Wylie

e-texts produced with BDRC’s OCR application

སྐད་གསར་བཅད་ཀྱིས་གཏུགས་པའོ།། བརྟག་པ་ཕྱོགས་གཅིག་པ་རྫོགས་སོ།། །། @#།། རྒྱ་གར་སྐད་དུ། ཀརྨྨ་ཀཱི་ལ་ཡ་ཏནྟྲ། བོད་སྐད་དུ། ཕུར་པ་ཀརྨྨ་ལས་ཀྱི་རྒྱུད།། རྡོ་རྗེ་ཀི ་ལ་ཡ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཙུན་མོའི་བྷ་ག་ལ་བཞུགས་ཏེ། རྡོ་རྗེ་ཁྲོ་བོའི ་ཚོགས་བསམ་གྱིས་མི་ཁྱབ་བརྗོད་ཀྱི་མི་ལང་བ་དང་། བཙུན་མོའི་ཚོགས་བསམ་གྱིས་མི་ཁྱབ་བརྗོད་ཀྱིས་མི་ལང་བ་དང་། ཡང་སྦྲུལ་དང་སུམ་སྦྲུལ་དང་། མགྱོགས་མའི་ཚོགས་དང་ཐབས་ཅིག་ཏུ ་བཞུགས་སོ། དེའི་ཚེ་ན་རཱུ་ཏྲ་ཤིན་ཏུ་གདུག་པ་འཇིག་རྟེན་ཐམས་ཅད་ཕུང་བར་བྱེད་པ། མགོ་གསུམ་པ་ལག་པ་དྲུག་པ། དྲག་པོའི་གཏུམ་ཚིག་བརླང་པོར་སྨྲ་བ་ཞིག་གིས་འཇིག་རྟེན་གྱི ་ཁམས་ཐམས་ཅད་ཕུང་བར་བྱེད་དོ།། འདོད་པའི་ཁམས་དང་། གཟུགས་ཀྱི་ཁམས་དང་གཟུགས་མེད་པའི་ཁམས་ཐམས་ཅད་ཕུང་བར་བྱེད་པའི་རཱ་ཏྲ་དེ་བསྒྲལ་བའི་ཕྱིར། དེ་བཞིན ་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེ་ཀཱི་ལ་ཡ་ཞེས་བྱ་བས། གདུག་པ་སྒྲོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཐུགས་ཀ་ནས་འོད་ཟེར་རྣམ་པ ་ལྔ་འཐོན་ཏེ། འོད་ཟེར་དེ་དག་ཀྱང་ཁྲོ་བོ་སྣ་ཚོགས་སུ་གྱུར་ནས། རཱ་ཏྲ་དེ་ལ་རྡོ་རྗེ་རྩེ་དགུ་པ་དང་། རྩེ་ལྔ་པ་དང་རྡོ་རྗེ་རྒྱ་གྲམ་དང་མེ་དཔུང་དང་ཏྲི་ཤུལ་དང་། ཕུར་པ་རྣམས་འཕྲོས་ནས་རཱ་ཏྲ་དེ་ཉིད ་བསྒྲལ་ཏེ། ཤ་ཟོས་ཁྲག་འཐུང་རུས་པ་འཆོས་ཏེ་འཇིག་རྟེན་གྱི་ཁམས་བདེ་བ་ལ་བཀོད་དོ། གཞན་ཡང་མི་དགེ་བ་ལས་གྲུབ་པའི་དྲེགས་པ་ཅན། དབང་ཕྱུག་ཆེན་པོ་ཕོ་མོ་དང་། ཉི་ཟླ་ཚངས་པ་དང་། ་བརྒྱ་བྱིན་དང་། མེ་ལྷ་དང་། གཤིན་རྗེ་དང་། སྲིན་པོ་དང་། ཆུ་ལྷ་དང་། རླུང་ལྷ་དང་། གནོད་སྦྱིན་དང་། འབྱུང་པོའི་བདག་པོ་དང་། ཕོ་མོར་བཅས་པ་ཁ་བུབ་ཏུ་འགྱེལ་ནས། ཁྲག་ཏུ་སྐྱུགས་ཤིང་འོ། ་དོད་ཆེན་པོ་འབོད་དེ། དཔའ་བོ་ཆེན་པོ་ནི་ཐུགས་རྗེའི་མངའ་བདག་ལགས་ན། དེ་ལྟ་བུ་མ་མཛད། དཔའ་བོ་ཆེན་པོའི་འབངས་སུ་མཆིའོ།། ཅི་བསྒོ་བའི་བཀའ་ཉན་ཞེས་ཉམ་ཐག་པ་ལས། བཅོམ ་ལྡན་འདས་ཀྱིས་ཐུགས་རྗེ་ཆེན་པོ་འོད་ཟེར་ལྕགས་ཀྱུ་ལྟ་བུས་དེ་དག་བཀུག་སྟེ། མཐིང་ནག་གྲུ་གསུམ་གྱིས་ཕྱོགས་མཚམས་གཏམས་པའི་གཞལ་ཡས་ཁང་གི་ནང་ཉི་ཟླ་པདྨའི་སྟེང་དུ་ཕོ་མོ་བྱི ་ཆིངས་སུ་བསྣོལ་ཏེ། ཁྲོ་བོའི་ཚོགས་ཀྱི་གདན་དུ་བཏིང་། ཧཱུཾ་ཞེས་པའི་སྒྲ་དབུགས་དབྱུང་རྔུབ་དང་བཅས་པས། ཁྲོ་བོའི་ཚོགས་བསམ་གྱིས་མི་ཁྱབ་པ་ཡང་བསྡུས་པས། ཁྲོ་བོ་ཆེན་པོ་བཅུ་ཡབ་ཡུམ ་སྤྲུལ་པ་དང་བཅས་པར་གྱུར་ཏེ། ཕྱོགས་སོ་སོའི་དྲེགས་པ་སོ་སོའི་གདན་ལ་བཞུགས། ཨུ་ཙུཥྨ་ཆེན་མོ་ནི་ཉིད་ཀྱི་སྐུ་ལ་འཁྲིལ་རཱ་ཏྲའི་སེམས་དང་སེམས་བྱུང་ནི་རྣམ་པར་མི་རྟོག་པ་ལ་བཀོད། ཕྱོགས ་སྐྱོང་བ་སོ་སོ་ནི་དགེ་བ་བཅུའི་ངང་ལ་གནས་པའི་སེམས་དང་བཅས། དབང་ཕྱུག་ཆེན་པོ་ཡབ་ཡུམ་ནི་ཉིད་ཀྱི་གདན་དུ་གྱུར་ཏེ། བྱང་ཆུབ་ཆེན་པོའི་སེམས་ངང་གིས་སྐྱེས་སོ།། ཕུར་པ་འཕྲིན་ལས་ཀྱི ་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་ཁྲོ་བོ་རྣམ་པར་རྒྱལ་བས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཁམས་གསུམ་གྱི་སེམས་ཅན་ཞེ་སྡང་ཅན ་རྣམས། ཐབས་གང་གིས་འདུལ་བ་བཀའ་སྩལ་དུ་གསོལ།། ཞེས་ཞུས་པས། བཅོམ་ལྡན་འདས་ཀྱི་བཀའ་སྩལ་པ། ཁམས་གསུམ་གྱི་སེམས་ཅན་ཞེ་སྡང་ཅན་འདུལ་བའི་ཐབས་ནི་གཉིས་ཏེ། ཞི ་བའི་ལས་དང་དྲག་པོའི་ལས་ཀྱི་མི་འདུལ་བ་ནི་གང་ཡང་མེད་དོ།། རྫ་རྫ་ཀི་ལ་ཡ་ཞི་བའི་དཀྱིལ་འཁོར་ཆེན་པོ་ནི། རྣམ་པར་རྟོགས་པ་སྣ་ཚོགས་པ་ཞི་བར་བྱེད་དོ།། ཐོག་མ་མེད་པ ་ནས་བསགས་པའི་བག་ཆགས་ཞི་བར་བྱེད་དོ།། དེ་ནས་རྡོ་རྗེ་ཀཱི་ལ་ཡ་རྣམ་པར་རྟོག་པ་ཐམས་ཅད་ཞི་བར་བྱེད་པའི་ཏིང་ངེ་འཛིན་ལ་སྙོམས་པར་བཞུགས་སོ།། ཏིང་ངེ་འཛིན་དེ་ལ་སྙོམས་པར ་ཞུགས་མ་ཐག་ཏུ། ཞི་བའི་དཀྱིལ་འཁོར་ཆེན་པོ་མངོན་པར་འཐོན་ཏེ། འཁོར་ལོ་རྩིབས་བཞི་མུ་ཁྱུད་གྲུ་ཆད་པར་ཁྱམས་སྒོ་དང་བཅས་པ་རང་བྱུང་སྟེ་རྒྱན་སྣ་ཚོགས་དང་ལྡན་པའོ། དེའི་ཚེ་གསུང་གི ་དཀྱིལ་འཁོར་གྱི་སྒྲ་བཀའ་སྩལ་པ། ཀ་ཁ་ག་གྷ་ང་། ཙ་ཚ་ཛ་ཛྙཱ་ཉ། ཊ་ཥ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨོ། ་ཨཾ་ཨཿ། ཧཱཾ་བཛྲ་དྷྲྀཀ། མཱཾ་དྷ་ཏི་ཤྭ་རཱི། ཨཽ་ཛི་ན་ཛི་ཀ་ལཱཾ་དེ་ཥ་ར་ཏཾ། སཱ་རཏྣ་དྷྲྀཀ་མཱཾ་མོ་ཧ་ར་ཏི། ཨཱཾ་ཨ་རོ་ལི་ཀ། པཱཾ་རཱ་ག་ར་ཏི། ཧ་པྲ་ཛྙཱ་དྷྲྀ་ཀ་ཏཱཾ་བཛྲ་ར་ཏི། ཀྵི་ཧི་ར་ཛཱ་ཡ། ཧཱཾ་ལཱ་སྱེ་ས་མ་ཡ་སྟཾ། ཏཱཾ་ཨཱ ་གརྦྷཱ་ཡ། ཏཱཾ་མཱ་ལེ་ས་མ་ཡ་ཧཽ། ཧྲི་ཧ་ཧཱུཾ་པདྨ་བཱ་ད་མ། ཧྲྀཿགིརྟི་ར་ཧོ་ཧཾ། ཛྷི་ཀུ་རུ་པཱ་ཎི། ཨཾ་ཎཱིརྟི་རཱ་ག་ཡཱ་མི། མེ་དྷ་ར་ཎི་སྭཱ་ཧཱ། ཛཿདྷཱ་པེ་པྲ་བེ་ཤ་ཡ། བྷཱི་ནིསྨ་རཾ་བྷ་ཡ་སྭཱ་ཧཱ། ཧཱུཾ་པུཥྤ་པྲ་བེ་ཤཧཱུཾ་ས་རཱི་ཛཱ་ཡ། ་བཾ་དཱི་པ་སུ་གི་རི། མུཾ་ཤྲཱི་ཨཾ་རཱ་གཱ་ཡ་སྭཱ་ཧཱ། ཧོཿགན་དྷེ་ཙིཏྟ་ཧོ། ཡཀྵི་ཎི་མུ་ཁ་ཧཱུཾ། བྷེ་ར་བེ་མུ་ཁ་ཧཱུཾ། ཨ་མྲྀ་ཏ་མུ་ཁ་ཧཱུཾ། མཱ་ར་ཎ་མུ་ཁ་ཧཱུཾ། ལྟེ་བའི་རྩིབས་ལ་ཡབ་ཡུམ་དང་།། གྲུ་ཆད་སེམས་དཔའ་ཡང ་ཡུམ་བརྒྱད། ཁྱམས་ལ་དེ་བཞིན་བརྒྱད་གནས་པ།། བཞི་ནི་སྒོ་བཞིར་རབ་ཏུ་འབར།། ཐབས་དང་སྤྱོད་པ་ཐམས་ཅད་ཀྱིས།། ཐམས་ཅད་ཞི་བ་ཆེན་པོར་འགྱུར།། རྣམ་པར་རྟོག་པ་རབ་ཞི་སྟེ།། མི ་རྟོག་པ་ལ་རབ་ཏུ་བཀོད།། ཞི་བ་ཆེན་པོའི་ཆོ་ག་འདི།། ཞི་བའི་ལས་རྣམས་འགྲུབ་པར་བཤད།། ཞི་བའི་ལྷ་རྣམས་རབ་གསལ་ནས།། ཞི་བའི་ལྷ་རྣམས་སྤྱན་དྲངས་ཤིང་།། ཕྱག་འཚལ་བརྟན ་བཞུགས་དངོས་གྲུབ་ནོད།། ཕྱི་མ་རྨད་བྱུང་བདུད་རྩི་དང་།། གཏོར་མ་དག་ཀྱང་སྦྱིན་པར་བྱ།། བསྟོད་པའི་མཆོག་འདིས་རབ་ཏུ་བསྟོད།། ཧཱུཾ་བཅོམ་ལྡན་མི་བསྐྱོད་སྐུར་སྤྲུལ་པ།། རྡོ་རྗེ་སེམས་དཔའ ་མངའ་བདག་ཉིད།། ཉོན་མོངས་ཐམས་ཅད་ཞི་མཛད་པ།། རྡོ་རྗེའི་སྐུ་མཆོག་ཕྱག་འཚལ་བསྟོད།། ཡིད་བཞིན་ནོར་བུས་དགོས་འདོད་སྐོངས།། རིན་ཆེན་སེམས་དཔའི་མངའ་བདག་ཉིད།། ང་རྒྱལ ་རྣམ་རྟོག་ཉོན་མོངས་ཞི།། རིན་ཆེན་སྐུ་མཆོག་ཕྱག་འཚལ་བསྟོད།། ཆགས་བྲལ་ཆགས་ཆེན་འོད་དཔག་མེད།། པདྨ་སེམས་དཔའི་མངའ་བདག་ཉིད།། འདོད་ཆགས་རྣམ་རྟོག་ཉོན་མོངས་ཞི།། ་པདྨའི་སྐུ་མཆོག་ཕྱག་འཚལ་བསྟོད།། ཀུན་ཏུ་དོན་གྲུབ་ཡེ་ཤེས་སྐུ།། ལས་ཀྱི་སེམས་དཔའི་མངའ་བདག་ཉིད།། ཕྲག་དོག་རྣམ་རྟོག་ཉོན་མོངས་ཞི།། ཕྲིན་ལས་སྐུ་མཆོག་ཕྱག་འཚལ་བསྟོད།། ཆོས ་དབྱིངས་ཡེ་ཤེས་རྣམ་དག་སྐུ།། བདེ་གཤེགས་རིགས་ཀྱི་མངའ་བདག་ཉིད།། གཏི་མུག་རྣམ་རྟོག་ཉོན་མོངས་ཞི།། བདེ་གཤེགས་སྐུ་མཆོག་ཕྱག་འཚལ་བསྟོད།། རིགས་དང་ཡེ་ཤེས་ཁྱད་པར་ལས།། གང་མོས ་གདུལ་ཕྱིར་རིགས་སྐུར་བཞེངས།། ཉོན་མོངས་མ་ལུས་ཞི་མཛད་པ།། སེམས་དཔའ་སེམས་མ་རྣམས་ལ་བསྟོད།། ཡེ་ཤེས་བཞི་ཡི་ཁྱད་པར་ལས།། ཚད་མེད་བཞི་ལྡན་སྐུར་སྤྲུལ་ཏེ།། ཉོན་མོངས་ཐམས་ཅད་ཞི ་མཛད་པ།། སྒོ་སྐྱོང་རྣམས་ལ་ཕྱག་འཚལ་བསྟོད།། གདུག་ཅིང་སྡང་སེམས་ལྡན་པ་རྣམས།། ཞི་བའི་ལས་ཀྱིས་ཞི་བར་བྱེད།། ཡར་གྱི་ངོ་དང་ཉི་ཤར་དང་།། དཀར་པོ་ཟླུམ་པོ་རབ་མཛེས་ལ།། དཀར་པོའི་ཤིང་ཡང ་ཟླུམ་པོར་བརྩིག། དཀར་གསུམ་འབྲས་ཆན་ལ་སོགས་སྟེ།། དཀར་པོས་ཞི་བའི་ལྷ་རྣམས་མཆོད།། སྤྱན་དྲང་མཆོད་བསྟོད་ཕྲིན་ལས་བཅོལ།། ཞི་བའི་སེམས་ཀྱིས་སྔགས་འདི་བརྗོད།། ཞི་བའི་འོད་ཟེར་འཕྲོ་འདུ ་ཡིས། གང་ལ་བྱ་བ་ཞི་བར་བྱ། ཤཱནྟི་ཀུ་རུ་སྭ་ཧཱ། ཞི་བའི་དཀྱིལ་འཁོར་གྱི་ལེའུ་སྟེ་གཉིས་པའོ།། །། ཞི་བས་མི་འདུལ་སེམས་ཅན་ལ།། དྲག་པོའི་དཀྱིལ་འཁོར་རབ་སྤྲོ་བྱ།། ནམ་མཁའ་ས་གཞི་གྲུ་གསུམ ་དབྱིབས།། བྲག་རི་སྲིན་པོའི་གདོང་པ་འདྲ།། མར་ངོར་ཁྲོས་པའི་དཀྱིལ་འཁོར་བྲི།། སྐུ་གསུང་ཐུགས་ཀྱི་དཀྱིལ་འཁོར་བྲི།། ཡང་ན་སྐུ་གསུང་ཐུགས་འདུས་པ། ཁྲོས་པའི་དཀྱིལ་འཁོར་བྲི་བར་བྱ།། སྐུ་ཡི་དཀྱིལ ་འཁོར་བྲི་བར་བྱ།། འཁོར་ལོ་རྩིབས་བརྒྱད་མུ་ཁྱུད་བཅས།། ཀུན་ཏུ་གྲུ་བཞི་སྒོ་ཁྱུད་ལྡན། ཁྲོས་པའི་རྒྱན་གྱིས་རབ་ཏུ་མཛེས།། སྐུ་ཡི་དཀྱིལ་འཁོར་མདུན་ཕྱོགས་སུ།། ཐུགས་ཀྱི་དཀྱིལ་འཁོར་རབ་ཏུ་བརྩམ།། ་གྲུ་གསུམ་ཁྲུ་གང་ཐུར་བྲུ་ནག། བསྒྲུབ་བྱའི་གཟུགས་ནི་ནང་དུའོ།། སྐུ་ཡི་དཀྱིལ་འཁོར་གཡོན་ཕྱོགས་སུ།། སྔགས་ཀྱི་འཁོར་ལོ་བྲི་བར་བྱ།། བསྙེན་སྔགས་སྒྲུབ་སྔགས་ཕྲིན་ལས་སྔགས།། ཕྲིན་ལས་སྔགས ་ནི་འཁྲུལ་འཁོར་ལྡན།། དམིགས་པའི་གཟུགས་དང་ལྡན་པའོ།། སྐུ་ཡི་དཀྱིལ་འཁོར་ཆེན་པོ་རུ།། མཆོད་དང་བསྟོད་པ་རབ་ཏུ་བྱ།། གསུང་གི་དཀྱིལ་འཁོར་ཆེན་པོ་རུ།། བཟླས་བརྗོད་དག་ནི་རབ་ཏུ་བྱ།། ཐུགས ་ཀྱི་དཀྱིལ་འཁོར་ཆེན་པོར་ནི། གདུགས་པའི་ཚོགས་རྣམས་རབ་ཏུ་བསྒྲལ།། སྐུ་གསུང་ཐུགས་ཀྱི་དཀྱིལ་འཁོར་གྱི།། བསྙེན་བསྒྲུབ་ལས་རྣམས་ཀུན་རྫོགས་ཤིང་།། གདུག་པའི་ཚོགས་རྣམས་ཀུན་སྒྲོལ་ཏེ།། ཕྲིན ་ལས་རྣམ་བཞི་ལྷུན་གྱིས་གྲུབ།། དབུས་དང་ཕྱོགས་མཚམས་གྲུ་གསུམ་དགུ།། ཐུགས་ཀྱི་དཀྱིལ་འཁོར་དྲག་པོའོ།། དབུས་ཀྱི་གྲུ་གསུམ་ཕྱི་རོལ་དུ།། ཟླ་གམ་གསུམ་ལ་སྔགས་རྣམས་ཀྱི།། འཁྲུལ་འཁོར་གཟུགས་སུ ་ལྡན་པ་ནི།། གསུང་གི་དཀྱིལ་འཁོར་རབ་ལྡན་པའོ།། མུ་ཁྱུད་དཀར་པོ་ཟོད་ཕྲེང་ལྡན།། ཞི་བའི་དཀྱིལ་འཁོར་སྐུ་ཡིའོ།། སེར་པོ་གྲུ་བཞི་ཡོན་ཏན་རྒྱས།། བྱང་ཤར་སྒོ་ཁྱུད་གྲུ་གསུམ་དུ།། བརྣག་པའི ་གཟུགས་ལྡན་དྲག་པོ་སྟེ།། སྒོ་བཞི་རིགས་ཀྱི་ཁ་དོག་ལྡན།། འབར་འཕྲོ་གཏུམ་རྔམས་རྒྱན་དང་ལྡན།། བསྙེན་བསྒྲུབ་ཕྲིན་ལས་སྐུ་གསུང་ཐུགས།། ཡོན་ཏན་ཕྲིན་ལས་ཡེ་ཤེས་ལྔའི།། གཞལ་ཡས་ལྷུན་གྱིས་གྲུབ ་པའོ།། གནས་དེར་ཕྱིན་ཅི་ལོག་ལྷ་རྣམས།། བསྒྲལ་ན་དངོས་གྲུབ་མཆོག་ཐུབ་གྱུར།། སྐུ་ཡི་དཀྱིལ་འཁོར་ལྟེ་བ་ལ།། ལེ་ཚེ་དགུ་ལྡན་དབུས་གྲུ་གསུམ།། དབུས་སུ་ཁྲོ་བདག་ཡབ་ཡུམ་སྟེ།། ཤར་དུ་བྷུདྡྷ་ཀཱི་ལ ་ཡ།། ལྷོར་ནི་རཏྣ་ཀཱི་ལ་ཡ།། ནུབ་ཏུ་པདྨ་ཀཱི་ལ་ཡ།། བྱང་དུ་ཀརྨ་ཀཱི་ལ་ཡ།། སངས་རྒྱས་སྤྱན་སོགས་ཡུམ་དང་ལྡན།། ཕྱོགས་མཚམས་བརྒྱད་ཀྱི་རྩིབས་བརྒྱད་ལ།། ཤར་དུ་རྣམ་པར་རྒྱལ་བ་སྟེ།། ལྷོ་རུ་གཤིན་རྗེའི ་གཤེད་པོའོ།། ནུབ་ཏུ་ཁྲོ་བོ་རྟ་མཆོག་དཔལ།། བྱང་དུ་བདུད་རྩི་འཁྱིལ་བའོ།། ཤར་ལྷོར་ཁྲོ་བོ་དབྱུག་སྔོན་ཅན།། ལྷོ་ནུབ་མི་གཡོ་མགོན་པོའོ།། ནུབ་བྱང་གཞན་གྱིས་མི་ཐུབ་པ།། བྱང་ཤར་ཁམས་གསུམ་རྣམ་པར ་རྒྱལ།། མདུན་དུ་ཁྲོ་བོ་ཧཱུཾ་མཛད་དེ།། རྒྱབ་ཏུ་ཁྲོ་བོ་སྟོབས་པོ་ཆེ།། རང་རང་ཡུམ་དང་སྤྲུལ་པར་བཅས།། ཤར་སྒོར་པུ་ཤུད་མགོ་ཅན་ཏེ།། ལྷོ་ཡི་སྒོ་རུ་སྐྱེ་ཀའི་མགོ། ནུབ་ཏུ་སྲིན་བྱའི་མགོ་ཅན་ཏེ།། བྱང་དུ་ཁྲ་ཡི་མགོ ་ཅན་ནོ།། མུ་རན་ཁྱམས་ནི་ཐམས་ཅད་དུ།། མཁའ་འགྲོ་མ་ཚོགས་དེ་བཞིན་དགོད།། སྐུ་ཡི་དཀྱིལ་འཁོར་དེ་བསྐྱེད་ན།། ང་རྒྱལ་ཅན་རྣམས་ཚར་གཅོད་དེ།། མ་རུངས་སྲིན་པོའི་ཚོགས་རྣམས་དང་།། ཕྱོགས་སྐྱོང། ་དྲེགས་པའི་ཚོགས་རྣམས་ནི། ཁྲོ་རྒྱལ་གདན་དུ་རབ་ཏུ་བཏིང་།། དེར་ནི་ལྷ་རྣམས་སྤྱན་དྲངས་ཏེ།། ཧཱུཾ།། གྲུ་གསུམ་མཐིང་ནག་འབར་བའི་དཀྱིལ་འཁོར་ནས།། ཞེ་སྡང་བདུད་འདུལ་ཁྲོ་རྒྱལ་མི་བཟད་སྐུ།། ཞེ་སྡང ་གདུག་པའི་དགྲ་བགེགས་སྙིང་ལ་རྒྱོབ།། ཤར་ཕྱོགས་གྲུ་གསུམ་སྨུག་ནག་འབར་བའི་དཀྱིལ་འཁོར་ནས།། སངས་རྒྱས་འདུས་པའི་སྲས་མཆོག་ཀཱི་ལ་ཡ།། གཏི་མུག་བདུད་འདུལ་ཁྲོ་རྒྱལ་མི་བཟད་སྐུ།། མི་ཤེས ་རྨོངས་པའི་དགྲ་བགེགས་སྙིང་ལ་རྒྱོབ།། ལྷོ་ཕྱོགས་གྲུ་གསུམ་སེར་ནག་འབར་བའི་དཀྱིལ་འཁོར་ནས།། རིན་ཆེན་འདུས་པའི་སྲས་མཆོག་ཀཱི་ལ་ཡ།། ང་རྒྱལ་བདུད་འདུལ་ཁྲོ་རྒྱལ་མི་བཟད་སྐུ།། ང་རྒྱལ་དྲེགས་པའི ་དགྲ་བགེགས་སྙིང་ལ་རྒྱོབ།། ནུབ་ཕྱོགས་གྲུ་གསུམ་དམར་ནག་འབར་བའི་དཀྱིལ་འཁོར་ནས།། པདྨ་འདུས་པའི་སྲས་མཆོག་ཀཱི་ལ་ཡ།། འདོད་ཆགས་བདུད་འདུལ་ཁྲོ་རྒྱལ་མི་བཟད་སྐུ།། འདོད་ཆགས་ཞེན་འཛིན ་ཅན་གྱི་སྙིང་ལ་རྒྱོབ།། བྱང་ཕྱོགས་གྲུ་གསུམ་ལྡང་ནག་འབར་བའི་དཀྱིལ་འཁོར་ནས།། ཕྲིན་ལས་འདུས་པའི་སྲས་མཆོག་ཀཱི་ལ་ཡ།། ཕྲག་དོག་བདུད་འདུལ་ཁྲོ་རྒྱལ་མི་བཟད་སྐུ།། ཕྲག་དོགས་དྲེགས་པའི་དགྲ ་བགེགས་སྙིང་ལ་རྒྱོབ།། གཉིས་མེད་ཁྲོ་རྒྱལ་སྐུ་ལ་ལྷུན་སྦྱོར་བའི། ཁྲོ་མོའི་སྐུར་སྟོན་འབྱུང་ལྔའི་བདག་མོ་རྣམས།། གནོད་སྦྱིན་གདུག་པ་འདུལ་ཕྱིར་གཤེགས་སུ་གསོལ།། བསྐལ་པའི་མེ་ལྟར་འབར ་བའི་དཀྱིལ་འཁོར་ནས།། ཕྱོགས་སྐྱོང་དྲེགས་པ་ཚར་གཅོད་གདུག་པ་ཀུན་འདུལ་མཛད།། ཕྱོགས་བཅུའི་ཁྲོ་རྒྱལ་ཡབ་ཡུམ་གཤེགས་སུ་གསོལ།། ཧཱུཾ་བསྐལ་པའི་མེ་ལྟར་འབར་བའི་ཀློང་དཀྱིལ་ནས།། ཚངས་པ་ཚར ་བཅད་གཅོད་ཉི་ཟླ་ཕོ་མོ་འདུལ།། ལྷ་གདོན་དྲག་པོ་མ་ལུས་ཚར་བཅོད་པ།། ཧཱུཾ་མཛད་ཧཱུཾ་ཆེན་གཤེགས་སུ་གསོལ།། བསྐལ་པའི་མེ་ལྟར་འབར་བའི་དཀྱིལ་འཁོར་ནས།། མེ་ལྷའི་གདོན་ཚོགས་ཀུན་འདུལ ་ཞིང་།། བདུད་དང་སྲིན་པོ་རྡུལ་དུ་རློག། ཁྲོ་རྒྱལ་དབྱུག་པ་སྔོན་པོ་གཤེགས་སུ་གསོལ།། བསྐལ་པའི་མེ་ལྟར་འབར་བའི་ཀློང་དཀྱིལ་ནས།། གཤིན་རྗེའི་གདོན་ཚོགས་ཀུན་འདུལ་ཞིང་།། འབྱུང་པོའི་གདོན་རྣམས ་རྡུལ་དུ་རློག་ཁྲོ་རྒྱལ་གཤིན་རྗེའི་གཤེད་པོ་གཤེགས་སུ་གསོལ།། བསྐལ་པའི་མེ་ལྟར་འབར་བའི་ཀློང་དཀྱིལ་ནས།། སྲིན་པོའི་ཚོགས་རྣམས་འདུལ་མཛད་ཅིང་།། བར་གཅོད་དགེགས་རྣམས་འཇོམས་མཛད་པ། ཁྲོ ་རྒྱལ་མི་གཡོ་མགོན་པོ་གཤེགས་སུ་གསོལ།། བསྐལ་པའི་མེ་ལྟར་འབར་བའི་ཀློང་དཀྱིལ་ནས།། ཀླུ་ཡི་གདོན་ཚོགས་འདུལ་མཛད་ཅིང་།། གདུག་པའི་ཚོགས་རྣམས་འཇོམས་མཛད་པ། ཁྲོ་བོའི་རྒྱལ་པོ་རྟ་མགྲིན ་གཤེགས་སུ་གསོལ།། བསྐལ་པའི་མེ་ལྟར་འབར་བའི་ཀློང་དཀྱིལ་ནས།། རླུང་ལྷའི་ཚོགས་རྣམས་འཇོམས་མཛད་ཅིང་།། བར་དུ་གཅོད་པའི་གདོན་རྣམས་འདུལ་མཛད་པའི། ཁྲོ་རྒྱལ་གཞན་གྱིས་མི་ཐུབ་གཤེགས ་གསོལ།། བསྐལ་པའི་མེ་ལྟར་འབར་བའི་ཀློང་དཀྱིལ་ནས།། གནོད་སྤྲིན་གདོན་ཚོགས་འཇོམས་མཛད་ཅིང་།། གཏུམ་ཁྲོ་དྲེགས་པ་འཇོམས་མཛད་པ། ཁྲོ་རྒྱལ་བདུད་རྩི་འཁྱིལ་པ་གཤེགས་སུ་གསོལ།། བསྐལ ་པའི་མེ་ལྟར་འབར་བའི་ཀློང་དཀྱིལ་ནས།། འབྱུང་པོའི་གདོན་གྱི་ཚོགས་རྣམས་འཇོམས་མཛད་ཅིང་།། དབང་ལྡན་གདོན་གྱི་ཚོགས་རྣམས་ཚར་གཅོད་པ།། ཁྲོ་རྒྱལ་ཁམས་གསུམ་རྣམ་རྒྱལ་གཤེགས་སུ ་གསོལ།། བསྐལ་པའི་མེ་ལྟར་འབར་བའི་ཀློང་དཀྱིལ་ནས།། ས་བདག་གདུག་པའི་ཚོགས་རྣམས་འདུལ་མཛད་ཅིང་།། ས་གདོན་དྲག་པོ་མ་ལུས་ཚར་གཅོད་པའི།། ཁྲོ་བོའི་རྒྱལ་པོ་སྟོབས་ཆེན་གཤེགས་སུ་གསོལ།། ་ཁྲོ་རྒྱལ་སྤུ་ལ་གཉིས་མེད་འཁྲིལ་བའི་ཡུམ།། སྒྲ་འབྱིན་ལ་སོགས་རྡོ་རྗེ་སྲིན་མོ་བཅུ།། སྤྲུལ་པ་མགོ་བརྟན་ཕྲ་ཐབས་ཡང་སྦྲུལ་བཅས།། བར་གཅོད་དགེགས་ཀྱི་ཚོགས་རྣམས་འཇོམས་མཛད་པ།། སྒྲ་འབྱིན་འཁོར ་བཅས་མ་ལུས་གཤེགས་སུ་གསོལ།། འགུགས་འདྲེན་སྡོམ་འཆིང་འབེབས་པའི་ལས་མཛད་མ།། ཕྲ་མེན་ཆེན་མོ་ཡེ་ཤེས་སྒོ་མ་བཞི།། གནོད་གདུག་འཁོར་ཚོགས་མ་ལུས་ཀུན་འདུལ་ཕྱིར།། འཁོར་དང་བཅས་པ་མ ་ལུས་གཤེགས་སུ་གསོལ།། སྤྱན་དྲངས་ལྷ་ཡི་དཀྱིལ་འཁོར་རྣམས།། སོ་སོའི་ལས་ཀྱི་སྔགས་རྣམས་དང་།། ཛཿཧཱུཾ་བཾ་ཧོའི་སྔགས་ཀྱིས་ནི། གཉིས་མེད་དོན་དུ་བསྟིམ་པ་ཡིན། དེས་ནི་བར་ཆད་ཚོགས ་རྣམས་ཀྱང་།། རྟག་ཏུ་འཇོམས་པར་བྱེད་པ་སྟེ། ཁྲོ་བོ་འཇིགས་པའི་གཟུགས་ཅན་དེས།། བར་གཅོད་ཚོགས་རྣམས་རབ་ཏུ་བཏུལ།། ཞེ་སྡང་ཆེན་པོའི་དཀྱིལ་འཁོར་དུ།། གདུག་པའི་ཚོགས་རྣམས་སྒྲོལ་བར ་བྱེད།། ཡེ་ཤེས་ཐུགས་ཀྱི་ཕུར་པ་ཡིས།། ཕྱིན་ཅི་ལོག་རྣམས་ཚར་གཅོད་འགྱུར།། རྣམ་རྟོག་ལས་བྱུང་བགེགས་རྣམས་ལ། དྲག་པོའི་འཕྲིན་ལས་ཁྲོ་བོ་ཡིས།། རྟག་ཏུ་འདུལ་བར་བཤད་པ་ཡིན།། དཀྱིལ་འཁོར ་བསྐྱེད་དང་སྤྱན་དྲངས་པའི་ལེའུ་སྟེ་གསུམ་པའོ།། །། ཕུར་པའི་རྒྱུ་ཚད་གཟུགས་བསྟན་པ།། དངུལ་ལམ་དཀར་པོའི་ཤིང་རྣམས་དང་།། གསེར་སོགས་སེར་པོ་ཟངས་སོགས་དམར།། ལྕགས་སོགས་ནག་པོ་དུག ་ཤིང་དང་།། ཚེར་མ་ཅན་ལ་སོགས་པ་ལ།། མགོ་བོ་རྒྱ་མདུད་རི་རབ་བརྗིད།། སྐེད་པ་རྒྱ་མདུད་སྨད་ཟུར་དྲུག། རྩེ་མོ་ཟླུམ་པོ་གྲུ་བཞི་དང་།། ཟླ་གམ་དང་ནི་ཟུར་གསུམ་རྩེ།། ཤིང་གི་རྩ་བ་རྒྱ་མདུད་དེ།། རྩེ་མོའི་ངོས ་སུ་སོ་སོའི་དཔལ།། རི་རབ་ལྷུང་གཞོག་བརྒྱད་ལྡན་བརྗིད།། སོར་བཞི་སོར་བརྒྱད་སོར་བཅུ་གཉིས།། སོར་ནི་བཅོ་བརྒྱད་དག་ཏུ་བྱ།། འབྱུང་བཞི་རྣམ་ཤེས་ཚོགས་བརྒྱད་དང་།། སྐྱེ་མཆེད་བཅུ་གཉིས་ཁམས་བཅོ ་བརྒྱད།། གནས་སུ་དག་པར་བྱ་ཕྱིར་ཚད།། ཚད་དང་ལྡན་པས་ལོག་ལྟ་སྒྲོལ།། བསྙེན་ཕུར་སྒྲུབ་ཕུར་གདབ་ཕུར་དང་།། མངགས་ཕུར་ལ་སོགས་དེ་བཞིན་ནོ།། བྱང་ཆུབ་སེམས་ཀྱི་ཕུར་པ་ནི།། ཕུར་པ་ཀུན་གྱི་རྒྱུ ་ཡིན་ཏེ།། དེ་ལ་ཚད་དང་རིམ་པ་མེད།། དེ་མཚོན་ཕྱིར་ན་རྒྱུ་དང་ཚད། ངེས་པ་མེད་ཀྱང་དེ་ལྟར་བསྟན།། བྱང་ཆུབ་སེམས་ནི་ཤེས་རབ་ལ།། དེ་མཚོན་ཚད་དང་རྒྱུ་གཟུགས་ཐབས།། དེ་གཉིས་རྒྱུ་རུ་རབ་ཤེས ་པས།། དོན་རྣམས་ཐམས་ཅད་འགྲུབ་པར་བྱེད།། གདུག་ཅིང་སྡང་སེམས་ལྡན་པ་རྣམས།། ངེས་པར་འཇོམས་པ་ང་ཡིས་བཤད།། དེ་དག་བྱིན་གྱིས་བརླབ་པར་བྱ།། ཧཱུཾ་གིས་རྫས་ཀྱི་རྟོག་པ་བསྲེག། སྐུ་གསུང་ཐུགས ་ཀྱི་ཡི་གེ་ཡིས།། ཕུར་བུ་དག་ནི་བྱིན་གྱིས་བརླབ།། རྒྱ་མདུད་དང་པོ་དག་ལ་ནི།། རིགས་ལྔའི་ཀཱི་ལ་ཡ་བསྒོམ་བྱ།། ཟུར་བརྒྱད་རྒྱ་མདུད་སྟེང་འོག་ཏུ། ཁྲོ་བོ་བཅུ་ནི་རབ་ཏུ་བསྒོམ།། ལོགས་གསུམ་ཕཊ་ལ་ཟུར ་གསུམ་ཧཱུཾ།། རྣལ་འབྱོར་ལག་པ་གཡས་གཡོན་ལ།། དཔའ་བོ་དཔའ་མོ་བཅུ་བསྒོམ་བྱ།། དེ་ཡིས་ཕུར་བུ་བྱིན་བརླབས་ནས།། གདུག་པའི་ཚོགས་རྣམས་སྒྲོལ་བར་བྱེད།། ས་མ་ཡ་སྟྭཾ་ཞེས་པས་ནི།། དམ་ཚིག་དག ་དང་ལྡན་པར་བྱ།། བཛྲ་ཨཉྫ་ལི་ཞེས་པས།། རྡོ་རྗེ་ཐལ་མོར་གྱུར་པ་ཡིན།། ས་ཏཱ་རཱ་ཛ་ཧཱུཾ་ཞེས་པས།། ཐུགས་ཀྱི་ཕུར་བུ་རབ་ཏུ་གྱུར།། བྱིན་རླབས་དེ་དང་ལྡན་པས་ནི།། རྣམ་པར་རྟོག་པ་ཐམས་ཅད ་བསྲེག། དྲག་པོའི་ལས་ཀྱི་ཕུར་བུ་ཡིས།། རྣམ་པར་རྟོག་པ་ཀུན་གྲོལ་ཨ།། རྩེ་མོ་དག་ལ་རབ་གནས་པ།། བྱང་ཆུབ་སེམས་ཀྱི་གནས་ལེན་ནོ།། ཕུར་བུ་དག་ལ་དབང་བསྐུར་བ།། གུ་གུལ་ཚིལ་ཆེན ་དུད་པས་བདུག། ཉུང་དཀར་བསྟིམ་ཞིང་རཀྟས་བྱུག། ཨོཾ་མ་ཀུ་ཏ་ལ་པྲ་ཏ་ལ་ཧཱུཾ་ཕཊ། ར་རཀྟ་ཛ་ལ་ཧཱུཾ། ཁྲོ་བཅུའི་སྔགས་ཀྱིས་ཉུང་དཀར་བསྟིམ།། བྱིན་བརླབ་ཚུལ་བཞིན་བྱས་ནས་ཀྱང་།། སྐུ་གསུང་ཐུགས་ཀྱིས ་དབང་བསྐུར་བའི།། ཡེ་ཤེས་ཐུགས་ཀྱི་ཕུར་པ་འདིས། ཉོན་མོངས་དུག་ལྔ་རབ་རྒྱས་ཏེ།། ཞེན་པ་ཕྱིན་ཅི་ལོག་ལ་བརྟས།། གནོད་གདུག་སྡང་སེམས་ལྡན་པའི་རྣམས།། བསྒྲལ་ཏེ་མི་རྟོགས་དོན་ལ་གཞག། བཅོམ ་ལྡན་ཐུགས་ཀྱི་སྤྲུལ་པ་ཡི། ཁྲོ་རྒྱལ་ལ་སོགས་འཇིགས་པའི་སྐུ།། མ་རུངས་ཚོགས་རྣམས་ཀུན་འདུལ་བ། ཁྲོ་རྒྱལ་གཟུགས་ཆེན་དེ་ཡིས་ནི།། མ་རུངས་ཐམས་ཅད་དེ་ཡིས་སྒྲོལ།། འཁྲུལ་པའི་བག་ཆགས་ཀུན་སྦྱོང ་བ།། ཡེ་ཤེས་ཐུགས་ཀྱི་ཁྲོ་བོ་སྟེ།། སྣ་ཚོགས་གཟུགས་སུ་རབ་ཏུ་སྟོན།། དེ་ཡིས་གདུག་པ་ཀུན་བཏུལ་ནས།། ཐམས་ཅད་བདེ་ལ་བཀོད་མཛད་པ།། ཡེ་ཤེས་ཐུགས་ཀྱི་ཁྲོ་བོ་ཡིན། ཁྲོ་བོའི་གཟུགས་ཅན་ཕུར་བུ ་ཡིས།། གཉིས་མེད་དོན་ལ་རབ་ཏུ་བཀོད།། རཱ་ཏྲ་འཇིགས་པའི་ངང་ཚུལ་ཅན།། གདུལ་ཕྱིར་ཁྲོ་བོ་ཆེན་པོའི་སྐུར།། བསྟན་ཏེ་ང་རྒྱལ་བཅོམ་པ་ཡིན།། དེ་ཕྱིར་ཡེ་ཤེས་ཁྲོ་བོ་ནི།། གདུག་པ་མ་ལུས་ཀུན་སྒྲོལ ་མཛད།། བྱང་ཆུབ་སེམས་ཀྱི་ཕུར་བུ་ནི།། རྣམ་པར་རྟོག་པ་ཀུན་འཇོམས་བྱེད།། ཕུར་བུའི་རྒྱུ་ཚད་དང་དབྱིབས་དང་ནི།། སྐུར་གསལ་བྱིན་བརླབ་བྱས་པ་ཡིས།། རྣམ་རྟོག་སྒྲོལ་བ་རབ་ཏུ་བཤད།། ཕུར་བུའི་རྒྱུ་དང ་གཟུགས་དང་ཚད་དང་སྐུ་དང་བྱིན་གྱིས་བརླབས་པའི་ལེའུ་སྟེ་བཞི་པའོ།། ་བྱིན་རླབས་ཕུར་བུ་དེ་དག་ཀྱང་།། ཐུགས་ཀྱི་དཀྱིལ་འཁོར་དག་ཏུ་དགོད།། མཆོད་སོགས་ལས་ཀྱི་ཆོ་ག་བྱ།། དེ་ལྟར་དཀྱིལ་འཁོར་ལས་དེ་དག། རྣལ་འབྱོར་སྟོབས་དང་ལྡན་པས་བྱ།། སྣོད་ལྡན་རབ་ཏུ་མི་གཡོའི ་བུས།། སྐུ་གསུང་ཐུགས་ཀྱི་དཀྱིལ་འཁོར་རམ།། ཡང་ན་འདུས་པའི་དཀྱིལ་འཁོར་དེར།། གསོལ་གདབ་གནང་སྦྱིན་སེམས་བསྐྱེད་དང་།། ཡོན་འབུལ་ཅི་རིགས་སྡོམ་པ་སྦྱིན།། དེར་ནི་ཕུར་བུའི་དབང་སྐུར་བྱ།། ཆུ ་དང་དབུ་རྒྱན་རྡོ་རྗེ་དང་།། དྲིལ་བུ་མེད་དང་རྒྱལ་པོ་བྱིན།། དུར་ཁྲོད་ཆས་ཀྱི་དབང་རྣམས་དང་།། ནང་དང་གསང་བའི་དབང་མཆོག་བྱིན།། ཉོན་མོངས་ཐམས་ཅད་དག་པར་བྱེད།། རྣམ་པར་རྟོག་པ་ཀུན་འཇོམས ་པ།། དབང་གི་ལས་ཀྱིས་བྱེད་པ་ཡིན།། དང་པོ་དཀྱིལ་འཁོར་འཇུག་པ་ཡང་།། ཅི་རིགས་པ་ཡིས་གསོལ་གདབ་ཅིང་།། གནང་བ་ཡང་ནི་དེ་བཞིན་བྱ། ཁྲོ་བོ་ཡིག་འབྲུ་ཕྱག་མཚན་གྱི།། འཕྲོ་འདུས་བར་དུ་གཅོད་པ ་བསལ།། སྤྱི་དང་ཁྱད་པར་ལྷག་པ་ཡི།། བྱང་ཆུབ་མཆོག་ཏུ་སེམས་བསྐྱེད་ཅིང་།། ཨོཾ་རཏྣ་པུཥྤེ་ཨཱ་བཱི་ར་ཧཱུཾ་ཁཾ། ཞེས།། མི་འཕངས་སེམས་ཀྱིས་ཅི་འབྱོར་དབུལ།། སྤྱི་དང་ཁྱད་པར་ལྷག་པ་ཡི།། སྡོམ་པ ་དག་ནི་སྦྱིན་བྱས་ཏེ།། སྐུ་གསུང་ཐུགས་ཀྱི་ཡིག་འབྲུ་ཡིས།། དེ་ཡི་ལུས་ངག་ཡིད་གསུམ་བཀྲུ།། དམ་ཆུ་བླུད་དེ་སྡོམ་པ་བསྒྲག། དྲག་པོའི་ལས་ཀྱི་དཀྱིལ་འཁོར་འདིར།། རིགས་ཀྱི་བུ་ཁྱོད་འཇུག་པར་བྱོས།། སྤྱི་དང ་ཁྱད་པར་ལྷག་པ་ཡི།། དམ་ཚིག་གཉེན་ལས་ཁྱོད་མ་འདའ། ཁྱོད་ཀྱི་ཕྱག་ན་རྡོ་རྗེ་ང་།། ང་ཡིས་ཅི་ལྟར་བསྒོ་བ་བཞིན།། བུ་ཁྱོད་ཀྱིས་ཀྱང་བྱ་དགོས་སོ།། དཀྱིལ་འཁོར་གསང་བ་མ་མཐོང་ཞིང་།། གསང་བ་དམ་པ ་མ་མཐོང་ལ།། གསང་བ་དམ་པ་སྨྲ་མ་བྱེད། ཁྱོད་ཀྱིས་སེམས་ཅན་སྲོག་མ་གཅོད།། མ་བྱིན་ལེན་པ་རྫུན་ལ་སོགས།། མི་དགེའི་ལས་ནི་སྤངས་པར་གྱིས།། འབྲུ་ལྔ་སྤོས་ལྔ་རིན་ཆེན་ལྔ།། སྨན་ལྔ་སྙིང་པོ་ལྔ་ལ ་གས།། ཕྱི་ཡི་ཆུ་དབང་རབ་ཏུ་སྤྲིན།། སྣ་ཚོགས་རིན་ཆེན་བུམ་པས་བྱ།། གསང་བའི་འཁོར་ལོ་བཞི་ལྡན་པའི།། རང་བྱུང་རང་གི་བུམ་པས་བྱ།། ཡབ་ཡུམ་གསང་བའི་སྙིང་པོར་ལྡན།། རང་བྱུང་གསང་བའི་བུམ ་པས་བྱ།། རིན་ཆེན་སོ་སོའི་སྐུར་བྱུང་བའི།། དབུ་རྒྱན་རབ་ཏུ་བྱ་བ་ཡིན།། མེ་ཏོག་ཕྲེང་དང་ཅོད་པན་དང་།། རྒྱན་དང་གོ་ཆ་དེ་བཞིན་གདུགས།། རིན་ཆེན་ལས་བྱས་རྡོ་རྗེ་དང་།། ཚད་ལྡན་དྲིལ་བུས་དེ་དབང ་བསྐུར།། མིང་དང་ཆུ་དང་དམ་ཚིག་གསུམ།། རྡོ་རྗེ་དྲིའི་བུའི་ཕྱག་རྒྱ་དང་། རྡོ་རྗེ་བརྟུལ་ཞུགས་སྐྱབས་སྦྱིན་གྱིས།། སློབ་དཔོན་དབང་ནི་རབ་ཏུ་སྦྱིན།། ངན་སོང་གནས་ནི་དབང་གིས་འཇོམས།། དྲག་པོའི་རྫས་དབང ་གདུག་པ་སྒྲོལ།། རྔ་དང་ཞིང་ཆེན་ཐོད་པ་དང་།། ཧ་སྟའི་གཡབ་མོ་གླིང་བུ་དང་། ཁྲག་ཞག་ཐལ་བའི་ཐིག་ལེ་དང་།། མེ་དང་སྟག་སྦྲུལ་གླང་ལྤགས་ཀྱིས།། དབང་བསྐུར་བས་ནི་གདུག་པ་འདུལ།། བཟའ་བཅའ་བགོ། ་བཏུང་འདོད་ཡོན་འཕེལ།། དེ་ནས་གསང་བའི་དབང་བསྐུར་ཏེ།། རྒྱལ་རིགས་རྗེའུ་རིགས་བྲམ་ཟེའི་རིགས།། རིགས་ཅན་བུ་མོ་མཚན་ལྡན་མ།། བཅུ་གཉིས་བཅུ་དྲུག་བཅོ་བརྒྱད་ལོན།། སི་ཧཱ་ག་པུར་ཡོད་པ ་ཡིན།། བུ་མོ་མཚན་ནི་འདི་དག་ལྡན།། ཤ་རྩི་དཀར་ཞིང་སོ་ཚགས་དམ།། སྒྲ་ནི་ལྕང་ལོ་གཡས་སུ་འཁྱིལ།། མིག་ནི་དཀྱུས་རིང་ཨུཏྤལ་འདྲ།། སྨིན་མཚམས་པར་ནི་མ་ཆད་ཅིང་།། བརྟུལ་ཞུགས་སྤྱོད་པ་སྤྱོད་ནུས ་པ།། ཡང་ན་མཚན་ལྡན་བུ་མོ་ནི།། ཨུཏྤལ་བཞིན་དུ་སྔོ་སངས་མ།། ར་བ་བཞི་ཡི་ཉ་བཞི་ལ།། གཟུང་ཐབས་བཞི་ནི་འགྱུར་བྱེད་ཅིང་།། རྟོག་མེད་སྙིང་རྗེ་ཆོས་ལ་དད།། དེ་ལྡན་གསང་བའི་དབང་བསྐུར་རོ།། དངོས ་གྲུབ་རྟགས་ཀྱི་ཕྱག་རྒྱ་ཡིས།། གསང་བའི་མན་ངག་དེ་དབང་བསྐུར།། དྲོད་གསུམ་དང་ནི་ལྡན་བྱས་པའི།། དབང་གསུམ་དམ་ཚིག་ལྡན་ལ་སྦྱིན།། བདེ་བས་མྱོས་ལ་བརྒྱལ་བར་འགྱུར།། མན་ངག་དབང་བསྐུར་དེ ་བཞིན་བྱ།། ཤེས་རབ་ཡེ་ཤེས་དབང་བསྐུར་བ།། མཚན་ལྡན་ཤེས་རབ་དག་ལ་ནི།། སྣ་ཚོགས་དྲི་ཡིས་རབ་བརྒྱན་ཅིང་།། བསྲུབ་དང་བསྲུབ་པའི་ཐབས་དག་ལས།། མི་རྟོག་པ་ནི་རབ་ཏུ་སྐྱེ།། དགའ ་དང་མཆོག་ཏུ་དགའ་བ་དང་།། མངོན་དགའ་རང་བཞིན་དགའ་བ་སྟེ།། རྡོ་རྗེ་དབྱིངས་ཀྱི་དབང་ཕྱུག་མ།། བགྲོད་བྱེད་མན་ངག་དག་གིས་སོ།། དང་པོ་དགའ་བའི་དུས་སུ་ནི།། དབུས་ཀྱི་རྒྱུ་བ་བཅུ་དག་ལ།། ཆུ་ཚོད ་ལྔ་པར་སྦྱར་བྱས་ཏེ།། གཟུང་དང་བཟློག་པ་དེ་བཞིན་བྱ།། ཉི་ཁྲི་ཆིག་སྟོང་དྲུག་བརྒྱ་ནི།། ཆུ་ཚོད་སུམ་ཅུ་གཉིས་ལྡན་བྱས།། དབྱུ་གུའང་དྲུག་ཅུ་རྩ་བཞི་ཡིན།། ཕྲ་མོའི་ཐུན་ནི་དྲུག་ཅུ་བཞི།། ཆེན་པོ་ཐུན་བཞི་ཐུན ་བརྒྱད་ཡིན།། དགའ་བའི་གནས་སུ་དབུགས་དང་ནི།། ཐུན་ཚོད་ཆུ་ཚོད་བརྩི་བྱས་ཏེ།། དེ་བཞིན་དགའ་བའི་དུས་སུ་ནི།། ཐུན་ཚོད་ཆུ་ཚོད་དེ་བཞིན་བསླབ།། བདེ་བ་གང་སྐྱེས་གནས་དེར་ནི།། མན་ངག་དག་ཀྱང ་དེར་བསྟན་བྱ།། སྐད་ཅིག་དུས་དང་ཟ་མ་ལ།། ཉིན་དང་མཚན་དུ་དེ་བཞིན་བསླབ།། ཟླ་བ་ལ་སོགས་དེ་བཞིན་བསླབ།། དེ་དོན་མན་ངག་བཅས་པ་ནི།། ཤེས་རབ་དབང་བསྐུར་རབ་ཏུ་བཤད།། བཞི་པའི་དབང་ནི ་བསྐུར་བྱ་སྟེ།། རླུང་གི་རང་བཞིན་དེ་ཤེས་ཤིང་།། བོ་ལ་ཀཀྐོ་ལ་སྦྱར་ལ།། རང་བཞིན་བདེ་བསྐོར་ཕན་ཚུན་འབྱུང་།། གཟུང་དུ་མེད་དེ་བརྗོད་དུ་མེད།། རྟོག་པ་ཀུན་དང་བྲལ་བ་ཡི།། རང་བཞིན་འོད་གསལ་དེར ་གནས་པ།། ཚིག་སོགས་དབང་གི་རང་བཞིན་སྦྱིན།། རྟོག་པའི་བག་ཆགས་འཇོམས་པར་བྱེད།། དབང་གསུམ་འབྲས་བུ་དེ་ཡིན་ནོ།། དབང་བཞི་རབ་ཏུ་ལྡན་པ་ཡིས།། ཀུན་རྫོགས་གནས་བཞིའི་གནས་སུ ་བཀྲུ།། ལུས་ཀྱི་རྣམ་རྟོག་སྦྱང་བ་དང་།། བག་ཆགས་དྲི་མ་བཀྲུ་བའི་ཕྱིར།། དབང་བསྐུར་རབ་ཏུ་སྦྱིན་པ་ཡིན།། དམ་ཚིག་མེད་པ་ཕལ་རྣམས་ལ།། དབང་དག་སྦྱིན་པར་མི་བྱའོ།། སློབ་དཔོན་སློབ་མ་ཤི ་མ་ཐག། མནར་མེད་གནས་སུ་ངེས་པར་ལྟུང་།། དཀྱིལ་འཁོར་འཇུག་པའི་རྣལ་འབྱོར་པས།། སྣོད་དང་སྦྱར་ཏེ་དེ་དབང་བསྐུར།། དམ་ཚིག་ཉམས་པར་མ་གྱུར་ན།། ལམ་རྣམས་རབ་ཏུ་བགྲོད་བྱེད་པར།། དབང ་མཆོག་འདི་ཡིས་བྱེད་པ་ཡིན།། དབང་བསྐུར་དམ་པ་འདི་ཡིས་ནི།། གནོད་གདུག་སྒྲོལ་བར་ནུས་པ་ཡིན།། ཕུར་པ་ཕྲིན་ལས་ཀྱི་རྒྱུད་ལས། དབང་བསྐུར་བའི་ལེའུ་སྟེ་ལྔ་པའོ།། །། ་གཞན་ཡང་དམ་ཚིག་བསྟན་བྱ་བ།། རྩ་བ་ཡན་ལག་དམ་ཚིག་དག། རྟག་ཏུ་བསྲུང་བར་བྱ་བ་ཡིན།། སྐུ་གསུང་ཐུགས་ཀྱི་དམ་ཚིག་ནི།། རྩ་བའི་དམ་ཚིག་དག་ཏུ་ཤེས།། མི་སྤང་བ་དང་དང་དུ་བླང་།། ཤེས་དང ་བསྒྲུབ་པའི་དམ་ཚིག་ནི།། ཡན་ལག་དམ་ཚིག་ཡིན་པར་བཤད།། དམ་རྫས་དག་ལ་ལོངས་སྤྱོད་ཅིང་།། རྟོག་མེད་དཔའ་བའི་གོ་གོན་པ།། དམ་ཚིག་དག་ཏུ་ངས་བཤད་དོ།། དམ་ཚིག་དག་ལ་རབ་གནས ་པས།། ལས་རྣམས་ཐམས་ཅད་འགྲུབ་པ་ཡིན།། སྐུ་ཡི་དཀྱིལ་འཁོར་ཆེན་པོ་ནི།། ལས་ཀྱི་བྱ་བ་ཀུན་བྱེད་པ།། དྲག་པོའི་རྫས་རྣམས་ལྡན་པ་ལ།། གདུག་པའི་ཚོགས་རྣམས་ཀུན་འདུལ་བྱ།། དུར་ཁྲོད ་ཆེན་པོའི་གནས་དག་ཏུ།། དྲག་པོའི་དཀྱིལ་འཁོར་རབ་ཏུ་བརྩམ།། ས་བརྟག་ས་ཟུང་བྱིན་གྱིས་བརླབ།། དང་པོ་བརྟགས་པའི་གནས་ཆེན་དེར།། སྔགས་མཁན་བྱ་བ་ཀུན་བྱས་ཏེ།། སྟ་གོན་གནས་པའི་བྱ་བ ་བྱས།། མཆོད་དང་སྡོམ་པ་གཟུང་བ་དང་།། དཀོན་མཆོག་གསུམ་ལ་སྐྱབས་འགྲོ་བྱ།། སོ་ཤིང་སྲུང་སྐུད་ཀུ་ཤ་སྦྱིན།། སེམས་བསྐྱེད་ཕྱིར་ནི་ཆོས་བཤད་བྱ།། ལྷ་རྣམས་མཆོད་པས་མཉེས་བྱས་ལ།། འབྲུ་དང་སྨན་དང ་སྙིང་པོ་དང་།། རིན་ཆེན་ཁ་རྒྱན་མགུལ་ཆིངས་ཅན།། དྲི་མེད་དག་པའི་བུམ་པ་ལ།། ཚུལ་བཞིན་དུ་ནི་བསྙེན་པ་བྱ།། དཀྱིལ་འཁོར་སྐྱང་ནུལ་ཐིག་གདབ་པ།། སྲད་བུ་ལྔ་དང་ལྡན་པ་ཡིས།། ཐིག་ནི་རབ་ཏུ་གདབ་པ ་ལྷ་དང་གཉིས་མེད་གནས་པའི་ཐིག། མཆོད་བྱས་ཡེ་ཤེས་ཐིག་ནི་གདབ།། གཉིས་པ་གཟུགས་བརྙན་ཐིག་གདབ་བོ།། ཚངས་ཐིག་དང་པོ་གདབ་པ་སྟེ།། ཚངས་ཐིག་གཉིས་པ་དེ་བཞིན་གདབ།། དེ་བཞིན ་ཕྱོགས་མཚམས་མ་འཁྲུལ་གདབ།། ཆ་བརྒྱད་དེ་གསེས་བཅུ་དྲུག་ཆ།། ཆ་ཕྲན་དྲུག་ཅུ་རྩ་བཞིར་གདབ།། དབུས་བཞི་ཕྱི་རོལ་བཅུ་དྲུག་བསྐོར།། ཕྱི་རོལ་སྒོ་དང་རྒྱན་དུ་བྱ།། དཀྱིལ་འཁོར་ཐིག་དེ་བཏབ་ནས ་ཀྱང་།། ཐུགས་ཀྱི་དཀྱིལ་འཁོར་ཆེན་པོ་ཡིན།། གྲུ་གསུམ་ཉི་ཤུ་གཅིག་ཏུ་གདབ།། གསུམ་ནི་ལེའུ་ཚེའི་དཀྱིལ་འཁོར་བྱ།། སྐུ་ཡི་དཀྱིལ་འཁོར་འཁོར་ལོར་ལྡན།། སྐུ་གསུང་ཐུགས་འདུས་དཀྱིལ་འཁོར་ནི།། དཀྱིལ ་འཁོར་ཀུན་གྱི་དམ་པའོ།། སྔོན་པོ་ལ་སོགས་ཚོན་རྣམས་ནི།། དཔའ་བོ་འབྲུ་ལྔས་བྱིན་གྱིས་བརླབ།། གཞུང་དང་མཐུན་པར་ཚོན་དགྱེ་སྟེ།། དྲག་པོའི་རྫས་རྣམས་རབ་ཏུ་གསོག། ལྷུ་དུམ་བཅད་འཕྲོ་དུམ་བུ ་དང་།། སྒལ་རྩིབ་ཀླད་པ་ཁྲག་དང་མགོ། གྲུ་གསུམ་མཐིང་ནག་གཏོར་མར་བཅས།། དུག་སོགས་དྲག་པོའི་རྫས་རྣམས་བསྔགས།། མཁའ་འགྲོའི་རྫས་དང་བཅས་པ་ནི།། བསགས་ཏེ་མཆོད་པ་བྱ་བ་ཡིན།། གདུག ་པའི་རྫས་དང་སྔགས་ཀྱིས་ནི།། གནོད་ཅིང་གདུག་པ་བསྒྲལ་བར་བྱ།། གྲུ་གསུམ་མཐིང་ནག་དཀྱིལ་འཁོར་ནི།། དུག་དང་གདུག་པའི་རྫས་ཀྱིས་བསྐོར།། སྨུག་ནག་གཟུགས་ཀྱང་དེ་ནང་གཞུག། དྲག་པོའི་ཐུན་རྫས ་དེར་བསག་བྱ།། ཟངས་ཕྱེ་རྡོ་ཕྱེ་ལྕགས་ཕྱེ་དང་།། དྲག་པའི་ལས་ཀྱི་ཕུར་པས་ནི།། གདུག་པ་ཐམས་ཅད་སྒྲོལ་བ་ཡིན།། འཇིག་རྟེན་ཁམས་ནི་ཐམས་ཅད་ཀུན། ཁྲོ་བོ་ཆེན་པོར་གྱུར་པ་སྟེ།། ཉོན་མོངས་ཐམས་ཅད ་སྒྲོལ་བར་མཛད།། སྔགས་ཀྱི་འོད་ཟེར་དྲག་པོ་ནི།། ཚ་ཚའི་འོད་ཟེར་ལྟར་འཕྲོ་ཞིང་།། གདུག་པ་ཐམས་ཅད་འདུལ་བ་ཡིན།། སྔགས་དང་ཕྱག་རྒྱ་རབ་ལྡན་པས།། ཁྲོ་བོའི་ལུས་ནི་ཐམས་ཅད་ཀྱང་།། ཡེ་ཤེས་མེ་དང ་བཅས་པ་བསྒོམ།། གདུག་པ་བསྒྲལ་ཕྱིར་བཤད་པ་ཡིན།། ཕུར་པ་ཕྲིན་ལས་ཀྱི་རྒྱུད་ལས། དམ་ཚིག་དང་ཐིག་རྫས་ཀྱི་ལེའུ་སྟེ་དྲུག་པའོ།། །། ་དེ་ནས་ཁྲོ་བོ་རྣམ་པར་རྒྱལ་བས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། དྲག་པོ་ལས་ཀྱི་དཀྱིལ་འཁོར་འདིར།། བཟླས་བརྗོད་བསམ་པ་ཇི་ལྟར་བགྱི།། བཅོམ་ལྡན་འདས་ཀྱིས་བཀའ་སྩལ་པ།། རྣམ་རྟོག ་ཉོན་མོངས་གཞོམ་པའི་ཕྱིར།། སྐུ་གསུང་ཐུགས་ཀྱི་དཀྱིལ་འཁོར་གྱི།། བཟླས་པ་བྱ་བའི་རིམ་པ་ནི།། མཚན་མ་ཅན་དང་མཚན་མེད་དེ།། རྣམ་རྟོག་བག་ཆགས་སྤྱོད་པའི་ཕྱིར།། མཚན་མེད་བཟླས་པ་ཏིང་འཛིན ་བྱ།། རང་གི་ལུས་ཀྱིས་ལུས་ཀྱི་གནས་རྣམས་སུ།། འཁོར་ལོ་བཞི་ནི་རབ་ཏུ་གནས།། བདེ་ཆེན་འཁོར་ལོར་གྱུར་པ་ནི།། རྩ་ནི་སུམ་ཅུ་རྩ་གཉིས་གནས།། ཡི་གེའང་དེ་བཞིན་ལྡན་པའོ།། ལོངས་སྤྱོད་རྩ་ནི་བཅུ་དྲུག ་སྟེ།། ཡི་གེའང་དེ་བཞིན་གནས་པ་ཡིན།། ཆོས་ཀྱི་འཁོར་ལོའི་རྩ་རྣམས་ནི།། རྩ་དང་ཡི་གེ་བརྒྱད་དུ་གནས།། སྤྲུལ་པའི་རྩ་ནི་དྲུག་ཅུ་བཞི།། ཡི་གེའང་དེ་བཞིན་གནས་པའོ།། དབྱངས་དང་གསལ་བྱེད་ཡི་གེ ་ནི།། མཚན་དང་དཔེ་བྱད་རང་བཞིན་ཏེ།། འཁོར་ལོ་བཞི་ཡི་གནས་སུ་བྱ།། དྲག་པོའི་ལས་ཀྱི་སྔགས་རྣམས་ཀྱང་། འཁོར་ལོ་ལ་ནི་རབ་ཏུ་དགོད།། ཐབས་དང་ཤེས་རབ་སྦྱོར་བ་ལས།། སྦྱོར་བའི་བདེ་བ་ཆེན་པོ ་ནི།། འཁོར་ལོའི་རིམ་པ་རྣམས་སུ་གནས།། ཡི་གེ་དག་ཏུ་དེར་གཞུག་ཅིང་།། བདེ་བ་དག་ཀྱང་རབ་ཏུ་བསྐྱེད།། རྣམ་པར་རྟོག་པ་ཀུན་སྦྱོང་བའི།། འོད་ཟེར་དག་ཀྱང་ཀུན་ཏུ་སྤྲོ།། འཁོར་ལོ་བཞི་ཡི་གནས་དག ་ཏུ།། དགའ་བཞི་དག་ཏུ་གནས་པ་ཡིན།། རྣམ་པར་རྟོག་པ་ཀུན་སྦྱོང་བའི།། ཐབས་འདི་དག་གིས་བྱེད་པ་ཡིན།། ལས་ཀྱི་རླུང་ནི་སྲོག་ཏུ་བཤད།། སེམས་ཅན་གཟུགས་སུ་བྱེད་པ་ཡིན།། བྱེད་པའི་རླུང་ནི་གཉིས་ཡིན། ་ཏེ།། རྒྱུ་དང་འབྲས་བུ་རྣམ་གཉིས་སོ།། རྒྱུ་ནི་རྣམ་ལྔར་ཤེས་པར་བྱ།། ཁྱབ་བྱེད་ཟུར་དུ་སེལ་བ་དང་།། མེ་དང་མཉམ་དུ་གནས་པའི་རླུང་།། སྲོག་དང་གྱེན་དུ་འགྲོ་བའི་རླུང་། རྒྱུ་ཞེས་རབ་ཏུ་བཤད་པ་ཡིན།། འབྲས ་བུའི་རླུང་ནི་རྣམ་ལྔ་སྟེ།། རྒྱུ་དང་རྣམ་པར་རྒྱུ་བ་དང་།། ཡང་དག་རྒྱུ་དང་རབ་ཏུ་རྒྱུ།། དེ་བཞིན་ངེས་པར་རྒྱུ་བའོ།། རླུང་ནི་བཅུ་པོ་དེ་དག་གིས།། ལས་ནི་རྣམ་པར་བྱེད་པ་ནི།། བྱེད་པའི་རླུང་ཞེས་རབ་ཏུ་བཤད།། རླུང ་ནི་བཅུ་པོ་འདི་རྣམས་ཀྱིས།། འཁོར་ལོའི་གནས་ནི་ཐམས་ཅད་དུ།། བྱང་ཆུབ་སེམས་ཀྱི་འཕོ་བ་བྱེད། བདེ་བའང་དེ་བཞིན་དེར་བསྐྱེད་དེ།། སྟེང་གི་འཕོ་བ་ཞེས་ནི་གྲགས།། བྱང་ཆུབ་སེམས་ཀྱི་ཕུར་བུ་ནི།། ཨཱ་ལི ་ཀཱི་ལི་དག་པར་བྱུང་།། དེས་ནི་ཉོན་མོངས་སྒྲིབ་པ་རྣམས།། ཐམས་ཅད་སྲེག་པར་བྱེད་པ་ཡིན།། སྤྱི་བོ་བདེ་ཆེན་འཁོར་ལོ་སྟེ།། རྩ་ཆེན་ཡི་གེའི་གནས་སུ་བཤད།། ཀཱི་ལའི་ཡི་གེ་དེར་བརྗོད་དོ།། རྩ་བྲན་ཀུན་ནས ་འོད་ཟེར་ནི།། བྱང་ཆུབ་སེམས་ཀྱི་ཕུར་བུ་རྒུ།། བདེ་ཆེན་གནས་སུ་ཞི་བར་བྱ།། མགྲིན་པ་ལོངས་སྤྱོད་འཁོར་ལོ་སྟེ།། ཆེན་པོ་གསུམ་དང་ཀཱི་ལའི་སྔགས།། རབ་ཏུ་རྒྱུ་བར་བཤད་པ་ཡིན།། རྩ་ནི་འོད ་ཟེར་རྒྱུ་བ་སྟེ།། བྱང་ཆུབ་སེམས་ཀྱི་ཕུར་པ་ཡིན།། མགྲིན་པའི་གནས་སུ་ལོངས་སྤྱོད་འཕེལ།། སྙིང་གར་ཆོས་ཀྱི་འཁོར་ལོ་སྟེ།། བྱང་ཆུབ་སེམས་ཀྱི་ཕུར་བུ་རྒྱུ།། སྙིང་གར་དག་ནི་དེར་རྒྱས་ནས།། ཐམས་ཅད་མ་ལུས ་འགུགས་པར་བྱེད།། ལྟེ་བ་སྤྲུལ་པའི་འཁོར་ལོ་སྟེ།། ཆེན་པོ་ནས་ནི་ཀཱི་ལ་རྒྱུ།། ཕྲ་མོ་ནས་ནི་འོད་ཟེར་རྒྱུ།། བྱང་ཆུབ་སེམས་ཀྱི་ཕུར་བུ་འཕྲོ།། གནས་དེར་ཐམས་ཅད་བསྒྲལ་བ་ཡིན།། ཀཱི་ལ་ཡ་ཡི་སྒྲ་སྒྲོགས ་ཤིང་།། གནས་དེ་དག་ཏུ་རབ་ཏུ་རྒྱུ།། གཉིས་མེད་སྦྱོར་བ་བདེ་བ་ལས།། སྤྲོས་མེད་ཆེན་པོའི་འོད་ཟེར་གྱིས།། རྣམ་པར་རྟོག་པ་ཐམས་ཅད་བསྲེག། བྱང་ཆུབ་སེམས་ཀྱི་ཕུར་བུ་འདི།། འཁོར་ལོ་བཞི་ལ་རབ་ཏུ ་གནས།། འཕྲོ་བ་རླུང་གིས་རབ་ཏུ་བྱེད།། བདེ་སྟོང་ནམ་མཁའ་ལྟ་བུ་སྟེ།། ལས་དང་ཉོན་མོངས་རྣམ་རྟོག་དག། བྱང་ཆུབ་སེམས་ཀྱི་མེ་སྦར་བས།། འོག་ནས་གཡོ་བ་རླུང་གིས་བསྐྱོད།། དེས་ཀྱང་མེ་ནི་རབ ་ཏུ་འབར།། བོ་ལ་ཀཀྐོ་ལ་སྦྱར་ཏེ།། སྟེང་དང་འོག་གི་འཕོ་བ་ཡིན།། དེས་བསྐྱེད་བདེ་བ་དག་ལ་ནི།། བྱང་ཆུབ་སེམས་ཀྱི་ཕུར་པའོ།། དེས་ནི་འཁོར་ལོ་རྣམ་རྒྱས་པ།། དགའ་བ་རྣམས་སུ་རབ་ཏུ་བཤད།། གཡས་ན ་ཀི་ལ་ཡ་རྒྱུ་བ།། གཡོན་ན་བིགྷྣཱཾ་རྒྱུ་བ་གཉིས།། བྱང་ཆུབ་སེམས་ཀྱི་ཡིག་འབྲུ་སྟེ།། མི་རྟོག་བསྐྱེད་ཕྱིར་རྩ་ནས་རྒྱུ།། འོད་ཟེར་བྱང་སེམས་ཕུར་བུར་རྒྱུ།། འཁོར་ལོ་བཞི་ཡི་གནས་དག་ཏུ།། འོད་ཟེར་ཁ་དོག་སོ་སོ ་ཡིས།། ཕྲིན་ལས་རྣམ་བཞི་རབ་ཏུ་བྱེད།། མིག་ནས་སྙིང་ག་མགྲིན་པ་དང་།། ཀཱི་ལ་ཡ་དང་བིགྷྣཱཾ་སྔགས།། ཕྲིན་ལས་སོ་སོའི་ལས་སྔགས་སྦྱར།། གནས་བཞིར་བཟླས་པའི་འོད་ཟེར་གྱིས།། དགའ་བ་བཞི་ནི་རབ ་བསྐྱེད་དེ།། མཚན་མའི་ཏིང་འཛིན་ལ་བརྟེན་ནས།། མཚན་མེད་མི་རྟོག་ཡེ་ཤེས་བསྐྱེད།། མཚན་མར་བཅས་པའི་བཟླས་པ་ཡང་།། དྲག་པོའི་ལས་ཀྱི་སྔགས་ཀྱིས་སོ།། གདུག་པའི་ཚོགས་རྣམས་འདུལ་བར ་བྱེད།། བྱང་ཆུབ་མཆོག་ཏུ་སེམས་བསྐྱེད་ཅིང་།། དུས་གསུམ་རྒྱལ་བའི་གདུང་འཚོབ་པའི།། རིག་འཛིན་བདག་ཅག་རྣམས་ལ་ནི།། གནོད་ཅིང་གདུག་པའི་དགྲ་དང་བགེགས།། བདུད་དང་བར་དུ་གཅོད་པ་རྣམས།། ་ཁྲོ་བོ་ཆེན་པོའི་བྱིན་རླབས་ཀྱིས།། ཡུད་ཙམ་གྱིས་ནི་འདིར་བཀུག་ནས།། མངོན་སྤྱོད་ཚུལ་གྱིས་བསྒྲལ་བ་དང་།། ལུས་ངག་རྡུལ་དུ་བཤིགས་ནས་ཀྱང་།། སྡུག་བསྔལ་ཉམས་སུ་མྱོང་བར་མཛོད།། བུདྡྷ་ཀཱི་ལི་ཀཱི་ལ ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཧཱུཾ་ལཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། མོ་ཧ་གྷཱ་ཏ་ཡ་རཏྣ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། བྷ་ག་ཝཱན་པདྨ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཤཱི་གྷྲཾ་བི་ཀྲི་ཀརྨྨ ་ཀཱི་ལི་ཀི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཐབས་དང་ཤེས་རབ་ལྡན་ཕྱིར་རོ།། སྟམྦྷ་ནན་ཀཱི་ལི་ཀི་ལ་ཡ། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཧུཾ་ཀ་ར་ཧཱུཾ། ཧཱུཾ་ཀ་ར་ཧཱུཾ་ཨ། ཧཱུཾ་ཀཱ་ར་ཧཱུཾ་ཨ། བི་ཛ་ཡ་ཨ། ནཱི་ལ་དཎྜ་ཨ། ་ཡ་མཱནྟ་ཀ་ཨ། ཨཱརྱ་ཨ་ཙ་ལ་ཨ། ཧ་ཡ་གྲཱི་ཝ་ཨ། ཨ་པ་ར་ཛི་ཏ་ཨ། ཨ་མྲྀ་ཏ་ཀུཎྜ་ལི་ཨ། ཏྲཻ་ལོ་ཀྱ་བི་ཛ་ཡ་ཨ། ཉོན་མོངས་བག་ཆགས་སྦྱང་བའི་ཕྱིར།། ལྷ་རྣམས་སྔགས་འདིས་སྐྱེ་མེད་བསྒོམ།། དངོས་གྲུབ་པར ་གཅོད་བྱེད་པའི་བགེགས།། གདུག་ཅིང་སྡང་སེམས་ལྡན་པ་རྣམས།། ཟུང་ཞིག་རྒྱོབ་ཅིག་རྣམ་པར་ཆིངས།། གཏོགས་ཤིག་གྲོགས་དང་བྲལ་བར་གྱིས།། རིང་པར་ཁུག་ལ་སྨྲར་ཆུག་ཅིག། ཕོབ་ཅིག་རྣམ་པར་གཟིར ་བར་གྱིས།། ང་ཡི་དབང་དུ་གྱུར་ནས་ཀྱང་།། བསྒོ་བའི་བཀའ་རྣམས་ཉན་པར་གྱིས།། ཧཱུཾ་པ་ར་བིདྷྭནྡ། འདི་ཡིས་ཐམས་ཅད་མགོ་མནན་ལ།། བདུད་རྩི་འཁྱིལ་བའི་ལས་སྔགས་ཀྱིས།། ཐམས་ཅད་མ་ལུས་སྒྲོལ་བ ་ཡིན།། ཙྪིནྡ་ཙྪིནྡ་ཧཱུཾ་ཕཊ། མི་གཡོ་མགོན་པོའི་ལས་སྔགས་ཀྱིས།། ཐམས་ཅད་མ་ལུས་བཅིང་བ་ཡིན།། བན་དྷ་བན་དྷ་ཧཱུཾ་ཕཊ། ཁམས་གསུམ་རྣམ་རྒྱལ་ལས་སྔགས་ཀྱིས།། ཐམས་ཅད་མ་ལུས་སྒྲོལ་བར་བྱེད།། བྷིན ་དྷ་བྷིན་དྷ་ཧཱུཾ་ཕཊ། རྟ་མཆོག་དཔལ་གྱི་ལས་སྔགས་ཀྱིས།། ཐམས་ཅད་མ་ལུས་འཛིན་པར་བྱེད།། གྲྀཧྞ་གྲྀཧྞ་ཧཱུཾ་ཕཊ། རྣམ་པར་རྒྱལ་བའི་ལས་སྔགས་ཀྱིས།། ཉོན་མོངས་ཐམས་ཅད་འཇོམས་པར་བྱེད།། ཧ་ན་ཧ་ན་ཧཱུཾ ་ཕཊ།། ཁྲོ་རྒྱལ་ཐུགས་ཀྱི་དཀྱིལ་འཁོར་ནས།། དྲག་པོ་ལས་ཀྱི་ཐུན་སྔགས་འབྱུང་།། ཧ་ས་ཡ་ར་ཧ་ས་ཡ་ར་ཧཱུཾ་ཕཊ། ཨཱ་ཝེ་ཤ་ཡ་ཨཱ་ཝེ་ཤ་ཡ་ཧཱུཾ་ཕཊ། ཤི་གྷྲཾ་ཨཱ་ན་ཡ་ཧཱུཾ་ཕཊ། ཛ་ལ་པ་ཡ་ཛ་ལ་པ་ཡ་ཧཱུཾ་ཕཊ། ཏ་ཐཱ་ཡ ་ཏ་ཐཱ་ཡ་ཧཱུཾ་ཕཊ། བྷིན་དྷ་ཡ་བྷིན་དྷ་ཡ་ཧཱུཾ་ཕཊ། སྔགས་དྲུག་ལས་ཀྱི་འཁོར་ལོ་འདིས།། མ་རུངས་པ་རྣམས་རྣམ་པར་སྒྲོལ།། ཐམས་ཅད་མ་ལུས་རྡུལ་དུ་རློག་ཁྲོ་རྒྱལ་འདུས་པའི་དམོད་མོ་ཡིན།། འཁོར་ལོ་དག་ནི ་བསྐོར་བྱ་ཞིང་།། གསང་བའི་གནས་སུ་གསད་བྱ་ཡིན།། གདུག་པ་སྔགས་ཀྱི་འོད་ཟེར་གྱིས།། བསྒྲུབ་བྱ་དག་ནི་སྒྲོལ་བར་བྱེད།། སྔགས་ཀྱི་འོད་ཟེར་བསྐུལ་ནས་ནི།། ལུས་ཀྱི་རྩ་རྣམས་ཐམས་ཅད་དུ།། འོད་ཟེར ་དག་ནི་རྒྱས་བྱས་ཏེ།། སྟོང་གྲོགས་བྱེད་ལ་སོགས་པ་དཔྲལ།། གདུག་པའི་ཚོགས་རྣམས་ཀུན་སྒྲོལ་ཏེ།། འཁྲུལ་འཁོར་དག་ཏུ་རབ་ཏུ་བཟླས།། བྲན་དང་ཕོ་ཉ་བཀའ་ཉན་ཚོགས།། སྔོན་ཆད་ཇི་བཞིན་དམ་བཅས ་པ།། མངོན་སྤྱོད་ཚུལ་བཞིན་བསྒྲལ་བ་དང་།། ལུས་ངག་རྡུལ་ཕྲན་བཞིན་དུ་རློགས། ཁྲོ་བོ་རྣམ་རྒྱལ་ཏིང་འཛིན་གྱིས།། གདུག་པ་གདུལ་ཕྱིར་གཟི་བྱིན་བསྐྱེད།། ཧ་ན་ཧ་ན་བཛྲ།། གདུག་པའི་ཚོགས་རྣམས་བསྒྲལ ་བའི་ཕྱིར། ཁྲོ་རྒྱལ་དབྱུག་སྔོན་ཏིང་འཛིན་གྱིས།། གདུག་པ་བསྲེག་ཕྱིར་སྔགས་འདི་བརྗོད།། ད་ཧ་ད་ཧ་བཛྲ། ཞེ་སྡང་ཅན་རྣམས་ཚར་བཅད་ཕྱིར།། ཁྲོ་རྒྱལ་གཤིན་རྗེའི་གཤེད་པོ་ཡིས།། ཐམས་ཅད་གསད་ཕྱིར ་གཟི་བྱིན་བསྐྱེད།། པ་ཙ་པ་ཙ་བཛྲ། ཡེ་ཤེས་ཐུགས་ཀྱི་ཕྲ་མེན་མ།། ཤྭ་ན་མི་ཁའི་སྔགས་ཀྱིས་ནི།། བྱིན་བརླབས་གཟི་བྱིན་བསྐྱེད་པ་ཡིན།། མ་ཐ་མ་ཐ་བཛྲ།། ཡེ་ཤེས་ཚོགས་ཀྱི་སྲུང་མ་ནི།། བསེ་མོ ་བཞི་ཡི་སྔགས་དག་གིས།། གཟི་བྱིན་དག་ནི་བསྐྱེད་པ་ཡིན།། ཛ་ལ་ཛ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཛ་ཡེ་བི་ཛ་ཡེ་བཛྲ། ཡེ་ཤེས་ཁྲོ་བོ་ཆེན་པོ་ཡིས།། སྔགས་འདིས་གདུག་པ་སྒྲོལ་བར་བྱེད།། ཨ་ཛི་ཏེ ་ཨ་པ་ར་ཛི་ཏ། མཱ་ར་སེ་ན་ཕྲ་མརྡ་ན་ཡེ་ཧཱུཾ་ཕཊ། གཟི་བྱིན་དག་ནི་རབ་བསྐྱེད་ནས།། རྣམ་པར་རྟོག་པ་འཇོམས་པ་ཡིན།། རྡོ་རྗེ་གསང་བའི་བཀའ་ལས་ནི།། སྡིག་ཆེན་གང་ཞིག་འདའ་བྱེད་པ།། སྟོབས་ཆེན་ཁྲོ་བོ ་ཆེན་པོ་ཡིས།། ཀླད་པ་ཚལ་པ་བརྒྱ་རུ་ཁོས།། ཉོན་ཅིག་བགེགས་དང་ལོག་འདྲེན་རྣམས།། ང་ཡི་བཀའ་ལས་འདའ་མ་བྱེད།། བདག་ཉིད་ཆེན་མོའི་སྔགས་འདི་ཡིས།། གདུག་པ་ཐམས་ཅད་སྒྲོལ་བར་བྱེད།། ཧཱུཾ་མ་མ ་བ་ཤཾ་ཀུ་རུ་མ་ཏང་ཉ་ཀ་ར་ཨི་དན། དྷ་དྷི་མ་མ་ཀརྨ་ཤཱི་གྷྲཾ་ཀཱ་ར་ཡ། སྔགས་འདིས་དུག་གསུམ་སྒྲོལ་བྱེད་ཅིང་།། དྲག་པོའི་ལས་རྣམས་བྱེད་པར་འགྱུར།། གདུག་ཅིང་སྡང་སེམས་ལྡན་པ་རྣམས།། ལྷའམ་གནོད་སྦྱིན ་བདུད་ཀྱང་རུང་།། ང་ལ་བར་ཆད་བྱེད་པ་རྣམས།། མཐུ་དང་རྫུ་འཕྲུལ་མེད་པར་གྱིས།། ཧཱུཾ་མཛད་སྟོབས་ཆེན་ཁྲོ་བོ་ཡིས།། གདུག་པའི་ཚོགས་རྣམས་ཐམས་ཅད་བསྒྲལ། སྔགས་དོན་འདི་དག་རབ་ལྡན ་པས།། བསྒྲུབ་བྱ་ཐམས་ཅད་སྒྲོལ་བར་བྱེད།། མཚན་བཅས་བཟླས་པ་དེ་བཤད་དེ།། བསྒྲུབ་བྱ་རྟག་ཏུ་སྒྲོལ་བ་ཡིན།། མཚན་བཅས་ཕྱི་ཡི་བཟླས་པ་ནི།། སྙིང་ག་ནས་ནི་སྤྲོ་བྱ་ཞིང་།། འོད་ཟེར་གྱིས་ནི་ཁམས་གསུམ ་བསྒྲལ།། སྤྲོ་དང་བསྡུ་བའི་སྦྱོར་བ་ཡིས།། ཞེ་སྡང་ཅན་རྣམས་བསྒྲལ་བར་བྱ།། བསྒྲུབ་པའི་བར་གཅོད་ཐམས་ཅད་ཀྱང་།། སྔགས་ཀྱི་འོད་ཟེར་དྲག་པོས་བསྒྲལ།། གསང་བའི་གནས་ནས་སྤྲོ་བར་བྱ།། བསྒྲུབ་བྱ་དག ་ནི་དེར་བསྒྲལ་ཏེ།། ང་རྒྱལ་བཅས་པ་བཅོམ་ནས་ཀྱང་།། ཡེ་ཤེས་ཕུར་པའི་འོད་ཟེར་ནི།། བར་མཚམས་མེད་པར་བསྐོར་བ་ཡིན།། སྔགས་ཀྱི་འོད་ཟེར་དེ་ཡིས་ནི།། བསྒྲལ་ཕྱིར་འཁོར་ལོ་དྲུག་ཀྱང་བསྐོར།། ལས ་དང་ཉོན་མོངས་ཐམས་ཅད་ལ།། འཁྲུལ་འཁོར་གཙང་མས་འཁོར་ལོ་བསྐོར།། དེ་ཡིས་གདུག་པ་ཀུན་སྒྲོལ་ཏེ།། ལས་ནི་ཐམས་ཅད་འགྲུབ་པ་ཡང་།། དྲག་པོ་འདི་ཡིས་བྱེད་པར་འགྱུར།། ཡེ་ཤེས་ཐུགས་ཀྱི་ཕུར་བུ ་ལས།། བྱང་ཆུབ་སེམས་ཀྱི་འོད་འཕྲོ་ཞིང་།། ཉོན་མོངས་ཐམས་ཅད་བསྲེག་པར་བསྒོམ། ཁྲོ་བོ་འཇིགས་པའི་གཟུགས་ཅན་གྱིས།། གདུག་པ་སྔགས་ཀྱི་སྒྲ་སྒྲོགས་ཤིང་།། ཞེ་སྡང་ང་རྒྱལ་ལ་སོགས་འཇོམས། ཁྲོ ་རྔམས་ཆེན་པོས་ཁམས་གསུམ་སྒྲོལ།། སྤྲུལ་པ་ཕོ་ཉ་བཀའ་ཉན་གྱིས།། དེ་ཡི་སྡིག་སྒྲིབ་སྦྱངས་ཏེ་བསྒྲལ།། བཟླས་པ་གཉིས་ཀྱིས་ལས་ཀུན་འགྲུབ།། དེ་ལྟར་ཐུགས་རྗེས་བསྒྲུབ་བྱ་བསྒྲལ།། ཕུར་པ་ཕྲིན་ལས་ཀྱི ་རྒྱུད་ལས། བསྐྱེད་རྫོགས་མཚན་བཅས་མཚན་མེད་ཀྱི་བཟླས་པ་འཁོར་ལོའི་ལེའུ་སྟེ་བདུན་པའོ།། །། ་དྲག་པོ་ལས་ཀྱི་དཀྱིལ་འཁོར་འདིར།། བགེགས་དང་ལོག་འདྲེན་པར་གཅོད་སོགས།། བསད་ཅིང་བརྡེག་སོགས་ཐབས་གང་ལགས།། རྫས་ནི་གང་དང་གང་གིས་བགྱི།། རྣམ་པར་རྒྱལ་བས་དེ་སྐད་གསོལ།། དེ་སྐད ་གསོལ་གསན་བཀའ་སྩལ་པ།། དངོས་གྲུབ་པར་གཅོད་བྱེད་ལ་སོགས།། བསད་ཅིང་བཅིང་བའི་ལས་ཚོགས་ནི།། སྔགས་དང་རྫས་དང་ལྡན་པར་བྱ།། ཡེ་ཤེས་ཐུགས་ཀྱི་ཕུར་བུ་ཡིས།། དྲག་པོའི་སྔགས་ནི་བཟླ་བར ་བྱ།། ཚོན་སྐུད་སྣ་ལྔས་མགོ་རྐང་བཅིང་།། ཡེ་ཤེས་ཐུགས་ཀྱི་ཕུར་བུ་དང་།། དུག་དང་རྫས་སུ་བཅས་པ་ནི།། བཏབ་པས་ཐམས་ཅད་གསོད་པར་འགྱུར།། བཟླས་པ་གསུམ་དང་ལྡན་པས་ནི།། བར་གཅོད་ཐམས་ཅད ་སྒྲོལ་བར་བྱེད།། དྲག་པོའི་ལས་ཀྱི་ཐུན་བཏབ་ན།། བསྒྲུབ་བྱ་དག་ནི་འཆི་བར་འགྱུར།། སྡུག་ཅིང་སྡང་སེམས་ལྡན་པ་རྣམས།། ཐུན་བཏབ་བསྲེག་པའི་ལས་ནི་བྱ།། ལས་ཀྱི་སྔགས་ནི་ཐམས་ཅད་ཀྱིས།། བར་གཅོད ་ལོག་ལྟ་ཐམས་ཅད་བསྒྲལ།། ཕོ་ཉའི་ཚོགས་རྣམས་ཐམས་ཅད་ཀྱིས།། བར་གཅོད་ཐམས་ཅད་རྟག་ཏུ་བསྒྲལ།། ལས་ཀྱི་རིམ་པ་བྱ་བ་ཡང་།། སྦྱིན་སྲེག་དག་ནི་རབ་ཏུ་བྱ། ཐམས་ཅད་མ་ལུས་ཞི་བྱའི་ཕྱིར།། ཤིན་ཏུ ་ཁ་དོག་དཀར་ལ་འཚེར།། ཞི་བའི་ཟབ་ཁུང་དེ་བྱས་ཏེ། ཁྲུ་གང་ཁྲུ་དོའི་ཚད་དུ་བྱ།། འབྲས་ཐུག་འོ་ཐུག་དཀར་གསུམ་དང་།། མངར་གསུམ་དང་ནི་རབ་ལྡན་ཏེ།། ཞི་བའི་རྫས་ནི་མ་ལུས་བསག། མེ་ཏོག་དཀར་པོ ་ཏིལ་དཀར་དང་།། འབྲས་ཆན་ཏིལ་སོགས་དངུལ་ཕྱེ་བསག། བསྲེག་ཤིང་ཁྲུ་གང་ཚད་བྱས་ཏེ།། ཡམ་ཤིང་མཐོ་གང་སོར་བཞི་བྱ།། ཤིན་ཏུ་དྲི་ཞིམ་དྲི་ཡིས་བྱུག། རཾ་ལས་ཞི་བའི་མེ་ལྷ་ནི།། སྲུན་ལ་ཁ་དོག་དཀར་པོ ་སྟེ།། འོད་ཟེར་དཀར་པོ་འཁྱིལ་ཚུལ་འཕྲོ།། ར་སྐྱེས་དཀར་པོའི་གདན་ལ་བཞུག། བགྲང་ཕྲེང་རིལ་བ་ཕྱག་ན་བསྣམས།། ཉོན་མོངས་ཐམས་ཅད་ཞི་མཛད་པ།། མེ་ལྷ་གསལ་བསྒོམ་སྤྱན་དྲངས་ལ།། བསྟིམས་ཏེ ་ཞལ་བསིལ་བསྲེག་བླུག་བདུན།། ཕུལ་ཏེ་གང་འདོད་ཞི་བར་བཅོལ།། ཨོཾ་ཨགྣ་ཡེ་ཧ་བྱ་ཀ་བྱ། བ་ཧ་ན་ཡ་དི་བྱ་སྭཱ་ཧཱ།། དེ་ནས་གཙོ་བོ་ཡབ་ཡུམ་དང་།། ཕྱོགས་ཀྱི་ཁྲོ་བོ་ལྔ་རྣམས་ལ།། ཆོ་ག་གོང་བཞིན་རྫོགས་པ ་དང་།། བརྒྱ་རྩ་བརྒྱད་ཀྱིས་བསྲེག་བྱུག་འབུལ། ཁྲོ་བོ་བཅུ་པོ་ཡབ་ཡུམ་ལ།། བརྒྱ་རྩ་བརྒྱད་ནི་དབུལ་བར་བྱ།། ཕྲ་མེན་སྤྲུལ་པའི་ཚོགས་ལ་བདུན།། སྒོ་སྐྱོང་ལ་ཡང་བདུན་འབུལ་ཏེ།། སོ་སོའི་སྔགས་ཀྱི་གཤམ ་དག་ལ།། འདི་ཞེས་བྱ་བ་ཞི་གྱུར་ཅིག། ཤཱིནྟཾ་ཀུ་རུ་སཱ་ཧཱ།། དེ་བྱས་གདུག་པའི་ཚོགས་རྣམས་ནི།། ཐམས་ཅད་མ་ལུས་ཞི་བར་འགྱུར།། རྒྱས་པའི་ལས་ཀྱིས་སྦྱིན་སྲེག་ནི།། གསེར་འདྲའི་ཐབ་ཁུང་ཁྲུ་དེའི ་ཚད།། བརྐོས་ཏེ་ཕྱི་རོལ་གྲུ་བཞིར་བྱ།། སྲེག་ཤིང་བུད་ཤིང་ཁྲུ་དོའི་ཚད།། མེ་ཏོག་སེར་པོ་ཉུང་དཀར་དང་།། མར་དང་སྦྲང་རྩི་བུར་རམ་གསེར།། འབྲས་དང་འོ་ཐུག་ལ་སོགས་ཏེ།། རྒྱས་པའི ་རྫས་རྣམས་སོ་སོར་བསག། རཾ་ལས་མེ་ལྷའི་སྐུ་བསྐྱེད་དེ།། སྲུན་ལ་ཁ་དོག་སེར་པོ་སྟེ།། འོད་ཟེར་སེར་པོ་ཕྱོགས་བཅུར་འགྱེད།། ར་སྐྱེས་སེར་པོའི་གདན་ལ་བཞུགས།། བགྲང་ཕྲེང་དང་ནི་སྤྱི་བླུག་འཛིན།། ཅི ་འདོད་དངོས་པོ་རྒྱས་མཛད་པའི།། མེ་ལྷ་གསལ་བསྒོམས་སྤྱན་དྲངས་ལ།། བསྟིམ་ཏེ་ཞལ་བསིལ་བསྲེག་བླུག་འབུལ།། ཕུལ་ཏེ་གང་འདོད་རྒྱས་པར་བཅོལ།། ཨོཾ་ཨགྣ་ཡེ་ཧ་བྱ་ཀ་བྱ།། བ་ཧ་ན་ཡེ་དི་བྱ་དི་བྱ་སཱ ་ཧ། དང་པོ་གཙོ་བོ་ཡབ་ཡུམ་ལ།། དེ་འོག་རིགས་ལྔའི་ཀི་ལ་ཡ།། བརྒྱ་རྩ་བརྒྱད་ཀྱིས་བསྲེག་བླུག་འབུལ། ཁྲོ་བོ་ཁྲོ་མོ་ཉི་ཤུ་ལ།། བསྲེག་བླུག་ཉི་ཤུ་རྩ་གཅིག་འབུལ།། ཕྲ་མེན་སྤྲུལ་པ་སྒོ་སྐྱོང་དང་།། སྲས ་མཆོག་དག་ལ་བདུན་བདུན་འབུལ།། སོ་སོའི་སྔགས་ཀྱི་གཤམ་དག་ལ།། འདི་ཞེས་བྱ་བ་རྒྱས་གྱུར་ཅིག། པུཥྚིཾ་ཀུ་རུ་སྭཱ་ཧཱ། ཚེ་དང་བསོད་ནམས་ལ་སོགས་ཏེ།། གང་འདོད་ཐམས་ཅད་རྒྱས་པར་འགྱུར།། དབང ་གི་ལས་ཀྱི་སྦྱིན་སྲེག་ནི། ཁ་དོག་དམར་པོའི་ས་གཞི་ལ། ཁྲུ་དོའམ་ཁྲུ་བཞི་ཟླ་གམ་བརྐོ།། ཕྱི་རོལ་རྒྱར་ཡང་དེ་བཞིན་བྱ།། ཕྱི་རོལ་ཁ་དོག་ནག་པོ་ལ།། ཕྱག་རྒྱ་བཞི་ཡིས་མཚན་པར་བྲི། ཁ་དོག་དམར་པོའི ་ཤིང་རྣམས་ལ།། ཟླ་གམ་ཁྲུ་དོ་ཁྲུ་བཞི་བརྩིག། བུད་ཤིང་ཡམ་ཤིང་དེ་བཞིན་ནོ།། འབྲས་ཐུག་འོ་ཐུག་དམར་པོར་བྱ།། མེ་ཏོག་དམར་པོ་ཡུངས་མར་དང་།། སྦྱར་བའི་བསྲེག་རྫས་རབ་ཏུ་འབུལ།། རཾ་ལས་མེ ་ལྷ་དམར་པོར་བསྐྱེད།། སྤྱན་དྲངས་བསྟིམས་ཏེ་ཞལ་བསིལ་ལ།། སྲེག་བླུག་བདུན་ཕུལ་དབང་ལས་བཅོལ།། ཨོཾ་ཨགྣ་ཡེ་ཧ་བྱ་ཀ་བྱ་དི་བྱ་དི་བྱ་ཡེ།། ཆེ་གེ་མོ་བ་ཤང་ཀུ་རུ་སྭཱ་ཧཱ། དང་པོ་དཀོན་མཆོག་གསུམ ་ལ་མཆོད།། རྩ་བ་ཡབ་ཡུམ་རིགས་ལྔ་ཡི།། ཀཱི་ལ་ཡ་ལ་བརྒྱ་རྩ་བརྒྱད། ཁྲོ་བོ་ཡབ་ཡུམ་ཉི་ཤུ་བརྒྱད།། ཕྲ་མེན་སྒོ་བ་སྲས་མཆོག་ལ།། བསྲེག་བླུག་བདུན་ནི་དབུལ་བར་བྱ།། སོ་སོའི་སྔགས་ཀྱི་གཤམ་དག་ལ།། ་འདི་ཞེས་བྱ་བ་དབང་དུ་སྡུས།། བཤང་ཀུ་རུ་སྭཱ་ཧཱ། གང་ལ་བྱ་བ་དབང་དུ་འགྱུར།། དྲག་པོའི་ལས་ཀྱི་སྦྱིན་སྲེག་ནི།། ས་གཞི་ཁ་དོག་ནག་པོ་ལ།། གྲུ་གསུམ་ཁྲུ་གང་ཟུར་དུ་བརྐོ།། ཕྱི་རོལ་ཁྲུ་དོའམ་ཁྲུ ་དྲུག་ཚད།། མདུང་དང་རལ་གྲི་དགྲ་སྟ་དང་།། མདའ་གཞུ་དེ་བཞིན་མཚོན་གྱིས་བསྐོར།། ཕྱི་རོལ་ཐོད་པ་མེ་རི་བྲི།། ཤིན་ཏུ་གདུག་པའི་ཤིང་རྣམས་ལ།། ཁྲུ་གང་གྲུ་གསུམ་དབྱིངས་སུ་བརྩིག། དེ་བཞིན་ཡམ་ཤིང ་ལ་སོགས་བསག། ཟངས་ཕྱེ་རྡོ་ཕྱེ་ལྕགས་ཕྱེ་དང་།། དུག་སྣ་མུངྒའི་ཆན་དུག་སྣ།། ཁྲག་སྣ་ཤ་སྣ་སྙིང་སྣ་དང་།། དུག་གི་མེ་ཏོག་སྣ་ཚོགས་དང་།། མེ་ཏོག་ནག་པོ་སྣ་ཚོགས་དང་།། ཏིལ་ནག་ཁྲ་བོ་ནག་པོའི་འབྲུ།། ་རཾ་ལས་མེ་ལྷ་ནག་པོ་བསྐྱེད།། སྤྱན་དྲངས་བསྟིམ་ཞིང་ཞལ་བསིལ་ལ།། བསྲེག་བླུག་བདུན་ཕུལ་མངོན་སྤྱོད་བཅོལ།། ཨོཾ་ཨགྣ་ཡེ་ཧ་བྱ་ཀ་བྱ་ཝ་ཧ་ན་ཡེ་དི་བྱ་དི་བྱ་ཆེ་གེ་མོ་མ་ར་ཡ་ཕཊ།། རྩ་བ ་ཡབ་ཡུམ་རིགས་ལྔ་ཡི།། ཀཱི་ལ་ཡ་ལ་བརྒྱ་རྩ་བརྒྱད།། ཁྲོ་བོ་ཁྲོ་མོ་ཉི་ཤུ་གཅིག། ཕྲ་མེན་སྒོ་བའི་ཚོགས་རྣམས་དང་།། སྲས་མཆོག་ཚོགས་ལ་བདུན་བདུན་ཕུལ།། སོ་སོའི་སྔགས་ཀྱི་གཤམ་དག་ལ།། བརྣག་པ ་འདི་ཁོ་ན་མཱ་ར་ཡ།། བསྟོད་དེ་སྦྱིན་སྲེག་བཅོལ་བར་བྱ།། ཧཱུཾ་ཞེ་སྡང་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་རབ་འབྱམས་ཀུན།། ཁྲོས་པས་ཡུད་ཀྱིས་བརླག་པར་མཛད།། བརླག་པར་མ་གྱུར་གང་ཡང་མེད།། ་ཆགས་པའི་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་རབ་འབྱམས་ཀུན།། ཆགས་པས་སྡུད་ལ་དབང་མཛད་དེ།། དབང་དུ་མ་གྱུར་གང་ཡང་མེད།། ང་རྒྱལ་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་རབ ་འབྱམས་ཀུན།། དཔལ་དང་གཟི་བརྗིད་ཆེན་པོ་རྣམས།། ཡུད་ཙམ་གྱིས་ནི་རྒྱས་པར་མཛད།། གཏི་མུག་རྡོ་རྗེ་འཁོར་བཅས་པས།། འཇིག་རྟེན་ཁམས་འདིར་རབ་འབྱམས་ཀུན།། ཡུད་ཙམ་གྱིས་ནི་ཞི་མཛད་དེ།། ཞི ་མཛད་གྲུབ་ལ་ཕྱག་འཚལ་བསྟོད།། དེ་ནས་ཐབ་ཁུང་རིམ་པ་ཡང་།། ཀུན་གྱི་དཀྱིལ་འཁོར་རྡོ་རྗེས་མཚན།། ཞི་བའི་ཁ་ཁྱེར་ཟླ་ཚེས་མཚན།། རྒྱས་པ་ཉ་དང་ཉི་འོད་དོ།། དབང་ལ་པདྨ་དམར་པོས་མཚན།། ཞི་བ ་རྗེའུ་རིགས་ཁྱིམ་གྱི་མེ།། རྒྱས་པ་རྒྱལ་པོ་ལས་བྱུང་བའོ།། དབང་ནི་བྲམ་ཟེ་སྨད་འཚོང་མའོ།། དྲག་པོ་བཤན་པའི་ཁྱིམ་གྱི་མེ།། དེ་ལྟར་ལས་དེས་བསྒྲུབ་བྱ་སྒྲོལ།། དྲག་པོའི་སྔགས་ཀྱིས་ཟིལ་མནན་ལ།། གྲོགས ་དང་ཕྲལ་ཏེ་དགུག་ཅིང་དབབ།། བཅིངས་ཤིང་གཟིར་ལ་ཕུར་པས་གདབ།། མཚོན་གྱིས་གཏུབས་ཏེ་གཏུན་གྱིས་རྡུང་།། ལྷག་མ་མེད་པར་བསྟབ་སྟེ་བསྒྲལ།། ཐམས་ཅད་ང་རྒྱལ་བཅག་པའི་ཕྱིར།། ཞི་བའི་སྦྱིན་སྲེག ་བྱ་བ་ཡིན།། ཚེ་དང་བསོད་ནམས་སྤེལ་བའི་ཕྱིར།། རྒྱས་པའི་སྦྱིན་སྲེག་དེ་བཞིན་བྱ།། ཐམས་ཅད་དབང་དུ་བསྡུ་བའི་ཕྱིར།། དབང་གི་སྦྱིན་སྲེག་བྱ་བ་ཡིན།། གནོད་གདུག་པར་གཅོད་སྒྲོལ་བའི་ཕྱིར།། ཨ་བྷི་ཙརྱའི ་སྦྱིན་སྲེག་བྱ།། ལས་བཞིས་ལས་རྣམས་ཀུན་རྫོགས་འགྲུབ།། ཕུར་པ་འཕྲིན་ལས་ཀྱི་རྒྱུད་ལས། ཨ་བྷི་ཙརྱའི་སྲེག་པ་དང་བཅས་པའི་ལེའུ་སྟེ་བརྒྱད་པའོ།། །། དེ་ནས་ཡང་དག་བཤད་བྱ་བ།། ཐུགས ་ཀྱི་དཀྱིལ་འཁོར་གྲུ་གསུམ་ནག། བྱིན་བརླབས་ཕུར་པ་དེ་དག་ཀྱང་།། སྐུ་སྟོད་ཞལ་གསུམ་དྲག་པོའི་སྐུ།། ཕྱག་དྲུག་མཚོན་ཆ་སྣ་ཚོགས་བསྣམས།། སྐུ་སྨད་ཕུར་བུ་ཟུར་གསུམ་སྟེ།། རཱ་ཏྲའི་གདན་ལ་རབ་ཏུ ་བཞུགས།། གྲུ་གསུམ་གནས་ནི་ཐམས་ཅད་དུ།། དེ་ལྷའི་སྐུ་ནི་རབ་ཏུ་བསྐྱེད།། ཚོགས་དེ་རབ་ཏུ་འཇིགས་པའི་གཟུགས།། དེར་ནི་དྲག་པོའི་རྫས་རྣམས་དག། བསགས་ཏེ་གདབ་པའི་ལས་རྣམས་ཀྱང་།། ཡེ ་ཤེས་ཐུགས་ཀྱི་ཕུར་བུ་ནི།། གསལ་བཀོད་འོད་ཟེར་ཚུལ་བཞིན་སྤྲོ།། དགུག་གཞུག་ལ་སོགས་སྔགས་རྣམས་ཀྱིས།། བསྒྲུབ་བྱ་དག་ལ་ལས་རྫོགས་བྱ།། གསལ་བ་གསུམ་དང་ལྡན་པ་ཡིས།། ཏེང ་འཛིན་བསྒོམས་ཏེ་གདབ་པར་བྱ།། ཞེ་སྡང་སྐུ་ནི་གསལ་བ་ལས།། ཀཱི་ལ་ཡ་ཡི་སྔགས་བཟླས་ནས།། ཞེ་སྡང་སྐུ་ནི་གསལ་གདབ་བྱ།། ཀི་ལ་ཡ་སོགས་སྔགས་དང་ནི།། ཁྲོ་རྒྱལ་སྔགས་དང་བཅས་པས་ནི།། སྐུ ་གསལ་བསྒོམ་ཏེ་ཁྲུས་ལུད་བྱ།། སྐྱེ་མེད་ཁྲུས་ཀྱིས་རབ་དག་ནས།། གཟི་བྱིན་བསྐྱེད་དེ་གདབ་པར་བྱ།། ཛ་ཡེ་བི་ཛ་ཡེ་ཨ་ཛི་ཏེ། ཨ་བ་ར་ཛི་ཏེ།། ཀ་ཏཾ་ཀ་ཡེ་སྔགས་ཀྱི་གདབ།། ཀུན་གཞི་ཉོན་མོངས་ཨར་གསལ ་བྱ།། ཨ་དེ་བདག་ལ་རབ་བསྟིམ་པ།། ཚོ་ཞེས་བྱ་སྟེ་དངོས་གྲུབ་བླངས།། ཨོཾ་སརྦ་ཏ་ཐཱ་ག་ཏ།། མ་ཧཱ་ཀཱ་ཡ་བཛྲ་སྭ་བྷ་ཝ་ཨཱཏྨ་ཀོ&ཧཾ། ཨོཾ་སརྦ་ཏ་ཐཱ་ག་ཏ། མ་ཧཱ་ཝཱཀྐ་བཛྲ་སྭ་བྷ་ཝ་ཨཱཏྨ་ཀོ&ཧཾ། ཨོཾ་སརྦ་ཏ་ཐཱ་ག་ཏ་མ་ཧཱ ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། བདག་གིས་སྐུ་གསུང་ཐུགས་ཐོབ་ནས།། བསྒྲུབ་བྱའི་བྱུང་ཚོར་སྒོ་དགག་བྱ།། གནས་བརྒྱད་དག་ཏུ་ཕུར་བུ་གདབ།། ཕུང་པོའི་རྟེན་ནི་གཅད་པའི་ཕྱིར།། བ་ར་བི་དྷན་མགོ་རེ་ལ།། དེ ་བཞིན་ཚོགས་རྣམས་ཐམས་ཅད་ཀུན།། གསལ་བར་བསྒོམས་ལ་མནན་ཏེ་བསྡམས།། རྣམ་ཤེས་རྟེན་ནི་རྩད་གཅད་ཕྱིར།། བདུད་རྩི་འཁྱིལ་པས་གདབ་པར་བྱ།། ཙྪིནྡ་ཙྪིནྡ་ཧཱུཾ་ཕཊ། སྙིང་ལ་བཏབ་སྟེ་ཀུན ་གཞིའི་རྟེན།། དག་པར་བྱས་ཏེ་བསྒྲལ་བའོ།། ཁམས་གསུམ་རྣམ་རྒྱལ་སྔགས་ཀྱིས་ནི།། དཔུང་མགོ་གཉིས་སུ་གདབ་པར་བྱ།། ཞེ་སྡང་རྣམ་པར་དག་ཕྱིར་རོ།། བྷིནྡ་བྷིནྡ་ཧཱུཾ་ཕཊ། རྟ་མཆོག་དཔལ་གྱི་དབྱི་གཉིས ་ལ།། གྲྀཧྞ་གྲྀཧྞ་ཧཱུཾ་ཕཊ།། རྣམ་པར་རྒྱལ་བ་གསང་བར་གདབ།། སྐྱེ་རྒྱུན་དག་ནི་རབ་ཏུ་གཅོད།། ཧ་ན་ཧ་ན་ཧཱུཾ་ཕཊ།། མི་གཡོ་མགོན་པོས་མཚོགས་མར་གདབ།། བན་དྷ་བན་དྷ་ཧཱུཾ་ཕཊ།། བསྒྲུབ་བྱ་བསྒྲལ་ཕྱིར་རྣམ ་ཤེས་རྟེན།། བྱུང་ཚོར་སྒོ་ནི་དགག་ཕྱིར་གདབ།། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། ཛ་ལ་ཛ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཛ་ཡེ་བི་ཛ་ཡེ། ཨ་ཛ་ཏེ། ཨ་པ་ར་ཛི་ཏེ། མིག་གཉིས་རྣ་བ ་གཉིས་དང་ནི།། སྣ་བུག་གཉིས་དང་ལྕེ་ལ་གདབ།། མགྲིན་པ་སྙིང་ག་ཁྲག་སྦལ་དང་།། ཉོན་མོངས་ཡིད་ལ་རབ་ཏུ་གདབ།། གརྫ་གརྫ་ཏ་ཐཱ་ཡ་ཧཱུཾ་ཕཊ། འཇུ་ཐག་གཅད་ཕྱིར་སྤྱི་བོར་གདབ།། སྥོ་ཊ་ཡ་སྥོ་ཊ་ཡ་སརྦ ་ཨ་ན་ཡ་ཧཱུཾ་ཕཊ། རྟེན་ཕུར་དབྱུང་ཕྱིར་མཐིལ་དུའོ།། གདབ་པ་ཀུན་གྱི་གོང་དུ་ནི།། མཐུ་དང་རྫུ་འཕྲུལ་དབྲོག་ཕྱིར་གདབ།། ཉོན་མོངས་མནར་བའི་སེམས་ཅན་དག། འཁོར་བའི་གནས་ནས་དྲང་བའི་ཕྱིར།། རྡོ་རྗེ ་ཕུར་བུས་རབ་ཏུ་གདབ།། ངན་སོང་རྒྱུ་ནི་དེས་ཚར་བཅད།། རྒྱ་མདུད་གཉིས་དང་ལོགས་བརྒྱད་དང་།། དཔལ་དང་བཅས་པའི་འོད་ཟེར་གྱིས།། ངན་སོང་གསུམ་ནི་དེར་སྦྱོང་བྱེད།། ཕུར་བུའི་འོད་ཟེར་ཆེན་པོ ་དེས།། བདག་དང་གཞན་གྱི་དོན་བསྒྲུབ་བྱ།། སྔགས་ཀྱི་འོད་ཟེར་དྲག་པོ་དེ།། སྤྲོས་པས་གཞན་གྱི་སྡིག་པ་འཇོམས།། བསྡུས་པས་བདག་གི་སྡིག་པ་འཇོམས།། ཕུར་བུའི་འོད་ཟེར་དེ་བསྒོམས ་ཤིང་།། རྣམ་རྟོག་ཐམས་ཅད་དེས་སྒྲོལ་བྱེད།། དྲག་པོའི་ལས་ནི་ཐམས་ཅད་ཀྱང་།། སྙིང་རྗེས་ཟིན་པའི་ཞེ་སྡང་གིས།། ཉོན་མོངས་གནས་སུ་དག་བྱས་བསྒྲལ།། ཐུགས་ཀར་བཟླས་པའི་འཁོར་ལོས་བཟླ།། སྐུ ་གསུང་ཐུགས་སུ་རབ་བཟླས་ཤིང་།། བདག་དང་གཞན་གྱི་དོན་བསྒྲུབ་བྱ།། སྔགས་དྲུག་ལས་ཀྱི་འཁོར་ལོ་ཡིས།། གཟས་པ་སྐད་ཅིག་གཅིག་གིས་སྒྲལ།། ཕུར་བུའི་འོད་ཟེར་ཆར་གྱི་ནི།། བདག་དང་གཞན་གྱི་དོན ་བསྒྲུབ་བྱ།། མཁའ་འགྲོའི་ལས་ཀྱི་སྔགས་ཀྱིས་ནི།། ཉོན་མོངས་གནོད་གདུག་ཚར་གཅད་བྱ།། རྡོ་རྗེ་འཁོར་ལོ་རལ་གྲི་དང་།། རྒྱ་གྲམ་དབྱུག་ཏོ་མཚོན་ཆའི་ཆར།། ཐབས་ལ་མཁས་པས་གདུག་པ་སྒྲོལ།། ཐུགས་ཀྱི ་དཀྱིལ་འཁོར་ཆེན་པོ་འདིར།། སྔགས་ཀྱི་འོད་ཟེར་དྲག་པོ་ཡིས།། ངན་སོང་གསུམ་ལ་སོགས་པ་བསྒྲལ།། སྐྱེ་མེད་རྣམ་དག་ལམ་ལ་དགོད།། ཡེ་ཤེས་ཐུགས་ཀྱི་ཕུར་བུ་ཡིས།། རྣམ་རྟོག་ཚར་གཅོད་གཉིས་མེད ་དགོད།། ཡི་གེ་འབྲུ་ལྔ་འོད་ཟེར་ལྔས།། རྒྱུད་ལྔའི་ལས་ཀྱི་སྒོ་བཀག་ནས།། རྣམ་ཤེས་ཧཱུཾ་དུ་གསལ་གྱུར་ཏེ།། ཉོན་མོངས་ལས་ཀྱི་ཕུང་པོ་དག། རྣམ་རྟོག་ཐམས་ཅད་རྒྱས་པས་ནི།། ལས་དང་ཉོན་མོངས་དེས་བྱས ་པས།། སྡུག་བསྔལ་ཕུང་པོ་སྲེད་ལེན་བླངས།། རྣམ་རྟོག་ལས་ལས་བྱུང་བ་ཡི།། སྲིད་པའི་ཕུང་པོར་རྟེན་བཅས་ནས།། མ་རིག་འདུ་བྱེད་རྣམ་ཤེས་ཆགས།། མིང་གཟུགས་རེག་ཚོར་རྒ་ཤིའི་ལམ།། ངན་སོང་སྡུག ་བསྔལ་དེས་སྦྱང་ཕྱིར།། ལན་ཆགས་དགག་ཞིང་སྡིག་པ་བཤགས།། ཤེས་པ་རྟེན་བསྟིམ་སེམས་བསྐྱེད་སྐྱབས།། སོ་སོའི་ཁྲོ་རྒྱལ་ཆེན་པོ་དང་།། སྤྲུལ་པའི་ཕོ་ཉ་ཡིག་འབྲུ་དང་།། འོད་ཟེར་ཁྲོ་མོ་བུམ་ཆུ་ཨ་ཡིས ་བཀྲུས།། འདོད་ཡོན་ལྔ་ཡིས་ཚིམ་བྱས་ཤིང་།། ཁྱད་པར་སེམས་བསྐྱེད་དམ་ཚིག་དབབ།། རིགས་ཀྱི་ལྷར་བརྟག་དེ་བསྒྲལ་ལོ།། དེ་དག་སྦྱང་ཕྱིར་ལས་ཀྱི་རྒྱུད།། ང་ཡིས་ངེས་པར་རབ་ཏུ་བཤད།། སེམས་ཀྱི་ཕུར ་བུ་ཐིབས་པ་ན། ཁམས་གསུམ་བསྒྲལ་ཞེས་དེ་ལ་བརྗོད།། ཉི་ཤུ་རྩ་གཅིག་ཕུར་བུ་ནི།། རྣམ་ཤེས་དག་གི་རང་བཞིན་ལ།། ཕྱིས་ཉིད་མི་འཁོར་བྱ་བའི་ཕྱིར།། ཉོན་མོངས་ཕུང་པོ་དག་པ་ལ།། ཕུར་པ་གདབ་ཅིང་ལྷར ་གསལ་དགོད།། ཁྲོ་རྒྱལ་ཏིང་འཛིན་གསལ་བས་ནི།། ཕུང་པོ་ལྟར་གསལ་རྣམ་ཤེས་སེམས།། མི་རྟོག་དོན་གྱི་ལམ་ལ་དགོད།། གཉིས་མེད་དོན་གྱི་རང་བཞིན་ལ།། དགོད་པ་ཉིད་དུ་བྱ་བ་སྟེ།། སྟོང་ཉིད་དོན་ལ་རབ ་གནས་པ།། སྡིག་པ་ཐམས་ཅད་དེར་བཅོམ་སྟེ།། བྱང་ཆུབ་སེམས་ཀྱི་ཕུར་པ་ཡིན།། རྩ་བས་ཁམས་གསུམ་ཡང་དག་བསྒྲལ།། ཕུར་བུའི་འོད་ཟེར་ཕྱོགས་བཅུར་འཕྲོས།། དེ་དོན་རྟོགས་ན་ཐེབས་པ་ཡིན།། ལུས ་སེམས་བྲལ་ན་འཁྱམས་པ་ཡིན།། ཕུང་པོ་ཛ་རིལ་བསྐངས་བྱས་ལ།། དེ་ནས་ཡེ་ཤེས་བུམ་ཆུས་བཀྲུ།། ཤེས་པ་དག་ལ་ཆགས་པ་ཡི།། སྔོན་གྱི་ལན་ཆགས་གང་ཡོད་དང་། ཁོག་སྲུང་དག་ལ་ལན ་ཆགས་བཀར།། བདེན་པའི་བཀའ་བསྒོ་དྲག་པོས་བསྐྲད།། སིལ་བུར་བྱས་ཏེ་དཀྱིལ་འཁོར་དགོད།། སྙིང་ནི་དབུས་སུ་དགོད་པར་བྱ།། མགོ་ནི་ཤར་ལ་གློ་བ་ལྷོ།། མཆིན་པ་ནུབ་སྟེ་མཁལ་མ་བྱང་།། མཆེར་བ་ཤར ་སྟོད་བཀོད་ནས་ཀྱང་།། གཙོ་བོ་ཡབ་ཡུམ་རིགས་ལྔ་ཡི།། ཀི་ལ་ཡ་ལྔ་རིམ་གྱིས་དགོད།། མིག་གཉིས་ཤར་དང་ཤར་ལྷོར་དགོད།། རྣ་བ་ལྷོ་དང་ལྷོ་ནུབ་ཏུ།། ལྕེ་ནི་ནུབ་ཏུ་སྣ་བུག་བྱང་།། མགྲིན་པ་བྱང་དུ་དགོད་པར ་བྱ།། བྱང་ཤར་ལྷན་སྣ་གསང་བའོ།། ཀླད་པ་སྟེང་དུ་དགོད་པར་བྱ།། གཡས་ཀྱི་སོག་པ་ཤར་དུ་སྟེ།། དཔུང་པ་ཤར་ལྷོ་ལག་ངར་ལྷོ།། གཡོན་གྱི་སོག་པ་ལྷོ་ནུབ་སྟེ།། དཔུང་པ་ནུབ་ཏུ་དགོད་པར་བྱ།། ལག་ངར་ནུབ ་བྱང་དག་ཏུའོ།། དཔྱི་གཡས་བྱང་སྟེ་བརླ་བྱང་ཤར།། རྗེ་ངར་འོག་གི་ཕྱོགས་སུ་སྟེ།། རྐང་གཡོན་བརླ་དང་རྗེ་ངར་སྟེང་།། དཔྱི་ནི་ཤར་ལྷོའི་མཚམས་སུ་དགོད།། ནམ་ཚོད་ཤར་སྨད་གཡས་གཡོན་རྩིབ།། ལྷོ་དང་ལྷོ ་ནུབ་སྨད་དུ་དགོད།། བྲང་ནུབ་ནུ་མ་གཡས་གཡོན་དང་།། ཚོང་ར་མཇུག་ཐོ་བྱང་ཤར་འགོད།། ལག་མཐིལ་རྐང་མཐིལ་སྒོ་སྐྱོང་ངོ་།། ཅི་རིགས་དོན་གྱི་ས་ལ་སྦྱར།། བསྲེག་པའི་ལས་ཀྱང་དེ་བཞིན་ནོ།། སྙིང ་རྗེ་ཆེན་པོའི་ཏིང་འཛིན་གྱིས།། སེམས་ཅན་དོན་ནི་བྱ་བ་ཡིན།། དེ་དོན་རྟོགས་ན་ཐེབས་པ་ཡིན།། དེ་ལྟའི་ལས་ཆད་ཕྲིན་ལས་མཆོག། ཕུར་བུ་ཕྲིན་ལས་ཀྱི་རྒྱུད་ལས། ཐུགས་ཀྱི་དཀྱིལ་འཁོར་ཕུར་བུ། པ། གདབ ་པའི་ལེའུ་སྟེ་དགུ་པའོ།། །། ་དེ་ནས་ཕུར་བུ་གསུང་གི་དཀྱིལ་འཁོར་ནི།། དམར་ནག་ལེའུ་ཚེའི་དཀྱིལ་འཁོར་ལ།། དྲག་པོ་ལས་ཀྱི་ལྷ་རྣམས་དགོད།། དབུས་སུ་རྡོ་རྗེ་རྒྱ་གྲམ་སྟེ།། རྡོ་རྗེའི་ལྟེ་བར་ཀཱི་ལ་ཡའི།། སྔགས་ནི་རབ་ཏུ་བསྒྲིམས་ཏེ ་བྲི།། ཕྱོགས་བཞིའི་རྭ་ནི་བཞི་རྣམས་ལ།། རིགས་བཞི་ཀཱི་ལ་ཡ་རྣམས་ཀྱི།། སྙིང་པོ་དག་ཀྱང་རབ་ཏུ་བྲི།། སོ་སོའི་ལེའུ་ཚེ་དག་ལ་ནི།། དྲག་པོ་ལས་ཀྱི་སྔགས་རྣམས་བྲི།། མུ་ཁྱུད་ཨོཾ་ལཾ་སྔགས་ཀྱིས་བསྐོར།། པ་ར ་བི་དྷྭན་སྔགས་རྣམས་ནི།། ཧ་ན་ད་ཧའི་སྔགས་བཅས་པ།། ལེ་ཚེ་དག་ལ་རབ་ཏུ་བྲི།། གྲཝ་ཡི་ཕྱོགས་ནི་ཐམས་ཅད་དུ།། མ་མོའི་སྔགས་ནི་བྲི་བར་བྱ།། འགུགས་བྱེད་སྔགས་ནི་ཐམས་ཅད་ཀྱང་།། ཕྱི་རོལ་མཚམས་སུ ་བྲི་བར་བྱ།། གསུང་གི་དཀྱིལ་འཁོར་དེ་བྲིས་ལ།། དེར་ནི་བཟླས་པ་འབད་དེ་བརྩམ།། འཁྲུལ་འཁོར་གསང་བར་བཟླས་པ་དང་།། སྐུ་གསུང་ཐུགས་སུ་བཟླས་པའོ།། ཕྱི་རོལ་བཟླས་པ་དེ་བྱས་པས།། མ་རུངས་པ ་རྣམས་སྒྲོལ་བར་བྱེད།། དྲག་པོའི་སྔགས་ནི་བཟླས་པ་ཡིས།། བདག་དང་གཞན་གྱི་དོན་རྣམས་འགྲུབ།། སྒྲོ་དང་བསྡུ་བའི་ཏིང་འཛིན་གྱིས།། གསུང་གི་དཀྱིལ་འཁོར་དེ་དབུས་ཀྱི།། རྡོ་རྗེ་གཞོན་ནུའི ་རྩ་སྔགས་ལ།། རྟགས་མཚན་མ་བྱུང་བར་དུ་བཟླ།། ཕྱོགས་ཀྱི་ཀི་ལ་ཡ་རྣམས་ཀྱི།། སྔགས་ཀྱང་དེ་བཞིན་དྲན་པར་བྱ།། སྔགས་དེ་དག་གི་འཕྲོ་འདུ་ཡིས།། ལས་དང་ཉོན་མོངས་ཐམས་ཅད་འཇོམས།། བསྒྲུབ་བྱའི ་ལུས་ལ་འོད་ཟེར་འཕྲོ།། དེ་ཡི་སྒྲིབ་པ་སྦྱོང་བར་བྱེད།། དྲག་པོའི་སྔགས་དང་ལས་རྣམས་ནི།། ཉིན་མཚན་དུ་ནི་སྤྲོ་བར་བྱ།། གཙོ་བོའི་སྐུ་རུ་གསལ་བྱས་ཏེ།། སྤྱི་བོ་ལྗགས་དང་སྙིང་ག་ནས།། སྤྲོས་ཏེ་གཡས་རྒྱུ ་གཡོན་རྒྱུ་དང་།། འཁོར་བར་རྒྱུ་དང་ཕྲ་མོར་རྒྱུ།། ཕུར་བུའི་གཟུགས་སོགས་ཡིག་འབྲུ་སྤྲོ།། བཅུད་བསྡུས་ཡིག་འབྲུའི་ཚུལ་དུ་བསྡུ།། ལུས་ཀྱི་འཁོར་ལོའི་གནས་རྣམས་སུ།། ཡིག་འབྲུ་ཕུར་བུ་དེར་སྤྲོ་བྱ།། སྦྱིན་སྲེག ་བཞི་ཡང་དེར་བསྒྲུབ་སྟེ།། མཆོད་སྦྱིན་བཞི་ཡང་དེར་བསྒྲུབ་བྱ།། དགང་གཟར་བླུགས་གཟར་སྦར་བ་ཡིས།། གསང་བའི་གནས་སུ་སྦྱིན་བསྲེག་བྱ།། དེར་ནི་མཆོད་པ་བྱ་བ་སྟེ།། མཆོད་པ་གསུམ་དུ་ཤེས་པར ་བྱ།། གནས་གསུམ་དག་ཏུ་མཆོད་པ་ཡིས།། ཉོན་མོངས་རྣམ་རྟོག་བསྲེག་བྱའི་ཕྱིར།། ཁྲོ་རྒྱལ་རྣམས་ནི་རྟག་ཏུ་མཆོད།། ཁྲོ་བོ་འཇིགས་པའི་གཟུགས་ཅན་གྱིས།། མ་རུངས་ཚོགས་ནི་ཀུན་འདུལ་བྱེད།། ཐབས་དང ་ཤེས་རབ་སྦྱོར་བྱེད་ཅིང་།། སྤྲུལ་པའི་མགོ་བརྙན་མང་པོ་འགྱེད།། མགྱོགས་པ་མགྱོགས་མ་ཕོ་ཉར་བཅས།། གདུག་པའི་ཚོགས་རྣམས་ཐམས་ཅད་ལ།། ཉིན་དང་མཚན་དུ་ལས་བྱེད་འགྱུར།། འོད་ཟེར་ཀུན་ཏུ་སྤྲོ ་བྱེད་ཅིང་།། ལས་དང་ཉོན་མོངས་ཐམས་ཅད་བསྲེག། འཇིག་རྟེན་ཁམས་ནི་ཐམས་ཅད་དུ། ཁྲོ་བོ་སྤྲུལ་པ་ཕྲ་མེན་བཅས།། དེ་ཡིས་ཐམས་ཅད་ཁེངས་གྱུར་ཏེ།། མཚོན་ཆ་སྣ་ཚོགས་རབ་ཏུ་འཕྲོ།། དེས་ནི་གདུག་པའི ་ཚོགས་རྣམས་ཀུན།། སྐད་ཅིག་ཡིད་ཀྱིས་འཇིགས་པར་མཛད།། ཡེ་ཤེས་ཐུགས་ཀྱི་ཕུར་བུ་ནི།། གསུང་གི་དཀྱིལ་འཁོར་དེར་བཀོད་བྱ།། མཚན་བཅས་མཚན་མེད་བཟླས་པ་བྱ།། གཉིས་སུ་བསྐྱེད་དང་གཉིས་མེད ་བསྟིམ།། བཟླས་བརྗོད་དབུལ་ཞིང་དངོས་གྲུབ་བླང་།། སྐུ་གསུང་ཐུགས་ཀྱི་ཕྱག་རྒྱ་ཡིས།། དངོས་གྲུབ་དག་ནི་རབ་ཏུ་བསྒྲུབ།། བཟླས་པའི་དྲོད་ཚད་ལྡན་པ་ཡིས།། རྒྱུད་དྲུག་གནས་ནས་དྲག་པོས་བསྒྲལ།། ཞེ་སྡང ་ཆེན་པོའི་ཏིང་འཛིན་གྱིས།། ཉོན་མོངས་དག་ནི་རབ་ཏུ་བསྒྲལ།། ལས་དང་ཉོན་མོངས་ཐམས་ཅད་ནི།། ཐུགས་རྗེ་ཆེན་པོའི་འོད་ཟེར་གྱིས།། མ་ལུས་པར་ནི་བསྲེག་པར་མཛད།། ཡེ་ཤེས་མེ་ནི་ཕྱོགས་བཅུར་འཕྲོ།། ་ཁྲོ་རྒྱལ་འཇིགས་པའི་གཟུགས་ཅན་གྱིས།། སྟོང་ཉིད་དོན་ལ་འགོད་པར་མཛད།། ཡེ་ཤེས་མེ་ཡིས་ཉོན་མོངས་བསྲེག། གདུག་ཅིང་སྡང་སེམས་ལྡན་པ་རྣམས།། ཡེ་ཤེས་མེ་ཡིས་བསྲེགས་པར་འགྱུར།། རྩ་བའི་སྐུ ་ལས་འོད་ཟེར་འཕྲོ།། གསུང་གི་འོད་ཟེར་དེ་དབང་བསྐུར།། ཡེ་ཤེས་ཐུགས་ཀྱི་ཕུར་བུ་ཡིས།། ལས་དང་ཉོན་མོངས་ཐམས་ཅད་འཇོམས།། བྱང་ཆུབ་སེམས་ཀྱི་ཕུར་བུ་ཡིས།། གཉིས་མེད་དོན་ལ་དེ ་བསྒོམ་བྱ།། ལུས་ཀྱི་གནས་ནི་ཐམས་ཅད་དུ།། རྒྱུད་དྲུག་གནས་ཀྱི་ས་བོན་གསལ།། དེར་ནི་ཧཱུཾ་གི་ས་བོན་ནི།། བཀོད་དེ་རང་རྒྱུད་ས་བོན་བསྲེག། སྤྲོ་དང་བསྡུ་བའི་རང་བཞིན་ཡང་།། ལུས་ཀྱི་གནས་རྣམས་ཀུན་ཏུ ་བྱའོ།། གསུང་གི་དཀྱིལ་འཁོར་ཆེན་པོས་ནི།། ཐམས་ཅད་སྒྲུབ་པར་བྱེད་པ་ཡིན།། གསུང་གི་དཀྱིལ་འཁོར་དེ་དག་ནི།། ལས་ཀྱི་སྔགས་རྣམས་དེར་བཀོད་ཅིང་།། གནས་དེར་ལས་རྣམས་ཐམས་ཅད་བྱེད།། ཤེས ་རབ་ཐབས་ཀྱིས་སྤྲུལ་བྱེད་ཅིང་།། བརྡའ་ཡང་དེ་བཞིན་བསྒྲལ་བ་ཡིན།། ས་མ་ཡ་ཧོ། ས་མ་ཡ་སྟྭཾ། ར་ཧོ་ཧཾ། རཱ་ག་ཡཱ་མི། ཨོཾ་སརྦ་ཏ་ཐཱ་ག་ཏ། མ་ཧཱ་ཨ་ནུ་རཱ་ག་ཎ་པཱ་ཛ་སྭ་བྷཱ་ཝ་ཨཱཏྨ་ཀོ&ཧཾ། ཨོཾ་བཛྲ་ཀྲོ་དྷ་ཧཱུཾ་ཀ་ར་ཧཱུཾ། ་གརྫ་གརྫ་ཧཱུཾ་ཕཊ། ཨོཾ་བཛྲ་ཀྲོ་དྷི་དཱི་པ་ཡ་ཏི་ཧཱུཾ་ཕཊ། བཛྲ་སཱུ་ཀ་ར་མུ་ཁ་ཧཱུཾ། ཨོཾ་བཛྲ་ཨི་ཥུ་ས་མུ་ཁཱི་ཧཱུཾ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཨོཾ་བཛྲ་ཀྲོ་དྷི་ལཱ་སྱ་ཀི་ཧཱུཾ་ཕཊ། བཛྲ་བྱ་གྷ་མུ་ཁ་ཧཱུཾ། བཛྲ་གྲྀ་ཌྷ་མུཾ་ཁཱི ་ཧཱུཾ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ། ཨོཾ་བཛྲ་ཀྲོ་དྷཱི་ཏཱ་རཱ་ཧཱུཾ། ཨོཾ་ཙ་མ་ར་མུ་ཁ་ཧཱུཾ། ཨོཾ་བཛྲ་དྲོ་ཎ་མུ་ཁཱི་ཧཱུཾ། ཨོཾ་བཛྲ་ཀྲོ་དྷ་ཡ་མནྟ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཨོཾ་བཛྲ་ཀྲོ་དྷི་ཤྭ་ཤ་ན་བ་ཏི་ཧཱུཾ། ཨོཾ་བཛྲ་ཧ་རི་ཎ ་མུ་ཁ་ཧཱུཾ། ཨོཾ་བཛྲ་ཨུ་ལཱུ་ཀ་མུ་ཁཱི་ཧཱུཾ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། བན་དྷ་བན་དྷ་ཧཱུཾ་ཕཊ། ཨོཾ་བཛྲ་ཀྲོ་དྷི་མུ་ས་ལ་ཧཱུཾ། ཨོཾ་བཛྲ་དཱི་པཱི་མུ་ཁ་ཧཱུཾ། ཨོཾ་བཛྲ་བ་ཀ་ཀ་མུ་ཁཱི་ཧཱུཾ། ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ། ཧུ་ལུ་ཧུ་ལུ་ཧཱུཾ་ཕཊ། ་ཨོཾ་བཛྲ་ཀྲོ་དྷི་ཙཎྜ་ལཱི་ཏི་ཧཱུཾ། ཨོཾ་བཛྲ་བི་ཌཱ་ལ་མུ་ཁ་ཧཱུཾ། ཨོཾ་བཛྲ་བཀྵ་ཏི་མུ་ཁཱི་ཧཱུཾ། ཨོཾ་བཛྲ་ཀྲོ་དྷ་ཨ་པ་རཱ་ཛི་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཨོཾ་བཛྲ་ཀྲོ་དྷི་ཤ་བྱཱ་ཡ་ཏི་ཧཱུཾ། ཨོཾ་བཛྲ་ཤྭ་ན་མུ་ཁ་ཧཱུཾ། ཨོཾ་བཛྲ་པ་ཏྲི་མུ་ཁཱི་ཧཱུཾ། ཨོཾ་བཛྲ་ཀྲོ ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡ་ཙྪིནྡ་ཧཱུཾ་ཕཊ། ཨོཾ་བཛྲ་ཀྲོ་དྷཱི་ས་བྷ་མི་ཏ་ཧཱུཾ། ཨོཾ་བཛྲ་སིང་ཧ་མུ་ཁ་ཧཱུཾ། ཨོཾ་བཛྲ་རཾ་ཏི་ལ་མུ་ཁཱི་ཧཱུཾ། ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ། བྷིནྡ་བྷིནྡ་ཧཱུཾ་ཕཊ། ཨོཾ་བཛྲ་ཀྲོ་དྷི་མ་ར་ཎ་ཧཱུཾ། ཨོཾ་བཛྲ་ཏཀྵྞ ་རཀྵ་ས་མུ་ཁ་ཧཱུཾ། ཨོཾ་བཛྲ་ན་ཀུ་ལ་མུ་ཁཱི་ཧཱུཾ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། ཨོཾ་བཛྲ་ཀྲོ་དྷི་ཙུནྡ་ཡ་ཏི་ཧཱུཾ། ཨོཾ་བཛྲ་རྀ་ཀྵ་མུ་ཁ་ཧཱུཾ། ཨོཾ་བཛྲ་ཀ་སི་ཀ་མི་ཀ་མུ་ཁཱི་ཧཱུཾ། ཨོཾ་བཛྲ་ཨཀྵི་ཎི་མུ་ཁ་ཧཱུཾ། ཨོཾ་བཛྲ་བྷཻ་ར ་བེ་མུ་ཁ་ཧཱུཾ། ཨོཾ་བཛྲ་ཨ་མྲྀ་ཏ་མུ་ཁ་ཧཱུཾ། ཨོཾ་བཛྲ་མཱ་ར་ཎ་མུ་ཁ་ཧཱུཾ། ཨོཾ་བཛྲ་ཀཱི་ལི་ཀི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཛཿཧཱུཾ་བཾ་ཧོཿ་སུནརྀ་པྲེ་ཏྲི་དུ། རྒྱུད་དྲུག་སྤྲུལ་བྱེད་དེས་བསྐུལ་ཅིང་།། འབྲུ་དགུ་སྔགས་ཀྱང ་དེར་བཀོད་དེ།། དཀྱིལ་འཁོར་དེར་ནི་དེ་བཟླས་པས།། བསྒྲུབ་བྱའི་ཚོགས་རྣམས་སྒྲོལ་བར་བྱེད།། གསུང་གི་དཀྱིལ་འཁོར་དེ་བཞིན་ཡང་།། རང་རང་ལྷ་རྣམས་གདན་དུ་བཏིང་།། ཕུར་པ་ཕྲིན་ལས་ཀྱི་རྒྱུད་ལས།། ་གསུང་གི་དཀྱིལ་འཁོར་གྱི་ལེའུ་སྟེ་བཅུ་པའོ།། ། རྡོ་རྗེ་ཕུར་བུའི་ལས་རྣམས་ནི།། དྲག་པོ་ལས་ཀྱི་སྔགས་ཀྱིས་བྱེད།། སྔགས་ཀྱི་ཚོགས་ནི་ཐམས་ཅད ་ཀྱང་།། ཨཱ་ལི་ཀ་ལི་དག་ལས་བྱུང་།། ལྷ་རྣམས་སོ་སོའི་སྙིང་པོ་ནི།། སྔགས་དེ་དག་ལས་རབ་ཏུ་བྱུང་།། དབྱངས་ཀྱི་ཡི་གེ་བཅུ་དྲུག་ལ།། མིང་ཡིག་སྡེ་ཚན་ལྔ་ཡིས་བརྒྱན།། སྡེ་ཚན་ལྔ་ཡི་གསུམ་པ་དང་།། སྡེ་ཚན ་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་མཛེས།། སྡེ་ཚན་དང་པོའི་དང་པོ་ལ།། དབྱངས་ཡིག་གི་ནི་བཞི་པས་བརྒྱན།། ཨནྟསྠཱ་ཡི་གསུམ་པ་ལ།། དབྱངས་ཡིག་གི་ནི་གསུམ་པས་བརྒྱན།། སྡེ ་ཚན་དང་པོའི་དང་པོ་ལ།། དབྱངས་ཀྱི་ཡི་གེ་བཞི་པས་བརྒྱན།། ཨནྟསྠཱ་ཡི་གསུམ་པ་དང་།། ཨནྟསྠཱ་ཡི་དང་པོའོ།། ཨཱཥྨ་ཎ་ཡི་གསུམ་པ་དང་།། ཨནྟསྠཱ་ཡི་གཉིས་པ་ལ།། སྡེ་ཚན་ལྔ་ཡི་གསུམ་པས་བརྒྱན།། ལྔ་པ་ཡི་ནི ་གསུམ་པ་ལ།། དབྱངས་ཡིག་གི་ནི་གསུམ་པས་བརྒྱན།། སྡེ་ཚན་དང་པོའི་བཞི་པས་མཛེས།། སྡེ་ཚན་བཞི་པའི་ལྔ་པ་ལ།། དབྱངས་ཀྱི་ཡི་གེ་གཉིས་པས་བརྒྱན།། སྡེ་ཚན་བཞི་པའི་ལྔ་པས་བརྒྱན།། སྡེ་ཚན་ལྔ་པའི ་གསུམ་པ་ལ།། སྡེ་ཚན་ལྔ་པའི་ལྔ་པས་བརྒྱན།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས་བརྒྱན།། སྡེ་ཚན་ལྔ་པའི་ལྔ་པས་མཛེས།། སྡེ་ཚན་ལྔ་པའི་གཉིས་པ་ལ།། སྡེ་ཚན་གསུམ་པའི་དང་པོས ་བརྒྱན།། དབྱངས་ཡིག་གི་ནི་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། ལྔ་པ་ཡི་ནི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་བརྒྱན།། དང་པོ་ཡི་ནི་དང་པོ་ལ།། ཨནྟསྠ་ཡི ་གཉིས་པས་བརྒྱན།། དབྱངས་ཀྱི་བཅུ་གསུམ་པ་ཡིས་མཛེས།། སྡེ་ཚན་བཞི་པའི་བཞི་པའོ།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས་བརྒྱན།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་དང་པོའི་དང་པོ ་ལ།། དབྱངས་ཀྱི་ཡི་གེ་གཉིས་པས་བརྒྱན།། ཨནྟསྠ་ཡི་གཉིས་པའོ།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གིས་ནི་དྲུག་པས་བརྒྱན།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་དང་པོའི་གསུམ་པ་དང་། ཨནྟསྠཱ་ཡི ་གཉིས་པ་ལ།། སྡེ་ཚན་གཉིས་པའི་གསུམ་པས་མཛེས།། སྡེ་ཚན་དང་པོའི་གསུམ་པ་དང་།། ཨནྟ་སྠ་ཡི་གཉིས་པ་ལ།། སྡེ་ཚན་གཉིས་པའི་གསུམ་པས་མཛེས།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས ་བརྒྱན།། སྡེ་ཚན་ལྔ་པའི་ལྔ་པས་མཛེས།། སྡེ་ཚན་ལྔ་པའི་གཉིས་པ་ལ།། སྡེ་ཚན་གསུམ་པའི་དང་པོས་བརྒྱན།། དབྱངས་ཡིག་གི་ནི་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་གསུམ་པ ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་བརྒྱན།། སྡེ་ཚན་དང་པོའི་དང་པོ་ལ།། ཨནྟསྠ་ཡི་གཉིས་པས་བརྒྱན།། དབྱངས་ཡིག་བཅུ་གསུམ་པ་ཡིས་མཛེས།། སྡེ་ཚན་བཞི་པའི་བཞི་པ ་ལ།། དབྱངས་ཀྱི་ཡི་གེ་བཞི་པས་བརྒྱན།། སྡེ་ཚན་བཞི་པའི་གསུམ་པ་ལ།། དབྱངས་ཡིག་གེ་ནི་བཞི་པས་བརྒྱན།། སྡེ་ཚན་ལྔ་པའི་དང་པོ་དང་།། ཨནྟསྠ་ཡི་དང་པོའོ།། སྡེ་ཚན་བཞི་པའི་དང་པོ ་ལ།། དབྱངས་ཀྱི་ཡི་གེ་གསུམ་པས་བརྒྱན།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས་བརྒྱན།། སྡེ་ཚན་ལྔ་པའི་ལྔ་པས་མཛེས།། དབྱངས་ཡིག་གི་ནི་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། ལྔ ་པ་ཡི་ནི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་བརྒྱན།། དང་པོ་ཡི་ནི་དང་པོ་ལ།། ཨནྟསྠ་ཡི་གཉིས་པས་བརྒྱན།། དབྱངས་ཀྱི་བཅུ་གསུམ་པ་ཡིས་མཛེས།། སྡེ་ཚན་བཞི་པའི ་བཞི་པའོ།། སྡེ་ཚན་ལྔ་པའི་གསུམ་པ་ལ།། དབྱངས་ཀྱི་ཡི་གེ་གསུམ་པས་མཛེས།། སྡེ་ཚན་གཉིས་པའི་གསུམ་པ་དང་།། ཨནྟསྠཱ་ཡི་དང་པོའོ།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས་བརྒྱན།། སྡེ་ཚན ་ལྔ་པའི་ལྔ་པས་བརྒྱན།། ཨུཥྨ་ཎ་ཡི་བཞི་པ་ལ།། སྡེ་ཚན་བཞི་པའི་བཞི་པ་ནི།། ཉིས་འགྱུར་དག་ཏུ་བྱ་བ་ཡིན།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས་བརྒྱན།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན ་ལྔ་པའི་གཉིས་པ་ལ།། སྡེ་ཚན་གསུམ་པའི་དང་པོས་བརྒྱན།། དབྱངས་ཡིག་གི་ནི་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། ལྔ་པ་ཡི་ནི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟ་སྒྲ་ཡི་གཉིས ་པས་བརྒྱན།། དང་པོ་ཡི་ནི་དང་པོ་ལ།། ཨནྟསྠ་ཡི་གཉིས་པས་བརྒྱན།། དབྱངས་ཀྱི་བཅུ་གསུམ་པ་ཡིས་མཛེས།། སྡེ་ཚན་བཞི་པའི་བཞི་པ་ལ།། དབྱངས་ཀྱི་ཡི་གེ་བཞི་པས་བརྒྱན།། ཨནྟསྠ་ཡི་གསུམ་པ ་ལ།། དབྱངས་ཀྱི་ཡི་གེ་གཉིས་པར་ལྡན།། ཨཱུཥྨ་ཎ་ཡི་གསུམ་པ་ལ།། ཨནྟསྠ་ཡི་དང་པོ་སྦྱར།། དང་པོ་ཡི་ནི་དང་པོ་ལ།། དབྱངས་ཀྱི་ཡི་གེ་གསུམ་པས་མཛེས།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས ་མཛེས།། སྡེ་ཚན་ལྔ་པའི་ལྔ་པས་བརྒྱན།། དབྱངས་ཡིག་གི་ནི་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། ལྔ་པ་ཡི་ནི་གསུམ་པ་དང་། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་བརྒྱན།། དང ་པོ་ཡི་ནི་དང་པོ་ལ།། ཨནྟསྠ་ཡི་གཉིས་པས་བརྒྱན།། དབྱངས་ཀྱི་བཅུ་གསུམ་པ་ཡིས་མཛེས།། སྡེ་ཚན་བཞི་པའི་བཞི་པའོ།། ཨནྟསྠ་ཡི་དང་པོ་དང་།། སྡེ་ཚན་ལྔ་པའི་ལྔ་པ་ལ།། དབྱངས་ཀྱི་ཡི་གེ་གཉིས་པས ་མཛེས།། སྡེ་ཚན་བཞི་པའི་ལྔ་པ་ལ།། སྡེ་ཚན་བཞི་པའི་དང་པོས་བརྒྱན།། སྡེ་ཚན་དང་པོའི་དང་པོའོ།། ཨུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི ་དང་པོ་དང་།། སྡེ་ཚན་གཉིས་པའི་དང་པོའོ།། དེ་དག་ཉིས་འགྱུར་དག་ཏུ་བྱ།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས་བརྒྱན།། སྡེ་ཚན་ལྔ་པའི་ལྔ་པས་མཛེས།། སྡེ་ཚན་ལྔ་པའི་གཉིས་པ་ལ།། སྡེ་ཚན ་གསུམ་པའི་དང་པོས་མཛེས།། དབྱངས་ཡིག་གི་ནི་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། ལྔ་པ་ཡི་ནི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས ་བརྒྱན།། དང་པོ་ཡི་ནི་དང་པོ་ལ།། ཨནྟསྠཱ་ཡི་གཉིས་པས་བརྒྱན།། དབྱངས་ཀྱི་བཅུ་གསུམ་པ་ཡིས་མཛེས།། སྡེ་ཚན་བཞི་པའི་བཞི་པ་ལ།། དབྱངས་ཀྱི་ཡི་གེ་བཞི་པས་བརྒྱན།། ཨཱཥྨ་ཎ་ཡི་དང་པོ་ལ།། སྡེ་ཚན་ལྔ ་པའི་ལྔ་པས་བརྒྱན།། ཨཱཥྨ་ཎ་ཡི་དང་པོ་དང་།། སྡེ་ཚན་ལྔ་པའི་ལྔ་པ་ཉིད།། སྡེ་ཚན་ལྔ་པའི་གསུམ་པ་དང་།། སྡེ་ཚན་བཞི་པའི་དང་པོ་ལ།། དབྱངས་ཀྱི་ཡི་གེ་བཞི་པས་མཛེས།། ཨཱཥྨ་ཎ་ཡི་བཞི་པ་ལ།། དབྱངས་ཡིག ་གི་ནི་དྲུག་པས་མཛེས།། སྡེ་ཚན་ལྔ་པའི་ལྔ་པས་མཛེས།། དབྱངས་ཡིག་གི་ནི་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། ལྔ་པ་ཡི་ནི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས ་པས་བརྒྱན།། དང་པོ་ཡི་ནི་དང་པོ་ལ།། ཨནྟསྠ་ཡི་གཉིས་པས་བརྒྱན།། དབྱངས་ཀྱི་བཅུ་གསུམ་པ་ཡིས་མཛེས།། སྡེ་ཚན་བཞི་པའི་བཞི་པའོ།། དབྱངས་ཀྱི་ཡི་གེ་དང་པོ་དང་།། སྡེ་ཚན་ལྔ་པའི་དང་པོ་དང་།། ཨནྟསྠ ་ཡི་གཉིས་པ་ལ།། དེ་ལ་དབྱངས་ཡིག་གཉིས་པས་མཛེས།། སྡེ་ཚན་གཉིས་པའི་གསུམ་པ་ལ།། དབྱངས་ཡིག་གི་ནི་གསུམ་པས་བརྒྱན།། སྡེ་ཚན་བཞི་པའི་དང་པའོ།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག ་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་བཞི་པའི་དང་པོ་ལ།། དབྱངས་ཡིག་གི་ནི་གསུམ་པས་མཛེས།། ཨཱཥྨ་ཎ་ཡི་གཉིས་པ་ལ།། སྡེ་ཚན་གསུམ་པའི་གཉིས་པས་བརྒྱན།། དེ་དག་ཉིས་འགྱུར་དག ་ཏུའོ།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། དབྱངས་ཀྱི་ཡི་གེ་བཅུ་གསུམ་ལ།། སྡེ་ཚན ་ལྔ་པའི་ལྔ་པས་བརྒྱན།། ལྔ་པ་ཡི་ནི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་བརྒྱན།། དང་པོ་ཡི་ནི་དང་པོ་ལ།། ཨུནྡ་སྠ་ཡི་གཉིས་པས་བརྒྱན།། དབྱངས་ཀྱི་བཅུ་གསུམ་པ་ཡིས ་མཛེས།། སྡེ་ཚན་བཞི་པའི་བཞི་པ་ལ།། དབྱངས་ཀྱི་ཡི་གེ་བཞི་པས་བརྒྱན།། ཨཱཥྨ་ཎ་ཡི་གསུམ་པ་དང་།། སྡེ་ཚན་ལྔ་པའི་གསུམ་པ་ལ།། ཨནྟསྠཱ་ཡི་དང་པོས་བརྒྱན།། དེ་ལ་དབྱངས་ཡིག་གཉིས་པས ་མཛེས།། ཨནྟསྠ་ཡི་དང་པོ་དང་།། སྡེ་ཚན་བཞི་པའི་དང་པོ་ལ།། དབྱངས་ཀྱི་ཡི་གེ་གསུམ་པས་མཛེས།། ཨུཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། དབྱངས་ཀྱི ་ཡི་གེ་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། ལྔ་པ་ཡི་ནི་གསུམ་པ་དང་།། སྡེ་ཚན་གཉིས་པའི་གསུམ་པ་དང་།། ཨནྟསྠ་ཡི་གཉིས་པས་བརྒྱན།། དང་པོ་ཡི་ནི་དང་པོ་ལ།། ཨནྟསྠ་གཉིས་པས ་བརྒྱན།། དབྱངས་ཀྱི་བཅུ་གསུམ་པ་ཡིས་མཛེས།། སྡེ་ཚན་བཞི་པའི་བཞི་པའོ།། སྡེ་ཚན་བཞི་པའི་དང་པོ་ལ།། ཨནྟསྠ་ཡི་གཉིས་པ་དང་།། དབྱངས་ཡིག་བཅུ་གཉིས་པ་ཡིས་མཛེས།། ཨནྟསྠ་ཡི ་གསུམ་པ་ལ།། དབྱངས་ཡིག་བཅུ་གསུམ་པ་ཡི་མཛེས།། སྡེ་ཚན་དང་པོའི་དང་པོ་ལ།། ཨནྟ་སྠ་ཡི་དང་པོས་བརྒྱན།། སྡེ་ཚན་ལྔ་པའི་གསུམ་པ་ལ།། དབྱངས་ཀྱི་ཡི་གེ་གསུམ་པས་བརྒྱན།། སྡེ་ཚན་གཉིས་པའི་གསུམ ་པ་དང་།། ཨནྟསྠཱ་ཡི་དང་པོའོ།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་གསུམ་པ་དང་།། སྡེ་ཚན་བཞི་པའི་ལྔ་པ་ལ།། བཞི་པ་ཡི་ནི་བཞི ་པས་བརྒྱན།། དེ་དག་ཉིས་འགྱུར་དག་ཏུ་བྱ།། ཨཱུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས ་མཛེས།། དབྱངས་ཀྱི་ཡི་གེ་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། ལྔ་པ་ཡི་ནི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟ་སྒྲ་ཡི་གཉིས་པས་བརྒྱན།། དང་པོ་ཡི་ནི་དང་པོ་ལ།། ཨནྟ་སྒྲ་ཡི ་གཉིས་པས་བརྒྱན།། དབྱངས་ཀྱི་བཅུ་གསུམ་པ་ཡིས་མཛེས།། སྡེ་ཚན་བཞི་པའི་བཞི་པ་ལ།། དབྱངས་ཀྱི་ཡི་གེ་བཞི་པས་མཛེས།། སྡེ་ཚན་ལྔ་པའི་ལྔ་པ་ལ།། དབྱངས་ཀྱི་ཡི་གེ་གཉིས་པས་མཛེས།། ཨནྟསྠ་ཡི ་གཉིས་པ་དང་།། སྡེ་ཚན་གསུམ་པའི་ལྔ་པའོ།། ཨུཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། དབྱངས་ཀྱི་ཡི་གེ་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། ལྔ ་པ་ཡི་ནི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟ་སྠ་ཡི་གཉིས་པས་བརྒྱན།། དང་པོ་ཡི་ནི་དང་པོ་ལ།། ཨནྟ་སྠ་ཡི་གཉིས་པས་བརྒྱན།། དབྱངས་ཀྱི་བཅུ་གསུམ་པ་ཡིས་མཛེས།། སྡེ་ཚན་བཞི་པའི ་བཞི་པའོ།། སྡེ་ཚན་ལྔ་པའི་ལྔ་པ་དང་།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་གཉིས་པས་མཛེས།། སྡེ་ཚན་ལྔ་པའི་གསུམ་པ་དང་།། ཨནྟསྠཱ་ཡི་གསུམ་པའོ།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག ་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། ཨཱ.ུཥྨ་ཎ་ཡི་གསུམ་པ་ལ།། སྡེ་ཚན་ལྔ་པའི་གཉིས་པས་བརྒྱན།། དབྱངས་ཡིག་བཅུ་གསུམ་པ་ཡིས་མཛེས།། སྡེ་ཚན་གསུམ་པའི་དང་པའོ།། དེ་དག་ཉིས་འགྱུར་དག་ཏུ ་བྱ།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། དབྱངས་ཀྱི་ཡི་གེ་བཅུ་གསུམ་ལ།། སྡེ་ཚན་ལྔ ་པའི་ལྔ་པས་བརྒྱན།། ལྔ་པ་ཡི་ནི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟ་སྠ་ཡི་གཉིས་པས་བརྒྱན།། དང་པོ་ཡི་ནི་དང་པོ་ལ།། ཨཱནྟ་སྠ་ཡི་གཉིས་པས་བརྒྱན།། དབྱངས་ཀྱི་བཅུ་གསུམ་པ་ཡིས ་མཛེས།། སྡེ་ཚན་ལྔ་པའི་ལྔ་པ་ལ།། དབྱངས་ཀྱི་ཡི་གེ་ལྔ་པས་མཛེས།། སྡེ་ཚན་གསུམ་པའི་ལྔ་པ་ལ།། གསུམ་པ་ཡི་ནི་གསུམ་པས་བརྒྱན།། དེ་ལ་དབྱངས་ཡིག་བཅུ་གཉིས་མཛེས།། སྡེ་ཚན་ལྔ་པའི་ལྔ ་པ་ལ།། ལྔ་པ་ཡི་ནི་ལྔ་པས་བརྒྱན།། ཨུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་བརྒྱན།། སྡེ་ཚན་ལྔ་པའི་ལྔ་པས་བརྒྱན། ཁྲོ་བོ་ཆེན་པོ་བཅུ་རྣམས་ཀྱི།། རྩ་བའི་སྔགས་དང་ལས་སྔགས་བཅས།། དེ་དག་རིམ ་པར་བཏུ་བ་ཡིན།། །། དབྱངས་ཡིག་གི་ནི་བཅུ་གསུམ་ལ།། སྡེ་ཚན་ལྔ་པའི་ལྔ་པས་བརྒྱན།། ཨནྟསྠ་ཡི་གསུམ་པ་ལ།། སྡེ་ཚན་ལྔ་པའི་ལྔ་པས་བརྒྱན།། ཨུཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས ་བརྒྱན།། སྡེ་ཚན་ལྔ་པའི་ལྔ་པས་བརྒྱན།། ཨནྟསྠ་ཡི་གསུམ་པ་ལ།། སྡེ་ཚན་ལྔ་པའི་ལྔ་པས་བརྒྱན།། ཨཱཥྨ་ཎ་ཡི་གསུམ་པ་ལ།། སྡེ་ཚན་བཞི་པའི་དང་པོས་བརྒྱན།། སྡེ་ཚན་ལྔ་པའི་ལྔ་པར་ལྡན།། སྡེ་ཚན་ལྔ་པའི་བཞི ་པ་དང་།། སྡེ་ཚན་བཞི་པའི་ལྔ་པ་ལ།། སྡེ་ཚན་ལྔ་པའི་ལྔ་པར་ལྡན།། སྡེ་ཚན་ལྔ་པའི་ལྔ་པ་ལ།། དབྱངས་ཡིག་བཅུ་གསུམ་པ་ཡིས་བརྒྱན།། ཨཱཥྨ་ཎ་ཡི་བཞི་པ་དང་།། སྡེ་ཚན་དང་པོའི་བཞི་པ་ལ།། དབྱངས་ཡིག་གི ་ནི་གཉིས་པས་བརྒྱན།། སྡེ་ཚན་བཞི་པའི་དང་པོ་དང་།། ཨཱུནྟསྠ་ཡི་དང་པོའོ།། སྡེ་ཚན་ལྔ་པའི་བཞི་པ་དང་།། དང་པོ་ཡི་ནི་གསུམ་པ་དང་།། ཨནྟསྠ་ཡི་བཞི་པ་ལ།། དབྱངས་ཡིག་གི་ནི་གཉིས་པས་མཛེས།། སྡེ་ཚན ་བཞི་པའི་ལྔ་པས་བརྒྱན།། སྔགས་ཀྱི་བཞི་མོ་དེ་དག་གིས།། བསྐུལ་དང་སྤྱན་དྲངས་བྱ་བ་ཡིན།། །། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པར་ལྡན།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི ་དང་པོ་དང་།། ཨནྟསྠ་ཡི་གཉིས་པ་ཡང་།། སྡེ་ཚན་ལྔ་པའི་གསུམ་པ་ལ།། དབྱངས་ཀྱི་ཡི་གེ་གསུམ་པར་ལྡན།། སྡེ་ཚན་བཞི་པའི་གསུམ་པ་ལ།། ཨནྟ་སྠ་ཡི་དང་པོས་བརྒྱན།། དབྱངས་ཀྱི་ཡི་གེ་གཉིས་པས ་མཛེས།། སྡེ་ཚན་གཉིས་པའི་དང་པོ་ལ།། གཉིས་པ་ཡི་ནི་གཉིས་པས་བརྒྱན།། དབྱངས་ཀྱི་ཡི་གེ་གསུམ་པས་མཛེས།། སྡེ་ཚན་བཞི་པའི་ལྔ་པ་ལ།། བཞི་པ་ཡི་ནི་བཞི་པས་བརྒྱན།། དེ་དག་ཉིས་འགྱུར་དག ་ཏུའོ།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། སྡེ་ཚན་ལྔ་པའི་གསུམ་པ་ལ།། དབྱངས་ཀྱི ་ཡི་གེ་གསུམ་པས་མཛེས།། སྡེ་ཚན་བཞི་པའི་ལྔ་པ་ལ།། བཞི་པ་ཡི་ནི་བཞི་པར་ལྡན།། དེ་དག་ཉིས་འགྱུར་དག་ཏུའོ།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས ་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། སྡེ་ཚན་དང་པོའི་གསུམ་པ་ལ།། དབྱངས་ཡིག་གི་ནི་བདུན་པས་མཛེས།། ཨཱཥྨ་ཎ་ཡི་བཞི་པ་ལ།། གསུམ་པ་ཡི་ནི་ལྔ་པས་བརྒྱན།། དེ ་དག་ཉིས་འགྱུར་དག་ཏུའོ།། ཨུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་། སྡེ་ཚན་གསུམ་པའི་དང་པོས་མཛེས།། སྡེ་ཚན ་ལྔ་པའི་གསུམ་པ་ལ།། བཞི་པ་ཡི་ནི་ལྔ་པར་ལྡན།། སྡེ་ཚན་བཞི་པའི་བཞི་པས་བརྒྱན།། དེ་དག་ཉིས་འགྱུར་དག་ཏུའོ།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས ་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། སྡེ་ཚན་བཞི་པའི་དང་པོ་ལ།། ཨནྟསྠཱ་ཡི་གཉིས་པས་བརྒྱན།། དེ་ལ་དབྱངས་ཡིག་གཉིས་པས་མཛེས།། ཨཱཥྨ་ཎ་ཡི་དང་པོ ་དང་།། ཨནྟསྠ་ཡི་དང་པོའོ།། དེ་དག་ཉིས་འགྱུར་དག་ཏུའོ།། ཨཱུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས ་མཛེས།། སྡེ་ཚན་ལྔ་པའི་བཞི་པ་ལ།། སྡེ་ཚན་བཞི་པའི་ལྔ་པས་བརྒྱན།། སྡེ་ཚན་བཞི་པའི་གསུམ་པར་ལྡན།། དེ་དག་ཉིས་འགྱུར་དག་ཏུའོ།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། དྲག་པོའི་སྔགས་ཀྱི་རིམ་པ་ནི།། ལས་རྣམས་ཀུན་ལ་འཇུག་པ་སྟེ། ཁྱད་པར་ལས་གསུམ་དག་ལ་འཇུག། ཨཱཥྨ་ཎ་ཡི་བཞི ་པ་དང་།། ཨཱཥྨ་ཎ་ཡི་གསུམ་པ་དང་།། ཨནྟསྠ་ཡི་དང་པོ་དང་།། ཨནྟསྠ་ཡི་གཉིས་པ་སྟེ།། དེ་དག་ཉིས་འགྱུར་དག་དང་ནི།། ཨཱུཥྨ་ཎ་ཡི་བཞི་པ་ལ།། ཨནྟསྠཱ་ཡི་གཉིས་པས་བརྒྱན།། དེ་ལ་དབྱངས་ཡིག་བཞི་པས ་མཛེས།། རིན་པོ་ཆེ་ཡི་ཕྲ་ཡིས་བཅད།། སྡེ་ཚན་བཞི་པའི་གསུམ་པ་ལ།། སྡེ་ཚན་གསུམ་པའི་ལྔ་པས་བརྒྱན།། དེ་ལ་གསུམ་པའི་གསུམ་པར་ལྡན།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་ལ།། སྡེ་ཚན་གསུམ་པའི་དང་པོས་མཛེས། ཁྲོ་བོ་ཆེན་པོ་རྣམས་ཀྱི་ནི།། ཉོན་མོངས་གདུག་པ་ཀུན་སྒྲོལ་བ།། སྔགས་འདི་དག་གིས་བྱེད་པ་ཡིན།། ། དབྱངས ་ཀྱི་ཡི་གེ་གཉིས་པ་དང་།། ཨནྟསྠཱ་ཡི་བཞི་པ་ལ།། དབྱངས་ཀྱི་ཡི་གེ་བཅུ་གཅིག་མཛེས།། ཨཱཥྨ་ཎ་ཡི་དང་པོ་དང་།། ཨནྟསྠ་ཡི་དང་པོའོ།། དེ་དག་ཉིས་འགྱུར་དག་དང་ནི།། ཨུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། ཨུཥྨ་ཎ་ཡི་དང་པོ་ལ།། དབྱངས་ཡིག་གི་ནི་བཞི་པས་མཛེས།། སྡེ་ཚན་དང་པོའི་བཞི་པ ་ལ།། ཨནྟསྠཱ་ཡི་བཞི་པས་བརྒྱན།། སྡེ་ཚན་ལྔ་པའི་ལྔ་པས་མཛེས།། དབྱངས་ཡིག་གི་ནི་གཉིས་པ་དང་།། སྡེ་ཚན་བཞི་པའི་ལྔ་པ་དང་།། ཨནྟསྠཱ་ཡི་དང་པོའོ།། ཨཱུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས ་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། །། སྡེ་ཚན་གཉིས་པའི་གསུམ་པ་ལ།། ཨནྟམྦྷ་ཡི་བཞི་པ་ལྡན།། ཨནྟསྠ་ས ་གསུམ་པ་ལ།། དབྱངས་ཀྱི་ཡི་གེ་གཉིས་པས་མཛེས།། སྡེ་ཚན་ལྔ་པའི་དང་པོ་དང་།། ཨནྟསྠ་ཡི་དང་པོའོ།། ཨཱུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། །། སྡེ་ཚན་བཞི་པའི་དང་པོ་དང་།། སྡེ་ཚན་བཞི་པའི་གཉིས་པ་ལ།། དབྱངས་ཀྱི་ཡི་གེ་གཉིས་པས་མཛེས།། ཨནྟསྠཱ་ཡི་དང་པོའོ།། དེ་དག་ཉིས་འགྱུར ་དག་དང་ནི།། ཨུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། སྡེ་ཚན་ལྔ་པའི་བཞི་པ ་ལ།། དབྱངས་ཡིག་གི་ནི་གསུམ་པས་མཛེས།། སྡེ་ཚན་བཞི་པའི་བཞི་པ་ལ།། སྡེ་ཚན་བཞི་པའི་གསུམ་པས་བརྒྱན།། ཨནྟསྠཱ་ཡི་དང་པོའོ།། དེ་དག་ཉིས་འགྱུར་དག་དང་ནི།། ཨུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། དྲག་པོའི་ལས་ཀྱི་སྔགས་འདིས་ནི།། ལས་རྣམས་ཐམས་ཅད་འགྲུབ་པ་སྟེ།། བཟླས་བརྗོད ་སྔགས་སུ་དེ་བཤད་དོ།། ཨཱུཥྨ་ཎ་ཡི་བཞི་པ་དང་།། སྡེ་ཚན་བཞི་པའི་ལྔ་པའོ།། དེ་དག་ཉིས་འགྱུར་དག་དང་ནི།། སྡེ་ཚན་ལྔ་པའི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠཱ་ཡི་གཉིས་པས ་བརྒྱན།། སྡེ་ཚན་བཞི་པའི་གསུམ་པ་དང་།། ཨཱཥྨ་ཎ་ཡི་བཞི་པ་སྟེ།། དེ་དག་ཉིས་འགྱུར་དག་དང་ནི།། སྡེ་ཚན་ལྔ་པའི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་བརྒྱན།། སྡེ་ཚན་ལྔ ་པའི་དང་པོ་དང་།། སྡེ་ཚན་གཉིས་པའི་དང་པོ་སྟེ།། དེ་དག་ཉིས་འགྱུར་དག་དང་ནི།། སྡེ་ཚན་ལྔ་པའི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་བརྒྱན།། སྡེ་ཚན་ལྔ་པའི་ལྔ་པ ་དང་།། སྡེ་ཚན་བཞི་པའི་གཉིས་པ་སྟེ།། དེ་དག་གཉིས་འགྱུར་དག་དང་ནི།། སྡེ་ཚན་ལྔ་པའི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་བརྒྱན།། སྡེ་ཚན་གཉིས་པའི་གསུམ་པ ་ལ།། ཨནྟསྠཱ་ཡི་བཞི་པས་བརྒྱན།། ཨནྟསྠཱ་ཡི་གསུམ་པ་སྟེ།། དེ་དག་ཉིས་འགྱུར་དག་དང་ནི།། སྡེ་ཚན་ལྔ་པའི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨཱནྟསྠ་ཡི་གཉིས་པས་བརྒྱན།། ཨུཥྨ་ཎ་ཡི་གསུམ ་པ་ལ།། དབྱངས་ཀྱི་ཡི་གེ་ལྔ་པས་མཛེས།། ཨནྟ་སྠ་ཡི་གཉིས་པ་ལ།། དབྱངས་ཀྱི་ཡི་གེ་ལྔ་པས་བརྒྱན།། དེ་དག་ཉིས་འགྱུར་དག་དང་ནི།། སྡེ་ཚན་ལྔ་པའི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ ་ཡི་གཉིས་པས་བརྒྱན།། སྡེ་ཚན་ལྔ་པའི་ལྔ་པ་ལ།། དབྱངས་ཀྱི་ཡི་གེ་ལྔ་པས་མཛེས།། ཨནྟསྠ་ཡི་གཉིས་པ་ལ།། དབྱངས་ཡིག་གི་ནི་ལྔ་པས་བརྒྱན།། དེ་དག་ཉིས་འགྱུར་དག་དང་ནི།། སྡེ་ཚན ་ལྔ་པའི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་བརྒྱན།། སྡེ་ཚན་གཉིས་པའི་གསུམ་པ་དང་།། ཨནྟསྠ་ཡི་དང་པོ་ལ།། དབྱངས་ཡིག་བཅུ་གཅིག་པ་ཡིས་མཛེས། སྡེ་ཚན ་ལྔ་པའི་གསུམ་པ་ལ།། དབྱངས་ཀྱི་ཡི་གེ་གསུམ་པས་བརྒྱན།། སྡེ་ཚན་གཉིས་པའི་གསུམ་པ་དང་།། ཨནྟསྠ་ཡི་དང་པོ་ལ།། དབྱངས་ཀྱི་ཡི་གེ་གསུམ་པས་མཛེས།། དབྱངས་ཀྱི་ཡི་གེ་དང་པོ་དང་།། སྡེ ་ཚན་གཉིས་པའི་གསུམ་པ་ལ།། དབྱངས་ཀྱི་ཡི་གེ་གསུམ་པས་མཛེས།། སྡེ་ཚན་བཞི་པའི་དང་པོ་ལ།། དབྱངས་ཡིག་བཅུ་གཅིག་པ་ཡིས་མཛེས།། དབྱངས་ཀྱི་ཡི་གེ་དང་པོ་དང་།། སྡེ་ཚན་ལྔ་པའི ་དང་པོ་ཉིད།། ཨནྟ་སྠ་ཡི་གཉིས་པ་ལ།། དབྱངས་ཀྱི་ཡི་གེ་གཉིས་པས་སྤྲས།། སྡེ་ཚན་གཉིས་པའི་གསུམ་པ་ལ།། དབྱངས་ཀྱི་ཡི་གེ་གསུམ་པས་བརྒྱན།། སྡེ་ཚན་བཞི་པའི་དང་པོ་ལ།། དབྱངས་ཡིག་བཅུ ་གཅིག་པ་ཡིས་བརྒྱན།། སྡེ་ཚན་དང་པོའི་དང་པོ་དང་།། སྡེ་ཚན་གསུམ་པའི་དང་པོ་ལ།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་དང་པོའི་དང་པོ་དང་།། སྡེ་ཚན་གསུམ་པའི་དང་པོ་ལ།། དབྱངས་ཡིག་བཅུ ་གཅིག་པ་ཡིས་བརྒྱན། སྡེ་ཚན་ལྔ་པའི་ལྔ་པ་ལ།། དབྱངས་ཀྱི་ཡི་གེ་ལྔ་པས་བརྒྱན།། ཨནྟསྠ་ཡི་གཉིས་པ་དང་། ཨུཥྨ་ཎ་ཡི་གསུམ་པ་ལ།། དབྱངས་ཡིག་བཅུ་གཅིག་པ་ཡིས་བརྒྱན།། སྡེ་ཚན་གཞི་པའི ་ལྔ་པ་ལ།། ཨནྟསྠ་ཡི་དང་པོས་བརྒྱན།། སྡེ་ཚན་ལྔ་པའི་དང་པོ་ལ།། ཨནྟསྠཱ་ཡི་གཉིས་པས་སྤྲས།། སྡེ་ཚན་ལྔ་པའི་ལྔ་པ་དང་།། ཨནྟསྠ་ཡི་གཉིས་པ་ལ།། སྡེ་ཚན་གཞི་པའི་གསུམ་པས་བརྒྱན།། སྡེ་ཚན་བཞི ་པའི་ལྔ་པ་ལ།། དབྱངས་ཡིག་གི་ནི་གསུམ་པས་མཛེས།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི ་དང་པོས་མཛེས།། །། ཨཱཥྨ་ཎ་ཡི་གསུམ་པ་དང་།། ཨནྟསྠཱ་ཡི་གཉིས་པ་ལ།། ཨནྟསྠཱ་ཡི་བཞི་པ་སྦྱར།། དབྱངས་ཀྱི་ཡི་གེ་གཉིས་པ་དང་།། སྡེ་ཚན་བཞི་པའི་ལྔ་པ་དང་།། ཨནྟསྠཱ་ཡི་དང་པོའོ།། ཨཱཥྨ་ཎ་ཡི ་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། ། སྡེ་ཚན་བཞི་པའི་དང་པོ་དང་།། སྡེ ་ཚན་བཞི་པའི་གཉིས་པ་ལ།། དབྱངས་ཀྱི་ཡི་གེ་གཉིས་པས་མཛེས།། ཨནྟསྠཱ་ཡི་དང་པོའོ།། དེ་དག་ཉིས་འགྱུར་དག་དང་ནི།། ཨཱཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ ་པའི་ལྔ་པས་བརྒྱན།། སྡེ་ཚན་ལྔ་པའི་དང་པོ་དང་།། སྡེ་ཚན་གསུམ་པའི་དང་པོས་མཛེས།། སྟེང་དང་འོག་གི་ཁྲོ་བོ་ཡིས།། ཁམས་གསུམ་སྒྲོལ་བའི་ལས་སྔགས་ཡིན།། །། ཨུཥྨ་ཎ་ཡི་བཞི་པ ་ལ།། དབྱངས་ཀྱི་ཡི་གེ་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། སྡེ་ཚན་ལྔ་པའི་ལྔ་པ་དང་།། ལྔ་པ་དེ་ཡང་ཉིས་འགྱུར་ཏེ།། སྡེ་ཚན་ལྔ་པའི་གསུམ་པ་དང་།། ཨཱཥྨ་ཎ་ཡི་དང་པོ་ལ།། སྡེ་ཚན་ལྔ་པའི་ལྔ་པས ་སྒྲསྤྲས།། སྡེ་ཚན་དང་པོའི་དང་པོ་ལ།། དབྱངས་ཀྱི་ཡི་གེ་ལྔ་པས་བརྒྱན།། ཨནྟསྠ་ཡི་གཉིས་པ་ལ།། དབྱངས་ཀྱི་ཡི་གེ་ལྔ་པས་བརྒྱན།། སྡེ་ཚན་ལྔ་པའི་ལྔ་པ་དང་།། སྡེ་ཚན་བཞི་པའི་དང་པོ་ལ།། སྡེ་ཚན་ལྔ་པའི་ལྔ ་པས་བརྒྱན།། སྡེ་ཚན་གཉིས་པའི་ལྔ་པ་ཉིད།། སྡེ་ཚན་དང་པོའི་དང་པོ་ལ།། དབྱངས་ཀྱི་ཡི་གེ་གཉིས་པས་སྤྲས།། ཨནྟསྠ་ཡི་གཉིས་པ་དང་།། དབྱངས་ཀྱི་ཡི་གེ་གསུམ་པ་ཉིད།། སྡེ་ཚན་བཞི་པའི་གསུམ་པ་ལ།། སྡེ ་ཚན་བཞི་པའི་ལྔ་པས་བརྒྱན།། སྡེ་ཚན་བཞི་པའི་བཞི་པ་དང་།། སྡེ་ཚན་བཞི་པའི་བཞི་པ་ལ།། དབྱངས་ཀྱི་ཡི་གེ་གསུམ་པས་མཛེས།། སྡེ་ཚན་ལྔ་པའི་ལྔ་པ་དང་།། ལྔ་པའང་དེ་བཞིན་ཉིད་འགྱུར་ཏེ།། སྡེ་ཚན་དང ་པོའི་དང་པོ་ལ།། ཨནྟསྠཱ་ཡི་གཉིས་པ་ལ།། སྡེ་ཚན་ལྔ་པའི་ལྔ་པས་བརྒྱན།། ཨཱཥྨ་ཎ་ཡི་དང་པོ་ལ།། དབྱངས་ཀྱི་ཡི་གེ་བཞི་པས་བརྒྱན།། སྡེ་ཚན་དང་པོའི་བཞི་པ་ལ།། ཨནྟསྠ་ཡི་གཉིས་པས་སྤྲས།། སྡེ་ཚན་ལྔ ་པའི་ལྔ་པས་བརྒྱན།། སྡེ་ཚན་དང་པོའི་དང་པོ་ལ།། དབྱངས་ཀྱི་ཡི་གེ་གཉིས་པས་མཛེས།། ཨནྟསྠ་ཡི་གཉིས་པ་ལ།། དབྱངས་ཀྱི་ཡི་གེ་གཉིས་པས་མཛེས།། ཨནྟསྠཱ་ཡི་དང་པོའོ།། མཁའ་འགྲོ་མ་ཡི་སྙིང་པོ་ནི།། དེ ་དག་ཡིན་པར་ཤེས་པར་བྱ།། །། སྡེ་ཚན་དང་པོའི་གཉིས་པ་དང་།། སྡེ་ཚན་བཞི་པའི་གཉིས་པ་ལ།། སྡེ་ཚན་ལྔ་པའི་ལྔ་པས་བརྒྱན།། དེ་དག་བདུན་འགྱུར་དག་ཏུ་བྱ།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི ་དྲུག་པས་བརྒྱན།། སྡེ་ཚན་ལྔ་པའི་ལྔ་པས་བརྒྱན།། དེ་དག་བདུན་འགྱུར་ཤེས་པར་བྱ།། ཨཱཥྨ་ཎ་ཡི་བཞི་པ་ལ།། དབྱངས་ཡིག་གི་ནི་དྲུག་པས་མཛེས།། སྡེ་ཚན་ལྔ་པའི་ལྔ་པས་བརྒྱན།། དེ་དག་བཅུ་གཅིག་འགྱུར་དུ ་བྱ།། སྡེ་ཚན་ལྔ་པའི་གཉིས་པ་ལ།། སྡེ་ཚན་གསུམ་པའི་དང་པོས་བརྒྱན།། དེ་དག་སུམ་འགྱུར་དག་ཏུ་བྱ།། ཨཱཥྨ་ཎ་ཡི་བཞི་པ་ནི།། སུམ་འགྱུར་དག་ཏུ་བྱ་བ་ཡིན།། དབྱངས་ཀྱི་ཡི་གེ་བཅུ་གསུམ་ལ།། སྡེ་ཚན་ལྔ་པའི ་ལྔ་པས་བརྒྱན།། སྡེ་ཚན་ལྔ་པའི་གསུམ་པ་དང་།། སྡེ་ཚན་གཉིས་པའི་གསུམ་པ་ལ།། ཨནྟསྠ་ཡི་གཉིས་པས་བརྒྱན།། སྡེ་ཚན་དང་པོའི་དང་པོ་ལ།། ཨནྟསྠ་ཡི་གཉིས་པས་བརྒྱན།། དབྱངས་ཡིག་བཅུ་གསུམ་པ་ཡི ་མཛེས།། སྡེ་ཚན་གསུམ་པའི་བཞི་པའོ།། སྡེ་ཚན་དང་པོའི་གཉིས་པ་དང་།། ཨུཥྨ་ཎ་ཡི་བཞི་པ་ལ།། དབྱངས་ཀྱི་ཡི་གེ་གསུམ་པས་བརྒྱན།། སྡེ་ཚན་དང་པོའི་དང་པོ་ལ།། དབྱངས་ཀྱི་ཡི་གེ་བཞི་པས ་བརྒྱན།། ཨནྟསྠ་ཡི་གསུམ་པ་དང་།། ཨནྟསྠ་ཡི་དང་པོ་ནི།། ཉི་ཤུ་རྩ་གཅིག་འགྱུར་དུའོ།། སྡེ་ཚན་དང་པོའི་དང་པོ་ལ།། དབྱངས་ཡིག་གི་ནི་བཞི་པས་མཛེས།། ཨནྟསྠཱ་ཡི་གསུམ་པ་དང་།། ཨནྟསྠ་ཡི ་དང་པོའོ།། དེ་དག་བཅོ་བརྒྱད་འགྱུར་དུ་བྱ།། སྔགས་ཀྱི་བཏུ་བ་འདི་བྱས་ལ།། ཉོན་མོངས་གདུག་སེམས་ཐམས་ཅད་བསྒྲལ།། དྲག་པོ་ལས་ཀྱི་སྔགས་འདི་ནི།། གདེང་དང་ལྡན་པས་བསྒྲུབ་པ་ཡིན།། དེ་ཕྱིར་སྔགས ་དོན་རབ་ཏུ་བཤད།། ཕུར་པ་ཕྲིན་ལས་ཀྱི་རྒྱུད་ལས་སྔགས་བཏུ་བའི་ལེའུ་སྟེ་བཅུ་གཅིག་པའོ།། །། ཁྲོ་བོ་ཁམས་གསུམ་རྣམ་རྒྱལ་གྱིས།། བཅོམ་ལྡན་འདས་ལ་འདི་སྐད་གསོལ།། རྡོ་རྗེ་རབ་ཏུ་ཀཱི་ལ ་ཡའི།། སྒྲུབ་པའི་ལས་ཀྱི་རིམ་པ་དག། ཐབས་དང་རྫས་ནི་གང་གིས་བགྱི།། བསྒྲུབ་པའི་ཚད་ནི་གང་དག་ལགས།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་ཕུར་བུའི་སྒྲུབ་གནས་ནི།། བྲག་རི་སྲིན་པོའི་གདོང ་པ་འདྲ།། དུར་ཁྲོད་དཀྱིལ་ལམ་ངམ་གྲོག་གནས།། དེར་ནི་ས་གཟུང་བརྟག་ལ་སོགས།། སྔོན་དུ་ལས་རྣམས་ཐམས་ཅད་བྱ།། རས་བྲིས་ལུགས་སུ་བླུགས་སོགས་པའི།། སྐུ་ཡི་དཀྱིལ་འཁོར་ཆེན་པོ་བྱ།། མཆོད་པའི ་རྫས་ལ་སོགས་པ་བཤམས།། བུམ་པ་དག་ནི་བཅུ་དགུ་ལ།། རང་རང་ལྷ་ཡི་ཕྱག་རྒྱ་བྲི།། རང་རང་སྔགས་ཀྱང་དེར་བྲིའོ།། འབྲུ་སྣ་སྨན་སྣ་སྙིང་པོ་ལྔ།། དྲི་ལྔ་རིན་ཆེན་ལྗོན་ཤིང་དང་། ཁ་དོག་སྣ་ལྔའི་རས་ཀྱི ་བཅིངས།། དྲི་མེད་བུམ་པ་དེ་བྱས་ལ།། རང་རང་ཁ་དོག་བཞིན་དུ་བསྒྱུར།། ཡང་ན་ཀུན་ཀྱང་དཀར་པོར་བྱ།། དེ་དག་ལ་བརྟེན་བསྒྲུབ་པར་བྱ།། སྐུ་ཡི་དཀྱིལ་འཁོར་ཆེན་པོ་ནི།། འཁོར་ལོ་རྩིབས་བརྒྱད་ལྟེ་བར ་བཅས།། གྲུ་ཆད་སྒོ་བཞི་རྒྱན་དང་ལྡན།། ལྷུ་དུམ་བཅད་འཕྲོ་ཕོར་པ་རྐང་།། ཤ་ཁྲག་ཞིང་ཆེན་དུར་ཁྲོད་རྫས།། དཀྱིལ་འཁོར་དག་ནི་རབ་ཏུ་དགང་།། རྩ་བ་ལྔ་དང་ཡན་ལག་སྟོང་།། བདུད་རྩི་དག་ཀྱང་རབ་ཏུ ་བསག། ཡུམ་ཆེན་རྣམས་ཀྱིས་བྱིན་བརླབས་པའི།། བུམ་པ་ལྷ་གྲངས་བཞིན་དུ་གཟུག། རྣམ་ལྔའི་མཆོད་པ་དེ་བཞིན་བྱ།། བདུད་རྩི་ལྔ་ལ་ལོངས་སྤྱོད་ཅིང་།། ལྷ་ཡི་ཚོགས་རྣམས་ཐམས་ཅད་ལ།། གཏོར་མ་ལྷ ་གྲངས་བཞིན་དུ་འབུལ།། སྤྱན་དྲང་མཆོད་དང་བསྟོད་པ་དང་།། གང་འདོད་ལས་ལ་གསོལ་བ་གདབ།། རྩ་བའི་ཡབ་ཡུམ་སྐུར་གསལ་བས།། འཁོར་ལོ་བཞི་ཡང་གསལ་བར་བྱ།། ཨཱ་ལི་ཀཱ་ལིའི་ཡི་གེ་ཡང་།། རྩ་ཡི ་གནས་རྣམས་ཀུན་ཏུ་དགོད།། རྡོ་རྗེ་ཀི་ལ་ཡ་ཡི་སྔགས།། འཁོར་ལོའི་རྩ་གནས་ཀུན་ཏུ་བསྒོམ།། དྲག་པོའི་ལས་ཀྱི་སྔགས་རྣམས་ཀྱང་།། གསང་བའི་མཁའ་ལ་རབ་ཏུ་དགོད།། ལྷ་རྣམས་སོ་སོའི་ལས་ཀྱི ་སྔགས།། རང་རང་གནས་སུ་དགོད་པར་བྱ།། ལུས་ལ་བསྔགས་ནི་དེ་བཀོད་ནས།། བུམ་པའི་ནང་དུ་དེ་བཀོད་བྱ།། རིགས་ལྔ་ཀཱི་ལ་ལ་སོགས་པའི།། སྙིང་པོ་དག་ཀྱང་རབ་ཏུ་བགྲང་།། ཉི་ཁྲི་བདུན་འབུམ་བགྲངས ་ནས་ཀྱང་།། ལྷ་རྣམས་ཐུགས་དམ་བསྐུལ་བར་བྱ། ཁྲོ་བོ་ཆེན་པོ་རྣམས་ལ་ནི།། ཉི་ཁྲི་ལྔ་སྟོང་བསྙེན་པ་དང་།། དྲག་པོའི་ལས་ཀྱི་སྔགས་རྣམས་ནི།། བྱེ་བ་སུམ་འབུམ་བཟླས་པ་ཡིས།། མངོན་སུམ ་པ་ཡི་རྟགས་འབྱུང་སྟེ།། སྐུ་གཟུགས་བཞད་དང་བུམ་པ་དང་།། ཕུར་པ་དག་ལས་འོད་འབྱུང་དག། ཕུར་པ་ལྡེག་འཕར་ལུང་སྟོན་འབྱུང་།། དེ་ལྟར་མ་བྱུང་བར་དུ་བསྒྲུབ།། དེ་རྟགས་ཐོན་ནས་སྒྲུབ་སྔགས་བཟླས།། ་བ་ཡབ་ཡུམ་གསལ་བྱས་ཏེ།། ཀཱི་ལ་ཡ་ལྔ་ཕྱོགས་ནས་བསྐུལ།། སྐྱེ་མེད་ཆོས་ཀྱི་དབྱིངས་ལས་ནི།། མཚན་མའི་རྣམ་རྟོག་སྤྲིན་འབྱུང་ཞིང་། རྣམ་རྟོག་འཁོར་བར་འཁྱམས་པ་རྣམས།། ཐབས་དང་ཤེས་རབ་སྦྱོར ་བ་ལས།། བདེ་བའི་ཕུར་བུ་རྒྱས་པ་ཡིས།། སོ་སོས་འཇིགས་པའི་སྒྲ་སྒྲོག་པས།། ལས་དང་ཉོན་མོངས་ཞི་བར་མཛད།། ཐོག་མ་མེད་ནས་བཀབ་པ་ཡིས།། ལས་དང་ཉོན་མོངས་གྱུར་པ་ཡི།། འདོད་ཆགས་ཞེ ་ང་གཏི་མུག་རྣམས།། སྲིད་པའི་འཁོར་ལོར་གྱུར་པ་ཡིན།། ཐབས་དང་ཤེས་རབ་སྦྱོར་བ་ཡི།། བདེ་བ་བྱང་ཆུབ་སེམས་ཕུར་དེས།། ལུས་ཀྱི་རྩ་རྣམས་ཀུན་ཏུ་གང་།། དུག་གསུམ་སྡུག་བསྔལ་དེར ་སྦྱོང་མཛད།། ཆགས་སྡང་ཞེན་ལས་བྱུང་བ་ཡི།། ཉོན་མོངས་པ་ལས་བྱུང་བའི་གཟུགས།། སྲིད་པའི་ལམ་ལ་གནས་བཅས་པ།། དེ་དག་རབ་ཏུ་འདོན་མཛད་ནས།། ཐབས་དང་ཤེས་རབ་སྦྱོར་བ་ཡིས།། བདེ་བ ་བྱང་ཆུབ་སེམས་ཕུར་ནི།། ལུས་ཀྱི་རྩ་རྣམས་ཀུན་རྒྱུས་གང་།། དུག་གསུམ་སྡུག་བསྔལ་དེས་གཞོམ་མཛད།། ཆགས་དང་ཞེན་ལས་བྱུང་བ་ཡི།། ཉོན་མོངས་པ་ལས་བྱུང་བའི་གཟུགས།། ལྔ་ཕུང་སེམས་ཅན་དག་བྱའི ་ཕྱིར།། ཐབས་དང་ཤེས་རབ་སྦྱོར་བ་ཡི།། བདེ་བ་བྱང་ཆུབ་སེམས་ཕུར་དེས།། ལུས་ཀྱི་རྩར་བརྒྱུད་སེམས་བདེ་སྐྱེས།། བདེ་བས་ཉོན་མོངས་སྡུག་བསྔལ་ཞི།། ལས་དང་ཉོན་མོངས་འབྲེལ་འབྱུང་བའི།། འབྲས་བུ ་ཕུང་པོ་སྡུག་བསྔལ་མྱོང་།། རྣམ་རྟོག་ལས་དང་ལམ་ལ་གནས།། ཐབས་དང་ཤེས་རབ་སྦྱོར་བ་ཡི།། བདེ་བ་བྱང་སེམས་ཕུར་པས་ནི།། ལུས་ཀྱི་རྩ་རྒྱུད་སེམས་བདེ་རྙེད།། བག་ཆགས་ཕུང་པོ་སྡུག་བསྔལ་ཞི།། གཙོ ་བོ་ཡབ་ཡུམ་གཉིས་མེད་དེ།། གཡས་ནས་རྒྱུ་དང་གཡོན་ནས་རྒྱུ།། དབུས་ནས་རྒྱུ་དང་འོད་ཟེར་རྒྱུ།། སྤྱི་གཙུག་མགྲིན་པ[:]སྙིང་གར་རྒྱུ།། མཚོན་ཆར་རྒྱུ་དང་ཕུར་བུར་རྒྱུ།། གཡས ་ཀྱིས་གཅོད་དང་གཡོན་གྱིས་གཅོད།། གསོ་བསད་མནན་བཟློག་གང་འདོད་འགྲུབ།། ཕྱོགས་ཀྱི་བུམ་པའི་གནས་རྣམས་སུ།། བྱང་ཆུབ་སེམས་ཀྱི་ཆུ་རྒྱུན་དབབ།། བུམ་པ་དེ་དག་ཆུ་རྒྱུན་གྱིས།། བཀང་སྟེ་རྣམ་པར ་རྟོག་པ་བསྲེག། ལུས་ཀྱི་གནས་ནི་ཐམས་ཅད་དུ།། ཕབ་པའི་འོད་ཟེར་དེར་སྤྲོ་བྱ།། འོད་ཟེར་ཚོགས་ནི་ཐམས་ཅད་ཀྱང་།། བྱང་ཆུབ་སེམས་སུ་གནས་པ་སྟེ།། རྣམ་རྟོག་ཀུན་གྱི་གཉེན་པོར་བཤད།། བདེ་ཆེན་འཁོར ་མོའི་གནས་སུ་ནི།། ཞི་བའི་ལས་ནི་སྒྲུབ་པ་ཡི།། སྔགས་ཀྱི་འོད་ཟེར་ཐམས་ཅད་ཀྱང་།། བདེ་ཆེན་རྩ་ནི་ཀུན་ཏུ་སྤྲོ།། གནས་དེར་བདེ་བ་བསྐྱེད་པས་ནི།། བདག་དང་གཞན་གྱི་རྣམ་རྟོག་བསྲེག། ་དང་རླུང་དང་བྱང་ཆུབ་སེམས།། བདེ་བ་བསྐྱེད་དེ་དེ་བསྒོམ་མོ།། མགྲིན་པ་ལོངས་སྤྱོད་འཁོར་ལོ་སྟེ།། དེར་ནི་རྒྱས་པའི་ལས་དག་བྱ།། སྔགས་ཀྱི་འོད་ཟེར་ཐམས་ཅད་ཀྱང་།། ལོངས་སྤྱོད་གནས་སུ་རབ་ཏུ ་སྤྲོས།། རླུང་དང་རྩ་དང་བྱང་ཆུབ་སེམས།། བདེ་བ་བསྐྱེད་དེ་དེར་བསྒོམ་མོ།། རྣམ་པར་རྟོག་པ་ཐམས་ཅད་བསྲེག། ཚེ་དང་བསོད་ནམས་རྒྱས་པར་འགྱུར།། སྙིང་ག་ཆོས་ཀྱི་འཁོར་ལོར་ནི།། དབང་གི་ལས་ནི་བྱ་བ ་ནི།། སྔགས་ཀྱི་འབྲུ་ནི་དེར་བསྒོམ་པས།། ཐམས་ཅད་མ་ལུས་འགུགས་པར་འགྱུར།། རྩ་དང་རླུང་དང་བྱང་ཆུབ་སེམས།། བདེ་བ་སྐྱེད་བྱེད་དེར་སྒོམས་ཤིག། གནས་དེ་དག་ཏུ་འོད་ཟེར་འཕྲོ།། ཐམས་ཅད་མ་ལུས ་ང་དུ་འགྱུར།། སྤྲུལ་པའི་འཁོར་ལོའི་གནས་སུ་ནི།། དྲག་པོའི་ལས་ཀྱིས་བསད་པ་ཡིན།། སྔགས་ཀྱི་འོད་ཟེར་དེར་བསྒོམས་ཏེ།། འཁོར་ལོའི་གནས་སུ་འོད་ཟེར་སྤྲོ།། རྩ་དང་རླུང་དང་བྱང་ཆུབ་སེམས།། བདེ་བ ་སྐྱེད་བྱེད་རྒྱུ་རུ་བསྒོམ།། སྔགས་ཀྱི་འོད་ཟེར་དྲག་པོས་ནི།། སྤྲུལ་པའི་གནས་སུ་བསད་པ་ཡིས།། འཁོར་ལོ་བཞི་ཡི་གནས་དེར་ནི།། སྔགས་ཀྱི་འོད་ཟེར་གསལ་བསྒོམས་ལ།། སྤྲོ་དང་བསྡུ་བར་བྱ་བ་ཡིས།། བདེ་བ ་དག་ལ་རྟེན་བཅས་ཤིང་།། མི་རྟོག་པའང་དེར་སྐྱེ་འགྱུར།། གསང་བར་བཟླས་དང་མི་གཡོར་འགྱུར། ཁྲོ་བོའི་སྤྲུལ་པའི་ཕྱག་བརྙན་དང་།། ཡང་སྦྲུལ་དག་ནི་འབྱུང་བས་ནི།། ཕུར་བུའི་དངོས་གྲུབ་སྟེར ་བར་འགྱུར།། སྔར་བསྟན་རྟགས་ནི་ཀུན་འབྱུང་སྟེ།། མཆོག་དང་ཐུན་མོང་དངོས་གྲུབ་ཀྱང་།། སྐད་ཅིག་ལ་ནི་ཐོབ་པར་འགྱུར།། དེ་ཐོད་བཟླས་པའི་སྔགས་འདིའོ།། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ ་ཕཊ།། དེ་ནི་སྤྱི་ཡི་བསྙེན་པའོ།། དེ་བཞིན་ཁྲོ་བོ་སོ་སོའི་སྔགས།། ལས་ཀྱི་སྔགས་ཀྱང་དུས་སུ་བཟླ།། བསྙེན་པའི་སྔགས་ཀྱིས་དངོས་གྲུབ་ཐོབ།། ལས་ཀྱི་སྔགས་ཀྱིས་ཐམས་ཅད་སྒྲོལ།། ལས་འདི་རྣལ་འབྱོར་ཅན ་གྱིས་བྱ། ཁྲོ་བོ་ཆེན་པོ་དེ་དག་གིས།། བདུད་དང་བར་དུ་གཅོད་པ་རྣམས།། བསྒྲལ་ཏེ་བྱང་ཆུབ་ལམ་ལ་བཀོད།། རྒྱུད་དྲུག་འཁོར་བའི་སེམས་ཅན་དང་།། ལུས་སེམས་བྲལ་ཏེ་འཁྱམས་པ་དང་།། ངན་འགྲོའི་སྒོ ་དགག་བདེ་ལམ་བཀོད། ཁྲོ་རྒྱལ་སྐུ་ཡི་འོད་ཟེར་གྱིས།། སྟེ་འོག་ཕྱོགས་མཚམས་ཀུན་ཏུ་སྤྲོ།། དེར་གནས་སེམས་ཅན་ཐམས་ཅད་ཀྱང་།། རང་རང་ཉོན་མོངས་ཀུན་སྤྱོད་བྱེད།། གྲོལ་བའི་ལམ་ལ་བཀོད་ནས ་ཀྱང་།། སྡུག་བསྔལ་ཐམས་ཅད་དེར་འཇོམས་བྱེད།། དེ་བཞིན་དཀྱིལ་འཁོར་ཆེན་པོ་ཡི།། བསྒྲུབ་པ་དག་ནི[:]བྱེད་དུས་སུ།། དངོས་གྲུབ་རྟགས་ནི་བྱུང་དུས་སུ།། ཐེ་ཚོམ་མེད་པའི་རྟོག་པས ་བླང་།། དངོས་གྲུབ་ཆེན་པོ་ཐོབ་ནས་ཀྱང་།། ལས་རྣམས་ཐམས་ཅད་བྱ་བ་ཡིན།། བྲན་དང་པོ་ཉ་བཀའ་ཉན་ཚོགས།། དེ་དག་བསྒྲུབ་པར་བྱ་བ་ནི།། རྩ་བའི་དཀྱིལ་འཁོར་མདུན་ཕྱོགས་སུ།། དཀྱིལ ་འཁོར་གྲུ་གསུམ་མཐིང་ནག་བྱ།། ཕྱི་རོལ་ཟླ་གམ་གསུམ་གྱིས་བསྐོར།། དབུས་སུ་ཁྲོ་རྒྱལ་ཧཱུཾ་ཀཱ་ར།། གཡོན་དུ་ཁྲོ་མོ་སྒྲ་འབྱིན་མ།། གཡས་སུ་ཕག་གི་མགོ་ཅན་དེ།། རྒྱབ་ཏུ་སྨྲིག་བུའི་མགོ་ཅན་ནོ།། ཤ་ཁྲག་སྣ ་ཚོགས་ལས་བྱས་པའི།། གཏོར་མ་བྷན་དྷ་གང་བཞག་ལ།། བདུད་རྩི་ལྔ་ཡང་དེ་རུ་བླུག། ཤ་ཆེན་ཚིལ་ཆེན་ཁྲག་ཆེན་དང་།། གཡང་གཞི་སྤྱི་བླུགས་ཐོད་པའི་རྔ།། དུར་ཁྲོད་རྒྱན་དང་རྫས་རྣམས་བསགས།། ཉུང ་དཀར་སྐྱེ་ཚེ་དུག་དང་སྦྱར།། ཟངས་ཕྱེ་རྡོ་ཕྱེ་ལྕགས་ཕྱེ་དང་།། དྲག་པོའི་རྫས་རྣམས་གྲུ་གསུམ་སྟེ།། ཧཱུཾ་མཛད་ཏིང་འཛིན་ལ་གནས་པས།། སྔགས་འདི་བགྲང་ཞིང་འཕྲོ་འདུ་བྱ།། ཨོཾ་བཛྲ་ཀྲོ་དྷ་ཧཱུཾ་ཀ་ར་ཧཱུཾ། བཞི་འབུམ ་ལྔ་ཁྲི་འདོན་པར་བྱ།། ཕྲ་མན། མེན།། སྔགས་འདིས་ལས་ལ་གཞུག། གརྫ་གརྫ་ཧཱུཾ་ཕཊ།། བྱེ་བ་སུམ་ཁྲི་བཏོན་བྱས་ན།། ཕོ་ཉས་གང་འདོད་ལས་རྣམས་བྱེད།། སྤྲུལ་པས་གང་བསྒོའི་ལས་རྣམས་བྱེད།། རྣལ་འབྱོར ་ཅན་ལ་དངོས་གྲུབ་འབེབས།། དེ་བཞིན་ཁྲོ་བོ་གཞན་དག་ཀྱང་།། རང་རང་ཁྲོ་མོ་ཕོ་ཉ་དང་།། བཅས་ཏེ་བསྒྲུབས་ན་དངོས་གྲུབ་ཐོབ།། བསྒོ་བ་ཉན་ཅིང་ལས་རྣམས་བྱེད།། རྣལ་འབྱོར་དམ་ལྡན་རྟོགས་པར ་བྱ།། ཕུར་པ་ཕྲིན་ལས་ཀྱི་རྒྱུད་ལས། བསྒྲུབ་པའི་ལེའུ་སྟེ་བཅུ་གཉིས་པའོ།། །། དེ་ནས་རྡོ་རྗེ་ཕུར་བུ་ཡིས།། ཚོགས་ཀྱི་དཀྱིལ་འཁོར་བཤད་པར་བྱ།། སྐུ་ཡི་དཀྱིལ་འཁོར་འབྲི་བར་བྱ།། སྣ་ཚོགས་ཟས་དང་སྣ ་ཚོགས་འབྲུ།། སྨན་གྱི་རྣམ་པའི་གཏོར་མ་ནི།། གླང་པོའམ་ཤིང་རྟས་འགྲོངས་པའི་ཚད།། བརྒྱ་རྩ་བརྒྱད་དམ་ལྷ་གྲངས་བྱ།། ཤ་སྣ་ཁྲག་སྣ་བརྒྱ་རྩ་བརྒྱད།། སྤྱན་གཟིགས་འདོད་ཡོན་སྣ་ཚོགས་བརྒྱན།། སྣ་ཚོགས ་འབྲུ་ཡི་ཆང་རྣམས་བཤད།། རྣལ་འབྱོར་ཕོ་མོ་གཡས་དང་གཡོན།། ལུས་ངག་བརྡས་མཚོན་སོ་སོས་མཆོད།། ལྷ་ཚོགས་ཕྱི་ནང་གསང་བས་མཆོད།། ཚོགས་ཀྱི་འཁོར་ལོ་བསྐོར་བའི་ཚེ།། བླ་མ་རྡོ་རྗེ་སློབ་དཔོན ་ལ།། མཚན་ལྡན་གཟུངས་མ་ཕུལ་ནས་ནི།། གཙོ་བོ་རྣམས་ལ་དེ་བཞིན་མཆོད།། འཁོར་གྱི་རྣལ་འབྱོར་ཐམས་ཅད་ཀྱང་།། རང་རང་གཟུངས་མ་དག་དང་ནི།། ལྷན་ཅིག་གནས་ཏེ་ལྷ་རྣམས་མཆོད།། མཆོད་པའི་ལས ་བྱེད་དུས་བརྡས་མཚོན།། གང་ཞིག་སྤྱི་བོ་སྟོན་པ་ལ།། དེ་ལ་རྐང་མཐིལ་བསྟན་པར་བྱ།། གང་ཞིག་སྨིན་མ་འདེགས་བྱེད་ལ།། དེ་ལ་མཛུབ་ནི་བསྟན་པར་བྱ།། གང་ཞིག་ལྕེ་ནི་བསྐྱོད་པ་ལ།། དེ་ལ་པདྨ་བསྟན་པར ་བྱ།། གང་ཞིག་མཛུབ་མོ་སྟོན་པ་ལ།། དེ་ལ་ལག་པ་སྦྱིན་པར་བྱ།། གང་ཞིག་བྲང་ནི་སྟོན་པ་ལ།། དེ་ལ་ནུ་མ་སྟོན་པར་བྱ།། གང་ཞིག་སོར་མོ་རྣམས་སྟོན་ལ།། དེ་ལ་ལུས་ནི་བསྟན་པར་བྱ།། གང་ཞིག་ཨ་ཧོ་ཞེས ་བརྗོད་ན།། ཀྱེ་མ་ཧོ་ཞེས་རབ་ཏུ་བརྗོད།། ཨ་ཏི་པུ་ཧོ་བརྗོད་པ་ལ།། པྲ་ཏི་པུ་ཧོ་བརྗོད་པར་བྱ།། ཨ་ཏི་ཛཿཞེས་བརྗོད་པ་ལ།། པྲ་ཏི་ཛཿཞེས་བརྗོད་པའོ།། ས་མ་ཡ་སྟྭཾ་ཞེས་བརྗོད་པ་ལ།། ས་མ་ཡཿ ་ཞེས་བརྗོད་པར་བྱ། ར་ཧོ་ཧཾ་ཞེས་བརྗོད་པ་ལ།། རཱ་ག་ཡཱ་མི་བརྗོད་པར་བྱ།། ཀྱེ་ཞེས་འབོད་པའི་སྒྲ་སྒྲོག་ན།། ཨ་ཧོ་ཞེས་པའི་ལན་ཡང་སྦྱིན།། སུ་ར་སྟི་ཞེས་བརྗོད་པ་ལ།། བཟའ་ཞིང་བཏུང་བ་རབ་ཏུ་སྦྱིན།། ས་མ ་ཡ་ཛཿཞེས་བརྗོད་པ་ལ།། ལྷ་རྣམས་མཆོད་ཅེས་རབ་ཏུ་སྦྱིན།། དུད་དུ་ར་ཞེས་བརྗོད་པ་ལ།། སྤང་བར་བྱ་ཞེས་རབ་ཏུ་བརྗོད།། དེ་བཞིན་ངག་གི་སྒྲ་རྣམས་ཀྱང་།། དུས་འདི་དག་ཏུ་བྱ་བ་ཡིན།། ཚོགས་ཀྱི་འཁོར་ལོའི ་དུས་འདི་རུ།། རྐང་པ་བརྐྱང་བར་མི་བྱ་ཞིང་།། ཕྱི་རོལ་གཏམ་ཡང་རབ་ཏུ་སྤངས།། མི་བགད་གསང་བའི་ངག་ལ་གནས།། ལྷ་ཡི་གྲངས་ནི་དེ་བཞིན་དུ།། ཕྱི་ནང་གསང་བའི་མཆོད་པ་ཡང་།། ལྷ་རྣམས་ལ་ནི་རབ་ཏུ ་འབུལ།། ཞལ་ཟས་ཚོགས་ལ་ལོངས་སྤྱོད་ཅིང་།། དཔའ་བོ་དཔའ་མོ་མཉམ་འཁྱུད་ལ།། བྱང་ཆུབ་སེམས་ཀྱི་བདེ་བས་མཆོད།། ཉོན་མོངས་རྣམ་པར་རྟོག་པ་ཡང་།། དེ་ཡི་འོད་ཟེར་དག་གིས་བསྲེག། ཕྱི་རོལ་བར ་ཆོད་བྱེད་རྣམས་ལ།། འོད་ཟེར་དག་གི་བསྲེག་པར་བྱ།། བརྟུལ་ཞུགས་ཆེན་པོའི་སྤྱོད་པ་ཡིས།། ཚོགས་ཀྱི་འཁོར་ལོ་བྱ་བ་ཡིན།། དམ་ཚིག་མེད་ཅིང་ངང་རྒྱུད་ངན།། རྟོག་པ་ཅན་ལ་ཚོགས་འཁོར་གསང་།། དབང་པོ ་དཔའ་མོ་བརྟུལ་ཞུགས་ལྡན།། དམ་ཚིག་ཅན་གྱི་ཚོགས་འཁོར་བྱ།། རྡོ་རྗེའི་གླུ་ནི་རབ་ཏུ་བླངས།། མཁའ་འགྲོའི་ཚོགས་ལ་གཏོར་མ་སྦྱིན།། དེ་དོན་རབ་ཏུ་བཤད་པ་ཡིན།། བར་བར་རྡོ་རྗེའི་གླུ་ཡིས་བསྐུལ།། ཀྱེ ་ཚོགས་ཀྱི་འཁོར་ལོ་ཆེན་པོར་ནི།། དམ་ཚིག་ལྡན་པའི་རྣལ་འབྱོར་པས།། སོ་སོར་རང་རིག་གཉིས་འཁྱུད་དེ།། དེ་བཞིན་ལྷ་རྣམས་ཀུན་མཆོད་ཅིང་།། བདུད་རྩི་ལྔ་ཡང་རྟོག་མེད་བཟང་།། ཤ་དང་ཁྲག་ནི་འཐུང་ཅིང ་བཟའ།། དེར་ནི་དམ་ཚིག་ཅན་བཟུང་ཞིང་།། དམ་ཚིག་མེད་དང་ཉམས་པ་སྤང་།། བརྟུལ་ཞུགས་ཆེན་པོའི་སྤྱོད་པ་ཡིས།། ཚོགས་ཀྱི་འཁོར་ལོ་རབ་ཏུ་བྱ།། བྱང་ཆུབ་སེམས་ལྡན་གཟུངས་མ་བརྟེན།། གཙང་དམེ་མི ་བལྟ་བརྟུལ་ཞུགས་བསྐྱེད།། ལུས་ནི་མཛེས་པས་ཁྲུས་བྱས་བརྒྱན།། ཚོགས་ཀྱི་མཆོད་པ་རབ་ཏུ་བྱ།། མཁའ་འགྲོ་མ་དང་ཤ་ཟ་མོ།། ར་རོ་མ་དང་ཁྲག་འཐུང་མ།། ས་བླ་ས་འོག་ས་སྟེང་གི། ལས་ལ་གྲུབ་པའི་མཁའ ་འགྲོའི་ཚོགས།། གཏོར་མ་ལེན་ཅིང་ལས་རྣམས་བྱེད།། སྤྲུལ་པའི་མཁའ་འགྲོ་དེ་བཞིན་བྱེད།། གཉིས་མེད་མཉམ་འཁྱུད་བདེ་བ་ཡིས།། དཔའ་བོ་དཔའ་མོ་མཉེས་གྱུར་ཅིག། གཉིས་མེད་བདེ་བ་རྒྱས་གྱུར་ཅིག། སྒྲོ ་དང་བསྡུ་བའི་བདེ་བ་ཡིན།། མཁའ་འགྲོའི་ཚོགས་རྣམས་ཚིམ་གྱུར་ཅིག། བདུད་རྩི་ལྔ་དང་ཞལ་ཟས་ཀྱིས།། འཇིག་རྟེན་འདས་དང་མ་འདས་པའི།། མཁའ་འགྲོའི་ཚོགས་རྣམས་མཉེས་གྱུར་ཅིག། གླུ་དག་བླངས་ལ ་དཀྱིལ་འཁོར་བསྡུ།། ལས་དང་ཉོན་མོངས་རབ་ཏུ་འཇོམས།། དམ་ཚིག་ལྡན་པའི་རྣལ་འབྱོར་པས།། ལས་འདི་ལ་ནི་བརྩོན་པར་བྱ།། ཚོགས་ཀྱི་འཁོར་ལོ་རབ་འབྲིང་གསུམ།། ཕྱི་ནང་གསང་བ ་གསུམ་ཞེས་བྱ།། དམ་ཚིག་ཉམས་པ་སྐོང་བའི་ཕྱིར།། ནང་གི་ཚོགས་ཀྱི་འཁོར་ལོ་བྱ།། ཚོགས་བསགས་བསོད་ནམས་བསྐྱེད་དུས་ཕྱི།། མི་རྟོག་ཡེ་ཤེས་བསྐྱེད་དུས་སུ།། གསང་བའི་ཚོགས་ཀྱི་འཁོར་ལོ་བྱ།། ཚོགས ་འཁོར་དེ་གསུམ་གང་གིས་ཀྱང་།། སྒྲིབ་སྦྱོང་རྣམ་གྲོལ་ལམ་ལ་འགོད།། ཚོགས་ཀྱི་འཁོར་ལོ་ཆེན་པོ་འདིས།། ཡབ་ཡུམ་རིགས་ལྔའི་ཁྲག་འཐུང་དང་། ཁྲོ་བཅུ་ཡབ་ཡུམ་ཕྲ་མེན་ཚོགས།། མཆོད་པ་དངོས་གྲུབ་རང ་ཤུགས་འབྱུང་།། ཁྲོ་རྒྱལ་ཚོགས་ཅན་བྲན་གྱི་ཚོགས།། ཕོ་ཉ་བཀའ་ཉན་བསྒོ་བ་ཉན། ཁམས་གསུམ་ཉོན་མོངས་ཀུན་སྒྲོལ་གྱིས།། མཆོག་དང་ཐུན་མོང་དངོས་གྲུབ་ཐོབ།། རྒྱལ་པོ་བྲམ་ཟེ་ཁྱིམ་བདག་ཚོགས།། དྲེགས ་པའི་བསོད་ནམས་དབང་དུ་འདུ།། གནོད་གདུག་ཞི་ཞིང་འབྱོར་པ་འཕེལ།། གདུག་ཅིང་སྡང་སེམས་ལྡན་པ་སྒྲོལ།། དེ་ཕྱིར་ཚོགས་ཀྱི་འཁོར་ལོ་ཡང་།། རབ་ཏུ་བྱ་བར་བཤད་པ་ཡིན།། ཕུར་པ་ཕྲིན་ལས་ཀྱི་རྒྱུད་ལས།། ་ཚོགས་ཀྱི་འཁོར་ལོའི་ལེའུ་སྟེ་བཅུ་གསུམ་པའོ།། །། དེ་ནས་རྡོ་རྗེ་ཕུར་བུ་ཡི།། བསྲེག་དང་མནན་འཕང་བསྟོད་པར་བྱ།། ཐུགས་ཀྱི་དཀྱིལ་འཁོར་ཆེན་པོ་ནི།། ཕུང་ཐོད་དུམ་བུ་དྲུག་པ་རུ། ཁྲག་སྣ་དུག་སྣའི ་མིང་རུས་གཞུག། སྐྱེ་ཚེ་ཡུངས་ནག་བྲབ་རྫས་བཞག། ནས་ནག་རྡོ་ནག་ཟངས་ལྕགས་ཕྱེ།། ཟོར་གྱི་རྫས་སུ་ཐམས་ཅད་བསགས།། ཡང་ན་མདའ་ཡི་ཟོར་ཡང་བྱ། ཁྲ་དང་སྲིན་བྱ་ཕོ་རོག་དང་།། འུག་པ་དག་གི་སྒོ ་བསྐྱོན་དེ།། སྨྱུག་མ་ལ་ནི་ཁྲག་གིས་བྱུགས།། སྐྱོན་མེད་སོར་ནི་བཅུ་གཉིས་པ། ཁྲག་དང་དུག་གི་བྱུགས་བྱས་ལ།། ཐུགས་ཀྱི་དཀྱིལ་འཁོར་དེར་གཟུག་བྱ།། ཟངས་ནག་ཞིང་ཆེན་སྤྱི་བླུགས་བགོ། དྲག་པོ་ལས་ཀྱི ་གཟུངས་མ་ནི།། ནག་མོ་གཏུམ་མོ་ཁྲོ་གཉེར་ཅན།། གཡོན་བཞག་སྒྲོལ་བའི་ཡུམ་དུ་བརླབས།། དྲག་པོའི་ལས་ཀྱི་ཕུར་པ་ཡིས།། བསྒྲུབ་བྱ་དག་ལ་བཏབ་སྟེ་བསྒྲལ།། སོ་སོའི་རྩ་སྔགས་ལས་སྔགས་ཀྱིས།། ཟོར ་མདའ་ལ་ནི་རབ་ཏུ་བསྒྲུབ།། ཕུར་བུ་ཕྲ་མོ་བདུན་བྱས་བསྔགས།། སྒོ་རྩར་ཕུག་སྟེ་མདའ་ནང་གཞུག། མཚེ་ཉུང་དྲག་རྫས་བཟླས་ལ་བླུག། ཨོཾ་མོ་ཧ་གྷ་ཡ་གརྫ་གརྫ་ཧཱུཾ་ཕཊ། སྒོ་ཊ་ཡའི་བར་དག་ཏུ།། མོ་ཧ་གྷ་ཡས ་མགོ་མནན་བསྒྲུབ། ཁྲག་གི་ནང་གིས་མིང་གཟུགས་ལ།། ནས་ནག་རྡོ་ནག་ལ་སོགས་པ།། དྲག་པོའི་སྔགས་འདི་བཏབ་སྟེ་བྲབ།། ཧཱུཾ་མ་མ་བ་ཤཾ་ཀུ་རུ་མ་ཏ་ཉ་ཀ་ར་ཨི་ནན་དྷ་དྷི་མ་མ་ཀརྨ་ཤཱི་གྷང་ཀཱ་ར་ཡ། ལས་ཕྱེད ་ཚོགས་ནི་དྲག་ཏུ་བསྐུལ། ཁྲོ་བོའི་སྤྲུལ་པ་དེ་བཞིན་བསྐུལ།། དྲོད་ཚད་ལྡན་པས་ཟོར་དུ་འཕང་།། མ་མོའི་ཟོར་ནི་སྲོད་ལ་སྟེ།། སྲིན་པོའི་ཟོར་ནི་ཐོ་རངས་འཕངས།། ཟོར་ལམ་ཕྱེ་ལ་ཁྲོ་བས་འཕངས།། མདའ ་དང་ཐོད་ཟོར་ལྟས་ཀྱང་བལྟ།། ཟོར་ཁ་ཟློག་ན་བདུན་དགུར་བསྒྱུར།། དེ་ནས་དྲག་ཏུ་བསྐུལ་དེ་འཕངས།། གདུག་ཅིང་སྡང་སེམས་ལྡན་པ་རྣམས།། སྐད་ཅིག་ཉིད་ལ་སྒྲོལ་བར་འགྱུར།། རྡོ་ནག་འུར ་རྡོས་འཕང་བར་བྱ།། མདའ་འཕང་མདེའུའི་མེ་སྟག་ནི།། གཡས་སུ་འཕྲོ་དང་གཡོན་དུ་འཕྲོ།། གང་ལ་ལོག་པའི་དྲོད་ཚད་བཟུང་། ཁྲག་ལ་དེ་བཞིན་བལྟ་བ་སྟེ།། ལྐུགས་དང་འཁྱིལ་དང་འཕྲོ་བའོ།། ལྟས་ཀྱི་རྣམ་པ ་དེ་བལྟ་ཞིང་།། ཟོར་ནི་རབ་ཏུ་འཕང་བར་བྱ།། ཟོར་ཐོད་བུབ་དང་ལོག་ལྟས་ནི།། ཕྱི་རོལ་རྟགས་སུ་ཤེས་པར་བྱ།། ལས་ཀུན་མཐའ་ནི་ཟོར་གྱི་བསྐུལ།། ཕྲིན་ལས་རྣམ་བཞིས་མནན་བྱ་སྟེ།། ཨེ་ལས་གྲུ་གསུམ ་དཀྱིལ་འཁོར་བསྐྱེད།། ཞེ་སྡང་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་ཐམས་ཅད་ཀུན། ཁྲོ་བོར་མ་གྱུར་གང་ཡང་མེད།། ཐམས་ཅད་ཐལ་བ་རྡུལ་དུ་རློག། ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུཾ་ཕཊ། བཾ་ལས ་དབང་གི་དཀྱིལ་འཁོར་ནི།། ཟླ་གམ་དག་ཏུ་བསྐྱེད་པར་བྱ།། འདོད་ཆགས་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་རབ་འབྱམས་ཀུན།། དབང་གི་ཁྲོ་བོར་མ་གྱུར་མེད།། ཐམས་ཅད་དབང་དུ་འདུ་བར ་མཛོད།། ཨོཾ་བཛྲ་ཀཱི་ལི་ཀཱི་ལ་ཡ་བ་ཤཾ་མ་ན་ཧོ་བ་ཤཾ་ཀུ་རུ་སྭཱ་ཧཱ། ཡ་ལས་རྒྱས་པའི་དཀྱིལ་འཁོར་ནི།། གྲུ་བཞི་དག་ནི་བསྐྱེད་བྱ་སྟེ།། ང་རྒྱལ་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་ཐམས་ཅད་ཀུན།། རྒྱས ་པར་མ་གྱུར་གང་ཡང་མེད།། ཚེ་དང་བསོད་ནམས་འཕེལ་བར་མཛོད།། ཨོཾ་བཛྲ་ཀཱི་ལི་ཀཱི་ལ་ཡ་པུཥྚི་ཀུ་རུ་སྭཱ་ཧཱ། མ་ལས་ཞི་བའི་དཀྱིལ་འཁོར་ནི།། ཟླུམ་པོ་དག་ཏུ་བསྐྱེད་པ་སྟེ།། གཏི་མུག་རྡོ་རྗེ་འཁོར་བཅས ་པས།། འཇིག་རྟེན་ཁམས་ནི་ཐམས་ཅད་ཀུན།། ཞི་བར་མ་གྱུར་གང་ཡང་མེད།། ཐམས་ཅད་མ་ལུས་ཞི་བར་མཛོད།། ཨོཾ་བཛྲ་ཀཱི་ལི་ཀཱི་ལ་ཡ་ཤཱནྟི་ཀུ་རུ་སྭཱ་ཧཱ། རྡོ་རྗེ་གཞོན་ནུའི་ཞབས་ཀྱིས་མནན།། འཁོར་ལོ་རྒྱས ་འདེབས་བྷ་གར་སྦ། ཁྲོ་བོའི་ཚོགས་ཀྱི་ཟས་སུ་བསྔོ།། བསྐལ་པའི་མེ་ཡི་ཕུང་པོར་བསྲེགས།། ཡེ་ཤེས་མེ་ཡི་བག་ཆགས་བསྲེགས།། ཉོན་མོངས་ལྔ་དང་ལྡན་པ་ཡིས།། གདུག་ཅིང་སྡང་སེམས་ལྡན་པ་རྣམས།། བྱང ་ཆུབ་སེམས་ནི་མ་སྐྱེས་པར།། ནམ་ཡང་བཏང་བར་མི་བྱ་སྟེ། ཁྲོ་རྒྱལ་ཡབ་ཡུམ་སྲས་བཅས་པའི།། ཞབས་ཀྱི་གདན་ཁྲིའི་འོག་ཏུ་མནན།། བསྐལ་པ་མེ་ཡི་ཀློང་དཀྱིལ་ནས། ཁྲོ་བོ་འཇིགས་པའི་གཟུགས་ལྡན ་གྱིས།། མ་རུངས་ཚོགས་རྣམས་འདུལ་བའི་མཆོག། ཐམས་ཅད་མ་ལུས་ཚར་གཅོད་ཅིང་།། མ་རུངས་པ་ཡི་ཚོགས་རྣམས་འདུལ།། མནན་པས་བར་ཆོད་རབ་ཏུ་ཞི།། དེ་ནས་འཁོར་རྣམས་ཡི་རངས་ཏེ།། བསྟོད་པའི ་མཆོག་འདིས་རབ་ཏུ་བསྟོད།། བསྐལ་པ་མེ་ལྟར་འབར་བའི་ཀློང་དཀྱིལ་ནས།། ཞེ་སྡང་འདུལ་མཛད་རྡོ་རྗེ་གཞོན་ནུའི་སྐུ།། རྣམ་པར་ཐར་པའི་དབུར་ལྡན་ཞིང་།། ཕྱག་དྲུག་ཕྱག་མཚན་རྒྱུད་དྲུག་སྒྲོལ།། ཞབས ་བཞིས་རཱ་ཏྲ་བསྒྲལ་ཞིང་མནན།། གདུག་པ་འདུལ་མཛད་ཕྱག་འཚལ་བསྟོད།། རིགས་ལྔ་ཁྲག་འཐུང་ཀཱི་ལ་ཡ།། ཐམས་ཅད་མ་ལུས་རྡུལ་དུ་རློག། ཤིན་ཏུ་ཁྲོས་པའི་གཟུགས་ཅན་དེ། ཁྲོ་རྒྱལ་ཆེན་པོར ་ཕྱག་འཚལ་བསྟོད།། ཕྱོགས་མཚམས་སྟེང་འོག་ཁྲོ་བོའི་ཚོགས།། ཐམས་ཅད་དབུ་གསུམ་ཕྱག་དྲུག་སྟེ།། སྐུ་སྨད་ཕུར་པས་གདོན་ཚོགས་འདུལ།། རྣམ་པར་ཐར་པའི་དབུ་གསུམ་ལ།། རྒོད་གཤེ་ཆགས་པ་འཇིགས ་པའི་ཞལ།། གླང་ལྤགས་ཀོ་རློན་སྐུ་ལ་གསོལ།། སྟག་ལྤགས་འབུམ་གྱི་ཤམ་ཐབས་ཅན།། གཡང་གཞི་ཐོད་སྦྲུལ་ཁྲག་ཞག་བརྒྱན།། ཕྱག་དྲུག་མཚོན་ཆས་ཉོན་མོངས་སྒྲོལ། ཁྲོ་མོ་དབང་ཕྱུག་སྐུ་ལ ་འཁྲིལ།། འཇིགས་བྱེད་ཁྲོ་རྒྱལ་ཚོགས་ལ་བསྟོད།། སྤྲུལ་པའི་ཕྲ་མེན་ཚོགས་བཅས་ནི།། ཕྱོགས་བཅུ་ཀུན་ཏུ་ཕོ་ཉར་འགྱེད།། བདུད་དང་བར་ཆོད་སྒྲོལ་བར་མཛད།། ཤིན་ཏུ་འཇིགས་པའི་ཕོ་ཉ་རྣམས།། ལུས་ནི་མ ་ངེས་སྣ་ཚོགས་སྟོན།། ཅིར་ཡང་འགྱུར་བའི་མཚོན་ཆ་བསྣམས།། མ་རུངས་ཤ་ལ་སྟོད་ཅིང་ཟ།། སྒྲོལ་བྱེད་ཚོགས་ལ་ཕྱག་འཚལ་བསྟོད།། བཅོམ་ལྡན་ཐུགས་ཀྱི་སྤྲུལ་པ་ནི།། ཕྱོགས་བཅུ་ཀུན་ཏུ་འགྱེད་པར ་མཛད།། རྣམ་རྟོག་ཉོན་མོངས་ཐམས་ཅད་འཇོམས།། ཐམས་ཅད་བདེ་བའི་ལམ་ལ་འགོད།། རཱུ་ཏྲ་གཏུམ་རྔམས་མ་རུངས་པས།། སེམས་ཅན་ཀུན་ལ་གནོད་པར་བྱེད།། བཅོམ་ལྡན་ཐུགས་ཀྱི་ཕུར་བུ་ཡིས།། དེ་དག ་སྒྲོལ་མཛད་ཕྱག་འཚལ་བསྟོད།། འཇིགས་བྱེད་ཁྲོ་བོའི་ཚོགས་བཅས་ཀྱིས།། ཕྱོགས་སྐྱོང་དྲེགས་པ་ཚར་བཅད་དེ།། སེམས་ཅན་ཐམས་ཅད་བདེ་ལ་བཀོད།། འགྲོ་དོན་མཛད་ལ་ཕྱག་འཚལ་བསྟོད།། ཅེས་ཕྱོགས ་བཅུའི་ཁྲོ་བོའི་ཚོགས་དང་། ཁོར་སྤྲུལ་པའི་ཕྲ་མེན་གྱི་ཚོགས་དང་། འཇིག་རྟེན་དང་འཇིག་རྟེན་ལས་འདས་པའི་འཁོར་ཐམས་ཅད་ཀྱིས་བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ།། རྗེས་སུ་ཡི་རང ་ངོངོ།། ཕུར་པ་ཕྲིན་ལས་ཀྱི་རྒྱུད་ལས། ཟོར་མནན་སྲེག་དང་བསྟོད་པའི་ལེའུ་སྟེ་བཅུ་བཞི་པའོ།། །། ཕུར་པ་ཕྲིན་ལས་ཀྱི་རྒྱུད་ཅེས་བྱ་བ་རྫོགས་སོ།། རྡོ་རྗེ་ཕུར་བུའི་ལས་རྒྱུད་འདི།། ཨུ་རྒྱན་མཁའ་འགྲོའི་གླིང ་དག་ནས།། རྗེ་བཙུན་པདྨ་འབྱུང་གནས་ཀྱིས།། སེམས་ཅན་དོན་དུ་དགོངས་ཏེ་བྱོན།། སྔོན་གྱི་ལས་འཕྲོ་འབྲེལ་བ་ཡིས།། རོང་ཟོམ་གཞོན་བློས་ལོ་ཙྪ་བགྱིས།། དེ་ལས་བྱུང་བའི་བསོད་ནམས་ཀྱིས། ཁམས་གསུམ ་སྙིང་རྗེས་སྒྲོལ་བར་ཤོག། འདིར་ཕྲིན་ལས་ཀྱི་རྒྱུད་ཀརྨ་མཱ་ལེ་རྩ་བའི་རྒྱུད་རྟོག་པ་བཅུ་གཉིས་པའི་རྒྱུད་དང་། རྒུད་ཕྱི་མ་ཟབ་པའི་རྒྱུད་རྣམས་འདིར་གཞུག་པར་བྱའོ།། སིདྡྷི་རསྭཱ།། །། ་