང་ངེ་འཛིན། ཀུན་བཞི ་བྱང་ཆུབ་སེམས་མཚན་མའི་སྤྲོས་པ་དང་བྲལ་བར་བསྒོམ་མོ།། དེ་ནས་རྒྱུའི་ཏིང་ངེ་འཛིན་ནི། སེམས་ཀྱི་ས་བོན་ཧཱུཾ་ནག་པོ་ཞིག་ཏུ་མངོན་དུ་གསལ་བར་བསྒོམ་མོ།། དེ་ནས་འདི་སྐད་ཅེས་བསྐུལ་ལོ།། སྐྱེ་མེད་རྣམ་དག ་ཆོས་ཀྱི་དབྱིངས།། སྤྲོས་དང་བྲལ་བ་དེ་བཞིན་ཉིད།། མི་རྟོག་མི་དམིགས་བྱང་ཆུབ་སེམས།། གཟུང་འཛིན་དག་པས་ཀུན་ཏུ་སྣང་།། ཡི་གེ་ཧཱུཾ་ནི་སེམས་ཀྱི་རྒྱུ་ཡིན་ཏེ།། མཐའ་དབུས་མེད་པར་ཀུན་ལ་ཁྱབ ་པར་དམིགས།། སྤྲོས་བྲལ་ཧཱུཾ་ནི་འབར་བའི་སྐུར་བསྟན་པའོ།། །། ཧཱུཾ་ནག་འབར་བའི་སྐུ་ལ་ཕྱག་འཚལ་ལོ།། དེ་ནས་ཧཱུཾ་མཐིང་ནག་འབར་བ་དེས་མདུན་གྱི་བར་སྣང་ལ་གནས་པ་དེ་ལ་ཕར་འཕྲོས་པས་རྒྱལ་བ ་རྣམས་ཀྱི་ཐུགས་དམ་བསྐུལ།། སླར་འདུས་པ་ཧཱུཾ་ལ་འདུས། ཧཱུཾ་ལས་སྐུར་གྱུར་ཏོ།། དེ་ཡི་ཁྱད་པར་ལས་འོག་གི་ཕྱོགས་སུ་ཡི་གེ་རཾ་ཡཾ་ཁཾ་ཀཻ་བྷྲཱུཾ་བསམ་མོ།། ཡི་གེ་དེ་ལྔ་ལས་འཕྲོས་འདུས་པའི་ཆོ་གས་དབང་ཆེན་གྱི ་དཀྱིལ་འཁོར་བསྐྱེད་དེ།། དེ་ནས་གཞལ་ཡས་ཁང་བསྐྱེད་དོ།། དཀྱིལ་འཁོར་བསྐྱེད་པ་དང་གདན་འདིང་བ་གཞུང་དང་མཐུན། དེ་ནས་ནམ་མཁའི་གནས་ན་ཡི་གེ་ཧཱུཾ་གནས་པ་དེ་ལ་འདི་སྐད་གདན་ལ་དབབ་པའོ།། ཧཱུཾ ་ནི་བར་སྣང་གནས་པ་ལ།། དྲག་པོའི་ཏིང་འཛིན་འབར་བ་ཡིས།། གདན་གྱི་སྟེང་དུ་བབ་ནས་ཀྱང་།། འབར་བའི་གདན་ལ་བརྟན་པར་བཞུགས།། ཨོཾ་ཧཱུཾ་ཧཱུཾ་མཎྜ་ལ་ཧ་ལ་ཧ་ལ་ཧཱུཾ་ཛ། ཅེས་བརྗོད་པས་ཡི་ཧེ་ཧཱུཾ་དེ་བབས་ཏེ།། ་དེ་ནས་སྐུ་བསྐྱེད་པ་འདི་ལྟར་བརྗོད་དོ།། ཨོཾ་ཨཱཿཧཱུཾ་སྭཱ་ཧཱ། ཧཱུཾ་གི་འབར་བའི་ཆོ་འཕྲུལ་ལས།། ཧཱུཾ་མཐིང་ནག་བྱུང་སྟེ། དེ་ནས་ཧཱུཾ་ལས་འདི་སྐད་བསྐུལ་ལོ།། ཧཱུཾ་ལས་ཡེ་ཤེས་འབར་བའི་འོད་འཕྲོས་པས།། ཕྲིན་ལས་རྣམ ་བཞི་སྐུ་ལ་རྫོགས་མཛད་པ། ཁྲོས་ནས་དབང་སྡུད་འབར་བའི་སྐུར་བསྟན་པ།། སྐུ་མཆོག་སྤྲུལ་པའི་ཧེ་རུ་ཀ་ཡི་སྐུ་བྱུང་ངོ་།། ཧཱུཾ་ཧཱུཾ་ཡཀྑ་ཤྲཱི་ཧེ་རུ་ཀ་མ་ཧཱ་བཛྲ་སརྦ་དུཥྚཱན་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊ། ཡཀྵ་ཀྲོ་དྷི་ཤྭ་རཱི་ཧཱུཾ ་ཕཊ། ཨ་ལ་ལ་ཧོ་ཞེས་བརྗོད་པས། ཧེ་རུ་ཀའི་སྐུ་མངོན་དུ་བྱུང་ངོ་།། སྐུ་མདོག་མཐིང་ནག་ཞལ་གསུམ་ཕྱག་དྲུག་པ། ཞབས་བཞིར་བགྲད་པ། གཡོན་ནས་ཡུམ་ཡཀྵ་ཁྲོས་པའི་རྒྱལ་མོ་གཙོ་དང་འདྲ་བ་སྐུ་བསྐྱོད་དོ།། དེ ་ནས་ཡབ་ཡུམ་དགྱེས་པ་བསྐྱེད་པ་འདི་སྐད་དོ།། སྐུ་གསུང་ཐུགས་སུ་བྱིན་བརླབས་ནས།། དེ་ནས་ཡུམ་གྱི་མཁའ་དཀྱིལ་དུ།། དགའ་མཆོག་རྡོ་རྗེ་རབ་གསོར་ནས།། ཡེ་ཤེས་སེམས་དཔའི་ཆོ་འཕྲུལ་བསྟན།། ཤར ་ཕྱོགས་དྲེགས་པ་བསྒྲལ་བའི་ཕྱིར།། སེམས་དཔའ་ཁྱེའུ་ཆུང་དཀར་པོར་སྤྲུལ།། སྲིན་མོ་ར་གདོང་ལྕགས་ཀྱུ་མ།། ཐབས་དང་ཤེས་རབ་སྦྱར་བ་ལས།། དབང་སྡུད་རབ་ཏུ་མངོན་གསལ་ཏེ།། དེ་ནས་དབང་དུ་འདུས་པ ་ལས། ཁྲོ་བོ་ཞལ་གསུམ་ཕྱག་དྲུག་སྦྲུལ།། མ་མོ་ཀོ་རཱི་སྔོན་མོ་བྱུང་།། དགྱེས་པའི་སྒྲ་ནི་ཧ་ཧ་བཞད།། ཡཀྐ་ཧེ་རུ་ཀ་ཡིས་དབང་བསྐུར་ནས།། གསོད་བྱེད་བདག་མོ་ཡིན་པར་གསལ།། སྲིན་མོ་མ་ཏང་བསྒྲལ་བའི ་ཕྱིར།། གདུག་པའི་མཚོན་ཆ་སྤུ་གྲི་འབར།། མ་ཡིས་འཛིན་བྱེད་ལྕགས་ཀྱུས་བཟུང་།། བུ་མོས་གདུག་པའི་མཚོན་ཆ་ཡིས།། སྲིན་མོ་མ་ཏང་དཀར་མོ་བསྒྲལ།། མ་མོ་ཀོའུ་རི་མ་ཡི་གནས།། དེ་ནས་དུར་ཁྲོད་བདག་པོ ་དག། རོ་ལངས་སྤྲང་པོའི་སྤྱད་པའི་ཡང་བདག་པོ་དང་།། ཡུམ་ནི་ལྷ་མོ་གོའུ་རཱི་གཉིས།། ཐབས་དང་ཤེས་རབ་སྦྱོར་བ་ལས།། མངོན་བྱུང་སེདྷ་སེང་གེའི་མགོ། ཕོ་ཉ་ཡིན་པར་དབང་བསྐུར་རོ།། ཡགྣ་ཤྲཱི་ཧེ ་རུ་ཀ་དང་། ཡཀྵ་ཁྲོས་པའི་རྒྱལ་མོ་གཉིས།། ཐབས་དང་ཤེས་རབ་གཉིས་མེད་ལས།། མངོན་བྱུང་སེམས་དཔའ་མཐིང་གའི་སྐུ།། སྲིན་མོ་ཕག་གདོང་ཞགས་པ་མ།། དབང་སྡུད་རབ་ཏུ་མངོན་གསལ་ཏེ།། ཐབས་དང ་ཤེས་རབ་སྦྱོར་བ་ལས། ཁྲོ་བོ་ཞལ་གསུམ་ཕྱག་དྲུག་སྦྲུལ།། མངོན་བྱུང་མ་མོ་ཙོའུ་རཱི་མ།། དགྱེས་པའི་སྒྲ་ཆེན་ཧ་ཧ་བཞད།། རུ་དྲ་ནག་པོ་བསྒྲལ་བའི་ཕྱིར།། གསོད་བྱེད་ཆེན་མོར་དབང་བསྐུར་ཏེ།། གདུག་པའི་མཚོན་ཆ ་མདའ་གཞུ་འཛིན།། མ་ཡི་ཞགས་པས་སྲིན་མོ་བཟུང་།། བུ་མོས་མདའ་ཡིས་སྙིང་ལ་གཟིར།། མ་མོ་ཙོའུ་རཱི་མ་ཡི་གནས།། དེ་ནས་དུར་ཁྲོད་བདག་པོ་དག། སྲིན་པོ་བྲག་ཡང་བལ་ཆེན་ནག་པོ་དང་།། མ་མོ་ཙོའུ་རཱི་སེར ་མོ་གཉིས།། ཐབས་དང་ཤེས་རབ་གཉིས་མེད་པས།། མངོན་བྱུང་ཕྲ་མེན་སྟག་གི་མགོ། དགྱེས་པའི་སྒྲ་ཆེན་ཧེ་ཧེ་བཞད།། རུ་དྲ་ནག་པོ་བསྒྲལ་བའི་ཕྱིར།། གསོད་བྱེད་ཆེན་མོར་དབང་བསྐུར་རོ།། ཡཀྐ་འཇོམས་བྱེད ་རྒྱལ་པོ་དང་།། ཡཀྵ་ཁྲོས་པའི་རྒྱལ་མོ་གཉིས།། ཐབས་དང་ཤེས་རབ་གཉིས་མེད་ལས།། མངོན་བྱུང་སེམས་དཔའ་དམར་པོའི་ཞལ།། ལྷ་མོ་ལྕགས་སྒྲོག་ཉི་ཟླའི་སྤྱན།། དབང་སྡུད་མར་ནི་མངོན་གསལ་ཏེ།། ཐབས་དང་། ་ཤེས་རབ་སྦྱོར་བ་ལས།། ཁྲོ་བོ་ཞལ་གསུམ་ཕྱག་དྲུག་སྦྲུལ།། དྲེགས་པ་ཆེན་པོ་བསྒྲལ་བའི་ཕྱིར།། སེམས་དཔའ་པདྨ་ཁྲོ་བོ་དང་།། ཡུམ་ནི་མ་མོ་ལྕགས་སྒྲོག་མ།། ཐབས་དང་ཤེས་རབ་སྦྱོར་བ་ལས།། མངོན་བྱུང་མ་མོ ་པྲ་མོ་ཧ།། དགྱེས་པའི་སྒྲ་སྐད་ཧ་ཧ་བཞད།། དྲེགས་པ་ཆེན་པོ་བསྒྲལ་བའི་ཕྱིར།། གསོད་བྱེད་ཆེན་པོར་དབང་བསྐུར་རོ།། གདུག་པའི་མཚོན་ཆ་སྤུ་གྲི་བྱིན།། སྲིན་མོ་ཕག་གདོང་དམར་མོ་དག། མ་ཡིས་ཕྱག་རྒྱས་བསྡོམ ་ནས་སུ།། གདུག་པའི་སྤུ་གྲིས་གསོད་པར་བྱེད།། སྲིན་མོ་གསད་པའི་ཁོག་པ་ནི།། མ་མོ་པྲ་མོ་དམར་མོའི་གནས།། དེ་ནས་དུར་ཁྲོད་བདག་པོ་དག། དུར་ཁྲོད་རྐུན་ཆེན་བདག་པོ་དང་།། མ་མོ་ཆེན་མོ་པྲ་མོ ་གཉིས།། ཐབས་དང་ཤེས་རབ་གཉིས་མེད་ལས།། མངོན་བྱུང་སྲི་ལ་ཝ་ཡི་མགོ། དགྱེས་པའི་སྒྲ་ཆེན་ཧེ་ཧེ་བཞད།། ཕྲ་མེན་མ་རུ་དབང་བསྐུར་རོ།། ཡཀྐ་གསོད་བྱེད་རྒྱལ་པོ་དང་།། ཡཀྐ་ཁྲོས་པའི་རྒྱལ་མོ ་གཉིས།། ཐབས་དང་ཤེས་རབ་གཉིས་མེད་ལས།། སེམས་དཔའ་ལྗང་གུ་རྫོགས་མཛད་པ།། དབུ་གསུམ་ཕྱག་ནི་དྲུག་པར་སྤྲུལ།། སྲིན་མོ་ཐལ་བྱེད་ནག་མོ་དང་།། ཐབས་དང་ཤེས་རབ་སྦྱོར་བ་ལས།། མངོན་བྱུང་མ་མོ ་བེ་ཏཱ་ལི།། དགྱེས་པའི་སྒྲ་ཆེན་ཧ་ཧ་བཞད།། དྲེགས་པ་ཆེན་པོ་བསྒྲལ་བའི་ཕྱིར།། གསོད་བྱེད་ཆེན་པོར་དབང་བསྐུར་རོ།། གདུག་པའི་སྤུ་གྲི་ལག་ཏུ་བྱིན།། ཐལ་བྱེད་དྲིལ་བུས་བཀུག་བྱས་ནས།། བེ་ཏཱ་ནག་མོས་སྤུ་གྲི ་ཡིས།། རུ་དྲ་ནག་པོ་བསྒྲལ་བ་ཡི། ཁོག་པ་དུར་ཁྲོད་གཞལ་ཡས་ཁང་།། མ་མོ་བེ་ཏ་ལི་ཡི་གནས།། དེ་ནས་དུར་ཁྲོད་བདག་པོ་དག། སྲིན་པོ་རཀྵ་སྤྱང་མགོ་དང་།། མ་མོ་ཆེན་མོ་བེ་ཏཱ་ལི་གཉིས།། ཐབས ་དང་ཤེས་རབ་གཉིས་མེད་ལས།། མངོན་བྱུང་ཕོ་ཉ་སྤྱང་མགོ་ཅན།། དགྱེས་པའི་སྒྲ་ཆེན་ཧེ་ཧེ་བཞད།། ཕྲ་མེན་མ་རུ་དབང་བསྐུར་རོ།། ཕྲིན་ལས་རྫོགས་པའི་སྐུ་ལས་ནི།། ཨོཾ་གསོད་བྱེད་རྔམ་པའི་སྐུ་བྱུང་སྟེ།། རཀྵ་ཤྲཱི་ཧེ ་རུ་ཀ་དང་།། རཀྟ་ཁྲོས་པའི་རྒྱལ་མོ་གཉིས།། ཐབས་དང་ཤེས་རབ་གཉིས་མེད་ལས།། མངོན་བྱུང་སེམས་དཔའ་གང་ཀ་ལ་ཐུང་ཡང་ལ་བྱུང་།། ཡུམ་ནི་སྲིན་མོ་ཀར་ཤང་མོ།། ཐབས་དང་ཤེས་རབ་གཉིས་མེད ་ལས།། མངོན་བྱུང་ལྷ་མོ་པུཀྐ་སཱི།། དགྱེས་པའི་སྒྲ་ཆེན་ཧ་ཧ་བཞད།། སྲིན་པོ་བྷཻ་ར་བསྒྲལ་བའི་ཕྱིར།། མ་མོས་མཚོན་གྱི་ཞགས་པས་ནི།། སྲིན་པོ་བྷེ་ར་བཟུང་ནས་ནི།། པུཀྐ་སཱི་ཡིས་སྤུ་གྲི་ཡིས།། རྒྱུ་ཞགས་དྲངས་ནས ་བསྒྲལ་བའོ།། དེ་ནས་དུར་ཁྲོད་བདག་པོ་དག། སྲིན་མོ་རཀྵ་མཆུ་དམར་དང་།། མ་མོ་ཆེན་མོ་པུཀྐ་གཉིས།། ཐབས་དང་ཤེས་རབ་གཉིས་མེད་ལས།། མངོན་བྱུང་ཕྲ་མེན་གྲྀ་ཌྷ་མ།། དགྱེས་པའི་སྒྲ་ཆེན་ཧེ་ཧེ་བཞད།། ཕྲ ་མེན་མ་རུ་དབང་བསྐུར་རོ།། རཀྑ་ཤྲཱི་ཧེ་རུ་ཀ་དང་།། རཀྵ་ཀྲོ་ཏཱི་ཤྭ་རཱི་གཉིས།། ཐབས་དང་ཤེས་རབ་འབྲེལ་བ་ལས།། མངོན་བྱུང་སེམས་དཔའ་དྲག་པོ་བྱུང་།། སྲིན་མོ་ཆེན་མོ་ནག་མོ་དང་།། ཐབས་དང་ཤེས་རབ་གཉིས ་མེད་ལས།། མངོན་བྱུང་ལྷ་མོ་གྷསྨ་རཱི།། དགྱེས་པའི་སྒྲ་ནི་ཧ་ཧ་བཞད།། ཞགས་པས་བཟུང་ནས་སྤུ་གྲི་ཡིས།། མགོ་བཅད་ཕྲེང་བས་ལུས་ལ་བརྒྱན།། དེ་ནས་དུར་ཁྲོད་བདག་པོ་དང་། མ་མོ་ཆེན་མོ་གྷསྨ་གཉིས།། ཐབས ་དང་ཤེས་རབ་གཉིས་མེད་ལས།། མངོན་བྱུང་ཕྲ་མེན་ཀངྒ་མ།། དགྱེས་པའི་སྒྲ་སྐད་ཧེ་ཧེ་བཞད།། ཕྲ་མེན་མ་རུ་དབང་བསྐུར་རོ།། གསོད་བྱེད་རཀྵ་ཧེ་རུ་ཀ་དང་།། རཀྵ་ཀྲོ་དྷཱི་ཤྭ་རཱི་མ།། ཐབས་དང་ཤེས་རབ་གཉིས་མེད ་ལས།། སེམས་དཔའ་སྒྲ་ཆེན་འོད་གསལ་བྱུང་།། སྲིན་མོ་ཆེན་མོ་རོ་ཁ་དང་།། ཐབས་དང་ཤེས་རབ་གཉིས་མེད་ལས།། མ་མོ་ཆེན་མོ་སྨེ་ཤ་བྱུང་།། དགྱེས་པའི་སྒྲ་ནི་ཧ་ཧ་བཞད།། དེ་ནས་དྲེགས་ཆེན་བསྒྲལ་བའི ་ཕྱིར།། གསོད་བྱེད་ཆེན་པོར་དབང་བསྐུར་རོ།། སྲིན་མོ་སྒྲ་ཆེན་མཐའ་ཡས་ཀྱང་།། མཚོན་གྱི་ཞགས་པས་བཟུང་ནས་ནི།། སྤུ་གྲིས་སྙིང་ཕྱུང་སྟོབ་པ་ཡིས།། མ་མོ་སྨ་ཤ་ནི་ཡི་གནས།། དེ་ནས་དུར་ཁྲོད་བདག་པོ ་དག། སྲིན་མོ་ཆེན་མོ་འབྱིན་ཆེན་དང་།། མ་མོ་ཆེན་མོ་སྨ་ཤ་གཉིས།། ཐབས་དང་ཤེས་རབ་གཉིས་མེད་ལས།། མངོན་ཕྱུང་ཁ་ཁྭ་བྱ་རོག་གདོང་།། དགྱེས་པའི་སྒྲ་ཆེན་ཧེ་ཧེ་བཞད།། ཕྲ་མེན་མོ་རུ་དབང་བསྐུར་རོ།། རཀྵ ་ཤྲཱི་ཧེ་རུ་ཀ་དང་།། རཀྑ་ཁྲོས་པའི་རྒྱལ་མོ་གཉིས།། ཐབས་དང་ཤེས་རབ་གཉིས་མེད་ལས།། མངོན་བྱུང་སེམས་དཔའ་གསེར་གདོང་ཞལ།། སྲིན་མོ་དུར་ཁྲོད་ཙ་མུན་ཧྲཱི།། ཐབས་དང་ཤེས་རབ་གཉིས་མེད་ལས།། མངོན ་བྱུང་མ་མོ་ཙཎྜ་ལི།། དགྱེས་པའི་སྒྲ་ཆེན་ཧ་ཧ་བཞད།། དེ་ནས་དྲེགས་པ་བསྒྲལ་བའི་ཕྱིར།། སྲིན་པོ་བེ་དུ་སེར་སྐྱ་ཡང་།། མ་ཡིས་ལྕགས་ཀྱུས་བཟུང་ནས་ནི།། མ་མོ་ཆེན་མོ་ཙནྡ་ཡིས།། སྐྲ་གྲི་སྲིན་པོའི་མགོ ་ལུས་ཕྲལ།། མ་མོ་ཙནྡ་ལཱི་ཡི་གནས།། དེ་ནས་དུར་ཁྲོད་བདག་པོ་དག། སྲིན་པོ་ཆགས་པའི་གསེར་བྱ་དང་།། མ་མོ་ཆེན་མོ་ཙནྡ་ལཱི།། ཐབས་དང་ཤེས་རབ་གཉིས་མེད་ལས།། ཕྲ་མེན་འུག་པའི་མགོ་ཅན་བྱུང་།། དགྱེས ་པའི་སྒྲ་སྐད་ཧེ་ཧེ་བཞད།། ཕྲ་མེན་མ་རུ་དབང་བསྐུར་རོ།། ཨོཾ་ཧཱུཾ་ཧཱུཾ་ཧ་ཧ་ཧ་ཧ་ཧེ་ཧེ་ཧེ་ཧེ། ཧ་ཧ་ཧ་ཧ་ཧེ་ཧེ་ཧེ་ཧེ། འཇིགས་བྱེད་ཆེན་པོའི་དཀྱིལ་འཁོར་རྫོགས།། སྐུ་མདོག་ཕྱག་མཚན་སྣ་ཚོགས་གསལ།། འཇིགས་བྱེད ་རྒྱན་གྱི་དཀྱིལ་འཁོར་ལས། བསྒོམ་ཁོག་རྩ་བའི་ལེའུ་སྟེ་གསུམ་པའོ།། །། དེ་ནས་སྒྲུབ་ལུགས་ཀྱི་དཀྱིལ་འཁོར་བཤད་དེ། སྒྲུབ་ལུགས་སྤྱིར་ན་རྣམ་པ་གཉིས་ཏེ། མ་ཏང་ཞལ་གྱི་སྒྲུབ་ལུགས་དང་།། བང་རིམ ་གསུམ་པའི་སྒྲུབ་ལུགས་སོ།། དེ་ལའང་སྒྲུབ་ལུགས་ཀྱི་དཀྱིལ་འཁོར་བརྒྱད་དོ།། དེ་ལ་མ་ཏང་ཞལ་གྱི་དཀྱིལ་འཁོར་ནི།། གནས་དང་ས་གཞི་བརྟག་པ་རུ།། བསླང་དང་བྱིན་བརླབ་གཞུང་བཞིན་བྱ།། དཀྱིལ་འཁོར ་འདོམ་གང་གྲུ་བཞི་ལ།། བདུད་རྩི་ལྔ་ཡིས་ཞལ་ཞལ་བྱ།། དེ་ནས་མ་ཏང་གནན་པར་བྱ།། ཤར་ཕྱོགས་ལམ་སྒོ་འཇིག་རྟེན་ནས།། ཡང་དག་ཐར་ལམ་གཅོད་བྱེད་པ།། འབྱུང་པོ་གཏུམ་པོ་ང་རྒྱལ་ཅན། ཁྱོད་ནི་སྒྲིབ་པ་ཅི ་ལ་སྒྲིབ།། ཡང་དག་ཤེས་རབ་ཡེ་ཤེས་ཀྱིས། ཁུངས་བརྟགས་རྩ་བཅད་བདག་ལས་བྱུང་།། བདག་འཛིན་བདག་གིར་འཛིན་པ་ནི།། བདག་མེད་སྟོང་པའི་ཐོ་བས་གཞོམ།། བདག་པོ་ཐབས་སྟོབས་བརྩོན་འགྲུས ་ཀྱིས།། གནས་ངན་ལེན་པའི་དེད་དཔོན་བྱེད།། དེ་ཉིད་བདག་རྟོག་བྱེད་པས་ན།། བདག་མེད་སྟོང་པའི་ཐོ་བས་གཞོམ།། ཨངྒ་ནི་དྷི་མ་ཧཱ། ཛྙཱ་ན་བཛྲ། མུད་ཀཱ་ལ། ཨ་ཀོ་ཏ་ཡ་ཧཱུཾ་ཕཊ། སརྦ་བ་པ་ཀར་ཏེ། ཀར་པ་སི་མ་ཏཾ ་ཁ་རུ་ཏྲ་ཧཱུཾ་ཕཊ། ཆས་ཆེན་དག་གི་གོ་བགོས་ཏེ།། དཔལ་ཆེན་སྟོབས་ཀྱང་ཆེ་བའི་བདག། སྟོང་པའི་མཚོན་ཆེན་རྣོན་པོ་ཡིས།། དེ་དག་ཀླད་པ་དག་ཀྱང་འགེམས།། ཆོས་ཀུན་རྟག་ཏུ་རང་གི་ངོ་བོ་སྟོང་།། རྒྱལ་བའི་སྲས ་རྣམས་དངོས་པོ་རྣམ་པར་འཛིན།། སྲིད་པ་ཇི་བཞིན་ཡོང་ཡེ་སྟོང་པ་ཡིན།། དེ་ནས་ཡང་འདི་སྐད་བརྗོད་དོ།། འཕགས་པ་ཐམས་ཅད་མཁྱེན་པ་དགོངས་སུ་གསོལ།། འབྱུང་པོ་མང་པོ་ཀུན་ཉོན་ཅིག། རྡོ་རྗེ་རྣོན་པོ་འཇམ ་དཔལ་གྱི།། ཐུགས་རྗེ་དད་དང་ཤེས་རབ་ཀྱིས།། ཐབས་ལ་མཁས་པའི་བྱིན་རླབས་ཀྱིས།། འགྲོ་བ་ཐམས་ཅད་གཟུང་བར་མཛོད།། འགྲོ་བའི་བདག་པོའི་ཚེ་དང་སྲོག། གསོན་པོར་བདེ་བར་གཅོད་པ་དང་།། བདག་དང ་གཤིན་རྗེ་འཁོར་བཅས་ལ།། འཇོམས་ཤིང་གཅོད་པའི་གཤེད་པོ་ནི།། འཇམ་དཔལ་འཕྲུལ་གྱི་དངོས་གྲུབ་མཆོག། སྲིད་གསུམ་མཐར་བྱེད་རྔམ་པ་སྟེ།། ཁ་ཊྭཱཾ་ཐོད་དབྱུག་མི་བཟད་པས།། སྙིང་རྗེས་བཅོམ་ནས་གསད ་པར་བྱ། ཛཿཧཱུཾ་བཾ་ཧོཿཤྲཱི་ཧེ་རུ་ཀ་སརྦ་དུཥྚཱན། ས་མ་ཡ་མུ་དྲ། པྲ་པཉྩ་ཀྲ་ཙག་ཤེ་ཀ་ཧ་ན་ཧཱུཾ་ཕཊ། བདག་པོས་རོལ་སྟབས་དྲག་པོ་ཡིས།། རོ་གཉིས་ཉལ་ཐབས་གན་རྐྱལ་དུ།། མགོ་ནི་ལྷོ་ནུབ་མཚམས་སུ ་བསྟན།། རྐང་པ་བྱང་ཤར་མཚམས་སུ་བསྟན།། ལག་པ་གཡས་པའི་མཁྲིག་མ་ལ། ཁྱི་གཉིས་དང་ནི་བྱ་རྒོད་གཉིས།། རྐང་པ་ཅུང་ཟད་བསྣོལ་བ་ནི།། ཐལ་བའི་མདོག་ལ་སྐུ་འགྲེང་བ། ཁོག་པ་ནམ་མཁའ་གཞལ་ཡས ་ཁང་།། ཡན་ལག་དུར་ཁྲོད་རིན་ཆེན་གཏེར།། ཤེས་རབ་དགྲ་སྟས་གཤག་པར་བྱེད།། དགྲ་སྟའི་ཕྱག་རྒྱས་གཤག་པ་ཡིན་ནོ།། དེ་ལྟར་ཁོག་པ་བཤས་ལ། བྷྲཱུཾ་དྷརྨ་ཁ་ཏ་ལི་པི། ཞེས་བརྗོད་པས། ཁོག་པའི་ནང་གཞལ ་ཡས་ཁང་དུ་གྱུར་པར་བསྒོམ་མོ།། དེ་ཡི་ནང་དུ་བཞུགས་པ་ནི།། གནས་ཀྱི་སྒོ་འདི་སུ་ཡིས་བཅད།། སེམས་ཀྱི་བདག་པོས་བཅད་དམ་ཅི།། གཟུང་འཛིན་རྐང་ལག་བསྣོལ་བ་ལ།། ཡུལ་ལས་འདས་པའི་ཞབས་ཀྱིས ་དབྱེ།། ཧཱུཾ་ཕཊ་མ་ཧཱ་རུ་དྲ་ཕྱེ།། དེ་ནས་ལྕགས་ཀྱུའི་ཕྱག་རྒྱས་བཏབ་ལ། རྡོ་རྗེ་གར་གྱི་ཚུལ་གྱིས་འཁོར་ཐམས་ཅད་གཞུག་གོ། ཏོ་ཙེ་ཏོ་ཙེ་བྱ། ཨངྒ་དྷ་ར་དྷི། མ་ནུ་དྷ་ར་དྷི། ཀ་པཱ་ལ་ཏོ་ཙེ་བྱ། པདྨ་དྷ་ར་དྷི། དེ་ནས་དུར ་ཁྲོད་ཀྱི་གནས་བརྒྱད་བརྩེགས་པ་ནི། སྒྲུབ་པ་ཆེན་པོ་ལས་མ་གཏོགས་པར་གཞན་དུ་མི་བྱ་ཏེ། བྱས་ན་ཞག་བདུན་གྱིས་ཁྲག་སྐྱུགས་ཏེ་ཤི་བར་འོང་ངོ་།། ཞེས་གཞུང་ལས་འབྱུང་ངོ་།། དེ་ལྟར་གྱུར་པའི་འཛམ་གླིང ་དུ།། སྐྱེ་ཤི་གནས་པའི་ཡུལ་ཡིན་པས།། ཕྱི་རབས་སྔགས་འཆང་སྒྲུབ་པ་པོས།། འཇིགས་བྱེད་ཆེན་པོ་ཁྲག་འཐུང་གི། དུས་གསུམ་རྒྱལ་བའི་བཀའ་བཞིན་དུ།། རྟོགས་ལྡན་རྒྱལ་པོའི་དུར་ཁྲོད་གནས།། ཤེས་རློམ་འཁྲུལ ་སྣང་ཀུན་ཏུ་བྱེད་པ་ནི།། མ་བདུན་ཟ་ལམ་བདུན་གྱིས་འཆི།། དེ་ཡི་རྣམ་ཤེས་ཅིང་ནར་ཀན།། འཇམ་དཔལ་འཕྲུལ་གྱི་དངོས་གྲུབ་མཆོག། སྲིད་གསུམ་མཐར་བྱེད་དེ་བ་དེས།། ཐོད་དབྱུག་ཆེན་པོ་མི་ཟད་པས།། གཤིན ་རྗེ་བཅོམ་སྟེ་བསད་ནས་སུ།། རོ་ཡང་ལྷོ་ཡི་འཛམ་གླིང་དུ།། དུར་ཁྲོད་ཆེན་པོའི་གནས་བརྒྱད་བརྩེགས།། དེ་ལྟར་དེ་བཞིན་བདག་གིས་ནི།། ཕ་ལས་བུ་ཡིས་ས་བླངས་བཞིན།། འདི་ལུས་དུར་ཁྲོད་གནས་སུ་འབུལ།། དེ ་ཡི་ལུས་སྙིང་མཁལ་མ་དེ།། དུར་ཁྲོད་ཆེན་པོ་བསིལ་ཚལ་དུ།། མ་མོ་ཆེན་མོ་ཀོའུ་རཱི་མ།། དུར་ཁྲོད་ཆེན་པོའི་རྒྱན་དུ་འབུལ།། མཁས་ཤིང་མཐུ་སྟོབས་སངས་རྒྱས་པའི།། མཐོང་ཐོས་རྣམ་པར་འཕྲུལ་བག་གི།། དངོས ་གྲུབ་དམ་པ་སྩལ་དུ་གསོལ།། དེ་ཡི་མགོ་བོ་ལྷོ་ཕྱོགས་ཀྱི།། སེང་གྷའི་ཡུལ་ན་ཙོའུ་རཱི་མ།། དུར་ཁྲོད་ཆེན་པོའི་རྒྱན་དུ་འབུལ།། མཐོང་ཟོས་རྣམ་པར་འཕྲུལ་བག་གི། དངོས་གྲུབ་དམ་པ་སྩལ་དུ་གསོལ།། དེ་ཡི་ལག ་གཡས་ཤར་ལྷོ་མཚམས།། བལ་ཡུལ་ན་ནི་པུཀྐ་སཱི། དུར་ཁྲོད་ཆེན་པའི་རྒྱན་དུ་འབུལ།། ལྷག་པར་རྫས་ཀྱིས་མཆོད་པར་འོས།། དངོས་གྲུབ་དམ་པ་སྩལ་དུ་གསོལ།། དེ་ཡི་ལག་གཡོན་ལྷོ་ནུབ་མཚམས།། ས་ལའི་ཡུལ ་ན་བཻ་ཏ་ལཱི།། དུར་ཁྲོད་ཆེན་པོའི་རྒྱན་དུ་འབུལ།། ཕྱག་ན་རྡོ་རྗེས་མཐུ་སྟོབས་སྩོལ།། དེ་ཡི་རྐང་གཡས་བྱང་ཤར་མཚམས།། ལི་ཡི་ཡུལ་ན་ཙནྡྲ་ལི།། དུར་ཁྲོད་ཆེན་པོའི་རྒྱན་དུ་འབུལ།། ལོངས་སྤྱོད་ལྡན ་པའི་དངོས་གྲུབ་སྩོལ།། དེ་ཡི་རྐང་གཡོན་ནུབ་བྱང་མཚམས།། ཀ་ནིཥྚ་ན་པྲ་མོ་ཧ།། དུར་ཁྲོད་ཆེན་པོའི་རྒྱན་དུ་འབུལ།། བདེ་སྐྱིད་ལྡན་པའི་དངོས་གྲུབ་སྩོལ།། དེ་ཡི་ཕོ་མཚན་བྱང་ཕྱོགས་ཀྱི།། ཨོཾ་རྒྱན་ཡུལ་ན་གྷསྨ ་རཱི།། དུར་ཁྲོད་ཆེན་པོའི་རྒྱན་དུ་འབུལ།། གྲུབ་པ་མྱུར་བའི་དངོས་གྲུབ་སྩོལ།། བཞག་ཤ་ཁོང་ནང་ལ་སོགས་པ།། ཐམས་ཅད་མ་ལུས་དུར་ཁྲོད་ན།། སྨ་ཤ་ནཱི་ཡི་རྒྱན་དུ་འབུལ།། ས་རྣམས་གྲུབ་པའི་དངོས་གྲུབ ་སྩོལ།། ཞེས་བརྗོད་དེ་དུར་ཁྲོད་ཀྱི་གནས་བཤམ་མོ།། མ་མོ་ཆེན་མོ་ཀོའུ་རཱི་མ།། གཡས་པའི་གྲུ་མོ་ཅན་དུ་བྱ།། མ་མོ་ཙོའུ་རཱི་སྤྱི་བོར་བྱ།། མ་མོ་ཆེན་མོ་པྲ་མོ་ཧ།། རྐང་པ་གཡོན་པ་དག་ལ་བྱ།། མ་མོ་ཆེན་མོ་བེ་ཏཱ་ལཱི།། གྲུ ་མོ་གཡོན་པ་དག་ལ་བཀོད།། མ་མོ་ཆེན་མོ་པུཀྐ་སཱི།། དེ་ཡི་ལག་པ་གཡས་ལ་དགོད།། མ་མོ་ཆེན་མོ་གྷསྨ་རཱི།། དེ་ཡི་ཕོ་མཚན་དག་ལ་དགོད།། མ་མོ་ཆེན་མོ་ཙཎྜ་ལཱི།། རྐང་པ་གཡས་པའི་པུས་མོ་ལ་དགོད།། མ་མོ་ཆེན ་སྨ་ཤ་ནི།། བཞག་ཤ་ནང་ཁྲོལ་དག་ལ་དགོད།། ཕྱོགས་རྣམས་མ་ནོར་དགོད་པ་ལ།། ཐམས་ཅད་སྒྲོལ་བའི་དངོས་གྲུབ་དང་ལྡན་ནོ།། དུར་ཁྲོད་བརྒྱད་འདི་སྒྲུབ་པ་ཆེན་པོ་ལས་གཞན་དུ་མི་བྱའོ།། དེ་ལྟར་མ་ཏང་མནན ་ནས་གཞན་ཡས་ཁང་དུ་བྱས་ཏེ། གཟུང་འཛིན་སྒོ་ཕྱེས་ནས། རྒྱལ་མཚན་ལ་སོགས་པའི་ནང་དུ་གཞུག་གོ། སྟེགས་བུ་ཡང་མ་ཏང་གི་གཟུགས་འདྲ་བ་གཏོད་ལ། མགོ་ལྷོ་ནུབ་ཏུ་ཐུག་པ་མེད་པར་བསྟན། རྐང་པ་བྱང ་ཤར་མཚམས་སུ་བསྟན། མདོག་ཡོངས་ཀྱང་སྔོ་སྐྱར་བྱས་ལ། གན་རྐྱལ་དུ་བསྒྱེལ་ལོ།། ཆེ་ཆུང་གི་ཚད་ནི་གནས་ཡངས་དོག་དང་སྦྱར་རོ།། མ་ཏང་གི་སྙིང་གར་དུག་གསུམ་གྱི་དཀྱིལ་འཁོར་བང་རིམ་གསུམ་པར ་བྱའོ།། མཐའ་མ་དམར་པོ་གྲུ་བཞི་ལ།། འཕངས་སུ་ཁྱུད་གང་གི་སྟེང་དུ།། མཐིང་ནག་གྲུ་གསུམ་ལ་འཕངས་སུ་སོར་བཞི་བྱ།། དེའི་སྟེང་དུ་དམར་ནག་ཟླ་གམ་ལ། འཕངས་སུ་སོར་གསུམ་བྱ། དཔྲལ་བ་དང་གདོང་པ ་དང་ཡན་ལག་གཉིས། མཁལ་མ་གཡས་གཡོན་གཉིས། ཁ་དང་རིག་པ་གཉིས་ལ། སྟེགས་བུ་གྲུ་བཞི་པ་འདོམ་གང་བྱ།། དེའི་ཕྱི་རིམ་ཡོངས་སུ་ཟླ་གམ་ལ། འཕངས་སུ་སོར་གཉིས་སོ།། དེའི་ཕྱིར་རིམ་ཡོངས་སུ་བསྐལ ་པའི་མེ་རི་དམར་ནག་གི་ཀློང་བྲི།། དེ་ནས་རྫས་བཀྲམ་སྟེ། བྷནྡ་རལ་པ་གཅིག་པ་ལ་དཔལ་ཆེན་པོ་ཡབ་ཡུམ་གྱི་སྙིང་པོ་བྲིས་ལ། གོང་གི་ཟླ་གམ་དམར་ནག་ལ་བཞག་དེའི་འོག་མའི་མཐིང་ནག་གྲུ་གསུམ་ལ། བསྐལ ་པའི་མེ་དཔུང་དམར་ནག་གི་ཀློང་བྲི། ཐ་མའི་དམར་པོ་གྲུ་བཞི་ལ། རིགས་བཞི་ཧེ་རུ་ཀའི་སྙིང་པོ་བྲིས་ལ། ཕྱོགས་བཞིར་བཞག་གོ། ཡན་ལག་གི་དཀྱིལ་འཁོར་ལ། ཀོའུ་རི་མ་བརྒྱད་ཀྱི་སྙིང་པོ་ཚལ་བུ་ལ་བྲིས་ལ ་བཞག་གོ། དཔལ་ཆེན་པོ་ཡབ་ཡུམ་གྱི་སྐོས་ཀྱི་ཤ་དང་། མ་མོ་རྫས་རྟགས་ཀྱི་ཤ་བརྒྱད་དང་ཕྱོགས་ཕྱོགས་སུ་བཀོད་དོ།། ཕྲ་མེན་མའི་རྫས་ཕྱོགས་བཞིར་སྦར་མོ་བཞི་བཀྲམ། མཚམས་བཞིར་མགོ་བཞི ་བཀྲམ། རྣ་བ་རཀྟ་ཚིལ་སྣ་རྐང་པ་མིག་སྲོ་ཏ་ཨན་ཛ་གོ་རོ་ཙ་ན་རྣམས་བཞག་གོ། སྒོ་བཞིར་དཔལ་དར་བཞག་དེའི་ཕྱི་རིམ་ཡོངས་སུ་ཟླ་གམ་ལ། དབང་ཕྱུག་མའི་རྫས་མེད་ན་མཚན་བྱང་དགོད། ལྷ་བཤོས་ཟླ་གམ ་རཀྟའི་ཐིག་ལེ་དགུ་བྱས་པ་དང་། དམ་རྫས་ཚང་མའི་གཏོར་མ་སྤྲིན་ཆེན་གྱི་ཞལ་ཁེབས་ཅན་གཅིག་དྲངས་སོ།། ཚིལ་ཆེན་གྱི་མར་མེ་དགུ་བལྟམ་མོ།། བ་སུ་ཏའི་རྒྱུ་ཞགས་ཀྱིས་མཐའ་བསྐོར། ཁྲག་སྣ་དང་སྙིང་སྣ་ཅི ་མང་བཞག་དེ་ནས་སྤྱན་དྲང་མཆོད་པ་འབུལ།། བཤགས་ཤིང་དངོས་གྲུབ་གསོལ།། འཛབ་དྲང་ཐུགས་དམ་བསྐུལ།། ཕྲིན་ལས་བཅོལ་དགྲ་བགེགས་དགུག། གཟུགས་ལ་ཕབ་ལ་བསད་དོ།། དེ་ནས་དཀྱིལ་འཁོར་བསྡུ ་བའོ།། དེ་ནས་བང་རིམ་གསུམ་པའི་དཀྱིལ་འཁོར་ནི། དང་པོ་ཕུན་སུམ་ཚོགས་པ་བཞི་དང་ལྡན་པར་བྱས་ལ། གནས་ཀྱི་ཕ་རོལ་དུ་སྟེགས་བུ་གྲུ་བཞི་པ་གཅིག་བྱས་ལ། ཙནྡན་གྱི་ལྡེ་གུ་དང་། མེ་ཏོག་གི་ཕོར་ཕུར་བུ་ཡང ་བུ་དང་། སྤོས་ཀྱི་ཚོམ་བུ་དང་། ཤོག་བུའི་མཐོ་རྣམས་བཀྲམ་ནས། དེའི་སྟེང་དུ་མཆོད་པ་རྣམ་པ་ལྔ་དང་། གཏོར་མ་ཆ་གསུམ་བཞག་ལ། སྒྲུབ་པོ་རྣམས་སྡིག་པ་སྦྱང་། བྱང་ཆུབ་ཏུ་སེམས་བསྐྱེད། སྤོང་སྐོང་ཀླག་མཆོད ་པ་རྣམ་པ་ལྔ་འབུལ། གཏོར་མ་ཆ་གསུམ་གཞུང་བཞིན་བཏང་། དེ་ནས་སྟེགས་བུ་འདོམ་གང་གྲུ་བཞི་པར་བྱས་ལ། དུར་ཁྲོད་ཀྱི་ཆག་ཆག་རྣམ་གསུམ་གྱིས་གདབ་ལ། ཤེས་རབ་མ་བྱིན་གྱིས་བརླབ་ལ། ཐིག་སྐུད་འཁལ ་དུ་གཞུག། མ་ཏང་ལས་ཟླ་གམ་དམར་པོ་གྲུ་བཞི་པ་མཛུབ་གང་གི་འཕང་བ་གཏོད་དོ།། དེའི་སྟེང་དུ་མཐིང་ནག་གྲུ་གསུམ་པ་སོར་བཞི་པའི་འཕངས་སུ་བྱའོ།། དེའི་སྟེང་དུ་ཟླ་གམ་དམར་ནག་སོར་གསུམ་པའི་འཕངས ་སུ་བྱའོ།། དེ་ནས་དཀྱིལ་འཁོར་ལ་རྫས་དགྲམ་པ་ནི། བྷནྡ་རང་པ་གཅིག་ལ་དཔལ་ཆེན་པོ་ཡབ་ཡུམ་གྱི་སྙིང་པོ་བྲིས་ཏེ། ཡ་ཐོག་ཟླ་གམ་གྱི་སྟེང་དུ་བཞག་གོ།། བྷནྡ་ཚལ་བུ་བརྒྱད་ལ་ཀོའུ་རཱི་མ་བརྒྱད་ཀྱི་སྙིང་པོ་བྲིས ་ལ་ཟླ་གམ་གྱི་མཐར་རིམ་པ་བཞིན་དུ་འཁོར་བར་བཞག། ཚིལ་ཆེན་གྱི་མར་མེ་ཁ་དགུར་བལྟམ་མོ།། དེ་འོག་མཐིང་ནག་གྲུ་གསུམ་ཤ་ཆེན་གྱི་ལང་ལིང་དང་། ཞིང་ཆེན་རས་རོས་ཀྱིས་བསྐོར་རོ།། དེ་ཡི་འོག་མ་དམར་པོ ་གྲུ་བཞི་པ་ལ། སྒོ་བཞིར་སྒོ་བ་བཞིའི་རྫས་དགྲམ། ལྷ་བཤོས་ཟླ་གམ་ལ་རཀྟའི་ཐིག་ལེ་དགུ་བྱས་ལ། ཕུད་ཀྱི་གཏོར་མ་དྲང་ངོ་།། སྒྲུབ་པ་པོ་རྣམས་ཀྱི་མདུན་དུ་བྷནྡའི་གཟེད་ཕོད་དང་དམར་གྱི་རཀྟ་དགྲམ་མོ།། དེ་ནས ་དཀྱིལ་འཁོར་བསྐྱེད་དེ་སྤྱན་དྲང་མཆོད་པ་འབུལ། འཛབ་སྟོང་རྩ་བརྒྱད་འབུལ། ཐུགས་དམ་བསྐུལ། དངོས་གྲུབ་སྩོལ་བ་དང་། སྟོང་ཚིག་གི་མཆོད་པ་འབུལ་ལོ།། དགོངས་དང་ཐོ་རངས་གཏོར་མ་བཏང་ངོ་།། གཏོར ་མ་ཕྱི་མ་ཡང་དྲངས་ལ། དཀྱིལ་འཁོར་བསྐྱེད་དེ་སྤྱན་དྲང་མཆོད་པ་འབུལ། བཤགས་ཤིང་དངོས་གྲུབ་སྩོལ། འཛབ་དྲང་ཐུགས་དམ་བསྐུལ། ཕྲིན་ལས་བཅོལ།། དགྲ་བགེགས་བསད་ལ་སླར་གསོའོ།། དེ ་ནས་སྒྲུབ་པ་ཕྱིན་པ་དང་གཏོར་མ་ཚོ་གསུམ་དུ་བཅད་དེ། ཚོ་གཅིག་ལ་སྦྱིན་བསྲེག་བྱ། ཚོ་གཅིག་གིས་མཁའ་འགྲོ་མ་བསྐྱང་། ཚོ་གཅིག་མི་ཟད་པའི་གཏེར་དུ་སྦའོ།། དེ་ནས་རིམ་པ་བཞིན་དུ་དཀྱིལ་འཁོར་དུ་འཇུག་ཅིང ་དབང་བསྐུར་རོ།། དེ་ནས་དཀྱིལ་འཁོར་བསྡུས་ཞིང་དངོས་གྲུབ་སྩོལ་ལོ།། དེ་ནས་གཏོར་མ་ཆ་གཅིག་ལ་རྒྱལ་པོ་ཆེན་པོ་བཞི་མཆོད་ནས་སླར་གཤེགས་སུ་གསོལ་ལོ།། དེ་ནས་གུ་ཧྱ་གསང་བའི་དཀྱིལ་འཁོར ་ནི།། འདིའི་གཞུང་གིས་ཀྱང་། དང་པོ་ཕུན་སུམ་ཚོགས་པ་བཞི་དང་ལྡན་ནས། ས་ཡི་ཆོ་ག་དང་སྡིག་པ་སྦྱངས་ཤིང་བྱང་ཆུབ་ཏུ་སེམས་བསྐྱེད་པ་དང་། སྤང་སྐོང་བཀླག་པར་བྱའོ།། དེ་ནས་དཀྱིལ་འཁོར་འདོམ་གང་གྲུ ་བཞི་བྱས་ཏེ། དེ་ལ་དུར་ཁྲོད་ཀྱི་ཆག་ཆག་གསུམ་གདབ་སྟེ། ཤེས་རབ་མ་བྱིན་གྱིས་རློབ་ལ་ཐིག་སྐུད་བཀལ། དེ་ནས་ཐིག་བཞིར་གདབ་ལ་ལེའུ་ཚེ་དགུར་བྱ། དེའི་ཕྱི་རིམ་གྲུ་བཞི་ལ་མེ་རི་བཞི་དང་ལྡན་པར་བྱ།། དེ ་ནས་བྷནྡྷ་རང་པ་དགུ་ལ་དཔལ་ཆེན་པོ་ཡབ་ཡུམ་གཙོ་བརྒྱད་ཀྱི་སྙིང་པོ་བྲིས་ལ། ལིང་ཚེ་དགུ་ཡི་དབུས་སུ་བཞག། བྷནྣ་ཚལ་བུ་བརྒྱད་ལ། ཀོའུ་རཱི་མ་བརྒྱད་ཀྱི་སྙིང་པོ་བྲིས་ལ་བཞག། སྙིང་སྣ་བརྒྱད་དང་ལིང་ཚེ་དགུ ་ཡི་གཡས་སུ་བཞག། ཚལ་བུ་བརྒྱད་ལ་ཕྲ་མེན་བརྒྱད་ཀྱི་སྙིང་པོ་བྲིས་ལ། དམ་རྫས་བརྒྱད་དང་གཡོན་དུ་བཞག། སྒོ་བཞིར་དཔལ་དར་བཞི་བཞག། ལྷ་བཤོས་ཟླ་གམ་ལ་རཀྟའི་ཐིག་ལེ་བྱས་པ་དགུ་དང་། དམ་རྫས ་ཚང་བའི་གཏོར་མ་སྤྲིན་ཆེན་གྱི་ཞལ་ཁེབས་ཅན་གཅིག་དྲངས་སོ།། ཚིལ་ཆེན་གྱི་མར་མེ་ཁ་དགུ་གཅིག་བལྟམ་མོ།། བ་སུ་ཏིའི་རྒྱུ་ཞགས་ཀྱིས་མཐའ་བསྐོར། སྟེང་གི་ཕྱོགས་སུ་བ་སུ་ཏའི་རྒྱུ་ཞགས་མིག་མངས་རིས་སུ ་བྲིས་པའོ།། ཚིལ་ཆེན་གྱི་འཕན་བདུགས་ཀྱང་བྲི།། ཙིཏྟའི་ཕོ་ལོང་འཕྱང་འཕྲུལ་ཀྱང་དགོང་།། ཕྱོགས་བཞིར་ཞིང་ཆེན་གྱི་རུ་མཚོན་བསྒྲེང་ངོ་།། ཕྱོགས་བཞིར་རཀྟའི་མཚོ་བསྐྱིལ་ལ་གཟར་བུ་བརླབ་བོ།། སྒྲུབ་པ་པོ ་རྣམས་ཀྱི་མདུན་དུ་བྷནྡྷའི་གཟེད་ཞལ་དང་། བྷནྡྷའི་སྒྲེང་སྣོད་ཀྱང་དགྲམ་མོ།། དེ་ནས་སྤྱན་དྲང་མཆོད་པ་འབུལ་ལོ།། སྡིག་བཤགས་དངོས་གྲུབ་སྩོལ། འཛབ་དྲང་ཐུག་དམ་བསྐུལ། ཕྲིན་ལས་བཅོལ། དགྲ་བགེགས ་བཀུག་ཅིང་གཟུགས་ལ་ཕབ་ལ་བསྟབ་པ་བྱ། འཛབ་སྟོང་རྩ་བརྒྱད་དུ་འབུལ།། སྟོང་ཚིག་གི་མཆོད་པ་བྱའོ།། གཏོར་མ་དགོངས་དང་ཐོ་རངས་མི་གཏོང་བའི་ཟོ་རིས་བཅད་ལ་དེར་བླུགས་ཤིང་གཏང་བཟུང་ངོ་།། སྒྲུབ ་པ་ཐོན་པ་དང་དུར་ཁྲོད་ཆེན་པོར་བསྐྱལ་ལ་བཏང་ངོ་།། དེ་ནས་དཀྱིལ་འཁོར་བསྡུ་དངོས་གྲུབ་སྩོལ་ལོ།། དེ་ནས་ཙིཏྟ་གསང་བའི་དཀྱིལ་འཁོར་ནི།། ཞིང་ལྤགས་རློན་པའི་དབུས་སུ་དགྲ་ཡི་གཟུགས་བྲིས་ལ། སྙིང་གར ་མིང་རུས་རཀྟ་ཁྲག་ཆེན་གྱིས་བྲིའོ།། སྙིང་སྣ་ཚོགས་ནང་དུ་མིང་རུས་བཅུག་ལ། དེ་ཞིང་ལྤགས་ཀྱི་ནང་དུ་བཅུག་ལ། སྲོག་གི་སྔགས་བཟླས་ལ། མཆི་མ་ཟེངས་གསུམ་ཕྱུང་ལ་འོ་དོད་འབོད་ལྷ་ལ་དབང ་གཟུག་གོ། ཕྲ་མེན་སྦྱང་གི་ལས་ཀྱི་རྒྱལ་མོའི་རྒྱུད་ལས། སྒྲུབ་ཐབས་ཀྱི་ལེའུ་སྟེ་བཞི་པའོ།། །། དེ་ནས་དཔལ་ཁྲག་འཐུང་ཆེན་པོ་ཉིད་དབྱིངས་ནས་བསྐྱོད་པ་དང་། འཁོར་རྣམས་དགྲ་བོའི་ལས་ལ་གཟུད་པ་འདི ་སྐད་དོ།། ཧཱུཾ་ཁྲོ་རྒྱལ་ཁྲག་འཐུང་འཇིགས་བྱེད་ཆེན་པོ་ཡི།། སྐུ་གསུང་ཐུགས་ལས་བསྐྱེད་པའི་མཁའ་འགྲོ་མ།། དྲག་ཤུལ་ཚུལ་གྱི་སེམས་ཅན་དོན་མཛད་ཅིང་།། གདུག་པའི་ཚོགས་དང་གནོད་སྦྱིན་ཆ་ལུགས ་འཆང་།། བྱམས་པའི་ཐུགས་ཀྱིས་གཉིས་མེད་དོན་རྟོགས་ནས།། ཡེ་ཤེས་འོད་སྟོང་འབར་བའི་ཀོའུ་རཱི་མ།། ཤར་གྱི་ཕྱོགས་ནས་ལས་བྱོས་ལ།། དམ་ཉམས་དགྲ་ལ་རྟགས་བྱུང་ཞིག། ཞི་གནས་རྩ་གཅིག་གཏོད་པའི་གཞུ ་བཀང་སྟེ།། ལྷག་མཐོང་ཤེས་རབ་གསལ་བའི་མདའ་བཀང་ནས།། ཉོན་མོངས་བདུད་འཇོམས་ཡེ་ཤེས་དབྱིངས་རུམ་དུ།། དུག་གསུམ་སྒྲོལ་མཛད་ཐུགས་རྗེ་ཙོ་རཱི་མ། ལྷོ་ཡི་ཕྱོགས་ནས་ལས་བྱོས་ལ།། དམ་ཉམས་དགྲ ་ལ་རྟགས་ཕྱུང་ཞིག། འདོད་པའི་རྡུལ་བྲལ་ཆགས་མེད་པད་མའི་སྐུ།། དགའ་བྱེད་དྲེགས་པའི་བདུད་འཇོམས་རྒྱལ་བའི་རྟགས།། ཆོས་ལ་དབང་བསྐུར་ཆུ་སྲིན་རྒྱལ་མཚན་འཛིན།། རྣམ་རྟོག་ཟ་བྱེད་ཁྲག་འཐུང་ཕྲ་མོ ་ཧ།། ནུབ་གྱི་ཕྱོགས་ནས་ལས་བྱོས་ལ།། དམ་ཉམས་དགྲ་ལ་རྟགས་ཕྱུང་ཞིག། ཕྲིན་ལས་རྣམ་བཞིས་ཅི་འདུལ་བཏང་སྙོམས་ཀྱི།། ཐབས་ཀྱིས་ཁྲོ་བར་མཛད་པའི་གར་ཐབས་ཅན།། འཆི་བདག་བདུད་ཀྱི་སྡེ་འཇོམས་རྡོ ་རྗེ་ཕྱར།། ཤེས་རབ་དབྱིངས་ལ་སྦྱོར་བའི་བཻ་ཏཱ་ལི།། བྱང་གི་ཕྱོགས་ནས་ལས་བྱོས་ལ།། དམ་ཉམས་དགྲ་ལ་རྟགས་ཕྱུང་ཞིག། ཡེ་ཤེས་ཉི་མས་མ་རིག་མུན་གསལ་ཕྱིར།། ང་རྟོག་ཁྲག་མཚོ་འཁྱིལ་བའི་དབྱིངས་རུམ ་དུ།། ཐབས་མེད་རྒྱུད་དྲུག་འཁྱམས་པའི་ཕུང་པོ་ལྔ།། བདེ་ཆེན་དབྱིངས་སུ་འདྲེན་མཛད་པུཀྐ་སཱི།། ཡེ་ཤེས་དབྱིངས་ཉིད་ཡེ་ནས་གཉིས་མེད་ཕྱིར།། ཐབས་ཀྱི་རྡོ་རྗེ་བྷནྣ་དཀྲུག་ཅིང་གསོལ།། སྤྲིན་མེད་མཁའ་ལ་ཉིན ་ཟླའི་དཀྱིལ་འཁོར་བཞིན།། ཡེ་ཤེས་འོད་འཕྲོ་འཁྲུག་བྱེད་གྷསྨ་རཱི།། ལྷོ་ནུབ་མཚམས་ནས་ལས་བྱོས་ལ།། དམ་ཉམས་དགྲ་ལ་རྟགས་ཕྱུང་ཞིག། འཇིགས་ཚོགས་གསང་ནུར་དུར་ཁྲོད་སྦྱར་བ་ཡིས།། ཐུགས་རྗེས་མཆོག ་གི་རྣམ་ཤེས་སྒོ་ཕྱེ་ནས།། དྲག་ཤུལ་རྔམས་པའི་སྟངས་སྟབས་ཚུལ་གྱིས་སུ།། ཉོན་མོངས་ཡིད་འཕྲོག་ཟ་བྱེད་སྨ་ཤ་ནི།། ནུབ་བྱང་མཚམས་ནས་ལས་བྱོས་ལ།། དམ་ཉམས་དགྲ་ལ་རྟགས་ཕྱུང་ཞིག། ལོག་འདྲེན ་བགེགས་ཀྱི་ཚོགས་རྣམས་བཤིག་པའི་ཕྱིར།། ཐབས་ཀྱི་རཀྵཱ་རཱཀྵ་ཡང་ཚུལ་གྱིས་སྒྲོལ་མཛད་དེ།། ཡེ་ཤེས་སྤུ་གྲི་འབར་བའི་ཚེམས་བརྡར་ནས།། འདུ་བྱེད་ལྔ་ཕུང་གཅོད་མཛད་ཙཎྜ་ལཱི།། བྱང་ཤར་མཚམས་ནས་ལས ་མཛོད་ཅིག། དམ་ཉམས་དགྲ་ལ་རྟགས་ཕྱུང་ཞིག། དེ་ལ་འདི་སྐད་ཅེས་བསྟོད་དོ།། ཀུན་ཀྱང་ཡེ་ཤེས་འབར་བའི་ཀློང་དཀྱིལ་ནས།། དགོངས་སྤྱོད་རྒྱ་མཚོ་དཔག་གིས་མི་ལང་ཡང་།། སྐུ་མདོག་ཕྱག ་མཚན་གཅིག་ཏུ་མ་ངེས་ཏེ།། དུར་ཁྲོད་འབར་བའི་གནས་མཆོག་དམ་པ་འདིར།། གཞུང་ལས་བྱུང་བའི་དཀྱིལ་འཁོར་གཉེན་པོ་བྲིས།། བདུད་རྩི་དམར་གྱི་གཏོར་མ་གཉེན་བཤམས་ཏེ།། ཞིང་ཆེན་གསར་རྙིང་གདན ་མཆོག་གཏིང་ལགས་ཀྱི།། ཐུགས་དམ་བཞིན་དུ་ཅི་བདེར་གཤེགས་སུ་གསོལ།། གསེར་མདོག་གཟི་འབར་རྡོ་རྗེའི་ཐུགས་ལས་སྤྲུལ། སེང་གེའི་སྐད་ཀྱིས་བདུད་དཔུང་འཇོམས་མཛད་པ།། དྲག་ཤུལ་སྟོབས་ཀྱིས་ཞིང ་ཆེན་དཀྲུག་ཅིང་གསོལ།། རྒྱུད་དྲུག་བསྒྲལ་ཕྱིར་རྩལ་ཆེན་སེདྷ་མ།། ཞེ་སྡང་རྔམས་པས་དམ་ཉམས་ཁ་ལོང་ཁ།། སྲོག་ལུས་དབང་པོར་བཅས་ཏེ་མེད་པར་མཛོད།། དབང་མཆོག་ཡོན་ཏན་རིན་ཆེན་སྐུ་ལས་སྤྲུལ།། སྐུ ་མདོག་དམར་ནག་བྱིན་ཆེན་སྟག་གི་ཞལ།། གསང་བའི་ལོངས་སྤྱོད་ཞིང་ཆེན་སྙིང་ལ་ཉིད་ཀྱང་གཟིགས།། འཆི་བདག་བདུད་ཀྱི་སྡེ་འཇོམ་བྱ་གྷྲ་མ།། ཞེ་སྡང་རྔམས་པས་གང་ལ་ཐོགས་པ་མེད།། དམ་ཉམས་དགྲ་བོ་མ ་བཏང་མྱུར་དུ་སྒྲོལ།། དྲི་མེད་རྣམ་དག་པད་མའི་གསུང་ལས་སྤྲུལ།། ཕུང་པོ་བདག་མེད་དབྱིངས་སུ་གཅིག་མཁྱེན་ནས།། སྐུ་མདོག་དམར་ནག་ཞིང་ཆེན་ཁོང་ནས་དྲུད།། དུར་ཁྲོད་བགེགས་ཀྱི་ཚོགས་འཇོམ་སྲྀ་ཀླ་མ།། ་དྲག་ཤུལ་རྔམས་པས་དམ་ཉམས་རྒྱུ་སྙིང་འབྱིན།། ཐབས་མཁས་འཇབ་ཚུལ་ངེས་པར་གྲུབ་པར་གྱིས།། ཡེ་ཤེས་ཐུགས་རྗེ་ཕྱོགས་བཅུར་ཁྱབ་པ་ཡི།། བྱ་རྒོད་གཟུགས་ཀྱི་རྫུ་འཕྲུལ་མཐུ་དང་ལྡན།། འཁོར་བ་མི་སྤོང་མྱ ་ངན་མི་འདའ་བས།། སྤུ་གྲི་མཚོན་བསྣམས་ཁྲག་འཐུང་གྲྀ་ཌྷ་མ།། འདོད་ཆགས་རྔམས་པས་སྙིང་ཁྲག་དྲོན་མོ་གསོལ།། ཐོགས་པ་མེད་པར་དམ་ཉམས་སྙིང་ནས་དྲོངས།། རྡོ་རྗེ་དོན་གྲུབ་ལས་ཀྱི་རིགས་ལ་གྲུབ།། སྐུ ་མདོག་མཐིང་ནག་སྤྱང་མོ་འཇིགས་པའི་མདོག། ཐུགས་རྗེ་ཐབས་ཀྱིས་ཞིང་ཆེན་འདྲད་ཅིང་གསོལ།། རྡོ་རྗེ་དོན་གྲུབ་ཟ་བྱེད་ཤྭ་ན་མ།། དྲག་ཤུལ་རྔམས་པས་དམ་ཉམས་འདྲད་ཅིང་གསོལ།། གང་ལ་བྱ་བ་ཐོགས་མེད ་མྱུར་དུ་སྒྲོལ།། དུར་ཁྲོད་སྤྱོད་པས་འགྲོ་དྲུག་བསྒྲལ་བའི་ཕྱིར།། ལོག་འདྲེན་དབང་པོ་གང་ཀའི་མཆུས་འབྱིན་པ།། ཐབས་ཀྱི་བཤན་བསྣམས་ཞིང་ཆེན་འཕྲག་ལ་ཁུར།། འཇིག་རྟེན་བསྒྲལ་ཕྱིར་ཚེ་འཕྲོག་ཀང་ཀ ་མ།། གཏུམ་ཤིང་རྔམས་པས་གློ་སྙིང་ཁོང་ཁྲག་འཐུང་།། དམ་ཉམས་དགྲ་བོའི་ཙིཏྟ་ཕྱུང་ལ་ཤོག། ཤེས་བྱའི་བག་ཆགས་རྩད་ནས་བཅད་པའི་ཕྱིར།། ཡེ་ཤེས་མཚོན་བསྣམས་རྒྱུ་ཕྲེང་ཁྲག་ལ་མོས།། རྣམ་རྟོག་རྡུལ་གྱིས་མི ་གོས་བྱ་རོག་གདོང་།། ཡོན་ཏན་ཡིད་བཞིན་བདག་ཉིད་ཁྲ་ཁ་མ།། ནག་མོ་རྔམས་འཁྲུགས་མིག་དང་དབང་པོ་འབྱིན།། དམ་ཉམས་དགྲ་བོའི་དབང་པོ་ཕྱུང་ལ་ཤོག། དོན་དམ་གཉིས་མེད་ངེས་པའི་དོན་རྟོགས ་ཤིང་།། ཅིར་ཡང་འགྱུར་བའི་སྐུ་མདོག་སྣ་ཚོགས་འཆང་།། འགྲོ་དྲུག་བསྒྲལ་ཕྱིར་ལྕགས་ཀྱུ་རྣོ་བསྣམས་ཤིང་།། མི་བཟད་ཟོད་ཁྲག་འཐུང་བའི་ཧུ་ལུ་མ།། གཏུམ་ཁྲོའི་དབང་གིས་ཉམས་པའི་ཙིཎྜ ་འབྱིན།། དམ་ཉམས་དགྲ་བོའི་སྲོག་དབུགས་ད་ཆོད་ཅིག། དེ་རྣམས་ལ་སྤྱིར་འདི་སྐད་བསྟོད་དོ།། བསྐལ་པའི་མེ་ལྟར་འབར་བའི་ཀློང་དཀྱིལ་ནས།། ཀུན་ཏུ་ཁྲོ་གཏུམ་མི་བཟད་དྲག་པོའི་སྐུ།། ཕྲིན་ལས་རྒྱ་མཚོ་གྲུབ་པ ་ཚུལ་བཞིན་སྤྱོད།། གཞན་ཡང་ཕྲ་མེན་རྒྱ་མཚོ་མཁའ་འགྲོའི་ཚོགས།། འགྲོ་བའི་དོན་ཕྱིར་སྣ་ཚོགས་སྐུར་སྟོན་ཅིང་།། དུར་ཁྲོད་གསར་རྙིང་ཚོགས་ལ་ལོངས་སྤྱོད་རྣམས།། དུར་ཁྲོད་ཆེན་པོའི་དངོས་གྲུབ་སྩལ་དུ ་གསོལ།། དམ་རྫས་དམར་གྱི་མཆོད་པས་མཆོད་དོ།། ཕྲ་མེན་སྦྱང་ཀི་ལས་ཀྱི་རྒྱལ་མོའི་རྒྱུད་ལས། ཕྲིན་ལས་ཀྱི་ལེའུ་སྟེ་ལྔ་པའོ།། །། དེ་ནས་གསང་བར་བྱ་བའི་སྒྲུབ་ཐབས་ལ་ཡང་། དཀྱིལ་འཁོར་བརྒྱད་དེ། ་བཟློག་པར་བྱ་བ་དང་། ལེན་པར་བྱ་བ་དང་། བརྐུ་བར་བྱ་བ་དང་། དབྲལ་བར་བྱ་བ་དང་། སྤྲོ་བར་བྱ་བ་དང་། མྱོས་པར་བྱ་བ་དང་། གསད་པར་བྱ་བ་དང་། དབྲོག་པར་བྱ་བ་དང་། དཀྱིལ་འཁོར་བརྒྱད་དོ།། དེ་ལས ་བཟློག་པ་བྱ་བ་དང་།། དཀྱིལ་འཁོར་འདོམ་གང་གྲུ་བཞི་ལ།། དབུས་སུ་དམར་ནག་གྲུ་གསུམ་བྲི།། དེ་ཡི་སྟེང་དུ་སྣམ་བུ་གཙང་མ་གཅིག་བཏིང་ལ། ཡུངས་ཀར་བྲེ་གང་ཡང་བཏིང་ལ་དེའི་དབུས་སུ་བྷནྡྷ་ལ་ཟློག་བྱེད ་མའི་སྙིང་པོ་བྲིས་ལ། མི་ཁྲག་དང་རྟ་ཁྲག་ལ་སྔགས་བཏབ་ལ། གང་ཡིན་པའི་ཕྱོགས་སུ་འཕང་ངོ་།། བཟློག་པའི་དཀྱིལ་འཁོར་རོ།། ལེན་པར་བྱ་བའི་དཀྱིལ་འཁོར་ནི། དཀྱིལ་འཁོར་འདོམ་གང་གྲུ་བཞི་ལ།། དབུས་སུ ་མཐིང་ནག་གྲུ་གསུམ་བྲི། དེའི་དབུགས་སུ་བྷནྡྷ་ལ་ལན་བྱེད་མ་ཡི་སྙིང་པོ་བྲིས་ལ་བཞག་གོ། དེའི་རྫས་སུ་བྱིས་པའི་སྙིང་དང་། སེང་གེའི་སྙིང་དང་། ཤ་ཆེན་གྱི་སྐོས་བཞག་གོ། རྐུ་བར་བྱེད་པའི་དཀྱིལ་འཁོར ་ནི།། དཀྱིལ་འཁོར་འདོམ་གང་གྲུ་བཞི་ལ།། དབུས་སུ་སེར་ནག་གྲུ་གསུམ་བྲི།། དེའི་དབུས་སུ་བྷནྡྷ་ལ། རྐུ་བྱེད་མའི་སྙིང་པོ་བྲིས་ལ་བཞག་གོ། དེ་ཡི་རྫས་སུ་སྟག་གི་མཆེ་བ་དང་སྙིང་བཞག་སྐོས་ཀྱི་ཤ་ཆེན་ཡང་བཞག ་གོ། དཔྲལ་བར་བྱ་བའི་དཀྱིལ་འཁོར་ནི།། དཀྱིལ་འཁོར་འདོམ་གང་གྲུ་བཞི་ལ།། དབུས་སུ་དམར་ནག་གྲུ་གསུམ་བྲི། དེ་ཡི་དབུས་སུ་བྷནྡྷ་ལ།། དབྲལ་བར་བྱེད་པའི་སྙིང་པོ་བྲིས་ལ་བཞག་གོ། དེ་ཡི་རྫས་སུ་བྱ་དཀར ་པོའི་སྙིང་དང་མཆུ་བཞག་གོ། སྐོས་ཀྱི་ཤ་ཆེན་ཡང་བཞག་གོ། སྐྱོ་བར་བྱེད་པའི་དཀྱིལ་འཁོར་ནི།། དཀྱིལ་འཁོར་འདོམ་གང་གྲུ་བཞི་ལ།། དབུས་སུ་ལྡང་ནག་གྲུ་གསུམ་བྲི།། དེ་ཡི་དབུས་སུ་བྷནྡ་ལ།། སྨྱོ་བྱེད་མའི་སྙིང ་པོ་བྲིས་ལ་བཞག། དེ་ཡི་རྫས་སུ་བྱ་ནག་མོའི་སྙིང་དང་མཆུ་བཞག་གོ། མྱོས་པར་བྱེད་པའི་རྫས་ནི། དཀྱིལ་འཁོར་འདོམ་གང་གྲུ་བཞི་ལ། དབུས་སུ་མཐིང་ནག་གྲུ་གསུམ་བྲི། དེ་ཡི་སྟེང་དུ་བྷནྡ་ལ་མྱོས་བྱེད་མའི་སྙིང་པོ ་བྲིས་ལ་བཞག་གོ། དེ་ཡི་རྫས་སུ་སྦྱང་ཀིའི་སྙིང་དང་མཆེ་བ་བཞག། སྐོས་ཀྱི་ཤ་ཆེན་ཡང་བཞག་གོ། གསོད་པར་བྱེད་པའི་དཀྱིལ་འཁོར་ནི།། དཀྱིལ་འཁོར་འདོམ་གང་གྲུ་བཞི་ལ།། དབུས་སུ་དམར་ནག ་གྲུ་གསུམ་བྲི།། དེ་སྟེང་བྷནྡ་ལ་གསོད་བྱེད་མའི་སྙིང་པོ་བྲིས་ལ་བཞག། དེ་ཡི་སྟེང་དུ་བྱ་ནག་མོའི་སྙིང་དང་མཆུ་བཞག་སྐོས་ཀྱི་ཤ་ཆེན་ཡང་བཞག་གོ། དབྲོག་པར་བྱེད་པའི་དཀྱིལ་འཁོར་ནི།། དཀྱིལ་འཁོར་འདོམ་གང ་གྲུ་བཞི་ལ། དབུས་སུ་སེར་ནག་གྲུ་གསུམ་ནི། དེ་ཡི་སྟེང་དུ་བྷནྡ་ལ་འཕྲོག་བྱེད་མའི་སྙིང་པོ་བྲིས་ལ་བཞག་དེ་ཡི་རྫས་སུ་འུག་པའི་སྙིང་དང་མཆུ་བཞག་སྐོས་ཀྱི་ཤ་ཆེན་ཡང་བཞག་གོ། ཕྲ་མེན་མ་ལས་ཀྱི་རྒྱལ་མོའི་རྒྱུད ་ལས། དཀྱིལ་འཁོར་སྤྲོས་པའི་ལེའུ་སྟེ་དྲུག་པའོ།། །། དེ་ནས་ཆོ་གའི་ཐབས་ནི། དང་པོ་ཕྱིའི་ལས་གཞུང་བཞིན་བྱས་ལ། ཟླ་ལ་མི་འགོག་པའི་གླུད་ཀྱི་གཏོར་མའི་ཆོ་ག་བྱས་ལ། བདག་ཉིད་དཔལ་རྡོ་རྗེ་ཧེ་རུ་ཀར ་བསྒོམ་སྟེ། དམ་རྫས་སྙིང་རྣམས་དང་། ཤ་ཆེན་རྣམས་བཀྲམ་ལ། རྭ་དུང་གི་ནང་དུ་མ་མོའི་སྲོག་གི་སྙིང་པོ་བདུན་བྲིས་ལ་གཡབ་མོས་གདབ་བོ།། དུང་ཕོར་དུ་རཀྟ་གསུམ་གྱིས་དགང་། ཞིང་གི་རཀྟས་སྤྲས་པའི་གཏོར ་མ་བཤམ། ཚིལ་ཆེན་གྱི་མར་མེ་བལྟམ། སྣུམ་ཆེན་གྱི་དུད་པ་ཡང་བཏང་སྟེ། བསྙེན་པ་ཞག་བདུན་བཙུགས་ལ་བསྒྲུབས། དེ་ནས་བསྙེན་པའི་ཞག་གྲངས་ཐེམས་པ་དང་། ཙ་ཀ་ལི་ནག་པོའི་ནང་དུ་གཟུགས་དང་མིང་བྱང ་བཞུགས་ལ་ལམ་བསྣོལ་མའི་ཁར་སྦའོ།། དེ་ནས་བྷནྡྷའི་ནང་དུ་ཞིང་ཆེན་གྱི་རཀྟས་བཀང་ལ་སྙིང་པོ་བཟླས་ནས་གྲོང་ལ་གཏོར་རོ།། དཀྱིལ་འཁོར་གྱི་ལྷ་གྲངས་ཚང་བར་བསྐུལ་ལོ།། གཟུགས་སྨྲས་པར་བྱ་བའི་སྔགས ་ལ། དཀྱིལ་འཁོར་གྱི་ཕྱོགས་བཞིར་ཡང་སྲིན་མོ་བདུན་གྱི་སྐུ་གཟུགས་གཟུག་གོ། དམ་རྫས་ཀྱང་ཕྱོགས་མ་ནོར་བར་དགྲམ་མོ།། དེ་ནས་ཉམས་པ་རྟག་པ་ནི། རྨི་ལམ་ནི་བུད་མེད་བཟང་པོ་དང་འཕྲད་ན་བཟང ་ངོ་།། བུད་མེད་ངན་ན་སྒྲིབ་པ་སྦྱང་ཞིང་བཤགས་པ་བྱའོ།། སྙིང་མི་དགའ་ཉམས་མི་བདེ་ན། སྒྲིབ་པའི་ཤས་ཡོད་པས་བཤགས་པ་བྱའོ།། ངུ་འབོད་ལ་སྙིང་མི་དགའ་ན་མཆོད་པ་བྱའོ།། ཉམས་དགའ་ལ་བརྗིད་ཆེན ་བཀའ་ཉན་པར་འོང་། རང་གི་ཆུང་མ་དང་འཕྲད་པའམ་ཁྲོ་ཞིང་མ་བཏུད་ན་དབང་དུ་མ་འདུས་པ་ཡིན་པས་བསྒོམ་པར་བྱའོ།། གང་འདོད་པའི་སྔགས་བཟླས་པར་བྱའོ།། ཆོ་འཕྲུལ་ཆུང་ལ་རང་དམན་ན་རང་ལ་རྐྱེན ་འོང་། ཆོ་འཕྲུལ་ཆུང་ལ་བུད་མེད་དང་མ་འཕྲད་ན་མ་མོ་གཡེལ་བ་ཡིན་པས། དུང་གི་ནང་དུ་སྙིང་པོ་བྲིས་ལ་ཤིང་བྲིག་ཤའི་ལྕགས་ཀྱིས་བརྡུང་ཞིང་སྙིང་པོ་བརྗོད་དོ།། གདུང་བའི་མཆི་མ་དབྱུང་ཞིང་གཡབ་མོས་གཡབ ་བོ།། དེ་ནི་མ་མོ་བདུན་གྱི་ལས་བྱང་གི་ལེའུ་སྟེ་བདུན་པའོ།། །། དེ་ནས་བསྒོམ་པར་བྱ་བ་ནི། བདག་ཉིད་དཔལ་ཆེན་པོ་ཡགྣ་ཧེ་རུ་ཀར་བསྒོམས་ལ། རཀྵ་ཧེ་རུ་ཀར་ཡང་མི་འགལ་ལོ།། དེ་ནས་མ་མོ་བདུན་བསྒོམ ་པ་ནི། ཡི་གེ་ཧ་བདུན་ལས་བསྐྱེད་དོ།། དེ་ནས་ཧ་ལས་ཀོའུ་རི་མ་བསྒོམ་པ་ནི། ཧ་ཀོའུ་རི་མ་ཀ་ད་ར་ཞེས་བརྗོད་པས། ཀོའུ་རི་མ་སྐུ་མདོག་ནག་མོ་རལ་པ་ཅན། ཞལ་ཧོམ་ཁུང་ཟུར་གསུམ་པ། སྤྱན ་གསུམ་སྡང་མིག་ཏུ་གཟིགས་པ། ཕྱག་ན་གསོད་བྱེད་ཁྲོམ་ཐོགས་པ། མ་མོ་ནག་ནག་མོ་ལ་ཞོན་པ་ཞིག་བསྒོམ་པ་དང་། སྲིད་པ་གསུམ་གྱི་མ་མོ་འབུམ་ཡང་དབང་དུ་སྡུད་ཅིང་རྦད་པར་གྱུར་ན། དཔལ་ཧེ་རུ་ཀའི་སྙིང ་ཡང་འབྱིན་པར་འགྱུར་ན། གཞན་ལྟ་སྨོས་ཀྱང་ཅི་དགོས་ཏེ་དེ་ལྟར་བསྒོམ་མོ།། དེ་ནས་ཙོའུ་རཱི་མ་བསྒོམ་པ་ནི། ཙོའུ་རི་ཀ་ད་ར་ཞེས་བརྗོད་པས། ཙོའུ་རི་སྐུ་མདོག་སེར་མོ་གདོང་བཞི་མ་རལ་པ་སེར་ནག་གཡས་ནས ་གཡོན་དུ་འཁྱིལ་པ། ལག་ན་ནད་ཀྱི་རྐྱལ་པ་དང་འགུགས་བྱེད་ཀྱི་ལྕགས་ཀྱུ་ཐོགས་པ། གཤིན་རྗེ་མ་མོ་རལ་གཅིག་མ་ཞེས་བྱ་བ་ལ་ཞོན་ནས་འོང་བར་བསྒོམ་མོ།། དེ་ལྟར་བསྒོམ་ན་དཔལ་ཧེ་རུ་ཀ་དང་མ་མོ་འབུམ་གྱི ་མཐུ་ཡང་རྐུ་བར་བྱེད་དོ།། དེ་ནས་པྲ་མོ་ཧ་བསྒོམ་པ་ནི། ཧ་པྲ་མོ་ཧ་ད་ར་ཞེས་བརྗོད་པས། པྲ་མོ་ཧ་སྐུ་མདོག་དམར་མོ་ལ་བྱུ་རུའི་རལ་པ་གཡས་ནས་གཡོན་དུ་འཁྱིལ་བ། ལག་ན་ཁ་ཊྭཱཾ་རྩེ་གསུམ་གྱིས་གང་ལ་དམིགས ་པ་ཐམས་ཅད་བཟློག་ནུས་པ། མ་མོ་ཀླུ་མོ་དམར་མོ་ཞེས་བྱ་བ་ལ་ཞོན་ནས་འོང་བར་བསྒོམ་མོ།། དེ་ལྟར་བསྒོམ་ན་མ་མོ་ངར་འཛིན་གྱི། འཇིག་རྟེན་གྱི་དྲེགས་པ་ཅན་ཡང་དབང་དུ་སྡུད་ནུས་སོ།། དེ་ནས་བེ་ཏཱ་ལི་བསྒོམ ་པ་ནི། བེ་ཏཱ་ལི་གིང་ད་ར་ཞེས་བརྗོད་པས། བེ་ཏཱ་ལི་སྐུ་མདོག་མཐིང་ནག་ལ་རལ་ནག་འཕྱར་བ། སྤྱན་གསུམ་ཁྲོ་གཉེར་ཅན། རལ་པ་ལུས་ལ་གོས་སུ་གོན་པ། ལག་ན་གནོད་བྱེད་ཀྱི་དབྱུག་པ་ཐོགས་པ། གནོད་སྦྱིན་གྱི ་མ་མོ་ཨ་ཡང་ནག་མོ་ཞེས་བྱ་བ་ལ་ཞོན་ནས་འོང་བར་བསྒོམ་མོ།། དེ་ལྟར་བསྒོམ་ན་སྲིད་པ་གསུམ་དབང་དུ་སྡུད་པ་དང་། གནོད་སྦྱིན་གྱི་མ་མོ་དང་། དཔལ་ཧེ་རུ་ཀ་ཡང་ཉམས་ཤིང་འབོག་པར་བྱེད་དོ།། དེ་ནས ་པུཀྐ་སཱི་བསྒོམ་པ་ནི། པུཀྐ་སི་དྷ་ར་ཞེས་བརྗོད་པས། པུཀྐ་སཱི་སྐུ་མདོག་དམར་ནག་ལ་དབུ་བཞི་པ། རལ་པ་ལྗང་ནག་གཡས་ནས་གཡོན་དུ་འཁྱིལ་བ། མཆེ་བ་གཙིགས་པ་སྤུ་གྲིས་གཏམས་པ། མི་བཟད་སྲིན་པོའི་མགོ ་བོའི་དུང་འབུད་པ། མ་མོ་ནག་མོ་དོམ་སྙིལ་མ་ཞེས་བྱ་བ་ལ་ཞོན་ནས་འོང་བར་བསྒོམ་མོ།། དེ་ལྟར་བསྒོམ་ན་སྲིད་པའི་མ་མོ་དང་། དཔལ་ཧེ་རུ་ཀ་ཡང་དབང་དུ་སྡུད་ཅིང་འབྲལ་བར་བྱེད་དོ།། དེ་ནས་གྷསྨ་རཱི་བསྒོམ་པ ་ནི། ཧ་གྷསྨ་རཱི་བི་ལོ་ཀ་ད་ར་ཞེས་བརྗོད་པས། གྷསྨ་རཱི་སྐུ་མདོག་མཐིང་ནག་ལ། གཅེར་བུ་རལ་པ་ཅན་དུ་འདུག་པ། ཞལ་གཅིག་པ་མཆེ་བ་གཙིགས་པ་ལག་ན་སྲིད་པའི་དུང་འབུད་པ། མ་མོ་སྲིན་མོ་མིག་མེད་ལ་ཞོན ་ནས་འོང་བར་བསྒོམ་མོ།། དེ་ལྟར་བསྒོམ་ན་མ་མོ་ཐམས་ཅད་དང་། དཔལ་ཧེ་རུ་ཀ་ཡང་སྤྲོ་བར་བྱེད་དོ།། དེ་ནས་ཙཎྜ་ལི་བསྒོམ་པ་ནི། ཧ་ཙཎྜ་ལི་མནྡ་ར་ཞེས་བརྗོད་པས། སྐུ་མདོག་སེར་ལྗང་ཞལ་བཞི་ལ་རལ་པ་ནག ་པོ་གཡས་ནས་གཡོན་དུ་འཁྱིལ་པ། སྤྱན་གསུམ་སྡང་མིག་ཏུ་བགྲད་པ། ཕྱག་ན་གཅོད་བྱེད་དགྲ་སྟ་བསྣམས་པ། མ་མོ་སྲིན་སྐྱེད་མ་ཞེས་བྱ་བ་ལ་ཞོན་ནས་འོང་བར་བསྒོམ་མོ།། དེ་ལྟར་བསྒོམ་ན་སྲིད་པའི ་མ་མོ་དང་དཔལ་ཧེ་རུ་ཀ་ཡང་ཉམས་ཤིང་རླག་པར་བྱེད་དོ།། འདི་ལྟར་བསྒོམ་ན་སྲིད་པའི་མ་མོ་བདུན་ཡང་ལས་ལ་མངག་ཏུ་བཏུབ་བོ།། སྒོམ་ཐབས་ཀྱི་ལེའུ་སྟེ་བརྒྱད་པའོ།། །། དེ་ནས་ཡེ་ཤེས་ཕྱག་རྒྱ ་ནི།། གཡས་གཡོན་ཐབས་དང་ཤེས་རབ་ལས།། སྦྱོར་བའི་ཕྱག་རྒྱ་འབྱུང་བའི་རྒྱུ། ཁྲོ་བདག་ཆེན་པོའི་ཕྱག་རྒྱ་ནི།། གཡས་པ་རྡོ་རྗེ་རྩེ་དགུ་བསྣམས།། གཡོན་པ་བྷནྡ་དམར་གྱིས་བཀང་།། རྡོ་རྗེས་དཀྲུག་ཅིང་ཞལ་དུ ་གསོལ།། ཀོའུ་རི་བྷན་དམར་བྱིས་དབྱུག་སྔོ།། སེདྷ་གསོད་བྱེད་བསྣོལ་སེར་སེང་།། ཙོའུ་རི་མདའ་གཞུ་འགེངས་མ་སེར།། བྱཱ་གྷྲི་གནས་ལྷ་བསྣོལ་དམར་སྟག། པྲ་མོ་ཆུ་སྲིན་རྒྱན་མཚན་ཕྱར།། སྲི་ལ་ནག་མོ་ཝ་གདོང ་ཞགས།། བཻ་ཏཱ་བྱིས་ཟ་རྡོར་འཕྱར་གནག། ཤཱ་ན་ཞིང་འདྲད་སྦྲང་མོ་གདོང་།། པུཀྐ་དམར་སེར་བྱིས་རྒྱུ་འདྲེན།། བཻ་ཏ་མགྲིན་དམར་ཁྲག་འཐུང་བྱ་རྒོད་མཆུ།། གྷསྨ་དུང་དམར་ཁྲག་འཐུང་ལྗང་།། ཀངྐ་སྣང་མགོ་ཞིང་ཆེན ་དཀྲུག། སྨ་ཤ་མཐིང་ནག་བྱིས་སྙིང་ཟ། ཁྭ་ཁྭ་ནག་མོ་སྤུ་གྲི་རྒྱུ་ཞགས་འདྲེན།། ཙན་དྷ་སེར་སྐྱ་མཆོག་ལུས་འབྲལ།། ཧུ་ལུ་རྡོར་རྒྱུ་མཐིང་ཚོགས་འུག། རྟ་གདོང་ལྕགས་ཀྱུ་བྷན་དམར་སྦྲུལ།། ཕག་གདོང་ཞགས་པ་བྷན ་དམར་གནག། དྲེད་གདོང་དམར་མོ་སྤྱན་གསུམ་ཉི་ཟླ་དམར།། སྦྱང་གདོང་དྲིལ་བུ་བྷན་དམར་ལྡང་།། སོ་སོའི་ལས་རྣམས་གྲུབ་པར་འགྱུར།། ཞེས་བྱ་སྟེ་ཕྱག་རྒྱའི་ལེའུ་སྟེ་དགུ་པའོ།། །། དེ་ནས་གསང་སྔགས་འདི ་བརྗོད་པར་བྱའོ།། ཛཿཧཱུཾ་བཾ་ཧོཿ། བཛྲ་ཤྲཱི་ཧེ་རུ་ཀ། བཛྲ་ཀྲོ་དྷི་ཤྭ་རཱི་སྟྭཾ། ས་མ་ཡ་སྟྭཾ། ས་མ་ཡ་ཧོ། བཛྲ་ཡཀྐ་ཧེ་རུ་ཀ་ཧ་ཧ། བཛྲ་ཀོའུ་རཱི་ཡ། ཨ་ལོ་ཙཎྜ། རེ་ར་ལ་ཛཿཧཱུཾ། བཛྲ་ཙོའུ་རཱི་ཧ་ཛཿཧཱུཾ། བཛྲ་པྲ་མོ་ཧ་མོ་ཧ་ཡ། ཨ་ཀ་རི ་ཡ་སརྦ་དུ་སྟན་ཧྲྀ་ད་ཡ་པྲ་མོ་ཧ་ནི་ཧཱུཾ་ཕཊ། བཛྲ་བཻ་ཏཱ་ལི་ཡཀྑ་ཧཱུཾ་ཛ། བཛྲ་པུཀྐ་སི་ད་སི་ད། བྷནྡྷ་བྷནྡྷ། མཱ་ར་ཡ་ཧཱུཾ་ཛཿབཛྲ་ནི་ད་ཧ་གྷསྨ་རཱི་ཧཱུཾ་ཕཊ། བཛྲ་སྨ་ཤ་ནཱི་བི་ལོ་ཀ་ཧཱུཾ་ཕཊ། བཛྲ་ཙཎྜ་ལཱི་ཧི་ལི་མི་ཙག་ཤོ་བྱ་ཧཱུཾ་ཕཊ། ་ཨོཾ་ཀུན་གྱི་མགོ་ལ་བཟླས་སོ།། ཉིན་འབུམ་མཚན་འབུམ་བཟླས་ཏེ། འཛབ་རྫོགས་པ་དང་མཆོད་པ་གཞུང་བསྲང་ངོ་།། དེ་ནས་མ་མོ་གཤེད་ཁྲོལ་བུའི་སྔགས་ལ། མ་མོ་ཀོའུ་རཱི་མ་ཤག་ཤག་དནྟི་བྷྱོ། ཙོའུ་རཱི་མ་དུནྟི་བྷྱོ།། ་ཤག་ཤག་བྷྱོ། པྲ་མོ་ཧ་མ་ལ་དནྟི་བྷྱོ། ཤག་ཤག་བྷྱོ། བཻ་ཏ་ལི་ཙ་ཁྲོམ་ཤག་ཤག་བྷྱོ། པུཀྐ་སཱི་སྟི་ལི་ཤག་ཤག་བྷྱོ། གྷསྨ་རཱི་ནི་རོ་ལ་ཤག་ཤག་བྷྱོ། ཙནྣ་ལཱི་ཡ་ཏི་ཤ་ར་བྷྱོ། ཤག་ཤག་བྷྱོ། མ་མོའི་འདེབས་སྔགས་ལ། མ་མོ ་ཀོའུ་རཱི་ཡ་ཨ་ཙད་དཾ་རྩེ་ར་ལ་ཛཿཧཱུཾ། སེན་མེན་ཨ་ཡ་མ་རུ་ཏྲ་ཡམ་རྦད་བྲུཾ་རི་ལི་ལི། བཛྲ་ཙོའུ་རཱི་ཧཱུཾ་ཛ། ཁ་ལོ་དན་ཏི་རྦད་བྲུཾ་རི་ལི་ལི། བཛྲ་པྲ་མོ་ཧ་དེ་མོ་ཧ། ཨ་ཀྲི་ཧྲྀ་ད་ཡ། པྲ་མོ་ཧ་ལ་ཧཱུཾ་ཕཊ། ན་མོ་ཡེ་ན་བཟློག། བཛྲ་བཻ ་ཏ་ས་སཀྟ་རྠ། ས་དྲྀ་ཁ་ལ་རྦད་དྷ་རྔམ་ལ། བཛྲ་པྲཿསཿསྟེཿ། \ུ0f7f\ུ0f7f\ུ0f7fརྠ་ཀྲྀམ་ས་ཟད། དྷཛ་མ་ལ། བཛྲ་དྷཱ་ན་བྷཱཿརཱི་པཿ། ཀ་ཀ་ས་བ་ར་ལ། རྦད་ཅུ་རྫམ་ལ། བཛྲསྠཱ་ཤ་ན་ཐ་ལ་ཀ་ན་ཧྭཱ་ངཿ། ་ཡཀྵ་ནག་པོ་ཁ་ལ་བྷྱོ། ཁ་ཁ་ཡ་ཕཊ། ཆུ་མ་སོད་བྲུཾ་རི་ལི་ལི། བཛྲ་ཙཎྜ་ལཱི་ཧི་ལི་མི་ལི་ཙག་ཤོ་བྱ་ཧཱུཾ་ཕཊ། འུ་ཡང་ཁ་བ་སོད། བྲུཾ་རི་ལི་ལི། མོ་མོའི་འདེབས་སྔགས་སོ།། དུར་ཁྲོད་ཀྱི་མ་མོའི་འདེབས་སྔགས་ལ། རོ་ག་མ ་ར་ལ་མ་མ་བྷྱོ། མན་གྲུ་མ་ཡ་ཏིང་མ་མ་བྷྱོ། ཙ་མུནྟ་མ་མ་ཀི་བྷྱོ། དྲེའུ་དྲི་མ་མ་རུ་དྲི་མཱ་ར་ཡ་བྷྱོ། སྔགས་ལེའུ་དང་ཡང་གསང་གཏེར་གྱི་ལེའུ་སྟེ་བཅུ་པའོ།། །། དེ་ནས་ལས་ལ་གཉེར་གཏད་པ་ནི། དཔལ་ཆེན་པོ་དགུ ་བསྒོམ་ལ་མ་མོ་བརྒྱད་རྦད་དོ།། མ་མོ་བརྒྱད་བསྒོམ་ལ་ཕྲ་མེན་བརྒྱད་རྦད་དོ།། ཀོའུ་རཱི་མ་བསྒོམ་ལ་རོ་ཁ་མ་རྦད་དོ།། ཙོའུ་རཱི་མ་བསྒོམ་ལ་ནམ་གྲུ་མ་རྦད་དོ།། པྲ་མོ་ཧ་བསྒོམ་ལ་ཙ་མུན་ཏྲི་རྦད་དོ།། བཻ་ཏཱ་ལི་བསྒོམ་ལ་རེ ་ཏྲེ་མ་རྦད་དོ།། མ་མོ་བརྒྱད་དང་ཕྲ་མེན་བརྒྱད་དང་ལྷ་མོ་བཞི་ཡང་ནས་ཡང་དུ་བསྐུལ་ཞིང་ལས་ལ་བཅོལ་ལོ།། ལྷ་མོ་བཞི་ཡི་དམ་རྫས་ལ། ར་རོག་པོའི་སྙིང་ཁྲག་དང་། རྟའི་སྙིང་ཁྲག་དང་། ཁྱི་ནག་པོའི་སྙིང་ཁྲག་དང་། ་ཕག་པའི་སྙིང་ཁྲག་དང་དེ་རྣམས་བྷནྡྷའི་ནང་དུ་བཅུག་ལ། ཞག་བདུན་དང་དགུ་ལ་བསྒྲུབ་བོ།། གྲུབ་ནས་གང་ལ་བྱ་བ་ལ་གཏོར་རོ།། སེང་ལྡེང་གི་ཕུར་པ་སོར་གསུམ་པ་གཅིག་ལ་སྔགས་བཏབ་ལ། རྩིག་པའི་རྨང་དུ ་སྦས་ན་གྲུབ་ངེས་སོ།། གཤེད་དགྱེས་པའི་ལེའུ་ཞེས་བྱ་སྟེ་བཅུ་གཅིག་པའོ།། །། དེ་ནས་མ་མོ་ལས་བྱེད་དུ་མ་འདོད་ན། མ་མོའི་ཤི་ས་བསྟན་པ་ནི། དུག་སྣ་ལྔ་ཡི་གཏོར་མ་བཤམ་ལ་གཡས་སུ་བཞག། སྨན་ལྔ་ཡི ་གཏོར་མ་བཤམ་ལ་གཡོན་དུ་བཞག། མ་མོའི་རྫས་རྔ་བརྡུངས་ཤིང་མཆི་མ་དབྱུང་། རྫས་ལྔ་བརྡུངས་ལ་བསྔགས་བཏབ་ཀྱང་ཤི་ས་བསྟན་ཏེ། མ་མོ་རྣམས་ཀྱི་ཤི་ས་ནི། སྲིན་པོའི་ཡུལ་ལངྐ་པུ་རང་ཡིན་ནོ།། ཤི་བའི་དུར་ཡང ་ལངྒ་པུ་རང་ཡིན་ནོ།། མ་མོ་རྣམས་བཀའ་ལས་འདས་ན། དཔལ་ཆེན་པོ་ཡཀྵ་ཧེ་རུ་ཀ་སྐུ་ཁྲོས་ནས། འོད་ཟེར་དམར་སྨུག་གི་ནང་དུ་སྲེག་པར་མཛད་པའོ།། དེ་བས་སྒྲུབ་པོས་ཀྱང་དཔལ་ཆེན་པོའི་སྐུར་བསྒོམ་ལ། ་གསད་པའི་ལས་བྱའོ།། དུག་གིས་གཏོར་མ་ལས་བསྒྲེངས་ཤིང་སྙིང་པོ་ཡང་བརྗོད་དོ།། དུག་གི་གཏོར་མས་མ་མོ་ལ་བརྡེག་གོ། ཕྲ་མེན་མ་རྣམས་ལ་ཡང་བརྡེག་གོ། ལྷ་མོ་བཞི་ལ་ཡང་བརྡེག་ལ་ལས་བྱེད་དུ་གཞུག ་གོ། ལས་བྱེད་དུ་མ་འདོད་ན། ཡཀྵ་ཧེ་རུ་ཀའི་སྐུར་བསྒོམ་ལ་སྲོག་གི་སྙིང་པོ་ནས་དྲངས་ཤིང་ཞིང་གི་གཡབ་མོས་བརྡུང་ངོ་།། ཀོའུ་རི་ནག་མོ་ཛ། ཞེས་བརྡུང་ངོ་།། ཤི་ས་བསྟན་པའི་ལེའུ་སྟེ་བཅུ་གཉིས་པའོ།། །། དེ ་ནས་གསོ་བ་དང་སྐོང་བ་ནི། སྨན་སྣ་ལྔའི་གཏོར་མ་དང་བྱ་ནག་མོ་དང་། སྙིང་སྣ་བརྒྱད་ཀྱིས་ཐུགས་དམ་བསྐང་ངོ་།། དེ་ནས་ཀོ་རཱི་མ་ཁྱི་དཀར་མོའི་སྙིང་གིས་བསྐང་། ཙཽ་རཱི་མ་སྲེ་མོའི་སྙིང་གིས་བསྐང་། པྲ་མོ་ཧ་ཝའི ་སྙིང་གིས་བསྐང་། བེ་ཏཱ་ལི་སྦྱང་ཀིའི་སྙིང་གིས་བསྐང་། པུཀྐ་སཱི་བྱ་རྒོད་ཀྱི་སྙིང་གིས་བསྐང་། གྷསྨ་རཱི་སྲུང་ཀའི་སྙིང་གིས་བསྐང་། ཙཎྜ་ལཱི་འུག་པའི་སྙིང་གིས་བསྐང་། ཤ་ཆེན་གྱི་ལང་ལིང་དང་། སྐོས་ཀྱི་ཤ ་ཆེན་རྣམས་ཀྱིས་ཐུགས་དམ་བསྐང་ངོ་།། སྙིང་དེ་རྣམས་ཀྱིས་ཐུགས་དམ་བསྐང་བར་འགྱུར་རོ།། ཐུགས་དམ་བསྐང་ཞིང་གསོ་བའི་ལེའུ་སྟེ་བཅུ་གསུམ་པའོ།། །། དེ་ནས་གསད་པར་བྱ་བའི་ལས་ནི། ལིངྒའི ་གཟུགས་ནི་འདི་ལྟར་བྱའོ།། གྲོ་གའམ་ཤིང་ཤུན་ལ་གཟུགས་བྲིས་ལ། གཡས་སུ་ཧཱུཾ་བྲི། གཡོན་དུ་ཕཊ་བྲི། དཔྲལ་བར་རུས་བྲི། ཁར་མིང་བྲི། སྙིང་གར་ནརྀ་བྲི། འདོམས་སུ་མཱ་ར་ཎ་བྲི། སྤྱི་བོར་ཀཱི་ལ་ཡ་བྲི། ཚོན་སྐུད་སྣ ་ལྔས་བཅིང་། ཧོམ་ཁུང་ནང་དུ་བཅུག། དེ་ནས་དུག་ཤིང་དགུའི་ཕུར་པས་གདབ་བོ། དེ་ཡང་སྣ་ལ་བླ་ཁུག་པར་དགུག་གོ། མ་མོ་རྣམས་བསྐུལ་ལོ།། བླ་ཁུག་པར་གསལ་ནས། ཕུར་པས་བརྡེག་མ་མོ་རྣམས་ཀྱིས་བུ་ག ་དགུར་གདབ་བོ།། སྔགས་ཀྱང་གཞུང་སྔགས་བཟླས་སོ།། ཕུར་པ་སྤྱི་ཡི་སྔགས། བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན། དཱིཔྟ་ཙཀྲ་ཧཱུཾ་ཕཊ། དུན་ཤེལ་མ་ར་ན་ལྷང་ལྷང་ཙམ་དུ་རྦད། ཉིན་ལན་གསུམ་མཚན་ལན་གསུམ་སྟོང་རྩ ་བརྒྱད་དུ་བཟླས་སོ།། ཕུར་པ་སྨེ་བརྩེགས་ཀྱི་ཡང་སྙིང་དུ་ཕྱུང་བའི་ལེའུ་སྟེ་བཅུ་བཞི་པའོ།། །། དེ་ནས་མ་མོ་བདུན་སྤྱིའི་སྒྲུབ་ཐབས་ནི། ཡེ་ཤེས་ཐུགས་ཀྱི་མ་མོ་སྟེ།། གསང་བ་ཐུགས་ཀྱི་མ་མོ་སྟེ། འདི་ལས་དཀྱིལ ་འཁོར་བྱུང་བ་ནི།། སྒྲུབ་པའི་གནས་རྣམས་བརྟག་པ་དང་།། ས་གཞི་བརྟག་པ་གཞུང་བཞིན་བྱ།། དེ་ནས་དཀྱིལ་འཁོར་གཏན་ལ་དབབ་པར་བྱ་སྟེ། དཀྱིལ་འཁོར་གྲུ་གསུམ་ལ། དབུས་སུ་དོང་ཆག་གང་བྲུས། ནང་སོལ ་བས་བཀང་ལ་བཞག་གོ། དེའི་ཕྱི་རིམ་དུ་རྟ་ཁྲག་དང་མི་ཁྲག་སྐམ་པོ་བསྲེས་པ་ལ་མཎྜལ་གྲུ་གསུམ་བྱས་ལ་བཞག་གོ།། དེའི་ཕྱི་རིམ་དུ་མཐིང་ནག་གྲུ་གསུམ་དུ་བྱས་ལ་བཞག་གོ། དེ་ནས་སྒྲུབ་པའི་རྫས་ལ་དབུས་སུ ་བྱིས་པའི་སྙིང་བཞག་སྟེ། ཀོའུ་རཱི་མའི་རྫས་སོ།། ཙོའུ་རཱི་མའི་རྫས་སུ་སྟག་གི་སྙིང་བཞག་གོ། པྲ་མོ་ཧའི་རྫས་སུ་ཝའི་སྙིང་བཞག་གོ། བེ་ཏཱ་ལིའི་རྫས་སུ་ཁྱི་ཡི་སྙིང་བཞག་གོ། པུཀྐ་སཱིའི་རྫས་སུ་བྱ་དཀར་པོའི་སྙིང་བཞག ་གོ། གྷསྨ་རཱིའི་རྫས་སུ་བྱ་ནག་མོའི་སྙིང་བཞག། ཙཎྜ་ལཱིའི་རྫས་སུ་འུག་པའི་སྙིང་བཞག། ཤ་ཆེན་ཀུན་གྱི་རྫས་ཡིན། ཚིལ་ཆེན་གྱི་མར་མེ་ཡང་བཏང་། དེ་ནས་དྲོད་ཚད་བརྟགས་ཏེ། སྙིང་མི་དགའ་ལ་ཉམས་མི་བདེ་ན།། ་སྒྲིབ་པ་ཡོད་པས་བསྐང་བཤགས་བྱ། ངུ་སྙིང་འདོད་ལ་མི་དགའ་ན་ཐུགས་དམ་མ་བསྐང་བས་མཆོད་པ་བསྟབ་བོ། ཁྲོ་སྙིང་འདོད་ན་དབང་དུ་མ་འདུས་པས་བསྒོམ་པར་བྱའོ།། ཁྱོ་གའི་ཆོ་འཕྲུལ་ཆེན་དབང་དུ་མ་འདུས ་པས། ཏིང་ངེ་འཛིན་གསལ་བར་བྱས་ནས་སྔགས་བཟླས་སོ།། བུད་མེད་ཀྱི་ཆོ་འཕྲུལ་ཆེན་ཕུར་པ་གདབ་བོ།། ཆོ་འཕྲུལ་ཆུང་ལ་གླ་ལ་འདོད་ན་མི་རུང་བས་བསྟབ་པ་བྱ། བུད་མེད་མདོག་ངན་པ་དང་འཕྲད་ན་ངན་ཏེ་སྒྲིབ ་པ་སྦྱོང་། སྙིང་དགའ་ལ་ཉམས་བདེན་སྒྲིབ་པ་མེད་པ་ཡིན་ནོ།། སེམས་དགའ་ན་སྐོང་བ་ཡིན་ནོ།། ཉམས་དགའ་ལ་བརྗིད་ཆེན་བཀའ་ཉན་པར་འོང་ངོ་།། ཏིང་ངེ་འཛིན་གསལ་ན་དབང་དུ་འདུས་པ་ཡིན ་ནོ།། ཆོ་གའི་ཆོ་འཕྲུལ་ཆུང་ན་དབང་དུ་འདུས་པ་ཡིན་ནོ།། རྨི་ལམ་ན་བུད་མེད་བཟང་མོ་དང་འཕྲད་ན་བཟང་། ཆོ་འཕྲུལ་ཆེ་ལ་བུ་མེད་དང་འཕྲད་ན་བཟང་།། དེ་ནས་གཤེད་བསྐོ་བ་ནི་ཀོའུ་རི་མ་བསྒོམ་པས། ཕྲ་མེན ་སེང་གེའི་མགོ་ཅན་རང་དབང་མེད་པར་ལེན་ཅིང་མངོན་དུ་འོང་ངོ་།། ཙོའུ་རེ་མ་བསྒོམ་པས། ཕྲ་མེན་མ་སྟག་དང་སྲེ་མོའི་མགོ་ཅན་ལ་རང་དབང་མེད་པར་འོང་ཞིང་།། ལྟས་ངན་འབེབས་ཤིང་ནོར་དང་འབྲལ་ལོ།། ཕྲ་མོ ་ཧས་ཝའི་མགོ་ཅན་རང་དབང་མེད་པར་གཏོང་ཞིང་དབང་དུ་སྡུད་དོ།། བཻ་ཏཱ་ལིས་སྦྱང་ཀའི་མགོ་ཅན་མངགས་ནས། རང་དབང་མེད་པར་འོང་ཞིང་འབྲལ་བའི་ལས་བྱེད་དོ།། པུཀྐ་སཱིས་བྱ་རྒོད་ཀྱི་མགོ་ཅན་མངགས་ནས ་རང་དབང་མེད་པར་འོང་ཞིང་འབྲལ་བའི་ལས་བྱེད་དོ།། གྷསྨ་རཱིས་བྱ་ཀང་ཀའི་མགོ་ཅན་མངགས་ནས་རང་དབང་མེད་པར་འོང་ཞིང་སྤྲོ་བའི་ལས་བྱེད་དོ།། ཙཎྜ་ལིས་འུག་པའི་མགོ་ཅན་མངགས་ནས་རང་དབང་མེད ་པར་འོང་སྟེ་ཚེ་སྲོག་འཕྲོག་པའི་ལས་བྱེད། མགོ་བརྙན་མ་དེ་དག་ཀྱང་མངོན་སུམ་དུ་ཁྱིམ་དུ་དབབ་བོ།། དེ་ནས་སྙིང་པོ་བཟླས་པ་ནི། ཨོཾ་བཛྲ་ཀོའུ་རཱི་ཡ། ཨ་ལོ་ཙ་ལ་རྦད་དུམ་བེ་ར་ལ་འཛབ་ཧཱུཾ་ཨོཾ་བཛྲ་ཙོའུ་རཱི་ཛ་ཧཱུཾ་བྷྱོ། ་ཤི་ཤད་ཤད་ཛ་ཛ་ཧཱུཾ། ཨོཾ་བཛྲ་པྲ་མོ་ཧ། དེ་མོ་ཧ་ཡ། སརྦ་དུཥྚཱན་ཨ་ཀ་ཧྲི་ད་ཡ། པྲ་མོ་ཧ་མོ་ཡ་ཧཱུཾ་ཕཊ། ཨོཾ་བཛྲ་པུཀྐ་སཱི་ཙྪིནྡ་ཙྪིནྡ་ཡ། བྲུཾ་བྲུཾ་བནྡྷ་བནྡྷ། མོ་ཧ་ར་ལ་ཛ་ཛ་བྷྱོ་བྷྱོ་ཧཱཾ། ཨོཾ་བཛྲ་གྷསྨ་རཱ་ད་ན་ཀ་མ་ཧཱི། དུམ་དུམ་རྦད ་རྦད་ཛ་ཛ་ཧཱུཾ། ཨོཾ་བཛྲ་བཻ་ཏཱ་ལི་ཡཀྑ་ཛ་ཧཱུཾ་ནག་མོ་ཁ་བྷྱོ་བྷྱོ། ཨོཾ་བཛྲ་ཙཎྜ་ལཱི་ཧི་མི་ལི་ཙག་ཤོ་བྷྱོ། ཧོ་ཆེ་ག་དུམ་སྦུག་བྱི་རྦད་ཆུམ་ཆུ་མ་ཤད་ཤད་ཛ་ཧཱུཾ། ཧ་ཧེ་སེདྷ་ཧེ། མ་མ་ཀང་ཀི་རྦད་བྲུཾ་རི་ལི་ལི། བྱཱ་གྷི་ཧེ་རུ་ཀ་ཤ་རྦད་བྲུཾ ་བྷྱོ། སྲི་ལ་མུ་ཁ་ཧེ། རུ་དྲ་རུ་དྲ་ཤིག་ཤིག་རྦད་རྦད་ཧེ་ཧེ་བྷྱོ། ཤོ་ན་མུ་ཀ་ཧེ་ཀ་ལ་དུམ་བུ་ཧེ་གྱི་གྱི་མ། ཀྲི་ཏ་མུ་ཀ་ཧེ་ཤ་དྲི་ཧི་ཁ་ཡག་ཐུམ་བྷྱོ་རྦད། ཀངྐ་ཀ་མུ་ཁ་ཧེ་ཡགྨ་ཁ་བྲུཾ་བྷྱོ་རྦད། ཧུ་ལུ་མུ་ཀ་ཧེ། ཆེམ་ཆེ་མ་ག་རུ་རྦད་བྲུཾ ་རི་ལི་ལི་བྷྱོ།། ཞེས་བརྒྱ་རྩ་བརྒྱད་བཟླས་སོ།། ཀོའུ་རི་མ་སོགས་བརྒྱད་བསྒོམ་ལ།། ཕྲ་མེན་མ་བརྒྱད་རྦད་ཅིང་ལས་བཅོལ་ལོ།། དགྲ་བོ་རོ་ཡང་སྦྱང་ཀི་དང་ཝ་ལས་སོགས་པས་ཟའོ།། ཕྲ་མེན་མ་རྣམས་ཀྱང་མངོན་དུ ་འབབས་སོ།། སྲོག་གི་སྙིང་པོའོ།། དེ་ནས་ལས་ཀྱི་གཉེར་གཏད་པ་ནི། བཛྲ་ཧེ་རུ་ཀ་བསྒོམ་ལ་ཀོའུ་རཱི་མ་བླང་བའི་གཉེར་གཏད་དོ།། བུདྡྷ་ཧེ་རུ་ཀ་བསྒོམ་ལ་ཙོའུ་རཱི་མ་ལ་བརྐུ་བའི་ལས་གཉེར་གཏད་དོ།། པད་མ་ཧེ་ཀ ་བསྒོམ་ལ་པྲ་མོ་ཧཱ་ལ་བཟློག་པའི་ལས་གཉེར་གཏད་དོ།། ཀརྨ་ཧེ་རུ་ཀ་བསྒོམ་ལ་བཻ་ཏཱ་ལི་ལ་མྱོས་པར་བྱེད་པའི་ལས་གཉེར་གཏད་དོ།། ཡཀྑ་ཧེ་རུ་ཀ་བསྒོམ་ལ་པུཀྐ་སཱི་ལ་འབྲལ་བར་བྱེད་པའི་ལས་གཉེར་གཏད ་དོ།། རཀྵ་ཧེ་རུ་ཀ་བསྒོམ་ལ། གྷསྨ་རཱི་ལ་སྨྱོ་བར་བྱེད་པའི་ལས་གཉེར་གཏད་དོ།། ས་ནུ་ཧེ་རུ་ལ་བསྒོམ་ལ་སྨ་ཤ་ནཱི་ལ་གསད་པར་བྱ་བའི་ལས་གཉེར་གཏད་དོ།། དམ་ཚིག་ཧེ་རུ་ཀ་བསྒོམ་ལ་ཙཎྜ་ལཱི་ལ ་བཟློག་པའི་ལས་གཉེར་གཏད་དོ།། ཀེའུ་རཱི་མས་སེང་གེའི་མགོ་ཅན་ལ་ནོར་དང་འབྲལ་བའི་ལས་གཉེར་གཏད་དོ།། ཙོའུ་རཱི་མས་སྟག་གི་མགོ་ཅན་ལ་ལེན་པར་བྱེད་པའི་ལས་གཉེར་གཏད་དོ།། པྲ་མོ་ཧ་ས་ཝའི་མགོ་ཅན ་ལ་དབང་དུ་སྡུད་པའི་ལས་གཉེར་གཏད་དོ།། བི་ཏ་ལིས་སྦྲང་ཀིའི་མགོ་ཅན་ལ་ཉམས་པར་བྱེད་པའི་ལས་གཉེར་གཏད་དོ།། པུཀྐ་སཱི་ས་བྱ་རྒོད་མགོ་ཅན་ལ་འབྲལ་བར་བྱེད་པའི་ལས་གཉེར་གཏད་དོ།། གྷསྨ་རཱིས་ཀང ་ཀའི་མགོ་ཅན་ལ་སྨྱོ་བར་བྱེད་པའི་ལས་གཉེར་གཏད་དོ།། སྨ་ཤ་ནཱིས་བྱ་རོག་གི་མགོ་ཅན་ལ་གསོད་པར་བྱེད་པའི་ལས་གཉེར་གཏད་དོ།། ཙནྣ་ལིས་འུག་པའི་མགོ་ཅན་ལ་འབྲལ་བའི་ལས་གཉེར་གཏད་དོ།། དེ ་ཡང་མཚང་འབྲུ་ཡང་མན་ཞིང་ལས་བྱེད་དུ་གཞུག་གོ། ལས་གཉེར་གཏད་ཅིང་སྙིང་ཡང་བསྟབ་བོ།། དེ་ནས་ཤི་ས་བསྟན་པ་ནི།། བདག་དཔལ་ཧེ་རུ་ཀར་བསྒོམ་ལ། མ་མོའི་སྲོག་གི་སྙིང་པོ་ནས་དྲངས་ཤིང་།། བཛྲ་ཨཱཏྨ ་ཤས་བརྡུང་ངོ་།། ཙོའུ་རཱི་གདོང་བཞི་ཛཿཛཿ། ཞེས་བྱ་བ་ལ་སོགས་པས་བརྡུང་ངོ་།། ཡང་རྣམ་པ་གཅིག་ལ་ལྷ་གནད་ལ་བོར་བ་ནི། སྣ་ལ་གཡག་རུའི་ནང་དུ་མཚན་བྱང་བཅུག་ལ།། དེ་ནས་སྔོན་ལ་གཡབ་མོས་གཡབ་ལ།། ་ཤ་ཁྲག་གི་མཆོད་པ་འབུལ་ལོ།། གཡག་རུའི་ཁར་སྐྱེད་ཕུར་བདུན་ལ་ཀོའུ་རཱི་མ་བདུན་གྱི་སྔགས་བཟླས། གཡག་རུའི་ཁ་བཀབ་ལ། གནད་ལ་བོར་བ་ནི་བདག་ཉིད་ཞེ་སྡང་རྡོ་རྗེར་བསྒོམ་པའི་རྐང་པ་ལ་འཁོར་ལོ ་རྩིབས་བརྒྱད་པ་བསྒོམ་ལ་གཡས་ཕྱོགས་སུ་སྨན་བཞག་གཡོན་དུ་དུག་ཕོར་ཐུན་དྲག་པོས་གང་བ་བཞག་ལ། བཛྲ་ཀོའུ་རཱི་ཛ་ཛཿབཛྲ་ཙོའུ་རཱི་ཛ་ཛཿཞེས་བཟླས་པས། མདུན་དུ་གནམ་ལས་བྱ་རོ་བསྒྱུར་བ་བཞིན་དུ་བྱུང ་བར་བསམ་མོ།། དེ་ནས་དུག་སྔགས་འདི་བཟླས་སོ།། ཨོཾ་བུ་རུ་མེ་ཏ་ཧ། ཞེས་བཟླས་ལ་དུག་བརྡེག་གོ། དེ་ནས་ཅི་བགྱི་བཀའ་སྩོལ་ཟེར་བ་བསྒོམ་མོ།། དེ་ནས་སྨན་གྱིས་གསོ་ཞིང་བསྟོད་དོ།། དེ་ནས་བསྐང་བ ་ནི།། དམ་རྫས་ཚང་བའི་གཏོར་མ་དང་། རཀྟ་སྣ་ཚོགས་དང་། སྙིང་སྣ་ཚོགས་དང་། མཆེ་བ་སྣ་ཚོགས་དང་། ཤ་སྣ་ཚོགས་དང་། བྱ་ནག་མོས་བསྐང་ངོ་།། དེ་ཡང་ཕུད་ཀྱིས་དཔལ་ཆེན་པོ་བསྐང་ངོ་།། ལྷ་མའི་ཕུད་ཀྱིས ་ཀོའུ་རི་མ་བདུན་བསྐང་ངོ་།། ལྷག་མའི་ལྷག་མས་ཕྲ་མེན་མ་བསྐང་ངོ་།། ཡང་ནས་ཡང་དུ་རྫས་ཀྱིས་བསྐང་ངོ་།། སྨན་གྱིས་གསོའོ།། ཡང་ན་ཉེས་བྱེད་གཅིག་རླག་པར་བྱེད་ན། ལིངྒ་བྱས་ལ་ཁྲོ་མོ་བྱིས་པའི་དབྱུག་པ་ཅན ་རྦད་ལ། རཀྟ་སྣ་གསུམ་གྱི་ནང་དུ། ཤ་སྣ་གསུམ་བླུག་ལ་ཁ་ཤར་ཕྱོགས་སུ་བལྟས་ཏེ། དཔྲལ་བའི་དབྱེས་སུ་རཀྟ་གསུམ་གྱི་ཐིག་ལེ་གསུམ་བཏབ་ལ། ལིངྒ་མདུན་དུ་བཞག་སྟེ་སྔགས་འདི་བརྗོད་དོ།། མ་མོ་ཆེན་མོ་ཀོའུ ་རི་ཛཿཛཿ། བྷྱོ་ཁཱ་ཧི་བྷྱོ། ཞེས་བྱ་བ་བརྒྱ་རྩ་བརྒྱད་བཟླས་སོ།། དེ་ནས་བསྟོད་ཅིང་བསྐུལ་ལ། ཨོཾ་བཛྲ་མུ་མོ་ཏ་ཏི་བྷྱོ། མུཾ་ལཾ་ཙད་དེ་ན་རྦད། སི་ཏི་ཁ་བྷྱོ། ཞེས་བརྗོད་དོ།། སྲིན་མོ་རལ་གཅིག་མས་དགྲ་བོ ་དབང་དུ་སྡུས་ཤིག་རྡུལ་དུ་རློགས་ཤིག་ཅེས་ཀྱང་བྱའོ།། དེ་ནས་ཡང་ལས་མི་གྲུབ་ན་འདི་ལྟར་བྱའོ།། འཇིགས་པའི་གཙོ་མོའི་གམ་དུ་སོང་ལ། སྦག་ག་ལུང་དགུ་པའི་ནང་དུ། དུག་སྣ་ཚོགས་དང་། གཏོར་མ་བྱས་ལ་སྔོན ་ལ་ཀོའུ་རཱི་བསྐུལ་ལོ།། དགྲ་བོའི་ཕྱོགས་སུ་སྟངས་སྟབས་ལེན་གསུམ་བྱས་ལ། དགྲ་བོའི་ཕྱོགས་སུ་ཚམ་རྔམས་བྱ། དེ་ཡང་སྔགས་འདི་བཟླས་ཤིང་ཚམ་རྔམས་བྱའོ།། བྷྱོ་ཧ་བ་ཧུབ། དམ་ཉམས་ཀྱི་སྙིང་དཀར་ནག ་མཚམས་སུ་ཕོག་པར་རྒྱོབ་ཅིག། ཀོའུ་རཱི་མ་ཛ་བྷྱོ་ཧ་བ། ཅེས་བྱས་ལ་བཟླས་སོ།། དེ་ནས་ཤར་ཕྱོགས་སུ་ཁ་བལྟས་ལ། གསེར་སྐྱེམས་ཕོར་གང་གི་ནང་དུ་བཤོས་བུ་ཁྲུ་གང་བ་གཅིག་བཅུག་ལ་སྨྱུག་ཚིགས་དགུ་པ་གཅིག ་ལ་དར་དཀར་མཐོ་གང་བཏགས་ལ་ཤེལ་གིང་དཀར་པོས་དམ་ཉམས་པ་འདི་རླག་པར་མཛོད་ཅིག་བྱས་ལ་སྔགས་འདི་བརྗོད་དོ།། ཧུ་དེ་ཧ་ར་ཧུ་ར་བྷྱོ། སུ་ཀབ་དཀར་པོ་ཆེ་ཆོ། ཞེས་བྱ་བ་ལས་བཅོལ་ལོ།། དེ་ནས་ནུབ ་བྱང་མཚམས་སུ་བལྟས་ལ། གསེར་སྐྱེམས་ཕོར་གང་ཐོགས་ལ། ཡམ་ཤུད་དམར་པོ་ལ་དགྲ་བོ་ཁྱོད་ཀྱིས་གསོལ་ཅིག་མངའ་མཛོད་ཅིག་བྱས་ལ་སྔགས་འདི་བརྗོད་དོ།། ཏི་ཧ་བ་ཧ་བ་ཧ་ར་ཏི་མ་ཏི་མ་ཧཾ། ཞེས་བྱ་བ་ལས ་བཅོལ་ཞིང་དགྲ་བོ་གཏད་དོ།། དེ་ནས་གནན་པ་བྱ་བ་ནི། ཁྲོ་མོ་ཀོའུ་རཱི་མ་བསྒོམ་ལ་བྱ་ངར་ངུར་གྱི་སྒོ་ངའམ་བྱ་ནག་མོའི་སྒོ་ངའི་ནང་། གནག་པའི་མཚན་བྱང་བྲིས་ལ། རཀྟ་སྣ་གསུམ་གྱི་ཨརྒྷཾ་སྦྲེངས་ཤ་ཁྲག་གི་མཆོད ་པ་འབུལ་ལོ།། དེ་ནས་བསྐལ་ཞིང་དགྲ་བོའི་མིང་བྱང་ལ་བསྟབ་པ་བགྱི། དེ་ནས་སྙིང་པོ་འདི་ཁྲིའམ་འབུམ་བཟླས་སོ།། ཏེ་ན་ཏེ་མཱ་ར་ཡ་ཛ། ཞེས་པ་ཡིད་ལ་བཟླས་སོ།། ཉུང་དཀར་རམ་སྐེ་ཚེ་ལ་སྔགས་ཟླས་ཏེ་མིང་བྱང ་ངམ་གཟུགས་ལ་བསྣུན་ལ། མཆོག་གི་གླིང་བུ་འབུད་ལ་གཏོར་མ་ནི་ཆུའི་གཞུང་ངམ་ས་གཙང་སར་བསྐྱལ་ལོ།། མིང་བྱང་ལ་གཟེར་མནན་དྲག་ཏུ་བགྱི། ཞིང་ཆེན་གྱི་གཡང་གཞི་ལན་གསུམ་དུ་བརྡབ་ལ། གང་ལ་བྱ་བ ་ལ་ལས་བཅོལ་ལོ། དེ་ནས་མོན་གྱི་བྷནྡྷ་སྐམ་རློན་ཁ་སྦྱར་བའམ་རྟ་དང་གཡག་གི་ཐོད་པ་སྦྱར་བའི་ནང་དུ་དགྲ་བོའི་མིང་བྱང་བཅུག་པ་ལ། ཐོད་པ་ཁ་སྦྱོར་ལ་སྔོན་དམར་གྱིས་བཅིངས་ལ།། སེར་ཕྲོམ་དང་། སྨུག་རྐང ་དང་། ལྡོང་རོས་དང་། པྲི་ཡང་ཀུ་དང་། འདི་རྣམས་ཞག་ཏུ་སྦྲུས་ཏེ་རིལ་བུ་བརྒྱའམ་སྟོང་རྩ་བརྒྱད་བྱས་ཏེ། རིལ་བུ་རེ་རེ་ལའང་སྔགས་བརྒྱ་རྩ་བརྒྱད་བཟླས་ཤིང་ཐོད་པ་ལ་གདབ་བོ།། དེ་ཡི་སྔགས་ལ། ན་མོ་པུ་རི་བཛྲ ་ཙ་ཀ་ནན། ཙག་ཀ་ཤག་ཅེས་ཡིད་ལ་བཟླས་སོ།། རིལ་བུ་རེ་རེ་ལ་སྔགས་བརྒྱ་རྩ་བརྒྱད་དམ་སྟོང་རྩ་བརྒྱད་ཚང་བ་དང་རྫས་དེ་ཉིད་ལམ་པོ་ཆེའི་གཞི་མདོའམ་བྲག་དང་ཆུ་འཐབས་པའི་སར་ས་ཆག་གང་བརྐོས་ལ། དེ ་ཡི་ནང་དུ་སྦས་ལ་ས་བདག་ལ་གཏད་པར་བསྒོམ་མོ།། དེ་ནས་གནས་བདེ་བར་སོང་ལ་བདག་དཔལ་ཆེན་པོའི་ཏིང་ངེ་འཛིན་དུ་ཞུགས་ཏེ། གསལ་བར་བསྒོམ་ལ། དེ་ནས་ལས་འདི་ལྟར་བགྱི་སྟེ། ་མངོན་སྤྱོད་ཀྱི་ཨེ་གྲུ་གསུམ་གཅིག་བྱས་ཏེ། དེའི་ནང་དུ་དགྲ་བོའི་མིང་བྱང་བྲི། ཁ་དོག་ནག་པོར་བྱས་ལ་སྐྱེར་ཕུར་བདུན་དང་སྐྱེར་པའི་རྩང་བདུན་གྱིས་ཁ་བསྐོར། དེ་ཡི་ཕྱི་རིམ་རྡོ་རྗེ་ར་བས་བསྐོར་ལ་ཁྲག་གི་སྐུ། དེ ་ནས་རྟའི་གཅིན་དང་འབྲིའི་ཀླད་པ་བསྲེས་ལ། རས་བལ་ལ་བསྐུས་ཏེ་སྡོང་བུ་བྱས་ལ་ཚིལ་ཆེན་གྱི་མར་མེ་གསུམ་བཏང་། དེའི་དུད་པ་དང་རྟའི་ཚིལ་བཙོས་པའི་ཞག་དང་ལྡེ་གུར་བྱས་ཏེ། དཀྱིལ་འཁོར་གྱི་མཎྜལ་བྱ། ས ་སོག་གམ་ཕག་པའི་ཐོད་པ་ལ་གཟུགས་བྱ། ར་ཁྲག་དང་ཁྱི་ཁྲག་གིས་སྙིང་གར་ཛ་བྲི། གཟུགས་ལ་སྔོན་དམར་གྱིས་དཀྲིས་ལ། ཉུང་དཀར་ལ་སྔགས་འདི་ཁྲིའམ་འབུམ་བཟླས་ལ་སྙིང་གར་གདབ་བོ།། སྔགས་ལ་རཀྵ ་ཁ་ཐམ་སྙིང་ཁ་རཀྵ་པ་ར་བ་ཏི། དུར་ད་རི་བྷྱོ་ཛ། དམ་ལས་འགལ་བར་བྱེད་པའི་དགྲ་བོ་འདི་ཕྱེ་མར་བརླག་པར་མཛོད་ཅིག། ཧཱུཾ་ཛ་ནི། ཛ་པ་ར་པ་ར་ཏི་ཛ། ཀ་ར་ཀ་ར་ཛ། ཞེས་བརྗོད་དོ།། དེ་ནས་བསྐུལ་ལ་དགྲ་བོའི ་དབང་པོ་ཀུན་བསྟབ་བོ།། དེ་ནས་དགྲ་བོ་ཀླུ་ལ་གཏད་པའི་ཆོ་ག་ལ། ཤོག་ཤོག་ལ་སྦལ་པ་ནག་པོའི་གཟུགས་བྲིས་ལ། དེ་ཡི་ནང་དུ་མིག་བྱང་བྲིས་ལ་གནག་པའི་ཀླུ་རྣམས་ལ་གཏད་པར་བསྒོ། ཀླུ་རྣམས་ལ་སྨན་དང་འོ ་མ་དང་གཏོར་མས་མཆོད་དོ།། སྲིད་པའི་ལྷ་འདྲེ་ལ་གསེར་སྐྱེམས་གཏང་ངོ་།། བྱང་ཤར་མཚམས་ཀྱི་ཡབ་ཤུད་དམར་པོ་འཁོར་དང་བཅས་པ་ལ་ཡང་གསེར་སྐྱེམས་ཆ་གཅིག་བཏང་ངོ་།། དགྲ་བོའི་ཚེ་སྲོག་གི་བར་དུ་ཆད ་ཅིག་པར་བསྒོམ། དེ་ནས་ཀླུ་རྣམས་ཀྱི་སྙིང་པོ་བཟླས་སོ།། ཨོཾ་ཕཊ་ནི་ཛ། ཤམ་བག་ལ་ནི་ཛ། ཨོཾ་དགྲ་བོ་ནརྀ་ཛ། འགལ་བྱེད་འགེའུ་རུ་ནི་ཛ། ལན་ཁྲིའམ་འབུམ་བཟླས་སོ།། སྦལ་པའི་གཟུགས་ནི་ས་ཆག་གང་འོག་ཏུ ་མནན་ནོ།། དེ་ལྟར་བྱས་ལ་ཀླུ་ནག་པོ་ལ་གཏད་པར་བསྒོམ་མོ།། གུ་གུལ་ནག་པོའི་དུད་པས་བདུག། འགྲོ་བ་རིགས་དྲུག་ལ་སྦྱིན་གཏོར་བཏང་། དེ་ལྟར་ཀླུ་རྣམས་ལ་དམ་སྩལ་ལ་མནས་བསྒག་པ་ནི།། ཨོཾ་ཙ་ཏ་ཙ་ཏ་བྱི ་ཙ་ཏ། ཤད་ཤད་སྭཱ་ཧཱ། ཞེས་མནས་བསྒག་གོ། དེ་ལྟར་བྱས་ན་ཅི་ཡང་འགྲུབ་བོ།། སྒྲུབ་ཐབས་ཀྱི་ལེའུ་སྟེ་བཅོ་ལྔ་པའོ།། །། དེ་ནས་ལས་ཀྱི་གཞུག་གཉིས་པ་ནི། དང་པོ་ཡུལ་ནས་སྤྱན་དྲང་། མཆོད་པ་འབུལ།། ་བསྟབ་པ་བྱ། ཕོ་ཉ་བཏང་། སྲོག་གི་སྙིང་པོ་ནས་དྲོངས་ཅི་མང་དུ་བཟླས་སོ།། མངག་ཅིང་ལས་རང་དབང་མེད་པར་བྱེད་དུ་གཞུག་གོ། དེ་ནས་ནམ་ཕྱེད་ཡོལ་དང་ཉི་མ་ཕྱེད་ཡོལ་ཙམ་ན། སྲིན་མོ་བདུན་ལ་མཚང་འབྲུ ་ཞིང་ལས་བྱེད་དུ་གཞུག་པ་ནི། རྒྱ་གར་སྐད་དུ། བཛྲ་ཁམས་ཛ། སཾ་སྐྲྀ་ཏའི་སྐད་དུ། དམར་མོ་མི་ཟན་མ་མཆེ་བ་ཅན། བོད་སྐད་དུ། རལ་པ་གཅིག་མའི་བུ་མོ་ཡིན་པས་པྲ་མོ་ཧ་ཞེས་བྱ་བ་ལས་ཅི་ཡང་ཟློག་ནུས་སོ།། རྒྱ ་གར་སྐད་དུ། བཛྲ་ཡགྒ་ཛ། སཾ་སྐྲྀ་ཏའི་སྐད་དུ། སྲིན་མོ་རལ་གཅིག་མ་ཞེས་བྱ་བ། བོད་སྐད་དུ། ཀོ་རཱི་མ་ནག་མོ་ལན་བྱེད་མ་སྟེ་ལས་ཅི་ཡང་ལེན་ནུས་སོ།། རྒྱ་གར་སྐད་དུ། བཛྲ་མ་ཛ་ཞེས་བྱ་བ། སཾ་སྐེ ་ཏའི་སྐད་དུ། སྲིན་མོ་རལ་གཅིག་གདོང་བཞི་མ་ཞེས་བྱ་བ། བོད་སྐད་དུ། ཙོའུ་རཱི་སེར་མོ་རྐུ་བྱེད་མ་ཞེས་བྱ་སྟེ་ལས་ཅི་ཡང་བརྐུ་ནུས་སོ།། རྒྱ་གར་སྐད་དུ། མ་མ་ཛ་ཛ་ཞེས་བྱ་བ། སཾ་སྐྲྀ་ཏའི་སྐད་དུ། སྲིན་མོ་མགོ་འཆང ་མ་ཡང་འཕྱངས་ཞེས་བྱའོ།། བོད་སྐད་དུ། བེ་ཏཱ་ནག་མོ་མྱོས་བྱེད་མ་ཞེས་བྱ་སྟེ་ལས་ཅི་ཡང་ཉམས་སོད་པར་བྱེད་དོ།། རྒྱ་གར་སྐད་དུ། བཛྲ་ཁ་ར་ཛ་ཞེས་བྱ་བ། སཾ་སྐྲྀ་ཏའི་སྐད་དུ། སྲིན་མོ་འབྲལ་བྱེད་མ་ཞེས་བྱ། བོད ་སྐད་དུ། པུཀྐ་སཱི་ཞེས་བྱ་སྟེ་ལས་ཅི་ཡང་འབྲལ་བར་བྱེད་ནུས་སོ།། རྒྱ་གར་སྐད་དུ། མ་ཧོ་ར་ཙ་ཞེས་བྱ་བ། སཾ་སྐྲི་ཏའི་སྐད་དུ། སྲིན་མོ་སྨྱོ་བྱེད་མ་ཞེས་བྱ་བ།། བོད་སྐད་དུ།། གྷས་མ་རཱི་ཞེས་བྱ་སྟེ། ལས་ཅི་ཡང་སྨྱོ་བར ་བྱེད་ནུས་སོ།། རྒྱ་གར་སྐད་དུ། བཛྲ་ཡ་བུ་མུ་ཛ་ཞེས་བྱ།། སཾ་སྐྲྀ་ཏའི་སྐད་དུ། བགེགས་ཡཀྐ་ནག་མོའི་བུ་མོ་སྲིན་མོ་ལན་ཕྲན་ཅན་ཞེས་བྱ། བོད་སྐད་དུ།། ཙནྡ་ལཱི་ཞེས་བྱ། ལས་ཅི་ཡང་ཐོགས་པ་མེད་པར་བྱེད་ནུས ་སོ།། ལས་གཉེར་གཏད་ཅིང་སྙིང་སྣ་བསྟབ་པ་ནི།། ཀོའུ་རཱི་མ་ནི་ཉི་མ་ནུབ་ཁ་དང་ནམ་ཕྱེད་ཙམ་ན། གནོད་སྦྱིན་གྱི་བུ་མོ་ཞགས་པ་ཐོགས་མ་ལ་ཞོན་ནས། ཉུལ་དུ་འོང་ངོ་།། དུས་དེ་ཙམ་ན་སྲོག་གི་སྙིང་པོ་ནས་དྲོངས ་ཤིང་རྫས་བསྟབ་ཅིང་བཏང་ངོ་།། སྒྲུབ་པ་དང་བསྙེན་པ་བྱེད་ན། ཉམས་ཉེ་བར་ལེན་དུ་འོང་ངོ་།། དངོས་གྲུབ་འཕྲོག་ཏུ་འོང་ངོ་།། ལས་གཉེར་ཡང་ཉི་མ་ནུབ་ཁ་ནམ་གུང་ལ་གཏད་དོ།། ཙོའུ་རཱི་མ་ནི་གཤིན་རྗེའི་བུ་མོ ་རལ་གཅིག་མ་ཞེས་བྱ་བ་ལ་ཞོན་ནས་སྲོད་ལ་འོང་ངོ་།། རྦད་པ་དང་ལས་གཉེར་གཏད་པ་ཡང་སྲོད་ལ་བྱའོ།། ཉམས་ཉེ་བར་ལེན་ཅིང་མཆོད་ལྔ་ཐབས་སུ་འཇུག་གོ། པྲ་མོ་ཧའི་དུས་ནི་ནམ་གུང་དང་ཉི་མ་གུང་ལ་འོང ་ངོངོ།། རྦད་པ་དང་ལས་གཉེར་གཏད་པ་ཡང་ཉི་མ་གུང་དང་ནམ་གུང་ལ་བྱའོ།། བཻ་ཏ་ལིའི་དུས་ནི་ཉི་མ་ནུབ་ཀ་དང་ནམ་ཕྱེད་ཡོལ་ན་རྒྱུའོ།། རྦད་པ་དང་ལས་གཉེར་གཏད་པ་ཡང་དུས་དེར་བྱའོ།། པུ་ཀྐ་སཱིའི་དུས་ནི་ཉི་མ ་ཤར་ཀ་དང་ནམ་ཕྱེད་ན་རྒྱུའོ།། རྦད་པ་དང་ལས་གཉེར་གཏད་པ་ཡང་ཉི་མ་ཤར་ཀ་དང་ནམ་གུང་ལ་བྱའོ།། གྷས་མ་རཱིའི་དུས་ནི་ནམ་ཕྱེད་ཡོལ་ལ་རྒྱུའོ།། རྦད་པ་དང་ལས་གཉེར་གཏད་པ་ཡང་ནམ་ཕྱེད་ཡོལ་ན། ་བྱའོ།། ཙཎྜ་ལཱིའི་དུས་ན་སྐྱ་རེངས་དང་པོ་ཤར་ཙ་ན་རྒྱུའོ།། རྦད་པ་དང་ལས་གཉེར་གཏད་པ་ཡང་སྐྱ་རེངས་ཤར་ཙ་ན་བྱའོ།། ནམ་རྒྱུ་བའི་དུས་ཚོད་དེར་ལས་བཅོལ་ཞིང་སྲོག་གི་སྙིང་པོ་ནས་དྲང་ངོ་།། ལས་གཉེར་གཏད ་པའི་ལེའུ་སྟེ་བཅུ་དྲུག་པའོ།། །། དེ་ནས་མགོ་བརྙན་རྣམས་ཀྱི་མ་མོ་རྦད་ཅིང་ལས་བཅོལ་བ་ནི། མགོ་བརྙན་མའི་ཕོ་ཉ་འགྱེད་ཅིང་རྦད། ལས་གཉེར་གཏད་པར་སྲོག་གི་སྙིང་པོ་ནས་བརྒྱ་རྩ་བརྒྱད་བཟླས ་སོ།། བསྐུལ་བ་ནི་ཀོའུ་རི་མ་བརྒྱད་གསལ་བར་བསྒོམ་ཞིང་ཕྲ་མེན་མ་བརྒྱད་ཟད་ལ་ལས་བཅོལ་ལོ།། ཏིང་ངེ་འཛིན་གསལ་ན་ཕྲ་མེན་མ་རྣམས་ཀྱང་མངོན་དུ་འབབས་སོ།། ཏིང་ངེ་འཛིན་ཤུགས་ཆུང ་ཡང་འོད་དང་སྒྲ་ལྟ་བུ་འབྱུང་ངོ་།། རྟགས་དེ་དག་བྱུང་བ་དང་འདི་སྐད་བསྐུལ་ལོ།། སྲིན་མོའི་གཟུགས་ལ་ཁྲོ་མོའི་ཞལ།། བྷནྡྷ་ཞིང་དབྱུག་འཇིགས་པར་སྒྲོགས།། དེ་ཡི་ཡང་སྦྲུལ་ཕོ་ཉ་མ།། བུད་མེད་ལུས་ལ་སེང་གེའི ་མགོ།། དམ་ཉམས་གསོད་པའི་ཁྲོམ་ལ་ཐོབ།། དུས་ལ་བབ་བོ་ས་མ་ཡཱ།། སྲིན་མོའི་གཟུགས་འཆང་ཁྲོ་མོའི་ཞལ།། ཐབས་ཀྱི་མདའ་འཕེན་སྙིང་ལ་བྲིས།། དེ་ཡི་ཡང་སྦྲུལ་ཕོ་ཉ་མ།། བུད་མེད་ལུས་ལ་སྟག་གི་མགོ། སྲིན ་མོའི་གཟུགས་འཆང་ཁྲོ་མོའི་ཞལ།། མདུང་དར་འཛིན་བྱེད་ཆུ་སྲིན་གདོང་།། དེ་ཡི་ཡང་སྦྲུལ་ཕོ་ཉ་མ།། བུད་མེད་ལུས་ལ་ཝ་ཡི་མགོ། སྲིན་མོའི་ལུས་ལ་ཁྲོ་མོའི་གདོང་།། རོ་ཟ་ཁྲག་འཐུང་རྡོ་རྗེ་འཕྱར།། དེ་ཡི་ཡང་སྤྲུལ ་ཕོ་ཉ་མ།། བུད་མེད་ལུས་ལ་སྦྱང་ཀིའི་མགོ། སྲིན་མོའི་གཟུགས་ལ་ཁྲོ་མོའི་ཞལ།། ཉམས་པའི་སྙིང་དང་རྒྱུ་མ་འདྲེན།། དེ་ཡི་ཡང་སྦྲུལ་ཕོ་ཉ་མ།། བུད་མེད་ལུས་ལ་བྱ་རྒོད་མགོ།། སྲིན་མོ་ཆ་ལུགས་ཁྲོ་མོའི་ཞལ།། ཟོད ་ཁྲག་རྡོ་རྗེས་དཀྲུགས་པ་གསོལ།། དེ་ཡི་ཡང་སྦྲུལ་ཕོ་ཉ་ནི།། བུད་མེད་ལུས་ལ་ཀང་ཀའི་མགོ། སྲིན་མོའི་ལུས་ལ་ཁྲོ་མོའི་སྤྱན།། ཉམས་པའི་སྙིང་འབྱིན་གསོད་ལ་རྔམས།། དེ་ཡི་ཡང་སྦྲུལ་ཕོ་ཉ་མ།། བུད་མེད་ལུས་ལ ་ཀ་ཀཱའི་མགོ། སྲིན་མོའི་ལུས་ལ་བྱ་རོག་མགོ། སྲིན་མོའི་སྐུ་ལ་རཀྵའི་གདོང་།། དམ་ཉམས་སྲོག་གཅོད་སྙིང་ལ་རོལ།། དེ་ཡི་ཡང་སྦྲུལ་ཕོ་ཉ་ནི།། བུད་མེད་ལུས་ལ་འུག་པའི་མགོ། དམ་ཉམས་གསོད་ཅིང་ཁྲམ་ལ ་འདེབས།། ཞེས་ཤིང་གི་ལེའུ་སྟེ་བཅུ་བདུན་པའོ།། །། དེ་ནས་ཡང་ལས་མ་གྲུབ་ན་འདི་ལྟར་བྱའོ།། དང་པོ་བདག་དཔལ་ཆེན་པོའི་ཏིང་ངེ་འཛིན་དུ་གསལ་བར་བསྒོམ་ལ། དམ་རྫས་ཁྲག་གི་གཏོར་མ་དང་ལྡན་པར ་བྱ། ལྷའི་འཛབ་ཚང་བར་བཟླས་ལ་འཛབ་ཚང་བ་དང་། མ་མོ་རེ་མ་ཏི་ཤ་ཁྲག་ལ་རོལ་པའི་སྙིང་པོ་འདི་བདུན་འབུམ་བཟླས་སོ།། དྲག་ཏུ་བརྗོད་ན་གང་ལ་བྱ་བའི་དམིགས་བྱ། རིང་པོར་མི་ཐོགས་པར་རྡུལ་དུ་རློག་ནུས ་སོ།། རེ་མ་ཏིའི་བསྙེན་པ་ནི། དམ་ཚིག་གཙང་མར་བྱས་ལ་གནས་གཙང་མར་སོང་སྟེ།། གོས་ནག་པོ་གོན་ཐོད་ནག་པོ་བཅིང་། ཁྲག་སྣ་མང་པོའི་གཏོར་མ་བྱ། ཤ་སྣ་མང་པོའི་གཏོར་མ་བྱས་ལ་ཤ་སྣ་མང་པོ་བསགས་ལ། ་བྷནྡྷའི་ནང་དུ་མར་གྱིས་བཀང་ལ་སྨན་བསྩལ། ཤ་ཆེན་གྱི་དུད་པ་བཏང་། སྙིང་པོ་བརྒྱ་རྩ་བརྒྱད་བཟླས་ལ་བསྐུལ་ལོ།། བཅོལ་དམ་དྲག་ཏུ་བྱ། རེ་མ་ཏིའི་སྒྲུབ་པའི་ལེའུ་སྟེ་བཅོ་བརྒྱད་པའོ།། །། པྲ་མེན་ལས་ཀྱི ་རྒྱལ་མོའི་དཀྱིལ་འཁོར་རྫོགས་སོ།། །། དེ་ནས་ཕྲ་མེན་མ་རྣམས་དམ་རྫས་ཚང་བས་མཆོད་པར་བྱ་སྟེ། མཐིང་ཀ་མཆོག་སྟོབས་དཔལ་གྱི་ཡུམ།། རྡོ་རྗེ་ཐུགས་ཀྱི་དབང་ཕྱུག་མ།། ཀོའུ་རཱི་མ་ཡིས་མཆོད་པ ་རོལ།། གསེར་གྱི་འོད་འཕྲོ་མདའ་འཕེན་མ།། རིན་ཆེན་སྐུ་ཡི་དབང་ཕྱུག་མ།། ཙོའུ་རཱི་མ་ཡིས་མཆོད་པ་རོལ།། དམར་མོ་ཆུ་སྲིན་རྒྱལ་མཚན་འཛིན།། པདྨ་གསུང་གི་དབང་ཕྱུག་མ།། པྲ་མོ་ཧ་ཡིས་མཆོད ་པ་རོལ།། ནག་མོ་རལ་པ་ཐོད་པར་འགྱིངས།། ཀརྨ་ལས་ཀྱི་དབང་ཕྱུག་མ།། བཻ་ཏཱ་ལི་ཡིས་མཆོད་པ་བཞེས།། ཞེ་སྡང་གཏུམ་ཁྲོ་སྤ་གྲིའི་སོ།། ཞེ་སྡང་འཇོམས་པའི་དབང་ཕྱུག་མ།། གྷས་མ་རཱི་ཡིས་མཆོད་པ་རོལ།། རིན ་ཆེན་མེ་ལྕེ་ཕྲེང་བ་ཅན།། གཏི་མུག་འཇོམས་པའི་དབང་ཕྱུག་མ།། པུཀྐ་སཱི་ཡིས་མཆོད་པ་རོལ། ཁ་ཊྭཱཾ་མཚོན་གྱི་ཆར་འབེབས་མ།། འདོད་ཆགས་འཇོམས་པའི་དབང་ཕྱུག་མ།། སྨ་ཤ་ནི་ཡིས་མཆོད་པ་རོལ། ཁྲོ་མོའི་ཕྱག ་ན་དགྲ་སྟ་བསྣམས།། ང་རྒྱལ་འཇོམས་པའི་དབང་ཕྱུག་མ།། ཙནྡ་ལི་ཡིས་མཆོད་པ་རོལ།། འཇིགས་པ་བཞི་ཡི་སྒོ་འགེགས་ཤིང་།། ཐར་པ་བརྒྱད་ཀྱི་ལམ་སྟོན་པ།། དེ་བཞིན་གནས་ཀྱི་ཕྱག་རྒྱ་མ།། ཀོའུ་རཱི་ལ་སོགས ་མཆོད་པ་འབུལ།། རྡོ་རྗེ་གིང་ཆེན་ཕྲ་མེན་མ།། འཇིགས་པའི་གདོང་ཅན་གཏུམ་བྱེད་ཅན།། སེང་ཧ་གསོད་བྱེད་སེང་གེའི་མགོ། རོ་མཆོག་ཟ་བའི་ཕྲ་མེན་མ།། མུ་ཁས་རོལ་གཅིག་ར་ཙ་མ།། བྱཱ་གྷྲི་མགོ་ཅན་སྟག་གི ་མགོ། ཐོད་རློན་འདྲད་པའི་ཕྲ་མེན་མ།། མུ་ཁས་རོལ་ཅིག་བྱ་གྷྲི་མ།། སྲི་ལ་བྱིས་ལྡག་ཝ་ཡི་མགོ། ལྤགས་ཆེན་ལྡག་པའི་ཕྲ་མེན་མ།། མུ་ཁས་རོལ་པས་ཧེ་ཧེ་ཀྲམ།། ཤོ་ན་ཤ་འདྲེད་སྤྱང་མོའི་གདོང་།། ཤ་ཆེན་ཟ་བའི་ཕྲ ་མེན་མ།། མུ་ཁས་རོལ་པས་བྷཀྵ་ཁཱ་ཧི།། ཀྲི་ཏ་ཁྲག་འཐུང་བྱ་རྒོད་མཆུ།། དམར་ཆེན་འཇིག་པའི་ཕྲ་མེན་མ།། མུ་ཁས་རོལ་པས་ཀྲི་ཏ་བྷྱོ།། ཀངྐ་སྙིང་འབྱིན་དུར་བྱའི་མགོ། ནང་རོལ་ཟ་བའི་ཕྲ་མེན་མ།། མུ་ཁས་རོལ ་པས་ཀངྐ་མ། ཁ་ཁ་རྒྱུ་འདྲེན་བྱ་རོག་སྣར།། ནང་ཁྲོལ་ཟ་བའི་ཕྲ་མེན་མ།། མུ་ཁས་རོལ་པས་ཀཱ་ཀ་ལེ།། ཧུ་ལུ་སེམས་འཕྲོག་འུག་པའི་མགོ། གློ་སྙིང་ཟ་བའི་ཕྲ་མེན་མ།། མུ་ཁས་རོལ་པས་ཨཱ་ལུ་ཀ། རྟ་གདོང་དཀར ་མོ་ལྕགས་ཀྱུ་མ།། ཉམས་པ་ཐམས་ཅད་སྙིང་ནས་འདྲེན།། མུ་ཁས་རོལ་པས་ཛ་ཛ་ཧཱུཾ། ཕག་གདོང་ནག་མོ་མཆེ་བ་ཅན།། འཁོར་བ་ཐམས་ཅད་འཆིང་བའི་ཕྱིར།། རྡོ་རྗེ་དྲིལ་ཞགས་སྡོག་ཅིང་འཕེན།། མུ་ཁས་རོལ་པས་ཨ ་མོ་གྷ་ཧཱུཾ།། ཉི་ཟླ་མ་སྟེ་སྨུག་དམར་མ།། རྡོ་རྗེ་ལྕགས་སྒྲོག་དམར་གྱི་བདག། མུས་ཁས་རོལ་པས་ལོ་ཀ་བཾ།། ཐལ་བྱེད་ཆེན་མོ་ལྗང་ནག་མ།། དྲིལ་ཆེན་འཕྱར་ཏེ་གསོད་པའི་ཚུལ།། མུ་ཁས་རོལ་པས་གྷསྨི་བ་ལ་ཧོ།། ཞེས ་བརྗོད་ལ་མཆོད་ཅིང་བསྟོད་དོ།། ཕྲ་མེན་སྤྱང་ཀི་ལས་ཀྱི་རྒྱལ་མོའི་རྒྱུད་ལས། མཆོད་ཅིང་བསྟོད་པའི་ལེའུ་སྟེ་བཅུ་དགུ་པའོ།། །། དེ་ནས་ཕྲ་མེན་མ་རྣམས་ལ་ཕྲིན་ལས་བཅོལ་བ་ནི་འདི་སྐད་དོ།། ཀོ་རཱི་དཀར་མོས ་ཞིང་དབྱུག་ཕྱར། ཁམས་གསུམ་རྡུལ་དུ་རློགས་པའི་དཔའ་རྟགས་ཅན།། དམ་ཉམས་རྡུལ་དུ་རློགས་པའི་ཕྲིན་ལས་མཛོད།། ཙཽ་རཱི་སེར་མོ་ཐབས་ཀྱི་མདའ་གཞུ་འགེངས།། ཆགས་པའི་དབང་གིས་གཙོ་བོའི་ཐུགས་ཀར ་འཛིན།། ཕྲ་མོ་དམར་མོ་ཆུ་སྲིན་རྒྱལ་མཚན་ཕྱར།། བདུད་བཞི་ཕམ་མཛད་ཆེ་བའི་རྒྱལ་མཚན་ཕྱར།། བེ་ཏཱ་ནག་མོ་ཟ་བྱེད་རྡོ་རྗེ་འཕྱར་ཞིང་འགྱིངས།། སྟང་སྟབས་ཆགས་པའི་དབང་གིས་ཁམས་གསུམ ་མ་ལུས་དབང་དུ་སྡུད།། པུཀྐ་དམར་སེར་ཞིང་གི་རྒྱུ་ཞགས་འཛིན།། ཉོན་མོངས་འཁོར་བའི་གནས་ནས་སྒྲོལ་ཅིང་སྟོབ།། གྷས་མ་ལྗང་དམར་དུང་དམར་དཀྲུག། ལྕང་ལོར་བཅས་པའི་བྷནྡ་དམར་གྱིས་བཀང་བ ་ལ།། ཐབས་དང་ལྡན་པའི་རྡོ་རྗེས་དཀྲུག་ཅིང་གསོལ།། སྨེ་ཤ་མཐིང་ནག་ལོག་རྟོག་འབྲལ།། ཉོན་མོངས་འཁོར་བའི་རྒྱུན་རྩ་རྩད་ནས་གཅོད།། ཙནྡྲ་སེར་སྐྱ་ཞིང་གི་ཙིཏྟ་འདྲེན།། བྷནྡ་སྐམ་རློན་ཐོད་ཕྲེང་སེ་རལ ་ཁ།། སེང་ཧ་གསོད་བྱེད་སེང་གེའི་གཟུགས།། ཟིལ་གྱིས་གནོན་པའི་ཏིང་ངེ་འཛིན།། མི་རོ་ཟ་བའི་ཕྲ་མེན་མ།། དགྲ་བོའི་རོ་ལ་རོལ་ཅིང་གཤེགས་སུ་གསོལ།། བྱཱ་གྷི་ཆེན་མོ་སྟག་གི་མགོ།། དཔའ་བོར་བཞུགས་པའི་ཏིང ་ངེ་འཛིན།། མགོ་རུས་འཆའ་བའི་ཕྲ་མེན་མ།། དགྲ་བོའི་མགོ་ལ་རོལ་ཅིང་གཤེགས་སུ་གསོལ།། སྲི་ལ་དུར་ཀུན་ཝ་ཡི་གཟུགས།། སྒྱུ་རྩལ་ཆེ་བའི་ཏིང་འཛིན་ནི།། ལྤགས་ཆེན་ཟ་བའི་ཕྲ་མེན་མ།། དགྲ་བོའི་པགས་པ ་རོལ་ཅིང་གཤེགས་སུ་གསོལ།། ཤྲ་ན་མུ་ཁ་སྦྱང་མོའི་གཟུགས།། རྟོག་པ་འཇོམས་པའི་ཏིང་འཛིན་གྱིས།། ཤ་ཆེན་ཟ་བའི་ཕྲ་མེན་མ།། དགྲ་བོའི་ཤ་ལ་རོལ་ཅིང་གཤེགས་སུ་གསོལ།། ཀྲི་ཏ་ཁྲག་འཐུང་བྱ་རྒོད ་མགོ། གནམ་འཕང་གཅོད་པའི་ཏིང་འཛིན་གྱིས། ཁྲག་ཚིལ་ཟ་བའི་ཕྲ་མེན་མ།། དགྲ་བོའི་ཁྲག་ལ་རོལ་ཅིང་གཤེགས་སུ་གསོལ།། ཀང་ཀའི་ཚེ་འཕྲོག་དུར་བྱའི་གཟུགས།། གཏི་མུག་སེལ་བའི་ཏིང་འཛིན་གྱིས།། ཀེང ་རུས་འཆའ་བའི་ཕྲ་མེན་མ།། དགྲ་རུས་འཆའ་ཞིང་གཤེགས་སུ་གསོལ།། ཀ་ཀ་རྒྱུ་འདྲེན་བྱ་རོག་གདོང་།། རྡོ་རྗེ་སྦར་བྱེད་ཏིང་འཛིན་གྱིས།། ནང་ཁྲོལ་ཟ་བའི་ཕྲ་མེན་མ།། དགྲ་བོའི་ནང་ལ་རོལ་ཅིང་གཤེགས་སུ ་གསོལ།། ཧུ་ལུ་ཡིད་འཕྲོག་འུག་པའི་གདོང་།། སྣང་གསལ་སྒྲོན་ཁྱེར་ཏིང་ངེ་འཛིན།། གློ་སྙིང་ཟ་བའི་ཕྲ་མེན་མ།། བགེགས་ཀྱི་སྙིང་ལ་རོལ་ཅིང་གཤེགས་སུ་གསོལ། ཁམས་གསུམ་འཁོར་བའི་སྡུག་བསྔལ་ཅི་འདྲ། ་བ།། བྱམས་མགོན་ཁྱེད་ཀྱི་ཐུགས་ཀྱི་ག་ལ་བཟོད།། གང་ལ་ཅི་འདུལ་འགྲོ་བའི་སྡུག་བསྔལ་རྣམས།། མྱུར་དུ་སྒྲོལ་མཛད་རྟ་གདོང་ལྕགས་ཀྱུ་མ།། སྔོན་གྱི་སྨོན་ལམ་ཐུགས་རྗེས་ཆེ་མངའ་བས།། འཁོར་བ་ཡུན་རིང་འགྲོ། ་བའི་སྡུག་བསྔལ་ལ།། རྟག་ཏུ་དོན་མཛད་སྐྱོང་ལ་མི་མཁྱེན་ཏེ།། ཡིད་བཞིན་རེ་སྐོང་ཕག་གདོང་ཞགས་པ་མ།། ཐམས་ཅད་མཁྱེན་ཉིད་ཉི་ཟླའི་སྤྱན་མངའ་སྟེ།། རྨོངས་པའི་མུན་སེལ་བག་ཆགས་མ་ལུས ་བསྲེགས།། འཁོར་བའི་རྒྱུད་མཁྱེན་ཅི་འདུལ་དེར་སྟོན་པ།། བློ་གྲོས་མིག་འབྱེད་ལྕགས་སྒྲོགས་ཉི་ཟླ་མ།། མྱ་ངན་མི་འདའ་འཁོར་བ་མཐའ་གཏུག་པར། ཁྱོད་ཀྱིས་ཐུགས་རྗེས་མི་གཏོང་རྟག་ཏུ་བརྩོན།། ཕྲིན་ལས་རྣམ ་བཞིས་མ་ལུས་སྒྲོལ་མཛད་པ།། དེད་དཔོན་ཁྱེད་ཉིད་ཐལ་བྱེད་དྲིལ་བུ་མ།། ཞེས་བསྐུལ་ལོ།། ཕྲ་མེན་སྦྱང་ཀི་ལས་ཀྱི་རྒྱལ་མོའི་རྒྱུད་ལས། ཕྲིན་ལས་བསྐུལ་བའི་ལེའུ་སྟེ་ཉི་ཤུ་ཐམ་པའོ།། །། དེ་ནས ་ཕྲ་མེན་མ་འདི་རྣམས་ལ་རྩིས་འགྲོ་རྣམ་པ་བདུན་གྱིས་སྟོན་ཏེ། དེ་ཡང་གང་ཞེ་ན། དགྱེས་པ་སྐྱེད་པ་དང་། མཉེས་པ་སྟོབས་པ་དང་། རྒྱུ་ལ་རོལ་པ་དང་། འབྲས་བུར་གྲུབ་པ་དང་། ཟ་བྱེད་ཀྱི་ཚོགས་དང་། མགྱོགས ་བྱེད་ཀྱི་ཚོགས་དང་། འཇིགས་བྱེད་ཀྱི་ཚོགས་དང་བདུན་ནོ།། ཕྲ་མེན་སྤྱང་ཀི་ལས་ཀྱི་རྒྱལ་མོའི་རྒྱུད་ལས། དོན་གྱི་ཉིང་ཁུའི་ལེའུ་སྟེ་ཉི་ཤུ་གཅིག་པའོ།། །། དེ་ནས་བཛྲ་ཀོའུ་རཱི་མ་ཁ་དོག་སྔོན་པོར་བསྟན་པ་ནི། ་ཕྲིན་ལས་ཞི་བའི་རང་བཞིན་གྱིས།། སེམས་ཅན་གྱི་དོན་བྱེད་པ་ཡིན་ལ། ཙཽ་རཱི་མ་ཁ་དོག་སེར་པོར་བསྟན་པ་ནི།། ཕྲིན་ལས་རྒྱས་པའི་རང་བཞིན་གྱིས་སེམས་ཅན་གྱི་དོན་བྱེད་པ་ཡིན་ལ། པྲ་མོ་ཧཱ་སྐུ་མདོག་དམར་པོར ་བསྟན་པ་ནི། ཕྲིན་ལས་དབང་གི་རང་བཞིན་གྱིས་སེམས་ཅན་གྱི་དོན་བྱེད་པ་ཡིན་ལ། བཛྲ་བཻ་ཏ་ལཱི་སྐུ་མདོག་ནག་མོ་བསྟན་པ་ནི། ཕྲིན་ལས་དྲག་པོའི་རང་བཞིན་གྱིས་སེམས་ཅན་གྱི་དོན་བྱེད་པ་ཡིན་ལ། བཛྲ་པུཀྐ་སཱི ་ཁ་དོག་དམར་སེར་དུ་བསྟན་པ་ནི་ཕྲིན་ལས་དབང་རྒྱས་རང་བཞིན་གྱིས་སེམས་ཅན་གྱི་དོན་བྱེད་པ་ཡིན་ནོ།། བཛྲ་གྷས་མ་རཱི་ཕྱག་ན་བྷནྡྷ་རཀྟ་དམར་གྱིས་བཀང་ནས་རྡོ་རྗེས་དཀྲུག་ཅིང་གསོལ་བའོ།། བཛྲ་ཙཎྜ་ལཱི་ཕྱག ་གཡོན་པ་ན་ཞིང་གི་ལུས་འཛིན་པ་ནི་མཚན་མའི་བེམ་པོ་ཡིན་ལ། གཡས་ཀྱིས་མགོ་གཅོད་པའོ།། སེང་ཧ་མུ་ཁཱ་སེང་གེའི་མགོ་ཅན། བྷ་གྣི་མུ་ཁ་སྟག་གི་མགོ་ཅན། བཛྲ་སྲི་ལ་མུ་ཁ་ཝའི་མགོ་ཅན། ཤྲ་ན་མུ་ཁ་སྦྱང་ཀའི ་མགོ་ཅན། བཛྲ་ཀྲི་ཏ་མུ་ཁ་བྱ་རྒོད་མགོ་ཅན། བཛྲ་ཀངྐ་མུ་ཁ་དུར་བྱའི་མགོ་ཅན། བཛྲ་ཀ་ཀ་མུ་ཁ་བྱ་རོག་གི་མགོ་ཅན། བཛྲ་ཨུ་ལ་ཀ་མུ་ལ་ཁ་འུག་པའི་མགོ་ཅན། ཕྲ་མེན་ལས་ཀྱི་རྒྱལ་མོའི་རྒྱུད་ལས། རྟོག་པ་བཤད ་པའི་ལེའུ་སྟེ་རྩ་གཉིས་པའོ།། །། དེ་ནས་ཕྲ་མེན་རྣམས་ལ་དངོས་གྲུབ་བླང་བ་ནི། དཀྱིལ་འཁོར་ཐམས་ཅད་ཟླ་གམ་དུ་བསྒྱུར་ལ་འདི་སྐད་དོ།། དཔལ་ཆེན་ཡབ་ཡུམ་དཀྱིལ་འཁོར་ནས།། ཐབས་དང་ཤེས་རབ ་དངོས་གྲུབ་སྩོལ།། སྨུག་ནག་འབར་བའི་མེ་རི་ལས།། རྣམ་ཤེས་བརྒྱད་ཀྱི་དངོས་གྲུབ་སྩོལ།། དུར་ཁྲོད་འབར་བའི་མེ་རི་ལས།། དྲག་ཤུལ་མཐུ་བརྒྱད་དངོས་གྲུབ་སྩོལ།། ཚད་མེད་སྒོ་བཞིའི་དཀྱིལ་འཁོར་ནས།། ཕྲིན ་ལས་རྣམ་བཞིའི་དངོས་གྲུབ་སྩོལ།། ཞེས་བརྗོད་ལ་གསང་བའི་རྫས་དང་བཅས་སྤྱད་དོ།། ཕྲ་མེན་སྦྱང་ཀི་ལས་ཀྱི་རྒྱལ་མོའི་རྒྱུད་ལས། དངོས་གྲུབ་བླང་བའི་ལེའུ་སྟེ་རྩ་གསུམ་པའོ།། །། དེ་ནས་དཀྱིལ་འཁོར་དེ ་ཉིད་དུ་དབང་བསྐུར་བ་ནི། སྒྲུབ་པའི་རྫས་ཐམས་ཅད་ཀྱིས་སློབ་མ་རྣམས་ཀྱི་སྤྱི་བོ་ནས་དབང་བསྐུར་རོ།། ཧཱུཾ་མེ་རི་སྨུག་ནག་འབར་བའི་དཀྱིལ་འཁོར་ནས།། དཔལ་ཆེན་ཡབ་ཡུམ་དབང་མཆོག་ཁྱོད་ལ་སྦྱིན།། ཕྱོགས ་བཞི་མཚམས་བརྒྱད་སྟེང་འོག་ཟླ་གམ་དཀྱིལ་འཁོར་ནས།། གྲུབ་པའི་མ་བརྒྱད་དབང་མཆོག་ཁྱོད་ལ་སྦྱིན།། འབར་བའི་བར་ཁྱམས་བརྒྱད་ཀྱི་དཀྱིལ་འཁོར་ནས།། ཡང་སྦྲུལ་བརྒྱད་ཀྱི་དབང་མཆོག་ཁྱོད ་ལ་སྦྱིན།། སྒོ་བཞི་རྡོ་རྗེའི་བྲག་གི་དཀྱིལ་འཁོར་ནས།། འཇུག་པའི་སྒོ་བཞིའི་དབང་མཆོག་ཁྱོད་ལ་སྦྱིན།། ཕྲ་མེན་སྦྱང་ཀི་ལས་ཀྱི་རྒྱལ་མོའི་རྒྱུད་ལས། དབང་བསྐུར་བའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས ་དཀྱིལ་འཁོར་བསྡུའོ།། རྫོགས་སོ།། །། དཔལ་ཆེན་མཆོག་ཧེ་རུ་ཀ་ལ་ཕྱག་འཚལ་ལོ།། འདས་དང་མ་བྱོན་དུས་ཉིད་ན།། ལྕང་ལོ་ཅན་གྱི་ཕོ་བྲང་དུ།། འཇིགས་བྱེད་ཆེན་པོའི་སྐུ་ཅིར་ཡང་སྣང་བ་གནོད ་