Wylie

e-texts produced with BDRC’s OCR application

རྒྱ་གར་སྐད་དུ། དྷརྨ་དྷཱ་ཏུ་ཨེ་ཀ་ཛ་ཏི་མནྟ་ཀ་མ་ལི་ཏིག་ན་ཁཙྪེ་ད་མཱ་ར་ཎ་ཏནྟ། བོད་སྐད་དུ། རལ་གཅིག་མ་ཆོས་ཀྱི་དབྱིངས་བདག་མོ་སྤུ་གྲི་ཡ་མའི་རྒྱུད། བཅོམ་ལྡན་འདས་དཔལ་པདྨ་གར་གྱི་དབང་ཕྱུག ་ལ་ཕྱག་འཚལ་ལོ།། འདི་སྐད་བདག་གིས་ཟོས་པ་དུས་གཅིག་ན། ཡུམ་གྱི་མཁའ་ཆོས་ཀྱི་དབྱིངས་རྣམ་པར་དག་པ། སྤྲོད་པ་ཐམས་ཅད་དང་བྲལ་བ། ཆོས་ཀྱི་སྐུ་ཐིག་ལེ་ཉག་གཅིག་རྒྱ་ཕྱོགས་བཅུ་ཡོངས་སུ་མ་ཆད ་ཅིང་། ལོངས་སྤྱོད་ཐམས་ཅད་རང་ལ་རྫོགས་པའི་སྐུ། རང་བྱུང་ཕོ་ཉ་ལྷ་མོའི་གཟུགས་སུ་བྱུང་བ་ནི།། བུད་མེད་སྨུག་མོ་གཡུ་ཡི་སྨིན་མ་ཅན། སྤྲུལ་པའི་དུང་གི་མཆེ་བ་གཙིགས་པ། སྤྱི་བོའི་གཙུག་ན་གཡུ་ཡི་རལ ་གཅིག་མ། རལ་པའི་རྩེ་ལ་བསྐལ་པའི་མེ་འབར་བ། རལ་པའི་སྐེད་ནས་སྤྲུལ་པའི་གློག་སྟོང་འགྱུ་བ། རལ་པའི་མཐའ་ནས་ཁྲག་གི་སེར་བ་འབབ་པ། བུད་མེད་སྨུག་མོ་འབུམ་གྱི་དབུས་ན་འགྱིང་བ། ཕྲིན་ལས་རྣམ ་བཞིས་གདུལ་བྱ་དབྱིངས་སུ་སྒྲོལ་བ། དཔལ་གྱི་གཟུང་མ་མཛད་ཅིང་ཐིག་ལེ་དབྱིངས་སུ་སྦྱོར་བ། ནམ་ཟླ་དུས་བཞི་ལ་དབང་བསྒྱུར་ཞིང་། སྐྱེ་འགྲོ་ཁྲམ་ལ་འདེབས་པ། འཇིག་རྟེན་གཙོ་མོ་དབྱིངས་ཀྱི་རལ་གཅིག ་མ་ཞེས་བྱ་སྟེ། འཁོར་ཞི་བའི་ལས་བྱེད་མ་མོ་བཞི་དང་། རྒྱས་པའི་ལས་བྱེད་མ་མོ་བཞི་དང་། དབང་གི་ལས་བྱེད་མ་མོ་བཞི་དང་། དྲག་པོའི་ལས་བྱེད་མ་མོ་བཞི་སྟེ། ལས་བྱེད་མ་མོ་བཅུ་དྲུག ་དང་ཐབས་ཅིག་ཏུ་བཞུགས་ནས། དཔྱིད་ཟླ་གསུམ་ལ་དུར་ཁྲོད་ན་བཞུགས་ནས། ཤ་ཁྲག་གི་ཟས་ཚོལ། སྐྱེ་འགྲོ་ཁྲམ་ལ་འདེབས་པས། ཨེ་ཀ་ཛ་ཏི་མ་ཞེས་ཀྱང་བྱ། དབྱར་ཟླ་གསུམ་ལ་ནམ་མཁར་གནས་ཤིང་། ་མེ་ཏོག་དང་སེམས་ཅན་གྱི་བཀྲག་མདངས་དང་བཅུད་ལེན། སྐྱེ་འགྲོ་ཁྲམ་ལ་འདེབས་པས། བྷ་ག་ཧྲིཥྚི་མཁའ་ལ་ཆར་འབེབས་མ་ཞེས་ཀྱང་བྱའོ།། སྟོན་ཟླ་གསུམ་ལ་རི་རབ་ཀྱི་ཟོམ་ལ་གནས་ཤིང་། འབྲས ་བུ་ཐམས་ཅད་ཀྱི་བཅུད་ལེན། སྐྱེ་འགྲོ་ཁྲམ་ལ་འདེབས་པས་གླིང་བཞི་རབ་འབྱམས་དྲག་མོ་རྒྱལ་ཞེས་ཀྱང་བྱའོ།། དགུན་ཟླ་གསུམ་ལ་བྱང་ཤར་མཚམས་ན། ཆགས་པ་རཀྟའི་མཚོ་ལ་གནས་ཤིང་སྲིད་པ་གསུམ་ལ ་རྒྱས་འདེབས།། སྐྱེ་འགྲོ་ཁྲམ་ལ་འདེབས་པས། མེ་ཟ་བྲག་གྱོན་མ་ཞེས་ཀྱང་བྱའོ།། སྔགས་ཀྱི་སྲུང་མ་བྱེད་ཅིང་། དམ་ཚིག་རྗེས་གཅོད་པས་བཀའི་བྱ་ར་མ་ཞེས་ཀྱང་བྱའོ།། སྤུ་གྲི་ཡ་མའི་རྒྱུད་ལས། གླེང་གཞིའི ་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དཔལ་པདྨ་གར་གྱི་དབང་ཕྱུག་གི་ཤངས་འབར་བའི་རླུང་སྒོམ་ནས། ཧྲཱི་ཧྲཱི་ཧྲཱི། ཧཱུཾ་ཧཱུཾ་ཧཱུཾ། ཞེས་བརྗོད་པས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི ་ཁམས་ཐམས་ཅད་དུ་འབྲུག་སྟོང་དུས་གཅིག་ལ་འགྱུར་བའི་སྒྲར་གྱུར་ཏེ། འཇིག་རྟེན་ཁམས་ཐམས་ཅད་ཉམས་ཤིང་དྲག་འཁྲུགས་ནས། ཁམས་གསུམ་དབང་དུ་བསྡུས། སྲིད་གསུམ་ཟིལ་གྱི་མནན། དྲེགས་པ ་ཅན་ཐམས་ཅད་ཚར་བཅད་ནས་སླར་འདུས་པ་ལས། ཧཱུཾ་ལས་ངག་གི་དབང་ཕྱུག་ཡེ་ཤེས་ཀྱི་ཧེ་རུ་ཀ་རྫུ་འཕྲུལ་ཅན་གཅིག་ཏུ་གྱུར་ཏེ། དཔལ་ཆེན་པོ་ལ་གསོལ་པ། སྐུ་མཆོག་དྲེགས་པ་འདུལ་མཛད་པ།། འཇིག ་རྟེན་མགོན་ལ་བདག་བཏུད་ནས།། འབར་མ་དབྱིངས་ཀྱི་རལ་གཅིག་མ།། ལྟ་བའི་ཟག་ནི་ཇི་ལྟར་བཅད།། སྤྱོད་པའི་ལ་ནི་ཇི་ལྟར་དོར།། དབང་དང་དམ་ཚིག་ཁྱད་པར་གང་།། བསྒྲུབ་ན་ཉམས་སུ་ཇི་ལྟར་བླང་།། ་ཁྱད་པར་རྫས་ནི་གང་ལ་བརྟེན།། གསང་སྔགས་རིམ་པ་ཇི་ལྟར་བཟླས།། ཐུགས་དམ་གནད་ནས་ཇི་ལྟར་བསྐུལ།། གྲུབ་པའི་རྟགས་ཚད་གང་ལ་སྦྱར།། མ་གྲུབ་གནད་ལ་ཇི་ལྟར་དབབ།། ཉམས་ན་ཐུགས་དམ་ཇི ་ལྟར་བསྐང་།། ཕྲིན་ལས་ཁྱད་པར་རྣམ་པ་དུ།། འདི་དོན་བརྩོན་འགྲུས་ནན་ཏན་དུ།། དཔའ་བོ་ཐུགས་རྗེས་བཀའ་སྩོལ་ཅིག། སྤུ་གྲི་ཡ་མའི་རྒྱུད་ལས་རྐྱེན་གླེང་སློང་བའི་ལེའུ་སྟེ་གཉིས་པའོ།། །། དེ་ནས་བཅོམ ་ལྡན་འདས་དཔལ་པདྨ་གར་གྱི་དབང་ཕྱུག་གིས།། དབྱིངས་ཀྱི་རལ་གཅིག་མ་བྱང་ཆུབ་ཏུ་སྲོག་གཟུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བལྟ་བས་ཟག་བཅད་པ་འདི་ཆེད་དུ་གསུངས་པ། ཐིག ་ལེ་སྙིང་པོ་བྱང་ཆུབ་སེམས།། ངོ་བོ་འདི་འདྲ་མ་ངེས་པས།། རིག་དང་མ་རིག་རང་བྱུང་ནས།། ལས་དང་ཡེ་ཤེས་གཉིས་སུ་སྣང་།། མ་རིག་པ་ལ་མངོན་ཞེན་ནས།། ལས་ཀྱི་མ་མོར་གཟུང་བ་ཡི།། རང ་སེམས་རང་གི་དོན་དུ་ཆེ།། ཁམས་གསུམ་འཁོར་བའི་གཡང་ས་ཡིན།། དུག་སྦྲུལ་རྒྱ་མཚོར་ལྷུང་བར་འགྱུར།། རིག་པ་ཡེ་ཤེས་མ་མོ་སྟེ།། མ་མོ་ཐིག་ལེ་བྱང་ཆུབ་སེམས།། ཐིག་ལེ་ཉིད་ལ་ཉིད་སྣང་སྟེ།། རིག་དང་མ ་རིག་ཐིག་ལེར་མཉམ།། ལས་དང་ཡེ་ཤེས་གཉིས་སུ་མེད།། མ་མོ་རང་བྱུང་ཡེ་ཤེས་ཏེ།། རང་བྱུང་ཡེ་ཤེས་རང་ལ་སྣང་།། དེ་རྟོགས་དེ་ལ་གང་གནས་པ།། སངས་རྒྱས་སྙིང་པོ་ཡིན་པར་བཤད།། སྤུ་གྲི་ཡ་མའི་རྒྱུད ་ལས་མ་མོ་བྱང་ཆུབ་ཏུ་སྲོག་གཟུང་ཞིང་ལྟ་བས་ལ་བཟླ་བའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་དཔལ་པདྨ་གར་གྱི་དབང་ཕྱུག་གི་བླང་དོར་མེད་པའི་ཏིང་ངེ་འཛིན་ལ་སྙོམས་པར་ཞུགས ་ནས། སྤྱོད་པས་ལ་དོར་བ་འདི་ཆེད་དུ་བཀའ་སྩལ་ཏོ།། ཐིག་ལེ་སྤྲོས་བྲལ་མ་གཅིག་མ།། ཐམས་ཅད་འབྱུང་གནས་ཀུན་བཟང་མོ།། གཉིས་མེད་སྤྱོད་པ་བདེ་བའི་མཆོག། གཟུགས་སྣང་སྒྲར་གྲག་སེམས་སྣང ་བ།། མ་མོའི་སྐུ་གསུང་ཐུགས་ཉིད་དེ།། དེ་ཉིད་ཐིག་ལེར་ལོངས་སྤྱོད་པ།། སྤྱོད་པ་རྨད་དུ་བྱུང་བ་ཡིན།། ཕན་གནོད་དམིགས་འགྲོ་ཡོན་ཏན་ཞིང་།། བྱེད་སྤྱོད་ཕྲིན་ལས་རྣམ་པ་བཞི།། གཉིས་མེད་བདེ་བར་སྦྱར་བར ་བྱ།། སྐྱེ་ཤི་མེད་པར་བསྒྲལ་བ་ཡང་།། ཐིག་ལེ་ཉིད་ལས་མ་གཡོས་ན།། སྤྱོད་པ་ཐིག་ལེ་རོལ་པའི་རྒྱན།། ཞེས་བཀའ་སྩལ་ཏོ།། སྤུ་གྲི་ཡ་མའི་རྒྱུད་ལས་སྤྱོད་པས་ལ་དོར་བའི་ལེའུ་སྟེ་བཞི་པའོ།། །། དེ་ནས ་དཔལ་པདྨ་གར་གྱི་དབང་ཕྱུག་གིས། ཁམས་གསུམ་དབང་དུ་བསྡུ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིམ་པ་དབང་གིས་བགྲོད་པ་འདི་ཆེད་དུ་བཀའ་སྩལ་ཏོ།། དབང་གི་ངོ་བོ་ཤེས་རབ་སྟེ།། ཏིང་ངེ ་འཛིན་དང་ལྡན་པ་ལ།། ལུང་བསྟན་བྱིན་གྱིས་བརླབ་པ་དང་།། དབང་བསྐུར་ཐོབ་པར་བྱ་བ་ལ།། ཕྱི་ནང་གསང་བ་རྣམ་གསུམ་སྟེ།། དེ་ལ་ཕྱི་ཡི་དབང་བསྐུར་བ།། མ་མོ་མཁའ་འགྲོ་འདུ་བའི་སར།། དུར་ཁྲོད་གསང ་བའི་དཀྱིལ་འཁོར་དུ།། མ་གཅིག་བསྙེན་ཅིང་སྒྲུབ་པ་དང་།། མཚན་མའི་བརྟན་པ་ཐོབ་བྱ་སྟེ།། གསང་བ་མཆོག་གི་དམ་རྫས་ཀྱིས།། དམ་ལ་མི་ལྡོག་དབང་བསྐུར་རོ།། ནང་གི་དབང་བསྐུར་ཐོབ་བྱ་བ།། བདག་ཉིད ་དབང་ཆེན་སྐུར་བསྒོམས་ཏེ།། གཟུངས་མ་ཤ་མདོག་དམར་བ་ལ།། བདག་མོར་དབང་བསྐུར་བྱིན་གྱིས་བརླབ།། ཐིག་ལེ་བྱང་ཆུབ་སེམས་སྤྲོས་ལ།། བྱང་སེམས་ཐིག་ལེ་དཀར་དམར་གྱིས།། སྐུ་གསུང་ཐུགས་དང ་ཡོན་ཏན་དང་།། ཕྲིན་ལས་རྣམས་སུ་དབང་བསྐུར་རོ།། ཏྲག་རགྣ་མུ་ཏྲ། ཨེ་ཀ་ཛ་ཏི་སྙིང་ཁ་རག་མོ་ཀ་ཡ་བཛྲ་སྭ་བྷ་ཝ་ཨཱཏྨ་ཀོ&ཧཾ། ཞེས་པས་མ་མོའི་སྐུའི་དབང་ཐོབ་པར་གྱུར་ཅིག་ཏྲག་རགྣ་མུ་ཏྲ་ཨེ་ཀ་ཛ་ཏི་སྙིང་ཁ ་རག་མོ་ཝཱཀ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཞེས་མ་མོ་གསུང་གི་དབང་ཐོབ་པར་གྱུར་ཅིག་ཏྲག་རགྣ་མུ་ཏྲ་ཨེ་ཀ་ཛ་ཏི་སྙིང་ཁ་རག་མོ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཞེས་མ་མོ་ཐུགས་ཀྱི་དབང་ཐོབ་པར ་གྱུར་ཅིག་ཏྲག་རགྣ་མུ་ཏྲ་ཨེ་ཀ་ཛ་ཏི་སྙིང་ཁ་རག་མོ་ཨ་ནུ་རཱ་ག་བཛྲ་སྭ་བྷ་ཝ་ཨཱཏྨ་ཀོ&ཧཾ། མ་མོ་ཡོན་ཏན་གྱི་དབང་ཐོབ་པར་གྱུར་ཅིག་ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་མོ་ཀརྨ་བཛྲ་སྭ་བྷ་ཝ་ཨཱཏྨ་ཀོ&ཧཾ། ཞེས ་མ་མོ་ཕྲིན་ལས་ཀྱི་དབང་ཐོབ་པར་གྱུར་ཅིག། སོ་སོའི་རྫས་ཀྱིས་དབང་བསྐུར་ཏེ།། མི་ལྡོག་བརྟན་ཞིང་ཐོབ་པར་བྱ།། གསང་བའི་དབང་བསྐུར་ཐོབ་པ་ནི།། མ་མོར་སྣང་བ་རང་གི་སེམས།། སེམས་ཉིད་མ ་བཅོས་ཐིག་ལེའི་ངང་།། སེམས་ལ་རང་དབང་ཐོབ་པ་ན།། ཆོས་ཀྱི་སྐུ་ཡི་རང་བཞིན་དེ། ཁམས་གསུམ་འཁོར་བའི་གཡུལ་ལས་རྒྱལ།། ཞེས་བཀའ་སྩལ་ཏོ།། སྤུ་གྲི་ཡ་མའི་རྒྱུད་ལས་དབང་གི་ལེའུ་སྟེ་ལྔ ་པའོ།། །། དེ་ནས་ཡང་དཔལ་པདྨ་གར་གྱི་དབང་ཕྱུག་གིས། མི་འདའ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམ་ཚིག་གི་གནད་འདི་ཆེད་དུ་བཀའ་སྩལ་ཏོ།། དམ་དུ་བཅས་པ་སྡོམ་པ་སྟེ།། མི་འདའ ་བ་སྟེ་དམ་པའི་རིགས།། འདས་ན་འབྲས་བུ་ཚིག་པས་ན།། དཔེར་ན་ཏ་ལ་མགོ་བཅད་བཞིན།། འབྲས་བུ་མེད་ཅིང་རླག་པར་འགྱུར།། དམ་ཚིག་དང་ནི་སྡོམ་པ་ལ། ཁྱད་པར་ཐུན་མོང་རྣམ་པ་གཉིས།། ཐུན་མོང ་འབུམ་སྡེ་ས་མ་ཡ།། བསྡུ་ན་སུམ་བརྒྱ་དྲུག་ཅུར་འདུས།། དེ་ཡང་རྩ་བ་ཡན་ལག་གི། དམ་ཚིག་ཉི་ཤུ་རྩ་བརྒྱད་དོ།། བསྡུས་པ་སྐུ་གསུང་ཐུགས་ཡིན་ནོ།། བླ་མེད་མི་སྤང་བླ་མ་བཀུར།། སྔགས་དང་ཕྱག་རྒྱ་རྒྱུན་མི ་གཅད།། གསང་ཚིག་གཞན་དུ་སྨྲ་མི་བྱ།། དམ་ཚིག་རྡོ་རྗེ་མཆོག་གསུམ་པོ།། མ་མོའི་སྐུ་གསུང་ཐུགས་ཡིན་ཏེ།། དངོས་གྲུབ་ཐམས་ཅད་འབྱུང་བའི་གཞི།། ཡིད་བཞིན་དགོས་འདོད་སྐོང་བའི་གཏེར། ཁྱད་པར་མ ་མོའི་དམ་ཚིག་ནི།། མ་དང་མོ་ཡི་དོན་རྟོགས་ནས།། བཟླས་བརྗོད་བསྙེན་པ་རྒྱུན་མི་གཅོད།། ཏིང་འཛིན་རྩེ་གཅིག་བརྟན་པ་དང་། རྟག་ཏུ་དམ་ཚིག་བདེན་པ་དང་།། མཆོད་ཚོགས་གཏོར་མ་རྒྱུན་མི་གཅད།། མ་ལ ་རྟག་ཏུ་གདུང་བ་བསྐྱེད།། དམ་ཚིག་སྔགས་དང་ཕྱག་རྒྱ་བརྟེན།། རྒྱུད་ཀྱི་ཁུངས་དང་སྒྲུབ་པའི་གནས།། བསྒྲུབ་པའི་གྲོགས་དང་གཟུངས་མ་དང་།། བརྡ་ཚིགས་ནམ་ཡང་བརྗོད་མི་བྱ།། རྟག་ཏུ་དམེ་ཉམས་མཁོན་མི ་བྱ།། དུས་བཞི་རྒྱུ་བའི་གནས་སུ་བསྐང་།། ཞེས་བཀའ་སྩལ་ཏེ། སྤུ་གྲི་ཡ་མའི་རྒྱུད་ལས་དམ་ཚིག་གནད་ཀྱི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་དཔལ་པདྨ་གར་གྱི་དབང་ཕྱུག་གིས། དབང ་སྐྱུསྒྱུསྦྱར་ཐབས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། སྒྲུབ་ཐབས་ཀྱི་རིམ་པ་བཀའ་སྩལ་པ་ལ་ནི། མ་མོ་བསྙེན་ཅིང་སྒྲུབ་པ་ལ།། ཐབས་ནི་རབ་འབྲིང་ཐ་མ་གསུམ།། རབ་ཀྱིས་ཏིང་འཛིན་བརྟེན་ཏེ ་བསྒྲུབས།། འབྲིང་གིས་སྔགས་ལ་བརྟེན་ཏེ་བསྒྲུབས།། ཐ་མས་རྫས་ལ་བརྟེན་ཏེ་བསྒྲུབས།། རབ་ཀྱི་ཏིང་འཛིན་བརྟེན་བྱ་བ།། བསྐྱེད་པའི་ཚུལ་དང་རྫོགས་པ་དང་།། རྫོགས་པ་ཆེན་པོའི་ཏིང་འཛིན ་གསུམ།། རིམ་པའི་ཚུལ་གྱིས་ཐོབ་བྱས་ན། ཤེས་རབ་ཏིང་འཛིན་ཡོ་བྱད་རྟེན།། ཡོ་བྱད་གཉིས་དང་མ་ལྡན་ན།། དངོས་གྲུབ་ཐོབ་པའི་ཐབས་དང་བྲལ།། ཡོ་བྱད་གཉིས་ལ་ལོངས་སྤྱོད་ན།། མ་མོའི་དངོས་གྲུབ་རང ་དབང་བྱེད།། དེས་ན་ཡོ་བྱད་བརྟགས་པར་བྱ།། བསྐྱེད་པའི་ཏིང་འཛིན་རིམ་པ་ནི།། དེ་བཞིན་ཉིད་དང་ཀུན་སྣང་རྒྱུ།། དབང་ཆེན་ཡུམ་ལྔའི་བྷ་ག་རུ།། བྷནྡྷ་འབར་བའི་གཞལ་ཡས་བསྒོམ།། རོ་ཚོགས་སྟོང་གི་གདན ་སྟེང་དུ།། ལྷ་མོ་བསྣོལ་བའི་ཁྲི་སྟེང་ན།། ཆུ་སྲིན་ཏི་ར་ནག་མོ་ནི།། བཞི་ཡི་ཁྲི་སྟེང་ཉི་ཟླ་བསམ།། སྨུག་ནག་ཛ་ཡིས་འཕྲོ་འདུ་ལས།། བུད་མེད་སྨུག་མོ་ཆེན་མོ་གཅིག། གསེར་གྱི་སྤྱན་ལ་གཡུ་ཡི་སྨིན།། ཞལ་བགྲད ་དུང་གི་མཆེ་བ་གཙིགས།། སྐུ་སྟོད་ཞིང་གི་གཡང་གཞི་གསོལ།། སྐུ་སྨད་སྟག་གི་ཤམ་ཐབས་ཅན།། ཀླུ་རིགས་ལྔས་ནི་སྐུ་ལ་བརྒྱན།། ཐོད་པ་ཚར་གསུམ་སེ་རལ་ཁ།། དབུ་ལ་བསྐལ་པའི་མེ་དཔུང་འབར།། སྤྱན ་མིག་གཡས་ན་ཁྲག་མཚོ་འཁྱིལ།། ཕྱག་གཡོན་བྷནྡྷ་རཀྟས་བཀང་།། གཡས་པ་རྡོ་རྗེས་དཀྲུག་ཅིང་གསོལ།། ཞབས་གཉིས་བརྐྱང་བསྐུམ་དོར་ཐབས་བགྲད།། བུད་མེད་སྨུག་མོ་འབུམ་གྱི་བསྐོར།། ཏིང་ངེ་འཛིན་གྱི ་མེ་གཏོང་ཞིང་། རིམ་པས་བསྒོམ་ཞིང་བརྟན་པར་བྱ།། ཡེ་ཤེས་མ་མོ་སྤྱན་དྲངས་ཤིང་།། ལས་ཀྱི་མ་མོ་དགུག་གཞུག་བསྟིམ།། དེ་ཡི་མཐུ་དང་ལྡན་བྱ་སྟེ།། ཕྲིན་ལས་རྣམ་བཞི་དམིགས་དང་སྦྱར།། ཡོངས་ན་བར་དུ ་གཅོད་པར་འགྱུར།། མ་ཡེངས་བརྟན་ན་དངོས་གྲུབ་འགྲུབ།། སྤུ་གྲི་ཡ་མའི་རྒྱུད་ལས་བསྐྱེད་པའི་ཏིང་ངེ་འཛིན་གྱི་ལེའུ་སྟེ་བདུན་པའོ།། །། དེ་ནས་རྫོགས་པའི་ཏིང་ངེ་འཛིན་སྒྲུབ་པ་ནི། སྙིང་པོ་ཚིག་ཙམ་བརྗོད ་པའམ།། དྲན་རིགས་ཙམ་གྱིས་རྫོགས་པ་ནི།། ཆུ་ལས་ཆུ་བུར་རྡོལ་བའི་ཚུལ།། བུད་མེད་སྨུག་མོ་གོ་ཟུ་ཅན།། བཀའ་སྩལ་ནོད་ཅིང་གམ་དུ་འོང་།། ལུས་དང་གྲིབ་མའི་ཚུལ་དུ་འགྲོགས།། མ་སྲིང་ལྟ་བུར་གདུང་བ ་ལ།། བསྒོ་བ་ཉན་པའི་བྲན་མོར་བརྟག་སྤུ་གྲི་ཡ་མའི་རྒྱུད་ལས་རྫོགས་པའི་ཏིང་ངེ་འཛིན་གྱི་ལེའུ་སྟེ་བརྒྱད་པའོ།། །། རྫོགས་ཆེན་ཏིང་འཛིན་སྒྲུབ་པ་ནི། ཏིང་ངེ་འཛིན་ལ་དབང་ཐོབ་པས།། མ་མོའི་སྲོག་ལ ་རང་དབང་བྱེད།། སེམས་དང་མ་མོ་གཉིས་མེད་པས།། སེམས་ཉིད་མ་མོའི་རྣམ་པར་སྣང་།། ཡིད་བཞིན་ནོར་བུའི་གཏེར་འཆང་བས།། དགོས་འདོད་རང་ལ་འབྱུང་བ་ལྟར།། གཟུགས་སྣང་ཐམས་ཅད་མ་མོའི ་སྐུ།། སྒྲ་སྐད་ཐམས་ཅད་མ་མོའི་གསུང་།། དྲན་རིགས་ཐམས་ཅད་མ་མོའི་ཐུགས།། སྐྱེ་མེད་རྫོགས་པའི་སྟོབས་འཆང་བ།། ལོངས་སྤྱོད་རང་ལ་རྫོགས་པའི་སྐུ།། སྤྲུལ་པ་མི་བཟད་འདོད་དགུར་སྦྱར།། སེམས་ཀྱི་ཡོན ་ཏན་ཏིང་འཛིན་མཛོད།། དངོས་གྲུབ་གང་འདོད་ཡིད་བཞིན་སྐོང་།། སྤུ་གྲི་ཡ་མའི་རྒྱུད་ལས་རྫོགས་ཆེན་ཏིང་ངེ་འཛིན་གྱི་ལེའུ་སྟེ་དགུ་པའོ།། །། འབྲིང་གིས་གསང་སྔགས་བརྟན་བྱ་བ།། ངན ་སྔགས་དྲག་སྔགས་རྣམ་པ་གཉིས།། དྲག་སྔགས་ལ་ཡང་རྣམ་གཉིས་ཏེ།། གསད་དང་དམོད་པའི་དྲག་སྔགས་གཉིས།། ངན་སྔགས་ལ་ཡང་རྣམ་གཉིས་ཏེ།། སྦྱོར་བ་ཕྱི་ཡི་ངན་སྔགས་དང་།། སྦྱོར་བ་ནང་གི་ངན ་སྔགས་གཉིས།། གང་ལ་དམིགས་པས་དེ་འགྲུབ་པས།། གསང་སྔགས་རིམ་པ་དེ་བསྟན་པ།། མ་ནོར་རྩ་བའི་རྒྱུ་སྔགས་ནི། ཛ་སྨུག་གུའོ།། བསྐྱེད་པ་རྐྱེན་གྱི་སྔགས་ནི། ཨེ་ཀ་ཛ་ཏི་མ་ཧཱ་ཀྲོ་དྷ་ཧཱུཾ་ཕཊ། དབང་བསྐུར ་བའི་སྔགས་ནི། ཏྲག་ཏྲག་སྤྱན་དྲང་བའི་སྔགས་ནི། མ་མ་ཨེ་ཀ་ཛ་ཏི་ཨ་ར་ལི། ཛ་ཛ་ཧྲིང་ཧྲིང་། མཆོད་པའི་སྔགས་ནི། མ་མ་ཏྲག་ཤ་མུ་ཏྲ་ཨེ་ཀ་ཛ་ཏི་ཨི་དཾ་ཨ་མྲྀ་ཏ་མ་ཧཱ་ལི་གྲྀཧྞ་པཱུ་ཛ་ཁཱ་ཧི། དངོས་གྲུབ་བླང་བའི ་སྔགས་ནི། མ་མ་ཏྲག་རཀྵ་མུ་ཏྲ་ཨེ་ཀ་ཛ་ཏི་ཀཱ་ཡ་སིདྡྷི་ཨོཾ། ཝཀྐ་སིདྡྷི་ཨཱཿཙིཏྟ་སིདྡྷི་ཧཱུཾ། དམ་ཚིག་གསུམ་གྱི་སྔགས་དང་། ཕྱག་རྒྱ་ལ། ཐོད་སྐམ་གྱི་ཕྱག་རྒྱ་བཅས་ལ། ཨོཾ་བཛྲ་གུ་ཧྱ་དྲྀ་ཤྱ་ས་མ་ཡ་ཧཱུཾ། སྐུའི་དམ་ཚིག ་གོ། ཐོད་རློན་གྱི་ཕྱག་རྒྱ་བཅས་ལ། ཨོཾ་གུ་ཧྱ་དྲྀ་ཤྱ་ས་མ་ཡ་ཧོ། ཐོད་ཚལ་གྱི་ཕྱག་རྒྱ་བཅས་ལ། ཨོཾ་གུ་ཧྱ་དྲྀ་ཤྱ་ས་མ་ཡ་ཕཊ། ཐུགས་ཀྱི་དམ་ཆོག་གོ། གསང་བའི་དྲག་སྔགས་སྲོག་གི་སྙིང་པོ་ནས་དྲང་བ། མ་མ་ཏྲག ་རཀྵ་མུ་ཏྲ་ཨེ་ཀ་ཛཱ་ཏི་སྙིང་ཁ་རག་མོ་བྷྱོ།། དམོད་པའི་དྲག་སྔགས་ལས་ལ་བསྐུལ་ཞིང་རྦད་པ་ནི། མ་མ་ཨེ་ཀ་ཛ་ཏི་ས་མ་ཡ་སྙིང་ལ་སེན་སེན། སྲོག་ལ་ཡཾ་ཡཾ། སྙིང་རྩ་ནི་རྦད་བམ་རོལ། ཏྲག་རཀྵ་མུ་ཏྲ་ནི་དགྲ་ལ ་ཡ་བཛྲ་བྷནྣ་ན་བྷྱོ། གསད་སྔགས་ལ། ཁཱ་ཁཱ་མཱ་ར་ཡ་རཀྟ་ཕྱུང་ཕྱུང་མ་ཧཱ་ཨེ་ཀ་ཛ་ཏི། ཀྲོ་དྷ་མ་ཧཱུཾ་ཕཊ། ཐུན་སྒྲུབ་པའི་སྔགས་ལ། མ་མ་རཀྵ་ཁ་རམ་མྱོས།། སྲོག་རྩ་རྦད་ཙིཏྟ་ལོང་རཀྟ་ཐུན་མ་མ། རཀྟ་ཙ་མུརྠི། སྙིང ་ཁྲག་རག་ཁྲ་རག་ཐུན་ཐུན་ཡཱ་མ་ཡ་བྷྱོ། ཐུན་བརྡེག་པའི་སྔགས་ལ། ཏྲག་རཀྐ་མཱ་ཡ་མཱ་ཡ་མ་སྙིང་ཁ་རག་ཚལ་པ་སྲོག་ལ་ཐུན་བྷྱོ། ཕྲིན་ལས་བཞིའི་སྔགས་ལ། མ་ཏྲག་རཀྐ་མུ་ཏྲ་ཨེ་ཀ་ཛ་ཏི་སྙིང་ལ་རག་མོ་ཤཱན་ཏིང ་ཀུ་རུ་སྭཱ་ཧཱ། ཚེ་དང་བསོད་ནམས་རྒྱས་པའི་སྔགས་ལ། མ་མ་ཏྲག་མུ་ཏྲ་ཨེ་ཀ་ཛ་ཏི་སྙིང་ཁ་རག་མ། པུ་ཏྲ་ཨཱ་ཡུཿཕ་ལ་སིདྡྷི་ཧཱུཾ། ལོག་པར་བལྟ་བ་དབང་དུ་བསྡུ་བའི་སྔགས་ལ། མ་མ་ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ ་རག་མ་བ་ཤཾ་རུ་ཀུ་སྭཱ་ཧཱ། ལྷ་འདྲེ་ཐམས་ཅད་དབང་དུ་བྱ་བའི་སྔགས་ལ། མ་མ་ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་མ། བཛྲ་དུན་བྷྱོ། ཏི་ཀ་ན་ཛ་ཛ་ས་མ་ཡ་སྟྭཾ། གཞན་གྱི་རིག་སྔགས་བཟློག་པའི་སྔགས་ལ། མ ་མ་ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་མོ་མནྟ་ཀ་ལ་ཡཀྴ་ཟློག་བདུད་ནག་པོ་བཀྲག་མེད་བཟློག་པའི་སྔགས་ལ། ཡཀྐ་པཱ་ལ་ཧ་ན་ཧ་ན་ཧཱུཾ་ཕཊ། དམུ་བདུད་ནག་པོ་བཟློག་པའི་སྔགས་ལ། བྷེ་བ་ས་ཏྭ་ཡེ་ཧ་ན་ཧ་ན ་ཧཱུཾ་ཕཊ། ཀླུ་བདུད་ནག་པོ་བཟློག་པའི་སྔགས་ལ། ན་ག་ཧ་ཏི་ནན་པ་ལིང་པ་ཀུ་རུ་ལིང་མ་ཏིང་སོད། གནོད་སྦྱིན་ནག་མོ་བཟློག་པའི་སྔགས་ལ། མ་མོ་དུན་དུན་བཟློག་ཡག་ཤ་མོ་དུན་དུན་བཟློག་སྙིང ་ཁ་རག་དུན་བཟློག་སྦྱོར་བ་ཕྱི་ཡི་ངན་སྔགས་ལ།། དུད་མོ་ཕྲོམ་དཀར་ཕྲོམ་ཤུ་རི་ཕྲོམ། ཡུག་ཏི་སྨིན། ཏྲག་དུ་ཙ་ར་ཧྲིལ་བྷྱོ། ཏྲྀ་ཏྲྀ་ཧྲིལ་བྷྱོ།། ལྟས་ངན་དབབ་པའི་ངན་སྔགས་ལ།། ཏྲག་ཧེ་ཧེ་མ་མ་དུན་ཙེ་ལ། ཀང་ཀེ། ་བྲི་ལ་དུན་ཙེ་ལ། ཀྱང་གིང་ཕོ་བ་ཡ་ཡམ་ལིང་ཤ་མ་ལིང་མི་ཤ་དུན་ཛ། ཕོ་བ་ཡ་འུར་འུར་ཏྲབ་ཏྲབ་ཐིབ་ཐིབ་ཀྱིང་ཀྱིང་། དུན་དུན་ཕོབ་ལ། ཙི་བི་ལི་རུར་ཡག་ཤི་དུ་དུ་བྲི་ལ་དུན་ཕོབ་ལ། སྦྱོར་བ་ནང་གི་ངན་སྔགས ་ལ།། མ་མ་ཏྲག་རཀྟ་ཁ་མུན་ཏྲ། མུ་ཏྲ་ཨེ་ཀ་ཛ་ཏི་སྙིང་ཁ་རག་མ་བྷྱོ།། ཏྲག་རཀྵ་ས་མ་ཡ་དགྲ་བོའི་སྙིང་ལིང་རྒུད།། སྥུ་གྲི་ཡ་མའི་རྒྱུད་ལས་སྙིང་པོའི་སྔགས་ཀྱི་ལེའུ་སྟེ་བཅུ་པའོ།། །། ཐ་མ་རྫས་ལ་བརྟེན་བྱ ་བ།། ཕོ་སྒྲུབ་འཁོར་ལོ་ལ་བརྟེན་བསྒྲུབ།། མོ་སྒྲུབ་འཁོར་བའི་ཁྲག་ལ་བསྒྲུབ།། དྲག་སྔགས་ཉུང་དཀར་བརྟེན་ལ་བསྒྲུབ།། ཕོ་སྒྲུབ་འཁོར་ལོ་བརྟེན་བྱ་བ།། དབང་ཆེན་ཡབ་ཀྱི་འཁོར་ལོ་དང་།། ལས་བྱེད་གིང་གི ་འཁོར་ལོ་གཉིས།། དབང་ཆེན་ཡབ་ཀྱི་འཁོར་ལོ་ནི།། ཞིང་ཆེན་གསར་པའི་གཡང་གཞི་ལ།། དུག་དང་རྨེ་ཁྲག་སྦྱར་བྱས་ཏེ།། མི་རྐང་མཆོག་གི་སྨྱུ་གུས་བྲི།། དབྱིབས་ནི་ཟླ་བ་ཉ་ལྟ་བུ།། ཀུན་ནས་ཡོངས་སུ་ཟླུམ་པ ་ལ།། རིམ་པ་གསུམ་དང་ལྡན་པར་བྲི།། དབུས་སུ་གྲུ་གསུམ་ཟླ་གམ་གསུམ།། དེ་ཡི་ཕྱི་རིམ་ཐིག་སྐོར་བ།། འཁོར་ལོའི་རེའུ་མིག་བཅུ་པ་བྲི།། གྲུ་གསུམ་དབུས་སུ་པདྨ་བྲིས།། ཟླ་གམ་གསུམ་ལ་མ་མ་ཧཱ།། དེ་ཡི་ཕྱི ་རིམ་རྩིབས་བཅུ་ལ།། ད་ར་ཧྲི་ཞེས་བྱ་བ་དང་། པདྨ་ཤྲཱི་ཧེ་རུ་ཀ་ཨ། ཞེས་བྱ་བ་བཅུ་པོ་བྲི། ཐིག་སྐོར་རིམ་པ་གཉིས་པ་ལ།། འཁོར་ལོའི་རྩིབས་ནི་བཅུ་པའི་ནང་།། ཧྲཱི་པདྨ་ན་ཏ་ཀྲྀཏ་ཅེས་པ་དང་། ཨེ་ཀ་ཛ་ཏི་ཞེས་པ ་ནི། ཐིག་སྐོར་རིམ་པ་གསུམ་པ་ལ། ཧུ་ལུ་ཧུ་ལུ་ཧཱུཾ་ཕཊ། ཅེས་བསྐོར། དམར་ནག་འཇིགས་པའི་གཟུགས་བྱས་ཏེ།། དབུ་ལྔ་རྟ་མཆོག་མཛེས་པར་བྱ།། བསྐལ་པའི་མེ་དཔུང་ཀློང་དཀྱིལ་ན།། གྱད་ཀྱི་དོར་ཐབས ་བརྗིད་པར་བསྐོར།། སྐུ་གསུང་ཐུགས་སུ་བྱིན་གྱིས་བརླབས།། ཡེ་ཤེས་ལྔ་རུ་དབང་བསྐུར་རོ།། ཡབ་ཀྱི་འཁོར་ལོ་སྟེང་དུ་དགབ།། གོང་དུ་བསྙེན་པ་རྫོགས་བྱས་ལ།། དུས་བཞིར་ཡབ་ཀྱི་འཁོར་ལོ་ནི།། དབང་དུ ་བསྡུ་ཞིང་ལས་ལ་བཟུང་།། རྟག་ཏུ་ཡབ་ཀྱི་འཁོར་ལོ་བཅངས།། གང་དམིགས་ལས་རྣམས་མ་འགྲུབ་ན།། ཡབ་ཀྱི་འཁོར་ལོ་གྱེན་ལ་བསྟན།། གྲུ་གསུམ་དབུས་སུ་ཁྲག་ཐུན་བཞག། ཡབ་ཀྱི་འཁོར་ལོ་གོ་ཡང ་བཟློག། དཔལ་གྱི་གདངས་སྐད་ཟང་གསུམ་གྱིས།། དབང་དུ་དགུག་གཞུག་ཟིལ་གྱིས་མནན།། ཕྲིན་ལས་ཞི་ཁྲོ་དམིགས་དང་སྦྱར།། སྤུ་གྲི་ཡ་མའི་རྒྱུད་ལས་ཡབ་ཀྱི་འཁོར་ལོའི་ལེའུ་སྟེ་བཅུ་གཅིག ་པའོ།། །། ལས་བྱེད་གིང་གི་འཁོར་ལོ་ནི།། སྒྲོལ་གིང་བདག་པོ་མ་རུ་ཙེ།། སྦྱོར་སྒྲོལ་ལས་ཀྱི་དབང་པོ་སྟེ།། དཀྱིལ་འཁོར་གྲུ་གསུམ་ཐ་མ་རུ།། ས་བདག་རྒྱལ་པོའི་སྙིང་སོགས་དགུ།། གང་ལ་བྱ ་བའི་མིང་རུས་བཅས།། མི་ཟད་མཚོན་ཆའི་འཁོར་ལོ་བསྐོར།། གིང་ཆེན་གསད་པ་ལྡོག་མེད་ཀྱི།། སྲོག་གི་ཡང་སྙིང་འབྲུ་བརྒྱད་པ།། སྐྲ་གྲི་འབར་བའི་དྲག་སྔགས་ཡིན།། ཨོཾ་བཛྲ་གིང་ཙ་ཙ་ར་ཡམ་ཤྭ་བྷྱོ།། སྐྱ་རེངས ་དང་པོ་ཤར་བ་དང་།། ཉི་མའི་ཟེར་ལ་དྲག་ཏུ་བཟླས།། ཀུན་གཞི་རྩ་ཡི་དྲག་སྔགས་དང་།། དབང་པོ་ལྔ་ཡི་སྒྲོལ་སྔགས་བརྒྱད།། མཚོན་ཆའི་འཁོར་ལོ་བསྐོར་ཞིང་བསད།། སྤུ་གྲིའི་འབར་བའི་སྒྲོལ་སྔགས ་བརྒྱད།། འདི་བརྒྱད་གིང་གི་རེག་ཆོད་ཡིན།། ཨོཾ་བཛྲ་ཐིབ་དུ་དྷ་ར་ཡ་ཐིབ་རྦད། སུ་རཀྵ་ཐིབ་སུ་ཏི་དྷ་ར་ཐིབ། ཨོཾ་བཛྲ་ཚུབ་རིལ་རྦད། པྲ་ཏི་མུ་ཙཀྲ་དྷ་ར་རྦད། ཨོཾ་བཛྲ་དྷ་ར་ལྡིབས། ཨོཾ་བཛྲ་སྙིང་མགོ་ཆོད། ཁ་ལ་མུ ་ལ་དན་ཏི་དྷ་ར་ཡ་མ་ར་དུ་རྦད། སྙིང་དང་ལིངྒར་བཅས་པ་ལ།། འབར་བའི་འཁོར་ལོ་ཆར་པར་དབབ།། ཕུང་པོ་རྡུལ་དུ་བཤིག་ནས་ཀྱང་།། གིང་ཆེན་ཚོགས་ཀྱིས་རོལ་པར་བྱ།། རྣམ་ཤེས་རྒྱལ་བའི་སྲས་སུ ་བརླབ།། སྤུ་གྲི་ཡ་མའི་རྒྱུད་ལས་གིང་མཚོན་ཆའི་འཁོར་ལོའི་ལེའུ་སྟེ་བཅུ་གཉིས་པའོ།། །། མོ་སྒྲུབ་ཁྲག་ལ་བརྟེན་བྱ་བ།། དུས་བཞི་རྒྱུ་བའི་ས་ཕྱོགས་སུ།། དཀྱིལ་འཁོར་མདའ་གང་གྲུ་བཞི་ལ། བདུད་རྩི ་སྣ་ལྔའི་ཆག་ཆག་གདབ།། གསང་བ་མཆོག་གི་དཀྱིལ་འཁོར་ནི།། དབུས་ཀྱི་གྲུ་གསུམ་ཐུར་དུ་བྲུ།། སོར་གཉིས་འཕང་དུ་གྱེན་ལ་བསྟོད།། དུར་ཁྲོད་སོལ་བས་ནག་པོར་བྱ།། ཟླ་གམ་དམར་པོ་གསུམ་གྱིས ་བསྐོར།། མུ་ཁྱུད་དཀར་པོ་ཟོད་ཕྲེང་དམར།། གྲུ་ཆད་བཞི་ནི་ལྗང་གུར་བྱ།། བར་ཁྱམས་རྣམས་སུ་སེར་པོ་ལ།། སྒོ་བཞི་ཕྱོགས་ཀྱི་རིགས་དང་སྦྱར།། དབུས་ཀྱི་གྲུ་གསུམ་ཧེ་ཞལ་དུ།། འདོད་ཆགས་རང་ཤེས་ཐོད ་པར་ནི། ཁྱི་སྨུག་མོ་དང་ལུག་སྨུག་མོ།། ར་སྤུག་མོ་དང་བྱ་སྨུག་མོ།། སྤུག་མོ་བཞི་ཡི་སྙིང་ཁྲག་བསྩལ།། དར་སྨུག་པོ་ཡི་གུར་ཁང་དབུབ།། བར་ཁྱམས་སྒོ་བཞིར་འབྲུབ་ཁུང་བཞི།། དྲག་པོའི་ཐོད་པར་ཐུན་བཞི ་བཅའ།། ཤར་དུ་ར་སྨུག་སྙིང་ཁྲག་ཐུན།། ལྷོ་རུ་ཁྱི་སྨུག་སྙིང་ཁྲག་ཐུན།། ནུབ་ཏུ་ལུག་སྤུག་སྙིང་ཁྲག་ཐུན།། བྱང་དུ་བྱ་སྨུག་སྙིང་ཁྲག་ཐུན།། ཉུང་དཀར་ཉུང་ནག་སྐེ་ཚེ་དང་།། ཤང་ཚེ་བཞི་ལ་བསྔགས་ཤིང ་བླུག། དཀྱིལ་འཁོར་ལྕགས་རིའི་སྒོ་བཞི་རུ།། སྨན་དང་རཀྟ་གཏོར་མ་བཞག། བྱང་སྒོར་མ་མོ་བརྟེན་པའི་རྫས།། ཟངས་སམ་འཁར་བའི་གཞོང་པ་རུ།། སྤུག་མོ་བཞི་ཡི་ཁྲག་མཚོ་བསྐྱིལ།། སྨུག་མོ་བཞི་ཡི་ཁྲག་གི ་ནི།། རམ་བུའི་ཕྱེ་ལ་སྤྲས་པ་ཡི།། དཔལ་བཤོས་ཟུར་གསུམ་ཁྲུ་གང་ཚད།། སེང་ལྡེང་ཕུར་པ་ཁྲུ་གང་ལ།། བུད་མེད་སྨུག་མོའི་དབང་པོ་ལྔ།། སྐྲ་དང་སོ་དང་སེན་མོ་ལ།། གང་ལ་བྱ་བའི་གསོན་ཐུན་དབབ།། འབུར ་རམ་རིས་སུ་བྱས་པ་ཡི།། མ་མོ་སྐུ་ཡི་གཟུགས་བརྙན་ལ།། སྙིང་པོ་སྲོག་གི་སྙིང་པོ་བྲིས། ཁྲག་གི་ཞུ་མར་སྐུ་ཡི་མདངས།། མ་མོའི་གཟུགས་བརྙན་ཁྲག་མཚོར་དབྱུང་།། གང་དམིགས་གཟུགས ་མདངས་ཁྲག་གི་ཐུན།། གཟུགས་ལ་ལྕགས་ཐག་ཟངས་ཐག་གདགས།། ལྕགས་དང་ཟངས་ཀྱི་ཕུར་བུས་བརྟོས།། སྤྱི་ཐུན་དྲིལ་དང་སྒོས་ཐུན་གཏོར།། ཐུན་དབབ་དངོས་དང་ཕྱོགས་སུ་འཕངས།། སྤུ་གྲི་ཡ་མའི་རྒྱུད ་ལས་མ་མོ་ཁྲག་ལ་བསྟེན་པའི་ལེའུ་སྟེ་བཅུ་གསུམ་པའོ།། །། དྲག་སྔགས་ཉུང་དཀར་ལ་བརྟེན་བྱ།། ཉུང་དཀར་རྒྱལ་པོ་སྔགས་ཀྱི་མདའ།། སྣ་ཚོགས་དུག་གི་ཁུ་བ་ནས།། སྔགས་ཀྱི་མདའ་མཆོག་དབྱུང་བར ་བྱ།། ཤེས་རབ་པདྨའི་ཚལ་ཆེན་གྱིས།། ཞེ་སྡང་སྲིན་མོར་དབང་བསྐུར་ནས།། རྒྱུད་དུ་གནག་པ་རྩེ་གཅིག་བྱ།། བསྙེན་པ་མངོན་དུ་རྫོགས་པ་དང་།། གང་ལ་བྱ་བའི་སྙིང་དཀྱིལ་དུ།། སྙིང་པོ་ཡི་གེ་ནརྀ་བསམ་ལ།། དྲག ་སྔགས་འདིས་ནི་བརྡེག་པར་བྱ།། མ་མ་ཏྲག་རཀྵ་ཁ་མུན་ཏྲ་ཨེ་ཀ་ཛ་ཏི་སྙིང་ཁ་རག་མོ་བྷྱོ། མ་མ་ཏྲག་རཀྵ་ས་མ་ཡ། དགྲ་བོའི་སྙིང་ལིང་རྒུད།། ཡང་ན་སྙིང་དཀྱིལ་ནརྀ་བསམ་ལ།། དྲག་སྔགས་འདིས་ནི་བརྡེག་པར ་བྱ།། ཏྲག་རཀྵ་མུ་ཏྲག་ཨེ་ཀ་ཛ་ཏི་སྙིང་ཁ་རག་མོ་བྷྱོ། ཡ་མ་དུ་སྙིང་ཁྲག་དགྲ་བོ་མཱ་ར་ཡ་ནརྀ་ཤ་ཀུ་རུ། ཁ་སོ་བ་ཏྲི་ཡཾ། དུས་མ་སོན་སེན་ཡཾ། དགྲ་བོའི་སྲོག་རྩ་ལ་མ་ཡ། ཁ་འོག་པར་ན་གནས་པ་ཡི།། སྲིད་པ་གསུམ ་ཡང་རླག་པར་ངེས།། སྤུ་གྲི་ཡ་མའི་རྒྱུད་ལས་དྲག་སྔགས་ཉུང་དཀར་ལ་བརྟེན་པའི་ལེའུ་སྟེ་བཅུ་བཞི་པའོ།། །། དེ་ནས་དཔལ་པདྨ་གར་གྱི་དབང་ཕྱུག་གིས། ཕྱི་ནང་གསང་བ་རྣམ་པ་གསུམ།། ངན་ཐབས་རྣམ ་གསུམ་བཀའ་སྩལ་པ།། སྣརེལ་གྲི་མོ་ཡི་ཐོད་པ་རུ།། སྒྲོན་མོ་ཉིད་ཀྱི་མཎྜལ་བྲི།། དྲག་པོའི་སྣོད་དུ་ཐུན་བཞི་བཅའ།། དབུས་སུ་སྙིང་ཐུན་ཉིད་ལ་བསྡུ།། མཐའ་མ་ངན་ཐབས་རྣམ་པ་གསུམ།། འདོད་ཆགས་བྱ་ལ་ཐུན ་ཟོཟེར་བྱ།། ཞེ་སྡང་ཁྱི་ལ་སྦྱིན་བསྲེག་བྱ།། གཏི་མུག་ཙ་ར་དག་ལ་མནན།། ཕུར་པས་གདབ་ཅིང་ཁྲག་ཐུན་བརྡེག། ཕྱེད་ཕྱར་ཕྱེད་ནི་ཆུ་ལ་གཏོར།། སྙིང་ཁྲག་དུག་སྣ་མིང་བྱང་བསྲེག། སྔགས་བརྗོད་ཀླུ་བདག་གཉེན ་སར་མནན།། སྐྱེ་ཚེ་སྙིང་སྣ་ཁྲག་སྣ་དུག། སོག་པ་མིང་བྱང་ཙིཏྟ་ཡང་།། སྐེ་ལ་བསྐོན་ལ་དགྲ་སར་བསྐུལ།། རྒྱུན་དུ་བླ་རྡོ་ལུག་ལ་བྱ།། སྔགས་ལ་ཕྱི་ནང་གསང་བ་གསུམ།། དེ་ལ་ཕྱི་ལྟར་བཟླས་པ་ནི།། ཏྲག་རཀྟ་ཁ ་མུན་ཏྲ་ཨེ་ཀ་ཛ་ཏི་སྙིང་ཁ་རག་མ་བྷྱོ། ཐོག་མཐའ་ཐག་དང་བྷྱོ་ཡིས་སོ།། བར་ན་བཅོ་ལྔ་འབྲུ་གནས་པ།། མ་ཅིག་མ་ཡི་ཡང་སྙིང་ངོ་།། མ་ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་མ་བྷྱོ། ཐོག་མཐའ་མ་དང་བྷོ་ཡིས ་སོ།། བར་ན་བཅུ་བཞིའི་འབྲུ་གནས་པ། ནང་ལྟར་བཟླས་པའི་ཡང་སྙིང་ཡིན།། ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་མ་བྷྱོ།། ཐོག་མཐའ་ཏྲག་དང་བྷྱོ་ཡིས་སོ།། བར་ན་བཅུ་གཉིས་འབྲུ་གནས་པ།། གསང་བར ་བཟླས་པའི་ཡང་སྙིང་ཡིན།། ཕྱི་ནང་གསང་བ་ཡང་སྙིང་ལ།། མཇུག་ཏུ་བསྲེག་ན་སྭཱ་ཧཱ་སྦྱོར།། འཕང་ན་མཇུག་ཏུ་ཐུན་བྷྱོས་སྦྱོར།། མཇུག་ཏུ་མནན་པ་ནན་གྱིས་སྦྱོར།། ཕྲིན་ལས་བཅོལ་དང་སྲོག་ལས ་དྲང་།། མཆོད་པ་དབུལ་དང་ཟོར་ཐུན་དྲིལ།། བཞི་རུ་དྲིལ་ཏེ་མནན་བསྲེག་འཕང་།། ལུག་སྨུག་མོ་ཡི་སྙིང་ནང་དུ།། སྨུག་མོ་གསུམ་གྱི་སྙིང་ཁྲག་དང་།། གང་ལ་བྱ་བའི་མིང་དང་རུས།། ཉུང་དཀར་ཉུང་ནག་སྐྱེ་ཚེ ་དང་།། ཤ་ཆེན་རྣམས་ནི་བླུག་པར་བྱ།། མ་གཅིག་མ་ཡི་ཡང་སྙིང་ནི།། ལེ་བརྒན་དར་ལ་གྲིལ་ལ་སྩལ།། མཐིང་ནག་དར་གྱི་ནང་དུ་བཏུམས།། རྒྱུན་དུ་བླ་རྡོ་ལུས་ལ་བཅངས།། སྔགས་བཟླས་ཚད་དུ་ཕྱིན་པར ་བྱ།། མི་བསད་ལྕགས་ཕུར་སོར་བརྒྱད་ལ། ཁྲག་སྣ་བདུན་ལ་སྲོག་སྙིང་བཟླས།། མགར་བ་ཤ་མདོག་ནག་པོ་དང་། ཁྲོ་གཏུམ་ཆེ་བའི་དཔྲལ་བར་གདགས།། ཏྲག་ཅེས་པས་དབང་ཡང་བསྐུར།། མ་མོར་མངའ ་གསོལ་རྒྱུན་སྔགས་བཟླས།། རྩེ་གཅིག་གནག་པའི་འཕྲོ་འདུ་བྱ།། སྤུ་གྲི་ཡ་མའི་རྒྱུད་ལས་ཕྱི་ནང་གསང་བ་རྣམ་པ་གསུམ།། ངན་ཐབས་གསུམ་དུ་དྲིལ་བའི་ལེའུ་སྟེ་བཅོ་ལྔ་པའོ།། །། དེ་ནས་བཅོམ་ལྡན་འདས ་དཔལ་པདྨ་གར་གྱི་དབང་ཕྱུག་གིས། གྲུབ་པའི་རྟགས་ཚད་བསྟན་པ་ནི། མངོན་ཤེས་འཕྲུལ་གྱི་མེ་ལོང་འདི།། རྟགས་ལ་རྣམ་པ་གསུམ་དུ་བསྟན།། རྨི་ལམ་ཉམས་དང་མངོན་སུམ་དུ།། བུད་མེད་སྨུག་མོ་འོང་བ ་དང་།། འོད་དང་མཚོན་ཆར་འོང་བ་དང་།། སྦྱོར་ཁའི་རྟགས་ནི་ཐུན་ལ་འོང་།། མཚན་མའི་རྣམ་པ་གང་བྱུང་ཡང་།། དམ་ཚིག་སྔགས་དང་ཕྱག་རྒྱ་བསྟན།། བར་ཆོད་ཡིན་ན་རྟགས་མི་བཟོད།། འོད་ནི་དཀར་ཞིང ་གསལ་བ་དང་།། དམར་ཞིང་གདངས་ལ་ཆེན་བཟང་།། སྨུག་ནག་མོག་པོར་བྱུང་བ་ནི།། སྔགས་པ་ལམ་ལོག་དམ་ཉམས་ཡིན།། མོག་པོར་བྱུང་ན་བཤགས་པ་བྱ།། གསད་པའི་རྟགས་ནི་མཚོན་ཆ་སྟེ། ཁ་གས་སོ ་ཆག་རྩན་ལ་ངན།། མཚོན་ཆ་མེ་འབར་འོད་འཕྲོ་དང་།། ཐོགས་པ་མེད་པར་གཅོད་ན་བཟང་།། ཐུན་གྱི་རྟགས་མཚན་བསྟན་པ་ནི།། བྷནྡྷའི་རཀྟ་ཁོལ་ན་བཟང་།། དྲི་ཞིམ་མནམ་ཞིང་འཕེལ་ན་བཟང་།། ལྦུ་བ་སོབ ་མོར་བྱུང་ན་ངན།། དྲི་མི་ཞིམ་ཞིང་ཉུང་ན་ངན།། དམ་ཚིག་ཉམས་ན་བསྐང་བཤགས་བྱ།། རྟགས་ཀྱི་རྣམ་པ་གང་བྱུང་ཡང་།། དམ་ཚིག་བསྲེ་ཞིང་དངོས་གྲུབ་བླངས།། གསང་ཞིང་ཡིད་ལ་བརྣག་པར་བྱ།། དབང་ཆེན ་བསྒོམ་ཞིང་དབང་དུ་བསྡུ།། ཉམས་ཀྱི་ཕྱག་རྒྱ་རང་དོན་བརྟན།། བབ་ཚོལ་རལ་ཆོད་སྤྱད་ཉེས་ན།། ལོང་བ་རི་མོ་མཁན་དང་འདྲ།། ཚེ་ཆད་རང་གི་གཉེན་པོར་འགྱུར།། དེ་བས་ཉམས་ཀྱི་ཕྱག་རྒྱ་བསྟན།། རྩཝ་གྲྀ ་ཡ་མའི་རྒྱུད་ལས་མཚན་རྟགས་ཀྱི་ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་དཔལ་པདྨ་གར་གྱི་དབང་ཕྱུག་གིས། སྔགས་ཀྱི་འཁོར་ལོ་བསྐོར་བ་དང་། བཟླས་ལུགས་རིམ་པ་བཀའ་སྩལ ་པ།། དབང་ཆེན་ཡབ་ཀྱི་ཐུགས་ཀ་ནས།། ཙིཏྟ་རིན་ཆེན་གའུ་རུ།། ཨ་ལས་ཟླ་བའི་དཀྱིལ་འཁོར་བསམ།། དེ་དཀྱིལ་ཧཱུཾ་ལ་སྙིང་པོས་བསྐོར།། པདྨ་མ་ད་ཧྲི།། པདྨ་ཤྲཱི་ཧེ་རུ་ཀ་ཨ། ཡབ་ཀྱི་འཁོར་ལོ ་གཡས་སུ་བསྐོར།། ཧྲཱི་པདྨ་ཏ་ཀྲྀཏ་ཧ་ཡ་གྲཱི་བ་ཧཱུཾ། ཨེ་ཀ་ཛ་ཏི་རུ་ལུ་ཧུ་ལུ་ཧཱུཾ་ཕཊ། ཡབ་ཀྱི་མཐའ་མ་ལས་སྔགས་བསྐོར།། གསེར་གྱི་བ་ཐག་བཞིན་དུ་སྤྲོ།། ཡུམ་གྱི་ཙིཏྟ་གའུ་རུ།། མ་ལས་ཉི་མའི་དཀྱིལ་འཁོར ་བསམ།། ཉི་དཀྱིལ་ཏྲག་ལ་སྙིང་པོས་བསྐོར།། མ་མ་ཏྲག་རཀྵ་མུ་ཏྲ་ཨེ་ཀ་ཛ་ཏི། སྙིང་ཁ་རག་མ་བྷྱོ།། ཡུམ་གྱི་འཁོར་ལོ་གཡོན་དུ་བསྐོར།། དེ་ཡི་ཕྱི་རིམ་རྦད་པའི་སྔགས།། ཐ་མ་བསད་པའི་སྔགས་ཀྱི་བསྐོར།། འོད ་ཟེར་ལྕགས་ཀྱུ་ལྟ་བུར་བསྐོར།། སྲོད་ལ་སྲོག་གི་སྙིང་པོ་ནི།། དགེ་འདུན་གྲོང་དུ་འདུ་བའི་ཚུལ།། འོད་དང་བུད་མེད་མཚོན་ཆར་འོང་།། ནམ་གུང་རྦད་པའི་སྙིང་པོ་ནི།། རླུང་ནག་འཚུབས་མའི་ཚུལ་དུ་བཟླས།། སྣང ་མ་མོ་འཁྲུག་ན་བཟང་།། ཐོ་རངས་གསད་པའི་སྙིང་པོ་ནི།། ཁྲ་སྦྲང་གཟན་ལ་རུབ་པའི་ཚུལ།། གསད་བཅད་མང་པོ་བྱེད་པ་དང་།། ཤ་ཆང་མང་པོ་བྱེད་ན་བཟང་།། ཡབ་ཀྱི་འཁོར་ལོ་གཡས་སུ་བསྐོར།། ཡུམ་གྱི ་འཁོར་ལོ་གཡོན་དུ་བསྐོར།། གཉིས་སུ་མེད་པ་འཕྲོ་འདུ་བྱ། སྤུ་གྲི་ཡ་མའི་རྒྱུད་ལས་བཟླས་ལུགས་འཁོར་ལོ་བསྐོར་བའི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན་འདས་དཔལ་པདྨ་གར་གྱི་དབང་ཕྱུག ་གིས། ཐབས་དང་ཤེས་རབ་གཉིས་མེད་པས།། རྒྱལ་བ་ཡབ་དང་སྡེབས་པ་དང་།། ལས་མཁན་གིང་དང་སྡེབས་པ་དང་།། རྒྱལ་བ་ཡབ་དང་སྡེབས་པ་ནི།། ཡབ་ནི་བྱིན་ཆེ་བཀྲ་ཤིས་ཤིང་།། དབང་དུ་བསྡུ་ཞིང་བྱང ་ཆུབ་ཐོབ།། ཡུམ་གྱི་རྣོ་ཞིང་མྱུར་བ་དང་།། བཀྲག་ཟེར་ཆེ་ཞིང་ཉེ་བས་ན།། ཡབ་ཡུམ་གཉིས་མེད་སྒྲུབ་པའི་ཐབས།། དཀྱིལ་འཁོར་ཕྲིན་ལས་རྣམ་པ་བཞི།། དབུས་ཀྱི་ཨེ་ལས་ཨ་དང་མ།། གཡས་སུ་ཨ་ལས་ཟླ ་དཀྱིལ་ཏེ།། ཧྲཱིཿལས་པདྨ་དབང་ཆེན་ནི།། དབུ་ལ་རྟ་མགོ་འཇིགས་པའི་གཟུགས།། དམར་ནག་གྱད་ཀྱི་དོར་སྟབས་ཅན།། མི་བཟད་འབར་བའི་སྐུ་རུ་སྐྱེད།། གཡོན་དུ་མ་ལས་ཉི་དཀྱིལ་སྟེང་།། ཏྲག་ལས་ཨེ་ཀ་ཛ་ཏི ་མ།། དམར་མོ་ཞལ་གཅིག་ཕྱག་གཉིས་པ།། གཡས་པ་རྡོ་རྗེ་གཡོན་པ་ན།། བྷནྡྷ་རཀྟས་བཀང་བ་བསྐྱེད།། ཡེ་ཤེས་དཀྱིལ་འཁོར་སྤྱན་དྲངས་ཤིང་།། གཉིས་མེད་བསྟིམ་ཞིང་བརྟན་པར་བྱ།། ཕྱག་འཚལ་མཆོད་ཅིང ་དགྱེས་པ་བསྟོད།། ཡབ་ཡུམ་བསྙེན་ཅིང་བསྒྲུབ་པའི་སྔགས།། ཐོག་མཐའ་ཨོཾ་དང་ཨཱ་ཡིས་སོ།། བར་ན་བཅུ་གསུམ་འབྲུ་གནས་པ།། དབང་ཆེན་ཡབ་ཀྱི་བསྙེན་པ་ཡིན།། འབྲུ་བརྒྱད་མེ་དང་ཕས་ཀྱིས་སོ།། ཨེ་ཀ་ཛ ་ཏིའི་བསྙེན་པ་ཡིན།། ཡབ་ཡུམ་བསྒྲུབ་པའི་སྙིང་པོ་ནི།། ཐོག་མཐའ་ཧྲཱིཿདང་ཕཊ་ཀྱིས་སོ།། བར་ན་བཅུ་བདུན་འབྲུ་གནས་པ།། བསྒྲུབ་ཅིང་ལས་སུ་རུང་བར་བྱ།། ཕྲིན་ལས་རྣམ་བཞི་དམིགས་དང ་སྦྱར།། སྒྲ་གྲི་ཡ་མའི་རྒྱུད་ལས་རྒྱལ་བ་ཡབ་དང་སྡེབས་པའི་ལེའུ་སྟེ་བཅོ་བརྒྱད་པའོ།། །། ལས་མཁན་གིང་དང་སྡེབས་པ་དང་།། ཕོ་ཤམ་མོ་ལ་གདགས་པ་དང་།། མོ་ཤམ་ཕོ་ལ་གདགས་པ ་ནི།། རྣོ་ལ་ངར་གཅིག་བླུད་པ་ཡིན།། གདུག་པའི་དཔལ་གཅིག་དབྱུང་བ་ཡིན།། དཀྱིལ་འཁོར་ལས་ནི་ཧེ་ཞལ་ལ།། གཡས་སུ་ཨ་ལས་ཟླ་བའི་སྟེང་།། ཧྲཱིཿལས་སྒྲོལ་གིང་བདག་པོ་བསྐྱེད།། གཡོན་དུ་མ་ལས་ཉི་མའི ་སྟེང་།། ཏྲག་ལས་གྲོལ་གིང་བདག་མོ་བསྐྱེད།། སྐུ་མཁར་ཁུ་ལེ་རྩེ་དགུ་ལ།། དཀར་པོ་གསུམ་གྱི་སྙིང་སྲོག་དང་།། རིན་ཆེན་སྣ་ཚོགས་དར་ཟབ་གདགས།། ཟླ་བའི་དཀྱིལ་འཁོར་སྟེང་དུ་དགོད།། མདངས་ལྡན་རྨ ་བྱའི་རྒྱལ་མཚན་དང་།། སྨུག་མོ་གསུམ་གྱི་སྙིང་སྲོག་བཅས།། གཡབ་དར་དམར་ནག་རིན་ཆེན་རྣམས།། ཉི་མའི་དཀྱིལ་འཁོར་སྟེང་དུ་དགོད།། བདག་ཉིད་དཔལ་ཆེན་སྐུར་བསྒོམ་ལ།། སྲོག་གི་སྙིང་པོ་རྒྱུན་དུ ་ཟླས།། ཏྲག་རཀྲཱ་མུ་ཏྲ་ཨེ་ཀ་ཛ་ཏི་སྙིང་ཁ་རག་མ་བྷྱོ། མ་མོའི་སྲོག་གི་སྙིང་པོའོ།། ཨོཾ་བཛྲ་གི་ཙོ་ར་ཡཾ་ཤཱ་བྷྱོ།། སྒོལ་གིང་བདག་པོའི་སྙིང་པོའོ།། ལས་ཀྱི་སྦྱོར་ཁ་ཐུན་འདི་བཅའ།། སྣརེལ་གྲི་མོ་ཡི་ཐོད་པ་རུ།། འདོད ་ཆགས་སྲིན་མོའི་མངལ་ཁྲག་དང་།། ཞེ་སྡང་ཁྱི་ཡི་སྙིང་ཁྲག་དང་།། གཏི་མུག་བམ་གྱི་སྙིང་ཁྲག་བསགས།། ལེ་བརྒན་དར་གྱི་ཁ་བཅད་ལ།། ཐལ་ཆེན་རྒྱས་གདབ་གཡུང་དྲུང་བྲི།། ཙིཏྟ་དབྱུང་བའི་སྔགས་འདི ་བཟླས།། ཏྲག་རཀྑ་ཁ་མུན་ཏྲ་ཨེ་ཀ་ཛ་ཏི་སྙིང་ཁ་རག་མ་བྷྱོ། ཏྲག་རཀྵ་ས་མ་ཡ་དགྲ་བོའི་སྙིང་ལིང་རྒུད།། དེས་ནི་ཙིཏྟ་དངོས་སུ་འབྱུང་།། གསད་ཅིང་གནན་པའི་སྦྱོར་བ་བྱ།། བསྒྲུབ་པའི་དཀྱིལ་འཁོར་བྱང་ཤར ་དུ།། དྲག་པོ་ཨེ་ཡི་དཀྱིལ་འཁོར་ལ།། གིང་གི་བསད་པའི་འཁོར་ལོ་བཅའ།། ཡི་དྭགས་གོས་སམ་ཞིང་ལྤགས་ལ།། འཁོར་ལོ་རིམ་པ་གསུམ་ལྡན་པ།། ཐིག་བཞི་བཏབ་པས་ལིང་ཙེ་བརྒྱད།། དབུས་ཀྱི་ལིང་ཙེ་གྲུ ་གསུམ་ལ།། གང་ལ་དམིགས་པའི་དོན་མིང་བཞག། ནང་རིམ་ཕྱོགས་མཚམས་ལིང་ཙེ་བརྒྱད།། སྲོག་གི་སྙིང་པོ་འབྲུ་བརྒྱད་བྲི།། ཨོཾ་བཛྲ་གིང་ཙཱ་ར་ཡཾ་ཤྭ་བྷྱོ།། ཕྱི་རིམ་ཕྱོགས་མཚམས་ལིང་ཙེ་ལ།། བསད་པའི་དྲག ་སྔགས་འདི་བརྒྱད་བྲི། ཨོཾ་བཛྲ་ཐིབས་དུ་རྦད། དྷ་ར་མུ་ལིབས་རྦད། སུ་རཀྵ་ཐིབས། ཕྲ་ཏི་དྷ་ར་ཐིབས།། ཨོཾ་བཛྲ་ཚུབ་རི་ལ་རྦད།། ཕྲ་ཏི་པུ་ཙག་དུ་ར་རྦད། ཨོཾ་བཛྲ་དྷ་ར་ལྡིབས། ཨོཾ་བཛྲ་སྙིང་མགོ་ཆོད། ཁ་ལ་མུ་ལི ་དན་ཏི་དྷ་ར་ཡ་མ་ར་དུ་དྲུད། དེ་ཡི་ཕྱིར་རིམ་མཚོན་ཆས་བསྐོར།། ཟོ་རངས་ནམ་གྱི་ཆ་སྨད་ལ།། ཉི་མའི་རྩེ་ལ་སྦྱོར་བ་བྱ།། ལིངྒ་འཁོར་ལོ་བཅས་པ་དེ།། ཤུགས་འཆང་གསེར་མདོག་ཟོད་པར་སྩལ།། འབྱུང་པོ ་འདུས་པའི་ཁྱིམ་དུ་སྦ།། སྤུ་གྲི་ཡ་མའི་རྒྱུད་ལས་མཁན་གིང་དང་སྡེབས་པའི་ལེའུ་སྟེ་བཅུ་དགུ་པའོ།། །། དེ་ནས་གར་གྱི་དབང་ཕྱུག་གིས།། བསྙེན་བསྒྲུབ་ལས་ཀྱི་སྦྱོར་ཁའི་ཚེ།། ཐུགས་དམ ་གནད་ནས་བསྐུལ་བ་བསྟན།། བསྙེན་པའི་དུས་སུ་བསྐུལ་བ་ནི།། ཧཱུཾ། དད་པ་དང་ནི་དམ་ཚིག་གིས།། ཚུར་བྱོན་ཚུར་གཤེགས་ལྷ་མོ་ཁྱོད། ཁྱད་པར་མཛེས་པའི་སྐུ་ལུས་ལ།། ཤིན་ཏུ་མཛེས་པའི་རྒྱན ་གྱིས་བཀླུབས།། ཐུགས་ནི་སྣ་ཚོགས་ཅིར་ཡང་སྟོན།། མཛད་པའི་ཆ་ལུགས་སངས་རྒྱས་འདྲ།། ལྟ་བའི་འཕང་ནི་ནམ་མཁའ་འདྲ།། སྐུ་ཡི་ཡོན་ཏན་བསམ་མི་ཁྱབ།། དགོངས་པའི་བྱེ་བྲག་ཇི་སྙེད་པ། ཁྱུང་ཆེན་མཁའ ་ལ་ལྡིང་བ་བཞིན།། ཐུགས་རྗེའི་རླབས་ཀྱིས་སྣང་སྲིད་རློབ།། གཡས་ཀྱི་གཤོག་པ་གདེངས་པ་ཡིས།། ཡེ་ཤེས་རྡོ་རྗེ་རྩེ་དགུས་འབར།། གཡོན་གྱི་གཤོག་པ་ཕྱར་བ་ཡིས།། མ་མོ་ལས་བྱེད་བཅུ་དྲུག་འཆར།། རླབས ་ཀྱིས་འཛམ་གླིང་ཁྱབ་པར་གཅོད།། དགེ་སྡིག་གཉིས་ཀྱི་སྐུལ་མ་འདེབས།། སྲིད་པ་གསུམ་གྱི་བདུད་གཅོད་མ།། རཱ་ཏྲ་ནག་པོའི་སྲོག་ལེན་མ།། ཨེ་ཀ་ཛ་ཏི་ར་ལ་གཅིག་མ།། དབུ་ཡི་རལ་པ་སེ་ཡན་ཅན།། ར་ལ ་གཅིག་གནམ་ལ་ཡར་བརྐྱང་བས།། སྟེང་གི་ལྷ་རྣམས་ཀུན་འདུལ་མ།། རལ་གཅིག་ས་ལ་མར་བརྐྱང་བས།། ས་བདག་ཀླུ་སྲིན་ཀུན་འདུལ་མ།། ལག་ན་ཟངས་ལྕགས་ཕོར་ཐོགས་མ།། ཟངས་ཟོར་དམར་པོ་ཆེམས ་སེ་ཆེམ།། བསྟན་པ་གཉེན་ལ་དགྲ་དར་གྱིས།། བསྟན་པ་བསྲུང་བའི་མཐུ་མོ་ཆེ།། སྲོག་གི་སྙིང་པོས་གནས་ནས་སྤྱན་དྲངས་ན།། རཀྟ་དམར་གྱི་གཏོར་མ་འདི་གསོལ་ལ།། ཐུགས་དམ་རྒྱུད་བསྐུལ་བཅོལ་བའི་ཕྲིན ་ལས་མཛོད།། བསྒྲུབ་པའི་དུས་སུ་བསྐུལ་བ་ནི།། ཨེ་ཀ་ཛ་ཏི་ནམ་མཁའི་གོ་ཟུ་ཅན།། ཐོར་ཚུགས་འབར་བའི་སྤྱན་གཅིག་རལ་གཅིག་མ།། དམར་ནག་འབར་བ་ཨེ་ཡི་ཀློང་དཀྱིལ་ན།། ཀྲོ་དྷཱི་ཤྭ་རཱིའི་ཡུམ་གྱི་བྷ་གའི ་ཀློསློང་།། གདུག་པ་འདུལ་ཕྱིར་འཇིགས་པའི་སྐུ་བྱུང་བ།། རལ་གཅིག་རྒྱ་མཚོ་ཁྲག་གི་མེ་འབར་མ།། ཐོར་ཅོག་གཅིག་བཅིངས་སྤྱན་མིག་དམར་ལ་སེར།། རྒྱ་མཚོ་ཆེན་པོའི་ཀློང་ནས་མེ་འབར་ཏེ།། རི་རབ་ཟོམ་འཛིན ་ཀླུ་རྒྱལ་སྦྱོར་ཆེན་མོ།། ཆུ་གྲི་བརྒྱ་ཡིས་བྲང་གི་དངོས་གཏམས་ཤིང་།། ལྕགས་ཀྱུ་བརྒྱ་ཕྲག་དགྲ་སྙིང་འདྲེན་མཛད་མ།། ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད།། ཛ་ཛ་རཀྵ་མུ་ཏྲ་དགྲ་ལ་ཡ། སྙིང་ལ་ཀི ་ལི་མ་ཏི་ཡ། མ་མ་རཀྟ་རུ་ཏྲ་རྦད་རྒུད།། ཕྲིན་ལས་སྦྱོར་ཁར་བསྐུལ་བ་ནི། ཨེ་ཀ་ཛ་ཏི་གུ་ཡ་གསང་བའི་ཡུམ།། སྐུ་ནི་པདྨ་རཱ་གའི་མདོག། རོ་ཚོགས་མང་པོ་བསྣོལ་བའི་གདན་སྟེང་ན།། ཏི་ར་ནག་པོ་བསྣོལ་བའི ་གདན་ལ་བཞུགས།། ཆིབས་སུ་ཆུ་སྲིན་ནག་མོ་ཆིབས།། སྐུ་ལ་ཆུ་སྲིན་ཡང་གཞི་གསོལ།། ཀླུ་རྒྱལ་རིགས་ལྔས་སྐུ་ལ་བརྒྱན།། ཉི་ཟླའི་ཟོད་ཟབས་བཅིངས་པ་དབུ་ཡི་རྒྱན།། དབུ་ལ་མེ་ཡི་རལ་པ་དམར་པོ ་འཕྲོ།། རལ་པ་བསྐལ་པའི་མེ་འབར་ལམས་སེ་ལམ།། སྡེར་མོ་རྣོ་དཔལ་རྒྱུད་དྲུག་ཐབས་ཀྱིས་སྒྲོལ།། སྤྱན་མིག་གཡས་ལ་ཁྲག་མཚོ་འཁྱིལ།། ཕྱག་གཡོན་དུང་ཆེན་དམར་གྱི་བཀང་བ་ལ།། ཕྱག་གཡས་རྡོ ་རྗེས་དཀྲུག་ཅིང་གསོལ།། དམར་གྱི་ཨརྒྷ་འདི་གསོལ་ལ།། ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད།། ཨེ་ཀ་ཛ་ཏི་ཨ་ར་ལི་ཛ། ཁྱོད་ཀྱི་ཐུགས་དམ་སྤྲུལ་པ་ཆེན་མོ་ནི།། སྲིད་མོ་གར་གྱི ་དབང་ཕྱུག་མ།། སྐུ་ནི་རཀྟའི་ཁྲོ་མོ་ལ། ཁྲོ་མོ་རཀྟ་ཛ་མུན་ཏི། རཀྟའི་ཁྲོ་མོ་དབུ་གསུམ་སྤྱན་དགུ་མ།། མཆེ་བ་དྲུག་གཙིགས་ཞལ་ནི་གཉེར།། ཕྱག་དང་ཞབས་ནི་ཅིར་མི་གསལ།། སྲོག་རྩ་དབུགས་དང་སྙིང་ལ ་འཛུམ།། དབུ་ལ་རཀྟ་འཁྲུག་པའི་ལན་ཕྲན་ལས།། རཀྟ་འཁྲུག་པའི་ཁྲོ་མོ་འབུམ་འབུམ་འཕྲོ།། སྐུ་ཡི་བ་སྥུ་ཉག་རེ་ལས།། རཀྟ་ཁྲག་གི་ཝ་མོ་རེ། ཁྲག་གི་ཝ་མོ་ལྕེ་བརྒྱད་མ།། དམ་ཉམས་རྣམས་ཀྱི་སྙིང་ཁྲག ་འཐུང་།། སྙན་ནས་རཀྟའི་འབྲུ་ལྡིར་མ།། སྤྱན་ནས་རཀྟའི་ཆུ་འབབ་མ།། ཤངས་ནས་རཀྟའི་རླུང་འཚུབས་མ།། ཞལ་ནས་རཀྟའི་མེ་འབར་མ།། གཟིགས་ནི་ཁྲག་མཚོའི་དབུས་ན་གཟིགས།། མཛད་ནི་སྲོག་གི་དབང ་པོ་འཕྲོག། དམར་གྱི་གཏོར་མ་འདི་གསོལ་ལ།། ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད།། མ་མ་རཀྵ་དུན་དུན་སྙིང་ལ་ཛ་ཛ་བྷྱོ། ལས་བྱེད་མ་མོ་བསྐུལ་བར་བྱ།། སྲོད་ལ་ནག་མོའི་སྦུབས་སུ ་ཞུགས།། སྐུ་ནི་ནག་མོ་ཆེན་མོ་ལ།། སྤྲིན་ནག་རལ་པའི་ཐོད་གདེངས་ཅན།། སྐུ་ལ་ཆར་སྤྲིན་ནག་མོ་གྱོན།། བདུད་ཀྱི་གཡང་གཞི་ཡ་བས་བསྐོར། ཁྱོད་ཀྱི་ལག་པ་གཡོན་པ་ནི།། བྷནྡྷ་ཁྲག་གི་བཀང་བ་གསོལ། ཁྱོད ་ཀྱི་ལག་པ་གཡས་པ་ན།། བདུད་ཀྱི་བསྒྲལ་རུས་ཐོད་པ་འཆང་།། ས་ལ་བརྡབ་ཅིང་རྡུང་བའི་ཚུལ།། ནརྀ་ཏི་ར་ནག་མོ་ཛ་ཛ་ནན་ནན། གུང་ལ་དམར་མོའི་དབུས་སུ་ཞུགས།། སྐུ་ནི་པདྨ་རཱ་གའི་མདོག། ཤ་ཁྲག་དམར ་གྱི་རྗེས་གཅོད་མ།། སྲིད་པ་གསུམ་གྱི་ཤ་ཟ་མ།། སྲིད་པ་གསུམ་གྱི་ཁྲག་འཐུང་མ།། ཅི་ཙམ་ཟོས་ཀྱང་འགྲངས་པ་མེད།། དགྲ་བོའི་ཤ་ཁྲག་ཟ་རུ་བྱོན།། མ་ར་དམར་མོ་ནན་ནན།། ནམ་ཕྱེད་མཐིང་གའི་སྦུབས་སུ ་ཞུགས།། སྦྲུལ་ནག་འབུམ་གྱི་ཐོད་གདེངས་ཅན།། སྦྲུལ་ནག་སྟོང་གི་སྙན་ཆ་ཅན།། རིགས་ལྔས་སྐུ་ལ་བརྒྱན་པ་ནི།། ལག་པ་གཡས་པའི་གུང་མོ་ལ།། དཀར་ཁྲ་གསུམ་གྱིས་ཕྱིན་ཀ་ལོག། རྐང་པ་གཡོན་པའི་མཐེ ་བོང་ལ།། ནག་ཁྲ་གསུམ་གྱིས་ནང་ཀ་ལོག། ལག་པ་དགུ་ཚིགས་འཁོར་ལོ་ཡིས།། རྒྱ་མཚོའི་གཏིང་དུ་ཕྱག་བྱུགས་པས།། ཀླུ་ཆེན་བརྒྱད་ནི་གདན་དུ་འདིང་།། ཀླུ་སྲིན་ནག་མོ་ཟས་སུ་ཟ།། དམར་གྱི་ཨརྒྷ་འདི་གསོལ ་ལ།། ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད།། ཐོ་རངས་སེར་མོའི་སྦུབས་སུ་ཞུགས།། སྐུ་ནི་གསེར་གྱི་ཁ་དོག་ལ།། སྤྱན་ཡང་གསེར་གྱི་ཐུ་ལུམ་འདྲ།། ཕྱག་ན་གསེར་གྱི་ཟོར་བ་བསྣམས།། གསེར་རལ ་སེར་མོ་སྤྲུགས་པ་ཡིས།། གསེར་ཐོག་འབར་བའི་འོད་ཟེར་གྱིས།། དགྲ་བོའི་སྙིང་ལ་ཐུན་འབེབས་མ།། མ་མ་ཧ་ཏི་ནན། ས་བདག་ཀུམ་པ་ལ། དགྲ་བོ་ཞིག་ཐུན་ཐུན། ཁྱེད་ནི་བདུད་ཀྱི་བུ་མོ་བཞི།། དམར་གྱི་ཨརྒྷ ་འདི་གསོལ་ལ།། ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད།། སྙིང་དང་སྲོག་རྩ་མཁལ་མ་དང་།། གློ་བ་ནང་ཁྲོལ་གང་ཡང་རུང་། ཁྲག་དང་སེན་མོ་སོ་དང་སྒྲ།། མི་བླ་སྦྲང་ཙམ་ཁུག་ལ ་ཤོག། མི་བླ་སྦྲང་ཙམ་མ་ཁུགས་ན།། རང་གི་གནས་ཀྱང་ཞིག་ཏ་རེ།། ཉིན་མོ་དཀར་མོའི་སྦུབས་སུ་ཞུགས།། སྐུ་ནི་དུང་གི་ཁ་དོག་ལ།། དབུ་ལ་དུང་གི་ཐོར་ཚུགས་ཅན།། ཕྱག་ན་དུང་གི་འཁོར་ལོ་བསྣམས། ཁྲོས་ཏེ ་གཉེན་པོར་མངགས་པའི་ཚེ།། དུང་གི་འཁོར་ལོ་བསྐོར་བ་ཡིས།། ཚངས་རིགས་ལྷ་ཡི་གནས་རིས་འཇོམས།། ཚང་རིགས་ཐམས་ཅད་རྡུལ་དུ་རློག། མ་ཧཱ་ཡཀྐ་སེ་ན་ཧ་ན་ནརྀ་ནན། དཔྲལ་བ་དེ་ནི་མིག་གཅིག་མ།། ཡེ ་ཤེས་འབར་བའི་སྤྱན་གཅིག་མ།། རྒྱབ་ན་དེ་ནི་གཤོག་གཅིག་མ།། འཇིག་རྟེན་འབྱོར་བའི་གཤོག་གཅིག་མ།། དབུ་ལ་དེ་ནི་རལ་གཅིག་མ།། སྟོང་ཁམས་དབང་སྡུད་རལ་གཅིག་མ།། ཞལ་ན་དེ་ནི་ཚེམས་གཅིག ་མ།། སྐྱེ་ཤི་རྩད་བཅོད་ཚེམས་གཅིག་མ།། བྲང་ན་དེ་ནི་ནུབ་གཅིག་མ།། བདུད་རྩི་ཆར་འབེབས་ནུབ་གཅིག་མ།། དབུ་ཡི་བ་སྤུ་ཉག་རེ་ལ།། གནམ་ལྕགས་ཐོག་གི་བུ་ཡུག་འཚུབ།། དབུ་རྒྱན་བྱུ་རུའི་མཆོད་རྟེན ་ལ།། གསེར་གྱི་དྲིལ་ཕྲན་འབུམ་གྱིས་བརྒྱན།། གནམ་ཕྱེད་གོས་སུ་གྱོན་པས་ཡང་བས་བསྐོར།། ས་ཕྱེད་གདན་དུ་བཏིང་པས་གཏིང་ཟ་སྦགས།། ཅེར་ཅེར་བལྟས་པས་སྟོང་གསུམ་བསྲེག། སྙིང་དང་སྲོག་རྩ་གློ་སྙིང ་དང་།། བགེགས་ཀྱི་སྙིང་ཁྲག་ཁ་ནས་སྐྱུགས།། ཡག་མོ་ཡག་མོ་ཀྲོ་ཏཱི་ཤྭ་རཱི་ཐུན་ཐུན། རུ་རུ་ཙ་ལ་ཙ་ལེ། མགོ་ལ་ཙ་ལེ། སྙིང་ཁྲག་ཐོག་ལ་ཁཱ་ཧི། སྙིང་དང་སྲོག་རྩ་གློ་སྙིང་དང་།། མཆིན་པ་ནང་ཁྲོལ་ཁུག་ལ་ཤོག། མི ་བླ་སྦྲང་ཙམ་ཁུག་ལ་ཤོག། ད་ནི་བདུད་ཀྱི་ཆུང་མ་བཞི།། དམར་གྱི་ཨརྒྷ་འདི་གསོལ་ལ།། ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད།། པ་ཏ་ཏ་ཐུན། དགུན་གྱི་རྒྱལ་མོར་གཤེགས་པའི་ཚེ།། མེ་ཟ་བྲག ་གྱོན་རྒྱ་མཚོའི་གཏིང་ན་ཉལ། ཁྱོད་ནི་ས་བདག་དགུ་བསྐོར་ཆུང་མ་ཡིན།། ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད།། ས་པ་ར་ཏི་པ་ཏིག་ཐུན་ཐུན། དཔྱིད་ཀྱི་རྒྱལ་མོར་གཤེགས་པའི་ཚེ།། ན་བཟའ་སྤྲིན ་དཀར་གོ་ཟུ་ལ།། ཐ་མ་རླུང་དམར་འཚུབས་མས་བསྐོར།། ཟས་སུ་གློ་སྙིང་ནང་ཁྲོལ་ཟ། ཁྱོད་ནི་ཙང་ཀུན་ནག་མོའི་ཆུང་མ་སྟེ།། ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད།། ཏེ་བ་ཏེ་བ་ཏི་ལ་པྲ་ར་བ་ཏེ ་ཐུན་ཐུན། དབྱར་གྱི་རྒྱལ་མོར་གཤེགས་པའི་ཚེ།། གོས་སུ་འཇའ་སྤྲིན་སྤེལ་མ་གྱོན།། ཟས་སུ་མེ་ཏོག་སྣ་ཚོགས་ཟ། ཁྱོད་ནི་ས་བདག་ཧལ་ཁྱིའི་ཆུང་མ་ཡིན།། ཐུགས་དམ་རྒྱུད་བསྐུལ་བཅོལ་བའི་ཕྲིན་ལས ་མཛོད།། ན་མོ་རཏྣ་ཏྲ་ཡཱ་ཡ། བཛྲ་ཀྲོ་ཏཱི་ནི་ཐུན་ཐུན། སྟོན་གྱི་རྒྱལ་མོར་གཤེགས་པའི་ཚེ།། གོས་སུ་གཤིན་རྗེའི་གཡང་གཞི་གྱོན།། ཟས་སུ་འབྲུ་དང་ལོ་ཐོག་ཟ། ཁྱོད་ནི་ཐེ་སེའི་ཆུང་མ་ཡིན།། ཐུགས་དམ་རྒྱུད་བསྐུལ ་བཅོལ་བའི་ཕྲིན་ལས་མཛོད། ཁྱོད་ནི་བདུད་ཀྱི་ཕོ་ཉ་བཞི།། དམར་གྱི་ཨརྒྷ་འདི་གསོལ་ལ།། སྙིང་དང་སྲོག་རྩ་མཁལ་མ་དང་།། གློ་སྙིང་ནང་གྲོལ་གང་ཡང་རུང་།། སྐྲ་དང་སོ་དང་སེན་མོ་དང་།། མི་བླ ་སྦྲང་ཙམ་ཁུག་ལ་ཤོག། བླ་ཤ་རེ་མ་ཧི་འགྲིམ་འགྲིམ།། ཤ་ར་མ་ཏི་ཐུལ་ཐུལ། མྱོས་མྱོས་ཡིད་ཡེད། ཤ་ར་མ་ཏི་གུག་ལིང་། མྱོས་ལིང་ཤ་ལིང་པ་དུམ། ཙ་མུན་ཏྲི་བྷྱོ། བླ་འགུགས་སྤྱིར་དགུག་པའི་སྔགས་སོ།། སྲོག ་དགུག་པའི་སྔགས་ལ། ཙིཏྟ་ནི་ག་ཤ་ན་ས་ལ། ཛ་ཀྲ་ཀ་ཏྲི་པ་ཁུག་ཤིག་གློ་སྙིང་ནང་གྲོལ་དགུག་པའི་སྔགས་ལ། ཛོ་ལི་ཙ་མུན་ཊ་ཊ། ནརྀ་ཏྲི་ཤི་ཤི་ནུ་རྦུད། ཁྲག་དགུག་པའི་སྔགས་ལ། རཀྟ་ཙག་ཀྲ་དེ་བ་ནི ་ཤིག་ཐུམ་ཐུམ། རྒུད་རྒུད་ཐུམ་ཐུམ་རྒུད་རྒུད། སོ་དང་སེར་མོ་སྐྲ་དགུག་པའི་སྔགས་ལ།། ད་ཡི་མི་རྣ་སད་ཀ་པ་ལི་སི་ན། ཟིན་གྱི་ནི་གི་རྦད་ཐུམ་དུ་ཁུག་ཅིག། ཆེ་གེ་མོའི་མགོ་བོ་ཁོས་ཤིག། ལུས་སྐོམས་ཤིག་སྒོའི ་ནོར་དང་ཕྲོལ་ཅིག། སྐྲ་ཕྱི་ཞིག་ལས་ཀྱི་རླུང་དམར་གྱིས་རྒྱབ་ནས་ཕུལ་ཅིག། འཇིགས་པའི་མུན་ནག་གིས་མདུན་ནས་སུས་ཤིག། ཁྲོ་བོ་ལག་གསུམ་པོས་སྙིང་ནས་དྲོངས་ཤིག། ལས་བྱེ་མའི་རི་རྡིབས་པ་བཞིན་ཟོང ་ཞིག་སྙིང་ཨརྫ་ཀ་ཡི་དོག་པ་བཞིན་དུ་ཁོས་ཤིག། མགོ་པདྨ་བཞིན་ཁོས་ཤིག་སྙིང་ཁྲག་ཁ་ནས་སྐྱུགས་ཤིག་དོན་སྙིང་ཁོང་ནས་ཕྱུང་ཞིག་ཁ་སོ་སིལ་བུར་ལྷོགས་ཤིག་མིག་འབྲས་ཐང་ལ་ཕྱུང་ཞིག་དམ་ཚིག་གི ་དམོད་པས་སྡིགས་ཤིག་དཔལ་གྱི་ཆད་པ་ཆོད་ཅིག་སྤུ་གྲི་ཡ་མའི་རྒྱུད་ལས་ཐུགས་དམ་གནད་ནས་བསྐུལ་བ་དང་། དམ་ཚིག་དམོད་པའི་ལེའུ་སྟེ་ཉི་ཤུ་པའོ།། །། དེ་ནས་གར་གྱི་དབང་ཕྱུག་གིས།། ཚེ་དང ་བསོད་ནམས་སྒྲུབ་པ་དང་།། རིགས་བརྒྱུད་སྤེལ་བར་བཀའ་སྩལ་པ།། བཙན་ཕྱུག་འཕན་དར་ཐོད་པ་ལ།། གངས་ཆུ་ཙནྡན་ཆུས་བཀྲུས་ལ།། མཚན་ལྡན་བུ་མོ་གཞོན་ནུ་ཡི།། ནུ་ཞོ་མཚལ་དང་ཐིག་ལེར་སྦྱར།། ཡུམ ་དང་ཚེ་ཡི་སྙིང་པོ་བྲི།། རྡོ་རྗེ་ཚེ་དང་སྙིང་པོར་བཅས།། གསང་སྔགས་འདིས་ནི་བརྟན་པར་བྱ།། ཨཱ་ཡུཿཕ་ལ་སིདྡྷི་ཧཱུཾ། བར་བར་ཚེ་ཡི་ལྷ་མོ་བསྐུལ།། ཨིནྡྲ་ནི་ལ་པདྨ་ཚེ་ཡི་ཡུམ།། སྐུ་མདོག་པདྨ་རཱ་གའི་མདོག། རལ ་པ་དཀར་པོ་གཡས་ནས་གཡོན་དུ་འཁྱིལ།། ཕྱག་ན་རིན་ཆེན་བུམ་པ་འཛིན།། ཚེ་སྲོག་ཀུན་ལ་དབང་བྱེད་མ།། མཐུ་ཆེན་དྲེགས་པའི་ལས་གནས་ཚེ་དྲོངས་ལ།། སྐལ་ལྡན་རིགས་ཀྱི་བུ་ལ་དབང་གཅིག་སྐུར།། གཟི ་བྱིན་མཐུ་དང་རྫུ་འཕྲུལ་དངོས་གྲུབ་སྩོལ།། ནཱི་བྷཱུཾ་ཛ་ཨཱ་ཡུ་ཥེ་ཨ། ཚེ་དང་བསོད་ནམས་གང་འདོད་ལ།། དབང་བསྐུར་བྱིན་བརླབ་བརྟན་མར་བྱ།། གནས་ཆེན་གསུམ་དུ་ཐིག་ལེ་གདབ།། ཏི་ར་འཕེལ་བྱེད་རྟག་ཏུ ་བཅང་།། སྤུ་གྲི་ཡ་མའི་རྒྱུད་ལས་ཚེ་དང་བསོད་ནམས་འཕེལ་བའི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་གར་གྱི་དབང་ཕྱུག་གིས།། ཉམས་པ་བསྐང་བའི་ལུང་བསྟན་པ།། ཟངས་སམ་བསེ་ཡི་གཞོང་པ ་@རུ།། སྨུག་མོ་གསུམ་གྱི་སྙིང་ཁྲག་བསྒྲིལ།། རམ་བུའི་ལྷ་བཤོས་སུམ་བརྩེགས་ལ།། རི་རབ་ཆེན་པོར་བྱིན་གྱིས་བརླབས།། རི་རབ་ཕྱོགས་བཞིས་སྨུག་མོ་བཞི།། ཤར་དུ་ར་སྤུག་དགུ་ཡི་གཟུགས།། ལྷོ ་རུ་ཁྱི་སྨུག་དགུ་ཡི་གཟུགས།། ནུབ་ཏུ་ལུག་སྨུག་དགུ་ཡི་གཟུགས།། བྱང་དུ་བྱང་སྡུག་དགུ་ཡི་གཟུགས།། ཕྱོགས་བཞིར་གླིང་བཞིའི་རྒྱལ་མོ་བཞི།། ལག་ཏུ་བ་དན་རིན་པོ་ཆེ།། ངར་གླུད་བརྒྱ་བརྒྱ་བཞི་བརྒྱས ་བསྐོར།། རི་རབ་ཟོམ་ལ་སྨུག་ནག་དགུར།། རྩེ་ལ་རྨ་བྱའི་རྒྱལ་མཚན་བསྣམས།། གུར་ནག་བུད་མེད་སྤུག་མོ་ལ།། མཆོང་གི་ལེའུ་གའུ་གྱོན་པར་བྱ།། བང་རིམ་པར་དང་ཐ་མ་རུ།། བུད་མེད་སྨུག་མོ་འབུམ་གྱིས ་བསྐོར།། སྣ་ཚོགས་སྙིང་དང་དར་སྣས་བརྒྱན།། ཐིག་ལེ་དཀར་དམར་མེ་ལོང་བཅས།། སྨུག་མོ་བཞི་ཡི་མདངས་ཀྱིས་བསྐོར།། དགུའམ་བདུན་གྱི་བར་དུ་བསྙེན།། གསོ་གསད་སྐོང་བཟློག་དམིགས་དང་སྦྱར།། མ ་གཅིག་མ་ལ་བཞུགས་གསོལ་གདབ།། ལས་ཟིན་དགྲ་ཕྱོགས་བྷྱོས་བཏབ་ན།། གང་དམིགས་དེ་འགྲུབ་གདོན་མི་ཟ།། སྤུ་གྲི་ཡ་མའི་རྒྱུད་ལ་ཉམས་ན་ཟློག་པའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་གར་གྱི ་དབང་ཕྱུག་གིས།། ཅི་ལྟར་བསྙེན་ཅིང་བསྒྲུབ་བྱས་ཀྱང་།། མ་འགྲུབ་གནད་ལ་དབབ་པ་བསྟན།། བདག་ཉིད་དབང་ཆེན་སྐུར་བསྒོམས་ཏེ།། མ་མོའི་སྐུ་བསྐྱེད་གདན་དུ་གཏིང་།། གདན་གྱི་སྙིང་ཁྲག་ཞལ་དུ ་རྔུབ།། ལྕེ་ཡི་སྟེང་དུ་མཁས་པས་བཞག། གསང་སྔགས་འདིས་ནི་གནད་ལ་དབབ།། ཧྲཱིཿཔདྨ་ཏ་ཀྲིཏ་ཧ་ཡ་གྲཱི་བ་ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་མ་མུ་ཙིཏྟ་ཏྲ་ཏ་ཕཊ་ནན། ཧུ་ལུ་ཧུ་ལུ་ཧཱུཾ་ཕཊ། ཆེ་བའི་ང་རྒྱལ ་འདི་སྐད་བསྐྱེད།། ང་ནི་སངས་རྒྱས་ཀུན་གྱི་ཡབ།། ང་ནི་བདེ་གཤེགས་ཀུན་གྱི་གཙོ།། ང་ནི་གཤིན་རྗེ་ཀུན་གྱི་གཤེད།། ང་ནི་མ་མོ་ཀུན་གྱི་ཡབ།། ང་ནི་དུར་ཁྲོད་ཉིད་ཤ་ཅན།། ང་ནི་བདུད་ཀྱི་བདུད་ཆེན ་པོ།། ཐམས་ཅད་དབང་ཆེན་ང་ཡི་སྐུ།། པདྨ་ཤྲཱི་ཧེ་རུ་ཀ། ང་ནི་སྦྱོར་བདག་ཆེན་པོ་སྟེ།། ཡཀྐ་ཤྲཱི་ཧེ་རུ་ཀ། ང་ནི་སྒྲོལ་བདག་ཆེན་པོ་སྟེ།། རཀྵཀྑ་ཤྲཱི་ཧེ་རུ་ཀ། ང་ནི་དམ་ཚིག་ཆེན་པོ་སྟེ།། ས་མ་ཡ་ཤྲཱི་ཧེ་རུ་ཀ། ང་ནི་ཐམས ་ཅད་སྦས་པའི་རང་བཞིན་ཏེ།། གུ་ཧྱ་དཔལ་ཆེན་ཧེ་རུ་ཀ། ང་ནི་དུས་གསུམ་ཀུན་ཏུ་འབྱུང་།། ང་ནི་དུས་གསུམ་ད་ལྟར་གནས།། ང་ནི་དུས་གསུམ་སླད་ཀྱི་འབྱུང་།། དུས་གསུམ་འདི་ནི་ང་ཡི་དབང་།། དཔལ་འབར ་དབང་ཆེན་སྐུ་བཞེངས་པ།། དམར་ནག་འབར་བ་འཇིགས་པའི་སྐུ།། དབུ་ལྔ་ཕྱག་ཀྱང་བཅུ་དྲུག་པ།། ཞབས་ཀྱང་འབར་བ་དྲུག་ཏུ་བགྲད།། དུར་ཁྲོད་འབར་བའི་ཆས་ཀྱིས་བརྒྱན།། རྡོ་རྗེའི་གཤོག་པ་ནམ་མཁར ་གདེངས།། ཐོད་སྦྲུལ་འབར་བའི་རྒྱན་གྱིས་བཀླུབས།། མེ་དཔུང་འབར་བའི་ནང་ན་བཞུགས།། ཞལ་བགྲད་འབར་བའི་མཆེ་གཙིགས་ཤིང་།། སྤྱན་བཟློག་སྨིན་མ་གློག་ལྟར་འཁྱུག། ཚམ་རྔམས་དྲག་པོས་མ་མོ ་འདུལ། ཁྱོད་ཀྱི་སྲོག་སྙིང་ང་ལ་ཡོད། ཁྲ་སྤྱང་གཟན་ལ་འཛུམ་པ་བཞིན།། སྲོག་གི་སྙིང་པོ་དམ་ལ་འདུ། ཁྱོད་ཀྱི་དམ་རྫས་པ་ལ་ཡོད།། རས་བལ་རླུང་གི་བསྐྱོད་པ་བཞིན།། མཐུན་པའི་དམ་རྫས་དམ ་ལ་འདུ།། བཀའ་དང་དམ་ལས་མི་གནས་ན།། གཞོབ་རྒོད་རྡོག་པས་བརྫིས་པ་བཞིན།། གསོ་གླག་མེད་པར་དམྱལ་ཐག་ཆོད།། ནི་པ་ཏིང་ཀུ་རུ་ནི་རུ་ཀུ་ནི། ཁ་སོ་བ་ཏྲྀ་ཡཾ། སེ་ན་ཡཾ་རུ་ཡཾ་ནི་སོད།། སྙིང་ཟ་བ་ཙིཏྟ་མ ་ཤ་རོ་ལ་ཁྲག་ཐུན།། ཤ་ལ་ཀྱི་ཁྲིག་ཀངྐ་ཤ་ཡ། ཏ་བ་ར་མ་ཏོ་ཧྲི་ཧྲི་ཧཱུཾ་ཕཊ་ཏྲ་ཧེ་ཏྲ་ཧེ། གྲོ་ཤོག་ཞིང་རས་ལ་གནས་པའི།། མ་མོའི་གཟུགས་ཀྱི་སྙིང་གར་བྲབ།། རྩ་མ་རའམ་ཛ་ཏིས་བརྡབས།། ཚམ་རྔམས ་དྲག་པོའི་སྟངས་སྟབས་བྱ།། ཞལ་གསུམ་བར་དུ་གཟིར་གནན་བྱ།། དེས་ནི་གནད་ལ་འབེབ་པར་འགྱུར།། དེ་ནས་བསྐང་ཞིང་ལས་ལ་སྦྱར།། སྤུ་གྲི་ཡ་མའི་རྒྱུད་ལས་ཁྲོ་བོ་འཇིགས་བྱེད་གསང་བས་དབང་དུ་བསྡུ ་བའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་གར་གྱི་དབང་ཕྱུག་གིས།། ཕྲིན་ལས་ཁྱད་པར་བསྟན་པ་ནི།། ཞི་བའི་ལས་སུ་བྱ་བ་ནི།། མཎྜལ་ཟླ་བ་ཉ་ལྟ་བུ།། ཀུན་ནས་ཡོངས་སུ་ཟླུམ་པ་ལ། དུར་ཁྲོད་ཐལ ་བས་དཀར་པོར་བྱ།། དར་དཀར་རས་ལ་མ་གནས་པ།། དཀར་ལ་མཛེས་པའི་ལྷ་མོ་གཅིག། བརྩེ་གདུང་བྱང་སེམས་མ་ལྟ་བུ།། གདུལ་བྱ་གང་དམིགས་དེ་ལ་སྐྱོབས།། གསང་སྔགས་འདིས་ནི་ཞི་བར་བྱ།། མ་མ ་ཏྲག་རཀྟ་མུ་ཏྲ་ཨེ་ཀ་ཛ་ཏི་སྙིང་ཁ་རག་མ།། ཤནྟིང་ཀུ་རུ་སཱ་ཧ། རྟག་ཏུ་འདི་ལ་གང་གནས་པ།། གནོད་སྡིག་ཐམས་ཅད་ཞི་བར་བྱེད།། རྒྱས་པའི་ལས་སུ་བྱ་བ་ལ།། མཎྜལ་ཆུ་སྐྱེས་རྒྱས་པ་ནི།། བཙོ་མ་གསེར་གྱི་ཁ ་དོག་ལ།། བཙན་ཕྱུག་འཕན་དར་ཀ་པཱ་ལ།། ཙནྡན་གུར་གུམ་ཆུས་བཀྲུས་ཏེ།། བཟང་པོའི་དྲི་དང་ལྡན་པས་བདུག། སྨན་ལྔ་སྙིང་པོ་ལྔ་ལྡན་ཞིང་།། རྡོ་རྗེ་ཚེ་དང་བཅས་པ་ལ།། སྙིང་པོ་འདིས་ནི་བརྟན་པར་བྱ།། མ་མ ་ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་པུ་ཏྲ་ཨཱ་ཡུ་ཕ་ལ་པུཥྚི་ཧཱུཾ། པུཥྚིང་ཀུ་རུ་སྭཱ་ཧཱ། བཟླས་བརྗོད་བསྙེན་པའི་གྲངས་ཐེམས་ན།། ལོངས་སྤྱོད་ཐམས་ཅད་རྒྱས་པར་འགྱུར།། ལོག་ལྷ་དབང་དུ་བྱ་བ་ན།། མཎྜ་ལ་བྷ ་གའི་དབྱིབས་འདྲ་བར།། ཤེས་རབ་མཚལ་གྱིས་དམར་པོར་བྱ།། བུད་མེད་ན་ཆུང་མཛེས་མ་ཡིས།། ཐོད་པར་དབང་གི་གའུ་བྱ།། མཚལ་ཆེན་དག་གིས་མ་གཅིག་བྲི།། སྨུག་མོ་མཛེས་པའི་ཚུལ་གཅིག་མ།། ཆགས ་པས་ཁམས་གསུམ་དབང་དུ་སྡུད།། གསང་སྔགས་འདིས་ནི་རང་དབང་འགྱུར།། མ་མ་ཏྲག་རཀྵ་མུ་ཏྲ་ཨེ་ཀ་ཛ་ཏི་སྙིང་ཁ་རག་མ་བ་ཤཾ་ཀུ་རུ་སྭཱ་ཧཱ། གསང་སྔགས་ཚད་དུ་ཕྱིན་པ་ན།། ལོག་པར་ལྟ་བ་དབང་དུ ་འགྱུར།། སྦྱིན་ཐང་དབབ་པའི་ལས་བྱས་ན།། མུ་སུ་ལྐུགས་པ་ར་ཡི་ཐོད་པ་ལ།། གང་དམིགས་ཡུམ་དང་མིང་བྲིས་ཏེ།། དབབ་སྔགས་སྙིང་པོས་ཐ་མ་བསྐོར།། སྨུག་མོ་གསུམ་གྱི་སྙིང་ཁྲག་དང་།། སྣ་ཚོགས་དུག་དང ་ལོ་བླ་སོགས།། གུ་གུལ་དུད་པས་བདུག་བྱ་སྟེ།། སྟུག་མོ་འཇིགས་པའི་ཆ་བྱད་ཅན།། ཐོད་པ་ཁྲག་གི་རྒྱ་མཚོའི་ནང་། ཁྲག་གི་སྦྱིན་ཐང་འདེབས་པའི་བདག། ཉུང་དཀར་ཁྲག་སྐམ་གུ་གུལ ་ལ།། སྦྱིན་ཐང་སྙིང་པོ་འདི་ཡིས་དབབ།། མ་མ་ཏྲག་རཀྟ་མུ་ཏྲ། ཨེ་ཀ་ཛ་ཏི་སྙིང་ག་རག་མ་དུད་ཕྲོམ། དཀར་ཕྲོམ། ཤུད་ཏི་ཕྲོམ། ཡུག་ཏི་སྨིན། ཤར་ཤར་པ་ཏ་ཧྲི་ལ་བྷྱོ།། ཆུ་འཁྱགས་སྙིང་པོར་དྲིལ་བའི ་སྔགས།། སྒྲུབ་པ་པོས་ནི་ནན་ཏན་བྱ།། ཆུ་རྣམས་སྙིང་པོར་དྲིལ་བ་དང་། ཁྱད་པར་དུས་ཚོད་གཟའ་ལ་གཏད།། བདག་པོ་གནས་པའི་རྟེན་ས་རུ།། སྦྱིན་ཐང་ཟོར་ཐུན་དབབ་པར་བྱ།། ཏྲག་རཀྵ་ས་མ་ཡ་སྙིང་ཁ་རག ་ཡུལ་ཆེ་གེ་མོ་དུད་ཕྲོམ། དཀར་ཕྲོ་མ། ཤུ་ཏི་ཕྲོམ། ཡུག་ཏིག་སྨིན། ཤར་ཤ་ཏ་ཧྲིལ་ཚལ་པ་ཐུན་བྷྱོ།། གུ་གུལ་དུད་པས་ཡུལ་བདག་གཟིར། ཁྲག་གི་སྦྱིན་ཟང་གློ་བུར་དབབ།། ལྟས་ངན་དབབ་པའི་ལས་བྱས ་ན།། སྣརེལ་གྲི་མོ་ཡི་ཐོད་པ་རུ།། ལྟས་ངན་སྣ་ཚོགས་སྙིང་ཁྲག་བསགས།། དུར་ཁྲོད་རས་ཀྱིས་ཁ་བཅད་ལ།། ཞིང་ཆེན་གསར་པའི་ལྡིང་ཁང་དབུབ།། འབྲུ་སྣ་ཚོགས་པའི་ཕྱེ་བཏགས་ལ།། ལྟས་ངན་ཤ་ཁྲག་སྙིང ་དང་བསྲེ།། ལྟས་ངན་རྒྱལ་མོའི་གཟུགས་བྱས་ཏེ།། དཀྱིལ་འཁོར་གྲུ་གསུམ་ཨེ་ལ་བཞག། སྣ་ཚོགས་ལྟས་ངན་གཟུགས་ཀྱིས་བསྐོར།། ལེ་བརྒན་དར་གྱི་གུར་ཕུབ་ལ།། ལྟས་ངན་སྣ་ཚོགས་བསྒྲུབ་པར་བྱ།། ཉུང ་དཀར་སྔགས་ལ་ཐུན་དུ་བླུག། ལྟས་ངན་རྒྱལ་མོ་འབར་བར་བསྐུལ།། སྙིང་པོ་འདི་ནི་བརྩོན་བྱས་ནས།། དངོས་སམ་ཕྱོགས་སུ་ཐུན་འཕང་ན།། ལྟས་ངན་སྣ་ཚོགས་མཚོར་འཁྲབ་བྱེད།། མ་མོའི་ཕོ་བྲང་ཐེབས་པའི ་རྟགས།། མ་མ་ཏྲག་རཀྟ་མུ་ཏྲ། ཨེ་ཀ་ཛ་ཏི་སྙིང་ཁ་རག་མ་ཏྲག་ཧ་ཧེ་མདུན་ཙེ་ཡ། ཀང་ཀེ་པྲི་ལ་དུན་ཙེ་ཡ་ཀྱང་ཀྱི་ཕོ་བ་ཡ། ཡ་མ་ལིང་ཤ་མ་ལིང་། ཤ་མ་ལིང་། མི་ཤ་ཛ། མི་ཤ་དུན་ཛ་ཕོ་བ་ཡ། འུར་འུར། ཏྲབ ་ཏྲབ། ཐིབ་ཐིབ། ཀྱིང་ཀྱིང་དུན་དུན་ཕོབ་ཡ། ཙི་པི་ལི་དུ་ར་ཡག་ཤིང་འདུ་འུ་འདུ་འུ་ཤྲི་བ་ལ་དུན་ཙེ་ཕོ་བ་ཡ། དབབ་པའི་སྦྱོར་བ་བརྩམ་པ་ཡིན།། རིག་སྔགས་སྦྱོར་བ་བཟློག་པའི་ལས།། སྨིན་པའི་ས་ལ་བྱས་པ ་ཡི།། མཆོད་རྟེན་དམར་པོ་ཁྲུ་གང་བ།། བུམ་པར་བཟློག་པའི་འཁོར་ལོ་བྱ།། རི་རབ་ནང་དུ་བསད་པའི་ལས།། འོག་ཏུ་མནན་པའི་འཁོར་ལོ་ཡི།། འཁོར་ལོ་རྩིབས་མཚན་ཡིན་འབྲུ་རེ།། ལས་སྔགས་རྩ་བའི་ཡི་གེ ་ལ།། མིང་དང་དབྱངས་ཀྱི་ཡི་གེས་བསྐོར།། ལིངྒ་ཕུར་པ་གནད་དང་བཅས།། དབང་བསྐུར་བྱིན་རླབས་ཐོབ་བྱས་ལ།། རབ་ཏུ་དབེན་པའི་གནས་སུ་བཞག། དེ་ཡི་གསང་སྔགས་རིམ་པ་ནི།། མ་མ་ཏྲག་རཀྵ་མུ་ཏྲ་ཨེ ་ཀ་ཛ་ཏི་སྙིང་ཁམ། ཨེ་ཀ་དུ་ན་བཟློག་མ་ཧཱ་དུ་ན་བཟློག་ས་ག་དུ་ན་བཟློག་ཙ་དུར་སྙིང་ན་བཟློག་ར་ཙ་དུ་ན་བཟློག་གཅིག་ཏུ་དྲིལ་ཞིང་སྐབས་སུ་གཏོར། སྤྱི་དང་ཁྱད་པར་བཟློག་པའི་ལས།། བསད་པའི་སོ་ལ་མཱ ་ར་ཡ།། མནན་པའི་སོ་ལ་སྟཾ་བྷ་ཡ་ནན། སྤྱི་དང་ཁྱད་པར་བཟློག་པ་ནི།། གཅིག་ཏུ་དྲིལ་ཞིང་སོ་སོར་གཏོར།། གང་ལ་བྱ་བ་དུས་དང་སྦྱར།། གང་དམིགས་དེ་འགྲུབ་གདོན་མི་ཟ།། སྒྲ་གྲི་ཡ་མའི་རྒྱུད ་ལས་ཕྲིན་ལས་ཁྱད་པར་སོ་སོར་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་དཔལ་པདྨ་གར་གྱི་དབང་ཕྱུག་གིས། འབར་མ་དབྱིངས་ཀྱི་རལ་གཅིག་མ།། སྐུ་དང་གསུང་དང་ཐུགས་ཀྱི་གཏེར།། ཡོན་ཏན ་ཕྲིན་ལས་ཐམས་ཅད་ཀྱང་། ཁྱད་པར་ཐབས་ཀྱི་རིམ་པ་ཡིས།། དངོས་གྲུབ་དྲང་དབང་སྒྱུར་བ་དང་།། ལྟ་སྤྱོད་སོ་སོར་བསྟན་པ་ལ།། འདུས་པའི་འཁོར་རྣམས་ཡི་རངས་ཏེ།། མངོན་པར་བསྟོད་ནས་སོ་སོར ་དེངས།། གར་གྱི་དབང་ཕྱུག་ཡབ་ལ་ཐིམ།། དབང་ཆེན་མི་གནས་དབྱིངས་སུ་མནལ།། སྤུ་གྲི་ཡ་མའི་རྒྱུད་ལས་རྒྱུད་ཀྱི་དོན་ཡོངས་སུ་གཏན་ལ་ཕབ་ནས། རྗེས་སུ་ཡི་རངས་ཤིང་མངོན་པར་བསྟོད་པའི་ལེའུ་སྟེ་ཉི་ཤུ ་རྩ་ལྔ་པའོ།། །། སྤུ་གྲི་ཡ་མའི་རྒྱུད་རྫོགས་སོ།། །། རྒྱ་གར་གྱི་སློབ་དཔོན་དཱ་ན་ཤཱི་ལ་དང་། བོད་ཀྱི་སློབ་དཔོན་དགེ་སློང་ཡང་དབང་གཏེར་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། ཀུན་གྱི་ཐུན་མོང ་མ་ཡིན་ཏེ།། འདི་བསྒྱུར་བསོད་ནམས་ཆེན་པོས་ནི།། ཕྱི་རབས་བསྟན་པ་སྲུང་བར་ཤོག། ཡོན་ཏན་རྒྱ་མཚོ་གར་གནས་པར།། བསྟན་པ་རྒྱ་མཚོ་ཚུགས་པར་ཤོག། འགྲོ་བ་ཡོངས་ཀྱིས་ཁུར་བར་ཤོག།། རྒྱ་གར ་