| Wylie | e-texts produced with BDRC’s OCR application |
ཚིགས་ཞེས་བྱའོ།། མ་མོ་འདུས་པའི་ཏནྟྲ་རྫོགས་སོ།། །། @#།། རྒྱ་གར་སྐད་དུ། མ་ཏཱཾ་ཨ་ལང་བྷ་ར་གུ་ཧྱ་ཏི་ལ་ཀ་ཏནྟྲ། བོད་སྐད་དུ། མ་མོ་སྲིད་པ་ཟླ་གསང་ཐིག་ལེའི་རྒྱུད། དཔལ་རྡོ་རྗེ ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། འོག་མིན་གྱི་གནས་ཁྱབ་གདལ་ཆེན་པོ། བདེ་བ་ཅན་དང་པདྨ་ཅན་དུ་གྲུབ་པ་མོས་པ་ཅན་དུ་སྣང་བར་བྱེད་པ་ན། དེ་བཞིན་གཤེགས ་པ་ཐམས་ཅད་ཀྱིས་བཅོམ་ལྡན་འདས་དཔལ་ཀུན་ཏུ་བཟང་པོ་བླ་མེད་ཧེ་རུ་ཀ་དེ་ནི། ནམ་མཁའ་ཆེན་པོ་མི་གནས་པའི་ཡེ་ཤེས་ཡོངས་སུ་རྫོགས་པར་བྱེད་པའི་རྒྱལ་པོ་དང་། གང་ཡང་མ་འགགས་ཀུན་སྣང་ཆེན་པོ ་དང་། མ་གསུངས་པ་གསུང་བའི་གསུང་བ་ཆེན་པོ་མཛད་པ་དང་། གསང་མཆོག་བདག་པོ་བླང་དོར་མེད་པའི་འདོད་པ་ཀུན་འབྱུང་བ་དང་། འཁོར་བ་འདྲེན་པའི་སངས་རྒྱས་ཆེན་པོ་སྣང་སྲིད་སྟོན་པའི་སྒྲོན་མ་དང་། ་དུས་གསུམ་སོ་སོ་ཐ་མི་དད་དབྱེར་མེད་པར་ཡུམ་ཆེན་མོ་ཉིད་གཞི་མུ་ཁ་ལེ་དང་གཉིས་སུ་མེད་པར་བཞུགས་སོ།། དེ་དག་ཡོངས་སུ་འདུས་པ་ནི། ཡེ་ཤེས་ཉིད་ལས་མི་གཞན་པ། རྟག་པའི་རྒྱལ་མོ་ཆེན་མོ་ལྔ་དང་། ་རིག་པ་སེམས་ལས་བསྐྱེད་པའི་ཁྲོ་མོ་བཅུ་གསུམ་དང་། ཡེ་ཤེས་འཁོར་དུ་བསྡུས་པ་རྗེ་མོ་བཅུ་བཞི་དང་། བྱིན་རླབ་དབང་དུ་བསྡུས་པ་སྨན་མོ་ཉི་ཤུ་རྩ་བདུན་དང་། གཞན་ཡང་ཡེ་ཤེས་ལས་གྲུབ་པ་དང་། ལས་ལས ་གྲུབ་པ་དང་། ཞིང་ལས་སྐྱེས་པ་དང་། སྔགས་ལས་སྐྱེས་པ་དང་། དམ་ལ་གནས་པ་དང་།། བཀའ་ལ་བཏགས་པ་དང་། མོས་པས་འདུལ་བ་དུ་མ་དང་བཅས་པའོ།། དེ་ནས་བཅོམ་ལྡན་འདས་ཡུམ་གྱི་བྷ་ག་ལས ་སྐུ་བཞེངས་ནས་ཞལ་འཛུམ་པ་མཛད་ནས། བྱང་ཆུབ་སེམས་ཀྱི་འོད་ཟེར་འཕྲོས་པས་འཁོར་འདུས་པ་ཐམས་ཅད་ཀྱང་ལ་ལ་ནི་སྐད་ཅིག་ཏུ་དགའ་བ་བཞི་ཉམས་སུ་མྱོང་། ལ་ལ་ནི་ཕྱིའི་གནས་བཞིར ་དགའ་བ་སྐྱེས། ལ་ལ་ནི་ནང་གི་གནས་བཞིར་དགའ་བ་སྐྱེས། ལ་ལ་ནི་རྣམ་རྟོག་སྤང་བའི་དགའ་བས་ལོག་རྟོག་སྤངས། ལ་ལ་ནི་ཆོས་ཉིད་རང་གི་ངོ་བོ་ཉམས་སུ་མྱོང་བའི་དགའ་བས་རྟོགས་པར་ཤར། ཀུན་ཀྱང ་གསང་བ་བླ་ན་མེད་པ་ཟླ་གསང་ཐིག་ལེའི་རྒྱུད་དོན་རྟོགས་པར་གྱུར་པ་ཁོ་ནར་སྤྱོད་ཅིང་གནས་སོ།། དེ་ནས་འཁོར་རྣམས་ཀྱིས་མཆོད་པ་དང་རྫས་དང་ཕྱག་རྒྱ་བསྒྱུར་བ་དང་། སྔགས་དང་དབྱངས་བརྗོད་པ་དང་། ་ཏིང་ངེ་འཛིན་བཟང་པོས་བཅོམ་ལྡན་འདས་ལ་བསྔགས་པ་བརྗོད།། ཕྲ་མེན་རྒྱ་མཚོ་མས་སྣ་དྲངས་ནས་མགྲིན་གཅིག་ཏུ་འདི་སྐད་ཅེས་གསོལ་ཏོ།། ཨེ་མ་ཧོ།། གསང་བ་རྨད་བྱུང་ཡེ་ཤེས་ཆེ།། ཐབས་ཆེན་ཟླ ་གསང་ཐིག་ལེ་འདི།། ཀྱེ་ཧོ་རབ་ཏུ་བརྟག་དཀའ་བ།། དབང་པོ་ཇི་ལྟར་གནས་པ་སྤྱི།། གསང་བ་ཡེ་ཤེས་བགྲོད་པ་ལམ།། རྣམ་པར་མངོན་དུ་གྱུར་པ་ཡི།། ཐིག་ལེ་གསང་བའི་ཐེག་པ་རྣམས།། གསལ་བྱེད་མེ་ལོང ་སྒྲོན་མ་འདི།། ཇི་ལྟར་གནས་པ་ཀྱེ་ཀྱེ་ཤོད།། འདིར་འདུས་མ་འོངས་ཀུན་དོན་དུ།། བླ་འོག་རང་བཞིན་གནས་པ་ཡིས།། རྒྱུད་ཆེན་ཡང་དག་བཤད་དུ་གསོལ།། ཅེས་གསོལ་ཏོ།། དེ་ནས་བཅོམ་ལྡན་འདས་ཀྱིས་འདི ་གསུངས་སོ།། འཁོར་བཅས་ཆོས་ནི་སེམས་སུ་འདུས།། སེམས་ཀྱི་ཆོ་འཕྲུལ་ཅིར་སྣང་ཡང་།། སྣ་ཚོགས་སེམས་ལ་བསྡུ་བའི་ཕྱིར།། སྐལ་དང་ལྡན་པ་ཐུད་ལ་ཉོན།། ཅེས་གསུངས་སོ།། མ་མོ་སྲིད་པའི་ཟླ་གསང་ཐིག ་ལེ་ལས། རྒྱུད་འབྱུང་བའི་རྒྱུ་གླེང་གཞི་དང་། རྐྱེན་གླིང་སློང་བའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཐམས་ཅད་ཡོངས་སུ་འདུས་པ་ལས་ཀུན་འབྱུང་བ་ཞེས་བྱ ་སྟོན་པ་པོ།། སྐུ་གསུམ་རིམ་པར་སྣང་བས་ན།། ཐམས་ཅད་ཀུན་གྱི་སྟོན་པ་མཛད།། ཅེས་གསུངས་སོ།། སྟོན་པ་པོ།། སྐུ་གསུམ་རིམ་པར་སྣང་བས་ན།། ཐམས་ཅད་ཀུན་གྱི་སྟོན་པ་མཛད།། ཅེས་གསུངས་སོ།། བའི་ཏིང ་དེངེ་འཛིན་ལ་སྙོམས་པར་ཞུགས་ཏེ་འདི་གསུངས་སོ།། ཐམས་ཅད་ཆོས་ཀྱི་རང་བཞིན་ནི།། ཡེ་ནས་སངས་རྒྱས་རྣམ་དག་ཅིང་།། ཡེ་ནས་སངས་རྒྱས་བྱང་ཆུབ་སེམས་ཀྱི་རྡོ་རྗེ་སྟེ།། མི་འགྱུར་ཡོངས་སུ་གྲུབ་པ ་ཡིས།། མ་བཅོས་དེ་བཞིན་ཉིད་ཀྱི་ངང་།། ཡེ་ནས་ལྷུན་གྱིས་གྲུབ་པར་གནས།། སྣོད་ཀྱི་ཆོས་རྣམས་རང་བཞིན་ནི།། ཐམས་ཅད་མཉམ་པར་བཀོད་པའི་གནས།། གསང་བ་བས་ཀྱང་ཡང་གསང་ཞིང་།། ཀུན་གཞི ་ཆོས་ཀྱི་ཕོ་བྲང་ལ།། གསང་ཆེན་ཡུམ་གྱི་མཁའ་དག་པ།། ཐིག་ལེ་བརྡལ་བ་ཆེན་པོའི་ཀློང་།། ཡེ་འབྱམས་རྨད་དུ་གྲགས་པའི་གནས།། སྤྲོས་པ་མེད་པའི་གཞལ་ཡས་ཁང་།། ཕྱོགས་བཅུར་རྒྱ་ཡོངས་མ་ཆད ་པའི།། ཆོས་དབྱིངས་ཆེན་པོ་དེ་ཁོ་ན།། དེ་ཉིད་ཁོ་ན་ངེས་པའི་གནས།། རྒྱལ་བ་རྣམས་ཀྱིས་རབ་ཏུ་གསུངས།། བཅུད་ཀྱི་རང་བཞིན་ཆོས་རྣམས་ནི།། སྟོན་པ་ཆོས་ཀྱི་མངའ་བ་རྫོགས།། བཅོམ་ལྡན ་འདས་དེ་བཞིན་ཐམས་ཅད་དཔལ།། ཆེ་བའི་ཡོན་ཏན་ཐམས་ཅད་ལ།། དམས་པའི་སྤྱོད་པས་སྤྱོད་པ་ཡིས།། ཡེ་ཤེས་དེ་ཉིད་ཁོ་ན་ལ།། ཀུན་ནས་ཀུན་ཏུ་བཟང་པོ་ཡིན།། ཐམས་ཅད་ཆོས་སྐུར་སངས་རྒྱས་སོ།། ཞེས ་གསུངས་སོ།། དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་ལ་སྣང་བའི་ཡེ་ཤེས་མི་འགག་པར་ཤར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ།། ཐམས་ཅད་ཡེ་ནས་ས ་ངས་རྒྱས་ཀྱང་།། མུན་པས་བསྒྲིབས་པས་དེ་མ་ཤེས།། སེམས་ཅན་རྒྱུ་ཡང་སངས་རྒྱས་ལ།། སངས་རྒྱས་རྒྱུ་ཡང་སེམས་ཅན་ཡིན།། རིག་པ་སྟོང་པ་ཆོས་སྐུ་ལ།། ཡེ་ཤེས་འོད་གསལ་ཆེན་པོ་གསལ།། དབྱིངས་དང ་ཡེ་ཤེས་ཡབ་ཡུམ་སྦྱོར།། ཆོས་སྐུ་འོད་གསལ་གཉིས་ཀྱི་སྲས།། ལྷན་ཅིག་སྐྱེས་པའི་མ་རིག་པ།། འཇིག་རྟེན་རྒན་མོ་ལོང་མ་འདྲ།། ཀྱེ་ཧོ་ཀུ་ཀུ་ར་ཙ་ནི།། ཡིད་ཀྱིས་ཀུན་ཏུ་འཚོལ་བ་ནི།། མིན་པའི་དོན་ལ་ཡིན་པར ་སེམས།། དེ་ལ་ངེས་པར་འཇོག་པ་དང་།། ལོག་པར་ཡང་དག་གཏན་ལ་འབེབས།། འཇིགས་དགྲས་ཐོ་ལ་མིར་འཛིན་འདྲ།། ལུས་ངག་ཡིད་ཀྱི་དགེ་སྤྱོད་པ།། མཐོ་རིས་གནས་སུ་སྐྱེ་བའི་རྒྱུ།། དེ་ནི་མི་ལྡན་སྡིག་ལ ་གཞོལ།། དེ་ནི་ངན་སོང་འགྲོ་ཞེས་བཤད།། ལ་ལ་ལུང་དུ་མ་བསྟན་པ།། རང་སྐལ་ཙམ་དུ་སྣང་བ་ཡིན།། ཉོན་མོངས་ལྔ་ལ་ཞེན་སྤྱད་པས།། སྔ་ཕྱི་འཁོར་བ་དྲུག་ཏུ་སྐྱེལ།། ལ་ལ་འཇིག་ན་ལ་ལར་ཆགས།། ལ་ལ ་སྟོངས་ན་ལ་ལར་གནས།། ལྷུན་པོ་གླིང་དང་མུ་ཁྱུད་བཅས།། ཤི་བ་མེད་པའི་བཅུད་ཀྱང་གྲུབ།། མཁའ་ལ་འཕྱོ་བའི་གནས་ཀྱང་གསལ།། འོག་ནས་བརྟེན་པའི་གཞི་ཡང་གྲུབ།། སྟོང་ནི་ཆུང་ངུ་ཞེས་བྱ་དང་།། དེ ་བཞིན་སྟོང་གཉིས་པར་མ་དང་།། སྟོང་གསུམ་གྱི་ནི་སྟོང་ཆེན་པོ།། སྣོད་ཅེས་བྱ་བར་རྒྱལ་ལས་བཤད།། དེ་ཡང་ལས་ཀྱི་སྲིད་པ་ལས།། རྫུས་དང་མངལ་ལས་སྐྱེས་པ་དང་།། དྲོད་གཤེར་སྒོ་ང་སོགས་པ་དང་།། འབྱུང ་བ་དར་གུད་མ་སྙོམས་པས།། གཅིག་གི་གཉེན་པོར་གཅིག་མེ་རྒས།། རླུང་མཁྲིས་བད་ཀན་འདུས་པ་ཡིས།། གྲང་དང་ཚ་བའི་ཟུག་རྔུ་ཆེ།། འབྱུང་བ་རྟག་པའི་རྒྱལ་མོ་རྣམས།། ཐིམ་པར ་ཡུམ་ཆེན་དང་དུ་རྫོགས།། མ་རིག་ཆེན་པོའི་རྫིར་གྱུར་པ།། རྣམ་ཤེས་རྟེན་དང་བྲལ་བ་ཡིན།། དེ་མིན་སྡུག་བསྔལ་གསུམ་བརྒྱད་སྤྱོད།། དྲུག་གི་ལས་བསྐལ་བརྗོད་མི་ལང་།། དེ་ནས་བཅོམ་ལྡན་འདས་ཀྱིས་ཐུགས ་རྗེ་ཆེན་པོ་ཡེ་ཤེས་དག་པའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་གསུངས་སོ།། མ་བསགས་ཚོགས་གཉིས་རབ་རྫོགས་པས།། དགེ་བའི་སྟོབས་ལ་ཟད་འཕེལ་མེད།། མ་བསལ་སྒྲིབ་གཉིས་རང་དག ་པས།། སྒྲིབ་པར་གྱུར་པ་ཐམས་ཅད་དག། མ་སྦྱངས་ཐམས་ཅད་མཁྱེན་གྲོལ་བས།། ཡོན་ཏན་ཐམས་ཅད་ལྷུན་གྲུབ་རྫོགས།། དེ་ནི་སྐྱེ་དང་འཇིག་པ་མེད།། དེས་ན་མྱ་ངན་འདས་པ་ཡིན།། ངོ་བོ་དག་པ ་ཆོས་ཀྱི་སྐུ།། རང་བཞིན་ལོངས་སྤྱོད་རྫོགས་པ་ཆེ།། མཛད་པ་སྤྲུལ་པའི་སྐུར་བྱུང་བས།། སྐུ་གསུམ་འདུ་འབྲལ་མེད་པ་ཡིན།། སངས་རྒྱས་ཀུན་གྱི་ངོ་བོ་ཉིད།། དེ་བཞིན་གཤེགས་པའི་སྟོན་པ་ཡིན།། རྫོགས་སངས ་རྒྱལ་བ་རིགས་ལྔ་ནི།། བྱང་ཆུབ་སེམས་དཔའི་འཁོར་དང་ལྡན།། སྤྲུལ་པ་གྲངས་མེད་སྣ་ཚོགས་ནི།། འགྲོ་བའི་བླ་མ་མོ་སྲིད་པའི་རྒྱུད་ལུང་ཟླ་གསང་ཐིག་ལེ་ལས་འཁོར་འདས་སྤྱིའི་གནས་ལུགས་དང་། མ་རྟོགས་འཁྲུལ ་པའི་གནས་ལུགས་དང་། རྟོགས་ལྡན་སངས་རྒྱས་ཀྱི་གནས་ལུགས་བསྟན་པ་སྟེ་ལེའུ་གཉིས་པའོ།། །། དེ་ནས་བཅོམ་ལྡན་འདས་ཀྱིས་ཐུགས་རྗེ་ཆེན་པོ་རྒྱུན་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས ་པར་ཞུགས་ཏེ། ལོག་རྟོག་ཉིད་ཀྱང་བྱང་ཆུབ་སེམས།། སངས་རྒྱས་ཉིད་ལས་མི་གཞན་ཕྱིར།། དུས་དང་གནས་སྐབས་ཐམས་ཅད་དུ།། ཆུ་བོ་ལྟ་བུར་ཆད་པ་མེད།། ཐུགས་རྗེའི་ཉི་མ་ཀུན་ལ་སྙོམས།། མེ་ཤེལ་དག ་ལ་བརྟེན་ནས་ནི།། རྟེན་འབྲེལ་འཛོམ་ན་མེ་དུ་སྣང་།། ཆུ་ཤེལ་དག་ལས་ཆུ་འབྱུང་བ།། དེ་བཞིན་སྔོན་དང་དེ་རྗེས་འཇུག། བྱད་དང་མེ་ལོང་བཞིན་དུ་གཟིགས།། བླང་དོར་མེད་པའི་མཛད་སྤྱོད་ནི།། ཡུལ་དང ་ཡུལ་ཅན་ཀུན་ལས་གྲོལ།། གཟུང་འཛིན་ཆོས་ལ་མི་གནས་ཡང་།། རང་སེམས་དག་པའི་བསོད་ནམས་ཡིན།། དེ་ནས་བཅོམ་ལྡན་འདས་ཀྱིས་ཐེག་པ་ཐམས་ཅད་རབ་ཏུ་གསལ་བ་ཞེས་བྱ་བ་འདི་གསུངས་སོ།། ་ཉོན་མོངས་སྟོང་ཕྲག་བརྒྱ་ཅུ་ཡི།། གཉེན་པོར་ཆོས་ཀྱི་སྒོ་མོ་སྤྲོ།། ཆོས་དང་གང་ཟག་བདག་གཉིས་ཀྱང་།། དེ་ལ་སྡེ་སྣོད་རྣམ་གསུམ་སྤྲོ།། ཉོན་མོངས་ལྔ་ལ་ཞེན་པ་ཡང་།། ཉོན་མོངས་ལམ་སློང་གསང ་སྔགས་སྤྲོ།། མོས་པ་ཆུང་ངུའི་དོན་ཆེད་དུ།། སྦྱངས་པའི་ཡོན་ཏན[:]བཅུ་གཉིས་དང་།། གང་ཟག་ཆོས་ལ་བདག་བལྟ་ཞིང་།། རྩ་བ་ཡན་ལག་ཚུལ་ཁྲིམས་བསྲུང་།། ལུས་ངག་ཡིད་གསུམ་དགེ ་བཅུ་སྤྱོད།། བདེན་པ་བཞི་ཡི་དོན་བསྒྲུབས་ནས།། འབྲས་བུ་རྣམ་བཞི་བསྒྲུབ་པར་འདོད།། དམིགས་པ་ཕྲ་བ་འདུལ་དོན་དུ།། འབྲེལ་ཅིང་འབྱུང་བ་རྟེན་འབྲེལ་སྐོར།། གང་ཟག་ཆོས་ལ་ཕྱོགས་གཅིག་རྟོགས།། རང ་གོམས་ཤུགས་ཀྱིས་དཀའ་ཐུབ་སྲུང་།། རྫུ་འཕྲུལ་ལུས་ཀྱིས་འགྲོ་དོན་སྤྱོད།། དགེ་བཤེས་མི་ལྟོས་མངོན་གོམས་བསྒྲུབས།། ནེ་ཚོ་བསེ་རུ་ལྟ་བུར་གནས།། ཟབ་ཅིང་རྒྱ་ཆེ་འདུལ་བ་ནི།། བདེན་པ་གཉིས་ཀྱི་སྒོར ་ཞུགས་ནས།། གང་ཟག་ཆོས་ལ་བདག་མེད་ཅིང་།། བྱང་ཆུབ་སེམས་ལྡན་བསླབ་པ་བསྲུང་།། ཚད་མེད་བསྡུ་བའི་དངོས་པོ་སྤྱོད།། ཕ་རོལ་ཕྱིན་བཅུ་སྒྲུབ་པར་ལྡན།། ས་བཅུ་བགྲོད་ནས་སངས་རྒྱས་གནས།། བྱ་སྤྱོད ་འདུལ་བའི་དོན་ཆེད་དུ།། གོམས་གྱུར་སྒོམ་ལུགས་བྱིན་རླབས་སྐོར།། དོན་རྟགས་བྱིན་བརླབས་རྗེ་ཁོལ་ཚུལ།། རང་གི་རྩ་བ་ཡན་ལག་བསྲུང་།། ཕྲིན་ལས་ཁྲུས་དང་གཙང་སྦྲ་སྤྱོད།། དག་པ་གསུམ ་དང་ལྡན་པར་བསྒྲུབས།། རིགས་གསུམ་མགོན་པོའི་ས་ལ་འགྲོ།། མཉམ་པས་འདུལ་བའི་དོན་ཁྱེད་དུ།། འཇུག་པའི་སྒོ་ཚུལ་སྤྱོད་པ་ནི།། བྱ་བའི་རྒྱུད་དང་མཐུན་པར་བྱེད།། ལྟ་བ་སྒྲུབ་ཐབས་འབྲས་བུ་ནི།། རྣལ ་འབྱོར་རྒྱུད་ཀྱི་རྗེས་སུ་བསྒྲུབས།། གཉི་གའི་རྒྱུད་ཅེས་གྲགས་པར་བཤད།། རིགས་བཞི་རྡོ་རྗེ་འཆང་སར་གནས།། ཟབ་མོས་འདུལ་བའི་དོན་ཆེད་དུ།། མངོན་པར་བྱང་ཆུབ་ལྔ་ཡི་སྒོར།། དོན་རྟོགས་ཀུན་རྫོབ ་གྲོགས་པོར་བལྟ།། སྤྱི་དང་ཁྱད་པར་དམ་ཚིག་བསྲུང་།། ཕྲིན་ལས་བཞི་ལ་ཏིང་ངེས་སྤྱོད།། ཕྱག་རྒྱ་བཞི་དང་ལྡན་པར་བསྒྲུབས།། རིགས་ལྔའི་སངས་རྒྱས་འགྲུབ་པར་འདོད།། ཚོགས་ཀྱི་སྒྲུབ་པས་འདུལ་དོན ་དུ།། ཏིང་འཛིན་རྣམ་གསུམ་སྒོར་ཞུགས་ནས།། དབྱེར་མེད་སྐྱེ་འགག་མེད་པར་བལྟ།། རྩ་བ་ལྔ་སོགས་ཡན་ལག་བཅས།། སྒྲོལ་དང་སྦྱོར་ལ་རབ་ཏུ་བརྩོན།། ཐབས་ཤེས་གཉིས་མེད་བསྙེན་བསྒྲུབ་བཞི།། ཡི་གེ ་འཁོར་ལོ་ཚོགས་ཆེན་པོ།། མཉམ་པའི་སྤྱོད་པས་འདུལ་དོན་དུ།། ཡོངས་རྫོགས་ཏིང་འཛིན་སྒོར་ཞུགས་ནས།། དབྱིངས་དང་ཡེ་ཤེས་ཡབ་སྲས་ལྷ།། སྤྱི་དང་ཁྱད་པར་ལྷག་པ་བསྲུང་།། མཚན་མ་སྤྱོད་མེད་སྣོད་བཅུད ་མེད།། མ་སྐྱེས་བརྗོད་པའི་ཚུལ་དུ་བསྒྲུབས།། པདྨ་ཅན་གྱི་ས་ལ་འགྲོ།། ཞེས་གསུངས་སོ།། མ་མོའི་རྒྱུད་ལུང་ཟླ་གསང་ཐིག་ལེའི་རྒྱུད་ལས། ཐུགས་རྗེས་གཟིགས་པ་དང་ཐེག་པ་སོ་སོའི་གནས་ཚུལ་བསྟན་པའི ་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་ཡུམ་གྱི་མཁའ་ལས་ཤར་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ།། ཡང་དག་ཡེ་ཤེས་དེ་ཉིད ་ལྡན།། མཚན་དང་དཔེ་བྱད་རྒྱན་འོད་ལྡན།། འགྲོ་ཀུན་དོན་མཐུན་བྱེད་པའོ།། དེ་ནི་སྐུ་གསུམ་ཞེས་སུ་བཤད།། ཀུན་གཞི་སྦྱང་དང་ཉོན་ཡིད་སྦྱང་།། སྒོ་ལྔ་སྦྱང་དང་རྣམ་པ་ཡིན།། དེ་ནི་དེ་རྒྱུ་གྱུར་ཞེས་བྱ།། རང ་བཞིན་དག་དང་ཡེ་ཤེས་དག། ཏིང་ངེ་འཛིན་དང་གསུམ་ཡིན་ནོ།། དེ་ནི་དག་པ་ཞེས་སུ་བྱ།། ལས་སྒྲིབ་བྱང་བ་སྤྲུལ་པ་སྟེ།། ཉོན་མོངས་སྒྲིབ་བྱང་ལོངས་སྤྱོད་རྫོགས།། ཤེས་བྱ་དག་པ་ཆོས་ཀྱི་སྐུ།། དེ་ནི་སྒྲིབ་པ་བྱང ་བའི་རིམ།། དང་པོ་མ་ནོར་ཡང་དག་སྨྲ།། སྐུ་གཉིས་ཀྱི་ནི་གཞི་ཡིན་ནོ།། སྐུ་གཉིས་བཏགས་པ་ཙམ་ཡིན་ཏེ།། དེ་ཉིད་མིན་པའི་སྐུ་མེད་དོ།། ཆོས་ཀྱི་སྐུ་ཡི་གཟུགས་བརྙན་ཡིན།། དཔེར་ན་མེ་ལོང་ཆུ་ཟླ་བཞིན།། སྲ ་གསུམ་ལྷུན་གྲུབ་ཅེས་ཀྱང་བྱ།། དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་ཡུམ་གྱི་མཁའ་ལ་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ།། ཀུན་གཞི་རིན་ཆེན་གཞོང་པ ་རུ།། ཉོན་མོངས་གོམས་པའི་ཡིད་བྱུང་བ།། གོས་པ་མེད་པའི་ཡིད་གནས་ཏེ།། འཛིན་པ་བརྡའ་སྦྱོར་སྒོ་ལྔ་ལས།། ཆོས་དབྱིངས་མེ་ལོང་མཉམ་པ་ཉིད།། སོ་སོར་བྱ་གྲུབ་ཡེ་ཤེས་ལྔ།། ཡུམ་གྱི་མཁའ་ལ ་སྐུ་ཤར་བས།། ཞལ་གྱི་ནང་དུ་གཟུགས་སུ་གྲུབ།། ཐུགས་ལ་ཡེ་ཤེས་རྣམ་ལྔ་ཤར།། དེ་ཕྱིར་ཡུམ་དུ་བཤད་པ་མཛད།། ཅེས་གསུངས་སོ།། མ་མོ་རྒྱུད་ལུང་ཟླ་གསང་ཐིག་ལེའི་རྒྱུད་ལས་སྐུ་གསུམ་དང་ཡེ་ཤེས་ལྔ ་བསྟན་པ་སྟེ་ལེའུ་བཞི་པའོ།། །། དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་ཀྱི་ལམ་ཡོངས་སུ་གསལ་བའི་ཏིང་ངེ་འཛིན་ལ་གནས་ཏེ་འདི་གསུངས་སོ།། ཕུན་སུམ་ཚོགས་པ་ཞེས་བྱ་བ།། བཀྲ་ཤིས་ཡིད ་འཐད་གཞུང་མཐུན་པར།། སྟོན་པ་འཁོར་དང་ཡོ་བྱད་རྫས།། དུས་དང་བཅས་པ་ལྡན་ནས་ནི།། ས་ཡི་བྱ་བ་ཀུན་ཏུ་ཟིན།། དཀྱིལ་འཁོར་བཞེད་དང་ཆག་ཆག་གདབ།། ཐིག་དང་ཚོན་དང་བྲི་བ་རྣམས།། ཆོ་ག་ཡན ་ལག་ཚང་བ་དང་།། རྒྱལ་ཆེན་བཞི་དང་ཁྲོ་བོ་ཡིས།། ཕྱོགས་མཚམས་ཕུར་པས་གདབ་པ་དང་།། མགོན་པོ་མཆོད་དང་ཕྱོགས་གཏོར་བཏང་།། བགེགས་ལ་སོགས་པ་ཞི་བ་དང་།། སྭཙྪ་མདོ་འདོན་སྲོག་སྐྱོབ ་ཅིང་།། བསྐང་བཤགས་དམ་སྲི་སྒོ་བྱང་རྣམས།། ཚོགས་ཀྱི་ལམ་དུ་བཤད་པ་ཡིན།། དཀྱིལ་འཁོར་སྟེང་དུ་དམ་རྫས་དགོད།། གནས་ཁང་རྣལ་འབྱོར་མཆོད་པའི་རྫས།། བྱིན་བརླབ་ནང་མཚམས་བཅད་པ ་དང་།། ཏིང་འཛིན་གསུམ་དང་འབྱུང་བ་རིམ།། གཞལ་ཡས་གདན་དང་བཅས་པ་ལ།། རྗེ་མོ་བཅུ་བཞི་བཏིང་བ་ནི།། སྦྱོར་བའི་ལམ་ཞེས་བཤད་པ་ཡིན།། ཆོ་ག་གསུམ་ལས་ཡབ་ཡུམ་སྐུ།། བརྡས་བསྐུལ་མཁའ ་བརླབ་སྦྱོར་བ་བྱ།། བྱང་སེམས་སྤྲོ་བསྡུས་རྒྱལ་མོ་ལྔ།། སྐུ་བསྐྱེད་སྤྱན་དྲང་བསྟིམ་པ་དང་།། སྤྲུལ་པའི་ཁྲོ་མོས་སྨན་མོ་དགུག། དམ་བཏགས་མནའ་བོར་དལ་དུ་བཀོད།། ཕྲིན་ལས་བཅོལ་བའི་གཉེར་གཏད ་པ།། བསྒོམ་པའི་ལམ་དུ་བཤད་པ་ཡིན།། ཚོགས་ཀྱི་ཕུད་ཀྱིས་མ་མོ་མཆོད།། ལྷག་མ་སྨན་མོའི་ཚོགས་ལ་དབུལ།། ཚོགས་དང་ལྷག་མ་ལ་སོགས་ཏེ།། ལྷག་ཕུད་བསྲེས་ལ་ཕྲིན་ལས་བཅོལ།། ཏིང་འཛིན་བསར་ལ ་བཟླས་པ་བྱ།། རྟགས་དང་མཚན་མ་མཐོང་བ་དང་།། བཟླས་པ་ཐེམ་པར་གྱུར་པ་ནི།། མཐོང་བའི་ལམ་དུ་བཤད་པ་ཡིན།། བསྙེན་པ་ཐེམ་པར་གྱུར་པ་དང་།། རང་གི་འདོད་པའི་དངོས་གྲུབ་བླང་།། སློབ་མའི་ཚོགས ་ལ་དབང་བསྐུར་བ།། བྱ་བའི་ལས་རྣམས་གྲུབ་པ་ནི།། མཐར་ཕྱིན་པ་ཡི་ལམ་དུ་བཤད།། དེ་ཡི་དོན་རྣམས་ཡོངས་རྫོགས་པ།། རིག་འཛིན་ས་ལ་བགྲོད་པའམ།། ཡང་ན་སངས་རྒྱས་ས་ལ་འགྲོ།། བཅུ་གསུམ་ས་ལ ་གནས་པའོ།། ཞེས་གསུངས་སོ།། མ་མོའི་རྒྱུད་ལུང་གསང་བའི་ཐིག་ལེ་ལས། ལམ་ལྔ་མཐར་ཕྱིན་པར་བསྟན་པའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་འཁོར་བ་རྣམ་པར་དག་པར་སྦྱོང་བ་ཞེས་བྱ ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་གསུངས་སོ།། འབྱུང་བ་ས་ཡི་དྲངས་མ་ནི།། རྡོ་རྗེ་རིགས་ཀྱི་མཁའ་འགྲོ་མ།། རྣམ་སྣང་གསལ་དུ་མྱ་ངན་འདས།། ས་ཞེས་རྟག་ཙམ་མིང་གིས ་སྟོང་།། ཆུ་ནི་པདྨའི་རིགས་ཡིན་ཏེ།། གཉེན་གསལ་མྱང་འདས་མིང་གིས་སྟོང་།། མེ་ནི་རིན་ཆེན་རིགས་སུ་བཤད།། མྱ་ངན་འདས་སྟོང་འོད་གསལ་འབར།། རླུང་ནི་ལས་ཀྱི་མ་མོ་ཆེ།། ཡང་གསལ་འདས་སྟོང་རྟག ་ཙམ་བྲལ།། ནམ་མཁའ་ཀུན་གྱི་གནས་གྱུར་མ།། བདེ་གཤེགས་ཡུམ་ཆེན་བཀྲག་གསལ་མཉམ།། འབྱུང་ལྔའི་མཁའ་འགྲོ་འདི་ལྔ་ཡང་།། མིང་ནི་རྟག་པའི་རྒྱལ་མོ་ལྔ།། དབང་ནི་འབྱུང་བ་ལྔ་ལ་མཛད།། ལས་ནི ་འཁོར་དང་ཐམས་ཅད་འགྲུབ།། སེམས་ཅན་ཐམས་ཅད་སྐྱེས་པར་མཛད།། སངས་རྒྱས་ཐམས་ཅད་བཞུགས་པར་མཛད།། ཐེག་ཆེན་ས་ནི་ངང་གིས་དག། ཞི་གནས་ཆུ་ནི་ཏིང་ངེ་འཛིན།། ལྷག་མཐོང་མེ་ནི་ངེས་ཤེས ་སྐྱེ།། གཡོ་འཛིན་རླུང་ནི་ལས་ཀུན་བྱེད།། ཡེ་ཤེས་ནམ་མཁའ་རྒས་གུད་སྟོངས།། འབྱུང་བ་ལྔ་དང་སྟོང་པ་ཉིད།། ནམ་མཁའ་དབྱིངས་ཀྱི་དཀྱིལ་གནས་པར།། རྡོ་རྗེ་མཁའ་འགྲོ་བསྒོམ་པར་བྱ།། རྡོ་རྗེ་འཁྲིགས་པའི ་འོད་ཟེར་གྱིས།། ཞེ་སྡང་དམྱལ་ཁམས་བཅོ་བརྒྱད་སྦྱངས།། ནམ་མཁའི་དབྱིངས་ཀྱི་དཀྱིལ་གནས་པར།། རིན་ཆེན་མཁའ་འགྲོ་བསྒོམ་པར་བྱ།། རིན་ཆེན་འབར་བའི་འཕྲོ་འདུ་ཡིས།། ཡི་དྭགས་སྒྲིབ་པ་སྦྱང་བར ་བྱ།། ནམ་མཁའ་དབྱིངས་ཀྱི་དཀྱིལ་གནས་པར།། པདྨའི་མཁའ་འགྲོ་བསྒོམ་པར་བྱ།། པདྨ་འབར་བའི་འོད་ཟེར་གྱིས།། འདོད་ཆགས་མི་ཡི་གནས་རྣམས་སྦྱངས།། ནམ་མཁའ་དབྱིངས་ཀྱི་དཀྱིལ་གནས་པ།། ལས ་ཀྱི་མཁའ་འགྲོ་བསྒོམ་པར་བྱ།། རྡོ་རྗེ་རྒྱ་གྲམ་འཕྲོ་འདུ་ཡིས།། ང་རྒྱལ་ཕྲག་དོག་ལྷ་མིན་སྦྱངས།། ནམ་མཁའ་དབྱིངས་ཀྱི་དབུས་གནས་པར།། དེ་བཞིན་མཁའ་འགྲོ་བསྒོམ་པར་བྱ།། འཁོར་ལོའི་འོད་ཟེར་འབར ་འཕྲོས་པས།། གཏི་མུག་བྱོལ་སོང་རིགས་རྣམས་སྦྱངས།། ལྷ་ཀླུ་མི་ལས་སྐྱེས་པ་ཡི།། བུ་མོ་རབ་ཏུ་མཛེས་པ་ནི།། པད་ཅན་དུང་ཅན་གླང་སྣ་ཅན།། རི་དྭགས་ཅན་དང་རི་མོ་ཅན།། བྱིན་བརླབ་དབང་བསྐུར་མཉམ ་འདོད་པས།། རླུང་དང་ཤེས་པ་ཏིང་འཛིན་གྱིས།། བདེ་བ་ཆེན་པོ་སྐྱེད་བྱེད་པ།། བཅུ་དྲུག་དྭངས་ཤེས་ཏིང་འཛིན་གྱིས།། བདེ་བ་ཆེན་པོ་སྐྱེད་བྱེད་པ།། བཅུ་དྲུག་དགའ་བ་མྱོང་བར་བྱ།། ཡོན་ཏན་ནམ་མཁའི་མཐའ ་དང་མཉམ།། བུད་མེད་རིགས་ཀྱི་དངོས་གྲུབ་འདིས།། མཁའ་འགྲོ་སྤྱོད་པའི་གནས་སུ་འགྲོ།། གསང་སྔགས་གསང་བའི་མཛད་སྤྱོད་ནི།། ཐབས་ཆེན་ཟླ་གསང་ཐིག་ལེ་ཡིན།། མ་མོ་སྲིད་པའི་ཟླ་གསང་ཐིག་ལེའི ་རྒྱུད་ལས། མ་མོའི་རང་བཞིན་དབྱིངས་སུ་བསྟན་དང་འཕྲོ་མོའི་ཏིང་ངེས་འགྲོ་དྲུག་སྦྱང་བ་དང་། ཆགས་པའི་དགའ་བས་སངས་རྒྱས་པར་འགྲོ་བ་སྟེ་ལེའུ་དྲུག་པའོ།། །། དེ་ནས་བཅོམ་ལྡན་འདས་ཀྱིས་རྒྱུད ་ཀྱི་དོན་ཡོངས་སུ་བསྡུ་བའི་ཏིང་ངེ་འཛིན་ལ་སྙོམས་པར་ཞུགས་པ་འདི་གསུངས་སོ།། སྣང་བ་ངོ་བོ་ཉིད་ཀྱིས་སྟོང་།། སྟོང་ཞིང་གསལ་བའི་རིག་པ་ཉིད།། རང་རིག་མ་མོའི་ངང་དུ་གྲོལ།། དེ་ནི་ཆོས་ཀྱི་སྐུ ་རུ་འདོད།། དེ་ལྟར་རྟོགས་ན་མ་མོ་ཡིན།། དམན་པའི་སྤྱོད་པ་ཡོངས་མི་སྤོང་།། ཡང་དག་དོན་ལ་སྨད་པ་མིན།། ལུས་ངག་སྤྱོད་པ་མཐོ་དམན་རྣམས།། ཇི་ལྟར་མཐུན་པར་སྤྱོད་པ་ཡིན།། རང་བཞིན་དཀྱིལ་འཁོར ་ཆེན་པོ་ནས།། གཟུགས་བརྙན་དལ་དུ་སྤྱན་འདྲེན་ཅིང་།། དཀྱིལ་འཁོར་ཏིང་འཛིན་སྒྲུབ་པ་ནི།། དེ་ནི་མ་མོའི་དཀྱིལ་འཁོར་ཡིན།། བུམ་དབང་རྡུལ་ཚོན་དལ་དུ་བསྐུར།། རིག་པའི་དབང་ལྔ་རྫོགས་པར་བྱ།། གསང ་དང་ཤེས་རབ་བདེ་ཆེན་པོ།། རྫོགས་པར་བསྐུར་བ་མ་མོའི་དབང་།། ཡན་ལག་ཉི་ཤུ་རྩ་ལྔ་པ།། སྐྱོན་མེད་བསྲུང་དང་ཉམས་ན་བཤགས།། རང་གི་སྲོག་ལྟར་མི་གཏོང་བ།། དེ་ནི་མ་མོའི་དམ་ཚིག་ཡིན།། ཞི་རྒྱས ་དབང་དྲག་བདག་གཞན་དོན།། དེ་སྤྱོད་མ་མོའི་ཕྲིན་ལས་ཡིན།། བསྙེན་པས་ཡེ་ཤེས་མ་མོ་ལ།། བསྒྲུབ་པས་ལས་ཀྱི་མ་མོ་འཁོལ།། མཆོག་ཏུ་ཐུན་མོང་ཐོབ་པ་ནི།། དེ་ནི་མ་མོའི་སྒྲུབ་པ་ཡིན།། ཅེས་གསུངས ་སོ།། མ་མོ་སྲིད་པའི་རྒྱུད་ལུང་ཟླ་གསང་ཐིག་ལེའི་རྒྱུད་ལས།། རྒྱུད་ཀྱི་དངོས་པོ་བདུན་གྱི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་ཀྱིས་བགྲོད་པ་ཐམས་ཅད་ཡོངས་སུ་གསལ་བའི་ཏིང་ངེ་འཛིན་ལ ་སྙོམས་པར་ཞུགས་ནས་འདི་གསུངས་སོ།། འཆར་ནུབ་རྣམ་རྟོག་རྣལ་འབྱོར་རྩ།། སྐྱེ་འགག་ཡེ་ཤེས་དངོས་གྲུབ་གནས།། རྒྱུ་ནི་ཡིད་ལས་བྱུང་བ་ལས།། དེ་ཡི་བདག་པོ་བསལ་བར་བྱ།། མདུན་དུ་ཡུལ་ལ་དམིགས ་པ་ནི།། བག་ཆགས་དེ་མ་ཐག་པ་འདྲེས།། རྩ་ནང་ལྷ་མོ་རབ་ཏུ་སད།། སྣང་མཆེད་ཐོབ་པས་ཉེར་གནས་པས།། ཡུལ་དྲུག་ལ་ནི་རྣམ་པར་སྤྱོད།། ཡེ་ཤེས་སྣང་བ་འཆར་བའོ།། ནུབ་པ་དེ་དག་ཞན་པ་ལ།། འོད་ཟེར་ད ་ང་ནི་འོད་འཕེལ་དང་།། གཟི་བརྗིད་མ་ནི་གསལ་བ་དང་།། འབར་མ་འོད་ཅན་དམིགས་སོགས་རྟེན།། མུན་སེལ་དང་ནི་འོད་མ་དང་།། སྣང་བ་མ་དང་གསལ་མཛེས་མ།། གསལ་བྱེད་མ་དང་འོད་འདུ་མ།། ཉི་མར ་གསལ་དྲུག་གཟུགས་སོགས་སྤྱོད།། བཅུ་གཉིས་ཡུལ་ལ་ཞེན་པ་ལོག། ཡིད་ལ་བྱེད་པ་རང་ལ་ཞེན།། དབང་པོ་སྙིང་དཀྱིལ་ཧཱུཾ་རིང་ལ།། སངས་རྒྱས་ཉི་མའི་གྲོང་ཁྱེར་དུ།། གཟུང་འཛིན་བྲལ་བའི་རང ་རིག་ཉིད།། ངང་གིས་མ་བཅོས་ཡེ་གནས་ཕྱིར།། ཡོངས་ཀྱི་འོད་ཀྱིས་རབ་ཏུ་གསལ།། ཉི་མའི་སྙིང་པོ་ལྟར་གྱུར་པས།། འཆར་ནུབ་ཡེ་ཤེས་ཆེན་པོ་སྟེ།། དབྱིངས་དང་ཡེ་ཤེས་གཉིས་མེད་པས།། སྣང་སྲིད་རྣམ ་དག་དང་དུ་ཤེས།། ཕྱི་ནང་གཟུང་འཛིན་བགེགས་ཡིན་པས།། པགས་པ་རྡོ་རྗེ་བ[:]སྥུ་མེ།། ལུས་ངག་ཡིད་ཀྱིས་ལས་བྱས་པས།། སྒྲིབ་པ་བྱང་བ་བཤགས་བདག་སེམས།། ཐམས་ཅད ་རྟེན་འབྲེལ་ཆེ་བར་གནས།། དེ་ཕྱིར་བདུད་རྩི་རཀྟ་བཤམ།། ཆོས་རྣམས་སྟོང་པ་ཉིད་ལས་བྱུང་།། དེ་ཕྱིར་དང་པོ་དེ་བཞིན་ཉིད།། ནང་དུ་སྟོང་པའི་རྩིས་ཟིན་ན།། ཕྱི་རོལ་སྙིང་རྗེ་ཡོངས་ལ ་འཆར།། དོན་མཛད་རང་སེམས་སྣང་བ་སྟེ།། དེ་ཕྱིར་རྒྱུ་ཡི་ཡི་གེ་གསལ།། སྦྱང་བྱ་སྣོད་ཀྱི་འཇིག་རྟེན་པས།། སྦྱོང་བྱེད་རིམ་པ་འབྱུང་བར་བརྩེགས།། བཞུགས་གནས་ཆོས་ཀྱི་དབྱིངས་ཡིན་པས།། མ ་བསྒྲུབས་ཕོ་བྲང་གཞལ་ཡས་བསྐྱེད།། བག་ཆགས་སྒྲིབ་སྦྱོང་དབང་སྡུད་ཕྱིར།། མཁའ་འགྲོ་བཅུ་བཞི་གདན་དུ་གདིང་།། རྒྱུད་དང་དཀྱིལ་འཁོར་ཀུན་བྱེད་པས།། བླ་མེད་མུ་ཀ་ཡབ་ཡུམ་རོལ།། ཐམས་ཅད ་ཆགས་པས་རང་བསྐྱེད་པས།། དགའ་དང་རབ་དགའ་བྲལ་བའི་དགའ།། ལྷན་ཅིག་སྐྱེས་པས་འཁོར་འདས་ཀུན།། སྒྲིབ་སྦྱངས་ཐུགས་བསྐུལ་མཁའ་འགྲོའི་རྒྱུ།། ཐིག་ལེ་འབར་བའི་ས་བོན་ལས།། རང་རིག ་འབྱུང་བ་ཉིད་དུ་སྐྱེ།། ནམ་མཁའི་མཁའ་འགྲོ་བཀྲག་གསལ་མཉམ།། ས་ཡི་མཁའ་འགྲོ་རྣམ་སྣང་གསལ།། མེ་ཡི་མཁའ་འགྲོ་འོད་གསལ་འབར།། ཆུ་ཡི་མཁའ་འགྲོ་གཉེན་གསལ་མ།། རླུང་གི་མཁའ་འགྲོ་ཡང ་གསལ་གཡོས།། སྐྱེ་འགྲོ་རྩི་ཤིང་ནགས་ཚལ་དང་།། འབྱུང་བ་ལྔ་ལས་འཁོར་འདས་གྲུབ།། སྐུ་གསུམ་དབང་མཛད་རྒྱལ་པོ་ལྔ།། སྤྱན་དྲང་མཆོད་བསྟོད་བཟླས་པ་ཡིས།། ཐུགས་ལས་སྤྲུལ་པའི་ཁྲོ་མོ་ནི།། བཅུ ་གསུམ་འཕྲོས་པས་མ་མོ་བཀུག། དབང་བསྡུས་དམ་བཏགས་དཀྱིལ་འཁོར་དུ།། ཉི་ཤུ་རྩ་བདུན་ལས་ལ་འགྱེད།། དྲོད་དང་རྟགས་དང་མཚན་མ་ཡིས།། ཐུན་མོང་མཆོག་གི་དངོས་གྲུབ་ཀུན།། སྐུ་གསུང་ཐུགས ་ལ་ཐིམ་གྱུར་ན།། བུམ་པ་རྣམ་སྣང་ཆུ་ཡི་དབང་།། ཅོད་པན་འོད་གསལ་མཉམ་པ་ཉིད།། རྡོ་རྗེ་གཉེན་གསལ་འདོད་ཆགས་དག། དྲིལ་བུ་ཡང་གསལ་རླུང་གི་རྒྱུ།། རྡོ་རྗེ་མིང་ནི་བཀྲག་གསལ་དྲན།། ཀུན་འདུས ་མུ་ཀ་བླ་མེད་སྐྱེད།། འདིར་སྦྱང་བར་མ་དོར་དྲན་པས།། རིག་པ་འཛིན་ནམ་གང་མོས་སམ།། སངས་རྒྱས་ཐམས་ཅད་ཐོབ་པ་ཡིན།། གྲོལ་བའི་ལམ་དུ་བརྗོད་པ་སྟེ།། རྣལ་འབྱོར་ཀུན་གྱིས་བསྒོམ ་པར་བྱ།། ཆགས་པས་ཆགས་པ་གྲོལ་བྱེད་པ།། ལུས་ཀྱི་གཡས་གཡོན་དབུས་གནས་པ།། གཟུང་འཛིན་མེད་པའི་དངོས་པོ་སྟེ།། འདོད་ཆགས་ཞེ་སྡང་གཏི་མུག་དང་།། རླུང་དང་མཁྲིས་པ་བད་ཀན་དང་།། ཉིན་མོ ་མཚན་མོ་མཚམས་ཀྱི་ཆ།། འདོད་གཟུགས་མེད་པའི་ཁམས་གསུམ་དང་།། རྒྱུ་ལམ་འབྲས་བུའི་རྣལ་འབྱོར་གསུམ།། སངས་རྒྱས་ཆོས་དང་དགེ་འདུན་དང་།། སྟོང་ཉིད་ཡེ་ཤེས་རྡོ་རྗེ་ཀུན།། ཕ་ལས་བྱུང་བའི་ག་པུར ་པོ།། མ་ཡིས་བྱིན་པའི་ས་བླ་མོ།། རང་གི་སྐྱེད་པ་ཆང་དུ་ཡང་ཆགས་སུ་བཤད།། སྲོག་གི་རྣམ་པ་འདི་གསུམ་དུ།། འཁོར་དང་མྱ་ངན་འདས་པ་གྲུབ།། བཅུ་ཚན་གསུམ་དང་དེ་སྟེང་གཉིས།། རུས་མཚོ་ཀླད་པ་དེ་ལ ་ཡོད།། རྐང་གཉིས་ལ་ནི་སྐད་རྣམས་འབྱུང་།། དེ་ལ་ཟས་ཀྱི་ལོངས་སྤྱོད་གསོལ།། བཞི་གཉིས་རང་གི་སྙིང་ཡིན་ཏེ།། དེ་ལ་འཁོར་འདས་ཆོས་གནས་སོ།། བཅུ་ཚན་དྲུག་དང་དེ་སྟེང་བཞི།། མ་སྟེ་བུ་སྟེ ་འབྲེལ་བར་སྤྲུལ།། མེ་དང་རླུང་གི་གནས་ནི་འོག། དེ་ཡང་གྲུ་གསུམ་འོད་མའི་གཞུ།། གཡས་ཀྱི་ཉི་མ་དམར་ཞིང་གདངས།། གཡོན་གྱི་ཟླ་བ་དཀར་ལ་གསལ།། དབུས་ཀྱི་ཀ་བ་བསྟན་པ་ནི།། པདྨའི་སྣལ་མ་ལྟ་བུར ་ཕྲ།། ཆུ་ཤིང་སྙིང་པོ་འདྲ་བར་དྲངས། དྲང་།། ཏིལ་གྱི་མར་མེ་ལྟ་བུར་གསལ།། རྒྱ་སྐྱེགས་མེ་ཏོག་བཞིན་དུ་དམར།། སྤྱི་བོ་གདུགས་ཀྱི་རྣམ་པ་ལ།། མགྲིན་པ་སྦྲུལ་ཆུན་གཅུས་པ་སྟེ།། སྙིང་ག་གྲུ་གུ་བསྒྲིལ་བ ་འདྲ།། ལྟེ་ཟུར་གཉིས་ནི་ལྗོན་ཤིང་སྐྱེས།། ཚིགས་ཆེན་བཅུ་གཉིས་སྐྲ་ཤད་འཛིངས།། སྟོང་ཕྲག་ལ་སོགས་པ་ཐག་བརྒྱངས།། འབར་བ་གཞུང་རིང་འཁོར་ལོ་གསུམ།། མེ་ཆུ་མཚལ་གྱི་དབང་པོས་མཐོང་།། མཚམས ་ལ་གཡལ་བྱུང་མཁལ་མར་མིག། རྔམ་བྱེད་མ་ནི་རོ་ལ་སྤྱོད།། མཁལ་མའི་ནང་གཉིས་ཉམ་ང་བྱེད།། ཀུན་ཏུ་རྒྱལ་བ་དྲི་ལ་སྤྱོད།། རང་གསལ་སྒྲོགས་མ་སྒྲ་ཡིན་ཏེ།། བྱེད་པ་ཆེན་པོ་ཐམས་ཅད་དགྱེས།། རྐང་ལག ་མཐེ་བོང་མྱ་ངན་འདས།། དེ་བཞིན་སྲིན་ལག་གདོན་དང་འདྲེ།། གསང་བ་རྡོ་རྗེ་པདྨ་འདྲ།། བྷ་ག་བདེ་བ་ཆེན་པོ་ལོངས་སྤྱོད་ཨ།། ཧཱུཾ་མི་ཤིགས་ཐིག་ལེ་ཆེན་པོ་ལ།། ཨོཾ་དཀར་སྐུ་སྟེ་ཨཱ་དམར་གསུང་།། སྭ་སེར་ཡོན ་ཏན་ལས་ནི་ཧ།། དེས་ཤིང་ཞི་བའི་དཀར་པོ་ཨ།། ཐབས་དང་ལྡན་པ་སྔོན་པོ་ནརྀ། ཁྲོ་ཞིང་གཏུམ་པ་སེར་པོ་སུཾ།། བཀྲེས་ཤིང་སྐོམ་པའི་དམར་པོ་པྲེ།། གླེན་ཞིང་ལྐུགས་པ་སྨུག་ནག་ཏྲི།། ཚ་གྲང་དུ་ནག་གནས་རྣམས ་སྦྱང་།། ཨ་རཾ་ཡཾ་ནི་འོག་ཏུ་བཤད།། ཀུན་ལ་ཨ་ལི་ཀ་ལི་སོགས། ཁྱབ་པར་འདྲེས་དང་སོ་སོར་གནས།། བྷ་ག་ཡངས་པའི་སྡོང་པོ་ལ།། བསམ་གཏན་ཨཽ་དཀར་ཤེས་རབ་ཨཱ།། དམར་ཞིང་ཟུང་འཇུག་མཐིང ་ག་ཧཱུཾ།། སྙིང་པོ་དབྱིབས་ཀྱི་ཨ་དཀར་ལས།། དྲག་པོ་ཕཊ་དམར་ཧཱུཾ་ནག་སྟོབས།། ལྷ་སྲིན་དབྱིབས་ནང་སྲོག་དམར་ཀྵ། ཁྲག་གི་ཐིགས་པ་བཅུ་གཉིས་ལྷུང་། ཁམས་ཀྱི་དྲི་ཆེན་རྣམ་སྣང་ལ།། ཆུ་ཡི་ཐིག་ལེ་གཉེན ་གསལ་མ།། མ་ནི་ཁྲག་སྟེ་འོག་གསལ་འབར།། རླུང་ནི་བསིལ་བ་བྱང་སེམས་ཡང་།། ཀུན་འདུས་རྟག་པའི་མུ་ཁ་ལེ།། ཧ་གནས་རྡོ་རྗེ་རྒྱ་གྲམ་ལས།། ཡང་གསལ་གཡོས་ནི་རབ་ཏུ་འབར།། པད་མདུང་མ་ལང་རལ ་གྲི་བཞི།། ཕྲ་རྣོ་གཅོད་གསལ་ཆེན་པོ་ལས།། འབྱུང་འཇུག་གནས་པའི་ལས་ཀྱིས་བསྐྱོད།། འོད་གསལ་འབར་ནི་རབ་ཏུ་ཁྲོས།། ནམ་ལངས་ཉི་ཤར་ཟླ་བ་ལྟར།། ཞི་ལྡན་རྣམ་སྣང་གསལ་ཡང་བསྐུལ།། བཀྲག ་གསལ་བདེ་བའི་རོས་གང་བ།། དང་པོ་རང་ཉིད་སྦྱང་བར་བྱ།། བུད་མེད་འདོད་པའི་ཆགས་པས་བལྟ།། རྣམ་པ་སྣ་ཚོགས་དགའ་བ་ལ།། པདྨ་ལིངྒ་མཉམ་སྦྱར་བས།། ཤིན་ཏུ་ཆགས་མེས་ཐིག ་ལེ་དབབ།། མི་མཁས་ཐིག་ལེ་མྱུར་དུ་ཉམས།། རུས་སྦལ་འགྲོས་ཀྱིས་མཁས་པར་བྱ།། རྣམ་པར་སྨིན་པ་མཆོག་ཏུ་དགའ།། འབོགས་ཕྱིར་ཐིག་ལེ་འབར་བའི་དྲོད།། བསྲུབས་པས་མི་རྟོག་བདེ་འབར ་བ།། རྣམ་པར་འཇོམས་པ་བྲལ་དགའ་ཡིས།། གཡོས་པའི་དྲོད་ལ་ཐིག་ལེ་གཟུང་།། མི་མཁས་བདེ་བ་ཡུན་ཟུང་བས།། ལུས་ངག་འགྱུར་བའི་ལས་རྣམས་བྱ།། རྟགས་བྱུང་ཐིག་ལེ་ཟིན་པ་ན།། པདྨ་ལིངྒ་ཁ་སྦྱར ་བས།། བདེ་བ་གཡོ་བ་བརྟན་པར་སྦྱོར།། རྒྱ་མཚོ་རི་རབ་ངོས་ལ་སྦྱར།། གླིང་བཞི་རང་གི་གནས་སུ་བསྡུ།། རོ་འཛིན་རང་གི་གནས་ལ་སྦྱོར།། དབང་མཆོག་ཉི་མའི་སྟེང་དུ་བཞག་ཧཱུཾ་རིང་ཧཱུཾ་ཕཊ་མདའ་གཞུ་བྱ།། སྐེ ་རགས་བཅང་ཞིང་ཞགས་པ་འཕང་།། བུ་ཆུང་སྤྱོད་ལམ་རབ་ཏུ་བྱ།། མཚན་ཉིད་བྲལ་བའི་ལྷན་ཅིག་སྐྱེས།། བཟློག་པ་མ་ཤེས་ཆུ་དང་བསྡད།། དེ་ཕྱིར་དུད་འགྲོའི་འགྱུར་བ་བྱ།། འགྲིམས་པ་མ་བྱས་ནད་ཡིན ་པས།། དེ་ཕྱིར་རྣམ་གྲོལ་ཕྱག་རྒྱ་བྱ།། ལུས་ཀྱི་ཁོལ་བུ་ཕར་ཆེར་རམ།། ཐམས་ཅད་སྣང་དངོས་བདེ་བ་ཕྱི།། ནང་གནས་སྤྱི་མགྲིན་ལྟེ་སྙིང་གསང་།། བདག་ཡུམ་གཟུང་འཛིན་རྟོག་གསུམ་འགོག། དེ་ཕྱིར་སྤང་བྱ་དྲལ ་བ་ཡིན།། བདེ་བ་ཆུང་ཆེ་མི་རྟོག་དང་།། བདེ་སྟོང་དེ་ཡང་ལྷན་ཅིག་སྐྱེས།། སྐྲ་དཀར་བྲལ་དང་སྟོབས་རྫོགས་གསལ།། མཚན་དཔེ་ཚང་ཞིང་འཆི་མེད་པས།། ཡིད་བཞིན་སྤྲིན་གྱི་བདག་པོ་སྟེ།། ཚེ་ཡི་རིག་འཛིན་ཐོབ ་པའོ།། ཞེས་གསུངས་སོ།། མ་མོ་རྒྱུད་ལུང་ཟླ་གསང་ཐིག་ལེ་ལས། ལམ་གྱི་རིམ་པ་སྟེ་ལེའུ་བརྒྱད་པའོ།། །། དེ་ནས་བཅོམ་ལྡན་འདས་ཀྱིས་ལྷའི་ངོ་བོར་གྱུར་པ་འདི་གསུངས་སོ།། ཀུན་གཞི་མ་སྐྱེས་མུ་ཁ ་ལེ།། དབུ་ལྔ་ཕྱག་དྲུག་ཞབས་བརྒྱད་ལ།། འཁོར་བཅས་སྣོད་བཅུད་མ་ལུས་ཀུན།། རང་གི་སྐུ་ལ་བསྡུས་ལ་བསྒོམ།། ཨོཾ་ཉིད་གཞི་མུ་ཁ་ལེ་ཀྲོ་ཏཱི་ཤྭ་རཱི་བྷ་ག་པདྨ་བདེ་ཀློང་འདུས་ན་སྙིང་ཛྙཱ་ཤ་ཡུ་ཏོ་ཧཱུཾ་བྷྱོ། སྤྱི་གཙུག ་འཁོར་ལོ་རྩིབས་བརྒྱད་སྟེང་།། བཀྲག་གསལ་མཉམ་གྱི་ངོ་བོ་ཉིད།། ཞལ་གསུམ་ཕྱག་དྲུག་རྒྱན་དང་བཅས།། བཀྲག་གི་རྒྱལ་མོ་ཆེན་མོར་བཞུགས།། མགྲིན་པ་པདྨར་གཉེན་གསལ་མ།། གསུང་གི་མཁའ་འགྲོ་རབ ་ཏུ་བསྒོམ།། སྙིང་ག་དཔལ་བེའུ་རྣམ་སྣང་གསལ།། རྡོ་རྗེ་མཁའ་འགྲོ་འཁོར་དང་བཅས།། ལྟེ་བ་ཟུར་བརྒྱད་འོད་གསལ་འབར།། ཡོན་ཏན་མཁའ་འགྲོ་རིན་པོ་ཆེ།། གསང་བ་རྒྱ་གྲམ་ཡང་གསལ་གཡོས།། ལས་ཀྱི ་མཁའ་འགྲོ་རབ་ཏུ་བསྒོམ།། ཀུན་ཀྱང་ཞལ་གསུམ་ཕྱག་དྲུག་སྟེ།། ཉོན་མོངས་འབྱུང་བ་ཡེ་ཤེས་དང་།། རྣམ་པ་རང་བཞིན་མཚན་ཉིད་ལྡན། མ་ཧཱ་ལམ་ཏེ་ཧ། བྷི་ཤ་སནྟི་ཧ། གྲི་བ་མུ་ཧཱཾ་ཧ། ཛ་ལ་བ་རཾ་ཧ། བྷི་ཡང ་ཡང་ཏེ་ཧ།། མཁའ་འགྲོ་ཆེན་མོ་རྟག་པ་མོ།། འབྱུང་ལྔའི་མ་མོ་རྣམས་ལས་སྤྲུལ།། སྐྱེད་པའི་ཁྲོ་མོ་བཅུ་གསུམ་རྣམས།། འོད་ཆེན་དྲངས་བཞི་དྲངས་མ་བརྒྱད།། དཔག་བསམ་བྱང་ཆུབ་སྦུ་གུའི་ཟངས།། སྲིད་པ་དབང ་པོའི་མདོ་སྡུད་གཉིས།། ཟབས་ཤེས་སྲིད་པ་འཇུག་བྱེད་ལས། ཁྲོས་པའི་ཚུལ་དུ་རང་བྱུང་བ།། དཔལ་འབར་ཁྲོ་བོ་གསང་ཡུམ་བཞི། ཁམས་གསུམ་རྩད་གཅོད་སྒྲེ་ཤི་གཅོད།། དུག་གསུམ་དབང་སྡུད ་པདྨ་དབང་།། གནོད་སྦྱིན་སྲིན་པོ་དམ་ཚིག་ཁྲོ།། གསང་བའི་ཁྲོ་མོ་དཔལ་འབར་ཁྲོ།། ཀ་མ་ལེ་ཤྭ་རཱི་ཧ་དྷ་དྷི་ག་ཅེས་གསུངས་སོ།། མ་མོ་སྲིད་པའི་རྒྱུད་ལུང་ཟླ་གསང་ལས་ཡེ་ཤེས་ཀྱི་གཙོ་མོ་སྤྲུལ་པ་དང་བཅས་པ ་སྟེ་ལེའུ་དགུ་པའོ།། །། དེ་ནས་བཅོམ་ལྡན་འདས་ཀྱིས་ལྷའི་རྒྱལ་པོ་རྣམས་ཀྱི་དགོངས་པ་འདི་གསུངས་སོ།། རྣལ་འབྱོར་ལུས་ཀྱི་རི་རབ་ལ།། སྲིད་པ་བདེ་འགྲོ་ཆེན་མོ་དང་།། དེ་སྦྲུལ་ཉི་ཟླ་འོད་ཕྲེང་དང་།། རི ་རབ་ཕྱོགས་བཞིའི་དགྱེས་སྡེ་བཞི།། རྣལ་འབྱོར་ཁྲོས་པའི་དབང་མོ་བཞི།། ཕུང་བྱེད་སས་པའི་མ་མོ་བཞི།། གཉིས་ནི་སྲིད་པ་ཡོངས་ཀྱི་དཔལ།། བཞི་ནི་དཔལ་གྱི་གཟུངས་མ་མཛད།། བཞི་ནི་རྣལ་འབྱོར་ཆུང་མ ་སྟེ།། འཇིག་རྟེན་སྐྱེད་བྱེད་ཆེ་མོ་བཞི།། དེ་དག་དམ་ཚིག་བརྗོད་པ་འདིའོ།། ཨོཾ་བཛྲ་ཀྲོ་ཏི་ཤྭ་རཱི་བ་ག་པདྨ་རྱ་ཧཱུཾ་ཧཱུཾ། ཨོཾ་བཛྲ་ཤནྟི་པདྨ་ག་རུ་ཏི་བྷྱོ། ཨོཾ་མུ་ཏྲི་ནི། ཨ་གྷནྟི་ནི། བ་ག་དུནྟི་ནི། ཁ་མུན་དན་ཏྲི་ནི། ཨོཾ་བཛྲ་སུ ་རྱ་བྱི་རྟ་མ་ཏོ་ཡེ། བཛྲ་པདྨ་བྱི་ཏ་མ་ཏོ་ཡེ།། བཛྲ་ཁ་རག་བྱི་ཏ་མ་ཏོ་ཡེ། བཛྲ་སྲིང་འགྲོ་བྱི་ཏ་མ་ཏོ་ཡེ། ཨོཾ་བཛྲ་ཀེ་མ་བཛྲ་ཀེ་མ། བཛྲ་ཏ་ཀེམ་བཛྲ་ཏ་ཀེམ། བཛྲ་ནི་ལ་བཛྲ་ནི་ལ། བཛྲ་ལནྣ་བཛྲ་ལནྟ། མ་མོ་ཐམས ་ཅད་ཆགས་པ་ཆེ།། ཨ་བྷི་ཥེ་ཀ་ཙ་རི་ལས།། ལུས་ཀྱི་རྩ་རྣམས་བུམ་པ་སྟེ།། སྔགས་ནི་གསང་བ་ཞེས་སུ་བཤད། ཁམས་ཀྱི་བདུད་རྩི་ཤེས་རབ་ཤེས།། སྙིང་པོ་གཡོ་བྱེད་བདེ་བ་ཆེ།། བུམ་པ་ས་དྲུག་རྫོགས ་པ་ལས།། ས་བཞི་གསང་བའི་དབང་ཞེས་བྱ།། ཤེས་རབ་ཡེ་ཤེས་ས་གཉིས་གཅོད།། བདེ་ཆེན་བཞི་ལས་བྱད་དུ་བགྲོད།། དང་པོ་བསྐྱེད་པའི་རིམ་པ་ལ།། གཉིས་པ་བདག་ཉིད་བྱིན་གྱིས་བརླབས།། གསུམ་པ་ལས ་ཀྱི་འཁོར་ལོ་སྟེ།། བཞི་པ་རྡོ་རྗེའི་རྦ་རླབས་བསྟན།། དང་པོར་སྦྲུལ་སྐུའི་ཞིང་ཁམས་དབང་།། གཉིས་པར་ལོངས་སྐུའི་ཞིང་ཁམས་ལ།། གསུམ་པར་དེ་བཞིན་ཆོས་སྐུ་ལས།། བཞི་པར་ངོ་བོ་ཉིད་སྒྲ་ཐོབ།། དང་པོར ་ལུས་ཀྱི་དཀྱིལ་འཁོར་མཐོང་།། གཉིས་པར་བྷ་གའི་དཀྱིལ་འཁོར་ཡིན།། གསུམ་པར་བྱང་ཆུབ་བདུད་རྩི་སེམས།། བཞི་པར་དུས་གསུམ་བདེ་གཤེགས་བཅུད།། དང་པོར་འཁོར་འདས་དབྱེར་མེད་པ།། གཉིས་པར ་མ་འདྲེས་ཡོངས་སུ་རྫོགས།། གསུམ་བཞིར་བདེ་སྟོང་ཆུང་དང་ཆེ།། དེ་དག་མཐོང་སྦྱོར་ལམ་གཉིས་ཀྱིས།། རྒྱུད་རྟགས་འབྲས་བུར་བསྡུས་པ་ལས།། ཉེ་དགུ་དབང་དང་ལམ་གཉིས་ལས། ཕྱི་ནང་རྟེན་འབྲེལ་རྣམ ་གཉིས་དང་།། ཐིག་ལེ་རླུང་དང་དེ་ཁོ་ན།། ཕྱི་ནང་སེམས་ཀྱི་རྟགས་ཞེས་བྱ།། ཡང་དག་མྱ་ངན་འདས་པ་ཐོབ།། དེ་ཕྱིར་ཡེ་ཤེས་རྗེ་མོ་ཡིན།། ཤེས་རབ་ཡེ་ཤེས་ཞེས་བྱ་བ།། ཧཾ་འདུས་མགྲིན་པར་དགའ་བ་ནི།། ཉོན ་མོངས་པ་དང་མ་བཞི་ལས།། མོས་པ་ཆུང་བའི་ལམ་ཆོད་ནས། སྙིང་གར་མཆོག་ཏུ་དགའ་བ་ནི།། གཉིས་གསུམ་བཞི་ཆ་ཞི་མ་ཡིན།། དམིགས་པ་ཕྲ་བའི་ལམ་ཡང་ཆོད།། གཉིས་པོས ་བདེ་བ་ལོངས་སྤྱོད་སྐུ།། ལྟེ་བར་མི་རྟོག་ཟུང་ཆུད་བརྒྱན།། དགའ་བྲལ་ཀུན་གཞི་བྱང་ཆུབ་ལམ།། བག་ལ་ཉལ་དང་མི་རྟོག་པ།། སྤྲོས་པ་ཞི་བ་ཆོས་སྐུ་སྟེ།། གསང་བའི་གནས་སུ་སྤྲུལ་པའི་སྐུ།། རྟོགས་པའི་ངོ་ལ ་འཁོར་འདས་དག། དེ་ཉིད་མེ་ལོང་ཡེ་ཤེས་ཆེ།། དེ་བཞིན་མཉམ་པ་ཉིད་རྟོགས་བྱེད།། ཀུནྡ་མི་རྟོག་ཆོས་རྣམས་རྟོགས།། ཐམས་ཅད་གཉིས་མེད་ཡེ་ཤེས་གྲུབ།། མི་རྟོག་དོན་གྱི་ཆོས་ཀྱི་དབྱིངས།། ཡེ་ཤེས་རྣམ་པ་ལྔ ་རྫོགས་བྱེད།། ཡེ་ཤེས་རྣམ་ལྔའི་ཆུ་བོ་ཡིན།། བྲམ་ཟེ་མོ་དང་གཡུང་མོ་དང་།། གར་མཁན་མ་དང་ཚོས་མ་དང་།། གཏུམ་མོ་ལྔ་ནི་ཕྱག་རྒྱ་ཉིད།། རིགས་ངན་བུད་མེད་ལྔ་རྫོགས་བྱེད།། འདོད་ཡོན་དམ་ཚིག་ཡེ་ཤེས ་དང་།། མིང་དོན་བླ་མེད་ཧེ་རུ་ཀའི།། མིང་བྲིས་བཅུ་གཉིས་རྫོགས་པ་དང་།། ལྷ་དང་དཀྱིལ་འཁོར་ཕྱག་རྒྱ་སྔགས།། དེ་ཉིད་བཞི་དང་ལྡན་གྱུར་ན།། ཤེས་རབ་ཡེ་ཤེས་ལམ་གྱི་མཆོག། གསང་དང་བདེ་བ་བཞི ་མཐར་ཕྱིན།། ཤིན་ཏུ་རྣམ་དག་སྤྲོས་བྲལ་ཐོབ།། ཅེས་གསུངས་སོ།། མ་མོ་སྲིད་པའི་ཟླ་གསང་ལས།། ཡེ་ཤེས་ཀྱི་རྗེ་མོ་ཐུགས་དགྱེས་སྡེའི་མན་ངག་སྟེ་ལེའུ་བཅུ་པའོ།། །། དེ་ནས་བཅོམ་ལྡན་འདས་ཀྱིས་སྲིད ་པའི་མ་མོ་རྣམས་ཡོངས་སུ་གྲུབ་པ་འདི་གསུངས་སོ།། མ་མོ་སྲིད་པ་ཆགས་བྱེད་མ།། སྦས་པའི་བུ་མོ་ཆ་སྙོམས་མ།། རལ་གཅིག་མ་དང་མ་མོ་བདུན།། རིན་ཆེན་སྲིད་འདེགས་རེ་མ་ཏི།། གླིང་བཞི་སྤྱི་འགྲོ་ཆེན ་མོ་དང་།། འདོད་ཁམས་རྡོ་རྗེ་པདྨོ་དང་།། རྒྱལ་ཆེན་ཆུང་མ་གྲུ་འདེགས་བཞི།། རྒྱལ་མོ་བཞི་དང་སྲིང་མོ་བཞི།། གསང་སྔགས་རབ་ཏུ་བཤད་ཀྱིས་ཉོན།། ཨོཾ་བཛྲ་ཟ་འགྲམ་མུ་རཾ་ཤྭ་ཟ་འགྲམ་མུ་རཾ་ཤྭ། ཨོཾ་བཛྲ ་ཁ་རག་སྙིང་ཁ་རག་ཏྲག་རག་ཤ་ཏྲག་རག་ཤ་ཏྲག་རག་ཤ་མུ་ཏྲ་བྷན། ཁ་མུན་ཏྲ་པ་ཏྲ་ཏྲ་ག་རག་ཤ་སྠ་བ་ན་ཁ་རག་ཏིཥྛ་བྷྱོ། པྲ་གྷྲི་ཝ་གྷི་ཤྭ་བྷྱོ། ཧཱུཾ་བྷྱོ་ཀ་རི་ཀ་བ་དོར་བ་དོར། ནི་ལ་ཆུ་མི་དྷ། ཁ་ཊྭཱཾ་ག་ལ་ད་ལ་ཙ ་ལ། པདྨ་ཙནྣ་མ་གུ་ར་ག་དོ། དིང་པཾ་དིང་པཾ། ཨེ་ཨཱ་ར་ལི་དེ་ཝཱི་རུ་ལུ་བྷྱོ། ཏྲག་རག་ཤ་ཨཽ་ཨ་ཏི་བྷྱོ། བྷཱི་དི་བྷྱོ། བུ་ཏི་བྷྱོ། ཨཽ་བཛྲ་ཤནྟི་བྷྱོ། དུནྟི་བྷྱོ། ཧ་ར་ཏི་བྷྱོ། གྲུབ་ཏིང་བྷྱོ། ཏེ་པ་བྷྱོ། ཨ་པ་ར་ད་ལ་བྷྱོ། ད་ལ ་རྒྱུན་བྷྱོ། དྷི[:]ན[:]མ[:]མ་གཡས་བྷྱོ། གང་གིས་འཆི་བར་བྱེད་པ[:]ལ།། མཆོད་དང་ཚོགས་རྣམས་ཀུན་བསགས་ནས།། རང་གི[:]སྒྲིབ་པ[:]སྦྱང་བར་བྱ།། ལས་ངན་སྣང་བ་ལྟ ་སྒོམ་དོར།། ལྷ་དང་བདག་གི་ཤེས་པ་སྦྱར།། སྣང་བ་བསྒྱུར་ན་རིག་འཛིན་ཐོབ།། བརྒྱ་དང་བརྒྱ་ཡི་ཚུལ་ཞེས་བྱ།། སྔོན་འགྲོ་བྱས་ནས་ཡུལ་གནད་བཅད།། སྙིང་ག་མཐེ་བོང་འོད་བྱུང་བས།། བཤང་ལྕི་ལྟེ་བ་ཁ་སྣ ་དང་།། མིག་དང་རྣ་བ་མཛོད་སྤུ་དང་།། ལྟེ་བར་ཟླ་བ་མཐིང་ནག་ཧཱུཾ།། སྟོབས་ཀྱི་ཧཱུཾ་དྲག་ཉི་ཤུ་ཡིས།། རིམ་གྱིས་དྲངས་ནས་ཚངས་པའི་སྒོ།། ཡི་དམ་ལྷ་ཡི་ཐུགས་ཀར་འགྲོ།། འཁྲུལ་འཁོར་ཚོགས ་རྫོགས་རྣལ་འབྱོར་པ།། ཡི་གེའི་སྦྱོར་བས་སྒོ་རྣམས་དགག། རླུང་ལྷ་ཧཱུཾ་ཧིག་དྲངས་ནས་ནི།། རིག་འཛིན་སྐྱེགས་དང་འཁྲུལ་འཁོར་བཞིན།། བུམ་པ་ཐོབ་པའི་རྣལ་འབྱོར་མཆོག། འོད་གསལ་རླུང་གིས་བསྐྱེད་པ ་ལས།། ལུས་ངག་ཡིད་གསུམ་ཞུགས་པ་ཡིས།། བར་དོ་མེད་པར་གྲུབ་མཐའ་རྟོགས།། རིག་པ་འཛིན་པའི་གཙོ་བོར་འགྱུར།། གསང་དབང་མཆོག་གི་སྟོན་པར་བྱེད།། རྩ་མདུད་བྲལ་ནས་བཅུད་སེམས་འདྲེས།། དབུ ་མའི་ནང་དུ་ཆུད་པ་ཡིས།། བདེ་སྟོང་འདྲེས་པའི་རྡོ་རྗེ་པད།། ཤེས་རབ་ཡེ་ཤེས་ཐོབ་པ་ཡང་།། ཡང་གསལ་གཡོས་ནི་འདྲིས་པར་བྱ།། ཁུག་པ་བཅུ་བདུན་ཐུན་བཞི་ཡིས།། ཉེར་གཅིག་ཐ་མར་སོ་བདུན་བྱ།། ཕྲི་ནས ་ཕྲིན་ལས་ཉེར་གཅིག་ཚང་གྱུར་ཏེ།། བཞི་བཅུ་རྩ་གཉིས་གྱུར་པ་ན།། ཡང་གསལ་གསལ་དང་ངེས་པ་འབྱུང་།། སྦྱངས་པ་ཐབས་ཀྱི་ཕྱག་རྒྱའོ།། ལུས་གནད་ཧིག་སྒྲ་ཉེར་གཅིག་གིས།། ཐུན་བཞིར་ངལ་བསོ་ཞག ་བདུན་སྦྱངས།། སྒོ་རྣམས་སྔགས་ཀྱིས་ཡིག་འབྲུས་དགག། ཕྱི་ཡི་སྣང་བ་དགག་པར་བྱ།། འཁོར་ལོ་བཞི་ལ་ཙཎྜ་ལི།། དཀར་དམར་བཅུ་དྲུག་གྱེན་ལོག་བལྟ།། ཡང་གསལ་ཕྱི་ནང་ཡས་དང་མར།། ཐུན་བཞི་ཞག ་བདུན་ངེས་པ་ཡིན།། རང་ཉིད་གང་འདོད་སྒོ་དེ་དབྱེ།། མི་འདོད་སྒོ་རྣམས་སྔགས་ཀྱིས་དགག། རླུང་ཟླ་ཧཱུཾ་སེམས་སྒྲ་ཡིས་དྲངས།། བདེ་འགྲོ་ལ་ནི་སྦྱོར་བར་བྱེད།། རྨ་མེད་ན་ཚོད་མཐུན་པའི་རོ།། བསངས་དང ་བགེགས་བསྐྲད་ལྷར་བསྐྱེད་ལྟར།། དང་པོར་གནས་སྲུང་བསྲུང་འཁོར་བསྒོམ།། རྟེན་ལ་གནས་མཆོག་མཉེས་པར་བྱ།། སྣ་ནས་གཞུགས་ཤིང་སྦྱང་བ་ནི།། རྟགས་དང་ངེས་པར་ལྡན་པ་ན།། མི་སེམས་གཅིག་ལ ་ལུས་གཉིས་པར།། ན་ས་གཡས་གཡོན་སྙིང་གང་ཞུགས།། གང་དུ་བཅུག་པའི་གནས་དེར་སོང་།། གཞན་གྱི་གྲོང་ལ་ཞུགས་ཞེས་བྱ།། སྒོ་རྣམས་ཡང་ནི་དགག་པ་དང་།། ཚངས་པ་སྟོང་པར་དབྱེ་བ་དང་།། སྙིང་གར ་ཧཱུཾ་མཐིང་དྲངས་པ་དང་།། དྲོད་གཤེར་མངལ་སྒོ་བདེ་གནས་སུ།། མདའ་འམ་སྒྱོགས་ཀྱི་འཁྲུལ་འཁོར་འདྲ།། ཡང་གསལ་གཡོས་ནི་ཕྱི་དང་ནང་།། ཧཾ་ཞེས་བྱ་བས་རིམ་པར་ནི།། ཉི་མ་ཟླ་བ་རཱ་ཧུ་ལ།། གཟའ་ཡིས ་ཟིན་པར་གྱུར་པ་ན།། ཕྱག་རྒྱ་ཆེན་པོའི་རིག་འཛིན་ཐོབ།། ཅེས་གསུངས་སོ།། མ་མོའི་རྒྱུད་ལུང་ཟླ་གསང་ཐིག་ལེའི་རྒྱུད་ལས། རྣལ་འབྱོར་འཆི་ཁའི་ལམ་ཡེ་ཤེས་སུ་རོལ་པ་སྟེ་ལེའུ་བཅུ་གཅིག་པའོ།། །། དེ ་ནས་བཅོམ་ལྡན་འདས་དགྱེས་ནས་འཁོར་རྣམས་ཀྱིས་བསྟོད་པ། ཨེ་མ་ཧོ།། རབ་ཏུ་བཟང་བའི་ཡེ་ཤེས་ནི།། དངོས་པོ་ཀུན་ལ་རབ་ཏུ་གནས།། དངོས་པོར་འཛིན་པ་ལོག་པ་སྟེ།། ལོག་པར་ཤེས་པ་སྐྱོན་དང ་བྲལ།། རྡོ་རྗེ་ལུས་ཀྱི་དྲ་བ་ལས།། སྤྲུལ་པའི་སྐུ་བྱུང་ངོ་མཚར་ཆེ།། དེ་ནས་སྔགས་ཀྱི་ཡི་གེ་ནི།། ལོངས་སྤྱོད་རྫོགས་པ་རྨད་བྱུང་ཆོས།། སེམས་ཅན་ལུས་བཅུད་ཁམས་ཀྱི་བདེ།། དེ་ཉིད་མི་རྟོག་ཆོས་སྐུ ་གནས།། ཡང་གསལ་རང་བཞིན་སྙིང་པོ་མེད།། དེ་ཉིད་ངོ་བོ་ཉིད་དུ་དག། སྐུ་བཞིའི་སྙིང་པོར་རང་ཤར་བས།། རྡོ་རྗེ་ཐེག་པ་སྐུ་ལྔའི་བདག། གསང་སྔགས་གསང་བའི་རྒྱུད་ལས་བྱུང་།། སངས་རྒྱས་ཀུན་གྱི་ཡེ་ཤེས ་གང་།། སེམས་ཅན་ཀུན་གྱི་སྙིང་ལ་གནས།། བུད་མེད་རྒྱུད་ཀྱི་དོན་རྣམས་ནི།། འབྱུང་བ་ལྔ་ཡི་རྒྱུད་ལས་གྲུབ།། གསང་བའི་དབང་ཕྱུག་དཔའ་བོ་ལ།། རིག་པའི་ཡེ་ཤེས་ངང་དུ་འདུས།། དེ་ཉིད་བཅོམ་ལྡན་རྣལ ་འབྱོར་ཆེ།། ཧེ་རུ་ཀ་ལ་འདུད་ཕྱག་བསྟོད།། ཅེས་གསུངས་སོ།། དེ་ནས་སྟོན་པས་རྒྱུད་ཡོངས་སུ་གཏད་པ་འདི་གསུངས་སོ།། གང་གིས་འབྱུང་བ་ནམ་མཁའ་འཛིན།། དེ་ནི་བཀྲག་གསལ་མཉམ་དུ་གནས།། ས་ནི ་རྣམ་སྣང་གསལ་དུ་བསྟན།། མེ་ནི་འོད་གསལ་འབར་བ་ལས།། ཆུ་ནི་གཉེན་གསལ་མ་ཡིན་ཏེ།། རླུང་ཞེས་བྱ་བ་ཡང་གསལ་གཡོས།། འབྱུང་བ་ལྔ་དག་མུ་ཁ་ལེ།། ཆོས་ཀྱི་དབྱིངས་ཀྱི་རྒྱུད་འདི་ཡི།། བུད་མེད་སྟོང་པ ་ཉིད་དུ་གནས།། དེ་མཚོན་ཐབས་ཀྱི་ཕྱག་རྒྱ་ཆེ།། དྲ་བའི་ངེས་པ་རྒྱུད་འདི་ལོང་། ཐབས་ཀྱི་སྦྱོར་བའི་སྟོང་ཉིད་འདི།། བདེ་བྱད་བུད་མེད་ལག་ཏུ་བྱིན།། དེ་ཟླ་གསང་བའི་ཐིག་ལེ་ཉིད།། མིག་ལྡན་དབང་ཕྱུག་སྒྲོམ་དུ ་སྤོས།། ཡེ་ཤེས་གསང་བའི་རྡོ་རྗེ་འདི།། རྣལ་འབྱོར་དབང་ཕྱུག་ཆེན་པོ་དང་།། ཡེ་ཤེས་མ་མོ་མཁའ་འགྲོ་དང་།། སྐུ་གསུང་ཐུགས་ཀྱི་མི་ཟད་རྒྱན།། འཁོར་ལོ་གསང་བའི་ངངལ་བཞུགས།། ཞེས་གསུངས་སོ།། དེ ་ནས་འཁོར་རྣམས་དགྱེས་ཏེ་རྗེས་སུ་ཡི་རང་བར་གྱུར་ཏོ།། མ་མོ་སྲིད་པའི་རྒྱུད་ལུང་ཟླ་གསང་ཐིག་ལེ་བུད་མེད་ཀྱི་རྒྱུད་ལས། རྗེས་སུ་བཟུང་བའི་ལེའུ་སྟེ་བཅུ་གཉིས་པའོ།། །། མ་མོ་ཟླ་གསང་ཐིག་ལེའི་རྒྱུད ་ཅེས་བྱ་བ་རྫོགས་སོ།། རྒྱ་གར་གྱི་པཎྜི་ཏ་གུ་ཧྱ་གསང་བ་ལས། འབྲོག་མི་དཔལ་གྱི་ཡེ་ཤེས་ཀྱིས་བསྒྱུར་བའོ།། །། ཐུགས་ཀྱི་ཡང་སྙིང་མ་མོ་འབུམ་ཏིག་གི་རྒྱུད། བཅོམ་ལྡན་འདས་དཔལ་ཧེ་རུ་ཀ ་