Wylie

e-texts produced with BDRC’s OCR application

གི་ལེའུ་གཉིས་ཏེ་བསྡོམས་པས་བརྒྱ་བཞི་བཅུ་ཞེ་གཉིས་པ་རྫོགས་སོ།། །། བཅོམ་ལྡན་འདས་དཔལ་ཧེ་རུ་ཀའི་རྒྱལ་པོ་ལ་ཕྱག་འཚལ་ལོ།། སྔོན་འདས་པའི་དུས་མ་བྱུང་བའི་སྔོན་རོལ་ནས། རི ་རབ་རིའི་རྩེ་ལྷ་གཡུང་དྲུང་གི་གནས། བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པའི་དཔལ་ཧེ་རུ་ཀ་ཡིས། སྲིད་པ་ཐམས་ཅད་ཡུམ་གྱི་མཁའ་ལས་ཤར་བར་མཁྱེན་ནས། ཡུམ་ཆེན་མོ་ཉིད་གཞི་མུ་ཁ་ལེའི་མཁའ ་བདེ་བ་ཆེན་པོའི་ཀློང་གསང་བའི་གནས་ནས། ཐིག་ལེ་ཆེན་པོའི་ཚུལ་དུ་བཞེངས་ནས། རྡོ་རྗེ་གསང་བའི་ཐུགས་ཀ་ནས། ཧཱུཾ་དཀར་པོ་ཞིག་ལས་གསང་བའི་དགྱེས་པའི་སྤྲོ་བསྡུ་རྒྱུན་མི་གཅོད་པར་སྐྱེ་བ་ལས། ཡུམ ་ཆེན་མོ་ཉིད་གཞི་མུ་ཁ་ལེའི་བྷ་གར་དགྱེས་པ་ཆེན་པོའི་ཚུལ་དུ་ཐིམ་པར་མཛད་དོ།། ཡུམ་ཆེན་མོ་ཉིད་གཞི་མུ་ཁ་ལེར་དགྱེས་པ་ཆེན་པོས་ཐིམ་པར་མཛད་ནས། པདྨའི་འདབ་མ་རྒྱས་པར་མཛད ་དོ།། པདྨའི་འདབ་མ་རྒྱས་པར་མཛད་ནས། སྟོང་གི་འཇིག་རྟེན་གྱི་ཁམས་ཁེབས་པར་མཛད་དོ།། དེས་སྟོང་གི་འཇིག་རྟེན་གྱི་ཁམས་ན། རཀྟར་ཆགས་པ་ཐམས་པདྨ་གཡོས་པར་གྱུར་ཏོ།། དེས་སྲིད་པའི་འཇིག ་རྟེན་གྱི་ཁམས་ན། རྡོ་རྗེར་གྱུར་པ་ཐམས་ཅད་རྡོ་རྗེ་རྩ་བ་བཏེགས་པར་གྱུར་ཏེ། ཆགས་པའི་སེམས་གཡོས་ནས། ཤིན་ཏུ་ངོ་མཚར་སྐྱེས་ནས། རྫུ་འཕྲུལ་གྱི་ཤུགས་ཀྱིས་ཆགས་པའི་གཞི་མོ་གལ་བ་དེར་དོང ་ངོ་ངོ།། དོང་ནས་བྷ་གའི་དཀྱིལ་འཁོར་ཆགས་པའི་གནས་སུ་ཕྱིན་ནས། དངངས་ནས་སོ་སོ་ན་གུས་པས་ཕྱག་འཚལ་བ་ནི། གཡུང་དྲུང་ལྷའི་གཙོ་བོ་གནོད་འདུལ་ལྷའི་རྒྱལ་པོ་ལ་སོགས་པ། ལྷ་གཡུང་དྲུང་གི་ཚོགས ་དང་། ལྷའི་གཡུང་དྲུང་གི་རྒྱལ་མོ་སྲིད་པ་ཕྲ་མེན་རྒྱ་མཚོ་ལ་སོགས་པ། མ་མོ་བཅུ་བཞིའི་དཀྱིལ་འཁོར་དང་། སྲིད་པ་སྨན་མོའི་ཚོགས་སམ། ལྷའི་ཚོགས་ཀྱི་རྗེ་མོ་ལ་སོགས་པ་མ་མོའི་ཚོགས་ཐམས་ཅད་དང་། ་གཞན་ཡང་མ་མོའི་ཚོགས་ཐམས་ཅད་ཆགས་པའི་མདངས་ཕྱུང་ནས། བསྐོར་ཞིང་ཕྱག་འཚལ་བ་དང་། བསྟོད་པ་བགྱིས་པ་ལགས་སོ།། ཡུམ་ཆེན་མོ་ཉིད་གཞི་མུ་ཁ་ལེའི་བྷ་ག་ལས། རྟག་པའི་རྒྱལ་མོ་རྣམ་སྣང ་གསལ་ལ་སོགས་ཏེ་ཡེ་ཤེས་ཀྱི་མཁའ་འགྲོ་མ་ལྔའི་དཀྱིལ་འཁོར་འཐོན་པར་གྱུར་ཏོ།། དེ་ནས་ཡུམ་ཆེན་མོ་མུ་ཁ་ལེས། བཅོམ་ལྡན་འདས་འཇིགས་བྱེད་ཆེན་པོ་རྡོ་རྗེ་ཧེ་རུ་ཀ་གཟིགས་ནས། སྤྱན་གྱིས་བརྡ་ཞིག ་མཛད་ནས་ཞལ་གྱིས་འཛུམ་པ་ཕྱུང་བ་དང་། དེ་ནས་བཅོམ་ལྡན་འདས་རྡོ་རྗེ་ཧེ་རུ་ཀ། ཡུམ་གྱི་བྷ་ཧ་ལས་སྐུ་ཕྱེད་ནུབ་ཙམ་དུ་བཞེངས་ཏེ། རྣམ་པར་ཐར་པའི་དབུ་གསུམ་ཕྱུང་ནས་གཡུང་དྲུང་ལྷའི་རྒྱལ་པོ་ལྷ་གདོན ་འདུལ་གཟིགས་ནས། ཞལ་འཛུམ་པ་མཛད་པ་དང་། དེ་ནས་བཅོམ་ལྡན་འདས་ཀྱི་བྱིན་གྱིས་བརླབས་ཀྱིས། ལྷ་གནོད་འདུལ་སྟན་ལ་འདུག་པར་གྱུར་ཏོ།། དེ་ནས་ཆགས་པའི་ཡིད་ཅན་དེ་དག་ཕྱོགས་ཕྱོགས་སུ་ཡང ་ས་ལ་འདུག་པར་གྱུར་ཏོ།། དེ་ནས་ཡུམ་ཆེན་མོས་ལྷ་གདོན་འདུལ་གཟིགས་ནས། ལྗགས་ཀྱི་བརྡའ་ཞིག་མཛད་ནས། དེ་ནས་ལྷ་གདོན་འདུལ་སྟན་ལས་ལངས་ནས། བཅོམ་ལྡན་འདས་ལ་ལན་སྟོང་བརྐྱང་ཕྱག ་འཚལ་ཞིང་། བག་བཞི་ས་ལ་བརྡབས་ནས་གསོལ་པ། འབྱུང་བ་ལྔ་ལ་སོགས་པ་ཡི།། མེ་ལ་སོགས་པ་ཇི་ལྟར་ལགས།། ས་ལ་སོགས་པ་ཇི་ལྟར་བྱུང་།། སྲིད་པའི་འཇིག་རྟེན་ཐམས་ཅད་ན།། མོ་དང་ཕོ་ཡི་མཚན ་ཉིད་ནི།། གང་ཞིག་སུ་ལས་སྐྱེས་པ་སྟེ།། ཐབས་དང་ཤེས་རབ་སུ་ལས་སྐྱེས།། སེམས་ཀྱི་རྟག་ཆད་ཇི་ལྟར་བགྱི།། ཡེ་ཤེས་མང་པོ་གང་ནས་བྱུང་།། ཡེ་ཤེས་ལྔ་ཉིད་གང་ལས་ཤར།། སྤྲུལ་པ་མང་པོ་གང་ལས ་ཤར།། སྐྱེ་མེད་ཆོས་ཉིད་ཅི་ལ་བགྱི།། ཡུམ་གྱི་མཁའ་ཞེས་ཇི་ལྟ་བུ།། མངལ་ལ་སོགས་པ་མི་འཚལ་ན།། བླང་དོར་མེད་པ་གང་གིས་འགྲུབ།། སྲིད་པའི་དབང་ཆེན་དེ་སྙེད་ཀུན།། རབས་རྒྱུད་རྩ་བརྡ ་ལྟར་ལགས།། དམ་ཚིག་ལུང་ནོད་མཆི་བའི་ཚེ།། སྲོག་ལས་དྲང་བ་ཇི་ལྟར་ལགས།། འཇིག་རྟེན་འདིར་འགྲུབ་ཇི་ལྟར་བསྐུལ།། དུས་མིན་འཆི་ན་གང་གིས་བཀང་།། ཡང་དག་རྫོགས་ལ་བདག་ཉན་འཚལ།། དེ་སྐད ་གསོལ་པ་སན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གནོད་འདུལ་ལྷ་ཡི་ཚོགས།། རྣལ་འབྱོར་རྣམས་ལས་ཀྱིས་དབང་མཆོག། མ་མོ་རྣམས་ཀྱི་གཏན་ཚིགས་སུ།། སྲིད་པ་ཀུན་གྱི་བཅའ་གཞི ་རྣམས།། ཡང་དག་ཉིད་དུ་བཤད་པར་བྱ།། དེ་ལ་མ་མོ་བཅུ་གཞིའི་ཇོ་མོ་བཤད་པར་བྱ་སྟེ། ཡུམ་ཆེན་མོ་ཉིད་གཞི་མུ་ཁ་ལེ་ཞེས་བྱ་བ། སྐུའི་ཁྱོན་ཡང་གླིང་བཞི་ཙམ་ཡོད་པ། སྐུ་གཅིག་ཞལ་རྣམ་པ་ལྔར་སྣང་བ། ཕྱག ་བཞི་ཀ་འཇིགས་པའི་མཚོན་ཆ་ཐོགས་པ། ཞབས་རྣམ་པ་བརྒྱད་དུ་གཏམས་པ། ཙིཏྟའི་རྩ་བ་གཅིག་ལ་རྩེ་མོ་རྣམ་པ་ལྔར་འབར་བ།། ཤར་གྱི་ཞབས་གཉིས་ཀྱི་བར་གསང་བའི་མཁའ་གྲང་ལ་འདྲེད་པ་ཤེལ་གྱི་བྷ་ག ་ལ་རྡོ་རྗེའི་གེ་སར་ཅན་ནོ།། ལྷོ་ཕྱོགས་ཀྱི་ཞབས་གཉིས་ཀྱི་བར་ལ། གསང་བའི་མཁའ་དྲོ་ལ་འཇམ་པ་ཀེ་ཀེ་རུའི་བྷ་ག་ལ། རིན་པོ་ཆེའི་གེ་སར་ཅན་ནོ།། ནུབ་ཕྱོགས་ཀྱི་ཞབས་གཉིས་ཀྱི་བར་ནས་གསང་བའི་མཁའ ་གཤེར་ལ་རླན་པ་པདྨའི་བྷ་ག་ལ་བྱེ་རུའི་གེ་སར་ཅན་ནོ།། བྱང་ཕྱོགས་ཀྱི་ཞབས་གཉིས་ཀྱི་བར་ན་གསང་བའི་མཁའ་རྩུབ་ལ་གྲང་བ་སྟེ་གེ་སར་དཔལ་ཅན་ནོ།། དེ་ལྟར་མཁའ་བཞིས་སྐུ་བརྒྱན་པས།། དེ་བཞིའི་ཀློང ་སྐུའི་གཏིང་ཁུང་དུ་བསྡུས་པ་ནི། གཡུའི་བདེ་ཀློང་ལ་ཆགས་པའི་གེ་སར་ཅན་ནོ།། ཟངས་ཀྱི་རལ་པ་འདབ་མ་སྟོང་དང་ལྡན་པ་ཞིག་ཡོད་དོ།། དེ་ལ་ཞལ་རྣམ་པ་ལྔ་ལ། ཤར་གྱི་ཞལ་དཀར་ལ་འཚེར་བ། མཆེ་བ ་གཙིགས་པའི་ནང་ནས། ཤེལ་གྱི་རྡོ་རྗེ་རྩེ་དགུ་པ་འཛིན་པས་འབྱུང་བ་ས་རུ་བྱིན་གྱིས་བརླབས་ཏེ། སྐུ་རྡོ་རྗེའི་རིགས་སུ་གྱུར་ཏོ།། ལྷོ་ཕྱོགས་ཀྱི་ཞལ་སྔོ་ལ་གདངས་པ། མཆེ་བ་གཙིགས་པའི་ནང་ནས། ཀེ་ཀེ་རུ ་འབར་བ་དགུ་འཛིན་པས། འབྱུང་བ་མེར་བྱིན་གྱིས་བརླབས་ཏེ། རིན་ཆེའི་རིགས་སུ་གྱུར་ཏོ།། ནུབ་ཕྱོགས་སུ་ཞལ་དམར་ལ་གདངས་པ། མཆེ་གཙིགས་པའི་ནང་ནས། པདྨ་དགུ་བརྩེགས་བཟུང་ནས། འབྱུང་བ ་ཆུར་བྱིན་གྱིས་བརླབས་ཏེ། པདྨའི་རིགས་སུ་གྱུར་ཏོ།། བྱང་ཕྱོགས་ཀྱི་ཞལ་ལྡང་ལ་གདངས་པ། མཆེ་བ་གཙིགས་པའི་ནང་ནས། རྡོ་རྗེ་རྒྱ་གྲམ་དགུ་བརྩེགས་བཟུང་བས། འབྱུང་བ་རླུང་དུ་བྱིན་གྱིས་བརླབས་ཏེ་ལས ་ཀྱི་རིགས་སུ་གྱུར་ཏོ།། ཐམས་ཅད་དེ་ལྟ་བུའི་དཀྱིལ་འཁོར་དུ་གྱུར་ཏོ།། དབུས་ཀྱི་ཞལ་སེར་ལ་ལྡེམ་པའམ། ཅིར་ཡང་འགྱུར་བ་མཆེ་བ་གཙིགས་པའི་ནང་ནས། གསེར་གྱི་འཁོར་ལོ་རྩིབས་སྟོང་དང་ལྡན་པ་ཞིག ་བཟུང་བས། འབྱུང་བ་ནམ་མཁར་བྱིན་གྱིས་བརླབས་ཏེ། དེ་བཞིན་གཤེགས་པའི་རིགས་སུ་གྱུར་ཏོ།། འབྱུང་བ་ལྔ་ཡང་དེ་ལྟར་བསྐྱེད་དོ།། རིགས་ལྔའི་སངས་རྒྱས་ཀྱང་དེ་ལྟར་བྱུང་ངོ་།། ཞལ་སོ་སོའི ་བར་བར་ན་རལ་པ་སོ་སོའི་རིགས་དང་མཐུན་པར་སྣང་ངོ་།། ཙིཏྟ་རྩ་བ་གཅིག་ལ་རྩེ་མོ་ལྔར་སྣང་བ་ནི། རྩེ་མོ་ལྔ་ལས་རིགས་ལྔ་ཡེ་ཤེས་ལྔ་ཡང་དེ་ལས་ཤར་རོ།། རྩ་བ་གཅིག་ལ་ཆོས་སྐྱེ་བ་མེད་པའི་དབྱིངས་ཀྱང ་དེ་ལ་འདུས་ཏེ། མི་ནུབ་པའི་རྒྱལ་མཚན་ཞེས་ཀྱང་གྲགས་སོ།། རྩེ་མོ་ལྔར་འབར་བ་ལས་སྲོག་གིས་བསྡུས་པའི་ཀུན་གཞི་ལ་སོགས་པའི་དྲན་པ་ཐམས་ཅད་ཀྱང་དེ་ལས་འབྱུང་ངོ་།། རྩ་བ་གཅིག་ལས་སེམས་ཅན་གྱི ་རྟག་པ་ཆེན་པོ་ཡང་དེ་ལས་འབྱུང་ངོ་།། ཤར་ཕྱོགས་ཀྱི་གསང་བའི་མཁའ་གྲང་ལ་འདྲེད་པས་དགུན་དུ་བྱིན་གྱིས་བརླབས་སོ།། བྱང་ཕྱོགས་ཀྱི་གསང་བའི་མཁའ་རྩུབ་ལ་གྲང་བས། དཔྱིད་དུ་བྱིན་གྱིས་བརླབས ་སོ།། ནུབ་ཕྱོགས་ཀྱི་གསང་བའི་མཁའ་གཤེར་ལ་རླན་པས་དབྱར་དུ་བྱིན་གྱིས་བརླབས་སོ།། ལྷོ་ཕྱོགས་ཀྱི་གསང་བའི་མཁའ་དྲོ་ལ་འཇམ་པས་སྟོན་དུ་བྱིན་གྱིས་བརླབས་སོ།། དུས་བཞི་ཡང་དེ་ལྟར་ཆགས་སོ།། ཆ ་ཡང་དེ་ལྟར་སྙོམས་སོ།། སྐུ་སྟོད་ཀྱི་ཞལ་ནས་འབྱུང་བའི་རིགས་ལྔ་ཧེ་རུ་ཀའི་སངས་རྒྱས་རྣམས། སྐུ་སྨད་གསང་བའི་བྷ་གར་སྦྱོར་ཚུལ་ཕྱེད་ནུབ་ཙམ་དུ་བཞུགས་པས། སྐྱེ་བ་བཞིའི་རིགས་དྲུག་སོ་སོར་ཡང་དེར ་འཐོན་ཏོ།། རིགས་སོ་སོར་བཏུལ་བ་ཡང་དེར་བཏུལ་ལོ།། ཕྱག་བཞི་ལ་གཡས་གཡོན་གྱི་དང་པོ་གཉིས་ཀྱིས་ཁོལ་མོ་བཅུ་བཞིའི་གཙོ་མོ་སྲིད་པ་བདེ་འགྲོ་མ་དང་། ཉི་ཟླ་ཟོད་ཕྲེང་ཅན་གཉིས་ཀྱི་སྙིང་རྩ་བ་གཟུང་བ། ་གཡས་གཡོན་ཐ་མ་གཉིས་ཀྱིས་ཁྲོས་པའི་དབང་མོ་ཆེ་གཉིས་ཀྱི་སྙིང་རྩ་བ་གཟུང་བ། སྦས་པའི་ཕྱག་གཉིས་ཀྱིས་བདུད་རྩི་རྣམ་པ་ལྔའི་ལོངས་སྤྱོད་མངོན་དུ་མཛད་པ། ཞབས་བརྒྱད་ཀྱིས་དབྱིངས་ཀྱི་མ་བཞི ་དང་། ཐུགས་ཀྱི་དགྱེས་སྡེ་མོ་བཞིའི་སྙིང་བརྫིས་པ་དང་། དབུས་ཀྱི་ཞལ་དཔྲལ་བའི་དབྱེས་ནས་མིག་ཟུར་གསུམ་གཅིག་གཟིགས་པས། མ་མོ་བཅུ་བཞིའི་ཁོལ་མོ་སྲིད་པ་ཆགས་བྱེད་མ་དང་། ཤན་ཤན་ནེའུ་དང་། ་ཨེ་ཀ་ཙ་ཏི་རལ་གཅིག་མ་ལ་སོགས་པ་འདར་ལྕུག་ལྕུག་བྱེད་པ། དབུས་ཀྱི་ཞལ་ནས་རྐན་སྒྲ་བརྡབས་པས། ཧེ་རུ་ཀ་སྣི་ལ་སོགས་ཏེ། སྲིད་པའི་མ་མོ་ཐམས་ཅད་ཀྱི་སྙིང་རྩར་གྱིས་འབྱིན་པའོ།། མ་མོ་དབང་དུ་ཡང ་དེ་ལྟར་འདུས་སོ།། དབུས་ཀྱི་ཞལ་གྱིས་མཁའ་ཡེལ་ཡེལ་བ་ཡང་དེ་ལྟར་རྫོགས་སོ།། སྲིད་པ་གསུམ་གྱི་གཙོ་མོ་ཡང་དེར་རྫོགས་སོ།། སྐུ་གསང་བའི་བྷ་ག་ལ་ཡུམ་གྱི་མཁའ་བདེ་བ་ཆེན་པོའི་ཀློང་ཞེས་ཀྱང་དེ་ལ ་བྱའོ།། རྣམ་པར་ཤེས་པ་ཐམས་ཅད་ཀྱི་བཅུད་ལེན་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་ཀྱང་དེ་ལ་བྱའོ།། སྐུ་རྟག་པ་ཆེན་པོའི་གཡུང་དྲུང་དུ་བཞུགས་པས། སྐྱེ་ཤི་འདས་པ་ཞེས་ཀྱང་དེ་ལ་བྱའོ།། དེ་ལ་སྡུག ་བསྔལ་མི་འབྱུང་བས།། མྱ་ངན་ལས་འདས་པ་ཞེས་ཀྱང་བྱའོ།། དེ་ལྟ་བུ་ལ་བླང་དོར་མེད་པས་ཀུན་ཏུ་བཟང་མོ་ཞེས་ཀྱང་དེ་ལ་བྱའོ།། འབྱུང་བ་ལྔ་སྐུ་ལ་རྫོགས་པས། འབྱུང་བའི་རྒྱལ་མོ་ཞེས་ཀྱང་དེ ་ལ་བྱའོ།། དུས་བཞི་དབྱིངས་ལ་ཤར་བས། དུས་བཞི་ཆ་སྙོམས་མ་ཞེས་ཀྱང་དེ་ལ་བྱའོ།། སྐུ་སྟོད་ཀྱི་ཞལ་ནས་འབྱུང་བའི་རིགས་ལྔའི་སངས་རྒྱས་ཀྱང་། སྐུ་སྨད་ནས་བྱུང་བའི་གསང་བའི་བྷ་ག་ལ་རུབ་པས། རིགས ་ཀྱི་ཡུམ་ཞེས་ཀྱང་དེ་ལ་བྱའོ།། སྦས་པའི་ཕྱག་གཉིས་ནས་ཀྱང་བདུད་རྩི་རྣམ་པ་ལྔའི་ལོངས་སྤྱོད་མངོན་དུ་མཛད་པས། བདུད་རྩིའི་རྒྱལ་མོ་ཞེས་ཀྱང་དེ་ལ་བྱའོ།། སྣང་སྲིད་ཐམས་ཅད་གཏན་ལ་འབེབས་པས། སྲིད ་པའི་རྒྱལ་མོ་ཞེས་ཀྱང་དེ་ལ་བྱའོ།། སྐུ་གཅིག་ལ་མཚན་དགུ་མ་ཞེས་ཀྱང་དེ་ལ་བྱའོ།། དེ་ལ་ཐུགས་ནས་དྲང་བའི་སྙིང་པོ་ནི། ཉིད་གཞི་མུ་ཁ་ལེའི་ཀྲོ་ཤྭ་རཱི་བྷ་ག་པདྨརྱ་བདེ་ཀློང་འདུས་ན་སྙིང་ཛཿཤ་ཡུ་ཏི་ཧཱུཾ་བྷྱོ་བྷྱོ།། ་ཡང་མ་མོ་ཞེས་བྱ་བ་ནི། མ་ནི་རྒྱལ་བ་ཀུན་གྱི་ཡུམ།། མོ་ནི་སྲིད་པ་ཀུན་གྱི་མ།། མ་ནི་སྐྱེ་བ་མེད་པའི་དབྱིངས།། མོ་ནི་འགག་པ་མེད་པའི་ཀློང་།། མ་ནི་ཐབས་མཆོག་རྟོག་མེད་མཁའ།། མོ་ནི་ཤེས་རབ་ཆགས་མེད ་ཀློང་།། དེ་ལྟ་བུའི་ཡུམ་ཆེན་མོ་ལ་སྐུ་སྟོད་ནས་བྱུང་བའི་རིགས་ལྔའི་སངས་རྒྱས་དང་།། སྐུ་སྨད་ཀྱི་བྷ་ག་སྦྱོར་བ་མཛད་པའི་སྲས་མོ་ལྔ་ཡོད་དེ། གཅིག་ནི་རྟག་པའི་རྒྱལ་མོ་རྣམ་སྣང་གསལ་ཞེས་བྱ་སྟེ། སྐུ་མདོག ་དཀར་མོ་ལ་ཤེལ་གྱི་རལ་པ་ཅན། གསང་བའི་མཁའ་ཤེལ་གྱི་གའུར་འཁྱིལ་པ་མ་ཆགས་པའི་ཐབས་ལ་རོལ་པའོ།། གཅིག་ནི་རྟག་པའི་རྒྱལ་མོ་འོད་གསལ་བ་འབར་ཞེས་བྱ་སྟེ། སྐུ་མདོག་སྔོན་མོ་ལ་རིན་པོ་ཆེའི ་ལན་ཕྲན་ཅན། གསང་བའི་མཁའ་རིན་པོ་ཆེའི་གའུར་འཁྱིལ་བ་མི་ལེན་པའི་ཐབས་ལ་རོལ་པའོ།། གཅིག་ནི་རྟག་པའི་རྒྱལ་མོ་གཉེན་གསལ་མ་ཞེས་བྱ་སྟེ། སྐུ་མདོག་དམར་མོ་ལ་བྱུ་རུའི་རལ་པ་ཅན། གསང་བའི ་མཁའ་བྱི་རུའི་གའུར་འཁྱིལ་པ་གཉིས་སུ་མེད་པའི་ཐབས་ལ་རོལ་པའོ།། གཅིག་ནི་རྟག་པའི་རྒྱལ་མོ་ཡང་གསལ་གཡོས་ཞེས་བྱ་སྟེ། སྐུ་མདོག་ལྗང་གུ་ལ། རྡོ་རྗེའི་ལན་ཕྲན་ཅན། གསང་བའི་མཁའ་རྡོ་རྗེའི་གའུ ་འཁྱིལ་པ་གྲུབ་པའི་ཐབས་ལ་རོལ་པའོ།། གཅིག་ནི་རྟག་པའི་རྒྱལ་མོ་བཀྲག་གསལ་མཉམ་ཞེས་བྱ་སྟེ། སྐུ་མདོག་ཅིར་ཡང་འགྱུར་བ་ལ། གཡུའི་ལན་ཕྲན་ཅན། གསང་བའི་མཁའ་གཡུའི་གའུར་འཁྱིལ་བ་གཉིས ་མེད་བརྟེན་པའི་ཐབས་ལ་རོལ་པའོ།། འདི་ལྔ་ནི་མཁའ་བཞི་དབྱིངས་དང་ལྔ་ཞེས་བྱ་སྟེ། རིགས་ཀྱི་ཡུམ་ལྔ་བྱ་བ་ཡང་འདི་ཡིན། སེམས་ཅན་དུས་ཆེན་པོ་ལས་བབ་པ་ཡང་འདི་ལྔས་དབང་བྱེད་དོ།། ཚེའི་བདག ་མོ་ཡང་འདི་ལྔ་ཡིན་ནོ།། སྲོག་ལས་དྲང་བའི་སྙིང་པོ་ནི། གྲི་སྭ་མུཾ་ཧཱུཾ་ཧ། ཛ་ལ་པ་ར་རཾ་ཧ། བྱིར་ཤ་སིདྷ་ཧ། བྱི་ཡཾ་ཡཾ་ཏེ་ཧ། མ་ཧཱ་ལཾ་ཏེ་ཧ། དེ་ལྟར་བདག་ཉིད་བསྒོམ་པ་ནི། དང་པོར་དེ་བཞིན་ཉིད་ཀྱི་ཏིང་ངེ་འཛིན ་གསལ་བར་བསྒོམ་པ་ནི། ཐུགས་ཀ་ནས་ཡི་གེ་ཨོཾ་དཀར་པོ་གཅིག་ལས། ཡེ་ཤེས་ལྔའི་གཞལ་ཡས་ཁང་། ཆོས་ཀྱི་དབྱིངས་ལྟར་ཁྱབ་གདལ་བའི་དབུས་སུ། བདག་ཉིད་བླ་ན་མེད་པའི་ཏིང་ངེ་འཛིན་དུ ་ཞུགས་ལ། སྙིང་གར་མུ་ཁ་ལེ་ལས། ཡེ་ཤེས་ཚོགས་ཀྱི་རྗེ་མོ་བསྒོམ། མིག་གཡས་པ་ཧ་ལས། མཁའ་འགྲོ་མ་རྣམ་སྣང་གསལ་བསྒོམ་མོ།། མི་གཡོན་པར་ཧ་ལས། མཁའ་འགྲོ་འོད་གསལ་འབར་བསྒོམ་མོ།། རྣ་བ ་གཡས་པར་ཧ་ལས་མཁའ་འགྲོ་མ་གཉེན་གསལ་འབར་བསྒོམ།། རྣ་བ་གཡོན་པར་ཧ་ལས་མཁའ་འགྲོ་མ་ཡང་གསལ་འབར་བསྒོམ། སྣ་ལ་ཧ་ལས་མཁའ་འགྲོ་མ་བཀྲག་གསལ་མཉམ་བསྒོམ། སྐུ་མདོག་དང་ཕྱག ་མཚན་ནི། འོག་མའི་ཚིགས་བཅད་དང་སྦྱར། མ་མོ་རྣམས་ཀྱི་གཙོ་མོ་དང་ཇོ་མོའི་ཡང་གསང་ཐིག་ལེ་གཏན་ཚིགས་ཀྱི་ལེའུ་སྟེ་དང་པོའོ།། །། གནོད་འདུལ་ལྷ་ཡིས་ཡང་གསོལ་པ། སྲིད་པའི་དཀྱིལ་འཁོར ་བསྒོམས་པ་དང་།། བདག་ཉིད་ཕྱག་རྒྱར་བསྐྱེད་བྱ་བ།། འབྱུང་དང་འཇུག་པའི་མཚན་ཉིད་ལས།། ཇི་ལྟར་བདག་གིས་ནན་ཏན་བགྱི།། མངོན་རྫོགས་དཔལ་ལ་བདག་ཉན་འཚལ།། དེ་སྐད་གསོལ་པ་གསན་ནས ་ཀྱང་།། མངོན་རྫོགས་དཔལ་གྱི་བཀའ་སྩལ་པ།། འབྱུང་དང་འཇུག་པའི་མཚན་ཉིད་ལས།། ཇི་ལྟར་དཀྱིལ་འཁོར་བསྐྱེད་བྱ་བ།། ངས་བསྟན་པ་ལ་གདོན་མི་ཟ།། ཉོན་ཅིག་གནོད་འདུལ་ལྷ་ཡིས་གཙོ།། འབྱུང་བ་སྤྲོ ་བའི་ངོ་བོ་ལ།། འཇུག་པ་བསྡུ་བའི་མཚན་ཉིད་དེ།། ས་བོན་གྱིས་ནི་བསྟན་པར་བྱ།། བདག་ཉིད་ཐིག་ལེར་མཉམ་སྦྱར་ནས།། རྣམ་གསུམ་རིམ་གྱིས་ཏིང་འཛིན་བསྒོམ།། དམིགས་མེད་ཏིང་འཛིན་རྣམ་དག ་ཅིང་།། སྐྱེ་མེད་ཆོས་ཉིད་དབྱིངས་སུ་ཐིམ།། དམིགས་མེད་མ་ཆགས་ས་བོན་གྱིས།། དེ་བཞིན་ཉིད་དུ་རྣམ་པར་དྲངས།། སྙིང་རྗེ་ནམ་མཁའི་ངོ་བོ་ལྟར།། བླང་དོར་མེད་པར་སྣང་བ་ཡི།། མཚམས་སུ་སྦྱོར་བའི་ས་བོན། ་གྱིས།། ཀུན་ཏུ་སྣང་ཞེས་གྲགས་པ་ཡིན།། བདག་གི་རླུང་ལས་གྱུར་པ་ཡིས།། འོག་གི་ཕྱོགས་སུ་ས་བོན་བརྟན།། བདག་གི་ཆུ་ལས་གྱུར་པ་ཡིས།། དེ་ཡི་སྟེང་དུ་ས་བོན་བརྟན།། བདག་གི་ས་ལས་གྱུར་པ་ཡིས།། ས ་བོན་ལས་ནི་སྤྲིས་མ་བརྟན།། བདག་གི་མེ་ལས་གྱུར་པ་ཡིས།། ས་བོན་ལས་ནི་དྲོད་དུ་ལྡན།། བདག་གི་ནམ་མཁའི་ངོ་བོ་ལས།། ས་བོན་གསུམ་གྱི་སྣང་སྲིད་བསྒོམ།། དབྱིངས་ལས་འབྱུང་ལྔའི་རྒྱུ་བསྐྱེད ་དོ།། མཁའ་ལ་རླུང་བརྟན་འགྲོ་ལྔ་གནས།། བྷ་ག་ཉིད་དུ་གསལ་བ་ལས།། ས་བོན་གྱིས་ནི་དཀྱིལ་འཁོར་བསྒོམ།། འཁོར་ལོ་ས་བོན་གྱིས་སྦྱངས་ནས།། རྩིབས་བརྒྱད་པ་རུ་རྣམ་པར་གྲགས།། གདན་གྱི་ས་བོན་རྣམ ་སྐྲསྤངས་ནས།། རྩིབས་བརྒྱད་སྟེང་དུ་བཅུ་བཞི་བསྐྱེད།། དཀྱིལ་དུ་རྒྱ་མཚོ་ཐོད་ཕྲེང་གཉིས།། ཤར་དང་ནུབ་ཏུ་མགོ་བསྣོལ་བའོ།། སྒོལ་བྱེད་དཀར་མོ་མིག་གཅིག་གཉིས།། བརྒྱ་བྱིན་ཕྱོགས་སུ་མགོ་བསྟན་པ།། དཔ ་སྡུད་ནག་མོ་རལ་གཅིག་གཉིས།། གཤིན་རྗེའི་ཕྱོགས་སུ་མགོ་བསྟན་པའོ།། བདུད་རྩི་བྱེད་དང་དམར་མོ་གཉིས།། ཆུ་བདག་ཕྱོགས་སུ་མགོ་བསྟན་པའོ།། གནས་འཕྲུལ་སེར་མོ་ལས་མཁན ་གཉིས།། གནོད་སྦྱིན་ཕྱོགས་སུ་མགོ་བསྟན་པ།། རྒྱན་གྱི་རྒྱལ་མོ་མི་ཡི་ཕྱོགས།། དབྱིངས་ཕྱུག་མ་ནི་བདེན་བྲལ་ཕྱོགས།། བདག་ཉིད་མ་ནི་རླུང་གི་ཕྱོགས།། གཅིག་པུ་མ་ནི་དབང་ལྡན་ཕྱོགས།། རིམ་གྲོ་བསྐྱེད་ཕྱིར ་འཁོར་རྣམས་བསྒྱེལ།། བྷ་ག་བཅུ་བཞིའི་གདན་སྟེང་ན།། བདག་ཉིད་བྱང་ཆུབ་ཐིག་ལེ་ལས།། སྙིང་པོ་ཡེ་ཤེས་མངོན་དུ་ཤར།། བྱེད་པ་པོ་ནི་ཀུན་ཏུ་བཟང་།། རྣམ་པར་ཐར་པའི་དབུར་ལྡན་ཞིང་།། ཡེ་ཤེས་དྲུག་གི ་ཕྱག་རྒྱར་བཅས།། མཚན་དང་དཔེ་བྱད་ཡང་དག་ལྡན།། རྫུ་འཕྲུལ་བཞི་ཡི་ཞབས་དང་ལྡན།། བདག་གི་ཀུན་གཞིའི་ངོ་བོ་ལ།། རྣལ་འབྱོར་ཉིད་གཞི་བདེ་མཆོག་མ།། བྱ་བ་མོ་ནི་ཆོས་ཀྱི་དབྱིངས།། ཆོས་ཉིད་རྟག ་པ་ཐུགས་ཀྱི་དཀྱིལ།། འོད་ཟེར་མང་པོ་རྩེ་ནས་འཕྲོས།། འབྱུང་བ་ལྔ་ཡི་ཞལ་མངའ་ཞིང་།། ཡེ་ཤེས་དྲུག་གི་ཕྱག་རྒྱར་བཅས།། ཕྱོགས་མཚམས་གནོན་པའི་ཞབས་བརྒྱད་ཀྱིས།། མ་གཤེགས་པར་ནི་སྲིད་པར ་ཕྱིན།། དུས་བཞི་འཆར་བའི་བྷ་ག་ལ།། སྐྱེ་ཤི་མེད་པའི་ཀློང་དུ་ཐིམ།། སྲིད་པ་གསུམ་གྱིས་སྐུ་བརྒྱན་ཅིང་།། སྤྱི་དཔལ་མཆོག་ལ་འདི་སྐད་གསུངས།། ཡེ་ཤེས་སྙིང་པོ་བླ་ན་མེད།། བླ་མེད་ཁྲག་འཐུང་དཔལ་གྱི ་དཔལ།། འཇིགས་བྱེད་གསང་བའི་རྡོ་རྗེ་ནི།། མཁའ་ཀློང་ཀུན་གྱི་གཏེར་ལགས་ཏེ།། མཁའ་ཀློང་བདེ་བའི་ལམ་མཆོག་ནི།། སྐྱེ་འགྲོ་ཡོངས་ཀྱི་ཐར་པའི་ལམ།། སངས་རྒྱས་ཡོངས་ཀྱི་རེ་སྐོང་ཕྱིར།། ཐར་ལམ་བདེ ་བའི་ལོངས་སྤྱོད་ནི།། འཛུམ་པའི་མདངས་ཀྱིས་འབུལ་ལགས་ཀྱི།། དགྱེས་པའི་རྡོ་རྗེ་གསོར་ནས་ཀྱང་།། རེ་སྐོང་བདུད་རྩིའི་ཆར་ཆེན་ཕོབ་ཧོ།། ཧཱུཾ་མཉམ་ཉིད་ཡེ་ཤེས་པདྨའི་དབྱིངས།། འབྱུང་གནས་སྐྱེ་འགྲོ་ཐར ་པའི་ལམ།། རིན་ཆེན་དཀྱིལ་འཇམ་ཀློང་ཡངས་སུ།། སྤྱི་དཔལ་རྡོ་རྗེ་གསང་བའི་གཏེར།། རེ་སྐོང་རྡོ་རྗེ་ཆར་ཆེན་ཕོབ་ཧོ།། ཧཱུཾ་བྷ་ག་པདྨའི་དཀྱིལ་འཁོར་འདིར།། འདབ་བརྒྱད་པདྨའི་དཀྱིལ་འཁོར་ལྡན།། ཕྱི ་ལྕགས་ནང་སྟན་སྒོ་བར་བཅས།། རིན་ཆེན་དཀྱིལ་འཇམ་གདན་བཏིང་སྟེ།། བླ་མེད་འཕྲུལ་གྱི་ལྡེ་མིག་གིས།། ལྕགས་ཁྲོལ་གདན་ཕྱེ་གདན་ལ་བཞུགས།། རིན་ཆེན་བརྩེགས་པའི་གའུ་རུ།། བླ་མེད་ཁྲག་འཐུང་སྐུ ་བསིལ་ནས།། བདུད་རྩི་ཆེན་པོའི་བུམ་པ་ཡིས།། སྲིད་གསུམ་འགྲོ་བའི་བག་ཆགས་བཀྲུས།། མི་དམིགས་པ་ལ་དམིགས་པ་ཆེ།། མ་ཆགས་པ་ལ་ཆགས་པ་ཆེ།། ཐར་ལམ་བདེ་བ་བྷ་གའི་དབྱིངས།། བླང་དོར་མེད ་པའི་ཀློང་ཡངས་སུ།། སྲིད་པའི་བག་ཆགས་བཀྲུ་བའི་ཕྱིར།། སྤྱི་དཔལ་བླ་ན་མེད་པ་ཡི།། གསང་བའི་དོན་ལྡན་ལྡེ་མིག་གིས།། རྣམ་པར་ཐར་པའི་སྒོ་ཕྱེད་སྟེ།། ཡེ་ཤེས་ཆུ་བོས་ཁྲུས་ཆེན་མཛོད།། ཨོཾ་ཐབས་ལས ་དབྱིངས་བྱུང་ཐར་པའི་ལམ།། དབྱིངས་ལས་ཐབས་བཞེངས་བླ་མེད་སྐུ།། བླ་མེད་དབྱིངས་དང་ཡེ་ཤེས་སྦྱོར་བས་ན།། བདུད་རྩི་ཆེན་པོའི་ཆར་ཆེན་སྲིད་པར་སྤྲོ།། ཕྱོགས་བཅུ་རྒྱལ་བ་མཉེས་པའི ་མཆོད་པར་སྤྲོ།། རྣལ་འབྱོར་མཁའ་འགྲོ་སྐོང་བའི་ཚོགས་སུ་སྤྲོ།། འགྲོ་བ་རིགས་དྲུག་སྒྲིབ་པ་སྦྱོང་བའི་ཕྱག་རྒྱ་ཆེན་པོར་སྤྲོ།། མུ་སྟེགས་བདུད་འདུལ་ཁྲོ་རྒྱལ་ཚོགས་སུ་སྤྲོ།། སྡུག་བསྔལ་ཟད་ཕྱིར་བདུད་རྩིའི་ཆར ་ཆེན་སྤྲོ།། དབང་པོ་གསལ་བྱེད་ཡེ་ཤེས་སྒྲོན་མར་སྤྲོ།། འདོད་ཆགས་ཚིམ་བྱེད་གསང་བའི་སེམས་སུ་སྤྲོ།། ཧཱུཾ་བྱང་ཆུབ་སེམས་ཀྱི་ཐིག་ལེ་ལས།། མ་བཀག་ལྷུན་གྱིས་རྫོགས་པ་ནི།། ཐམས་ཅད་ཐིག་ལེ་ཉིད་ཀྱི ་ངདང་།། གཉིས་མེད་སྦྱོར་བའི་ཐིག་ལེ་ཆེ་ཧོ།། གཉིས་མེད་སྦྱོར་བའི་འོད་ཟེར་ལས།། འབྱུང་བ་ལྔ་ཡི་འཕྲོ་འདུ་བྱུང་།། བདག་གི་ས་ཡི་ངོ་བོ་ལས།། ས་བོན་ལས་ནི་སྐུ་བསྐྱེད་པ།། མཁའ་འགྲོ་བརྟན་འབར་སེམས ་འི་མཆོག། མི་འཇིགས་པ་ཡི་དབུ་གསུམ་གྱིས།། དུག་གསུམ་དབྱིངས་སུ་སྒྲོལ་བྱེད་ཅིང་།། ཕ་རོལ་ཕྱིན་དྲུག་ཕྱག་རྒྱ་ལས།། སྦྱིན་པ་ཆེན་པོ་རྟག་ཏུ་གཏོང་།། མཚོན་དུ་མེད་པའི་སྐུ་མདོག་ལ།། དཀར་ལ་དག་པའི ་ན་བཟའ་གསོལ།། རྫུ་འཕྲུལ་བཞི་ཡི་ཞབས་དག་གིས།། ས་བདག་གདན་ལ་བརྐྱང་བསྐུམ་བཞུགས།། བདག་གི་རླུང་ལས་གྱུར་པ་ཡི།། ས་བོན་ལས་ནི་སྐུར་བསྐྱེད་པ།། མཁའ་འགྲོ་ཡང་གསལ་སེམས་མའི ་མཆོག། ཐོགས་པ་མེད་པའི་དབུ་གསུམ་གྱིས། ཁམས་གསུམ་ཐིག་ལེར་སྒྲོལ་བྱེད་ཅིང་།། ཕ་རོལ་ཕྱིན་དྲུག་ཕྱག་རྒྱ་ལས།། སྦྱིན་པ་ཆེན་པོ་རྟག་ཏུ་གཏོང་།། སྣ་ཚོགས་འགྱུར་བའི་སྐུ་མདོག་ལས།། ལྗང་གུ་ན་བཟའ ་བཻཌཱུརྱ།། རྫུ་འཕྲུལ་བཞི་ཡི་ཞབས་དག་གིས།། གནོད་སྦྱིན་གདན་ལ་བརྐྱང་བསྐུམ་བཞུགས།། བདག་གི་ཆུ་ལས་གྱུར་པ་ཡི།། ས་བོན་ལས་ནི་སྐུར་བསྐྱེད་པ།། མཁའ་འགྲོ་གཉེན་གསལ་སེམས་མའི་མཆོག། རོལ ་པ་ཆེན་པོའི་དབུ་གསུམ་གྱིས།། དུག་གསུམ་དབྱིངས་སུ་སྒྲོལ་བྱེད་ཅིང་།། ཕ་རོལ་ཕྱིན་དྲུག་ཕྱག་རྒྱ་ལས།། སྦྱིན་པ་ཆེན་པོ་རྟག་ཏུ་གཏོང་།། མཚོན་དུ་མེད་པའི་སྐུ་མདོག་ལས།། དམར་མོ་དབང་གི་ན་བཟས ་བརྒྱན།། རྫུ་འཕྲུལ་བཞི་ཡི་ཞབས་དག་གིས།། ཆུ་བདག་གདན་ལ་བརྐྱང་བསྐུམ་བཞུགས།། བདག་གི་མེ་ལས་གྱུར་པ་ཡི།། ས་བོན་ལས་ནི་སྐུར་བསྐྱེད་པ།། མཁའ་འགྲོ་འོད་གསལ་སེམས་མའི་མཆོག། སྟོབས་ལྡན ་མཆོག་གི་དབུ་གསུམ་གྱིས།། སྲིད་གསུམ་ཐིག་ལེར་སྒྲོལ་བྱེད་ཅིང་།། ཕ་རོལ་ཕྱིན་དྲུག་ཕྱག་རྒྱ་ལས།། སྦྱིན་པ་ཆེན་པོ་རྟག་ཏུ་གཏོང་།། མཚོན་དུ་མེད་པའི་སྐུ་མདོག་ལས།། རིན་ཆེན་སྔོན་པོའི་ན་བཟས་བརྒྱན།། རྫུ ་འཕྲུལ་བཞི་ཡིས་ཞབས་དག་གིས།། གཤིན་རྗེའི་གདན་ལ་བརྐྱང་བསྐུམ་བཞུགས།། བདག་གི་བཀྲག་ལས་གྱུར་པ་ཡི།། ས་བོན་ལས་ནི་སྐུར་བསྐྱེད་པ།། མཁའ་འགྲོ་བཀྲག་གསལ་སེམས་མའི་མཆོག། མི་འགྱུར་བ ་ཡི་དབུ་གསུམ་གྱིས།། སྐྱེ་འགྲོ་མཁའ་ལ་སྒྲོལ་བྱེད་ཅིང་།། ཕ་རོལ་ཕྱིན་དྲུག་ཕྱག་རྒྱ་ལས།། མི་མཛད་པ་ཡི་སྦྱིན་པ་གཏོང་།། ཅིར་ཡང་འགྱུར་བའི་སྐུ་མདོག་ལས།། བཙོ་མ་གསེར་གྱི་ན་བཟའ ་གསོལ།། རྫུ་འཕྲུལ་བཞི་ཡི་ཞབས་དག་གིས།། བརྒྱ་བྱིན་གདན་ལ་བརྐྱང་བསྐུམ་བཞུགས།། བདག་གི་གབ་པའི་ཐིག་ལེ་འདི།། ས་བོན་ལས་ནི་སྐུར་བསྐྱེད་པ།། བླ་ན་མེད་པའི་ཡབ་ཡུམ་གྱིས།། སྦྱོར་བའི་གདན་དུ ་དྲུག་པོ་འདིང་།། བདག་གི་འོད་ཅན་སྣ་ཚོགས་ལས།། ས་བོན་ལས་ནི་སྐུར་བསྐྱེད་པ།། དཔལ་འབར་ཁྲོ་མོ་ཉིད་ཀྱི་སྐུ།། བདག་གི་དྲངས་མ་བཞི་པོ་ལས།། ས་བོན་ལས་ནི་སྐུར་བསྐྱེད་པ།། གསང་བའི་ཡུམ་བཞིའི ་ཉིད་ཀྱི་སྐུ།། བདག་གི་དྭངས་མ་བརྒྱད་པོ་ལས།། ས་བོན་ལས་ནི་སྐུར་བསྐྱེད་པ། ཁམས་གསུམ་གདར་གཅོད་ཉིད་ཀྱི་སྐུ།། བདག་གི་དཔག་བསམ་ཤིང་བུ་ལས།། ས་བོན་ལས་ནི་སྐུར་བསྐྱེད་པ།། སྐྱེ་ཤི་རྩད ་ཅོད་ཉིད་ཀྱི་སྐུ།། གཡང་གཞི་དག་གི་གདན་སྟེང་ན།། བདག་གི་བདེ་ཆེན་གསལ་བ་ལས།། ས་བོན་ལས་ནི་སྐུར་བསྐྱེད་པ།། དུག་གསུམ་དབང་སྡུད་ཉིད་ཀྱི་སྐུ།། བདག་གི་དཔག་བསམ་ཤིང་བུ་ལས།། ས་བོན ་ལས་ནི་སྐུར་བསྐྱེད་པ།། སྲིད་པ་རྩད་གཅོད་ཉིད་ཀྱི་སྐུ།། བདག་གི་ཟངས་ཀྱི་བུ་གུ་ལས།། ས་བོན་ལས་ནི་སྐུར་བསྐྱེད་པ།། པདྨ་ཤན་ཏིང་དབང་གི་སྐུ།། འདོད་ཁམས་ཆེན་མོ་གཙོ་མོའི་ཡུམ།། བདག་གི་སྲིད་པའི ་མདོ་སྡུད་ལས།། ས་བོན་ལས་ནི་སྐུར་སྐྱེད་པ།། ཡཀྐ་ཀྲོ་དྷི་ཤྭ་རཱིའི་སྐུ།། གཡས་གཡོན་ཐབས་དང་ཤེས་རབ་ལས།། ས་བོན་ལས་ནི་སྐུར་བསྐྱེད་པ།། ཀྲོ་དྷི་ཤྭ་རཱི་ས་མ་ཡ།། བདག་གི་དབང་པོ་མདོག་སྡུས ་ལས།། ས་བོན་ལས་ནི་སྐུར་བསྐྱེད་པ།། རཀྵ་ཀྲོ་དྷི་ཤྭ་རཱིའི་སྐུ།། བདག་གི་སྲིད་པ་འཇུག་བྱེད་ལ།། ས་བོན་ལས་ནི་སྐུར་བསྐྱེད་པ།། གྷུ་ཡ་ཀྲོ་དྷཱི་ཤྲ་རཱིའི་སྐུ།། དེ་ལྟར་རྟག་ཏུ་བསྒོམས་པ་ནི།། བྱེད་པ་པོ་དང་བྱ་བ ་མོ།། ཕ་མ་མེད་པའི་བུ་མོ་གཉིས།། སྲིད་པའི་སྔོན་དུ་བྱུང་བ་ཡིན།། སངས་རྒྱས་པས་ཀྱང་ཤིན་ཏུ་བགྲེས།། ལྔ་ལས་གྱུར་པའི་བུད་མེད་ལྔ།། གཉེན་མེད་སྲིད་པའི་གཡུང་དྲུང་ཡིན།། བསྐྱེད་པའི་ཁྲོ་མོ་བཅུ་གསུམ ་ནི།། ཅིར་ཡང་མི་འོང་གཡུང་དྲུང་སྟེ།། རུས་མེད་གཡུང་དྲུང་བཅུ་གསུམ་ཡིན།། མཚོན་དུ་མེད་པའི་ནམ་མཁའ་ལ།། གཟའ་སྐར་མང་པོ་འབར་བ་ལྟར།། བྱང་ཆུབ་སེམས་ཀྱི་ཐིག་ལེ་ལས།། རིག་པའི་ཕྱག་རྒྱ་ཅིར ་སྣང་ཡང་།། སྐྱེ་འགག་མེད་པའི་དབྱིངས་སུ་ཐིམ།། གསང་ཆེན་བདེ་བའི་རྡོ་རྗེ་ལ།། བྷ་གའི་དཀྱིལ་དུ་ལིངྒ་སྤྲོས།། རྩེ་ནས་ཐིམ་ཞིང་དཀྱིལ་འཁོར་བསྒྱུར།། ངས་གསུང་པ་ལ་ཐེ་ཚོམ་མེད།། དཀྱིལ་འཁོར་བསྐྱེད་པའི ་བཅའ་གཞིའི། གབ་པའི་ཐིག་ལེའི་ལེའུ་སྟེ་གཉིས་པའོ།། །། གནོད་འདུལ་ལྷ་ཡིས་ཡང་གསོལ་པ།། འགྲོ་བ་སེམས་ཅན་ཐམས་ཅད་ཀུན།། རྟོག་པའི་ནད་ཀྱིས་ཟིན་པ་ལ།། བདུད་རྩི་སྨན་བཏང་ཇི་ལྟར ་ལགས།། ངོ་མཚར་ལྷ་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། བླ་མེད་དཔལ་གྱིས་བཀའ་སྩལ་པ།། རྟོག་པའི་ནད་གཞི་ལ་སྨན་ཆེན་ནོ།། ངས་བསྟན་པ་ལ་ཐེ་ཚོམ་མེད།། ངས ་བསྟན་པ་ལ་གདོན་མི་ཟ།། ཉོན་ཅིག་ཡུང་དྲུང་ཡང་དག་པ།། རྒྱུ་གཅིག་དང་ནི་རྐྱེན་གཉིས་ལས།། ས་བོན་གྱིས་ནི་རྣམ་སྦྱོང་བ།། སྟོང་གསུམ་སྦྱངས་པས་དྲི་མཆོག་གྱུར།། དུག་གསུམ་ནད་ཀྱི་གཉེན་པོ་ཡིན།། རྒྱུ ་གཉིས་དང་ནི་རྐྱེན་གསུམ་ལས།། ས་བོན་གྱིས་ཀྱང་རྣམ་སྦྱོང་བ།། སྤྲོ་དང་བསྡུ་བ་མཐུན་པ་ལས།། རྟོག་འདུལ་རྣམ་རྟོག་ཐམས་ཅད་འདུལ།། ཉོན་མོངས་ལྔ་ཡི་ནད་རྣམས་ཞི།། རྒྱུ་གསུམ་དང་ནི་རྐྱེན་ལྔ་ལས།། ས ་བོན་གྱིས་ནི་ཡང་དག་སྦྱང་།། སྤྲོ་བསྡུ་གཡོས་པར་གྱུར་པ་ལས།། རྣམ་ཤེས་བརྒྱད་ནི་ཀུན་ཏུ་རྒྱུ།། འཇིགས་པའི་ནད་རྣམས་ཞི་བར་བྱེད།། བདག་གི་དྲི་མ་ཆེན་པོ་ལ།། ས་བོན་གྱིས་ནི་རྣམ་སྦྱངས་ཏེ།། ཟོས་ན་ཡོན ་ཏན་གཉིས་དང་ལྡན།། དངོས་གྲུབ་ཆེན་པོ་གཏི་མུག་ཡིན། བདག་གི་དངོས་པོ་མཱཾ་ས་ལ།། ས་བོན་གྱིས་ནི་རྣམ་སྦྱངས་ཏེ།། ཟོས་ན་ཡོན་ཏན་གཉིས་དང་ལྡན།། དངོས་གྲུབ་ཆེན་པོ་ང་རྒྱལ་ཡིན།། བདག་གི་ཁྲག་ལས ་གྱུར་པ་ཡི།། ས་བོན་གྱིས་ནི་རྣམ་སྦྱངས་ཏེ།། ཟོས་ན་ཡོན་ཏན་གཉིས་དང་ལྡན།། དངོས་གྲུབ་ཆེན་པོ་འདོད་ཆགས་ཡིན།། བདག་གི་དྲི་ཆུ་ལས་གྱུར་པ།། ས་བོན་གྱིས་ནི་རྣམ་སྦྱངས་ཏེ།། ཟོས་ན་ཡོན་ཏན་གཉིས་དང ་ལྡན།། དངོས་གྲུབ་ཆེན་པོ་ཕྲག་དོག་ཡིན།། བདག་གི་གསང་བའི་ས་བོན་ལས།། ས་བོན་གྱིས་ནི་རྣམ་སྦྱངས་ཏེ།། ཟོས་ན་ཡོན་ཏན་གཉིས་དང་ལྡན།། དངོས་གྲུབ་ཆེན་པོ་ཞེ་སྡང་ཡིན།། ཀུན་འདུས་གཅིག་ཏུ་གྱུར་པ ་ཡིན།། ཕྲ་མོ་སྟོང་དང་སྦོམ་པོ་བརྒྱད།། བསྡུས་ནས་གོང་བུར་ཟིན་པ་ལས།། བསྡུ་བའི་ས་བོན་གྱིས་སྦྱངས་པའི།། སྤྲོ་བསྡུས་འོད་དུ་གྱུར་པ་ལ།། ཐབས་དང་ཤེས་རབ་ཕྱག་རྒྱ་ཡིས།། ཟོས་ནས་དཔལ་ཆེན་དངོས ་གྲུབ་ཐོབ།། མཁའ་འགྲོ་མ་རྣམས་མགུ་བར་བྱེད།། རྒྱུ་གསུམ་རྐྱེན་ལྔ་བདུད་རྩི་ཆེན་པོ་ལས།། སྣོད་ཆེན་སྣང་སྲིད་འཆར་བའི་རྒྱུད།། དུས་གསུམ་རྒྱལ་བ་ཀུན་གྱི་འབྱུང་གནས་ཏེ།། མཁའ་འགྲོ་དམ་ཅན་ཀུན་གྱིད ་སྲོག་གི་རྒྱུན།། རང་བཞིན་བདུད་རྩི་ཆེན་པོའི་འབྱུང་གནས་ནི།། རང་བྱུང་རྣམ་དག་ཉིད་ཀྱི་སྐུ་གསུང་ཐུགས།། བདུད་རྩི་ལྔ་ཡི་སྡོང་པོར་ཉིད་བཞུགས་པས།། དུག་གསུམ་རྟོག་པའི་ནད་ཀྱི་གཉེན་པོ་ཡིན།། ཐེག་ཆེན ་ས་གཞི་ཆེན་པོ་ལས།། རྩི་མཆོག་མང་པོ་ཀུན་སྐྱེས་ཏེ།། འགྲོ་བའི་གསོས་སུ་གྱུར་པ་ལྟར།། བདག་ཉིད་ཆེན་པོའི་བདུད་རྩིའི་འཁོར་ལོ་ལས།། སྲོག་གིས་བསྡུས་པའི་སེམས་ཅན་ཐམས་ཅད་ཀུན།། རྣམ་རྟོག་ནད ་ཀྱི་གསོས་སུ་ཆེ།། རྒྱུ་གསུམ་རྐྱེན་ལྔའི་བདུད་རྩི་དེ།། མ་རིག་དམྱལ་བའི་དོང་ཞེས་བྱ།། དེ་སྐད་ཅེས་བཀའ་སྩལ་པ་ལས། རྡོ་རྗེ་སེམས་དཔའ་དང་། ལྷ་གནོད་འདུལ་ལ་སོགས་པ་འཁོར་དེར་འདུས་པ་རྣམས་བདུད ་རྩིའི་དཀྱིལ་འཁོར་གྱིས། གཏན་དུ་ཚིམས་ནས་མི་འཆི་བའི་དངོས་གྲུབ་ཐོབ་བོ།། བདུད་རྩི་རིན་པོ་ཆེ་ལྔས་རྣམ་པར་རྟོག་པའི་མཚན་མ་བཅོམ་ནས། ཆོས་ཉིད་དུ་གྱུར་པའི་བདུད་རྩིའི་བཅའ་གཞིའི ་ལེའུ་སྟེ་གསུམ་པའོ།། །། གཡུང་དྲུང་ལྷ་ཡིས་ཡང་གསོལ་པ། སྲིད་པའི་སེམས་ཅན་ཐམས་ཅད་ཀུན།། འདོད་ཆགས་ཀྱིས་ནི་ཁམས་གསུམ་འཁོར།། ཞེ་སྡང་གིས་ནི་ངན་སོང་ལྟུང་།། དེ་ལ་ནན་ཏན་ཇི་ལྟར ་བགྱི།། ཉག་གཅིག་ཡབ་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། ཉག་གཅིག་ཡབ་ཀྱིས་བཀའ་སྩལ་པ།། ཇི་ལྟར་ཆགས་སྡང་རྣམ་པ་གཉིས།། དངོས་གྲུབ་ཆེན་པོ་ངས་བསྟན་གྱིས།། ཉོན་ཅིག ་གཡུང་དྲུག་ཡང་དག་ལྷ།། ཞེ་སྡང་ཆེན་པོའི་ཏིང་འཛིན་གྱིས།། ཕ་དང་ཁུ་བོ་ཚ་བོ་དང་།། ལྷ་དང་བུ་མོ་མཛེས་སྡུག་དང་།། བྲན་དང་གཡོག་མོ་ལ་སོགས་ཏེ།། ཞིང་བཅུ་དག་ཏུ་ལྡན་པ་ལ།། ཕུང་པོ་གསོད་བྱེད་སྙིང ་ཕྱུང་ན།། དངོས་གྲུབ་ཡ་མཚན་ཆེན་པོར་འགྱུར།། འདོད་ཆགས་ཆེན་པོའི་ཏིང་འཛིན་གྱིས།། མ་དང་བུ་མོའི་སྲིང་མོ་རྣམས།། ལྷ་མོ་ཀླུ་མོ་རིགས་ངན་དང་།། བྲན་མོག་གཡོག་མོ་ལ་སོགས་ཏེ།། གདོལ་པ་མོ་དང་ཕྱལ ་བ་དང་།། ཚུལ་དགུར་སྦྱར་བ་དངོས་གྲུབ་ཐོབ།། ཅེས་བཀའ་སྩལ་པས། ལྷ་གཡུང་དྲུང་ལ་སོགས་པ་ཡ་མཚན་དུ་གྱུར་ནས་སྤངས་ཏེ། ཅི་ཡང་མི་སྨྲ་བ་དང་། འཁོར་དེ་དག་ལས་འཁོར་གྱི་གཙོ་བོ་དཔལ་རྡོ་རྗེ་སེམས ་དཔའ་སྟན་ལས་ལངས་ཏེ། ཡེ་ཤེས་བཞིའི་ཕྱག་ཕྱོགས་བཞིར་འཚལ་ཏེ། བག་བཞི་ས་ལ་བརྡབས་ཏེ་ལུས་བརྐྱངས་ནས། རྒྱལ་པོ་རྫོགས་པའི་ཞབས་སྤྱི་བོ་ལ་བླངས་ཏེ། དངོས་གྲུབ་མྱུར་བར་འདོད་པའི་ཕྱིར། ཕྱག ་རྒྱ་བཅས་ནས་གསོལ་པ། ཕ་དང་ཉི་བཞི་ཞིང་བཅུ་དག། བསད་ནས་དངོས་གྲུབ་ཐོབ་པ་ཡིན།། ཞེ་སྡང་ཆེན་པོའི་ཏིང་འཛིན་ལ།། ཞིང་བཅུ་བསད་ན་དངོས་གྲུབ་ཐོབ།། རྟོགས་པ་སྣ་ཚོགས་ལས་བྱའོ།། མ་དང་ཉེ་བ ་ཕྱལ་པ་ལ།། སྦྱར་ན་དངོས་གྲུབ་དམ་པ་ཐོབ་པར་འགྱུར།། འདོད་ཆགས་ཆེན་པོའི་ཏིང་འཛིན་གྱིས།། དངོས་གྲུབ་ཆེན་པོ་བདག་འཚལ་ན།། སྤྱི་དཔལ་ཆེན་པོས་བསྟན་དུ་གསོལ།། ཞེས་ཞུས་ཏེ། ལུས་ས་ལ་ལན ་སྟོང་དུ་བརྡབས་པ་དང་། བག་བཞི་ས་ལ་བཏུད་ནས། སྲིད་པ་ཐམས་ཅད་དུས་གཅིག་ཏུ་གཡོས་ཏེ། འཁོར་ཐམས་ཅད་དུས་གཅིག་ཏུ་ཁམས་འཁྲུགས་ནས། ཐམས་ཅད་བག་བཞི་ས་ལ་བརྡབས་ནས་ཡ་མཚན ་ཏེ། སྤྱི་དཔལ་ཆེན་པོ་ཡ་མཚན་ཏོ།། རྡོ་རྗེ་སེམས་དཔའ་ཡ་མཚན་ཏོ།། ཞེས་ཚིག་ཏུ་སྨྲས་ནས། པདྨ་གའུ་ཁ་འབུས་པ་ལྟར། སོར་མོ་བཅུ་སྤྱི་བོར་བླངས་ནས། མིག་མི་ལྡོག་པར་མངོན་པར་རྫོགས་པའི་རྒྱལ་པོ་ལ ་རྟོག་གོ། དེ་ལྟ་བུའི་སྤྱོད་པ་ཐུགས་སུ་གསོལ་ནས། འཁོར་ཐམས་ཅད་ལ་དགྱེས་པ་ཡེ་ཤེས་ཀྱི་མདངས་ཀྱིས་གཟིགས་ཏེ་བཀའ་སྩལ་པ། རྡོ་རྗེ་འཁོར་ལ་གདུང་བ་དང་།། སེམས་ཅན་ཀུན་ལ་ཐུགས་བརྩེའི་ཕྱིར།། རྡོ ་རྗེ་སེམས་དཔས་ཞུས་པ་ལགས།། ཀུན་ཀྱང་དྲན་པ་གནས་སུ་སྡུས།། སྲིད་པ་ཐམས་ཅད་བདེ་ལ་འཁོད།། ངས་ཀྱང་བདུད་རྩིའི་སྙིང་པོ་སྦྱིན།། སྔ་ན་ས་མ་ཡ་སྟྭཾ། ཞེས་བརྗོད་པས། འཁོར་ཀུན་སེམས ་རྣལ་དུ་ཕེབས་པ་དང་། སྲིད་པ་ཐམས་ཅད་དུས་གཅིག་ཏུ་བདེ་སྟེ། རྣ་བའི་དབང་པོ་བླགས་ནས། རྡོ་རྗེ་སེམས་དཔའི་ཕྱག་རྒྱའི་རྗེས་སུ་ཞུགས་ནས་གུས་པར་ཉན་ཏོ།། དེ་ནས་སྤྱི་དཔལ་ཆེན་པོས་བཀའ་སྩལ་པ། ་གཉེན་སྡུག་དང་ནི་ཞིང་བཅུ་ལ།། གསང་བའི་ཕྱིར་ནི་ཞེ་སྡང་བསྒོམ།། སྤྱོད་པ་གསུམ་གྱིས་རྣམ་སྦྱངས་པས།། སྲིད་པའི་བག་ཆགས་མ་ལུས་འབྱང་།། ལྔ་ཡི་ཚོགས་སུ་ས་བོན་གྱིས།། སྒོ་ལྔ་ཀུག་ནས་ཚོར་བ ་མེད།། སྙིང་བརྩེ་བ་ཡི་ཤུགས་དག་གིས།། བསྡུས་ན་རྒྱལ་པོ་རི་ལུ་བཞིན།། སྒོ་འབྱེད་པ་ཡི་ས་བོན་གྱིས།། བོ་དྷི་ཙིཏྟའི་སྒོ་ཕྱེ་ནས།། རྣ་བརྒྱུད་བྱིན་ནས་བསྒོམ་བཞུ་བླུགས།། མས་ཡར་ཟློག་པའི་ས་བོན་གྱིས།། སྦར ་ཏེ་འབྲུ་བཞི་ས་བོན་གྱིས།། ཆུ་དང་འོ་མ་འདྲེས་པ་བཞིན།། མྱ་ངན་འདས་ལ་ཕྱག་རྒྱ་ཡིས།། བཅིངས་ན་བདེ་སྐྱིད་གཡུང་དྲུང་ཡིན།། རྐྱེན་ལྔ་སྒོ་འབྱེད་ས་བོན་གྱིས།། རི་རབ་ཆེན་པོའི་སྒོ་ཕྱེ་སྟེ།། ལྷ་མོ་ཡི་ནི་ཕྱག ་རྒྱ་ཡིས།། ལྕགས་ཀྱུའི་ས་བོན་སྦྱངས་ནས་སུ།། རྒྱུ་གཅིག་དབྱིངས་ནས་ཕྱུང་ནས་སུ།། མཚམས་སུ་སྦྱོར་བའི་ས་བོན་གྱིས།། ཡེ་ཤེས་གཡུང་དྲུང་བདལ་བ་ལ།། སྤྱི་དཔལ་ཆེན་པོས་མཚམས་སྦྱར་ནས།། གསེར་དང ་དངུལ་དུ་བསྲེས་པ་བཞིན།། སྡིག་པ་སྤྱད་ཀྱང་ཡེ་ཤེས་འབར།། ཡང་ན་དཀྱིལ་འཁོར་གསལ་སྤྲོས་ཏེ།། ཕུང་པོ་མངོན་རྫོགས་ལྷ་ལ་མཆོད།། རྩ་བ་གསང་བའི་བྷ་ག་ལ།། མཚམས་སུ་སྦྱོར་བའི་ས་བོན་གྱིས།། སྲས ་སུ་བསྐྱེད་ན་བསོད་ནམས་མཆོག། བསྐལ་པའི་མེ་དཔུང་འབར་བ་ཡིས།། སྲིད་པའི་བུད་ཤིང་སྲེག་པ་ལྟར།། སྡིག་པ་སྤྱད་ཀྱང་ཡེ་ཤེས་འབར།། ཡེ་ཤེས་མེ་དཔུང་འབར་བ་ཡིས།། འགྲོ་བ་ཀུན་གྱི་བག་ཆགས ་བསྲེགས།། མེ་ལ་ཤིང་གིས་བསྣན་པ་ལྟར།། སྡིག་པ་སྤྱད་ཀྱང་ཡེ་ཤེས་འབར།། མ་སྲིང་དང་ནི་ཕྱལ་བ་དང་།། སྦྱོར་བའི་ཕྱིར་ནི་འདོད་ཆགས་བསྒོམ།། ལྷ་ཡི་ས་བོན་གནས་ལྔ་ལ།། གཅིག་ལ་ལྷ་ཡི་ཚོམ་བུར ་སྒུསྦྱར།། ལམ་དུ་བདེ་བའི་ས་བོན་གྱིས།། བྷ་ག་ལ་ནི་པདྨས་བརྒྱན།། སྟན་དུ་བདེ་བའི་ས་བོན་གྱིས།། ཀློང་ཆེན་བདེ་བའི་འཁོར་ལོ་རྩིབས་སུ་བཅས།། ལས་ཀྱི་ས་བོན་གཡས་གཡོན་གྱིས།། དབུ་ལ་མཁའ་འགྲོ་ལྔ ་པོ་ཉིད།། དྲིལ་བུའི་ས་བོན་རྐང་མཐིལ་ལ།། ཞགས་པའི་ས་བོན་ལག་གཉིས་ལའོ།། བདག་ཉིད་སྙིང་པོ་བརྟན་པའི་སྐུ།། གནས་ལྔར་རལ་གྲིའི་ས་བོན་ལྔ།། གཅིག་ལ་མཁའ་འགྲོ་ལྔ་ལྔས་བསྐོར།། འདྲེན་པའི་ས ་བོན་སྒལ་ཚིགས་ལ།། དགྱེས་པའི་ས་བོན་གཡས་གཡོན་ལ།། བསྟེན་པའི་ས་བོན་གསང་བ་ལ།། ལྕགས་ཀླུའི་ས་བོན་རྐང་གཉིས་ལ།། ལྕགས་སྒྲོགས་ས་བོན་ལག་གཉིས་ལ།། བསྐྱོད་པའི་ས་བོན་མཚམས་སུ ་སྟེ།། སྤྲོས་ན་གཉིས་སུ་མེད་པའོ།། སྤྲོས་པ་ཚོམ་བུ་ཀུན་བསྟིམ་སྟེ།། མཆོད་པ་བཞི་ཡི་ས་བོན་གྱིས།། སྟོང་ཁམས་བཀའ་སྟེ་མཉེས་མཆོད་ལ།། རིགས་དྲུག་འགྲོ་བའི་སྡིག་སྦྱངས་ནས།། འཇུག་པའི་ས ་བོན་ཆེན་པོ་ཡིས།། བསྡུས་ནས་ཀུན་བཟང་མཁའ་ལ་བསྟིམ།། གཏིང་དཔག་མེད་པའི་རྒྱ་མཚོ་ལ།། ཆུ་བྲན་ཐམས་ཅད་འདུ་བ་ལྟར།། བྱ་སྤྱོད་གཉིས་ཀྱི་རླུང་དཀྱིལ་དུ།། མ་སྲིང་ལ་སོགས་ཀླུ་མོ་དང་།། གདོལ་པ ་རིགས་ངན་ཕྱལ་པ་དག། ཚུལ་དགུར་སྦྱར་ན་བསོད་ནམས་མཆོག། ཅེས་བཀའ་སྩལ་པ་དང་། འཁོར་ཐམས་ཅད་ཀྱིས་ཆགས་སྡང་གི་དངོས་གྲུབ་ཐོབ་བོ།། ཏ་ན་དང་ག་ཎའི་བཅའ་གཞིའི་ལེའུ་སྟེ་བཞི ་པའོ།། །། རྡོ་རྗེ་སེམས་དཔས་ཡང་གསོལ་པ། མངོན་སྤྱོད་མཆོད་པ་ཆེན་པོ་དག། ཇི་ལྟར་བདག་གིས་ནན་ཏན་བགྱི།། སྤྱི་དཔལ་མཆོག་ལ་བདག་ཉན་འཚལ།། རྒྱལ་པོ་བདེ་བས་བཀའ་སྩལ་པ། དེ་ཕྱིར ་ཉོན་ཅིག་རྡོ་རྗེ་སེམས།། མངོན་སྤྱོད་མཆོད་པ་སྣ་ཚོགས་ཏེ།། བདག་ཉིད་མཁའ་འགྲོའི་དཀྱིལ་འཁོར་ལྡན།། རྒྱན་དང་བགོ་བའི་ལོངས་སྤྱོད་ལ།། འདོམ་གང་འོད་ཀྱི་ས་བོན་གྱིས།། སྦྱངས་ན་དཀྱིལ་འཁོར་མཉེས ་པ་ཡིན།། བཟའ་དང་བཅའ་བའི་ལོངས་སྤྱོད་ལ།། བསྲེག་པའི་ས་བོན་མཐར་བཞག་ལ།། བདུད་རྩིའི་ས་བོན་མངོན་སྦྱངས་ཏེ།། གཉིས་ཤིང་དགྱེས་པའི་ས་བོན་གྱིས།། མཆོད་ཅིང་ཟོས་ན་དཀྱིལ་འཁོར ་མཉེས།། བཏུང་བས་ཚིམས་པའི་ལོངས་སྤྱོད་ལ།། བསྲེག་པའི་ས་བོན་གྱིས་སྦྱངས་ཏེ།། ཆུ་ཡི་ས་བོན་ཆེན་པོ་ཡིས།། སྦྱངས་ཏེ་འཐུང་ན་དཀྱིལ་འཁོར་དགྱེས།། ཕར་གཏོང་བ་དང་ཚུར་ལེན་པ།། ཕོ་དང་མོ་ཡི་ས་བོན ་གྱིས།། སྦྱངས་ན་ཐབས་དང་ཤེས་རབ་ཐོབ།། མཆོད་པ་འོད་ཀྱི་དཀྱིལ་འཁོར་སྤྲོ།། རྟགས་ཀ་ནི་ངང་ཐ་དོ་ལ།། ཐབས་དང་ཤེས་རབ་ས་བོན་གྱིས།། སྦྱངས་ན་སྡིག་བྱང་ཉེས་པ་མེད།། འདི་ལྟར་བྱས་ན་འཕགས་པ ་མཉེས།། མངོན་སྤྱོད་མཆོད་པ་ཆེན་པོ་ཡིས།། ཆོས་ཀྱི་རང་བཞིན་དངོས་མེད་དེ།། དངོས་མེད་ཡི་གེ་སྟོང་པས་སྦྱངས།། སྟོང་ཉིད་སྟོང་པ་ཡེ་ནས་དབེན།། བསགས་པའི་སྣོད་ཀྱང་དངོས་ཀྱིས་སྟོང་།། རྣམ་པར་སྨིན་པ ་སྟོང་པས་མེད།། བྱེད་པ་པོ་དང་བྱ་བ་མོ།། གདོད་ནས་སྟོང་པའི་འབྲས་བུ་ཡིན།། རྟོགས་པས་སྟོང་པའི་འབྲས་བུ་ལེན།། ལེགས་དང་ཉེས་པ་གཉིས་མེད་དེ།། ཐིག་ལེ་ཆེན་པོ་ལེན་པ་མེད།། གདོད་ནས་ལེན་པའི ་རྒྱལ་པོ་ཡིན།། དེ་སྐད་ཅེས་བཀའ་སྩལ་པ་དང་། རྡོ་རྗེ་སེམས་དཔའ་ལ་སོགས་པའི་འཁོར་ཕུན་སུན་ཚོགས་པ་ཀུན། སྟོང་པའི་འབྲས་བུ་ལ་སེམས་མི་ཡེངས་པར་རྟོག་གོ།། དེ་ནས་ལྷ་གནོད་འདུལ་སྟན་ལས་ལངས ་ཏེ། སྤྱི་དཔལ་ཆེན་པོའི་ཞབས་ལ་འཇུས་ནས། གནོད་འདུལ་ཆེན་པོས་གསོལ་པ། དགོངས་ཤིག་བདེ་ཆེན་ཡེ་ཤེས་ལྷ།། སྲིད་པ་འཁྲུལ་པའི་རྟོག་པ་ཡིས།། སེམས་ཀྱི་འཁྲུལ་པ་ཅི་མཆིམས་པ།། ཞབས་ལ་སྤྱི་བོས ་གཏུགས་ནས་སུ།། སྟོང་པ་ཆེན་པོར་བཟོད་པར་གསོལ།། འབྲས་བུ་ཆེན་པོར་བཟོད་པར་གསོལ།། བྱང་ཆུབ་ཆེན་པོར་བཟོད་པར་གསོལ།། དེ་ནས་མི་དམིགས་པའི་ཚངས་པ་ཆེན་པོ་ཐོབ་བོ།། དེ་ནས ་རྡོ་རྗེ་སེམས་དཔའ་དེས་ལངས་ནས་སྐུ་ལ་ཐིག་ལེ་སྦྲུལ་ལྟར་འཁྲིལ།། མཛེས་པ་ཆེན་པོའི་མཆོད་པ་བྱས།། ཕྱི་དབང་ཆེན་པོ་བདག་ལ་གསོལ།། ནང་དབང་ཆེན་པོ་བདག་ལ་གསོལ།། གསང་དབང་ཆེན་པོ་བདག་ལ ་གསོལ།། ཞེས་ཞུས་པ་དང་། སྤྱི་དཔལ་ཆེན་པོས་བཀའ་སྩལ་པ། ཕྱི་དང་ནང་དང་གསང་བ་ཡིས།། ང་ཡི་གསང་རྒྱུད་ཆེན་པོ་འདི།། ཕྱོགས་བཅུའི་སངས་རྒྱས་ཐམས་ཅད་ལ།། གསང་བ་འདི་ལས་མི་མངའ ་བས།། གསང་བའི་གསང་ཆེན་གསང་བའི་གཏེར།། གསང་བའི་མཆོག་གི་སྤྱོད་པ་འདི།། རྡོ་རྗེ་སེམས་དཔའ་ཁྱེད་ལ་གཏད།། འགྲོ་བ་ཀུན་ལ་སྙིང་བརྩེའི་ཕྱིར།། ང་ཡི་སྤྱོད་པ་མཐའ་དག་དང་།། ང་ཡི་བྱིན་བརླབས ་ན་པོ་རྣམས།། རྡོ་རྗེ་སེམས་དཔའ་ཁྱེད་ཀྱིས་ཟུང་།། དེང་ནས་རྡོ་རྗེ་སེམས་དཔའ་ཁྱོད།། གསང་བ་ཀུན་གྱི་བྱེད་པའོ།། གསང་བའི་གསང་ཆེན་གསང་བའི་བདག། སྐུ་དང་གསུང་དང་ཐུགས་གསང་བའི།། གསང ་བའི་དཔལ་དུ་དབང་བསྐུར་རོ།། སངས་རྒྱས་ཀུན་གྱི་དགོངས་པ་སྟེ།། རྣལ་འབྱོར་ཀུན་ལ་བདེ་སྦྱིན་པ།། རྡོ་རྗེ་སེམས་དཔའ་ཁྱེད་ཀྱིས་གཟུངས།། གུ་ཡ་རཱ་ཙ་མ་ཧཱ་རཱ་ཙ་ས་མ་ཡཱ་ལཾ་ཧོ་ཧོ།། ཞེས་གནང་བ་དང་། དེ ་ནས་རྡོ་རྗེ་སེམས་དཔའ་དེས།། རྒྱན་དང་ཆ་ལུགས་བཀྲོལ་བྱས་ཏེ།། སྤྱི་དཔལ་མཆོག་ལ་མངོན་པར་གཏོར།། གསང་དབང་ཆེན་པོ་བཙལ་བའི་ཕྱིར།། སྙིང་དང་སྙིང་གི་གྲོགས་མོ་དེ།། སྤྱི་དཔལ་མཆོག་ལ་ཡོན་དུ ་འབུལ།། རྒྱན་དང་ཆ་ལུགས་མང་པོ་ཀུན།། གསང་དབང་གནང་ནས་ཡོན་དུ་བཞེས།། མངོན་སྤྱོད་ཀྱི་མཆོད་པ་ཆེན་པོའི་ལེའུ་སྟེ་ལྔ་པའོ།། །། རྡོ་རྗེ་སེམས་དཔས་ཡང་གསོལ་པ།། ས་མ་ཡ་ཞེས་བགྱི་བ ་གང་།། ས་མ་ཡ་ལ་དུ་ཞིག་མཆིས།། ས་མ་ཡ་ཡི་དོན་རྣམས་གང་།། དེ་སྐད་ཞུས་པ་གསན་ནས་ཀྱང་།། ཉག་གཅིག་ཡབ་ཀྱིས་བཀའ་སྩལ་པ།། ས་མ་ཡ་ཞེས་བྱ་བ་ནི།། འདའ་བར་དཀའ་བའི་དམ་ཚིག་གོ། དམ ་ཚིག་གྲངས་ལ་བསམ་མི་ཁྱབ།། བསྡུ་ན་རྣམ་པ་གསུམ་ཡིན་ནོ།། རྡོ་རྗེ་སེམས་དཔས་ཡང་གསོལ་པ།། ས་མ་ཡ་ཞེས་བཀའ་སྩལ་པ།། ཇི་ལྟར་བདག་གིས་ནན་ཏན་བགྱི།། ཉག་གཅིག་ཡབ་ལ་བདག་ཉན ་འཚལ།། ཉོན་ཅིག་དཔལ་ལྡན་རྡོ་རྗེ་སེམས།། སྟོན་པ་བདེ་གཤེགས་ཀུན་གྱི་དཔལ།། སྐུ་ཡི་ཕྱག་རྒྱ་མི་སྤང་ཞིང་།། བསྒོ་བའི་ཚིག་རྣམས་མཉན་པར་བྱ།། རྡོ་རྗེ་སྤུན་ལ་གདུང་བ་བསྐྱེད།། འདི་ནི་ལུས་ཀྱི་ས ་མ་ཡ།། བསྐྱེད་རྫོགས་ས་བོན་རྒྱུན་མི་འཆད།། རྒྱལ་པོ་ཕྱག་རྒྱ་གསལ་བར་བསྒོམ།། འདི་ནི་ངག་གི་ས་མ་ཡ།། གསང་བའི་སྙིང་པོ་ངེས་པའི་དོན།། སྣོད་ངན་རྣམས་ལ་སྤེལ་བ་མིན།། འདི་ནི་ཙིཏྟའི་ས་མ་ཡ།། ཏན ་གན་དང་ནི་འབྲས་བུ་ལྔ།། སྤང་བར་མི་བྱ་སྤྱད་པར་བྱ།། འདི་ནི་ཡན་ལག་ས་མ་ཡ།། དམིགས་མེད་སྤྱོད་པ་མཐའ་དག་ཀུན།། འགྲོ་དོན་རྫོགས་པའི་ས་མ་ཡ།། ས་མ་ཡ་ནི་རྡོ་རྗེ་ཆེ།། འདའ་བར་མི ་མཛད་རྡོ་རྗེ་དམ།། བཅོལ་བའི་ལས་རྣམས་བྱེད་པ་ནི།། མཁའ་འགྲོ་རྣམ་གསུམ་ས་མ་ཡ།། ཞེས་དཔའ་བོས་བཤད་དེ།། དེ་སྐད་ཅེས་སྤྱི་དཔལ་ཆེན་པོས་བཀའ་སྩལ་པ་དང་། འཁོར་ཐམས་ཅད་ཡི་རངས་ཏེ། རྡོ་རྗེ ་སེམས་དཔའ་དང་། རིགས་ལྔའི་སངས་རྒྱས་རྣམས་ནི་གསང་བའི་བདག་པོར་གྱུར། འཁོར་མང་པོས་ནི་གཡུང་དྲུང་གི་དངོས་གྲུབ་ཐོབ་སྟེ། གསང་བ་དགྱེས་པའི་དམ་ཚིག་ཅན་དུ་གྱུར་ཏོ།། དམ་ཚིག་བཅའ་གཞིའི ་ལེའུ་སྟེ་དྲུག་པའོ།། །། རྣལ་འབྱོར་གྱི་རྒྱུད་ལུང་ཆེན་པོ། ཀ་མ་ལ་དེ་ཝི་སིདྡྷི་མ་ཧཱ་ཏནྟ་ལས། དཀྱིལ་འཁོར་བསྐྱེད་པ་དང་། བདུད་རྩི་ཆེན་པོའི་བཅའ་གཞི་དང་། ཏིང་འཛིན་ཕུམ་སུམ་ཚོགས་པའི་བཅའ་གཞི ་དང་། ས་མ་ཡའི་བཅའ་གཞི་སྟེ། རིན་པོ་ཆེའི་གཏེར་གྱི་ལེའུ་སྟེ་བདུན་པའོ།། །། གནོད་འདུལ་ལྷ་ཡིས་ཡང་གསོལ་པ།། སྲིད་པའི་དབང་ཆེན་མོ་རྣམས་ཀུན།། སྤྱན་རྣམས་དྲང་ན་གང་གིས་དྲང་།། དབང་དུ ་བསྡུ་ན་ཇི་ལྟར་བསྡུ།། ལས་ལ་བཀོལ་ན་ཇི་ལྟར་བཀོལ།། ཚོགས་ཀྱི་མཆོད་པ་ཇི་ལྟར་དབུལ།། དེ་སྐད་ཞུས་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག ་པ།། ལས་རྣམས་འོག་མ་འདི་ལྟར་བྱ།། ཧཱུཾ་སྲིད་པ་ཐམས་ཅད་ཡུམ་གྱི་བྷ་གའི་ཀློང་།། དུས་གསུམ་བདེ་གཤེགས་འབྱུང་བ་ལྔ་ཡི་དང་།། སྐྱེ་འགྲོ་མ་ལུས་འབྱུང་བ་ལྔ་ལ་རྫོགས།། འདས་དང་མ་བྱོན་འབྱུང་བ་ལྔ་ཡི ་དབྱིངས།། འབྱུང་བ་ལྔ་ཉིད་བྷ་ག་ཡུམ་གྱི་ཀློང་།། བདེ་ཆེན་ཡུམ་གྱི་ཀློང་ལ་ཕྱག་འཚལ་ལོ།། ཧཱུཾ་ཁམས་གསུམ་ཐམས་ཅད་ཡུམ་གྱི་བྷ་གའི་རྒྱན།། སྣང་སྲིད་ཐམས་ཅད་འཁོར་ལོ་རྩིབས་བཞི་པ།། གྲུ་ཆད་སྒོ་བཞི་བྷ ་གའི་ཚུལ་དུ་བརྒྱན།། འབྱུང་བ་ལྔ་ཡི་རྒྱལ་མོ་སྐུ་བསྐྱེད་ཅིག། ཧཱུཾ། འཁོར་ལོ་འབར་བའི་ལྟེ་དབུས་སུ།། ཡ་བདུད་བསྒྱེལ་བའི་གདན་སྟེངས་སུ།། ཡུམ་གྱི་རྒྱལ་མོ་སྤྱན་འདྲེན་ཏེ།། བཞི་ཟུར་ཞབས་བརྒྱད་ཕྱོགས ་མཚམས་གནོན།། མཁའ་བཞི་བདེ་ཀློང་གཅིག་ཏུ་འཁྱིལ།། མཁའ་ལ་དུས་བཞི་ཆ་སྙོམས་མ།། དབུ་གཅིག་ཞལ་ལྔ་སྲིད་པ་གསལ།། ཞལ་ནས་འབྱུང་བ་ལྔ་འཆར་མ།། ཕྱག་དྲུག་ཕྱག་ཆ་སྣ་ཚོགས་བསྣམས།། དང་པོ ་རྡོ་རྗེ་དྲིལ་བུ་དང་།། བར་མ་བྷནྡྷ་ཞགས་པར་བཅས།། ཐ་མ་བདུད་རྩི་གཡང་གཞི་འབར།། སྣ་ཚོགས་འགྱུར་བའི་སྐུ་མདོག་ལ།། ན་བཟའ་སྣ་ཚོགས་ཤིན་ཏུ་འབར།། འཁོར་ལོ་འབར་བའི་རྩེ་མོ་ལ།། ཚོགས་ཀྱི ་བདག་མོ་གཤེགས་སུ་གསོལ།། ཧཱུཾ། ཤར་ཕྱོགས་འཁོར་ལོའི་རྩིབས་སྟེངས་སུ།། ས་བདག་བསྒྱེལ་བའི་གདན་སྟེངས་སུ།། ཤར་གྱི་མཁའ་འགྲོ་སེང་གེའི་གདོང་།། རྟག་པའི་རྒྱལ་མོ་རྣམ་སྣང་གསལ།། སྣ་ཚོགས ་འགྱུར་བའི་སྐུ་མདོག་ལ།། ན་བཟའ་དཀར་མོ་ཤེལ་ལྟར་དག། དབུ་གསུམ་ཕྱག་དྲུག་ཞབས་བཞིར་བགྲད།། དང་པོ་རྡོ་རྗེ་བྷནྡ་འབར།། བར་མ་དགྲ་སྟ་གཏུན་ཤིང་རྡེབ།། ཟ་མ་སེང་གེ་མཆོག་ཆེན ་སྙོསྟོད།། འབྱུང་བ་ས་ཡི་མངའ་བདག་མོ།། འགྲོ་བའི་དུས་ལ་མངའ་མཛད་མ།། རུས་པའི་བདག་མོ་བཞུགས་སུ་གསོལ།། ཧཱུཾ། བྱང་ཕྱོགས་འཁོར་ལོའི་རྩིབས་སྟེངས་སུ།། གནོད་སྦྱིན་བསྒྱེལ་བའི་གདན་སྟེངས ་སུ།། བྱང་གི་མཁའ་འགྲོ་ཁྱུང་ཆེན་གདོང་།། རྟག་པའི་རྒྱལ་མོ་ཡང་གསལ་གཡོས།། སྣ་ཚོགས་འགྱུར་བའི་སྐུ་མདོག་ལ།། ན་བཟའ་ལྗང་གུ་ཤིན་ཏུ་འབར།། དབུ་གསུམ་ཕྱག་དྲུག་ཞབས་བཞི་བགྲད།། དང་པོ་རྒྱ ་གྲམ་བྷནྡ་འབར།། བར་མ་ཁྱུང་ཆེན་རྒྱུ་ཕྲེང་འདྲེན།། ཐ་མ་སྦྱང་མོ་ཞིང་ཆུང་སྟོད།། འབྱུང་བ་རླུང་གི་མངའ་བདག་མོ།། འགྲོ་བའི་དབུགས་ལ་མངའ་མཛད་མ།། དབུགས་ཀྱི་བདག་མོ་བཞུགས་སུ་གསོལ།། ཧཱུཾ། ནུབ ་ཕྱོགས་འཁོར་ལོའི་རྩིབས་སྟེངས་སུ།། ཆུ་བདག་བསྒྱེལ་བའི་གདན་སྟེངས་སུ།། ནུབ་ཀྱི་མཁའ་འགྲོ་དུར་བྱའི་གདོང་།། རྟག་པའི་རྒྱལ་མོ་གཉེན་གསལ་མ།། སྣ་ཚོགས་འབར་བའི་སྐུ་མདོག་ལ།། ན་བཟའ་དམར ་མོ་དབང་གིས་མཛེས།། དབུ་གསུམ་ཕྱག་དྲུག་ཞབས་བཞིར་བགྲད།། དང་པོ་པདྨ་བྷནྡ་འབར།། བར་མ་ཞགས་པ་ཏྲི་ཤཱུ་ལ།། ཐ་མ་ཅེ་སྦྱང་ཞིང་ཆུང་སྙོད།། འབྱུང་བ་ཆུ་ལ་མངའ་མཛད་མོ།། འགྲོ་བ་ཁྲག་ལ་མངའ ་མཛད་མ། ཁྲག་གི་བདག་མོར་བཞུགས་སུ་གསོལ།། ཧཱུཾ། ལྷོ་ཕྱོགས་འཁོར་ལོའི་རྩིབས་སྟེངས་སུ།། གཤིན་རྗེ་བསྒྱེལ་བའི་གདན་སྟེངས་སུ།། ལྷོ་ཡི་མཁའ་འགྲོ་བ་གླང་གདོང་།། རྟག་པའི་རྒྱལ་མོ་བཀྲག་གསལ ་འབར།། སྣ་ཚོགས་འགྱུར་བའི་སྐུ་མདོག་ལ།། ན་བཟའ་སྔོན་མོ་བཻ་ཌཱུརྱ།། དབུ་གསུམ་ཕྱག་དྲུག་ཞབས་བཞིར་བགྲད།། དང་པོ་རིན་ཆེན་བྷནྡྷར་འབར།། བར་མ་མེ་དཔལ་དབྱུག་ཐོ་བསྣམས།། ཐ་མ་སྟག་མོ ་ཞིང་ཆུང་སྟོད།། འབྱུང་བ་མེ་ལ་མངའ་མཛད་མ།། དྲོད་ཀྱི་བདག་མོར་བཞུགས་སུ་གསོལ།། ཧཱུཾ། དཀྱིལ་མཚམས་འཁོར་ལོའི་རྩིབས་སྟེང་ན།། བརྒྱ་བྱིན་འགྱེལ་བའི་གདན་སྟེངས་སུ།། ནམ་མཁའི་མཁའ་འགྲོ་རྡོ ་རྗེའི་ཆུ།། རྟག་པའི་རྒྱལ་མོ་བཀྲག་གསལ་མཉམ།། སྣ་ཚོགས་འགྱུར་བའི་སྐུ་མདོག་ལ།། ན་བཟའ་སེར་པོ་བཙོ་མ་གསེར།། དབུ་གསུམ་ཕྱག་དྲུག་ཞབས་བཞིར་བགྲད།། དང་པོ་འཁོར་ལོ་བྷནྡ་འབར།། བར་མ ་རྒྱལ་མཚན་སྤུ་གྲི་འཛིན།། ཐ་མ་འུག་པའི་ཞིང་ཆུང་སྟོད།། ནམ་མཁའ་སྟོང་ལ་དབང་བསྐུར་ཞིང་།། འགྲོ་བའི་བཀྲག་ལ་མངའ་མཛད་མ།། བཀྲག་གི་བདག་མོར་བཞུགས་སུ་གསོལ།། ཀུན་ཀྱང་ཡེ་ཤེས་མཁའ་འགྲོ ་མ། མཆེ་བ་ཅན་ལ་གཙིགས་ཤིང་ཧ་ཧ་བཞད།། འཇིགས་ཚུལ་ཆེ་ལ་སྙིང་རྗེར་ལྡན།། ཡེ་ཤེས་དྲུག་དང་ལྡན་པ་སྟེ།། ཕ་རོལ་ཕྱིན་པ་དེ་བཞིན་ཉིད།། སེམས་ཅན་ཀུན་ལ་ཐུགས་བརྩེའི་ཕྱིར།། འགྲོ་ལ་ཕན་ཕྱིར ་གཤེགས་སུ་གསོལ།། ད་ནི་མ་མོ་དབང་དུ་བསྡུ་བའི་བཀོལ་ཐབས་བསྟན་ཏེ། ཉོན་ཅིག་གནོད་འདུལ་ལྷ་ཡི་གཙོ།། གཙོ་མོ་ལ་སོགས་དྲུག་པོ་འདི།། བདག་ཉིད་ཆེན་པོར་བསྒོམ་པར་བྱ།། བཅུ་བཞི ་མན་ཆད་གདན་དུ་བཏིང་།། བདག་ཉིད་ཆེན་པོར་བསྒོམ་པར་བྱ།། མ་ནི་དགྱེས་ཆེན་རྟག་པའི་མཁའ།། མོ་ནི་བདེ་ཆེན་ལོངས་སྤྱོད་ཀློང་།། མ་ནི་རྟག་ཆེན་གཡུང་དྲུང་མཁའ།། མོ་ནི་ཆགས་བྱེད་བྱང་ཆུབ་ཀློང་།། མ ་ནི་སྐུ་གསུང་ཐུགས་ཀྱི་མཁའ།། མོ་ནི་ལུས་ངག་ཡིད་གསུམ་ཀློང་།། མ་ནི་རྒྱལ་བ་ཀུན་གྱི་མཁའ།། མོ་ནི་འགག་པ་མེད་པའི་ཀློང་།། མ་ནི་ཐབས་མཆོག་གནོད་མེད་མཁའ།། མོ་ནི་ཤེས་རབ་ཆགས་མེད་ཀློང་།། མ ་ནི་ནམ་མཁའི་དབྱིངས་ཉིད་མཁའ།། མོ་ནི་སེམས་ཀྱི་སེམས་ཉིད་ཀློང་།། མ་ནི་ཆོས་ཀྱི་ཆོས་ཉིད་མཁའ།། མོ་ནི་བདེ་ཆེན་བྷ་གའི་ཀློང་།། མ་ནི་སྐུ་བཞི་བདེ་ཆེན་དབྱིངས།། མོ་ནི་རྣམ་ཤེས་ཧཱུཾ་ཆེན་འབར།། མཁའ་ཀློ། ་ང་གཉིས་སུ་བདག་བསྒོམས་ཤིང་།། ཐིག་ལེ་ཆེན་པོར་བློ་བརྟན་ནས།། ལུས་ལ་མ་མོ་དབང་དུ་བསྡུས།། ཞེས་འབྱུང་སྟེ། དེ་ལ་མ་མོ་ལུས་ལ་ཇི་ལྟར་བསྡུ་ཞེ་ན།། ཚིག་དོན་དུ་ནི་འདི་སྐད་སྟོན།། ཡེ་ཤེས་ཐིག་ལེ་ཆེན ་པོ་དང་།། གསང་ཆེན་བདེ་བའི་ལམ་མཆོག་དང་།། མན་ངག་རྫོགས་པའི་དཀྱིལ་འཁོར་ལ།། ཡང་གསང་མ་མོ་དྲུག་པོ་དེ།། ཆགས་པའི་གནད་དུ་བསྒོམ་པར་བྱ།། འོད་ཆེན་ཁ་དོག་སྣ་ཚོགས་ཀྱིས།། སྲིད་པའི་བདེ ་འགྲོ་ཐམས་ཅད་དང་།། ཉི་ཟླའི་ཐོད་ཕྲེང་གདན་དུ་གདིང་།། ཐིག་ལེ་ཆེན་པོའི་རྒྱན་བཞི་ཡིས། ཁྲོས་པའི་དབང་ཆེན་བཞི་པོ་དག། ཆགས་པའི་གདན་དུ་གདིང་བར་བྱ།། སྲིད་པའི་དྲངས་མ་བརྒྱད་པོ་ཡིས།། སྦས ་པའི་མ་མོ་བཞི་པོ་དང་།། ཐུགས་ཀྱི་དགྱེས་སྡེ་བཞི་རྣམས་ཀྱང་།། མངོན་སུམ་གདན་དུ་གདིང་བར་བྱ།། བདེ་ཆེན་གསང་བའི་དཀྱིལ་འཁོར་དུ།། སྲིད་པ་ཆགས་བྱེད་སྤུན་གཉིས་བཀན།། སྲིད་པ་རང་ལུགས་གཉུག ་མ་ཡིས།། ཨེ་ཀ་ཛ་ཏི་སྤུན་དྲུག་བཀན།། ཆགས་པའི་ཡུམ་ཆེན་དམར་མོ་ཡིས།། འདོད་ཆགས་གཙོ་མོ་སྤུན་གཉིས་བཀན།། སྲིད་པ་སྤྱི་ཡི་མདོ་སྡུད་ཀྱིས།། ནམ་མཁའི་རྒྱལ་མོ་སྤྱན་གཉིས་བཀན།། དབང་པོ་སྤྱི་ཡི ་མདོག་གསལ་གྱིས།། སྲིད་པའི་མཆེན་བདུན་རྣམས་བཀན།། གཡས་གཡོན་ཐབས་དང་ཤེས་རབ་ཀྱིས།། དམག་གི་རྒྱལ་མོ་སྤུན་གཉིས་བཀན།། སྲིད་པའི་འཇུག་བྱེད་འཕྲོ་འདུ་ཡིས།། ཉི་ཤུ་རྩ་བརྒྱད་གན་རྐྱལ ་མནན།། དེ་ལྟར་གདན་དུ་བཏིང་བར་བྱ།། སྙིང་འདྲེན་ཕྱག་རྒྱ་བཅས་ནས་སུ།། དྲག་པོའི་སྔགས་ཀྱིས་གནན་པར་བྱའོ།། ཧཱུཾ་མུ་ཁ་ལེ་ཧ་ན། ཧ་ཧ་ན། ཧཱུཾ་ཧ་ཧ་ཕཊ། ཀྲོ་དྷི་ཤྭ་རཱི་བྷ་ག་ཤནྟི་ནན། སཱུརྱ་པདྨ་ཁ་རག་སྲིང ་འགྲོ་ནན། སུ་ཏྲི་དུནྟི་ནན། མ་དུ་ས་སྟན་ཕཊ། ཀོ་ཏ་ཀཻ་ཏ་ནི་ལ་ལད་ཏྲན་ནན། མ་མ་བྷྱོ་ཧཱུཾ་ཕཊ། ན་ན་མ་མ་དུཥྚན་ཕཊ་ནན། མ་རག་ཏྲ་པྲ་ཝེ་ཤ་ན་ཤ་ན། ནན་ནན། དེ་སྐད་ཅེས་ནི་བརྗོད་པ་ཡིས།། གདན་གྱི་རྒྱུ ་རྣམས་བསྐྱེད་པ་དང་།། བདུད་རྩི་དམར་ཆེན་ཁར་བླུགས་སོ།། ཨོཾ་བཛྲ་ཨ་མྲྀ་ཏ། ཨུ་ཙི་ཏ་ཙིཏྟ་ནན། པྲ་ཏ་ཕཊ་ནན། འདི་ནི་སྲོག་འཕྲོག་པའི་སྔགས་ཡིན་ཏེ། གདན་གྱི་སྙིང་ཁྲག་ཞལ་དུ་རྔུབས།། ལྕེ ་ཡི་སྟེང་དུ་གསལ་བར་བཞག། དེ་ནས་གདན་ནས་བཀྱེ་ནས་སུ།། བསྒྲུབ་པའི་ལས་རྣམས་བྱེད་པར་བསྒོམ།། ཆེ་བའི་ང་རྒྱལ་འདི་སྐད་བསྐྱེད།། ཧཱུཾ།། ང་ནི་ཁྲག་འཐུང་ཀུན་གྱི་རྗེ།། ང་ནི་ཁྲོ་བོ་ཀུན་གྱི་ཡབ།། ང་ནི ་སྲིད་གསུམ་སྙིང་རྗེའི་བདག། ང་ནི་མ་མོ་ཀུན་གྱི་རྗེ།། ཐམས་ཅད་ཀུན་གྱི་སྙིང་ཁྲག་བདག་ཁྱེད་ཀྱི་སྙིང་ཁྲག་པ་ལ་ཡོད།། ང་ཡི་ལས་རྣམས་ཁྱེད་ཀྱིས་སྦུབས།། ཛཿཧཱུཾ་བཾ་ཧོཿམ་མ་བྷྱོ། རུ་ལུ་རུ་ལུ་རག་མོ་བྷྱོ།། ཧཱུཾ། ་ཡེ་ཤེས་རྩལ་འཕང་ཐིག་ལེ་ཡིས།། བསྒོམ་བྱ་མ་མོ་བཅུ་གསུམ་ལ།། དྲུག་ཅུ་རྩ་བརྒྱད་དཀྱིལ་འཁོར་རྫོགས། ཞེས་འབྱུང་སྟེ། བདག་ཉིད་བླ་ན་མེད་པའི་ཏིང་ངེ་འཛིན་དུ་གསལ་བར་བྱས་ལ། སེམས་ལས་སྐྱེས་པའི ་མ་མོ་བཅུ་གསུམ་དང་། མ་མོ་དྲུག་ཅུ་རྩ་བརྒྱད་ཀྱི་སྲོག་གི་སྙིང་པོ་བསྡུས་ལ་འཁོར་དུ་བཞག་གོ། དེ་ནས་རྣལ་འབྱོར་གྱིས་འབྱོར་ཚོགས་ཀྱི་མཆོད་པ་གཞུང་བཞིན་བཤམས་ལ། སྣ་ལ་ཡེ་ཤེས་ལྔ་ལས་བསྐྱེད ་པ་རྣམས་མཆོད།། ཧཱུཾ། ཐིག་ལེ་དབྱིངས་ལས་བསྐྱེད་པའི་ཁྲོ་རྒྱལ་ཡུམ།། ཡེ་ཤེས་ཐུགས་ལས་བསྐྱེད་པའི་ཁྲོ་མོའི་སྐུར་སྟོན་པ།། གཉིས་མེད་ཧ་ཧ་བཞད་ཅིང་རྔམ་པའི་སྒྲ་ཡིས་ཧཱུཾ་སྒྲ་འབྱིན།། མཆེ་བ་དམར་མོ ་གཙིགས་ནས་སྙིང་འདྲེན་རྐན་སྒྲ་ཅན།། སྐྱེ་ཤི་རྩ་བ་གཅོད་ནས་བདེ་ཀློང་ཐུགས་ལ་བསྡུ།། ཀུན་ཀྱང་སྐུ་མདོག་ཁྲོ་མོར་བཞུགས་ཤིང་དབང་ཆེན་དཀྱིལ་འཁོར་རྫོགས།། ཕྱག་ནས་སྤྲུལ་པ་གཏོང་ཞིང་དུག་གསུམ ་དབྱིངས་སུ་སྦྱོར།། མ་ཚོགས་འཁོར་དུ་བསྡུས་ནས་བྷ་ག་མངའ་མཛད་མ།། དྲུག་ཅུ་རྩ་བརྒྱད་ཚོགས་ཀྱིས་དུས་ལ་བབས་ཀྱི་རྔམ་པའི་སྒྲ་ཕྱུང་ཞིག། སྲིད་པའི་དཀྱིལ་འཁོར་རྫོགས་པའི་ཐིག་ལེ་ཆེ།། དགྱེས་པའི ་བཞད་པ་སྒྲ་སྒྲོགས་རོལ་པའི་ཚུལ་བཞིན་མཛོད།། རྒྱུ་ལས་བསྐྱེད་པའི་བདུད་རྩི་ཆེན་པོ་འདི།། རྣམ་རྟོག་གཞོམ་ཕྱིར་ཁྱོད་ཀྱི་སྐུ་ལ་ཐིམ་པར་མཛོད།། ཧ་ཧཱུཾ་ཧེ་མ་བྷྱོ་བྷྱོ། རུ་ལུ་རུ་ལུ་ཧཱུཾ། རུ་ལུ་རུ་ལུ་ཧཱུཾ་བྷྱོ། ཨ་ལ་ལ་ཧོ།། ་ཨོཾ་ཧ་ཧོ། སྐུ་ལས་བསྐྱེད་པ་སྟོན་ནས་སུ།། འཁོར་གྱི་དྲུག་པོ་སྤྱན་དྲང་ངོ་།། ཧཱུཾ། མ་མོ་ཆེན་མོ་ཚོགས་ཀྱི་དཀྱིལ་འཁོར་ནས།། ཀུན་འབྱུང་དལ་ལ་མངའ་བདག་མོ།། བཞི་ཟུར་ཞབས་བརྒྱད་ཞལ་ལྔ་འབར།། མཁའ ་བཞི་བདེ་ཀློང་དབྱིངས་ནས་གསལ།། མཁའ་ལ་སྲོག་གི་མངའ་མཛད་མ།། དཀྱིལ་འཁོར་གཙོ་མོར་བཞུགས་སུ་གསོལ།། ཧཱུཾ།། མ་མོ་ཆེན་མོ་རྒྱུ་བདག་མོ།། སྣ་ཚོགས་འགྱུར་བའི་སྐུ་མདོག་ལ།། ཞལ་གསུམ་ཤར་གྱི ་མཁའ་འགྲོ་མ།། ཧཱུཾ།། མ་མོ་ཆེན་མོ་དབུགས་བདག་མོ།། སྣ་ཚོགས་འགྱུར་བའི་སྐུ་མདོག་ལ།། ཞལ་གསུམ་བྱང་གི་མཁའ་འགྲོ་མ།། ཧཱུཾ། མ་མོ་ཆེན་མོ་རླན་བདག་མོ།། སྣ་ཚོགས་འགྱུར་བའི་སྐུ་མདོག་ལ།། ཞལ ་གསུམ་ནུབ་ཀྱི་མཁའ་འགྲོ་མ།། ཧཱུཾ།། མ་མོ་ཆེན་པོ་དྲོད་བདག་མོ།། སྣ་ཚོགས་འགྱུར་བའི་སྐུ་མདོག་ལ།། ཞལ་གསུམ་ལྷོ་ཡི་མཁའ་འགྲོ་མ།། ཧཱུཾ།། མ་མོ་ཆེན་མོ་བཀྲག་གི་བདག། སྣ་ཚོགས་འགྱུར ་བའི་སྐུ་མདོག་ལ།། ཞལ་གསུམ་ནམ་མཁའི་མཁའ་འགྲོ་མ།། ཡང་སྦས་དྲུག་གིས་དཀྱིལ་འཁོར་རྣམས།། ཐུགས་དམ་ཆེན་པོ་རྗེས་དགོངས་ཏེ།། བཅོལ་བའི་ལས་རྣམས་གྲུབ་པར་མཛོད།། དེ་ནས་བཅུ་བཞི་མན ་ཆད་ཀྱང་།། རང་རྒྱུད་ལུགས་བཞིན་བསྐུལ་བར་བྱ།། མ་མོ་བཀོལ་ཐབས་དང་། དབང་དུ་བསྡུ་བ་དང་། ཚོགས་ཀྱི་ལེའུ་སྟེ་བརྒྱད་པའོ།། །། གནོད་འདུལ་ལྷ་ཡིད་ཡང་གསོལ་པ།། མ་མོ་ཀུན་གྱི་ཕྱག་རྒྱ ་རྣམས།། དོན་དུ་ཇི་ལྟར་འཚལ་བར་བགྱི།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། མ ་མོ་རྣམས་ཀྱི་ཕྱག་རྒྱ་རྣམས།། འབྲུ་ལྔ་དོན་དང་ངས་བསྟན་པས།། ཉོན་ཅིག་གནོད་འདུལ་ལྷ་ཡི་གཙོ།། ཨ་ལ་ལ་ཧོ། ས་མ་ཡ་ཧཱུཾ་ཧ་ཧོ་སྟྭཾ། ལག་གི་འདུ་བྱེད་བསྒོམ་པ་ནི།། གཡས་གཡོན་ཐབས་དང་ཤེས་རབ ་ལས།། རྡོ་རྗེ་གར་དུ་བསྐོར་བ་ལས།། ཤེས་རབ་མཆོག་གི་སྙིང་གར་བསྟན།། སྦོམ་པོ་དབང་མོ་རྩེ་སྤྲད་དེ།། ཐབས་ཀྱི་ཕྱོགས་མཚམས་བསྐོར་བ་ནི།། མ་མོ་ཚོགས་ཀྱི་རྒྱལ་མོའི་རྒྱ།། རྡོ་རྗེ་སྡེར་མོ་དམ་བསྣོལ ་ཏེ།། ཨོཾ་བསྒྲེང་རྩེ་མོར་རྒྱ་བཅིང་བྱ།། མ་མོ་རྡོ་རྗེ་རུས་པའི་རྒྱ།། རྡོ་རྗེ་ཁུར་ཚུར་བཅངས་པ་ལས།། ཧཱུཾ་དང་ཧ་གཉིས་རྩེ་སྤྲད་དེ།། འབྲུ་གསུམ་བརྐྱང་ནས་གཤོག་པའི་ཚུལ།། ན་ར་ཧ་སར་གཟུང་བ་ནི།། མ་མོ་རྡོ་རྗེ ་དབུགས་ཀྱི་རྒྱ།། རྡོ་རྗེ་ཁུ་ཚུར་བཅངས་པ་ལས།། ཨོཾ་དང་སྭ་གཉིས་རྒྱབ་བསྣོལ་འཁྱུད།། འབྲུ་གསུམ་རྩེ་སྦྲད་སྐུ་གསུང་ཐུགས།། བཞད་པའི་ཐད་ཀར་གཟུང་བ་ནི།། མ་མོ་རྡོ་རྗེ་ཁྲག་གི་རྒྱ།། རྡོ་རྗེ་ཁུ་ཚུར ་དམ་བཅིངས་ནས།། ཧ་གཉིས་རྩེ་སྤྲད་གྱེན་དུ་བསྒྲེང་།། ཨོཾ་གཉིས་རྩེ་སྤྲད་ཟད་ཀར་བརྐྱང་།། སྲ་བསྒྲེང་རྩེ་སྤྲད་ཐུར་དུ་བརྐྱང་།། འབྲུ་གཉིས་སོ་སོར་དམ་བསྣོལ་ནས།། གུ་ཡའི་ཐད་ཀར་གཟུང་བ་ནི།། མ་མོ་རྡོ་རྗེ་མེ ་ཡི་རྒྱ།། རྡོ་རྗེ་ཁུ་ཚུར་བཅིངས་པ་ལས།། ཨོཾ་གཉིས་རྒྱབ་བསྣོལ་ལུ་གུ་རྒྱུད།། འབྲུ་གསུམ་སོ་སོར་བརྩེ་སྤྲད་དེ།། ཧཱུཾ་གཉིས་དྲག་ཏུ་གཡོབ་པ་ནི།། མ་མོ་རྡོ་རྗེ་བཀྲག་གི་རྒྱ།། རྡོ་རྗེ་ཐལ་མོ་བརྐྱང་བ་ལས།། ཐབས་ཀྱི ་ཨོཾ་དང་ཧ་གཉིས་ལས།། ཤེས་རབ་ཨཱཿཡིས་བརྟེན་པར་བྱ།། ཤེས་རབ་ཨོཾ་དང་ཧ་གཉིས་ལས།། ཐབས་ཀྱི་ཧཱུཾ་གིས་བརྟན་པར་བྱ།། ཤེས་རབ་ཨོཾ་དང་ཧཱུཾ་བརྐྱང་སྟེ།། ཐབས་ཀྱི་ཨོཾ་དང་སྦས་བཀབ་པ།། སེམས་ཀྱི ་དཀྱིལ་དུ་བཀན་བཀབ་པས།། མ་མོ་ཡེ་ཤེས་མཁའ་འགྲོ་མའི།། རྡོ་རྗེ་ཚོགས་ཆེན་རྫོགས་པ་ཡི།། ཕྱག་རྒྱ་མིན་པར་དཔའ་བོས་བཤད།། གཙོ་མོ་རྣམས་ཀྱི་ཕྱག་རྒྱའི་ལེའུ་སྟེ་དགུ་པའོ།། །། གནོད་འདུལ ་ལྷ་ཡིས་ཡང་གསོལ་པ།། སེམས་ཉིད་འཇིག་རྟེན་ལ་བཟླ་བའི།། ཕྱག་རྒྱ་ཆེན་པོ་ཇི་ལྟར་ལགས།། དབང་ཕྱུག་གཙོ་ལ་བདག་ཉན་འཚལ།། དབང་ཕྱུག་གཙོ་ཡིས་བཀའ་སྩོལ་ཅིག། དེ་སྐད་གསོལ་པ ་གསན་ནས་ཀྱང་།། དབང་ཕྱུག་གཙོ་ཡིས་བཀའ་སྩལ་པ།། ཉོན་ཅིག་གནོད་འདུལ་ལྷ་ཡི་གཙོ།། ཐིག་ལེ་ཆེན་པོའི་ཕྱག་རྒྱ་ནི།། རྡོ་རྗེ་ཁུ་ཚུར་ཁ་སྤྲད་དེ།། ཤེས་རབ་མཆོག་གི་ཕྱོགས་ནས་སུ།། ཨོཾ་ཨཾ་ཧ་གསུམ་རྩེ་སྤྲད ་པ།། རྣམ་པར་ཐར་པའི་སྒོ་གསུམ་རྒྱ།། ཐབས་མཆོག་སྤྱོད་པའི་ཕྱོགས་ནས་སུ།། ཨོཾ་ཨཾ་ཧ་གསུམ་རྩེ་སྤྲད་པའི།། སྐུ་གསུང་ཐུགས་ཀྱི་རྡོ་རྗེའི་རྒྱ།། ཐབས་ཀྱི་ཧཱུཾ་གི་སྒོ་གསུམ་ནི།། རང་རིག་ཡེ་ཤེས་ཕྱག་རྒྱ ་ཡིན།། ཤེས་རབ་སྲ་ཡིས་སྐུ་གསུང་ཐུགས།། ཐིག་ལེ་བྱང་ཆུབ་སེམས་ཀྱི་རྒྱ།། ཤེས་རབ་ཧཱུཾ་གི་རྩེ་མོ་རུ།། ཐབས་ཀྱིས་སྭ་ཡིས་སྤྱིར་མནན་པ།། ཐབས་དང་ཤེས་རབ་ཕྱག་རྒྱ་ཞེས།། ཡང་དག་རྫོགས་ཀྱིས་ངེས་པར ་བཤད།། ཐིག་ལེ་ཆེན་པོའི་རྐུ་བཅིངས་ནས།། མ་ཧ་སུ་ཁར་བསྡམས་ནས་སུ།། བླ་ན་མེད་པར་གསལ་གྱུར་ནས།། དུག་གསུམ་ཉེས་དམིགས་སེལ་བར་ངེས།། ངས་གསུང་པ་ལ་ཐེ་ཚོམ་མེད།། དུས་གསུམ་མགོན ་པོས་དེ་སྐད་གསུངས།། སེམས་ལ་བཟླ་བའི་ཕྱག་རྒྱའི་ལེའུ་སྟེ་བཅུ་པའོ།། །། གནོད་འདུལ་ལྷ་ཡིས་ཡང་གསོལ་པ།། གཙོ་མོ་རྣམས་ཀྱི་ཕྱག་རྒྱ་བསྟན་ལགས་ན།། བཅུ་བཞི་ཞེས་ནི་བགྱི་བ་ཡི།། ཕྱག་རྒྱ ་རྣམས་ནི་ཇི་ལྟར་ལགས།། རྫོགས་སངས་རྒྱས་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ། བཅུ་བཞི་ཞེས་ནི་བྱ་བ ་ཡི།། ཕྱག་རྒྱ་རྣམས་ནི་ངས་བསྟན་ནོ།། གཡས་གཡོན་ཟབས་དང་ཤེས་རབ་ལ།། ཤེས་རབ་མཆོག་གི་སྙིང་གར་བསྟེན།། ཤེས་རབ་ཕྱོགས་མཚམས་བསྐོར་བ་ནི།། ཕྲ་མེན་རྒྱ་མཚོ་ཚོགས་ཀྱི་རྒྱ།། རྡོ་རྗེ་སྡེར་མོ ་བརྐྱང་བ་ལས།། ཧ་གཉིས་རྩེ་སྤྲད་ཕྲེང་བའི་ཚུལ།། འབྲུ་བརྒྱད་ཕྱར་ནས་གདེངས་པ་ནི།། འདི་ནི་ཉི་ཟླ་ཐོད་ཕྲེང་རྒྱ།། ཐབས་ཀྱི་ཨོཾ་ནི་གྱེན་དུ་བསྒྲེང་།། ཨོཾ་དང་སྭ་དང་ཨཾ་དང་ཧ།། ཨོཾ་ལ་སྦྱར་ཏེ་ཟུར་ཅན་དུ།། རྟོགས ་པའི་ཚུལ་དུ་ཕྱར་བ་དང་།། ཤེས་རབ་ཐལ་མོ་དྲང་བརྐྱང་ནས།། སྐུ་ཡི་ཁ་རུ་བརྐྱང་པ་ནི།། རྡོ་རྗེ་ཉི་མ་ཁྲོས་པའི་རྒྱ།། ཨོཾ་ཧཱུཾ་སྲ་གསུམ་རྩེ་སྤྲད་དེ།། བསྣོལ་ཏེ་དམ་དུ་བསྡམས་པ་དང་།། ཨོཾ་དང་ཧཱུཾ་ཡང་ཧ་གཉིས་རྩེ ་སྤྲསྨད་ནས།། སྙིང་གའི་ཟད་ཀར་གཟུང་བ་ནི། ཁམས་གསུམ་འཚོ་བྱེད་ཁྲོས་པའི་རྒྱ།། རྡོ་རྗེ་འཁོར་བ་བསྡུས་པའི་ལས།། ཧཱུཾ་དང་ཧ་གཉིས་གཏོར་བའི་ཚུལ།། པདྨ་ཁྲག་འཐུང་ཁྲོས་པའི་རྒྱ།། ཐབས་ཀྱི་རྡོ་རྗེ་ཐལ ་མོ་གཉིས།། ཕྱར་ཏེ་དྲག་ཏུ་རྒྱབ་པ་ནི།། སྲིད་གསུམ་བདེ་སྦྱོར་ཁྲོས་པའི་རྒྱ།། རྡོ་རྗེ་ཐལ་མོ་སྦྱར་ནས་ནི།། གདོང་དང་དཔྲལ་བར་རབ་གཏུགས་ཏེ།། གུས་པའི་ཚུལ་གྱིས་ལུས་བཏུད་པ།། འདི་ནི་མ་བཞིའི་ཕྱག ་རྒྱའོ།། ཧ་དང་ཧཱུཾ་གཉིས་ཞགས་པའི་ཚུལ།། ཕྱི་མ་ཕྱོགས་བཞིར་བརྐྱང་བ་ནི།། འདི་ནི་རྒྱན་གྱི་རྒྱལ་མོའི་རྒྱ།། ཐབས་ཀྱི་ཕྱག་རྒྱ་ཁུ་ཚུར་བཅང་།། བསྡིགས་པའི་ཐབས་སུ་ཕྱར་བ་ནི།། འདི་ནི་དབྱིངས ་ཕྱུག་ཆེན་མོའི་རྒྱ།། རྡོ་རྗེ་ཐལ་མོ་སྦྱར་ནས་ནི།། སྐུ་ཡི་ཟད་ཀར་གཟུང་བ་ནི།། འདི་ནི་བདག་ཉིད་ཆེན་མོའི་རྒྱ།། གཡས་གཡོན་སོར་མོ་བརྐྱང་ནས་ནི།། ཧ་དང་ཧཱུཾ་གཉིས་རྩེ་སྤྲད་དེ།། གཤོག་པའི་ཚུལ་དུ་བརྐྱང་བ ་ནི།། འདི་ནི་གཅིག་པུ་ཆེན་མོའི་རྒྱ།། ཡི་གེ་འབྲུ་ལྔ་རྩེ་སྤྲད་ནས།། རྡོ་རྗེ་ཐོད་པའི་ཚུལ་དུ་བྱ།། འདི་ནི་དཀར་མོ་མིག་གཅིག་རྒྱ།། དཔའ་བོ་འབྲུ་ལྔ་དམ་བསྣོལ་ཏེ།། ཧ་གཉིས་བརྩེགས་ཏེ་ཧཱུཾ་ལ་གཏད།། ཐོད་པ་སུལ ་མདས་ཚུལ་དུ་བྱ།། འདི་ནི་ནག་མོ་རལ་གཅིག་རྒྱ།། ཡི་གེ་འབྲུ་ལྔ་དམ་བསྣོལ་ཏེ།། ཧ་གཉིས་བརྩེགས་ལ་ཧཱུཾ་ལ་གཏད།། རྩེ་མོ་སོ་སོར་ཕྱར་བ་ནི།། ཐོད་པ་ལྕང་ལོའི་ཚུལ་དུ་བྱ།། འདི་ནི་དམར་མོ་དབང ་བསྒྱུར་རྒྱ།། ཐབས་དང་ཤེས་རབ་རྒྱ་བསྣོལ་ཏེ།། ཧཱུཾ་དང་ཧ་གཉིས་རྩེ་སྤྲད་དེ།། རྡོ་རྗེ་ཐོད་པའི་ཚུལ་དུ་བྱ།། འདི་ནི་སེར་མོ་ལས་མཁན་རྒྱ།། མ་མོ་བཅུ་བཞིའི་ཕྱག་རྒྱའི་ལེའུ་སྟེ་བཅུ་གཅིག་པའོ།། ། ་གནོད་འདུལ་ལྷ་ཡིས་ཡང་གསོལ་པ།། འཇིག་རྟེན་འདི་ལ་དབང་བྱེད་པ།། རིམ་པ་གང་དང་གང་ལ་གསལ།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང་དྲུང ་ལྷ་ཡི་གཙོ།། འཇིག་རྟེན་ཇི་ལྟར་དབང་བགྱི་བ།། ངས་བསྟན་པ་ལ་སེམས་ཐུད་ཅིག། འབྱུང་བ་ལྔ་ལས་བསྐྱེད་པ་ནི།། ཀུན་ཏུ་བཟང་མོའོ།། དབང་བསྒྱུར་བའི་བུ་མོ་སྤུན་ལྔ། ཆ་སྙོམས་མ་ནི་སྲིད་པའི་བདེ་འགྲོ་མ།། ་འབྱུང་བ་ལྔའི་ཉུལ་ལེ་མ་ནི་ཆགས་འཛིན་སྤུན་གཉིས་སོ།། དུས་བཞི་རྫོགས་པར་བྱེད་པ་ནི་ཀུན་ཏུ་བཟང་མོའོ།། དུས་བཞི་ལ་དབང་བྱེད་པ་བུ་མོ་སྤྱན་ལྔའོ།། དུས་བཞི་ཆའི་ཉུལ་ལེ་མ་ཆེན་མོ་ནི་ཕྱག་ཡ་བདུད་ཀྱི ་ཆུང་མའོ།། མ་མོ་རང་རང་གིས་བཀོལ་ཐབས་ནི།། ཡུམ་ཆེན་མོ་ཉིད་ཀྱིས་མཁའ་ལ་རྒྱུ་བའི་མ་མོ་གསུམ་དང་། དབྱིངས་ལས་ཤར་བའི་མ་མོ་གསུམ་དང་། ཡི་དམ་བསྒོམ་ལེགས་ཀྱི་མ་མོ་དང་བདུན་འཁོལ ་ལོ།། དེས་སྲིད་པ་བདེ་འགྲོ་མ་བཀོལ་ལོ།། དེས་རྡོ་རྗེ་ཉི་མ་ཁྲོས་པའི་དབང་མོ་ཆེ་དང་། པདྨ་ཁྲག་འཐུང་ཁྲོས་པའི་དབང་མོ་ཆེ་འཁོལ་ལོ།། དེས་སྲིད་པ་ཆགས་བྱེད་མ་འཁོལ་ལོ།། དེས་ཨེ་ཀ་ཙ་ཏི་ལ་སོགས་པ་མ ་མོ་བདུན་འཁོལ་ལོ།། དེས་འདོད་ཁམས་ལྷའི་གཙོ་མོ་དང་། རྡོ་རྗེ་གར་གྱི་དབང་ཕྱུག་མ་གཉིས་འཁོལ་ལོ།། དེས་ནམ་མཁའི་རྒྱལ་མོ་དང་། གླིང་བཞི་སྤྱི་ཕུད་མ་འཁོལ་ལོ།། བུ་མོ་སྤྱན་ལྔས་ནི་སྲིད་པ་ཐམས་ཅད ་དབང་དུ་བྱེད་དོ།། རྟག་པའི་རྒྱལ་མོ་བཀྲག་གསལ་མཉམ་གྱིས་ནི། ཉི་མའི་ཕྲེང་ཅན་འཁོལ་ལོ།། དེས་སྲིད་པ་ཆ་སྙོམས་མ་འཁོལ་ལོ།། དེས་ས་བདག་པདྨ་ཕྲེང་འཁོལ་ལོ།། དེས་ཨེ་ཀ་ཙ་ར་མ་འཁོལ་ལོ།། དེ ་རྣམས་ནི་དབུས་ཀྱི་ཉུལ་ལེ་མ་སྟེ། ནམ་གྱི་གུང་ལ་རྒྱུ། རྟག་པའི་རྒྱལ་མོ་རྣམ་སྣང་གསལ་གྱིས་ནི། ཁམས་གསུམ་འཚོ་བྱེད་ཁྲོས་པའི་དབང་མོ་ཆེ་འཁོལ་ལོ།། དེས་དཀར་མོ་མིག་གཅིག་མ་འཁོལ ་ལོ།། དེས་ནི་རྒྱན་གྱི་རྒྱལ་མོ་འཁོལ་ལོ།། དེས་གྲུ་འདེགས་མ་ཧ་ར་ཏིང་དཀར་མོ་འཁོལ་ལོ།། དེས་དམག་གི་རྒྱལ་མོ་དཀར་མོ་མཆེ་བ་ཅན་འཁོལ་ལོ།། དེས་སྲིང་མོ་བཞི་སྟེ་གླིང་བཞི་སྤྱི་འགྲོ་མ་འཁོལ ་ལོ།། འདི་རྣམས་ཤར་གྱི་ཉུལ་ལེ་མ་སྟེ། ནམ་གྱི་སྲོད་ལ་རྒྱུའོ།། རྟག་པའི་རྒྱལ་མོ་འོད་གསལ་འབར་གྱིས་ནི། སྲིད་པའི་བདེ་སྦྱོར་ཁྲོས་པའི་དབང་མོ་ཆེ་འཁོལ་ལོ།། དེས་ཐུགས་ཀྱི་དགྱེས་སྡེ་མོ་ནག་མོ་རལ་པ་ཅན ་འཁོལ་ལོ།། དེས་དབྱིངས་ཕྱུག་མ་འཁོལ་ལོ།། དེས་གྲུབ་འདེགས་མ་དུན་ཏིང་ནག་མོ་འཁོལ་ལོ།། དེས་དམག་གི་རྒྱལ་མོ་ནག་མོ་ཁ་རླན་མ་འཁོལ་ལོ།། དེས་སྲིང་མོ་མཁའ་ལ་ཁྱུང་ལྡིང་མ་འཁོལ་ལོ།། འདི་རྣམས ་ནི་ལྷོའི་ཉུལ་ལེ་མ་སྟེ།། ནམ་གྱི་འཇིང་ལ་རྒྱུའོ།། རྟག་པའི་རྒྱལ་མོ་གཉེན་གསལ་མས་ནི། རྡོ་རྗེ་ཉི་མ་ཁྲོས་པའི་དབང་མོ་ཆེ་འཁོལ་ལོ།། དེས་ནི་ཐུགས་ཀྱི་དགྱེས་སྡེ་མོ་དམར་མོ་དབང་བསྒྱུར་མ་འཁོལ ་ལོ།། དེས་ནི་བདག་ཉིད་མ་འཁོལ་ལོ།། དེས་གྲུ་འདེགས་མ་ཤ་ན་ཏིང་དམར་མོ་འཁོལ་ལོ།། དེས་དམག་གི་རྒྱལ་མོ་དམར་མོ་མཆུ་འཇིབ་མ་འཁོལ་ལོ།། དེས་དཀར་མོ་གཡག་ཐོད་ཅན་འཁོལ་ལོ།། དེ་རྣམས་ནི་ནུབ ་ཀྱི་ཉུལ་ལེ་མ་སྟེ། ནམ་གུང་ལ་རྒྱུའོ།། རྟག་པའི་རྒྱལ་མོ་ཡང་གསལ་གཡོས་ཀྱིས་ནི། པདྨ་ཁྲག་འཐུང་ཁྲོས་པའི་དབང་མོ་ཆེ་འཁོལ་ལོ།། དེས་ཐུགས་ཀྱི་དགྱེས་སྡེ་མོ་སེར་མོ་ལས་མཁན་མ་འཁོལ་ལོ།། དེས་སྲིང་མོ ་བདུན་འཁོལ་ལོ།། དེས་གྲུ་འདེགས་མ་གྲུབ་ཏིང་སེར་མོ་འཁོལ་ལོ།། དེས་དམག་གི་རྒྱལ་མོ་རྐང་ལྡག་མ་འཁོལ་ལོ།། དེས་སྲིན་མོ་སྡེར་ཆེན་མ་འཁོལ་ལོ།། དེ་རྣམས་བྱང་གི་ཉུལ་ལེ་མ་སྟེ། ནམ་གྱི་ཐོ ་རངས་རྒྱུའོ།། ཡུམ་ཆེན་མོ་ཉིད་ནི། ཉིན་མཚན་ཁྱབ་པར་རྒྱུག་གམ་གཟིགས་ཏེ། ཕྱོགས་བཞི་མཚམས་བརྒྱད་ལ་མངའ་མཛད་དོ།། སྤྱི་དབང་ནི་ཡུམ་ཆེན་མོས་རྟག་པའི་རྒྱལ་མོ་ལྔ་ལ་སོགས་པ་མ་མོར་གྲགས་པ ་དང་། སྲིད་པ་གསུམ་ལ་མངའ་མཛད་དོ།། རྟག་པའི་རྒྱལ་མོ་ལྔས་མ་མོ་ཆེན་མོ་བདུན་འཁོལ་ལོ།། དེས་སྲིད་པ་བདེ་འགྲོ་མ་དང་། ཉི་ཟླ་ཐོད་ཕྲེང་མ་གཉིས་འཁོལ་ལོ།། དེས་ཁྲོས་པའི་དབང་མོ་ཆེ་བཞི་འདུལ ་ལོ།། དེས་དགྱེས་སྡེ་མོ་བཞི་འདུལ་ལོ།། དེས་སྦས་པའི་མ་མོ་བཞི་འདུལ་ལོ།། དེས་སྲིད་པ་ཆགས་བྱེད་དང་ཆ་སྙོམས་མ་གཉིས་འདུལ་ལོ།། དེས་ཨེ་ཀ་ཙ་ཏི་སྤུན་དྲུག་འདུལ་ལོ།། དེས་མ་བདུན་འདུལ་ལོ།། དེས ་དོད་ཁམས་ལྷ་ཡི་གཙོ་མོ་ནི་མཚན་འདུལ་ལོ།། དེས་རྡོ་རྗེ་གར་གྱི་དབང་ཕྱུག་མ་སྤྱན་འདུལ་ལོ།། དེས་དམག་གི་རྒྱལ་མོ་སྤུན་བཞི་འདུལ་ལོ།། དེ་ལྟར་གང་འཁྲུག་ན་ཡང་ཐ་མ་ནས་རིམ་བཞིན་ཏེ། གཙོ་མོ་བཅོས ་ན་ཀུན་ཀྱང་བདེ། མ་མོ་ལྔ་བཅུ་རྩ་ལྔ་སོ་སོའི་དབང་ཚད་དོ།། སེམས་ལས་སྐྱེས་པའི་མ་མོ་བཅུ་གསུམ་གྱིས་བསྣན་པ་དང་། དྲུག་ཅུ་རྩ་བརྒྱད་ཀྱི་ཚོགས་ཞེས་བྱའོ།། མ་མོ་སོ་སོའི་དབང་ཚད་ཀྱི་རིམ ་པའི་ལེའུ་སྟེ་བཅུ་གཉིས་པའོ།། །། གནོད་འདུལ་ལྷ་ཡིས་ཡང་གསོལ་པ།། བཅུ་བཞི་ཞེས་ནི་བགྱི་བ་ཡི།། རབས་རྒྱུད་རྩ་བ་ཇི་ལྟར་ལགས།། དགུག་དང་འདྲེན་པའི་སྔགས་རྣམས་ནི།། རྣལ་འབྱོར་མཆོག ་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། རྣལ་འབྱོར་མཆོག་གིས་བཀའ་སྩལ་པ།། ཉོན་ཅིག་གནོད་འདུལ་ལྷ་ཡི་གཙོ།། བཅུ་བཞི་མན་ཆད་རྗེ་འཁོལ་གྱི།། རབས་རྒྱུད་འགུགས་འདྲེན་སྔགས ་རྣམས་ཀུན།། གཏན་ཚིགས་རྩ་བ་སྦས་པ་རྣམས།། ད་ལྟ་ཉིད་དུ་གཏན་ལ་དབབ།། དེ་ལ་རི་རབ་གླིང་བཞི་གོང་དུ་ཆགས་པས་རང་ལུགས་སུ་ཡོད་པ་ཟད། ཉི་མ་དགུ་བརྒྱ་རྩ་གཅིག་དང་། ཟླ་བ་བརྒྱ་རྩ་གཅིག་དང་།། ་ཟླ་སྟོང་རྩ་གཉིས་ཀྱིས་རི་རབ་ཀྱི་ཕྱི་རོལ་ན་གནས་པའི་སྣང་སྲིད་ཐམས་ཅད་ཚིག་ནས། ཅི་ཡང་མི་གནས་པ་ལས། རི་རབ་ཀྱི་ནང་རིང་ཐུང་དུ་དཔག་བསམ་གྱི་ཤིང་ཡོངས་འདུ་ས་བརྟོལ་ཞེས་ཀྱང་བྱ་བ་ཡོད ་པ་ལས། ཤིང་གི་རྩེ་མོ་རི་རབ་ཀྱི་བུམ་པའི་ནང་ན། ཡུམ་ཆེན་མོ་སྲིད་པ་བདེ་འགྲོ་མ། ཁམས་གསུམ་ཡུམ་མཆོག་མ་ཞེས་བྱ་བ་སྐུ་མདོག་མཐིང་གར་བཞུགས་པ། དབུ་དང་། ཕྱག་དང་། སྤྱན་ཅིར་ཡང་སྟོན་པ། རིན ་པོ་ཆེ་སྣ་ཚོགས་ཀྱི་རལ་པ་ཅན། སྦས་པའི་སྤྱན་གཉིས་ལས། གཡས་པ་ནས་ཁྲག་གི་མཆི་མ། གཡོན་ན་བདུད་རྩིའི་མཆིལ་མ། སྦས་པའི་ཞལ་ནས། འབྲས་བུ་རྣམ་པ་ལྔའི་བཅུད་འཛག་མ། སྦས་པའི་ཕྱག་གཉིས ་ལ། གཡས་པས་སྲིད་པ་ཐམས་ཅད་ཀྱི་རྩེ་གཟུང་བ། གཡོན་པས་འོག་གི་རྡོ་རྗེའི་གདན་ལ་ཐུག་པ་ཡན་ཆད་གཟུང་བའོ།། སྦས་པའི་ཞབས་གཉིས་ཀྱིས། གཡས་པས་འཇིག་རྟེན་གྱི་ཁམས་ཀྱི་དབང་ཆེ་བ་ཐམས་ཅད ་ཀྱི་སྙིང་བརྫིས་པ། གཡོན་པས་འཇིག་རྟེན་གྱི་ཁམས་ཀྱི་དབང་ཆེ་བ་ཐམས་ཅད་ཀྱི་སྙིང་རྩ་གནོན་པ། གསང་བའི་མཁའ་གེ་སར་གྱི་དཀྱིལ་འཁོར་ནས་སྣང་སྲིད་ཐམས་ཅད་འཕེལ་འགྲིབ་མཛད་པ། ཡེ་ཤེས་རང ་སྣང་ཤར་བ་ལས། མ་རྟོགས་པ་ཀུན་མཁའ་གཏིང་དུ་བསྡུས་པ། སྤྱི་གཙུག་ནས་ཁྲག་གི་རལ་པ་གཅིག་གིས། སྲིད་པའི་མ་མོ་ཐམས་ཅད་དབང་དུ་སྡུད་མ། རི་རབ་ཀྱི་རྩེ་མོ་བུམ་པའི་དབུས་ན་བཞུགས་སོ།། དེའི ་འཁོལ་མོ་སྲིད་པ་ཆགས་བྱེད་མ་དང་ཆ་སྙོམས་མ་གཉིས་ཤིང་གི་སྐེད་པ་ན་གནས་སོ།། ཡུམ་ཆེན་མོའི་ཁོལ་མོ་སྲིད་པ་ཞིག་འཛིན་དང་། སྲིད་པ་བྱན་མཁན་གཉིས་ནི་ཤིང་གི་རྩ་བ་ན་གནས་ཏེ། རི་རབ་ཀྱི་ཕྱི་རོལ་ན ་གནས་པའི་སྣང་ཞིང་སྲིད་པའི་སྐྱེ་འགྲོ་ཐམས་ཅད་ཚིགས་ནས་ཅི་ཡང་མི་སྣང་བ་ལས། སྲིད་པ་བདེ་འགྲོ་མས་ཉི་ཟླ་དབང་དུ་བསྡུ་བའི་ཕྱིར། འབྱུང་བ་ལྔའི་འོད་ལས་བྱུང་བའི་བུ་མོ་མདོག་དཀར་མོ་ལག་གཡུའི་རལ ་པ་ཅན། དཔྲལ་བའི་དབྱེས་ན་མིག་ཟུར་གསུམ་གཅིག་ཡོད་པ། ལྕགས་དང་ཟངས་ཀྱི་མཁར་ནག་ལ་སྙིང་བརྒྱུས་པའི་ཞགས་པ་འཕེན་པ་ཅན་ཅིག་སྐྱེད་པས། དེས་ཉི་ཟླ་སྟོང་ཐོད་དང་ཕྲེང་བར ་བཅིངས་ནས། ཉི་ཟླ་ཟུང་གཅིག་བཏང་བ་ལས། གདོང་སྲིད་པ་ཆ་སྙོམས་སོ།། དེ་ནས་ཡུམ་བདེ་འགྲོ་མས་ཕྱི་རོལ་གྱི་སྣང་སྲིད་ཐམས་ཅད་ཕྱུང་ངོ་།། དེ་ནས་དཀར་མོ་ཉི་མའི་ཐོད་ཕྲེང་ཅན་དེ།། ང་ཉིད་ཀྱི་ནི་གསང ་བར་བསྡུས།། རབ་ཏུ་གསང་ཞིང་སྦས་པ་ཡིས།། མུ་སྟེགས་ཀ་ལ་ཤ་ཆེན་པོ་བྱ་བ། རི་རབ་འོག་རྒྱ་མཚོའི་གཏིང་ནས་གནས་པ་དེས་མཐོང་ངོ་།། བྱི་བའི་ལོ་ལ་ཡིད་ཀྱིས་སྦྱོར་བ་གཅིག་བྱས་པ་ལས། གླང་གི་ལོ་ལ་བུ ་མོ་སྤྱན་བཞི་སྐྱེས་པ་དང་། ཁོལ་མོ་སྲིད་པ་ཆ་སྙོམས་ཀྱིས་ལྟེ་བ་གཅད་དོ།། བུ་མོ་དེ་བཞིའི་མིང་མ་ཡིས་བཏགས་སོ།། དབྱིངས་ཕྱུག་མ་དང་། རྒྱན་གྱི་རྒྱལ་མོ་དང་། བདག་ཉིད་མ་དང་། གཅིག་བུ་མ་བཞིར ་བཏགས་སོ།། དེ་ཡང་མིང་ཆེས་ནས་དེ་བཞིས་སྲིད་པ་ཕུང་བ་དང་འདྲ་བར་ལན་གཅིག་བྱས་སོ།། དེ་ནས་ང་ཉིད་ཀྱིས་ནི་ཡེ་ཤེས་ཀྱིས་ཡེ་ཤེས་ཀྱི་སྤྲུལ་པ་བཀྱེ་ནས་སུ། འཇིག་རྟེན་ཕུང་བྱེད་བཞིའི་མངལ་ལ་སོགས ་པ་དབང་དུ་བསྡུས། ཧཱུཾ་ལས་སྤྲུལ་པའི་བུ་མོ་བཞི།། དེ་བཞིན་ལ་ནི་བསྐྱེད་བྱས་ཏེ། དེ་བཞིའི་མ་སྲིད་པ་ཆགས་བྱེད་མས་བྱས་སོ།། མིང་ཕྱི་མོ་དང་མས་བཏགས་སོ།། རྡོ་རྗེ་ཉི་མ་ཁྲོས་པའི་དབང་མོ་ཆེ་དང་། རྡོ་རྗེ ་པདྨ་ཁྲག་འཐུང་ཁྲོས་པའི་དབང་མོ་ཆེ་དང་། རྡོ་རྗེ་སྲིད་པ་བདེ་སྦྱོར་ཁྲོས་པའི་དབང་མོ་ཆེ་དང་། རྡོ་རྗེ་ཁམས་གསུམ་འཚོ་བྱེད་ཁྲོས་པའི་དབང་མོ་ཆེ་དང་།། དེ་ལྟར་བཞིར་བཏགས་སོ།། མིང་དེ་ལེགས་ནས། བུ་མོ ་དེ་བཞིས་མ་བཞི་དབང་དུ་བསྡུས་སོ།། དེས་སྲིད་པ་བདེ་ལ་བཀོད་དོ།། སྤྲུལ་པའི་བུ་མོ་བཞི་དང་། རིགས་ཀྱི་འབྱུང་བ་བཞི་པོ་རུ། དཔག་བསམ་གྱི་ཤིང་གི་ཡལ་ག་ལ། འབྲུག་གི་ལོ་ལ་རྩེད་འཇོ་བྱས་པས། མུ ་སྟེགས་ཀ་མ་ལས་ཚོར་ནས་སུ་སྡིག་ཅན་དམོད་པའི་མཚོན་ཆས་ནི། མཛའ་ན་སྡུག་པ་ཁྱེད་ཅག་རྣམས།། ནལ་བུ་ལྟོ་རུ་ཞུགས་ནས་སུ།། ངོ་ཚ་བུ་ཡང་སྦེད་པར་ཤོག། ཅེས་དམོད་མོ་དམོས་པ་ལས། དམོད་མོ ་སྡིགས་ཏེ། སྦྲུལ་གྱི་ལོ་ལ་བུ་མོ་སྤྱན་བཞི་སྐྱེས་པ་ལ་འཁོལ་མོ་སྲིད་པ་ཆགས་བྱེད་ཀྱིས་ལྟེ་བ་བཅད་དོ།། དེ་ནས་མ་བཞི་ངོ་ཚ་ནས། རི་རབ་ངོས་བཞིར་བསྙུངས་ཏེ་བཞག་པ་ལས། རྟའི་ལོ་ལ་བལྟ་ཡིས་མི་པྲ ་བའི་བུད་མེད་བཞི་རྫུ་འཕྲུལ་ཆེ་ཞིང་ལྷ་མཚན་དང་ལྡན་པ་ཞིག་གདའ། དེ་སྤྱོད་དཔལ་ཆེན་མོའི་སྤྱན་གྱིས་གཟིགས་ནས། ཐུགས་ཀྱི་དགྱེས་སྡེ་མོ་གསང་བའི་བྱི་མོ་བཞིར་གཟུང་ངོ་།། དཀར་མོ་མིག་གཅིག ་རྒྱས་འདེབས་མོ་དང་། ནག་མོ་རལ་ཆེན་རྨོངས་བྱེད་མ་དང་། དམར་མོ་དབང་བསྒྱུར་ཟ་བྱེད་མ། སེར་མོ་འཚལ་འཕེལ་མ་ཞེས་ཐུགས་ལས་མིང་དང་མཚན་དུ་བཏགས་སོ།། མ་མོ་བཅུ་བཞིའི་རབས་རྒྱུད་ཀྱི ་ལེའུ་སྟེ་བཅུ་གསུམ་པའོ།། །། དེ་ནས་རྡོ་རྗེ་རྣལ་འབྱོར་མ་དེ་རྣམས་ཀྱི་འཁོལ་མོ་སྲིད་པ་ཆགས་བྱེད་མ་དང་། ཁོལ་པོ་སྲིད་པ་ཞིག་འཛིན་གཉིས་ཀྱི་ལོ་དཔྱིད་ཟླ་ར་བ་ལ་ཁྱོ་ཤུག་ཏུ་འདུས་པ ་ལས། ཕག་གི་ལོ་དཔྱིད་ཟླ་ར་བའི་ཉ་ལ་བུ་ཁྱེའུ་གཅིག་སྐྱེས་ཏེ། ཇོ་མོ་ཉི་ཟླའི་ཐོད་ཕྲེང་ཅན་གྱིས།། སྐོས་རྗེ་དྲང་དཀར་དུ་མིང་བཏགས་ཏེ། བློན་པོར་བསྐོས་སོ།། དེ་ནས་སྐོས་རྗེ་དྲང་དཀར་དང་། སྲིད་པ་ཆ ་སྙོམས་སྲུ་མཚན་གཉིས་ཁྱོ་ཤུག་ཏུ་འདུས་ཏེ། སྲིད་པ་ཆ་བསྙོམས་སོ།། དེ་གཉིས་ལ་བུ་མོ་སྤུན་དྲུག་སྐྱེས་ཏེ། བཞི་ནི་ཁྲོས་པའི་དབང་མོ་ཆེ་བཞིའི་བློན་པོ་རྒྱལ་པོ་བཞིའི་ཆུང་མར་བླངས་སོ།། ཇོ་མོས་རི་རབ་ཀྱི ་གྲ་འདེགས་སུ་བཅུག་སྟེ། གྲུ་འདེགས་མཆེན་མོ་བཞིར་མིང་བཏགས་སོ།། བུ་མོ་ཆུང་ངུ་མ་གཉིས་ལ། གཅིག་ནི་སྲིད་པ་བྱིན་མཁན་གྱི་ཆུང་མར་བླངས་སོ།། ཇོ་མོ་ཉི་ཟླ་ཐོད་ཕྲེང་ཅན་གྱིས་ཧེ་རུ་ཀ་སྟིར་མིང་བཏགས ་སོ།། སྲིད་པའི་བྱན་བྱེད་དུ་བཅུག་གོ། དེའི་ནུ་མོ་ཐ་ཆུང་ཨེ་ཀ་ཙ་ཏི་ནི་དབྱིངས་ཕྱུག་མ་སྤུན་བཞིའི་འཁོར་ན་གནས་སོ།། དེ་ནས་རྒྱལ་མོ་ཆེན་པོ་བཞི་ལས། བུ་མོ་སྤྱན་བཞི་སྐྱེས་ཏེ། དཀར་མོ་མཆེ་བ་ཅན་དང་། ནག ་མོ་ཁ་རླན་མ་དང་། དམར་མོ་མཆུ་འཇིབ་མ་དང་། སེར་མོ་རྐང་ལྡག་མ་བཞི་སྐྱེས་ཏེ། དེ་བཞི་ནི་ཐུགས་ཀྱི་དགྱེས་སྡེ་མོ་སྤུན་བཞིའི་འཁོལ་མོར་ཐོབ་སྟེ། དམག་གི་རྒྱལ་མོར་བསྐོས་སོ།། དེ་ནས་ཁྲོས་པའི་དབང་མོ ་ཆེ་བཞིའི་ཁོལ་མོ་ཨེ་ཀ་ཙ་ཏི་ཤུགས་ཀྱི་བློན་པོ་ལྷ་ཆེན་པོ་བདུན་གྱི་ཆུང་མ་སྲིན་མོ་བདུན་པོ་དེ། འཇིག་རྟེན་དུ་རབ་ཏུ་གནོད་པ་ལས། ཡུམ་ཆེན་མོའི་ཐུགས་ཀྱི་སྤྲུལ་པ་ལས། དབྱིངས་ལས་ཤར་བའི་མ་མོ་གསུམ ་དང་། མཁའ་ལ་རྒྱུ་བའི་མ་མོ་གསུམ་དང་། གསང་བ་འདུས་པའི་མ་མོ་གཅིག་སྟེ། ཐུགས་ཀྱི་སྤྲུལ་པའི་མ་མོ་བདུན་གྱིས། སྲིང་མོ་བདུན་བཏུལ་ལོ།། དེ་ནས་གཙོ་མོ་བཞི་ལས་རྒྱན་གྱི་རྒྱལ་མོ་སྤུན་བཞི་བྱ་བ ་མང་གིས་ནས། བུ་མོས་མའི་བཀྲག་དང་གཟི་མདངས་ཕྲོགས་ཏེ། དབང་ཡང་མེད། མཐུ་ཡང་ཆུང་བ་ལས། ཞེ་ངན་ཤ་སྟག་བྱེད་དོ།། དེ་ནས་རྒྱན་གྱི་རྒྱལ་མོ་དང་། ཁོལ་པོ་ཕྱ་ཡ་བདུད་དང་གཉིས་བྱི་བའི་ལོ་ལ་བྱི ་བགྱིས་པའི་བུ། གླང་གི་ལོ་ལ་ཡར་ལ་ཤོད་ཀྱི་སྐྱེས་ཏོ་རེ་དང་། འདོད་ཁམས་ལྷའི་གཙོ་མོ་མིང་སྲིང་གཉིས་སྐྱེས་སོ།། འདིས་འབྱུང་བའི་ནད་གཏོང་བའོ།། དེ་ནས་ཡང་ཡར་ལ་ཤོད་ཀྱི་སྐྱེས་ཏོ་རེ་དང་། ཇོ་མོ་ན་ཡང ་ཇོ་མོ། སྲུ་མོ་ན་ཡང་སྲུ་མོ། བདག་ཉིད་མ་ཞེས་བྱ་བ་གཉིས། ཤིང་ན་ཕྱི་ས་ལའི་རྩེ་མོར། རྟའི་ལོ་ལ་ཚེས་བཅོ་ལྔ་ལ་མཛའ་ན་བརྒྱུགས། ནང་པར་སོ་སོར་གྱེས་པ་ལས། སྲུ་མོའི་རྟིང་པ་ལ་ཁྲག་ཐིགས་གཅིག་འདུག ་པ་མཐོང་སྟེ། མི་གཙང་བའི་སེམས་སྐྱེས་ཏེ་མཆིལ་མ་གཅིག་བསྒྱུར་བ་ལས་ཁྲག་དང་མཆིལ་མ་འདྲེས་པའི་བུ་མིང་སྲིང་གཉིས་མཚེའུ་མར་སྐྱེས་ཏེ་ལུག་གི་ལོ་ཚེས་བཅུ་བཞི་ལ་གནམ་གྱི་ལྷ་དཀར་པོ་སྐྱེས། ཚེས་བཅོ ་ལྔ་ལས་བདག་པདྨ་ཕྲེང་སྐྱེས་སོ།། དེ་ཡང་དབྱིངས་ཕྱུག་མ་དང་ཡར་ལ་ཤེད་ཀྱིས་སྐྱེས་ཏོ་རེ་གཉིས་སྤྲེའུའི་ལོ་ལ་བྱི་བགྱིས་པའི་བུ། བྱ་ཡི་ལོ་ལ་མིང་སྲིང་གཉིས་སྐྱེས་ཏེ། མིང་པོ་ཤར་གྱི་ཤེལ ་གིང་ཤེལ་གེ་སྲིང་མོ་གར་གྱི་དབང་ཕྱུག་མ་ཡིན་ནོ།། དེ་ནས་ཡ་བདུད་དང་ཨེ་ཀ་ཙ་ཏི་གཉིས་ལ་བུ་མོ་སྤུན་གཉིས་སྐྱེས་ཏེ། ཆེ་བ་ནི་རིན་ཆེན་སྲིད་འདེགས་མ་ཞེས་ཀྱང་བྱ། ནམ་མཁའི་རྒྱལ་མོ་ཞེས་ཀྱང་བྱ། ཆུང་ངུ ་ནི་གླིང་བཞི་སྤྱི་ཕུད་མ་ཞེས་ཀྱང་བྱ། འཇིག་རྟེན་དབང་སྡུད་མའོ།། སྲིད་པ་ཆ་སྙོམས་མ་ནི། ཧེ་རུ་ཀས་སྟིར་ཞེས་བྱ་སྟེ། སྲིད་པ་ཆགས་བྱེད་མ་ནི་ལྷ་མོ་ཚོགས་ཀྱི་རྗེ་མོ་ཞེས་བྱའོ།། ཨེ་ཀ་ཙ་ཏི་ནི་མི་ཡོངས་ཀྱི་ཚོགས ་ཀྱི་བདག་མོ་ཞེས་བྱའོ།། གྲུ་འདེགས་མ་ཆེན་མོ་བཞི་ནི་ཧ་ར་ཏིང་དཀར་མོ་དང་། དུན་ཏིང་ནག་མོ་དང་། ཤན་ཏིང་དམར་མོ་དང་། གྲུབ་ཏིང་སེར་མོ་དང་བཞིའོ།། མ་མོའི་དཀྱིལ་འཁོར་ཆེན་པོ་བརྒྱད་ལ། ཡུམ་སྲིད ་པ་བདེ་འགྲོ་མ་ནི། ཡོངས་སུ་རྫོགས་པའི་གྲུབ་ལྡན་མ་མོའི་ཚོགས་ཀྱི་དཀྱིལ་འཁོར་ཞེས་བྱའོ།། དཀར་མོ་ཉི་ཟླའི་ཐོད་ཕྲེང་ཅན་ནི། ཐོད་ཕྲེང་གི་དཀྱིལ་འཁོར་ཞེས་བྱའོ།། ཁྲོས་པའི་དབང་མོ་ཆེ་བཞི་ནི། སྙིང་རྗེ ་བྱམས་པའི་མཎྜལ་ལོ།། དཀར་མོ་མིག་གཅིག་མ་ལ་སོགས་པ་བཞི་ནི། གསང་བ་དགྱེས་པའི་དཀྱིལ་འཁོར་རོ།། དབྱིངས་ཕྱུག་མ་བཞི་ནི་ཕུང་བྱེད་སྦས་པའི་དཀྱིལ་འཁོར་རོ།། ཡང་རྣམ་པ་གཅིག་ཏུ་ཡུམ་ཆེན་མོ ་དང་། དཀར་མོ་ཉི་ཟླའི་ཐོད་ཕྲེང་ཅན་གཉིས་ནི་ཡོངས་སུ་རྫོགས་པའི་འཇིག་རྟེན་ཀུན་གྱི་དཀྱིལ་འཁོར་ཏེ། སྤྱི་དཔལ་ཆེན་པོ་དང་གཉིས་སུ་མེད་དོ། ཁྲོས་པའི་དབང་མོ་ཆེ་བཞི་ནི། འགྲོ་བ་ཡོངས་སུ་སྐྱོང་བའི ་དཀྱིལ་འཁོར་ཏེ། བདུད་རྩིའི་བུམ་པ་དང་འདྲའོ།། ཐུགས་ཀྱི་དགྱེས་སྡེ་མོ་བཞི་ནི།། གེ་སར་ཡོངས་ཀྱི་དཀྱིལ་འཁོར་ཞེས་གསང་བའི་དྲོད་ཆགས་འཛིན་གྱི་བདག་མོ་ཡིན་ནོ།། དེ་རྣམས་ཀྱི་ཁོལ་མོའི་ཚོགས་བརྒྱད ་ནི། སྲིད་པ་ཆགས་བྱེད་མ་ནི་ཆགས་འཛིན་ཆེན་མོའི་ཚོགས་སོ།། སྲིད་པ་ཆ་སྙོམས་མ་ནི།། མཉམ་བྱེད་ཆེན་མོའི་ཚོགས་སོ།། སྲིད་པ་གྲུ་འདེགས་མ་ནི་གླིང་བཞི་ཕུད་ཉུལ་མའི་ཚོགས་སོ།། ཨེ་ཀ་ཙ་ཏི་ནི་ཕོ་ཉ་ཀུན ་གྱི་ཚོགས་སོ།། དམག་གི་རྒྱལ་མོ་བཞི་ནི་དྲི་ས་ལ་སོགས་པའི་རིགས་སོ་སོའི་ཚོགས་སོ།། འདོད་ཁམས་ལྷའི་གཙོ་མོ་ནི། བུད་མེད་ནག་མོའི་ཚོགས་སོ།། རྡོ་རྗེ་གར་གྱི་དབང་ཕྱུག་མ་དང་། པདྨ་གར་གྱི་དབང་ཕྱུག་མ ་གཉིས་ནི། ཉུལ་ལེ་མའི་ཚོགས་སོ།། རིན་ཆེན་སྲིད་འདེགས་མ་དང་། གླིང་བཞི་སྤྱི་ཕུད་མ་ནི་སྨན་ཕྲན་གཙོ་མོའི་ཚོགས་སོ།། དེ་ལ་ཨེ་ཀ་ཙ་ཏིའི་ནུ་མོ་ཨེ་ཀ་ཛ་རས་བསམས་ནས། ཇོ་མོ་ཀུན་གྱི་ནང་ན་ཡང་བདག་གི ་ཇོ་མོ་ཁྱད་པར་ཡང་དབང་ཆུང་ལ། བདག་ཅག་ཁོལ་མོ་རྣམས་ཀྱི་ནང་ན་ཡང་བདག་ཁུད། ཁྱད་། པར་དབང་ཆུང་བས། ད་ངན་ཐབས་ཞིག་བྱ་སྙམ་ནས། ཇོ་མོ་གཅིག་པུ་མས་བྱི་སྣ་བྱས་ནས། རྒྱ་མཚོའི་གཏིང་ན་ཆུ ་སྲིན་གྱི་རྒྱལ་པོ་ཀུམྦྷཱི་ར་མ་ཧཱ་ཧསྟེ་ཞེས་ཀྱང་བྱ། མ་ཀ་ར་ཞེས་ཀྱང་བྱ་བ་ཅིག་བཀུག་ནས། དུག་ཤིང་གདུག་པ་ཅན་དྲུངས་པ་གཅིག་གི་རྩ་རུ། སྟག་གི་ལོ་ལ་ཉལ་པོ་བྱེད་དུ་བཅུག་པའི་བུ་ནི། ཡོས་བུའི་ལོ ་ལ་དཀར་པོ་མིག་གཅིག་སྐྱེས། སྲིང་མོ་ནི་ནག་མོ་ཁྲག་འཛག་མ་སྐྱེས་ཏེ་ནད་གཏོང་བའོ།། དེ་ནས་མིང་པོས་མའི་གཟི་མདངས་ཕྲོག་ནས། འཇིག་རྟེན་ཡོངས་ཀྱི་མཐུ་རྐུ་བར་བདོག་པ་ལ། སྲུ་མོ་ཨེ་ཀ་ཙ་ཏིས་ཚོར་ཏེ། ་ཇོ་མོ་ཁྲོས་པའི་དབང་མོ་ཆེ་རྣམས་ལ་ཞུས་ནས། རྗེ་འབངས་ལྔས་བསྒྲལ་བ་ལས། མི་གཅིག་གི་ཁོང་པའི་ནང་ནས་ཙིཏྟ་བཅུ་ཕྱུང་བ་ལས། གཅིག་ནི་སྙིང་གི་བདག་པོ་ལ་ཕུལ་ལོ།། དགུ་ལ་གསུམ་ནི་རྒྱལ་ཐེའུ་ཁྲོ་བོ ་དང་། ཏྲི་ཤང་ཀ་ར་དང་། དཀར་ཐོར་ཐོར་དང་གསུམ་སྟེ། རྒྱལ་པོའི་རིགས་ལ་གནོད་དོ།། གསུམ་ལ་བར་ཟེའུ་སྨུག་པོ་དང་། ལེགས་ཟེའུ་ཁྲ་བོ་དང་། ས་ཐེའུ་ནག་པོ་དང་གསུམ་ནི་མི་ཡོངས་ལ་གནོད་དོ།། གསུམ ་ལ་ཕྱོགས་བཅུར་གྱུར་ཏེ། བྲག་སྲིན་དང་། ཆུ་སྲིན་དང་། ཤིང་སྲིན་གསུམ་དུ་གྱུར་ཏོ།། དགུ་ཀའི་རྐང་པ་ཡ་རེ་བཅག་ནས། གནམ་ཁྱི་དཀར་པོའི་འཁོལ་དུ་བཅུག་གོ། དེ་ནས་འབྲུག་གི་ལོ་ལ་ཨེ་ཀ་ཙ་ར་མ་མངལ་མི ་བདེ་ནས། མཉེས་བཙིར་བ་དང་། གདོང་སོག་པོ་ལ་མིག་ལོང་བ། ལུས་ཀྱང་སྦྲང་ཀི་ལ་ཁོག་པ་ན་སྙིང་གསུམ་ཡོད་པ་གཅིག་སྐྱེས་པ་ལས།། འདི་སུ་ལའང་ཆ་མེད་དོ་སྙམ་ནས།། དགྲའི་སྙིང་འབྱིན་བྱམས་ཀྱི་ལན ་ལྗོན་པར་འོང་སྟེ། སུ་ཡང་ཆ་མེད་པས་རུང་ངོ་སྙམ་ནས། དགའ་ཞིར་མགུ་བ་ལས། ཇོ་མོ་ཉི་མའི་ཐོད་ཕྲེང་ཅན་གྱི་ཚོར་ནས། སྙིང་གཉིས་ཁར་བཅུག་ནས། ཤེལ་གེ་ལ་ཁོལ་པོར་བྱིན་ཏེ་བཏང་ངོ་།། ཕོ་རྒྱུད་མོ་རྒྱུད ་ཀྱི་གཏན་ཚིགས་ཀྱི་ལེའུ་སྟེ་བཅུ་གསུམ་པའོ།། །། གཡུང་དྲུང་ལྷ་ཡིས་ཡང་གསོལ་པ། འགུགས་ཤིང་འདྲེན་པར་བྱེད་པ་ནི།། མ་མོ་རྣམས་ཀྱི་གསང་སྔགས་ཏེ།། རྫོགས་སངས་རྒྱས་ལ་བདག་ཉན ་འཚལ།། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། འགུགས་ཤིང་འདྲེན་པའི་ལས་རྣམས་ཀུན།། ཡང་དག་ཉིད་དུ་ངས་བསྟན་གྱི།། གཡུང ་དྲུང་ལྷ་ཡི་དབང་པོ་ཐུད།། ཨོཾ་བཛྲ་ཀྲོ་དྷི་ཤྭ་རཱི་བྷ་ག་པདྨ་ཧཱུཾ་ཧཱུཾ་ཧཱུཾ། ཨོཾ་བཛྲ་ཤཱན་ཏིང་པདྨ་ག་རུ་ཏིང་བྷྱོ། ཨོཾ་མུ་ཏཱི་ནི་བྷྱོ།། ཨ་ཤནྟི་ནི་བྷྱོ། བྷ་ག་དུནྟི་ནི་བྷྱོ། ཁ་མུན་དནྟི་ནི་བྷྱོ། ཨོཾ་བཛྲ་སུརྱ་བི་ཏོ་ཨ་ཏོ་ཡེ། ཨོཾ་བཛྲ་པདྨ་བི ་ཏོ་ཨ་ཏོ་ཡེ། ཨོཾ་བཛྲ་ཁ་རག་བི་ཏོ་ཨ་ཏཽ་ཡེ། ཨོཾ་བཛྲ་སྲིང་འགྲོ་བི་ཏོ་ཨ་ཏོ་ཡེ། ཨོཾ་བཛྲ་ཨ་ཀེ་ཨ་ཀེ་བྷྱོ། ཨོཾ་བཛྲ་ཏ་ཀེ་ཏ་ཀེ་བྷྱོ། ཨོཾ་བཛྲ་ནཱི་ལ་ནཱི་ལ་བྷྱོ། ཨོཾ་བཛྲ་ལནྟ་ལནྟ་བྷྱོ། ཨོཾ་བཛྲ་ཛ་ཏྲཾ་མུ་རཾ་ཤྭ་བཛྲ་ཁ་རག་སྙིང་ཁ ་རག་མ་བྷྱོ། ཏྲག་རཀྵ་ཏྲག་རཀྑ་བྷྱོ། ཏྲག་རཀྵ་ཁ་མུན་ཏྲ་སཾ་ཁ་མུན་ཏྲ་བ་རཀྵ་བྷྱོ། པྲ་ཀ་རཱ་ཏི་ཥ་བྷྱོ། པྲ་གི་བེང་གི་ཤ་བྷྱོ། བྷྱོ་ཧཱཾ་ཀ་རོ་ཀ་རེ་སཾ། བ་རོད་དྷ་རོད། ནི་ལ་ཆུ་མི་ཧ། ཁ་ཊྭཱཾ་ག། ད་ལ་ཙ་ལ། པད་མ་ཙནྣ། ཨ ་ནུ་རཀྟོ། མ་ནུ་རག་ཏོ། དིང་སཾ་དིང་སཾ། ཨེ་ཨ་རལླི། བྲ་བྱི་རུ་ལུ་རུ་ལུ་བྷྱོ། ཏྲག་རཀྵ་ཏྲག་རཀྵ་བྷྱོ། ཨ་ཏིང་བྷྱོ། བྱི་ཏིང་བྷྱོ། སུ་ཏིང་བྷྱོ། མུ་ཏིང་བྷྱོ། བཛྲ་ཤནྟི་བྷྱོ། དུནྟིང་བྷྱོ། ཧར་ཏིང་བྷྱོ། གྲུབ་ཏིང་བྷྱོ། ་ཏེ་བཾ་ཡང་བྷྱོ། ཨ་ག་ཏ་ལ་བྷྱོ། དྷ་ལ་དུ་ན་བྷྱོ། དྷི་ན་ཡང་། དི་ལ་མ་མ་ཡ་བྷྱོ། དྷི་རྣམས་ལས་ལ་ཡང་། བྷྱོ་བྷྱོ་བྷྱོ། བྷྱོ་བྷྱོ་བྷྱོ། བྷྱོ་བྷྱོ་བྷྱོ། བྷྱོ་བྷྱོ་བྷྱོ། བྷྱོ་བྷྱོ་བྷྱོ། བྷྱོ་བྷྱོ་བྷྱོ། བྷྱོ་བྷྱོ་བྷྱོ། བྷྱོ་བྷྱོ་བྷྱོ། བྷྱོ་བྷྱོ་བྷྱོ།། འདིས་ནི་མ་མོ ་འགུགས་འདྲེན་འགྱུར།། དེ་སྐད་དཔའ་བོས་ཡང་དག་བཤད།། མ་མོ་འགུགས་འདྲེན་དང་ཐུན་སྔགས་ཀྱི་ལེའུ་སྟེ་བཅུ་བཞི་པའོ།། །། གནོད་འདུལ་ལྷ་ཡིས་ཡང་གསོལ་པ།། འཇིག་རྟེན་འདི་བསྒྲུབ་ཇི་ལྟར ་བསྐུལ།། སྲིད་པའི་དབང་ཆེན་འདི་རྣམས་ཀུན།། བསྙེན་བསྒྲུབ་བགྱི་ན་ཇི་ལྟར་བགྱི།། མངོན་སངས་རྒྱས་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ ་པ།། བསྙེན་ཅིང་བསྒྲུབ་པའི་ཚིག་རྣམས་ཀུན།། ངས་གསུང་པ་ལ་ཐེ་ཚོམ་མེད།། ཉོན་ཅིག་གཡུང་དྲུང་ཡང་དག་པ།། ཧཱུཾ། སྲིད་པ་བདེ་འགྲོ་ཁམས་གསུམ་ཀུན་གྱི་ཡུམ་མཆོག་མ།། ཕྲ་མེན་རྒྱ་མཚོ་སྐུ་བསྐྱོད ་ཅིག། རྣལ་འབྱོར་ཆེན་མོའི་སྐུ་སྤྲུལ་པ།། སྤྱན་གཉིས་ཁྲོས་པའི་ཚུལ་མངའ་ཞིང་།། ཞི་བའི་སྐུ་ལ་སྣང་སྲིད་འཆར།། སྤྲུལ་པའི་སྐུ་ལ་ཞབས་བརྒྱད་འཆར།། དྲུག་གིས་རྒྱུ་དྲུག་སྒོམ་ཡང་གཅོད།། གཅིག་གི་ཀླུ་ཡི ་ཁམས་སུ་རྐྱོང་།། གཅིག་ནི་བདུད་དང་མུ་སྟེགས་གནོན།། རྣམ་པར་ཤེས་པའི་ཡུལ་དྲུག་ལས།། སྤྱན་དྲུག་མངོན་པར་ཤར་བ་ནི།། སྤྱན་གསུམ་གྱེན་དུ་གཟིགས་པ་ཡིས།། རྣམ་པར་ཐར་པའི་སྒོ་ཡང་གཅོད།། སེམས ་ཅན་སྐྱེ་ཤིའི་ལམ་ཡང་སྟོན།། སྤྱན་གསུམ་ཐུར་དུ་གཟིགས་པ་ཡིས།། སྲིད་པ་ཐམས་ཅད་ཐལ་བར་རློག། དེ་ལས་སླར་ཡང་སྐྱེད་པར་བྱེད།། གཡས་ཀྱི་ཞལ་བཞད་ཐུགས་རྗེ་ཆེ།། གཡོན་གྱི་ཞལ་བཞད་དབང་དུ ་སྡུད།། དབུས་ཀྱི་ཞལ་བཞད་དྲག་ཤུལ་ཆེ།། རྡོ་རྗེ་མཆེ་བ་གཙིགས་པ་ཡིས།། སྲིད་གསུམ་འགྲན་ཟླ་ཆེམ་ཆེམ་གསོལ།། རྣལ་འབྱོར་གསང་བའི་བྷ་ག་ལས།། སྲིད་པ་གསུམ་ཡང་འཆར་བར་བྱེད།། ལྷ་ཆེན་ལ་སོགས ་མཐའ་དབུས་ཕྱོགས།། བདུད་དང་གནོད་སྦྱིན་ལ་སོགས་ཏེ།། གཤིན་རྗེ་སྲིན་པོ་མ་ལུས་ཀུན།། ཡུམ་གྱི་སྐུ་ཡི་ལས་ཕྱོགས་སུ།། ལས་ཀྱི་མ་མོ་བཅུ་དྲུག་འཆར།། ཕོ་ཉ་ཕྱག་བརྙན་ཐབས་ཀྱིས་འགྱེད།། གཡོན་གྱི ་ཕྱོགས་ནས་འཆར་བ་ནི།། རྣལ་འབྱོར་སྒྲ་ཡི་སུམ་ཆ་ལས།། ངེས་པའི་མ་མོ་དགུ་སྦས་ཤིང་།། ཐམས་ཅད་སྐུ་ལ་མཆོད་པར་བརྩོན།། ཡུམ་གྱི་ཞབས་ཀྱི་གཡས་ཕྱོགས་ནས།། འདོད་པའི་མ་མོ་བརྒྱད་མནན ་ཏེ།། འཇིག་རྟེན་ཀུན་ལ་སྨན་པར་མཛད།། ཡུམ་གྱི་ཞབས་ཀྱི་གཡོན་ཕྱོགས་ནས།། བཀའ་སྡོད་ཉི་ཤུ་རྩ་བརྒྱད་རྣམས།། རྣལ་འབྱོར་ཀུན་གྱི་ལས་རྣམས་སྒྲུབ།། སྲིད་པའི་མ་མོ་ཐམས་ཅད་ཀུན།། རྣལ་འབྱོར་སྐུ་ཡི ་ཁྱོན་དུ་རྫོགས།། མ་མོ་ཐུགས་ཀྱི་ཐིག་ལེ་ལས།། རྡོ་རྗེ་ཁ་ཊྭཱཾ་གཞུ་བདུངས་ཤིང་།། ཤེས་རབ་ཡེ་ཤེས་མདེའུ་རྩེ་ལས།། སྤྲུལ་པའི་ཐིག་ལེ་དགུ་འཕེན་མ། ངེས་པའི་བདེ་ཀློང་གཅིག་ཏུ་འཁྱིལ།། ཧེ་རུ་ཧཱུཾ ་སྒྲས་འཁོར་དུ་བཞག། མཐིང་ན་འབར་བའི་འཕྲོ་འདུ་ཡིས།། ཐམས་ཅད་སྒྲོལ་ཞིང་དབང་དུ་སྡུད།། ཞི་བའི་སྐུ་ལ་ཐུགས་རྗེ་ཆེ།། ཡེ་ཤེས་སྤྲུལ་པའི་ཕྱག་དྲུག་ལས།། གཡས་ཀྱི་དང་པོ་འཁོར་ལོ་བསྒྱུར།། གསང ་སྔགས་བཀའ་རྣམས་སྒྲོགས་པའི་དོན།། གཡོན་པ་རིན་ཆེན་སྲིད་པ་སྒྱུར།། སྲིད་པའི་འཇིག་རྟེན་གནས་ལ་འཕེན།། གཡས་ཀྱི་བར་མ་གཡང་བཞི་རྡེབ།། བདུད་དང་མུ་སྟེགས་རྡུལ་དུ་རློག། གཡོན་པ་བྷནྣ་དམར ་བསྒྲིལ་ཞིང་།། བུད་མེད་ལྔ་པོ་དབང་དུ་སྡུད།། གཡས་ཀྱི་ཐ་མ་ཚེ་འཛིན་ཅིང་།། རྣལ་འབྱོར་ཀུན་ལ་དངོས་གྲུབ་འབེབས། གཡོན་པ་ལྕགས་ཀྱུ་དགུ་བསྣམས་པས།། དམ་ཉམས་ཀུན་དང་དགྲ་བགེགས་ཀྱི།། བཀའ ་ལས་འདས་པའི་སྙིང་རྩ་འདྲེན།། སྤྱི་གཙུགས་རལ་པའི་འཕྲོ་འདུ་ཡིས།། སྟོང་གསུམ་འཇིག་རྟེན་བྷྱོ་བཟློག་མཛད།། བདག་ཅག་ཡེ་ཤེས་བསྐུལ་འཆང་ཞིང་།། ངེས་པའི་དོན་དང་རྟོགས་པའི་མཐུས།། མན ་ངག་ཐུགས་ཀྱི་དཀྱིལ་འཁོར་བསྐུལ།། སྐད་ཅིག་ཡུད་ཙམ་དབྱིངས་ནས་བཞེངས།། སྲིད་པ་གསུམ་དང་གླིང་བཞི་ཡང་།། ཐང་གཅིག་ཡུད་ཙམ་འཇིག་པར་མཛད། ཁྱད་པར་ཡེ་ཤེས་ཉི་ཟླའི་སྤྱན།། གཡས་ཀྱི་སྤྱན ་གྱིས་སྲིད་པ་གསལ།། གཡོན་གྱི་སྤྱན་གྱིས་སྦྱོར་བ་མཛད།། རྡོ་རྗེ་སྨིན་མ་གཡེངས་པ་ཡིས།། མུ་སྟེགས་ཡག་ཤའི་སྙིང་ཡང་འགེམས།། མ་མོ་ཁྱོད་ཀྱི་མཚན་ཉིད་ནི།། བྱང་ཆུབ་སེམས་མ་ཞེས་ཀྱང་གྲགས།། ཡང་དག ་གསང་བའི་མཚན་ཉིད་ནི།། སངས་རྒྱས་ཁྲོས་པའི་རྒྱལ་མོ་ལགས།། བདེ་ཀློང་ཀུན་གྱི་གཙོ་མོ་ཞེས་ཀྱང་གྲགས།། རྣལ་འབྱོར་གསང་བའི་དཀྱིལ་འཁོར་དུ།། གསང་བ་ཐབས་ཀྱི་འཕྲོ་འདུ་ཡི།། ཡུམ་གྱི་ཐུགས་དམ ་འདིས་བསྐང་ལ།། སྐུ་ནི་མི་བསྐྱོད་འདིར་བཞུགས་ལ།། འཁོར་གྱི་བློན་མོ་ཀུན་བསྐྱོད་དང་།། བཅོལ་པའི་ལས་རྣམས་འགྲུབ་པར་མཛོད།། ཅེས་ཚོགས་ལ་སྤྱན་དྲང་བ་ནི། ཕྲ་མེན་རྒྱ་མཚོ་མའོ།། གསང་བའི་མཆོད ་པ་དང་ལྡན་པར་བྱ་སྟེ་བསྐུལ་བ་ནི།། ཧཱུཾ། ལྷ་མོ་ཆེན་མོ་རྣལ་འབྱོར་མ།། ཀུན་གཞི་ཡོངས་ཀྱི་དབང་ཕྱུག་མོ།། སྣང་སྲིད་ཀུན་ལ་དབང་བསྒྱུར་ཞིང་།། སྐྱེ་འགྲོ་ཡོངས་ཀྱི་དབུགས་འཕྲོག་མ།། དུང་ཆེན་ཕྱག་ན ་བསྣམས་ཤིང་འོ་དོད་ཆེན་པོས་འདེབས།། གཤིན་རྗེ་དྲན་དུ་འཁོལ་ཞིང་འཇིག་རྟེན་མེ་ཡིས་སྲེག། འགྲོ་བའི་ཚེ་དཔལ་འཕྲོག་ཅིང་པོ་དྷི་ཙིཏྟའི་བདག། སྒྲོལ་བ་དོན་དུ་གཉེར་ཞིང་དབང་ཕྱུག་ཀུན་དང་སྦྱོར།། སྲིད ་གསུམ་སྤྲུལ་པས་འགེངས་ཤིང་བདུད་དཔུང་རྡུལ་དུ་རློགས།། གཡང་གཞི་གོས་སུ་མནབས་ཤིང་ཁ་ཊྭཱཾ་གཡབ་མོས་འདེབས།། སྐུ་མདོག་ཁྲོ་བོར་བཞུགས་ཤིང་ཁྲག་དང་ཞག་གིས་བརྒྱན།། སྤུ་གྲི་ཕྱག་ན་བསྣམས ་ཤིང་ཀུན་གྱི་སྙིང་འབྱིན་མ།། ཞིང་ཆེན་གདན་ལ་བཞུགས་ཤིང་རྣལ་འབྱོར་གྲོགས་མཛད་མ།། མཱཾ་ས་ཟས་སུ་ཟ་ཞིང་ཙིཏྟའི་ཞགས་པ་འཕེན།། ཉི་ཟླ་ཟོད་དུ་བཅིངས་ཤིང་སྟོང་ཁམས་བདེ་ལ ་འགོད།། བདུད་ཀྱི་བུ་སྨད་འཁོལ་ཞིང་ང་རྒྱལ་དྲག་ཤུལ་ཆེ།། དུང་ཆེན་སྣོད་དུ་དམར་ཆེན་ཁྲག་དང་སྙིང་དུ་བསྲེས་པ་འདིས། ཁྱོད་ཀྱི་སྐུ་ལ་བསྟིམ་པས་བཅོལ་བའི་ལས་རྣམས་གྲུབ་པར་མཛོད།། ཅེས་བྱ་བས་བསྐུལ ་བ་ནི་ཉི་མའི་ཐོད་ཕྲེང་ཅན་ནོ།། རྒྱུ་བསྒྲལ་བ་ཙིཏྟའི་བདག་མོ་ཡིན་ནོ།། དེ་ཀུན་གྱི་སྙིང་ལ་ཡང་དབང་ངོ་།། ཧཱུཾ། རྣལ་འབྱོར་ཁྲོས་པའི་དབང་མོ་ཆེ།། ཉི་མ་སྟོང་གི་གཟི་མདངས་ཅན།། སྟོང་གསུམ་འཆི་བདག་འོད ་ཟེར་འཕྲོ།། སྲིད་པའི་སྒྲོལ་མ་གཤེགས་སུ་གསོལ།། ཧཱུཾ། རྣལ་འབྱོར་ཁྲོས་པའི་དབང་མོ་ཆེ།། པདྨ་སྟོང་གིས་སྐུ་བརྒྱན་ཅིང་།། གེ་སར་འབུམ་གྱི་ཁྲག་འཐུང་མ།། དབང་ཕྱུག་ཆེན་མོ་གཤེགས་སུ་གསོལ།། ཧཱུཾ། རྣལ ་འབྱོར་ཁྲོས་པའི་དབང་མོ་ཆེ། ཁམས་གསུམ་རྫོགས་བྱེད་བདུད་རྩི་སྦྱོར།། འཇིག་རྟེན་སྨན་མཆོག་ཀུན་གྱི་གསོས།། བདུད་རྩིའི་རྒྱལ་མོ་གཤེགས་སུ་གསོལ།། ཧཱུཾ། རྣལ་འབྱོར་ཁྲོས་པའི་དབང་མོ་ཆེ།། བྷ་ག་ཡོངས ་ལ་མངའ་མཛད་ཅིང་།། གནས་ལམ་ཐམས་ཅད་སྟོངས་པར་མཛད།། ཐར་པའི་ལམ་མཆོག་གཤེགས་སུ་གསོལ།། ཞེས་བརྗོད་ལ། འབྱོར་ཚོགས་ཀྱི་མཆོད་པ་འབུལ་བ་ནི། ཁྲོས་པའི་དབང་མོ་ཆེ་བཞིའོ།། བྷ་ག། ་འབུམ་ལ་མངའ་མཛད་མ།། དབྱིངས་ཕྱུག་རྒྱལ་མོ་གཤེགས་སུ་གསོལ།། འཇིག་རྟེན་ཡོངས་ཀྱི་རྒྱན་མཛད་མ།། རྒྱན་གྱི་རྒྱལ་མོ་གཤེགས་སུ་གསོལ།། བདག་ཉིད་ལྷག་ལྷག་བཞད་མཛད་མ།། བདག་ཉིད་ཆེན་མོ ་གཤེགས་སུ་གསོལ།། གཅིག་པུ་སྟོང་ཁམས་རྒྱུག་འགྲོ་མ།། གཅིག་པུ་ཡུམ་མཆོག་གཤེགས་སུ་གསོལ།། ཞེས་བསྐུལ་བ་ནི་སྦས་པའི་མ་མོ་བཞིའོ།། ཧཱུཾ།། རི་རབ་གླིང་བཞིའི་ཤར་ཕྱོགས་མ།། ཤར་གྱི་དཀར་མོ་མིག ་གཅིག་མ།། ན་བཟའ་བྱ་རྒོད་ཐུལ་བ་ལ།། གཡུ་ཡི་དྲིལ་བུ་འབུམ་གྱིས་བརྒྱན།། དུང་གི་ལེན་ཚར་མཆེ་བ་ཅན།། རིན་ཆེན་ཤེལ་གྱི་ཐོད་གདེངས་ཅན།། དཀར་མོ་སྒེག་མོ་འབུམ་གྱི་བསྐོར།། སྲིད་པ་ཤར་ལ་མངའ ་མཛད་མ།། འདིར་སྤྱོན་དམ་སྐྱོང་ཕྲིན་ལས་མཛོད།། ཧཱུཾ། རི་རབ་གླིང་བཞིའི་ལྷོ་ཕྱོགས་ནས།། ལྷོ་ཡི་ནག་མོ་མཆེ་བ་ཅན།། ན་བཟའ་ཞིང་གི་གོ་ཟུ་ལ།། གསེར་གྱི་དྲིལ་བུ་འབུམ་གྱིས་བརྒྱན།། ལྕགས་ཀྱི་ལེན་ཚེར ་མཆེ་བ་ཅན།། གསེར་གཡུ་སྤེལ་བའི་ཐོད་གདེངས་ཅན།། ནག་མོ་སྒེག་མོ་འབུམ་གྱིས་བསྐོར།། སྲིད་པ་ལྷོ་ལ་མངའ་མཛད་མ།། འདིར་སྤྱོད་དམ་སྐོང་ཕྲིན་ལས་མཛོད།། ཧཱུཾ། རི་རབ་གླིང་བཞི་ནུབ་ཕྱོགས ་ནས།། ནུབ་གྱི་དམར་མོ་དབང་བསྒྱུར་མ།། ན་བཟའ་ཆུ་སྲིན་གཡང་གཞི་ལ།། སྦྲུལ་ནག་སྟོང་གི་གདེངས་ཀ་ཅན།། གཡུ་ཡི་ལེན་ཚར་མཆེ་བ་ཅན།། བྱེ་རུ་དམར་པོའི་ཐོད་གདེངས་ཅན།། དམར་མོ་སྒེག་མ་འབུམ ་གྱིས་བསྐོར།། སྲིད་པ་ནུབ་ལ་མངའ་མཛད་མ།། འདིར་སྤྱོན་དམ་སྐོང་ཕྲིན་ལས་མཛོད།། ཧཱུཾ། རི་རབ་གླིང་བཞིའི་བྱང་ཕྱོགས་ནས།། བྱང་གི་སེར་མོ་ལས་མཁན་མོ།། ན་བཟའ་རྨ་བྱའི་ཐུལ་བ ་ལ།། མཐིང་གི་གོ་ཅོག་ཡ་བ་བསྐོར།། གསེར་གྱི་ལེན་ཚར་མཆེ་བ་ཅན།། ཐོད་སྐམ་འབར་བའི་ཐོད་གདེངས་ཅན།། ལྗང་ནག་སྒེག་མ་འབུམ་གྱིས་བསྐོར།། འདིར་སྤྱོན་དམ་སྐོང་ཕྲིན་ལས་མཛོད།། གླིང་བཞིའི་རྒྱལ ་མོ་གསང་བའི་གཟུངས།། ཐུ་བ་གཡས་པ་དམག་གིས་བཀང་།། རྣལ་འབྱོར་ཀུན་གྱི་དགྲ་འདུལ་མ།། ཐུ་བ་གཡོན་པ་རིན་པོ་ཆེ།། སྒྲུབ་པ་པོ་ལ་རྟགས་འབྱིན་མ།། གཡས་ཀྱི་ཕྱག་ན་གཡང་གཞི་རྡེབས། ཁམས ་གསུམ་རྡུལ་དུ་བརླགས་ནས་སུ།། གཡོན་པ་བྷནྡ་ཐོད་པས་བསྐོར།། མ་མོ་ཐམས་ཅད་དབང་དུ་སྡུད།། རལ་པ་ཅན་གྱི་འཁོར་སྐྱོང་མ།། འདིར་སྤྱོན་དམ་སྐོང་ཕྲིན་ལས་མཛོད།། ཅེས་འབྱོར་ཚོགས་ཀྱི་མཆོད་པ་སྤྱན ་དྲང་བ་དང་། བཀའ་བཞིན་གནག་པ་བཅོལ་བ་ནི། ཐུགས་ཀྱི་དགྱེས་སྡེ་མོ་བཞི་དང་། གསང་བ་ཡང་བྱི་མོ་བཞིའོ།། འདི་བཞི་ལ་བཅོལ་བ་དང་། ཅི་བཅོལ་བ་བསམ་པ་ཡིད་བཞིན་དུ་འགྲུབ་པར་འགྱུར།། ལྷུར་ཡང ་ཚེ་དང་སྲིའུ་ལ་མཁས་ཤིང་། གསང་བའི་པྲ་ལ་ཡང་རྣོ།། དེ་ཡན་ཆད་ཀྱིས་མ་མོ་བཅུ་བཞིའི་བསྐུལ་ཚིག་གི་ལེའུ་སྟེ་བཅོ་ལྔ་པའོ།། །། ད་ནི་སྲིད་པའི་སྨན་མོ་བསྐུལ་བར་བྱ་སྟེ། ཧཱུཾ། སྲིན་མོ་ཆེན་མོ་ཤམ་ཤམ ་མོ།། ཨ་ཕྱི་ཆེན་མོ་མི་བཟད་མ།། གོས་སུ་ཞིང་ཆེན་ལྤགས་རློན་ལ།། མཐའ་མ་བྷནྡྷ་སྟོང་གིས་བསྐོར།། ཕྱག་གཡས་ཞིང་ཆེན་སོར་ཕྲེང་བགྲང་།། གཡོན་ན་མི་མགོའི་ཕོར་པ་རུ།། མི་ཁྲག་སྙིང་ཚིལ་གཏུབས་ནས ་སུ།། རང་གིས་རང་ལ་ཐིམ་པར་སྟོབ།། གཡང་གཞིའི་རུ་མཚོན་ཕྱར་ནས་སུ།། བདུད་དང་མུ་སྟེགས་ཐལ་བར་རློགས།། འཇིག་རྟེན་ཐམས་ཅད་སྒྲོལ་བར་བྱེད།། སྲིད་པ་གསུམ་གྱིས་ཕུད་ཉུལ་མ།། དེ་ནི་ཇོ་མོ་ཉིད་ལ ་མཆོད།། ལས་སུ་བཅོལ་ན་ཀུན་ཀྱང་སྒྲུབ།། འདིར་སྒྲོན་དམ་སྐོང་ཕྲིན་ལས་མཛོད།། ཅེས་བསྐུལ་བ་ནི་ཨ་ཕྱི་ཆེན་མོ་སྟེ།། སྲིད་པ་ཆགས་བྱེད་མའོ།། ཧཱུཾ། ཁྱིམ་བདག་ཆེན་མོ་རྣལ་འབྱོར་མོ།། རྣལ་འབྱོར་ཆེན་མོ ་སྲིད་པའི་བདག། རྣལ་འབྱོར་ཆེན་མོ་ཁྱིམ་བདག་མོ། ཁྱིམ་བདག་ཆེན་མོ་ཐིག་ལེ་དགུ། ཡེ་ཤེས་ལྔ་ཡི་རོལ་པ་ཡིས།། ཕྱག་ན་རྩེ་གསུམ་འབར་བ་བསྣམས། ཁྲག་འཐུང་ཡབ་ཡུམ་རྣམས་ལ་དབང་སྒྱུར་ཞིང་།། མཐུ ་ཆེན་རྣལ་འབྱོར་ཀུན་གྱི་གྲོགས་མཛད་མ།། དུང་ཆེན་ཁྲག་འདི་སྐུ་ལ་སྙིམ་པར་མཛོད། ཁྱེད་ཀྱི་འཁོར་འདི་རབ་ཏུ་མི་བསྒྲུངས་ཏེ།། སྒྲ་སྙན་ཡིད་འཕྲོག་མ་མོ་ཁྱོད་ཀྱི་འཁོར།། འདོད་པ་ལྔ་ལ་འདོད་ཅིང་རབ་ཏུ ་བསྐུལ། ཁྲག་གིས་རླན་པ་མཛད་ཅིང་དབང་དུ་སྡུད།། དྲག་ཤུལ་གཏུམ་མོ་རབ་ཏུ་རྨོངས་བྱེད་མ།། ཀུན་གྱི་ཡིད་ལ་འདོད་ཅིང་རབ་ཏུ་མཐུ་ཆེན་བསྐུལ།། མེ་ཡི་བསྐལ་པ་གཏོང་ཞིང་སྙིང་རྗེའི་ལམ་ལ་སྒྲོལ།། གསོད ་པ་དོན་དུ་གཉེར་ཞིང་ཁྲོ་བོ་ཀུན་དང་སྦྱོར།། བདུད་ཀྱི་བུ་མོ་འཁོལ་ཞིང་ང་རྒྱལ་དྲག་ཤུལ་ཆེ།། འོ་དོད་ཆེན་པོ་འདོན་ཞིང་ཞལ་གདངས་མཆེ་བ་གཙིགས།། དགྲ་སྙིང་ཚལ་པར་འགེམས་ཤིང་མ་མོ་ཁྱོད ་ཀྱི་མཐུ།། དམ་ཚིག་དུས་ལ་བབ་ཀྱི་གཤེགས་སུ་གསོལ།། ཞེས་ལས་གཉེན་པོ་བཅོལ།། དེ་ནི་སྦས་པའི་མ་མོ་སྟེ། སྲིད་པ་ཆ་སྙོམས་སོ།། ཧཱུཾ། རྣལ་འབྱོར་ཆེན་མོ་སྲིད་པའི་བདག། ཨེ་ཀ་ཙ་ཏི་རལ་གཅིག་མ།། མིག ་གཅིག་མ་ལ་དཀར་ཤམ་མདོག། རང་ཆས་སྤྲིན་དཀར་གོ་ཟུ་ལ།། འཇའ་ཚོན་འབར་བའི་མཐའ་ཆག་ཅན།། ལག་ན་ཁ་ཊྭཱཾ་ག་ཡི་མཚོན་ཐོགས་ཤིང་།། ཟ་འོག་ཞབས་མའི་དབུ་རྒྱན་ཅན།། བསྟན་པ་ཙམ་གྱིས་ཁམས ་གསུམ་རྨོངས་བྱེད་མ།། བརྡབས་པ་ཙམ་གྱིས་ཐེ་རང་འགོང་པོ་བརླག་གཅོད་མ།། དམ་སྐོང་ཕྲིན་ལས་གཉེན་པོ་མཛོད།། ཅེས་བཅོལ་བ་ནི་ཨེ་ཀ་ཙ་ཏིའོ།། ད་ནི་མ་མོ་བདུན་བསྐུལ་ཏེ།། ཧཱུཾ། རྒྱ་མཚོ་ཆེན་པོའི་དཀྱིལ ་འཁོར་ནས།། དཔལ་ལྡན་ཤུགས་འགྲོ་གཙོ་མོ་སྟེ།། ནག་མོ་ཆེན་མོ་རལ་པ་ཅན།། རི་རབ་བསྙིལ་བའི་རྔམ་སྟབས་ཅན། ཁ་ནས་མེ་འབར་རྒྱ་མཚོ་སྐམ།། རྡོ་རྗེ་ཀུན་བཟང་གཤེགས་སུ་གསོལ། ཧཱུཾ། ཁྲོ་བོ་རྔམ ་པའི་དཀྱིལ་འཁོར་ནས།། མཛེས་པའི་ཚུལ་གྱིས་འོད་འཕྲོ་ཞིང་།། འཇིག་རྟེན་འཆི་བདག་འོད་འཕྲོ་མ།། ཀུན་ཏུ་བཟང་མོ་གཤེགས་སུ་གསོལ།། ཧཱུཾ། འབར་བ་ཆེན་པོའི་དཀྱིལ་འཁོར་ནས།། ནམ་མཁའ་སྟོང་ལ ་དབང་བསྒྱུར་ཞིང་།། བདུད་དང་དྲག་སྙེམས་ཀུན་འདུལ་མ།། རྡོ་རྗེ་ཀུན་གསལ་གཤེགས་སུ་གསོལ།། ཧཱུཾ། དམ་ཚིག་ཆེན་པོའི་དཀྱིལ་འཁོར་ནས།། ཕོ་ཉ་དྲུག་ཅུའི་གཙོ་མོ་སྟེ།། ཤ་ཆེན་ཚོགས་ལ་ལོངས་སྤྱོད ་ཅིང་།། གདུག་པ་མ་ལུས་ཀུན་འདུལ་མ།། རྡོ་རྗེ་ཆེན་མོ་ཡེ་ཤེས་མཆོག། དམ་ཚིག་ཆེན་མོ་གཤེགས་སུ་གསོལ།། ཧཱུཾ། ཁྲག་གི་རྒྱལ་མཚོའི་དཀྱིལ་འཁོར་ནས། ཁྲོ་མོ་གཏུམ་ཆེན་ཟ་བྱེད་མ།། རྡོ་རྗེ་དྲ་བའི་ཕྲེང་ཐོགས ་མ།། བྱང་ཕྱོགས་རང་གི་འཁོར་འདུལ་མ།། རྡོ་རྗེ་འོད་ཆགས་གཤེགས་སུ་གསོལ།། ཧཱུཾ། འོད་ཕུང་འཁྲིགས་པའི་དཀྱིལ་འཁོར་ནས།། ཞགས་པ་སྟོང་གི་གདེངས་ལྡན་ཞིང་།། འབྱུང་པོ་མ་ལུས་འཆིང་མཛད་མ།། རྡོ ་རྗེ་གསལ་འཕྲོ་གཤེགས་སུ་གསོལ།། ཧཱུཾ། དབང་ཕྱུག་ཆེན་པོའི་དཀྱིལ་འཁོར་ནས།། ལྕགས་ཀྱུ་འབར་བའི་འཕྲོ་འདུ་ཅན།། དམ་ཚིག་ཉམས་རྣམས་སྲེག་མཛད་མ།། བཀའ་ལས་འདས་པའི་སྙིང་འབྱིན་མ།། རྡོ་རྗེ ་གཡུ་སྒྲོན་གཤེགས་སུ་གསོལ།། ཞེས་བྱ་བ་ནི་མ་མོ་བདུན་ནོ།། ཧཱུཾ། ལྷ་མོ་ཆེན་མོ་དབང་ཕྱུག་མ།། རིན་ཆེན་སྲིད་འདེགས་མཛེས་པའི་ཟ་མ་ཏོག། མདོག་བཟང་སྔོན་མོ་རལ་པ་ཅན།། རང་ཆས་མུ་ཏིག་གོ་ཟུ ་ལ། གསེར་དང་གཡུ་ཡི་ཕྲ་བཀྱེ་ཞིང་།། ཐ་མ་རིན་ཆེན་འབར་བས་བསྐོར།། གཡས་ན་གཡུ་ཡི་ཟ་མ་ཏོག། གཡོན་ན་དུང་གི་ཟོ་བ་ཐོགས། ཁྱོད་ནི་སྲིད་པའི་མ་མོ་སྟེ།། ཚེ་གཡང་སྡུད་ཅིང་རིན་ཆེན་སྲིད་འདེགས ་མ།། ཧཱུཾ། གྲུབ་པའི་རྣལ་འབྱོར་མ་སྟེ་མཐུ་མོ་ཆེ།། བདུད་ཀྱི་སྲིང་མོ་གཤིན་རྗེ་མོ།། མདོག་བཟང་དཀར་ལ་རལ་པ་ཅན།། རལ་པའི་ཟར་བུས་མུན་ནག་གཏིབས།། ལྕགས་ཀྱི་ལུས་ལ་ཟངས་ཀྱི་འདབ ་མ་ཅན།། རྫུ་འཕྲུལ་བཞི་ཡི་ཞབས་དང་ལྡན།། ལགས་པ་གཡས་ན་གཤིན་རྗེའི་ཁྲབ་བམ་ཐོགས།། གཡོན་ན་བདུད་ཀྱི་ཤོ་རྡེ་དཀར་ནག་འགྲེམས།། མཚན་ན་ནད་ཀྱི་རྐྱལ་པ་སྦེད། ཁྱོད་ནི་འཇིག་རྟེན་བྷྱོ་བཟློག ་མཁན། ཁྲམ་ཁ་ཕྱིས་ལ་ཤློ་རྔེ་སྤོས།། ནད་ཁ་ཆིངས་ལ་ད་ལ་ཁ་སྒྱུར།། ཧཱུཾ། རྣལ་འབྱོར་འཇིག་རྟེན་དབང་ཕྱུག་མ།། མདོག་བཟང་དཀར་མོ་རལ་པ་ཅན། ཁྱེད་ནི་གླིང་བཞི་སྤྱི་འགྲོ་མ།། རང་ཆས་དར་དཀར་གོ། ་ཟླཟུ་ལ།། གཡུ་བྲན་འབར་བའི་མཐའ་ཆག་ཅན།། གསེར་གྱི་གོང་ལག་འབར་བ་ལ།། གཡུ་ཡི་ཅོད་པན་འོད་འཕྲོ་མ།། རྫུ་འཕྲུལ་རྐང་པས་ཕྱོགས་བཅུར་འཕྲིན།། གཡས་ཀྱི་ཕྱག་ན་བསྣམས་པ་ནི།། གསེར་གྱི་ལྕུ་གུ ་འབར་བ་ལ།། གཡུ་ཡི་ལྕག་འབྲས་འགྱུར་བ་བཏགས།། གནམ་ལ་བསྐོར་བས་བདུད་དཔུང་འཇོམས།། ས་ལ་བརྡབ་པས་དགྲ་བགེགས་སྒྲོལ།། གཞན་གྱིས་རྦད་ཀྱང་མི་ཉན་པར།། བཅོལ་བའི་ཕྲིན་ལས་གྲུབ་པར ་མཛོད།། ཞེས་བྱ་བ་ནི། ནང་གི་རྫས་ལྔ་དང་ལྡན་པར་བྱས་ལ། ལས་བཅོལ་བ་ནི། ནམ་མཁའི་རྒྱལ་མོ་ནེ་མཚན་ནོ།། ཧཱུཾ། རྡོ་རྗེ་གར་གྱི་དབང་ཕྱུག་མ།། དབུ་བརྒྱ་མ་ལ་སྤྱན་སྟོང་མ།། འཇིག་ཚུལ་རྔམས་པའི་ཆ་བྱད ་ཅན།། ཕྲིན་ལས་འབྱུང་པོ་ཀུན་འདུལ་མ།། རྡོ་རྗེ་སྒེག་མོ་གཤེགས་སུ་གསོལ།། ཧཱུཾ། པདྨ་གར་གྱི་དབང་ཕྱུག་མ།། ས་བདག་ཆེན་མོ་པདྨ་ཕྲེང་།། ལག་ན་ཐོད་པ་ཁྲག་གིས་བཀང་།། གྲོང་རྣམས་ཀུན་ལ་ཐོར་བྱེད ་མ།། ས་བདག་ཆེན་མོ་གཤེགས་སུ་གསོལ།། ཞེས་བརྗོད་པ་ནི། རྡོ་རྗེ་གར་གྱི་དབང་ཕྱུག་མ་དང་། པདྨའི་གར་མཁན་མའོ།། ད་ནི་རྒྱལ་པོ་ཆེན་པོ་བཞིའི་ཆུང་མ་དང་། བུ་མོ་བཞི་ཡང་བསྐུར་བར་བྱ་སྟེ།། ཧཱུཾ། རི་རབ ་བཞིའི་གྲུ་འདེགས་མ།། ཧར་ཏིང་དཀར་མོ་ཆེན་མོ་ལ།། བྱང་ཤར་མཚམས་ཀྱིས་གྲུ་འདེགས་མ།། དུན་ཏིང་ནག་མོ་ཆེན་མོ་ལ།། ཤར་ལྷོའི་མཚམས་ཀྱི་གྲུ་འདེགས་མ།། ཤན་ཏིང་དམར་མོ་ཆེན་མོ་ལ།། ལྷོ་ནུབ ་མཚམས་ཀྱི་གྲུ་འདེགས་མ།། གྲུབ་ཏིང་སེར་མོ་ལྗང་སེར་མ།། ནུབ་བྱང་མཚམས་ཀྱི་གྲུ་འདེགས་མ།། མཚམས་ཀྱི་གྲུ་འདེགས་ཆེན་མོ་ལ།། རྒྱལ་ཆེན་གཟུངས་མ་ལས་མཛོད་ཅིག། ཧཱུཾ། དམག་གི་རྒྱལ་མོ་ཆེན་མོ ་སྟེ།། ཤར་གྱི་དཀར་མོ་མཆེ་བ་གཙིགས།། ལྷོ་ཡི་ནག་མོ་ཁ་རླན་ནམ།། ནུབ་གྱི་དམར་མོ་མཆུ་འཇིབ་མ།། བྱང་གི་སེར་མོ་རྐང་ལྡག་མ།། རིག་བཞིའི་དམག་དཔུང་མང་པོས་བསྐོར།། དམག་གི་རྒྱལ་མོ་གཤེགས་སུ ་གསོལ།། ཧཱུཾ། གླིང་བཞིའི་མགྱོགས་མ་ལྷ་ཡི་སྲིང་།། ཤར་གྱི་མགྱོགས་མ་གཤེགས་སུ་གསོལ།། མཁའ་ལ་ཁྱུང་ལྡིང་གཤིན་རྗེའི་སྲིང་།། ལྷོ་ཡི་མགྱོགས་མ་གཤེགས་སུ་གསོལ།། དམར་མོ་གཡག་ཐོད་ཀླུ་ཡི ་སྲིང་།། ནུབ་ཀྱི་མགྱོགས་མ་གཤེགས་སུ་གསོལ།། ནག་མོ་སྡེར་ཆེན་གནོད་སྦྱིན་སྲིང་།། བྱང་གི་མགྱོགས་མ་གཤེགས་སུ་གསོལ།། ཞེས་བྱ་བ་ནི་ལས་ཀྱི་སྲིང་མོ་བཞིའོ།། འདི་མན་ཆད་མ་མོ་རྣམས་ཀྱི ་ལས་བྱང་དང་། བསྐུལ་ཚིག་གི་ལེའུ་སྟེ་བཅུ་དྲུག་པའོ།། །། གཡུང་དྲུང་ལྷ་ཡིས་ཡང་གསོལ་པ།། འཇིག་རྟེན་དབང་ཆེན་ཇི་སྙེད་ཀུན།། སྲིད་པའི་མི་ལ་སྨན་སླད་དུ།། ཚུལ་བཞིན་བསྒྲུབ་ན་ཇི་ལྟར་བགྱི།། རྫས ་དང་མཐུན་རྫས་ཇི་ལྟར་བརྟེན།། རྟགས་དང་དུས་ཚིག་ཇི་ལྟར་འབྱུང་།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། དབེན་ལ་གཉེན ་ཞིང་ཉམས་དགའ་བའི།། པདྨའི་མཚན་དང་ལྡན་པ་ཡི།། རིགས་སུ་གྱུར་པའི་ཡུམ་གསུམ་ཡང་།། སྒྲུབ་པའི་དོན་ཕྱིར་གཞག་པར་བྱ།། རྫས་སུ་གྱུར་པའི་ཡོ་བྱད་ཀྱང་།། ཐིག་ལེ་མེ་མར་ཁ་དགུ་བཏང་།། ཙིཏྟ་བཅུ ་གཅིག་ཡང་དག་ལྡན།། བྷནྡྷ་ལྕང་ལོར་ལྡན་པ་ནི།། པདྨའི་རིགས་སུ་གྱུར་པ་ཡི།། མཚན་དང་ལྡན་པའི་རཀྟས་བཀང་།། གསུར་ཆེན་དུད་པ་རྒྱུན་མི་གཅད།། གསར་རྙིང་ཞིང་གི་མཆོད་པ་དགྲམ།། ཅི་འབྱོར་ཡོ་བྱད ་གསུམ་སོགས་ལ།། བདུན་གསུམ་ཚུལ་བཞིན་བསྒྲལ་བར་བྱ།། རྒྱན་དང་ཆས་གོས་ལ་སོགས་པ།། ཤུན་ཆེན་རལ་ག་གཙོ་བོ་ལ།། སྲིད་པའི་སྤྱི་བླུགས་ཞྭ་བགོས་ཏེ།། རྩེ་གསུམ་འབར་བའི་ཕྱག་རྒྱ་བསྣམས།། ཕྲེང ་བ་ཆེན་པོ་དེ་བཞིན་བགྲང་།། ཡུམ་ཡང་གཡང་གཞིའི་སྐྲག་པ་ལ།། རྩེ་གསུམ་འབར་བའི་གཡབ་མོ་ཐོགས།། ཕྲེང་བ་ཆེན་པོ་གཙོ་དང་མཐུན།། དངོས་གྲུབ་ཞལ་བུ་རིན་ཆེན་རིགས།། དར་དཀར་ཁ་བཅད་དེ་བཞིན ་བཞག། རྡོ་རྗེ་རིགས་ལྡན་རྟགས་སུ་གསོལ།། བདག་ཉིད་མན་ངག་ཧེ་རུ་ཀ། ཡུམ་ཡང་སྲིད་པའི་བདེ་འགྲོ་མ།། གཉིས་སུ་མེད་པར་བསྒོམ་བྱ་སྟེ།། རཀྟ་ལ་ནི་སྲིད་པ་ཡི།། སྙིང་གི་དཀྱིལ་ནས་དྲང་ནས་སུ། མངོན་དུ ་འོང་བར་བསམ་པ་ནི།། མདོག་དཀར་མོ་ལ་ཉི་མ་དང་། ཟླ་བ་འབུམ་གྱི་ཐོད་ཕྲེང་བྱས། དཔྲལ་བའི་དབྱེས་ན་མིག་ཟུར་གསུམ་པ་གཅིག་ཡོད་པ། སྦས་པའི་ཕྱག་གཉིས་ཀྱི་སྲིད་པའི་པདྨ་ཐམས་ཅད་གྱི་གེ་སར ་བཟུང་བ། ལྕགས་དང་ཟངས་ཀྱི་དྲིལ་ཞགས་ལ།། སྙིང་བརྒྱུས་པའི་ཞགས་པ་འཕེན་པ།། མིག་གཉིས་ནས་རིན་པོ་ཆེ་སྣ་ཚོགས་ཀྱི་མཆི་མ་མཐོར་བ། གཡུའི་རལ་པ་ཅན་ལ་མཆོད་པ་གསོལ་ཞིང་བརྟེན་དབྱངས་སྙན ་པོས་བསྐུལ་བ་ནི།། ཧཱུཾ། ཆེ་ཞེ་ཆེན་མོ་གསང་བའི་གཟུངས།། ཐིག་ལེ་སྦྱོར་བའི་ཡུམ་གཅིག་མ།། དཀར་མོ་ཉི་ཟླའི་ཐོད་ཕྲེང་ཅན།། གྲུ་གསུམ་འབར་བའི་མིག་གཅིག་ལ།། གཡུ་ཡི་རལ་པས་སྲིད་པ་སྦྱོར།། སྦས་པའི ་ཕྱག་གཉིས་ཆགས་པའི་པདྨ་འཛིན།། རིན་ཆེན་མཆི་མ་སྐྱེ་འགྲོའི་གསོས།། ཙིཏྟའི་ཞགས་པས་མུ་སྟེགས་སྒྲོལ།། ཐིག་ལེ་གསང་བའི་ཡུམ་གཅིག་མ།། སྔོན་མཆོད་སྦྱོར་མཛད་ཇི་བཞིན་དུ།། བདག་དང་གཉིས་མེད ་སྦྱོར་བྱ་ཞིང་།། གསང་བའི་གཟུངས་སུ་རབ་བྱའོ།། ཞེས་དམ་བཅས་ལ།། གྲངས་ནི་ཞག་བདུན་ཟླ་གཅིག་བསྙུང་ངོ་།། བཅུ་བཞིན་ཉི་མ་གཅིག་བསྟང་ངོ་།། ཉི་ཤུ་རྩ་གཅིག་ན་དངོས་གྲུབ་ཀྱི་བྷནྡྷར ་སྙིང་གཏུབས་པ་དང་། བྷནྡྷ་ར་རཀྟ་བསྲེས་པ་གཅིག་འོང་ངོ་།། དེ་མིན་ན་གཞན་ཡང་རྟག་ཡང་འོང་ངོ་།། ཅི་བྱུང་ཡང་མཚན་མ་སྤང་ངོ་།། ཉི་ཤུ་རྩ་གཉིས་ན་སྐུ་མངོན་དུ་འབྱོན་ནོ།། དེར་ཏིང་འཛིན་གསལ་བར་བྱས ་ལ། གེ་སར་གྱི་རཀྟ་དབང་དུ་བསྡུས་ཏེ།། སྦྱོར་བའི་ཕྱག་རྒྱ་བཅིངས་ལ། ཟླ་གམ་འབུལ་ཞིང་སྦྱོར་བའི་ཚུལ་སྟོན། བདག་ཆགས་པ་མ་སྐྱེས་པ་དང་། མོས་རྐང་དཀྲིས་བོར་ནས། མཛེས་པ་དང་ཆས་ནས་སྦྱོར་བ ་འབུལ་ལོ། དེར་མངོན་དུ་སྦྱར་ཏེ། གསང་བའི་བྱང་ཆུབ་སེམས་དེས་སྣ་ལ་བདག་ཉིད་ལ་མཆོད་པ་བྱ། དེ་ནས་སྒྲུབ་པའི་གྲོགས་མོ་ལ་སྦྱིན། དེ་ནས་ཐ་ཚིག་དང་དམ་བསྲེས་ཏེ། གསང་བའི་གཟུང་མར་དམ་སྩལ ་ལོ།། དེ་ནས་ཕྲ་དོག་སྤང་བའི་ཕྱིར། སྒྲུབ་ཟླ་གསུམ་ཆར་སྦྱར་ནས་སུ།། སྒྲུབ་ཟླ་སོ་སོར་དམ་བསྲེའོ།། དེ་ཡན་ཆད་ཅི་ཡང་བྱ་མི་དགོས་སོ།། བསྒྲུབས་པའི་ཡོན་ཏན་ནི་མ་མོ་གཞན་ལྟ་སྨོས་ཅི་དགོས་ཏེ། ཁྲོས་པའི ་དབང་མོ་ཆེ་བཞི་དང་། ཧེ་རུ་ཀ་སྣི་མན་ཆད་འདར་ལྕུག་ལྕུག་སྐུ་བསྐྱོད་པ་ཙམ་ན་རྒྱུག་ནས་འོང་ངོ་།། འཇིག་རྟེན་འདིར་བསམ་པ་ནི། གཅེས་སྤྲས་མི་འགྲུབ་པ་མེད་དོ།། འདི་བསྒྲུབ་པའི་དུས་སུ་དང་པོ་གཏོར་མ ་རྣམ་པ་གསུམ་བཏང་ངོ་།། བཤགས་པ་བྱ། ཚེ་རབས་ཀྱི་ལན་ཆགས་ཀྱི་གཏོར་མ་གཏང་ངོ་།། དམ་སྐོང་བགྱི། འདི་ཉི་ཟླ་ཐོད་ཕྲེང་ཅན་གྱི་སྒྲུབ་ཐབས་སོ།། སྲིད་པ་བདེ་འགྲོ་མའི་སྒྲུབ་པ་ནི་མྱ་ངན་ལས་འདས་པ་སྟེ། ་འགྲོ་བའི་དོན་ཐུགས་རྗེའི་འོད་ཀྱིས་མཛད་དོ།། བསྒྲུབ་པའི་མ་མོ་མ་ཡིན་ནོ།། དབེན་ལ་གཉན་པའི་གནས་སུ། རིགས་བཞིའི་ཡུམ་དང་ལྡན་པར་བྱ་སྟེ། ཡོ་བྱད་བཞི་ཡང་དེ་བཞིན་གཤམ། གསར་པ་ཞིང་གི་མཆོད ་པ་ཡང་བཤམ། རིགས་བཞི་བྷནྡྷ་ཡང་དག་ལྡན།། ཞིང་གི་དུད་པ་རྒྱུན་མི་གཅད།། མཆོག་གི་ཕུར་པ་བཞི་ཡང་འདྲིལ།། དུང་ཆེན་ཕྲེང་བ་ཡང་དག་བགྲང་།། ཤུན་ཆེན་དབུ་རྒྱན་དེ་བཞིན་གསོལ།། སྟག་ལྤགས་གཡང ་བཞི་གོས་སུ་མནཔས།། རྒྱུ་མ་བསྒྲིལ་བའི་ཞག་བསྡོག་ལ།། ཆུ་དང་མ་བསྲེས་དྲངས་མའི་ཁྲག། དམ་རྫས་རྣམ་པ་སྣ་ཚོགས་པ།། རྩེ་གསུམ་གཡབ་མོ་ཐོགས་ནས་ནི།། བསྒྲུབ་ཅིང་བརྟེན་པའི་ལྷ་མོ་དེ།། རྡོ་རྗེ་ཉི་མ ་ཁྲོས་པའི་དབང་མོ་ཆེ།། རྡོ་རྗེ་རིགས་ཀྱི་མ་མོ་སྟེ།། སྐུ་མདོག་དམར་མོ་གཡུ་ཡི་རལ་པ་ཅན།། སྤྱན་གསུམ་རྡོ་རྗེ་མཆེ་བ་གཙིགས་པ།། གསང་བའི་མཁའ་ཤེལ་གྱི་གའུར་འཁྱིལ་པ། མ་ཆགས་པའི་སྦྱོར་བས་སྲིད་པ ་འཁྱུད་པ། ཕྱག་གཡས་ན་རྡོ་རྗེ་རྩེ་དགུ་བསྣམས་པ། གཡོན་པས་ཞིང་གི་གཡང་གཞིའི་གཡབ་མོ་བསྣམས་ཤིང་། བདུད་དང་མུ་སྟེགས་དབང་དུ་སྡུད་པ། མ་རྒྱན་གྱི་རྒྱལ་མོ་ལ་འཁྲོས་པའི་ཚུལ་སྟོན་པ། སྦྱོར་བའི ་མདངས་ཅན་ནོ།། རྡོ་རྗེ་སྲིད་པ་བདེ་སྦྱོར་ཁྲོས་པའི་དབང་མོ་ཆེ་ནི།། རིན་ཆེན་རིགས་ཀྱི་མ་མོ་སྟེ། སྒྲ་མདོག་སྔོན་མོ་ལ།། སྤྱན་གསུམ་རིན་པོ་ཆེའི་མཆེ་བ་གཙིགས་པ། འོད་ཟེར་སྔོན་པོ་ཕྱོགས་བཅུར ་འཕྲོས་པ། གསང་བའི་མཁའ་རིན་པོ་ཆེའི་གའུར་འཁྱིལ་བ། རྒྱུ་མ་འདྲིལ་པའི་དྲིལ་ཞགས་འཕེན་པས།། བདུད་དང་མུ་སྟེགས་འཆིང་བ། མ་དབྱིངས་ཕྱུག་མ་ལ་ཁྲོས་པའི་ཚུལ་སྟོན་པ། སྦྱོར་བའི་མདངས་ཅན ་ནོ།། རྡོ་རྗེ་པདྨ་ཁྲོས་པའི་དབང་མོ་ཆེ་ནི། པདྨ་རིགས་ཀྱི་བདག་མོ་སྟེ། སྐུ་མདོག་དམར་མོ་ལ།། བསེའི་རལ་པ་ཅན།། སྤྱན་གསུམ་ཞལ་གསུམ་བྱེ་རུའི་མཆེ་བ་གཙིགས་པ། གསང་བའི་མཁའ་ལ་བྱེ་རུའི་གའུར ་འཁྱིལ་བ། འོད་ཟེར་དམར་པོས་ནུབ་ཕྱོགས་དབང་དུ་སྡུད་པའོ།། ཁྲག་གི་དྭངས་མ་འཐོར་ཞིང་བདུད་དང་མུ་སྟེགས་ཀྱི་སྙིང་འབྱིན་པ། གཉིས་མེད་སྦྱོར་བས་སྲིད་པ་འཁྱུད་པ་མ་བདག་ཉིད་མ་ལ་ཁྲོས་པའི་ཚུལ་སྟོན ་པ། སྦྱོར་བའི་མདངས་ཅན་ནོ།། རྡོ་རྗེ་ཁམས་གསུམ་རྫོགས་བྱེད་ཁྲོས་པའི་དབང་མོ་ཆེ་ནི། ལས་ཀྱི་རིགས་ལ་དབང་བྱེད་དེ། སྐུ་མདོག་ལྗང་གུ་ལ། རྡོ་རྗེ་དྲིལ་བུའི་རལ་པ་ཅན། སྤྱན་གསུམ་རྡོ་རྗེ་རྒྱ་གྲམ་གྱི་མཆེ་བ ་གཙིགས་པ། འོད་ཟེར་ལྗང་གུས་བྱང་ཕྱོགས་དབང་དུ་སྡུད་པ། ལག་པ་གཡས་པས་གཡང་གཞི་རྡེབས་ཤིང་བདུད་དང་མུ་སྟེགས་ཀྱི་མགོ་གཅོད་པ། གསང་བའི་མཁའ་གསེར་གྱི་གའུར་འཁྱིལ་བ། གྲུབ་པའི་སྦྱོར ་བས་ཁམས་གསུམ་འཁྱུད་པ། མ་གཅིག་པུ་མ་ལ་ཁྲོས་པའི་ཚུལ་སྟོན་པ་སྦྱོར་བའི་མདངས་ཅན་ནོ།། སྤྱོད་པ་གསལ་ཞིང་སྤྱན་དྲངས། གནས་ནས་འབྱོན་པར་གསོལ་ཞིང་དབྱངས་སྙན་པོས་བསྐུར་བ་ནི། ཧཱུཾ་ཆེ་ཞེ ་ཁྲོས་པའི་དབང་མོ་ཆེ།། སྐུ་མདོག་དཀར་མོ་གཡུ་ཡི་རལ་པ་ཅན།། སྤྱན་གསུམ་རྡོ་རྗེ་མཆེ་བ་གཙིགས།། ཞིང་ཆེན་གཡབ་མོས་མུ་སྟེགས་སྒྲོལ།། ཤེལ་གྱི་གའུར་གནས་རིས་འཆའ།། གཉིས་མེད་སྦྱོར་བས་ཁམས ་གསུམ་འཁྱུད།། སྦྱོར་བའི་མདངས་ཀྱིས་ཀུན་ལ་ཁྱབ།། ཡུམ་ལ་ཁྲོ་ཞིང་སྲིད་པའི་གསོས།། བདག་དང་གཉིས་སུ་མེད་པར་སྦྱོར།། ཧཱུཾ་ཆེ་ཞེ་ཁྲོས་པའི་དབང་མོ་ཆེ།། སྐུ་མདོག་སྔོན་མོ་རིན་ཆེན་རལ་པ་ཅན། སྤྱན ་གསུམ་རིན་ཆེན་མཆེ་བ་གཙིགས།། རྒྱུ་མ་བསྒྲིལ་བའི་དྲིལ་ཞགས་ཀྱིས།། བདུད་དང་མུ་སྟེགས་ཐམས་ཅད་འཆིང་།། རིན་ཆེན་གའུར་གནས་རིས་འཆའ།། མི་ལེན་སྦྱོར་བས་འཇིག་རྟེན་འཁྱུད།། སྦྱོར་བའི་མདངས ་ཀྱིས་ཀུན་ལ་ཁྱབ།། ཡུམ་ལ་ཁྲོ་ཞིང་ཀུན་ལ་བྱམས།། བདག་དང་གཉིས་སུ་མེད་པར་སྦྱོར།། ཧཱུཾ། ཆེ་ཞེས་ཁྲོས་པའི་དབང་མོ་ཆེ།། སྐུ་མདོག་དམར་མོ་སེར་རལ་ཅན།། སྤྱན་གསུམ་བྱེ་རུའི་མཆེ་བ་གཙིགས། ཁྲག་གི ་དངས་མས་བདུད་དཔུང་སྒོལ།། བྱེ་རུའི་གའུར་གནས་རིས་འཆའ།། བདག་མེད་སྦྱོར་བས་སྟོང་གསུམ་འཁྱུད།། སྦྱོར་བའི་མདངས་ཀྱིས་ཀུན་ལ་ཁྱབ།། ཡུམ་ལ་ཁྲོ་ཞིང་རྣལ་འབྱོར་སྐྱོང་།། བདག་དང་གཉིས་སུ་མེད ་པར་སྦྱོར།། ཧཱུཾ། ཆེ་ཞེ་ཁྲོས་པའི་དབང་མོ་ཆེ།། སྐུ་མདོག་ལྗང་གུ་བསྒྱིངས་པ་ལ།། རྡོ་རྗེ་དྲིལ་བུའི་རལ་པ་ཅན།། སྤྱན་གསུམ་མཆེ་བ་རྒྱ་གྲམ་གཏམས། ཁ་ཊྭཱཾ་གཡབ་མོས་མུ་སྟེགས་སྒྲོལ།། རྡོ་རྗེ་གའུར ་གནས་རིས་འཆའ།། གྲུབ་པའི་སྦྱོར་བས་འཇིག་རྟེན་འཁྱུད།། སྦྱོར་བའི་མདངས་ཀྱིས་ཀུན་ལ་ཁྱབ།། ཡུམ་ལ་ཁྲོ་ཞིང་སེམས་ཅན་སྐྱོང་།། བདག་དང་གཉིས་སུ་མེད་པར་སྦྱོར།། ཞེས་པས་བསྐུལ་བ་ནི། ཁྲོས་པའི ་དབང་མོ་ཆེ་བཞི་སྟེ། དྲུག་པ་ལ་ཞུགས་པའི་ནུབ་མོ་རྒྱུ་གཅིག་བསྒྲལ། ཞག་བདུན་ན་གཅིག་བསྒྲལ། ཞག་དགུ་ན་གཅིག་བསྒྲལ། བཅུ་གསུམ་ན་གཅིག་བསྒྲལ། གཅིག་གི་ནུབ་མོ་གསང་བའི་ཡུམ་དུ་དམ་བཅའ།། ་གསུམ་གྱི་ནུབ་མོ་སྒྲ་ཆེན་པོ་འབྱུང་ཞིང་མེ་ཆེན་པོ་འབར་རོ།། བདུན་གྱི་ནུབ་མོ་ནམ་མཁའ་ལ་སྣ་ཚོགས་པའི་རོལ་པས་ཐིབས་སེ་འབྱུང་ངོ་།། དེ་ལྟ་བུ་དག་བྱུང་བ་དང་། བདག་དཔལ་ཆེན་པོ་དབུ་དགུ་ཕྱག་བཅོ ་བརྒྱད་པ། ཞབས་བརྒྱད་མ་ཧཱ་དེ་ཝ་བརྫིས་པ་ཕྱག་ན་མཚོན་ཆ་སྣ་ཚོགས་པ་བསྣམས་པ། ཞིང་གི་ན་བཟའ་རློན་པ་དང་སྦྲུལ་ནག་གི་ཆུན་པོ་དང་། ཐོད་པས་བརྒྱན་པ་གསལ་བའི་དབང་གིས་ངང་ལ་བསྙེན་པ་བྱ། ་གཉིས་སུ་མེད་པའི་སྦྱོར་བ་དབུལ།། དགུ་ལ་མངོན་དུ་འབྱུང་བ་དང་། བདག་ཉིད་དཔའ་བོ་སྒེག་པའི་ཏིང་ངེ་འཛིན་དུ་གསལ་བ་དང་། འཛུམ་པའི་མདངས་ཀྱིས་པདྨ་དབང་དུ་བསྡུས་ལ། དེ་ནས་ལྷ་མོ་ཆགས་སེམས ་ཀྱིས།། གཉིས་སུ་མེད་པའི་སྦྱོར་བ་དབུལ།། གུས་པའི་ཚིག་ཏུ་སྙན་སྒྲོགས་པ།། དཔའ་བོ་ཆེན་པོ་ཡེ་ཤེས་སྐུ།། རྡོ་རྗེ་གསང་བའི་དཀྱིལ་འཁོར་དུ།། པདྨ་གསང་བའི་མཆོད་འབུལ་གྱིས།། དགྱེས་པ་ཆེན་པོའི་ངང་ཉིད ་ཀྱིས།། ཆགས་པ་ཆེན་པོར་བྱིན་གྱིས་སྦྱོ་རློབས།། དེ་སྐད་བསྟོད་དེ་ར་བ་དབུལ།། དེ་ནས་བདག་དང་མངོན་སྦྱོར་ལ།། དྲོད་ཀྱིས་བྱང་ཆུབ་སེམས་ཉིད་དང་།། རཀྟའི་དྲངས་མ་བསྲེས་ནས་སུ།། སྣ་ལ་བདག་ཉིད་གཙོ ་ལ་མཆོད།། དེ་ནས་སྒྲུབ་ཟླ་བཞི་ལ་སྦྱིན།། ཀུན་དང་དམ་ཚིག་བསྲེས་ནས་ཀྱང་།། མནས་བསྒག་གོ། དེ་ནས་བསྒྲུབ་པའི་མ་མོ་ལ་སྦྱིན།། དེ་ནས་དམ་བསྲེས་མནས་བསྒྲགས་ནས། རྟོགས་པའི་ཕྲག་དོག་སྤང་བའི ་ཕྱིར།། སྒྲུབ་ཟླ་བཞི་དང་བདག་སྦྱོར་ཏེ།། ཀུན་དང་དམ་བསྲེས་མནས་བསྒག་གོ། གཏོར་མ་གཞན་ནི་གོང་མ་བཞིན།། འདི་འགྲུབ་ན་འཇིག་རྟེན་གྱི་བསམ་པ་ཐམས་ཅད་ཡིད་བཞིན་དུ་འགྲུབ་ལ། ལྷུར་ཡང་ཚེ་རིང ་བ་དང་། སྲིའུ་ལ་མཁས་སོ།། མ་མོ་འགོ་ནས་འབྱུང་བ་ལྟ་སྨོས་ཀྱང་ཅི་དགོས། མ་བཞི་ཡང་བྲན་མོར་འཁོར་ལོ།། འདི་ནི་ཁྲོས་པའི་དབང་མོ་ཆེ་བཞི་སྒྲུབ་ཐབས་སོ།། འདི་བཞིའི་མ་བཞི་ནི། བསྒྲུབ་ཏུ་སྐྱོན་ཆེ ་སྟེ། སྤྱིར་བུ་མོ་བཞི་བསྒྲུབ་ན། བུ་མོས་མ་འཁོལ་བས། བསྒྲུབས་ལྷག་པར་མི་དགོས་སོ།། ད་ནི་ཐུགས་ཀྱི་དགྱེས་སྡེ་མོ་བཞིའི་སྒྲུབ་པའི་ཐབས་འབྱུང་སྟེ། རྟའི་ལོ་ཚེས་བདུན་ལ་སྒྲུབ་པ་བཤམ་བརྒྱད་ལ་འཇུག་སྟེ། ་ཉའི་བར་དུ་བསྒྲུབས། བསྒྲུབ་པའི་ཡོ་བྱད་དུ་འཚལ་བ། དཀར་མོ་མིག་གཅིག་མའི་བྷནྡ་ནི། ཟླུམ་ལ་པདྨ་ཆགས་པ། འཇམ་པོ་རི་མོ་ཉུང་བ་སྟེ། གཙུག་ཏུ་བུ་གུ་འབྱུང་བ་ནི། དཀར་མོ་ཆེན་མོའི་ཕྱག ་ན་བསྣམས།། ལྗོན་རིང་ལྕང་ལོས་རབ་ཏུ་བརྒྱན།། ལྗོན་ཤིང་ལྟ་བུའི་རྩེ་མོ་ཡོད་པ་ནི།། ནག་མོ་ཆེན་མོའི་ཕྱག་ན་བསྣམས།། པདྨ་འདམ་བརྒྱད་རྩར་བྲིས་ལ།། ཨ་དཀར་གཙུག་ན་ཡོད་པ་ནི།། དམར་མོ་དབང་སྡུད ་ཕྱག་ན་བསྣམས།། ལྗོན་ཤིང་དུམ་བུ་གཉིས་འདུག་པ། རྡོ་རྗེ་རྒྱ་གྲམ་རྩར་འདུག་པ།། སེར་མོ་ལས་མཁན་ཕྱག་ན་བསྣམས།། གཙུག་སྦུབས་ནང་དུ་རུབས་པ་ལས།། རྩ་རྣམས་གཙུག་ཏུ་བཅིང་པ་ལས།། ཧཱུཾ་ཆེན་དགུ ་ནི་འབར་བ་སྟེ།། དཔལ་ཆེན་ཉིད་ཀྱི་ཕྱག་ན་བསྣམས།། ཞེས་འབྱུང་སྟེ། བྷནྡྷ་དེ་ལྔ་ཡང་དག་ལྡན།། ཤེས་རྒྱུ་བཞི་ཡང་ཡང་དག་བསོགས།། སྙན་པོ་ཆས་སུ་སྩལ་བ་དང་།། གཞན་ཡང་དམ་རྫས་སྣ་ཚོགས་པ།། སྐྲག ་པ་ཆེན་པོ་གཙོ་བོ་ལ།། ཞྭ་དཀར་པོ་ཡང་དབུར་བརྒྱན་ནོ།། འཇིག་རྟེན་གཟུངས་བཞིའི་རིགས་བསྟན་པ།། ཤ་མདོག་དཀར་ལ་མདངས་བཟང་བ།། སོ་ཐགས་བཟང་ལ་མིག་དཀྱུས་རིང་།། དཀར་མོ་མིག་གཅིག ་ཚུལ་དུ་སྣང་།། བརྩོན་འགྲུས་ཅན་ལ་དྲག་ཤུལ་ཆེ།། རལ་པ་ཅན་ལ་ཧ་རི་མིག། ནག་མོ་རལ་ཅན་ཚུལ་དུ་སྣང་།། ཤ་མདོག་དཀར་ལ་མདངས་སྡུག་པ།། སྨྲས་ན་སྙན་ལ་འགྲོ་ན་ལྡེམ།། དམར་མོ་དབང་སྡུད་ཚུལ་དུ ་སྣང་།། ཟུར་བཞི་རིང་ལ་མཆེ་བ་རྣོ།། ཤ་མདོག་སྔོ་ལ་བརྟུལ་ཞུགས་ཆེ།། སེར་མོ་ལས་མཁན་ཚུལ་དུ་སྣང་།། ཡུམ་བཞི་གཟུངས་སུ་ལྡན་བྱས་ཏེ།། ཡུམ་བཞི་བསྙེན་པ་སོ་སོར་བགྲང་།། བདག་ཉིད་མན་ངག་སེམས ་ལྡན་པས།། བཞི་ཆར་བསྙེན་པ་གཅིག་ཏུ་བགྲང་།། བསྙེན་དབྱངས་སྙན་པས་བསྐུལ་བ་ནི།། ཧཱུཾ། ཤར་གྱི་དཀར་མོ་མིག་གཅིག་མ།། ན་བཟའ་ཚིལ་ཆེན་གོ་ཟུ་མནཔས།། བྷནྡྷ་རློན་པའི་དྲིལ་བུས་བརྒྱན།། ལན་ཕྲན ་ཞག་གིས་འཁྲིལ་བ་ལ།། དུང་གི་མཆེ་བ་གཙིགས་པ་ཡིས།། ཤར་གྱི་སྲིད་གསུམ་ཕུར་འདེབས་མ།། རིན་ཆེན་ཤེལ་གྱི་ཐོད་གདེངས་ཅན།། ཞག་གི་ལན་ཕྲན་གསིགས་པ་ཡིས།། སྟེང་དུ་ཡ་བདུད་གདུལ་ཞིང ་འཆིང་།། བར་དུ་བརྒྱ་བྱིན་ཕུང་བར་བྱེད།། འོག་ཏུ་དམྱལ་ཁམས་སྟོངས་པར་བྱེད།། མ་གཡེལ་ཐུགས་རྗེ་གསང་བའི་གཟུངས།། ཧཱུཾ། རི་རབ་གླིང་བཞིའི་ལྷོ་ཕྱོགས་ན།། མ་མོ་ཆེན་མོ་མཆེ་བ་ཅན།། ན་བཟའ་ཞི ་ལྤགས་གོ་ཟ་ལ།། བྷརྞ་དཀར་པོའི་དྲིལ་བྲས་བརྒྱན།། རྡོ་རྗེ་ལན་ཕྲན་རིན་ཆེན་འགྲོལ།། ལྕགས་ཀྱི་མཆེ་བ་གཙིགས་པ་ཡིས།། ལྷོ་ཕྱོགས་སྲིད་གསུམ་ཕུར་འདེབས་མ།། གསེར་གསུ་སྤེལ་བའི་ཐོད་གདེངས ་ཅན།། དྲི་ཆེན་ལན་ཕྲན་གསིགས་པ་ཡིས།། སྟེང་དུ་མ་ཧཱ་དེ་ཝ་འཆིང་བར་བྱེད།། བར་ཏུ་གཤིན་རྗེ་ཕུང་བར་བྱེད།། འོག་ཏུ་བྱོལ་སོང་སྟོངས་པར་བྱེད།། མ་གཡེལ་ཐིག་ལེ་གསང་བའི་གཟུངས།། ཧཱུཾ། རི་རབ་གླིང ་བཞིའི་ནུབ་ཕྱོགས་ན།། དམར་མོ་ཆེན་མོ་དབང་བསྐུར་མ།། ན་བཟའ་རཀྟའི་གོ་ཟུ་ལ།། སྦྲུལ་ནག་འཁྲིལ་བའི་ཆུན་འཕྱང་ཅན།། པདྨ་རཀྟའི་ལན་ཕྲན་ལ།། མཆེ་བ་དམར་པོ་གཙིགས་པ་ཡིས།། ནུབ ་ཕྱོགས་སྲིད་གསུམ་ཕུར་འདེབས་མ།། མི་ཁྲག་རློན་པའི་ཐོད་གདེངས་ཅན།། རཀྟའི་ལན་ཕྲན་གསིགས་པ་ཡིས།། སྟེང་དུ་ཚངས་པ་ཆེན་པོ་འཆིང་།། བར་དུ་འཆི་བདག་ཕུང་བར་བྱེད།། འོག་གི་ཡི་དྭགས་སྟོངས་པར ་བྱེད།། མ་གཡེལ་ཐུགས་རྗེ་གསང་བའི་གཟུངས།། ཧཱུཾ། རི་རབ་གླིང་བཞིའི་བྱང་ཕྱོགས་ནས།། སེར་མོ་ཆེན་མོ་ལས་མཁན་མོ།། མཛེས་པའི་ན་བཟའ་ཆེན་པོ་ནི།། མཱཾ་ས་ཆེན་པོའི་ཐུལ་པ་ཅན།། དྲི་ཆུ་ཁོལ་བའི་ཡ ་བས་བསྐོར།། ལན་ཕྲན་དྲི་ཆུ་འབར་བ་འབྱུང་།། གསེར་གྱི་མཆེ་བ་གཙིགས་པ་ཡིས།། བྱང་ཕྱོགས་སྲིད་གསུམ་ཕུར་འདེབས་མ།། མཱཾ་ས་སྤུངས་པའི་ཐོད་གདེངས་ཅན།། དྲི་ཆུའི་ལན་ཕྲན་གཙིགས་པ་ཡིས།། སྟེང་དུ ་ཚོགས་ཀྱི་བདག་པོ་འཆིང་།། བར་དུ་གནོད་སྦྱིན་ཕུང་བར་བྱེད།། འོག་ཏུ་བགེགས་རིགས་སྟོངས་པར་བྱེད།། མ་གཡེལ་ཐུགས་རྗེ་གསང་བའི་གཟུངས།། ཧཱུཾ། གླིང་བཞི་གསང་བའི་གཟུངས་གཅིག་མ།། བདུད་རྩི ་རྣམ་ལྔ་དབུ་ལ་རྫོགས།། གཡས་ན་གཡང་གཞི་རུ་མཚོན་གྱིས།། ཐམས་ཅད་གནས་ཕྱག་ཆེན་པོས་འདེབས།། མུ་སྟེགས་ནག་པོའི་སྙིང་འབྱིན་མ།། གཡོན་ན་བྷནྡྷ་ཁྲག་འཛག་པས།། བུད་མེད་ཐམས་ཅད་དབང་དུ ་སྡུད།། འབུམ་ཕྲག་ཡངས་པའི་འཁོར་མངའ་ཞིང་། སྒྲུབ་པ་པོ་ལ་བརྩེ་དགོངས་མ།། འདིར་སྐྱོན་སྒྲུབ་པའི་ལས་མཛོད་ཅིག། ཅེས་བསྐུལ་བ་ནི། ཞག་བཞིའི་ནུབ་མོ་དངོས་གྲུབ་ཀྱི་རྟགས་དང་པོ་རཀྟ་དང་ཚིལ་ཆེན ་དང་མཆོག་ཏུ་གཏུབས་པའི་བརྟག་པའི་ཡང་བྷནྡྷ་དང་བཞིའོ།། དགུ་ཡི་མཚན་མོ་བྷནྡ་པདྨ་རཀྟ་དང་། སྣང་སྲིད་ཀྱི་སྨན་སྦྱར་བའི་བྱང་ཆུབ་སེམས་ལ་སོགས་པའི་བདུད་རྩི་རྣམ་པ་ལྔ་བསྲེས་པ་གང་བ་འོང་སྟེ། དགའ་བ ་མི་སྐྱེད་པར་མྱུར་དུ་ལོངས་སྤྱོད་དང་། དེའི་ནུབ་མོ་རྒྱུ་བཞི་ཡང་དེར་བསྒྲལ་ལོ།། བདུན་གྱི་ནུབ་མོ་བཞི་ཅར་ཡང་སྐུ་མངོན་དུ་འབྱུང་ངོ་།། རྒྱན་དང་ཆ་ལུགས་ལྡན་པ། ཤིན་ཏུ་ཡིད་དུ་འོང་བའི་ལྷ་མོ་བཞིའོ།། བདག ་མན་ངག་གི་ཏིང་འཛིན་གསལ་བར་བསྒོམས་ལ། ཆགས་པའི་མདངས་ཕྱུང་ལ། གེ་སར་གྱི་རཀྟ་དབང་དུ་བསྡུས་ལ། པདྨའི་ནང་དུ་རྡོ་རྗེ་འཇུག་པའི་ཕྱག་རྒྱ་བཅིངས་ལ། རིམ་པ་བཞིན་དུ་ཟླ་གམ་ཕྱེད་ཅིང་སྦྱོར་བ ་དབུལ་ལོ།། གོང་མའི་བསྒྲུབ་པའི་ལྷ་མོ་བཞིན་དུ་ཚུལ་དེ་བཞིན་དུ་བགྱི། དེ་ནས་དེའི་ཕྱི་དེ་ནུབ་མོ་མཆོག་ཕྲན་ཆས་སུ་སྩལ་བ་བསྒྲལ་བ་དང་། ཁམས་གསུམ་བསྒྲལ་བའི་དངོས་གྲུབ་ཀྱང་སྟེར་རོ།། འདི་བཞི་འགོ་ལ ་ཕྲག་དོག་ཆུང་ལ། དབང་ཆེ་ལ་གསང་བའི་དམ་དུ་རུབ་སྟེ། བསམ་དགུ་ཡིད་བཞིན་དུ་འགྲུབ་སྟེ། གསང་བའི་དགྱེས་སྡེ་མོར་ལུང་བསྩལ་ཏེ་བཞག་གོ། དེ་ཕན་ཆད་ཅི་ཡང་བྱ་མི་དགོས་ཏེ། སྦྱོར་བ་ཡང་དུས་སུ ་དབུལ་ཏེ། ལས་ཀྱང་ཚུལ་བཞིན་དུ་བྱེད་དོ།། བསྒྲུབ་པ་ལ་འཇུག་པའི་ཚུལ་ནི་གོང་མ་དང་འདྲའོ།། འདི་ནི་ཐུགས་ཀྱི་དགྱེས་སྡེ་མོ་གསང་བའི་ཡང་བྱི་མོ་བཞིའི་སྒྲུབ་ཐབས་སོ།། འདི་ཡན་ཆད་ཀྱི་མ་མོ ་སྒྲུབ་ན། ཚེ་འདིའི་ཡོན་ཏན་ལྟ་ཅི་སྨོས། ཕུང་པོ་འཇིག་པའི་དུས་སུ་ཡང་གླུ་དབྱངས་དང་རོལ་མོ་ལ་སོགས་པ་འོད་དང་རྟགས་བཟང་པོ་དང་། ནམ་མཁའ་ལ་སྒྲ་འོང་བ་དང་། རོལ་མོ་དང་། སིལ་སྙན་ལ་སོགས་པས ་བསུས་ནས། བདེ་བ་ཅན་གྱི་ཞིང་ཁམས་སུ་སྒྲུབ་མི་དགོས་པར་དཀྱིལ་འཁོར་དང་འོག་མིན་དུ་སྐྱེ་བའོ།། འདི་ཡན་ཆད་ཀྱིས་མ་མོ་གྲུབ་ན། མ་མོ་འོག་མ་ཐམས་ཅད་རང་བཞིན་གྱིས་འདུ་བ་དང་། ལྷག་པར་ཡང ་སྒྲུབ་མི་དགོས་སོ།། འདི་ནི་མ་མོའི་གཙོ་མོ་རྣམས་ཀྱི་སྒྲུབ་ཐབས་ཀྱི་ལེའུ་སྟེ་བཅུ་བདུན་པའོ།། །། དེ་ནས་མ་མོ་བདུན་བསྒྲུབ་པར་འདོད་ན། གནས་དུར་ཁྲོད་དུ་སོང་ལ། ཡུམ་རྡོ་རྗེ་རིགས་ཀྱི་མཚན་དང་ལྡན་པ ་གསུམ། དབང་གི་སློབ་དཔོན་གཉིས་ཀྱིས་བསྒྲུབ་སྟེ། བྷནྡ་མཚན་དང་ལྡན་པ་བདུན་ནམ་གསུམ་དུ་བདུད་རྩི་རྣམ་པ་ལྔ་མ་བསྒྲུབས་པའི་རློན་པ་བསྩལ། གསུམ་དུ་འཇིག་རྟེན་པའི་སྨན་སྣ་ཚོགས་སྩལ། གཅིག་ཏུ ་བྱང་ཆུབ་སེམས་དང་རཀྟའི་ཉི་ཚེ་སྩལ། བྷནྡྷ་རིན་པོ་ཆེ་མཚན་ལྡན་གྱི་ནང་དུ་བདུད་རྩི་ཨ་མྲྀ་ཏ་བསྩལ། ཤེལ་ལྡིང་ནག་གསུམ། ཤེལ་དཀར་པོ་གཅིག་ཙ་ར་ནག་པོ་གཅིག་ཀུ་ཀུ་ར་ཙ་དཀར་པོ་གཅིག་ནམ་མཁའ ་ལྡིང་གཅིག་མཆོག་གི་སྟོད་དམ་སྨད་སྒོམ་པ་གཅིག་བཅས་ཆས་གོས་ཐམས་ཅད་ནག་པོར་བསྒྱུར་ཏེ། གསུར་ཆེན་གྱི་དུད་པ་རྒྱུན་མི་གཅད་པར་གཏང་ངོ་།། འཛབ་དྲངས་པ་དང་། ཞག་བདུན་སྒྲ་ཆེན་པོ་ཞིག་འབྱུང ་སྟེ། དེར་ཟུང་གཅིག་བསྒྲལ་ཏེ། མཆོད་པ་བྱ། མའི་ཚུལ་དུ་བསྟེན། ཞག་དགུ་ན་མི་སྡུག་པའི་ཆོ་འཕྲུལ་སྣ་ཚོགས་འབྱུང་ངོ་།། དེར་ཟུང་གཅིག་བསྒྲལ་ལ། ཞག་བཅུ་གཅིག་ན་ཉིན་མཚན་འགྱུར། དེར་ཟུང་གཅིག ་བསྒྲལ་ཏེ། སྲིང་མོའི་ཚུལ་དུ་བསྟེན། ཞག་བཅོ་ལྡན་བདུན་ཅར་སྐུ་མངོན་དུ་འབྱུང་ངོ་།། བདག་ཅག་དམ་ཚིག་མ་ཉམས་ན་མཛེས་པ་དང་ལྡན་པར་འོང་ངོ་།། ཉམས་ན་ནག་མོ་རལ་པ་ཅན་བདུན་མི་སྡུག་པ་གཅིག ་བྱེད་པ་ལ། མཆེ་བ་དམར་ཙ་རེ་བ་འདུག་པར་འོང་ངོ་།། མན་ངག་གསལ་ན། བདག་ཉིད་ཀྱི་དབང་དུ་བསྡུ། མི་གསལ་ན་བཟོད་པར་གསོལ་ཏེ། བསྐང་བར་བྱའོ།། བདག་མན་ངག་དང་ལྡན་ན། དང་པོར་མི་སྡུག་པ ་ལས་ཀྱང་སྡུག་པར་སྟོན་ནོ།། དང་པོ་ནས་སྡུག་ན་པདྨ་དབང་དུ་བསྡུས་ལ་ང་རྒྱལ་བསྐྱེད་ལ་སྲུ་མོའི་ཚུལ་དུ་བསྟེན་ནོ།། དེ་ལྟར་ཕྱག་འཚལ་ཞིང་དཔོན་ཟེར་ནས་མི་སྡུག་མི་བྱེད་དོ།། དེ་ནས་པདྨ་རཀྟ་ཧཱུཾ་གིས་བསྡུས ་ནས། རྒྱན་བོར་ནས་གསུམ་གསུམ་དང་བཅུར་བྱས་ནས། མེལ་ཚེ་ཐུན་རེ་ལ་ལན་གཉིས་གཉིས་དབུལ་ལོ།། སྣ་ལ་གཙོ་མོ་དང་སྦྱོར་རོ།། དེ་ནས་ཡོ་དང་སྦྱོར་བའི་བྱང་ཆུབ་ཀྱི་སེམས་ཉི་ཚེ་འདོད་པ་བཞིན་དུ་དམ ་བསྲེ་སྟེ། ང་ཡི་བརྣག་པའི་ལས་ཀུན་ཡང་སྒྲུབས་ཤིག་པར་ལུང་སྩལ་ལོ།། བྲན་དང་བྲན་མོ་དང་སླས་དང་བྱི་མོ་ཡིན་པས་མནའ་མ་ཟ་ཞེས་ལུང་སྩལ་ལོ།། དེ་ཕྱིན་ཆད་བྲན་བཞིན་དུ་ལས་བྱེད་དོ།། ད ་ནི་སྦས་པའི་མ་མོ་བསྒྲུབ་པར་བྱའོ།། ཡོ་བྱད་གོང་མ་ཀུན་གྱི་སྟེང་དུ་ཞིང་གི་རྒྱུ་ཞགས་གཅིག་སྲིད་པ་སྤྱི་བླུགས་ཀྱི་ཞྭ་རལ་པ་ཅན། དུང་ཆེ་ཆུང་དང་། བྱེ་རུ་དང་། གསེར་གཡུས་བརྒྱན་པ་གཅིག་ཞིང་ཆེན་གྱི་རྫས ་ལྔ་ཐོགས་ནས་བསྒྲུབས་ན། རྟགས་འོང་བ་གོང་དང་མཐུན། སྒྲུབ་ཐབས་གོང་དང་མཐུན། ཡོན་ཏན་མ་བདུན་མན་ཆད་འཁོར་ལོ། བསམ་པ་ཐམས་ཅད་འགྲུབ། ལྷར་ཡང་དགྲ་ལ་རྦད་ལ་བཟང་ངོ་།། འདི་ནི་ཨེ་ཀ ་ཙ་ཏིའི་སྒྲུབ་ཐབས་སོ།། སྟེགས་བུ་འདོམ་གང་གྲུ་བཞི་གཅིག་གི་སྟེང་དུ་གྲ་ཕྱིང་གཙང་མ་གཅིག་བཏིང་ལ། དམ་རྫས་སྣ་ཚོགས་པའི་གཏོར་མ་གཅིག་གི་ནང་དུ་སྨན་གི་ཝང་སྩལ་ཏེ། དར་དམར་པོ་ཁ་ཚོན་གང་གིས ་ཁ་བཅད་དེ། ཁ་ནུབ་ཕྱོགས་སུ་བལྟས་ལ། ཞབ་བདུན་དུ་བསྙེན་པ་བགྱི། ཡུམ་མ་ཆེན་དང་ལྡན་པ་ལ་དབབ་བོ།། དང་པོ་བསྐུལ་བ་ནི། ཧཱུཾ། སྲིད་པའི་མ་མོ་མ་གཡེལ་ཐུགས་དམ་ཅན།། སྐྱེ་འགྲོ་རལ་གཅིག་འཇིག ་རྟེན་སྒྲོལ།། མིག་ནས་ཁྲག་འབབ་སྟོངས་ཁམས་བསྲེག་ཁ་ནས་མེ་འབར་རྒྱ་མཚོ་གཏིང་ནས་སྐེམས།། མ་གཅིག་བྱུང་བའི་དུས་མཐའ་ནས།། འཇིག་རྟེན་ལས་ཀྱིས་དབང་བསྒྱུར་ཏེ།། སེམས་ཅན་དོན་ལ་རབ་ཏུ ་བརྩམ།། སྙིང་རྗེ་བྱམས་པའི་དཀྱིལ་འཁོར་དུ།། བརྩེ་བའི་ཐུགས་ཀྱིས་གཤེགས་སུ་གསོལ།། ཞེས་བསྐུལ་ལོ།། ཡུམ་ལ་ཕབ་སྟེ་དྲི་ན་སྣང་སྲིད་ཀྱི་གཏམ་སྨྲའོ།། ད་ནི་བུ་མོ་སྤུན་གཉིས་བསྒྲུབ་པར་བྱ་སྟེ། བསྐུལ་བ ་ནི།། ཧཱུཾ། མ་མོ་ཆེན་མོ་གཡར་དམ་ཅན།། ནམ་མཁའ་དབྱིངས་ཀྱི་དཔལ་མོ་བཙན།། གནམ་ཕྱེད་གོས་སུ་གྱོན་པ་མོ།། ས་ཕྱེད་གདན་དུ་གདིང་བའི་བདག། འཁོར་ནི་གནམ་སྨན་འབུམ་གྱིས་བསྐོར།། ཆིབས་སུ ་གསེར་གྱི་ཤ་ཕོ་བཅིབས།། མགོ་ལ་གཡུ་ཡི་རྭ་བཅུ་འབར།། ཕྱག་ན་གསེར་གྱི་དྲིལ་བུ་བསྣམས།། བདུད་དང་མུ་སྟེགས་དབང་དུ་སྡུད།། ཆེ་ཞེ་སྲིང་གཅིག་མ་གཡེལ་ཅིག། ད་ནི་བུ་མོ་ཆུང་ངུ་བསྒྲུབ་པར་བྱ་སྟེ། ཧཱུཾ། མ ་མོ་མ་གཡེལ་གཡར་དམ་ཅན།། དན་ཏིང་གསེར་གཡུའི་གོ་ཅོག་ཅན།། གཡུ་ཡི་དྲིལ་སྙན་འབུམ་གྱིས་བརྒྱན།། ཆིབས་སུ་དུང་ཤ་དཀར་པོ་བཅིབས། ཁས་བླངས་དམ་བཅས་བསྙེལ་ལམ་ཅི།། བསྐུལ་ལོ་བཞེངས ་སམ་ད་ཚུར་སྤྱོན།། གསེར་ཅན་ལྟ་བུ་དེ་ལ་བརྟེན།། ཞེས་བསྐུལ་ལོ།། འདི་ནི་མ་མོ་གསེར་གྱི་བསྒྲུབ་པའོ།། གསེར་རམ་གཡུ་བརྡར་བའི་ཕུད་ཀྱི་བོས་ནས་བརྟེན་ན་བྱེས་ཡུལ་མདོ་གཙང་གར་འགྲོ་ཡང་བསམ་པ ་ཡིད་བཞིན་དུ་འགྲུབ་བོ།། རུང་ཏེ་རུང་ཏེ་ཧཱུཾ། འདི་ནང་དུ་བརྟེན་པ་ན་བཅོས་དཀའ། མ་མོ་ཕྱི་མ་རྣམས་ཀྱང་ཞལ་ནས་གསུངས་པའི་སྒྲུབ་ཐབས་ནི་ཡོད་ན། ཕྲག་དོག་ཆེ་ལ་བཅོས་དཀའ་སྟེ། བློ་ཆུང་བ་རྣམས་ཀྱི་དོན ་དུ་མི་རུང་བས། འདིར་མ་གསུངས་སོ།། སྒྲུབ་ཐབས་ཀྱི་ལེའུ་སྟེ་བཅོ་བརྒྱད་པའོ།། །། དེ་ནས་མ་མོ་དབང་དུ་བསྡུ་བའི་ཐབས་བཤད་དེ། གནོད་འདུལ་ལྷ་ཡིས་ཡང་གསོལ་པ།། འཇིག་རྟེན་མ་མོ ་དབང་ཆེན་རྣམས།། དབང་དུ་བསྡུ་ན་ཇི་ལྟར་བསྡུ།། མངོན་རྫོགས་དཔལ་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། ཡང་དག་གཟིགས་ཀྱིས་བཀའ་སྩལ་པ།། ཉོན་ཅིག་གནོད་འདུལ་ལྷ་ཡི ་གཙོ།། ངས་གསུངས་པ་ལ་གདོན་མི་ཟ།། ང་ཡིས་བཤད་པ་གང་ཞེ་ན།། ཡུམ་དང་དྭངས་མ་རྩ་རྣམས་ལ།། རིགས་ཀྱི་མ་མོ་ལ་སོགས་ཏེ།། གྷཱ་ཡ་གསང་བའི་ཡུམ་བཞི་ཡང་། རྐྱེན་གྱིས་མ་སྲིད་བཤད་པར་བྱ།། དེས ་ནི་མ་མོ་དབང་དུ་བསྡུ།། དབང་དུ་བསྡུ་བའི་ལེའུ་སྟེ་བཅུ་དགུ་པའོ།། །། གནོད་འདུལ་ལྷ་ཡིས་ཡང་གསོལ་པ།། སྲིད་པའི་དབང་ཅན་འདི་རྣམས་ཀུན།། སྲོག་ཆགས་ཀུན་ལ་གནོད་བགྱིད་པ།། བསྐང་བའི་ཆོ་ག ་ཇི་ལྟར་བགྱི།། འཇིག་རྟེན་མགོན་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། འཇིག་རྟེན་མགོན་གྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། སརྦ་རཱུ་པས་ཐམས་ཅད་སྐོངས།། སྐོང ་ཟློག་པ་ཡི་ལས་ཞེས་བྱའོ།། མ་ཧཱ་ཤཱནྟི་ཆོ་ག་རྫོགས།། ཞི་རྒྱས་ཆེན་པོའི་ལས་ཞེས་བྱ།། ངས་གསུངས་པ་ལ་ཐེ་ཚོམ་མེད།། ངས་གསུངས་པ་ལ་གདོན་མི་ཟ།། དེ་ལས་སརྦ་རཱུ་པ་གཉིས་ཏེ། སྣ་ཚོགས་པ་ཡི་འབྲུ་སྣ ་ལ།། ངར་ཕྱེ་བྲེ་གང་བསགས་ནས་སུ།། སྣང་སྲིད་གཟུགས་སུ་བྱས་ནས་སུ།། དཔའ་བོ་འབྲུ་ལྔས་བྱིན་གྱིས་བརླབས།། རྣམ་ཤེས་ཚང་བར་བསྒོམས་བྱས་ཏེ།། སྣ་ཚོགས་སྤྱན་གཟིགས་དཀོར་ཆས་བརྒྱན། ཁམས ་གསུམ་སེམས་ཅན་ཐམས་ཅད་ལ།། ལུས་ངག་གླུད་དུ་བསྔོས་བྱིན་ཏེ།། རི་རབ་བང་རིམ་གླིང་བཅུ་གཉིས།། ཚེ་དཔལ་ཕོ་ཉས་འགུགས་བྱེད་པ།། འདི་ནི་ཕྱི་རྒྱུད་ཡོ་ག་ཡིན།། གྷུ་ཧྱ་སརྦ་རཱུ་པས་ནི།། ཉི་ཤུ་རྩ་གཅིག ་འབྲུ་སྣ་ལ།། ངར་ཕྱེ་བྲེ་གསུམ་བཅལ་ནས་ནི།། རིན་ཆེན་སྣ་ཚོགས་ཕྱེར་བཏགས་ནས།། སུམ་ཆ་གཅིག་ལ་རི་རབ་གཟུགས།། རིགས་སུ་མཐུན་པའི་ཁ་དོག་བྱ།། ངར་ཕྱེ་སུམ་ཆ་གཅིག་ལ་ནི།། གཅན་གཟན་རྒྱལ་པོ ་དྲུག་གི་གཟུགས།། དཀར་ལ་མཛེས་དང་ལྡན་པར་བྱ།། སྟོབས་ཀྱི་རྒྱལ་པོ་དྲུག་པོ་ལ།། མཛེས་ལྡན་སེར་པོའི་རྒྱན་གྱི་བརྒྱན།། སྲོག་ཆགས་གཙོ་བོ་དྲུག་པོ་ཞོན།། ཤུགས་ཀྱི་རྒྱལ་པོ་དྲུག་པོ་ལ།། མཛེས་དང་ལྡན ་པའི་ཞིང་རྒྱན་ཅན།། འདབ་ཆགས་གཙོ་བོ་དྲུག་པོ་ཞོན།། འདབ་ཆགས་གཙོ་བོ་དྲུག་པོ་ལ།། སྣ་ཚོགས་དར་གྱིས་བརྒྱན་པའོ།། སེམས་ཅན་རྒྱལ་པོ་དེ་རྣམས་ཀུན།། སྤྱན་གཟིགས་དཀོར་ཆ་ཡང་དག་ལྡན།། རི་ར ་བང་རིམ་དང་པོ་ལ།། གཞག་ནས་གཙོ་མོ་དྲུག་ལ་འབུལ།། དེ་ནས་ངར་ཕྱེ་དྲུག་ཆ་ལ།། གླང་ཆེན་གཟུགས་ནི་བཅུ་བཞི་དང་།། སྟག་གཟིགས་ལ་སོགས་བཅུ་བཞི་དང་།། གདོང་ཅན་བྱ་ཡི་གཟུགས་ཅན་དང་།། སྲོག ་ཆགས་རྒྱལ་པོ་བཅུ་བཞི་དང་།། དཀར་པོ་ཀུ་ཀུ་རཱ་ཛའི་གཟུགས།། སྲོག་ཆགས་གཟུགས་ནི་དེ་དག་ཀུན།། རི་རབ་རིམ་པ་བར་མ་ལ།། མ་མོ་བཅུ་བཞིའི་རྫས་ཡིན་ནོ།། དེ་ནས་ངར་ཕྱེ་དྲུག་ཆ ་ལ།། སྣང་སྲིད་ཐམས་ཅད་གཟུགས་སུ་སྣང་།། སྣ་ཚོགས་ཁ་དོག་ཡང་དག་ལྡན།། རི་རབ་ཐ་མར་འཁོར་བར་བཞག། སྣ་ཚོགས་ཟས་དང་ནོར་བུ་ལྡན།། སྲིད་པའི་ཆགས་བྱེད་ལ་སོགས་ཏེ།། མ་མོར་གྲགས་པ་ཀུན ་གྱི་རྫས།། རི་རབ་བུམ་པའི་རྩེ་མོ་ལ།། སྣ་ཚོགས་དར་གྱི་རྒྱལ་མཚན་ལྔ།། གྲཝ་བཞི་དབུས་དང་ལྔ་ལའོ།། དཀྱིལ་འཁོར་དབུས་དང་ལྔ་ལའོ།། དཀྱིལ་འཁོར་དམར་པོ་དར་གྱིས་གདུགས།། གསེར་སྐྱེམས་ཕྲ་མེན ་སྒྱོསྐྱོགས་ལྔ་ལ།། དབུས་སུ་བསེ་ཡི་བྱའོ་གང་།། སྟེགས་བུ་གྲུ་བཞི་ཡང་དག་ལྡན།། སྟེགས་བུ་དྲི་ནི་ཞིམ་པོས་བརྒྱན།། རཀྟའི་གདན་ལ་མཎྜལ་ལ།། སྣ་ཚོགས་མེ་ཏོག་ཡང་དག་ལྡན།། དགྲམ་པའི་བཅལ་དུ་བཀྲམ ་ཡང་རུང་།། དེ་ཡི་སྟེང་དུ་གཏོར་མ་གཞག། དེ་ལས་དཔག་པའི་མཎྜལ་ལ།། རྫས་དང་ལྡན་པའི་དམར་གཏོར་གཞག། དབུས་སུ་དཔལ་གྱི་མཆོད་པ་ལ།། མདའ་དང་དར་སྣ་རྒྱུ་ཞགས་ལྡན་པར་བྱའོ།། ཕུད་དང་རཀྟ ་སྨན་སྦྱར་བའོ།། སྔགས་མཁན་གོས་སུ་བྱ་བ་ནི།། དམར་པོ་སྔོན་པོ་ནག་པོ་གཟུང་།། ཞག་གསུམ་བསྙེན་པ་སྒོམ་པ་ནི།། བླ་ན་མེད་པའི་ཏིང་འཛིན་གསལ།། དེ་ནས་ཆེ་མཆོག་ཧེ་རུ་ཀ། སྐུ་མདོག་ནག་པོ་རལ་པ ་ཅན།། དབུ་གསུམ་པོ་ལ་ཕྱག་ཀྱང་དྲུག། དབུས་མཐིང་གཡས་དཀར་གཡོན་དམར་ཏེ།། གཡས་ཀྱི་དང་པོ་རྡོ་རྗེ་ལ།། གཡོན་གྱི་དང་པོ་བྷནྣ་ལ།། བར་མ་ཞིང་གི་གཡང་གཞི་ཡིས།། མ་མོ་ཐམས་ཅད་འགུགས་འདྲེན ་པའོ།། ཐ་མ་དུང་ཆེན་གའུ་ལ།། གནམ་ལྕགས་ཐོག་གཟེར་གཏམས་པ་རུ།། མི་ཕྱུགས་གཉིས་ཀྱི་ཚེ་དང་གཡང་།། ཡི་གེ་ཧཱུཾ་དུ་བསྡུས་པའོ།། ཡུམ་ཡང་དབང་སྡུད་རྒྱ་མཚོ་སྟེ།། རྒྱན་དང་ཆ་ལུགས་གཙོ་དང ་མཐུན།། གཉིས་སུ་མེད་པའི་མཆོད་འབུལ་བ།། དཔལ་མཆོག་ཧེ་རུ་ཀ་དང་དབང་མཆོག་ཧེ་རུ་ཀ་ཡབ་ཡུམ་སྡུད་པའི་མཆོད་པ་འབུལ་བར་བསམས་ལ།། ཕྲ་མེན་མན་ཆད་དགོད་པའི་སྙིང་པོ་ནི།། ཧཱུཾ་ཧེ་རུ་ཀ་ཀྲོ་ཏཱི་ཤྭ ་རཱི་སྟྭཾ་ཧཱུཾ་ཧ་ཧེ་ཕཊ། ཨོཾ་མ་མ་ཡོ་གི་ནཱི། རུ་ལུ་རུ་ལུ་བྷྱོ། མ་མ་ཡོ་གི་ནཱི། རུ་ལུ་རུ་ལུ་བྷྱོ། མ་མ་ཡོ་གཱི་རུ་ལུ་རུ་ལུ་བྷྱོ། ཞག་བདུན་གྱི་བར་དུ་བཟླས་ལ། དེ་ནས་བསྐང་བཟློག་གཏོར་མ་ཡང་བཏང་།། གོང་དུ་དཔགས ་པའི་དམར་གཏོར་ལ།། ཆེ་མཆོག་ཧེ་རུ་ཀ་དང་། དབང་ཆེན་ཧེ་རུ་ཀ་ལ་སོགས་པ།། དཔལ་གྱི་འཁོར་མཆོག་ཏུ་མཆོད་དོ།། ཧཱུཾ། བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ། མཐིང་ནག་འཇིགས་པའི་ཆ་ལུགས ་ཅན།། དཀར་དང་དམར་བའི་ཞལ་མངའ་ཞིང་།། ཕྱག་དྲུག་ཆོས་ཏེ་སྐྱེ་ཤི་སྒྲོལ།། སྦྲུལ་ནག་པགས་པས་མ་ཚོགས་འདུལ།། གཡང་གཞིའི་གཡབ་མོས་ཐམས་ཅད་འདུལ།། ཡུམ་དང་གཉིས་སུ་མེད་པ་སྟེ།། མ་མོའི ་ཚོགས་ཀྱིས་མཆོད་པ་ཡིས།། ཐུགས་རྗེའི་དབྱིངས་ལ་རོལ་པར་མཛོད།། ཅེས་བསྟོད་པ་ལ་སོགས་པ། དཔལ་གྱི་འཁོར་ཚོགས་རྒྱུད་བཤམས་ཀྱི་ལུགས་བཞིན་དུ་བཤམས་པར་བགྱི།། ཕྲིན་ལས ་བཅོལ། དེ་ནས་མ་མོ་སྲོག་གི་སྙིང་པོ་ནས་ཀུན་བསྡུ་སྟེ། ཨ་མྲྀ་ཏས་བདེན་པ་བདར། བདག་ཉིད་ཆེ་བའི་ང་རྒྱལ་འདི་སྐད་བསྐྱེད་དོ།། ང་ནི་ཁྲག་འཐུང་ཀུན་གྱི་རྗེ། ཁམས་གསུམ་སྙིང་ཁྲག་དྲངས་མའི་བདག། ང་ནི ་སྐྱེ་འགྲོ་དབུགས་ཀྱི་བདག། ང་ནི་རུས་འཆའ་ཆེན་པོ་སྟེ། ཁམས་གསུམ་ཀེང་རུས་དུར་ཁྲོད་བདག། ང་ནི་ཤ་ཟ་ཆེན་པོ་སྟེ། ཁམས་གསུམ་དྭངས་མ་ཀུན་གྱི་བདག། ང་ནི་སྐྱེ་འགྲོ་དབུགས་ཀྱི་བདག། མ་མོ་ཀུན་གྱི་རེ། ་གནས་ཡིན།། མ་ཚོགས་སྐོང་བཟློག་གཏོར་མ་ལོང་།། ཚེ་དང་བསོད་ནམས་དར་བར་འཚལ།། ཕོག་རྒོད་དུད་པ་བཏང་ནས་ཀྱང་།། གཏོར་མ་བསྔོ་བ་འདི་སྐད་དོ།། ཧཱུཾ། མ་ཚོགས་ནི་གཉེན་མཆོད་ཕྱིར།། འབྲུ་སྣ་ནི ་མང་པོ་དང་།། རིན་ཆེན་ནི་སྣ་ཚོགས་པས།། གླིང་བཞི་ནི་གཏོར་མ་ལ།། སྲོག་ཆགས་ནི་མང་པོས་བསྐོར།། ཀུན་ཀྱང་ནི་རིན་པོ་ཆེ།། རྒྱན་དང་ནི་ཆ་ལུགས་ཏེ།། འཇིག་རྟེན་ནི་ཟས་ཀྱིས་བསྐོར།། དཀོན་པ་ནི་རྫས ་ཀྱིས་བསྐོར།། མུ་མེན་ནི་སྟེགས་བུ་ལ།། རིན་ཆེན་ནི་བཅལ་བཀྲམ་སྟེ།། བྱེ་རུ་ཡིས་སྐས་བཙུགས་ཏེ།། སྤོས་ཀྱི་ནི་ས་བཞི་ལ།། དབང་གི་ནི་དཀྱིལ་འཁོར་བཀོད།། དར་དཀར་ནི་ཡོལ་བྲིས་ཏེ། གསལ་བའི་ནི་མེ ་བུས་ཤིང་།། རྒྱལ་མཚན་ནི་སྣ་ཚོགས་བཙུགས།། མ་ཚོགས་ཀྱི་རྒྱལ་མོ་སྟེ།། ལེ་བརྒན་ནི་གདུགས་ཀྱིས་བཀབ།། དུད་པ་ནི་ནག་ཕྱུང་ཞིང་།། གསེར་གྱི་ནི་སྐྱེམས་བདར་ཏེ།། ཚེ་སྲོག་ནི་གླུད་དུ་འབུལ།། ཆུང་སྲི་ནི ་གླུད་དུ་འབུལ།། ལོངས་སྤྱོད་ནི་གླུད་བཞེས་ཤིག། ཧཱུཾ། རི་རབ་གླིང་བཞིའི་དཀྱིལ་འཁོར་ནས།། འཇིག་རྟེན་ཡོངས་ཀྱི་མངའ་བདག་མོ།། མ་མོ་ཚོགས་ཀྱི་རྒྱལ་མོ་སྟེ།། སྲིད་པ་ཡོངས་ལ་མངའ་མཛད་མ།། སྐྱེ་འགྲོ ་ཡོངས་ཀྱི་ཟ་བྱེད་མོ།། ན་བཟའ་སྟོང་གསུམ་ས་བཞི་ལ།། ཐོད་རློན་མང་པོའི་ཕྲེང་བ་ཅན།། ལག་ན་སྙིང་གི་ལོངས་སྤྱོད་མ།། འདིར་སྒྲོན་ཚེ་སྲོག་གླུ་བཞེས་ཤིག། མདོས་བདག་ཆེན་མོ་མདོས་ལ་གཤེགས།། ཧཱུཾ། རྡོ། ་རྗེ་རིགས་ཀྱི་རྒྱལ་མོ་སྟེ།། ཤར་ཕྱོགས་ཁམས་ཀྱི་མངའ་བདག་མོ།། དར་དཀར་སྤྲིན་དཀར་གོ་ཟུ་ལ།། ལག་ན་སེར་གྱི་སྤུ་གྲི་ཐོགས།། སྲིད་པ་ཀུན་གྱི་རུས་འཆའ་མ།། འདིར་སྤྱོན་ཚེ་སྲོག་གླུད་བཞེས་ཤིག། མདོས ་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། རིན་ཆེན་རིགས་ཀྱི་རྒྱལ་མོ་སྟེ།། ལྷོ་ཕྱོགས་ཁམས་ཀྱི་མངའ་བདག་མོ།། ནག་མོ་གཡུ་ཡི་གོ་ཟུ་ཅན།། བསྐལ་པ་མོ་ཡི་འོད་འབར ་ཞིང་།། སྲིད་པ་གསུམ་གྱི་དྲོད་འབེབས་མ།། སྐྱེ་འགྲོ་ཀུན་གྱི་ཚེ་འཕྲོག་མ།། འདིར་སྒྲོན་ཚེ་སྲོག་གླུད་བཞེས་ཤིག། མདོས་བདག་ཆེན་མོ་མདོས་ལོངས་ཤིག། ཧཱུཾ། པདྨ་རིགས་ཀྱི་རྒྱལ་མོ་སྟེ།། ནུབ་ཕྱོགས་ཁམས་ཀྱི ་མངའ་བདག་མོ།། དམར་མོ་ཁྲག་གི་གོ་ཟུ་ཅན།། ལག་ན་ཐོད་པ་ཁྲག་གིས་བཀང་།། སྐྱེ་འགྲོ་ཀུན་གྱི་ཁྲག་འཐུང་མ།། འདིར་སྒྲོན་ཚེ་སྲོག་གླུད་བཞེས་ཤིག། མདོས་བདག་ཆེན་མོ་མདོས་ལོངས ་ཤིག། ཧཱུཾ། ལས་ཀྱི་རིགས་ཀྱི་རྒྱལ་མོ་སྟེ།། བྱང་ཕྱོགས་ཁམས་ཀྱི་མངའ་བདག་མོ།། ཕྱག་ན་ནེའུ་ལེའི་རྐྱལ་པ་ཐོགས།། སེར་མོ་རླུང་གི་གོ་ཟུ་ཅན།། སྐྱེ་འགྲོ་དབུགས་ཀྱི་མངའ་བདག་མོ།། འདིར་སྤྱོན་ཚེ་སྲོག་གླུད ་བཞེས་ཤིག། མདོས་བདག་ཆེན་མོ་མདོས་ལོངས་ཤིག། ཧཱུཾ། ནམ་མཁའ་རིགས་ཀྱི་རྒྱལ་མོ་སྟེ།། འཇིག་རྟེན་ཀུན་གྱི་དྭངས་མའི་བདག། མཐིང་ནག་ནམ་མཁའི་གོ་ཟུ་ཅན།། གསེར་གྱི་དྲི་ཞགས་རྡེག་ཅིང་འཕེན།། སྐྱེ ་འགྲོ་ཡོངས་ཀྱི་དྭངས་མའི་བདག། འདིར་སྐྱོན་ཚེ་སྲོག་གླུད་བཞེས་ཤིག། མདོས་བདག་ཆེན་མོ་མདོས་ལོངས་ཤིག། ཧཱུཾ། རི་རབ་གླིང་བཞིའི་ཟོམ་རྩེ་ལ།། སྣང་སྲིད་ཀུན་གྱི་ཕུད་ཚོགས་མ།། སྐུ་མདོག་ནག་མོ་ཆེན་མོ ་ལ།། དབུ་དང་སྤྱན་ནི་ཅིར་ཡང་སྟོན།། རིན་ཆེན་རལ་པ་སྣ་ཚོགས་ཀྱིས།། སྣང་སྲིད་ཁོག་པ་གསལ་མཛད་མ།། སྤྱན་གཉིས་མཛེས་པའི་མཆི་མ་ཡིས།། གཡས་པ་སྣང་སྲིང་དབང་དུ་སྡུད།། གཡོན་པས་སྐྱེ་འགྲོ་གསོ ་མཛད་མ།། ལྔ་བཅུ་རྩ་བདུན་ཇོ་མོ་སྟེ།། སྐྱེ་འགྲོ་ཀུན་གྱི་མངའ་མཛད་མ།། མ་མོ་ཆེན་མོ་གཤེགས་ནས་ཀྱང་།། མདོས་བདག་ཆེན་མོ་མདོས་ལ་གཤེགས།། གླུ་བདག་ཆེན་མོ་གླུད་ལ་གཤེགས།། ཞེས་ཀུན་ལ ་འགྲེའོ།། ཧཱུཾ། ཆེ་ཞེ་ཆེན་མོ་དཀར་མོ་སྟེ།། ཉི་ཟླ་སྟོང་གི་ཐོད་གདེངས་ཅན།། ཟངས་དང་ལྕགས་ཀྱི་མཁར་ནག་ལ།། སྙིང་གི་ཞགས་པ་བསྡོག་ཅིང་འཕེན།། དཀར་མོ་ཆེན་མོའི་མིང་ནས་ཕྱུང་།། མདོས་བདག་ཆེན་མོ ་མདོས་ལ་གཤེགས།། གླུ་བདག་ཆེན་མོ་གླུ་ལ་གཤེགས།། ཧཱུཾ། ཆེ་ཞེ་ཆེན་མོ་ཉི་མའི་མདངས།། སྲིན་པ་གསུམ་ཆར་སྒྲོལ་མཛད་མ།། ལག་ན་ཤེལ་གྱི་སྤུ་གྲི་བསྣམས། ཁྲོས་པའི་རྒྱལ་མོའི་མིང་ནས་ཕྱུང་།། མདོས ་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། ཆེ་ཞེ་ཆེན་མོ་ཁྲག་འཐུང་མདངས།། སྲིད་པ་གསུམ་ཆར་དབང་དུ་སྡུད།། ལག་ན་ཐོད་པ་ཁྲག་གི་བཀང་། ཁྲོས་པའི་རྒྱལ་མོའི་མིང ་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུ་བདག་ཆེན་མོ་གླུད་ལ་གཤེགས།། ཧཱུཾ། ཆེ་ཞེ་ཆེན་མོ་བདུད་རྩིའི་བདག། སྲིད་པ་གསུམ་ཆར་གསོ་མཛད་མ།། ལག་ན་བདུད་རྩིའི་བུམ་པ་ཐོགས།། ཁྲོས ་པའི་རྒྱལ་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། ཆེ་ཞེ་ལྗང་ནག་གནས་འབུམ་མ།། སྲིད་པ་གསུམ་ཆར་གསང་བར་སྦྱོར།། ལག་ན་ཞིག་ལྤགས ་རྒྱལ་མཚན་ཐོགས། ཁྲོས་པའི་རྒྱལ་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླད་བདག་ཆེན་མོ་གླུད་ལ་གཤེགས།། ཧཱུཾ། དཀར་མོ་སྲིད་པའི་རྒྱལ་བྱེད་མ།། ལག་ན་སྐྲ་ཡི་ཞགས ་པ་ཐོགས།། ཕུང་བྱེད་ཆེན་མོ་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། མཚན་ནི་དབྱིངས་ཕྱུག་ཆེན་མོ་སྟེ།། ལག་ན་མི་ཡི་ཐོད ་པ་ཐོགས།། ཕུང་བྱེད་ཆེན་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། མཚན་ནི་བདག་ཉིད་ཆེན་མོ་ལ།། ལག་ན་ཞིང་གི་རྒྱུ་ཞགས་ཐོགས།། ཕུང ་བྱེད་ཆེན་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། མཚན་ནི་གཅིག་པུ་ཆེན་མོ་ལ།། ལག་ན་མི་ཡི་གཡང་གཞི་རྡེབས།། ཕུང་བྱེད་ཆེན་མོའི་མིང ་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། གླིང་བཞི་ཕྱོགས་ཀྱི་དཀྱིལ་འཁོར་ནས།། སྲིད་པ་ཤར་གྱི་བདག་མོ་སྟེ།། ཤར་གྱི་དཀར་མོ་མིག་གཅིག་མ།། ལག ་ན་བྷནྡ་ཟླུམ་པོ་ཐོགས།། སྐྱེ་བ་མེད་པའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། སྲིད་པ་ལྷོ་ཡི་མངའ་བདག་མོ།། ནག་མོ་ཆེན་མོ་མཆེ་བ་ཅན།། ལག ་ན་བྷནྡྷ་སུལ་མངས་ཐོགས།། སྲིད་པར་བྱེད་པའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། སྲིད་པ་ནུབ་གྱི་མངའ་བདག་མོ།། དམར་མོ་དབང་གི་རྒྱལ ་མོ་ལ།། ལག་ལ་བྷནྡྷ་ལྕང་ལོ་ཐོགས།། འཆི་བར་བྱེད་པའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། སྲིད་པ་བྱང་གི་ཕྱོགས་ནས་མངའ་བདག ་མོ།། སེར་མོ་ཆེན་མོ་ལས་ཀྱི་གཙོ།། ལག་ན་ཐོད་པའི་རྒྱ་གྲམ་བསྣམས།། ལེན་པར་བྱེད་པའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། དེ་རྣམས་ཀྱི་ཁོལ ་མོ་བསྐུལ་བར་བྱ་སྟེ།། ཧཱུཾ། སྲིད་པ་ཡོངས་ཀྱི་ཤ་ཟ་མོ།། ཤན་ཤན་ནེའུའི་ཚོགས་ཀྱི་རྗེ།། གོས་སུ་མི་ལྤགས་རློན་པ་ལ།། ཐ་མ་མི་མགོ་སྟོང་གིས་བསྐོར།། སྲིད་པ་ཀུན་གྱི་བདག་ཉིད་མ།། ས་སྲིན་ཆེན་མོའི་མིང་ནས ་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། ཧ་ལ་ཧ་ལའི་གདོང་བརྒྱ་མོ།། སྲིད་པ་གསུམ་གྱི་ཁྱིམ་བདག་མོ།། སྟག་ལྤགས་གཡང་གཞིའི་གོ་ཟུ་གྱོན།། ལག་ན་ཞིང ་ལྤགས་རློན་པ་ཐོགས།། ཧེ་རུ་ཀས་ནི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། འཇིག་རྟེན་ཀུན་གྱི་བྱན་མཁན་ཏེ།། སྦྱིན་དཀར་མཛེས་པའི་གོ་ཟུ ་ན། ལག་ན་ཞིང་ལྤགས་རློན་པ་ཐོགས།། ཨེ་ཀ་ཙི་ཏིའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླད་བདག་ཆེན་མོ་གླད་ལ་གཤེགས།། ཧཱུཾ། ཆ་བྱད་སྔོན་མོ་ཆེན་མོ་ལ།། མུ་ཏིག་ཁུ་འཕང་གོ ་ཟུ་ལ།། ཚེ་དང་གཡང་རྐུ་འཕྲོག་བྱེད་མ།། ནམ་མཁའི་རྒྱལ་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། ཆ་བྱད་དཀར་མོ་ཆེན་མོ ་ལ།། ལག་ན་ལྕགས་ཀྱུ་འབར་བ་ཐོགས།། གླིང་བཞི་ཉུལ་བྱེད་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། རི་རབ་གླིང་བཞིའི་གྲུ་འདེགས་མ།། ཆ་བྱད ་དཀར་མོ་སྒེག་པ་ལ།། ལག་ན་ས་ཡི་དཀྱིལ་འཁོར་ཐོགས།། ཧ་ར་ཏིང་དཀར་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཆ་བྱད་ནག་མོ་ཆེན་མོ ་ལ།། ལག་ན་མེ་ཡི་དཀྱིལ་འཁོར་ཐོགས།། དུ་རྙིང་ནག་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཆ་བྱད་དམར་མོ་སྒེག་པ་ལ།། ལག་ན་ཆུ་ཡི་དཀྱིལ ་འཁོར་ཐོགས།། ཤཱནྟི་དམར་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླད་བདག་ཆེན་མོ་གླུད་ལ་གཤེགས།། ཧཱུཾ། ཆ་བྱད་སེར་མོ་སྒེག་པ་ལ།། ལག་ན་རླུང་གི་དཀྱིལ་འཁོར་ཐོགས།། གྲུབ ་ཏིང་སེར་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། དམག་གི་རྒྱལ་མོ་ཆེན་པོ་བཞི།། ཤར་གྱི་དཀར་མོ་མཆེ་གཙིགས་མ།། ལྷོ་ཡི་ནག་མོ་ཁ་རླན ་མ།། ནུབ་ཀྱི་དམར་མོ་མཆུ་འཇིབ་མ།། བྱང་གི་སེར་མོ་ལས་མཁན་མ།། དམག་གི་རྒྱལ་མོ་ཆེན་མོ་བཞི།། རིགས་བཞི་དམག་དཔུང་བཞི་ཡི་བསྐོར། ཁ་རྗེ་ཟ་བའི་བདག་མོ་སྟེ།། མདོས་བདག་ཆེན་མོ་མདོས་ལ ་གཤེགས།། གླུད་བདག་ཆེན་མོ་གླུད་ལ་གཤེགས།། ཆ་བྱད་ནག་མོ་ཆེན་མོ་ལ།། འཇིགས་སུ་རུང་བའི་རལ་པ་ཅན།། སྐུ་སྟོད་སྟག་ལྤགས་གཡང་གཞི་ལ།། སྐུ་སྨད་ཟངས་ཀྱི་འདབ་མ་ཅན།། མི་ཕྱུགས་གསོད་པའི ་ཁྲམ་བམ་ཐོགས།། འདོད་པ་ཁམས་ཀྱི་གཙོ་མོ་སྟེ།། གཤིན་རྗེ་མ་ཆེན་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཧཱུཾ། ལྷ་ཆེན་བརྒྱད་ཀྱི་མ་ཆེན་མོ།། སྲིན་མོ ་ཆེན་མོ་ཤམ་ཤམ་མོ།། སྲིན་མོ་རབ་ཏུ་སྐམ་པ་དང་།། སྲིན་མོ་ཆེན་མོ་ཕོར་ཐོགས་མ།། སྲིན་མོ་ཆེན་མོ་དྲི་སྣོམ་མ།། སྲིན་མོ་ཆེན་མོ་གཡང་གཞི་མ།། སྲིན་མོ་ཆེན་མོ་རབ་ཏུ་གསོད་བྱེད་མ།། སྲིན་མོ་ཆེན་མོ་རབ་ཏུ་ཟ ་པ་།། སྲོག་ཆགས་ཀུན་གྱི་ཁྲག་འཐུང་མ།། སྲོག་ཆགས་ཀུན་ལ་གནོད་བྱེད་མ།། མཁལ་མ་དང་ནི་ནང་ཁྲོལ་གྱིས།། སྙིམ་པ་ཤིན་ཏུ་བཀང་ནས་སུ།། རང་གིས་རང་ལ་ཐིམ་པར་སྟོབ།། མ་མོ་ཆེན་མོའི་མིང་ནས ་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ཤར་ཕྱོགས་ཁམས་ནས་ཤིན་ཏུ་རྒྱུག། མི་མགོའི་ཕོར་པ་ཁྲག་གིས་བཀང་།། གྲོང་སྐོར་འཐོར་ཞིང་ནད་འཕེན་མ།། མ ་བདུད་ཆེན་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། གླིང་བཞི་ཀུན་གྱི་རྒྱུག་འགྲོ་མ།། ཕྱོགས་བཞི་དག་ནས་སྲིང་མོར་གྲགས།། སྲིང ་མོ་ཆེན་མོ་ཕོ་ཉའི་ཚུལ།། ཕོ་ཉ་ཆེན་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ས་འོག་ནས་ནི་གཡོ་བྱེད་ཅིང་།། འཇིག་རྟེན་མྱོས་བྱེད་ཟ་བ་མོ།། ས ་བདག་ཆེན་མོའི་མིང་ནས་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། ནག་མོ་ཧ་ལ་ཧ་ལ་མོ།། ཟབ་དང་འབྲོག་སྲིན་སྡོང་ཟླ་སྟེ། མ་ཡམས་ཆེན་མོའི་མིང་ནས ་ཕྱུང་།། མདོས་བདག་ཆེན་མོ་མདོས་ལ་གཤེགས།། གླུད་བདག་ཆེན་མོ་གླུད་ལ་གཤེགས།། གཞན་ཡང་བོད་ཡུལ་དུ་ཀུན་ཏུ་ཡང་གྲགས་དབང་ཕྱུག་མ་དང་བརྟན་མའི་མིང་བརྗོད་དོ།། གཏོར་མ་བཏང་། ཀུན་ཏུ ་མཁར་རྔ་དང་རྫ་རྔ་ཡང་རྡུང་སྟེ། གླ་དབྱངས་སྙན་པར་བླངས་ནས་སུ།། ཁྲོམ་ལམ་དང་ནི་རི་རྩེར་བསྐུལ།། མན་ངག་ལྡན་པས་ཚེ་དཔལ་དྲངས།། དེས་ནི་བསམ་པ་ཡིད་བཞིན་འགྲུབ།། དེ་སྐད་ཅེས་ནི་བཀའ་སྩལ ་ནས།། ལྷ་རྣམས་འཆི་བས་འཇིག་འགྱུར་ཏེ།། སྲོག་ཆགས་གཞན་ལྟ་སྨོས་ཅི་དགོས།། གནོད་འདུལ་ལྷ་ཡིས་ཡང་གསོལ་པ།། ལྷ་ཡི་སྲོག་ཀྱང་འཆི་འགྱུར་ན།། འཇིག་རྟེན་ཕན་ཡོན་ཆོ་ག་གང་།། འཇིག་རྟེན་མི་ལ་ཇི ་ལྟར་ལགས།། ཡང་དག་སྲོག། རྫོགས། ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩལ་པ།། འཇིག་རྟེན་ཕན་ཡོན་བསམ་མི་ཁྱབ།། འཇིག་རྟེན་མི་ལ་གྲགས་པ་ནི།། ལྷ་མོ་ཡོངས་འཁྱུད་བདེ་བའི ་སྲས།། ངས་བསྟན་ཁྱེད་ཀྱིས་སྒྲོགས་མི་དགོས།། གླིང་བཞིའི་སྤྱི་འདུས་ཆེན་པོའི་ལེའུ་སྟེ་ཉི་ཤུ་པའོ།། །། གནོད་འདུལ་ལྷ་ཡིས་ཡང་གསོལ་པ།། སྲིད་པའི་དབང་ཆེན་འདི་རྣམས་ཀུན།། སྲོག་གིས་བསྐང་བ་ཇི ་ལྟར་ལགས།། ཉག་གཅིག་ཡབ་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། ཉག་ཅིག་ཡབ་ཀྱིས་བཀའ་སྩལ་པ།། ངས་བསྟན་པ་ལ་ཐེ་ཚོམ་མེད།། ཉོན་ཅིག་གཡུང་དྲུང་ཡང་དག་པ།། སྲིད་པའི ་དབང་ཅན་འདི་རྣམས་ཀུན།། སྲོག་གིས་བསྐང་བ་འདི་རྣམས་སོ།། ཧཱུཾ། གཙོ་མོ་ཡུམ་གྱི་མངོན་སྤྱོད་མ།། སྤྱི་གཙུག་གཡུ་ཡི་རྡོ་རྗེ་རྩེ་དགུ་འབར།། གཡུ་ཡི་རལ་པས་སྟོང་གསུམ་ཁྱབ།། གཡས་ཀྱི་ཕྱག་ན་རིགས་ལྔའི ་སངས་རྒྱས་བསྣམས།། གཡོན་གྱི་ཕྱག་ན་བདུད་རྩིའི་ལོངས་སྤྱོད་འགྱེད།། ཡེ་ཤེས་སྤྲུལ་པའི་སྤྱན་གྱིས་ཀུན་ཏུ་གཟིགས། ཁམས་གསུམ་སྲིད་པ་གསུམ་ལ་དབང་བསྒྱུར་མ།། རྟག་ཏུ་དབང་ཕྱུག་ཆེན་པོའི་གྲོགས ་མཛད་མ།། བལྟས་པས་མི་མཐོང་གཅིག་ཀྱང་མེད།། བསྐང་ངོ་བསྐལ་པའི་ཐུགས་དམ་བསྐང་།། ཧཱཾ། ཤར་གྱི་ཕྱོགས་ཀྱི་མངའ་བདག་མོ།། འབྱུང་བ་ས་ལ་དབང་བསྒྱུར་ཞིང་།། འགྲོ་བའི་རུས་ལ་མངའ ་མཛད་མ།། འདི་ཡི་རུས་པས་བསྐང་བྱས་ནས།། མཐུན་པའི་རྫས་ཆེན་ངས་འབུལ་གྱི།། བཅོལ་བའི་ལས་རྣམས་གྲུབ་པར་མཛོད།། ཧཱུཾ། ལྷོ་ཡི་ཕྱོགས་ཀྱི་མངའ་བདག་མོ།། འབྱུང་བ་ཆུ་ལ་དབང་བསྒྱུར ་ཞིང་།། འགྲོ་བའི་ཁྲག་ལ་མངའ་མཛད་མ།། འདི་ཡི་ཁྲག་གིས་བསྐང་བྱས་པས།། མཐུན་པའི་རྫས་ཆེན་ངས་འབུལ་གྱི།། བཅོལ་པའི་ལས་རྣམས་གྲུབ་པར་མཛོད།། ཧཱུཾ། ནུབ་ཕྱོགས་ཁམས་ཀྱི་མངའ་བདག ་མོ།། འབྱུང་བ་མེ་ལ་དབང་བསྒྱུར་ཞིང་།། འགྲོ་བའི་དྲོད་ལ་མངའ་མཛད་མ།། འདི་ཡི་དྲོད་ཀྱིས་བསྐང་བྱས་པས།། མཐུན་པའི་རྫས་ཆེན་ངས་འབུལ་གྱི།། བཅོལ་བའི་ལས་རྣམས་གྲུབ་པར་མཛོད།། ཧཱུཾ། བྱང་ཕྱོགས ་ཁམས་ཀྱིས་མངའ་བདག་མོ།། འབྱུང་བ་རླུང་ལ་དབང་བསྒྱུར་ཞིང་།། འགྲོ་བའི་དབུགས་ལ་མངའ་མཛད་མ།། འདི་ཡི་དབུགས་ཀྱིས་བསྐང་བྱས་པས།། མཐུན་པའི་རྫས་ཆེན་ངས་འབུལ་གྱི།། བཅོལ་པའི་ལས ་རྣམས་གྲུབ་པར་མཛོད།། ཧཱུཾ། ནམ་མཁའ་རིགས་ཀྱི་རྒྱལ་མོ་སྟེ།། ནམ་མཁའ་སྟོང་ལ་དབང་བསྒྱུར་ཞིང་།། འགྲོ་བའི་བཀྲག་ལ་མངའ་མཛད་མ།། འདི་ཡི་བཀྲག་གིས་བསྐང་བྱས་པས།། མཐུན་པའི་རྫས་ཆེན་ངས ་འབུལ་གྱི།། བཅོལ་བའི་ལས་རྣམས་གྲུབ་པར་མཛོད།། རྒྱུ་བསྒྲལ་བའི་འབྱུང་བ་ཆེན་པོ་ལྔས་ཡེ་ཤེས་ལྔའི་མཁའ་འགྲོ་མ་དང་། གཙོ་བོ་ཡབ་ཡུམ་ཡང་བསྐང་ངོ་།། ད་ནི་འདོད་ཁམས་ཀྱི་ལྷ་མོ་རྣམས་བསྐང་བ་ནི། ་ཧཱུཾ། སྲིད་པ་བདེ་འགྲོ་ཁམས་གསུམ་ཀུན་གྱི་ཡུམ་མཆོག་སྟེ།། སྐུ་མདོག་མཐིང་ནག་ཆེན་མོ་ལ།། དབུ་དང་ཞབས་ཀྱི་སྟོང་ཁམས་ཁེངས།། རིན་ཆེན་རལ་པས་སྣང་སྲིད་གསལ། ཁྱེད་ནི་འདོད་ཁམས་གཙོ་མོ ་སྟེ།། ཕུད་ཀྱི་བདག་མོའི་ཐུགས་དམ་བསྐང་།། བཅོལ་པའི་ལས་རྣམས་གྲུབ་པར་མཛོད།། དཔག་བསམ་ཤིང་གི་ཡལ་ག་ལ།། དཀར་མོ་གཡག་ཐོད་རལ་པ་ཅན།། ཉི་ཟླ་སྟོང་གི་ཐོད་གདེངས་ཅན།། དཔག་ཚད ་བརྒྱད་ཁྲི་བཞི་སྟོང་འོག་ནས་ཁག་གི་དྲི་སྣོམ་མ།། རལ་པའི་ཟར་བུ་གཡོན་ནས་གཅིག་ཏུ་འཁྱིལ།། སྲིད་པའི་ས་གཞི་གཡོགས་ཤིང་ཁེབས་མཛད་མ།། ལག་པ་གཡས་ན་ལྕགས་དང་ཟངས་ཀྱི་དྲིལ་ཞགས ་བསྣམས།། སྙིང་གི་ཞགས་པ་བསྡོག་ཅིང་འཕེན།། ལག་པ་གཡོན་ན་བྷནྡ་མགོ་གཅད་བཅུ་བར་མཛད།། ཚངས་པ་ལ་སོགས་ལྷ་ཆེན་བརྒྱད་ཀྱི་མགོ་བཅད་ནས།། ཉི་ཟླ་སྟོང་གིས་སྐུ་ལ་བརྒྱན་ཅིང་བཀླུབས།། སྣང ་སྲིད་སྙིང་གི་བདག་མོ་ཏེ།། འདི་ཡི་སྙིང་གིས་བསྐང་བྱས་པས།། མཐུན་པའི་རྫས་ཆེན་ངས་འབུལ་གྱི།། ང་ཡིས་བཅོལ་བ་གྲུབ་པར་མཛོད།། ཆེ་ཞེ་ཆེན་མོ་དཀར་མོ་ཉི་མའི་མདངས།། དཀར་མོ་རལ་གཅིག་ཐུགས ་དམ་བསྐང་།། ཆེ་ཞེ་རྡོ་རྗེ་ཉི་མ་ཁྲོས་པའི་དབང་མོ་ཆེ། ཁམས་གསུམ་ཐམས་ཅད་གསལ་མཛད་མ།། བསྐང་ངོ་བསྐལ་པའི་ཐུགས་དམ་སྐོངས།། ཆེ་ཞེ་ཁམས་གསུམ་འཚོ་བྱེད་ཁྲོས་པའི་དབང་མོ་ཆེ། ཁམས ་གསུམ་ཐམས་ཅད་གསང་བར་སྦྱོར།། མཐུན་པའི་རྫས་ཆེན་ངས་འབུལ་གྱི།། བསྐང་ངོ་བསྐལ་པའི་ཐུགས་དམ་སྐོང་།། ཆེ་ཞེ་ཆེན་མོ་དམར་མོ་རལ་གཅིག་མ།། སྲིད་པ་བདེ་སྦྱོར་ཁྲོས་པའི་དབང་མོ་ཆེ།། ་ཁམས་གསུམ་ཐམས་ཅད་དབང་དུ་སྡུད།། མཐུན་པའི་རྫས་ཆེན་ངས་འབུལ་གྱི།། ང་ཡིས་བཅོལ་བའི་ལས་རྣམས་མཛོད།། བསྐང་ངོ་བསྐལ་པའི་ཐུགས་དམ་སྐོངས།། ཆེ་ཞེ་པདྨ་ཁྲག་འཐུང་ཁྲོས་པའི་དབང་མོ ་ཆེ།། སྲིད་པ་ཐམས་ཅད་བདེ་ལ་འགོད།། མཐུན་པའི་རྫས་ཆེན་ངས་འབུལ་གྱི།། ང་ཡིས་བཅོལ་བའི་ལས་རྣམས་མཛོད།། བསྐང་ངོ་བསྐལ་པའི་ཐུགས་དམ་སྐོང་།། སྣང་སྲིད་ཀུན་གྱི་རྒྱན་མཛད་མ།། རྒྱན་གྱི་རྒྱལ ་མོའི་ཐུགས་དམ་བསྐང་།། བདག་ཉིད་ལྷ་ལྷག་བཞད་མཛད་མ།། བདག་ཉིད་ཆེན་མོའི་ཐུགས་དམ་བསྐང་།། མཚན་ནི་དབྱིངས་ཕྱུག་ཆེན་མོ་སྟེ།། ལག་ན་མི་མགོའི་ཕོར་པ་ཐོགས།། བསྐང་ངོ་བསྐལ་པའི་ཐུགས་དམ ་སྐོསློང་།། མཚན་ནི་གཅིག་པུ་ཆེན་མོ་ལ།། ལག་ན་མི་ཡི་གཡང་གཞི་ཐོགས།། བསྐང་ངོ་བསྐལ་པའི་ཐུགས་དམ་སྐོང་།། ཐུགས་ཀྱི་དགྱེས་སྡེ་ཆེན་མོ་སྟེ།། གསང་བའི་མན་ངག་ཡང་བྱི་མོ།། སྒྲུབ་པ་པོ་ལ་རྟགས་ཕྱུང ་ཞིག། རྟག་ཏུ་དབང་ཕྱུག་ཆེན་མོས་གྲོགས་མཛོད་ཅིག། སྲིད་པ་ཤར་གྱི་བདག་མོ་སྟེ།། དཀར་མོ་མིག་གཅིག་རལ་པ་ཅན།། ཤར་གྱི་དཀར་མོ་འབུམ་སྡེར་བཅས།། བསྐང་ངོ་བསྐལ་པའི་ཐུགས་དམ་སྐོངས།། སྲིད་པ ་ལྷོ་ཡི་བདག་མོ་སྟེ།། ནག་མོ་ཆེན་མོ་མཆེ་བ་ཅན།། འཁོར་ནི་ནག་མོ་འབུམ་སྡེར་བཅས།། བསྐང་ངོ་བསྐལ་པའི་ཐུགས་དམ་སྐོང་།། སྲིད་པ་ནུབ་གྱི་བདག་མོ་སྟེ།། དམར་མོ་ཆེན་མོ་དབང་བསྒྱུར་མ།། ནུབ་གྱི་དམར ་མོ་འབུམ་སྡེར་བཅས།། ཐུགས་དམ་གཉེན་པོ་བདག་བསྐོང་གིས།། བཅོལ་པའི་ལས་རྣམས་གྲུབ་པར་མཛོད།། སྲིད་པ་བྱང་གི་བདག་མོ་སྟེ།། སེར་མོ་ཆེན་མོ་ལས་ཀྱི་གཙོ།། བྱང་ཕྱོགས་སེར་མོ་འབུམ་སྡེར ་བཅས།། ཐུགས་དམ་གཉེན་པོ་བདག་སྐོང་གིས།། བཅོལ་པའི་ལས་རྣམས་གྲུབ་པར་མཛོད།། དེ་ཡན་ཆད་ནི་མ་མོ་བཅུ་བཞིའི་སྐོང་ཐབས་སོ།། ད་ནི་ཁོལ་མོ་རྣམས་ཤ་ཁྲག་དམར་དང་བསྲེས་པ་ཨ་མྲྀ་ཏས་བསྐང་སྟེ།། ་སྲིད་པ་ཀུན་གྱི་ཁྱིམ་བདག་མོ།། ཧེ་རུ་ཀས་ནི་ཐུགས་དམ་བསྐང་།། ཧར་ཏིང་དཀར་མོའི་ཐུགས་དམ་བསྐང་།། དུན་ཏིང་ནག་མོའི་ཐུགས་དམ་བསྐང་།། ཤཱནྟི་དམར་མོའི་ཐུགས་དམ་བསྐང་།། གྲུབ་ཏིང་སེར ་མོའི་ཐུགས་དམ་བསྐང་།། སྲིད་པའི་གྲུ་འདེགས་ཆེན་མོ་ཡིས།། བཅོལ་པའི་ལས་རྣམས་གྲུབ་པར་མཛོད།། དམག་གི་རྒྱལ་མོ་ཆེན་མོ་བཞི།། དཀར་མོ་ཆེན་མོ་མིག་གཅིག་མ།། ནག་མོ་ཆེན་མོ་ཁ་རླན་མ།། དམར་མོ ་ཆེན་མོ་མཆུ་འཇིབ་མ།། སེར་མོ་ཆེན་མོ་རྐང་ལྡག་མ།། རིགས་བཞི་དམག་དཔུང་འཁོར་གྱིས་བསྐོར།། ཐུགས་དམ་གཉེན་པོ་བདག་གིས་བསྐང་།། བཅོལ་པའི་ལས་རྣམས་གྲུབ་པར་མཛོད།། ཨེ་ཀ་ཙ་ཏི་དཔལ་གྱི ་ཡུམ།། ལྕགས་ཀྱི་སོ་ལ་ཟངས་ཀྱི་སྒྲ།། སྣ་ཚོགས་ཞལ་ལ་ཞིང་སྒྲོལ་མ།། ཐུགས་དམ་གཉེན་པོ་བདག་སྐོང་གིས།། བཅོལ་བའི་ལས་རྣམས་གྲུབ་པར་མཛོད།། ཨེ་ཀ་ཙ་ཏིའི་ཐུགས་དམ་བསྐང་།། སྲིད་པའི ་མ་བདུན་ཐུགས་དམ་བསྐང་།། མ་མོར་གྲགས་པ་ཀུན་གྱི་ཐུགས་དམ་གཉེན་པོ་བསྐང་།། དེ་ལྟར་ནང་གི་དམ་རྫས་དང་ལྡན་པར་བྱས་ལ། ཤེལ་སྨུག་པོའམ། ནམ་མཁའ་ལྡིང་ལ་སོགས་པ་རྒྱུ་གང་བསྒྲལ་ཡང་རུང་།། ་འབྱུང་བ་ཆེན་པོ་ལྔ་ཡིས་ཡེ་ཤེས་ཀྱི་མཁའ་འགྲོ་མ་ལྔ་དང་གཙོ་མོ་བསྐང་། ཤ་ཁྲག་དམར་དང་ཨ་མྲྀ་ཏས་འཁོར་གྱི་མ་མོའི་ཐུགས་དམ་བསྐང་ན། སྒྲུབ་པ་པོ་བསམ་པ་ཡིད་བཞིན་དུ་གྲུབ་ཅེས་དཔལ་ཆེན་པོའི་ཧེ་རུ ་ཀས་བཤད་དོ།། མ་མོའི་ཐུགས་དམ་བསྐང་བའི་ལེའུ་སྟེ་ཉི་ཤུ་རྩ་གཅིག་པའོ།། །། གནོད་འདུལ་ལྷ་ཡིས་ཡང་གསོལ་པ།། ཆོ་ག་འདི་བསྟན་ཕན་ཡོན་གང་།། ཡང་དག་རྫོགས་ཀྱིས་བཤད་དུ་གསོལ།། ཡང ་དག་རྫོགས་ཀྱི་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། ལྷ་རྣམས་སྲོག་ཀྱང་འཆི་འགྱུར་ན།། སྲོག་ཆགས་གཞན་ལྟ་སྨོས་ཅི་དགོས།། སྲིད་པའི་དམ་ཅན་འདི་བསྐང་ན།། དུས་མིན་འཆི་བར་བཟློག་པར ་འགྱུར།། དུས་སུ་བབ་ན་ནུར་བར་འགྱུར།། འཇིག་རྟེན་ལོངས་སྤྱོད་བརྟན་པར་འགྱུར།། རབས་རྒྱུད་ཆད་པའི་མི་དང་ལྷ།། ཆོ་ག་འདི་ལ་བརྟེན་བྱེད་ན།། སྤུན་བཞི་བུ་ཡི་འདུ་བར་ངེས།། ཆོ་ག་འདི་ལ་བརྟེན་བྱེད ་ན།། འཆི་བདག་ཞགས་པས་ཟིན་པ་ཡང་།། ཞགས་པ་ནག་པོ་བཅད་ནས་སུ།། སྨྱོ་འབོགས་ནད་ཀྱང་རྣམ་པར་འཇིག། ཚེ་རིང་བདེ་བ་ཕུན་སུམ་ཚོགས།། འཇིག་རྟེན་འདིར་ན་བདེ་སྐྱིད་དེ།། རིག་འཛིན་ས་ལ ་དེ་བཞིན་གཤེགས།། ཆོ་ག་འདི་ལ་བརྟེན་བྱེད་ན།། བྲན་གཡོག་སྒྲུབ་རྣམས་འཕེལ་བར་བྱེད།། གཞན་གྱི་དམག་གིས་བཀུར་སྟི་ཞིང་།། རྒྱལ་པོ་ལོངས་སྤྱོད་འཕེལ་བར་འགྱུར།། ཆོ་ག་འདི་ལ་བརྟེན་བྱེད་ན།། དབུལ ་པོ་ལོངས་སྤྱོད་འཕེལ་བར་འགྱུར།། ནོར་གྱི་དབྱིག་ཀྱང་དེ་བཞིན་རྙེད།། ཆོ་ག་འདི་ལ་བརྟེན་བྱེད་ན།། སྐྱིད་པ་རྟག་ཅིང་བསམ་དགུ་འགྲུབ།། རྨོངས་པོ་འཕེལ་ཞིང་ཡུལ་ཡང་འགྲུབ།། དེ་ནས་ན་ཚ་སྡུག་བསྔལ ་མེད།། ཕ་རོལ་དམག་དཔུང་འཇིགས་པར་འགྱུར།། ལོ་ཕྱུག་རྟག་ཏུ་འཕེལ་བར་འགྱུར།། ཆོ་ག་འདི་ལ་བརྟེན་བྱེད་ན།། འཇིག་རྟེན་དབང་ཅན་ཐམས་ཅད་ཀྱིས།། བྱང་ཆུབ་སེམས་ལྡན་བཀུར་སྟི་ཞིང་།། ཞེ་དང་ཆུས ་སྲིད་འཕེལ་བར་འགྱུར།། བསྒོ་བའི་ཚིག་རྣམས་བྲན་བཞིན་ཉན།། འདི་ཡི་ཡོན་ཏན་བསོད་ནམས་ཀྱིས།། ཕྱི་མའི་དངོས་གྲུབ་མཆོག་ཡིན་ཏེ།། བསོད་ནམས་ཉིད་དུ་གང་ན་མེད།། འདི་ལ་ཡོན་ཏན་བརྗོད་མི ་ལང་།། དེ་སྐད་གསུངས་པས་ལྷ་རྣམས་དགའ།། མདོས་ཀྱི་ཕན་ཡོན་གྱི་ལེའུ་སྟེ་ཉེར་གཉིས་པའོ།། །། གནོད་འདུལ་ལྷ་ཡིས་ཡང་གསོལ་པ།། དབང་ཅན་མོ་རྣམས་སྐོང་བ་ཡིས།། དབང་བྱེད་ཕོ་ལ་མི་འཚལ ་ལམ།། རྫོགས་སངས་རྒྱས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ལྷ་ཡི་གཙོ།། འདོད་ཆགས་ང་རྒྱལ་ཆེ་བ་ཡིས།། ཞེ་སྡང་བྱེད་པའི་དབང་མོ་ཆེ།། སྲིད་པའི་མ་བཞིས་འཇིག་རྟེན་བསྐྱེད།། འདི ་བསྐང་བཟློག་པས་ཐམས་ཅད་འགྲུབ།། དེ་ནས་ཕོ་རིགས་མཆོད་འདོད་ན།། སྟེགས་བུ་གོ་འཕང་མཐོ་དམན་དབྱེ།། ཆོ་གའི་རྫས་ནི་འདི་དག་གོ། འབྲུ་སྣ་བཅུ་གསུམ་མངར་ཕྱེ་དང་།། རིན་ཆེན་སྣ་བདུན་བདར་ནས ་སུ།། རྒྱལ་པོ་ཆེན་པོའི་གཟུགས་སུ་བྱ།། དེ་ལ་ལག་པ་གཡས་གཡོན་རིན་པོ་ཆེ།། གསལ་བྱེད་བརྒྱད་ཀྱང་དེ་བཞིན་ནོ།། འབྲུ་སྣ་ལྔ་དང་ཚོམ་བུ་ལྔ།། ལུས་དང་ཡན་ལག་དེ་བཞིན་བརྒྱན།། བདུད་དང་དྲང་དཀར ་ཆེན་པོ་དང་།། དེ་ཝ་ནོར་གྱི་བདག་པོ་དང་།། གཤིན་རྗེ་རུ་ཏྲའི་རྫས་ཡིན་ཏེ།། སྐྱེས་ཏོ་རེ་ལ་དེ་བཞིན་ནོ།། འབྲུ་སྣ་གཙང་ཕྱེ་བྲེ་བཞི་ལ།། མཁར་ཐབས་མདའ་ཡིས་རྣམ་པར་བརྒྱན།། ལྕེ་བཟངས་དར་དཀར་བཀྲ ་བའི་རྒྱན།། དེ་བཞིན་ཤ་དང་རིན་ཆེན་ཆང་།། དཀར་གླུད་སྐྱེམས་དང་བཅས་པ་ཡིས།། དཀར་པོ་ཆེ་ལ་དེ་བཞིན་ནོ།། བྲེ་ཆ་གསང་ཕྱེ་ཟླ་གམ་ལ།། ཟ་འོག་མདའ་ཡིས་རྣམ་པར་བརྒྱན།། ལེའུ་བཟངས་དར་དཀར་ན ་བཟའི་རྟེན།། དེ་བཞིན་ཤ་དང་རིན་ཆེན་ཆང་།། སེ་གླུང་རྐྱེན་དང་ཆས་པ་ནི།། བྱང་ཤར་མཚམས་སུ་དེ་བཞིན་ནོ།། ནས་དང་ཡུངས་དཀར་མངོན་གྱིས་བརྒྱན།། སྲིད་པ་ཀུན་ལ་དེ་བཞིན་ཏེ།། འབྱུང་པོ་ཕལ་ལ་སྨེ ་གཏོར་སྦྱིན།། དེ་སྐད་བགྱིས་པ་དེའི་ཚེ་འདི་སྐད་བརྗོད།། དཔག་བསམ་ཤིང་གི་སྐེད་པ་ལ།། གསེར་མཁར་ནི་སེར་པོ་ལ། བསེར་སྒོ་ནི་ཐམས་སེ་ཐམ།། གཡུ་བད་ནི་སྔོན་པོས་བསྐོར།། དེ་ཡི་ནི་བདག་པོ་སྟེ།། སྐོས ་རྗེ་ནི་དྲང་དཀར་ཞིག། སྐོས་མཁན་ནི་མིང་ནས་ཕྱུང་།། མདོས་བདག་ནི་མདོས་ལ་གཤེགས།། གླུད་བདག་ནི་གླུད་ལ་གཤེགས།། གསེར་མཁར་ནི་རྩེ་དགུ་ནས།། རིན་ཆེན་ནི་སྟེགས་བུ་ལ།། ལྕགས་ཀྱི་ནི་སྒོ་ཁྱུད ་ཅན།། དེ་ཡི་ནི་སྟེང་ནའོ།། སྲིད་པའི་ནི་དྲང་དཀར་བ།། ཞིག་འཛིན་གྱི་མིང་ནས་ཕྱུང་།། མདོས་བདག་ནི་མདོས་ལ་གཤེགས།། གླུད་བདག་ནི་གླུད་ལ་གཤེགས།། རིམ་པ་ནི་བཅུ་གསུམ་ལ།། རི་རབ་ཀྱི་རིམ་པ ་ལ།། གནམ་གྱི་ནི་སྟེང་ཤེད་ན།། ལྕགས་མཁར་ནི་སྔོན་པོ་ལ།། གསེར་གྱི་ནི་བད་བསྐོར་ཞིང་།། ཟངས་ཀྱི་ནི་སྒོ་སྩལ་པ།། དེ་ཡི་ནི་བདག་པོ་ལ།། དབང་ཕྱུག་ནི་ཆེན་པོ་ལ།། མ་ཧེ་ནི་ཤྭ་རེ་ཞིག། ནག་པོ་ནི་ཆེན་པོ ་ཞིག། ཡ་བདུད་ནི་མིང་ནས་ཕྱུང་།། མདོས་བདག་ནི་མདོས་ལ་གཤེགས།། གླུད་བདག་ནི་གླུད་ལ་གཤེགས།། དེ་ཡི་ནི་གླིང་ཕྲན་ན།། ཡར་གྱི་ནི་ཡང་ལེ་ཤོད།། བདུད་པས་ནི་ཐབས་མཁས་ཏེ།། བདུད་པས་ནི་དྲག ་ལ་ཆེ།། འགྲོ་བ་ནི་ཀུན་གྱི་བདུད།། འགྲོ་བ་ཡི་ཚེ་དཔལ་ཕྲོག། སྐྱེས་བུ་ནི་སྐྱེས་ཏོ་རེ།། མ་བདུད་རྒྱལ་མོའི་མིང་ནས་ཕྱུང་།། མདོས་བདག་ནི་མདོས་ལ་གཤེགས།། གླད་བདག་ནི་གླད་ལ་གཤེགས།། ལྷོ་ཕྱོགས་ནི ་གླིང་ཁམས་ན།། རུས་མཁར་ནི་གླིང་དགུ་ལ།། དེ་ཡི་ནི་བདག་པོ་ལ།། ཤི་བདུད་ཀུན་གྱི་ཁྲམ་འདེབས་པ།། མདོས་བདག་ནི་མདོས་ལ་གཤེགས།། གླུད་བདག་ནི་གླུད་ལ་གཤེགས།། འཛམ་བུ་གླིང་གི ་ནོར་གྱི་བདག། མ་ཧཱ་དེ་ཝ་ལྷ་ཆེན་པོ།། བཙུན་མོ་དབུ་མ་འཁོར་དང་བཅས།། ནོར་ལྷ་ཆེན་པོའི་མིང་ནས་ཕྱུང་།། མདོས་བདག་ནི་མདོས་ལ་གཤེགས།། གླུད་བདག་ནི་གླུད་ལ་གཤེགས།། གནམ་གྱི་ནི་ཡར་སྟེང ་ན།། དུང་མཁར་ནི་དཀར་པོ་ལ།། གཡུ་ཡི་ནི་བད་བསྐོར་ལ།། བསེ་ཡི་ནི་སྒོ་སྩལ་ཏེ།། དེ་ཡི་ནི་བདག་པོ་བ། ཁྱབ་འཇུག་དུང་གི་ཐོར་ཚུགས་ཅན།། གནམ་གྱི་དཀར་པོའི་མིང་ནས་ཕྱུང་།། མདོས་བདག་ནི་མདོས་ལ ་གཤེགས།། གླུད་བདག་ནི་གླུད་ལ་གཤེགས།། བྱང་ཤར་གྱི་མཚམས་ཤེད་ན།། བསྲེ་མཁར་ནི་ཁྲ་བོ་ལ།། དུང་གི་ནི་བད་བསྐོར་ལ།། ལྕགས་ཀྱི་ནི་སྒོ་སྩལ་ཏེ། དེ་ཡི་ནི་བདག་པོ་བ།། ཤར་ཕྱོགས་གནམ་ས་ཕྱེད་ཀྱི ་བདག། ཚངས་གྱུར་ཡང་ཚངས་པའི་ལུས་ལ་ཐོར་ཚུགས་མགོ། བཙན་མགོན་རྒྱལ་པོའི་མིང་ནས་ཕྱུང་།། མདོས་བདག་ནི་མདོས་ལ་གཤེགས།། གླད་བདག་ནི་གླད་ལ་གཤེགས།། ཤར་ཕྱོགས་ནི་ཕ་གི་ན།། དུད ་མཁར་ནི་སྒོ་དགུ་ལ།། བསེ་ཡི་ནི་སྒོ་སྩལ་པ།། ཤར་ཕྱོགས་གནམ་ས་ཕྱེད་ཀྱི་བདག། ཚངས་པའི་ལུས་ལ་ཐོར་ཚུགས་མགོ། ཤར་ཕྱོགས་རྒྱལ་པོའི་མིང་ནས་ཕྱུང་།། མདོས་བདག་ནི་མདོས་ལ་གཤེགས།། གླུད ་བདག་ནི་གླུད་ལ་གཤེགས།། སེ་བཙན་རོལ་པོ་རྒྱ་རོལ་པོ།། བཙན་གྱི་རྒྱལ་པོའི་མིང་ནས་ཕྱུང་།། མདོས་བདག་ཆེན་པོ་མདོས་ལ་གཤེགས།། གླུད་བདག་ཆེན་པོ་གླུད་ལ་གཤེགས།། བཙན་ལ་རོལ་པ་དེ་བཞིན ་ནོ།། ད་ནི་མ་ཧཱ་ཤཱནྟི་གི་ཆོ་ག་བཤད་དེ། གསང་ཕྱེ་གཙང་མཁལ་ཕྱེད་ལ།། ཇི་ལྟར་འདོད་པའི་གཟུགས་བཤམས་ལ།། དཀོར་ཆ་སྤྱན་གཟིགས་ཡང་དག་ལྡན།། དེ་ནི་ཕྱི་རྒྱུད་ཤཱནྟི་ངོ་།། དེ་ལ་འཇིག་རྟེན་ཤས་བསྐོས ་ཏེ།། དམར་གཏོར་དམ་རྫས་ལྡན་པ་ནི།། ཤཱནྟི་ནང་གི་ཆོ་གའོ།། གཉན་པའི་ས་ནི་དབེན་པ་རུ།། གྲུ་བཞི་སྤོས་ཆུའི་མཎྜལ་བྱ།། ཟས་ཀྱི་སྟེགས་བུ་གང་བར་བྱ།། ལས་དང་ཕན་ཡོན་གོང་མ་བཞིན།། བསྔོས་ཏེ་དར་སྒྲ ་བཤུས་ཏེ་བཞག། ཕྱི་རྒྱུད་མཐུན་དེ་དཀར་པོ་ཡིན།། གསང་བ་མཐུན་དེ་གཉིས་ཀ་འདྲ།། འདི་བརྩམས་བསམ་པ་མ་འགྲུབ་ན།། འཇིག་རྟེན་དབང་ཆེན་ཕུང་བར་འགྱུར། ལས་རྣམས་ཀུན་གྱིས་རྣག་པ་སྟེ།། ཆོ་ག ་ལུང་ཆེན་རྫོགས་པ་འདི།། ངས་གསུངས་པ་ལ་ཐེ་ཚོམ་མེད།། དེ་སྐད་ཅེས་ནི་བཀའ་སྩལ་པས།། འཇིག་རྟེན་དབང་ཆེན་མངོན་པར་དགའ།། ལྷ་རྣམས་ཐམས་ཅད་མཐུ་སྐྱེས་ནས།། སེམས་ཅན་ཀུན་ལ་ཕན་པ ་སྒྲུབ།། དམ་ཚིག་མཐའ་ནི་དེ་བཞིན་གནས།། མདོས་ཀྱི་ཕན་ཡོན་གྱི་ལེའུ་སྟེ་ཉེར་གསུམ་པའོ།། །། གནོད་འདུལ་ལྷ་ཡིས་ཡང་གསོལ་པ།། འགུགས་དང་འདྲེན་པའི་ལས་རྣམས་ནི།། ཕོ་ཉའི་ལས་རྣམས ་བདག་ཉན་འཚལ།། རྫོགས་སངས་རྒྱས་ཀྱི་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། སྲིད་གསུམ་འདུལ་བའི་ཕོ་ཉ་ནི། བདག་ཉིད་མན་ངག་ལྡན་བྱས་ཏེ།། སེམས་ཀྱི་དཀྱིལ་ནས་བསྐུལ ་བ་ནི།། ཧཱུཾ།། དཔལ་གྱི་ཕོ་ཉ་བཀའ་སྡོད་མ། ཁྱུང་གི་ཁྲ་ཆེན་ལྡིང་བ་ལ།། ལྕགས་ཀྱི་མ་མོ་ཁྱུང་མགོ་ཅན།། མགོ་གསུམ་པ་ལ་ལག་དྲུག་མ།། གཡས་ན་རྡོ་རྗེ་ཁ་ཊྭཱཾ་ག། བར་མ་སྤུ་གྲིས་སྲིད་གསུམ་སྒྲོལ།། ཐ་མ་མུ ་སྟེགས་དྲིལ་ཞགས་འཆིང་།། གཡོན་ན་བྷནྣ་རཀྟས་བཀང་།། བར་མ་འཁོར་ལོ་བསྐལ་པའི་མེ།། ཐ་མ་ལྕགས་ཀྱུ་འཕྲོ་འདུ་ཅན།། གནས་ནི་དུར་ཁྲོད་དཀྱིལ་དུ་བཅས།། བསྙུངས་ནི་ཐུགས་ཀྱི་དཀྱིལ་དུ ་བསྙུངས།། བཏོན་ནི་ལྗགས་ཀྱི་རྩེ་ལ་བཏོན།། དབང་ནི་སྲིད་པ་གསུམ་ལ་བྱེད།། ཟ་ནི་སྐྱེ་འགྲོ་ཡོངས་ལ་ཟ།། ཉུལ་ནི་གླིང་བཞི་ཁྱབ་པར་ཉུལ།། བང་ནི་ངེས་པར་གློག་ལས་མགྱོགས།། རྦོད་ནི་དངོས་པོ་གཅིག་ལ ་རྦོརྒོད།། ཀྱལ་ཀ་ཆེན་པོས་བདུད་དཔུང་འཇོམས།། ཚམ་རྔམས་ཆེན་པོས་བདུད་རིགས་འཇོམས།། ང་རྒྱལ་ཆེན་པོས་མུ་སྟེགས་འཇོམས།། རྫུ་འཕྲུལ་ཆེན་པོས་རི་རབ་བསྙིལ། ཁྱོད་ནི་སྲིད་གསུམ་སྒྲོལ་བྱེད་པས།། ཆེ ་འགའ་དྲག་ཏུ་བསྐུལ་བའི་ཚེ།། གང་ལ་བྱ་བ་འགྲུབ་པར་བྱོས།། དེ་ཡི་བཀའ་སྡོད་ཕོ་ཉ་ནི།། དཀར་མོ་ཉི་མའི་ཐོད་ཕྲེང་ཅན།། ཀྱལ་ཀ་ཆེན་པོས་བདུད་དཔུང་འཇོམས།། ཚམ་རྔམས་ཆེན་པོས་བདུད་དཔུང ་སྒྲོལ།། མཚན་ནི་སྤྲིན་དཀར་གོ་ཅོག་ཅན།། རྦད་ནི་དངོས་པོ་གཅིག་ལ་རྦོད།། གང་ལ་བྱ་བ་གྲུབ་པར་བྱོས།། དེ་ཡིས་བཀའ་སྡོད་ཕོ་ཉ་ནི།། ཉི་ཟླ་སྟོང་གི་ཐོད་ཕྲེང་ཅན།། ཕྱག་དྲུག་ཟུར་གསུམ་མིག་གཅིག་ལ།། དྲིལ ་བུའི་དབུ་གསུམ་བྱུང་བ་ནི།། མགོ་ལ་ཚིལ་གྱི་ཡིད་ཞུ་ཅ།། མཚན་ནི་སྤྲིན་དཀར་གོ་ཅོག་ཅན།། ཕྱག་གཉིས་པདྨ་སྟོང་གཟུང་ཞིང་།། མཚན་ནི་འཇིག་རྟེན་ཀུན་འདུལ་མ།། གཡས་ན་ཞིང་གི་རྒྱུ་ཞགས་འཕེན།། བདུད ་དང་མུ་སྟེགས་འཆིང་བྱེད་མ།། མཚན་ནི་དབྱིངས་ཕྱུག་ཆེན་མོ་ལ།། གཡོན་གྱི་དང་པོ་བསྣམས་པ་ནི།། མི་མགོ་རློན་པའི་ཕོར་པ་རུ།། མི་ཁྲག་རློན་པའི་ནང་བསྐུལ་ཞིང་།། བདུད་རྩིའི་བཅུད་དང་བསྲེས་ནས ་མཐོར།། དྲངས་ཤིག་དགྲ་བགེགས་རྡུལ་དུ་རློག། མཚན་ནི་བདུད་རྩིའི་ལོངས་སྤྱོད་མ།། གཡས་ཀྱི་ཕྱག་ན་བསྣམས་པ་ནི།། མེ་ཡི་རུས་པའི་ཕུར་བུ་འདྲིལ།། དགྲ་བགེགས་མནན་པའི་ལས་མཛད་མ།། མཚན་ནི་རྡོ ་རྗེ་གསང་བའི་མཆོག། གཡོན་གྱི་ཕྱག་ན་བསྣམས་པ་ནི།། ཟངས་དང་ལྕགས་ཀྱི་དྲིལ་ཞགས་ལ།། མི་སྙིང་བརྒྱུས་པའི་ཞགས་པ་འཕེན།། སྲིད་པ་གསུམ་ཆར་འཆིང་བར་མཛོད།། མཚན་ནི་གསེར་གྱི་དྲིལ་ཞགས ་མ།། སྤྲུལ་པའི་འཕྲོ་འདུ་མང་པོ་ཅན།། གཡས་གཡོན་རོལ་པའི་གཡབ་མོ་ཡིས། ཁམས་གསུམ་རྡུལ་དུ་རློག་མཛད་མ།། མཚན་ནི་གཡང་གཞི་རུ་མཚོན་ཅན།། ན་བཟའ་མི་ལྤགས་རློན་པ་ལ།། སྟོང་ཁམས་ཐམས ་ཅད་མྱོས་མཛད་མ།། དགྲ་བགེགས་ཐམས་ཅད་རྡུལ་དུ་རློགས།། མཚན་ནི་ཞིང་ནི་ན་བཟའ་ཅན། ཁ་ནས་མི་ཁྲག་རློན་པ་འཐོར།། སྟོང་ཁམས་ཐམས་ཅད་སྲེག་མཛད་མ།། སྐུ་ལ་མི་མགོ་སེ་རལ ་ཁ།། སྐྱེ་འགྲོ་ཐམས་ཅད་སྐྱོང་མཛད་མ།། མཚན་ནི་མེ་ཏོག་ཆུན་འཕྱང་ཅན།། འབར་མ་གཏུམ་ཆེན་ཁྲོ་མོ་འདུལ།། ཁྲོ་རྒྱལ་ཆེན་པོ་གཤིན་རྗེ་གཤེད།། བཀའ་ཡི་ཕོ་ཉ་མགྱོགས་མའི་ཚོགས།། ང་རྒྱལ་ཅན་རྣམས ་དབང་དུ་སྡུད།། གང་ལ་བྱ་བ་རྡུལ་དུ་རློགས།། འདི་ནི་ཕོ་ཉའི་གཙོ་མོ་སྟེ།། བཅོལ་པའི་ལས་རྣམས་གྲུབ་པར་མཛོད།། མཚན་ནི་མེ་འབར་ཆེན་མོ་ལ།། ལག་ན་མེ་ཡི་དཀྱིལ་འཁོར་ཐོགས།། དགྲ་བགེགས་མ་ལུས ་སྲེག་པར་མཛད།། ཐར་པའི་དུས་མེད་འོ་དོད་འབོད།། སྨན་ཆད་སྡོམ་ཞེས་སྨྲ་བར་ངེས།། མ་བཏང་མྱུར་དུ་ལ་འུར་ཁུག། ཕོ་ཉ་དྲུག་ཅུའི་གཙོ་མོ་སྟེ།། ཨེ་ཀ་ཛ་ཊི་རལ་གཅིག་མ།། རལ་པའི་ཟར་བུས་སྲིད་གསུམ ་སྡུད།། ཟ་འོག་ཞབས་མའི་དབུ་རྒྱན་ཅན།། གནམ་ལ་བསྐོར་བས་བདུད་དཔུང་བཟློག་མཛད་མ།། ས་ལ་བརྡབས་པས་དམ་སྲི་འབྱུང་པོའི་བླ་གཅོད་མ།། སྒྲུབ་པའི་དགྲ་དང་བགེགས་ཐུལ་ཅིག། མཚན་ནི་ཁྱིམ ་བདག་ཆེན་མོ་ལ།། ཆིབས་སུ་རླུང་འཚུབས་མདུར། འདུར།། གོམ་བསྐྱོད།། དྲོངས་ཤིག་དགྲ་བགེགས་ཨང་ཀུ་ཤ། དངོས་གྲུབ་བར་ཆད་བྱེད་པ་དང་།། སྒྲུབ་པ་པོ་ཡི་མཐུ་འཕྲོག་རྣམས།། སྒྲོལ་བདག་ཆེན་མོ་ད ་ཚུར་སྤྱོན།། མཐུ་ཆེན་དམ་ཅན་ད་ཚུར་སྤྱོན།། ངས་གསུང་པ་ལ་ཐེ་ཚོམ་མེད།། ཞེས་ལས་ལ་བསྐུལ་བ་ཁུག་པར་བྱའོ།། ཕོ་ཉ་ཆེན་པོའི་ལེའུ་སྟེ་ཉེར་བཞི་པའོ།། །། གནོད་འདུལ་ལྷ་ཡིས་ཡང་གསོལ ་པ།། བསྟན་པ་གཉེན་པོ་འཇིག་བྱེད་པའི།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། རྟག་ཏུ་གདུག་སེམས་གྱུར་པ་ལ།། ནན་ཏན་ལས་རྣམས་ཇི་ལྟར་འཚལ།། རྫོགས་སངས་རྒྱས ་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། ངོ་མཚར་ལྷ་ཡིས་བཀའ་སྩལ་པ།། རྟག་ཏུ་གདུག་པའི་སེམས་གྱུར་ཏེ།། སེམས་ཅན་ཀུན་ལ་གནོད་པ་ལ།། ནན་ཏུར་ལས་རྣམས་ངས་བསྟན་གྱི།། ཉོན ་ཅིག་གཡུང་དྲུང་ཡང་དག་པ།། ཇི་ལྟར་ཡིད་མཐད་གནས་སུ་ནི།། དཀྱིལ་འཁོར་ཚད་དང་ལྡན་པར་བྱ།། དབང་གི་དཀྱིལ་འཁོར་ཁ་སྤྲོད་པ།། དབུས་སུ་ཀུན་ཏུ་བཟང་མོ་མཁའ།། འཛུབ་གསུམ་པ་ལས་དྲང་པོར ་བྲི།། ཟེ་བ་སོར་བཞི་ཆ་སྙོམས་པ།། དགུག་དང་སྦར་འཕང་སྔགས་ཀྱིས་འགེངས།། དབང་གི་དཀྱིལ་འཁོར་ཁ་རན་ལ།། གནོད་དང་འཕང་བའི་སྔགས་ཀྱིས་བསྐོར།། དེ་ནས་ཁ་རན་གྲུ་བཞི་ལ།། སོར་ལྔ་པ་ཡི་ཚད ་དུ་བྱའོ།། རྡོ་རྗེ་པདྨ་སྤེལ་མར་བྲི།། དེ་ནས་མཎྜལ་རྒྱས་པ་ལ།། འོད་ཕུང་ཐོད་པའི་ཕྲེང་བས་བརྒྱན།། སྒོ་བཞི་མདའ་བཞིས་བརྒྱན་པར་བྱ།། དེ་ནས་རྫས་ཀྱི་ངོ་བོ་ཡང་།། རྒྱུ་ཡི་གཙོ་བོ་དགུ་བསོགས་ཏེ།། གྲུབ་པའི ་རྣལ་འབྱོར་དགུ་རྦད་པ།། གཉིས་ལ་ཆགས་འཛིན་སྤུན་གཉིས་བྲི།། མདུན་ལ་མ་བདུན་སྔགས་བྲིས་ཏེ།། དྲག་པོའི་ཁ་རན་འཁོར་བར་བྲི།། དབང་དང་དྲག་པོར་ལྡན་པར་བྱ།། ལྕགས་ཟངས་ཤིང་བུ ་གང་ཡང་རུང་།། དབང་དྲག་ཕུར་པ་དགུ་པོ་ལ།། མགོ་ལ་མཁའ་འགྲོ་ལྔ་ལྔ་བསམ།། ངོས་ལ་རྣལ་འབྱོར་བཅུ་བཞི་བསྒོམ།། སྐེད་པར་ཆགས་འཛིན་ལ་སོགས་བསམ།། རྩེ་མོར་མ་བདུན་བསམ་ནས་སུ།། དམིགས ་པའི་དངོས་པོ་གང་ཡང་རུང་།། དཀར་ནག་དཀྱིལ་དུ་རྒྱབ་ནས་སུ།། དགེ་སྡིག་ལས་ཀྱི་མཚམས་ཕྱེ་ནས།། དྭངས་མའི་དངོས་པོ་ཐམས་ཅད་ཀུན།། རྔུབས་ནས་མ་མོས་ཟོས་པར་བསམ།། དེ་ལྟར་བརྒྱབ་ན་ལྷ་ཡང ་འཆི།། དངོས་པོ་བདག་ཉིད་བསྒོམ་བྱ་བ།། ཕྲ་མེན་རྒྱ་མཚོ་ཉིད་ཀྱི་སྐུ།། དབང་དྲག་སྐུ་མདོག་ཆེན་མོ་ལ།། དབུ་གཅིག་ཞལ་ལྔ་འཇིགས་པའི་སྐུ།། དབུ་ལ་མཁའ་འགྲོ་ལྔ་བསྒོམས་ཤིང་།། མཆེ་བ་ཅན་ལ་གཙིགས ་ཞིང་བཞད།། མ་མོ་ཐམས་ཅད་དབྱིངས་ནས་འགྱེད།། ཕྱག་ན་དབང་དྲག་ཕུར་པ་འགྱེད།། འདྲེན་དང་མནན་དང་སྦར་བ་ཡི།། སྔགས་རྣམས་དྲག་ཏུ་བཟླས་ནས་སུ།། རྣལ་འབྱོར་མ་རྣམས་རྦད་ནས་སུ།། གང་ལ་བྱ ་བའི་དངོས་པོ་དེ།། དབང་དྲག་དཀྱིལ་དུ་བཟུང་ནས་ནི།། རྣམ་ཤེས་དབྱིངས་སུ་བསྡུས་པ་དང་།། དགེ་སྡིག་ལག། ལས། རྣམས་སྦྱངས་ནས་སུ།། ལྷ་གཟུགས་ཕྲལ་ཏེ་ཟོས་བསམས་ནས།། རྡོ་རྗེའི་བྲག་ཀྱང ་འཇིགས་པར་འགྱུར།། ངས་གསུངས་པ་ལ་ཐེ་ཚོམ་མེད།། ཅེས་བཀའ་སྩལ་པ་དང་། དེ་ནས་རིགས་ལྔའི་སངས་རྒྱས་འཁོར།། དེ་ན་གནས་པའི་རྡོ་རྗེ་སེམས་དཔའ་སྟན་ལས་ལངས་ཏེ། གར་གྱི་བརྡའ་ཕྱག་འཚལ ་ནས་འདི་སྐད་གསོལ་པ་དང་། དབང་དྲག་དཀྱིལ་ཁོར་བྱིན་རླབས་དང་།། དབང་དྲག་ཕུར་པའི་ཆོ་འཕྲུལ་དང་།། འདྲེན་མནན་སྤར་འཕང་སྔགས་ཀྱི་མཐུ།། མགོན་པོ་ཆེན་པོས་བསྟན་དུ་གསོལ།། དེ་སྐད་རྡོ་རྗེ ་སེམས་དཔས་གསོལ་པ་གསན་ནས། ཅི་ཡང་མི་གསུང་བར་དབང་དྲག་གི་ཏིང་ངེ་འཛིན་ལ་ཞུགས་སོ།། ཏིང་ངེ་འཛིན་ལ་ཞུགས་པ་བཞིན།། བཛྲ་བོ་དྷི་ཛ་ལ་མཎྜ་ལ། བྷ་ག་རུ་ཏྲ་བྷ་ག་རུ་ཏྲོ་སྟཱཾ། བཾ་ཀཱི་ལ་ཡ། ཛཿཧཱུཾ ་ནན། སྠ་ར་ཎ་ཡ། ཕཊ་ཙིཏྟ་སུ་ཁ་ཧཱུཾ། ཞེས་གསུངས་པ་དང་། ཁམས་གསུམ་ཐམས་ཅད་མཁའ་གྲུ་གསུམ་གདེངས་པའི་དཀྱིལ་འཁོར། གཏིང་དཔག་མེད་པའི་གཞལ་ཡས་ཁང་དབང་དྲག་གི་ཕུར་པ་ཡེ་ཤེས་ཀྱི ་མཁའ་འགྲོ་མ་རྣམས་ཀྱིས་བརྒྱན་པ་སྟེང་ནས་ཆར་དུ་བབ་སྟེ། དབང་དྲག་བདེ་བའི་དཀྱིལ་འཁོར་དུ། རྡོ་རྗེ་སེམས་དཔའ་ལ་སོགས་ཏེ་རིགས་ལྔ་དང་ལྷ་གནོད་འདུལ་ཁ་སྦུབ་ཏུ་བརྒྱ་ལ། དབང་དྲག་གི་ད་ལ་གདེངས ་ཀར། སྲིད་པའི་མ་མོ་དབང་ཅན་གྱི་ཚོགས་ནི་གན་རྐྱལ་དུ་བསྒྱེལ་ནས་སྙིང་དཀར་ནག་གི་མཚམས་སུ་ཕུར་བུ་ཕོག་ཏེ་དགེ་སྡིག་གི་ཤན་ཐང་ཕྱེ་ནས། བྱང་ཆུབ་ཀྱི་སེམས་སུ་བྱིན་གྱིས་བརླབས་ནས། དེ་ལྟར་ཐམས ་ཅད་བརྒྱལ་བ་དང་འདི་སྐད་ཅེས་གླུ་བླངས་སོ།། དབང་དྲག་དཀྱིལ་འཁོར་ཡུམ་གྱི་མཁའ།། མཁའ་ཡི་དཀྱིལ་འཁོར་བདེར་གཤེགས་གནས།། གཏིང་དཔག་མེད་པའི་གཞལ་ཡས་སུ།། དབྱིངས་ནས ་དབང་དྲག་ཕུར་བུ་ཡིས།། རྡོ་རྗེ་སེམས་དཔའ་ལ་སོགས་ཀུན།། རང་རྒྱུད་ཉིད་ལ་དྲངས་ནས་ཀྱང་།། དབང་དྲག་མཁའ་ལ་བཞག་ནས་སུ།། སླན་ཆད་གསང་བའི་དབྱིངས་སུ་སྦྱོར།། གྷུ་ཡ་བ་ག་ས་མ་ཡཱ་སྟྭཾ། ལཾ་ལཾ་མ ་ཧཱཧ་ཙིཏྟ་ཧོ། ཞེས་གསུངས་པས། བརྒྱལ་བ་ཐམས་ཅད་སླར་དྲན་པ་རྙེད་ནས། དབང་དྲག་གི་དཀྱིལ་འཁོར་ན་འདར་ཡིད་ཡིད་འདུག་པ་ཚོར་རོ།། དེ་ནས་རྡོ་རྗེ་སེམས་དཔའ་ལ་སོགས་པས་གསོལ་པ། དཀྱིལ་འཁོར ་ཆེན་པོ་ཨ་ལ་ལ།། དབང་དྲག་དཀྱིལ་འཁོར་བདེ་བའི་མཆོག། གསང་སྔགས་ཆེན་པོ་ཨ་ལ་ལ།། འདྲེན་གནོན་སྤར་འཕང་ཆོ་འཕྲུལ་སྟེ།། མཚོན་ཆ་ཆེན་པོ་ཨ་ལ་ལ།། དབང་དྲག་ཕུར་བུ་དགེ་སྡིག་སྤྱོད། ཁྲག་འཐུང ་ཆེན་པོ་ཨ་ལ་ལ།། བླ་མེད་ཁྲག་འཐུང་རྗེ་བཙན་མཆོག། མཁའ་འགྲོ་ཆེན་མོ་ཨ་ལ་ལ།། ཡེ་ཤེས་མཁའ་འགྲོ་སྤྲུལ་པའི་ཚོགས།། ཅེས་སྨྲས་སོ།། རྡོ་རྗེ་སེམས་དཔས་ཡང་གསོལ་པ།། རྫུ་འཕྲུལ་ཆེན་པོ་ཐབས་ཀྱི ་མཆོག། མུ་སྟེགས་ཐམས་ཅད་ཀྱི་གཉེན་པོ་བདག་ལགས་ཏེ། བདག་གི་མིང་ཡང་རྡོ་རྗེ་སེམས་དཔར་བཏགས་པ་ལགས་ན། འདིར་བླ་མེད་བཅོམ་ལྡན་འདས་ཀྱི་སྤྱན་སྔར། དབང་དྲག་གི་དཀྱིལ་འཁོར་ཆེན་པོའི་ཆོ ་འཕྲུལ་གྱིས། བདག་ཀྱང་བརྒྱལ་ན་མི་མཐུན་པ་གཞན་སྨོས་ཀྱང་ཅི་འཚལ། དཀྱིལ་འཁོར་ཆེན་པོ་འདི་དུས་གསུམ་དུ་མི་འགྱུར་བའི་བདག་ཉིད་གསང་བ་མཆོག་ཀྱང་དེ་བཞིན་འཛིན།། ཅེས་གསོལ་ཏོ།། དེ་ནས ་དབང་དྲག་གི་དཀྱིལ་འཁོར་ཆེན་པོའི་ཆོ་འཕྲུལ་གྱིས། མུ་སྟེགས་ཀ་ལ་ཆེན་པོ་ཡང་གཏན་དུ་གནོན་པར་གྱུར་ཏོ།། རྣལ་འབྱོར་དགྲ་བགེགས་མནན་པའི་ལེའུ་སྟེ་ཉེར་ལྔ་པའོ།། །། གནོད་འདུལ་ལྷ་ཡིས་ཡང ་གསོལ་པ།། རྡོ་རྗེ་རྒྱལ་པོས་བཀའ་སྩལ་པ།། རྒྱུད་ལུང་ཆེན་པོ་འདི་དག་ལ།། སྐྱེ་འགྲོ་གང་དག་ཡི་རངས་ཏེ།། མོས་པའི་དངོས་གྲུབ་ཇི་ལྟར་ལགས།། གང་གིས་འདི་ལ་མ་དད་པའི།། སྐུར་པ་འདེབས་པའི་སྐྱེ་བོ ་ལ།། རྣམ་པར་སྨིན་པར་ཅི་ལྟ་བུ།། ངོ་མཚར་ལྷ་ལ་བདག་ཉན་འཚལ།། དེ་སྐད་གསོལ་པ་གནས་ནས་ཀྱང་།། ཡང་དག་རྫོགས་ཀྱི་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། ངས་གསུངས་པ་ཡི་ལུང་འདི ་སྐེ་བོ་གང་གིས་བརྩོན་འགྲུས་པ།། ལུང་འདི་ཉིད་ཀྱི་སྲིད་པ་བརྗེ།། ཚེ་འདི་ཉིད་ལ་དགོངས་པ་རྫོགས།། རྒལ་པོ་བཞིན་དུ་ཆེ་བར་ངེས།། ངས་གསུངས་པ་ལ་ཡི་ལུང་འདི་ལ།། རྣལ་འབྱོར་གང་ཞིག་དད་མོས ་པ།། སྲིད་གསུམ་དབང་ཆེན་ཐམས་ཅད་ཀྱིས།། ཤེས་རབ་མིག་གིས་བལྟས་པའི་ཚེ།། སྲིད་གསུམ་དཀྱིལ་འཁོར་རྫོགས་པར་མཐོང་།། དེ་ལ་རིམ་གྲོས་མཆོད་བྱེད་པ།། བསྒོམ་པའི་ཚིག་ལ་བྲན་བཞིན་ཉན།། ངས ་གསུངས་པ་ཡི་རྒྱུད་ལུང་ལ།། གང་གིས་སྐུར་པ་འདེབས་པ་དེ།། དམ་སྲི་དམར་པོར་ངེས་པར་སྐྱེད།། དམ་ཅན་ཀུན་གྱིས་སྡིག་མཐོང་ནས།། ཚེ་འདི་ཉིད་ལ་སྒྲོ་འབོག་ཅིང་།། དུས་མིན་འཆི་བར་སྲོག ་ཟད་ངེས།། ངས་གསུང་པ་ཡི་ལུང་འདི་ལ།། དོན་མེད་ཕྱལ་བར་སྒྲོགས་པ་དེ།། ཐར་པའི་དུས་མེད་འོ་དོད་འབོད།། སླན་ཆད་སྡོམ་ཞེས་སྨྲ་བར་བྱེད།། ངས་གསུངས་པ་ཡི་རྒྱུད་ལུང་ལ།། མི་ཉན་པ་ཡི་སེམས་ཅན ་དེ།། གཤིན་རྗེའི་ཞགས་པས་བཟུང་ནས་ཀྱང་།། དེས་ཀྱང་ཉེས་དམིགས་ཁྲམ་ལ་བཏབ་ནས་སུ།། ལྷ་གཟུགས་ཐམས་ཅད་འདྲལ་བར་ངེས།། ངས་གསུང་པ་ཡི་རྒྱུད་ལུང་ལ།། སྐྱེ་བོ་གང་ཞིག་དད་མོས་པ།། འཇིག ་རྟེན་འདི་ཡི་ཡོན་ཏན་ཡང་།། ནོར་བུ་རིན་ཆེན་འབར་བ་ལྟར།། ཐར་པ་བདེ་བའི་འབྲས་བུ་ཡིན།། རིག་འཛིན་ས་ནོན་གདོན་མི་ཟ།། སྐྱེ་འགག་མེད་པའི་དངོས་གྲུབ་ཀྱིས།། མི་འགྱུར་རྡོ་རྗེའི་དངོས་གྲུབ་ཐོབ།། ངས ་གསུང་པ་ལ་ཐེ་ཚོམ་མེད། དེ་སྐད་ཅེས་བཀའ་སྩལ་པ་དང་། རྡོ་རྗེ་སེམས་དཔའ་ལ་སོགས་ཏེ་རིགས་ལྔའི་སངས་རྒྱས་དང་སྲིད་པའི་ཕྲ་མེན་རྒྱ་མཚོ་ལ་སོགས་ཏེ་མ་མོ་སྟོང་གི་ཚོགས་དང་། ལྷ་ཆེན་པོ་གནོད་འདུལ་ལ ་སོགས་པ་གཡུང་དྲུང་ལྷའི་རིགས་མང་པོ་དང་། རྡོ་རྗེ་གཞོན་ནུ་མ་ལ་སོགས་ཏེ་རིག་འཛིན་གྱི་བུད་མེད་མང་པོ་དང་། ཧེ་རུ་ཀ་སྣི་ལ་སོགས་སྟེ་འཇིག་རྟེན་གྱི་དབང་མོ་ཆེ་མང་པོ་དང་། འཇིག་རྟེན་གྱི་དབང་ཆེན་མང ་པོ་རྣམས་གུས་པས་ཡི་རངས་ཏེ། ཐར་པའི་བདེ་བ་ཡང་ཐོབ་སྟེ། ཨོཾ་ལ་ལའི་སྒྲ་བྱུང་ནས། རིག་འཛིན་གྱི་དམ་ཅན་དུ་གྱུར་ཏོ།། ཧེ་རུ་ཀའི་ཞལ་ནས་དམོད་ཙུག་པའི་ལེའུ་སྟེ་ཉེར་དྲུག་པའོ།། །། ཆོ་ག་རྫོགས ་ལུང་ཆེན་པོ་འདི།། གང་གིས་རྙེད་པ་དངོས་གྲུབ་སྟེ། དམ་ཚིག་གཙང་མ་སྐྱེ་བར་འགྱུར།། སྲིད་པའི་གསང་བའི་རྫོགས་ལུང་འདི།། འགྲོ་བའི་དོན་ལ་དགའ་བ་དང་།། ཐེག་པ་ཆེན་པོ་གཙོར་ལེན་ཅིང་།། རྡོ་རྗེ་སློབ ་དཔོན་མཆོད་བྱེད་པ།། ལུ་གུ་རྒྱུད་ལ་གཙོར་སྡོམ་པའི།། སྐལ་ལྡན་དེ་དང་འཕྲད་པར་ཤོག། གྷུ་ཡ་གསང་བའི་དབང་ཕྱུག་ཆེན་པོ། སློབ་དཔོན་རྡོ་རྗེ་སེམས་དཔའི་ཞལ་དང་འདྲ་བའི་ཤྲཱི་ཛྙཱ་ནས་བསྒྲུབས་པས་འདི ་འགྲུབ་པར་འགྱུར་སྟེ་དངོས་གྲུབ་ཆེན་པོ་ཐོབ་སྟེ། སྲིད་པའི་དམ་ཅན་ཐམས་ཅད་བྲན་བཞིན་དུ་ཉན་ཏེ། ཅི་བྱ་བ་བསམ་པ་འགྲུབ་པ་ལས། གསང་བའི་སློབ་དཔོན་ཡེ་ཤེས་སྤྱན་དང་ལྡན་པ་ཀུན་ཀྱང་འདིར་འགྲུབ ་པར་འགྱུར། ཞེས་སློབ་དཔོན་རོ་ལངས་དེ་བས་གསལ་བར་བཤད་དོ།། རྫོགས་ལུང་ཆེན་པོའི་ལེའུ་སྟེ་ཉེར་བདུན་པའོ།། །། གནོད་འདུལ་ལྷ་ཡིས་ཡང་གསོལ་པ།། མ་མོའི་སྤྱི་བསྐུལ་ཇི་ལྟར་མཆིས།། ཡང་དག ་རྫོགས་ཀྱིས་བཀའ་སྩལ་པ།། མ་མོ་སྤྱི་བསྐུལ་འདི་ལྟར་བསྐུལ།། ཧཱུཾ་བསམ་འཕེལ་ནོར་བུ་རིན་པོ་ཆེ།། མ་བཞག་དེ་ནི་འདོད་དགུར་སྤེལ། ནང་གི་རིན་ཆེན་སྣ་ལྔ་ལ།། ཕྱི་ཡི་ལུའུ་རྐང་འགྲོས་དང་། མཆོད་རྫས་འབྲུ། ་ལ་ལོ་ཏོག་རྒྱས་པར་སྤེལ།། ཐང་ཞིག་ཡུད་ལ་འདུས་ཚོགས་ཤིང་།། ཉི་ཟེར་འདོད་ཆགས་འཕྲུལ་མོ་ཆེ།། མཉམ་ཉིད་སྐུ་ལ་ཅི་སྟེ་བཞེས།། མ་གཡེལ་མ་གཡེལ་མ་ཡི་ཚོགས།། གོང་གསུམ་ལྕུག་ཕྲན ་རླུང་གིས་བསྐྱོད་པ་བཞིན།། གུམ་གུམ་ཆུམ་ཆུམ་ལས་ལ་འདུ།། ཡུན་རིང་གོང་ནས་བསྙེན་པའི་ལྷ།། རྟག་ཏུ་མིང་དང་མཚན་ནས་འབོད་ཅིང་འཚལ།། མ་འདའ་མ་འདའ་དམ་མ་འདའ།། མ་འཕང་མ་འཕང་ལྷ་མ ་འཕང་། ཁྱུང་ཆེན་སྐུ་ལ་གཤོག་རྫོགས་མ། ཁམ་ཁམ་ཚིག་ཚིག་གློག་རེ་འགྱུ།། མེ་སྟག་འབར་བའི་འཕྲོ་འདུ་ཅན།། བོས་ཤིང་ནི་སྙན་མ་སྲ།། བསྙེན་ཅིང་ནི་གོང་མ་གཡེལ།། འདྲིས་ཤིང་ནི་མགུར་མ ་རྐྱེན།། འགྲོགས་ཤིང་ནི་གཞུང་མ་ངན།། མ་བ་འདུད་ལྟར་གྲགས་མང་།། མ་རུ་བ་གྱིའོ་དབང་མ་རློན།། སྲིང་མོར་བགྱི་ན་གདུང་མ་ཆུང་།། དགྲ་བླར་བགྱི་ན་མཐུ་མ་ཆུང་།། གཟུངས་མར་བགྱི་ན་བརྩེ་མ ་ཆུང་།། དགའ་མར་བགྱིས་ན་གདུང་མ་ཆུང་།། གྲོགས་མོར་བགྱི་ན་གཞུང་མ་ངན།། ཕོ་ཉར་བགྱིས་ན་བང་མ་བུ་ལ།། བདག་ཅག་སེམས་ཅན་ལས་ཀྱི་མནར་བ་ལས།། རེ་ལྟོས་དཔུང་གཉེན་ཁྱོད་ལས་མི་བཞུགས ་ན།། ཁྱོད་ལ་ཐུགས་རྗེ་མི་མངའ་འམ།། བདག་ལ་གཡར་དམ་མ་མཆིས་སམ།། ཕྱོགས་བཅུའི་འཇིག་རྟེན་རབ་འདས་ན།། རྣལ་འབྱོར་རྗེས་སུ་སློབ་པ་མེད་ཡོད་ཀྱང་།། རྩེ་གཅིག་སྒྲུབ་པའི་མིང་པོ་བདག་ཙམ ་དཀོན།། མ་གཡེལ་མ་གཡེལ་སྲུང་མའི་ཚོགས།། གཡེལ་དུ་དོགས་ནས་རྫས་ལ་བརྟེན།། འདས་སུ་དོགས་ནས་འཛབ་ཏུ་འདྲེན།། ཇི་ལྟར་དངོས་གྲུབ་གཉེན་པོ་རུ།། དམར་གྱི་ཨརྒྷ་རྒྱ་མཚོར་བསྐྱིལ།། ཙིཏྟ་མང་པོ་རྫ ་ལྟར་ལྷགས།། མཱཾ་ས་ཤ་ཆེན་ཕུང་པོར་སྤུངས།། ཇི་ལྟར་གསང་ཆེན་གཉེན་པོ་རུ།། རྫས་ཀྱི་མཆོད་པ་གཉེན་བཀྲམ་ཞིང་།། དམར་ཆེན་དམ་ལ་གསོལ་བ་ཡི།། དེ་ཚེ་ཁས་བླངས་དམ་བཅས་བཞིན།། བཅོལ་བའི་ལས ་རྣམས་འགྲུབ་པར་མཛོད།། བུད་མེད་བུ་ལྟར་ངང་མ་ཐུང་།། ད་ཕྲུག་སྲིང་ལྟར་ཤེད་མ་ཆུང་།། དུས་ལ་བབ་བོ་ས་མ་ཡཱ།། མ་མ་བྷྱོ་བྷྱོ། མ་མོ་སྤྱི་བསྐུལ་གྱི་ལེའུ་སྟེ་ཉེར་བརྒྱད་པའོ།། །། གཡུང་དྲུང་ལྷ་ཡིས་ཡང ་གསོལ་པ།། མ་མོ་གསང་ཆེན་དཀྱིལ་འཁོར་ལས།། སྒྲུབ་པའི་རྫས་ཀྱི་དབང་བསྐུར་བ།། བདག་གིས་ནན་ཏན་ཇི་ལྟར་བསྐྱེད།། རྫོགས་སངས་རྒྱས་ལ་བདག་ཉན་འཚལ།། དེ་སྐད་གསོལ་པ་གསན་ནས ་ཀྱང་།། རྫོགས་སངས་རྒྱས་ཀྱི་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། བསྒྲུབ་པའི་ལས་ཀྱི་དབང་རྣམས་ནི། ངས་གསུངས་པ་ལ་ཐེ་ཚོམ་མེད།། ངས་གསུང་བ་ལ་ནན་ཏན་བསྐྱེད།། ཅེས་བཀའ་སྩལ་པ ་དང་། གཡུང་དྲུང་ལྷ་ཡིས་ཡང་གསོལ་པ།། ཕྱི་དབང་ཆེན་པོ་བདག་ལ་སྩོལ།། ནང་དབང་ཆེན་པོ་བདག་ལ་སྩོལ།། གསང་དབང་ཆེན་པོ་བདག་ལ་སྩོལ།། སྤྱི་དབང་ཆེན་པོ་བདག་ལ་སྩོལ།། དེ་སྐད་ཞུས་པ་གསན ་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། ཕྱི་ནང་གསང་བའི་དབང་རྣམས་ནི།། ང་ཡི་ཐུགས་ཀྱི་རྒྱུད་ལ་གནས།། ང་ཡི་ཐུགས་ཀྱི་གསང་རྒྱུད་འདི།། གཏིང་ནས་བཟུང་ནས་ཁྱོད་ལ་གཏད།། ་ཁྱོད་ཀྱིས་སེམས་ལ་བརྣག་པར་གྱིས།། ལྕང་ལོར་ལྡན་པའི་བྷནྡ་འདི།། ང་ཡི་ལག་ཏུ་གཟུང་ནས་ནི།། སྣོད་ལྡན་ཁྱོད་ལ་དབང་བསྐུར་རོ།། བྷནྡྷ་མཛེས་པའི་དཀྱིལ་འཁོར་དུ།། བདེ་ཆེན་གསང་བའི་དབང་བསྐུར ་བ།། ལྟག་སྤྱོད་ཟུར་གསུམ་བདེ་ཆེན་འདིས།། མ་མོ་ཐམས་ཅད་བསྒྲུབ་བྱའི་ཕྱིར།། བདུད་རྣམས་ཟིལ་གྱིས་གནོན་པ་དང་།། རྐྱེན་བདུད་དབང་དུ་བསྡུ་བའི་ཕྱིར།། སྒྲོལ་བྱེད་ཆེན་མོའི་དབང་ཐོབ་ཤོག། དུང་ཆེན ་དག་གིས་དབང་བསྐུར་བས།། སྣང་སྲིད་ཐམས་ཅད་བསྒྲགས་པ་བཞིན།། དེང་གི་ཡོན་བདག་བུ་ཁྱོད་ཀྱང་།། ཆོས་ཀྱི་དབྱིངས་ཀྱི་སྒྲ་སྒྲོགས་ཤིང་།། མ་མོ་སྒྲུབ་པའི་དབང་ཐོབ་ཤོག། ཞིང་ཆེན་དག་གིས་དབང་བསྐུར ་བས།། ཞིང་གི་ཁྱད་པར་བྲེས་པ་བཞིན།། བདུད་བཞི་གཡབ་ཀྱིས་བོར་ནས་ནི།། ཧཱུཾ་གི་མེ་ཆེན་འབར་བ་ཡིས།། བདུད་བགེགས་ཞི་བར་བསྲེགས་པ་བཞིན།། འབར་བྱེད་ཆེན་མོའི་དབང་ཐོབ་ཤོག། རྔ་ཆེན་དག ་གིས་དབང་བསྐུར་བས།། རྔ་ཡི་གསང་བ་ཡུམ་གྱི་ངང་།། ཤེས་རབ་ཐབས་ཀྱིས་སྒྲ་སྒྲོགས་པ།། ཐབས་ཀྱི་ཕྱག་རྒྱ་བསྐྱེད་ནས་ནི།། རྔ་ཡི་བྱེ་བྲག་འདི་ལས་བྱུང་།། གསང་བ་རྔ་ཡི་དབང་ཐོབ་ཤོག། ཞིང་མཆོག་དག ་གིས་དབང་བསྐུར་བས།། ཐོར་ཏོ་རྒྱ་མདུད་ཁྲོ་བོ་བརྒྱད།། ཐུགས་ཀྱི་སྤྲུལ་པའི་དགྲ་ཡང་འགྱེད།། སྐེད་པའི་རྒྱ་མདུད་གྲ་བརྒྱད་ལ།། གསང་བའི་མ་མོ་བརྒྱད་ཕྱུང་སྟེ།། ཐུགས་ཀྱི་འོད་ཟེར་ཕྱོགས་བཅུར་འགྱེད།། རྩེ ་མོ་དག་གིས་ཟུར་གསུམ་པས།། སྲིད་པའི་མ་མོ་དབང་དུ་སྡུད། ཁམས་གསུམ་ཐམས་ཅད་དབང་དུ་སྡུད།། ཟིལ་གྱིས་གནོན་པའི་དབང་ཐོབ་ཤོག། རཀྟ་མཱཾ་སས་དབང་བསྐུར་བས།། མ་མོ་གསང་ཆེན་དགྱེས་པ ་འདིར།། སྒྲོལ་གིང་ཆེན་པོ་སྐར་ལྟར་བཀྲམ།། རཀྟའི་རྒྱ་མཚོ་མཚོ་ལྟར་རླབས།། མ་མོ་སྒྲུབ་པའི་དབང་ཐོབ་ཤོག། ཚིལ་ཆེན་གསུར་གྱིས་དབང་བསྐུར་བས།། སྲིད་པ་ཐམས་ཅད་དྲི་སྣོམ་ཞིང་།། དྲི་ཡི་མཆོད་པ་དམ ་པ་འདིས།། གསང་བའི་མ་མོ་དྲི་ལ་དད།། གསུར་དང་དྲི་ལ་སྣོམ་པ་མོ།། ཅི་ལྟར་གོང་དུ་བཅོལ་བ་བཞིན།། སྒྲུབ་པའི་ལས་རྣམས་བསྒྲུབས་པ་བཞིན།། ལས་ཀྱི་དབང་རྣམས་སྒྲུབ་ནས་ནི།། དཔའ་བོ་ཆེན་པོའི་སྤྱན ་སྔ་རུ།། ལཁུ་ལྡོག་བྲན་ལྟར་མི་བྱེད་ཅིང་།། སེམས་ཀྱི་དག་པ་ཉེར་བཞག་ཅིང་།། མ་མོའི་ལས་དབང་འདི་བསྐུར་བས།། སྒྲུབ་པའི་བྲན་པོ་བྲན་མོ་བཞིན།། ལས་དབང་ཆེན་པོའི་དབང་ཐོབ་ཤོག། སརྦ་ཏ་ཐཱ་ག་ཏ་ཀ ་ཡ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། སརྦ་ཏ་ཐཱ་ག་ཏ་ཝཱ་ཀ་བཛྲ་སྭ་བྷཱ་ཝ་ཨཏྨ་ཀོ&ཧཾ། སརྦ་ཏ་ཐཱ་ག་ཏ་པཱ་ཛ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། སརྦ་ཏ་ཐཱ་ག་ཏ་ཨ་ནུ་རཱ་ག་བཛྲ་སྭ་བྷཱ ་ཝ་ཨཱཏྨ་ཀོ&ཧཾ། མ་མོ་གསང་ཆེན་འདུས་པ་འདིར།། སྙིང་པོ་ལྔ་ཡིས་དབང་བསྐུར་བས།། དེ་རིང་ཕན་ཆད་བུ་ཁྱོད་ཀྱིས།། ཚེ་ཡང་ཤིན་ཏུ་རིང་བ་དང་།། དངོས་གྲུབ་གཟི་ཆེན་ཐོབ་པའི་ཕྱིར།། རང ་རྟགས་གསལ་བའི་དབང་བསྐུར་རོ།། འདི་ནི་མ་མོ་རང་རྟགས་ཀྱི།། དབང་ཆེན་ལགས་སོ་དབང་གི་མཆོག། སྒྲོལ་མ་ཆེན་པོའི་བརྟུལ་ཤུགས་ཀྱིས།། བདུད་བཞི་ཟིལ་གྱིས་གནོན་པ་དང་། རྐྱེན་དབང་ཐབས་ཀྱིས ་འདུལ་བ་དང་།། དེ་ཕྱིར་གསང་ཆེན་དཀྱིལ་འཁོར་རྒྱུད།། མན་ངག་བཅུད་ཀྱི་དོན་བསྟན་པ།། ཀུན་གྱི་ཐུན་མོང་མ་ལགས་ཏེ།། འདི་བསྟན་གཞན་ལ་བསྟན་གྱུར་ན།། ས་བོན་སད་ཀྱིས་གསད་པ་བཞིན་དུ ་འགྱུར།། ས་བོན་མེས་ཚིག་བཞིན་དུ་འགྱུར།། སྣོད་ངན་ཞབས་སུ་ཟགས་པ་ན།། ནས་ངན་ཚིག་པ་བཞིན་དུ་འགྱུར།། དོན་འདི་གཞན་དུ་མི་སྤེལ་ཏེ།། རང་གི་སེམས་ལ་བཅངས་པ་ན།། དངོས་གྲུབ་ཉིད་ཀྱང་རྟག ་ཏུ་ཐོབ།། མཐུ་དང་གཟི་མདངས་ཐམས་ཅད་འཕེལ།། དངོས་གྲུབ་ཐམས་ཅད་ཐོབ་པར་འགྱུར།། ཞེས་བཀའ་སྩལ་ཏོ།། མན་ངག་དབང་གི་ལེའུ་སྟེ་ཉེར་དགུ་པའོ།། །། གནོད་འདུལ་ལྷ་ཡིས་ཡང་གསོལ ་པ།། མ་མོ་ངོས་གཟུང་ཇི་ལྟར་གཟུང་།། མངོན་རྫོགས་ཡབ་ཀྱིས་བཀའ་སྩལ་པ།། མ་མོ་ངོས་གཟུང་འདི་ལྟར་གཟུང་།། སེམས་ཉིད་མ་བཅོས་མུ་ཁ་ལེ།། སེམས་ལས་བསྐྱེད་པའི་མ་མོ་བཅུ་གསུམ་དང་།། དབྱིངས་ཀྱི ་མ་མོ་བཅུ་བཞི་དང་།། ཡེ་ཤེས་ཀྱི་མ་མོ་ཉི་ཤུའོ།། སྣང་སྲིད་ཀུན་ཁྱབ་ཤུ་རེ་མ།། ཐུགས་དམ་བསྐང་བའི་ཡུམ་ཆེན་ལྔ།། དགྲ་བགེགས་སྒྲོལ་བའི་ཤུགས་སྒྲོལ་དྲུག། དྲག་ཤུལ་དབང་ཆེན་མ་མོ་བདུན།། གནོད ་བྱེད་སྙིང་གཅོད་སྲིན་མོ་བརྒྱད།། དཀའ་སྡོད་བློན་མོ་ཆེན་མོ་དགུ། ཡང་གབ་དབང་གི་རྒྱལ་མོ་བཞི།། སེམས་ལས་བསྐྱེད་པའི་མ་མོ་བཞི།། དམ་ལ་གནས་པའི་སྲིང་མོ་བཞི།། ཡིད་ལ་གཞུང་པའི་མཛའ་མོ ་བཞི།། ལུས་ལ་བསྐྱེད་པའི་བུ་མོ་བཞི།། མ་མོ་ཀུན་གྱི་གཙོ་མོ་བཞི།། བདུད་རྩི་སྒྲུབ་པའི་རྒྱལ་མོ་བཞི།། ཕུར་བུ་སྒྲུབ་པའི་བློན་མོ་བཞི།། མ་མོ་ཐུན་གྱི་བདག་མོ་བཞི།། ལས་ལ་གཤིན་པའི་བྲན་མོ་བཞི།། ད་ར ་དབུགས་འཕྲོག་ལྷ་མོ་བཞི།། མ་མོ་རྩ་ཁྲོ་བདག་མོ་བཞི།། དགྲ་བོའི་སྙིང་ཕྲོག་ལྷ་མོ་བཞི།། ཀུན་གཞི་གནས་གྱུར་གཅིག་པུ་མ།། གླིང་བཞི་དབང་སྒྱུར་གྲགས་མོ་རྒྱལ།། སྟོང་གསུམ་དབང་བསྒྱུར་ཙ་ཛ་ཤྭ་རེ་མ། དགྲ ་བོ་དབང་བསྒྱུར་དཔལ་ལྡན་རེ་མ་ཏི།། འཇིག་རྟེན་དབང་ཆེན་དམན་མོའི་ཚོགས།། གཤིན་རྗེའི་ལྕམ་མོ་ཉི་ཤུ་གཅིག། ལས་མཁན་མ་མོ་བརྒྱད་བཅུ་གཅིག། བྱང་ཤར་མཚམས་ཀྱི་སྲིང་གཅིག་མ།། ཐུགས་ཀྱི་སྤྲུལ་པ ་ནག་མོ་བདུན་ཚོགས་ནག་མོ་ཉི་ཁྲིའི་ཚོགས།། སྐུ་ཡི་སྤྲུལ་པ་དཀར་མོ་བདུན་ཚོགས་དཀར་མོ་ཉི་ཁྲིའི་ཚོགས།། གསུང་གི་སྤྲུལ་པ་དམར་མོ་བདུན་ཚོགས་དམར་མོའི་ཉི་ཁྲིའི་ཚོགས།། ཡོན་ཏན་གྱི་མ་མོ་སེར་ནག ་བདུན། ཕྲིན་ལས་ཀྱི་མམ་ལྡང་ནག་བདུན་ཆགས་སྡང་ནག་ས་ལྔའི་ཆགས། མམཛེས་གཟུང་བ་མརྦ་བྷེ་སམ་རྩ་བ་ལ།། ། གསུང་དྲུང་ལྟ་མས་ཡང་གསལ་བ།། སྣང་ཟད་ཟག་འ ་བསྡུ།། མངོན་རྫོགས་ཡབ་ཀྱིས་བཀའ་སྩལ་པ།། སྣང་སྲིད་ཐིག་ལེར་འདི་ལྟར་བསྡུ།། དེ་ཡང་གང་ཞེ་ན། ཡིད་དང་ཀུན་གཞི་དང་རྣམ་པར་ཤེས་པ་ལས། མ་མོ་ཐིག་ལེ་དགུར་གསལ་ཏེ། མ་མོ་ལྷུན་གྱིས་རྫོགས ་པའི་ཐིག་ལེ་དང་། བྷ་ག་གནས་ཀྱི་ཐིག་ལེ་དང་། མ་མོ་ལུང་གི་ཐིག་ལེ་དང་། མ་མོ་སྒྲུབ་པའི་ཐིག་ལེ་དང་། མ་མོ་སྤྲུལ་པའི་ཐིག་ལེ་དང་། མ་མོ་ཐབས་ཀྱི་ཐིག་ལེ་དང་། མ་མོ་ཤེས་རབ་ཀྱི་ཐིག་ལེ་དང་། མ་མོ་སྐུ ་གསུང་ཐུགས་ཀྱི་ཐིག་ལེ་དང་། མ་མོ་བྱང་ཆུབ་སེམས་ཀྱི་ཐིག་ལེའོ།། ཀུན་ཟླུམ་པའི་ཐིག་ལེ་ཞེས་ཀྱང་བྱ།། ཀློང་ཡངས་པའི་ཐིག་ལེ་ཞེས་ཀྱང་བྱ།། བརྗོད་དུ་མེད་པའི་ཐིག་ལེ་ཞེས་ཀྱང་བྱ།། མ་ནོར་བ་ཞེས་ཀྱང་བྱ། ་གཏན་ལ་འབེབས་པ་ཞེས་ཀྱང་བྱ། མ་བཅོས་པ་ཞེས་ཀྱང་བྱ། རྒྱུ་རྐྱེན་མེད་པ་ཞེས་ཀྱང་བྱ། མ་འགགས་པ་ཞེས་ཀྱང་བྱ། ཡེ་གནས་ཆེན་པོར་གནས་སོ།། མ་མོ་སྣང་སྲིད་ཐིག་ལེའི་ལེའུ་སྟེ་སོ་གཅིག ་པའོ།། །། རྒྱུད་ལུང་བྱང་སྐོར་རྩ་རྒྱུད་ཅེས་བྱ་བ་རྫོགས་སོ།། གནུབས་ནམ་མཁའི་སྙིང་པོས་བསྒྱུར་ཅིང་ཞུས་ཏེ་གཏན་ལ་ཕན་པའོ།། ། ་