Wylie

e-texts produced with BDRC’s OCR application

གཏན་ལ་ཕབ་པའོ།། སྒྲ་ལོག་ན་རྗེ་བཙུན་མས་བཟོད་པར་གསོལ་ལོ།། །། @#།། རྒྱ་གར་སྐད་དུ། བཛྲ་ཀི་ལི་ཡ་གུ་ཧྱ་མཱུ་ལ་མ་ཧཱ་ཡོ་ག་སཾ་གི་ཏི་ཏནྟྲ་ནཱ་མ། བོད་སྐད་དུ། རྡོ་རྗེ་ཕུར་བུ ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་རྡོ་རྗེ་གཞོན་ནུ་ཁྲོས་པ་ཐམས་ཅད་མཁྱེན་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ ་ལྡན་འདས་བཛྲ་ཀཱི་ལ་ཡ་བདེ་བ་ཆེན་པོ་དེས། དབྱིངས་རྣམ་པར་དག་པའི་ངང་ལས་ཡེ་ཤེས་མ་འགགས་པར་སྣང་བ་ནི། སྐུ་གསུང་ཐུགས་དང་ལྡན་པ། སྣང་བ་ཡུམ་གྱི་བྷ་ག་ཕྱི་མེད་ནང་མེད་ཀུན་ཏུ་གསལ ་བའི་གཞལ་ཡས་ཁང་། ཕྱི་རིན་པོ་ཆེ་འབར་བའི་གཞལ་ཡས་ཁང་། ནང་དུར་ཁྲོད་འཇིགས་པ་གྲུ་གསུམ་མཐིང་ནག་འབར་བའི་གཞལ་ཡས་ཁང་། རྒྱན་སྣ་ཚོགས་དང་ལྡན་པས། རྒྱ་ཕྱོགས་བཅུར ་ཡོངས་སུ་མ་ཆད་པ། འབྱུང་བ་ཡུམ་དང་ལྡན་པའི་གཞལ་ཡས་ཁང་། འོག་མིན་ཆོས་ཀྱི་དབྱིངས། ཐབས་དང་ཤེས་རབ་མ་ཆགས་ཤིང་ཉོན་མོངས་པས་མ་གོས་པའི་གདན་ལ། ཡུམ་འཁོར་ལོ་རྒྱས་འདེབས་མ་དང ་གཉིས་སུ་མེད་པར་བཞུགས་སོ།། ཡབ་ཡུམ་ཐབས་ཤེས་གཉིས་སུ་མེད་པའི་བྱིན་རླབས་ལས་བྱུང་བ་ཡེ་ཤེས་ལྔ་ལས་གྲུབ་པ་རྡོ་རྗེ་འདུས་པ་ལ་སོགས་སྲས་མཆོག་ལྔ་དང་། རོལ་པའི་རྣམ་པར་ཤེས་པ་ལས་གྲུབ ་པའི་ཁྲོ་བོ་བཅུ་དང་། ཡུམ་རྣམ་པར་དག་པ་ལས་གྲུབ་པའི་ཁྲོ་མོ་བཅུ་དང་། བྱང་ཆུབ་སེམས་ཀྱི་བདེ་བ་དཀར་དམར་ཉི་ཤུ་གྲུབ་པའི་ཕྲ་མེན་མ་ཉི་ཤུ་དང་། གཞན་ཡང་སྤྲུལ་པ་དང་ཡང་སྦྲུལ་སུམ་སྦྲུལ་བསམ་མི་ཁྱབ ་པ་དང་། ཁྲོ་བོ་ཀརྨ་ཧེ་རུ་ཀ་དང་། གཞན་ཡང་ས་བཅུའི་བྱང་ཆུབ་སེམ་དཔའ་མང་པོ་དང་། དེ་དག་ལ་སོགས་པ་འཁོར་དུ་དེང་འདུས་པ་ནི། གསང་བའི་རིག་པ་འཛིན་པའི་ཁྲོ་བོ་མང་པོ་དང་། འཇིག་རྟེན་པའི་དྲེགས ་པ་ཅན་ཕོ་མོ་ཁྲོ་བོའི་གཟུགས་འཛིན་པ་མང་པོ་དང་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་བཛྲ་ཀཱི་ལ་ཡས། དབྱིངས་ལས་སྐུའི་ཡེ་ཤེས་སྣང་བ་ཞེས་བྱ་བའི་ཏིང་འཛིན་ལ་སྙོམས་པར་ཞུགས་ཏེ། ཏིང ་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་སྐུའི་གནས་རྣམ་པ་ལྔ་ནས་འོད་ཟེར་ཁ་དོག་རྣམ་པ་ལྔ་བྱུང་སྟེ། ཡེ་ཤེས་གསལ་བ་ཞེས་བྱ་བར་ཕྱོགས་བཅུ་མ་ལུས་མི་ལུས་ཤིང་། ལུས་པར་མི་འགྱུར་བའི་འཇིག ་རྟེན་ཐམས་ཅད་དུ་ཁྱབ་པར་གྱུར་ཏེ། འོད་དེས་འགྲོ་བ་རིགས་དྲུག་གི་ཉོན་མོངས་པ་ཐམས་ཅད་དག་པར་མཛད་དེ། དེ་དག་པས་ཕུར་པ་གཉིས་མེད་ངེས་པ་ཞེས་བྱ་བར་གསལ་བར་གྱུར་ཏོ།། དེ་དག་སླར་འདུས ་པས་སྐུ་ཐམས་ཅད་ཤིན་ཏུ་ཡང་དག་པར་རྫོགས་པར་མཛད་དེ། ཡེ་ཤེས་མ་འགོགས་པ་མ་འདྲེས་པ་ཡོངས་སུ་རྫོགས་པར་མཛད་ནས་སླར་ཉིད་ཀྱི་ཐུགས་ཀར་ཐིམ་མོ།། འཁོར་རྣམས་ཀྱིས་ཀྱང་ཡེ་ཤེས་གཉིས་མེད ་དག་པ་ཕུར་པ་བདེ་བ་ཆེན་པོ་ཞེས་བྱ་བའི་དོན་རྟོགས་པར་གྱུར་ཏོ།། དེ་ནས་བཅོམ་ལྡན་འདས་བཛྲ་ཀི་ལ་ཡས། རང་བྱུང་གི་ཕུར་པའི་དོན་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སེམས་ཅན ་མ་རིག་པའི་དོན་དུ་ཉིད་ཀྱི་སྐུ་གསུང་ཟུགས་རྡོ་རྗེ་ལས་རྡོ་རྗེ་བདེ་བའི་ཚིག་འདི་གསུངས་སོ།། ཨ་ཧོ་བདེ་བ་ཡེ་དག་པའི།། རང་བྱུང་ཕུར་པའི་ངེས་དོན་འདི།། ཐུན་མོངས་མ་ཡིན་ཡེ་དག་པའི།། རྡོ་རྗེ་གཞོན་ནུ ་བདག་ལ་གསལ།། དབྱིངས་དང་ཡེ་ཤེས་ཕུར་བུ་འདི།། གཉིས་སུ་མེད་པ་བདེ་བའི་ཕུར།། ཡེ་ནས་དག་པའི་ཀློང་དཀྱིལ་ན།། མ་འདྲེས་དག་ལས་སོ་སོར་གསལ།། ཞེས་གསུངས་སོ།། དེ་ནས་འཁོར་རྣམས་ཀྱིས ་རང་བྱུང་གི་ཕུར་པ་བདེ་བ་ཆེན་པོའི་དོན་རབ་ཏུ་རྟོགས་ཏེ་རང་རང་གི་དོན་གོ་བ་ཆེན་པོ་རྙེད་པར་གྱུར་ཏོ།། དེ་ནས་སྲས་མཆོག་རྣམ་པ་ལྔས། རྟོགས་པའི་དོན་འདི་གསུངས་སོ།། ཨ་ཧོ་རང་བྱུང་ཕུར་པ ་ཡེ་ཤེས་ལྔར།། གྲུབ་པའི་དོན་ཤེས་བྱང་སེམས་འདི།། ཡེ་ནས་ཡེ་ཤེས་ལྔར་གནས་ཕྱིར།། ཕུར་པ་ཐམས་ཅད་འདི་རུ་ངེས།། ཞེས་གསུངས་སོ།། དེ་ནས་ཧཱུཾ་ཀཱ་ར་ལ་སོགས་པ་ཡབ་ཡུམ་གྱིས་རྟོགས་པ་དོན་གོ་བ་འདི ་གསུངས་སོ།། ཨ་ཧོ་གཉིས་མེད་ཕུར་པ་ཆེན་པོའི་དོན།། རོལ་པའི་སྟོབས་ཀློང་ཕྱོགས་བཅུར་ནི།། ཕུར་པ་ཐམས་ཅད་འདིར་འདུས་པས།། བྱང་ཆུབ་སེམས་ཀྱི་ཕུར་འདིར་ངེས།། ཞེས་གསུངས་སོ།། དེ་ནས་ཕག ་མགོ་ཅན་ལ་སོགས་པའི་ཕྲ་མེན་མ་རྣམས་ཀྱིས་རྟོགས་དོན་འདི་གསུངས་སོ།། ཨ་ཧོ་ཕུར་པ་མ་འགགས་ཆེན་པོའི་དོན།། བྱང་ཆུབ་སེམས་ནི་ཉི་ཤུ་རུ།། མ་ལུས་འདུས་པ་ཆེན་པོའི་དོན།། བྱང་སེམས་ཕུར་པ་འདི ་ངེས་སོ།། ཞེས་གསུངས་སོ།། དེ་ནས་ཀརྨ་ཧེ་རུ་ཀས། རང་གིས་རྟོགས་པའི་གོ་བ་འདི་གསུངས་སོ།། ཕུར་པ་དག་པ་ཆེན་པོ་རྣམས།། མ་ལུས་ཕྲིན་ལས་མཛད་པ་ཡིས།། བྱང་ཆུབ་སེམས་སུ་རབ་འདུས་པས།། རྡོ་རྗེ ་ཕྲིན་ལས་འདི་ངེས་པའོ།། ཞེས་གསུངས་སོ།། དེ་ནས་འཁོར་དྲེགས་པ་ཅན་མང་པོས་རང་བྱུང་གི་དོན་ངེས་པར་རིག་ནས། གཞི་ཇི་བཞིན་པའི་ཕུར་བུ་ལ། བློ་ཇི་བཞིན་པའི་དོན་གཞག་ཐབས་ངེས་པར་རབ་ཏུ་ཤེས ་པར་གྱུར་ཏོ།། དེ་ནས་ཡང་གཙོ་བོ་ཡབ་ཡུམ་ལ་སོགས་པ་རྣམས། གསང་བ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་གྱུར་ཏེ་བདེ་བའི་རོལ་པ་མཛད་ནས། གཉིས་སུ་མེད་པའི་བྱང་ཆུབ་སེམས་བདེ ་བཔབ་ཆེན་པོའི་དགའ་བ་ཉམས་སུ་མྱོང་ནས། བུམ་པ་ཆུས་གང་བ་བཞིན་དུ་བྱང་ཆུབ་ཀྱི་སེམས་ཀྱིས་ནམ་མཁའ་ཐམས་ཅད་དཀར་ལྡེམ་གྱིས་གང་བར་གྱུར་ཏོ།། དེ་དག་སླར་རང་རང་གི་བདེ་བའི་གནས་སུ་ཐིམ་སྟེ། ་རང་རང་གི་བྱང་ཆུབ་སེམས་བདེ་བ་འདི་གསུངས་སོ།། ཨེ་མ་ཧོ་རང་བྱུང་བདེ་བ་ཆེན་པོའི་དོན།། ཕུར་པ་བྱང་སེམས་ཆེན་པོ་སྟེ།། སྣང་བ་མ་ལུས་ཐམས་ཅད་སེམས།། ཐམས་ཅད་དེ་ལས་མ་གཡོས་པས།། བྱང་ཆུབ ་སེམས་ནི་ངེས་པར་འགྲུབ།། ཅེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས་གླེང་གཞི་དང་ཕུར་བུ་ངེས་པར་བཀོད་པའི་ལེའུ་སྟེ་དང་པོའོ།། །། དེ་ནས་ཕྲིན་ལས ་ཀྱི་བདག་པོ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀི་ལི་ཡ་ལ་འདི་སྐད་ཅེས་གསོལ་ཏོ།། ཨེ་མ་ཧོ།། རང་བྱུང་ཕུར་བུའི་དོན་བསྟན་པ།། འདི་ནི་རབ་ཏུ་ངེས་པ་སྟེ།། འདི་ལ་ཐ་སྙད་ལས་བཏགས་པའི།། ཕུར་པ ་ངེས་པ་དུ་རུ་བཤད།། ཅེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས། ཕུར་པའི་རྣམ་གྲངས་རྣམ་པར་ངེས་པ་གསལ་བར་འབྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས ་བཀའ་སྩལ་ཏོ།། ཨེ་མ་ཧོ། ཉོན་ཅིག་ཀརྨ་ཧེ་རུ་ཀ། རང་བྱུང་ཕུར་བུ་དོན་ངེས་པའི།། རྣམ་གྲངས་དབྱེ་བ་ངས་བཤད་དོ།། ཕུར་པ་རང་བྱུང་ངེས་པ་ལ།། དབྱེ་ན་རྣམ་པ་བཞི་ཡིན་ཏེ།། རང་རིག་ཡེ་ཤེས ་ཕུར་པ་ཡིས།། ཡུལ་ཆོས་དབྱིངས་ལ་གདབ་པ་དང་།། ཐུགས་རྗེ་ཆེན་པོའི་ཕུར་པ་ཡིས།། ཁམས་གསུམ་སེམས་ཅན་གདབ་པ་དང་།། གསང་བ་བྱང་སེམས་ཕུར་པ་ཡིས།། ཡུམ་གྱི་མཁའ་ལ་གདབ་པ་དང་།། མཚན ་རྫོགས་རྫས་ཀྱི་ཕུར་པ་ཡིས།། ཉམས་པ་བདུན་ལ་གདབ་པའོ།། དེ་དག་རང་རང་གདབ་ཐབས་དང་།། སྐྱོན་ཡོན་ཐེབས་ཚད་ཤེས་པ་ན།། ཕུར་པ་ངེས་པར་འགྲོལ་བ་ཡིན།། ཡང་ན་གསུམ་དུ་ངེས་པ་ཡིན།། དབྱིངས ་དང་ཡེ་ཤེས་བདེ་བའི་དོན།། གདལ་བ་ཆོས་ཉིད་ཕུར་པ་དང་།། ཁྱབ་པའི་ཡེ་ཤེས་ཕུར་པ་དང་།། གཉིས་མེད་བདེ་བ་ཆེན་པོ་ཕུར།། དེ་ཡི་ངེས་དོན་རྟོགས་ཤེས་ན།། ཕུར་པའི་དོན་རྣམས་དེར་ངས་བཤད།། ཡང་ན ་དོན་དམ་ཕུར་པ་དང་།། ཀུན་རྫོབ་ཕུར་པ་གཉིས་ཡིན་ཏེ།། དམིགས་མེད་ཡེ་ཤེས་དག་པ་དང་།། སྣང་བ་འཁྲུལ་པར་ངེས་པ་ཡིས།། གཉིས་སུ་མེད་པར་ཀུན་འདུས་ཏེ།། ཤེས་རབ་གསུམ་ལྡན་མཁས་པས ་དཔྱད།། དེ་ལ་སོགས་པའི་ཕུར་པ་ནི།། ཐ་སྙད་ཕྱིར་ན་ངེས་པ་ཡིན།། དོན་ལ་ཕུར་བུ་གང་ཡང་མེད།། ཕུར་པའི་ངོ་བོ་ངེས་ཚིག་དང་།། དབྱེ་བ་ལ་སོགས་མང་པོ་རྣམས།། ཀུན་ལ་རབ་ཏུ་ཤེས་པར་བྱ།། ཐམས་ཅད ་མ་ལུས་ཕུར་པ་ཡིན།། ཡེ་ནས་གནས་པས་བཅོས་སུ་མེད།། རྟོག་པ་མེད་པས་བདེ་བ་ཡིན།། མཐུན་གཉིས་ཀུན་རྫོབ་མི་སྤང་ངོ་།། གཏན་ཚིགས་བསྒྲུབ་བྱ་ངེས་པར་བཤད།། དོན་ལས་སངས་རྒྱས་ཕུར་བུ ་དང་།། སེམས་ཅན་ཕུར་བུ་གཉིས་མེད་དེ།། བཙལ་དུས་ཁྱབ་བྱ་ཁྱབ་བྱེད་ཀྱིས།། ཕུར་པ་ངེས་པར་རབ་ཏུ་བཙལ།། ཕུར་བུའི་ངེས་དོན་དག་པ་ཡང་།། ལྷངས་ཀྱིས་རྟོགས་ན་ཐེབས་པ་ཡིན།། གཉིས་སུ་མེད་ན་སྦྱོར ་བ་ཡིན།། མཚན་མ་བྲལ་ན་བརྗོད་དུ་མེད།། ནམ་མཁའ་ཆོས་ཉིད་སེམས་ཉིད་ཕུར།། གཉིས་མེད་ཕུར་བུ་མྱ་ངན་འདས།། ཞེས་གསུངས་སོ།། རྡོ་རྗེ་ཕུར་བུ་རྩ་བའི་རྣལ་འབྱོར་ཆེན་པོ་ཡང་དག་པའི་རྒྱུད་ལས། གླེང ་བསླང་བ་དང་ཕུར་པའི་རྣམ་གྲངས་རྣམ་པར་བཤད་པའི་ལེའུ་སྟེ་གཉིས་པའོ།། །། དེ་ནས་ཡང་ཀརྨ་ཧེ་རུ་ཀ། བཅོམ་ལྡན་འདས་བཛྲ་ཀཱི་ལི་ཡ་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀཱི་ལ་ཡ།། རྡོ་རྗེ ་ཞེས་ནི་གང་ལ་བགྱི།། ཕུར་པ་ཞེས་ནི་གང་ལ་བགྱིས།། དགོངས་པ་ཞེས་ནི་གང་ལ་བགྱི།། རྒྱུད་ཀྱིས་བྱ་བ་ཇི་ལྟ་བུ།། ཆེན་པོ་ཞེས་ནི་གང་ལ་བགྱི།། དེ་ལ་སོགས་པའི་ངེས་པ་རྣམས།། གཙོ་བོས་བདག་ལ་བཤད་དུ ་གསོལ།། ཞེས་གསོལ་བ་དང་། དེ་ནས་བཅོམ་ལྡན་འདས་བཛྲ་ཀཱི་ལ་ཡས། ཐ་སྙད་ཐམས་ཅད་རྣམ་པར་ངེས་པ་ཞེས་བྱ་བའི་ཏིང་འཛིན་ལ་སྙོམས་པར་ཞུགས་ཏེ། འདི་སྐད་ཅེས་བཀའ་སྩལ་ཏོ།། ཨེ་མ་ཧོ། ཉོན་ཅིག ་ཀརྨ་ཧེ་རུ་ཀ། ཐུགས་རྗེ་ཆེན་པོ་ལྡན་པ་ཡིས།། ཁྱོད་ཀྱི་འདོད་པ་ངས་བསྐོང་ངོ་།། རྡོ་རྗེ་གཉིས་སུ་མེད་པ་སྟེ།། མི་འགྱུར་ཆོས་ཀྱི་སྐུ་རུ་བཤད།། ཕུར་པ་ཡེ་ཤེས་གཉིས་མེད་དོན།། དབྱིངས་དང་ཡེ ་ཤེས་འབྲེལ་བར་བཤད།། གསང་བ་རྣམ་པ་གསུམ་ཡིན་ཏེ།། ཕྱི་ནང་གསང་བས་གསང་བ་སྟེ།། རྒྱ་རུ་འདེབས་པ་ངས་བཤད་དོ།། དགོངས་པ་སངས་རྒྱས་དགོངས་པ་སྟེ།། དབྱིངས་ལས་གང་འདོད་སྐོང་བར ་བྱེད།། རྣལ་འབྱོར་མ་བཅོས་བློ་ལའོ།། རྒྱུད་ནི་ཐམས་ཅད་འབྲེལ་བས་ཏེ།། དོན་དམ་ཀུན་རྫོབ་ཕུར་བུར་འབྲེལ།། ཆེན་པོ་གཞན་ལས་ཁྱད་པར་འཕགས།། ལྟ་བ་སྤྱོད་པ་ཕྲིན་ལས་དང་།། དམ་ཚིག་ཡེ་ཤེས་ལ ་སོགས་འཕགས།། བཅོམ་པ་གཟུང་འཛིན་གཉིས་བཅོམ་སྟེ།། ལྡན་པ་དབྱིངས་དང་ཡེ་ཤེས་ལྡན།། རྡོ་རྗེ་གང་ཡང་གཉིས་མེད་དེ།། ངེས་པའི་ཕུར་པ་ཀུན་རྟོགས་རྒྱའོ།། ཞེས་གསུངས་སོ།། རྡོ་རྗེ་ཕུར་པ་གསང་བའི ་རྩ་བ་རྣལ་འབྱོར་ཆེན་པོའི་རྒྱུད་ལས། ངེས་ཚིག་བཤད་པའི་ལེའུ་སྟེ་གསུམ་པའོ།། །། དེ་ནས་འཇིག་རྟེན་པའི་དྲེགས་པ་ཆེན་པོ་རྟོགས་པ་རང་རྒྱུད་པ། བདེན་པའི་དོན་མ་མཐོང་བ། དུག་ལྔ་རང་གར་སྤྱད་པའི ་ཉེས་པ་ཡིས། ལུས་ཤིན་ཏུ་འཇིགས་པ་རྒྱུ་དང་རྐྱེན་གྱིས་གོལ་བའི་རཱུ་ཏྲ་ཆེན་པོ་དེས། འདོད་ཁམས་ཀྱི་ལྷ་མན་ཆད་དབང་དུ་བསྡུས་ནས་ལམ་ལོག་པ་ལ་འགོད་ཅིང་སྲོག་གཅོད་པར་བྱེད་དོ།། དེའི་འཁོར་དུག་ལྔ ་ལས་གྲུབ་པའི་ལྷ་ཆེན་པོ་ལྔ་དང་། མི་དགེ་བ་བཅུ་ལས་གྲུབ་པའི་ཕྱོགས་སྐྱོང་བཅུ་དང་། དམ་སྲི་དམར་པོ་ཞེས་བྱ་བ་དང་། གཞན་ཡང་དྲེགས་པ་ཅན་ཕྲ་མེན་གྱི་གཟུགས་འཛིན་པ་མང་པོས། སེམས་ཅན་མང ་པོའི་སྲོག་གཅོད་ཅིང་ལོག་པའི་དོན་ལས་བཀོད་ཅིང་། རང་རང་གི་གནས་སུ་དུར་ཁྲོད་ལྟ་བུ་དུག་ལྔའི་རྟེན་ཅན་གནས་སོ།། དེ་ནས་ཀརྨ་ཧེ་རུ་ཀས། དེ་ལྟ་བུའི་དོན་ལོག་པ་མཐོང་ནས། བཅོམ་ལྡན་འདས་བཛྲ་ཀཱི་ལ ་ཡ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་བཛྲ་ཀཱི་ལ་ཡ། འཇིག་རྟེན་ལོག་པའི་སེམས་ཅན་འདི།། རྒྱུ་དང་རྐྱེན་ལས་རང་གར་འཁྲུལ།། དུག་ལྔ་རྟོག་པའི་ལས་བྱས་པས།། རྒྱུ་མཐུན་འབྲས་བུ ་འཇིགས་པའི་གཟུགས།། ཤིན་ཏུ་ཁྲོ་གཏུམ་གདུག་པ་ཡིས།། འདོད་པའི་ཁམས་སོགས་དབང་བསྡུས་ནས།། སྲོག་གཅོད་ལོག་པ་ལ་སྡུད་པ།། མ་བཏུལ་ཉེས་པ་གཉིས་སུ་འགྱུར།། བཏུལ་ན་ཡོན་ཏན་མང་པོ་སྟེ།། དེ ་བཞིན་གཤེགས་པ་མང་པོ་ཀུན།། ཡེ་ཤེས་འཁོར་ལོ་སྤྱན་དྲངས་ལ།། གདུག་པ་ཁྲོ་གཏུམ་གདུལ་བར་བྱ།། ཞེས་གསུངས་སོ།། དེ་ནས་བཅོམ་ལྡན་འདས་བཛྲ་ཀཱི་ལི་ཡས། དྲེགས་པ་ཡེ་ཤེས་ཆེན་པོས་འདུལ་བ་ཞེས་བྱ ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། བདག་རྟོག་ཞེ་སྡང་ལས་འཁྲུལ་པ།། ཤིན་ཏུ་འཇིགས་པའི་རཱ་ཏྲ་འདིས།། སྔོན་ཡང་བསྐལ་པ་རེ་རེ་ལ།། བར་ཆོད ་སྲིན་པོར་གྱུར་པ་སྟེ།། འདི་མ་བཏུལ་ན་སེམས་ཅན་དག། ཐམས་ཅད་མ་ལུས་དམྱལ་བར་འགྲོ།། སངས་རྒྱས་ཀུན་གྱི་དཔུང་བཟློག་ལ།། ཤེས་རབ་ཐབས་སྦྱོར་ཆེན་པོ་ཡིས།། དེ་བཞིན་གཤེགས་པ་ཁྲོ ་བོཔོ་བྱའོ།། ངང་ཉིད་པ་ཡི་ཆོས་དབྱིངས་ལས།། སངས་རྒྱས་ཀུན་གྱི་ཡེ་ཤེས་སྐུ།། འགྱུར་མེད་ཡེ་ཤེས་དག་པ་སྟེ།། ཡེ་ཤེས་ཁྲོ་བོ་གཤེགས་གསོལ་ནས།། འཁོར་བའི་སྐུ་དབྱིག་རབ་བསྐྱེད་བྱ།། སྲིད་པ་རྡོ་རྗེ་རབ ་བསྒྲུབ་སྟེ།། སྲིད་པ་རྡོ་རྗེ་ཕུར་པའི་ལྷ།། ཡེ་ཤེས་ཁྲོ་བོ་སྒྲུབ་པར་བྱེད།། འབར་བའི་ཁྲོ་བོ་མི་བཟད་པས།། རྟགས་དང་མཚན་མ་རབ་ཏུ་བསྟན།། ཁོ་ལ་ཕུར་པའི་དངོས་གྲུབ་སྦྱིན།། ཞེས་གསུངས་ཏེ། ཞི་བའི་བདེན ་པས་ཡང་ནས་ཡང་དུ་བཏུལ་བས་མ་ཐུལ་ཏེ། ཁྲོ་བོས་འདུལ་བར་དགོངས་ནས། བཅོམ་ལྡན་འདས་བཛྲ་ཀཱི་ལ་ཡས། ནམ་མཁའ་བཀང་བའི་དེ་བཞིན་གཤེགས་པ་ཐམས་ཅད་རིགས་ལྔར་བསྡུས་ཏེ། བདག་གི་ལྷ ་དང་གཉིས་སུ་མེད་པར་སྦྱོར་བར་མཛད་དེ། སྐུ་འཇིགས་པའི་ཁྲོ་བོ་མང་པོ་བྱུང་ནས། ཁྲོ་བོ་འཇིགས་པའི་གླིང་ཁམས་སུ་བྱོན་ནས། ཡུམ་ལ་རོལ་པར་མཛོད་དོ།། འདོད་པའི་ཉེས་པ་མང་པོ་ཡང་གསོལ་ནས་བཞུགས ་པ་ལས། རུ་ཏྲ་ལོག་ནས་རང་རང་གིས་གནས་ཁང་དུ་ཕྱིན་པ་དང་། རང་ལས་ལྷག་པའི་ཁྲོ་བོ་སྔར་མ་མཐོང་བ་འདུག་པར་མཐོང་ནས། ཤིན་ཏུ་དངངས་ཏེ་ང་རྒྱལ་སྐྱེས་སོ།། དེ་ནས་བཛྲ་ཀཱི་ལ་ཡས་ཤིན་ཏུ་ཡང ་འཇིགས་པའི་སྦྱོར་བ་མཛད་དེ་གསུངས་པ། དམ་ཚིག་ཆེན་པོའི་དུས་ལ་བབ།། སྤྲུལ་པ་ཆེན་པོའི་དུས་ལ་བབ།། ཕྱག་བརྙན་ཆེན་པོའི་དུས་ལ་བབ།། བྱང་ཆུབ་མཆོག་ཏུ་སེམས་བསྐྱེད་པའི།། དུས་གསུམ་རྒྱལ་བའི ་སྐུར་སྤྲུལ་པ།། རིག་འཛིན་ངེས་པ་མང་པོ་ལ།། དངོས་གྲུབ་འཕྲོག་པར་བྱེད་པ་ཡི།། རཱ་ཏྲ་རྟགས་པའི་རྒྱལ་པོ་འདི།། ཁྲོ་བོ་ཆེན་པོའི་བྱིན་བརླབས་ཀྱིས།། ཡུད་ཙམ་གྱིས་ནི་རབ་ཕོབ་ལ།། སྡུག་བསྔལ་ཉམས་སུ་མྱོང ་བར་གྱིས།། ཞེས་གསུངས་ནས།། ཨོཾ་བཛྲ་ཀཱི་ལི་ཀི་ལ་ཡ་སརྦ་བིགྷྣཱཾ་བཾ་ཧཱུཾ་རཱུ་ཏྲ་མཱ་ར་ཡ་ཕཊ།། ཅེས་གསུངས་པས། ཁོ་ཡང་ཀཱི་ལ་ཡའི་སྦྱོར་བས་དཔའ་བོ་འདྲ་བའི་གཟུགས་འཇིགས་པར་སྤྲུལ་ཏོ།། དེ་ནས་ཉིད་ཀྱིས ་བཛྲ་ཀཱི་ལ་ཡ་ཧེ་རུ་ཀ་མ་ཧཱ་བཛྲ་ཞེས་གསུངས་པས། དབུ་དགུ་ཕྱག་བཅོ་བརྒྱད་པར་སྤྲུལ་ཏེ། དེས་ཕྱག་མཚན་ཡང་ཕྲོགས་ཏེ། འདི་སྐད་ཅེས་གསུངས་སོ།། དངོས་གྲུབ་པར་གཅོད་རཱུ་ཏྲ་འདིས།། གདུག་ཅིང་སྡང ་སེམས་ལྡན་པས་ན།། ཟུང་ཞིག་ཆིངས་ཤིག་རྣམ་པར་ཆིངས།། གཏོགས་ཤིང་གྲོགས་དང་ཕྲལ་བར་གྱིས།། རེངས་པར་ཁུག་ལ་སྨྲར་ཆུག་ཅིག། ཕོབ་ཅིག་རྣམ་པར་གཟིར་བར་གྱིས།། ལུས་ངག་རྡུལ་དུ་བརླག་པར ་བྱའོ།། དཔའ་བོ་རྡོ་རྗེའི་ཞལ་དུ་རྔུབས།། ཞེས་གསུངས་ཏེ། སྔགས་དྲུག་རིམ་པས་གསུངས་ཏེ། ཐ་མས་ཞལ་དུ་རྔུབས་སོ།། རྔུབས་པས་ཁོ་བདེ་བའི་རྒྱུ་རྐྱེན་གྱིས་བདེ་བ་ཉམས་སུ་མྱོང་བ་ལ། སྣམ་ནས་བཏོན་པས ་གསོལ་པ། དཔའ་བོ་ཐུགས་རྗེ་ངེས་པར་ཆུང་།། བདག་ཉིད་བདེ་ལྡན་ལས་ལས་ཟློག། དེ་རིང་ཕན་ཆད་འབངས་སུ་མཆི།། ཁྱོད་ཀྱི་ཐབས་ཀྱི་སྤྱོད་པ་ཡིས།། སངས་རྒྱས་ཕྲིན་ལས་རྫོགས་པར ་མཛད།། ཚད་མེད་བཞི་ཡི་གང་རིགས་པར།། བདག་ལ་དབང་དང་བྱིན་རླབས་སྩོལ།། ལུས་པོ་སྒྲིབ་སྦྱངས་གདན་དུ་དབུལ།། ཞེས་གསོལ་པས། བཛྲ་ཀཱི་ལ་ཡས། དམ་ཚིག་ཆེན་པོའི་ཕྱག་རྒྱ་བསྟན་ཏེ་ས་མ་ཡ་ཧཱུཾ་ཞེས ་གསུངས་ཏེ་བཀའ་སྩལ་པ། ང་ཡི་དབང་དུ་གྱུར་ནས་ནི།། བསྒོ་བའི་བཀའ་རྣམས་ཉན་པར་གྱིས།། སྙིང་རྗེས་ཁྱོད་བསྒྲལ་དམ་ཚིག་ནི།། གསད་གནན་བྱ་བ་མ་ཡིན་ཏེ།། ཕུང་པོ་རྡོ་རྗེར་གཏམས་བྱས་ལ།། ང་ཡི་རྣམ ་ཤེས་རྡོ་རྗེར་བསྐྱོད།། ཅེས་གསུངས་ནས། གཟུགས་ཀྱི་ཕུང་པོ་གདན་དུ་བྱས།། ཕུང་པོ་ལྔ་ལྟར་བསྐྱེད། རྣམ་པར་ཤེས་པ་མྱ་ངན་ལས་འདས་པར་མཛད་དོ། དེ་བཞིན་དུ་ཡུམ་གྱིས་ཁོའི་ཆུང་མ་བཏུལ་ལོ།། ཁོའི ་འཁོར་ལྷ་ཆེན་པོ་ལྔ། སྲས་མཆོག་ལྔས་འདུལ་བ་ནི། གདུག་ཅིང་སྡང་སེམས་ལྡན་པ་ཡི།། ལྷ་ཆེན་ཉི་ཟླ་ལ་སོགས་པ།། མཐུ་དང་རྫུ་འཕྲུལ་མེད་པར་བྱོས།། ཉོན་ཅིག་བགེགས་དང་ལོག་འདྲེན་ཚོགས།། ངེད་ཀྱི ་བཀའ་ལས་འདའ་མ་བྱེད།། ཅེས་གསུངས་ནས། རང་རང་གི་སྔགས་ཀྱིས་ཕྱོགས་སྐྱོང་བཅུ་བཏུལ་ལོ།། དེ་ནས་ཀརྨ་ཀཱི་ལ་ཡས། དམ་སྲི་དམར་པོ་ཆོས་ལ་སྐུར་པ་འདེབས་པའི་ངག་འཁྱལ་པར་སྨྲ་བར་བྱེད་པ་ལ ་གསུངས་པ་ནི། རྡོ་རྗེ་གསང་བའི་བཀའ་ལས་ནི།། སྡིག་ཅན་གང་ཞིག་འདའ་བྱེད་པ།། ཁྲོ་བོ་ཆེན་པོ་ང་ཡིས་ནི།། ཀླད་པ་ཚལ་པ་བརྒྱ་རུ་འགས།། ཞེས་གསུངས་ནས། ཁྲོ་བོ་སྟོབས་ཆེན་གྱི་སྔགས་འདིས་བསྒྲལ་ནས།། ་ལུས་པོ་གཞལ་ཡས་ཁང་གི་རྐྱེན་བྱས་ནས་སེམས་བདེ་བ་ལ་བཀོད་དོ།། དེ་ནས་ཕྲ་མེན་མ་རྣམས་ཀྱིས་རཱུ་ཏྲའི་འཁོར་འདུལ་བར་གསུངས་པ་ནི། གདུག་ཅིང་སྡང་སེམས་བྱེད་པའི་འཁོར།། བཀའ་ལས་འདའ་བའི ་ལོག་འདྲེན་འདི།། རྡོ་རྗེ་མེ་དཔལ་སྙིང་བསྲེགས་ནས།། ལུས་ངག་རྡུལ་ཕྲན་བཞིན་དུ་བརླག། ཅེས་གསུངས་ནས། རང་རང་གི་སྔགས་ཀྱིས་མང་པོ་བཏུལ་ལོ།། དེ་དག་ཀུན་བསྒྲལ་ནས། བྱང་ཆུབ་སེམས་སངས ་རྒྱས་སུ་ལུང་བསྟན་ནོ། དེ་དག་གི་ལུས་གདན་དུ་བྱས་ཏེ། ཆོས་ཀྱི་དབྱིངས་ཀྱི་ཕོ་བྲང་རྣམ་པར་འཕྲུལ་པ་མཛད་དོ།། དེ་ནས་བཅོམ་ལྡན་འདས་ཀྱི་ཆེད་དུ་བརྗོད་པ་འདི་གསུངས་སོ།། ཨེ་མ་ཧོ། སངས་རྒྱས་ཐམས ་ཅད་བདག་ལས་འཁྲུངས།། དེ་ནི་རྨོངས་དང་སྡང་ལས་འཁྲུངས།། ང་རྒྱལ་ཕྲག་དོག་བདག་ལས་འཁྲུངས།། གཉིས་མེད་རྟོགས་པས་རབ་ཤེས་ན།། འདི་ནི་ཆོས་ཉིད་བདེན་པར་གསུངས།། གསང་སྔགས་བྱིན་རླབས ་སངས་རྒྱས་མཐུ།། འདི་དག་བསྒྲལ་བའི་དུས་ཡིན་ཏེ།། དེ་དག་བསྒྲལ་ནས་སངས་རྒྱས་འགྲུབ།། འདི་དག་རྒྱལ་བྱེད་དཔའ་བོ་སྟེ།། ལྷག་མས་རོ་ལ་གསོད་པ་ཡིན།། ཉམས་པའི་ནང་ནས་ཉམས་པའི་མཆོག། འདིས ་ནི་ཉམས་པ་བརྒྱད་ཡིན་ཏེ།། གཅིག་ནི་ཅིར་ཤེས་ཉམས་པ་བདུན།། ཡིན་པར་ངས་གསུངས་ངེས་པ་ཡིན།། འདི་ཡང་རྣམ་པར་འཕྲུལ་པ་སྟེ།། རྗེས་འཇུག་རྣམས་ཀྱིས་དེ་བཞིན་དུ།། ཉམས་སུ་བླངས ་ནས་སངས་རྒྱས་འགྲུབ།། ཅེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། དྲེགས་པ་བཏུལ་བའི་ལེའུ་སྟེ་བཞི་པའོ།། །། དེ་ནས་འཇིག་རྟེན་གྱི་ཁམས་འདི ་ན། དྲེགས་པ་ཅན་གནས་པ་ནི། འདི་ལྟ་སྟེ། བདུད་ནག་པོ་ཡབ་ཡུམ་རོལ་པའི་སྲས། ལྷ་མོ་ནག་མོ་རེ་ཝ་ཏི་མཆེད་བཞི་དང་། དེའི་མིང་པོ་མ་ཧཱ་ཀ་ལ་སྟེ། དེ་དག་རི་རབ་ཀྱི་བྱང་ཤར་ན། མཚོ་མུ་ལེ་དིང་གི་ནང་ན།། ་ལྕགས་མཁར་ནག་པོའི་ནང་དུ་དུག་ལྔའི་རྟེན་ཅན་ཤིན་ཏུ་དྲེགས་པར་གནས་སོ།། གནོད་སྦྱིན་ཟངས་ཏོག་གི་རྒྱལ་པོ་ཡབ་ཡུམ་རོལ་པའི་སྲས། བསེ་མོ་བཞི་དང་མིང་པོ་བསེའི་སྐྱེས་བུ་གདུག་པ་ཅན་བཞི་ནི། རི་རབ ་ཀྱི་ལྷོ་ནུབ་མཚམས་ན། བསེ་མཚོ་མེར་བའི་དབུས་ན་བསེ་མཁར་སྨུག་པོ་དུག་ལྔའི་རྟེན་ཅན་ཡོད་དོ།། སྲིད་པ་ཕྱ་ཧེ་ལེ་ཡབ་ཡུམ་བཤོས་པའི་སྲས། ཤོ་ན་མུ་ཁ་མཆེད་བཞི་དང་། མིང་པོ་ཤེལ་གིང་དཀར་པོ་སྟེ། རི ་རབ་སྟེང་ན་དུག་མཚོ་མེར་བ་དང་། དུང་མཁར་དཀར་པོའི་ནང་ན་དུག་ལྔའི་རྟེན་ཅན་ཡོད་པ་དེ་ན། དྲེགས་པ་ཅན་ཡང་དག་པར་གནས་སོ།། གཞན་ཡང་འཇིག་རྟེན་གྱི་མ་བདུན་དང་སྲིན་མོ་བཞི་དང་། དྲེགས་པ ་ཅན་ཆེན་པོ་དྲུག་དང་། འཇིག་རྟེན་པ་མང་པོ་གཞན་གྱི་སྲོག་འཕྲོག་ཅིང་། དྲེགས་པའི་དོན་དང་ལྡན་པར་གནས་སོ།། དེ་ནས་ཀརྨ་ཧེ་རུ་ཀས་དོན་དེ་ལྟ་བུ་གཟིགས་ནས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད ་ཅེས་གསོལ་ཏོ།། ཀྱེ་ཀྱེ་བཅོམ་ལྡན་བཛྲ་ཀཱི་ལ་ཡ།། དཔའ་བོ་ཆེན་པོ་ཐུགས་རྗེ་ཅན།། འཇིག་རྟེན་དྲེགས་པ་ཆེན་པོ་རྣམས།། རང་རང་ཆེས་ཆེར་གྱུར་དྲེགས་པས།། སེམས་ཅན་མ་ལུས་སྲོག་གཅོད་ཅིང་།། དུག་ལྔས ་བརྒྱལ་ནས་གནས་པ་འདི།། ཐུགས་རྗེས་རབ་བཏུལ་ལས་བྱེད་ཆུག། འདི་རྣམས་སངས་རྒྱས་བསྟན་པ་བསྲུང་།། དམ་ཅན་རྣམ་གསུམ་ངེས་པ་ནི།། བྱས་ལ་ཡེ་ཤེས་བདེ་ལ་བཀོད།། ཅེས་གསོལ་པ་དང་། བཅོམ ་ལྡན་འདས་ཀྱིས་དམ་ཅན་གནང་ལ་རབ་ཏུ་འབེབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ།། འདི་སྐད་ཅེས་གསུངས་སོ།། ཉོན་ཅིག་ཀརྨ་ཧེ་རུ་ཀ། དྲེགས་པ་ཚོ་གསུམ་མིང་སྲིང་འདི།། བར་དུ་ཐུགས ་རྗེས་གདུལ་བར་བྱ།། མ་བཏུལ་དྲེགས་པ་དམྱལ་བར་འགྲོ།། བཏུལ་ལ་སངས་རྒྱས་བསྟན་པ་ནི།། རབ་ཏུ་བསྲུངས་པའི་ལས་བྱེད་གཞུག། ཅེས་གསུངས་ཏེ། ཨོཾ་བཛྲ་ཀཱི་ལི་ཀཱི་ལ་ཡ། བི་ཤྭ་ཀྲོ་དྷ་བྷ་ཏ་མ་མ་སརྦ ་བིགྷྣཱཾ་བཾ་ཧཱུཾ་ཕཊ། ཅེས་པ་དང་ཉིད་ཀྱི་ཐུགས་ཀ་ནས་སྲས་མཆོག་ཞལ་གཅིག་ཕྱག་གཉིས་པ། ཕྱག་ན་མཚོན་ཆ་སྣ་ཚོགས་ཐོགས་པ་མང་པོ་ཐོན་ཏེ། དེས་དྲེགས་པ་མང་པོ་རང་དབང་མེད་པར་བཀུག་སྟེ། བཅོམ་ལྡན ་འདས་ཀྱི་སྤྱན་སྔར་འོང་བ་དང་། བཅོམ་ལྡན་འདས་ཀྱིས་བཛྲ་ཨཱ་ཀཪྵ་ཡ་ནན། ཞེས་གསུངས་པས་ཐམས་ཅད་ཞབས་འོག་ཏུ་བཅུག་ནས། སརྦ་བིགྷྣཱཾ་མ་མ་ཧཱུཾ། ཞེས་གཟིར་བས། ཤིན་ཏུ་ཉམ་ཐག་པའི ་སྒྲ་ཕྱུང་སྟེ། བཅོམ་ལྡན་ལ་འདི་སྐད་ཅེས་གསོལ་ཏོ།། ཨེ་མ་ཧོ་དཔའ་བོ་ཐུགས་རྗེ་ཅན།། ཐུགས་རྗེ་ཆུང་བས་བདག་ཅག་གཟིར།། རང་རང་ཟས་སྐལ་སྲོག་གཅོད་ལགས།། དེ་རིང་ཕན་ཆད་ཁྱེད་ཉིད་ཀྱི།། འབངས ་མཆི་བདག་ཅག་རྣམས་ལ་ནི།། དཔའ་བོས་འབངས་རྣམས་ཡང་དག་རྩོལ། ཁོ་བོ་ཅག་ལ་འཚལ་སྐལ་གསོལ།། ཁྱོད་ཀྱི་དགོས་འདོད་བདག་ཅག་གིས།། རབ་ཏུ་ཡང་དག་བསྐང་བར་བྱ།། ཞེས་ཞུས་པས། དཔའ ་བོས་དམ་ཚིག་གི་ཕྱག་རྒྱ་དང་། ཟིལ་གྱི་གནོན་པའི་ཕྱག་རྒྱ་བསྟན། བདུད་རྩི་ལྕེ་ལ་བྱིན། རྡོ་རྗེ་ཕུར་བུ་ལག་ཏུ་གཏད། མིང་སོ་སོར་བཏགས་ཏེ་གསང་བའི་དབང་བསྐུར། ངན་སོང་གི་ཆོས་མང་པོ་ལས་བཟློག་པའི ་དོན་བསྟན་ཆོས་ཉིད་ཡང་དག་པའི་ཡེ་ཤེས་ཀྱང་བསྟན་ཏེ། དེ་རྣམས་ཀྱིས་རིག་པའི་མེ་ཏོག་ཏུ་སྲོག་སྙིང་འབུལ་བ་ནི་འདི་ལྟ་སྟེ། ནག་མོས་ཕུལ་བ། མ་ཐ་མ་ཐ་བཛྲ་ཏྲག་རཀྵ་མ་ཏི་ཧེ་དུན་བྷྱོ། ་མ་ཧཱ་ཡཀྵ་ཏཱིཀྵ་ནག་མོ་ཧེ་དུན་བྷྱོ། ཞེས་པ་དང་། གཞན་ཡང་རང་རང་གི་སྔགས་མང་པོ་ཕུལ་ལོ།། བསེ་མོས་ཕུལ་བ། ཀ་ཏང་ཀ་ཡེ་ཛ་ཡེ་བི་ཛ་ཡེ་ཨ་ཛི་ཏེ། ཨ་པ་ར་ཛི་ཏ་སུ་ཁཱི་བྷ་ར་བྷ་ཡ་ཙིཏྟ་ཡོ་གཱི་ཤྭ་རཱི་ཡ་མ་ཙིཏྟ་ཧཱུཾ ་ཕཊ། ཅེས་གཞན་ཡང་མང་པོས་ཕུལ་ལོ།། ཤྲ་ན་མས་ཕུལ་བ། ཛ་ལ་ཛྭ་ལ་བཛྲ་མ་མ་མུག་ཏ་ལ་ཡེ་ཛཱ་ཡ་དུ་བྷིནྟེ་ཤྭ་རི་ལ་ཕུ་ཙི་ཧཱུཾ་བྷྱོ་ཧཱུཾ་བྷྱོ། ཞེས་པ་དང་། གཞན་ཡང་མང་པོས་ཕུལ་ལོ།། མགོན་པོས་ཕུལ་བ། ཀ་ལ ་མ་ཏཾ། མ་ཧཱ་ཀཱ་ལ་ར་ཏི་ཡེ་ཀཱ་ལ་རཱུ་བ་ཧཱུཾ་ཕཊ། ཅེས་ཕུལ་ཏེ། གཞན་ཡང་མང་པོས་ཕུལ་ལོ། བསེའི་སྐྱེས་བུས་ཕུལ་བ། མཱ་ར་སེ་ནི་ར་ཤ་ནི་ད་ཤ་བྷི་ཀུན་ལེན་ཕུ་ལན་ཧཱུཾ་ཕཊ། ཅེས་པ་དང་གཞན་ཡང་མང་པོས་ཕུལ ་ལོ། རྒྱལ་པོས་ཕུལ་བ། ཀ་ར་མ་ཀཱ་ར་ཡ། ཏྲི་ཙ་པ་ལ་ཏྲི་ལ་ཐུན། ཞེས་པ་དང་། གཞན་ཡང་མང་པོས་ཕུལ་ལོ། མ་བདུན་སྲིང་བཞིས་ཕུལ་བ། ཧཱུཾ་མ་མ་པ་ཤཾ་ཀུ་རུ་མ་ཏང་ཀ་ར་ཨི་ནན། ཞེས་ཕུལ་ལོ།། གཞན་ཡང ་འཇིགས་བྱེད་དྲུག་ལ་སོགས་པ་མང་པོས་ཕུལ་བ། དྷ་ཏི་མ་མ་ཤཱི་གྷྲཾ་ཀརྨ་ཀཱ་རཱ་ཡ། པྲ་མརྡ་ནི་ཧཱུཾ་ཕཊ། ཅེས་གཞན་ཡང་མང་པོས་ཕུལ་ལོ།། ཐམས་ཅད་མགྲིན་གཅིག་ཏུ་གསོལ་བ། བཅོམ་ལྡན་འཕགས་པ་ཆེན་པོ ་ཡིས།། བདག་ཅག་རྣམས་ཀྱིས་སྲོག་དོན་འདི།། དཔའ་བོས་ཡང་དག་བཞེས་སུ་གསོལ།། སངས་རྒྱས་བསྟན་པ་བསྲུང་བར་བགྱི།། བདག་ཅག་དེ་ལྟར་མ་བགྱིས་ན།། རྡོ་རྗེ་ཡཀྵའི་ཆད་པ་ཡིས།། ཀླད་པ་ཚལ་པ ་བརྒྱ་རུ་ཁོས།། མགོ་བོ་ལུས་པོ་རུ་ལ་མྱགས་ཤོག། བཀའ་ལས་འདས་ན་རྡོ་རྗེ་དམྱལ་བར་ལྷུང་།། ཞེས་པ་དང་། བཅོམ་ལྡན་འདས་བཛྲ་ཀཱི་ལ་ཡས་བཀའ་སྩལ་པ། བྲན་དང་ཕོ་ཉ་བཀའ་ཉན་ཚོགས།། ཁྱེད་ཀྱི་དམ ་ཚིག་དུས་ལ་བབ།། ང་ཡི་སྤྱན་སྔར་ཁས་བླངས་ཤིང་།། ཕྱི་རབས་རྣལ་འབྱོར་ཕྲིན་ལས་གྱིས།། བསྟན་པར་དགྲ་འདྲེ་བྱུང་བའི་ཚེ།། ཤྭ་ན་མུ་ཁའི་དུས་ལ་བབ།། བདག་ཉིད་ཆེན་པོའི་དུས་ལ་བབ།། ས ་བདག་ཆེན་པོའི་དུས་ལ་བབ།། དྲེགས་པ་མང་པོའི་དུས་ལ་བབ།། ཁྱེད་ཀྱི་མཐུ་རྩལ་རབ་དུ་ཕྱུང་།། སངས་རྒྱས་བསྟན་པ་བཤིག་པ་དང་།། དཀོན་མཆོག་སྐུ་དགྲ་དབེན་ཚང་འཇོམས།། ཆོས་ཁྲིམས་འདྲལ་དང་སློབ ་དཔོན་དགྲ།། རྣམ་འབྱོར་འཇོམས་པ་ལ་སོགས་པ།། གསད་དང་དབབ་དང་ལས་ངན་གྱིས།། ཅི་ནས་བརླག་པར་ཁྱོད་ཀྱིས་གྱིས།། དེ་ལ་ང་ཡིས་དབང་བསྐུར་རོ།། གར་དགར་བསད་པར་བྱས་གྱུར་ན།། དམ་ཚིག ་ཉམས་ཏེ་དམྱལ་བར་འགྲོ།། རྡོ་རྗེ་ཡཀྵ་གནོད་སྦྱིན་གྱིས།། ཁྱེད་ཀྱི་སྙིང་ཁྲག་ཞོ་བཞིན་འཐུང་།། བསད་ནས་དམྱལ་བའི་གནས་སུ་ཁྲིད།། ཆོས་ཀྱི་རྒྱལ་པོས་བཙོ་སྲེག་བྱེད།། ང་ནི་ཁྲག་འཐུང་ཧེ་རུ་ཀ། ཁྱོད་ཀྱི་སྙིང ་ཁྲག་ང་ལ་ཡོད།། རྡོ་རྗེ་གསང་བའི་བཀའ་ལས་ནི།། ཁྱོད་ཀྱིས་འདས་པར་གྱུར་ན་ནི། ཁྲོ་བོ་སྟོབས་ཆེན་ཧེ་རུ་ཀས།། མགོ་བོ་རྡོ་རྗེས་ཚོལ་མར་འགས།། དེ་བས་བཀའ་ལས་མ་འདའ་ཞིག། ཁྱེད་ལ་རང་རང་དམ ་རྫས་དང་།། ཟས་སྐལ་ང་ཡིས་ལེགས་པར་བྱིན།། ཞེས་གསུངས་ཏེ། ས་མ་ཡ་ཨི་དན་ཏི་ན་ར་ཀན། ཞེས་གསུངས་པས། ཐམས་ཅད་དམ་ཚིག་ཆོས་ཤེས་ནས། ཡེ་ཤེས་ཀྱི་ལྷ་ཉིད་དང་མཉམ་པར་འགྱུར་ཏོ།། རྡོ་རྗེ ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། དམ་ཅན་དྲེགས་པ་ཅན་རྣམས་བཏུལ་ནས་དམ་ལ་བཏགས་པའི་ལེའུ་སྟེ་ལྔ་པའོ།། །། དེ་ནས་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀི ་ལ་ཡ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བཛྲ་ཀཱི་ལ་ཡ། ཨེ་མ་ཧོ་ངོ་མཚར་ཐུགས་རྗེ་ཅན།། དྲེགས་པ་ཆེན་པོ་སྒྲོལ་ལ་མཁས།། ཕུར་པ་ལྟ་བའི་དངོས་པོ་དང་།། ངེས་པའི་ལུང་རྣམས་བཤད་དུ ་གསོལ།། ཞེས་གསོལ་བ་དང་།། བཅོམ་ལྡན་འདས་བཛྲ་ཀཱི་ལ་ཡ་དོན་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། འདོད་པའི ་དོན་རྣམས་རབ་ཏུ་བཤད།། ཕུར་པ་ཡེ་ནས་དོན་ཆེན་ནི།། གསང་བ་ལས་ཀྱང་གསང་བ་སྟེ།། རང་བྱུང་ཕུར་པའི་དོན་དེ་ཉིད།། དབྱིངས་ཀྱི་ཕུར་པ་ཡེ་གནས་པ།། སངས་རྒྱས་ཀྱིས་ཀྱང་བརྗོད་དུ་མེད།། དེ་ལས་ཡེ ་ཤེས་མ་འགགས་པ།། ཐམས་ཅད་རབ་ཏུ་ངེས་པར་བཤད།། དེ་ཉིད་དབྱེར་མེད་ཕུར་བུ་སྟེ།། བདེ་བ་ཆེན་པོའི་ཕུར་པ་ཡིན།། བལྟ་རུ་མེད་པའི་ཕུར་པ་ཡིན།། ང་ཡི་ཐུགས་སུ་གནས་པ་ནི།། ཡེ་ཤེས་རྩེ་མོ་མཆོག་ཉིད ་དེ། ཧཱུཾ་དུས་གསུམ་ལས་ནི་འདས་པའི་ཕྱིར།། རྩེ་མོ་མེད་པའི་ལས་སུ་བསྟན།། རྣམ་པར་ཤེས་པ་ཡེ་ཤེས་མཆོག། སྲོག་དང་ཐུགས་ཀྱི་བྱིན་རླབས་ལས།། བྱང་ཆུབ་སེམས་ཀྱི་ཕུར་པ་ཡིས།། མ་བཏབ་བཞིན་དུ་ལྷུན ་གྱི་གྲུབ།། མཉམ་པའི་རྒྱལ་པོས་ཐམས་ཅད་སྒྲོལ།། སངས་རྒྱས་སེམས་ཅན་མེད་པར་ངེས།། ཐམས་ཅད་མཉམ་པའི་ཕུར་པ་ཡིན།། གཉིས་འཛིན་མེད་པའི་ཕུར་པ་ཡིས།། གཟུང་འཛིན་རྣམ ་རྟོག་གཉིས་ལ་གདབ།། ཤེས་པའི་གཉིས་འཛིན་རྣམ་པར་སྒྲོལ།། དེ་ནི་གཟུགས་དང་བྱིན་རླབས་དང་།། བཟླས་བརྗོད་དང་ནི་ཕྲིན་ལས་དང་།། དུས་དང་གནས་དང་བདག་ཉིད་དོ།། ཕུན་སུམ་ཚོགས་པ་བདུན་པོ ་ཡིས།། བསྟན་ནས་ཅི་འདོད་སྦྱིན་ནོ་ཞེས།། དམ་ཚིག་བདག་པོ་ངས་གསུངས་ཏེ།། འདས་ནས་ང་ཡང་བརླག་པའི་ཕྱིར།། རང་གིས་བཀའ་ལ་རང་མི་འདའ། གང་ལ་བཏབ་ན་ངེས་པར་ཐེབས།། ཡེ་ཤེས་ལྔ་ཡི་ཕུར ་པ་ཡིས།། དུག་ལྔ་འཁྲུལ་ལ་རབ་ཏུ་གདབ།། གཉིས་སུ་མེད་པའི་ཕུར་པ་ཡིན།། ཡེ་ཤེས་དག་པའི་ཕུར་པ་ཡིས།། འཁོར་བའི་མ་རིག་ལ་གདབ་པས།། རབ་ཏུ་ངེས་པའི་རིག་པ་འཆར།། དེ་ལ་སོགས་པའི་ཕུར་པ ་ནི།། མང་པོ་དག་ནི་རབ་བཤད་དེ།། རྣལ་འབྱོར་ཡོན་ཏན་ལྡན་པ་དང་།། རྩ་བ་ཡན་ལག་དམ་ཚིག་དང་།། ཤེས་རབ་གསུམ་དང་ལྡན་པ་ཡིས།། ཕུར་པ་དེ་དག་ངེས་པར་བསྒྲུབ། རྡོ་རྗེ་ཁྲོས་པས་ཞེ་སྡང ་གཅོད།། མཚོན་ཆེན་སྔོན་པོ་འབར་བ་ཡིས།། ནམ་མཁའི་དཀྱིལ་ནས་ཐིགས་པ་ཤར།། སྲོག་གི་གོ་རུ་ཤར་བ་དང་།། སྙིང་གི་དཀྱིལ་དུ་བསྒོམ་པར་བྱ།། སྙིང་རྗེ་བསྒྲལ་བའི་དམ་ཚིག་ནི།། བསད་ཅིང་མནན་པ་མ ་ཡིན་ཏེ།། ཕུང་པོ་རྡོ་རྗེས་གཏམས་བྱས་ནས།། རྣམ་པར་ཤེས་པ་རྡོ་རྗེར་བསྒོམ།། ཨོཾ་བཛྲ་ཀཱི་ལི་ཀི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ།། རྡོ་རྗེ་གཞོན་ནུའི་རིག་འཛིན་རྣམས།། སྲིད་པའི་རྡོ་རྗེ་འགྲུབ་མཛོད་ཅིག། སྲིད་པ ་རྡོ་རྗེ་ཕུར་པའི་ལྷ།། ཡེ་ཤེས་ཁྲོ་བོ་འགྲུབ་པར་མཛོད།། སངས་རྒྱས་ཀུན་གྱི་ཡེ་ཤེས་སྐུ།། ངང་ཉིད་རྡོ་རྗེ་ཆོས་དབྱིངས་ལས།། འབར་བའི་ཁྲོ་བོ་མི་བཟད་པ།། སྐུ་ཡི་དབྱིག་ཏུ་བདག་སྐྱེད་ཅིག། ཐབས་ཀྱི་སྤྱོད་པས ་འགྲོ་དོན་དུ།། བྱམས་དང་སྙིང་རྗེས་གང་འདུལ་བ།། སངས་རྒྱས་ཕྲིན་ལས་རྫོགས་མཛད་ནས།། དབང་དང་བྱིན་རླབས་འདིར་སྩོལ་ཅིག། ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། གརྫ་གརྫ་ཧཱུཾ་ཕཊ། རྡོ་རྗེ་ཁྲོ་བོ་ཧཱུཾ་ཀཱ་ར། ཡུམ་རྡོ ་རྗེ་སྒྲ་འབྱིན་དང་སྤྲུལ་པའི་ཕྲ་མེན་མ་ཕག་གི་མགོ་དང་སྨིག་བུའི་གསང་སྔགས་ཡིན། ཨོཾ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཁྲོ་བོ་ཆེན་པོ་རྣམ་པར་རྒྱལ་བ་དང་། ཡུམ་རྡོ་རྗེ་སྙེམས་མ་དང་། སྤྲུལ་པའི་ཕྲ་མེན་སྟག ་དང་བྱ་རྒོད་གསང་སྔགས་ཡིན། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ཧཱུཾ་ཕཊ།། ཁྲོ་བོ་ཆེན་པོ་དབྱུག་སྔོན་དང་། ཡུམ་རྡོ་རྗེ་སྡེར་མོ་དང་། སྤྲུལ་པའི་ཕྲ་མེན་སྟག་དང་བྱ་རོག་གསང་སྔགས་ཡིན། ཨོཾ་བཛྲ་ཀྲོ་དྷ་ཡ་མནྟ ་ཀ་ཧཱུཾ། པ་ཙ་པ་ཙ་ཧཱུཾ་ཕཊ། ཁྲོ་བོ་ཆེན་པོ་གཤེན་རྗེ་གཤེད་པོ་དང་། ཡུམ་རྡོ་རྗེ་དུར་ཁྲོད་མ་དང་། སྤྲུལ་པའི་ཕྲ་མེན་མ་ཤ་བ་དང་འུག་པའི་མགོ་ཅན་གསང་སྔགས་ཡིན།། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། བནྡྷ་བནྡྷ་ཧཱུཾ ་ཕཊ། ཁྲོ་བོ་ཆེན་པོ་མི་གཡོ་མགོན་པོ་དང་། ཡུམ་རྡོ་རྗེ་གཏུན་ཁུང་མ་དང་། སྤྲུལ་པའི་ཕྲ་མེན་གཟིག་དང་ཁྭའི་མགོ་ཅན་གསང་སྔགས་ཡིན། ཨོཾ་བཛྲ་ཀྲོ་དྷ་ཧ་ཡ་གྲི་ཝ་ཧཱུཾ་ཧུ་ལུ་ཧུ་ལུ་ཧཱུཾ་ཕཊ། ཁྲོ་བོ་ཆེན ་པོ་རྟ་མགྲིན་དང་། ཡུམ་རྡོ་རྗེ་གཏུམ་མོ་དང་། སྤྲུལ་པའི་ཕྲ་མེན་མ་བྱི་ལ་དང་པུ་ཤུད་མགོ་ཅན་གསང་སྔགས་ཡིན། ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ། ཏིཥྛ་ཏིཥྛ་ཧཱུཾ་ཕཊ། ཁྲོ་བོ་ཆེན་པོ་གཞན་གྱིས་མི་ཐུབ་པ་དང་། ཡུམ་རྡོ ་རྗེ་མདའ་སྙེམས་མ་དང་། སྤྲུལ་པའི་ཕྲ་མེན་སྦྱང་ཀི་དང་ཁྭའི་མགོ་ཅན་གསང་སྔགས་ཡིན། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྣ་ཙྪིནྡ་ཧཱུཾ་ཕཊ། ཁྲོ་བོ་ཆེན་པོ་བདུད་རྩི་འཁྱིལ་པ་དང་། ཡུམ་རྡོ་རྗེ་རླུང་འབྱིན་མ ་དང་།། སྤྲུལ་པའི་ཕྲ་མེན་མ་སེང་གེ་དང་ཕ་ཝང་མགོ་ཅན་གསང་སྔགས་ཡིན། ཨོཾ་བཛྲ་ཀྲོ་དྷ་ཏྲ་ལོ་ཀྱ་བི་ཛ་ཡ་ཧཱུཾ། བྷིནྡ་བྷིནྡ་ཧཱུཾ་ཕཊ། ཁྲོ་བོ་ཆེན་པོ་ཁམས་གསུམ་རྣམ་པར་རྒྱལ་བ་དང་། ཡུམ་རྡོ་རྗེ་གསོད་མ་དང་། ་སྤྲུལ་པའི་ཕྲ་མེན་མ་དྲེད་དང་སྲེ་མོའི་གསང་སྔགས་ཡིན།། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། ཁྲོ་བོ་ཆེན་པོ་སྟོབས་པོ་ཆེ་དང་། ཡུམ་རྡོ་རྗེ་སྤྱོད་བྱེད་མ་དང་། སྤྲུལ་པའི་ཕྲ་མེན་མ་དོམ་དང་བྱི་ལའི ་མགོ་ཅན་གསང་སྔགས་ཡིན། དཀྱིལ་འཁོར་གཏམས་པར་ཤེས་པར་བྱ།། སྲིད་པའི་ཕུར་བུ་བསྒྲུབ་པ་དང་།། དབང་དང་དངོས་གྲུབ་བླང་བའི་ཕྱིར། ཡེ་ཤེས་ཁྲོ་བོ་གཤེགས་སུ་གསོལ།། ཁྲོ་བོ་ཆེན་པོ་གཤེགས་ནས ་ཀྱང་།། རྟགས་དང་མཚན་མ་བསྟན་པ་དང་།། ཀཱི་ལ་ཡ་ཡི་དངོས་གྲུབ་སྩོལ།། དམ་ཚིག་ཆེན་པོའི་དུས་ལ་བབ།། སྤྲུལ་པ་ཆེན་པོའི་དུས་ལ་བབ།། ཕྱག་བརྙན་ཆེན་པོའི་དུས་ལ་བབ།། ཤྭ་ན་མུ་ཁའི་དུས་ལ ་བབ།། བདག་ཉིད་ཆེན་པོའི་དུས་ལ་བབ།། ཁྱེད་ཀྱི་ཕྲིན་ལས་དུས་ལ་བབ།། མཐུ་རྩལ་དབྱུང་བའི་དུས་ལ་བབ།། བྱང་ཆུབ་མཆོག་ཏུ་སེམས་བསྐྱེད་ཅིང་།། དུས་གསུམ་རྒྱལ་བའི་གདུང་གསོབ་པ།། རིག་འཛིན ་བདག་ཅག་རྣམས་ལ་ནི།། གནོད་ཅིང་གདུག་པའི་དགྲ་དང་བགེགས།། བདུད་དང་བར་དུ་གཅོད་པ་དང་།། དངོས་གྲུབ་འཕྲོག་ཅིང་འཚེ་བ་རྣམས།། ཁྲོ་བོ་ཆེན་པོའི་བྱིན་རླབས་ཀྱིས།། ཡུད་ཙམ་གྱིས་ནི་འདིར ་ཁུག་ནས།། མངོན་སྤྱོད་ཚུལ་བཞིན་བསྒྲལ་བ་དང་།། ལུས་ངག་རྡུལ་དུ་བཤིག་ནས་ཀྱང་།། སྡུག་བསྔལ་ཉམས་སུ་མྱོང་བར་མཛོད།། ཨོཾ་ལཾ་ཧཱུཾ་ལཾ་སྟམྦྷ་ཡ་ནན། མོ་ཧ་ཡ། བྷ་ག་ཝཱན་ཤི་གྷྲཾ་བི་གྲི་བཛྲ་ཧཱུཾ་ཀཱ་ར་ཧཱུཾ་ཧཱུཾ་ཕཊ། ་ཕཊ། བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། བཛྲ་བུ་གྷ་ནཱན་བཾ་བཛྲ་ཀཱི་ལི་ཀི་ལ་ཡ་བཛྲ་ཧཱུཾ་ཀཱ་ར་ཧཱུཾ་ཧཱུཾ་ཕཊ་ཕཊ། བཛྲ་ཧཱུཾ་ཀཱ་ར་ཨཱ། དངོས་གྲུབ་པར་ཆོད་བྱེད་པའི་བགེགས།། གདུག་ཅིང་སྡང་སེམས་ལྡན་པ་རྣམས།། ཟུང ་ཞིག་ཆིངས་ཤིག་རྣམ་པ་ཆིངས།། གཏོགས་ཤིག་གྲོགས་དང་བྲལ་བར་གྱིས།། རེངས་པར་ཁུག་ལ་སྨྲ་རུ་ཆུག། ཕོབ་ཅིག་རྣམ་པར་གཟིར་བར་གྱིས།། ང་ཡི་དབང་དུ་གྱུར་ནས་ཀྱང་།། བསྒོ་བའི་བཀའ་རྣམས་ཉན ་པར་བྱོས།། ཧཱུཾ་པ་ར་བི་དྷ་ན་ས་ཡ། ཙྪིནྡ་ཙྪིནྡ་ཧཱུཾ་ཕཊ། བྷིནྡ་བྷིནྡ་ཧཱུཾ་ཕཊ། གྲྀཧྞ་གྲྀཧྞ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བནྡྷ་བནྡྷ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཧ་ས་ཡ་ར་ཧྲྀ་ད་ན་ཧཱུཾ་ཕཊ། ཤི་གྷྲཾ་ཡཱ་ན་ཡ ་ཧཱུཾ་ཕཊ། ཛ་ལ་པ་ཡ་ཛ་ལ་པ་ཡ་ཧཱུཾ་ཕཊ། ཨཱ་ཝེ་ཤ་ཡ་ཨཱ་ཝེ་ཤ་ཡ་ཧཱུཾ་ཕཊ། བྷིནྣ་ཡ་བྷིནྣ་ཡ་ཧཱུཾ་ཕཊ། བྲན་དང་བཀའ་ཉན་ཕོ་ཉའི་ཚོགས།། ཁྱེད་ཀྱི་དམ་ཚིག་དུས་ལ་བབ།། སྔོན་ཆད་ཇི་བཞིན་དམ་བཅས ་པའི།། མངོན་སྤྱོད་ཕྲིན་ལས་མྱུར་དུ་མཛོད།། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛ་ལ་ཛ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏཾ་ཀ་ཡེ་ཛ་ཡེ་བི་ཛ་ཡེ། ཨ་ཛི་ཏེ་ཨ་པ་ར་ཛི ་ཏིཏེ། མཱ་ར་སེ་ན་པྲ་མརྡ་ན་སྭཱ་ཧཱ། རྡོ་རྗེ་གསང་བའི་བཀའ་ལས་ནི།། སྡིག་ཅན་གང་ཞིག་འདའ་བྱེད་པ།། སྟོབས་ཆེན་ཁྲོ་བོ་ཆེན་པོ་ཡིས།། ཀླད་པ་ཚལ་པ་བརྒྱ་རུ་ཁོས།། ཉོན་ཅིག་བགེགས་དང་ལོག་འདྲེན ་ཚོགས།། ང་ཡི་བཀའ་ལས་འདའ་མ་བྱེད།། ཧཱུཾ་མ་མ་པ་ཤཾ་ཀུ་རུ་མ་ཏང་ཀ་ར་ཨི་དན་དྷ་ཏེ། མ་མ་ཀརྨ་ཤཱི་གྷྲཾ་ཀཱ་ར་ཡ། གདུག་ཅིང་སྡང་སེམས་ལྡན་པ་རྣམས།། ལྷའམ་འོན་ཏེ་བདུད་ཀྱང་རུང་།། ང་ལ་བར་གཅོད་བྱེད ་པ་རྣམས།། མཐུ་དང་རྫུ་འཕྲུལ་མེད་པར་བྱོས།། སརྦ་ཨཱ་ན་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། རྡུངས་ཤིག་རྡོ་རྗེ་འབར་བའི་གཏུན།། བཀའ་ལས་འདའ་བྱེད་སྡིག་ཅན་རྣམས།། རྡོ་རྗེ་མེ་དཔལ་སྙིང་བསྲེགས ་ནས།། ལུས་ངག་རྡུལ་ཕྲན་བཞིན་དུ་རློག། ཁྲོ་མོ་འབར་བའི་གཏུན་ཁུང་དུ།། རྡོ་རྗེ་ཐོ་བས་བརྡུངས་བྱས་ན།། ལྷ་ཡང་རུང་སྟེ་བསྒྲལ་བར་བྱ།། ཁ་ཐཾ་ཁ་ཐཾ་ཁ་ཐཾ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། བཛྲ་ཡཀྵ་ཀྲོ་དྷ་ཁཱ་ཧི་ཁཱ་ཧི ་ཁཱ་ཧི།། ཧ་ཧ་ཧ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཆོས་ཉིད་ཀྱི་བདེན་པའོ།། གསང་སྔགས་ཀྱི་བྱིན་གྱིས་རླབས་སོ།། སངས་རྒྱས་ཀྱི་མཐུའོ།། ཨ་བྷི་ཙརྱའི་དུས་ལ་བབ་པའི་བརྣགས་པ་དེ་ཁོ་ནའོ།། ཀཱི་ལ་ཡ་བཅོ་བརྒྱད ་བཟླས་དཀར་ནག་གི་མཚམས་སུའོ།། ཀཱི་ལ་ཡ་ཉི་ཤུ་རྩ་གཅིག་བཟླས་སོ།། བརྣགས་པ་དེ་ཁོ་ནའོ།། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། དེ་ནི་རྩ་བ་འདུས་པ་སྟེ།། གསང་སྔགས་ལས་དང་བཅས་པ་བཤད།། ཡིད་བཞིན་ནོར ་བུ་ལྟ་བུ་སྟེ།། དགོས་འདོད་ངེས་འབྱུང་ཕྲ་ལ་ཟབ།། རྒྱུད་དང་ལུང་དང་མན་ངག་གི། མན་ངག་རྣམ་གཉིས་སྟོད་སྨད་དོ།། སྟོད་ལ་དྲུག་སྟེ་དེ་ལ་བཅུ།། གཉིས་སུ་ཤེས་བྱ་ཏིང་ངེ་འཛིན་ནོ།། བདག་ཉིད་དཀྱིལ་འཁོར ་གསུམ་བསྟན་པ།། དབབ་དང་གསོལ་བཏབ་དབང་བསྐུར་དང་།། སྤྱན་དང་མཆོད་པ་ལ་སོགས་ཏེ།། མན་ངག་རྣལ་འབྱོར་དོན་དུ་བཤད།། སྨད་ནི་གཟས་པ་པོ་ཡི་ལས།། དེ་ཉིད་བདག་གིས་ལམ་བྱ་སྟེ།། སྟོད་དང ་སྨད་དང་བར་གསུམ་མོ།། སྟོད་ལ་གསུམ་དུ་ཤེས་པར་བྱ།། བར་ལ་དེ་བཞིན་སྨད་ལ་གསུམ།། ཏིང་འཛིན་སྔགས་དང་ཕྲིན་ལས་དང་།། དགོངས་པ་ངེས་པའི་ཕུར་པ་འདི།། གབ་པའི་སྡོམ་པ་གཟུང་བ་དང་།། གཟིར ་གནོན་དྲག་པོས་བསྡུ་བ་དང་།། སྙིང་པོ་དྲག་ཏུ་བཟླས་པ་དང་།། དམ་ཅན་གནད་ལ་དབབ་པ་དང་།། རྩ་བ་ཁམས་གསུམ་བསྒྲལ་བ་དང་།། བསྒྲལ་ནས་མཆོད་པ་བསྟན་པ་དང་།། བཀྲག་མདངས ་ཕྲོགས་ནས་ཚེ་ལུང་བསྟན།། འདི་ནི་བསྒྲལ་བའི་ལས་མཆོག་སྟེ།། ཐམས་ཅད་མ་ལུས་འདུས་པར་བཤད།། གཉིས་མེད་ཕུར་པ་ཤེས་པ་དང་།། ཡོན་ཏན་ལྡན་པའི་སྔགས་པ་ཡིས།། འདིས་ནི་གཞན་བསྒྲལ་བྱང ་ཆུབ་ཐོབ།། རྟོགས་པས་བདག་གཉིད་བསྒྲལ་བ་དང་།། ཐུགས་རྗེས་གཞན་བསྒྲལ་ཤེས་པར་བྱ།། རྒྱུ་དང་ལམ་དང་འབྲས་བུ་གསུམ།། རཱུ་ཏྲ་རབ་ཏུ་ཤེས་པར་བྱ།། ཉམས་པ་བདུན་ལ་གཏོགས་པ་ནི།། རྗེས ་འཇུག་ཐབས་ཀྱིས་འདི་བསྒྲལ་ན།། སངས་རྒྱས་བསྟན་པ་གཉེན་པར་བཤད།། ཐེག་པ་ཆེན་པོ་སྨོད་པ་དང་།། རྡོ་རྗེ་སློབ་དཔོན་སྨོད་པ་རྣམས།། མན་ངག་འདི་ཡི་ངེས་པ་ཡིན།། རབ་ཏུ་དབེན་པའི་གནས་དག ་ཏུ།། ནན་ཏན་བྱས་ཏེ་གསོད་པར་བྱའོ།། ཡང་ན་གནས་ན་མི་སྣང་བྱ།། འདི་ཡིས་བྱང་ཆུབ་མཆོག་དང་ནི།། ཕུར་པའི་དངོས་གྲུབ་འཐོབ་པར་འགྱུར།། དཔེར་ན་མེ་ལ་ཤིང་བསྣན་ཤིང་།། དེ་ཉིད་ངེས་པར་འཐོབ་པར ་བཤད།། ཀུན་ལ་བྱས་ན་དམྱལ་བར་འགྲོ།། ཀུན་ལ་མ་བྱས་དམ་ཚིག་ཉམས།། ཡེ་ཤེས་གཉིས་སུ་མེད་པའི་ཚུལ།། མི་གནས་མྱ་ངན་འདས་པར་གནས།། ཐོག་མ་ཐ་མ་ཞེས་གསུངས་སོ།། རྡོ་རྗེ་ཕུར་པ་གསང་བའི ་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། བལྟ་བའི་དོན་དང་ཐམས་ཅད་བདུས་པའི་རྩ་བ་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་དག་ཀརྨ་ཧེ་རུ་ཀས། བཛྲ་ཀཱི་ལ་ཡ་ལ་འདི་སྐད་ཅེས ་གསོལ་ཏོ།། ཕུར་པ་ཐམས་ཅད་འདུས་པ་ཡི།། རྩ་བའི་དོན་སྒྲུབ་རྣལ་འབྱོར་པས།། ཁ་མི་སྐོང་བའི་དབང་རྣམས་ནི།། ངེས་པར་དག་ལ་བཤད་དུ་གསོལ།། དེ་སྐད་ཅེས་ནི་གསོལ་བ་དང་།། བཅོམ་ལྡན་འདས་བཛྲ ་ཀཱི་ལ་ཡ་རིན་ཆེན་སྦྱིན་པ་ཞེས་བྱ་བའི་ཏིང་འཛིན་ལ་སྙོམས་པར་ཞུགས་ནས། གསུང་ནི་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། རྣལ་འབྱོར་སྐལ་ལྡན་དེ་ཡི་ཕྱིར།། དབང་གི་རིམ་པར་བཤད་པར ་བྱ།། འཁོར་བ་དག་ལས་བྱང་ཆུབ་ཏུ།། སེམས་བསྐྱེད་སྨིན་པར་བྱ་བ་སྟེ།། དབང་རྣམས་ཐོབ་པར་མ་བྱས་ན།། གང་ཡང་འབྲས་བུ་མེད་པར་འགྱུར།། ཁ་སྐོང་དབང་ནི་གོང་དུ་བཤད།། མི་སྐོང་དབང་རྣམས་འདི ་ལྟ་སྟེ།། དང་པོ་ཞུས་པ་དེ་ཡི་ཕྱིར།། ཕུར་པའི་བསྙེན་པ་ཡང་དག་བྱ།། དེ་ནས་དཀྱིལ་འཁོར་མངོན་བཞེངས་ལ།། ལྔའམ་གསུམ་མམ་གང་བྱེད་ལ།། རྫས་རྣམས་ལེགས་པར་ཚོགས་པར་བྱ།། ཕུར་པ་ལ་སོགས ་ལེགས་པར་དགྲམ།། དེ་ནས་མིག་དགབ་ཕྱི་རོལ་ཏུ།། བཞག་ལ་གང་བྱེད་དྲི་བར་བྱ།། སེམས་བསྐྱེད་བཤད་དང་སྡོམ་པ་ནི།། སྨད་སྟོད་དང་པོ་ཚིག་གསུམ་དང་།། སྟོད་ཀྱི་བར་པའི་ཚིག་གསུམ་མོ།། རྟ་དང་གླང་པོ ་འབྱོར་པའི་ནོར།། བུ་དང་ཆུང་མ་ནོར་གྱི་དབྱིག། ཤིན་ཏུ་གཅེས་དང་ཡིད་འཐད་དབུལ།། བདག་ལུས་སྲོག་ལ་ཕོངས་མེད་བྱ།། མེ་ཏོག་དཀྱིལ་འཁོར་ཡི་དམ་ཞུ།། དེ་ཡང་སྲིད་པ་རྡོ་རྗེས་སོ།། རྩ་བ ་ཡན་ལག་དམ་ཚིག་ནི།། སྙིང་རྗེས་བསྒྲལ་བའི་བར་དུ་བསྟན།། མིག་དབྱེ་དཀྱིལ་འཁོར་དོན་རྟགས་རབ་ཏུ་བསྟན།། ལུས་བཀྲུ་གོས་ནི་རབ་ཏུ་ཕུད།། སློབ་དཔོན་སྟ་གོན་གནས་པ་ལ།། སློབ་མ་ལྷ་དང་བུམ་པ ་རྣམས།། སྟ་གོན་གནས་པ་ཤེས་པར་བྱ།། རྒྱལ་མཆོག་རྣམ་གསུམ་ལྡན་པར་བྱ།། ཕུར་བུའི་ཀུན་བྱས་རིག་པ་འཇུག། བསྟོད་དང་དཀྱུས་ཚིག་བཞི་པ་ཡིས།། ཡེ་ཤེས་ཕབ་ལ་དམ་ཚིག་བསྟན།། སྟོད་པར་ཚིག ་གཉིས་དབང་དང་བཅས།། བུམ་པས་གནས་སུ་དབང་བསྐུར་བས།། དབང་ནི་སྣོད་དང་ལྡན་པར་བཤད།། རིག་དབང་བཞི་པ་རིམ་བཞིན་ནོ།། སྙིང་རྗེས་བསྒྲལ་བའི་ཚིག་བཞི་དང་།། དང་པོ་གསུམ་གྱི་འོག་གི་ཚིག ་གཉིས་ཀྱིས།། རྩ་བའི་མཎྜལ་དབང་བསྐུར་ཏེ།། རྒྱན་དང་ཡེ་ཤེས་སེམས་དཔའ་དང་།། དབུ་རྒྱན་རིམས་པས་བསྐུར་ནས་ནི།། གུ་ཧྱ་མནྟ་དང་པོ་ལ།། དབང་གི་གསང་སྔགས་སྦྱར་བར་བྱ།། དང་པོའི་ཚིག་དང་དོན ་གཉིས་ཀྱིས།། ཕྱོགས་བཅུ་ཁྲོ་བོ་རྫོགས་པར་བསྐུར།། གུ་ཧྱ་མནྟྲ་བཅུ་ཡིས་ནི།། རང་རང་གནས་སུ་ཕུར་པས་བསྟིམས།། དང་པོའི་ཚིག་དང་དེ་འོག་གཉིས།། སྲས་མཆོག་ལྔ་ཡི་ཕུར་པ་ནི།། སྨད་སྟོད་བར་དང་གསང ་སྔགས་ཀྱིས།། རང་རང་གནས་སུ་རབ་ཏུ་བསྐུར།། དམ་ཅན་ལ་སོགས་རིམ་བཞིན་དུ།། རང་རང་ཕུར་བུའི་རྫས་ཡིན་ཏེ།། དེ་རྣམས་འཇུག་པར་ཤེས་པར་བྱ།། དབང་དང་ལྡན་པར་ངེས་པའོ།། རིགས་དང་ལས་སུ ་གང་འཚམས་པར།། དཀྱིལ་འཁོར་དབང་བསྐུར་ཤེས་པར་བྱ།། གསང་བའི་ཚིག་གསུམ་སྔགས་དང་བཅས།། གསང་སྔགས་བསྐུར་ཏེ་དོན་ཡང་བསྟན།། འདི་ནི་གནོད་པ་གང་འབྱེད་པ།། དང་པོ་ཚིག་དེས་གཅིག་པ ་ནི།། ལྟ་བའི་མཐར་ཐུག་དབང་ཡང་བསྟན།། དེ་ལྟར་རྫོགས་པར་ངེས་ཐོབ་ནས།། བླ་མ་མིག་གི་འབྲས་བུ་ལྟར།། ཀུ་ཤའི་རྩེ་རྣམས་དོན་གྱིས་སྦྱར།། དུས་ལ་བབ་ན་དྲུག་པོ་དང་།། དེ་ལ་སོགས་པའི་ཚིག་རྣམས ་ཀྱིས།། ལུང་བསྟན་གནང་བ་ལེགས་པར་བཟུང་།། ཐེག་ཆེན་སྨོད་པ་ལ་སོགས་པ།། ཅི་ནས་བསད་པར་ངེས་པ་ཡིན།། ཕ་དང་རིགས་ཀྱི་སྐྱེས་པ་རྣམས།། བསད་པས་སངས་རྒྱས་རིགས་སུ་ངེས།། སློབ་དཔོན་སློབ ་མ་བསད་ངེས་ན།། རྡོ་རྗེ་རིགས་སུ་ངེས་པ་ཡིན།། ཞང་པོ་དམག་པ་བསད་ངེས་ན།། རིན་ཆེན་རིགས་སུ་ངེས་པ་ཡིན།། མ་སྲིང་བུ་མོ་མོ་ཆགས་ལ།། ཆགས་པར་བྱས་པས་པདྨ་ཅན།། ཐམས་ཅད་གསོད་ཅིང་ལས ་བྱེད་པ།། ལས་ཀྱི་རིགས་སུ་ངེས་པར་ཏེ།། དེ་ལྟར་དགོངས་པའི་རྟོགས་པ་ཡིན།། རྒྱལ་པོ་ཡུལ་འཁོར་གཞོམ་པར་བྱ།། བྲམ་ཟེ་བཙོན་བཟུང་རྗེའུ་རིགས་བསད།། དམངས་རིགས་ལས་བཀོལ་དུག་ལ་སྤྱད།། མི་དགེ ་དང་བླང་སྦྱོར་སྒྲོལ་བྱ།། འདི་ནི་སངས་རྒྱས་སྤྱོད་པ་སྟེ།། དུག་ལྔ་ལས་ནི་ཐམས་ཅད་འགྲུབ།། དབང་གི་ངོ་བོ་ངེས་ཚིག་དང་།། དབྱེ་བ་ལ་སོགས་ཤེས་པ་ཡིས།། གང་བྱ་མངོན་སངས་རྒྱས་པར ་བཤད།། སེམས་ཉིད་རྟོགས་ན་དབང་ཡིན་ཏེ།། ཐམས་ཅད་རང་རིག་ཕུར་བུ་ཡིན།། དེ་ནི་ལུང་གི་ཚད་མར་བཤད།། ཅེས་གསུངས་པས། འཁོར་རྣམས་དབང་དང་ལྡན་པར་གྱུར་ཏོ།། རྡོ་རྗེ་ཕུར་པ་གསང་བའི་རྩ་བ ་རྣལ་འབྱོར་ཆེན་པོ་ཡང་དག་པའི་རྒྱུད་ལས། འདུས་པ་དབང་བཤད་པའི་ལེའུ་སྟེ་བདུན་པའོ།། །། དེ་ནས་ཀརྨ་ཧེ་རུ་ཀས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་བཛྲ་ཧེ་རུ་ཀུ།། རྩ ་བ་འདུས་པའི་ངེས་པ་ལས།། རྣལ་འབྱོར་རྗེས་སུ་འཇུག་པ་ཡི།། ཕྱི་ནང་གསང་བའི་བསྒྲུབ་པ་ལས།། དེ་ལ་དགུ་རུ་ཕྱེ་བ་ཡིས།། ཉམས་སུ་བླང་བྱ་བཤད་དུ་གསོལ།། དེ་སྐད་ཅེས་ནི་གསོལ་པ་དང་།། བཅོམ་ལྡན ་བཛྲ་ཀཱི་ལ་ཡས། དོན་གསུམ་དུ་འབྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། གསུང་ནི་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། ཐམས་ཅད་འདུས་པའི་རྩ་བ་ལ།། ཕྱི་ནང་གསང་བ་ང ་ཡིས་བཤད།། ཕྱི་ནང་དཀྱིལ་འཁོར་བཅས་པ་སྟེ།། ཕུན་སུམ་ཚོགས་པ་ལྔ་ལྡན་པས།། ཉི་མ་ཆད་དུ་ཞུགས་པ་དང་།། ཉམས་པ་བདུན་པོ་བསྒྲལ་བའི་ཕྱིར།། ཚད་མེད་སྙིང་རྗེས་བསྐྱོད་པ་དང་།། བྱང་ཆུབ་སེམས ་དཔའ་དགའ་བ་ནི།། སྔོན་དུ་འགྲོ་བའི་ལས་མཆོག་སྟེ།། མན་ངག་རྣམ་པ་དྲུག་དག་གིས།། འདི་ཡིས་བསྒྲུབ་པ་གཏན་ལ་དབབ།། དཀྱིལ་འཁོར་ལེགས་པར་བརྩིགས་ལ་ནི།། ཆག་ཆག་ཐིག་བྱས་གྲུ་གསུམ ་ནི།། བཅུ་གཅིག་ལྡན་པར་བྲི་བར་བྱ།། ཕུར་པ་བཅོ་བརྒྱད་ལེགས་པར་དགོད།། རྨད་དུ་བྱུང་བའི་རྫས་རྣམས་བཤམ།། དེ་ནས་ཏིང་འཛིན་རྣམ་གསུམ་ནི།། མ་ཧཱ་ཡོ་གའི་ཚུལ་དུ་བྱ།། དཀྱིལ་འཁོར་རྣམ་གསུམ་ཚུལ ་དུ་བསྐྱེད།། དབང་བསྐུར་སྤྱན་དྲངས་མཆོད་པ་འབུལ།། རིགས་ཚོགས་བྱས་ལ་སྨོན་ལམ་གདབ།། སྟོད་ཀྱི་གསང་སྔགས་འབྲུ་དགུ་ལ།། ཆོས་ཉིད་དག་ཏུ་ཤེས་པ་དང་།། ཡི་གེ་ཕྲེང་བའི་སྐུ་ཕྱག་རྒྱ།། བཟླས་པ ་ལུགས་གསུམ་བྱ་བ་དང་།། འཁོར་དང་དམ་བཅའ་དེ་བཞིན་དུ།། རྫོགས་པར་བྱས་པས་ཕྱི་ནང་གི། རྟགས་དང་དངོས་གྲུབ་རྣམ་གཉིས་ཐོབ།། རྣལ་འབྱོར་བྲོད་པ་སྐྱེ་བའི་ཕྱིར།། རྟགས་འདོན་པ་ཡི་མན་ངག ་བྱ།། བཟླས་པ་དོན་ཡོད་བྱ་བའི་ཕྱིར།། དངོས་གྲུབ་ཤེས་པས་དངོས་གྲུབ་བླང་།། དེ་ནས་གསད་པའི་ལས་བྱ་བ།། དཀྱིལ་འཁོར་དབུས་སུ་གྲུ་གསུམ་གྲུ།། དབུས་སུ་དམ་ཅན་ཕུར་པ་དགོད།། དེ་ཡི་ཕྱི་རིམ་ལྷ་རྣམས ་སོ།། དམ་ཅན་རྣམ་གསུམ་མཐུན་པའི་རྫས།། ཐོད་པ་བཅུ་གཉིས་ཡང་ན་གསུམ།། དེ་རུ་ཐུན་གྱི་སྦྱོར་བ་བྱ།། གཏོར་མ་ལ་སོགས་ངེས་པས་བསག། ལིངྒ་བྱས་པ་དག་ལ་ནི།། ལྷ་དབྲལ་དགུག་བསྟིམ་ལས་བྱས ་ལ།། དཀར་ནག་ཐག་པས་ཁས་བཀོད་པའི།། འཁོར་བའི་ཞེ་བཅད་ལ་སོགས་བྱ།། དགུག་པ་ལ་སོགས་གབ་པ་ཡིས།། བསྡམ་པ་མན་ངག་ཤེས་པར་བྱ།། དེ་ནས་ཏིང་འཛིན་རྫོགས་ཚུལ་དུ།། ཐམས ་ཅད་མཐིང་ནག་འབར་བ་ལ།། སྐུ་སྨད་ཕུར་པ་ཟུར་གསུམ་གྱིས།། ཉམས་པ་ཐལ་བྱུང་རྣམ་པར་བསམ།། དེ་འདྲས་སྤྱན་དྲང་མཆོད་པ་ནི།། གོང་འོག་ནུས་པས་ཤེས་པར་བྱ།། དྲག་པོའི་ལས་ཀྱི་ཕོ་ཉ་བཏང་།། གསང ་སྔགས་དང་པོ་གཙོ་བོ་དང་།། མིང་རུས་དངོས་དང་འདུས་པ་དང་།། མིང་པོའི་སྔགས་བཅས་བཟླས་པར་བྱ།། དམ་ཅན་ལ་སོགས་ལྷ་རྣམས་ཀྱིས།། རྣམ་པར་བསད་པའི་དགོངས་པ་བྱ།། སྐབས་སུ་ཐུན་སྔགས་བཅུ ་ཉིས་ཀྱིས།། ཐུན་ཕབ་ངེས་པར་བཞད་པར་བསམ།། ཐམས་ཅད་འདུས་པས་གནད་ལ་དབབ།། དཔའ་བོ་གཅིག་པས་དགྲ་འཛབ་བྱ།། མ་མོ་འདུས་པས་དམ་ཅན་མ།། བཙུན་ལ་དབབ་པར་ཤེས་པར་བྱ།། ངན ་སྔགས་འདུས་པའི་ལས་རྣམས་ནི།། ཁང་དགྲར་བཏང་དང་མགོ་མཇུག་གདགས།། བསྒྲུབ་པའི་སྟེགས་བུ་བྱ་བ་དང་།། ངན་སྔགས་འཁོར་ལོ་བསྐོར་བ་ཡིས།། རབ་ཏུ་ངེས་པར་གསད་པར་བྱ།། དེ་ལ་རྟགས་དང ་མཚན་ཚང་ན།། རྡུལ་དུ་བརླག་པར་ཕུར་པས་གདབ།། སྣ་ལ་སྲས་མཆོག་གཅིག་གིས་ནི།། ཚེ་ལུང་ཁྲུས་ལུང་རྫོགས་པར་བྱ།། ཀུན་བཞི་རྩད་ནས་གཅོད་པའོ།། དེ་ནས་སྲས་མཆོག་བཞི་ཡིས་ནི།། ཁ་སྐོང་ཅན་གྱི ་སྔགས་ཀྱིས་སུ།། སྤྱི་བོ་ལ་སོགས་གནས་ལྔར་གདབ།། དེ་ནས་ཕུར་པ་བཅུ་ཡིས་ནི།། ལས་སྔགས་དག་གིས་གནས་གནས་སུ།། ལེགས་པར་བཏབ་ལ་ལྷ་ལ་བསྟན།། བསྲེག་དང་གནན་དང་འཕང་པ་ཡིས།། ལས ་ཀྱི་མཐའ་བརྟུལ་ཤེས་པར་བྱ།། དེ་ཡིས་གྲུབ་པར་མ་གྱུར་ན།། བསེ་ལྕགས་དུང་གིས་སྒྲོག་པར་བྱ།། དེ་ཡིས་མ་གྲུབ་ཤི་ས་བསྟན།། འདིས་ནི་ཕུར་པའི་མན་ངག་དྲུག། ཡང་དག་པར་ནི་ངེས་པར་བཤད།། ཕུར་པ་ཕྱི། ་ཡི་ངེས་པ་ཡང་།། ལྷ་ལ་སོགས་པའི་ཕྱིར་བསྐྱེད་པས།། ངེས་ན་དེ་ཡང་རབ་བཤད་དོ།། དམ་ཅན་ངོ་བོ་ངེས་ཚིག་དང་།། དབྱེ་བ་ཤིས་ན་ལས་རྣམས་མྱུར།། དཔྱང་ཟག་ཆད་པ་ཐུགས་རྗེ་ཡིས།། བཟུང་ན་ངེས་པ ་བསྟན་པ་ནི།། ཉམས་དང་བདུན་ལས་གཞན་དུ་མིན།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཕུར་པ་ཕྱི་ལྟར་བཤད་པའི་ལེའུ་སྟེ་བརྒྱད་པའོ།། །། དེ ་ནས་ཡང་ནི་བཤད་བྱ་བ།། ང་ལ་རབ་ཏུ་གུས་པས་ཉོན།། གཉིས་མེད་དོན་ཤེས་རྣལ་འབྱོར་པས།། ཉམས་པ་བསྒྲལ་ན་མངོན་སངས་རྒྱས།། དེ་ལ་ནང་དུ་གནས་པ་ནི།། ངེས་པ་ཕུན་སུམ་ཚོགས་པ་ལྔའོ།། རྟགས ་དང་དྲོད་ཟིན་རྣལ་འབྱོར་པས།། དག་པའི་གནས་སུ་འདུག་ནས་ནི།། དཀྱིལ་འཁོར་རྟེན་བཅའི་རིམ་པ་ཡང་།། ཡལ་ག་མེད་པའི་བྷནྡ་ནི།། ཐོད་པ་རབ་ཏུ་ལེགས་པ་ལ།། ཡུག་ས་མོ་ཡི་མངལ་ཁྲག ་གིས།། གྲུ་གསུམ་མེ་འོད་འབར་བ་ལ།། ཕྲིན་ལས་བཞི་ཡི་དབྱིབས་བྱའོ།། དེ་ལ་དགྲ་བགེགས་མིང་བྱང་གཞུག། བསྙེན་པའི་ཕུར་པས་གཟིར་ལ་གཞག། གཏོར་མ་སྨན་དང་རཀྟ་བཅས།། རྩ་བ་དེ ་ལས་བྱུང་བའི་རིགས།། ཏིང་འཛིན་རྣམ་གསུམ་རིམ་བཞིན་བསྒོམ།། གཞལ་ཡས་གདན་དང་བཅས་པར་བསམ།། དེ་དབུས་རྩ་བའི་བདག་ཉིད་སྐུ་བསྐྱེད་པ།། ལུས་ལ་དཀྱིལ་འཁོར་རྫོགས་པའོ།། གཞན་ཡང་ཐོད ་པའི་གཞལ་ཡས་སུ།། སྲས་བཅས་དམ་ཅན་བཅས་པ་བསམ།། དབང་བསྐུར་བྱིན་རླབས་ལེགས་པར་བྱ།། རང་བཞིན་དཀྱིལ་འཁོར་སྤྱན་དྲང་བསྟིམ།། ཕྱག་འཚལ་མཆོད་པ་བྱས་ལ་ནི།། བཟླས་པ་དཔའ་བོ་གཅིག ་པའི་སྔགས།། དང་པོ་བཅོམ་ལྡན་ཕུར་པའི་རྫས།། ཐམས་ཅད་འདུས་དང་རི་རབ་དང་།། མནན་པ་ཁྲོ་བོ་འདུས་པ་དང་།། གོང་བཞིན་དམ་ཅན་འདུས་པ་དང་།། ཐབས་དང་ཤེས་རབ་གིང་མཆོག་དང་།། རྟོགས་པ ་ལས་ཀྱི་སྔགས་བཅས་པ།། རྣམ་བཞི་ཚང་བ་བཞི་སྙིང་སྟེ།། དཔའ་བོ་གཅིག་ལ་ངལ་བ་མེད་པར་བཟླས།། ལྷ་ལ་བསྟོད་ཅིང་སྲུང་མ་བསྐུལ།། དེ་ནི་བསྙེན་པའི་དུས་སུ་སྟེ།། རྟགས་ཚང་གཉིས་མེད་དངོས་གྲུབ ་བླང་།། དྲག་པོ་གསང་བའི་ལས་བྱ་བ།། ཉ་ནག་མར་གྱི་ངོ་ལ་ནི།། དྲག་པོ་ལས་ཀྱི་རིམ་པར་བྱ།། གབ་སྔགས་དྲུག་གི་ལས་བྱས་ལ།། དམ་ཅན་སྔགས་དང་བཅས་པ་དང་།། བཞི་སྙིང་སྔགས་ལ་མིང་བཏགས ་ལ།། བཟླས་བྱས་ཚེ་ལུང་ཁྲུས་ལུང་གིས།། ཕུར་བཏབ་རྡུལ་དུ་བརླག་པར་བྱ།། ཞལ་དུ་བསྟབ་ཅིང་གཏོར་མ་གཏང་།། ལས་གསུམ་ངེས་པས་ལས་མཐའ་བརྟུལ།། དེ་ལ་རྟགས་མཚན་མེད་པ་ན།། ཡི་དམ་ནར་མ ་གཞུང་དུ་བྱའོ།། ལས་ཀྱི་རིམ་པ་རྫོགས་བྱས་པས།། གང་ལ་དམིགས་པ་གདོན་མི་ཟ།། འདི་ནི་ནང་དུ་ངེས་པ་སྟེ།། ལུས་རྩ་གསེར་གྱི་བུ་ག་རུ།། དཀྱིལ་འཁོར་ཚང་བར་བསྐྱེད་པ་ལས།། ཐོད་པའི་གཞལ་ཡས་ནང ་དུའོ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཕུར་པ་ནང་ལྟར་བཤད་པའི་ལེའུ་སྟེ་དགུ་པའོ།། །། དེ་ནས་འགྲོ་ལ་ཕན་གདག་ཕྱིར།། གསང་བའི་ངེས ་པར་རབ་ཏུ་བཤད།། ངེས་གསུམ་གདེང་གསུམ་ལྡན་པ་ཡིས།། ཕུར་པ་གསང་བ་རབ་ཏུ་བསྒྲུབ།། དེ་ཡང་རྣམ་པ་དྲུག་ཡིན་ཏེ།། ཆོས་ཉིད་བདེན་པ་བསྟན་པ་དང་།། སྔགས་ཀྱི་བྱིན་བརླབ་བསྟན་པ་དང་།། ཨ་བྷི ་ཙརྱའི་བརྣགས་པ་དང་།། དེ་ཡི་ཤེས་པ་དགུག་པ་དང་།། སངས་རྒྱས་མཐུ་ཉིད་བསྟན་པ་དང་།། མ་ནོར་ཚུལ་དུ་བསྒྲུབ་པར་ངེས།། དང་པོར་མཎྜལ་བྲི་བ་ནི།། གྲུ་གསུམ་རྒྱ་མདུད་དཀྱིལ་འཁོར་དུ།། ཕྱི་ནང་གསང ་བའི་རྫས་རྣམས་བསག། ཕུར་པ་ལ་སོགས་རིམ་བཞིན་དགོད།། ཡང་ན་དཀྱིལ་འཁོར་མི་དགོས་ཏེ།། གསང་བའི་ལས་སུ་བཤད་པ་ཡིན།། དང་པོ་ཏིང་འཛིན་རྣམ་གསུམ་གྱིས།། ཧཱུཾ་ཉིད་སྲོག་གི་གོར་ཤར་བས།། གྲུ ་གསུམ་གཞལ་ཡས་བཅས་པར་བསམ།། ཡང་ན་ཕུང་པོའི་གཞལ་ཡས་སུ།། དེ་ལ་ལྷ་རྣམས་གསང་སྔགས་ཀྱིས།། རྫོགས་པའི་ཚུལ་དུ་བསྐྱེད་པ་དང་།། རྣམ་པར་ཤེས་པའི་ཚོགས་ལས་གྱུར།། རང ་བཞིན་སྤྱན་དྲང་དེ་ལ་བསྟིམ།། མཆོད་པ་སྦྱོར་སྒྲོལ་ཁམས་གསུམ་སྒྲོལ།། ཁྲོ་བོ་ལྔ་ཡིས་དུག་ལྔ་འདུལ།། དེ་ཡང་བདུད་རྩིའི་ལས་ལའོ།། བསྟོད་དང་སྨོན་ལམ་ངེས་པར་བྱའོ།། ཀཱི་ལ་ཡ་ཡི་གསང་སྔགས ་ཀྱིས།། རྟོགས་དང་མ་རྟོགས་མཚམས་སུའོ།། ཆོས་ཉིད་དོན་དམ་ཤེས་པ་ཡིས།། སྲས་དང་སྤྲོ་བསྡུ་ལེགས་པར་བྱ།། དྲག་སྔགས་བདུན་པའི་ཚུལ་དུའོ།། ཡང་ན་ཁོ་ན་ཤེས་པ་ཡིས།། མན་ངག་ཉི་ཤུ་རྩ་གཅིག ་གིས།། ལེགས་པར་སྟོད་སྨད་སྦྱར་བར་བྱའོ།། རྟགས་བྱུང་དངོས་གྲུབ་ཤེས་བྱས་པས།། ནུས་པ་འཐོབ་འགྱུར་ངེས་པ་སྟེ།། དོན་དམ་ངེས་པ་སྟོན་པས་ན།། ཆོས་ཉིད་བདེན་པའི་ཕུར་པ་ཡིན།། དེ་ནས་དྲག་པོའི་ལས ་འཇུག་པ།། མཎྜལ་གོང་ལ་སྒོ་བཞིར་ནི།། ཉམས་པ་བསྒྲལ་བའི་ཡན་ལག་དང་།། མགོ་བཅས་ཉམས་པའི་གཞལ་ཡས་ཁང་བྱའོ།། ལིངྒ་ངེས་བྱས་ཕུར་པས་གཟིར།། བསེ་ལྕགས་དུང་གི་རྫས་རྣམས་བསག། དེ་ནས ་ཏིང་འཛིན་རྣམ་གསུམ་གྱིས།། ཐམས་ཅད་མཐིང་ནག་ཕུར་པའི་ལྷ།། མེ་རི་སྨུག་ནག་ནང་ན་བཞུགས།། ཉམས་པ་བསྒྲལ་བའི་རྣམ་ཤེས་ལ།། རེངས་པ་སྐད་ཅིག་རྫོགས་ཚུལ་དུའོ།། རང་བཞིན་སྤྱན་དྲང་མཆོད་པ ་དབུལ།། སྦྱོར་སྒྲོལ་མཆོད་པ་གོང་འོག་བསྣོར།། ཉམས་པ་བསྒྲལ་བའི་རཀྟ་ནི།། དུག་ལྔ་ལྷ་ལྔའི་སྤྱན་སྔར་དབུལ།། དྲག་པོའི་ཚུལ་དུ་གསལ་གདབ་བསྟོད།། ཁྲོ་བོའི་ཚུལ་དུ་སྤྱན་ཡང་དྲངས།། དང་པོ་གཙོ་བོ་གསང ་སྔགས་དང་།། ཕྱག་རྒྱ་བཞི་དང་མིང་རུས་དང་།། མ་མོ་འདུས་དང་ཐམས་ཅད་འདུས།། བཞི་སྙིང་དྲིལ་བ་དྲག་ཏུ་བཟླས།། ཧཱུཾ་ཀཱ་ར་ཡི་ཡི་གེ་བདུན།། ཐམས་ཅད་གྲགས་པ་གསུང་གི་སྔགས།། བདག་ཉིད་གཙོ་བོའི ་ཡི་གེ་ལྔས།། གཟུགས་སུ་བསྐྱེད་པ་སྐུ་ཡི་སྔགས།། བདུད་རྩི་འཁྱིལ་པ་ཡི་གེ་དྲུག། དྲན་པར་སྣང་བ་ཐུགས་ཀྱི་སྔགས།། དེ་རྣམས་གོང་གི་བར་དུའོ།། སྐུ་གསུང་ཐུགས་ལ་གཙོ་ཆེན་བྱ།། དྲག་སྔགས་དྲུག་པ་དམ ་ཅན་དང་།། བཟླས་སྔགས་ཐམས་ཅད་གོང་གི་བར།། མན་ངག་རིམ་པར་ཤེས་པ་ཡིས།། བཟླས་པ་བྱས་པས་བླ་ཁུགས་འགྱུར།། ཏིང་ངེ་འཛིན་གྱིས་གཟིར་བར་བྱའོ།། བསྒྲུབ་པ་ངེས་པར་གནས་པ་ཡིས།། གསང ་སྔགས་བྱིན་རླབས་ཤེས་པར་བྱ།། རྒྱུ་ཡི་རཱུ་ཏྲས་འབྲས་བུ་དང་།། ལམ་གྱི་རཱུ་ཏྲས་བདག་ཉིད་ཕུང་།། དུག་ལྔའི་ངེས་པ་རབ་ཤེས་བྱ།། ལམ་གྱི་རཱ་ཏྲ་བརྣག་པ་ཡི།། སྐྱེ་བོ་ཉམས་པ་ཅན་དེ་སྤྱི།། དམ་ཚིག་གཅིག་པ་ཕྱི། ་དང་ནང་།། གསང་བའི་བརྣག་པ་ཡིན་པ་སྟེ།། དེ་ལ་ལིངྒའི་མན་ངག་དང་།། ཐབས་དང་སྦྱོར་བ་གཞོམ་པ་དང་།། ཁ་སྦྱོར་དབྱེ་བ་གསུམ་བྱས་ལ།། བསྒྲལ་བ་རྣམ་གཉིས་ཤེས་པར་བྱ།། དེ་ནི་མི་འགྱུར་བརྣག་པ ་ཡིན།། དེ་ཡི་ཤེས་པ་དགུག་པ་དང་།། དྲག་སྔགས་བཞིའི་སྦྱོར་བ་བྱ།། ཕོ་ཉ་སྔགས་དང་ཏིང་འཛིན་གསུམ།། བྲན་དང་ཕོ་ཉ་བཀའ་ཉན་གྱིས།། ཤེས་པ་ངེས་པར་དགུག་པར་བྱ།། མིང་པོ་སྲིན་མོའི ་དགུག་སྔགས་སམ།། ཡང་ན་མིང་པོའི་དྲག་སྔགས་སོ།། ཏིང་འཛིན་རི་དྭགས་ཤ་བཀྱེ་བཞིན།། མ་ཁུགས་བར་དུ་ངེས་པར་སྦྱར།། ཁུག་ནས་གདབ་པའི་ལས་བྱའོ།། འདི་ཡིས་ངེས་པར་ཁུག་པ་ཡིན།། གོང་དུ་བསལ ་བས་གདབ་མི་དགོས།། ཡང་ན་གདབ་པར་བྱ་བ་ནི།། དབུས་ཀྱི་སྲས་མཆོག་སྙིང་ལ་ནི།། ཨོཾ་ལཾ་སྔགས་ཀྱིས་གདབ་བྱ་སྟེ།། ཚེ་ལུང་ཁྲུས་ལུང་ལེགས་པར་བྱ།། སྐུ་གསུང་ཐུགས་ཀྱི་ཕུར་པ་ཡིས།། ལུས་ངག་ཡིད་ལ ་ངེས་པར་སྦྱར།། ཁྲོ་བོ་བཅུ་ཡི་ཕུར་པ་ཡིས།། སྤྱི་བོ་ལ་སོགས་གནས་བཅུར་གདབ།། དམ་ཅན་མིང་སྲིད་ཕུར་པ་དྲུག། སྔགས་ཀྱིས་གནས་སུ་གདབ་པར་བྱ།། བཏབ་ནས་བསྟབ་པའི་ལས་རྣམས་བྱ།། དེས་ནི་ངེས ་པར་གསོད་འགྱུར་བས།། སངས་རྒྱས་མཐུ་རུ་རྣམ་པར་བཤད།། ལས་ཀྱི་མཐའ་བརྟུལ་ངེས་པར་ཡང་།། གབ་སྔགས་དྲུག་གི་འཁོར་ལོ་ནི།། དེ་ཡང་སྲོག་ལ་འཁོར་ལོ་བསྐོར།། ནུབ་ལྔར་ངེས་ཤིང་གོང་བཞིན ་གདབ།། ཧོམ་ལ་བསྲེག་པའི་སྦྱོར་བ་ཡིས།། རྡོ་རྗེ་མེ་དཔལ་གྱིས་བསྲེག་ནས།། ཐོད་པར་འཕང་བའི་ལས་བྱའོ།། གནོན་པ་ངེས་པར་གནན་པ་ཡིས།། ཉམས་པ་འཆིར་འགྱུར་ངེས་པ་ཡིན།། འདིས་ནི་ཉམས་པ ་བསད་པ་ཡི།། དེ་ཁོ་ན་ཉིད་མ་ནོར་ཚུལ་བཞིན་བསྒྲུབ་པའོ།། འདི་དག་ལམ་དུ་བྱས་པ་སྟེ།། བདག་དང་ཕུར་པ་གཟས་པ་གསུམ།། གཅིག་ཏུ་རྟོགས་ན་ཐེབས་པའོ།། ལྷ་རྣམས་རང་གིས་ཤེས་འགྱུར་བས།། འདི་ནི ་གསང་བའི་རིམ་པའོ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས།། གསང་བ་བཤད་པའི་རིམ་པའི་ལེའུ་སྟེ་བཅུ་པའོ།། །། དེ་ནས་དཔའ་བོ་ཆེན་པོ ་ཡིས།། སེམས་ཅན་དབང་པོ་རབ་འབྲིང་པས།། བློ་ཡི་རབ་འབྲིང་མང་ཡོད་པས།། དེ་ཡི་ཕྱིར་ན་རིམ་པ་དག། དགུ་རུ་ནམ་པར་ངས་བཤད་དོ།། དེ་ལ་ཕུར་པ་ཕྱི་ཡི་ཕྱིའི།། མན་ངག་འདི་ལྟར་ཤེས་པར་བྱ།། ཡོན ་ཏན་ལྡན་པའི་སྔགས་པ་ཡིས།། ཉམས་པ་བསྒྲལ་བའི་ལས་བྱས་པས།། དེ་ཉིད་ལམ་དུ་ངེས་པ་ཡིན།། གནས་མཆོག་གཞུང་ལྟར་ངེས་པ་སྟེ།། ཡན་ལག་བདུན་བཅས་སྔོན་འགྲོ་བྱ།། ཕྱི་མཚམས་ལ་སོགས་ངེས་བྱས ་ཏེ།། ཚོགས་གཉིས་ལེགས་པར་བསགས་པ་ཡི།། མཎྜལ་རིམ་པ་ལེགས་པར་བྱ།། གྲུ་གསུམ་བཅུ་གཅིག་ལེགས་བྲིས་ལ།། དེ་ལ་རྫས་རྣམས་དགོད་པ་ནི།། བདུད་རྩི་སྨན་དང་རཀྟ་དང་།། རྨད་དུ་བྱུང་བའི་རྫས ་རྣམས་དང་།། དྲེགས་པ་རྟེན་པའི་རྫས་རྣམས་དགོད།། བསྙེན་ཕུར་ལ་སོགས་ཉི་ཤུ་གཅིག། དབུས་ལ་སོགས་པའི་རིམ་པར་དགོད།། དེ་ནས་ཡན་ལག་བདུན་པ་དང་།། ཚད་མེད་འགྲོ་དོན་ཤེས་པར་བྱ།། དང་པོའི ་ཚིག་ལ་ཏིང་འཛིན་གསུམ།། ལེགས་པར་བསྐྱེད་པ་དེ་འོག་ལ།། གདན་བཅས་གཞལ་ཡས་བསྐྱེད་པར་བྱ།། དེ་འོག་གཉིས་པའི་ཚིག་བཞིས་ནི།། གཙོ་བོའི་འཁོར་རྣམས་བསྐྱེད་བྱས་ལ།། བདག་དང ་ཁྲོ་བོ་ཕུར་པ་རྫས།། རྫོགས་པར་དཀྱིལ་དུ་ཤེས་པར་བྱ།། དེ་འོག་ཚིག་གསུམ་ངེས་པ་ཡིས།། གསོལ་བ་གདབ་པར་ཤེས་པར་བྱ།། ཡང་ན་གོང་གི་ཚིག་བཞི་ཡིས།། ཕུར་པ་རྫས་སུ་ཤེས་པར་བྱ།། དེ་འོག་ཚིག ་བཞིས་གདབ་པར་བྱ།། དེ་འོག་བཞི་ཡིས་དབང་བསྐུར་རོ།། དེ་འོག་གསུམ་པས་སྤྱན་དྲངས་ཏེ།། བཞི་པས་དངོས་གྲུབ་ཤེས་པར་བྱ།། མཆོད་བྱས་བསྟོད་པ་སྨོན་ལམ་གདབ།། འབྲུ་དགུ་མ་ནོར་བདུན་ཁྲི ་བཟླས།། འཁོར་ལ་དེ་ཡི་ཕྱེད་ཕྱེད་དོ།། དེ་ལ་རབ་འབྲིང་རྟགས་ཚང་ན།། དངོས་གྲུབ་བླང་བ་ཤེས་པར་བྱ།། དེ་ནས་དྲག་པོའི་ལས་བྱ་བ། དཀྱིལ་འཁོར་འཁོར་ལོ་རྩིབས་དྲུག་པ།། ཕུར་པ་དྲུག་བཅས་རབ་བཀོད ་དེ།། ལིངྒ་ཐུན་རྫས་དྲག་པོའི་རྫས།། གསང་སྔགས་རྫས་སུ་ཤེས་པར་བྱ།། དང་པོ་ལྷ་དཔྲལ་གཉིས་པ་དབབ།། གསུམ་པས་བྱད་གཞུང་བཞི་པས་སྐྱོ།། ལྔ་པས་རྡུལ་བརླག་དྲུག་པས་བསྟབ།། དེ་ལྟར་མན་ངག་རིམ ་པར་སྦྱར།། དང་པོ་ཏིང་འཛིན་རྣམ་གསུམ་ནས།། རྫོགས་པར་མཐིང་ནག་འབར་བ་སྟེ།། དེ་ལྟར་མཆོད་བསྟོད་རྫོགས་པར་བྱ།། འཁོར་ལོ་དྲུག་ལ་དྲེགས་པ་དྲུག། ཁྱམས་ལ་མ་བདུན་སྲུང་མ་གསུམ།། རིམ་པར ་རྫོགས་ཚུལ་ཤེས་པར་བྱ།། མཆོད་པ་བསྟོད་པ་ཡན་ཆད་བྱ།། དང་པོ་གཙོ་བོའི་གསང་སྔགས་དང་།། མིང་རུས་བཅས་པའི་ངེས་པ་དང་།། ཧ་ས་ཡ་རའི་ཡི་གེ་དགུ།། སུམ་བརྒྱ་དྲུག་ཅུའི་གཙོ་བོ་སྟེ།། དགྲ་བླའི་རྒྱལ ་པོའི་སྙིང་པོ་ཡིན།། དང་པོའི་ཞག་གཅིག་ལྷ་དང་དབྲལ།། དེ་ནས་སྲུང་མ་མ་བདུན་སྔགས།། ཐུན་དུ་བཅས་པས་གསད་པར་བྱ།། རྩ་བས་དམ་ཅན་གནད་ལ་དབབ།། ཨཱ་ཝེ་ཤ་ཡི་ཡི་གེ་བཅུ།། ཀླུ་ཡི་རྒྱལ་པོའི་གསང ་སྔགས་ཡིན།། ནུབ་གཉིས་གཟུགས་ལ་དབབ་པའོ།། ཤི་ཀྲི་ཨཱ་ན་ཡ་ཡི་ཡི་གེ་བདུན།། ཕྱོགས་བཞི་དག་ཏུ་ལེགས་པར་དགོད།། དེ་ནས་ཏིང་འཛིན་རྣམ་གསུམ་ནས།། རིམ་པར་རྫོགས་ཚུལ་བསྐྱེད་པ་ནི།། གཙོ་བོ ་རྫོགས་ཚུལ་བསྐྱེད་པ་ཡང་།། སྲས་མཆོག་ཕུར་པ་རྣམས་ལ་ནི།། རང་རང་ཞལ་གཅིག་ཕྱག་བཞི་པ།། སྟ་རེ་ཁ་ཊྭཱཾ་ཕུར་བུ་འདྲིལ།། མཐིང་ནག་འབར་བའི་ཚུལ་གནས་སོ།། དམ་ཅན་མ་ནི་འདི་ལྟ་སྟེ།། ནག་མོ་ནག ་ལ་བསེ་མོ་དམར།། ཤྭ་ན་དཀར་ལྡེམ་མིང་པོ་སེར།། ཞལ་གཅིག་ཕྱག་གཉིས་ལྕགས་ཀྱུ་ཕུར། དྲག་པོ་མིན་ནམ།། རངས་པ་རྣམས་ལ་ཆིབས་མེད་དོ།། རྩ་བ་སྐུ་གསུང་ཐུགས་སུ་བརླག། རང་བཞིན་སྤྱན་འདྲེན་མཆོད་པ ་དབུལ།། བསྡོད་པ་ཡན་ལག་རྫོགས་པར་བྱ།། གཙོ་བོ་གསང་སྔགས་ངེས་པ་དང་།། ཁ་སྐོང་སྲས་མཆོག་སྔགས་དྲུག་གམ།། ཡང་ན་མི་སྐོང་བདུན་དུ་ངེས།། དམ་ཅན་རང་རང་གསང་སྔགས་བཅས།། རིམ་པར་གང ་རིགས་རྫོགས་པར་བྱ།། ཕར་མཆོད་གུས་པས་བདག་ལ་བསྟིམ།། དེ་ཡིས་ངེས་པར་བསྟན་པ་ཡིན།། དེ་ནས་སྐབས་སུ་ཐུན་དུ་བྱ།། ལྕགས་ཕུར་སྔགས་ཀྱིས་སྙིང་ལ་གདབ།། སྐྱེར་ཕུར་མཆོག་ཕུར ་སེང་ལྡིང་ཕུར།། བྱ་ཕུར་ཙནྡན་ཤེར་ཤིང་རྣམས།། རང་རང་སྔགས་ཀྱིས་གནས་གནས་གདབ།། ཀུན་ལ་གསང་སྔགས་འབྲུ་དགུའོ།། དམ་ཅན་གསུམ་པོ་རང་སྔགས་ཀྱིས།། དགྲ་བོའི་གནས་སུ་གདབ་པར་བྱ།། མིང ་པོའི་ཕུར་པ་འདུས་པ་ཡིས།། སྔགས་ཀྱིས་གདབ་པར་ཤེས་པར་བྱ།། ལས་གསུམ་ལས་མཐར་ངེས་པར་བཅུ་ལ།། ཤི་ནས་ངེས་པར་གནས་སྦར་རོ།། འདི་ནི་ཉམས་པ་བསྒྲལ་བ་སྟེ།། སངས་རྒྱས་བསྟན་པ་བ ་སྲུང་ཕྱིར་བཤད།། ཅེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཕྱིའི་དབྱེ་བ་རྣམ་གསུམ་བཤད་པ་སྟེ་ལེའུ་བཅུ་གཅིག་པའོ།། །། དེ་ནས་ནང་གི་དབྱེ་བ ་རྣམས།། ཡང་དག་པར་ནི་བཀའ་སྩལ་ཏེ།། གཉིས་མེད་ཕུར་པའི་དོན་ཤེས་དང་།། ཤེས་གསུམ་གདེངས་གསུམ་ལྡན་པ་ཡི།། ཡོན་ཏན་ལྡན་པའི་རྣལ་འབྱོར་གྱིས།། ནང་གི་ཕྱི་ཡི་བསྒྲུབ་པ་བྱ།། སྔོན་འགྲོ་ལ་སོགས ་རིམ་པ་ལས།། མཎྜལ་དྲག་པོ་དྲི་བར་བྱ།། ཕུར་པ་བཅོ་བརྒྱད་ལེགས་པར་དགོད།། ནང་གི་རྫས་རྣམས་ཚང་བ་དང་།། ཐོད་པ་ཆེན་པོའི་ཐུན་དང་བཅས།། དབུས་གཞག་སྔགས་དྲུག་ཐུན་ཀྱང་བཅའ།། དེ་ནས ་མཚམས་བཅད་བྱིན་དབབ་བཤགས།། རྫས་རྣམས་ལེགས་པར་བྱིན་བརླབ་བོ།། དེ་ཡང་མི་སྐོང་ཤེས་པར་བྱ།། དེ་ནས་ཏིང་འཛིན་འཇུག་པ་ནི།། དང་པོའི་ཚིག་གསུམ་ཏིང་འཛིན་བསྒོམ།། གཞལ་ཡས་གདན་དང ་བཅས་པ་བསྐྱེད།། རྡོ་རྗེའི་ཚིག་ནི་བཞི་པ་ཡིས།། བདག་ཉིད་ཡབ་ཡུམ་རྫོགས་ཚུལ་ལ།། ཡེ་ཤེས་སེམས་དཔའ་བཅས་པར་བསམ།། རྡོ་རྗེའི་ཚིག་ནི་གསུམ་པ་དང་།། གུ་ཧྱ་མནྟྲ་བཅུ་ཡིས་ནི།། ཧཱུཾ་ཀཱར་ལ་སོགས ་ཕྱོགས་བཅུ་ཡི།། ཕྲ་ཐབས་ཡང་སྦྲུལ་བཅས་པར་བསྐྱེད།། རྡོ་རྗེའི་ཚིག་གཉིས་སྔགས་བཅས་པས།། སྲས་ལྔ་དབུས་དང་སྒོ་མ་བསྐྱེད།། བྱིན་བརླབ་དཀྱུས་ཚིག་བཞི་པ་དང་།། སྔགས་བཅས་སྲོག་ལ་དབང་བསྐུར ་རོ།། སྟོད་སྨད་ཚིག་བཞིས་སྤྱན་དྲངས་ལ།། གཉིས་མེད་བསྟིམ་ལ་མཆོད་པ་ནི།། རང་རང་སྔགས་དང་སྟོབས་བཅས་པས།། རྣམ་ལྔའི་མཆོད་པ་རྫོགས་པར་བྱ།། སྨོན་ལམ་བཅས་ཏེ་སྦྱོར་བ་ཡིས།། མཆོད་པ་རྣམ ་པར་དབུལ་བར་བྱ།། རྡོ་རྗེའི་ཚིག་གསུམ་སྔགས་བཅས་པས།། སྨན་གྱི་དངོས་གྲུབ་ལེགས་པར་བླང་།། དེ་འོག་གསུམ་གྱིས་འཛབ་བསྟོད་དེ།། ལྷ་རྣམས་སྐུ་མདོག་ཁམ་ནག་སྟེ།། ཞབས་ནི་རི་རབ་ཕུར་བུའོ།། དམ ་ཅན་མགྲོན་ཐབས་སྤྱན་དྲངས་བསམ།། བར་བར་ཕྲིན་ལས་བཅོལ་བར་བྱ།། གསང་སྔགས་བཟླས་པ་རབ་ཏུ་བྱ།། གཙོ་འཁོར་རིམ་པར་ཤེས་པས་ནི།། རྟག་མཚན་རབ་ཏུ་འབྱུང་བར་ངེས།། དངོས་གྲུབ་བླང་བའི ་རིམ་པ་ཡང་།། འབྲང་རྒྱས་ཟླ་གམ་དཀར་དམར་གཉིས།། གཞན་ཡང་ཞལ་ཟས་མང་པོ་དང་།། བཅས་པ་ཟོད་པའི་ནང་བཞག་ལ།། ལྷ་རྣམས་སྔགས་ལ་གོང་འདུས་སྔགས།། བཏགས་པ་བཟླས་དང ་ཏིང་འཛིན་བྱ།། རྡོ་རྗེའི་ཚིག་ནི་གསུམ་པ་ཡིས།། ཞལ་ཟས་ཕུར་པ་གནས་ནས་བསྟིམ།། འདིས་ནི་སྐུ་གསུང་ཐུགས་འཐོབ་སྟེ།། དེ་ཡང་ནམ་མཁའ་རྡོ་རྗེའི་དབུས།། སྙིང་པོ་གསུམ་བསམ་ཟོས་པ་ཡིས།། དེ་ཡིས་གོང ་བཞིན་ངེས་པར་ཐོབ།། དང་པོ་གཙོ་བོའི་གསང་སྔགས་དང་།། མིང་རུས་བཅས་པའི་ངེས་ཚིག་དང་།། ཧ་ས་ར་ཡི་ཡི་གེ་བཅུ།། དགྲ་བླའི་རྒྱལ་པོའི་སྙིང་པོ་སྟེ།། དང་པོ་ལྷ་དང་ཕྲལ་བའོ།། ཨ་ཝེ་ཤ་ཡི་ཡི་གེ་བཅུ།། ཀླུ ་ཡི་རྒྱལ་པོའི་གསང་སྔགས་ཡིན།། གཉིས་པ་གཟུགས་ལ་དབབ་པའོ།། ཤྲཱི་གྷྲཾ་ཨཱ་ནའི་ཡི་གེ་བཅུ།། ཁུ་ལེ་ལག་དགུའི་གསང་སྔགས་ཡིན།། གསུམ་པ་བྱད་དུ་གཞུག་པའོ།། ཛ་ལ་པ་ཡི་ཡི་གེ་བཅུ།། རྒྱལ་པོ་སྤྱན ་གཅིག་སྙིང་པོ་སྟེ།། བཞི་པ་སྦྱོ་རུ་གཞུག་པའི་སྔགས།། ཏ་ཐཱ་ཡ་ཡི་ཡི་གེ་བརྒྱད།། བཙན་འགོང་དམར་པོའི་སྙིང་པོ་སྟེ།། ལྔ་པ་རྡུལ་དུ་བརླག་པ་ཡིན།། བྷིན་དྷ་ཡ་ཡི་ཡི་གེ་བཅུ།། རེ་མ་ཏི་ཡེ་སྔགས་ཡིན་ཏེ།། དྲུག་པ ་ཞལ་དུ་བསྟབ་པའི་སྔགས།། ནུབ་དྲུག་དམ་རྫས་ཕོ་ཉ་དང་།། སྤྲུལ་པའི་ཐུན་རྣམས་སྦྱར་བ་ཡིས།། རླུང་ནད་མཛེ་དང་བྱད་འཆིང་དང་།། སྨྱོ་དང་འབོག་དང་རིམས་ནད་ཀྱིས།། ངེས་པར་དག་ཏུ་འཆི་བར ་བཤད།། དྲུག་རྫོགས་ཕུར་པ་གདབ་པ་དང་།། བསྙེན་ཕུར་བཏབ་ལ་ཚེ་ལུང་བྱ།། དེ་ནས་བདག་གི་ཕུར་པ་དང་། ཁྲོ་བོ་བཅུ་ཡི་ཕུར་པ་དང་།། སྲས་མཆོག་བཞི་ཡི་ཕུར་པ་དང་།། དམ་ཅན་གསུམ་གྱི་ཕུར་པ ་དང་།། ཕྲ་ཐབས་སྤྲུལ་པའི་ཕུར་པ་རྣམས།། རང་རང་སྔགས་ཀྱིས་གདབ་པར་བྱ།། དེ་ཡང་དེ་ཡི་གནས་དུས་སུ།། བསྲེག་འཕང་གནན་པས་མཐའ་བརྟུལ་ལོ།། སྤྱིར་ན་གབ་སྔགས་མ་ངེས་ཏེ།། འདི་དྲུག་འཇིག ་རྟེན་པ་རུ་གྲགས།། ལྷ་རྣམས་སྤྱི་འདུས་སྙིང་པོའམ།། ཕྲ་མེན་ཡིན་པར་ངས་བཤད་པ།། རྩ་བ་དཀྱུས་དང་དཀྱུས་ལ་གདབ།། འདི་ནི་སྤྱི་ཡི་ཕྱི་ཉིད་དོ།། དྲེགས་པ་སྤྱི་རུ་བསྒྲུབ་པ་ཡིན།། དེས་ན་དེ་ཡི་ནང་སྒྲུབ ་ནི།། དང་པོ་གོང་བཞིན་དཀྱིལ་འཁོར་བྲི།། ཕྲིན་ལས་བཞི་ཡི་དཀྱིལ་འཁོར་ལྡན།། རྫས་རྣམས་ལེགས་པར་ཚོགས་པ་དང་།། ཕུར་པ་བཞི་རྣམས་ཕྲིན་ལས་ལ།། རང་རང་གནས་སུ་བཞུགས་སུ་གསོལ།། ཐོད་པ ་ཆེན་པོ་མཚན་ལྡན་པར།། ཁྲག་སྣ་ཚོགས་པར་དུག་དང་སྦྱར།། ཐུན་གྱི་རྫས་རྣམས་རབ་བསོག་ལ།། གབ་པའི་རྫས་རྣམས་དེ་བཞིན་དུ།། དང་པོ་བསྙེན་པ་ཉེ་བསྙེན་པ།། བསྒྲུབ་དང་བསྒྲུབ་པ་ཆེན་པོ་དང་།། བསད ་པའི་ཐུན་དང་ལྔ་རྣམས་སོ།། ཆོས་ཉིད་བདེན་པའི་གསང་སྔགས་ཀྱིས།། བྱིན་རླབས་གསང་སྔགས་མཐུ་བསྙེན་དང་།། ཨ་བྷེ་ཙརྱའི་དུས་ལ་བབ།། བརྣག་པ་ཁོ་ནའི་ལས་རྣམས་ཏེ།། སྦྱར་བ་ཐབས་ཀྱིས་ཤེས་པར ་བྱ།། དང་པོ་རིམ་པར་ལྷ་བསྐྱེད་ནས།། མཆོད་པ་ཡན་ཆད་རྫོགས་ཚུལ་ལོ།། དང་པོ་བདག་ཉིད་གཙོ་བོའི་སྔགས།། རྫོགས་པར་བརྗོད་པ་བསྙེན་པ་ཡིན།། སྐུ་གསུང་ཐུགས་ཀྱི་གསང་སྔགས ་ལ།། ཐིམ་པར་གཞུག་པ་ཁྲོ་བོའི་སྔགས།། དེ་ལ་ཉེ་བསྙེན་ཡང་དག་བྱ།། རྟགས་མཚན་བྱུང་ན་དངོས་གྲུབ་ནི།། རབ་ཏུ་བླང་བ་ཤེས་པར་བྱ།། དེ་ནས་གདབ་པའི་ལས་བྱ་བ།། དབུས་སུ་འབྲུབ་ཁུང་ཐུར་དུ་བྲུ།། དེ ་ནས་ཐོད་པ་ལིངྒ་བཅའ།། མན་ངག་རིམ་པས་ལས་བྱའོ།། མན་ངག་རྣམ་གསུམ་འདུས་པ་ནི།། བསྒྲུབ་པ་ཆེན་པོ་མཆོག་ཡིན་ཏེ།། དགྲ་བོའི་བླ་འགུགས་ཤེས་པར་བྱ།། གབ་སྔགས་མིང་རུས་ཐིམས་སྔགས ་ཅན།། ངན་སྔགས་འདུས་པས་བསྒྲུབ་ཆེན་ནོ།། གསད་པར་བྱ་བའི་རིམ་པ་ཡིན།། རངས་པ་ཐོད་པར་རྫོགས་བྲབ་པ།། བསད་པ་ཐུན་གྱི་དམོད་མོ་ཡིན།། གབ་སྔགས་ཐབས་དང་ཤེས་རབ་དང་།། ཐུན་དང་ངན ་སྔགས་ཁང་ཁྲོལ་བཏང་།། དེ་ཡི་མན་ངག་ཤེས་པ་ཡིས།། ངན་ལྔར་རབ་ཏུ་ཤེས་པར་བྱ།། སྲས་མཆོག་འདུས་པའི་སྙིང་ལ་གདབ།། ཁྲོ་བོ་འདུས་པ་མགོ་ལ་གདབ།། མ་མོའི་ཕུར་པ་མགྲིན་པར་གདབ།། ངན་སྔགས ་ཕུར་པ་ལྟེ་བར་གདབ།། དེ་ལྟར་དགོངས་པ་རྫོགས་ལྡན་པས།། ཉམས་པ་འཆི་འགྱུར་ངེས་པ་ཡིན།། ཤི་ནས་གནས་སྤར་ངེས་པར་བྱ།། དེ་ལ་དེ་ཡི་གསང་བ་ནི།། གསང་བའི་གནས་རྣམས་ངེས་པར་ནི།། འཇིགས ་པ་མེད་པར་བསྒྲུབ་པར་བྱ།། དཀྱིལ་འཁོར་ཆེན་པོ་བཞེངས་པའམ།། ཡང་ན་གྲུ་གསུམ་དྲུག་ཏུ་བརྩིག། དབུས་དང་མདུན་དུ་ཤེས་པར་བྱ།། དམ་ཅན་གནས་པའི་གྲུ་གསུམ་བཞི།། ཕྱོགས་བཞི་དག་ཏུ་ངེས་པ ་ཡིན།། རེ་རེ་ཐོད་ཆེན་རེ་རེ་ལ།། ལིངྒར་བཅས་པ་ངེས་བཅུག་ལ།། རྫས་རྣམས་ངེས་པར་ཚོགས་པར་གསག། ལྕགས་ཕུར་དབུས་སུ་དགོད་པར་བྱ།། མི་བཟད་ཕུར་བུ་དྲུག་རྣམས་ནི།། གྲུ་གསུམ་དྲུག་ལ་ཤེས་པར ་བྱ།། དམ་ཅན་མ་གསུམ་ཕུར་པ་དང་།། མིང་པོ་གསུམ་འདུས་ཕུར་པ་གཅིག། དེ་ཉིད་ལམ་བྱས་སངས་རྒྱ་འགྱུར།། དེ་ནས་ཉམས་པ་བསྒྲལ་བྱ་ན།། དབུས་སུ་གྲུ་གསུམ་ལེགས་པར་བརྩིག། དེར་ཡང་གཟས་པོའི ་གཟུགས་ལའོ།། དྲི་མའི་ལིངྒ་ཐོད་པའི་ནང་།། ཕུར་པ་འབྲུབ་ཁུང་ཁ་ལའོ།། བསྙེན་པའི་ཕུར་པས་གཟིར་ལ་གཞག། དྲག་པོ་བྱ་བའི་ལས་རྣམས་ནི།། ཉི་ཤུ་རྩ་གཅིག་ཁོ་ནའོ།། དང་པོ་དགུག་པའི་ལས་བྱ ་བ།། དུས་ལས་བབ་པ་དྲུག་པོ་སྟེ།། གང་ལ་ཡང་ནི་ཤེས་པར་བྱ།། དངོས་གྲུབ་པར་གཅོད་ཚིག་བཞི་དང་།། སྔགས་དང་རྫས་སུ་བཅས་པ་ཡིན།། ཉམས་པ་འགུགས་པའི་ལས་ཡིན་ནོ།། དེ་བཞིན་རྡོ་རྗེའི་ཚིག་བཞི ་དང་།། སྔགས་དང་རྫས་སུ་བཅས་པ་ཡིས།། ཉམས་པ་ལྷ་དང་བྲལ་བའི་ལས་ཡིན་ནོ།། གོང་བཞིན་ཚིག་དྲུག་སྔགས་དང་རྫས།། ཉམས་པའི་ཤེས་པ་འབེབས་པ་ཡིན།། དེ་བཞིན་ཚིག་དང་སྔགས་དང་རྫས།། ཉམས ་དང་སྦྱོ་རུ་གཞུག་པ་ཡིན།། དེ་བཞིན་ཚིག་དང་སྔགས་དང་རྫས།། ཉམས་པ་རྡུལ་དུ་བརླག་པ་ཡིས།། དེ་བཞིན་རབ་ཏུ་ཚང་བ་ཡིས།། ཉམས་པ་ཞལ་དུ་བསྟབ་པར་བྱ།། གབ་པའི་སྔགས་དྲུག་སྦས་པའི ་ཚིག། རྫས་དྲུག་ཕོ་ཉ་ཕུར་པ་དྲུག། དུས་དྲུག་ཀུན་ལ་ཤེས་པར་བྱ།། འཁོར་ལོ་ངེས་པར་བྲི་བ་དང་།། མནན་པའི་འཁོར་ལོ་ཐོད་པ་ལའོ།། བསྒྲུབ་པའི་དུས་ཀྱི་གསང་སྔགས་ནི།། མ་མོ་འདུས་པར་ངེས་པ ་སྟེ།། ལྷ་རྣམས་མཐིང་ནག་དག་ཏུ་བསྒོམ།། ཡན་ལག་མང་པོའི་བསྙེན་པ་བཞིན།། ཏིང་འཛིན་མང་པོ་བསྒྱུར་བའོ།། བར་བར་སྐབས་སུ་ཐུན་དབབ་པ།། ཉུང་ཀར་ལ་སོགས་བཞི་པོ་ལ།། བསེ་མོའི་སྔགས་དང་ཏིང ་འཛིན་དང་།། ཚིག་བཞི་ངེས་པས་ཐུན་དབབ་པ།། བསེ་མོའི་ཐུན་དུ་ངེས་པའོ།། རིམས་ཀྱི་ཕྱི་མོ་ལ་སོགས་བཞི།། བདག་ཉིད་མ་ཡི་སྔགས་དང་ནི།། ཏིང་འཛིན་བཞི་ཡི་ཐུན་དབབ་པ།། བདག་ཉིད་མ་ཡི་ཐུན་ནག ་ཡིན།། ལྕགས་ཕྱེ་ལ་སོགས་རྫས་བཞི་ལ།། ཤྭ་ན་མུ་ཁའི་སྔགས་དང་ཏིང་འཛིན་དང་།། ཚིག་བཞིས་ཐུན་དབབ་ཤྭ་ནའི་ཐུན།། དེ་ཡིས་སོད་པའི་རྟགས་བྱུང་ན།། གདབ་པའི་ལས་ལ་ངེས་པར་འཇུག། དང་པོ་ཚིག ་བཞིས་བདེན་པ་བདར།། དེ་ནས་རིམ་པར་ཤེས་པར་བྱ།། བསྙེན་པའི་ཕུར་གདབ་དགོངས་པ་ནི།། སྙིང་པོ་དྲུག་ལྡན་ཁྲུས་ལུང་ནི།། སྨད་སྟོད་ཚིག་ནི་བཅུ་གཅིག་དང་།། གུ་ཧྱ་མནྟྲའི་མིང་དང་བཅས།། ཚེ་ལུང་ཁྲུས ་ལུང་སྔགས་བཅས་པས།། བདག་ཉིད་བསྟབ་པས་ཚེ་ལུང་ཤེས་པར་བྱ།། འདི་ནི་ཚེ་ལུང་ཁྲུས་བྱས་པས།། དེ་ནས་དམ་ཅན་ཕུར་པས་གདབ།། བྱིན་བརླབ་དམིགས་པ་ཀུན་ལའོ།། དེ་ཡི་ཚིག་ནི་བརྒྱད་དང ་ནི།། སྔགས་ཀྱིས་སྙིང་ལ་ཤྲ་ན་གདབ།། དེ་བཞིན་ཚིག་ཚང་སྔགས་བཅས་པས།། བདག་ཉིད་མ་ནི་སྤྱི་བོར་གདབ།། དེ་འདྲས་སྔགས་བཅས་བསེ་མོ་ཡིས།། ལྕེ་ལ་ཕུར་པས་རབ་ཏུ་གདབ།། དགོངས་པ་མན་ངག ་ཀློང་དང་སྦྱར།། དེ་འོག་ཚིག་བདུན་སྔགས་དང་བཅས།། སྲས་མཆོག་བཞི་ཡིས་གནས་བཞིར་གདབ།། གོང་གི་བསྙེན་ཕུར་ཡང་བླང་ལ།། རྡོ་རྗེའི་ཚིག་བཞི་སྔགས་བཅས་པས།། བདག་ཉིད་ཡབ་ཡུམ་ལྟེ་བར ་གདབ།། རྡོ་རྗེའི་ཚིག་ནི་དྲུག་བཅས་པས།། ཧཱུཾ་ཀཱ་ར་ཡི་གསང་སྔགས་ཀྱིས།། སྤྱི་བོ་དག་ལ་ངེས་པར་གདབ།། གོང་གི་རྡོ་རྗེའི་ཚིག་དང་ནི།། རྣམ་པར་རྒྱལ་བ་ལ་སོགས་སྔགས།། དཔྲལ་བ་ལྕེ་དང་དཔུང་པ ་གཡས།། སྙིང་དང་གསང་བ་དཔྱི་གཡས་དང་།། དཔུང་གཡོན་དབྱི་ནི་གཡོན་པ་དང་།། རྐང་པའི་མཐིལ་དུ་རབ་ཏུ་གདབ།། དེ་དག་རང་རང་དགོངས་པ་དང་།། ཐབས་ནི་རབ་ཏུ་ཤེས་བྱས་ལ། ཁོ་ཡི་ཤེས་པ་དག་ལ ་དབུལ།། འདི་ནི་ཕུར་པ་གདབ་པའི་ལས།། དེ་ལྟར་བཏབ་པའི་ག་གོ་ལ།། བསྙེན་པའི་ཕུར་པས་བྲོ་བརྡུངས་པ།། ཐབས་ནི་ཡང་ན་གཡས་སུ་སྟེ།། ཡུམ་གྱི་མཁར་བསམ་བྲོ་བརྡུང་ངོ་།། སྨད་ཀྱི་རྡོ་རྗེའི་ཚིག་ལྔ ་དང་།། གསང་བའི་སྔགས་ནི་ལན་གསུམ་གྱིས།། ཡུམ་གྱི་མཁའ་ལས་བསྒྲལ་བར་བྱ།། མཆོད་པ་གཉིས་གསུམ་དབུལ་བར་བྱ།། དེ་ནས་གསོ་བའི་རིམ་པ་ཡང་།། བྱང་ཆུབ་རྣམ་གསུམ་བདག་བསྟིམ ་པས།། བདག་ཉིད་བཀྲག་མདངས་བསྐྱེད་པ་སྟེ།། སྔགས་བཅས་བདག་ཉིད་གསོ་བའོ།། ཕུར་པ་བཏོན་ལ་ཀླད་ལ་བསྐོར།། ཀཱི་ལ་བཅོ་བརྒྱད་ངེས་པ་ཡིན།། འཁོར་ལོ་གསལ་བ་ཉི་ཟླ་བཅས།། ཐམས་ཅད་ཕུར་པའི ་རྒྱན་གྱུར་པ།། འདི་ནི་ཕུར་པ་གསོ་བའོ།། དེ་ནས་ཉམས་པ་བསྒྲལ་བ་ཡི།། དམ་ཚིག་གནས་པ་ཆེན་པོ་སྟེ།། བདག་ལས་བྱམས་སེམས་ཚུར་བཏོན་ལ།། ཉི་ཟླར་བཅས་པའི་གདན་སྟེང་དུ།། རྣམ་གསུམ་བཞག་ལ་ཨ ་ཡཾ་ཕཊ།། དེ་ཡིས་འོག་མིན་གནས་མཆོག་ཏུ།། ཡབ་ཡུམ་སྦྱོར་མཚམས་དག་ཏུ་འཕང་།། དེ་ཡང་རྡོ་རྗེའི་ཚིག་བཞི་པོ།། སྨད་ནི་ཚིག་བཞིས་སྨོན་ལམ་གདབ།། བྱང་ཆུབ་སེམས་སུ་དབང་བསྐུར་རོ།། སྔགས་ཀྱིས ་ལྷར་བསྐྱེད་སྤྱི་གཙུག་ཏུ།། རྣལ་རྒྱལ་སྙིང་ག་བདུད་རྩི་འཁྱིལ།། ཉོན་མོངས་ཡེ་ཤེས་ཕུང་པོ་ལྷ།། དེ་ལྟར་གནས་སུ་སྦར་བ་ཡང་།། ཁོ་ཡང་མི་འཕམ་རྒྱལ་ངོ་ཤེས།། འཁོར་བར་མི་ལྟུང་ངས་བཤད་དོ།། འདིས་ནི ་གཟས་པ་གསོ་བ་སྟེ།། གསོ་བའི་ལས་སུ་རྣམ་པར་གྲགས།། འདི་ཡང་སྨད་དུ་ཤེས་པར་བྱ།། དང་པོར་ཕུར་བཏབ་མཚོན་གཏུབས་པ།། རལ་གྲི་རྡོ་རྗེའི་ཚིག་ལྔ་དང་།། སྔགས་དང་ཏིང་འཛིན་ལྡན་པ་ཡིས།། ཕུར ་པས་མ་ལུས་རྡུལ་དུ་བརླག། གཏུབས་པའི་བཀའ་བསྒོ་བསྟབ་པ་ནི།། རྡོ་རྗེའི་ཚིག་ནི་ལྔ་རྣམས་དང་།། སྔགས་དང་ཏིང་འཛིན་བཅས་པ་ཡིས།། བདག་ཉིད་ཁྲོ་བོ་ཡབ་ཡུམ་དང་།། ཕུར་པ་སྲས་དང་དམ་ཅན ་གསུམ།། རང་རང་སྔགས་དང་ཏིང་འཛིན་གྱིས།། ཕུང་པོ་ལྷག་མེད་ཞལ་དུ་གསོལ།། འདི་ནི་བསྟབ་པར་ཤེས་པར་བྱ།། བསྟབ་པའི་ལྷག་མ་ག་གོ་དང་།། རྫས་དང་ལིངྒ་གདབ་པ་གསར་བ་ཀུན།། གྲུ་གསུམ་ནང་དུ ་བསྲེག་བྱ་བ།། ཚེར་ཤིང་ཆག་གང་ལྕགས་ཟག་བསྡམ།། གྲུ་གསུམ་ནང་དུ་ཤེས་པར་བྱ།། དགང་གཟར་བླུག་གཟར་ཐོད་པས་བརྒྱན།། བདག་ཉིད་ལྷ་དང་མེ་ལྷ་ནི།། སྐུ་མདོག་དམར་པོར་རབ་བསྐྱེད་དོ།། ཤར ་ལྷོ་མཚམས་ནས་མེ་ལྷ་དང་།། རྡོ་རྗེའི་ཚིག་གིས་ལྷ་རྣམས་ནི།། སྤྱན་དྲངས་བསྐྱེད་པ་ལ་བསྟིམ་མོ།། སྨད་སྟོད་དྲུག་ལས་གབ་དྲུག་དང་།། དེ་འོག་ཚིག་ནི་བཅུ་གཅིག་གིས།། ཀུན་ལ་ཡང་དག་སྦྱར་བར་བྱ།། ལྷ ་རྣམས་ཚན་བཞིའི་བསྐོར་ཚོམ་ལ།། སྨད་སྟོད་དང་པོའི་ཚིག་ནི་གསུམ།། རང་རང་སྔགས་ལས་སྲོག་སྔགས་དང་།། ཏིང་ངེ་འཛིན་གྱིས་དབུལ་བར་བྱ།། སྨོན་ལམ་གདབ་ཅིང་ཤེས་པ་དགུག། འདི་ནི་བསྲེག་པའི་རིམ ་པ་སྟེ།། བསྲེག་པའི་ཐལ་བ་ལིངྒ་དང་།། དྲག་པོ་རྫས་ཀྱི་རྣམ་པ་དང་།། དེ་ལྟར་གོང་གི་ཐུན་ཁྲག་དང་།། དགྲ་བོའི་གནས་ལ་བརྡེག་པར་ཡང་།། ཚིག་དྲུག་བཅུ་གཅིག་བཅས་པ་དང་།། དམ་ཅན་གནད་ལ་དབབ་པ ་དང་།། བར་མའི་གབ་པའི་ཚིག་གཅིག་དང་།། སྔགས་དང་ཏིང་འཛིན་བཅས་པ་ཡིས།། འཕང་ན་ཉམས་པ་ངེས་པར་འཆི།། གང་གི་ལིངྒའི་ངོ་བོ་ཡང་།། ཐོད་པའི་འཁོར་ལོ་རབ་བཅུག ་ལ།། གཟིར་བའི་ཕུར་པ་དང་བཅས་པས།། གནན་ས་ངེས་པའི་སར་སོང་ལ།། གྲུ་གསུམ་བྲུས་ལ་ཁ་ཡང་བཅད།། དེ་རུ་ལྷ་རྣམས་ཀུན་བསམ་ལ།། དོན་ཡོད་གྲུབ་པས་གནན་པར་བསམ།། དང་པོ་དཀྱུས་ཚིག་ལྔ་པ ་དང་།། གབ་པའི་ཚིག་གཅིག་སྔགས་བཅས་པས།། ཏིང་ངེ་འཛིན་གྱིས་ངེས་པར་མནན།། དེས་ནི་བསྐལ་པ་བརྒྱར་མི་འཚོར།། འདི་ནི་ལས་ཀྱི་མཐའ་བརྟུལ་ཏེ།། ཀུན་ལ་ཡང་དག་ཤེས་པར་བྱའོ།། ཁ་མི་སྐོང་བའི ་ལས་ཡིན་ཏེ།། ཉི་ཤུ་རྩ་གཅིག་ངེས་པའི་དོན།། ཀུན་ལ་དོན་གྱིས་ཤེས་པར་བྱའོ།། འདི་ནི་མན་ངག་ཡང་དག་སྟེ།། ཀུན་ལ་ཡང་དག་གསང་བར་བྱའོ།། གཞི་ནི་སྙིང་རྗེས་གཟུང་བ་དང་།། རྩ་བ་བྱང་སེམས་རྟོགས་པ ་དང་།། ཟག་ནི་ལྟ་བས་བཅད་པ་དང་།། ལ་ནི་སྤྱོད་པས་དོར་བ་དང་།། དབང་ནི་དམ་ཚིག་སྒྲོལ་བས་ཏེ།། ངོ་བོ་ངེས་ཚིག་དབྱེ་ཤེས་ན།། གང་བྱས་སངས་རྒྱས་འགྲུབ་པར་ངེས།། ཕྱི་ནང་ཀུན་ལ་ཚོགས་བསགས ་པ།། རྒྱུ་ཉིད་བསོད་ནམས་ཚོགས་གཉིས་ཏེ།། གང་ལ་གང་གིས་ཚོགས་གསོག་པ།། འབྱོར་པའི་ཡོ་བྱད་མང་པོ་རྣམས།། རིན་པོ་ཆེ་ཡི་སྣོད་ནང་དུ།། བསངས་ལ་འབྲུ་གསུམ་དག་པ་དང་།། བདུད་རྩི་འཁྱིལ་བའི ་སྔགས་ཀྱིས་བརླག། སྟོད་སྨད་ཚིག་གསུམ་སྤྱན་དྲངས་ལ།། བསྐོར་ཚོགས་གསུམ་གྱིས་ངེས་པར་ནི།། སྔགས་དང་ཏིང་འཛིན་བཅས་པ་ཡིས།། ལྷ་ལ་རིམ་པར་དབུལ་བར་བྱ།། རྡོ་རྗེའི་ཚིག་ནི་གསུམ་པོ ་དང་།། སྔགས་དང་བཅས་པས་དང་པོར་འབུལ།། བར་པ་བཤགས་པས་ངེས་པར་འབུལ།། ཐ་མར་བསྟབ་པའི་ལས་བྱ་བ།། ལིངྒ་བཅས་ལ་ཤེས་པ་དགུག། རྡོ་རྗེའི་ཚིག་ནི་བཞི་པ་ཡིས།། སྟོབ་པའི་སྔགས་བཅས ་འབུལ་བ་ཡང་།། རང་རང་སྔགས་ལས་ཤེས་པར་བྱ།། སྨན་དང་རཀྟ་དེ་བཞིན་འབུལ།། ཏིང་ངེ་འཛིན་གྱིས་གསོལ་བར་བསམ།། དོན་གཉིས་འགྲོ་བ་ཤེས་པར་བྱ།། དེ་ནས་ལྷག་བསྡུས་ལྷན་དུ་བྱ།། ཁ་ཆུས་བྲན་ལ ་ཕྱག་རྒྱར་བཅས།། རྡོ་རྗེའི་ཚིག་བརྒྱད་ཚིག་བཞི་ཡིས།། སྔགས་དང་ཏིང་འཛིན་བཅས་པ་ཡིས།། ལྷག་མ་དམ་ཅན་གསུམ་ལ་འབུལ།། སྨོན་ལམ་བཏབ་སྟེ་ཕྲིན་ལས་བཅོལ།། འདི་ནི་ཀུན་ལ་བྱ་བ་སྟེ།། དུས་དྲུག ་དག་ཏུ་ཤེས་པར་བྱ།། དེ་དང་ལྡན་ན་རྣལ་འབྱོར་ཡིན།། ཀུན་ལས་ཚོགས་ནི་གཉིས་ཡིན་ཏེ།། རང་རང་ཐབས་ཀྱིས་ཤེས་པར་བྱ།། དེ་ལ་ནང་གི་ནང་སྒྲུབ་ནི།། དྲག་པོ་ཐུན་གྱི་བསྒྲུབ་པ་སྟེ།། སྔོན་དུ་བསྙེན་པ་ཚང་བ ་ཡིས།། གྲུ་གསུམ་ཆག་གང་ཐུར་དུ་བྲུ།། བཅུ་གཉིས་གསུམ་དང་དྲུག་ཏུ་འདུས།། མན་ངག་རིམ་པས་ཤེས་པར་བྱ།། ཐོད་པ་དྲུག་གམ་བཅུ་གཉིས་སམ།། གསུམ་མམ་གཅིག་གམ་གང་ཡང་རུང་།། འབྲུབ་ཁུང་ནང་དུ ་ལེགས་བཅུག་ལ།། ཐུན་རྫས་བཅུ་གཉིས་ཡང་ན་དྲུག། གསུམ་མམ་གཅིག་ཏུ་ངེས་པར་བསྟན།། ཐུན་ཁྲག་མང་པོས་ལིངྒ་ཡང་།། སྔགས་དང་བཅས་པ་ལེགས་པར་བྱ།། རྫོགས་པའི་ལྷ་རྣམས་དྲག ་པོར་བསྐྱེད།། ཐམས་ཅད་མ་ལུས་ཁྱབ་པ་ནི།། ཏིང་ངེ་འཛིན་གྱིས་བསམ་པར་བྱ།། ཐོད་པ་ལྕགས་མཁར་སྒོ་མེད་དུ།། དགྲ་བོ་ངེས་པར་གསལ་མི་གསལ།། གབ་པའི་ལས་རྣམས་རྫོགས་པར་བྱ།། དམ་ཅན་བཅུ ་གཉིས་དྲག་སྔགས་སམ།། སྔགས་དྲུག་ཁྲོ་བོ་ལ་སོགས་གསུམ།། གཅིག་ནི་དཔའ་བོ་གཅིག་པ་སྟེ།། གཉིས་ནི་གོང་བཞིན་རབ་ཏུ་གཞུག། དྲག་པོའི་རྫས་རྣམས་ཐུན་ཕབ་པས།། སྤྲུལ་པ་མང་པོས་བསད་པར ་བསམ།། འདི་ནི་མན་ངག་ངེས་པ་སྟེ།། ཐ་མ་ཟོར་དུ་འཕང་བའོ།། ནང་གི་ནང་དུ་ཤེས་པར་བྱ།། དེ་ལ་ནང་གི་གསང་བ་ནི།། གོང་བཞིན་བསྙེན་པ་ཚང་བ་ཡིས།། རབ་ཏུ་དབེན་པའི་གནས་དག་ཏུ།། མཎྜལ་གྲུ ་གསུམ་ལེགས་པར་བྱ།། ཟུར་ལ་རྩང་གསུམ་དགོད་པར་བྱ།། དུར་ཁྲོད་རོ་རས་འཇིགས་པ་ལ།། དགྲ་བོའི་གཟུགས་ལ་འཁོར་ལོ་དྲུག། སྤྱི་བོར་ཨོཾ་ལཾ་ཀི་ལ་ཡ།། གཡས་སུ་ཧཱུཾ་ལ་གཡོན་དུ་ཕཊ།། དཔྲལ་བར་རུས་ལ ་སྙིང་གར་མིང་།། འདོམས་སུ་མི་འགྱུར་ངེས་པའོ།། རྩིབས་ལ་སྔགས་དྲུག་འཕྱང་དང་བཅས།། ལྟེ་བར་དམ་ཅན་མང་པོའི་སྔགས།། ཐ་མར་དཔའ་བོ་གཅིག་པར་ནི།། དུག་ཁྲག་དྲི་མ་བསྲས་པར་བྲི།། ཐོད་པ་མཚན ་ངན་ནང་དུ་ནི།། ལིངྒ་ཁྲག་ཏུ་བཅས་པ་གཞུག། སྲས་མཆོག་ཕུར་པ་ལྟར་གཟིར་གཞག། འབྲུབ་ཁུང་ནང་དུ་གཞུག་པར་བྱ།། འཁོར་ལོ་རྩང་གི་ཁ་ལ་བརྒྱངས།། དྲག་པོའི་རྫས་ནི་མང་པོ་རྣམས།། ཐོད་པ་ཚལ་བུའི ་ནང་དུ་བསག། གོང་བཞིན་ལྷ་རྣམས་རྫོགས་ཚུལ་བསྟན།། མཐིང་ནག་ཕྱག་ན་འཁོར་ལོ་བསྣམས།། ཕུར་པ་དག་ལས་རབ་རྫོགས་པ།། སྲས་ནི་གོང་དུ་བཤད་པ་བཞིན།། གྲུ་གསུམ་ནང་དུ་ལྷ་རྣམས ་བསྐྱེད།། འཁོར་ལོ་དགྲ་བོའི་ལྟོ་བར་དམིགས།། དེ་ལྟར་གསལ་བ་གསུམ་ལྡན་པས།། གབ་པའི་སྔགས་ཀྱིས་དགུག་གཞུག་བྱ།། གབ་སྔགས་ཐེམ་པར་བཅས་པ་ལ།། མཱ་ར་ཡ་བཅུག་བཟླས་པར་བྱ།། ལྕགས་ཀྱི ་འཁོར་ལོ་རབ་བསྐོར་བས།། དགྲ་བོའི་སྲོག་རྩ་གཅད་པར་བསམ།། ལྷ་ཡི་ཕྱག་མཚན་དེ་བཞིན་ནོ།། བར་བར་དཔའ་བོ་གཅིག་པ་དང་།། དམ་ཅན་སྔགས་ཀྱིས་ཐུན་ཕབ་པས།། ངེས་པར་བསད་པའི་ཏིང་འཛིན། ་བྱ།། རྩ་བ་རངས་པ་དྲག་པོས་བསྐུལ།། འཁོར་ལོ་གཡས་སུ་ངེས་པར་བསྐོར།། དེ་ལྟར་རབ་ཏུ་བྱས་པ་ཡིས།། ཉམས་པ་གསོད་པའི་རྟགས་བསྟན་པ།། ཉམས་པ་ཁུགས་དང་རི་དྭགས་བསད།། བླ་ཤིང་བཅད་དང ་བྲག་གཤག་དང་།། སེམས་ཅན་མང་པོ་བསད་པ་སྟེ།། འདི་ནི་ཀུན་ལ་ཤེས་པར་བྱ།། དེ་ནས་དཔའ་བོ་གཅིག་པ་ཡིས།། འཁོར་ལོ་ལིངྒ་བཅས་པ་རྣམས།། བསྟབ་ལ་དོན་རྣམས་ངེས་པར་བྱ།། ཁྲག་འཕང་ཐོད་པ ་འཁོར་ལོ་དང་།། ལིངྒ་ཕུར་པ་ད་ལ་འོག་མནན།། འདིས་ནི་ཉམས་པ་བདུན་སྒྲོལ་ཏེ།། དེ་ཡང་ལམ་དུ་ཤེས་པར་བྱ།། གཉིས་མེད་རྟོགས་པའི་རྣལ་འབྱོར་པས།། ཉམས་པ་བསྒྲལ་ན་མངོན་སངས ་རྒྱས།། ཐམས་ཅད་ལྡན་ན་རྣལ་འབྱོར་ཡིན།། སྤྱིར་ན་གསང་སྔགས་ངེས་པ་ལ།། ཏིང་འཛིན་གསུམ་བསྐྱེད་བསྙེན་པ་ཡིན།། བདག་ཉིད་ལྷར་བསྐྱེད་ཉེ་བསྙེན་ཡིན།། ཡུམ་བསྐྱེད་བསྒྲུབ་པར་ཤེས་པར་བྱ།། གཞན ་རྣམས་བསྒྲུབ་པ་ཆེན་པོ་ཡིན།། འདི་ནི་གསང་བའི་རིམ་པ་སྟེ།། འགྲོ་བའི་དོན་དུ་བཤད་པ་ཡིན།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ནང་གི་དབྱེ་བ ་གསུམ་བཤད་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་ནི་བཤད་བྱ་བ།། གསང་བའི་དོན་གསུམ་ཕྱེ་བ་རྣམས།། ཡང་དག་པར་ནི་བཀའ་སྩལ་ཏོ།། གསང་བའི་དོན་རྣམས་ཤེས་པ་དང་།། ཆོས་ཅན་དངོས ་པོར་སྣང་བ་རྣམས།། ཕུར་པའི་དོན་གྱིས་གཏན་ཕེབས་པ།། ཡང་དག་ཕུར་པའི་དོན་བསྒྲུབ་པའི།། གསང་བའི་ཕྱི་ནི་འདི་ལྟ་སྟེ།། རབ་ཏུ་དབེན་པའི་གནས་དག་ཏུ།། ཕུར་པ་ངན་སྔགས་དྲིལ་ལ་བསྒྲུབ།། ས་ལ་གྲུ ་གསུམ་ལེགས་བྱས་ལ།། ནག་པོ་བྱུགས་པ་དེ་ཡི་ནང་།། རབས་ཆད་ངེས་པའི་ཐོད་པ་ལ།། ཁྲུས་བྱས་གཞལ་ཡས་ཁང་པར་བྱ།། ཁྲག་དང་དུག་ནི་སྣ་ཚོགས་བླུག། དྲི་མ་དག་ལས་ལིངྒ་ནི།། ཐོད་པའི་ནང་དུ་བཙིར ་བར་བྱ།། ལྕགས་སྣ་ལྔ་ཚང་སྲས་མཆོག་གཅིག། སྔགས་བྲིས་དབང་བསྐུར་བྱིན་བརླབ་གཟུག། བདག་ཉིད་རྫོགས་པར་དཀྱིལ་འཁོར་གསལ།། དེ་ནས་སྲས་མཆོག་གཟས་པ་དགུག། མ་ལུས་ཁྱབ་པ་མཐིང་ནག ་སྐུ།། སྐུ་གསུང་ཐུགས་ཀྱི་སྣང་བ་སྟེ།། ཡེ་ནས་ཡིན་པར་ཤེས་པར་བྱ།། ཡང་ན་བསྐྱེད་པ་མེད་པར་རོ།། བསྙེན་པ་མི་བྱ་རངས་པ་དྲིལ།། དང་པོ་བདག་ཉིད་འབྲུ་བདུན་དང་།། དེ་འོག་ཕྱག་རྒྱ་གནོན་ཡིད ་གསུམ།། མིང་རུས་ཡི་གེ་གཟས་པར་བྱ།། ཤྭ་ནའི་ཡི་གེ་བཅུ་དྲུག་དང་།། རེ་མ་ཏི་ཡི་རྩ་སྔགས་དང་།། བསེ་མོའི་སྙིང་པོ་བཅུ་བདུན་དང་།། འཁོར་བ་རྩད་གཅོད་ཡི་གེ་དགུ།། ཐམས་ཅད་ཚང་བའི་ཡི་གེ ་བདུན།། དྲིལ་ཏེ་རབ་ཏུ་བཟླས་པ་ཡིས།། ལྷ་གསུམ་དམ་ཅན་བཅས་པ་དང་།། སྤྲུལ་པ་ཡང་སྦྲུལ་བཅས་པ་ཡིས།། རབ་ཏུ་དྲངས་ཏེ་གཟུགས་ལ་བསྟིམ།། སྲས་མཆོག་ཕུར་པས་གཟིར་བར་བྱ། ཁྲག་དུག་ནད་དུ་གྱུར ་པ་ཡིས།། དགྲ་བོ་རིམས་ནད་ཐེབས་པ་བཞིན།། མདངས་དང་བྲལ་བར་རབ་ཏུ་བསམ།། དྲག་པོའི་རྫས་རྣམས་ཐུན་ཕབ་པས།། ཁྲོ་བོར་གྱུར་པས་བསད་པར་བསམ།། དེ་ཡང་བར་བར་ཕྱག་རྒྱ་ཅན།། འཕྲོས་པས ་དགུག་པའི་ལས་བྱའོ།། དེ་ནས་ཕུར་གདབ་ཁྲག་ཟོར་འཕང་།། འདི་ནི་ཡང་དག་མན་ངག་སྟེ།། མགོ་མཇུག་དྲིལ་བའི་ངན་སྔགས་ཏེ།། འདིས་ནི་ཉམས་པ་གདོན་མི་ཟ།། ཐུགས་རྗེས་གཟུང་ལ་གནས་སྤར་རོ།། དེ ་ནས་གསང་བའི་ནང་བསྒྲུབ་ནི།། དྲག་པོ་ལྡོག་མེད་མཁས་པས་དཔྱད།། རྫས་དང་དཀྱིལ་འཁོར་འདི་མ་ཡིན།། ཕྱི་ཡི་སྣོད་ཀྱི་འཇིག་རྟེན་ནི།། ཡེ་ནས་གྲུ་གསུམ་འབར་བ་སྟེ།། དུར་ཁྲོད་ཀློང་བཅས ་རབ་ཏུ་གནས།། ནང་གི་བཅུད་ཀྱི་སེམས་ཅན་ནི།། མ་ལུས་སྣང་བ་ལྷ་ཡི་སྐུ།། ཡེ་ནས་ཡིན་པར་ཤེས་པར་བྱ།། དངོས་སུ་སྣང་བ་མཐིང་ནག་འབར་བའི་སྐུ།། སྒྲར་གྲག་སྲིན་པོ་ངུར་སྒྲ་ཡིན།། རང་བཞིན་སྣང ་བ་ཐུགས་སུ་བཤད།། ཡེ་ནས་སྣང་བས་འཕྲལ་བསྐྱེད་མིན།། སྤྲུལ་པ་མང་པོས་འཇིག་རྟེན་གང་།། འཕྲལ་ལ་བཀང་བ་མ་ཡིན་ཏེ།། ཡེ་ནས་ཐམས་ཅད་སྤྲུལ་པར་བཤད།། དེ་ལྟར་གནས་པའི་དོན་རྟོགས་ན།། ཉམ ་པར་གྱུར་པ་དགྲ་གཟུགས་དེ།། གང་དུ་བྲོས་པའི་གནས་ནས་དགུག། སྤྲུལ་པ་མང་པོའི་ཚོགས་ཆེན་གྱིས།། ཤིག་ཤིག་འགུལ་འགུལ་གནས་པ་ནི།། དཔེར་ན་གྲོག་ཚང་སྦྲུལ་ཚང་བཞིན།། གནས་པའི་ཞབས་ཀྱི་ཕུར ་པ་ཡིས།། སྡོང་པོ་བསྒྱུར་བཞིན་ཞབས་འོག་ན།། མདངས་བྲལ་གནས་པའི་སྦྱོར་བ་བྱ།། འབྲུ་དགུའི་སྔགས་ལ་མཱ་ར་ཡ།། དྲག་པོ་བཏགས་ཏེ་གོང་བཞིན་བསམ།། བཟླས་པས་དྲག་སྔགས་འོད་ཟེར་གྱིས།། གོང་གི ་ཏིང་འཛིན་ངེས་པའོ།། བསྐྱེད་པ་མི་དགོས་གསལ་གདབ་མིང་།། དྲོད་ཚད་སྐབས་ལ་བབ་པ་དང་།། གོང་གི་སྔགས་ལ་མིང་རུས་བཅས།། བཟླས་པ་གོང་བཞིན་བྱས་པ་ཡིས།། དྲག་པོ་བསད་པའི་ཏིང་འཛིན། ་བྱ།། སྔགས་རྣམས་ཀུན་ལ་མཱ་ར་ཡ།། བཏགས་པ་སྦྱར་བ་གསུམ་དང་བཅས།། ཡེ་ཤེས་མཚོན་ཆེན་ཕུར་པ་ནི།། ནམ་མཁའི་ཐོག་ལྟར་བརྒྱབ་པ་ཡིས།། ཐོག་བརྫིས་གླང་ཐབས་གནན་གླེབ་དང་།། འགྱུར་མེད་ངེས ་པས་གསད་པར་བྱ།། འདིས་ནི་ཡང་དག་དྲག་པོ་སྟེ།། ཉམས་པ་འཆིར་འགྱུར་མཱ་ར་ཡ།། སྟ་རེས་གཅོད་པ་སྟིའུའི་དོན།། མ་རྟོགས་པ་ལ་དཀྱིལ་འཁོར་དང་།། རྫས་དང་བསྐྱེད་དང་གསོལ་གདབ་པ།། དགོངས་པ ་ཡིན་ཏེ་རྟོགས་པ་ལ།། ཡེ་ནས་དྲག་པོ་ཡིན་ཤེས་ན།། དངོས་སུ་བྱ་བ་གང་ཡང་མེད།། སྤྱིར་ན་ཕུར་པ་མང་བཤད་ཀྱང་།། གསུམ་དུ་འདུས་པར་ངེས་པ་ཡིན།། བསྒྲུབ་ལུགས་ཐུན་དང་དྲག་པོ་སྟེ།། དེ་དོན་རྣམ་པར ་ཤེས་པར་བྱ།། གཉིས་སུ་མེད་པར་ཤེས་པ་དང་།། བདེ་ཆེན་རྟོགས་པའི་རྣལ་འབྱོར་པས།། ཉམས་པ་བསྒྲལ་ན་བླ་མེད་འགྲུབ།། དེ་ལ་གསང་བའི་གསང་བ་ནི།། ཆགས་ལམ་ངེས་པར་རབ་བཤད་དོ།། གསང ་སྔགས་སྤྱོད་པའི་རྣལ་འབྱོར་པས།། དུག་ལྔ་ལམ་དུ་ཤེས་པ་དང་།། དེ་ཉིད་མ་སྤངས་ཤེས་པར་བྱ།། དཔེར་ན་དྲི་མས་དྲི་མ་འཁྲུད་པ་བཞིན།། དེ་ཉིད་ལམ་བྱས་མངོན་སངས་རྒྱས།། བདག་ཉིད་ཐབས་ལ་བརྟེན་པའི ་ཕུར།། གཞན་ལུས་ཤེས་རབ་བརྟེན་པའི་ཕུར།། དབྱེར་མེད་ཕྱག་རྒྱ་ཆེན་པོ་ཡིས།། ཕྱག་རྒྱ་ཆེན་པོའི་འོག་སྒོར་ཤེས།། སྟེང་འོག་འགྲོ་ལམ་བྱང་སེམས་ཕུར།། མཁའ་དབྱིངས་གཏུན་ཁུང་བདེ་གཤེགས ་གནས།། གཏིང་དཔག་མེད་པའི་དབྱིངས་ཉིད་དུ།། བྱང་སེམས་ཕུར་པས་མ་ལུས་ཐེབས།། ཁྲོ་བོ་འབར་བའི་གཏུན་ཁུང་དུ།། རྡོ་རྗེ་གསང་བའི་ཐོ་བ་ཡིས།། བརྡུངས་ནས་མ་ལུས་ཡང་དག ་བསྒྲལ།། བསྐྱེད་དང་རྫོགས་པ་གཉིས་ཡིན་ཏེ།། དེ་ལ་གཉིས་གཉིས་ཤེས་པར་བྱ།། ཏིང་འཛིན་རྣམ་གསུམ་རིམ་པ་ནས།། གཞལ་ཡས་ལྷ་བཅས་བསྐྱེད་པ་ཡང་།། སྣང་སྟོང་དབྱེར་མེད་སྐུ་ལྡན་ལ།། ཉམས་སུ་ཡང ་མ་བླང་བ་ཡིས།། རྟགས་ནི་རིམ་པ་བཅུ་ཡིན་ཏེ།། ཁམས་གསུམ་ས་བཅུ་ལས་འདས་པའོ།། བསྐྱེད་པའི་དོན་རྣམས་དམ་ཚིག་རྒྱ།། ཡང་ན་རང་བཞིན་གནས་པ་ལ།། ཁྲོ་མོས་རྡོ་རྗེས་གླུས་སྐུལ་བས།། བསྐྱེད་པ་ལྟ ་བུར་ལྷ་རྣམས་བསྐྱེད།། གོང་བཞིན་ངེས་པ་དེ་འདྲར་བཤད།། འདི་ཡང་ཆོས་ཀྱི་ཕྱག་རྒྱའོ།། ཡང་ན་བསྐྱེད་པ་ལས་ཀྱི་རྒྱ།། ཡུམ་བསྐྱེད་དམ་ཚིག་ཕྱག་རྒྱ་ཡིན།། ལྷ་ཡི་དོན་ཤེས་ཆོས་ཀྱི་རྒྱ།། ཕུར་པ་དབྱེར་མེད་ཕྱག ་རྒྱ་ཆེན་པོའོ།། རྫོགས་པའི་རིམ་པ་བཤད་པ་ནི།། བདག་ཉིད་ལྷ་རུ་གནས་པ་ལ།། རྩ་ཡི་རྣམ་པ་མང་ཡོད་དེ།། ཐབས་དང་ཤེས་རབ་གཉིས་མེད་པ།། ཨཱ་ལི་ཀཱ་ལི་ཨ་དྷཱ་ཏཱི།། གཞན་མ་ཐམས་ཅད་ཁྱབ་པ་ནི།། མང ་པོ་ཡོད་པར་གནས་པ་ཡིན།། གནས་པ་རྩ་ལ་གཡོ་བ་རླུང་།། མི་ཤིགས་བྱང་ཆུབ་སེམས་སུ་བསྟན།། ལུས་ལ་འཁོར་ལོ་ལྔ་ཡོད་དེ།། ཡེ་ནས་གནས་པར་ངེས་པ་ཡིན།། རྣལ་འབྱོར་པ་ཡིས་ཡང་དག་བསམ།། ཀླད ་རྒྱས་བདེ་ཆེན་འཁོར་ལོ་ལ།། རྩ་འདབ་སུམ་ཅུ་རྩ་བཞི་གནས།། མགྲིན་པ་ལོངས་སྤྱོད་འཁོར་ལོ་ལ།། རྩ་འདབ་དྲུག་ཅུ་དག་ཏུ་གནས།། སྙིང་ག་ཆོས་ཀྱི་འཁོར་ལོ་ནི།། རྩ་ཡི་འདབ་མ་བརྒྱད་དུ་གནས།། ལྟེ་བ་སྤྲུལ ་པའི་འཁོར་ལོ་ནི།། རྩ་འདབ་དྲུག་ཅུ་རྩ་བཞི་སྟེ།། མེ་རླུང་འཁོར་ལོ་གཞུ་གྲུ་གསུམ།། གནས་པ་རྩ་བའི་དབྱིབས་སུའོ།། འཁོར་ལོ་རིན་ཆེན་པདྨ་དང་།། རྒྱ་གྲམ་དབྱིབས་སུ་ངེས་གནས་པ།། སྒོ་མོའི་དོན་རྣམས་ཤེས ་པར་བྱ།། ཨོཾ་དང་ཨཱཾ་དང་ཧཱུཾ་དང་ནི།། ཨེ་དང་ཡཾ་དང་རཾ་གནས་པ།། སྟོན་པ་བྱང་སེམས་རིམ་པས་གནས།། རྩ་གསུམ་རངས་པ་འབྲེལ་བའོ།། དང་པོ་གསལ་བྱེད་ཡི་གེ་སྟེ།། གཉིས་པ་དབྱངས་ཡིག་དག་དང ་སྦྱར།། གསུམ་པ་རང་གི་འབྲུ་དགུའོ།། བཞི་པར་ཨོཾ་ལཾ་ཧཱུཾ་ལཾ་ནི།། གནས་པར་ངེས་པར་ཤེས་པར་བྱ།། དང་པོར་བྱང་སེམས་གཉིས་པ་ནི།། མཆོད་པའི་སེམས་དཔའ་ཡབ་ཡུམ་དང་།། གསུམ་པ་ཁྲོ་བཅུ་འཁོར ་བཅས་སོ།། བཞི་པ་ཕྲ་ཐབས་ཡང་སྤྲུལ་ལོ།། དེ་ལྟར་ཤེས་པའི་རིམ་པ་ཡིས།། ཁྲོ་མོའི་ཕུར་པ་རབ་འབར་བས།། སྟེང་ནས་བྱང་སེམས་དབབ་པར་བྱ།། རླུང་གིས་མེ་སྦར་གྱེན་ལ་ནི།། སྤྲུལ་པའི་གནས་ནས་ཡི་གེ ་རྣམས།། ལུས་ཞུ་མགོ་ནི་མ་ཡིན་ཏེ།། གྱེན་ལ་དེ་བཞིན་གནས་གསུམ་དུ།། སྦར་ལ་ཤེས་རབ་རྩ་ནས་དེངས།། ཕྱིར་འཕྲོས་མ་ལུས་མཆོད་པར་བྱས།། ཐམས་ཅད་བྱང་སེམས་རབ་བསྡུས་ཏེ།། ཕུར་པ་ཐེབས་ནས ་ངེས་པ་ཡིན།། བྱང་ཆུབ་སེམས་ནི་དཀར་ཚེར་བ།། རབ་ཕབ་མགྲིན་པ་ལ་སོགས་པའི།། ལྷ་ལ་མཆོད་པར་ཤེས་པར་བྱའོ།། ཆོས་ཀྱི་འཁོར་ལོའི་གནས་སུ་གཟུང་།། དེར་མ་གནས་ན་སྤྲུལ་པར ་དབབ།། དེ་ཡང་མ་གནས་གྱེན་ལ་སྦར།། དེ་ལ་རབ་ཏུ་གོམས་པ་ཡིས།། རྟགས་ལ་སོགས་པ་གོང་མ་བཞིན།། རླུང་ལྷའི་ངེས་པར་མ་ཐུབ་ན།། དེ་ཡི་མན་ངག་ཤེས་བྱ་བ།། འདིས་ནི་ཕྱག་རྒྱ་ཆེན་པོ་མཚོན།། ཕྱི་ཡི། ་མན་ངག་ཐབས་དང་ལྡན།། ཡང་ན་བཤང་སྒོ་རླུང་འཁོར་ལོ།། སྙིང་པོ་གནས་ལ་འབྱུང་བ་བཞིན།། དེ་ཡི་གོང་བཞིན་དབབ་པ་ནི།། ནང་གི་ངེས་པ་དག་ཏུ་བཤད།། དེ་ཡང་རབ་ཏུ་མ་གྱུར་ན།། ཤེས་རབ་རིག ་མ་འཁོར་ལོ་ཅན།། པདྨ་རིན་ཆེན་གླང་པོ་ཅན།། རིགས་ནས་མཚན་ལྡན་ངེས་པ་ལ།། ནུ་མ་མཉེ་ཞིང་པདྨ་ནི།། རྒྱས་པའི་རིམ་པ་རབ་བྱས་ལ།། དེ་ཉིད་ཡུམ་དུ་ངེས་བསམ་པའི།། བྷ་ག་པདྨ་འདབ་མ་བརྒྱད།། སྙིང ་པོ་ངེས་ལྡན་སྣ་རྩེ་ནི།། དེ་ལ་ཐུགས་ལྡན་ངེས་པར་བསམ།། བདག་ཉིད་གསང་བ་རྩེ་ལྔ་པ།། སྙིང་པོ་ལྔ་ལྡན་རྩ་གསུམ་ཅན།། ཨོཾ་དང་ཕཊ་གྱིས་བུ་གར་ངེས།། དེ་ལྟར་གནས་པ་མཁའ་གསང་སྦྱར།། འབྱུང་ལྡན ་ངེས་པར་སྦྱོར་བས་ནི།། རབ་ཏུ་དབབ་པར་ངེས་པར་རོ།། དེ་ལས་འདས་ནི་རིན་ཆེན་ཕུག། རྩ་ལ་ངེས་པར་སེམས་གཟུང་ངོ་།། གོང་བཞིན་བདེ་བ་ཕབ་ལ་ནི།། སྤྲུལ་པའི་གནས་སུ་སླེབ་པ་དང་།། བར་དང་བུམ་པ ་དེ་ལས་བྱུང་།། དགའ་བ་བཞིན་དུ་ངེས་པར་སྦྱར།། གཉིས་གསུམ་རྟག་ཆད་ཡིན་པས་ཏེ།། བར་ལ་བདེ་གཟུང་གཉིས་མེད་དོ།། མ་ཟིན་དེ་ལས་བཟློག་པར་བྱ།། མ་འཁྱིལ་གཅིག་ཤོར་གཉིས་ཤོར་ན།། དེ་ཡི་མན ་ངག་ཤེས་པར་བྱ།། འདི་ནི་གསང་བའི་དབབ་པ་སྟེ།། གཞན་ལུས་ཤེས་རབ་ལ་བརྟེན་པས།། གོང་བཞིན་ངེས་པར་འབྱུང་བ་སྟེ།། ཡང་དང་ཡང་དུ་ཉམས་བླངས་ན།། ཕྱག་རྒྱ་ཆེན་པོ་ངེས་པར་མཐོང་།། མཚོན་བྱ། ་མཚོན་བྱེད་ཚུལ་བཞིན་ནོ།། ཕུར་བུའི་ངེས་དོན་གཉིས་མེད་པས།། དེ་ནི་ཕྱག་རྒྱ་ཆེན་པོར་བཤད།། དེ་ལྟར་རྟོགས་པའི་རྣལ་འབྱོར་པས།། བླ་ན་མེད་པའི་སངས་རྒྱས་འགྲུབ།། ཕུར་པ་ཕྱི་ནང་གསང་བ་གསུམ།། ལྷ ་ལ་ཕྱི་ནང་གསང་བ་གསུམ།། ཁྲོ་བོ་ཕྱི་ནང་གསང་བ་གསུམ།། ཉོན་མོངས་ཕྱི་ནང་གསང་བ་གསུམ།། སྔགས་ལ་ཕྱི་ནང་གསང་བ་གསུམ།། རྫས་ལ་ཕྱི་ནང་གསང་བ་གསུམ།། དཀྱིལ་འཁོར་ཕྱི་ནང་གསང་བ ་གསུམ།། གནས་ལ་ཕྱི་ནང་གསང་བ་གསུམ།། དགྲ་ལ་ཕྱི་ནང་གསང་བ་གསུམ།། རྟགས་ལ་ཕྱི་ནང་གསང་བ་གསུམ།། དངོས་གྲུབ་ཕྱི་ནང་གསང་བ་གསུམ།། རྒྱུ་ལ་ཕྱི་ནང་གསང་བ་གསུམ།། ཚད་ལ་ཕྱི་ནང་གསང ་བ་གསུམ།། ཏིང་འཛིན་ཕྱི་ནང་གསང་བ་གསུམ།། སྤྲུལ་པ་ཕྱི་ནང་གསང་བ་གསུམ།། གདབ་པ་ཕྱི་ནང་གསང་བ་གསུམ།། མཆོད་པ་ཕྱི་ནང་གསང་བ་གསུམ།། དགོངས་པ་ཕྱི་ནང་གསང་བ་གསུམ།། གནས་པ་ཕྱི ་ནང་གསང་བ་གསུམ།། བསྲེག་པ་ཕྱི་ནང་གསང་བ་གསུམ།། གནན་པ་ཕྱི་ནང་གསང་བ་གསུམ།། འཕང་པ་ཕྱི་ནང་གསང་བ་གསུམ།། བསྒྲལ་པ་ཕྱི་ནང་གསང་བ་གསུམ།། བསྒོམ་པ་ཕྱི་ནང་གསང་བ ་གསུམ།། རྣལ་འབྱོར་ཕྱི་ནང་གསང་བ་གསུམ།། དམ་ཅན་ཕྱི་ནང་གསང་བ་གསུམ།། བསྐྱེད་རྫོགས་ཕྱི་ནང་གསང་བ་གསུམ།། བསྒྲུབ་པ་ཕྱི་ནང་གསང་བ་གསུམ།། ཐམས་ཅད་མ་ལུས་གནས་པའི་དོན།། གཏན ་ཚིགས་བསྒྲུབ་བྱ་ངེས་པ་དང་།། ངོ་བོ་ངེས་ཚིག་དབྱེ་བ་ཡིས།། ཕྱི་ནང་གསང་བ་གསུམ་ཤེས་ན།། དེས་ནི་ཕུར་པའི་ཐེབས་པ་ཐོབ།། གསང་སྔགས་ཚོགས་གཉིས་མྱུར་རྫོགས་དང་།། ཉོན་མོངས་དུག་ལྔ་མི་སྤང ་དང་།། འབྲས་བུ་བྱས་པས་ཁྱད་པར་འཕགས།། འོག་མའི་ཆོས་ལ་བརྟེན་པ་ནི།། སྣང་བ་འདི་ལ་མི་བརྟག་གོ། འོག་མ་ལས་ཀྱང་འདའ་བར་བྱ།། དབྱེར་མེད་གནས་པའི་རྣལ་འབྱོར་པས།། འདིས་ནི་ཕུར་པའི་ཐེག ་ཆེན་མཐོང་།། ལྟ་བ་དབྱིངས་དང་ཡེ་ཤེས་ཡིན།། རྟགས་ནི་ཐབས་དང་ཤེས་རབ་ཡིན།། སྤྱོད་པ་བླང་དོར་མེད་པ་ཡིན།། ཕྲིན་ལས་གང་ལ་ཐོགས་མེད་ཡིན།། དམ་ཚིག་རྩ་བ་ཡན་ལག་ཡིན།། དེ་ལྟར་ཤེས་ན་ཕྱི་མ ་ལ།། མི་འགྱུར་ཕུར་བུའི་ངེས་བཤད་དོ།། འོག་མས་འབྲས་བུ་ངོ་མ་ཤེས།། རྒྱུ་ལ་ཡེ་ཤེས་འདོད་པས་ཏེ།། ཚོགས་གཉིས་ལྡན་པ་བསྐལ་པ་ཡང་།། མང་པོ་བགྲོད་པར་འབྲས་བུ་ཐོབ།། གང་ཞིག་རྒྱུ་ལས་ལམ་བྱས ་པའོ།། གསང་སྔགས་འདི་ནི་ཐབས་ཆེན་པོ།། འབྲས་བུ་ལས་ནི་འབྲས་བུར་ངེས།། གང་ཡང་འབྲས་བུ་ངེས་པ་སྟེ།། ལྷ་ལས་ལྷ་ཡི་འབྲས་བུ་དང་།། ལྷ་ལས་ལྷ་ཡི་ལྟ་བ་སྟེ།། གང་ཞིག་འབྲས་བུ་ལམ་བྱས་པས།། ཚེ ་གཅིག་དག་ལ་སངས་རྒྱས་འགྲུབ།། འདི་ནི་རྫོགས་པའི་རྗེས་སུ་སྟེ།། ཉལ་དང་འདུག་དང་འགྲོ་བ་དང་།། སྒྲ་དང་ཟ་དང་བཀོལ་པ་དང་།། འགྲེངས་སོགས་སྤྱོད་པ་ལ་བསྒོམས་པས།། ལྷ་ཡི་རྣལ་འབྱོར་རབ་གནས ་པས།། ཚོགས་གཉིས་རྫོགས་ཏེ་ས་གཉིས་ནོན།། འདི་ནི་རྒྱུན་གྱི་ཏིང་འཛིན་ཏེ།། ལྟ་བ་སྤྱོད་པ་ཕྲིན་ལས་དང་།། དམ་ཚིག་བསྐྱེད་པ་ཚོགས་མཆོད་དང་།། ལྷག་མ་བསྡུ་བ་དབང་ཚང་ན།། འདི་ནི་ཕུར་པའི་རྣལ་འབྱོར ་ཡིན།། ལྟ་བ་དབྱིངས་ཉིད་དོན་རྟོགས་ཀྱང་།། སྲོག་ཆགས་ཕྲ་མོ་གསད་མི་བྱ།། ཉམས་པ་བདུན་ནི་མ་གཏོགས་སོ།། ཐེག་པ་ཆེན་པོའི་མཛད་སྤྱོད་ཀྱང་།། ཕྲ་བའི་ཆོས་ལ་ནན་ཏན་བྱ།། བརྟུལ་ཞུགས་ལ་སོགས་བྱ་བ ་ཡང་།། རྣལ་འབྱོར་གསུམ་གྱི་རིམ་པར་སྤྱད།། ཕྲ་མོ་ཐིག་ལེ་ཐེག་ཆེན་ནི།། གང་རིགས་སྤྱད་པས་སངས་རྒྱས་འགྱུར།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པར་རིག་པའི ་རྒྱུད་ལས། གསང་བའི་དབྱེ་བ་གསུམ་བསྟན་པ་སྟེ་ལེའུ་བཅུ་གསུམ་པའོ།། །། དེ་ནས་ཀརྨ་ཧེ་རུ་ཀས།། ཕྱི་ནང་མཆོད་པ་རབ་མཆོད་དེ།། བཅོམ་ལྡན་འདས་ལ་འདི་སྐད་གསོལ།། ཀྱེ་བཅོམ་ལྡན་བཛྲ་ཀཱི་ལ ་ཡ།། ཨེ་མ་ཧོ་ངོ་མཚར་ཆེན་པོ་གསུང་།། དམ་ཅན་མིང་སྲིང་བསྒྲུབ་པ་དང་།། གཙོ་བོ་ལ་སོགས་སྒྲུབ་ཐབས་གསུངས།། དེ་སྐད་གསོལ་གསན་གཙོ་བོ་ནི།། རབ་ཏུ་བསྒྲུབ་པ་ཞེས་བྱ་བའི།། ཏིང་ངེ ་འཛིན་ལ་སྙོམས་ཞུགས་ཏེ།། ཡང་དག་པར་ནི་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། རྣལ་འབྱོར་ཕྱི་རབས་འཇུག་པ་ཡི།། དེ་ཡི་ཕྱིར་ན་ངས་བཤད་དོ།། དུས་ལ་བབ་ན་བདུན་པོ་ལ།། སྒྲུབ་ཐབས་རེ་རེ་ངས ་གསུངས་སོ།། དང་པོ་ནག་མོ་བསྒྲུབ་བྱ་བ།། ཁ་སྐོང་མི་སྐོང་ཤེས་པར་བྱ།། རྣལ་འབྱོར་ཡོན་ཏན་ལྡན་པ་དང་།། ཕུར་པའི་དོན་རྣམས་ཤེས་པ་ཡིས།། རབ་ཏུ་དབེན་པར་ལེགས་བསྒྲུབ་པོ།། འཁོར་ལོ་རྩིབས་བཞི ་ལྡན་པ་ཡི།། དབུས་སུ་བསྙེན་ཕུར་ཕྱོགས་བཞིར་ཕུར།། ནག་མོ་བཞི་ཡི་ཕུར་པ་དགོད།། ཐོད་པ་བཞི་ལ་ཐུན་དང་བཅས།། ཁྱི་ཡི་ལྟེ་ཁྲག་ནལ་བུའི་ཤ། བུད་མེད་མངའ་ཁྲག་སྦལ་པའི་མགོ། རམས་ཀྱི་ཕྱེ་མོ་རྡོ་སོལ ་དང་།། ཁྲག་ཆེན་མུ་ཟི་གཏོར་མ་སྨན།། གཞན་ཡང་རྫས་རྣམས་མང་པོ་བསོག། རྡོ་རྗེ་ཁྲོས་པ་ལ་སོགས་པས།། དབུས་སུ་བདག་ཉིད་དཔལ་ཆེན་བསྐྱེད།། འཁོར་ལོ་བཞི་ལ་སྤྱན་བཞི་སྟེ།། རེ་མ་ཏི་དང་རེ་མ་ཛ།། རེ ་མ་ཛི་དང་རེ་མ་ཛུ།། སྐུ་མདོག་རང་རང་རིགས་དང་བསྟུན།། ཆིབས་དང་ཡང་ན་རྐྱང་པ་སྟེ།། རང་རང་ཕྱག་མཚན་ཕུར་བུ་བསྣམས།། རྒྱན་དང་ལྡན་པ་རབ་ཏུ་བསྐྱེད།། རང་བཞིན་སྤྱན་དྲང་མཆོད་པ་འབུལ།། བསྟོད ་དང་སྨོན་ལམ་ལེགས་པར་བྱ།། དེ་ནས་བདག་ཉིད་སྔགས་དང་ནི།། མཆེད་བཞིའི་གསང་སྔགས་སྭཱ་ཧ་ཅན།། བར་བཅུག་རབ་བཟླས་སྲོག་ཀྱང་དབྲོག། ནུས་པ་དག་དང་ལྡན་པར་བྱ།། བར་བར་མཆོད་བསྟོད་གནད ་ལ་དབབ།། རང་རང་དམ་རྫས་ལེགས་པར་བསྟབ།། དེ་ལ་རྟགས་རྣམས་ངེས་པ་ནི།། བུད་མེད་ནག་མོར་དབང་བསྐུར་དང་།། བདག་ལ་ཕྱག་བྱེད་མར་འོད་པ།། འདི་ནི་གྲུབ་སྟེ་དངོས་གྲུབ་བླང་།། དེ་ནས་གསད ་པའི་ལས་བྱ་བ།། འབྲུབ་ཁུང་ལྔ་རུ་ངེས་པར་བྱ།། དེ་ནས་ཐོད་པ་ལིངྒ་དང་།། དྲག་པོའི་རྫས་རྣམས་ལེགས་པར་བྱ།། གབ་པའི་ལས་ཀྱི་ལས་བྱའོ།། མིང་པོའི་འགུགས་སྔགས་ཤེས་པར་བྱ།། རབ་བསྐྱེད་མཐིང་ནག ་འབར་བ་ཡིས།། ཉམས་པ་དགུག་པའི་ལས་བྱའོ།། སྔགས་ལ་བསད་པའི་སྔགས་བཏགས་སོ།། བསད་པ་ལ་སོགས་དགོངས་པ་ཡིན།། ཉམས་པ་ངེས་པར་གསད་པར་བྱ།། དང་པོ་དུས་ལ་བབ་དྲུག་དང་།། དེ་འོག ་བཅུ་གཅིག་དམོད་པ་ཡིས།། རྡོ་རྗེ་ཚིག་བཞིས་གནད་ལ་དབབ།། ཐུན་ལ་སོགས་པའི་སྦྱོར་བ་བྱ།། རྟགས་བྱུང་ཕུར་བཏབ་བསྲེག་འཕང་གནན།། མ་གྲུབ་དུས་ན་ཤི་ས་བསྟན།། འདི་ནི་མིང་པོ་ལས་ཡིན ་ཏེ།། ཉམས་པ་བསད་པའི་མཆོག་ཡིན་ནོ།། ཁ་སྐོང་ལས་ནི་མཆོག་བསྒྲུབ་པ།། གཞན་དུ་གསུངས་པ་ངེས་པ་ཡིན།། ཤྭ་ན་མུ་ཁའི་སྒྲུབ་པ་ནི།། གོང་བཞིན་ཡོན་ཏན་ལྡན་པར་བྱ།། ཤྲ་ན་བསྒྲུབ་པའི་གནས་སུ ་ངེས།། དཀྱིལ་འཁོར་མཆེད་བཞིའི་ཚུལ་དུ་ལ།། གྲུ་གསུམ་བཅས་པ་ལེགས་པར་བྲི།། བསྙེན་ཕུར་ཤྲ་ནའི་ཕུར་པ་བཞི།། དབུས་ལ་སོགས་པར་རབ་ཏུ་དགོད།། ཐོད་ཆེན་འབར་སྦྱང་ལྔ་རྣམས ་དགོད།། རང་རང་སྙིང་དང་ཁྲག་ཆེན་དང་།། ལྕགས་ཕྱེ་ཟངས་ཕྱེ་གསེར་བྱེ་དང་།། རྡོ་ཕྱེ་གཏོར་མ་ལྔ་རྣམས་དགྲམ།། དེ་ནས་གོང་བཞིན་བསྐྱེད་པ་ཡང་།། ལྕགས་སྦྱང་འཕར་བ་ཝ་མོ་དང་།། ཁྱི་མོ་རང་རང་གང ་རིགས་བྱ།། མཆེ་བ་ཅན་ནི་བཞིར་ངེས་པར།། ཆིབས་སམ་ཡན་ན་རྐྱང་པ་སྟེ།། རང་རང་ཅོད་པན་ཕུར་པ་བསྣམས།། ཁྲོས་པའི་ཚུལ་དུ་རབ་ཏུ་བརྟག། སྤྱན་དྲངས་ལ་སོགས་གོང་བཞིན་ནོ།། གསང་སྔགས་གོང ་བཞིན་བཅས་པ་ལ།། བར་དུ་ཤྲ་ནའི་སྔགས་བཅས་པ།། ལེགས་པར་བཟླས་ལ་གོང་བཞིན་བྱ།། དེས་ནི་རྟགས་དང་ནུས་པ་ནི།། འཕར་སྦྱང་མང་པོ་འདུས་པ་དང་།། མགོ་བརྙན་ཚོགས་ལ་དབང་བྱེད ་པའོ།། ནུས་ཐོབ་དངོས་གྲུབ་བླང་བར་བྱ།། དེ་ནས་གསོད་པའི་ལས་བྱ་བ།། གོང་བཞིན་འབྲུབ་ཁུང་བཅས་པའོ།། ལིངྒ་ལེགས་བཅས་ལས་རྣམས་བྱ།། ཤྭ་ནའི་ཏིང་འཛིན་མང་པོ་ཡིས།། འགུགས་པ་དག་ཏུ་ངེས་པ ་ཡིན།། མིང་པོས་ཡང་ནི་དེ་བཞིན་ནོ།། གསང་སྔགས་མཱ་ར་ཡ་བཅས་སམ།། བཟླས་པས་ཤྭ་ནའི་ཚོགས་བཅས་པས།། སྟོད་ཅིང་ཟ་བའི་ཏིང་འཛིན་བྱ།། བར་བར་ཐུན་རྣམས་བྲབ་པ་ཡིས།། རྫས་རྣམས་སྤྲུལ་པ་ཡང ་སྦྲུལ་གྱིས།། ངེས་པར་གསོད་པའི་ཏིང་འཛིན་བྱ།། སྨད་སྟོད་དཀྱུས་ཚིག་ལྔ་བཅས་པ།། དེ་འོག་བཅུ་གཅིག་མཐའ་བསྒྱུར་རོ།། སྟོད་སྨད་ཐ་མའི་བཞི་བཅས་པས།། ཐུགས་དམ་གནད་ལ་དབབ་པར་བྱ།། སེམས་ཅན ་བསད་པའི་རྟགས་བྱུང་ན།། རྩ་བ་ཕུར་གདབ་བསྲེག་དང་འཕང་།། གནན་པའི་ལས་རྣམས་བྱ་བ་ཡིས།། ཉམས་པའི་ངེས་པར་འཆི་བ་ཡིན།། ཁ་སྐོང་གཞན་དུ་ངེས་པར་གསུངས།། ས་བདག་ཆེན་མོ་བསྒྲུབ་པ ་ནི།། གོང་བཞིན་ཡོན་ཏན་ལྡན་པ་ཡིས།། བསེ་མོ་བསྒྲུབ་པའི་གནས་སུ་བྱ།། མཎྜལ་ཟླ་གམ་བཅུ་དྲུག་གམ།། ཡང་ན་བཞི་འམ་འབྲུབ་ཁུང་བཅས།། རང་རང་རིགས་དང་མཐུན་ནམ་གཅིག། ཝ་ཐོད་བཞི་ལ་རྩ ་སྔགས་བཅས།། མཆོག་ཕུར་ལྕགས་ཕུར་ལྔ་རྣམས་སོ།། མར་ཁུ་ཞག་དང་སྦྲང་རྩི་དང་།། འོ་མ་ལ་སོགས་སྐྱོགས་བཞི་དང་།། ཡུངས་ཀར་ཡུངས་ནག་ཟི་ར་དང་།། སྐྱེ་ཚེ་ལ་སོགས་ཐུན་རྫས་བསག། གཞན་ཡང་སྨན ་རཀ་གཏོར་མ་ལྔ།། ལེགས་པར་མཁས་པས་གསོག་པ་ཡིན།། དེ་ནས་ཏིང་འཛིན་བཅས་པ་ནི།། དཔའ་བོ་དཔའ་མོ་བསམ་པ་སྟེ།། རང་རང་རིགས་མཐུན་སྐུ་མདོག་ལ།། བསེ་ཁྲབ་རྒྱན་ཆས་ཕྱག་ན་ཡང་།། ཞགས ་པ་ཕུར་བུ་བསྣམས་པ་ནི།། ཆིབས་སམ་ཡང་ན་རྐྱང་པ་སྟེ།། བློན་པོ་ཡང་བློན་བཅས་པ་བསྐྱེད།། སྤྱན་དྲང་ལ་སོགས་གོང་བཞིན་ནོ།། དཔའ་བོའི་གསང་སྔགས་བཅས་པ་དང་།། བར་དུ་བསེ་སྔགས་སྭཱ་ཧཱ ་བཅས།། བཟླས་པ་གོང་བཞིན་ནུས་པ་དབྲོག། བར་དུ་མཆོད་བསྟོད་གནད་ལ་དབབ།། བལ་མོ་ལ་སོགས་རྟགས་བྱུང་ན།། དངོས་གྲུབ་བླང་ལ་ནུས་པ་ཐོབ།། དེ་ནས་གསང་བའི་ལས་བྱ་བ།། འབྲུབ ་ཁུང་ལིངྒར་བཅས་པའོ།། ཁྲོས་པས་ལས་བྱ་བསེ་མོ་དགུག། དེ་ཡང་མིང་པོའི་བླ་འགུགས་སྔགས།། དེས་ནི་ངེས་པར་དགུག་པ་ཡིན།། གསང་སྔགས་མཱ་ར་ཡ་བཅས་ལ།། བཟླས་པས་ཡང་སྦྲུལ་སུམ་སྤྲུལ ་གྱིས།། ངེས་པར་བསད་པའི་ཏིང་འཛིན་བྱ།། གོང་བཞིན་དྲུག་དང་བཅུ་གཅིག་དང་།། བཞི་བཅས་གནད་ལ་དབབ་པར་བྱ།། ཐུན་ཕབ་དགོངས་པ་གོང་བཞིན་ནོ།། ཕུར་གདབ་བསྲེག་འཕང་གནན་བྱས་ན།། ཉམས ་པ་འཆི་འགྱུར་མཱ་ར་ཡ།། སྤོག་དང་ཤི་སའི་མན་ངག་ནི།། མ་བྱུང་མཁས་པས་རབ་ཏུ་སྦྱར།། ཁ་སྐོང་མན་ངག་གཞན་དུ་གསུངས།། འདི་ནི་མན་ངག་ནང་ན་མཆོག། ཕུར་བུའི་སྲུང་མ་མཐུ་ཆེན་ཡིན།། ཨ་བྷི ་ཙརྱའི་དུས་ཞེས་པ།། ལྟ་བ་བྱིན་བརླབ་བརྟེན་པ་དང་།། དྲག་སྔགས་རྟོགས་དབང་མཐུ་ཡིན་ཏེ།། དཔེ་དོན་ངེས་གསུམ་ཤེས་པ་ཡིས།། མཐུ་རྣམས་རབ་ཏུ་བསྒྲུབ་པ་ཡིན།། དགོངས་པ་སྔགས་དང་ཕྲིན་ལས ་དང་།། ནུས་པ་གསང་བ་བསད་ཤེས་པའི།། ངེས་པར་དཔེ་དོན་ཤེས་ན་འགྲུབ།། དོན་གསུམ་ངེས་པར་རྣམ་པར་གྲོལ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས།། ་དམ་ཅན་གསུམ་སྒྲུབ་པའི་ལེའུ་སྟེ་བཅུ་བཞི་པའོ།། ། དེ་ནས་ཀརྨ་ཧེ་རུ་ཀས།། ཀཱི་ལ་ཡ་ལ་འདི་སྐད་གསོལ།། ཀྱེ་བཅོམ་ལྡན་བཛྲ་ཀཱི་ལ་ཡ།། དམ་ཅན་སྡེ་གསུམ་མིང་པོ་དང་།། རངས་པ་དྲིལ་པའི་བསྒྲུབ་པ ་ནི།། ལེགས་པར་བདག་ལ་བཤད་དུ་གསོལ།། དེ་སྐད་གསོལ་བར་བཀའ་སྩལ་པ།། ཉོན་ཅིག་ཀརྨ་ཧེ་རུ་ཀ། སྲུང་མ་རྣམ་གསུམ་མིང་པོ་དང་།། སྤྱི་དྲིལ་བསྒྲུབ་པ་ངས་བཤད་དོ།། གུས་པར་ཉོན་ལ་ཡིད་ལ ་ཟུང་།། ཡོན་ཏན་ལྡན་པའི་སྔགས་པ་ཡིས།། རྒྱལ་པོ་བསྒྲུབ་པའི་གནས་སུ་ནི།། སྔོན་འགྲོ་བཅས་པ་ལེགས་པར་བསྒྲུབ།། མཎྜལ་གྲུ་གསུམ་མཁར་དང་བཅས།། དུང་གི་མདོག་ཅན་ལེགས་པར་བྲི།། ཐོད་པ་བམ ་རིལ་ཕུར་པ་གཉིས།། ལུག་དཀར་སྙིང་དང་དཀར་ཚོགས་སྙིང་།། བཤོས་བུ་སྤྱན་གཟིགས་མཐུན་རྫས་བཅས།། སྨྱུག་མ་རྟེན་དང་བཅས་པའོ།། ཏིང་འཛིན་བསྐྱེད་པར་རབ་བྱས་ལ།། རྒྱལ་པོ་དཀར་པོ་གྱིང་དཀར ་ཕུར།། རྣམ་པ་རྒྱན་བཅས་བསྐྱེད་པར་བྱ།། སྤྱན་དྲང་མཆོད་འབུལ་བསྟོད་སྨོན་ལམ།། དེ་དག་ལེགས་བྱས་སྔགས་བཟླས་ལ།། ཀ་ར་ཀརྨ་ཡ་ན་ནི།། ཁ་སྐོང་སྔགས་བཅས་རབ་ཏུ་གཞུག། གོང་ལྟར་བཟླས་པས་ནུས ་པའི་རྟགས།། སྐྱ་ཤར་མོན་པ་དཀར་པོ་ལ།། དབང་བསྐུར་ངེས་པར་འགྲུབ་པ་ཡིན།། བར་བར་བཤོས་བུ་སྤྱན་གཟིགས་བསྟབ།། དངོས་གྲུབ་བླངས་ལ་གསད་ལས་བྱ།། ལིངྒ་བཅས་པའི་མན་ངག་བྱ།། ཁྲོས་པའི ་དགུག་བྱ་རྒྱལ་པོས་སོ།། བསད་པའི་སྔགས་ནི་བཅས་པས་བཟླས།། གོང་བཞིན་མི་འགྱུར་གནད་ལ་དབབ།། ཐུན་ཕབ་ཏིང་འཛིན་བཅས་པ་ཡིས།། གསོད་འགྱུར་གོང་བཞིན་ལས་བྱའོ།། ཏྲི་ཙ་པ་ལ ་ས་ཤུ་ག་མེ་སྭཱ་ཧཱ། ཏྲི་ཁ་ཐུན་ཁ་ཁ་ཐུན་ནི་ར་རྦད། ཨ་ཏྲི་ཙ་པ་ལ་མཱ་ར་ཡ་རྦད། དགུ་དང་རྩ་བདུན་བསད་སྔགས་ངེས།། བླ་རྡོའི་མན་ངག་ཤེས་གྱུར་ན།། རྒྱལ་པོ་རྟ་ལྟར་གདགས་པ་དང་།། བཙོན་བཟུང་ཁྱི་ལྟར ་བཀྲི་བ་འགྲུབ།། བླ་འགུགས་གསང་སྔགས་ཤེས་པར་བྱ།། འདི་ནི་དུང་གི་སྒྲུབ་ཐབས་ཏེ།། ཉམས་པ་འཆིར་འགྱུར་གདོན་མི་ཟ།། དེ་ནས་མགོན་པོའི་སྒྲུབ་པ་ཡང་།། རབ་ཏུ་མཁས་པས་སྤྱད་པར་བྱ།། མགོན་པོ ་ངེས་བསྒྲུབ་གནས་སུ་ནི།། མཎྜལ་གྲུ་གསུམ་ཟླུམ་པོ་གནག། མདུན་དུ་ངེས་པར་བྲི་བར་བྱ།། དྲིའུ་ནག་ཐོད་པ་མད་བ་ནག་དང་།། དར་ནག་ལུག་ནག་སྙིང་དང་ནི།། དེ་བཞིན་ནག་ཚོགས་སྙིང་ཕྲག་བཅས།། རྟ་ནག ་རྨིག་པ་གཡས་པ་ལ།། ཐུན་དང་གཏོར་མ་ནག་པོ་དང་།། བསྙེན་ཕུར་ཕུར་པ་ནག་པོ་སྟེ།། དེ་དག་ལེགས་པར་དགོད་པར་བྱ།། དེ་ནས་གོང་བཞིན་བསམ་པ་ཡིས།། མ་ཧཱ་ཀ་ལ་མདོག་ནག་སྟེ།། བེ་ཅོན་ཕུར་བུ་རྒྱན ་དང་ལྡན།། ཁྲོས་པ་རབ་ཏུ་སྦྱོར་བ་བྱ།། སྤྱན་དྲང་ལ་སོགས་གོང་བཞིན་ནོ།། གསང་སྔགས་མ་ཏཾ་ཡང་ན་ནི།། འོག་ནས་འབྱུང་བ་བཟླས་པ་ཡི།། གོང་བཞིན་ནུས་པ་ཐོབ་པར་ངེས།། བར་དུ་མཆོད་བྱ་བསྟབས་བྱས ་སོ།། མོན་པོ་ནག་པོ་ཁྱི་ཕག་ནི།། དབང་དུ་འདུས་པའི་རྟགས་བྱུང་ན།། དངོས་གྲུབ་བླངས་ལ་གསད་ལས་བྱ།། འབྲུབ་ཁུང་ལིངྒ་བཅས་པའོ།། འོག་ནས་འབྱུང་བའི་གསང་སྔགས་ཀྱིས།། དགུག་པའི་ལས་བྱ་གསུམ ་པས་གསོད།། འཁོར་དང་བཅས་པས་བསད་པར་བསམ།། གོང་བཞིན་མི་འགྱུར་གནད་ལ་དབབ།། ཐུན་ཕབ་སྦྱོར་བས་བསད་པར་བསམ།། རྟགས་བྱུང་ཕུར་བཏབ་ལས་མཐའ་བརྟུལ།། ཨོཾ་མ་ཧཱ་ཀ་ལ་ཡཀྑ་ཏྲི་ཡང ་ཛཿམ་ཧཱ་ཀཱ་ལ། ཏྲི་ཆུམ་ཤིག་བཾ་རི་ལ་མཱ་ར་ཡ་ཕཊ། དགུ་དང་བཅུ་གཅིག་གསང་སྔགས་ནི།། དབང་ཕྱུག་མགོན་པོའི་གསང་སྔགས་ཏེ།། བླ་རྡོའི་མན་ངག་ཤེས་པ་ཡིས།། ཆོས་སྐྱོང་བ་རྣམས་སྲུང་འགྱུར་རོ།། འདི་ནི ་ལྕགས་ཀྱི་བསྒྲུབ་པ་སྟེ།། ཉམས་པ་ངེས་པར་གསོད་པ་ཡི།། ཡེ་ཤེས་མགོན་པོའི་བསྒྲུབ་པ་ཡིན།། དེ་ནས་བསེ་ཡི་གིང་སྒྲུབ་ནི།། འགྲུབ་ངེས་གནས་སུ་ངེས་པ་ཡིས།། མཎྜལ་གྲུ་གསུམ་བསེ་མཁར་བཞི།། བསྙེན ་ཕུར་བསེ་ཡི་ཕུར་པ་བཞི།། བསེ་མདའ་བསེ་ཕོར་བཞི་རྣམས་སོ།། ཁྱི་དམར་སྙིང་ཁྲག་དམར་སྣ་ཚོགས།། དེ་བཞིན་ཤེས་བྱ་ཐུན་རྫས་ནི།། ཟངས་མའི་ཁབ་དང་ཐིག་དམར་བཅས།། གཏོར་མ་བཞི་ཡང་ངེས་པར ་བསག། གོང་བཞིན་ཏིང་འཛིན་དག་པ་ཡིས།། གཙོ་རྫོགས་བསེ་ཡི་སྐྱེས་བུ་ནི།། དམར་པོ་འཇིགས་པ་ཕྱག་གཉིས་ན།། བསེ་མདའ་བསེ་གཞུ་ཕུར་པ་འབྲེལ།། ཆིབས་སམ་ཡང་ན་རྐྱང་པ་སྟེ།། དེ་བསམ་གོང་བཞིན ་ལེགས་པར་བྱ།། གསང་སྔགས་མ་ར་སེ་ན་ཏེ།། ཡང་ན་ལོག་ནས་འབྱུང་བ་བཟླས།། དེ་བཞིན་ནུས་པ་ངེས་ཐོབ་རྟགས།། མོན་པ་དམར་པོ་ཁྱི་དམར་པོ།། དབང་བསྐུར་ངེས་པར་འགྲུབ་པ་ཡིན།། བར ་བར་མཆོད་དབབ་ལེགས་པར་བྱ།། ནུས་ཐོབ་བསད་པའི་ལས་ཀྱང་བྱ།། ཕོར་པའི་ནང་དུ་ལིངྒ་བཅས།། གསང་སྔགས་རབ་ཏུ་བཟླས་པ་ཡིས།། བསེ་ཡི་སྐྱེས་བུ་སྤྲུལ་པ་དང་།། ཡང་སྦྲུལ་སུམ་སྦྲུལ་མོན་པ ་ཡིས།། བཀའ་འདས་ཉམས་པར་རབ་བཀུག་ནས།། ནང་དུ་བསད་པའི་སྦྱོར་བ་བྱ།། དེ་ཡང་བླ་འགུགས་སྔགས་ཀྱིས་སོ།། ཐུན་དབབ་གོང་བཞིན་གནད་ལ་དབབ།། ཕུར་བཏབ་མདའ་འཕང་བསྲེག་འཕང ་གནན།། ཨོཾ་ར་ཤཱི་ནཱ་ར་ཤི་ན། ཀུ་ལན་ཤུ་ན་ལན་མ་ཧོ་ར་ག་ཧཱུཾ་ཕཊ། ཀྲོ་དྷ་ཙིཏྟ་མཱ་ར་ཎི་ཤུ་རུ་ཤུ་རུ། ཤུ་ལ་ཤུ་ལ། ཙི་བ་ར་ཤུ་ལ་ཧ་མཱ་ར་ཡ་རྦད། བཅོ་ལྔ་རྩ་དྲུག་རྩ་སྔགས་ནི།། བསེ་ཡི་གིང་གི་སྔགས་ཡིན་ནོ།། འདི ་ནི་བསེ་ཡི་སྐྱེས་བུའི་བསྒྲུབ་པ་སྟེ།། བླ་རྡོ་མན་ངག་ཤེས་གྱུར་ན།། གང་བཅོལ་ཉན་ལ་སྲོག་གཅོད་བྱེད།། ཟོར་ལ་ཤིས་ཏེ་རབ་ཏུ་གསང་།། དེ་ནས་དམ་ཅན་མ་གསུམ་དང་།། མིང་པོ་ལྔར་བཅས་བསྒྲུབ་པ་ནི།། སྟོད ་ཀྱི་སྔགས་དྲུག་བྱིན་མེད་ན།། དེ་ཡང་རྦད་པའི་ལས་བྱ་བ།། སྔགས་དྲུག་དག་གི་ལས་བྱའོ།། ལས་ཀྱི་ཐུན་སྔགས་བསད་པ་དང་།། རྟགས་འབྱིན་ལྷག་པ་ལྷ་ཡི་དམོད།། སྲོག་གི་ཆན་པ་ཐུན་གྱི་སྔགས།། སྔགས་དྲུག ་བྱིན་ཡོད་བྱ་བའི་ཕྱིར། ཁོང་ཁྲག་བཏང་བས་ལས་མྱུར་བཤད།། དོན་རྣམས་ངེས་པའི་རྣལ་འབྱོར་པས།། བདེན་པ་ལུང་ལ་ངེས་གནས་སོ།། ཉམས་པ་བདུན་པོ་བསྒྲལ་བའི་ཕྱིར།། དྲག་པོའི་དུས་གཟུང་ཡོ་བྱད ་བསོག། རྩ་བའི་མཎྜལ་ལྷོ་ནུབ་དུ།། བསེ་བྱང་སྐྲག་མའི་མཎྜལ་ནི།། དབུས་སུ་གྲུ་གསུམ་ཐུར་དུ་བྲུ།། དེ་ཡི་ཕྱི་རིམ་མུ་ཁྱུད་བཅས།། འཁོར་ལོ་དྲུག་ཏེ་ངེས་པའོ།། དེ་ཡི་ཕྱི་རིམ་གྲུ་ཆད་བཞི།། གྲུ་གསུམ་མཐིང་ནག ་རེ་རེ་བྱ།། དབུས་སུ་ཕྱོགས་བཞིར་ཕུར་པ་རེ།། ལྷ་རྣམས་ཚང་བའི་ཕུར་པ་དགོད།། རྩང་བཞིའི་ཁ་ལ་སྙིང་བཞི་དང་།། གོང་དུ་བཤད་པའི་དམ་རྫས་དགྲམ།། ཐུན་རྫས་མང་པོ་ཐོད་པར་བསག། ཐོད་ཆེན་བཞི ་རུ་ཐུན་ཁྲག་གོ། དེ་ལ་བཅའ་བའི་རིམ་པ་ཡང་།། ཤིང་ཤུན་རོ་རས་དག་ལ་ནི།། ལིངྒ་བསད་པའི་འཁོར་ལོ་ནི།། དུར་ཁྲོད་སྨྱུ་གུ་ཁྲག་ཆེན་གྱིས།། ཞེ་སྡང་བཅས་པའི་སེམས་ཀྱི་བྲི།། འཁོར་ལོ་རྩིབས་དྲུག་བཅས་པ ་ལ།། སྤྱི་བོར་ཨོཾ་དང་ཀི་ལ་ཡ།། སྙིང་གར་མིང་དང་དཔྲལ་བར་རུས།། གཡས་སུ་ཧཱུཾ་ལ་གཡོན་དུ་ཕཊ།། མཱ་ར་ཡ་ནི་འདོམས་སུ་སྟེ།། དྲུག་ལ་སྔགས་དྲུག་བཅས་པའོ།། སྲོག་ལ་འདྲེན་པའི་སྙིང་པོ་རྣམས།། མཚམས ་ལ་མཆོད་དྲུག་ངེས་པ་ཡིན།། ཐམས་ཅད་འདུས་པས་མཐའ་མ་བསྐོར།། སྦ་འཁར་ཚིགས་གསུམ་དག་ལ་ཡང་།། བསེ་བྱང་སྙིང་པོ་བཅས་པ་གདགས།། བསེ་བྱང་ནག་པོ་སྙིང་པོར་བཅས།། དེ་འོག་གཉིས་ལ ་གདགས་པར་བྱ།། བསེ་བྱང་དཀར་པོ་སྙིང་པོར་བཅས།། དེ་ཡི་འོག་ཏུ་ཤེས་པར་བྱ།། དེ་འོག་མོན་མོ་ནག་མོ་དང་།། ཤྭ་ནའི་སྐུ་དང་སྙིང་པོར་བཅས།། སྦ་ཡང་ཚིགས་གསུམ་དག་ལའོ།། ཐ་མར་ལིངྒ ་སྐུད་པར་གདགས།། མཎྜལ་ནང་དུ་སྐྲ་འཁར་གྱིས།། ལིངྒ་འཁོར་ལོར་བཅས་པ་གཟིར།། ཁྱད་པར་མཆོད་པ་གསུམ་དང་བཅས།། དང་པོར་སྔོན་འགྲོ་ཤེས་པར་བྱ།། དང་པོར་རྩ་བའི་ལྷ་གསུམ་ནི།། གཞུག་བཞིན ་ལེགས་པར་བསྐྱེད་པ་ཡིན།། དབང་བསྐུར་བྱིན་དབབ་སྤྱན་དྲང་བྱ།། མཆོད་ཅིང་བསྟོད་དེ་སྨོན་ལམ་གདབ།། དམ་ཅན་མིང་སྲིང་གོང་བཞིན་དུ།། ཤིན་ཏུ་ཁྲོས་པས་ཡང་དག་བརྟག། གོང་བཞིན་མཆོད་བྱས་གནད ་ལ་དབབ།། དྲུག་དང་བཅུ་གཅིག་ཚིག་བཞི་པོས།། དམར་ཆེན་སྦྲེང་ལ་དམ་ཅན་བསྐུལ།། གབ་པའི་སྔགས་ཀྱིས་བར་བྱས་ལ།། དམ་ཅན་མང་པོས་དགྲ་བོ་དགུག། མིང་པོའི་བླ་འགུགས་སྔགས་ཀྱིས་སོ།། ཤེས ་པ་བསྟིམས་ལ་ཡང་ཡང་ངོ་།། གོང་བཞིན་བསྙེན་པ་རྫོགས་པར་བྱ།། ཕྱི་ནས་དྲངས་ཏེ་རྒྱུན་མི་གཅད།། ནང་དུ་མཆོད་བྱ་གནད་ལ་དབབ།། ལྷ་བསྒྲུབ་པ་ནི་དེ་ལྟར་རོ།། དེ་ལྟར་བྱས་པའི་རྟགས་བསྟན་པ།། རབ་གྱིས ་ཕུར་པ་མཆོངས་པར་འགྱུར།། གཉིས་པ་འབྲིང་ལ་མེ་སྟག་འཕྲོ།། ཐ་མས་ཉམས་དང་རྟགས་སུ་བཤད།། དེ་བྱུང་དངོས་གྲུབ་ངེས་པར་བླང་།། དྲག་པོའི་ལས་དག་བྱ་བ་ནི།། ལྷ་རྣམས་དྲག་པོར་ངེས་བསམ་མོ།། ཡང ་སྦྲུལ་གསུམ་སྦྲུལ་མང་པོ་ཡིས།། ཤེས་པ་ལིངྒ་ལ་གཞུག་བསད།། བར་བར་ཐལ་མོ་དམོན་པ་བྱ།། ལས་ཀྱི་ཐུན་དྲུག་སྔགས་ལ་ཡང་།། ཉོན་མོངས་གཏོར་ལ་ནུབ་མོ་དྲིལ།། གང་བབ་དུས་སུ་ཤེས་པར་བྱ།། རྟགས ་འགྱུར་སྲོག་གཅོད་ལ་སོགས་པ།། བར་དུ་ཟུན་རྣམས་བྲབ་པ་ཡང་།། ཐོད་ཆེན་ནང་དུ་ངེས་པར་ཡང་།། ལས་ཀྱི་ཐུན་དྲུག་སྔགས་ཀྱི་བྲབ།། དམ་ཅན་མང་པོས་བསད་པར་བསམ།། སྟོད་ཅིང་རྟབ་ཅིང་ཟ་བར ་བརྟག། དུས་དྲུག་ཕུར་པ་བརྡེག་བྱ་བ།། གསང་བ་གསུམ་ལྡན་བསྒྲལ་མཛད་བཅས།། ཚེ་ལུང་ཁྲུས་ལུང་དགོངས་པ་བསྲང་།། བསྙེན་པའི་ཕུར་པ་སྙིང་ལ་གདབ།། དམ་ཅན་ཕུར་པ་རངས་པ་ལ།། སྔགས་ལ་སུ་རུ་མུ ་རུར་བཅས།། རང་རེའི་གནས་སུ་ངེས་པར་གདབ།། ཝ་ཐོད་ནང་དུ་བསེ་བྱང་ནི།། དམར་པོ་བཅུག་ལ་ཕུར་པས་མནན།། ཁྱི་ཟོད་ཁ་ལ་མེ་འབར་ཏེ།། རྫས་རྣམས་སྦྱིན་བསྲེག་བྱ་བ་དང་།། ཀློང་ཡངས་འཁྱིལ་བའི ་ཧོམ་དུའོ།། སྦྱང་ཟོད་ཁ་ལ་ལིངྒ་དང་།། གཏོར་མ་ལྷ་ལ་བསྟབ་པ་བྱ།། འཕར་བའི་ཐོད་པར་དམ་རྫས་དང་།། ཁྲག་བཅས་གནས་པ་ཟོར་དུ་འཕང་།། མནན་པ་ལུང་གསུམ་མདོ་རུ་ངེས།། དེ་ལྟར་རབ་ཏུ་བྱས་པ ་ཡིས།། རྡོ་རྗེའི་བྲག་ཀྱང་འཇིག་གྱུར་ན།། གཟུགས་ཅན་ལ་ནི་སྨོས་ཅི་དགོས།། གསང་བའི་སྔགས་ནི་འདི་རྣམས་སོ།། ཨོཾ་བཛྲ་ཀྲོ་དྷ་ཙིཏྟ་མ་ཧཱ་ལི་ཤུ་ར་ཤུ་ར། ཁྱི་ར་ཁྲིད། གྷ་དྷ་ར་ཎི་ཤུ་ལ་རྩི་པཱ་ར་ཤུ་པར་ཎི ་ཡོ་ག་ཤུ་དྷ་ཙིཏྟ་མ་ར་ལི། ཀྲོ་དྷ་ཡོ་ག་ནི་བཛྲ། ཛ་ལནྣ་རི། ཤ་ཥ་ཎི་ཛ་ཛ། ཡི་གེ་ལྔ་བཅུ་ང་གསུམ་ནི།། དམ་ཅན་སྠི་ཡི་སྲོག་སྙིང་ངོ་།། ཨོཾ་བཛྲ་ཀཱི་ལི་ཀཱི་ལ་ཡ། ཀུ་ལན་ཤུ་ལན། རྩ་མུན་ཀཾ་ཀ་སྙིང་ཁ ་རག་མ་བྷོ། རཱ་ཏྲ་ཏྲ་ཀ་རཀྟ་རྦད། མ་མ་སྙིང་ཙིཏྟ་རྦད། ཁ་རུ་ཙི་ཏྲ་མཱ་ར་ཡ་བྷྱོ། བ་ལ་ཕུར་མ་མ་དུན་ཟད། རཀ་མོ་སྙིང་རྩ་རུ་རུ་ཡཾ་ཙིཏྟ་ཡཾ་ནརྀ་ཏྲི་ཧཱུཾ་ཧཱུཾ་ཕཊ་ཕཊ། ཙི་པི་རི་ཙ་ཀྲ་ཡ། ནཱ་ག་མཱ་ར་ཡ་ཚལ་པ་ཤུ་ཤུ་རཀྵ ་ཚལ་པ། ཨ་ཝེ་ཤུ་ཚལ་པ། ནརྀ་ཏྲི་མཱ་ར་ཡ། བཛྲ་ཤུ་ཏྲི་དྷ་ར་ཙི་ར་ཡ་ཧཱུཾ་ཕཊ། རྦད་སུ་རྦད་སུ། ཁ་དུཾ་ཁ་དུཾ། མ་མ་ཡཾ་རཀྵ་རཀྵ་ཚལ་པ་ཚལ་པ། ཚལ་བྷྱོ་ཚལ་བྷྱོ། ཕུར་བུ་ཕུར་བུ་ཧཱུཾ་ཕཊ། དགུ་བཅུ་གོ་དྲུག་གསང་སྔགས ་ནི། ཐུན་གྱི་གསང་སྔགས་དམོད་པ་སྟེ།། ཐམས་ཅད་དྲིལ་བའི་སྔགས་སུའམ།། བསེ་ཡི་སྐྱེས་བུ་འཁོར་བཅས་སྔགས།། ཨོཾ་བཛྲ་ཀཱི་ལི་ཀི་ལ་ཡ། ཙན་ཅན་ཡང་བྱུང་། ཙོ་ཏྲ་ཙོ་ཏྲ་ཛཿཧཱུཾ་བཾ་ཧོཿ། ཨཱ་ཝེ་ཤ་ཡ་ཨཱ་ཝེ་ཤ་ཡ་ཧཱུཾ་ཕཊ། ་དྷ་ཏི་མ་མ་ཤཱི་གྷྲཾ་ཀརྨ་ཀཱ་ར་ཡ། མཱ་ར་སེ་ན་པྲ་མརྡ་ན་ཧཱུཾ་ཕཊ། ཛཿཧཱུཾ་བཾ་ཧོཿ། ཤི་གྷྲཾ་ཨ་ན་ཡ་ཧཱུཾ་ཕཊ། མ་མ་བ་ཤཾ་ཀུ་རུ་མཱ་ར་སེ་ན་པྲ་མརྡ་ན་ཧཱུཾ་ཕཊ། ཛཿཧཱུཾ་བཾ་ཧོཿ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། མ་ར་སེ་ན་པྲ་མརྡ་ན་ས་མ་ཡ ་ཧཱུཾ་ཕཊ། ཡི་གེ་བརྒྱད་ཅུ་གྱ་དྲུག་ནི།། ལྷག་པ་ལྷ་ཡི་དམོད་པ་སྟེ།། བདག་ཉིད་མ་མོའི་གསང་སྔགས་ཡིན།། ཡང་ན་སྤྱི་རུ་ཤེས་པར་བྱ།། ཨོཾ་བཛྲ་ཀཱི་ལི་ཀཱི་ལ་ཡ་ཧོ་ལ་ཤ་ཁྱུང་ཁ་མུར་ཤ་ཡོ་གི་ནི། རོག་ན་ན་མོ་མུ་རྩ་ཡ ་ཁྲི་དུ་བྷ་ཡ་ཤེ་ཡ། རོ་ལ་ཁྲག་འཐུང་ཀང་ཀང་ཀེང་ཀེང་ཡ། ཙིཏྟ་མུར་ཤ་ཡ། ག་ཤེ་དུ་ཡ་མ་ནི་ཛ་ཎི་ཕཊ་ཕཊ་སོད་སོད་རྦད་རྦད། ཡི་གེ་ལྔ་བཅུ་རྩ་དྲུག་ནི།། ཐུན་གྱི་དམོད་མོའི་གསང་སྔགས་ཏེ།། ཤྲ་ན་མ་ཡི་དྲག ་སྔགས་ཡིན།། ཡང་ན་གོང་བཞིན་ཤེས་པར་བྱ།། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། ཧ་ས་ཡ་ར་བྷི་དོ་བྷི་དོ་པཱ་རཱ་ཕཊ། ར་ཤ་ནི་རི་ཤ་ནི་ཕཊ། ཤུ་ལ་ཚལ་པ་ནི་ཚལ་པ་ནི། བྲུཾ་བྲུཾ། ཨ་ནརྀ་ཏྲི་མཱ་ར་ཡ་ཛ་ཛ། བྲུཾ་ཐཱཾ། ནཱ་ག ་མཱ་ར་ཡ་ཚལ་པ་བྲུཾ། རྦད་སུ་ཙིཏྟ་ཡ་ཛཿཧཱུཾ་བཾ་ཧོཿ། རཱུ་ཏྲ་མ་མ་དུན་བྷྱོ་ཛཿཧཱུཾ་བཾ་ཧོཿ། ཏི་ཤ་སྙིང་ལ་དུན་དུན། མ་ཧཱ་རཀྵ་ཧཱུཾ་ཕཊ། ཡི་གེ་བདུན་ཅུ་དོན་བརྒྱད་ནི།། བསད་པ་སྲོག་གི་ཤན་པ་སྟེ།། རྒྱལ་པོ་ཤེལ་གིང་གསང ་སྔགས་ཡིན།། ཡང་ན་སྤྱི་རུ་ཤེས་པར་བྱ།། ཨོཾ་བཛྲ་ཀཱི་ལི་ཀཱི་ལ་ཡ། སྟེ་ན་སྟེ་སེ་ཧཱུཾ་ཕཊ། སརྦ་བིགྷ་ནཱན་བཾ་ཧཱུཾ་ཕཊ། རཀ་མོ་ཡག་མོ་ཀཱ་ལ་རཱུ་པ། སྙིང་ཟ་ས་མ་ཡ། སྙིང་སྲོག་ལ་ཡ་རྦད། ཨོཾ་ཨཱིཾ་ཨཱིཾ་ཁྲག་ལ་མྱུར། མཱ་ར ་སེ་ན་སྲ་མརྡ་ན་ཡེ་ཧཱུཾ་ཕཊ། ཙིཏྟ་པྲིལ་ཕྲིལ། སྲོག་ཡཾ་ཡཾ། ཆུ་ཏ་ཐཱ་ཡ་ཧཱུཾ་ཕཊ། སྙིང་ཟ་བ་ཙིཏྟ། མ་ཤ་ལ་ཧཱུཾ་ཕཊ། དྷ་ན་རུ་སྙིང་ཁྲག་ཤ་ལ་ཁ་བྲུཾ་རི་ལ་ཤཾ་ཁྱེར་བྷྱོ། ཕྲིལ་པ་ཀར་ལ་ཤཾ་ཁྱེར་བྷྱོ། ཡི་གེ་དགུ་བཅུ་གོ་ལྔ ་ནི།། བསད་པ་ལས་ཀྱི་དམོད་སྔགས་ཏེ།། མགོན་པོའི་གསང་སྔགས་ཡིན་པར་ཤེས།། ཡང་ན་གོང་བཞིན་ཤེས་པར་བྱ།། ཨོཾ་བཛྲ་ཀཱི་ལི་ཀཱི་ལ་ཡ། ཀྲོ་དྷ་སི་ཏ་ན་ལི། ཤུ་ར་ཤུ་ར། ར་ག་ར་ག། ཤུ་རུ་རཀྟ་ཚལ་པ། ཨཱ ་ཝེ་ཤ་ཡ་ཨཱ་ཝེ་ཤ་ཡ། ཀང་ཀང་ཀེང་ཀེང་། མཱ་ར་ཙིཏྟ་རོ་ལ་ཙིཏྟ་ཕཊ། ཀྱི་ཁྲིད་ར་ཁྲིད་མཱ་ར་ཡ། ཤུ་ལ་ཙིཏྟ་ལེ་བུ་སོ་ར་དུན་དུན་ཤ་ཡ། ཀྲེང་ཀྲེང་མཱ་ར་ཡ་མུན། ཀྲེ་མུན་ཏེ་ཏ་ཡ་ཧཱུཾ་ཕཊ། ཡི་གེ་བདུན་ཅུ ་རྩ་བདུན་ནི།། མགྱོགས་པ་ལས་ཀྱི་རྟགས་འབྱིན་ཏེ།། ས་བདག་ཆེན་མོའི་གསང་སྔགས་ཡིན།། ཡང་ན་གོང་ལྟར་ཤེས་པར་བྱ།། ཤུ་ཤུར་རཀྐ་ཚལ་པ་ཨཱ་ཝེ་ཤ་ཤུ་ལ་ཀ་ཀེང་མཱ་ར་ཡ་ཕཊ། སྟམ་བྷ་ནན། ཡི་གེ་ཉི ་ཤུ་ཟམ་པ་ནི།། ཐམས་ཅད་དྲིལ་བའི་མནན་པའི་སྔགས།། ཤུ་ལཾ་བུ་ལཾ་ད་དྷི་ཛཿནི་ཡོ་གི་ཤྭ་རཱི་ནི་ཡ་མ་ཙིཏྟ་སུ་ཏྲི་ཡ་མ་ཙིཏྟ་སུ་ཏྲི་བཛྲ་ཡ་མཱ་ར་ཡ་ཕཊ། རཾ་རཾ་ཁཱ་ཧི་ཧི་ཧོ་ཧོ། ཡི་གེ་སུམ་ཅུ་ཟམ་པ་ནི།། ཐམས་ཅད་དྲིལ ་བའི་སྦྱིན་སྲེག་སྔགས།། ཤུ་ཤུ་ཚལ་ལ་ནརྀ་བྲུཾ་བྲུཾ། ཨ་ནརྀ་ཏྲི་མ་ར་ཎ། བཛྲ་བཛྲ་བྲུཾ་བྲུཾ། ནཱ་ག་རཀྵ་མཱ་ར་ཡ་བྲུཾ་ཚལ་པ་ལི་བྲུཾ་རི་ལ་ཁཱ་ཧི། ཡི་གེ་སུམ་ཅུ་སོ་གསུམ་ནི།། ཐམས་ཅད་དྲིལ་བ་བསྟབས་པའི་སྔགས།། འབུ་ལིང ་འབུ་ལི་ཁཾ་བཛྲ་ཤི་བྷ་ནི་རི་ཤ་ནི་ཁྱི་ཁྲིད་སྙིང་ཟ་བ་ཙིཏྟཾ་ཏ་པ་ཏོ་བྷྱོ་བྷྱོ་ཐུན་ཡ། ཡི་གེ་ཉི་ཤུ་རྩ་ལྔ་ནི།། ཐམས་ཅད་དྲིལ་བ་ཟོར་འཕང་སྔགས།། གསང་སྔགས་མ་ནོར་ངེས་པ་ཡིས།། དོན་དང་ལྡན་པའི་མཁས ་པས་སྤྱད།། རབ་ཏུ་གསང་བའི་ངེས་དོན་ལ།། གབ་པའི་གདམས་པ་གཟུང་བ་དང་།། ཚེ་ལུང་ཁྲུས་ལུང་བསྟན་པ་དང་།། བཏབ་པས་ཁམས་གསུམ་སྒྲོལ་བ་དང་།། དམ་ཅན་གནད་དབབ་ཐུན་དབབ་དང་།། གཟིར ་མནན་དྲག་པོས་བཏུལ་བ་དང་།། སྦྱོར་བར་མཆོད་ནས་བསྟབ་པའོ།། གཏོར་མ་བཏང་སྟེ་དཀྱིལ་འཁོར་བསྡུ།། རྒྱུན་གྱིས་ངེས་པས་སྤྱོད་ལམ་བྱ།། འདི་ནི་རངས་པར་དྲིལ་བ་སྟེ།། རྩ་བ་གང་ལ་བྱིན་མེད་ན།། འདི་ནི ་སྤྲོག་པའི་ཁ་སྐོང་ཡིན།། བསྟན་པ་འཇིག་པའི་ཉམས་པ་བདུན།། འདིས་ནི་ངེས་པར་གསོད་འགྱུར་རོ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། མིང་པོའི ་བསྒྲུབ་པ་དང་སྤྱིར་དྲིལ་བ་མནན་པ་སྟེ་ལེའུ་བཅུ་ལྔ་པའོ།། །། དེ་ནས་ཕྱི་རབས་ཀྱི་རྣལ་འབྱོར་པའི་ལས་བྱེད་དུ་མ་འདོད་པར་ཐུགས་ཕྱུང་ན། བཛྲ་ཀཱི་ལ་ཡས། དམ་ཅན་གནད་ལ་འབེབས་པ་ཞེས་བྱ་བའི་ཏིང ་འཛིན་ལ་སྙོམས་པར་ཞུགས་ནས། དམ་ཅན་གྱི་གཏན་ཚིག་དང་ཤི་ས་འདི་གསུངས་སོ།། ཉོན་ཅིག་ཀརྨ་ཧེ་རུ་ཀ། དམ་ཅན་གཏན་ཚིགས་ཤི་ས་བསྟན།། ཕྱི་རབས་དོན་དུ་རབ་བཤད་དོ།། དང་པོ་རཱུ་ཏྲ་ཞེས་བྱ ་བ།། བསྐལ་པ་བརྒྱད་ཁྲིའི་སྔོན་རོལ་དུ།། དགེ་སློང་ཐུབ་དཀའ་གཞོན་ནུ་ལ།། ཐར་པ་དན་ཕག་འཁོར་བཅས་ཀྱིས།། གསང་སྔགས་ཐེག་ཆེན་དམ་ནོས་པས།། གཅིག་གི་ལེགས་པར་གོ་གྱུར་ཏེ།། ཐར་པ་ནག་པོས ་ལོག་པར་གོ། དེ་ཡི་རྣམ་སྨིན་ཉེས་པ་ཡིས།། ཁྲོ་བོའི་གཟུགས་ཅན་རཱུ་ཏྲར་སྐྱེས།། བསྟན་པ་རེ་ལ་རེ་རེ་བྱུང་།། དེ་ཡི་འཁོར་རྣམས་འདི་ཡིན་ཏེ།། གསང་སྔགས་དེ་དུས་ལོག་པར་གོ། ཐ་མ་བརྒྱ་བྱིན་བུ་མོར ་སྐྱེས།། སྲིན་པོ་ལང་ཀ་མགྲིན་བཅུ་ལ།། ཆུང་མར་བྱིན་པས་ཁོ་ཤི་སྟེ།། ཕྱིར་ལ་བྲོས་ཏེ་མཚོར་གནས་པ།། ཕ་ནི་བརྒྱ་བྱིན་དམོད་པ་ཡིན།། དེ་ཡི་མིང་པོ་འགོང་པོའོ།། ཡབ་ནི་ཟངས་ཏོག་རྒྱལ་པོ ་དང་།། ཡུམ་ནི་ཟངས་མགྲིན་བསྡེབས་པའི་སྲས།། བས་མོ་བསེ་ཡི་སྐྱེས་བུ་ནི།། གཡོག་གི་འཁོར་རྣམས་བསམ་མི་ཁྱབ།། སྲིད་པའི་ཁྲུས་འདེབས་རྒྱལ་པོ་ནི།། ཚངས་པ་དུང་གི་ཐོར་ཚུགས་ཅན།། ཨེ་ཀ་ཛ་ཏི་གཉིས ་ཀྱི་སྲས།། ཤྲ་ན་སྤྱན་གཅིག་མིང་སྲིང་སྟེ།། འདི་རྣམས་རཱ་ཏྲའི་འཁོར་ཡིན་ནོ།། གསང་སྔགས་ལོག་པར་སྤྱད་པ་ཡིས།། གནོད་སྦྱིན་སྲིན་པོའི་ལུས་སུ་སྐྱེས།། དེ་ནི་ངས་བཏུལ་ཕན་ཆད་དུ།། སངས་རྒྱས་ས་ལ་ངེས་པ ་ཡིན།། འདི་རྣམས་གཏན་ཚིགས་ཤེས་གྱུར་ན།། ལས་རྣམས་མ་ལུས་མྱུར་བ་ཡིན།། གལ་ཏེ་དམ་འདས་ལས་མི་བྱེད།། ཕུར་པའི་ལས་ལ་མི་འགྲོ་སྟེ།། ཕུར་བུའི་དོན་ཤེས་རྣལ་འབྱོར་པས།། དེ་ལ་ཤི་ས་བསྟན་པར ་བྱའོ།། མཎྜལ་གྲུ་བཞི་མངོན་བཞེངས་ལ།། མ་ཏྲཾ་བཞི་བསྣོལ་དལ་དབུས་སུ།། འབྲུབ་ཁུང་དག་ལ་མཚོན་ཆར་བཅས།། མེ་རི་འབར་བས་བརྒྱན་པར་བྱ།། ཟུར་དུ་རིགས་གསུམ་ཕུར་པ་དང་།། སྲས་མཆོག་ཉི་ཤུ་རྩ ་གཅིག་དགོད།། མ་ཏྲཾ་གཞི་ལ་དམ་རྫས་དང་།། བདུད་རྩི་གཏོར་མར་བཅས་པ་གཞག། འབྲུབ་ཁུང་ནང་དུ་རང་རང་གཟུགས།། ཡང་ན་སྙིང་པོར་བཅས་པའོ།། མཐིང་ག་དར་གྱིས་གུར་ཕུབ་པོ།། རྣལ ་འབྱོར་ཀུ་མཱ་རར་ཞུགས་ལ།། རྩ་བའི་བསྙེན་པ་ལེགས་པར་བསྙེན།། བསྙེན་བྲིས་ཕུར་པ་གཡོན་པས་གཟུང་།། ཆས་རྣམས་རབ་ཏུ་ལྡན་པ་གཅེས།། ཀཱི་ལ་ཡ་ཡི་འོད་ཟེར་གྱིས།། དམ་ཅན་ཕོ་མོ་དབང་བསྡུས ་ཏེ།། མར་ཐིམ་རང་རང་ལེགས་པར་བསམ།། བསྙེན་པ་ལས་སྔགས་བཅས་པའི་བར།། དམ་ཅན་སྔགས་བཅུག་རབ་བཟླས་པས།། ཏིང་འཛིན་མདངས་བཅས་ཡང་དག་བྱ།། དེ་ཡིས་ལས་རྣམས་བྱེད་པར ་འགྱུར།། གསུམ་དང་བཅུ་གཅིག་བཞི་བཅས་པའི།། མན་ངག་གིས་ནི་གནད་ལ་དབབ།། དེས་ཀྱང་བྱེད་པར་མ་གྱུར་ན།། གོང་བཞིན་སྔགས་རྣམས་རབ་བཟློག་སྟེ།། མཇུག་ལ་སྟམྦྷ་ནན་ཞེས་གདགས།། ཁྲོ་བོས ་དབུས་མནན་མདངས་ཕྲལ་བསམ།། དྲུག་པའི་འོག་ཏུ་ཤེས་བྱ་བ།། དེ་འོག་ཚིག་གཉིས་རབ་བསྐུལ་བས།། དེས་ཀྱང་ལས་རྣམས་བྱེད་པར་འགྱུར།། མ་ཐུབ་གོང་བཞིན་ཕུར་པ་ལ།། ཚེ་ལུང་ཁྲུས་ལུང་ཡི་གེ ་དང་།། མཱ་ར་ཡ་ཞེས་བཏགས་བཟླས་པས།། དམ་ཅན་སྲས་མཆོག་ཆེན་པོ་ཡིས།། ཕུར་པ་མགོ་ནས་གཞུགས་འགེངས་སམ།། གོང་བཞིན་ཚིག་བཞི་ཚིག་ལྔ་དང་།། གོང་གི་ཚིག་བདུན་ངེས་པ་ཡིས།། གནད་ལ་ཕབ ་སྟེ་ཐུན་རྣམས་བྱ།། བར་བར་དམ་རྫས་རབ་ཏུ་བསྟབ།། དེས་ནི་ལས་རྣམས་བྱེད་པར་འགྱུར།། དེས་ཀྱང་བྱེད་པར་མ་གྱུར་ན།། སྐུ་གསུང་ཐུགས་ཀྱི་ཕུར་པ་དང་།། སྲས་མཆོག་ཕུར་བཏབ་སྔགས་ཀྱིས་ནི།། བཏབ་ལ ་ལུས་ལ་སྦྱིན་སྲེག་བྱ།། ཤི་དང་བརྡུང་དང་རོ་སྦེད་དང་།། ཉམ་ཐག་ཁས་ལེན་བྱུང་བ་ན།། ཀི་ལ་ཡ་ཡི་བདུད་རྩིས་གསོ།། བདེན་པ་བརྡར་ལ་དམ་རྫས་བསྟབ།། རྩ་བའི་ལས་ཀྱིས་ལས་ལ ་གདགས།། འདིས་ནི་ལས་རབ་འགྲུབ་པ་སྟེ།། སྟོབས་ལྡན་ནུས་པ་ཚང་བ་བྱ།། དེ་མིན་བྱས་ན་སྲོག་ཟད་ཉམས།། ཐམས་ཅད་འགྱོངས་ན་བྱ་བར་བཤད།། ཁ་སྐོང་ཤི་ས་མང་པོ་ནི།། མན་ངག་སྟོབས་ཀྱི་གཞན་དུ ་གསུམ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཤི་ས་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་ཡང་ནི་བཤད་བྱ་བ།། ཕུར་པའི་དོན་ཤེས་རྣལ ་འབྱོར་གྱིས།། ཡང་དག་དོན་ཕྱིར་ངས་བཤད་དོ།། དམ་ཚིག་ཆེན་པོའི་དུས་ཤེས་པ།། དཔའ་བོ་དེ་ཉིད་བསྒྲུབ་པ་སྟེ།། ཡོན་ཏན་ལྡན་པའི་གནས་རབ་དུ།། གྲུ་གསུམ་ལེགས་པའི་མཎྜལ་བྱ།། ལྕགས་སྣ་ལྔ་བཅས ་ཕུར་པ་དགོད།། གཏོར་མ་སྨན་རག་དེ་བཞིན་བསག། ཏིང་འཛིན་རིམ་པས་བདག་བསྐྱེད་དེ།། ཡུམ་དང་བཅས་རྣམས་ལེགས་བསྐྱེད་དེ།། སྤྱན་དྲང་རྩ་བ་མཆོད་པ་དབུལ།། དེ་ཡང་སྦྱོར་སྒྲོལ་ཁམས་གསུམ ་ནི།། ཡོངས་སུ་བསྒྲལ་བས་མཆོད་པ་འབུལ།། ཀཱི་ལ་ཡ་ཡི་སྔགས་བཟླས་པ།། དེ་ཡང་འབྲུ་དགུའི་ཚུལ་དུའོ།། བསྙེན་པས་ནུས་ཐོབ་བར་བར་དུ།། རྩ་བ་ངེས་པར་བསྐུལ་བསྟོད་བྱ།། དངོས་གྲུབ་བླང་ཞིང་བརྟན་པ ་བྱའོ།། དེ་ནས་ཉམས་པ་གསད་འདོད་པས།། ལིངྒའི་ཕུར་པ་འོག་ཏུའོ།། གབ་པའི་ལས་ཀྱིས་ཐུན་དབབ་བོ།། དེ་ཡང་ལས་སྔགས་མིང་དུ་བཅས།། གཟས་པ་གསད་པའི་དགོངས་པ་བྱ།། ཕུར་བཏབ་ལན་གསུམ ་མཐའ་བརྟུལ་ན།། ཉམས་པ་འཆི་འགྱུར་ངེས་པའོ།། འདི་ནི་རྩ་བའི་ལྷ་བསྒྲུབ་ཡིན།། དེ་ནས་ཁྲོ་བོའི་བསྒྲུབ་པ་ཡང་།། སྤྲུལ་པ་ཆེན་པོའི་དུས་ཞེས་བྱ།། མཎྜལ་གྲུ་གསུམ་བཅུ་གཅིག་ལ།། གོང་བཞིན་ཕུར་པ་བཅུ ་གཅིག་བཅས།། དབུས་ལ་ཁྱད་པར་རྫས་རྣམས་བསྒྲུབ།། གོང་བཞིན་རྩ་བའི་རིམ་པ་ཡིས།། ཁྲོ་བོ་ཡབ་ཡུམ་བསྐྱེད་པར་བྱ།། རང་བཞིན་སྤྱན་དྲངས་མཆོད་དེ་བསྟིམ།། བསྟོད་ཕྱག་འཚལ་བ་ལ་སོགས་བྱ།། ཁྲོ་བོ ་བཅུ་ཡི་གསང་སྔགས་ནི།། བཟླས་བྱ་བར་བར་མཆོད་བསྟོད་དོ།། རྟགས་བྱུང་གོང་བཞིན་རྫོགས་པར་བྱ།། ཉམས་པར་བསྒྲལ་བ་གོང་བཞིན་བྱ།། བསད་དང་ཕུར་པས་གདབ་པ་ཡང་།། ཁྲོ་བོ་བཅུ་ཡི་ལས་སྔགས ་སོ།། གནན་དང་བསྲེག་དང་འཕང་བ་ཡིས།། དམ་ཉམས་ངེས་པར་བསྒྲལ་བ་ཡིན།། འདི་ནི་ཁྲོ་བོའི་བསྒྲུབ་པའོ།། དེ་ནས་སྲས་མཆོག་བསྒྲུབ་པ་ཡང་།། སྤྲུལ་པ་ཞེས་པའི་སྒྲ་ཡིས་ནི།། སྲས་མཆོག་ལྔ་ནི་བསྒྲུབ་པ ་སྟེ།། འབྲུབ་ཁུང་ལྔ་དང་ཕུར་པ་ལྔ།། རྫས་རྣམས་ཚོགས་པར་བྱ་བའོ།། རྩ་བ་ངེས་པའི་རིམ་པ་ཡིས།། ལྷ་ཆེན་ལྔ་ཡི་གདན་ལ་ནི།། སངས་རྒྱས་འདུས་པ་རྡོ་རྗེ་དང་།། རིན་ཆེན་པདྨ་ལས་རབ་འདུས།། མཐིང་ག་སེར ་ནག་དཀར་ནག་དང་།། དམར་ནག་ལྗང་ནག་སྐུ་སྨད་ཕུར།། ཕྱག་བཞི་རྡོ་རྗེ་ཁ་ཊྭཱཾ་དང་།། རི་རབ་ཕུར་འདྲིལ་འཇིགས་པར་བསྐྱེད།། རྒྱན་ལྡན་རང་བཞིན་གོང་བཞིན་བརྟག། མཆོད་པ་ལ་སོགས་རབ ་བྱས་ལ།། གསང་སྔགས་གོང་གི་འབྲུ་དགུ་དང་།། ཡོན་ཏན་རྫོགས་པར་རབ་ཏུ་བཟླས།། ཏིང་འཛིན་བར་བར་མཆོད་པ་བྱ།། ནུབ་ཐོག་གོང་བཞིན་ཤེས་པར་བྱ།། བསད་པའི་ལིངྒ་གོང་བཞིན་བྱ།། གབ་ལས་བྱས ་པའི་ཏིང་ངེ་འཛིན།། དྲག་པོའི་མཐིང་ནག་རྫོགས་པ་ལ།། རཀྟ་མཆོད་པ་ལ་སོགས་བྱ།། སྔགས་ལ་མཱ་ར་ཡ་བཏགས་ཏེ།། བཟླས་པས་བསད་པའི་ལས་རྫོགས་བྱ།། ཕུར་གདབ་ལས་མཐའ་དེ་བཞིན་བརྟུལ།། འདིས ་ནི་ཉམས་པ་སྒྲོལ་བ་སྟེ།། རིགས་འདུས་ལྔ་ཡི་བསྒྲུབ་པ་ཡིན།། དེ་ནས་ཕྲ་མེན་བསྒྲུབ་པ་ཡང་།། ཕྱག་བརྙན་ཆེན་པོའི་དུས་ཤེས་ནི།། འབྲུབ་ཁུང་ཡང་ན་ཉི་ཤུ་གཉིས།། དམ་རྫས་ཚང་བའི་རྫས་རྣམས་དགྲམ།། རྩ ་བས་བསྐྱེད་པ་གོང་བཞིན་དུ།། ཕྲ་ཐབས་ཕོ་མོ་རྫོགས་པ་ཡང་།། སྐུ་དང་ཕྱག་གཡས་རང་རང་གཙོ།། གཡོན་པ་ཕུར་པ་འདྲིལ་ངེས་པའོ།། གོང་བཞིན་རྫོགས་པར་བྱས་ནས་ནི།། ཁྲོ་བོའི་ལས་སྔགས་ཡང་ན ་གཉིས།། སྨད་ཀྱི་གཉིས་པ་བཟླས་པ་ཡང་།། རིམ་པ་ལ་སོགས་གོང་བཞིན་དུ།། བསད་པ་མཐིག་ནག་འབར་བ་སྟེ།། མཆོད་པ་གོང་འོག་བསྣུར་བར་བྱ།། སྔགས་ལ་མཱ་ར་ཡ་བཅས་པས།། གོང་བཞིན་རྫོགས་བྱས ་ཕུར་པས་གདབ།། ལས་མཐའ་བརྟུལ་བའང་དེ་བཞིན་ནོ།། འདི་ནི་ཕྲ་མེན་བསྒྲུབ་པ་སྟེ།། ཉམས་པ་བསྒྲལ་བར་ངེས་པ་ཡིན།། སྟོབས་ཆེན་ཁྲོ་བོའི་བསྒྲུབ་པ་ནི།། ཁྱེད་ཀྱི་དུས་ལ་བབ་ཅེས་པའམ།། ཡང་ན་སྟོབས ་ཆེན་ཞེས་པ་སྟེ།། འབྲུབ་ཁུང་ལྡན་པ་འབུར་ཅན་བཞི།། ཁྱམས་དང་བཅས་པའི་དཀྱིལ་འཁོར་ལ།། དབུས་སུ་སྟོབས་ཆེན་ཕུར་པ་དགོད།། མཐར་ནི་མ་བདུན་སྲིད་བཞི་ཡི།། ཕུར་པ་རབ་ཏུ་དགོད་པར་བྱ།། རྩ་བའི ་རིམ་པ་ཡང་དག་པས།། ཁྲོ་བོ་ཀརྨ་ཧེ་རུ་ཀ། ལྗང་ནག་ཕྱག་བཞི་རྡོ་རྗེ་དང་།། ཁ་ཊཾ་ཕུར་འདྲི་ལ་འཇིགས་སྟབས་ཅན།། དམ་སྲིའི་གདན་ལ་བསྐྱེད་པར་བྱ།། མ་བདུན་སྐུ་མདོག་དམར་ནག་ལ།། རྡོ་རྗེ་ཕུར་འདྲི་ལ་ཆས ་དང་ལྡན།། སྲིད་བཞི་སྨུག་ནག་ཐོད་ཁྲག་དང་།། ཕུར་འདྲིལ་རྒྱན་རྣམས་རྫོགས་པར་བསྐྱེད།། སྤྱན་དྲངས་མཆོད་པ་གོང་བཞིན་ནོ།། སྔགས་ནི་འདི་ལ་ཡང་དག་པ།། དམོད་པར་གསང་སྔགས་བཟླས་པ་ཡིས།། ནུས ་པ་ལྡན་པར་བྱས་པ་སྟེ།། རིམ་པ་གོང་བཞིན་ཤེས་པར་བྱ།། བསད་པའི་རིམ་པ་གོང་བཞིན་དུ།། ཕུར་པ་མགོ་ལ་སོགས་པར་གདབ།། ལས་མཐའ་བརྟུལ་ཏེ་བྱས་པས་ནི།། ཉམས་པ་སྒྲོལ་བར་ངེས་པ་ཡིན།། འདི་ནི ་སྟོབས་ཆེན་འཁོར་བཅས་ཏེ།། ཁྲག་གི་རྒྱ་མོ་དྲལ་བ་བཞིན།། མཐུ་དང་རྫུ་འཕྲུལ་དབྲོག་པ་དང་།། ལིངྒ་ཕུར་པ་རྣམ་གཉིས་དང་།། གུ་གུལ་ལུག་མིག་བཅས་པ་རྣམས།། འབྲུབ་ཁུང་ནང་དུ་ངེས་པར་གཞག། རྩ་བས ་སྟེང་འོག་ཁྲོ་བོ་བསྐྱེད།། དེ་ཡི་རིམ་པ་རྫོགས་བྱས་ལ།། བཟླས་པས་ཁྲོ་བོ་རྣམ་གཉིས་ཀྱིས།། མཐུ་དང་རྫུ་འཕྲུལ་འཕྲོག་པར་བསམ།། བར་དུ་རྫས་ཀྱིས་དེ་བཞིན་བྱ།། ཕུར་པ་གཉིས་ཀྱིས་གནས་སུ ་གདབ།། དེ་ཡང་ཚིག་དང་བཅས་པའོ།། འདིས་ནི་དྲེགས་པ་གང་ཡང་རུང་།། མཐུ་དང་རྫུ་འཕྲུལ་མེད་པར་བྱེད།། ཉམས་པ་དག་ལ་སྨོས་ཅི་དགོས།། སྦྱོར་སྒྲོལ་མཆོད་པ་ཀུན་ལ་ནི།། མན་ངག་ཤེས་པས་ཤེས་པར ་བྱ།། དང་པོ་བཅུ་གཅིག་གཙོ་བོ་གདབ།། གཉིས་པ་བརྒྱད་དེ་ཁྲོ་བོ་ཡིན།། གསུམ་པ་དམ་ཅན་བཞི་པ་ཡང་།། སྟོབས་ཆེན་གདབ་པ་ཤེས་པར་བྱ།། ལྔ་པ་ཕྲ་མེན། ཕྲིན་ལས་གདབ་པར་བྱ།། བདུན་པ་ཀུན་སྒྲོལ ་བརྒྱད་པ་ཡང་།། ཀུན་ལ་གྲོལ་བར་ཤེས་པར་བྱ།། ཚེ་ལུང་ཁྲུས་ལུང་ངེས་པར་སྦྱར།། སྲས་མཆོག་ཕུར་པ་དམ་ཚིག་ནི།། ཀུན་ལ་བསྟན་པར་མི་བྱའོ།། མཐུ་ཡི་དཔེ་དོན་བཞི་ཤེས་བྱ།། འདུས་པ་གསུམ་ནི་ངེས་པ ་ཡིན།། འདི་ལ་སོགས་པའི་རིམ་པ་རྣམས།། རྣལ་འབྱོར་དོན་ལྡན་མཁས་པ་ཡིས།། ཉམས་པ་བསྒྲལ་ན་མངོན་སངས་རྒྱས།། ཀུན་ལ་བྱས་ན་དམྱལ་བར་ལྟུང་།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ ་རྣལ་འབྱོར་ཆེན་པོ་ཡང་དག་པའི་རྒྱུད་ལས། རྩ་བའི་ལྷ་བསྒྲུབ་པ་བསྟན་པ་སྟེ་ལེའུ་བཅུ་བདུན་པའོ།། །། དེ་ནས་ཀརྨ་ཧེ་རུ་ཀས།། ཀཱི་ལ་ཡ་ལ་འདི་སྐད་གསོལ།། ཨེ་མ་ངོ་མཚར་ཆེན་པོ་དེས།། དུས་ངན་ཐ་མ ་དུས་ཀྱི་ཚེ།། རྣལ་འབྱོར་ནང་འགྲས་འབྱུང་འགྱུར་ན།། སྦྱོར་བ་གཞོམ་དང་ཁ་སྦྱོར་དབྱེ།། བཟློག་དང་བསྲུང་བ་བཤད་དུ་གསོལ།། དེ་སྐད་གསོལ་པར་བཀའ་སྩལ་པ།། ཉོན་ཅིག་ཀརྨ་ཧེ་རུ་ཀ། དུས་ངན་ཐ་མ་བྱུང་བ ་ལ།། རྣལ་འབྱོར་ངེས་པའི་དོན་དེའི་ཕྱིར།། དེ་དག་ངས་ནི་རབ་བཤད་དོ།། ཕྱི་ནང་བྷནྡྷའི་རིམ་པ་བཞིན།། ཤེས་བྱ་བསད་པའི་རིམ་པ་ཡང་།། འབྲུབ་ཁུང་གསུམ་བརྩེག་ལྡན་པ་ལ།། རྩ་དང་ཕུར་པས་རབ་ཏུ ་བསྐོར།། རབས་ཆད་ཐོད་པ་ཁ་སྦྱར་ལ།། མན་ངག་རིམ་པར་སྦྱར་བ་དང་།། ལིངྒ་སྔགས་བཅས་རབ་དགོད་དེ།། ཐུན་ཁྲག་བཅས་པའི་སྐུད་པས་བཀྱིག། འབྲུབ་ཁུང་ཁ་ལ་རྩང་གིས་བརྒྱན།། ཐུན་རྫས་དམ་རྫས ་བཅས་པའོ།། གབ་པའི་ལས་རྣམས་རྫོགས་པར་བྱ།། ཁ་སྦྱོར་དབྱེ་བ་གསུམ་བྱས་ལ།། རྩ་བའི་རིམ་པས་བདག་ཉིད་ནི།། དབུ་དགུ་ཕྱག་ཀྱང་བཅཝ་བརྒྱད་དེ།། རྒྱན་ལྡན་འཇིགས་པར་བསྐྱེད་པར་བྱ།། གཡས་ན ་ཕྲ་ཟབས་གཡོན་ཕུར་པ།། ཁྲོ་བོ་ལ་སོགས་དེ་བཞིན་ནོ།། དེ་ལྟ་བུ་ཡི་ཏིང་འཛིན་གྱིས།། ཁོ་ཡི་ལྷ་ཉིད་སྦྱར་བར་གཞོམ།། སྙིང་ཁྲག་ལ་སོགས་འཐུང་བར་བརྟག། སྤྱན་དྲངས་ལ་སོགས་གོང་བཞིན་ནོ།། སྔགས ་རྣམས་ཀུན་ལ་གཞོམ་པ་ཡི།། བཟླས་པས་ཁོ་ཉིད་སྦྱོར་བ་གཞོམ།། རི་རབ་རྒྱ་གྲམ་བར་དུའོ།། བར་བར་ཁ་དབྱེ་ཐུན་དབབ་བོ།། སྙིང་ལ་ཁྲག་གནས་ཁྲོ་བོ་ནི།། ཡཀྐ་མེ་དཔལ་བསམ་པ་ཡི།། ཁོ་ཉིད་ལུས་པོ་བསྲེག ་པར་བྱ།། ཕྱི་དང་ནང་གི་ཉམས་པ་ནི།། མན་ངག་རིམ་པས་སྦྱོར་གཞོམ་བསད།། ཡང་ན་མས་ཟློག་ཤེས་པར་བྱ།། ཡང་ན་དགུག་པར་ཤེས་པར་བྱ།། ཁོ་ཡིས་གང་བྱེད་ཡི་དམ་ནི།། ལྷ་ཡིས་ངེས་པར ་གསད་པར་བྱ།། ཕུར་པ་བཏབ་སྟེ་གསད་པར་བྱ།། ཟོར་འཕང་ཐོད་པ་མལ་འོག་ཏུའོ།། འདི་ནི་སྦྱོར་བ་གཞོམ་པ་སྟེ།། དམ་མཉམ་ངེས་པར་བསྒྲལ་བར་བྱ།། བདག་ཉིད་བསྲུང་བ་བྱད་བཟློག་པ།། འབྲུབ་ཁུང་གོང ་བཞིན་མཆོད་རྟེན་བཅས།། དམ་རྫས་ཚང་བར་ངེས་པ་ཡིས།། ལྷ་ཕུར་རངས་པ་ཀུན་ལ་ཡང་།། སྔགས་པས་སྲུང་བཟློག་བརྟགས་ལ་བྲི།། བུམ་པ་དག་ལ་དགོད་པར་བྱ།། འོག་ཏུ་གསད་པའི་རིམ་པར་བྱ།། འཁོར ་ལོ་ཕུར་པ་བཅས་པའོ།། སྟེང་དུ་སྲུང་བའི་རིམ་པ་ཡང་།། འཁོར་ལོ་རིམ་པ་གསུམ་བྱས་ལ།། སྲུང་བཟློག་སྔགས་བྲིས་གཞག་པར་བྱ།། མལ་འོག་མན་ངག་ཤེས་པར་བྱ།། ཕྲིན་ལས་ཕུར་ཟོར་དེ་བཞིན་ནོ།། བསྐྱེད ་ལ་སོགས་དེ་བཞིན་བྱ།། སྲུང་བར་བཟློག་པའི་རྩ་སྔགས་བཟླས།། ཏིང་ངེ་འཛིན་གྱི་བསྲུང་བཟློག་བསམ།། བར་བར་ཐུན་གྱི་རིམ་པ་བྱ།། ཕུར་པའི་ཟོར་ཡང་འཕང་བར་བྱ།། དེ་དག་སྐབས་སུ་ཤེས་པའོ།། རྩ ་བས་བསྐུལ་ཏེ་བྱད་བཟློག་པས།། ཁོ་ཉིད་བཟླས་ཏེ་གསད་པར་བྱ།། ཕུར་པ་དབང་བསྐུར་བྱིན་བརླབས་པས།། མཁས་པས་ཡང་དག་སྦྱར་བར་བྱ།། གང་བྱུང་མན་ངག་རིམ་བཞིན་བཟློག། སྲུང་བའི་འཁོར་ལོ ་མགུལ་དུ་གདགས།། ཁོ་ཉིད་གསང་འདོད་ཕུར་པ་གདབ།། ཟོར་འཕང་བསྲེག་ལ་ལས་རྣམས་བྱ།། མནན་པའི་རིམ་པ་རྫོགས་བྱས་ནས།། བདག་བསྲུང་མཐུ་བཟློག་ཁོ་ཉིད་འཆི།། འདི་ནི་ཕུར་པའི་མན་ངག ་སྟེ།། ཀུན་ལ་གསང་བར་ངས་བཤད་དོ།། སེམས་ཅན་གཞན་ཡང་བསྲུང་བ་ན།། གང་མཚམས་དབང་དང་བསྐུར་བར་བྱ།། སྲུང་བའི་འཁོར་ལོ་ཕུར་པ་དང་།། བཅའ་ཐབས་གོང་བཞིན་ཤེས་པར་བྱ།། སྲུང ་བའི་སྔགས་ནི་རབ་ཏུ་བཟླས།། མ་མོ་གནོད་ན་མ་མོ་བསྲུང་།། ས་བདག་གནོད་ན་ས་བདག་བསྲུང་།། ཀླུ་དང་རྒྱལ་པོ་ལ་སོགས་པ།། སྲུང་བའི་མན་ངག་ལེགས་པར་བྱ།། རིམས་ནད་ལ་སོགས་བསྲུང་བ ་ཡང་།། ཁྱད་པར་མན་ངག་གིས་ཤེས་བྱ།། སེར་བ་བསྲུང་བའི་རིམ་བཞིན་ནོ།། འཁོར་ལོ་ཕུར་པ་རྫས་རྣམས་ནི།། ཀུན་ལ་དགོས་པར་ངས་བཤད་དོ།། ཐུགས་རྗེ་ལྡན་པའི་སྔགས་པ་དེས།། ཕུར་པས་ཐམས་ཅད ་བསྲུང་བར་བཤད།། དེ་བཞིན་ཉིད་ནི་མ་བཅོས་པ།། ཀུན་ཏུ་སྣང་བའི་སྣང་བ་གསལ།། རྒྱུ་ནི་ཀུན་གྱི་རྒྱུ་རུ་བཤད།། དུས་དང་གནས་སྐབས་ཤེས་པ་ཡི།། གང་བྱས་མངོན་སངས་རྒྱས་པར་བཤད།། ཅེས་གསུངས ་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། མན་ངག་མཐའ་བརྟུལ་བསྟན་པ་སྟེ་ལེའུ་བཅོ་བརྒྱད་པའོ།། །། དེ་ནས་ཡང་ཀརྨ་ཧེ་རུ་ཀས། ཀཱི་ལ་ཡ་ལ་འདི་སྐད་ཅེས་གསོལ ་ཏོ།། ཨེ་མ་ཧོ་འཇིགས་བྱེད་ཐུགས་རྗེ་ཅན།། ངེས་ཚིགས་རྣམ་པར་ངེས་པ་དང་།། བཤད་པའི་དོན་རྣམས་ཡང་དག་པ།། ཕྱི་རབས་རྣལ་འབྱོར་དོན་ཕྱིར་གསུངས།། དེ་སྐད་གསོལ་པས་ཀཱི་ལ ་ཡས།། གསན་ཏེ་རབ་ཏུ་བཀའ་སྩལ་པ།། ཉོན་ཅིག་ཀརྨ་ཧེ་རུ་ཀ། རྣལ་འབྱོར་ཆེན་པོ་རིགས་ཅན་གྱི།། དེ་ཡི་ཕྱིར་ན་ངས་བཤད་དོ།། དང་པོ་ཚིགས་སུ་བཅད་པ་གསུམ།། ཏིང་འཛིན་རྣམ་གསུམ་རིམ་པ་བཞིན།། སྐུ ་གསུམ་ལྟ་བ་ཡིན་ཞེས་བྱ།། དེ་འོག་ཡི་གེ་ཚིགས་བཅད་གསུམ།། གཞལ་ཡས་ཁང་ན་ཡེ་ཤེས་སེམས།། དེ་འོག་ཚིགས་སུ་བཅད་པ་བཞི།། རྩ་བ་བསྐྱེད་པ་ཡང་ན་ནི།། གནས་སྦར་ཚིགས་སུ་ཤེས་པར་བྱ།། དེ ་འོག་སྔགས་ནི་རྩ་བ་སྟེ།། རྩ་བས་དོན་བཞིར་ཤེས་པར་བྱ།། དེ་འོག་འཁྲུགས་བཅས་རིམ་གསུམ་ནི།། ཁྲོ་བོ་བསྐྱེད་པར་ཤེས་པར་བྱ།། འཁྲུགས་བཅས་ཚིགས་གསུམ་ཕུར་པ་རྫས།། དེ་འོག་ཚིགས་གསུམ་གསོལ ་བཏབ་པ།། དེ་འོག་ཚིགས་བཞི་དབང་བསྐུར་བས།། སྲོག་གཉིས་ཡེ་ཤེས་བསྒྱུར་བར་ཤེས།། སློབ་མ་དབང་བསྐུར་རིམ་ཤེས་བྱ།། དེ་འོག་གསང་སྔགས་ཚན་བཅུ་གཅིག། ཕྱོགས་བཅུ་ཁྲོ་བོའི་གསང་སྔགས ་ཡིན།། དེ་འོག་རྡོ་རྗེའི་ཚིག་གསུམ་ནི།། རང་བཞིན་དཀྱིལ་འཁོར་སྤྱན་དྲངས་བཞིན།། དེ་འོག་གསུམ་ནི་དངོས་གྲུབ་དང་།། རྟགས་དང་མཚན་མའི་དོན་ཡིན་ནོ།། དེ་འོག་དུས་ལ་བབ་བརྒྱད་ནི།། གནད་ལ་དབབ ་པའི་ཀློང་དྲུག་དང་།། སྒྲུབ་ཐབས་དྲུག་ཏུ་ཤེས་པར་བྱ།། དེ་འོག་དཀྱུས་ཚིག་བཅུ་གཅིག་པ།། སྦྱོར་བའི་མཆོད་པ་དབུལ་བར་བྱ།། སྔགས་ནི་ཡབ་ཡུམ་བཅས་པ་དང་།། བསྡུ་དང་སྒྲོ་དང་མཆོད་པའོ།། གནད་དབབ ་ཚེ་ལུང་ཁྲུས་ལུང་ངོ་།། དེ་འོག་སྔགས་ནི་ཡོན་ཏན་དག། ཉི་ཤུ་རྩ་གཅིག་བརྗོད་པར་བྱ།། དེ་འོག་དཀྱུས་ཚིག་བརྒྱད་པ་ནི།། སྦས་པ་དྲུག་སྟེ་མཆོད་ཡིན་ནོ།། དེ་འོག་གསང་སྔགས་ལྔ་པ་ནི།། ཁྲོ་བོ་དག་དང་མཚམས ་ལྔའི་ལྔ།། དེ་འོག་དྲུག་ནི་གབ་སྔགས་ཡིན།། དེ་འོག་དཀྱུས་ཚིག་བཞི་པ་ནི།། དམ་ཅན་གནད་ལ་དབབ་པའོ།། གསང་སྔགས་གསུམ་ནི་ཁྲོ་བོའི་སྔགས།། དེ་འོག་བདག་ཉིད་མ་ཡི་སྔགས།། དེ་འོག་ཤྲ་ན་མ་ཡི ་སྔགས།། དེ་འོག་བསེ་མོ་བཞི་ཡི་སྔགས།། འཁོར་བ་རྩད་གཅོད་མདོ་སྔགས་ཡིན།། དེ་འོག་དཀྱུས་ཚིག་དྲུག་པ་ནི།། སྟོབས་ཆེན་ལས་རྣམས་འགྲུབ་པར་བྱེད།། སྔགས་ནི་སྟོབས་ཆེན་མ་མོར་བཅས།། ལས་གཉེར ་གཏད་པ་ཡིན་པར་ཤེས།། དེ་འོག་བཞི་ནི་མཐུ་རྫུ་འཕྲུལ།། མེད་པར་བྱེད་པའི་ཚིག་ཡིན་ནོ།། སྔགས་ནི་སྟེང་འོག་ཁྲོ་བོ་ཡིན།། དེ་འོག་ལྔ་ནི་གནན་བསྲེག་འཕང་།། དེ་འོག་མཆོད་དུ་ཤེས་པར་བྱ།། དེ་འོག་དཀྱུས ་ཚིག་གསུམ་པ་ནི།། སྦྱར་བའི་མཆོད་པ་དབུལ་བར་བྱ།། སྔགས་ནི་ཡབ་ཡུམ་བཅས་པ་དང་།། བསྡུ་དང་སྤྲོས་དང་མཆོད་པ་དང་།། དབྱེ་དང་བྱང་སེམས་རྣམ་གསུམ་དང་།། གཟས་པའི་ཤེས་པ་གནས་སྦར་རོ།། དེ ་འོག་དཀྱུས་ཚིག་ལྔ་པ་ནི།། བདེན་པ་བདར་དང་གནས་སྤར་དང་།། ཀུན་ལ་སྨོན་ལམ་དེ་ཤེས་བྱ།། དུས་གསུམ་བདེ་གཤེགས་སྙིང་པོ་ནི།། རྡོ་རྗེ་ཕུར་བུ་གཞོན་ནུར་བཤད།། ཐམས་ཅད་ཕུར་པར ་རྟོགས་གྱུར་ན།། དེས་ནི་ངེས་པར་ཐེག་ཆེན་ཤེས།། གཙོ་བོ་ལས་ནི་ཐེ་ཚོམ་མེད།། རྡོ་རྗེ་ཆོས་དབྱིངས་མི་འགྱུར་བར།། གཞོན་ནུ་གཟུགས་སྐུ་རྣམ་གཉིས་སོ།། ཡུམ་ནི་དབྱིངས་ལས་ཤེས་པར་བྱ།། སྲས་ནི་ཡབ་ཡུམ ་ལས་བསྐྱེད་དེ།། མཆོག་ནི་ཐོགས་པ་མེད་པའོ།། ཁྲོ་བོ་དབྱིངས་ལས་ཡེ་ཤེས་ཀྱིས།། ཉོན་མོངས་པ་དག་ཁྲོ་བར་བྱེད།། དེ་དོན་གསུམ་དུ་ཤེས་པར་བྱ།། ཁྲོ་མོ་ཤེས་རབ་དབྱིངས་ཡིན་ནོ།། ཕྲ་མེན་གང་དང་འབྲེལ་པ ་སྟེ།། མགོ་བརྙན་དག་ཏུ་ཤེས་པར་བྱ།། དང་པོར་དམ་ལ་གནས་པར་བྱ།། ཕྱིས་ནས་ལས་རྣམས་བྱེད་པ་ནི།། དོན་དང་ལྡན་པས་དམ་ཅན་ཡིན།། ཕུར་པའི་དོན་ནི་ངེས་པར་བཤད།། བསྙེན་པས་ལྷ་ཉིད་ཉེ་བ ་སྟེ།། བསྒྲུབ་པས་དོན་གྱིས་འབྲས་བུ་སྩལ།། བསད་པས་མཱ་ར་གདོན་མི་ཟ།། བསྲེག་པས་ཉོན་མོངས་བསྲེག་པ་ཡིན།། ཟོར་ནི་དམ་ཅན་རྒོད་པའོ།། མནན་པས་ཕུར་ལྔ་མནན་པས་སོ།། ཉོན་མོངས་མ་ལུས་མནན ་པའོ།། ཉོན་མོངས་ཡེ་ཤེས་གནས་པའོ།། གནས་པ་མེད་པར་བཤད་པ་ཡིན།། འདིས་ནི་ངེས་རྣམས་འཆད་པའོ།། དཀྱིལ་ནི་ཡེ་ཤེས་ཕུར་བུ་ལ།། འཁོར་ནི་ཡོན་ཏན་ཀུན་ཡིན་ནོ།། རྩ་བ་ཀུན་འདུས་ཡིན་པས ་ཏེ།། བདག་ནི་ཐམས་ཅད་དབང་དུ་འགྱུར།། ཕྱོགས་ནི་རོལ་པའི་ཆ་ལ་ངེས།། ཁྲོ་བོ་འདུལ་བར་བྱེད་པའོ།། ཕུར་པ་མཚོན་པར་བྱེད་པ་སྟེ།། རྫས་ནི་མཚན་མར་ངེས་པའོ།། དཀྱིལ་ནི་རང་རང་གཙོ་བོ་ལ།། འཁོར ་ནི་ཀུན་ལ་ཤེས་པར་བྱ།། དབང་བསྐུར་ཆེ་བར་བྱེད་པའོ།། སྤྱན་དྲངས་དོན་དང་ལྡན་པ་སྟེ།། མཆོད་པ་མཉེས་པར་ཤེས་པར་བྱ།། དེ་ལ་སོགས་པའི་ངེས་པ་ནི།། རྣལ་འབྱོར་ཡང་དག་ལྡན་པས་སྤྱད།། འདེབས་པ་ལ ་སོགས་ངེས་པ་ནི།། རྡོ་རྗེ་སྲིན་པོའི་ནམ་ནི་ལངས་ལ་གདབ།། རྡོ་རྗེ་བདུན་ནི་ནམ་གུང་དག་ལ་གདབ།། རྡོ་རྗེ་མ་མོ་སྲོད་ལ་ཤེས་པར་བྱ།། རྡོ་རྗེ་སྲིན་པོ་ཉི་མ་གུང་ལའོ།། དེ་མིན་ཡང་ན་དུས་ལ་བབ།། གར་དགར ་བཏབ་པས་སྔགས་པ་ཕུང་།། དེ་བས་དུས་ཚོད་རབ་ཤེས་པས།། གང་བྱས་འབྲས་བུ་ཉིད་དུ་གྱུར།། འཇིག་རྟེན་ལྷ་སྲིན་བྲན་དུ་འཁོལ།། དངོས་གྲུབ་རྣམ་གཉིས་འཐོབ་འགྱུར་ཏེ།། རིག་འཛིན་ཉིད་དུ་ངེས་པ ་ཡིན།། ཡང་དག་རྟོགས་ན་ཀུན་ཀྱང་ཕུར།། མ་རྟོགས་པ་ལ་ལས་འདི་བཤད།། ཅེས་གསུངས་སོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། ཐེ་ཚོམ་རྣམ་པར་གཅོད་པ་སྟེ་ལེའུ་བཅུ ་དགུ་པའོ།། །། དེ་ནས་འཁོར་བྱང་ཆུབ་སེམས་དཔའ་མང་པོ་དང་། དམ་ཅན་དྲེགས་པ་ཅན་མང་པོའི་ཚོགས་མང་པོས་གཙོ་བོ་ལ་སོགས་པ་ལ་བསྟོད་པ། ཧཱུཾ་ཆོས་ཉིད་ངང་ལས་སྐུར་བཞེངས་ཁྲོ་བོ་ཆེན ་པོ།། རང་བྱུང་ཕུར་བུས་ཐམས་ཅད་མ་ལུས་མཁྱེན་པར་མཛོད།། ཚམ་རྔམས་གད་སྒྲ་ཞབས་དྲེགས་བསྒྲོལ་བར་མཛད།། ཡབ་ཡུམ་གཉིས་མེད་སྐུ་ལ་ཕྱག་འཚལ་བསྟོད།། རང་བྱུང་ཕུར་བུ་ཡེ་ཤེས་ལྔ ་ལྡན་དུག་ལྔ་འཇོམས།། ཕྲིན་ལས་ལྔ་ཡིས་དྲེགས་པ་སྒྲོལ་མཛད་ཡང་དག་དགོད།། ཐོགས་པ་མེད་པའི་ལས་མཛད་འདུས་པ་ལྔ།། སྲས་མཆོག་ལྔ་ཡི་སྐུ་ལ་གུས་པས་ཕྱག་འཚལ་བསྟོད།། ཡེ་ཤེས་རོལ་པའི་སྟོབས ་བཅུས་མི་དགེ་འཇོམས།། སྐུ་གསུང་ཐུགས་ཀྱིས་གདུག་པ་མ་ལུས་སྒྲོལ་བར་མཛད།། ཡང་དག་དོན་གྱིས་ལོག་པ་རྣམ་པར་འདྲེན་མཛད་པ།། ཁྲོ་བོ་ཡབ་ཡུམ་སྐུ་ལ་ཕྱག་འཚལ་བསྟོད།། བྱང་ཆུབ་སེམས་དཔའ་སྤྲུལ ་པའི་ཕོ་ཉ་མོ།། ཡེ་ཤེས་དོན་ལས་ཕྲ་ཐབས་གཟུགས་འཛིན་ཅིང་།། དྲེགས་པའི་ཚོགས་རྣམས་མ་ལུས་འདུལ་མཛད་པ།། ཕྲ་མེན་ཕོ་ཉའི་ཚོགས་ལ་ཕྱག་འཚལ་བསྟོད།། ཡེ་ཤེས་ལས་ཀྱི་དོན་རྣམས་མ་ལུས་རྫོགས ་པར་མཛད།། དབྱིངས་ལས་ངེས་པས་ཐེ་ཚོམ་གཅོད་པར་རབ་མཁས་པས།། འཁོར་བ་མ་ལུས་སེམས་ཅན་ལུས་ངག་ཡིད་གསུམ་ཚིམས་པར་བྱེད།། ཀརྨ་ཧེ་རུ་ཀ་ལ་དང་བས་ཕྱག་འཚལ་བསྟོད།། ཅེས་ལན་མང ་པོར་བསྟོད་པ་དང་། མཆོད་པ་མང་པོས་མཉེས་པར་བྱས་སོ།། དེ་ནས་བཛྲ་ཀཱི་ལ་ཡས་གར་གྱི་ཆ་ལུགས་སོགས་བསྟན་པ། རྡོ་རྗེ་སྲིན་པོའི་གསུང་དང་རྡོ་རྗེ་རྣམ་པར་གསོར་ནས་འཁོར་རྣམས་ལ་གདམས་པ་རྣམ ་པར་བཤད་པ་འདི་གསུངས་སོ།། ཉོན་ཅིག་གསང་བདག་ལ་སོགས་ཉོན།། རྡོ་རྗེ་ཕུར་པའི་ཚོགས་ཀུན་ལ།། ཁྱེད་ལ་སོགས་པའི་འཁོར་རྣམས་ཀུན།། ཤིན་ཏུ་དང་བ་ངེས་པར་ཞོག། ཕྱི་རབས་དུག་ལྔ་སྨིན་པ ་ཡི།། སེམས་ཅན་རྣམས་ལ་སྣང་བར་གྱིས།། མཁས་ཤིང་ངང་ཚུལ་བཟང་བ་དང་།། རིགས་ལྡན་དམ་ཚིག་ལྡན་པ་ཡིས།། གང་བསྒྲུབ་ལས་རྣམས་འགྲུབ་ངེས་པ།། དེ་ལ་རབ་ཏུ་སྣང་བར་གྱིས།། བསྟན་པའི་སྙིང་པོ ་གང་གནས་པར།། དམ་ཅན་ཡོངས་ཀྱང་གནས་འགྱུར་ཏེ།། དེར་ནི་ལེགས་པ་མང་པོ་འབྱུང་།། ཁྱེད་ཀྱིས་དེ་ཡིས་གྲོགས་མཆོག་གྱིས།། གསང་སྔགས་ཤིན་ཏུ་རྣལ་འབྱོར་འདི།། སངས་རབས་བདུན་གྱིས་མ་གསུངས ་ཏེ།། སེམས་ཅན་དང་བཟང་ལས་མེད་ཡིན།། ཕྱིས་ནི་གཉིས་སུ་མི་འབྱུང་སྟེ།། དེ་ཡང་གོང་བཞིན་ཤེས་པར་བྱ།། འདིར་ནི་ལས་རྣམས་ཐ་དད་པ།། ཉོན་མོངས་རགས་ཀྱང་ལས་སྐལ་ཅན།། མི་མཇེད་འདི་རུ་སྣང་བ ་ཡིན།། དེ་ཕྱིར་དེ་ཡིས་དོན་དེ་ཤེས།། གཞུང་དང་མི་ལྡན་རྣལ་འབྱོར་པས།། འདི་བཅངས་དེ་ཡིས་དེ་སྲོག་གཅོད།། འདི་ནི་ཁྱེད་ཀྱིས་མི་སྣང་བྱོས།། དེ་བས་ང་ཡི་ལུང་ཆེན་ལ།། ཚིག་འགའ་ཐོས་ན་སངས་རྒྱས ་ངེས།། འདི་ནི་ཀོ་ས་ལ་ཡི་གླིང་།། དེར་ནི་རིགས་ཅན་དེ་ལ་འབབ།། སྤྲུལ་པ་འཇིག་རྟེན་མི་གནས་ཚེ།། ཁྱེད་ཀྱི་སྤྲུལ་པ་པད་མའི་རྒྱལ།། དེ་ཡི་ནུས་པས་དོན་བྱེད་འགྱུར།། དེས་ན་འདི་ནི་གསང་བའི་ཚེ།། རྣལ ་འབྱོར་ངེས་པར་ཁྱེད་ཀྱིས་ཟུང་།། ཀུན་འབྱུང་གྱུར་པ་ཤེས་པ་ཡིས།། དེས་ན་འདི་ནི་ཕུར་པར་གཟུང་།། རླག་པར་བྱེད་དང་འདུལ་བར་བྱེད།། གཉིས་སུ་མེད་པའི་རྒྱུད་དུ་ཟུང་།། ཐེ་ཚོམ་མ་ལུས་གཅོད ་པས་ན།། ཕྱི་མ་ཞེས་པར་རབ་ཏུ་ཟུང་།། ཉོན་མོངས་བརྒྱ་སྟོང་ཕྲག་མང་ཡང་།། ཀུན་གྱི་རྩ་བ་མ་ཡིན་པ།། ཐེག་པ་བརྒྱ་སྟོང་ཕྲག་མང་ཡང་།། ངེས་པར་ཐེག་པ་གཅིག་ཏུ་བཤད།། ཡང་ན་གཉིས་ཏེ་དེ་འདིར ་འདུས།། སྲིད་པ་བརྒྱ་སྟོང་ཕྲག་མང་ཡང་།། ཡང་དག་རྩ་བར་འགྲོ་བའི་ལམ།། དུས་གསུམ་སངས་རྒྱས་ཐམས་ཅད་ཀྱང་།། དེ་ལ་དེ་བརྟེན་དེས་སངས་རྒྱས།། མྱ་ངན་འདས་པའི་ཐིག་ལས་མེད།། ཅེས་གསུངས ་སོ།། འཁོར་རྣམས་དམ་ཚིག་ཅན་དུ་གྱུར་ནས། དོན་ཁས་བླངས་ཏེ་མཆོད་པ་མང་པོས་མཆོད་ནས། ཕྱིར་རང་རང་གི་གནས་སུ་དོང་ངོ་།། བཅོམ་ལྡན་བཛྲ་ཀཱི་ལ་ཡ་ལ་སོགས་པ་རྣམས་ཀྱང་། སྐུ་སྣང་བ་དང་སྟོང་པའི ་དབྱིངས་ཡེ་ཤེས་ལ་གཉིས་སུ་མེད་པར་གྱུར་ཏོ།། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་པའི་རྒྱུད་ལས། བསྟོད་པ་དང་རྒྱུད་གཏད་པ་སྟེ་ལེའུ་ཉི་ཤུ་པའོ།། །། རྡོ་རྗེ་ཕུར་པ་གསང་བའི་རྩ་བ ་རྣལ་འབྱོར་ཆེན་པོ་ཡང་དག་པའི་རྒྱུད། རྟོགས་པའི་རྒྱལ་པོའི་རྒྱུད་ཕྱི་མ་ཞེས་བྱ་བ་རྫོགས་སོ།། །། རྒྱ་གར་གྱི་མཁན་པོ་པདྨ་སམ་བྷ་ཝ་དང་། བོད་ཀྱི་ལོཙྪ་བ་ཆེན་པོ་བྲང་ཏི་ཛ་ཡ་རཀྵི་ཏས་བསྒྱུར་ཅིང་ཞུས་ཏེ ་གཏན་ལ་ཕབ་པའོ།། །། @#།། རྒྱ་གར་སྐད་དུ། ཏ་ཐཱ་ག་ཏ་མ་ཧཱ་བཛྲ་ཀི་ལ་ཡ་ཏནྟྲ་ནཱ་མ། བོད་སྐད་དུ། དེ་བཞིན་གཤེགས་པ་ཆེན་པོ་རྡོ་རྗེ་ཕུར་པའི་རྒྱུད། བཅོམ་ལྡན་འདས་དཔལ་རྡོ་རྗེ ་