Wylie

e-texts produced with BDRC’s OCR application

།། རྒྱ་གར་སྐད་དུ། མ་ཧེ་ཤ་ས་མཱུ་དཱ་ཡ་མ་ཧཱ་ཏནྟྲ་ནཱ་མ། བོད་སྐད་དུ། དབང་ཆེན་འདུས་པའི་རྒྱུ་ཆེན་པོ་ཞེས་བྱ་བ་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། ་རྣལ་འབྱོར་གྱི་དབང་ཕྱུག་ཆེན་པོ་ཇི་ལྟར་དངོས་གྲུབ་དམ་པ་ཐོབ་པར་འདོད་ན། ཆོས་ཐམས་ཅད་རང་བཞིན་གྱིས་རྣམ་པར་དག་པའི་སྟོང་པ་ཉིད་ལས་ལངས་ཏེ། ཡི་གེ་ཧཱུཾ་དུ་བསྒོམ་ལ། ཡིད་ཀྱིས་བར་སྣང་གི ་ཁམས་ཐམས་ཅད་གསེར་གྱི་སེང་གེ་སྤྱན་གསུམ་པ་ལ་འོད་ཟེར་འབར་བ་འཁྲིགས་པ་དྲུག་གི་སྟེང་དུ་རིན་པོ་ཆེའི་ཁྲི་ཕྱོགས་བཅུར་འོད་འབར་བའི་སྟེང་དུ་པདྨ་ལེ་བརྒན་འོད་ཕྱོགས་བཅུར་འབར་བ། དེ་བས་ཞབས ་གང་ཙམ་གྱིས་མཐོ་བའི་སྟེང་དུ། མ་ལས་ཉི་མའི་དཀྱིལ་འཁོར་གཅིག་ཏུ་གྱུར་པ་དམིགས་ལ། དེའི་སྟེང་དུ་སྦྱོར་བའི་དབང་ཕྱུག་ཆེན་པོ། རྒྱན་ཐམས་ཅད་ཀྱིས་བརྒྱན་པ། རྡོ་རྗེ་སེམས་དཔའི་ཕྱག་རྒྱ་བཛྲ་ཧཱུཾ་ཞེས་པ ་འདིས་བཅིངས་ནས། མངོན་སུམ་དུ་བསྒྲུབ་པའོ།། ཧཱུཾ་ཞེས་བཟླས་པ་ཙམ་གྱིས་ཕྱོགས་བཞི་མཚམས་བཞིར་རིན་པོ་ཆེའི་ཀ་བ་འཕང་དུ་དཔགས་ཚད་བརྒྱད་ཁྲི་བཞི་སྟོང་པས་ཀྱང་དཔགས་པ། ཀ་བ་གཅིག་ལ་ཡང ་སྤྲིན་མེད་པའི་ཉི་མ་བདུན་བདུན་གྱིས་བརྒྱན་པ། འོད་ཟེར་སྟོང་གསུམ་གྱི་སྟོང་ཆེན་པོ་བས་ཀྱང་དཔག་པར་དམིགས་པ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ན། སྐྱེ་གནས་བཞི་ལས་སྐྱེས ་པའི་སེམས་ཅན་ཐམས་ཅད་དང་ཉན་ཐོས་དང་རང་སངས་རྒྱས་དང་། རིགས་ངན་ཐམས་ཅད་དང་རིགས་མེད་པའི་རྣམ་པར་རྟོག་པའི་བག་ཆགས་ཧཱུཾ་ཞེས་ཟེར་བ་ལས། བསྐལ་པའི་མེ་འབར་བ་མང ་པོས་བརྒྱན་པའོ།། གཡས་ཀྱི་གཤོག་པ་གཉིས་ནི། སྟེང་མ་རིན་པོ་ཆེའི་རྒྱུ་ལས་བྱུང་བར་ང་རྒྱལ་བསྐྱེད་དོ།། འོག་མ་སེམས་ཅན་ཐམས་ཅད་འདུལ་བའི་ཐབས་ལ་མཁས་པ་ཡིན་པས། རྒྱུན་མི་ཆད་པར་རྡོ་རྗེ་འབར ་བས་འཇོམས་པའོ།། ཐེའུ་གཤོག་རྣམས་ནི་གང་གི་སྙིང་ལ་འདྲེན་པ་ཡིན་པས་རྡོ་རྗེ་ལྕགས་ཀྱུ་རྣོན་པོའི་མཆོག་ཀྱང་ཡིན་ལ། སྒྲོལ་བའི་ཐབས་མ་བརྩོན་པ་ཡིན་པས་གྲོལ་བ་དམ་པའོ།། ཕྱག་གཡོན་གྱི་དང་པོ་ནི ་སྡིགས་པའི་མཛུབ་མོ་ལ་བསྐལ་པའི་མེ་ཆེན་པོ་འབར་བའོ།། གཅིག་གིས་ནི་ལུ་གུ་རྒྱུད་ཀྱི་ཞགས་པའོ།། གཅིག་གིས་ནི་ཐོད་པ་ཁྲག་གིས་བཀང་བའོ།། བདག་ཉིད་ཆེན་པོའི་ཞལ་དུ་འབུལ་ལོ།། གཅིག་གིས་ནི་ཁྲ ་བོཔོ་ཆེན་པོ་བརྒྱད་ཀྱི་སྙིང་དང་རྒྱུ་མ་ཀུན་ལྷན་ཅིག་དུ་ཚང་བར་བཅུག་ནས་ཟའོ།། གཅིག་གིས་ནི་རྡོ་རྗེ་ཁ་ཊཾ་ག་དང་། རྗེའུ་ཆུང་དང་། ལྕགས་ཀྱུ་ལྷན་ཅིག་ཏུ་བཟུང་སྟེ་གང་གི་སྙིང་ནས་འདྲེན་པའོ།། ཕྱག་གཡས་དང ་གཡོན་པ་བརྒྱད་ཆར་ཡང་སྦྲུལ་ནག་པོ་དང་སྔོ་བཀྲ་དག་གིས་བརྒྱན་པའོ།། ཁ་ནས་བྱང་ཧཱུཾ་གིས་སྒྲ་གྲགས་པར་ཤ་སྟག་གོ། དེ་དག་གིས་སྙིང་པོ་འདི་བརྗོད་པར་བྱའོ།། ཨོཾ་ཧ་ཧ་རུ་ལུ་རུ་ལུ་ཕཊ་ཛཿཞེས་བརྗོད་པས།། ་སྔ་ཕྱིའི་བརྒྱ་བྱིན་དང་། ཚངས་པ་དང་། ཕྲ་མེན་མའི་འཁོར་མང་པོ་དབང་དུ་བསྡུས་ནས། གཞན་ཡང་ཚོགས་ཀྱི་དཀྱིལ་འཁོར་མང་པོ་སྤྲིན་ཕུང་བཞིན་དུ་དབང་དུ་འདུས་ནས། དེའི་སྟེང་དུ་བདག་ཉིད་ཆེན་པོས ་ཧཱུཾ་ཐང་གཅིག་བཟླས་པས་ཞབས་དམར་པོ་བརྒྱད་དུས་གཅིག་ལ་བྱུང་བར་བསམ་མོ།། དེ་ནས་ཤར་ཕྱོགས་ཀྱི་ཁམས་འདུལ་བའི་ཞབས་ནི། དྲག་ཤུལ་དཔལ་འབར་ལྡན་པས་སྟག་གི་གདོང་གིས་དཀྲིས་ཏེ། ཤར ་ཕྱོགས་ཀྱི་ཧཱུཾ་ཀ་རའི་སྙིང་གར་རྡོག་པས་བརྫིས་ཏེ་ཉམ་ཐག་པའི་འབོད་སྒྲོག་ཆེན་པོ་འདོན་པའོ།། ཤར་ལྷོ་མཚམས་སུ་ཨཱརྱ་ཨ་ཙ་ལེ་མདོག་སྔོ་སྐྱ་གན་རྐྱལ་དུ་མནན་པའི་སྙིང་གར་ཞབས་ཀྱི་བོལ་མན་ཆོད་ནུབ་པར ་དམིགས་ཏེ། ཞབས་བཻ་ཌཱུརྱ་སྔོན་པོ་ཞུ་བས་གཡོགས་པའོ།། ཞབས་གཅིག་ནི་ལྷོ་ཕྱོགས་གྱི་ཁམས་འདུལ་བ་ཡིན་པས་རྡོ་རྗེ་རྩེ་ལྔ་པའི་ན་བཟས་བཀླུབས་ཏེ་ཡ་མཱནྟ་ཀའི་སྙིང་གར་རྡོག་པས་མནན་པས་ཞབས་ཀྱི་བོལ ་མན་ཆད་ནུབ་པའོ།། ཞབས་གཅིག་གིས་ལྷོ་ནུབ་ཀྱི་ནཱི་ལ་དཎྜའི་སྙིང་གར་རྡོག་པས་མནན་ཏེ་འབོད་སྒྲོག་གི་སྒྲར་འབྱིན་པར་དམིགས་ལ་ཞབས་པས་ཁྲབ་སྨུག་པོས་སྒྲིབ་པའོ།། ཞབས་གཅིག་ནི་རྡོ་རྗེ་ཕུར་པར ་དམིགས་པས་སྦྲུལ་ནག་པོས་དཀྲིས་པས་པདྨ་ཀུཎྜ་ལི་མདོག་ནག་པོའི་སྙིང་གར་བཙུགས་ནས་འཁོར་མང་པོ་དབང་དུ་འདུས་པའོ།། ནུབ་བྱང་མཚམས་ཀྱི་འདོད་པའི་ཁམས་དབང་དུ་བསྡུ་བའི་ཕྱིར་ཞབས་དམར ་པོའི་མཐིལ་གཉིས་ཁྲོ་བོ་ཆེན་པོའི་ཁར་དམིགས་ལ། རྐང་པའི་ནང་གཞལ་ཡས་ཁང་དུ་དམིགས་ལ། ཞབས་ཀྱི་མཐིལ་ནས་ཁ་དོག་དམར་པོ་ལས་འོད་འཕྲོ་བས་འདོད་པའི་རྒྱལ་པོའི་མགོ་རྐང་གི་ནང ་དུ་སོང་བ་དམིགས་ལ། རྡོ་རྗེ་མཆེ་བས་བཅོམ་པར་བལྟས་ནས་འཁོར་མང་པོ་འཕྲོག་པར་བྱེད་དོ།། ཞབས་གཅིག་ནི་ཆུ་སྲིན་གྱི་སྨད་གཡོགས་ཅན་བྱང་ཕྱོགས་སུ་བརྐྱངས་པས་ཨ་མྲྀ་ཏ་ཀུཎྜ་ལི་ཁ་བུབ་ཏུ་མནན་ནས། ་རྡོག་པས་འགེལ་བ་ཐམས་ཅད་བཅོམ་ནས། བོལ་མན་ཆད་རློན་པའི་ནང་དུ་ནུབ་པར་དམིགས་ལ། སྡུག་བསྔལ་ཐམས་ཅད་མྱོང་བར་བྱས་ཏེ། ཕྱི་མའི་དུས་ན་རྣལ་འབྱོར་དབང་ཕྱུག་ཆེན་པོ་ཐོབ་པར་གྱུར་ཅིག་པར ་སྨོན་ལམ་འདེབས་སོ།། ཞབས་གཅིག་ནི་འདོད་པའི་ལྷ་མོས་ཕྱག་བྱས་ལ་གཟིག་གི་མགོ་ཡིས་དཀྲིས་ཏེ། བྱང་ཤར་མཚམས་སུ་མ་ཧཱ་བ་ལའི་ལྡན་པར་མནན་པས་དུང་ཆེན་པོ་བཅོམ་སྟེ། འཁོར་གྱི་ལྷ་མོའི་ཚོགས ་དང་། མ་སྲིང་མོ་དང་ཆུང་མ་དང་བུ་མོ་དང་ཚ་བོ་ཚ་མོ་རྣམས་འཕྲོག་གོ། གཤོག་པ་གཡས་དང་གཡོན་པའི་སྟེང་མ་ནི། རིན་པོ་ཆེའི་རྒྱུ་ལས་བྱུང་བ་འདོད་ཆགས་ཆེན་པོ་ཡིན་ནོ།། གཤོག་པ་འོག་མ་ཁྲོ་བོའི་རྒྱུ་ལས ་བྱུང་བས་རྡོ་རྗེ་དྲག་པོའི་ཚོགས་ཡིན་ནོ།། ཐེའུ་གཤོག་རྣམས་ནི་འདོད་པའི་གཙོ་བོ་ཡིན་པས་ཤེས་རབ་ཀྱི་མཆོག་དང་སྦྱོར་བའོ།། སྤྱིའི་གཤོག་པ་བཞི་ཆར་གྱི་བར་བར་ནི་སྦྲུལ་ནག་པོའི་རྒྱུ་ལས་བྱུང་བའོ།། བར་བར ་ནི་རྡོ་རྗེ་རྩེ་ལྔ་པ་ལས་བྱས་པའོ།། བར་བར་ནི་རིན་པོ་ཆེའི་རྒྱུ་ལས་བྱས་པའི་ཉི་མ་སྟོང་གིས་བཀླུབས་པའོ།། འདི་དག་ཐམས་ཅད་ཀྱི་བཟླས་པ་ནི། ཨོཾ་ཛ་ལ་ཛ་ལ་བཛྲ་ཧཱུཾ། ཨོཾ་བཛྲ་ཨ་མོ་གྷ་ཧཱུཾ། ཞེས་བརྗོད་ཅིང ་ལས་ཐམས་ཅད་བཅོལ་ལོ།། གོང་མའི་རྡོ་རྗེའི་གྲ་ལ་འོག་མིན་ལྷ་མོ་གློག་འགྱུ་མ། དེ་ལ་ཧེ་རུ་ཀ་ཁྲོ་བོ་ཐམས་ཅད་ཀྱི་བཟླས་པ་ནི་འདི་ཡིན་ནོ།། ཨོཾ་རུ་ལུ་རུ་ལུ་ཧཱུཾ་ཕཊ། ཨེ་མ་ར་ལི་ཧྲཱི་ཧཱུཾ་ཛ། ཉེ་བའི་སྙིང་པོ་བཞི ་འབུམ་བྱས་ན་ལས་ནུས་སོ།། དེ་ལྟ་བས་ན་དཔལ་ཆེན་ཧེ་རུ་ཀ་ཁྲོ་བོ་མཐའ་དག་གི་མཆོག། ཆོས་ཀྱི་དབྱིངས་ཡིན་པས། འདོད་ཆགས་ཆེན་པོ་སྦྱོར་བ། ཞེ་སྡང་མཆོག་ལ་བརྩོན་པ། ང་རྒྱལ་གྱི་དབང་དུ་འདུས་པ། ་ཕྲག་དོག་གི་འདོད་པའི་དབང་པོ་ཚུར་བཅས་ནས། དཔལ་དབང་ཆེན་པདྨ་ཧེ་རུ་ཀ་ཉིད་སྒྲུབ་པར་དམ་བཅས་ཏེ། དཔལ་ཆེན་པོའི་སྒྲུབ་པ་ལ་བརྩོན་པ་ལ་སྡང་བ་དང་གནོད་པའི་བགེགས་རྣམས་ཚར་གཅོད་པ་ནི།། ་དཔལ་ཆེན་པོ་ཉིད་བྱུང་བས་དྲག་པོའི་བགེགས་རྣམས་ཀྱི་དབང་དུ་འདུས་པར་མི་འགྱུར་རོ།། དེས་ན་དཔལ་པདྨ་ཧེ་རུ་ཀ་ལ་བརྩོན་ཞིང་སྒྲུབ་པར་བྱེད་པའི་རྒྱལ་སྲས་ཀྱི་མཐུ་བོ་ཆེ་ཞིག་བྱུང་ནས། དེས་དངོས་གྲུབ་ཀྱི ་ཁྱད་པར་གཅིག་སྦྱིན་པར་གྱིས། མ་འཇིགས་ཤིག་དང་འདོད་པའི་དབང་པོ་ཐོབ་པར་བྱའོ།། ཞེས་གསུངས་པ་ནི། སྔོན་མཁན་པོ་མཁས་པ་ཞིག་གིས་སྔོན་པདྨ་ཧེ་རུ་ཀ་བསྒྲུབས་ཏེ་ཧེ་རུ་ཀའི་དངོས་གྲུབ་ཀྱི ་མཆོག་ཐོབ་པོ།། མན་ངག་གི་གཞུང་ནི་འདི་ཡིན་ནོ།། དེ་ལ་འདི་ལྟ་བུ་དག་འབྱུང་སྟེ། བུད་མེད་ཀྱི་ཚོགས་མང་པོ་དག་རྒྱན་རྣམ་པ་སྣ་ཚོགས་ཀྱིས་བརྒྱན་ཏེ། རབ་ཏུ་མཛེས་པ་མང་པོ་དག་རྒྱན་མཛེས ་པར་བརྒྱན་ནས། འོང་སྲིད་ཀྱིས་དེས་ཆགས་པའི་སེམས་བསྐྱེད་ཅིང་། བར་བར་དུ་ཕྲ་མེན་མའི་ཚོགས་མང་པོ་དག་མིའི་ཐོད་པ་མང་པོས་བརྒྱན་ཏེ། ལག་ན་ཐོད་ཁྲག་དང་མིའི་ཐོད་པ་མང་པོ་ཐོགས། མིག་གདུགས ་པའི་འབྲུ་ཚུགས་སུ་བལྟ་ཞིང་། མི་སྙན་པའི་ཚུལ་གྱིས་བདག་ལ་གསད་དོ།། བཟའོ་བརྡེག་གོ། ཚིག་ཆད་དམ། ཐམས་ཅད་འོད་ཟེར་དེས་བཅོམ་བཏགས་ནས་བླ་ན་མེད་པའི་བྱང་ཆུབ་ལས་བཀོད་པའི་ཐབས་འདིས ་བྱའོ།། ཉི་མའི་དཀྱིལ་འཁོར་གྱི་སྟེང་དུ་བདག་ཉིད་རྡོ་རྗེ་སེམས་དཔའི་རང་བཞིན་ཡང་དག་ཡིན་ལ་ཁམས་གསུམ་གྱི་བདག་པོ་ཆེན་པོ་ཡང་དག་ཀྱང་ཡིན་ཞིང་། ཁྲོ་བོ་ཆེན་པོ་ཡང་དག་ཡིན་ནོ་ཞེས་དམིགས་ལ། ཉི ་མའི་དཀྱིལ་འཁོར་གྱི་སྟེང་དུ་སྔ་མའི་རྒྱན་ཐམས་ཅད་ཀྱིས་བརྒྱན་པ། རྡོ་རྗེ་སེམས་དཔའི་རང་བཞིན་ལས། སྐུ་མདོག་དམར་པོ་དབུ་ལྔ་ཕྱག་བཅུ་དྲུག་ཏུ་དམིགས་ལ་རིན་པོ་ཆེ་དང་། རྡོ་རྗེའི་རྒྱུ་ལས་བྱུང་བའི་གཤོག ་པ་བཞི་ཡང་བསྐྱེད་པར་བྱ་སྟེ། དབུ་ལྔ་པོའི་བཞི་ནི་ཕྱོགས་བཞིར་འབར་བའི་གཟུགས་ཀྱིས་བལྟའོ།། དབུས་མའི་ཀླད་པར། རིན་པོ་ཆེའི་གཞལ་ཡས་ཁང་དུ་བྱིན་གྱིས་བརླབས་ནས། དཔལ་རྣམ་པར་སྣང་མཛད ་བཞུགས་པར་དམིགས་ལ། ཐོད་པའི་ངོས་བཞི་རྒྱན་ཐམས་ཅད་ཀྱིས་བརྒྱན་པའི། རྡོ་རྗེ་སེམས་དཔའ་སྐུ་མདོག་དམར་པོ་ཕྱག་རྒྱ་ཚུལ་བཞིན་དུ་བཅས་ནས་བསྒོམ་མོ།། གཡས་གཡོན་གྱི་དབུ་ནི་སྐུ་མདོག་དམར ་པོ། སྤྱན་གསུམ་དུ་དམིགས་ལ། རལ་པ་དམར་པོའི་དབུས་ནས། རྟ་མགོ་ལྗང་གུ་རེ་རེ་བྱུང་བར་བསམ་མོ།། ལྷག་པར་རྟ་མགྲིན་དངོས་སུ་བྱུང་བར་བསམས་ཏེ། ཧཱུཾ་རྡོ་རྗེ་ཧཱུཾ་ཞེས་བྱ་བའི་སྒྲ་གྲགས་པ་ཙམ་གྱིས། ནུབ ་ཕྱོགས་ཀྱི་ཕྲ་མེན་མ་རྣམས་ཀྱིས། འཁོར་མང་པོའི་ཀླུ་ཐམས་ཅད་དྲག་པོའི་བརྟུལ་ཞུགས་ཀྱིས་དབང་དུ་འདུ་བར་བྱའོ།། ལྷོ་དང་བྱང་དུ་བལྟ་བའི་མགོ་ཡང་ཧཱུཾ་ཧཱུཾ་ཞེས་བྱ་བའི་སྒྲ་འབྱིན་པས། གནོད་སྦྱིན་གྱི ་འཁོར་ཐམས་ཅད་དང་གྲུལ་བུམ་གྱི་འཁོར་ཐམས་ཅད་དང་། ཕྲ་མེན་གྱི་འཁོར་ཐམས་ཅད་ཀྱིས། ཧཱུཾ་ཧཱུཾ་ཞེས་བསྒྲགས་པ་ཙམ་གྱིས་ཞབས་འོག་ཏུ་སོང་བར་དམིགས་ལ་གནས་ལ་བསྟབ་པར་བྱའོ།། ཤར་ཕྱོགས་སུ ་བལྟ་བའི་མཆོག་དམར་པོ་སྤྱན་གསུམ་པའི་ཞལ་ནས་ཀྱང་། ཧཱུཾ་ཞེས་བྱ་བའི་སྒྲ་དྲག་པོ་བསྒྲག་ཅིང་ལྗགས་འདྲིལ་བ་ཙམ་གྱིས་ཀྱང་། སྤྱི་གཙུག་ཏུ་རྡོ་རྗེ་ཁ་ཊྭཱཾ་ག་འབར་བ་གསུམ་གནས་པར་བསམ་མོ།། ཡང་ཤར ་ཕྱོགས་སུ་འབར་བའི་གཟུགས་ཀྱིས་བལྟ་བར་བྱའོ།། སྨིན་མ་གློག་བཞིན་འབར་བ། སྨིན་མཚམས་ཀྱི་བར་ཁྲོ་གཉེར་གྱི་རླབས་བསྐྱོད་པར་བྱ་སྟེ། རྡོ་རྗེ་འབར་བའི་ཚིག་གི་ཧཱུཾ་ཞེས་བརྗོད་པ་ཙམ་གྱིས་བརྒྱ་བྱིན་དང་། ་ཚངས་པ་དང་། དེའི་གནས་ཐམས་ཅད། ཕྲ་མེན་མའི་འཁོར་དང་བཅས་པ་ཞབས་འོག་ཏུ་སོང་བར་དམིགས་ལ། གནས་ལ་བསྟབ་པར་བྱའོ།། ཧཱ་ཀ་ར་རྒུད་དབང་དུ་བསྡུ་བའི་ཕྱིར། ཕྱག་རྒྱས ་བཅིངས་ལ་དབང་པོ་ཆེར་ང་རྒྱལ་བསྐྱེད་དོ།། ཕྱག་བཅུ་དྲུག་ལ་གཡས་གཡོན་གཉིས་ན་རྡོ་རྗེ་ལྕགས་ཀྱུའི་ཕྱག་རྒྱས་འགུགས་པའོ།། ཕྱག་གཡས་གཅིག་ན་སྦྲུལ་ནག་གི་ཞགས་པ་བསྣམས་པའོ།། ཕྱག་གཡས་པ ་གཅིག་ན་རྔེའུ་ཆུང་དང་ཁ་ཊྭཱཾ་གཅིག་ཏུ་འཛིན་པའོ།། ཕྱག་གཡས་པ་གཅིག་ན་ཐོད་རློན་ཁྲག་གིས་བསྐང་བ་ནས་དུང་ནང་བསྲེས་པས། འཇིག་རྟེན་གྱི་ཁམས་ཐམས་ཅད་རབ་འབྱམས་མཐའ་ཀླས་པའི་འོད་ཟེར ་བདུད་རྩིར་བྱིན་གྱིས་བརླབས་ཏེ་ཟ་བའོ།། ཕྱག་གཡས་པ་བཞི་ནི། རྒྱུན་མི་ཆད་པར་ཟློས་ཤིང་རྡོ་རྗེ་འབར་བས་བརྡེག་གོ། ཕྱག་གཡས་པའི་དཔུང་རྒྱན་དང་། གདུ་གུ་སྦྲུལ་ནག་པོ་མི་སྡུག་པ་ཁ་ནས་ཟེར་བ་མང་པོ ་སྲིད་ཀྱིས། དེ་ལ་མ་འཇིགས་པར་ཁྲོ་བོ་ཆེན་པོའི་སྐུ་སྒོམས་ཤིག་དང་། བདག་ཉིད་ཏིང་ངེ་འཛིན་ལས་མ་གཡོས་པ་དང་། འཁོར་ཐམས་ཅད་ཀྱིས་རང་དབང་མེད་པར་ཕྱག་བྱེད་ཀྱིས་དངོས་གྲུབ་དང་པོ་གཅིག་དང ་སྦྱོར་རོ།། དེའི་འོག་ཏུ་གནོད་སྦྱིན་གྱི་ཚུལ་སྟོན་ཅིང་རལ་པ་འབར་བ་ལ། མི་མགོ་མང་པོས་ལུས་བརྒྱན་ཅིང་། ལག་ན་རྡོ་རྗེ་དང་རལ་གྲི་ཐོགས་པ་དག་མིའི་རྒྱུ་མ་སྐེ་ནས་འདོགས་ཤིང་། སྦྲུལ་ནག་པོ་དག་ལུས་ལ་ཟ ་བའི་རྣམ་པར་སྣང་བ་དག་འབྱུང་བས་དཀྲིས་ཏེ། རྩིབ་མ་སྐྲ་ཚོམ་དམ་དུ་བསྡམ་པ་དག་འོང་གིས། དེ་ལ་མ་འཇིགས་ཤིག་དང་། དངོས་གྲུབ་དམ་པ་གཉིས་པ་ཐོབ་པ་ཡིན་ནོ།། དེ་ནས་གནོད་སྦྱིན་དང་གྲུལ་བུམ་གྱི ་དབང་པོར་འགྱུར་བ་ཡིན་ནོ།། བར་སྣང་ལ་གནས་པའི་ལྷ་ཁྲོ་བོ་རྣམས་ཀྱིས་སྡིགས་པ་དང་། གནོད་པ་སྣ་ཚོགས་འདྲ་བ་བྱེད་དོ།། ལྷ་གཤེགས་པ་དག་གིས་སྒྲ་དྲག་པོ་དག་འབྲུག་གི་སྒྲ་སྒྲོགས་པ་དང་། སྦྲུལ་ནག་པོ ་དག་མེ་དང་དུག་ཁ་ནས་སྐྱུགས་པ་དང་། ཨ་ལ་ལ་ཟེར་ཞིང་སྒྲ་འབྱིན་པ་དང་། མིག་གཡས་གཡོན་ཉི་མར་གྱུར་ཏེ་འབར་བའི་གཟུགས་ཀྱི་བལྟ་བ་དང་། ལྟོ་བ་ཕྱེས་ནས་མི་རོ་གསར་རྙིང་དག་སྟོན་པ་དང་། ཕོ་མོའི ་མཚན་མ་ཐམས་ཅད་ཟ་བའི་ཁར་སྒྱུར་ནས། འཇིགས་ཚོགས་ཀྱི་མཆེ་བ་འདར་བ། རྐང་པ་ཕུར་པར་གྱུར་ཏེ། བདག་ལ་འདེབས་ཤིང་གནོད་པར་བྱེད་པར་དེ་ལྟས་མགོ་མི་ལྤགས་རློན་པས་གཡོགས་ཤིང་། ལག ་པས་རྡོ་རྗེ་བརྡེགས་པ་དག་འོང་གིས་མ་འཇིགས་ཤིག་དང་། དངོས་གྲུབ་གསུམ་པ་ཐོབ་པ་ཡིན་ནོ།། དེ་ནི་ལྷ་ཐམས་ཅད་ཀྱི་དབང་པོར་གྱུར་ཏོ།། དབང་ཆེན་འདུས་པའི་རྒྱུད་ལས། དེ་མན་ཆད་ཀྱིས་དཔལ་དབང ་ཆེན་པདྨ་ཧེ་རུ་ཀའི་གལ་པོ་ལས། སྒྲུབ་པ་དོན་གྱི་ལེའུ་སྟེ་དང་པོའོ།། །། སྐུ་གསུང་ཐུགས་ཀྱི་ཆོ་འཕྲུལ་ཅིར་ཡང་བསྒྱུར་ཞིང་ཅིར་ཡང་སྟོན་པ་ཐམས་ཅད་དུ་གནས་ཏེ། གཅིག་ཏུ་མ་ངེས་པའི་ཕྱིར ་ན། ཐུགས་ཀྱི་ཆེ་བ་ཉིད་དང་། སྐུའི་ཆེ་བ་ཉིད་ལ་སོགས་ཏེ། སྐུ་གསུང་ཐུགས་གང་ཡང་མ་འགགས་པའི་སྒོ་ནས། བྱིན་རླབས་སོ་སོར་འབྱུང་སྟེ། ཁམས་གསུམ་རྣམ་པར་གནོན་རབ་ཏུ་གནོན ་ཏོ།། དཔེར་ན་ཉན་ཐོས་ཀྱི་དགེ་འདུན་རྣམས་ཀྱིས། བལྟ་བ་ཐེག་པ་ཆེན་པོ་མ་མཐོང་སྟེ། འདུལ་བ་ཉི་ཆོལ་གནས་པའི་སྒོ་ནས་སྦྱངས་པའི་བར་སྣང་ལ་གནས་པ་གནོད་སྦྱིན་མཐུ་བོ་ཆེ་ཤིན་ཏུ་ཉེའོ་ཞེས་དྲན་པ་ཉེ ་བར་གཞག་པ། དགེ་བ་ཆུང་བ་ལ་གསལ་བར་འབྱུང་ངོ་།། དེ་བཞིན་དུ་སྦྱར་ཏེ། ཉན་ཐོས་ཀྱི་དགེ་འདུན་རྣམས་ལས། དེ་བཞིན་གཤེགས་པ་དམ་ཚིག་ལ་གནས་པའི་ཁྲོ་བོ་རྣམས་ཤིན་ཏུ་རླབས་ཆེའོ།། དེ་ཡང་ཅིའི ་ཕྱིར་ཞེ་ན། ཉན་ཐོས་སྐྱེས་བུ་ཆེན་པོ་རྣམས་ཀྱིས་ཞི་བ་ཕྱོགས་གཅིག་པའི་ཏིང་ངེ་འཛིན་གྱིས་ནི། དམངས་རིགས་རྣམས་འདུལ་བ་དང་། ཉན་ཐོས་ཀྱི་ས་ལ་བཞག་པ་རྣམས། གདོན་ནུས་པར་ཟད་ཀྱི། བླ་ན་མེད ་པའི་ཐེག་པ་ཆེན་པོའི་དོན་མི་སྐྱོད་པས། ཁྲོ་བོ་ཆེན་པོ་རྣམས་ཀྱིས་རྣལ་འབྱོར་གྱི་དབང་ཕྱུག་ཆེན་པོ་རྣམས་སྤྱོད་པའི་ཡེ་ཤེས་བླ་ན་མེད་པ་སྟོན་པའི་ཡོན་ཏན་ཐོགས་པ་མེད་པར་སྤྱོད་པས། ཉན་ཐོས་པའི་མི ་ཉེའོ།། རྒྱུའི་དུས་ན་ཡང་མི་ཉེའོ།། དེ་བཞིན་རྣལ་འབྱོར་གྱི་དབང་ཕྱུག་ཆེན་པོ་ནི། སྙིང་གའི་ཉི་མའི་དཀྱིལ་འཁོར་དུ་གྱུར་པ་ལས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ས་ལེར་སྣང་བཞིན ་དུ་མེ་ལོང་ལྟ་བུའི་ཡེ་ཤེས་དང་སྦྱོར། སེམས་ཅན་གྱི་གནས་དང་། ལྷ་ཀླུ་གནོད་སྦྱིན་ལ་སོགས་པ། སེམས་ཅན་གྱི་རྒྱུ་ལ་སྣང་བ་ཐམས་ཅད་ཀྱང་བདག་གི་ཡེ་ཤེས་ལ་སྣང་བར་ཟད་ཀྱི། གཞན་སུས་ཀྱང་སྣང་བར་མི ་ནུས་སོ།། ཤཱཀྱ་ཐུབ་པའི་ཡེ་ཤེས་ཀྱི་དུས་ཡིན་ནོ།། དཔེར་ན་རི་རབ་ལྷུན་པོའི་རྩེར། དཔལ་སྣང་མཛད་ཀྱི་སྐུར་བརླབས་ནས། ལྷའི་རིགས་འཛིན་གནས་པའི་དུས་ནི། ངའི་རྣལ་འབྱོར་གྱི་དབང་ཕྱུག་ཆེན་པོ་ཡིན ་ནོ།། ཞེས་སེམས་བསྐྱེད་དོ།། བདག་དང་འཁོར་ཐམས་ཅད་དབུ་མཐོན་མཐིང་ལྟ་བུར་གྱུར་ཏེ། བར་སྣང་གི་ཁམས་བཀང་སྟེ། ཕྱོགས་བཞི་མཚམས་བཞི་ཁྲོ་བོ་དང་། ཁྲོ་མོས་བཀང་སྟེ། གསེར་གྱི་སེང་གེ་སྤྱན ་གསུམ་པ་དང་། གླང་པོ་ཆེ་དང་། རྟ་དང་། རྨ་བྱ་དང་། ནམ་མཁའམ་ལྡིང་ལ་སོགས་པའི་ཁྲི་སྟེང་། གྲངས་མེད་པ་ལ་གནས་པའི་དུས་ན། འོག་མིན་གྱི་གནས་ན་ཁྲོ་བོ་རྣམ་པར་རྒྱལ་བ། རྡོ་རྗེ་རབ་ཏུ་འབར་བ་ཞེས ་བྱ་བ། སྐུ་མདོག་དུད་ཀར་སྦྱོར་བ་དབུ་གསུམ་ལ་ཚར་གསུམ་པ། ཚར་གསུམ་ཉིད་ཀྱང་བྲས་པའི་མགོ་རློན་པ་བཏགས་པ་ཞིག་ལས་ཚར་གསུམ་དུ་གྱུར་པའོ།། ལག་པ་བར་བར་ནི་བཅུ་དྲུག་པ། བར་བར་ནི་ཞི་བའི ་ཏིང་ངེ་འཛིན། བར་བར་མེ་ལོང་ལྟ་བུའི་ཡེ་ཤེས། བར་བར་ནི་ཀློང་ཆེན་པོ། བར་བར་ནི་བར་སྣང་གི་ཁམས་ལྟ་བུ། ཡེ་ཤེས་ཧཱུཾ་གི་ཚོགས་ཀྱིས་ཁེངས་པར་བྱེད་པ་དང་། བར་བར་ནི་ཐིབས་པོས་སྟོང་གསུམ་གྱི་སྟོང ་ཆེན་པོའི་འཇིག་རྟེན་གྱི་ཁམས་ཐམས་ཅད་བདག་གིས་ལྟོ་བོ་ཆེའི་གཞལ་མེད་ཁང་དུ་ཆུད་པ། མཆེ་བ་དཀར་པོ་སྲིད་པ་མ་ལུས་པའི་ཡར་ཐལ་སུམ་ཅུ་རྩ་གཉིས་ཀྱི་སྟེང་དུ་གཙིགས་པ། རལ་པ་དམར ་པོ་དཔག་གིས་མི་ལང་བས་སངས་རྒྱས་ཀྱི་ཞིང་ཐམས་ཅད་ཟིལ་གྱིས་གནོན་པ་བར་བར་དུ་རྡོ་རྗེའི་རྒྱན་ཐམས་ཅད་ཀྱིས་བརྒྱན་པ། རྣམ་པར་སྣང་མཛད་ཆེན་པོ་ངེས་པར་བསྒྱིང་པས་རྡོ་རྗེའི་གནས་ཐམས་ཅད་རབ ་ཏུ་སྲ་བར་གྱུར་པས་ནམ་མཁའ་ཁེངས་པ་རབ་ཏུ་འཁྲུགས་པར་བྱེད་པ། ཆོས་ཀྱི་དབྱིངས་དུར་ཁྲོད་ཆེན་པོ་ཟིལ་གྱིས་གནོན་པར་བྱེད་པ། ཞབ་བསྲིང་རྡོ་རྗེའི་རོལ་མོ་བྱེད་པ་ཁྲག་ཁྲིག། རྗེས་སུ་འབྲེང་བ། རིགས ་སྔགས་ཀྱི་རྒྱལ་པོ་རྟ་མགྲིན་དང་རྡོ་རྗེ་ཁྲོ་བོ་ཐམས་ཅད་ཐབས་གཅིག་ཏུ་གཤེགས་པའི་དུས་ན། མདའ་ཤུར་དུ་འཕངས་ན། སུམ་ཅུ་རྩ་གསུམ་གྱི་ལྷ་ཐམས་ཅད། མཁའ་དག་པ་བྱེད་པའི་གནས་ལ་བཞུགས་པའི་ཚེ་ན། ་ཡེ་ཤེས་ཀྱི་ལྷ་ལ་བལྟས་ནས། བར་སྣང་གི་ཁམས་བདག་གི་ལྷའི་གཞལ་ཡས་ཁང་། ཉི་མའི་འོད་ཟེར་མཚམས་ཀྱི་བར་ཚིགས་ན་དཔལ་རྣམ་པར་སྣང་མཛད་ཅེས་བྱ་བ། སེང་གེའི་གདན་དང་རིན་པོ་ཆེའི་གཞལ ་མེད་ཁང་ན། འཁོར་དང་ལྡན་ཏེ་བཞུགས་པ། ལོངས་སྤྱོད་རྫོགས་པའི་སྐུ་བསྟན་ཏོ།། དཔལ་རྣམ་པར་སྣང་མཛད་ལྕང་ལོ་ཅན་གྱི་ཕོ་བྲང་ན་ལྷའི་འཁོར་མང་པོ་དང་ལྡན་ཏེ། ང་ནི་བྱང་ཆུབ་མཆོག་དང་ལྡན་པས། ་འདི་ལས་གོང་ན་མེད་དོ།། ཞེས་ང་རྒྱལ་སྐྱེས་པའི་ཚེ་ན། ཁྲོ་བོའི་འཁོར་རྣམས་ཀྱི་ཡེ་ཤེས་ལ་སྣང་བར་གྱུར་ཏེ། དེ་དག་ཀྱང་ང་རྒྱལ་གཞོམ་ཞིང་། རིགས་གཅིག་པའི་མཉམ་པ་ཉིད་ཀྱི་ཡེ་ཤེས་དོན་རྟོག་པར་བྱ་བའི ་ཕྱིར། ཐབས་འདི་ལྟ་བུས་འདུལ་ལོ།། རྡོ་རྗེ་ཁྲོ་བོ་ཧེ་རུ་ཀ་ཁམས་གསུམ་རྣམ་པར་རྒྱལ་བས། བར་སྣང་གི་ཁམས་ཐམས་ཅད་ཡི་གེ་ཧཱུཾ་གིས་བཀང་སྟེ། བདག་ཉིད་ཆེན་པོ་བུས་པའི་ཚུལ་དུ་ཆ་བྱད་དུ་བཞུགས་ནས ་སེམས་ཀྱི་ཡེ་ཤེས་ལ་སྣང་བའི་ཚད་ནི་ཉི་མ་འབུམ་འདུས་པའི་དཀྱིལ་འཁོར་བས་ཀྱང་གསལ་བར་བྱས་ལ་བདག་གི་འཁོར་གྱི་ལྷ་མོ་གྲངས་མེད་པ་རྣམས་ཀྱང་བདག་གི་ལུས་ལ་འདུས་ནས་ཕྱག་བཞི་པ་སྐུ ་ལུས་ཐམས་ཅད་ཀྱང་སྦྲུལ་ནག་པོ་ཁྲོས་པས་སྦྱངས་པ་ལུས་ཀྱི་ཡན་ལག་ཐམས་ཅད་ཀྱང་ཐོད་རློན་གྱི་ཕྲེང་བས་བརྒྱན་པ་དབུ་གསུམ་པ་སྟེ། གཡས་དམར་གཡོན་ནག་པོ་དབུས་མཐིང་ག་སྤྱན་གསུམ་གསུམ་ཐད ་གར་དྲང་པོར་གནས་པ། དབུའི་རལ་པ་ལས་མེ་སྟག་ཕྱོགས་བཅུར་འཕྲོ་བ། ཕྱག་བཞིས་གཡས་པ་དང་པོ་རྡེའུ་ཆུང་། འོག་མ་ན་མདུང་རྩེ་གསུམ་པ། གཡོན་གྱི་དང་པོ་རྡོ་རྗེ་རྩེ་དགུ་པ། ཐ་མ་ན་རྒྱུ་མའི་ཞགས ་པ་ཐོགས་པས། འདི་སྐད་ཅེས་སྨྲས་སོ།། ཚར་གསུམ་ཅན་གྱི་རྡེའུ་ཆུང་གིས།། ལྕང་ལོ་ཅན་གྱི་ཕོ་བྲང་འཇོམས།། སྣང་མཛད་ཆེན་པོ་ཨ་ལ་ལ།། གནོད་སྤྲིན་ཆེན་པོ་ཨ་ལ་ལ།། ཆོས་ཀྱི་དབྱིངས་ཉིད་ཨ་ལ་ལ།། ་སངས་རྒྱས་བདེན་ཚིག་ཨ་ལ་ལ།། སེམས་དཔའ་ཆེན་པོ་ཨ་ལ་ལ།། ཞེས་སྨྲས་ནས། རྡེའུ་ཆུང་ལན་གསུམ་བརྡུངས་པས། སྔ་མས་ལྕང་ལོ་ཅན་གྱི་འཁོར་ཐམས་ཅད་ཀྱང་། རྡུལ་ཕྲ་མོ་ཆ་ཤས་ཙམ་དུ ་གྱིས་ཏེ། སྟོང་པ་བདག་མེད་པར་གྱུར་པ་དང་། བར་སྣང་གི་ཁམས་ཡི་གེ་ཧཱུཾ་གིས་བཀང་བ་རྣམས་དེ་ལས། ཧཱུཾ་ཧཱུཾ་ཞེས་བྱ་བའི་སྒྲར་གྱུར་པ་ལས། སྔར་རྡུལ་ཕྲ་མོ་ཆ་ཤས་སུ་གྱུར་པ་དེ་དག་ཐམས་ཅད་དབང་དུ་འདུས ་ནས། དེ་དག་ཐམས་ཅད་ཏྲི་ཤཱུལ་དང་ཞགས་པ་ཐོགས་པ་ཤ་སྟག་ཏུ་གྱུར་པ་སྟེ། སྟོང་པ་བདག་མེད་པར་གྱུར་པ་དང་། དེ་དག་ཐམས་ཅད་ཀྱང་ཧེ་རུ་ཀའི་འཁོར་དུ་འདུས་ཏེ། རིགས་གཅིག་ཏུ་ངེས་པར་བྱས་སོ།། རྡོ ་རྗེ་རྣམ་པར་རྒྱལ་བ་ཁྲོ་བོ་ཆེན་པོ་བཅོམ་ལྡན་འདས་རྡོ་རྗེ་རྣམ་པར་སྣང་མཛད་ལ་སྙོམས་པར་ཞུགས་ཏེ། ཁྲོ་བོའི་རྒྱན་ཐམས་ཅད་ཀྱིས་བརྒྱན་པ། དབུ་མཐོན་མཐིང་ལྕང་ལོ་རིན་པོ་ཆེའི་ཁ་ལ་རེག་པ་དང་། ཨིནྡྲ་ནི ་ལའི་རྒྱུ་ལས་བྱུང་བ་དང་། རིན་པོ་ཆེ་ཐམས་ཅད་ཀྱི་ལྕང་ལོས་བརྒྱན་པ་རིན་པོ་ཆེ་འབར་བ་ལྔས་གཙུག་ཕུད་བྱས་པ། སེ་མོ་དོ་དང་དོ་ཤལ་དང་། མགུར་ཆུ་ལ་སོགས་པ་ཐམས་ཅད་ཀྱི་འོད་གཅིག་གིས་ཀྱང་ཕྱོགས ་བཅུར་འཁྲིགས་པ། སྨད་གཡོགས་མེ་ཏོག་ཨུཏྤལ་དང་། པདྨ་དང་། དཔུང་རྒྱན་དང་། པདྨ་སྟོང་དུ་སྤེལ་བས་སྨད་གཡོགས་བྱས་པ། ཞབས་ཀྱི་མཐིལ་ནས་འོད་གཅིག་གིས་ཀྱང་། ཕྱོགས་བཅུར་འཁྲིགས་པ་འོད་ཟེར ་བྱེ་བ་ཕྲག་དྲུག་ཅུ་དུས་གཅིག་ཏུ་འགྱེད་པ། འོད་ཟེར་རྣམས་ཀྱིས་ཀྱང་ལྷ་ཀླུ་བྱེ་བ་ཁྲག་ཁྲིག་ཟིལ་གྱིས་གནོན་པར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཉི་མའི་ཚོགས་སྤྲིན་ཕུང་བཞིན་དུ་འདུས་པའི ་སྟེང་དུ། བདག་ཉིད་བྱང་ཆུབ་མཆོག་གི་ཕྱག་རྒྱ་བཅིངས་ནས། ཨོཾ་ཨཱཿཧཱུཾ། ཞེས་བརྗོད་པས་ཚུལ་བཞིན་དུ་གནས་པར་བྱའོ།། དེ་ནས་བདག་གི་ཞབས་ཀྱི་སྤྲུལ་པས། ཁྲོ་བོ་ཆེན་པོས་བརྒྱད་མནན་པ་དེ་དག་ཀྱང་། ་ལུས་ཀྱི་གཟུགས་དགུ་མ་ལགས། རྨི་ལམ་བཞིན་དུ་བོར་ཏེ། ཡང་དག་པའི་དབང་གིས། གཞན་ཐམས་ཅད་ཟིལ་གྱིས་གནོན་པར་བྱེད་པའི། ཇི་ལས་ཀྱང་མི་ཤིགས་པའི་ཧཱུཾ་ཀ་ར་བརྒྱད་དུ་དབང་བསྐུར་ཏེ། ཕྱོགས ་བཞི་གླིང་བརྒྱད་བླ་འོག་ཏུ་དབང་ཐོབ་པར་བྱའོ།། དེ་ལྟར་རྣལ་འབྱོར་གྱི་དབང་ཕྱུག་ཆེན་པོས་ཐབས་ཕྲ་བ་ནི་མཚན་ཉིད་མེད་པར་དབྱིངས་གཅིག་སྟེ། མིང་དང་མཚན་མས་མི་ཐོགས་པར་ཚུལ་བཞིན་ཤེས་པར ་བྱའོ།། ཆོས་ཀྱི་དབྱིངས་མཉམ་པར་ཉིད་ཡིན་པ་ལས། དཀོན་མཆོག་དཔལ་དང་གཙུག་ཏོར་དང་། ལང་ཀར་ཤེས་པ་བསམ་གཏན་དགྲ་བཅོམ་པ་རྣམས་ཀྱིས་སོ་སོར་ཕྱེ་བ་ལས། རྣལ་འབྱོར་མཁས་པའི་དབང་ཕྱུག ་ནི།། བདུད་རྣམས་ཐམས་ཅད་རབ་ཏུ་འཇོམས།། བདེ་གཤེགས་མྱ་ངན་འདས་རྣམས་དང་།། བདུད་རྣམས་ཐམས་ཅད་འཇོམས་པའི་ལྷ།། དཔེར་ན་རྣལ་འབྱོར་དབང་ཕྱུག་ཆེན་པོ་རྣམས་ཐབས་རྣམ་པ་སྣ་ཚོགས་པ ་ལ་ཚངས་པ་བརྒྱ་བྱིན་ལ་སོགས་པས་ཡང་དང་ཡང་དུ་མཆོད་པ་དང་། དེས་ཅི་བྱ་བ་ཡོད་པའི་བསྒོ་བ་ཐམས་ཅད་དག་བྱེད། བྲན་གྱི་ཚོགས་ནི་དེ་ཡིན་ནོ།། དཔེར་ན་དམ་ཚིག་མཆོག་རབ་ནི།། སྨད ་པར་བྱ་བ་མ་ཡིན་ཏེ།། ཁམས་གསུམ་ཀུན་གྱི་དབང་ཕྱུག་མ།། བཙུན་མོ་རབ་ཏུ་སྡུད་པ་ལས།། དྲག་ཏུ་སྨྲ་བ་གང་བྱེད་པ།། སྒེག་པའི་ཚོགས་ཀྱིས་བརྒྱན་ནས་སུ།། སྲི་ཞུ་སེམས་ཀྱི་གདུང་བ་ལ།། ཡེ་ཤེས་ཚོགས་ཀྱིས ་རབ་འབྱོར་བ།། མཉམ་པའི་དབྱིངས་ཉིད་ཡེ་ཤེས་ཏེ།། གཉིས་ཀ་ངེས་པར་མཉམ་ན་ནི།། སྟོང་གསུམ་དབང་བསྒྱུར་གདོན་མི་ཟ།། འཇིག་རྟེན་ཁམས་ན་རྒྱ་མཚོ་བཞིན།། གཟུགས་མེད་ཀུན་ལ་ནམ་མཁའི ་སྒྲ།། དཔེར་ན་རང་གི་གནས་ཁང་དུ།། རང་གི་གུར་གུམ་ཆག་ཆག་གདབ།། རང་གི་དྲི་རྣམས་མཎྜལ་བྱ།། མེ་ཏོག་ཕྲེང་བས་ཀུན་ཏུ་བརྒྱན།། སྤོས་དང་དུ་རུ་ཨ་ག་རུ།། ལི་ཤི་དང་ནི་ག་བུར་དང་།། ཛ་ཏི་ཕ་ལ་མཆོག ་ཏུ་བསྔགས།། ལག་པ་ཕུར་པ་མཆོག་ཡིན་ཏེ།། ཞི་བ་སོར་དྲུག་ཟླུམ་པོ་བྱ།། རྒྱས་པ་སོར་བརྒྱད་ཟུར་ཡང་བརྒྱད།། དབང་ལ་ཟླ་གམ་ངེས་པར་བཟང་།། དྲག་པོ་ལ་ནི་སོར་དྲུག་པའོ།། ཀུན་ཀྱང་རྩེ་མོར་ཧཱུཾ་བཞག ་སྟེ།། ངོས་སུ་ཧ་ཧ་རུ་ལུ་རུ་ལུ་བསྒོམ།། རྒྱ་མདུད་ཐོགས་ཏུ་ཨོཾ་བསམ་སྟེ།། ཕོ་ཉའི་འོད་ཟེར་དུད་ཁ་སྤྲོ།། ཧཱུཾ་དང་ཕཊ་ཀྱི་སྒྲ་སྒྲོགས་ཤིང་།། བསྐལ་པའི་བྲག་ཆ་ཆེན་པོ་བཞིན།། ཀུན་ཀྱང་རྩེ་མོར་ཧཱུཾ་བཞག་སྟེ།། མིག ་གསུམ་པོ་ལ་ལྕག་སྡེར་ཅན།། མགོ་གསུམ་པོ་ལ་རྐང་གསུམ་པོ།། མི་ཤ་ཟ་ཞིང་བདུད་ཁྱིམ་འཇོམས།། བལྟས་པས་བདུད་རྣམས་ཚིག་པར་བྱེད།། ཀླུ་ཡི་གནས་རྣམས་རབ་ཏུ་འཇོམས།། མགོ་བརྒྱ་པོ་ལ་ལག་བརྒྱ ་བ།། རྐང་བརྒྱ་པོ་ལ་མིག་ཀྱང་བརྒྱ།། ལག་པ་རྡོ་རྗེ་ཕུར་པ་འཛིན།། རྟ་མགྲིན་གནས་ནི་ངེས་པར་འཇོམས། རྐང་དྲུག་པོ་ལ་མགོ་དྲུག་པོ།། ལག་པ་དྲུག་ལ་མིག་ཀྱང་དྲུག། ལག་པ་དྲུག་གིས་རྒྱུད་དྲུག ་འཇོམས།། གཡོན་པ་གསུམ་ནི་གཏོར་མ་འཐོར།། གཡས་པ་གསུམ་ནི་ཕུར་པ་འཛིན།། མགྱོགས་པའི་རླུང་གི་ཤུགས་དང་འདྲ།། འདི་རྣམས་ཁྲོ་བོའི་ཕོ་ཉ་ཡིན།། ཧ་ཧ་རུ་ལུའི་སྒྲ་སྒྲོགས་ཤིང་།། རང་གི་ཕྱོགས་ལ ་སོང་བའི་ཚེ།། ཁྲོ་བོ་ཀུན་ཀྱང་ངེས་པར་འཆི།། གང་ནས་གང་དུ་འགྲོ་བའི་ཚེ།། རང་གི་རྐང་པ་ཕུར་པ་ཡིན།། ལྕགས་ཀྱི་ཕུར་པར་རབ་ཏུ་གྲགས།། འོད་ཟེར་དུད་ཁ་རེག་ན་ནི།། ཚངས་པའི་གནས་ཀྱང་རབ་ཏུ ་འཇོམས།། ལག་པ་གཡོན་པ་བརྐྱང་ནས་ནི།། ཕྲ་མེན་རྣམས་ཀྱང་འཁོར་དང་བཅས།། ཀུན་ཀྱང་རལ་པ་འབར་བ་ལ།། ལྕགས་ཀྱི་དགྲ་སྟ་རབ་ཐོགས་ཏེ།། ཞིང་ཆེན་རབ་ཏུ་འཛིན་པའོ།། བྱང་གི་ཕྱོགས་སུ་རྒྱུག་པ ་ནི།། ལྕགས་ཀྱི་ཁྱི་སྟེ་རྐང་གསུམ་པའོ།། ལྕགས་ཀྱི་ལུས་ལ་ཉི་མའི་གཟུགས།། ཕུབ་ཀྱི་ལྕགས་ཀྱུ་འདྲིལ་བ་བཞིན།། བང་ནི་གློག་གིས་བསྐྱོད་དུ་མེད།། སྐད་ནི་ནམ་མཁའི་འབྲུག་པས་ཆེ།། རབ་ཏུ་མི་སྲུན་འདི་དག ་གིས།། ཕྱག་ན་རྡོ་རྗེའི་མཐུ་ཡང་འཕྲོག། རྐང་གཅིག་གྱེན་དུ་བསྒྲེང་བ་ནི།། ཡ་བདུད་ཆེན་པོའི་སྙིང་ནས་འདྲེན།། དམྱལ་ཚོགས་མེ་དཔུང་རྩད་ནས་གཅོད།། རྐང་གཅིག་མཐུར་དུ་བརྐྱང་བ་ཡི།། མ ་བདུད་ཆེན་པོའི་སྙིང་ནས་འདྲེན།། དམྱལ་ཚོགས་མེ་དཔུང་རྩད་ནས་གཅོད།། རྐང་གཅིག་ཟད་ཀར་བྱུང་བ་ཡི།། དགྲ་བོ་རྣམས་ཀྱི་སྙིང་ནས་འདྲེན།། འབྱུང་པོ་དག་ཀྱང་དམྱལ་ཟག་ཆོད།། སྐུ་ནི་ལྕགས་ཟག་འཁྲིལ ་པ་འདྲ།། ཚེམས་ནི་སྤུ་གྲི་བཤིབས་པ་འདྲ།། མདངས་ལ་ཟ་ཞིང་རེངས་པར་རྒྱུག། གནོད་སྦྱིན་མང་པོ་བསྒྲལ་བའི་མཆོག། དེ་ནི་དཔལ་གྱི་ཕོ་ན་སྟེ།། འཇིག་རྟེན་ཁམས་སུ་ཟ་བ་ཡི།། གནོད་སྦྱིན་ཀུན་གྱི་རྟིང་ན ་རྒྱུག། གློ་སྙིང་ནང་ཁྲོལ་འབྱིན་ཅིང་ཟ།། བར་སྣང་དཀྱིལ་དུ་ཁྲོས་པའི་ཚེ།། ཉི་ཟླ་ཀུན་ཀྱང་ཐང་ལ་བཟློག། གཟའ་སྐར་ཀུན་ཀྱང་དུམ་བུར་གཅོད།། ཤིན་ཏུ་འཁྲུགས་ཤིང་རྦད་པའི་ཚེ།། བདུད་ཀྱི་སྙིང་ཁྲག་དྲོན་མོ ་འཐུང་།། བར་སྣང་ཁམས་ན་གནོད་སྦྱིན་ཀུན།། རྡུལ་ཕྲན་ཕྲ་མོ་བཞིན་དུ་བརླག། ཛ་ལ་ཛ་ལ་ཡཀྵ་ཁཱ་ཧི། དེ་བས་འདི་རྣམས་བསྟན་པའི་ཕྱིར།། དབང་ཆེན་ཉིད་ཀྱིས་བཀའ་སྩལ་པ།། གླུ་བྲོ་དམ་ཚིག་མཆོག་ཡིན། ་ཏེ།། སྒྲུབ་པའི་ཆོ་ག་རྫོགས་པའི་ཚེ།། ས་ཡི་འོག་ཏུ་འདོམ་གསུམ་བྱ།། བྲུ་ཡིན་ནམ།། བར་བར་རྡོ་རྗེ་སེམས་དཔའ་ཆེ།། ཆ་ལུགས་ཅི་འདྲ་འཁོར་དང་བཅས།། སེམས་ཀྱིས་མཉམ་པར་དགོད་པར་བྱ།། ཕྲ་མེན་འཁོར ་ཚོགས་མང་པོ་ཀུན།། གནོད་སྦྱིན་མང་པོ་དང་རོལ་བར་མཛད་ནས། མང་པོ་བདག་ཉིད་རྣམ་པར་རྒྱལ་བའི་ཏིང་ངེ་འཛིན་ལ་ཞུགས། སྐུ་མདོག་དཀར་པོར་བསྒྱུར་བྱས་ཏེ།། གླུ་དང་བྲོ་ནི་བསྟན་པར་བྱའི།། འཁོར ་མང་པོ་དང་མཉམ་པར་འདུག་པའི་དུས་ན། བདག་གི་སྐུ་མདོག་དམར་པོར་བསྒྱུར་རོ།། ལམ་དུ་ཞུགས་ཏེ་འགྲོ་བའི་དུས་ན། སྐུ་མདོག་ལྗང་གུར་བསྒྱུར་ཏེ། ཧེ་ཧེ་ཞེས་བྱ་སྟེ་དགོད་ཅིང་འགྲོའོ།། གང་དུ་ཕྱིན་པའི ་དབུས་སུ་ཧཱུཾ་ཞེས་བྱ་སྟེ་འདུག་པར་བྱའོ།། འོན་ཏང་མ་མོ་ཐམས་ཅད་དབང་དུ་བསྒྱུར་བས་ཉལ་བའི་དུས་ན་ཨ་ཞེས་བྱ་སྟེ་ཙོག་ཙོག་པོར་ཡུད་ཙམ་ཞིག་གནས་པར་བྱའོ།། བདག་ཉིད་གསེར་བཙོ་མའི་ཁ་དོག་བཞིན ་དུ་འཚེར་བར་འགྱུར་ཏེ། ཀུན་ཏུ་བཟང་མོ་ནམ་མཁའ་ལ་ལངས་ནས། མངོན་སུམ་དུ་འཛུམ་པར་མཛད་ནས་སྙན་པར་སྨྲ་བ་དང་། འདོད་སྦྱོར་གྱི་ལོངས་སྤྱོད་རྩེ་མོ་ཡང་བྱས་པར་བསམ་མོ།། སའི་འོག་ཏུ་མདའ ་འཕངས་པས།། གནམ་གྱི་སྟེང་གི་ལྷ་བྲན་འཆི།། སྤྱོད་ལམ་སྒྲུབ་པ་འདི་ལྟར་རོ།། མཚོན་ཐོགས་ཀུན་གྱི་རྒྱལ་པོ་སྟེ།། རལ་གྲི་འཛིན་པའི་རྒྱལ་པོར་གྱུར།། འཇམ་དཔལ་འཁོར་གྱིས་ཕྱག་བྱས་པའོ།། གཞན་ཞིག ་ངེས་པར་སྒྲོལ་བ་ནི།། རྡོ་རྗེ་སྲིན་པོའི་ཏིང་འཛིན་བསྒོམ།། རཀྵ་མིག་གིས་བལྟ་བར་བྱ།། ཁ་ནས་སྔགས་ཀྱི་ཚིག་ཟློས་ཤིང་།། ཕ་རོལ་རྣམ་ཤེས་ཧཱུཾ་གིས་དྲང་།། སྙིང་གར་ཐིམ་པ་དམིགས་བྱས་ན།། ཕ་རོལ་མངོན ་སུམ་འཆི་བར་འགྱུར།། མགོ་དང་མིག་དང་རྐང་ལག་དག། ཡ་མནྟ་ཀའི་འཁོར་ལ་དབུལ།། གཞན་རྣམས་ལྷག་པར་གང་ཡོད་པ།། ཧེ་རུ་ཀ་དཔལ་དབུལ་བར་བྱ།། མགོ་དགུ་པོ་ལ་རྐང་གཅིག ་པོ།། ལུས་ནག་པོ་ལ་འོད་ཕུང་ནག། རལ་པ་ནག་ཅིང་མཆེ་བ་ནག། མིག་ཀྱང་ནག་ཅིང་ལུས་ནག་པོ།། མགྱོགས་ནི་རླུང་གིས་བསྐྱེད་དུ་མེད།། འདི་དག་ཕོ་ཉའི་མཆོག་ཡིན་ཏེ།། ཞུམ་པ་མེད་པའི་སྟོབས་ཆེན ་འཇོམས།། འདི་དག་དཔལ་གྱི་ཕོ་ཉ་སྟེ།། གཡོན་པ་གསུམ་ནི་ལྕགས་སྒྲ་འཛིན།། གཡས་པ་གསུམ་ནི་སྟ་གྲི་ཕྱར།། ཡན་ལག་སྦྲུལ་ནག་མཆོག་གིས་བརྒྱན།། ལྕགས་ཀྱུ་རྣམས་ཀྱིས་སྙིང་ནས་འདྲེན།། གཡས་ཀྱི་སྟ ་གྲིས་ངེས་པར་འཇོམས།། འདི་ནི་སྒོ་སྲུང་མཆོག་ཡིན་ཏེ།། ཕོ་ཉ་ཀུན་ཏུ་མངག་པར་བྱ།། བགེགས་རྣམས་ངེས་པར་ཕུང་བར་བྱེད།། གནོད་སྦྱིན་ཕྲ་མེན་འཁོར་བཅས་ཀྱིས།། བདག་ལ་རབ་ཏུ་གཙེས་གྱུར་ན།། ཕག ་བརྟུལ་ཞུགས་ཆེན་པོ་ནི།། ས་ཡི་འོག་ཏུ་མངོན་སུམ་བྱ།། ལས་ཀྱི་ཧཱུཾ་ཞེས་བརྗོད་པར་བྱ།། མཱཾ་ས་དག་ཀྱང་མང་དུ་བཟའ།། ནམ་མཁའ་ལ་ནི་སེམས་དཔའ་བསམ།། བགྲང་ཕྲེང་གླད་ལ་བསྐོར་བར་བྱ།། དེ་ལྟར ་བྱས་ན་བདག་རྒྱལ་ཞིང་།། ནད་གཏོང་རྣམས་ནི་འཆི་བར་འགྱུར།། རྐང་གཅིག་དག་གི་ཕོ་ཉ་ནི།། ཁ་དོག་ཟླ་བ་ཅི་འདྲ་སྟེ།། གཅིག་ལ་གཅིག་ནི་རབ་ཏུ་འཁྲིལ།། ཡང་ན་ལག་པ་སྦྲེལ་ཏེ་འགྲོ།། མིག་ཀྱང་མེད་དེ་ཅང ་མི་སྨྲ།། ལོང་བ་ཀུན་གྱི་མཆོག་ཡིན་ཏེ།། སྟངས་སྟབས་དག་གི་ཕོ་ཉ་ནི།། ལན་འགའ་དྲག་ཏུ་མངགས་པའི་ཚེ།། གཉིས་ཀ་བསྡོངས་ཏེ་དེར་ཕྱིན་ནས།། གང་ལ་དམིགས་པ་ལེན་པར་བྱ།། སུས་ཀྱང་བཟློག་པར་མི ་འགྱུར་རོ།། གནོད་སྦྱིན་རྣམས་ནི་འཁོལ་འདོད་ན།། གནོད་སྦྱིན་གཟུགས་ནི་ཁྲག་གིས་བྲི།། དུར་ཁྲོད་ཆེན་པོ་མངོན་སུམ་དུ།། དེ་ཡི་སྙིང་གར་ཕུར་མནན་ནས།། འགུགས་པའི་བརྟུལ་ཞུགས་ཧཱུཾ་ཞེས་བཟླས།། མ ་འོངས་བར་དུ་བཟླས་ན་ནི།། ཞག་བདུན་དག་གིས་ཁུག་པར་འགྱུར།། གནོད་སྦྱིན་ཀུན་ལ་ཅི་དགར་སྤྱད།། བདག་གི་བྲན་དང་འདྲ་བར་འགྱུར།། ཕྲ་མེན་རྣམས་ནི་འཁོལ་འདོད་ན།། ཕྲ་མེན་གཟུགས་ནི་ཁྲག་གིས ་བྲིས།། ཡན་ལག་ཕུར་པས་བཏབ་ནས་ནི།། སྙིང་གར་རྡོག་པས་རབ་མནན་ཏེ།། དགུགས་པའི་བརྟུལ་ཞུགས་ཧཱུཾ་ཞེས་བཟླས།། ཞག་བདུན་གྱིས་ནི་ངེས་པར་འོང་།། ཕྲ་མེན་རྣམས་ནི་དགའ་བར་འཁོལ།། ཁོང་གིས ་འགལ་ན་ཁོང་རྣམས་འཆི།། བདག་གིས་འགལ་ན་བདག་ཉིད་ཉམས།། འགྲོ་ཉལ་འདུག་སྡོད་ཅི་བྱེད་ཀྱང་།། འཁོར་དང་བཅས་པའི་བསྙེན་པ་བཟླས།། ནངས་པར་མལ་ནས་ལངས་ནས་ཀྱང་།། ཡི་དམ་མནོས་པའི ་ས་ཕྱོགས་སུ།། གོམ་གསུམ་འཕགས་ན་དྲན་པར་བྱ།། བཤང་གཅི་བྱེད་པའི་ས་རྣམས་སུ།། དྲི་ཆེན་ལག་ཏུ་བླངས་ནས་ཀྱང་།། ཕྱོགས་བཅུ་ཀུན་ཏུ་ཁ་བལྟས་ཏེ།། སུས་མ་མཐོང་བར་ཁམས་གསུམ་བཟའ།། དྲི་ཆུ ་ཁྱོར་བ་གང་དག་ནི།། སུམ་མ་མཐོང་བར་ཟེངས་གསུམ་བཏུང་།། ཤིན་ཏུ་དབེན་པའི་ས་ཕྱོགས་སུ།། ཡན་ལག་བཞི་ནི་ས་ལ་གཟུགས།། ཕག་སྐད་ཟེངས་གསུམ་ངུར་བར་བྱ།། རུ་ལུ་རུ་ལུ་ཚལ་པ་ཚལ ་པ། ཁ་ཡ་ཁ་ཡ། རཀྟ་རཀྟ། བྷནྣ་བྷནྣ། མ་ཏང་ཁ་རུ་ཤག། ཁ་ཁ་ཁཱ་ཧི་ཞེས་བྱང་གི་ཕྱོགས་སུ་ཁ་བལྟས་ཏེ། གནོད་སྦྱིན་དབང་དུ་བསྡུ་བའི་ཕྱིར།། དྲི་ཆེན་མདུན་དུ་བཞག་ནས་ནི།། མི་སྐད་ཟེངས་གསུམ་བོས་ནས ་ན།། རུ་ལུ་རུ་ལུ་ཁ་ལོང་ཁ་ཁ་ལོང་ཁ། ཀུ་ཀུ་རཀྵ་འགྲིན། ཧ་ལ་ཧ་ལ་ཁཱ་ཧི། ཉིན་དང་མཚན་དུ་ཟུག་ཕྲད་དུ།། རིགས་མ་འཆོལ་བར་སྦྱོར་བར་བྱ།། སྐྱེ་བོས་མཐོང་ན་དམ་ཚིག་ཉམས།། སུས་མ་མཐོང་ན་དངོས་གྲུབ ་ཡིན།། བྱང་ཆུབ་སེམས་ནི་ལྕེ་ལ་བཞག། དུས་དང་རྣམ་པ་མེད་པར་ནི།། སྦྱོར་བ་ཁོ་ནས་ལས་སུ་བྱ།། སྐབས་ལ་བབ་པའི་དུས་དུས་སུ།། དུར་ཁྲོད་གནས་སུ་བྱུག་པར་བྱ།། ཞིང་དང་བྷནྣ་མང་པོ་བསོགས།། རང་གི ་སྨན་སངས་གང་ཡིན་པ།། སྐྱེ་བོ་རྣམས་ལ་ཐག་བསྲིངས་ནས།། སྲོད་དང་ཐོ་རངས་ནམ་གྱི་གུང་།། རོ་དང་ཉིན་ཕྱེད་དགོང་ཀའི་དུས།། དབྱངས་ཀྱི་སྐད་དུ་ཤེས་པར་བྱ།། དུས་དྲུག་ཀུན་ཏུ་རྔེའུ་ཆུང་བརྡུང་།། སྲོད་ལ ་འཁོར་གསུམ་བྲོ་བརྡུང་སྟེ།། ནུབ་ཀྱི་ཕྱོགས་སུ་ཁ་བལྟས་ལ།། རྟ་སྐད་འཚེར་བའི་གླུ་སྙན་བླངས།། རུ་ལུའི་བསྙེན་པ་འབུམ་བཟླས་ཤིང་།། སྣུམ་ཆེན་གསུར་གྱི་སྤོས་མེ་བཏང་།། ནམ་གྱི་གུང་ལ་མི་ཉལ་བར།། ཕྲིན ་ལས་གོང་མ་བཞིན་དུ་བཟླས།། བྱང་གི་ཕྱོགས་སུ་ཁ་བལྟས་ཏེ།། དབྱངས་ཀྱིས་ཤིན་ཏུ་བརྡུང་བར་བྱ།། དེ་ཡང་བསྙེན་པ་གོང་མ་བཞིན།། དུས་ལ་བབ་པའི་བྲོ་མཆོད་ལ།། ཕྱི་ནང་དྲག་ཏུ་མཚམས་བཅད་ནས།། རྡེའུ ་ཆུང་ལྡིར་ལྡིར་ལན་གསུམ་བརྡུང་།། དབྱངས་ནི་ཡིད་ཙམ་གདུང་བར་བྱ།། དེ་ཡང་དུས་དྲུག་ཀུན་ཏུ་བླངས།། ཤ་ཁྲག་གཏོར་མ་མཆོད་པ་བཤམས།། གླུ་བྲོ་ཤར་གྱི་ཕྱོགས་སུ་དབུལ།། གཏོར་མ་ཆ་གསུམ་བཏང་བ ་ཡིས།། ཉི་མ་ཕྱེད་ཀྱི་དུས་སུ་ནི།། ལྷོ་ཡི་ཕྱོགས་སུ་ཁ་བལྟས་ཏེ།། གྲུལ་བུམ་སྐད་ནི་གཙོ་རུ་བྱ།། ཕྲིན་ལས་དགོངས་པ་གོང་མ་བཞིན།། དངོས་མཆོད་དུས་ལ་བབ་པའི་ཚེ།། སྒྲིན་པོ་ཀློག་པའི་ཆོ་ག་བྱ།། ཧ་ཅང་སྐད ་ནི་མི་ཆེ་བ།། དེ་ཡང་རྡེའུ་ཆུང་དིར་དིར་བརྡུང་།། དབྱངས་ནི་ཡིད་ཙམ་གདུང་བར་བླངས།། དེ་ཡང་དུས་དྲུག་ཀུན་ཏུ་ཡང་།། གསང་བའི་མཆོད་པ་རྒྱུན་མི་གཅད།། མི་ཡི་བུ་མོ་བསྟེན་པར་བྱ།། ལན་འགའ་དེ་དང་མ ་ལྡན་ན།། ཀུ་ཀུ་ར་དང་ར་ལ་སོགས།། བ་དང་བུད་མེད་གང་ཡང་རུང་།། ཤིན་ཏུ་དགོན་གནས་མེད་པའི་ཚེ།། བྱེས་དང་འགྲོན་པོ་བྱེད་པ་དང་།། ལུས་ལ་སྤྲུལ་པའི་ལྷ་མོ་ཡིས།། སྦྱར་བའི་དམ་ཚིག་མི་གཅད ་དོ།། འདི་ལྟར་བྱས་ན་དངོས་གྲུབ་ཐོབ།། རྒྱུན་དང་རྒྱུན་མི་གཅད་པར་རོ།། སྨན་ནི་ལུས་ལ་བསྲེལ་བར་བྱ།། སྒྲུབ་པ་ཆེན་པོ་བྱེད་པའི་ཚེ།། སྲོག་ལ་བབ་པའི་གལ་ཡོད་ཀྱང་།། དམ་བཅས་དེ་ནི་མ་བྱུང་ཚེ།། མི་དང ་འཕྲད་པར་མི་བྱ་སྟེ།། གཏམ་དང་ཁ་རླངས་འདྲེས་པ་བཅད།། དེ་ལྟར་བྱུང་ན་ཞག་གསུམ་དུ།། བདག་གི་ཕྱག་རྒྱ་འབྲལ་མི་བྱ།། ཕྱག་ནད་དག་གིས་འཆི་བར་འགྱུར།། ལས་སུ་དམ་རྫས་བསགས་པར ་བྱ།། གྲངས་ནི་ཚད་ནི་འདི་ལྟར་ཏེ།། ཞིང་པ་ཕོ་ཉ་བསླབ་པ་བཞིན།། བྷན་དྷ་བཅུ་གསུམ་ལྕང་ལོ་ཅན།། དགུ་ལས་ཉུང་ན་འགལ་བར་བཤད།། དུང་ཆེན་མཚན་དང་ལྡན་པ་ལ།། ངས་ཐོབ་པ་ཡི་ཡོ་བྱད་རུང་།། ཞལ ་བཞིའི་གདོང་གས་མེད་པ་ལ།། ཁ་དོག་ཚོན་གྱིས་མདོག་བསྒྱུར་ཏེ།། ཡང་ན་ལྔའམ་དྲུག་ཙམ་མམ།། མིན་ན་དགུ་འམ་བཅུ་གཅིག་གོ། ཕྱོགས་སྐྱོང་གཞུང་དང་མཐུན་པར་བསྟན།། མཆོག་ཕུར་གྲངས་ཀྱང་དེ་བཞིན ་ཏེ།། ཐོད་པ་བུ་ག་མེད་པ་ལ།། ཁ་དོག་ཚོན་གྱིས་མདོག་བསྒྱུར་ཏེ།། མཐུག་སྲབ་ཆུང་བའི་ཟླུམ་པོ་ནི།། དཀྱིལ་འཁོར་དབུས་སུ་བཞག་པར་ཤེས།། སྐྱོན་མེད་གཞན་ནི་ཕྱོགས་མཚམས་དགོད།། སྨན་དང་རཀྟ་དྲི་ཆུ ་དག། མཱཾ་ས་དཀྱིལ་འཁོར་ཁྱབ་པར་དགྲམ།། སྟེགས་བུའི་ཚད་ནི་འདི་ཡིན་ནོ།། འདོམ་གང་གྲུ་བཞི་ལྷམ་པ་རུ།། དབུས་སུ་འཁོར་ལོ་ཟུར་དྲུག་བྲི།། ཡང་ན་པདྨ་ཁ་བརྒྱད་བྲི།། བར་ཁྱམས་ཀུན་ཏུ་ཐོད་པ་བྲི།། ་བཞི་ཆུ་སྲིན་ཁ་ཡང་བྲི།། ཐོད་པའི་ཕྱི་རིམ་རེ་རེ་བྲི།། དེ་ཡི་ཐ་མ་རྡོ་རྗེས་བསྐོར།། ལེའུ་ཚེ་དགུ་པ་ཡན་ཆད་བགྱིའོ།། དབང་ཆེན་འདུས་པའི་ཏནྟ་ལས། གལ་པོ་ལས་རྒྱུད་ཀྱི་ལེའུ་སྟེ་གཉིས་པའོ།། །། ཐོག ་མར་གཞལ་ཡས་ཁང་བསྒོམ་སྟེ།། ཚངས་པ་ཆེན་པོ་མངོན་སུམ་དུ།། དམིགས་པའི་ཏིང་འཛིན་སྔགས་ཀྱིས་བསྒྲལ།། ཉན་ཐོས་མདོ་སྡེ་ཀྲི་ཡ་དང་།། ཐེག་པ་ཆེན་པོ་ཡོ་ག་དང་།། གསང་བ་ཡི་ནི་ཐེག་པ ་གསུམ།། གཞུང་དང་མཐུན་པའི་གཞལ་ཡས་ཁང་།། སྒོ་བཞི་རྟ་བབས་མུ་ཁྱུད་བཅས།། དྲག་པོ་ཁྲོ་བོའི་ཁྱམས་ལ་སོགས།། ཚངས་པའི་གདུང་ཆེན་གཤག་ཏུ་གཏམས།། ཡང་ན་ཚངས་པའི་གཞལ་ཡས་ནི།། བརྒྱ ་བྱིན་ལྷ་ཡི་དབང་པོ་བསྒྲལ།། ཁྱབ་འཇུག་ཆེན་པོ་འཁོར་དང་བཅས།། ཐེག་མཆོག་ཨ་ནུ་ཡོ་ག་ཡི།། ལུགས་ལས་བྱུང་བའི་གཞལ་ཡས་བསྒོམ།། ཡང་ན་ཚངས་པའི་གཞལ་ཡས་ནི།། ཐེག་ཆེན་རྒྱལ་པོ་ཨ་ཏིའི ་གཞུང་།། ཁྱབ་དང་གནས་དང་འབྱུང་ལ་སོགས།། རྣམ་པ་གསུམ་པའི་གཞལ་ཡས་ཁང་།། སྣོད་བཅུད་འབྱུང་བའི་ཡུམ་དུ་གསལ།། ཏིང་འཛིན་གསལ་བས་སྐད་ཅིག་ལ།། བསྐྱེད་ནས་གསང་བ་ཡུམ་གྱི་མཁའ།། བྷ ་ག་དགྱེས་པའི་ངང་དུ་བསྒོམ།། དེ་ཡི་དཀྱིལ་དུ་བདག་པོ་དམིགས།། དེ་ལ་རང་བཞིན་མེད་པ་སྟེ།། ནམ་མཁའ་ལྟ་བུར་རབ་རྟོགས་ནས།། གཞལ་ཡས་ཁང་ནི་ཞེས་གསུངས་སོ།། དབང་ཆེན་འདུས་པའི་ཏནྟ་ལས།། ་གཞལ་ཡས་ཁང་ཚངས་པའི་ལེའུ་སྟེ་གསུམ་པའོ།། །། སྐལ་པར་ལྡན་པའི་རྣལ་འབྱོར་པས།། ལོག་རྟོག་དངོས་པོ་གཞོམ་པ་དང་།། ཆོ་འཕྲུལ་མངོན་དུ་བསྟན་པའི་ཕྱིར།། ཧཱུཾ་མཛད་ཆེན་པོའི་ཏནྟ་ལས།། སྐལ ་བའི་ཐོག་ཐོས་ཐོག་གསལ་བའི།། ལེའུ་དགོངས་པའི་རྒྱུད་དང་མཐུན་པའི་ཕྱིར།། དང་པོ་ཏིང་འཛིན་རྣམ་གསུམ་ལས།། རྒྱུ་ཡི་ཏིང་འཛིན་ཧཱུཾ་དམར་གསལ།། དེ་ཡི་སྐད་ཅིག་ཏིང་འཛིན་ལས།། ཁ་དོག ་ལྔ་ཡི་འབྲུ་བསྒོམ་སྟེ།། དབང་ཆེན་དཀྱིལ་འཁོར་རིམ་པ་བཞིན།། ཁ་དོག་གསུམ་པོའི་འབྲུ་ཉིད་ལས།། དབང་པོ་རྐྱེན་དང་འཚམས་པའི་གནས།། ཐུག་པ་མེད་པའི་གཞལ་ཡས་ཁང་།། ཆོས་ཀྱི་དབྱིངས་དང་མཉམ ་པར་བསྐྱེད།། དེ་ཡིན་ནང་དུ་དམིགས་པ་ཡང་།། ཆོ་ག་གསུམ་དང་ལྡན་པའི་ཧཱུཾ།། དེ་ལས་ཞེ་སྡང་རྡོ་རྗེའི་སྐུ།། རྒྱུ་ལས་པདྨ་ཧེ་རུ་ཀ། པདྨ་ཤྲཱི་ཧེ་རུ་ཀ། ཧ་ཧ་ཧཱུཾ་ཛ། ས་བོན་སྔགས་ཀྱིས་གསལ་བར་གྱུར།། ཧཱུཾ་ཧྲཱིཿཕཊ། ་ཨཱཾ.ོཾ་ཨ་ཧྲཱིཿམ་ཛ་ཛ་ཧུ་ལུ་ཛ་ཤན་པྲ་བེ་ཤ་ཡ། བཛྲ་བཛྲ་ཛ་ལ། ཡཀྐ་བཛྲ་ཧཱུཾ་བྷྱོ། བཛྲ་ཧཱུཾ། ཨཱ་ར་ལི་ཨ་ལིང་ཨ་ཧི་ནི་ཤ་ཙ་ཏ་ཀ་བ་མ་ཏི་ཙཀྲ། སྐུ་བསྐྱེད་གསལ་བར་གྱུར་པ་དང་།། ལོག་རྟོག་གཞོམ་ཕྱིར་འདི་གསུངས ་སོ།། ཐོག་སེར་འབར་བ་དབབ་པའི་ཕྱིར།། ཧཱུཾ། དབང་ཆེན་རྒྱལ་པོ་ཐོག་ཐོག་འབེབས།། ཧཱུཾ་དང་ཕཊ་ཀྱིས་སྲིད་གསུམ་འཁོར་བ་འཇིག། ཧཱུཾ་མཛད་ཧཱུཾ་གི་བྱིན་རླབས་བསམ་མི་ཁྱབ།། རྡོ་རྗེ་ཁྲག་འཐུང་ཁྲག་གི་རྒྱ་མཚོ ་སྐེམ།། རྡོ་རྗེ་མཚོན་ཆེན་གནམ་ལྕགས་མཐུར་འདྲིལ་བ།། གསང་སྔགས་ལོག་པར་ལྟ་བའི་བདུད་རྣམས་འཇོམས།། འཇིག་རྟེན་འདི་དང་ཕ་རོལ་གཉིས་སུ་ཡང་།། གདུང་བ་སེལ་ཅིང་དུག་གསུམ་རྩད་ནས ་གཅོད།། མ་ཧཱ་ཙཎྜ་སརྦ་དུཥྚཾ། ཏ་ཀ་ཧ་ན་པ་ཙ་ཧཱུཾ་ཕཊ། ལོག་རྟོག་དྲེགས་པ་བསྒྲལ་ནས་ཀྱང་།། རབ་ཏུ་རྔམ་པའི་ཚིག་གིས་བསྔགས།། སྐྲག་ཅིང་དབང་དུ་འདུས་པར་འགྱུར།། ཚངས་པ་ལ་སོགས་ལྷ་ཆེན ་རྣམས།། ཐོག་ཐོག་དབང་གིས་མྱོས་གྱུར་ཏེ།། སེམས་ནི་བླ་མེད་གནས་སུ་སྦར།། ཙཀྲ་ཞེས་ནི་སྔགས་དག་གིས།། དབང་གི་སྐུ་བསྐྱེད་ཆེ་བཙན་སྐུ།། ཤངས་ཀྱི་སྒོ་ནས་ཐོག་ཐོག་འཁྲིལ།། འཁོར་བ་ལུས་ཀྱི་རྣམ་རྟོག ་བཅོམ།། ཨོཾ་གྱིས་ཉེས་བྱས་ཐམས་ཅད་སྦྱངས།། ཧཱུཾ་གིས་སེམས་ཀྱི་གཟུང་འཛིན་སྤང་།། སྣ་ཡིས་ང་རྒྱལ་རི་བོ་བཤིག། ཧཱ་ཡིས་ཕྲག་དོག་གནས་སུ་དག། ཁམས་གསུམ་རྒྱུད་དྲུག་མ་ལུས་ཀུན།། ཡེ་ཤེས་མཚོན ་ཆ་ཐོག་ཐོག་གིས།། སྒྲོལ་བར་མ་གྱུར་ཅིག་ཀྱང་མེད།། ནན་ཏན་ཐུགས་རྗེས་བསྐྱེད་པའི་ཕྱིར།། འཁོར་བའི་དོང་སྤུག་ཆེན་པོ་མཛད།། མངོན་སྤྱོད་ཡ་མཚན་ཆེན་པོ་ཡིས།། མཆོག་དང་ཙ་ར་འབྱོར་ཚོགས་ལ།། ནན ་ཏན་གྱིས་ནི་པྲ་བེ་ཤ། ཧཱུཾ་གིས་རྒྱལ་སྲས་གཞོན་ནུའོ།། གཡུང་དྲུང་ལྟ་བུའི་སྐུ་ཡང་ཐོབ།། འདུ་འབྲལ་མེད་པའི་དབྱིངས་སུའོ།། དེ་ནས་ཕུང་པོ་བཤིག་བྱ་སྟེ།། ལྷག་མ་བརྒྱད་ལ་བྲོ་བརྒྱད་བརྡུངས།། མགོ་ལ་ལིངྒ ་གནོན་པའི་བྲོ།། ཙིཏྟ་འཁོར་བའི་བྲོ་མོ་ཆེ།། རྣམ་ཤེས་ཏ་ཀྲྀཏ་བརྒྱད་བྲོའོ།། ཡན་ལག་ལྷ་མོ་ཟ་བྱེད་སྟབས།། ནང་ཁྲོལ་ངན་སོང་གནས་ཀྱི་བྲོ།། གཡང་གཞི་མ་མོ་འཁྲུག་པ་བརྡུང་།། བརླ་བཞིར་ཁྲོ་བོ་ཟིལ་གནོན ་བྱ།། ཨོཾ་ན་ཤ་ཡ་སཱམ་བྷ་ཡ་ན། ཡཀྐ་སུམ་བྷ། གན་ད་ར་རི་ཤ། བྷནྡྷ་དེ་རི་ཤ་ཧྨ་ཀ་ར་པྲ་བེ་ཤ་ཕཊ། བྷ་ག་ཝཱན། མ་ཧཱ་ཙྪནྡནྣ་ནྡནྡ་ཧཱ་ཕཊ། ཀྲོ་དྷ་ནི་ཀྲོ་དྷ་ནི་ཧཱུ་ཕཊ། ཚོགས་དང་གཏོར་མའི་ལས་ཀྱང ་བྱ།། ཐོག་མངོན་སེར་བ་འབེབས་པ་ཡི།། རྡོ་རྗེ་དཱུར་མོའི་ཏིང་ངེ་འཛིན།། གསལ་ནས་སྔགས་ནི་བཟླས་པར་བྱ།། མ་ཧ་ཙཎྜ་སརྦ་དུཥྚཱན། ཧ་ན་ཏ་ཀ་པ་ཙ་ཧཱུཾ་ཕཊ། ཛ་ལ་རཾ། རཾ་ཛ་ལ་ཧཱུཾ་རཀྵ་རཀྵ་ཧཱུཾ་རཾ། ཛི་ན་ཏ་མོ་རཾ།། ་རུ་ལུ་ཤ། ཨེ་ཧྱེ་ཧི་བྷ་ག་ཝཱན། གསེར་ལ་བཏབ་ཏེ་གཏོར་མ་བྱ།། དེ་ཡི་ཚིག་ཀྱང་རབ་ཏུ་བརྗོད།། ཨངྐུ་ཤ་ཞེས་བགྲང་བར་བྱ།། ལས་ནི་ངེས་པར་བསྒྲུབ་བྱ་ན།། མཁའ་ལྡིང་རྫས་ལ་དཔང་བཙུག་སྟེ།། ཆུ་མིག ་ལྐུགས་པའི་ཀླུ་ལ་གཏད།། ཐོག་ཐོག་འབེབས་ཤིང་དགྲ་བོ་འཆི།། ངེས་པར་འདི་ལ་ཐེ་ཚོམ་མེད།། དབང་ཆེན་འདུས་པའི་རྒྱུད་ལས། ཐོག་འབེབས་ཀྱི་ལེའུ་སྟེ་བཞི་པའོ།། །། གནོད་སྦྱིན་ཕྲ་མེན་འཁོར ་ཅས་ཀྱིས།། བདག་ལ་རབ་ཏུ་གཙེས་གྱུར་ན།། དཀའ་ཐུབ་བརྟུལ་ཞུགས་སྨོན་པ་ཡིས།། ས་ཡི་འོག་ཏུ་འདོམ་གསུམ་བྱ།། ལས་ཀྱི་ཧཱུཾ་ཞེས་ཅུང་ཟད་འདས།། མཱཾ་ས་དག་ཀྱང་མང་དུ་བཟའ།། ནམ་མཁའ་ལས་ནི ་སེམས་དཔའ་བསམ།། བགྲང་འཕྲེང་ཀླད་ལ་ལན་གསུམ་བསྐོར།། དེ་ལྟར་བྱས་ན་བདག་རྒྱལ་ཞིང་།། ནད་གཏོང་རྣམས་ནི་འཆི་བར་འགྱུར།། ཁྱི་ཡི་བརྟུལ་ཞུགས་ཆེན་པོ་ཡིས།། རུ་ལུ་རུ་ལུ་ཁ་ཏང་ཁ། ཀུ་ཀུ་རཀྵ ་རཀྵ་གྷྲྀ་ཧྣ་གྷྲྀ་ཧྣ། ཧ་ལ་ཧ་ལ། ཛྭ་ལ་ཁ་ཁཱ་ཧི། ཉིན་དང་མཚན་དུ་ཐུག་ཕྲད་དུ།། རིགས་མ་འཆོལ་བར་སྤྱོད་པར་བྱ།། སྐྱེ་བོས་མཐོང་ན་དམ་ཚིག་ཉམས།། སུས་མ་མཐོང་ན་དངོས་གྲུབ་ཡིན།། སྦྱོར་བའི་བྱང་སེམས ་ལྕེ་ལ་བཞག། རང་གིས་དབེན་རི་གང་ཡིན་པ།། སྐྱེ་བོའི་གནས་དང་ཐགས་བསྲིངས་ཏེ།། དགུག་པའི་བརྟུལ་ཞུགས་ཆེན་པོ་ཡིས།། དབྱངས་ཀྱང་དྲག་ཏུ་བླང་བར་བྱ།། བྱ་ཡི་བརྟུལ་ཞུགས་ཆེན་པོ་ཡིས།། དབྱངས ་ཀྱང་དྲག་ཏུ་བླང་བར་བྱ།། རྟ་ཡི་བརྟུལ་ཞུགས་ཆེན་པོ་ཡིས།། ཁམས་གསུམ་དུམ་བུར་གཏུབ་པར་བྱ།། ཕག་གི་བརྟུལ་ཞུགས་ཆེན་པོ་ནི།། སྲིད་གསུམ་ཁྲོན་དུ་བརྐོ་བར་བྱ།། ཁྱི་ཡི་བརྟུལ་ཞུགས་ཆེན་པོ ་ཡིས།། དམྱལ་ཁམས་ཟས་སུ་ཟ་བར་བྱ།། སྲོད་དང་ཐོ་རངས་བྲོ་བརྡུང་པ།། དཀའ་ཐུབ་སྨྱོན་པའི་བྲོ་བརྡུང་སྟེ།། རུ་ལུའི་བསྙེན་པ་འབུམ་བཟླས་ཏེ།། གནོད་སྦྱིན་ཕྲ་མེན་འཁོར་བཅས་ཀྱང་།། བདག་གི་དེ་ནི་དབང ་དུ་འགྱུར།། ཀླུ་དབང་གི་སྐད་བྱང་དུ་གཟུགས།། ཁྱི་ཡི་དཀའ་ཐུབ་སྨྱོན་པ་ཡིས།། ནུབ་ཏུ་རྟ་སྐད་འཚེར་བ་བྱ།། རྟ་ཡི་བྲོ་སྟེ་དང་པོ་ཡིན།། ནམ་གྱི་གུང་ལ་ཕག་སྐད་དབྱུང་།། ཕག་གི་བརྟུལ་ཞུགས་ཆེན་པོ་སྟེ།། གནོད ་སྦྱིན་བྲན་དུ་འཁོལ་བ་ཡིན།། དེ་ལྟར་བྱས་ན་བརྟུལ་ཞུགས་སུ།། ཧཱུཾ་ཞེས་བྱ་བའི་བརྟུལ་ཞུགས་ཀྱིས།། ཧཱུཾ་ཞེས་བྱ་བའི་དཀྱིལ་འཁོར་ཀུན།། བདག་གི་ལུས་ལ་གཞུག་པར་བྱ།། དུས་ལ་བབ་པའི་བྲོས་མཆོད ་ལ།། རྡེའུ་ཆུང་ལན་གསུམ་བརྡུང་བར་བྱ།། དེ་ནས་དགྲ་བགེགས་འདུལ་བའི་ཕྱིར།། བརྟུལ་ཞུགས་ཏིང་འཛིན་ཞུགས་ནས་ཀྱང་།། གླུ་བྲོ་དམ་ཚིག་བཞིན་དུ་བླང་།། སྒྲུབ་པ་ཆེན་པོའི་བར་ཆོད ་ལ།། བརྟུལ་ཞུགས་ཆེན་པོས་བསྒྲལ་ནས་ཀྱང་།། དུས་གསུམ་རྒྱལ་བའི་སྲས་སུ་བསྐྱེད།། ལྷོ་ཡི་ཕྱོགས་སུ་ཁ་བལྟས་ནས།། གྲུལ་བུམ་སྐད་དུ་ཀུ་ཅོ་འདོན།། དཀའ་ཐུབ་ཆེན་པོ་ཡིན་པའི་ཕྱིར།། སུ་དང་གཏམ་ཡང་དེ ་མི་བྱ།། སྨྱོན་པའི་ཚུལ་དུ་མཆོངས་པ་ཡིས།། གནོད་སྦྱིན་ཕྲ་མེན་རྣམས་ཀྱང་བརྒྱ་ལ།། ནམ་ཡང་བདག་གི་དབང་དུ་འགྱུར།། ཉན་ཐོས་དབང་དུ་བསྡུ་བའི་ཕྱིར།། སྔགས་ཀྱི་དཀའ་ཐུབ་ཆེན་པོ་ཡིས།། བདུད་རྩི་ལྔ་ལ ་ལོངས་སྤྱོད་བྱ།། མ་སྤངས་པར་ནི་དབང་དུ་བསྡུ།། ནན་དབང་དྲག་ཤུལ་སྐྱོན་ཐབས་སུ།། སུ་དང་འཕྲད་པ་སྦྱོར་ཞིང་བསྒྲལ།། འདི་ནི་དཔལ་གྱི་ཐུགས་དམ་སྟེ།། རྒྱུན་མི་འཆད་པར་སྤྱད་ན་ནི།། བདག་གི་ཇི་ལྟར ་འདོད་པ་བཞིན།། དཀའ་ཐུབ་བསྲུངས་པས་དངོས་གྲུབ་པོ།། འདི་ལ་སོམ་ཉི་ཅི་སྟེ་ཟ།། དབང་ཆེན་འདུས་པའི་ཏནྟ་ལས། དཀའ་ཐུབ་སྨྱོན་པའི་ལེའུ་སྟེ་ལྔ་པའོ།། །། སྐལ་དང་ལྡན་པའི་སྒྲུབ་པ་པོས།། ཀླུ ་རྒྱལ་ཟིལ་གྱིས་གནོན་པའི་ཕྱིར།། གཞུང་ལས་བྱུང་བའི་ཏིང་འཛིན་བསྒོམ།། ཧཱུཾ་ལས་ཕྱག་རྒྱ་གདན་དང་བཅས།། དམར་པོའི་དབུ་ལྔ་ཕྱག་བཅུ་དྲུག། གསལ་བར་བསྒོམ་པའི་བྱིན་རླབས་ཀྱིས།། ཀླུ་ཆེན་དབང་དུ ་བསྡུ་བའོ།། ཕྱག་རྒྱ་ཀླུ་རྣམས་རབ་ཏུ་བསྣམས།། དེ་ལྟར་གསལ་བས་མ་ལུས་བསྒྲལ།། ཀླུ་ཡི་རིགས་བཅས་དབང་དུ་བསྡུས།། གཡས་ཀྱི་དབང་པོ་བསྣམས་པ་ནི།། ཀླུ་ཆེན་རྒྱལ་རིགས་དང་དུ་བསྣམས།། གཡས་ཀྱི ་དང་འོག་དུང་སྐྱོང་བསྣམས།། དེ་ཡི་འོག་མ་སྟོབས་རྒྱུ་བསྣམས།། འཁོར་བ་འདི་ལས་སྒྲོལ་བའི་བདག་པོས་སོ།། དེ་ཡི་འོག་མས་ནོར་རྒྱས་བུ།། འོག་མས་མ་དྲོས་བུ་བསྣམས་པའོ།། སོག་མ་མེད་ཀྱང་རབ་ཏུ ་བསྣམས།། འོག་མས་སྟོབས་ལྡན་རབ་ཏུ་བསྣམས།། འོག་མ་ཉིད་ཀྱིས་གཟི་ལྡན་འཛིན།། གཡོན་གྱི་ཕྱག་ན་འཛིན་པ་ནི།། ཐོག་མར་ཀར་ཀོ་ཊ་བསྣམས་པའོ།། འོག་མས་བལྟ་ན་སྡུག་ཀྱང་འཛིན།། འོག་མས ་སྟོབས་རྒྱུ་རབ་ཏུ་བསྣམས།། འོག་མས་ཟླ་བ་ཅན་ཡང་འཛིན།། འོག་མས་དུང་སྐྱོང་རབ་ཏུ་བསྣམས།། འོག་མས་གང་བ་བཟང་པོ་སྟེ།། དེ་འོག་ནོར་བུའི་མགྲིན་ཡང་བསྣམས།། ཀླུ་ཡི་རྒྱལ་པོ་དེ་རྣམས་ནི།། སྙིང ་གར་དབང་གི་ཞབས་ཀྱིས་བརྐྱང་།། ཚམ་རྔམས་སྟབས་དང་ཆས་པའོ།། རྫོགས་པ་ཆེན་པོ་ཡིན་པའི་ཕྱིར།། སྐུ་བསྐྱོད་འོག་ཏུ་གཞལ་ཡས་ཁང་།། སྦྲུལ་ནག་གྲུབ་པའི་འབྱམ་ཀླས་པའི།། མཐའ་དང་མཉམ་པར ་དམིགས་པར་བྱ།། དེ་ཡི་དབུས་སུ་བསྒོམ་པ་ཡང་།། གཙོ་བོ་ཡབ་ཡུམ་འཁོར་དང་བཅས།། ཧཱུཾ་ལས་རྫོགས་པའི་ཚུལ་དུ་བསྐྱེད།། དེ་ནས་གསང་བའི་བསྙེན་པ་དབུལ།། བསྙེན་པའི་སྔགས་ནི་འདི་དག་ནི།། པདྨ་མ་ཧཱ ་ཤྲཱི་ཧེ་རུ་ཀ། ཨེ་ག་དེ་མ་ཧཱུཾ་ས་མ་ཡ་ཧོ།། ནཱ་ག་པྲ་བེ་ཤ་ཛ་ཞེས་བྱ། རྫུ་འཕྲུལ་མཆོག་དང་ཕྱག་རྒྱ་དང་།། དྲག་པོའི་ཕྲིན་ལས་ཉི་ཚེ་བ།། སྒྲུབ་པའི་དུས་སུ་ཀླུ་ཡང་བསྒོམ།། བསྙེན་པ་ཆོས་ཀྱི་དབྱིངས ་ནས་གྲངས།། རྫུ་འཕྲུལ་འཕྲོག་ཕྱིར་བསྙེན་པར་ཞུགས།། ཀླུ་རྣམས་དབང་དུ་བསྡུ་བའི་ཕྱིར།། མགྲིན་སྔོན་ལ་སོགས་རྣམ་ཤེས་ནི།། གསེར་ཞུན་ལྟ་བུར་གྱུར་ནས་ནི།། གཟི་ལྡན་བྷ་གའི་དབྱིངས་སུ་བླ་ན།། གནས་ཀྱི ་རང་བཞིན་ལྷུན་གྱིས་གྲུབ།། སྐུ་ཡི་གཤོག་པ་མཁའ་དང་མཉམ།། བར་ནས་གསེར་གྱི་མེ་ཏོག་འཕྲོ།། བྱེ་མས་འཇིགས་ཞེས་དེ་ལ་སྔགས།། ཁྱུང་ལྟར་གནས་པས་ཀླུ་ཆེན་གནོན།། དབང་དུ་གནས་པས་ཀླུ་རྒྱལ ་འདུལ།། རྫུ་འཕྲུལ་ཕྲོགས་པས་དངོས་གྲུབ་ཐོབ།། ཀླུའི་ལེའུ་ཞེས་པ་བརྗོད།། དཀྱིལ་འཁོར་བསྡུ་བ་སྔ་མ་བཞིན།། ཧཱུཾ་གི་སྤྲོ་བསྡུས་དབྱིངས་སུ་བསྟིམ།། དབང་ཆེན་འདུས་པའི་ཏནྟྲ་ལས། ཀླུ་རྒྱལ་རྫུ་འཕྲུལ་གྱི་ལེའུ ་སྟེ་དྲུག་པའོ།། །། ཚངས་པ་གནས་ཀྱི་ཕོ་བྲང་གིས།། ཚངས་པ་དབྱངས་ཀྱི་ཀླུ་དྲུག་ནི།། བྲེང་ངེ་བ་དང་དུང་ངེ་བ།། ཤདྷ་བ་དང་གརྫ་བ།། ཅང་ཀར་དེ་དང་པང་ཀ་དེ།། གླུ་དྲུག་བླངས་ལས་དོན་དྲུག ་འགྲུབ།། བྲེང་ངེ་བ་ཡི་གླུ་བླངས་པས།། ཚངས་པ་ལྷ་ཡི་དཀྱིལ་འཁོར་ནས།། སྐུ་ཡི་དངོས་གྲུབ་ཆེན་པོ་ཐོབ།། དུང་ངེ་བ་ཡི་གླུ་བླངས་པས།། བརྒྱ་བྱིན་ལྷ་ཡི་དབང་པོ་ཡི།། གསུང་གི་དངོས་གྲུབ་ཆེན་པོ་ཐོབ།། ཤ་དྷ ་བ་ཡི་གླུ་བླངས་པས།། རྒྱལ་པོ་ཆེན་པོ་བཞི་རྣམས་ཀྱི།། ཡོན་ཏན་ཆེན་པོའི་དངོས་གྲུབ་ཐོབ།། གརྫ་བ་ཡི་གླུ་བླངས་པས།། ཕྱོགས་སྐྱོང་ཆེན་པོ་བཅུ་རྣམས་ཀྱི།། ཡོན་ཏན་ཆེན་པོའི་དངོས་གྲུབ་ཐོབ།། ཅང་ཀ་དེའི་གླུ ་བླངས་པས།། འབུམ་ཕྲག་ཡངས་པའི་མཁའ་འགྲོ་མའི།། དངོས་གྲུབ་བརླབས་ཆེན་འཁྲིགས་པ་ཐོབ།། པང་ཀ་དེའུའི་གླུ་བླངས་པས།། སྲིད་པ་དབང་སྡུད་བྲོ་མོ་ཆེ།། དྲེགས་པའི་ཡུལ་དག་དབང་དུ་སྡུད།། པདྨ་གར ་གྱི་བྲོ་དྲུག་ནི།། བདུད་བཞི་ཐལ་བར་བརླག་པ་ནི།། འཁོར་བའི་ཕྱི་ནས་འདྲེན་པའི་བྲོ།། བྲེང་ངེ་བ་ཡི་གླུ་དང་སྦྱར།། སྡུག་བསྔལ་ནད་སེལ་ཐུགས་རྗེའི་བྲོ།། དུང་ངེ་བ་ཡི་གླུ་དང་སྦྱར།། ཐུགས་དམ་དབྱིངས་སུ ་བསྐུལ་བའི་བྲོ།། ཤ་དྷ་བ་ཡི་གླུ་དང་སྦྱར།། ཡེ་ཤེས་རྒྱན་གྱི་བྲོ་མོ་ཆེ།། གརྫ་བ་ཡི་གླུ་དང་སྦྱར།། ཚངས་པ་དབྱངས་ཀྱི་གླུ་དང་སྦྱར།། མ་མོ་འཁྲུགས་པའི་བྲོ་མོ་ཆེ།། ཅང་ཀ་དེའུའི་གླུ་དང་སྦྱར།། ལངྐ་བསྒྲལ་བའི་བྲོ ་མོ་ཆེ།། པང་ཀ་དེའུའི་གླུ་དང་སྦྱར།། ཚངས་པ་དབྱངས་ཀྱི་གླུ་བླངས་ནས།། པདྨ་གར་གྱི་བྲོ་བརྡུངས་པས།། ཁམས་གསུམ་མ་ལུས་དབང་དུ་འགྱུར།། དབང་ཆེན་འདུས་པའི་ཏནྟྲ་ལས། བུ་མོ་དྲུག་གི་གླུ་བླངས་ཀྱི་བྲོ ་ཞེས་བྱ་བའི་ལེའུ་སྟེ་བདུན་པའོ།། །། སྟོང་གསུམ་འཇིག་རྟེན་རབ་འབྱམས་ཀུན།། མཐུ་ཆེན་ལང་ཀའི་རྒྱལ་པོ་ཡི།། ཁྱད་པར་རྫུ་འཕྲུལ་རྣམ་འཕྲུལ་ཏེ།། གཉེན་པོར་གྱུར་པ་གཞན་མེད་ནས།། གཞན་ལས ་བཟང་བའི་ཏནྟ་ལས།། ངེས་པའི་ལུང་དུ་གསང་བའི་ལེའུ།། ལང་ཀ་གནོན་པ་ཞེས་ཀྱང་བྱ།། སྲིན་པོ་མནན་ཕྱིར་འདི་གསུངས་སོ།། དང་པོ་ཏིང་འཛིན་རྣམ་གསུམ་ལས།། རྒྱུ་ཡི་ཏིང་འཛིན་དམིགས་པ ་ཡང་།། ཆོ་ག་གསུམ་དང་ལྡན་པའི་ཧཱུཾ།། འཕྲོ་འདུ་རྡོ་རྗེ་རབ་ཏུ་དམིགས།། དེ་ལས་གར་ཡི་གླུ་གསལ་ཞིང་།། དབུ་ལྔ་བཅུ་དྲུག་བསྒོམ་པ་ཡང་།། སྙིང་པོ་སྔགས་ཀྱི་འཕྲོས་པར་བསྒོམ།། ཧྲཱིཿཕཊ་ཨོཾ་ཨཱཿཧཱུཾ། ལུ་རཾ་ཨ ་བཛྲ་ཨེ་ཨཱ་ར་ལི་ཛ།། དེ་ལས་སྤྲོ་བསྡུ་གསལ་བ་ལས།། རྒྱུ་རུ་བརྟན་པར་གྱུར་པ་དང་།། ཉིད་ཀྱིས་འདུལ་བར་ཞལ་འཆེས་ཏེ།། སྡིགས་མཛུབ་ནམ་མཁར་ཕྱར་བ་ཡང་།། བསྐལ་པའི་མེ་ལྕེ་འབར་བ་ལས།། ཨ་ལ་ལ ་ཡི་ཐོག་ཐོག་འཁྲུགས།། དེ་ཡང་ཐུགས་རྗེ་གསང་བའི་ཐབས།། ཀླུ་དང་ནམ་མཁའི་སྙིང་ནས་འདྲེན།། སྒྲོལ་སྔགས་དྲག་པོས་རབ་ཏུ་བསྒྲལ།། འདྲེན་པའི་སྙིང་པོས་ཙིཏྟ་ཕྱུང་།། སྲིན་པོ་བཞི་ཡང་རྣམ་པར་སྤྲུལ།། མེ ་སྦྲུལ་རྣམས་སུ་དེ་བཞིན་ཏེ།། ཕུང་པོ་ལས་ནི་གཞལ་ཡས་ཁང་།། ཚོགས་བརྒྱད་དུར་ཁྲོད་བརྒྱད་དུ་གྲགས།། བཀའ་དང་མཐུན་པའི་གཞལ་ཡས་སུ།། རྒྱན་དང་ཆ་ལུགས་གསུངས་པ་བཞིན།། དེ་ཡི་ནང་དུ་དམིགས ་པ་ཡང་།། འཁོར་ལོ་འབར་བའི་གཞལ་ཡས་བསྒོམ།། གསང་བའི་རྫས་དང་མཆོད་པར་བཅས།། འཁོར་ལོ་ཡོན་ཏན་བསམ་མི་ཁྱབ།། ལྕེ་ལ་རྩིབས་དང་གྲུ་ཆད་དང་།། མུ་ཁྱུད་པར་ཁྱམས་སྒོ་ཁྱུད་བཅས།། སྦས ་ཤིང་དབྱིངས་སུ་བསྟིམ་བྱས་ཏེ།། དབྱིངས་ནས་འབར་བའི་སྐུ་ཡང་བསྐྱེད།། སྐད་ཅིག་མ་ཡི་ཏིང་འཛིན་ལས།། ཧཱུཾ་ལས་སྐུ་བསྐྱེད་འབར་བ་ཡིས།། ཀླུ་དང་ལང་ཀ་བཅད་གཏུབ་སྟེ།། ཉོན་མོངས་ལྔ་ཡང་གནན་པར ་བྱ།། དེ་ལྟར་བཟླས་ནས་མནན་ནས་ཀྱང་།། འཁོར་གྱི་ལྷ་མོས་བསྟོད་པ་གསུངས།། བསྡུ་བར་བྱ་བའི་ལུང་དུ་གྲགས།། འབར་བའི་ཞབས་གང་འོད་ལྟ་བུ།། མཆོད་རྟེན་ཆེན་པོ་བཞི་ལ་འདུས།། ལོང་བའི་ཚོགས ་ལ་རིམ་པ་བཞིན།། ང་སུ་ར་བཞིན་བདག་ཉིད་དེ།། སྐྱེ་བ་མེད་པའི་དབྱིངས་ལ་བསྡུ།། དཀྱིལ་འཁོར་བསྡུ་བར་གསུངས་པ་ཡི།། མཆོད་རྟེན་སྒོ་ཁྱུད་རིམ་པ་བཞིན།། དེ་ནས་བསྒྲུབ་རྫས་བསུ་བ་ཡང་།། ཤ་ཁྲི་མནན ་པའི་ཁྲག་ལ་བསུ།། ཁྲག་དང་ཙན་ནི་སྔ་མ་བཞིན།། ལས་ཀྱི་གནན་པ་བྱ་བའི་ཕྱིར།། སྤྲོ་བའི་ཐབས་ནི་འདི་དག་གོ། སྐུ་གསུང་ཐུགས་དང་ཕྱག་རྒྱ་འཕྲོ།། མཚོན་ཆ་ལ་སོགས་སྔ་མ་བཞིན།། ལས་ཀྱི་རྣམ་པ་བྱ་བའི ་ཕྱིར།། ཀླུ་དང་སྲིན་པོ་མནན་པའི་ཐབས།། ཧོམ་ཁུང་དག་ཏུ་མནན་པའི་ཕྱིར།། ལིངྒའི་གནས་སུ་མནན་པར་བྱ།། མེ་ལྷ་གཞུང་བཞིན་བསྒོམས་ལ་བཞག། རབ་གནས་སྦྱིན་སྲེག་བྱ་བའམ།། རྔ་ཡི་རོལ་མོས་དྲངས་ཏེ ་བྱའོ།། མི་མཐུན་ཕྱོགས་བཞི་ཧཱུཾ་དུ་གཏམས།། དཀྱིལ་འཁོར་བསྡུ་བ་བསྟན་པའི་ཕྱིར།། སྒོ་ལྔ་ལ་སོགས་དབུས་ནས་ལེན།། དབང་ཆེན་འདུས་པའི་ཏནྟ་ལས། ལངྐའི་ལེའུ་སྟེ་བརྒྱད་པའོ།། །། ཐོད་རྒལ ་འཇིགས་པའི་ཕྲིན་ལས་ཀྱིས།། རྣལ་འབྱོར་དགྲ་བོ་འདུལ་བའི་ཕྱིར།། རྒྱུད་ལས་འབྱུང་བའི་ངེས་པའི་ལུང་།། འདི་དག་གིས་ནི་བཀྲེས་སྐོམས་འཇོམས།། བདེ་བ་ཆེན་པོས་ཐུགས་རྗེའི་ལེའུ།། ཕྲ་མེན ་རྔམས་ཐབས་ཞེས་ཀྱང་བྱ།། དེ་ལ་ཉི་མ་འབུམ་གྱིས་རབ་བསྐོར་བ།། སྲིད་གསུམ་མ་ལུས་བསྲེག་པའི་དབང་དང་ལྡན།། སྤྲིན་མེད་གསལ་བའི་འོད་ཟེར་འབར་བ་འཕྲོ།། དེ་སྟེང་པདྨ་ཁ་སྟོང་ལྡན་པ་ལས།། རྡོ་རྗེ་རྩེ ་གཅིག་པདྨའི་སྙིང་པོར་གནས།། དེ་དབུས་ཧཱུཾ་ལས་བྱོལ་སོང་སྐྱེ་གནས་འཇོམ།། འདི་ནི་གསལ་བྱེད་ཉི་ཟླ་འོད་ཀྱི་ལུང་།། པདྨའི་ལྟེ་བར་གནས་པའི་རྡོ་རྗེའི་དཀྱིལ།། ཧཱུཾ་ལས་འོད་འཕྲོས་མི་རྣམས་བག་ཆགས ་སྦྱངས།། འཁོར་ལོ་རྩིབས་སྟོང་ལྡན་པའི་ཧཱུཾ་དུ་གྲགས།། དེའི་སྟེང་བྷྲཱུཾ་ལས་ཡིད་བཞིན་གཞལ་ཡས་ཁང་།། རྒྱལ་ཆེན་ཕྱོགས་སྐྱོང་ལ་སོགས་ཀ་དང་གདུང་།། མེ་རི་ཐོད་ཕྲེང་ལ་སོགས་སྦྲུལ་གྱིས་བརྒྱན།། དེའི་དབུས ་རྡོ་རྗེ་སེམས་དཔའི་ཕྱག་རྒྱར་གསལ།། དེ་ནི་རྡོ་རྗེ་སེམས་དཔའི་ལུང་དུ་གྲགས།། དེ་ལས་ཧཱུཾ་གི་འོད་ཟེར་གསལ་བ་ལས།། ཞེ་སྡང་རྡོ་རྗེའི་སྐུ་རུ་ཐུན་མོང་བསྒོམས་ནས་ཀྱང་།། ཤངས་ནང་ཁྲོ་བོ་ཧཱུཾ་དྲུག་སྒྲ་འཐོན ་པས།། རྒྱུད་དྲུག་གནས་པའི་འཁོར་བའི་རྩད་གཅོད་དོ།། སྤྲོས་ནས་རིམ་པ་བཞིན་དུ་ཐིམ་བྱས་ནས།། ཁྲོ་བོར་གྱུར་པའི་ཧཱུཾ་གི་ལེའུའོ།། ཧཱུཾ་དེ་ལས་འབར་བའི་སྐུ་བསྐྱེད་གསལ་བ་ལས།། ལྗགས་ཀྱི་དཀྱིལ་དུ་ཧཱུཾ་ལས ་རིན་པོ་ཆེ།། ཨོཾ་ལ་སོགས་པའི་འཕྲོ་འདུ་ལས།། དཔལ་ཆེན་འབར་བའི་སྐུར་གསལ་ཏེ།། ཁང་བུ་ལྔ་དང་ལྡན་པར་དམིགས།། དེ་དབུས་རྟ་མགོ་ལྗང་གུར་བསྒོམ།། སྦྲུལ་ནག་སྟོང་གིས་རྒྱན་དུ་མཛེས།། ཐོད་པ་ཚར ་གསུམ་བརྗིད་པར་ལྡན།། ཞིང་ལྤགས་གཡས་ན་ཤམ་ཐབས་ཅན།། ཕྱི་ནང་གཤོག་པ་ནམ་མཁའི་མཐའ་དང་མཉམ།། གསང་བའི་ལྷ་མོ་རྡོ་རྗེ་དྲ་བ་ཅན།། འགྲོ་བ་མ་ལུས་དབང་དུ་སྡུད་པའི་ཡུམ།། བཅུ་དྲུག་ཕྱག་ན ་མཆོད་ཆ་སྣ་ཚོགས་བསྣམས།། ཞེ་སྡང་གདུག་པའི་དགྲ་བགེགས་མང་པོ་འདུལ།། ཞབས་ཀྱི་ཆས་དང་ཁྲོ་བོ་བརྒྱད་གནོན་སྦྱོར།། དཔའ་བོ་ལ་སོགས་ཏིང་འཛིན་བརྒྱད་དང་སྦྱར།། འཁོར་གྱི་མེ་འབྲུག་རླུང་འབྲུག་ལ ་སོགས་ནི།། རང་སྔགས་སྙིང་པོས་ཕྱོགས་མཚམས་ཐིམ་པར་རོ།། ཀླུ་འབྲུག་སྔོན་པོ་རྩ་བའི་སྔགས་ཀྱིས་བསྒོམ།། རླུང་གི་ཤ་བ་ལྗང་གུ་རབ་ཏུ་སྔགས།། ལོང་བ་རྒྱབ་འབྲེལ་མང་པོ་དམིགས་པ་ཡང་།། ཡང་སྤྲུལ་བྱ ་བ་འབུམ་དང་བཅས་པ་སྟེ།། ཕྱོགས་བཞི་ནས་ནི་རྣམ་པར་འཁྲུགས་པའོ།། ཕྱི་རིམ་དམུས་ལོང་འཁོར་བ་ཅན།། ཤྭ་རི་ཀ་ལི་སྒྲས་བསྐྱེད་ཅིང་།། མཐའ་དབུས་མེད་པར་ཁྱབ་པའོ།། ཁམ་རྒྱ་ཆེན་མོ་དྲུག་རྣམས ་ནི།། དཀྱིལ་འཁོར་གྲཝ་རྣམས་སུ་ཡང་གསལ།། ཡེ་ཤེས་དཔལ་གྱི་ཁྱི་བརྒྱད་ནི།། ཕྱོགས་བཞི་དང་ནི་མཚམས་ནས་དགྱེས།། མ་ལུས་དགྲ་རྣམས་མཆེ་བས་གཅོད།། ཕྱི་རིམ་ལྕགས་ཀྱི་སྦྲང་མོ་བརྒྱད།། དགྲ་བོ་རྣམས ་ལ་ཟརྦད་པར་བྱ།། དེ་ལྟར་ཕྱག་རྒྱ་རྫོགས་པ་དང་།། སྐུ་ཉིད་འཁོར་ལ་སྦས་པ་སྟེ།། ཕྱོགས་བཞི་དབུས་ལྔ་ཁང་བུར་སྦ།། རྟ་མགོ་ལ་སོགས་རིམ་པ་བཞིན།། དེ་ཡང་ཆོས་ཀྱི་དབྱིངས་སུ་བསྡུ།། ད་ནི་ཕུར ་པའི་ལས་བྱ་སྟེ།། རྒྱ་མདུད་འཁོར་ལོའི་ཚུལ་དུ་སྦ།། སྤྱི་བོར་པདྨ་ཁྲག་འཐུང་སྟེ།། ཟུར་བརྒྱད་ལོགས་བརྒྱད་རྒྱབ་འབྲེལ་ཚོགས།། རྒྱ་མདུད་འོག་མར་དམུས་ལོང་དམིགས།། རྩེ་མོར་ལྕགས་ཀྱི་ཁྱི་མོ་བསམ།། ངོས ་ལ་ལྕགས་ཀྱི་སྤྱང་མོ་སྟེ།། རྩེ་མོར་ཁྲོ་བོ་དམིགས་བྱ་ལ།། མགོ་དགུ་བརྩེགས་པ་ཟུར་ལའོ།། ད་ནི་བསྡུ་བར་བྱ་བ་ཡང་།། སྒོ་སྲུང་སྦྱང་མོ་ཉིད་ལའོ།། སྤྱང་མོ་ཞབས་ཀྱི་ཆས་བརྒྱད་ལའོ།། སྤྱང་མོ་རྣམ་ཤེས་བརྒྱད་པོ ་ལའོ།། དེ་ཡང་དུར་ཁྲོད་བརྒྱད་ལ་འདུས།། དུར་ཁྲོད་ཡེ་ཤེས་ཆེན་པོ་སྟེ།། དེ་ཡང་མི་གནས་ཡེ་ཤེས་ལའོ།། མེ་འབྲུག་གཤོག་པ་ཉིད་ལ་འདུས།། གཤོག་པ་སྐུ་ཡི་རྒྱན་ལའོ།། དེ་ཡང་ཚོན་སྣ་ལྔ་ལ་འདུས།། ཚོན་སྣ ་དབུ་རྒྱན་ལྔ་ལའོ།། དེ་ཡང་རིན་ཆེན་ཁང་པྲ་བྷེ།། དེ་ཡང་སྐུ་གསུང་ཐུགས་ལ་བཛྲ།། དེ་ཡང་ཆོས་ཀྱི་དབྱིངས་སུ་བསྡུ།། དབྱིངས་ཀྱང་ཀུན་གཞི་ཉིད་དུ་བྷེ།། མི་དམིགས་ཆོས་སྒྲ་ཆེན་པོར་གནས།། དབང་ཆེན་འདུས ་པའི་ཏནྟྲ་ལས། ཡན་ལག་སྤྲོས་པའི་ལེའུ་སྟེ་དགུ་པའོ།། །། ཨོཾ་དྷརྨ་དྷཱ་ཏུ་བྷ་ག་མཎྜ་ལ་གུ་ཧྱ་སི་ཏི་ཧཱུཾ་ཞེས་བརྗོད་པས། རིན་པོ་ཆེའི་གཞལ་ཡས་ཁང་ནམ་མཁའ་དང་མཉམ་པ་གཅིག་བསྒོམ། ཡང་འོད་ཟེར ་གྲངས་མེད་པ་གཅིག་འཕྲོས་ནས་ཡང་འདུས་པ་ལས།། བཛྲ་སཏྭ་ཧཱུཾ། ཡ་ཟ་བཛྲ་སརྦ་ཏ་ཐཱ་ག་ཏ། ཏ་ཐཱ་ཨ་ཧཱུཾ་ཞེས་བརྗོད་པས། བཅོམ་ལྡན་འདས་རྡོ་རྗེ་སེམས་དཔའ་དབུ་གསུམ་ཕྱག་དྲུག་པ། གཡས་དང་པོ་རྡོ་རྗེ ་བར་མ་འཁོར་ལོ། ཐ་མ་རིན་པོ་ཆེ། གཡོན་དང་པོ་དྲིལ་བུ། བར་མ་པདྨ། ཐ་མ་རལ་གྲི་སྐུ་རྣམས་རྒྱན་ཐམས་ཅད་ཀྱིས་བརྒྱན་པ་ཞིག་བསྒོམ། ཧཱུཾ་དྲག་ཏུ་བརྗོད་པས་ལྷའི་ཤངས་ནས། ཧཱུཾ་དམར་པོ་འཇིག་རྟེན་གྱི ་ཁམས་གང་བར་བསྒོམ། འཕྲོས་འདུས་པ་ལས་འདི་སྐད་དོ། ཧཱུཾ་གིས་སྲིད་གསུམ་མ་ལུས་དབང་དུ་བསྡུས། ཧཱུཾ་གིས་ཉོན་མོངས་དུག་གསུམ་མུན་ཁང་འཇོམས། ཧཱུཾ་གིས་ཐམས་ཅད་འཇིགས་ཤིང་ཐམས་ཅད་བསྡུ། ཧཱུཾ ་གིས་བླ་མེད་བྱང་ཆུབ་གནས་སུ་སྒྲོལ། ཧཱུཾ་གིས་ངན་སོང་གནས་ཀུན་སྟོངས་པར་བྱེད། ཧཱུཾ་གིས་དུས་གསུམ་རྒྱལ་བ་ཐམས་ཅད་བསྐྱེད།། ཨོཾ་པདྨ་ཤྲཱི་ཧེ་རུ་ཀ། པདྨ་ད་ར་ཧྲཱི་ཞེས་བརྗོད་པས། བཅོམ་ལྡན་འདས་པདྨ་ཧེ ་རུ་ཀ་སྐུ་ཆེ་ལ་ཡན་ལག་རགས་པ། སྐུ་མདོག་ཉི་མ་དམར་ཟག་འདྲ་བ། དབུ་ལྔ་ཕྱག་བཅུ་དྲུག་པ་ཞབས་དམར་པོ་བརྒྱད་པ་ཞིག་གསལ་བར་བསྒོམ། དེ་ནས་ལག་པ་གཡོན་པའི་མཛུབ་མོ་བསྒྲེངས་ནས། ཁམས ་གསུམ་སྡིགས་པར་བྱས་ནས་འདི་སྐད་དུ། ཕྱག་རྒྱ་ཆེན་པོ་འདིས་བཅིངས་ལ།། ཁྲོ་རྒྱལ་དཀྱིལ་འཁོར་ཐམས་ཅད་ཀྱིས།། བདུད་ནི་རྣམ་པར་སྡིགས་ཞེས་བྱ།། ཕུང་བྱེད་ཐམས་ཅད་འཇིགས་པར་བྱེད།། བདུད་དང་མུ ་སྟེགས་ཐམས་ཅད་འཇིགས་པར་བྱེད།། བགེགས་དང་ལོག་འདྲེན་ཐམས་ཅད་འཇིགས་པར་བྱེད།། ཐམས་ཅད་མ་ལུས་དབང་དུ་སྡུད། ཨོཾ་པདྨ་ཤྲཱི་ཧེ་རུ་ཀ། ད་ཤ་པ་ལ་ཏེ་ཛོ་བ་ལེ་མ་མ་ཧེ་མེ་དྲ། དཔྱིད ་ཀ་སྟེ་པ་པ་ཤང་ཀུ་རུ་ཧཱུཾ་ཞེས་བརྗོད་པས། ཤར་དྲི་ཟ། ལྷོར་གཤིན་རྗེ། ནུབ་ཀླུ་དབང་། བྱང་གནོད་སྦྱིན་ལ་སོགས་པ་རྣམས། གཅེར་བུ་ལྷགས་པས་བཏང་བ་བཞིན། རྫུ་འཕྲུལ་བསྙེན་ཅིང་མཐུར་ལྡན་པས།། ཐུགས ་རྗེ་ཆེན་པོས་ནན་ཏན་གྱིས།། རྒྱུད་དྲུག་གནས་སུ་བསྒྲལ་བ་དང་།། སྡང་བའི་དགྲ་བགེགས་གསད་པའི་ཕྱིར།། ཕ་རོལ་སྙིང་དག་དབྱུང་བར་བྱ།། དམར་ཆེན་ཁྲག་དང་བཅས་པ་ཡང་།། ཞལ་དུ་གསོལ་ཞིང་འདྲེན ་པར་བྱ།། དམར་འབྱིན་ལེའུ་ཞེས་དེ་ལ་སྔགས།། རྫོགས་པའི་ཏིང་འཛིན་སྐད་ཅིག་མས།། བདག་ཉིད་ཕྱག་རྒྱའི་སྐུར་བསྒོམས་ལ།། ཧཱུཾ་ཞེས་པ་ནི་རྫོགས་པའོ།། དབྱིངས་ལས་ཡེ་ཤེས་གཞུག་ཚུལ་དུ།། དུ་མར་བརྗོད ་ཅིང་དྲང་བར་བྱ།། ཁཱ་ཧི་རཾ་ལས་འོད་འཕྲོས་འདུས།། ཛ་ཡི་ལྕགས་ཀྱུས་དྲང་བ་ཡང་།། རྡོ་བར་ལྕགས་ནི་འདུ་ཚུལ་དུ།། དུ་མར་བརྗོད་ཅིང་དྲང་བར་བྱ།། བདག་གི་ཕྱག་རྒྱ་གསལ་བ་དང་།། འདྲེན་ཞིང་སྒྲོལ་བའི་ཕོ ་ཉ་ནི།། གང་ཡང་རུང་བའི་སེམས་ཅན་དེའི།། ལུས་ངག་ཡིད་ལ་རྦད་པར་བྱ།། རྟ་མཆོག་རོལ་པའི་ཤངས་ལྔ་ཡང་།། རླུང་གི་མགོ་ལ་སྦྱང་ཀིའི་གདོང་།། མཆེ་བ་བདུད་ཀྱི་སྙིང་རྩ་གཅོད།། རྣ་བ་སྦྲུལ་གྱི་འཛུལ་ཁུང ་ནས།། སྦྲུལ་གྱི་མི་ལ་སྦྱང་ཀིའི་གདོང་།། ཁ་རླངས་སྤྲིན་གྱི་དཀྱིལ་འཁོར་ནས།། འོད་ཀྱི་མི་ལ་གཞའ་ཚོན་གདོང་།། རལ་པ་ཁྲག་གི་ཟར་བུ་ལ།། ཁྲག་གི་མིག་ལ་སྦྱང་ཀིའི་གདོང་།། སྤྱན་མིག་གྲུ་གསུམ་འབར་བ ་ལ།། ཟངས་ཀྱི་མི་ལ་སྤྱང་ཀིའི་གདོང་།། ཁ་ལ་རོ་ཤ་རྦད། དགུང་ཏྲི་དུན་དུན་རྦད། གང་ལ་བྱ་བའི་སེམས་ཅན་དེའི།། ལུས་ངག་ཡིད་ལ་རྦད་པར་བྱ།། བདག་ཉིད་ཕྱག་རྒྱར་གསལ་བ་དང་།། འདྲེན་ཅིང་སྒྲོལ་བའི་ཕོ ་ཉ་ནི།། གཤོག་པ་རྡོ་རྗེ་གདེངས་པ་ཡིས།། ཕོ་ཉ་ཡིད་མགྱོགས་རླུང་བས་མྱུར།། ལྕགས་ཀྱི་མིག་ལ་མཁའ་གཤོག་ཅན།། ཕྱག་ནི་བཅུ་དྲུག་འབར་བ་ལས།། ལྕགས་ཀྱི་ཁྱི་མོ་བརྒྱད་སྤྲུལ་པ།། ལྕགས་གཤོག་ཁྱུང་གི ་འདབ་མ་ཅན།། སྐུ་གསུང་ཐུགས་ལས་སྤྲུལ་པ་ནི།། ལ་ལ་བྱན་ལག་མགོ་བོ་ལ།། ལུས་ནི་ལྕགས་ཀྱི་སྦྲང་མོར་སྦྲུལ།། ལ་ལ་ཁྱུང་གི་མགོ་བོ་ལ།། ལུས་ནི་ཟངས་ཀྱི་ཝ་མོར་སྤྲུལ།། ལ་ལ་ཁྲ་ཡི་མགོ་བོ་ལ།། ལུས་ནི ་དྲིལ་ནག་རྐང་གསུམ་པའོ།། ལ་ལ་ཁྲ་ཡི་མགོ་བོ་ལ།། ལུས་ནི་སྡིག་པ་རྐང་གཅིག་པ།། ལ་ལ་ཆུན་ལག་མགོ་བོ་ལ།། ལུས་ནི་དུང་གི་སྤྱང་མོར་སྦྲུལ།། ལ་ལ་ཆུ་བྱིའི་མགོ་བོ་ལ།། ལུས་པོ་བཅུ་དྲུག་ཚང་མར ་སྦྲུལ།། ལ་ལ་བཞད་ཀྱི་མགོ་བོ་ལ།། ལུས་ནི་བྱི་རུའི་སེང་གེར་སྦྲུལ།། ལ་ལ་ཀང་ཀའི་མགོ་བོ་ལ།། ལུས་ནི་ལྕགས་དྲིའུ་རྐང་གསུམ་པོ།། ལ་ལ་འུག་པའི་མགོ་བོ་ལ།། ལུས་ནི་དུང་ཕག་དཀར་མོར་སྦྲུལ།། ལ་ལ་པུ ་ཤུད་མགོ་བོ་ལ།། ལུས་ནི་ལྕགས་ཀྱི་སྡིག་པར་སྤྲུལ།། ལ་ལ་མཐིང་རིལ་མགོ་བོ་ལ།། ལུས་ནི་དྲིལ་ནག་རྐང་གསུམ་པའོ།། ལ་ལ་སྦྱིན་གྱི་མགོ་བོ་ལ།། ལུག་ནི་བྱི་ལ་རྩལ་པོ་ཆེ།། ལ་ལ་བྱ་རྒོད་མགོ་བོ ་ལ།། ལུས་ནི་གསེར་སྟག་སེར་པོར་སྤྲུལ།། གང་ལ་བྱ་བའི་སེམས་ཅན་དེའི།། རྒྱུད་དྲུག་འཁོར་བའི་རྩད་བཅད་ནས།། དམྱལ་ཁམས་བཅུ་དྲུག་ཁྲིམས་བསད་དེ།། ཐུགས་རྗེ་ཆེན་པོས་བྱིན་བརླབས་ཏེ།། འདི་ལ་བྱིན ་གྱིས་བརླབས་ནས་ཀྱང་།། དམར་སེར་འབྱིན་པའི་ཕོ་ཉ་འགྱེད།། དུས་ལས་མ་གཡེལ་ཕྲིན་ལས་མཛད།། བདག་ཀྱང་ཕྱག་རྒྱར་གསལ་བྱས་ལ།། གནོད་སྦྱིན་པ་ཡི་གསང་སྔགས་བཟླས།། ལས་འགྲུབ་པ་ལ་ཐེ་ཚོམ ་མེད།། རྡོ་རྗེ་སྡེར་མོ་ཅན་གྱིས་གསང་སྔགས་ཀྱིས་དྲང་ངོ་།། དབང་ཆེན་འདུས་པའི་ཏནྟྲ་ལས། དམར་བྱིན་གྱི་ལེའུ་སྟེ་བཅུ་པའོ།། །། སྐལ་བར་ལྡན་པའི་རྣལ་འབྱོར་པས།། རིགས་གཉིས་ལུང་གི་བརྒྱུད་པའི ་ལུང་།། ཆོས་ཀུན་གཉིས་མེད་མཉམ་པ་ལས།། འཛིན་རྟོག་དངོས་པོ་ཐ་བ་ནི།། ཞིང་ལ་གནས་འགྱུར་གསུངས་པ་ནི།། གདེང་དང་ལྡན་ན་ཐ་དད་མེད།། ས་བོན་ལས་ནི་འབྲས་བུའི་ཚུལ།། རྟོག་པའི་ཀློང་དུ་འདྲེས་པ ་ལས།། འགྲུབ་འགྱུར་འདི་ལ་ཐེ་ཚོམ་མེད།། སྣང་མཛད་ལས་གྱུར་ཀུན་ཏུ་གཟིགས།། བྱང་ཆུབ་སེམས་དཔའ་ཉིད་ལ་རྫོགས།། མི་བསྐྱོད་པ་སོགས་ཤར་དུའོ།། རིན་ཆེན་འབྱུང་བ་ལྷོ་ཉིད་དོ།། མཐའ་ཡས་ལ་སོགས ་ནུབ་ཏུའོ།། དོན་ཡོན་བྱང་གི་ཕྱོགས་སུ་འགྱུར།། འབྱུང་བ་ཡུམ་གྱི་གནས་གྱུར་པ།། ས་བོན་ལས་ནི་མྱུ་གུའི་ཚུལ།། བཟང་མོ་ལས་གྱུར་གཟི་དང་ལྡན།། སྤྱན་ནི་འགྱུ་བ་གློག་འགྱུ་སྟེ།། མཱ་མ་ཀཱི་ནི་དྲ་བ་འགྱུར།། ན ་བཟའ་དཀར་མོ་སྡེར་མོ་ཅན།། སྒྲོལ་མ་ལས་བྱུང་གཤོག་པ་ཅན།། ཡབ་ཡུམ་བཅུ་ནི་རབ་སྦྱོར་ཏེ།། སྐྱེས་པའི་དབྱིངས་སུ་བསྟན་པ་ལས།། བྱང་ཆུབ་སེམས་ནི་ཆགས་པའི་གཞི།། རྟ་མགོ་ལྗང་གུ་ཡིན་པར ་གྲགས།། དབུ་ལྔ་ཡེ་ཤེས་ལྔ་ཡི་དབྱིངས།། སེམས་དཔའ་བརྒྱད་འཚར་དམུས་ལོང་ཚོགས།། སེམས་མ་ལས་གྱུར་རྒྱབ་འབྲེལ་ཏེ།། སེམས་དཔའ་སེམས་མ་ལྡན་སྦྱོར་བས།། བྱང་ཆུབ་སེམས་ནི་ཆགས་པའི ་རྒྱུ།། མཁའ་ལ་འཕྲོས་པའི་འོད་ཟེར་ནི།། སྤྲུལ་པ་ཡིན་པར་སྦྱང་མོ་བརྒྱད།། དབྱིངས་སུ་འདྲེན་པའི་ཡེ་ཤེས་ཀྱི།། ལྕགས་ཀྱུ་ལ་སོགས་སྒོ་མ་བཞི།། བསྒྱུར་བས་དབུ་དགུ་རབ་ཏུ་བརྩེགས།། སྦྲུལ་སྐུ་ཐུབ་དྲུག་ལས ་སྤྲུལ་པ།། ཁམ་རྒྱ་དག་ཏུ་སྤྲུལ་པ་ཡིན།། གནས་ནི་མ་ནོར་ཆོས་ཀྱི་དབྱིངས་སུ་དོན་རྟོགས་ན།། དབྱིངས་ལ་ཡེ་ཤེས་རོལ་པ་ནི།། གནས་འགྱུར་མཆོག་གི་ལེའུ་ཞེས་བྱ།། ཞི་བ་མི་གཡོ་ཆོས་སྐུ་ལས།། ཁྲོ་བོར་གྱུར ་པའི་དཀྱིལ་འཁོར་འདིར།། སྟོན་པའི་བཀའ་དང་མི་འགལ་བར།། ཕྱི་རབས་རྣལ་འབྱོར་སྐལ་རབ་ལ།། ངེས་པའི་ལུང་དུ་བརྩམས་པ་སྟེ།། རྟོགས་ན་ཐེ་ཚོམ་མེད་པར་འགྲུབ།། དབང་ཆེན་འདུས་པའི་ཏནྟ་ལས།། ་ཞི་བ་གནས་འགྱུར་མཆོག་གི་ལེའུ་སྟེ་བཅུ་གཅིག་པའོ།། །། རིག་འཛིན་དབང་ཕྱུག་ཆེན་པོ་ཡི།། སྙན་ཁུང་བརྒུད་ནས་འགྲོ་དོན་དུ།། ཁྲག་འཐུང་ཆེན་པོ་ཧཱུཾ་གི་ལེའུ།། བལྟ་བ་ཆེན་པོ་འདི་གསུངས ་པའོ།། ཧཱུཾ་ལས་འབྱུང་བ་ཡུམ་གྱི་དབྱིངས།། གཞལ་ཡས་ཧཱུཾ་ཉིད་བྷ་གའི་ཀློང་།། འདུས་མ་བྱས་ཏེ་རྣམ་པར་དག། ཧཱུཾ་ལས་ཁྲག་འཐུང་རིགས་བཞིར་འབར།། སྤྲོས་མེད་ཐིག་ལེར་གནས་པའི་ཕྱིར།། མ་བཅོས་ལྷུན ་གྱིས་གྲུབ་པར་གནས།། མ་ཚོགས་ཧཱུཾ་གིས་དབང་ཕྱུག་མ།། སེང་གེ་ལྟ་བུའི་སྒྲ་སྒྲོགས་ཤིང་།། སྒྲ་ཉིད་སྒྲ་ལྟར་སྟོང་པའི་ཕྱིར།། སྟོང་པའི་ཡེ་ཤེས་རྣམ་པར་དག། མངའ་བདག་ཆེན་པོ་ཧཱུཾ་ཉིད་དེ།། ཐམས་ཅད་ཡོངས་སུ ་ཁྱབ་པའི་ཕྱིར།། ཐུགས་རྗེའི་ཉི་མ་རྣམ་པར་དག། ཧཱུཾ་ལས་པདྨ་ཁ་སྟོང་ལྡན།། གསང་བ་བྷ་གར་ལྷུན་གྱིས་གྲུབ།། ཉི་ཟླ་དུམ་བུར་བརྩེགས་པ་ཡང་།། ཤེས་རབ་ཐབས་སུ་འབྲེལ་བ་ཡི།། ཕྱག་རྒྱ་བསྐྱོད་པའི་དཀྱིལ ་འཁོར་ཆེ།། ཧཱུཾ་ལས་ཞེ་སྡང་རྡོ་རྗེའི་སྐུ།། འབར་བྱེད་ཆེན་པོར་གྱུར་པ་ནི།། སྐྱེ་མེད་ཆོས་དབྱིངས་རྣམ་པར་དག། སྤྲུལ་པའི་འཁོར་ཚོགས་ཐམས་ཅད་ཀྱང་།། ཡེ་ཤེས་ཐུགས་ཀྱི་རང་བཞིན་ཏེ།། ཐིག་ལེ་ཧཱུཾ་ལས་རྒྱན ་གྱིས་བྱེ་བྲག་རྣམས།། དབྱིངས་ལས་ཡེ་ཤེས་འཇུག་པར་བྱེད།། དབྱིངས་ཉིད་ལྷུན་གྱིས་གྲུབ་པའི་རྒྱན།། ཧཱུཾ་ལས་འབར་བའི་སྐུར་གྱུར་པས།། ཆོས་སྐུ་གཅིག་པུར་སྦྱོར་བའི་དོན།། ཧཱུཾ་ལས་དབུ་ལྔར་སྣང་བ་ནི།། ཡེ ་ཤེས་ལྔ་ཉིད་དབྱིངས་ལ་བྱོན།། ཧཱུཾ་ལས་སྤྱན་ལྔར་གྲགས་པ་ཡང་།། དབང་པོ་ཡུལ་ལྔར་རྣམ་པར་གྲགས།། ཧཱུཾ་ལས་ལྗགས་ལྔར་གྲགས་པ་ཡང་།། དབང་པོ་རོ་ལ་སྦྱོར་བའོ།། ཧཱུཾ་ལས་ཤངས་ལྔའི་འཚུབས་མ ་ཡང་།། དབང་པོ་དྲི་ལ་རྣམ་པར་དག། ཧཱུཾ་ལས་སྙན་ལྔར་གསན་པ་ཡང་།། མ་འགགས་སྒྲ་ལ་ཅི་བདེར་སྦྱོར།། ཧཱུཾ་ལས་ཞལ་ལྔར་གདངས་པ་ཡང་།། སྲིད་གསུམ་དབྱིངས་སུ་ཟ་བའོ།། ཧཱུཾ་ལས་རྟ་མགོ་ལྗང་གུ ་ཡང་།། ཚངས་པ་དབང་དུ་བསྡུ་ནས་ནི།། མ་ཆགས་དབྱིངས་ལ་ཡེ་ཤེས་རོལ།། ཨེ་མ་ཧོ་ཡ་མཚན་དབང་གི་སྐུ།། སྣ་ཚོགས་ཅིར་ཡང་སྟོན་མོད་ཀྱི།། སྤྲོས་མེད་ཐིག་ལེ་རྣམ་དག་པས།། འདི་ནི་རྣམ་དག་ཧཱུཾ་གི ་ལེའུའོ།། ཐམས་ཅད་སྟོང་པའི་དབྱིངས་སུ་བལྟ།། དབང་ཆེན་འདུས་པའི་ཏནྟ་ལས། ཁྲག་འཐུང་གི་ལེའུ་སྟེ་བཅུ་གཉིས་པའོ།། །། སྐལ་དང་ལྡན་པའི་རྣལ་འབྱོར་པས།། འགྲོ་དྲུག་ཐབས་ཀྱིས་འདུལ་བ ་ཡང་།། ངན་སོང་གནས་ནས་འདྲེན་པའི་ཕྱིར།། བསྐྱེད་རྫོགས་ཆེན་པོ་འདི་གསུངས་སོ།། ཏིང་འཛིན་བསྐྱེད་པའི་ས་བོན་སྔགས།། ཨེ་དང་ཡཾ་སོགས་རིམ་པ་བཞིན།། མ་ནོར་ཙམ་དུ་བསྒོམ་པར་བྱའོ།། བྷྲཱུཾ་ལས་རིན ་ཆེན་གཞལ་ཡས་ཁང་།། རིན་ཆེན་རྒྱན་ལ་སོགས་པས་མཛེས།། དེ་ཡི་ནང་དུ་དམིགས་པ་ནི།། ཙཀྲ་ལ་སོགས་འཁོར་ལོ་ཆེ།། རྩིབས་དང་རྩིབས་ཀྱི་མུ་ཁྱུད་དང་།། ལྟེ་བ་བར་ཁྱམས་སྒོ་ཁྱུད་སོགས།། རྡོ་རྗེ་དབྱིངས ་ཀྱི་དཀྱིལ་འཁོར་ལྡན།། ལྟེ་བ་ཟླུམ་པོར་གྱུར་པ་ལ།། དཔའ་བོ་ཧཱུཾ་ལས་རྡོ་རྗེ་ཆེ།། དེ་ལས་ཕྱག་རྒྱ་བསྐྱེད་པ་ནི།། ཞེ་སྡང་རྒྱལ་པོ་རྣམ་པར་བསྒོམ།། འཁོར་ལོ་མདུན་གྱི་དང་པོ་ནི།། དཔའ་བོ་ཨོཾ་ལས ་འཁོར་ལོ་ཆེ།། མ་སྐྱེས་པ་ལས་ཕྱག་རྒྱའི་སྐུ་བསྐྱེད་པ།། གཏི་མུག་རྒྱལ་པོ་རྣམ་པར་བསྒོམ།། གཡས་སུ་ལྟ་བའི་འཁོར་ལོ་ལ།། དཔའ་བོ་སཱ་ལས་རིན་ཆེན་ཆེ།། དེ་ལ་ཕྱག་རྒྱའི་སྐུར་བསྐྱེད་པ།། ང་རྒྱལ་རྒྱལ་པོ་རྣམ ་པར་བསྒོམ།། ནུབ་ཏུ་ལྟ་བའི་འཁོར་ལོ་ལ།། དཔའ་བོ་ཨོཾ་ལས་པདྨ་སྟེ།། དེ་ལས་ཕྱག་རྒྱའི་སྐུར་བསྐྱེད་པ།། འདོད་ཆགས་རྒྱལ་པོ་རྣམ་པར་བསྒོམ།། གཡོན་གྱི་རྩིབས་ལ་དམིགས་པ་ནི།། དཔའ་བོ་ཧཱ་ལས་རྒྱ་གྲམ ་སྟེ།། དེ་ལས་ཕྱག་རྒྱའི་སྐུར་བསྐྱེད་པ།། ཕྲག་དོག་རྒྱལ་པོ་རྣམ་པར་བསྒོམ།། དཔའ་བོ་འབྲུ་ལྔར་གྱུར་པའི་སྐུ།། ཡབ་ཡུམ་ཕྱག་རྒྱར་སྦྱོར་བ་ལས།། བྱང་ཆུབ་སེམས་ཀྱི་ས་བོན་ནི།། དབང་ཆེན་པདྨ་གར་གྱི ་སྐུ།། རྫོགས་པ་ཆེན་པོ་བསྒོམ་པ་ཡང་།། དཔའ་བོ་ལྔ་ལས་བསྐྱེད་པ་ནི།། རྟགས་སུ་དབུ་ལྔ་རབ་ཏུ་བརྟག། ཧཱུཾ་ལས་ཀུན་ཏུ་ཐལ་བའི་དབུ།། འདོད་ཁམས་དབང་དུ་སྡུད་པའོ།། ཨོཾ་ལས་དྲི་ཟ་གནོན་པའི་དབུ།། སྣ ་ལས་གྲུལ་བུམ་དབང་དུ་སྡུད།། ཨཱཾ་ལས་ཀླུ་ཡང་གྲོལ་བར་བྱེད།། ཧཱ་ལས་གནོད་སྦྱིན་དབང་པོ་འདུལ།། ཐར་བ་བརྒྱད་དང་ལྡན་པའི་ཞབས།། ཁྲོ་བོ་བརྒྱད་ལ་ཁྱབ་པར་སྦྱོར།། བཀྲ་ཤིས་ཡུམ་དང་སྤྲུལ་པའི ་འཁོར།། དབང་ཆེན་སྐུ་ལ་ཡོངས་སུ་རྫོགས།། དབང་ཆེན་འདུས་པའི་ཏནྟྲ་ལས། བསྐྱེད་རྫོགས་ཀྱི་ལེའུ་སྟེ་བཅུ་གསུམ་པའོ།། །། ཐུགས་རྗེ་བྱིན་རླབས་རྨད་པོ་ཆེ།། འཇིག་རྟེན་ཡོངས་གྲགས་མཛད་པ ་ཆེ།། སྔོན་གྱི་ལས་དབང་དྲག་པོ་ཡིས།། གཟུང་དང་འཛིན་པའི་རྣམ་རྟོག་དང་།། ལྷན་ཅིག་ལྡན་པའི་བག་ཆགས་རྣམས།། མནན་པའི་དོན་དུ་འདི་གསུངས་སོ།། མཚན་ཡང་གདོན་གཟིར་དྲག་པོའི་ལེའུ།། ཕྱི་རབས ་སྔགས་འཆང་རྣལ་འབྱོར་པའི།། དོན་དུ་ཆོ་ག་འདི་རྣམས་སོ།། ན་ཤ་སྟཾ་བྷ་ན་དྷ་ཡཀྐ་སུམྦྷ་ན། གནྡ་རི་རི་ཤ་ཤནྡ་རེ་ཤ་མ་མ་ཙ་དུར་ནན། སུམྦྷ་ནི་སུམྦྷ་ཧཱུཾ། སྐད་ཅིག་མ་ཡི་ཏིང་འཛིན་གྱིས།། འབར་བ་ཆེན་པོར ་བདག་བསྐྱེད་ལ།། ལྔ་དང་བཅུ་དྲུག་ཕྱག་ཆར་ལྡན།། ཏིང་འཛིན་བརྒྱད་ཀྱི་བྱིན་རླབས་ལས།། དམར་པའི་མདངས་དང་ལྡན་པའི་ཞབས།། བག་ཆགས་མི་ལྡང་གནོན་པའི་ཕྱིར།། ཚམ་རྔམས་ཆེན་པོ་འདི་སྐད ་བརྗོད།། མཚུངས་མེད་ཆེ་བའི་ཁྱད་པར་རབ་སྟོན་ཅིང་།། ང་རྒྱལ་དཔའ་བསྙེམས་བདུད་ཀྱི་དཔུང་བཅོམ་ནས།། འཇིག་རྟེན་འདས་པའི་ཁྲོ་བོ་བརྒྱད།། ཆེ་བའི་རྟགས་དང་ལྡན་པས་དབང་ཕྱུག་ཡང་ཆེ ་མནན།། བདག་ཉིད་ཆེན་པོར་གསལ་བ་ལས།། ཞབས་དམར་པོ་བརྒྱད་འབར་བའི་ཆས་དང་ལྡན་པར་དམིགས་ལ། འདི་སྐད་ཅེས་བསྐུལ་ཞིང་གཟིར་བར་བྱའོ།། འདུལ་བའི་ཞབས་བརྒྱད་ཕྱོགས་མཚམས་བརྒྱད ་དུ་བགྲད།། སྙིང་གར་མཁྲིག་མ་ནུབ་ཕྱིར་སྒལ་རྩིབ་ཁོང་དུ་འཇོམས།། སྡུག་བསྔལ་ཉམ་ཟག་འབོད་སྒྲོག་དི་རི་རི།། ཞེས་བརྗོད་པས། ཚམ་རྔམས་ཆེན་པོ་དང་བཅས་པས། ལན་ཅིག་གཟིར་བར ་བྱའོ།། གདུལ་བའི་ཞབས་གཅིག་ཤར་དུ་བགྲད།། དཔའ་བོ་སྟག་གི་ཆས་དང་ལྡན།། ཧཱུཾ་ཀ་ར་ལ་རྣམ་པར་གཟིར།། ཚམ་རྔམས་ཆེན་པོ་མཉམ་པར་སྦྱོར།། གདུལ་བའི་ཞབས་གཅིག་ཤར་ལྷོ་མཚམས།། གནོད ་གདུག་ཟློག་བྱེད་ལྕགས་དང་ལྡན།། ཨཱརྱ་ཨ་ཙ་ལ་ནུབ་པར་གཟིར།། ཚམ་རྔམས་ཆེན་པོ་མཉམ་པར་སྦྱོར།། གདུལ་བའི་ཞབས་གཅིག་ལྷོ་ཕྱོགས་སུ།། ཤེས་རབ་ཏིང་འཛིན་ཆས་དང་ལྡན།། ཡ་མཱནྟ་ཀའི་སྙིང་གར ་གཟིར།། ཚམ་རྔམས་ཆེན་པོ་མཉམ་པར་སྦྱོར།། གདུལ་བྱའི་ཞབས་གཅིག་ལྷོ་ནུབ་མཚམས།། དབང་གི་བསེ་ཁྲབ་ཆས་དང་ལྡན།། ནཱི་ལ་དཎྜིའི་སྙིང་གར་ནུབ།། ཚམ་རྔམས་ཆེན་པོས་མཉམ་པར་སྦྱོར།། གདུག་པའི ་ཞབས་གཅིག་ནུབ་ཏུ་བགྲད།། དཔའ་བརྗིད་སྦྲུལ་གྱིས་ཆས་དང་ལྡན།། པདྨ་ཀུཎྜ་ལི་ཡི་སྙིང་གར་ནུབ།། ཚམ་རྔམས་ཆེན་པོ་མཉམ་པར་སྦྱོར།། གདུལ་བྱའི་ཞབས་གཅིག་ནུབ་བྱང་མཚམས།། དམར་གསལ་ཆེ་བའི ་ཆས་དང་ལྡན།། ཊཀྐི་རཱ་ཛའི་བྷནྣ་མནན།། མཆེ་བས་ཕྱེ་མ་བཞིན་དུ་བཏགས།། ཚམ་རྔམས་ཆེན་པོ་མཉམ་པར་སྦྱོར།། གདུལ་བྱའི་ཞབས་གཅིག་བྱང་དུ་བགྲད།། མཉེམ་ལྕུག་ཆུ་སྐྱེས་ཆས་དང་ལྡན།། ཨོཾ་མྲྀ་ཏ ་མགྲིན་སྒལ་རྩིབ་བཅོམ།། ཚམ་རྔམས་ཆེན་པོ་མཉམ་པར་སྦྱོར།། གདུལ་བྱའི་ཞབས་གཅིག་བྱང་ཤར་མཚམས།། གཏུམ་ཆེན་གཟིག་གི་ཆས་དང་ལྡན།། མ་ཧཱ་བ་ལའི་ལྡན་པར་གཟིར།། འཁོར་རྣམས་དབང་དུ ་བསྡུས་ནས་ཀྱང་།། ཚམ་རྔམས་ཆེན་པོ་མཉམ་པར་སྦྱོར།། ཧཱུཾ་ཀཱ་ར་པྲ་བེ་ཤ་ཕཊ་ནན། ཨརྱ་ཨ་ཙ་ལ་པྲ་བེ་ཤ་ཕཊ་ནན། ཡ་མཱནྟ་ཀ་པྲ་བེ་ཤ་ཕཊ་ནན། ནཱི་ལ་དཎྜ་པྲ་བེ་ཤ་ཕཊ་ནན། པདྨ་ཀུཎྜ་ལི་པྲ་བེ་ཤ་ཕཊ་ནན།། ་ཌཱཀྐི་རཱ་ཛ་པྲ་བེ་ཤ་ཕཊ་ནན། ཨ་མྲྀ་ཏ་ཀུཎྜ་ལི་པྲ་བེ་ཤ་ཕཊ་ནན། མ་ཧཱ་བ་ལ་པྲ་བེ་ཤ་ཕཊ་ནན།། ཕྱག་རྒྱ་ཆེན་པོའི་སྐུར་བསྒོམས་ལ།། གཟིར་གནོན་དྲག་པོའི་ལས་བྱས་ན།། སྡུག་བསྔལ་ཆུ་བོའི་རྒྱུན་སྐམ་པ།། སྔོན ་གྱི་རྒྱལ་བ་རྣམས་ཀྱི་བཀའ།། ཞི་བས་ཐམས་ཅད་ཚིམ་པར་བརྗོད།། རྒྱས་པས་མ་ལུས་མངོན་སངས་རྒྱས།། དབང་དུ་མ་བསྡུས་གང་ཡང་མེད།། མངོན་སྤྱོད་བྱིན་རླབས་རྨད་པོ་ཆེ།། ཐབས་ལ་མཁས་པའི ་མཛད་སྤྱོད་ཀྱིས།། བསད་ཅིང་མནན་པ་མ་ལུས་ཀུན།། ཕྲ་མོའི་སྐུ་མེད་སྐུ་དོན་བྱས།། སླར་འདུས་ཆོས་ཀྱི་དབྱིངས་སུ་ཐིམ།། དམིགས་སུ་མེད་པའི་ཆོས་སྐུར་བསྒོམ།། དབང་ཆེན་འདུས་པའི་ཏནྟ་ལས། གདོན ་གཟིར་དྲག་པོའི་ལེའུ་སྟེ་བཅུ་བཞི་པའོ།། །། རྒྱུད་ལ་གོམས་ཤིང་དོན་ལ་ཡིད་ཆེས་ཀྱང་།། དབང་བསྐུར་དབང་རྟགས་ལག་ཏུ་མ་བྱིན་ན།། ནོར་བུའི་རྒྱལ་ས་ཟིན་པར་ག་ལ་འགྱུར།། དེ་བས་དབང་གི་ཁྱད ་པར་འདི་གསུངས་སོ།། རྣམ་གྲངས་བཅུ་པོ་འདི་དག་ནི།། རྒྱལ་ཟབས་སྤྱི་བླུགས་ཐེག་པའི་དབང་།། བསྐུར་བ་ཙམ་གྱིས་ཐོབ་པའོ།། དེ་ལ་ཟབས་གང་གིས་དབང་བ་དང་། དོན་ཆེད་ཅི་ལ་དབང་བ ་དང་། དབང་གི་དངོས་གཞི་བསྟན་པ་དང་། དབང་གི་གྲངས་བསྟན་པ་དང་། དབང་གི་རྟགས་བསྟན་པ་དང་།། དབང་ཡུལ་སྤྱི་ལ་བསྐུར་བས་བསྟན་པ་དང་། དབང་བསྐུར་བའི་ཐབས་བསྟན་པ་དང་། དབང་གི་ཁྱད ་པར་དང་། དབང་གི་མན་ངག་དང་། དབང་གི་ཡོན་ཏན་བསྟན་པའོ།། དེ་ལྟ་བས་ན་ཕྱི་ནང་གསང་བའི་ཐེག་པའི་རིམ་པ་ཇི་སྙེད་གསུངས་མོད་ཀྱང་། དེའི་ནང་ནས་འབྲས་བུའི་ཐེག་རྒྱལ་གསང་སྔགས་ཞེས། འབྲས ་བྲའི་ཐེག་རྒྱལ་ནང་ནས་དབང་བསྐུར་གཅེས། ཤེས་དབང་མེད་རློམ་སེམས་ཀྱིས།། ཁ་ཅིག་ཡ་མ་བརླ་དང་གསོབ་འདྲ་ལ།། དོན་དང་ལྡན་པའི་སྐྱེས་བུ་དབང་ཆེན་ལ།། རྟགས་དང་འབྲེལ་པས་དབང་བསྐུར་ཤིན་ཏུ ་རིགས།། དབང་མེད་ཁ་ཅིག་རང་དབང་ཟོས་གྱུར་ཅིང་།། ཟུག་ཐུབ་ཁོང་ལོངས་ཤེས་ཐོབ་ཆོད་བཞག་ནས།། ཚེ་གཞི་མེད་བཞིན་ཡོད་པའི་ལས་སྤྱོད་པ།། ངན་སོང་གསུམ་གྱི་ས་བོན་འདི་ཡིན་པས།། སྲིད་ལམ ་འཁྱམས་ཤིང་ཆོས་ལམ་རིང་བས་ན།། བཀའ་ལ་བརྟེན་ནས་དབང་མེད་བཀའ་རྐུན་ལ།། དབང་ལུང་ཚད་མར་གྱུར་པའི་སྐྱེས་བུ་ཡིས།། བསྐུར་ཡང་མི་ཐོབ་ནོང་བུའི་སྤྱོད་པ་བཞིན།། ཐོབ་པར་མི་འགྱུར་ཆགས་པར ་མི་འགྱུར་རོ།། དབང་ཆེན་འདུས་པའི་ཏནྟ་ལས། དབང་གི་ཁྱད་པར་གྱི་ལེའུ་སྟེ་བཅོ་ལྔ་པའོ།། །། རྨད་བྱུང་བྱང་ཆུབ་སེམས་ཀྱི་ལེའུ།། འབར་བའི་དབུ་ལྔ་རྨད་དུ་བྱུང་བ་ནི།། ཡེ་ཤེས་ལྔ་དང་ཡབ་ལྔ་དབང ་པོར་སྦྱོར།། མཉམ་པ་ཆེན་པོའི་ངང་དུ་ལྷན་ནེར་བསྒོམ།། འབར་བའི་རལ་པ་རྨད་དུ་བྱུང་བ་ནི།། དབྱིངས་ལས་མ་གཡོས་ཆོས་སྐུ་མཉམ་པ་ལ།། ཁྲོ་བོ་མུན་ཛའི་ཅོད་པན་བྱེ་བ་འབུམ།། སྦྲུལ་སྐུའི་འགྲོ་དྲུག་སྒྲོལ ་བར་ལྷན་ནེར་བསྒོམ།། འབར་བའི་ཤངས་ལྔ་རྨད་དུ་བྱུང་བ་ནི།། དབང་པོ་དྲི་དང་གཉིས་མེད་སྦྱོར་བ་ཡིས།། གསུང་བ་མཆོག་གི་བྱེ་བྲག་སོ་སོར་ཡང་།། ཚོར་པ་ཉམས་སུ་མྱོང་ཞིང་ཚིམ་གྱུར་ནས།། སྐྱེ་འགག་མེད ་པའི་ངང་ལ་ལྷན་ནེར་བསྒོམ།། འབར་བའི་སྙན་ལྔ་རྨད་དུ་བྱུང་བ་ནི།། གསན་པ་མ་འགགས་སྒྲ་མཐའ་སོ་སོ་ཡང་།། དེ་ཉིད་སྒྲ་མཐའ་སྟོང་པ་ཆོས་ཀྱི་སྐུ།། མེད་ལ་ཟད་མེད་ཤེས་པར་ལྷན་ནེར་བསྒོམ།། འབར་བའི ་ཞལ་ལྔ་རྨད་དུ་བྱུང་བ་ནི།། ཧོམ་ལྔ་འབྲེལ་པས་སྡུག་བསྔལ་བསྲེག་པའི་ཕྱིར།། འབར་བའི་མེ་དཔུང་རབ་ཏུ་འཕྲོ་བ་ཡི།། སྤྲུལ་པའི་འཕྲོ་འདུ་ཉིད་དུ་སྣང་མོད་ཀྱི།། གར་ཡང་མ་འཕྲོས་དབྱིངས་སུ་ལྷན་ནེར ་བསྒོམ།། འབར་བའི་ལྗགས་ལྔ་རྨད་དུ་བྱུང་བ་ནི།། བདེན་པའི་དོན་སྟོན་གསུང་རབ་མང་པོ་འཆད།། སྡེ་སྣོད་རྒྱུད་ལ་རྨོངས་པ་མི་མངའ་བའི།། ལེ་བརྒན་ལྡང་ནག་སྒྲོལ་བར་བསྒོམ།། འབར་བའི་ཨག་ཚོམ་རྨད་དུ ་བྱུང་བ་ནི།། ཆོས་སྐུ་མཚན་མ་མེད་པའི་ངོ་བོ་ལས།། གཟུགས་སྐུ་གཞའ་ཚོན་ལྟ་བུར་སྤྲུལ་པར་བསྒོམ།། འབར་བའི་ཚེམས་ལྔ་རྨད་དུ་བྱུང་བ་ནི།། འཁོར་བ་རྩད་གཅོད་ཡེ་ཤེས་ཆེན་པོ་ལྔས།། སྐྱེ་མེད ་དོན་རྟོགས་དབྱིངས་སུ་བཞུགས་པའི་ཕྱིར།། མ་གཡོས་ཆོས་ཀྱི་དབྱིངས་སུ་ལྷན་ནེར་བསྒོམ།། འབར་བའི་ཕྱག་མཚན་རྨད་དུ་བྱུང་བ་ནི།། རྡོ་རྗེ་ལྕགས་ཀྱུ་སྦྲུལ་གྱི་ཞགས་པ་དང་།། ཁྲོ་ཆེན་སྙིང་འབྱིན་རྡོ་རྗེ་ཁ་ཊྭཱཾ ་འཛིན།། ཐོད་རློན་ཁྲག་དང་རྡོ་རྗེ་ལུ་གུ་རྒྱུད།། རྡོ་རྗེ་བེ་ཅོན་དང་ནི་རྔེའུ་ཆུང་འཛིན།། མེ་ཡི་ཞགས་པ་དང་ནི་ཁྱུང་གི་ཁྭ།། སྡིགས་མཛུབ་རྩེ་ལ་མེ་འབར་ཁ་ཊྭཱཾ་འཁྲོལ།། རྡོ་རྗེ་རྩེ་ལྔ་རྩེ་དགུ་པ་དང་ནི།། རྩེ་གསུམ་རྩེ ་གཅིག་འབར་བ་གསོར་ཞིང་བརྡེག། སོ་སོའི་ཕྱག་མཚན་མངོན་དུ་གསལ་བ་ཡང་།། སྣང་ཙམ་ཉིད་ལ་རང་བཞིན་མེད་པས་ན།། སྟོང་པ་ཆེན་པོའི་ཐིག་ལེ་ས་ལེར་བསྒོམ།། འབར་བའི་སྐུ་རྒྱན་རྨད་དུ་བྱུང་བ་ནི།། རྡོ ་རྗེ་རིན་ཆེན་ལས་བྱུང་གཤོག་པ་དང་།། ཐོད་རློན་སྦྲུལ་དང་གླང་ཆེན་སྟག་ལ་སོགས།། རྔོམ་བརྗིད་ལྡན་པའི་ཆ་ལུགས་ཅིར་སྟོན་པ།། ནམ་མཁའ་ལྟ་བུའི་དབྱིངས་སུ་ལྷན་ནེར་བསྒོམ།། འབར་བའི་ཞབས་ལྔ་རྨད་དུ ་བྱུང་བ་ནི།། ཕྱིན་ཅི་ལོག་པའི་དངོས་པོ་གཞོམ་པ་ནི།། རྡོ་རྗེ་མཚན་མ་སྣ་ཚོགས་མཚན་མེད་པས།། སོ་སོའི་ན་བཟའ་གོ་ཆ་ཅི་འདྲ་བ།། ཡེ་ཤེས་དབྱིངས་ལ་སྦྱོར་བ་ཉིད་དུ་བསྒོམ།། འབར་བའི་གདན་ཁྲི་རྨད་དུ་བྱུང ་བ་ནི།། གཞན་གྱི་དངོས་གྲུབ་བདག་གིར་བྱ་བ་དང་།། མཉམ་པ་ཆེན་པོའི་དོན་ལ་དགོད་པའི་ཕྱིར།། དབྱིངས་དང་ཡེ་ཤེས་གཉིས་སུ་མེད་པར་བསྒོམ།། འབར་བའི་གཞལ་ཡས་རྨད་དུ་བྱུང་བ་ནི།། སྣ་ཚོགས་མང ་པོའི་རྒྱན་དག་དགྲམ་པ་ཡང་།། ནམ་མཁའི་མཐའ་དང་དབྱེར་མེད་སྟོང་པས་ན།། སྤྲོས་མེད་ཐིག་ལེ་བྱང་ཆུབ་སེམས་སུ་བསྒོམ།། དེ་ལྟར་བས་ན་རྨད་དུ་བྱུང་བའོ།། དབང་ཆེན་འདུས་པའི་ཏནྟྲ་ལས། རྨད་དུ་བྱུང ་བའི་ལེའུ་སྟེ་བཅུ་དྲུག་པའོ།། །། རྩེ་རྒྱལ་བསྟན་པའི་ཐེག་པ་ལས།། ཡ་རྒྱལ་མ་ཧཱ་ཡོ་གའི་གཞུང་།། མ་སྤངས་ལྷན་ཅིག་བསྒྲུབ་པ་ནི།། སྒྲུབ་ཐབས་ཟབ་མོའི་སྤྱི་བསྟན་པ།། ཕུན་སུམ་ཚོགས་པའི་ལེའུ་འདི ་གསུངས་སོ།། སྒྲུབ་པ་ཆེན་པོ་གང་མཛད་ཀྱང་།། ཕུན་སུམ་ཚོགས་དང་ལྡན་ནས་བརྩམ།། གནས་ཕུན་སུམ་ཚོགས་པ་བཙལ་བ་དང་། དུས་ཕུན་སུམ་ཚོགས་པ་བཙལ་བ་དང་།། འཁོར་ཕུན་སུམ་ཚོགས་པ་དང་ལྡན ་པ་བཙལ་བ་དང་། རྫས་ཕུན་སུམ་ཚོགས་པ་བཙལ་བ་དང་། ཡོ་བྱད་ཕུན་སུམ་ཚོགས་པ་བསགས་པ་དང་། ཏིང་འཛིན་ཕུན་སུམ་ཚོགས་པ་གསལ་བ་དང་། ཕྲིན་ལས་ཕུན་སུམ་ཚོགས་པ་སྤྱད་པ་དང་། དངོས་གྲུབ ་ཕུན་སུམ་ཚོགས་པ་བསྡུ་བའོ།། དེ་ལྟ་བས་ན་སྒྲུབ་པ་ཆེན་པོའི་དུས་དག་ཏུ།། གནས་མ་རྟག་དང་དུས་ལས་ཡོལ།། འཁོར་དང་མི་ལྡན་རྫས་མི་རྙེད།། ཡོ་བྱད་མ་ཚང་ཏིང་འཛིན་གཡེལ།། ཕྲིན་ལས་མ་གྲུབ་དངོས ་གྲུབ་ཡལ།། འདི་རྣམས་བསྒྲུབ་པའི་སྐྱོན་བརྒྱད་དོ།། ཕྱི་རབས་སྔགས་འཆང་སྒྲུབ་པ་པོས།། དོན་ལ་ཡིད་ཆེས་མ་གྱུར་ཀྱང་།། ཐོས་ལ་རྩེ་གཅིག་སེམས་ཀྱིས་ནི།། རྟགས་དང་ཕུན་སུམ་ཚོགས་བྱས ་ནས།། སྒྲུབ་པའི་འབྲས་བུ་ཡལ་མི་འགྱུར།། འདི་ལ་ཐེ་ཚོམ་ཅི་སྟེ་ཟ།། དབང་ཆེན་འདུས་པའི་ཏནྟ་ལས། ཕུན་སུམ་ཚོགས་པའི་ལེའུ་སྟེ་བཅུ་བདུན་པའོ།། །། དངོས་གྲུབ་བརྙེས་པའི་རྣལ་འབྱོར་པས།། རིགས ་གཉིས་རྒྱུད་པའི་ཏནྟ་ལས།། རོ་སྦྱོར་བདུད་རྩི་བྱ་བའི་ཕྱིར།། སྒྲུབ་ཐབས་གསང་བ་འདི་གསུངས་སོ།། དང་པོར་ཕུན་སུམ་ཚོགས་ལྡན་ནས།། ཡིད་དུ་འོང་བའི་དགོན་གནས་སུ།། བསླང་དང་བྱིན་གྱིས་བརླབ་པ ་དང་།། མཚམས་ལ་སོགས་པའི་རིམ་པ་བཞིན།། མཎྜལ་འདོམ་གང་གྲུ་བཞི་པ།། བཀའ་དང་མཐུན་པའི་ཆག་ཆག་བཏབ།། ཐིག་བཞི་བཏག་པའི་མཐའ་སྐོར་ལ།། རཱུ་ཏྲ་རྣམ་གསུམ་བསྣོལ་ཏེ་མནན།། དབུས་སུ་ཟླ ་གམ་བཞི་པ་སྟེ།། དེ་དབུས་མཐིང་ནག་གྲུ་གསུམ་པའོ།། ཁ་བཞི་པ་ལ་སྦྱིན་སྲེག་བྱའོ།། མཐའ་སྐོར་འབར་བའི་འོད་ཀྱིས་སོ།། མཐུན་པའི་རྫས་རྣམས་གནས་པའི་སར།། དྲུག་གཉིས་ལྡན་པའི་ཏིང་འཛིན ་གྱིས།། མཚན་མས་བཏབ་སྟེ་ཧཱུཾ་ཞེས་བསྐོར།། བརྟུལ་ཞུགས་ཆེན་པོ་སྤྲོས་པས་ནི།། གར་གྱི་དབང་ཕྱུག་ཆེན་པོའི་བྲོ།། བརྡུངས་པ་ཙམ་གྱིས་ལས་རྣམས་འགྲུབ།། ཕུད་ཉུལ་ཆེན་པོས་ལས་མཛད་མཉེས།། བདག ་ཉིད་ཆེན་པོའི་སྐུར་བསྒོམས་ནས།། གཙུག་གི་རྟ་མགོ་ལྗང་གུ་ལས།། རྟ་ཡི་བརྟུལ་ཞུགས་ཆེན་པོ་སྟེ།། ཧྲཱིཿཞེས་དུ་མར་བརྗོད་ཅིང་བསྡུ།། བདག་ཉིད་ཆེན་པོའི་སྐུར་བསྒོམས་ནས།། ཞབས་ལས་སྤྲུལ་པའི་ཁྱི་བརྒྱད ་ཀྱིས།། བག་ཆགས་གནས་སུ་སྦྱང་བའི་ཕྱིར།། ཁྱི་ཡི་བརྟུལ་ཞུགས་ཆེན་པོ་སྟེ།། ཀུ་ཀུ་རཱ་ཞེས་རྦད་ཅིང་བརྡུང་།། བདག་ཉིད་ཆེན་པོའི་སྐུར་བསྒོམས་ནས།། གཤོག་པ་རྡོ་རྗེ་གཏམས་པ་ལས།། གཟུང་འཛིན་གནས ་སུ་གསད་པའི་ཕྱིར།། བྱ་ཡི་བརྟུལ་ཞུགས་ཆེན་པོ་ཡང་།། ཛཿཞེས་བརྗོད་ཅིང་མགྱོགས་པར་རོ།། བདག་ཉིད་ཆེན་པོའི་སྐུར་བསྒོམས་ལ།། མི་དམིགས་སྐུ་ཡི་སྦྲུལ་མགོ་ལས།། ཕག་གི་བརྟུལ་ཞུགས་ཆེན་པོ ་ཡིས།། གཏི་མུག་གནས་སུ་སྦྱང་བའི་ཕྱིར།། དགུག་པའི་བརྟུལ་ཞུགས་ཧཱུཾ་དང་བཅས་པར་བརྡུང་།། ཆས་བརྒྱད་ལས་ཀྱི་སྤྱང་མོར་དམིགས།། ཐོད་པ་དབྱེ་བ་སྡེར་མོ་ཉིད།། ངན་སོང་གནས་ཀྱི་འདུལ་ཕྱིར་སྦྱོར།། ཏིང ་འཛིན་ཕྱག་རྒྱར་བཅས་པས་དབྱེ།། རྫོགས་ནས་མཎྜལ་ཉིད་དུ་དགྲམ།། རྟེན་ནི་དྲུག་གསུམ་ཉིད་དུ་སྟེ།། ལྔ་ནི་ཟླ་གམ་བཞི་པ་ལའོ།། སྙིགས་མ་བར་ཁྱམས་གྲཝ་བཞི་ལ།། རྩེ་མོ་མ་ཏྲཾ་ཀ་ལའོ།། སྒོ་ཟུར་ལ་ནི་བརྡེག་པ ་རྣམས།། སྒོ་ཡི་ནང་རོལ་རྡོ་རྗེ་སྟེ།། ཕྱག་མཚན་བཅུ་དྲུག་ཕྲག་གཉིས་ལའོ།། ཡན་ལག་བར་དུ་བ་སུ་ཏ།། འོད་ལ་རཀྟ་ཁྲག་དང་བཅས།། ཤུན་ཆེན་བླ་རེ་ཉིད་དུའོ།། རྫི་མ་སྐྲ་དང་ཁ་སྤུ་རྣམས།། མཆོད་པའི་ཕྱིར་ན ་གཏོར་མའོ།། སུལ་མང་དབང་གི་བྷནྡ་ལ།། ཕྱི་མ་རཀྟར་བཅས་པ་རྣམས།། གཡོས་སམ་ཡང་ན་བརྫིས་པ་ལ།། སྟེང་ནས་བཅིངས་ཏེ་རྒྱས་བཏབ་སྟེ།། སྐུ་གསུམ་ཟོད་པ་ཤར་ཕྱོགས་སུ།། རཀྟ་ཆང ་དང་སྦྱར་བ་ལ།། སྟེང་ནས་རྡོ་རྗེ་རྒྱ་གྲམ་བཏབ།། གླིང་གསུམ་པ་ནི་ལྷོ་ཕྱོགས་ཏེ།། རཀྟ་འོ་མར་སྦྱར་བ་ལ།། སྟེང་ནས་རིན་ཆེན་རྒྱས་བཏབ་ནས།། དབང་དུ་བསྡུ་བའི་བྷནྡ་རུ།། རཀྟ་སྦྲང་རྩི་མར་ལ་སོགས།། སྟེང ་ནས་པདྨའི་རྒྱས་བཏབ་ནས།། གླིང་བཞི་རྒྱ་གྲམ་བྱང་ཕྱོགས་ཏེ།། རཀྟ་མངར་དང་ཆ་བསྙམས་པ།། སྟེང་ནས་ལས་ཀྱི་རྒྱས་བཏབ་པོ།། རྫོགས་ནས་ཏིང་འཛིན་ཆས་སུ་བསལ།། མཚམས་དང་བསྲུངས་དང་གོ ་ཆའོ།། ཕྱག་རྒྱ་བསྐྱེད་དང་གོ་ཆ་དང་།། དྲོད་ཚད་བསླང་དང་ཐུགས་རྗེ་དབབ།། ཚེ་གནས་བསྟིམ་དང་ལྔ་པའོ།། ཡང་ནས་ཡང་དུ་བསྙེན་པར་བྱ།། ཕྲིན་ལས་སྐབས་དང་སྦྱར་ནས་བཅོམ།། དབང་དང་ཐེ་ཚོམ་མི་ཟ། ་སྟེ།། ཞི་བ་མ་ཡང་དཀྱིལ་འཁོར་གྱི།། འཕྲོ་འདུ་རིམ་གྱིས་བསྙེམ་པས་སྦྱང་།། བསྐུལ་དང་དོན་བྱས་འདུས་པ་དང་།། ཆོ་ག་གསུམ་གྱིས་སྣང་མཛད་སྐུ།། སེམས་སུ་ཞུ་ནས་དབྱིངས་སུ་ཐིམ།། སྐྱེ་མེད་དབྱིངས་ནས ་དངོས་མེད་སྐུ།། ཧཱུཾ་དུ་གྱུར་ནས་རྩེ་ལྔ་འབར།། བསྐུལ་ནས་དོན་བྱས་མི་བསྐྱོད་སྐུ།། སེམས་སུ་ཞུ་ནས་དབྱིངས་ཉིད་དོ།། སྐྱེ་མེད་དབྱིངས་ནས་དངོས་མེད་སྐུ།། སྭཱ་ལས་རིན་ཆེན་ཟུར་བརྒྱད་འཕྲོ།། བསྐུལ་དང་དོན ་བྱས་འབྱུང་ལྡན་ཉིད།། སེམས་སུ་ཞུ་ནས་དབྱིངས་ཉིད་དོ།། སྐྱེ་མེད་དབྱིངས་ནས་དངོས་མེད་སྐུ།། ཨཱཾ་ལས་པདྨར་གསལ་བ་དང་།། བསྐུལ་དང་དོན་བྱས་སྣང་མཐའ་ཡས།། སེམས་སུ་ཞུ་ནས་དབྱིངས་ཉིད་དོ།། སྐྱེ ་མེད་དབྱིངས་ནས་གཉིས་མེད་སྐུ།། ཧཱ་ལས་རྒྱ་གྲམ་འབར་འཕྲོ་བས།། བསྐུལ་ནས་དོན་བྱས་དོན་གྲུབ་པའོ།། སེམས་སུ་ཞུ་ནས་དབྱིངས་ཉིད་དོ།། འཕྲོ་འདུ་གསལ་དང་ལས་སུ་རུང་།། དངོས་གྲུབ་འགྲུབ་ནས་མྱ ་ངན་འདས།། མང་དུ་སྤེལ་ཕྱིར་བསྙེན་པར་བྱ།། གྲུབ་ནས་དངོས་གྲུབ་གསོལ་བ་དང་།། བརྟན་པར་བྱ་ཕྱིར་བདུད་རྩིའི་སྣོད།། ཡུམ་གྱི་གསང་བའི་ཚིག་ཏུའོ།། སྔགས་དང་ལྡན་པས་དབང་བསྐུར་ཏེ།། གནས་ལྔ་དག ་ཏུ་བསྟིམ་པར་བྱ།། དེ་ནས་རྒྱ་བཤིག་མདུད་པ་དགྲོལ།། བཀྲ་ཤིས་མཚན་དང་ལྡན་པའི་ཡུམ།། དར་ལ་བབས་པས་སྐུལ་བའི་དབྱངས།། པྲ་བེ་ཤ་ཡིས་མདུད་པ་དགྲོལ།། ཆ་གཅིག་འཕགས་པ་མཆོད་ཕྱིར ་དབུལ།། ཆ་གཅིག་སློབ་དཔོན་ཉིད་ལའོ།། གཅིག་ནི་ཡོངས་ལ་སྦྱིན་པར་གསུངས།། དེ་ནས་བདུད་རྩི་དམ་པའི་སྣོད།། དེ་ནི་སྤྱི་བོར་བླངས་ནས་ཀྱང་།། བཀྲ་ཤིས་ཚིགས་སུ་བཅད་པ་བསྒྲག། རང་བཞིན་དཀྱིལ ་འཁོར་རྫོགས་པ་ཡང་།། གཟུགས་བརྙན་བུདྡྷ་ཉིད་ལ་འབུལ།། ཙིཏྟ་ལ་སོགས་རང་བཞིན་རྫས།། རང་བཞིན་མཆོད་པ་ཉིད་དུའོ།། རྣ་བ་སྒྲ་ཡི་མཆོད་པ་ཡིས།། གློག་འགྱུ་ཉིད་དེ་དབྱིངས་སུ་བསྟིམ།། དྲི་ནི་ཨ་མི་དྷེ ་བ་སྟེ།། སྤྲོས་པ་མེད་པའི་ངང་ལའོ།། མིག་ནི་རྡོ་རྗེ་སྡེར་མོ་སྟེ།། མཐའ་གཉིས་བྲལ་བའི་དབྱིངས་སུ་གཞག། ལྕེ་ནི་རྡོ་རྗེ་དྲ་བ་མོ།། མི་འགྱུར་དབྱིངས་སུ་ཡང་དག་ཉིད།། རང་བཞིན་མཆོད་པ་རྫོགས ་པར་ལྡན།། གཟུགས་བརྙན་དཀྱིལ་འཁོར་དྲ་བ་ལ།། ཡོངས་སུ་བསྔོ་བར་བྱ་བ་ནི།། ཕོ་བ་ཤར་ཕྱོགས་པར་ཁྱམས་ན།། དབྱངས་དང་བཅས་པས་དབུལ་བ་ནི།། རྡོ་རྗེ་ཁམ་རྒྱ་ཆེན་མོ་ལ།། ཕུལ་བས་གཟི་ལྡན ་དབྱིངས་སུ་ཐིམ།། གྲོད་པ་ལྷོ་ཕྱོགས་ཉིད་ལ་སྟེ།། རིན་ཆེན་ཁམ་རྒྱ་ཆེན་མོ་ལ།། དབྱངས་དང་བཅས་པ་སྔ་མ་བཞིན།། ཕུལ་བས་གཟི་ལྡན་དབྱིངས་སུ་ཐིམ།། གཉེ་མ་ནུབ་ནས་སྔ་མ་བཞིན།། མ་ཆགས་པདྨའི་ཁམ ་རྒྱ་ལ།། ཕུལ་བས་གཟི་ལྡན་བྷ་ག་ལའོ།། ལོང་ཀ་བྱང་ནས་རིམ་པ་བཞིན།། དོན་རབ་ལྷུན་གྲུབ་ཁམ་རྒྱ་ལ།། དབྱངས་ཀྱིས་བསྟོད་ནས་མཉེས་པར་བྱའོ།། གཟི་ལྡན་ལ་ནི་འདུ་འཕྲོའི་ཚུལ།། སུ་ལ་མང་ཤར་ལྷོ ་མཚམས་སུ་སྟེ།། དེ་བཞིན་ཁམ་རྒྱ་ཉིད་ལའོ།། དབྱིངས་དང་ལྡན་པའི་ཡེ་ཤེས་དང་།། རྒྱུ་མ་ལྷོ་ནུབ་མཚམས་སུ་སྟེ།། དེ་བཞིན་ཁམ་རྒྱ་ཉིད་ལ་མཆོད།། ལྒང་པ་ཡེ་ཤེས་ཁམ་རྒྱ་ལའོ།། དབྱངས་དང་ཚིག་ལྡན་སྔ་མའི ་ང་།། སྒལ་ཚིགས་ཕྱོགས་བཞི་གྲུ་ཆད་ལ།། ལོང་བའི་ཚོགས་ལ་དབུལ་བ་ཡང་།། དབྱངས་དང་ལྡན་པའི་ཚིག་དག་གིས།། ཡེ་ཤེས་ལྔ་ཡི་ངང་ལ་གཞག། དཀྱིལ་འཁོར་ཡན་ལག་བར་བར་ནས།། དམུས་ལོང ་ཚོགས་ལ་དབུལ་བ་ནི།། ནེའུ་སེག་དབྱངས་དང་ལྡན་པ་ཡིས།། ཕུལ་བས་ཡེ་ཤེས་ལྔ་ཡི་དབྱིངས་ལ་སྦྱོར།། གསང་བའི་ཆུ་བ་ནང་སྒོ་ནས།། དབུ་དགུ་རབ་ཏུ་བརྩེགས་པ་ལ། དབྱངས་ཀྱི་མཉེས་པར་སྔ་མའི ་ཚུལ།། མེ་རི་ལ་ནི་བ་སུ་ཏ།། སྦྲང་མོ་བརྒྱད་ལ་མཆོད་པ་ཡང་།། དབྱངས་ཚིག་ལྡན་པས་དབྱིངས་ལ་ཐིམ།། ཁྲག་གི་ལྕེ་ཡི་བར་བར་ནས།། ཟ་བྱེད་ཡེ་ཤེས་ཀུ་ཀུ་རཱ།། བརྒྱད་ལ་དབྱངས་ཀྱི་མཆོད་པ་ཡང་།། མ་སྐྱེས ་དབྱིངས་ལ་ཐིམ་པར་བྱ།། བསྡུ་བའི་ཐབས་ནི་འདི་དག་གསུངས།། དབྱིངས་ཀྱི་ཆོ་འཕྲུལ་རབ་སྤྲོས་ཏེ།། མཐའ་སྐོར་ཟ་བྱེད་ཡེ་ཤེས་ཀྱི།། སྤྱང་མོ་མགོ་དགུ་བརྩེགས་པ་ལ།། དབུ་དགུ་ཉིད་ཀྱང་དམུས་ལོང ་སྟེ།། དམུས་ལོང་ལོང་བའི་ཚོགས་ལ་འཕྲོས།། ལོང་བ་ཁམ་རྒྱ་ཆེན་མོ་ལ།། དེ་ཉིད་གཙོ་བོ་ཡབ་ཡུམ་ལའོ།། ཡུམ་ཡང་དཔལ་བེའུའི་ཐུགས་ལ་བསྡུ།། དཔལ་བེའུ་སྐྱེ་མེད་དབྱིངས་སུ་སྟེ།། བརྗོད་པ་མེད་པའི ་དབྱིངས་སུ་ཐིམ།། བདག་དང་དཀྱིལ་འཁོར་ཇི་བཞིན་ཏེ།། བདག་ཉིད་མཎྜལ་ཉིད་ལས་འཕྲོས།། མཎྜལ་ཟླ་གམ་ཉིད་ལ་སྟེ།། ཟླ་གམ་གཟི་ལྡན་ཡུམ་གྱི་མཁའ།། ཡང་ན་བདག་ཉིད་ཆེན་པོས་ཏེ།། སྐྱེ་བ་མེད་པའི ་དབྱིངས་སུ་ཐིམ།། མཎྜལ་ཡེ་ཤེས་ལྔ་ལ་འདུ།། དམ་རྫས་གསང་བའི་བྷ་གར་བསྡུ།། ཡོངས་སུ་སྤྲོས་ཞིང་བསྡུ་བ་རྣམས།། སྐྱེ་བ་མེད་པའི་ངང་ལ་གཞག། ཅུང་ཟད་སྐྱེ་མེད་བསྒོམས་ནས་ཀྱང་།། གོང་མ་བཞིན་དུ ་རིམ་པར་བསྡུ།། དབང་བསྐུར་བ་དང་འབྱུང་བ་དང་།། ཚེ་དང་དངོས་གྲུབ་ལེན་པ་དང་།། བཟོད་པར་གསོལ་དང་སྨོན་ལམ་གདབ།། གཏོར་མ་གཏང་བ་གཞུང་བཞིན་བྱ།། དབང་ཆེན་འདུས་པའི་ཏནྡ ་ལས། རོ་སྦྱོར་བདུད་རྩིའི་ལེའུ་སྟེ་བཅོ་བརྒྱད་པའོ།། །། རིགས་འཛིན་གོ་འཕང་ཐོབ་པ་ཡིས།། རིམ་གཉིས་ལུང་གི་བརྒྱུད་པའི་ལུང་།། ས་བོན་ལས་ནི་འབྲས་བུ་བཞིན།། ཁྲག་འཐུང་འབར་བའི་དཀྱིལ ་འཁོར་ལས།། དབང་ཆེན་དབང་གི་དཀྱིལ་འཁོར་ཆུད།། དུར་ཁྲོད་འབར་བའི་གཞལ་ཡས་ལས།། ལྷ་ཆེན་འཁོར་བཅས་བསྒྲལ་བའི་ཕྱིར།། རྒྱལ་མཚན་ལྔ་དང་ཀ་བར་བཅས།། འཕན་དང་ཟ་རམ་བཱ ་རྣམས།། ཁམས་གསུམ་དབང་དུ་སྡུད་པར་གྱུར།། ཧཱུཾ་ལས་རིན་ཆེན་ཁྲི་བཞི་ཡང་།། འཁོར་བ་ཟབས་ཀྱིས་གནོན་པ་དང་།། སྲིན་པོ་རུ་ཏྲ་སྒྲོལ་བ་དང་།། ཁྱད་པར་གཞན་ལས་འཕགས་པའི་ཕྱིར།། ཁྲག་འཐུང་ཆེན ་པོའི་སྐུ་བཞིར་བརྒྱུད།། དབང་ཕྱུག་ཉི་ཤུ་རྩ་བརྒྱད་ནི།། ཐབས་ཀྱི་རྩལ་འཕང་སེང་གེར་བརྒྱུད། སེང་གེའི་ཁྲི་བརྒྱད་ནི།། གདན་ཁྲི་བཞི་ཆེན་འཁྲིལ་སྐྱོང་ནི།། ཉི་ཟླ་པདྨ་བརྩེགས་པར་བརྒྱུད།། ཞེ་སྡང་ཁྲག་འཐུང་འབར ་བའི་སྐུ།། ངག་གི་དབང་ཕྱུག་ཉིད་དུ་བརྒྱུད།། ཀྲོ་དྷི་ཤྭ་རི་ལ་སོགས་ཡུམ།། གཟི་ལྡན་གསང་བའི་ཡུམ་ཉིད་དོ།། རིགས་ལ་དབང་རྣམས་མི་ཟ་བར།། ཐམས་ཅད་ཡོངས་སུ་རྫོགས་པའི་ཕྱིར།། ཁྲག་འཐུང་ལྔ་པོའི ་དབུ་ལ་བརྒྱུད།། ཁྲོ་བོ་ཆེན་པོ་མཐུ་ཆེན་བརྒྱད།། བསྒྲལ་ནས་ཞབས་ཀྱི་གདན་ལ་བརྒྱུད།། རྫོགས་པ་ཆེན་པོ་ཡིན་པའི་ཕྱིར།། ཏིང་འཛིན་བརྒྱད་དང་ལྡན་པར་དམིགས།། རྒྱན་གྱི་བྱེ་བྲག་མང་པོ་རྣམས།། རྡོ་རྗེ་རིན ་ཆེན་ལས་བྱུང་བའི།། གཤོག་པ་དག་ཏུ་རྣམ་པར་བརྒྱུད།། སྒོ་བ་ཁྲོ་བོ་ཡབ་ཡུམ་བརྒྱད།། དབུ་ལྔ་བརྩེགས་པའི་རྐང་གཅིག་པོ།། འཇིགས་ཀྱང་།། རིགས་དང་བཅས་པ་ཉིད་དུ་བརྒྱུད།། རྒྱས་འདེབས་ལ་སོགས་ལྷ ་མོ་ནི།། ཁམ་རྒྱ་ཆེན་མོར་བརྒྱུད་པས་ཏེ།། སྤྲུལ་པ་ཡང་སྦྲུལ་བསམ་ཡས་པ།། ལོང་བའི་ཚོགས་དང་ཁྱི་སྤྱང་དུ།། བརྒྱུད་པ་ཡིན་ཞེས་འདྲེན་པས་བསྟན།། ཕྲ་མེན་བཅུ་དྲུག་ཐུགས་ཀྱི་ཡུམ།། ཕྱག་རྒྱ་བཅུ་དྲུག་དཀྱིལ ་འཁོར་དུ།། ལྕགས་ཀྱི་རྡོ་རྗེ་ལ་སོགས་པའི།། ཕྱག་མཚན་བཅུ་དྲུག་ཉིད་དུ་བརྒྱུད།། གསང་བ་བས་ཀྱང་ཆེས་གསང་བ།། ཡང་གསང་ཐུགས་ལ་གབ་པ་སྟེ།། འདི་ནི་མན་ངག་བརྒྱུད་པའི་ལུང་།། རྗེས་སུ་རྣལ་འབྱོར ་རྣམས་ཀྱིས་སྤྱོད།། དབང་ཆེན་འདུས་པའི་ཏནྟྲ་ལས། རིགས་འཛིན་གོ་འཕང་ཐོབ་པའི་ལེའུ་སྟེ་བཅུ་དགུ་པའོ།། །། མཁའ་ལྡན་ཆེན་པོས་གསུངས་པ་ལས།། འདའ་དཀའ་དམ་ཚིག་ལེའུ་གསུངས།། རྣལ ་འབྱོར་གང་ཞིག་རྩོམ་པ་ཡང་།། མཉམ་པ་ཆེན་པོ་རྟོགས་པ་ཡང་།། དོན་ལས་ནམ་ཡང་འདའ་མི་བྱ།། བསྡམས་པར་བྱ་བའི་དམ་ཚིག་ནི།། སྲོག་གི་ཕྱིར་ཡང་མི་འདའ་བའི།། སྣ་ཚོགས་དངོས་པོ་སྣང་བ ་ཡང་།། དངོས་པོ་མེད་པའི་སྐུར་གསལ་བས།། རྟོགས་པའི་དོན་ལས་ཡོངས་མི་འདའ།། སྒྲ་མཐའ་སྣ་ཚོགས་སྒྲོགས་པ་ཡང་།། སྨྲ་བ་མེད་པའི་གསུང་དུ་རིག། རིག་པའི་དོན་ལས་འདའ་མི་བྱ།། བསམ ་དུ་མེད་པའི་སེམས་གང་ཡིན།། དེ་ནི་ཐུགས་ཀྱི་རང་བཞིན་ཏེ།། དེ་ལས་འདའ་བ་མ་ཡིན་ནོ།། སྐུ་གསུང་ཐུགས་ལས་མ་གཡོས་ཀྱང་།། ཆེ་བའི་ཡོན་ཏན་སྣ་ཚོགས་འབྱུང་།། འོན་ཀྱང་ཟད་མེད་འཕེལ་མེད ་པས།། ཡོན་ཏན་དམ་ཚིག་ཡིན་པར་གྲགས།། དེ་ལས་འདའ་བར་ཡོངས་མི་བྱ།། རྩོལ་བ་མེད་པའི་ལས་གང་ཡིན།། དེ་ནི་ཐབས་ཀྱི་སྤྱོད་པ་བས།། ཕྲིན་ལས་དམ་ཚིག་འདའ་དཀའ་འོ།། ལྔ་པོ་འདི་ལ་གང་གནས ་པ།། རྣལ་འབྱོར་སྐལ་ལྡན་དམ་པའོ།། བསྒྲུབ་བྱའི་དམ་ཚིག་ཆེན་པོ་ནི།། བྱང་ཆུབ་སེམས་དང་ཤ་རྣམས་དང་།། ཁྲག་དང་དྲི་ཆུ་དྲི་ཆེན་པོ།། དབང་པོ་ལྔ་དང་བཅས་པ་ནི།། བདེ་གཤེགས་ལྔ་ཡི་ཐུགས་དམ ་སྟེ།། བསྒྲུབ་ལ་གནས་པས་མི་སྤང་ཞིང་།། འདའ་བར་བྱ་བ་མ་ཡིན་ནོ།། བརྟུལ་ཞུགས་དམ་ཚིག་ཆེན་པོ་ནི།། དཀའ་ཐུམ་སྡོམ་ལ་གནས་པའི་ཕྱིར།། བདུད་རྩི་དམ་རྫས་རྐྱེན་བཅས་ལ།། ཐོགས་པ་མེད་པའི་བརྟུལ ་ཞུགས་ཀྱིས།། སྤང་ལེན་མེད་པར་རོལ་བྱའོ།། བསྙེན་པའི་དམ་ཚིག་ཆེན་པོ་ནི།། ལྷ་དང་རྫས་དང་ཚེ་ལ་སོགས།། སྙིང་པོ་ཡིག་འབྲུ་བཅས་པ་རྣམས།། གཉིས་སུ་མེད་པར་རྟོགས་བྱས་ནས།། མཉམ་པ་ཆེན་པོའི ་དབྱིངས་སུ་གཞག། སྤྱད་པར་བྱ་བའི་དམ་ཚིག་ནི།། པདྨ་ཅན་དང་དུང་ཅན་མ།། བན་གླང་མ་དང་རི་མོ་ཅན།། བུ་མོ་མིག་རིང་ལ་སོགས་ཀུན།། ཕྲད་པར་གྱུར་ནས་སྦྱར་བ་ཡང་།། མཐོང་བ་ཙམ་གྱི་དམ་ཚིག ་སྟེ།། དབང་པོའི་ཡུལ་དང་ཤེས་མཚོན་ལྡན།། བསྒྲུབ་པར་བྱ་བའི་དམ་ཚིག་ནི།། ཉོན་མོངས་ལྔ་པོ་གནས་སུ་དག། སྐུ་དང་ཡེ་ཤེས་ལྡན་སྦྱོར་ཞིང་།། ཐམས་ཅད་ལྷ་ཡི་ཕྱག་རྒྱར་གསལ།། ཤེས་པར་བྱ་བའི་དམ་ཚིག ་ནི།། འཁོར་བའི་ཆོས་ལྔ་མ་སྤངས་ཤིང་།། སྤྱད་པས་གྲོལ་ཏེ་མྱ་ངན་འདས།། ཕྱི་ནང་སྣོད་བཅུད་མ་ལུས་ཀུན།། ཕྱག་རྒྱ་ཆེན་པོའི་དཀྱིལ་འཁོར་རོ།། དང་དུ་བླང་བའི་དམ་ཚིག་ནི།། ཏ་ན་ག་ཎ་ལ་སོགས་སྤྱད་པ ་ཡང་།། འདས་པའི་སངས་རྒྱས་རྣམས་ཀྱི་བཀའ།། མ་བྱིན་པ་ཡང་བླང་བ་དང་།། མི་ཚངས་པ་ཡང་སྤྱད་བྱ་ཞིང་།། ལྷ་དང་སློབ་དཔོན་མཆེད་ལ་སོགས།། འཚེ་ལ་རྫུན་གྱི་ཚིག་སྨྲ་ཞིང་།། བརླང་པོ་གང་གིས་ཞེར ་གདབ་པོ།། གླུ་བྲོ་གསང་བའི་དམ་ཚིག་ནི།། དབྱིངས་ཉིད་གསང་བའི་ས་གཞི་ལ།། བྷུརྡྷ་ཁྲག་འཐུང་རོལ་པའི་བྲོ།། གཏི་མུག་གནས་སུ་འཇོམས་པ་སྟེ།། འདའ་དཀའ་སྐུ་ཡི་དམ་ཚིག་གོ། མེ་ལོང་གསལ་བའི་ས་གཞི ་ལ།། རྡོ་རྗེ་ཁྲག་འཐུང་རོལ་བའི་བྲོ།། ཞེ་སྡང་གནས་སུ་འཇོམས་པ་སྟེ།། འདའ་དཀའ་ཐུགས་ཀྱི་དམ་ཚིག་གོ། མཉམ་པ་ཆེན་པོའི་ས་གཞི་ལ།། རིན་ཆེན་ཁྲག་འཐུང་རོལ་པའི་བྲོ།། ང་རྒྱལ་གནས་སུ་འཇོམས་པ ་སྟེ།། ཡོན་ཏན་ལྷུན་གྲུབ་དམ་ཚིག་གོ། སོ་སོར་རྟོགས་པའི་ས་གཞི་ལ།། པདྨ་ཁྲག་འཐུང་རོལ་པའི་བྲོ།། འདོད་ཆགས་གནས་སུ་འཇོམས་པའི་བྲོ།། སྒྲ་མཐའ་ཆུབ་པའི་དམ་ཚིག་གོ། ནན་ཏན་ཆེན ་པོའི་ས་གཞི་ལ།། ཀརྨ་ཁྲག་འཐུང་རོལ་པའི་བྲོ།། ཕྲག་དོག་གནས་སུ་འཇོམས་པ་སྟེ།། ཕྲིན་ལས་འདའ་དཀའི་དམ་ཚིག་གོ། སྟོང་ཉིད་ཡེ་ཤེས་ས་གཞི་ལ།། དབང་ཆེན་ཁྲག་འཐུང་རོལ་པའི་བྲོ།། དུག་ལྔ་གནས་སུ ་འཇོམས་པ་སྟེ།། སྐུ་ལྔ་ལྷུན་སྦྱོར་དམ་ཚིག་གོ། དབྱིངས་ཕྱུག་ལྔ་ཡི་ས་གཞི་ལ།། ཡེ་ཤེས་ལྔ་ཡི་བྲོ་བརྡུངས་ཤིང་།། དུག་ལྔ་འཇོམས་པའི་གླུ་བླངས་པས།། སྡུག་བསྔལ་ཆུ་བོའི་གཞུང་བསྐམས་ནས།། འཁོར་བའི་རྒྱ ་མཚོ་གཏིང་བསྐམས་ཏེ།། སྐུ་གསུང་ཐུགས་སུ་རྒྱས་བཏབ་ནས།། བདེ་བ་ཆེན་པོར་རྣམ་སྦྱར་ཏེ།། དམྱལ་ཚོགས་མེ་དཔུང་གནས་སུ་བསད།། འདི་ནི་དཔལ་གྱི་བྲོ་མོ་ཆེ།། ཐོས་པ་ཙམ་གྱིས་རྟོགས་པ་དང་།། བརྡུངས ་པ་ཙམ་གྱིས་ཐུགས་དམ་སྐོང་།། འདི་ནི་གླུ་བྲོའི་དམ་ཚིག་སྟེ།། ཐམས་ཅད་ཆོས་སྐུ་གདལ་བ་ཆེ།། དབང་ཆེན་འདུས་པའི་ཏནྟ་ལས། འདའ་དཀའ་དམ་ཚིག་གི་ལེའུ་སྟེ་ཉི་ཤུ་པའོ།། །། ཚེ་ལ་དབང་ཐོབ་རིག ་འཛིན་བརྙེས་པའི་ས།། དུས་གསུམ་རྒྱལ་བ་མཉེས་པར་བྱ་བ་དང་།། རྣལ་འབྱོར་ཕྱི་རབས་དངོས་གྲུབ་ཐོབ་པའི་ཕྱིར།། རྡོ་རྗེ་གསང་བའི་ལེའུ་འདི་གསུངས་སོ།། ཆོ་ག་སྲུང་དང་ཏིང་འཛིན་བཅས་པའི་ས།། བདག ་ཉིད་ཕྱག་རྒྱ་ཆེན་པོའི་ང་རྒྱལ་བསྐྱེད།། དེ་ལ་ཡེ་ཤེས་རྒྱན་གྱི་གླུ་བླངས་པ།། ཨོཾ།། གཙུག་ཏུ་འཁོར་ལོ་རྩིབས་བརྒྱད་འབར།། ཆོ་ག་གསུམ་ལྡན་སྣང་མཛད་ཆེ།། ཡབ་ཡུམ་གཉིས་མེད་སྦྱོར་བ་ལས།། འཁོར་ལོ་སྙིང ་གི་དབུས་སུ་བསྒོམ།། དེ་ཡང་རང་བཞིན་མེད་པར་དམིགས།། ཧཱུཾ། དཔྲལ་བར་རྡོ་རྗེ་རྩེ་ལྔ་འབར།། ཆོ་ག་གསུམ་ལྡན་སེམས་དཔའ་ཆེ།། ཡབ་ཡུམ་གཉིས་མེད་སྦྱོར་བ་ལས།། རྡོ་རྗེ་སྙིང་གི་དཀྱིལ་དུ་བསྒོམ།། དེ ་ཡང་རང་བཞིན་མེད་པར་དམིགས།། སྭཱ། གཡས་སུ་རིན་ཆེན་ཟུར་དྲུག་འབར།། ཆོ་ག་གསུམ་ལྡན་རིན་པོ་ཆེ།། ཡབ་ཡུམ་གཉིས་མེད་སྦྱོར་བ་ལས།། རིན་ཆེན་སྙིང་གི་དབུས་སུ་བསྒོམ།། དེ་ལ་རང་བཞིན་མེད་པར ་དམིགས།། ཨཱཾ། རྒྱབ་ཏུ་པདྨ་འབབ་བརྒྱད་འབར།། ཆོ་ག་གསུམ་ལྡན་མཐའ་ཡས་ཆེ།། ཡབ་ཡུམ་གཉིས་མེད་སྦྱོར་བ་ལས།། པདྨ་སྙིང་གི་དབུས་སུ་བསྒོམ།། དེ་ལ་རང་བཞིན་མེད་པར་དམིགས།། ཧཱ། གཡོན་དུ་རྡོ ་རྗེ་རྒྱ་གྲམ་འབར།། ཆོ་ག་གསུམ་ལྡན་དོན་ཡོད་གྲུབ།། ཡབ་ཡུམ་གཉིས་མེད་རོལ་པ་ལས།། རྒྱ་གྲམ་སྙིང་གི་དབུས་སུ་བསྒོམ།། དེ་ལས་རང་བཞིན་མེད་པར་དམིགས།། སྐུ་གསུང་ཡོན་ཏན་ཕྲིན་ལས་ལྔ།། རིགས ་ལྔ་དཔལ་གྱི་གླུ་བླངས་པས།། གསང་བའི་ཡུམ་གྱི་བྲོ་བརྡུངས་ཤིང་།། དཔའ་བོ་འབྲུ་ལྔས་དབང་བསྐུར་བས།། ཐམས་ཅད་མ་ལུས་ཕྱག་རྒྱའི་སྐུ།། ལུས་པ་མེད་པ་ཆོས་ཀྱི་དབྱིངས།། ཧྲཱིཿ། རྟ་མགྲིན་གཙུག་ན་ནོར་བུ ་འབར།། ཆོ་ག་གསུམ་ལྡན་ཧ་ཡ་གྲཱི།། ཡབ་ཡུམ་གཉིས་མེད་རོལ་པ་ལས།། ནོར་བུ་སྙིང་གི་དབུས་སུ་བསྒོམ།། དེ་ལ་རང་བཞིན་མེད་པར་དམིགས།། ཧཱ།། གཡས་པ་བརྒྱད་ན་ལྕགས་ཀྱུ་འབར། ་ག་གསུམ་ལྡན་ཕྲ་མེན་མ།། གཙོ་དང་གཉིས་མེད་འཁྲིལ་པ་ལས།། ལྕགས་ཀྱུ་སྙིང་གི་དབུས་སུ་བསྒོམ།། དེ་ལ་རང་བཞིན་མེད་པར་དམིགས།། གཡོན་པ་བརྒྱད་ན་མཚོན་ཆ་འབར།། ཆོ་ག་གསུམ་ལྡན་བཛྲ ་སྟེ།། གཙོ་དང་གཉིས་མེད་འཁྲིལ་བ་ལས།། མཚོན་ཆ་སྙིང་གི་དབུས་སུ་བསྒོམ།། དེ་ལ་རང་བཞིན་མེད་པར་དམིགས།། ཧཱུཾ། ཧཱུཾ། ཞབས་བརྒྱད་ཕོ་ཉ་ཟ་བྱེད་བརྒྱད།། ཆོ་ག་གསུམ་དང་ལེན་པ་མོ།། གཙོ་དང་གཉིས ་མེད་འཁྲིལ་བ་ལས།། ཆས་བརྒྱད་སྙིང་གི་དབུས་སུ་བསྒོམ།། དེ་ལ་རང་བཞིན་མེད་པར་དམིགས།། ཕཊ། སྐུ་གསུང་ཐུགས་ལས་རྣམ་འཕྲུལ་བའི།། སྒོ་སྐྱོང་ཁྲོ་བོ་མགོ་དགུ་བརྩེགས།། ཁམ་རྒྱ་མོ་དང་ལོང་བའི ་ཚོགས།། དམུས་ལོང་དང་ནི་ཁྱི་སྦྲང་ཚོགས།། དཔལ་ཆེན་སྐུ་ལ་རབ་ཏུ་འབར།། ཆོ་ག་གསུམ་ལྡན་སྦྲུལ་ཚོགས་ལྡན།། དེ་ཡང་ཡབ་ཡུམ་སྦྱོར་བ་ལས།། འཁོར་རྣམས་སྙིང་གི་དཀྱིལ་དུ་བསྒོམ།། དེ་ལ་རང་བཞིན ་མེད་པར་དམིགས།། འདི་ནི་ཡེ་ཤེས་རྒྱན་གྱི་གླུའོ།། རྒྱན་ཉིད་ཡེ་ཤེས་གླུ་བླངས་པས།། སྐད་ཅིག་མ་ཡི་ཏིང་འཛིན་གྱིས།། བདག་ཉིད་ཕྱག་རྒྱ་རྟ་མཆོག་འབར།། ཨོཾ། འཁོར་ལོ་ཡེ་ཤེས་ཅན་རྣམས་ཀྱིས།། འཁོར་ལོ ་རྡོ་རྗེ་བསྒོམ་བྱས་ན།། དེ་ཉིད་ཆོས་སྐུ་ནམ་མཁའ་ཆེ་ཧོ།། ཧཱུཾ། རྡོ་རྗེ་ཡེ་ཤེས་ཅན་རྣམས་ཀྱིས།། རྡོ་རྗེ་རྡོ་རྗེ་བསྒོམ་བྱས་ན།། དེ་ཉིད་ཆོས་ཉིད་ངང་ལ་རྫོགས་ཧོ། སྭཱ། རིན་ཆེན་ཡེ་ཤེས་ཅན་རྣམས་ཀྱིས།། རིན་ཆེན་རྡོ ་རྗེ་བསྒོམ་བྱས་ན།། དེ་ཉིད་ལོངས་སྤྱོད་ལྷུན་གྱིས་འགྲུབ་ཧོ།། ཨཱཾ། པདྨ་ཡེ་ཤེས་ཅན་རྣམས་ནི།། པདྨ་རྡོ་རྗེ་བསྒོམ་བྱས་ན།། དེ་ཉིད་བརྟེན་པར་གྱུར་པ་མེད།། ཧཱ།། རྒྱ་གྲམ་ཡེ་ཤེས་ཅན་རྣམས་ནི།། རྒྱ་གྲམ་རྡོ་རྗེ ་བསྒོམ་བྱས་ན།། དེ་ཉིད་སྦྲུལ་སྐུ་ངོ་མཚར་ཆེ་ཧོ།། རྒྱན་ཉིད་ཡེ་ཤེས་གླུ་བླངས་པས།། བསྐུལ་དང་དོན་བྱས་འདུས་པ་དང་།། ཐམས་ཅད་ཨ་སྟེ་དངོས་མེད་སྐུ།། སྟོང་པ་ཆེན་པོའི་ངང་ལ་གཞག་ཧོ།། དབང་ཆེན་འདུས ་པའི་ཏནྟ་ལས། གླུའི་ལེའུ་སྟེ་ཉེར་གཅིག་པའོ།། །། ཚར་གསུམ་པ་ཡི་རྔ་བརྡུངས་པས།། ལྕང་ལོ་ཅན་གྱི་ཕོ་བྲང་འཇོམས།། སྣང་མཛད་ཆེན་པོ་ཨ་ལ་ལ།། ཞེས་བརྗོད་དེ། གཞུང་བཞིན་ལྔའི་དོན་ཤེས་པར ་བྱའོ།། དང་པོར་རྒྱུ་དང་རང་བཞིན་དང་།། དོན་དང་བསྒོམ་དང་གྲངས་དང་ནི།། བསྙེན་པར་བྱ་དང་ཐབས་ལ་སོགས།། བདུན་པོ་འདི་ལ་རྔ་ཞེས་བྱ།། དེ་ལ་རྔ་ཡི་རྒྱུ་དག་ནི།། ཕྱི་ཡི་རྒྱུ་དང་ནང་གི་རྒྱུ།། གསང་བའི་རྒྱུ ་དང་གསུམ་དུ་བསྟན།། རང་བཞིན་ལ་ཡང་གསུམ་གསུམ་སྟེ།། རྔའི་རང་བཞིན་དང་། སྐད་ཀྱི་རང་བཞིན་དང་། ལྕགས་ཀྱི་རང་བཞིན་ནོ།། དོན་ལ་ཡང་གཉིས་ཏེ། རྔ་ཀུན་ནས་ཟླུམ་པོར་གྱུར་པ་དང་། རྔ་ཀུན་ནས ་ཡོངས་སུ་རྣམ་པར་གྲགས་པའོ།། བསྒོམ་པ་ལ་ཡང་གསུམ་སྟེ། བལྟ་བར་བསྒོམ་པ་དང་། ལྷའི་སྒྲ་ཕྱག་རྒྱར་བསྒོམ་པ་དང་། སྤྲུལ་པ་བསྒོམ་པ་དང་། རྔའི་གྲངས་ལ་ཡང་གསུམ་སྟེ། སྒྲུབ་པ་ལས་ཀྱི ་དང་། གསང་བ་ཡུམ་གྱི་རྔ་དང་། རོལ་མོ་དབྱངས་ཀྱི་རྔའོ།། བསྙེན་པ་ལ་ཡང་གཉིས་ཏེ། བསྙེན་པ་དང་ཉེ་བའི་བསྙེན་པའོ།། བརྡུང་ཐབས་ལ་ཡང་རྣམ་པ་དྲུག་སྟེ། དཔལ་ཆེན་རང་བཞིན་གྱི་རྔ་བརྡུང་ཐབས་དང་། ་དུར་ཁྲོད་མ་མོའི་བརྡུང་ཐབས་དང་། རྦོད་གཏོང་ཕོ་ཉ་རྦད་པའི་བརྡུང་ཐབས་བསྟན་པའོ།། ཕྲ་མེན་གོ་རི་ལང་ཀ་འདུ་བའི་བརྡུངས་ཐབས་དང་།། ཕྱོགས་སྐྱོང་ཟིལ་གྱིས་མནན་པའི་བརྡུང་ཐབས་དང་།། དངོས་གྲུབ ་ཉེ་བར་ལེན་པའི་བརྡུང་ཟབས་དང་དྲུག་ཏུ་གསུངས་སོ།། དབང་ཆེན་འདུས་པའི་ཏནྟྲ་ལས། རྔ་བརྡུང་བའི་ལེའུ་སྟེ་ཉེར་གཉིས་པའོ།། །། དབང་གི་རྣལ་འབྱོར་པ་རྣམས་ཀྱིས།། གནོད་སྦྱིན་རྣམས་ནི་འཁོར ་འདོད་ན།། གནོད་སྦྱིན་གཟུགས་ནི་ཁྲག་གིས་བྲི།། དུར་ཁྲོད་ཆེན་པོར་མངོན་སུམ་དུ།། དུར་ཁྲོད་དཀྱིལ་འཁོར་གྲུ་བཞི་སྟེ།། དབུས་ཀྱི་གྲུ་གསུམ་མཐིང་ནག་ལ།། མཐའ་སྐོར་ཟླ་གམ་བརྒྱད་ཀྱིས་བསྐོར།། དབུས་སུ ་ཡུམ་ཆེན་གཟི་ལྡན་མ།། ཟླ་གམ་བརྒྱད་ལ་བཞག་པ་ཡང་།། མཚན་དང་ལྡན་པའི་བྷན་དྷ་ལ།། བསྒྲུབ་པའི་མ་མོ་བརྒྱད་བྲིས་ཏེ།། དུར་ཁྲོད་མ་མོ་དགོད་པ་ཡང་།། ཤར་དུ་རྡོ་རྗེ་སྡེར་མོ་དང་།། ལྷོ་རུ་མ་མོ་གློག་འགྱུ ་མ།། ནུབ་ཏུ་རྡོ་རྗེ་དྲ་བ་མོ།། བྱང་དུ་ཨར་མོ་དེ་ལ་བཞག། ཤར་ལྷོ་མཚམས་སུ་དགོད་པ་ཡང་།། རྡོ་རྗེ་ཁམ་རྒྱ་ཆེན་མོའོ།། ལྷོ་ནུབ་མཚམས་སུ་དགོད་པ་ཡང་།། རིན་ཆེན་ཁམ་རྒྱ་དགོད་པར་བྱ།། ནུབ་བྱང་མཚམས ་སུ་པདྨ་རྒྱ།། བྱང་ཤར་མཚམས་སུ་ལས་ཀྱི་རྒྱ།། ཕྱི་རིམ་པར་ཁྱམས་ཆེན་པོ་ལ།། ཟླ་གམ་དམར་པོ་བཅུ་དྲུག་ལ།། ཕྲ་མེན་བཅུ་དྲུག་རིམ་པ་བཞིན།། སྒོ་བཞིར་ཟླ་གམ་བཞི་བྲིས་ཏེ།། སྟེང་དུ་ལྕགས་ཀྱུ་ལ་སོགས ་དགོད།། དེ་ལྟར་བཤམ་པའི་དཀྱིལ་འཁོར་དུ།། གནོད་སྦྱིན་གཟུགས་ནི་ཁྲག་གིས་བྲི།། སྙིང་གར་རྡོག་ཕུར་མནན་ནས་སུ།། དགུག་པའི་བརྟུལ་ཞུགས་ཧཱུཾ་བཟླས་པས།། གནོད་སྦྱིན་མ་འོངས་པར་དུ་ནི།། སྡོད་ན ་ཞག་བདུན་ནས་ཁུགས་འགྱུར།། གནོད་སྦྱིན་ཀུན་ལ་ཅི་དགར་སྤྱོད།། རྣལ་འབྱོར་པ་ཡི་བྲན་དུ་འགྱུར།། ཕྲ་མེན་རྣམས་ནི་འཁོལ་འདོད་ན།། དཀྱིལ་འཁོར་དེ་ཡི་དབུས་དག་ཏུ།། རོ་རས་གྲོ་ག་ཤིང་ཤུན་ལ། ཕྲ་མེན ་གཟུགས་ནི་ཁྲག་གིས་བྲི།། དབང་པོ་ཡན་ལག་ཕུར་པས་གདབ།། སྙིང་གར་རྡོག་པས་མནན་ནས་ནི།། དགུག་པའི་བརྟུལ་ཞུགས་ཧཱུཾ་ཞེས་བཟླས།། གོང་མ་བཞིན་དུ་བདུན་གྱིས་འོང་།། བདག་ཉིད་ཇི་ལྟར་འདོད་པ ་བཞིན།། ཕྲ་མེན་རྣམས་ནི་ཅི་དགར་འཁོར།། ཁོང་གིས་འགལ་ན་ཁོང་དག་འཆི།། བདག་གིས་ཉམས་ན་བདག་ཉིད་ཉམས།། མ་མོ་སྒྲུབ་པའི་དུས་དག་ཏུ།། ནང་པར་མལ་ནས་ལངས་ནས་ཀྱང་།། ཡི་དམ་གནས ་@། པའི་ས་ཕྱོགས་སུ།། གོམས་གསུམ་འཕགས་ནས་སྐུ་གསུམ་དྲན།། བཤང་གཅི་བྱེད་པའི་ས་ཕྱོགས་སུ།། དྲི་ཆེན་ལག་ཏུ་བླངས་ནས་སུ།། སྲས་མ་མཐོང་བར་ཁམས་གསུམ་བཟའ།། དྲི་ཆུ་ཁྲོར་བ་གང ་བླུགས་ནས།། སུས་མ་མཐོང་བར་ཐེངས་གསུམ་བཏུང་།། ཕྲ་མེན་ཆེན་མོ་བཀོལ་བའི་ཕྱིར།། ཤིན་ཏུ་དབེན་པའི་དུར་ཁྲོད་དུ།། རྐང་གཅིག་ས་ལ་བཙུགས་ནས་ཀྱང་།། ཕག་སྐད་ཟེངས་གསུམ་ངུར་བར་བྱ།། བྱང་གི ་ཕྱོགས་སུ་ཁ་བལྟས་ཏེ།། གནོད་སྦྱིན་དབང་དུ་བསྡུ་བའི་ཕྱིར།། དྲི་ཆེན་མདུན་དུ་བཞག་ནས་ཀྱང་།། ཁྱི་སྐད་ཟེངས་གསུམ་ཟུག་པར་བྱ།། ནུབ་ཀྱི་ཕྱོགས་སུ་ཁ་བལྟས་ཏེ།། རྟ་སྐད་འཚེར་བའི་གླུ་དབྱངས་བླངས།། ཕྲ ་མེན་རྣམས་ལ་ཅི་དགར་སྤྱོད།། འདི་ནི་མ་མོ་བསྐོལ་བའི་ལེའུའོ།། དཀྱིལ་འཁོར་འདི་ལ་བཀྲམ་པ་ཡང་།། དབུས་སུ་བཀྲམ་པ་འདི་དག་སྟེ།། གཉིས་ལྡན་བྱང་ཆུབ་སེམས་ཆེན་པོ།། འོ་མ་དང་ནི་བསྲེས་ལ ་གཞག། འཕྱར་ཞིང་མ་མོ་རྟེན་དབྱངས་བླངས།། ཕྱོགས་བཞིར་བདུད་རྩི་བཞི་རྣམས་ནི།། རིམ་པ་བཞིན་དུ་ཟླ་གམ་ལའོ།། ཡི་གེའི་འཕྲོ་འདུ་བྱས་ནས་ཀྱང་།། མ་མོ་རྟེན་དབྱངས་བླངས་ཤིང་འཕྱར།། མཐའ་སྐོར ་ཤར་ལྷོ་མཚམས་སུ་ནི།། རྫས་སུ་ཁྱོ་ཚེ་བཅུ་དྲུག་ལ།། རཀ་ཏ་ཁྲག་དང་བསྲེས་པ་ཡི།། སྔ་མ་བཞིན་དུ་འཕྱར་ཞིང་གཞག། ཕྱི་རིམ་ཕྲ་མེན་བཅུ་དྲུག་ལ།། རྫས་སུ་ཁྱོ་ཚོ་བཅུ་དྲུག་དགོད།། དེ་ཡི་སྟེང་དུ་སྙིང་པོ ་བྲི།། རཀྟ་ཁྲག་དང་བསྲེས་པ་ཡི།། ཁ་ཆེས་བོས་ལ་འཕྱར་ཞིང་གཞག། སྒོ་བ་རྣམས་ནི་དགོད་པ་ཡང་།། བྱང་སྐྱ་གནག་བཅས་བྲིས་པ་ལ།། ཁ་ལི་ལི་བོས་འཕྱར་ལ་གཞག། འདི་ལྟར་རྟོགས་ནས་བསྒོམ་པ ་དང་།། གནོད་སྦྱིན་བྱན་མོ་ལས་བྱེད་དང་།། མ་མོ་མངག་གཞུག་དྲག་མོ་ལས་བྱེད་དང་།། འགྲུབ་འགྱུར་འདི་ལ་ཐེ་ཚོམ་མེད།། གཏོར་མ་ཆོ་ག་གཞུང་བཞིན་བྱ།། སློབ་མར་རཀྟས་དབང་བསྐུར་རོ།། དངོས་གྲུབ ་བརྟེན་ཕྱིར་བཟླས་པ་ལས།། སྲོད་ལ་འཁོར་གསུམ་བྲོ་བརྡུང་བ།། ཐོ་རངས་སྦྱོར་བའི་ལས་ཀྱང་བྱ།། བྱང་ཆུབ་སེམས་ཀྱི་དབང་བསྐུར་ན།། དངོས་གྲུབ་རབ་ཏུ་བརྟན་པར་འགྱུར།། དབང་ཆེན་འདུས་པའི་ཏནྟྲ་ལས།། ་མ་མོ་བཀོལ་བའི་ལེའུ་སྟེ་ཉི་ཤུ་གསུམ་པའོ།། །། ཆས་ཀྱི་བློ་དག་ལས་གྲོལ་ཚིག་ཟབ་མོ་དང་།། གདུག་བྱེད་ཕོ་ཉའི་ལེའུ།། བསྐུལ་བའི་ལས་དག་འབད་པའི་ཕྱིར།། གདུག་བྱེད་ཞབས་ཀྱི་འོད་ཟེར ་ནི།། དཔལ་མཆོག་དྲག་ཤུལ་སྟག་གི་ཆས།། ཁྲོ་བོ་ཡབ་ཡུམ་སྦྱོར་བའི་བྱིན་རླབས་ལས།། སྟག་མགོ་དམར་པོ་དབུ་ལྔ་མེ་ལྟར་འབར།། སྟག་ལག་ཁྲོ་མོ་ཞེ་སྡང་གློག་སྟོང་འཁྱུག། རྐང་གཅིག་མགྱོགས་མ་ཤིན་ཏུ་མི ་བཟད་དེ།། ཤར་ཕྱོགས་ཁྱབ་པར་རྒྱུག་ཅིང་དཔལ་གྱི་བཀའ་ཉན་མ།། དྲི་ཟ་དབང་སྡུད་གདོན་བགེགས་ཐལ་བར་རློག། གདུག་བྱེད་ཞབས་ཀྱི་འོད་ཟེར་འཕྲོས་པས་ནི།། གནོད་གདུག་ཟློག་བྱེད་རྒྱ་བྱེའུ་ལྕགས་ཀྱི ་ཆས།། ཁྲོ་བོ་ཡབ་ཡུམ་སྦྱོར་བའི་བྱིན་རླབས་ལས།། ལྕགས་མགོ་སྔོན་པོ་དབུ་ལྔ་མེ་ལྟར་འབར།། ལྕགས་ལག་ཁྲོ་མོ་ཞེ་སྡང་གློག་སྟོང་འཁྲུག། རྐང་གཅིག་མགྱོགས་མ་ཤིན་ཏུ་མི་བཟད་དེ།། ཤར ་ཁྱབ་པར་རྒུག་ཅིང་དཔལ་གྱི་བཀའ་ཉན་མ།། དྲང་སྲོང་དབང་སྡུད་གདོན་བགེགས་ཐལ་བར་རློག། གདུག་བྱེད་ཞབས་ཀྱི་འོད་ཟེར་འཕྲོས་པ་ནི།། ཤེས་རབ་ཏིང་འཛིན་རྡོ་རྗེ་འཆོལ་བའི་ཆས།། ཁྲོ་བོ་ཡབ་ཡུམ་སྦྱོར ་བའི་བྱིན་རླབས་ལས།། རྡོ་རྗེ་དམར་མོ་དབུ་ལྔ་མེ་ལྟར་འབར།། རྡོ་རྗེ་ལག་པས་ཞེ་སྡང་གློག་སྟོང་འཁྱུག། རྐང་གཅིག་མགྱོགས་མ་ཤིན་ཏུ་མི་བཟད་དེ།། ལྷོ་ཕྱོགས་ཁྱབ་པར་རྒྱུག་ཅིང་དཔལ་གྱི་བཀའ་ཉན ་མ།། གཤིན་རྗེ་དབང་དུ་སྡུད་ཅིང་གདོན་བགེགས་ཐལ་བར་རློག། གདུག་བྱེད་ཞབས་ཀྱི་འོད་ཟེར་འཕྲོས་པ་ནི།། རྔོམ་བརྗིད་གཉེན་ལྕུག་སྦྲུལ་ནག་འཁྱིལ་བའི་ཆས།། ཁྲོ་བོ་ཡབ་ཡུམ་སྦྱོར་བའི་བྱིན་རླབས ་ལས།། སྦྲུལ་མགོ་ནག་པོའི་དབུ་ལྔ་མེ་ལྟར་འབར།། སྦྲུལ་ནག་ཁྲོ་མོ་ཞེ་སྡང་གློག་སྟོང་འཁྱུག། རྐང་གཅིག་མགྱོགས་མ་ཤིན་ཏུ་མི་བཟད་དེ།། ལྷོ་ནུབ་ཁྱབ་པར་རྒྱུག་ཅིང་དཔལ་གྱི་བཀའ་ཉན་མ།། སྲིན་པོར་དབང ་སྡུད་གདོན་བགེགས་ཐལ་བར་རློག། གདུག་བྱེད་ཞབས་ཀྱི་འོད་ཟེར་འཕྲོས་པ་ནི།། དབང་གི་བསེ་ཁྲབ་གཟི་ལྡན་བགྲད་པའི་ཆས།། ཁྲོ་བོ་ཡབ་ཡུམ་སྦྱོར་བའི་བྱིན་རླབས་ཀྱིས།། བསེ་མགོ་དམར་པོ་དབུ་ལྔ་མེ་ལྟར ་འབར།། བསེ་ལག་ཁྲོ་མོ་ཞེ་སྡང་གློག་སྟོང་འཁྱུག། རྐང་གཅིག་མགྱོགས་མ་ཤིན་ཏུ་མི་བཟད་དེ།། ནུབ་ཕྱོགས་ཁྱབ་པར་རྒྱུག་ཅིང་དཔལ་གྱི་བཀའ་ཉན་མ།། ཀླུ་སྲིན་དབང་སྡུད་གདོན་བགེགས་ཐལ་བར ་རློག། གདུག་བྱེད་ཞབས་ཀྱི་འོད་ཟེར་འཕྲོས་པ་ནི།། ཟ་བྱེད་ཆེན་པོ་ཏིང་འཛིན་མཆེ་བའི་ཆས།། ཁྲོ་བོ་ཡབ་ཡུམ་སྦྱོར་བའི་བྱིན་རླབས་ལས།། ཟ་བྱེད་མཆེ་བའི་དབུ་ལྔ་མེ་ལྟར་འབར།། མཆེ་བའི་ལག་པ་ཞེ་སྡང་གློག ་སྟོང་འཁྱུག། རྐང་གཅིག་མགྱོགས་མ་ཤིན་ཏུ་མི་བཟད་དེ།། ནུབ་བྱང་ཁྱབ་པར་རྒྱུག་ཅིང་དཔལ་གྱི་བཀའ་ཉན་མ།། རླུང་ལྷ་དབང་སྡུད་གདོན་བགེགས་ཐལ་བར་རློག། གདུག་བྱེད་ཞབས་ཀྱི་འོད་ཟེར་འཕྲོས་པ ་ནི།། གཟི་ལྡན་ཤུ་ཀན་སྨད་གཡོགས་དར་གྱི་ཆས།། ཁྲོ་བོ་ཡབ་ཡུམ་སྦྱོར་བའི་བྱིན་རླབས་ལས།། དྲང་སྲོང་དམར་པོ་དབུ་ལྔ་མེ་ལྟར་འབར།། དར་ལག་ཁྲོ་མོ་ཞེ་སྡང་གློག་སྟོང་འཁྱུག། རྐང་གཅིག་མགྱོགས་མ་ཤིན ་ཏུ་མི་བཟད་དེ།། བྱང་ཕྱོགས་ཁྱབ་པར་རྒྱུག་ཅིང་དཔལ་གྱི་བཀའ་ཉན་མ།། གནོད་སྦྱིན་དབང་སྡུད་གདོན་བགེགས་ཐལ་བར་རློག། གདུག་བྱེད་ཞབས་ཀྱི་འོད་ཟེར་འཕྲོས་པ་ནི།། གཅན་གཟན་རྒྱལ་པོ་གདུག་པ ་གཟིག་གི་ཆས།། ཁྲོ་བོ་ཡབ་ཡུམ་སྦྱོར་བའི་བྱིན་རླབས་ལས།། གཟིག་མགོ་ཁྲ་མོ་དབུ་ལྔ་མེ་ལྟར་འབར།། གཟིག་ལག་ཁྲོ་མོ་ཞེ་སྡང་གློག་སྟོང་འཁྱུག། རྐང་གཅིག་མགྱོགས་མ་ཤིན་ཏུ་མི་བཟད་དེ།། བྱང་ཤར་ཁྱབ ་པར་རྒྱུག་ཅིང་དཔལ་གྱི་བཀའ་ཉན་མ།། དབང་ལྡན་དབང་སྡུད་གདོན་བགེགས་ཐལ་བར་རློག། ཕྱོགས་བཞི་མཚམས་བརྒྱད་དྲེགས་པའི་དཔུང་འཇོམས་མ།། ཟ་བྱེད་མཆེ་བས་བདུད་ཀྱི་དཔུང་ཚོགས ་འཇོམས།། ང་རྒྱལ་བསྙེམས་པས་ཕ་རོལ་ཟིལ་གྱིས་གནོན།། ཐུགས་ཆོམ་འབྲུག་སྒྲས་སྲིན་པོའི་ཐོད་རུས་འཇོམས།། ཛཿཧཱུཾ་བཾ་ཧོཿས་སྲིན་པོ་དབང་དུ་སྡུད།། ཧཱུཾ་དང་ཕཊ་ཀྱིས་སྲིད་གསུམ་འཁོར་བ་འཇིག། ཕྲིན་ལས ་དུས་ལ་བབ་པོ་གཤེགས་སུ་གསོལ།། མ་མ་བགྱིས་པས་མ་མོ་བསྐུལ།། ཛ་ཛ་བགྱིས་པས་ཁྲོ་བོ་རྦད།། ཧ་ཧ་བགྱིས་པས་ཕོ་ཉ་འགྱེད།། ཧྲཱིཿཧྲཱིཿབགྱིས་པས་རྟ་མགྲིན་རྔམ།། བྷྱོ་བྷྱོ་བགྱིས་པས་དབང་ཕྱུག ་འཁོད།། དབྱངས་སུ་ཚངས་པའི་གླུ་དྲུག་བླང་།། ལས་སུ་དགྲ་བགེགས་མ་ལུས་བསྒྲལ།། རྟགས་སུ་གསང་བའི་རྔ་ཆུང་བརྡུང་།། དཔལ་གྱི་ཕྲིན་ལས་དུས་ལ་བབ།། དབང་ཆེན་འདུས་པའི་ཏནྟ་ལས། ཆས་ཀྱི་ཕོ་ཉ ་མངག་པའི་ལེའུ་སྟེ་ཉི་ཤུ་རྩ་བཞི་པའོ།། །། ཚད་མར་གྱུར་པའི་རྣལ་འབྱོར་པས།། ཧཱུཾ་མཛད་ཆེན་པོའི་ཏནྟ་ལས།། ཉེ་བར་བསྒྲུབ་པའི་མན་ངག་ནི།། སྦྱོར་བའི་དམ་ཚིག་འདི་གསུངས་སོ།། ཕྱི་རབས་སྐལ ་བར་རབ་ལྡན་པའི།། མི་ཉམས་ཙམ་དུ་བཅས་པ་ལས།། ཐེ་ཚོམ་མེད་ཅིང་ངེས་པར་འགྲུབ།། ལུས་ངག་ཡིད་གསུམ་རྒྱ་ཆེ་ལ།། དབྱིངས་ནས་གསང་བའི་ཡུམ་བསྐྱེད་པ།། སྙིང་པོ་འབྲུ་དང་བཅས་པས་སོ།། མཉམ ་པས་མཉམ་པའི་ཕྱག་རྒྱར་གསལ།། གཉིས་སུ་མེད་པའི་སྦྱོར་བའི་ཕྱིར།། གསང་བའི་རྩེ་མོར་ཨོཾ་སེར་པོ།། ཡེ་ཤེས་ལྔ་ཡི་ས་བོན་བསམ།། རྡོ་རྗེ་རྩེ་ལྔར་གྱུར་པར་དམིགས།། དེ་དཀྱིལ་ཨ་ལས་ཟླ་བ་སྟེ།། ཐབས་ཀྱི ་ཕྱག་རྒྱའི་ཆོ་འཕྲུལ་ལོ།། གཟི་ལྡན་གསང་བ་ཨེ་གྲུ་གསུམ།། དེ་དཀྱིལ་མ་ལ་ཉི་མ་སྟེ།། དེའི་སྟེང་བཾ་ལས་པདྨར་བཏག། ཤེས་རབ་ཕྱག་རྒྱའི་ཆོ་འཕྲུལ་ལོ།། སྐུ་བསྐྱེད་ཕྱག་རྒྱ་གསལ་བ་ལས།། སོ་སོར་གསལ་བའི ་བརྡས་མཚོན་ཏེ།། བསྟོད་ཅིང་བསྐུལ་ནས་ལྡན་བྱས་ན།། ཨོཾ་དང་མུཾ་གྱི་འཕྲོ་འདུ་ལས།། ཆོ་ག་གསུམ་གྱིས་བྱིན་རླབས་ནས།། པྲ་བེ་ཤ་ཡི་སྒོ་དབྱེ་ལ།། འདབ་བརྒྱ་པདྨ་ཉི་མར་བཅས།། དེ་དབུས་གསང་བའི་རྡོ་རྗེ ་དབུལ།། ཧཱུཾ་གིས་གསོར་ཅིང་ཧ་ཡིས་བསྐྱོད།། ཡང་དང་ཡང་དུ་བསྐྱོད་པ་ཡིས།། སྐུ་གསུམ་དབྱིངས་སུ་བསྡུ་བའོ།། ཧཱུཾ་ནི་ཡབ་ཀྱི་བྱང་ཆུབ་སེམས།། གོ་རོ་ཙ་ནའི་དབྱིངས་ནས་བཏོན།། སྲོག་དག་གསང་བའི་དབྱིངས ་སུ་སྦྱངས།། ལྗགས་ཀྱི་དབང་པོར་འཁྱིལ་པ་ཡང་།། ནཱ་སའི་དབྱིངས་ནས་ཀླད་པར་བསྐུལ།། ཚོར་བ་ཉམས་སུ་མྱོང་ནས་ནི།། སྐལ་བའི་རྩ་རུ་བརྒྱུད་ནས་ཀྱང་།། གསང་བའི་རྡོ་རྗེའི་ལམ་དུ་བྱུང་།། བྷ་ག་གསང་བའི ་དཀྱིལ་འཁོར་དུ།། ཡང་དང་ཡང་དུ་སྤྲོ་ཞིང་བསྡུ།། ཉི་མ་ཟླ་བ་པདྨ་དང་།། རྡོ་རྗེ་ལ་སོགས་འདྲེན་པ་དང་།། སྦྱོར་བའི་བྱང་ཆུབ་རབ་སྤྲོས་པས།། ཕྱོགས་བཅུ་རྒྱལ་བའི་ཐུགས་དམ་བསྐུལ།། མཐའ་ཡས་སེམས་ཅན ་ལས་དོན་བྱས།། སླར་འདུས་ཕྱག་རྒྱའི་སྐུར་གྱུར་པས།། ཡེ་ཤེས་སེམས་དཔའ་ཚོན་གང་པའོ།། དེ་ཡང་ཡབ་ཡུམ་སྦྱོར་བ་ལས།། བྱང་ཆུབ་སེམས་ནི་སྤྲིན་ཆེན་བླངས།། རྫས་ལས་ཚེ་ཡི་དངོས་གྲུབ ་གསོལ།། འདི་ནི་སྦྱོར་བའི་ལུང་དུ་གྲགས།། བྱང་ཆུབ་སེམས་ཀྱི་འོད་ཟེར་ལས།། སླར་ཡང་ཡུམ་གྱི་དབྱིངས་སུ་ཐིམ།། དེ་ལས་ཕྱག་རྒྱའི་སྐུར་བསྒོམས་པས།། དོང་ཚེ་ཙམ་གྱི་ཟླ་དཀྱིལ་དུ།། ཡེ་ཤེས་སེམས་དཔའ ་ཚོན་གང་དམར།། འབྲུ་གསུམ་ཙམ་གྱི་སྒྲོ་མཚམས་ལ།། གཡས་པ་ཡིད་བཞིན་ནོར་བུ་བསྣམས།། གཡོན་པ་རིན་ཆེན་ཟ་མ་ཏོག། དེ་ལྟར་དཀྱིལ་འཁོར་གསལ་བ་དང་།། སྤྲུལ་པས་གཞན་གྱི་དོན་བྱས་ནས།། ཐམས ་ཅཙིཅད་མ་ལུས་ཕྱག་རྒྱའི་སྐུར།། སྦྱོར་བ་ཆེན་པོས་བསྐྱེད་པའོ།། རྫོགས་ནས་མཐོལ་བཤགས་བཟོད་པར་གསོལ།། ཟ་བྱེད་ཐམས་ཅད་ཆོས་ཀྱི་དབྱིངས།། དབང་ཆེན་འདུས་པའི་ཏནྟྲ་ལས། སྦྱོར་བའི་ལེའུ་སྟེ་ཉི་ཤུ ་རྩ་ལྔ་པའོ།། །། དཔལ་མཆོག་པདྨ་ཧེ་རུ་ཀའི།། སྐུ་གསུང་ཐུགས་ཀྱི་རྔོམ་བརྗིད་ནི།། སྐྱེ་མེད་ཟབས་ཀྱི་ཕྱག་རྒྱ་ཆེ།། འདི་ནི་དཔའ་བོ་ཆེན་པོའི་སྒྲ།། ཁྲོ་བོ་རྔོམ་བརྗིད་རྒྱལ་པོའི་ལེའུ།། བློ་དང་ལྡན་པའི་རྣལ ་འབྱོར་གྱིས།། སྐུ་ལ་རྔོམ་བརྗིད་བཞིར་གྲགས་པ།། ནམ་མཁའི་རང་བཞིན་ཕྱག་རྒྱ་རྔོམ།། ཅིར་ཡང་བསྒྱུར་བའི་བཞུགས་ཐབས་རྔོམ།། ཟིལ་གྱིས་གནོན་པའི་གདན་མཆོག་རྔོམ།། ཚམ་རྔམས་ཆེན་པོ་སྟབས་ཀྱི ་རྔོམ།། གསུང་ལ་རྔམ་པ་བཞིར་གྲགས་པ།། ཧོམ་ལྔར་འབྲེལ་བས་ཞལ་གྱི་རྔོམ།། ཟླ་གམ་ཅིར་ཡང་བསྒྱུར་བ་ལྗགས་ཀྱི་རྔོམ།། སྐྱེ་ཤི་རྩད་ནས་གཅོད་པ་ཚེམས་ཀྱི་རྔོམ།། གསུང་སྒྲ་འབྲུག་ལྟར་སྒྲོགས་པ་དབྱངས་ཀྱི ་རྡོརྔོམ།། ཐུགས་ཀྱི་རྔམ་པ་བཞིར་གྲགས་པ།། ཏིང་འཛིན་ནམ་མཁའ་རྒྱན་གྱི་སྐར་ལྟར་རྔོམ།། ཕྲིན་ལས་རྒྱ་མཚོ་རྒྱན་གྱི་རླབས་ལྟར་རྔོམ།། ཡོན་ཏན་ས་གཞི་རྩི་ཤིང་ལྟ་བུར་རྔོམ།། མཛད་པ་རོལ་མོ་རྒྱན་གྱི་གར ་སྟབས་རྔོམ།། ཡོན་ཏན་རྔམ་པ་བཞིར་གྲགས་པ།། རཱུ་ཏྲ་བཅོམ་པའི་གནས་ལྔར་རྔོམ།། ལྷ་ཆེན་མནན་པའི་གདན་གྱི་རྔོམ།། ཁམས་གསུམ་བསྒྲལ་བའི་ཞིང་གི་རྔོམ།། རྟོག་འཇོམས་སྤྱོད་པའི་བརྟུལ་ཞུགས་རྔོམ།། སྐུ ་ཡི་བརྗིད་པ་བཞིར་གྲགས་པ།། སྐུ་ཆེ་ཡན་ལག་རགས་པས་བརྗིད་ཀྱང་ཆེ།། གྲངས་མང་རྐྱེན་དང་མཚམས་པས་བརྗིད་ཀྱང་ཆེ།། བཀུར་འོས་གཙོ་བོར་མཐོང་བས་བརྗིད་ཀྱང་ཆེ།། ཁྱད་ཞུགས་བླ་མ་ཡིན་པས ་བརྗིད་ཀྱང་ཆེ།། གསུང་གི་བརྗིད་པ་བཞིར་གྲགས་པ།། གདངས་ཚེ་སྟོང་གསུམ་གང་བས། བརྗིད་ཀྱང་ཆེ།། ཚིག་མྱུར་ད་ཐེ་ཚོམ་གཅོད་པས་ང་བརྗིད་ཀྱང་ཆེ།། གསལ་བས་པ་མཐའ་གཉིས་སྤངས་པས་བརྗིད་ཀྱང ་ཆེ།། ཐུགས་ཀྱི་བརྗིད་པ་བཞིར་གྲགས་པ།། ཡངས་པ་རེ་དོགས་མེད་པས་བརྗིད་ཀྱང་ཆེ།། ཐུགས་རྗེ་ཐུགས་དམ་མཐར་ཕྱིན་བརྗིད་ཀྱང་ཆེ།། མ་བཀག་ས་ལེར་མཁྱེན་པས་བརྗིད་ཀྱང་ཆེ།། མ་རྨོངས་ཅིར་ཡང་སྤྲུལ ་པས་བརྗིད་ཀྱང་ཆེ།། ཡོན་ཏན་བརྗིད་པ་བཞིར་གྲགས་པ།། མེད་པ་ཟད་མི་ཤེས་པས་བརྗིད་ཀྱང་ཆེ།། གཅིག་ལས་འདོད་དགུར་བསྒྱུར་བས་བརྗིད་ཀྱང་ཆེ།། གནོད་སྦྱོར་ཕམ་པར་མཛད་པས་བརྗིད ་ཀྱང་ཆེ།། ཐབས་མཁས་སྐྱོན་གྱིས་མ་གོས་བརྗིད་ཀྱང་ཆེ།། ཕྲིན་ལས་བརྗིད་པ་བཞིར་གྲགས་པ།། མི་བསྙེངས་ཉམས་བག་རོལ་པས་བརྗིད་ཀྱང་ཆེ།། འཁོར་བ་ཡུན་རིང་མི་བརྙེངས་བརྗིད་ཀྱང་ཆེ།། མགོ་སྐྱབས ་རྒྱུན་དུ་མཛད་པས་བརྗིད་ཀྱང་ཆེ།། དགོངས་པའི་དོན་རྣམས་འགྲུབ་པས་བརྗིད་ཀྱང་ཆེ།། དེ་ལྟར་དཔའ་ཆེན་ཡོན་ཏན་སུམ་ཅུ་རྩ་དྲུག་གིས།། དུག་གསུམ་སྐུ་གསུང་ཐུགས་སུ་སྦྱར།། སྡུག་བསྔལ་བདེ་བ་ཆེན་པོར ་གཅད།། དབྱིངས་ལས་ཡེ་ཤེས་ཆེན་པོ་སྟེ།། ངན་འགྲོ་མཐོ་རིས་སྐྱེས་བཏབ་པས།། དམྱལ་ཚོགས་དོངས་སྤྲུགས་ཆེན་པོ་མཛད།། རྒྱལ་བ་གང་གི་ཐུགས་རྗེས་ཀྱང་།། འདི་ལ་རྡུལ་ཙམ་བསྐྱེད་དུ་མེད།། སྲིད་གསུམ ་དབང་དུ་བསྡུས་ནས་ནི།། ཁམས་གསུམ་དུས་གཅིག་དབྱིངས་སུ་ཐིམ།། ཐིག་ལེ་ཆོས་སྐུར་ཡེ་གནས་པས།། དབང་ཆེན་ཞེས་ཀྱང་འདི་ལ་བསྔགས།། དབང་ཆེན་འདུས་པའི་ཏནྟྲ་ལས། ཁྲོ་བོ་རྔམ་བརྗིད་རྒྱལ ་པོའི་ལེའུ་སྟེ་ཉི་ཤུ་རྩ་དྲུག་པའོ།། །། དངོས་གྲུབ་བསྙེམས་པའི་རྣལ་འབྱོར་པས།། རྟ་མཆོག་རོལ་པའི་ཏནྟྲ་ལས། རྡོ་རྗེ་ཚེ་མཆོག་སྒྲུབ་པའི་ཕྱིར།། ངེས་པའི་དོན་ལ་འདི་གསུངས་སོ།། བཀྲ་ཤིས་གསང་ཆེན ་ཆེ་ཡི་ལུང་།། གཟི་མདངས་ལྡན་པ་སྒྲུབ་པའོ།། ཡིད་དུ་འོང་བའི་གནས་མཆོག་ཏུ།། ཕུན་སུམ་ཚོགས་དང་ལྡན་བྱས་ནས།། བཀྲ་ཤིས་དཀྱིལ་འཁོར་ཟླུམ་པོ་ལ།། འདོམ་གང་ཚད་དང་ལྡན་པའོ།། པདྨ་འདབ་མ ་བརྒྱད་པ་ལ།། སྟེང་དུ་ཟླ་གམ་རེ་རེ་དཀོད།། ཕྱོགས་བཞིའི་ཟླ་གམ་བཞི་པོ་ལ།། གཤོག་པ་མོ་ལ་སོགས་པ་བཞི།། སྟེང་དུ་བྷན་དྷ་བཞི་དང་བཅས།། མཚམས་ཀྱི་ཟླ་གམ་བཞི་པོ་ལ།། ཟ་བྱེད་ལ་སོགས་ཡུམ་བཞི ་ཡང་།། བྷན་དྷ་བཞི་ལ་རྡོ་རྗེས་མཚན།། ཤིན་ཏུ་བརྟགས་ཏེ་དགོད་པར་བྱ།། དབུས་ཀྱི་ལྟེ་བ་ཟླུམ་པོ་ལ།། ཡུམ་མཆོག་གཟི་ལྡན་པདྨ་ཅན།། ཟླ་གམ་ཁ་སྤྲོད་ཐོད་པར་བཅས།། སྙིང་པོ་སྔགས་དང་བཅས་པ ་དགོད།། མཚན་མ་མེད་པའི་ཆོས་སྐུ་ལ།། མཚན་མའི་རྣམ་རྟོག་མི་མངའ་ཡང་།། བདུད་དང་གཤིན་རྗེའི་འདུལ་བ་དང་།། ཚེ་དང་བསོད་ནམས་བརྟན་པའི་ཕྱིར།། རྡོ་རྗེའི་ར་བས་ཀུན་ཏུ་བསྐོར།། རྣལ་འབྱོར་གང ་ཞིག་སྐལ་ཡོད་ལ།། དཀྱིལ་འཁོར་འདི་ཡི་དོན་ཡང་བཤད།། རྫས་ལས་དངོས་གྲུབ་གསོལ་བ་དང་།། ཚེ་ཡི་རིག་འཛིན་ཐོབ་པའི་ཕྱིར།། ཚེ་བུམ་བྷན་དྷ་སྲུབས་མེད་ལ།། མགུལ་ཆིངས་གསང་བའི་རས་ཀྱིས ་དཀྲི།། ནང་དུ་དཔའ་བོ་སྨན་དང་བཅས།། སྙིང་པོ་ཡུམ་གྱི་སྐུར་བསྐྱེད་ཅིང་།། གསང་བའི་བསྙེན་ལ་དགུ་འབུམ་དབུལ།། བུམ་པར་བསྡུ་ཞིང་དབྱིངས་སུ་བསྟིམ།། སྦྱོར་བའི་བྱང་ཆུབ་སེམས་དང་བཅས།། མཁའ་ལ ་སྤྲོ་ཞིང་དབྱིངས་སུ་བསྟིམ།། དེ་ལས་སེམས་དཔའི་སྐུར་བསྒོམ་པ།། ཚོན་གང་སྐུ་ཡིས་སྟོང་གསུམ་དགང་།། ཚེ་གནས་སྤྲུག་པའི་དགོངས་པ་སྟེ།། སྤེལ་བའི་ཆོ་ག་ཡིན་པར་གསུངས།། རྣལ་འབྱོར་ཡབ ་ཡུམ་སྦྱོར་བའི་སེམས།། དམར་པོ་ཧྲཱིཿདང་ལྡན་སྤྲོས་ནས།། གཟི་ལྡན་ཐུགས་ཀར་བསྟིམ་བྱས་ཏེ།། གཉིས་སུ་མེད་པར་གྱུར་པ་ནི།། སྙིམ་པའི་ཆོ་ག་ཡིན་པར་གསུངས།། སྦྱོར་བའི་སེམས་ལ་འདུ་འཕྲོ་ནི།། ཁམས ་གསུམ་གང་ནས་འདུས་པ་དང་།། གཟི་ལྡན་ལྟེ་བའི་གཞལ་ཡས་སུ།། ཐིམ་གྱུར་རྒྱ་གྲམ་གཏམས་པས་གཅད།། བདུད་དང་མུ་སྟེགས་གང་གིས་ཀྱང་།། འདི་ལ་མཐོང་བར་མི་ནུས་པས།། སྦ་བའི་ཆོ་ག་ཡིན་པར ་གསུངས།། སྦྱོར་བའི་བྱང་ཆུབ་ལྕགས་ཀྱུ་འཕྲོས།། ཛཿཛཿསྤྲིན་ཕུང་འདུ་འཕྲོ་ལས།། ཀླུ་དང་སྲིན་པོ་འཁོར་བཅས་ཀྱི།། ཆོ་དང་གཟི་བྱིན་བཀུག་ནས་ཀྱང་།། བུམ་པའི་གཟི་ལྡན་ཐུགས་གར་བཅུག། འདི་ནི་དགུག ་པའི་ཆོ་གར་གསུངས།། སྦྱོར་བའི་སེམས་ལས་ཧཱུཾ་དཀར་སྤྲོས།། དེ་ལས་རྩེ་གསུམ་རྡོ་རྗེ་ལྕགས་ཀྱུ་ཡིས།། ཚེ་ཉམས་འདེགས་པའི་སྦྱོར་བ་ཡིས།། ལུས་ངག་ཡིད་གསུམ་བརླབས་ནས་ནི།། སྐུ་གསུང་ཐུགས་སུ་གསལ ་བ་དང་།། ནརྀ་ཡང་ཧཱུཾ་དུ་བྱིན་བརླབས་ཏེ།། ཤིན་ཏུ་གང་ངམ་རྒྱས་པ་ནི།། གསོ་བའི་ཆོ་ག་ཡིན་པར་གསུངས།། ཐམས་ཅད་གཅིག་ཏུ་གྱུར་པ་དང་།། མཉམ་ཉིད་ཆོས་སྐུ་དག་པ་ཡིས།། སྲིད་གསུམ་དབང་དུ་གྱུར་པ ་ནི།། དབང་དུ་བསྡུ་བའི་ཆོ་ག་ཡིན།། ཅིར་སྣང་ཅི་སྲིད་བྱང་ཆུབ་སེམས།། དེ་ལས་ཕྱག་རྒྱའི་དཀྱིལ་འཁོར་ཆེ།། གཡོ་དང་མི་གཡོ་སྣ་ཚོགས་ཀུན།། མི་ནུབ་ལྡན་པའི་ཨཱ་ཡུ། འོད།། དམར་པོས་དབང་བསྡུས་རྒྱས ་བཏབ་པ།། རྒྱས་བཏབ་ཆོ་ག་ཡིན་པར་གསུངས།། ཐམས་ཅད་མ་ལུས་གཟི་ལྡན་ཡུམ།། དཀྱིལ་འཁོར་བུམ་པར་བཅས་པ་ཀུན།། མི་དམིགས་གཟི་ལྡན་མཁའ་ལ་འཁྱིལ།། ཚོན་གང་གསལ་བའི་སྐུར་བསྐྱེད ་ནས།། མུ་ཏིག་ནས་ཙམ་ཕྱག་ན་བསྣམས།། དེ་ཉིད་ཡེ་ཤེས་ཕྱག་རྒྱ་ལ།། གཉིས་སུ་མེད་པར་གྱུར་པ་དང་།། སྐྱེ་མེད་ཆོས་སྐུར་རྟོགས་པ་ནི།། གནས་ཀྱི་ཆོ་ག་ཡིན་པར་གསུངས།། སོ་སོའི་ཕོ་ཉ་གཏང་བ ་ཡང་།། སྤེལ་བའི་དུས་ན་གཤོག་པ་མོ།། བསྟིམ་པའི་དུས་ན་དྲ་བ་ཅན།། སྦ་བའི་དུས་ན་སྡེར་མོ་ཅན།། དགུག་པའི་དུས་ན་གློག་འགྱུ་མ།། གསོ་བའི་དུས་ནི་མགོ་བརྙན་ཅན།། དབང་དུ་བསྡུ་བ་དམར་མོའི ་ཚོགས།། རྒྱས་འདེབས་དུས་ན་གསང་ཡུམ་བཞིའོ།། བསྒྲུབ་པ་ཆེན་པོ་རྫོགས་པ་དང་།། དངོས་གྲུབ་གསོལ་དང་དབང་བསྐུར་དང་།། སྨོན་ལམ་གདབ་དང་པྲ་ལ་སོགས།། ཕྲིན་ལས་གཞོལ་དང་གཏོར་མ ་གཏང་།། གཞུང་ལས་བྱུང་བ་བཞིན་དུ་བྱ།། དབང་ཆེན་འདུས་པའི་ཏནྟ་ལས། བཀྲ་ཤིས་ཚེའི་ལུང་གི་ལེའུ་སྟེ་ཉི་ཤུ་རྩ་བདུན་པའོ།། །། ཕྱི་རབས་སྔགས་འཆང་བསྒྲུབ་པ་པོས།། དཔལ་ཆེན་འཁོར་བཅས ་བསྒྲུབ་པ་དང་།། ཚེ་དང་གཟི་བརྗིད་སྤེལ་བའི་ཕྱིར།། གཟི་བརྗིད་ཆེ་བའི་ལེའུ་གསུངས།། དང་པོ་ཕུན་སུམ་ཚོགས་ལྡན་ནས།། བཀའ་དང་མཐུན་པའི་དགོན་གནས་སུ།། དཀྱིལ་འཁོར་འདོམ་གང་གྲུ ་བཞི་ལ།། དབུས་སུ་གྲུ་གསུམ་ཚད་དུ་ནི།། ཁྲུ་གསུམ་ཁྲུ་གང་འཕང་དུ་བརྩིག། ངོས་སུ་ཟླ་གམ་བཞི་པ་ལ། བར་ཁྱམས་སྒོ་དང་སྒོ་ཁྱུད་བཅས།། མེ་དཔུང་འབར་བས་མཐའ་བསྐོར་ཞིང་།། ཤིན་ཏུ་མཛེས་དང་ལྡན ་པར་བྲི།། ལག་ཆ་ཕུན་སུམ་ཚོགས་བྲིས་ལ།། གཟི་ལྡན་མཚན་དང་ལྡན་པ་དེས།། ཐོད་པ་མ་གས་ཁྱད་པར་ཅན།། ལྕང་ལོ་འབར་བས་བརྒྱན་པ་ལྔ།། དབུས་དང་ཕྱོགས་བཞིའི་ཟླ་གམ་ལའོ།། སྨན་དང་ཛ་གད་རྒུན ་ཆང་དང་།། མར་དང་སྦྲང་རྩི་འོ་མ་ལས།། ཇི་ཙམ་འབྱོར་བའི་ཡོ་བྱད་རྣམས།། གོང་མའི་སྣོད་རྣམས་རབ་ཏུ་དགང་།། དེ་ནས་རྣལ་འབྱོར་དབང་ཕྱུག་གིས།། ཚེ་དང་གཟི་བརྗིད་སྤེལ་བའི་ཕྱིར།། ཐབས་ལ་མཁས ་པས་འདི་སྐད་གསུངས།། སྦྱང་དང་སྤེལ་དང་བསྒོམ་པ་དང་།། ཡིག་འབྲུ་འཕྲོ་འདུས་བཀུག་པ་དང་།། རིགས་ཀྱི་ཕོ་ཉ་བཏང་བ་དང་།། བསྙེན་པའི་གྲངས་རྣམས་རྒྱས་བཏབ་དང་།། ཕྲ་དང་རིག་པ་མངོན་སུམ ་དུ།། བལྟས་པས་ལྷན་ནེ་གསལ་བའོ།། དེ་ལ་སྦྱང་བར་བྱ་བ་ཡང་།། སྔགས་དང་ཕྱག་རྒྱའི་ཕོ་ཉ་དང་།། ཆོས་ཉིད་དག་པའི་ངང་གིས་སོ།། སྤེལ་བའི་དོན་དང་རང་བཞིན་ནི།། ཆོས་ཀྱི་དབྱིངས་ལས་མ་གཡོས ་ཀྱང་།། མཚན་མའི་ཕྱག་རྒྱ་མཁའ་ལྟར་ཁྱབ།། དེ་ནི་སྤེལ་བའི་ལུང་ཞེས་བྱ།། བསྒོམ་པར་བྱ་བ་འདི་དག་སྟེ།། སྣོད་བཅུད་ཡུམ་གྱི་དབྱིངས་སུ་བསྒོམ།། སྣང་སྲིད་ཕྱག་རྒྱའི་ཚོགས་སུ་བསྒོམ།། ཡིག་འབྲུ་སྤྲོ་བར་བྱ་བ ་ནི།། ཨཱ་ཡུཿདམར་པོ་དབང་གི་སྐུ།། བསྐྱེད་པའི་ས་བོན་ཉིད་དུ་སྤྲོ།། བསྐུལ་དང་དོན་བྱས་བསྡུ་བ་དང་།། གཟི་དང་ལྡན་མའི་དཔལ་བེའུ་ནས།། སེམས་དཔའི་སྐུ་དང་ལྡན་པར་བྱ།། འདི་ནི་བསྡུ་བའི་ལུང་དུ ་གསུངས།། རིགས་ཀྱི་ཕོ་ཉ་བཏང་བ་ནི།། ཤར་ནས་རྡོ་རྗེ་ཕོ་ཉ་མོ།། གཤོག་པའི་ལུས་ལ་རྡོ་རྗེ་སྦྲུལ་གྱི་གདོང་།། རྒྱན་ལ་སོགས་པའང་དེ་བཞིན་བསྐུལ།། ལྷོ་ནས་རིན་ཆེན་གཤོག་པ་མོ།། གཤོག་པའི་ལུས་ལ་རྡོ་རྗེ ་རིན་ཆེན་གདོང་།། རྒྱན་ལ་སོགས་པའང་དེ་བཞིན་བསྐུལ།། ནུབ་ནས་སྦྲུལ་ནག་གཤོག་པ་མོ།། གཤོག་པའི་ལུས་ལ་སྦྲུལ་གྱི་གདོང་།། རྒྱན་ལ་སོགས་པ་དེ་བཞིན་བསྐུལ།། བྱང་ནས་རྡོ་རྗེ་ཟེའུ་གཤོག་མ།། སྦྲུལ ་པའི་ལུས་ལ་ཟེའུ་གཤོག་གདོང་།། རྒྱན་ལ་སོགས་པ་དེ་བཞིན་སྤྲུལ།། དབུས་ནས་མགྱོགས་པའི་བཀའ་ཉན་མ།། མུ་མེན་ལུས་ལ་འཁོར་ལོའི་གདོང་།། རྒྱན་ལ་སོགས་བདེ་བཞིན་སྤྲུལ།། བསྙེན་པའི་གྲངས་ནི་འདི ་དྲུག་སྟེ།། ཨཱ་ཡུཿསེམས་ཀྱི་རང་བཞིན་ཏེ།། གདོད་ནས་མ་སྐྱེས་ནམ་མཁའི་རང་བཞིན་ལ།། པུཎྱེ་མ་བཀག་ཅི་བདེར་ཡིན།། རྟོགས་ནས་ཞག་གཅིག་དྲུག་སྟོང་སྟེ།། དེ་ལྟར་རྟོགས་ནས་གྲངས་རྫོགས་ཏེ།། མཁས ་ལྡན་ཆེན་པོས་རྒྱས་བཏབ་ནས།། ཐམས་ཅད་མཉམ་ཉིད་ཆོས་སྐུ་ལ།། གཅིག་ཏུ་བསྡུས་ནས་གཟི་ལྡན་རྒྱ།། ཐུགས་ཀར་རྡོ་རྗེ་རྒྱ་གྲམ་གྱིས།། འགྱུར་བ་མེད་པར་བསྟིམ་ལ་བཞག། འཕྲལ་མ་དབབ ་པར་བྱ་བ་ནི།། རིན་ཆེན་མེ་ཏོག་དོར་ནས་ཀྱང་།། གང་ལ་བབ་པའི་ཚེ་དབང་བསྐུར།། རིག་པས་སྐུ་གསལ་འབར་བ་དང་།། ལྟ་བ་ཐམས་ཅད་སངས་རྒྱས་པའོ།། དེ་ལྟར་བསྐུར་ཞིང་དོན་བྱའོ།། ཡིད་ལ་གང་གི་བྱ་བ ་དང་།། ཡང་ན་དཔལ་གྱི་ཐུགས་ཀ་ནས།། ལྕགས་ཀྱུ་ཞགས་པ་ཕོ་ཉ་རྣམས།། ཚེ་དང་གཟི་མདངས་འཕྲོག་ཕྱེར་བསྐུལ།། ལྕགས་ཀྱུས་བསྐུལ་བས་གཤིན་རྗེ་འཛིན།། ཞགས་པ་ཐོགས་པས་འབྱུང་པོ་འཇོམས།། སྒྲོག ་གིས་ཐམས་ཅད་འཇོམས་པར་བྱེད།། དྲིལ་བུས་ལུས་སེམས་སྤྲོ་བ་བསྐྱེད།། ཚེ་ལ་བར་ཆད་བྱེད་པའི་བགེགས།། གང་ན་གནས་པ་ཐམས་ཅད་ཀུན།། བཀུག་ནས་རྣམ་ཤེས་ཨ་དཀར་དམིགས།། འཕྲོ་འདུ་བྱས་ནས ་སླར་འདུས་ནས།། ཨཱ་ཡུཿསྐྱེ་མེད་དང་པོར་གནས།། འདུས་ནས་ཆོས་ཀྱི་དབྱིངས་སུ་ཐིམ།། ཚེ་དང་གཟི་བརྗིད་འཕེལ་རྒྱས་ཤིང་།། སྡུག་བསྔལ་བདེ་བར་བྱིན་བརླབས་ནས།། གཟི་བརྗིད་འདི་ལ་སྔགས་རྫས ་དང་།། སྨན་ལ་སོགས་པའི་བྱེ་བྲག་རྣམས།། མཁས་ལྡན་ཆེན་པོ་འདི་ལྟར་རོ།། སྣ་ཚོགས་མཚན་མར་སྣང་བ་ནི།། རྫས་དང་ལག་ཆའི་མཚན་མ་ཀུན།། སོ་སོའི་མཚན་མ་མངོན་སུམ་ལས།། སྒྱུ་མ་ལྟ་བུར་མངོན་བྱས ་ཏེ།། སྒྱུ་མ་ཉིད་ལ་སྒྱུ་མ་རོལ།། ཡེ་ཤེས་ཉིད་ལ་ཡེ་ཤེས་ཐིམ།། ཐིམ་གྱུར་དབྱིངས་ནས་ཕྱག་རྒྱ་ཆེ།། འདི་ནི་བྱང་ཆུབ་སེམས་ཀྱི་རྒྱུ།། མ་བཏང་བཞིན་དུ་ཡོངས་ལ་གསལ།། སྐྱེ་ཤི་མེད་པའི་ཆོས་སྐུར་དམིགས།། འདུ ་འབྲལ་མེད་པའི་གསུང་དུ་འགྱུར།། འགྱུར་བ་མེད་པའི་སྐུ་བརྙེས་ནས།། དབང་ཆེན་འདུས་པའི་ཏནྟ་ལས།། གཟི་བྱིན་ཚེའི་ལེའུ་སྟེ་ཉི་ཤུ་རྩ་བརྒྱད་པའོ།། །། བསྡུས་ན་ཡིད་བཞིན་རིན་པོ་ཆེ།། ཡིད ་བཞིན་གཏེར་དུ་གྱུར་པས་སྦས་པ་ཡིན།། ཕྲིན་ལས་ཞི་ཁྲོ་ལྟ་བུ་ཡང་།། སྤྲུལ་པ་མང་པོ་ཇི་ལྟར་སྟོན་པ་ཡང་།། དུས་གསུམ་སྒྲོལ་བའི་ནུས་མཐུ་བསམ་ཡས་ཀྱང་།། ལྷུན་གྱིས་གྲུབ་པའི་དབྱིངས་སུ་སྦས་པ་ཡིན།། སྣང ་སྲིད་འཁོར་བའི་ཆོས་རྣམས་མ་ལུས་པ།། ཡབ་ཡུམ་བདེ་བའི་ངང་དུ་རོ་གཅིག་སྟེ།། རྟག་པར་བདེན་པའི་བྱིན་རླབས་ཆེན་པོ་ཡང་།། ཡེ་ནས་བཙལ་བ་མེད་པར་ལྷུན་གྱིས་གནས།། སྡུག་བསྔལ་ཉིད་ཀྱང་བདེ་བའི ་ལོངས་སྤྱོད་དཔལ།། མ་བཙལ་གཞན་ན་མན་ངག་སྦས་པ་ཡིན།། ལྟ་བ་འདི་ལ་སྐལ་ལྡན་གང་གནས་པ།། ད་ལྟ་ཉིད་དུ་ལྟ་བ་དབྱེ་བསལ་མེད།། སྤྱོད་པ་འདི་ལ་སུ་ཞིག་གང་བརྩོན་པ།། ད་ལྟ་ཉིད་ནས་ཕྲིན་ལས ་ལྷུན་གྱིས་གྲུབ།། དམ་ཚིག་འདི་ལ་སྐྱེས་བུ་གང་སྡོམ་པ།། ཀློང་དུ་གྱུར་པས་བསྲུང་དུ་མེད་པའོ།། ངང་གིས་མ་ལྟོས་དངོས་གྲུབ་ཡིན་པས་ན།། མ་བསྒྲུབ་ལྷུན་གྱིས་གྲུབ་པས་བཞག་པ་ཡིན།། ཆོས་རྣམས་ཐམས་ཅད ་འབྱུང་བ་རོ་གཅིག་པས།། ས་ཆུ་ལ་སོགས་རྣམ་པ་ཐ་དད་པ།། མཚན་མ་མངོན་དུ་གསལ་བར་གྱུར་ན་ཡང་།། དོན་གྱི་ལྷ་མོ་བཞི་ཡི་དབྱིངས་ལ་རྫོགས།། མན་ངག་སྦས་པའི་ལུང་དུ་གྲགས་པའོ།། ས ་ལ་གནས་པའི་སྐྱེས་བུ་ཡང་།། རབ་ཀྱི་གདམས་ངག་རྣ་བརྒྱུད་པ།། འདི་རྟགས་ཚེ་རབས་ངེས་པའི་རྣལ་འབྱོར་པས།། རིགས་དང་ཚད་མ་སྦྱོར་བའི་ངེས་བློ་ཡིན།། སེམས་ཀྱི་གཏིང་དུ་ཞེན་པ་གྱུར་པ་ནི།། སྦས་པའི ་མན་ངག་སྣོད་དང་མི་འགལ་བས།། ལྟ་བས་ཇི་ལྟར་ཆོད་བཞིན་གདོན་མི་ཟ།། དབང་ཆེན་འདུས་པའི་ཏནྟ་ལས།། མན་ངག་སྦས་པའི་ལེའུ་སྟེ་ཉི་ཤུ་རྩ་དགུ་པའོ།། །། ལྟ་བ་རྒྱ་མཚོའི་ལེའུ་འདི།། སྣོད་ལྡན་རྣལ ་འབྱོར་དོན་དུ་གསུངས།། བདེན་པ་གཉིས་ཀྱི་ལམ་མཚོན་ཏེ།། ས་དང་ས་ཡི་རིམ་པ་བཞིན།། བགྲོད་ནས་ཕྱིན་པར་འདོད་པ་གང་།། མདོངས་པས་ནམ་མཁར་བསྙེག་པ་བཞིན།། ཕྱིན་པའི་གནས་མེད་ཁྱབ་པ ་ལ།། གནས་ལས་འཕོས་པ་མེད་པས་ནས།། ལྟ་བ་རྒྱ་མཚོ་བཞིན་དུ་བལྟ།། རྟེན་ཅིང་འབྲེལ་བར་བཅས་པ་ཡི།། ཕྱི་ནང་འབྲས་བུ་རྒྱུར་བཅས་ཀུན།། ལུགས་དང་ལུགས་ལས་ལྡོག་པ་ནི།། ས་ཡི་རིམ་པར་འདོད་པ ་དག། སྨིག་རྒྱུ་བཞིན་དུ་ཆུར་དམིགས་ཏེ།། ཕྲད་པར་མི་འགྱུར་ཕྱིན་མི་འགྱུར།། འོན་ཀྱང་མ་བགྲོད་སར་བཞག་པས།། ལྟ་བ་རྒྱ་མཚོ་བཞིན་དུ་བལྟ།། དམིགས་སུ་མེད་པར་དམིགས་བྱ་བ།། དེ་ཉིད་དམིགས་པ་ཆེན ་པོ་སྟེ།། མཚན་མ་མེད་དང་བཅས་པ་ཡང་།། མཚོན་པ་ཡུལ་དང་བྲལ་ལོ་ཞེས།། ཐམས་ཅད་དམིགས་པའི་ཡུལ་ལས་འདས།། བླ་མེད་གོ་འཕང་བགྲོད་པ་ཡང་།། མ་བགྲོད་ཕྱིན་པས་བླ་ན་མེད།། ལྟ་བ་རྒྱ་མཚོ་བཞིན ་དུ་བལྟ།། དག་པའི་དོན་ཕྱིར་རང་གི་རིག་རྟོགས་པས།། བྲན་དང་རྗེ་བོ་ལྟ་བུའི་ཚུལ་གྱིས་ཀྱང་།། སངས་རྒྱས་ས་ཡི་གོ་རིམ་བཙལ་བཏར་འདོད།། ཕྱི་ནང་དག་པའི་རྒྱུ་རྐྱེན་ཚོགས་པ་ཡིས།། མཐོ་རིས་ལྷ་ཡི ་གནས་ཐོབ་གང་ཡིན་པ།། ལྟ་བ་འདི་ཡི་ལུང་དུ་ལྷན་ནེ་བ།། རྒྱ་མཚོ་བཞིན་དུ་གཡོ་བ་མེད་པར་བལྟ།། དེ་ཉིད་གཞི་དང་ལྡན་པར་བསྒོམ་པ་ཡང་།། གང་ལ་མི་རྟོག་ཅི་ལ་མི་ཆགས་ཏེ།། མེ་ལོང་བཞིན་དུ་རིག་པ ་མངོན་སུམ་ཡལ།། འབྲས་བུ་ལམ་དུ་མ་ནོར་རྩོལ་བ་ནི།། བསྒོམ་པའི་མཐུ་ཡོད་འཕགས་ལམ་རིང་བ་ཡང་།། ལྟ་བ་རྒྱ་མཚོ་བཞིན་དུ་བལྟ།། བྱིན་རླབས་ཆེན་པོ་སངས་རྒྱས་ཁྱད་པར་ཅན།། ཐམས་ཅད་ལྷ་ཡི་དངོས ་གྲུབ་པས།། རིག་པ་སྒོམ་པར་བཅས་པ་ཡིས།། ས་དང་ས་ཡི་རིམ་པ་བགྲོད་པ་ཡང་།། ཐེག་པ་མཆོག་གི་ངང་ལ་ཡེ་གནས་པས།། ལྟ་བ་རྒྱ་མཚོ་བཞིན་དུ་ཟབ་མོར་བལྟ།། འབྱུང་དང་འབྱུང་འགྱུར་ཡབ་ཡུམ་ཡིན་པས ་ན།། དྲུག་ལྔ་ཉིད་ཀྱང་ཡེ་ནས་སངས་རྒྱས་པས།། སྡུག་བསྔལ་ཆུ་བོར་བྱིང་བའི་འགྲོ་བ་རྣམས།། སྒྲོལ་དང་སྦྱོར་བའི་ཕྲིན་ལས་ཟབ་མོ་ཡིས།། ཞིང་བཅུ་གནས་སུ་སྒྲོལ་བའི་སངས་རྒྱས་ཀྱང་།། ལྟ་བ་འདི་ཡི་ངང་དུ ་སངས་རྒྱས་པས།། ལྟ་བ་རྒྱ་མཚོ་བཞིན་དུ་ལྷུན་གྱིས་གྲུབ།། སྣ་ཚོགས་ཀུན་ཏུ་བཟང་པོ་རྡོ་རྗེ་སེམས།། དེ་ཉིད་མ་སྐྱེས་པ་ནི་ཡུམ་གྱི་མཁའ།། སྣང་ལ་རང་བཞིན་མེད་པར་ཡབ་ཀྱི་དབྱིངས།། དེ་ཡང ་དབྱེར་མེད་འབྲས་བུ་སྐུ་གསུང་ཐུགས།། རྩོལ་དང་བྲལ་བའི་ས་ལ་དགོད་པ་ཡང་།། ལྟ་བའི་ངང་ལ་རྒྱ་མཚོ་ཇི་བཞིན་དུ།། རྒྱ་མཚོ་ཆེན་པོར་ཆུ་བོ་ཀུན་འབབ་ལྟར།། ཐེག་པའི་རྒྱལ་པོ་ཀུན་ཏུ་བཟང་པོ་འདི།། བདེ། ་མཆོག་ལྷུན་གྱིས་གྲུབ་པའི་མན་ངག་པས།། མིང་དང་མཚན་མའི་སྤྱོད་ཡུལ་མ་ཡིན་ཏེ།། དབྱེ་བ་མེད་པའི་ངང་དུ་རྫོགས་སངས་རྒྱས།། ལྟ་བ་རྒྱ་མཚོའི་ཏིང་འཛིན་ཡེ་ནས་དག། དེ་བས་ལྟ་བ་རྒྱ་མཚོ་བཞིན་དུ ་བལྟ།། གུ་ཡ་ས་མ་ཡ་ཡི་ཐུགས་ཀ་ནས།། སྐལ་ལྡན་འགའ་ཡི་དོན་དུ་གསུངས་པ་ནི།། སྣོད་མིན་ཕལ་གྱི་སྤྱོད་ཡུལ་མ་ཡིན་པས།། ཆུ་སྲིན་དང་ནི་ནོར་བུ་རིན་ཆེན་ཚུལ།། རྒྱ་མཚོའི་གཏིང་གི་རྡོ་ལྟར་ཁར་ཕྱུང ་མིན།། རྨོངས་ཤིང་འཆལ་བས་གལ་ཏེ་ཁར་ཕྱུང་ན།། རང་གཞན་ངན་སོང་གསུམ་དུ་ངེས་འཁྱམས་ན།། གདེང་དང་ལྡན་པའི་སྐྱེས་བུའི་ཏུགས་ལ་བརྣག། དབང་ཆེན་འདུས་པའི་ཏནྟ་ལས།། ལྟ་བུ་རྒྱ་མཚོའི་ལེའུ་སྟེ ་སུམ་ཅུ་པའོ།། །། དངོས་གྲུབ་བརྙེས་པའི་རྣལ་འབྱོར་དབང་ཕྱུག་གིས།། སྒྲུབ་པའི་མན་ངག་སྦས་པ་ནི།། ཕྱི་རབས་རྣལ་འབྱོར་སྐལ་རབ་ལ།། སྙན་ཁྱུང་བརྒྱུད་ནས་གསུངས་པ་དག། མན་ངག་སྦས་པའི ་ལེའུ་ཞེས་བྱ་སྟེ།། སྔོན་ཚེ་མན་ངག་སྦས་པའི་བཀའ།། དབང་ཕྱུག་གོ་འཕང་ཐོབ་པའི་རྒྱུ།། སྐུ་གསུང་ཐུགས་སུ་བསྒྲུབ་པ་ལ།། བདུད་དང་གཤིན་རྗེ་དྲེགས་པ་ཡིས།། དངོས་གྲུབ་བར་དུ་གཅོད་པ་ལ།། དཔལ ་གྱི་ཐུགས་རྗེས་ནན་ཏན་གྱིས།། བདུད་དང་སྲིན་པོ་བསྒྲལ་བ་དང་།། ཕྱི་རབས་སྔགས་འཆང་སྒྲུབ་པ་པོ།། དབང་ཕྱུག་གྲལ་དུ་བཞག་པའི་ཕྱིར།། སྦས་པའི་ཏནྟ་གསུངས་པ་ལས།། མན་ངག་སྦས་པ་འདི ་རྣམས་སོ།། ཕོ་བྲང་རིན་ཆེན་གཞལ་ཡས་ཁང་།། གདན་དང་འབྱུང་བར་གྱུར་པ་རྣམས།། དབང་ཆེན་ཉིད་ཀྱི་སྐུ་བསྐྱེད་པའི།། འབྱུང་ལྔ་ཡི་གེ་ཧཱུཾ་ལ་སྦས།། རིགས་ལ་དབང་བའི་ཧེ་རུ་ཀ། རིན་ཆེན་ཁྲི་བཞིར་སྦས ་པའོ།། མ་ཚོགས་དབང་ཕྱུག་ཉི་ཤུ་བརྒྱད།། འདེགས་པའི་གདན་དུ་སྦས་པར་བཤད།། མ་བདུན་གསང་བའི་ཕྱག་རྒྱ་ཡང་།། ཉི་མ་བདུན་དུ་སྦས་པ་ཡིན།། གདན་ཁྲི་པདྨར་བརྩེགས་པ་ཡང་།། ཤེས་རབ་ཡུམ་གྱི་རང ་བཞིན་ཏེ།། གསང་བ་ཡུམ་གྱི་བྷ་གར་སྦས།། ཞེ་སྡང་རྡོ་རྗེའི་ཕྱག་རྒྱ་ཡང་།། མན་ངག་གསང་བར་བརྒྱུད་པས་ནི།། གར་གྱི་དབང་ཕྱུག་སྐུ་ལ་སྦས།། རྡོ་རྗེ་དབྱིངས་ཀྱི་དཀྱིལ་འཁོར་རྣམས།། དབུ་ལྔའི་གཞལ་ཡས ་ཉིད་ལ་སྦས།། ཁྲོ་རྒྱལ་ཐབས་ཀྱིས་བརྒྱུད་པའི་སྐུ།། དམར་པོ་སྲོག་གི་རང་བཞིན་ནི།། ཧ་ཡ་གྲི་བའི་རྟ་མགོར་སྦས།། ཧཱུཾ་ཀ་ར་དང་ཁྲོ་བོ་བརྒྱད།། འཁོར་བ་ཟིལ་གྱིས་གནན་པའི་ཕྱིར།། ཆས་དང་ཏིང་འཛིན་ཞབས ་སུ་སྦས།། དུར་ཁྲོད་གསང་བའི་ཡུམ་རྣམས་ནི།། ལྷ་མོ་བཞི་ཡང་རབ་བརྒྱད་ནས།། རིན་ཆེན་གཤོག་པར་སྦས་པའོ།། ཏ་ཀྲྀཏ་བཅུ་དྲུག་ཁྲོས་པ་ཡང་།། དུར་ཁྲོད་ཕྲ་མེན་བཅུ་དྲུག་ནི།། ཐབས་དང་ཤེས ་རབ་ཚུལ་གྱིས་སུ།། ཕྱག་མཚན་བཅུ་དྲུག་ཉིད་ལ་སྦས།། སྤྲུལ་པའི་འཁོར་དུ་གྲགས་པ་ཀུན།། ལོང་བའི་ཚོགས་སུ་སྦས་པའོ།། སྒོ་བ་ཆེན་པོ་ཡུམ་དང་བཅས།། མགོ་དགུ་བརྩེགས་པ་ཉིད་དུ་སྦས།། བཀའ་ཉན་ལས ་ཀྱི་མངག་གཞུག་མ།། ཅིར་ཡང་སྣང་ཞིང་མཛད་པ་པས།། དམིགས་པ་བཞིན་དུ་གཞལ་ནས་ནི།། དངོས་པོ་མེད་པའི་ཐིག་ལེ་ཆེ།། ཕྱི་ནང་སྣོད་བཅུད་མ་ལུས་ཕྱག་རྒྱའི་སྐུ།། དངོས་དང་དངོས་མེད་མཚན་མ་ཐམས ་ཅད་ཀྱང་།། དང་པོ་ཉིད་ཀྱང་སྐྱེ་འགག་མེད་པའི་ངང་།། དབྱིངས་ནས་མ་གཡོས་གཡོས་པའི་མཐུ་དང་བྲལ།། མཉམ་པ་ཆེན་པོར་གཅིག་པས་སྦས་པ་ཡིན།། དེ་ལྟ་བས་ན་དོན་ལ་མི་གཉིས་ཀྱང་།། སྒྲ་མཐའ་མང་པོ ་ཇི་སྐད་བརྗོད་པ་ནི།། དེ་ཉིད་སྒྲ་མཐར་སྟོང་པས་བརྗོད་དུ་མེད།། བསམ་དུ་བརྗོད་མེད་ཆོས་དབྱིངས་ནམ་མཁའ་འདྲ།། དེ་ཡི་ངང་ལས་རྡུལ་ཙམ་མ་གཡོས་ཀྱང་།། བྱིན་རླབས་སོ་སོའི་རིགས་དང་ཁ་དོག་ཀུན།། མ ་འདྲེས་བཞིན་དུ་བྱེ་བྲག་གསལ་བ་ཡང་།། ངོ་བོ་གཅིག་ཉིད་དུ་མར་སྦས་པ་ཡིན།། འབར་བའི་བྱིན་རླབས་རྨད་དུ་བྱུང་བ་ནི།། ཆེ་བའི་ཡོན་ཏན་དཔག་གིས་མི་ལང་བས།། འུབ་ཀྱིས་གཅིག་པར་དབྱེར་མེད་པ།། སྟོང ་པ་ཆེན་པོའི་འབྲས་བུ་མྱ་ངན་འདས།། གསལ་བའི་ཕྱག་མཚན་བཅུ་དྲུག་འབར་བ་ནི།། སྤྲུལ་པས་ཀླུ་སྲིན་འདུལ་བར་ཁྲོ་བསར་ཡང་།། ཡེ་ཤེས་དབྱིངས་ལ་སྦྱོར་བ་མྱ་ངན་འདས།། དབུ་རྒྱན་ཚར་གསུམ་ཕྲེང་བས ་བཀླུབས་པ་ནི།། དུག་སུམ་སྒྲོལ་ཞིང་མཛེས་པར་སྣང་བ་ཡང་།། དངོས་གཞི་བྱང་ཆུབ་སེམས་སུ་མྱ་ངན་འདས།། ན་བཟའ་རྡོ་རྗེའི་གོ་ཆས་བརྒྱན་པ་ནི།། གདུལ་བྱར་ཐབས་སུ་བརྗིད་པར་བསྟན་པ་ཡང་།། རང ་བཞིན་ཉིད་ནི་ཆོས་སྐུར་གཅིག་པའི་ཕྱིར།། མ་སྐྱེས་སེམས་ཀྱི་ངང་ལ་མྱ་ངན་འདས།། རྟ་མགོ་ལྗང་གུའི་རྒྱན་གྱི་བྱེ་བྲག་ཀྱང་།། འཁོར་བ་མྱ་ངན་འདས་པར་འཛིན་པའི་ཕྱིར།། རཀྟ་ཡུམ་གྱི་ཀློང་དུ་མྱ་ངན ་འདས།། སྦྲུལ་ནག་གདུ་བུ་ལ་སོགས་བརྒྱན་པ་རྣམས།། ཀླུ་རྒྱལ་དབང་དུ་བསྡུ་ཕྱིར་སྣང་བ་ནི།། བཀྲ་ཤིས་ཀླུ་ཡི་རྒྱལ་ས་གཟུང་བའི་ཕྱིར།། ནག་པོ་སེར་པོ་དམར་པོ་བསྣམས་པ་ཡང་།། མཚན་མ་ཆོས་ཀྱི་དབྱིངས ་སུ་མྱ་ངན་འདས།། སྟོང་ཁམས་ཁྱབ་པའི་རལ་པ་དམར་པོ་ཡང་།། སྤྱན་དང་ཤངས་དང་སྙན་ལ་སོགས་པ་ཡི།། དབང་པོ་ལྔ་ཡི་ཁྱབ་པའི་བྱེ་བྲག་ལས།། མཚན་མའི་ཆོ་འཕྲུལ་མང་པོར་རབ་ཏུ་སྦྲུལ།། སྤྱི་མཐུན་ལྔ་ལྔ ་སོ་སོའི་སྣང་བ་ཡང་།། སྟོང་པ་ཆེན་པོའི་དབྱིངས་སུ་མྱ་ངན་འདས།། འཁོར་དང་སྤྲུལ་པའི་ཁྱད་པར་མ་ལུས་ཀུན།། སྣང་ཙམ་ཉིད་ནས་ཅིར་ཡང་མི་དམིགས་པས།། གཟི་ལྡན་ཡུམ་གྱི་དབྱིངས་སུ་མྱ་ངན ་འདས།། ཕྱག་རྒྱ་ལ་སོགས་མཚན་མ་ཐམས་ཅད་ཀུན།། ཀུན་བཟང་གཉིས་མེད་ནམ་མཁའི་དབྱིངས་ཡངས་ན།། རྩོལ་བ་མེད་པར་ལྷུན་གྱིས་གྲུབ་པའི་ཕྱིར།། གསང་བ་མྱང་འདས་ཞེས་སྟོན་པས ་གསུངས།། དབང་ཆེན་འདུས་པའི་ཏནྟ་ལས།། མྱ་ངན་འདས་པའི་ལེའུ་སྟེ་སོ་གཅིག་པའོ།། །། རིགས་གཉིས་ལུང་གི་བརྒྱུད་པ་ལས།། དངོས་གྲུབ་ལྡན་པའི་རྣལ་འབྱོར་པས།། ལྟ་བ་བྱང་ཆུབ་སེམས ་ལེའུ།། ཟབ་མོའི་དོན་དུ་འདི་གསུངས་སོ།། ཏིང་འཛིན་ཐབས་ཀྱི་བརྒྱུད་པའི་བྱེ་བྲག་ལས།། དབང་ཆེན་དཀྱིལ་འཁོར་རིམ་པ་ཅིར་སྣང་བ།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། གཞལ་ཡས་ཡིད ་བཞིན་ལྷུན་གྱིས་གྲུབ་པ་ཡང་།། སྐྱོན་མེད་ཡོན་ཏན་ཕུན་སུམ་ཚོགས་ལྡན་པས།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། མེ་རི་དམར་པོ་ཕྱོགས་བཞིར་འཕྲོ་བ་ཡང་།། སྟོང་ཁམས་ཡོངས་སུ་བསྲེག་པའི ་མཐུར་ལྡན་པས།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། མེ་སྦྲུལ་དམར་པོ་ནག་པོར་སྣང་བ་ཡང་།། ཞེ་སྡང་གདུག་པའི་དགྲ་བགེགས་འདུལ་བ་དང་།། གཉེན་པོ་གཞན་ན་མེད་པའི་མཐུར་ལྡན ་པས།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། ཀ་བ་གདུང་མ་ཉི་མས་བརྒྱན་པ་ཡང་།། རྒྱལ་བའི་དཀྱིལ་འཁོར་འདེགས་པའི་མཐུ་ལྡན་པས།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། འཕན་དང ་ཟ་ར་ཚག་དང་བ་དན་དང་།། བླ་རེ་རྒྱལ་མཚན་ལ་སོགས་མང་པོ་ཀུན།། ཆོས་ཀྱི་རུ་མཚོན་ཆེན་པོ་འཕྱར་བ་ཡིས།། བདུད་བཞི་བསྙལ་བའི་མགོ་བོ་གནན་པའི་ཕྱིར།། གདུག་པའི་གཉེན་པོ་གཞན་མེད་པས།། ཕ ་རོལ་ཟིལ་གྱིས་གནོན་པའི་མཐུ།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། རིན་ཆེན་ཁྲི་རྐང་ཕྱོགས་བཞིར་གསལ་བ་ཡང་།། སྤྲིན་མེད་ཉི་བདུན་གསལ་བའི་མཐུར་ལྡན་པའི།། ཡབ་ཡུམ་གཉིས་མེད་བྱང ་ཆུབ་སེམས་སུ་བལྟ།། གསེར་གྱི་སེང་གེ་ཉི་ཤུ་བཞིར་སྣང་བ།། སྟོབས་ཀྱི་དཔག་ཚད་གཞན་ལས་འཕགས་པའི་ཕྱིར།། ཐེག་པའི་ནང་ནས་རྒྱལ་པོའི་བལྟ་བ་སྟེ།། ཐེག་པ་ཕྲ་མོ་འདུལ་བའི་མཐུ་ལྡན་པས།། ཡབ་ཡུམ ་གཉིས་མེད་བྱང་ཆུབ་སེམས་སུ་བལྟ།། པདྨ་ཁ་སྟོང་ལྡན་པར་སྣང་བ་ཡང་།། སྣ་ཚོགས་འབྱུང་ཞིང་སྐྱེ་བའི་རྒྱུ་དང་ལྡན།། ཉེས་པའི་སྐྱོན་དང་བྲལ་བའི་མཐུ་ཡོད་པས།། ཡབ་ཡུམ་གཉིས་མེད་བྱང་ཆུབ་སེམས་སུ ་བལྟ།། ཡིད་བཞིན་རིན་ཆེན་ཉི་ཟླའི་འོད་སྣང་བས།། འཇིག་རྟེན་ཡོངས་སུ་སྒྲོན་ལྟར་འབར་བ་ཡང་།། སྟོང་གསུམ་མུན་ནག་སེལ་བའི་མཐུ་ལྡན་པས།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། ཞེ་སྡང་རྡོ་རྗེ ་ཕྱག་རྒྱའི་སྐུར་གསལ་བས།། རྒྱལ་བ་མང་པོ་ཐུགས་ཀྱི་དངོས་གཞི་སྟེ།། གཅིག་ལས་འདོད་དགུར་བསྒྱུར་བའི་མཐུ་ལྡན་པས།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། རྨད་བྱུང་པདྨ་གར་གྱི་སྐུར་གསལ ་བས།། ཁམས་གསུམ་མ་ལུས་དབང་དུ་བསྡུ་བ་དང་།། ངན་སོང་གནས་སུ་སྟོངས་པའི་མཐུ་ལྡན་པས།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། དབུ་གཙུག་རྟ་མགོ་ལྗང་གུར་བསྟན་པ་ནི།། ཀླུ ་ཡི་རྒྱལ་པོའི་རྫུ་འཕྲུལ་འཕྲོག་པ་དང་།། ཐུགས་རྗེ་ཆགས་པས་འགྲོ་བ་སྒྲོལ་བའི་མཐུ།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། རྡོ་རྗེ་རིན་ཆེན་ལས་བྱུང་གཤོག་པ་ནི།། རྫུ་འཕྲུལ་ལ་སོགས་གར ་ཡང་ཐོགས་པ་མེད།། མྱུར་བའི་ཤུགས་ལྡན་ནམ་མཁའི་དབྱིངས་ཕྱུག་མ།། ཐུགས་རྗེ་ཀུན་ལ་སྙོམས་པའི་མཐུར་ལྡན་པའི།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། བཅུ་དྲུག་ཕྱག་ན་མཚོན་ཆ་བསྣམས་པ ་ཡང་།། ཕྲ་མེན་བཅུ་དྲུག་དབྱིངས་ལ་རོལ་པ་དང་།། མི་མཐུན་གཉེན་པོས་འདུལ་བའི་མཐུར་ལྡན་པས།། ཡབ་ཡུམ་གཉིས་མེད་བྱང་ཆུབ་སུ་བལྟ།། ཐོད་པ་ཚར་གསུམ་འཕྲེང་བ་ལྡན་པ་ནི།། དུག་གསུམ་ཚོགས་ལ ་ཞེན་པ་བཟློག་པ་དང་།། དུག་གསུམ་དབྱིངས་སུ་སྒྲོལ་བའི་མཐུ་ཡོད་པས།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། མཉེན་ལྕུག་སྦྲུལ་གྱི་ཆུན་པོར་སྣང་བ་ཡང་།། སྐུ་ལ་ཞེ་སྡང་གདུག་པ་མི་མངའ ་ཡང་།། མི་མཐུན་དྲེགས་པ་ཞི་བར་བྱ་བ་དང་།། ཀླུ་དབང་འཁོར་གྱིས་དབང་བསྐུར་མཐུར་ལྡན་པས།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། ཞབས་ཀྱི་ཁྲོ་བརྒྱད་གཟིར་གནོན་གཏོང་བ་ཡང་།། ས་བཅུ ་འདས་ཤིང་ཕ་རོལ་ཕྱིན་རྫོགས་ཏེ།། དབང་བཅུ་རིམ་པར་རྫོགས་པའི་མཐུ་ལྡན་པས།། ཡབ་ཡུམ་གཉིས་མེད་བྱང་ཆུབ་སེམས་སུ་བལྟ།། ཕྱག་རྒྱ་ཆེན་པོར་གཅིག་ཏུ་མ་ངེས་པས།། འཁོར་གྱི་ཕོ་ཉ་ཡང་སྦྲུལ་མང་པོ ་ཡང་།། དབང་གི་སྐུ་གསུང་ཐུགས་ལས་མ་གཡོས་ཀྱང་།། ལོག་རྟོག་འདུལ་ཕྱིར་རྣམ་པར་སྤྲུལ་པ་ནི།། སྐུ་གསུམ་ཉིད་ལས་གཡོས་པ་མེད་པས་ན།། ཐམས་ཅད་མ་ལུས་སྤྲོས་མེད་ཐིག་ལེ་ཆེ།། འབྱུང་བ་ལྔ་ལ་སོགས ་པས་བསྡུས་པ་ཀུན།། ཡེ་ནས་སྤྲོས་མེད་བྱང་ཆུབ་སེམས་སུ་བལྟ།། བལྟ་བ་འདི་ལ་གང་ཞིག་གོམས་པ་ནི།། ད་ལྟ་ཉིད་དུ་ལྷ་དང་སྐལ་བ་མཉམ།། དབང་ཆེན་འདུས་པའི་ཏནྟྲ་ལས།། བལྟ་བ་བྱང་ཆུབ་སེམས་ཀྱི་ལེའུ ་སྟེ་སོ་གཉིས་པའོ།། །། ཕུན་སུམ་ཚོགས་པ་ལྔ་ལྡན་པ།། དེ་ཡང་གསང་བར་ཤེས་པར་བྱ།། མཎྜལ་ཟླ་གམ་བྱེ་བྲག་ཀྱང་།། མཁས་པས་དབྱིངས་སུ་ཤེས་པར་བྱ།། དེ་ཕྱིར་བསྒྲུབ་པ་ཟབ་མོའམ།། ཉེ་ལམ ་ཞེས་ཀྱང་དེ་ལ་བརྗོད།། དེ་ལྟར་གྱུར་པའི་དཀྱིལ་འཁོར་དུ།། དབང་གི་རྒྱལ་པོའི་སྐུ་བསྐྱེད་ཅིང་།། གདན་ལྔ་རིམ་གྱིས་བཀོད་པ་ཡང་།། ཟབ་མོའི་དོན་དུ་ཤེས་པར་བྱ།། རྫོགས་པ་ཆེན་པོ་ཡིན་པའི་ཕྱིར།། གཞལ ་ཡས་བརྡལ་བ་ཆོས་ཀྱི་དབྱིངས།། ནམ་མཁའ་ལྟ་བུར་གནས་མི་དམིགས།། དེ་ལྟའི་དབུས་སུ་སྐུ་བསྐྱེད་པ།། པདྨ་གར་གྱི་དབང་ཕྱུག་དང་།། གཉིས་སུ་མེད་པར་གཟི་དང་ལྡན།། རྟོགས་ནས་གདེང་དུ་ལོན་པ ་ནི།། ཟབ་མོ་ཞེས་ཀྱང་དེ་ལ་བརྗོད།། དེ་ནས་ཡུམ་རྣམས་བསྒྲུབ་པ་ཡང་།། དྲ་བ་ཅན་ལ་སོགས་པ་བཞི།། སྤྲོས་དང་བྲལ་བར་ཤེས་པར་བྱ།། ཟབ་མོ་ཞེས་ནི་མཁས་པས་གསུངས།། དཀྱིལ་འཁོར་ཆེན ་པོ་ཡིན་པའི་ཕྱིར།། སྒོ་སྲུང་ཁྲོ་བོ་མགོ་དབུ་བརྩེགས།། ཐེག་ཆེན་དགུ་ཡི་རིམ་པ་བཞིན།། དེ་ཉིད་གསང་བར་ཤེས་པར་བྱ།། དེ་ཕྱིར་ཐེག་རྒྱལ་ཉེ་ལམ་པ།། དེ་ལྟར་དཀྱིལ་འཁོར་རྫོགས་པ་དང་།། རྒྱལ་པོ་འཁོར་དང ་ལྡན་པ་བཞིན།། ཕྱི་རོལ་ལོང་བ་རྒྱབ་འབྲེལ་ཡང་།། ཆོས་སྐུར་གཅིག་པས་ཐ་དད་མིན།། དེ་ཡི་ཕྱི་རིམ་དམུས་ལོང་རྣམས།། མི་འགྱུར་དབྱིངས་སུ་མྱ་ངན་འདས།། འཁོར་བ་མ་སྤངས་མྱ་ངན་འདས།། དེ་ཕྱིར་དམུས ་ལོང་འཁོར་བ་ཅན།། ཕྱི་རིམ་ཁམ་རྒྱ་ཆེན་མོ་དྲུག། གཟི་ལྡན་སྤྲུལ་པར་གྲགས་པས་ན།། ཉུང་དཀར་ཚུལ་བཞིན་ཟླུམ་པོར་བཞུགས།། འཁོར་བ་དབྱིངས་སུ་ཐིམ་པའི་ཕྱིར།། ཕྱི་རིམ་སྦྱང་མོ་སྒྲུབ་པ་ནི།། ཞབས་ཀྱི ་སྤྲུལ་པ་ཡིན་པས་ན།། ཕོ་ཉར་བཟང་ཞིང་མངག་པར་མགྱོགས།། དེ་ཡང་ཆོས་ཉིད་ཡིན་པའི་ཕྱིར།། ཟབ་མོའི་དོན་དུ་ཤེས་པར་བྱ།། ཁྱི་བརྒྱད་བཀྱེ་ཞིང་བསྒྲུབ་པ་ཡང་།། གསང་བའི་སྤྲུལ་པ་ཡིན་པའི་ཕྱིར།། ཕྲ ་མེན་སྤྲུལ་པར་ཤེས་པར་བྱ།། སྤྲུལ་པ་མེ་འབྲུག་ནག་པོ་རྣམས།། ཡབ་ཡུམ་འདུ་འབྲལ་མེད་པ་ཡི།། སྤྲུལ་པ་ཡིན་པར་བསྟན་པ་ཡང་།། ཡང་གསང་སྲིད་པའི་རྒྱལ་མོར་ཐིམ།། རྩ་བའི་དཀྱིལ་འཁོར་བསྒྲུབ་པ་ནི།། ་ཕུང་པོ་ལྔ་ཉིད་གཞལ་ཡས་ཁང་།། ཙིཏྟ་དཔལ་བེའུ་སེམས་ཀྱི་རྟེན།། དབང་ཆེན་ཡབ་ཡུམ་ཕྱག་རྒྱར་གསལ།། མ་བཞི་བུ་བརྒྱད་དབྱིངས་ཕྱུག་བཞི།། དེ་ཡང་མཚན་མེད་སྤྲོས་དང་བྲལ།། དབུ་ལྔ་རིགས་ལྔ་ཡབ་ཡུམ ་ལྔ།། དེ་ཡང་མཚན་མེད་སྤྲོས་དང་བྲལ།། རྣམ་ཤེས་བརྒྱད་པོ་གནས་པ་ཡང་།། ལོང་བ་རྒྱབ་འབྲེལ་ཡེ་ནས་དག། དམུས་ལོང་འཁོར་བར་ཡེ་ནས་གནས།། ཞབས་ཀྱི་ཆས་བརྒྱད་གནས་སུ་ངག། ལྕགས་ཀྱི་སྤྱང་མོར ་ཡེ་ནས་གནས།། ཁྱི་བརྒྱད་སྦྱང་མོ་བརྒྱད་དང་གཅིག། ཞབས་ཀྱི་སྤྲུལ་པར་རབ་ཏུ་གྲགས།། དེ་རྣམས་རྩ་བར་བསྡུས་པའི་ཕྱིར།། ཟབ་མོར་བསྒྲུབ་པར་ཤེས་པར་བྱའོ།། ཡང་ནི་ཟབ་མོ་ཞེས་བྱ་བ།། དབྱིངས་ལས་ཡེ ་ཤེས་བསྒྲུབ་པའི་ཕྱིར།། ཡེ་ཤེས་དབྱིངས་སུ་བཞུགས་པ་ལ།། རྟག་ཏུ་གཟི་ལྡན་ཐུགས་ཀར་སྦས།། ཟབ་མོ་ཞེས་ཀྱང་དེ་ལ་བསྔགས།། ལོང་བ་རྒྱབ་འབྲེལ་ཡེ་ཤེས་འཁོར།། མགོ་དགུ་བརྩེགས་པ་ཡན་ཆད ་ཀུན།། འཁོར་ནི་ཆོས་ཀྱི་དབྱིངས་སུ་ཐིམ།། གཙོ་བོ་ཡབ་ཡུམ་ཡེ་ཤེས་ཏེ།། དབྱིངས་ལ་ཡེ་ཤེས་སྦྱོར་བའི་ཕྱིར།། སྟོང་པ་ཆེན་པོ་རབ་བསྒོམས་ནས།། ཟབ་མོ་ཞེས་ཀྱང་དེ་ལ་བརྗོད།། དེ་ཡང་དབྱིངས་ལས་མ་གཡོས ་ཀྱང་།། མཚན་མའི་དངོས་པོ་བཤིག་པ་དང་།། ལོག་པར་ལྟ་བ་གཞོམ་པའི་ཕྱིར།། ཕོ་ཉ་རྣམས་ཞེས་བཤད་པའོ།། བདག་ཉིད་ཆེན་པོར་རབ་རྟོགས་ཏེ།། རྩོལ་བ་མེད་པ་དབྱིངས་གཅིག་ན།། ཕོ་ཉ་ཞེས་ཀྱང་དེ་ལ ་བྱ།། བྱ་དང་བྱེད་པ་མི་དམིགས་ཤིང་།། འཕྲོ་འདུ་ལ་སོགས་མི་བརྩམ་ན།། དགྱེ་བ་ཞེས་ཀྱང་དེ་ལ་བྱ།། ཕོ་ཉའི་དོན་དྲུག་བཤད་པ་ནི།། སྐུ་དང་རྔམ་དང་ཡེ་ཤེས་དང་།། བསྒྲུབ་དང་སྤྲུལ་པ་ཡིག ་འབྲུའོ།། ཡང་ན་ཕོ་ཉ་གསུམ་དུ་བཤད།། དོན་དང་ལས་དང་རིགས་ལ་སོགས།། ཕོ་ཉ་རྣམས་ནི་དགྱེ་བར་བྱ།། ཞེས་པ་བཤད་བསྒྲུབ་བྱང་ཆུབ་སེམས།། ཟབ་མོའི་ལེའུ་ཞེས་ཀྱང་བྱའོ།། དབང་ཆེན་འདུས་པའི་ཏནྟྲ ་ལས། ཉེ་ལམ་བྱང་ཆུབ་སེམས་ཀྱི་ལེའུ་སྟེ་སུམ་ཅུ་སོ་གསུམ་པའོ།། །། སྐལ་དང་ལྡན་པའི་རྣལ་འབྱོར་སྒྲུབ་པ་པོས།། རོ་བསྲེགས་ཐལ་བ་བསྒྲུབ་པའི་ཕྱིར།། ཧཱུཾ་མཛད་རོལ་བའི་ལེའུ་སྟེ།། བསྡུས་ཏེ་གསུངས ་པའི་སྒྲུབ་ཐབས་ནི།། ཕུན་སུམ་ཚོགས་པ་ལྔར་ལྡན་པའི།། ཡིད་དུ་འོང་བའི་དམ་པ་རྩལ།། དང་པོ་ས་བསླང་དབང་བྱ་བྱིན་གྱིས་བརླབ།། བརྟག་པའི་གནས་ཀྱི་མཎྜལ་ཡང་།། འདོམ་གང་གྲུ་བཞི་ཁྱུད་འཁོར ་བཅས།། སྟེང་དུ་རཀྟའི་གོ་མ་ཡེ།། ཆགས་པའི་དམ་ཚིག་སྔགས་ཀྱིས་བྱུག། དེ་ནས་མཚན་དང་ལྡན་པའི་ཡུམ།། ཁྲུས་བྱས་དར་ལྡན་གོས་ཀྱིས་བཀླུབ།། དུར་ཁྲོད་བཀའ་དང་མཐུན་པ་ཡི།། གསང་བའི་ཐིག་སྐུད ་བཀལ་ནས་ཀྱང་།། སྤྱི་བོ་བཞག་སྟེ་དབང་བསྐུར་བས།། ཆགས་པ་ཆེན་པོར་མཆོད་པའི་སྔགས།། ལན་གསུམ་བཟླས་ཏེ་གཟི་ལྡན་དུ།། གྱུར་པ་དམིགས་ཏེ་དགྱེས་པར་བྱ།། ཟླ་གམ་ཁ་སྤྲོད་ཟླུམ་པོ་ལ།། དཀྱིལ་དུ ་ཧེ་ཞལ་གྲུ་གསུམ་པ།། གྲུ་གསུམ་འཕང་དུ་བརྩེག་པར་བྱ།། ས་ཚོན་མགར་བའི་སོ་དོག་གམ།། ཡང་ན་སྦྲམ་ཆེན་བསྲེགས་པའི་ས།། ནག་པོའི་ས་ལས་ཧེ་ཞལ་བྲི།། མཱུ་ལ་རཀྟས་ཟླ་གམ་བཀང་།། འོད་ཕུང་མཐའ ་བསྐོར་སྤྲུགས་ནས་སྔགས།། དམར་པོ་ཡོན་ཏན་དབང་དུ་སྡུད།། ཧེ་ཡི་དབུས་སུ་སྔགས་པའི་རྫས།། དམར་པོ་དབང་དང་ལྡན་པའི་ཤིང་།། བཤུས་ལ་སོགས་པའི་སྣུམ་པོར་བསྔོ།། ཧེ་ཡི་དབུས་སུ་ཡངས་པར ་བཤམས།། དེ་ཡི་འགྲམ་མམ་སྟེང་དག་ཏུ།། ཐོད་པ་རྣམ་གཉིས་བཅུ་དང་ལྡན།། འཕྲོ་འདུ་དམིགས་པའི་སྟེང་དུ་གཞག། མཐའ་སྐོར་མེ་རི་དམར་པོ་ལ།། ཕུར་པ་དང་ནི་རྫས་རྣམས་དགྲམ།། མེ་སྔགས་བཏབ་སྟེ། ་གཞག་པར་བྱ།། གསང་བའི་གཟུངས་ཐག་དམར་པོ་གཅིག། ཟླ་གམ་སྟེང་དུ་ལོངས་སྤྱོད་དགྲམ།། དེ་ནས་ཐལ་བ་བསྒྲུབ་པའི་ཕྱིར།། བམ་གྱི་རི་བོའི་ཤར་ཕྱོགས་སུ།། མ་མོའི་གོམ་པ་དྲུག་ཅུའི་སར།། རྡོ་རྗེའི་འགྲོས ་སུ་སོང་ནས་སུ།། རྡོ་རྗེ་དཔུང་གི་ས་ཕྱོགས་སུ།། བཅུ་དྲུག་རོལ་པའི་ཕོ་ཉ་འགྱེད།། བཀྲ་ཤིས་ཆེན་པོའི་རྔམ་བྲོས་བསྐོར།། ཡི་གེ་ཧཱུཾ་གིས་རྔམ་ཁྲོའམ།། ཕྱུང་ནས་ཤུལ་དུ་དམིགས་པ་ཡང་།། ཁྲོ་བོའི་རྫས་ལ་དམིགས ་ནས་གདབ།། བྱང་ཤར་མཚམས་སུ་བཤིག་པ་ལས།། ལུ་གུ་རྒྱུད་ཀྱི་བྲོ་བསྐོར་ཏེ།། དུར་ཁྲོད་དག་ལས་སྤྱན་དྲངས་ཏེ།། བཤིག་ནས་མངོན་སྤྱོད་ལེགས་པར་བསྒོམ།། སྙིང་ནི་དྲན་པའི་རྟེན་ཡིན་པས།། ཧེ་ཡི་སྟེང་དུ ་གཞག་པར་བྱ།། བྷན་དྷ་བཟང་པོ་ལྔ་ཡི་རྟེན།། ཕྲལ་ནས་ཟླ་གམ་དབུས་སུ་གཞག། གཟི་ལྡན་ས་ཡི་ལྷ་མོ་ལྔ།། སྟེང་དུ་དབང་པོ་ལྔ་ཡང་གཞག། རེའུ་ཆ་ལ་ནི་ནང་ཁྲོལ་ཏེ།། རྐང་ལག་སྒོ་བཞི་རྣམས ་སུའོ།། ཐོག་ཐག་ཏུ་ནི་སྒལ་རྩིབ་སྟེ།། མེ་རི་ལ་ནི་རྒྱུ་ཕྲེང་ངོ་།། ཤུན་གྱི་ཡང་དང་རླུང་གི་ཕྱོགས།། སྣ་ཚོགས་ཡམ་ཤིང་བརྫངས་ནས་གཞག། དེ་ནས་ཐལ་བའི་ས་བོན་མཆོག། དེ་ཡི་ཁྲོད་དུ་འབྲུག་རུས་དང་།། བྱི་ལ ་བ་གླང་རྔ་མོ་དང་།། མཁའ་ལྡིང་ལ་སོགས་འབྲས་བུ་ལྔ།། ཉི་མ་ལ་སོགས་ས་ཡང་སྟེ།། མར་ལ་སོགས་པ་བྱུག་ལ་སྩལ།། མཚན་དང་ལྡན་པའི་ཤེས་རབ་ཀྱིས།། ཐལ་མོ་སྦྱར་ནས་འདི་སྐད་དོ།། པཱུ་ཛ་མེ། དེ་ཡི་འོག ་ཏུ་མེ་ཡི་ལྷ།། རྒྱལ་པོ་བསྒོམ་པའི་ཏིང་ངེ་འཛིན།། སྙིང་པོ་བཟླས་ཏེ་གཡོགས་ནས་བསྡམ།། བསྙེན་པ་ཉི་ཁྲི་བཏོན་ནས་ཀྱང་།། མཆོད་ཅིང་སྦྱིན་པའི་ལས་བྱའོ།། ཏིང་འཛིན་མཆོད་པས་ཚིམས་བྱས་ནས།། དེ་ནས ་རྫས་ཀྱི་དམ་པས་མཆོད།། མཚན་ཉིད་གསུམ་པའི་ཤེས་རབ་ཀྱི།། ཙིཏྟ་བླངས་ཏེ་རུས་པར་བཅས།། ཕུལ་ནས་བདག་ལ་དབྱིངས་སུ་བསམ།། མཚན་དང་རུས་པ་དེ་བཞིན་ཏེ།། རྣ་བ་དང་ནི་རུས་དང་མིག། ལྕེ་དང ་སྣ་དང་ཁྲག་ལ་སོགས།། ཤ་དང་རྐང་ཡང་དེ་བཞིན་ཏེ།། ཚིལ་དང་སྐྲ་ལ་སོགས་པ་དབུལ།། དེ་ནས་བ་སུ་ཏ་ཡི་རྫས།། མཚན་དང་ལྡན་པས་བླངས་ཏེ་དབུལ།། ཕོ་ཉ་མཆོད་པའི་སྦྱིན་སྲེག་སྟེ།། གཏུན་ཁུང་ཆེན་མོར ་སྔ་མ་བཞིན།། དེ་ནས་བགེགས་ཆེན་བརྡུང་བའི་ཕྱིར།། རྩེ་འཇོ་བྲོ་ཡང་འདི་སྐད་དོ།། ཧ་ན་ད་ཧ་བ་ཙ་ཧཱུཾ་ཕཊ།། མཆོད་ལ་སོགས་པའི་ཤེས་ཚོགས་ལྡན།། གང་ཡང་རུང་བ་དྲང་བའི་ཕྱིར།། སྙིང་ལ་རྩེ་འཇོ་ཟབས ་ཀྱི་བྲོ།། ལུ་གུ་རྒྱུད་ཀྱིས་འདི་སྐད་དོ།། ཨངྐུ་ཤ་ཛཿ། དེ་ནས་དབང་པོ་ལྔ་རྣམས་ལ།། རྩེ་འཇོའི་ཚུལ་གྱིས་གར་བྱེད་ཅིང་།། བརྗིད་པའི་སྟབས་ཀྱིས་འདི་སྐད་དོ།། པཱ་ཤ་ཧཱུཾ། སྥོ་ཊ་བཾ། གྷཎྜེ་ཧོཿ།། དེ་དག་ཞིང་བཅུ་སྒྲོལ ་པབའི་ཚིག། དཀྱིལ་འཁོར་དེ་ཡི་དོན་ཡང་བཤད།། འདོམ་གང་གྲུ་བཞི་གྲུ་ཆད་ཅན།། ཟླ་གམ་ཁ་སྤྲོད་གསང་བའི་མཁའ།། ཟླུམ་པོ་སྤྲོས་པ་མེད་པའི་དོན།། ཧེ་ནི་དབྱིངས་ཕྱུག་གཟི་ལྡན་དབྱིངས།། ཡམ་ཤིང་བྱང་ཆུབ ་སེམས་སུ་ཤེས།། མེ་ནི་གཉིས་མེད་སྤྲུལ་པ་ཡིན།། དམ་རྫས་ལྷ་མོ་མང་པོ་དགྲམ།། དེ་ནས་རུས་པའི་ཡོན་ཏན་བཤད།། འབྲས་བུ་ལྔ་ནི་རིགས་ལྔར་བཤད།། རུས་སྦལ་ཀླུ་ཆེན་ཟིལ་གྱིས་གནོན།། འབྲུག་ནི་མཁའ ་འགྲོ་དབང་དུ་སྡུད།། བྱི་ལས་ཕྲ་མེན་དངོས་གྲུབ་འདུ།། བ་གླང་སྟོབས་ཀྱིས་བགེགས་ཆེན་འདུལ།། རྔ་མོ་སྲིན་པོའི་མཐའ་ཡང་འཕྲོག། འདབ་ཆགས་ཕོ་ཉ་མངག་པའི་མཆོག། མི་རུས་ཐལ་བའི་དུས་སུ་ཟ།། དེ་ནས ་སྦྱིན་བསྲེག་བྱ་བ་ནི།། རཱ་ག་པཱུ་ཛ་སྥ་ར་ཎ་ཧཱུཾ་ཛཿཛཿ།། མཆོད་ཅིང་བསྲེག་པའི་ལས་བྱའོ།། དེ་ནས་ཐུགས་དམ་གཞུང་བཞིན་བསྐུལ།། དེ་ཡི་དུས་སུ་དགོད་པ་ཡང་།། རཱུ་ཏྲ་ཅན་གྱི་སྣོད་ནང་དུ།། རུས་པ་བཏགས་པའི ་ཕྱེ་མ་བླུག། དམིགས་པ་གཞུང་ལས་བྱུང་བ་བཞིན།། ནང་དུ་བླུགས་ནས་དུས་ལ་གཞག། དེ་ནས་རྡོ་རྗེ་ལྕམ་དྲལ་གྱིས།། བསྐོར་ཏེ་དབྱངས་བླང་དབུས་སུ་གཞུག། དེ་ནས་དཀྱིལ་འཁོར་རྫོགས་པ ་ཡང་།། རྡོ་རྗེའི་གོ་ཚགས་གཞུང་བཞིན་སྤེལ།། ཕྲིན་ལས་བཅོལ་བ་ལྔ་མ་བཞིན།། ཡབ་ཡུམ་གཉིས་མེད་སྦྱོར་བ་ལས།། སེམས་ཀྱི་ཁ་དོག་དཀར་པོའི་ཡི་གེ་སྟེ།། ཧྲཱིཿ།། མཁའ་མཉམ་སྤྲོས་ཤིང་སླར་ཡང ་བསྡུ།། དངོས་པོ་མེད་ཅིང་སྟོང་པར་གྱུར་པར་དམིགས།། ལྷ་མོ་མགོ་དགུ་མ་དང་རོལ་པ་ལས།། བྱང་ཆུབ་སེམས་ནི་གུ་ཧྱ་དམར་པོ་སྤྲོ།། རུས་པ་མཚན་མེད་རཱ་ག་བཞིན།། དྲ་བ་མོ་དང་གཉིས་མེད་རོལ་པ ་ལས།། བྱང་ཆུབ་སེམས་ནི་ཧཱུཾ་གིས་སྟོང་ཁམས་གང་།། བསྐུལ་ཞིང་འདུས་བྱས་འབར་བ་འཕྲོས་པར་དམིགས།། ཨ་མོ་དེ་བས་གཉིས་མེད་གཉིས་གྱུར་ནས།། སེམས་ནི་ཁ་དོག་དཀར་དམར་བསྣོལ་མ་ཡང་།། སྐར ་ཚོགས་ལྟ་བུར་རབ་ཏུ་འཁྲིགས་པས་བསྐུལ།། བསྡུས་པས་ཚིམས་གྱུར་བཙོ་མའི་ཁ་དོག་བཞིན།། སྡེར་མོ་ཅན་གྱི་ས་ལྟར་བྱང་ཆུབ་སེམས།། རིན་ཆེན་ཞུན་མ་ལྟ་བུར་བསྐུལ་སྦྱངས་ནས།། དངོས་མིན་བྱང་ཆུབ ་སེམས་སུ་ཞུ།། དེ་ནས་དངོས་གྲུབ་བླང་བའི་ཕྱིར།། སྒྲུབ་པ་དེ་ཡི་མཚན་ལྡན་ཡོ་བྱད་པས།། རཱ་ག་པཱུ་ཛ་ཞེས་བརྗོད་ཅིང་།། ཐལ་ཆེན་འོད་དུ་ཞུ་བར་དམིགས།། ཏཾ་ལས་རླུང་གིས་བཏེགས་ནས་ཀྱང་།། གཟི་ལྡན ་གསང་བ་བྷ་ག་ལས།། རང་བཞིན་མེད་པའི་ཆོས་སྐུར་གསལ།། མཐར་ཕྱིན་བསྙེམས་ཤིང་འགྲོ་རྒྱུད་སྦྱང་།། སླར་ཡང་མི་གཡོ་དབྱིངས་སུ་ཐིམ།། དེ་ནས་གསང་བའི་མདུད་པ་གྲོལ།། སྣུམ་ལ་འཕེལ་གྱུར་གྲུབ་པའི ་རྟགས།། ཉུང་ན་སྤོགས་ཤིང་ཏིང་འཛིན་ལས།། གྲུབ་ནས་ངོ་ལ་མཚན་མས་གདབ།། མཚན་ལྡན་ལག་མཐིལ་ཨ་བསམས་ཏེ།། བྲོས་བསྐོར་དབང་སྐུར་བྱིན་གྱིས་བརླབ།། དེ་ནས་དངོས་གྲུབ་གོ་སྐབས་དབྱེ།། ས་མ ་ཡེ་པདྨ་དྷ་ར་པཱུ་ཙ་མེ། དང་པོ་དེ་བཱི་བསྟན་པར་བྱ།། དེ་ནས་ཚེ་དང་རིམ་པ་བཞིན།། ཆད་ན་བར་ཆད་ཆེན་པོ་འབྱུང་།། ལྷག་ན་རིམ་པ་བཞིན་དུ་འགྲོ།། རྡོ་རྗེ་སློབ་དཔོན་ཡབ་ཡུམ་དང་།། མཆེད་དང་དགོངས་པའི ་ཚད་དང་སྦྱར།། དེ་ནས་ལུས་ལ་རྟག་བཅངས་ན།། སྐུ་གསུང་ཐུགས་ཀྱི་དངོས་གྲུབ་ཐོབ།། ལུས་ཀྱང་དར་ལ་བབ་ཅིང་སྲ།། ལོངས་སྤྱོད་ལྡན་ཞིང་བདེ་སྒྱིད་འགྱུར།། དེ་ནས་ལྷག་མའི་གཏོར་མ་གཏང་།། དཀྱིལ ་འཁོར་བསྡུ་ཞིང་བཀྲ་ཤིས་གསོལ།། ཡབ་པར་མི་དོར་མ་མོ་བསྟན།། གླུ་དང་དབྱངས་དང་རྔ་ལ་སོགས།། རྩེད་འཇོ་མང་པོ་ལུགས་བཞིན་བྱ།། དབང་ཆེན་འདུས་པའི་ཏནྟྲ་ལས་ཐལ་ཆེན་བསྒྲུབ་པའི་ལེའུ་སྟེ་སུམ་ཅུ ་སོ་བཞི་པའོ།། །། དང་པོ་ཕུན་སུམ་ཚོགས་ལྡན་ནས།། དཀྱིལ་འཁོར་ཚད་དང་ལྡན་པ་ལ།། ཐིག་བཞི་བཏབ་པས་ལེའུ་ཚེ་དགུ།། དབུས་སུ་གྲུ་གསུམ་འབར་བའོ།། རྒྱ་ཡི་ཚད་ནི་ཁྲུ་གང་ལ།། འཕང་དུ ་ཁ་ཁྱེར་མཁྱེད་གང་བའོ།། ཁ་དོག་མཛེས་པའི་ཚོན་རྩི་ལྔ།། ལེ་ཚེ་བརྒྱད་ལ་རིམ་པ་བཞིན།། དབུས་སུ་མཐིང་ནག་ཡིག་འབྲུ་བཅས།། རྒྱན་དང་གདགས་པ་ལ་སོགས་པས།། མཚན་དང་ལྡན་པའི་ཡམ ་ཤིང་དང་།། དབང་དང་ལྡན་པའི་བྷན་དྷ་རྣམས།། ཧེ་ཡི་དབུས་སུ་བརྫངས་ལ་དགབ།། དཔལ་དང་མ་མོ་མཆོད་པའི་རྫས།། བྱང་ཆུབ་སེམས་དང་རྡོ་རྗེའི་ཆུ།། ཟིལ་དང་ར་རཀྟ་ཤ་ལ་སོགས།། རིམ་པར་བཀྲམ་པའི ་ས་ཕྱོགས་ནི།། དབུས་སུ་བྱང་ཆུབ་སེམས་ཆེན་པོ།། ཤར་གྱི་གླིང་ལ་རྡོ་རྗེ་ཆུ།། ཟིལ་པ་རཀྟ་ལྷོ་ཕྱོགས་སུ།། ཤ་ནི་ནུབ་ཏུ་དགྲམ་པར་བསྔགས།། དྲི་ལ་སོགས་པ་བྱང་དུའོ།། ཤ་ཁྲག་གཏོར་མ་ལ་སོགས ་ཀུན།། འབར་བའི་དཀྱིལ་འཁོར་ཐོག་ཐག་ཏུ།། ཕོ་ཉ་རིམ་པ་བཞིན་དུ་དགོད།། སྐད་ཅིག་མ་ཡི་ཏིང་འཛིན་གྱིས།། བསྒོམ་དང་བསྙེན་དང་བསྒྲུབ་པ་དང་།། འཛབ་ལ་སོགས་པ་མ་རྫོགས་ཚེ།། བཅུ་གཅིག་ཕྲིན་ལས ་གཞུང་བཞིན་འབད།། བསྙེན་པ་ཉི་ཁྲི་རྫོགས་པ་དང་།། དཔལ་དང་མ་མོ་མཆོད་པའི་ཕྱིར།། སྦྱིན་བསྲེག་གཞུང་བཞིན་བརྩོན་པར་འབད།། གར་གྱི་དབང་ཕྱུག་ཆེན་པོ་ལ།། བྱང་ཆུབ་སེམས་ཀྱི་མཆོད་པ ་ཡིས།། མཆོད་ཅིང་བསྲེག་པའི་ལས་བྱའོ།། རྡོ་རྗེ་ཆུ་ནི་ཟི་ལྡན་ལའོ།། ཟིལ་དངར་ལྷོ་ཡི་ཕྱོགས་སུ་སྟེ།། ཤ་ཆེན་ནུབ་ཀྱི་ཕྱོགས་སུ་དབུལ།། དྲི་ལ་སོགས་པ་བྱང་དུ་དབུལ།། ཡུམ་བཞི་ལ་ཡང་དེ་བཞིན་ཏེ།། མཆོད ་སྦྱིན་བསྲེག་པའི་ལས་བྱའོ།། ཤ་ཁྲག་གཏོར་མ་ཕོ་ཉ་ལ།། མཆོད་ཅིང་བསྲེག་པའི་ལས་བྱས་ནས།། བསྙེན་པ་ཆོས་ཀྱི་དབྱིངས་ནས་དྲངས།། བསྒྲུབ་པ་གཉིས་མེད་མཉམ་པར་གཞག། འཛབ་ནི་གཞུང་བཞིན་བགྲང ་བྱར་བྱ།། སྐབས་སུ་ལས་ནི་བཅུ་གཅིག་ཙམ།། ཞག་གྲངས་དག་ནི་ཚང་བ་དང་།། དངོས་གྲུབ་བླང་བའི་ཆོ་ག་དང་།། དབང་བསྐུར་བ་དང་དཀྱིལ་འཁོར་ནས།། རིམ་པ་བཞིན་དུ་དབྱུང་བར་བྱ།། དེ་ནས་གཏོར་མ་ལ ་སོགས་པའོ།། ལྷག་མ་སྐྱོང་ཞིང་ཕོ་ཉ་བསྙེན།། ལས་ཀྱི་གོ་རིམ་མ་ནོར་བར།། མཆོད་སྦྱིན་བསྲེག་པའི་ལས་ལ་འབད།། དེ་ནས་རྫས་དང་ལག་ཆ་དང་།། དཀྱིལ་འཁོར་ལྷ་དང་བྱེ་བྲག་རྣམས།། རིམ་པ་བཞིན་དུ ་མཐའ་ནས་སྤྲོ།། བསྐུལ་དང་དོན་བྱས་སླར་འདུས་ཤིང་།། བདག་དང་བཅས་པར་རབ་ཞུགས་ནས།། རིམ་པ་བཞིན་དུ་དབུས་སུ་བསྟིམ།། སྙིང་པོ་དང་ནི་ཕྱག་མཚན་ཆས།། རྟེན་པར་གྱུར་ནས་དབྱིངས་སུ ་གཞག། ཚོན་རྩི་དང་ནི་སོལ་བ་དང་།། གཞན་པ་ལྷག་མ་ཅི་ཡོད་རྣམས།། ཐལ་བའི་ཚོགས་དང་བཅས་པ་ཀུན།། གྲུ་གསུམ་ཡུམ་གྱི་མཁའ་ལ་བསྟིམ།། དེ་ཡང་མཆོད་སྦྱིན་བསྲེག་པར་སྦྱར།། དེ་ནས་བཤགས་དང ་སྦྲསྐྲང་བ་དང་།། གླུ་བྲོ་ལ་སོགས་ལོངས་སྤྱོད་རྣམས།། མ་མོ་དང་ནི་མཁའ་འགྲོ་དང་།། ཕོ་ཉ་མ་མོ་བསྟན་པའི་ཕྱིར།། ཆས་དང་ལྡན་པར་འབར་བར་བྱའོ།། དབང་ཆེན་འདུས་པའི་ཏནྟ་ལས། སྤྲིན་བསྲེག་གི་ལེའུ་སྟེ ་སུམ་ཅུ་སོ་ལྔ་པའོ།། །། ཀུན་བཞི་གཏན་ལ་བེབས་པའི་ལེའུ་འདི།། སྔ་རབས་འདས་པའི་དགོངས་པ་བསྟུན་ནས་ཀྱང་།། དེ་ཡང་ཆོས་རྣམས་རྩ་བ་ཀུན་གཞིར་འདུས།། ཀུན་གཞིའི་རྩ་བ་ཡེ་ཤེས ་ལྔར་སྣང་ཡང་།། དེ་ལྟ་བུ་ཡི་དོན་ལ་མཉམ་བཞག་པས།། ཀུན་གཞི་གནས་གྱུར་པ་ཡང་དེ་བཞིན་ཉིད།། ཡེ་ཤེས་ལྔ་ཉིད་དེ་ན་ཚང་བས་ན།། ཡེ་ཤེས་ལྔ་པོ་གཅིག་ཏུ་འདུས་རིག་བྱ།། སེམས་ཅན་ཀུན་གཞིའི་རྩ་བ ་དོན་རྟོགས་ནས།། ཡེ་ནས་སངས་རྒྱས་པས་ན་བཅོས་མེད་པར།། དང་པོའི་ས་ཉིད་ནོན་པར་མཁས་པས་གསུངས།། གནས་སྐབས་དེ་ན་ཡོད་མེད་ལྟ་མཐར་ཟུག། སེམས་ཀྱི་རང་བཞིན་ཇི་ལྟར་ཡིན་པ་དང་།། སེམས ་ལ་མཚན་མ་ཡོད་མེད་བརྟག་པར་བྱ།། སེམས་དེ་ཉིད་ལ་བལྟ་བ་ཇི་ལྟ་བུ།། སེམས་དེ་སྣང་བ་ཡིན་ནམ་མི་སྣང་ཡིན།། སེམས་དེ་སངས་རྒྱས་ཡིན་ནམ་སངས་རྒྱས་མིན།། སེམས་ལས་སངས་རྒྱས་གུད་ན་ཡོད་དམ ་མེད།། དེ་ལྟར་བལྟ་བ་ཅེར་གཞག་ཟིན་བྱ་དགོད།། དེ་ལྟར་རྟོགས་ནས་གདེང་དུ་གྱུར་པ་དང་།། འདུས་བྱས་དགེ་རྩ་མི་དགག་ནུས་ཚད་སྤྱད།། འོན་ཏང་ཆོས་ཀུན་རང་གི་སེམས་སུ་འདུས།། བསམས་ཤིང་བསྒོམས ་མེད་དང་ལ་གཞག་པ་ན།། ཅིར་སྣང་ཅིར་སྲིད་མཚན་མེད་དབྱིངས་གཅིག་པས།། འདུ་འབྲལ་མེད་པའི་ཆོས་ཉིད་ཡེ་སངས་རྒྱས།། དོན་དམ་བརྗོད་དུ་མེད་པ་མ་བཙལ་ཡང་།། ལྷུན་གྲུབ་ས་དེ་ད་ལྟ་ཉིད་ནས ་ནོན།། དེ་ལྟའི་དོན་རྟོགས་ཉམས་སུ་གསལ་ན་ཡང་།། ཆོས་ཀུན་སྒོ་དང་མི་འགལ་བསྟན་པའི་ཕྱིར།། ཏིང་འཛིན་གསུམ་ལྡན་གོལ་སའི་སྒོ་བཀག་ནས།། དྲོད་ཆེན་གསུམ་གྱིས་སངས་རྒྱས་དགོངས་པར་མྱོང་།། དེ ་བས་ཏིང་འཛིན་རྣམ་གསུམ་རབ་བསྒོམ་པས།། འབྲས་བུ་ཕ་རོལ་ཕྱིན་དྲུག་རང་བཞིན་རྫོགས།། རང་སེམས་ནམ་མཁའ་མ་གཡོས་ངང་ལ་གཞག། འོན་ཏང་དྲང་བཞིའི་རྟོག་པ་ཅི་བྱུང་ཡང་།། ཆོས་ཉིད་མ་གཡོས ་རྟོག་པ་མ་བཅད་པས།། ངང་གིས་མ་བཅོས་ཡོངས་ཀྱིས་འོད་གསལ་ཞེས།། སྔ་རབས་མཁས་ལྡན་རྣམས་ཀྱིས་རབ་ཏུ་བསྔགས།། ཡིད་དང་སེམས་ལ་གསལ་བྱེད་ཏིང་འཛིན་ཏེ།། ཡོ་ག་གསུམ་དོན་གནས་སྐབས ་དབང་ཆེན་གསལ།། དོན་དེ་བས་ན་སྙན་ཁུང་རབ་བརྒྱུད་ནས།། སེམས་ཉིད་སངས་རྒྱས་དོན་དུ་ཤེས་པར་བྱའོ།། དེ་ལྟ་བུ་ཡི་དོན་རྟོགས་སྐྱེས་བུ་ལ།། ཅི་ཡང་མི་བརྩེག་ཡོན་གྱི་རྣམ་གྲངས་དབུལ།། འོན་ཏང་བྱས ་ཟིན་དོན་རྟོགས་ནས།། ཡེ་ནས་བདག་ཉིད་རྣམ་པར་དག་ཅེས་བྱ།། དེ་ལ་འཛིན་ཆགས་བདེ་སྡུག་ཅི་བྱུང་ཡང་།། ཚོགས་གཉིས་དུས་གཅིག་རྫོགས་པར་དམ་བཅའོ།། རྣམ་པར་མི་རྟོག་ཏིང་འཛིན་མཚན་མ་རྣམ་པར ་དག། ཆོས་ཉིད་མངོན་སུམ་གྱུར་ན་ཆེ་ཡོན་རྒྱུ་མི་འཆད།། སྒྲིབ་པ་གཉིས་བྱང་ཚོགས་གཉིས་རྫོགས་པས་ན།། ཕྱི་ནང་བཤད་དང་མཐུན་པར་ས་རྣམས་ནོན།། འདི་ནི་བདེ་གཤེགས་དགོངས་སྤྱོད་ཟབ་མོ ་ཡིན།། སེམས་ཅན་ཕལ་གྱི་སྤྱོད་ཡུལ་མ་ཡིན་ནོ།། སངས་རྒྱས་རྣམས་ཀྱིས་མཉམ་པའི་དོན་རྟོགས་ཀྱང་།། འགྲོ་བ་སེམས་ཅན་རྣམས་ཀྱི་མ་རྟོགས་པས།། གདོད་ནས་ཞེན་པའི་བག་ཆགས་སྦྱང་དཀའ ་པབ། ས་དང་ས་ཡི་འདོད་སྟོངས་ཁྱད་ཡོད་གསུངས།། མཉམ་པར་རྟོགས་དང་མ་རྟོགས་གཉིས་མེད་གསལ་དུས་སུ།། སངས་རྒྱས་ཆེ་བའི་ཡོན་ཏན་ལྷན་གྱིས་གྲུབ་བརྙེས་སོ།། སྟོང་དང་ས་བཞིན་མེད་ཅིང་མ ་སྐྱེས་ཁྱད་པར་ཅི།། ཡོད་མེད་རྟག་ཆད་བྱ་བཙལ་ལ་སོགས་པ།། ཐམས་ཅད་ལྷུན་གྱིས་གྲུབ་པར་ཡེ་གནས་པའོ།། རྒྱུ་དང་འབྲས་བུ་ཅིར་སྣང་ཅིར་སྲིད་ཀྱང་།། བུདྡྷ་ཉག་གཅིག་སྐུ་ཡི་རྒྱན་དུ་སྣང་།། དེ་ཉིད་མ་བཀག ་དཀྱིལ་འཁོར་རྫོགས་པའི་ཚུལ།། གོང་འོག་ལ་སོགས་སྐྱོན་ཡོན་གཉིས་པོ་དག། རྟོགས་དང་མ་རྟོགས་རེ་རྩོལ་གནས་པའི་མིང་ཙམ་གྱིས།། རྒྱུ་འབྲས་སོ་སོར་གསལ་བར་སྨྲ་ན་ཡང་།། ལྟ་སྤྱོད་མཉམ་པའི་དོན་དེ ་ཤེས་བྱ་དགོས།། ལྷ་སྤྱོད་ཡེ་ནས་འདུ་འབྲལ་མེད་བཞིན་དུ།། མི་སྣང་སྣང་བའི་སྤྱོད་ཡུལ་ཅིར་སྣང་ཡང་།། ཕྱག་རྒྱའི་དཀྱིལ་འཁོར་མ་གྱུར་གང་ཡང་མེད།། གནས་སྐབས་དེ་ན་ཚོགས་རྫོགས་ཐབས་དང་ཤེས་རབ ་འབྲེལ།། དེ་ཙམ་ཉིད་ན་དགོངས་པ་ཆོས་ཐམས་ཅད།། དོན་དུ་ཡེ་ཤེས་ཆེན་པོའི་སེམས་སུ་འདུས།། སེམས་ནི་ཡེ་ནས་ངང་གིས་མ་བཅོས་པས།། ཏིང་ངེ་འཛིན་གྱི་དམིགས་པ་ཐམས་ཅད་བྲལ།། དེ་ལྟ་བུ་ཡི་བྱང་ཆུབ ་གནས་པ་ནི།། བགྲོད་པའི་ས་དང་ལྟ་བའི་གཟུགས་མེད་པས།། མཚན་མར་བཏགས་པའི་སྐྱོན་ཡོན་མ་ལུས་མཁྱེན།། ཐེག་རྒྱལ་ཡང་རྩེས་ཐེ་ཚོམ་གེགས་བསལ་ཞིང་།། བླ་མེད་དངོས་གྲུབ་ཆེན་པོར་ལ་བཟླའོ།། དེ ་བས་དབུ་མའི་བལྟ་བ་ཆ་ཕྲ་བ།། ཐམས་ཅད་མ་ལུས་དབང་དུ་རབ་བསྡུས་ཏེ།། གཞལ་ལས་སྤགས་པའི་དོན་དུ་འདི་གསུངས་སོ།། མདོ་སྡེ་ལ་སོགས་ཕྱི་ནང་ཡུལ་དག་པས།། དག་པའི་མཚན་མ་ཙམ་དུ་གནས་པ ་དང་།། རྣལ་འབྱོར་སྤྱོད་པས་ཆོས་རྣམས་སེམས་སུ་འདུས།། མཐའ་གཉིས་ངང་གིས་བསལ་ཞེས་སྨྲ་བ་ཡང་།། མཉམ་པར་རྟོགས་ལས་གུད་ན་ཆོས་མེད་དོ།། གཞན་ན་ཡོད་པར་འདོད་ན་བག་ཆགས་སྐྱོན་ཡིན ་ནོ།། དེ་བས་སྒོས་ཆོས་སོ་སོར་ཅིར་སྣང་ཡང་། བྱིས་པའི་སྤྱོད་ཡུལ་འཁྲུལ་སྣང་ཉིད་སྣང་ཡིན།། སངས་རྒྱས་སེམས་ཅན་སྒྱུ་མ་སྨིག་རྒྱུའི་ཚུལ།། ཡེ་ཤེས་སྐྱེ་འགག་མེད་པས་ནམ་མཁའ་བཞིན།། དེ་ཡི་དུས་ན་འདས ་ཏེ་མཐོང་བ་མེད།། དེ་ཡང་མི་སྣང་ཉིད་ན་སྐྱོན་མེད་ཡིན།། འཁྲུལ་པ་ཡིན་པས་བཏུབ་པ་མ་ཡིན་ནོ།། མཐོང་དང་མ་མཐོང་སྣང་བ་རང་བཞིན་མེད།། དགོངས་སྤྱོད་ཟབ་མོའི་མན་ངག་ཐམས་ཅད་ནི།། རང་རིག་ཡེ ་ཤེས་མངོན་དུ་གསལ་དུས་ན།། དག་པའི་ཡེ་ཤེས་སངས་རྒྱས་མཐོང་ཞེས་བྱ།། དེ་ལྟར་ཡེ་ཤེས་སངས་རྒྱས་མཐོང་བའི་ཚེ།། བག་ཆགས་མེད་ཅིང་མཐོང་ཡུལ་ལས་འདས་ཚེ།། བྱ་མེད་སྣང་མེད་མི་བཙལ་བཞག་པ ་ཡིན།། དམིགས་པའི་ལུས་མེད་ཆོས་ལམ་བག་ཆགས་སྤང་།། མཐོང་ཚོར་བདེ་བའི་ལམ་ཉིད་མུ་མེད་བརྡལ་བའི་དབྱིངས།། འགྲོ་ལྡོག་སྤྱི་ཚུག་ཡེ་ཤེས་དབྱིངས་མི་གཡོ།། དེ་ཡང་ཐ་ཚིག་མདོ་སྡེ་ཟབ ་མོ་ནང་།། དེ་ལྟའི་དོན་ལ་སངས་རྒྱས་སྤྱོད་ཡུལ་མཛད་མི་མངའ།། ཆོས་རྣམས་ཐམས་ཅད་རིག་པའི་ཡེ་ཤེས་སྣང་།། དེས་འབྲེལ་ཕྲན་ཆད་གདོད་ནས་མ་སྐྱེས་ཏེ།། རྒྱུ་དང་འབྲས་བུར་བཏགས་པ་ཡོང་ཡེ་མེད།། འདི ་ལྟར་རིག་ན་ཆོས་ཉིད་ལྷུན་གྱིས་གྲུབ།། དོན་ལ་མཉམ་པར་གཞག་པའི་སྐྱོན་ཆེན་ནི།། ལུང་དང་འགལ་ཞིང་དོན་དང་ཕྲད་མི་འགྱུར།། དོན་ལ་ངེས་བློས་ཁྱབ་པར་བཏང་བ་ནི།། མི་འགལ་རང་བཞིན་ཡེ་ཤེས་དག་པ ་སྟེ།། རིགས་གསལ་དང་ན་ཐམས་ཅད་གཉིས་སུ་མེད།། བྱང་ཆུབ་སྙིང་པོ་རྒྱུ་འབྲས་ལྷུན་གྱིས་གྲུབ་པའོ།། དེ་ཡི་དུས་ན་དྲོད་གསུམ་མན་ངག་རྫོགས།། སྣང་དང་མི་སྣང་རྟག་ཆད་ལ་སོགས་པ།། ཤེས་རབ་ཟབ་མོ ་ངེས་པའི་གཏིང་བརྟོལ་ཏེ།། ཕྱི་ནང་ཐེ་ཚོམ་བལྟ་བའི་ཕུག་གཏིབ་བོ།། འདི་ཡི་དོན་ལ་གསང་ཐུང་སྲན་ཚུགས་ཤིང་།། ཚིག་དང་དོན་དུ་འབྲེལ་པས་ཐག་ཆོད་ན།། རིག་འཛིན་རྡོ་རྗེ་གཡུང་དྲུང་ལྷུན་གྱིས་གྲུབ།། དབང ་ཕྱུག་ཡིན་པས་དེ་ལ་ཀུན་ཕྱག་འཚལ།། གཡོ་སྒྱུ་མེད་པར་གཙུག་གི་ནོར་བུ་བཞིན།། དབང་ཆེན་འདུས་པའི་ཏནྟྲ་ལས། ཀུན་གཞི་གཏན་ལ་ཕབ་པའི་ལེའུ་སྟེ་སུམ་ཅུ་སོ་དྲུག་པའོ།། །། དཔལ་གྱི་མགུར་ནས ་གསུངས་པའི་མན་ངག་འདི།། ཕྱི་རབས་རྣལ་འབྱོར་འགའ་ཡི་སྤྱོད་ཡུལ་བས།། མིང་ཙམ་རྣལ་འབྱོར་རྣམས་ཀྱི་ཐུན་མོང་མིན།། གཏན་དུ་ནུབ་པར་མི་བྱ་ཡང་དབང་གཏེར་དུ་སྦས་ཤིང་བརྒྱུད། དབང་ཆེན་འདུས ་པའི་ཏནྟྲ་རྫོགས་སོ།། །། རྒྱ་གར་གྱི་མཁས་པ་རག་ཤི་སིདྡྷི་དང་། བོད་ཀྱི་བནྡེ་ཀུ་ཀུ་རཱ་ཛས་བསྒྱུར་བའོ།། ཕྱིས་གནུབས་སངས་རྒྱས་ཡེ་ཤེས་ཀྱིས་ཀྱང་ཞུས་ཤིང་གཏན་ལ་ཕབ་པའོ།།་