Wylie

e-texts produced with BDRC’s OCR application

ཅེས་བྱ་བ་རྫོགས་སོ།། རྒྱ་གར་གྱི་པཎྜི་ཏ་གུ་ཧྱ་གསང་བ་ལས། འབྲོག་མི་དཔལ་གྱི་ཡེ་ཤེས་ཀྱིས་བསྒྱུར་བའོ།། །། ཐུགས་ཀྱི་ཡང་སྙིང་མ་མོ་འབུམ་ཏིག་གི་རྒྱུད། བཅོམ་ལྡན་འདས་དཔལ་ཧེ་རུ་ཀ ་རྟག་པ་ཆེན་པོ་ལ་ཕྱག་འཚལ་ལོ།། བྱང་ཆུབ་སེམས་ཁྱབ་གདལ་བའི་རང་བཞིན་ལ་ཡུམ་དངོས་གྲུབ་ཆེན་པོར་བསྟན་པ་དང་།། ཐུགས་ཀྱི་སྒྲོམ་བུ་ལས་ཕྱུང་བའི་དགོངས་པའི་བརྣག་པ་མཐར་ཕྱིན་པའི་དོན་དུ ་གསུངས་པ་ལས། གནོད་འདུལ་ལྷ་ཡིས་ཡང་གསོལ་པ།། འཇིག་རྟེན་པ་ཡི་ཆོས་རྣམས་ལས།། སེམས་ཉིད་མྱ་ངན་ཇི་ལྟར་བཟླ།། རྟག་ཆད་རྣམ་གཉིས་གང་དུ་བསྡུ།། ཡང་དག་རྫོགས་ཀྱིས་བཀའ་སྩོལ་ཅིག། དེ ་སྐད་གསོལ་པ་གསན་ནས་ཀྱང་།། ཉག་གཅིག་ཡབ་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། སྣོད་ཀྱི་འཇིག་རྟེན་ཀུན་བཟང་པོ།། བཅུད་ཀྱི་འཇིག་རྟེན་སངས་རྒྱས་རྒྱུ།། ཕྱི་ནང་སྣོད་བཅུད་རྣམ་པར ་དག། རྟག་ཆད་རྣམ་གཉིས་མྱ་ངན་འདས།། གཡུང་དྲུང་ལྷ་ཡིས་ཡང་གསོལ་པ།། སྟོན་པ་རྣམ་གསུམ་གང་ལ་བགྱི།། སྡུད་པ་རྣམ་གསུམ་གང་ལ་བགྱི།། གནས་ཞེས་བགྱི་བ་ཇི་ལྟ་བུ།། གནས་ལ་ངེས ་པ་དུ་ཞིག་མཆིས།། དུས་ཞེས་བྱ་བ་ཇི་ལྟ་བུ།། དུས་ལ་ངེས་པ་དུ་ཞིག་མཆིས།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང ་དྲུང་ཡང་དག་པ།། སྟོན་པ་རྣམ་གསུམ་ཡེ་ཤེས་སྐུ།། སྡུད་པ་རྣམ་གསུམ་རིག་པའི་གཏེར།། འཕོ་འགྱུར་མེད་པས་གནས་ཞེས་བྱ།། ཡང་དག་དོན་རྟོགས་དུས་ཞེས་བྱ།། རྡོ་རྗེ་སེམས་དཔས་ཡང་གསོལ་པ།། ལྷ་ལ ་རྣམ་པ་དུ་ཞིག་མཆིས།། འཁོར་ལ་རྣམ་པ་དུ་ཞིག་མཆིས།། ལུང་ལ་རྣམ་པ་དུ་ཞིག་མཆིས།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང ་དག་པ།། ལྷ་ལ་རྣམ་པ་གསུམ་དུ་བསྟན།། འཁོར་ལ་རྣམ་པ་གསུམ་དུ་བསྟན།། ལུང་ལ་རྣམ་པ་གསུམ་དུ་བསྟན།། རྡོ་རྗེ་སེམས་དཔས་ཡང་གསོལ་པ།། རྒྱུད་ཅེས་བགྱི་བ་ཅི་ལྟར་ལགས།། ལུང་ཞེས་བགྱི་བ་ཇི་ལྟར་ལགས།། མན་ངག་བགྱི ་བ་ཇི་ལྟར་ལགས།། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། རྒྱུད་ཅེས་བྱ་བ་འབྲེལ་པའི་བཀའ།། ལུང་ཞེས་བྱ་བ་སྟོན་པའི་བཀའ།། མན་ངག་ཅེས་བྱ་ལ ་བཟླའོ།། གཡུང་དྲུང་ལྷ་ཡིས་ཡང་གསོལ་པ།། ཡུམ་གྱི་དབྱིངས་ཤེས་གང་ལ་བགྱི།། ཡབ་ཀྱི་མཁའ་ཞེས་གང་ལ་བགྱི།། བླང་དོར་མེད་པ་གང་གིས་འགྲུབ།། འཁོར་བའི་གནས་འདི་མི་འཚལ་ལམ།། ཀློང་ཞེས་བྱ་བ་ཇི་ལྟར་ལགས།། དེ་སྐད ་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། འདུ་འབྲལ་མེད་པ་ཡུམ་གྱི་དབྱིངས།། སྐྱེ་ཤི་མེད་པ་ཡབ་ཀྱི་མཁའ།། བདེ་བ་ཆེན་པོའི་དོན་རྟོགས་ན།། བླང་དོར་མེད་པ་དེ་ཡིས ་འགྲུབ།། གཉིས་མེད་དོན་རྟོགས་དེ་ཡི་དང་།། རྡོ་རྗེ་སེམས་དཔས་ཡང་གསོལ་པ།། ཆོས་ཉིད་རྟག་པའི་གཡུང་དྲུང་ལ།། སེམས་ཉིད་རྟག་པའི་བློས་བཞག་ན།། འགྱུར་མེད་དོན་ཞེས་རུང་ལགས་སམ།། ཡང་དག་རྫོགས་ཀྱིས་བཀའ་སྩལ ་པ།། ཉོན་ཅིག་གཡུང་དྲུང་ཡང་དག་པ།། ཆོས་ཉིད་རྟག་པའི་གཡུང་དྲུང་ལ།། སེམས་ཉིད་རྟག་པའི་བློ་བཞག་པ།། རྫོགས་པའི་ལྟ་བ་ལ་དོར་རོ།། རྡོ་རྗེ་སེམས་དཔས་ཡང་གསོལ་པ།། མ་ཞེས་བྱ་བ་གང་གི་དབྱིངས།། མོ་ཞེས་བྱ་བ་གང་གི ་ཀློང་།། མ་མོའི་གཏན་ཚིགས་ཇི་ལྟར་ལགས།། འབྱུང་བ་ལྔ་པོ་གང་ལས་གྲུབ།། སངས་རྒྱས་དགོངས་པ་གང་གིས་འགྲུབ།། བདེ་བ་ཆེན་པོའི་ངང་ཉིད་ལས།། རྒྱུ་རྐྱེན་གཉིས་ཀྱིས་བསྐྱེད་ལགས་སམ།། འབྱུང་བ་ལྔ་ཡི་ངང་ཉིད ་ལས།། འདི་ལ་འཕོ་འགྱུར་མཆིས་ལགས་སམ།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། མ་མོའི་དོན་རྣམས་རྟོགས་པའི་ཕྱིར།། མ་མོའི་ས་རྣམས་ངེས་པར་ཐོབ།། ཡིད་བཞིན ་ནོར་བུ་མ་བཙལ་རྙེད།། ཡེ་ཤེས་ཉི་མ་རང་ལ་ཤར།། ཆེན་པོ་ལྔ་ཡི་ངང་ཉིད་དུ།། ཐམས་ཅད་མ་ལུས་སངས་རྒྱས་སོ།། གསང་བ་གཏན་ཚིགས་ཀྱི་ལེའུ་སྟེ་དང་པོའོ།། །། གནོད་འདུལ་ལྷ་ཡིས ་ཡང་གསོལ་པ།། ཐེག་པ་དམན་པའི་འོག་མ་དང་།། སྐྱེ་བོ་དམ་མེད་དམ་ཉམས་ལ།། མི་བསྟན་སྦ་བའི་དམ་ཚིག་གང་།། བདག་གིས་ནན་ཏན་ཇི་ལྟར་བགྱི།། མངོན་སངས་རྒྱས་ལ་བདག་ཉན་འཚལ།། མངོན་སངས ་རྒྱས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་སངས་རྒྱས་ཀྱིས་བཀའ་སྩལ་པ།། ཐེག་པ་དམན་པའི་འོག་མ་དང་།། སྐྱེ་བོ་དམ་མེད་དམ་ཉམས་ལ།། མི་བསྟན་སྦ་བའི་དམ་ཚིག་ནི།། ཐེ ་ཚོམ་མེད་པར་ངས་བསྟན་གྱི།། ངས་གསུང་པ་ལ་རྩེ་གཅིག་སེམས་སྐྱེད་ཅིག། ཐེག་པ་འོག་མ་རྣམས་ལ་གསང་བ་ནི།། རྟོགས་པའི་ལྟ་བ་ཆེན་པོ་གསང་།། མཛད་སྤྱོད་ངོ་མཚར་ཆེན་པོ་གསང་།། རྡོ་རྗེ་སློབ་དཔོན ་སྒྲུབ་རོགས་གསང་།། མ་མོ་བརྟེན་པའི་དམ་རྫས་གསང་།། སྒྲུབ་པར་བྱེད་པའི་ལག་ཆ་གསང་།། བཟླས་པར་བྱ་བའི་སྔགས་རྣམས་གསང་།། བསྒྲུབ་པའི་གནས་ཀྱང་དེ་བཞིན་ནོ།། བསྒྲུབ་པའི་དུས་ཀྱང་དེ་བཞིན ་ནོ།། བསྒྲུབ་པའི་རྟགས་ཀྱང་དེ་བཞིན་ནོ།། དངོས་གྲུབ་རྟགས་ཀྱང་སྔ་མ་བཞིན།། བླང་བའི་ཐབས་ཀྱང་གསང་བར་བྱ།། དབང་དུ་བསྡུ་བའི་ཐབས་ཀྱང་རབ་ཏུ་གསང་།། བཀོལ་བའི་ཐབས་ཀྱང་དེ་བཞིན ་ནོ།། གདམས་པའི་གསང་བའི་དམ་ཚིག་ནི།། གདམས་པ་བཞིན་དུ་མ་ཉན་ཏེ།། གསང་བ་མ་ཐུབ་འབྲས་བུ་ནི།། ཏིལ་འབྲུ་ཙམ་ཡང་ཐོབ་མི་འགྱུར།། དངོས་གྲུབ་ཉིད་ཀྱང་རིང་བ་དང་།། དེ་ནི་རིགས་ཀྱང་ཡོད་མི ་བྱེད།། ཅེས་བཀའ་སྩལ་ཏོ།། མན་ངག་དམ་ཚིག་གི་ལེའུ་སྟེ་གཉིས་པའོ།། །། གདོན་འདུལ་ལྷ་ཡིས་ཡང་གསོལ་པ།། རྣལ་འབྱོར་ཟབ་མོའི་དོན་སྤྱོད་ལ།། ལྟ་བའི་དོན་གྱིས་ཕན་གདགས་པ།། བདག་གིས་ནན ་ཏན་ཇི་ལྟར་བསྐྱེད།། རྟག་ཆེན་ཡབ་ལ་བདག་ཉན་འཚལ།། རྟག་ཆེན་ཡབ་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། རྟག་ཆེན་ཡབ་ཀྱིས་བཀའ་སྩལ་པ།། རྣལ་འབྱོར་ཟབ་མོའི་དོན་སྤྱོད་ལ།། ལྟ ་བའི་དོན་གྱིས་ཕན་གདགས་པ།། ཡང་དག་ཉིད་དུ་ངས་བསྟན་གྱི།། ཉོན་ཅིག་གཡུང་དྲུང་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། སྣོད་ཀྱི་འཇིག་རྟེན་ཤེས་བྱའི་ཡུལ།། བཅུད་ཀྱི་འཇིག་རྟེན་རིག་པ་སྟེ།། ཡུལ ་དང་རིག་པ་གཉིས་མེད་དོན་གྱིས་བལྟ་བར་བྱ།། མ་མོ་མཁའ་འགྲོ་སྐྱབས་དང་གྲོགས་སུ་བལྟ།། སྣོད་ཀྱི་འཇིག་རྟེན་ཆོས་ཀྱི་དབྱིངས།། བཅུད་ཀྱི་འཇིག་རྟེན་ཡེ་ཤེས་ཆེ།། དབྱིངས་དང་ཡེ་ཤེས་གཉིས་མེད་དོན་གྱིས ་བལྟ།། ཐབས་དང་ཤེས་རབ་འདུ་བྲལ་མེད་པར་བལྟ།། ཡབ་ཡུམ་རོལ་པ་བྱང་ཆུབ་སེམས་སུ་བལྟ།། མ་མོ་མཁའ་འགྲོ་བྲན་དང་གཡོག་ཏུ་བལྟ།། སྤྲུལ་པ་སྣ་ཚོགས་འཕྲོ་འདུ་དབྱིངས་སུ་བལྟ།། སྣང་སྲིད་ཐམས་ཅད ་བྱང་ཆུབ་སེམས་ཀྱི་ཐིག་ལེར་བལྟ།། སྣོད་ཀྱི་འཇིག་རྟེན་བྱང་ཆུབ་སེམས།། བཅུད་ཀྱི་འཇིག་རྟེན་ཡེ་ཤེས་ཀློང་།། གཉིས་མེད་དོན་གྱི་སྐྱེ་མེད་སྐུ་རུ་བལྟ།། མ་མོ་མཁའ་འགྲོ་བྱང་ཆུབ་སེམས་ཀྱི་སྤྲུལ ་པར་བལྟ།། སྣང་སྲིད་ཐམས་ཅད་ཐིག་ལེ་ཆེན་པོར་བལྟ།། སྣོད་བཅུད་གཉིས་མེད་རྟག་ཆེན་གཡུང་དྲུང་སྐུ།། སྣང་སྲིད་གཉིས་མེད་ཡེ་ཤེས་ཐིག་ལེའི་ཀློང་།། འཕྲོ་འདུ་ཐམས་ཅད་སེམས་ཀྱི་འབྲས་བུ་སྟེ།། མ་མོ ་མཁའ་འགྲོ་ཡེ་ཤེས་འཕྲོ་འདུར་བལྟ།། ལུང་འདི་ཉིད་ཀྱི་བལྟ་བ་ནི།། མ་ནི་སྐྱེ་མེད་སྐུ་རུ་བལྟ།། མོ་ནི་བརྗོད་མེད་གསུང་དུ་བལྟ།། མ་དང་མོ་ནི་གཉིས་མེད་ཐུགས་སུ་བལྟ། མ་ནི་བྱང་ཆུབ་སེམས་སུ་བལྟ།། མོ་ནི ་ཡེ་ཤེས་ཀློང་དུ་བལྟ།། གཉིས་མེད་རྟོགས་པ་ཆེན་པོར་བལྟ།། མ་ནི་སྐྱེ་མེད་རྣམ་དག་དབྱིངས།། མོ་ནི་འགྱུར་མེད་ཡེ་ཤེས་ཏེ།། གཉིས་མེད་རྟག་པའི་གཡུང་དྲུང་སྐུ།། མ་དང་མོ་ཡི་ངང་ཉིད་ནི།། གཉིས་སུ་མེད ་པའི་བྱང་ཆུབ་སེམས།། མ་དང་མོ་ཡི་ངང་ཉིད་ལས།། ཡེ་ན་ས་གཉིས་མེད་ཆོས་ཀྱི་སྐུ།། མ་དང་མོ་ཡི་ངང་ཉིད་ནི།། ཡེ་ནས་རྡོ་རྗེ་སྙིང་པོར་བལྟ།། མ་དང་མོ་ཡི་ངང་ཉིད་ནི།། ཡེ་ནས་འབྲས་བུ་གསུམ་དུ ་བལྟ།། མ་དང་མོ་ཡི་ངང་ཉིད་ནི།། ཡེ་ནས་སྟོང་པ་གསུམ་དུ་བལྟ།། མ་དང་མོ་ཡི་ངང་ཉིད་ནི།། རྟོགས་ན་རྒྱལ་བའི་སྐུ་ཡང་ཡིན།། མ་རྟོགས་དམྱལ་བའི་གནས་སུ་འགྲོ།། མདོར་ན་མ་དང་མོ་ཡི་ངང་ཉིད་ནི།། འཚོ ་བར་བྱེད་པའི་སྨན་ཡང་ཡིན།། འཆི་བར་བྱེད་པའི་དུག་ཀྱང་ཡིན།། ཅེས་བཀའ་སྩལ་པ་དང་།། འཁོར་རྣམས་དམས་ནས་ཡ་མཚན་སྐྱེས་སོ།། མ་མོའི་ལྟ་བའི་ལེའུ་སྟེ་གསུམ་པའོ།། །། གནོད་འདུལ་ལྷ་ཡིས ་ཡང་གསོལ་པ།། སེམས་ཅན་ཀུན་ལ་ཕན་གདགས་ཕྱིར།། བསྒོམ་པའི་དོན་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་རྫོགས་རྒྱལ་པོས་བཀའ ་སྩལ་པ།། བསྒོམ་པའི་དོན་འདི་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས་གསུང་བ་ལ་སེམས་མ་ཡེངས།། དེ་ལ་དང་པོ་དེ་བཞིན་ཉིད་ཀྱི་ཏིང་ངེ་འཛིན་ནི། སྣང་སྲིད་ཐམས་ཅད་མ་བྱུང་མ་སྐྱེས་པར ་བསྒོམ། དེ་ནས་ཀུན་ཏུ་སྣང་བའི་ཏིང་ངེ་འཛིན་ནི། སྙིང་རྗེ་ནམ་མཁའི་ངོ་བོ་ལྟར།། སྣང་ལ་རང་བཞིན་མེད་པར་བསྒོམ།། དེ་ནས་རྒྱུ་ཡི་ཏིང་ངེ་འཛིན་ནི།། ཨོཾ་དཀར་པོ་བཀྲ་ས་ལེ་བསྒོམ། ཨོཾ་དེ་ལས་འོད་འཕྲོས ་པས་འཕགས་པའི་ཐུགས་ཀྱི་རྒྱུད་བསྐུལ། འགྲོ་བ་སེམས་ཅན་གྱི་དོན་བྱས་ནས།། སླར་འདུས་པ་ལས་ཡེ་ཤེས་ལྔར་གྱུར་པར་བསྒོམ་མོ།། ཡེ་ཤེས་ལྔ་ཡི་འོད་ཟེར་ལས།། ཨེ་ཏཾ་མཾ་སུ་ཀོ་པྱཾ་ལཾ་བྷྲཱུཾ།། ཞེས་བརྗོད ་པས།། ཡི་གེ་དེ་རྣམས་རིན་ཆེན་རྩར་ལ་བརྒྱུས་པ་བཞིན་དཀར་ཁྲིགས་སེ་བསྒོམ་མོ།། དེ་ནས་ཨེ་བྷ་ག་ཝ་པདྨ་མཎྜལ་ཞེས་བརྗོད་པས། ཡི་གེ་ཨེ་ལས་གསེར་གྱི་འཁོར་ལོ་རྩིབས་སྟོང་དང་ལྡན་པ་གཅིག་ཏུ ་གྱུར་ནས་སྣང་སྲིད་ཀུན་ལ་ཁྱབ་པར་བསྒོམ་མོ།། དེའི་བྱིན་རླབས་ལས་འོག་གི་ཕྱོགས་སུ་ཏཾ་ཏཾ་ཞེས་བརྗོད་པས་རླུང་གི་འཚུབ་མ་ལ་རྡོ་རྗེ་རྒྱ་གྲམ་གྱིས་ཁ་བཅད་པར་བསྒོམ་མོ།། དེའི་སྟེང་དུ་མཾ་ལས ་རཀྟ་མཎྜལ་ཞེས་བརྗོད་པས།། རཀྟའི་རྒྱ་མཚོ་མཐའ་དང་དབུས་མེད་པ་དམར་ཚིལ་བར་གྱུར་པར་བསྒོམ་མོ།། དེའི་སྟེང་དུ་སུ་ལས་བཛྲ་སུཾ་ཞེས་བརྗོད་པས།། གསེར་གྱི་ས་གཞི་དཔེར་ན་མཚོ་ལ་དར་ཆགས་པ་ཙམ ་མམ།། འོ་མ་ལ་སྤྲིས་མ་ཆགས་པའི་ཚུལ་དུ་ཁད་ཀྱིས་ཆགས་པར་བསྒོམ་མོ།། དེའི་སྟེང་དུ་ཀཾ་ལས་ཀོ་ནི་རི་ཛ་ལ་མཎྜལ་ཞེས་བརྗོད་པས། ཀེང་རུས་ཀྱི་རི་རབ་གསར་རྙིང་བརྩེགས་པ་ལ། གནམ་ལྕགས་ཀྱི་རྡོ་རྗེ་རྩེ ་གཅིག་པའི་གཟེར་གྱིས་བཏབ་པས་རྩིབས་ལ་ཉི་ཟླ་འཆར་བར་བསྒོམ་མོ།། དེའི་སྟེང་དུ་ཕྱི་ལས་ཨགྣི་མཎྜལ་ཞེས་བརྗོད་པས། འབྱུང་བ་མེ་ཡི་དལ་གྱིས་འབྱུང་བ་ཐམས་ཅད་ཆ་སྙོམས་ཏེ། གྲོའི་གླུམ་ལངས་པ ་བཞིན་མྱལ་གྱིས་བཏང་བར་བསྒོམ་མོ།། དེའི་སྟེང་དུ་སུཾ་ལས་སུ་བཛྲ་སུམ་མེ་ཞེས་བརྗོད་པས། རི་རབ་རིན་པོ་ཆེ་སྣ་ལྔ་ལས་གྲུབ་པ་ཤར་ཤེལ་ཀ་ཀ་རི་ཡང་སྟི་ལྟར་དཀར་བ། ལྷོ་བཻ་ཌཨཱརྱ་ཡ་ལྟར་སྔོ་བ། ནུབ་པདྨ་ར ་ག་ལྟར་དམར་བ། བྱང་ཨིནྡྲ་ནཱི་ལ་ལྟར་ལྡང་བ། དབུས་སུ་ཤར་ཀ་ལྟར་སེར་བ། དཔག་ཚད་བརྒྱད་ཁྲི་བཞི་སྟོང་དུ་ཕྱིན་པ། ཁ་ཁྱེར་གྱེན་དུ་བྱུང་བས་ནམ་མཁའ་མཐའ་ཡས་སྐྱེ་མཆེད་འཕང་གཅད་པར་བསྒོམ ་མོ།། དེའི་སྟེང་དུ་མ་དམར་མོ་གཅིག་གསལ་ནས། དེའི་སྟེང་དུ་བྷྲཱུཾ་སྨུག་ནག་གཅིག་བསྒོམ་མོ།། དེ་ལས་འོད་ཟེར་འཕྲོས་པས་འཕགས་པའི་ཐུགས་དམ་གྱི་རྒྱུད་བསྐུལ། འགྲོ་བ་སེམས་ཅན་གྱི་དོན་བྱས་ནས་སླར ་འདུས་པ་ལས།། བྷྱཱཾ་བི་ཤྲ་བི་ཤུདྡྷེ་ཛྙཱ་ན་ཙཀྲ་བྷནྡ་བྷྲཱུཾ།། ཞེས་བརྗོད་པས་ཡེ་ཤེས་ཀྱི་གཞལ་ཡས་ཁང་གྲུ་བཞི་སྒོ་བཞི་དང་ལྔ་པ། སྒོ་ཁྱུད་རྟ་བབས་དང་ལྡན་པ་གཅིག་ཏུ་གྱུར་པར་བསྒོམ་མོ།། གཞལ་ཡས་ཁང་དེའི ་ནང་དུ་དུར་ཁྲོད་ཀྱི་རྒྱན་མང་པོས་བརྒྱན་པར་བསྒོམ་མོ།། དེའི་སྟེང་དུ་མ་དམར་མོ་གཅིག་གསལ་བར་བསྒོམ་མོ།། དེ་ལས་མ་སཱུརྱ་མཎྜལ་ཞེས་བརྗོད་པས།། ཉི་མའི་དཀྱིལ་འཁོར་དུ་གྱུར་པར་བསྒོམ་མོ།། དེའི་སྟེང ་དུ་ཨ་དཀར་པོ་གཅིག་གསལ་བ་ལས།། ཨ་ཙནྡྲ་མཎྜལ་ཞེས་བརྗོད་པས། ཟླ་བའི་དཀྱིལ་འཁོར་དུ་གྱུར་པར་བསྒོམ། ཉི་ཟླའི་སྟེང་དུ་ཙཀྲ་མཎྜལ་ཞེས་བརྗོད་པས། འཁོར་ལོ་རྩིབས་བཞི་པ་གཅིག་ཏུ་གྱུར་པར ་བསྒོམ་མོ།། དེའི་སྟེང་དུ་མ་ཧཱ་དེ་ཝ་ཕོ་མོ་བསྒོམ་ལ། མ་ཧཱ་དེ་ཝཱ་ཨུ་མ་དེ་ཝཱི་ཁ་ཊྭཱཾ་ག་ཏི་ར་བཾ་ཞེས་བརྗོད་པས། དབང་ཕྱུག་ཆེན་པོ་གན་རྒྱལ་དུ་བསྒྱེལ་ནས་གདན་དུ་བཏིང་བར་བསྒོམ་མོ།། དེའི་སྟེང་དུ་རྒྱུའི་ཡི་གེ་ཨོཾ ་དཀར་པོ་བཀྲ་ས་མེ་བསྒོམ་མོ།། ཨོཾ་དེ་ལས་འོད་ཟེར་འཕྲོས་འདུས་པ་ལས། བྱང་ཆུབ་སེམས་སུ་གྱུར་པར་བསྒོམ་མོ།། དེ་ཡང་སྣང་སྲིད་སེན་མོ་ཙམ་ཡང་མ་གཡོས་པའི་ཐིག་ལེར་གསལ་བར་བསྒོམ་མོ། ཐིག་ལེ་དེ ་ལས་ཨོཾ་གུ་ཡ་ཛྙཱ་ན་ཤྲཱི་ཧེ་རུ་ཀ་ཧཱུཾ།། ཞེས་བརྗོད་པས།། བླ་མེད་ཧེ་རུ་ཀའི་སྐུར་སལ་གྱིས་གྱུར་ཏེ། ཏིང་ངེ་འཛིན་གྱིས་ལྕོགས་ཚད་དུ་དགུ་ཕྱག་བཅོ་བརྒྱད་པར་བསྒོམ་མོ།། དེ་ལྟར་མི་གསལ་ན་སྐུ ་མདོག་མཐིང་ནག་ལ་གཡས་དཀར་གཡོན་དམར། དབུ་གསུམ་ཕྱག་དྲུག་པ་ཞབས་བཞི་ཕྱོགས་བཞིར་གཏམས་པར་བསྒོམ་མོ།། གཤོག་པ་ཕྱོགས་བཞིར་བརྐྱང་བ། གླང་པོ་ཆེའི་རྐོ་རློན་གྱི་སྟོད་གཡོགས་དང་། ཞིང ་ལྤགས་ཀྱི་གཡང་གཞི་དང་། ཐོད་རློན་གྱི་ཕྲེང་བ་ཚར་གསུམ་གྱིས་སྤྲས་པ། དབུ་རྒྱན་མགུར་ཆུ་དོ་ཤལ་བྱས། ཀླུ་རིགས་བཞིས་སྐུ་ལ་བརྒྱན་པ། མཚན་མ་རྣམ་པ་གསུམ་གྱིས་མཚན་པ། སྟག་ལྤགས་ཀྱི་ཤམ་ཐབས ་ཀྱིས་བརྒྱན་པ། ཞལ་གཡས་དཀར་བ་གཡོན་དམར་བ། དབུས་སྐུ་དང་མཐུན་ཏེ་མཐིང་ནག་ཕྱག་གཡས་དང་པོ་ན་རྡོ་རྗེ་རྩེ་དགུ་པ་ཐོགས་པ། གཡས་པར་མ་ན་རལ་གྲི་བསྣམས་པ། གཡས་ཐ་མ་ན་ཞགས་པ ་བསྣམས་པ། གཡོན་དང་པོ་ན་དྲིལ་བུ་བསྣམས་པ། གཡོན་བར་མ་ན་རྔེའུ་ཆུང་གཡོན་ཐ་མ་ན་དགྲ་སྟ་བསྣམས་པར་བསྒོམ་མོ།། དེ་ལྟར་གསལ་བ་དང་། གཡོན་གྱི་ཕྱོགས་སུ་གུ་ཡ་ཀྲོ་དྷི་ཤྭ་རཱི་ཧཱུཾ། ཞེས་བརྗོད་པས། ་ལུས་ལ་གྲིབ་མ་བྱུང་བའི་ཚུལ་དུ་ཡུམ་ཉིད་གསང་བའི་ཡུམ་ཆེན་མོར་སལ་གྱིས་གྱུར་པར་བསྒོམ་མོ།། སྐུ་མདོག་དང་ཕྱག་ཆ་གཙོ་བོ་དང་མཐུན་པར་བསྒོམ་མོ།། ཞལ་ལྔ་ཕྱག་དྲུག་པའོ།། གཡས་དང་པོ་ན་དྲིལ་བུ ་བསྣམས་པ།། གཡོན་དང་པོ་ན་བྷནྣ་རཀྟས་བཀང་བ་ཐོགས་པ། གཡས་པར་མ་ན་ཞགས་པ་ཐོགས་པ།། གཡས་ཐ་མ་ན་བདུད་རྩི་རྣམ་པ་ལྔ་ཐོགས་པ།། གཡོན་བ་ར་མ་ན་བྷནྣ་ལྟག་སྤྲོད་ཀྱི་རྔ་བསྣམས ་པ།། གཡོན་ན་ཐ་མ་ན་གཡང་གཞི་བསྣམས་པ།། ཞབས་རྣམ་པ་བརྒྱད་དང་ལྡན་པ་གཅིག་གསལ་བར་བསྒོམ་མོ།། དེ་ནས་ཡབ་ཡུམ་གཉིས་སུ་མེད་པའི་བརྡས་བསྐུལ་ནས།། སྦྱོར་བ་མཛད་ནས་བྱང་ཆུབ་སེམས་ཀྱི ་འོད་ཟེར་འཕྲོས་པས་ལྕགས་ཀྱུས་སྲིད་པའི་མ་མོ་ཀུན་བཀུག་ནས་གདན་ཏུ་བཏིང་། ཛཿཧཱུཾ་བཾ་ཧོཿཀྲོ་དྷཱི་ཤྭ་རཱི་ཏི་ར་བཾ་ཤནྟི་ཏི་ར་བཾ། མུ་ཏྲི་ཏི་ར་བཾ། ཤནྟ་ཏི་ར་བཾ། དུནྟི་ཏི་ར་བཾ། དནྟི་ཏི་ར་བཾ། སཱུརྱ་ཏི་ར་བཾ། ཁ་ར་ར ་ཀ་བི་ཏི་ཏི་ར་བཾ། སྲིང་འགྲོ་ཏི་ར་བཾ། བཛྲ་ཀྲྀ་ཀྲྀ་ཏི་ར་བཾ། བཛྲ་ཏ་ཀོ་བཛྲ་ཏ་ཀོ་ཏི་ར་བཾ། བཛྲ་ནི་ལ་བཛྲ་ནི་ལ་ཏི་ར་བཾ། བཛྲ་ལནྣ་བཛྲ་ལནྟ་ཏི་ར་བཾ། ནན་ཞེས་བརྗོད་པས། གན་རྐྱལ་དུ་ལིང་ལིང་འགྱེལ་ནས་ཕྱོགས ་ཕྱོགས་སུ་གདན་དུ་བཏིང་བར་བསྒོམ་མོ།། ཡང་ཡབ་ཡུམ་གཉིས་སུ་མེད་པའི་བྱང་ཆུབ་ཀྱི་སེམས་ལས། ཡི་གེ་ཧ་རེ་རེ་གསལ་བར་བསྒོམ་མོ།། ཡི་གེ་ཧ་འཕྲོས་འདུས་པ་ལས། བྱང་ཆུབ་སེམས་སུ་གྱུར་པར ་བསྒོམ་མོ།། ཤར་ཕྱོགས་འཁོར་ལོའི་རྩིབས་སྟེངས་སུ།། སྒྲོལ་བྱེད་མ་དང་དཀར་མོ་མིག་གཅིག་མ་གཉིས་བསྣོལ་བའི་གདན་སྟེངས་སུ་བྱང་ཆུབ་ཀྱི་སེམས་ཡི་གེ་ཧ་ལས། ཨོཾ་གྷྲྀ་སྭ་མུ་མ་ཧ་དྷིག་ཅེས་བརྗོད ་པས།། རྟག་པའི་རྒྱལ་མོ་རྣམ་སྣང་གསལ་གྱི་སྐུར་སལ་གྱིས་གྱུར་ཏེ། སྐུ་མདོག་དཀར་མོ་ལ་དབུ་གསུམ་ཕྱག་དྲུག་པར་བསྒོམ་མོ།། གཡས་དང་པོ་ན་རྡོ་རྗེ།། བར་པ་ན་དགྲ་སྟྭ།། ཐ་མ་ན་སེང་གེ་བསྣ ་མས་པ།། གཡོན་དང་པོ་བྷནྡྷ་རཀྟས་བཀང་བ།། བར་མ་ན་གཏུན་ཤིང་རྡེགས་པའི་ཚུལ་སྟོན་པ། ཐ་མ་ན་མཆོག་ཆེན་སྟོད་པར་བསྒོམ་མོ།། ཞབས་བཞི་བརྐྱང་བསྐུམ་དུ་བཞུགས་པར་བསྒོམ་མོ།། བྱང་ཕྱོགས ་འཁོར་ལོའི་རྩིབས་སྟེངས་སུ།། དབང་ཕྱུག་མ་དང་རལ་གཅིག་མ་གཉིས་བསྣོལ་བའི་གདན་སྟེངས་སུ།། བྱང་ཆུབ་ཀྱི་སེམས་ཡི་གེ་ཧ་ལས།། ཨོཾ་བྱི་ཡང་ཡང་ཏེ་ཧ་དྷྲིག་ཅེས་བརྗོད་པས། མཁའ་འགྲོ་མ་ཡང་གསལ ་གཡོས་ཀྱི་སྐུར་སལ་གྱིས་གྱུར་ཏེ། སྐུ་མདོག་ལྗང་གུ་ལ་དབུ་གསུམ་ཕྱག་དྲུག་པར་གྱུར་ཏོ།། ཕྱག་གཡས་དང་པོ་ན་རྡོ་རྗེ་རྒྱ་གྲམ་བསྣམས་པ།། གཡས་བར་པ་ན་དབྱུག་ཐོ་ཆེན་པོ་བསྣམས་པ། གཡས་ཐ་མ་ན་སྦྱང ་མོ་བསྣམས་པ། གཡོན་དང་པོ་ན་བྷནྡྷ་བསྣམས་པ། གཡོན་པར་མ་ན་རྒྱུ་ཕྲེང་བསྣམས་པ། གཡོན་ཐ་མ་ན་ཞིང་ཆུང་བཟུང་ཞིང་བསྣམས་ནས་སྙོད་པར་བསྒོམ་མོ།། ཞབས་བཞི་བརྐྱང་བསྐུམ་དུ་བཞུགས་པར་བསྒོམ ་མོ།། ནུབ་ཕྱོགས་འཁོར་ལོའི་རྩིབས་སྟེངས་སུ། བདུད་རྩི་མོ་དར་དམར་མོ་གཉིས་བསྣོལ་བའི་གདན་སྟེངས་སུ།། སེམས་ཡི་གེ་ཧ་ལས།། མཁའ་འགྲོ་མ་གཉེན་གསལ་མར་སལ་གྱིས་གྱུར་ཏེ། སྐུ་མདོག་དམར་མོ ་ལ་ཞལ་གསུམ་ཕྱག་དྲུག་པར་གྱུར་ཏོ་ཕྱག་གཡས་དང་པོ་ན་པདྨ་བསྣམས་པ། བར་མ་ན་ཞགས་པ། ཐ་མ་ན་ཅེ་སྤྱང་འཛིན་པ། གཡོན་དང་བོ་ན་བྷནྡ་བསྣམས་པ། བར་མ་ན་ཏྲི་ཤུལ་བསྣམས་པ། ཐ་མ་ན་ཞིང ་ཆེན་ཐོགས་ནས་སྙོད་པར་བསྒོམ་མོ།། ཞབས་བཞི་བརྐྱང་བསྐུམ་དུ་བཞུགས་པར་བསྒོམ་མོ།། ལྷོ་ཕྱོགས་འཁོར་ལོའི་རྩིབས་སྟེངས་སུ། དབང་སྡུད་མ་དང་རལ་གཅིག་མ་གཉིས་བསྣོལ་བའི་གདན་སྟེངས་སུ། བྱང ་ཆུབ་ཀྱི་སེམས་ཡི་གེ་ཧ་ལས། ཨོཾ་ཛྭ་ལ་རཾ་ཧ་དྷྲིག་ཅེས་བརྗོད་པས། མཁའ་འགྲོ་མ་འོད་གསལ་འབར་གྱི་སྐུར་སལ་གྱིས་གྱུར་ཏེ། སྐུ་མདོག་སྔོན་མོ་ལ་ཞལ་གསུམ་ཕྱག་དྲུག་པར་བསྒོམ་མོ།། ཕྱག་གཡས་དང་པོ་ན ་རིན་པོ་ཆེ་འབར་བ་བསྣམས་པ། བར་མ་ན་མེ་དཔུང་འབར་བ་བསྣམས་པ། ཐ་མ་ན་སྟག་མོ་འཛིན་པ། གཡོན་དང་པོ་ན་བྷནྡྷ། བར་མ་ན་དབྱུག་ཐོ་འབར་བ། ཐ་མ་ན་ཞིང་ཆུང་སྦྲམ་པོ་བཟུང་ནས་སྙོད་པར་བསྒོམ ་མོ།། ཞབས་བཞི་བརྐྱང་བསྐུམ་དུ་བཞུགས་པར་བསྒོམ་མོ།། འཁོར་ལོའི་ལྟེ་བའི་དབུས་ཀྱི་དཀྱིལ་འཁོར་ན། དཔལ་ཆེན་མོ་བསྒོམ་པའི་གཡས་ཕྱོགས་སུ། མ་མོ་ཕྲ་མེན་མ་རྒྱ་མཚོ་མ་དང་། ཉི་ཟླ་ཟོད་ཕྲེང་མ་གཉིས ་བསྣོལ་བའི་གདན་སྟེངས་སུ། བྱང་ཆུབ་ཀྱིས་སེམས་ཡི་གེ་ཧ་ལས། ཨོཾ་མ་ཧཱ་ལཾ་ཏེ་ཧ་དྷིག་ཅེས་བརྗོད་པས། ཡུམ་བཀྲག་གསལ་མར་སལ་གྱིས་གྱུར་ཏེ།། སྐུ་མདོག་སེར་མོ་ལ་ཞལ་གསུམ་ཕྱག་དྲུག་པར་བསྒོམ ་མོ།། ཞལ་གཡས་དཀར་བ། གཡོན་དམར་བ། དབུས་སེར་བ། གཡས་དང་པོ་ན་འཁོར་ལོ་བསྣམས་པ། བར་མ་ན་རྒྱལ་མཚན། ཐ་མ་ན་འུག་པ་འཛིན་པ། གཡོན་དང་པོ་ན་བྷནྣ། བ་ར་མ་ན་སྤུ་གྲི ་བསྣམས་པ། ཐ་མ་ན་ཞིང་ཆུང་བཟུང་ནས་སྙོད་པར་བསྒོམ་མོ།། ཞབས་བཞི་བརྐྱང་བསྐུམ་དུ་བཞུགས་པར་བསྒོམ་མོ།། དེ་ནས་བདག་ཉིད་དཔལ་ཆེན་པོའི་ཐུགས་ཀར་རིན་ཆེ་སྨུག་པོ་གུར་ཕུབ་པ་འདྲ་བའི་ནང་ན ་དངས་མ་བཞི་ཞིག་ཡོད་དེ། རྩའི་དྭངས་མ་དང་། ཁྲག་གི་དྭངས་མ་དང་། དབུགས་ཀྱི་དྭངས་མ་དང་།། འོད་ཀྱི་དྭངས་མ་དང་བཞི་ལས་ཤར་ལྷོའི་མཚམས་སུ་རྒྱན་གྱི་རྒྱལ་མོ་འགྱེལ་བའི་གདན་སྟེངས་སུ། རྩའི ་དྭདྲངས་མ་ལས། ཨོཾ་ཀ་མ་ལ་ཤྭ་རཱི་ཧ་དྷྲྀག་ཅེས་བརྗོད་པས་གསང་བའི་ཡུམ་རྒྱས་འདེབས་མར་སལ་གྱིས་གྱུར་ཏེ། སྐུ་མདོག་དམར་སྐུ་ལ་སྐུ་ཕྱག་གིས་གང་བ། ཞལ་སྤྱན་གྱིས་གང་བ་ཅིག་བསྒོམ་མོ།། ལྷོ་ནུབ་ཏུ ་དབྱིངས་ཕྱུག་མ་བསྒྱེལ་བའི་གདན་གྱི་སྟེངས་སུ། ཁྲག་གི་དྲངས་མ་ལས། ཨོཾ་ཀ་མ་ལ་ཤྭ་རཱི་ཧ་དྷྲྀག་ཅེས་བརྗོད་པས་གསང་བའི་ཡུམ་ཟ་བྱེད་མའི་སྐུར་སལ་གྱིས་གྱུར་ཏེ། སྐུ་མདོག་མཐིང་ནག་ལ་སྐུ་དབུགས ་ཀྱིས་གང་བ། ཕྱག་ཞག་གིས་གང་བ་ཅིག་བསྒོམ་མོ།། ནུབ་བྱང་བདུད་རྩི་མ་བསྒྱེལ་བའི་སྟེངས་སུ། དབུགས་ཀྱི་དྭངས་མ་ལས། ཨོཾ་ཀ་མ་ལ་ཤྭ་རཱི་ཧ་དྷྲྀ་ག་ཅེས་བརྗོད་པས། ཡུམ་རྨོངས་བྱེད་མར་སལ་གྱིས་གྱུར་ཏེ། ་སྐུ་མདོག་དམར་མོ་ལ་སྐུ་ལུས་ཁྲག་གིས་གང་བ། ཕྱག་རླུང་གིས་གང་བ་ཅིག་བསྒོམ་མོ།། བྱང་ཤར་དུ་གཅིག་པུ་མ་བསྒྱེལ་བའི་གདན་སྟེངས་སུ། འོད་ཀྱི་དྭངས་མ་ལས། ཨོཾ་ཀ་མ་ལ་ཤྭ་རཱི་ཧ་དྷྲིག་ཅེས་བརྗོད་པས། ་ཡུམ་ཚེ་འཕེལ་མར་སལ་གྱིས་གྱུར་ཏེ། སྐུ་མདོག་ལྗང་གུ་ལ་སྐུ་བད་ཀན་གྱིས་གང་བ། ཕྱག་ཆུ་སེར་གྱིས་གང་བར་གྱུར་ཏེ། དེ་ལྟར་གསལ་བ་དང་། བྱང་ཆུབ་སེམས་ལས་འོད་ཟེར་འཕྲོས་འདུས་པ་ལས། ཛཿཧཱུཾ་བཾ་ཧོཿ ་མ་མ་བྷྱོ་ཕཊ་ནན། མ་མ་དུཥྚཱཾ་ཕཊ་ནན། མ་མ་ཏྲག་རཀྵ་པྲ་ཝེ་ཤ་ཕཊ་ནན། ཤན་ནན་ཏི་ར་བཾ་ཞེས་བརྗོད་པས། སྲིད་པའི་དབང་ཆེན་རྣམས་ཁ་བུབ་གན་རྐྱལ་དུ་བསྒྱེལ་བར་བསྒོམ་མོ།། ཡང་བྱང་ཆུབ ་སེམས་ལས་སྦས་པའི་མ་བཞི་དང་། དགྱེས་སྡེ་མོ་བཞི་དང་བརྒྱད་བསྒྱེལ་བའི་གདན་སྟེངས་སུ། བདག་གི་རྣམ་པར་ཤེས་པ་མིག་གི་དྭངས་མ་ལས། ཨོཾ་ཀ་མ་ལ་ཤྭ་རཱི་ཧ་དྷིག་ཅེས་བརྗོད་པས། ཡུམ་ཁམས་གསུམ ་གདར་གཅོད་མར་སལ་གྱིས་གྱུར་ཏེ། སྐུ་མདོག་དཀར་བཀྲ་མར་བཞུགས་པ། ཞལ་གཅིག་ཕྱག་གཉིས་པ་ཞལ་རྔམས་པའི་མཆེ་བ་གཙིགས་པ། ཕྱག་ན་འུག་པ་དང་ཁྱུང་ལ་སོགས ་པའི་རྦོད་གཏོང་བསྣམས་པར་བསྒོམ་མོ།། ཨེ་ཀ་ཙ་ཏི་སྤུན་དྲུག་བསྒྱེལ་བའི་གདན་སྟེངས་སུ། དག་གི་རྒྱུངས་པ་ལས། ཨོཾ་ཀ་མ་ལ་ཤྭ་རཱི་ཧ་དྷྲྀ་ག་ཅེས་བརྗོད་པས། མདོག་དམར་བཀྲར་བཞུགས་པ། ཞལ་གཅིག་ཕྱག ་གཉིས་པ། ཞལ་རྔམས་པའི་མཆེ་བ་གཙིགས་པ། ཕྱག་ན་མཚོན་ཆ་སྣ་ཚོགས་བསྣམས་པར་བསྒོམ་མོ།། སྲིད་པ་ཆགས་བྱེད་སྤྱན་གཉིས་བསྒྱེལ་བའི་གདན་སྟེངས་སུ། གསང་བའི་བྱང་ཆུབ་སེམས ་ལས། ཨོཾ་ཀ་མ་ལ་ཤྭ་རཱི་ཧ་དྷྲི་ག་ཅེས་བརྗོད་པས། དུས་གསུམ་དབང་སྡུད་མར་སལ་གྱིས་གྱུར་ཏེ། སྐུ་མདོག་དཀར་བཀྲ་ལ་ཞལ་གཅིག་ཕྱག་གཉིས་པ། ཞལ་རྔམས་པའི་མཆེ་བ་གཙིགས་པ་ཕྱག་ན་རྦོད་གཏོང་གི ་ཕྱག་བརྙན་བསྣམས་པར་བསྒོམ་མོ།། འདོད་ཁམས་ཀྱི་གཙོ་མོ་སྤུན་གཉིས་བསྒྱེལ་བའི་གདན་སྟེངས་སུ། བདག་གི་ཙིཏྟ་ལ་ཨཱ~ཾ་ཀ་མ་ལ་ཤྭ་རཱི་ཧ་དྷྲིག་ཅེས་བརྗོད་པས། པདྨ་ཤྭ་རཱིར་བསྐྱེད། དམར་པོ་ཞལ་གཅིག་ཕྱག ་གཉིས་བསྒོམ། ནམ་མཁའི་རྒྱལ་མོ་སྤུན་གཉིས་ཀྱང་གན་རྐྱལ་བསྒྱེལ་བའི་གདན་སྟེངས་སུ། བདག་གི་སྲིད་པ་མདོ་བསྡུས་ལས། ཨཱ~ཾ་ཀ་མ་ལ་ཤྭ་རཱི་ཧ་དྷྲི་ག་ཅེས་བརྗོད་པས། ཡཀྵ་ཀྲོ་ཏཱི་ཤྭ་རཱི་མར་སལ་གྱིས་གྱུར་ཏེ། ་སྐུ་མདོག་སྨུག་ནག་ཞལ་གཅིག་ཕྱག་གཉིས་པ་བསྒོམ་མོ།། མ་བདུན་བསྒྱེལ་བའི་གདན་སྟེངས་སུ། ཡིད་ཀྱི་རྣམ་པར་ཤེས་པ་ལས། ཨོཾ་ཀ་མ་ལ་ཤྭ་རཱི་ཧ་དྷི་ག་ཅེས་བརྗོད་པས། རག་མོ་ཀྲོ་ཏཱི་ཤྭ་རཱི་མར་སལ་གྱིས་གྱུར ་ཏེ། སྐུ་མདོག་སྔོན་མོ་ལ་ཞལ་གཅིག་ཕྱག་གཉིས་པར་བསྒོམ་མོ།། དམག་གི་རྒྱལ་མོ་བཞི་བསྒྱེལ་བའི་གདན་སྟེངས་སུ། ཐབས་དང་ཤེས་རབ་ལས། ཨོཾ་ཀ་མ་ལ་ཤྭ་རཱི་ཧ་དྷྲིག་ཅེས་བརྗོད་པས། ས་མ་ཡ་ཀྲོ་ཏཱི་ཤྭ ་རཱི་མར་སལ་གྱིས་གྱུར་ཏེ། སྐུ་མདོག་དམར་མོ་ལ་ཞལ་གཅིག་ཕྱག་གཉིས་པ་བསྒོམ་མོ།། སྲིང་བཞི་བསྒྱེལ་བའི་གདན་སྟེངས་སུ། སྟེང་འོག་བཤང་ལམ་སྒོ་བཞི་ལས།། ཨོཾ་ཀ་མ་ལ་ཤྭ་རཱི་ཧ་དྷིག་ཅེས་བརྗོད་པས། བི ་ཤྭཤྲ་ཀྲོ་དྷི་ཤྭ་རཱི་མའི་སྐུར་བསྐྱེད་སྐུ་མདོག་ལྗང་ནག་ལ། ཞལ་གཅིག་ཕྱག་ཀྱང་གཉིས་པར་བསྒོམ། ཉི་ཤུ་རྩ་བརྒྱད་བསྒྱེལ་བའི་གདན་སྟེངས་སུ། ཉོན་མོངས་པའི་ཡིད་ལས་ནི། ཨོཾ་ཀ་མ་ལ་ཤྭ་རཱི་ཧ་དྷྲིག་ཅེས་བརྗོད ་པས། གུ་ཡ་ཀྲོ་ཏཱི་ཤྭ་རཱི་མར་སལ་གྱིས་གྱུར་ཏེ། སྐུ་མདོག་དཀར་བཀྲལ་ཞལ་གཅིག་ཕྱག་གཉིས་པར་བསྒོམ་མོ།། དེ་ལྟར་དཔལ་ཆེན་པོ་ཡབ་ཡུམ་དང་། ཐུགས་ཡེ་ཤེས་ཀྱི་ངོ་བོ་ཉིད། གསང་བ་ཐུགས་ལས་བསྐྱེད ་པའི་སྲས།། དཀྱིལ་འཁོར་བཞི་ཡི་དབང་བཙན་དུ།། ལྷ་རྣམས་གསལ་བར་གྱུར་པ་དང་།། ཡེ་ཤེས་རང་གནས་ཡིན་པ་སྟེ།། བྱིན་བརླབས་དབང་དང་ལྡན་བྱའི་ཕྱིར།། སྤྱན་དྲང་བསྟིམ་པར་བྱ་བ་ཡིན། དེ་ནས་འབྱོར ་ཚོགས་ཀྱི་མཆོད་པ་ཕུལ་ལ། འཛབ་དྲང་བ་ནི། ཨོཾ་ཤྲཱི་ཧེ་རུ་ཀ་ཀྲོ་དྷི་ཤྭ་རཱི་སྟྭཾ། རཾ་མཾ་མ་མ་ཡོ་གི་ནཱི། རུ་ལུ་རུ་ལུ་ཧཱུཾ་བྷྱོ་ཕཊ། དེ་ལྟར་བསྒོམ་ཞིང་བཟླས་བརྗོད་ཉིས་བརྒྱ་འབུམ་སུམ་འབུམ་བཟླས་ཏེ། དེ་ལྟར་བྱས་ན་མ ་མོ་དེ་དབང་དུ་བསྡུ་འམ་འདུལ།། བཀོལ་ཡང་དེ་ལྟར་བྱས་ན་ཇི་ལྟར་དུ་བཀོལ་ཡང་བཏུབ་བོ།། འགྲུབ་ཀྱང་དེས་འགྲུབ་བོ།། ཞེས་དཔལ་ཆེན་པོས་བཀའ་སྩལ་ཏོ།། འཁོར་རྣམས་སྤྲོ་བར་གྱུར་ཏོ།། བསྒོམ་པའི་ལེའུ ་སྟེ་བཞི་པའོ།། །། གནོད་འདུལ་ལྷ་ཡིས་ཡང་གསོལ་པ།། སྲིད་པའི་དབང་ཆེན་མ་རྣམས་ཀུན།། གདན་དུ་གདིང་ན་ཇི་ལྟར་ལགས།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས ་གྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ། སྲིད་པའི་དབང་ཆེན་མོ་རྣམས་ཀུན།། གདན་དུ་གདིང་བ་ངས་བསྟན་གྱི།། ཉོན་ཅིག་གནོད་འདུལ་ལྷ་ཡི ་གཙོ།། ངས་བསྟན་པ་ལ་ཐེ་ཚོམ་མེད།། དྲག་པོའི་འོད་ཟེར་ལྕགས་ཀྱུ་ཡིས།། དབང་ཅན་མོ་རྣམས་བཀུག་ནས་སུ།། ཆགས་པ་གནས་སུ་སྦྱང་བའི་ཕྱིར།། རྒྱ་མཚོ་ཉི་ཟླ་ཐོད་ཕྲེང་གཉིས།། ཆགས་པའི་གདན་དུ་གདིང ་བར་བྱ།། ཞེ་སྡང་གནས་སུ་སྦྱང་བའི་ཕྱིར།། སྒྲོལ་བྱེད་དཀར་མོ་མིག་གཅིག་གཉིས།། ཞི་བའི་གདན་དུ་གདིང་བར་བྱ།། ང་རྒྱལ་གནས་སུ་སྦྱང་བའི་ཕྱིར།། དབང་སྡུད་མ་དང་རལ་གཅིག་གཉིས།། རྒྱས་པའི་གདན ་དུ་གདིང་བར་བྱ།། འདོད་ཆགས་གནས་སུ་སྦྱང་བའི་ཕྱིར།། བདུད་རྩི་མ་དང་དམར་མོ་གཉིས།། དབང་གི་གདན་དུ་གདིང་བར་བྱ།། ཕྲག་དོག་གནས་སུ་སྦྱང་བའི་ཕྱིར།། གནས་འཕྲུལ་མ་དང་སེར་མོ་གཉིས།། དྲག ་པོའི་གདན་དུ་གདིང་བར་བྱ།། རྒྱན་གྱི་རྒྱལ་མོ་དབྱིངས་སུ་ཕྱུག་དང་།། བདག་ཉིད་མ་དང་གཅིག་པུ་མ།། མཚམས་དང་མཚམས་སུ་བསྒྱེལ་ནས་སུ།། ཆགས་པའི་གདན་དུ་གདིང་བར་བྱ།། དབང་ཅན་དྲུག་ཅུ་རྩ ་བརྒྱད་ཚོགས།། སྔངས་ཤིང་བྲེད་ནས་ཁ་སྒྲུབ་འགྱེལ།། དེ་ནས་སྲོག་འཕྲོག་པའི་སྙིང་པོ་འདི་བརྗོད་དོ།། ཨོཾ་བཛྲ་ཨ་མྲྀ་ཏ། ཨུ་ཙི་ཏ། ཙིཏྟ་ནན། ཏྲ་ཟ་པྲ་ཝེ་ཤ་ནན། ཙིཏྟ་སྙིང་ཁ་རག་ནན། གདན་དུ་གདིང་བའི་ལེའུ ་སྟེ་ལྔ་པོའོ།། །། གནོད་འདུལ་ལྷ་ཡིས་ཡང་གསོལ་པ།། སྲིད་པའི་དབང་ཆེན་མ་རྣམས་ཀུན།། འདུལ་བའི་སྙིང་པོ་ཇི་ལྟར་ལགས།། དབང་ཆེན་ཡབ་ལ་བདག་ཉན་འཚལ།། དབང་ཆེན་ཡབ་ཀྱིས་བཀའ་སྩོལ ་ཅིག། དེ་སྐད་གསོལ་པ་གསན་ནས་ཀྱང་།། དབང་ཆེན་ཡབ་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། མ་མོ་རྣམས་ཀྱི་གཉེན་པོ་ནི།། དཔལ་ཆེན་ཁྲག་འཐུང་མ་མོའི་རྗེ།། ཡུམ་ཆེན་ཉིད་བཞི་མུ་ཁ ་ལེ།། ཉི་ཟླ་ཐོད་ཕྲེང་དཀར་མོ་དང་། ཁྲོས་པའི་དབང་ཆེན་བཞི་པོ་དང་།། དེ་རྣམས་ལ་བས་གཞན་རྣམས་དང་།། ཡེ་ཤེས་ལས་བསྐྱེད་མ་མོ་ཡིས།། སྲིད་པའི་མ་མོ་ཐམས་ཅད་འདུལ།། དེ་རྣམས་བསྒོམས་ཤིང ་བསྐུལ་བས་འདུལ།། ཡང་ན་མ་མོའི་གཉེན་པོ་ནི།། སྙིང་ཁྲག་དབང་དུ་བསྡུས་ནས་ནི།། མི་སྲུན་གཉེན་པོར་དེ་ཆེ་སྟེ།། མ་མོ་རྣམས་ཀྱང་དུར་ཁྲོད་ཝ་སྐྱ་བཞིན།། བརྒྱལ་བར་འགྱུར་ཞིང་འགས་པར་འགྱུར།། ཐུགས ་ལ་བརྣག་པའི་སྔགས་འདི་བརྗོད།། མ་ན་ས་མ་ཏི་ཧི་ཨི་ཨི་ཙིཏྟ་ནན། ཏྲ་ཐ་ཕཊ་ནན། དེ་སྐད་ཅེས་ནི་བརྗོད་ནས་སུ།། རང་དབང་མེད་པར་དབང་དུ་སྡུད།། ཡང་ན་བདུད་མོ་བཅུ་གཉིས་ནི།། འཇིག་རྟེན་འདི་ལ ་གནོད་བྱེད་ན།། དབྱིངས་ཕྱུག་མ་དང་བདག་ཉིད་ཆེན་མོ་དང་།། གཅིག་པུ་མ་དང་རྒྱན་གྱི་རྒྱལ་མོ་དང་། ཁྲོས་པའི་དབང་མོ་ཆེ་བཞི་དང་།། ཐུགས་ཀྱི་དགྱེས་མོ་བཞི་རྣམས་ཀྱིས།། སྐྱོངས་མ་བཅུ ་གཉིས་དབང་དུ་སྡུད།། དབང་དུ་སྡུད་པའི་སྔགས་འདིའོ།། སེ་སེའུ་ཐུ་ལ། ཏཾ་བ་ཡ་བཾ། ནན་ཙིཏྟ་ནན། ཞེས་བརྗོད་པས། དེ་ཕྱིར་དབང་རྣམས་ཆེ་བའི་མཆོག། དེ་སྐད་ཅེས་ནི་བཀའ་སྩལ་པས།། འཁོར་ཐམས་ཅད ་ཡི་རངས་པར་གྱུར་ཏོ།། གཉེན་པོའི་ལེའུ་སྟེ་དྲུག་པའོ།། །། གནོད་འདུལ་ལྷ་ཡིས་ཡང་གསོལ་པ།། མ་མོ་དབང་དུ་བསྡུ་བ་ཇི་ལྟར་ལགས།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས ་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། མ་མོ་དབང་དུ་བསྡུ་བའི་དོན།། ཉོན་ཅིག་གནོད་འདུལ་ལྷ་ཡིས་གཙོ།། ངས་བསྟན་པ་ལ་ཐེ་ཚོམ་མེད།། སེམས་རྩེ ་གཅིག་ཏུ་བསྒོམས་ཏེ་གསལ་ན་མ་མོ་དབང་དུ་འདུའོ།། ཡང་གཅིག་ཏུ་གསལ་བར་རྟོགས་ན་མ་མོ་དབང་དུ་འདུའོ།། དེ་ཡང་མན་ངག་ཏུ་ལུས་ཀྱིས་སྐུ་ལ་སྦྱང་བས་སྐུ་ཕྱག་རྒྱ་ཆེན་པོར་དགོད་དོ།། ངག་གིས་གསུང་ལ ་སྦྱང་བས། སྒྱུ་མ་རྣམ་པར་སྦྱང་བས་རྣམ་པར་དག་པ་ལྟར། སེམས་ཀྱིས་ཐུགས་ལ་སྦྱང་བས། རྣམ་པར་མི་རྟོག་པ་དག་པ་ཆོས་ཀྱི་དབྱིངས་ཉིད་གསལ་བར་དགོངས།། རིག་སྔགས་ཡིད་ལ་བརྗོད་པས་དེ་བཞིན ་གཤེགས་པ་དང་སོ་སོ་ཐ་མི་དད་དོ།། མ་མོ་ནི་སྙིང་པོའོ།། སྙིང་པོ་ནི་འབྲས་བུའོ།། འབྲས་བུའི་བདག་ཉིད་དོ།། བདག་ཉིད་ནི་བྱང་ཆུབ་ཀྱི་སེམས་སོ།། བྱང་ཆུབ་ཀྱི་སེམས་ནི་སངས་རྒྱས་སོ།། མ་མོ་ནི་འདི་ལྟར ་གནས་པ་དང་། བདག་ཉིད་ནི་ལས་མ་གཏོགས་པ་ལོགས་ན་གནས་པར་མ་གསུངས་སོ།། དེ་ལྟར་རྟོགས་ན་མ་མོ་དབང་དུ་འདུས་པར་གསུངས་སོ།། ཏིང་འཛིན་མ་ཡེངས་གསལ་བ་གཅེས་སོ།། མ་མོ་དབང་དུ་བསྡུ ་བའི་ལེའུ་སྟེ་བདུན་པའོ།། །། རྡོ་རྗེ་སེམས་དཔས་ཡང་གསོལ་པ།། དོན་དུ་མན་ངག་ཇི་ལྟར་ལགས།། མ་མོའི་མན་ངག་བདག་ཉན་འཚལ།། སྤྱི་དཔལ་ཆེན་པོས་བཀའ་སྩོལ་ཅིག། དེ་སྐད་གསོལ་པ་གསན་ནས ་ཀྱང་།། སྤྱི་དཔལ་ཆེན་པོས་བཀའ་སྩལ་པ།། མན་ངག་ཅེས་ནི་བྱ་བའི་དོན།། ངས་བསྟན་པ་ལ་ཐེ་ཚོམ་མེད།། ཉོན་ཅིག་རྡོ་རྗེ་སེམས་དཔའི་གཙོ།། མན་ངག་ཐུགས་ཀྱི་རང་བཞིན་ཏེ།། མན་ངག་གསུང་གི་རང་བཞིན ་ཡིན།། མན་ངག་སྐུ་ཡི་རང་བཞིན་ཏེ།། ཐུགས་ནི་སངས་རྒྱས་ཉིད་ཀྱི་སྤྱོད།། གསུང་ནི་སྒྲ་རུ་གྲག་པ་སྟེ།། སྐུ་ནི་འཇིགས་བྱེད་ཁྲོ་བོའི་སྐུ།། དེ་ནི་མ་མོའི་མན་ངག་དགོངས།། ཡང་ན་མ་མོའི་མན་ངག་ནི།། སྣང ་སྲིད་ཐམས་ཅད་གསལ་བར་བསྒོམ།། སྣོད་བཅུད་འཇིག་རྟེན་ཐམས་ཅད་གསལ་བར་བསྒོམ།། དེ་ལ་མ་མོའི་རང་བཞིན་ནི།། བྱང་ཆུབ་སེམས་ཀྱི་སྤྲུལ་པ་ཡིན།། རང་བྱུང་རང་སར་གདལ་བ་ཡིན།། བདལ་བས ་མཐའ་དབུས་མེད་པར་ཁྱབ།། དུས་གསུམ་འགྱུར་མེད་རིན་པོ་ཆེ།། མི་ནུབ་རྒྱ་ཆེན་གསུང་དྲུང་ཡིན།། སྐུ་རུ་བཀྲམ། གསུང་དུ་གྲགས། ཐུགས་སུ་གསལ། དེ་ལ་ཐུགས་སུ་གསུང་སྦས། གསུང་ལ ་སྐུ་ཐིམ་ནས་བདེ་བ་ལ་མན་ངག་ཅེས་བྱའོ།། མ་མོ་མན་ངག་གི་ལེའུ་སྟེ་བརྒྱད་པའོ།། །། རྡོ་རྗེ་སེམས་དཔས་ཡང་གསོལ་པ།། རྟོགས་པའི་ཁྱད་པར་ཇི་ལྟ་བུ།། སེམས་ཀྱི་ཁྱད་པར་ཇི་ལྟ་བུ།། མངོན་རྫོགས་ཡབ ་ལ་བདག་ཉན་འཚལ།། མངོན་རྫོགས་ཡབ་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་རྫོགས་ཡབ་ཀྱིས་བཀའ་སྩལ་པ།། རྟོགས་པའི་ཁྱད་པར་ཆེན་པོ་དང་།། སེམས་ཀྱི་ཁྱད་པར་ཆེན་པོའི ་དོན།། ངས་བསྟན་པ་ལ་ཐེ་ཚོམ་མེད།། ཉོན་གཅིག་རྡོ་རྗེ་སེམས་དཔའི་གཙོ།། ཉན་ཐོས་དོན་ལ་མཁས་པ་དང་།། རང་རྒྱལ་བྱང་ཆུབ་སེམས་དཔའ་དང་།། ཀྲི་ཡ་དང་ནི་གཉིས་ཀའི་རྒྱུད།། ཡོ་ག་དང་ནི་ཐེག་པ ་དྲུག། ཀུན་གྱི་དོན་ལ་མཁས་པ་དང་།། བསྐྱེད་པའི་དོན་དང་རྫོགས་པའི་དོན།། རྫོགས་པ་ཆེན་པོ་གསུམ་ལ་མཁས།། ལུང་དང་མན་ངག་ཕུར་ཐུག་པས།། མན་ངག་གདེང་ཅན་རྟོགས་པ་དེས།། མ་མོའི་གནས་ནི་དབེན ་པར་བཙལ།། མ་མོའི་སྒྲུབ་རྫས་ཁྱད་པར་ཅན། ཁྱད་པར་དུ་ཡང་བསག་པར་བྱ།། མ་མོ་སྒྲུབ་པའི་གཟུངས་མ་ནི།། ང་རྒྱལ་མེད་ཅིང་ལྦ་བ་མེད།། ཙག་རོ་མེད་ཅིང་སྐྱོན་མེད་པ། ཁྱད་པར་དུ་ཡང་གཟུངས་མར ་བཟུང་།། མ་མོ་སྒྲུབ་པའི་གྲོགས་པོ་ཡང་། ཁྱད་པར་དུ་ཡང་བརྟག་པར་བྱ།། སྒྲུབ་པའི་མཆེད་དང་ལྕམ་དྲལ་ཡང་། ཁྱད་པར་དུ་ཡང་བརྟག་པར་བྱ།། སྒྲུབ་པའི་རྐྱེན་དང་ཡོ་བྱད་ལ།། རྩིང་ཞིབ་མི་བྱེད་བཀུར་བྱེད་པ།། ་ཁྱད་པར་དུ་ཡང་བརྟག་པར་བྱའོ།། སྒྲུབ་པའི་རྟེན་མོ་བརྟག་པ་ནི།། མིག་ཁམ་པ་ལ་སྐྲ་སེར་བ།། དཔྲལ་བའི་དབྱེས་ན་སྨེ་ཡོད་པ།། མ་མོ་ཐམས་ཅད་མགུ་བར་ཤེས།། དེ་ནི་རབ་ཏུ་བསྟེན་པར་བྱའོ།། སྒྲུབ་པའི་ཞལ་ཟས ་ཡོ་བྱད་ཀྱང་།། རྫས་དང་གསུར་ཆེན་སྨན་ཆེན་རྣམས།། ཡང་དག་ཉིད་དུ་བསག་པར་བྱ།། དེ་ནས་སྒྲུབ་པ་བརྩམ་བྱ་སྟེ།། མ་མོ་ཐམས་ཅད་བསྒྲུབ་པ་ན།། མི་འགྲུབ་པ་ནི་ཡོད་མི་སྲིད།། འགྲུབ་པ་ཉིད་ནི་ཐེ་ཚོམ་མེད།། ་ལྷུར་ལེན་རྣལ་གཉིས་མེད་རྟོགས་པའི་ཁྱད་པ་ར་གཙོ། རྟོགས་པ་ཁྱད་པར་གྱི་ལེའུ་སྟེ་དགུ་པའོ།། །། གནོད་འདུལ་ལྷ་ཡིས་ཡང་གསོལ་པ།། རྣལ་འབྱོར་ཡོངས་ལ་སྨན་སླད་དུ།། ལུང་ལ་རྣམ་པ་དུ་ཞིག་མཆིས།། མངོན ་རྫོགས་དཔལ་ལ་བདག་ཉན་འཚལ།། མངོན་རྫོགས་དཔལ་གྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་རྫོགས་དཔལ་གྱིས་བཀའ་སྩལ་པ།། རྣལ་འབྱོར་ཀུན་ལ་ཕན་གདགས་པའི།། ལུང་གི ་གྲངས་ནི[:]ངས་བསྟན་གྱི།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་གདོན་མི་ཟ།། ལུང་ལ་རྣམ་གྲངས་དགུ་ཞིག་མཆིས།། དུས་ཀྱི་ལུང་ཞེས་བྱ་བ་དང་།། རི[:]རབ་ལུང་ཞེས་བྱ་བ ་དང་།། གསང་བའི་ལུང་དང་མ་མོའི་ལུང་།། དྲོད་ཀྱི་ལུང་ཞེས་བྱ་བ་དང་།། གསང་བ་ཆེན་པོའི་སྤྱི་ལུང་དང་། ཁྲག་གི་ལུང་དང་རྫས་ཀྱི་ལུང་།། དམ་ཚིག་ལུང་དང་དགུ་ཞིག་ཡོད།། སྦས་པའི་ལུང་དང་དགུ ་ཞེས་བཤད།། གནོད་འདུལ་ལྷ་ཡིས་ཡང་གསོལ་པ།། ལུང་དགུ་ཇི་ལྟར་འཚལ་བར་བགྱི།། མངོན་རྫོགས་དཔལ་གྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་རྫོགས་དཔལ་གྱིས་བཀའ་སྩལ ་པ།། དུས་ནི་སྔ་ཕྱི་མེད་པར་ཤེས་པར་བྱ།། རི་རབ་རྒྱས་པའི་མཆོད་རྟེན་དུ།། རང་གི་སེམས་དང་ཕུང་པོར་ཤེས་པར་བྱ།། གསང་བའི་ལུང་ནི་ཐུགས་ལ་གབ།། མ་མོ་བྱང་ཆུབ་སེམས་ལས་བྱུང་།། དྲོད་ནི་གཉིས་སུ་མེད ་པའི་དྲོད་ཚད་དོ།། གསང་བ་སྤྱི་ལུང་རྟོགས་པར་དཀའ། ཁྲག་གི་ལུང་ནི་ཕན་ཡོན་མང་།། དམ་རྫས་ལུང་ནི་ཚང་བར་བྱ།། དམ་ཚིག་ལུང་ནི་མ་ནོར་བར་རྟོགས་པར་བྱའོ།། ལུང་གི་ལེའུ་སྟེ་བཅུ་པའོ།། །། གནོད ་འདུལ་ལྷ་ཡིས་ཡང་གསོལ་པ།། དུས་ཀྱི་ལུང་ཞེས་ཇི་ལྟ་བུ།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། ཡང་དག་རྫོགས་ཀྱིས་དཀའ་སྩལ ་པ།། དུས་ཀྱི་ལུང་ཞེས་བྱ་བའི་དོན།། ངས་གསུང་བ་ལ་ཐེ་ཚོམ་མེད།། ཉོན་ཅིག་གནོད་འདུལ་ལྷ་ཡི་གཙོ།། དུས་གསུམ་གཅིག་སྟེ་ཁྱད་པར་མེད།། སྔོན་མེད་ཕྱི་མེད་གདོད་ནས་རྣམ་པར་དག། དེ་ནི་དུས་ཀྱི་ལུང་ཞེས ་བཤད།། དུས་ཀྱི་ལུང་གི་ལེའུ་སྟེ་བཅུ་གཅིག་པའོ།། །། གནོད་འདུལ་ལྷ་ཡིས་ཡང་གསོལ་པ།། མ་མོ་རྣམས་ཀྱི་མཐུན་རྫས་གང་།། ཉག་གཅིག་ཡབ་ལ་བདག་ཉན་འཚལ།། ཉག་གཅིག་ཡབ་ཀྱིས་བཀའ་སྩོལ ་ཅིག། དེ་སྐད་གསོལ་པ་གསན་ནས་ཀྱང་།། ཉག་གཅིག་ཡབ་ཀྱིས་བཀའ་སྩལ་པ།། མ་མོ་རྣམས་ཀྱི་མཐུན་པའི་རྫས།། ད་ལྟ་ཉིད་དུ་ངས་བསྟན་གྱི།། ཉོན་ཅིག་གནོད་འདུལ་ལྷ་ཡི་གཙོ།། ཞིང་ཆེན་སྦྲམ་པོ་མེད་ན་མི ་འགྲུབ་པོ།། བཅུ་བདུན་ལོན་པའི་གཟུངས་ཆེན་མེད་ན་མི་འགྲུབ་པོ།། དེ་ཡི་རཀྟ་མེད་ན་མི་འགྲུབ་པོ།། བདུད་རྩི་རྣམ་ལྔའི་གསུར་ཆེན་མེད་ན་མི་འགྲུབ་པོ།། སྲོག་ཆགས་པའི་དབུགས་དང་།། མི་དབང་ཤ་ཆེན་མེད་ན ་མི་འགྲུབ་པོ།། འཆི་ཀའི་མཚལ་ཏིག་མེད་ན་མི་འགྲུབ་པོ།། རྣམ་ལྔ་ཞིང་ཐོག་མེད་ན་མི་འགྲུབ་པོ།། མཚན་དང་ལྡན་པའི་གཡང་གཞི་གཡབ་མོ་དང་།། ཟེའུ་འབྲུ་དང་འབྲས་བུ་ལྔ་དང་། དེ་རྣམས་རྣལ་འབྱོར་པས་བཙལ ་དགོས། ཕྱི་མ་ཡང་མཆོག་དང་། རྨིག་པ་ཟླུམ་པོར་གྱུར་པ་དང་། རྨིག་པ་ཁ་བྲག་ཏུ་གྱུར་པའི་བ་གླང་དང་། ཤེལ་དཀར་མོ་དང་། ཤེལ་ནག་མོ་དང་། ཙ་ར་དཀར་པོ་དང་། ཙ་ར་ནག་མོ་དང་། ཀུ་ཀུ་ར་དང་། ནམ་མཁའ ་ལྡིང་དཀར་ནག་དང་། དེ་རྣམས་དགོས་སོ།། གཞན་ཡང་དུར་ཁྲོད་ཀྱི་རྫས་སུ་གྱུར་པ་ཀུན་བསག་གོ། དུར་ཁྲོད་ཀྱི་གནས་སུ་རྫས་དང་ལྡན་པ་ལ་བསྒྲུབས་ན་མི་འགྲུབ་མི་སྲིད་དོ།། མ་མོ་དམ་རྫས་ཀྱི་ལེའུ་སྟེ་བཅུ་གཉིས ་པའོ།། །། གནོད་འདུལ་ལྷ་ཡིས་ཡང་གསོལ་པ།། རི་རབ་ལུང་ཞེས་ཇི་ལྟ་བུ།། དོན་དུ་ཇི་ལྟར་འཚལ་བར་བགྱི།། ཉག་གཅིག་ཡབ་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། ཉག ་གཅིག་ཡབ་ཀྱིས་བཀའ་སྩལ་པ།། རི་རབ་ལུང་ཞེས་བྱ་བའི་དོན།། ངས་གསུང་པ་ལ་གདོན་མི་ཟ།། ཉོན་ཅིག་གཡུང་དྲུང་ཡང་དག་པ།། རི་རབ་རྒྱུ་ནི་རིན་པོ་ཆེ།། ལྔ་ལས་གྲུབ་པའི་མཆོད་རྟེན་དེས།། དེ་ནི་ཕྱི་ཡི་རི་རབ ་ལུང་།། ནང་གི་རི་རབ་བསྟན་པ་ནི།། དེ་འདྲའི་སེམས་ཅན་ཕུང་པོ་ཡང་།། རིན་པོ་ཆེ་ལས་གྲུབ་པ་ཡི།། རྒྱལ་བའི་མཆོད་རྟེན་ཆེན་པོ་ཡིན།། ཡབ་ཡུམ་མཁའ་ལས་བྱུང་བའོ།། ཡོངས་འདུ་ས་བརྟོལ་སྲོག་རྩ་ཡིན།། མཆོད ་རྟེན་བུམ་པ་མགོ་བོ་ཡིན།། སྙིང་ནས་བྱང་ཆུབ་སེམས་ཀྱི་སྤྲུལ་པ་ལས་བྱུང་ངོ་།། སྲིད་པ་ཆགས་བྱེད་ཆ་སྙོམས་གཉིས།། སྲོག་རྩ་སྒལ་བུའི་སྟེང་ན་གནས།། ཞིག་འཛིན་དང་ནི་བྱན་མཁན་གཉིས།། སྲོག་རྩ་སྐལ་བུ་བཅུ ་དྲུག་མོད།། རྩེའུ་ཆུང་གཉིས་ཀྱི་ཟུགས་མཚམས་ན།། དབྱིངས་ཕྱུག་རྒྱན་གྱི་རྒྱལ་མོ་གནས།། ལོང་རྩ་གཉིས་ཀྱི་ཟུགས་མཚམས་ན།། དཀར་མོ་རྩེ་དང་ནག་མོ་གནས།། ཨ་སོ་ལི་ཀའི་ཟུགས་མཚམས་ན།། བདག་ཉིད་མ ་དང་གཅིག་པུ་གནས།། ཨ་སོ་ལི་ཀའི་གནས་མཚམས་ན།། མཆུ་འཇིབ་མ་དང་རྐང་ལྡག་གཉིས།། རྒྱུངས་མ་ཡང་རྩེ་རྩ་དྲུག་ལས།། ཨེ་ཀ་ཛ་ཏི་སྤུན་དྲུག་གནས།། སྲོག་རྩ་འཁོར་ལོ་དབུས་མ་ལ།། འདོད་ཁམས་གཙོ་མོ ་ནེནི་མཚན་གནས།། འབྱུང་འཇུག་སྒོ་བཞིའི་རྩ་བཞི་ལ།། ལས་ཀྱི་སྲིན་མོ་བཞི་ཡང་གནས།། གསང་བའི་རྩ་ནི་ཟུགས་མཚམས་སུ།། ནམ་མཁའི་རྒྱལ་མོ་སྤྱན་གཉིས་གནས།། དབང་པོ་བདུན་རྩ་ཟུགས་མཚམས་ན།། མ ་མོ་བདུན་ནི་དེ་ན་གནས།། རྣམ་ཤེས་བརྒྱད་ཀྱི་གྱི་ས་མཚམས་ན། ཁྲོས་པའི་མ་མོ་བཞི་རྣམས་གནས།། དེ་ལས་འཕྲོས་པའི་མདོ་རྩ་ལས།། གསང་བའི་དགྱེས་སྡེ་བཞི་རྣམས་གནས།། འཇུ་བྱེད་ཕྲ་མོའི་ཟུགས་མཚམས་ན།། ་ཉི་ཤུ་རྩ་བརྒྱད་དེ་ན་གནས།། དྲངས་མའི་དྲངས་མ་ཟུགས་མཚམས་ན། ཡུམ་ཆེན་ལྔ་ནི་དེ་ན་གནས།། མི་ཤིགས་པ་ཡི་ཐིག་ལེར་ནི།། ཡབ་ཡུམ་མི་གཉིས་དེར་གནས་སོ།། འོད་ཟེར་འབྱུང་གནས་ཐོད་ཕྲེང་ངོ་།། ཤིང ་གི་སྲོག་ཤིང་ཡལ་གར་བཅས།། ཡེ་ཤེས་མ་མོ་རང་གནས་ལ།། ནང་གི་རི་རབ་ལུང་ཞེས་བྱ།། ཕྱི་ཡང་དེ་དང་འདྲ་བ་སྟེ།། སྲིད་པའི་མ་མོ་རང་གནས་ཡིན།། རི་རབ་ལུང་གི་ལེའུ་སྟེ་བཅུ་གསུམ་པའོ།། །། གནོད་འ ་ལརྣམས་པང་གསལ་པ།། གསང་གྲང་ཆེན་པོ་ལྟར་ལགས།། ཅག་གཅགསཔ་ལ་བདག་ཅན་འས། ག་གསས་པ་གསན་ནས་ཀྱང་།། ག་གཅིག་ས་ས་གྲས་བཀའ་སྩལ་པ།། གསང་གྲང་ཆེན་ཐངས་བརྟན ་གྱི།། ཉོན་ཅིག་གཡུང་དྲུང་ཡང་དག་པ།། གསང་བའི་ལུང་ཞེས་བྱ་བ་ནི།། ཡབ་ཀྱི་མཁའ་དང་ཡུམ་གྱི་དབྱིངས།། ཤིན་ཏུ་རྟོགས་པར་དཀའ་བའོ།། ཐབས་ནི་མ་འགགས་ཤེས་རབ་ལྡན།། ཤེས་རབ་མ་ཆགས་ཐབས་དང་། ་ལྡན།། དོན་དེ་ཤིན་ཏུ་རྟོགས་པར་དཀའ།། གཉིས་སུ་མེད་པའི་བྱང་ཆུབ་སེམས།། ཐུན་མོང་མ་ཡིན་རྟོགས་པར་དཀའ།། བྷ་ག་དང་ནི་པདྨའི་དོན།། ཤིན་ཏུ་རྟོགས་པར་དཀའ་བའོ།། སྐྱེ་མེད་དབྱིངས་དང ་ཡེ་ཤེས་ཀྱང་།། སྟོན་པ་ཡི་ནི་ཐུགས་ལ་གབ།། ལུང་དེ་དམན་པས་རྟོགས་པར་དཀའ།། སེམས་ཅན་རྣམས་ལ་ཡེ་ནས་གསང་།། དེ་ནི་ལུང་ཆུད་པ་རྣམས་ལ།། བསྟན་ཀྱང་རྫོགས་པར་མི་འགྱུར་ལ།། བསྟན་ཀྱང་ཡ་ག་སྦ ་ལོར་འགྱུར།། ཆོས་ལ་སྨོད་ཅིང་སྤང་བར་འགྱུར།། དེ་ནི་གསང་བའི་ལུང་ཞེས་བཤད།། གསང་བ་ལུང་གི་ལེའུ་སྟེ་བཅུ་བཞི་པའོ།། །། རྡོ་རྗེ་སེམས་དཔས་ཡང་གསོལ་པ།། དྲོད་ལུང་ཆེན་པོ་ཇི་ལྟར་ལགས།། དྲོད ་ལུང་ཆེན་པོ་བདག་ཉན་འཚལ།། ངོ་མཚར་ལྷ་ཡིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ངོ་མཚར་ལྷ་ཡིས་བཀའ་སྩལ་པ།། དྲོད་ལུང་ཆེན་པོ་ཞེས་བྱ་བ།། ད་ལྟ་ཉིད་དུ་ངས་བསྟན་གྱི།། ཉོན་ཅིག་རྡོ་རྗེ ་སེམས་དཔའི་གཙོ།། ཐམས་ཅད་བསྐྱེད་པའི་ཡུམ་ཡིན་ནོ།། ཡབ་ཡུམ་གཉིས་སུ་མེད་པ་ལས།། དང་པོ་རྒྱུ་འབྱུང་བ་ལྔ་འབྱུང་།། དེ་ལས་སྐྱེ་འགྲོ་ཀུན་ཀྱང་འབྱུང་།། སྐྱེ་འགྲོ་རྣམ་པ་སྣ་ཚོགས་པའི།། པདྨ་ཀུན་ལ་དྲོད ་འབེབས་པའོ།། དེ་ལ་དྲོད་ཀྱི་རང་བཞིན་ནི།། སྙིང་རྩ་དང་ནི་སྲོག་རྩར་འབྲེལ།། དེ་ནི་པདྨར་འདུས་ཏེ་འདུག། སྙིང་ན་ཡུམ་ཆེན་ཉིད་བཞུགས་པ།། དེས་ནི་སྙིང་ལ་དྲོད་འབེབས་སོ།། མོ་རིགས་ཐམས་ཅད་ཁྲག་འཛག ་པ།། དོན་དང་གཏན་ཚིགས་དེ་ལྟར་ལགས།། དེ་བས་བུ་མེད་བྱི་ལའང་འཛག། དུད་འགྲོ་རྣམས་ཀྱི་ཕྱིར་མི་འཛག། སྲོག་རྩར་འཁྱུད་ནས་མངལ་དུ་འབབས།། ཕོ་དང་འཕྲད་ན་སྲིད་པར་ཆགས།། དེ་ལས་འགྲོ་བ་ཐམས ་ཅད་འབྱུང་།། དོན་འདི་རབ་ཏུ་གསང་བར་བྱ།། ཞེས་བཤད་དོ།། དྲོད་ལུང་གི་ལེའུ་སྟེ་བཅོ་ལྔ་པའོ།། །། རྡོ་རྗེ་སེམས་དཔས་ཡང་གསོལ་པ།། གསང་བ་སྤྱི་ལུང་ཇི་ལྟར་ལགས།། གསང་བའི་དཔལ་ལ་བདག་ཉན ་འཚལ།། གསང་བའི་དཔལ་གྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། གསང་བའི་བདག་པོས་བཀའ་སྩལ་པ།། གསང་བ་ཆེན་པོའི་སྤྱི་ཡི་ལུང་།། ངས་བསྟན་པ་ལ་ཐེ་ཚོམ་མེད།། ཉོན་ཅིག་གཡུང་དྲུང ་ཡང་དག་པ།། གསང་བ་ཆེན་པོ་སྤྱི་ཡི་ལུང་།། གོང་མའི་གསང་བའི་དོན་དེ་ནི།། སྣང་སྲིད་སྤྱི་ལ་ཁྱབ་སྟེ་གནས།། སངས་རྒྱས་རྒྱུ་ནི་རང་ལ་ཡོད།། སྣང་སྲིད་ཁྲག་གིས་བསྡུས་པ་ཡི།། སྤྱི་ཡི་མངའ་དབང་མཛད་པ ་ནི།། ཡུམ་ཆེན་ཉིད་གཞི་ཆེན་མོ་ཡིན།། ཐམས་ཅད་ཉིད་གཞི་ཉིད་ལ་འདུས།། ཡུམ་ཆེན་ཉིད་ཀྱི་དྲོད་འབེབས་པས།། སྤྱི་ཡི་བདག་མོའི་ཡུམ་ཡིན་པས།། ཡུམ་ཆེན་ཉིད་ནི་གསང་བར་བྱ།། དོན་དེ་གསང་བས་གསང་བའི ་ལུང་།། རྟོགས་པར་དཀའ་བས་གསང་བའི་ལུང་།། ཞེས་བཤད་དོ།། གསང་བའི་སྤྱི་ལུང་གི་ལེའུ་སྟེ་བཅུ་དྲུག་པའོ།། །། གནོད་འདུལ་ལྷ་ཡིས་ཡང་གསོལ་པ།། མ་མོ་རྣམས་ལ་ལུང་སྩལ་པ།། མངལ་ལ་སོགས་པ་མི ་འཚལ་ན།། བླང་དོར་མེད་པ་གང་གིས་འགྲུབ།། སེམས་ཅན་སྐྱེ་ཤི་གང་ལས་བྱུང་།། སེམས་ཀྱི་རྟག་ཆད་ཇི་ལྟར་བགྱི།། ཆོས་ཀྱི་དབྱིངས་ནི་གང་ལ་བགྱི།། མ་མོ་རྣམས་ཀྱི་མཚན་ཉིད་གང་།། དེ་ལ་དབྱེ་བ ་དུ་ཞིག་མཆིས།། གནོད་འདུལ་ལྷ་ཡིས་བཀའ་སྩོལ་ཞུས།། ཡུམ་གཅིག་ཆེན་མོས་བཀའ་སྩལ་པ།། ཉོན་ཅིག་གནོད་འདུལ་ལྷ་ཡི་གཙོ།། མངལ་ལ་སོགས་པ་མི་འཚལ་ན།། བླང་དོར་མེད་པ་གང་གིས་འགྲུབ།། སེམས ་ཅན་སྐྱི་ཤི་གང་ནས་སྐྱེ།། སྲིད་པའི་བྱུང་སྲིད་ཇི་ལྟ་བུ།། ཆོས་ཀྱི་དབྱིངས་ཀྱི་གང་ལ་བྱ།། མ་ནི་རྟག་པ་མེད་པས་མ།། མོ་ནི་སྣང་བ་སྐྱེས་པས་མོ།། མཁའ་དབྱིངས་གཉིས་སུ་མེད་པ་ལ།། སེམས་ཀྱི་རྟག་པ་དེ་ལ་བྱ།། ཆོས ་ཀྱི་དབྱིངས་ཆེན་བརྡལ་བ་ལ།། མཐའ་དང་དབུས་སུ་ག་ལ་ཡོད།། ནམ་མཁའི་གཞལ་ཡས་གདངས་པ་ལ།། སྟེང་དང་འོག་ནི་ག་ལ་ཡོད།། ཤ་ཆེན་དམར་ཆེན་བཀྲམ་པ་ལ། ཁྱོད་དང་ང་རུ་ག་ལ་དབྱེ།། སེམས་ཀྱི་རྟག་པ ་དེ་ལ་བྱ།། ཆོས་ཀྱི་དབྱིངས་ཀྱི་བྱ་བ་ནི།། ཐམས་ཅད་སྐྱེ་བ་མེད་པའི་དབྱིངས།། ཐམས་ཅད་འགག་པ་མེད་པའི་ཀློང་།། མ་བཅོས་མ་བྱས་ཆོས་ཉིད་དོ།། མ་མོ་རྣམས་ཀྱི་མཚན་ཉིད་ནི།། གྲངས་སུ་བགྲང་བར་ག་ལ ་ཡོད།། ཅེས་བཤད་དོ།། མ་མོའི་སེམས་རྒྱན་ལས་འདས་པར་བསྟན་པའི་ལེའུ་སྟེ་བཅུ་བདུན་པའོ།། །། གནོད་འདུལ་ལྷ་ཡིས་ཡང་གསོལ་པ།། སེམས་ཅན་ཀུན་ལ་ཕན་གདགས་ཕྱིར།། དམ་ཚིག་དོན་ནི་བདག་ཉན ་འཚལ།། ཡང་དག་རྫོགས་ཀྱིས་བཀའ་སྩལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། སེམས་ཅན་ཀུན་ལ་ཕན་གདགས་ཕྱིར།། དམ་ཚིག་དོན་རྣམས་ངས་བསྟན་གྱི།། ཉོན་ཅིག ་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། ཡབ་ཀྱི་མཁའ་དང་ཡུམ་གྱི་དབྱིངས།། དེ་ཡི་དོན་རྟོགས་དམ་ཚིག་གོ། དེ་ཡང་མན་ངག་གུ་ཧྱའོ།། བྱེད་པ་པོ་དང་བྱ་བ་མོ།། དེ་གཉིས་སྣང་སྲིད་ཆ་ཡོད ་ན།། དམ་ཚིག་ཉིད་ཀྱང་ཉམས་པ་མེད།། དེ་ཡང་མན་ངག་གུ་ཡའོ།། རང་སེམས་དོན་རྟོགས་སྲིད་པ་ཤེས་གྱུར་ན།། དམ་ལ་ཉམས་མེད་སྟོན་པའི་སྒྲོན་མ་ཡིན།། དེ་ཡང་མན་ངག་གུ་ཡའོ།། ལྷག་པའི་དམ་ཚིག་བཞི་པ ་དག། མཁས་པའི་བླ་མ་དེ་ཕྱིན་ན།། རྡོ་རྗེ་སེམས་དཔའི་རྗེ་བཙན་དང་།། སྐལ་པ་མི་མཉམ་རྡུལ་ཙམ་མེད།། དེ་ཡང་མན་ངག་གུ་ཡའོ།། སོ་སོའི་ཐེག་པ་བསམ་ཡས་པ།། སོ་སོ་ཉམས་པ་མེད་ན་བདེ།། འཇིག་རྟེན་པ་ལ ་ཆད་མོད་བཙན།། དགེ་བ་སྤྱོད་པས་མི་དགེ་སྤང་།། འདུལ་བ་འཛིན་པས་བསྲུང་ན་བདེ།། བྱང་ཆུབ་ས་ལ་གནས་པ་རྣམས།། ཉམས་པ་མེད་པའི་ལས་ཀྱང་བྱ།། གཙང་སྦྲ་ཡོད་ལ་གཙང་སྦྲ་བྱ།། རྣལ་འབྱོར་སྤྱོད་པ ་གཉིས་ཀྱིས་འགྲུབ།། ཐེག་པ་གཡོས་པས་ཐེག་པ་འཇོམས།། ཞེས་བཤད་དོ།། དམ་ཚིག་མན་ངག་ལུང་གི་ལེའུ་སྟེ་བཅོ་བརྒྱད་པའོ།། །། གཡུང་དྲུང་ལྷ་ཡིས་ཡང་གསོལ་པ། ཁྲག་གི་ལུང་ཞེས་ཇི་ལྟར ་ལགས།། ཉག་གཅིག་ཡབ་ལ་བདག་ཉན་འཚལ།། ཉག་གཅིག་ཡབ་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། ཉག་གཅིག་ཡབ་ཀྱིས་བཀའ་སྩལ་པ། ཁྲག་ལུང་ཆེན་མོ་ངས་བསྟན ་གྱིས།། ཉོན་ཅིག་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། ལྷག་ཆད་བྱུང་ན་འཆི་བར་འགྱུར།། ལྷག་ཆད་མེད་ན་འཚོ་བ་ཡིན། ཁྲག་གི་ཚོགས་ལས་གྲུབ་པ་ཡིས།། ནད་ཡམས་སྣ་ཚོགས་གཏང་བར་བྱ།། ་ཁྲག་སྣ་ཚོགས་པར་བྱ་བ་ནི།། བམ་གྱི་ཁྲག་དང་།། མཁའ་ལ་རྒྱུ་བའི་ཁྲག་རྣམས་དང་།། གཅན་ཟན་གདུག་པའི་ཁྲག་རྣམས་དང་།། སྡེར་ཆགས་མང་པོའི་ཁྲག་སྣ་དང་།། རྨིག་ཟླུམ་ཁ་བྲག་ཁྲག་རྣམས་དང་།། བསད ་དང་གསོ་བའི་ལས་རྣམས་རྒྱུ།། གང་འདོད་ལས་རྣམས་བྱེད་པ་ཡིན།། དེ་ཕྱིར་ཕན་གནོད་མང་ཞེས་བྱ།། ཞེས་བཤད་དོ།། ཁྲག་གི་ལུང་གི་ལེའུ་སྟེ་བཅུ་དགུ་པའོ།། །། རྡོ་རྗེ་སེམས་དཔས་ཡང་གསོལ་བ།། མ་མོ ་འབྱུང་བའི་རྒྱུ་ཞེས་གང་ལ་བགྱི།། མངོན་རྫོགས་དཔལ་ལ་བདག་ཉན་འཚལ།། མངོན་རྫོགས་དཔལ་གྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། མངོན་རྫོགས་ཡབ་ཀྱིས་བཀའ་སྩལ་པ།། ཉོན་ཅིག་རྡོ ་རྗེ་སེམས་དཔའི་གཙོ།། མ་མོ་འབྱུང་བའི་རྒྱུ་ཞེས་བྱ་བ་ནི།། རྟེན་པའི་གླུ་དང་དབྱངས་ལ་འབྱུང་།། བདག་གིས་འདི་སྐད་བརྗོད་པར་བྱ།། ཧཱུཾ། མ་གཡེལ་མ་གཡེལ་ཐུགས་དམ་ཅན།། མ་གཡེལ་མ་གཡེལ་སྲུང་མའི ་ཚོགས།། ཀུན་ཏུ་བཟང་མོ་ཡུམ་གྱི་དབྱིངས།། མ་མོ་འབོད་པའི་གླུ་ལེན་ཅིང་།། སྒྲ་ནི་སྟོང་གསུམ་ཁྱབ་པར་སྒྲོགས།། བསྒྲུབ་ནི་ཡེ་ཤེས་ཐིག་ལེ་བསྒྲུབ།། བརྟེན་པའི་ཧེ་རུའི་གནས་སུ་བརྟེན།། དུར་ཁྲོད་ཆེན་པོའི་གནས ་འདི་རུ།། ཤ་ཆེན་གསུར་གྱི་དྲི་སྣོམ་ཞིང་།། དུས་འདི་ཉིད་དུ་ཕྲིན་ལས་མཛོད།། མཱཾ་ས་ཆེན་པོ་རི་ལྟར་སྤུངས།། རཀྟའི་རྒྱ་མཚོ་མཚོ་ལྟར་བསྐྱིལ།། རུས་པའི་ཕུང་པོ་རི་ལྟར་སྤུངས།། དྲི་ཆུ་མང་པོ་ཆུ་ལྟར་འབྲུབ།། མ་མོ ་ཆེན་མོ་སྤྲིན་ལྟར་གཏིབས།། ཕོ་ཉ་མང་པོ་སྐར་ལྟར་འཁྲུག། སུམ་བརྒྱ་དྲུག་ཅུའི་དཀྱིལ་འཁོར་འབྱུང་།། དེ་ནི་མ་མོ་སྒྲུབ་པའི་གླུ།། ཡིད་ཙམ་གདུང་ལ་འཁྱུག་པར་བླང་།། ཞེས་བཀའ་སྩལ་ཏོ།། མ་མོ་འབྱུང་བའི་རྒྱུ་དང་། ་མ་མོའི་གླུའི་ལེའུ་སྟེ་ཉི་ཤུ་ཟམ་པའོ།། །། གནོད་འདུལ་ལྷ་ཡིས་ཡང་གསོལ་པ།། རྣལ་འབྱོར་རྣམས་ལ་ཕན་གདགས་ཕྱིར།། བྷ་གའི་དོན་རྣམས་ཇི་ལྟར་ལགས།། སྤྱི་དཔལ་མཆོག་ལ་བདག་ཉན ་འཚལ།། སྤྱི་དཔལ་མཆོག་གིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། སྤྱི་དཔལ་མཆོག་གིས་བཀའ་སྩལ་པ།། རྣལ་འབྱོར་རྣམས་ལ་ཕན་གདགས་ཕྱིར།། བྷ་གའི་དོན་རྣམས་ངས་བསྟན་གྱི།། ཉོན་ཅིག ་གནོད་འདུལ་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། བྷ་ག་ཞེས་ནི་བྱ་བའི་དོན།། ཆགས་པ་མེད་པས་བྷ་ཞེས་བྱ།། འདོད་པ་མེད་པས་ག་ཞེས་བྱ།། ཤེས་རབ་དོན་རྟོགས་བྷ་ཞེས་བྱ།། ཐབས་ཀྱི་དོན་རྟོགས་ག་ཞེས ་བྱ།། སྐྱེ་བ་མེད་པས་བྷ་ཞེས་བྱ།། འགག་པ་མེད་པས་ག་ཞེས་བྱ།། སྣ་ཚོགས་འབྱུང་བས་བྷ་ཞེས་བྱ།། ཅིར་ཡང་འབྱུང་བས་ག་ཞེས་བྱ།། ཀུན་ལ་ཁྱབ་པས་བྷ་ཞེས་བྱ།། རྫུ་འཕྲུལ་ཆེན་པོ་ག་ཞེས་བྱ།། ཡང ་ན་མཁའ་རྣམ་པར་དག་པ་ཞེས་བྱ་སྟེ། དབྱིངས་རྣམ་པར་དག་པ་ཞེས་ཀྱང་བྱ། བྷ་ག་ཀློང་ཞེས་ཀྱང་བྱ། གཏིང་དཔག་མེད་པ་ཞེས་ཀྱང་བྱ། ཡངས་པ་ཆེན་པོ་ཞེས་ཀྱང་བྱ། གཏིང་དཔག་དཀའ་བ་ཞེས་ཀྱང་བྱ། ཀུན ་ལ་ཁྱབ་པ་ཞེས་ཀྱང་བྱ། སྣ་ཚོགས་འབྱུང་བ་ཞེས་ཀྱང་བྱ། འདས་པ་ཀུན་གྱི་གནས་ཞེས་ཀྱང་བྱ། གཤེགས་པ་ཀུན་གྱི་ཤུལ་ཞེས་ཀྱང་བྱ། ཐམས་ཅད་སྡུད་ཅེས་ཀྱང་བྱ། མདོར་འུབ་ཀྱིས་བསྡུས་ན། མཁའ་བཞི ་དབྱིངས་དང་ལྔ། བདེ་བ་ཆེན་པོའི་ཀློང་དབྱིངས་སུ་ཁྱིལ་བ་ཞེས་བྱའོ།། དེ་སྐད་ཅེས་པ་བཀའ་སྩལ་ཏོ།། བྷ་ག་དོན་གྱི་ལེའུ་སྟེ་ཉེར་གཅིག་པའོ།། །། གནོད་འདུལ་ལྷ་ཡིས་ཡང་གསོལ་པ།། འདོད་དགུ་སྒྲུབ ་པའི་ཕྱག་རྒྱ་རྣམས།། སྤྱི་ཡི་ཡབ་ལ་བདག་ཉན་འཚལ།། སྤྱི་ཡི་ཡབ་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། སྤྱི་ཡི་ཡབ་ཀྱིས་བཀའ་སྩལ་པ།། འདོད་དགུ་བསྒྲུབ་པའི་ཕྱག་རྒྱ་ནི།། ཡང་དག་ཉིད ་དུ་ངས་བསྟན་གྱི།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། སྤྱི་ཡི་ཕྱག་རྒྱ་བཅིངས་ནས་ནི།། ཆུ་བོ་ཆེན་པོ་འོང་བའམ།། ཆུ་ཀླུང་ཆེན་པོ་གཙང་པོའི་འགྲམ།། གླང་ནི་སྨུག་པོ་དག་ལ་ཞོན།། ་སྣང་སྲིད་རྫས་ནི་མང་པོ་བསང་།། མ་མོ་རྣམས་ནི་བསྐུལ་བར་བྱ།། ཕྱོགས་བཞིར་ཕྱག་རྒྱ་བསྒྱུར་ནས་ནི།། བསྒྲུབ་པའི་སྔགས་ནི་བརྗོད་པར་བྱ།། ཨོཾ་བ་མུ་ཀ་ཡོ་གཱི་ཤྭ་རཱི་ཧི་ཧི་ཨི་ཨི་ཞེས་བརྗོད་དོ།། དེས་དགོ ་ས་དགུ་འགྲུབ་པོ།། ཅི་འདོད་པ་མངོན་སུམ་དུ་འགྲུབ་བོ།། འདོད་དགུ་ཕྱག་རྒྱ་སྤྱི་བསྒྲུབ་པའི་ལེའུ་སྟེ་ཉེར་གཉིས་པའོ།། །། གནོད་འདུལ་ལྷ་ཡིས་ཡང་གསོལ་པ།། སེམས་ཅན་ཀུན་ལ་ཕན་གདགས ་ཕྱིར།། ཚེ་སྲོག་ཉམས་པ་ཇི་ལྟར་གསོ།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། སེམས ་ཅན་ཀུན་ལ་ཕན་གདགས་ཕྱིར།། ཚེ་སྲོག་ཉམས་པ་གསོ་བ་དང་།། གསོ་བའི་ཆོ་ག་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། སྟེགས་བུ་མདའ་གང་གྲུ་བཞི་ལ།། འཁོར་ལོ། ་རྩིབས་བརྒྱད་དེ་དབུས་སུ།། པདྨ་ཆེན་པོ་འདབ་བརྒྱད་བྲིའོ།། པདྨ་ཆེན་པོ་དེ་དབུས་སུ།། རིན་ཆེན་འབར་བ་ཟུར་བརྒྱད་བྲི།། དེ་དབུས་ཟླ་གམ་དམར་པོ་བྲི།། བྷནྡྷ་མཚན་དང་ལྡན་པ་བཞག། རིན་ཆེན་འབར་བ་ཟུར་བ ་རྒྱརྒྱུད་ལ།། ལྔ་ལ་རྟག་པའི་རྒྱལ་མོ།། གཉིས་ལ་སྨེ་ཤ་པྲ་མོ་ཧ།། པདྨ་ཆེན་པོ་འདབ་བརྒྱད་ལ།། ཕྱོགས་བཞིར་ཁྲོས་པའི་དབང་ཆེན་བསྐྱེད།། མཚམས་སུ་གསང་བའི་ཡུམ་བཞི་དགོད།། འཁོར་ལོ་ཆེན་པོ་རྩིབས་བརྒྱད ་ལ།། ཕྱོགས་བཞིར་ཕྱག་རྒྱ་ཆེན་པོ་བཞི།། ཉི་ཟླ་ཐོད་ཕྲེང་རྒྱལ་མོ་དགོད།། གཅིག་ལ་ཚེ་ཡི་སྙིང་པོ་བྲི།། སྨན་མོ་ཆེན་པོ་དོན་གྱིས་སྦྱར།། དཀྱིལ་འཁོར་དེ་ཡི་ཕྱི་རིམ་དུ།། བཀྲ་ཤིས་བརྒྱད་ཀྱང་བྲི ་བར་བྱ།། སྒོ་བཞིར་ཁྲོ་བོ་བཞི་ཡང་དགོད།། ཚིལ་ཆེན་མར་མེ་རྒྱུན་མི་གཅད།། ལང་ཚོའི་སྒྲུབ་པ་འདི་བཞིན་བྱ།། ཤིང་བལ་བུ་དང་འབྲི་ཏ་ཨ་སྟ་དང་། པྲ་རྡོ་དང་། མར་དང་། ཨ་མྲྀ་ཏ་དང་འདི་རྣམས་ཀུན།། དངུལ ་གྱི་བུམ་པར་བླུགས་ནས་ནི། དར་དམར་པོས་མགུལ་དཀྲིས་ལ་གཟུངས་ཐག་དཀར་དམར་ཟུང་གཅིག་གིས་བཏགས་ལ་དཀྱིལ་འཁོར་གྱི་དབུས་སུ་བཞག་གཟུངས་ཐག་དམར་པོ་ཡུམ་གྱིས་གཟུང་། དཀར་པོ་ཡབ ་ཀྱིས་གཟུང་། ཞག་དགུར་བསྙེན་པ་བྱ་ཞིང་རྟག་པའི་རྒྱལ་མོ་ལྔ་བསྐུལ་ཞིང་བསྒྲུབ་བོ།། དེ་ནས་རང་གི་སྙིང་པོ་བཟླས། ཡང་ན་ཚེའི་སྙིང་པོ་དང་གཞུང་གཞན་ནས་འབྱུང་བའི་སྙིང་པོ་ཡང་གཞུང་བཞིན་དུ ་བཟླས་བརྗོད་བགྱི། དུས་དེར་བར་གཅོད་འབྱུང་བས། མཚམས་དྲག་ཏུ་བཅད་དོ།། དེ་སྒྲུབ་པའི་གསང་བའི་སྔགས་འདིའོ།། ཨཱིཾ་ཨ་མྲྀ་ཏ་ཤ་ན། དུན་བུ་ས་བུད་དེ་སཱ་ཧཱ། ཨཱ་ཡུཿུ་ཧ་ཨ། ཞེས་རྟག་ཏུ ་བཟླས་སོ།། དངོས་གྲུབ་བླང་བའི་སྔགས་འདིའོ།། ཨཱ~ཾ་བྷ་བྷ་ལཾ་ཧཾ་ཨཱ་ཨཱ་ཛྙཱ་ན་སིབ། ཅེས་བཟླས་སོ།། ཚེ་བསྒྲུབ་པའི་ལེའུ་སྟེ་ཉེར་གསུམ་པའོ།། །། གནོད་འདུལ་ལྷ་ཡིས་ཡང་གསོལ་པ།། སེམས་ཅན་ཀུན ་ལ་ཕན་གདགས་ཕྱིར།། རིམས་ནད་གཅོད་པའི་ཆོ་ག་ནི།། མངོན་རྫོགས་ཡབ་ལ་བདག་ཉན་འཚལ།། མངོན་རྫོགས་ཡབ་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། མངོན་རྫོགས་ཡབ་ཀྱིས་བཀའ ་སྩལ་པ།། སེམས་ཅན་ཀུན་ལ་ཕན་གདགས་པའི།། རིམས་ནད་གཅོད་པའི་ཆོ་ག་ནི།། ཡང་དག་ཉིད་དུ་ངས་བཤད་ཀྱི།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད། རིམས་ནད་གཅོད་པའི ་ཆོ་ག་ནི། རེ་མ་ཏི་བསྒྲུབས་ལ། ཐལ་ཆེན་དང་། ཉུང་དཀར་དང་ཙ་རའི་ཁྲག་དང་། རོ་སོལ་དང་། འདི་རྣམས་བསགས་ལ་དེ་ལ་གདབས་པའི་བརྣག་པའི་སྔགས་འདིའོ།། ཨཽ་པ་རི་རུ་རུ་སུ་རུ་ན་མ་པ་ར། ཨཽའུ་ར ་བི་མ་སུ། སུ་ཏ་ན་བྷྱོ། ཞེས་ལན་ཉི་ཤུ་རྩ་གཅིག་བཟླས་ནས་རིམས་ནད་ཡོད་པའི་ཕྱོགས་སུ་གཏོར་རོ།། ཕྱི་མ་ཆུ་ལ་ཡང་གཏོར་རོ།། དེ་ལྟར་བྱས་ན་རིམས་ནད་མི་ཆེད། ཆད་མི་སྲིད་དོ།། ཞེས་བཤད ་དོ།། རིམས་ནད་གཅོད་པའི་ལེའུ་སྟེ་ཉེར་བཞི་པའོ།། །། གནོད་འདུལ་ལྷ་ཡིས་ཡང་གསོལ་པ།། སེམས་ཅན་ཀུན་ལ་ཕན་གདགས་ཕྱིར།། ཆར་ཆུ་དབབ་པའི་ཆོ་ག་ནི།། རྫོགས་སངས་རྒྱས་ལ་བདག་ཉན་འཚལ།། ་རྫོགས་སངས་རྒྱས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། སེམས་ཅན་ཀུན་ལ་ཕན་གདགས་པའི།། ཆར་ཆུ་དབབ་པའི་ཆོ་ག་ནི།། ཡང་དག་ཉིད་དུ ་ངས་བསྟན་གྱི།། ཉོན་ཅིག་གནོད་འདུལ་ལྷ་ཡི་གཙོ།། ཆར་ཆུ་དབབ་པ་ནི། སྲོ་ལོ་བ་དང་། མོན་སྲན་དང་། ཟིང་བུ་དང་། དེ་རྣམས་བསྲེས་ལ། དེ་ནས་སླ་ངའི་ནང་དུ་ཆུ་བླུགས་ལ། སྔགས་ཀྱིས་རྫས་དེ ་ལ་བཏབ་ལ། ཁ་ཆུད་རེ་ཡས་སྟགས་ཀྱི་ཐལ་བ་ཆུ་དེ་ལ་བླུགས་ཏེ་ཕྱོགས་བཅུར་གཏོར་རོ།། གནམ་ལ་གཏོར་རོ།། དེ་ལྟར་གཏོར་ཞིང་སྔགས་འདི་གདབ་བོ། ཨོཾ་སུ་པ་བི་པ་སེན་མཿཁ་བོ་སུརྱ་བས་སྟ་དུ་ལ་ཧ་ཡ་སཱ ་ཧཱ།། ཞེས་མང་དུ་བཟླས་ཤིང་གཏོར་རོ།། ཡང་ཁ་སྲན་ཆུ་མིག་བཟང་པོར་རྫས་དེ་བླུགས་ལ་ནཱ་ག་རཱ་ཙ་ས་མ་ཡ་ཛཿཞེས་དྲངས་ཤིང་། གོང་གི་སྔགས་དེ་བཟླས་ཤིང་ཆུ་བཅུས་ཤིང་གནམ་ལ་གཏོར་རོ།། དེ་ལྟར་བྱས ་ན་ཆར་ཆུ་འབབ་ངེས་སོ།། ཐེ་ཚོམ་མེད་པར་འགྲུབ་ངེས་སོ།། ཆར་དབབ་པའི་ལེའུ་སྟེ་ཉེར་ལྔ་པའོ།། །། གནོད་འདུལ་ལྷ་ཡིས་ཡང་གསོལ་པ།། བཀའ་འདི་དང་དུ་ལེན་པ་ཡི།། རྣལ་འབྱོར་བསམ་པ་རྫོགས ་པའི་ཕྱིར།། བདེ་བའི་དགོངས་པ་བདག་ཉན་འཚལ།། སྤྱི་ཡི་ཡབ་ལ་དགོངས་པ་སྐྱེས།། དེ་སྐད་གསོལ་པ་གསན་ནས་ཀྱང་།། ཉག་གཅིག་ཡབ་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། རྣལ་འབྱོར ་བསམ་རྫོགས་བྱ་བ་དང་།། བདེ་བའི་དགོངས་པ་ངས་བསྟན་གྱི།། རྣལ་འབྱོར་སྤྱི་ལ་ནན་ཏན་བསྐྱེད།། དེ་ནས་བསྒྲུབ་པའི་སྐྱེས་བུ་དེས།། མ་གོད་རས་ནི་གཙང་མ་ལ།། དུས་དྲུག་བསྲུངས་པའི་བྲིས་མཁན ་གྱིས།། མ་འདྲེས་ཚོན་གྱིས་བྲི་བ་ནི།། གསེར་གྱི་ཁ་དོག་ལྟ་བུ་ཡི།། ཕྱག་གཉིས་བརྐྱང་བའི་ཕྱག་རྒྱ་ཡིས།། བླ་མེད་སྤྱི་དཔལ་དེ་བྲིས་ཏེ།། གཡོན་གྱི་ཕྱོགས་སུ་བྲི་བ་ནི།། ཕྱག་ན་རྡོ་རྗེ་དབུ་སྨད་ཅིང་།། སྐུ་མདོག ་དཀར་འཚེར་ཚུལ་དུ་བྲི།། དེ་ཡི་འོག་ཏུ་བྲི་བ་ནི།། རིག་པ་འཛིན་པའི་ངོ་བོ་ནི།། གསེར་གྱི་པོག་ཕོར་བཟུང་ནས་ནི།། དེ་ལ་མཆོད་པ་བྱེད་པར་བྲི།། དེ་ནས་བསྙེན་པ་བྱེད་པ་ནི།། བ་ན་ས་ཡི་དྲི་ཆུ་དང་།། འོ་མ་ནས ་ཕྱིཕྱེས་ལུས་བཀྲུས་ཏེ།། བསྙེན་པ་གཞུང་བཞིན་བྱེད་པའོ།། གཙང་མའི་གོས་ཀྱིས་རབ་བརྒྱན་ཏེ།། རྒྱལ་བའི་སྐུ་ལ་མཆོད་པ་དང་།། རྟག་ཏུ་ཕྱག་ན་རྡོ་རྗེ་ལ།། མོས་པའི་སེམས་ཀྱིས་གཏོར་མ་དབུལ།། སྐུ་གཟུགས ་མཆོད་རྟེན་སྤྱན་སྔ་རུ། བཟླས་ན་དངོས་གྲུབ་མཆོག་ཆེན་སྟེར།། དེ་ནི་བྱས་ན་ཉམས་པའང་འགྲུབ།། ཞི་དང་དབང་དང་རྒྱས་དང་བསྐྲད།། བསྐང་བའི་ལས་དང་དགུག་ལ་དང་།། རྣམ་པར་དབྱེ་དང ་འཕྲོག་པ་དང་།། དུས་སླ་བ་དང་རབ་ཏུ་ཐར།། རྩོད་དང་འཁྲུག་པ་རྣམ་བཅོམ་པ།། ཕ་རོལ་སྡེ་རྣམས་བཤིག་པ་དང་།། ནམ་མཁའ་ལ་ནི་འགྲོ་བ་དང་།། སྤུ་གྲི་རལ་གྲི་འཁོར་ལོ་དང་།། རྡོ་རྗེ་གསལ་ཤིང་ཕུར་བུ ་རྣམས།། བསམ་པ་གཅིག་གིས་འགྲུབ་པར་བསྟན།། དེ་ནས་དབང་དུ་བྱ་བ་ནི།། སྦྲང་རྩི་ཞོ་དང་དུར་བ་རྣམས།། མར་དང་ཉུང་དཀར་ལ་སོགས་ལ།། བརྒྱ་སྟོང་བཟླས་ཤིང་བསྲེག་པ་ན།། དབང་དུ་མི་འདུ་གང་ཡང ་མེད།། པ་ལ་ཤ་ཡི་མེ་བུས་ཤིང་།། ཨ་ཀ་མ་ལ་ཡ་ཡི་ཡམ་ཤིང་དང་།། ཆང་དང་སྦྲང་རྩི་འོ་མ་རྣམས།། བདུན་སྟོང་བར་དུ་བཟླས་བསྲེགས་ན།། བསྐྲད་དང་ཕ་རོལ་སྡེ་པ་ཀུན།། ཞི་བར་འགྱུར་བ་གདོན ་མི་ཟ།། བིལ་བ་དག་གི་ཡམ་ཤིང་ལ།། ཧཱུཾ་སྟོང་བསྲེག་ན་སྐྲོད་པར་བྱེད།། ན་ལེར་ཤམ་དང་དཀར་པོའི་ཤིང་།། ཨ་ཤཏྠ་ཡི་འདབ་མའི་བར་དུ་བཅུག་ལ། ནུབ་བདུན་བཟླས་པ་བྱས་ན་ནི། རྐང་པའི་བར་དུ་འགྲོ་བར ་འགྱུར།། བིལ་བ་ཡམ་ཤིང་མེ་བུས་ལ།། བྱ་རོག་འུག་པའི་སྒོ་བཙུགས་ཏེ།། ཉུང་དཀར་མར་ལ་ཞུགས་ནས་ནི།། བརྒྱ་སྟོང་བར་དུ་བཟླས་བསྲེག་ན། ཁམས་གསུམ་མཐོང་བར་གདོན་མི་ཟ།། གསང་བའི་ཕུར་བུ་ངེས ་པ་ལ།། བརྒྱ་སྟོང་བཟླས་ཏེ་བསྐོར་བཏབ་ན།། གདུག་པའི་ཚོགས་ནི་གང་ཡང་རུང་།། འཕྲལ་དུ་འབྲོས་པར་གདོན་མི་ཟ།། སྐེ་ཚེ་ལན་ཚྭ་སྒོག་པ་གསུམ་ལ།། བསྔགས་ཏེ་ས་ལ་སྦས་པ་ན།། འཕྲལ་དུ་སྐྲོད་པར ་དོགས་པ་མེད།། དུར་ཁྲོད་ཀྱི་ནི་དབུས་ཉིད་དུ།། ས་ཤི་དུམ་བུའི་མེ་བུས་ལ།། སྔོན་པོ་གོས་སུ་གོན་ནས་སུ།། ཐལ་ཆེན་ཁྲག་དང་སྤྲས་པ་སྟེ།། བརྒྱ་སྟོང་བར་དུ་བཟླས་བསྲེག་ན།། ཚངས་པའི་ཚེ་ཡང་མོད་ལ་འཆི།། ་ཁྲོས་ཤིང་། གསད་པ་བཟླས་ནས་སུ།། བདག་གི་ལུས་ལ་རྨ་བྱུང་ན།། དུག་འཐུང་བདེ་བར་འདུག་པ་ཡིན།། རྫ་ཆགས་ཕྲུ་བའི་ཁ་སྦུབ་བདུན།། བླངས་བཟླས་ཀྱང་ཏེ་སྔགས་ཀྱིས་བཏབ་ནས་ནི།། དེ་ཡི་གནས་སུ་ཁྱིམ ་གྱི་སྟེང་།། དུས་གཏོར་བྱས་ན་རྟག་ཏུ་ངན་དམེ་བྱེད་པའོ།། དགྲ་ཡི་ཕྱོགས་སུ་བརྟགས་ནས་སུ།། དུར་ཁྲོད་དང་ནི་ཁྲག་དག་ལ།། བརྒྱ་སྟོང་བར་དུ་བཟླས་བསྲེག་ན།། དཔུང་གི་ཚོགས་རྣམས་འཇིགས་པར ་བྱེད།། ལག་པ་ལ་ནི་བརྒྱ་སྟོང་བར་དུ་བཟླས་ཧེ་ས་ལ་བརྡབས་ན། གཏེར་གྱི་བདག་པོ་འབྲོས་པར་འགྱུར།། ཡོ་བྱད་སྔོན་པོས་བསྐུར་ནས་ནི།། མངར་གསུམ་ཡོན་དུ་ཕུལ་ནས་སུ།། ལག་མཐིལ་ས་ལ་བརྡབས་ནས ་ནི།། མྱུག་ཅིང་ཞག་བདུན་བར་དུ་བརྒྱ་སྟོང་བཟླས།། གཏེར་ཁུགས་པ་ནི་གདོན་མི་ཟ།། རིང་པར་སྙིང་ནས་བཟླས་བྱས་ཏེ།། སྐུ་གདུང་ལྡན་པའི་མཆོད་རྟེན་ལ།། མཆོད་པ་རྒྱ་ཆེན་བྱས་ནས་སུ།། ཟས་གཙང་མ་དག ་ཟ་བཞིན་དུ།། བརྒྱ་སྟོང་བཟླས་ན་མཁའ་ལ་འགྲོ།། གཞན་གྱི་དབང་དུ་མི་འགྱུར་ཞིང་།། ཀུན་གྱི་བླ་ན་སྤྱོད་པ་དང་།། གནོད་སྦྱིན་ཀུན་དང་ལྷན་ཅིག་ལྡིང་།། ཕྱག་ན་རྡོ་རྗེ་མཆོད་ནས་ནི།། དེ་ཡི་གཡས་ཀྱི་ཕྱོགས་སུ ་ནི།། ཨ་ཤྭཏྠ་ཡི་འདབ་མ་ལ།། འོག་བཞི་བཞག་སྟེ་སྟེང་དུ་གསུམ།། དེ་ལྟར་ཞག་གསུམ་ཟིན་ནས་ནི།། འབྱུང་པོ་ཀུན་ལ་གཏོར་མ་སྦྱིན།། གྲུབ་པའི་མཚན་མ་གསུམ་གྱི་བར།། དེ་ཡི་བར་དུ་སྙིང་པོ་བཟླས།། འགྲོ ་བར་དཀའ་བར་རབ་ཏུ་འགྲོ།། བར་དུ་བསྡུས་ཀྱང་གཏོར་མི་སྲིད།། འབར་བས་མཁའ་ལ་འགྲོ་བར་འགྱུར།། དུར་ཁྲོད་ཀྱི་ནི་དབུས་ཉིད་དུ།། ཕྱག་ན་རྡོ་རྗེའི་གཟུགས་བཞག་སྟེ།། རལ་གྲི་ལག་གིས་བཟུང་ནས ་ནི།། དྲུང་དུ་བརྒྱ་སྟོང་བཟླས་པ་ནི།། བླང་བས་རལ་གྲིའི་རིག་འཛིན་ཐོབ།། མ་སྐྱེས་འཁྱིལ་པའི་སྒྲ་དག་དང་།། འདོད་པའི་གཟུགས་དང་ལྡན་པ་སྟེ།། ཚེ་ཚད་བསྐལ་པར་གནས་པ་སྟེ།། གསད ་པའི་འཁོར་ལོའི་དུམ་བུའམ།། ལྕགས་གསུམ་དག་ལ་བྱས་པ་ཡི།། འཁོར་ལོ་རྫས་སུ་བཟུང་ནས་སུ།། སྐུ་གསུམ་ལྡན་པའི་མཆོད་རྟེན་དང་།། ཕྱག་ན་རྡོ་རྗེ་གཙོ་མཆོད་དོ།། ཞག་གཅིག་སྐྱུག་ཅིང་འཁོར་ལོ་བཟུང་།། ་ལན་སྟོང་བཟླས་བརྗོད་བྱས་པ་ན།། རླུང་གཡོས་མཚན་མ་འབྱུང་བ་དང་།། ལག་པ་དག་ཀྱང་དེ་བཞིན་འབར།། འཁོར་ལོ་ཡང་ནི་འོད་འབྱུང་སྟེ།། རིག་འཛིན་འཁོར་ལོ་བསྐོར་བ་ཡང་།། འོང་ནས་རིག་འཛིན ་འཁོར་ལོའི་དངོས་གྲུབ་སྟེར།། གཞན་གྱི་མི་མཆེད་གནས་མཆོག་ལ།། བསྐལ་པ་ཆེན་པོར་གནས་པར་འགྱུར།། རྒྱས་པའི་ལྕགས་སུ་གྱུར་པ་ལས།། སེར་དྲུག་པོ་ཡི་རྡོ་རྗེ་བྱ།། སྐུ་གདུང་ལྡན་པའི་མཆོད་རྟེན་ལ།། ་སྐུ་གཟུགས་སྤྱན་སྔར་མཆོད་བསྙེན་བྱ།། རི་རྩེ་ལ་སོགས་གཙང་འགྲམ་དུ།། སྐུ་ཡི་གཟུགས་བརྙན་གཞག་ནས་སུ།། དྲིལ་བུ་བདུག་སྤོས་ལ་སོགས་པས།། འབྱུང་པོའི་ཚུལ་དུ་རྡོ་རྗེ་མཆོད།། སྔོན་པོའི་གོས ་ཀྱང་བགོས་ནས་སུ།། རྡོ་རྗེའི་རིགས་ལ་མཆོད་པ་བྱ།། དེ་ནས་རྒྱ་མཚོ་འཁྲུགས་པ་དང་།། ས་ཡང་རབ་ཏུ་གཡོ་བྱེད་པའོ།། རླུང་ཡང་དྲག་ཏུ་སྡང་བ་དང་།། ནམ་མཁའ་ནས་ནི་ཧ་ཧ་དང་།། ཀཱི་ལི་ཀཱི་ལིའི་སྒྲ ་ལྡང་བ་དང་།། འོད་ཟེར་གདུག་པ་འབར་བ་དང་།། དངོས་གྲུབ་མཆོག་ཏུ་གྱུར་པ་སྟེ།། ཏིང་འཛིན་འཁོར་ལོ་བསྐོར་བ་དང་།། འབད་དེ་གཡོག་ལྟར་བྱེད་པར་འགྱུར།། གཟུགས་དང་ཆེ་ཡང་བདེ་ལྡན་ཞིང་།། མཐུ ་ཡང་ཕྱག་ན་རྡོ་རྗེ་བཞིན།། ཧཱུཾ་ཞེས་པས་ནི་རི་སྙིལ་བའོ།། དེ་ནས་རྒྱལ་པོའི་ས་བཟུང་བ།། རས་སམ་རྩིགས་པའི་ངོས་དག་ལ།། བཅོམ་ལྡན་འདས་མ་བྲི་བར་བྱ།། བདག་གམ་ར་ཡི་ཁྲག་དག་ལས།། གཏོར་མ ་རྒྱ་ཆེར་བྱིན་ནས་ནི།། བ་ཤའི་ཤ་ཆེན་བདུག་པ་བྱ།། རྒྱས་པ་བརྒྱ་སྟོང་བཟླས་ན་འགྲུབ།། སྔགས་ཀྱི་མཆོག་ཀྱང་བསྙེན་པ་སྟེ།། ལས་དབང་དེ་ཡིས་འགྲུབ་པར་བྱེད།། བདག་སྒྲ་དག་ནི་བལ་ནས་སུ།། ཉི་ཤུ་རྩ ་ལྔར་བསྲེག་པ་ན།། ནུབ་གསུམ་གྱིས་ནི་ནད་རྣམས་ཆད།། སྐྲ་དང་སེན་མོ་བྱིན་པའི་སྤུ།། བདག་གི་ཁྲག་དང་བསྲེས་ནས་སུ།། ཉི་ཤུ་རྩ་ལྔར་བསྲེགས་པས་ན།། སྦྱིན་བསྲེག་མཐའ་རུ་དགྲ་མེད་དོ།། བདག་གི ་ཁྲག་གིས་སྙིང་ག་རུ།། དགྲ་ཡི་མིང་རུས་བྲིས་ནས་སུ།། གོས་གཤེར་བ་རུ་བགོས་པ་སྟེ། ཁ་ཤར་དུ་བལྟས་ཏེ་གོམ་སྟབས་ཀྱི་བར་དུ་ཁྲོ་ཞིང་འཛབ་བཟླས་ན་དགྲ་བོ་མོད་ལ ་མེད་དོ།། ཁྲག་གིས་ལྤགས་པའི་གོས་ཀྱི་དུམ་བུ་གཅིག་གཟུགས་དེ་ལ་དག་བ་ལ་བདག་གི་ཁྲག་དང་། ཉུང་དཀར་བསྲེས་ལ། ལན་ཉི་ཤུ་རྩ་ལྔར་བསྲེག་ན་དགྲ་མེད་དོ།། ཝ་ཤའི་གང་གི་གཟུགས་བྱས་ཏེ། བྱ་རོག ་རུས་པའི་ཕུར་པ་ལ་བདག་གི་ཁྲག་གིས་བསྐུས་ཏེ། གཟུགས་དེ་ལ་གདབ་ལ་བསྲེག་པའི་དབུས་འོག་ཏུ་སྦས་ཏེ། ཞག་ལྔ་ཚུན་ཆད་ཀྱིས་གནས་རྗེའོ།། བའི་མཁྲིས་པ་ལ་ལན་ཉི་ཤུ་རྩ་ལྔ་བསྲེག་ན། ཚ ་བའི་ནད་ཀྱིས་འཆིའོ།། སྟག་ཚིལ་ལན་ཉི་ཤུ་རྩ་ལྔ་བསྲེག་སྟེ་སྒོར་བསྐུས་ན། ནད་ཆེན་པོ་འཇུག་གོ། བྱ་རོག་སྒྲོལ་བ་སེའི་འབྲས་བུ་བསྲེགས་པས་འགྲོ་བ་སྟོང་ཀ་འཆིའོ།། ཞོ་དང་སྦྲང་རྩིས་ཞི་བར་བྱེད། དུར་བས་ཚེ ་རིང་མར་གྱིས་རྒྱས་པར་འགྱུར། ཉུང་དཀར་གྱིས་ཟློག་པར་བྱེད། སྦྲང་རྩིས་འཕེལ་བར་འགྱུར། བརྩོན་པས་གཞན་གྱི་ལས་འཇིག་ཀུན་ཀྱང་བསྲེག་པའི་ལས་རྣམས་ཏེ།། ཉི་ཤུ་རྩ་བཞི་གྲངས་སུའོ།། ཨ་ཀ་ཏི་དི་བ་མ ་མ་དཏྟ་ཡནྟི་སྭཱ་ཧཱ། ཨ་ར་ན་ཏིའི་འདབ་མ་ཁྲག་དང་སྦྲུས་ཏེ། ལན་ཉི་ཤུ་རྩ་ལྔ་བསྲེག་ན། སྙིང་ནད་ཀྱིས་འཆི། མ་ད་ནའི་དུག་གི་ཚེར་མ་ཉི་ཤུ་རྩ་ལྔར་བསྲེག་ན། སྙིང་ནད་ཀྱིས་འཆི། བསེ་འབྲུ་ཉུང་བ་མར་བསྲེས་ཏེ། ་ཉི་ཤུ་རྩ་ལྔར་བསྲེགས་ན་མི་འགུལ་བར་ནི་འཆི་བར་བྱེད། སུརྱ་སུརྱ་ཕུ་ན་ར་ག་མ་ན་ཡ་སྭཱ་ཧ། གསང་གི་བར་བར་བེ་རེ་མི་རེ་མི་བུ་མི་བ་རང་བནྡྷ་མི། ཨི་དེ་མ་ཧཱ་མ་ཚ་ཚ་རྦ་ཁུ་མ་ར་ཙ་དྷ་ན། མ་ཨཱ་ཡུ་མ་ན་ནྱ་དུ་སྣ ་ཧ། ད་ན་མ་ཏ་ཀརྐ་མ་ཧཱ་བི་ཛ་ཡ་སྭཱ་ཧཱ། སྐེ་ཚེ་དང་ཁྲག་དུག་བསྲེས་ཏེ།། སྔགས་ལན་བརྒྱ་རྩ་བརྒྱད་བཟླས་ཏེ། བསྲེགས་ན་འཆི། ཚ་དང་སྐེ་ཚེ་ཁྲག་དང་དུག་བསྲེག་ན། དགྲ་ཡང་སྐད་ངན་འདོན་ནོ།། ཨོཾ་ཀ་ཏ་ཀ་ཏ ་ཡཱ། བིག་ཏ་ཡཱ། འགྲོ་ཀུན་ཏུ་བ་བ་ཡཱ། ཤིམ་བུ་པཱུ་ཤ་ཡ་སྭཱ་ཧཱ། སྦལ་པའི་པགས་པ་ལན་ཉི་ཤུ་རྩ་ལྔ་བསྲེག་ན། ལྟོ་བ་སྦལ་པས་འགག་གོ། ཀླུ་ནད་ཀྱིས་འཆི། བི་ཏི་ཏིའི་འབྲས་བུ་དང་། བདག་གི་ཁྲག་ཏུ་བསྲེས་ཏེ ་བསྲེག་ན། ཨུ་བཏུམ་པས་འཛིན་ཏོ།། སྦུར་མ་ཚ་དང་སྨྱུག་ཚལ་དང་། རྡོ་དང་འཁར་བ་ལ་སོགས་ལ།། བསྲེགས་པས་ལྟོ་བ་དེས་འགེངས་སོ།། འོན་ཏེ་ཁྱི་དང་བྱི་ལའི་དྲི་ཆེན་ལ་སྦྲུལ་གྱི་གཟུགས་བྱས་ཏེ། དེའི་ཁར ་བཅུག་ན་སྙིང་འཕར་གདེངས་ཏེ་འཆིའོ།། ཚུར་འཛུལ་བའི་གསེབ་དག་ཏུ། དྲི་ཆུ་སོང་བའི་ས་བླངས་ཏེ། གསོབ་ཏུ་བླུགས་ནས་ཚོན་སྐུད་ལ་བསྔགས་ཏེ་བསྡམས་ན་འགགས་ཏེ་འཆི། ཨོཾ་དུ་ཏ་ར་ཏ་མུ་ཟུར་ཧཱུཾ། གསོ་ན ་འགྲོ་བ་འདིས་ཆོག་གོ། ཨཱིཾ་བཛྲ་ཀྲོ་དྷ་མཾ་འགྲིང་སྙིང་ཛ་ར་ཛ་ར། བུ་རུ་བུ་རུ། ཤེལ་ད་མི་ཧཱུཾ་ཕཊ་སྭཱ་ཧ། གཉིས་ཀ་ལན་བཅུ་དགུར་བཟླས་པ་ཡིན་ན། རྡོ་རྗེ་སེམས་དཔར་སྦར་བ་ན།། སད་ན་ཀུན་གྱི་སོར་གདུབ ་ཀྱིས།། གཡོན་པའི་སྲིན་ལག་དཀྲིས་ནས་ནི།། ཕྱག་རྒྱ་བསྡམས་ནས་སྔགས་བཟླས་སོ།། བཛྲ་འགུག་དྷྲིག་ཨཱ~ཾ་ན་ད་བི་མ་ཤ་ཀྲ་གུ་བེ་ར་ནན། ཉི་ཤུ་རྩ་གཅིག་བཟླས་ནས་ནི།། ཕྱག་རྒྱ་བསྡམས་ནས་འཕངས་པས ་ན།། ལག་པ་བྱ་བ་ནི། ཨོཾ་བཛྲ་ཡག་མུཀྵ་དེ་ཤད་དེ། ཐེའུ་རང་ཧ་ཏེ་ཡ་སྭཱ་ཧཱ།། ཉི་ཤུ་རྩ་གཅིག་བཟླས་ནས་སུ།། ཕྱག་རྒྱ་དགྲོལ་ལ་ལག་པ་བཟེད།། རྡོ་རྗེ་ལག་ཏུ་འོང་བ་ཡིན།། ཞེས་གསུངས་པ་དང་།། འཁོར་གྱི ་རྣལ་འབྱོར་པས་ཨ་ལ་ལའི་སྒྲ་བྱུང་ངོ་།། བསམ་རྫོགས་བདེ་བའི་ལེའུ་སྟེ་ཉེར་དྲུག་པའོ།། །། གཡུང་དྲུང་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད་ལ་འགལ ་བྱེད་དང་།། རྟག་ཏུ་གདུག་སེམས་གྱུར་པ་ལ།། སེམས་ལུས་སོ་སོར་དབྲལ་བའི་ཕྱིར།། ལྷ་དང་དབྱེ་བ་ཇི་ལྟར་ལགས།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ་སྩོལ་ཅིག། དེ ་སྐད་གསོལ་བ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། བསྟན་པ་གཉེན་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། རྟག་ཏུ་གདུག་སེམས་གྱུར་པ་རྣམས།། སེམས་ལུས་སོ་སོར ་དཔྲལ་བའི་ཕྱིར།། དགྱེ་བའི་ལས་རྣམས་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། དགྲ་བོ་ལྷ་དང་དཔྲལ་བའི་ཕྱིར།། བྱ་རོག་འུག་པའི་དང་རུ་ལ།། ཨ་དང་ནརྀ་ཡི་མིང ་བྲིས་ལ།། ལྟེ་བ་རྐང་གི་དྲེག་པས་བླ་ན།། ཤོག་ཤོག་ཚོན་རེ་གྲུ་བཞི་ལ།། ལྷ་དང་མི་ཡི་མིང་བྲིས་ལ།། ཚོན་སྐུད་སྣ་ལྔས་བྱད་དུ་གཞུག། རྐང་དུ་རྫ་ལུང་བཅུག་ནས་ནི།། འགི་ཏིའི་ཕྱིན་ཕྱོགས་དག་ཏུ་བསྟན།། དུ་ར ་ནག་པོ་རྟ་རྐང་བསྡམས།། མན་དྷ་ལ་ཡི་དར་གྱིས་དཀྲིས།། ཨ་ཏཱི་ནརྀ་བ་ཏིའི་ཐག་པས་བཅིངས།། ད་ར་པ་ཏའི་རྒྱུས་པས་གདགས།། སྦ་མ་དག་གི་དུད་པས་བདུག། བྲིག་ཤའི་ཤིང་ལ་བརྟགས་ནས་ཀྱང་།། ཐང་ལ ་ཕྱར་ཏེ་སྡང་མིག་བལྟ།། ཨ་ཏིའི་རྦ་ཡི་ལྕགས་ཀྱིས་གདབ།། རྦ་ན་ཏ་ཡི་དུད་པས་བདུག། ཙ་ར་ཏ་ཡི་མདའ་ཡིས་བརྡེག། ཀུ་པ་ར་ཡི་མགུལ་དུ་གདགས།། མ་ལ་ཏ་ཡི་སྒོམ་ནས་བྱུང་།། ལྕེ་འབར་མ་ཡི་སྙིང་པོ ་བཟླས།། རྣ་ཉན་ཕྲ་མའི་གཟུགས་བྲིས་ལ།། ལྷ་དང་མི་ཡི་བར་དུ་གཞུག། མཱ་ར་ཡ་ཡི་སྔགས་ཀྱིས་དབྱེ།། མཚོན་ཆའི་ཕྱག་རྒྱ་བཅིངས་ནས་ནི།། གཟུགས་ཀྱི་བར་དུ་བརྡེག་པར་བྱ།། རཀྵ་རུ་ཏའི་སྔགས་ཀྱི ་གདབ།། ལྕགས་ཀྱུའི་ཕྱག་རྒྱ་གཉིས་བཅིངས་ལ།། ཨངྐུ་ཤ་ཡི་སྔགས་ཀྱིས་དྲངས།། ཞགས་པའི་ཕྱག་རྒྱ་གཉིས་བཅིངས་ལ།། པཱ་ཤ་ཧཱུཾ་གི་སྔགས་ཀྱིས་བཅིངས།། ལྕགས་སྒྲོག་ཕྱག་རྒྱ་གཉིས་བཅིངས་ལ།། སྒྲོ་ཊ་བཾ ་གྱི་སྔགས་ཀྱིས་བསྡམ།། དྲིལ་བུའི་ཕྱག་རྒྱ་གཉིས་བཅིངས་ལ།། གྷཎྜེ་ཧོ་ཡི་སྔགས་ཀྱིས་སྦར།། བདག་ཉིད་ཆེན་མོའི་སྐུར་བསྒོམས་ཏེ།། ཕོ་ཉ་དྲུག་རྣམས་གཏན་ལ་དབབ།། གོང་མའི་ལས་རྣམས་སྦྱར་ཏེ་བྱ།། དེས ་ནི་མཚན་མ་འབྱུང་བར་འགྱུར།། དེས་ཀྱང་མཚན་མ་མ་བྱུང་ན།། ད་ར་པ་ཏིའི་སོག་པ་ལ།། མ་ལ་ད་ཡི་ཁྲག་གིས་བྲིས།། ཏ་ན་ག་ནའི་དོང་དུ་གཞུག། ཆེ་མཆོག་ཡབ་ཡུམ་བསྒོམས་ནས་ནི།། སྨན་མོའི་སྔགས་དང ་ཕྱག་རྒྱ་གདབ།། བསྐུལ་བའི་ཕྲིན་ལས་གཞུང་བཞིན་བྱ།། མ་མོའི་ཉེ་འགྱེད་ཀྱི་ལེའུ་སྟེ་ཉེར་བདུན་པའོ།། །། གཡུང་དྲུང་ལྷ་ཡིས་ཡང་གསོལ་པ།། དམ་ལས་འདས་པའི་སྔགས་གཟེར་དང་།། མཚན་མ་ངན ་པའི་རྫུ་འཕྲུལ་དང་།། བདག་ལ་སྔགས་བཟློག་བྱུང་བ་རྣམས།། བཟློག་པའི་ཆོ་ག་ཇི་ལྟར་ལགས།། མངོན་སངས་རྒྱས་ལ་བདག་ཉན་འཚལ།། མངོན་སངས་རྒྱས་ཀྱིས་བཀའ་སྩོལ་ཅིག། དེ་སྐད ་གསོལ་པ་གསན་ནས་ཀྱང་།། མངོན་སངས་རྒྱས་ཀྱིས་བཀའ་སྩལ་པ།། དམ་ལས་འདས་པའི་སྔགས་གཟེར་དང་།། མཚན་མ་ངན་པའི་རྫུ་འཕྲུལ་དང་།། བདག་ལ་སྔགས་བཟློག་བྱུང་བ་རྣམས།། བཟློག་པའི་ཆོ་ག། ་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། བཟློག་པའི་ཆོ་ག་འདི་ལྟར་བྱ།། འཁར་བ་ལས་བྱས་པའི་པར་བུའི་ནང་དུ། ཡི་གེ་བྷྱོ་ཉི་ཤུ་རྩ་གཅིག་བྲིས་ལ། དེའི་ནང་དུ་དགྲ ་བོའི་མིང་བྱང་གཞུག་བྷནྡྷ་དུམ་བུ་བརྒྱད་པ་གཅིག་གི་ནང་དུ། དགྲ་བོའི་མིང་དང་བྷྱོ་ཉི་ཤུ་རྩ་བརྒྱད་བྲིས་ལ། གང་ཡིན་པའི་མིང་རུས་གཞུག་དེ་ནས་པར་བུ་དང་བྷནྡྷ་གཉིས་ལ་སྔགས་འདི་བཏབ་ལ། མིང་བྱང་ལ ་གདབ་བོ།། བཟློག་པའི་ངན་སྔགས་འདིའོ།། ཨོཾ་བ་ར་བི་ར་ན་ད་ས་ནི་རིག་ཤ་དུ་ལ་ཧཱུཾ་བྷྱོ་ཧཱུཾ། ཞེ་བརྗོད་དོ།། དེ་ནས་ཡང་པར་བུའི་ནང་དུ་དྲི་ཆེན་བཅུག་ནས་དྲི་ཆུས་གཏོར་ལ། སྔགས་འདི་སྟོང་དུ་བཟླས་ནས། ངན ་སྔགས་དང་མཚན་མ་ངན་པའི་རྫུ་འཕྲུལ་དང་། བདག་ལ་སྔགས་བཟློག་བྱུང་བ་རྣམས་བཟློག་པར་འགྱུར་རོ།། ལྟས་ངན་པ་ཐམས་ཅད་བཟློག་པར་འགྱུར་རོ།། རྨི་ལམ་ངན་པ་ཡང་དེ་ལྟར་བྱས་ན་བཟློག་པར་འགྱུར ་རོ།། ངན་སྔགས་བྷནྡ་པར་བུས་བཟློག་པའི་ལེའུ་སྟེ་ཉེར་བརྒྱད་པའོ།། །། གནོད་འདུལ་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད་ལས་འགལ་བྱེད་པ།། སེམས་ཅན་ཀུན་ལ ་གནོད་བྱེད་ཅིང་།། བདག་ལ་སྡང་སེམས་བྱེད་པ་ཡི།། རྟག་ཏུ་གདུག་སེམས་གྱུར་པ་ལ།། ངན་སྔགས་པར་བུར་བསད་པ་ཇི་ལྟར་ལགས།། མངོན་རྫོགས་ཡབ་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས ་ཀྱང་།། མངོན་རྫོགས་ཡབ་ཀྱིས་བཀའ་སྩལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་པ།། ངན་སྔགས་པར་བུར་བསད་པ་འདི་བཤད ་ཀྱི།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། ངན་སྔགས་པར་བུར་བསད་པ་འདི་ལྟར་བྱ།། མངའ་གསོལ་བྱས་པའི་པར་བུ་རུ།། དགྲ་བོའི་མིང་རུས་བྲིས་ཏེ་གཞུག། མ་བདུན་སྔགས་ནི ་སྟོང་བཟླས་ལ།། མིང་བྱང་དེ་ལ་གདབ་པར་བྱ།། དེ་ནས་ཐལ་ཆེན་ཉུང་དཀར་བསྲེག་པ་ཡིས།། ལན་ཁྲིར་བཟླས་ནས་པར་བུར་གདབ།། གང་ལ་བྱ་བ་དེ་དམིགས་ལ།། གསལ་བར་བསྒོམ་སྟེ་ཕྱག་བཙལ ་ནས།། བསྒྱུར་ན་དགྲ་བོ་ཕུང་བར་འགྱུར།། དེ་ཡི་མོད་ལ་རྟགས་འོང་ངོ་།། ཐུགས་ལ་བརྣག་པའི་ངན་སྔགས་ལ།། ཨཱིཾ་ཏ་ར་ཏུ་ར། བུ་ས་བེ་ཏེ་བ་ན་མུད་ལ་བཛྲ། བ་ཡ་བྷྱོ་བྷྱོ་བྷྱོ། མ་མ་ཙིཏྟ་ཁ་ར་རག་མ་ར་ན། མ་ར་ན ་བྷྱོ་བྷྱོ།། དེ་ལྟར་བྱས་ན་རྟགས་མོད་ལ་འོང་ངོ་།། ངན་སྔགས་པར་བུར་བསད་པའི་ལེའུ་སྟེ་ཉེར་དགུ་པའོ།། །། གཡུང་དྲུང་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད ་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་ངན་སེམས་བྱེད་པ་ལ།། པར་བུར་མནན་པའི་ལས་རྣམས་ནི།། ཉག་གཅིག་ཡབ་ལ་བདག་ཉན་འཚལ།། རྟག་ཆེན་ཡབ་ཀྱིས་བཀའ་སྩོལ ་ཅིག། དེ་སྐད་གསོལ་པ་གསན་ནས་ཀྱང་།། རྟག་ཆེན་ཡབ་ཀྱིས་བཀའ་སྩལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་ངན ་སེམས་བྱེད་པ་དག། པར་བུར་མནན་པ་ངས་བསྟན་གྱི།། ཉོན་ཅིག་གཡུང་དྲུང་ལྷ་ཡི་གཙོ།། ངས་བསྟན་པ་ལ་གདོན་མི་ཟ།། པར་བུ་མནན་པའི་ལས་ནི་འདི་ལྟར་བྱ། ཁམས་ལ་སོགས་སྦྱིན་པོ་ལ།། སྦུ་གུའི་ཚུལ་དུ ་བྱས་པ་ལ།། ནང་དུ་ཐལ་ཆེན་བླུགས་ནས་སུ།། དེ་ཡི་ནང་དུ་དགྲ་གཟུགས་གཞུག། དེ་ཡི་རུས་ལོ་དང་སྲིད་པའི་འབྲས་བུ་དང་། ཡ་ཆ་མ་ཆ་བར་དུ་དང་། དེ་རྣམས་བསྲེས་ལ་ཏིལ་ནག་པོ་དང་། སྐྱེ་ཚེ་དང་། བེ་རྒྱུ ་དང་དེ་རྣམས་བླུགས་ནས་མི་ཁྲག་གིས་སྦྲུས་ལ། གཟུགས་བྱས་ལ། མིང་རུས་དང་། རུས་ཀྱི་ལྷ་དང་བཅས་ཏེ། ས་ཁྲུ་གང་བྲུས་ལ་དེའི་ནང་དུ་བཅུག་ལ་ཁ་སྦུབ་སྟེ་ཁ་རྩི་སྐྱས་བྲེས་ན་ལྐུགས་ཤིང་ཁ་སྦུབ་སྟེ ་འཆིའོ།། རྟོགས་པའི་དབང་དུ་མཛད་ན་ནི་ཕྱག་རྒྱའོ།། མནན་པའི་སྔགས་ལ། ཨཽ་དྲིལ་བུ་དེ་ཡག་མོ་ཁུ་གསོལ། ད་ལ་བྷྱཱཾ་བྷྱཱཾ། མ་ར་ཎ་པྲ་ཝེ་ཤ་ཕཊ་ནན། པར་བུ་མནན་པའི་ལེའུ་སྟེ་སུམ་ཅུ་པའོ།། །། གཡུང ་དྲུང་ལྷ་ཡིས་ཡང་གསོལ་པ།། བསྟན་པ་གཉན་པོ་འཇིག་བྱེད་ཅིང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་ངན་སེམས་བྱེད་པ་ལ།། སྲོག་རྩ་སྐམ་ན་ཇི་ལྟར ་སྐམ།། སྙིང་རྩ་དྲང་ན་ཇི་ལྟར་དྲང་།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། བསྟན་པ ་གཉེན་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ་ལ།། སྲོག་རྩ་སྐམ་དང་སྙིང་རྩ་དྲང་།། དེ་ལྟར་གཉིས་ཀྱི་དོན་དེ་ཡང་།། ངས ་བསྟན་པ་ལ་གདོན་མི་ཟ།། ཉོན་ཅིག་གཡུང་དྲུང་ཡང་དག་པ།། སྲོག་རྩ་སྐམ་ན་འདི་ལྟར་སྐམ།། སྙིང་རྩ་དྲང་ན་འདི་ལྟར་དྲང་།། ཞིང་ཆེན་དྲས་ལ་གཟུགས་བྲིས་པའི།། སྙིང་གར་མནན་པའི་སྔགས་བྲིས་ལ།། ཟངས ་ཀྱི་སྦུ་གུའི་ནང་དུ་གཞུག། དེ་ནས་མ་མོ་སྲོག་ལ་རྦད་པ་འདི་སྐད་དོ།། ཧཱུཾ་ཁམས་གསུམ་རྒྱལ་མོ་དབང་གི་སྲིད་ཀྱི་གཞི།། གསང་བ་གསུམ་ལ་དབང་སྒྱུར་རྒྱས་འདེབས་མ།། གསང་བའི་ཐིག་བཞིས་གནས་བཞི ་འཇོམས་མཛད་པ།། དཀར་མོ་སྔོན་མོ་དམར་མོ་སེར་མོ་བཞི།། ཙིཏྟ་སྨུག་ཆེན་གནས་འདྲེན་པ། མ་མོ་ཆེན་མོ་འདྲེན་མ་བཞི།། དཀར་མོ་རྐུན་མོའི་ཚོགས་ནི་གནས་ནས་རྒྱུ།། རྔམས་པ་གཡུང། པས ་ཡུད། ཙམ་སྣ་ལ་རོལ་མཛད་མ། ཁྱོད་ཀྱི་ཕྲིན་ལས་སྐལ་བའི་ངོ་ལོང་ཞིག། ཤ་རུ་གཏད་པའི་གནས་སྐལ་མ་རུ་ལོང་།། ཧཱུཾ་ཏྲག་ཤ་ཀྲམ། ཧཱུཾ་སྔོན་མོ་རྨོངས་མོས་འདྲེན་བྱེད་ཙིཏྟ་དྲོངས།། སྙིང་དང་ཁྲག་བསྲེས་ཞིམ ་དགུའི་ཟས་ལ་རོལ།། གཏད་ཤ་རུས་ནི་གནས་གཞི་ཟས་ལ་གཏང་། ཁ་རཾ་ཏྲག་ཤ་ཏྲམ།། ཧཱུཾ་དམར་མོ་སྦོས་མོས་ཙིཏྟ་སྨུག་ཆེན་དྲོངས།། རྩ་བཞི་དྲོད་བཞི་གནས་བཞི་དབྱིངས་སུ་སྤོར།། གཏད་པར་གནས་བཞི ་དངོས་ལ་ཁྲག་ཆེན་ཐོབ།། གསོད་མཛད་སྦྱོར་མཛད་ཐུགས་རྗེ་དབྱིངས་སུ་སྡུད།། མ་གཏད་མ་གཡེལ་མྱུར་དུ་ཞིག། ཏི་ཏ་ཀྲམ་མ་ཧཱ་ལ་བྷྱོ།། མ་ཧཱ་རཀྟ་ལ་གྲམ་ཧྲི་ནི་ལ་འགྲམ།། ཧཱུཾ་སེར་མོ་བྱང་ཆུབ་ཚེ་འདྲེན་མས་ནི ་ཐིང་ག་ཧཱུཾ་གི་ཀློང་ནས་དྲོངས།། དཀར་མོ་དབྱིངས་ཀྱི་ཐིག་ལེ་མས་ནི་སྒོར།། རྩ་བཞི་དྲོད་ཀྱི་གནས་ནས་སྒྱུར། ཁྲག་ཆེན་འཁྱིལ་བའི་གནས་ནས་སྒྲོལ།། གསང་བའི་མ་བཞིའི་ཕྲིན་ལས་ནི།། བསད་པའི་དགྲ་བགེག ་ས་ད་ལྟ་དྲོངས། ཁུག་ཅིག་རྒྱོབ་ཅིག་འབར་མ་བཞི།། དྲོངས་ཤིག་སྟོབ་ཅིག་མཚན་ཆེན་སྟོབ།། གསད་བའི་དབྱིངས་ནས་ད་ལྟ་དྲིལ།། མ་ཧཱ་རཀྟ་ལ་གྲམ། མ་ཧཱ་ཙིཏྟ་ལ་བྷྱོ། མ་ཧཱ་མཱཾ་ས་ལ་ཡཱ། མ་ཧཱ་ཤ་ལ་ཡ་གྲམ། དེ ་ལྟར་གསང་བའི་མ་བཞི་ལ་དྲིལ་ལོ།། དེ་ནས་འབར་མ་དགུ་རྦད་པ་འདི་སྐད་དོ།། ཧཱུཾ་ནང་གི་འབར་བ་ཁྲག་འཐུང་ལྔ།། རྩ་བཞིའི་དྲོད་ལ་དབང་སྒུར་མ།། ཚེ་གསུམ་འབར་མ་ད་ཚུར་བྱོན། ཁྲག་ཆེན་ཀློང་ནས་ལྗགས ་འདྲིལ་མ།། ཡུམ་བཞི་འགས་མ་ད་ཚུར་བྱོན།། རྣམ་ཤེས་འདྲེན་པའི་གད་རྒྱངས་ཅན།། སྙིང་འདྲེན་མ་མོ་ད་ཚུར་བྱོན།། ཀུན་གཞི་སྡུད་པའི་ཚུལ་མཁན་མོ།། མྱོས་བྱེད་མ་མོ་ད་ཚུར་བྱོན།། མ་བཞི་ཀློང་ནས་ཁྲག་ཆེན ་འདོར།། གསལ་འཛིན་འབར་མ་ཀློང་དགུ་མོ།། ཡུམ་ཆེན་འབར་མ་ད་ཚུར་བྱོན།། ཀློང་ན་གནས་པའི་འབར་མ་ལྔ།། གནོད་པའི་དགྲ་བགེགས་ཀློང་ནས་དྲོངས། ཁྲག་འཐུང་ཆེན་མོ་བྱོལ་མཁན་མ།། གོང་ན་གནས ་པའི་འབར་མ་ལྔ།། ཀློང་ནས་ནི་ཀློང་དུ་རྒྱོབ།། གནས་ནས་ནི་གནས་སུ་སྤོར། མ་ཧཱ་ཙིཏྟ་སྥ་ར་ཎ་ཕཊ། མ་ཧཱ་རཀྟ་ལ་བྷྱོ། མ་ཧཱ་མཱཾ་ས་ལ་བྷྱོ། མ་ཧཱ་ཏྲག་རཀྟ་ཙིཏྟ་ཁཱ་ཧི། འདི་ལྔ་ནི་སྦས་པའི་མ་བཞི་དང་། ཡང་སྦས་ཀྱི ་མ་མོ་གཅིག་སྟེ་ལྔའོ།། དེ་ལྔ་ནི་ཡེ་ཤེས་ཀྱི་འཕྲོ་འདུ་མ་ལྔའོ།། དེ་ནས་ཕྱིའི་མ་མོ་བཞི་བསྐུལ་བ་འདི་སྐད་དོ།། ཧཱུཾ་ཕྱི་རིམ་མ་མོ་འབར་མ་བཞི།། རྩ་བཞིའི་ཀློང་ནས་རྒྱ་གྲམ་འཕྱོ།། དཀར་མོ་འབེབས་མཁན་ཚེ་འཕྲོག ་མ།། སྔོན་མོ་འབེབས་མཁན་སྲོག་འཕྲོག་པ།། དམར་མོ་འབེབས་མཁན་དབང་ཕྲོག་མ།། སེར་མོ་འབེབས་མཁན་གཟི་འཕྲོག་མ།། ཕྱི་རིམ་འདྲེན་པའི་འབར་མ་བཞི།། འཁྲུག་བྱེད་མ་མོའི་ལས་ལ་བབ།། གཡུལ ་བཞི་མ་ཡི་དུས་ལ་བབ།། འཇིགས་བྱེད་མ་མོ་འབར་མ་བཞི།། ཀློང་ནས་དྲིལ་སྟེ་དང་སྤྲོས་མཛོད།། གཞན་ལས་འཇོམས་བྱེད་གཡུལ་བཤམ་མོ།། རྦོད་གཏོང་མ་མཽ་འབར ་དགུ།། ཤ་རུ་གནོད་བྱེད་དྲོངས་ལ་ཤོག། གཏད་པའི་གནས་སུ་འཕྲུལ་ཆེན་འགྱིང་།། སྙིང་འདྲེན་མ་མོའི་དུས་ལ་བབ། བ་མ་ཏྲ་ཀ་ཤ་གྲམ། ཤ་ཏིང་གྲམ། སྥ་ར་རཀྟ་ལ་བྷྱོ། མ་ཧཱ་མཾ་ས་ལ་བྷྱོ། མ་ཧཱ་རཀྟ་ལ་བྷྱོ། མ ་ཧཱ་ཤ་ཏི་བྷྱོ། དེ་མ་དེ་ས་མེ། མ་ཧཱ་སྟན་ཏེ་ཧཱཾ། ད་ར་ད་ནི་ཧཱུཾ། ཞེས་བརྗོད་དོ།། རྟག་ཏུ་བཟླས་སོ།། ཡང་ན་རྟག་ཏུ་བཟླས་པའི་སྙིང་པོ་ནི། ཧཱུཾ་ཏྲ་ཀ་ར་ཀ་ཤ་གྲམ། ཁ་ཏྲག་རཀྵ་ཀྲྀ། ཙིཏྟ་གྲམ། མ་ཧཱ་ལ་བྷྱོ། མ་ཧཱ་རཀྟ་ལ ་གྲམ། མ་ཧཱ་མཱཾ་ས་ལ་གྲམ། དྷི་ནི་ལ་གྲམ། འདི་གསང་བའི་མ་བཞི་བརྣག་པའི་སྔགས་ཏེ། དུས་དང་རྣམ་པ་མེད་པར་བཟླས་ན། དགྲའི་སྙིང་ཡང་མངོན་དུ་ཕྱུང་ནས་སྟོན་ཏོ།། སྙིང་རྩ་དྲང་བ་དང་སྲོག་རྩ་སྐམ་པའི ་ལེའུ་སྟེ་སོ་གཅིག་པའོ།། །། གནོད་འདུལ་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད ་པ་ལ།། སྲོག་རྩ་སྐམ་ན་ཇི་ལྟར་སྐམ།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། བསྟན་པ་གཅན ་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ་རྣམས།། སྲོག་རྩ་སྐམ་པ་ངས་བསྟན་གྱི།། ཉོན་ཅིག་གནོད་འདུལ་ལྷ་ཡི་གཙོ།། ངས ་བསྟན་ལ་ཐེ་ཚོམ་མེད།། སྲོག་རྩ་སྐམ་ན་འདི་ལྟར་སྐམ།། དུར་ཁྲོད་ཞིང་རས་ལ་གཟུགས་བྱས་ལ། འཛག་མ་ལ་བྱས་པའི་གཟུགས་ཀྱི་སྐྱེ་ནང་དུ་ཡང་ནང་དུ་བཅུག་སྟེ། དེ་ནས་ཨ་ཕྱི་ཆེན་མོ་བསྒོམ་པ་ནི། མདོག་ནག ་མོ་ལ་ཞིང་ཞེན་གྱི་སྐྲག་པ་གསོལ་བ། ཞིང་ཆེན་གྱི་བྷནྡྷ་མང་པོས་མཐའ་མ་བསྐོར་བ། ཕྱག་གཡས་ཞིང་ཕྲེང་འདྲེན་པ། གཡོན་ན་མི་མགོའི་ཕོར་བུ་རུ། མིའི་སྙིང་དང་ཁྲག་དང་། ཚིལ་གཏུབས་ནས་བསྐང་བར ་བསྒོམ། དེ་ལྟར་གསལ་བ་དང་འདི་ལྟར་ཅེས་བསྐུལ་ལོ།། ཧཱུཾ་སྲིན་མོ་ཆེན་མོ་ཤམ་ཤམ་མོ།། ཨ་ཕྱི་ཆེན་མོ་མི་བཟད་མ།། སྐུ་མདོག་སྔོ་ནག་མཆེ་བ་ཅན།། བརྗིད་པའི་དབུ་ལ་སྤྱན་རེ་མང་།། གོས་སུ་ཞིང་ཆེན་སྐྲག་པ ་གསོལ།། ཟ་མ་མི་མགོ་སྟོང་གིས་བསྐོར།། གཡས་ན་ཞིང་གི་སོར་ཕྲེང་བགྲང་།། གཡོན་ན་མི་མགོའི་ཕོར་བུ་རུ།། མི་ཁྲག་སྙིང་ཚིལ་གཏུབས་ནས་སུ།། རང་གིས་རང་ལ་ཐིམ་པར་སྟོབ།། ཞལ་གདངས་མཆེ་བ ་གཙིགས་པ་ཡིས།། མ་མོ་ཐམས་ཅད་འདར་ཞིང་འདུད།། གཡང་གཞི་རུ་མཚོན་ཕྱར་ནས་སུ།། བདུད་དང་མུ་སྟེགས་ཐལ་བར་རློག། འཇིག་རྟེན་ཐམས་ཅད་ཟློག་པར་བྱེད།། སྲིད་པ་གསུམ་ལ་ཕུད་ཉུལ་མ།། དེ་ནི་ཇོ ་མོ་ཉིད་ལ་མཆོད།། བཅོལ་ན་ཀུན་ཀྱང་འགྲུབ་པར་བྱེད།། དགྲ་སྲོག་དམར་མོ་རྩད་ནས་ཆོད།། འདིར་བྱོན་དམ་སྐོང་ཕྲིན་ལས་མཛོད།། སྙིང་ཁྲག་མཆོད་པ་འདི་བཞེས་ལ།། དགྲ་བོའི་སྲོག་རྩ་དྲང་དུ ་གསོལ།། དགྲ་བོའི་སྲོག་རྩ་སྐམ་དུ་གསོལ།། ཞེས་བསྐུལ་ཞིང་སྔགས་འདིས་གདབ་བོ།། ཨོཾ་བྲང་འགྲོ་མུ་རང་མ་ཤང་།། བྲང་འབྲམ་མུ་རཾ་ཤ། ཧཱུཾ་རག་ཏྲག་རཀྵ་གྲམ། ཐུམ་རི་ལི་ལི་རྦད། ཅེས་བཟླས་ཤིང་ཞག ་གསུམ་གྱི་བར་དུ་མིའི་ཚིག་གིས་བར་མཆོད་པར་བྱའོ།། དེ་ནས་གཟུགས་ཀྱི་ཁ་བྲག་ནས་སྔགས་གདབ་བོ།། ལས་འདིས་ནི་མི་འགྲུབ་མི་སྲིད་དོ།། ཐེ་ཚོམ་མ་བྱེད་ཅིག་པའོ།། དེ་ནས་གསང་བའི་མ་མོ་བསྐུལ་བ ་འདི་སྐད་དོ།། ཧཱུཾ་ཐིག་ལེ་དབྱིངས་ལས་བསྐྱེད་པའི་ཁྲོ་རྒྱལ་ཡུམ།། དཔལ་ཆེན་ཐུགས་ལས་བསྐྱེད་པའི་ཁྲོ་མོའི་སྐུར་སྟོན་པ།། སྲིད་པ་རྩད་གཅོད་དབང་གི་སྐུ།། མཆེ་བ་གཙིགས་ནས་སྲོག་རྩ་འདྲེན།། སྐྱེ་ཤིང་རྩ་བ ་བཅད་ནས་བདེ་ཀློང་ཐུགས་ལ་སྡུད།། ཕྱག་ནས་སྤྲུལ་པ་གཏོང་ཞིང་དུག་གསུམ་དབྱིངས་སུ་སྡུད།། མ་ཚོགས་དབང་དུ་བསྡུས་ནས་བྷ་གའི་མངའ་མཛད་མ།། དགྲ་བོའི་སྲོག་རྩ་སྐམས་ཞིང་འདིར་གཤེགས་ཤིག་ཁྲག ་ཏུ་སྲོག་གཏུབས་མཆོད་པ་འདི་ཞེས་ལ།། དགྲ་བོའི་སྲོག་རྩ་སྐམ་དུ་གསོལ། ཧ་ཧཾ་ཧེ་བྷྱོ། རུ་ལུ་རུ་ལུ་ཧཱུཾ་ཧཱུཾ། རུ་ལུ་རུ་ལུ་བྷྱོ་བྷྱོ། མ་ཧཱ་ཙིཏྟ་ལ་བྷྱོ། མ་ཧཱ་མཱ་ད་ས་ལ་བྷྱོ། མ་ཧཱ་རཀྟ་ལ་བྷྱོ། ཞེས་ཁྲག་ལ་གདབ་བོ།། ཁ ་བྲག་ལ་ཡང་གདབ་བོ།། རྩ་རྣམས་སྐམ་པའི་ལེའུ་སྟེ་སོ་གཉིས་པའོ།། །། གནོད་འདུལ་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ ་གནོད་བྱེད་དང་།། བདག་ལ་ངན་སེམས་བྱེད་པ་རྣམས།། རྩ་རྣམས་སྐམ་ན་ཇི་ལྟར་སྐམ།། རྩ་རྣམས་སྐམ་པ་ངས་བསྟན་གྱི།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་གདོན་མི་ཟ།། རྩ་རྣམས་བསྐམ ་ན་འདི་ལྟར་སྐམ།། དེ་ལ་སྐེ་ཚེ་དང་ཉུང་དཀར་དང་།། ཏིལ་ནག་པོ་ཐལ་ཆེན་བསྲེས་པ་ལ། ལྕེ་པོག་གིས་སྦྲུས་ལ། དེ་ལ་གཟུགས་བྱས་ཏེ་ཤོག་ཤོག་ཚོན་གང་བ་བརྒྱད། གཅིག་ལ་མུ་ཏྲི་ནི་བྷྱོ་ཞེས་བྲིས་ལ་རྩེ་ཆུང ་གཡས་ལ་སླན། གཅིག་ལ་ཨ་ཤནྟིང་ནི་བྷྱོ་ཞེས་བྲིས་ལ། རྩེ་ཆུད་གཡོན་པ་ལ་སླན། གཅིག་ལ་བྷ་ག་དུནྟི་བྷྱོ། ཞེས་བྲིས་ལ། ཨ་སོ་ལི་ཀ་གཡས་པར་སླད། གཅིག་ལ་ག་མུན་དན་ཏྲི་བྷྱོ་ཞེས་བྲིས་ལ། ཨ་སོ་ལི་ཀ ་གཡོན་པ་ལ་སྨན་ནོ།། གཅིག་ལ་བཛྲ་ཀོ་ཀེ་བྷྱོ།། ཞེས་བྲིས་ལ་ལོང་རྩ་གཡས་པ་ལ་སྨན་ནོ།། གཅིག་ལ་བཛྲ་ཏ་ཀཽ་ཏ་ཀཻ་བྷྱོ། ཞེས་བྲིས་ལ། ལོང་རྩ་གཡོན་པ་ལ་སྨན་ནོ།། གཅིག་ལ་བཛྲ་ནི་ལ་བཛྲ་ནི་ལ་བྷྱོ། ཞེས ་བྲིས་ལ་སྲོག་ཁུང་དུ་མནན་ནོ།། གཅིག་ལ་བཛྲ་ལན་དྷ་བཛྲ་ལན་དྷ་བྷྱོ་ཞེས་བྲིས་ལ་སྲོག་ཡང་འོག་ཏུ་སྨན་ནོ། དེ་ནས་སྙིང་དང་ཁྲག་དང་རྩ་དང་བསྲེས་པའི་མཆོད་པ་ཐོགས་ལ་འདི་སྐད་ཅེས་བསྐུལ་ལོ།། ཧཱུཾ་མ་མོ ་ཆེན་མོ་མེ་འབར་མ།། བྷ་ག་འབུམ་ལ་མངའ་མཛད་མ།། དབྱིངས་ཕྱུག་ཆེན་མོ་གཤེགས་སུ་གསོལ།། སྡང་བའི་དགྲ་བོ་ལས་ངན་པོ།། རྩ་རྣམས་གནས་སུ་བསྐམ་པའི་ཕྱིར། འདི་ཡི་རྩེ་ཆུང་གཡས་པ ་དྲོངས།། སྙིང་ཁྲག་མཆོད་པ་འདི་བཞེས་ལ།། བཅོལ་བའི་ལས་རྣམས་འགྲུབ་པར་མཛོད།། མུ་ཏྲ་ནི་ས་མ་ཡ་བྷྱོ་བྷྱོ་ཏྲག་རཀྑ་བྷྱོ་བྷྱོ།། ཧཱུཾ་མ་མོ་ཆེན་མོ་མེ་འབར་མ།། འཇིག་རྟེན་ཡོངས་ཀྱི་རྒྱན་མཛད་མ།། རྒྱན་གྱི ་རྒྱལ་མོ་གཤེགས་སུ་གསོལ།། སྡང་བའི་དགྲ་བོ་ལས་ངན་པོ།། རྩ་རྣམས་གནས་སུ་བསྐམ་པའི་ཕྱིར།། འདི་ཡི་རྩེ་ཆུང་གཡོན་པ་དྲོངས།། སྙིང་ཁྲག་མཆོད་པ་འདི་བཞེས་ལ།། བཅོལ་བའི་ལས་རྣམས་འགྲུབ་པར ་མཛོད།། ཨ་ཤནྟི་ནི་ས་མ་ཡ་བྷྱོ་བྷྱོ་ཏྲག་རཀྵ་བྷྱོ་བྷྱོ།། ཧཱུཾ་མ་མོ་ཆེན་མོ་མེ་འབར་མ།། བདག་ཉིད་ལྷག་ལྷག་བཞད་མཛད་མ།། བདག་ཉིད་ཆེན་མོ་གཤེགས་སུ་གསོལ།། སྡང་བའི་དགྲ་བོ་ལས་ངན་པོ།། རྩ་རྣམས ་གནས་སུ་བསྐམ་པའི་ཕྱིར།། ཨ་སོ་ལི་ཀ་གཡས་པ་དྲོངས།། སྙིང་ཁྲག་མཆོད་པ་འདི་བཞེས་ལ།། བཅོལ་བའི་ལས་རྣམས་འགྲུབ་པར་མཛོད།། བྷ་ག་དན་ཏྲི་ནི་ས་མ་ཡ་བྷྱོ་བྷྱོ། ཏྲག་རཀྵ་བྷྱོ་བྷྱོ། ཧཱུཾ་མ་མོ་ཆེན་མོ་མེ ་འབར་མ།། སྟོང་གསུམ་གཅིག་ཏུ་རྒྱུག་འགྲོ་མ།། གཅིག་པུ་ཡུམ་མཆོག་གཤེགས་སུ་གསོལ།། སྡང་བའི་དགྲ་བོ་ལས་ངན་པོ།། རྩ་རྣམས་གནས་སུ་བསྐམ་པའི་ཕྱིར།། ཨ་སོ་ལི་ཀ་གཡོན་པ་དྲོངས།། སྙིང་ཁྲག་མཆོད ་པ་འདི་བཞེས་ལ།། བཅོལ་བའི་ལས་རྣམས་འགྲུབ་པར་མཛོད།། ག་མུན་དན་ཏྲི་ནི་ས་མ་ཡ་བྷྱོ་བྷྱོ། ཏྲག་རཀྵ་བྷྱོ་བྷྱོ། ཧཱུཾ་མ་མོ་ཆེན་མོ་མེ་འབར་མ།། དཀར་མོ་མིག་གཅིག་མཆེ་བ་ཅན།། ཤར་གྱི་གླིང་ནས་གཤེགས ་སུ་གསོལ།། སྡང་བའི་དགྲ་བོ་ལས་ངན་པོ།། རྩ་རྣམས་གནས་སུ་བསྐམ་པའི་ཕྱིར།། དམ་ཉམས་འདི་ཡི་ལོང་རྩ་གཡས་པ་དྲོངས།། སྙིང་ཁྲག་མཆོད་པ་འདི་བཞེས་ལ།། བཅོལ་བའི་ཕྲིན་ལས་འགྲུབ་པར ་མཛོད།། བཛྲ་ཀོ་ས་མ་ཡ་བྷྱོ་བྷྱོ། ཏྲག་རཀྵ་བྷྱོ་བྷྱོ། ཧཱུཾ་མ་མོ་ཆེན་མོ་མེ་འབར་མ།། ནག་མོ་ཆེན་མོ་རལ་པ་ཅན།། ལྷོ་ཡི་གླིང་ནས་གཤེགས་སུ་གསོལ།། སྡང་བའི་དགྲ་བོ་ལས་ངན་པོ།། རྩ་རྣམས་གནས་སུ་བསྐམ ་པའི་ཕྱིར།། འདི་ཡི་ལོང་རྩ་གཡོན་པ་དྲོངས།། སྙིང་ཁྲག་མཆོད་པ་འདི་བཞེས་ལ།། བཅོལ་བའི་ལས་རྣམས་འགྲུབ་པར་མཛོད།། བཛྲ་ཏ་ཀོ་བཛྲ་ཏ་ཀེ། ས་མ་ཡ་བྷྱོ་བྷྱོ། ཏྲག་རཀྵ་བྷྱོ་བྷྱོ། ཧཱུཾ་མ་མོ་ཆེན་མོ་མེ་འབར ་མ།། དམར་མོ་ཆེན་མོ་དབང་སྡུད་མ།། ནུབ་ཀྱི་གླིང་ནས་གཤེགས་སུ་གསོལ།། སྡང་བའི་དགྲ་བོ་ལས་ངན་པོ།། རྩ་རྣམས་གནས་སུ་བསྐམ་པའི་ཕྱིར།། སྲོག་པ་རྩལ་དམར་མོས་གཞི་བ།། དགྲ་སྲོག་དམར་པོ་རྩད ་ནས་ཆོད།། ཤ་ཁྲག་དམར་གྱི་མཆོད་པ་འདི་བཞེས་ལ།། བཅོལ་བའི་ལས་རྣམས་མྱུར་དུ་སྒྲུབས།། བཛྲ་ནི་ལ་བཛྲ་ནི་ལ་ས་མ་ཡ་བྷྱོ་བྷྱོ། ཏྲག་རཀྵ་ཏྲག་རཀྵ་བྷྱོ་བྷྱོ།། ཧཱུཾ་མ་མོ་ཆེན་མོ་མེ་འབར་མ།། སེར་མོ་ཆེན་མོ ་རྐང་ལྡག་མ།། བྱང་གི་གླིང་ནས་གཤེགས་སུ་གསོལ།། སྡང་བའི་དགྲ་བོ་ལས་ངན་པོ།། གསང་བའི་གསང་གནས་བསྐམ་པའི་ཕྱིར།། དགྲ་བོ་འདི་ཡི་གསང་བ་དྲོངས།། དམར་གྱི་མཆོད་པ་འདི་བཞེས ་ལ།། བདག་གིས་བཅོལ་པའི་ལས་རྣམས་འགྲུབ་པར་མཛོད། བཛྲ་ལན་ད[:]བཛྲ་ལན་ད། ས་མ་ཡ་བྷྱོ་བྷྱོ། ཏྲག་རཀྵ་བྷྱོ་བྷྱོ། སྔགས་ལ། ཏྲག་ཤ་ཁ་ཏཾ། སྙིང་ཁ་རག་པ་ཏི། དུར་ཧ་རི་བྷྱོ་ཛ། ཧཱཾ་ཛ་ནི་ཛ། ་པ་ར་པ་ར་པ་ཏི་ཛཱ། ཀ་ཏང་ཀ་རི་ཛཱ་ཛ། ཞེས་དུས་དང་རྣམ་པ་མེད་པར་བཟླས་སོ།། རྩ་རྣམས་སྐམ་པའི་ལེའུ་སྟེ་སོ་གསུམ་པའོ།། །། གནོད་འདུལ་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད ་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་ལ།། རྟག་ཏུ་བཟླས་པའི་ཐུན་སྔགས་གང་།། ངོ་མཚར་ལྷ་ལ་བདག་ཉན་འཚལ།། ངོ་མཚར་ལྷ་ཡིས་བཀའ་སྩོལ་ཅིག། དེ་སྐད་ཞུས་པ ་གསན་ནས་ཀྱང་།། ངོ་མཚར་ལྷ་ཡིས་བཀའ་སྩལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་ངན་སེམས་བྱེད་པ་ལ།། མ ་མོའི་ཐུན་སྔགས་ངས་བསྟན་གྱི།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། གསང་བའི་ཐུན་སྔགས་འདི་ལྟར་བཟླས།། ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་ཧཱུཾ། གུ་ཧྱ་ཛྙཱ་ན་ཀྲོ་དྷཱི་ཤྭ་རཱི་སྟམ། ཨོཾ་རུ་ལུ ་རུ་ལུ་ཧྣ་མ་བྷྱོ་ཕཊ། མ་ར་ཎ་ཙེཏྟ་ཁ། ཉིད་གཞི་མུ་ཁ་ལེ། ཀྲོ་དྷི་ཤྭ་རི་བྷ་ག་པདྨཱརྦ། བདེ་ཀློང་འདུས་འདུས་ན། སྙིང་ཙ་ཤ་སྲ་ནི། ཧཱུ~ཾནྣ་བྷྱོ་བྷྱོ། ཨོཾ་རུ་ལུ་རུ་ལུནྣ་བྷྱཱཾཙྪ་བྷྱོ་ཕཊ། སྙིང་ཁ་རག་ཙིཏྟ་རྦད། ཏྲག་རཀྵ་གྲམ། ་ཁ་ར་མ་ཏྲག་རཀྟ་གྲམ། ཙིཏྟ་གྲམ་ཙིཏྟ་གྲམ་མ་ཧཱ་ལ་བྷྱོ། མ་ཧཱ་རཀྟ་ལ་གྲམ། དྷི་ནི་ལ་བྷྱོ། ཟུ་མ་རི་ལི་ལི་རྦད། ཙིཏྟ་ཆུ་མ་རྦད་ཨོ་གྲི་སྭ་མུ་ལ་ཧཱཾ་ཧ། རུ་ལུ་རུ་ལུ་ཧཱཾ་བྷྱོ། ཙིཏྟ་ཁ་ཙིཏྟ་རཀྐ་ཁ་མ་ཧ་མཱཾ་ས་ལ་ཡཱ། མ་ཧཱ་རཀྟ ་ལ་གྲམ། ཙིཏྟ་ལ་རྦད། ཐུམ་རི་ལི་ལི་རྦད། ཨོཾ་ཛ་ལ་རཾ་མ་ཧཱ། རུ་ལུ་རུ་ལུ་ཧཱཾ་བྷྱོ། ཙིན་ད་ཙིན་ད་མ་ཧ་མཱང་ས་ལ་ཡ། མ་ཧཱ་རཀྟ་ལ་གྲམ། ཙིཏྟ་ལ་རྦད། ཐུམ་རི་ལི་ལི་རྦད། ཨོཾ་བི་ཤ་ས་དྷཱ་ཧ། རུ་ལུ་རུ་ལུ་ཧཱུཾ་བྷྱོ། ས་མ ་ཡ་ཙིཏྟ་ཁ་ཙིཏྟ་ཁ། མ་ཧཱ་མཱཾ་ས་ལ་ཡཾ། མ་ཧཱ་རཀྟ་ལ་གྲམ། ཙིཏྟ་རྦད་ཐུམ་རི་ལི་ལི་རྦད། ཨོཾ་བི་ཡང་ཡང་ཏེ་ཧ། རུ་ལུ་རུ་ལུ་ཧཱཾ་བྷྱོ། ཀར་མ་ཧཱ། ཙིཏྟ་ཁ་མ་ཧཱ་མཱང་ས་ལ་ཡ། མ་ཧཱ་རཀྟ་ལ་གྲམ། ཙིཏྟ་ལ་རྦད། ཊུམ་རི ་ལི་ལི་རྦད། ཨོཾ་མ་ཧཱ་ལཾ་ཏེ་ཧ་རུ་ལུ་རུ་ལུ་ཧཱུཾ་བྷྱོ་ཧཱཾ། ཙ་ཀ་ཀ་ཡ། ཙེཏྟ་ཁ་མ་ཧཱ་མཱཾ་ས་ལ་ཡ། མཱ་ཧཱ་རཀྟ་ལ་གྲམ། ཙིཏྟ་རྦད། ཐ་མ་རྀ་ལི་ལི་རྦད། ཨོཾ་བཛྲ་ཀྲོ་དྷི་ཤྭ་རི་པདྨ་བྷ་ག་པདྨ་རུ་ལུ་རུ་ལུ་ཧཱུཾ་བྷྱོ་ཧཱཾ། ཙེཥྞ་ཁ་སྙིང་ཁ་རག ་ཏྲག་རཀྑ་གྲམ། མ་ཧཱ་མཱང་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད་ཐུམ་རི་ལི་ལི་རྦད། བཛྲ་ཀྲོ་ཏཱི་ཤན་ཏིང་པདྨ་ག་རུ་ཏིང་རུ་ལུ་རུ་ལུ་ཧཱུཾ་བྷྱོ། ཙིཏྟ་སྙིང་ཁ་རག་ཏྲག་རག་ཤ་གྲམ། མ་ཧཱ་མཱང་ས་ལ་ཡཱ། མ་ཧཱ་རཀྟ ་གྲམ། ཊུམ་རི་ལི་ལི་རྦད། ཨོཾ་མུ་ཏི་ནི་བྷྱོ། རུ་ལུ་རུ་ལུ་ཧཱུཾ་བྷྱོ། ཙིཏྟ་ཁ་སྙིང་ཁ་རག་ཏྲག་རཀྐ་གྲམ། མ་ཧཱ་མཱང་ས་ལ་ཡཱ། མ་ཧཱ་རཀྐ་ལ་གྲམ། ཙིཏྟ་ལ་རྦད། ཐུ་མ་རི་ལི་ལི་རྦད། ཨོཾ་ཨ་ཤནྟི་ནི་བྷྱོ། རུ་ལུ་རུ ་ལུ་ཧཱུཾ་བྷྱོ། ཙིཏྟ་ཁ་སྙིང་ཁ་རག་ཏྲག་རཀྟ་ལ་གྲམ། མ་ཧཱ་མཱང་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། ཨོཾ་ག་མུན་དན་ཏི་ནི་བྷྱོ། རུ་ལུ་རུ་ལུ་ཧཱུཾ་བྷྱོ། ཙིཏྟ་ཁ་སྙིང་ཁ་རག་ཏྲག་རཀྟ་གྲམ། མ་ཧཱ་མཱང་ས ་ལ་ཡ། མ་ཧཱ་རཀྟ་ལ་གྲམ་ཙིཏྟ་ལ་རྦད། ཐུམ་རི་ལི་ལི་རྦད། ཨོཾ་བཛྲ་ཀོ་བཛྲ་ཀོ་རུ་ལུ་རུ་ལུ་ཧཱུཾ་བྷྱོ། ཙིཥྞ་ཁ་སྙིང་ཁ་རག་ཏྲག་རཀྟ་གྲམ་མ་ཧཱ་མཱང་ས་ལ་ཡཱ་མ་ཧཱ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད།། ཨོཾ་བཛྲ་ཏ ་ཀོ་བཛྲ་ཏ་ཀེ་རུ་ལུ་རུ་ལུ་ཧཱུཾ་བྷྱོ། ཙིཏྟ་ཁ་སྙིང་ཁ་རག་ཏྲག་རཀྟ་གྲམ། མ་ཧཱ་མཱང་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། བཛྲ་ནི་ལ། བཛྲ་ནི་ལ། རུ་ལུ་རུ་ལུ་ཧཱུཾ་བྷྱོ། ཙིཏྟ་ཁ་སྙིང་ཁ་རག་ཏྲག་རག ་\ུ0f89\ུ0f4གྲམ། མ་ཧ་མཾ་ས་ལ་ཡཱ། མ་ཧ་རཀྟ་ལ་གྲམ། ཙིཏྟ་ལ་རྦད། ཐུམ་རི་ལི་ལི་རྦད། བཛྲ་ལན་ད་བཛྲ་ལན་ད། རུ་ལུ་རུ་ལུ་ཧཱཾ་བྷྱོ། ཙིཏྟ་ཁ་སྙིང་ཁ་རག་ཏྲག་རཀྐཱ་གྲམ། མ་ཧཱ་མཱཾ་ས་ལ་ཡཱ། མ་ཧ་རཀྟ་ལ་གྲམ། ཙིཏྟ ་རྦད། ཐུམ་རི་ལི་ལི་རྦད། བཛྲ་སཱུརྱ་བྷི་ཏི་ཨ་ཏོ་ལེ། རུ་ལུ་རུ་ལུ་ཧཱུཾ་བྷྱོ། ཏྲག་རཀྟ་གྲམ། མ་ཧཱ་མཱང་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། ཨོཾ་བཛྲ་པདྨ་བི་ཏོ་མ་ཏོ་ལེ་རུ་ལུ་རུ་ལུ་ཧཱུཾ་བྷྱོ། ཙིཏྟ་ཁ ་སྙིང་ཁ་རག་ཏྲག་རཀྟ་གྲམ། མ་ཧཱ་མཱང་ས་ལ་ཡཱ། མ་ཧཱ་རཀྟ་གྲམ། ཙིཏྟ་རྦད། ཐུམ་རི་ལི་ལི་རྦད། ཨོཾ་བཛྲ་ཁ་རག་བྷི་ཏོ་ཨ་ཏེ་ཡེ། རུ་ལུ་རུ་ལུ་ཧཱུཾ་བྷྱོ། ཙིཏྟ་ཁ་སྙིང་ཁ་རག་ཏྲག་རཀྟ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ ་གྲམ?། ཙིཏྟ་རྦད། ཐུམ་རི་ལི་ལི་རྦད། ཨོཾ་བཛྲ་སྲིང་འགྲོ་བྱི་ཏོ་ཨ་ཏོ་ཡེ། རུ་ལུ་རུ་ལུ་ཧཱུཾ་བྷྱོ་ཧཱུཾ། ཙིཏྟ་ཁ་སྙིང་ཁ་རག་ཏྲག་རཀྐ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། ཨོཾ་བཛྲ་ཟ ་འགྲམ་མུ་རཾ་ཤ་ཟ་འབྲམ་མུ་རཾ་ཤྲ་ཙིཏྟ་ཁ་སྙིང་ཁ་རག་ཏྲག་རཀྟ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ་གྲམ། ཙིཏྟ་རྦད། ཐུམ་རི་ལི་ལི་རྦད། ཨོཾ་བཛྲ་ཁ་རཀ་སྙིང་ཁ་རག་ཙིཏྟ་སྙིང་ཁ་རག་ཏྲག་རཀྟ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ་ལ ་གྲམ?། ཙིཏྟ་རྦད། ཐུམ་རི་ལི་ལི་རྦད། ཏྲག་རཀྟ་ཏྲག་རཀྵ། ཙིཏྟ་ཁ་སྙིང་ག་རག་ཏྲག་རཀྐ་ཤམ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ་གྲམ། ཙིཏྟ་རྦད། ཐུམ་རི་ལི་ལི་རྦད། རཀྵ་མུན་ཏྲ་བ་མ་རཀྵ་ཙིཏྟ་ཁ་སྙིང་ཁ་རག་ཏྲག་རཀྟ་གྲམ། མ་ཧཱ་མཱཾ་ས ་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད་ཐུམ་རི་ལི་ལི་རྦད། ཁ་མུན་ཏྲ་བ་རཀ་ཤ་ཙིཏྟ་ཁ་སྙིང་ཁ་ར་ཀ་ཏྲག་རཀྟ་གྲམ། མ་ཧཱ་མཱང་ས་ལ་ཡཱ། མ་ཧ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། བྲབ་ན་པྲ་བན་ཀ་ར་ཏིཥྛ་བྷྱོ། ཙིཏྟ་ཁ་སྙིང་ཁ་རཀ ་ཏྲག་རཀྟ་གྲམ། མ་ཧཱ་མཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། སྲང་གི་ཁང་གི་ཤང་བྷྱོ། ཙིཏྟ་ཁ་སྙིང་ཁ་རག་ཏྲག་རཀྟ་གྲམ། མ་ཧཱ་མཱང་ས་ལ་ཡཱ། མ་ཧཱ་རཀྐ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། བྷྱོ་ཧཱུཾ་ཀ་རི་ཁ་བ། ་ཙིཥྞ་ཁ་སྙིང་ཁ་རག། ཏྲག་རཀྵ་གྲམ། མ་ཧཱ་མཱང་ས་ལ་ཡ། མ་ཧཱ་རཀྟ་ལ་གྲམ། ཙིཏྟ་རྦད། ཟུམ་རི་ལི་ལི་རྦད། བཛྲད་རོད་བཛྲ་ད་རོད། ཙེཏྟ་ཁ་སྙིང་ཁ་ར་ཀ་ཏྲག་རཀྵ་གྲམ། མ་ཧཱ་མཱང་ས་ལ་ཡ། མ་ཧཱ ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། ནི་ལ་ཆུར་མ་དྲི་ཁ་ཊྭཱཾ་ག་ཙིཏྟ་ཁ་སྙིང་ཁ་ར་ཀ་ཏྲག་རཀྵ་གྲམ། མ་ཧཱ་མཱཾ་ས་ལ་ཡཱ། མ་ཧ་རཀྟ་ལ་གྲམ། མ་ཧཱ་ཙིཏྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། ད་ལ་ཙྪ་ལ་ཙིཏྟ ་ཁ། སྙིང་ཁ་ར་ཀ་ཏྲག་རཀྟ་གྲམ། མ་ཧཱ་མཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཊུམ་རི་ལི་ལི་རྦད། པདྨ་བ་ལ་ཙནྡ། ཙིཏྟ་ཁ་སྙིང་ཁ་ར་ཀ། ཏྲག་རཀྐ་གྲམ། མ་ཧ་མཱཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཐུལ ་རི་ལི་ལི་རྦད། མ་ཧཱ་འགུར་རཀྟོ། ཙིཏྟ་ཁ་སྙིང་ཁ་ར་ཀ། ཏྲག་རཀྐ་གྲམ། མ་ཧཱ་མཱང་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད།། ཊུམ་རི་ལི་ལི་རྦད། ཏིང་སཾ་དད། ཨེ་ཨ་ར་ལི་བྷྱོ། རུ་ལུ་རུ་ལུ་བྷྱོ། བྷྱོ་རུ་ལུ་རུ་ལུ་བྷྱོ། ཙིཏྟ ་ཁ་སྙིང་ཁ་རག་ཏྲག་རཀྐ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད་ཐུམ་རི་ལི་ལི་རྦད། ཏྲག་རཀྟ་ཏྲག་རཀྵ་བྷྱོ། ཙིཏྟ་ཁ་སྙིང་ཁ་ར་ཀ། ཏྲག་རཀྟ་གྲམ། མ་ཧཱ་མཱང་ས་ལ་ཡཱ། མ་ཧཱ་རཀྟ་ལ་གྲམ།། ཙིཏྟ ་རྦད། ཊུམ་རི་ལི་ལི་རྦད། ཨོཾ་ཨ་ཏིང་བྷྱོ། ཙིཏྟ་ཁ་སྙིང་ཁ་ར་ཀ། ཨོཾ་ཧེ་པ་ར་ཏི་བྷྱོ། ཙིཏྟ་ཁ་སྙིང་ཁ་བྱི་ཏིང་བྷྱོ། ཙིཏྟ་ཁ་སྙིང་ཁ་ར་ཀ་ཕུར་ཏིང་བྷྱོ། ཙིཏྟ་ཁ་སྙིང་ཁ་རག་ཕུར་ཏིང་བྷྱོ། ཙིཏྟ་ཁ་སྙིང་ཁ་རག་ཕུར་ཏིང་བྷྱོ། ཙིཥྚ ་ཁ་སྙིང་ཁ་རག། མ་ཧཱ་མཱཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། ཤནྟིང་བྷྱོ། ཙིཏྟ་ཁ་སྙིང་ཁ་ར་ཀ་དུན་ཏིང་བྷྱོ། ཙིཏྟ་ཁ་སྙིང་ཁ་ར་ཀ་ཧརྟིང་བྷྱོ། ཙིཏྟ་ཁ། སྙིང་ཁ་གྲུཔྟི་བྷྱོ། ཙིཏྟ་སྙིང་ཁ་ར་ཀ་ཏྲག ་རཀྵ་ཏྲག་རཀྐ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་ལ་རྦད། ཐུམ་རི་ལི་ལི་རྦད། ཧེ་ས་ཏི་སང་བྷྱོ། ཙིཏྟ་ཁ་སྙིང་ཁ་ར་ཀ་ཨ་ཏ་ཡ་ཏ་ལ་བྷྱོ། ཙིཏྟ་ཁ་སྙིང་ཁ་ར་ཀ་ད་ལ་དུ་ན་བྷྱོ། ཙིཏྟ་ཁ་ར་ཀ། འདི་ན་མ་མ ་གཡས་བྷྱོ། ཙིཏྟ་ཁ་སྙིང་ཁ་རཀ་ཏྲ་ཏྲག་རཀྐ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། མ་ནུ་རཀྵ་སི་བྷྱོ། ཙིཏྟ་ཁ་སྙིང་ཁ་རཀ་བྲཧྨ་ཎཱི་བྷྱོ། ཙིཏྟ་ཁ་སྙིང་ཁ་ར་ཀ། རོའུ་ཏཱི་མ་བྷྱོ། ཙིཏྟ་ཁ་སྙིང་ཁ་རཀ་བིཥྚ ་བེ་བྷྱོ། ཙིཏྟ་ཁ་སྙིང་ཁ་རཀ་ཀོའུ་མ་རཱི་བྷྱོ། ཙིཏྟ་ཁ་སྙིང་ཁ་ར་ཀ་ཨིནྣ་ཎཱི་བྷྱོ། ཙིཏྟ་ཁ་སྙིང་ཁ་ར་ཀ་ཏྲག་རཀྐ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། སིངྒ་ལ་བྷྱོ། ཙིཏྟ་ཁ་སྙིང་ཁ་རཀ ་ཨ་མྲྀ་ཏ་བྷྱོ། ཙིནྟ་ཁ་སྙིང་ཁ་ར་ཀ། སོའུ་མྱ་མ་བྷྱོ། ཙིཏྟ་ཁ་སྙིང་ཁ་རཀ་དཎྜ་བྷྱོ། ཙིཏྟ་ཁ་སྙིང་ཁ་རཀ་རཀྟ་སཱི་བྷྱོ། ཙིཏྟ་ཁ་སྙིང་ཁ་རཀ་བྷ་ག་ཤ་སི་བྷྱོ། ཙིཥྞ་ཁ་སྙིང་ཁ་ར་ཀ་ར་ཏཱི་བཛྲ་བྷྱོ། ཙིཏྟ་ཁ་སྙིང་ཁ་རཀ་ཏྲག ་རཀྑ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། རུ་ཏེ་ར་མཏྟ་བྷྱོ། ཙིཏྟ་ཁ་སྙིང་ཁ་ར་ཀ་ཨེ་ཀ་ཙ་ར་ཎི་བྷྱོ། ཙིཏྟ་ཁ་སྙིང་ཁ་རག་མ་ནོ་ཧ་རཾ་བྷྱོ། ཙིཏྟ་ཁ་སྙིང་ཁ་ར་ཀ་སིདྡྷི་བྷྱོ། ཙིཏྟ་ཁ ་སྙིང་ཁ་རག་བཱ་ཡ་བེ་བྷྱོ། ཙིཏྟ་ཁ་སྙིང་ཁ་རཀ་མ་ཧཱ་མ་ར་ཎཱི་བྷྱོ། ཙིཏྟ་ཁ་སྙིང་ཁ་ར་ཀ་ཨགྣི་མ་བྷྱོ། ཙིཏྟ་ཁ་སྙིང་ཁ་ར་ཀ་ཏྲག་རཀྵ་གྲམ། མ་ཧཱ་མཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་ལ་རྦད། ཐུམ་རི་ལི ་ལི་རྦད། བཱ་ར་ཧཱི་བྷྱོ། ཙིཏྟ་ཁ་སྙིང་ཁ་ར་ཀ་ཙ་མུཎྜི་བྷྱོ། ཙིཏྟ་ཁ་སྙིང་ཁ་ར་ཀ་སུ་ཏ་ནཱ་བྷྱོ། ཙིཏྟ་ཁ་སྙིང་ཁ་ར་ཀ་བཱ་རུ་ཎི་བྷྱོ། ཙིཏྟ་ཁ་སྙིང་ཁ་རཀ་མ་ཧཱ་ཀཱ་ལཱི་བྷྱོ། ཙིཏྟ་ཁ་སྙིང་ཁ་ར་ཀ་ཙ་ཀཱ་ལི་བྷྱོ། ཙིཏྟ་ཁ་སྙིང་ཁ་རཀ ་ཀུམྦྷ་ཀརྞ་བྷྱོ། ཙིཏྟ་ཁ་སྙིང་ཁ་རཀ་བཛྲ་ལཾ་བོ་ད་ར་བྷྱོ། ཙིཏྟ་ཁ་སྙིང་ཁ་ར་ཀ། ཏྲག་རཀྐ་གྲམ། མ་ཧཱ་མཱཾ་ས་ལ་ཡཱ། མ་ཧཱ་རཀྟ་ལ་གྲམ། ཙིཏྟ་རྦད། ཐུམ་རི་ལི་ལི་རྦད། ཏྲག་རཀྑ། ཁ་མུཎྜ་བྷྱོ་རུ་ལུ་ཧེ་མོ་ཨ་ལོ། ཙིཏྟ་ནི་ལ ་བྷྱོབྷོ་རུ་ལུ་ཧེ་མོ་ཡ་བྷྱོ་རུ་ལུ་ག་ན་ད་ཏེ་མོ་ཡང་ཏན་བྷྱོ་རུ་ལུ། ཡ་མ་ཤ་ཀ་ཀྲོ་དྷི་བྷྱོ་རུ་ལུ། སྙིང་ཁ་རཀ་སྲོག་ཐུན་བྷྱོ་རུ་ལུ། མ་བྷྱོ་སྲིན་བྷྱོ་ཐུན་བྷྱོ། བཛྲ་སྙིང་གོང་ཆོད། ཏི་ཁ་ལ་ཟ་མུཉྫ་མུ་ཉ་ལོང་དན་ཏི་རྦད། དྷ་ར ་རྔཛམ་རྦད། ཤ་ཁྲག་ཐིག་སྣ་རྦད་ཚལ་པ་དུམ་བུ་ཁྲག་ཏི་རྦད། སྣང་ན་ནི་རྦད། ཤཀྟི་ཤཀྟི་རྦད། རྦ་ན་ཏ་རྦ་ན་ཏ་རྦད། དུཾ་བུ་དུཾ་བུ་ཚལ་པ་རྦད། རཀྟ་རཀྐ་རུ་དྲ་རྦད། སྙིང་ནག་སྙིང་སྲོག་རྩ་རྦད། ཚལ་པ་ཚལ་པ་དེ་ནི ་རྦད། བཾ་རི་ལི། དཾ་པ་དུཾ་བུ་ཏཔྟ་ཙཀྲ་རྦད། གཤིན་ཙཱ་ཚ་ཡ་རུ་ཐུན་ལིང་། གུང་བྲུཾ་ལིང་གུང་བྲུཾ་རྦད་རྦ་རྒུག་ཙར་ལིང་ལིང་། རྨུགས་རྦད། མྱོས་ཙར་ལིང་། མ་མ་རཀྐ་རུ་རུ་ཏྲ་རྦད། ཅེས་དྲག་ཏུ་བཟླས་སོ།། དུག་སྣ ་ཚོགས་དང་ཁྲག་ཏུ་སྦྱར་ནས་བཏབ་ལ། དགྲ་བོའི་ཁྱིམ་ལ་ཕོག་པར་གཏོར་རོ།། ཅེས་དྲག་ཏུ་བཟླས་པ་ཤིང་། དགྲ་བོ་ཟག་རིངས་ན་ཡུལ་ཕྱོགས་སུ་གཏོར་རོ།། མ་མོའི་ཐུན་སྔགས་ཀྱི་ལེའུ་སྟེ་སོ་བཞི ་པའོ།། །། གཡུང་དྲུང་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ་རྣམས།། དབང ་དུ་བསྡུ་བ་ཇི་ལྟར་ལགས།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། བསྟན་པ་གཉེན ་པོ་འཇིག་པ་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ་རྣམས།། དབང་དུ་བསྡུ་བ་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས ་བསྟན་ལ་ཐེ་ཚོམ་མེད།། དགྲ་བོ་དབང་དུ་བསྡུ་བ་འདི་ལྟར་བྱ་སྟེ།། གྲོ་ག་ལ་དགྲ་བོའི་མིང་དུས་བྲིས་ལ། རི་དྭགས་ཆུར་འཛུལ་བའི་མིག་དང་། ཉ་ཟང་ལ་རྒྱུག་པའི་གཤོག་པ་དང་།། ཆུ་ཉི་མ་མེད་པ་དང་། དེ་རྣམས ་བསྲེས་ལ་ཉུང་དཀར་དང་ཐལ་ཆེན་ལ། སྔགས་ཀྱིས་བཏབ་པ་ལ། ཁྱིམ་མམ་ཡུལ་ཕྱོགས་སུ་གཏོར་རོ།། མིང་བྱང་དོག་པས་བཅིངས་ལ་རྐང་པའི་བར་དུ་གཞུག་གོ། ངན་སྔགས་ལ། པ་ར་ཙོ་ཏ་ནི། མ་མ་བ་ཏ་ན། ་མ་ཐ་མ་དུཿ། ཟག་མ་དབང་དུ་རྫས་ཤིག་ཟངས་། མ་བཛྲན་ལ། ང་ཁ5། ཐག་ར། མ་ཟེ། དབང་དུ་སྦས་ཤིག། ཅེས་དྲག་ཏུ་བཟླས་སོ།། དགྲ་བ་དབང་དུ་བཛྲ་བར་མནཿ ་པའོ།། །། རྡོ་རྗེ་སེམས་དཔས་ཡང་གསོལ་པ།། བསྟན་པ་གཉེན་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ་རྣམས།། ཕུར ་བུས་གདབ་པ་ཅི་ལྟར་ལགས།། སྤྱི་དཔལ་ཆེ་ལ་བདག་ཉན་འཚལ།། སྤྱི་དཔལ་མཆོག་གིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། སྤྱི་དཔལ་མཆོག་གིས་བཀའ་སྩལ་པ།། བསྟན་པ་གཉེན་པོ ་འཇིག་བྱེད་དང་།། ལུ་གུ་རྒུད་ལས་འགལ་བྱེད་རྣམས།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པའི་དགྲ་རྣམས་ལ།། ཕུར་བུས་གདབ་པ་ངས་བསྟན་གྱི།། ཉོན་ཅིག་རྡོ་རྗེ་སེམས་དཔའི ་དཔལ།། ངས་བསྟན་པ་ལ་ཐེ་ཚོམ་མེད།། མཆོག་ཆེན་བསྒྲལ་བའི་དཔའ་ཟུར་གཡས་པ་ལ། སོར་གཅིག་པ་དང་། སོར་གསུམ་པ་དང་། སོར་ལྔ་པ་དང་། སོར་བརྒྱད་པ་དང་། སོར་བཅུ་གཉིས་པ་དང་། ཕུར་བུའི་རྒྱ ་དང་ཚད་ནི་དེ་རྣམས་སོ།། དེ་རྣམས་ཀྱང་མགོའི་རྒྱ་མདུད་ཟུར་གསུམ་པར་བྱས་ལ། དེའི་འོག་མ་ཡང་རྒྱ་མདུད་ཟུར་གསུམ་དུ་བཞག་གོ། སྐེད་པའི་རྒྱ་མདུད་ཡང་ཟུར་གསུམ་པར་བྱ། རྩེ་མོ་ཟུར་གསུམ་ཆུ་སྲིན་གྱི་ཁ ་ནས་བྱུང་བར་བྱའོ།། དེ་ནས་སོར་གཅིག་པར་བྱས་པའི་སྤྱི་བོར་གསང་བའི་ཧེ་རུ་ཀ་དགོད་སྐེད་པའི་རྒྱ་མདུད་ལ་གསང་བའི་ཁྲོ་མོ་དགོད། སྟོད་ཀྱི་ལྡུམ་གཞོགས་ལ་གསང་བའི་མ་བཞི་དགོད་དོ།། རྩེ་མོ་ལ་ཨེ་ཀ་ཛ ་ཊི་དགོད་དོ།། དེ་ནས་མདུན་གྱི་དཀྱིལ་འཁོར་ཨེའི་སྟེང་དུ་བཞུགས་སུ་གསོལ། དེ་ནས་བྱིན་གྱིས་བརླབ་པ་དང་། དབང་བསྐུར་བར་བྱ་སྟེ། དེ་ནས་དྲིལ་ཞིང་འདི་བརྗོད་དོ། ཨོཾ་གུ་ཧྱ་ཤྲཱི་ཧེ་རུ་ཀ་ཧཱུཾ། གུ་ཧྱ་ཀྲོ་ཏི་ཤྭ་རཱི ་སྟྭཾ། བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ཡ་ཕཊ། ཅེས་བཟླས་ཤིང་གང་ལ་དམིགས་པ་དེའི་དཀར་ནག་གི་མཚམས་སུ་བརྡེག་གོ། ཕུར་བུ་སོར་གསུམ་པ་ལ། སྤྱི་བོར་འཇམ་དཔལ་འཇིགས་བྱེད་ཧེ་རུ་ཀ་དགོད། རྒྱ ་མདུད་འོག་མ་ལ་ཡུམ་ཆེན་མོ་ཉིད་གཞི་མུ་ཁ་ལེ་དགོད། སྟོད་ཀྱི་ལྷུམ་གཞོགས་ལ་ཁྲོས་མའི་དབང་མོ་ཆེ་བཞི་དགོད། རྩེ་མོ་ལ་ཧཱུཾ་གསུམ་དགོད། དེ་ནས་མདུན་གྱི་ཉི་མའི་དཀྱིལ་འཁོར་ལ་བཞུགས་སུ་གསོལ། བྱིན ་གྱིས་བརླབ་པར་བྱ། དབང་ཡང་བསྐུར་རོ།། དེ་ནས་འདི་བརྗོད་དོ།། ཨོཾ་ཛྙཱ་ན་ཤྲཱི་ཧེ་རུ་ཀ་ཛྙཱ་ན་ཀྲོ་ཏཱི་ཤྭ་རཱི་སྟཾ། བཛྲ་ཀཱི་ལི་ཀཱི་ལི་ཡ། དགྲ་བོ་མཱ་ར་ཡ་ཕཊ། དེ་ནས་ཕུར་བུ་སོར་ལྔ་པ་ལ་སྤྱི་བོར་དཔལ་ཆེན་པོ་དགོད།། ་སྐེད་པའི་རྒྱ་མདུད་ལ་ཡུམ་བཀྲག་གསལ་མཉམ་དགོད། སྟོད་ཀྱི་ལྡུམ་གཞོགས་ལ་ཡུམ་ཆེན་མོ་བཞི་དགོད། རྩེ་མོ་ལ་ཛ་དམར་པོ་གཅིག་དགོད། དེ་མདུན་གྱིས་ནམ་མཁའ་ལ་བཞུགས་སུ་གསོལ། བྱིན་གྱིས་བརླབ ་པ་དང་། དབང་བསྐུར་བ་བྱས་ལ་འདི་སྐད་བརྗོད་དོ།། ཨོཾ་ཤྲཱི་ཧེ་རུ་ཀའི་ཤ་སིདྡྷི་ཧ།། བི་ཡང་ཡང་ཏེ་ཧ། བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ཡ་ཕཊ། དེ་ནས་ཕུར་པ་སོར་བརྒྱད་པ་ལ་སྤྱི་བོར་དཔལ་ཆེན ་ཧེ་རུ་ཀ་དགོད། སྐེད་པའི་རྒྱ་མདུད་ལ་ཡུམ་སྲིད་པའི་བདེ་འགྲོ་མ་དགོད། སྟོད་ཀྱི་ལྡུམ་གཞོགས་ལ་དབྱིངས་ཕྱུག་མ་དགོད། རྩེ་མོའི་ངོས་སུ་ཁྲོས་མའི་དབང་མོ་ཆེ་བཞི་དགོད། དེ་ནས་མདུན་གྱི་གདན་ལ་བཞུགས ་སུ་གསོལ། བྱིན་གྱིས་བརླབ་པ་དང་། དབང་བསྐུར་བར་བྱས་ལ་འདི་སྐད་དོ།། ཨོཾ་ཤྲཱི་ཧེ་རུ་ཀ་ཀྲོ་དྷཱི་ཤྭ་རཱི་བྷ་ག་པདྨརྱ། བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ཡ་ཧཱུཾ་ཕཊ། ཨོཾ་མུ་ཏྲ་ཤིནྟཾ། དུནྟི་དུནྟི། བཛྲ་ཀི་ལི་ཀཱ་ལ་ཡ། ་དགྲ་བོ་མཱ་ར་ཡ་ཧཱུཾ་ཕཊ། ཨོཾ་སཱུརྱ་པདྨ་ཁ་རག་སྲིང་འགྲོ་བཛྲ་ཀཱི་ལི་ཀཱི་ལ་ཡ། དགྲ་བོ་མཱ་ར་ཡ་ཧཱུཾ་ཕཊ། དེ་ནས་ཕུར་པ་སོར་བཅུ་གཉིས་པ་ལ་གོང་མའི་སྟེང་ཐུགས་ཀྱི་དགྱེས་སྡེ་མོ་བཞི་བསྣན་ལ་དགོད་དོ།། དེ་ནས་མ ་རྣམས་སྐྲན་འདྲེན་པ་དང་། བཞུགས་སུ་གསོལ་བ་དང་། གཉིས་སུ་མེད་པར་བསྟིམ་པ་དང་། མཆོད་པ་འབུལ་བ་དང་། བཤགས་པ་བྱ་བ་དང་། དངོས་གྲུབ་གསོལ་བ་ལ་སོགས་བྱས་ལ། དེ་ནས་འཛབ་ལ་ཞུགས། ་བར་བར་དུ་སྟོང་ཚིགས་ཀྱི་མཆོད་པ་འབུལ། ཐུགས་དམ་བསྐུལ། ཕྲིན་ལས་བཅོལ། གསང་བའི་ཐུགས་ཀ་ནས་ཛ་འདི་འདྲ་བ་སྤྲོ་ཞིང་མནན་སྔགས་དང་། དགྲ་བོའི་སྲོག་གི་སྙིང་པོ་དང་བཅས་པ་དྲངས་ཤིང་དགུག ་གོ།། རྟགས་དང་མཚན་མ་མ་བྱུང་གི་བར་དུ་དེ་ལྟར་བྱའོ།། དེ་ནས་རྟགས་དང་མཚན་མ་བྱུང་བ་དང་། མྱུར་དུ་ཕུར་པས་གདབ་པར་བྱ་སྟེ། ཕུར་པ་རྣམས་གནས་གནས་སུ་གདབ་པར་བྱ་སྟེ། འདེབས་སྟངས་རྣམ་པ ་གསུམ་བཞི་ཡང་གྱིས་གདབ་བོ།། དེ་ནས་གནན་པར་བྱའོ།། ཕུར་བུ་གདབ་པའི་ལེའུ་སྟེ་སོ་དྲུག་པའོ།། །། གནོད་འདུལ་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད་ལས་འགལ ་བྱེད་ཅིང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ་རྣམས།། དཔུང་བཤིག་པ་ཡི་ཆོ་ག་ནི།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད ་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། ད་ལྟ་ཉིད་དུ་ངས་བསྟན་གྱི།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། ཕ་རོལ་དགྲ་དཔུང་བཤིག་པ་ནི།། ལས་ཀྱི ་ཆོ་ག་འདི་ལྟར་བྱ།། ཁྲང་ཐབ་གོན་ལ་རྒྱལ་མཚན་གཅིག་དང་མདུང་གཅིག་དང་གཉིས་ཐོགས་ལ། རྒྱལ་མཚན་གྱི་རྩེ་མོ་ལ། ཨོཾ་བཛྲ་ཀྲོ་དྷི་བཱ་རེ་བྷ་ག་བདྡྷཱཿ།། སྠཱནྣ་བྷྱོ་བྷྱོ་ས་མ་ཡ་ཤིག་ཅེས་ཐོའོ།། མགུལ་པར ་ཤཤིནྟི་པདྨ་ག་རུ་ཏི་བྷྱོ་བྷྱོ་ས་མ་ཡ་ཤིག་ཅེས་བྲིའོ།། ཤར་ཕྱོགས་སུ་ཨོཾ་མུ་ཏྲི་ནི་བྷྱོ་བྷྱོ་ས་མ་ཡ་ཤིག། ཅེས་བྲིའོ།། ལྷོ་ཕྱོགས་སུ་ཨོཾ་ཨཱ་ཤིནྟི་ནི་བྷྱོ་བྷྱོ་ས་མ་ཡ་ཤིག། ཅེས་བྲིའོ།། ནུབ་ཕྱོགས་སུ་ཨོཾ་ག་མུན་དུན་ཏྲི་ནི་བྷྱོ་བྷྱོ ་ས་མ་ཡ་ཤིག། ཅེས་བྲིའོ།། བྱང་ཕྱོགས་སུ་ཨོཾ་ག་མུན་དནྟི་བྷྱོ་བྷྱོ་ས་མ་ཡ་ཤིག། ཅེས་བྲིའོ།། དེ་ནས་སྐྱེད་པ་ལ་ཤར་ཕྱོགས་སུ་ཨོཾ་སཱུརྱ་བི་ཏོ་ཨ་ཏོ་ཡེ་བྷྱོ་བྷྱོ་ས་མ་ཡ་ཤིག། ཅེས་བྲིའོ།། ལྷོ་ཕྱོགས་སུ་ཨོཾ ་བཛྲ་པདྨ་བྱི་ཏོ་ཨ་ཏོ་ཡེ་བྷྱོ་བྷྱོ་ས་མ་ཡ་ཤིག། ཅེས་བྲིའོ།། ནུབ་ཕྱོགས་སུ་བཛྲ་ཁ་ཊྭཱཾ་ག་བྱི་ཏོ་ཨ་ཏོ་ཡེ་བྷྱོ་བྷྱོ་ས་མ་ཡ་ཤིག། ཅེས་བྲིའོ།། བྱང་ཕྱོགས་སུ་བཛྲ་སྲིང་འགྲོ་བྱི་ཏོ་ཡེ་བྷྱོ་བྷྱོ་ས་མ་ཡ་ཤིག། ཅེས་བྲིའོ།། དེ་ནས ་སྐྱེད་སྨད་དུ། ཤར་ཕྱོགས་སུ་བཛྲ་ཀེ་བཛྲ་ཀོ་བྷྱོ་བྷྱོ་ས་མ་ཡ་ཤིག། ཅེས་བྲིའོ།། ལྷོ་རུ་བཛྲ་ཏ་ཀཻ་ས་མ་ཡ་བྷྱོ་བྷྱོ་ས་མ་ཡ་ཤིག། ཅེས་བྲིའོ།། ནུབ་ཕྱོགས་སུ། ཨོཾ་བཛྲ་ནི་ལ་ད་བཛྲ་ནི་ལ་ད་བྷྱོ་བྷྱོ་ས་མ་ཡ་ཤིག། ཅེས ་བྲིའོ།། བྱང་ཕྱོགས་སུ་བཛྲ་ལན་ད་བཛྲ་ལན་ད་བྷྱོ་བྷྱོ་ས་མ་ཡ་ཤིག། ཅེས་བྲིའོ།། དར་ལ་སྐུར་བྱས་ཏེ་རྒྱལ་མཚན་བྱས་ན་ཡང་བཟང་། དེ་ནས་མདུང་དར་གྱི་རྩེ་མོ་ལ་སྲིད་པའི་མ་མོ་རྣམས་ཀྱི་སྙིང་པོ་བྲི་སྟེ། དར་གྱི ་ལྕེ་ལྔ་བཅུ་གཅིག་པར་བྱས་ཏེ། དང་པོ་ལ་བཛྲ་ཟ་འགྲམ་མུ་རཾ་ཤྭ། ཞེས་བྲིས་སོ།། དེའི་འོག་མ་ལ་བཛྲ་ཁ་རག་སྙིང་ཁ་རག། ཅེས་བྲིའོ།། དེའི་འོག་མ་ལ་སྙིང་ཏྲག་རཀྵ་ཏྲག་རཀྑ། ཞེས་བྲིའོ།། དེའི་འོག་མ་ལ་ཁ་མུན ་ཙཀྲ་ཤ་བྷྱོ། ཞེས་བྲིའོ།། དེའི་འོག་མ་ལ་ཏྲག་ཤ་མུ་ཏྲ་བན་ཁ་མུནྟ་བ་ཏྲ་རཀྵ་བྷྱོ། ཞེས་བྲིའོ།། དེའི་འོག་མ་ལ་པྲ་བ་ན་པྲ་ཀ་ར་ཏིཥྛ་བྷྱོ་བྷྱོ། ཞེས་བྲིའོ།། དེའི་འོག་མ་ལ་སྲང་གི་ཝང་གིང་ཤང་ཞེས་བྲིའོ།། དེའི་འོག་མ་ལ ་བྷྱོབྷོ་བྷྱོ་ཧཱཾ་ཀ་རི་ཁ་བ་དོ་ར་ད་བ་དོར་བྷྱོ། ཞེས་བྲི། དེའི་འོག་མ་ལ་ཆུ་ར་མི་ཏ་ཁ་ཊྭཱཾ་བྷྱོ།། ཞེས་བྲིའོ།། དེའི་འོག་མ་ལ་བ་ལ་ཚྭ་རྒྱ་ཞེས་བྲིའོ།། དེའི་འོག་མ་ལ་པདྨ་བ་ལ་ཙཎྜ་མ་འགུར་རཀྟོ་བྷྱོ། ཞེས་བྲིའོ།། དེའི་འོག་མ ་ལ་ཏིང་སཾ་ཏིང་སཾ། ཞེས་བྲིའོ།། དེའི་འོག་མ་ལ་ལཱ་ལི་ཏི་བྷྱོ།། ཞེས་བྲིའོ།། དེའི་འོག་མ་ལ་ཧེ་སང་ཏིང་བྷྱོ།། ཞེས་བྲིའོ།། དེའི་འོག་མ་ལ་བྱི་ཏིང་བྷྱོ། ཞེས་བྲིའོ།། དེའི་འོག་མ་ལ་ཕུར་ཏིང་བྷྱོ་ཞེས་བྲིའོ།། དེའི་འོག་མ ་ལ་མུར་ཏིང་བྷྱོ། ཞེས་བྲིའོ།། དེའི་འོག་མ་ལ་བཛྲ་ཤཱནྟི་བྷྱོ། ཞེས་བྲིའོ།། དེའི་འོག་མ་ལ་དུ་ནྟིང་བྷྱོ། ཞེས་བྲིའོ།། དེའི་འོག་མ་ལ་གྲུབ་ཏིང་བྷྱོ། ཞེས་བྲིའོ།། དེའི་འོག་མ་ལ་ཧ་ར་ཏིང་བྷྱོ། ཞེས་བྲིའོ།། དེའི་འོག་མ་ལ་ཧེ ་སང་ཏིང་ཧེ་སང་ཏིང་བྷྱོ། ཞེས་བྲིའོ།། དེའི་འོག་མ་ལ་དུ་ན་བྷྱོ། ཞེས་བྲིའོ།། དེའི་འོག་མ་ལ་འདི་ན་མ་མ་གཡས་བྷྱོ། ཞེས་བྲིའོ།། དེའི་འོག་མ་ལ་མ་ནུ་རཀྵ་སཱི་བྷྱོ། ཞེས་བྲིའོ།། དེའི་འོག་མ་ལ་བྲཱཧྨ་ཎཱི་བྷྱོ། ཞེས ་བྲིའོ།། དེའི་འོག་མ་ལ་རོའུ་ཏྲི་མ་བྷྱོ། ཞེས་བྲིའོ།། དེའི་འོག་མ་ལ་བིཥྞ་བེ་བྷོ། ཞེས་བྲིའོ།། དེའི་འོག་མ་ལ་ཀོ་མ་རི་བྷྱོ། ཞེས་བྲིའོ།། དེའི་འོག་མ་ལ་ཨིནྡ་བྷྱོ། ཞེས་བྲིའོ།། དེའི་འོག་མ་ལ་བཾ་ག་ལ་བྷོ། ་ཞེས་བྲིའོ།། དེའི་འོག་མ་ལ། ཨ་མྲྀ་ཏ་བྷྱོ། ཞེས་བྲིའོ།། དེའི་འོག་མ་ལ་སོ་མྱ་བྷྱོ། ཞེས་བྲིའོ།། དེའི་འོག་མ་ལ་དཎྜ་དཾ་བྷྱོ།། ཞེས་བྲིའོ།། དེའི་འོག་མ་ལ་རཀྑ་སཱི་བྷྱོ། ཞེས་བྲིའོ།། དེའི་འོག་མ་ལ་བག་ཤ་སཱི་བྷྱོ། ཞེས ་བྲིའོ།། དེའི་འོག་མ་ལ་ར་ཏཱི་བཛྲ་བྷྱོ། ཞེས་བྲིའོ།། དེའི་འོག་མ་ལ་ར་ཏྲི་རེ་མནྟ་བྷྱོ། ཞེས་བྲིའོ།། དེའི་འོག་མ་ལ་ཨེ་ཀ་ཙ་ར་བྷྱོ།། ཞེས་བྲིའོ།། དེའི་འོག་མ་ལ་མ་ནོ་ཧ་ར་བྷྱོ། ཞེས་བྲིའོ།། དེའི་འོག་ཏུ ་སིདྡྷི་ཀཾ་བྷྱོ། ཞེས་བྲིའོ།། དེའི་འོག་མ་ལ་བཱི་ཡ་བེ་བྷྱོ། ཞེས་བྲིའོ།། དེའི་འོག་མ་ལ་མ་ཧཱ་མ་ར་ཎ་བྷྱོ། ཞེས་བྲིའོ།། དེའི་འོག་མ་ལ་ཨགྣི་མ་བྷྱོ། ཞེས་བྲིའོ།། དེའི་འོག་མ་ལ་བཱ་ར་ཧཱི་བྷྱོ། ཞེས་བྲིའོ།། དེའི་འོག་མ་ལ་ཙ ་མུནྠི་བྷྱོ། ཞེས་བྲིའོ།། དེའི་འོག་མ་ལ་སུ་ཏ་ཏ་ན་བྷྱོ། ཞེས་བྲིའོ།། དེའི་འོག་ཏུ་བཱ་རུ་ཎཱི་བྷྱོ། ཞེས་བྲིའོ།། དེའི་འོག་མ་ལ་མ་ཧཱ་ཀ་ལི་བྷྱོ། ཞེས་བྲིས་སོ།། དེའི་འོག་མ་ལ་ཙ་ཀ་ལ་བྷྱོ། ཞེས་བྲིའོ།། དེའི་འོག་མ་ལ་ཀུནྟ ་ཀརྞ་བྷྱོ། ཞེས་བྲིའོ།། དེའི་འོག་མ་ལ་བཛྲ་ལ་བྷོ་ད་ར་བྷྱོ། ཞེས་བྲིའོ།། དེ་ནས་དགྲ་བོ་གང་ན་འདུག་པའི་ས་ཕྱོགས་སུ་ཁ་བལྟས་ལ། མ་བདུན་དང་སྲིང་བཞི་ཡང་བསྐུལ། ནམ་མཁའི་རྒྱལ་མོ་ཡང་བསྐུལ ་ལོ།། སྔགས་དྲུག་བཅུ་རྩ་བརྒྱད་ཀྱང་བཟླས་སོ།། མ་མ་རུ་ལུ་རུ་ལུ་བྷྱོ། ཏཀྵ་ཏྲཀྵ་ཏྲཀྐ་ཏྲཀྐ་རཀྑ་ཙིཏྟ་ཁ་ཐུམ། ཁ་རག་བྷྱོ། ཤིག་ཤིག་ཅེས་དུས་དང་རྣམ་པ་མེད་པར་བཟླས་སོ།། དེ་ནས་དགྲ་བོའི་ཕྱོགས་སུ་རྒྱལ ་མཚན་བརྡབ། མདུང་གིས་ཀྱང་གདབ་པའི་ཚུལ་སྟོན་དེས་འགྲུབ་བོ།། དགྲ་བོའི་དཔུང་བཤིག་པའི་ལེའུ་སྟེ་སོ་བདུན་པའོ།། །། གཡུང་དྲུང་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་དང་།། རྣལ ་འབྱོར་ཐམས་ཅད་སུན་འབྱིན་བྱེད།། དམ་པའི་ཆོས་ལ་སྨོད་པ་དང་།། བདག་ལ་དམོད་བྱེད་བྱེད་པ་རྣམས།། ཟློག་པའི་ཆོ་ག་ཇི་ལྟར་ལགས།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། བསྟན་པ་གཉེན་པོ་འཇིག་པ་དང་།། རྣལ་འབྱོར་ཐམས་ཅད་སུན་འབྱིན་དང་།། དམ་པའི་ཆོས་ལ་སྨོད་པ་དང་།། བདག་ལ ་དམོད་བྱེད་བྱེད་པ་རྣམས།། བཟློག་པའི་ཆོ་ག་ངས་བསྟན་གྱིས།། ཉོན་ཅིག་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། བཟློག་པའི་ཆོ་ག་འདི་ལྟར་བྱ།། མུ་སྟེགས་ཀྱི་རང་བཞིན་གྱི་འཇིག་རྟེན་ལ ་གནས་པས། འཇིག་རྟེན་མཆོག་ཏུ་གྱུར་པའི་སྤྱོད་ཡུལ། ལོངས་སྤྱོད་དུ་གྱུར་པའི་གསུང་ཆེན་དང་། གུ་གུལ་གྱི་དུད་པས་མིང་བྱང་ལ་བདུག་ཐལ་ཆེན་གྱིས་ཁང་ཁྱིམ་ལ་གཏོར་ལ། ཐུགས་ལ་བརྣག་པའི་སྔགས་འདི ་བཟླས་སོ།། ཧཱུཾ་བ་ཏོ་བ་ལ་སད་ད་བཛྲ་མཱ་ར་ཡ་ཕྱེ།། ཞེས་བཟླས་ཤིང་གཏོར་རོ།། ཁང་པ་ཐག་རིང་ན་ཡུལ་ཕྱོགས་སུ་ཁ་བལྟས་ལ་གང་ལ་བྱ་བ་དེར་དམིགས་ལ། སྔགས་བཟླས་ཤིང་ཐལ་ཆེན་གཏོར་རོ།། དེ་ལྟར ་བྱས་ན་མུ་སྟེགས་ཀྱི་བྱད་བཟློག་གོ། མུ་སྟེགས་བཟློག་པའི་ལེའུ་སྟེ་སོ་བརྒྱད་པའོ།། །། གནོད་འདུལ་ལྷ་ཡིས་ཡང་གསོལ་པ།། བསྟན་པ་གཉན་པོ་འཇིག་བྱེད་ཅིང་།། ལུ་གུ་རྒྱུད་ལས་འགལ་བྱེད ་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ་དག། ཡུལ་ནས་དབྱུང་ན་ཅི་ལྟར་དབྱུང་།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། བསྟན་པ་གཉེན་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག ་ལ་སྡང་སེམས་བྱེད་པ་རྣམས།། ཡུལ་ནས་དབྱུང་བའི་ཆོ་ག་ནི།། གཏན་ཚིགས་རྩ་བ་གཏན་ལ་དབབ།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། མི་མང་པོ་ཕུང་པོའི་རོ་ཤུལ་གྱི་ས་དང་།། ་སྲུབ་མའི་ལོ་མ་དང་། ཛུ་ཙེའི་ཕུབ་མ་དང་། ཐལ་ཆེན་དང་དེ་རྣམས་བསྲེས་ལ། རྔ་མོའི་སྙིང་དང་། ཁྱི་དང་སྤྱང་ཀིའི་ཁྲག་གིས་སྦྲུས་ལ་གཟུགས་བྱས་ཏེ། གྲོ་ག་ལ་མིང་རུས་བྲིས། མགོ་བོར་ཧཱུཾ་བྲིས། མཇུག་ཏུ་ཕཊ ་བྲིས་ལ། ཙིཏྟ་ན་རཀྐ། ཙིཏྟ་ན་རཀྵ་ཁ། ཙིཏྟ་ཡཀྵ་ཁ། ཙིཏྟ་ཐུམ་རི་ལི་ལི་རྦད། ཅེས་གྲོ་ག་ལ་བྲིས་ལ་མིང་རུས་དང་གཉིས་སྙིང་གར་བླ་ན། ཡཾ་ནག་པོ་བདུན་བྲིས་ལ་ཁ་བྲག་ཏུ་སླན། དེ་ནས་གྲོ་གའི་རྐྱལ་བུའི་ནང་དུ ་བཅུག་ལ། རྡོ་རྗེ་རྒྱ་གྲམ་གྱི་ཕྱག་རྒྱ་བྱས་ལ། སྔགས་འདི་ལན་ཉི་ཤུ་རྩ་གཅིག་བཟླས་པས་དམིགས་བྱ་མྱོས་ཤིང་དབྱུང་བར་འགྱུར་རོ།། སྔགས་ལ། བ་ཏི་ཏ་ན་ཐོ་བ་བུད། ན་མ་ཤ་ལ་སྭཱ་ཧཱ། ཡཾ་ཐེག་ཡཾ་ཞེས་བཟླས ་ཤིང་མཐུན་པའི་རླུང་ལ་བསྐུར་ན་ཡུལ་ནས་དབྱུང་བ་ལ་ཐེ་ཚོམ་མེད་དོ།། ཡུལ་ནས་དབྱུང་བའི་ལེའུ་སྟེ་སོ་དགུ་པའོ།། །། གཡུང་དྲུང་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་དང་།། ལུ་གུ ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ་རྣམས།། མ་མོས་ཁ་བཅིང་ཇི་ལྟར་བགྱི།། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས ་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། ་བདག་ལ་སྡང་སེམས་བྱེད་པ་རྣམས།། མ་མོས་ཁ་བཅིང་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། མ་མོས་ཁ་བཅིང་བ་ལ། མི་འབན་པོ་ཕྱུག་པོའི་ཐོད་པ་ལ། སྨྱུག་མའི ་སྤ་རྩི་དང་ཀླུད་པར་རྫིས་ལ་ཐོད་པའི་ཁར་བཅུག་ལ། སྐུད་པ་སྔོ་དམར་གྱིས་ཁ་བཅིངས་ལ། ཆུ་སྲིན་གྱི་ཕྱག་རྒྱ་བཅས་ལ་ཕྱོགས་བཞིར་བསྒྱུར་ཞིང་བསྟན་ནས་བརྣག་པའི་སྔགས་འདི་བཟླས་སོ།། ཨོཾ་རྣལ་ཐིག ་རྣལ་པྲ་བ་ཚུགས་ཤྭ་ལ་མེ་ད་ཐུ་ལ་ས་ཐུ་ལྕགས་ཀྱིས་ཀྱི་ཀྲ་ཐེད་སྭཱ་ཧཱ། ཞེས་བཟླས་ཤིང་ཕྱག་རྒྱ་བསྒྱུར་རོ།། བཟློག་པའི་ཚེ་མཆིལ་མ་རང་གི་ཁོང་པར་མི་གཏང་བར་བྱའོ།། ལས་འདིས་བདག་ལ་དགྲ་མི་སྲིད ་དོ།། དེས་དགྲ་ཟོ་སྟོང་ཡང་ཁ་བཅིང་བར་འགྱུར་རོ།། མ་མོས་དགྲ་བོའི་ཁ་བཅིངས་པའི་ལེའུ་སྟེ་བཞི་བཅུ་པའོ།། །། གསུང་དྲུང་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད ་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་ངན་སེམས་བྱེད་པ་ལ།། ནན་ཏུར་ལས་རྣམས་ཇི་ལྟར་འཚལ།། རྫོགས་སངས་རྒྱས་ལ་བདག་ཉན་འཚལ།། རྫོགས ་སངས་རྒྱས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། བསྟན་པ་གཉེན་པོ་འཇིག་བྱེད་དང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ ་གནོད་བྱེད་དང་།། བདག་ལ་ངན་སེམས་བྱེད་པ་ལ།། ནན་ཏུར་ལས་རྣམས་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས་བསྟན་པ་ལ་ཐེ་ཚོམ་མེད།། ཇི་ལྟར་ཡིད་འཐད་གནས་སུ་ནི།། འབྲུ་སྣ་ཚོགས ་པའི་མི་གཟུགས་ལ།། མཁར་ཐབས་མདའ་ཡིས་བརྒྱན་ནས་ནི།། སླེའུ་བཟང་དར་དཀར་ཆས་ཀྱིས་བརྒྱན།། ཡོ་བྱད་ཚོགས་པའི་སྡེར་ཆ་ལ།། ཟ་འོག་མདའ་ཡིས་རྣམ་པར་བརྒྱན།། སླེའུ་ཟངས་སྨེ་རིས་སྒྲ་ཡི ་རྐྱེན།། རིན་ཆེན་སྣ་བདུན་རྒྱན་གྱིས་བརྒྱན།། མ་ཧཱ་ཤནྟི་གཞུང་བཞིན་བརྗོད།། ཕོ་རིགས་རྣམས་ལ་གཞུང་བཞིན་བསྔོ།། དེ་ནས་གཞུང་བཞིན་བསྔོ་བ་དང་།། སོལ་བའི་དོང་ཁྲུ་གང་བའི་ནང་དུ་ཕྱི་རྒན་དུ་མནན ་ལ།། དེའི་སྟེང་དུ་ར་སོག་ལ་དགྲ་གང་ཡིན་པའི་གཟུགས་བྲིས་ལ། ཁ་སྦུབ་ཏུ་མནན་ནོ།། དེའི་སྟེང་དུ་རྡོ་རྗེ་རྒྱ་གྲམ་གྱིས་མནན་ནོ།། དེ་ནས་དགྲ་བོའི་མིང་བྲིས་ཏེ། འོ་དོད་འབོད་ལ་གཏོང་ལས་མྱུར་དུ་འགྲུབ ་བོ།། སྨྱུག་རྒོད་ལ་དཔག་བསམ་གྱི་ཤིང་གི་གཟུགས་བྱས་ལ། གྲོ་ག་ལ་དགྲ་བོའི་གཟུགས་བྱས་ལ། སྙིང་གར་ཁྲག་གིས་མིང་བྲིས་ལ་གསེར་གཡུ་གཉིས་རྐོས་རྗེ་དྲང་དཀར་ལ་བསྔོས་ལ། དེ་ནས་མན་ཏ་ལའི་དར་དུ ་གཏུམ་ལ། འདའ་ར་བ་ཏིས་གདགས་སོ།། ཨ་ཏི་པ་རའི་ཟག་པས་བཅིང་ངོ་།། འོ་དོད་དྲག་ཏུ་འབོད་དོ།། དེས་སྤྱོ་རྒོད་དྲག་པོས་ཐེབས་པར་འགྱུར་རོ།། ལྕགས་དང་གསེར་དུ་གཡུ་བསྲེས་ལ་ཁོལ་པོ་ཞིག་འཛིན་ལ ་བསྔོས་ལ། གོང་དུ་བསྟན་པའི་གཟུགས་དང་། བསྔོས་པའི་ཡས་སྟགས་བསྲེས་ལ་རུ་སྦལ་གྱི་ཤུན་པས་གཏུམས་ལ། བ་ར་ཏའི་དོང་དུ་གཞུག་གོ། ཡེ་ཤེས་རྗེ་མོའི་ཕྱག་རྒྱ་གདབ་བོ།། དེས་ནི་དབང་པོ་མི་གསལ་བ ་དང་རིག་པ་དང་ལྐུགས་པར་འགྱུར་རོ།། ཟངས་དང་ལྕགས་དང་གསེར་གསུམ་བརྡར་ལ། ཡ་བདུད་ཆེན་པོ་ལ་བསྔོས་ལ། གོང་དུ་བསྟན་པའི་གཟུགས་དང་། བསྔོས་པའི་ཡས་སྔགས་བསྲེས་ལ་མུ་ལ་ནིའི་དོང་དུ ་གཞུག་གོ། ཆེ་མཆོག་རྟགས་ཀྱི་རྒྱས་གདབ་བོ།། དེས་གློ་བུར་དུ་འཆི་བར་འགྱུར་རོ།། འབྲུ་སྲན་དག་ལ་གླིང་བཅུ་གཉིས་ཀྱི་གཟུགས་བྲིས་ལ། དཀོར་ཆས་བརྒྱན་ལ་ཡར་ལྷ་ཤོད་ཀྱི་སྐྱེས་ཏོ་རེ་ལ་བསྔོས་ལ། དེ་ནས ་འཇག་མ་ལ་མི་གཟུགས་བྱས་ཏེ། དགྲ་བོའི་མིང་བྲིས་ཏེ་གཟུགས་སྙིང་གར་གླན་ནོ།། ཟན་ལ་ཟ་བའི་ཚུལ་བྱེད་དུ་གཞུག་གོ། འོ་དོད་དྲག་ཏུ་འབོད་དོ།། དེ་ལྟར་བྱས་ན་ཟུམ་བུར་འོང་ངོ་།། རུས་པ་སྣ ་ཚོགས་སྤུངས་ལ་གཤིན་རྗེའི་རྒྱལ་པོ་བསྔོས་ལ་ཡས་སྟགས་དེའི་གསེར་ཏུ་ཁམ་ས་ལ་དགྲ་བོའི་གཟུགས་བྱས་ལ། སྙིང་གར་མིང་རུས་བྲིས་ཏེ་ཁ་སྦུབ་སྟེ་བསྒྱེལ་ལ་མདའ་འཕེན་པའི་ཚུལ་དུ་བྱས་པའོ།། ཅི་ཡང་རུང ་བའི་ཤིང་ལྤགས་ཡང་བཀོན་ནོ།། གཤིན་རྗེ་ནག་པོའི་སྔགས་ཀྱང་གདབ་བོ།། དེས་གྲིར་འཆིའོ།། མི་ནོར་དུ་བཏགས་པ་སྣ་ཚོགས་ཀྱི་དཀྱིལ་དུ། རྩཝ་ལ་གཟུགས་བྱས་ལ་གྲོ་ག་ལ་མིང་བྲིས་ཏེ། ས་ལ་ཨུ་མ་དེ་ཝཱིའི ་གཟུགས་བྱས་ལ། ཨུ་མ་དེ་ཝཱིའི་གཟུགས་སྟེང་དུ་བསྐྱོན་ལ་འདོད་ཆགས་སྤྱོད་པའི་ཚུལ་དུ་བྱའོ།། མ་ཨེ་བ་ནི་བྷཉྫ་མཱ་ར་ན་ཕཊ་ཅེས་བྱ་བའི་སྔགས་ཀྱིས་གདབ་བོ།། མཁལ་སྐེད་ན་བ་དང་ཕོ་མཚན་སྐྲངས་པ་དང་། ་ཆུ་འགགས་ནས་འཆིའོ།། དུང་དང་གསེར་དང་གཡུ་དང་བསེ་དང་མཚལ་ལ་སོགས་པའི་ཡས་སྟགས་སྣ་ཚོགས་དང་། དགྲ་བོའི་མིང་བྱང་བྲིས་ལ་བ་ཏི་དམར་པོའི་པགས་པས་གཏུམས།། བ་རི་མ་ཧཱ་ར་ན་ཅེས་བཟླས ་སོ།། དེ་ལ་གདབ་པར་བྱ། དེས་ནི་མྱུར་དུ་སྤྲོས་པར་འགྱུར། གསེར་དང་དུང་དང་ལྕགས་གསུམ་ལ་དགྲ་བོའི་མིང་བསྲེས་ཏེ་བསྲེགས་ལ་རྫ་ནག་པོའི་ནང་དུ་བཅུག་ལ། བ་ཏི་མཱ་ར་སྔགས་ཀྱིས་བཏབ་ལ་སྦ་ཞིང ་གཏད་ན་བབ་དང་བྲག་གཡང་དུ་འཆི། ཆོ་ག་བྱེད་པའི་དུས་སུ་བདག་ཉིད་མུ་ཁ་ལེའི་ཏིང་ངེ་འཛིན་ནམ། དབང་ཆེན་གྱི་ཏིང་ངེ་འཛིན་ལ་ཞུགས་ལ་གཞུང་བཞིན་དུ་བསྐུལ་ལོ།། ཕོ་རིགས་ཀྱི་ཕྱི་མ་ལས་བཅོལ་བ་ནི ་ཡོད་ན། འཁུ་ལྡོག་ཆེ་ལ་རྒྱབ་འགྱུར་བས་འདིར་མ་གསུངས་སོ།། བདུད་ལ་གཏད་པའི་ལེའུ་སྟེ་ཞེ་གཅིག་པའོ།། །། གནོད་འདུལ་ལྷ་ཡིས་ཡང་གསོལ་པ།། སེང་གེ་ཕྲུ་གུ་ནང་འཛིངས་པའི།། མི་ལྟས་བཟློག་ན ་ཇི་ལྟར་ཟློག། གསད་པའི་ཐབས་ནི་ཇི་ལྟར་ལགས།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ ་པ།། ཉོན་ཅིག་གནོད་འདུལ་ལྷ་ཡི་གཙོ།། ངས་བསྟན་པ་ལ་ཐེ་ཚོམ་མེད།། སེང་གེ་ཕྲུ་གུ་ནང་འཛིངས་པའི།། རྨི་ལྟས་བཟློག་པར་བྱ་ན་འདི་ལྟར་བཟློག་གོ། ལྷམ་གྱི་ནང་ནས་འབོབ་ཕྱུང་ལ།། དེ་ཡང་ས་ལ་བརྡབ ་པར་བྱ།། བེར་ག་དང་ཕུ་འདུང་ཡང་ས་ལ་བརྡབ་པར་བྱའོ།། དེ་གསུམ་གདབ་པའི་སྔགས་ལ།། ཨོཾ་མེ་ཨ་མ་ལ་མེ་སྭཱ་ཧཱ། མེ་ཏི་མེ་ཏི་མཱ་ར་ཡ་ཏི་ནས་སྭཱ་ཧཱ།། དེས་ཇི་ལྟར་ལ་ཡང་ཟློག་གོ། གསད་པའི་ཐབས་ནི་ཁྲག ་དུང་ཕོར་གང་གི་ནང་དུ་ཁྱི་རུས་དང་ཕག་རུས་དང་ཝ་རུས་དང་ཀུན་བཙོས་ལ། སྲོད་འཁོར་ཙམ་ལ་ཁྱིམ་ལ་གཏོར་ཞིང་སྔགས་འདི་བཟླས་སོ།། མ་དུ་མ་ནུ་ར། ར་ཀ་མ་བ་ཤ་ཀུ་རུ་ཐུམ་རྦད། དུན་ཏི་དུན་ཏིང་ས་མཱ་ཡ ་མ་ཤ་ཁ་མུ་ལེ་རྦད། པར་ལ་ཁྱུང་ཏིང་ཧེ། ཞེས་བརྒྱ་རྩ་བརྒྱད་བཟླས། པུ་ན་ཤ་ཁྲག་སྟིབས། ཁ་མུ་ལེ་རྦད། ཁ་མུ་ཏོ་ཏིང་རྦད། ཨི་ཏིང་ཡ་རྦད། ཅེས་བརྗོད་ན་རྩལ་ཉམས་ནས་ཟླ་བ་ལ་རྟགས་འོད ་ངོངོ།། སེང་གེ་ཕྲུ་གུ་ནང་འཛིངས་པའི་རྨི་ལྟས་བཟློག་པ་དང་། གསད་པའི་ཐབས་ཀྱི་ལེའུ་སྟེ་ཞེ་གཉིས་པའོ།། །། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། སྔོན་འདས་པའི་དུས་མ་བྱུང ་བའི་སྔོན་རོལ་ན། སྲིད་པ་ཐམས་ཅད་ཀྱི་སེམས་མྱ་ངན་ལས་ཟློས་པའི་ཕྱིར། གཡུང་དྲུང་ལྷ་ཡིས་ཡང་གསོལ་པ།། ཐམས་ཅན་མྱ་ངན་ཇི་ལྟར་ཟློ།། དེ་ཀུན་ལྷ་ཡིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག ་པ།། ཆེ་བས་ཆེ་བའི་ཟབ་མོ་འདིར།། ཆེ་བའི་ཡེ་ཤེས་རྙེད་དཀའ་བ།། ཤེས་རབ་ཐབས་ལ་བརྟེན་ཏེ་འགྲུབ།། མིང་ཙམ་འདི་ཞེས་བསྟན་དུ་མེད།། བརྗོད་པ་ཀུན་ལས་འདས་པའོ།། དོན་དམ་སྤྲོས་ལས་འདས་པས ་ན།། ཐམས་ཅད་མ་ལུས་སངས་རྒྱས་སོ།། མགུར་ཆེན་གྱི་ལེའུ་སྟེ་ཞེ་གསུམ་པའོ།། །། ཏིང་འཛིན་དབང་ཆེན་དཀྱིལ་འཁོར་རིམ་གྱིས་བསྐྱེད།། བདག་ཉིད་ཆེ་མཆོག་སྐུར་བསྒོམས་ལ།། ཐམས་ཅད་མ་ལུས ་དབང་དུ་སྡུད།། མན་ངག་མཛུབ་ཚུགས་དྲུག་གིས་དོན་རྣམས་བྱ་བར་བསྟན།། མགུར་ཆུང་གི་ལེའུ་སྟེ་ཞེ་བཞི་པའོ།། །། རྡོ་རྗེ་སེམས་དཔས་ཡང་གསོལ་པ།། སེམས་ཅན་དུས་མིན་འཆི་བ་རྣམས།། དེ་ལས ་བཟློག་པ་ཇི་ལྟར་ཟློག། བསྐང་བའི་གནས་ལྔ་ཇི་ལྟར་ལགས།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ ་སྩལ་པ།། སེམས་ཅན་དུས་མིན་འཆི་བ་རྣམས།། དེ་ལ་བཟློག་པ་ངས་བསྟན་གྱི།། ཉོན་ཅིག་རྡོ་རྗེ་སེམས་དཔའི་གཙོ།། ངས་བསྟན་པ་ལ་ཐེ་ཚོམ་མེད།། བསྐང་བའི་གནས་ལྔ་འདི་རྣམས་སོ།། སྣང་སྲིད་ཐམས ་ཅད་ཡུམ་གྱི་བྷ་ག་སྟེ།། དུས་གསུམ་བདེ་གཤེགས་ཡུམ་གྱི་ཀློང་ནས་བསྐྱེད།། དབུས་ཀྱི་ཆེ་མཆོག་སྐུ་དང་གཉིས་མེད་བཞུགས།། མུ་མཐར་ཁྱབ་པའི་ཐུགས་དམ་བདག་སྐོང་ན།། དབང་དང་དངོས་གྲུབ་དུས་འདིར ་སྩལ་དུ་གསོལ།། ཤར་ཕྱོགས་རྡོ་རྗེ་རིགས་ཀྱི་གཙོ།། རྡོ་རྗེ་དབྱིངས་ཕྱུག་མི་ཕྱེད་མ།། བསྐང་ངོ་བསྐལ་པའི་ཐུགས་དམ་བསྐང་།། ལྷོ་ཕྱོགས་རིན་ཆེན་རིགས་ཀྱི་གཙོ།། རིན་ཆེན་དབྱིངས་ཕྱུག་མི་ཕྱེད་མ།། བསྐང་ངོ། ་བསྐལ་པའི་ཐུགས་དམ་བསྐང་།། ནུབ་ཕྱོགས་པདྨ་རིགས་ཀྱི་གཙོ།། པདྨ་དབྱིངས་ཕྱུག་མི་ཕྱེད་མ།། བསྐང་ངོ་བསྐལ་པའི་ཐུགས་དམ་བསྐང་།། བྱང་ཕྱོགས་ལས་ཀྱི་རིགས་ཀྱི་གཙོ།། ལས་ཀྱི་དབྱིངས་ཕྱུག་མི ་ཕྱེད་མ།། བསྐང་ངོ་བསྐལ་པའི་ཐུགས་དམ་བསྐང་།། དབྱིངས་ཀྱི་མ་ཆེན་བརྒྱད་རྣམས་དང་།། ཡུལ་གྱི་མ་ཆེན་བརྒྱད་རྣམས་ཀྱི།། བསྐང་ངོ་བསྐལ་པའི་ཐུགས་དམ་བསྐང་།། བསྐང་བའི་ལེའུ་སྟེ་ཞེ་ལྔ ་པའོ།། །། རྡོ་རྗེ་སེམས་དཔས་ཡང་གསོལ་པ།། དམ་ཚིག་འདས་པའི་སྔགས་གཟེར་དང་།། འཇིག་རྟེན་མཚན་མ་བྱོལ་བ་དང་།། ལྷ་འདྲེ་རྫུ་འཕྲུལ་དྲག་གཡོས་དང་།། ངན་སྔགས་རྫུ་འཕྲུལ་གྱི ་ལྟར་བཟློག། རྫོགས་སངས་རྒྱས་ལ་བདག་ཉན་འཚལ།། རྫོགས་སངས་རྒྱས་ཀྱིས་བཀའ་སྩོལ་ཅིག། དེ་སྐད་ཞུས་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། དམ་ཚིག་འདས་པའི་སྔགས ་གཟེར་དང་།། འཇིག་རྟེན་མཚན་མ་བྱོལ་བ་དང་།། ལྷ་འདྲེ་རྫུ་འཕྲུལ་དྲག་གཡོས་དང་།། ངན་སྔགས་རྫུ་འཕྲུལ་བཟློག་པ་ནི།། ཟློག་པའི་ལས་རྣམས་ངས་བསྟན་གྱི།། ཉོན་ཅིག་རྡོ་རྗེ་སེམས་དཔའི་གཙོ།། ངས ་བསྟན་པ་ལ་ཐེ་ཚོམ་མེད།། ངན་སྔགས་ཕུར་བུས་བཟློག་པའི་ཕྱིར།། གཏན་ཚིགས་མན་ངག་འདི་གསུངས་སོ།། བ་ཀོ་འདྲ་བའི་མཎྜལ་བྱ།། སྤང་སྐོང་མཎྜལ་གཞུང་བཞིན་བྱ།། ཚྭ་ཚྭ་ཙ་ཏི་མང་དུ་གདབ།། ཕྱི་ཡི ་བཤགས་པ་མང་དུ་བྱ།། དེ་ནས་གསད་པའི་མཚམས་བཅད་དེ།། ལས་ཀྱི་དཀྱིལ་འཁོར་གཞུང་བཞིན་བྱ།། ནང་གི་སརྦ་དུ་བ་བཏང་།། བསྐང་གསོ་སྤང་སྐོང་མང་དུ་གདོན།། བསྐང་བའི་གནས་ལྔ་གཞུང་བཞིན ་བྱ།། མ་ཧཱ་ཤནྟི་ཆོ་ག་བྱ།། མ་མོར་གྲགས་པ་ཀུན་ཀྱང་བསྐང་།། ཡོ་བྱད་ནག་མོ་གཞུང་བཞིན་བཏང་།། རྟགས་དང་མཚན་མ་ཞིབ་ཏུ་བརྟགས།། རྟགས་དང་མཚན་མ་ཟིན་པ་དང་།། བསྐང་བཟློག་ཆོ་ག་བརྩམས་པར ་བྱ།། དེས་ནི་མཚན་མ་བཟློག་པར་འགྱུར།། དེ་ནས་བསྒྱུར་ཏེ་ཡང་གསུངས་པ།། བསྐང་བ་དེས་ཀྱང་མ་སྐོངས་ན།། དབང་གི་རྒྱལ་པོའི་སྐུར་བསྒོམས་ལ།། རྩ་བ་གང་ཡིན་མ་མོ་དེ།། ཀུ་ཤ་དག་ལ་གཟུགས་བྱས ་ལ།། འདའ་ར་པ་ཏིའི་རྒྱུརྒྱས་པས་གདགས།། ཡེ་ཤེས་མ་མོ་བཅུ་བཞི་ཡང་།། ཆེ་མཆོག་ཧེ་རུ་ཀའི་སྐུར་བསྒོམས་ཏེ།། མགོ་ལུས་བསྣོལ་ཏེ་གདན་དུ་གདིང་།། དེས་ནི་ངན་སྔགས་ཟློག་པར་འགྱུར།། གལ་ཏེ་ལས་སུ་མ ་གྲུབ་ན།། བརྟགས་ཏེ་རྩ་བ་གང་ཡིན་པ།། ཤོག་ཤོག་དག་ལ་གཟུགས་བྱས་ཏེ།། མཆོག་གི་ཕུར་བུས་གསང་བར་བརྡེག། སྨན་མོ་ལྔ་བཅུ་རྩ་གསུམ་ཡང་།། འཛག་མ་དག་ལ་གཟུགས་བྱས་ཏེ།། ཟངས་ཀྱི་ཕུར་བུ ་དམར་པོས་བརྡེག། དབུས་ཀྱི་མ་མོ་བཅུ་གསུམ་ཡང་།། ཞིང་གི་ཤུན་པ་རས་མ་ལ། ཁྲག་དང་མཚལ་གྱིས་གཟུགས་བྲིས་ཏེ།། གསེར་རམ་སེར་པོའི་ཕུར་པས་གདབ།། དེས་ནི་ངན་སྔགས་ཟློག་པར་འགྱུར།། གལ་ཏེ ་ལས་སུ་མ་གྱུར་ན།། དབུས་ཀྱི་ཆེ་མཆོག་ཡབ་ཡུམ་གཉིས།། སྒྲ་ཚིལ་དག་ལ་གཟུགས་བྱས་ཏེ།། ལྕགས་སམ་ནག་པོའི་ཕུར་པ་ཡིས།། ཐུགས་ཀ་ཉིད་དུ་གདབ་པར་བྱ།། ལས་རྣམས་འགྲུབ་པར་གདོན་མི་ཟ།། ཆོས ་ཉིད་དབྱིངས་སུ་གདབ་པར་བྱ།། ཆེ་མཆོག་རྟགས་ཀྱི་ཕྱག་རྒྱས་བརྡེག། འགྱུར་མེད་དབྱིངས་སུ་རྒྱས་གདབ་བོ།། དམ་ཚིག་འདས་པའི་སྔགས་གཟེར་དང་།། འཇིག་རྟེན་མཚན་མ་བྱོལ་བ་དང་།། ལྷ་འདྲེ་རྫུ་འཕྲུལ ་དྲག་གཡོས་པ།། ངན་སྔགས་ཕུར་བུས་བཟློག་པའི་ལེའུ་སྟེ་ཞེ་དྲུག་པའོ།། །། གཡུང་དྲུང་ལྷ་ཡིས་ཡང་གསོལ་པ།། དབང་པོའི་ཐིག་ལེ་ཉམས་པ་དང་།། ཐིག་ལེའི་སྤྱོད་པ་ཉམས་པ་རྣམས།། མྱུར ་དུ་བཟློག་ཅིང་གསད་པའི་ཕྱིར།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཡང་དག་རྫོགས་ཀྱིས་བཀའ་སྩལ་པ།། སླར་ལ་བཟློག་ཅིང ་གསད་པའི་ཕྱིར།། ངེས་པའི་མན་ངག་འདི་བསྟན་གྱིས།། ཉོན་ཅིག་གཡུང་དྲུང་ཡང་དག་པ།། ངན་བསྟན་པ་ལ་ཐེ་ཚོམ་མེད།། རྟགས་དང་མཚན་མ་བྱུང་བའི་ཚེ།། བསྡམས་པའི་ཕྱག་རྒྱ་བཀྲོལ་ནས་ནི།། དགྲ་དེའི ་ཡུལ་ཕྱོགས་བསྟན་ནས་ནི།། གྲོ་ག་ཤིང་ཤུན་ར་སོག་ལ།། མི་དེའི་མིང་བྱང་བྲིས་ནས་ནི།། དེ་ཡི་ལག་ཏུ་བསྐུར་ནས་ནི།། ཤུགས་སྒྲོལ་མ་ཡི་སྔགས་ཀྱིས་གདབ།། ཁྲག་དང་དུག་གི་གཏོར་མ་ཡང་།། རབས་ཆད་ཐོད ་པར་བཤམས་ནས་ཀྱང་།། ཡུལ་པ་དེ་ཡི་ཕྱོགས་སུ་གཏོར།། ལས་རྣམས་ངེས་པར་གདོན་མི་ཟ།། སྙིང་གི་ཕུར་བུ་ཕྱུང་ནས་ནི།། ཨ་མྲྀ་ཏ་ཡིས་མཆོད་བྱས་ནས།། དམ་རྫས་གཙང་མའི་གཏོར་མ་ལ།། ཀུ་ས་ར་ཡི ་རཀྟས་བྲན།། གང་ཡིན་དེ་ཡི་ཕྱོགས་སུ་ཁ་བལྟས་ཏེ།། གཙོ་འཁོར་གཞུང་བཞིན་བསྐུལ་ནས་ནི།། ལུས་ཀྱང་གསིག་ཅིང་ཕྱག་རྒྱ་བསྡམ།། བདག་ཉིད་དབང་གི་སྐུར་བསྒོམས་ཏེ།། དབང་དྲག་ཕྱག་རྒྱ་བཅིངས་ནས ་ནི།། གཟུགས་དེ་ཉིད་ལ་ཚམ་རྔམས་བྱ།། དྲག་ཤུལ་དབང་གིས་བསྐྱོད་ལ་བཏང་།། དེ་ལྟར་དྲག་ཤུལ་གྱི་སྨན་མོ་རྣམས་དབང་དུ་བསྡུས་ལ་བཏང་ངོ་།། དེ་ལྟར་བྱས་ན་ལས་མི་འགྲུབ་མི་སྲིད་དོ།། འདི་རམ་བུ་གུ་ཧྱ་དེ ་བ་ཙནྡའི་ཐུགས་ཀྱི་མན་ངག་གོ། བསྡམས་པའི་ཕྱག་རྒྱ་བཀྲོལ་ནས་ནི།། བྲིག་ཤའི་ལྕགས་ཀྱིས་བསྡམས་ནས་ནི།། བེང་གི་ཕྱག་རྒྱ་བཅིངས་ནས་ཀྱང་།། རྡོ་རྗེ་གནོན་འགྲོས་གོམ་པ་ཡིས།། ཕྱོགས་དེར་བདུན་དུ ་འགྲོ་བའོ།། ཡབ་ཡུམ་སྔགས་ཀྱིས་བཏབ་ནས་ནི།། བེང་གི་ཕྱག་རྒྱ་དྲག་བསྒྱུར་ནས།། དེས་ནི་མོད་ལ་ལས་རྣམས་འགྲུབ།། ལན་གསུམ་བྱས་ན་ན་བར་འགྱུར།། ལན་ལྔ་བྱས་ན་འཆི་བར་འགྱུར།། ལན་གསུམ་པར ་དུ་དྲིལ་ནས་ནི།། སྙིང་གི་ཕུར་བུ་ཕྱུང་ནས་ནི།། སྤྱི་བོའི་གཙུག་ཏུ་གདབ་པར་བྱ།། ལྕགས་སྣ་ལྔ་ཡི་ཕུར་བུ་ལ།། དབང་དྲག་ལས་རྣམས་གཞུང་བཞིན་བྱ།། དེས་ནི་ངེས་པར་གདོན་མི་ཟ།། མོན་ནམ་རབས་ཆད་ཐོད ་པ་ལ།། ནང་དུ་མ་བདུན་སྙིང་པོ་བྲི།། སྤྱི་གཙུག་ཉི་ཟླ་ཐོད་ཕྲེང་བྲི།། ཆགས་འཛིན་སྤུན་གཉིས་རྣ་ལྟག་གོ།། ཚོན་སྐུད་གཉིས་ཀྱི་མིང་ནས་གདགས།། རཀྵ་རུ་ཏའི་སྔགས་ཀྱིས་གདབ།། བེང་གི་ཕྱག་རྒྱ་གཉིས་བསྒྲིལ ་ཏེ། དྲག་ཏུ་བསྐུལ་ཏེ་འཕངས་ལ་བཏང་།། ལས་རྣམས་འགྲུབ་པར་གདོན་མི་ཟ།། ཞིང་གི་ཤ་ཚིལ་རས་རོས་ཀྱིས།། མ་མོ་རྣམས་ལ་གཏང་རག་གཏོང་།། མྱུར་དུ་བཟློག་ཅིང་བསད་པའི་ལེའུ་སྟེ་ཞེ་བདུན ་པའོ།། །། གཡུང་དྲུང་ལྷ་ཡིས་ཡང་གསོལ་པ།། བསྟན་པ་གཉེན་པོ་འཇིག་བྱེད་ཅིང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། བདག་ལ་སྡང་སེམས་བྱེད་པ ་ལ།། ནན་ཏུར་ལས་རྣམས་ཇི་ལྟར་འཚལ།། ངོ་མཚར་ལྷ་ལ་བདག་ཉན་འཚལ།། ངོ་མཚར་ལྷ་ཡིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ངོ་མཚར་ལྷ་ཡིས་བཀའ་སྩལ་པ།། བསྟན་པ་གཉེན་པོ ་འཇིག་བྱེད་ཅིང་།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་པ།། བདག་ལ་ངན་སེམས་བྱེད་པ་ལ།། ནན་ཏུར་ལས་རྣམས་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། ངས ་བསྟན་པ་ལ་ཐེ་ཚོམ་མེད།། སྲོག་ལུས་རྩ་རྣམས་བསྐམ་པའི་ཕྱིར།། ར་སོག་གྲོ་ག་ཤིང་ཤུན་ནམ།། གཡམ་པ་སྔོན་པོའི་ངོས་དག་ལ།། ཁྱི་དང་ར་ཁྲག་གསོལ་བ་ཡིས།། དགྲ་བོའི་གཟུགས་ནི་བྲིས་ནས་ནི།། ཚེར་མ ་ཅན་གྱི་ཤིང་རྣམས་ལ།། རྫས་ཀྱི་འབྲིག་ཤའི་ཤིང་བུ་ལ།། ར་ཏི་སྨུག་པོའི་ལྕག་འབྲས་བཏགས།། དགྲ་བོའི་གཟུགས་ལ་བརྡེགས་པར་བྱ།། ཡང་ན་ཏི་ཀའི་བ་ཡི་ཤུན་པ་ལ།། ན་ས་འགུ་རུ་ཏ་ཡིས་བྲིས།། མགོ་ལ ་མཁའ་འགྲོ་ལྔ་པོ་ནི།། ཙ་ར་མ་ཏི་ཏ་ཡིས་བྲིས།། ལྟེ་བར་ཆགས་འཛིན་སྤུན་གཉིས་བྲི།། རྐང་པ་གཉིས་ལ་མ་བདུན་བྲིས།། གཡས་པའི་དུམ་བུ་བཞི་པོ་ལ།། ཕུང་བྱེད་སྦས་པའི་མ་བཞི་བྲིས།། གཡོན་པའི་དུམ་བུ ་བཞི་པོ་ལ། ཁྲོས་པའི་དབང་ཆེན་བཞི་པོ་བྲིས།། གསང་བའི་ཡུམ་བཞི་ཀླད་པའི་རྒྱས།། ཉི་ཟླ་ཐོད་ཕྲེང་སྙིང་གི་དཀྱིལ།། ཕྲ་མེན་རྒྱ་མཚོ་མཁལ་མ་ལ།། ཡེ་ཤེས་ཚོགས་ཀྱི་རྗེ་མོ་ནི།། ཕུད་ཀྱི་བདག་མོར་བཞུགས་སུ ་གསོལ།། ཕྱི་མ་སྨན་མོའི་ཚོགས་རྣམས་ནི།། གདུང་རྩིབ་ཁར་དང་ཀོ་རེའོ།། ཨ་ཕྱི་ཆེན་མོ་རྒྱངས་པའོ།། དུས་དྲུག་རྒྱུ་བའི་དགྲ་བོ་ནི།། ཤ་བ་གཉེན་དང་བ་གླང་ངོ་།། འདི་ནི་ནམ་གྱི་གུང་ལ་རྒྱུ།། རྟ་དང་ལུག་ནི་ར ་དང་གསུམ།། དེ་ནི་ཉི་མའི་གུང་ལ་རྒྱུའོ།། རྗེ་ཁོལ་དྲུག་ཅུ་རྩ་བདུན་ནི།། དུས་དྲུག་རྒྱུ་བ་དེ་བཞིན་ནོ།། མྱུར་དུ་བསྒྲལ་བའི་ངན་སྔགས་རྣམས།། གོང་གི་སྔགས་རྣམས་བཟླས་པ་ཡིས།། དགྲ་བོའི་གཟུགས་ལ་བརྡེག ་པར་བྱ།། གཡོན་གྱི་དམེ་ལག་བཅད་ནས་ནི།། རང་གི་དཔྲལ་བའི་དབུས་སུ་བཞག། བདུད་ཀྱི་ཆས་སུ་ཞུགས་ནས་ནི།། སྐྲ་བཤིག་མིག་ནས་མཆི་མ་ཕྱུང་།། དེའི་ཕྱོགས་ཉིད་དུ་བསྟན་པས་ནི།། ང་རོ་དྲག་ཏུ་བསྒྲགས ་ནས་ནི།། གཡས་པའི་ཕྱག་རྒྱ་སྡིགས་མཛུབས་ཀྱིས།། སྔགས་འདི་དྲག་ཏུ་བཟླས་ལ་བརྡེག། སྙིང་ལ་ཟ་བ་རྩིབས་མ་ཤ་ལ་རོལ། ཁྲག་ལ་འཐུང་། ཀང་ཀ་ཤ་ཟན། ཡཾ་ཏཾ་ཕར་ལ་ཏོ། ཤ་ལ་ཀྱི་སྦྱང་། ཀྲང་ཧེ་ཀྲང་ཧེ ་བཛྲ་བྷནྣ། བྷྱོ་རུ་ལུ་རུ་ལུ་ཧཱུཾ་བྷྱོ་ཧཱཾ། ཞེས་བརྡེག་གོ་ཁྲག་སྐེམས་ཀྱི་ལེའུ་སྟེ་ཞེ་བརྒྱད་པའོ།། །། རྩ་བའི་རྒྱུད་རྫོགས་སོ།། @#། རྒྱ་གར་སྐད་དུ། མ་ཧཱ་བོ་དྷི་ཙིཏྟ་གུ་ཧྱ་ཏནྟ། བོད་སྐད་དུ། ་