| Wylie | e-texts produced with BDRC’s OCR application |
ལོ་འབར་བའི་རྒྱུད་རྫོགས་སོ།། །། རྒྱ་གར་གྱི་མཁན་པོ་བི་མ་ལ་མི་ཏྲ་དང་བོད་ཀྱི་ལོ་ཙྪ་བ་གཉག་ཛྙཱ་ན་ཀུ་མཱ་རས་བསྐུར་བའོ།། །། @#།། རྒྱ་གར་སྐད་དུ།། སརྦ་པཉྩ་ཨ་མྲྀ་ཏ་བྷཱ་བ་རཏྣ་མཱ་ལ ་ཏནྟྲ་ནཱ་མ། བོད་སྐད་དུ། ཐམས་ཅད་བདུད་རྩི་ལྔའི་རང་བཞིན།། རིན་པོ་ཆེ་ཕྲེང་བའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། ་བཅོམ་ལྡན་འདས་དཔལ་ཀུན་ཏུ་བཟང་པོ་བདུད་རྩི་བདེ་བ་ཆེན་པོ་ཉིད། གནས་མཆོག་ཡུམ་གྱི་བྷ་ག་ཆོས་ཀྱི་དབྱིངས་ཆེན་པོ་ན། ཉན་ཐོས་རང་རྒྱལ་ཐེག་དམན་མིང་ཡང་མེད་པའི་ནང་ན། རང་བྱུང་བདུད་རྩི་ཆེན ་པོའི་ལུས་ཀྱི་ཁམས་རྣམ་པར་དག་པ་རྣམས་དང་། ཐབས་ཅིག་ཏུ་བཞུགས་སོ།། དེ་ནས་རྣལ་འབྱོར་གྱི་དབང་ཕྱུག་ཆེན་པོས་འདི་སྐད་ཅེས་གསོལ་ཏོ།། སེམས་ཅན་མ་ལུས་ཐམས་ཅན་ལ།། ལུས་ཁམས་བདུད ་རྩིས་ཀུན་ཁྱབ་ཀྱང་།། རང་གི་རྣམ་རྟོག་སྒྲིབ་བྱས་པས།། རང་བྱུང་བདུད་རྩིའི་དོན་མ་རྟོགས།། དེ་ཉིད་རྡོ་རྗེ་འཆང་གྲལ་དུ།། ཕྱག་རྒྱ་ཆེན་པོའི་མཆོག་གི་ནི།། དངོས་གྲུབ་དམ་པ་ཐོབ་བྱའི་ཕྱིར།། ཕུན་སུམ་ཚོགས་པ ་རྣམ་ལྔ་ཡིས།། དཀྱིལ་འཁོར་ཆེན་པོ་རྣམ་གསུམ་དུ།། བསྙེན་བསྒྲུབ་རྣམ་པ་བཞི་དག་གིས།། ཕྲིན་ལས་དྲུག་པོ་མཐར་ཕྱིན་ནས།། དངོས་གྲུབ་གཉིས་སུ་འདུས་པ་ཡིས།། ལྟ་བ་ཐིག་ལེར་ལ་བཟླ་བའི།། རང ་བྱུང་བདུད་རྩི་བཤད་དུ་གསོལ།། ཞེས་ཞུས་སོ།། དེ་ནས་བཅོམ་ལྡན་འདས་འཁོར་འདས་ཀྱི་ཆོས་རྗེ་བཙན་དམ་པས་སྲིད་པ་གསུམ་གྱི་སེམས་ཅན་རྣམས་ལས་ཀྱི་དབང་གིས་གྲོལ་བར་བྱེད་པ། ལུས་ཀྱི་ཁམས ་བདུད་རྩིར་སྒྲུབ་པའི་ཐབས་དམ་པ་འདི་གསུངས་སོ།། ལྟ་བ་དང་ནི་སྤྱོད་པ་དང་།། སྒྲུབ་པའི་ལུང་ལ་རབ་བརྩོན་པས།། སྟོན་པ་ཡུམ་དང་འཁོར་དུ་བཅས།། གནས་དང་ཡོ་བྱད་དུས་ཚིགས་དང་།། ཕྱི་ནང་གསང ་བའི་དཀྱིལ་འཁོར་དུ།། བསྙེན་པ་ཉེ་བསྙེན་བསྒྲུབ་དང་བསྒྲུབ།། ལྟ་བ་དང་ནི་སྤྱོད་པ་དང་།། དམ་ཚིག་བསྒྲུབ་དང་ངེས་པར་བསྒྲུབ།། ཕྲིན་ལས་བསྒྲུབ་བྱ་དེ་དག་དོན།། ཕྲིན་ལས་དངོས་གྲུབ་བལྟ་བ་རྣམས།། མུ ་ཏིག་རིན་ཆེན་ཕྲེང་བ་ལྟར།། ལས་ཀྱི་རྒྱུད་འདི་བཤད་ཀྱི་ཉོན།། ཞེས་གསུངས་སོ།། ཐམས་ཅད་བདུད་རྩི་ཆེན་པོ་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། གླེང་གཞི་དང་གླེང་བསླང་བའི་ལེའུ་སྟེ་དང ་པོའོ།། །། དེ་ནས་བཅོམ་ལྡན་འདས་ཀྱིས་ཆོས་ཐམས་ཅད་བསྒྲུབ་པར་བྱ་བ་ཕུན་སུམ་ཚོགས་པ་ལྔ་གསུངས་སོ།། སྟོན་པ་ཆོས་ཀྱི་མངའ་བདག་རྫོགས།། མང་ཞིང་རྒྱ་ཆེ་འབྲེལ་པའི ་རྒྱུད།། གཟུང་བར་བདེ་བ་བསྒྲུབ་པའི་ལུང་།། གནད་དུ་སྟོན་ཅིང་ལ་བཟླ་འང་།། དེ་ཕྱིར་ཕྱི་ནང་རྒྱུད་ལ་མཁས།། མཉམ་ཉིད་དོན་ལ་བློ་གཞོལ་བས།། རེ་དོགས་མེད་ལ་ལྷ་སྲུང་ཉེ།། བགེགས་ཐུབ་བར་ཆད་མི ་འགྱུར་བས།། ཕྲིན་ལས་མཐར་ཕྱིན་ཀུན་གྱིས་བཀུར།། ཡ་ག་ཕྲ་མས་མི་ཚུགས་པ།། བཀའ་ཡི་བླ་མ་སྟོན་པས་ནི།། ངེས་ཤེས་སྐྱེད་པ་རྒྱུད་འདི་ཡིན།། བརྒྱུད་པ་ཀུན་བཟང་ལས་བྱུང་བ།། ལུས་ངག་ཡིད་ལ་བྱིན ་གྱིས་བརླབས།། དངོས་དང་ལས་འཕྲོ་སྐལ་ལྡན་རྣམས།། གང་དང་གང་མཛད་རྟོགས་པ་སྐྱེ།། སྟོན་པ་འདི་ནི་དང་པོ་བཟུང་།། ས་ཡི་ཡུམ་ནི་དུང་ཅན་མ།། རིག་པ་སྲ་བ་བྱེད་པ་ཉིད།། སྐད་གདངས་ཆེ་ལ་རུས་པ ་རགས།། ལུས་ནི་ཡས་སུ་བག་ཙམ་འཁྱིལ།། ཆུ་ནི་རི་དྭགས་ཅན་ཞེས་བྱ།། གཤེར་བར་བྱེད་པ་ཆུ་ཡིན་པས།། ལུས་སྨད་སྦོམ་ལ་སྟོད་ཕྲ་བས།། རི་དྭགས་ཆོས་དང་ལྡན་པར་བརྟག། མེ་ནི་པདྨ་ཅན་ཡིན་དེ།། མདོག ་གསལ་འགྲོ་བ་མེ་ཡི་ལས།། ཡན་ལག་ཕྲ་འཇམ་བུང་བ་འདུ།། པདྨ་ལྟ་བུར་རབ་གནས་པའོ།། རླུང་ནི་བན་གླང་ཅན་དུ་བཤད།། གཡོ་བས་ཐིག་ལེ་མྱུར་དུ་འབེབས།། ཡན་ལག་ཐུང་ལ་ཤ་ལུས་གེལ།། བུང་བའི ་ཚོགས་ནི་སྡང་བའོ།། པདྨ་བྷ་ག་གཅིག་ལ་ཡང་།། འབྱུང་བ་བཞི་པོ་ཚང་འགྱུར་ཡང་།། ལས་བཞི་རླུང་དང་སྦྱར་བའི་ཡུམ།། ཡབ་དང་མཐུན་པར་ཕྱོགས་དབུས་གནས།། བདུད་རྩི་བསྒྲུབ་པའི་སྣོད་བསྟན་པ།། བཀའ ་བརྒྱུད་དང་བའི་དད་པས་ཉན།། བརྩོན་འགྲུས་ཡིད་ཆེས་དད་པས་བསྒྲུབ།། སྨན་རྫས་འདོད་པའི་དད་པས་ཚོལ།། སྐྱོན་བྲལ་ཡོན་ཏན་ཕུན་སུམ་ཚོགས།། མི་ཕྱེད་དགུ་ལྡན་སྐྱོན་དྲུག་སྤངས།། རྒྱལ་ཐེབས་དང་ནི ་ལས་མཁན་དག། གིང་དང་མཆོད་བཤམ་ལ་སོགས་པ།། འབྲུ་བསྡམས་རབ་ཏུ་བཙལ་བར་བྱ།། དེ་མིན་པར་གཅོད་འབྱུང་བའི་རྒྱུ།། གནས་དང་ཡུལ་ནི་འདི་ལྟ་སྟེ།། ཤར་རི་དྲང་སྲོང་སྒོམ་ཆེན་བཞུགས།། ལྷོ་ན། ་དཔལ་མོ་སྦྱོར་བ་བྱེད།། ནུབ་ན་རྩི་དང་སྨན་རྣམས་སྐྱེས།། བྱང་ན་ཤིང་ནགས་ལྷ་མོ་གནས།། དེ་དབུས་ཉམས་དགའ་གནས་ཀྱི་མཆོག། བྲག་ཕུག་རི་བོ་ནགས་ཀྱི་ཁྲོད།། བསྒྲུབ་པའི་གནས་ཀྱང་དེ་ལྟར་བྱ།། ཡང་ན ་ཤིན་ཏུ་ཉམས་དགའ་བ།། བར་ཆད་མེད་པ་མཆོག་ཏུ་བཙལ།། དེ་ནས་ཡོ་བྱད་བཙལ་བ་ཡང་།། སྒྲུབ་རྫས་བཟང་པོ་བྷནྡ་རུ།། ཕྱི་ནང་སྨན་རྣམས་བཙལ་བར་བྱ།། ཞིང་མཆོག་གཙང་མ་སྐྱེས་བདུན་རོ།། རྙེད་ནས ་སྒྲུབ་རྫས་བྱ་བའོ།། སྒྲུབ་པའི་རོལ་མོ་མཆོད་པ་དང་།། ཕྱི་ནང་གསང་བ་དེ་ཁོ་ན།། ཤ་དང་ཆང་འབྲུ་གོས་རྒྱན་རྣམས།། འདབ་ཏུ་བསོག་ལ་ཆ་གསུམ་བགོ། སྨན་དང་ཕུར་པ་གུ་གུལ་དང་།། གོ་མཚོན་ལྷ་མིན་ཐུབ ་ལྟར་བསྲེལ།། ཚེས་གྲངས་རྒྱལ་དང་བཀྲ་ཤིས་དག། ཡར་ངོའི་བརྒྱད་ལ་འཇུག་པར་བྱའོ།། དཀྱིལ་འཁོར་ཆེན་པོ་གང་འབྲི་ཡང་།། སྔ་དྲོའི་དུས་ན་ཤིས་པ་བྲི།། ཞེས་གསུངས་སོ།། ཐམས ་ཅད་བདུད་རྩི་ཆེན་པོ་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། བསྒྲུབ་པའི་གཞི་ཕུན་སུམ་ཚོགས་པ་རྣམ་པ་ལྔ་བསྟན་པ་སྟེ་ལེའུ་གཉིས་པའོ།། །། དེ་ནས་བཅོམ་ལྡན་འདས་ཀྱི་དཀྱིལ་འཁོར་ཆེན་པོ ་རྣམ་པ་གསུམ་པོ་འདི་གསུངས། རྩ་བ་སྨན་གྱི་དཀྱིལ་འཁོར་ནི།། སྡོང་པོ་དང་ནི་ཤུན་པ་དང་།། ཡལ་ག་དང་ནི་ལོ་མ་དང་།། སྙིང་པོ་དང་ནི་འབྲས་བུ་དང་།། འདབ་མ་དང་ནི་མེ་ཏོག་རྣམས།། ཕྱི་ཡི་རྩ་བ་རྣམ་པ ་བརྒྱད།། ཉན་ཐོས་རང་རྒྱལ་བྱང་སེམས་གསུམ།། འདུལ་བ་མདོ་སྡེ་མངོན་པར་གནས།། ཀྲི་ཡ་ཨུ་པ་ཡོ་ག་ནི།། རིགས་གསུམ་རིགས་བཞི་རིགས་ལྔར་གནས།། རྣལ་འབྱོར་ཆེན་པོ་ནང་པ་ནི།། ཞི་ཁྲོ་ལྷ་བརྒྱའི་སྒྲུབ ་བྱེད་ཅན།། རྗེས་སུ་རྣལ་འབྱོར་ལུང་གི་ཆོས།། བདུད་རྩི་ནང་གི་རྩ་བ་བརྒྱད།། དྲི་ཆེན་བྱང་སེམས་མཱཾ་ས་དང་།། རཀྟ་དྲི་ཆུ་རྣམ་པ་ལྔ།། མངོན་པ་ཕྱི་ཡི་རྩ་བ་བཞི།། སྦས་པ་ནང་གི་རྩ་བ་བཞི།། བརྒྱད་ཚན་ལྔ་ཡི་རང ་བཞིན་ཅན།། གསང་བའི་རྩ་བ་རྣམ་པ་བརྒྱད།། ཀུན་གཞི་དཀར་ནག་བག་ཆགས་ལས།། བསགས་པས་འཁོར་བ་མྱ་ངན་འདས།། ཉོན་མོངས་ཡིད་ནི་རྣམ་པ་ལྔ།། གཏི་མུག་མུན་པ་སེལ་བར་བྱེད།། ཞེ་སྡང་མེ་ཡང ་རབ་བསད་ནས།། ང་རྒྱལ་རི་བོ་བསྙིལ་བྱས་ཏེ།། འདོད་ཆགས་ཆུ་བོ་རྒྱུན་བཅད་པས།། ཕྲག་དོག་རླུང་ཡང་རབ་ཞི་བས།། ཡིད་ཀྱི་རྣམ་པར་ཤེས་པ་ཡིས།། ཕྱི་ནང་ཡོངས་ལ་ཁྱབ་པར་བྱས།། སྒོ་ལྔ་དབང་པོས་ཕྱི ་ནང་སྦྱར།། དེ་ཉིད་ཁོ་ནའི་རྩ་བ་བརྒྱད།། ཕྱི་ཡི་སྨན་གྱི་དཀྱིལ་འཁོར་ཆེ།། བདག་ཉིད་རང་བྱུང་དཀྱིལ་འཁོར་ནི།། དྲི་ཆེན་གསེར་མདོག་རྣམ་སྣང་མཛད།། ཛམ་བུ་ན་དའི་གསེར་འོད་འདྲ།། བྱང་སེམས་མི་བསྐྱོད་རྡོ ་རྗེ་སེམས།། པུཎྜ་རཱི་ཀ་ལྟ་བུར་དཀར།། མཱཾ་ས་རིན་ཆེན་འབྱུང་ལྡན་གཙོ།། ཨིནྡྲ་ནཱི་ལའི་མདོག་དང་མཚུངས།། རཀྟ་སྣང་བ་མཐའ་ཡས་གཙོ།། པདྨ་རཱ་ག་ལྟ་བུར་དམར།། དྲི་ཆུ་རྟ་མཆོག་དོན་ཡོད་གྲུབ།། རིན་ཆེན ་མར་གད་ལྟ་བུར་ལྡང་།། གླང་པོ་ཤ་ཡི་དམ་ཚིག་གིས།། སངས་རྒྱས་སྤྱན་དུ་ཡང་དག་གནས།། མི་ཡི་ཤ་ནི་དབྱིངས་ཕྱུག་མ།། རྟ་ཤ་མཱ་མ་ཀཱི་ཞེས་བྱ།། དེ་བཞིན་པ་གླང་གོས་དཀར་མ།། བྱ་ཁྱིའི་ཤ་ནི་སྒྲོན་མར ་བཤད།། རིགས་ལྔ་ཡབ་ཡུམ་འདི་རྣམས་ཀྱང་།། སེམས་ཅན་ལུས་ཁམས་བདུད་རྩིར་གནས།། དེ་ཕྱིར་ནང་གི་དཀྱིལ་འཁོར་ཆེ།། ཡེ་ཤེས་དཀྱིལ་འཁོར་རབ་བཤད་བྱ།། ཤར་ཕྱོགས་མངོན་པར་དགའ་བ་ན།། མི ་བསྐྱོད་རྡོ་རྗེ་དབྱིངས་ཕྱུག་མ།། ལྷོ་ཕྱོགས་དཔལ་དང་ལྡན་པ་ན།། དཀོན་མཆོག་དཔལ་དང་མཱ་མ་ཀཱི།། ནུབ་ཕྱོགས་བདེ་བ་ཆེན་པོ་ན།། ཚེ་དཔག་མེད་དང་གོས་དཀར་མོ།། བྱང་ཕྱོགས་རྣམ་དག་བཀོད་པ་ན།། རྟ ་མཆོག་དམ་ཚིག་སྒྲོལ་མ་གནས།། དབུས་ཕྱོགས་བྱང་ཆུབ་སྙིང་པོ་ན།། རྣམ་པར་སྣང་མཛད་སངས་རྒྱས་སྤྱན།། ཆོས་ཉིད་རྩ་དང་ཡེ་ཤེས་རྩ།། ཡོན་ཏན་རང་རྒྱུད་ལས་དང་བཅས།། དབུས་དང་དངས ་མ་ས་ཆུ་མེ།། རླུང་དང་ནམ་མཁའ་གནས་པ་ཡིས།། སྙིང་ག་ཆོས་ཀྱི་དཀྱིལ་འཁོར་ཆེ།། ཞེས་གསུངས་སོ།། ཐམས་ཅད་བདུད་རྩི་ཆེན་པོ་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། ཕྱི་ནང་སྣོད་བཅུད་མ་ལུས ་པའི་ཆོས་ཐམས་ཅད་བདུད་རྩི་ཆེན་པོའི་ད་ལ་གསུམ་དུ་བསྟན་པའི་ལེའུ་སྟེ་གསུམ་པའོ།། །། དེ་ནས་ཡང་བཅོམ་ལྡན་འདས་ཀྱིས་བསྒྲུབ་པར་བྱ་བའི་ཐབས་ཀྱི་རིམ་པ་འདི་གསུངས་སོ།། ལྟ་བ་སྤྱོད་པ་དམ ་ཚིག་དང་།། སྒྲུབ་དང་ངེས་པར་སྒྲུབ་པ་དང་།། ཕྲིན་ལས་བསྒྲུབ་པར་བྱ་བ་དང་།། བདུད་རྩི་དམ་པའི་འདིར་འདུས་སོ།། རྣལ་འབྱོར་ལྟ་བ་ལྟ་འདོད་ན།། མ་སྐྱེས་པ་ཡི་རང་ཉིད་ལས།། མ་འགག་པ་ཡི་རང་བཞིན ་ཤར།། གཉིས་སུ་མེད་པའི་བདག་ཉིད་ཡིན།། སྣ་ཚོགས་རྟོག་པ་ཅིར་སྣང་ཡང་།། ཐིག་ལེ་བྱང་ཆུབ་སེམས་སུ་ཤར།། ངེས་པ་དོན་གྱི་ཀུན་གཞི་ལས།། ཡེ་ཤེས་སྒྱུ་མའི་སངས་རྒྱས་སྣང་།། སྦྱོར་བ་དོན་གྱི་ཀུན་གཞི ་ལས།། ལོག་རྟོག་སྒྱུ་མའི་སེམས་ཅན་སྣང་།། སྣ་ཚོགས་སོགས་པའི་ཀུན་གཞི་ལས།། འཁོར་བ་དང་ནི་མྱ་ངན་འདས།། སྐུ་དང་ལུས་དང་གསུང་དང་ངག། ཡེ་ཤེས་བག་ཆགས་གཉིས་སྣང་རྣམས།། བྱང་ཆུབ་སེམས ་ནི་ཀུན་གཞི་ཉིད།། དེ་ཉིད་ཆོས་ཀྱི་སྐུར་གནས་པས།། འཁོར་འདས་སངས་རྒྱས་ཆོས་ཉིད་དང་།། བྱང་ཆུབ་སེམས་ནི་ཕྱག་རྒྱ་ཆེ།། སྣང་བ་སྐུ་དང་གྲག་པ་གསུང་།། དྲན་རྟོག་ཐུགས་ཀྱི་ཕྱག་རྒྱར་འབར།། བྱང་སེམས ་ཕྱག་རྒྱ་ཆེན་པོ་ནི།། བཙལ་བ་མེད་པའི་ངང་དུ་གནས།། སྣང་སྲིད་མ་ལུས་ཆོས་ཀྱི་སྐུ།། བདེ་ཆེན་བྷ་གའི་ཀློང་ནས་བྱུང་།། རང་རིག་བྱང་ཆུབ་སེམས་ལ་གནས།། གང་བལྟས་བྱང་ཆུབ་སེམས་ཉིད་ལ།། གོལ་ས་ལྟུང ་ས་མེད་པའི་ངང་།། འཁོར་བར་སྣང་བ་བྱང་ཆུབ་སེམས།། དེ་ཡང་མ་རིག་མུན་པས་བསྒྲིབས།། དེ་བསལ་མྱ་ངན་འདས་པ་ཉིད།། རྩོལ་བ་མེད་པའི་རང་བཞིན་ལ།། འཁོར་འདས་གཉིས་མེད་བྱང་ཆུབ་སེམས།། མ ་སྐྱེས་པ་ལས་མ་འགགས་ཤར།། གཉིས་སུ་མེད་པའི་རང་བཞིན་བསྟན།། བལྟ་བ་ཉིད་མེད་ཆོས་ཀྱི་དོན།། བློ་དང་དངོས་པོ་འདྲེས་པའི་ཕྱིར།། སྣོད་བཅུད་ཐིག་ལེ་ཆེན་པོར་གནས།། གདོད་ནས་རྣམ་པར་དག་པ ་ནི།། བལྟ་བ་བདག་ཉིད་ཆེན་པོ་ཡིན།། མ་རྟོག་པ་ལ་བདུད་ཡིན་ཡང་།། རྟོག་པའི་ཡེ་ཤེས་རྩི་སྦྱར་བས།། ལུས་ངག་སེམས་ཀྱིས་ཅི་སྤྱད་ཅིང་།། ཅི་བསྒྲུབ་བསྒོམ་པ་མ་ལུས་ཀུན།། ཐམས་ཅད་བདུད་རྩི་སྨན་ཆེན ་ཉིད།། དེ་ལས་མ་གཏོགས་གཞན་དུ་ནི།། བདུད་རྩི་བཙལ་ཡང་མི་རྙེད་ཕྱིར།། དངོས་གྲུབ་བདག་ཉིད་ཆེན་པོ་ཡིན།། སྣང་བ་ཡུལ་ནི་བདུད་རྩིའི་སྣོད།། སྲིད་པ་བཅུད་ནི་སྨན་གྱི་རྫས།། དབང་སྒྱུར་ལྷ་ཡི་བདག་ཉིད ་ཤེས།། བྱིན་རླབས་ངོ་མཚར་བསམ་མི་ཁྱབ།། ཡོན་ཏན་བདག་ཉིད་ཆེན་པོ་ཡིན།། སྤྲོས་དང་བྲལ་བ་ཆོས་ཀྱི་སྐུ།། ཐིག་ལེ་ཆེན་པོས་ཀུན་ལ་ཁྱབ།། ལུས་པ་མེད་པར་ཡེ་ནས་ཁྱབ།། ཁྱབ་དང་མ་ཁྱབ ་མེད་པའི་དབྱིངས།། འདྲེས་པ་མེད་པར་ཀུན་གནས་པས།། ཁམས་གསུམ་མ་ལུས་ཆོས་ཀྱི་སྐུ།། བདེ་ཆེན་ཉིད་ལས་གཞན་མ་ཡིན།། རང་བཞིན་བདག་ཉིད་ཆེན་པོ་ཡིན།། སྲིད་པ་གསུམ་དང་ཁམས་གསུམ ་དང་།། འགྲོ་བ་སེམས་ཅན་མ་ལུས་པ།། བདུད་རྩི་ཆེན་པོར་ཡེ་གནས་ལ།། རང་གིས་རང་ལ་མཆོད་བྱས་ནས།། རང་ཉིད་དངོས་གྲུབ་བླངས་ཏེ་བཟའ།། འགྲོ་དོན་བདག་ཉིད་ཆེན་པོ་ཡིན།། ཞེས་གསུངས ་སོ།། ཐམས་ཅད་བདུད་རྩི་ཆེན་པོ་ལྔའི་རང་བཞིན་རིན་པོ་ཆེ་ཕྲེང་བའི་རྒྱུད་ལས། བདུད་རྩི་ཆེན་པོ་འཁོར་འདས་བལྟ་བར་བསྟན་པའི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་ཀྱིས་སྤྱོད་པ་འདི་དག ་གསུངས་སོ།། སྦྱོར་བའི་སྤྱོད་པས་བདེ་བ་འབར།། སྒྲོལ་བའི་སྤྱོད་པས་ལོག་ལྟ་དག། སྦྱོར་སྒྲོལ་བདུད་རྩི་ཆེན་པོ་ཡིས།། ཕོ་མོ་མངོན་པར་སངས་རྒྱས་ལམ།། དེ་ནས་སྒྲུབ་པའི་གྲོགས་མོ་མཆོག། གཟུངས་མ་མ ་སྲིང་སྐྱེད་ཅིང་གདུང་།། འདོད་ཆགས་བྱང་ཆུབ་ཆེན་པོར་འབར།། ཁྱེད་ལ་ང་ཡིས་རབ་བཤད་བྱ།། སྐྱེ་བས་དག་པའི་རིག་མ་ནི།། པདྨ་ཆོས་དང་རབ་ལྡན་མ།། མདོག་གསལ་ཡིད་འོང་ཡན་ལག་རྒྱས།། ཡོན་ཏན ་ཚོགས་དང་རབ་ཏུ་ལྡན།། རི་དྭགས་ཅན་གྱི་ཡུམ་བཤད་ན།། རོ་སྟོད་ནུ་མ་མཁྲང་བ་དང་།། རོ་སྨད་ཤ་ནི་རྒྱས་པ་དེ།། སྐེད་པ་ཕྲ་ཞིང་འགྲོས་ཡང་དལ།། དེ་ཡི་ལྟ་སྟངས་བསྟན་པ་ཡང་།། སྐྱེས་པ་མཐོང་ན་མིག་མི ་འཛུམ།། དབུགས་དང་དྲི་ཡང་གླ་རྩི་བྲོ།། རི་དྭགས་གླ་བ་འདྲ་བར་བཤད།། གླང་པོ་ཅན་ཞེས་བྱ་བའི་ཡུམ།། ལུས་ཤ་ཆེ་ལ་ཡན་ལག་ཟུང་།། སྟོབས་ཆེ་མིག་ཆུང་སྣ་བཤལ་རིང་།། རྡུལ་དབྱུང་ཚེ་ན་དྲི་ཡང ་ཞིམ།། ཁོག་ཤེད་ཆེ་ལ་མཛངས་པ་སྟེ།། ཁྱད་པར་བུང་བའི་ཚོགས་རྣམས་ལྡང་།། དུང་ཅན་མ་ཡི་གཟུངས་མ་ནི།། རུས་པ་རགས་ལ་ཤ་འཇམ་དཀར།། ལུས་ཀྱི་སྟོབས་ནི་ཆེ་ལ་མྱུར།། ལྟེ་བར་རི་མོ་བྱུང་བ་ནི།། དུང ་ཆེན་གཡས་སུ་འཁྱིལ་པ་འདྲ།། སྐད་ཀྱི་གདངས་ཡང་ཆེ་ཞིང་རིང་།། དུང་གི་ཆོས་དང་རབ་ལྡན་པས།། རི་མོ་ཅན་ཞེས་མིང་དུ་གྲགས།། རི་མོ་ཅན་གྱི་རིག་མ་ནི།། མདོག་ནི་དམར་ལ་ཤ་ཡང་ཆུང་།། དེ་ཡི་ལྟེ་བའི ་སྟེང་ན་ཡར།། རི་མོ་འགྲེང་བུ་གསུམ་ཡོད་པ།། སྨིན་མཚམས་མཛོད་སྤུའི་བུ་ག་ན།། རི་མོ་འགྲེང་བུ་གཅིག་ཀྱང་ཡོད།། མགོ་ཡི་མུར་གོང་མཐའ་གཉིས་ན།། དར་ཐོད་ལྟ་བུའི་རི་མོ་ཡོད།། ཚོགས་རྣམས་ཐམས་ཅད ་རིང་བ་དང་།། དེ་ནི་ཁྱད་པར་དག་ཏུ་བསྔགས།། སྣ་ཚོགས་ཅན་གྱི་སྦྱོར་ཡུམ་ནི།། བཞི་ཀའི་ཡོན་ཏན་ལྡན་པའམ།། གསུམ་མམ་གཉིས་ཀྱི་ཡོན་ཏན་ལྡན།། སྦྱངས་པས་དག་པའི་བུ་མོ་ནི།། ཐོས་བསམ་དང་ནི ་བསླབ་པ་ཡིས།། རྒྱུད་ཡང་ཡོངས་སུ་དག་པར་བྱ།། དབང་གིས་དག་པར་བྱ་བ་ཡང་།། ཕྱི་ནང་དབང་ཡང་བསྐུར་བར་བྱ།། རྣལ་འབྱོར་རང་བཞིན་དག་པར་བྱ།། ཕྱི་དང་ནང་གི་ཁྲུས་བྱས ་ནས།། གསེར་དངུལ་རྒྱན་དང་རབ་ལྡན་པ།། སྤྱི་གཙུག་འཁོར་ལོ་རྣ་རྒྱན་དང་།། མགུལ་པ་ཕྱག་ཞབས་གདུགས་འཁོར་དང་།། གོས་དང་དར་གྱིས་ལེགས་པར་བརྒྱན།། ནུབ་ཀྱི་དཀྱིལ་འཁོར་ཟླ་གམ ་ལ།། སློབ་དཔོན་ཇི་བཞིན་སྟན་བདེར་གནས།། གཡོན་གྱི་ཕྱོགས་སུ་རབ་གནས་བྱ།། ཡིད་འོང་འཛུམ་པའི་མདངས་ཀྱིས་བལྟ།། ཡབ་ཡུམ་ལུས་ངག་མཉམ་པ་ནི།། ཡི་དམ་ལྷ་ཡི་ཕྱག་རྒྱར་བསྒོམ།། གསང་བའི ་སྔགས་ཀྱང་བཟླས་པར་བྱ།། བདག་གི་སེམས་དང་ལྷ་ཡི་ཐུགས།། སྒོམ་པར་ཡབ་དང་ཡུམ་དག་གིས།། ཐ་དད་མེད་པར་རབ་གྱུར་ནས།། ལུས་དང་ངག་སེམས་རབ་མཉམ་པ།། རྣལ་འབྱོར་དཔའ་བོ་དཔའ་མོ ་ཡིན།། མཉམ་པས་སྦྲུལ་སྐུར་བྱིན་བརླབས་ཏེ།། ཡི་དམ་ལྷ་ཉིད་སྦྲུལ་པའི་སྐུ།། བྱིན་རླབས་མཉམ་པར་བྱེད་གྱུར་པ།། མཁའ་གསང་བསྣོལ་མར་བྱིན་གྱི་བརླབ།། ཡབ་ཀྱི་གཟུངས་མའི་མཁའ་བྱིན ་བརླབ།། མི་དམིགས་སྟོང་པའི་ངང་ལས་ཨཱཿ།། པདྨ་དམར་པོ་འདབ་བརྒྱད་པ།། ཟེའུ་ཨ་ཡིས་བྱིན་བརླབས་སམ།། ཡུམ་གྱིས་ཡབ་ཀྱི་རྡོ་རྗེ་ནི།། མི་དམིགས་སྟོང་པའི་ངང་ལས་ཧཱུཾ།། རྡོ་རྗེ་སྔོན་པོ་རྩེ་ལྔ་པ།། ལྟེ་བ་ཧཱུཾ ་གིས་མཚན་པ་ཡི།། དེ་ཡི་བུ་གར་བསམ་བྱ་བ།། དམར་ནག་གྱེན་ལ་མགོ་བསྟན་ཕཊ།། ནོར་བུ་ཨོཾ་གྱི་བྱིན་བརླབས་པས།། སྭ་ལས་རིན་པོ་ཆེ་ཡི་ཏོག། བྱིན་རླབས་མཉམ་པར་གྱུར་པ་ན།། ལོངས་སྤྱོད་རྫོགས ་པའི་སྐུར་བྱིན་བརླབ།། འདོད་པ་མཉམ་པར་གྱུར་པ་ནི།། བདག་ཉིད་རིག་མ་ལ་བརྟེན་ནས།། ལྷ་སྐྱེས་ཡེ་ཤེས་མངོན་བྱས་ཏེ།། མཐའ་དྲུག་རྫོགས་པའི་བྱང་ཆུབ་འདོད།། རིག་མའང་བདག་ལ་བརྟེན་བྱས་ནས།། དེ ་བཞིན་བྱང་ཆུབ་འདོད་པར་མཉམ།། དེ་ལྟར་འདོད་པ་མཉམ་གྱུར་ནས།། ཆོས་ཀྱི་སྐུ་རུ་བྱིན་གྱིས་བརླབ།། ཡབ་ཡུམ་སྦྱོར་བའི་ཚུལ་བསྟན་པ།། དང་པོར་བྱང་སེམས་དབབ་པ་ནི།། རྟེན་ནི་ཡོངས་སུ་དག་པ་སྟེ།། ཉེ ་རིང་རན་པར་རབ་བཞག་ལ།། དེ་ཡི་གཟུགས་སྒྲ་དྲི་རོ་བརྟག། འདོད་ཆགས་མེ་འབར་ཐིག་ལེ་དབབ།། བདེ་བ་ལ་ནི་བསྒོམ་པར་བྱ།། བསྐྲད་པའི་མཐའ་བསྲུང་གསང་ཐུབ་བྱ།། དེ་བཞིན་ལུས་གནས་ཅི་རིགས ་པར།། རིག་བཅིང་བདེ་བ་བསྒོམ་པར་བྱ།། བསྒོམ་ཉམས་ཅི་སྐྱེས་བྱུང་རྒྱལ་བསྐྱང་།། དེ་ལྟར་ཐིག་ལེ་དབབ་ཅིང་སེལ།། སྤེལ་ཞིང་གཟུང་བར་བྱ་བ་དང་།། གཟུང་ཞིང་རིམ་གྱིས་བཟློག་པའོ།། སྐད་ཅིག་མར་ནི་དང ་པོ་ལ།། བདེ་བའི་ཡེ་ཤེས་ཞེས་བྱ་བ།། བསྙེན་པའི་མན་ངག་ཡིན་པར་གསུངས།། པོལླ་ཀ་ཀོ་མཉམ་སྦྱར་ཞིང་།། འདོད་ཆགས་མེ་འབར་ཐིག་ལེ་དབབ།། བདེ་བ་བསྒོམ་ཞིང་བསྐྲད་པའི་མཐའ།། བལྟ་བའི་འགྱུར ་བས་སྲུང་བར་བྱ།། གསང་ཐུབ་དམ་ཚིག་ལ་གནས་པ།། སྐད་ཅིག་མ་ནི་གཉིས་པ་ལ།། མཆོག་བདེའི་ཡེ་ཤེས་ཞེས་བྱ་བ།། ཉེ་བའི་བསྙེན་པར་བཤད་པ་ཡིན།། བསྙེན་པ་ཉེ་བའི་བསྙེན་པ ་གཉིས།། ཐིག་ལེ་འབབ་ཅིང་བདེ་ཤུགས་ཆེ།། ཐིག་ལེ་འབར་བའི་དྲོད་ཅེས་བྱ།། དེ་ནས་རྡོ་རྗེས་པདྨ་བསྲུབ།། བདེ་བ་མི་རྟོག་ལྡན་འགྱུར་ཏེ།། དབབ་ཅིང་བདེ་བ་མི་རྟོག་བསྒོམ།། བསྐྲད་པའི་མཐའ་བསྲུང་གསང ་བར་བྱ།། སྐད་ཅིག་མ་ཡང་གསུམ་པ་ལ།། བདེ་བྲལ་ཡེ་ཤེས་ཞེས་བྱ་སྟེ།། ཐིག་ལེ་གཡོ་བའི་དྲོད་ཅེས་བྱ།། ཐིག་གི་གཟུང་ཡང་བཀའ་ཡང་བསྒྱུར།། སྟེང་རླུང་རྣམ་པར་འགོག་པ་ཡི།། འགྱུར་བ་རྣམ་དྲུག་ཐིག་ལེ ་བསྲུང་།། ལུས་ཀྱི་སྤྱོད་ལམ་བརྟེན་བྱས་ནས།། ལག་གཡས་ཉི་མ་གཡོན་པ་ཟླ།། པུས་མོ་གཉིས་ལ་བསྣོལ་མར་དགག། ཧཱུཾ་ཐུང་ཧཱུཾ་རིང་བདུན་དུ་དགུ།། གཡས་གཡོན་དག་ཏུ་གསུམ་གསུམ་སྟེ།། འབུད་པ་གསུམ ་དང་རྔུབ་པ་གསུམ།། འཁོར་བ་དག་ཏུ་སྦྱར་བར་བྱ།། ཉི་མ་དག་ནི་གསུམ་པ་ལ།། སྦ་བ་སྦུབས་སུ་ནུབ་པར་འགྱུར།། སྲིན་པོའི་ལམ་ནི་ཅུང་ཟད་བསྡམ།། གུང་མཛུབ་གཉིས་ནི་དྲག་ཏུ་གཞི་བ།། མིག་གཉིས་སྟེང་དུ ་བསྐྲད་པར་བྱ།། འདིས་ནི་ཐིག་ལེ་འཛིན་པར་འགྱུར།། ཡང་ན་ཧལ་ཧལ་དྲག་ཏུ་བརྗོད།། ལུས་ཀྱི་འཁྲུལ་འཁོར་གཞན་ཡང་བྱ།། འདིས་ཀྱང་ཐིག་ལེ་འཛིན་པར་འགྱུར།། གླང་ཆེན་ཏིག་གིས་ལྟེ་བ་དང་།། སྟག་མོའི ་རྡུར་གྱིས་སྙིང་ག་ཉིད།། གཅན་གཟན་སྐྱུགས་ཀྱིས་མགྲིན་པའོ།། ཝ་ལྟར་སྣོམ་པས་སྤྱི་གཙུག་ཏུ།། རིམ་པས་གྱེན་ལ་དྲང་བར་བྱ།། འདི་ནི་ཤིན་ཏུ་གསང་བའོ།། རྣམ་གྲོལ་ཕྱག་རྒྱས་ལུས་ལ་དགྲམ།། དེ་ལས་མི ་མཁས་བཞི་འབྱུང་སྟེ།། དབབ་པའི་ལས་ལ་མི་མཁས་ན།། ཐིག་ལེ་མྱུར་དུ་ཉམས་པར་བྱེད།། གཟུང་བ་ལ་ནི་མ་མཁས་ན།། བདེ་ལ་ཡུན་ཡང་ཐུང་བ་ཡིན།། བཟློག་པའི་ལས་ལ་མ་མཁས་ན།། དེ་ནི་ཆུ་དང་བསྡོངས ་པ་ཡིན།། དགྲམ་པ་དག་ལ་མ་མཁས་ན།། དེས་ནི་ནད་དུ་འགྱུར་བའོ།། དེ་ཡི་གཉེན་པོ་མཁས་པ་བཞི།། དབབ་ལ་མཁས་པ་རུས་སྦལ་འགྲོས།། གཟུངས་མཁས་ལུས་ངག་འགྱུར་བ་བྱ།། བཟློག་མཁས་དུད་འགྲོའི ་འགྱུར་བ་བཞི།། ཁྱད་པར་བྱ་བ་བདག་ལ་མཁས་པ་ཡིས།། དེ་ནི་རྣམ་གྲོལ་ཕྱག་རྒྱ་བྱ།། རླུང་གི་སྐྱེ་རགས་བཅིངས་པ་དང་།། ཞགས་པ་འཕང་དང་གཏུན་ཤིང་བསྐོར།། བུ་ཆུང་ལྟ་བུའི་སྤྱོད་པ་བྱ།། བསྲུང་བ་དཀའ ་བར་གྱུར་པ་ན། སྐད་ཅིག་བཞི་པར་བསྲུང་བར་བྱ།། དེ་དུས་རྟགས་རྣམས་འབྱུང་བ་ནི།། སྲིན་ལམ་བེམ་བེམ་ལྕི་བར་བྱེད།། རྩུབ་རྩུབ་བྱེད་ཅིང་དྲི་ཆེན་དང་།། དྲི་ཆུ་ཡང་ནི་རེས་མི་ཐོན།། རེས་དགའ་མི་ཐོང་བྱེད་པ ་དང་།། སྐྲ་རྩ་ཟེད་ཟེད་བྱེད་པ་དང་།། གཡལ་དང་མཆིལ་མ་འབྱུང་བར་བྱེད།། དེ་དག་ཅི་རིགས་བྱུང་བའི་ཚེ།། དེ་ནི་ཐིག་ལེ་ཟིན་པ་ཡིན།། བསྒྲུབ་པ་ཞེས་ནི་དེ་ལ་བྱ།། རྟེན་ནི་ཡོངས་སུ་དག་པ་ཡིས།། གཟུངས་མ ་དག་ལ་སྒྲ་བསྙད་ནས།། རྩ་སྣ་བཙལ་བའི་སྦྱོར་བ་ཡི།། བྱིན་བརླབ་གསུམ་པོ་སྔོན་སོང་བས།། ཕྱག་རྒྱ་བཞི་དང་ལྡན་འགྱུར་བས།། ཡབ་ཡུམ་སྦྱོར་བའི་ཚུལ་བསྟན་པ།། རྡོ་རྗེ་དང་ནི་པདྨ་གཉིས།། ་གཉིས་ཐིག་ལེ་རྣམ་པ་གཉིས།། རླུང་གཉིས་ཁ་སྦྱོར་གྱུར་པ་ལས།། བདེ་དང་སྟོང་པ་ཟུང་ཆུད་ཅིང་།། བདེ་བ་ངོས་བཟུང་བྲལ་བ་ཡི།། ཏིང་ངེ་འཛིན་ཡང་སྐྱེ་བ་སྟེ།། ཏིང་འཛིན་བསྐྱང་ཞིང་བསྐྲད་མཐའ ་བསྲུང་།། གསང་ཡང་ཐུབ་པར་བྱ་བ་ཡིན།། འགྱུར་བ་དྲུག་གིས་བསྲུང་བ་ནི།། རྒྱ་མཚོ་རི་རབ་དག་ལ་སྐམ།། གླིང་བཞི་དབང་དུ་བསྡུ་བ་དང་།། རོ་འཛིན་རང་གི་གནས་སུ་སྦྱར།། དབང་པོའི་མཆོག་ཀྱང་སྟེང་དུ ་བཞག། ངག་སྟོབས་ཧཱུཾ་དྲག་རིང་བར་བགྲང་།། ཏིང་འཛིན་ཧཱུཾ་ཕཊ་མདའ་གཞུ་འཕངས།། སྐད་ཅིག་མ་ནི་བཞི་པ་ལ།། ལྷན་ཅིག་སྐྱེས་པའི་བདེ་བ་ནི།། ཐིག་ལེ་བརྟན་པའི་དྲོད་ཅེས་བྱ།། གདོན་གྱིས་འཛག་ན་སྔགས ་ས་བསྲུང་།། བག་ཆགས་འཛག་ན་གཉེན་པོ་བརྟེན།། ནད་གཞིས་འཛག་ན་དྲོད་སྨན་སྦྱར།། རྨི་ལམ་འཛག་ན་བལྟ་བས་བསྲུང་།། ཕྱི་ནང་ཐམས་ཅད་བདེ་བ་ཡི།། ལྷག་ཅིག་གི་སྐྱེས་པའི་ཡེ་ཤེས་ལ།། གོ་རིམ་ལྟོས ་པའི་བདེ་བ་བཞི།། སྐད་ཅིག་བཞི་ལ་སྣང་བ་དེ།། རྣམ་པ་སྣ་ཚོགས་སྐད་ཅིག་དང་།། རྣམ་པར་ཉིད་དང་རྣམ་པར་སྨིན།། མཚན་ཉིད་བྲལ་བའི་སྐད་ཅིག་ཡིན།། ཕྱིས་ནས་ལྟོས་པའི་བདེ་བ་བཞི།། ལུས་ཀྱི་ཁོལ་བུར ་སྐྱེ་བ་དང་།། ལུས་རྣམས་ཕལ་ཆེར་སྐྱེ་བ་དང་།། ལུས་ཀུན་ཐམས་ཅད་ཁྱབ་པར་སྐྱེ།། སྣང་བའི་དངོས་པོ་བདེ་བར་འཆར།། ནང་གི་གནས་ལ་ལྟོས་པ་བཞི།། སྤྱི་བོ་ནས་ནི་མགྲིན་པ་དང་།། མགྲིན་པ་ནས་ནི་སྙིང ་གར་བདེ།། སྙིང་ག་ལྟེ་བའི་བར་དུ་ནི།། ལྟེ་བ་གསང་གནས་བར་དུའོ།། སྤང་བྱ་ལྟོས་པའི་བདེ་བ་ནི།། གཟུང་འཛིན་རྣམ་རྟོག་རགས་རིམ་འགོག། བདག་གི་རྣམ་རྟོག་རང་རིམ་འགོག། ཕྱག་རྒྱའི་རྣམ་རྟོག་འགོག་པ ་དང་།། བདེ་བ་གསུམ་པོའི་རྣམ་རྟོག་འགོག། རང་གི་ངོ་བོ་ལྟོས་པ་ནི།། བདེ་བའི་ཉམས་མྱོང་ཆུང་བ་དང་།། བདེ་བ་ཆེ་བར་འབར་བ་དང་།། བདེ་བ་མི་རྟོག་པ་དང་ལྡན།། བདེ་བ་སྟོང་པ་གཉིས་མེད་དོ།། བདེ་བའི ་ཡེ་ཤེས་བཅུ་དྲུག་གིས།། བྱང་ཆུབ་སེམས་ཀྱི་རང་བཞིན་དུ།། ལྟ་བ་རྣམ་པར་དག་པ་བསྟན།། སངས་རྒྱས་སེམས་ཅན་མ་ལུས་ཀུན།། ཡབ་ཡུམ་བདེ་བ་ཆེན་པོ་ཡིས།། ངང་དུ་ཐམས་ཅད་འདུས་པ་ནི།། ཡུམ་གྱི་བྷ ་གའི་གཞལ་ཡས་ནས།། ཁམས་གསུམ་སེམས་ཅན་ཐམས་ཅད་དང་།། བདེ་གཤེགས་སྐུ་དང་གསུང་དང་ཐུགས།། མི་བཟད་རྒྱན་གྱི་འཁོར་ལོ་གནས།། གསང་བའི་མཆོད་པ་དབུལ་བ་ནི།། རྡོ་རྗེ་པདྨ་མཉམ་བཞག ་ནས།། ཐིག་ལེ་བ་སྤུ་བུ་ག་ནས།། ཕྱི་ཡི་སྣང་བ་ལྷ་མོ་བཞི།། ནང་གི་བདེ་བ་སྒེག་སོགས་བཞི།། གསང་བའི་ལྷ་མོ་རྣམ་པ་བཞི།། སྒོ་བ་བཞི་ཡི་ལྷ་མོ་རྣམས།། བདེ་བའི་ཡེ་ཤེས་བཅུ་དྲུག་མཆོད།། བདེ་བ་རླུང ་གི་གཏུམ་མོ་ཡིས།། རླུང་གི་གཞུ་ལ་མེ་ཡི་མདའ།། བྱང་སེམས་ཧཾ་གི་འཕེན་ལ་བརྡེག། མྱུར་དུ་ཡེ་ཤེས་འཆང་བར་འགྱུར།། སྦྱར་བའི་སྦྱོར་བ་མེད་པའོ།། ཡབ་ཡུམ་རོལ་པའི་བྱང་ཆུབ ་སེམས།། སློབ་མའི་ཁ་ལ་བཅུག་པ་ནི།། གསང་བའི་དབང་ཡང་བསྐུར་བ་ཡིན།། དཀྱིལ་འཁོར་བཞི་ལས་བྱུང་བ་ཡིས།། བདེ་བའི་ཡེ་ཤེས་རྣམ་པ་བཞི།། རྣལ་འབྱོར་མིང་སྲིད་བསྒོམ་པ་ནི།། ཤེས་རབ་ཡེ་ཤེས ་དབང་ཡང་བསྐུར།། གཡས་པ་རོ་མ་གཟུང་བ་ལ།། གཡོན་གྱི་རྐྱང་མ་འཛིན་པ་དེ།། དབུས་མ་ཀུན་འདར་གཟུང་འཛིན་སྤངས།། སྲོག་ཤིང་གསུམ་གྱི་རྦ་རླབས་ལཾ།། གཡས་གཡོན་དབུས་ལ་བསྒོམ་པ་ནི།། བདེ་བ ་ཆེན་པོའི་དབང་བསྐུར་ཡིན།། འཛག་པའི་དུས་སུ་སྦྱར་བ་ཡིས།། ལུས་ཁམས་བདུད་རྩི་དཀར་དམར་ཡང་།། བདུད་རྩི་བསྒྲུབ་པའི་རྫས་མཆོག་དེ།། སྨན་གྱི་ནང་དུ་བླུག་པར་བྱ།། ཞེས་སྟོན་པས་གསུངས ་སོ།། ཐམས་ཅད་བདུད་རྩི་ཆེན་པོ་ལྔའི་རང་བཞིན་རིན་པོ་ཆེ་ཕྲེང་བའི་རྒྱུད་ལས། གསང་བའི་ཡུམ་གཟུངས་མ་མཚན་དང་ལྡན་པ་ལ། སྦྱོར་བའི་བསྙེན་བསྒྲུབ་བཞི་བསྟན་པའི་ལེའུ་སྟེ་ལྔ་པའོ།། ། ་ནས་བཅོམ་ལྡན་འདས་ཀྱིས་བསྒྲལ་བའི་སྤྱོད་པ་འདི་དག་གསུངས་སོ།། རྣལ་འབྱོར་དབང་ཕྱུག་ཆེན་པོ་ཡིས།། ཁམས་གསུམ་མ་ལུས་བསྒྲལ་བ་ཡང་།། མ་ཏྲང་བསྒྲལ་པ་ཆེན་པོ་སྟེ།། རཱ་ཏྲ་ཐར་པ་ནག་པོ་དང་།། དེ ་ཡི་གཡོག་པོ་དན་ཕག་གཉིས།། སློབ་དཔོན་ཐུབ་དཀའ་གཞོན་ནུ་ལ།། རྣལ་འབྱོར་ལམ་ལ་ཞུགས་པ་ཡིས།། ཐར་པ་ཁམས་གསུམ་འཁོར་བར་ཟགས།། དན་ཕག་རྡོ་རྗེ་གནོད་སྦྱིན་འདུལ།། ཐུབ་དཀའ་རྡོ་རྗེ་སེམས ་དཔའ་ཉིད།། སངས་རྒྱས་རྣམས་ནི་བཀའ་བགྲོས་ནས།། ཁམས་གསུམ་བདག་པོ་འདུལ་བར་བྱེད།། དེ་ནས་འཇིགས་བྱེད་ཧེ་རུ་ཀ། དཔའ་བོ་སྒེག་པོ་འཇིགས་སུ་རུང་།། རྒོད་ཅིང་གཤེ་ལ་རྔམ་པ་དང་།། ངོ་མཚར ་སྙིང་རྗེ་ཞི་བའི་གར།། འབར་བ་ཆེན་པོ་ཡུམ་དང་འཁྲིལ།། ཐུགས་རྗེའི་སྤྲུལ་པ་བསམ་མི་ཁྱབ།། སྟོང་གསུམ་མ་ལུས་ཁྲོ་བོས་བཀང་།། ཀུན་ཀྱང་ཕྱག་རྒྱ་བཞི་ལྡན་སྐུ།། དབང་ཕྱུག་ཆེན་པོ་ལ་སོགས་པ།། ཁམས ་གསུམ་གནས་པའི་གདུག་པ་ཅན།། ཁྲོ་བོ་འཆོལ་བའི་དཀྱིལ་འཁོར་གྱིས།། ཐམས་ཅད་མ་ལུས་དབང་དུ་བསྡུས།། མ་ཏང་གི་ནི་རྣམས་ཤེས་ཡང་།། ངེས་པར་རང་གིར་གཟུགས་ལ་ཕབ།། ཏ་ཀིའི་ཞབས་ནི་གཡས་པ ་ཡིས།། རཱ་ཏྲའི་ལིངྒ་སྟེང་དུ་མནན།། ཐར་པའི་ལམ་འདོད་སྐལ་ལྡན་རྣམས།། གསང་བའི་དཀྱིལ་འཁོར་གཡོ་བ་ལྟ།། ངན་སོང་གསུམ་གྱི་སྒོ་བཅད་ཀྱི།། སྐལ་དང་ལྡན་པ་འདིར་ཤོག་ཅིག། སྟོན་པས་གསུངས་པའི ་དམ་པའི་ཆོས།། གཟུང་འཛིན་ལོག་པར་བལྟ་བ་ཡིས།། ཁམས་གསུམ་འཁོར་བའི་གནས་སུ་ལྟུང་།། སྐྱེ་མེད་ཆོས་ཉིད་རྟོགས་ན་བདེ།། གཟུང་འཛིན་མདུད་པ་དགྲོལ་བྱའི་ཕྱིར།། བདུད་བཞི་ཞབས་ཀྱིས་མནན་པ ་ཡང་།། ས་ཡི་དཀྱིལ་འཁོར་བཞི་ཡི་ཁྱོན།། བདག་པོ་རྐང་པའི་མཐིལ་གྱིས་མནན།། གནས་ཀྱི་སྒོ་འདི་བདག་བཅད་པས།། བདེ་གཤེགས་ཐུགས་རྗེས་གཟུང་དུ་གསོལ།། མ་ཧཱ་དེ་བ་སྟོབས་བཟང ་དང་།། ཁྱབ་འཇུག་གཏོགས་འདོད་དགའ་བྱེད་དང་།། བི་ནཱ་ཡ་ཀ་བིཥྚ་དང་།། གསོད་བྱེད་བརྒྱད་ལ་སྨྲས་པ་ནི།། དྲེགས་པའི་གཟུང་འཛིན་ངས་གཞོམ་ཕྱིར།། རྡོ་རྗེ་གྲི་གུག་ཆེན་པོ་ཡིས།། ལོག་རྟོག་དྲ་བ་དབྱུང་བར ་བྱ།། ཞེན་པའི་ཟག་པ་ངས་བཅད་དོ།། མཐར་བྱེད་བརྗིད་པས་སྡིག་པ་བཅོམ།། ཁམས་གསུམ་འཁོར་བྱེད་རྩ་བ་དྲངས།། གནས་ཀྱི་སྒོ་འདི་དབྱེ་བ་ཡང་།། རོ་མ་རྐྱང་མ་ཀུན་འདར་མ།། རྣམ་ཐར་གསུམ་གྱི་རང ་བཞིན་ཏེ།། ཉི་ཟླ་གཟའ་ཡི་ཟིན་པ་ལྟར།། གཟུང་འཛིན་གཉིས་མེད་མྱ་ངན་འདས།། ཐར་པའི་ལམ་ལ་གཟུད་པར་བྱ།། སྒོ་འདི་ཐམས་ཅད་འཁོར་བས་ན།། འཁོར་བའི་དྲ་བ་རྒྱུན་བཅད་དོ།། བཅོམ་ལྡན་བདེ ་གཤེགས་མཆོག་གི་སྐུ།། ཁམས་གསུམ་དག་ལ་བསྡུ་བར་བྱ།། དེ་ལྟར་སྒྲོལ་བའི་དཀྱིལ་འཁོར་འདིར།། བདག་ཅག་འཁོར་དང་བཅས་པ་རྣམས།། དཔའ་བོ་ཆེན་པོའི་སྐུ་ལ་བདུད།། ཐུགས་རྗེ་དགོངས་ནས་བསྐྱབ ་ཏུ་གསོལ།། དེ་ནས་དེ་ལུས་དུར་ཁྲོད་གནས།། རྒྱ་གར་ཡུལ་ན་བསིལ་བའི་ཚལ།། བདེ་བྱེད་མཆོད་རྟེན་ཤིར་ཤའི་ཤིང་།། བལ་ཡུལ་ཡ་མ་བྱ་ཏྲི་ཁ།། བྱ་ཁྲི་ཁ་ཤོར་ཀ་རན་ཙ།། སིང་གའི་ཡུལ་ན་སྐུ་ལ་རྫོགས།། རི་པོ ་ཏ་ལ་ཙུ་ཏའི་ཤིང་།། ཐོ་གར་ཡུལ་ན་གསང་ཆེན་ལ།། མཆོད་རྟེན་མགོ་མང་ཤིང་རལ་རྟ།། ཁ་ཆེའི་ཡུལ་ན་ཧེ་ཆེན་རོལ།། ཀ་ནི་ཤིར་བར་ཀ་བ་ཏི།། ཟ་ཧོར་ཁུ་ཡུག་ཀློང་དགུ་ན།། བདེ་བྱེད་གཞོན་དུ་ཀ་ཀོལ ་ཤིང་།། ལི་ཡུལ་འཇིག་རྟེན་མངོན་པར་རྫོགས།། གོ་དེ་ཤན་དང་ཤིང་པ་ཏ།། བཀྲ་ཤིས་ཡ་མཚན་འབྱུང་བའི་གནས།། འབྲས་བུ་ཆེན་པོ་ལྔ་བསྒྲལ་ཕྱིར།། བྱང་གི་དཀྱིལ་འཁོར་སྟེང་དུ་བཞག། མི་ཆེ་གླ་གླི་འཕྱོ་བ ་ཡང་།། ཤར་ལྷོ་ནུབ་བྱང་དབུས་སུ་བཞག། ངེས་དོན་གཅིག་ཏུ་བསྟན་པ་དང་།། རྒྱུད་ལྔར་འཁོར་བ་བསྒྲལ་བར་བྱ།། དེ་ནས་འཇིགས་བྱེད་སྐུ་བསྐྱེད་ལ།། དཀྱིལ་འཁོར་གྲུ་གསུམ་སྟེང་དུ་བཞག། གནས་སྦྱོང ་ཏིང་འཛིན་བསྒོམ་པར་བྱ།། ལན་གསུམ་དང་པོ་འདོད་ཁམས་སྦྱང་།། དང་པོ་རང་གནས་སྦྱོང་བ་ཡང་།། ལྷ་ཡི་ས་བོན་ཨ་དཀར་པོ།། དེ་ལ་རླུང་སེམས་མཉམ་འདུས་ན།། ལྷ་ཡི་ཉམས་ནི་སེམས་ལ་འཆར།། རང ་ཉིད་ལྷ་ཡིན་སྙམ་བྱེད་འབྱུང་།། གར་ནི་ལུས་ལ་འཆར་བ་དེ།། མེ་ཏོག་ཕྲེང་སོགས་བརྒྱན་པ་དང་།། སྔགས་ཀྱང་དག་ལ་འཆར་བ་དང་།། སཾ་སྐྲྀ་ཏ་ཡི་སྐད་ཡང་བརྗོད།། མཐོང་སྣང་ཡུལ་ལ་འཆར་བ་ནི།། རྣམ་པར ་རྒྱལ་བའི་ཁང་བཟང་མཐོང་།། རང་ཉིད་ལྷ་ཡི་གཙོ་བོར་མཐོང་།། གཞན་རྣམས་ལྷ་ཡིས་འཁོར་དུ་མཐོང་།། བག་ཆགས་རྨི་ལམ་འཆར་བ་ཡང་།། དེ་དག་ཅི་རིགས་རྨི་ལམ་འབྱུང་།། ལྷ་མིན་སུ་ཡིག་སེར་པོ ་ལ།། ཉམས་ནི་ཁྲོ་ཞིང་ཚིག་པ་ཟ།། གར་ནི་མཚོན་ཆ་སྣ་ཚོགས་ཐོགས།། སྔགས་ཀྱང་རྒྱོབ་སོད་དུ་མ་འབྱུང་།། མཐོང་སྣང་རི་རབ་ཁོང་སེང་ན།། ལྷ་མ་ཡིན་གྱི་འཐབ་རྩོད་དང་།། བདག་གཞན་དེར ་ཡང་ཁྲིད་པ་མཐོང་།། བག་ཆགས་ཅི་རིགས་རྨི་ལམ་རྨི།། མི་ལ་ནརྀ་ཡིག་སྔོན་པོ་སྟེ།། མི་ཉམས་འཇིག་རྟེན་ཆོས་ལ་དགའ།། གར་ནི་ཡུལ་དང་ཆ་ལུགས་འགྱུར།། སྔགས་ནི་སོ་སོའི་ཡུལ་གྱི་སྐད།། མཐོང་སྣང་གླིང ་བཞི་གླིང་ཕྲན་མཐོང་།། བདག་དང་གཞན་ཡང་དེར་ཁྲིད་མཐོང་།། མི་རིགས་མི་མཐུན་དུ་མ་མཐོང་།། རྨི་ལམ་དེ་དག་ཅི་རིགས་རྨི།། ལྷ་དང་ལྷ་མིན་མི་དང་གསུམ།། འདོད་ཁམས་མཐོ་རིས་གནས་གསུམ་སྟེ།། དགེ ་བ་བཅུ་ཡི་ལམ་ལས་འབྱུང་།། དེ་དག་མཆོག་འབྲིང་ཐ་མ་ཡིན།། དུད་འགྲོ་དུ་ཡིག་དུད་ཀ་དེ།། ཉམས་ནི་དུད་འགྲོ་སྔར་བས་བླུན།། གར་དུ་བ་གླང་སྤྱོད་ལམ་འགྱུར།། སྔགས་ཀྱང་དུད་འགྲོ་དུ་མའི་སྐད།། མཐོང ་སྣང་ཕྱི་ཡི་རྒྱ་མཚོ་མཐོང་།། བྱོལ་སོང་ཆུ་སྲིན་ལ་སོགས་པ།། བདག་གཞན་དེ་རུ་ཁྲིད་པ་འབྱུང་།། དེ་དག་ཅི་རིགས་རྨི་ལམ་རྨི།། ཡི་དྭགས་པྲེ་ཡིག་དམར་པོ་ལ།། ཉམས་ཀྱང་བཀྲེས་དང་བསྒོམ་པ་དང་།། གར་ནི ་ལུས་ཆེ་ཡན་ལག་ཕྲ།། སྔགས་ཀྱང་པྲེ་ཏ་ངན་སྐད་སྨྲ།། མཐོང་སྣང་གྲོང་ཁྱེར་སེར་སྐྱ་མཐོང་།། ཡི་དྭགས་བཀྲེས་དག་བསྒོམ་པ་དང་།། བདག་དང་གཞན་ཡང་དེར་ཁྲིད་མཐོང་།། རྨི་ལམ་བག་ཆགས་དེ་དག ་རྨི།། དམྱལ་བའི་ཏྲི་ཡིག་ནག་པོ་དེ།། སེམས་ཉམས་ཚ་གྲང་སྡུག་བསྔལ་འབྱུང་།། ལུས་གར་གསུམ་བཏབ་གདུང་ཞིང་ཏེལ།། སྔགས་ཀྱང་དག་ཏུ་ཀྱི་ཧུད་སོགས།། མཐོང་སྣང་ལྕགས་ཀྱི་ཁང་སྒོམ་འབར།། དམྱལ་བ ་ཚ་གྲང་ཅན་སོགས་མཐོང་།། བདག་གཞན་དེར་ཡང་ཁྲིད་པར་མཐོང་།། རྨི་ལམ་དེ་དག་ཅི་རིགས་རྨི།། དེ་དག་ངན་སོང་གནས་གསུམ་དེ།། མི་དགེ་བཅུ་ཡི་ལམ་གནས་པས།། འདོད་ཁམས་ཐ་མའི་གནས་སུ ་ལྟུང་།། མཆོག་འབྲིང་ཐ་མའི་ལས་ཡིན་ནོ།། གནས་སྦྱོང་བཞི་བཅུ་རྩ་གཉིས་སོ།། རྣལ་འབྱོར་གང་གིས་འབྱོངས་པ་དེས།། མཚན་ཉིད་སྣ་ཚོགས་འཆར་བའི་ཉམས།། རང་བཞིན་རང་བཞིན་སྟོང་པ་དང་།། ངོ་བོ་ཟུང ་དུ་འཇུག་པ་དང་།། རིམ་པ་ཡིན་མིན་ཉམས་སྐྱེ་བས།། ཕྱི་ནང་སྲིན་བུ་སྤོང་བ་དང་།། ངན་སོང་མི་འགྲོ་གདེང་ཐོབ་དེ།། མཐོ་རིས་གནས་སུ་འགྲོ་བས་ན།། ཕྱིར་མི་ལྡོག་པའི་སར་གནས་པས།། བྱང་ཆུབ་སེམས ་དཔའི་མིང་ཡང་ཐོབ།། དྲོད་རྣམས་བྱུང་རྒྱལ་བསྐྱང་བར་བྱ།། གཟུགས་ཁམས་བསམ་གཏན་ཨོཾ་དུ་གནས།། རྟོག་པ་དང་ནི་བཅས་པ་དང་།། དཔྱོད་པ་དག་དང་བཅས་པ་ཡི།། ཤེས་རབ་བཟབ་མོའི་ཏིང་ངེ ་འཛིན།། དགའ་བ་བཅས་ཤིང་གནས་པ་དང་།། བདེ་བར་བཅས་པའི་ཏིང་ངེ་འཛིན།། བདེ་བྲལ་འགའ་ཙམ་ཏིང་ངེ་འཛིན།། བཏང་སྙོམས་ཡོངས་དག་ཏིང་ངེ་འཛིན།། རིམ་པ་ཡིན་མིན་སྐྱེ་བ་ནས།། དྲོད་ཀྱང་བྱུང ་རྒྱལ་བསྲུང་བར་བྱ།། གཟུགས་མེད་སྐྱེ་མཆེད་མུ་བཞིའི་ཉམས།། ཤེས་རབ་ཨ་ལ་རླུང་སེམས་འདུས།། ཆོས་རྣམས་ཐམས་ཅད་ནམ་མཁའ་ཙམ།། རང་གི་རྣམ་པར་ཤེས་པ་ཙམ།། ཡོད་མེད་ལས་ཀྱང ་འདས་པ་ལས།། ཅི་ཡང་མེད་པར་ཉམས་སྐྱེ་བས།། དེ་ཡང་རིམ་པ་ཡིན་མིན་སྐྱེ།། ཚད་མེད་བཞི་ལ་གནས་བྱས་ནས།། ཚངས་གནས་གཟུགས་ཁམས་སྐྱེ་བ་དང་།། མི་གཡོ་སྟོང་པ་ཡིད་ལ་བྱེད།། གཟུགས་མེད ་སྐྱེ་མཆེད་མུ་བཞིར་གནས།། མྱ་ངན་འདས་པའི་གྲོང་ཁྱེར་མཆོག། སྙིང་པོའི་ཨ་ལས་རླུང་སེམས་འདུས།། སྤང་བྱ་གཟུང་འཛིན་རྣམ་རྟོག་སྡང་།། ཐོབ་བྱ་ཆོས་སྐུ་བདེ་ཆེན་ཐོབ།། ཟུང་འཇུག་ཧཱུཾ་ལ་རླུང་སེམས ་འདུས།། རང་བྱུང་ཡེ་ཤེས་ཆེན་པོ་ཡི།། ཏིང་འཛིན་རྒྱུད་ལ་སྐྱེ་བ་ནི།། ལུས་ནི་ཡང་ལ་སེམས་ནི་གསལ།། དཔེར་ན་ནམ་མཁའ་སྤྲིན་མེད་འདྲ།། འཁོར་འདས་ཉམས་མྱོང་སྐྱེས་པ་ན།། སྒྲོལ་བ་ཚད་དང་ལྡན་པ ་ཡིན།། ཆོས་ཉིད་སྐྱེ་འགག་བྲལ་བ་ལ།། མ་རྟོགས་འཁོར་དང་མྱ་ངན་འདས།། རྟོགས་ན་རང་བཞིན་ལུས་ངག་སེམས།། འཁོར་འདས་རྫོགས་པར་ཤེས་པ་བྱ།། དུས་ལ་བབ་པའི་སེམས་ཅན་དེ།། དྲོད་ཚད་གནས ་སྦྲང་འབྱོངས་པ་ཡིས།། རྣལ་འབྱོར་དབང་ཕྱུག་ཆེན་པོ་ཡིས།། གང་ཡིན་རྣམ་ཤེས་དགུག་པར་བྱ།། ཐར་པའི་ལམ་འབྱེད་གསང་བ་ཡི།། དཀྱིལ་འཁོར་ཆེན་པོ་ཁྱོད་ཤོག་ཅེས།། རྒྱུ་དྲུག་གནས་པའི་གདུལ་བྱ། ་རྣམས།། ངན་སོང་གསུམ་པོ་སྦྱང་བར་བྱ།། ཨོཾ་ན་མོ་བྷ་ཝ་ཏི་སརྦ་དུར་ག་ཏི་པ་རི་ཤོ་དྷ་ནི།། རཱ་ཛཱ་ཡ། ཏ་ཐཱ་ག་ཏཱ་ཡ་ཨརྷ་ཏེ། སམྱཀྶཾ་བུདྡྷཱ་ཡ། ཏདྱ་ཐཱ། ཨོཾ་ཤོ་དྷ་ནེ་ཤོ་དྷ་ནེ། སརྦ་པཱ་པཾ་བི་ཤོ་དྷ་ནེ། ཤུདྡྷེ་བི་ཤུདྡྷེ་སརྦ་ཨ ་བ་ར་ཎ་བི་ཤོ་དྷ་ནེ་སྭཱ་ཧཱ། ཨོཾ་བཛྲ་ཤྲཱི་ཧེ་རུ་ཀ་ཨ་ནརྀ་སུ་ཏྲི་པྲེ་དུ་ཛ། པ་ཙ་པ་ཙ་སརྦྦ་ཏི་ར་ཡ་ཀ་ཏེ་ཧེ་ཏུ་ཧཱུཾ་ཕཊ། མ་ཐ་མ་ཐ་སརྦྦ་པྲེ་ཐ་ག་ཏེ་ཧེ་ཏུ་ཧཱུཾ་ཕཊ། ད་ཧ་ད་ཧ་སརྦྦ་ན་ར་ག་ཏེ་ཧེ་ཏུ་ཧཱུཾ་ཕཊ། དེ་ནས་ངན་སོང་གནས ་སྦྱངས་ནས།། སྡུག་བསྔལ་གསུམ་གྱི་སྒོ་ཡང་དགག། རཾ་ཡཾ་ཁཾ། གང་ཡང་རུང་བའི་སེམས་ཅན་དེ།། ཡབ་ཡུམ་ཧཱུཾ་ལས་ལྷར་སྐྱེད་དེ།། འོག་མིན་གནས་སུ་འཕང་བ་ཡིས།། རྒྱལ་བའི་སྲས་སུ་སྐྱེས་པ་ལ།། རྣམ་ཤེས ་རིག་པ་ཆོས་ཀྱི་སྐུར།། བྱང་ཆུབ་སེམས་ཀྱི་དབང་བསྐུར་བས།། སངས་རྒྱས་ཆོས་ཀྱི་དབྱིངས་བཞུགས་པའི།། ཞབས་དྲུང་ཡེ་ཤེས་རླུང་གིས་བགྲོད།། བསམ་ཡས་ཞིང་ཁམས་དཔག་མེད་ན།། ཆོས་ཀྱི་འཁོར་ལོ་རབ ་བསྐོར་ཉན།། ས་བཅུ་གནས་པའི་སེམས་དཔའ་སོགས།། འཇིག་རྟེན་འདས་པའི་མཆོད་པ་འབུལ།། སྡུག་པོ་བཀོད་དང་ཀུན་ཏུ་འོད།། འཁོར་ལོ་པདྨ་ཅན་ལ་གནས།། ཡང་དག་ཉིད་ལ་ཡང་དག་བསྒྲལ།། ཆོས་སྐུ་དྲི ་མ་མེད་པ་ཐོབ།། དྲི་ཆེན་རྣམ་པར་སྣང་མཛད་ཉིད།། བྱང་ཆུབ་སེམས་ནི་མི་བསྐྱོད་པ།། མཱཾ་ས་དཀོན་མཆོག་དཔལ་ཡིན་ཏེ།། རཀྟ་སྣང་མཐའ་ཚེ་དཔག་མེད།། དྲི་ཆུ་དོན་རབ་གྲུབ་པ་ཉིད།། བསྒྲལ་བ་རྫས་ཀྱི་བདུད ་རྩི་ནི།། ཐུགས་རྗེ་ཆེན་པོ་རྩི་ཡིན་པས།། མ་རིག་དུག་ཡང་སེལ་བར་བྱེད།། ཐམས་ཅད་བདུད་རྩི་ལྔའི་རང་བཞིན།། རིན་པོ་ཆེ་ཕྲེང་བའི་རྒྱུད་ལས་བསྒྲལ་བའི་ལེའུ་སྟེ་དྲུག་པའོ།། །། དེ ་ནས་བཅོམ་ལྡན་འདས་ཀྱིས་དམ་ཚིག་འདི་གསུངས་སོ།། དུག་ལྔ་མི་སྤང་ཡེ་ཤེས་ལྔ།། དམ་རྫས་ལྔ་ནི་དང་དུ་བླང་།། ངག་བརླང་རྫུན་སྒྲོལ་མ་བྱིན་སྦྱོར།། ཕུང་སོགས་རིགས་ལྔར་ཤེས་པར་བྱ།། ཡན་ལག་དམ་ཚིག ་ཉི་ཤུ་ལ།། སྐུ་གསུང་ཐུགས་དང་ཡོན་ཏན་ལས།། རེ་རེ་ལ་ཡང་ལྔ་ལྔ་སྟེ།། དེ་ཡང་ལྔ་ལྔར་དབྱེ་བར་བྱ།། དེ་ཉིད་ཐབས་དང་ཤེས་རབ་གཉིས།། བསྒྲུབ་པར་བྱ་བ་རིགས་ལྔ་ཉིད།། རྩ་བ་སྐུ་གསུང་ཐུགས་དང ་བཅས།། དམ་ཚིག་སྟོང་དང་རྩ་བརྒྱད་བསྲུང་།། བུམ་དབང་གསང་བའི་དབང་བསྐུར་ཞིང་།། ཤེས་རབ་ཡེ་ཤེས་བདེ་ཆེན་དབང་།། དམ་ཚིག་བསྲུང་བར་བྱ་བ་ཡང་།། རྣམ་གྲངས་རབ་ཏུ་ཕྱེ་ནས་བསྲུང་།། མཉམ ་བཞག་རྗེས་སྤྱོད་བཟུང་བ་དང་།། བསྲུང་དང་མི་འབྲལ་དམ་ཚིག་ཡིན།། གང་ཞིག་བུམ་པའི་དབང་ཐོབ་པས།། བསྐྱེད་པའི་རིམ་པ་བསྒོམ་བྱས་ལ།། སྣང་སྟོང་ཟུང་འཇུག་བལྟ་བ་དང་།། བདུད་རྩི་ལྔ་ཡི་རིལ་བུ ་བཟའ།། དམ་ཚིག་ཉི་ཤུ་རྩ་བརྒྱད་བསྲུང་།། རྡོ་རྗེ་དྲིལ་བུ་མི་འབྲལ་འཆང་།། ཕྱི་བ་དག་དང་མཐུན་པ་ཡོད།། རྣལ་འབྱོར་གསང་བའི་དབང་ཐོབ་ན།། རྩ་རླུང་ཙཎྜ་ལཱི་ཡང་བསྒོམ།། རང་བྱུང་ཡེ་ཤེས་ཞེས་བྱ་བ།། ཉོན ་མོངས་རྣམ་པར་རྟོག་པ་དང་།། སྨིན་སྤེལ་ཡང་བཞི་གསལ་ཞིང་ཡང་བ་ཡི།། སྟོང་གསལ་ཟས་སུ་བཟའ་བར་བྱ།། རང་བྱུང་རླུང་དང་འགལ་བར་བསྲུང་།། ཞི་དྲག་གང་རུང་མི་འབྲལ་ལོ།། ཤེས་རབ་ཡེ་ཤེས་དབང་ཐོབ ་པས།། མཉམ་བཞག་དཀྱིལ་འཁོར་འཁོར་ལོ་ཆེ།། རྗེས་སྤྱོད་ལྷན་སྐྱེས་བཅུ་དྲུག་ལ།། བསྲུང་བ་ཐིག་ལེ་འཛག་པ་དྲུག། དངོས་སམ་ཡེ་ཤེས་ཕྱག་རྒྱ་ལ།། མི་འབྲལ་དང་དུ་བླང་བ་ཉིད།། བདེ་བ་ཆེན་པོའི་དབང་ཐོབ། ་པས།། རྡོ་རྗེ་རྦ་རླབས་རྣམ་གསུམ་བསྒོམ།། ཤིན་ཏུ་རྣམ་དག་དེ་ཁོ་ན།། རྒྱུ་མཐུན་པས་ནི་སྒྲ་དཀར་འཇོམས།། འགྲོ་བ་རྣམས་ཀྱི་ཡིད་འོང་འགྱུར།། རྣམ་པར་སྨིན་པས་སྟོབས་སྟེར་བྱེད།། མངོན་པར་ཤེས་པ་ཅུང ་ཟད་འཆར།། སྐྱེས་བུ་བྱེད་པས་རྣམ་པར་འཕེལ།། འཇིག་རྟེན་རོ་རྣམས་ལོངས་སྤྱོད་ནུས།། དྲི་མེད་པས་ནི་འཆི་མེད་འགྱུར།། རྫུ་འཕྲུལ་ཅུང་ཟད་སྟོན་པའོ།། བདེ་ཆེན་བདེ་སྟོང་བཟའ་བར་བྱ།། ཤེས་བྱའི་སྒྲིབ་པ ་བསྲུང་བ་དང་།། པད་ཅན་ཕྱག་རྒྱ་མི་འབྲལ་ཞིང་།། མི་ཉམས་བསྲུང་བའི་ཚུལ་ཡང་བཞི།། ཚུལ་བཞིན་རྒྱུད་ལ་བསྐྱེད་པས་བསྲུང་།། རྣམ་གྲངས་རྗེས་དྲན་མི་ཉམས་བསྲུང་།། ཉམས་མྱོང་ཅི་སྐྱེས་མི་ཉམས ་བསྲུང་།། ཕ་ལ་གུས་པས་ཁྱད་པར་ཅན།། ཉམས་པར་འགྱུར་པས་རྣམ་པ་གཉིས།། སྲིད་པའི་སྡུག་བསྔལ་འདྲེན་པ་ཡི།། དམ་ཚིག་ཉི་ཤུ་རྩ་བརྒྱད་པོ།། ཐོག་མར་བུམ་དབང་དམ་བཅས་སོ།། ལམ་གོལ་རིང་དུ་འཁོར ་བ་ཡི།། ཟབ་མོ་དབང་གསུམ་དམ་ཚིག་དེ།། ཉམས་ན་ལས་སྦྱོར་དངོས་གྲུབ་རིང་།། ཉམས་ན་བསྐང་བའི་ལས་བཤད་པ།། དམ་ཚིག་ཐམས་ཅད་ཉམས་གྱུར་ན།། རྡོ་རྗེ་མཁའ་འགྲོ་བླ་མ་ལ།། ཕྱི་ཡི ་འདོད་ཡོན་རྣམ་ལྔ་དང་།། ནང་གི་གཟུངས་མ་མཚན་ལྡན་དབུལ།། མཉམ་བཞག་དམ་ཚིག་ཉམས་པ་ན།། ཡེ་ཤེས་མཁའ་འགྲོ་ལོངས་སྐུ་ཉིད།། འོག་མིན་གནས་ནས་སྤྱན་དྲངས་ལ།། ལྟ་བ་ཚད་དུ་བསྐྱལ་པར ་བྱ།། རྗེས་སྤྱོད་དམ་ཚིག་ཉམས་པ་ན།། མ་མོ་མཁའ་འགྲོ་སྦྲུལ་སྐུ་ལ།། བསྒོམ་པ་ཟབ་མོའི་བསམ་གཏན་དང་།། བལྟ་བ་ཚད་དུ་བསྐུལ་བར་བྱ།། ལྷག་མའི་དམ་ཚིག་ཉམས་པ་ལ།། ཤ་ཟ་མཁའ་འགྲོའི་ཚོགས ་རྣམས་ལ།། གཏོར་མ་གཏང་ཞིང་ལྷག་མས་མཆོད།། དམ་ཚིག་མཁའ་འགྲོ་རྡོ་རྗེའི་སྤུན།། ཚོགས་ཀྱི་འཁོར་ལོ་རྒྱ་ཆེན་བྱ།། ཞེས་གསུངས་སོ།། ཐམས་ཅད་བདུད་རྩི་ལྔའི་རང་བཞིན་རིན་པོ་ཆེ་ཕྲེང་བའི་རྒྱུད་ལས།། ་གསང་བའི་སྔགས་ཀྱི་དམ་ཚིག་བསྟན་པ་སྟེ་ལེའུ་བདུན་པའོ།། །། དེ་ནས་བཅོམ་ལྡན་འདས་ཀྱིས་སྒྲུབ་པ་འདི་གསུངས་སོ།། བསྙེན་པའི་དམ་ཚིག་ལ་གནས་པས།། བྱང་ཆུབ་མཆོག་འདི་རྙེད་པར ་འགྱུར།། ཉེ་བའི་བསྙེན་པའི་དམ་ཚིག་གིས།། དམ་ཚིག་རབ་ཏུ་བརྟན་པར་བྱེད།། སྒྲུབ་པ་མཆོག་ལ་རབ་གནས་ན།། དངོས་གྲུབ་ཤིན་ཏུ་ཉེ་བ་དང་།། བསྒྲུབ་ཆེན་དམ་ཚིག་རྫོགས་བྱང་ཆུབ།། མཆོག་དང་ཐུན ་མོང་ཐོབ་གྱུར་པ།། ཡེ་ཤེས་རྡོ་རྗེ་དག་གིས་བྱ།། ཤིན་ཏུ་དོན་དུ་གཉེར་བའོ།། གང་ཞིག་བསྙེན་པ་བྱེད་འདོད་ན།། བསྒྲུབ་པའི་ཡུལ་ཡང་བརྟག་པར་བྱ།། མཉམ་ཞིང་སྣུམ་པའི་ས་ཕྱོགས་ལ།། རོ་རྣམས་རབ་ཏུ་གྲལ ་བར་བྱ།། བཙལ་ནས་བླང་བར་བྱ་བ་ཡང་།། འཇིག་རྟེན་ས་བདག་ལྷ་ཀླུ་ལ།། རྩོད་པ་ཞི་བར་བྱ་བའི་ཕྱིར།། ས་རིན་བཙལ་ཏེ་ས་བླང་ངོ་།། རང་བྱུང་གནས་ཀྱི་དཀྱིལ་འཁོར་འདི།། ལས་དང་བྱ་བ་ཏིང་ངེ ་འཛིན།། སྔགས་དང་ཕྱག་རྒྱས་སྦྱང་བར་བྱ།། རྐོ་དུས་ལྟོ་འཕྱེ་ཤེས་པར་བྱ།། ཡིད་འོང་གནས་སུ་འདུག་གནས་སུ།། བསྐྲད་ཅིང་བྱིན་གྱིས་བརླབས་པའོ།། སྦྱང་དང་སྒྲིབ་པ་བསལ་བའི་ཕྱིར།། ཕྱི་ཡི་བཤགས་པས ་དག་པར་བྱ།། བསྐང་བ་དང་ནི་ལུས་ངག་ཡིད།། བག་ཆགས་དག་པ་བྱ་ཕྱིར་བཤགས།། མཚམས་དང་བགེགས་རྣམས་བསྲུང་བྱ་ན།། བགེགས་རིགས་རྣམས་ལ་གཏོར་མ་གཏོང་།། རྒྱལ་པོ་བཞི་ལ་གཉེར་ཡང ་གཏད།། མ་ཏྲང་གནན་པར་བྱ་བ་དང་།། ཁྲོ་བཅུ་སྲུང་བའི་འཁོར་ལོ་བསྒོམ།། མ་དག་པ་ནི་མཚམས་གཅད་ཕྱིར།། དམ་སྲི་མནན་ཅིང་སྒོ་བྱང་གདགས།། ཉེ་བའི་བསྙེན་པ་བྱ་བ་ཡང་།། དཀྱིལ་འཁོར་རབ་ཏུ་གྲུ ་བཞིར་བྱ།། བདུད་རྩི་རྣམ་པ་ལྔ་བྱུགས་ནས།། རཀྟ་དམར་གྱི་ཆག་ཆག་གདབ།། རས་བལ་པདྨའི་སྣལ་མ་དང་།། བ་སུ་ཏ་ཡི་རྒྱུ་མ་དང་།། དམ་ཚིག་སྐུད་པ་གསུམ་སྒྲིལ་ལམ།། ཡེ་ཤེས་ཐིག་སྐུད་ཆེན་པོ་ཡིས།། རྡོ ་རྗེ་གྲོགས་དང་ལྡན་བྱས་ནས།། མཁས་ལྡན་ཆེན་པོ་ཡབ་ཡུམ་གྱིས།། རྡོ་རྗེ་ཐིག་ཡང་གདབ་པར་བྱའོ།། ཏིང་འཛིན་བར་ཆད་སྐྱོན་ཡིན་ཡང་།། གཟུགས་བརྙན་རྡུལ་ཚོན་དམ་ཚིག་སྟེ།། དེ་ཕྱིར་དམ ་ཚིག་ཚུལ་ཤེས་བྱ།། ཤར་གྱི་དཀྱིལ་འཁོར་སྟེང་དུ་ནི།། སྒྲུབ་རྫས་ཐམས་ཅད་སྤུངས་ལ་བཞག། ལྷོར་ནི་མཆོད་པའི་ཚོགས་མཆོག་སྟེ།། ནུབ་ཏུ་ཡབ་ཡུམ་སྦྱོར་ལྡན་ལ།། བྱང་དུ་རྒྱུ་མཆོག་བསྒྲལ་བར་བྱ།། དེ་ནས ་བསྲེ་བསྣན་བྱ་བ་ཡང་།། མ་འདྲེས་པ་དང་བསྲེ་བར་བྱ།། འདྲེས་པ་རྣམས་ལ་དམ་ཚིག་བསྣན།། དེ་ཕྱིར་ཆག་ཉམས་སྐོང་བའོ།། ལས་བཞི་སྐོས་ལ་གདབ་པ་ཡང་།། ཞི་རྒྱས་དབང་དང་མངོན་སྤྱོད་ལ།། ཞི་བའི་ཚེ་ན ་ཤར་ན་གནས།། རྒྱས་པ་ལྷོ་ལ་དབང་ནི་ནུབ།། བྱང་དུ་དྲག་པོ་ལྷུན་འགྲུབ་དབུས།། ས་ཆུ་མེ་རླུང་རྒྱུ་དུས་བྱ།། ཞི་བའི་ཆ་ལུགས་རྒྱན་དང་བཅས།། ཁྲོ་བོ་དུར་ཁྲོད་རྫས་ཀྱིས་བརྒྱན།། དེ་ནས་སྒྲུབ་པ་བརྩམས་པ ་ཡང་།། ཞི་ཁྲོའི་ཕྲིན་ལས་གཞུང་བསྲང་ལ།། སྒྲོལ་སྦྱོར་ནང་གི་དམ་རྫས་དང་།། ཕྱི་ཡི་རྫས་སུ་བྱ་བ་ཡང་།། སྨན་གྱི་རྩ་བ་ཚང་གྱུར་ནས།། སྒྲུབ་པ་ཆེན་པོ་བྱེད་པའི་ཚེ།། རབ་ཏུ་བསྒྲིམ་ནས་བསྒྲུབ་པར་བྱ།། ཞེས ་གསུངས་སོ།། ཐམས་ཅད་བདུད་རྩི་ཆེན་པོ་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། བསྒྲུབ་པའི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་ཀྱི་བསྒྲུབ་པར་བྱ་བ་སྨན་གྱི་རྩ་བ་འདི་དག ་གསུངས་སོ།། དེ་ནས་ཚངས་པ་ལ་སོགས་པའི།། རིགས་འཛིན་རྣམས་ཀྱིས་རབ་ཞུས་པ།། ནང་གི་རྩ་བ་བདུད་རྩི་སྟེ།། དེ་ནི་སྒྲོལ་དད་སྦྱོར་ལས་བྱུང་།། ཕྱི་ཡི་རྩ་བ་སྨན་ཉིད་དེ།། ཇི་ལྟར་གནས་པ་བཤད་དུ ་གསོལ།། དྲང་སྲོང་རྣམས་ལ་ཀུན་བཟང་གིས།། ངེས་པར་རབ་ཏུ་གསུངས་པ་ནི།། བཅུད་ཀྱི་དམ་པ་སྨན་གྱི་མཆོག། ཁྱེད་ལ་བཤད་ཀྱིས་ལེགས་པར་ཉོན།། དེ་ཡང་ཐུགས་རྗེའི་བྱིན་བརླབས་ལས།། འབྱུང་བ་གཞི ་ལས་སྐྱེས་པའི་སྨན།། ས་དང་ཆུ་དང་མེ་དང་རླུང་།། སྨན་རྣམས་མ་ལུས་སྐྱེད་པའོ།། དེ་བཞིན་སྲོག་ཆགས་ཐམས་ཅད་ཀུན།། སྨན་རྣམས་ཀུན་ལ་སྤྱོད་པ་སྟེ།། འཆི་གསོས་རྐྱེན་དང་ངན་གསོས་སྨན།། དེ་ཕྱིར་བདུད ་རྩི་སྨན་གྱི་མཆོག། སེམས་ཅན་སངས་རྒྱས་སྒྲུབ་པའི་རྫས།། རྣལ་འབྱོར་དངོས་གྲུབ་ཐོབ་པར་བྱེད།། ཆུ་ཡི་བཅུད་ལ་ཀུན་སྤྱོད་བཞིན།། དེ་བཞིན་འབྱུང་ལྔ་སྨན་གྱི་བཅུད།། རོ་དང་ནུས་མཐུ་ལྡན་པར་གྲུབ།། ཐམས ་ཅད་སྲིད་པས་ཆགས་པའོ།། དེ་དག་ཀུན་གྱི་ཡོན་ཏན་ཡང་།། རྩ་བ་བརྒྱད་ལྡན་རོ་དང་མདོག། མཐུ་དང་ལས་དང་རང་བཞིན་དང་།། ནུས་པ་དུ་མར་ལྡན་པ་ཡིན།། སྨན་གྱི་རྒྱལ་པོ་རོ་རྣམས་ལྡན།། ལྷ་རྫས་དགེ་བ ་ཨ་རུ་ར།། རིགས་འདི་རྣམ་པ་བདུན་ལྡན་པ།། ཚངས་པ་ཀུན་འགྲོ་ཆེན་པོས་བསྒྲུབས།། ཤར་ལྷོ་ནུབ་བྱང་བྲག་ཕུག་ནང་།། ཡུམ་བཞིའི་རཀྟ་ཟགས་པ་ནི།། སྨན་གྱི་རྒྱལ་པོ་བྲག་ཞུན་མཆོག། དྲང་སྲོང་ནབས་སོ་ལྡང ་སྔོན་བསྒྲུབས།། སྲིད་པ་ཆགས་པའི་ཉི་ཟླའི་ཆུ།། སྟར་བུ་རྒུན་འབྲུ་རྣམ་པ་གཉིས།། དེ་ནི་ཙ་ར་ཀ་ཡིས་བསྒྲུབས།། དེ་ནས་དྲང་སྲོང་བདུད་རྩིར་བཀྲུས།། ཥ་ནས་ཐིགས་གཉིས་ལྷུང་བ་དང་།། རམཉེ ་བ་དང་ཉེ་ཤིང་བ།། དྲང་དྲོང་ནབས་སོ་སྐྱེས་ཀྱིས་བསྒྲུབས།། དེ་ནས་དྲང་སྲོང་དྲག་ཤ་སྣ།། ལྷ་ཆེན་ཁྲོས་པའི་ལུག་མིག་པ།། དྲང་སྲོང་ཐ་སྐར་བུ་ཡིས་བསྒྲུབས།། དེ་ནས་རྩི་ཡི་ལྷ་མོ་ནི།། རཀྟ་ཟགས་པའི་རྩ་བ ་དེ།། དྲང་སྲོང་ཆེན་པོ་ལྷས་སྐྱབས་བསྒྲུབས།། རྒྱལ་བུ་དོན་གྲུབ་སྐུ་གདུང་ལས།། གྲུབ་པ་ཐ་སྐར་རྡོ་རྗེ་དང་།། དྲང་སྲོང་རྒྱུན་ཤེས་ཁྱོད་ཉིད་བསྒྲུབས།། དེ་ནས་ལྷ་ཡི་ལག་པ་ལྷུངས།། དབང་པོ་ལག་པ་ཞེས་བྱ ་བ།། དྲང་སྲོང་གཡོན་ཕྱོགས་ལྷ་ཡང་བསྒྲུབས།། པུརྞའི་རྣ་བ་ཨ་ཤྲ་ཀ། དྲང་སྲོང་ཟང་ལ་གནས་ཡང་བསྒྲུབས།། བྷ་ཧུ་ལུག་མིག་ཆེན་པོ་ཡང་།། དྲང་སྲོང་མེ་བཞི་འཇུག་གིས་བསྒྲུབ།། ཙི་ཏྲ་ཀ་དང་ལ་བའི ་སྙིང་།། གཙོ་བོ་སྙིང་ནི་ཞོ་ཤ་སྟེ།། དྲང་སྲོང་རྐང་གཉིས་སྤྱོད་ཡང་བསྒྲུབས།། བུད་མེད་སེར་མོ་བན་གླང་ཅན།། མེ་ཏོག་ཧ་དམར་ཀླད་པ་རྣམས།། དྲང་སྲོང་ཀ་ཡ་ན་ཀ་ལས་ཡང་ཡིས་བསྒྲུབས།། ཧ་ལྕེ་ཀི་ཡ་དེ་པ ་དང་།། སྟེ་བ་ཨུ་དུམྦཱ་ར་ཡང་།། དྲང་སྲོང་ཤིང་ཁྱེར་ཆེན་པོས་བསྒྲུབས།། སྲིད་པའི་བདག་པོའི་ནལ་བུའི་ལྕེ།། དྲང་སྲོང་ལྡང་སྔོན་བུ་ཡིས་བསྒྲུབས།། མེ་ཏོག་སྨ་ལོ་ཀྲིལ་ཀྲིལ་ནི།། དྲང་སྲོང་ཉི་མའི་བུ་ཡིས ་བསྒྲུབས།། རྩ་བ་མ་ཧཱ་མགོ་ན་སྲིག། དོ་བ་ཟླ་བའི་བུ་ཡིས་བསྒྲུབས།། དུང་དང་འབྲུག་རུས་རྩ་ལ་སོགས།། རིན་པོ་ཆེ་དང་གོ་ཏེ་ཤ་ན་བསྒྲུབས།། རྒྱ་མཚོ་ཆུ་ལ་སོགས་པ་རྣམས།། ཀླུ་ཡི་དྲང་སྲོང་འཇོག་པོས ་བསྒྲུབས།། འདི་དག་སྟོན་པའི་ཐུགས་རྗེ་ཡིས།། ས་སྟེང་ཁྱབ་པར་སྐྱེས་པ་ཡིས།། ཐ་མལ་སྨན་དུ་སྦྱར་བ་ཡང་།། ནད་ནི་བཞི་བརྒྱ་རྩ་བཞི་སེལ།། བཅུད་ལེན་སྨན་དུ་བསྒྲུབས་པ་ཡིས།། ཚེ་ཡི་དངོས་གྲུབ་ཐོབ་པར ་བྱེད།། ཡོན་ཏན་བརྗོད་ལས་འདས་པ་ཡང་།། སྨན་རྣམས་ཀུན་ལས་བྱུང་བའོ།། དེ་བཞིན་སྐྱེ་བོ་རྣམ་པར་སྤྱོད།། ཐམས་ཅད་བདུད་རྩི་ཆེན་པོ་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། སྨན་སྒྲུབ་པའི་ལེའུ ་སྟེ་དགུ་པའོ།། ། དེ་ནས་བཅོམ་ལྡན་འདས་ཀྱིས་བདུད་རྩི་ཆེན་པོ་ཕྱེ་མ་སྒྲུབ་པ་འདི་གསུངས་སོ།། དེ་ནས་གཟུགས་བརྙན་དཀྱིལ་འཁོར་ཡང་།། ཐིག་བཞི་བཏབ་པས་ལེའུ་ཚེ་དགུ།། འཁོར་ལོ་བརྒྱད ་དང་པདྨ་བརྒྱད།། སྒོ་དང་སྒོ་ཁྱུད་ལྡན་པར་བྱ།། དེ་ལ་ཡིག་འབྲུ་གསལ་བཀོད་ནས།། རང་སྔགས་སྲོག་དང་ལྡན་པར་བྱ།། ཕྱོགས་བཞི་མཚམས་བརྒྱད་དབུས་སུ་ཡང་།། བྷནྡྷ་དགུ་སྦྱར་རབ་ཏུ་བྱ།། ཏིང་འཛིན ་གསུམ་ལས་བྱུང་བ་ཡི།། དམ་པ་རིགས་བརྒྱ་བསྒོམ་པར་བྱ།། སྤྱན་དྲངས་ཕྱག་འཚལ་མཆོད་པ་འབུལ།། བསྟོད་ནས་འཛབ་བཟླས་དངོས་གྲུབ་བླང་།། ལྷ་ལ་འཇུ་འདུལ་རྫོགས་རིམ་བསྡུ།། དེ་ནས་བཅོམ་ལྡན ་འདས་ཀྱིས་དེ་དག་གི་གསང་སྔགས་འདི་གསུངས་སོ།། ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོནྡཿ།། ཨོཾ་དྷརྨ་དྷཱ་ཏུ་སྭ་བྷཱ་ཝ་ཨཱཏྨ་ཀོ&ཿ། ཨོཾ་ཛྙཱ་ན་ས་ཏྭ་ཡ། ཨེ་མཎྜལ་ཨེ། ཡཾ་ཀརྨ་ཡ། བཾ་མ་མ་ཀི་རི་བ། ་སུཾ་སུ་མེ་རུ་སུཾ། ལཾ་གརྦྷེ་ལཾ། རཾ་ཛ་ལ་རཾ། བྷྱཱཾ་བི་ཤྭ་བི་ཤུདྡྷི་བྷྱཱཾ། བཾ་པདྨ་མཎྜ་ལ་པཾ། མ་སཱུརྱ་མཎྜ་ལ་མཾ། ཨ་ཙནྡ་མཎྜ་ལ་ཨ། ཧཱུཾ་བཛྲ་དྷྲྀ་ག་མུཾ་དྷཱ་ཏཱི་ཤྭ་རཱི། ཨཽ་ཛི་ན་ཛི་ཀ། ལཱཾ་བྷེ་ཥ་ར་ཏི། སྭ་རཏྣ་དྷྲྀ་ཀ། མཱཾ་མོ་ཧ་ར་ཏི། ་ཨཾ་ཨཱ་རོ་ལི་ཀ། བྷཻ་རཱ་ག་ར་ཏི། ཧ་པྲ་ཛྙཱ་དྷྲྀཀ། ཏཾ་བཛྲ་ར་ཏི། ཧཱཾ་ཀྵཱི་ཧི་ར་ཙ་ཡ། ཧཱུཾ་ལཱ་སྱེ་ས་མ་ཡ་སྟཱཾ། ཏྲཾ་ཨཱ་གརྞྞ་ཡ། ཏྲཾ་མཱ་ལེ་ས་མ་སྟཱཾ། ཧྲྀ་ཧ་ཧཱུཾ་པདྨ་པཱད་མ། ཧྲྀ་གི་ཏི་ར་ཀོ&ཧཾ། ཛལླཱི་ཀུ་རུ་པཱ་ཎ་ཧྲི། ཨཾ་ནི་ར་ཏི་རཱ་ག་ཡ ་མི། མེ་དྷཱ་ར་ནེ། ཛ་དྷུ་པེ་པྲ་བེ་ཤ། བྷཱི་ནིསྨ་རཾ་བྷཱ་ཡ། ཧཱུཾ་པུཥྤེ་ཨཱ་བེ་ཤ། ས་རཱ་ཛཱ་ཡ། བཾ་དཱི་པ་སུ་ག་རཱི། མུཾ་ཤྲཱི་ཨཾ་རཱ་གཱ་ཡ། ཧོ་གནྡྷེ་ཙིཏྟ་ཧོ། ཨོཾ་མུ་ནེ་ཀྲྀ་སྭཱ་ཧཱ། ཨོཾ་མུ་ནེ་ཏུཾ་སྭཱ་ཧཱ། ཨོཾ་མུ་ནེ་སུཾ་སྭཱ་ཧཱ། ཨོཾ་མུ་ནེ་དྲྀ་སྭཱ་ཧ། ཨོཾ་མུ ་ནེཀྵཾ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། ཧཱུཾ་ཧཱུཾ་བཛྲ་ཙིཏྟ་ཧཱུཾ། ཨ་ཨ་བཛྲཱི་བྷ་དྲཱ་ས་མནྟ་ཨཱ། ཧཱུཾ་ཡ་མཱནྟ་ཀྲྀཏ་ཕཊ། ཨོཾ་བཛྲ་དྷ་རོ་མ་ཧཱ་ཀྲོ་ཏི་ཤྭ་རཱི་ཛ་ལ་ནི་ཧཱུཾ་ཕཊ། ཨོཾ་བིགྷྣཱཾ་ཏ་ཀྲྀཏ་ཕཊ། ཨོཾ་རཏྣ་དྷ་ར་མ་ཧཱ་ཀྲོ་ཏི་ཤ་རཱི་ཛ་ལ་ནི་ཧཱུཾ་ཕཊ། ་ཨོཾ་པདྨནྟ་ཀྲྀཏ་ཕཊ། ཨོཾ་པདྨ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛ་ལ་ནི་ཧཱུཾ་ཕཊ། ཧཱུཾ་པྲ་ཛྙཱནྟ་ཀྲྀཏ་ཕཊ། ཧཱུཾ་ཀརྨ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛ་ལ་ནི་ཧཱུཾ་ཕཊ། ཐོད་པ་མཚན་ལྡན་ནང་དུ་ནི།། བཀྲ་ཤིས་རུས་སྦལ་ཁོག་པའི་ནང་།། དེ་ཡི་ནང ་དུ་གཙོ་བོ་ལྔ།། རྒྱལ་པོ་ལྟ་བུར་རབ་ཏུ་ཆེ།། རྒྱུད་ལྔའི་འབྲས་བུ་རྣམ་པ་ལྔ།། བློན་པོ་ལྟ་བུར་གནས་པ་ལ།། དྲི་ཞིམ་བཅུད་ལྡན་ཀུན་སྐྱོངས་པ།། མང་པོ་འདུལ་བས་མཐུ་བྱིན་ལྡན།། ཡང་ན་རྩ་བ་རྣམ་པ་བརྒྱད།། ཕྱི ་དང་ནང་དུ་སྦྱར་བ་ཡིན།། ཕྱི་ཡི་དབང་པོ་རྣམ་པ་ལྔ།། ཤ་ལྔ་དག་དང་སྦྱར་བ་དང་།། དེ་ཡི་འཕྲད་དུ་བྱ་བ་ཡང་།། ནང་གི་དབང་པོ་རྣམ་པ་ལྔ།། ཤིང་ཐོག་ལ་སོགས་རྣམ་པ་ལྔ།། ཕྱི་ཡི་བཅུད་དུ་བྱ་བ་དང་།། དྲི་ནི ་ཆེན་པོ་སྦྱོར་བ་དག། རྣམ་པ་ལྔ་ཡང་ཤེས་པར་བྱ།། ཡང་ན་རྒྱལ་པོ་དྲི་ལྔ་ཡང་།། དེ་ཡི་སྐྱབས་སུ་སྦྱར་བའོ།། དེ་བཞིན་ཨ་ཀ་རུ་ལ་སོགས།། སྤོས་ལྔ་དག་དང་སྦྱར་བ་དང་།། གསེར་དངུལ་ལ་སོགས་རིན་ཆེན ་ལྔ།། ཡོན་ཏན་དཔག་ཏུ་མེད་པ་དང་།། སྣ་ཚོགས་ར་ས་ཡ་ནའི་རྫས།། མ་ལུས་ལུས་པ་མེད་པར་བསགས།། རིགས་མཐུན་དར་གྱིས་བྷནྨ་དགབ།། ཡང་ན་གནོད་སྦྱིན་ནོར་རྫས་བཅིངས།། དེ་ནས་རྡོ་རྗེ་དབྱིངས་ཀྱི ་ནི།། དཀྱིལ་འཁོར་རྣམ་པ་གཅིག་ཏུ་ན།། དབུས་ཀྱི་དཀྱིལ་འཁོར་དབུས་དག་ཏུ།། རིགས་ལྔ་ལིང་ཚེ་དགུ་ལ་བཞུགས།། རང་སེམས་པར་དོ་ཡི་གེ་ཧཱུཾ།། གསུང་གི་ཆོ་གར་རབ་གནས་ནས།། ཕ་མའི་ཆ་ཤས་རྡོ་རྗེ ་སོགས།། ཐུགས་ཀྱི་ཆོ་ག་ཆེན་པོར་གནས།། ཆེན་པོ་ལྔ་ལས་སྐུར་གྲུབ་པས།། ཡོངས་སུ་རྫོགས་པར་ཡང་དག་གསལ།། ཨོཾ་བཛྲ་ཨཀྵོ་བྷུ་ཧཱུཾ། བཛྲ་དྷ་ཏཱི་ཤྭ་རཱི་ཧཱུཾ། ཨོཾ་བུདྡྷ་བཻ་རོ་ཙ་ན་ཨོཾ། བུདྡྷ་ལོ་ཙ་ན་ཨོཾ། བཛྲ་རཏྣ་སཾ ་བྷ་བ་ཏྲཾ། བཛྲ་རཏྣ་ས་གི་ཏྲཾ། བཛྲ་པདྨ་ཨ་མི་ཏ་བྷ་རྦི། བཛྲ་བནྡ་ར་བ་རྦི། བཛྲ་ཨ་མོ་གྷ་སིདྡྷི་ཧ། མོ་བཛྲ་ས་མ་ཡ་ཏཱ་རཱ་\ུ0f7f།། བདེ་གཤེགས་རྡོ་རྗེ་རིན་ཆེན་དང་།། པདྨ་ལས་དེ་རིགས་ལྔར ་བཅས།། དབྱིངས་ཕྱུག་སྤྱན་དང་མཱ་མ་ཀི།། གོས་དཀར་མོ་དང་སྒྲོལ་མ་དང་།། རིགས་ལྔ་ཡབ་ཡུམ་འདི་དག་ཀྱང་།། འདོད་པའི་དངོས་གྲུབ་སྟེར་བར་བྱེད།། ཧཱུཾ་བཛྲ་སཏྭ་ཧཱུཾ། བཛྲ་ལཱ་སྱ་ཧཱུཾ། བཛྲ་རཱ་ཛ་ཧཱུཾ། བཛྲ ་དྷཱདྷ་བེ་ཧཱུཾ། བཛྲ་རཱ་ག་ཧཱུཾ། བཛྲ་ཨཾ་ཀུ་ཤ་ཡ་ཧཱུཾ། བཛྲ་སཱ་དྷཱ་ཧཱུཾ། བཛྲ་ཏི་ཤ་ཏཱ་ར་ཧཱུཾ། རྡོ་རྗེ་སེམས་དཔའ་རྡོ་རྗེ་འཛིན།། རྡོ་རྗེ་རྒྱལ་པོ་ལྕགས་ཀྱུ་འདྲེན།། རྡོ་རྗེ་ཆགས་པ་མདའ་གཞུ་འགེངས།། རྡོ་རྗེ་ལེགས་པ་སེ་གོལ ་དཀྲོལ།། སྒེག་མོ་འགྱིང་བག་སྤོས་མེ་མ།། ལྕགས་ཀྱུ་མ་དང་རྡོ་རྗེ་སྒྲོལ།། ཤར་གྱི་འཁོར་ལོའི་རྩིབས་ལ་གནས།། རྡོ་རྗེ་རིགས་སུ་རྣམ་པར་གྲགས།། བཛྲ་རཏྣ་ཏཱཾ། བཛྲ་མཱ་ལེ་ཏྲཱཾ། བཛྲ་སཱུརྱ་ཏཱཾ། བཛྲ་པུཥྤེ་ཏཱཾ། བཛྲ་ཀེ ་ཏུཏཱཾ། བཛྲ་པཱ་ཤ་ཏཱཾ། བཛྲ་ཧ་ས་ཏཱཾ། བཛྲ་རཏྣ་ནེ་ཏྲ་ཏཱཾ། རྡོ་རྗེ་རིན་ཆེན་ནོར་བུ་འཛིན།། རྡོ་རྗེ་གཟི་བརྗིད་ཉི་མ་བསྣམས།། རྡོ་རྗེ་རྒྱལ་མཚན་རིན་ཆེན་ཏོག། རྡོ་རྗེ་བཞད་པ་སོ་འཕྲེང་བགྲངས།། ཕྲེང་བ་མ་དང་མེ་ཏོག ་མམ།། ཞགས་པ་མ་དང་རིན་ཆེན་སྤྱན།། རིན་ཆེན་རིགས་ཀྱི་སེམས་དཔའ་སྟེ།། ལྷོ་ཡི་རྩིབས་བཞི་དག་ལ་གནས།། བཛྲ་དྷརྨ་ཧྲི། བཛྲ་གཱི་ར་ཏི་ཧྲི། བཛྲ་ཏིཀྵྞ་ཧྲི། བཛྲ་ཨཱ་ལོ་ཀེ་ཧྲི། བཛྲ་ཙཀྲ་ཧྲི། བཛྲ་སྥོ་ཊ་ཧྲི། བཛྲ་བྷ ་ཥ་ཧྲི། བཛྲ་རཱ་ག་ར་ཏི་ཧྲི། རྡོ་རྗེ་ཆོས་ནི་པདྨ་འཛིན། རྡོ་རྗེ་རྣོན་པོར་རལ་གྲི་བསྣམས།། རྡོ་རྗེ་འཁོར་ལོ་འཁོར་ལོ་བསྐོར།། རྡོ་རྗེ་སྨྲ་བ་ལྕེ་ཡང་བསྣམས།། པི་ཝང་མ་དང་མར་མེ་མ།། ལྕགས་སྒྲོག་མ་དག་གསལ་བཀྲ ་མ།། ནུབ་ཕྱོགས་འཁོར་ལོའི་རྩིབས་བཞི་ལ།། པདྨ་རིགས་ཀྱི་སེམས་དཔའ་གནས།། བཛྲ་ཀརྨ་ཧ། བཛྲ་ནཱི་ར་ཏི་ཧྲི། བཛྲ་རཀྵ་ཧ། བཛྲ་གརྦྷེ་ཨ། བཛྲ་ཡཀྵ་ཧ། བཛྲ་གྷཎྜེ་ཧ། བཛྲ་ས་ན་དྷི་ཧ། བཛྲ་ར་ཏི་ཧ། རྡོ་རྗེ ་ལས་ནི་རྒྱ་གྲམ་བསྣམས།། རྡོ་རྗེ་བསྲུང་བ་གོ་ཆ་འཛིན།། རྡོ་རྗེ་གནོད་སྦྱིན་མཆེ་བ་འཆང་།། རྡོ་རྗེ་ཁུ་ཚུར་ཁུ་ཚུར་ཉིད།། གར་མཁན་མ་དང་དྲི་ཆབ་མ།། དྲིལ་ཁྲོལ་རྡོ་རྗེ་འབེབས་མ་སྟེ།། ལས་ཀྱི་རིགས་ཀྱི་སེམས ་དཔའ་རྣམས།། བྱང་ཕྱོགས་རྩིབས་བཞི་དག་ལ་གནས།། སེམས་དཔའ་སེམས་མ་བཅུ་དྲུག་ནི།། མཚན་བཟང་སུམ་ཅུ་རྩ་གཉིས་ཡིན།། ཐབས་ཤེས་དབུ་རྒྱན་རིགས་ལྔ་ནི།། དཔེ་བྱད་བཟང་པོ་བརྒྱད་ཅུར ་གནས།། བཛྲ་ཨཱརྱ་ཏེ་ཛ་ཏེང་ཛ། བཛྲ་ཨ་མུ་ཁེ་ཧཱུཾ། བཛྲ་ལོ་ཀ་བཾ། བཛྲ་བྷསྨི་བ་ལ་ཡབ་ཏུ་ཧོ།། ལྕགས་ཀྱུ་ཤར་ལ་ཞགས་པ་ལྷོ།། ལྕགས་སྒྲོག་ནུབ་ལ་དྲིལ་བུ་བྱང་།། སྒོ་བཞི་དག་ལ་རབ་ཏུ་གནས།། རྡོ་རྗེ་དབྱིངས ་ཀྱི་དཀྱིལ་འཁོར་རོ།། རྒྱུ་ཡི་དབང་ནི་བླ་མས་བསྐུར།། ལམ་དུ་རང་ཉིད་དབང་བླང་བ།། བུམ་དབང་ཡེ་ཤེས་རྣམ་པ་ལྔ།། ཟབ་མོའི་དབང་གསུམ་སྐུ་གསུམ་ཐུགས།། ཨོཾ་མ་ཧཱ་ཤཱུ་ནྱ་ན་བཛྲ་སྭ་བྷ་ཝ་ཨཱཏྨ་ཀོཉྫཧཾ། ཨོཾ ་མ་ཧཱ་ཨཱ་དཪྴ་ཛྙཱ་ན་བཛྲ་སྭ་བྷ་ཝ་ཨཱཏྨ་ཀོཉྫཧཾ། ཨོཾ་མ་ཧཱ་ས་མ་ཏཱ་ཛྙཱ་ན་བཛྲ་སྭ་བྷ་ཝ་ཨཱཏྨ་ཀོཉྫ་ཧཾ། ཨོཾ་མ་ཧཱ་པྲ་ཏྱ་བེཀྵ་ཎ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ&་ཧཾ། ཨོཾ་མཧཱ་ཀྲྀ་ཏཱ་ནུཥྚཱ་ན་ཛྙཱ་ན་བཛྲ་སྭ་བྷ་ཝ་ཨཱཏྨ་ཀོ& ་ཧཾ། ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། འོག་མིན་ཆོས་དབྱིངས་ཕོ་བྲང་ནས།། རྒྱལ་བ་གང ་བཞུགས་འཁོར་དང་བཅས།། བླ་མེད་ལྷ་དང་ལྷ་མོ་ཡི།། གྲུབ་པའི་བྱིན་རླབ་བསམ་མི་ཁྱབ།། སེམས་དཔའ་བརྒྱད་དང་སེམས་མ་བརྒྱད།། དེ་བཞིན་སྦྲུལ་སྐུ་ཐུབ་དྲུག་དང་།། མཐུ་ཆེན་ཁྲོ་བོ་ཁྲོ་མོར་བཅས།། བདེ་བ ་ཆེན་པོས་ཡོངས་བརྒྱན་ཏེ།། རྡོ་རྗེ་སེམས་གཙོ་མཛེས་མཛད་མ།། བརྩེ་ཕྱིར་གནས་འདིར་གཤེགས་སུ་གསོལ།། ཨེ་ཧྱེ་ཧི་མ་ཧཱ་བྷ་ག་ཝན། མ་ཧཱ་ཀ་རུ་ཎི་ཀ་དྲྀ་ཤ་ཧོ། ས་མ་ཡ་ཧོ།། ས་མ་ཡ་སྟྭཾ། དཔའ་བོ་ཆེན་པོ ་མཐུ་ལྡན་པ།། བདག་ལ་བྱིན་གྱི་བརླབས་མཛད་ཅིང་།། བདག་གི་ལྷག་པའི་བསམ་པ་རྣམས།། གྲུབ་པར་བྱིན་གྱི་བརླབ་ཏུ་གསོལ།། ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་།། གཟུགས་སྐུ་འཇའ་མཚོན ་བཞིན་དུ་སོ་སོར་གསལ།། ཐབས་དང་ཤེས་རབ་མཆོག་ལ་མངའ་བརྙེས་པའི།། རིགས་ལྔ་བདེ་བར་གཤེགས་ལ་ཕྱག་འཚལ་ལོ།། མཛེས་པའི་སྐུ་མཆོག་སེམས་ཅན་སྒྲོལ་ལ་མཁས།། ངོ་མཚར་ཕོ་བྲང་དེ་བཞིན ་གཤེགས་པའི་ཡུམ།། ཤེས་རབ་ཐབས་ཀྱིས་གཙོ་ལ་མཉེས་མཛད་མ།། རིགས་ཀྱི་ཡུམ་གྱུར་རྣམས་ལ་ཕྱག་འཚལ་ལོ།། བསོད་ནམས་ཚོགས་ཆེན་ཡོངས་སུ་རྫོགས་པ་ལ།། འགྲོ་དྲུག་འགྲོ་བ་མ་ལུས་སྨིན་བྱའི ་ཕྱིར།། དཔེ་བྱད་མཚན་གྱིས་ཡོངས་སུ་བརྒྱན་པ་ཡི།། སེམས་དཔའ་སེམས་མའི་ཚོགས་ལ་ཕྱག་འཚལ་ལོ།། ཡིད་ཆོས་རྣམ་དག་ཀུན་བཟང་ཡབ་ཡུམ་དང་།། འགྲོ་དོན་རྫོགས་མཛད་སྦྲུལ་སྐུ་ཐུབ་པ་ལ།། རབ་ཏུ ་དངས་པས་ཕྱག་འཚལ་ལོ།། འཇིགས་ཚུལ་རྔམ་པ་ཁྱད་པར་གྱིས།། གདུག་བྱེད་ཐལ་བར་རློག་མཛད་པ།། བདུད་བཞི་དཔུང་བཅས་འཇོམས་བྱེད་པ།། སྒོ་བ་ཡབ་ཡུམ་བརྒྱད་ལ་ཕྱག་འཚལ་ལོ།། ཨ་ཏི་པུ་ཧོ།། ་པྲ་ཏི་ཙྪ་ཧོ། ཨ་ལ་ལ་ཧོ། རང་བྱུང་གདོད་ནས་དག་པ་ཡི།། ལུས་ཁམས་བདུད་རྩི་ཆེན་པོ་འདིས།། རྡོ་རྗེ་དབྱིངས་ཀྱི་དཀྱིལ་འཁོར་ལ།། དམ་ཚིག་མཆོག་གི་མཆོད་པ་བཞེས།། སྣང་སྟོང་རྡོ་རྗེ་ཆོས་དབྱིངས་ལས།། ཡེ ་ཤེས་སྒྱུ་མའི་སྐུ་མངའ་བ།། རྒྱལ་བ་སངས་རྒྱས་སྲས་དང་བཅས།། རབ་ཏུ་དང་བས་བསྟོད་ཕྱག་འཚལ།། ཆོས་ཉིད་མཉམ་པའི་ངོ་བོ་ལ།། མ་རྟོགས་རྟོག་པ་གསལ་བར་བྱ།། དེ་ནས་བཟླས་པ་བྱ་བ་ཡང་།། རྡོ་རྗེ ་བཟླས་པར་ཡང་དག་བཤད།། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ར་ས་ཡ་ན་ཏ་ན་ཛྙཱ་ན་གུ་ཡ་སིདྡྷི་ཧཱུཾ་ཧྲཱིཿཐ། སྤྱི་བོ་བདེ་ཆེན་དཀྱིལ་འཁོར་ནས།། སངས་རྒྱས་རྣམ་པར་སྣང་མཛད་ལ།། ཐུབ་དྲུག་ཀུན་བཟང་ཡབ་ཡུམ ་དང་།། གཤིན་རྗེའི་གཤེད་པོ་ཡབ་ཡུམ་ལས།། སྐུ་ཡི་དམ་པ་རིགས་བརྒྱ་སྤྲོ།། དོན་མཛད་སྨན་ལ་རབ་ཏུ་ཐིམ།། མགྲིན་པ་ལོངས་སྤྱོད་དཀྱིལ་འཁོར་ནས།། སྣང་བ་མཐའ་ཡས་གོས་དཀར་མོ།། སྤྱན ་རས་གཟིགས་དང་གླུ་མ་དང་།། ཀུན་ཏུ་བཟང་པོ་མར་མེ་མ།། རྟ་མགྲིན་ཡབ་ཡུམ་བཅས་པ་ལ།། གསུང་གི་དམ་པ་རིགས་བརྒྱ་སྤྲོ།། སྙིང་ག་ཆོས་ཀྱི་དཀྱིལ་འཁོར་ནས།། མི་བསྐྱོད་རྡོ་རྗེ་སེམས་དཔའ་ཡུམ།། ས་ཡི ་སྙིང་པོ་སྒེག་མོ་དང་།། བྱམས་པ་སྤོས་མ་བྱང་ཆུབ་སེམས།། ཤེས་རབ་མཐར་བྱེད་ཡབ་ཡུམ་ལ།། ཐུགས་ཀྱི་དམ་པ་རིགས་བརྒྱ་སྤྲོ།། ལྟེ་བ་སྤྲུལ་པའི་དཀྱིལ་འཁོར་ནས།། རིན་ཆེན་འབྱུང་ལྡན་ཡབ་ཡུམ་ལ།། ནམ ་མཁའི་སྙིང་པོ་ཕྲེང་བ་མ།། སྒྲིབ་སེལ་མེ་ཏོག་མ་དང་བཅས།། ཡོན་ཏན་དམ་པ་རིགས་བརྒྱ་སྤྲོ།། དོན་མཛད་སླར་འདུས་སྨན་ལ་ཐིམ།། གསང་བའི་མེ་རླུང་དཀྱིལ་འཁོར་ནས།། དོན་གྲུབ་སྒྲོལ་མ་སྐུ་ལ ་འཁྲིལ།། ཕྱག་ན་རྡོ་རྗེ་གར་མཁན་མ།། འཇམ་དཔལ་དྲི་ཆབ་བསྒོ་བར་བཅས།། ལས་ཀྱི་དམ་པ་རིག་བརྒྱ་ལས།། གསང་སྔགས་རླུང་གི་རྟ་ལ་འཕྲོ།། སྣོད་ཀྱི་བྷནྣ་ཡུམ་གྱི་མཁའ།། བཅུད་ཀྱི་སྨན་ཉིད་ལྷར་གསལ ་བས།། སྣོད་བཅུད་དམ་པ་རིགས་བརྒྱར་གནས།། གཉིས་སུ་རྩ་བརྒྱད་སྟོང་ཞེས་བྱ།། དོན་དམ་སྤྲོས་མེད་ཐིག་ལེ་ལས།། ཀུན་བཟང་དངོས་གྲུབ་བླང་བར་བྱ།། ཨོཾ་ཨ་མྲྀ་ཏ་སིདྡྷི་ཧ་ཧ་ཀན།། རྣམ་སྨིན་འབྲས ་བུ་རིགས་འཛིན་འགྱུར།། ཉི་ཟླ་ལྟ་བུའི་ཚེ་ཡང་འཛིན།། བདག་ཉིད་ཀུན་བཟང་ཡབ་ཡུམ་གྱི།། གནས་ལྔའི་རིགས་མི་ལྔ་བརྒྱ་དང་།། སྣོད་བཅུད་དམ་རྫས་ལྷར་གནས་པའི།། རིགས་ལྔའི་རིགས་ནི་ལྔ་བརྒྱ ་ཉིད།། སྟོང་ལ་འཛབ་ཀྱིས་བཞུ་བཏུལ་ནས།། བདུད་རྩི་སྦྲུལ་སྐུར་སངས་རྒྱས་སོ།། ཞེས་གསུངས་སོ།། ཐམས་ཅད་བདུད་རྩི་ཆེན་པོ་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། དམ་པ་རིགས་བརྒྱའི་ལེའུ ་སྟེ་བཅུ་པའོ།། །། དེ་ནས་བཅོམ་ལྡན་འདས་ཀྱིས་བདུད་རྩི་རིགས་ལྔར་སངས་རྒྱས་པ་འདི་གསུངས་སོ།། མི་ཤིགས་མཛོད་ལྡན་ཀ་པཱ་ལ།། དབུས་སུ་ཡང་དག་གཞག་པར་བྱ།། སྐུ་གསུམ་ལྷུན་གྲུབ་ཀ་པཱ ་ལ།། ཤར་གྱི་ཞིང་ཁམས་རྡོ་རྗེའི་རིགས།། ཡིད་བཞིན་གཏེར་ལྡན་ཀ་པཱ་ལ།། ལྷོ་ནས་འབྱོར་པ་རྒྱས་པར་བྱེད།། ཁམས་གསུམ་དབང་སྡུད་ཀ་པཱ་ལ།། ནུབ་ན་མཐའ་ཡས་བསོད་ནམས་སྡུད།། ཆོ་འཕྲུལ་རྟགས་འབྱིན ་ཀ་པ་ལ།། བྱང་ན་ལས་རབ་རྫོགས་པ་ནི།། གཟུགས་བརྙན་དཀྱིལ་འཁོར་གཡས་དག་ཏུ།། སྣོད་བསྡུས་དབང་དུ་བསྡུ་བར་བྱའོ།། དབུས་སུ་བྱང་སེམས་དྲི་ཆེན་ཤར།། མཱཾ་ས་ལྷོ་ལ་རཀྟ་ནུབ།། དྲི་ཆུ་བྱང་སྟེ་བྱང་ཆུབ ་སེམས།། ལུས་ཁམས་བདུད་རྩི་ཆེན་པོར་གནས།། རང་བཞིན་གསུམ་ལས་བདག་ཉིད་ལྷ།། བདེ་ཆེན་ཨོཾ་ལ་ལོངས་སྤྱོད་ཨཱཿ།། ཆོས་མཛོད་ཧཱུཾ་ཡིག་སྤྲུལ་པར་སྭཱ།། གསང་དབང་ཡི་གེ་ཧ་གནས་ཏེ།། རླུང་ལྔ་འབྱུང ་བའི་འདྲ་འདུན།། དོན་མཛད་གཟུང་གི་མཛད་པ་སྟེ།། སླར་འདུས་སྨན་ལ་ཟམ་པ་ན།། ད་ཉིད་རྒྱལ་བ་རིགས་ལྔའི་སྒྲ།། གསུང་དང་ཕྱག་མཚན་སླར་རྫོགས་གསལ།། རང་རིག་ཆཤས་ཅན ་ལྔ།། དེ་ནས་འཕྲོ་འདུ་བྱ་བ་ཡང་།། སྤྱིར་ནི་རྩ་བའི་གསང་སྔགས་མཆོག། ཨོཾ་ཨཱཿཧཱུཾ་སྭཱ་ཧཱ། ཛྙཱ་ན་བཛྲ་ཙིཏྟ་ཨ་མྲྀ་ཥ་ས་མ་ཡ་སྭཱ་ཧཱ། དེ་ནས་སྦྱོར་བ་བྱས་པ་ཡིས།། བྱང་ཆུབ་སེམས་ནི་སྦྱར་བ་བྱ།། ཨོཾ་ཨཱཿཧཱུཾ་བཛྲ་སཏྭ་ཧཱུཾ།། ་སརྦ་ཨེའུ་ཤུདྡྷེ་ཨ་མྲྀ་ཏ་སུ་ཁ་མ་ཧཱ་ཡོ་ག་ཧཱཾ་ཙིཏྟ་ཧཱུཾ། ཨཀྵོ་བྷཱ་རཱ་ཥ་ར་ཏྲི་ས་མ་ཡ་སྟྭཾ། ལྷོ་རུ་ཁ་བལྟས་མཱཾ་ས་བྱང་།། སྣ་ཚོགས་བསྒྲལ་བའི་ཤ་རྣམས་ཉིད།། ཨོཾ་ཨཱཿཧཱུཾ་རཏྣ་སཾ་བྷ་བ་མ་ཧཱ་མཱཾ་ས་མ་ཡ། མ་ཧཱ་ས་མ་ཡ་རཱ་གོཿ ་ཧཾ། རཏྣ་ར་ཏི་ས་མ་ཡ་སྟྭཾ། ནུབ་ནས་པདྨ་རཀྟ་ལ།། སྣང་བ་ཟའ་ཡས་སྔགས་ཀྱིས་སྦྱང་།། ཨོཾ་ཨཱཿཧཱུཾ་པདྨ་ཨ་མི་ཏ་བྷ། རཀྟ་མཱུ་ལ་ཨ་མྲྀ་ཏ།། རཱ་ག་ར་ཏི་ས་མ་ཡ་སྟཾ། བྱང་ནས་དྲི་ཆུའི་སྣོད་བླང་ལ།། དོན་ཡོད་གྲུབ ་པ་རྟ་མཆོག་སྔགས།། ཨོཾ་ཨཱཿཧཱུཾ་ཨ་མོ་གྷ་སིདྡྷི་ཨ་མྲྀ་ཏ་ཀུཎྜ་ལི། བཛྲ་ར་ཏི་ས་མ་ཡ་སྟྭཾ། དབུས་སྣོད་དྲི་ཆེན་རྣམ་སྣང་གིས།། སྦྱང་བར་བྱ་བ་གསང་བའི་སྔགས།། ཨོཾ་ཨཱཿཧཱུཾ་བུདྡྷ་བེ་རོ་ཙ་ན་མ་ཧཱ་ཡོ་ག་ཨ་ཏི་སྥ་ར་ཎ། བ ་ལིན་ཨ་ཏི་སྟ་ཨུ་ཏི་སྟ་ཨོཾ། མོ་ཧ་ར་ཏི་ས་མ་ཡ་བཛྲ་ར་ཏི་ས་མ་ཡ་སྟྭཾ། བདུད་རྩི་རྣམ་ལྔར་བྱིན་ཕབ་ནས།། ཡེ་ཤེས་རྣམ་པ་ལྔ་ཡང་གསལ།། དེ་ནས་འབྲུ་བཅུད་ཆང་རྣམས་ལ།། གསང་བའི་སྔགས་ཀྱིས་སྦྱང་བར ་བྱ།། ཨོཾ་ཨ་མྲྀཏ་བཛྲ་གད་པྲ་བ་ཏ་སྭཱ་ཧཱ། ཨོཾ་ཏེ་ན་ཧཱུཾ། ཏེ་ཏེ་ཧཱུཾ། བི་ཏ་སཾ་ཤོ་དྷ་ཡ། ཀྲོ་ཏིཤྭ་རཱི་སཱ་ཧཱ། འོ་མ་སྣ་ཚོགས་སྦྲེང་བྱ་ཞིང་།། དེ་ཡི་བཅུད་ཀྱང་མར་ལྟར་སྦྱང་།། ཨོཾ་ཨཱཿཧཱུཾ་ཨ་མྲྀཏ་བི་ཐ་སཾ་ཤོ་དྷ་ཡ་ཧཱུཾ་ཧྲཱིཿཐ། རིན ་ཆེན་སྣ་ཚོགས་བརྡར་བྱས་ནས།། ཡོན་ཏན་དཔག་ཏུ་མེད་པའོ།། ཨོཾ་ཨཱཿཧཱུཾ་སརྦ་པཉྩ་ཨ་མྲྀཏ་རཏྣ་ཙིཏྟ་ཧཱུཾ་ཧྲཱིཿཐ། ཆུ་རྣམས་སྣ་ཚོགས་ཐ་དད་པ།། ལན་ཚྭའི་རོ་ལྟར་སྦྱང་བར་བྱ།། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་པ་ནི་ཀུཎྜ ་ལི་ཧཱུཾ་ཧྲཱིཿཐ། བདུད་རྩི་རྣམ་པ་ལྔ་པོ་ནི།། རང་གི་ལུས་ཀྱི་ཁམས་ཡིན་པས།། ཕུང་པོ་ལྔ་ཉིད་གསོ་མཛད་ཅིང་།། རིགས་དང་ཡེ་ཤེས་འཇུ་འདུལ་བྱའོ།། ཞེས་གསུངས་སོ།། ཐམས་ཅད་བདུད་རྩི་ཆེན་པོ་ལྔའི་རང ་བཞིན། རིན་པོ་ཆེ་ཕྲེང་བའི་རྒྱུད་ལས། དེ་ཉིད་རིགས་ལྔའི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་འདས་ཀྱིས་བདུད་རྩི་ཆོས་ཀྱི་སྐུར་སངས་རྒྱས་པའི་དགོངས་པ་འདི་གསུངས་སོ།། དབུས་ཀྱི་ཕོ་བྲང ་ཆེན་པོ་རུ།། བདུད་རྩི་ཆེན་པོའི་སྣོད་བཞག་པ།། བྱང་ཆུབ་སེམས་ཀྱི་ཆུ་བོ་ལ།། འཁོར་འདས་ཆོས་རྣམས་འདུས་པ་ལྟར།། མདོར་ན་སངས་རྒྱས་ལྔ་རྣམས་ནི།། རྡོ་རྗེ་སེམས་དཔའ་ཉིད་ལ་འདུས།། བྱང་ཆུབ ་སེམས་ནི་རྡོ་རྗེ་སྟེ།། ཏིང་འཛིན་གསལ་བས་ལྷ་ཡི་སྐུ།། འོག་མིན་གནས་ནས་སྤྱན་དྲངས་ནས།། གཉིས་མེད་སྐུ་ལ་གནས་པར་བྱ།། དེ་ནས་འཛབ་དགོངས་བཟླས་པ་ཡང་།། གསུང་ནི་རླུང་གི་སྒྲ་ལ་གནས།། དེ་རྒྱུས ་སྲོག་ཤིང་རྣམ་པ་གསུམ།། ལྡང་འཇུག་གནས་པས་སྒྲ་རྣམས་སྒྲོགས།། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་བཛྲ་སཏྭ་ཧཱུཾ། མཚན་དོན་བསྙེན་པ་རྫོགས་ནས་ནི།། དངོས་གྲུབ་དག་ཀྱང་བླང་བར་བྱའོ།། མི་བསྐྱོད ་རྡོ་རྗེ་སེམས་དཔའ་ཉིད།། སངས་རྒྱས་ཀུན་གྱི་ཐུགས་ལ་གནས།། ཇི་སྙེད་བསམ་ཡས་བདུད་རྩི་རྣམས།། བྱང་ཆུབ་སེམས་སུ་རྣམ་པར་ཞུ།། ཐམས་ཅད་བདུད་རྩི་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས།། ་སྨན་ཕྱེ་མ་སྦྱང་པ་གསང་ཆེན་རིགས་གཅིག་གི་ལེའུ་སྟེ་བཅུ་གཉིས་པའོ།། །། དེ་ནས་བཅོམ་ལྡན་འདས་ཀྱིས་ཁྲོལ་བུ་ལ་དངོས་གྲུབ་བླང་བ་འདི་གསུངས་སོ།། དེ་ནས་ཞི་བའི་ལྷ་ཚོགས་རྣམས།། རིགས་རྣམས ་སོ་སོའི་ཡིག་འབྲུ་ཡང་།། བདུད་རྩི་ཆེན་པོ་སྨན་ལ་བསྟིམ།། གསང་བའི་སྔགས་ཀྱིས་རབ་ཏུ་བྱའོ།། ཨོཾ་ཨ་མྲྀ་ཏ་སརྦ་ས་མ་ཡོ་ག་ཧཱུཾ། བཛྲ་ས་མ་ཡ་ཧཱུཾ། མ་ཧཱ་སརྦ་ཨ་མྲྀ་ཏ་མ་ཧཱ་སུ་ཁ་ཧྲི། ཨོཾ་སརྦ་བི་ཤུདྡྷེ། ཨོཾ་ཀྲོ་ཏཱི་ཤྭ་རཱི། ་སརྦ་ཤོ་དྷ་ཡ། ཨོཾ་ཨཱཿཧཱུཾ་བཛྲ་ཨ་མྲྀ་ཏ་ཧཱུཾ། གསང་སྔགས་རྒྱལ་པོ་མཆོག་འདི་ཡང་།། རབ་ཏུ་བཟླས་པར་བྱ་བ་ཉིད།། དེ་ནས་རྡོ་རྗེ་དབྱིངས་ཀྱི་ནི།། ལྷ་ཚོགས་མང་པོར་གནས་པ་ཀུན།། སངས་རྒྱས་དང་ནི་རིག་མ ་ཡུམ།། བྱང་ཆུབ་སེམས་དཔའ་ལྷ་མོ་དང་།། སྤྲུལ་པ་སྒོ་བ་རྣམས་ལ་བསྟོད།། སྨན་པའི་ཆེ་བ་ཡོན་ཏན་བརྗོད།། ངོ་མཚར་ཆེན་པོ་རབ་བསྐྱེད་བྱ།། སློབ་མ་ཀུན་གྱི་སྤྱིར་བཞག་དེ།། ལུས་ཁམས་བདུད་རྩི་ཆེན་པོ ་འདི།། ཁམས་དགུ་འདུས་པའི་དངས་མ་ཉིད།། དུས་གསུམ་སངས་རྒྱས་མཆོད་པ་དང་།། རང་ཉིད་བསྒོམ་ཞིང་བསྒྲུབ་པར་བྱ།། སངས་རྒྱས་ཀུན་གྱིས་རབ་ཏུ་བསྔགས།། མཆོག་གི་དངོས་གྲུབ་སྐུ་གསུམ ་འགྲུབ།། ཐུན་མོང་གྲུབ་ཆེན་བརྒྱད་ལ་སོགས།། མ་ལུས་འདི་ཡིས་འགྲུབ་པས་ན།། དངོས་གྲུབ་དམ་པ་བླང་བར་བྱ།། སྦྲུལ་སྐུ་སངས་རྒྱས་མཛད་པ་རྫོགས།། ལོངས་སྐུ་རྒྱལ་བ་རིགས་ལྔ་ཉིད།། ལྷག་པ་ཆེན་པོ་ཆོས ་ཀྱི་སྐུ།། སྐུ་གསུམ་སྨན་ཉིད་སངས་རྒྱས་པས།། དེ་ཕྱིར་འཇུ་འདུལ་དགོངས་པ་ཡང་།། ལས་རྣམས་གཞུགས་ལ་བྱ་བར་ནི།། ཀུན་བཟང་རྡོ་རྗེ་སེམས་དཔས་གསུངས།། ཞེས་གསུངས་སོ།། ཐམས་ཅད་བདུད་རྩི་ཆེན ་པོ་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། སྨན་ཁྲོལ་བུ་ལ་དངོས་གྲུབ་བླང་བའི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་འདས་ཀྱིས་ཞི་ཁྲོ་མཚམས་སྦྱོར་བ་འདི་གསུངས་སོ།། སྒྲུབ་པའི ་གིང་རྣམས་ཆས་སུ་ཞུགས།། གླང་པོའི་གོ་བ་ཐང་བ་ཉིད།། ཚུལ་ཁྲིམས་ཞིང་ལྤགས་ཆོས་གོས་དང་།། སྟག་གི་པགས་པའི་ཤམ་ཐབས་ཅན།། དེ་ནས་ཙར་མའི་ཞིང་ལྤགས་ལ།། ཏ་ཀྲྀཏ་དཀྱིལ་འཁོར་བྲིས་ནས ་ནི།། ཡེ་ཤེས་སྙིང་པོའི་གནས་བཞུགས་པའི།། བྱང་ཆུབ་སེམས་དཔའི་སྤྱོད་པའི་ཆོས།། རྩ་བརྒྱད་ཡན་ལག་སྟོང་སྦྱར་བ།། རྟོག་པའི་མཚན་མ་སྔགས་ཀྱིས་དག། ཨོཾ་ཨ་མྲི་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ད་ཧ་ད་ཧ་ཧཱུཾ ་ཕཊ། བཅ་པ་ཙ་ཧཱུཾ་ཕཊ། རང་བཞིན་རྣམ་པ་གསུམ་པོ་ཡང་།། དབྱེར་མེད་བདུད་རྩི་ཅད་ལ་འཁྱིལ།། རང་བཞིན་དཀྱིལ་འཁོར་སྤྱན་དྲང་ཡང་།། བདུད་རྩི་ཉིད་ལ་ཐིམ་པར་གྱུར།། ཤ་ཆེན་ལ་སོགས ་བདུད་རྩི་ལྔ།། རྣམ་རྟོག་དབྱིངས་སུ་དག་པའོ།། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཀུཎྜ་ལི་ཧཱཾ་ཧྲཱིཿཐ། དེ་ནས་བཙག་པར་བྱ་བ་ནི།། མཚན་མ་དག་པར་བྱེད་པ་སྟེ།། ཧོ་པ་ཡ་བི་ཤུདྡྷེ་སཱ་ཧཱ།། དེ་ནས་བསྲེ་བར་བྱ་བ ་ནི།། འདྲེས་ཤིང་ཤིན་ཏུ་བསྲེས་པའོ།། ཨ་མྲྀ་ཏ་མུ་ས་ལ་མུ་ས་ལ་སྭཱ་ཧཱ། དེ་ནས་སྦྱར་བའི་བྱ་བ་ནི།། རབ་ཏུ་དྲི་མདོག་རྫོགས་ལྡན་པར་བྱ།། ཀ་མ་ལ་ཀུནྡ་ལི་ཧཱུཾ་ཧྲཱི་ཐ། དེ་ནས་གཞལ་ཞིང་ཚད་བརྟགས་ཏེ།། སྦྱིན ་བསྲེགས་མེ་ཕྲང་སྨན་དུ་བླུག། ཧ་ཡ་གྲི་བ་ཧཱུཾ།། པདྨ་ཏ་ཀྲྀཏ་ཧཱུཾ། ཧུ་ལུ་ཧུ་ལུ་ཧྲི། ཀུཎྜ་ལི་ཧྲི། དེ་ནས་བྷནྡྷ་ཁ་སྦྱར་ནས།། དར་གྱིས་གྲིལ་ལ་རྒྱས་བཏབ་དེ།། ཚོན་སྐུད་བཅིངས་ནས་བུམ་པར་དྲིལ།། ཟླ་གམ་དབང་སྡུད ་གནས་སུ་གཞུག། ཅེས་གསུངས་སོ།། ཐམས་ཅད་བདུད་རྩི་ཆེན་པོ་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། བཏགས་བཙག་མཚམས་སྦྱོར་བའི་ལེའུ་སྟེ་བཅུ་བཞི་པའོ།། །། དེ་ནས་བཅོམ་ལྡན ་འདས་ཀྱིས་སྒྲུབ་པ་ཆེན་པོ་སྨན་ཕོ་བྲང་བུམ་པའི་སྒྲུབ་པ་འདི་གསུངས་སོ།། ཕོ་བྲང་དེ་ལ་བྱིན་བརླབས་ནས།། མཚམས་བཅད་བར་ཆད་མེད་པར་བསྟན།། དེ་ནས་དཀྱིལ་འཁོར་རྩིགས་པ་ནི།། འདོམ་གང་གྲུ་བཞི ་ལེགས་བྱས་ལ།། དྲི་སྣ་ལྔ་ཡི་མཎྜལ་ལ།། ཆག་ཆག་བདུད་རྩིས་རབ་བྱུགས་ཤིང་།། ཐིག་གིས་རབ་ཏུ་གདབ་པ་ཡང་།། ཆ་ཆེན་ཆ་བྲང་སྙོམས་ལ་ཕྱེད།། ཚོན་རྣམས་བྱིན་གྱིས་བརླབས་ནས་ནི།། ལེའུ་ཚེ་བརྒྱད་ལ ་འཁོར་ལོ་བརྒྱད།། རིན་ཆེན་བརྒྱད་ལ་སྒོ་བཞིར་ལྡན།། དུར་ཁྲོད་བརྒྱད་ཀྱིས་ཡོངས་སུ་བསྐོར།། དེ་དབུས་ཕོ་བྲང་བུམ་པའི་སྣོད།། བཅུད་ལྡན་དབུས་ཀྱི་ཟླ་གམ་ཉིད།། མདའ་དང་རལ་གྲི་ཕུར་པ་ཡང་།། དར་དང ་བཅས་པས་བརྒྱན་དུ་བསྐོར།། གླུ་དང་གར་དང་སྟབས་བཅས་པས།། སངས་རྒྱས་རིག་འཛིན་བྱིན་དབབ་བྱ།། བདུད་རྩི་དབུས་བཞག་མཐའ་བསྐོར་ནས།། ཕྱོགས་བཞི་ནས་ནི་ཡོན་ཏན་བརྗོད།། མ་དག་པ་ལ ་མཚམས་བཅད་ནས།། ལས་ཀྱི་གཙོར་ནི་བསྐང་བཤགས་བྱས།། དེ་བཞིན་ཉིད་དང་ཀུན་ཏུ་སྣང་།། རྒྱུ་ལས་བྱུང་བའི་དཀྱིལ་འཁོར་ནི།། འབྱུང་བ་ལྔ་ཡི་རིམ་པ་ཉིད།། ཧཱུཾ་དང་ཨེ་ཡཾ་རཾ་དང་ར།། བཾ་ཀཾ་བྲུཾ་ལས་བྱུང་བ ་ནི།། གཞལ་ཡས་ཕྱི་ནང་མེད་པ་དེ།། དུར་ཁྲོད་ཁང་པ་རབ་ཏུ་བསྒོམ།། རྡོ་རྗེ་བྲག་ཆེན་བཅོ་བརྒྱད་གདན།། ཨེ་སྟེང་ཆེ་མཆོག་ཧེ་རུ་ཀ། དབུ་ནི་ཉི་ཤུ་རྩ་གཅིག་ལ།། དུས་གསུམ་སངས་རྒྱས་དབུ་ལ་བཞུགས།། ཕྱག ་ནི་བཞི་བཅུ་རྩ་གཉིས་ལ།། ཕྱག་མཚན་བཞི་བཅུ་རྩ་གཉིས་བསྣམས།། ཡུམ་ནི་དབུ་དགུ་བཅོ་བརྒྱད་ཕྱག། ཨོཾ་མ་ཧཱ་ཤྲཱི་ཧེ་རུ་ཀ་རཾ་ཛ་ལ་རཾ། མ་ཧཱ་ཀྲོ་དྷི་ཤྭ་རཱི་སྟྭཾ། གཞན་ཡང་རིགས་བཞི་ཧེ་རུ་ཀ། བཛྲ་ཁྲག་འཐུང་རྣམ ་པ་ལྔ།། བཛྲ་ཤྲཱི་ཧེ་རུ་ཀ། བུདྡྷ་ཤྲཱི་ཧེ་རུ་ཀ། རཏྣ་ཤྲཱི་ཧེ་རུ་ཀ། པདྨ་ཤྲཱི་ཧེ་རུ་ཀ། ཀརྨ་ཤྲཱི་ཧེ་རུ་ཀ། སྟོང་གསུམ་ཁྲོ་བོས་རབ་བཀང་ནས།། ཁྲོ་བོ་གནས་སུ་ཡང་དག་བཞུགས།། ཨོཾ་བཛྲ་མ་ཧཱ་ཀྲོ་དྷ་ཧཱུཾ་ཀ ་ར་ཧཱུཾ། བཛྲ་མ་ཧཱ་ཀྲོ་དྷ་བི་ཛ་ཡ་ཧཱུཾ། བཛྲ་མ་ཧཱ་ཀྲོ་དྷ་ནི་ལ་དཎྜ་ཧཱུཾ། བཛྲ་མ་ཧ་ཀྲོ་དྷ་ཡ་མཱན་ཏ་ཀ་ཧཱུཾ། བཛྲ་མ་ཧཱ་ཀྲོ་དྷ་ཨཱརྱ་ཨ་ཙ་ལ་ཧཱུཾ། བཛྲ་མ་ཧཱ་ཀྲོ་དྷ་ཧ་ཡ་གྲཱི་བ་ཧཱུཾ། བཛྲ་མ་ཧཱ་ཀྲོ་དྷ་ཨ་པ་ར་ཛི་ཏ་ཧཱུཾ། བཛྲ་མ་ཧཱ་ཀྲོ་དྷ ་ཨ་མྲྀ་ཏ་ཀུཎྜ་ལི་ཧཱཾ། བཛྲ་མ་ཧཱ་ཀྲོ་དྷ་ཏྲེ་ལོ་ཀྱ་བི་ཛ་ཡ་ཧཱུཾ། བཛྲ་མ་ཧཱ་ཀྲོ་དྷ་མ་ཧཱ་བ་ལ་ཧཱུཾ། རྟ་མགྲིན་བདུད་རྩི་འཁྱིལ་བ་དང་།། ཡེ་ཤེས་སེམས་དཔའ་ས་ནུར་གསལ།། ཧྲི་པདྨཱནྟ་ཀྲྀཏ་ཧ་ཡ་གྲཱི་བ་ཧྲིཿ། ཛཿཧཱུཾ་བཾ་ཧོཿ། ཨ ་པྲེ་ཏ་ཀུཎྜ་ལི་ཧཱུཾ་ཛ། ཧཱུཾ་ཛྙཱ་ན་སཏྭ་ཧཱ། ཧཱུཾ་ས་མ་ཡ་ས་ཏྭ་ཧཱ། དེ་ནས་ཚུལ་བཞིན་དབང་ཡང་བསྐུར།། སྒྲ་གསུང་ཐུགས་སུ་བྱིན་གྱིས་བརླབས།། ཨོཾ་སརྦ་ཏ་ཐཱ་ག་ཏ་མུ་དྲ་ཨ་བྷི་ཥིཉྩ་ཧཱ། ཨོཾ་ཀ་ཡ་ཝཱཀ་ཙིནྟ་ཨོཾ་ཡཛྫ། ་ཤེས་དཀྱིལ་འཁོར་ཆེན་པོ་ཡང་།། ཆོས་ཀྱི་དབྱིངས་ནས་སྤྱན་ཡང་དྲངས།། ཛཿཧཱུཾ་བཾ་ཧོཿ། མ་ཧཱ་ཤྲཱི་ཧེ་རུ་ཀ་པདྨནྟ་ཀྲྀཏ་ཧ་ཡ་གྲཱི་བ་ཧཱུཾ་ཛ། ཛཿཧཱུཾ་བཾ་ཧོཿ། ཨཱ་ཀཪྵ་ཡ་ཧཱུཾ་ཛ། ནམ་མཁའི་མཐའ་མཉམ་མ་ལུས་པ།། བདུད ་རྩིར་གནས་ལ་ཀུན་ཕྱག་འཚལ།། ཨ་ཏི་པུ་ཧོ། པྲ་ཏཱིཙྪ་ཧོ། ཨ་ལ་ལ་ཧོ། རིམ་བཞིན་ཆེ་མཆོག་ཁྲོ་མཁར་དུ།། གོ་རིམ་བཞིན་དུ་བཞུགས་སུ་གསོལ།། ཀ་ཡ་ཝཱ་ཀ་ཙིཏྟ་ས་མ་ཡ་ལྷན།། ཕྱི་དང་ནང་དང་གསང་བ ་དང་།། དེ་ཁོ་ན་ཡི་མཆོད་པ་འབུལ།། སྐུ་དང་གསུང་ཐུགས་ཡོན་ཏན་ལས།། ཆེ་བ་རྣམས་ཀྱི་སྒོ་ནས་བསྟོད།། དངོས་གྲུབ་ཡེ་ཤེས་གང་ཡིན་པ།། འདོད་པའི་དོན་ལ་སྨོན་ལམ་གདབ།། ཉི་ཟླ་གསལ་བའི་དཀྱིལ ་འཁོར་ནས།། འབྱུང་ལྔའི་འཕྲོ་འདུས་བསྡུ་བར་བྱ།། གུ་ཡ་ལག་པའི་ཕྱག་རྒྱ་ཡིས།། རྟ་མགྲིན་དཔའ་བོ་གསལ་བར་བྱ།། དེ་ནས་བཟླས་པ་བྱ་བ་ནི།། བྱང་སེམས་བདུད་རྩིའི་རང་བཞིན་ནི།། རྣམ་པར་མི་རྟོགས་ཆོས ་ཀྱི་སྐུ།། ཞེ་སྡང་ལོངས་སྤྱོད་རྫོགས་པའི་སྐུ།། ཆོས་ཀྱི་དབྱིངས་ཀྱི་ཡེ་ཤེས་ཀྱིས།། ཞེ་སྡང་བྱང་སེམས་དག་བྱའི་ཕྱིར།། སྦྲུལ་སྐུའི་ཡི་གེ་འབྲུ་དགུ་ཡིས།། བཅུ་གཉིས་ཚུལ་དུ་རྣམ་པར་དག། ཨོཾ་ནི་སྐུ་ཡི་རང་བཞིན ་ཏེ།། ཇི་སྙེད་སྣང་བའི་ཆོས་རྣམས་ཀུན།། ཆོས་ཀྱི་སྐུ་ལས་མ་གཡོས་པས།། ལྷུམས་སུ་ཞུགས་པའི་ཚུལ་དང་སྦྱར།། ཨཱཿནི་གསུང་གི་རང་བཞིན་ཏེ།། སྐྱེ་བ་མེད་ལས་སྐྱེ་བའི་ཚུལ།། ཏིང་འཛིན་རྣམ་གསུམ་ཚུལ་ཡིན ་པས།། ལྷུམས་ནས་བལྟམ་པའི་ཚུལ་དང་སྦྱར།། ཧཱུཾ་ནི་ཐུགས་ཀྱི་རང་བཞིན་ཏེ།། ཁམས་གསུམ་སེམས་ཅན་ཐམས་ཅན་ལ།། ཐུགས་ཀྱིས་འགྲོ་བའི་དོན་མཛད་པས།། གཞོན་ནུ་རོལ་རྩེད་མཛད་པའི་ཚུལ།། ས་ནི ་ཡུམ་གྱི་རང་བཞིན་ཏེ།། བདེར་གཤེགས་རྒྱལ་བའི་ཡེ་ཤེས་ལྷ།། ཐམས་ཅད་བསྐྱེད་པའི་གཞི་ཡིན་པས།། ཁབ་ཏུ་བཞེས་པའི་ཚུལ་དང་སྦྱར།། རྦ་ནི་རླུང་གི་རང་བཞིན་ཏེ།། ཐམས་ཅད་བསྐྱོད་པའི་མཐུར་ལྡན ་པས།། འཁོར་བ་མྱ་ངན་འདས་པར་བསྐྱོད།། ཁབ་ནས་རབ་ཏུ་བྱུང་བའི་ཚུལ།། པཉ་ནི་ཆུ་ཡི་རང་བཞིན་ཏེ།། བྱང་ཆུབ་སེམས་ཀྱི་ཆུ་ཆེན་པོ།། ཐམས་ཅད་རླན་ཞིང་སྣུམ་པར་བྱེད།། དཀའ་ཐུབ་མཛད ་པའི་ཚུལ་ཡིན་ནོ།། ཙ་ནི་མེ་ཡི་རང་བཞིན་ཏེ།། ཡེ་ཤེས་ཆེན་པོའི་མེ་ལོང་གིས།། ཉོན་མོངས་ཐམས་ཅད་སྲེག་བྱེད་པས།། བདུད་རྣམས་བརྟུལ་བའི་ཚུལ་དང་སྦྱར།། ཨ་ནི་བྱང་ཆུབ་སེམས་ཀྱི་ངང་།། འགྲོ ་དྲུག་སེམས་ཅན་ཐམས་ཅད་ཀུན།། སྐྱེ་མེད་དབྱིངས་སུ་རྣམ་དག་པས།། སངས་རྒྱས་པ་ཡི་ཚུལ་དང་སྦྱར།། མྲྀ་ནི་དུག་གསུམ་རྩད་བཅད་སྟེ།། ལུས་ངག་ཡིད་གསུམ་ཐམས་ཅད་ཀུན།། སྐུ་གསུང་ཐུགས་སུ་རབ་ལྡན ་པས།། ཆོ་འཕྲུལ་ཆེན་པོ་བསྟན་པའི་ཚུལ།། ཏ་ནི་འགྲོ་བ་སོ་སོ་ལ།། བསྟན་པའི་དོན་གསུང་གཉིས་མེད་བཀའ།། ཐེག་པ་ཆེན་པོའི་ཆོས་སྟོན་པས།། ཆོས་ཀྱི་འཁོར་ལོ་བསྐོར་བའོ།། ཧྲཱིཿནི་ཐམས་ཅད་དབང་དུ ་སྡུད།། ཐུགས་རྗེའི་འོད་ཟེར་ཐམས་ཅད་ཀུན།། སླར་ལ་བསྡུས་ཏེ་མི་དམིགས་པས།། མི་གནས་མྱ་ངན་འདས་པའོ།། ཐ་ནི་ཐ་ཚིག་ཆེན་པོ་སྟེ།། ཁམས་གསུམ་སྲིད་གསུམ་ཐམས་ཅད་ལ།། ཐུགས་རྗེས་ཀུན་ལ་ཁྱབ ་པས་ནས།། སྐུ་གདུང་བགོས་པའི་ཚུལ་དང་སྦྱར།། སྦྲུལ་སྐུས་དེ་ལྟར་དོན་མཛད་ནས།། ཉོན་མོངས་བྱང་ཆུབ་སེམས་སུ་དག། སེམས་ཉིད་ཡེ་ཤེས་ངང་དུ་གསལ།། མི་གནས་ཡེ་ཤེས་ཆེན་པོའི་ངང་།། བྱ་བྲལ་བདུད ་རྩི་ཀློང་ཕྱག་བདུད།། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཿཐ།། ཨོཾ་ལས་འོད་བྱུང་ཨ་ཡིས་སྤེལ།། ཧཱུཾ་གི་བདུད་རྩི་རྣམ་དག་བསྐྱིལ།། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཀུཎྜ་ལི་ཧཱུཾ་ཧྲཱིཿཐ།། རྟགས་དང་མཚན་མ་འབྱུང་བ་ནི།། བྱང ་སེམས་འོད་དང་དྲི་ཆེན་དྲི།། མཱཾ་སའི་འཕེལ་བ་རཀྟའི་སྒྲ།། དྲི་ཆུའི་དུ་བ་འབྱུང་བ་དེ།། སྤྱི་འདུས་ལྷ་མོའི་གཟུགས་སུ་སྟོན།། རྟགས་མེད་ཉམས་ཆག་བསྐང་བ་དང་།། སྤོགས་པ་སྒྲུབ་ཐབས་བསྒྱུར་ལ་བྱ།། ཐང་གཅིག ་ཡུད་ཙམ་ཉིན་ཞག་གཅིག། བདུད་ནམ་ཉི་ཤུ་རྩ་གཅིག་དེ།། ཕྱི་མའི་དུས་ལ་མི་ལྟོས་པར།། ཚེ་འདིར་འབྲས་བུ་ཐོབ་པར་བྱེད།། དེ་ནས་བདུད་རྩི་དབབ་པ་ཡང་།། སྔགས་དང་ཕྱག་རྒྱ་གཏིང་འཛིན་དབབ།། ཨོཾ་མེ་པྲ ་བེ་ཤ་ཡ་ཕེཾ་ཕེཾ། དེ་ནས་ཟླ་གམ་དཀྱིལ་འཁོར་དུ།། ཀླུ་བདག་རྒྱལ་པོས་དབང་དུ་བྱ།། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་པདྨནྟ་ཀྲི་ཏ་ཧ་ཡ་གྲཱི་བ་ཨེ་ཀ་ཛ་ཏི་ཧུ་ལུ་ཧུ་ལུ་ཨཱ་ཡུཪྵེ་ཙ་ཨ།། དེ་ནས་མཚན་དོན་བསྙེན་པ ་དབུལ།། སྔགས་ཀྱི་རྒྱལ་པོ་འདི་དག་བཟླས།། ཨོཾ་སརྦ་པཉྩ་ཨ་མྲྀ་ཏ་མཉྫུ་ཤྲཱི་བྱ་བ་ལོ་ཀི་ཏེ་ཧཱུཾ་ཧྲཱིཿཐ། ཨོཾ་མ་ཧ་གུ་ཡ་སིདྡྷི་ཧྲཱིཿཐ། དེ་ནས་ལྷ་ཚོགས་ཐམས་ཅད་ལ།། གུས་པས་གསོལ་བ་གདབ་པར་བྱ།། སློབ་མ་དཀྱིལ ་འཁོར་འཇུག་པ་ཡི།། སྔོན་ནས་སློབ་དཔོན་རིག་པས་འཇུག། ཕྱི་ནི་རཱ་ས་ཡ་ནའི་དབང་།། ཁྲོལ་བུ་བསྒྲུབ་པའི་དུས་སུ་བསྐུལ།། ནང་ནི་བདུད་རྩི་བུམ་པའི་དབང་།། གསང་བའི་དགོངས་པ་སྨིན་པར་བྱེད།། ཨོཾ་ཨཱཿཧཱུཾ ་སརྦ་པཉྩ་ཨ་མྲྀ་ཏ། ཀ་ལ་ཤ་ཨ་བྷི་ཥིཉྩ་ཧཱུཾ། གསང་བ་ཐབས་དང་ཤེས་རབ་དབང་།། སྦྱོར་བའི་དུས་སུ་བསྐུར་བར་བྱ།། དངོས་གྲུབ་རབ་ནི་སངས་རྒྱས་ཏེ།། ཕྱག་རྒྱ་ཆེན་པོ་མཆོག་ཐོབ་བོ།། འབྲིང་ནི ་རིག་འཛིན་གོ་འཕང་ཐོབ།། ཐ་མ་ཚེ་དང་མངོན་ཤེས་འབྱུང་།། ཨོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ། ཨ་ཧོ་སུ་ཁ་དྷརྨ་ཀ་ཡ་ནི། ཨ་མྲྀ་ཏ་སིདྡྷི་ཧྲཱིཿསྐྱེ་མེད་ན་རོ་ཐིག་ལེའི་གདངས།། སྐུ་དེ་དང་པོ་རྟེན་མེད་གསུང་།། གྲེ་འབྱུང ་གདངས་ཡང་ཐིག་ལེས་སྤྲས།། ཀུན་གྱི་སེམས་ལ་ཡང་དག་གནས།། ས་རླུང་ཆུ་མེ་ནམ་མཁའི་གནས།། སྐྱེ་མེད་སྐྱེ་མཚོན་སོ་ལྕེ་སྦྱར།། སྔགས་རྣམས་ཀུན་གྱི་རྩ་བར་ཤར།། ཀླད་དུ་ཆེ་བ་རྒྱལ་པོ་འདྲ།། ཆོས ་སྐུས་ཀུན་ལ་ཁྱབ་པར་གནས།། བདུད་རྩི་ཆེན་པོ་སུ་འཆང་བ།། རིགས་ལྔ་ཉིད་ལ་གནས་པ་དེ།། མཁའ་འགྲོ་ཀུན་དང་འགྲོགས་པ་དང་།། ཡོན་ཏན་བརྗོད་ལས་འདའ་བའོ།། ཐམས་ཅད་མ་ལུས་བདུད་རྩི ་རང་བྱུང་རང་ཟ་རང་ལ་ཐིམ།། རིལ་བོར་འཛིན་པའི་བསམ་གཏན་ཡང་།། རྗེས་སུ་གཞིག་ནས་ཆོས་སྐུར་གྲོལ།། མཐའ་ཡས་སེམས་ཅན་དོན་གྱི་ཕྱིར།། རྒྱལ་བས་གསུང་ཕྱིར་དེ་དོན་བསྔོ།། དུས་དང་གནས ་སྐབས་མ་ལུས་པ།། རང་ལ་གནས་པའི་བདུད་རྩི་ལ།། རྣལ་འབྱོར་པ་ཡིས་འབྲལ་མི་བྱ།། ཆུ་བོ་རྒྱུན་གྱི་ཏིང་འཛིན་གནས།། ལུས་དང་གྲིབ་མ་ཇི་ལྟ་བར།། རྣལ་འབྱོར་ལུས་ཁམས་བདུད་རྩི་སྦྱར།། ཞེས་གསུངས ་སོ། ཐམས་ཅད་བདུད་རྩི་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། སྒྲུབ་པ་པོ་སྨན་ཕྱེ་མ་དངོས་ཀྱི་ལེའུ་སྟེ་བཅོ་ལྔ་པའོ།། །། དེ་ནས་བཅོམ་ལྡན་འདས་ཀྱིས་བལྟ་བ་བདུད་རྩི་ཆེན་པོར་ལ་བཟླ་བ་འདི ་གསུངས་སོ།། ལུས་ཀྱི་ཁམས་དགུ་འདུས་པ་ཡི།། བདུད་རྩི་ཆེན་པོའི་རང་བཞིན་ཡང་།། སྤྲོས་མེད་ཆོས་སྐུར་གནས་པ་ལས།། མ་རྟོགས་འགྲོ་བ་རྣམས་སུ་ཤར།། རྟོགས་ན་རྫོགས་སངས་རྒྱས་པ་རྣམས།། གཞི་ལས ་འབྲས་བུའི་བདུད་རྩི་ལ།། སུ་ཞིག་རྣམ་པར་གང་གིས་འབྱེད།། ནམ་མཁའི་ངང་གིས་འབྱུང་བ་ལ།། འབྱུང་བར་ཕྱེ་ཡང་ནམ་མཁར་གཅིག། རང་བཞིན་ཆོས་སྐུ་ཆེན་པོ་ཡིན།། རྣལ་འབྱོར་དོན་དུ་གཉེར་བ ་རྣམས།། བདུད་རྩི་ལྔ་ལ་རླུང་སེམས་འདུས།། ཉམས་ནི་སེམས་ལ་འཆར་བར་བྱེད།། སྔགས་ཀྱང་ངག་ཏུ་འབྲུ་ལྔ་ལ།། གར་ནི་ལུས་ལ་རིགས་ལྔར་འབྱུང་།། མཐོང་སྣང་ཡུལ་འདི་བདུད་རྩི་ལྔ།། བག་ཆགས་རྨི་ལམ ་རྨི་བ་རྣམས།། བདུད་རྩི་ལྔ་ནི་དང་པོའི་ཉམས།། བར་དུ་རིགས་ལྔ་ལོངས་སྤྱོད་རྫོགས།། ཐ་མ་ཡེ་ཤེས་རྣམ་པ་ལྔ།། ཁམས་ཀྱི་འདུག་ལུགས་རྣམ་གསུམ་གྱི།། དང་པོ་བར་དང་ཟ་མ་ཡིན།། སྒོམས་ཤིག་རྣལ ་འབྱོར་དབང་ཕྱུག་རྣམས།། ཞེས་གསུངས་སོ།། ཐམས་ཅད་བདུད་རྩི་ཆེན་པོ་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། མཇུག་ལྟ་བ་ཐིག་ལེ་ཆེན་པོར་ལ་བཟླ་བའི་ལེའུ་སྟེ་བཅུ་དྲུག་པའོ།། །། དེ་ནས ་བཅོམ་ལྡན་འདས་ལ་འཁོར་རྣམས་ཀྱིས། བདུད་རྩི་ཆེན་པོས་མཆོད་ནས། འདི་སྐད་ཅེས་གསོལ་བ་འདེབས་ཤིང་བསྔགས་པ་ཆེན་པོ་བརྗོད་དོ།། ལྟ་བས་ཟག་བཅད་རྒྱ་མཚོ་ཟབ།། དེ་ཕྱིར་དངོས ་པོར་ཐག་བཅད་པས།། ཐ་མར་ལ་བཟླ་ངོ་མཚར་ཆེ།། གསང་བ་ཆེན་པོ་ཁྱོད་ཕྱག་འཚལ།། སྤྱོད་པས་ལ་དོར་དམ་ཚིག་བསྲུངས།། དེ་ཕྱིར་དམ་ཚིག་དང་པོར་གསུངས།། བར་དུ་སྒྲོལ་དང་སྦྱོར་བ་ཡིས།། བདག། ་གཞན་སྤྱོད་པ་ཁྱོད་ཕྱག་འཚལ།། བསྒྲུབ་པས་ཉམས་སུ་བླངས་པ་ནི།། བསྙེན་པ་ཕུན་སུམ་ཚོགས་པ་ནས།། ས་ཆོ་ག་བཤགས་པ་མཚམས་རྣམས་བཅད།། ཉེ་བསྙེན་དཀྱིལ་འཁོར་སྟ་གོན་རྫས།། བསྲེ་བསྣན་ལས ་བསྐོས་གདབ་པ་དང་།། རྒྱན་བཏགས་ཕྲིན་ལས་གཞུང་བསྲང་བ།། ནང་གི་དམ་རྫས་སྦྱོར་སྒྲོལ་དང་།། ཕྱི་ཡི་དམ་རྫས་རྩི་སྨན་བཙལ།། བསྒྲུབ་པ་ཁྲོལ་བུ་རྣམ་པ་གསུམ།། རིགས་བརྒྱ་རིགས་གཅིག་རིགས་ལྔར ་བསྒྲུབ།། ཕྱེ་མ་བཏགས་བཙག་ཞི་ཁྲོ་སྤེལ།། སྒྲུབ་ཆེན་ཆེ་མཆོག་བུམ་པའི་ལུང་།། སྒྲུབ་པ་ཉམས་ལེན་ཁྱོད་ཕྱག་འཚལ།། ཞེས་རྗེས་སུ་ཡི་རངས་ནས། སྟོན་འཁོར་ཆོས་ཀྱི་སྐུ་དྲི་མ་མེད་པའི་ངང་དུ་ཐིམ་མོ།། ཐམས ་ཅད་བདུད་རྩི་ལྔའི་རང་བཞིན། རིན་པོ་ཆེ་ཕྲེང་བའི་རྒྱུད་ལས། རྗེས་སུ་ཡི་རངས་པའི་ལེའུ་སྟེ་བཅུ་བདུན་པའོ།། །། བདུད་རྩི་གསུང་གི་རྒྱུད་རིན་པོ་ཆེའི་ཕྲེང་བ་རྫོགས་སོ།། །། རྒྱ་གར་གྱི་པཎྜི་ཏ་བི་མ ་ལ་མི་ཏྲ་དང་། བོད་ཀྱི་ལོ་ཙཱ་བ་གཉིགས་ཛྙཱ་ན་ཀུ་མཱ་རས་བསྐུར་རོ།། །། @#། རྒྱ་གར་སྐད་དུ། ཨ་མྲྀ་ཏ་མ་ཧཱ་སུ་ཁ་ཏནྟྲ་ནཱ་མ། བོད་སྐད་དུ། བདུད་རྩི་བདེ་བ་ཆེན་པོའི་རྒྱུད་ཅེས་བྱ་བ། བཅོམ་ལྡན ་