Wylie

e-texts produced with BDRC’s OCR application

རྒྱ་གར་སྐད་དུ། སརྦ་ཏ་ཐཱ་ག་ཏནྡ་ཤ་ཡ་ཀྲོ་དྷ་ས་མ་ཛ་སུ་ག་ཏ་ས་མ་ནྱོ་དྦ་ད་ན་ཀེ་ཤ་ལོ་ཧི་ཏ་ཏནྟ་ནཱ་མ། བོད་སྐད་དུ།། དེ་བཞིན་གཤེགས་པ་ཐམས་ཅད་ཀྱི་དགོངས་པ་ཁྲོ་བོ་འདུས་པ། བརྡ ་གཤེགས་སྤྱི་དྲིལ་རྟ་མགྲིན་རྡོག་མ་ལེ་བརྒན་གྱི་རྒྱུད་ཅེས་བྱ་བ་དཔལ་པདྨ་དབང་ཆེན་བདེ་གཤེགས་སྤྱི་དྲིལ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། ཡེ་ཤེས་རིག་པ་རང་སྣང་གི་སྟོན་པ ་དེ་ཉིད།། གདུལ་བྱའི་ངོ་སྣང་ལ་ཐ་དད་པར་སྣང་བ་ལས།། དཔལ་པདྨ་དབང་བྱེད་དུ་སྣང་བར་མཛད་ནས།། ཤེས་བྱ་རང་སྣང་གི་གནས་ནས་གདུལ་བྱ་དངོས་སྣང་གི་གནས་ཐ་དད་པར་སྣང་བ་ལས། ཤེས་བྱ་རང ་སྣང་གི་འཁོར་དང་།། གདུལ་བྱ་ངོ་སྣང་གི་འཁོར་མང་པོས་ཀྱང་ཡོངས་སུ་བསྐོར།། ཤེས་བྱ་རང་སྣང་གི་བསྟན་པ་ནང་དུ་བསྟན་པ་རྫོགས་ནས།། གདུལ་བྱའི་ངོར་སྣང་བའི་བསྟན་པ་ནམ་མཁའི་མཐའ་ལ། ཆོས་ཉིད ་ཀྱི་དགོངས་པའི་ཁྱད་པར་ལ་ལོངས་སྤྱོད་ཅིང་བཞུགས་སོ།། དེའི་ཚེ་དེའི་དུས་ན། ཆོས་ཅན་མཚན་མའི་དངོས་པོ་དང་།། ཆོས་ཉིད་སྐྱེ་བ་མེད་པ་སོ་སོ་མ་ཡིན་ཐ་མི་དད་དབྱེར་མེད་ན་ཡང་།། དོན་དམ་པར་ནི ་ཆོས་ཐམས་ཅད་སྟོང་གསལ་ནམ་མཁའ་ལྟ་བུ་ལ་སེམས་ཉིད་ལྷན་ཅིག་སྐྱེས་པའི་ཡེ་ཤེས་དྲི་མ་མེད་པར་རང་བཞིན་གྱིས་འོད་གསལ་བ་ཡང་། ཀུན་རྫོབ་ཏུ་ཆོས་ཐམས་ཅད་དངོས་པོ་དང་མཚན་མར་སྣང་སྟེ།། དེ ་དག་ཀུན་ཀྱང་གསོག་ལྟ་བུ། གསོབ་ལྟ་བུ། ཡ་མ་བརླ་ལྟ་བུ། སྙིང་པོ་མེད་པ་ལྟ་བུར་ཤར་བ་ལས། ཅིར་ཡང་མ་ཡིན་པའི་ཆོས་ཉིད་ནི། ཅིར་ཡང་སྣང་དུ་བཏུབ་ལ། ཅིར་ཡང་སྣང་བའི་ཆོས་ཉིད་ནི། ཅིར་ཡང་འགྱུར ་ཏུ་བཏུབ་ལ། ཅིར་ཡང་འགྱུར་བའི་ཆོས་ཉིད་ནི། ཅིར་ཡང་བསྒྲུབ་ཏུ་བཏུབས་ལ།། ཅིར་ཡང་བསྒྲུབ་ཏུབ་ཏུབ་པའི་ཆོས་ཉིད་ནི།། ཅིར་ཡང་གྲུབ་པར་གཟིགས་སོ།། དེ་ཡང་འཁོར་བ་དང་མྱ་ངན་ལས་འདས་པའི ་ཆོས་ཐམས་ཅད་གཏན་ལ་དབབ་པར་བྱ་ན་རིགས་པ་རྣམ་པ་བཞིར་གཟིགས་སོ།། སྤྱིར་རྟེན་ཅིང་འབྲེལ་ཏེ་འབྱུང་བའི་མཚན་ཉིད་ལ།། ངོ་བོ་ཉིད་ཀྱི་སྒོ་ནས་སྒྲུབ་པར་བྱེད་པ་ནི།། ཆོས་ཉིད་ཀྱི་རིག་པ་དང་། འབྲས ་བུའི་སྒོ་ནས་སྒྲུབ་པར་བྱེད་པ་ནི་བྱ་བ་བྱེད་པའི་རིགས་པ་དང་།། རྒྱུའི་སྒོ་ནས་སྒྲུབ་པར་བྱེད་པ་ནི་ལྟོས་པའི་རིགས་པ་དང་།། རིགས་པ་ཉིད་དྲི་མ་མེད་པར་བྱས་ཏེ་སྒྲུབ་པ་ནི་འཐད་པ་བསྒྲུབ་པའི་རིགས་པ་བཞིར ་གཟིགས་སོ།། འདི་རྣམས་ཀྱི་སེལ་བ་རྣམ་པ་བཞིར་གཟིགས་སོ།། ངོ་བོ་ཉིད་ལ་ཐེ་ཚོམ་ཟ་བ་ནི་ཆོས་ཉིད་ཀྱི་རིགས་པས་སེལ་ལོ།། བྱེད་པ་ལ་ཐེ་ཙོམ་ཟ་བ་ནི་བྱ་བ་བྱེད་པའི་རིགས་པས་སེལ་ལོ།། མངོན་པར་སྒྲུབ ་པ་ནི་ཐེ་ཚོམ་ཟ་བ་ནི་ལྟོས་པའི་རིག་པས་སེལ་ལོ།། རིགས་པ་ལ་ཐེ་ཚོམ་ཟ་བ་ནི་འཐད་པ་བསྒྲུབ་པའི་རིགས་པས་སེལ་ལོ།། འདི་རྣམས་ཀྱི་ཡུལ་དང་མཚན་ལ་གཟིགས་པ་ནི། ཆོས་ཉིད་ཀྱི་དངོས་གཞི་ལ་དྲི་མ་མེད ་ཅིང་།། དངོས་བཞི་མ་ལོག་ན་ཆོས་ཉིད་ཀྱི་རིགས་པར་གཞག་གོ། བྱེད་པ་ལ་དྲི་མ་མེད་ཅིང་དངོས་གཞི་མ་ལོག་ན་བྱ་བ་བྱེད་པའི་རིགས་པར་གཞག་གོ། དངོས་པོར་བསྒྲུབ་པའི་དྲི་མ་མེད་ཅིང་དངོས ་གཞི་མ་ལོག་ན་ལྟོས་པའི་རིགས་པར་གཞག་གོ། རིགས་པའི་དངོས་གཞི་ལ་དྲི་མ་མེད་ཅིང་དངོས་གཞི་མ་ལོག་ན་འཐད་པར་བསྒྲུབ་པའི་རིགས་པར་གཞག་གོ། དེ་ལ་ཆོས་ཉིད་ཀྱི་དངོས་གཞི་ལ་དྲི་མ་ཡོད་པ་ནི། མེ ་ཤེལ་ལ་ཚ་བའི་རེག་པ་ཡོད་པ་ལྟ་བུའོ།། དེ་ལ་དངོས་གཞི་ལོག་པ་ནི། རི་དྭགས་མེའི་གཙང་སྦྲ་ཅན་ལ་མེ་ཚ་བའི་དངོས་གཞི་ལོག་པ་ལྟ་བུའོ།། བྱ་བ་བྱེད་པའི་དངོས་གཞི་ལ་དྲི་མ་ཡོད་པ་ནི་བཙན་དུག་གིས་སེམས ་ཅན་འཆི་བ་ལྟ་བུའོ།། དེ་ལ་དངོས་གཞི་ལོག་པ་ནི་རྨ་བྱ་ལྟ་བུའོ།། ལྟོས་པའི་དངོས་གཞི་ལ། དྲི་མ་ཡོད་པ་ནི་བློ་དམན་པའི་ས་བོན་མ་གོ་བའོ།། དེ་ལ་དངོས་གཞི་ལོག་པ་ནི་ས་བོན་སྐྱེ་བའི་བས་ལ་མཁས་པ་ལྟ ་བུའོ།། འཐད་པ་བསྒྲུབ་པའི་དངོས་གཞི་དྲི་མ་ཡོད་པ་ནི་ཆོས་སྤྱི་དང་རང་གི་མཚན་ཉིད་ལ་རྨོངས་པའོ།། དེ་ལ་དངོས་གཞི་ལོག་པ་ནི། སོ་སོར་རྟོག་པའི་ཤེས་རབ་ཀྱིས་དཔྱད་པས་མི་དམིགས་པའི་ཤེས་རབ་ཏུ་གྱུར ་པ་ཁོ་ནའོ།། རིགས་པ་འདི་བཞི་ཐལ་བ་ལ་གཟིགས་པ་ནི།། ཆོས་ཉིད་ཀྱི་རིགས་པ་སྒྲུབ་པ་ཐལ་དྲགས་ན། དངོས་པོ་ཐམས་ཅད་ལས་མི་ལྡོག་སྟེ། མཐའ་རང་བཞིན་རྒྱུར་ལྟ་བར་འགྱུར་རོ།། བྱ་བ་བྱེད་པའི་རིགས ་པ་ཐལ་དྲགས་ན།། བྱེད་པ་པོ་དང་རྩོད་པ་པོ་ཐམས་ཅད་ལས་མི་རྡོག་སྟེ། མཐའ་བྱེད་པ་པོ་རྒྱུར་སྨྲ་བར་འགྱུར་རོ།། ལྟོས་པའི་རིགས་པ་ཐལ་དྲགས་ན། དབང་ཐམས་ཅད་ལས་མི་ལྡོག་སྟེ། མཐའ་དབང་ཕྱུག་རྒྱུར་སྨྲ ་བར་འགྱུར་རོ།། འཐད་པ་བསྒྲུབ་པའི་རིགས་པ་ཐལ་དྲགས་ན། རིགས་པ་གནས་སྐབས་ཐམས་ཅད་དུ་དྲི་མ་མེད་པར་མི་འགྱུར་ཏེ། མཐར་མངོན་པའི་ང་རྒྱལ་ཏུ་འགྱུར་རོ།། འདི་རྣམས་གཞིའི་སྒྲུབ་བྱེད་ལ་གཟིགས ་སོ།། དངོས་པོར་སྨྲ་བ་རྣམས་དངོས་པོར་བསྒྲུབ་ན།། ཆོས་ཉིད་ཀྱི་རིགས་པས་ལྟ་བ་བསྒྲུབ་སྟེ།། འདུ་ཤེས་ཀྱི་བྱེད་པར་དུ་བྱས་པའི་བློས་དམིགས་པ་དང་། ཚོར་བས་ཁྱད་པར་དུ་བྱས་པའི་བློ་ལ་སྣང་བ་དང་། ཤེས ་རབ་དྲི་མ་མེད་པའི་ཁྱད་པར་དུ་བྱས་པའི་བློས་རྟོགས་པའོ།། དེ་ཡང་སོ་སོར་རྟོགས་པའི་ཤེས་རབ་དང་། རྣམ་པར་མི་རྟོག་པའི་ཤེས་རབ་བོ།། བྱ་བ་བྱེད་པའི་རིགས་པ་ནི།། མཚན་བཅས་བསྐྱེད་པའི་རིམ་པ་དང་། ་མཚན་མེད་རྫོགས་པའི་རིམ་པ་དང་། ས་དང་ལམ་དང་འབྲས་བུའི་བྱ་བ་བྱེད་དོ།། ལྟོས་པའི་རིགས་པས་ནི་ས་ལས་དགེ་སྡིག་ལ་ལྟོས་པས་འབྲས་བུ་མཐོང་རིས་ངན་སོང་བསྒྲུབ་པ་དང་།། བསོད་ནམས་ཡེ་ཤེས་ཀྱི ་ཚོགས་ལ་ལྟོས་པས་ཆོས་སྐུ་དང་ཟུགས་སྐུ་བསྒྲུབ་པའོ།། འཐད་པ་བསྒྲུབ་པའི་རིགས་པ་ནི་མངོན་སུམ་དང་།། རྗེས་སུ་དཔག་པས། ཆོས་ཐམས་ཅད་གཏན་འབེབས་པར་བསྒྲུབ་པ་ནི། རང་གཞུང་བསྒྲུབ་པ་དང་། ་གཞན་གཞུང་དགག་པའོ།། དེ་ཡང་ཡོད་པར་བསྒྲུབ་པ་དང་། ཡིན་པར་བསྒྲུབ་པས་ཆད་པ་སེལ་ཏེ། མེད་པ་དགག་པ་དང་མ་ཡིན་པ་དགག་པས་རྟག་པ་སེལ་ལོ།། མཐའ་ཐམས་ཅད་ལས་གྲོལ་བའི ་ཆོས་ཉིད་རྣམ་པར་དག་པ་ལ་གཟིགས་ནས་ཅང་མི་གསུང་། རྣམ་པར་མི་གསུང་། ཡོངས་སུ་མི་གསུང་བར་བཞུགས་སོ།། དེའི་ཚེ་ཡུམ་རལ་གཅིག་མས་བཅོམ་ལྡན་འདས་ཀྱི་ཞལ་དུ་བལྟས་ནས། འདི་སྐད་ཅེས ་གསོལ་ཏེ། འཇིག་རྟེན་ས་དང་ལམ་གནས་པའི།། བློ་རྟོག་དཔྱད་པས་མ་འོངས་པའི།། དེ་བཞིན་ཉིད་ཀྱི་ཡེ་ཤེས་ནི།། ལུས་ངག་ཡིད་ལས་བྱ་དང་བྲལ།། ཚོགས་གཉིས་བསགས་ལས་མ་བྱུང་བའི།། སེམས་ཉིད་རྣལ ་མའི་དོན་འདི་ནི།། ཀུན་གྱིས་རྟོགས་པར་དཀའ་བས་ན།། དབང་ཆེན་བདེ་གཤེགས་འདུས་པ་འདིར།། འཇིག་རྟེན་དྲེགས་པ་དབང་བསྡུས་ནས།། བྱ་བ་བྱེད་པའི་ལས་ལ་འཁོད།། སངས་རྒྱས་བསྟན་པ་དར་བྱས ་ནས།། དཀོན་མཆོག་གསུམ་ལམ་ཀུན་སྤྱོད་པས།། འཁོར་བ་འདས་པར་སྦྱོར་བའོ།། ལྟོས་པ་ཆོས་ཀྱི་ལས་ཅན་འབྲས།། སངས་རྒྱས་མཛད་པ་ཀུན་བསྒྲུབ་ནས།། དྲི་མེད་མངོན་པར་ཀུན་སངས་རྒྱས།། འཁོར་འདས ་ཀུན་གྱི་རྟོག་བྱ་བའི།། སེམས་ཉིད་འོག་གསལ་རྩ་བ་ཅན།། དངོས་གྲུབ་ལོག་རྟོག་གང་ལས་སྐྱེས།། དུག་ལྔ་ཇི་ལྟར་ལམ་དུ་བླང་།། དབང་ཆེན་སྤྱི་དྲིལ་བསྒོམ་པ་དང་།། ལྷ་ཡི་རྣམ་དག་རྡོས་བཅས་གྲོལ།། གཏོར་མ ་རཀྟ་བདུད་རྩི་གཏོང་།། དུག་གསུམ་དགྲ་བགེགས་སྲོག་རྩ་གཅད།། ལས་བཞིའི་སྦྱིན་སྲེག་ལས་རྣམས་འགྲུབ།། ཀླུ་གཉན་ས་བདག་གནོད་པ་བརྟག། ལྤགས་པ་ཤ་རུས་ནད་རྣམས་གཏོང་།། ཐུན་མོང་དངོས་གྲུབ ་ལས་ཚོགས་བསྒྲུབ།། ལམ་ལྔ་ས་བཅུ་ཇི་ལྟར་བགྲོད།། རིག་འཛིན་རྣམ་བཞི་ཁྱད་པར་ཅན།། སྦྱོར་བའི་ཡན་ལག་རྣམ་དྲུག་བསྒོམ།། བདག་དང་མཐའ་ཡས་འགྲོ་བ་རྣམས།། རྗེ་བཙུན་འབངས་ལྟར་བསྐྱང་དུ ་གསོལ།། ལྷ་རྗེས་གཅོང་ནད་བསལ་དུ་གསོལ།། སློབ་དཔོན་ཤེས་བྱ་བསླབ་དུ་གསོལ།། དགེ་ལེགས་ལས་འབྲས་རྩལ་དུ་གསོལ།། བླ་མས་མན་ངག་བསྟན་དུ་གསོལ།། རྣལ་འབྱོར་དབང་ཕྱུག་ཆེན་པོས ་ཤོད།། དེད་དཔོན་རིན་ཆེན་སྦྱིན་དུ་གསོལ།། དཔའ་བོས་གཡུལ་ངོ་བཟློག་ཏུ་གསོལ།། ཡིད་བཞིན་གཏེར་ཆེན་དབྱུང་དུ་གསོལ།། ཉི་ཟླའི་འོད་ཟེར་སྤྲོ་རུ་གསོལ།། མུན་པའི་སྒྲོན་མེ་སྦར་དུ་གསོལ།། ཆོས་ཀྱི་འཁོར ་ལོ་བསྐོར་དུ་གསོལ།། འདུལ་བའི་དུས་བབ་བཤད་དུ་གསོལ།། ཞེས་གསོལ་བ་བཏབ་པོ།། དེ་ནས་བཅོམ་ལྡན་འདས་ཀྱིས་ཡེ་ཤེས་སྒྲོན་མེས་ཆོས་ཀྱི་དབྱིངས་སུ་ཤར་བའི་དགོངས་པས་གཟིགས་ནས་འགྲོ་བའི་ཆེད ་དུ་འདི་གསུངས་སོ།། སྨོན་ལམ་ལས་འཕྲོ་སད་པ་དང་།། ལུས་དང་སྐལ་བར་ལྡན་པ་དང་།། དད་ལྡན་བརྩོན་འགྲུས་ཆེ་བ་དང་།། ཤེས་རབ་རྟོགས་པ་ལྡན་པ་ཡི།། སྒྲུབ་པོ་རྟེན་གྱི་གང་ཟག་རྣམས།། སེམས་ཉིད་མ ་བཅོས་རྣལ་མའི་དོན།། ཀུན་གྱིས་རྟོགས་པར་དཀའ་བས་ན།། རང་བཞིན་གདོད་ནས་དག་པའི་དོན།། བློ་རབ་འགའ་ཡིས་རྟོགས་པར་འགྱུར།། བསྐྱེད་པའི་རིམ་པ་གསལ་བ་ཡིས།། བསོད་ནམས ་ཚོགས་ཆེན་རྫོགས་པར་འགྱུར།། རྫོགས་པའི་རིམ་པ་བཟང་པོ་བསྒོམ།། ཡེ་ཤེས་ཚོགས་མཆོག་བརྙེས་བྱེད་པ།། རྣལ་འབྱོར་བློ་འབྲིང་རྣམས་ཀྱིས་ནི།། འདི་ལ་ཡང་དག་འབད་པར་བྱ།། ཡེ་ཤེས་བསྒྲུབ་པས་འཇིག ་རྟེན་བཀོལ།། རྣལ་འབྱོར་ཐ་མས་དངོས་གྲུབ་ཐོབ།། རང་འབྲིང་ཐ་མའི་རྣལ་འབྱོར་ལ།། རིམ་པར་བཤད་ཀྱིས་སྐལ་ལྡན་ཉོན།། ཞེས་གསུངས་སོ།། པདྨ་དབང་ཆེ་བདེ་གཤེགས་སྤྱི་དྲིལ་ལས།། གླེང་གཞི་གླེང ་བསླང་རྡོག་མ་ལེ་བརྒན་གྱི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ཀྱི་གསུངས་པ།། ཀུན་ནས་ཉོན་མོངས་འཁོར་བའི་ཆོས།། རྣམ་པར་བྱང་པ་མྱ་ངན་འདས།། རྩ་བ་སེམས་ཀྱི་ཆོས་ཉིད ་འདུས།། སེམས་ཀྱི་རང་བཞིན་འོད་གསལ་བ།། མ་མཛད་མ་བཅོས་ལྷུན་གྱིས་གྲུབ།། བྱང་ཆུབ་ཆེན་པོར་ཡེ་གནས་པས།། བྱེད་རྩོལ་བྱ་བ་ཀུན་དང་བྲལ།། སེམས་ཉིད་རང་བཞིན་འོད་གསལ་བ།། རང་གི་ངང་གིས ་མ་བཅོས་བཞིན།། ཡོངས་ཀྱི་འོད་གསལ་ཆེན་པོ་ལ།། སེམས་ཉིད་ཡིད་བཞིན་རིན་པོ་ཆེ།། ཁམས་གསུམ་སེམས་ཅན་མ་ལུས་པ།། རང་ལ་གནས་ཡང་མ་མཐོང་སྟེ།། འོ་མ་མར་དང་འདྲ་བར་མཚུངས།། དེ་ཉིད ་མཁས་ལྡན་མར་དུ་འབྱིན།། ཀྱེ་སེམས་ཀྱི་དཀྱིལ་འཁོར་རང་བཞིན་གྱིས།། འོད་གསལ་ཆེན་པོར་གནས་པ་ལ།། རྒྱུད་ནི་སེམས་ཅན་གནས་པ་དང་།། སྣང་ལམ་པར་དོར་འབྱུང་བ་དང་།། འབྲས་བུ་རང་ངོ་ཤེས་ལས ་ཟིན།། འདི་གསུམ་གང་གིས་བརྟག་འགྱུར་བ།། གསང་བ་ཡང་གསང་བླ་ན་མེད།། སྐལ་དང་ལྡན་པས་ཐུད་ལ་ཉོན།། སེམས་ཅན་རྒྱུད་ལ་གནས་པ་ནི།། སྒོ་ངའི་ནང་གི་བྱེའུ་ཕྲུག་བཞིན།། ཀུན་གཞི་གཟུགས་མེད ་ཁམས་སུ་སྣང་།། དེ་ཉིད་རྩ་བ་གཏི་མུག་ཡིན།། ཡིད་ཀྱི་གཟུགས་ཀྱི་ཁམས་སུ་སྣང་།། དེ་ཉིད་ཞེ་སྡང་རྩ་བ་ཅན།། སྒོ་ང་འདོད་པའི་ཁམས་སུ་སྣང་།། དེ་ཡང་རྩ་བ་འདོད་ཆགས་ཉིད།། དུག་གསུམ་རྩ་བ་བྱང་ཆུབ ་སེམས།། ཀུན་གཞི་དགེ་སྡིག་གསོག་པའི་སྣོད།། རིན་ཆེན་སྣ་བདུན་བང་མཛོད་དུ།། ཉོན་མོངས་ལྔ་ཡི་བྱན་མོ་ནི།། འཁོར་ལོས་སྒྱུར་རྒྱལ་བཙུན་མོ་ཡིན།། ཡིད་ཀྱི་ཀུན་རྩལ་གཡང་པ་བ་ཡང་ཉིད་ལ།། ཀུན་ཏུ་རྒྱུ་བའི ་ཆང་བས་བཙལ།། སྒོ་ལྔ་ཁྱེའུ་ཕོ་མོ་མཛེས།། ཀུན་ལ་བསྐྱེད་ཅིང་མཆེད་པར་བྱེད།། འདི་དག་གཅིག་ཏུ་འདྲེས་པ་ནི།། ཆུ་དང་ལན་ཚྭ་འོ་མའམ།། སྒོག་པ་ཆུ་དང་ལན་ཚྭ་ལྟར།། མ་འདྲེས་ཡོངས་སུ་རྫོགས་པ ་ལ།། ནམ་མཁའི་འཇའ་ཚོན་བཞིན་དུ་གནས།། བར་དོར་གཅེར་བུར་བྱུང་བ་ནི།། སེམས་ནི་ཕ་མའི་གོས་དང་བྲལ།། དགེ་སྡིག་བག་ཆགས་ལས་ཀྱིས་བསྒོས།། སྔོན་ནས་གཞན་པར་གནས་པ་ཡན།། ཤི་ནས་སྣང་བ ་ལྡང་གྱུར་པ།། གཉིད་ལོག་སད་དང་བརྒྱ་ལ་སངས་ལྟར།། ཉི་མའི་དཀྱིལ་འཁོར་ཤར་གྱུར་བ།། འོད་ཀྱི་ནུས་པས་ཀུན་གསལ་བྱེད།། སེམས་ནི་རང་བཞིན་འོད་གསལ་བས།། དཔག་ཚད་བྱེ་བའི་འོད ་ཀྱིས་འགེངས།། འོད་གསལ་ལས་ཀྱི་བག་ཆགས་དབང་།། སྔོན་དུ་གང་མོས་དབང་བསྒྱུར་ནས།། ལས་དབང་མི་གཏང་དྲན་པ་ཡིས།། གཟུངས་ཟག་ཀུན་ཏུ་འབྲལ་མེད་བྱ།། སྡིག་པའི་གཟུངས་དང་ལྡན་པ ་རྣམས།། ངན་སོང་གསུམ་དུ་གནས་པར་འགྱུར།། ཞེ་སྡང་འདོད་ཆགས་གཏི་མུག་དབང་།། དམྱལ་བ་ཡི་དྭགས་དུད་འགྲོས་འབྱུང་།། དགེ་བའི་རྗེས་སུ་འགྲོ་བའི་སེམས།། འདོད་ཆགས་མི་ལ་ཆགས་པ་དང་།། ཞེ ་སྡང་ལྷ་མ་ཡིན་དུ་གནས།། གཏི་མུག་ལྷ་ཡི་ལོངས་སྤྱོད་ལྡན།། དེ་དག་སྒོ་ལྔའི་བག་ཆགས་དབང་།། འདོད་པ་ཅན་དུ་འགྲོ་བའོ།། ཡིད་དབང་བཙན་ས་གཟུགས་ཀྱི་ཁམས།། འོད་གསལ་ལྷ་ཡི་ལུས་དང་ལྡན།། ཀུན ་གཞིར་འཛིན་པ་གཟུགས་མེད་པ།། ཡི་གཟུགས་བྱེ་བྲག་བཞི་དང་ལྡན།། འབྲས་བུ་ར་བས་ཟིན་པ་ཡང་།། སེམས་ཉིད་རང་བཞིན་འོད་གསལ་བས།། ཡུལ་དུ་སྣང་བ་བེམ་སྟོང་དུ།། སེམས་སུ་སྣང་བ་རིག་པ ་སྟོང་།། སྟོང་ཉིད་རིག་པའི་ངོ་བོ་ཅན།། སྟོང་ཉིད་ཆེན་པོའི་ཆོས་སྐུར་བཞུགས།། རང་བཞིན་མ་བསྒྲིབས་འོད་གསལ་བ།། གཟུགས་སྐུ་སྒྱུ་ལུས་རྣམ་པར་སྣང་།། སྟོང་ཉིད་སྙིང་རྗེའི་བདག་ཉིད་ཅན།། གཏི་མུག་མི ་རྟོག་ཆོས་ཀྱི་སྐུ།། རྟོག་པའི་སྤྲོས་པ་ཉེ་བར་ཞི།། ཞེ་སྡང་གསལ་བ་ལོངས་སྤྱོད་རྫོགས།། མུན་པ་བྲལ་བའི་ཉི་མ་ཤར།། འདོད་ཆགས་སྙིང་རྗེའི་ཡུལ་དུ་སྣང་།། ཁམས་གསུམ་འཁོར་བའི་སེམས་ཅན་འདྲེན།། སེམས ་རང་བཞིན་གྱིས་འོད་གསལ་བའི་ཏིང་ངེ་འཛིན།། ཞེས་གསུངས་སོ།། དཔལ་པདྨ་དབང་ཆེན་རྡོག་མ་ལེ་བརྒན་བདེ་གཤེགས་སྤྱི་དྲིལ་གྱི་རྒྱུད་ལས། སེམས་རང་བཞིན་གྱིས་འོད་གསལ་བའི་ལེའུ་སྟེ་གཉིས ་པའོ།། །། དེ་ནས་དབང་ཆེན་པདྨའི་རྒྱལ་པོས་གསུངས་པ། རྩ་བ་སྐུ་གསུང་ཐུགས་རྣམས་དང་།། སྤྱད་པ་དང་བླང་མི་སྤང་ཤེས།། བསྒྲུབ་པར་བྱ་བ་ལྔ་ལྔ་པའོ།། བསྲུང་དང་ཉམས་སྐོང་སྐྱོན་ཡོན ་རྣམས།། དངོས་གྲུབ་ལོ་ཏོག་སྨིན་པའི་ས།། ཐམས་ཅད་ཀུན་གྱིས་བསྲུང་བར་བྱ།། ཡི་དམ་ལྷ་ནི་སྤང་མི་བྱ།། རང་སེམས་སྤང་དུ་ག་ལ་བཏུབ།། བླ་མ་རང་གི་སྤྲོ་བོར་འཁུར།། རྒྱུད་ལུང་མན་ངག་སྟེར་བར ་འགྱུར།། རྡོ་རྗེ་མིང་སྲིད་ཆོས་ཀྱི་སྤྱན།། འདི་དང་ཕྱི་མར་མི་འབྲལ་འགྲོགས།། མ་ནོར་རྩ་བ་རྒྱུ་ཡི་སྔགས།། སྐྱེ་བར་བྱེད་པ་རྐྱེན་གྱི་སྔགས།། སྐུལ་བར་བྱེད་པ་ལས་ཀྱི་སྔགས།། ཞག་དང་ཟླ་བ་ལོ་རྒྱུན་བྱ།། ཡབ་ཀྱི ་སྐུ་ནི་ཕྱག་རྒྱ་ཆེ།། ཡུམ་དང་མི་འབྲལ་དམ་ཚིག་རྒྱ།། འཕྲོ་འདུ་ལས་ཀྱི་ཕྱག་རྒྱ་ལ།། ཆོས་ཉིད་ཞི་བ་ཆོས་ཀྱི་རྒྱ།། སྲོག་ཆགས་བསད་ནས་ཞིང་བཅུ་བསྒྲལ།། གཟུངས་མ་སྦྱར་ནས་གསང་དབང་བསྐུར།། མ་བྱིན་པ ་བླངས་དངོས་གྲུབ་བསྒྲུབ།། ཚིག་བཙུན་སྔགས་བཟླས་བགེགས་དཔུང་གཞོམ།། རྒྱུན་དུ་སྨྲས་ནས་སྣོད་ངན་གསང་།། འདི་ལྔ་རྣལ་འབྱོར་པས་སྤྱད་དང་།། སྣོད་ངན་ཀུན་ལ་གསང་བའི་ཕྱིར། ལུས་ཀྱི ་བརྡའ་ཡིས་དངོས་པོས་མཚོན།། ངག་གིས་བརྡའ་ཡིས་སྨྲ་བ་དང་།། ཡིད་ཀྱི་བརྡའ་ཡིས་མཚོན་པ་ནི།། བསྒྲུབ་པ་ཐམས་ཅད་མཚོན་པར་བྱ།། དྲི་ཆེན་བཟའ་དང་དྲི་ཆུ་བཏུང་།། བྱང་སེམས་ཤ་ཆེན་རཀྟ་བཟའ།། མི ་རྟ་བ་གླང་བྱ་ཁྱིའི་ཤ། ཟས་མཆོག་བདུད་རྩིའི་གཏོར་མ་ཡང་།། རཀྟ་འཐུང་ཞིང་ཟ་བའོ།། གཏི་མུག་ཆོས་དབྱིངས་ཡེ་ཤེས་ནི།། མི་རྟོག་བྱོལ་སོང་ཀུན་གྱིས་རྟོགས།། ཞེ་སྡང་མེ་ལོང་ཡེ་ཤེས་ནི།། གསལ་བས་ཚ་གྲང ་དམྱལ་བར་སྦྱོང་།། འདོད་ཆགས་སོར་རྟོག་ཡེ་ཤེས་ནི།། དེ་བས་མི་དང་ཡི་དྭགས་སྤྱོད།། ང་རྒྱལ་མཉམ་ཉིད་ཡེ་ཤེས་ནི།། སྲན་ཚུགས་ལྷ་རྣམས་རྒྱུད་ལ་ལྡན།། ཕྲག་དོག་བྱ་གྲུབ་ཡེ་ཤེས་ནི།། ལྷ་ངན་སེལ་བྱེད་ལྷ་མ ་ཡིན།། འདི་དག་ཡེ་ཤེས་རྣམ་པ་ལྔ།། མི་སྤང་རྣལ་འབྱོར་སེམས་དང་བསྲེ།། ཕུང་པོ་རིགས་ལྔ་འབྱུང་ལྔ་ཡུམ།། རྣམ་ཤེས་དེ་ཡུལ་དབང་པོ་དུས།། ཡིད་ཆོས་ཉོན་མོངས་རིགས་སོགས་རྣམས།། ཐམས་ཅད་མ་ལུས ་རིགས་ལྔར་འདུས།། ཀུན་འདུས་བདེ་གཤེགས་སྤྱི་དྲིལ་ནས།། དབང་ཆེན་པདྨ་ཧེ་རུ་ཀ། རླུང་དང་སེམས་སུ་འདྲེས་པས་ན།། རླུང་གི་འཕྲོ་འདུ་མ་ལུས་པ།། དབང་ཆེན་ཕོ་ཉས་འགུགས་དང་འདྲེན།། ཕྱོགས་བཅུར ་བཞུགས་པའི་སངས་རྒྱས་དང་།། དུས་བཞིར་གཤེགས་པའི་རྒྱལ་བ་རྣམས།། ཀུན་ཀྱང་རིགས་ལྔ་པདྨའི་སྐུ།། རིགས་ཀྱི་སངས་རྒྱས་བསྒྲུབ་པར་བྱ།། ལུས་ཀྱི་བྱ་བ་མ་ལུས་དང་།། ངག་གི་སྒྲ་བརྗོད་ཐམས་ཅད ་དང་།། སེམས་ཀྱི་བསམ་པ་མང་པོ་རྣམས།། དོན་དུ་གཉེར་ནས་བསྲུང་བར་བྱའོ།། རྩ་བ་ཡན་ལག་ཐམས་ཅད་ཀུན།། ཉམས་པར་གྱུར་ན་གང་ཉམས་པ།། གཏོར་མ་ཚོགས་འཁོར་ལྷག་མ་དང་།། སྦྱིན་སྲེག་དག ་གིས་བསྐང་བར་བྱ།། མ་བསྐངས་རྡོ་རྗེ་དམྱལ་བར་འགྲོ།། ངན་སོང་སྡུག་བསྔལ་བཟོད་པར་དཀའ།། མ་ཉམས་བསྲུང་བར་གང་བྱེད་པ།། བདེ་སྦྱིན་ཡོན་ཏན་བསམ་མི་ཁྱབ།། ཅེས་གསུངས་སོ།། པདྨ་དབང་ཆེན ་བདེ་གཤེགས་སྤྱི་དྲིལ་རྡོག་མ་ལེ་བརྒན་གྱི་རྒྱུད་ལས། གཞི་འཛིན་གྱི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་པདྨ་དབང་ཆེན་གྱིས།། རྒྱུད་ལྔ་ལམ་དུ་ཀློང་ལ་འདི་གསུངས་སོ།། ང་ནི་གཏི་མུག ་གཉིད་ལ་དགའ།། རྨི་ལམ་ལམ་དུ་ཀློང་བར་བྱེད།། ང་ནི་ཞེ་སྡང་ལམ་ལ་དགའ།། ཞིང་བཅུ་བསྒྲལ་ནས་སྒྲོལ་བར་བྱེད།། ང་ནི་ང་རྒྱལ་རི་བོ་ཆེ།། ལྟ་བ་མཐོ་ལ་ཏིང་འཛིན་གསལ།། ང་ནི་འདོད་ཆགས་ཆོས་ལ ་དགའ།། ཡུམ་ལ་སྦྱོར་ཞིང་གསང་དབང་བསྐུར།། ང་ནི་ཀུན་ལ་ཕྲག་དོག་པས།། ལྟ་ངན་ཐམས་ཅད་མི་ཤོང་ངོ་།། གཞི་དང་རྒྱུ་དང་ལམ་དང་ནི།། འབྲས་བུ་ཉིད་ནི་ཁྱེད་ལ་བཤད།། གཏི་མུག་གཏི་མུག་ཅེས་བྱ ་བ།། མ་རིག་མ་ཤེས་མ་གོའོ།། ཀུན་ནས་སྣང་བ་སྣང་བ་ཡང་།། མི་རྟོག་དོན་ལ་གནས་པར་བྱ།། གཉིད་དང་འདྲ་བའི་མི་རྟོག་མེད།། ཁམས་གསུམ་འཁོར་བའི་སེམས་ཅན་རྣམས།། མི་རྟོག་འདོད་ན ་གཉིད་འདི་ལོག། རྟོག་མི་མཉམ་ཉིད་སྒྱུ་མ་ལྟོས།། དགུག་དང་ལོག་དང་བྱང་བ་དང་།། འབྱོངས་ན་ཆོས་རྣམས་རྨི་ལམ་ཉིད།། མ་རིག་མུན་པ་ཤ་ཆང་དྲོད།། ངལ་དུབ་དྲག་པོས་འབྱུང་བཞི་འདུས།། དཔྲལ་བར་པདྨ ་འདབ་བཞི་ལ།། གཉིད་འགུགས་སྔགས་ཀྱིས་འགུགས་པར་བྱེད།། ཨོཾ་ཨཱ་ནུ་དྷ་ར་ཧཱུཾ་ཕཊ་སྭཱ་ཧ། གཉིད་དུ་སོང་བ་ཤི་དང་མཚུངས།། རྨི་ལམ་སྲིད་པར་བར་མ་དོ།། གཉིད་སད་སྐྱེ་བ་ལྷ་ཡི་སྐུ།། རྣལ་འབྱོར་ཅན་གྱིས ་བསྒོམ་པར་བྱ།། སེམས་ནི་གཉིད་ལ་ཟིན་གྱུར་ན།། བྲག་ལ་འཛེགས་དང་གཡང་ལ་སྒྱུར།། ཆུ་ལ་མཆོངས་དང་རྦབ་ལ་འགྲིལ།། རྣལ་འབྱོར་རིག་པའི་རྩལ་བྱང་སྟེ།། ཆོས་རྣམས་རྨི་ལམ་ལྟ་བུ་ལ།། རྨི་ལམ་གཉིད་ཀྱི ་བསམ་གཏན་ཡིན།། ཆོས་རྣམས་ཉམས་སུ་མྱང་བར་བྱ།། འབྱོངས་ན་ལྕེབས་ཀྱང་འཆི་བ་མེད།། མཚོན་ཟུག་དུག་འཐུང་གཡུལ་འགྱེད་པ།། ཐམས་ཅད་རང་གི་སེམས་ལ་སྦྱངས།། མ་འབྱོངས་པར་དུ་སྦྱང་བར ་བྱ།། ཡེ་ནས་འཁོར་འདས་ཆོས་རྣམས་ཀུན།། རྨི་ལམ་ཡིན་པར་ཤེས་གྱུར་ན།། རྣལ་འབྱོར་གཏི་མུག་འབྱོངས་པ་ཡིན།། དེ་ཕྱིར་རྨི་ལམ་གཉིད་དུ་ཤེས།། སེམས་ཅན་བདེ་བ་ཐུན་གཅིག་ན།། ཀུན་གཞིའི་ནང་དུ ་ཡིད་ཐིམ་པ།། ཆོས་ཀྱི་སྐུ་ལ་གནས་པར་བྱ།། ཡིད་ཀྱི་རྒྱུ་བ་མང་པོ་ཀུན།། གཟུགས་ཀྱི་སྐུ་རུ་ལྡང་བར་འགྱུར།། གཟུགས་སུ་ཆོས་སྒྲ་དབྱེར་མེད་པ།། ངོ་བོ་ཉིད་སྐུར་རབ་ཏུ་གནས།། སྐྱེས་བུ་གཉིད་ལོག་སངས་རྒྱས ་སོ།། སྐྱེས་བུ་གཉིད་ལོག་པས་རྨི་ལམ་གྱི་སངས་རྒྱས་པ་ཞེས་བྱ་བའི་ཏིང་ངེ་འཛིན་ཏོ།། ཞེ་སྡང་གཞི་རྒྱུ་ལམ་འབྲས་ཅན།། སྐྱོན་དང་ཡོན་ཏན་ཁྱེད་ལ་བཤད།། འཁོར་འདས་ཆོས་རྣམས་མ་ལུས་པ།། ཡེ་ནས་འོད ་གསལ་མ་བཅོས་པ།། སེམས་ཉིད་རང་བཞིན་འོད་གསལ་བས།། ཞེ་སྡང་ནམ་མཁའི་སྤྲིན་ལྟར་དེངས།། དེ་ཉིད་རྣལ་འབྱོར་ལྷ་ཡིན་པས།། ལྷ་འདི་མེད་ན་སངས་རྒྱས་མེད།། ཞེ་སྡང་མེད་པའི་སྔོན་རོལ་ན།། སངས ་རྒྱས་སེམས་ཅན་ག་ལ་ཡོད།། ཡིད་ཀྱི་རྣམ་ཤེས་ཀུན་ཁྱབ་པོ།། རང་བྱུང་ཡེ་ཤེས་རྒྱུ་གཅིག་པ།། འཁོར་འདས་བྱེད་པའི་མཁན་པོ་ཁྱོད།། རྩད་བཅད་ཁུངས་ནི་ཁྱོད་ཉིད་ཡིན།། ཀུན་བཟང་ཁྱོད་ལས་ཐམས་ཅད ་བྱུང་།། ཁྱོད་ཀྱིས་ཁྱོད་ཉིད་ཤེས་པར་གྱིས།། འགུགས་དང་སྦྱངས་དང་སྒོ་བཀག་ནས།། འཁོར་བ་མྱ་ངན་འདས་པར་སྦྱངས།། དཀོན་མཆོག་གསུམ་གྱི་སྤྱི་དགྲ་དང་།། རྡོ་རྗེ་སློབ་དཔོན་སྐུ་དགྲ་དང་།། མཆེད་དང ་ལྕམ་དྲལ་སྒོས་དགྲ་དང་།། དམ་མེད་དམ་ལོག་འདུས་པར་ཡོང་།། དམ་དགྲ་ངན་པའི་ངང་ཚུལ་ཅན།། ཡོངས་ལ་གནོད་དང་ངན་སོང་ཆུད།། གསང་བའི་དཀྱིལ་འཁོར་ཆེན་པོར་དགུག། བྲོད་བསྐྱེད་སྦྱང་བར་བྱ ་བའོ།། བསྒྲལ་བར་བྱ་བའི་སྤྱི་མགྲིན་སྙིང་།། སྟེ་བ་གསང་བ་རྐང་པའི་མཐིལ།། ཨ་ནརྀ་སུ་ཏྲི་པྲེ་དུ་དང་།། ཨོཾ་དང་ཨཱཿཧཱུཾ་སྭཱ་ཧཱ་ལམ།། འོད་འཕྲོས་རིགས་དྲུག་གནས་སྟོངས་ནས།། ཕྱོགས་བཅུ་དུས ་གསུམ་རྒྱལ་བ་མཉེས།། མ་དང་མཁའ་འགྲོའི་ཐུགས་དམ་བསྐང་།། གསུང་དང་ཐུགས་དང་སྐུ་རུ་འགྱུར།། རིགས་ལྔ་རྒྱལ་བའི་སྐུ་ལ་ཐིམ།། སྲིད་པ་གསུམ་གྱིས་དཔྱས་ཕྱུང་ནས།། ངན་སོང་གསུམ་གྱི་སྒོ་ཡང ་བཀག། འཁོར་བའི་རྒྱ་མཚོ་སྐྱ་ལིང་བཏབ།། ཕུང་པོ་མཆོད་ཡུལ་བསོད་ནམས་ཚོགས།། དམ་བསྐངས་ལྷ་མཉེས་ཡེ་ཤེས་ཚོགས།། ཆོས་སྐུ་དྲི་མ་མེད་པ་དང་།། གཟུགས་སྐུ་ལོངས་སྤྱད་རྫོགས་སྦྲུལ་དང་།། ཟབ་དང ་རྒྱ་ཆེའི་སྐུ་གཉིས་སོ།། ཐོས་འགྱུར་ངོ་མཚར་རྨད་ཀྱི་ཆོས།། མ་བསྐུལ་ལོག་པའི་བསྟན་པར་གྲགས།། སངས་རྒྱས་ཆོས་རྣམས་ནུབ་འགྱུར་པས།། སྐུ་གསུམ་འགྲོ་བའི་ལམ་དང་བྲལ།། འཁོར་བའི་གནས་སུ་ཟག་པར ་འགྱུར།། བྱང་ཆུབ་སེམས་དཔའི་སྤྱོད་པ་འཕེལ།། ངན་སོང་གནས་ངན་ལེན་པ་སྟོངས།། གསང་སྔགས་རྨད་བྱུང་ཆེ་བ་རྫོགས།། ཐེག་ཆེན་ཟབ་མོའི་ལྟ་བ་རྟོགས།། རྨད་བྱུང་སྤྱོད་པ་ཁྱད་པར་འཕགས།། ཐེག་པ་ཀུན ་ནས་རབ་གསུངས་པའི།། མཚམས་མེད་ལས་ངན་བྱེད་པ་རྣམས།། མནར་མེད་དམྱལ་བར་སྐྱེ་བ་རྣམས།། གསང་སྔགས་གསང་བའི་ཐེག་པ་ལ།། རྩ་བ་ཡན་ལག་ཉམས་པ་རྣམས།། རྡོ་རྗེ་དམྱལ་བར་སྐྱེ་འགྱུར ་བས།། ལས་ངན་རྒྱུན་ལམ་བཅད་ནས་ནི།། ལས་ངན་ངན་སོང་གསུམ་ལས་སྒྲོལ།། རང་གིས་མ་བསགས་ཚོགས་གཉིས་རྫོགས།། སྐུ་གསུམ་འབྲས་བུར་རྫོགས་འགྱུར་བས།། ཁྱེད་ཀྱིས་ཞེ་སྡང་ཅན་རྣམས ་སྒྲོལ།། དེའི་ཕྱིར་ན་རྒྱུ་རང་གྲོལ་གྱི་གསང་སྔགས་འདི་གསུངས་སོ།། ཉུང་དཀར་ལན་ཚྭ་བྱི་བྲུན་བསྲེས།། སྔགས་ནི་ལན་དགུ་བཟླས་ལ་གདབ། པྲ་དུ་སད། ན་ར་སད། ཙིཏྟ་ན་ལེ་སད། དུ་ཤ་སད། པྲེ་དུར ་སད། ཐིབས་མུག་སད། བྱ་ལ་བྱེད་ན་སྤུ་ན་ཕཊ། ར་ལུག་ལ་ནི་ཉུང་དཀར་དང་།། བྱང་བ་དང་ནི་ཆང་ཕུད་དོ།། དགྲ་ལ་བྱེད་ན་གཟུགས་ལའོ།། གནས་ངན་འཁོར་བ་ནས་མྱ་ངན་འདས་པར་སྒྲོལ་བ་ཞེས་བྱ་བའི་ཏིང ་ངེ་འཛིན་ཏོ།། ང་རྒྱལ་གཞི་རྒྱུ་ལས་འབྲས་ཅན།། སྐྱོན་དང་ཡོན་ཏན་ཉིད་ཀྱི་རྫོགས།། མངོན་པར་མཐོ་བས་ལྟ་བ་རྟོགས།། ང་རྒྱལ་ཆེན་པོ་བདུན་དང་ལྡན།། རང་ཉིད་ཆེ་བས་རྣམ་པར་བསྒྱིངས།། ཕ་རོལ་ཟིལ ་གཞོན་ཏིང་འཛིན་གསལ།། སེམས་ཉིད་ཡེ་ཤེས་འོད་གསལ་བས།། མ་རིག་མུན་པ་ལ་བསྒྲིབ་ཏུ་མེད།། ཆོས་རྣམས་སེམས་ཀྱི་ཆོ་འཕྲུལ་པས།། སེམས་ལས་ལོག་ན་བསྒོམ་དུ་མེད།། རབ་ནི་ལྟ་བ་ལམ་དུ ་ཁྱེར།། འབྲིང་དང་ཐ་མས་བསྒོམ་པར་བྱ།། གཟུང་འཛིན་གཉིས་སུ་རང་དག་ལྟ།། རྟག་ཏུ་འཁོར་བའི་རྒྱ་མཚོ་ཟད།། རང་སེམས་རྟག་པར་ཐེར་ཐུག་པས།། ཕྱ་ཡིས་དེ་ཡི་བྱེད་པ་བྱས།། ལས་དང་རྒྱུ་འབྲས་མེད་པར ་འདོད།། ཆད་པར་བལྟ་བས་ལོག་པའི་ལམ།། ཆོས་དང་གང་ཟག་བདག་འཛིན་ན།། མོས་པ་ཆུང་བའི་ཉན་ཐོས་ཡིན།། ཆོས་ཁམས་ཕྱོགས་གཅིག་བདག་མེད་ན།། དམིགས་པ་ཕྲ་བའི་རང་སངས ་རྒྱས།། འཁོར་འདས་རང་སེམས་ཙམ་དུ་འདོད།། ཀུན་རྫོབ་དོན་དམ་གཉིས་སུ་འབྱེད།། ཐེག་ཆེན་སེམས་ཙམ་དབུ་མ་པས།། ཐེག་ཆེན་རང་གི་གཞུང་རྣམས་བསྒྲུབ།། ཡེ་ཤེས་མུ་བཞི་བྲལ་བ་དང་།། སྣང་བ་སྐུ་ལ ་གྲག་པ་གསུང་།། དྲན་རྟོག་ཐུགས་ཀྱི་ལྟ་བ་ནི།། རིགས་གསུམ་ཀུན་འདུས་ཀྲི་ཡ་བ།། མར་བཞིན་སྤྱོད་པ་ཡར་བཞིན་བལྟ།། རིགས་བཞི་འབྱིན་པ་ཨུ་པ་ཡ།། རྣམ་པར་སྣང་མཛད་ཆེན་པོ་ལ།། སྐུ་གསུམ་རྫོགས་པ ་ཡོ་ག་བ།། ཕུང་པོ་ཁམས་དང་སྐྱེ་མཆེད་རྣམས།། ཐབས་དང་ཤེས་རབ་མ་ཧཱ་པ།། རང་སེམས་ཡིད་གཟུགས་ཆོས་ལ་འཇུག། གཉིས་སྦྱར་བདེ་སྲས་ཨ་ནུ་བ།། སྣང་བ་ཆོས་སྐུ་ཆེན་པོ་ལ།། བཅོས་བསླད་བྲལ་བ་ཨ་ཏི ་པ།། བསམ་བརྗོད་མཐའ་བྲལ་ཡེ་ཤེས་འཁྱིལ།། དབྱིངས་དང་ཡེ་ཤེས་འདུ་འབྲས་མེད།། ཇི་ལྟར་སྣང་བ་བདེ་ཆེན་སྲས།། འཁོར་བ་ཉིད་ནི་མྱ་ངན་འདས།། ཀུན་གཞི་སེམས་ཀྱི་མེ་ལོང་ཉིད།། ཡེ་ནས་ཞི་གནས་ཆེན ་པོར་གནས།། ཡིད་ཀྱི་དྲན་རྟོག་མང་པོ་རྣམས།། ལྷག་མཐོང་ཆེན་པོར་རང་གསལ་བས།། ཞི་གནས་ལྷག་མཐོང་གཉིས་སུ་མེད།། ཡེ་ཤེས་བུམ་ནང་མར་མེ་གསལ།། རྣམ་རྟོག་རླུང་གི་ས་ག་ལ་བསྐྱོད།། མ་བཅོས ་གཉུག་མ་རང་སོར་ཞོག། གང་གི་རྣམ་རྟོག་མཚན་མ་ཅན།། སྣང་སྲིད་སྣོད་བཅུད་ལྷ་རུ་གསལ།། དངོས་པོར་སྣང་བ་གཟུགས་ཀྱི་སྐུ།། སྟོང་གསལ་ཆོས་སྐུ་དྲི་མ་མེད།། སྣང་སྲིད་གཉིས་མེད་ངོ་བོ་ཉིད།། ལྷ་སྒོམ་སྐུ ་བཞི་རྫོགས་སངས་རྒྱས།། ལྷ་སྒོམ་དོན་དུ་མི་གཉེར་བ།། འཁོར་བར་འཁྱམས་པར་བྱེད་པ་ཡིན།། ཕྱི་ཡི་ཡུལ་ལ་བལྟ་བ་དང་།། ནང་གི་སེམས་ལ་བསྒོམ་པ་ནི།། སྐུ་བཞི་འདུ་འབྲལ་མེད་པ་ཡི།། ཨོཾ་ཧྲཱི་ས་ཏི་ས་མ་ཏི ་བྷ་ལ་ཨཽ། ང་རྒྱལ་ལམ་དུ་བྱེད་པ་ཞེས་བྱ་བའི་ཏིང་འཛིན་ཏེ།། འདོད་ཆགས་གཞི་རྒྱུ་ད་ལམ་འབྲས་དང་།། སྐྱོན་དང་ཡོན་ཏན་ལྡན་པ་ཡིས།། གང་གི་འདོད་ཆགས་སྤོང་བྱེད་པ།། དེ་ལ་ལུས་ཀྱི་བདེ་བ་མེད།། བདེ་བ ་ཆེན་པོ་འདོད་པ་ཡིས།། དེ་རྒྱུ་འདོད་ཆགས་ཡིན་ཤེས་བྱ།། བུད་མེད་ལ་བརྟེན་བདེ་ཆེན་པོ།། སེམས་ཅན་ཀུན་རྣམས་སྤྱོད་གྱུར་པ།། ཐ་མལ་ཞེན་པ་སྤང་བ་ཡིས།། བདེ་ཆེན་གར་གྱིས་རོལ་པས་བྱ།། བརྟགས་ཤིང ་བྱིན་བརླབས་བསྙེན་བསྒྲུབ་བཞིས།། བདེ་རྟོགས་ཉམས་སུ་བླང་བར་བྱ།། རྒྱལ་མོ་མ་དང་སྲིད་མོ་བུ།། ཚ་མོ་སྲུ་མོ་བྲན་གཡོག་མོ།། ཆེ་བའི་བག་དང་ལྡན་གྱུར་ཞིང་།། བཀུར་པོར་ལྕི་བས་རྒྱལ་མོ་འདྲ།། རང་ཉིད ་རྒྱལ་པོའི་ཚུལ་བཞིན་སྦྱར།། དབང་འཕྲོག་མ་དང་འདྲ་བ་ལ།། ལུས་བསྐྱེད་དེ་ལ་ཕ་ལྟར་སྦྱར། བརྩེ་བའི་སེམས་ལྡན་སྲིད་མོ་ལ།། རང་ཉིད་མིང་པོ་ལྟ་བར་བྱར།། ལུས་ཀྱི་དུམ་བུ་ལས་ཆད་པའི།། བུ་མོ་ལྟ་བུ་ལ ་ཡང་སྦྱར།། བརྒྱུད་པའི་རྩ་བ་དང་ལྡན་པའི།། ཚ་མོ་ལ་ནི་ཞང་ལྟར་སྦྱར།། ཉེ་བའི་ཡུལ་དང་འབྲེལ་བ་ཡོད།། སྲུ་མོ་ལ་ནི་སྦྱར་བར་བྱ།། མངག་པའི་ལས་རྣམས་བྱེད་པ་པ་ཡི།། བྲན་མོ་ལ་ཡང་སྦྱར ་བར་བྱ།། བྱ་བའི་ལས་རྣམས་བྱེད་གྱུར་པ།། གཡོག་མོ་དག་ལ་སྦྱར་བ་རྣམས།། ཐམས་ཅད་ཆུང་མར་ཤེས་པར་བྱ།། སྤྱི་བོར་ཨཱིཾ་ལ་མགྲིན་པར་ཨཱཿ།། སྙིང་གར་ཧཱུཾ་སྟེ་ལྟེ་བར་སྭཱ།། གསང་བར་ཧ་ཡི་འཕྲོ་འདུ ་ལས།། ཕྱོགས་བཅུ་དུས་བཞིའི་སངས་རྒྱས་ཀྱིས།། རིགས་ཀྱི་ཡུམ་རྣམས་སྤྱན་དྲང་བསྟིམ།། སངས་རྒྱས་ཡུམ་དུ་བསྒོམ་པར་བྱ།། བདག་ཉིད་དབང་ཆེན་ཕྱག་རྒྱ་ཆེ།། ཧཱུཾ་དང་ཨ་ལས་བྱུང་བ་ཡིས།། རྡོ་རྗེ་པདྨ་བསྒོམ ་པར་བྱ།། ཡུམ་གྱི་དྲི་སྒྲ་བརྟག་བྱ་ཞིང་།། ཙཎྜ་ལཱིའི་སྦྱོར་བ་ཡིས།། བདེ་བ་དབབ་ཅིང་གཟུང་བར་བྱ།། བསྟེན་པ་བྱ་བའི་རིམ་པའོ།། ཆགས་པའི་བརྡ་ཡིས་བསྐུལ་བྱས་ནས།། ཟངས་ཀྱི་མདོག་གིས་གཟུང་བར ་བྱ།། དུང་གི་ཕུར་པ་འདེབས་པ་ཡིས།། མཆོག་བདེ་དབབ་ཅིང་གཟུང་བར་བྱ།། ཉེ་བའི་བསྙེན་པ་བྱ་བའོ།། པདྨ་བྷན་དྷ་ཐོད་པའི་ནད།། རྡོ་རྗེ་ཆེན་པོ་རབ་བཅུ་གནས།། བདེ་བྲལ་བདེ་བ་གཟུང་བར་བྱ།། བསྒྲུབ་པ ་བྱ་བའི་རིམ་པའོ།། རྡོ་རྗེ་ཐོད་སྦྱོར་མན་ངག་གཉིས།། རྡོ་རྗེ་དུང་ཁྲག་དཀྲུག་པར་བྱ།། ལྷན་ཅིག་སྐྱེས་པའི་ཡེ་ཤེས་ལ།། ཡིད་ནི་བརྟན་པར་ནང་དུ་བཟུང་།། རང་རྫས་ཐིག་ལེ་མཁར་ཕེབས་ནས།། སངས་རྒྱས་བྱང ་ཆུབ་སེམས་དཔའ་མཆོད།། དྷཱུ་པ་ཛཿ། པྲནྡེ་ཧཱུཾ། དྭེ་བ་བཾ། གྷརྠེ་ཧོ། ལཱ་སྱེ་ཧཱུཾ། མཱ་མེ་ཏཱཾ། གི་ར་ཏི་ཧྲཱིཿ། ནི་ར་ཏི་ཨ། པཱུ་ཛ་ཡ་པཱ་ཛ་མེ་གྷ་ས་མུ་ད་སྥ་ར་ཎ་ས་མ་ཡེ་སྭཱ་ཧཱ། རང་དང་སློབ་མའི་ལྕེ་ཡི་ནི།། ཐིག་ལེ་དཀར ་དམར་བཟའ་བར་བྱ།། དངོས་གྲུབ་ཡུམ་གྱི་མཁའ་ནས་བླང་།། བྱང་སེམས་ཐིག་ལེ་གསང་དབང་བསྐུར།། བསྒྲུབ་པ་ཆེན་པོའི་རིམ་པའོ།། བདེ་བ་མཆོག་བདེ་བདེ་བྲལ་ཆེ།། ལྷན་ཅིག་སྐྱེས་དགའ་ཉམས་སུ ་བླངས།། ཟུང་འཇུག་སྐུ་ནི་ཐོབ་གྱུར་པ།། ཡབ་ཡུམ་འདུ་འབྲལ་མེད་པར་གནས།། འདོད་ཆགས་བདེ་བ་སྤང་བ་ནི།། ཟུང་འཇུག་སྐུ་ཡང་སྤང་བ་ཡིན།། འདོད་ཆགས་ཡེ་ཤེས་ཆེན་པོ་འཐོབ།། ཐབས་ལམ་ཡོན་ཏན ་ལྡན་པ་ཡིས།། རིག་འཛིན་དངོས་གྲུབ་འཐོབ་པ་ནི།། ཚེ་འདི་ཉི་ཟླ་དག་དང་མཉམ།། མཁའ་སྤྱོད་གནས་སུ་གཤེགས་གྱུར་པ།། མཁའ་འགྲོའི་གཙོ་མཆོག་ཧེ་རུ་ཀུ།། རྗེ་བཙུན་དབང་ཕྱུག་ཆེན་པོ་འགྱུར།། འདོད ་ཆགས་ཀྱི་ལམ་ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ཏོ། ཕྲག་དོག་བཞི་དང་རྒྱུ་ལམ་འབྲས།། སྐྱོན་དང་ཡོན་ཏན་རྣམས་ཀྱིས་བཤད།། རང་ཉིད་ཞེན་པ་ངན་པ་ཉིད།། གཞན་རྣམས་ཤོང་བར་མ་གྱུར ་པ།། གཞན་སྨོད་རང་གི་ཆེ་བ་ནི།། ཕྲག་དོག་འབྱུང་བའི་གཞི་ཡིན་ནོ།། རང་སེམས་ཀུན་ནས་མི་ཤོར་བས།། སེམས་ལས་ཕྲག་དོག་འབྱུང་བའི་རྒྱུ།། ཤན་འབྱེད་པ་དང་ལ་བཟླ་བས།། ལྟ་ངན་ཐམས་ཅད་སྤང་བར ་བྱ།། ཡིད་ནི་སོ་སོར་རྟོག་པ་ཡིས།། ཤེས་རབ་ཀྱིས་ནི་ཆོས་རྣམས་ཀུན།། མ་འདྲེས་སོ་སོར་ཤན་ཡང་འབྱེད།། འཁོར་བ་ཕྱལ་བ་རྒྱང་འཕེན་གཉིས།། མུ་སྟེགས་རྟག་པ་ཆད་པ་གཉིས།། ཉན་ཐོས ་བདེན་པ་རྣམ་པ་བཞི།། རང་རྒྱལ་རྟེན་འབྲེལ་བཅུ་གཉིས་དང་།། དབུ་མ་ཀུན་རྫོབ་དོན་དམ་དང་།། ཀྲི་ཡ་ལྷ་རིགས་གསུམ་གསུམ་དང་།། ཨུ་བ་ཡ་ནི་རིགས་བཞི་དང་།། ཡོ་ག་དེ་ཁོ་ན་ཉིད་བཞི།། མ་ཧཱ་བཞི་དང་ཁྲོ ་བོཔོ་དང་།། ཨ་ནུ་ཡབ་ཡུམ་བདེ་ཆེན་སྲས།། རྫོགས་ཆེན་ཐིག་ལེ་ཉག་གཅིག་རྣམས།། མ་འདྲེས་གཞའ་ཚོན་སྐར་ལྟར་གསལ།། ཡོངས་སུ་རྫོགས་པར་ལ་བཟླ་ན།། འཁོར་དང་མྱ་ངན་འདས་པའི་ཆོས།། མ་ལུས་རང ་སེམས་ཉིད་ལ་རྫོགས།། སེམས་ལས་ལོག་ན་ཆོས་མེད་པས།། ཆོས་སྐུ་སྣང་བ་འཁྲུལ་པ་གསུམ།། སེམས་ཉིད་ཡེ་ནས་རྫོགས་སངས་རྒྱས།། རྣལ་འབྱོར་སངས་རྒྱས་ཐོབ་འདོད་ན།། རང་གི་སེམས་ལས་བཙལ་བར ་བྱ།། རང་སེམས་ཉིད་ལས་མ་གཏོགས་པ།། སངས་རྒྱས་གཞན་ནས་ཐོབ་འདོད་ན།། བྱ་ལོང་ནམ་མཁའི་མཐའ་འཚོལ་འདྲ།། དེ་ཕྱིར་རང་སེམས་ཆོས་སྐུར་ལྟོས།། རང་སེམས་ཡེ་ནས་སངས་རྒྱས་པ།། རྒྱས་པར་མ ་ཤེས་མ་རིག་པ།། དམུས་ལོང་ནམ་མཁའ་སྦར་མོས་འཛིན།། ཡེ་ནས་རྫོགས་སངས་རྒྱས་ཤེས་ན།། དྲི་མེད་གསེར་བཟོའི་རྒྱན་དང་མཚུངས།། སྐུ་གསུམ་དབྱེར་མེད་ཐིག་ལེ་གཅིག། བསམ་བརྗོད་བྲལ་བས་ཆོས ་སྐུར་གནས།། འཁོར་འདས་དབྱེར་མེད་དེ་ཁོ་ན།། ཕྲག་དོག་དོན་ནི་མ་རྟོགས་ན།། སོ་སོར་རྟོག་པའི་ཤེས་རབ་ཀྱིས།། ཆོས་རྣམས་མ་འདྲེས་འབྱེད་མི་ཤེས།། མི་དམིགས་པ་ཡི་ཤེས་རབ་ཀྱིས།། ཆོས་རྣམས་ཡོངས ་སུ་རྫོགས་མི་ཤེས།། མ་འདྲེས་ཡོངས་རྫོགས་མ་ཤེས་ནས།། གཉིས་འཛིན་མཐའ་ལས་གྲོལ་མི་འགྱུར།། གཟུང་འཛིན་མདུད་པ་འཁྲོལ་མི་སྲིད།། འཁོར་བའི་ཆུ་བོ་མི་སྒྲོལ་བས།། ཁམས་གསུམ་གྲོང་ཁྱེར་འཁྱམས ་པ་ཡིན།། ཐེག་པ་ཆེ་ཆུང་ཁྱད་པར་དང་།། གཟུང་འཛིན་གཉིས་སྣང་ཐམས་ཅད་དང་།། ལྟ་ངན་གཞན་པ་མ་ལུས་རྣམས།། ཐམས་ཅད་ཤེས་པར་འགྱུར་བའོ།། ཀུན་ལ་ཕྲག་དོག་པའི་ཏིང་ངེ་འཛིན་ཏོ།། དབང་ཆེན ་བདེ་གཤེགས་འདུས་པ་རྡོག་མ་ལེབ་རྒན་གྱི་རྒྱུད་ལས། དུག་ལྔ་ལམ་དུ་སློང་བའི་ལེའུ་སྟེ་བཞི་པའོ།། །། དེ་ནས་བདེ་གཤེགས་རྒྱལ་བ་ཡིས།། འགྲོ་བའི་དོན་དུ་འདི་གསུངས་སོ།། ཀུན་ནས་ཉོན་མོངས ་འཁོར་བའི་ཆོས།། རྣམ་བྱང་མྱ་ངན་འདས་པར་སྣང་།། ཡིད་འཇུག་བསམ་པའི་གཟུགས་ཅན་འདིས།། འཁོར་འདས་བྱ་བ་མ་ལུས་བསྒྲུབ།། ཡིད་ནི་རང་བཞིན་ཇི་ལྟ་བར།། ཤེས་པར་འདོད་ན་རྒྱུད་འདི་ཉོན།། དེ ་སྐད་རྡོ་རྗེ་འཆང་གིས་གསུངས།། རིགས་གཉིས་ལུང་གི་རྒྱུད་པས་ན།། པདྨ་དབང་གི་བཀའ་སྩལ་ཏོ།། རྒྱུད་འདི་ཤེས་པར་འདོད་པ་ཡིས།། ལུས་ངག་ཡིད་གསུམ་བཏུད་དེ་ཉོན།། མོ་ཧ་ཀ་དང་དྭེ་ཥ་ཀ། མཱ་ན་ཀ་དང ་རཱ་ག་ཅན།། མཏྶ་ཏུ་ཨི་རཥྚ་ཀ། ཀུན་ནས་ཉོན་མོངས་འཁོར་བའི་ཆོས།། ཐམས་ཅད་འདི་ལས་བྱུང་བས་ན།། འདི་དོན་ཡིད་ལ་དྲིལ་ཏེ་རྟོག། གཏི་མུག་བྱལ་སོང་རྣམ་མང་པོ།། ཕྱི་ཡི་རྒྱ་མཚོའི་ཁ་ན ་གནས།། ཞེ་སྡང་དམྱལ་ཁམས་བཅོ་བརྒྱད་པོ།། རྡོ་རྗེ་གདན་འོག་ཚ་གྲང་གནས།། ང་རྒྱལ་ལྷ་ཡི་འཇིག་རྟེན་རྣམས།། རི་རབ་ཕྱིར་རྩེ་ནམ་མཁར་གནས།། ཕྲག་དོག་ལྷ་མ་ཡིན་གྱི་གནས།། རི་རབ་ཁོང་སེང་དག་ན ་གནས།། སེར་སྣ་དམྱལ་བ་ཡི་དྭགས་གནས།། གྲོང་ཁྱེར་སེར་སྐྱ་དག་ན་གནས།། གླིང་བཞིའི་མི་རྣམས་འདོད་ཆགས་ཅན།། རབ་འབྲིང་ཐམས་ཅད་དབང་པོ་རྣོ།། གཏི་མུག་རྟག་པ་རྣམ་པར་སྣང་།། སྟུག་པོ་བཀོད ་པར་ས་བཅུར་གནས།། རྡོ་རྗེ་མི་བསྐྱོད་ཞེ་སྡང་ལས།། རྡོ་རྗེ་འཆང་དུ་རྣམ་པར་སྣང་།། ང་རྒྱལ་རིན་ཆེན་འབྱུང་བ་ཉིད།། རྡོ་རྗེ་ཉི་མ་དཀོན་མཆོག་དཔལ།། འདོད་ཆགས་སྣང་བ་མཐའ་ཡས་ཉིད།། ཚེ་དཔག་མེད་པ ་སྣང་བར་མཛད།། ཕྲག་དོག་དོན་ཡོད་གྲུབ་པའི་སྐུ།། གདོན་མི་ཟ་བ་རྟ་མཆོག་ཉིད།། ནང་སེམས་ནམ་མཁའ་ལྟ་བུ་འདི།། གློ་བུར་སྤྲིན་རྣམས་འབྱུང་བ་ཡང་།། བདེ་གཤེགས་སངས་རྒྱས་རྣམ་སྣང་ལས།། སྐུ་ཡི་བདེ ་ཆེན་བྱུང་བར་འགྱུར།། གསུམ་མཆོག་སྣང་མཐའ་ཚེ་དཔག་མེད།། ཚོགས་ཆེན་ཡོངས་འདུས་འབྱུང་བར་འགྱུར།། ཐུགས་མཆོག་མི་བསྐྱོད་རྡོ་རྗེ་འཆང་།། པདྨ་གསང་བར་འབྱུང་བར་འགྱུར།། ཡོན་ཏན་རིན་འབྱུང་ཚེ ་དཔག་མེད།། རིན་ཆེན་རྟ་མཆོག་འབྱུང་བར་འགྱུར།། ཕྲིན་ལས་རྟ་མཆོག་དོན་ཡོན་གྲུབ།། ཕྲིན་ལས་རྟ་མཆོག་འབྱུང་བར་འགྱུར།། སྐུ་དང་གསུང་དང་ཐུགས་ཡོན་ཏན།། བདེ་གཤེགས་འདུས་པའི་རྟ་མཆོག ་འབྱུང་།། མ་ལུས་ལུས་པ་མེད་པ་ཡི།། པདྨ་དབང་ཆེན་མཐའ་ཡས་སྤྲོ།། འཁོར་བར་སྣང་བའི་ཆོས་རྣམས་ཀུན།། མྱ་ངན་འདས་པར་གཏན་ལ་འབེབས།། རྣམ་བྱང་མྱ་ངན་འདས་པར་སྣང་།། ལས་སྒྲིབ་མེད་པར་ཡེ ་སངས་རྒྱས།། འཁོར་བ་དང་མྱ་ངན་ལས་འདས་པར་གཏན་ལ་ཕེབ་པའི་ཏིང་ངེ་འཛིན་ཏོ།། འདི་དག་རང་གི་སེམས་སྣང་བ།། གཏི་མུག་ཅན་ལ་སྣང་བ་ཡང་།། ཀླུ་དང་གཉེན་དང་ས་བདག་ལ།། གཏི་མུག་བློ་ཡི་ངན ་གཏད་དོ།། ཞེ་སྡང་ཅན་ལ་སྣང་བ་ཡང་།། སྲོག་མཐུ་དག་ཏུ་སྣང་བའོ།། འདོད་ཆགས་ཅན་ལ་སྣང་བ་ཡང་།། དབང་དུ་སྡུད་པར་སྣང་བའོ།། ང་རྒྱལ་ཅན་ལ་སྣང་བ་ཡང་།། ཐོག་དང་སོར་བར་སྣང་བའོ།། ཕྲག་དོག ་ཅན་ལ་སྣང་བ་ཡང་།། སྔགས་པ་ནང་འགྲས་ཕྱིར་བཟློག་སྣང་།། ཐུན་མོང་དངོས་གྲུབ་ལས་ཚོགས་རྣམས།། བསྐྱེད་རིམ་རྫོགས་རིམ་འབྲེལ་པ་ཡང་།། ཐམས་ཅད་འདི་ལས་འབྱུང་བ་ཡིན།། ཡིད་ཀྱི་རྣམ་ཤེས་ཀུན ་ཁྱབ་བོ།། གང་བསམ་སྣང་བ་ཡིད་བཞིན་ནོ།། མ་རྟོགས་འཁོར་བར་སྣང་བ་ཡང་།། ཡིད་ཀྱིས་བསྐྱེད་ནས་སྣང་བར་ཟད།། རྟོགས་པའི་མྱ་ངན་འདས་པ་ཡང་།། རང་གིས་རང་རྟོགས་ཉིད་དུ་ཟད།། འཁོར་བར་སྣང ་བ་མ་རིག་པ།། སངས་རྒྱས་ཉིད་དུ་མ་ཤེས་འཁྲུལ།། སྣོད་དང་བཅུད་དུ་སྣང་བ་ཡང་།། སྣང་ཞེན་གཉིས་སུ་སྣང་བར་ཟད།། འདས་པ་སྣང་བའི་རྣལ་འབྱོར་ལ།། རང་སེམས་ཆོས་སྐུར་ཤེས་གྱུར ་པ།། སྐུ་དང་ཡེ་ཤེས་བསམ་མི་ཁྱབ།། ཡིད་བཞིན་ནོར་བུ་ལྟ་བུར་སྣང་།། སེམས་ཅན་ཡིད་ཀྱི་རྣམ་ཤེས་ཅན།། འདི་ལ་དྲན་པ་སྣ་ཚོགས་འཆར།། ཡུམ་གྱི་ཚོགས་ལ་འཇུག་འགྱུར་པས།། ཡིད་དང་ཆོས་སུ་འདྲེས་གྱུར། ་པ།། དབྱིངས་དང་ཡེ་ཤེས་གཞན་ན་མེད།། ནམ་མཁའ་ཉི་མ་ཤར་བ་ལྟར།། དབྱེར་མེད་སྟོང་གསལ་གང་ཡིན་པ།། སེམས་ཉིད་རང་བཞིན་འོད་གསལ་གནས།། རྣལ་འབྱོར་ལམ་ལ་གནས་གྱུར་ན།། ཐོས་བསམ ་བསྒོམ་པའི་ཤེས་རབ་ཀྱིས།། དབང་ཆེན་བདེ་གཤེགས་འདུས་པ་ཡི།། དགོངས་པ་སེམས་ལ་བརྟག་པར་བྱ།། ཞེས་གསུངས་སོ།། པདྨ་དབང་ཆེན་བདེ་གཤེགས་འདུས་པའི་དགོངས་པ། རྟ་མགྲིན་རྡོག་མ་ལེ་བརྒན ་གྱི་རྒྱུད་ལས། ཀུན་ནས་ཉོན་མོངས་པ་འཁོར་བའི་ཆོས་དང་རྣམ་པར་བྱང་བ་མྱ་ངན་ལས་འདས་པའི་ཆོས་ཐམས་ཅད་དུག་ལྔར་འདུས་པ་སྟེ་ལེའུ་ལྔ་པའོ།། །། དེ་ནས་སངས་རྒྱས་ཐམས་ཅད་ཀྱི།། སྐུ ་གསུང་ཐུགས་ཡོན་ཕྲིན་ལས་རྣམས། གཅིག་ཏུ་རྫོགས་སངས་རྒྱས་པ་ཡི། བདེ་གཤེགས་ཐམས་ཅད་སྤྱིར་དྲིལ་བ།། དབང་ཆེན་པདྨའི་སྐུ་ལ་གནས།། སྐུ་ནི་རབ་ཏུ་བསྒོམ་གྱུར་ན།། སྐྱེ་མེད་ཆོས་སྐུ་ཞི་བ་ལས།། ཡེ ་ཤེས་སྐུ་ལུས་ལོངས་སྤྱོད་རྫོགས།། ཐུགས་རྗེ་སྤྲུལ་པའི་སྐུར་ཤར་བ།། དེ་ཡི་ཞུགས་གནས་གཞལ་ཡས་གནས།། ལྷ་ཉིད་རང་སེམས་བདེ་བ་ཡི།། ཆ་ཤས་དུམ་བུར་གནས་པ་ལས།། འབྱུང་ཆེན་ལྔ་ལས་སྐུར་གྲུབ ་པ།། གཅིག་ལས་སྐུ་གསུང་ཐུགས་ཡོན་ལས།། མ་ལུས་རྫོགས་པར་སྣང་བ་ལས།། དབབ་དྲང་བསྟིམ་དང་མཆོད་འབུལ་བཟླས།། བསྟོད་ནས་འདོད་དོན་བཅོལ་བར་བྱ།། ཆོས་རྣམས་གདོད་ནས་མ་བསྐྱེད ་པས།། རྒྱུ་རྐྱེན་བྲལ་བའི་བྱང་ཆུབ་སེམས།། མཚན་མའི་དངོས་པོར་མ་གྲུབ་པ།། ཡེ་ནས་ཆོས་སྐུ་ཆེན་པོར་གནས།། ཆོས་དབྱིངས་སྤྲོས་མེད་ནམ་མཁའ་ལས།། ཡེ་ཤེས་ཉི་མ་རང་ཤར་བ།། ཅིས་ཀྱང་མ་བསྒྲིབས ་འོད་གསལ་བ།། ཡེ་ཤེས་སྒྱུ་ལུས་ལོངས་སྐུར་བསྒོམ།། སེམས་ཅན་ཀུན་གྱི་སེམས་ཉིད་ནི།། སངས་རྒྱས་ཀུན་གྱི་ཐུགས་ཡིན་པས།། རྩ་བ་ཡིད་ཀྱི་རྣམ་ཤེས་ཉིད།། ཡི་གེ་སྤྲུལ་པའི་སྐུ་རུ་བསྒོམ།། ཆོས་རྣམས་སྟོང ་གསལ་ནམ་མཁའ་ཉིད།། ཆོས་དབྱིངས་ཡུམ་གྱི་བྷ་ག་ལས།། ཐམས་ཅད་འདེགས་པའི་སྟོབས་པོ་ཆེ།། རླུང་ནག་འཚུབས་མར་འཁྱིལ་བ་སྣང་།། ཆུ་ཉིད་ཁྲག་ལས་གྲུབ་པ་ཡི།། རྒྱ་མཚོ་ཟབ་ཅིང་རྒྱ་ཡང་ཆེ།། རི་རབ ་རུས་པ་ལས་གྲུབ་པའི།། སྟེང་ན་དུར་ཁྲོད་བརྒྱ་གནས་པ།། སྣོད་བཅུད་ཟད་མཛད་དབྱིངས་སུ་ཐིམ།། བསྐལ་བའི་མེ་ནི་ཡེ་ཤེས་འབར།། ཡེ་ཤེས་ལྔ་ཡི་གཞལ་ཡས་ཁང་།། མ་སྐྱེས་ལྷུན་གྱིས་གྲུབ་པའི་གནས།། དུར ་ཁྲོད་བརྒྱད་ཀྱིས་རབ་མཛེས་པ།། བདེ་གཤེགས་དུས་གསུམ་སངས་རྒྱས་གནས།། ལྷུན་གྲུབ་ཡིད་བཞིན་གནས་ཀྱི་མཆོག། ཆོས་དབྱིངས་མ་གཏོགས་གནས་གཞན་མེད།། འཛིན་པའི་སེམས་དང ་གཟུང་བའི་ཡུལ།། ཐབས་དང་ཤེས་རབ་སྐྱོན་དང་བྲལ།། ཐམས་ཅད་དངོས་པོར་བལྟ་བས་ན།། ང་ཡི་སེམས་ནི་ཡི་གེར་ཤར།། དངོས་པོ་མཚན་མར་འཛིན་པས་ན།། ཐུགས་ཀྱི་ཕྱག་མཚན་ལྟ་བུར་བྱུང་།། ཁ་དོག ་དབྱིབས་ལེགས་ཀུན་ཡིད་འོང་།། དབུ་གསུམ་ཕྱག་དྲུག་ཞབས་བཞིར་སྣང་།། ཡེ་ཤེས་དྲི་མེད་གཡས་ནི་དཀར།། པདྨ་ཆགས་མེད་དབུས་ནི་དམར།། ལས་མཛད་གཡོན་པ་ལྡང་བ་ཉིད།། ཁ་ཊྭཱཾ་ག་ནི་ལྷ་ཡི་སྐུ།། ཤེས ་རབ་རལ་གྲིས་མ་ལུས་གཅོད།། རྡེའུ་ཆུང་སྒྲ་ཡིས་རྨད་བྱུང་སྒྲོགས།། དབྱིངས་ཀྱི་གཞུ་ལ་ཡེ་ཤེས་མདའ།། ཉོན་མོངས་ཟ་བ་འབིགས་པའི་མདུང་།། རྒྱུད་དྲུག་འཁོར་བ་འཆིང་བའི་ཞགས།། ཚད་མེད་བསྡུ་བ་རྫུ ་འཕྲུལ་གྱི།། ཞབས་བཞི་ཐབས་དང་ཤེས་རབ་བཞུགས།། སྐུ་ནི་མཐིང་ནག་དབྱུག་ཐོ་དང་།། སྡིགས་མཛུབ་ཞགས་པ་བསྣམས་པའོ།། གསུང་དམར་རྡོ་རྗེ་ལྕགས་ཀྱུ་དང་།། སྦྲུལ་གྱི་ཞགས་པ་འཛིན་པའོ།། ཐུགས་ནི ་མཐིང་ནག་རྡོ་རྗེ་དང་།། ཐོད་པ་ཕྱག་བསྣམས་དཀྲུག་པའོ།། ཡོན་ཏན་ཆེ་མཆོག་ས་ནུ་གསེར།། རྡོ་རྗེ་དྲིལ་བུ་བསྣམས་པ་ཉིད།། ཕྲིན་ལས་ལྡང་ནག་རྡོ་རྗེ་དང་།། སྡིགས་མཛུབ་བསྐལ་པའི་མེ་དཔུང་འབར།། དབུ་ཡི ་རྟ་མགོ་ཕྲིན་ལས་བཞི།། སྐུ་གསུང་ཐུགས་ཀྱི་ཁྱུང་གསུམ་རྫོགས།། འདོད་པའི་ཁྲོ་མོ་རལ་གཅིག་མ།། རྡོ་རྗེ་ཐོད་པ་གཡོན་ནས་འཁྲིལ།། ཐབས་དང་ཤེས་རབ་ལས་བྱུང་བའི།། བྱི་ལ་བུ་ཤུད་ལ་སོགས་པ། ལྕགས ་ཀྱུཀླུས་འདྲེན་ཅིང་ཕུར་བུས་འདེབས།། དཀྱིལ་འཁོར་ལྷ་རྣམས་གསལ་བར་བྱའོ།། ཨོཾ་པནྡནྟ་ཀྲྀ་ཏ་ཧྲཱི་ཏ་ཧ་ཧཱུཾ་ཕཊཿ། ཨོཾ་ཡ་མཱནྟ་ཀྲྀ་ཏ་ཧཱུཾ། ཨོཾ་བཛྲ་ཧེ་རུ་ཀ་ཧཱུཾ། ཨོཾ་ཤྲཱི་ཧེ་རུ་ཀ་ཛྭ་ལ་རཾ་ཧཱུཾ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ། ཨོཾ ་ཨེ་ཀ་ཛ་ཏི་ཧཱུཾ། ཨོཾ་བཛྲ་པ་ཙ་ལ་མུ་ཁ་ཧཱུཾ། ཨོཾ་བཛྲ་བཀྵ་ཏི་མུ་ཁ་ཧཱུཾ། ཨཱིཾ་ཧཱུཾ། ཨཽ་ཏཱཾ། ཨཱིཾ་ཧྲཱིཿ། ཨཱིཾ་ཧཱ། ཇི་ལྟར་མི་དབང་ཆོས་མཐུན་པར།། དང་པོར་སྙན་གསན་དབབ་པར་བྱ།། དབྱིངས་ནས་བཞེངས་སུ་གསོལ་བ ་དང་།། སྤྱན་དྲང་བརྟན་པར་བཞུགས་པ་དང་།། ཕྱག་འཚལ་མཆོད་པར་རོལ་ནས་ནི།། རྣལ་འབྱོར་བཟླས་པ་བྱ་བ་ཡང་།། སྤྲོ་བསྡུ་རྡོ་རྗེའི་བཟླས་པའོ།། ས་ནི་བརྟན་ཟུག་ཆུ་ནི་འབབ།། མེ་འབར་རླུང་འཐོར་ནམ ་མཁར་སྟོང་།། ཞི་བ་རྒྱས་པ་དབང་དྲག་ལྷུན།། དང་པོར་དམིགས་པ་བརྟན་པ་ཡིས།། བསྒོམ་པ་ཟབ་མོ་རབ་ཏུ་བྱ།། ཆུ་བོ་རྒྱུན་གྱི་རྣལ་འབྱོར་པ།། གླལ་དང་སྦྲིད་བཏབ་ཁར་མི་གཅད།། གསལ་ལ་འབར་བའི་སྒྲོན ་མ་ཡིས།། གཉིད་འཐིབས་རྨུགས་པ་མེད་པར་བྱ།། འབྱུང་ཆེན་འཐོར་རླུང་དྲག་པོ་ཡིས།། དགྲ་བགེགས་ནད་རྣམས་གཏོར་བར་བྱ།། ནད་དང་གདོན་དང་བག་ཆགས་སྒྲིབ།། ནམ་མཁའི་སྤྲིན་བཞིན་དེངས་པར ་བྱ།། སྔགས་ཀྱི་ཡི་གེ་ཉལ་ནས་དཀར།། ཞི་བར་འདོད་ན་ཥཱིནྟཾ་གདགས།། སྔགས་རྣམས་ལངས་པར་གྱུར་ན་རྒྱས།། མཇུག་ཏུ་པུཥྚི་གདགས་པར་བྱ།། འཁོར་བར་གྱུར་ན་དབང་དུ་སྟེ།། པ་ཤང་ཀུ་རུས ་མཛེས་པར་སྤྲས།། འཁྲུགས་པ་དྲག་པོ་ཉིད་ཡིན་པས།། ཨ་བྷི་ཙཪྻའི་རྒྱན་གྱིས་མཛེས།། ལྷུན་གྲུབ་མ་བཅོས་ཡེ་ནས་གནས།། ཨོཾ་པདྨ་ཀྲོ་དྷ་ཀྲོདྷི་ཤྭ་རཱི་བཛྲ་ཀཱི་ལ་ཡ། མ་ཧཱ་ཡཀྵ། ཀརྨ་རཾ་རཾ་ཧཱུཾ་ཕཊ། ཛྭ་ལ་རཾ་ཧཱུཾ་ཕཊ། ་ཁམས་གསུམ་གནས་པའི་སེམས་ཅན་རྣམས།། མ་ལུས་རླུང་དང་སེམས་ལ་བརྟེན།། ཇི་ལྟར་གནས་བཞིན་བཟླས་པ་ཡང་།། རྣལ་འབྱོར་ཅན་ལ་དགོས་པས་འབད།། འདོད་དང་གཟུགས་དང་གཟུགས་མེད ་པ།། རླུང་དང་སེམས་དུ་འདྲེས་ནས་གནས།། ཕོ་དང་མོ་དང་མ་ནིང་དང་།། ཐོད་རྒལ་རླུང་ལ་བསྐྱོར་བར་བྱ།། ཟག་བཅས་འཁོར་བ་ཟག་མེད་འདམ།། སེམས་ཅན་ལྷ་སྲིན་སངས་རྒྱས་ཉིད།། བག་ཆགས་རླུང་དང ་ལས་ཀྱི་རླུང་།། ཡེ་ཤེས་རླུང་ལས་ཐམས་ཅད་འབྱུང་།། རླུང་གི་རྟ་ལ་སེམས་ཀྱི་མི།། ཞོན་ནས་ཚོགས་པ་གཅིག་པ་དང་།། ཆུ་དང་འོ་མ་འདྲེས་པ་དང་།། རྣལ་འབྱོར་རྟོག་ཅན་སྒྲོལ་བར་བྱ།། ཕྱི་རོལ་སྣང་བ་ཐམས ་ཅད་ཀུན།། སེམས་ལས་བྱུང་བ་ཡིན་པས་ན།། ནང་དུ་སེམས་ལ་བསྡུ་བར་བྱ།། མི་སྨྲ་བ་ཡི་ཡི་གེ་ཨཱིཾ།། ནང་གི་སེམས་ཉིད་སྣང་བ་ནི།། ཕྱི་ཡི་ཡུལ་ལ་འཇུག་པས་ན།། ཡུལ་གྱི་བདུད་རྩི་བསྟན་པའི་ཕྱིར།། དྲག་པོ ་ཁྲོས་པའི་ཁྲོ་བོ་ཧཱུཾ།། ཡུལ་སེམས་གཉིས་སུ་སྣང་བ་ཡང་།། བློ་དང་དངོས་པོ་བསྲེས་པས་ན།། གཉིས་སུ་མེད་པར་སྣང་བར་བྱ།། སྐྱེ་མེད་ཨ་ནི་ཁོང་ན་གནས།། མ་བཅོས་དོན་གྱི་རྣལ་མ་ལ།། རིག་པའི་བློ་ཡིས་སྦྱོར ་འདོད་ན།། སྐུ་དང་གསུང་དང་ཐུགས་བསྒྲུབ་པའི།། རྒྱུད་ལ་དད་པ་རབ་ཏུ་བསྐྱེད།། ཅེས་གསུངས་སོ།། དབང་ཆེན་བདེ་གཤེགས་སྤྱི་དྲིལ་རྡོག་མ་ལེ་བརྒན་གྱི་རྒྱུད་ལས། སྐུ་བསྐྱེད་པ་སྟེ་ལེའུ་དྲུག ་པའོ།། །། དེ་ནས་བཅོམ་ལྡན་འདས་ཀྱིས་འདི་གསུངས་སོ།། རང་སེམས་སྣང་བ་ཉམས་དྲུག་ལས།། ལུས་ལ་རྟགས་དྲུག་ཁྲོ་བོའི་སྐུ།། དེས་མཚོན་ཕྱི་རོལ་རྒྱན་དྲུག་འཆར།། ཡོན་ཏན་མངོན་ཤེས་དྲུག་དང ་ལྡན།། ཉི་ཤུ་རྩ་བཞི་རྫོགས་པར་གནས།། འདི་ལྟར་གང་གིས་ཤེས་ནས་གྲོལ།། སྐུ་གསུང་ཕྲིན་ལས་མཛད་པའི་ཞལ།། ཕྱག་དྲུག་འགྲོ་དྲུག་ཕ་རོལ་དྲུག། ཞབས་ནི་ཚད་མེ་རྫུ་འཕྲུལ་སྟོན།། གླང་ཆེན་ཞིང་ལྤགས ་གོས་སུ་གྱོན།། ཐོད་པ་སྦྲུལ་དང་རྒྱུ་མས་མཚན།། ཐལ་བ་ཞགས་དང་རཀྟ་བཏབ།། རྟགས་རྣམས་དོན་དུ་རྫོགས་པར་བྱེད།། བཅོམ་ལྡན་རྟ་མཆོག་ཡེ་ཤེས་ལྔ།། ཐབས་ཆེན་གར་དགུ་ལུས་ལ་རྫོགས།། ཡུམ་ཆེན ་རལ་གཅིག་ཆོས་ཀྱི་དབྱིངས།། ཤེས་རབ་སྐྱེ་བ་མེད་པར་སྦྱོར།། མ་འགགས་སྦྲུལ་སྐུ་གཉིས་སུ་སྣང་།། སྐུ་གསུམ་ཡེ་ཤེས་ལྔར་འགྲུབ་གནས།། ཞེས་གསུངས་སོ།། དབང་ཆེན་བདེ་གཤེགས་སྤྱི་དྲིལ་རྡོག་མ་ལེབ ་རྒན་གྱི་རྒྱུད་ལས། སྐྲ་རྒྱན་རྣམ་དག་གི་ལེའུ་སྟེ་བདུན་པའོ།། །། དེ་ནས་དབང་ཆེན་རྟ་ཡི་མཆོག། རྟོགས་པ་བལྟ་བའི་གཏོར་མ་འདི།། རྒྱ་ཆེ་བ་ཡི་རྟོགས་པས་བཅད།། དེ་ཉིད་ཉམས་སུ་ལོན ་པར་བྱ།། འབྱུང་ལྔ་བུམ་གྱི་གཏོར་དབང་མཁའ།། ཤེས་པས་མ་ཟིན་དུས་བཞིའི་རྫས།། རིགས་དྲུག་ཡེ་ནས་མགྲོན་གྱི་ལྷ།། རང་བཞིན་ལྷ་ཞེས་ཚིམས་པའི་མཆོག། ཆོས་ཅན་མཚན་མར་སྣང་བ་ཀུན།། ཡེ་ནས་ཆོས ་ཉིད་མཚན་མ་མེད།། ཆོས་ཅན་ཆོས་ཉིད་དབྱེར་མེད་པས།། རྣལ་འབྱོར་དབང་ཕྱུག་ཡི་དམ་ལྷ།། ལྟ་བ་འདི་ལ་གང་གནས་པའི།། རྣལ་འབྱོར་དབང་ཕྱུག་ཆེན་པོ་རྣམས།། ཡེ་ནས་སྣང་སྲིད་སྣོད་དང་བཅུད།། ལྟ་བའི ་གཏོར་མ་ཆེན་པོར་གནས།། མཚན་མ་ལས་ཀྱི་གཏོར་མ་ཡང་།། ཕྱི་ནང་གསང་བ་དེ་ཁོ་ན།། ཟན་དང་ཁུར་བ་བུ་རམ་དང་།། སྲན་མ་བཅོས་པ་ལྟ་བུ་དང་།། འབྲས་དང་གྲོ་དང་ཏིལ་དཀར་དང་།། བྲ་བོ་མེ་ཏོག་སེར ་པོར་གནས།། ནས་མར་དེ་བཞིན་མེ་ཏོག་དང་།། ཏིལ་ནག་སྲན་མ་ནག་པོ་དང་།། ཐམས་ཅན་ལྷུན་གྱིས་གྲུབ་གནས་པས།། ཐམས་ཅད་རྫས་སུ་སྣང་བ་ཉིད།། འོ་མ་ཞོ་དང་མར་དུ་བཅས།། སྦྲང་རྩི་གསེར་གྱི་མདོག ་དང་ལྡན།། བུ་རམ་སྨུག་པོས་བརྒྱན་པ་དང་།། བ་དང་འབྲི་གནག་རྫས་དང་བཅས།། རིགས་ཀྱི་སེམས་ཅན་ཁ་དོག་ལས།། འབྱུང་བ་གཏོར་མ་ཉིད་དུ་གནས།། སེམས་ཅན་མ་ལུས་ཤ་ཁྲག་ལུས།། ཀླད་པ་རྐང་དང ་ཤ་ཁྲག་དང་།། ཐམས་ཅད་གཏོར་མར་གནས་པའོ།། དེ་ཉིད་ཡེ་ནས་ཀུན་གནས་པ།། ཤ་ལྔ་བདུད་རྩི་ཆེན་པོ་ཡང་།། མི་ཤ་གླང་པོ་རྟ་བྱ་ཁྱི།། འདི་དག་ཁ་ཟས་ཆེན་པོ་སྟེ།། རྫས་སུ་ཡང་དག་བསགས་ཏེ་དབུལ།། ཕྱི ་སྣོད་ནང་བཅུད་རྫས་འདི་ཀུན།། མཚན་མ་རྫས་ཀྱི་གཏོར་མར་གནས།། གསང་སྔགས་འཆང་བའི་རྣལ་འབྱོར་བས།། ཡེ་ཤེས་ལྷ་རྣམས་རབ་མཆོད་བྱ།། རིག་པ་བྱིན་རླབས་གཏོར་མ་བཤད།། ཕྱི་ནང་གསང་བ་དེ ་ཁོ་ན།། འཐོར་བྱེད་རླུང་ནག་ཀུན་འབུད་པས།། སྤྱོད་པ་རླུང་གཡོ་བ་མེ་ལ་བརྟེན།། སྲེག་བྱེད་བསྐལ་པ་ལྟ་བུ་ཡི།། ཏིང་འཛིན་རླབས་ཆེན་མེ་རུ་འབར།། རབ་འཇིགས་ཐོད་པས་འདེགས་པ་ནི།། རྣམ་གསུམ་འབར ་བ་བརྗིད་པའི་སྟེང་།། ལྷན་དྷ་འཁོར་ཡུག་མཛེས་ལ་ཆེ།། པདྨ་འདབ་མ་བཞི་དབུས་འབར།། རྫས་ནི་འདོད་ཡོན་རྣམ་པ་དྲུག། གཟུགས་དང་སྒྲ་དང་དྲི་དང་རོ།། རེག་བྱ་ཆོས་སུ་སྣང་བ་ཡང་།། ཡེ་ནས་ཀུན་ལ་ཁྱབ ་པའོ།། ཨོཾ་བ་ལིཾ་ཏ་ཏེ་ཛོ་བ་ལི་ཏ་བ་ལ་བ་ཏེ་གྷུ་ཧྱ་ས་མ་ཡ་སྭཱ་ཧཱ། བྷྲཱུཾ་ལས་བྱུང་བའི་གཞལ་ཡས་ཁང་།། རབ་མཛེས་སངས་རྒྱས་བཞུགས་པའི་གནས།། འབྱུང་ལྔའི་སྣོད་ནི་ཀུན་གྱི་གནས།། སངས་རྒྱས་རྣམས་ཀྱི་ཞིང ་ཁམས་ཡིན།། བཅུད་ནི་འགྲོ་བ་མ་ལུས་པ།། རང་བཞིན་ལྷུན་གྱིས་གྲུབ་པ་ནས།། ཡེ་ནས་རྒྱལ་བའི་དཀྱིལ་འཁོར་ཉིད།། དེ་ལས་མ་གཏོགས་གཞན་མེད་པའོ།། ཁྱད་པར་དཔལ་གྱི་གཏོར་མ་འདི།། རྒྱུ་མཆོག ་ཚོགས་ཀྱི་འཁོར་ལོ་མཆོད།། བསྙེན་བསྒྲུབ་རྣམ་པ་གང་བྱེད་ཀྱང་།། འཛིན་པའི་གཏོར་མ་ཆེན་པོར་བཤད།། བྷྲཱུཾ་སྐྱེས་ལྷ་ཡི་ཁང་པ་ལ།། རབ་ཏུ་མཛེས་པའི་རྒྱན་ལྡན་བསྒོམ།། གཏོར་མ་བདེའུ་གཙུ ་བོ་ཐབས་ཤེས་སོ།། མཐེབ་སྒྱུ་འཁོར་ཚོགས་སྤྲུལ་པའི་ཚོགས།། ཡབ་ཡུམ་ལིངྒ་བྷ་གར་སྦྱར།། དྲི་མེད་བདུད་རྩི་བྱང་ཆུབ་སེམས།། དཔའ་བོ་རོ་དང་ཡང་དག་ལྡན།། སློབ་མར་གཏོར་མས་དབང་བསྐུར་བྱ།། དུས ་གསུམ་བདེ་གཤེགས་རྒྱལ་བའི་སྐུ།། སྐུ་ཡི་བྱིན་རླབས་ལུས་ལ་ཞུགས།། བདེ་བ་ཆེན་པོའི་དབང་བསྐུར་བས།། ན་ཚ་སྡུག་བསྔལ་སྦྱང་དུ་གསོལ།། ཕྱོགས་བཅུར་བཞུགས་པའི་རྒྱལ་བ་རྣམས།། གསུང་གི་བྱིན་རླབས ་ངག་ལ་ཞུགས།། རྨད་བྱུང་གསུང་སྒྲས་དབང་བསྐུར་བས།། སྒྲ་སྐད་ཀུན་ལ་དབང་བསྒྱུར་ཤོག། དུས་གསུམ་ཕྱོགས་བཅུའི་སངས་རྒྱས་རྣམས།། ཐུགས་ཀྱི་བྱིན་རླབས་སེམས་ལ་ཞུགས།། སྐྱེ་ཤི་མེད་པའི་དབང ་བསྐུར་བས།། སྐུ་གསུམ་རྟོགས་པ་འབར་བར་མཛོད།། ཨཱ~ཾ་སརྦ་ཏ་ཐཱ་ག་ཏཱ་ཡ། དྷརྨ་ཀཱ་ཡ། སཾ་བྷོ་ག་ཀཱ་ཡ། ནིརྨཱ་ཎ་ཀཱ་ཡ། ལ་ལིཾ་ཏ། ཨ་བྷི་ཥིཉྩ་ཨ། སྤྱིར་ན་སངས་རྒྱས་རིགས་ལྔ་ཡི།། ཕྲིན་ལས་བསམ་གྱིས་མི་ཁྱབ ་ཀྱང་།། གཏོར་མའི་ཕྲིན་ལས་ལས་རབ་མཆོག། དཔལ་གྱི་གཏོར་མ་སྐུང་ན་ཉལ།། ཤ་ཁྲག་གཏོར་མ་འབེན་དུ་བཙམ།། ཞལ་ཟས་གཏོར་མ་བདུད་རྩིར་བསྔོ།། སྤྲུལ་པའི་གཏོར་མ་ཡོངས་ལ་ཁྱབ།། དམ་ཚིག་གཏོར ་མ་བསྐྱེད་པར་བྱ།། གཞལ་ཡས་ལྷ་ཡི་དཀྱིལ་འཁོར་ཚོགས།། ཡེ་ཤེས་ལྷ་མོ་འགུགས་པར་བྱ།། ལྷ་དང་འདོད་ཡོན་རིགས་ལྔའི་ཆུ།། གཏའ་གཏོར་རྒྱུན་གཏོར་གཏོར་དབང་བསྐུར།། གཉིས་མེད་གཏོར་མ་དབུལ ་བར་བྱ།། ལྷ་ལ་ལྷ་ཐིམ་དབུལ་བ་དང་།། དབྱིངས་ལ་ཡེ་ཤེས་ཐིམ་པ་དང་།། ཡེ་ཤེས་ལ་ཡང་ཡེ་ཤེས་རོལ།། ཆོས་ཉིད་ལ་ཡང་ཆོས་ཉིད་ཐིམ།། བདུད་རྩི་རང་ལུས་ལྷ་རུ་གསལ།། གཏོར་མ་གཏང་བར་བྱ་བ ་ནི།། བསྒྲུབ་པ་གཏའ་ཡི་གཏོར་མ་ཡང་།། ཆོས་ཀྱི་དབྱིངས་སུ་གཏང་བ་དང་།། ལས་བཞི་སྦྱིན་སྲེག་བྱ་བ་དང་།། མི་ཟད་ལོངས་སྤྱོད་གཏེར་དུ་སྦ།། ཡུན་དུ་གཏོར་མ་བསྒྲུབ་བྱས་ནས།། ཚུགས་པར་བསྐུལ་ནས ་གཤེགས་པ་དང་།། གཏོར་སྣོད་མནན་ལ་བྲོ་ཡིས་སྦྱང་།། གཏོར་མའི་ལས་རྣམས་རྫོགས་པར་བྱ།། ཤ་ཁྲག་དམར་ལས་བསྒྲུབ་པ་ནི།། གང་ལ་བསྲུང་ན་གཉེར་དུ་གཏད།། སྡང་གནོད་ཀུན་ལ་ཟོར་དུ ་འཕང་།། ཐམས་ཅད་མ་ལུས་གནན་པར་བྱ།། སྤྲུལ་པ་གང་ལ་གདའ་འདོད་པར།། འདས་དང་འཇིག་རྟེན་ཡོངས་ལ་བསྔོ།། ཚད་མེད་ཐུགས་རྗེའི་གཏོར་མ་འདི།། ཡིད་བཞིན་ནོར་བུ་རིན་པོ་ཆེ།། དབང་གི་རྒྱལ་པོ ་ཆེན་པོ་ལས།། ཏྲཾ་ལས་འདོད་པའི་ཡོན་ཏན་འབྱུང་།། ཏཱཾ་རཏྣ་དྲེ་ལོ་ཀྱ།། མཻ་ཏྲི་ཀ་རུ་ཎ།། སུ་ཁ་ས་མ་ཡེ། ཨ་ནརྀ་སུ་ཏྲི་པྲེ་དུ་བ་ལིང་ཏ་ཁ་ཁ་ཁཱ་ཧི་ཁཱ་ཧི། ཞེས་སྐུའི་མཆོད་པ་གཏོར་མའི་ཏིང་ངེ་འཛིན་ཏོ།། དེ་ནས་རྟ ་མཆོག་རྟ་མགྲིན་ལ།། དོན་དམ་རང་བཞིན་རཀྟ་ནི།། འཁོར་འདས་ཀུན་ལ་ཁྱབ་པར་གནས།། ཆོས་དབྱིངས་མཚན་མའི་སྤྲོས་པ་བྲལ།། རྣམ་པར་རྟོག་པའི་བློས་མ་བསླད།། རང་བཞིན་མ་བཅོས་སར ་གནས་པ།། ཆོས་རྣམས་འབྱུང་བའི་གཞིར་གྲུབ་ནི།། ཀུན་ཏུ་བཟང་མོ་ཡུམ་གྱི་མཁའ།། དུས་གསུམ་སངས་རྒྱས་ཀུན་བཞུགས་པ།། བཅོས་ལྡན་དེ་བཞིན་གཤེགས་ཀུན་གྱི།། སྐུ་དང་གསུང་ཐུགས་རྡོ་རྗེ ་སྙིང་།། བཙུན་མོའི་བྷ་གའི་ནང་ན་བཞུགས།། མ་རྟོགས་ཁམས་སུ་སེམས་ཅན་རྣམས།། དེར་གནས་དེ་ལས་འབྱུང་བ་ནི།། གཞན་མིན་དེ་ལས་འཕྲུལ་བའོ།། མ་རྟོགས་འཁྲུལ་བའི་རཀྟ་ནི།། ཀུན་རྫོབ་སྣོད་དང ་བཅུད་དུ་ཤར།། ས་ཆུ་མེ་རླུང་ནམ་མཁའ་ལྔ།། ཡུམ་ལྔའི་རཀྟར་སྣང་བ་དང་།། འབྱུང་བ་ལྔ་ཡི་རཀྟ་འཛག། ཁྲག་ཞུན་ཕྱོགས་བཞི་དབུས་ལྔ་ནས།། ཡུམ་གྱི་པདྨ་རཀྟ་ཐིག། ཐམས་ཅད་མ་ལུས་རཀྟར་སྣང་།། སེམས ་ཅན་ཀུན་ལ་གནས་པ་ཡི།། ཆགས་པའི་རཀྟའི་རྒྱ་མཚོ་ནི།། ཁྲག་གི་ཆུ་ཡིས་གླིང་བཞི་འདེགས།། ཁྲག་གིས་གསོ་བྱེད་སྟེ་བའི་བཅུད།། ཁྲག་གིས་ཀུན་ངོམས་སྲོག་བཅུད་འཛིན།། མཚན་མ་རྫས་ཀྱི་རཀྟ་ནི།། བྱིན ་བརླབ་ལྷ་ལ་དབུལ་བར་བྱ།། ཕྱི་ཡི་རཀྟ་མཚལ་ལ་སོགས།། འབྱུང་བ་དམར་པོར་སྣང་བ་དང་།། ནང་གི་རཀྟ་སེམས་ཅན་ཀུན།། སྣ་ཚོགས་པ་ཡི་ཁྲག་རྣམས་སྦྱར།། གསང་བའི་རཀྟ་ཆེན་པོ་ནི།། འབྲས་བུ་ལྔ་བསྒྲལ ་བུད་མེད་ཁྲག། དེ་ཁོ་ན་ཉིད་ཆོས་ཀྱི་དབྱིངས།། མཐར་འཛིན་ལྟ་ངན་བརླག་པར་མཛད།། སྒྲུབ་པའི་རྣལ་འབྱོར་མིང་སྲིད་རྣམས།། རཀྟ་རྟོགས་པར་གྱུར་ནས་ཤོམ།། རྣལ་འབྱོར་དབང་ཕྱུག་ཆེན་པོ་ཡིས།། རཀྟ ་བསྐྱེད་ཅིང་སྤྲོ་བ་ཡང་།། བྷནྡ་པདྨའི་ཞལ་བུ་ནང་།། པདྨ་རཀྟ་སྣ་ཚོགས་ཁྲག། བདུད་རྩི་ཆུ་ཡི་དཔའ་བོར་སྦྱར།། མ་དང་མཁའ་འགྲོ་འདུ་བའི་རྫས།། ལྷར་གསལ་ཐུགས་ལས་ཡི་གེ་རམ།། རཀྟའི་རྒྱ་མཚོ་རྦ་རླབས ་འཁྲུགས།། རཀྟ་མཱུ་ལ་ཀ་ཛྭ་ལ་མཎྜ་ལ་ཧཱུཾ། ཁམས་གསུམ་སྣོད་བཅུད་རཀྟ་དགུག། རཾ་ལས་སྤྲོ་བར་བྱ་བའི་འོད།། མཆོད་པ་ཕུལ་ནས་ཐུགས་དམ་བསྐུལ།། སྡོད་བཅུད་རཀྟ་ཀུན་བསྡུས་ཐིམ།། རྦ་རླབས་འཕྱོ་བ ་དམར་ལ་འཁྲུགས།། རཀྟ་རཾ་སྠ་ར་ཎ་ཕཊ། རཀྟ་ཁཾ་སཾ་ཧ་ར་ཎ་ཧཱུཾ། དོན་རྟགས་ལྡན་པའི་རཀྟ་དབུལ།། འཁོར་ཡུག་སྣོད་ཀྱི་གཞལ་ཡས་ན།། ཁྲག་མཚོ་དམར་ནག་འཁྱིལ་བའི་བཅུད།། རྐང་ཆེན་རྡོ་རྗེ་རྩེ་ལྔའི ་སྐྱོགས།། དང་པོ་སྣང་སྲིད་རཀྟས་ཁེངས།། གཉིས་པ་རག་གི་སྣོད་དུ་འདུས།། གསུམ་པ་རྦ་རླབས་འཁྲུགས་པའོ།། ཁཾ་རཾ་སྟོང་ཁམས་རཀྟས་ཁེངས།། ཁཾ་རཾ་སངས་རྒྱས་མཁའ་འགྲོས་གསོལ།། ཁ་རཾ་མཆོད་མཉེས ་དངོས་གྲུབ་སྟེར།། བདུད་རྩི་སྨན་དང་བསྲེས་པ་དབུལ།། རཀྟ་ཛ་ལ་མཱུ་ལ་ཀ་ཁ་རཾ་ཁཱ་ཧི། དོན་རྟོགས་རཀྟས་ཀུན་སངས་རྒྱས།། རིགས་ལྔ་རྒྱལ་བ་ཡབ་དང་ཡུམ།། ཡེ་ཤེས་ལྔ་པོ་ལྷན་ཅིག་སྐྱེས།། གཉིས་མེད་ཆོས ་ཀྱི་དབྱིངས་ན་བཞུགས།། གསུང་རཀྟའི་མཆོད་པའི་ཏིང་ངེ་འཛིན་ཏོ།། དེ་ནས་དབང་མཆོག་རྒྱལ་པོ་ཡིས།། ལྟ་བ་རང་གནས་བདུད་རྩི་གསུངས།། ལུས་ཁམས་བདུད་རྩི་ཆེན་པོ་ལྔ།། ཕུང་པོ་ལྔ་ཡི ་རྒྱལ་བ་མཆོད།། བསྒོམ་པ་ཉམས་བླང་བདུད་རྩི་བླང་།། ཆེད་ཀྱི་དམ་ཚིག་བདུད་རྩི་བསྒོམ།། སྟོང་པའི་ངང་ལས་ལས་ཀྱི་ལྷ།། ལྗང་ནག་རྡོ་རྗེ་རྒྱ་གྲམ་བསྣམས།། གཡོ་བའི་རླུང་དང་འབར་བའི་མེ།། ཐོད་པའི་སྟེང ་ན་བྷནྡྷའི་སྣོད།། ཉི་མ་ཟླ་བའི་ཁ་བཅད་པའི།། ནམ་མཁའ་རྡོ་རྗེ་རྩེ་ལྔ་བསྒོམ།། གསུང་གི་ཆོ་ག་བྱ་བ་ནི།། དཔའ་བོ་འབྲུ་ལྔའི་ཡིག་འབྲུ་ལས།། ཐུགས་ཀྱི་ཕྱག་མཚན་རྣམ་ལྔར་འགྱུར།། རྒྱལ་བ་རིགས་ལྔའི་ལྷ་སྐུ ་བསྒོམ།། ཡེ་གེས་བདུད་རྩི་དགུག་པར་བྱ།། རྟ་ཡི་རྒྱལ་པོའི་ཕྱག་རྒྱ་བཅས།། ལུ་གུ་རྒྱུད་ཀྱི་ཕྲེང་ཐག་བཟུང་།། འོད་འཕྲོས་འོག་མིན་སྐུ་ལྔ་གཉིས།། ནམ་མཁར་སྤྱན་དྲངས་འོད་དུ་ཞུ།། ཡེ་ཤེས་བདུད་རྩི་ཆེན་པོར ་དགུག། ན་བའི་སྨན་ལ་འཆི་བའི་གསོས།། ཨོཾ་ཨཱཿཧཱུཾ། སརྦ་པཉྩ་མ་མྲྀ་ཏ་ཧཱུཾ་ཧྲཱིཿཐ། གཉིས་སུ་མེད་པའི་བདུད་རྩི་ལས།། རྣལ་འབྱོར་པ་ཡི་སོར་མོ་ལྔ།། ཡེ་ནས་རིགས་ལྔར་གནས་པས་གཏོར།། རྣལ་འབྱོར་པའི་ཆག ་ཉམས་སྐོང་།། སྒྲུབ་པ་པོ་ཡི་བར་གཅོད་སེལ།། བསྒྲུབ་པའི་གནས་ཁང་བཀྲ་ཤིས་མཛད།། མཆེད་ལྕམ་ལྟ་བ་ཡོ་བ་སྲོང་།། མ་དང་མཁའ་འགྲོ་སངས་རྒྱས་མཉེས།། དམ་ཉམས་དམ་སྲི་བགེགས་མཚམས ་ཆོད།། མཆོད་པའི་རྫས་རྣམས་གསང་བར་བྱ།། ཨོཾ་བཛྲ་ཡཀྵ་ཀྲོ་དྷ་ཧཱུཾ་ཧ་ན་ཧ་ན་ཧཱུཾ་ཕཊ། ཨོཾ་དྷརྨ་མྲྀ་ཏ་བི་ཤུདྡྷེ་ཧཱུཾ་ཕཊ། དྲིན་ལེན་གསང་ནན་མཆོད་པ་འདྲེན། བདུད་རྩི་ཕྱག་བསྣམས་འཛབ་བརྗོད་པས།། བྱིན་རླབས ་བསྒོམ་པའི་བར་ཡང་གདགས།། ཐེག་དམན་སྤྱོད་པ་ཟིལ་མནན་ཕྱིར།། སྨན་གྱི་ཆེ་བའི་ཡོན་ཏན་བརྗོད།། རྣམ་རྟོག་ངན་པས་རྒྱུད་བཅིངས་པ།། སྨན་ལ་བཤགས་པ་རབ་ཏུ་བྱ།། བསྒྲུབས་པས་ལས་ལ་འབྲས་སྨིན ་པས།། སྐུ་གསུང་ཐུགས་ཀྱི་དགོས་གྲུབ་བླང་།། དྲིན་ལ་ལན་གྱིས་བླན་པའི་ཕྱིར།། གསང་ནན་སྦྲེང་མཆོད་དབུལ་བར་བྱ།། ཚོགས་བསག་སྒྲིབ་པ་སྦྱང་བའི་ཕྱིར།། འདོད་པའི་དོན་ལ་གསོལ་བ་གདབ།། ངས་ནི་མ ་འོངས་ཕྱི་རབས་ལ།། དགོངས་པའི་གོལ་ས་གཅད་པའི་ཕྱིར།། ཁྱེད་ལ་ལེགས་པར་བཤད་པར་བྱ།། བདག་གཞན་དོན་དུ་རབ་ཏུ་ཉོན།། ཡེ་ནས་ལུས་ཁམས་བདུད་རྩི་ལྔ།། རྒྱལ་བ་རིགས་ལྔར་གནས་པ ་ཡིན།། དགོངས་པ་འཛབ་ལ་བརྟེན་བྱས་ནས།། ལྕགས་ལ་ངར་བཏབ་བཞིན་དུ་འགྱུར།། རང་ལུས་བདུད་རྩི་ཆེན་པོར་གནས།། དྲི་ཆེན་རྣམ་སྣང་ཆོས་ཀྱི་དབྱིངས།། བྱང་སེམས་མི་བསྐྱོད་མེ་ལོང་བཞིན།། ཤ་ཆེན ་རིན་འབྱུང་མཉམ་པ་ཉིད།། རཀྟ་སྣང་མཐའ་སོ་སོར་རྟོག། དྲི་ཆུ་དོན་གྲུབ་བྱ་བ་གྲུབ།། ཐམས་ཅད་མ་ལུས་བདུད་རྩི་ལྔ།། ལུས་པ་མེད་པར་ཡེ་སངས་རྒྱས།། ཕྱོགས་བཅུའི་རྒྱལ་བ་མ་ལུས་དང་།། ཡི་དམ་བླ་མར ་བཅས་པ་དང་།། གྲུབ་ཐོབ་རྡོ་རྗེ་མིང་སྲིང་སོགས།། དུས་གསུམ་ཕ་མའི་ཚོགས་ལ་དབུལ།། ཡེ་ནས་བདུད་རྩི་རྣམ་དག་པ།། མཆོག་དང་ཐུན་མོང་གྲུབ་རྫས་ལ།། མ་རིག་མ་རྟོགས་ལོག་པར ་བཟུང་།། དོན་དང་འགལ་བ་བཟོད་པར་གསོལ།། བདུད་རྩི་ཆེན་པོའི་རྒྱ་མཚོ་ནས།། ཐབས་དང་ཤེས་རབ་འབྲེལ་བ་ཡི།། མཐེབ་སྲིན་རྩེ་སྦྱར་ཨེ་ཡི་གཟུགས།། སྐུ་གསུང་ཐུགས་ཀྱི་དངོས་གྲུབ་བླང་།། སྲིད་གསུམ ་མ་ལུས་སེམས་ཅན་གྱི།། ཤ་ཡི་མཆོད་པ་འདི་བཞེས་ལ།། མ་རིག་གཏི་མུག་གསལ་བ་དང་།། གཟུགས་མེད་འཁོར་བ་སྟོངས་ནས་ཀྱང་།། མི་རྟོག་དངོས་གྲུབ་བདག་ལ་སྩོལ།། ཁམས་གསུམ་འགྲོ་བ་ཐམས་ཅད ་ཀྱི།། ཁྲག་གི་མཆོད་པ་འདི་བཞེས་ལ།། འདོད་ཆགས་ཞེན་པ་བཅད་པ་དང་།། འདོད་ཁམས་འཁྲུལ་པ་བཟློག་པའི་ཕྱིར།། བདེ་བ་ཆེན་པོའི་དངོས་གྲུབ་སྩོལ།། སྟོང་གསུམ་མ་ལུས་ཐམས་ཅད་ཀྱི།། རུས་པའི་མཆོད ་པ་འདི་བཞེས་ལ།། གཟུགས་ཁམས་འཁོར་བ་རྒྱུན་ཆོད་ལ།། གསང་བའི་དངོས་གྲུབ་སྩལ་དུ་གསོལ།། དུག་གསུམ་རྒྱུ་རྣམས་གཏན་ནས་བྱུང་།། བདེ་གསལ་མི་རྟོག་ཤར་བར་མཛོད།། ཁམས་གསུམ་འཁོར་བ་དོང ་ནས་སྤྲུགས།། མཆོད་པ་དམ་པ་བཞེས་སུ་གསོལ།། ཆོས་ཀྱི་སྤུན་གྱིས་བསྡུས་པ་ཡིས།། རྡོ་རྗེ་མཆེད་དང་ལྕམ་དྲལ་རྣམས།། འཕྲལ་གྱི་རྐྱེན་བགེགས་བཟློག་པ་དང་།། ཡུན་གྱི་སྒྲིབ་པ་སྦྱོང་བ་དང་།། སྐུ་དང་གསུང ་དང་ཐུགས་རྣམས་ཀུན།། མི་ཟད་རྒྱན་གྱི་འཁོར་ལོའི་མཛོད།། ཐུགས་བདུད་རྩིའི་མཆོད་པའི་ཏིང་ངེ་འཛིན་ཏོ།། དེ་ནས་བཅོམ་ལྡན་རྟ་མགྲིན་གྱིས།། ཕྱི་རབས་རྣལ་འབྱོར་དོན་དགོངས་ནས།། ཆེ་བའི་རང་བཞིན ་བསྟན་པའི་ཕྱིར།། ཉིད་ལ་བསྟོད་པ་འགྲོ་དོན་གསུངས།། ཆོས་ཀྱི་དབྱིངས་ཀྱི་དཀྱིལ་འཁོར་ནས།། ལྷུན་གྱིས་གྲུབ་པའི་ཕོ་བྲང་ནས།། སྙིང་པོ་བྱང་ཆུབ་དགོངས་པ་ལས།། ཐུགས་རྗེ་ཆེན་པོའི་སྐུར་སྟོན་པ།། སྣང་བ ་མཐའ་ཡས་ཚེ་དཔག་མེད།། སྦྲུལ་སྐུའི་བྱང་སེམས་སྤྱན་རས་གཟིགས།། འདུལ་ཕྱིར་སྐུ་ཁྲོས་རྟ་མགྲིན་དཔལ།། ཐུགས་རྗེས་བྱོན་ལ་ཕྱག་འཚལ་བསྟོད།། སྟོང་ཉིད་ཡེ་ཤེས་མཚན་མ་བྲལ།། མེ་ལོང་ཡེ་ཤེས་འགག ་མེད་གནས།། སྟོང་གསལ་སྐྱེ་བ་མེད་པའི་ངང་།། སྟོང་རིག་ཆོས་སྐུ་ཆེན་པོ་ལས།། གཟུགས་སྐུ་ལོངས་སྤྱོད་རྫོགས་པར་བསྟན། མཐའ་དབུས་མི་ཕྱེད་མཉམ་པ་ཉིད།། ཆོས་རྣམས་རང་བཞིན་སོ་སོར་རྟོག། ས་བཅུ ་ལོངས་སྤྱོད་རྫོགས་སྐུར་བསྟན།། རིགས་དྲུག་འཁོར་བའི་སེམས་ཅན་ལ།། ཇི་ལྟར་མོས་པས་མཐུན་འདུལ་བ།། མཛད་པ་མཐར་ཕྱིན་སྤྲུལ་པའི་སྐུ།། དབང་ཆེན་སྐུ་ལ་ཕྱག་འཚལ་བསྟོད།། མ་སྐྱེས་ཨ་ནི་ཀུན་གྱི ་སྲོག། འགག་མེད་ཀ་ཚོགས་རྣམ་པར་སྤྲུལ།། ཟབ་དང་རྒྱ་ཆེའི་ཆོས་རྣམས་ཀུན།། ཨཱ་ལི་ཀཱ་ལིའི་ཚོགས་ལས་སྤྲུལ།། འཁོར་འདས་གཏན་ལ་འབེབས་བྱེད་པ།། རྨད་བྱུང་ཆོས་ཀྱི་འཁོར་ལོ་བསྐོར།། མ་སྐྱེས་ལུས་ལ ་དགྱེས་པས་ཏེ།། བེམ་སྟོང་ཆོས་ཉིད་དབྱིངས་སུ་དགྱེས།། མ་རྟོགས་སེམས་ལ་ཆགས་པས་རུ།། ཐུགས་རྗེ་ཆེན་པོས་འགྲོ་ལ་ཆགས།། ཡུལ་སེམས་གཉིས་མེད་ལས་མཛད་ཀ། བདག་གཞན་གཉིས ་མེད་ཕྲིན་ལས་མཛད།། ཧེ་རུ་ཀ་དཔལ་ཁྲོ་བོའི་གཙོ།། པདྨའི་རྒྱལ་པོའི་ཁྲོ་བོའི་སྐུ།། ཧ་ཧ་ཧི་ཧིའི་སྒྲ་སྒྲོག་པ།། དབང་ཆེན་གསུང་ལ་ཕྱག་འཚལ་བསྟོད།། མ་སྐྱེས་སེམས་ཀྱི་དཀྱིལ་འཁོར་ནས།། ཆོས་རྣམས་རྩ་བ ་གཏན་ལ་འབེབས།། ཀུན་གཞི་སེམས་ཀྱི་ཕོ་བྲང་དུ།། ལས་དང་བག་ཆགས་གཏིང་ནས་གྲོལ།། ཡུལ་སེམས་གཉིས་སུ་འཛིན་པའི་ཡིད།། ཕྱི་ནང་གཟུང་འཛིན་རྣམ་པར་གྲོལ།། གཏི་མུག་མི་འབྱེད་རྟོག་དང ་བྲལ།། ཞེ་སྡང་འོད་གསལ་ཆེན་པོར་འབར།། འདོད་ཆགས་བདེ་བ་ཆེན་པོར་ཤར།། ང་རྒྱལ་ལྟ་སྒོམ་རི་བོས་གནོན།། ཕྲག་དོག་ལྟ་ངན་ཤོང་མི་བྱེད།། དབང་ཆེན་ཐུགས་ལ་ཕྱག་འཚལ་བསྟོད།། ཁྱོད་ནི་ཡིད་བཞིན ་རིན་པོ་ཆེ།། ཀུན་གྱི་འདོད་པ་མ་ལུས་སྐོང་།། ཕྱེ་ནི་ལྷ་ཡི་དཔག་བསམ་ཤིང་།། ན་བཟའ་ཞལ་ཟས་རྩོལ་བ་བྲལ།། ཁྱོད་ནི་བུམ་པ་བཟང་པོའི་གཏེར།། བདུད་རྩི་ཆེན་པོའི་ཆུ་བོ་འབེབས།། ཁྱོད་ནི་སྟོང་ཉིད་ནམ ་མཁའི་མཛོད།། སྐུ་དང་ཡེ་ཤེས་དཀོར་གྱི་བདག། ཐེག་མཆོག་བསྟན་པའི་ས་གཞི་ལས།། ཞི་གནས་ཆུ་ཡིས་ཀུན་ཏུ་ཚིམ།། ལྷག་མཐོང་ཡེ་ཤེས་བག་ཆགས་བསྲེགས།། འཐོར་བྱེད་རླུང་གི་འཁོར་ལོ་ཡིས།། སྟོང ་གསུམ་འགྲོ་བའི་དོན་མཛད་པ།། འཇིག་རྟེན་ཉི་ཟླའི་དཀྱིལ་འཁོར་ལྟར།། འགྲོ་དྲུག་མུན་པ་ཀུན་སེལ་བ།། དབང་ཆེན་ཡོན་ཏན་ཕྱག་འཚལ་བསྟོད།། སྒེག་པའི་ཉམས་ཀྱིས་སྒེག་པའི་གང་མཛད་ལ།། འདོད་ཆགས ་དབང་ཕྱུག་འདུལ་བར་མཛོད།། ཁྱོད་ནི་དཔའ་བོ་ཆེན་པོ་སྟེ།། ལྷ་མིན་པ་སུ་ཀ་ར་འདུལ་བར་མཛོད།། འཇིགས་བྱེད་ཆེན་པོ་འཇིགས་པའི་སྐུ།། ཁྱབ་འཇུག་ཆེན་པོ་འདུལ་བར་མཛོད།། སྐུ་ཡི་གར་གྱིས་སྐུ་ཡི་གར ་ཛོད་ལ།། བདག་གི་ལུས་ལ་གར་རྣམས་འཆར་བར་མཛོད།། རྒོད་པའི་ཉམས་ཀྱིས་ཧ་ཧ་བཞད་པ་ནི།། གཞོན་ནུ་སྨིན་དྲུག་རྟ་སྐད་དྲག་པོས་བཏུལ།། གཤེ་བའི་གར་གྱིས་ཧི་ཧི་གཤེ་བ་ནི།། ཚོགས་ཀྱི་བདག་པོ ་གླང་པོའི་སྣ་ཅན་བཏུལ།། རྔམ་པའི་གར་གྱིས་ཧྲིང་ཧྲིང་ཟ་བྱེད་རྔམ།། སྒྲ་གཅན་རཱ་ཧུ་ལ་ནི་རྔམ་པས་བཏུལ།། གསུང་གི་གར་གྱིས་གསུང་གི་གར་མཛོད་ལ།། བདག་གི་ངག་ལ་སྔགས་སུ་འཆར་བར་མཛོད།། སྙིང ་རྗེའི་གར་གྱིས་ཐུགས་རྗེའི་རོལ་པར་མཛད།། བརྒྱ་བྱིན་གླང་ཆེན་ཞོན་པ་སྒྲོལ་བར་མཛོད།། ངོ་མཚར་གར་གྱིས་ངོ་མཚར་བསྐྱེད་པར་མཛད།། ཀླུ་ཆེན་སེ་ཤ་ར་ཙ་བསྒྲལ་བར་མཛོད།། ཞི་བའི་གར་གྱིས་ཞི་བ་འདུས ་མཛད་པ།། མེ་ལྟ་དྲང་སྲོང་ཆེན་པོ་སྒྲོ་འབར་མཛོད།། ཐུགས་ཀྱི་གར་གྱིས་ཐུགས་ཀྱི་གར་མཛོད་ལ།། བདག་གི་སེམས་ལ་ཉམས་རྣམས་འཆར་བར་མཛོད།། བཅོམ་ལྡན་དཔལ་ཆེན་པདྨ་ཧེ་རུ་ཀ། གར་དགུའི་ཕྲིན ་ལས་མཛད་ལ་ཕྱག་འཚལ་བསྟོད།། ལྷ་མཆོག་ཁྱོད་ལ་བདག་གིས་བསྟོད་པ་ཡིས།། སེམས་ལ་ཉམས་ཀྱི་སྣང་བ་ནང་དུ་འཆར།། ལུས་ལ་གར་གྱི་སྣང་བ་ཕྱི་རུ་འཆར།། ངག་ལ་སྔགས་ཀྱི་སྣང་བ་འཆར ་བར་བྱེད།། ཡུལ་ལ་མཐོང་སྣང་སྣང་བ་འཆར་བ་དང་།། བག་ཆགས་རྨི་ལམ་སྣང་བ་རྨི་བར་མཛོད།། ཅེས་ཕྱིས་འབྱུང་བའི་རྣལ་འབྱོར་པ་ལ་མཆོད་ཅིང་བསྟོད་པ་ལུང་བསྟན་པ་ཞེས་བྱ་བའི་ཏིང་ངེ་འཛིན་ཏོ།། དབང ་ཆེན་རྟ་མགྲིན་བདེ་གཤེགས་འདུས་པ་པདྨ་གསང་བ་བཀོད་པ་རྔོག་མ་ལེབ་རྒན་གྱི་རྒུད་ལས། མཆོད་བསྟོད་ཀྱི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་ཀྱིས་གསུངས་པ།། རྣལ་འབྱོར་དབང ་ཕྱུག་ཆེན་པོ་ཡིས།། ཡང་གསང་རྨད་བྱུང་དགོངས་པ་ལ།། བསྙེན་པ་ཐེམས་པར་གྱུར་པ་ན།། ཆོས་སྐུ་སྙིང་པོ་བྱང་ཆུབ་སེམས།། དེ་ཉིད་ཤེས་པ་སྤྲོས་དང་བྲལ།། ས་ཐོབ་སྦྱོང་ཡུལ་གཞལ་ཡས་ནས།། དགོངས་པ་ལྟ། ་ཅན་ལོངས་སྤྱོད་རྫོགས།། མོས་སྤྱོད་འགྲོ་ལ་སྣང་གྱུར་བ།། གྲུབ་པ་ཆོས་ཀྱི་ཕུང་པོ་ཅན།། རྒྱལ་བ་སྐུ་གསུམ་དག་དང་མཉམ།། རྣལ་འབྱོར་རབ་ཀྱི་དགོངས་པར་གསུངས།། ཕྱོགས་བཅུར་བཞུགས་པའི་སངས་རྒྱས ་དང་།། དུས་གསུམ་གཤེགས་པའི་རྒྱལ་བ་རྣམས།། ཐུགས་དམ་རྒྱུད་ནས་བསྐུལ་བ་ནི།། རྣལ་འབྱོར་འབྲིང་གི་དགོངས་པ་ཡིན།། ལུས་ནི་ལྷ་སྐུའི་དཀྱིལ་འཁོར་བསྒོམ།། ངག་ནི་བཟླས་པའི་གསང་སྔགས ་ཅན།། ཐུགས་ནི་ཡང་དག་དོན་དུ་བལྟ།། རྟགས་ཙམ་འཛིན་པར་རབ་གནས་པ།། རྣལ་འབྱོར་ཀུན་གྱི་དགོངས་པ་སྟེ།། རབ་ཏུ་འབད་ནས་བསྒོམ་པ་ཡང་།། རྣལ་འབྱོར་ཐ་མའི་དགོངས་པ་ཡིན།། དེ་དག་རྣལ་འབྱོར ་བརྡ་སྐད་གསུངས།། མ་ལྟར་བྱམས་ལ་སྲིང་ལྟར་གདུང་།། མ་མོ་མཁའ་འགྲོ་རྣལ་འབྱོར་མ།། ཕེཾ་ཕེཾ་ཧྲི་ཡི་སྒྲ་དག་ལ།། ཐལ་མོའི་སྒྲ་དང་རྡེའུ་ཆུང་སྒྲ།། རྐང་གི་གླིང་བུ་ཐོད་པའི་རྔ།། ཅང་ཏེའུ་སྒྲ་རྣམས་བསྒྲགས་པ ་དང་།། ཞིང་གི་གཡབ་མོས་གཡབ་པ་ནི།། དང་པོ་བརྡ་ཡང་སྤྲད་པར་བྱ།། དུར་ཁྲོད་ཆེན་པོའི་གནས་བརྒྱད་ནས།། བདེ་གཤེགས་མཁའ་འགྲོ་ཆེན་མོ་དང་།། རྡོ་རྗེ་ཞེ་སྡང་སྲོག་ལ་རྔམས།། རིན་ཆེན་ང་རྒྱལ་ཤ་ཟ ་མོ།། པདྨ་འདོད་ཆགས་ཁྲག་འཐུང་མ།། ལས་ཀྱི་ཕྲིན་ལས་ཆེན་པོ་རྣམས།། ནམ་མཁའ་བར་སྣང་སྤྲིན་བཞིན་དུ།། ཀློང་རྡོལ་བྱ་ནག་འབབ་པ་ལྟར།། གཏི་མུག་ཤ་ཡི་ས་གཞི་ལ།། འདོད་ཆགས་ཁྲག་གི་རྒྱ་མཚོ ་འཁྱིལ།། ཞེ་སྡང་རུས་པའི་རི་རབ་ལ།། མི་རྟོག་བདེ་གསལ་ཉམས་སྐྱེ་ཞིང་།། ཁམས་གསུམ་གདུག་པའི་དགྲ་དང་བགེགས།། སྒྲོལ་ཕྱིར་འགྱིངས་ཤིང་རྔམས་པ་ཡིས།། རབ་ཏུ་གནས་སུ་འབྱུང་བ་ནི།། བར་དུ་ཀློང ་རྡོལ་བྱོན་པ་ཡིན།། དུག་གསུམ་གཏོར་མས་ཚིམ་པ་དང་།། བདུད་རྩི་ཆེན་པོ་ས་ཚིམ་པ་དང་།། རཀྟ་དམར་གྱིས་དགྱེས་པ་ནི།། མངག་པའི་གནས་སུ་ཡུད་ཙམ་འགྲོ།། དགྲ་དང་བགེགས་རྣམས་རབ་འགུགས ་པ།། དཔེར་ན་སྐྱེས་བུ་བཙོན་བཟུང་བཞིན།། རང་དབང་མེད་པར་འགུགས་པ་ནི།། རྨད་བྱུང་དཀྱིལ་འཁོར་ནང་དུ་དྲང་།། རླུང་གི་སྟོབས་ཀྱིས་འོང་བ་ནི།། ཐ་མལ་ལས་ལ་བཀྱེ་བའོ།། བདག་གི་རྣལ ་འབྱོར་བསམ་གཏན་ཅན།། རྟ་སྐད་ཐེངས་གཅིག་བསྒྲགས་པ་ཡིས།། བསྒྲུབ་པའི་རྣལ་འབྱོར་ཆེན་པོ་རྣམས།། རྩ་བ་ཡན་ལག་དམ་ཚིག་རྣམས།། ཉམས་ཆག་བསྐངས་པར་གྱུར་ནས་ནི།། ཐུན་མོང་གྲུབ་ཆེན་བརྒྱད ་ལ་སོགས།། མཆོག་གི་སྐུ་གསུང་རང་གསལ་བ།། གཡར་དམ་ཅན་ལ་དངོས་གྲུབ་སྟེར།། རྟ་སྐད་ཐེངས་གཉིས་བསྒྲགས་པ་ཡིས།། རྗེ་མོ་བློན་མོ་མ་སྲིང་དང་།། བྲན་དང་ཕོ་ཉ་བཀའ་ཉན་དང་།། མ་མོ་མཁའ་འགྲོ ་རྣལ་འབྱོར་མ།། དམ་ལ་གནས་པ་ཐམས་ཅད་ཀྱང་།། ཚར་བཅད་རྗེས་སུ་ཕྲིན་ལས་མཛད།། ཞི་དང་རྒྱས་དང་དབང་དང་དྲག། དྲག་དབང་རྒྱས་དང་ཞི་བར་བྱེད།། རྟ་སྐད་ཟེངས་གསུམ་བསྒྲགས་པ་ཡི།། མོས་པ ་ཆུང་བའི་ཉན་ཐོས་ལ།། བདེན་པ་བཞི་ཡི་ཆོས་ཀྱང་སྟོན།། དམིགས་པ་ཕྲ་བའི་རང་རྒྱལ་ལ།། རྟེན་འབྲེལ་བཅུ་གཉིས་ཆོས་བཤད་དེ།། ཐེག་ཆེན་བྱང་ཆུབ་སེམས་དཔའ་ལ།། ཀུན་རྫོབ་དོན་དམ་ཆོས་ཀྱང ་གསུངས།། བྱ་བ་ལས་ཀྱི་ཀྲི་ཡ་ལ།། རིག་གསུམ་མགོན་པོར་རྣམ་པར་སྣང་།། ཨུ་པ་ཡ་ལ་རིགས་བཞི་ཉིད།། ལྟ་བ་སྤྱོད་པ་སྟོན་པ་དང་།། ཡོ་ག་རིགས་ལྔ་མངོན་བྱང་ཆུབ།། ཀུན་རིག་རྣམ་སྣང་ཆེན་པོར ་གསུངས།། རྣལ་འབྱོར་ཆེ་ལ་ཐབས་ཆེན་སྣང་།། རྗེས་སུ་རྣལ་འབྱོར་ཡབ་ཡུམ་ཆེ།། ཤིན་ཏུ་རྣལ་འབྱོར་ཆོས་ཀྱི་སྐུ།། རྒྱུད་ལུང་མན་ངག་སྣང་བའོ།། རྟ་སྐད་ཐེངས་གསུམ་དགོངས་པའི་ཏིང་ངེ་འཛིན་ཏོ།། དེ་ནས ་སངས་རྒྱས་རྟ་ཡི་མཆོག། ཕྱོགས་བཅུར་བཞུགས་པའི་རྒྱལ་བ་དང་།། དུས་བཞིར་གཤེགས་པའི་བདེ་གཤེགས་ཀྱིས།། དབང་ཆེན་ལས་ལ་སྦྱར་ནས་གསུངས།། དྲག་པོའི་གནས་ནས་ས་བླང་ལ།། གང་གནོད་ས་བླང ་བསྲེས་ནས་ཀྱང་།། དཀྱིལ་འཁོར་དཀྱིལ་དུ་མཐིང་ནག་ཨེ།། ཟླ་གམ་རྣམ་གསུམ་དམར་པོའམ།། ཟླུམ་པོ་ཞི་བ་དཀར་ལ་ཡང་།། གྲུ་བཞི་སེར་པོ་རྒྱས་པ་ལ།། སྒོ་དང་རྡོ་རྗེ་ར་བ་དང་།། མེ་དཔུང་དུར་ཁྲོད་བརྒྱད ་དང་བཅས།། ཁྲག་སྣ་དུག་སྣའི་ཕུ་བས་བྲི།། བྱ་རོག་གང་གའི་སྒྲོ་སོགས་ནང་།། མི་རྐང་མཚོན་གྱི་སྐུད་པ་ཅན།། རོ་རས་ཞིང་ལྤགས་གྲོ་ཤོག་ལ།། ཀླུ་གཉན་ས་བདག་སྲོག་རྩ་གཅད།། སྦྲུལ་དང་སྡིག་པ་སྦལ་བས ་བརྒྱད།། ནཱ་ག་ཙིཏྟ་མཱ་ར་ཡ་རྦད།། སུ་མི་ཙིཏྟ་མཱ་ར་ཡ་རྦད། ས་ཁྲག་ཙིཏྟ་མཱ་ར་ཡ་རྦད། དགྲ་བོའི་སྲོག་རྩ་གཅད་པའི་ཕྱིར།། ལིངྒ་མིང་རུས་སྔགས་དང་ལྡན།། ཤ་ཏྲུཾ་ཙིཏྟ་མཱ་ར་ཡ་རྦད། ཆེ་གེ་མོ་ཙིཏ་མཱ་ར་ཡ ་རྦད།། གདུག་པའི་བགེགས་ནི་ཕོ་མོ་ལ།། གང་ཡོན་གཟུགས་བྲིས་སྔགས་ཀྱིས་གཟིར།། སརྦ་བི་གྷ་ནཱན་སྲོག་མཱ་ར་ཡ་རྦད། ཨེ་སརྦ་བིག་ནན་མཱ་ར་ཡ་རྦད།། མིང་རུས་རྐང་གི་ཕུར་པ་དང་།། སེང་ལྡེང་དག་ལས་བྱས ་པ་དང་།། ལྕགས་ཀྱི་ཕུར་པ་དག་གིས་གདབ།། གླ་བའི་ཕུར་པས་གདབ་པར་བྱ།། ས་ནཱ་ག་ཏྲི་ཤ་ཏྲུཾ་མཱ་ར་ཡ་ཀི་ལི་ཀི་ལ་ཡ་རྦད།། རྡོ་རྗེ་ཕུར་པས་བཏབ་བྱས་ནས།། ལུས་རྣམས་ཀུན་ལ་གཟེར་བར ་བྱ།། མཐིང་ནག་གྲུ་གསུམ་ནང་དུ་ཡང་།། རོ་ཤིང་ཚེར་མ་ཅན་གཟེར་ནས།། ཡུགས་ས་བཤན་པའི་མེ་བླངས་ནས།། མེ་ལྷ་དབང་གི་རྒྱལ་པོའི་ཞལ།། མི་རྐང་ཟར་བུ་ཆེན་པོའི་ནང་།། དུག་ཁྲག་རིལ་བུར་ལིངྒ ་བཅུག། ཤ་ཁྲག་སྣ་ཚོགས་མཆོད་པ་འབུལ།། ཉུང་དཀར་ཡུངས་ནག་རྡོ་ཕྱེ་དང་།། གྲི་མ་དུང་མཚོན་ཆས་ཐུན་དུ་བྲབ།། རཾ་རྫ་ལ་རཾ་མཱཾ་ས་རཀྟ་ཁ་རཾ་ཁཱ་ཧི། ས་ས་ཤ་རི་ཤག་ཏི་ཏཱིཀྵྞ་ཆེ་གེ་མོ་མཱ་ར་ཡ་ཐུན་བྷྱོ།། ལྷ་ཁང ་རྨིགླིང་བར་མཚོན་བཅས་དང་།། བྱིན་ལྡན་གདུང་གི་པུ་རིའི་འོག། རབ་གནས་ལྡན་པའི་མཆོད་རྟེན་དང་།། བསྒྲུབ་པའི་དཀྱིལ་འཁོར་ཆེན་པོ་དང་།། རྒྱ་གྲམ་ལམ་དང་ཟམ་པའི་སྣ།། ལྷ་ཀླུ་བཙན་འགོང་དུར་ཁྲོད ་གནས།། ཤིང་གཅིག་དྲུང་དང་འགྱུ་བའི་སྲང་།། དེ་རུ་གང་རྙེད་ཐོད་པར་མནན།། ཉ་དང་སྲམ་དང་ཁྱི་སྦྱང་དང་།། ཝ་སོགས་གཅན་གཟན་ཐོད་པར་མནན།། ནཱ་ག་པ་ཏྲི་ཤ་ཏྲུཾ་སྟཾ་བྷ་ཡ་ལཾ་ནན།། སྲོག་ལ་འཁོར་ལོ ་བསྐོར་བ་ནི།། གདུག་པ་གསུམ་ལ་སྲོག་རྩ་གཅད།། གནོད་པའི་བགེགས་ལ་སྲོག་རྩ་གཅད།། སྡང་བ་དགྲ་ལ་སྲོག་རྩ་གཅད།། དེ་དག་དྲག་པོའི་ལས་རྣམས་ཀྱིས།། དཔལ་གྱི་འཕྲོག་སྔགས་ཟབ་མོ་སྟེ།། གསང་བ ་ཆུང་བ་འདི་དག་གོ། ཨཽ་ཧཱུཾ་ཧཱུཾ་ཧཱུཾ། ཏ་རུ་ལ་བི་རུ་ལ་སརྦ་བི་ཥ་གྷ་ཏ་ག། ཛ་ལི་ཏ་བི་སྥུ་ཊ་ལིངྒ། ཨརྠཱཊྚ་ཧཱ་ས། ས་ཌཱ་ཨ་ཊོ་པ་ཊཾ་ཀ་ར། བཛྲ་ཁུ་ར་ནི་རྨཱ་ཏ་ན། ཙ་ལི་ཏ་བ་སུ་དྷཱ་ཏ་ལ་ནི་ཤཱ་ས་མཱ་རུ་ཏོ་ཏིཀྵཔྟ་དྷ་ར་ཎི་དྷ་ར། ་བྷཱིབྷི་ཥ་ཎི་ཨཊྚ་ཌྷ་ཧཱ་ས། ཨ་པ་རི་མི་ཏཱ་བ་ལ་བ་རཱ་ཀྲ་མ། ཨརྱ་ག་ཎཱ་བྷཱི་ཏ་བྷཱུ་ཏ་ག་ཎཱ་དྷཱ་ཡཾ་ཏ། བུདྡྷ་བུདྡྷ། ཧྱ་གྲཱི་ཝ། ཁཱ་ད་ཁཱ་ད་བ་ར་མནྠན། ཙྪིནྟ་ཙྪིནྟ། བིནྣ་བིནྣ། པ་ར་མུ་དྲ་ན། སིདྡྷི་མྨེ་དི་ཤ་ཨཱ་བེ་ཤ་ཡ། སརྦ་ཛ་ར ་བཻབི་ཤ་ཙི་དཱི་ན། སརྦ་གྲ་ཧེ་ཥཱ་པྲ་ཏི་ཏ་ཏོ་བྷ་བ། བཛྲ་དཾཥྚ་ཀིཉྩ་རཱ་ཡ་སི། ཨི་དན་དུཥྚ་གྲི་ཧ་ཎ། དུཥྚ་སརྦཾ་པ། དྲཱ་ན་དྷཱ་ན། མ་ཐ་མ་ཐ། མརྡ་མརྡ། པཱ་ཊ་ཡ་བཱ་ཊ་ཡ། མ་ཊ་མ་ཊ། བྷནྣ་བྷནྣ། བུདྡྷ་དྷརྨ་ས་གྷི་ཨ་ནུ་ཛྙཱ ་ཀརྨ་ཀུ་རུ་ཤཱི་གྷྲཾ། ཧ་ཡ་གྲཱི་ཝཱ་ཡ་ཕཊ། བཛྲ་ཡེ་ཕཊ། བཛྲ་གཱ་ཏཱ་ཡ་ཕཊ། བཛྲ་ནེ་ཏཱ་ཡ་ཕཊ། བཛྲ་དཾ་ཥྚཱ་ཡ་ཕཊ། བཛྲ་ཁུ་རཱ་ཡ་ཕཊ། ཁུ་ར་ནིརྨྨ་ཏ་ནཱ་ཡ་ཕཊ། པ་ར་མནྟ་བི་ནཱ་ཤ་ནཱ་ཡ་ཕཊ། སརྦ་ཏྲི་ལོ་ཀྱ་བྷ་ཡཾ་ཀ་རཱ་ཡ ་ཕཊ། སརྦ་ཀརྨི་ཥཱ་པྲ་ཏི་ཧ་ཏཱ་ཡ་ཕཊ། བཛྲ་ཀུ་ལ་སནྣ་ས་ནཱ་ཡ་ཕཊ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ་སྭ་ཧ། གང་ལ་དམིགས་པ་འཇོམས་པར་བྱེད།། ཁྱད་པར་ཀླུ་ཡི་དུག་རྣམས་སེལ།། དུག་རྣམས་མ་ལུས་ཐམས་ཅད ་ཀུན།། འབྱིན་པར་བྱེད་པའི་གསལ་སྔགས་སོ།། ན་མཿས་མནྟ་ཀཱ་ཡ་ཝཱ་ཀ་ཙིཏྟ་བཛྲ་ཎཱ་ན། ཧུ་ལུ་ཧུ་ལུ། ཏིཥྛ་ཏིཥྛ། བྷནྣ་བྷནྟ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གརྫ་གརྫ། སྥོ་ཊ་ཡ་སྥོ་ཊ་ཡ། སརྦ་བིགྷྣ་ན། བི་ནཱ་ཡ ་ཀ་ནན། མ་ཧཱ་ག་ཎ་པ་ཏི། ཛཱི་བི་ཏནྟ་ཀ་ཛཱ་ཡ་ཕཊ། ལྷ་སྲིན་བགེགས་དང་ས་བླ་འདི།། གདུག་པའི་བགེགས་རྣམས་མ་ལུས་པ།། ལུས་དང་ངག་སེམས་ལ་དམིགས་ན།། བགེགས་རྣམས་གསོད་པའི ་མཆོག་ཡིན་ནོ། ཨོཾ་གྷ་གྷ་གྷཱ་ཏ་ཡ་གྷཱ་ཏ་ཡ། སརྦ་དུཥྚཱ་ན་ཕཊ། ཀི་ལ་ཡ་ཀི་ལ་ཡ། སརྦ་པཱ་པཾ་ཧཱུཾ་ཕཊ་ཕཊ། ཧཱུཾ་ཧཱུཾ་བཛྲ་ཀཱི་ལ་ཡ། བཛྲ་དྷ་ར་ཨཱཛྙཱ་པ་ཡ་ཏི། ཀཱ་ཡཱ་ཝཱ་ཀ་ཙིཏྟ། བཛྲ་ཀཱི་ལ་ཡ་ཧཱུཾ་ཕཊ། ཨོཾ་པ་དྷཱནྟ་ཀྲྀ་ཏ། ཙྪིནྡ ་ཙྪིནྡ། ཧ་ན་ཧ་ན། དཱིཔྟ་ཙཀྲ་ཧཱུཾ་ཕཊ། ཨོཾ་པ་དྷཱནྟ་ཀྲྀ་ཏ་ཧྲཱིཿ། ཨཾ་བྷུརྦྷ་བཿཕཊ། ཨོཾ་པདྨཱནྟ་ཀྲྀ་ཏ་བཛྲ་རཱ་ཛ་ཧཱུཾ། འཁོར་ལོའི་ཕྱག་རྒྱས་བཟུང་ནས་ནི།། ཕུར་པ་ལུས་ལ་གདབ་པར་བྱ།། པདྨའི་ཕྱག་རྒྱས་བཟུང་བྱས ་ནས།། ཕུར་བ་ངག་ལ་གདབ་པར་བྱ།། རྡོ་རྗེའི་ཕྱག་རྒྱས་བཟུང་ནས་ནི།། ཕུར་པ་སེམས་ལ་གདབ་པར་བྱ།། སྡང་བའི་དགྲ་བོ་མ་ལུས་པའི།། ལུས་ངག་སེམས་ལ་གདབ་བྱ་ན།། དེ་མ་ཐག་ཏུ་མྱུར་དུ་འགྲོ།། འབྱུང ་བཞི་འཐིབས་ནས་ཚེ་སྲོག་བྲལ།། གལ་ཏེ་གསོ་བར་འདོད་པ་ན།། གང་སོ་དེ་ལ་བཏབ་པར་བྱ།། དྲིལ་བུའི་སྒྲས་བརྒྱ་ལ་སངས་པ་ལྟར།། འཆི་བ་དེ་ཡང་ལངས་པར་འགྱུར།། དབང་ཆེན་བདེ་གཤེགས་འདུས་པ།། ་པདྨ་གསང་བ་བཀོད་པ་རྡོག་མ་ལེ་བརྒན་གྱི་རྒྱུད་ལས། གདུག་པ་གསུམ་དང་དགྲ་བགེགས་སྲོག་རྩ་གཅད་པའི་ལེའུ་སྟེ་དགུ་པའོ།། །། དེ་ནས་ཕྱོགས་དུས་སངས་རྒྱས་ཀྱིས།། གསུང་གི་ལས་མཛད་རྟ་ཡི ་མགྲིན།། མཐར་བྱེད་ཆེན་པོ་དཔལ་གྱི་དཔལ།། ལས་བཞིའི་སྦྱིན་སྲེག་རབ་ཏུ་གསུངས།། དཀྱིལ་འཁོར་ཟླུམ་ཞིང་དཀར་བ་ལ།། འཁོར་ལོས་རབ་ཏུ་བརྒྱན་པར་བྱ།། གྲུ་བཞི་གསེར་གྱི་མདོག་ཅན་ལ།། རིན་ཆེན ་འབར་བས་འཚོན་པར་བྱ།། ཟླ་གམ་དམར་པོ་གྱུར་པ་ལ།། པདྨ་ལྕགས་སྒྲོག་བྲི་བར་བྱ།། གྲུ་གསུམ་ཁ་དོག་ནག་པོ་ལ།། རལ་གྲི་མཚོན་ཆ་སྣ་ཚོགས་བརྒྱན།། གྲུ་གསུམ་ཟླ་གམ་ཟླུམ་པོ་ལ།། གྲུ་བཞི་རྒྱས་པ་ལྷུན ་གྱིས་གྲུབ།། བ་ལུ་དང་ནི་གླང་མ་དང་།། འོམ་བུ་ཤུགས་པ་ཞི་བའི་ཤིང་།། སྐྱེར་པ་དང་ནི་གླ་བའི་ཤིང་།། སེང་ལྡེང་རྒྱས་པའི་ཧོམ་དུ་བྱ།། སེང་ལྡེང་དང་ནི་མཛོ་མོ་ཤིང་།། ཁ་དོག་དམར་བ་དབང་གི་ཧོམ།། ཤེལ ་ཤིང་ནག་པོ་དྲི་ཅན་དང་།། ཨ་ཀ་རུ་ནི་དྲག་པོའི་ཤིང་།། ཐམས་ཅད་ཚང་བར་གྱུར་པ་ན།། ལྷུན་གྱིས་གྲུབ་པའི་ཤིང་ཞེས་བྱ།། འབྲས་ཆན་ནས་དཀར་ཏིལ་དཀར་དང་།། འོ་མ་ཞོ་ཡི་གཏོར་མ་ཞི།། བྲ་བོའི་ཟན་དང ་ཁུར་བ་དང་།། བ་སེར་འོ་མའི་གཏོར་མ་རྒྱས།། རམ་བུའི་ཟན་དང་ནས་དམར་དང་།། བ་དམར་འོ་མས་གཏོར་མ་དབང་།། ཤ་དང་ཁྲག་དང་དུག་དང་ནི།། ཏིལ་ནག་གཏོར་མ་དྲག་པོ་ལ།། ཐམས་ཅད་མ་ལུས་ཚང ་བ་ནི།། ལྷུན་གྱིས་གྲུབ་པའི་གཏོར་མ་ཡིན།། དངུལ་ལམ་དཀར་པོའི་ཤིང་རྣམས་ལ།། ཞི་བའི་ཕུར་བུ་ཟླུམ་པོ་བྱ།། གསེར་རམ་ར་གན་སེར་པོའི་ཤིང་།། རྒྱས་པའི་ཕུར་པ་གྲུ་བཞི་བྱ།། ཟངས་སམ་དམར་པོའི་ཤིང ་རྣམས་ལ།། དབང་གི་ཕུར་བུ་ཟླ་གམ་བྱ།། ལྕགས་སམ་ནག་པོའི་ཤིང་རྣམས་ལ།། དྲག་པོའི་ཕུར་པ་ཟུར་གསུམ་བྱ།། མགོ་ཟླུམ་སྐེད་པ་གྲུ་བཞི་ལ།། ཟླ་གམ་ཟུར་གསུམ་ལྷུན་གྱིས་གྲུབ།། དུང་ཅན་མ ་དང་ཕྱལ་པ་དང་།། ལྕུག་ཕྲན་མ་དང་བན་གླང་ཅན།། པདྨ་གཅིག་དང་སྡོང་གཅིག་མ།། མེ་རེག་མ་དང་རི་དྭགས་ཅན།། ཕྲིན་ལས་བཞི་ལ་སོ་སོར་བྱ།། ཀུན་དག་ཚང་ན་ལྷུན་གྱིས་གྲུབ།། དངུལ་དཀར་སྟག་མའི་ཤིང ་རྣམས་ལ།། ཞི་བའི་དགང་གཟར་བླུག་གཟར་དང་།། གསེར་དང་ར་གན་ཤིང་སར་རྒྱས།། ཟངས་སམ་སེང་ལྡེང་དམར་པོ་ལ།། དབང་གི་སྦྱིན་སྲེག་གསར་བུ་བྱ།། ལྕགས་སམ་མ་མི་རྐང་གཟར་བུ་ནི།། དྲག་པོར་ཡང ་དག་གསུངས་པ་ལ།། ཕྲིན་ལས་བཞི་ཡི་དབྱིབས་ལྡན་པས།། ལྷུན་གྱིས་གྲུབ་པའི་གཟར་བུ་ཡིན།། ཞི་བར་འདོད་ན་ཟླུམ་པོའི་ཞལ།། དང་བའི་སེམས་དང་རབ་ལྡན་པ།། རྒྱས་པའི་ཁྲོ་ཞལ་གྲུ་བཞི་ལ།། དགའ་བའི ་སེམས་ཀྱི་ཏིང་འཛིན་བྱ།། དབང་གི་རྟ་གདོང་ཟླ་གམ་ཞལ།། ཆགས་པའི་སེམས་ཀྱིས་མཆོད་པར་བྱ།། དྲག་པོ་ཁྲོ་ཞལ་གྲུ་གསུམ་ཉིད།། ཁྲོས་པའི་སེམས་ཀྱི་ཏིང་འཛིན་བྱ།། ཀུན་ཙང་ཞལ་ནི་ཁྲོ་ཞལ་གསུམ།། རྟ ་མགོ་ཉིད་ལ་ལྷུན་གྱིས་གྲུབ།། ཞི་བའི་མེ་ནི་དགེ་སློང་ངམ།། བྲམ་ཟེ་གཙང་མ་དག་ལས་བྱུང་།། རྒྱས་པ་རྒྱལ་པོ་འགྱུར་བ་དང་།། འབྱོར་པ་ཅན་ལས་བླང་བའོ།། དབང་གི་སྨད་འཚོང་བུད་མེད་དང་།། འགྲོ་བ་བཟང ་མོ་དག་ལས་བླངས།། དྲག་པོ་ཡུགས་ས་ཕོ་མོ་དང་།། བཤན་པ་དག་ལས་བླང་བའི་མེ།། ཀུན་ཀ་ཚང་བར་གང་གྱུར་པ།། དེ་ནི་ལྷུན་གྱིས་གྲུབ་པའི་མེ།། སྤྱན་སྤྲིན་དཀར་པོ་ཞི་བ་ཉིད།། རྟ་གདོང་དཔྲལ་བ་ཞུར་པོ ་ལས།། སངས་རྒྱས་ལྟ་སྟངས་སྣ་རྩེ་ལ།། ཡང་ན་སྟོང་ཉིད་ནམ་མཁའི་དབྱིངས།། རྒྱས་པའི་མིག་སྤྲིན་སེར་པོ་ལ།། རྟ་མགོ་ཕྲུམ་ཕྲུམ་སེར་པོར་གནས།། མི་ཡི་ལྟ་སྟངས་ས་གཞི་ཉིད།། ཡང་ན་ཐང་དཀར་རི་ལ ་བལྟ། དབང་གི་མིག་སྤྲིན་དམར་པོ་ལ།། རྟ་མགོ་རྡོག་མ་ལེ་བརྒན་ཏེ།། བུད་མེད་ལྟ་སྟངས་པར་སྣང་ལ།། ཡང་ན་ཟུར་མིག་འཕྲེང་ལ་བལྟ།། དྲག་པོའི་མིག་འབྲས་མཐིང་ནག་ལ།། རྟ་མགོ་ལྗང་གུར་གནས་པ ་ཉིད།། ཁྲོས་ནས་སྡང་མིག་བཟློག་པ་སྟེ།། ཡང་ན་གདུག་པར་མིག་འགྱུར་བྱ།། ལྷུན་གྱིས་གྲུབ་པའི་ལྟ་སྟངས་ནི།། རྟ་གདོང་གཟི་མིག་ཁྲ་བོར་བལྟ།། བྱམས་པའི་སེམས་ཀྱིས་ཞི་བ་ལ།། གཉེན་དང་བཤེས་ལ་བྱ་བ ་ཡིན།། རྒྱས་པའི་སེམས་ཀྱིས་དགའ་བ་ལ།། གཉེན་དང་བཤེས་ལ་བྱ་བ་ཡིན།། དགའ་བའི་སེམས་ཀྱིས་ཆགས་པ་ལ།། གཉེན་དང་བཤེས་ལ་བྱ་བ་ཡིན།། དྲུག་པོའི་སེམས་ཀྱིས་བཏང་སྙོམས་ལ།། གཉེན་དང ་བཤེས་ལ་བྱ་བ་ཡིན།། བྱམས་པའི་སེམས་ནི་བུ་ཡིན་ལ།། སྙིང་རྗེ་བ་ནི་ཕ་དང་མ།། དགའ་བར་རང་གི་ཆུང་མ་ཉིད།། བཏང་སྙོམས་བྱང་ཆུབ་དག་ལ་དགོད།། སྡུག་བསྔལ་ཅན་ལ་བྱམས་པ་ལ།། ཕོངས་པ་རྣམས་ལ ་སྙིང་རྗེ་བས།། གཉེན་བཤེས་རྣམས་ལ་དགའ་བར་བྱ།། དམུ་རྒོད་ཅན་ལ་བཏང་སྙོམས་ཉིད།། ཐམས་ཅད་ཚང་ན་ལྷུན་གྱིས་གྲུབ།། དགུན་དང་དཔྱིད་དང་དབྱར་དང་སྟོན།། ཕྲིན་ལས་བཞི་དང་ལྡན ་གྱིས་གྲུབ།། ས་ཡི་རླུང་དང་ཆུ་ཡི་རླུང་།། མེ་ཡི་རླུང་དང་རླུང་གི་རླུང་།། ལས་བཞི་སོ་སོར་རྒྱུ་བ་དང་།། ལྷུན་གྱིས་གྲུབ་པར་གནས་པ་ཡིན།། མེ་ཏོག་དཀར་སེར་དམར་དང་ནག། དུ་བ་འཁོར་ལོ་རིན་ཆེན་པད།། རལ ་གྲི་རྒྱ་གྲམ་འབར་བ་ནི།། ལས་བཞི་གྲུབ་དང་ལྷུན་གྱིས་གྲུབ།། སྔ་དྲོ་ཕྱི་དྲོ་གོང་མ་གཉིས།། ཕྱི་དྲོ་ཕྱི་དྲོ་འོག་མ་གཉིས།། དགོང་དང་སྲོད་དང་ཐོ་རངས་ལངས།། ལས་བཞི་ལྷུན་གྱིས་གྲུབ་པར་བྱ།། གཏི་མུག་ང་རྒྱལ ་འདོད་ཆགས་དང་།། ཞེ་སྡང་ཉོན་མོངས་ཐམས་ཅད་ཀྱང་།། ལས་བཞི་དང་ནི་ལྷུན་གྱིས་གྲུབ།། ཡེ་ནས་བྱས་པ་མེད་པར་གནས།། དགྲ་བགེགས་ལ་སོགས་ཞི་བ་དང་།། དཔལ་དང་འབྱོར་པ་རྒྱས་པ་དང་།། ཡུལ ་ཁམས་ཕོ་མོ་དབང་འདུས་དང་།། དགྲ་བགེགས་བཅོམ་དང་གནས་སུ་ཤིས།། ཐམས་ཅད་ཚང་བར་ལྷུན་གྲུབ་ནས།། ཕྲིན་ལས་བརྩམ་པའི་དགོས་པ་གསུངས།། ཡོན་ཏན་ལས་བཟློག་སྐྱོན་དུ་འགྱུར།། མེ་ལོང་ལྷོ ་རྒྱབ་ལོག་པ་བཞིན།། ཤར་ན་ལུས་འཕགས་ཟླ་གམ་དབྱིབས།། རླུང་གི་དཀྱིལ་འཁོར་གྲུ་བཞི་འདེགས།། ལྷོ་ན་འཛམ་གླིང་སོག་ཁའི་དབྱིབས།། གྲུ་གསུམ་མེ་ནི་ཀུན་ལ་སྙོམས།། ནུབ་ན་བ་གླང་ཟླུམ་པོ་ཆུ།། ཕྱི་ཡི ་རྒྱ་མཚོ་ལྕགས་རིའི་ནང་།། བྱང་ན་གྲུ་བཞི་སྒྲ་མི་སྙན།། ས་ཡི་དཀྱིལ་འཁོར་རབ་ཏུ་རྒྱས།། དབུས་ཀྱི་རི་རབ་ལྷུན་པོ་ཉིད།། ཐམས་ཅད་རིན་ཆེན་ལྷུན་གྱིས་གྲུབ།། ཞི་བའི་ཚེ་ན་ནུབ་ཏུ་བལྟ།། རྒྱས་པ་བྱེད་ན་བྱང་དུ ་བལྟ།། དབང་གི་ལས་ལ་ཤར་དུ་བལྟ།། དྲག་པོའི་དུས་ན་ལྟོ་རུ་བལྟ།། དབུས་ནི་ཀུན་གནས་ལྷུན་གྱིས་གྲུབ།། སུམ་མདོ་ཟླ་གམ་ལྟོ་བ་ཟླུམ།། རོ་སྟོད་གྲུ་བཞིར་གནས་པ་དང་།། ལྐོག་མ་དཔྲལ་བ་གྲུ་གསུམ ་སྟེ།། ལུས་ལ་ཀུན་ཚང་ལྷུན་གྱིས་གྲུབ།། བྷ་ག་ཕྱི་མཚམས་གྲུ་བཞི་ལ།། སྣ་རྩེ་གྲུ་གསུམ་བྱ་རོག་གདོང་།། སྐྱེ་གནས་ཟླ་གམ་དག་ཏུ་གནས།། སྣ་ཚོགས་འདུས་པ་ཟླུམ་པོ་ཉིད།། བྷ་གར་ཀུན་ཚང་ལྷུན་གྱིས ་གྲུབ།། ཀུན་གཞི་ཞི་བ་ཡིད་ནི་རྒྱས།། ཉོན་མོངས་དབང་ལ་སྒོ་ལྔ་དྲག། ཚོགས་བརྒྱད་ལྷུན་གྱིས་གྲུབ་པ་ནི།། དེ་ཁོ་ན་ཉིད་ཅེས་ཀྱང་བྱ།། སྟོང་པ་ཞི་ལ་གནས་རྒྱས་པ།། ཆགས་པ་དབང་ལ་འཇིག་པ་དྲག། ཐམས ་ཅད་ཚང་བར་ཡེ་གནས་པ།། ལྷུན་གྱིས་གྲུབ་པར་གནས་པའོ།། བྱོལ་སོང་ཞི་ལ་མི་རྣམས་དབང་།། ལྷ་རྣམས་རྒྱལ་དང་ཡི་དྭགས་དང་།། དམྱལ་བ་དྲག་པོར་གནས་པ་ལ།། འགྲོ་བ་ཀུན་ལ་ལྷུན་གྱིས་གྲུབ།། ཡཱ་ནི་ཞི ་བ་མ་ནི་རྒྱས།། བཾ་ནི་དབང་ལ་དྲག་པོ་ཨེ།། ཡི་གེ་བཞི་ཡི་དབྱིབས་ལྡན་པར།། ཨེ་བཾ་མ་ཡཱ་ལྷུན་གྱིས་གྲུབ།། དཔའ་བོ་ཆེན་པོའི་ཡི་གེ་ནི།། ཨ་དང་བཱི་ར་ཧཱུཾ་ཁ་ལ།། ལས་བཞིའི་ཞི་རྒྱས་དབང་དྲག་དང་།། ཀུན་ཚང ་ལྷུན་གྱིས་གྲུབ་པས་ན།། ཕུང་པོའི་བདུད་དང་ཉོན་མོངས་བདུད།། ལྟ་བུའི་བདུད་དང་འཆི་བདག་བདུད།། ཞི་རྒྱས་དབང་དྲག་ལྷུན་གྲུབ་པས།། བཞི་བཅོམ་དྲུག་ལྡན་མཐའ་ལས་འདུད།། དེ་ནས ་བཅོམ་ལྡན་པདྨ་དབང་གི་རྒྱལ་པོས།། སྐུ་དང་གསུང་དང་ཐུགས་ཡོན་ཏན་ཕྲིན་ལས་གསང་བའི་གསང་སྔགས་འདི་དག་ཕྱུང་ངོ་།། ཤཱནྟི་ཀུ་རུ་ཨོཾ་ཨཱཿཧཱུཾ་སྭཱ་ཧཱ། པུཥྚིཾ་ཀུ་རུ་སཱ་བྷྱཱཾ། པ་ཤཾ་ཀུ་རུ་ཨཱ~ཾ་ཧྲཱིཿ། མཱ་ར་ཡ་ཧ་ཧཱུཾ་ཛ་ཛ། ་ཤཱནྟི་པུཥྚི་བ་ཤཾ་མཱ་ར་ཡ། ཨོཾ་ཨཱཿཧཱུཾ་སྭཱ་ཧཱ། འདི་ནི་དུས་གསུམ་གཤེགས་པ་དང་།། ཕྱོགས་བཅུར་བཞུགས་པའི་རྒྱལ་བ་ཡི།། ཞི་བ་དང་ནི་རྒྱས་པ་དང་།། དབང་དུ་སྡུད་དང་དྲག་པོས་གསོད།། ལྷུན་གྱིས་གྲུབ་པར་གྱུར ་པ་ཡིས།། ལས་ཀྱི་རྣམ་གྲངས་གང་བྱེད་ཀྱང་།། བཅོམ་ལྡན་དབང་ཆེན་རྟ་མགྲིན་གྱིས།། པདྨ་བདེ་གཤེགས་སྤྱི་དྲིལ་གྱིས།། གཡོ་དང་མི་གཡོ་ཐམས་ཅད་རྣམས།། འགྲུབ་པར་བྱེད་པའི་རྩ་བ་ཡིན།། སྦྱིན་སྲེག་བྱེད ་པའི་སྔོན་དུ་ནི།། རང་ལུས་སྲུང་བར་བྱེད་པའི་སྔགས།། ཨཱ~ཾ་པདྨནྟ་ཀྲྀཏ། པི་ཤ་ཙི་པརྞ་ཤ་བ་རཱི་སརྦ་པྲ་ཤཱ་མ་རཱ་ཡ་སྭཱ་ཧཱ། དཀྱིལ་འཁོར་བྱེད་དམ་སྦྱིན་སྲེག་གམ།། ནད་ངན་རོ་སོགས་བསྲེག་གྱུར་ཀྱང་།། ཆུ་ལ་འདི ་སྔགས་འཐུངས་པ་ན།། ནད་རྣམས་ཐམས་ཅད་མི་འབྱུང་ངོ་།། རྐང་གཉིས་རྐང་བཞི་ཐམས་ཅད་ཀྱི།། གདོན་རྣམས་ཐམས་ཅད་མེད་པར་བྱེད་པ་ཡིན།། ཨཽ་ཤོ་ཏྲ་ཐི་ཧ་ཧུ་ལུ་ཧུ་ལུ་ཡཾ་ཊཾ་པ་ཏི་ཐོ་ཧུ་ལུ་ཏ་ཏྲེ་ས་ཏྭ་ཐོ་ཧུ་ལུ ་ཧུ་ལུ། ཏ་ཏྲེ་ཝ་གཙྪ་ཧུ་ལུ་ཧུ་ལུ་སྭཱ་ཧཱ། སྔགས་ཀྱི་རྒྱལ་པོ་འདི་ཡིས་ནི།། འཐབ་མོ་ཁ་ངན་རྒྱ་འདྲེ་དང་།། གདོན་ལྷས་འཇིགས་འབྱུང་ཐམས་ཅད་ཞི།། མེ་ཏོག་གང་རྙེད་སྔགས་བཟླས་ཏེ།། ཆུ་ཡི་རྒྱུན་ལ་བསྐུར་བ ་ན།། ཐམས་ཅད་ཞི་བར་གདོན་མི་ཟ།། གྲོང་ཁྱེར་ཚིག་པར་གྱུར་པ་ན།། མེ་ལ་ཁ་བལྟས་ཆུ་སྙིམ་པ་བདུན།། སྔགས་ཏེ་གཏོར་ན་མེ་ཚིག་ཐར།། རྐང་གཉིས་རྐང་བཞིའི་འཆི་བ་ལ།། འབྲས་བུའི་ཕུབ་མས་སྦྱིན་སྲེག ་བྱ།། འཆི་བ་ལས་ནི་ཞི་བར་འགྱུར།། མཐར་ནི་ཤཱནྟི་ཀ་ཞེས་སྦྱར།། ཐམས་ཅད་ཞི་བའི་གསང་སྔགས་སོ།། ཨོཾ་ཨ་མ་ར་ཎི་ཛཱི་བནྟི་སྭཱ་ཧཱ།། སྔགས་ཀྱི་རྒྱལ་པོ་འདི་ལ་ནི།། བཟླས་ན་ནད་རྣམས་མེད་པ་དང་།། འདི་ལ ་རྟག་ཏུ་བཟླས་པ་ན།། ཚེ་ཟད་པ་ཡང་རྒྱལ་བར་འགྱུར།། ཏིལ་མར་སྦྱིན་སྲེག་བྱས་པ་ན།། ནད་རྣམས་འབྱིན་ཅིང་ཞི་གྱུར་ནས།། ཚེ་དང་དབང་ཐང་རྒྱས་པར་བྱེད།། པུཥྤ་ཀའི་སྔགས་མཐར་སྦྱར།། ཨོཾ་ཀ་སྔགས་སོར་བཞག ་ཤེ་ཀུ་ཤེས་ནད་ཏཾ་ཤུ་བྱ་ཝཥྨ་ནི། མ་མ་ཏད་ཐ་ཏ། ས་ན་དང་ཡ་ཧ། པླན་སེ་ཝེ་བད་ཛིན་སྭཱ་ཧ།། མིག་འགུལ་ཞི་ནས་གང་མཐོང་བ།། དགའ་ཞིང་རྒྱས་པར་གྱུར་པ་སྟེ།། གང་ལ་ཡིད་ཀྱིས་དམིགས་བཟླས ་ན།། ཐམས་ཅད་བདག་དག་རྒྱས་པར་འགྱུར།། ཨོཾ་སོར་བཞག་ཛཾ་བྷེ་མུ་ཧེ་ད་ཡ་མ་ཝ་ཏི་ན་ཧཱུཾ་སྭཱ་ཧཱ།། སྔགས་ཀྱི་རྒྱལ་པོ་འདི་ཡིས་ནི།། ཐོ་རངས་དུས་ན་ལན་བདུན་དུ།། ཆུ་ལ་སྔགས་ནས་གདོང་བཀྲུས་ན།། འགྲོ་བ ་ཀུན་དགའ་དབང་དུ་འགྱུར།། སྐར་མ་རྒྱལ་ལ་པདྨ་ནི།། དཀར་པོ་ཀུནྡའི་དྲེགས་པ་ལ།། བརྒྱ་རྩ་བརྒྱད་སྔགས་མིག་བསྐུས་ན།། བུད་མེད་ཐམས་ཅད་ཡིད་འཕྲོག་བྱེད།། འདྲེས་མ་སྲན་མའི་མེ་ཏོག ་ནི།། ཙནྡན་དཀར་པོའི་ཆུར་སྤངས་ནས།། སྐར་མ་རྒྱལ་ལ་བརྒྱ་རྩ་བརྒྱད།། སྔགས་ལ་ཐིག་ལེ་བྱས་པ་ན།། རྒྱལ་པོ་ལ་སོགས་དབང་དུ་སྡུད།། བ་ཤ་ཀའི་སྔགས་མཐར་སྦྱར།། ཨོཾ་པདྨ་ནྱ་ཀྲྀཏ། མོ་ཧ་ག་ཡ། ཨན་དྷ ་ཡ། སང་ཀུ་ཡ། ཨུཙྪ་ཏ་ཡ། བྷེ་ཏེ་ཤ་ཡ། མཱ་ར་ཡ།། ཛི་ཝ་ཙིཏྟ་རྦད། ལིངྒ་གཏུབ་ནས་བསྲེག་བྱས་ན།། གང་ལ་དམིགས་པ་གསོད་པར་བྱེད།། དྲག་པོའི་ལས་རྣམས་འགྲུབ་པར་བྱེད། མཐར་ནི་ཨ་བྷི་ཙརྱ་སྦྱར།། ཨཽ ་པདྨ་ན་ཀྲྀ་ཏ་ཤཱིནྟཾ། ཧ་ཡ་གྲཱྀ་ཝ་ཕུཥྚ་ཀ། པདྨ་པདྨ་བ་ཤཾ་བ་ཤཾ་ཀཾ་པདྨ་ཀྲོ་དྷ་ཨ་བྷི་ཙ་རྱཿསརྦ་སིདྡྷ་ཧཱུཾ་ཕཊ་སྭཱ་ཧཱ། བདུན་ནམ་ཉི་ཤུ་རྩ་གཅིག་གམ།། བརྒྱ་རྩ་བརྒྱད་དུ་བཟླས་བྱས་ན།། ལྷུན་གྱིས་གྲུབ་པའི་ཕྲིན་ལས ་འགྲུབ།། ཡང་གསང་པདྨ་ཆེན་པོ་བཤད།། ཕྲིན་ལས་འདི་དག་རིམ་པ་ཡང་།། སྔགས་ནི་ཐམས་ཅད་ཉིད་ན་ཡང་།། ཚར་གཅོད་པ་དང་རྗེས་གཟུང་ཕྱིར།། དང་པོས་དྲག་ལ་གཉིས་པས་དབང་།། རྗེས་བཟུང་རྒྱས་དང ་ཞི་བ་ནི།། ཕྲིན་ལས་ཀུན་གྱི་རིམ་པར་གསུངས།། དབང་ཆེན་བདེ་གཤེགས་སྤྱི་དྲིལ་རྫོག་མ་ལེ་བརྒན་གྱི་རྒྱུད་ལས། ཕྲིན་ལས་བཞི་ལྷུན་གྱིས་གྲུབ་པའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་ཀྱིས ་མཛེ་ནད་རྒྱུན་གཅོད་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ།། སྲིད་པའི་ཀླུ་ནི་ཕྱོགས་བཞིའི་མཚོ།། གནས་པའི་ཀླུ་ཡང་མ་དྲོས་མཚོ།། ཆགས་ཀླུ་ཆུ་མིག་བྲག་དོ་ནང་།། རིགས་བཞིའི་ཀླུ་ནི ་ཕྱོགས་བཞིར་གནས།། ལྷ་ཀླུ་གནོད་སྦྱིན་བྱོལ་སོང་མི།། ཀླུ་རིགས་སེར་པོ་འཁོར་དང་བཅས།། རྒྱལ་རིགས་ཞུགས་པའི་ནད་རྟགས་ནི།། ཤ་ཆེན་མདོག་དམ་ནག་ལ་ཧམ།། གཉིད་ཆེ་གླལ་མང་རྨྱང་སྙིང ་འདོད།། རྐང་ལག་སྐངས་ཤིང་ཚིགས་ཀྱང་འཁོལ།། མིག་མི་གསལ་ལ་མགོ་ཡང་ན།། སྡོང་ཟླ་ཀླུ་བདུད་ཀླུ་བཙན་དང་།། པེ་དཀར་དམ་སྲི་མཚོ་སྨན་ཡིན།། འདུག་གནས་ལུང་པ་ཤར་དུ་བལྟས།། ཕུ་ནི་ལྷོ་ནུབ ་མཚམས་སུ་ཟུག། ཆུ་མིག་མགོ་གསུམ་ཤིང་རྩི་དང་།། ནིའུ་སིང་འདམ་རྫབ་ཅན་ལ་གནས།། ནེན་ནི་ཅི་ལས་ལངས་ཞེ་ན།། སྔགས་པ་དག་གིས་མནན་པར་བྱ།། ཞུགས་དུས་ལོ་བདུན་མ་ལོན་པར།། རང་གཞན་མི ་ཚོར་དེ་སོས་མིན།། རྗེའུ་རིགས་གནོད་རྟགས་ཤ་མདོག་སྔོ།། ཧམ་ཆགས་མགོ་གཞོགས་གཡོན་པ་འཕྲིགས།། དཔུང་པ་གཡོན་ལ་བྲིན་པ་དང་།། སྣ་བུག་གཡོན་པ་མི་བདེ་ཞིང་།། སྒྲོ་ཟུང་སེམས་དཀར་རྒོལ་སྙིང ་འདོད།། ཤ་རོ་དང་ནི་བས་ལྡག་གཡོན།། སྤོང་ཟླ་གཉེན་བཟེད་ཀླུ་བཙན་ཡིན།། རྨི་ལམ་ཆུ་དང་འདམ་གསེབ་ཉལ།། སློབ་དཔོན་བྲིས་སྐུ་ལྡེར་ཚོ་དང་།། འཐབ་མོ་བྱེད་པ་རྨི་བ་ཡིན།། ཞིང་པ་ཉ་འདྲ་རྫི་བོ་དྲན།། རྡོ ་ཤིང་བ་ཅག་པའི་ས་ནས་འབྲས།། རང་གིས་མི་ཚོར་ལོ་གསུམ་སྡོད།། མཁས་པས་བརྟགས་ན་སོས་པར་འགྱུར། བྲམ་ཟེའི་རིགས་ཀྱིས་ཟིན་པའི་རྟགས།། གཞོག་གཡས་རྩ་དང་ཁྲག་ལ་ཟིན།། ་མདོག་སྔོ་དམར་སྨིན་མ་བྱི།། རྩ་འཁྲུག་ལུས་འཁོལ་མཁལ་མ་དང་།། ཚང་རར་ཤ་རོ་འབྱུང་བ་དང་། སྙིང་མི་དགའ་ཞིང་འགྲོ་སྙིང་འདོད།། སྡོང་ཟླ་ཀླུ་བཙན་ཀླུ་སྲིན་དང་།། ས་སྲིན་དམ་སྲི་གནོད་པ་ཡིན།། གནོད་པ ་ཆུ་མིག་མགོ་གསུམ་དང་།། གད་པ་ཤར་ཤུར་ཤིང་རྐང་གཅིག། ལུ་མ་གྱ་གྱུ་རྣམས་ལ་གནས།། ཉེན་ནི་ཐབ་དང་གཞོབ་ལ་ལངས།། རྨི་ལྟས་རྟ་དང་བུད་མེད་ཆུ།། ཁྱི་དང་བྱ་དང་འཐབ་མོ་རྨི།། ཞུགས་ནས་ལོ་ནི་ཕྱེད ་དང་གཉིས།། རང་གཞན་ཚོར་དེ་གསོ་བར་སླ།། དམངས་རིགས་ཤ་མདོག་སྔོ་ལ་ཧམ།། ནད་རྣམས་འགྱུར་ཞིང་འགྱུར་ཞིང་འོང་།། མི་ནད་སྣ་དགུ་ཡོང་བར་བྱེད།། ཆུང་སྲི་རྡེའུ་ནད་འཇུག་པ་ཡིན།། སྡོང་ཟླ་ཀླུ་དང ་གཉེན་དང་སྨན།། དམ་སྲི་དཀོར་བདག་བཅས་པ་གནོད།། གནོད་པ་ཞང་ཉི་མ་སྲུའི་ས།། ཡུལ་ཕྲ་ཟམ་པ་ལུང་གསུམ་མདོ།། ཉེན་ནི་མཚན་འགྲོས་དམར་ལས་ལངས།། རྨི་ལྟས་ཆར་འབབས་རྫས་བསྒྱུར་ང་།། རི ་གཟར་ཁ་ནས་རྦབ་འདྲིལ་རྨི།། ལོ་ནི་ཕྱེད་དང་གསུམ་ལོན་ནས།། རང་གཞན་ཚོར་ཏེ་གསོས་ཀྱང་སོས།། ལོ་བརྒྱད་ཚུན་ཆོད་ནམ་ཡང་སོས། གདོལ་པ་ཀླུ་ཡི་ནད་རྟགས་ནི།། ཤ་མདོག་སེར་ལ་སྤོས་པ་དང་།། རོ ་རྒྱབ་ན་ཞིང་སྙིང་ཡང་ན།། རོ་སྟོད་བརྒྱངས་ཤིང་རོ་སྨད་འབྱར།། ཚིགས་རྣམས་འཁོལ་ཞིང་རྐང་ལག་ཕྲ།། སྡོང་ཟླ་ཡུལ་ལྷ་མགོན་ཀླུ་དང་།། ཀླུ་མོ་དཀར་མོ་བསྡེངས་ནས་གནོད།། གནོད་པ་ཕུང་ཁར་རྙིང་པ ་དང་།། ལྷ་ཁང་མཆོད་རྟེན་རྒྱ་གྲམ་ལམ།། བནྡེ་གདུང་ཆད་སྲུང་མ་གནོད།། རྟེན་ནི་མི་གཙང་ཐབ་གཞོབ་དང་།། འཐབ་མོ་དམེ་དང་མཁོན་ལས་ལངས།། རྨི་ལམ་གཡང་སར་ཕྱིན་པ་དང་།། ཁང་ཟམ་འགྲིམས་ཤིང ་ལྷུང་བ་དང་།། ཁང་ཁྱིམ་དུད་པས་ཁེངས་པ་རྨི།། ཟིན་ནས་ལོ་གཅིག་ལོན་དུས་ན།། བདག་གཞན་གཉིས་ཀས་ཚོར་བ་དེ།། གཉིས་ན་སོས་ཏེ་ལོ་གསུམ་ན།། མཛེ་ཤུར་འགྲོ་བས་གསོ་མི་བྱ།། འབྱུང་ལྔ་འཁོར་ལོའི ་འཇུག་པ་ནི།། སྦུབས་ཁ་རླུང་ལ་དམངས་རིགས་འཇུག། ལྟེ་བ་མེ་འཁོར་རྡོ་རིགས་འཇུག། རྒྱངས་པ་ས་འཁོར་རྒྱལ་རིགས་འཇུག། ཀླད་པ་ཆུ་འཁོར་བྲམ་ཟེ་འཇུག། གདོལ་བ་དེ་རྣམས་ཀུན་ལའོ།། ཤ་ནད་ཐེབ་པ ་བཟང་ངན་ནི།། དཔྲལ་ཤ་འཛུམ་འདུས་བྲམ་ཟེས་ངན།། སོག་ཤ་དབྱིངས་འདུས་རྒྱལ་རིགས་ངན།། ལག་གཉིས་བཅུད་འདུས་རྗེ་རིགས་ངན།། སྣག་ཆེན་བྲང་འདུས་དམངས་རིགས་ངན།། ཆུ་བར་ཐེབ་པ་བཟང ་ངན་ནི།། ལྟག་ཆུ་གནང་འདུས་བྲམ་ཟེ་ངན།། སྒྱིད་ཁུང་བཞི་འདུས་རྒྱལ་རིགས་ངན།། མཐེབ་ཆུང་ཟུར་རྩེ་རྗེ་རིགས་ངན།། རྟིང་ཆུ་ཁར་འདུས་དམངས་རིགས་ངན།། ཉ་གནད་ཐེབས་པ་བཟང་ངན་ནི།། བྱིན་པའི་ཉ ་ཁར་དམངས་རིགས་ངན།། གཉེན་གོང་གནད་འདུས་རྒྱལ་རིགས་ངན།། གྲུ་མོ་བཞི་གནས་རྗེ་རིགས་ངན།། སོག་པ་མགོ་གནས་བྲམ་ཟེ་ངན།། རྩ་གནད་ཐེབས་པ་བཟང་ངན་ནི།། མཐེ་བོང་རྒྱལ ་རིགས་འཐབ་པར་ངན།། རྐང་བོ་ལ་རྒྱས་པའི་རྩ་བདུན་དམངས།། སྒྱིད་ཁུང་སྤྱི་བདུད་རྗེས་རིགས་ལ།། རྩེའུ་མགོ་བཅུ་དྲུག་བྲམ་ཟེ་བདུན།། གདོང་རྩ་ཆུ་ལྔ་དོན་སྙིང་གནད།། ཀུན་གྱིས་ཟིན་པར་ངན་པ་ཡིན།། དེ ་དག་ཀུན་ཚང་གདོལ་པའི་ནད།། འཚོ་བར་དཀའ་བའི་ནད་ཀྱིས་ཐེབས།། ནང་ནི་མིག་ལ་བརྟག་པ་ནི།། ཤིང་གི་མེ་ཏོག་རྩེ་མོར་སྨིན།། ནད་རྣམས་མིག་ན་འཆར་བ་དེ།། ཆུའམ་ཆང་གིས་བྱད་བཀྲུས་ལ།། སེར་པོས ་མིག་ཁེབས་མཁྲིས་ནད་རྒྱས།། དེ་ནི་རྒྱལ་རིགས་ནད་ཡིན་ནོ།། ཀླད་ཁྲག་ཆུ་ཕོ་ཁྲག་ནད་རྗེའུ།། མིག་ཆུ་ཆུ་སེར་བྲམ་ཟེའི་ནད།། དམར་སེར་སྤྲིས་མ་བད་ཀན་དམངས།། མིག་འབྲས་གཏིང་མཚོ་དོལ་པ་ཅན།། རྩ ་ལ་གྲམ་པ་རྣམ་སྨིན་ནད།། ནག་པོ་མཐོང་བྱེད་དོན་སྙིང་འགྲམས།། རྣམ་པར་སྨིན་པའི་ནད་དངོས་བཟུང་།། ནད་རིགས་དངོས་དང་འཁོར་དབྱེ་བ།། གྲུ་ཁུང་རྒྱལ་རིགས་རྗེའུ་རིགས་བསྡོངས།། སྙིང་གར་རྗེ་རིགས ་རྒྱལ་རིགས་བསྡོངས།། ཀླད་པ་བྲམ་ཟེ་གདོལ་བའི་འཁོར།། གསང་གནས་དམངས་སུ་བྲམ་ཟེ་བསྡོངས།། དེ་ཚེ་ཀུན་ཚང་གདོལ་དང་དམངས།། ཏྲི་ལ་བརྟག་པ་མི་འགྱུར་བཟུང་།། དུད་པ་ཁྱི་ཏྲི་ནག་མོ་གནོད།། ཆུ ་ཡི་དྲི་འདྲ་ཀླུ་གནོད་ཆེ།། ཚིལ་ཆེན་དྲི་འདྲ་གནོད་རྩུབ་སྟེ།། གདོན་ཕྲད་དྲི་ཆུའི་དྲི་ལྟ་བུ།། གཤིན་དྲི་གདོན་ཆེན་རྣམ་སྨིན་ནད།། ཤ་ཡི་མདོག་ལ་བརྟག་པ་ནི།། སྨུག་ནག་གདོན་ཆེན་འགྱུར་ལྡོག་ཆེ།། ཤ་འགུལ ་དཀོར་བདག་ནག་མོ་ལ།། ཤ་སྐམ་རྣམ་པར་སྨིན་པའི་ནད།། ཤ་སྤོས་རྐང་པ་གདོན་ཐུབ་རྟགས།། ཤ་རོ་དག་ལ་བརྟག་པ་ཡང་།། ཡས་ཆགས་རྐྱེན་གྱིས་བྱུང་བའི་ནད།། མས་ཆགས་རྣམ་པར་སྨིན་པའི་ནད།། ཕྱེད ་མར་བྱུང་ན་གདོན་གཞན་ཆེ།། རྨ་མདོག་དབྱེ་བའི་བརྟག་པ་ནི།། དམར་ལ་ཆུ་སེར་གདོན་ཞེན་ཆེ།། སྔོ་སྐྱ་ཧམ་པ་ནག་མོ་དཀོར།། རྐང་པ་རྒྱུ་ཁུང་རྣམ་སྨིན་ནད།། འཇུག་པའི་རིགས་ཀྱི་བརྟག་པ་ཡང་།། རིགས་ཀྱི ་མ་སྲུ་ཞང་ཉེས་འཇུག། བརྐོ་རློག་ཤིང་གཉན་རྐྱེན་གྱིས་འཇུག། ཀླུ་དང་ཐུག་ཕྲད་གོ་བུར་འཇུག། ཀུ་རེ་རྐྱལ་ཀ་རྔམ་འདོད་འཇུག། འབྱུང་བ་བཞི་པོ་ལོག་མེན་བརྟག། དགུན་དང་ནམ་ལངས་ས་ཡི་དུས།། དབྱར་དང ་དྲོས་པ་ཆུ་ཡི་དུས།། སྟོན་དང་ཕྱི་དྲོ་མེ་ཡི་དུས།། དཔྱིད་དང་དགོངས་ཀ་རླུང་གི་དུས།། ལོ་དང་ཟླ་བ་ཞག་དུས་དང་།། ཟ་མ་ཤིན་ཏུ་ཉེ་བའི་དུས།། མི་རིགས་འབྱུང་བ་བརྟག་པ་ཡིན།། རྒྱལ་རིགས་མགོ་ནས་འཇུག་པ ་སྟེ།། ལྕི་ཞིང་འཐིབས་པའི་དུག་ནད་ནི།། རྒྱལ་བློན་ཤ་བཀྲ་རྒྱང་གླུ་ལེན།། བྲམ་ཟེ་ལག་གཡོན་གྲང་བ་ཆུ།། གོ་ལྡོག་ཡན་ལག་མིག་མི་བདེ།། མཐེ་བོང་བུས་གོང་སྣ་ཕྲག་འཕྲིགས།། རྨི་ལྟས་ཆུས་ཁྱེར་འདམ་དུ ་བྱིངས།། རྗེའུ་རིགས་ལག་གཡས་ཚ་བ་མེད།། དམར་ཞིང་དགོང་ལ་ཆུ་བུར་དང་།། ཚ་བྲབ་ཤ་བཀྲ་མེ་ལྕེ་རིས།། རོ་སྨད་མདུན་སྨད་ན་བ་ཡིན།། དམངས་རིགས་རྐང་གཡས་ཡང་ཞིང་གཡོ།། གདོལ ་པ་རྐང་གཡོན་ནག་ལ་གེལ།། ཤ་རུས་སྤུ་དུག་བརྟག་པ་ནི།། ཤ་དུག་པདྨ་རྡོ་རྗེ་ཉམས།། མིང་ཚ་ཟིལ་ཆེན་གོར་ཤོ་ཤོར།། རུས་དུག་སྐད་ཕྲ་འཛེར་ལུང་ཁྲག། གློ་བསྟུད་སོ་སེན་བཀྲག་རྣམས་ཤོར།། སྤུ་དུག་མགོ་སྐྲ ་སྨིན་མ་དང་།། གྲོ་བ་ས་ཤུ་དབྱིབས་རྣམས་ཤོར།། དུག་གསུམ་ཚང་བ་རྣམ་སྨིན་ནད།། གསོ་དཀའ་ཟིན་པ་ངན་པ་ནི།། མཁར་བཞི་རི་བོའི་མཐོངས་དང་ལྔ།། རྒྱ་མཚོ་གཉིས་དང་རོ་དཀྱིལ་བརྒྱད།། ནགས་ཀྱི་གཙུག ་དང་སྤུ་རིགས་བཅུ།། ཐུགས་དཀྱིལ་སྲིད་ལྟེ་བཅུ་གཉིས་པ།། རི་རབ་ཁུང་དང་བཅུ་གསུམ་ཡིན།། ཚང་དང་མ་ཚང་མཁས་པས་བརྟག། ཟིན་པ་བཟང་བའི་རྟགས་མཚན་ནི།། ཤ་འཕྲིགས་རྩ་འཕྲིགས་ཟ་འཕྲུགས ་དང་།། ཤུ་བ་བས་ལྡག་སྐམ་མིག་དང་།། མིག་འཕུལ་སྣ་གཡའ་མེ་དཔལ་རིས།། མགོ་འཁོར་སྣ་ཁྲག་ཆུ་སེར་འོང་།། སེར་ཀ་གས་ཤིང་རྨ་རྙིང་དང་།། རྐང་པ་སྦྲིད་ཅིང་རྩ་རྣམས་ཁོལ།། གླལ་འོད་རྒྱང་འདོད་སྙིང ་མི་དགའ།། རྐང་ཤ་མཁལ་ན་ངུ་སྙིང་འདོད།། བྱད་ནི་གཡའ་ཤིང་ཚ་ཚག་བྱེད།། ལུས་རྣམས་འཁྲུ་ཞིང་སྤྲོ་བ་དང་།། རོ་སྟོད་རྒྱས་ཤིང་གཟེར་བ་དང་།། ཤ་མདངས་བར་ན་ཤ་རོ་ཡོད།། མཁས་པས་བརྟགས་ལ་གསོ ་བར་བྱ།། དོན་སྙིང་དག་ལ་ཟིན་པ་ནི།། གློ་བ་སྣ་རྡོག་ཞོམ་པ་དང་།། གློ་བུར་སྣ་ཡི་གོང་རྣམས་ཤོར།། དབུགས་ཟུང་ཁྲག་སྐྱུག་གློ་རྡོལ་འཆི།། སྙིང་ལ་རོ་སྟོད་བརྒྱངས་ཤིང་ན།། སྒྲོ་ཐུང་མི་དྲན་སྨྱོ་བར་བྱེད།། མཆིན ་པ་ལྕེ་ལ་འབྲུམ་དམར་ཡོང་།། ལྕེ་འཐོན་ཐ་མ་ཤ་རོར་འགྱུར།། མཁལ་མ་རྐང་པོ་ལ་སྐྲང་མེད་འདར།། གཞོགས་གཡས་དྲོད་ཆུང་ཡན་ལག་ཞ།། མཚེར་པ་རྣ་བ་གཡས་པ་འོན།། མཆུ་སྐྲངས་ཁ་སྐམ་བྱིན་པ་འ ་དར།། མཁྲིས་པས་མཆུགས་ལུས་པོ་སྐྲངས།། བྱད་སྐྲངས་མིག་དང་ལུས་མདོག་སེར།། གསོ་བྱ་ལེགས་ཉེས་བརྟག་པ་ནི།། བེམས་དང་ཤིན་ཏུ་བེམས་པ་དང་།། དིབ་པ་ཤིན་ཏུ་དིབ་པ་དང་།། ཁ་དོག་ཅན་དང་ཁ ་དོག་བྲལ།། འཁོར་ལོ་དྲུག་ལ་བཞུགས་པ་དང་།། སྙིང་པོ་བཞི་ལ་ཞུགས་པ་དང་།། རྩེ་མོ་གསུམ་ལ་ཟིན་པ་དང་།། ནམ་མཁའི་མཐོངས་ནས་བབས་པ་དང་།། རྒྱ་མཚོའི་གཏིང་ནས་རྡོལ་པ་དང་།། གནད་ལ་ལྕགས ་གཟེར་ཐེབས་པ་དང་།། ནག་པོ་ཁྲོ་ཆུའི་གཟེར་ཐེབས་དང་།། ཁ་དོག་ལྔ་རུ་བསྟན་པ་དང་།། དེ་དག་རུང་དང་མི་རུང་བརྟག། སྤང་བར་བྱ་བའི་དམིགས་བརྟག་པ།། རྒྱ་མཚོ་ཆེན་པོ་ལུང་འགྱུར་ཞིང་།། ཆུ་བྲན་མཐའ ་ནས་གཡོས་པ་དང་།། གངས་རི་དཀར་པོར་ཞུ་གྱུར་ནས།། རི་བོའི་སུལ་ལགས་པ་བྱུང་།། གློ་བའི་གནད་ལ་ཐེབས་པ་དང་།། སྟོད་ཀྱི་དང་ཀ་འགགས་པ་དང་།། རྒྱལ་པོའི་དཀོར་མཛོད་བཅོམ་པ་དང་།། རྐུན་པོ ་ཕུགས་སུ་ཞུགས་པ་དང་།། གཉེ་མ་དག་ལ་ཞུགས་པ་དང་།། རྒྱལ་པོའི་ཕོ་བྲང་བཏབ་པ་དང་།། འདི་དག་མཁས་པས་སྤང་བར་བྱ།། ནད་ཀྱི་སྨིན་ལུགས་བརྟག་པ་ནི།། རུས་སྨིན་ཞ་སྒུར་གསོ་བར ་ང་། ལོ་མང་ལོན་ནས་གསོ་བར་དཀའ།། ཤ་ལ་སྨིན་པ་སྐྲ་བོ་དང་།། དམར་འགྱུར་སེར་འདུས་འཚོ་བ་ཡིན།། ཆུ་སེར་ནག་པོ་སྨིན་པ་དང་།། ཚོགས་དང་རྒྱས་པར་གྱུར་ན་ངན།། ཆུ་བ་ལ་ཞུགས་གསོ་དཀའ ་དང་།། དེ་ཡི་སོས་རྟགས་ཐུབ་པ་དང་།། དམངས་རྣམས་གྲོང་སྦྲང་འཁྱམས་པ་དང་།། ཚིགས་བཞི་མཁར་ནས་ཕབ་པ་དང་།། འབྲས་བུ་གནད་ནས་ཐེབས་པའོ།། དེ་ནས་མིག་རྟགས་རྒྱས་པར་བཤད།། བལྟ་དུས ་གཏོར་མ་སྦྱིན་པ་དང་།། བདེན་བདར་བསྐྱེད་རྫོགས་བསྒོམ་པར་བྱ།། བྱང་ཆུབ་སེམས་ཀྱིས་ཀུན་ཁྱབ་བྱ།། གདོན་བཙན་བར་དུ་ཁ་བལྟས་ཏེ།། བ་ལུ་ཤུག་པའི་མེ་བུས་ཏེ།། མིག་ལ་ཀླུ་སྨན་དུད་པས་བདུག། མིག ་གི་ཐ་མ་ཟུར་དུ་བཟློག། གྱེན་ལ་བཟློག་སྟེ་གཡས་གཡོན་བསྒྱུར།། ཧ་རེ་དག་ཏུ་ཐུབ་ཚད་སྡད།། མཁས་པ་དག་གིས་ལེགས་པར་བརྟག། མིག་ལ་བརྟག་པ་རྣམ་པ་བཞི།། འགྲིམ་རྩའི་བརྟག་པ་དང་པོ་སྟེ།། གཉིས ་པ་ཀླུ་རིགས་བཞི་པོ་བརྟག། གདོལ་པ་ཀུན་ཁྱབ་བརྟག་པ་གསུམ།། བཞི་པ་ལས་ཀྱི་རྣམ་སྨིན་ནོ།། འགྲིམ་རྩའི་བརྟགས་པ་ལ་བཞི་སྟེ།། ཤར་ན་ཡན་ལག་རྩ་དང་ནི།། ལྷོར་ནི་སྲིད་པའི་རྩ་ཡིན་ལ།། དེ་བཞིན ་ནུབ་ན་བད་མཁྲིས་རྩ།། བྱང་ན་དོན་སྙིང་རྩ་ཡང་གནས།། ཡན་ལག་རྩ་ཞེས་བསྟན་པ་ཡང་།། མིག་གི་གྲ་ཕུག་གཡས་ན་འཆར།། ནད་གཞིའི་རྩ་ལ་གྲམ་མ་གྲམ།། རྩ་བར་བྱུང་ན་རྩ་ལ་གྲམ།། སྐེད་པར་བྱུང་ན་མགོ ་ཕྱོགས་དེ།། རྩེ་མོ་གྲོལ་ནི་སླ་བ་ཡིན།། སྲིད་པའི་རྩ་ལ་ལོ་གྲངས་བརྟག། མིག་གི་ཡ་ལྕིབས་དག་ནས་འཆར།། ནག་ཐིག་གཅིག་བྱུང་ལོ་གཅིག་ལོན།། དེ་བཞིན་ནག་ཐིག་རེ་ལོ་རེ།། གཡས་སུ་རྒྱལ་པོ་དམ་སྲི ་གཡོན།། རྦོད་གཏོང་འབྲེལ་གཞི་བརྟག་པར་བྱ།། བད་མཁྲིས་གྲ་ཕུག་གཡོན་ནས་འཆར།། འདི་ལ་གདོན་རྣམས་ཡང་བཟུང་སྟེ།། མིག་སྤྲིན་དཀར་ནག་མཚམས་སུ་ནི།། རྒྱལ་རིགས་མེ་ཏོག་འདི་ལྟར ་འཆར།། མདུང་ཤིང་བཀྲི་འདྲ་རྩེ་མོ་ནི།། སོག་ཁར་བྱུང་བ་རྒྱལ་རིགས་ལ།། ལག་སོར་བཀྲམ་འདྲ་བྱུང་ན་འཁོར།། རྗེ་རིགས་མེ་ཏོག་དཀར་ནག་མཚམས།། ཀླད་ཁྲག་ཆུ་ལ་ཕོ་བ་འདྲ།། འཁོར་ནི་དམར་སེར་མདོག ་ཏུ་ཡང་།། བྲམ་ཟེའི་མེ་ཏོག་དཀར་ནག་མཚམས།། སེར་པོས་ཁེབས་པ་འོང་བ་སྟེ།། གཡས་པ་གཙོ་ལ་གཡོན་བྱུང་འཁོར།། དམངས་ཀྱི་མེ་ཏོག་དཀར་པོ་སྟེ།། ནག་པོའི་ཐིག་ལེ་ཁྱབ་འབྲུམ་དངོས།། ནག་ལ་རྩུབ་པ ་འཁོར་དུ་བཤད།། དོན་སྙིང་རྩ་ཡི་རིམ་པ་ཡང་།། མིག་གི་གྲ་ཕུག་འོག་ནས་འཆར།། ནད་གཞི་རྒྱས་སམ་མ་རྒྱས་བལྟ།། གདོན་གཞན་ཆེན་རྩ་བར་འགྱུར།། སྐེད་པར་བྱུང་ན་རྩུབ་པ་ཡིན།། རྩེ་མོར་བྱུང་ན་ཕྲ་བ ་ཡིན།། ཀླུ་རིགས་བཞི་ཡི་བརྟག་པ་ནི།། ཕྱི་དང་ནང་གི་ཕྱོགས་སུ་བཤད།། མིག་ལ་རྣམ་པ་གཉིས་ཡིན་ཏེ།། མིག་གི་ཕྱི་དང་མིག་གི་ནང་།། དང་པོ་ཕྱི་ཡི་རྟགས་བརྟག་པ།། དབྱིབས་ནི་ནག་ལ་འབྲུམ ་བུ་འབྱུང་།། དེ་ནི་གདོལ་བས་ངེས་པར་གཟུང་།། ཟུར་གསུམ་སོང་བ་དམངས་ཀྱིས་སོ།། དམར་སེར་སོང་ན་རྗེའུ་རིགས།། ཐེན་དང་ཆུ་འཛག་བྲམ་ཟེའི་རིགས།། ཡོ་དང་བཟློག་པ་རྒྱལ་པོའི་རིགས།། དེ་བྱུང་མིག་ལ ་བབ་པའི་རྟགས།། རབ་འབྲིང་ཐ་མ་གསུམ་དུ་བརྟག། ལས་ལས་གྱུར་པ་སྤང་བར་བྱ།། མིག་གི་ནང་ནས་བལྟས་པ་ནི།། ལུས་ཀྱི་ཕྱི་ནང་མཚན་ཉིད་གསལ།། ནད་གདོན་ཀུན་ཀྱང་གསལ་བར་སྟོན།། མིག་སྤྲིན ་དཀར་ལ་རྩ་རིས་བརྟག། རྩ་ནི་གཡས་ནས་ཟུག་གྱུར་ན།། ཤ་རོ་ཤ་མཚན་གཡས་ན་ཡོད།། རྩ་རིས་གཡོན་ནས་ཟུག་གྱུར་ན།། ཤ་རོ་ཤ་མཚན་གཡོན་ན་ཡོད།། རི་རབ་རྩེ་ནས་འབབ་པ་འདྲ།། རོ་སྟོད་ཡན་ལག་ནད ་གཞི་རྒྱས།། རྒྱ་མཚོའི་གཏིང་ནས་ཕྱུང་སྐྱེས་འདྲ།། སྐེད་པ་མན་ཆད་ནད་ཀྱང་རྒྱས།། གང་ན་གནས་པ་དེ་ལྟར་བལྟ།། མིག་སྤྲིན་དག་ལ་རྩ་རིས་ནི།། ཁ་དོག་དཀར་པོ་སྦྲུལ་འཁྱུས་འདྲ།། རྒྱལ་རིགས་ནད་ཀྱིས་ཟིན ་པའི་རྟགས།། ཁ་དོག་སེར་པོ་ཉ་གཟུགས་འདྲ།། བྲམ་ཟེའི་ནད་ཀྱིས་ཟིན་པའི་རྟགས།། ཁ་དོག་དམར་པོ་སྦྲུལ་གྱི་གཟུགས།། རྗེའུ་རིགས་ནད་ཀྱིས་ཟིན་པའི་རྟགས།། ཁ་དོག་ནག་པོ་སྦལ་པའི་གཟུགས།། དམངས ་རིགས་ནད་ཀྱིས་ཟིན་པའི་རྟགས།། ཁ་དོག་སྔོ་ནག་སྡིག་པའི་གཟུགས།། གདོལ་པའི་རིགས་ཀྱིས་བཟུང་བའི་རྟགས།། མགོ་དང་ཡན་ལག་ལུས་པོ་རྫོགས།། གོ་རིམ་བཞིན་དུ་ཤེས་པར་བྱ།། ཕྱོགས་ལ་བརྟག་པར་བྱ ་བ་ཡང་།། ཕོ་གཡས་མོ་ནི་གཡོན་ནས་བརྟག། གྲ་ཕུག་གཉིས་ནི་ཤར་ནུབ་གཉིས།། ཡ་ཕེབས་མ་ཕེབས་ལྷོ་བྱང་གཉིས།། གཞན་རྣམས་མཚམས་སུ་ཤེས་པར་བྱ།། རི་མོའི་རྣམ་པ་བརྟག་པ་ནི།། ཤར་དུ་རྒྱལ་རིགས ་རི་མོ་དཀར།། དཀར་སེར་འདྲ་བ་སྤྲུལ་པ་ཡིན།། ཐིག་ལེ་ནས་འབྲས་ཞིང་ས་གནོད།། སོག་འདྲ་བྱུ་ན་དུ་རས་ནས།། ཉུང་དཀར་འདྲ་བྱུང་གཏད་འདྲེ་ཡིན།། བྲེ་འདྲ་བྱུང་ན་ཁང་ས་ནས།། མདུང་འདྲ་ཤིང་བཅད་ས ་ནས་གནོད།། ཐིག་ལེ་དཀར་པོ་གཅིག་བྱུང་ན།། ཞུགས་ནས་ལོ་གཅིག་ལེན་པ་སྟེ།། དེ་བཞིན་གཉིས་གསུམ་བཞི་ལྔ་དྲུག། བདུན་ནམ་བརྒྱད་ཐལ་མི་མངོན་ནོ།། ཐིག་ལེ་ཤར་དུ་བྱུང་བའི་ཕྱིར།། གཞོགས་ནི་གཡས ་ལ་ཐེབས་ནས་ཡོད།། ཤ་རོ་ཁ་དོག་དཀར་སེར་ཏེ།། བྱིན་པ་བརླ་ཤར་ཐེབས་ན་ཐུབ།། མཆན་ཁུང་ཐེབས་ན་མི་ཏུབ་པོ།། རྗེའུ་རིགས་ནད་ཀྱིས་ཐེབས་པའི་རྟགས།། མིག་གི་ལྷོ་ཡི་ཕྱོགས་སུ་འཆར།། ཐིག་ལེ་སེར་པོ ་སྲན་ལེབ་ཙམ།། རྗེའུ་རིགས་སྤྲུལ་པ་དང་བཅས་ཟིན།། ཞིང་ས་ནས་ནི་གནོད་པ་ན།། ཐིག་ལེ་སེར་པོ་ནས་འདྲ་འོང་།། སོག་པ་འདྲ་ན་དུར་ས་ནས།། ཉུང་དཀར་གཏད་འདྲེ་བྲེ་འདྲ་ཁང་།། མདུང་འདྲ་ཤིང་བཅད་ས ་ནས་གནོད།། ཐིག་ལེ་སེར་པོ་གཅིག་བྱུང་ན།། དེ་ནི་ཞུགས་ནས་ལོ་གཅིག་ལོན།། གཉིས་གསུམ་བཞི་ལ་དྲུག་བདུན་དང་།། ཕྲད་པར་ཐལ་ནས་མི་མངོན་ནོ།། ཐིག་ལེ་ལྷོ་ཡི་ཕྱོགས་བྱུང ་བས།། གཞོགས་གཡོན་ནད་ཀྱིས་ཐེབས་ནས་ཡོད།། ཤ་རོ་ཁོག་པ་སྐྱ་བབ་སྟེ།། རྐང་མཐིལ་མི་ཐུབ་དེ་མིན་སླ།། བྲམ་ཟེས་ཟིན་རྟགས་ནུབ་ཕྱོགས་འཆར།། ཐིག་ལེ་དམར་པོ་ནས་སོག་བྲེ།། ཉུང་དཀར་མདུང་འདྲ། ་ཞིང་ས་དུར།། ཁང་པ་རྦད་འདྲེ་ཤིང་བཅད་ས་ནས་གནོད།། དམར་པོ་གཅིག་གཉིས་གསུམ་བཞི་ལྔ།། བརྒྱད་དུ་ཐལ་ནས་དེ་མི་གསལ།། ནུབ་ཏུ་བྱུང་ནས་ཤ་རོ་རྒྱབ།། ཁ་དོག་འབུ་ནི་སོ་དམར་འདྲ།། ལྟག་ཁུང་བྱུང ་མི་ཐུབ་སྟེ།། གཞན་དུ་བྱུང་ན་ཐུབ་པར་གསུངས།། དམངས་རིགས་ཟིན་རྟགས་བྱང་ཕྱོགས་འཆར།། ཐིག་ལེ་སྔོན་པོ་བྱུང་བ་ན།། ཞིང་ས་ཁང་ས་དུར་ས་དང་།། རྦད་འདྲེ་ཤིང་བཅད་ཆོས་མཐུན་སྦྱར།། ལོ ་གྲངས་ཐིག་ལེའི་གྲངས་ལ་བརྩི།། བརྒྱད་དུ་ཐལ་ནས་ཡལ་ནས་འགྲོ།། བྱང་དུ་བྱུང་བའི་གནད་ཀ་ཡིས།། དཔྲལ་བ་སྙིང་གར་ཐེབས་པ་ན།། དེ་ནི་ཐུབ་སྟེ་གཞན་མི་ཐུབ།། གདོལ་པ་མིག་གི་འབྲས་བུ་འཆར།། ཐིག ་ལེ་ནག་པོ་གཅིག་འཆར་ཏེ།། ནས་འདྲ་བྲེ་འདྲ་སོག་པ་འདྲ།། ཉུང་དཀར་མདུང་ཤིང་གནོད་པའི་རིགས།། ལོ་གྲངས་གྲངས་དང་སྦྱར་ཏེ་ཐལ།། འབྲས་བུ་དག་ལ་བྱུང་བ་ཡིས།། རྡོ་རྗེ་མི་ལྡང་དེ་མི་ཐུབ།། མོ་ཆགས་མི ་སྐྱེ་གདོལ་ནག་པོ།། ལུས་གཞན་དག་ལ་ཐེབས་ན་ཐུབ།། སྤྲུལ་པ་འཁོར་གྱིས་ཟིན་པ་ན།། ཤར་ལྷོ་རྒྱལ་རིགས་འཁོར་གྱི་རྟགས།། སྦྲུལ་དཀར་འཁྲུག་འདྲ་གློ་ལ་ཟིན།། གློ་འཚུབས་མི་བདེ་སྣ་ཞོམ་ཡོང་།། ལྷོ་ནུབ ་རྗེའུ་རིགས་འཁོར་གྱི་རྟགས།། ལྕོང་མོ་མཇུག་རྡུམ་སྙིང་ལ་ཟིན།། སྙིང་ན་དྲན་ཉམས་བརྗེད་ནས་ཆེ།། ནུབ་བྱང་བྲམ་ཟེའི་འཁོར་གྱི་རྟགས། སྦལ་ནག་རབ་ཏུ་ཆས་པ་ནི།། རྣ་བ་མི་གསལ་གཞོགས་ན་ཞིང་།། མཁལ ་མ་རབ་ཏུ་ན་བ་དང་།། བྱང་ཤར་དམངས་རིགས་འཁོར་གྱི་རྟགས།། སྡིག་པ་རྭ་བརྒྱད་འདྲ་བ་འཆར།། མཆིན་པ་ལ་ཟིན་ཁྲ་སྙིང་འདོད།། མཆིན་ནད་དང་ནི་མིག་མི་གསལ།། གདོལ་པ་ཀུན་ཁྱབ་རྟགས་བརྟག ་པ།། མཐོང་བའི་དུག་དང་རེག་པའི་དུག། ཁ་རླངས་ལ་སོགས་ཡོད་པ་སྟེ།། གདོལ་བ་འཁོར་འཁོལ་རྟགས་རྣམས་འཚོལ།། སྤྱི་རྟགས་ཀུན་དང་ལྡན་པར་བཤད།། རྣམ་པར་སྨིན་པའི་ནད་རྟགས་ནི།། ལུས་རྣམས ་ཀུན་ལ་ནད་རྒྱས་པ།། རྒྱ་མཚོ་ཆུ་གཉེར་འཁྲུགས་པ་འདྲ།། བར་སྣང་སྤྲིན་གྱིས་གཡོགས་པ་འདྲ།། འཁོར་ལོ་རལ་དང་མེ་ཏོག་ཉམས།། ཉི་གདུང་སེར་བུ་མི་བཟོད་དེ།། དྲག་ཏུ་མཆི་མ་འཛག་པ་དང་།། མིག་གི ་དབྱིབས་ཀྱང་སྟེང་སྟེང་པོ།། འབྲས་བུ་ཞུ་བར་གྱུར་པ་ནི།། སྙིང་ནི་རབ་ཏུ་ཟད་པའི་རྟགས།། རྐུན་པོ་ཕུགས་སུ་ཞུགས་པ་ཡིན།། འབྲས་བུ་སྨིན་པ་ཞེས་བྱ་བ།། ཆུ་སེར་ནག་པོ་རྒྱས་པ་ཡིན།། ཅིས་ཀྱང་མི་ཕན་རྣམ ་སྨིན་ལས།། གསོ་རུ་མི་རུང་སྤང་བར་བྱ།། ཞེས་གསུངས་སོ།། དབང་ཆེན་བདེ་གཤེགས་སྤྱི་དྲིལ་རྔོག་མ་ལེབ་རྒན་གྱི་རྒྱུད་ལས། གདུག་པ་གསུམ་གྱི་གནོད་པ་བརྟག་པ་སྟེ་ལེའུ་བཅུ་གཅིག ་པའོ།། །། དེ་ནས་བཅོམ་ལྡན་འདས་ཀྱིས་མཛེ་ནད་གསོ་བ་འདི་གསུངས་སོ།། དང་པོར་བརྟག་པར་བྱ་བའི་རྫས།། མུ་ཟི་གླ་རྩི་ཤུ་དག་ནག། གུ་གུལ་དཀར་ནག་ལྔ་སྙོམས་ཏེ།། གྲིབ་བསྐམས་བསྲུབས་མ་དེ ་རྣམས་ཆ།། རྒྱ་ཚ་རིལ་མ་ཙམ་དང་བཅས།། སྣོད་གཙང་དྲི་ཆུ་བར་མར་སྤང་།། དྲི་ཆུ་འཁོར་མི་སྨན་ཆུ་འཐུང་།། ཁྲག་དང་ཆུ་སེར་ཆུ་ངན་གྱི།། མདོག་ལ་བརྟག་པ་མན་ངག་ཡིན།། ཡང་ནི་ཤུ་དག་དཀར་ནག ་གཉིས།། གླ་རྩི་མུ་ཟི་ཁྲལ་ཁྲོལ་རྣམས།། བདུན་ཕུལ་ཆུ་ནང་ཁུ་བ་འདོན།། ལྟོ་སྟོང་བཏང་ལ་ཞག་གཉིས་བརྟག། སྦྲིད་དང་ན་ཚ་མེད་པར་བརྟག། ཡང་ན་རུ་རྟ་དན་རོག་པ།། གཉིས་དང་གསུམ་ནི་ཆང་དུ་བླུག། གྲུབ ་གཞུག་བཏང་ལ་གོས་དྲོད་ཉལ།། ཚ་གྲང་ནད་བཞི་གང་ཡིན་བརྟག། མཛེ་ནད་ཚབས་ཆུང་ཆུ་སེར་ནི།། མ་རྒྱས་པ་ལ་ལྟོ་བཤལ་བྱ།། བྱུག་པ་སྤང་མའི་ཟན་བསྟེན་ལ། ཨ་བར་གཉིས་དང་དན་རོག ་གསུམ།། ཤུ་དག་ནག་པོ་ལྡུམ་རྩ་བསྙམ།། གུ་གུལ་དཀར་ནག་ཞིབ་བཏགས་ལ།། མ་ནུའི་ཟང་གིས་འཕུལ་ལ་གཏང་།། མནན་གཞེལ་ལྕག་དང་དབྱུང་བ་དང་།། རྗེས་གཅོད་བྱས་ལ་ལྟོ་སྦྱང་ངོ་།། མཛེ་ནད་ཚབས་ཆེ ་རྩ་ཤལ་བྱ།། ཤ་བ་ཕོ་མོ་སྤྲད་སོགས་བྱ།། ཕྱེ་མ་པདྨ་རྡོག་པོ་བཅུ།། སྡིག་སྲིན་རྒྱ་ཚྭ་སུག་སྨེལ་རྣམས།། ཐུན་རེ་ཆ་བསྙམ་ཕྱེ་མ་ནི།། ལྕམ་པའི་ཐང་གིས་ཕུལ་ལ་གཏང་།། ལྕག་ཏུ་ཆབ་ཚ་མང་དུ་གཏང་།། ཚ་དུག་ཡོས ་དུག་ཟུག་རྡུག་ཞོམ།། ཡང་ན་པདྨེ་མར་ལ་འདུལ།། སྡིག་སྲིན་སུག་སྨེལ་ཐུན་རེ་ལ།། རྒྱ་ཚྭ་ལུག་རིལ་པི་ལིང་བདུན།། གླང་མཁྲིས་ཐུན་གཅིག་གོ་བོའི་བྲུན།། ཆ་གསུམ་ཐོ་རངས་གཏང་བར་བྱ།། རྗེས་ནི་ཚོད་དང ་སྦྱར་ལ་བཅད།། ཐང་སྦྱོར་པདྨ་ཉི་ཤུ་གཅིག། སྡིག་སྲིན་རྒྱ་ཚྭ་སུག་སྤེལ་རྣམས།། ལྕམ་པའི་ཐང་ལ་བསྡུས་ལ་གཏང་།། ཁྲག་འཇོམས་དོམ་མཁྲིས་ཆང་སྦྱར་བཅས།། ཆུ་སེར་རང་གར་འབབ་ཏུ་གཞུག། མཛེ་ནད་བཅོ ་བརྒྱད་འཇོམས་པའི་སྟན།། ཨ་བར་རྡོག་པོ་ཉི་ཤུ་བཏབ།། བཙན་དུ་སྲན་མ་ཉི་ཤུ་བཏབ།། དྲི་ཆུས་འདམ་བཏགས་མདོག་ནག་ཏུ།། གུ་གུལ་ནག་པོ་ཤ་རིལ་ཅེས།། བི་བི་ལིང་ནི་ཉི་ཤུ་དང་།། ནག་འཚེར་གླ་རྩི་བཙན ་དུག་ཕྱེད།། གི་ཝང་ཆུ་ནས་རིལ་བུ་འདོན།། ཞག་ལྔར་གཉིས་གཉིས་གསུམ་སྦྱར་གཏང་།། དེ་ནས་རྒྱུན་དུ་རིལ་བུ་དགུ།། ཟླ་བ་འཕེལ་འགྲིབ་བསྣོན་འབྲིང་སྦྱར།། སྨན་ལོག་ཨ་བར་དྲི་ཆུས་བཅོས།། ཚབས་ཆེ་གླ ་རྩིའི་ལྕ་མདའ་ཡིན།། ཡང་ན་གུ་གུལ་ནག་པོ་དང་།། གྲུབ་ཐོབ་དྲི་ཆེན་རིལ་བུ་ལས།། ཡང་ན་ཆུ་སེར་སྐེམས་པ་ནི།། སེང་ལྡེང་སྤྱིར་བཞུར་ཁུ་བ་གཉིས།། མུ་ཟི་སེར་པོ་གླ་རྩི་དང་།། བ་བླ་སྦྲང་རྩི་ཆུ་སེར ་སྐེམས།། ཡང་ན་ཆུ་སེར་འདོན་པར་བྱ།། མུ་ཟི་རྒྱ་ཚིལ་བཙན་དུག་དང་།། ཆོས་སྨན་གུ་གུལ་ཤུ་དག་ནག། དྲི་ཆེན་དྲི་ཆུ་མི་ཕག་ཞུན།། བསྡུས་ཏེ་བསྐུ་བ་དུག་སློང་རྫས།། དྲི་ཆུ་གླ་རྩི་བྱང་བ་དང་།། སྤུ ་ཆུ་རྩས་དབྱུང་བར་བྱ།། བཙན་དུག་མུ་ཟི་ལྡོང་རོས་དང་།། གུ་གུལ་དྲི་ཆུ་མི་ཕག་ཞུན།། དུག་རྣམས་སྡུད་པའི་རྫས་མཆོག་ཡིན།། ཆེ་ཆུང་འདོན་པའི་གནད་དུ་ཤེས།། ཡང་ན་དྲི་ཆེན་སྦྱོར་བ་ནི།། མི་ཁྱི་ཕག་པ་སྦྲང ་ཀིའི་བྲུན།། རྫ་ཡི་ནང་དུ་དྲི་ཆུས་མནན།། ཚིག་མའི་དུད་པས་བདུག་པ་དང་།། དྭངས་མ་ལྟོ་རུ་གཏང་བ་དང་།། སྐྱོ་མས་གནས་རྣམས་བསྲུང་བར་བྱ།། ཤུ་བ་ཤ་རོ་ལ་སོགས་འཇོམས།། ཀླུ་རྣམས་ཐུལ་དང་ནད་དོན ་རྟགས།། རྫས་འདིས་ངེས་པར་བྱེད་པ་ཡིན།། ཡང་ན་བདུད་རྩི་དྲུག་སྦྱོར་ནི།། ཨ་བར་ཧ་ལུང་ནག་པོ་དང་།། གླ་རྩི་གུ་གུལ་ནག་པོ་དང་།། པི་པི་ལིང་དང་གི་ཧང་གཏང་།། འདི་དུས་དྲི་ཆུ་བསྟེན་པར་བྱ།། སྨན་ནད་མི ་ལྡང་གདོན་ཆོམས་འཇུ།། རྫ་ཡི་སྣོད་དུ་དྲི་ཆུ་བསགས།། དང་པོའི་ཐེམ་བུ་འབོ་བར་བྱ།། གོང་མ་བཙགས་ལ་བར་བ་བདུག་གདུ་ཡང་།། ལྷག་མ་སྣ་ནས་ཀླད་པར་དྲངས།། བྱིན་རླབས་ཡོད་པས་གསོ་བར་བྱ།། ཞབས ་ཀྱི་ལྷག་མ་སྐབས་སུ་དོན།། ཡང་ན་ལག་པའི་སྦྱོར་བ་ཡིས།། ཕྱིར་དོན་ཁོང་བསྟུད་སྣ་ལ་དྲངས།། འཛུ་དང་བདེ་དང་མྱུར་དུ་འབྱིན།། འབྲས་བུ་གསུམ་དང་ཕབ་ཏུ་སྦྱར།། སྦྲང་རྩིའི་དྲི་ཆུ་ལྕགས་ཀྱི་སྣོད།། ལྷོར་བཏུང ་སྣར་བརྔུབ་དྲུག་སྦྱོར་ནི།། ཡོན་ཏན་ཐམས་ཅད་མཐུན་པར་བཤད།། རིལ་བུ་ལོ་དུས་བསྟེན་པ་ཡིས།། མ་སོས་རུས་ལ་ཞུགས་པ་ཡིན།། སྔོན་འགྲོ་རྩ་བཤལ་གཏང་བར་བྱ།། དངོས་གཞི་རུས་སྦལ་ཕོ་མོའི་རུས།། རུ ་རྟ་ཕག་རྒོད་མཆེ་བ་དང་།། རྨ་བྱའི་སྒོ་དང་གི་ཧང་སྔགས།། གླ་རྩིའི་ཆུ་ལ་རིལ་བུ་བྱ།། ཁྱེ་སུས་རེ་རེ་ཟ་བར་བྱ།། བདུད་རྩི་རིལ་བུ་ཟ་ཞིང་བསྲུང་།། རིལ་བུ་ཡུན་རིང་བསྟེན་བྱས་ཀྱང་།། ལུས་ཀྱི་ནད་རོ་མ་ཐོན ་ན།། ནད་དང་གདོན་གྱི་རོ་འདོན་པ།། བྱང་བ་སུམ་ཅུ་བཏུལ་བྱས་ནས། རྒྱ་ཚྭ་ལུག་གི་རིལ་གྱི་ཚད།། སུག་སྨེ་ཐུན་གཉིས་མཚམ་དཀར་དང་།། ཚྭ་ལ་ཐུན་ནི་རེ་རེ་ལ།། གུ་གུལ་ནག་པོ་མཐེབ་རྡོག་ཙམ།། སྡིག་པ ་སྲིན་པོ་ཐུན་རེ་ཡིན།། ཟླ་གསུམ་ནང་རེ་ནས་ཕྱེད་སྨན།། རང་གི་དྲི་ཆུ་བར་བས་འཕུལ།། ཚོད་དང་སྦྱར་ལ་ཐུན་བསྐྱེད་དེ།། ཟས་ངན་མི་ཟ་བསྲུང་བར་བྱ།། སྨན་སྦྱོར་རང་ཉམས་ཚོད་དང་བསྟུན།། འདི་ལ་སྔོན་འགྲོ ་རྗེས་གཅོད་མེད།། ནད་དང་གདོན་རོ་རྩ་ལམ་འདོན།། ན་ཚ་ཡོད་པའི་ཤ་རོ་ལའོ།། ན་ཚ་མེད་པའི་ཤ་རོ་ལ།། དེ་ལ་སྨན་གྱིས་བྱུག་པར་བྱ།། ཁབ་ཀྱི་ས་གཅགས་ལ་ཁ་ཕྲུ་གདབ།། དེ་གཉིས་བྱུག་རྫས་རྒྱ ་དང་།། རྒྱམ་ཚྭ་རུ་རྟ་བྱི་ཏང་ཀ། གུ་གུལ་དཀར་ནག་ཁ་རུ་ཚྭ།། མུ་ཟི་དཀར་ནག་བཙན་དུག་དང་།། རྒྱ་ཚིལ་ཐར་ནུ་གླ་རྩི་དང་།། ནུས་པ་ཅན་གྱི་དྲི་ཆེན་རྣམས།། དང་པོར་བསྙམས་ལ་ལྡེ་གུར་བྱ།། དྲི་ཆུས་བསྐུས་ལ ་མར་གྱིས་བྱུག། རྨ་རྙིང་གསོ་ལ་མི་ཤ་དང་།། ཉ་ཤ་མི་རྐང་ལྷ་བ་ཅན།། གླུ་མཉེ་སྦལ་བའི་ཚིལ་བུ་བཅས།། ཞོ་དང་སྦྱར་ལ་ལུམས་སུ་གཞུག། རྣག་དབྱུང་བཙན་དུག་ཐལ་བ་དང་།། མགྲོན་བུ་དངུལ ་ཟངས་ཐལ་བ་ལྔ།། ཀ་ར་ཆུ་རྩ་དོམ་མཁྲིས་ཀྱི། བྱུག་པ་རྨ་རྙིང་ནང་དུ་གཞུག། གསོ་བྱེད་སྨིན་གྱིས་ཚེ་བསྲིང་བ།། ཨ་བར་སྐམ་ཐགས་འདམ་ཐགས་བྱ།། སོ་མ་ར་ཙ་གི་ཧང་དང་།། ཐལ་ཀར་རྡོ་རྗེ་གླ་རྩི་དང་།། གུ ་གུལ་དཀར་ནག་སེང་ལྡེང་ཁྲག། རིལ་བུ་དགུ་པ་རྫོགས་པར་ཟ།། མྱུ་དུ་འཆི་བའང་ཚེ་བསྲིང་ནུས།། རྣག་མཛེ་སྐེམས་པའི་རིན་ཆེན་སྨན།། སྣོད་ནི་རྫ་མ་མེ་ཐུབ་ནང་།། གསེར་སྲང་བཞི་ལ་སུམ་ཆ་གསུམ།། ལྕགས ་ཕྱེ་དངུལ་ཕྱེ་ཞོ་གཉིས་ལ།། མུ་ཏིག་ཆང་དང་བ་ཡི་ཆུ།། ཟངས་དང་གསེར་ཕྱེ་སུམ་ཆས་གཡོགས།། ཁ་བཅད་སོལ་མེས་བཙོ་བར་བྱ།། རྦོད་རྦོད་ཏས་ཏས་ནེམ་ནེམ་བྱེད།། ཐམས་ཅད་ཟངས་ལ་ཐིམ་གྱུར་ཏེ།། དངོས ་པོ་མི་མངོན་ལྕིད་ཀྱིས་གསལ།། ཆུ་སེར་དཀར་པོ་འཇོམས་པ་ནི།། སེང་ལྡེང་ཁྲག་དང་གུ་གུལ་དཀར།། ཐལ་ཀར་རྡོ་རྗེ་སོ་མ་ར།། ཟངས་ཐལ་མུ་ཟི་ཙན་དན་དམར།། མཛོ་མོ་ཤིང་རྣམས་འཇུ་སྟོབས་སྦྱར།། ནག་པོ ་ལ་ནི་སྦྲང་རྩི་སྦྱར།། རིལ་བུ་བྱས་ལ་གཏང་བར་བྱ།། མཛེ་ནད་ཐམས་ཅད་སྐེམ་པར་བྱེད།། རྡོ་རྗེ་བཞིན་དུ་འཇོམས་པའོ།། ཤུ་བ་གློ་བུར་བྱུང་བ་ལ།། ཆོས་ཤིང་རེ་ལྕག་ཀྲད་རྙིང་དང་།། དྲེས་མ་སུག་པ་སྒོང་ཐོག ་དང་།། མུ་ཟི་ཚིལ་ཆེན་རྒྱ་ཚིལ་དང་།། ར་རུའི་གཞོབ་དང་ཅོད་ཞིའི་ཐལ།། སྒོག་སྐམས་ཚྭ་དང་པ་ཡག་དང་།། དུད་པ་དམར་ནག་བྱུག་པར་བྱ།། སྨན་གྱི་དམ་ཚིག་བསྟན་པ་ནི།། ཚྭ་དང་བུད་མེད་རུལ་སུམ་སྦྱར།། སྔོ ་དང་སྒོག་ཕྱོགས་ཆགས་པ་སྤངས།། མེ་ཉི་ལུས་ངག་རྩོལ་བ་སྤང་།། འཕྱགས་སུ་མི་གཞུག་སྦྲང་རྩི་བསྟེན།། སྤྱོད་ལམ་དམ་ཚིག་བསྲུང་བ་གཅེས།། དེ་ནས་རིལ་བུའི་ཚོད་བཟུང་སྟེ།། རིལ་བུ་དགུ་ལས་མང་དུ ་གཏང་།། བདེའམ་མི་བདེ་བརྟག་པར་བྱེད།། ཡང་ན་གཅིག་ལ་བལྟ་བ་དང་།། ཡར་བསྣོན་མར་འཕྲི་ཚོད་གཟུང་བྱ།། ཞེས་གསུངས་སོ།། པདྨ་གསང་བ་བཀོད་པ་རྡོག་མ་ལེ་བརྒན་གྱི་རྒྱུད་ལས། ཀླུ་གཉེན་ས་བདག ་གསོ་བའི་ལེའུ་སྟེ་བཅུ་གཉིས་པའོ།། ། དེ་ནས་དབང་ཆེན་པདྨ་ཡིས།། སྲིའུ་གསོ་དང་མཚོན་ཆ་བསྲུང་།། ཡུལ་ཁམས་བསྲུང་དང་པྲ་དབབ་དང་།། ཆར་པ་དབབ་པར་བྱ་བ་དང་།། སྲོག་ལ་བར་བུ་བསྐོར་བ ་དང་།། གདུག་པ་ཀླུ་ལ་གཏད་པ་དང་།། ཐོག་དང་སེར་བས་ཡུལ་མཁར་འཇོམས།། འགྲོ་བ་དབང་སྡུད་འབྱོར་པ་འཕེལ།། ལྷ་སྲིན་གདུག་པ་ནད་བཟློག་བསྲུང་།། ངོ་མཚར་སྤྲུལ་པའི་རོལ་མོ་བཤད།། སྲི་བུ་གསོ ་བར་གསུངས་པ་ཡང་།། སྔགས་དང་རྫས་ཀྱིས་སྐྱེ་བ་དང་།། མོ་གཤམ་དག་ཏུ་མི་འགྱུར་དང་།། བུས་པ་ཆགས་པར་གྱུར་པ་དང་།། ལྟེ་བ་བསྒྱུར་བར་བྱ་བྱེད་རྣམས།། སྦྲུམ་མ་བུ་ནི་མི་འཆོར་ཏེ།། བཅིང་གྲོལ་ལམ་ནི ་བེ་པར་འགྱུར།། བགེགས་རྣམས་བསད་ཅིང་བསྲུང་འགྱུར་རོ།། མཚོན་ཆ་བསྲུང་བར་བྱ་བ་ཡང་།། ཤིང་ཤུན་འཁོར་ལོ་སྔགས་དང་བཅས།། རྒྱབ་ཏུ་ཡི་གེ་བཙོག་མས་བསྲུང་།། ཡུལ་ཁམས་ཐུན ་སྔགས་བསྙེན་པ་དང་།། གཏའ་ནི་བསྡམ་པར་བྱ་བ་དང་།། སྤྲིན་ཕུང་གཏོར་ནས་འབྲུག་ཀྱང་གཞི་ལ།། ཀླུ་ལ་དམ་ཚིག་བཅོལ་བ་དང་།། ཐང་ལ་ཕབ་ནས་རི་ལ་བསྐྱོན།། བདག་གི་ཐོག་ལྷུང་གཞན་དུ་བཟློག། ལམ ་ནི་བསྟན་པར་བྱ་བ་དང་།། དབུས་ནས་གཏའ་བསྡམས་གཏོར་ཕུད་གཟུག། སྲ་འབེབས་མཎྜལ་བྱ་བ་དང་།། པྲ་བརྟན་ཆས་སུ་གཞུག་པར་བྱ།། མཆོད་པས་དོན་རྣམས་འགྲུབ་པ་དང་།། སྔགས་ཀྱི་བཟླས་པས་དབབ ་པ་དང་།། ཉལ་ནས་རྨི་ལམ་སྟོན་པ་དང་།། རྟག་ཏུ་བརྩོན་པར་བྱ་བའོ།། ཤ་ཟ་མོ་བསྒྲུབ་བྱ་བ་དང་།། གཙང་མར་ལེགས་པར་གནས་པ་དང་།། མཚན་མོ་ཉལ་ནས་བརྟག་པ་དང་།། གཡོ་འགུལ་སྔགས་དང་ཆུ་ལ ་དབབ།། གཞན་ལ་དབབ་པར་བྱ་བའོ།། དེ་ནས་པདྨ་གར་གྱི་དབང་།། གདོད་ནས་ལས་ཀྱི་རྣམ་པར་སྨིན།། འབྱུང་བའི་རྐྱེན་དང་གདོན་གྱིས་གཙེས།། སྔོན་དུ་ལས་ཀྱིས་མི་འབྲེལ་བ།། རང་གི་བུ་བསད་རྣམ་སྨིན ་འཕོག། གཞན་གྱི་ཆུང་འཚེ་ནད་དཀྲུག་དང་།། སེམས་ཅན་ཀུན་གྱི་བུ་ལ་ཡང་།། གནོད་པ་བྱས་པས་དེ་མི་ཕྲད།། ཕོ་མོ་མ་ནིང་རིགས་ཅན་དང་།། ལས་དང་བསོད་ནམས་མ་འབྲེལ་བས།། བུ་དང་བུ་མོ་ཆུ་ངུར ་ཉམས།། དུར་ཁྲོད་གནས་ཉམས་སོང་བའོ།། འབྱུང་བ་ཚ་གྲང་འཐབ་པ་ཡིས།། མི་ཆགས་མ་རུངས་བྱེད་པ་དང་།། དཔེར་ན་མེ་ཆུ་འགལ་བ་བཞིན།། ལྷན་ཅིག་དག་ཏུ་མི་གནས་སོ།། ཕ་མ་གྲང་བ་ཆེ་བ་ཡིས།། ས ་བོན་དྲོད་མེད་གཉིས་འཛོམ་པས།། དགུན་གྱི་འཁྱགས་པ་ལྟ་བུར་གྱུར།། གལ་ཏེ་ཆགས་ཆེན་བུད་མེད་ལ།། ཁྱོ་མང་བྲེད་དང་ན་ཆུང་ལ།། མ་སྙོམས་ཆེས་པས་སྲིད་རྩ་ཉམས།། རང་གནས་འབྱུང་བ་རྐྱེན་དབང ་གིས།། བུས་པ་ཆགས་པར་མི་འགྱུར་བས།། འབྱུང་བའི་དགྲ་ལ་འཛེམ་པར་བྱ།། སྤྱིར་ན་ལྷ་སྲིན་ཆུང་འཚེའི་གདོན།། མངལ་ནས་ཆགས་པར་མི་བྱེད་དང་།། ཆགས་པ་མ་རུངས་པ་རུ་བྱེད།། སྐྱེས་ནས་དེ་ལ་རྣམ་པར ་འཚེ།། གདོན་ཆེ་རྣམས་ཀྱིས་གཙེས་གྱུར་པ།། རྒྱལ་པོས་ཁྱེར་ན་དུད་མོ་བྱེད། བསེན་མོས་འཁྲུ་སྐྱུག་སྦྱང་བ་དང་།། ས་བདག་སྐམ་ནས་འགྲོ་འགྱུར་བ།། རྦད་འདྲེ་གདོན་བགེགས་བུས་པའི་གདོན།། ཁ་ཟས་མི ་འཕྲོད་པ་རྣམས།། མི་ཡི་འོ་མ་རེངས་པ་འཐུང་།། མ་ཞུ་བོ་བའི་མེ་དྲོད་ཉམས།། ཉམས་པས་བྲང་མཆིན་འབབ་གྱུར་པས།། པདྨ་དབང་ཆེན་མ་ཡིན་པ།། འདི་ལ་སྐྱབས་པའི་ལྷ་གཞན་མེད།། འདི་ལ་སྐྱབས་སུ་འགྲོ ་བར་བྱ།། དེ་ནས་དབང་མཆོག་རྟ་ཡི་སྐུ། པུ་ཏྲ་མྱུ་གུ་ཐོན་གྱུར་པ།། འགྲོ་བ་བསྐྱབ་པར་བྱ་བས་ན།། སྐྱབས་པ་ཆེན་པོས་རབ་ཏུ་གསུངས།། ཨོཾ་པདྨ་རྒྷ་ཀྲྀ་ཏ་ན་མོ་ཨ་ཏིད་ཏྱ། ཀ་ར་ཏ་ཏི་དྷི་པ་ཀི་བི་ཏི། ན་བ་ཤ་ཚ་ཆེ ་གེ་ལ་སྐྱེ་བར་གྱུར་ཅིག་སྭཱ་ཧཱ།། ནཱ་ག་གེ་སར་ས་བོན་ནད།། གླ་གོར་ཞོ་ཤ་རྣམ་པ་གཉིས།། སྦྲང་རྩིས་སྦྲུས་པ་འོ་མར་སྦྱར།། བླུད་དེ་འབྲས་དང་ལྷན་ཅིག་ཟོས།། བུད་མེད་མོ་གཤམ་ཡིན་གྱུར ་ཀྱང་།། དེ་ལ་བུ་ནི་སྐྱེ་བར་འགྱུར།། རྒྱ་ཚྭ་རྒྱམ་ཚྭ་ཐལ་ཚྭ་དང་།། ཤིང་ཚྭ་ཁ་རུ་ཚྭ་དང་ནི།། ཀ་ར་སྦྲང་རྩི་མར་སྦྱར་ནས།། ཟླ་མཚན་བྱུང་ནས་ཁྲུས་བྱས་པའི།། བུད་མེད་ལ་ནི་བླུད་པ་ན།། མོ་གཤམ་ལ་ཡང་བུ ་སྐྱེའོ།། ཨ་ཤོ་ཀནྟའི་རྩ་བ་དང་།། འོ་མ་སྲང་ནི་ཉི་ཤུ་བརྒྱད།། བསྐོལ་ནས་མར་དང་ལྷན་ཅིག་བླུད།། ངེས་པར་མོ་གཤམ་བུ་ཡང་སྐྱེ།། བུས་པ་ཆགས་པའི་ཏིང་ངེ་འཛིན་ཏོ།། དེ་ནས་ལྟེ་བ་བསྒྱུར་བྱ་ན།། བདག་ཉིད ་བསྒོམ་པར་བྱ་བ་ནི།། ཁྲོ་བོ་ལྡེང་རྗེ་སྨུག་པོའི་སྐུ།། ཤིན་ཏུ་ཆེ་བ་འགྱིང་བག་ཅན།། ཤེལ་གྱི་འཁོར་བ་འདོམ་གང་ཐོགས།། ཡུམ་ནི་ལྷ་མོ་དཀར་མོ་ཉིད།། གཡུ་ཡི་སྨིན་མ་ཅན་དུ་བསྒོམ།། ཕོ་ཉལ་གཡས་ལ་མོ་ཉལ ་གཡོན།། བུད་མེད་ལྟོ་བའི་ཤར་ལྷོ་ནུབ།། གང་དུ་གསང་བའི་སྔགས་གདབ་བྱ།། ཨོཾ་ར་ཙ་ཨ་པ་ནཱ་ཡ་སྭཱ་ཧཱ། ཨཽ་ཏྲ་ན་ཨ་པ་ནཱ་ཡ་སྭཱ་ཧཱ། ཨོཾ་རཱ་ཙ་ཛ་ཡ་པ་ན་ཡ་སྭཱ་ཧཱ། ཨོཾ་ཨ་ཀ་ལ་མྲྀཏྟ་ཨ་པ་ན་ཡ་སྭཱ་ཧ། ལན་ནི་བདུན ་བདུན་གདབ་པར་བྱ།། ལྟེ་བའི་སྟེང་གི་གཡས་སུ་བསྐོར།། སྦྲུམ་མ་བུ་ནི་མི་འཆོར་ཕྱིར།། ཚོན་སྐུད་ལྔ་ལ་སྔགས་བཏབ་ནས།། བུད་མེད་སྐེད་པར་དཀྲིས་པ་ཡང་།། ནུབ་རེ་ལ་ནི་བརྒྱ་བརྒྱ་བཟླས།། ཨོཾ་ཀཾ་ཀ་མ་ལ་མ ་སྡོམ།། ཏྲི་ཏྲི་མ་ལ་མ་སྡོམ།། ཤོན་མ་ལམ་སྡོམ།། ལཾ་ཁཾ་རཾ་ཡཾ་ཏིཥྛ་ལྷན།། སྦྲུམ་མར་གྱུར་པ་ལམ་བདེའི་ཕྱིར།། བཅིངས་པ་དག་ལ་གྲོལ་བྱེད་ན།། ཨེ་ན་བན་ནི་ཀཱ་ཀ་གང་ག་ཏི། ར་མོ་པ་ཙ་ཏ། པི་པ་ཏོ་རོ་ཏེ་པ་ནི། ཡཾ ་ཝ་ཤདྡྷ་བྷ་བ་ཏོ་གོར་ཝ་ནི།། ལན་བདུན་མངོན་པར་སྔགས་པ་ཡི།། ཆུ་ནི་ཁྱོར་བ་གང་ཡོང་བ།། ཕོ་ཉས་སྦྲུམ་མ་ལ་བླུད་ན།། བུ་ནི་བདེ་བར་བཙའ་བར་འགྱུར།། ལྟོ་བ་འགྱུར་ཞིང་བུ་ཆགས་པ་དང་།། བདེ་བར་སྦྲུམ ་མའི་བུ་སྐྱེ་བའི་ཏིང་ངེ་འཛིན་ཏོ།། དེ་ནས་བགེགས་རྣམས་བསད་ཅིང་བསྲུང་།། དུར་ཁྲོད་ལྷ་མོས་བསྲུང་བ་དང་།། སྐྱོབ་པར་བྱེད་པའི་གསང་སྔགས་བཟླས།། རྟག་ཏུ་མ་ཡིས་བཟླས་པར་བྱ།། ཨ་མ་བ་ས་པཱ་ཀཾ་བ་སུ ་ཇོ་མོ་ཕེ་ཌཱི་དུ་བ་སུ། སྔགས་ཀྱི་རྒྱལ་པོ་འདི་ཡིས་ནི།། གོང་དུ་བསྙེན་པ་མ་བྱས་བྱང་།། རྟག་ཏུ་མ་ཡིས་འདི་བཟླས་ན།། འཇིགས་པ་ཐམས་ཅད་འགེག་པར་བྱེད།། རྡོ་རྗེ་དྲི་ཆུས་ཐིག་ལེ་བྱ།། ཕྱིར་རྒོལ་ཐམས་ཅད ་རྨོངས་པར་བྱེད།། ལོག་པར་ཕྱོགས་པར་ལྡང་བར་བྱེད།། བཅིངས་པས་བཟླས་ན་བཅིངས་པ་གྲོལ།། སྨྲ་བ་འདོད་ན་མེ་འཇིགས་ཐོབ།། སྲིའུ་གསོ་བའི་ཏིང་ངེ་འཛིན་ཏོ།། དེ་ནས་རྟ་ཡི་རྒྱལ་པོ་ཡིས།། མཚོན་ཆ ་བསྲུང་བར་བྱ་བ་གསུངས།། ཤིང་ཤུན་དག་ལ་བྲི་བ་ནི།། འཁོར་ལོ་རྩིབས་ནི་བཅུ་གཉིས་པ།། མཚལ་གྱི་རྩི་བས་ལ་འབྲུ་རེ་བྲི།། དབུས་སུ་གང་བསྲུང་མིང་དང་རུས།། ཨོཾ་ཏ་ན་ཡན་ཏེ་ཉགས་ཕཊ། སིལ་སིལ་ཕཊ ་སྭཱ་ཧཱ། དེ་ཡི་རྒྱབ་ཏུ་སྔགས་འདི་ནི།། ཡི་གེ་བརྩེགས་མར་བྲི་བར་བྱ།། ཨོཾ་ར་ཙ་ཡ་བས་གན་དྷ་ཧ་ནི་སྭཱ་ཧཱ།། གཡས་སུ་ཡུངས་ཀར་སྟོང་དུ་བཟླས།། གཡོན་དུ་གླ་རྩི་སྟོང་དུ་བཟླས།། དབུས་སུ་འཁོར་ལོ ་རྣམ་པར་གནས།། ལེ་བརྒན་དར་དུ་ལེགས་བྲིས་ནས།། ཚལ་བུ་རྟ་ཡི་རྔམས་བཅིངས།། སྐྱེས་པའི་དཔུང་གཡས་བུད་མེད་གཡོན།། དམག་དཔུང་དཀྲུག་ཀྱང་ཐུབ་པར་འགྱུར།། མཚོན་ཆ་བསྲུང་བར་འདོད་པའི་ཏིང ་དེངེ་འཛིན་ཏོ།། དེ་ནས་དབང་གི་རྒྱལ་པོ་དཔལ།། ཡུལ་ཁམས་བསྲུང་བར་བྱ་བའི་ནང་།། ཉུང་དཀར་ཉུང་ནག་ཐལ་ཆེན་དང་།། དྲག་པོའི་རྫས་ལ་བཟླས་པ་བྱ། ཕཊ་ཙ་གི་ཅིག་གི་གྷུ་ཧེ་མུ་ལེ། ཤ་ཤ་གྷུ་གྷུ་ཧེ་ཧེ་པྲི་རི་ཧུ ་ཡུ་ཧུ་ཡུ། ཡུ་ནན། ཕུར་ཙི་ཏེ་ནན། བཛྲ་ཕུར་ཙི་ཏེ་ནན། རད་ན་ཕུར་ཙི་ཏེ་ནན། རད་ན་ཕུར་ཙི་ཏེ་ནན། མ་ཧཱ་ཕུར་ཙི་ཏི་ནན། བིག་ནན། པུ་ཙི་ཏེ་ནན། དར་པོ་ཕུར་པ་བཅུ་བྱས་ལ།། སྔགས་བྲི་བཟླས་ཉུང་ཐུམ་པོ ་གདགས།། ཕྱོགས་བཞི་མཚམས་བརྒྱད་དབུས་རྣམས་སུ།། མཐོ་བརྩིག་གཏའ་ཡང་བསྡམ་པར་བྱ།། དེ་ནས་སྤྲིན་གོར་འབྲུ་གཞིལ་ནས།། འཁོར་ལོ་རྩིབས་བརྒྱད་ཕྱག་རྒྱ་བཅས།། རྟར་མགྲིན་རྒྱལ་པོའི་ང་རྒྱལ ་གྱིས།། དམིགས་ནས་སྔགས་ནི་གདབ་པར་བྱ།། ཨོཾ་ནཱ་ག་ཤེ་དུ་མ་པ་ཤེ། ནི་ཏི་ཏིཥྛ་ས་མ་ཡ་ཤཱཀྱ་ཧཱུཾ་ཕཊ། སྡིགས་པའི་མཛུབ་མོས་གཏོར་བར་བྱ།། ཏིང་འཛིན་བསམ་པ་བརྟན་པོས་བཤིག། དེ་ནས་ཀླུ་ལ་དམ་རྩལ ་བ།། གསང་བའི་སྔགས་ཀྱིས་གདབ་པར་བྱ།། ཨོ་ཏ་ཀི་ཙ་ལིས་མ་ཡ། ས་ལ་ནི་ཧཱུཾ་ཕཊ། ཨོཾ་ན་ག་ས་ཛ་ཏི་ནི་ཧཱུཾ་ཕཊ། ཨོཾ་ཀུ་ལེ་མཱ་མཱ་ཤ་ཤ་ནི་ཧཱུཾ་ཕཊ། ཨོཾ་ཀུ་ཏི་དི་ཀུ་ཏི་བི་རི་ཏི་ཨུ་ཡུ་ཨུ་ཡུ། ཨི་རི་ཏི་སྭཱ་ཧཱ། ཨོཾ་དུང་དུང ་ཧུས་ཏེ་ཁ་རང་རྒྱལ་རྩེ།། ས་མན་ཉུངས་རྩེ་ནན་གྱིས་གནོན་སྭཱ་ཧཱ།། ཀླུ་རྣམས་རྟ་ཡི་རྒྱལ་པོ་ཡི།། སྤྱན་སྔར་ཁས་བླངས་དམ་བཅས་པས།། དམ་ལས་མི་འདི་བསམ་གཏན་ལས།། འདས་ན་འཚིག་བྱེད་སྔགས་ཡིན ་ནོ།། ཐང་ལ་འབབ་ན་རི་ལ་བསྐྱོན།། སྡིགས་མཛུབ་ཤ་མི་སྣ་བུག་ནས།། བཟུང་ནས་འཕང་བར་བྱ་བ་ཡང་།། བསམ་གཏན་སྔར་གྱི་དགོངས་པས་བྱ།། ཨཱ~ཾ་བྷ་རི་ཤ་ཡ་ཤུ་ཤུ་མུ་མུ་ཏི་ཏི། བི་རི་ཏི། ཧུ་ཡུ་ཧུ་ཡུ་ཧཱུཾ་ཕཊ། ་བདག་གི་ཐོག་ཏུ་ལྷུང་གྱུར་ན།། གནམ་ཆུ་ཉིད་ལ་སྔགས་ཏེ་གཏོར།། གནམ་ས་སྟོང་བཟློག་དགོངས་པ་བྱ།། ཁྲོ་བོ་ཆེན་པོའི་གར་གྱིས་བཟློག། ཨོཾ་བཛྲ་ག་རུ་ཌ་ཡ་སྭཱ་ཧཱ། བྷ་གི་ཙིཏྟ་བི་ཙ་ཏེ། ཤུ་ལུ་ཕུ་ཤུ་ལུ་གུ་ལུ། ཤ ་ཤ་ཤུ་ཤུ་ཏི་ཏི་ཛ་ལ་ཏི། ཧུ་ཡ་ཧུ་ཡ། ཧུ་རུ་ཧུ་རུ། ཕུ་རུ་ཕུ་རུ། ཏི་སྭཱ་ཧཱ། ཕྱག་གི་མཐིལ་དུ་བྱ་ཁྱུད་འགྱེད།། ཀླུ་ཡི་རིགས་རྣམས་ཐམས་ཅད་ཀུན།། མ་ལུས་པ་ནི་གཏན་ནས་འཇོམས།། གཉེན་པོ་གཉིས་སུ་གྱུར ་པའོ།། ལམ་བསྟན་རི་སྣ་ཡུལ་འཇོམ་དུ།། ལྷ་སྲིན་འབྱུང་པོ་ལོ་ཟ་རྣམས།། རང་རང་གནས་སུ་བསྒྱུར་བྱ་བ།། མཛེས་པའི་ས་ཕྱོགས་ཉིད་དུ་བསྟན།། ཨཱ~ཾ་ན་མོ་བུདྡྷ་ཡ། ན་མོ་སུ་རུ་སུ་རུ་ཀི་ལི་མི་ལི་ཡེ་སྭཱ་ཧཱ། པ་བཾ ་ཀརྨ་རི་པ། ཨེ་ཟེའུ་ཟེ་ཐ་ཀུ་ཧཱུཾ་ཕཊ། རྡོ་བ་སྔོན་པོ་རབ་མཛེས་ལ།། འཁོར་ལོ་རྩིབས་བཞི་བྲིས་པ་ལ།། མཚམས་པའི་རྡོ་རྗེ་ཕྱེད་པས་མཚན།། གཅིག་ནི་བ་བླས་བྲི་བར་བྱ།། གཅིག་ནི་ཡུང་བས་བྲི ་བར་བྱ།། འོག་མཐིལ་བཞག་ལ་རྡོ་སྒོམ་སྟེ།། འཁོར་ལོ་ཁ་སྦྱར་ཁོང་སེང་ནང་།། བསྲུང་པའི་ཐུན་རྣམས་རབ་བླུགས་ནས།། དབུས་ཀྱི་ཕུར་པ་གཉིས་དང་བཅས།། ཡུལ་གྱི་དབུས་སུ་སྦས་གྱུར་ན།། ཆུ ་འཁྱགས་ཐམས་ཅད་གཅོད་པར་བྱེད།། རྣལ་འབྱོར་པ་ཡིས་བརྩོན་པར་འབད།། ཡུལ་ཁམས་ཐམས་ཅད་སྲུང་བར་བྱེད་པའི་ཏིང་ངེ་འཛིན་ཏོ།། དེ་ནས་རྟ་ཡི་རྒྱལ་པོ་མཆོག། གང་ཀྱི་དབང་ཕྱུག་ཁམས་གསུམ ་དབང་།། གཙང་མའི་གནས་སུ་ཉེར་འདུག་ནས།། མཎྜལ་རབ་ཏུ་མཛེས་པ་ལ།། དྲི་དང་མེ་ཏོག་ལྡན་པར་བྱ།། བུམ་པ་དྲི་ཡིས་རབ་བཀང་ནས།། སྔགས་ནས་མེ་ལོང་ཁྲུས་བྱས་ནས།། ཤིན་ཏུ་སྦྱངས་པའི་རས་གྱོན ་ནས།། ཙནྡན་དཀར་པོས་ཁྲུགས་བྱས་ནས།། མེ་ཏོག་ཞིམ་པོས་བརྒྱད་པ་ཡི།། ཁྱེའུ་བུ་མོ་དབང་དུ་བཞག། དེ་ནི་ཁྱིམ་གྱི་ཆོས་མ་གོས།། ལྷ་བུ་ལེགས་ལྡན་དྲི་མེད་ལ།། མཆོད་པ་གཙང་མ་མང་པོས་མཆོད།། ཇི་ལྟར ་བསམ་པ་དགོས་པ་རྣམས།། མི་བསླུ་བར་ནི་སྟོན་པར་བྱེད།། ལྟ་བུ་དྲི་མེད་ཟླ་བ་ཡིས།། སྟོན་བྱེད་སྦགས་ནི་བཟླས་པར་བྱ།། ཨཱིཾ་ཏདྱ་ཐཱ། སར་སར། སེ་རེ་སེ་རེ། སོ་རོ་སོ་རོ། མི་རོ་མན་ཏ། ཏ་པྲ་ཏི་ཀ་ཤ་ཨ་བེ་ཤ ་ཨ་བེ་ཤ་ཤེ་ལ་ཤ་ཀུ་ཏ་སུ་ཏཱ་ཡ་ན་མོ།། བདག་གི་དགོས་པའི་བསམ་པ་ལ།། བདག་གི་དོན་དང་གཞན་གྱི་དོན།། ད་གེ་དང་མི་དགེ་གང་ཡིན་པ།། དེ་ཀུན་ཁོ་ན་ཉིད་དུ་སྨྲ།། དགོང་ག་རང་གི་མགོ་ལག་བཀྲུས།། བྱི ་དོར་བྱས་པའི་མཎྜལ་ལ།། ལྷ་བུ་ལེགས་ལྡན་དྲི་མེད་དེ།། མཆོད་པ་ཆེན་པོ་བྱས་པ་ནི།། གསང་སྔགས་བརྒྱ་རྩ་བརྒྱད་བཟླས་དེ།། མི་སྨྲ་བ་ནི་ཐུབ་པར་ཉལ།། ཇི་ལྟར་བསམ་པའི་རྨི་ལམ་སྟོན།། དྲག་ཏུ་བཟླས ་བརྗོད་བྱས་ནས་ནི།། འཇིག་རྟེན་གསུམ་གྱི་སྤྱོད་པ་ཡིས།། དངོས་པོ་རྣམས་ནི་གཏམ་དུ་སྨྲ།། ཤ་ཟ་མོ་ནི་བསྒྲུབ་པ་ན།། པ་རུ་ར་ཡི་ཤིང་དང་ནི།། ནྱ་གྲོ་དྷ་ཡི་ཤིང་དྲུང་འདུག། འབུམ་ཕྲག་གཅིག་ཏུ་བཟླས་བརྗོད ་བྱ།། མི་སྨྲ་ཐུབ་པས་དངོས་གྲུབ་མྱུར།། འཇིག་རྟེན་གསུམ་གྱི་སྤྱོད་པ་ནི།། གཏམ་རྣམས་དག་ལ་སྨྲ་བར་བྱེད།། ཨཽ་ཤ་བ་ན་པི་ཤ་ཙི་ནི་མུ་ན་ཌཱི་སྭཱ་ཧཱ།། གཞན་ཡང་ལེགས་པར་ཁྲུས་བྱས་ཏེ།། རས་གཙང་གྱོན་ནས ་དགོན་པར་གནས།། ཁྲི་ཕྲག་གཅིག་ཏུ་བཟླས་བརྗོད་བྱ།། ཕྱིས་ཀྱང་དེ་ནི་དངོས་གྲུབ་འགྱུར།། མཚན་མོ་སྤོས་ལ་གསང་སྔགས་ནི།། བརྒྱ་རྩ་བརྒྱད་ནི་མངོན་པར་བཟླས།། རང་གི་གདོང་པ་རྐང་པ་ལ། སྤོས་དང ་མར་སྦྱར་བསྐུ་བྱུག་བྱ།། ཉལ་ནས་བདག་ལ་རྨི་ལམ་དུ།། དགེ་དང་མི་དགེའི་གཏམ་སྨྲའོ།། གཡོ་ཞིང་སྐུལ་བྱེད་བསྒྲུབ་པ་ནི།། དགོན་པར་ཁྲུས་བྱས་གཙང་མར་གནས།། ཨཱ~ཾ་ན་མཿསཏྭ་ནཱཾ། སམྱཀ་སཾ་བུདྡྷ་བོ་དྷི་ས་ཏྭ ་ན་ན། ཏདྱ་ཐ། ཨཽ་ཙ་ལེ་ཙུ་ལེ་དུན་ཏི་མ་ཧཱ་ཝ་ཏིས་ཏ་ཡལ་ཏེ་ནི། ཀ་ཐཱ་ཀ་ཐཱ། ཡ་ཡ་སྭཱ་ཧཱ། ཁྲི་ཕྲག་གཅིག་ཏུ་བཟླས་བྱས་ནས།། མེ་ལོང་ངམ་ནི་རལ་གྲིའམ།། མར་མེའམ་ཞི་ཆུ་ཡི་སྣོད།། གང་དུ ་སྔགས་པས་གཏམ་མ་སྨྲའོ།། ཆུ་ལ་བརྒྱ་རྩ་བརྒྱད་དུ་ནི།། སྔགས་ནས་ཁ་གདོང་བཀྲུས་ནས་ནི།། ཐུབ་པ་མཉམ་ནས་རྨི་ལམ་དུ།། དགེ་དང་མི་དགེ་གཏམ་སྨྲའོ།། བྲ་མཐོ་ཆོ་ག་ཐམས་ཅད་ལས།། གཞན་ལ་འབེབས ་པར་འདོད་པ་ན།། ཁྱེའུ་བུ་མོ་ཐམས་ཅད་ལ།། ཁྲུས་དང་གཙང་སྒྲས་དབབ་པར་བྱ།། རང་ཉིད་འབེབས་ན་ཉལ་བར་རྨི།། དགེ་དང་མི་དགེའི་གཏམ་སྨྲ་བར་བྱེད་པའི་ཏིང་ངེ་འཛིན་ཏོ།། དེ་ནས་རྟ་ཡི་རྒྱལ་པོ ་ཆོག། གར་དབང་ཆར་འབེབས་སྒྲར་སྒོ་བས།། ངོ་མཚར་གྲུ་ཆར་དབབ་པ་ནི།། ཁམས་གསུམ་ས་ཡི་དོན་དུ་གསུངས།། རྫས་བྱས་བསྒོམ་ནས་བཟླས་པ་བྱ།། དཀྱིལ་འཁོར་གསུམ་དུ་ཆར་པ་འབེབས།། གཙང་མའི ་གནས་སུ་ཕྱག་དར་བྱས།། མདའ་གང་གྲུ་བཞི་རྣམ་ལྔས་བྱུག། ཀླུ་ཡོད་གནས་ནས་ཆུ་བླངས་ཏེ།། དཀར་གསུམ་མངར་གསུམ་ཀླུ་སྨན་དང་།། རམས་རྡོག་བུམ་པའི་ནང་དུ་བླུགས།། སྦལ་ཁོག་ཐོད་པ་ཁ་སྦུབ ་ནས།། སྦལ་གཟུགས་གཏོར་མས་གང་བར་བྱ།། དཀར་དམར་ཀླུ་སྨན་པའོ་དང་།། བག་ཟན་རིལ་བུ་བརྒྱ་རྩ་བརྒྱད།། ཏིང་འཛིན་པདྨ་དབང་གི་སྐུ།། ཐུགས་ཀར་ཕྱག་ན་རྡོ་རྗེ་སྤྱི་བོར་ཁྱུང་།། བུམ་ཚོ་སྦལ་ཁོག ་གཞལ་ཡས་ཁང་། ཀླུ་རྒྱལ་གཏོར་མ་རི་རབ་ནས།། དམ་ཚིག་ཡེ་ཤེས་ཀླུ་བསྐུལ་ནས།། མཚོ་རླངས་སྤྲིན་ཆར་འདོད་པར་འཕེལ།། རིལ་བུ་རེ་ལ་བརྒྱ་རྩ་བརྒྱད།། གསང་སྔགས་འདི་དག་བཟླས་པར་བྱ།། ཨོཾ་ནཱ་ག ་གུག་ཧཱུཾ། ནཱ་ག་ལེ་ལེ། དུམ་པ་ལེ་ལེ། ནཱ་ག་རཱ་ཙ་ཧཱུཾ་ཕཊ།། ཤ་ཆང་སྒོག་བཙོང་སྤང་བ་དང་།། དཀར་གསུམ་ཟ་བ་ཀླུ་ཡི་དམ།། ཡི་དམ་ཀླུ་དང་འབྱུང་པོ་ལ།། གཏོར་མ་རྣམ་གསུམ་གཏང་བར་བྱ།། གཙང་མར་གནས ་བཅའ་ཆུ་གཏོར་གཏང་།། ཀླུ་རྣམས་དགྱེས་པའི་ཆོས་ཡང་འདོན།། དེ་ནས་ཆར་བ་དབབ་པར་བྱ།། འབེབས་པར་འདོད་ན་སྔགས་འདི་གདགས།། ཨོཾ་གྷི་ལི་གྷི་ལི། བྷ་ར་ཤ་ཡ་བྷ་ར་ཤ་ཡ། ཛྫ་ཧཱུཾ་ཧཱུཾ། ཧཧ་ཧོ། 5 ་ཕཊ་ཕཊ་སྭཱ་ཧཱ། ཧཱུཾ་ཧཱུཾ་སབ་སབ། ཧཱུཾ་ཧཱུཾ་སིབ་སིབ། དེ་ལ་བཟླས་པ་བྱས་ནས་སུ།། ཀླུ་རྣམས་མནས་བསྒག་སྔགས་འདི་བཟླས།། ཨོ་ཙ་ཏ་ཙ་ཏ། བི་ཙ་ཏ་ག་ལ་ཏ་ག་ལ་ཏ། ས་ཙ་ར་ཙི་ཏ་སྭཱ་ཧཱ། ལན་བདུན་བཟླས་པར ་བྱས་ནས་ནི།། ཀླུ་ཡི་གཏོར་མ་སྔགས་འདིས་དབུལ།། ཨོཾ་ནཱ་ག་རཱ་ཙ་སྭཱ་ཧཱ། ཨོཾ་ནཱ་ག་ཧཱུཾ་སྭཱ་ཧཱ། ཨོཾ་ན་ག་བྷ་ན་ཡཀྵ་ར་བྷ་ན་ཧ་ར་ཧ་ར་ཧཱ། ཁ་ཁ་བ་ལིཾ་ཏ་ཧཱུཾ་ཕཊ། ཨོཾ་ནན་དུ་ནཱ་ག་རཱ་ཙ་ཡ། བ་ལིཾ་ཏ་ཁ་ཁ་ཁཱ་ཧི། ཁཱ་ཧི་བ ་ལི་ཏ་ཧཱུཾ་ཕཊ།། དྲག་པོར་འདོད་དམ་འཇམ་པོར་འདོད།། བཟླས་པ་དྲག་འཇམ་བཟླས་པར་བྱ།། འབྲུག་དང་བཅས་པར་དབབ་འདོད་ན།། ཨཱིཾ་ཏ་ཤི་མུ་ཀི་ཙི། ཤེ་ས་ཚ་པ་ལི་ཧཱུཾ་ཕཊ། ན་མོ་བྷ་ག་ཝ་ཏེ་རཏྣ་ཡ། ཏ་ཐཱ ་ཨ་ནེ། ལི་བི་ཤི་ཏ། བེ་ར་བེ་ར་དཾ་དཾ་ཐིབས་སྭཱ་ཧཱ། དེ་ནི་འབྲུག་བསྐུལ་བའི་སྔགས་ཡིན་པས།། མེ་འབྲུག་བྷྲིང་གི་རི་ཏི་དང་།། རླུང་འབྲུག་ཀ་ལ་ཤ་ཡི་སྒྲོགས།། གལ་ཏེ་ཕེབས་པར་མ་གྱུར་ན།། ཀླུ ་གནས་ཆུ་མིག་གནས་ཕྱིན་ནས།། གཅིག་ནི་ཀུ་ལ་གཏོར་མ་འབུལ།། གཅིག་ནི་རིལ་བུ་སྔགས་བཟླས་ཤིང་།། གསུམ་གསུམ་བཞི་བཞི་ཆུ་མིག་བརྡེག། ཁམས་གསུམ་དབང་སྡུད་སྔགས་འདི་དགས། ཐུམ་ཐུམ་ཆེམ ་ཆེམ་བཛྲ་ཁ་ཕྱིར་ཕཊ།། གལ་ཏེ་རླུང་གིས་སྤྲིན་གཏོར་ནས།། ཆར་པ་འོང་བར་མ་གྱུར་ན།། བུམ་པ་རི་རབ་གཞལ་ཡས་ཁང་།། བུམ་པར་རླུང་ཟེད་ཀུན་ཚུད་བསམ།། ཨོཾ་ཏི་ཏི་ཏི་ལ་ན་ན། ཆར་ཡ་ཆུར་ཡ་ནི་ཏིས་ཏ ་ལྷན།། རྡོ་རྗེ་རྒྱ་གྲམ་ཁ་བཅད་བསམ།། རླུང་ཞི་ཆར་པ་འབེབས་པར་བྱེད།། དེས་ཀྱང་མ་ཕེབས་སྤོགས་ཆོག་ནི།། དཀར་གཏོར་སྔགས་བཟླས་ཆུ་མིག་སྦུབས།། ཨོཾ་ནཱག་ཨ་ལི་མི་ལི་ཤི་སུ་བས་དུན་སྭཱ་ཧ། སྔགས ་རྣམས་དྲིལ་ལ་ཆུ་མིག་བསུབ།། ཞི་བས་སྤོགས་ཆོག་དབབ་པའོ།། ཟོད་ངན་སྣ་ཚོགས་སྔོ་ཁུ་དང་།། ཤ་སྣ་བསྲེས་ལ་སྔགས་ཐབས་བསུབ།། དྲག་པོར་དབབ་པར་བྱའོ།། ཨོཾ་ནཱ་ག་ཆུ་བི་ནཱ་ག་ཤར་ཤར་ཕོབ ་ཕོབ།། དེས་ནི་གདོན་མི་ཟ་བར་འབེབས།། ངོ་མཚར་གྲུ་ཆར་འབེབས་འདོད་ན།། སེང་ལྡེང་གླང་མའི་ཕུར་པ་ལ།། རྟ་མགྲིན་བསྐྱེད་བུ་གུ་གུལ་འདུག། ཆར་འབེབས་སྔགས་བྲིས་ལས་བྱས་ནས།། གང་འདོད་ཀླུ་ཡི ་གནས་སུ་གདབ།། མེ་ལོང་རྟེན་ལ་རིལ་བུ་བརྡོག། མི་འབེབས་ཕྱོགས་སུ་མེ་ལོང་རྒྱབ།། ཨོཾ་གྷི་ལི་པ་རི་ཤ་ཡ། ཧཱུཾ་ཧཱུཾ་ཧཱུཾ། ཧོ་ཧོ་ཧོ།། ཕཊ་ཕཊ་ཕཊ་སྭཱ་ཧཱ། ཞེས་ཀླུའི་ཚོགས་ལ་ཞི་བ་དང་དྲག་པོས་ཆར་ཡོངས་སུ་ཞུས ་ནས་དབབ་པའི་ཏིང་ངེ་འཛིན་ཏོ།། དེ་ནས་བཅོམ་ལྡན་རྟ་ཡི་མཆོག། དཔལ་ལྡན་ལྷ་མོ་ལྕམ་དྲལ་གྱིས།། སངས་རྒྱས་བསྟན་པ་འཇིག་པ་ལ།། པར་བུ་ནག་པོའི་ཆོ་ག་གསུངས།། སྔོན་འགྲོ་དཀྱིལ་འཁོར་ལིངྒ ་དང་།། པར་བུ་རྩ་བའི་དྲག་སྔགས་དང་།། མགོན་པོ་འབོད་ཅིང་དགྲ་བོ་དགུག། མ་མགོན་རྦད་དང་གསང་ལས་བྱ།། རྟགས་བྱུང་ལས་མཇུག་བསྡུ་བའོ།། དང་པོར་དབེན་པའི་གནས་སོང་ནས།། གཟའ་སྐར་ཕུར ་བུ་ལག་པ་ལ།། སྤང་སྐོང་བཤགས་དང་ཆུ་གཏོར་དང་།། འཇིག་རྟེན་ལྷ་འདྲེ་མ་ཉེས་བརྡར།། དཀྱིལ་འཁོར་གྲུ་བཞི་སྟེགས་བུའི་སྟེང་།། དེ་དབུས་གྲུ་གསུམ་བྲུས་པའི་ནང་།། དགྲ་བོའི་མིང་རུས་ཁྲག་ཆེན་བྲི།། དེ ་མཐའ་སྔགས་ཀྱིས་བསྐོར་བར་བྱ།། རབས་ཆད་ནག་པོའི་ཐོད་པ་ཡི།། པར་བུ་ནང་དུ་སྔགས་བྲིས་ལ།། ཕྱི་རོལ་ཁྲག་ཆེན་བཙན་དུག་དང་།། རོ་སོལ་བྱུག་ལ་འབྲུག་ཁུང་བཅད།། གྲུ་གསུམ་མེ་རི་རྩང་དམར ་བསྐོར།། ལིངྒའི་ཐ་མ་བསྐོར་བ་དང་།། པར་བུའི་ནང་དུ་བྲི་བའི་སྔགས།། ཨཽ་པ་ཎི་རུ་ཀྲིཏ་བྷི་ཤི་དོ་རི་ནན། རཀྟ་ཏེ་ཛོ་ནི་ཛ་ཡ་ན། སརྦ་ནིན་རོ་ཏི་ནི་བ་ཡ་ནན།། སྔགས་དེ་བྲི་བར་བྱ་བའོ།། དེ་ནས་ཕྱི་ཡི་སྲུང་མ ་ཡང་།། ཚངས་པ་བརྒྱ་བྱིན་མགོན་པོ་རྣམས།། ཆུ་གཏོར་རྒྱུན་མི་ཆད་པར་མཆོད།། དགྲ་བོའི་བདུན་རྒུད་གཅད་པའི་ཕྱིར།། མ་ཉེས་དབང་གཟུག་གཏད་བཅོལ་བྱ།། སླ་ངའི་ནང་དུ་མེ་ཡི་ནི།། ཤ་ཁྲག ་སྙིང་གིས་གཏོར་མ་བྱ། སྔགས་འདི་ཞག་གཅིག་བཟླས་ཏེ་འབོད།། མ་མགོན་གཉིས་ལ་བསྟབ་པར་བྱ།། ཨོཾ་ཤྲཱི་མ་ཧཱ་ཀཱ་ལ་རུ་སི་ནི་རུ་ཡ་བི་ར་ཤིས། རག་མོ་ཏྲི་ཀི་ནི་ཁཱ་ཧི་བ་ལི་ཧཱུཾ། མགོན་ནག་བང་དང་ཐོད་པ ་བསྣམས།། ལྷ་མོ་རལ་གྲི་ཐོད་པ་ནག། རྟ་དང་དྲིལ་ནག་ཞོན་པ་འབོད།། ཤ་ཁྲག་གཏོར་མ་རྒྱུན་དུ་སྦྱིན།། ཨོཾ་མ་ཧཱ་ཀཱ་ལ་རཀྑ་དུ་བོ་ནི་གུ་ཎ་ཧྲི་ད་ཧཱུཾ། ཨཽ་རུ་རུ་རོ་རུ་ཙ་པ་ལ་ཨ་ཤུག་མེ་ཧཱུཾ་བྷྱོ་ཛ་ཛ། བཟླས་པ་འདི་ནི ་དུ་དྲངས།། དེ་ནས་དགྲ་སྲོག་སྙིང་པོ་བྲངས།། དགྲ་བོ་ནརྀ་ཤ་རུ་སི་རུ་ཏྲི་ཨཱ་ཀཪྵ་ཡ་ཧཱུཾ་ཛ་ཛ། ཁྲི་བཟླས་ཉུང་དཀར་ལག་ཏུ་ཐོགས།། དཀྱིལ་འཁོར་བསྐོར་ཞིང་ཕྱོགས་བཞི་རུ།། ཞིང་ལྤགས་གཡབ་མོས་འདུལ་བར ་བྱ།། མགོན་པོ་ལྷ་མོ་རྦད་ཅིང་བསྐུལ།། མགོན་ནག་རྦད་ལ་ཉུང་དཀར་བྲབ།། ཨོཾ་མ་ཧ་ཀ་ལ་ཀྲོ་ཏ་རཱུ་པ་རྨུགས།། ནག་པོ་ནརྀ་ཟུམས་ཡམ་བྷྱོ།། ཧ་སྲོག་ཆུམས།། རྦད་ནི་ས་བ་ནརྀ་ཟུམ་ཟུམ་ཟད་རྦད། ཉི་མ་ཟློས་ཏེ ་མགོན་པོ་རྦད། ཨོཾ་རུ་རུ་ནག་མོ་ཡཀྐ་ཏེ་ཙ་སྙིང་ཐུམ་རི་ལ། ཁ་ཐུམས་ཤ་རྦད། ཐུམ་རིལ་རྦད། ཤས་ཏ་ཏི་ཁོ་ཏྲི་མ་མ་ཐུམ་ཡཾ་རིལ་གཾ་བུ་ནཾ་ཐུན། ཡན་ཤན་རྦད་རྦད།། ཉུང་ནག་སྔགས་ལ་ལྷ་མོ་རྦད།། སྐབས་སུ་དགྲ ་སྲོག་སྙིང་པོ་དྲངས།། ཡུངས་ཀར་ཉུང་ནག་སྐེ་ཚེ་ལ།། སྔགས་ནས་མིང་གཟུགས་དག་ལ་བྲབ།། མིག་དང་རྣ་བ་སྣ་ལྕེ་ལུས།། སྙིང་དང་ལུས་སེམས་དབྱེ་བར་བྱ།། ཨོཾ་ཙག་ཤུ་ཏི་ལི་ཡཾ་འབུ་ནི་ཟུམ་རྦད། ཨོཾ་ཤུ་རུ་ཀི་མ ་པུ་ཏི་ཡཾ་ཏྲུག་ཐུམ་ཁ་རྦད། ཨོཾ་མང་ཁ་རོ་ལ་ཀྲོ་ཏོ་བིན་དུ་མ་ཡཾ་ཐུམ་རྦད། ཨཽ་ཤན་ཏཾ་དུན་ཏིག་ཤ་བི་རུ་ཏིས་མ་ཐུམ་རྦད། ཨཽ་བྷི་རི་གུ་རུ་ནི་རག་ཀུ་ཐ་ཡཾ་ཐུམ་རྦད། ནི་ཌི་ཏ་ཙ་ཏི་ཐིམས་ས་མ་ཡ་ཧུ་ར་བྷ་ར་ཡཾ་ཟུམ་རྦད། ་ཨཽ.ོཾ་ཏང་ཀུ་རེ་མར་ཡ་ཡུག་ཏི་ཤིག་ཏྲིག་མུན་ཐུམ་རྦད།། སྟོང་སྟོང་བཟླས་ཤིང་སྟོང་ཚིགས་མཆོད།། མགོན་པོ་ལྷ་མོ་བསྐུལ་ཞིང་རྦད།། དགྲ་སྲོག་དྲངས་ལ་ཞིང་ལྤགས་བརྡུལ།། ཟླ་ཕྱེད་ཞག་དགུ་ཞག་བདུན ་གྱིས།། བར་བུ་ཙག་ཙག་ཆོམ་ཆོམ་ཡོང་།། སླར་ཡང་རྦད་སྔགས་བཟླས་ཤིང་བརྡེག། དེ་ནས་མིང་གཟུགས་གཏོར་མར་བཅུག། བྱང་ཤར་མཚམས་སུ་གཏང་བར་བྱ།། དེ་ནི་གང་གིས་བྱས་པ་དེས།། ཕྱག་ན་རྡོ་རྗེ ་ལུས་སྲོག་འབྱེད།། སངས་རྒྱས་བསྟན་འཇིག་སྨོས་ཅི་དགོས། དཔལ་མགོན་པོ་དང་ལྷ་མོས་སངས་རྒྱས་ཀྱི་བསྟན་པ་བསྲུང་བའི་དགྲ་སྲོག་འབྲལ་བའི་ཏིང་ངེ་འཛིན་ཏོ།། དེ་ནས་བཅོམ་ལྡན་འདས་རྟའི་རྒྱལ་པོས།། ་ཀླུ་བདུན་ནག་པོ་བསྐུལ་བའི་ལས།། གཉེན་པོ་བསྒྲུབ་ཅིང་ཀླུ་བདུད་འབོད།། རྦད་ཕྱི་བསྒྲུབ་དང་གསང་ཕྱིར་གཏད།། ཟློག་ཐེབས་འབྱམས་སོགས་མན་ངག་རྣམས།། མ་ནོར་སྔགས་འཆང་རྣམས་ལ་བཤད།། དང ་པོར་པདྨ་དབང་གི་ལྷ།། རྟ་གདོང་སྟེང་ན་བྱ་ཁྱུང་གནས།། ཁྱུང་སྔགས་རྟ་ལ་བཏགས་ནས་བཟླས།། ཀླུ་གཉན་ས་བདག་གཉེན་པོར་ཆེ།། ཨོཾ་ག་རུ་ཊ་ཙ་ལེ་ཙ་ལེ་ཧཱུཾ་ཕཊ། དེ་ནས་དབེན་པའི་གནས་ཕྱིན ་ལ།། སྦལ་ནག་ལྟོ་བར་ལིངྒ་ལ།། བསད་པའི་སྔགས་ཀྱིས་བསྐོར་བྱས་ནས།། བར་མ་རྦད་དང་ཐ་མར་འབོད།། སྦྲུལ་དང་སྡིག་པས་མུ་ཁྱུད་བསྐོར།། ཀླུ་བདུད་ནག་པོ་འབོད་པར་བྱེད།། ཨཱིཾ་ནཱ་དུ་ན་ཧི་ལི་ནཱ་ག ་འདུས།། འབོད་པས་ཀླུ་རྟགས་མང་པོ་འབྱུང་།། དེ་ནས་རྦད་སྔགས་འབུམ་དུ་བྱ།། ཨ་ཤིང་ནག་པོ་ཏི་པ་ཙ་ཡ། ན་ག་ཀྲོ་ཏི་ཤྭ་རཱི་ཡ་ཏྲི་ཤཾ་རྦད་པྲ། ཀུ་རཀྵ་ཏི་ས་ཙ་པ་ཙ་ལམ་བམ། ཤ་ཏྲུཾ་མཱ་ར་ཎ་ཛ་ཛ་ཧཱུཾ། ཀླུ་བདུད ་ནག་པོར་དགྲ་ལ་རྦད། བསད་སྔགས་འདི་ལ་ཁྲི་ཡིས་འགྲུབ།། ནག་པོའི་ཙི་ཙ་རྒྱས། ཏྲག་ཐུམ་སྙིང་ལ་གུལ་གུལ། མྱག་མྱག་རྩ་བཞི་བསྐུམ། ཤན་ཤན་དགྲ་བོའི་སྲོག་ལ་ཤན། ཟུར་ཟུར་དགྲ་བོའི་ཙིཏྟ་སོད་སྭཱ་ཧཱ། ་རྒྱལ་རིགས་བྲམ་ཟེ་དམངས་རིགས་གདོལ།། དེ་ནས་གཏད་པ་བྱ་བ་ཡིན།། བྱང་བལྟས་བྱང་ཤར་འཁྱིལ་ལྐུགས་གཏད།། དམངས་རིགས་གདོལ་བའི་ཀླུ་ལ་གཏད།། སྔོན་ཐོག་སྦྱོར་བས་ལྡོག་པ་ལ།། ཐུག་ཕྲད ་གཏད་དུས་འགྲོ་རྗེས་བྱིབས།། ཁྱུང་སྔགས་རྨ་བྱ་རུས་སྦལ་དང་།། རིན་ཆེན་ལྔ་ཁྲི་ཤ་རི་རམ།། སྦྱོར་བ་སྟེང་འོག་ཡི་གེ་བསྙམས།། མ་འདྲེས་མིང་དང་དགྲ་རྫས་མཆོག། ཐུགས་ཕྲད་གཏོང་བར་ཁ་རུ་དང་།། རྩི་སྨན ་བྱུག་དང་དྲི་མི་གཏང་།། རླངས་པ་མ་ཤོར་ཆོ་མི་བརྗོད།། ཁྱུང་ངམ་རྟ་མགྲིན་བསལ་བ་ཡིས།། འཁོར་ལོ་གཏད་ལ་ཕོ་བྲང་གདབ།། མི་བལྟ་ལམ་བཅད་རྗེས་བསུབ་བསྐོར།། གནས་སུ་སྤོས་ཀྱི་གླང་པོ་བདུག། དགྲ ་བསད་ལྡོག་དབྱུང་སྔོན་མ་བྲི།། འབྱུང་བ་ཁ་བསྒྱུར་གསེར་དང་སྐྲག། ཐེབས་ན་ཀླུ་ལ་གཏང་རག་གཏང་།། ཀླུ་ལ་རིན་ཆེན་བྱིན་པར་བྱ། འབྱམས་ན་འགུགས་པར་བྱ་བ་ཡང་།། ཆུ་མིག་ཀུན་ཏུ་གཏད་དམག ་དྲང་།། འགོར་བས་སྤོགས་པའི་ཆོ་ག་ཡང་། བསྐུར་ནས་གཏང་བར་བྱ་བའོ།། སྟོང་ཉིད་བལྟ་བ་རྒྱབ་ཏུ་གཞག། ཡི་དམ་ལྷ་ཡི་སྐུ་དང་འགྲོགས།། གསང་སྔགས་ཆུ་བོ་རྒྱུན་མི་གཅད།། རྫས་རྣམས་ལུས་དང་འབྲལ་མི ་བྱ།། སངས་རྒྱས་བསྟན་སྲུང་རྣལ་འབྱོར་པ།། ཕ་ཚན་ཆེན་པོ་དགྲ་ལངས་ན།། རྩ་རྒྱུད་བཅད་པར་བྱ་བ་ཡིན།། གཏི་མུག་ཀླུ་ཡི་ངན་གཏད་ཀྱིས།། དགྲ་བོ་ཕ་ཚན་ཅན་བརླག་པར་བྱེད་པ་སངས་རྒྱས་བསྟན་པ་བསྲུང ་བར་བྱེད་པའི་ཏིང་ངེ་འཛིན་ཏོ།། དེ་ནས་རྗེ་བཙུན་བཅོམ་ལྡན་འདས།། དབང་གི་ཐོག་སེར་དབབ་པར་གསུངས།། སྐྱེས་བུས་གཞུ་ནི་ཁེངས་པར་འགེངས།། མདའི་འཕང་གནས་སུ་སྐྱོལ་བར་བྱ།། མདེའུས་གནད་ལ ་འབིགས་པར་བྱེད།། ཚིག་ཆད་སོང་ངམ།། འདོད་པ་འགྲུབ་ནས་གཏང་རག་གཏང་།། དུས་སུ་ངར་ཡང་གདགས་པར་བྱ།། ཏིང་འཛིན་གསལ་གཙང་རྣལ་འབྱོར་པ།། དབེན་གནས་གཉེན་པོར་དབང་བཙུག་ལ།། དཀྱིལ ་འཁོར་འཁོར་ལོ་རྩིབས་བཞི་ལ།། དབུས་སུ་པདྨ་རྟ་མགྲིན་སྒྲ།། བཀའ་སྡོད་རྩིབས་བཞི་གདོང་མོ་བཞི།། ཧྲཱིཿཡིག་མ་ར་ཙ་ཤ་ལས།། སྟག་དྲེད་པ་གླང་ཆུ་སྲིན་བསྐྱེད།། སྟག་དོམ་གླང་ཉ་སྙིང་ཁྲག ་བཅས།། ར་ཁྱི་བྱ་མི་སྙིང་ཁྲག་རྟེན།། སྣརེལ་གྲིའི་ཐོད་པར་ཁྲག་དུག་ཀུན།། ཉུང་དཀར་ལྷ་ཕྲལ་སྔགས་ཀྱིས་བྲབ།། ཨོཾ་རག་མོ་རག་མོ་སྙིང་ཙ་ལ་བྷྱོ།། ཨོཾ་ཕག་མོ་ཡག་མོ་དགུ་པོའི་སྙིང་ལ་བྷྱོ།། ཨོཾ་ཙ་བ་མོ་ཙབ ་ཨོཾ། ཁྲག་ལ་མུ་ཤ་མ་བྷྱོ།། ཨོཾ་རག་མོ་རག་མོ་སྙིང་ཁ་རག་མོ་ལ་བྷྱོ། དེ་བསྐྱེད་དྲང་བསྟིམ་གཏོར་མ་དང་།། རཀྟ་སྨན་གྱིས་མཆོད་པ་བྱ།། ཐུན་ལ་རྒྱུ་རྩལ་བསྙེན་པས་འབོད།། ཨོཾ་བཛྲ་ལང་ཏིང་ལང་ཏིང་བྲ་མ་ཡ ་ཛཿཧཱུཾ་བཾ་ཧོཿ། ཨཱིཾ་བཛྲ་ལམ་བྷོ་དྷ། ཨ་ཤུ་མེ་བཛྲ་སུན་སྠི་ཧཱུཾ་ཛ། ཨཱིཾ་ག་ཏྲག་མི་ཛ་བཛྲ་ཡཀྐ་ཀྲིང་ཀྲིང་ཛ་ལ་རཾ་ཛ། ཨཽ་ཀི་ལི་སྠི་ཀ་ལི་ཧོ་བ་ཡ་ཧཱུཾ་ཛ། མིང་སྲིང་གྲོགས་མཛའ་བཙས་མ་རྔ།། རྨོས་བྱེད་ཡུར་མ་ཡུར་བ ་དང་།། ཆུ་ཆེན་འཁྱགས་པ་རི་ཉིལ་སྣང་།། ཐོག་སེར་འབྲུག་སྒྲ་གྲུབ་པ་ཡིན།། དེ་ནི་ཆུ་རི་ལ་སྔགས་ནི་བྱ།། ཨོཾ་རག་མོ་རག་མོ་རུ་རུ། ཙ་བ་སྙིང་ཁ་རག་གྷ་སིད་ན་མ་ཤག་མུ་ཤག་མུ་ཤམ་ཕྱེ་ཕྲེཾ་ཧྲིལ། དུར་ཕྲོཾ། དཀར ་པྲྀ། ཤུ་ཏྲི་པྲྀ། ཡུག་ཏི་སྨིན། ཤ་ར་ཤ་ལ་དེ་དྲག་ཏུ་ཕོབ།། རྟགས་དང་མཚན་མ་ནང་དུ་གསལ།། ཕྱི་རྟགས་དངོས་སུ་འབབ་ཅིང་དྲག། དེ་ནས་དབབ་པར་བྱ་བ་ནི།། ཨོཾ་མ་མ་རཀྵ་འདའ་ན་ཐུན་ཐུན་པྲོ་ཧྲིལ། མ་མ ་ཤིག་ཤིག་རུ་ཏྲ་ནན། པུ་རྩེ་པུ་རྩེ་ཕྲོ་ཧྲིལ། མ་མ་རུ་རྟ་ནན། བྷྱོ་ཛ་མུན་ཛ་རྦུད་ཟུམ། ཟུམ་ཐུན་བྷྱོ། ཕྲོ་དྲིལ་ཧྲིལ་ཕཊ། དགྲ་བོའི་ལོ་ཐོག་སྣར་མོ་མཱ་ར་ཡ་ཕཊ་ཕཊ། དབུས་ཀྱི་ཐོད་པ་འོང་དཀྱིལ་དུ།། ཤར་ཟོད་ཡུལ ་གྱི་ལྷ་ལ་གནན།། ནུབ་ཐོད་ཀླུ་གཉན་ས་བདག་ལ།། ལྷོ་ནི་དམ་རྫས་རི་སྐེད་ལ།། བྱང་ནི་ཐུན་རྫས་རི་རྩེར་སྦ།། ཐོད་པ་ཁྲག་ལམ་འབྲེལ་བར་བྱ།། ཕེབས་ནས་གཏའ་དབྱུང་གཏང་རག་གཏང་།། གཏོར་ཚོགས ་མཆོད་པར་བྱ་བའོ།། ཀུན་ཏུ་ཐུན་ཁ་གསོ་བ་དང་།། དགོས་པའི་དུས་ན་དཔའ་བོ་ཡི།། རལ་གྲི་ཕྱུང་རྒྱག་ལུས་ལ་འཆང་།། བསྟན་པ་ཙམ་གྱིས་གཞན་འཕམ་མོ།། ང་རྒྱལ་ཐོག་སེར་ལོ་འབྲས་རླག་པའི་ཏིང་ངེ་འཛིན ་ཏོ།། དེ་ནས་རྗེ་བཙུན་དབང་གི་རྟས།། དབང་འདུས་འབྱོར་པ་སྤེལ་བ་གསུངས།། བསྒོམ་དང་སྔགས་བཟླས་ཀུན་འགྲུབ་པའི།། མགོན་པོ་གནོད་འཛིན་ཡང་དག་བཤད།། སྟོང་པའི་ངང་ལས་ཛཾ་ཡིག་ལས།། མགོན ་པོ་གནོད་འཛིན་དམར་པོའི་སྐུ།། གཡས་པ་གསེར་མདོག་ཨ་རུ་ར།། གཡོན་པ་ནེའུ་ལེའི་རྒྱལ་བུ་འཛིན།། ནོར་རྒྱུན་དམར་མོ་རིན་ཆེན་སྟེ།། བསྒོམ་ནས་གཏོར་མ་ཆུ་སྦྱིན་དབུལ།། དེ་ཡི་གསང་སྔགས་རྣམ་པར ་བརྗོད།། ཨཱིཾ་ཛཱཾ་སྭཱ་ཧཱ། ཨཽ་བི་ཙི་ཀུཎྜ་ལི་ཨིནྡྲ་ནི་མུ་ཁཾ་བྷ་མ་རི་སྭཱ་ཧཱ། ཨཽ་ཛཾ་བྷ་ལ་ཛ་ལེནྡྲ་ཡ་པི་ཙི་ཀུཎྜ་ལི་བ་སུ་དྷ་རི་བྷྱཱཾ་རཏྣ་སིདྡྷི་བ་སུ་པུཥྚིང་ཀུ་རུ་སྭཱ་ཧཱ། ཆུ་ཡི་ལྷག་མ་ཕྱུགས་ལ་བླུད།། གཏོར་ཕུད་ནས་ཀྱི་ནང་དུ ་གཞུག། ལོངས་སྤྱོད་རིན་ཆེན་ཆར་པ་འབེབས།། ནོར་བུ་བུམ་བཟང་བང་མཛོད་ལྡན།། དབུལ་བ་ཡོངས་སུ་སེལ་བའི་ཏིང་ངེ་འཛིན་ཏོ།། དེ་ནས་རྟ་མཆོག་ཕྲག་དོག་ཆེས།། འཁོར་ལོ་ཆ་ཆ་གསང ་སྔགས་ཉུང་དཀར་བཟློག། རྩིབས་བརྒྱད་སྡེ་བརྒྱད་ལྟ་བ་ལ།། འདོད་པའི་མིང་གཟུགས་སྔགས་དང་བཅས།། ཚ་ཚ་དཀར་ནག་ཞབས་སྤྲད་སྟེ།། དཀར་པོ་རང་ཉིད་ནག་པོ་གཞན།། ཨོཾ་ཡ་མ་རཱ་ཛ་ཧཱུཾ་བྷ་ཏ་ཡ་མ་མ ་རག་མོ་ལོང་ཀ་བྷ་ཤ་ཡ་ནཱ་ག་ར་ཙ་ཧ་ཧཱུཾ་བཟློག་ཁ་ཤར་ལིང་བཾ་ཏན་སད།། རཀྟ་གྷྲི་པ་མུ་ཁེ་ཧེ་ར་སད། ཡཀྟ་གྲི་བ་ལ་ཆར་སད། པྲ་མ་ཡ་རུ་ཏྲ་སད། རཱ་ཧུ་ལ་སརྦ་དུཥྚ་ན་སད། ཨོཾ་ཨཱཿཧཱུཾ། སཾ་བྷ་ར་མུ་ཏ་ཀ་ར་ཧཱུཾ་ཧཱུཾ ་ཕཊ་ཕཊ། ཉུང་དཀར་སྔགས་ཏེ་བྲབ་པར་བྱ།། ཚ་ཚ་དཀར་ནག་གི་ཏིང་ངེ་འཛིན་ཏོ།། དབང་ཆེན་སྤྱི་དྲིལ་རྡོག་མ་ལེ་བརྒན་གྱི་རྒྱུད་ལས། ཐུན་མོང་དངོས་གྲུབ་ལས་ཚོགས་ཀྱི་ལེའུ་སྟེ་བཅུ་གསུམ ་པའོ།། །། དེ་དག་ཇི་ལྟར་བགྲོད་གྱུར་པ།། ཚོགས་ལམ་དང་པོའི་འཇིག་རྟེན་པ།། ཕྱི་དབྱིབས་ནང་སྔགས་གསང་བ་དབང་།། མཐར་ཐུག་རླུང་དུ་བསྟན་པའོ།། ཡང་དག་སྤོངས་བཞི་པདྨ་ཅན།། རྩ་མི་རླུང་ལྔ ་ལུས་ངག་ཡིད།། རླུང་སེམས་འདུས་པའི་བདེ་བར་བརྒྱ་ལ།། སྟོང་པ་དགྲར་ལངས་དྲན་པ་བཞི།། ལུས་དང་ངག་དང་སྔགས་དང་ནི།། སྟོང་པ་འབའ་ཞིག་དྲན་པར་བྱ།། རྫུ་འཕྲུལ་རྐང་པ་བཞི་པའི་རླུང་།། ཆུ་རླུང་མེ ་རླུང་རླུང་གི་རླུང་།། སྦྱོར་ལམ་དྲོད་དང་རྩེ་མོ་ལ།། དྲོད་ནི་ཆུང་ངུ་འབྲིང་དང་ཆེ།། རྩེ་མོ་ཕྱི་ནང་རྣམ་པ་གཉིས།། དབང་པོ་ལྔ་ནི་རྩ་བའི་རླུང་།། གྱེན་རྒྱུ་མཐུར་སེལ་མེ་དང་མཉམ།། སྲོག་འཛིན་ཁྱབ་པར་བྱེད་པའི ་རླུང་།། གཟོད་ཅིག་དབུ་མར་རླུང་སེམས་འདུས།། ཆོས་མཆོག་འཁོར་འདས་ཚོགས་གཉིས་རྫོགས།། སྟོབས་ལྔ་ཡན་ལག་རླུང་ལྔ་ཉིད།། རྒྱུ་བ་རབ་ཏུ་རྒྱུ་བ་དང་།། མངོན་པར་རྒྱུ་དང་ཡང་དག་རྒྱུ།། ཤིན་ཏུ་རྒྱུ་བ་རྣམ ་ལྔ་ཡིན།། དེ་ནས་འཇིག་རྟེན་འདས་པའི་ལམ།། མཐོང་བསྒོམ་མཐར་ཕྱིན་རྣམ་པ་གསུམ།། འཁོར་ལོ་བཞི་དང་སྲོག་ཤིང་གསུམ།། བྱང་ཆུབ་ཡན་ལག་བདུན་དུ་རིགས།། བསྒོམ་ལམ་རྣམ་ཤེས་ཚོགས་བརྒྱད ་པོ།། ཀུན་གཞི་ཡིད་དང་ཉོན་མོངས་ཡིད།། མིག་དང་སྣ་དང་རྣ་བ་ལྕེ།། ལུས་ཀྱི་རྣམ་པར་ཤེས་པ་ཉིད།། མཐར་ལམ་རྩ་དང་ཡི་གེ་དང་།། བདུད་རྩི་རླུང་གི་འགྲོས་བཞིར་ཐིམ།། དང་པོ་གཉིས་པ་གསུམ་པ ་དང་།། བཞི་པ་ལྔ་པ་དྲུག་པ་དང་།། བདུན་པ་བརྒྱད་པ་དགུ་པ་དང་།། བཅུ་པ་བཅུ་གཅིག་བཅུ་གཉིས་ལ།། བཅུ་གསུམ་བགྲོད་པའི་ས་རྣམས་ནི།། ཕྱི་རྟགས་བདུད་འདུལ་དྲལ་བ་དང་།། ནང་བརྟགས་ཕྱི་ནང་རླུང ་འགགས་པས།། དེ་ཁོ་ན་ཉིད་རྟགས་རྣམས་འཆར།། མཐོང་དང་འགྱེད་དང་འབྱེད་འཆད་སྟོན།། རྫུ་འཕྲུལ་ས་ལ་རིམ་པར་འགྱུར།། ཞེས་གསུངས་པས།། ལམ་ལྔ་ས་བཅུ་རྫོགས་པ་རྣམས།། འཇིག་རྟེན་དྲུག་ཏུ ་གསལ་བར་གྱུར་ཏོ།། པདྨ་དབང་ཆེན་གསང་བ་ཁྲོ་བོ་འདུས་པ།། པདྨ་གསང་བ་རྔོག་མ་ལེ་བརྒན་གྱི་རྒྱུད་ལས། ས་ལམ་རིམ་པར་ཕྱེ་བའི་ལེའུ་སྟེ་བཅུ་བཞི་པའོ།། ། དེ་ནས་དེ་བཞིན ་གཤེགས་པ་ཐམས་ཅད་ཀྱིས་རྣལ་འབྱོར་པའི་ལམ་གྲུབ་པ་ལ་གནས་པ་འདི་གསུངས་སོ།། རྣམ་པར་སྨིན་པ་ཁྱུད་སེང་འདྲ།། ཚེ་ལ་དབང་བ་ཉི་ཟླ་འདྲ།། ཕྱག་རྒྱ་ཆེན་པོ་ལྷ་སྐུ་འདྲ།། ལྷུན་གྱིས་གྲུབ་པ་གཉིད་སད ་འདྲ།། དང་པོ་སར་ནི་ཆུད་པ་དང་།། ས་ལ་གནས་པ་ཐོབ་པའོ།། ཉི་ཟླའི་ཚེ་དང་མཉམ་གྱུར་པས།། རང་གི་སྲོག་ལ་དབང་ཐོབ་འགྱུར།། རང་གི་ཡི་དམ་གསལ་གྱུར་པ།། རྩ་དང་ཡི་གེ་བདུད་རྩི་རླུང་།། རྣམ་པར ་གནས་པ་ཆོས་ཀྱི་ཉི།། ལེགས་པར་སད་པས་ལུས་འཛིན་འགྱུར།། ཐོས་བསམ་བསྒོམ་ལ་རབ་གནས་པ།། ལྟ་བ་ཏིང་འཛིན་དབང་ན་གསལ།། སྤྲུལ་པའི་སྐུ་ལས་ཆོས་ཀྱང་ཉན།། ལྷ་མིའི་ལུས་སུ་གནས་པར ་སྟོན།། ལོངས་སྤྱོད་སྐུ་ཡི་འཁོར་འདུས་པས།། གསང་བ་རྒྱུད་ཀྱི་འགྲོ་བ་མཛད།། ཆོས་ཀྱི་སྐུ་ལ་རབ་གནས་པས།། མྱོང་ལ་མ་རེག་རྒྱལ་བ་དྲུག། ཅེས་གསུངས་སོ།། དབང་ཆེན་བདེ་གཤེགས་སྤྱི་དྲིལ་པདྨ་དབང་ཆེན ་གསང་བ་རྡོག་མ་ལེ་བརྒན་གྱི་རྒྱུད་ལས། རིག་འཛིན་གྱི་ལེའུ་སྟེ་བཅོ་ལྔ་པའོ།། །། དེ་ནས་ཁྲོ་རྒྱལ་རྟ་མགྲིན་ནི།། ཏིང་འཛིན་སྙོམས་ཞུགས་འདི་གསུངས་སོ།། སེམས་ཀྱི་རྣལ་འབྱོར་ཐོབ་པ་ཡིས།། ཡན ་ལག་ཅེས་སུ་བསྟན་པ་ཡང་།། སོ་སོར་སྤང་དང་བསམ་གཏན་དང་།། དབུགས་དགག་སྟོང་དང་གཟུང་བ་དང་།། རྗེས་སུ་དྲན་དང་ཏིང་འཛིན་ནི།། སྦྱོར་བའི་ཡན་ལག་དྲུག་ཅེས་བྱ།། སོ་སོར་སྤོང་བ་སྡོམ་ལ ་གནས།། དངོས་པོ་གཞན་དགག་སྤང་བར་བྱ།། དེ་ཡི་མིང་གྲངས་བཅས་པ་ནི།། སོ་སོར་སྤང་བ་ཞེས་སུ་འདོད།། དམ་ཚིག་སྡོམ་ལ་གནས་པ་ནི།། ཇི་ལྟར་ཚུལ་ཙམ་རྣམ་དག་པ།། འདོད་པའི་གཡེང་བ་མེད་བྱེད ་ཅིང་།། འགྱོད་པའི་དྲི་མ་མེད་པ་ཡིས།། རྟག་ཏུ་དབང་པོ་སྡོམ་པའི་ཕྱིར།། ཏིང་འཛིན་ཐོབ་པའི་རྒྱུ་ཡིན་ལྟར།། སོ་སོར་སྤང་བ་ཞེས་བྱ་འདི།། ཡིད་དང་དབང་པོ་བསྒོམས་ནས་ནི།། རྣམ་པར་ཤེས་པ་སྐྱེ་བ ་ཀུན།། ཐམས་ཅད་སྐྱོན་དུ་བྱས་ནས་ནི།། སྤང་བར་བྱ་བའང་མ་ཡིན་ལ།། དངོས་པོར་བལྟས་ཏེ་མཚན་མ་ཡི།། རྗེས་སུ་འབྲང་བའང་མ་ཡིན་ལ།། སྤྱོད་ཡུལ་ཅིར་སྣང་ཐམས་ཅད་ཀུན།། རྟག་ཏུ་རང་གི་ལྷ་ཉིད ་དུ།། བདག་ཉིད་བལྟས་ཏེ་སྦྱང་བར་བྱ།། དང་པོར་གཞན་པ་ཀ་དག་གཉིས།། སྤང་བར་བྱ་བ་འདི་དག་ནི།། དབང་པོ་རང་བཞིན་གྱིས་བསྡམས་ཤིང་།། འདོད་པ་བཀག་པའི་གདུང་བས་ཀྱང་།། ཏིང་ངེ་འཛིན་ནི་མ ་ཟིན་པ།། རྒྱལ་བའི་བྱིན་རླབས་ཉེ་འགྱུར་བས།། བསམ་གཏན་སྣོད་དུ་འགྱུར་བ་ཡིན།། འདི་ནི་སོ་སོར་སྤྱོད་ཅེས་བྱ།། དེ་ཕྱིར་བདེ་བ་ལོངས་སྤྱོད་དེ།། སོ་སོར་སྤང་བ་ཞེས་ཀྱང་བྱ།། འདོད་པའི་གཡེང་བར་གྱུར་པ ་སྤང་།། སོ་སོར་སྤང་བ་སྡོམ་ལ་གནས་པ་ཞེས་བྱ་བའི་ཏིང་ངེ་འཛིན་ཏོ།། བསམ་གཏན་འབྲེལ་དང་ཡུལ་དུ་བཅས།། དམིགས་པར་བྱ་བའི་ཡན་ལག་ཅན།། བསམ་གཏན་གྱིས་ནི་འདོད་པ་དང་།། སྡིག ་ཏོ་མི་དགེ་བ་ཡི་ཆོས།། དབེན་པ་དག་ལས་དེ་སྐྱེད་ཡིན།། འདི་ཡི་ཕྱིར་ན་དེའི་འོག་ཏུ།། བསམ་གཏན་བསྟན་པ་རིགས་པས་བཤད།། བསམ་གཏན་ཡུལ་ནི་སྐུ་གསུང་ཐུགས།། གསང་བ་གསུམ་ལ་ཡུལ་དུ་བྱ།། དེ་ལ ་སྐུ་ཡི་གསང་བ་ནི།། ལྷ་ཡི་ཕྱག་རྒྱ་གཟུགས་ཀྱི་སྐུ།། ཁ་དོག་དབྱིབས་དང་གཡོ་བ་ཡི།། སྨིན་མ་མིག་དང་སོ་དང་མཆུ།། བཞིན་དང་ལུས་དང་ཡན་ལག་གིས།། པདྨ་དབང་ཆེན་དཔལ་གྱི་རྒྱ།། རང་དོན་ལས་རྣམས ་གྲུབ་བྱེད་པའོ།། དེ་ནི་སྐུ་ཡི་ཚུལ་རྣམས་ཀྱི།། སྒོ་ནས་བསམ་གཏན་ཡུལ་དུ་དམིགས།། དེ་ལ་གསུང་གི་གསང་བ་ནི།། སྒྲ་དང་སྒྲ་མིན་རྣམ་བཅད་པ།། ང་རོ་སྦས་པ་རྡོ་རྗེའི་གསུང་།། ལྷ་ཡི་ཐུགས་ལ་ལྗགས་སྟེང ་དུ།། ཆོས་ཀྱི་ཡི་གེ་ཁ་དོག་དང་།། དབྱིབས་ཀྱི་མཚན་མར་བསམ་པ་དང་།། དེ་ཡང་སྒྲ་དང་སྒྲ་དོན་གྱིས།། ཆོས་ཉིད་བརྟག་པ་བརྟག་ཅིང་དཔྱད།། བསམ་གཏན་ཐོབ་པའི་རྒྱུ་ཡིན་ཏེ།། སྒྲ་ལ་གནས་པའི་བསམ ་གཏན་ནི།། རྣལ་འབྱོར་ཐོབ་པར་བྱ་བ་ཡིན།། སྒྲ་ཡི་མཐའ་ལ་གནས་པ་ནི།། བསམ་གཏན་ཐར་པ་སྟེར་བར་བྱེད།། ངག་གི་སྒྲ་གྲག་བྱེད་པ་ནི།། བསམ་གཏན་གཙོ་བོར་བཤད་པ་ཡིས།། སྐབས་འདིར་གཡེང་བའི ་རྒྱུར་འགྱུར་རོ།། དེ་ལ་ཐུགས་ཀྱི་གསང་བ་ནི།། ཐུགས་ཀར་སེམས་དཔའ་རྡོ་རྗེ་བསྒོམ།། ཡེ་ཤེས་སེམས་དཔའ་བསྒོམ་པ་ནི།། དེ་ནི་ཐུགས་ཀྱི་མཚན་མ་ལ།། དེ་ཡི་དོན་ནི་བྱང་ཆུབ་སེམས།། ཆོས་ཀྱི་སྐུ་རུ་གནས་པ ་ཡིས།། མཚན་མ་རྣམ་པར་བཅད་པ་ནི།། ཐུགས་ཀྱི་བདག་ཉིད་དེ་ཡིན་ཏེ།། དེ་ལྟར་གསལ་བ་གསུམ་དམིགས་པ། བསམ་གཏན་བྱ་བའི་ཡུལ་ཡིན་ནོ།། གསང་བ་གསུམ་གྱིས་ཐམས་ཅད་བསྡུས།། ཕྱག་རྒྱ་ཡོངས་སུ ་དག་པ་ཡི།། ལྷ་རྣམས་དོན་དང་རྟགས་ཚུལ་བསྡུས།། བསམ་གཏན་ཡན་ལག་རྣམ་པ་ལྔ།། རྟོག་དཔྱོད་གཉིས་དང་དགའ་བདེ་གཉིས།། སེམས་ནི་རྩེ་གཅིག་པ་དང་ལྔ།། ཡན་ལག་ཚུལ་གྱིས་དམིགས་པར ་བྱེད།། གསང་བ་གསུམ་གྱི་མཚན་ཉིད་ལ།། ཇི་ལྟ་བ་བཞིན་རྟོགས་པའི་བློ།། དེ་ལ་རྟོགས་ནས་སྐྱེ་བའོ།། དེ་ལ་སྤྱོད་པར་བྱེད་པ་ནི།། དེ་ཉིད་ལ་ནི་བློ་ཉིད་ཀྱིས།། ཡང་དང་ཡང་དུ་སྦྱོར་བྱ་ཞིང་།། དེ་ཡི་དོན་དང ་བཅས་པ་ལ།། ཞིབ་ཏུ་དཔྱོད་པ་ཡང་ནས་ཡང་།། སྤྱོད་པར་བྱེད་ཅིང་འཇུག་པའོ།། དེ་ལ་དགའ་བར་བྱ་བ་ནི།། རྟོག་དཔྱོད་གཉིས་ཀྱི་བསམ་གཏན་ལས།། ཐོབ་པས་གསང་བ་གསུམ་པོ་ཡི།། འདྲ་སྣང་རྣམ་པར ་འབྱུང་གྱུར་ཏེ།། དེའི་ཚེ་འདོད་པས་དབེན་གྱུར་པ།། སྔར་མ་མྱོང་བའི་དོན་ཉིད་ནི།། མྱོང་བས་ཐུན་མོང་མ་ཡིན་པའི།། དགའ་བ་རླབས་པོ་ཆེར་སྐྱེའོ།། དེ་ལ་བདེ་བ་བྱ་བ་ནི།། དེ་དབང་སེམས་བསྡུས་ཐོབ་པ ་ན།། ལུས་དང་སེམས་ཀྱི་བདེ་བ་ནི།། དེས་ནི་ཉམས་སུ་མྱོང་འགྱུར་རོ།། དེ་ལ་སེམས་རྩེ་གཅིག་པ་ནི།། དེ་ལྟར་སེམས་ཀྱིས་བསྡུས་འགྱུར་ལས།། ཤེས་པ་དང་ནི་ཤེས་བྱ་ཡང་།། གཉིས་སུ་སྣང་བར་མི ་སྐྱེ་སྟེ།། རང་རིག་ཙམ་དུ་འགྱུར་བའོ།། བསམ་གཏན་ཞེས་བྱ་བའི་ཏིང་ངེ་འཛིན་ཏོ།། དེ་ལྟར་བསམ་གཏན་དག་གིས་ནི།། སེམས་ནི་ཞི་བར་བྱ་བ་ལ།། ཤིན་ཏུ་དུལ་བར་བྱ་བའི་ཕྱིར།། དབུགས་ཀྱང་དགག་ཅིང ་གཏང་བར་བྱ།། བསླབ་ཐབས་ནད་དུ་ཟུང་བ་དང་།། མཚན་མ་སྔགས་དང་ཕྱི་ནང་རྟགས།། རྣལ་འབྱོར་པ་ལ་སྣང་གྱུར་པས།། ཤིན་ཏུ་བསླབ་པར་བྱ་བ་གཅེས།། དེ་ལ་ཇི་ལྟར་བསླབ་པའི་ཐབས།། ཕོ་རླུང་མོ་རླུང་མ ་ནིང་རླུང་།། རྣམ་པ་དེ་གསུམ་བསླབ་པ་དང་།། ཕྱིར་ལ་གཏད་དང་ནང་དུ་འཇུག། ཁོང་དུ་གནས་ལ་བསླབ་པ་དང་།། ས་རླུང་ཆུ་རླུང་མེ་རླུང་དང་།། རླུང་གི་རླུང་ལ་བསླབ་པ་དང་།། བསླབ་པའི་གོ་ཡང་དུ་མར ་སྣང་།། ཇི་ལྟར་བསླབ་ཀྱང་འགལ་བ་མེད།། གདུལ་བྱའི་རྣམ་རྟོག་བསམ་ཡས་ཀྱང་།། དེ་སྙེད་འདུལ་ཐབས་སྒོ་རྣམས་སྤྲོས།། དོན་དུ་མི་འགྱུར་གཅིག་མ་གསུངས།། དེ་ནས་སེམས་ཀྱི་རྟོག་འདུལ་ཞིང་།། དབུགས ་ཞི་བརྟན་པར་གྱུར་པ་དང་།། རྟོགས་དང་ལྡན་པར་བྱ་བའི་ཕྱིར།། གཅིག་ཏུ་མ་ངེས་རྒྱུ་བའི་དབུགས།། ནང་དུ་གཟུགས་ལ་བསླབ་པར་བྱ།། དེ་ནས་ཡང་ནི་དབུགས་ཟིན་ཏེ།། སེམས་ཀྱང་ཤིན་ཏུ་ཞི་བར ་འགྱུར།། བརྟན་པ་ཐོབ་པར་གྱུར་པས་ནི།། མཚན་མ་རྣམ་ལྔ་འབྱུང་བར་འགྱུར།། དང་པོ་སྨིག་རྒྱུ་འདྲ་བ་དང་།། གཉིས་པ་ལ་ནི་དུ་བའི་ཚུལ།། གསུམ་པ་སྲིན་བུ་མེ་ཁྱེར་འདྲ།། བཞི་པ་མར་མེ་བཞིན་དུ་འབར།། ལྔ ་པ་རྟགས་སུ་སྣང་བ་ནི།། སྤྲིན་མེད་པ་ཡི་ནམ་མཁའ་བཞིན།། དེ་ཡི་རྟགས་ནི་ཕྱི་ནང་གཉིས།། ཕྱི་ལ་ཉིན་དང་མཚན་མོར་སྣང་།། དེ་ལ་ཕྱི་རྟགས་བྱ་བ་ནི།། དབུགས་ཀྱང་ནང་དུ་ཟིན་གྱུར་ན།། ཕྱི་རོལ་མདུན་གྱི་ནམ ་མཁའ་ལ།། རྨི་ལམ་དུ་ནི་འོད་སྣང་འགྱུར།། དང་པོར་དབུགས་ནི་བརྟན་ཟིན་ན།། མཁའ་ལ་ཡུན་རིང་བརྟན་བལྟས་ཏེ།། འོད་སྣང་བ་ཡི་སྔ་ལྟས་སུ།། དུ་བའི་རྣམ་པ་ལྟ་བུའམ།། སྨིག་རྒྱུ་འདྲ་བ་མཐོང་བར ་འགྱུར།། དེ་ལ་བརྟན་པར་གྱུར་ནས་ནི།། སྲིན་བུ་མེ་ཁྱེར་འདྲ་བ་ཡི།། འོད་འདྲ་བ་ནི་མཐོང་བར་འགྱུར།། དེ་ལ་བརྟན་པར་གྱུར་ནས་ཡང་།། མར་མེའི་འོད་སྣང་མཐོང་བར་འགྱུར།། དེ་ནས་བརྟན་པར་གྱུར་ནས ་ནི།། སྤྲིན་མེད་པ་ཡི་ནམ་མཁའ་བཞིན།། ཐམས་ཅད་དུ་ནི་གསལ་གྱུར་ཏེ།། དེ་རྟགས་ཆད་དུ་ཕྱིན་པའོ།། འདི་ནི་ཉིན་པར་དབང་དུ་གསུངས།། མཚན་མོའི་ལྟས་ནི་ཐམས་ཅད་དུ།། མེ་ཡི་འོད་ལྟར་འབར་བ ་ནི།། རིམ་གྱིས་རྒྱས་པར་མཐོང་འགྱུར་རོ།། ཉིན་མཚན་ཁྱད་མེད་ནང་གི་རྟགས།། དྲི་མེད་ནམ་མཁའ་དངས་པ་བཞིན།། ཐམས་ཅད་མ་ལུས་ཉིན་མཚན་གྱིས།། ཁྱད་པར་མེད་པར་མཐོང་བར་འགྱུར།། ནང་གི ་རྟགས་ནི་རང་གི་སེམས།། ཇེ་ཞི་ཇེ་གསལ་གྱུར་པ་ཉིད།། སེམས་ཉིད་འོད་གསལ་ཉི་ཟླ་བཞིན།། མ་བཅོས་ངང་དུ་གཟིགས་པར་འགྱུར།། དབུགས་འགགས་སྟོང་གཟུགས་བཟུང་བའི་ཏིང་ངེ་འཛིན ་ཏོ།། དེ་ལྟར་བརྟན་པའི་རྟགས་ཐོབ་ནས།། ཤིན་ཏུ་སྦྱངས་པ་ཐོབ་བྱའི་ཕྱིར།། རྗེས་སུ་དྲན་པ་བསྒོམ་པར་བྱ།། སྟེང་འོག་སྒོ་ནས་གསང་བ་གསུམ།། བརྒྱ་དང་གྲངས་ལ་སེམས་རྩལ་སྦྱང་།། ཐུགས་ལས་སྟེང་སྒོ་སྣང ་ལས་བྱུང་།། དབང་ཆེན་སྐུ་ཡི་འོད་ཟེར་སྤྲོས།། མཆོད་ནས་སྦྱངས་ཏེ་དངོས་གྲུབ་རྣམས།། ཐིམ་པས་མི་ཟད་རྒྱན་དུ་འགྱུར།། གསུང་ནི་རླུང་དང་སྔགས་བཅས་སྤྲོས།། དེ་ཉིད་མི་ཟད་རྒྱན་འཁོར་གསུངས།། ཐུགས་ནི ་ཕྱག་མཚན་སྤྲོས་དང་བསྡུ།། དེ་ཡང་མི་ཟད་རྒྱན་འཁོར་འགྱུར།། བྷ་ག་ལ་ནི་ལིངྒ་བཞག། པདྨའི་སྐུ་དང་གསུང་དང་ཐུགས།། གསང་བ་གསུམ་ལས་བྱུང་བ་ཡིས།། རྗེས་སུ་དྲན་པ་བཅུ་དྲུག་བསྒོམ།། དབང་པོ་རབ ་འབྲིང་ཐ་མ་ཡི།། རྒྱ་ནི་ཆེ་ཆུང་རང་སྟོབས་ཀྱིས།། སེམས་ཀྱི་རྩལ་ནི་སྦྱང་བར་བྱ།། རྣལ་འབྱོར་རང་སེམས་རྩལ་སྦྱོང་བས།། སྐུ་དང་ཡེ་ཤེས་ཕྱག་མཚན་རྣམས།། གསང་བ་གསུམ་པོའི་སྤྲོ་བསྡུ་ཀུན།། མང་ཉུང ་སེམས་ཀྱི་སྟོབས་དང་སྦྱར།། སེམས་ནི་རང་བཞིན་མ་ངེས་པས།། ཏིལ་འབྲུ་རི་རབ་ལྟ་བུའམ།། གཅིག་ནས་གངྒཱའི་ཕྱེ་རྙེད་པར།། སེམས་ཀྱི་རྩལ་ནི་སྦྱང་བར་བྱ།། རྗེས་སུ་དྲན་པ་ཞེས་བྱ་བའི་ཏིང་ངེ་འཛིན་ཏོ།། དེ ་ལྟར་ཏིང་འཛིན་རྩལ་སྦྱངས་ནས།། ལུས་དང་སེམས་དང་ལྷ་ལ་དམིགས།། ཁྱད་པར་དབྱེ་བ་བྱ་བ་ནི།། ཡིད་ལ་བྱེད་དང་མི་བྱེད་པའོ།། ལུས་ལ་དམིགས་པར་བྱེད་པའོ།། དབུགས་ཀྱི་སྒོ་ནས་དམིགས་པ་སྟེ།། རང ་བཞིན་གནས་དང་ཡུལ་དང་ལས།། དམིགས་པའི་ཐབས་དང་ཡོན་ཏན་ཡིན།། དེ་ལ་དབུགས་ཀྱི་རང་བཞིན་ནི།། ལུས་ཉིད་ཁམས་ལྔའི་རང་བཞིན་གནས།། དབུགས་ཀྱི་རང་བཞིན་ཁམས་ལྔ་ཡིན།། ས་ཆུ་མེ་རླུང ་ནམ་མཁའ་འབྱེད།། ས་ཡི་དབུགས་ནི་སྲ་ཞིང་ལྕི།། ཆུ་ཡི་དབུགས་ནི་དལ་ཞིང་འཇོམས།། མེ་ཡི་དབུགས་ནི་འབར་ཞིང་དྲོ།། རླུང་གི་དབུགས་ནི་ཡང་ཞིང་རྩུབ།། མཁའ་ནི་འཕྱོ་ཞིང་རྒྱུ་མི་ཚོར།། དབུགས་ཀྱི་གནས ་ནི་ལུས་ཉིད་ལ།། སྙིང་ནི་ཁོང་སྟོང་ན་དག་དང་།། གློ་བ་ཁོང་སྟོང་ནང་དག་གནས།། དབུགས་ཀྱི་རླུང་ནི་ནང་དུ་ཡང་།། ལུས་ཀུན་ལ་ཡང་ཁྱབ་པར་གྱུར།། ཤས་ཆེར་ལྟེ་བ་ཡན་ཆད་ཀུན།། ཕྱི་རོལ་སོར་ནི་བཅུ་དྲུག ་པ།། ཚུན་ཆད་རྒྱུ་བར་བྱེད་པ་ཡིན།། མདོར་བསྡུས་ནང་དུ་བསྡུས་འདུས་ཀྱང་མི་ཤེས།། དབུགས་ཀྱི་ལམ་ནི་ཀུན་ཁྱབ་ཀྱང་།། གཙོ་བོ་མགྲིན་པ་གསང་གནས་ནས།། སྣ་ཡི་བུ་གར་བྱུང་བའོ།། དབུགས་ཀྱི་ལམ་ནི་རྣམ ་གཉིས་ཏེ།། འཛིན་པའི་ལས་དང་ཕྱེད་པའི་ལས།། དེ་ལ་འཛིན་པའི་ལས་བྱེད་ནི།། རེག་པས་ལུས་ལ་ཕན་འདོགས་ཤིང་།། ལུས་ཀྱང་འཛིན་པར་བྱེད་པ་དང་།། སེམས་ཀྱི་འཛིན་ཀྱང་དབུགས་ཀྱི་བྱེད།། སེམས་ཀྱང ་འཛིན་པར་བྱེད་པ་དང་།། ལུས་སེམས་གཉིས་ཀ་འཛིན་པས་ན།། སྲོག་འཛིན་པ་ཡི་ལས་བྱེད་དོ།། བྱེད་པའི་ལས་ནི་གཡོ་བའི་ཚེ།། ལུས་སེམས་གཉིས་ཀ་གཡོ་བར་བྱེད།། དབུགས་ལ་དམིགས ་པའི་ཐབས་སྒོ་མང་།། ཕྱི་ལ་འགྲོ་ན་གཏང་བར་བྱ།། ནང་དུ་འགྲོ་ན་དགང་པར་བྱེད།། ཁོང་དུ་གནས་ན་གཞག་པར་བྱ།། གང་ལྟར་དམིགས་ཀྱང་འགལ་བ་མེད།། ཐམས་ཅད་གདམས་ངག་གནད་ཡིན་ནོ།། དེ་དག ་མདོར་བསྡུས་རྣམ་པ་གཉིས།། དབུགས་ཀྱི་སྒོ་དང་མཐུན་དམིགས་དང་།། ཆོས་ལ་མ་བརྟེན་དམིགས་པའོ།། དེ་ལ་མཐུན་པར་དམིགས་པ་ནི།། གཡས་ནས་རྒྱུ་བར་བྱེད་པ་ནི།། དེ་ནི་མེ་དང་རུང་གི་ཁམས།། གཡོན ་ནས་རྒྱུ་བ་ས་ཆུའི་ཁམས།། དབུས་ནས་རྒྱུ་བ་ནམ་མཁའི་ཁམས།། དེ་ལས་ཕྱེ་ན་གཡས་དང་གཡོན།། རེ་རེ་ལ་ཡང་ཁམས་ལྔའོ།། ལྔ་ལྔ་ཚང་བར་རྒྱུ་བ་དང་།། རགས་རིམ་མདོ་རུ་བསྡུས་པ་དང་།། གཡས་གཡོན་རེ ་རེ་དག་ལ་ཡང་།། འབྱུང་བ་རེ་རེའི་ཆ་ཤས་སུ།། བརྟན་པ་དག་གི་སྒོ་ནས་ནི།། ཁ་དོག་དབྱིབས་དང་བོང་ཚོད་དང་།། རྣམ་པའི་སྒོ་ནས་སོ་སོར་ཕྱེ།། དེ་ལ་དམིགས་པར་བྱ་བའོ།། ས་སེར་ཆུ་དཀར་མེ་ནི ་དམར།། རླུང་ནི་ལྗང་སེར་ནམ་མཁའ་མཐིང་།། དེ་ནི་རྒྱུ་བ་ཐ་མར་རྒྱུ།། གྲུ་བཞི་ཟླུམ་པོ་གྲུ་གསུམ་དང་།། ཟླ་གམ་སྤྲོས་བྲལ་ཆོས་འབྱུང་དང་།། གཙོ་བོ་ཆེ་ལ་འཁོར་རྣམ་ཕྲ།། གོམས་ནས་ཆེན་པོ་ཕྲ་བར་སྣང་།། ་གྲངས་དང་རྣམ་པ་ངེས་པ་ནི།། དམིགས་པ་བརྟན་པར་འབྱོངས་ནས་གསལ།། རྣམ་པའི་འོད་དང་ཡི་གེ་དང་།། མཚན་མ་དང་ནི་ཕྲ་མོའི་སྐུ།། དེ་ལྟ་བུ་ཡི་རྣམ་པར་དམིགས།། ཆོས་ལ་མ་བརྟན་པར་དམིགས་ལ།། བྱེ ་བྲག་སོ་སོར་དབྱེ་བ་མེད།། དབུགས་ནི་ཕྱི་ནང་རྒྱུ་ཙམ་དམིགས།། མཚན་མའི་རྣམ་པ་གང་ཡང་རུང་།། གཅིག་ལ་དམིགས་པར་བྱ་བའམ།། རེག་བྱ་ཙམ་ལ་དམིགས་ཀྱང་རུང་།། སེམས་མ་ཡེངས་པར་གཏད་པ ་ནི།། སེམས་ཟིན་འབའ་ཞིག་ཙམ་གྱིས་མཚོན།། སྤྱི་རུ་གྲགས་པའི་ཁ་དོག་དང་།། བོངས་ཚོད་སྐྱོན་དང་ཡོན་ཏན་དང་།། ཁམས་རྣམས་གདུག་པའི་མཚན་ཉིད་པས།། བརྟན་ནི་ཡུལ་དུ་དམིགས་པ་ཙམ།། མཐུ་བརྟས ་དུས་ངན་སྐྱོན་ཡོན་ཡོད།། དེ་ལ་ཁ་དོག་དཀར་པོ་ནི།། གདུག་པ་ཞི་བྱེད་མཚན་ཉིད་ལ།། སེར་པོ་གདུག་པ་འཛིན་པའི་མཚན།། དམར་པོ་གདུག་པ་མཆེད་མཚན་ཉིད།། ནག་པོ་གདུག་པའི་སློང་བའི་མཚན།། མཚན ་ཉིད་དེ་ལྟར་བྱེད་པའོ།། རེག་བྱ་དང་ནི་བོངས་ཚོད་དང་།། སྲ་ཞིང་སྦོམ་པ་ལྟར་སྣང་བ།། ལུས་ལ་མི་བདེ་བ་དག་འབྱུང་།། ཕྲ་ཞིང་དྲངས་པ་ཆུ་ཟླ་ལྟར།། རྡོས་པའི་ཤ་ཆུང་དམིགས་པ་ན།། ལུས་ལ་མི་བདེ་མི་འབྱུང ་ངོངོ།། དབུགས་ལ་དམིགས་པའི་ཡོན་ཏན་ནི།། ལུས་ཀྱི་རྣམ་པ་ལ་མཁས་པས།། གཅིག་ཕུར་བལྟ་དང་དངོས་པོར་བལྟ།། བདེན་ཞིང་གཙང་མར་བལྟ་རྣམས་བཟློག། ལྷག་མཐོང་དོན་ཡང་བསྐྱེད་པའོ།། སེམས་ལ ་གནས་པ་ཐོབ་པས་ནི།། ཞིག་ནས་ལས་སུ་རུང་གྱུར་པ།། རང་བཞིན་གནས་ཡུལ་ལམ་དང་ལས།། དམིགས་པའི་ཐབས་དང་ཡོན་ཏན་ནོ།། སེམས་ལ་དམིགས་པའི་རང་བཞིན་ནི།། སྣང་བའི་ཁམས ་ལ་དམིགས་པ་དང་།། རློམ་སེམས་པ་ཡི་ཁམས་དང་ནི།། དངོས་པོ་སོ་སོར་རྣམ་རིག་མཁས།། སེམས་ཀྱི་གནས་ནི་ས་ཆུ་མེ་རླུང་མཁའི།། ཁམས་ལྔའི་རླུང་ལ་ཞོན་ནས་སུ།། ཁམས་ལྔའི་ལུས་ལ་གནས་པའོ།། སེམས ་ཀྱི་ཡུལ་ནི་རྣམ་རིག་པ།། སྣང་བའི་ཡུལ་ནི་ཆོས་རྣམས་ལ།། རློམ་སེམས་ཡུལ་ན་སེམས་ཉིད་དོ།། རྣམ་པར་རིག་པར་བྱ་བའི་ཡུལ།། དེ་ནི་ཕྱི་ཡི་སྐྱེ་མཆེད་རྣམས།། སེམས་ཉིད་ལམ་ནི་དབང་པོ་རྣམས།། སེམས་ཀྱི ་ལས་གཉིས་འཛིན་བྱེད་ནི།། འཛིན་པའི་ལས་ཀྱིས་ཆོས་རྣམས་འཛིན།། བྱེད་པའི་ལས་ནི་དཀར་ནག་གི། འདུ་བྱེད་ཐམས་ཅད་མ་ལུས་པ།། མངོན་པར་འདུ་ནི་བྱེད་པའོ།། སེམས་ལ་དམིགས་པའི་ཐབས་དག ་ནི།། དབུགས་ལ་དམིགས་པ་ལ་རུང་ནས།། དེ་ནས་དྲན་དང་ཤེས་བཞིན་གཟུང་།། སེམས་ནི་ཇི་ལྟར་བསྐྱེད་ཉིད་དམིགས།། སེམས་ཀྱི་མཚན་ཉིད་ཁོང་ཆུད་འགྱུར།། སེམས་ལ་དམིགས་པའི་ཡོན་ཏན་ནི།། བདག་ཏུ ་བལྟ་དང་རྟགས་པར་བལྟ། དངོས་པོར་བལྟ་བ་ཐམས་ཅད་བཟློག། ལྷག་མཐོང་བསྐྱེད་པར་བྱེད་པའོ།། སེམས་ཉིད་ལས་སུ་རུང་འགྱུར་ཏེ།། དེ་ཡིས་ཞི་གནས་ཐོབ་པའོ།། ལུས་སེམས་དམིགས་པ་ལས་རུང ་ནས།། ལྷ་དང་དམིགས་པར་བྱེད་པ་ནི།། རང་བཞིན་གནས་ཡུལ་ལམ་དང་བཅས།། དམིགས་ཐབས་ཡོན་ཏན་རིམ་པ་དང་།། དང་པོར་བར་ཐ་སྒོམ་ཚད་མོད།། དེ་ལ་ལྷ་ཡི་རང་བཞིན་ནི།། ཆོས་ཉིད་རྣམ་པར་དག ་པ་དང་།། རྣམ་པར་མི་རྟོག་ཡེ་ཤེས་དང་།། ཅིར་ཡང་ས་ལེ་མཁྱེན་པ་ཡིས།། ཡེ་ཤེས་འགྲོ་འདུལ་གཟུགས་ཀྱི་སྐུ།། སོ་སོའི་སྐད་དུ་དམ་པའི་ཆོས།། སྟོན་པའི་གསུང་དེ་ཆོས་རྔ་ཡིན།། ལྷ་ཡི་གནས་ནི་སེམས་ཅན ་གྱིས།། ལུས་དང་སེམས་ལ་གནས་པ་ཉིད།། ལྷ་ཡི་ཡུལ་ནི་ཆོས་ཀྱི་དབྱིངས།། ཐུགས་རྗེའི་ཞིང་རྣམས་གནས་པའོ།། ལྷ་ཡི་ལམ་ནི་གང་ཡིན་པ།། འགྲོ་དང་འོང་བ་མི་མངའ་ཡང་།། ལྷ་ཡོངས་བཟུང་བའི་སེམས་ཅན ་ནི།། སེམས་ཅན་སྐྱབས་ནི་ལྷ་ཡིན་ཏེ།། འབྲེལ་གཉིས་སྒོ་ནས་ལམ་གྱུར་པ།། ལམ་གྱི་ཆོས་དང་ལུང་གི་ཆོས།། ལྷ་ཡི་ལམ་དུ་གྱུར་པའོ།། ལྷ་ཡི་ལས་ནི་འཛིན་པར་བྱེད།། འཛིན་པའི་ལས་ནི་ཡོན་ཏན་ནི།། ཐམས ་ཅད་ཀུན་དང་ལྡན་པའོ།། བྱེད་པའི་ལས་ནི་སེམས་ཅན་རྣམས།། ཐམས་ཅད་གྲོལ་བར་མཛད་པའོ།། ལྷ་ལ་དམིགས་པར་བྱེད་པའི་ཐབས།། ལུས་དང་སེམས་ཉིད་ལྟར་བསྒོམ་པས།། དེ་ལ་རྣལ་འབྱོར་རྣམ་གསུམ ་གྱི།། ཚུལ་གྱིས་བྱིན་གྱིས་བརླབ་ཚུལ་ལམ།། དེ་ཉིད་ཡོངས་སུ་རྟག་པའམ།། རྫོགས་ཚུལ་གང་ཡང་རུང་བར་བསྒོམ།། ལྷ་ཡི་ཡོན་ཏན་རྣམ་གཉིས་ཚོགས།། དུས་གཅིག་རྫོགས་པར་གྱུར་པའོ།། དེ་ལྟར་དམིགས་པ ་རྣམ་གསུམ་ལ།། རིམ་གྱིས་བསླབ་ཅིང་རིམ་གྱིས་བརྟེན།། འདི་ནི་ཕྱིས་པ་དང་པོ་རུ།། ཞུགས་པ་ཙམ་དུ་དངོས་སུ་ནི།། ལུས་ཉིད་སེམས་ཀྱི་རྣམ་པ་ཡིན།། སེམས་ཀྱི་རང་བཞིན་ལྷ་ཉིད་ཡིན།། དེ་བས ་ཕྱི་ནང་སྣོད་བཅུད་ཀྱི།། ཆོས་རྣམས་མ་ལུས་ཐམས་ཅད་ཀུན།། རང་གི་ངོ་བོ་ལྷ་ཉིད་ཤེས།། དང་པོ་ལྷ་ངོ་ཤེས་པ་ཡིན།། བར་དུ་ལྷ་བསྒོམ་ཐབས་ཤེས་པ།། སྒྲུབ་ཐབས་སྣ་ཚོགས་གསུངས་པ་དང་།། བསམ་གཏན ་ལུས་དང་སེམས་དོན་གྱིས།། བཅོས་པའི་ཐབས་རྣམས་བསྟན་པ་ཡིན།། ཐ་མ་ལས་སུ་རུང་བའི་ཚད།། མཚན་མ་མེད་པའི་ལྷ་ཚད་ནི།། བྱང་ཆུབ་སེམས་ལ་ལྷ་རུ་བཞག། མཚན་མ་ལྷ་ཡི་སྐུ་བསྒོམ་ཚད།། ལྷང་ངེ་ལྷན ་ནིནེནི་ལྷམ་མེ་གསུམ།། ལྷམ་མེ་བ་ནི་མ་རྡོས་པ།། ལྷན་ནེ་བ་ནི་མ་གཡོས་པ།། ལྷང་ངེ་བ་ནི་མ་བསྒྲིབས་པ།། མ་རྡོས་སྣང་ལ་རང་བཞིན་མེད།། གཟུགས་བརྙན་ཆུ་ཟླ་ལྟ་བུའོ།། མ་གཡོས་པ་ནི་བྱིང་རྒོད་ཀྱི།། ཟུག་རྡུ་མ ་སྐྱེས་པ་ཡིན་ཏེ།། ནོར་བུ་རིན་ཆེན་འོད་ལྟ་བུ།། མ་བསྒྲིབས་དེ་གཉིས་དང་ལྡན་པས།། མ་རྟོགས་པ་ཡི་སྒྲིབ་པ་དང་།། མི་གསལ་བ་ཡི་སྒྲིབ་པ་གཉིས།། མེད་པར་ཤིན་ཏུ་གསལ་བར་སྣང་།། དབང་པོས་བལྟ་བར་མི ་བཟོད་ལྟར།། ལྷ་སྐུ་ཤིན་ཏུ་གསལ་བའོ།། ཚུལ་བཞིན་བྱེད་པར་མ་ནུས་ན།། བཟླས་བརྗོད་ལྷ་ཡི་དེ་ཁོ་ནས།། ལྷར་གྲགས་ལྷུན་གྲུབ་སེམས་ཅན་ཁེངས།། རང་ལ་གནས་པ་དེ་རྟོགས་ཡིན།། ཚུལ་བཞིན་སློབ་བར ་འདོད་པ་ཡིས།། དེ་དག་རྣམས་ཀྱིས་ཚུལ་དུ་སྤྱོད།། གང་དག་ཚུལ་བཞིན་བྱེད་མ་ནུས།། མོས་དང་བྱ་བས་གཡེང་འགྱུར་ཞིང་།། ཚུལ་བཞིན་སྦྱོར་བར་མི་ནུས་རྣམས།། བརྡའ་དོན་ལྷ་ཡི་ཏིང་འཛིན་ནི།། ཇི་ལྟར་ཡིན ་པ་ཡིད་ལ་བྱ།། དེས་ཟིན་ཆོ་ག་རིམ་གྱིས་བསྐྱེད།། སྐད་ཅིག་གཅིག་ལ་རྫོགས་ཚུལ་ལམ།། བག་ཆགས་ཤུགས་སམ་མོས་པ་དང་།། ང་རྒྱལ་དག་གི་སྒོ་ནས་ཀྱང་།། མ་ཡེངས་པ་ཡི་སེམས་ཀྱིས་གཟུང་།། བཟླས ་བརྗོད་བྱ་ཞིང་བསམ་གཏན་འཇུག། བཟླས་བརྗོད་བྱེད་པའི་ཚེ་ན་ཡང་།། ལྷ་ནི་མི་བསམ་མ་དམིགས་རུང་།། ལས་སམ་འབྲས་བུ་གང་དམིགས་ཀྱང་།། སྤྱིར་ན་དམིགས་པ་རྩེ་གཅིག་ལ།། འབད་པས་མཐུ་དང་བྱིན ་རླབས་ཆེ།། སྤྱིར་ན་ལྷ་ཡི་དེ་ཁོ་ན།། ཉིད་ལས་འགྲུབ་པའི་ལྷ་ཡང་འགྲུབ།། དོན་དམ་སེམས་ཀྱི་ལྷ་དང་ནི།། ཀུན་རྫོབ་མཚན་མའི་ལྷ་ཉིད་ལ།། སེམས་དཔའ་བྱེ་བྲག་ལྷ་ཞེས་བྱ།། མིང་དུ་ལྷར་ནི་བཏགས་པ ་ཡིན།། དམ་ཚིག་ཅན་གྱི་སྐྱེ་བོའི་ལྷ།། ཕྱག་རྒྱའི་མཚན་མ་ལྷར་གྲགས་པ།། བཏགས་པས་རྣམ་པ་དུ་མར་འཇུག། རྣམ་པར་སྨིན་པའི་ལུས་དབྱིབས་ཀྱིས། བྱེ་བྲག་དཔེ་ཕྱི་ཞེས་པ་དང་།། དེ་ཉིད་བདག་གི་ཆེན ་པོའོ།། མཚན་མའི་གཟུགས་ཞེས་བཏགས་པ་དང་།། དེ་ཉིད་སྐྱེ་བོའི་བྱིན་རླབས་སོགས།། ནུས་མཐུ་ཅན་ཞེས་བཏགས་པ་དང་།། དེ་ཉིད་རྣམ་པར་སྨིན་པའི་གཟུགས།། བྱེ་བྲག་ཡེ་ཤེས་བྱིན་བརླབས་ཉིད།། དབྱེར ་མེད་འདྲེས་ནས་ལྷ་ཞེས་བཏགས།། དེ་ཉིད་བདག་ཉིད་ཆེན་པོ་རྣམ།། ཐུགས་ནི་གསང་བའི་ཡེ་ཤེས་ཉིད།། མཚན་མའི་གཟུགས་སུ་སྤྲུལ་པ་སྟེ།། ཆུ་ཉིད་གྲང་བའི་རྐྱེན་གྱིས་ནི།། འཁྲུགས་རོམ་གྱུར་པ ་ལྟ་བུའོ།། ཆོས་རྣམས་ལྷུན་གྱིས་གྲུབ་པ་ཡི།། ཕྱག་རྒྱའི་རང་བཞིན་ཡིན་པ་ལ།། ལས་ཀྱི་འཕྲོ་དང་སྐལ་བ་ཡི།། དབང་གིས་སོ་སོར་སྣང་བ་དེ།། ཤིན་ཏུ་དག་པར་འདུལ་གྱུར་རྣམས།། ལོངས་སྤྱོད་རྫོགས་པའི་སྐུར ་སྣང་ངོ་།། སེམས་ཅན་ཁེངས་པ་དག་ལ་ཡང་།། ལས་ནི་དག་པར་གྱུར་རྣམས་ལ།། སྦྲུལ་སྐུ་རབ་བྱུང་ཆ་ལུགས་སྣང་།། དེ་ཡི་འོག་མ་རྣམས་ལ་ནི།། ཆ་ཤས་དག་གིས་ཕྱག་རྒྱར་སྣང་།། དེ་ཡི་འོག་མ་རྣམས་ལ ་ནི།། ཐུན་མོང་གཟུགས་བརྙན་ལ་བརྟེན་པའི།། ཕྱག་རྒྱ་ཐ་དད་སྣང་བས་ཏེ།། ཐམས་ཅད་ལྷུན་གྱིས་གྲུབ་པ་ལ།། ཕྱག་རྒྱའི་བྱེ་བྲག་མེད་པར་འདོད།། དེ་ལྟར་སྣང་བ་ཐམས་ཅད་ཀུན།། གཞན་ནས་ཡོད་འོང་མ་ཡིན ་ཏེ།། རང་ལུས་ཡིད་ནི་རྩལ་ལས་གྲུབ།། སྔགས་ནི་ཡེ་ཤེས་རང་ལ་གནས།། ལུས་ཁམས་བདུད་རྩི་ཆེན་པོ་རྣམས།། སྙིང་པོ་རླུང་གི་འཕྲོ་འདུ་ཅན།། སྦྲུལ་སྐུ་མཛད་པ་བཅུ་གཉིས་རྫོགས།། སྟོང་གསུམ་མ་ལུས་འདུལ ་བའི་མགོན།། ལོངས་སྐུ་འཁོར་འདས་གཉིས་ལ་སྤྱོད།། ས་བཅུའི་བྱང་ཆུབ་སེམས་དཔའ་ཡི།། ཤེས་བྱའི་སྒྲིབ་པ་རྣམ་པར་སེལ།། ཆོས་སྐུ་དྲི་མ་མེད་པ་ནི།། ཕྱག་རྒྱ་ཆེན་པོ་མཆོག་གི་སྐུ།། སྐུ་གསུང་ཐ་དད་མེད་གྱུར ་པ།། ངོ་བོ་ཉིད་ཀྱི་སྐུ་གྱུར་པ།། གཅིག་དང་ཐ་དད་ལས་གྲོལ་བ།། གདུལ་བྱའི་རྣམ་པ་སོ་སོར་སྣང་།། ནམ་མཁའི་དབྱིངས་ནས་རང་ཤར་བ།། ཉི་ཟླའི་དཀྱིལ་འཁོར་རབ་རྒྱས་པ།། མུན་མེད་མུན་པས་བསྒྲིབས་ལྟར ་སྣང་།། མུན་སྣང་དོན་ལ་གྲུབ་པ་མེད།། ཅེས་གསུངས་སོ།། དབང་ཆེན་བདེ་གཤེགས་འདུས་པ་པདྨ་གསང་བ་རྡོག་མ་ལེ་བརྒན་གྱི་རྒྱུད་ལས། སྦྱོར་བ་ཡན་ལག་དྲུག་པའི་ལེའུ་སྟེ་བཅུ་དྲུག་པའོ།། །། དེ་ནས ་བཅོམ་ལྡན་འདས་རྗེ་བཙུན་འཕགས་པ་རྟ་མཆོག་ཆེན་པོ་ལ་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཧོ་རྗེ་བཙུན་གར་གྱི་དབང་།། རིག་པ་བཞི་ལ་གཟིགས་པ་ཡིས།། རྒྱུད་ལུང་མན་ངག་མ་ལུས ་པ།། བཅིངས་པའི་མདུད་པ་གྲོལ་བར་བྱེད།། འོད་གསལ་སེམས་ཀྱི་རང་བཞིན་རྟོགས།། དམ་ཚིག་དངོས་གྲུབ་ལོ་ཏོག་སྨིན།། དུག་ལྔ་བདེ་ཆེན་ལམ་དུ་གྲོལ།། འཁོར་འདས་ཉོན་མོངས་ལྔ་མདུད་བཀྲོལ།། དབང ་གི་སྐུ་ལ་མ་ལུས་རྫོགས།། རྒྱན་རྣམ་ཆོས་ཉིད་བདེ་བར་ལྡན།། མཆོད་བསྟོད་རྒྱལ་བ་མཉེས་པར་བྱེད།། རྟ་སྐད་གདུག་པ་གསུམ་རྣམས་འདུལ།། ཕྲིན་ལས་ཕན་གནོད་ལས་ཀུན་འགྲུབ།། ས་ཡི་གདུག་པའི་ནད ་རྣམས་ཀུན།། མཐུན་པའི་རྫས་ཀྱིས་སེལ་བར་བྱེད།། ཕན་གནོད་ཐུན་མོང་དངོས་གྲུབ་སྟེར།། ས་ལམ་གསང་སྔགས་ཏིང་འཛིན་བགྲོད།། རིག་འཛིན་ལམ་གྱི་འབྲས་བུར་འགྱུར།། སྦྱོར་དྲུག་རྫོགས་རིམ་གནས ་མཐར་ཕྱིན།། རྡོག་མ་ལེ་བརྒན་དབང་བསྡུད་རྒྱུད།། མ་ལུས་གྱུར་ནས་གསུང་ཁྱོད་འདུད།། ཅེས་བསྟོད་དོ།། དེ་ནས་བཅོམ་ལྡན་འདས་ཀྱིས་འཁོར་རྣམ་ལ་འདི་སྐད་གསུངས་སོ།། དབང་ཆེན་སྐུ་ལ ་རྒྱལ་བ་འདུས།། བདེ་གཤེགས་འདུས་པའི་རྒྱུད་ཅེས་བྱ།། རྟ་མགྱོགས་རྡོག་སྤུག་གནས་སུ་འགྲོ། འཁོར་བ་སེམས་ཅན་ལྷ་སྲིན་ཀུན།། དབང་བསྡུས་སངས་རྒྱས་ས་ལ་འགྲོ།། རྡོག་མ་ལེ་བརྒན་རྒྱུད་ཅེས་བྱ།། གནས ་ལུགས་སེམས་ཉིད་གཞི་ཡི་རྒྱུད།། བསྐྱེད་རྫོགས་གྲོལ་བ་ལམ་གྱི་རྒྱུད།། རིག་འཛིན་སྐུ་བཞིའི་འབྲས་བུའི་རྒྱུད།། གཞི་ལམ་འབྲས་བུའི་རྒྱུད་ཅེས་བྱ།། རིག་པ་བཞི་ཡི་ཆོས་རྣམས་ཀུན།། གཏན་ལ་འབེབས་པར ་གཟིགས་གྱུར་པ།། མ་རིག་བློ་ཡི་མུན་པ་སེལ།། ཤེས་བྱ་སེམས་ཀྱི་གྲས་ཐག་བཅས།། རིག་པས་རྒྱ་མདུད་གྲོལ་བའི་རྒྱུད།། ཐུན་མོང་ལས་ཀྱི་ཚོགས་རྣམས་ཀུན།། ཕན་གནོད་བདག་གཞན་དོན་རྣམས ་འགྲུབ།། མཆོག་གི་འབྲས་བུ་འགྲུབ་འགྱུར་བས།། ཐུན་མོང་མཆོག་ཏུ་བསྒྲུབ་པའི་རྒྱུད།། ཟབ་པས་ཡེ་ཤེས་ཆོས་ཀྱི་སྐུ།། རྒྱ་ཆེ་ཆོས་དབྱིངས་མུ་མཐའ་གྲོལ།། རྒྱ་མཚོ་ནམ་མཁའ་ལྟ་བུའི་ཆོས།། ཟབ་པ་རྒྱ་ཆེ་བསྟན ་པའི་རྒྱུད།། ཐབས་མཆོག་སྙིང་རྗེ་ཆེན་པོར་ཤར།། ཤེས་རབ་སྟོང་ཉིད་མ་བཅོས་རྟོགས།། སྟོང་ཉིད་སྙིང་རྗེའི་སྙིང་པོ་ཅན།། ཐབས་དང་ཤེས་རབ་འབྲེལ་པའི་རྒྱུད།། རྒྱ་མཚོའི་ཆུ་རྒྱུན་ཀུན་འཛིན་ཅིང་།། དེ་ལས་བྱུང ་ནས་དེར་ཐིམ་པས།། ཆོས་ཉིད་ཤར་ནས་བདེ་གྲོལ་ཐིམ།། བྱུང་ཐིམ་ཆུ་བོ་ལྟ་བུའི་རྒྱུད།། གནས་དང་མཁན་པོས་རྒྱུད་ཀུན་འདྲེས།། གོང་འོག་འཁྲུགས་པས་བཟང་དུ་སོང་།། ལུས་སྐྱོབ་ཕན་པར་མཛད་པས ་ན།། དར་ཟབ་ལྟ་བུ་ཐགས་ཀྱི་རྒྱུད།། སྨན་པ་མཁས་པས་ཚ་གྲང་སྨན།། བསིལ་དྲོད་སྨན་གྱིས་ནད་སེལ་ཞིང་།། ནད་མེད་ཚེ་ཡི་བཅུད་འཛིན་པ།། འདི་ནི་སྨན་སྦྱོར་ལྟ་བུའི་རྒྱུད།། ལྷ་དང་མཁའ་འགྲོ་རིག་འཛིན ་གྱིས།། གང་ཟག་ཆོས་ཀྱི་སྤྱན་ལྡན་ལ།། རིམ་པར་བརྒྱུད་དེ་གྲགས་གྱུར་པ།། ཁྱེད་རྣམས་ཚོགས་ཀྱིས་རྒྱུད་འདི་ཟུང་།། ཞེས་རྒྱུད་འདི་ཡོངས་སུ་གཏད་དེ་སྟོན་པ་ཆོས་ཀྱི་སྐུའི་དགོངས་པ་ལ་བཞུགས་སོ།། འཁོར ་རྣམས་དཀོན་མཆོག་གསུམ་གྱི་བསྟན་པ་བསྲུང་ངོ་།། དབང་ཆེན་བདེ་གཤེགས་འདུས་པ་རྡོག་མ་ལེ་བརྒན་གྱི་རྒྱུད་ལས།། རྒྱུད་གཏད་པའི་ལེའུ་སྟེ་བཅུ་བདུན་པའོ།། །། པདྨ་དབང་ཆེན་བདེ་གཤེགས་འདུས ་པའི་རྒྱུད་རྫོགས་སོ།། །། པདྨ་འབྱུང་གནས་དང་ཁ་ཆེ་ཡ་ནན་ཏ་དང་བཻ་རོ་ཙ་ནས་བསྒྱུར་བའོ།། ས་མ་ཡ། རྒྱ་རྒྱ་རྒྱ། མངའ་བདག་ཅང་གི་གཏེར་མའོ།། ། ་