Wylie

e-texts produced with BDRC’s OCR application

ཕུ་དགེ་གོང་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། @#།། རྒྱ་གར་སྐད་དུ། ཤྲི་བཛྲ་ཀུ་མཱ་ར་ཏནྟྲ་ན་མ་ཀཱ་རུ་ཎ་ཀྲོ་དྷ་མཱུ་ལ་སམྦྷི་ཏི། བོད་སྐད་དུ། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས ་པ་རྩ་བའི་རྒྱུད་ཀྱི་བཤད་པ་ཞེས་བྱ་བ། དཔལ་རྡོ་རྗེ་འཛིན་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེས་པ་ཐམས་ཅད་ཀྱི་སྐུ་དང་གསུང་དང་ཐུགས་སྙིང ་པོ་རྡོ་རྗེ་བཙུན་མོའི་བྷ་ག་ལ། ཁྲོ་བོ་དང་ཁྲོ་མོ་མཁའ་འགྲོ་མ་བྱེ་བ་ཁྲག་ཁྲིག་དཔག་ཏུ་མེད་པ་དང་ཐབས་ཅིག་ཏུ་བཞུགས་ཏེ། དེའི་ཚེ་དེའི་དུས་ན་འཇིག་རྟེན་གྱི་ཁམས་འདི་ནས་དྲག་པོར་གྱུར་པ་རཱུ་ཏྲ་དང་། ཡུམ ་དྲག་བྱེད་མ་དང་། འཁོར་མ་བདུན་དབང་ཕྱུག་མ་དང་བཅས་པ། ཤ་དང་ཁྲག་དང་རུས་པ་ལ་ལོངས་སྤྱོད་པའི་ཚེ། དཔལ་རྡོ་རྗེ་ཁྲག་འཐུང་དབུ་དགུ་ཕྱག་བཅོ་བརྒྱད་པས། རཱ་ཏྲ་བསྒྲལ་བའི་གནས་སྐབས་སུ ་རཱུ་ཏྲའི་སྙིང་ཁྲག་ཐེབ་ལོང་ཙམ་གཉིས་ཡལ་བ་ལས། རཱ་ཏྲའི་སྲས་དྲག་བྱེད་མ་ཧཱ་དེ་ཝ་ཞེས་བྱ་བ། ཞལ་གསུམ་ཕྱག་དྲུག་པ། མཚོན་ཆ་སྣ་ཚོགས་པ་ཐོགས་པ། ཡུམ་དྲག་མོ་རལ་གཅིག་མ་ཞེས་བྱ་བ་དང་། དྲག་མོ ་སྲིད་པ་འཁོར་བྱེད་མ་ཞེས་བྱ་བ་གཉིས་དང་ལྡན་ཏེ། དེ་གཉིས་ལས་སྲས་ཕྱོགས་བཅུར་དམ་སྲི་བཅུ་བྱུང་སྟེ། སྟེང་གི་ཕྱོགས་ན་ཡབ་ཉི་མ་འབར་གསལ། ཡུམ་ཟླ་བ་སྒྲ་འབྱིན་མ། བུ་ཕོ་ཉི་མ་ཕག་གི་མགོ་ཅན་དང་། ་བུ་མོ་ཟླ་བ་སྨིག་པའི་མགོ་ཅན་གནས། ཤར་ཕྱོགས་ན་དྲི་ཟ་ཕོ་རྒྱལ་པོའི་སྒྲ། དྲི་ཟ་མོ་རྒྱལ་བའི་སྒྲ་འབྱིན་མ། བུ་སྟག་གི་མགོ་ཅན་དང་། བུ་མོ་བྱ་རྒོད་མགོ་ཅན་གནས། ཤར་ལྷོ་ན་མེ་ལྷ་དབྱུག་པ་ཅན། མེ་ལྷ་མོ ་ལྕགས་སྡེར་ཅན། བུ་གཡག་གི་མགོ་ཅན་དང་། བུ་མོ་བྱ་རོག་གདོང་ཅན་གནས། ལྷོ་ན་འཆི་བདག་གཤིན་རྗེ་དང་། གཤིན་རྗེ་མོ་ཤ་ཟན། བུ་ཤ་བའི་མགོ་ཅན་དང་། བུ་མོ་འུག་པའི་མགོ་ཅན་གནས། ལྷོ་ནུབ་ན་སྲིན ་པོ་གཡོ་བྱེད་དང་། སྲིན་མོ་གཏུན་ཤིང་འཛིན་མ། བུ་གཟིག་གི་མགོ་ཅན་དང་། བུ་མོ་ཁྲའི་མགོ་ཅན་གནས། ནུབ་ཕྱོགས་ན་ཀླུ་རྒྱལ་ཆུ་ཟླ་དབང་དང་། ཀླུ་མོ་པིར་ལ་ཞོན་མ་དང་། བུ་བྱིལ་ལའི་མགོ་ཅན་དང་། བུ་མོ ་པུ་ཤུད་མགོ་ཅན་གནས། ནུབ་བྱང་ན་རླུང་ལྷ་གཞན་འཇོམས་དང་། རླུང་ལྷ་མོ་མཛའ་འཛིན་མ་དང་། བུ་སྤྱང་ཀིའི་མགོ་ཅན་དང་། བུ་མོ་ཁྲའི་མགོ་ཅན་གནས། བྱང་ན་གནོད་སྦྱིན་ལས་ཀྱི་བདུད་དང་། གནོད ་སྤྲིན་མོ་རླུང་ལྷ་ཞོན། བུ་སེང་གེའི་མགོ་ཅན་དང་། བུ་མོ་ཝ་གདོང་ཅན་གནས། བྱང་ཤར་ན་འབྱུང་པོ་ཁམས་གསུམ་གྱི་བདག་པོ་དང་། འབྱུང་པོ་སྲོག་གཅོད་མ་དང་། བུ་དོམ་གྱི་མགོ་ཅན་དང་། བུ་མོ་སྲེ་མོང་གི་མགོ ་ཅན་གནས། འོག་ཕྱོགས་ན་བདག་གཞན་སྟོབས་འཇོམས་དང་། ས་བདག་མོ་རླུང་གི་གཟུགས་འཛིན་མ། ས་བདག་གི་བུ་དྲེད་ཀྱི་མགོ་ཅན་དང་། ས་བདག་གི་བུ་མོ་བྱི་ལའི་མགོ་ཅན་གནས་ཏེ། དེ ་རྣམས་ཀྱིས་འཇིག་རྟེན་ཁམས་ཀྱི་སེམས་ཅན་ཐམས་ཅད་ཀྱི་སྲོག་བཅད། ཤ་ཟོས་ཁྲག་འཐུངས། དབུགས་རྔུབས་ཤིང་། དམ་པའི་ཆོས་ལ་གནས་པ་དང་། དཀར་པོའི་ཕྱོགས་ལ་གནས་པ་ཐམས་ཅད་ཀྱི་དམ་སྲི་བྱེད ་ཅིང་། བར་དུ་གཅོད་པར་བྱེད་པ་ལ་གནས་པ་ལ། དེའི་ཚེ་འོག་མིན་གྱི་གནས་ན། ཆོས་སྐུ་སྐྱེ་བ་མེད་པའི་ངང་ལས། ལོངས་སྤྱོད་རྫོགས་པའི་སྐུ་རྡོ་རྗེ་འཆང་ཡབ་ཡུམ་ལ། སངས་རྒྱས་ཏིལ་གྱི་གོང་བུ་ལྟ་བུས་བསྐོར ་ནས་གནས་པ་ལ་གདུལ་བྱ་དྲག་བྱེད་དབང་ཕྱུག་མ་ཧཱ་དེ་ཝ་དེ་གཟིགས་ནས། ལྷོ་ཡི་འཛམ་བུའི་གླིང་གི་ཨུ་རྒྱན་གྱི་ཡུལ་གྱི་དུར་ཁྲོད་ཆོས་ཀྱི་དབྱིངས་ཀྱི་གནས་སུ། ཕྱི་རིན་ཆེན་ལྔ་ལས་གྲུབ་ཅིང་། ནང་ཐོད་པ་སྐམ ་རློན་ལས་གྲུབ་པའི་གཞལ་ཡས་ཁང་རྒྱ་ཁྱོན་དཔག་ཏུ་མེད་པ་སྤྲུལ་པའི་ནང་དུ་དཔལ་རྡོ་རྗེ་གཞོན་ནུ་ཡབ་ཡུམ་མེ་དཔུང་གི་དཀྱིལ་ན་འཇིགས་ཤིང་རྔམ་པར་བཞུགས་ཏེ་གནས། དེའི་ཚེ་བཅོམ་ལྡན་འདས ་བདུད་ཐམས་ཅད་བཏུལ་བའི་ཏིང་ངེ་འཛིན་ལ་བཞུགས་སོ།། དེ་ནས་བཅོམ་ལྡན་འདས་ཀྱི་གསང་གནས་ནས། ཁྲོ་བོ་ཁམས་གསུམ་རྣམ་པར་རྒྱལ་བ་བྱུང་ནས། ཁམས་གསུམ་གྱི་བདུད་ཐམས་ཅད་དང་། དམ་སྲི ་བཅུའི་ཡབ་ཡུམ་རྣམས། དབང་དུ་བསྡུས་ནས་མདུན་དུ་བཀུག་ནས་ཁྲོ་བོ་དེ་སླར་གསང་གནས་སུ་ཐིམ་མོ།། དེ་ནས་བཅོམ་ལྡན་འདས་ཀྱི་གསང་གནས་དང་། སྤྱན་གཉིས་དང་། སྤྱི་བོ་ཚངས་པའི་བུ་ག་ནས་སྒོ་མ ་བཞི་བྱུང་སྟེ། ལྕགས་ཀྱུ་མས་དམ་སྲི་བཅུའི་སྙིང་ག་ནས་བཟུང་། ཞགས་པ་མས་བཅིངས། ལྕགས་སྒྲོག་མས་བསྡམས། དྲིལ་བུ་མས་སྤྲོས་པར་བྱས་ཏེ། དཔལ་ཆེན་པོ་ཡབ་ཡུམ་གྱི་མཁའ་གསང་བར་ནས་སྲས་ཀྱི ་མཆོག་བྱུང་སྟེ། བགེགས་ཀྱི་ཚོགས་དེ་རྣམས་ཀྱི་ཀླད་པ་ཚལ་པ་བརྒྱ། ལུས་དུམ་བུ་སྟོང་སྙིང་ཚལ་པ་བདུན་དུ་གཏུབ་ནས་སྲོག་ཡེ་ཤེས་སུ་བསྒྱུར། ཡབ་ཡུམ་གྱི་མཁའ་གསང་ནས་འོད་ཀྱི་གོང་བུ་བཅུ་ལས། ཁྲོ་བོ ་ཡུམ་ཡུམ་ཕྲ་ཐབས་སུ་བཅས་པ་ཕྱོགས་བཅུར་སྤྲུལ་ནས། དམ་སྲི་བཅུ་གདན་དུ་བྱས་ཏེ། དེའི་ཚེ་སེམས་ཅན་ཐམས་ཅད་སྡུག་བསྔལ་དང་བྲལ་ཞིང་། བདུད་བཞི་རང་ཞིར་སོང་ངོ་།། སྤྲུལ་པའི་སྐུ་དེ་ཉིད་སྣང ་བའི་དུས་ན། བྱང་ཤར་གྱི་ཁྲོ་བོ་ཁམས་གསུམ་རྣམ་པར་རྒྱལ་བ་རིག་པའི་རྒྱལ་པོ་ཁྲོ་བོ་བྱེ་བ་ཁྲག་ཁྲིག་དང་། ཡེ་ཤེས་ཀྱི་མཁའ་འགྲོ་མ་དཔག་ཏུ་མེད་པ་དང་བཅས་པས། ཤ་དང་། རུས་པ་དང་། ཁྲག་དྲོན་མོ ་རྣམས། བཅོམ་ལྡན་འདས་འཁོར་དང་བཅས་པ་ལ་ཕུལ་ནས། ཕྱག་དང་བསྐོང་བ་ལན་དུ་མ་བྱས་ཏེ། ཁྲོ་བོ་ཁམས་གསུམ་རྣམ་པར་རྒྱལ་བས་གསོལ་པ། ཨེ་མ་ཧོ་རིག་པའི་ཡེ་ཤེས་འཁོར་འདས་གཞི།། རྟོགས་ན་བླ ་མེད་དབྱིངས་ཀྱི་ངང་།། མ་རྟོགས་འཁོར་བ་ཉིད་དུ་འཁོར།། དེ་བས་ཐོགས་མེད་ཀུན་འགྲོ་བའི།། ནམ་མཁའ་བཞིན་དུ་བརྟག་དཀའ་ཡང་།། འཁོར་བའི་འདམ་ལས་ཐར་པའི་ཐབས།། བདག་དང ་གཞན་ལ་སྨན་སླད་དུ།། དོན་དམ་དབྱིངས་ཀྱི་ཐིག་ལེ་ལས།། འདུ་འབྲལ་མེད་པའི་ངང་ཉིད་དུ།། ཡང་དག་དོན་གྱི་མཐར་ཕྱིན་པའི།། གསང་བ་ལས་ཀྱང་ཆེས་གསང་བ།། གསང་ཆེན་རྒྱུད་འདི་བཀའ་སྩོལ ་ཅིག། ཅེས་གསུངས་པ་དང་། བཅོམ་ལྡན་འདས་ཀྱིས་བཀའ་སྩལ་པ།། ལེགས་པར་ཉོན་ཅིག་ཁམས་གསུམ་རྒྱལ།། དབྱིངས་ལ་སྐྱེ་འགག་མི་གནས་ཀྱང་།། འོན་ཀྱང་འཁོར་བ་ལས་ཐར་ཕྱིར།། དྲི་མས་དྲི་མ་དག ་བྱེད་ཅིང་།། དུག་གི་དུག་ནི་ཞི་བར་བྱེད།། ཞེ་སྡང་དྲག་པོ་རྒྱས་པ་ལ།། ཡང་དག་དབྱེར་མེད་དོན་དང་ལྡན།། ཞེ་སྡང་རྡོ་རྗེ་རྒྱུད་འདི་ཉོན།། ཞེས་བཀའ་སྩལ་ཏོ།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པའི་རྒྱུད་ཀྱི ་བཤད་པ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་ཁམས་གསུམ་རྣམ་པར་རྒྱལ་བས་གསོལ་བ། བདུད་རྣམས་འདུལ་བའི་བཅོམ་ལྡན་འདས།། ཞེ་སྡང་ཅན་གྱི་གང་ཟག་རྣམས།། རྡོ་རྗེའི་རིགས་སུ་སྨིན ་པའི་ཐབས།། རིམ་པ་ཇི་ལྟར་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་རིགས་ཀྱི་སྲོག་ལ་ཡང་།། འབུམ་ཕྲག་གཅིག་ཏུ་ངེས་བཟླས་པས།། ལྷ་ཡིས་ལུང་ནི་བསྟན་པ་དང་།། ས་བརྟག་དཀྱིལ ་འཁོར་དྲག་པོར་སྦྱར།། རྡོ་རྗེ་རིགས་ཀྱི་དཀྱིལ་འཁོར་ནི།། གྲུ་གསུམ་གྲུ་བཞི་མཐིང་ནག་ལྡན།། མ་ཏྲཾ་བསྒྲལ་ཞིང་བདུད་རྩི་ལྔ།། དུར་ཁྲོད་རྫས་ཀྱིས་བྱུག་པར་བྱ།། ཨོཾ་པཉྩ་ཨ་མྲི་ཏ་མཎྜལ་ཧཱུཾ།། ཨོཾ་རཀྟ་མཎྜལ་ཧཱུཾ། ་ཨོཾ་ན་མཿས་མནྟ་མཎྜལ་ཧཱུཾ། ཨོཾ་ཀེང་ཀ་པཱ་ལ་མཎྜལ་ཧཱུཾ།། བ་ཡི་རྣམ་ལྔ་དེ་བཞིན་ཏེ།། ལྷ་ཡི་གནས་སུ་མེ་ཏོག་ནི།། ཚོམ་བུ་སྔོན་པོ་ལྷ་གྲངས་དགོད།། བདུད་རྩི་ལྔ་ཡི་ཐིག་ལེ་དགོད།། ཕུན་སུམ་ཚོགས་པ་ལྔ་ལྡན ་པས།། དཀྱིལ་འཁོར་ལྷ་ལ་གསོལ་བ་གདབ།། བླ་མ་རྡོ་རྗེ་སློབ་དཔོན་གྱིས།། སློབ་མ་དག་ལ་བྱིན་གྱིས་བརླབ།། ཨོཾ་ཨཱཿཧཱུཾ་བཛྲ་སཏྭ་ཧཱུཾ།། ཧཱུཾ་སྟོང་གསུམ་སྟོང་གི་འཇིག་རྟེན་ན།། འགྲོ་བ་རིགས་དྲུག་སེམས་ཅན ་རྣམས།། དུག་ལྔ་ཉོན་མོངས་ཚར་གཅོད་ཕྱིར།། རིགས་ལྔ་ཁྲག་འཐུང་ཉིད་དུ་བརྗོད།། ཨ། འགྲོ་བ་རིགས་ལྔར་གསལ་བ་འདི།། རྟོག་འཇོམས་ཡེ་ཤེས་ལྔ་རང་བཞིན།། ཡེ་ནས་སྐྱེ་མེད་ཆོས་སྐུ་ལ།། སྣང་བ་འཁྲུལ ་པ་སྙིང་རེ་རྗེ།། བཛྲ། ཐམས་ཅད་རྡོ་རྗེའི་རང་བཞིན་ཏེ།། ཅིས་ཀྱང་མི་ཆོད་མི་ཤིགས་ཤིང་།། སྐྱེ་འགག་མེད་པ་རྡོ་རྗེའི་ངང་།། དེ་བཞིན་ཉིད་དུ་རྣམ་པར་དག་ས། དབྱིངས་ལས་ངོ་བོ་མ་གྲུབ་ཀྱང་།། སྣང་བ་ཙམ་དུ ་ཁྲག་འཐུང་སྐུ།། དུག་ལྔ་རྩད་ནས་གཅད་པའི་ཕྱིར།། རིགས་ལྔའི་ཁྲོ་བོར་རྣམ་པར་དག། ཏྲ། རིགས་ལྔ་ཁྲོ་བོ་བསྒྲུབ་པ་ལ།། སྙིང་རྗེ་སེམས་ཅན་ལ་བསྐྱེད་ནས།། ཐར་པར་འདོད་པའི་བསམ་པ་ཡིས།། དམ ་ཚིག་ལྔ་པོ་གཟུང་བར་བགྱི།། འདི་ཡིས་མྱུར་དུ་སྒྲོལ་བར་ངེས།། ཧཱུཾ། ཐམས་ཅད་མཁྱེན་པའི་བཅོམ་ལྡན་འདས།། རིགས་ལྔ་འདུས་པའི་ཁྲོ་རྒྱལ་གཙོ།། རྡོ་རྗེ་གཞོན་ནུ་ཁྲོས་པའི་དཔལ།། སྐལ་ལྡན ་རྣམས་ཀྱིས་ཐོབ་པར་ཤོག། སློབ་དཔོན་རིགས་དྲུག་རྡོ་རྗེ་འཆང་།། ཨོཾ། གཙུག་གཏོར་སངས་རྒྱས་ཁྲག་འཐུང་དཔལ།། བཛྲ། ལག་གཡས་རྡོ་རྗེ་ཁྲག་འཐུང་དཔལ།། ས། ལག་གཡོན་རིན་ཆེན་ཁྲག་འཐུང ་དཔལ།། ཏ། རྐང་གཡས་ལས་ཀྱི་ཁྲག་འཐུང་དཔལ།། ཨ། རྐང་གཡོན་པདྨ་ཁྲག་འཐུང་དཔལ།། ཧཱུཾ། ཐུགས་ཀ་གསང་བའི་དཀྱིལ་འཁོར་ཉིད།། ལུས་ཀྱི་དཀྱིལ་འཁོར་འདི་ཡིན་ནོ།། མཐོང་བས་རིགས་ལྔ་ཁྲག ་འཐུང་སྐུ།། བཤགས་པས་ལུས་ངག་དག་པར་བྱའོ།། ཨོཾ་ཨཱཿཧཱུཾ་བཛྲ་ས་ཏ་ཧཱུཾ།། ཨོཾ། ཡེ་ཤེས་ལྔ་ལྡན་བླ་མ་རྡོ་རྗེ་འཛིན།། རྡོ་རྗེ་རིགས་ཀྱི་ལྷ་ཚོགས་དགོངས་སུ་གསོལ།། ཁྲག་འཐུང་ཁྲོ་བོ་ཁྲོ་མོས་བྱིན་གྱིས ་བརློབས།། བདག་གི་ལུས་ཀྱི་སྲོག་བཅད་མ་བྱིན་བླངས།། མི་ཚངས་སྤྱོད་ཅིང་ཏིང་འཛིན་སྐུ་མ་གསལ།། སྐུ་ཡི་དམ་ཚིག་ཉམས་པ་མཐོལ་ལོ་བཤགས།། ཨ། བདག་གི་ངག་ནི་རྫུན་དང་ཕྲ་མ་དང་།། ངག་འཁྱལ ་ཚིག་རྩུབ་བཟླས་བརྗོད་གྲངས་མ་འཁྱོལ།། རྡོ་རྗེའི་བཟླས་པའི་དོན་ནི་བདག་གིས་མ་རྟོགས་ཏེ།། གསུང་གི་དམ་ཚིག་ཉམས་དེ་མཐོས་ལོ་བཤགས།། བཛྲ། བདག་གིས་སྣོད་ལྡན་སེམས་ཅན་ཐམས་ཅད ་ལ།། བརྣབ་སེམས་གནོད་སེམས་ལོག་ལྟ་བསྐྱེད་པ་དང་།། ཆོས་ཉིད་ཟབ་མོའི་དོན་ནི་མ་རྟོགས་ཏེ།། ལྟ་བས་སངས་རྒྱས་ཐུགས་ཀྱི་དམ་ཚིག་ཉམས་པ་མཐོལ་ལོ་བཤགས།། ས། སེམས་ཅན་ཐམས་ཅད་ཡེ ་ནས་སངས་རྒྱས་རྒྱུ།། མ་རྟོགས་བདག་གིས་མངན་དང་སྐྱོན་དུ་བགྲངས།། སངས་རྒྱས་ཡོན་ཏན་མཐའ་ཡས་མ་བརྗོད་ཅིང་།། ཡོན་ཏན་དམ་ཚིག་ཉམས་ཏེ་མཐོལ་ལོ་བཤགས།། ཏྭ། སངས་རྒྱས་ཕྲིན་ལས་སྣ་ཚོགས ་དཔག་མེད་ཀྱིས།། སྙིང་རྗེ་ཆེན་པོས་སེམས་ཅན་དོན་མ་བྱས།། བདུད་རྩི་ལྔ་ལ་ལོངས་སྤྱོད་མ་ནུས་ཤིང་།། ཕྲིན་ལས་དམ་ཚིག་ཉམས་པ་མཐོལ་ལོ་བཤགས།། ཧཱུཾ། སྐྱེ་བ་རྣམས་བཞིས་བསྡུས་པའི་སེམས ་ཅན་རྣམས།། ཆོས་སྐུ་རྣམ་དག་དབྱིངས་ལས་གཟུགས་སྐུ་སྣང་།། བདེ་བ་ཆེན་པོས་ཀུན་ལ་ཁྱབ་དམིགས་ཏེ།། ཡང་དག་དོན་དམ་མ་རྟོགས་མཐོལ་ལོ་བཤགས།། བླ་མ་རྡོ་རྗེ་འཛིན་མཆོད་ཅིང་།། སྐྱབས་འགྲོ་སེམས ་བསྐྱེད་གཞན་དོན་དམིགས།། བླ་མ་རྡོ་རྗེ་འཛིན་སོགས་དང་།། མཁའ་འགྲོའི་ཚོགས་རྣམས་དགོངས་སུ་གསོལ།། ཨོཾ། ཆོས་སྐུ་མཁའ་འདྲ་གཟུགས་སྐུ་མཛའ་ལྟར་སྣང་།། ཨཱཿ། གསང་སྔགས་སྒྲ་བརྙན་ལྟ་བུར་སྒྲ ་གྲགས་ཅིང་།། ཧཱུཾ། ཁྲོ་བོ་ཁྲོ་མོ་གདུག་པ་འདུལ།། བླ་མེད་དཀོན་མཆོག་གསུམ་ལ་སྐྱབས་སུ་མཆི།། ཨཱིཾ། བདག་གིས་བྱང་ཆུབ་མཆོག་གིས་སེམས།། ཨཿམ་ལུས་པར་ནི་བསྐྱེད་པར་བགྱི།། བཛྲ། ངན་སོང ་གསུམ་ལས་མ་གྲོལ་བ།། ལྷ་མི་གཉིས་སུ་གྲོལ་བར་བགྱི།། ས། མ་བསྒྲལ་བ་ཡི་ལྷ་མི་རྣམས།། བྱང་ཆུབ་ས་ལ་བསྒྲལ་བར་བགྱི།། ཏ། དབུགས་མ་ཕྱུང་བའི་སེམས་ཅན་རྣམས།། ས་བརྒྱད་པ་ལ ་དབུགས་དབྱུང་ཞིང་།། ཧཱུཾ། སེམས་ལ་མྱ་ངན་འདས་པའི་མཐའ།། རྡོ་རྗེ་འཆང་ལ་རབ་ཏུ་འགོད།། ལན་གསུམ་རྒྱུད་ལ་གནས་པར་འགྱུར།། བསྲུང་བ་སོ་ཤིང་འཁྱོར་བའི་ཆུ།། ཀུ་ཤའི་སྔས་སྟན་སྟེང་དུ་ནི།། དུར་ཁྲོད ་ཞིག་ལྤགས་རྟིང་ཉལ་རྨི་ལམ་བརྟག། འགྲུབ་པའི་རྟགས་རྣམས་རབ་ཏུ་འབྱུང་།། བུམ་པ་མཐིང་ཤུན་སྔོན་པོའི་མདོག། གསང་ཞིང་དུར་ཁྲོད་རས་ཀྱིས་དཀྲིས།། ལྗོན་ཤིག་བཟང་པོས་ཁ་བརྒྱན་ཅིང་།། བདུད་རྩི་ལྔ ་ཡིས་བུམ་པར་དགང་།། དབང་དང་བདུད་སེལ་བགེགས་བསལ་བའི།། བུམ་པ་གསུམ་དུ་ཡང་དག་ངེས།། རྡོ་རྗེ་གཞོན་ནུ་རིགས་ཀྱི་ལྷ།། ཡེ་ཤེས་ཁྲོ་བོ་ཐུགས་བསྐུལ་སྔགས།། ལྷ་ཡི་སྔགས་རྣམས་རབ་ཏུ ་བཟླས།། ཁྲི་དང་སྟོང་གིས་དངོས་གྲུབ་འབྱུང་།། རྟགས་བྱུང་ཉི་མ་རྩེ་ཤར་ལ།། རྒྱུ་མ་རིགས་ལྔ་ཁྲག་འཐུང་དཔལ།། མི་འགྱུར་ཐིག་གིས་ལེགས་པར་བཏབ།། དུར་ཁྲོད་ཚོན་རྩི་སྣ་ལྔ་ཡིས།། དཀྱིལ་འཁོར ་རྗེ་རིགས་སུ་ངེས།། རྫས་རྣམས་ཕུན་སུམ་ཚོགས་ལྡན་པས།། ལྷ་རྣམས་བསྒྲུབ་པ་ཚུལ་བཞིན་བྱ།། སློབ་མའི་བདུད་དང་བགེགས་བསལ་ཏེ།། ཡོན་ནི་ཁས་ནི་ལེན་དུ་གཞུག། ཧཱུཾ་ཁྲག་འཐུང་རྡོ་རྗེ་ཧེ་རུ་ཀ། བདག ་གིས་བདུད་རྩི་ལྔས་མཆོད་དེ།། བདག་གིས་རབ་ཏུ་བསྒྲལ་སླད་དུ།། མི་ཕྱེད་རྡོ་རྗེ་བདག་ལ་སྩོལ།། སློབ་མས་ལན་གསུམ་ལེགས་བརྗོད་པས།། བླ་མ་རྡོ་རྗེ་སློབ་དཔོན་གྱིས།། སློབ་མ་བཟང་ལ་འདི་སྐད་བརྗོད།། ཧཱུཾ ་སྐལ་ལྡན་རིག་འཛིན་རིགས་ཀྱི་བུ།། ལྷག་པའི་བསམ་པ་བཟང་པོའི་ཕྱིར།། ད་ལྟའི་དུས་ནི་སེམས་བསྐྱེད་ནས།། བུ་ཁྱོད་དགའ་བ་ཅི་ལ་དགའ།། མཚན་ལྡན་སློབ་མས་འདི་བརྗོད་དོ།། ཧཱུཾ། བདག་ནི་སྐལ་བཟང ་བདེ་ཆེན་ལ།། བདེ་ཆེན་མཆོག་ལ་བདག་དགའ་སྟེ།། བླ་མེད་བྱང་ཆུབ་ཐོབ་བྱའི་ཕྱིར།། ཁྲག་འཐུང་དཔལ་ལ་བདག་དགའ་འོ།། སྐལ་ལྡན་དེ་ལ་དམ་ཚིག་དབོག། ཧཱུཾ། སངས་རྒྱས་ཀུན་གྱིས་གྲུབ་པའི་གཞི།། བླ ་མེད་རྡོ་རྗེ་དམ་ཚིག་སྟེ།། དམ་པ་འདི་ནི་གཟུར་བར་འགྱི།། བླ་མ་རྡོ་རྗེ་སློབ་དཔོན་དང་།། དཀོན་མཆོག་མཁའ་འགྲོ་ཡང་དག་གཟུང་།། ཕྱག་རྒྱ་སྔགས་རྣམས་རྒྱུན་མི་གཅད།། ཡང་དག་ལམ་དུ་ཞུགས་ལ ་བྱམས།། གསང་བ་ཆེན་པོ་སྒྲ་མི་བྱ།། འདི་ནི་རྩ་བ་ལྔ་རྣམས་བཟུང་།། སྒྲུབ་དང་སྲུང་བའི་དམ་ཚིག་མཆོག། ཞེ་སྡང་གཏི་མུག་ཆགས་ང་རྒྱལ།། དཀར་དམར་ལྡང་སེར་མཐིང་གའི་མདོག། དག་པའི་སྣོད་བཅུད་མི ་འདོར་རོ།། ཡན་ལག་བཅུ་ཡི་དམ་ཚིག་སྟེ།། བདག་གིས་བརྟན་པར་གཟུང་བར་བགྱི།། ནམ་དུ་ཡང་ནི་མི་སྤང་ངོ་།། ལན་གསུམ་རྒྱུད་ལ་གནས་པར་འགྱུར།། རྡོ་རྗེ་དམ་ཚིག་མནའ་བསྒག་སྟེ།། ཨོཾ་བཛྲ་ས ་མ་ཡ་ཧཱུཾ་ཧཱུཾ་ཐཱ། མེ་ཏོག་སྔོན་པོ་སྣ་ཚོགས་གཏད།། ཧཱུཾ། དུར་ཁྲོད་གསང་བ་མཆོག་གི་དཀྱིལ་འཁོར་འདིར།། རྡོ་རྗེ་རིགས་ཀྱི་མེ་ཏོག་དོར་ནས་ཀྱང་།། ཁྲག་འཐུང་རྡོ་རྗེ་རིགས་ཀྱི་ལྷ་ཚོགས་ཀྱིས།། སྐུ ་གསུང་ཐུགས་ཀྱི་དངོས་གྲུབ་རབ་འབྱམས་རྣམས།། སྐལ་ལྡན་རིག་འཛིན་བདག་ལ་སྩལ་དུ་གསོལ།། བདག་ནི་རྡོ་རྗེའི་རིགས་སུ་གཟུང་དུ་གསོལ།། ཨོཾ་བོ་དྷི་ཙིཏྟ་པཱ་ཙ་ཧོ།། བླ་མ་རྡོ་རྗེ་སློབ་དཔོན་གྱིས།། ལྷ་ངོ ་བསྟན་ཅིང་ཅོད་པན་སྦྱིན།། དུར་ཁྲོད་གསང་བ་མཆོག་གི་དཀྱིལ་འཁོར་དུ།། བྱང་ཆུབ་རྡོ་རྗེ་ལམ་ནས་དྲངས་ནས་ཀྱང་།། ཁྲག་འཐུང་རྡོ་རྗེ་རིགས་ཀྱི་ལྷ་ཚོགས་ཀྱི།། སྐུ་གསུང་ཐུགས་ཀྱི་དངོས་གྲུབ་རབ་བྱམས ་རྣམས།། སྐལ་ལྡན་རིག་འཛིན་ཁྱོད་ལ་སྦྱིན་པར་བྱ།། དྲག་པོའི་ལྷ་ཚོགས་ཁྱེད་ཀྱིས་བལྟ་བར་བྱོས།། པུཥྤེ་ཨཱ་ཝེ་ཤ་ཡ་ཨ་ཨ། གང་གིས་སློབ་མར་དབང་བསྐུར་ཕྱིར།། བུམ་པ་རྡོ་རྗེ་དྲིལ་བུ་དང་།། ཐོད་པ་རྡོ་རྗེ་མིང ་དུ་གྲགས།། ཕུར་པ་ཁྲོ་བཅུ་དཔའ་བོའི་ཚུལ།། གསང་སྔགས་འཆི་མེད་འདོད་ཡོན་ཆེ།། ཨོཾ་བོ་དྷི་ཙིཏྟ་ས་མ་ཡ་སྟྭཾ། ཨ་བྷི་ཥིཉྩ་ཡ། ནུས་པ་སྐྱེད་པར་བྱེད་པ་ཡིས།། རྡོ་རྗེ་ནང་གི་དབང་ལྔ་སྟེ།། ཐོས་བསྒོམ་སྨྲ་བྱེད་ཕྲིན ་ལས་དབང་།། རྡོ་རྗེ་སློབ་དཔོན་དཔའ་བོ་ཆེ།། ཡབ་ཡུམ་བདེ་བ་སྦྱོར་བའི་སྒྲས།། བྱང་སེམས་དཀར་དམར་ཐིག་ལེའི་དབང་།། ས། ཉན་བྱེད་རྣ་བའི་གཞལ་ཡས་སུ།། གསལ་བ་རིན་ཆེན་ངོ་བོ་ཉིད།། ས་ཡི་ཕྱག ་རྒྱའི་ཚོགས་མཆོག་ལས།། རིན་ཆེན་ཁྲག་འཐུང་གསལ་སྤྲོ་བསྟིམ།། ས། དབང་དེ་བསྐུར་ཞིང་སྨིན་པ་ཡིས།། གསང་བའི་གསང་མཆོག་དམ་པ་ལས།། གསང་བ་གཞལ་ཡས་བསྙེན་པར་བྱ།། གསང་བའི་དོན་ཉིད ་རྟོགས་པར་བྱ།། གསང་བ་གཞན་དུ་སྒྲ་མི་བྱ།། བཛྲ། བསམ་བྱེད་སྙིང་གི་གཞལ་ཡས་སུ།། གསང་བ་རྡོ་རྗེའི་ངོ་བོ་ཉིད།། ཡི་གེ་ཕྲེང་བའི་ཚོགས་མཆོག་ལས།། རྡོ་རྗེ་ཁྲག་འཐུང་གསལ་སྤྲོ་བསྟིམ།། བཛྲ། དུས ་གསུམ་རྒྱལ་བའི་སྲས་ཆེན་པོ།། སྐུ་གསུང་ཐུགས་ཀྱི་རྡོ་རྗེའི་གདན།། རྒྱལ་བ་ཐམས་ཅད་མཉེས་མཆོད་ལ།། རྒྱལ་བ་ཀུན་དང་མཉམ་པར་སྦྱོར།། ཏྭ། ལག་མཐིལ་གཉིས་ཀྱི་གཞལ་ཡས་སུ།། གསལ་བའི་རྒྱ་གྲམ་ངོ ་བོ་ཉིད།། ཏྲ་ཡི་ཕྱག་རྒྱའི་ཚོགས་མཆོག་ལས།། ལས་ཀྱི་ཁྲག་འཐུང་གསལ་འཕྲོ་བསྟིམ།། ཏ།། ཁྱོད་ནི་རྡོ་རྗེ་ལས་ཡིན་པས།། ལས་རྣམས་མ་ལུས་ཀུན་གྱིས་ཤིག། ཕོ་ཉ་འདུ་འཕྲོ་མང་པོ་ཀུན།། ཁྱོད་ཀྱི་དགོངས་པ ་བྱེད་པར་འགྱུར།། ཨ། སྨྲ་བྱེད་ལྕེ་ཡི་གཞལ་ཡས་སུ།། གསལ་བ་ཨ་ཡི་ངོ་བོ་ཉིད།། ཨ་ཡི་ཕྱག་རྒྱའི་ཚོགས་མཆོག་ལས།། པདྨ་ཁྲག་འཐུང་གསལ་སྤྲོ་བསྟིམ།། ཨ། ཆོས་ཀྱི་བདུད་རྩི་བླ་ན་མེད།། དད་ལྡན་སྐྱེས་བུ ་ངོམས་པར་བྱེད།། རབ་འབྲིང་ཐ་མའི་བློ་ཅན་ལ།། འཐུང་བར་གསང་བསྒྲག་གཞན་དུ་མིན།། ཨོཾ། བསྐྱོད་ཆེན་ལན་ལག་གཞལ་ཡས་སུ།། གསལ་བ་ཨོཾ་གྱི་ངོ་བོ་ཉིད།། ཨོཾ་ཨཱཿབཛྲ་ས་ཏྭ་ཧཱུཾ་ལས།། རིགས་ལྔ་ཁྲག ་འཐུང་ལྔ་རུ་གསལ།། ཨོཾ། ཕྱོགས་བཅུ་དུས་གསུམ་ཐམས་ཅད་ཀྱི།། སྐུ་གསུང་ཐུགས་ཀྱི་རྡོ་རྗེ་ཆེ།། དཀྱིལ་འཁོར་ཀུན་གྱི་སྦྱིན་པ་སྤྱོད།། དཀྱིལ་འཁོར་ཀུན་གྱི་མངའ་བདག་འགྱུར།། ཨོཾ། སློབ་མའི ་ལུས་ནི་དག་ཅིང་སྨིན།། རྡོ་རྗེའི་ལུས་ནི་རྣམ་པར་དག། དེ་ནི་བུམ་པའི་དབང་ཡིན་ཏེ།། ལྷ་ཡི་སྐུ་ནི་རྣམ་དག་དཔའ།། མྱུར་དུ་ཐོབ་སྟེ་ཐེ་ཚོམ་མེད།། རྡོ་རྗེ་ཐེག་ལ་མོས་པ་ཡི།། བུ་མོ་མཚན་བཟང་ལྡན་པ ་བཙལ།། ཐབས་ནི་རྡོ་རྗེ་གཞོན་ནུ་སྟེ།། དེ་ཉིད་ཤེས་རབ་བདེ་བའི་ཡུམ།། རྡོ་རྗེའི་ལམ་ནས་པདྨོར་འཁྱིལ།། བདེ་བ་ཐུགས་ཀྱི་ཐིག་ལེ་སྤྲོ།། ཨོཾ་ཨ་ནུ་རཱ་ག་པཱ་ཙ་ཧོ། ཟག་མེད་ཉི་ཟླའི་སྙིང་པོ་དེ།། སློབ་མའི་ངག་ལ ་ཡང་དག་སྦྱིན།། ཀཱ་ཡ་སིདྡྷི་ཨཽ། ཝཱཀྐ་སིདྡྷི་ཨཱ། ཙིཏྟ་སིདྡྷི་ཧཱུཾ། ཨོཾ་ཨཱཿཧཱུཾ་མ་ཧཱ་སུ་ཁ་ཧོ།། ཧཱུཾ་བདེ་ཆེན་ཐིག་ལེ་ཡབ་ཡུམ་བཅུད།། རྡོ་རྗེའི་ལམ་ནས་པདྨོར་འཁྱིལ།། བུ་ཡི་ལྕེ་ལ་དབབ་པར་བྱ།། སྙིང་གི་དཀྱིལ་དུ་གཟུང ་བར་གྱིས།། ཨོཾ་བོ་དྷི་ཙིཏྟ་ཨ་བྷི་ཥིཉྩ་ཨ། གསང་བ་བྱང་སེམས་རྡོ་རྗེའི་ངག། རྡོ་རྗེ་གསུམ་གྱིས་རྣམ་པར་དག། རྡོ་རྗེ་གཞོན་ནུ་ཁྲག་འཐུང་དཔལ།། ཤེས་རབ་བཅུ་དྲུག་ལོན་པ་ཡི།། བུ་མོ་མཚན་དང་ལྡན་པ ་ལ།། གར་དང་ལྡན་པས་ཡང་དག་སྤྱོད།། བདེ་ཆེན་སྒྱུ་མའི་བརྡ་མཚོན་ཏེ།། གཉིས་ཤོར་གཉིས་མཉམ་དབུས་དག་ཏུ།། དབྱིབས་ཀྱི་བདེ་ཆེན་བྱུང་བ་སྟེ།། རང་རིག་ཡེ་ཤེས་དེ་ལ་ཡོད།། ཧཱུཾ་བདེ་བ་ཐུགས་ཀྱི་སེམས ་དཔའ་ཆེ།། ཡབ་ཡུམ་གཉིས་མེད་མུ་ཏིག་གི། ཁུ་འཕང་བྱང་སེམས་ཕབ་པ་ཡི།། དུས་གསུམ་བླ་མ་སངས་རྒྱས་དང་།། མཁའ་འགྲོའི་ཚོགས་ལ་བདེ་ཆེན་གྱིས།། བྱང་ཆུབ་སེམས་ཀྱི་མཆོད་པ་ཕུལ།། རྡོ་རྗེ་བདེ ་ཆེན་ཐིག་ལེ་དབྱིངས།། ཟག་མེད་དབྱིངས་སུ་མི་རྟོག་སྐྱེ།། དེ་བས་བློ་མཆོག་ལོངས་སྤྱོད་ཅིག། ཧཱུཾ་ཡབ་ཆེན་ཆོས་ཀྱི་དབྱིངས་མཐོང་བའི།། པདྨ་དག་ལ་འོ་བྱེད་དམ།། དེ་ལས་བྱང་ཆུབ་སེམས་འཁྱིལ་བའི།། ཟག ་མེད་བདེ་བ་ལོངས་སྤྱོད་དམ།། ཨེ་མ་ཧོ།། ཤེས་རབ་ལྷ་མོ་ཡུམ་ཆེན་མོ།། ཆོས་ཀྱི་དབྱིངས་འཐོབ་འོ་བྱེད་དམ།། བྱང་ཆུབ་སེམས་མཐོང་ཐིག་ལེ་ལ།། རྟག་ཏུ་གུས་ཤིང་བདེ་བར་སྦྱོར།། ཧོ། ཨོཾ་ཨ་བཛྲ་སཏྭ་ཧཱུཾ།། དེ ་ཡེ་ཤེས་རབ་ཡེ་ཤེས་ཀྱི།། དབང་གི་རྡོ་རྗེ་ཐུགས་ཉིད་བདག། རྡོ་རྗེ་སེམས་དཔའི་བྱིན་རླབས་ཀྱིས།། སེམས་ཉིད་མཁའ་དང་མཚུངས་པར་མཐོང་།། ཆོས་སྐུ་མངོན་གསུམ་མཐོང་བའི་ཚེ།། མཆོག་གི་དབང་དུ་དེ་ཉིད ་ངེས།། རྡུལ་ཚོན་ལུས་དང་བྱང་ཆུབ་སེམས།། དེ་བཞིན་ཉིད་ཀྱི་དཀྱིལ་འཁོར་མཆོག། བརྟེན་ནས་དབང་རྣམས་ཡང་དག་བསྐུར།། བུམ་པ་གསང་བ་ཤེས་རབ་དབང་།། བཞི་པ་མཆོག་གི་དབང་ཆེན་ཡིན།། བླ་མ ་མཉེས་པར་མ་བྱས་ཤིང་།། དབང་གིས་སྨིན་པར་མ་བྱས་ན།། ཐོས་བསམ་བསྒོམ་པ་དོན་མེད་འགྱུར།། དེ་བས་དབང་བསྐུར་མཆོག་ཐོབ་ཀྱིས།། བླ་མ་མཉེས་པས་དོན་འགྲུབ་འབྱུང་།། དམ་ཚིག་ཉམས་པར་གྱུར་པ ་ན།། བླ་མ་མཉེས་པར་བྱས་པས་སྐོངས།། གོང་བཞིན་དམ་ཚིག་བསྲུང་བ་དག། དམ་ཚིག་དང་པོ་ཡིན་པར་བརྗོད།། བདུད་རྩི་ལྔ་ལ་ལོངས་སྤྱོད་ཅིང་།། དེ་བཞིན་བུམ་ཟ་གའི་སང་པའི་སྙིང ་པོ་གཞི་བ།། དམ་ཚིག་གཉིས་པ་ཡིན་པར་ངེས།། ཤེས་རབ་རང་བཞིན་བུད་མེད་ལ།། རིགས་ལྔའི་མཁའ་འགྲོ་ཉིད་དུ་བརྟག། མདོག་དང་སྤྱོད་པ་རི་མོ་དང་།། དྲི་དང་པདྨ་ཡོངས་བརྟགས་ལ།། གུས་པས་བསྟེན་ཅིང ་བརྩེ་བར་བྱ།། དམ་ཚིག་གསུམ་པ་ཡིན་པས་ངེས།། ཏིང་འཛིན་གསུམ་ལྡན་ངེས་པ་ཡིས།། སེམས་ཅན་སངས་རྒྱས་དབྱེར་མེད་ཀྱང་།། ནམ་མཁའི་མཐའ་དག་མཉམ་པར་དམིགས།། ནམ་ཡང་འབྲལ་བར་མི་བྱེད ་པ།། དམ་ཚིག་བཞི་པ་ཡིན་པར་བཤད།། བཛྲ། གསང་གསུམ་དམ་ཚིག་ལས་བྱུང་བ།། ཡབ་ཡུམ་གཉིས་མེད་བདེ་ཆེན་ལས།། བྱང་ཆུབ་སེམས་ཀྱི་ཆུ་རྒྱུད་འདིས།། རྡོ་རྗེ་རིགས་ཀྱི་དབང་བསྐུར་རོ།། ཨོཾ་བོ་དྷི་ཙིཏྟ ་ཨཱ་དཪྴ་ཛྙཱ་ན་བཛྲ་ཨ་བྷི་ཥིཉྩ་མཱཾ།། སྭཱ། སངས་རྒྱས་ཀུན་གྱི་རྒྱལ་སྲིད་ཆེ།། ཐོད་པ་ལྔ་ཡི་དབང་བསྐུར་བས།། རིན་ཆེན་རིགས་ཀྱི་དབང་བསྐུར་མཆོག། རིན་ཆེན་ཁྲག་འཐུང་བརྟན་གྱུར་ཅིག། ས་མནྟ་རཏྣ་བཛྲ་ཨ ་བྷི་ཥིཉྩ་མཱཾ།། ཨ། སངས་རྒྱས་ཀུན་གྱི་རྡོ་རྗེའི་དབང་།། རྡོ་རྗེ་གསུང་གིས་དོན་མཛད་པ།། པདྨ་ཁྲག་འཐུང་རྡོ་རྗེ་དཔལ།། རྡོ་རྗེ་ཆོས་ཀྱི་དབང་བསྐུར་རོ།། བཛྲ་ཨ་བྷི་ཥིཉྩ་མཱཾ། པྲཏྱ་བེཀྵ་ཎ་ཛྙཱ་ན་ཨ་བྷི་ཥིཉྩ་མཱཾ།། ཏྲ། ་མཁའ་འགྲོ་ཀུན་གྱི་དྲིལ་བུའི་དབང་།། རྟོག་མེད་ཆོས་ཀྱི་སྒྲ་འབྱིན་ཞིང་།། ལས་ཀྱི་ཁྲག་འཐུང་ཕྲིན་ལས་བདག། ཤེས་རབ་དྲིལ་བུའི་དབང་བསྐུར་རོ།། ཏིཥྛ་ཨ་ནུཥྚཱ་ན་བཛྲ་ཨ་བྷི་ཥིཉྩ་མཱཾ།། ཨོཾ། རྡོ་རྗེ་མིང་གི་ཆོས་ཉིད ་དེ།། ཅིས་ཀྱང་མི་ཚུགས་མི་ཤིགས་ཏེ།། སངས་རྒྱས་ཁྲག་འཐུང་ངོ་བོ་ཉིད།། རྡོ་རྗེ་མིང་དུ་དབང་བསྐུར་རོ།། དྷརྨ་དྷཱ་ཏུ་བི་ཤོ་དྷ། བཛྲ་ཨ་བྷི་ཥིཉྩ་མཱཾ།། ཐམས་ཅད་འདུས་པའི་ཡེ་ཤེས་ལ།། དྲུག་པ་རྡོ་རྗེ་གཞོན་ནུའི ་སྐུ།། ཟླ་བ་དྲུག་གིས་ངེས་པར་འགྲུབ།། ལྷ་ཀླུ་ཐམས་ཅད་དབང་སྡུད་ཅིང་།། མཁའ་འགྲོའི་གནས་སུ་མྱུར་དུ་འགྲོ།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས་དབང་གིས་ལེའུ་སྟེ་གཉིས ་པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས་ལ་འདི་སྐད་གསོལ།། ཨེ་མ་ཧོ་བཅོམ་ལྡན་ཁྲོ་བོའི་གཙོ།། སེམས་ཀྱི་ཞེ་སྡང་འདུལ་བའི་ཕྱིར།། རྡོ་རྗེ་རིགས་ཀྱི་དཀྱིལ་འཁོར་རྫས།། ལྷ་ཡི་དེ ་ཉིད་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། གནས་དང་དཀྱིལ་འཁོར་ཕུར་པ་དང་།། ལྷ་ཡི་སྐུ་མདོག་ཕྱག་མཚན་རྣམས།། ང་ཡིས་བཤད་ཀྱིས་ལེགས་པར་ཉོན།། རྡོ་རྗེ་རིགས་ཀྱི་སྒྲུབ་པའི ་གནས།། དུར་ཁྲོད་ཆེན་པོ་རབ་འཇིགས་དང་།། རི་དང་བྲག་དང་ས་ཡི་དབྱིབས།། རིགས་ཀྱི་མཚན་མར་ངེས་པ་དང་།། ཉམས་དགའ་བ་ཡི་ས་ཕྱོགས་སུ།། གནག་ཅིང་ཆེར་རྩུབ་ས་བཙལ་ལ།། རྡོ་རྗེའི ་དཀྱིལ་འཁོར་གྲུ་གསུམ་པ།། གྲུ་བཞི་མཉམ་ཞིང་འཐས་པར་བཞག། འབྱུང་ཆེན་རབ་འཇིགས་རཱུ་ཏྲ་བསྒྲལ།། དུར་ཁྲོད་དཀྱིལ་འཁོར་གཞི་ཡིན་ནོ།། རྡོ་རྗེ་ཐོད་པ་མཚན་ལྡན་ལ།། ཐིག་གདབ་དུར ་ཁྲོད་ཚོན་གྱིས་བྲི།། ལྕགས་སམ་སེང་ལྡེང་རྩུབ་པའི་ཤིང་།། དྲག་པོའི་ཕུར་པ་སོར་བརྒྱད་པ།། ཡེ་ཤེས་ལྔ་ཡི་བསྙེན་པ་བརྩམ།། དུར་ཁྲོད་ཐིག་ཚོན་རབ་ལྡན་པས།། འཁོར་ལོ་རྩིབས་བརྒྱད་རབ་བྲིས་ཏེ།། ཕུར་པའི ་དབྱིབས་ལ་ཁྲོ་བོར་རྫོགས།། ཏིང་འཛིན་རྫོགས་པའི་བསྙེན་པ་བརྩམ།། གྲུ་གསུམ་ཤེལ་གྱི་དཀྱིལ་འཁོར་ནི།། ཉི་ཤུ་རྩ་གཅིག་རབ་ཏུ་བྲི།། ཕུར་པ་ལྷ་ཡི་བསྒྲུབ་པ་བརྩམ།། དུར་ཁྲོད་ཐིག་ཚོན་རབ་ལྡན་པས།། དྲག ་པོའི་དཀྱིལ་འཁོར་གྲུ་གསུམ་ནི།། དྲག་པོའི་ཕུར་པས་ལས་ལ་སྦྱར།། དཀྱིལ་འཁོར་བཞི་ཡིས་ལས་བཞི་འགྲུབ།། རྡོ་རྗེ་ཕུར་པའི་བསམ་གཏན་གནས།། ཁམས་གསུམ་སེམས་ཅན་བསྒྲལ་གྱུར་ན།། བསད་པ་འདི ་ཡིས་མཆོག་ཐོབ་ཅིང་།། རྡོ་རྗེའི་རིགས་སུ་མངོན་འཚང་རྒྱ།། ཏིང་འཛིན་དཀྱིལ་འཁོར་རྒྱུ་ཉིད་ཀྱིས།། མཛེས་ཤིང་འཇིགས་པར་རབ་ཏུ་གནས།། ཕྱི་ནི་རིན་ཆེན་ལྔ་ལས་གྲུབ།། དབུས་སུ་ནོར་བུ་བཻ་ཌཱུརྱ།། ཤར་ནི ་ཤེལ་ཡིན་ལྷོ་ནི་གསེར།། ནུབ་ནི་པདྨརཱ་ག་ལ།། བྱང་ནི་ཨིནྡྲ་ནཱི་ལར་གནས།། རིན་ཆེན་ལྔ་ཡི་རྩིག་པས་མཛེས།། འདོད་ཡོན་ལྷ་མོ་རིན་ཆེན་བདག། མེ་ཏོག་ཕྲེང་བ་མུ་ཏིག་ཧར།། ཏ་ར་ཎ་ཞིང་འཁོར་ལོ ་གདུགས།། བ་དན་ལ་སོགས་རབ་ཏུ་མཛེས།། ཏོག་ནི་རྡོ་རྗེ་རྩེ་དགུ་པའོ།། ནང་ནི་དུར་ཁྲོད་གཞལ་ཡས་ཁང་།། ཀླུ་ཆེན་བརྒྱད་ཀྱི་ཀ་བ་ལ།། ཉི་མ་ཟླ་བ་ལྷ་ཡི་བུས།། ཀ་གདན་ཀ་གཞུ་མཛེས་པར་གནས།། ལྷ་ཆེན ་བརྒྱད་ཀྱི་གདུང་ལ་ནི།། ཟླ་བའི་སྐར་ཁུང་ཡང་དག་གནས།། གཟའ་ཆེན་བརྒྱད་ཀྱི་ཕྱམ་ལ་ནི།། ཉི་མའི་མཐོངས་ཁུང་བཅུ་ཡིས་མཛེས།། ཉི་ཤུ་རྩ་བརྒྱད་རྒྱུ་སྐར་གྱིས།། གྲལ་མ་རྣམས་སུ་རབ་ཏུ་མཛེས།། ཐོད་པ ་སྐམ་རློན་ར་རི་ཡིས།། ཕྱོགས་བཞིར་རྩིགས་པ་རབ་ཏུ་བྱས།། འབྱུང་པོ་བསྣོལ་བའི་མ་ཐེམས་བྱས།། ཆུ་སྲིན་ཡ་ཐེམས་ཉིད་དུ་གནས།། རོ་རློན་ལ་སོགས་སྐྱེས་བུ་ལ།། རིགས་བཞི་ཀླུ་ཡིས་སྒོ་བཞི་མཛེས།། དབུས ་ཀྱི་གྲུ་གསུམ་མཐིང་ནག་ལ།། ཟླ་གམ་དམར་པོ་གསུམ་དང་ལྡན།། འཁོར་ལོ་རྩིབས་བརྒྱད་ནག་པོར་གནས།། དུར་ཁྲོད་བརྒྱད་དུ་གནས་པ་སྟེ།། མཚོ་དང་ཀླུ་དང་སྤྲིན་དང་ནི།། ཞིང་སྐྱོང་ཕྱོགས་སྐྱོང་མཆོད་རྟེན ་དང་།། བྲག་དང་མེ་ཡི་རྣམ་པར་གནས།། རོ་ནི་རློན་པས་ར་རི་དང་།། ཀེང་རུས་བམ་རུལ་རྣམ་པར་འཐོར།། བྱ་གཅན་འཇིགས་པའི་མ་མོ་དང་།། སྲིད་པའི་མཁའ་འགྲོ་མང་པོ་གནས།། གཞལ་ཡས་མཛེས་ཤིང ་འཇིགས་པ་དེར།། ལྷ་ནི་བརྒྱད་དང་ཉི་ཤུ་གཉིས།། དབུས་སུ་དྲུག་པ་རྡོ་རྗེ་འཛིན།། རཱ་ཏྲ་བསྣོལ་བའི་གདན་སྟེངས་ན།། པདྨ་ཉི་ཟླ་བདུད་བཞི་མནན།། དཔལ་ཆེན་རྡོ་རྗེ་གཞོན་ནུ་ནི།། སྒེག་པ་དཔའ་བ་གར་དགུ ་པ།། རབ་འཇིགས་མེ་དཔུང་དཀྱིལ་ན་བཞུགས།། ཞལ་གསུམ་པ་ལ་ཕྱག་དྲུག་མཛེས།། ཞབས་གཉིས་གྱད་ཀྱི་དོར་ཐབས་བགྲད།། ཞབས་གཉིས་བརྐྱང་བསྐུམ་ཚུལ་དུ་བཞུགས།། སྒྲ་མཛེས་བཞད ་ཁྲོ་གཤེ་བའི་ཞལ།། སྤྱན་དམར་སྨིན་མ་སྨ་ར་སེར།། ཁྲོ་གཉེར་ཆུ་ནི་རླབས་བཞིན་འཁྲུགས།། ཕྱག་དྲུག་གཡས་ཀྱི་དང་པོ་ཡིས།། གསེར་གྱི་རྡོ་རྗེ་རྩེ་དགུ་བསྣམས།། བར་པ་རྡོ་རྗེ་རྩེ་ལྔ་བསྣམས།། གཡོན་གྱི་དང་པོ ་མེ་དཔུང་བསྣམས།། བར་པ་ཁ་ཊྭཱཾ་རྩེ་གསུམ་བསྣམས།། མཐའ་གཉིས་རི་རབ་ཕུར་པ་འདྲིལ།། མཐིང་ནག་སྐུ་ལ་དུར་ཁྲོད་བརྒྱན།། རིགས་ལྔ་ཐོད་པ་ལྔ་ཡིས་བརྒྱན།། ཀླུ་ཆེན་བརྒྱད་དང་ཐོད་པས་བརྒྱན།། འཁོར ་ལོ་རྒྱས་འདེབས་བདེ་བའི་ཡུམ།། ཞལ་གཅིག་ཕྱག་གཉིས་བདེ་བའི་སྐུ།། སྦྲུལ་དང་ཐོད་པ་གཟིགས་གིས་བརྒྱན།། དྲིལ་བུ་ཐོད་ཁྲག་ཕྱག་ན་བསྣམས།། ཨེ་ཀ་ཙ་ཏི་སྒྲོལ་བའི་ཡུམ།། གྲི་གུག་ཐོད་ཁྲག་ཁམས་གསུམ ་སྒྲོལ།། རེས་འགའ་ཁ་ཊཾ་རྩེ་གསུམ་བསྣམས།། གཡེར་ཁ་དྲིལ་བུ་ཉིད་ལ་ཡང་།། རྟོག་མེད་ཆོས་ཀྱི་སྒྲ་འབྱིན་མ།། མ་མོ་བཅུ་དྲུག་ཕོ་ཉར་འགྱེད།། ཡབ་ཡུམ་གཉིས་མེད་སྦྱོར་བའི་སྲས།། སྟོད་ནི་གཙོ་བོ་ཡབ་འདྲ ་ལ།། སྨད་ནི་ཆུ་སྲིན་ཕུར་བུའི་དཔལ།། རྡོ་རྗེ་ཕུར་པས་དགྲ་བགེགས་སྒྲོལ།། དེ་ནས་ཕྱོགས་སྐྱོང་ཚར་བཅད་ཕྱིར།། འོད་ཀྱི་གོང་བུ་སྒོ་ང་བཅུ།། ཡབ་ཡུམ་ཕྲ་ཐབས་ཉི་ཤུར་བཅས།། སྟེང་འོག་ཉི་ཟླའི་གདན ་སྟེང་དུ།། རྡོ་རྗེ་ཁྲོ་བོ་ཧཱུཾ་མཛད་དང་།། ཡུམ་ཆེན་རྡོ་རྗེ་སྒྲ་འབྱིན་མ།། སྤྲུལ་པ་གཡག་དང་སྨིག་བུའི་མགོ། ཤར་ཕྱོགས་དྲི་ཟའི་གདན་སྟེང་དུ།། ཁྲོ་བོ་རྡོ་རྗེ་རྣམ་པར་རྒྱལ།། ཡུམ་ཆེན་རྡོ་རྗེ་སྙེམས་མ་དང་།། སྤྲུལ་པ ་སྟག་དང་བྱ་རྒོད་མགོ། ཤར་ལྷོ་མེ་ལྷའི་གདན་སྟེང་དུ།། ཁྲོ་བོ་རྡོ་རྗེ་དབྱུག་སྔོན་ཅན།། ཡུམ་ཆེན་རྡོ་རྗེ་སྡེར་མོ་དང་།། སྤྲུལ་པ་གཡག་དང་བྱ་རོག་མགོ། ལྷོ་ཕྱོགས་གཤིན་རྗེའི་གདན་སྟེང་དུ། ཁྲོ་བོ་རྡོ་རྗེ་གཤིན་རྗེའི ་གཤེད།། ཡུམ་ཆེན་དུར་ཁྲོད་བདག་མོ་དང་།། སྤྲུལ་པ་ཤ་བ་འུག་པའི་མགོ། ལྷོ་ནུབ་སྲིན་པོའི་གདན་སྟེང་དུ།། ཁྲོ་བོ་ཆེན་པོ་མི་གཡོ་མགོན།། ཡུམ་ཆེན་རྡོ་རྗེ་གཏུན་ཁུང་མ།། སྤྲུལ་པ་གཟིག་དང་ཁྭ་ཏའི་མགོ། ནུབ ་ཕྱོགས་ཀླུ་ཡི་གདན་སྟེང་དུ། ཁྲོ་བོ་ཆེན་པོ་རྟ་མགྲིན་རྒྱལ།། ཡུམ་ཆེན་རྡོ་རྗེ་གཏུམ་མོ་དང་།། སྤྲུལ་པ་བྱི་ལ་པུ་ཤུད་མགོ། ནུབ་བྱང་རླུང་ལྷའི་གདན་སྟེང་དུ།། ཁྲོ་བོ་ཆེན་པོ་གཞན་མི་ཐུབ།། ཡུམ་ཆེན་རྡོ་རྗེ་མདའ ་སྙེམས་མ།། སྤྲུལ་པ་སྦྱང་ཀི་ཁྲ་ཡི་མགོ། བྱང་ཕྱོགས་གནོད་སྦྱིན་གདན་སྟེང་དུ།། ཁྲོ་བོ་རྡོ་རྗེ་བདུད་རྩི་འཁྱིལ།། ཡུམ་ཆེན་རྡོ་རྗེ་རླུང་འབྱིན་མ།། སྤྲུལ་པ་ཕ་ཝང་སེང་གེའི་མགོ། བྱང་ཤར་འབྱུང་པོའི་གདན ་སྟེང་དུ།། ཁྲོ་བོ་རྡོ་རྗེ་ཁམས་གསུམ་རྒྱལ།། ཡུམ་ཆེན་རྡོ་རྗེ་གསོད་མ་དང་།། སྤྲུལ་པ་དོམ་དང་སྲེ་མོ་མགོ། འོག་ཕྱོགས་ས་བདག་གདན་སྟེང་དུ།། ཁྲོ་བོ་རྡོ་རྗེ་སྟོབས་པོ་ཆེ།། ཡུམ་ཆེན་རྡོ་རྗེ་བསྐྱོད་མ་དང་།། སྤྲུལ་པ ་དྲེད་དང་བྱི་ལའི་མགོ། ལྷ་ནི་བཞི་བཅུ་གཉིས་རྣམས་ཀྱང་།། ཞལ་གཅིག་ཕྱག་གཉིས་མདོག་ནག་གཟུགས།། སྟག་དང་གཟིག་གི་ཤམ་ཐབས་ཅན།། མཆེ་བ་ཅན་དང་གཤོག་པ་ཅན།། ཕྲ་མེན་མགོ ་བརྙན་ཉི་ཤུ་ནི།། སྦྲུལ་དང་ཐོད་པས་རབ་ཏུ་བརྒྱན།། ཕུར་པ་ལྕགས་ཀྱུ་ཕྱག་ན་བསྣམས།། སྐྲ་བརྫེས་སྤྱན་དམར་མཆེ་བ་གཙིགས།། དུས་མཐའི་འོད་ཟེར་འཕྲོ་བས་འཁྲུགས།། དྲོད་གཤེར་ལས་སྐྱེས་སྒོ་མ ་བཞི།། ཤར་ཕྱོགས་དྲི་ཟའི་གདན་སྟེང་དུ།། སྐྱེ་ཀའི་མགོ་ཅན་ལྕགས་ཀྱུ་མ།། ལྷོ་ཕྱོགས་གྲུལ་བུམ་གདན་སྟེང་དུ།། པུ་ཤུད་མགོ་ཅན་ཞགས་པ་མ།། ནུབ་ཕྱོགས་ཆུ་བདག་གདན་སྟེང་དུ།། སྲིན་བྱའི་མགོ་ཅན་ལྕགས ་སྒྲོག་མ།། བྱང་ཕྱོགས་གནོད་སྦྱིན་གདན་སྟེང་དུ། ཁྲ་ཡི་མགོ་ཅན་དྲིལ་བུ་མ།། འདི་བཞི་ཞལ་གཅིག་ཕྱག་གཉིས་མ།། དཀར་སེར་དམར་དང་ལྡང་བའི་མགོ། གཟིག་དང་ཐོད་སྦྲུལ་རྒྱན་དུ་བྱས།། བསྐུམ་ཞིང་བརྐྱང ་བའི་ཞབས་ཀྱིས་གནས།། ཕྱག་གཡོན་ཕུར་པ་འདེབས་པར་མཛད།། མེད་དཔུང་དཀྱིལ་ན་ཁྲོ་ཚུལ་བཞུགས།། ལྷ་ནི་བརྒྱད་དང་བཞི་བཅུ་རྣམས།། དྲག་པོའི་ཚུལ་གྱིས་ཞེ་སྡང་འཇོམས།། འདི་ཡིས་ལུས་ངག་སེམས ་སྦྱངས་ཏེ།། བདུད་ཀྱི་འཚེ་བ་ཞི་བ་དང་།། ཚེ་འདི་ཉིད་ལ་བུདྡྷར་འགྱུར།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། དཀྱིལ་འཁོར་ལྷའི་ལེའུ་སྟེ་གསུམ་པའོ།། །། དེ་ནས་རྣམ ་རྒྱལ་ཁྲོ་བོ་ཡིས།། བཅོམ་ལྡན་འདས་ལ་འདི་སྐད་གསོལ།། ཨེ་མ་ཧོ་བཅོམ་ལྡན་རིག་པའི་གཙོ།། དུག་ལྔ་རྩད་ནས་བཅད་པའི་ཕྱིར།། རྡོ་རྗེ་ཁྲག་འཐུང་ཁྲོ་ཚོགས་ཀྱི།། མངོན་རྟོགས་རིམ་པ་བཤད་དུ ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། དུག་འཇོམས་ཡེ་ཤེས་ལྔ་ལྡན་འདི།། ང་ཡིས་བཤད་ཀྱིས་ལེགས་པར་ཉོན།། དང་པོ་བདུད་བཞི་ལོག་འདྲེན་ཚོགས།། ཚར་གཅད་བསྲུང་བ་རབ་ཏུ་བྱ།། སེམས ་བསྐྱེད་གཞན་ལ་རབ་དམིགས་ལ།། ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ནམ་མཁའ་རྡོ་རྗེ་ཏིང་འཛིན་གནས།། རྫུས་སྐྱེས་གཙོ་འཁོར་ཁྲོ་བོ་ནི།། སྐད་ཅིག་ཙམ་ལ་རབ་ཏུ་གསལ།། སྒྲ་ཡི་རྐྱེན་གྱིས་ཡོངས ་སུ་རྫོགས།། ཧཱུཾ་ཉོན་ཅིག་བགེགས་དང་ལོག་འདྲེན་ཚོགས།། ང་ཡི་བཀའ་ལས་འདའ་མ་བྱེད།། རྡོ་རྗེ་གསང་བའི་བཀའ་ལས་ནི།། སྡིག་ཅན་གང་ཞིག་འདའ་བྱེད་པ།། སྟོབས་ཆེན་ཁྲོ་བོ་ཆེན་པོ་ཡིས།། ཀླད་པ་ཚལ ་པ་བརྒྱ་རུ་ཁོས།། ལུས་ཀྱང་དུམ་བུ་སྟོང་དུ་གཏུབས།། སྙིང་ཡང་ཚལ་པ་བདུན་དུ་གཏུབས།། དྲག་པོ་སྔགས་ཀྱིས་ཚར་གཅོད་དོ།། ཨོཾ་བཛྲ་སཏྭ་ཧཱུཾ།། ཉི་ཤུ་རྩ་གཅིག་ཉམས་པ་བསྐང་།། ཕྱི་ནང་གསང་བ་རབ་ཏུ ་བརྗོད།། མཚན་ལྡན་རྡོ་རྗེ་ཀ་པཱ་ལར།། བདུད་རྩི་ལྔ་དང་རཀྟའི་ཚོགས།། ཤ་ཁྲག་རུས་པ་གཏོར་མར་བཤམ།། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱི་ཥཱ། ཨོཾ་ཨཱཿཧཱུཾ་མ་ཧཱ་རཀྟ་ཛ་ལ་ས་མུཉྩ་ཧཱུཾ། ཨོཾ་ཨཱཿཧཱུཾ་བ་ལིཾ་ཏ་ཏེ་ཛ་བ་ལི་ཏ ་བ་ལ་བ་ཏེ་གུ་ཡ་ས་མ་ཡ་ཧཱུཾ། སྔགས་ཀྱི་སྒྲ་ཡིས་དག་པ་གསུམ།། མཆོད་རྫས་རང་བཞིན་དུག་ལྔ་དང་།། དུག་གསུམ་མཆོད་པ་བླ་ན་མེད།། ཧཱུཾ་རྡོ་རྗེ་ཁྲོས་པས་ཞེ་སྡང་གཅོད།། མཚོན་ཆ་སྔོན་པོ་འབར ་བ་ཡིས།། ནམ་མཁའི་དཀྱིལ་ནས་ཤར་བ་འདྲ།། སྲོག་གི་གོ་རུ་ཤར་བ་དང་།། སྙིང་གི་གོ་རུ་བསྒོམ་པར་བྱ།། ཧཱུཾ་ཨེ་ཡཾ་ར་སུཾ་ཀོ་རཾ་བྷྲཱུཾ། བྷྱཱཾ་བི་ཤྭ་བི་ཤུདྡྷེ་ཛྙཱ་ན་ཙ་ཀྲ་མཎྜ་ལ་བྷྱཱཾ། སྲོག་ལས་ནམ་མཁའ་གྲུ་གསུམ་དང་།། ་རླུང་ཁྲག་ཤ་ཆེན་ཀེང་རུས་མེ།། འཇིགས་པའི་དུར་ཁྲོད་གཞལ་ཡས་ཁང་།། སྒྲ་ཡི་རྐྱེན་གྱིས་རབ་ཏུ་རྫོགས།། ཛཿཧཱུཾ་བཾ་ཧོཿ།། ཏི་རཾ་བཾ། ཨ་མ་པཾ་ལས་རྫོགས་པའི་གདནཾ།། རཱ་ཏྲ་ཕོ་མོ་དམ་སྲིན་བཅུ།། བདུད་བཞི ་བགེགས་བཞི་ཡབ་ཡུམ་རྣམས།། ཁ་སྦུབ་གན་རྒྱལ་བྱི་ཆིངས་མནན།། པདྨ་ཉི་ཟླ་ཡོན་ཏན་སྒྲས།། རབ་བསྐྱེད་འོད་ཟེར་རབ་ཏུ་འཁྲུགས།། ཧཱུཾ་ཧཱུཾ་གདུག་པ་འཇོམས་བྱེད་ཚོགས།། ཨོཾ་ཨཱཿབཛྲ་སཏྭ་ཧཱུཾ། རྡོ་རྗེ་སེམས ་དཔའ་ཡབ་ཡུམ་ནི།། མཚན་དང་དཔེ་བྱད་ཡང་དག་རྫོགས།། རྡོ་རྗེ་དྲིལ་བུ་བདེ་བར་འཁྱུད།། ཀུནྡ་ལྟ་བུར་དཀར་བའི་མདོག། རིགས་ལྔ་ཁྲག་འཐུང་ཡབ་ཡུམ་བཅུ།། འདུས་པའི་རྡོ་རྗེ་གཞོན་ནུའི་སྒྲ།། ཨོཾ་བཛྲ་ཀི་ལི ་ཀཱི་ལ་ཡ་དཱིབྡ་ཙཀྲ་ཧ་ན་ཧ་ན་རུ་ལུ་རུ་ལུ་ཧཱུཾ་བྷྱོ་ཧཱུཾ། ཞེས་པ་ཁྲག་འཐུང་རྒྱལ་པོ་དང་།། བདེ་བར་སྒྲོལ་བར་བྱེད་པའི་ཡུམ།། ཁྲོ་ཞིང་རྔམས་པའི་ཚུལ་བསྐྱེད་པས།། གདུག་པ་མ་ལུས་སྒྲོལ་བར་བྱེད།། ཧཱུཾ། སྙིང་རྗེས ་བསྒྲལ་བའི་དམ་ཚིག་ནི།། གསད་ཅིང་གནན་པ་མ་ཡིན་ཏེ།། ཕུང་པོ་རྡོ་རྗེས་གཏམས་བྱས་ན།། རྣམ་པར་ཤེས་པ་རྡོ་རྗེར་བསྒོམ།། སྲག་གི་གོ་རུ་ཤར་བ་དང་།། སྙིང་གི་གོ་རུ་བསྒོམ་པར་བྱ།། སྒྲ་ཡི་སྟོབས་ཀྱིས ་གསལ་བར་བསྒོམ།། ཡབ་ཡུམ་མཁའ་གསང་བྱིན་གྱིས་བརླབ།། ཨ་དང་ཧཱུཾ་ལས་རབ་ཏུ་སྦྱངས།། ཡུམ་གྱི་ཡབ་ཀྱི་ལྕེ་གཞིབས་ནས།། ཡུམ་གྱི་ཐུགས་ཀར་ཨུཏྤལ་གཏད།། གདུང་བའི་ང་རོ་འདི་སྐད་བརྗོད།། ཧཱུཾ་རྡོ་རྗེ ་གཞོན་ནུའི་རིག་འཛིན་རྣམས།། སྲིད་པ་རྡོ་རྗེར་གྲུབ་མཛོད་ཅིག། སྲིད་པ་རྡོ་རྗེ་ཕུར་པའི་ལྷ།། ཡེ་ཤེས་ཁྲོ་བོ་གྲུབ་པར་མཛོད།། ས་མ་ཡ་ཧོ།། ས་མ་ཡ་སྟྭཾ། ཞེས་བརྗོད་པས་ཡབ་ཡུམ་བདེ་བས་སྒོ་ང་བཅུ་ཕྱུང་སྟེ། ་ཕྱོགས་བཅུ་རབ་ཏུ་སྤྲོ།། ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། གརྫ་ཧཱུཾ་ཕཊ། གརྫ་ཧཱུཾ་ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧཱུཾ་ཕཊ། ཧ་ན་ཧཱུཾ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ཧཱུཾ་ཕཊ། ད་ཧ་ཧཱུཾ་ཕཊ། ཨོཾ་བཛྲ་ཀྲོ་དྷ་ཡ་མཱན་ཏ ་ཀ་ཧཱུཾ། པ་ཙ་ཧཱུཾ་ཕཊ། པ་ཙ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་བྷྱོ་ཧཱུཾ། བནྡྷ་ཧཱུཾ་ཕཊ། བནྡྷ་ཧཱུཾ་ཕཊ། ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧྲི། ཧུ་ལུ་ཧཱུཾ་ཕཊ། ཧུ་ལུ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་པཱ་ར་ཛི་ཏ་ཧཱུཾ། ཏིཥྛ་ཧཱུཾ་ཕཊ། ཏིཥྛ་ཧཱུཾ་ཕཊ། ་ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡ་ཧཱུཾ་ཕཊ། ཙྪིནྡ་ཧཱུཾ་ཕཊ། ཨོཾ་བཛྲ་ཀྲོ་དྷ་ཏྲེ་ལོ་ཀྱ་བི་ཛ་ཡ་ཧཱུཾ། བྷིནྡ་ཧཱུཾ་ཕཊ། བྷིནྡ་ཧཱུཾ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཀྲོ་དྷ་ཧཱུཾ། སྥོ་ཊ་ཧཱུཾ་ཕཊ། སྥོ་ཊ་ཧཱུཾ་ཕཊ། ཡབ་ཀྱིས་དེ་བརྗོད་སྒྲ ་སྟོབས་ཀྱིས།། ཁྲོ་བོ་ཡབ་ཡུམ་མགོ་བརྙན་ཚོགས།། ལྷ་ནི་བཞི་བཅུ་ཟམ་པ་བསྐྱེད།། ཉི་ཟླ་ཡི་གེ་བཞི་ཉིད་ལས།། ཨོཾ་བཛྲ་ཀཱི་ལི་ཀི་ལ་ཡ་བི་དྷ་ཡ་བིང་བིང་ཧཱུཾ་ཕཊ། ཨོཾ་བཛྲ་ཀཱི་ལི་ཀི་ལ་ཡ་ན ་མཿསརྦ་ཏ་ཐཱ་ཧྲིང་ཧྲིང་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་པྲ་སུ་རུ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་མཱ་ར་ཡ་ཧཱུཾ་ཕཊ། དྲོད་དང་གཤེར་ལས་གྲུབ་པ་ཡི།། སྔགས་བརྗོད་ཁྲོ་མོ་བཞི་པོ་བསྐྱེད།། ཡབ་ཡུམ ་འདོད་ཆགས་ང་རོ་བརྗོད།། བྱིན་གཉིས་དམ་དུ་རབ་འཁྱུད་དེ།། ལག་པ་དམ་འཁྱུད་མ་མཆུ་འཇིབས།། ཧཱུཾ་སངས་རྒྱས་ཀུན་གྱི་ཡེ་ཤེས་སྐུ།། ངང་ཉིད་རྡོ་རྗེའི་ཆོས་དབྱིངས་ལས།། འབར་བའི་ཁྲོ་བོ་མི་བཟད་པ།། སྐུ ་ཡི་དབྱིག་ཏུ་སྲས་བསྐྱེད་ཅིང་།། དེ་བརྗོད་བདེ་བའི་རྦ་རླབས་ཀྱིས།། ཡི་གེ་འཇོམས་བྱེད་སྒྲ་ཡིས་བསྐྱེད།། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། སྲས་མཆོག་རྡོ་རྗེ་ཕུར་པ་ནི།། ཡུམ་གྱི་བྷ་གར་སྐུ་གསུམ ་རྫོགས།། བཛྲ་ས་མ་ཡ་ཛཿ། དེ་བརྗོད་ཡབ་ཀྱི་ཕྱག་གི་བླངས།། ཕྱག་ནི་རིགས་ལྔ་ཡབ་ཡུམ་བཅུ།། ས་མ་ཡ་ཧོ།། ས་མ་ཡ་སྟྭཾ། བདེ་བའི་རླབས་ཀྱིས་དབང་བཞི་བསྐུར། ཨོཾ་བཛྲ་ཀཱི་ལི་ཀཱི་ལ་ཡ་ཨ་བྷི་ཥེ་ཀ་ཧཱུཾ ་ཕཊ།། རིགས་ལྔ་དབུ་ཡི་གཙུག་ཏོར་ཅན།། ཐམས་ཅད་འདུས་པའི་སྲས་མཆོག་སྟེ།། དུག་ལྔ་རྩད་ནས་གཅོད་པར་བྱེད།། སངས་རྒྱས་འདུས་པ་ཐམས་ཅད་ཀྱིས།། སྐུ་གསུང་ཐུགས་སུ་བྱིན་གྱིས་བརླབ།། ཨོཾ་བུདྡྷ་ཀཱི། ་ལི་ཀི་ལ་ཡ་བཛྲཱ་ཎཱཾ་ཛ་ལ་ཛ་ལ་པྲ་ཛ་ལ། སྠཱ་ཊ་སྠཱ་ཊ་སརྦ་ན་ས་པ་ན་ཡེ་ཧཱུཾ་ཕཊ། ཨོཾ་པདྨ་ཀི་ལི་ཀི་ལ་ཡ་ཝཱ་ཀ་བཛྲ་ཎཱཾ་སརྦ་དུཥྚཱ་ན་ཧྲི་ཤོ་དྷ་ཡ་ཧཱུཾ་ཕཊ། ཨོཾ་བཛྲ་ཀི་ལི་ཀི་ལ་ཡ་བཛྲ་ཙིཏྟ་ནན། ཙྪིནྡ་ཙྪིནྟ་ཧཱུཾ་ཕཊ། ལུས་ཀྱི་བ ་སྤུའི་བུ་ག་ཀུན།། ཁྲོ་ཆུང་ཉིད་ཀྱི་རབ་ཏུ་གཏམས།། ཨོཾ་བཛྲ་ཀཱི་ལི་ཀི་ལ་ཡ་བེ་ཏ་ལཱི་མཎྜལ་རཀྵ་རཀྵ་ཧཱུཾ་ཕཊ། ལུས་ནི་བཀྲག་དང་ལྡན་པ་དང་།། བ་སྤུའི་བུ་ག་རྡོ་རྗེ་གཏམས།། ཨོཾ་བཛྲ་ཀཱི་ལི་ཀཱི་ལི་ཡ་མ་གུ་ཏ་ལ་ཏ་ལ ་པྲ་ཏ་ལ་ཧཱུཾ་ཕཊ། ཨོཾ་བུདྡྷ་ཐམས་ཅད་འདུས་པའི་སྐུ།། ཁྲོ་བོ་དུ་མས་བྱིན་གྱིས་བརླབ།། ཁམས་གསུམ་གདུག་པ་བསྒྲལ་བའི་ཕྱིར།། གདུལ་བྱའི་གདན་ལ་བཞུགས་སུ་གསོལ།། ས་མ་ཡ་ཏིཥྛ། སྒྲ་ཡི་སྟོབས་ཀྱི་ཡུབ ་ཡུམ་གྱི།། སྔོན་དུ་བཀའ་སྟོང་ཚུལ་དུ་ནི། ཁྲག་འཐུང་འདུས་པའི་ཕུར་པ་ནི།། སྲས་ཀྱི་མཆོག་ཏུ་རབ་ཏུ་དམིགས། ཁྲག་འཐུང་འདུས་པའི་དཀྱིལ་འཁོར་ལ།། དབང་ནི་རབ་ཏུ་བླང་བར་བྱ།། དང་པོ་བདེ་བའི་སྐུ་ཡིས ་མཆོད།། ཧཱུཾ་ཐབས་ཀྱིས་སྤྱོད་པས་འགྲོ་དོན་དུ།། བྱམས་དང་སྙིང་རྗེས་གང་འདུལ་བ།། སངས་རྒྱས་ཕྲིན་ལས་རྫོགས་མཛད་པ།། དབང་དང་བྱིན་བརླབས་བདག་སྩོལ་ཅིག། དབང་བཞི་རྫོགས་པར་རབ་ཏུ ་བླངས།། ཨོཾ་ཨཱཿཧཱུཾ། ཧཱུཾ་ཧཱུཾ་ཧཱུཾ། འགྲོ་དྲུག་ཉོན་མོངས་བཅིངས་པ་རྣམས།། ཧཱུཾ་གིས་དུག་ཆེན་རབ་སྦྱང་སྟེ།། ཨ་ནརྀ་སུ་ཏྲི་པྲེ་དུར་འགྱུར།། རཾ་ཡཾ་ཁཾ་ལས་མེ་རླུང་ཆུས།། འགྲོ་བ་རབ་སྦྱངས་ཧཱུཾ་དུ་གྱུར། ཁམས ་གསུམ་ཐམས་ཅད་རྡོ་རྗེ་སེམས།། ཏིལ་གྱི་གོང་བུས་ལྟ་བུས་གང་།། ཧཱུཾ་རྟ་མགྲིན་རྒྱལ་པོ་ཡེ་ཤེས་ལ།། བསྟིམས་པས་བྱང་ཆུབ་སེམས་རྒྱས་གྱུར།། ཡབ་ཡུམ་གཉིས་མེད་སྦྱོར་བའི་སྒྲས།། ཡེ་ཤེས་ཁྲོ ་བོཔོ་སྤྱན་དྲངས་ཏེ།། ཧཱུཾ་སྲིད་པའི་ཕུར་བུ་སྒྲུབ་པ་དང་།། དབང་དང་དངོས་གྲུབ་བླང་བའི་ཕྱིར།། ཡེ་ཤེས་ཁྲོ་བོ་གཤེགས་སུ་གསོལ།། ཁྲོ་བོ་ཆེན་པོ་གཤེགས་ནས་ཀྱང་།། རྟགས་དང་མཚན་མ་བསྟན་པ་དང་།། རྡོ་རྗེ ་ཕུར་པའི་དངོས་གྲུབ་སྩོལ།། ཨོཾ་བཛྲ་ཀཱི་ལི་ཀཱི་ལ་ཡ་ས་མ་ཡ་ཛཿ། ཨ་ཏི་པུ་ཧོ།། པྲ་ཏི་ཙྪ་ཧོ། སརྦ་ཏ་ཐཱ་ག་ཏ་བནྡ་ནཾ་ཀ་རོ་ཡཱ་མི། ཛཿཧཱུཾ་བཾ་ཧོཿ། ཡབ་ཡུམ་བདེ་བའི་སྦྱོར་བ་ལས།། མཆོད་པ་རྣམས་དང་འདོད་ཡོན ་ལྔ།། བདེ་བའི་མཆོད་པ་རབ་ཏུ་བརྩམ།། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། སརྦ་བིགྷྣཱཾ་བཾ་ཧཱུཾ་ཕཊ། པཱུ་ཛ་བཛྲ་སྭ་བྷ་ཝ་ཨཱཏྨ་ཀོ&ཧཾ། གཏོར་མས་ལྷ་རྣམས་ཚིམ་པར་བྱ།། ཧཱུཾ་མཐུ་རྩལ་དབྱུང་བའི་དུས་ལ་བབ།། དམ ་ཚིག་ཆེན་པོའི་དུས་ལ་བབ།། སྤྲུལ་པ་ཆེན་པོའི་དུས་ལ་བབ།། ཕྱག་བརྙན་ཆེན་པོའི་དུས་ལ་བབ།། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། སརྦ་བིགྷྣཱཾ་བཾ་ཧཱུཾ་ཏུཾ་ཕཊ། མ་ཧཱ་བ་ལི་ཏ་ཁཱ་ཧི། དུག་གསུམ་མཆོད་པ་རབ་ཕུལ ་བས།། སངས་རྒྱས་སྐུ་གསུང་ཐོབ་པར་འགྱུར།། བདུད་རྩི་ལྔ་ཡི་མཆོད་པ་ཡིས།། ཁྲོ་བོའི་ཚོགས་རྣམས་མཉེས་པར་འགྱུར།། ཨོཾ་བཛྲ་ཀཱི་ལི་ཀཱི་ལ་ཡ་ན་མཿསརྦ་ཏ་ཐཱ་ག་ཏ་ཨརྒྷཾ་པྲ་ཏཱི་ཙྪ་ཧོ། ཤྲཱི་པཉྩ་ཨ་མྲྀ་ཏ། ཁཱ་ཧི་ཁཱ ་ཧཾ། ཁ་རཾ་ཁཱ་ཧི། ཁ་རཾ་ཁཱ་ཧི། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ།། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། པཉྩ་ཨ་མྲྀ་ཏ་ཁ་རཾ་ཁཱ་ཧི། བདུད་རྩི་ལྔ་ཡི་མཆོད་པ་ཡིས།། དུག་ཆེན་ལྔ་པོ་རབ་དག་ནས།། སངས་རྒྱས་ལྔ་ཡི་ངོ་བོར ་གྱུར།། ཨོཾ་ཨཱཿཧཱུཾ། ཤེས་རབ་ཐབས་ཀྱི་ངོ་བོ་ལས།། སངས་རྒྱས་སྐུ་གསུང་ཐུགས་རྣམས་འགྲུབ།། འདོད་ཆགས་རབ་ཏུ་དག་བྱའི་ཕྱིར།། རཀྟའི་མཆོད་པ་བརྩོན་པར་བྱ།། ཧཱུཾ་དངོས་གྲུབ་པར་ཆོད་བྱེད་པའི ་བགེགས།། གདུག་ཅིང་སྡང་སེམས་ལྡན་པ་རྣམས།། ཟུང་ཞིག་རྒྱོབ་ཅིག་རྣམ་པར་ཆིངས།། གཏོགས་ཤིག་གྲོགས་དང་བྲལ་བར་གྱིས།། རེངས་པར་ཁུག་ལ་སྨྲར་ཆུག་ཅིག། ཕོབ་ཅིག་རྣམ་པར་གཟིར་བར་གྱིས།། ང ་ཡི་དབང་དུ་གྱུར་ནས་ཀྱང་།། བསྒོ་བའི་བཀའ་འདི་ཉན་པར་བྱོས།། མ་ཧ་རཀྟ་ཁཱ་ཧི། ཧཱུཾ་བྲན་དང་བཀའ་ཉན་ཕོ་ཉའི་ཚོགས།། ཁྱེད་ཀྱི་དམ་ཚིག་དུས་ལ་བབ།། སྔོན་ཆད་ཇི་བཞིན་བཅས་པ་ཡིས།། མངོན་སྤྱོད་ཕྲིན ་ལས་མྱུར་དུ་མཛོད།། མ་ཧཱ་རཀྟ་ཁཱ་ཧི། ཧཱུཾ་དངོས་གྲུབ་བར་ཆད་བྱེད་པའི་བགེགས།། གདུག་ཅིང་སྡང་སེམས་ལྡན་པ་རྣམས།། ལྷའམ་འོན་ཏེ་བདུད་ཀྱང་རུང་།། ང་ལ་བར་ཆད་བྱེད་པ་རྣམས།། མཐུ་དང་རྫུ་འཕྲུལ ་མེད་པར་ཤོག། མ་ཧཱ་རཀྟ་ལ་ཁཱ་ཧི། ལག་པ་ཁྲག་འཐུང་ཡབ་ཡུམ་བཅུས།། དུག་གསུམ་རྩད་ནས་བཅད་པའི་ཕྱིར།། ཁམས་གསུམ་ཡོངས་སྒྲོལ་སྦྱོར་བར་བྱ།། ཧཱུཾ་རྡུངས་ཤིག་རྡོ་རྗེ་འབར་བའི་གཏུན།། བཀའ ་ལས་འདའ་བྱེད་སྡིག་ཅན་རྣམས།། རྡོ་རྗེ་མེ་དཔལ་སྙིང་བསྲེག་ནས།། ལུས་ངག་རྡུལ་ཕྲན་བཞིན་དུ་རློགས།། ཁྲོ་མོ་འབར་བའི་གཏུན་ཁུང་དུ།། རྡོ་རྗེ་ཐོ་བས་བརྡུང་བྱས་ནས།། ལྷ་ཡང་རུང་སྟེ་བསྒྲལ ་བར་གྱིས། ཁ་ཐཾ་ཁ་ཐཾ་ཁ་ཐཾ། ཁཱ་ཧི་ཁཱ་ཧི་ཁཱ་ཧི། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧ་ཧ་ཧ། དཔལ་ལྡན་ཁྲག་འཐུང་འཁོར་བཅས་ཀྱིས།། འགྲོ་བ་རིགས་དྲུག་སེམས་ཅན་གྱི།། དུག་གསུམ་རྩད་ནས་བཅད་པར་འགྱུར། ་ཚོགས་ཀྱི་དཀྱིལ་འཁོར་རྣམ་པ་གསུམ།། མཆོད་དང་བཤགས་དང་བསྟབ་པ་བྱ།། ལྷག་མས་མཁའ་འགྲོ་མཉེས་པར་འགྱུར།། ལྷག་མ་རྣམ་པ་གཉིས་ཡིན་ཏེ།། དཔལ་གྱི་ལྷག་མ་དང་། རིག་འཛིན་གྱི་ཕུད། རིག ་ཛིན་གྱི་ལྷག་མ་བསྲེས་ལ། རང་གི་ཁར་རཀྟ་དང་ཆང་བླག་ལ། རྟ་མགྲིན་གྱི་ཕྱག་རྒྱ་བཅས་ལ། རང་གི་ལྕེ་ཐོག་ཏུ་ཧྲཱིཿཛི་ལ་རྟ་མགྲིན་ཡབ་ཡུམ་ཞལ་གཅིག་ཕྱག་གཉིས་པ་དམར་པོ་པདྨ་ཐོད་ཁྲག་ཅན་དུ་བསམ ་ཕྱག་རྒྱ་བྱས་ཏེ་གཏོར་མ་ཡང་། དེ་ཁོ་ན་འདྲ་བར་བསམ་ཁ་ཕྲུ་ཕྱག་རྒྱ་ནས་གཏོར་མར་བཏབ་པས། ལྕེའི་རྟ་མགྲིན་ཡབ་ཡུམ་སྦྱོར་བ་བྱས་པའི་ཐིག་ལེ་འོད་དུ་ཞུ་ཕྱག་རྒྱ་ལ་ཕོག་སྟེ། སྦྱོར་བས་གཏོར་མར་འོད་དུ་ཞུ ་ནས། བདུད་རྩི་མུ་ཏིག་དཀར་པོ་ལྟ་བུར་གྱུར། དམ་ཅན་རྣམས་ཀྱིས་གསོལ་ནས་པར་ཆོད་བསལ་ལོ།། དགའ་ཞིང་སྒོ་དང་བཅས་པ་ཡིས།། གསང་སྔགས་དྲག་པོའི་སྔགས་འདི་བཟླས།། ཨོཾ་བཛྲ་ཀཱི་ལི་ཀི་ལ་ཡ ་ཧཱུཾ་ཕཊ། ཡི་གེ་དགུ་པ་སྔགས་ཀྱི་མཆོག། མ་བྱུང་འབྱུང་བའི་མི་འགྱུར་རོ།། ཨོཾ་བཛྲ་ཀཱི་ལི་ཀཱི་ལ་ཡ་དཱིཔྟ་ཙཀྲ་ཧ་ན་ཧ་ན་རུ་ལུ་རུ་ལུ་ཧཱུཾ་བྷྱོ་ཧཱུཾ། ཡབ་ཡུམ་གཉིས་ཀྱི་སྙིང་པོ་མཆོག། སྡིག་པ་ཐམས་ཅད་ཟད་འགྱུར ་ཅིང་།། སྡུག་བསྔལ་ཐམས་ཅད་མེད་པར་བྱེད།། གདུག་པ་ཚར་གཅོད་བདུད་ལས་རྒྱལ།། བདེ་སྒྲོལ་མཁའ་མཉམ་དབྱེར་མེད་ཐོབ།། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཕཊ། ལྷ་རྣམས་བསྡུས་པའི་ཉེ་སྙིང ་སྟེ།། སེམས་ཀྱི་སྡིག་པའི་སྡུག་བསྔལ་སེལ།། ལྷ་རྣམས་དབང་འགྱུར་དངོས་གྲུབ་ཐོབ།། མ་བྷྱོ་དྲ་ག་ཛ། མཁའ་འགྲོ་ཀུན་གྱི་སྲོག་འཕྲོག་སྔགས།། ཡི་གེ་མཚན་མ་མཐོང་བ་དང་།། འོད་མེ་འཚག་འཁྲོལ་མཆོད་ལྡིང ་འགྱུར།། མྱུར་དུ་ལྷ་ཡི་ཞལ་མཐོང་འགྱུར།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། བསམ་གཏན་གྱི་ལེའུ་སྟེ་བཞི་པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས ་ལ་འདི་སྐད་གསོལ།། གདུག་པ་ཚར་གཅོད་བཅོམ་ལྡན་འདས།། ཀླུ་ཚོགས་དབང་དུ་ཇི་ལྟར་བསྡུ།། འགྲོ་བ་རིགས་དྲུག་ཇི་ལྟར་བསྒྲལ།། ཐུགས་རྗེ་ཅན་གྱིས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ ་པ།། ང་ཡིས་བཤད་ཀྱིས་ལེགས་པར་ཉོན།། ཀླུ་དང་གཤིན་རྗེ་བདུད་ལ་སོགས།། དྲག་པོ་ཐམས་ཅད་དབང་སྡུད་ན།། གྲུ་གསུམ་དྲག་པོའི་གནས་ཉིད་དུ།། དུར་ཁྲོད་ས་ལ་དཀྱིལ་འཁོར་ནི།། གྲུ་གསུམ་མཐིང་ནག ་དཀྱིལ་འཁོར་བྱ།། སོར་བརྒྱད་ཕུར་པ་ཉི་ཤུ་བརྒྱད།། དཀྱིལ་འཁོར་རྫས་སུ་ཡང་དག་བཀོད།། གོང་བཞིན་མངོན་རྟོགས་རིམ་པ་ལས།། བཞི་བཅུ་ཞེ་བརྒྱད་ལྷ་ཚོགས་ཀུན།། ཀུན་གྱི་སྤྱི་བོའི་གཙུག ་ཏོར་ན།། རྟ་མགོ་ལྗང་ཞུར་རྟ་སྐད་མཚེར།། ཁམས་གསུམ་ཀླུ་ཚོགས་དབང་དུ་སྡུད།། རྡོ་རྗེའི་གཤོག་པས་བར་སྣང་ཁེབས།། ཕྱག་ན་ཕུར་པ་བྱ་ཁྱུང་བསྣམས།། ཞབས་ཀྱི་ཆུ་སྲིན་ཕུར་པའི་དཔལ།། ཀླུ་ལ་སོགས ་པའི་སྙིང་གར་གཟེར།། ཀུན་ཀྱང་ཁ་དོག་དམར་པོར་དམིགས།། གདུག་པ་ཐམས་ཅད་དབང་དུ་འགྱུར།། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། བཛྲ་ཀྲོ་དྷ་ཧ་ཡ་གྲཱི་ཝ་ཧྲི། ཧུ་ལུ་ཧུ་ལུ་ཧྲི། པདྨ་པདྨ་ཧྲི། བྷནྡྷ་བྷནྣ་ཧྲི། ཧཱུཾ ་གར་རུ་ཎ་ཙ་ལེ་ཙ་ལེ་ཧྲི། སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ་ཕཊ་བྷྱོ་ནཱ་ག་བྷྱོ། ཞག་གསུམ་ལོན་ནས་དབང་དུ་འགྱུར།། ཀླུ་སོགས་ཐམས་ཅད་དབང་དུ་འགྱུར།། གང་ཞིག་གསད་པར་འདོད་པ་ན།། དྲག་པོའི་ལས་ཀྱི་བསམ ་གཏན་བརྩམ།། ལྷ་རྣམས་སྐུ་མདོག་ནག་པོ་སྟེ།། སྔགས་ཀྱང་སྒྲ་དང་མེ་རུ་བྱུང་།། གང་ཞིག་གསད་པར་འདོད་པ་ལ།། ཕུར་པའི་སེར་ཆེན་རབ་ཏུ་དབབ།། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། བཛྲ་ཀྲོ་དྷ་ཧ་ཡ་གྲི་ཝ ་ན་ག་ཧུ་ལུ་ཧུ་ལུ་སརྦ་བིགྷྣཱཾ་བཾ་ཧཱུཾ་ཕཊ། སྦྱོར་བ་ཞག་བདུན་བྱས་གྱུར་ན།། ལྷ་ཀླུ་ཐམས་ཅད་འཆིང་བར་འགྱུར།། མི་དང་ལྷ་དང་ཀླུ་ལ་སོགས།། ཡང་དག་ས་ལ་བསྒྲལ་འདོད་པས།། ངང་ཉིད་རྡོ་རྗེ་སྙིང་རྗེ ་ཡིས།། གསད་ཅིང་མནན་པ་མ་ཡིན་ཏེ།། ཕུང་པོ་རྡོ་རྗེ་གཏམས་བྱས་ནས།། རྣམ་ཤེས་རྡོ་རྗེ་ཏིང་འཛིན་གནས།། ཧཱུཾ་རྡོ་རྗེ་རིགས་ཀྱི་ལྷ་ཚོགས་ནི།། ཏིལ་གྱི་གོང་བུ་ལྟ་བུ་ཡིས།། རྩ་བཅུད་ཀུན་གྱི་རྩེ་ལ་འབར།། ང ་ཉིད་སྐུ་ཡི་རྣམ་པ་ལས།། སྔགས་ཀྱི་འོད་ཟེར་དུ་མ་བྱུང་།། ཁྲོ་རྒྱལ་ཁྱོད་ཀྱིས་མཉམ་པར་བྱོས།། དེ་ཚེ་དེ་ཡི་རྗེས་ལ་ནི།། ཐུགས་ཀྱི་དཔལ་བེའུ་རྩེ་མོ་དང་།། ལྗགས་ཀྱི་པདྨའི་ཀློང་དཀྱིལ་ནས།། ངན་སྔགས་སྙིང་པོ ་འདི་ཕྱུང་ངོ་།། ཨོཾ་བཛྲ་ཀི་ལི་ཀཱི་ལ་ཡ་ལོག་འདྲེན་ཐམས་ཅད་མཱ་ར་ཡ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། དེ་ཡིས་ལོག་འདྲེན་ཐམས་ཅད་ཀུན།། སྨྱོ་ཞིང་སྨྲ་བར་འགྱུར་བ་ཡིན།། རྡོ་རྗེ་རིགས་ཀྱི་ལྷ་ཚོགས་ཀྱིས།། སྨྱོ ་བྱེད་ཅེས་བྱའི་སྔགས་སུ་གསུངས།། བཅོམ་ལྡན་དབུ་ཡི་གཙུག་གཏོར་ནས།། ཨོཾ་བཛྲ་ཀཱི་ལི་ཀཱི་ལ་ཡ་ལོག་འདྲེན་ཐམས་ཅད་མཱ་ར་ཡ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། སྣོད་བཅུད་ལོག་འདྲེན་ཐམས་ཅད་ཀུན།། རྡུལ་ཕྲན ་བཞིན་དུ་ཕྱེ་མར་འགྱུར།། རྡོ་རྗེ་རིགས་ཀྱི་ལྷ་ཚོགས་ཀྱིས།། རྡུལ་རློག་ཅེས་བྱ་བའི་སྔགས་སུ་གསུངས།། བཅོམ་ལྡན་གསང་བའི་སྦུབས་ནས་ནི།། ངན་སྔགས་སྙིང་པོ་འདི་བྱུང་ངོ་།། ཨོཾ་བཛྲ་ཀཱི་ལི་ཀཱི་ལ་ཡ་ལོག ་འདྲེན་ཐམས་ཅད་མཱ་ར་ཡ། བྷིནྣ་ཡ་བྷིནྣ་ཡ་ཧཱུཾ་ཕཊ། སྣོད་བཅུད་ལོག་འདྲེན་ཐམས་ཅད་ཀུན།། བཅོམ་ལྡན་འདས་ཀྱི་ཞལ་དུ་གསོལ།། རྡོ་རྗེ་རིགས་ཀྱི་ལྷ་ཚོགས་ཀྱིས།། ཞལ་དུ་གསོལ་བའི་སྙིང་པོ ་གསུངས།། བཅོམ་ལྡན་འདས་ཀྱིས་མཛོད་སྤུ་ནས།། ངན་སྔགས་སྙིང་པོ་འདི་བྱུང་ངོ་།། ཨོཾ་བཛྲ་ཀཱི་ལི་ཀཱི་ལ་ཡ། གནོད་པའི་ནུས་པ་ཧ་ས་ར་ཡ་ཧྲྀ་ད་ཡ་ཧཱུཾ་ཕཊ། ངན་སྔགས་སྙིང་པོ་འདི་བྱུང་བས།། ལོ ་ཀ་ཁམས་འདི་རབ་ཏུ་གཡོས།། བདུད་དཔུང་ཐམས་ཅད་ཕམ་པར་གྱུར།། རྡོ་རྗེ་རིག་ཀྱི་ལྷ་ཚོགས་ཀྱིས།། ལྷ་དང་དཔྲལ་བའི་སྔགས་སུ་གསུངས།། བཅོམ་ལྡན་འདས་ཀྱིས་ལྟེ་བ་ནས།། དབང་སྡུད་འགུགས་པའི ་སྙིང་པོ་བྱུང་།། ཨོཾ་བཛྲ་ཀཱི་ལི་ཀཱི་ལ་ཡ་ལོག་འདྲེན་ཐམས་ཅད་ཨཱ་ཝེ་ཤ་ཡ་ཨཱ་ཝེ་ཤ་ཡ་ཧཱུཾ་ཕཊ། སྟོང་གསུམ་ལོག་འདྲེན་ཐམས་ཅད་ཀུན།། གཟུགས་ནས་དབང་སྡུད་རྡོ་བཞིན་འགྱུར།། རྡོ་རྗེ་རིགས་ཀྱི་ལྷ་ཚོགས ་ཀྱིས།། འབེབས་པར་བྱེད་པའི་སྔགས་སུ་གསུངས།། བཅོམ་ལྡན་འདས་ཀྱི་ཕྱག་ཞབས་ལས།། ངན་སྔགས་སྙིང་པོ་འདི་བྱུང་ངོ་།། ཨོཾ་བཛྲ་ཀཱི་ལི་ཀཱི་ལ་ཡ་ལོག་འདྲེན་ཐམས་ཅད་མཱ་ར་ཡ་ཤྲཱི་གྷྲཾ་ཨ་ན་ཡ་ཧཱུཾ་ཕཊ། བདུད ་དང་ལོག་འདྲེན་ཐམས་ཅད་ཀུན།། ཡན་ལག་གྲུ་གུ་བཞིན་དུ་གྱུར།། རྡོ་རྗེ་རིགས་ཀྱི་ལྷ་ཚོགས་ཀྱིས།། བྱད་དུ་གཞུག་པའི་སྔགས་དུ་གསུངས།། བཅོམ་ལྡན་ཐུགས་ཀའི་དཔལ་བེའུ་ནས།། གསང་བའི་སྙིང་པོ་འདི ་བྱུང་ངོ་།། ཨོཾ་ལམ་ཧཱུཾ་ལམ་སྟཾ་བྷ་ཡ་ནན། མོ་ཧ་གྷ་ཡ་བྷ་ག་ཝཱན་ཧྲཱིཿཥྚཱིཿབི་ཀྲི་བཛྲ་ཧཱུཾ་ཀ་ར་ཨཱ། ཧཱུཾ་མ་མ་པ་ཤཾ་ཀུ་རུ་མཥྚཾ་ཛྙཱ་ན་ཀ་ར་ཨི་དན། དྷ་ཏི་མ་མ་ཀརྨ་པ་ཤི་ཀརྨ་ཡ་ཤཱི་གྷྲཾ་ཀཱ་ར་ཡ་ཧཱུཾ་ཕཊ། འདི་བྱུང་ལོག ་འདྲེན་ཐམས་ཅད་ཀྱི།། རྣམ་ཤེས་འཕོས་ཤིང་བདེ་བ་ཐོབ།། རྡོ་རྗེ་རིགས་ཀྱི་ལྷ་ཚོགས་ཀྱིས།། དག་ཅིང་ཚེ་འཛིན་སྔགས་སུ་གསུངས།། བཅོམ་ལྡན་འདས་ཀྱི་ལྟེ་བ་དང་།། ཐུགས་ཀ་དཔུང་པ་དཔྱི་མིག་དང་།། གཙུག ་ཏོར་གསང་བའི་ལམ་དང་ནི།། སྤྱི་བོ་གསང་བའི་གནས་རྣམས་ནས།། གསང་བའི་སྙིང་པོ་འདི་བྱུང་ངོ་།། ཧཱུཾ་པ་ར་བིདྱཱ་ན་བི་ག་ནཱཾ། ཚིནྣ་ཚིནྣ་ཧཱུཾ་ཕཊ། བིནྡྷ་བིནྡྷ་ཧཱུཾ་ཕཊ། གྲྀཧྞ་གྲྀཧྞ་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བནྡྷ ་བནྡ་ཧཱུཾ་ཕཊ། སརྦ་ཨཱ་ན་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། འདི་བྱུང་ཁྲོ་མོ་བཅུ་པོ་ཡི།། གནས་བཅུ་ཉོན་མོངས་རང་དག་ནས།། ལོག་འདྲེན་ཐར་པ་ཉིད་དུ་གྱུར།། བཅོམ་ལྡན་འདས་ཀྱི་ཤངས་དང་ནི།། སྤྱན ་སྙན་ལྟེ་ལྗགས་གསང་སྦུབས་དང་།། ཐུགས་ཀྱི་དཔལ་བེའུ་རྩེ་མོ་ནས།། གསང་བའི་སྙིང་པོ་འདི་རྣམས་བྱུང་།། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛ་ལ་ཛ་ལ་བཛྲ། སུ་རུ་སུ་རུ་བཛྲ།། ་མུ་རུ་མུ་རུ་བཛྲ། ཀ་ཏང་ཀ་ཡེ། ཛ་ཡེ་བི་ཛ་ཡེ། ཨ་ཛི་ཏེ་ཨ་པ་ར་ཛི་ཏེ། མཱ་ར་སེ་ན་པྲ་མརྡ་ན་ཡ་ཧཱུཾ་ཕཊ། འདི་བྱུང་རིག་པའི་ཁྲོ་བོ་བཅུས།། ལོག་པར་འདྲེན་པ་ཐམས་ཅད་ཀྱིས།། གནས་བཅུའི་ཉོན་མོངས་རྣམ་དག ་ནས།། ཐིག་ལེ་དབྱིངས་སུ་མི་འགྱུར་ཐིམ།། བཅོམ་ལྡན་འདས་ཀྱི་སྤྱི་བོ་དང་།། སྙིང་ག་ལྟེ་བའི་གནས་གསུམ་ནས།། ཨོཾ་བཛྲ་ཀཱི་ལི་ཀཱི་ལ་ཡ་བིད་ཡ་བིད་ཡ་ཧཱུཾ་ཕཊ། ན་མཿས་མནྟ་ཧྲིང་ཧྲིང་ཧཱུཾ་ཕཊ། སུ་རུ་སུ་རུ་པྲ་སུ་རུ ་ཕཊ། མཱ་ར་ཡ་མཱ་ར་ཡ་ཧཱུཾ་ཕཊ། དེ་བྱུང་སྒོ་མ་བཞི་པོ་ཡིས།། མཚོ་བཞི་ཉོན་མོངས་གནས་དག་ནས།། དག་པའི་མཚོ་ནི་ཉག་གཅིག་སྟེ།། ཆོས་ཀྱི་དབྱིངས་སུ་རྣམ་པར་དག། ངན་སྔགས་འདུས་པའི ་དཀྱིལ་འཁོར་ནི།། གྲུ་གསུམ་མཐིང་ནག་དཀྱིལ་འཁོར་ལ།། རྒྱར་ནི་ཁྲུ་གང་ཟབས་སུ་ཕྱེད།། ཁ་ཁྱེར་གསུམ་ལ་སོར་བཞི་སྟེ།། དཀྱིལ་འཁོར་རྣམ་པ་བཞི་ཡིན་ཏེ།། དྲག་པོའི་མེ་ཡི་དཀྱིལ་འཁོར་དང་།། མཱ་ར་ཡ ་གསང་བའི་དཀྱིལ་འཁོར་དང་།། འབྲུབ་ཁུང་ལས་ཀྱི་དཀྱིལ་འཁོར་དང་།། བསྟབ་པ་ཞལ་གྱི་དཀྱིལ་འཁོར་རོ།། གནག་པ་དམར་བའི་མདོག་འདྲ་བ།། མཐུན་པའི་རྫས་ནི་ཙཀྲ་གཙོ།། སྲ་བ་ཀླད་རྒྱས་འཁོར་ལོ ་ནི།། ལྷ་དང་དཔྲལ་བའི་དཀྱིལ་འཁོར་ཡིན།། པདྨ་འདབ་བཞིའི་འཁོར་ལོ་ནི།། གཟུགས་ལ་དབབ་པའི་འཁོར་ལོ་ཡིན།། ཉ་ལྟ་བུ་ཡི་ཙཀྲ་ནི།། བྱང་དུ་གཞུག་པའི་ཙཀྲ་ཡིན།། པདྨ་འདབ་འདྲའི་ཙཀྲ་ནི།། སྨྱོ་བར ་བྱེད་པའི་ཙཀྲ་ཡིན།། པདྨ་འདབ་བཞིའི་ཙཀྲ་ནི།། རྡུལ་དུ་རློག་པའི་ཙཀྲ་ཡིན།། རྡོ་རྗེ་དབྱིབས་འདྲའི་ཙཀྲ་ནི།། ཞལ་དུ་བསྟབ་པ་ཉིད་དུ་འགྱུར།། སྲོག་ལ་འཁོར་ལོ་བསྐོར་བ་ནི།། རྩིབས་དྲུག་ལྟེ་བར་ལིངྒ ་བཀོད།། གཏད་མནན་བྱས་པས་ལས་འགྲུབ་ཅིང་།། ཁྱད་པར་ཀླུ་ལ་གཏད་པས་འགྲུབ།། རྫས་ནི་རྣམ་པ་དྲུག་ཡིན་ཏེ།། གུ་གུ་ཚིལ་ཆེན་དྲི་ཆེན་གསུམ།། རྐང་དྲག་གུ་གུལ་ར་ཡི་གཞོབ།། ལྷ་དང་ཕྲལ་བའི་རྫས་ཡིན ་ནོ།། དབབ་ལ་ཉུང་དཀར་རྒྱལ་པོ་དང་།། སྨད་དཀྲིས་རཀྟ་ཚ་བ་ཡིན།། ཚོན་སྣ་ལྔ་ཡི་བྱད་དུ་གཞུག། སྐྱོ་བ་དུག་གི་ཆུ་ཡིས་སོ།། རྡོ་རྗེ་ཐོ་བས་རྡུལ་དུ་བརླག། བསྟབ་པ་མེ་ཡི་དཀྱིལ་འཁོར་རོ།། ལྷ་དང་བྲལ་བས ་དགུག་པ་དང་།། རྣམ་ཤེས་བསྟིམ་ཞིང་བྱད་དུ་གཞུག། སྦྱོར་གཞུག་རྡུལ་དུ་བརླག་པ་དང་།། ཞལ་དུ་བསྟབ་པས་དགྱེས་པར་འགྱུར།། དངོས་གྲུབ་པར་ཆོད་བྱེད་པའི་བགེགས།། གདུག་ཅིང་སྡང་སེམས་ལྡན་པ ་རྣམས།། གཏོགས་ཤིག་གྲོགས་དང་ཕྲལ་བར་གྱིས།། ཕོབ་ཅིག་རྣམ་པར་གཟིར་བར་བྱོས།། ཟུང་ཞིག་རྒྱོབ་ཅིག་རྣམ་པར་ཆིངས།། རེངས་པར་ཁུག་ལ་སྦྱོར་ཆུག་ཅིག། ང་ཡི་དབང་དུ་གྱུར་ནས་ཀྱང་།། བསྒོ་བའི ་བཀའ་འདི་ཉན་པར་བྱོས།། ཞལ་དུ་བསྟབ་པོ་མགུལ་དུ་བསྟིམ།། སྐུ་ཡི་གཟི་བརྗིད་རྒྱས་པར་མཛོད།། བཛྲ་ཡཀྵ་ཀྲོ་དྷ་ཁ་ཐམ་ཁ་ཟམ་ཁ་ཐ་མ། ཁཱ་ཧི་ཁཱ་ཧི་ཁཱ་ཧི། ཧཱ་ཧཱ་ཧཱ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཕུར་པ་ཉི་ཤུ་རྩ ་བརྒྱད་ལ།། ཡབ་ཡུམ་གཉིས་ཀྱི་བདེན་གཉིས་ཀྱིས།། ཕྱག་རྒྱ་ཆེན་པོའི་སྐུ་རུ་གསལ།། ཛ་ཏིས་དགུག་དང་བསད་པའི་མཆོག། སྲས་ཀྱི་མཆོག་གིས་ལས་རྣམས་འགྲུབ།། ཁྲོ་བོ་ཡབ་ཡུམ་བཅུ་པོ་ཡི།། གནས་བཅུ ་དྲུག་གསུམ་རྩད་ནས་གཅོད།། སྒོ་བ་བཞི་ཡིས་མཚོ་བཞི་སྐེམས།། སྲིད་པ་རྡོ་རྗེ་ཕུར་པའི་ལྷ།། ཡེ་ཤེས་འཁོར་ལོ་རབ་གྲུབ་ནས།། ཉོན་མོངས་དུག་ལྔ་རྩད་ནས་གཅོད། ཁྲག་འཐུང་རིགས་ལྔ་འདྲེས་པ་ལ།། རྡོ་རྗེ ་གཞོན་ནུའི་དངོས་གྲུབ་ཐོབ།། ལས་བཞི་གྲུབ་པའི་སྨོན་ལམ་གདབ།། གང་ཞིག་མཚོན་ཆ་མང་པོ་ཡིས།། ཕྱག་མཚན་ཕྲེང་བའི་ཡིག་འབྲུ་དང་།། སྒྲ་དང་མེ་དང་འོད་དང་འཇའ།། དྲག་བྱེད་ཐམས ་ཅད་ཕྲན་དུ་བཀོལ། ཁྲག་མཚོ་ཤ་རུས་སྤུང་པ་ཡི།། དྲག་བྱེད་མངོན་དུ་མཐོང་བ་དང་།། འོད་དང་དུ་བ་མེ་རྣམས་འབྱུང་།། ཚེ་དང་མི་འཕེལ་ལོངས་སྤྱོད་དང་།། རིག་འཛིན་ས་དང་དབྱིངས་རྣམས་ཐོབ། ཁམས ་གསུམ་ཡོངས་གྲོལ་ཏིང་འཛིན་གྱིས།། ནམ་མཁའ་ཆོས་སྐུ་ཉག་གཅིག་ཐོབ།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ལས་སྔགས་དྲུག་གི་ལེའུ་སྟེ་ལྔ་པའོ།། །། དེ་ནས་རྣམ་རྒྱལ་ཁྲོ་བོ ་ཡིས།། བཅོམ་ལྡན་འདས་ལ་འདི་སྐད་གསོལ།། འགྲོ་བའི་མགོན་མཛད་བཅོམ་ལྡན་འདས།། རོ་ཡི་དངོས་གྲུབ་ཇི་ལྟར་ལགས།། དུར་ཁྲོད་སྤྱོད་པ་ཇི་ལྟར་ལགས།། མགོན་མཛད་ཁྱོད་ཀྱིས་བཤད་དུ ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། རོ་སྒྲུབ་སྤྱོད་པ་བྱེད་པ་རྣམས།། ང་ཡིས་བཤད་ཀྱིས་ལེགས་པར་ཉོན།། རོ་ཡི་མཚན་ཉིད་ལེགས་པར་བརྟག། མི་རིགས་ལྔ་ལ་ཀུན་ཏུ་བཤད།། ཤ་ཆེན་ལྔ་ལ་འདི ་ལྟར་བརྟག། གྲུབ་རྫས་དངོས་གྲུབ་ལྷ་རུ་བརྟག། ཨོཾ་བཛྲ་ཀཱི་ལི་ཀཱི་ལ་རུ་ལུ་རུ་ལུ་ཧཱུཾ་བྷྱོ་ཧཱུཾ། གཤེད་དང་ཕྲལ་ཕྱིར་བདུད་རྩི་འཁྱིལ།། མཆོག་ཕུར་སོར་བརྒྱད་ཉིད་ལ་བསྒྲུབ།། གནས་པའི་ཁུང་དུ་སྦྱོར་བར་འགྱུར།། ཕ ་རོལ་ཕྱིན་བཅུ་དག་པ་ཡི། ཁྲོ་བོ་བཅུ་ཡིས་སྡིག་པ་སྦྱང་།། ཡི་གེ་དྲུག་གིས་འགྲོ་དྲུག་སྦྱང་།། བར་ཆད་བསལ་ཕྱིར་བྲོ་བརྡུངས་སྟེ།། ཧཱུཾ་སྟོང་གསུམ་སྟོང་གི་ལོ་ཀ་ན།། དབུས་ཕྱོགས་སྟོང་གི་ལོ་ཀ་ན།། དྲེགས་པ་བསྣོལ ་བའི་གདན་སྟེང་ན།། རྡོ་རྗེ་ཁྲག་འཐུང་བྲོ་ར་བཅས།། ཞལ་གཅིག་ཕྱག་གཉིས་མཐིང་ནག་སྐུ།། རྡོ་རྗེ་དབྱིངས་ཕྱུག་ཡུམ་ལ་འཁྱུད།། རྡོ་རྗེ་ཐོད་ཁྲག་དཀྲུག་ཅིང་གསོལ།། དུར་ཁྲོད་ཆས་ཀྱིས་ལྷ་སྲིན་འདུལ།། རྡོ ་རྗེའི་གཤོག་པ་བར་སྣང་བརྐྱངས།། སྤྱན་གསུམ་དམར་ཟླུམ་སྟོང་གསུམ་བསྲེག། མཆེ་བ་གཙིགས་པས་བདུད་བཞི་འཇོམས།། ལྗགས་དམར་གློག་ལྟར་འཁྲུག་པ་ཡིས།། སྟོང་གསུམ་མ་ལུས་གསལ་བར་བྱེད།། ཧཱུཾ ་གི་སྒྲ་ནི་འབྲུག་བཞིན་སྒྲོགས།། བརྐྱང་བསྐུམ་ཞབས་ཀྱིས་བྲོ་བརྡུང་བས།། བདུད་ནི་ཕྱེ་མར་འཐག་པའི་བྲོ།། ཀླུ་ནི་ཡོས་སུ་རྗོད་པའི་བྲོ།། བགེགས་རྣམས་མེར་ནི་སྲེག་པའི་བྲོ།། མ་བདུད་ཐར་བར་རློག་པའི ་བྲོ།། དུར་ཁྲོད་འདི་ལ་བྲོ་བརྡུང་བས།། དམ་ཉམས་གཤེད་ནི་རླག་པར་འགྱུར།། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཕྱོགས་བཞི་རིགས་ཀྱི་བྲོ་བརྡུང་བས།། བར་ཆད་བགེགས་ནི་སྦྱང་བར་འགྱུར།། ཁྲོ་ཆུ་རྡོ་རྗེ་འགྲོས་ཀྱིས ་བླང་།། དྲག་པོ་བྱ་ཡི་འགྲོས་ཀྱིས་བླང་།། མཁའ་འགྲོ་ཅེ་སྤྱང་འགྲོས་གྱིས་བླང་།། བདུད་ཀྱི་སྒོ་ལ་འཇུ་ཟག་བཅད།། ས་ཡི་རྟེན་ཕུར་འོག་ཏུ་བཀོད།། རྡོ་རྗེ་རྒྱ་གྲམ་ཟག་པས་གདགས།། དཀྱིལ་འཁོར་སྟེང་དུ་རུ་ཏྲ ་བཞིན།། དུར་ཁྲོད་གཞལ་ཡས་ཁང་དུ་བཟུང་།། སྒྲུབ་པ་བྱེད་པའི་རྫས་སུ་བཟུང་།། ཐུགས་དམ་སྐོང་བའི་བདུད་རྩི་བཟུང་།། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། དུར་ཁྲོད་གནས་སུ་བྱིན་གྱིས་བརླབ།། བསྒྲུབ་པ ་ལྷ་དང་བདུད་རྩི་ལྔར།། བྱིན་གྱིས་བརླབས་པའི་ཡོན་ཏན་སྒྲ།། ཧཱུཾ་ཛ་ཏི་དབྱིངས་ཀྱི་ཡུམ་ཆེན་ལས།། མཁའ་འགྲོ་མང་པོའི་སྤྲུལ་པ་འགྱེད།། ཀོ་རཱི་བྷ་ན་དམར་ཞིང་དབྱུག་སྔོ།། ཙཽ་རཱི་སེར་མོ་མདའ་གཞུ་འགེངས།། པྲ ་མོ་ཆུ་སྲིན་རྒྱལ་མཚན་དམར་ནག་སྔོ།། བེ་ཏ་ནག་མོ་ཞིང་ཆུ་ཟ།། པུཀྐ་དམར་སེར་རྒྱུ་ཞགས་འདྲེན།། གྷསྨ་ལྗང་གུ་དུང་ཁྲག་འཐུང་།། སྨ་ཤ་ལྗང་ནག་ཞིང་སྙིང་ཟ།། ཙཎྜ་སེར་སྐྱ་ཞིང་ལུས་འབྲལ།། མ་མོ་ཆེན་མོ་ཁྱེད ་བརྒྱད་ཀྱིས།། དུར་ཁྲོད་གནས་སུ་བྱིན་གྱིས་བརློབས།། ཧེ་རུ་ཀ་ཡི་གྲོང་ཁྱེར་མཛོད།། བདུད་རྩི་ལྔ་རུ་བྱིན་གྱིས་བརློབས།། བྷྱོ་སེང་གདོང་སེར་མོ་རོ་བསྣོལ་ཟ།། སྟག་གདོང་དམར་མོ་བསྣོལ་མར་བལྟ།། ཝ་གདོང ་ནག་མོ་རོ་ལ་ལྡག་ཁྱི་གདོང་མཐིང་ནག་ཟུར་བལྟ་ལེན།། བྱ་རྒོད་གདོང་དམར་རྒྱུ་མ་འདྲེན།། ཀཾ་ཀ་སྔོ་སྐྲ་ཞིང་ལ་ཟ།། བྱ་རོག་མདོག་ནག་བྷན་གྲི་འཛིན།། འུག་གདོང་ཁྲ་མོ་རྒྱ་གྲམ་འཛིན།། ཕྲ་མེན་རྡོ་རྗེ་ཁྱེད ་བརྒྱད་ཀྱིས།། རུ་ལུ་ཟློས་ཤིང་བྱིན་གྱིས་བརླབ།། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཐུགས་དམ་བསྐང་བ་བསྒྲུབ་པའི་རྫས།། བདུད་རྩི་ལྔ་སོགས་པ་ལི་བསྐང་།། བརྟེན་པའི་གནས་ཀྱིས་ཐུགས་དམ་བསྐང་།། རོ་ཡི་ཧ ་སྟས་སྤྱན་དྲངས་ལ།། ཧཱུཾ། བསྐང་ངོ་བསྐལ་པའི་ཐུགས་དམ་བསྐང་།། དྷ་ཏཱི་རྩ་ཡི་བྱང་སེམས་ཀྱིས།། བླ་མ་དམ་པའི་ཐུགས་དམ་བསྐང་།། དམ་ཚིག་གཉེན་པོ་བསྐངས་འགྱུར་ནས།། ཟག་མེད་བདེ་བ་རྒྱས་གྱུར ་ཅིག། ཧཱུཾ་རོ་ལུས་འདོམ་གང་གྲུ་བཞི་འདི།། དུར་ཁྲོད་གཞལ་ཡས་ཁང་དུ་གསལ།། གྲུ་བཞི་པ་ལ་ཁ་དོག་ལྔ།། དྲི་མ་ནག་པོ་བཻ་ཌཱུར་སྔོ།། རྩིབ་རྣམས་ལྗང་གུ་མ་རྒད་མདོག། ཚིལ་བུ་སེར་པོ་གསེར་ལྟར་སྣང་།། རུས ་པ་དཀར་པོ་ཤེལ་དངུལ་མདོག། ལྔ་ཡི་རྩིགས་པར་རབ་ཏུ་མཛེས།། སྒལ་ཚིགས་དུང་གི་རང་བཞིན་ལ།། རྐང་བརྒྱད་ཀ་བ་བརྒྱད་ཡིན་ནོ།། ཟེར་མ་ལྕམ་ལ་རྩིབ་མ་དྲལ།། རྩ་ཡི་དྲ་བས་རབ་འབྲེལ་ཅིང་།། མགོ་ཡི ་གསང་སྒོ་ཤེལ་ལྟར་དཀར།། མིག་གཡས་ལྷོ་སྒོ་གསེར་ལྟར་སེར།། མིག་གཡོན་བྱང་སྒོ་དམར་དང་ལྡང་།། ནུབ་ཀྱི་ཚ་སྒོ་པད་ལྟར་དམར།། འོག་གི་སྤུ་ནག་སྨིན་མ་དང་།། སྐྲ་རྣམས་སྒོ་ཡི་རྒྱན་ཡིན་ནོ།། རྐང་ལག ་སེན་མོའི་ཕྲེང་བ་རྣམས།། མུ་ཏིག་དྲ་བ་ཕྱེད་པས་མཛེས།། ཚིག་མདུད་རིན་ཆེན་ཕ་གུ་ལ།། ཕག་ལ་འདོན་ཡོན་ལྷ་མོས་མཛེས།། དུར་ཁྲོད་གཞལ་ཡས་མཛེས་པ་ཡིས།། དཀྱིལ་འཁོར་ལྷ་ཡི་ཐུགས་དམ ་བསྐང་།། ཕུང་པོ་ལྔ་ནི་གནས་གྱུར་པ།། ཁྲག་འཐུང་ལྔ་ཡི་ཐུགས་དམ་བསྐང་།། འབྱུང་བ་ལྔ་ཡི་གནས་གྱུར་པ།། ཡུམ་ཆེན་ལྔ་ཡི་ཐུགས་དམ་བསྐང་།། ཀུན་གཞིའི་རྣམ་ཤེས་གནས་གྱུར་པ།། རྡོ་རྗེ་གཞོན ་ནུའི་ཐུགས་དམ་བསྐང་།། སྒོ་ལྔའི་རྣམ་ཤེས་གནས་གྱུར་པ།། ཨེ་ཀ་རྩ་ཏིའི་ཐུགས་དམ་བསྐང་།། མ་མོ་བཅུ་དྲུག་ཐུགས་དམ་བསྐང་།། ཡིད་ཀྱི་རྣམ་ཤེས་གནས་གྱུར་པ།། འཁོར་ལོ་རྒྱས ་འདེབས་ཐུགས་དམ་བསྐང་།། ཡན་ལག་ཆ་ཤས་དུམ་བུ་བཅུ།། གནས་གྱུར་ཁྲོ་བོ་བཅུ་ཡི་ཐུགས་དམ་བསྐང་།། ཁྲོ་མོ་བཅུ་ཡི་ཐུགས་དམ་བསྐང་།། སྒལ་ཚིག་ཉི་ཤུ་གནས་གྱུར་པ།། མགོ་བརྙན་ཉི་ཤུའི་ཐུགས་དམ ་བསྐང་།། ལུས་ཀྱི་མཚོ་བཞི་གནས་གྱུར་པས།། སྒོ་མ་བཞི་ཡི་ཐུགས་དམ་བསྐང་།། རོ་ལ་གནས་པའི་བདུད་རྩི་ལྔས།། དཀྱིལ་འཁོར་ལྔ་ཡི་ཐུགས་དམ་བསྐང་།། དུག་ལྔ་རྩད་ནས་གཅོད་གྱུར་ཅིག། ཡེ་ཤེས་ལྔ་དང ་ལྡན་གྱུར་ནས།། ཟག་མེད་བདེ་བ་རོལ་པ་དང་།། སངས་རྒྱས་ལྷུན་གྱིས་འགྲུབ་པར་ཤོག། ཐིག་གདབ་བདུད་རྩི་བུམ་པ་དབྱེ།། ཨོཾ་ཨཱཿཧཱུཾ་ཨ་མྲྀ་ཏ་སིདྡྷི་ཧཱུཾ་ཧྲི་ཐཱ། བླ་མ་རྡོ་རྗེ་སློབ་དཔོན་དང་།། ཡེ་ཤེས་ལྔ་དང་མཁའ ་འགྲོའི་ཚོགས།། མ་ལུས་བདག་ལ་དགོངས་སུ་གསོལ།། བདག་གི་ཐོག་མ་མེད་པ་ནས།། ད་ལྟ་ཡན་ཆད་སྡིག་བགྱིས་དང་།། དམ་ཚིག་ཉམས་པ་མཐོལ་ལོ་བཤགས།། དངོས་གྲུབ་རྣམ་གསུམ་བདག་ལ་སྩོལ།། སྐུ ་གསུང་ཐུགས་ཀྱི་དག་པ་དང་།། རྡོ་རྗེ་གསུམ་ནི་བདག་ལ་སྩོལ།། དུག་ལྔ་འཇོམས་པའི་ཁྲག་འཐུང་དཔལ།། ཡེ་ཤེས་ལྔ་ནི་བདག་ལ་སྩོལ།། ཏིང་འཛིན་ཚེ་ཡི་དངོས་གྲུབ་དང་།། མངོན་ཤེས་ལྔ་ཡི་དངོས་གྲུབ ་སྩོལ།། གྲུབ་པ་བརྒྱད་ཀྱི་དངོས་གྲུབ་དང་།། ཕྲིན་ལས་བཞི་ཡི་དངོས་གྲུབ་སྩོལ།། འབྱོར་ལྡན་ལོངས་སྤྱོད་དངོས་གྲུབ་སྩོལ།། ཨ་ལ་ལ་ཧོ།། ས་མ་ཧོ།། ས་མ་ཡ་སྟྭཾ།། རྡོ་རྗེ་གསུམ་ལྡན་ཉིད་དུ་འགྱུར།། ཧཱུཾ་བླ་མ་རྡོ་རྗེ ་སློབ་དཔོན་དང་།། ཧེ་རུ་ཀ་སོགས་ཁྲག་འཐུང་ཚོགས།། མ་མོ་མཁའ་འགྲོ་བརྟེན་པའི་ཕྱིར།། ཙིཏྟ་གསང་བའི་རྟེན་དུ་བཅངས།། མཚན་ལྡན་རྡོ་རྗེ་ཀ་པཱ་ལ།། བདུད་རྩི་ལྔ་ཡི་སྣོད་དུ་བཅངས།། ལུས་ལ་གནས་པའི ་བདུད་རྩི་ལྔ།། ལྷ་རྣམས་འདུས་པའི་རྫས་སུ་བཅངས།། ཕུང་པོའི་རྐང་ལ་ཕུར་པ་སྟེ།། ཁྲོ་བོ་བཅུ་ཡི་རྟེན་དུ་བཅངས།། བརླ་ཡི་རྐང་ལ་འབུད་པའི་དུད།། ལྕང་ལོ་མཚན་དང་ལྡན་པ་ལ།། མ་མོ་མཁའ་འགྲོའི་རྟེན་དུ ་བཅངས།། ལག་པ་གཡས་པ་ཧསྟ་ཡང་།། མཁའ་འགྲོ་གཡོབ་པའི་རྟེན་དུ་བཅངས།། སོག་པ་དམ་སྲི་བྲི་བའི་རྫས།། ཞིང་ལྤགས་གཡང་གཞི་བྱས་པ་ཡང་།། ཕྲ་མེན་ཉི་ཤུའི་རྟེན་དུ་བཅངས།། རྒྱུ་མའི་ཞགས་པ་འདྲེན ་པ་ཡང་།། མ་མོ་བཅུ་དྲུག་བརྟེན་པའི་རྫས།། དབང་པོ་ལྔ་ཡི་མེ་ཏོག་ཀྱང་།། ཡབ་ཡུམ་གསུམ་ནི་བརྟེན་པའི་རྫས།། མཚོ་བཞི་དུམ་བུ་འཆང་བ་ཡང་།། སྒོ་བ་བཞི་ཡི་རྟེན་དུ་ཟུང་།། ཨ་ལ་ལ་ཧོ།། དུར་ཁྲོད་རོ་ལ ་ལོངས་སྤྱོད་ཅིང་།། དུར་ཁྲོད་ཆས་ཀྱིས་རབ་ཏུ་བརྒྱན།། དུར་ཁྲོད་གནས་སུ་རྒྱུ་བྱ་ཞིང་།། བདུད་རྩི་ལྔ་ལ་ལོངས་སྤྱོད་ནས།། དུར་ཁྲོད་མཁའ་འགྲོ་ཀུན་དང་འགྲོགས།། འདོད་ཡོན་ལྔ་ལ་ལོངས་སྤྱོད་ཅིང་། ཁམས ་གསུམ་པ་ཡི་སེམས་ཅན་ཀུན།། བསད་པས་གྲོལ་བར་འགྱུར་བ་ཡིན།། རྟོགས་མེད་དབྱིངས་ལ་གནས་གྱུར་ན།། བསད་པས་སྡིག་གིས་མ་གོས་ཤིང་།། རིག་འཛིན་ས་ལ་མྱུར་དུ་འགྲོ།། ཟག་མེད་བདེ ་སྟོང་དབྱེར་མེད་ལ།། མཁའ་འགྲོ་ཀུན་དང་ལོངས་སྤྱོད་འགྱུར།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། རོ་སྒྲུབ་པ་སྤྱོད་པའི་ལེའུ་སྟེ་དྲུག་པའོ།། །། དེ་ནས་རྣམ་རྒྱལ་ཁྲོ་བོ ་ཡིས།། བཅོམ་ལྡན་འདས་ལ་འདི་སྐད་གསོལ།། ཕྲིན་ལས་མཛད་པའི་བཅོམ་ལྡན་འདས།། ཕུར་པས་ཕྲིན་ལས་འགྲུབ་པ་ཡང་།། འགྲོ་བའི་དོན་དུ་བཤད་དུ་གསལ།། བཅོམ་ལྡན་འདས་ཀྱིས་བཀའ་སྩལ་པ།། ཕུར ་པ་རྣམ་པ་བཞི་ཡིན་ཏེ།། ཆོས་ཉིད་དོན་གྱི་ཕུར་པ་དང་།། རིག་པ་ཡེ་ཤེས་ཕུར་པ་དང་།། འདུས་བྱས་རྫས་ཀྱི་ཕུར་པ་དང་།། བརྟེན་པ་ལུས་ཀྱི་ཕུར་པའོ།། འདུས་བྱས་རྫས་ཀྱི་ཕུར་པ་ནི།། དངུལ་ལམ་འོ་མ་ཅན་གྱི ་ཤིང་།། ཟངས་སམ་ཙནྡན་དམར་པོའི་ཤིང་།། ལྕགས་སམ་རྐང་དང་ཚེར་མའི་ཤིང་།། གསེར་རམ་འོ་སེ་སེར་པོའི་ཤིང་།། སོར་བརྒྱད་སོར་དྲུག་བཅུ་གཉིས་དང་།། བཅུ་དྲུག་ཕུར་པའི་ཚད་ཡིན་ནོ།། ཟླུམ་དང་གྲུ་བཞི ་ཟླ་གམ་དང་།། ཟུར་གསུམ་དབྱིབས་སུ་ངེས་པ་ཡིན།། གཅིག་དང་ལྷ་གྲངས་མཉམ་པའོ།། མཎྜལ་དབྱིབས་དང་ཁ་དོག་ཉིད།། གཟུངས་ཐག་ཁ་དོག་བཞི་དང་ལྡན།། གཏོར་མའི་རིགས་སུ་ངེས་པ་ཡིན།། བཟླས ་པས་དངོས་གྲུབ་མྱུར་དུ་ཐོབ།། ཤཱནྟིང་ཀུ་རུ་སཱ་ཧཱ། པུཥྚིང་ཀུ་རུ་ཨཽ། ཝ་ཤང་ཀུ་རུ་ཧོ། མཱ་ར་ཡ་ཕཊ། ལིངྒ་ཉིད་ལ་མངོན་པར་བསྒྲུབ། བདུན་འབུམ་གྲངས་ཀྱི་འགྲུབ་པར་འགྱུར།། འགུལ་དང་འཕྲོ་དང་འཚེག་པ ་འབྱུང་།། གྲུབ་ནས་སོ་སོའི་ལས་ལ་སྦྱར།། དགྲ་དང་བགེགས་དང་ནད་ཞི་དང་།། ཚེ་དང་ལོངས་སྤྱོད་རྒྱས་པར་འགྱུར།། འདི་ནས་ཕྱི་མར་བསྒྲལ་བ་དང་།། བླ་མེད་ལྔ་རུ་བསྒྲལ་བར་བྱ།། འདི་བསྒྲལ་བསོད་ནམས ་དཔག་ཏུ་མེད།། རྡོ་རྗེ་འཛིན་པ་ཀུ་མཱ་རའི།། དངོས་གྲུབ་ཐམས་ཅད་མྱུར་དུ་འགྲུབ།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། ཕུར་པས་ཕྲིན་ལས་བཞི་འགྲུབ་པ་སྟེ་ལེའུ་བདུན ་པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས་ལ་འདི་སྐད་གསོལ།། ཐུགས་རྗེ་བྱམས་མགོན་བཅོམ་ལྡན་འདས།། ཚེ་ཡི་རིག་འཛིན་ཇི་ལྟར་སྒྲུབ།། བསྒྲུབ་པའི་དངོས་གྲུབ་ཇི་ལྟར ་བླངས།། མགོན་མཛད་ཁྱོད་ཀྱིས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། དེ་ཡང་སྒྲུབ་པའི་དངོས་གྲུབ་ནི།། ང་ཡིས་བཤད་ཀྱིས་ལེགས་པར་ཉོན།། ཚེ་ནི་རྣམ་པ་གསུམ་ཡིན་ཏེ།། མི་འགྱུར་མི ་འཕྲོག་རྡོ་རྗེའི་ཚེ།། ཉམས་ཤིང་འཕོ་བ་ཐིག་ལེའི་ཚེ།། འཁྲུལ་ཞིང་རྟོག་པ་སྣང་བའི་ཚེ།། ཉམས་ཤིང་འཕོ་བ་ཆེའི་རང་བཞིན།། ཉམས་པའི་རྒྱུ་ནི་འདི་ལྟར་ཏེ།། དམ་ཉམས་བཞིན་འགྱུར་སྤྱོད་ལམ་ཉམས།། དམ ་ཅན་འཁྲུགས་ཤིང་སེམས་འཁྲུགས་དང་།། ཞེ་སྡང་རྒྱས་དང་བགེགས་དང་འཕྲད།། བྲེད་དངངས་རྦོད་གཏོང་ཁར་ཟད་དང་།། དམ་ཅན་གཏོར་ཆགས་ཚེ་ཉམས་འགྱུར།། བླ་མ་ལ་གུས་རྒྱུད་ལ ་སྦྱངས།། ཏིང་འཛིན་བརྟན་ཞིང་རིགས་སྔགས་འཛིན།། དམ་ཅན་ཉེ་བར་འགྱུར་བ་ཡི།། འདི་ཡི་ཚེ་ནི་ཁུགས་འགྱུར་ཏེ།། ཉམས་པ་གསོ་བར་འདོད་པ་ཡིས།། བཀྲ་ཤིས་ས་ལ་མཎྜལ་བྱ།། པདྨ་འཁོར་ལོ་རྒྱ་གྲམ ་ལྡན།། ལྷ་ཡི་རྟེན་ནི་མར་མེ་དགུ།། ཁྲོ་བཅུའི་ཕུར་པས་བགེགས་བསལ་ཞིང་།། བདུད་རྩི་ལྔ་དང་སྨན་ལྔ་དང་།། ཕུང་པོ་བརྟེན་པའི་ཟས་མཆོག་ལ།། ཐོད་པ་ལྕགས་དང་རིན་ཆེན་སྣོད།། བུམ་པ་ཡིད་འོང་མཛེས་པ ་རུ།། བསྒྲུབ་པས་ཚེ་ནི་རབ་ཏུ་འཕེལ།། བྷུདྡྷ་ཀུན་གྱི་བྱིན་གྱིས་རློབས།། ཨོཾ་བཛྲ་ཀི་ལི་ཀི་ལ་ཡ་ཛཿཧཱུཾ་བཾ་ཧོཿ། ཨཱ་ཡུརྫྙཱ་ན་ཨཱ་ཀཪྵ་ཡ་ཛ། རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ~ཾ་ཨ་ཧཱུཾ། ཚེ་ནི་རིགས་ལྔ་ཁྲག་འཐུང་སྟེ།། དུག་འཇོམས ་ཡེ་ཤེས་ལྔའི་རང་བཞིན།། ཐིག་ལེ་མི་ཤིགས་ངོ་བོ་ཉིད།། གདོད་ནས་མ་སྐྱེས་ངོ་བོ་ལ།། རང་བཞིན་དག་པས་རིན་ཆེན་འདྲ།། ཧཱུཾ་དབུས་ནས་རང་བྱུང་གྲུབ་པའི་ལྷ།། དཔལ་ཆེན་རྡོ་རྗེ་ཁྲག་འཐུང་དང་།། ཁྲོ་མོ་རྡོ་རྗེ ་དབྱིངས་ཕྱུག་མ།། མཐིང་ནག་མི་འགྱུར་ནམ་མཁའི་མདོག། ཞལ་གཅིག་ཕྱག་གཉིས་ཁྲོ་མོའི་ཚུལ།། རྡོ་རྗེས་གདུག་པ་འདུལ་མཛད་ཅིང་།། བཻ་ཌཱུརྱ་ཡི་བུམ་པ་གཡོན།། ནད་ནི་འཆི་མེད་བདུད་རྩི་བཀང་།། ཀ་ཤི ་དར་གྱིས་མགུལ་ཆིངས་ལ།། དཔག་བསམ་ལྡོན་པས་ཁ་བརྒྱན་ནས།། ཡབ་ཡུམ་བདེ་བའི་སྦྱོར་བ་ལས།། བྱང་སེམས་མུ་ཏིག་ཁུ་འཕངས་འབེབས།། རྡོ་རྗེ་ཁྲག་འཐུང་དཔག་མེད་ཀྱིས།། སྟོང་གསུམ་སྟོང་གི་འཇིག ་རྟེན་བཀང་།། ཞལ་ནས་ཚེ་ཡི་སྔགས་ཟློས་ཤིང་།། ལྷ་ཀླུ་གནོད་སྦྱིན་གཤིན་རྗེ་དང་།། མཁའ་འགྲོའི་ལག་ནས་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། ཚེ་བུམ་འདི་ལ་བྱིན་གྱིས་རློབས།། ཚེ་བུམ་འདི ་ལ་རྟགས་ཕྱུང་ཞིག། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ་གསུང་ཐུགས་ཀྱི་དངོས་གྲུབ་བསྣོལ།། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ་ཡུརྡྷ་ན་ཙིཏྟ་བྷྲཱུཾ། ཧཱུཾ་ཤར་ནས་རང་བྱུང་གྲུབ་པའི་ལྷ།། དཔལ་ཆེན་བདེར་གཤེགས ་ཁྲག་འཐུང་སྟེ།། ཁྲོ་མོ་སངས་རྒྱས་དབྱིངས་ཕྱུག་མ།། སྐུ་མདོག་ཤེལ་ལྟར་དཀར་གསལ་ཞིང་།། ཞལ་གཅིག་ཕྱག་གཉིས་ཁྲོ་མོའི་སྐུ།། འཁོར་ལོས་བདུད་བཞི་འཇོམས་པར་མཛད།། གཡོན་ན་ཤེལ་གྱི་བུམ་པ ་བསྣམས།། ནང་ན་འཆི་མེད་བདུད་རྩིས་བཀང་།། ཀ་ཤི་དར་གྱིས་མགུལ་ཆིངས་ལ།། དཔག་བསམ་ལྗོན་པས་ཁ་བརྒྱན་ནས།། ཡབ་ཡུམ་བདེ་བའི་སྦྱོར་བ་ལས།། བྱང་སེམས་མུ་ཏིག་ཁུ་འཕང་འབེབས།། བྷུདྡྷ་ཁྲག ་འཐུང་དཔག་མེད་ཀྱིས།། སྟོང་གསུམ་སྟོང་གི་འཇིག་རྟེན་བཀང་།། ཞལ་ནས་ཚེ་ཡི་སྔགས་ཟློས་ཤིང་།། ལྷ་ཀླུ་གནོད་སྤྲིན་གཤིན་རྗེ་དང་།། མཁའ་འགྲོའི་ལག་ནས་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས ་ཤིག། ཚེ་བུམ་འདི་ལ་བྱིན་གྱིས་རློབས།། ཚེ་བུམ་འདི་ལ་རྟགས་ཤིག་ཕྱུང་།། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ་གསུང་ཐུགས་ཀྱི་དངོས་གྲུབ་སྩོལ།། ཨོཾ་རུ་ལུ་རུ་ལུ་ཙྪ་བྷྱོ་ཧཱུཾ། ཨཱ་ཡུརྡྷ་ན་བྷཱུ། ་ལྷོ་ནས་རང་བྱུང་གྲུབ་པའི་ལྷ།། དཔལ་ལྡན་རིན་ཆེན་ཁྲག་འཐུང་དང་།། ཇོ་མོ་རིན་ཆེན་དབྱིངས་ཕྱུག་མ།། སྐུ་མདོག་སེར་འོད་རྒྱས་མཛད་ཅིང་།། ཞལ་གཅིག་ཕྱག་གཉིས་ཁྲོ་མོའི་སྐུ།། རིན་ཆེན་དགོས་འདོད་རེ་བ ་སྐོསློང་།། གཡོན་ན་གསེར་གྱི་བུམ་པ་བསྣམས།། ནང་ན་འཆི་མེད་བདུད་རྩིས་བཀང་།། ཀ་ཤི་དར་གྱིས་མགུལ་ཆིངས་ལ།། དཔག་བསམ་ལྗོན་པས་ཁ་བརྒྱན་ནས།། ཡབ་ཡུམ་བདེ་བའི་སྦྱོར་བ་ལས།། བྱང་སེམས་མུ ་ཏིག་ཁུ་འཕང་འབེབས།། རིན་ཆེན་ཁྲག་འཐུང་དཔག་མེད་ཀྱིས།། སྟོང་གསུམ་སྟོང་གི་འཇིག་རྟེན་བཀང་།། ཞལ་ནས་ཚེ་ཡི་སྔགས་ཟློས་ཤིང་།། ལྷ་ཀླུ་གནོད་སྦྱིན་གཤིན་རྗེ་དང་།། མཁའ་འགྲོ་ལག་ནས་ཚེ་ཁུག ་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། ཚེ་བུམ་འདི་ལ་བྱིན་གྱིས་རློབས།། ཚེ་བུམ་འདི་ལ་རྟགས་ཤིག་ཕྱུང་།། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ་གསུང་ཐུགས་ཀྱི་དངོས་གྲུབ་སྩོལ།། ཨོཾ་རུ་ལུ་རུ་ལུ་ཧཱུཾ ་བྷྱོ་ཧཱུཾ། ཨཱ་ཡུརྡྷ་ན་ཙིཏྟ་བྷྲཱུཾ། ཧཱུཾ་ནུབ་ནས་རང་བྱུང་གྲུབ་པའི་ལྷ།། དཔལ་ལྡན་པདྨ་ཁྲག་འཐུང་དང་།། ཁྲོ་མོ་པདྨ་དབྱིངས་ཕྱུག་མ།། སྐུ་མདོག་དམར་གསལ་དབང་དུ་བྱེད།། ཞལ་གཅིག་ཕྱག་གཉིས་ཁྲོ་མོའི ་ཚུལ།། པདྨ་ཉོན་མོངས་ཆགས་པ་སེལ།། པདྨ་རཱ་གའི་བུམ་པ་གཡོན།། ནང་ནི་འཆི་མེད་བདུད་རྩིས་བཀང་།། ཀ་ཤི་དར་གྱིས་མགུལ་བཅིངས་ལ།། དཔག་བསམ་ལྗོན་པས་ཁ་བརྒྱན་ནས།། ཡབ་ཡུམ་བདེ་བའི་སྦྱོར ་བ་ལས།། བྱང་སེམས་མུ་ཏིག་ཁུ་འཕང་འབེབས།། པདྨ་ཁྲག་འཐུང་དཔག་མེད་ཀྱིས།། སྟོང་གསུམ་སྟོང་གི་འཇིག་རྟེན་བཀང་།། ཞལ་ནས་ཚེ་ཡི་སྔགས་ཟློས་ཤིང་།། ལྷ་ཀླུ་གནོད་སྦྱིན་གཤིན་རྗེ་དང་།། མཁའ ་འགྲོའི་ལག་ནས་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། ཚེ་བུམ་འདི་ལ་བྱིན་གྱིས་རློབས།། ཚེ་བུམ་འདི་ལ་རྟགས་ཤིག་ཕྱུང་།། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ་གསུང་ཐུགས་ཀྱི་དངོས་གྲུབ ་སྩོལ།། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ་ཡུརྡྷ་ན་ཙིཏྟ་བྷྲཱུཾ། ཧཱུཾ་བྱང་ནས་རང་བྱུང་གྲུབ་པའི་ལྷ།། དཔལ་ལྡན་ལས་ཀྱི་ཁྲག་འཐུང་དང་།། ཁྲོ་མོ་ལས་ཀྱི་དབྱིངས་ཕྱུག་མ།། ལྗང་གུ་ཕྲིན་ལས་སྣ་ཚོགས་འགྲུབ།། རྒྱ་གྲམ་ཕྲག ་དོག་སྡུག་བསྔལ་སེལ།། ཨིནྡ་ནཱི་ལའི་བུམ་པ་བསྣམས།། ནང་ན་འཆི་མེད་བདུད་རྩིས་བཀང་།། ཀ་ཤི་དར་གྱིས་མགུལ་ཆིངས་ལ།། དཔག་བསམ་ལྗོན་པས་ཁ་བརྒྱན་ནས།། ཡབ་ཡུམ་བདེ་བའི་སྦྱོར་བ་ལས།། བྱང ་སེམས་མུ་ཏིག་ཁུ་འཕང་འབེབས།། ལས་ཀྱི་ཁྲག་འཐུང་དཔག་མེད་ཀྱིས།། སྟོང་གསུམ་སྟོང་གི་འཇིག་རྟེན་བཀང་།། ཞལ་ནས་ཚེ་ཡི་སྔགས་ཟློས་ཤིང་།། ལྷ་ཀླུ་གནོས་སྦྱིན་གཤིན་རྗེ་དང་།། མཁའ་འགྲོའི་ལག་ནས ་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། ཚེ་བུམ་འདི་ལ་བྱིན་གྱིས་རློབས།། ཚེ་བུམ་འདི་ལ་རྟགས་ཤིག་ཕྱུང་།། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ་གསུང་ཐུགས་ཀྱི་དངོས་གྲུབ ་སྩོལ།། ཨཱིཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ་ཡུརྫྫ་ན་ཙིཏྟ་བྷྲཱུཾ། ཧཱུཾ་དབུས་ནས་རང་བྱུང་གྲུབ་པའི་ལྷ།། དཔལ་ཆེན་རྡོ་རྗེ་གཞོན་ནུ་ནི།། ཞལ་གསུམ་ཕྱག་དྲུག་ཞབས་བཞི་བགྲད།། གར་དགུའི་རོལ་པས་གནས་མཛད ་ཅིང་།། འཁོར་ལོ་རྒྱས་འདེབས་ཡུམ་ལ་འཁྱུད།། ཡབ་ཡུམ་གཉིས་མེད་སྦྱོར་བའི་རྫས།། དུས་གསུམ་བྷུདྡྷ་རབ་མཆོད་ནས།། བྱང་ཆུབ་སེམས་ཀྱི་ཐིག་ལེ་ལས།། མུ་ཏིག་ཁུ་འཕང་དབབ་ཏུ་གསོལ།། ཚེ་བུམ་འདི་ལ ་བྱིན་གྱིས་རློབས།། ཚེ་བུམ་འདི་ལ་རྟགས་ཕྱུང་ཞིག། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ་གསུང་ཐུགས་ཀྱི་དངོས་གྲུབ་སྩོལ།། ཨཱིཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ།། ཨཱ་ཡུརྞྞ་ན་ཨཱ་ཀཪྵ་ཛཿ། ཨཽ་རུ་ལུ་རུ་ལུ་ཧཱུཾ་བྷྱོ ་ཧཱུཾ། ཨོཾ་ཨཱཿཧཱུཾ། སྒྲོལ་ཡུམ་ཨེ་ཀ་ཙ་ཏི་མ།། ཆོས་ཀྱི་དབྱིངས་ཀྱི་མཁའ་འགྲོ་ཡུམ།། ཁྲག་འཐུང་ལྷ་ཚོགས་མཉེས་བྱེད་མ།། བྷཱུདྡྷ་ཀུན་དང་མཉམ་སྦྱོར་ལ།། བདེ་འོད་ཉི་མའི་གཟི་བརྗིད་ཀྱིས།། མཁའ་འགྲོ་ཐམས་ཅད ་དབང་བསྡུས་ནས།། བྱང་ཆུབ་སེམས་ཀྱི་ཐིག་ལེ་ནི།། མུ་ཏིག་ཁུ་འཕང་དབབ་ཏུ་གསོལ།། ཚེ་བུམ་འདི་ལ་བྱིན་གྱིས་རླབས།། ཚེ་བུམ་འདི་ལ་རྟགས་ཤིག་ཕྱུང་།། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ ་གསུང་ཐུགས་ཀྱི་དངོས་གྲུབ་སྩོལ།། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ་ཡུརྡྷ་ན་ཛ། རྡོ་རྗེ་མ་མོ་ཀོ་རཱི་མ།། གཡས་གཡོན་ཞིང་དབྱུག་ཐོད་ཁྲག་མཐིང་།། རྡོ་རྗེ་མ་མོ་ཙཽ་རཱི་མ།། སེར་མོ་ཕྱག་གཉིས་མདའ་གཞུ་འགེངས།། རྡོ་རྗེ ་མ་མོ་པྲ་མོ་ཧཱ།། ཆུ་སྲིན་རྒྱལ་མཚན་ཐོད་ཁྲག་དམར།། རྡོ་རྗེ་མ་མོ་བེ་ཏ་ལཱི། གཡས་ན་རྡོ་རྗེ་ཞིང་དབྱུག་མཐིང་།། རྡོ་རྗེ་མ་མོ་པུཀ་ཀ་སཱི།། དམར་སེར་ཞིང་བཅུའི་རྒྱུ་མ་འདྲེན།། རྡོ་རྗེ་མ་མོ་གྷསྨ་རཱི།། ལྗང་གུ་རྡོ་རྗེ་ཐོད ་ཁྲག་ཐོགས།། རྡོ་རྗེ་མ་མོ་སྨ་ཤ་ནཱི།། ཕྱག་གཉིས་རོ་འཛིན་སྙིང་ཟ་ཞིང་།། རྡོ་རྗེ་མ་མོ་ཙཎྜ་ལཱི།། སེར་སྐྱ་རོ་འཛིན་མགོ་ལུས་འབྲལ།། མ་མོ་ཆེན་མོ་ཁྱེད་བརྒྱད་ནི།། སྤྲུལ་པའི་མ་མོས་སྟོང་ཁམས་འགེངས།། ཐུགས ་ཀ་མ་མོའི་དཔའ་བེའུ་ནས།། བྱང་ཆུབ་སེམས་ཀྱི་ཚེ་འཛིན་མ། ཁུག་ཅིག་དྲོངས་ཤིག་ཚེ་དྲོངས་ཤིག། ཚེ་བུམ་འདི་ལ་བྱིན་གྱིས་རློབས།། ཚེ་བུམ་འདི་ལ་རྟགས་ཤིག་ཕྱུང་།། རིག་འཛིན་སྒྲུབ་པ་པོ་ཡི་ཚེ་སྤེལ་ཅིག། སྐུ ་གསུང་ཐུགས་ཀྱི་དངོས་གྲུབ་སྩོལ།། རྟགས་དང་མཚན་མ་དབྱུང་དུ་གསོལ།། ཨོཾ་བཛྲ་གོ་རཱི་ཧ། ཨོཾ་བཛྲ་ཙཽ་རཱི་ཧ། ཨོཾ་བཛྲ་པྲ་མོ་ཧ། བཛྲ་བེ་ཏ་ལཱི་ཧ། བཛྲ་ཕུཀྐ་སཱི་ཧ། བཛྲ་གྷསྨ་རཱི་ཧ། བཛྲ་སྭ་ཤ་ནི་ཧ། བཛྲ་ཙཎྜ་ལཱི་ཧ། ་ཨོཾ་རུ་ལུ་རུ་ལུ་ཨོཾ་བྷྱོ་ཧཱུཾ། ཨ་ཡུརྡྷ་ན་ཨངྐུ་ཤ་ཛ། བྷྱོ་རྡོ་རྗེ་ཕྲ་མེན་སེང་གདོང་མ།། ཕྱག་གཉིས་ཁ་ཡིས་རོ་འཛིན་སེར།། རྡོ་རྗེ་ཕྲ་ཆེན་སྟག་གདོང་མ།། ཕྱག་གཉིས་བསྣོལ་ཞིང་མནན་ནས་རོ་ལ་བལྟ།། རྡོ་རྗེ་ཕྲ་མེན་ཝ ་གདོང་མ།། དམར་ནག་རོ་སྙིང་ཕྱུང་ནས་ལྡག། རྡོ་རྗེ་ཕྲ་མེན་ཁྱི་གདོང་མ།། རོ་ཡི་ཁོག་འབྱེད་ནང་བལྟ་མཐིང་།། རྡོ་རྗེ་ཕྲ་མེན་བྱ་རྒོད་གདོང་།། དམར་པོ་རྒྱུ་ཟ་གྲི་ཟོད་བསྣམས།། རྡོ་རྗེ་ཕྲ་མེན་ཀངྐ ་གདོང་།། སྨུག་ནག་གཞི་འཛིན་ཕྲག་ལ་བཀལ།། རྡོ་རྗེ་ཕྲ་མེན་བྱ་རོག་གདོང་།། ནག་མོ་རོ་འཛིན་གྲི་ཟོད་བསྣམས།། རྡོ་རྗེ་ཕྲ་མེན་འུག་པའི་གདོང་།། ལྗང་གུ་ལྕགས་ཀྱུ་ཐོད་ཁྲག་བསྣམས།། རྡོ་རྗེ་ཕྲ་མེན་ཁྱེད ་བརྒྱད་ནི།། སྤྲུལ་པ་དཔག་མེད་སྟོང་ཁམས་འགེངས།། ཐུགས་ཀ་དཔལ་བེའུའི་དཀྱིལ་འཁོར་ནས།། བྱང་སེམས་ཐིག་ལེ་ཁུ་འཕང་འབེབས།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས ་ཤིག། ཚེ་བུམ་འདི་ལ་བྱིན་གྱིས་རློབས།། ཚེ་བུམ་འདི་ལ་རྟགས་ཤིག་ཕྱུང་།། ཨོཾ་བཛྲ་སིདྷ་མུ་ཁཱི་ཧེ།། ཨོཾ་བཛྲ་བྱཱ་གྷ་མུ་ཁཱི་ཧེ། ཨོཾ་བཛྲ་ཤཱི་ག་ལ་མུ་ཁཱི་ཧེ།། ཨོཾ་བཛྲ་ཤྭ་ན་མུ་ཁཱི་ཧེ། ཨོཾ་བཛྲ་གྲྀདྡྷ་མུ་ཁཱི་ཧེ། ཨོཾ་བཛྲ་ཀཱཾ་ཀ་མུ ་ཁཱི་ཧེ། ཨོཾ་བཛྲ་ཨུ་ལཱ་མུ་ཁཱི་ཧེ། ཨོཾ་བཛྲ་ཀཱ་ཀ་མུ་ཁཱི་ཧེ། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ་ཡུརྡྷ་ན་ཨངྐུ་ཤ་ཛཿ། ཧཱུཾ་བྷ་ག་དབྱིངས་ཀྱི་ཕོ་བྲང་ནས།། སྲས་མཆོག་རྡོ་རྗེ་ཕུར་པ་སྟེ།། བུདྡྷ་ཀུན་གྱི་ཐུགས་ཀྱི་སྲས།། ཁྲོ་བོའི་ཚུལ ་སྟོན་གདུག་པ་འདུལ།། སྟོང་གསུམ་སྟོང་གི་འཇིག་རྟེན་འདིར།། སྤྲུལ་པ་གྲངས་མེད་ཁྲོ་ཚོགས་ཀྱིས།། དགྲ་བགེགས་གདུག་པ་དབྱིངས་སུ་སྒྲོལ།། མཁའ་མཉམ་བདེ་ཆེན་དབྱིངས་སུ་ཆུག། བྱང་སེམས་ཐིག་ལེ་མི ་ཤིགས་དབུས།། མུ་ཏིག་ཁུ་འཕང་དབབ་ཏུ་གསོལ།། ཚེ་བུམ་འདི་ལ་བྱིན་གྱིས་རློབས།། ཚེ་བུམ་འདི་ལ་རྟགས་ཤིག་ཕྱུང་།། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཧཱུཾ་སྟེང་ནས་རང་བྱུང་གྲུབ་པའི་ལྷ།། རྡོ་རྗེ ་ཁྲོ་བོ་ཧཱུཾ་མཛད་ནི།། ཡབ་ཡུམ་ཕྲ་ཐབས་དཔག་མེད་ཀྱང་།། མཐིང་ནག་ཞལ་གཅིག་ཕྱག་གཉིས་ཏེ།། བགེགས་ཆེན་འདུལ་བའི་ཁྲོ་ཚུལ་སྟོན།། གཡས་ན་ལྕགས་ཀྱུ་ཕུར་པ་བསྣམས།། གཡོན་ན་བདུད་རྩི་བུམ་པ ་བསྣམས།། ཐུགས་ཀའི་ཉི་ཟླ་ཁ་སྦྱོར་ནས།། ཚེ་འཛིན་ཐུགས་ཀྱི་དཔལ་བེའུ་ནས།། བྱང་སེམས་ཐིག་ལེ་ཁུ་འཕང་འབེབས།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིང་ཚེ་དྲོངས་ཤིག། ལྷ་ཡི་གནས ་ནས་ཚེ་ཁུག་ཅིག། ཚེ་བུམ་འདི་ལ་བྱིན་གྱིས་རློབས།། ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ་གརྫ་གརྫ་ཧཱུཾ་ཕཊ། ཨཱ་ཡུརྞྞ་ན་ཛ། ཧཱུཾ་ཤར་ནས་རང་བྱུང་གྲུབ་པའི་ལྷ།། རྡོ་རྗེ་ཁྲོ་བོ་རྣམ་པར་རྒྱལ།། ཡབ་ཡུམ་ཕྲ་ཐབས་དཔག་མེད ་ཀྱང་།། མཐིང་ནག་ཞལ་གཅིག་ཕྱག་གཉིས་ཏེ།། བགེགས་ཆེན་འཇོམས་ཤིང་ཁྲོ་ཚུལ་སྟོན།། གཡས་ན་ལྕགས་ཀྱུ་ཕུར་པ་བསྣམས།། གཡོན་ན་བདུད་རྩི་བུམ་པ་བསྣམས།། ཐུགས་ཀའི་ཉི་ཟླ་ཁ་སྦྱོར་ནས།། ཚེ ་འཛིན་ཐུགས་ཀྱི་དཔལ་བེའུ་ནས།། བྱང་སེམས་ཐིག་ལེའི་ཁུ་འཕང་འབེབས།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། ཤར་ཕྱོགས་དྲི་ཟའི་ལག་ནས་ཚེ་དྲོངས་ཤིག། ཚེ་བུམ་འདི ་ལ་བྱིན་གྱིས་རློབས།། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧཱུཾ་ཕཊ། ཨ་ཡུརྡྷ་ན་ཛ།། ཧཱུཾ་ཤར་ལྷོ་མཚམས་ནས་རང་བྱུང་གྲུབ་པའི་ལྷ།། རྡོ་རྗེ་ཁྲོ་བོ་དབྱུག་སྔོན་ཅན།། ཡབ་ཡུམ་ཕྲ་ཐབས་དཔག་མེད ་ཀྱང་།། མཐིང་ནག་ཞལ་ཅིག་ཕྱག་གཉིས་ཏེ།། བགེགས་ཆེན་འདུལ་བའི་ཁྲོ་ཚུལ་ཅན།། གཡས་པ་ལྕགས་ཀྱུ་ཕུར་པ་བསྣམས།། གཡོན་པས་བདུད་རྩི་བུམ་པ་བསྣམས།། ཐུགས་ཀའི་ཉི་ཟླ་ཁ་སྦྱོར་ནས།། ཚེ ་འཛིན་ཐུགས་ཀྱི་དཔལ་བེའུ་ནས།། བྱང་སེམས་ཐིག་ལེ་ཁུ་འཕང་འབེབས།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། མེ་ལྷའི་ལག་ནས་ཚེ་ཁུག་ཅིག། ཚེ་བུམ་འདི་ལ་བྱིན་གྱིས ་རློབས།། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ་ད་ཧ་ད་ཧ་ཧཱུཾ་ཕཊ། ཨཱ་ཡུརྡྷ་ན་ཛ་ཧཱུཾ། ཧཱུཾ་ལྷོ་ནས་རང་བྱུང་གྲུབ་པའི་ལྷ།། རྡོ་རྗེ་ཁྲོ་བོ་གཤིན་རྗེའི་གཤེད།། ཡབ་ཡུམ་ཕྲ་ཐབས་དཔག་མེད་ཀྱང་།། མཐིང་ནག་ཞལ་གཅིག་ཕྱག ་གཉིས་ཏེ།། བགེགས་ཆེན་འདུལ་བའི་ཁྲོ་ཚུལ་སྟོན།། གཡས་ན་ལྕགས་ཀྱུ་ཕུར་པ་བསྣམས།། གཡོན་ན་བདུད་རྩི་བུམ་པ་བསྣམས།། ཐུགས་ཀའི་ཉི་ཟླ་ཁ་སྦྱོར་ནས།། ཚེ་འཛིན་ཐུགས་ཀྱི་དཔལ་བེའུ་ནས།། བྱང ་སེམས་ཐིག་ལེ་ཁུ་འཕང་འབེབས།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། གཤིན་རྗེ་ལག་ནས་ཚེ་ཁུག་ཅིག། ཚེ་བུམ་འདི་ལ་བྱིན་གྱིས་རློབས།། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ་པ་ཙ ་པ་ཙ་ཧཱུཾ་ཕཊ། ཨཱ་ཡུརྡྷ་ན་ཛ། ཧཱུཾ་ལྷོ་ནུབ་མཚམས་ནས་རང་བྱུང་གྲུབ་པའི་ལྷ།། རྡོ་རྗེ་ཁྲོ་བོ་མི་གཡོ་མགོན།། ཡབ་ཡུམ་ཕྲ་ཐབས་དཔག་མེད་ཀྱང་།། མཐིང་ནག་ཞལ་གཅིག་ཕྱག་གཉིས་ཏེ།། བགེགས་ཆེན་འདུལ་ཞིང ་ཁྲོ་ཚུལ་སྟོན།། གཡས་ན་ལྕགས་ཀྱུ་ཕུར་པ་བསྣམས།། གཡོན་ན་བདུད་རྩི་བུམ་པ་བསྣམས།། ཐུགས་ཀའི་ཉི་ཟླ་ཁ་སྦྱོར་ནས།། ཚེ་འཛིན་ཐུགས་ཀྱི་དཔལ་བེའུ་ནས།། བྱང་སེམས་ཐིག་ལེ་ཁུ་འཕང་འབེབས།། ཁུག ་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། སྲིན་པོའི་ལག་ནས་ཚེ་ཁུག་ཅིག། ཚེ་བུམ་འདི་ལ་བྱིན་གྱིས་རློབས།། ཨོཾ་བཛྲ་ཨཱརྱ་ཨ་ཙ་ལ་ཧཱུཾ་བྷནྡྷ་བྷནྣ་ཧཱུཾ་ཕཊ། ཨཱ་ཡུརྡྷ་ན་ཛ་ཧཱུཾ། ཧཱུཾ་ནུབ་ནས ་རང་བྱུང་གྲུབ་པའི་ལྷ།། རྡོ་རྗེ་ཁྲོ་བོ་རྟ་མགྲིན་དཔལ།། ཡབ་ཡུམ་ཕྲ་ཐབས་དཔག་མེད་ཀྱང་།། མཐིང་ནག་ཞལ་གཅིག་ཕྱག་གཉིས་ཏེ།། བགེགས་ཆེན་འདུལ་བའི་ཁྲོ་ཚུལ་སྟོན།། གཡས་ན་ལྕགས་ཀྱུ་ཕུར་པ ་བསྣམས།། གཡོན་ན་བདུད་རྩི་བུམ་པ་བསྣམས།། ཐུགས་ཀའི་ཉི་ཟླ་ཁ་སྦྱོར་ནས།། ཚེ་འཛིན་ཐུགས་ཀྱི་དཔལ་བེའུ་ནས།། བྱང་སེམས་ཐིག་ལེ་ཁུ་འཕང་འབེབས།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག ་དྲོངས་ཤིག་ཚེ་དྲོངས་ཤིག། ཀླུ་ཡི་ལག་ནས་ཚེ་ཁུག་ཅིག། ཚེ་བུམ་འདི་ལ་བྱིན་གྱིས་རློབས།། ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། ཨཱ་ཡུརྡྷ་ན་ཛ། ཧཱུཾ་ནུབ་བྱང་མཚམས་ནས་རང་བྱུང་གྲུབ་པའི་ལྷ།། རྡོ་རྗེ་ཁྲོ ་བོ་གཞན་གྱིས་མི་ཐུབ་པ།། ཡབ་ཡུམ་ཕྲ་ཐབས་བདག་མེད་ཀྱང་།། མཐིང་ནག་ཞལ་གཅིག་ཕྱག་གཉིས་ཏེ།། བགེགས་ཆེན་འདུལ་བའི་ཁྲོ་ཚུལ་སྟོན།། གཡས་ན་ལྕགས་ཀྱུ་ཕུར་པ་བསྣམས།། གཡོན ་ན་བདུད་རྩི་བུམ་པ་བསྣམས།། ཐུགས་ཀའི་ཉི་ཟླ་ཁ་སྦྱོར་ནས།། ཚེ་འཛིན་ཐུགས་ཀྱི་དཔལ་བེའུ་ནས།། བྱང་སེམས་ཐིག་ལེ་ཁུ་འཕང་འབེབས། ཁུག་ཅིག་ཁུག་ཅིག་ཚེ་ཁུག་གཅིག། དྲོངས་ཤིག་དྲོངས་ཤིག་ཚེ་དྲོངས ་ཤིག། རླུང་ལྷའི་ལག་ནས་ཚེ་ཁུག་ཅིག། ཚེ་བུམ་འདི་ལ་བྱིན་གྱིས་རློབས།། ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ།། ཏིཥྛ་ཏིཥྛ་ཧཱུཾ་ཕཊ། ཨཱ་ཡུརྡྷ་ན་ཛ། ཧཱུཾ་བྱང་ནས་རང་བྱུང་གྲུབ་པའི་ལྷ།། རྡོ་རྗེ་ཁྲོ་བོ་བདུད་རྩི་འཁྱིལ།། ཡབ ་ཡུམ་ཕྲ་ཐབས་དཔག་མེད་ཀྱང་།། མཐིང་ནག་ཞལ་གཅིག་ཕྱག་གཉིས་ཏེ།། བགེགས་ཆེན་འདུལ་བའི་ཁྲོ་ཚུལ་སྟོན།། གཡས་ན་ལྕགས་ཀྱུ་ཕུར་པ་བསྣམས།། གཡོན་ན་བདུད་རྩི་བུམ་པ་བསྣམས།། ཐུགས་ཀའི་ཉི་ཟླ ་ཁ་སྦྱོར་ནས།། ཚེ་འཛིན་ཐུགས་ཀྱི་དཔལ་བེའུ་ནས།། བྱང་སེམས་ཐིག་ལེ་ཁུ་འཕང་འབེབས།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིག་དྲོངས་ཤིག་ཚེ་དྲོངས་ཤིག། གནོད་སྦྱིན་ལག་ནས་ཚེ་ཁུག ་ཅིག། ཚེ་བུམ་འདི་ལ་བྱིན་གྱིས་རློབས།། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ་ཕཊ། ཙྪིནྡ་ཙྪིནྡ་ཧཱུཾ་ཕཊ། ཨཱ་ཡུརྫྫ་ན་ཛ། ཧཱུཾ་བྱང་ཤར་མཚམས་ནས་རང་བྱུང་གྲུབ་པའི་ལྷ།། རྡོ་རྗེ་ཁམས་གསུམ་རྣམ་རྒྱལ་དང་།། ཡབ་ཡུམ ་པྲ་ཐབས་དཔག་མེད་ཀྱང་།། མཐིང་ནག་ཞལ་གཅིག་ཕྱག་གཉིས་ཏེ།། བགེགས་ཆེན་འདུས་པའི་ཁྲོ་ཚུལ་སྟོན།། གཡས་པ་ལྕགས་ཀྱུས་ཕུར་པ་བསྣམས།། གཡོན་ན་བདུད་རྩི་བུམ་པ་བསྣམས།། ཐུགས་ཀའི་ཉི་ཟླ་ཁ ་སྦྱོར་ནས།། ཚེ་འཛིན་ཐུགས་ཀྱི་དཔལ་བེའུ་ནས།། བྱང་སེམས་ཐིག་ལེ་ཁུ་འཕང་འབེབས།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། འབྱུང་པོའི་ལག་ནས་ཚེ་ཁུག་ཅིག། ཚེ་བུམ ་འདི་ལ་བྱིན་གྱིས་རློབས།། ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ་ཕཊ།། བིནྡ་བིནྡ་ཧཱུཾ་ཕཊ། ཨཱ་ཡུརྫྫ་ན་ཛ། ཧཱུཾ་འོག་གི་ཕྱོགས་ནས་རང་བྱུང་གྲུབ་པའི་ལྷ།། རྡོ་རྗེ་ཁྲོ་བོ་སྟོབས་པོ་ཆེ།། ཡབ་ཡུམ་ཕྲ་ཐབས་འཁོར་བཅས ་ཀྱང་།། མཐིང་ནག་ཞལ་གཅིག་ཕྱག་གཉིས་པ།། བགེགས་ཆེན་འདུལ་བའི་ཁྲོ་ཚུལ་སྟོན།། གཡས་ན་ལྕགས་ཀྱུ་ཕུར་པ་བསྣམས།། གཡོན་ན་བདུད་རྩི་བུམ་པ་བསྣམས།། ཐུགས་ཀའི་ཉི་ཟླ་ཁ་སྦྱོར་ནས།། ཚེ ་འཛིན་ཐུགས་ཀྱི་དཔལ་བེའུ་ནས།། བྱང་སེམས་ཐིག་ལེ་ཁུ་འཕང་འབེབས།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། ས་བདག་ལག་ནས་ཚེ་ཁུག་ཅིག། ཚེ་བུམ་འདི་ལ་བྱིན་གྱིས ་རློབས།། ཨོཾ་བཛྲ་ཀྲོ་དྷ་མ་ཧ་བ་ལ་ཧཱུཾ། སྥོ་ཊ་སྥོ་ཊ་ཧཱུཾ་ཕཊ། ཨཱ་ཡུརྡྷ་ན་ཛ། ཧཱུཾ་ཤར་གྱི་ཕྱོགས་ནས་ཚེ་འགུགས་མ།། དཀར་མོ་ཞི་མཛད་སྐྱ་ཀའི་མགོ།། ལྕགས་ཀྱུ་ཚེ་ཡི་བུམ་པ་བསྣམས།། ལོག་འདྲེན་འགུགས་མཛད ་སྒོ་སྲུང་མ།། ཁུག་ཅིག་ཁྲག་ཅིག་ཚེ་ཁྲག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། དྲི་ཟའི་ལག་ནས་ཚེ་ཁྲག་ཅིག། ཨོཾ་བཛྲ་ཀི་ལི་ཀཱི་ལ་ཡ། བི་ད་བིང་བིང་ཧཱུཾ་ཕཊ། ཨཱ་ཡུརྡྷ་ན་ཛ། ཙུཾ་ལྷོ་ཡི་ཕྱོགས ་ནས་རང་བྱུང་གྲུབ་པའི་ལྷ།། སེར་མོ་པུ་ཤུད་མགོ་ཅན་མ།། ཞགས་པ་ཚེ་ཡི་བུམ་པ་བསྣམས།། ཚེ་དང་ལོངས་སྤྱོད་རྒྱས་པར་འཛོད།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། གྲུལ ་བུམ་ལག་ནས་ཚེ་ཁུག་ཅིག། ཚེ་བུམ་འདི་ལ་བྱིན་གྱིས་རློབས།། ཨོཾ་བཛྲ་ཀི་ལི་ཀཱི་ལ་ཡ་ན་མ་ས་མནྟ་ཧྲིང་ཧྲིང་ཧཱུཾ་ཕཊ། ཨཱ་ཡུརྞྞ་ན་ཛ། ཧཱུཾ་ནུབ་ནས་རང་བྱུང་གྲུབ་པའི་ལྷ།། དམར་མོ་སྲིན་བྱའི་མགོ་ཅན་མ།། ལྕགས ་སྒྲོག་ཚེ་ཡི་དངོས་གྲུབ་སྩོལ།། ལོག་འདྲེན་དབང་མཛད་སྒོ་སྲུང་མ།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས་ཤིག་དྲོངས་ཤིག་ཚེ་དྲོངས་ཤིག། ཀླུ་ཡི་ལག་ནས་ཚེ་ཁུག་ཅིག། ཨོཾ་བཛྲ་ཀི་ལི་ཀཱི་ལ་ཡ། སུ་རུ་སུ་རུ་པྲ་སུ ་རུ་ཧཱུཾ་ཕཊ། ཨཱ་ཡུརྡྷ་ན་ཛ། ཧཱུཾ་བྱང་གི་ཕྱོགས་ནས་རང་བྱུང་གྲུབ་པའི་ལྷ།། ལྗང་གུ་ཁྲ་ཡི་མགོ་ཅན་མ།། དྲིལ་བུ་ཚེ་ཡི་བུམ་པ་བསྣམས།། ལོག་འདྲེན་སྒྲོལ་མཛད་སྒོ་སྲུང་མ།། ཁུག་ཅིག་ཁུག་ཅིག་ཚེ་ཁུག་ཅིག། དྲོངས ་ཤིག་དྲོངས་ཤིག་ཚེ་དྲོངས་ཤིག། གནོད་སྦྱིན་ལག་ནས་ཚེ་ཁུག་ཅིག། ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་མཱ་ར་ཡ་ཧཱུཾ་ཕཊ། ཨཱ་ཡུརྫྫ་ན་ཛ། ཚེ་ཡི་དངོས་པོ་འཆི་མེད་འདི།། ཁྲག་འཐུང་ལྔ་ཡི་ཐུགས་ཀར་སྒྲ།། མི་འགྱུར་ཚེ ་ཡི་ཐིག་ལེ་ལ།། རྡོ་རྗེས་རྒྱས་བཏབ་མི་གཤེགས་དབུས།། འཁོར་ལོས་རྒྱས་བཏབ་བདུད་བཞི་བཅོམ།། རིན་ཆེན་རྒྱས་བཏབ་བསམ་ཞིང་འགྲུབ།། པདྨས་རྒྱས་བཏབ་ཉོན་མོངས་བསྒྲོལ།། རྒྱ་གྲམ་རྒྱས་བཏབ་དོན ་རྣམས་འགྲུབ།། ཡེ་ཤེས་ལྔ་ཡི་རྒྱས་བཏབ་པས།། དབྱིངས་ཀྱི་ཐིག་ལེ་མི་ཤིགས་སོ།། ཨཱ་ཡུ་ཨཱ་བེ་ཡ་ཨཱ། ནམ་མཁའ་ལྟ་བུར་སྐྱོན་མེད་ཀྱང་།། ཆར་སྤྲིན་ལྟ་བུར་ཚེ་དབང་བླང་།། ཧཱུཾ་དཔལ་ཆེན་རྡོ་རྗེ་གཞོན་ནུ ་ནི།། བདེ་ཆེན་རྒྱས་པ་བྷ་གའི་དབྱིངས།། ཁྲག་འཐུང་འདུས་པའི་ཁྲོ་རྒྱལ་བཅུ།། འགྱུར་བ་མེད་པ་ཚེ་ཡི་ཐུགས།། ཐབས་ཀྱིས་སྤྱོད་པས་འགྲོ་དོན་དུ།། བྱམས་དང་སྙིང་རྗེས་གང་འདུལ་བ།། བུདྡྷ་ཕྲིན་ལས་རྫོགས ་མཛད་པ།། དབང་དང་བྱིན་རླབས་བདག་སྩོལ་ཅིག། ཧཱུཾ་ཁྲག་འཐུང་ལྔ་ཡི་དབང་བསྐུར་བས།། ཉོན་མོངས་དུག་ལྔ་རབ་དག་ནས།། ཡེ་ཤེས་ལྔ་རྫོགས་ཐིག་ལེ་རྒྱས།། འཆི་མེད་ཚེ་ཡི་རིགས་འཛིན་ཐོབ།། ཨོཾ་བཛྲ་ཀི ་ལི་ཀི་ལ་ཡ་ཛ་ཧཱུཾ་བཾ་ཧོཿ། བཛྲ་ཤྲཱི་ཧེ་རུ་ཀ་བཛྲ་ཀྲོ་དྷི་ཤྭ་རཱི་སྟཱཾ། ཨ་བྷི་ཥིཉྩ་མཱཾ། བྷདྠ་ཤྲཱི་ཧེ་རུ་ཀ་བྷུཛྫ་ཀྲོ་དྷི་ཤྭ་རཱི་སྟཾ། རཏྣ་ཤྲཱི་ཧེ་རུ་ཀ། རཏྣ་ཀྲོ་དྷཱི་ཤ་རཱི་བྷྱཱཾ།། པདྨ་ཤྲཱི་ཧེ་རུ་ཀ། པདྨ་ཀྲོ་དྷཱི་ཤྭ་རཱི་སྟཱཾ། ཀརྨ་ཤྲཱི་ཧེ་རུ་ཀ། ཀརྨ ་ཀྲོ་དྷི་ཤྭ་རཱི་སྟཾ། ཨ་བྷི་ཥིཉྩ་མཱཾ། ཨོཾ་ཨཱཿཧཱུཾ། ཚེ་ཡི་དངོས་གྲུབ་བླང་བ་ཡིས།། ནད་དང་བྲལ་ཞིང་སྡུག་བསྔལ་ཞི།། བགེགས་མེད་ཉི་ཟླའི་ཚེ་དང་མཉམ།། ཁྲག་འཐུང་སྐུ་དང་དབྱེར་མེད་འགྱུར།། འོད་དང་འཇའ་དང་དུ ་བ་མེ།། ཁོལ་བ་ཚེ་ཡི་རྟགས་ཡིན་ནོ།། ཉེ་བསྙེན་བསྙེན་སྒྲུབ་སྒྲུབ་ཆེན་ནོ།། དམིགས་པའི་རྟེན་ལ་ངེས་པར་འགྲུབ།། སྐུ་གསུང་ཐུགས་ལ་བསྒྲུབ་གྱུར་ཀྱང་།། ཁྱད་པར་ཐུགས་ལ་ཉེ་བར་འགྲུབ།། གྲུབ ་པའི་རྟགས་ནི་བྱུང་བ་དང་།། ལྕང་ལོ་ཐོད་པ་ཁ་སྦྱར་དུ།། བདུད་རྩི་རྩ་བ་ལྔ་བཙལ་ནས།། རྩ་བརྒྱད་སྟོང་ལ་སྦྱར་བའི་རིལ་བུ་གཞུག། འོད་ཟེར་ལྔ་དང་ཡང་དག་ལྡན།། དེ་བཞིན་བཟའ་བ་བཅའ་བ་དང་།། བཏུང ་དང་ལྡག་དང་གཞི་ལ་སོགས།། རྒྱན་དང་རིན་ཆེན་གོས་རྣམས་ལ།། དག་ཅིང་སྤེལ་བའི་སྔགས་འདི་བརྗོད།། ཨོཾ་བཛྲ་ཀཱི་ལི་ཀི་ལ་ཡ་ཛཿཧཱུཾ་བཾ་ཧོཿ།། ཨ་མྲྀ་ཏ་སིདྡྷི་ཧཱུཾ་ཧཱུཾ་ཧྲི་ཐཱ། ཨཱ་བེ་ཤ་ཡ་ཧོ། འདོད་པའི་ཡོན་ཏན་ལྔ ་རྣམས་ཀྱང་།། མྱུར་དུ་འགྲུབ་ཅིང་མངོན་ཤེས་འཆར།། རིག་པ་འཛིན་པ་མྱུར་དུ་ཐོབ།། ཨ་ལ་ལ་ཧོ། ཨེ་མ་ཧོ། བཅོམ་ལྡན་འདས་ནི་ཁྲོ་རྒྱལ་གཙོ།། རྡོ་རྗེ་སྲིན་པོ་ནམ་ནི་ལངས་ལགས་ན།། གཟའ་སྐར་རྒྱལ་པོ་ཉི་མ ་རྩེ་ཤར་གྱིས།། བཟླས་བརྗོད་བསྙེན་པའི་གྲངས་ནི་ཐེམས་ལག་ན།། འགྲུབ་པའི་རྟགས་མཚན་མྱུར་དུ་བསྟན་ནས་ཀྱང་།། སྐུ་གསུང་ཐུགས་ཀྱི་དངོས་གྲུབ་སྩོལ་རེ་རན།། དབང་དང་བྱིན་རླབ་ཐམས་ཅད་བདག་སྩོལ ་ཅིག། ཧཱུཾ་བརྗོད་མེད་སྤྲོས་བྲལ་ཆོས་ཀྱི་སྐུ།། སྐུ་གསུམ་རྫོགས་པ་ཁྲོ་རྒྱལ་སྐུ།། མི་གནས་ཡེ་ཤེས་ནམ་མཁའི་ཐུགས།། ཐུན་མོང་མ་ཡིན་ཁྱད་པར་འཕགས།། ཡེ་ཤེས་མི་འགྱུར་དཔལ་བེའུ་ནས།། བདེ་ཆེན་ཐིག་ལེ ་བྱང་ཆུབ་སེམས།། བདུད་འདུལ་རྡོ་རྗེ་གཞོན་ནུ་ཡི།། སྐུ་གསུང་ཐུགས་ཀྱི་དངོས་གྲུབ་རྣམས།། མ་ཐོགས་མྱུར་དུ་སྩལ་དུ་གསོལ།། མི་འཆི་ཚེ་ཡི་དངོས་གྲུབ་སྩོལ།། མངོན་པར་ཤེས་པའི་དངོས་གྲུབ་སྩོལ།། རྫུ་འཕྲུལ ་མཐུ་ཡི་དངོས་གྲུབ་སྩལ་དུ་གསོལ།། རིག་པ་འཛིན་པའི་དངོས་གྲུབ་སྩལ་དུ་གསོལ།། ཕྲིན་ལས་རྣམ་བཞིའི་དངོས་གྲུབ་སྩལ་དུ་གསོལ།། རིགས་རྒྱུད་འཕེལ་བའི་དངོས་གྲུབ་སྩལ་དུ་གསོལ།། གྲུབ་མཆོག་བརྒྱད་ཀྱི ་དངོས་གྲུབ་བསྩལ་དུ་གསོལ།། ནད་བགེགས་འཇོམས་པའི་དངོས་གྲུབ་སྩལ་དུ་གསོལ།། ཧཱུཾ་བདེ་མཆོག་ནམ་མཁའི་དཀྱིལ་ཡངས་ནས།། ཡིད་འོང་སྐྱོན་བྲལ་བདེ་སྤྱོད་མ།། འཁོར་ལོ་རྒྱས་འདེབས་ཁྲོ་མོའི ་གཙོ།། ཡུམ་གྱི་མཁའ་ཀློང་ཐིག་ལེ་ལས།། ཐུགས་ཀྱི་དངོས་གྲུབ་སྩལ་དུ་གསོལ།། ཧཱུཾ་ནམ་མཁའ་ལྟ་བུར་དག་པའི་སྐུ།། མཁའ་འདུས་བདེ་ཀློང་རྒྱས་པའི་སྐུ།། དབྱིངས་ཀྱི་ཐིག་ལེ་ཛ་ཏི་མ།། ཟག་མེད་བདེ་བའི ་དངོས་གྲུབ་སྩོལ།། ཧཱུཾ་ཡབ་ཡུམ་གཉིས་མེད་བདེ་ཆེན་ལས།། མི་ཤིགས་ཐིག་ལེ་ལས་བྱུང་བའི།། ལྷ་རྣམས་འདུལ་བའི་བུར་སྲས་མཆོག། ཕྲིན་ལས་སྣ་ཚོགས་དངོས་གྲུབ་སྩོལ།། ཧཱུཾ་ཉི་ཟླ་བསྣོལ་བའི་གདན་སྟེང ་ན།། ལྷ་རྣམས་འདུལ་བའི་ཁྲོ་རྒྱལ་གཙོ།། རྡོ་རྗེ་ཧཱུཾ་མཛད་སྒྲ་འབྱིན་མ།། སྤྲུལ་པ་ཕག་དང་སྨིག་བུའི་མགོ། ཕྱག་བརྙན་ཡང་སྦྲུལ་མང་པོའི་ཚོགས།། ལྷ་ཡི་གདོན་ཆེན་འདུལ་བ་དང་།། ཚེ་ལ་དབང་བའི་དངོས་གྲུབ ་སྩོལ།། ཧཱུཾ་དྲི་ཟ་བསྣོལ་བའི་གདན་སྟེང་ན།། དྲི་ཟ་འདུལ་བའི་ཁྲོ་བོ་གཙོ།། རྡོ་རྗེ་རྣམ་རྒྱལ་མདའ་སྙེམ་མ།། སྤྲུལ་པ་སྟག་དང་བྱ་རྒོད་མགོ། ཕྱག་བརྙན་ཡང་སྦྲུལ་མང་པོའི་ཚོགས།། དྲི་ཟའི་གདོན་ཆེན ་འདུལ་བ་དང་།། ལས་ལ་དབང་བའི་དངོས་གྲུབ་སྩོལ།། ཧཱུཾ་མེ་ལྷ་བསྣོལ་བའི་གདན་སྟེང་ན།། མེ་ལྷ་འདུལ་བའི་ཁྲོ་བོ་གཙོ།། རྡོ་རྗེ་དབྱུག་སྔོན་སྡེར་མོ་དང་།། སྤྲུལ་པ་གཡག་དང་བྱ་རོག་མགོ། ཕྱག་བརྙན་ཡང་སྦྲུལ ་མང་པོའི་ཚོགས།། མེ་ལྷའི་གདོན་ནི་འདུལ་བ་དང་།། ཡོ་བྱད་དབང་བའི་དངོས་གྲུབ་སྩོལ།། ཧཱུཾ་གཤིན་རྗེ་བསྣོལ་བའི་གདན་སྟེང་ན།། གཤིན་རྗེ་འདུལ་བའི་ཁྲོ་བོའི་གཙོ།། གཤིན་རྗེའི་གཤེད་པོ་དུར་ཁྲོད ་བདག། སྤྲུལ་པ་ཤ་བ་འུག་པའི་མགོ། ཕྱག་བརྙན་ཡང་སྦྲུལ་མང་པོའི་ཚོགས།། གཤིན་རྗེའི་གདོན་རྣམས་འདུལ་བ་དང་།། མོས་ལ་དབང་བའི་དངོས་གྲུབ་སྩོལ།། ཧཱུཾ་སྲིན་པོ་བསྣོལ་བའི་གདན་སྟེང་ན།། སྲིན་པོ ་འདུལ་བའི་ཁྲོ་རྒྱལ་གཙོ།། རྡོ་རྗེ་མི་གཡོ་གཏུན་ཁུང་མ།། སྤྲུལ་པ་གཟིག་དང་ཁྭ་ཡི་མགོ། ཕྱག་བརྙན་ཡང་སྦྲུལ་མང་པོའི་ཚོགས།། སྲིན་པོ་གདོན་ཚོགས་འདུལ་བ་དང་།། སྨོན་ལམ་དབང་བའི་དངོས་གྲུབ་སྩོལ།། ཧཱུཾ ་ཀླུ་དབང་བསྣོལ་བའི་གདན་སྟེང་ན།། ཀླུ་དབང་འདུལ་བའི་ཁྲོ་བོ་གཙོ།། རྟ་མགྲིན་རྡོ་རྗེ་གཏུམ་མོ་དང་།། སྤྲུལ་པ་བྱི་ལ་པུ་ཤུད་མགོ། ཕྱག་བརྙན་སྤྲུལ་པ་མང་པོའི་ཚོགས།། ཀླུ་ཡི་གདོན་རྣམས་འདུལ་བ་དང་།། རྫུ ་འཕྲུལ་དབང་བའི་དངོས་གྲུབ་སྩོལ།། ཧཱུཾ་རླུང་ལྷ་བསྣོལ་བའི་ཁྲི་སྟེང་དུ།། རླུང་ལྷའི་གདོན་འདུལ་ཁྲོ་བོའི་གཙོ།། གཞན་གྱིས་མི་ཐུབ་མདའ་སྙེམ་མ།། སྤྲུལ་པ་སྦྱང་ཀི་ཁྲ་ཡི་མགོ། ཕྱག་བརྙན་ཡང་སྦྲུལ་མང་པོའི ་ཚོགས།། རླུང་ལྷའི་གདོན་རྣམས་འདུལ་བ་དང་།། སྐྱེ་ལ་དབང་བའི་དངོས་གྲུབ་སྩོལ།། ཧཱུཾ་གནོད་སྦྱིན་བསྣོལ་བའི་གདན་སྟེང་ན།། གནོད་སྦྱིན་འདུལ་བའི་ཁྲོ་བོའི་གཙོ།། རྡོ་རྗེ་བདུད་རྩི་རླུང་འབྱིན་མ།། སྤྲུལ་པ་སེང ་གེ་ཕ་ཝང་མགོ། ཕྱག་བརྙན་ཡང་སྦྲུལ་མང་པོའི་ཚོགས།། གནོད་སྦྱིན་གདོན་རྣམས་འདུལ་བ་དང་།། ཆོས་ལ་དབང་བའི་དངོས་གྲུབ་སྩོལ།། ཧཱུཾ་འབྱུང་པོ་བསྣོལ་བའི་གདན་སྟེང་ན།། འབྱུང་པོ་འདུལ་བ་ཁྲོ་བོའི ་གཙོ།། ཁམས་གསུམ་རྣམ་རྒྱལ་གསོད་མ་དང་།། སྤྲུལ་པ་བསྲེ་མོ་དོམ་གྱི་མགོ། ཕྱག་བརྙན་ཡང་སྦྲུལ་མང་པོའི་ཚོགས།། འབྱུང་པོ་གདོན་རྣམས་འདུལ་བ་དང་།། སེམས་ལ་དབང་བའི་དངོས་གྲུབ་སྩོལ།། ཧཱུཾ་ས ་བདག་བསྣོལ་བའི་གདན་སྟེང་ན།། ས་བདག་འདུལ་བའི་ཁྲོ་རྒྱལ་གཙོ།། སྟོབས་ཆེན་རྡོ་རྗེ་བསྐྱེད་མ་དང་།། སྤྲུལ་པ་དྲེད་དང་བྱི་ལའི་མགོ། ཕྱག་བརྙན་ཡང་སྦྲུལ་མང་པོའི་ཚོགས།། ས་བདག་གདོན་རྣམས་འདུལ་བ ་དང་།། སེམས་ལ་དབང་བའི་དངོས་གྲུབ་སྩོལ།། ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་མ།། སྐྱ་ཀ་པུ་ཤུད་སྲིན་བྱ་ཁྲ་ཡི་མགོ། འགུགས་འདེགས་སྡོམ་འབེབས་མཁའ་འགྲོ་མ་བཞི་ཡིས།། ཕྲིན་ལས་རྣམ་བཞིའི ་དངོས་གྲུབ་སྩོལ།། ལྷ་ཡི་སྐུ་རྣམས་གཡོ་འགུལ་ཡིག་འབྲུ་སྒྲ།། ཐུགས་ནི་ལྡིང་འཕྱོ་གོས་འོད་མེ།། བདུད་རྩི་བཟའ་བཏུང་གོས་རྣམས་ཀྱང་།། དུ་བ་འཇའ་དང་མེ་དང་འཚག། མདངས་རྣམས་གསལ ་ན་དངོས་གྲུབ་ཐོབ།། ཕྲིན་ལས་བཞི་དང་གྲུབ་པ་བརྒྱད།། མཁའ་སྤྱོད་གནས་སུ་མྱུར་དུ་འགྲོ།། རྡོ་རྗེ་མེ་ལྕེ་གསུམ་ལྡན་ཞིང་།། མི་ནས་ཡེ་ཤེས་སྐུར་འགྱུར་ཞིང་།། ཐིག་ལེ་ཉག་གཅིག་མྱུར་དུ་ཐོབ།། དཔལ་རྡོ་རྗེ ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། ཚེ་དང་དངོས་གྲུབ་བླང་བའི་ལེའུ་སྟེ་བརྒྱད་པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས་ལ་འདི་སྐད་གསོལ།། གདུག་པ་འདུལ ་བའི་བཅོམ་ལྡན་འདས།། བར་ཆོད་ཐམས་ཅད་གནོན་པའི་ཐབས།། དེ་ནི་གང་ལགས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། བསྒྲལ་བའི་ཞིང་ནི་དགྲ་དང་ནི།། བར་དུ་གཅོད་པའི་བགེགས ་ཆེན་ལ།། དཀྱིལ་འཁོར་ལྷོ་ནུབ་སྲིན་པོའི་སར།། གྲུ་གསུམ་རིམ་གསུམ་ནག་པོར་བྱ།། རྣམ་ལྔའི་ལིངྒ་འཁོར་ལོར་ལྡན།། འཁོར་ལོ་རྩིབས་དྲུག་མུ་ཁྱུད་ལྡན།། ལིངྒ་འཁོར་ལོའི་ལྟོ་བར་སྦྱར།། རྒྱུ་མ་ཆེན་པོས་རབ་ཏུ ་བསྡམ།། རས་སྐུད་ཁ་དོག་ལྔ་ཡིས་བཅིང་།། རྣམ་ལྔ་དུར་ཁྲོད་བགེགས་ཀྱི་ཤུལ།། གནོད་པའི་ལིངྒ་དེ་རུ་སྦྱར།། བསམ་གཏན་རྩེ་གཅིག་ཡིད་ཀྱིས་འགྲུབ།། སྔགས་ཀྱི་གྲངས་ནི་ཁྲི་ཚོ་གཅིག། འགྲུབ་འགྱུར་འདི ་ལ་ཐེ་ཚོམ་མེད།། ཉུང་དཀར་ཉུང་ནག་སྐེ་ཚེ་དང་།། ཤང་ཚེ་བྱེ་མ་གསུམ་དང་ལྡན།། རྡོ་དྲེག་ཟི་ར་ཏིལ་ནག་དང་།། དུག་ཁྲག་ཚོགས་པས་རྣོ་ངར་བསྐྱེད།། ཨོཾ་བཛྲ་ཀཱི་ལི་ཀི་ལ་ཡ་དཱཔྟི་ཙ་ཀྲ་ཧ་ན་ཧ་ན་རུ་ལུ་རུ་ལུ་ཧཱུཾ་བྷྱོ ་ཧཱུཾ་ཛཿཧཱུཾ་བཾ་ཧོཿ།། སརྦ་བིགྷྣཱན་བཾ་ཧཱུཾ་ཕཊ། ཨོཾ་ལཾ་ཧཱུཾ་ལཾ། མོ་ཧ་གྷ་ཡ་ཆེ་གེ་མོ་སྟཾ་བྷ་ཡ་ནན། མོན་དང་རབས་ཆད་ཟོད་པ་དང་།། ལ་ཆའི་སྦལ་པ་གླང་རུ་དང་།། སྣརེལ་གྲི་ར་ཡི་ཐོད་པ་དང་།། སྤྲེའུ་བྱི་ལ་ཕག་ཟོད ་དང་།། སྦྲུལ་སྦལ་རུས་སྦལ་ཁོག་པ་དང་།། མཆོད་རྟེན་སཙྪ་རྡོ་རྗེ་དང་།། རི་རབ་རྒྱ་གྲམ་རྡོ་རྗེ་དང་།། མཁའ་ལྡིང་སྐུ་གདུང་འོག་ཏུ་མནན།། མི་ཉིད་གཤིན་རྗེ་མགོན་པོ་དང་།། བདུད་སྲིན་མ་མོ་ཕོ་མོའི་རིགས།། ཀླུ ་གཉེན་ས་བདག་ཀླུ་མོ་རྣམས།། མནན་པས་བསོད་ནམས་ཆེན་པོ་ཐོབ།། བག་ཆགས་ཉོན་མོངས་རབ་དག་ནས།། སྐྱེ་འགག་མེད་ཅིང་རོལ་པའི་ངང་།། བསམ་དུ་མེད་ཅིང་བརྗོད་ལས་འདས།། རྟོགས་ནས་བླ་མེད ་ཡུལ་དུ་འགྱུར།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། མནན་པའི་ལེའུ་སྟེ་དགུ་པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བྷ་ག་ཝཱན་ལ་འདི་སྐད་གསོལ།། ཐུགས་རྗེ་ལྡན ་པའི་བཅོམ་ལྡན་འདས།། ཟོར་གྱི་བཟློག་དང་གསོད་བྱེད་པའི།། ཐབས་ནི་གང་ལགས་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། ཟོར་ནི་ལྷ་ཡི་སྐུ་ཡིན་ཏེ།། ནུབ་བྱང་རླུང་ལྷ་འདུ་མཚམས ་སུ།། བསམ་གཏན་རྩེ་གཅིག་ཡིད་ཀྱིས་བསྒྲུབ།། དྲག་པོ་ཕུར་ཐུན་ཁྲོ་བོའི་ལས།། དྲག་པོའི་ལས་ནི་མདའ་ཡི་ཟོར།། མཁའ་འགྲོ་རྣམས་ཀྱི་ཁྲག་གི་ཟོར།། དབང་ཕྱུག་ཕྲ་མེན་སྒོ་ངའི་ཟོར།། ་དང་ཐོད་པ་ཟོར་དུ་འཕང་།། རྣོ་བར་བྱེད་པ་ཐུན་གྱི་རྫས།། དྲག་པོར་བྱེད་པ་སྔགས་ཀྱི་དཔལ།། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། སརྦ་བིགྷྣཱ་བཾ་ཧཱུཾ་ཕཊ། མ་མ་པ་ཤི་ཀུ་རུ་མ་ཏཾ་ཉ་ཀ་ར་ཨི་དན། དྷ་ཏི་མ་མ་ཀརྨ་ཤི ་གྷཾ་ཀཱ་ར་ཡ་མཱ་ར་ཡ་ཐུན།། རབ་འབྲིང་ཐ་མ་བརྡེག་པའི་གནས།། དམག་དང་གཏོར་མ་མདའ་འཕེན་དང་།། ཁྲག་མཚོ་ཁོལ་ན་གྲུབ་པའི་རྟགས།། གང་ལ་འཕེན་པས་བཟློག་པར་འགྱུར།། གློ་དང་གཟེར་ཐབས ་མཆིན་ནད་ཀྱིས།། འཆི་འགྱུར་འདི་ལ་ཐེ་ཚོམ་མེད།། ལྷ་ཀླུ་ཀུན་ཀྱང་གསོད་པར་འགྱུར།། བསད་པས་བྱང་ཆུབ་སྒྲུབ་པར་བྱེད།། སྐྱེ་མཆི་མེད་པའི་བྱང་ཆུབ་སེམས།། འཁོར་འདས་རོ་གཅིག་ཆོས་ཀྱི་དབྱིངས།། ནམ ་མཁའ་ལྟ་བུར་ཁྱབ་པའི་སྒྲ།། མྱུར་དུ་འགྲུབ་སྟེ་ཐེ་ཚོམ་མེད།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། ཟོར་གྱི་ལེའུ་སྟེ་བཅུ་པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བཅོམ ་ལྡན་འདས་ལ་འདི་སྐད་གསོལ།། བདུད་རྣམས་སྲེག་མཛད་བཅོམ་ལྡན་འདས།། སྦྱིན་སྲེག་ལས་ནི་ཅི་ལྟར་སྒྲུབ།། བཅོམ་ལྡན་འདས་ལ་འདི་སྐད་གསོལ།། བཅོམ་ལྡན་འདས་ཀྱིས་བཀའ་སྩལ་པ།། གང་ཞིག་སྦྱིན ་སྲེག་མ་བྱས་ན།། ལས་རྣམ་འགྲུབ་པར་མི་འགྱུར་ཅིང་།། དམ་ཚིག་ཉམས་པ་མི་སྐོངས་ཤིང་།། སྡིག་པ་དག་པར་མི་འབྱུང་བས།། དེ་བས་ནན་ཏན་ཆེར་བསྐྱེད་ནས།། སྦྱིན་སྲེག་ལས་ལ་སྦྱོར་བར་བྱ།། གཟའ་སྐར ་ཕུན་སུམ་ཚོགས་པ་ལ།། དུས་ཚོད་ལྡན་པས་གནས་ཉིད་དུ།། བྲམ་ཟེ་ཁྱིམ་དང་གཙུག་ལག་ཁང་།། སྨད་ཚོང་ཁྱིམ་དང་དུར་ཁྲོད་དུ།། ཞི་དང་རྒྱས་པ་དབང་དྲག་གི། ཐབ་ཁུང་ཟླུམ་ཞིག་དཀར་ལ་འཚེར།། ཟླ་གམ ་དམར་ལ་གདེངས་པ་དང་།། གྲུ་བཞི་སེར་ལ་སྣུམ་པ་དང་།། གནག་ཅིང་རྩུབ་པ་དྲག་པོའི་ཐབ།། རིམ་པ་གསུམ་ལྡན་ཞལ་གྱི་དབྱིབས།། ཤར་ལྷོ་མེ་ལྷའི་མཚམས་ཉིད་དུ།། མ་ཏྲཾ་དཀྱིལ་འཁོར་ཡང་དག་གནས།། འོ། ་མ་ཅན་དང་དྲི་ཞིམ་དང་།། དཀར་ནག་ཚེར་མ་ཅན་གྱི་ཤིང་།། ཏིལ་དཀར་ཡུངས་ཀར་ཙནྡན་དམར།། ཏིལ་དང་ཟི་ར་ནག་པོ་དང་།། ཤ་ཁྲག་རུས་པ་གུ་གུལ་ནག། དུག་ཁྲག་སྙིང་སྣ་ཚོགས་ཚད་རྣམས།། དཱུར་བ་ཀུ ་ཤཡམ་ཤིང་དང་།། འབྲས་དང་འབྲས་སོ་སྲན་མ་ནས།། བྲ་འོ་མར་ཁུ་སྐེ་ཚེ་མར།། བོང་བུ་རྔ་མོའི་སྤངས་དང་ནི།། བྱ་རོག་འུག་པའི་ཤ་དང་བཅས།། རྔ་མོ་མ་ཧེ་གླང་གི་ཤ། ཆང་དང་མི་ཤ་ཉ་ཡི་ཤ། ཡུང་བ་གུར ་གུམ་མེ་ཏོག་སེར།། འོ་མ་ཞོ་མར་མངར་གསུམ་བཅས།། མེ་ཏོག་དམར་པོ་ལྕགས་ལྟ་བུ།། སྦལ་པ་ལྕོང་མོ་སྦྲུལ་གྱི་ཤ། བསྲེག་པས་ལས་རྣམས་ཐམས་ཅད་འགྲུབ།། མེ་ཡི་བདག་པོ་དྲང་སྲོང་ཀྱང་།། བསམ་གཏན་རྩེ ་གཅིག་མ་ཡེངས་གསལ།། ཧཱུཾ། དད་པ་དང་ནི་དམ་ཚིག་གིས།། ཚུར་གཤེགས་མེ་ལྷའི་རྒྱལ་པོ་ཆེ།། བསྲེག་བླུག་ཞལ་ཟས་བཞེས་སུ་གསོལ།། འབར་བའི་གདན་ལ་བཞུགས་ནས་ཀྱང་།། ལས་རྣམས ་འགྲུབ་པར་མཛད་དུ་གསོལ།། དངོས་གྲུབ་ཚུལ་བཞིན་སྩལ་དུ་གསོལ།། ཨངྐུ་ཤ་ཛ། མཆོད་པས་མེ་ལྷ་མཉེས་པར་བྱ།། ཧཱུཾ། ཚངས་པ་འཇིག་རྟེན་མགོན་གྱི་སྲས།། དྲང་སྲོང་ཆེན་པོའི་ཆ་བྱད་ཅན།། ཚངས་པའི་སྐུད ་པས་རབ་དགེ་བ།། རིན་ཆེན་རུས་པའི་རྒྱན་གྱིས་མཛེས།། ཞལ་གསུམ་ཕྱག་དྲུག་ཁྲོ་ཚུལ་སྟོན།། སྐུ་མདོག་འདོད་དགུར་སྒྱུར་མཛད་ཅིང་།། ཕྱག་དྲུག་མཛེས་པའི་མཚོན་ཆ་ནི།། གྷུན་དྷེ་མེ་ཐབ་བགྲང་ཕྲེང་དང་།། སྤྱི ་བླུག་སྐྱབས་སྦྱིན་ཕུར་བུ་བསྣམས།། རྒྱུད་དྲུག་རྩད་ནས་གཅོད་ལ་བསྟོད།། ཞབས་བཞིས་བདུད་རྩ་གཅོད་ལ་བསྟོད།། ཞབས་བཞི་བདུད་བཞི་གནོན་པའི་ཚུལ།། ཆུ་སྐྱེས་ཉི་མའི་སྟེང་ན་བཞུགས།། དག་བྱེད་ར་ཡི ་གདན་ལ་བཞུགས།། བདུད་རྣམས་འདུལ་ལ་བདག་བསྟོད་དོ།། ཡོན་ཏན་ཆུ་ཐིགས་ཙམ་བསྟོད་པས།། དྲང་སྲོང་ཆེན་པོ་མཉེས་པར་བྱས།། བསྲེགས་པའི་རྫས་ཀྱིས་ལས་འགྲུབ་པོ།། ཨོཾ་ཨགྣ་ཡེ་སྭཱ་ཧཱ། ཤཱནྟིཾ་ཀུ་རུ་སྭཱ ་ཧཱཧ། པུཥྚི་ཀུ་རུ་སྭཱ་ཧཱ། པ་ཤཾ་ཀུ་རུ་ཧོ།། མཱ་ར་ཡ་ཕཊ། ཨུཙྪ་ཊ་ཡ། ཨུ་མིནྟ། ཨརྠ་ང་འཿ། ཨངྒུ་ཤ་ཛཿཞེས་པས་དྲང་སྲོང་མཉེས་པར་འགྱུར།། རྩ་བ་གཙོ་བོའི་དཀྱིལ་འཁོར་དང་།། ཕུར་པ་ལྷ་ཡི་དཀྱིལ་འཁོར་དང་།། ཕྱོགས ་བཅུའི་ཁྲོ་བོའི་དཀྱིལ་འཁོར་རྣམས།། མེ་ལྷའི་སྙིང་གར་རྫོགས་པར་བསྐྱེད།། ཏིང་འཛིན་བརྟན་པས་འགྲུབ་པར་འགྱུར།། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། སརྦ་བིགྷྣཱན་བཾ་ཧཱུཾ་ཕཊ། ལས་རྣམས་སྔགས་ཀྱིས་འགྲུབ ་པར་འགྱུར།། ཞི་རྒྱས་དབང་དྲག་བསྐྲད་པ་དང་།། དབྱེ་བ་རེངས་པ་རྨོངས་བྱེད་ཅིང་།། འགུགས་པ་ལ་སོགས་དཔག་ཏུ་མེད།། སྦྱིན་སྲེག་གིས་ནི་ཐམས་ཅད་འགྲུབ།། དམ་ཚིག་ཉམས་པ་བསྐོང་འགྱུར ་ཅིང་།། མཚམས་མེད་ལྔ་ཡི་སྡིག་བྱས་པ།། འདི་ཡི་དག་པར་འགྱུར་བ་ཡིན།། ཕྲིན་ལས་མཐར་ཕྱིན་སྦྱིན་སྲེག་སྟེ།། ཁྲོ་བོའི་རྒྱལ་པོ་གཞོན་ནུ་ཡིས།། ཁྲོ་བོ་རྣམས་ཀྱི་མཚན་ཉིད་ཀྱང་།། དཔག་ཏུ་མེད་ཅིང་བརྗོད་དུ ་མེད།། ཡབ་ཡུམ་སྲས་སུ་སྣང་བ་ཡང་།། ཆོས་ཀྱི་སྐུ་ལས་ཡེ་མ་འདས།། སེམས་ཀྱི་རང་བཞིན་ཅིར་སྣང་ཡང་།། དཔེར་ན་ནམ་མཁའི་འཇའ་ཚོན་བཞིན།། ཐོག་མ་ཐ་མ་སྐྱེ་འགག་མེད།། རྒྱལ་བའི་དབང་པོ་ཉིད་ཐོབ ་འགྱུར།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། སྦྱིན་སྲེག་གི་ལེའུ་སྟེ་བཅུ་གཅིག་པའོ།། །། ་དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས་ལ་འདི་སྐད་གསོལ།། ཨེ་མ་ཧོ་བཅོམ་ལྡན་དངོས་གྲུབ་སྩོལ།། བདེ་གཤེགས་སྲས་ཀྱི་དངོས་གྲུབ་རྣམས།། སྒྲུབ་པའི་ཐབས་ནི་ཇི་ལྟར་ལགས།། བཅོམ་ལྡན་འདས ་ཀྱིས་བཀའ་སྩལ་པ།། ཐུན་མོངས་དངོས་གྲུབ་ཐམས་ཅད་ཀུན།། ང་ཡིས་བཤད་ཀྱི་ལེགས་པར་ཉོན།། ཕུར་པ་ལྷ་ཡི་དཀྱིལ་འཁོར་ཡང་།། ཐུགས་ཀྱི་རྟེན་ལས་ཡང་དག་འགྲུབ།། དེ་ཡི་རྒྱུ་ཡང་རྣམ ་པ་གཉིས།། ལྕགས་དང་ཤིང་གི་བྱེ་བྲག་གོ། ལྕགས་ནི་རྣམ་ལྔ་འདུས་པ་ཡིན།། སྤུ་གྲི་སྲོག་རྩ་བཅད་པའི་ལྕགས།། གནམ་ལྕགས་ངུར་མོ་ཐོག་གི་ལྕགས།། ཁབ་ལེན་དབང་བསྡུད་རྒྱལ་པོ་ལ།། ལྷ་དང་ཕྲལ་བ་སྒོ་ཡི ་ལྕགས།། མཉེན་ལ་ལྐུགས་པ་རྣོ་བའི་ལྕགས།། དགེ་སློང་བཤན་པ་དགེ་བསྙེན་དང་།། རྣལ་འབྱོར་རིག་སྔགས་འཆང་དང་ནི།། ལྷ་བཟོས་བླང་བ་མཆོག་ཡིན་ནོ།། ཞེ་གནག་ཁྲིམས་གཙང་སྡོམ་ལྡན ་པ།། དབང་ཐོབ་དད་པ་ལྡན་པས་བརྡུང་།། གདུག་པའི་ཤིང་ནི་རྣམ་མང་ཡང་།། རྡོ་རྗེའི་རིགས་ཀྱིས་བྱིན་བརླབས་པའི།། ཆུ་འགྲམ་བྲག་རི་ས་ལས་སྐྱེས།། ལྗང་ནག་དཀར་སེར་དམར་པོ་ནི།། ལས་བཞི་འགྲུབ་པའི ་ཕུར་པ་སྟེ།། ཚེར་མ་ཅན་ལ་བུག་པ་ཁྲག། ཤ་སྐམ་རུས་པས་དུག་གསུམ་འཇོམས།། མཚན་ལྡན་དྲག་པོའི་ཕྱོགས་ལས་བླངས།། བཟོ་མཁས་ཡོན་ཏན་ལྡན་པས་བྱའོ།། ཤིང་ལྕགས་གཉིས་ཀྱི་ཚད་དང ་དབྱིབས།། སོར་བརྒྱད་ཚད་དུ་རྫོགས་པ་ལ།། དབུ་ཡི་རྒྱ་མདུད་སོར་གཅིག་སྟེ།། ཟུར་གསུམ་བརྒྱད་དང་གྲུ་བཞི་ལྔ།། ཧཱུཾ་མཛད་ཁྲག་འཐུང་ལྔ་རྫོགས་ཏེ།། སོར་གཉིས་ལྟེ་བ་ཡན་ཆད་ལ།། བཅུམ་བཞོག་བརྒྱད་དུ ་ཡང་བདག་ཤེས།། ཁྲོ་བརྒྱད་མགོ་བརྙན་བཅུ་དྲུག་རྫོགས།། སོར་ཅིག་ལྟེ་བ་གསུས་པ་སྟེ།། སྒོ་བཞི་སྒོ་མ་བཞི་དང་ལྡན།། འོག་གི་སྟོབས་ཆེན་དེ་ཉིད་དོ།། སོར་གཅིག་བཙོས་སོ་མཚན་མ་སྟེ།། ཆུ་སྲིན་ཁ་རུ་ཡང ་དག་རྫོགས།། དྲག་པོ་ཁྲོ་བོ་དཀྱིལ་འཁོར་ཡིན།། སོར་གསུམ་དཔལ་དང་ལྡན་པ་སྟེ།། ཡུམ་ཆེན་ལྔ་ཡི་དཀྱིལ་འཁོར་ཡིན།། བཅུ་གཉིས་ལྡན་ན་དབུས་དེ་གཙོ།། སོར་མགོའི་རྒྱ་མདུད་རེ་ཡིན་ཞིང་སྐུ་སྟོད་ལ།། སོར་གསུམ ་ལྡན་པ་ཅུང་བཞོ། རྫོགས་རྐང་པའི་རྒྱུ་མདུད་ཡིན་པར་བྱས།། གཞན་དྲུག་དཔལ་དུ་ཤེས་པར་བྱ།། སོར་དྲུག་བརྒྱད་འདྲ་ཆུང་བ་གཉིས།། སོར་ནི་བཅུ་དྲུག་ལྡན་པ་ལ།། སོར་གཉིས་དབུ་ཡིན་སྐུ་སྟོད་བཞི།། ལྟེ་བ་གཉིས་ལ ་མཚན་མ་གཉིས།། དྲུག་ནི་དཔལ་དུ་རྫོགས་པ་ཡིན།། ཆག་ཚད་ལྡན་པས་རྟགས་མྱུར་རོ།། རབ་གནས་རྩེ་གཅིག་ཡིད་ཀྱིས་རྫོགས།། རང་གི་ལུས་ཉིད་ཕུར་པ་སྟེ།། མགོ་བོ་རྒྱ་མདུད་གོང་མ་ཡིན།། སྐུ་སྟོད་བཅུམ ་ཞོག་བརྒྱད་ཡིན་ནོ།། ལྟེ་བ་རྒྱ་མདུད་འོག་མ་ཡིན།། རྩོས་སོ་མཚན་མ་ཆུ་སྲིན་ཁ།། རྐང་པ་གཉིས་ནི་དཔལ་དུ་ཤེས།། ལུས་ཀྱི་ནང་དུ་ལྷ་རྫོགས་པས།། ཕུར་པ་གཅིག་ཏུ་བསྒྲུབ་པ་ཡིས།། ལས་རྣམས་འགྲུབ་པར་ཐེ ་ཚོམ་མེད།། ཚོན་སྣ་ལྔའམ་བ་སུ་ཏས།། གཟུངས་ཐག་ལྡན་ལ་བཟླས་པ་ནི།། བྱེ་བ་གཅིག་གིས་ལྡིང་བར་འགྱུར།། འཁྲོལ་བ་མེ་དང་འོད་རྣམས་འབྱུང་།། དེ་ཡིས་ལས་རྣམས་ཐམས་ཅད་འགྲུབ།། མཚན་ལྡན་རྡོ་རྗེ ་ཀ་པཱ་ལར།། དཀར་རྩི་དམར་རྩི་དྲི་ཤ་ཆེན།། རིགས་ལྔ་ཁྲག་འཐུང་ཡབ་ཡུམ་རྫོགས།། བསམ་གཏན་རྫོགས་ནས་བཟླས་པ་ནི།། ཨོཾ་ཨཱཿཧཱུཾ། སརྦ་པཉྩ་ཨ་མྲྀ་ཏ་ཧཱུཾ་ཧྲཱི་ཐ་སྭཱ་ཧཱ། འབུམ་ཕྲག་གསུམ་བཟླས ་དུ་བ་དྲི།། འོད་རྣམས་བྱུང་ན་གྲུབ་པ་སྟེ།། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ། མ་བྷྱོ་ཏྲག་ཛ། སརྦ་བིགྷྣཱན་བཾ་ཧཱུཾ་ཧཱུཾ་ཕཊ། བཛྲ་ཨ་མྲྀ་ཏ་ཧཱུཾ་ཧྲི་ཐ། འབུམ་ཕྲག་གཅིག་གི་བཟླས་པས་འགྲུབ།། འོད་དང་འཇའ་ཁོལ་མེ ་བྱུང་རྟགས།། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ལྷ་རྣམས་ཀུན་གྱི་སྙིང་པོའི་མཆོག། མཁའ་འགྲོ་ཀུན་གྱི་སྲོག་སྙིང་ཡིན།། བདུད་རྩི་སྒྲུབ་པའི་སྔགས་ཡིན་ཏེ།། ཡང་དག་དོན་གྱི་ལྷའོ།། འགྲུབ་ན་ལས་བརྒྱད་བསྒྲུབ་པར ་བྱ།། བདུད་རྩི་རིལ་བུ་ལྗགས་སུ་དྲིལ།། ཁར་བཅུག་ལག་ན་ཕུར་པ་ཐོགས།། གཞན་གྱིས་མི་མཐོང་གནས་སུ་ཕྱིན།། ཡང་དག་པ་ཡི་དོན་ལ་སྤྱོད།། སྨན་དེ་གང་གི་མིག་ལ་བསྐུས།། གཞན་གྱིས་མི་མཐོང་ལྷ་སྲིན ་མཐོང་།། སྒྱུ་མ་ལྟ་བུའི་སིདྡྷི་རྫོགས།། ས་འོག་གཏེར་ཀྱང་མཐོང་བར་འགྱུར།། ནམ་མཁའ་མཛོད་ལ་མངའ་ཡང་བརྙེས།། ལོངས་སྤྱོད་ཀུན་ལ་མ་ཆགས་ཤིང་།། ཀུན་སྣང་སིདྡྷི་ལྡན་པས་སྤྱད།། ཕུར་པ་ལྷ་ཡི་དངོས་པོ ་ལ།། རིལ་བུ་དེ་ཉིད་རབ་བསྡུས་ན།། ཕུར་པའི་རིག་པ་འཛིན་པ་ཐོབ།། ནམ་མཁའ་ལ་སྤྱོད་རིག་འཛིན་དང་།། མཁའ་འགྲོའི་གནས་སུ་འགྲོ་བར་འགྱུར།། རིལ་བུ་དེ་ཉིད་རྐང་ལ་བསྐུས།། ཕུར་པ་ལག་ན་ཐོགས ་གྱུར་ན།། ནམ་མཁའ་ཉིད་ལ་འཕུར་བར་འགྱུར།། རིལ་བུ་དེ་ཉིད་རྟག་ཏུ་ཟོས།། ནད་རྣམ་འཇོམས་ཤིང་བགེགས་རྣམས་མེད།། བདེ་ཆེན་ཉིད་ལ་ལོངས་སྤྱོད་ཅིང་།། བདག་གཞན་བདེ་བས་ཁྱབ་པར་འགྱུར།། ཕུར ་པ་ཐོགས་ཤིང་རིལ་བུ་ལ།། ཨཱ་ཡུརྫྫ་ན་འབུམ་བཟླས་ན།། ཟོས་པས་ཚེ་ཡི་རིག་འཛིན་འགྱུར།། དེ་བཞིན་ཉིད་ལ་བྱས་ནས་སྤྱོད།། རིལ་བུས་དབང་པོ་རབ་སྦྱར་ཅིང་།། ཁྲག་འཐུང་ལྔ་དང་ལྡན་པ་ཡིས།། མངོན་ཤེས ་ལྔ་པོ་རྒྱུད་ལ་སྐྱེ།། ཕུར་པ་ལྷ་མིས་འགྲུབ་པར་འགྱུར།། ཧེ་རུ་ཀ་ཡི་ཞལ་མཐོང་འགྱུར།། སྐུ་གསུམ་མྱུར་དུ་འགྲུབ་པར་འགྱུར།། སྐུ་གསུམ་ཞིང་དང་སྐུ་གསུམ་ལམ།། འབྲས་བུ་མཐར་ཕྱིན་ཡོངས་སུ་རྫོགས།། སེར་བ ་གཅོད་ཅིང་འབེབས་པ་དང་།། ཆར་པ་བཅད་འབེབས་ལས་རྣམས་ཀུན། ཕུར་པ་འདི་ཡིས་འགྲུབ་པར་འགྱུར།། སྲོག་ཆགས་འབྲུ་ལ་གནོད་པ་ཡང་།། ཕུར་པ་འདི་ཡིས་གནོད་པ་འཇོམས།། ནད་དང་གདོན་གྱིས ་གནོད་པ་ཡང་།། ཕུར་པ་འདི་ཡིས་སྲུང་བར་བྱེད།། ཚེ་ཟུང་བ་ཡང་ཚེ་རིང་འགྱུར།། མེ་སྟག་སེང་གེའི་འཇིགས་པ་དང་།། སྦྲུལ་གདུག་གླང་ཆེན་སྨྱོན་པ་དང་།། དྲེད་མོ་མེ་དང་ཆུར་བཅས་རྣམས།། ཕུར་པ་འདི་ཡིས ་འབིགས་པ་སེལ།། མཛེ་ཡི་ནད་འཇོམས་ཀླུ་དུག་སེལ།། ལས་རྣམས་ཐམས་ཅད་འགྲུབ་པར་འགྱུར།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། ཕུར་པ་དང་བདུད་རྩི་ལྔ་ལས་ཐམས ་ཅད་གྲུབ་པའི་ལེའུ་སྟེ་བཅུ་གཉིས་པའོ།། །། དེ་ནས་རྣམ་རྒྱལ་ཁྲོ་བོ་ཡིས།། བཅོམ་ལྡན་འདས་ལ་འདི་སྐད་གསོལ།། ཨེ་མ་ཧོ་བཅོམ་ལྡན་བདུད་འདུལ་དག། རང་བཞིན་རྣམ་དག་བདེ་ཀློང ་ནས།། རྡོ་རྗེ་ཁྲག་འཐུང་སྐུར་སྣང་བ།། དེ་ཡི་ཡོན་ཏན་ཇི་ལྟར་ལགས།། ཡང་དག་ལྷ་དང་དཔལ་གྲུབ་པ།། བཅོམ་ལྡན་བདུད་འཇོམས་བཤད་དུ་གསོལ།། སྐུ་ཡི་ཆ་བྱད་རབ་འཇིགས་པས།། ཏིང་ངེ་འཛིན་ལ་སྙོམས ་ཞུགས་སོ།། བཅོམ་ལྡན་འདས་ཀྱི་ཐུགས་ཀ་ནས།། ཁྲོ་རྒྱལ་ཁྲག་འཐུང་ལྔ་བྱུང་སྟེ།། གསུང་དབྱངས་ལྔ་ཡིས་འདི་སྐད་བརྗོད།། ཧཱུཾ་བདེ་ཀློང་ནམ་མཁའི་དཀྱིལ་ཉིད་ནས།། དུར་ཁྲོད་གཞལ་ཡས་འཇིགས་རྔམ ་དབུས།། གྲུ་གསུམ་མཐིང་ནག་ཀློང་དཀྱིལ་ནས།། དཔལ་ཆེན་རྡོ་རྗེ་གཞོན་ནུ་ནི།། སྒེག་པ་དཔའ་བ་གར་དགུའི་ཚུལ།། རབ་འཇིགས་མེད་དཔུང་དཀྱིལ་ན་བཞུགས།། མཉམ་ཉིད་ངང་ལས་མ་གཡོས་ཀྱང་། ཁྲོ་རྒྱལ ་འདུས་པ་རྡོ་རྗེ་ཕུར་པའི་ལྷ།། ཞལ་གསུམ་ཕྱག་དྲུག་ཞབས་བཞིར་བགྲད།། དཀར་དང་དམར་དང་གནག་པའི་ཞལ།། མཆོག་གི་སྐུ་གསུམ་ལྡན་ལ་བསྟོད།། ཕྱག་དྲུག་ཕ་རོལ་ཕྱིན་པ་དྲུག། ཕྱག་གཡས་རྡོ་རྗེ་རྩེ་དགུ ་ཡིས།། འགྲོ་བ་ས་རིམ་དགུ་ལ་དགོད།། བར་མ་རྡོ་རྗེ་རྩེ་ལྔ་ཡིས།། དུག་ལྔ་རྩད་གཅོད་ཡེ་ཤེས་ལྔ།། ཕྱག་གཡོན་མེད་དཔུང་འབར་བ་ཡིས།། ཉོན་མོངས་འདམ་རྫབ་སྐེམ་པར་བྱེད།། བར་མ་ཁ་ཊྭཱཾ་རྩེ་གསུམ ་གྱིས།། དུག་གསུམ་རྩད་ནས་གཅོད་པར་བྱེད།། མཐའ་གཉིས་རི་རབ་ཕུར་བུ་འདྲིལ།། དགྲ་བགེགས་གཏན་ནས་སྒྲོལ་བར་བྱེད།། སྤྱན་དགུ་སྡང་མིག་དམར་ལ་ཟླུམ།། འགྲོ་དྲུག་དུག་གསུམ་སྲེག་པར་བྱེད།། སྨིན ་མ་སྨ་ར་གློག་ལྟར་འཁྱུག། ཐུགས་རྗེ་ཆེན་པོས་འགྲོ་བ་སྒྲོལ།། ཁྲོ་གཉེར་ཆུ་ཡི་རླབས་བཞིན་འཁྲུག། སྲིད་གསུམ་མ་ལུས་སྒྲོལ་བར་མཛད།། དབུ་སྐྲ་ཁམ་ནག་གྱེན་དུ་བརྫེས།། འགྲོ་དྲུག་བདེ་ཆེན་དབྱིངས་སུ ་སྒྲོལ།། ཞབས་བཞི་བརྐྱང་བསྐུམ་བདུད་རྣམས་གནོན།། རཱུ་ཏྲ་སྒྲོལ་ལ་བདག་བསྟོད་དོ།། དུར་ཁྲོད་ཆས་བརྒྱད་སྐུ་ལ་བརྒྱན།། ལྷ་སྲིན་སྡེ་བརྒྱད་དབང་དུ་སྡུད།། ཐོད་པ་ལྔ་ཡིས་དབུ་ལ་བརྒྱན།། རིགས་ལྔ་ཁྲག ་འཐུང་ལྔ་ལ་བསྟོད།། ཕྱག་དྲུག་སྦྲུལ་གྱིས་བརྒྱན་པ་ལ།། ཨ་དང་ཧ་ལའི་སྒྲ་སྒྲོགས་ཤིང་།། ཀླུ་ཆེན་བརྒྱད་པོ་རབ་བཏུལ་ནས།། རིགས་བཞིའི་ཀླུ་རྣམས་འཇོམས་ལ་བསྟོད།། ཞལ་ནས་ལྗགས་འདྲིལ་གད་རྒྱངས ་སྒྲོགས།། འཇིགས་པའི་ཧཱུཾ་སྒྲ་ཕྱོགས་བཅུར་སྒྲོགས།། སྐུ་ལས་རྡོ་རྗེ་ཁྲོ་ཆུང་འཕྲོ།། བགེགས་ཆེན་སྲེག་མཛད་ཁྱེད་ལ་བསྟོད།། ཕྲིན་ལས་དྲག་བྱེད་འདུལ་ལ་བསྟོད།། བདེ་ཆེན་མཁའ་ཀློང་རྒྱས་ལ་བསྟོད།། རྟོག་མེད ་བསམ་མི་ཁྱབ་ལ་བསྟོད།། ཧཱུཾ་གསང་བ་ཟག་མེད་བདེ་བའི་ཡུམ།། འཁོར་ལོ་རྒྱས་འདེབས་ཁྲོ་མོའི་གཙོ།། མཉམ་ཉིད་མི་འགྱུར་མཐིང་ནག་སྐུ།། ཞལ་གཅིག་ཕྱག་གཉིས་སྐུ་ལ་འཁྲིལ།། ཕྱག་གཡས་དྲིལ་བུ་དཀུ་ལ ་འཁྱུད།། སྟོང་པ་ཉིད་ཀྱི་སྒྲ་སྒྲོགས་ཤིང་།། གཡོན་པས་དུང་དམར་གཙོ་ལ་སྟོབ།། ཟག་མེད་བདེ་བ་རྒྱས་ལ་བསྟོད།། གཟིག་དང་ཐོད་སྦྲུལ་རྒྱན་དུ་བྱས།། མི་རྟོགས་ཡེ་ཤེས་འཕེལ་བར་མཛད།། མི ་འགྱུར་བརྟན་པ་ཐུགས་གྱི་རིགས།། བདེ་ཆེན་ལུས་ལ་བདག་བསྟོད་དོ།། ཧཱུཾ་གཡོན་ནས་རོལ་པ་སྒྲོལ་བའི་ཡུམ།། ཟ་བྱེད་རྔམ་ཐབས་ཁྲོ་གཏུམ་འབར།། མཐིང་ནག་འབར་ཆེན་གདུག་པ་སྲེག། རཀྟ་ཚིལ་ཆེན་ཐལ ་བས་བརྒྱན།། གཟིག་དང་ཟོད་སྦྲུལ་རྒྱན་དུ་བྱས།། ལྷ་ཀླུ་ཐམས་ཅད་དབང་དུ་སྡུད།། གཡས་པས་རྡོ་རྗེ་གྲི་གུག་བསྣམས།། རེས་འགའ་ཁ་ཊྭཱཾ་རྩེ་གསུམ་བསྣམས།། སྲིད་པ་གསུམ་པོ་དབང་དུ་སྡུད།། དགྲ་བགེགས ་སྲོག་རྩ་གཅོད་པར་བྱེད།། གཡོན་པས་ཐོད་པ་ཙིཏྟ་བསྣམས།། བྷུདྡྷ་ཀུན་གྱི་ཐུགས་དམ་བསྐང་།། ཐུགས་ཀའི་རུ་ལུ་འབྲུ་བརྒྱད་ལས།། མ་མོ་ཕྲ་མེད་བཅུ་དྲུག་འགྱེད།། གསང་ཆེན་མི་བཟད་རལ་གཅིག་མ།། ཨེ་མ ་ཙ་ཏི་མཁའ་འགྲོའི་གཙོ།། ཁྲོ་མོའི་གཙོ་ལ་ཕྱག་འཚལ་བསྟོད།། སྣང་སྲིད་དབང་སྡུད་ཁྱོད་ལ་བསྟོད།། ཧཱུཾ་སྲིད་གསུམ་སྡུག་བསྔལ་མཐར་མཛད་མ།། སྐུ་གསུང་ཐུགས་མཆོག་བདུད་འདུལ་སྐུ།། ཡབ་ཡུམ་གཉིས་མེད ་སྦྱོར་བའི་སྲས།། དབུ་གསུམ་ཕྱག་དྲུག་གཏུམ་ཆེན་སྐུ།། ཕྱག་ན་མཚོན་ཆ་བསྣམས་པ་ཡིས།། རྒྱུད་དྲུག་འཁོར་བ་རྩད་ནས་གཅོད།། མི་འགྱུར་བརྟན་པའི་གདུག་པ་འདུལ།། སྐུ་སྨད་ཕུར་པ་ཟུར་གསུམ་པོ།། དགྲ ་བགེགས་གདུག་པའི་སྙིང་ལ་འདེབས།། དུག་གསུམ་མ་ལུས་རྩད་ནས་གཅོད།། གདུག་པ་ཆུ་སྲིན་ཁ་ནས་ཕྱུང་།། རྒྱ་མདུད་ནང་ནས་འབྲུག་སྟོང་ལྡིར།། ཆུ་སྲིན་ཁ་ནས་གློག་སྟོང་འཁྱུག། གདུག་པ་སྡིག་སྦྲུལ་སྦལ ་ལྕོང་འཕྱོ།། ཀླུ་བདུད་དབང་དུ་སྡུད་ལ་བསྟོད།། ཁམས་གསུམ་མ་ལུས་སྒྲོལ་ལ་བསྟོད།། ཧཱུཾ་ཕྱོགས་བཅུ་དམ་སྲི་གནོན་མཛད་སྐུ།། ཡབ་ཡུམ་གཉིས་མེད་ལས་ལ་གྲུབ།། ཧཱུཾ་མཛད་ལ་སོགས་ཁྲོ་རྒྱལ་བཅུ།། དྲག་པོ ་འབར་བའི་སྐུ་མདོག་ནག། ཞལ་གཅིག་ཕྱག་གཉིས་སྟག་ལྤགས་དཀྲིས།། ཕྱོགས་སྐྱོང་བཅུ་པོ་འདུལ་བར་བྱེད།། ཕུར་པ་ལྕགས་ཀྱུ་བསྣམས་པ་ཡིས།། འགུགས་ཤིང་འདེབས་པས་སྲིད་གསུམ་སྒྲོལ།། ཧཱུཾ་གི་ང་རོ། ་སྒྲོགས་པར་བྱེད།། མཉམ་ཉིད་ཁྲོ་རྒྱལ་བཅུ་ལ་བསྟོད།། མི་འགྱུར་བརྟན་པ་སྦྱོར་བའི་ཡུམ།། མཐིང་ནག་ཞལ་གཅིག་ཕྱག་གཉིས་མ།། གཙོ་མོ་ཡབ་བཞིན་འགུགས་འདེབས་མཛད།། སྒྲ་འབྱིན་ཡུམ་བཅུ་མེ་ལྟར ་འབར།། ཧཱུཾ་སྒྲ་འབྲུག་ལྟར་རྔམ་པའི་སྒྲས།། དགྲ་བགེགས་གནས་སུ་སྒྲོལ་ལ་བསྟོད།། ཧཱུཾ་ཡབ་ཡུམ་གཉིས་མེད་ཐུགས་ལས་སྦྲུལ།། ཟ་བྱེད་གསོད་བྱེད་ཕྲ་མེན་ཚོགས།། མགོ་བརྙན་ཉི་ཤུ་ཕྱག་བརྙན་ཏེ།། གདུག་པ ་འདུལ་བྱེད་སྐུ་མདོག་ནག། ཞལ་གཅིག་ཕྱག་གཉིས་མི་བཟོད་སྐུ།། ཕྲིན་ལས་འགུགས་ཤིང་འདེབས་པར་མཛད།། སྣང་སྲིད་སྒྲོལ་མཛད་མཐུ་སྟོབས་ཅན།། ཧཱུཾ་དང་ཕཊ་གི་སྟོང་གསུམ་སྒྲོགས།། ཁ་རླངས་མེ་འབར ་གདུག་པ་སྲེག། ཕྱོགས་བཅུར་སྤྲུལ་པ་འགྱེད་ལ་བསྟོད།། ཧཱུཾ་དྲོད་དང་གཤེར་ལས་སྐྲ་འཁྲུངས་པ།། ཞལ་གཅིག་ཕྱག་གཉིས་སྒོ་བ་བཞི།། སྱཱ་ཀ་པུ་ཤུད་སྲིན་བྱ་ཁྲ།། མགོ་བརྙན་ཞལ་གཅིག་ཕྱག ་གཉིས་མ།། ཕྲིན་ལས་འགུགས་འཆིང་སྡོམ་པ་དང་།། མྱོས་ཤིང་མཉེས་པའི་ལས་མཛད་མ།། ལྕགས་ཀྱུ་ཞགས་པ་ལྕགས་སྒྲོག་དྲིལ།། ཕུར་པ་འདེབས་པའི་ལས་མཛད་ཅིང་།། དཀར་སེར་དམར་ལྗང་ཁྲོ ་མོའི་སྐུ།། ཞལ་ལས་ཛཿཧཱུཾ་བཾ་ཧོའི་སྔགས།། འབྲུག་སྒྲ་ཆེན་པོ་ཕྱོགས་བཞིར་སྒྲོགས།། དགྲ་བགེགས་གནས་སུ་སྒྲོལ་ལ་བསྟོད།། ཧཱུཾ་ཐུགས་ཀ་དཔལ་བེའུ་དཀྱིལ་འཁོར་ནས།། སྒོ་གཅིག་རིན་ཆེན་གཞལ ་ཡས་ཁང་།། བདེ་སྟོང་དབྱེར་མེད་ངང་ཉིད་ལས།། ཆོས་ཀྱི་སྐུ་ལས་ལོངས་སྐུ་ཤར།། པདྨ་ཟླ་བའི་གདན་ལ་བཞུགས།། སྐྱོན་གྱིས་མ་གོས་གཏི་མུག་སེལ།། ཡབ་ཡུམ་གཉིས་མེད་ཟག་མེད་སྐུ།། སྐུ་མདོག ་དཀར་གསལ་རྣམ་དག་དབྱིངས།། རྡོ་རྗེ་དྲིལ་བུ་ཕྱག་ན་བསྣམས།། ཤེས་རབ་བྱང་ཆུབ་སེམས་དང་ལྡན།། རྟོག་མེད་མི་འགྱུར་སྐྱིལ་ཀྲུང་བཞུགས།། མཁའ་དབྱིངས་བདེ་ཆེན་སྐུ་ལ་བསྟོད།། ཁྲག་འཐུང་ལྔ ་ནི་དབྱིངས་ལ་ཐིམ།། ཡོན་ཏན་རྒྱ་མཚོ་ལྟ་བུ་ལ།། ཆུ་ཐིགས་ཙམ་གཅིག་བསྟོད་གྱུར་པས།། བདུད་རྩི་ལོག་འདྲེན་ནད་མེད་ཅིང་།། དངོས་གྲུབ་ཐམས་ཅད་ཐོབ་པར་འགྱུར།། ཐིག་ལེ་ཉག་གཅིག་དེས་ཐོབ་པོ།། ་ཨེ་མ་ཧོ།། ཡང་དག་དོན་ལ་མ་ཡེངས་ཀྱང་།། ཀུན་ཀྱང་ཁྲག་འཐུང་རང་བཞིན་ཏེ།། ངེས་པའི་དོན་འདི་ཁྱོད་ཀྱིས་ཉོན།། ཧཱུཾ་སྟོང་གསུམ་སྟོང་གི་འཇིག་རྟེན་ན།། དབུས་ཕྱོགས་སྟོང་གི་འཇིག་རྟེན་ན།། ་བརྟན་གཡོ་རྩི་ཤིང་ནགས་ཚལ་ཀུན།། ཀུན་ཀྱང་རྡོ་རྗེ་ཕུར་པའི་ལྷ།། ཞལ་གསུམ་ཕྱག་དྲུག་ཞབས་བཞིར་བགྲད།། མཐིང་ནག་མེ་ཡི་འོད་འཕྲོ་ཞིང་།། རྒོད་དང་གཤེ་དང་ཁྲོ་བའི་ཚུལ།། ཕྱག་དྲུག་འཇིགས ་པའི་མཚོན་ཆ་ཡིས།། འགྲོ་དྲུག་བྷ་གའི་དབྱིངས་སུ་སྦྱོར།། ཞབས་བཞིས་བདུད་བཞི་ཟིལ་གྱིས་གནོན།། ཞལ་ནས་ཀི་ལའི་སྔགས་ཟློས་ཞིང་།། གནས་འདིར་སྤྱན་འདྲེན་གཤེགས་སུ་གསོལ།། གནས་འདིར་སྤྱན ་འདྲེན་གཤེགས་ནས་ཀྱང་།། དཀྱིལ་འཁོར་འདི་ལ་བརྟན་པར་བཞུགས།། ཕུར་པ་འདི་ལ་དབང་ཞིག་སྐུར།། ཕུར་པ་འདི་ལ་བྱིན་གྱིས་རློབས།། རྟགས་དང་མཚན་མ་དབྱུང་བ་དང་།། རིག་འཛིན་བདག་ལ ་དངོས་གྲུབ་སྩོལ།། ཨོཾ་བཛྲ་ཀཱི་ལི་ཀི་ལ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཧཱུཾ་སྟོང་གསུམ་སྟོང་གི་འཇིག་རྟེན་ན།། ཤར་ཕྱོགས་སྟོང་གི་འཇིག་རྟེན་ན།། བརྟན་གཡོ་རྩི་ཤིང་ནགས་ཚལ་ཀུན།། ཀུན་ཀྱང་བྷུདྡྷ་ཕུར་པའི་ལྷ།། ཞལ ་གསུམ་ཕྱག་དྲུག་ཞབས་བཞིར་བགྲད།། དཀར་གསལ་མེ་ཡི་འོད་འཕྲོ་ཞིང་།། ཁྲོ་དང་བཞད་དང་གཤེད་དང་ཚུལ།། ཕྱག་དྲུག་འཇིགས་པའི་མཚོན་ཆ་ཡིས།། འགྲོ་དྲུག་བྷ་གའི་དབྱིངས་སུ་སྦྱོར།། ཞབས་བཞིས ་བདུད་བཞི་ཟིལ་གྱིས་གནོན།། ཞལ་ནས་ཀཱི་ལའི་སྔགས་ཟློས་ཤིང་།། གནས་འདིར་སྤྱན་འདྲེན་གཤེགས་སུ་གསོལ།། གནས་འདིར་སྤྱན་འདྲེན་གཤེགས་ནས་ཀྱང་།། དཀྱིལ་འཁོར་འདི་ལ་བརྟན ་པར་བཞུགས།། ཕུར་པ་འདི་ལ་དབང་ཞིག་སྐུར།། ཕུར་པ་འདི་ལ་བྱིན་གྱིས་རློབས།། རྟགས་དང་མཚན་མ་དབྱུང་བ་དང་།། རིག་འཛིན་བདག་ལ་དངོས་གྲུབ་སྩོལ།། ཨཱཾ་བྷུརྡྷ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཧཱུཾ ་སྟོང་གསུམ་སྟོང་གི་འཇིག་རྟེན་ན།། ལྷོ་ཕྱོགས་སྟོང་གིས་འཇིག་རྟེན་ན།། བརྟན་གཡོ་རྩི་ཤིང་ནགས་ཚལ་ཀུན།། ཀུན་ཀྱང་རིན་ཆེན་ཕུར་པའི་ལྷ།། ཞལ་གསུམ་ཕྱག་དྲུག་ཞབས་བཞིར་བགྲད།། སེར་འོད་མེ་ཡི་འོད ་འཕྲོ་ཞིང་།། སྡང་དང་ཁྲོ་དང་གཤེ་བའི་ཚུལ།། ཕྱག་དྲུག་འཇིགས་པའི་མཚོན་ཆ་ཡིས།། འགྲོ་དྲུག་བྷ་གའི་དབྱིངས་སུ་སྦྱོར།། ཞབས་བཞིས་བདུད་བཞི་ཟིལ་གྱིས་གནོན།། གནས་འདིར་སྤྱན་འདྲེན་གཤེགས་སུ ་གསོལ།། གནས་འདིར་སྤྱན་འདྲེན་གཤེགས་ནས་ཀྱང་།། དཀྱིལ་འཁོར་འདི་ལ་བརྟན་པར་བཞུགས།། ཕུར་པ་འདི་ལ་དབང་ཞིག་སྐུར།། ཕུར་པ་འདི་ལ་བྱིན་གྱིས་རློབས།། རྟགས་དང་མཚན་མ་དབྱུང་བ ་དང་།། རིག་འཛིན་བདག་ལ་དངོས་གྲུབ་སྩོལ།། ཨོཾ་རཏྣ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཧཱུཾ་སྟོང་གསུམ་སྟོང་གི་འཇིག་རྟེན་ན།། ནུབ་ཕྱོགས་སྟོང་གི་འཇིག་རྟེན་ན།། བརྟན་གཡོ་རྩི་ཤིང་ནགས་ཚལ་ཀུན།། ཀུན ་ཀྱང་པདྨ་ཕུར་པའི་ལྷ།། ཞལ་གསུམ་ཕྱག་དྲུག་ཞབས་བཞིར་བགྲད།། དམར་གསལ་མེ་ཡི་འོད་འཕྲོ་ཞིང་།། གཤེ་དང་ཁྲོ་དང་བཞད་པའི་ཚུལ།། ཕྱག་དྲུག་འཇིགས་པའི་མཚོན་ཆ་ཡིས།། འགྲོ་དྲུག་བྷ་གའི་དབྱིངས ་སུ་སྦྱོར།། ཞབས་བཞིས་བདུད་བཞི་ཟིལ་གྱི་གནོན།། ཞལ་ནས་ཀཱི་ལའི་སྒྲ་ཟློས་ཤིང་།། གནས་འདིར་སྤྱན་འདྲེན་གཤེགས་སུ་གསོལ།། གནས་འདིར་སྤྱན་འདྲེན་གཤེགས་ནས་ཀྱང་།། དཀྱིལ་འཁོར་འདི་ལ་བརྟན ་པར་བཞུགས།། ཕུར་པ་འདི་ལ་དབང་ཞིག་སྐུར།། ཕུར་པ་འདི་ལ་བྱིན་གྱིས་རློབས།། རྟགས་དང་མཚན་མ་དབྱུང་བ་དང་།། རིག་འཛིན་བདག་ལ་དངོས་གྲུབ་སྩོལ།། ཨོཾ་པདྨ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ། ་སྟོང་གསུམ་སྟོང་གི་འཇིག་རྟེན་ན།། བྱང་ཕྱོགས་སྟོང་གི་འཇིག་རྟེན་ན།། བརྟན་གཡོ་རྩི་ཤིང་ནགས་ཚལ་ཀུན།། ཀུན་ཀྱང་ལས་ཀྱི་ཕུར་པའི་ལྷ།། ཞལ་གསུམ་ཕྱག་དྲུག་ཞབས་བཞིར་བགྲད།། ལྗང་གུ་མེ་ཡི་འོད ་འཕྲོ་ཞིང་།། རྔམ་དང་བཞད་དང་ཁྲོ་བོའི་ཚུལ།། ཕྱག་དྲུག་འཇིགས་པའི་མཚོན་ཆ་ཡིས།། འགྲོ་དྲུག་བྷ་གའི་དབྱིངས་སུ་སྦྱོར།། ཞབས་བཞིས་བདུད་བཞི་ཟིལ་གྱིས་གནོན།། ཞལ་ནས་ཀཱི་ལའི་སྒྲ་ཟློས་ཤིང་།། གནས ་འདིར་སྤྱན་འདྲེན་གཤེགས་སུ་གསོལ།། གནས་འདིར་སྤྱན་འདྲེན་གཤེགས་ནས་ཀྱང་།། དཀྱིལ་འཁོར་འདི་ལ་བརྟན་པར་བཞུགས།། ཕུར་པ་འདི་ལ་དབང་ཞིག་སྐུར།། ཕུར་པ་འདི་ལ་བྱིན་གྱིས་རློབས།། རྟགས ་དང་མཚན་མ་དབྱུང་བ་དང་།། རིག་འཛིན་བདག་ལ་དངོས་གྲུབ་སྩོལ།། ཨོཾ་ཀརྨ་ཀཱི་ལི་ཀི་ལ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ། བྷ་ག་བདེ་བའི་ཀློང་ཡངས་ནས།། མི་འགྱུར་མཐིང་གའི་ཐུགས་ཉིད་དེ།། ཐིག་ལེ ་དབྱེར་མེད་ཐུགས་ཀྱི་སྐུ།། རིགས་ལྔ་ཁྲག་འཐུང་ཆོས་དབྱིངས་དང་།། དབྱིངས་ལས་མ་གཡོས་རྣམ་དག་སྟེ།། ཨེ་མ་ཧོ་སྲས་ཀྱི་མཆོག་ལས་མ་གཡོས་ཀྱང་།། བྷ་གའི་དབྱིངས་ལས་བྱུང་བ་སྟེ།། རང་བཞིན་རྣམ་དག ་ཁྲོ་བོའི་སྐུ།། ཡང་དག་པ་ཡི་དོན་འདི་ཉོན།། ཧཱུཾ་ཡབ་ཡུམ་བདེ་ཀློང་ཐིག་ལེ་ནས།། མི་ཤིགས་བྱང་ཆུབ་སེམས་ཀྱི་ཧཱུཾ།། འཇོམས་བྱེད་དཔལ་བེའུ་ཕུར་པའི་དབྱིབས།། ཐིག་ལེ་ཡིག་འབྲུ་རྣམ་པ་ཀུན།། ཕུར་པའི ་ལོགས་ལ་ལྷ་བཀོད་ནས།། འགྱུར་མེད་དབྱིངས་ཀྱི་ངང་ཉིད་ལས།། ཁྲག་འཐུང་འདུས་པ་ཕུར་པའི་ལྷ།། སྲས་ཀྱི་མཆོག་གྱུར་ཕུར་པའི་ཚུལ།། ཞལ་གསུམ་ཕྱག་དྲུག་འཇིགས་བྱེད་སྐུ།། ཨུཏྤལ་སྔོན་པོའི་མདོག་འདྲ ་ཞིང་།། ཁྲོ་དང་བཞད་དང་གཤེ་བའི་ཚུལ།། ཕྱག་དྲུག་རྒྱུད་དྲུག་རྩད་ནས་གཅོད།། ཕྱག་མཚན་མཚོན་ཆས་འགྲོ་དྲུག་སྒྲོལ།། སྐུ་སྨད་ཆུ་སྲིན་ཕུར་པའི་དཔལ།། རྒྱ་མདུད་ནང་ནས་སྔགས་ཀྱི་སྒྲ།། འབྲུག་སྟོང་ལྟ་བུར ་ལྡིར་ཞིང་གྲགས།། ཆུ་སྲིན་ཁ་ནས་མེ་ལྕེ་འོད།། གློག་ལྟར་འཁྱུག་ཅིང་སྟོང་གསུམ་གསལ།། གདུག་པ་ཆུ་སྲིན་ཁ་ནས་ནི།། སྡིག་སྦྲུལ་སྦལ་ལྕོང་ཆོ་འཕྲུལ་འགྱེད།། སྟོང་ཁམས་གང་ཞིང་ཀླུ་རྣམས་འདུལ།། ཐུགས ་ཀའི་དཔལ་བེའི་དཀྱིལ་འཁོར་ནས།། བཞི་བཅུ་རྩ་བདུན་ལྷ་ཚོགས་གནས།། དགུ་ལ་རིགས་ལྔའི་ཁྲག་འཐུང་རྫོགས།། ཡེ་ཤེས་ལྔ་ལྡན་དུག་ལྔ་འཇོམས།། སྲས་ཀྱི་ཐུགས་ཀྱི་དཀྱིལ་འཁོར་ནས།། བདེ་ཆེན་ཡབ ་ཡུམ་དབྱིངས་སུ་བཞུགས།། ཁྲོ་བོའི་སྤྲུལ་པས་ནམ་མཁའ་གང་།། ཁྲོ་མོའི་སྤྲུལ་པས་ས་གཞི་གང་།། ཕྲ་མེན་སྤྲུལ་པས་བར་སྣང་གང་།། སྒོ་བའི་སྤྲུལ་པས་ཕྱོགས་བཅུར་འགྱེད།། ཁྲོ་བོ་ཕྲ་མེན་སྒོ་བའི ་ཚོགས།། ཐམས་ཅད་འདུས་པ་སྲས་ཀྱི་མཆོག། མ་བཏབ་ཙམ་ན་ལྷུན་གྱིས་གྲུབ།། བཏབ་ན་ལྷ་ཡང་བརླག་པར་འགྱུར།། དགྲ་བགེགས་ཐིག་ལེའི་དཀྱིལ་དུ་ཀི་ལ་ཡ།། དུག་གསུམ་རྩད་ནས་གཅོད་ཅིག་ཀཱི་ལ ་ཡ།། རྒྱུད་དྲུག་གནས་སུ་སྒྲོལ་ཅིག་ཀཱི་ལ་ཡ།། སེམས་ཀྱི་བག་ཆགས་སྦྱོངས་ཤིག་ཀཱི་ལ་ཡ།། སེམས་ཉིད་དབྱིངས་སུ་བསྟིམས་ཤིག་ཀཱི་ལ་ཡ།། དབྱིངས་ལས་བདེ་ཆེན་རྒྱས་གྱུར་ཀཱི་ལ་ཡ།། སྦྲུལ་སྐུས་འགྲོ་དོན ་མཛོད་ཅིག་ཀི་ལ་ཡ།། ཨོཾ་བཛྲ་ཀཱི་ལི་ཀི་ལ་ཡ་སརྦ་བིགྷྣཱན་བཾ་ཧཱུཾ་ཧཱུཾ་ཕཊ། ཨེ་མ་ཧོ། སེམས་ནི་ནམ་མཁའི་རང་བཞིན་ཏེ།། ནམ་མཁའ་ཉིད་ལས་ཆོ་འཕྲུལ་འབྱུང་།། ཆོ་འཕྲུལ་ནམ་མཁའི་དབྱིངས་ལ་ཐིམ།། རྣམ་རྒྱལ ་ཡང་དག་དོན་འདི་ཉོན།། ཐམས་ཅད་འདུས་པའི་སྲས་མཆོག་ཉིད།། སྦྱོར་སྒྲོལ་སྦྱོར་སྤོར་ཐིམ་པའི་ཚེ།། ནམ་མཁའི་ཀློང་ཉིད་ལས་བྱུང་ངོ་།། གདོད་ནས་མ་སྐྱེ་རང་བཞིན་རྣམ་པར་དག། སྲིད་པའི་ཕུར་བུ་སྒྲུབ་པའི ་ཕྱིར།། གཞི་དང་ལམ་དང་འབྲས་བུ་ཉིད།། དབྱེར་མེད་ངང་ལས་ཡང་དག་སྟེ།། དག་དང་མ་དག་དབྱེར་མེད་དབྱིངས།། བསམ་དང་མི་བསམ་བརྗོད་དུ་མེད།། ཆོ་འཕྲུལ་སྣ་ཚོགས་ཅིར་སྣང་ཡང་།། བྷ ་ག་དབྱིངས་ཀྱི་ངང་ཉིད་དུ།། ཐམས་ཅད་བདེ་བ་ཀློང་ནས་ཤར།། བསམ་གྱི་མི་ཁྱབ་ཀུན་ལས་འདས།། རྗོད་མེད་དབྱིངས་ཀྱི་ཐིག་ལེ་ཆེ།། འགྲོ་བ་ཡོངས་ལ་ཐམས་ཅད་ཁྱབ།། སྐྱེ་དང་མི་སྐྱེ་ཀུན་སྣང་ཡང་།། ཡང ་དག་དོན་ལ་རིག་མི་ནུས།། ཕུར་པའི་རྫས་ཉིད་ལ་བརྟེན་ནས།། ཕྲིན་ལས་སྣ་ཚོགས་སྒྲུབ་པ་ཡང་།། ཡང་དག་དོན་ལ་ཡོད་མ་ཡིན།། ཐམས་ཅད་འགྲོ་བ་དྲང་ཕྱིར་ཏེ།། དྲི་མས་དྲི་མ་དག་བྱེད་ཅིང་།། འཁྲུལ་པ་བསྐྱེད ་པའི་རིམ་པས་འཇིགས།། བསྐྱེད་པའི་རིམ་པ་ལྷ་བསྒོམ་ཡང་།། ཡང་དག་དོན་དུ་ཡོད་མིན་ཏེ།། སྣང་བ་སྦྲུལ་སྐུ་སྔགས་བརྗོད་མེད།། བདེ་ཆེན་རྒྱས་པར་ལོངས་སྤྱོད་ཉིད།། དབྱིངས་སུ་ཐིམ་པ་ཆོས་ཀྱི་སྐུ།། བརྗོད ་མེད་གཉིས་སུ་མེད་པ་སྟེ།། བརྗོད་དུ་མེད་པ་སངས་རྒྱས་ཉིད།། སྔགས་ཀྱི་སྒྲ་ཡང་བརྗོད་ལས་འདས།། ཐིག་ལེ་ཆེན་པོ་མི་ཤིགས་དབུས།། བདག་དང་བདག་མེད་དབྱེར་མེད་ཉིད།། གཉིས་མེད་ཡེ་ཤེས་རྡོ་རྗེ ་སྟེ།། ཆོས་སྐུ་བྱང་སེམས་གཞོན་ནུ་ང་།། སྲིད་པའི་འཁོར་ལོ་ཕུར་པ་སྟེ།། མི་རྟོག་དབྱིངས་ཀྱི་རྒྱས་འདེབས་མ།། ཨེ་ཀ་ནམ་མཁའི་རང་བཞིན་ཏེ།། ཛ་ནི་དུག་ཆེན་བདེ་དབྱིངས་ཐིམ།། ཏི་ནི་དུག་ཆེན་རྟོག་མེད ་དབྱིངས།། ཡབ་ཡུམ་བྱང་སེམས་ཆོས་སྐུ་སྲས།། དུག་ཐིམ་ཕུར་པ་བརྗོད་བྲལ་ཐིམ།། བདེ་ཆེན་དུག་གསུམ་དབྱིངས་སུ་ཐིམ།། ཁྲོ་རྒྱལ་བྱང་སེམས་ཞེ་སྡང་འཇོམས།། ཧཱུཾ་མཛད་དུག་འཇོམས་ཐིག་ལེ་ལྔ།། དབྱིངས ་སུ་ཐིམ་པས་ཐིག་ལེ་སྟེ།། ཧཱུཾ་གི་ཡེ་ཤེས་དང་ལྡན་ཞིང་།། ཀ་ཡིས་དུག་ལྔ་འཇོམས་པར་བྱེད།། རས་ནི་རྣམ་རྟོག་དབྱིངས་སུ་ཐིམ།། ཡུམ་ཆེན་མི་ཕྱེད་རྡོ་རྗེ་སྟེ།། སངས་རྒྱས་སྐྱེད་པར་བྱེད་པའི་ཡུམ།། སེམས་ཅན་བྷུདྡྷ ་འགྱུར་བྱེད་ཆེ།། མི་ཕྱེད་ཡེ་ཤེས་རྡོ་རྗེ་སྟེ།། སྒྲ་འབྱིན་བྲག་ཆ་ལྟར་སྣང་ལ།། མ་ནི་སྤྲུལ་པ་བསྐྱེད་པའི་ཡུམ།། སྤྲུལ་པ་རོལ་པ་འགག་མེད་ཉིད།། ཕག་ལས་མ་རིག་མུན་པ་སེལ།། སྨིག་བུས་འདམ་རྫབ་སྐམ་པར ་བྱེད།། འོད་གསལ་བདུད་འཇིགས་རྣམ་པར་རྒྱལ།། སྣང་བ་མུན་སེལ་རྡོ་རྗེ་སྙེམ།། སྣང་བ་སྣ་ཚོགས་སྟག་གི་མགོ། བྱ་རྒོད་ནམ་མཁའ་ལྟ་བུ་སྟེ།། དབྱུག་པས་ལྷ་ལོག་འཇོམས་བྱེད་ཅིང་།། སྔོན་པོས་མཚན་མའི་རྣམ ་རྟོག་འཇོམས།། གཉིས་མེད་རྡོ་རྗེ་སྡེར་མོ་རྣོ།། ལས་རྣམས་མི་རྟོག་དབྱིངས་སུ་ཐིམ།། གཡག་མགོ་དབྱིངས་ལས་འགྱུར་བ་མེད།། བྱ་རོག་ཆོས་དབྱིངས་རྣམ་པར་དག། གཤིན་རྗེ་གཟུང་འཛིན་དག་པ་དང་།། དམྱལ ་བའི་ཁམས་ནི་དཔག་མེད་ཀྱང་།། དོན་དམ་དབྱིངས་ལ་ཡོད་མ་ཡིན།། རྗེས་ནི་ཆོས་ཀྱི་དབྱིངས་སུ་ཐིམ།། དུར་ཁྲོད་རོལ་པ་དཔག་མེད་ཀྱང་།། བདག་མོ་མཁའ་དབྱིངས་རྣམ་པར་དག། ཤ་བ་སྐྱེ ་འགག་མེད་པ་ཉིད།། འུག་པ་ཤེས་རབ་དབྱིངས་ཉིད་དེ།། ལོ་ཀ་ཆོས་བརྒྱད་ཉིད་ཀྱི་སེམས།། རྟག་ཏུ་ཡེངས་ཤིང་གནས་པ་ཡང་།། རྡོ་རྗེ་ལྟ་བུའི་ཏིང་འཛིན་གྱིས།། མི་གཡོ་ཐིག་ལེ་ཉག་ཅིག ་གོ། སེམས་ཅན་དོན་བྱེད་ཐམས་ཅད་ཀྱང་།། དམ་པའི་དབྱིངས་ནི་མགོན་ཡིན་ནོ།། རྡོ་རྗེ་གཉིས་མེད་ཟུང་འཇུག་པ།། གཏུན་ཁུང་སྣང་བ་འཇོམས་བྱེད་མ།། དོན་དམ་ཉིད་ལས་མ་གཡོས་ཀྱང་།། ཐིག་ལེ་ཉག ་གཅིག་གཟིགས་གི་མགོ། ཁ་ཏཱ་ནམ་མཁའ་ལྟ་བུར་ཁྱབ།། རྟ་མགྲིན་རྟ་སྐད་སྒྲ་སྙན་ལྟ་བུ་སྟེ།། རྡོ་རྗེ་སྟོང་པའི་ངང་ཉིད་ཀྱིས། ཁྲོ་བར་སྣང་བས་གཏུམ་མོའོ།། བྱི་ལས་གཟུང་འཛིན་རྣམ་རྟོག་འཇོམས།། པུ་ཤུད་བཟང ་ངན་རྣམ་རྟོག་མེད།། དོན་དམ་ཉིད་ལས་ཡོད་མ་ཡིན།། ཉོན་མོངས་ཉེ་བའི་ཉོན་མོངས་རྣམས།། རྟོག་མེད་མཁའ་དབྱིངས་གཞན་མི་ཐུབ།། མི་ཤིགས་རྡོ་རྗེ་འབིགས་བྱེད་མདའ།། མཚན་མ་འཇོམས་པར་བྱེད་སྙེམ ་མ།། སྦྱང་ཀའི་མགོ་ནི་ཡེ་སངས་རྒྱས།། རྣམ་རྟོག་ཕྲ་མོ་སེམས་བྱེད་ཀྱང་།། ཡང་དག་ཉིད་བལྟ་ཁྲ་ཡི་མགོ། བདུད་ནི་བཞི་པོར་སྣང་བྱེད་པ།། རྩི་ཡིས་མི་ཤིགས་ཀློང་དུ་ཐིམ།། འཁྱིལ་པ་བདེ་བ་ཆེན་པོའི ་ངདང་།། གཅིག་དང་དུ་མ་དང་བྲལ་ཞིང་།། རྟོག་མེད་དབྱིངས་ནི་རླུང་འབྱིན་མ།། ཉི་མ་ལྟ་བུའི་གཟི་བརྗིད་ཀྱིས།། མུན་པའི་ཚོགས་འཇོམས་སེང་གེའི་མགོ། ཡོད་མེད་གཉིས་ལས་འདས་པ་ཡིས།། མཐའ་གཉིས ་བྲལ་བ་ཕ་ཝང་མགོ། ལུས་ངག་ཡིད་གསུམ་སྣང་བ་ཡང་།། དོན་དམ་ཉིད་ལ་ཡོད་མིན་ཏེ།། འཁོར་བ་ལས་འདས་ཁམས་གསུམ་རྒྱལ།། མི་ཤིགས་རྡོ་རྗེས་ལོག་འགྲོ་འཇོམས།། གཟུང་འཛིན་རྟོགས་པ་ཤེས་པ ་གསོད།། ཕ་རོལ་ཕྱིན་པ་ཡིན་པ་སྟེ།། སྤྱོད་པ་བརླང་པོ་དོམ་གྱི་མགོ། གང་དུ་མི་གནས་སྲེ་མོའི་མགོ། དོན་དམ་བདེན་པས་སེམས་ཅན་གྱི།། ཉོན་མོངས་སྟོབ་བྱེད་སྟོབས་པོ་ཆེ།། རྡོ་རྗེ་དོན་དམ་བདེན་པ་སྟེ།། དག ་པ་མཁའ་དབྱིངས་ཀློང་དུ་བསྐྱོད།། བུདྡྷ་སྐྱེད་པའི་ཡུམ་ཡིན་མ།། ཡེ་ཤེས་ཐོགས་མེད་དྲེད་ཀྱི་མགོ། ལོག་པའི་ལམ་ཞུགས་སུམ་བྱེད་ཅིང་།། དེ་བཞིན་ཉིད་གནས་བྱི་ལའི་མགོ། སྣང་བ་སྟོང་པས་འགུགས་བྱེད ་མ།། ལྕགས་ཀྱུས་ཡེ་ཤེས་ས་ལ་དགོད།། སྟོང་པ་བཅོ་བརྒྱད་ཞགས་པ་ཡིས།། མི་རྟོག་རྟོག་པ་འཆིང་བྱེད་མ།། ཡོད་དམ་མེད་པའི་ཕྱོགས་སྤངས་ཤིང་།། སྙིང་རྗེས་མི་ཕྱེད་ལྕགས་སྒྲོག་མ།། སྟོང་པ་ཉིད་ཀྱི་སྒྲ་སྒྲོགས ་པས།། མཚན་མའི་རྣམ་པར་རྟོག་པ་འཇོམས།། ཤེས་རབ་ཕ་རོལ་ཕྱིན་མ་ཉིད།། གཟུང་འཛིན་དང་བྲལ་དྲིལ་བུ་མ།། ས་ནི་ཐམས་ཅད་ཀུན་གྱི་རྟེན།། དེ་བཞིན་ལྟ་བ་ཀུན་གྱི་གཞི།། དེ་ནི་གང་དུའང་མ་གྲུབ ་པ།། བསམ་དང་བརྗོད་པའི་ཡུལ་ལས་འདས།། མེ་ཡིས་སྲེག་པར་བྱེད་པ་སྟེ།། ལྷ་ཡི་མཚན་མ་དེ་བཞིན་ཉིད།། ཆུ་ཡིས་སྡུད་པར་བྱེད་པ་སྟེ།། ཆུ་ལྟར་སྣང་བའི་སྣ་ཚོགས་ཀྱང་།། དེ་བཞིན་ཉིད་ལས་བྱུང་ནས ་ནི།། སླར་ཡང་དེ་བཞིན་ཉིད་ལ་ཐིམ།། རླུང་གིས་གཡོ་བར་བྱེད་པ་ཉིད།། རླུང་གཡོས་ཆུ་དང་སྤྲིན་ལས་ཀྱང་།། སེམས་ཅན་ཀུན་གྱི་དོན་ལ་གཡོ།། ནམ་མཁའ་གོ་འབྱེད་ཀུན་ལ་ཁྱབ།། ཆོ་འཕྲུལ་དམ ་པའི་དབྱིངས་ལ་ཐིམ།། ལོག་ལྟ་འཇོམས་བྱེད་དོན་ལ་སྤྱོད།། ཡང་དག་དོན་ལ་སྤྱོད་པ་གྱིས།། ཉི་མས་མུན་སེལ་རྣམ་རྟོག་ཐིམ།། ཉི་མས་མུན་སེལ་འཇོམས་བྱེད་ཅིང་།། མཚན་མའི་རྣམ་པར་རྟོག་པ་རྣམས།། ཡེ ་ཤེས་དབྱིངས་ཀྱི་ངང་དུ་ཐིམ།། ཟླ་བ་ཆུ་ཤེལ་གྲུབ་པ་ཉིད།། ཟླ་བ་དུག་གསུམ་གདུང་བ་སེལ།། ཉི་ཤུ་ཉེ་བའི་ཉོན་མོངས་རྣམས།། དབྱིངས་ལས་མ་འདས་ཐིག་ལེ་ཉིད།། དེ་བཞིན་རེ་སྐོང་སྐུར་སྣང་ཡང་།། རིན་ཆེན ་དགོས་འདོད་རེ་བ་སྐོང་།། གདུལ་བྱའི་དོན་དུ་སྐུར་སྣང་ཡང་།། ཡང་དག་དབྱིངས་ལས་མ་གཡོས་སོ།། དཔག་བསམ་ཤིང་གིས་དོན་རྣམས་འགྲུབ།། ཡང་དག་དོན་ལ་གང་དམིགས་པ།། དོན་དམ་མྱུར་དུ་རྟོགས་པར ་འགྱུར།། པདྨ་མི་སྤང་འདམ་མི་ཆགས།། པདྨ་སྐྱོན་གྱིས་མ་གོས་ཏེ།། འཁོར་བ་མི་སྤང་འདམ་མི་ཆགས།། ཡོད་མེད་གཉིས་སུ་མི་གནས་ཤིང་།། དབྱེར་མེད་བག་ནས་ཡང་དག་ལྟ།། ནམ་མཁའ་ས་ཆུ་མི་གནས ་པའི།། ཚད་མེད་བཞི་ལ་གནས་ནས་ཀྱང་།། ཕྱག་རྒྱ་བཞི་རྫོགས་ཐིག་ལེ་གཅིག། ཡང་དག་དོན་དང་ལྡན་གྱུར་ན།། ཐིག་ལེ་ཉག་གཅིག་བརྗོད་དང་བྲལ།། ཨེ་མ་ཧོ།། སེམས་ཅན་ཐམ་ཅད་བུདྡྷ་ཡང་།། གློ་བུར་དྲི ་མས་སེམས་ཅན་བསྒྲིབས།། ནམ་མཁའ་ཆུ་གསེར་ལྟ་བུར་དག། ཡང་དག་ལྷ་མཐོང་རྣམ་པར་གྲོལ།། གཟུགས་སྐུ་རྣམ་གཉིས་འཇའ་ལྟ་བུ།། གཟུགས་བརྙན་ལྟ་བུར་སྣང་གྱུར་ཀྱང་།། ཡང་དག་དོན་ལ་རེག་མ ་ཡིན།། ནམ་མཁའ་ཉིད་ལས་སྤྲིན་བྱུང་ལྟར།། འཁྲུལ་རྟོག་དོན་རྟོགས་གཉིས་མེད་ལྟ།། ཇི་ལྟར་སྤྲིན་རྣམས་སྣ་ཚོགས་ཀྱང་།། ནམ་མཁའ་ཉིད་ལས་བྱུང་ལྟར་ཐིམ།། ལས་གཉིས་ཨམྲའི་འབྲས་བུ་བཞིན།། འཁྲུལ ་ཞིང་རྟོགས་པའི་གང་ཟག་བླུན།། ཡང་དག་ལྟ་བ་ཉིད་མཐོང་ན།། དབྱེར་མེད་པ་ཡི་ངང་ལ་གནས།། དེ་ཡང་སྨྲ་བསམ་བརྗོད་མེད་བརྡ།། ཡོད་མེད་མཚན་མར་འཛིན་དང་བྲལ།། མཐའ་གཉིས་གང་དུ་མི་གནས ་པ།། ཡང་དག་ལྟ་བ་གཟུང་བར་བྱོས།། དེ་རྟོགས་པ་ཡི་གང་ཟག་རྣམས།། འཆི་བ་ཞེས་ནི་རྣམ་རྟོག་སྟེ།། མཁའ་སྤྱོད་གནས་སུ་འཁྲིད་པར་འགྱུར།། དཀྱིལ་གསུམ་བདག་ཉིད་བརྗོད་ལས་འདས།། གང་དུ་མི་གནས ་ལྷ་སྤྱོད་སྒོམ་པའོ།། ཐ་སྙད་མཚན་མར་འཛིན་པ་གང་བརྗོད་རྣམས།། གང་དུ་མ་གྲུབ་འདིར་ནི་བརྗོད་པ་མིན།། འགྱུར་མེད་དག་པའི་སེམས་རང་བཞིན།། སེམས་ནི་གང་དུ་གནས་པའང་མེད།། དེ་རྟོགས་པ་ཡི་གང ་ཟག་རྣམས།། ཐུགས་ཀྱི་རིགས་ལ་གནས་པར་འགྱུར།། རྡོ་རྗེའི་རིགས་སུ་མངོན་སངས་རྒྱ།། ང་ཡིས་བསྟན་པས་མངོན་སངས་རྒྱས།། སེམས་ཅན་དུག་ལྔ་རྒྱས་པའི་དུས།། དྲག་པོའི་ལས་ཀྱི་ཚར་གཅོད ་པའི།། སྔགས་ལ་སྦྱངས་པས་རྒྱལ་པོའི་རིགས།། པདྨ་ལས་སྐྱེས་སྐྱེ་བ་དྲན།། སྤྱོད་པ་སྣ་ཚོགས་བྱས་གྱུར་ནས།། མཁའ་འགྲོ་མ་ཡི་ལུང་བསྟན་ཐོབ།། ཚེ་གཅིག་ཉིད་ལ་བུདྡྷ་འགྱུར།། ཞེ་སྡང་རྡོ་རྗེའི ་རིགས་ཡིན་ནོ།། རྡོ་རྗེ་ཁྲག་འཐུང་ངང་ཉིད་ཀྱིས།། ཆོས་ལ་རྟག་ཏུ་སྒྲུབ་འགྱུར་ཞིང་།། ང་ཡི་བསྟན་པ་འདི་ཡིས་འཛིན།། འདི་ལ་བརྟེན་པའི་གང་ཟག་རྣམས།། ཐམས་ཅད་གྲོལ་འགྱུར་ཐེ་ཚོམ་མེད།། རྡོ་རྗེ་ཁྲག ་འཐུང་བ་ཉིད་ཀྱིས།། ཡི་གེ་ཧཱུཾ་ཙམ་བཟླས་པ་ཡང་།། བར་ཆོད་བདུད་ཀྱིས་མི་ཚུགས་ཤིང་།། མཚན་མ་གྲུབ་པར་ཐེ་ཚོམ་མེད།། རྡོ་རྗེ་ཅན་གྱི་ཞིང་དུ་སྐྱེ།། ལྷ་ཀླུ་ཀུན་ལ་དབང་བྱེད་འགྱུར།། འདི་སྒྲུབ་པ་ཡི་གང་ཟག ་རྣམས།། སྔ་ནས་སྦྱངས་པར་ཐེ་ཚོམ་མེད།། ཚེ་གཅིག་འདི་ལ་བརྩོན་ལྡན་པས།། འཁོར་བར་མི་ལྡོག་མངོན་སངས་རྒྱས།། གང་གིས་དབང་དང་མན་ངག་ཐོབ།། སྐད་གཅིག་ཙམ་གྱིས་མོས་གྱུར་ན།། འཆི་བ་ཞེས་ནི ་རྣམ་རྟོག་སྟེ།། མཁའ་སྤྱོད་གནས་སུ་འཁྲིད་པར་འགྱུར།། གང་ཞིག་འདི་ལ་མོས་པ་ཙམ།། དབང་དང་དམ་ཚིག་འཛིན་འགྱུར་ན།། སྐྱེ་བདུན་ཉིད་ལ་སངས་རྒྱས་འགྱུར།། སྐྱེ་བ་གཞན་གྱིས་བར་མ་ཆོད།། འདི་ལ་ཐེ ་ཚོམ་ལེ་ལོ་སྤང་།། བརྩོན་འགྲུས་དད་ལྡན་ཅན་གྱིས་སྒྲུབ།། རྒྱུད་འདི་རྟག་ཏུ་གསང་བར་བྱ།། མཁའ་འགྲོའི་ཚོགས་ཀྱིས་སྲུང་བར་འགྱུར།། བྷ་ག་ཝཱན་གྱིས་དེ་སྐད་ཅེས་བཀའ་སྩལ་ནས། བུདྡྷ་དང་ཀྲོ་དྷཱ་དང་ཀྲོ་དྷི ་དང་། བྱང་ཆུབ་སེམས་དཔའ་དང་། མཁའ་འགྲོ་མ་རྣམས་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། དཔལ་རྡོ་རྗེ་གཞོན་ནུ་ཐུགས་རྗེ་ཁྲོས་པ་རྩ་བའི་རྒྱུད་ཀྱི་བཤད་པ་ལས། བསྟོད ་པའི་ལེའུ་སྟེ་བཅུ་གསུམ་པའོ།། །། དཔལ་རྡོ་རྗེ་ཁྲོས་པའི་རྩ་བའི་རྒྱུད་ཀྱི་བཤད་པ་ཞེས་བྱ་བ་རྫོགས་སོ།། །། རྒྱ་གར་ཁ་ཆེའི་ཡུལ། དུར་ཁྲོད་བི་ས་ཀའི་རང་བྱུང་མཆོད་རྟེན་རྩེར། དངོས་གྲུབ་བརྙེས་པའི ་རྗེ་བཙུན་རྡོ་རྗེ་སེམས་མ་དང་། སྒྲ་བསྐུར་ལོ་ཙཱ་བ་འགར་ཤེས་རབ་འབྱུང་ཞེས་བྱ་བས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། སླད་ནས་རྗེ་བཙུན་མ་དེ་ཉིད་དང་སྒྲ་བསྐུར་ལོ་ཙཱ་བ་འཕྲོ་སྟོན་རྒྱལ་བས་བཅོས་ཏེ ་གཏན་ལ་ཕབ་པའོ།། སྒྲ་ལོག་ན་རྗེ་བཙུན་མས་བཟོད་པར་གསོལ་ལོ།། །། @#།། རྒྱ་གར་སྐད་དུ། བཛྲ་ཀི་ལི་ཡ་གུ་ཧྱ་མཱུ་ལ་མ་ཧཱ་ཡོ་ག་སཾ་གི་ཏི་ཏནྟྲ་ནཱ་མ། བོད་སྐད་དུ། རྡོ་རྗེ་ཕུར་བུ ་