Wylie

e-texts produced with BDRC’s OCR application

གྲགས་པ་འཇུད།། ། @#།། རྒྱ་གར་སྐད་དུ། ཤྲི་ཡ་མ་ཀྲྀཥྞ་ཨགྣི་བཱ་ཡུ་ཀ་ར་ཀ་བྱསྟ་ཏནྟ་རཱ་ཛ། བོད་སྐད་དུ། དཔལ་གཤིན་རྗེ་ནག་པོ་མེ་རླུང་སྐྱི་འདང་འཁྲུགས་པ་རྒྱུད་ཀྱི་རྒྱལ་པོ། ཚེ་བདག་ནག ་པོ་འཕགས་པ་འཇམ་དཔལ་ཁྲོ་བོ་འཇིགས་པ་ཅན་ལ་ཕྱག་འཚལ་ལོ།། ཐམས་ཅད་གསུམ་ལྡན་བདེ་བ་གཅིག། ཟུངས་ཐུབ་མཚན་མ་ཀུན་སྤངས་པའི།། ཡོན་ཏན་མ་ལུས་ཀུན་ལྡན་པའི།། རྡོ་རྗེ་འཆང་ལ་ཕྱག་འཚལ ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་འོག་མིན་གྱི་གནས་ན། དུར་ཁྲོད་ཆེན་པོ་ལྕང་ལོ་ཅན་གྱི་ཕོ་བྲང་ན། ཡུམ་ཆེན་མོ་དང་གཉིས་སུ་མེད་པའི་བྷ་ག་ལ། དེ་བཞིན་གཤེགས ་པ་ཐམས་ཅད་ཀྱི་སྐུ་གསུང་ཐུགས་ཀྱི་བཅུད་ནས་བྱིན་གྱིས་བརླབས་ཏེ་བཞུགས་སོ།། དེ་ནས་བཅོམ་ལྡན་འདས་བཙུན་མོ་གསང་བའི་ཡུམ་ཆེན་མོ་དང་གཉིས་སུ་མེད་པར་གྱུར་ཏེ། ངང་ལ་སྙོམས་པར་ཞུགས་སོ།། དེ ་ནས་ཉིད་ལས་མ་གཡོས་པའི་འཁོར་སྤྲུལ་པའི་སྐུ་ཡིས། མི་གཡོ་བ་ལས་བསླང་བའི་ཕྱིར་གསོལ་བ་བཏབ་བོ།། ཡེ་ནས་མ་སྐྱེས་ཆོས་སྐུ་དག་པ་ལ།། མི་སྐྱེ་རྣམ་དག་ངང་ལས་མ་གཡོས་ཀྱང་།། རྫོགས་པའི་ཚུལ་དུ ་ལོངས་སྤྱོད་སྐུར་བཞེངས་པ།། མཉམ་པའི་ངང་ལས་འགྲོ་བའི་དོན་མཛོད་ཅིག། ཅེས་བསྐུལ་བས་གསང་བའི་རྩ་གཡོས་ཏེ། བྱང་ཆུབ་ཀྱི་སེམས་རིན་པོ་ཆེའི་འོད་དང་མཉམ་པ་ཆེན་པོའི་སྒྲ་བྱུང་ནས། ་འཇིག་རྟེན་གྱི་ཁམས་རབ་ཏུ་གཡོས་པར་འགྱུར་ཏེ། འཁོར་ཐམས་ཅད་རབ་ཏུ་བརྒྱལ་ལོ།། དེ་ནས་གཤིན་རྗེའི་རྒྱལ་པོ་སྤྲུལ་པ་ཡིས།། འཁོར་རྣམས་བརྒྱལ་བ་དེ་ལས་བསླང་བའི་ཕྱིར།། བཅོམ་ལྡན་འདས་ལ ་གསོལ་བ་བཏབ་པ། ཆོ་འཕྲུལ་འཇིགས་པར་བསྟན་པ་ངོ་མཚར་ཆེ།། སངས་རྒྱས་སྒྱུ་འཕྲུལ་བསམ་དཔག་མེད།། འཇིག་རྟེན་ཁམས་འདིར་འུར་འུར་ཆེམ་ཆེམ་གཡོས།། འཁོར་རྣམས་འཁྱམས་ནས་ལུས་ཀྱང་ས་ལ ་བརྡེག། དབུགས་དང་མ་བྲལ་དྲན་པའི་དབང་པོ་ཉམས།། འཁོར་རྣམས་སྲོག་དང་ལྡན་པར་མཛོད།། ཅེས་གསོལ་བ་བཏབ་བོ།། དེ་ནས་བཅོམ་ལྡན་འདས་ཀྱི་འཁོར་རྣམས་བརྒྱལ་བ་ལས་བསླང་བའི་ཕྱིར།། ་དབུགས་དབྱུང་བའི་ཏིང་ངེ་འཛིན་ལ་སྙོམས་པ་ཞུགས་སོ།། སྐད་ཅིག་མ་དེ་ཉིད་ལ། འཁོར་རྣམས་བརྒྱལ་བ་ལས་ལངས་ཏེ། ལྷ་མ་སྲིན་ཕྱོགས་བཅུ་ནས་ལྷགས་པ་དེ་དག་ཐམས་ཅད་ཀྱིས།། བཅོམ་ལྡན་འདས་རྡོ་རྗེ ་འཆང་ལ་རང་རང་གི་སྲོག་གི་སྙིང་པོ་མདོངས་གསོལ་དུ་ཕུལ་ལོ།། ཀྱེ་ཧོ་བཅོམ་ལྡན་འདས་ཁྲོ་བོའི་རྒྱལ། ཁྲོས་པས་སེམས་ཅན་དྲན་པ་ཉམས།། རྫུ་འཕྲུལ་རྨད་དུ་བྱུང་བ་ངོ་མཚར་ཆེ།། རང་རང་སྲོག་གི་སྙིང་པོ ་རྣམས།། བསྟན་པ་བསྲུང་ཕྱིར་མདོངས་གསོལ་དབུལ།། སྲོག་གི་སྙིང་པོ་འདི་བཞེས་ལ།། དཀྱིལ་འཁོར་ཆེན་པོ་བསྲུང་བར་གྱིས།། ཞེས་ཞུས་པས། བཅོམ་ལྡན་འདས་དགྱེས་པ་ཆེན་པོར་གྱུར་ཏེ། ཞི་ཁྲོ་དང་།། ་གཤིན་རྗེ་དང་། མ་མོ་དང་། བདུད་ཕོ་མོ་དང་།། སྲིན་པོ་ཕོ་མོ་དང་། རྒྱལ་པོ་དང་། གྱིང་ཕོ་མོ་དང་། བཙན་དང་སྲོག་བདག་དང་། ས་བདག་དང་། ཀླུ་དང་། གཉེན་དང་། ལྷ་མ་སྲིན་སྡེ་བརྒྱད་ཀྱི་སྲོག་གི་སྙིང་པོ ་དམ་ཚིག་གཅིག་ཏུ་དྲིལ་ནས་བསྡུས་སོ།། དེ་ཡང་ཇི་ལྟར་བསྡུས་ཞེ་ན། ལ་ལས་ནི་བསྙེན་བསྒྲུབ་བཞི་རུ་ཕྱེ་ནས་ཕུལ། ལ་ལས་ནི་ཡན་ལག་རྣམ་པ་གསུམ་དུ་ཕྱེ་ནས་ཕུལ། ལ་ལས་ནི་རྒྱུན་གྱི་དྲག་སྔགས་སུ་ཕུལ ་ལོ།། ལ་ལས་ནི་སྒྲུབ་པའི་དྲག་སྔགས་སུ་ཕུལ་ལོ།། དེ་ནས་བཅོམ་ལྡན་འདས་ཀྱིས་སྲོག་དང་ལས་ཐམས་ཅད་གཅིག་ཏུ་དྲིལ་ནས། དབང་དུ་བསྡུ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཉེ་འཁོར་ན་གནས ་པའི་སྲོག་ཆགས་ཀུན། ནུས་པ་གསུམ་སྟེ་སྲོག་དབང་བསྡུས།། དྲེགས་པའི་ཚུལ་དུ་ལས་ངོ་ལོངས།། དཔའ་བོ་བཀྲག་མདངས་དབང་དུ་སྦྱར།། ཞེས་གསུངས་པས།། སངས་རྒྱས་ཐམས་ཅད་འཁོར་དེ་ཉིད་དུ་ལྷགས ་ཏེ། སྲོག་གི་སྙིང་པོ་ཐམས་ཅད་ནུས་པ་དཔག་ཏུ་མེད་པའི་མཐུར་བྱིན་གྱིས་བརླབས་ཏེ་གསུངས་སོ།། འཁོར་ཐམས་ཅད་སྦྱོར་བ་སྣ་ཚོགས་མཐུ་དང་བཅས་པར་བྱིན་གྱིས་བརླབས་ཏེ་དབང་དུ་བསྡུས་སོ།། དེ་ཡང་ཇི ་ལྟར་བསྡུས་ཤེ་ན། ཡི་གེ་གཉིས་ནི་དབང་དུ་དྲིལ།། སྲིད་པའི་ཁྱམས་ཁང་དུ་དབང་དུ་བསྡུས་སོ།། དེ་ནས་འཁོར་གྱི་གཙོ་བོ་ཡ་མ་རཱ་ཙས། བཅོམ་ལྡན་འདས་ལ་འཁོར་ཐམས་ཅད་གདན་དང་བཅས ་པའི་དཀྱིལ་འཁོར་དུ་དགོད་པར་བཤད་དུ་གསོལ།། ཞེས་ཞུས་སོ།། དེ་ནས་བཅོམ་ལྡན་འདས་ཀྱིས་རང་བཞིན་འབྱུང་བའི་དཀྱིལ་འཁོར་བཤད་དེ། དུར་ཁྲོད་ཆེན་པོ་དབེན་པ་ཡི།། གདུག་པ་ཅན་དང་ལྡན་པ ་རུ།། ལས་བསྒྲུབ་པ་ཡི་དཀྱིལ་འཁོར་འབྱུང་།། ཆོས་ཀྱི་དབྱིངས་ཀྱི་ཕོ་བྲང་དུ།། རང་བཞིན་གནས་པའི་དཀྱིལ་འཁོར་བརྟག། ཕྱི་ནང་སྣོད་བཅུད་དག་པ་རུ།། ལྷུན་གྱིས་གྲུབ་པའི་དཀྱིལ་འཁོར་བརྟག། དེ་ཡི་ཡོན ་ཏན་བསམ་མི་ཁྱབ།། ཡུམ་གྱི་བྷ་ག་ཡངས་པ་རུ།། གསང་བའི་དྲོད་ཀྱི་དཀྱིལ་འཁོར་བརྟག། ལྷུན་གྱིས་གྲུབ་པའི་དཀྱིལ་འཁོར་འདི་ལྟ་སྟེ། གྲུ་བཞི་རིན་ཆེན་རྒྱུ་དང་ལྡན།། ཐོད་པའི་ཀེང་རུས་བརྩིགས་པར ་བཅས།། སྒོ་བཞི་དུར་ཁྲོད་ཁྱམས་དང་འགྲམ།། རྟ་བབས་བཞི་དང་ཏཱ་ར་ཎ།། ལྷུན་པོ་བཞི་དང་ལྡན་པའི་གནས།། ནོར་བུ་རིན་ཆེན་ཀེང་རུས་ཀྱི།། ཀ་བ་བརྒྱད་དང་དེ་བཞིན་གདུང་།། ཚངས་པའི་དྲལ་ཕྱམ་ཞིང་རུས ་བཅས།། ཐོད་པ་རྒྱུ་མ་ཞིང་ཆུང་གིས།། བླ་འོག་ཐམས་ཅད་སྤྲས་པའོ།། སྟག་གཟིགས་སེང་གེ་མ་ཧེ་གླང་།། ཆུ་སྲིན་གནམ་ལྕགས་སྒོ་ལ་མཛེས།། འདོན་ཡོན་ལྷ་མོ་དུར་ཁྲོད་རྒྱན།། ཡིད་འོང་མཆོད་པས་གང་བར ་སྤྲསྒྲས།། རིན་ཆེན་ཕ་གུ་ཐོད་པ་ཞིང་།། དྲ་བ་དྲ་ཕྱེད་དྲིལ་བུ་དང་།། ཞིང་གི་རྒྱན་གྱིས་མཛེས་པའོ།། རྡོ་རྗེའི་མེ་འོད་ཁྲག་མཚོའི་གླིང་།། དབུས་ན་གྲུ་གསུམ་རྩིབས་བཞི་ལ།། ཕྱི་རིམ་རྩིབས་བཅུ་སྒོ་རྩིབས ་བཞི།། གཤིན་རྗེ་མ་ཧེ་ཉི་ཟླའི་གདན།། ཕྱི་ནང་འཁོར་ཡུག་དཔག་བསམ་ཡས།། དེ་ལ་གནས་པའི་རིམ་པ་ནི།། གཤེད་བདག་གཙོ་བོ་ཡབ་ཡུམ་གནས།། གྲུ་གསུམ་དབུས་ན་དྲེགས་པའི་ཚུལ།། རྩིབས་བཞིར ་གཤེད་པོ་ཡབ་ཡུམ་བཅས།། རྩིབས་བཅུར་ཕྱོགས་སྐྱོང་རྩིབས་མཚན་བདུད།། གྲུ་ཆད་རོ་ལངས་ཅེ་སྤྱང་གནས།། ཁྱམས་ལ་ཤ་ཟ་ཕོ་མོའི་ཚོགས།། སྒོ་བཞིར་སྒོ་མ་དེ་བཞིན་གནས།། ཕྱི་ཁྱམས་འཁོར་ཡུག་སྡེ་བརྒྱད ་དྲེགས།། འབུམ་ཕྲག་གཡོག་དང་ཡང་གཡོག་བཅས།། དྲུག་ཁྲི་དྲུག་སྟོང་འཁོད་པ་ཡི།། རང་སྔགས་སྲོག་གིས་འབྲེལ་པའོ།། དཀྱིལ་འཁོར་བདག་པོ་གནས་པ་ནི།། འཁོར་དུ་བདག་པོ་འདུས་པ་ཡིས་འཁོར་གྱི་ཡ་མ ་རཱ་ཙ་ལ་སོགས་པ་ཐམས་ཅད་མགུ་བར་གྱུར་ཏེ།། བཅོམ་ལྡན་འདས་ལ་ངག་མཐུན་པར་གསོལ་ཏོ།། མཉམ་པའི་ངང་ལས་དྲེགས་པའི་སྐུར་སྤྲུལ་ནས།། གདུག་པ་ཅན་རྣམས་མ་ལུས་དབང་དུ་བསྡུས།། བསྟན་པ ་གནས་ཕྱིར་འཁོར་དུ་སྤྲུལ་ནས་འགྱེད།། འཁོར་ལ་བརྩེ་ཕྱིར་དབུགས་དབྱུང་ངོ་མཚར་ཆེ།། དེ་ནས་བཅོམ་ལྡན་འདས་ཀྱིས་ཡུམ་ཆེན་མོའི་གསང་བའི་བྷ་ག་ལས་བཞེངས་ནས། དབུགས་དབྱུང་བའི་ཏིང་ངེ་འཛིན་ལ ་བཞུགས་ཏེ། འཁོར་རྣམས་ལ་གཟིགས་ནས་དབུགས་ཕྱུང་ངོ་།། འཁོར་རྣམས་ཐམས་ཅད་རེངས་པ་དང་བརྒྱལ་བ་སངས་ཏེ། ཡང་བཅོམ་ལྡན་འདས་ལ་ངག་མཐུན་པར་གསོལ་བ་བཏབ་པ། ཀྱེ་ཎ ་རྗེ་འཛིན་པ་ཁྲོ་བོའི་རྒྱལ།། རྣམ་དག་གཉིས་མེད་ཆོས་སྐུའི་མཁའ།། ཆོ་འཕྲུལ་སྣ་ཚོགས་འཇིགས་པའི་སྐུ།། ཐུགས་རྗེས་འགྲོ་བའི་དོན་མཛོད་ཅིག། ཞེས་ཞུས་པས། དེ་ནས་བཅོམ་ལྡན་འདས་ཀྱིས།། སྐྱེ་འགག་དང ་བཅས་པའི་དོན་འདི་བཤད་དོ།། སྐྱེ་འགྲོ་མ་ལུས་ཆོས་སྐུ་བདེ་བའི་ངང་།། ཡེ་ཤེས་ཐམས་ཅད་བདེ་བའི་ངང་ལ་རྫོགས།། འཁོར་བའི་སྐྱོན་བྲལ་བསམ་ཡས་དཔག་མེད་སྐུ།། འདུལ་བའི་དབང་གིས་སྣ་ཚོགས་ལས ་སུ་བསྟན།། ཞེས་གསུངས་པས་འཁོར་རྣམས་མགུ་བར་གྱུར་ཏེ། བཅོམ་ལྡན་འདས་ལ་ངོ་མཚར་བརྗོད་དོ།། འགྲོ་བ་ལས་ཀྱིས་རྨོངས་པ་ལ།། གདུག་པ་སྐུ་ཡི་རིམ་པ་བསྟན།། བསྟན་པ་གཉིས་མེད་མཉམ་སྦྱར ་བས།། གདུག་པ་ཐམས་ཅད་བསྒྲལ་བ་ངོ་མཚར་ཆེ།། དེ་ནས་ཉིད་ཀྱི་སྐུ་གཤིན་རྗེའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཧོ་ཆོས་ཀུན་བྱང་ཆུབ་སེམས་ཀྱི་རང་བཞིན་ལས།། འཕགས ་པའི་རྒྱལ་པོ་རྡོ་རྗེ་འཆང་རྒྱལ་པོ།། འགྲོ་བའི་དོན་དུ་གཤིན་རྗེ་གཤེད།། སྐུ་གསུང་ཐུགས་ཀྱི་ཕྲིན་ལས་མཆོག་བསྡུས་པ།། མི་དགེ་མཚམས་མེད་སྨིན་པ་ཀུན་སྒྲོལ་བའི།། ལས་ཀྱི་རྒྱལ་པོ་སྦྱོར་བའི་སྨན་པ ་མཆོག། མཆོད་ཆེན་གདུག་པ་སྣོད་ཚུལ་དྲེགས་པ་ཡི།། ཡན་ལག་བཅུ་གཉིས་བཞི་དང་གཡང་བཞི། ཚ་གཞི། དང་། གཟེར་ཐུན་དྲག་པོའི་བསམ་པ་རྒྱས་པར་མཛོད།། ཅེས་ཞུས་པ་གསན་ནས།། སྙིང་པོ་བྱང་ཆུབ ་སེམས་འདུས་ནས།། བྱིན་བརླབས་ལྡན་པས་གསང་བཅུད་བསྟན།། འཇིག་རྟེན་ཁམས་ན་འདུས་པ་ཡིས།། འགྲོ་བ་མ་ལུས་དྲེགས་པས་མྱོས།། བསྟན་པ་རིན་ཆེན་རྒྱལ་ལམ་གཅིག། ལུས་ཀྱི་སྦྱོར་བ་བརྒྱ་ཕྲག ་བརྒྱད།། ཡན་ལག་ཉིས་བརྒྱ་སྟོང་བཅུ་དྲུག། རྩ་བའི་ལོ་གྲངས་བདུན་ཅུ་བཞི།། བསྒྲུབ་པ་དངོས་གཞི་ལྔ་དང་གཅིག། བགྲོད་པའི་རིམ་པ་དྲུག་དང་ལྡན།། ཡན་ལག་ལྔ་དང་བཅས་པ་བཞི།། རྟེན་གྱི་སྦྱོར་བ་ལས་བཅུ ་གཉིས།། འདྲེན་པའི་གསང་ལམ་བཅུ་གཉིས་ལྡན།། སྒོ་དགུ་གསང་བཅུད་ཨཱ་ཀཱའི་མཆོག། དྲག་པོའི་སྦྱོར་བ་བཞི་དང་བརྒྱད།། དབང་གི་རིམ་པ་ལྔ་དང་བཅས།། ཕྱི་ནང་གསང་བའི་གསང་ཆེན་དྲིལ།། རང ་བཞིན་སྦྲུལ་དང་སྦྲུལ་བྱེད་ལས།། ཡེ་ཤེས་ཡ་མ་པཉྩ་ཏྲི།། ལས་མཆོག་ཐབས་མཆོད་གཉིས་དང་རྩ།། དཀར་ནག་ལས་ཀྱི་བརྒྱ་དང་བཅུ།། གཤིན་རྗེ་མ་མོ་མཁའ་འགྲོ་གིང་།། བདུད་དང་སྲིན་པོ་ཤ་ཟ་ཀླུ།། སྨྱོ་བྱེད ་རྒྱལ་པོ་དཀོར་སྲུང་གཟའ།། ས་བདག་སྡེ་བརྒྱད་སྲོག་གཅོད་གཉན།། སྲོག་གཅོད་ཆུ་སྲིན་མུ་སྟེགས་སྲི།། ལོག་འདྲེན་འབྱུང་པོ་དུར་ཁྲོད་བདག་ཁྱུང་ཁྲ་དུར་བྱ་བྱ་རྒོད་འུག་ཁྭ་རྒོད་ཅེ་སྦྲང་སྟག་དོམ་ཝ། ཁྱི་སྦྲུལ་བུང ་བ་སྡིག་དེ་སྦྱང་།། འཇིག་རྟེན་དྲེགས་པ་སྲོག་དབང་འཕྲོག། ཐམས་ཅད་དྲེགས་ཤིང་ལས་ལ་མྱོས།། འཁོར་དང་ཡང་འཁོར་བཅས་པ་ཡི།། གཤིན་རྗེ་གཤེད་ཀྱི་དགེ་འདུན་ཀུན།། རྒྱུད་འདིར་བསྟན ་པ་ཀུན་འབྱུང་བས།། སྦྱོར་བ་དུ་མའི་བཅའ་གཞི་བཤད།། བཅོམ་ལྡན་གཤིན་རྗེ་གཤེད་པོ་ཉིད།། ལྷོ་ཕྱོགས་གཤིན་རྗེའི་གནས་དུར་ཁྲོད་ཆེན་པོ་ན་འཁོར་ཁྲོ་བོ་དང་ཁྲོ་མོ་དང་། འབངས་ལ་སོགས་པ་རྣམས་ཀྱིས།། ་གཙོ་བོ་ལ་འདུད་པའི་ཚུལ་དུ་བཞུགས་སོ།། དེའི་ཚེ་དེའི་དུས་ན་བཅོམ་ལྡན་འདས་གཤིན་རྗེ་གཤེད་པོས། ལག་ན་རྡོ་རྗེ་ལ་གསུངས་ནས། འཁོར་ཐམས་ཅད་ཀྱིས་མགྲིན་གཅིག་ཏུ་གསོལ་པ། འཁོར་བའི་ཉེས ་སྐྱོན་ཐམས་ཅད་གཅོད་པའི་ཕྱིར།། འདུལ་བའི་དབང་གིས་སྣ་ཚོགས་བསྟན་དུ་གསོལ།། ཞེས་ཞུས་པས། བཅོམ་ལྡན་འདས་འཇིགས་བྱེད་ཆེན་པོ་ཉིད་དགྱེས་པ་ཆེན་པོར་གྱུར་ཏེ། འཁོར་རྣམས་དབང་དུ་བསྡུས་ནས ་གནས་སོ།། འཇིག་རྟེན་ཟིལ་གྱིས་གནོན་པའི་མེ་རླུང་སྐྱི་འདང་འཁྲུགས་པའི་རྒྱུད་ལས། ཁྲོ་བོའི་གླེང་གཞིའི་ལེའུ་སྟེ་དང་པོའོ།། །། དེ་ནས་ཡང་བཅོམ་ལྡན་འདས་འཇིགས་བྱེད་ཆེན་པོ་དེས། འཁོར་རྣམས ་དབང་དུ་བསྡུ་བར་མཛད་དེ། མ་འོངས་པའི་རྣལ་འབྱོར་པའི་དོན་ཆེད་དུ། ལྷ་གཉེན་ཚེ་བདག་ནག་པོ་འཇིག་རྟེན་དབང་སྡུད་ཟིལ་གྱིས་གནོན་པའི་དོན་འདི་བཀའ་སྩལ་ཏོ།། དེ་ལ་ཚེ་བདག་གི་རང་བཞིན་ནི། སྣང ་ཞིང་སྲིད་པས་བསྡུས་པ་ཀུན།། ཚེ་བདག་ནག་པོའི་ངོ་བོ་སྟེ།། དེ་ལ་རང་བཞིན་ལྷུན་གྱིས་གྲུབ་པའི་ཚེ་བདག་དང་། བདག་དབང་སྟོབས་ཀྱི་ཚེ་བདག་དང་།། གཉེན་པོ་སྟོབས་ཀྱི་ཚེ་བདག་དང་།། འཇིག་རྟེན་ལས་ཀྱི ་ཚེ་བདག་གོ། དེ་ལ་རང་བཞིན་ལྷུན་གྱིས་གྲུབ་པའི་ཚེ་བདག་ལ། རྣམ་པ་གསུམ་དུ་ཤེས་པར་བྱ།། དོན་རྣམས་ལྷུན་གྲུབ་བསྟན་པ་དང་།། ཀུན་རྫོབ་ལྷུན་གྲུབ་བསྟན་པ་དང་།། དབྱེར་མེད་ལྷུན་གྲུབ་བསྟན ་པའོ།། དོན་དམ་ལ་ཡང་རྣམ་པ་གཉིས།། རྣམ་གྲངས་དང་ནི་མ་ཡིན་པ།། ཀུན་རྫོབ་ལ་ཡང་རྣམ་པ་གཉིས།། ལོག་པ་དང་ནི་ཡང་དག་གོ། བདག་དབང་སྟོབས་ཀྱི་ཚེ་བདག་ནི།། རྩ་བ་བསྐྱེད་དང་སྤྱན་དྲངས ་དང་།། བཞུགས་གསོལ་ཕྱག་དང་ཕྱག་རྒྱ་དང་།། མཆོད་དང་བསྟོད་དང་བཟླས་པ་དང་།། སྐུལ་བའི་དོན་གྱི་ལུས་བསྲུང་ངོ་།། གཉེན་པོ་སྟོབས་ཀྱི་ཚེ་བདག་ནི།། གཉེན་པོ་འདུལ་བའི་ཐུགས་རྗེ་ཅན།། འཇམ་དཔལ ་ཡ་མཱནྟ་ཀ་སྟེ།། ཚེ་བདག་ལས་ལ་འཛུད་མཁན་ནོ།། འཇིག་རྟེན་ལས་ཀྱི་ཚེ་བདག་ནི།། གསང་སྔགས་བཀའ་གོ་ལོག་པ་ནི།། རྒྱུ་རྐྱེན་འཛོམ་པའི་དྲག་ཤུལ་སྤྱོད།། ཅེས་གསུངས་པས་འཁོར་རྣམས་རབ་ཏུ་རྟོགས་ཤིང ་ངོ་མཚོར་ཚ་མཚར། བར་གྱུར་ཏོ།། དེ་ནས་བཅོམ་ལྡན་འདས་ལ་འཁོར་གྱི་གཙོ་བོ་འཇོམས་ཚ་འཇམ་པའི་རྡོ་རྗེས་གསོལ་པ། བཅོམ་ལྡན་འདས་ཡོན་ཏན་ཐམས་ཅད་རྒྱས་པར་མཛོད།། ཅེས་གསོལ་ཏོ།། དེ ་ནས་བཅོམ་ལྡན་འདས་ཀྱིས་འཁོར་རྣམ་ལ་གཟིགས་ནས། ཡོན་ཏན་ཀུན་འབྱུང་མངའ་དང་བཅས།། དོན་དང་རིམ་གཉིས་གྲངས་དང་ཚད།། ཡན་ལག་རྒྱས་འབྱུང་རྒྱས་པའི་གཞི།། ཞེས་གསུངས ་སོ།། དེ་ནས་ཡང་འཁོར་ཐམས་ཅད་ཀྱི་གཙོ་བོ་འཇོམས། ཚ་འཇམ་པའི་རྡོ་རྗེས་བཅོམ་ལྡན་འདས་ལ་གསོལ་པ། འཁོར་ལོ་ཞེས་བགྱི་ཇི་ལྟར་ལགས།། རྒྱུད་ཅེས་བགྱི་བ་ཇི་ལྟར་ལགས།། ཚེ་སྲོག་བདག་པོ་ཇི ་ལྟར་ལགས།། མགོ་དགུས་གང་གི་དོན་དང་ལྡན།། ཕྱག་ཞབས་བརྒྱ་དང་བརྒྱད་རྣམས་ཀྱིས།། ཡོན་ཏན་ལས་རྣམས་གང་ལྟར་སྤྱོད།། འཁོར་ལོ་ཞེས་བྱ་མཚོན་པ་གང་།། སྦྱོར་བའི་རིམ་པ་དུ་དང་ལྡན།། གཟེར་ཐུན ་འཁོར་ལོས་ལས་ཅི་འགྲུབ།། ལས་ཀྱི་མཐའ་རུ་གང་གིས་སྡུད།། ཅེས་གསོལ་ཏོ།། དེ་ནས་བཅོམ་ལྡན་འདས་ཀྱིས་ཡོན་ཏན་ཐམས་ཅད་རྒྱས་པར་བཤད་དོ།། རྒྱུད་ཅེས་བྱ་བ་གསུམ་ཡིན་ཏེ།། སྐུ་དང་གསུང ་དང་ཐུགས་ཀྱི་རྒྱུད།། ངོ་བོ་འབྲེལ་པ་ཀུན་གྱི་གཞི།། ཡོན་ཏན་ཕྲིན་ལས་རིམ་པ་ནི།། ཕྱི་ནང་གསང་བ་ཀུན་དང་ལྡན།། དེ་མཚོན་འབྲེལ་པས་རྒྱུད་ཅེས་བྱ།། ཚེ་བདག་ནག་པོ་ཞེས་གསུངས་པ།། སྣང་སྲིད་བདེ་འགྲོ ་སྙིང་པོ་ལས།། སྲོག་གི་དབང་པོ་ཆེ་བཀྲག་ཀུན།། འབྲུ་གཉིས་དག་ལ་སྡུད་ཅིང་འཆར།། གང་བརྩམས་ལས་ཀུན་ཐོགས་མེད་འགྲུབ།། དེ་ཕྱིར་ཚེ་སྲོག་བདག་པོར་གསུངས།། མགོ་དགུ་ཡོན་ཏན་འདི་ལྟ་སྟེ།། མགོ ་དགུ་ཐེག་པ་དགུ་མཚོན་ནས།། གབ་པ་དགུ་ཡི་དོན་དང་ལྡན།། བཅཝ་བརྒྱད་ཕྱག་གི་ཡོན་ཏན་ལས།། ཞིང་བཅུའི་སྲོག་དང་དྭངས་མ་བརྒྱད།། བསྡུས་ནས་དབང་པོ་སྲོག་ཟུངས་འབྲལ།། ས་རྣམས་ལྷུན་གྱིས་གྲུབ་ནས ་བགྲོད།། ཞབས་རྣམས་བརྐྱང་བསྐུམ་བརྗིད་པ་ནི།། སྲོག་ཟུངས་བརྒྱད་དང་ཚོགས་བརྒྱད་འགེགས།། འཇིག་རྟེན་བརྒྱད་སྤངས་ས་བརྒྱད་གནོན།། ཞལ་དགུས་སྒྲོལ་ཞིང་ཟ་བ་ནི།། དུག་ལྔ་བརྐམ་ཆགས་སྐྱེ་རྒྱུད ་བཞི།། བཅོམ་ནས་ཡེ་ཤེས་ལྔ་འཆར་བ།། སྐུ་གསུང་ཐུགས་དང་ཡེ་ཤེས་སེམས།། དབྱེར་མེད་དོན་ལྡན་བསམ་དཔག་དཀའ།། སྟོད་ན་ཡེ་ཤེས་མེ་འབར་ཞིང་།། ཤ་ཟ་བྱ་ཡི་ཚོགས་ལྡིང་བ།། འདོད་ཆགས་ཆོས་སྐུའི ་ང་དུ་སྒྲོལ།། སྐུ་སྨད་ཁྲག་དང་དུག་ཆུ་འབབ།། གཅན་གཟན་ཚོགས་རྣམས་རོལ་པ་ནི།། གཏི་མུག་ལོངས་སྤྱོད་རྫོགས་སྐུར་སྒྲོལ།། སྐེད་ལས་འཕྲུལ་དང་རིན་པོ་ཆེ།། ཉི་ཟླ་གཟའ་སྐར་འོད་དང་འབར།། འགྱིང ་བག་རྔམ་ཞིང་ཚོགས་པ་དང་།། བསྟན་པའི་ཕྱག་ནི་དུར་ཁྲོད་འབར།། དུར་ཁྲོད་རྒྱན་དང་ལྡན་པ་ནི།། སྤྲུལ་པ་བྱང་ཆུབ་ཚོགས་སྦྲུལ་སྐུ།། དྲག་པོ་སྔགས་ཀྱིས་ཚར་བཅད་ནས།། དཔེ་མེད་པ་ཡིས་བགྲོད་པའོ།། ལས ་དང་སྦྱོར་བ་ཀུན་སྤྱད་ནས།། ཕྱག་རྒྱ་ཆེན་པོ་བསྟན་ཞིང་བརྗོད།། མི་ཟད་རྒྱན་གྱི་འཁོར་ལོ་ནི།། མི་ཤིགས་རྡོ་རྗེའི་སྐུར་གསལ་བའི།། འཁོར་ལོ་ཞེས་སུ་བསྟན་པ་ཡང་།། རྣམ་པ་ལྔ་དང་ལྡན་པ་སྟེ།། རྟེན་འབྲེལ་སྲིད ་པའི་འཁོར་ལོ་དང་།། གནས་པ་བསམ་གཏན་འཁོར་ལོ་དང་།། མཚོན་པ་གཟུགས་བརྙན་འཁོར་ལོ་དང་།། གཅོད་པ་སྔགས་ཀྱི་འཁོར་ལོ་དང་།། མནན་པ་ཐོད་པའི་འཁོར་ལོ་དང་།། གཅོད་པ་འཁོར ་ལོ་རྣམ་གསུམ་སྟེ།། ཚད་ཅན་ཚད་མེད་འཕོ་བའོ།། དེ་དོན་གཞི་ཡིས་རྒྱས་པར་བཤད།། བསྲུང་དང་གཟིར་དང་གསད་པ་དང་།། ལོ་ཐོག་འཇོམས་པ་སྟོབས་དཔག་མེད།། དྲིལ་གཏོར་ཁ་སྦྱོར་རྒྱན་གྱིས ་མཚུངས།། གཡས་སྐོར་སྟེང་ནས་གཅོད་པ་ནི།། མཚོན་ཆའི་འཁོར་ལོ་མེ་དང་འདྲ།། གཡོན་སྐོར་འོག་ནས་གཅོད་པ་ནི།། ཆུ་ཡི་འཁོར་ལོ་རླུང་དང་འདྲ།། རྐྱེན་གྱི་སྟོབས་ཀྱིས་ལྟེ་བར་འགྱུར།། ལྟེ་བའི་སྟོབས ་ཀྱིས་ཐམས་ཅད་གཅོད།། གཅོད་པས་འཁོར་ལོ་ཞེས་གསུངས་པའོ།། གཟིར་གསུམ་མཐའ་རུ་ཟོར་གསུམ་བརྡེག། རང་བཞིན་བཙན་ཐབས་དྲག་པོས་གཟིར།། ལས་དང་སྦྱོར་བའི་ཙིཏྟ་གཟིར། རྟེན་གསུམ་གཟུགས ་དང་འཁོར་ལོ་མིང་།། འཁོར་ནི་རྣམ་པར་བཟློག་དང་བཀྲུ།། སྐྱ་རེངས་སྲོད་དང་གུང་ལ་ཟོར།། དགུ་ཐོག་རྣམ་ལྔའི་ལྷུབ་ཆེན་ཐུན།། ལས་ཀྱི་རིམ་པ་སྐབས་དང་སྦྱར།། དྲག་པོ་ཀུན་གྱི་གཞི་རུ་གསུངས།། བཅོམ་ལྡན ་འདས་ཆོས་ཐམས་ཅད་ལྷུན་གྱིས་རྫོགས་པའི་སྙིང་པོ་ཅན་རྡོ་རྗེ་འཆང་ཆེན་པོའི་རང་བཞིན་དེ་འོག་མིན་ཆོས་ཀྱི་དབྱིངས་ནམ་མཁའི་དབྱིངས་དག་པའི་ཀློང་། སེམས་ཉིད་ཀྱི་གནས་རང་བྱུང་མ་བསྒྲིབས་པའི་གཞལ ་ཡས་ཁང་ན། འཁོར་རང་གི་དེ་ཉིད་མཁྱེན་པ་དང་། དུས་གསུམ་གཅིག་པའི་སངས་རྒྱས་དང་། ས་ལ་གནས་པའི་བྱང་ཆུབ་སེམས་དཔའ་རྣམས་དང་། ཉིད་ཀྱི་ངོ་བོ་སྤྲུལ་པའི་ལམ་ལ་གནས་པའི་རིག་འཛིན་རྣམས་ཉེ ་བཔར་གནས་པའི་འཁོར་གཤིན་རྗེ་གཤེད་ཀྱི་དགེ་འདུན་དུ་མ་རྣམས་དང་། ཁྲག་སྐྱུགས་མ་མོའི་ཚོགས་དང་།། འཐོམས་པ་བདུད་ཀྱི་ཚོགས་དང་། ཕུང་བྱེད་མངག་པའི་ཚོགས་དང་། འབྱེད་པ་མི་མངའ་ཐུགས་རྗེ་ཆེན ་པོ་དང་ཐབས་ཅིག་ཏུ་བཞུགས་སོ།། དེ་ནས་ཡང་བཅོམ་ལྡན་འདས་འཁོར་རྣམས་ལ་ཡོངས་སུ་འདུན་པར་གྱུར་ནས། གསོལ་བ་བཏབ་པ། ལྷུན་གྲུབ་བརྡལ་བའི་ཕོ་བྲང་ནས།། བདེ་ཆེན་མཉམ་པའི་ངང་ཉིད ་ལས།། རྡོ་རྗེ་འཆང་བ་རྫོགས་པའི་སྐུ།། སྤྲུལ་པས་འགྲོ་བའི་དོན་མཛོད་ཅིག། ཅེས་གསོལ་ཏོ།། དེ་ནས་བཅོམ་ལྡན་འདས་ཀྱི་འཁོར་རྣམས་ཡོངས་སུ་འདུན་པར་གཟིགས་ནས། ཆོས་ཉིད་མི་གཡོ་བ་ཉིད་ལས ་བཞེངས་ཏེ། དབང་དུ་སྡུད་པའི་ཏིང་ངེ་འཛིན་ལ་སྙོམས་པར་ཞུགས་པས་འཇིག་རྟེན་གྱི་ཁམས་ཐམས་ཅད་གཡོས་པར་གྱུར་ཏེ། འུར་འུར་རབ་ཏུ་འུར་འུར་རོ།། ཆེམ་ཆེམ་རབ་ཏུ་ཆེམ་ཆེམ་མོ།། འཁོར་ཐམས་ཅད ་ཡོངས་སུ་བརྒྱལ་བར་གྱུར་ཏོ།། དེ་ནས་བཅོམ་ལྡན་འདས་ཀྱིས་འཁོར་རྣམས་ལ་གཟིགས་ནས། ཉིད་ཀྱི་རང་བཞིན་འདི་བསྟན་ཏོ།། ཨེ་མ་ཧོ།། ཆོས་སྐུ་བྱང་ཆུབ་སེམས་ཀྱི་རང་བཞིན་ལས།། རྒྱུ་རྐྱེན་མེད་པའི་རང ་བྱུང་སེམས།། ཐམས་ཅད་འབྱུང་བའི་སྙིང་པོ་ལས།། ཐམས་ཅད་ཐུགས་རྗེའི་ཤུགས་ཀྱིས་སྒྲོལ།། ཞེས་གསུངས་སོ།། དེ་ནས་འཁོར་རྣམས་རང་གི་རང་བཞིན་མཐོང་ནས་སེམས་ཡོངས་སུ་གྲོལ་བར ་གྱུར་ཏེ་བཅོམ་ལྡན་འདས་རྡོ་རྗེ་འཆང་ཆེན་པོ་ལ་འདི་སྐད་ཅེས་གསོལ་ཏོ།། ཨེ་མ་ཧོ་རྡོ་རྗེ་སྙིང་པོ་ཁྱོད།། སྣང་སྟོང་གཉིས་སུ་མེད་པའི་སྐུས།། སྣ་ཚོགས་སྦྱོར་བ་རྫོགས་པའི་བདག། ཡིན་པར་བདག་ཅག་ཡོངས་མི ་རྟོག། རྒྱུ་རྐྱེན་མེད་པར་འབྱུང་མི་འཚལ།། ཞེས་གསོལ་ཏོ།། དེ་ནས་བཅོམ་ལྡན་འདས་ཀྱིས་རྡོ་རྗེ་བསྙེམས་པས་གསོར་ནས། འཇིག་རྟེན་འདི་རབ་ཏུ་གཡོས་ཏེ། འཁོར་ཐམས་ཅད་སྐྲག་ནས་རང་རང་གི་སྲོག་གི་སྙིང ་པོ་མདོངས་གསོལ་དུ་ཕུལ་ལོ།། བཅོམ་ལྡན་འདས་འཇམ་པའི་རྡོ་རྗེ་དེས། སྲོག་གི་སྙིང་པོ་ཐམས་ཅད་སྐྱེ་བ་མེད་པའི་དབྱིངས་ནམ་མཁའ་དྲག་པོའི་ཁོངས་སུ་བསྡུས་ཏེ་ལས་ཐམས་ཅད་སྒྲའི་དང་པོའི་དང་པོ་ལ ་བསྡུས་ནས་གཅིག་ཏུ་དྲིལ་ལོ།། དེ་ནས་ཉིད་ཀྱི་རང་བཞིན་ལས་མ་གཡོས་པའི་འཁོར་འཇམ་དཔལ་གཞོན་ནུ་དེས། བཅོམ་ལྡན་འདས་ལ་གསོལ་བ་བཏབ་པ། ཀུན་གྱི་རང་བཞིན་ཡིད་ལས་བྱུང་།། སེམས་ཉིད་རྡོ་རྗེ ་འཛིན་པ་ཁྱོད།། མི་རྟོག་རང་བཞིན་ཏིང་འཛིན་ལས།། ལྷུན་གྱིས་གྲུབ་པའི་དཀྱིལ་འཁོར་དང་།། ཕྱག་རྒྱ་ཆེན་པོ་རྫོགས་པར་མཛོད།། ཅེས་གསོལ་བ་བཏབ་བོ།། དེ་ནས་བཅོམ་ལྡན་འདས་ཀྱིས་བདེ་བར་མཉམ ་པའི་ངང་ལས་བཞེངས་ཏེ། སངས་རྒྱས་ཐམས་ཅད་བསྐུར་བར་དགོངས་ནས། ཕྱག་རྒྱའི་རང་བཞིན་ལྷུན་གྱིས་གྲུབ་པའི་དཀྱིལ་འཁོར་འདི་གསུངས་སོ།། རང་བཞིན་ཆོས་སྐུ་མཉམ་ཉིད་ལས།། ལྷུན་གྱིས་གྲུབ་པའི ་ཕོ་བྲང་བརྟག། ཡེ་ཤེས་ཆེན་པོའི་གཞལ་ཡས་ཁང་།། ཀུན་འབྱུང་མི་འགྱུར་བརྟན་པར་གནས།། གྲུ་བཞི་སྒོ་བཞི་རིན་པོ་ཆེ།། རྟ་བབས་ཏྭ་ར་རྒྱན་རྣམས་དང་།། ཀླུ་བརྒྱད་ལྷ་བརྒྱད་ཚངས་པ་བཞི།། རུས་སྦལ་གླང ་ཆེན་སྟག་གཟིགས་འབྲུག། ཞིང་དང་ཞིང་ཆུང་ཕོད་པ་སྦྲུལ།། གནམ་ལྕགས་ཁྲོ་ཆུ་ཆུ་སྲིན་ཐོགས།། རྒྱུ་མ་གླིང་བུ་ཀེང་རུས་རྒྱན།། ཨེ་ཡི་ཕོ་བྲང་ཐོད་མཁར་བཞི།། ལྕགས་མཁར་བཅུ་གཉིས་བཅུ་དྲུག་ལྡན། ཁྱམས ་དང་གྲུ་ཆད་སྒོ་བཞིར་བཅས།། རང་བཞིན་ལྷུན་གྱིས་གྲུབ་པར་གནས།། དེ་ལ་གནས་པའི་ཕྱག་རྒྱའི་སྐུ།། རྒྱ་ཆེན་པོ་ཡི་ཕོ་བྲང་དུ།། ཀླུ་འབུམ་གཉེན་ཁྲི་ས་བདག་སྟོང་།། ལྟོ་འཕྱེ་ཕྱོགས་སྐྱོང་བཞི་དང་བརྒྱད ་བཅས།། མ་ཧེ་བརྒྱད་དང་ཉི་ཟླའི་གདན།། ནག་པོ་དུག་ཆེན་འཁྱིལ་བའི་སྒྲ།། དབུ་གསུམ་ཕྱག་དྲུག་ཞབས་བཞིར་བགྲད།། གཡས་དཀར་གཡོན་དམར་དབུས་མཐིང་ཞལ།། ཀླུ་གཉན་ས་བདག་ཞིང་ཆུང ་སྦྲུལ།། འཁོར་ལོ་རལ་གྲི་རྡོ་རྗེ་གཡས།། བེ་ཅོན་གཏུན་ཤིང་སྡིགས་མཛུབ་གཡོན།། གླང་ཆེན་ཞིང་ལྤགས་སྟག་ལྤགས་སྦྲུལ།། དབུ་ལ་རིན་ཆེན་གཞལ་ཡས་ནས།། རིགས་ལྔ་ཀླུ་བརྒྱད་ཐོད་པས་མཛེས།། བདུད ་@སྲིན་མུ་སྟེགས་རྒྱལ་པོ་བཙན།། མགོ་དང་ཙིཏྟས་དོ་ཤལ་བརྒྱན།། རིན་པོ་ཆེ་དང་ནོར་བུས་མཛེས།། སྙན་ཆ་མགུར་ཆུ་ཕྱག་ཞབས་སྦྲུལ།། བདུད་མོ་མཐིང་ནག་ཟོད་སྦྲུལ་བརྒྱན།། ཙིཏྟ་བྷནྡྷ་འཁྱུད་དང ་སྟོབས།། ཐུགས་དཀར་གསོ་བྱེད་སྐྲག་ནག་གཙོར།། རིགས་བཞི་རྒྱན་དང་ཐོད་པས་མཛེས།། འཁོར་ལོ་ཙཏྟ་གཡས་གཡོན་བསྣམས།། ཞིང་དང་སྦྲུལ་དང་ལྷ་དུམ་འཕྲུལ།། ཡ་མའི་ཐུགས་ཀར་བཛྲ་ནི།། ལྗང་ནག་རྡོ ་རྗེ་སྙིང་ཕྲེང་བསྣམས།། ཀླུ་བརྒྱའི་གདན་ལ་གཉེན་ཁྲི་གསོལ།། རིན་ཆེན་དབུ་རྒྱན་རིགས་བཞིས་མཛེས།། གདུག་པ་འཇོམས་མཛད་དྲེགས་པའི་སྒྲ།། དྲེགས་པའི་ཐུགས་ཀར་རུས་སྦལ་གནས།། སྨེ་བ་ཐིག་ལེ་ཁྲག ་དང་དུག། མཚོན་ཆའི་སྒྲ་ལ་སྡེར་མོ་ལྕགས།། ཙིཏྟ་འོད་ཀྱི་གསང་མཛོད་ན།། ལྷ་སྲིན་མི་ཡི་སྙིང་པོ་འཆང་།། དབུ་ལ་བྱ་ཁྱུང་གདུག་པ་འདུལ།། སྒྲ་དང་གཤོག་པ་མཚོན་ཆ་མེ།། མཆུ་དང་སྡེར་མོ་གནམ་ལྕགས ་འབར།། ཉི་ཟླ་ཁྲོ་ཆུའི་སྤྱན་དང་ཚེམས།། གདུག་པ་ཟ་ཞིང་ཞེ་སྡང་སྦྲུལ།། ཕྲག་སོར་ཁྱུང་མོ་སྨུག་ནག་གཉིས།། སྒྲ་དང་གཤོག་པ་མཚོན་ཆ་མེ།། མཆུ་དང་སྡེར་མོ་གནམ་ལྕགས་འབར།། ཉི་ཟླ་ཁྲོ་ཆུའི་སྤྱན་དང ་ཚེམས།། གདུག་པ་ཟ་ཞིང་ཞེ་སྡང་སྦྲུལ།། ནུ་ཁར་སེང་གེ་བརྗིད་པའི་ཚུལ།། མཚོན་ཆའི་སྦྲུ་ལ་སྡེར་མོ་དཔལ།། འཕྲུལ་གྱི་གཤོག་པ་ཁྲོ་ཆུའི་སོ།། དགྲ་བགེགས་ཟ་ཞིང་ལྷ་དུམ་འབྲལ།། སོགས་ཁར་སྟག་ཆེན་རྔོམ ་བརྗིད་གཏུམ།། མཆེ་བ་རྩང་ཕུར་སྡེར་མོ་ལྕགས།། གློ་སྙིང་ནང་ཁྲོལ་སྙིང་ཁྲག་འཐུང་།། སྟ་ཟུར་ཞེ་སྡང་གདུག་པའི་གཟུགས།། དུག་སྦྲུལ་མེ་འབར་དུག་ཁྲག་འཛག། དུག་ལྔ་བརྐམ་ཆགས་བསྲེག་ཅིང ་འཇོམས།། གང་དམིགས་རྩ་དང་ཀླད་ཁྲག་འདྲེན།། དུག་སྦྲུལ་རླངས་པ་དགྲ་ལ་འཕྲོ།། མགུར་དང་ཞབས་ཀྱི་ལོང་བུའི་བར།། ཡེ་ཤེས་སེམས་དཔའ་ཚོན་གང་བ།། མེ་རླུང་ལས་ཀྱི་འཁོར་ལོ་འཕྲོ།། ཉི་ཟླའི་གདན་ལ ་ཕྱི་ནང་བསྲུང་།། ཡེ་ཤེས་འཁོར་ལོ་ཉི་མའི་འོད།། ཐམས་ཅད་ནང་ཁྲོལ་གླིང་སྙིང་ཟ།། ཕྱག་རྒྱ་ཆེན་པོ་བརྟན་པར་བརྗིད།། དབུས་ན་བརྐྱང་བསྐུམ་ཚུལ་དུ་བཞུགས།། ཐུགས་ཀྱི་སྤྲུལ་པ་མངོན་ཕྱུང་བ།། མོན་པ་དུག ་ཆེན་དྲེགས་པའི་ལུས།། དབུ་དགུ་ཕྱག་དགུས་ཙིཏྟ་བསྣམས།། ཕྱག་དགུས་བླ་དང་དོན་སྙིང་འབྲལ།། དྲོད་དང་དབང་པོའི་དྭངས་མ་འཆང་།། བདུད་བཞི་ཕོ་ཉ་ལས་ལ་བསྐུལ།། ཤ་ཟ་ཁྲག་འཐུང་རུས་པ ་འཆའ།། དབུགས་འཕྲོག་བཀྲག་མདངས་ཚེ་སྲོག་གཅོད།། ཡུམ་དང་བཅས་པ་ཟོད་མཁར་བཞིར།། ལྷུན་གྲུབ་དྲངས་མ་ཡེ་ཤེས་བཞི།། ཕུང་པོ་ལ་སོགས་བདུད་བཞི་འཇོམས།། གཉིས་འབྲས་ལྷུན་གྱི་གྲུབ་པར ་གནས།། ལྕགས་མཁར་ཕྱོགས་བཞིའི་གཞལ་ཡས་ན།། སྲོག་གཤེད་ཕྱི་ཡི་གཤེད་པོ་བཞི།། དུག་མདའ་ལྕགས་གཟེར་གནག་ལ་འཚེར།། ཁྱབ་པ་སྤྱི་བཅིངས་སོ་བདར་གནག། ཕོ་བྲང་ཕྱོགས་བཞིར་ལྷུན་གྱིས ་གྲུབ།། ལྕགས་མཁར་བརྒྱད་ཀྱི་ཁྱམས་ཁང་ན།། ལས་ཀྱི་སྤྲུལ་པ་གཤེད་པོ་བཞི།། ཡུམ་དང་བཅས་ཏེ་ཚོགས་བརྒྱད་འཇོམས།། སྒོ་མེད་བཅུ་དྲུག་ལྕགས་མཁར་ན།། ཀི་ཀང་ཤ་ཟ་དྲེགས་པའི ་ཚོགས།། ཨུ་པི་པུ་ཀ་འདུལ་བ་འགྱེལ།། མངགས་པ་གཞན་ཚོགས་ལྷུན་གྱིས་གྲུབ།། དྲེགས་པའི་ལས་དང་སྦྱོར་བའི་གྲངས།། བཞི་དང་བཅུ་དྲུག་བཅུ་གཉིས་བརྒྱད།། དེ་བཞིན་ལྔ་དང་བཅུ་དྲུག་བརྒྱད།། སྙིང་པོ་དོན ་ལ་བཅུ་གཉིས་གསུམ་ཡང་བཅོ་ལྔ་པའོ།། དེ་ཡི་སྙིང་པོ་མཆོག་བསྡུས་ལྔ།། དབང་དང་རིམ་པ་བརྟུལ་ཞུགས་ལྔ།། དེ་སྲོག་དམ་ཚིག་གཉིས་དང་གསུམ།། ཆོས་ཉིད་མི་གཡོ་བསམ་གཏན་ལྔ།། རྫས་དང་འདོད་པ་བསྐུལ ་བའི་རྐྱེན།། སྲོག་དང་ལས་ཏེ་ཨེ་ཀ་ལ།། བསྡུས་ནས་རང་དབང་གཙོ་ལ་ཕུལ།། བྱིན་རླབས་དར་བཅས་ཐིག་ལེར་བསྟིམ།། སངས་རྒྱས་ཀུན་བདག་དེ་བཞིན་གཤེགས།། རྫོགས་པའི་ཚུལ་དུ་ལྷུན་གྱིས་གྲུབ།། མེ ་རླུང་སྐྱི་འདང་འཁྲུགས་པའི་རྒྱུད་ལས། ཁྲོ་བོ་ལྷུན་གྱིས་གྲུབ་པའི་ལེའུ་སྟེ་གཉིས་པའོ།། །། དེ་ནས་ཡང་བཅོམ་ལྡན་འདས་ཀྱིས། བརྟུལ་ཞུགས་བགྲོད་པའི་དབང་འདི་གསུངས་སོ།། སློབ་མ་གཞན་དབང་ཐོབ ་པ་ལ།། བགྲོད་པ་མཐར་ཕྱིན་རྫོགས་པ་ཡི།། ངོ་བོ་སེམས་ཀྱི་ཆོས་ཉིད་ལ།། རྣམ་གྲངས་གཉིས་དང་རྫས་ཀྱི་དབང་།། རིག་པ་བརྟུལ་ཞུགས་རང་དབང་རྫོགས།། དཔེར་ན་རྒྱལ་པོའི་ཕྲུ་གུ་ལ།། རྒྱལ་ཐབས་མ་བསྐུར ་ས་མི་འཐོབ།། དབང་ཐོབ་རྒྱལ་སྲིད་མངའ་བརྙེས་ཚུལ།། བདག་དབང་མཚོན་པའི་རིམ་པ་ནི།། སེམས་ཉིད་དབེན་པའི་བདེ་གནས་སུ།། རང་ཉམས་བརྟན་པའི་མཚམས་བཅད་ལ།། མ་དྷལ་ཆེན་པོ་བྱ་བ ་བརྩམས།། སྔོན་དུ་འགྲོ་བའི་ལས་རྫོགས་ནས།། དུར་ཁྲོད་དཔའ་བོའི་རྒྱུ་བླངས་ལ།། ཐུགས་ཀྱི་སྤྲུལ་པ་མཁའ་ཁྱབ་སྤྲོ།། གདུགས་རྒྱལ་དྲི་ཡིས་ཁྲུས་བྱས་ལ།། མ་དྷ་ལ་དབུས་སུ་བརྒྱན་པར་བཞག། བསམ་གཏན ་བུམ་པས་རྟེན་སྦྱངས་ལ།། ལུས་ལ་གཤིན་རྗེའི་དཀྱིལ་འཁོར་བརྟགས།། ཙིཏྟ་འོད་ཀྱི་ཕོ་བྲང་དུ།། ཚེ་སྲོག་བདག་པོའི་དཀྱིལ་འཁོར་ལ།། བརྟན་པ་རྙེད་ཕྱིར་ཚོགས་གཏོར་མ།། བྱ་བའི་རིམ་པའི་བསྒྲུབ་པ ་བརྩམས།། བརྟུལ་ཞུགས་རིམ་པའི་རྟེན་དུ་གཞག། མཚན་ལྡན་བཀྲ་ཤིས་གཟུངས་མ་འདམ།། རྒྱལ་རིགས་རྗེ་རིགས་སྔགས་སྐྱེས་མ།། མཁའ་ཁྱབ་རྡོ་རྗེའི་མདངས་མ་རེག། ལུས་དང་ཡན་ལག་དབང་པོ ་འཇམ།། སྐྱ་རེངས་ཕྲ་འཇམ་ཚིགས་མིག་ཟླུམ།། དཔྲལ་བའི་དབྱིབས་ཆེ་སྨིན་དཀྱུས་རིང་།། མིག་ཕྲ་དཀྱིལ་གནག་ཨུཏྤལ་མདོག། ཤེས་རབ་སྤྱོད་པའི་རྣལ་འབྱོར་ལྡན།། ལུས་ལ་ལྷ་ཡི་དཀྱིལ་འཁོར་བརྟག། ཙིཉྫར ་རྫོགས་པའི་སངས་རྒྱས་བརྟག། བྷ་ག་གསང་བའི་ཕོ་བྲང་དུ།། ལྷུན་གྱིས་གྲུབ་པའི་དཀྱིལ་འཁོར་བརྟག། བདེ་བ་ཆེན་པོའི་རྟེན་དུ་གཟུང་།། རྡོ་རྗེ་གསང་བའི་ཆུ་རྒྱུན་གྱིས།། དཀྱིལ་འཁོར་ལྔ་དང་སློབ་མ ་བཀྲུ།། གསང་བ་ལྷུན་གྱིས་གྲུབ་པ་ཡི།། དཀྱིལ་འཁོར་ལྷ་ལ་གསོལ་བ་གདབ།། བྱིན་རླབས་བརྟུལ་ཞུགས་འཇུག་པ་བརྩམ།། ཡོལ་བས་པར་གཅད་མེ་ཏོག་ལྡན།། སྡིག་པ་བཤགས་པ་སྡོམ་པ ་འབོག། དམ་ཚིག་བསྒྲགས་ནས་མེ་ཏོག་དོར།། དཀྱིལ་འཁོར་ལྷ་ཡི་རྣམ་པ་བསྟན།། ལྕེ་ལ་བདུད་རྩིའི་ལུང་བསྟན་གཞག། བུ་དེ་བརྒྱན་ཅིང་ཕྱག་རྒྱ་བསྒོམ།། ཚོགས་ལ་རོལ་ལ་སྟ་གོན་གཞག། རྫས་དང་དཀྱིལ ་འཁོར་བྱིན་གྱིས་བརླབ།། སློབ་མ་གཞུག་ཕྱིར་གསོལ་བ་གདབ།། ལྷུན་གྲུབ་རང་བཞིན་གནས་པའི་ཕོ་བྲང་ན།། ཡེ་ཤེས་རྒྱ་མཚོ་ལྷུན་གྱིས་གྲུབ་པའི་ལྷ།། མ་ལུས་མཉམ་པའི་རྒྱལ་པོ་དགོངས་སུ་གསོལ།། སློབ་མ ་མཚན་ལྡན་ཡུམ་གྱི་དཀྱིལ་འཁོར་དུ།། བརྟུལ་ཞུགས་དྲག་པོ་སྟོབས་ཀྱིས་གཞུག་ཏུ་གསོལ།། བདེ་ཆེན་མཉམ་པ་གསང་བའི་ཕོ་བྲང་དུ།། རིག་པ་བརྟུལ་ཞུགས་སྟོབས་ཀྱིས་གཞུག་ཏུ་གསོལ།། སློབ་མས་མེ ་ཏོག་ཐོགས་ལ་བརྡ་ཕྱག་བཙལ་ལ། གསོལ་བ་གདབ་བོ།། སྟོན་པའི་སྒྲོན་མ་བཅོམ་ལྡན་འདས།། ལྷ་དང་སློབ་དཔོན་དགོངས་སུ་གསོལ།། དྲེགས་པ་སྟོབས་ཀྱི་ཚུལ་བསྟན་པ།། འགྱུར་མེད་བདེ་ཆེན་ཕོ་བྲང ་ན།། དྲེགས་པའི་ལྷ་ཚོགས་དགོངས་སུ་གསོལ།། བྷ་ག་གསང་བའི་ཕོ་བྲང་ནས།། མཉམ་པའི་རྒྱལ་པོ་དགོངས་སུ་གསོལ།། དམ་ཚིག་དཀའ་ཐུབ་སྡོམ་པའི་མཆོག། རིག་པའི་རྒྱལ་པོ་བདག་ལ་སྩོལ།། གསང་བའི་ཡེ ་ཤེས་བདག་ལ་སྩོལ།། ཡེ་ཤེས་རིམ་པ་བདག་ལ་སྩོལ།། མེ་ཏོག་རིན་ཆེན་དབྱིག་བསྡུས་ལ།། བདེ་ཆེན་ཕྱི་ཡི་འཇུག་པ་བརྩམ།། ཕུང་པོ་ལྷ་ཡི་དཀྱིལ་འཁོར་བསྟན།། བམ་ཆེན་ཐུགས་ཀྱི་དཀྱིལ་འཁོར་དུ།། འཇུག ་པ་ནང་གི་ལྷ་ངོ་བསྟན།། གཟུངས་མ་ལུས་ཀྱི་དཀྱིལ་འཁོར་དུ།། གསང་བ་ཕྱི་ཡི་ལྷ་ངོ་བསྟན།། ཙིཏྟ་ནང་གི་ལྷ་ངོ་བསྟན།། བྷ་ག་གསང་བའི་ཕོ་བྲང་དུ།། གདོང་གཡོགས་དང་ལྡན་སྤྲོ་བ་བསྐྱེད།། བཀྲ་ཤིས་མཚན ་ལྡན་གསང་བའི་ཕོ་བྲང་དུ།། གཉིས་མེད་སངས་རྒྱས་ཀུན་དང་མཉམ་སྦྱོར་བའི།། བྱང་ཆུབ་སེམས་ཉིད་མི་འགྱུར་བདེ་བའི་མཆོག། ཕོ་བྲང་ལྷུན་གྱིས་གྲུབ་པར་བཞུགས་པ་དང་།། སྨེ་བ་ལྔ་དང་བདུད་རྩིར་སྦྱོར་བའི ་སེམས།། བཀྲ་ཤིས་མཚན་ལྡན་བདེ་བའི་བརྟུལ་ཞུགས་སྦྱིན།། མི་འགྱུར་བརྟན་པའི་སྐུ་དང་ཡེ་ཤེས་བགྲོད།། དེ་ནས་གསང་བའི་གཟུངས་མ་སྤྲོ་བ་བསྐྱེད་པར་བྱའོ།། ཧོ་བདེ་ཆེན་གསང་བའི་ཕོ་བྲང་དུ།། ཐབས ་ཆེན་གསང་བ་བདེ་ཕབ་ནས།། དབུ་མ་རྩ་བརྒྱུད་ས་བོན་བསྲེག། བྷ་གའི་གནས་སུ་ཆོས་བསྐུར་བསྒྲིལ།། རྩ་ལམ་འོད་འཕྲོས་ལོངས་སྤྱོད་སྐུ།། མཉམ་པར་གནས་པ་བྱང་ཆུབ་སྐུ།། སྤྲོས་བྲལ་ཀུན་ཁྱབ་སྤྲུལ་པའི ་སྐུ།། བརྟན་པ་ཐོབ་པ་རྡོ་རྗེའི་སྐུ།། ཡབ་ཡུམ་མཉེས་པས་མཉེས་པར་བྱ།། དེ་ནས་གསང་བའི་སྦྱོར་བའི་བརྡས།། ཡེ་ཤེས་ཉི་ཟླའི་ཐིག་ལེ་ཡི།། བདེ་བས་གང་བར་བྱས་པ་ལ།། སྦྱོར་བ་དག་པའི་བྱིན་རླབས ་@ལས།། རྩ་རྒྱུད་བདེ་ཕབ་ཐིག་ལེ་བསྒྲིལ།། བྱང་ཆུབ་སེམས་དང་སྨེ་བ་བསྲེས།། བཀྲ་ཤིས་མཚན་ལྡན་བུམ་པར་བསྐྱིལ།། བརྟུལ་ཞུགས་རབ་འབྱམས་དབང་བསྐུར་བྱ།། ཧོ་རིག་པའི་སྟོབས་ལྡན་སྦྱོར ་བའི་གནས།། འཁྲུལ་པའི་བག་ཆག་སྤྲིན་ལྟ་བུ།། ཡེ་ཤེས་རོལ་པའི་སྒྲོན་མ་གསལ།། མཉམ་པའི་སྟོབས་ཀྱི་བརྟུལ་ཞུགས་ལོངས།། ཨེ་ཀ་ཡ་མ་པྲ་ཏཱི་ཙྪ་ཧོ།། མེ་ཏོག་དོར་ལ་མགོ་ལ་གདགས།། མཚན་ལྡན་བཀྲ ་ཤིས་ཕོ་བྲང་དང་།། དྲག་པོ་སྟོབས་ཀྱི་ལྷ་ངོ་བསྟན།། བཀྲ་ཤིས་བུམ་པའི་དབང་བསྐུར་བྱ།། ཧོ་ཡེ་ཤེས་ལྷུན་གྲུབ་བུམ་པ་ཡིས།། བརྟུལ་ཞུགས་དག་པའི་དབང་བསྐུར་བས།། འཁོར་བ་རྣམ་དག་ཆོས་སྐུར ་གསལ།། རང་བྱུང་ཡེ་ཤེས་དབང་ཐོབ་ཤོག། ཨེ་ཀ་ཡ་མ་གྷུ་ཧྱ་བྷ་ག་བོ་དྷི་ཙིཏྟ་ཧོ།། འབྲས་བུ་ཁྲག་འཐུང་ཡེ་ཤེས་ལྔར།། རྫོགས་པའི་ཕྱག་རྒྱ་ལྷུན་གྲུབ་པའོ།། དེ་ནས་དུར་ཁྲོད་རྒྱན་གྱི་དབང་སྦྱིན་པ་ནི། གླང་ཆེན ་སྟག་ཤམ་ཞིང་ལྤགས་སྦྲུལ།། ཐོད་པ་སྙིང་ཕྲེང་ཀེང་རུས་བརྒྱན།། མེ་རི་དུར་ཁྲོད་དབང་བསྐུར་བས།། དྲེགས་པའི་སྟོབས་དང་ལྡན་པར་ཤོག། ཨེ་ཀ་ཡ་མ་ཧསྟི་མ་ཧཱ་ནཱ་ག་ཀ་པཱ་ལ་ཙིཏྟ་ཛ་ལ་ནི་རི་ཧོ།། དེ་ནས་ཕྱག ་མཚན་སྦྱིན་པ་ནི།། ཧོ་འཁོར་བ་འདྲལ་བྱེད་འཁོར་ལོ་དང་།། ཉོན་མོངས་གཅོད་པའི་རལ་གྲི་དང་།། ཆོས་ཉིད་མཚོན་པའི་རྡོ་རྗེ་ཡིས།། སྐུ་གསུམ་མཉམ་པའི་དབང་ཐོབ་ཤོག། ཨེ་ཀ་ཡ་མ་ཙཀྲ་ཁཌྒ་བཛྲ་ཧོ།། བེ ་ཅོན་དུག་ལྔ་ཡེ་ཤེས་ལྔ་རུ་སྒྲོལ།། གཏུན་ཤིང་གདུག་པ་གནས་སུ་འཇོམས།། སྡིགས་མཛུབ་དུག་གསུམ་སྐུ་གསུང་ངང་དུ་རྫོགས།། རིག་པ་སྟོབས་ཀྱི་སྒོ་གསུམ་དབང་ཐོབ་ཤོག། ཨེ་ཀ་ཡ་མ་བྷི་ཧ་ཧུ་ཏུ་ས་ར་པ ་ཧོ།། མཉམ་པའི་བརྟུལ་ཞུགས་སྦྱིན་པ་ནི།། ཧོ་རྡོ་རྗེ་པདྨ་མཉམ་སྦྱར་ནས།། པདྨ་རཀྟ་བྱང་ཆུབ་སེམས།། བམ་ཆེན་སྨེ་བ་དོན་དང་སྦྱར།། བརྟུལ་ཞུགས་རོལ་པའི་དབང་བསྐུར་བས།། མི་ཟད་རྒྱན་གྱི་དབང་ཐོབ། ་ཤོག། ཨེ་ཀ་ཡ་མ་གྷུ་ཧྱ་རཀྟ་བོདྡྷི་ཙིཏྟ་ཧོཿམཱཾ་ས་རཀྟ་ཙིཏྟ་པཱུ་ཛ་ཏ་ཀེང་ནི་རི་ཏི་ཧོཿ། དཔའ་གཏུམ་སྔགས་ཀྱིས་བྱིན་བསྐྱེད་པའི།། བམ་ཆེན་རོ་ལ་མཉམ་པར་རོལ།། རྡོ་རྗེ་བརྗིད་པའི་དབང་ཐོབ་ནས།། བདེ་ཆེན ་མཉམ་ཉིད་ཐོབ་པར་ཤོག། ཨེ་ཀ་ཡ་མ་ཨ་དྷི་པ་ཏ་སིདྡྷི་ཧོཿལོངས་སྤྱོད་དག་པའི་དབང་བསྐུར་བ།། འཆི་མེད་རང་བྱུང་ར་སཱ་ཡན།། བཀྲ་ཤིས་མཚན་ལྡན་ལྷག་པའི་རྫས།། འཕེལ་འགྲིབ་མེད་པའི་དབང་བསྐུར ་བས།། རིགས་ལྔ་ཡེ་ཤེས་ལྔ་ཡི་དབང་ཐོབ་ཤོག། ཨེ་ཀ་ཡ་མ་སརྦ་པཉྩ་ཨ་མྲྀ་ཏ།། གཉའ་ན་ཤུདྡྷ་ཧོཿ། བཀྲ་ཤིས་དངོས་གྲུབ་ག་བུ། འུ། རུ།། མི་འགྱུར་བརྟན་པའི་ཚེ་བསྒྲིལ་ནས།། རང་རྟགས་ཚེ་ཡི་དབང་བསྐུར ་བས།། འཆི་མེད་བརྟན་པའི་དབང་ཐོབ་ཤོག། ཨེ་ཀ་ཡ་མ་ཨཱ་ཡུརྫྫ་ན་སིདྡྷི་ཧོ།། སྣོད་ཀྱི་འཇིག་རྟེན་གཏོར་གཞོང་དུ།། བཅུད་ཀྱི་འཇིག་རྟེན་གཏོར་མར་གསལ།། འབྱུང་བ་རྣམ་ལྔ་གཏོར་མའི་རྒྱུ།། ལྷུན་གྲུབ་ཀུན ་འབྱུང་གཏོར་མའི་རྒྱན།། འཛིན་ཆགས་མེད་པའི་སྟོབས་ཀྱིས་རོལ།། ཨེ་ཀ་ཡ་མ་མ་ཧཱ་བ་ལིནྟ་པཱུ་ཛ་ཧོ།། དམ་ཚིག་བསྒྲག་ལ་མནའ་ཆུ་བླུད་པར་བྱའོ།། སྣོད་མེད་བརྟུལ་ཞུགས་ཞན་པ་ལ།། སྤེལ་ཞིང ་བསྒྲགས་ན་རྡོ་རྗེ་ཁྲོ་བོ་དང་།། གཏུམ་པོ་གནོད་སྦྱིན་རྡོ་རྗེ་འཆང་ཆེན་གྱིས།། ལུས་དྲལ་མགོ་གཤག་ཙིཏྟ་ཁྲག་ཏུ་འཐུང་།། ཨེ་ཀ་ཡ་མ་ཀཱ་ཡ་ཝཱ་ཀ་ཙིཏྟ་རཀྟ་ཁཱ་ཧི་ཧོ། ཁྱོད་ཀྱི་རྡོ་རྗེ་འཆང་ཆེན་ང་ཡིན་པས།། བཀའ་ཡི ་ཟུར་ཡང་བཅག་པར་བྱ་བ་མིན།། བསྒོ་བ་བྱོས་ལ་དམ་ཚིག་སྲོག་ལྟར་སྲུངས།། གལ་ཏེ་འདས་ན་རྡོ་རྗེ་དམྱལ་བར་ལྟུང་།། ཨེ་ཀ་ཡ་མ་དུ་མ་དུ་ན་རཀྟ་པོ་ཡང་རག་ལེན་ད་ན་ཧོ།། འདི་ནི་རྡོ་རྗེ་དམྱལ་བའི་ཆུ།། ཚུལ་འདི ་བསྲུང་ན་དངོས་གྲུབ་ཐོབ།། ཉམས་ན་ཙིཏྟ་གཤེགས་ཏེ་འཕོ།། རྡོ་རྗེའི་ཆུ་འདི་ཁྱོད་ཀྱིས་ལོངས།། བཛྲ་ཀྲོ་དྷ་ཨི་དཾ་ཧོ།། འདོད་པ་ལྔ་ཡི་ཚོགས་ལ་རོལ།། རྒྱུད་གསུམ་ལྷུག་པའི་མན་ངག་བསྟན།། རྡོ་རྗེ་འཛིན་གྱི ་གྲལ་ཐོབ་ཡིན།། བརྟུལ་ཞུགས་གསང་བའི་བགྲོད་པ་གསུམ།། ཐོབ་ན་མི་ལྡོག་ས་ལ་གནས།། བརྟུལ་ཞུགས་གསང་བའི་དབང་དུ་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས། བརྟུལ་ཞུགས་དབང་གི་ལེའུ་སྟེ། ་གསུམ་པའོ།། །། དེ་ནས་ཡང་བཅོམ་ལྡན་འདས་ཀྱིས་དམ་ཚིག་གཟུངས་ཀྱི་དོན་འདི་གསུངས་སོ།། དཀའ་ཐུབ་དམ་ཚིག་སྡོམ་པའི་དོན།། ཆོས་རྣམས་མ་ལུས་ཀུན་གྱི་གཞི།། སྔགས་འཆང་དབང་བགྲོད་དམ ་པའི་སྲོག། ངོ་བོ་ཆོས་སྒྲ་བྱང་ཆུབ་སེམས།། འཁོར་འདས་ལྷུན་གྲུབ་དང་དུ་རྫོགས།། དེས་མཚོན་དམ་ཚིག་སྲོག་ལྟར་བསྲུང་།། རྣམ་གྲངས་རྣམ་པ་གཉིས་སུ་བཤད།། ཐུན་མོང་རྩ་བ་ཡན་ལག་གཉིས།། སྐུ ་གསུང་ཐུགས་དང་བྱང་ཆུབ་སེམས།། ཡན་ལག་མི་སྤང་དང་དུ་བླང་།། བསྒྲུབ་དང་སྤྱད་དང་ཤེས་པ་སྟེ།། བཅུ་གཉིས་ལྔ་རུ་འདུས་པར་བཤད། ཁྱད་པར་བསྲུང་དང་དཀའ་ཐུབ་གཉིས།། བསྲུང་བ་ཉི་ཤུ་རྩ་གཅིག། ་དགོས།། རྡོ་རྗེ་རྨང་གི་རི་མི་བཤིག། མངོན་བྱུང་བརྟུལ་ཞུགས་དོགས་མེད་སྤྱད།། གཅན་གཟན་རྒྱལ་པོ་གསད་མི་བྱ།། ཟ་མ་ཏོག་ཏུ་དུག་མི་བླུག། རིན་ཆེན་ལྷ་བྲན་བསྲེག་མི་བྱ།། གངས་ཀྱི་ཞུན་ཆུ་བཏུང་བ ་མིན།། བདུད་རྩི་སྣོད་ངན་ནང་མི་བླུག། མི་ཤིས་སྨོད་དུ་མདངས་མི་དབབ།། སྣོད་ངན་སེང་གེའི་ཞོ་མི་བླུག། ཡིད་བཞིན་ནོར་བུ་བསྲེག་པ་མིན།། བྱ་ཁྱུང་གཤོག་པ་བཅག་མི་བྱ།། གནམ་ལྕགས་ཨུར་མོ་ནང་མི ་འཐབ།། སྟག་གཟིག་རོལ་པའི་ཤ་མི་ཟ།། རྡོ་རྗེས་གཏམས་པའི་བྲག་མི་བཤིག། རྡོ་རྗེའི་ར་བའི་རྨང་མི་འདྲལ།། མུན་པ་སེལ་བའི་སྒྲོན་མི་གསད།། རྡོ་རྗེ་ཆུ་བོའི་རྐ་མི་གཅག། རྒྱལ་པོ་ཕྱག་རྒྱའི་རྟགས་མི་དབྱི།། ་རྗེ་རྫོང་གི་མཁར་མི་བཤིག། རིན་ཆེན་རྒྱལ་མཚན་རྩེ་མི་དབྲོག། ལྷག་པའི་དམ་ཚིག་བསྲུང་བར་བཤད།། དཀའ་ཐུབ་སྔགས་ཀྱི་སྒོ་མོ་ཡིན།། གསང་བའི་ལམ་མིན་གཞན་མི་བཟུར།། དྲག་སྔགས་ཐུན་མཚམས ་གཏམ་མི་བྱ།། འཇིག་རྟེན་དམན་ལ་ཕྱག་མི་བཙལ། ཁྲོ་བོའི་ཆོས་དགུ་ཚུལ་དགུ་དང་།། བརྡེག་འཕེན་འཛིན་མཆོད་རྒྱུག་གནོན་གདེང་།། སྡེམ་གདུང་བྷ་གར་རོ་མི་ཁྲི།། གཤེ་བཞད་གདོང་གཙིགས ་རྔམ་འདྲིལ་འཛུམ།། གར་དགུ་སྟབས་དགུ་བརྟགས་ཏེ་བཟླས།། མཚན་ལྡན་གཟུངས་མ་རབ་ཏུ་བསྟེན།། རེ་དོགས་སོམ་ཉི་མེད་པར་གཞོམ།། ཚ་གསུམ་རུལ་གསུམ་མྱང་བར་སྤྱད།། འཁོར་ལོ་གཟིར་བསྲེག་གནན ་དང་ཟོར།། ལུས་ཀྱི་དབང་པོ་གཞན་མི་བསྟན།། ཤེས་རབ་མ་ཡི་ཟུར་མི་བཅག་ཁྱད་པར་དཀའ་ཐུབ་བསྲུང་བར་བཤད།། འདས་ན་ནད་མང་ཚེ་ཐུང་འཕོ།། དྲག་སྔགས་དོན་ལ་མ་ཉེས་འབྱུང་།། དུས་མིན་ཚེ་ཟད ་དམྱལ་བར་ལྷུང་།། བསྲུངས་ན་ཡོན་ཏན་རིན་ཆེན་གཏེར།། བྱིན་རླབས་ཀུན་འབྱུང་བདེན་པ་གཉིས།། ངག་བཙན་བཀུར་གནས་དགེ་བཅུ་འཕེལ།། སྐྱེ་མེད་བདེ་ཆེན་མཉམ་པར་གནས།། སྔགས་ཀྱི་གོ་མཚོན་ཡུན་དུ ་བདེ།། བསྐང་ན་བགྲོད་པ་གསུམ་བསྐུར་ལ།། ལྷ་སྤྱོད་མ་ནོར་ཡེངས་མེད་བཟླས།། སྦྱོར་བའི་རྒྱལ་པོ་ལམ་ལས་བགྲོད།། ཡང་དག་བདེ་བའི་དོན་གསལ་འགྱུར།། འབྲས་བུ་བགྲོད་ཐོབ་ལྷུན་གྱིས་གྲུབ།། གཉིས ་མེད་བདེ་ཆེན་མཉམ་པར་གནས།། སྣང་སྟོང་ངོ་བོ་རང་གྲོལ་བས།། བསྲུང་བ་ཡོད་པར་ངས་མ་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས་དཀའ་ཐུབ་དམ་ཚིག་གི་ལེའུ་སྟེ་བཞི་པའོ།། །། དེ་ནས ་བཅོམ་ལྡན་འདས་ཁྲག་འཐུང་གི་རྒྱལ་པོ་བདེ་བ་ཆེན་པོ་དེས་རྒྱུད་ཀྱི་དོན་འདི་རྒྱས་པར་བཤད་དོ།། རང་བཞིན་མ་བསྒྲིབས་ཡེ་ཤེས་སྐུ།། འགག་མེད་བདེ་ཆེན་ཁྱབ་གསལ་ཚ་སྐུ། སྐུ།། ལྷུན་གྲུབ་སྤྲོས་བྲལ་ཕྱག ་རྒྱའི་སྐུ།། བརྡ་ཁྱབ་ཐིག་ལེ་ཉག་གཅིག་སྐུ།། མ་འགགས་ཀུན་འབྱུང་སྤང་བླང་མེད།། སྣ་ཚོགས་རོལ་པ་བྱ་རྩོལ་བྲལ།། ནམ་མཁའ་ཡོངས་ལ་མདུང་བསྐོར་བས།། སངས་རྒྱས་མཛད་པར་ཁོ་ཐག་གཅད།། གནས ་པར་རང་རྒྱུད་དྲུག་དང་ལྡན།། སུམ་ཅུ་གཉིས་རྩིབ་བདེ་ཆེན་གནས།། འབྲུ་བཞི་ཡན་ལག་འཕྲོ་དང་འདེབས།། འབྲུ་དྲུག་ཡང་བཅུ་དྲུག་ལོངས་སྤྱོད་གསལ་འབར་བ།། བརྒྱད་དབུས་བཞི་ལྡན་ཆོས་འཁོར་ལོ།། ལམ་ཉིད ་ཀྱང་ལས་གཉིས་དོན་ལྡན་འབྲས་བུར་སྨིན།། བཅུ་དྲུག་བཞི་ལྡན་སྤྲུལ་པའི་གནས།། བཞི་རྩིབས་གསང་བ་རྫོང་ལ་གནས།། དྲུག་རྩིབས་འཁོར་ལོ་མདོ་གསུམ་འཛིན།། བདུད་དང་རང་གཤེད་མཉམ་པའི་དོན།། ལྟ ་བའི་རྒྱལ་པོ་རང་གསལ་ཡིན།། སྤྱོད་པ་ལས་ཀྱི་འཁོར་ལོས་མཚོན།། ལྔ་བརྒྱད་ཕྲལ་བས་སུམ་ཅུ་བརྒྱད།། དེ་དག་རང་རྒྱུད་གནས་པ་ཡིན།། གནས་པའི་འཁོར་ལོ་ཐོད་པར་བཅའ།། ཐོད་པར་སྙིང་པོའི་བཅུད་སྡུད ་བྱེད།། ལས་དང་སྲོག་དང་བླ་སྡུད་ལ། ཁྱམས་ཁང་གཤེད་ཀྱི་གསང་མཛོད་ཡིན།། རིམ་པ་མངོན་དུ་བགྲོད་བྱས་ནས།། དཔའ་བོའམ་གྲི་མོ་ལང་ཚོ་ལ།། སྦྱོང་བ་གསུམ་དང་ལྷ་བཀོད་ལ།། སྔགས་ཀྱི་དྲོད་ལྡན་བརྟུལ ་ཞུགས་བླངས།། རྒྱལ་རིགས་རྗེ་རིགས་སྔགས་འཆང་ལ།། བཅུ་གཉིས་བཅུ་དྲུག་བར་ལ་བརྟག། གོང་བཞིན་བརྟགས་ལ་བརྟུལ་ཞུགས་བླང་།། རྐྱེན་གསུམ་རང་རྒྱུད་དྲུག་བཀོད་ལ།། སྦྱང་སྲེག་དབབ ་བསྒྲིལ་ཐིག་ལེར་གསལ།། སྨེ་བ་དོན་དང་མཉམ་སྦྱར་ལ།། བརྟུལ་ཞུགས་རྣམ་གསུམ་ལོངས་སྤྱོད་ལྡན།། སྐྱེ་བ་མེད་པའི་དབྱིངས་སུ་གྲོལ།། སྤྱི་དང་ཁྱད་པར་ཡན་ལག་གསུམ།། བསྲུང་དང་མ་བསྲུངས་བདེ་དང ་སྡུག། བདེ་ཆེན་ན་རག་དོང་སྤུག་གི། ལས་ཀྱི་རིམ་པ་འདི་ལྟ་སྟེ།། རྩ་བ་ཀུན་འབྱུང་འཁོར་ལོ་ནི།། གསང་ཆེན་མཆོག་ཏུ་དྲིལ་བ་ཡང་།། ཡང་གསང་སྦྱོར་བའི་དྲུག་གཉིས་བཞི།། བརྡ་དོན་གོལ་དང་སྨིན་པའི ་ལས།། ཧ་ལ་ནག་པོ་སྦྲུལ་འཛིན་ལྟར།། སྦྱོར་བ་བཅུ་བདུན་དག་དང་ལྡན།། དོན་གཉིས་མངོན་དུ་སྤྱད་པ་ཡིས།། བླ་ཆེན་སྤྲུལ་པ་ཡང་སྦྲུལ་ཚོགས།། རྟགས་མེད་ཀུན་འབྱུང་དྲུག་དང་ལྡན།། འབྲས་བུ་འཇོམས་པའི ་ལས་གཞི་ཡིན།། ཆུ་དྲིལ་ཟོར་འཕང་དུ་བས་གཟིར།། ཆུ་རྒོད་གནམས་ཐོག་ཆེན་པོ་འབེབས།། དམར་ལེན་སྔགས་ཀྱི་མཐུ་བསྡུས་ནས།། ལས་ཀྱི་འཁྲུལ་འཁོར་མཚོན་ཆར་འབེབས།། སྙིང་པོ་ཀུན་གྱི་མཐུ་དྲིལ ་ནས།། འབྲུ་བརྒྱད་དམོད་པའི་ལས་དང་སྦྱར།། རིགས་ཀྱང་རིམས་སོགས་ལས་དབང་གནོད་པའི་གདོན།། སྔགས་ཀྱི་བརྡེག་པ་དྲུག་དང་ལྡན།། ལྟར་འཇུག་ཕྱིར་འབྱུང་ཞེ་སྡང་གཞི།། ཀུན་འབྱུང་རྟགསས་མེད་ཁོང་ནས ་འབྱུང་།། གང་རུང་མཚོན་ཆ་ཁ་སྦྱར་བྱ།། བརྗོད་པ་སྐབས་དང་སྦྱར་ལ་སྤྱད།། མགོ་ལ་རྗེས་གཅོད་བསྲེག་པ་བརྡེག། ཀུན་འཇོམས་སྦྱོར་བའི་རྒྱལ་པོ་ཡིན། གྲུ་བཞི་ཆ་མཉམ་རུས་སྦལ་ལྟོར།། ཡེ་ཤེས་ལྔ་ཡི་ཐིག ་གྲངས་ལ།། མགོ་དང་མཇུག་མར་ཐིག་རྐང་གདབ།། དེ་བཞིན་ལྟོ་གཉིས་ཐིག་རྐང་དྲངས།། ཐིག་བཞི་རྒྱ་གྲམ་ལེགས་པར་གདང་།། ལྟེ་བར་འཁོར་ལོ་བཅུ་གཉིས་བཅའ།། ཐིག་སྐོར་རིམ་པ་གསུམ་གསུམ ་བསྐོར།། དབུས་སུ་གྲུ་གསུམ་རྒྱ་གྲམ་ལྡན།། བྱང་ཁོག་སྟོད་ཀྱི་འཁོར་ལོ་གཉིས།། རྩིབས་བཅུར་བླ་ཆེན་སྤྲུལ་པའི་སྔགས།། གཡས་པའི་རྩིབས་མཚན་བཅུ་ཞི་ལ།། ཡང་སྦྲུལ་འཇོམས་པའི་སྤུ་གྲི་གནས།། གཡོན ་པའི་རྩིབས་མཚན་བཅུ་བཞི་ལ།། ཆགས་སྡང་འཇོམས་པའི་སྤུ་གྲི་གནས།། དེ་བཞིན་བསྐྱེད་པའི་འཁྲུལ་མིག་བཞིར།། བཅུ་གཉིས་རྩིབས་འགྱུར་རྟགས་མེད་དང་།། ཀུན་འབྱུང་སྔགས་ཀྱི་གཅོད་པ་དགོད།། དེ་ཡི ་གསད་པ་མཆོག་ཏུ་སྦྱར།། གཡས་གཡོན་བཅོ་ལྔའི་བབ་ལྔའི་ཚོགས་བདུན་ཡང་རྩིབས་བདུན་ལ།། སྲུང་བའི་རྟགས་མེད་ཀུན་འབྱུང་དགོད།། ལྟེ་བ་སྨད་ཀྱི་འཁོར་ལོ་བཞིར།། རྩིབས་བདུན་རྩིབས་དགུ་དེ་བཞིན ་བཅུ།། བཅུ་གཅིག་རྩིབས་དང་ལྡན་པ་ལ།། མི་འཁོར་འཁོར་འཇུག་དོན་པ་ལ།། བརྡེག་པ་དྲག་སྔགས་མཚན་རེ་གནས།། ཡན་ལག་ལོ་ཏོག་འཇོམས་པ་བཞི།། ཀུན་ལ་རྒྱ་གྲམ་རྩ་བའི་སྔགས།། ལག་གཡས་བཅུ ་དྲུག་སྤོགས་དང་གཟིར།། ལག་གཡོན་རྩིབས་དགུ་གཟིར་བའི་སྔགས།། རྐང་གཡས་རྩིབས་དགུ་ཐབས་ཀྱི་སྔགས།། རྐང་གཡོན་བཅོ་བརྒྱད་དུས་ལ་འཇོམས།། ཆུ་རྒོད་འཁྱགས་པ་རི་ལྟར ་འབེབས།། འོག་ལ་རྗེས་གཅོད་འཁོར་ལོ་བསྲེག། རྒྱ་གྲམ་བཅུ་གཉིས་རྩིབས་ལ་གདབ།། རྩ་བ་བརྒྱད་དང་བཅུ་གཉིས་བསྲེག། གདུག་པའི་སྔགས་དང་རྫས་བསྲེག་ལྡན།། བླ་ཆེན་བཞི་དང་ཆགས་སྡང་བཞི།། མི ་མཐུན་འཁོར་ལོ་ཁ་སྦྱར་བསྔགས།། སྦྲུལ་དང་ཡང་སྦྲུལ་ཁ་སྦྱར་བརྡེག། ཀུན་འབྱུང་རྟགས་མེད་དེ་བཞིན་བརྡེག། རུས་སྦལ་ལྟོ་བར་གསད་ལ་སྦྱར།། ཆུ་སྲིན་གཟིར་བའི་འཁོར་ལོ་སྦྱར།། ཟོར་དང་དུ་བ་ཁ་སྦྱར ་ལ།། དབབ་དང་བསྲུང་བ་རུས་སྦལ་ཡང་།། དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཀུན་འབྱུང་རྩ་བའི་སྔགས་འདི་བཏོན་ཏོ།། སྲོག་ལ་ཧྲིལ་ཤག་ཙིཏྟ་རྦད་ཙིཏྟ་བྲེང་ཤག་ཛཿསྲོག ་ལ་ཐུན་རྨུགས་རྦད་ཙིཏྟ་བྲེང་ཤག་ཛཿདགྲ་བོའི་སྲོག་ལ་དུན་ཤག། ཙིཏྟ་བྲེང་བྲེང་ཧུར་བྲུཾ་ཛ། སོག་ལ་ཐུན་གཟིར་ཤག་རྦད། ཙིཏྟ་བྲེང་ཤག་ཛཿ། སྲོག་ལ་ཡཾ་ཡཾ་རྦད། ནརྀ་ཙིཏྟ་བྲེང་ཤག་ཛཿསྲོག་ལ་མཱ་ར་ཡ་རྦད།། ་ཙིཏྟ་ཧུར་བྲེང་ཛཿཙིཏྟ་གཟིར་ནན། སྲོག་ལ་མྱོགས་རྩ་ལ་རྦད། ཡཾ་ཡཾ་ཧུ་ར་ཙིཏྟ་ཁཾ་ཤག་རྩ་ལ་མྱགས་རྦད། ཧ་བ་ཏང་ཧ་བ་ཏང་རོ་མྱགས་ཛཿཀྲིང་ཀྲིང་ཧི་ནན། ཡལ་ཡལ་ཙིཏྟ་རྦད། ཧ་ལ་ཧ་ལ་ཙ་མ་རི་ཁཾ་ཤག་རྦད། ་ཧ་ལ་ཧ་ལ། ཡཾ་ཡཾ། ཙིཏྟ་བྲེང་བྲེང་དུན་དུན་ཛཿདེ་བ་ཛ་དུན་ས་ན་ག་སྙིང་གཟེར་ཐུན་ཕྲོམ་ཕྲོམ་དྲིལ་དྲིལ་ཤར་ཤར་ཕོབ། ནཱ་ག་ཛ་ཡཾ་སྙིང་གཟིར་ཤར་ཕྲོམ་ཕོབ། ཛཿཡི་ཕྲོ་ཤར་དྲིལ་ཁཾ་ཤར་དྲིལ་ཕོབ། ནཱ་ག་ཨུ་ནན ་ཛ། ཡཾ་ཕོབ་མ་ཧི་ཧྲི་ཏ་ཡང་ཏ་ཡ་ཕོབ། ར་མི་ཙིཏྟ་ཁཾ་ཤག་སྲོག་ལ་ཧུར། ཡཾ་ཁཾ་ཤག་རཾ་བྲུཾ་ཙིཏྟ་རྦད་རཾ། ངེས་པའི་དོན་དང་ལྡན་པའི་གདེང་།། ཉམས་རྟགས་ཕྱི་སྟེ་སྤྱོད་ཡུལ་མིན།། དེ་ཡིས་ལས་ཐིག་རྫོགས་པར ་བཤད།། དེ་ནས་ཡང་བཅོམ་ལྡན་འདས་ཀྱིས་གབ་པ་ཐུགས་ཀྱི་ལས་འདི་བཤད་དོ།། དམར་ལེན་སྔགས་ཀྱི་དམེད་པ་ལས།། དགུ་གསུམ་གང་རུང་ཟང་བ་བྱ།། འཁོར་ལོའི་རིམ་པ་བཞིན་དུ་བསྐོར།། དབུས་ཀྱི ་འཁོར་ཡུག་ཕོ་བྲང་དུ།། བདེ་བའི་རྒྱལ་པོ་ནམ་མཁའི་འབྲུ།། ཕྱི་རིམ་པར་འཁྱམས་འཁོར་ལོ་བརྒྱད།། མུ་ཁྱུད་རིམ་པ་གསུམ་དུ་བསྐོར།། ཀུན་གྱི་དབུས་ཉིད་རྒྱ་གྲམ་ལྡན།། ཕྲལ་ནས་རྩ་བའི་འབྲུ ་བརྒྱད་དགོད།། གཉིས་པ་ས་ཁམས་དྲུག་གཉིས་རྩིབས།། མནན་ལ་སྟོབས་ཀྱི་འབྲུ་ཡིས་དགང་།། མེ་ཁམས་དེ་བཞིན་བསྲེག་པས་དགང་།། ཆུ་ཁམས་དེ་བཞིན་ལོ་ཏོག་འཇོམས།། རླུང་ཁམས་བཅུ་གཉིས་བསད་ལ ་ཤེས།། འདེབས་དང་དྲོད་མཚམས་ཐམས་ཅད་གཟིར།། གཡེངས་དང་དྲོད་མཚམས་འབྲས་བུ་སྲན།། དྲོད་དང་ཆུ་མཚམས་རྣམ་ཤེས་འཕྲོག། གཡེངས་དང་འདེགས་མཚམས་གདུག་པ་གཟིར།། ཀུན་ཀྱང་རུས་སྦལ ་ཁ་སྦྱར་ལ།། ལྡན་ལས་རྫོགས་གདུག་པར་གཏད།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་རྡོ་རྗེ་ལས་དྲག་སྔགས་འདི་བཏོན་ནོ།། ཨ་མྱགས་ལ་རྔུབས་མུག་ཤག་ཀ་དུན། དགྲ་བོའི ་སྲོག་ལ་མཱ་ར་ཡ་རྦད་ནརྀ་ཧུར་བྲུཾ་ཛཿ། དགྲ་བོའི་སྲོག་ལ་ཐུན་གཟིར་སྦུར་ནན་སྟཾ་བྷ་ཡ་ནན། དགྲ་བོའི་སྲོག་ལ་རཾ་བྲུཾ་ཙིཏྟ་རྦད། ཁ་རཾ་ཛ་ལ་རཾ། ནཱ་ག་ཨུ་ནན། སྙིང་གཟེར་ཕྲོམ་ཤག་ཁམ་ཧྲིལ་ཕོ་བ་ཡ། སརྦ་ཨུ་ནན་ཐུམ ་རིལ་སྦུར་ནན་ཤ་ཏྲུཾ་འདྲིད་ནན་ཕྱུང་རྦད། སརྦ་ཤ་ཏྲུཾ་སྟཾ་བྷ་ཡ་ན་ཤ་ཡ་ནན་རྦད་རྦད། ཙིཏྟ་བྲེང་བྲེང་རྩ་ལ་དུན་དུན། སྲོག་ཧུར་བྲུཾ་ཛཿས་ན་ག་ཧ་ལ་ཧ་ལ་ཡ་མ་ཡ་མ། སྙིང་གཟེར་སྦུར་ནན། ཕྲལ་ལ་ལས་ཀྱི་སྐབས་སུ ་བཅའ།། དམན་ལ་ལས་ཀྱི་སྦྱོར་བ་བཤད།། གཞན་ཡང་ཡན་ལག་གང་གསུངས་པ།། རྣོ་མྱུར་ཕག་མོའི་ལྟོ་བར་བཅའ།། ཡེ་ཤེས་ཐིག་ལེའི་ངང་ལ་འཆར།། འཕེན་དང་སློང་བའི་དབུས་ཀྱི་ལྟེ།། མཚོན་ཆ་མུ་ཁྱུད་ལྔ ་ང་ལྡན།། དབུས་སུ་གྲུ་གསུམ་རྒུ་གྲམ་ཕྱེད།། བཅུ་གཉིས་རྩིབས་བསྣོལ་བར་ཁྱམས་ཟླུམ།། དབུས་སུ་གྲུ་གསུམ་རྣམ་པར་བརྟག། གཉིས་པ་རྒྱུ་གྲམ་རྩ་བའི་སྔགས།། བཅུ་གཉིས་ཕྱི་ནང་གསང་བའི་འབྲུ།། བར ་ཁྱམས་ལྟོ་སྦྱོར་སྒྲུབ་པའི་སྔགས། ཁ་སྦྱོར་བྱས་ལ་དོང་རྩར་བརྣག། སྔགས་ཀྱི་ཡན་ལག་སྤོགས་པ་ཡིན།། གདུག་པའི་ཀླུ་ལ་གཏད་པར་བྱ།། དགྲ་བོའི་སྲོག་ལ་ཧུར་བྲུཾ་རྦད། ཙིཏྟ་བྲེང་ཤག་ཛ། ཛ་ཤག་བྲེང་ཙིཏྟ་བྲུཾ ་ཧུར་དགྲ་བོའི་སྲོག་རྦད། དགྲ་བོའི་སྲོག་ལ་ཐུམས།། ཙིཏྟ་ཧུར་བྲེང་ཛ་ཤག་རྦད། བརྣག་པ་རྣོ་མྱུར་སྟོབས་དཔག་མེད།། ཡན་ལག་རྣོ་དཔལ་མཚོན་ཆ་ཡིན།། གཞན་ཡང་ཕུང་བྱེད་སྡིག་པའི་ལས།། ལས་ཀྱི་རིམ་པ ་སྔར་བཞིན་ལས། ཁྱད་པར་ལྷ་སྲིན་དཀྲུག་པའི་ལས།། སྡིག་པ་ཆེན་པོའི་ལྟོ་བ་རུ། མུ་ཁྱུད་རིམ་པ་ལྔ་དང་ལྡན།། རྒྱ་གྲམ་བཅུ་གཉིས་རྩིབས་དང་ཁྱམས།། ལྷ་སྲིན་ལྷོ་དཀྲུག་ལས་ཀྱི་མཆོག། རྩ་བའི་སྔགས་དང་སྤུ ་གྲི་དགོད། ཁ་སྦྱར་དུག་ཆུ་ཚ་བར་ལྡན།། སྔགས་བཟླས་སྡིག་པའི་ཀླུ་ལ་གཏད།། གསང་སྔགས་སྦྱོར་བ་དྲིལ་ལ་བརྡེག། ཡ་རྔུབས་ཨེ་ཤག་དུན་མྱགས་ཀ་མུག་དགྲ་བོའི་སྲོག་ལ་ཤག་བྲེང་ཛཿཙིཏྟ་ཧུར་བྲུཾ་རྦད། སྦྱོར ་བ་གང་བརྩམ་མཐའ་རུ་བསྔགས།། སྤོགས་པ་དྲག་པོའི་ལས་སུ་བཤད།། འབྲུ་བཞི་ལས་ཀྱིས་རིམ་པ་ནི།། དུར་ཁྲོད་དབེན་པའི་བདེ་གནས་སུ།། རང་སེམས་དབེན་པའི་མཚམས་བཅད་ལ།། དུར་ཁྲོད་རྒྱུ་ལ་ཐང་པ ་བྱ།། མུ་ཁྱུད་བཞི་དང་ལྡན་པར་བསྐོར།། ལྟེ་བར་གྲུ་གསུམ་མ་ར་ནརྀ།། གཉིས་པ་རྡོ་རྗེ་རྒྱ་གྲམ་ལ།། ཡེ་ཤེས་སྤྲུལ་པ་ལས་བདག་ཡུམ།། གསང་བའི་སྙིང་པོ་འབྲུ་བཞི་དགོད།། གསུམ་པ་འཁོར་ལོ་རྩིབས་བརྒྱད ་ལ།། མཚན་མོ་གཅོད་པའི་སྤུ་གྲི་དགོད།། ཕྱི་ཡི་རྩིབས་བཅུ་རྩེ་མོ་ན།། ཉིན་མོ་གཅོད་པའི་འབྲུ་བཅུ་དགོད།། མཚོན་ཆ་བསྣོལ་བའི་བར་དུ་མིང་།། སྲིད་པའི་རུས་སྦལ་ལྟོ་བར་བཅའ།། སྔགས་བཟླས་དག་ཀླུ་ཡང་ལ ་གནོད་པ་མནན།། དེ་ནས་བཅོམ་ལྡན་འདས་ཀྱི་སྐུ་གསུང་ཐུགས་རྡོ་རྗེ་ལས། དྲག་སྔགས་དྲིལ་བ་འདི་བཏོན་ཏོ།། ཨེ་དུན་ཀ་ཡ་དགྲ་བོའི་སྲོག་ལ་བྲེང་བྲེང་རྦད། ནརྀ་སྲོག་ལ་དུན་དུན་རྦད། ཁ་ཤག་རྩ ་ལ་རྦད། སྲོག་ལ་མྱོགས་རྦད། ཁྱེར་ཕྱུང་མུག་ཏི། ལིང་ཤག་ལིང་ཛཿཉིན་མཚན་གསུམ་དུ་སྦྱོར་བ་བརྩམས།། འབྲུ་བཞི་རྩ་བཞི་གཅོད་པར་བཤད།། གཞན་ཡང་ལོ་ཏོག་འཇོམས་པ་ལ།། ལྷ་ཟོར་གཟིར་གསུམ་དྲིལ ་ལ་དབབ།། གཅན་གཟན་དར་མའི་ཐོད་པ་ལ།། གདུག་པ་གསུམ་གྱི་ཁྲག་གིས་བསྐུ། ཁྲག་གསུམ་དུག་སྣ་སྔོ་ནར་བཅས།། སྦྱོར་བ་སྦལ་པའི་ལྟོ་བར་བཅའ།། ཡུལ་དབུས་གདུག་པའི་རྟེན་ལ་གཞུག། བཅོམ་ལྔ་དགུ ་གསུམ་བཞི་རུ་བརྩམ།། མདུང་གང་དམར་ཟག་ས་སྲོས་དབབ།། ལྷ་སྲིན་འབྱུང་བ་དཀྲུག་ལ་དབབ།། ཨེ་ཡང་ཀ་དུན་སྲོག་གཟིར་ཏྲིག་ནན།། རཾ་ཤར་ཡཾ་ཕོབ།། བཻ་རཾ་ཁྲག་བྷྱོ།། སྤོགས་པ་མེད་པའི་ལས་སུ ་བབཤད།། གཞན་ཡང་ཐོག་རྒོད་དྲག་པོའི་ལས།། ཉེ་བར་གནམ་ཐོག་དྲིལ་འབེབས་པ།། འུག་སྒོང་སྦྲུལ་ཤུན་མིང་བཅས་དང་།། གསེར་སོགས་རྒོད་སྙིང་མདའ་དང་དར།། མེ་ལོང་གྲི་ཐོད་ཅད་ཅད་ཀྱ་ལྡན་ཡང་སྤོས་དང ་སྨན།། སུམ་དྲིལ་དྲག་པོ་གཅིག་བརྡེབས་པས།། ཞུ་འཕེན་ཚད་འཕེན་གནད་ལ་དབབ།། འབུམ་ཕྲག་སྔགས་བཟླས་རྒྱ་བར་བསྟིམ།། གོང་གི་དུས་ཚོད་ཉེ་བར་འཕང་།། གནམ་ཐོག་ཆེན་པོ་ལས་ཀྱི་མཆོག། ཀ་ཡཾ་ཨེ ་དུན་ཕྲམ་ཤར་སིད་ཀྲོལ་དྲལ་ཆེམས་ཡཾ་རཾ་ཁས་བྷྱོ། མཱ་ར་ཡ་རྦད་བདེ་བའི་རྒྱལ་པོ་སྦྱོར་བའི་མཆོག། རིག་པའི་ཀློང་ནས་འཕེན་ཞིང་འཇོམས།། གཞན་ཡང་ལྟས་ངན་དབབ་པའི་ལས།། བྱ་དང་གཅན་གཟན་ཟོད ་ཆེན་ལ།། ལྟས་ངན་ཁྲག་གིས་ཁ་མིག་བྱ།། བརྣག་པའི་མཁར་དང་མིང་རུས་བྲི།། བདུན་ཁྲི་བདུན་སྟོང་སྐོར་རེར་ཐུན།། ཚེས་དང་ཟ་མ་སྐར་མ་ནི།། ནག་པོ་སྨེ་བ་གཅིག་ལ་གཏད།། ཐེམ་འོག་འགྲམ་བྲེས་ལམ་དུ ་སྦསྒྲ།། དགྲ་བོ་སརྦ་ཡེངས་དུམ་ལིང་། ཧབ་ཕོབ་ནན། དྲག་སྔགས་ལས་ཀྱི་རྒྱལ་པོ་མངག། གཞན་ཡང་སྲུང་བའི་ལས་གསུངས་པ།། དུར་ཁྲོད་རས་སམ་ཤོག་བུ་ལ།། སྦྱོར་བ་ལྔ་དང་ཚ་བ་དུག། ལས་ཀྱི་འཁོར་ལོ་མུ ་ཁྱུད་བཞི།། དབུས་སུ་གྲུ་གསུམ་ཟླ་གམ་གསུམ།། ཕྱི་རིམ་རྒྱ་གྲམ་ར་བཞིར་ལྡན།། ཡང་ལོགས་མུ་ཁྱུད་ཟླུམ་པོ་ཆུ།། མཐའ་མ་རྩིབས་ཆེན་བཅུ་གཉིས་ལྡན།། སྲིད་པའི་ཁྱམས་ཁང་ལྟོ་བར་བཅའ།། གནས་ཤིང ་དགོད་པ་འདི་ལྟ་སྟེ།། གྲུ་གསུམ་གང་འདོད་སྙིང་པོ་མེང་།། བླ་གམ་གསུམ་ལ་ལྡོངས་པའི་མིང་།། རྒྱ་གྲམ་རྩ་བའི་འབྲུ་བཞི་དགོད།། མུ་ཁྲུད་ཟོད་གཏོང་གདུག་པའི་མེ།། བཅུ་གཉིས་རྩིབས་ལ་སྒྲ་གྲྀ་སྦྱར། ་སྦྱར་དར་དང་སྔོན་དམར་བསྡམ།། དུར་མ་གྲུ་གསུམ་ལིངྒ་གནག། ཕྱག་རྒྱ་ཟིལ་གནོན་གསལ་བྱས་ལ།། ཞག་ལྔ་བསྐུལ་ཅིང་མཆོག་ཕུར་གདབ།། ནད་པ་བདུགས་ལ་ཕྱིང་པས་དགབ།། ཐོན་ནས་ཀ་རྟེན་གཉེན་སར ་མནན།། གནོད་པ་ཀུན་གྱི་སྦྱོར་བ་གཅོད།། དྲག་སྔགས་སྦྱོར་བ་ལས་ཚོགས་བརྒྱད།། སརྦ་ཙིཏྟ་རོ་མྱགས་ཁ་ཐཾ། འདྲིད་ཕྱུང་ཤག་རྦད། སྲོག་ལ་བྲེང་བྲེང་ཤག་དུན་དུན་ཨེ་རཾ་ཧུར་བྲུཾ་ཛཿཛཿས་ནཱ་ག ་སྙིང་གཟེར་སྦུར་ནན་ཁམ་ཤག་རྩ་ལ་རྦད། ས་ནཱ་ག་ཛཿས་ནཱ་ག་ཐུམས། ས་ནཱ་ག་རྦད། ས་ནཱ་ག་ཙིཏྟ་རོ་མྱག་ཁ་ཐཾ། འདྲིད་ཕྱུང་ཤག་རྦད་སྲོག་ལ་ཧུར་ཐུམ་རྦད།། ཁཾ་ཛ་ལ་རཾ། སརྦ་ཤ་ཏྲུཾ་ནན། འདྲིད་ཡང ་བཟློག། སྦུར་ནན། འདྲིད་རྦད། ཨེ་ཀ་ཡཾ་ཤག་འདྲིད་ཕྱུང་ཁཾ་ཤག་ཏྲིད་སྦུར་ནན། སརྦ་ཤ་ཏྲུཾ་ན་ཤ་ཡ་སྟཾ་བྷ་ཡ་ན་ཤ་ཡ་ནན་ཕཊ། ལས་རྣམས་རྒྱས་པའི་རིམ་པ་ནི།། ཆེ་བ་དྲིལ་བའི་ལས་ཚོགས་འདི།། ཐུན་མོང་སྤྱོད ་པའི་ལས་སུ་བཤད།། དེ་ནས་ཡང་བཅོམ་ལྡན་འདས་ཀྱིས་ཕག་མོ་ཁོང་ཡན་གྱི་སྦྱོར་བ་འདི་གསུངས་སོ།། འཁོར་ལོ་ཁ་སྦྱོར་བྱས་ལ་ནི།། ཐོད་པའི་ནང་དུ་ལིངྒ་དང་བཅས་ལ་གཞུག་ཐོད་པ་དོང་གྲུ་གསུམ་དུ་རྩང ་གིས་བསྐོར་བའི་ནང་དུ་གཞུག་དོང་གི་ཁ་དར་མཐིང་ནག་གིས་བཅད། ཞག་གསུམ་དུ་གསལ་བ་རྣམ་པ་གསུམ་དུ་བསྒོམ་ལ། ཨེ་མྱགས་ཡ་རྔུབས་མུག་ཤག་ཀ་དུན་དགྲ་བོའི་ཙིཏྟ་བྲེང་ཤག་ཛཿསྲོག་ལ་ཧུར་ཐུ་རྦད། ་ཅེས་ནུས་ཚད་བཟླས། བསྐུལ་བ་གསུམ་ཡང་དུ་བཏང་། དེ་ཐོན་ནས། མནན་སྔགས་ཁྲི་བཟླས་ལ་ཐོད་པ་བཅའ་བ་ནི། ཨེ་མྱགས་ཡ་རྔུབས་མུག་ཤག་ཀ་དུན་དགྲ་བོའི་སྲོག་སྟྭཾ་བྷ་ཡ་ནན་དེ་ནས་ཉི་མ་དམར་ཐག ་ཆད་ནས། ས་སྲོས་ཀྱི་བར་དུ་གནན་པ་བྱ། ཀླུ་གཟིར་བའི་སྔགས་ཨེ་མྱགས་ཡ་རྔུབས་མུག་ཤག་ཀ་དུན། ས་ནཱ་ག་སྙིང་གཟེར་རྒུད་ནན། ཞེས་ནུས་ཚད་བྱས་ལ། ཆུ་མིག་གི་ཕྱོགས་གཉིས་སུ་ལྕགས་ཕུར་དང་སེང ་ལྡེང་གི་ཕུར་བུ་གདབ་བོ།། དེ་ནས་ཡང་ཉ་སྟོང་བྱུང་ཙ་ན། ཁྲག་སྐམ་ཐོད་པ་གང་གི་ནང་དུ། ལིངྒ་དང་མིང་བཅུག་ལ། གསང་སྔགས་ཉིན་ཞག་གསུམ་དུ་བཟླས་ལ་བསྐུལ་བ་བྱའོ།། ཚེས་གཅིག་གམ་བཅུ་དྲུག་གི་སྐུ ་རེངས་ཤར་ཙམ་ན། ལིངྒ་གཏུབས་ལ་དུག་ཁྲག་གི་ཆུས་སྦྱངས་ལ། ཟོར་དུ་འཕང་བའི་སྔགས་ནི། ཨེ་མྱགས་ཡ་རྔུབས་མུག་ཤག་ཀ་དུན་དགྲ་བོའི་སྲོག་ལ་ཐུན་རྨུགས་བྷྱོ། སྔགས་འདི་བརྒྱ་འམ་སྟོང་དུ་བཟླས་ལ་ཟོར ་དུ་འཕང་།། སེར་བ་བཟློག་པའི་སྔགས་ལ། ཨེ་མྱགས་ཡ་རྔུབས་མུག་ཤག་ཀ་དུན་སརྦ་ཤ་ཏྲུཾ་སྟཾ་བྷ་ཡ་ནན། ཧཱུཾ་ཕཊ། གདོང་ཚུགས་སུ་བཟློག་གོ། ནད་པའི་སྔས་སུ་གདོན་གཟིར་བའི་སྔགས། ཨེ་མྱགས་ཡ་རྔུབས ་མུག་ཤག་ཀ་དུན་སྙིང་གཟིར། རྒུད་ནན་ཧ་ལ་ཧ་ལ་ཙ་མ་རི་ཁམ་ཤག་རྦད། མེ་རླུང་སྐྱི་འདང་འཁྲུགས་པའི་རྒྱུད་ལས།། ཐུན་མོང་གིས་ལས་བཤད་པའི་ལེའུ་སྟེ་ལྔ་པའོ།། །། དེ་ནས་ཡང་བཅོམ་ལྡན་འདས ་ཀྱིས་ཁྱད་པར་གྱི་ལས་འདི་གསུངས་སོ།། བརྡ་དོན་ཐབས་ཀྱིས་གྲོལ་བའི་ལས།། བ་དང་འོ་མ་ཞོ་དང་མར།། ཞུན་མར་སྣུམ་གྱི་སྙིང་པོ་བཅུད།། སྙིང་པོ་ལ་སོགས་བཞི་གཉིས་ལྡན།། ཡེངས་མེད་བརྟན་པ་བགྲོད ་པའི་ཐབས།། དམར་ལེན་སྔགས་ཀྱི་སྙིང་ཕྱུང་ཡིན།། གོང་མཐུན་རྒྱུ་ལ་འཁོར་ལོ་བཅའ།། དཔའ་བརྟུལ་དྲག་པོའི་སྟོབས་ཀྱིས་སྤྱད།། གདུག་བྱེད་ཕག་མོའི་ལྟོ་བ་རུ།། སྲིད་པ་ཁྱམས་ཁང་སྲོག་སྡུད ་བཅའ།། ཁྱམས་ཁང་ལྟོ་ན་བརྣག་པའི་གཟུགས།། སྤྱི་གཙུག་སྙིང་གར་མཚོན་ཆ་བཅའ།། མུ་ཁྱུད་བཞིའི་དབུས་མིང་རུས་བྲི།། ཕྱི་རིམ་རྒྱ་གྲམ་རྩ་བའི་སྔགས།། ཡང་ལོགས་བཅུ་གཉིས་སྤུ་གྲིའི་མཚོན།། མུ་ཁྱུད་མིང ་རུས་ལྟོ་སྦྱར་བསད།། རུས་སྦལ་ལྟོ་ན་མཚོན་ཆའི་རྩིབས།། རྩེ་མོ་ནང་བསྟན་སྤུ་གྲི་བཟློག། ཕག་མོ་ལུག་ལ་མནན་པའི་སྔགས།། འབྲུ་བཞི་སྲོག་དང་ཨ་མུ་ཀ། བསྐྱོད་པའི་ཡན་ལག་དབུགས་ལ་ཞོན།། དོན་གཉིས ་བསྡུས་པའི་སྦྱོར་བ་བྱ། ཁ་སྦྱོར་དུར་མར་བརྣག་པའི་གཟུགས།། རྒྱུ་རྐྱེན་དྲུག་བྱས་ཙོག་བུར་གཞག། སྙིང་གར་མཆོག་ཕུར་ཡ་མ་གདབ།། བསྒོམ་བསྐུལ་དྲག་སྔགས་བསྣོལ་མར་བརྡེག། རབ་ཀྱིས་བསྐང་ཐོན ་བསྣོལ་མར་གཅོད།། འབྲིང་གིས་བཅུ་པར་དེ་བཞིན་བསྣོལ།། དམན་པས་བརྒྱ་བརྒྱ་བསྣོལ་མར་གཅོད།། དུག་ལྔ་སྐུ་ལྔ་ཡེ་ཤེས་ལྔ།། གསང་ལམ་སྒོ་དགུ་རྩ་ལམ་འཇུག། བདེ་བའི་ཡེ་ཤེས་རང་ལ་གསལ།། འཕོ་བ ་གསུམ་གྱི་བརྡ་དང་སྦྱར།། དམར་ནག་རྟོགས་པའི་ཁྲག་དཀྱིལ་ནས།། བསྡུ་བའི་ཡི་གེ་གསུམ་གྱིས་འཕྲོག། ཙ་ནའི་འབྲས་བུ་རྟེན་ལ་ཐིམ།། ཐོད་པའི་སྙིང་པོ་བཅུད་བསྡུས་བྱ།། ཀླུ་ལ་བཅུད་པར་འགྲན་ཟླར ་གཏད།། གཞན་དུ་བཅུད་དང་སྤུ་གྲིར་སྦྱར།། ཡི་གེ་བྱིན་ཅན་སྟེང་དུ་བཏབ།། ཕྱག་རྒྱ་ཆོས་སྐུ་སྦྲུལ་བསམ་ཡས།། ཐོབ་ཅིང་བགྲོད་པ་སྔགས་ཀྱི་སྟོབས།། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས ་མཆོག་གི་དྲག་སྔགས་འདི་བཏོན་ཏོ།། སྲོག་ལ་རྩ་ཁྲག་སྙིང་ཐུ་རིལ་ནན། རཾ་ཤག་རྦད་ནརྀ་སྲོག་ཧུར་བྲུཾ་ཛཿགཞན་ཡང་གབ་གསང་གནག་པའི་ལས།། རྒྱལ་བློན་སྟོབས་ཅན་ཡུལ་བསྲུངས་ལ།། རྟེན་གྱི་གཟུགས ་བརྙན་རྒྱ་ཤོག་ལ།། ཕག་མོ་སྡིག་པའི་ལྟོ་བ་རུ།། མུ་ཁྱུད་རིམ་པ་བཞི་བཞིར་བསྐོར།། དབུས་སུ་ལིངྒ་ལུས་ལ་བཅའ།། ནརྀ་དང་རྒྱ་གྲམ་རྩིབས་བཅུ་དྲུག། རྩ་བ་སྤུ་གྲི་མིང་རུས་ཁམས།། བཅས་ལ་ལིངྒའི་རྟེན་དྲུག ་བརྣག། ཉིན་ཞག་ཕྲུགས་གཅིག་གསུམ་དུ་བརྣག། མཚོན་ཆའི་བརྡེག་ཐབས་སྔ་མ་བཞིན།། རྔམ་ཚིག་ལུས་བསྐྱོད་ལུ་མར་གཏད།། དྲག་སྔགས་སྦྱོར་བ་འདི་ལྟ་སྟེ།། དགྲ་བོའི་སྲོག་ལ་ཧུར་ལོང་ཟད།། ནརྀ་རྩ ་ཁྲག་ཐིབས་ཧུར་ཟུམ་ཛཿ། མིང་དང་གཟུགས་ཀྱིས་རིམས་དལ་འབེབས།། རྒྱལ་བའི་ཡེ་ཤེས་རྣལ་མར་བཤད།། གཞན་ཡང་མཛེ་རིམས་དབབ་པའི་ལས།། སྦལ་བའི་ལྟོ་བར་བརྣག་པའི་གཟུགས།། སྙིང་གར་ནརྀ་ཛ ་ལ་མཱ་ར་ཡ་རྦད། བཀོད་ལ་མཛེ་ཅན་ཁྲག་གིས་བསྐུ།། དཀར་ནག་གདུག་པ་ལྟོ་སྦྱར་ལ།། སྡིག་པ་ཕག་མོའི་ལྟོ་བ་རུ།། མུ་ཁྱུད་བཞི་བཞི་རྒྱ་གྲམ་རྩིབས།། གོང་བཞིན་བཀོད་ལ་ཁ་སྦྱོར་བཅའ།། ཀླུ་ནག་སྡིག་པའི ་སྙིང་ལ་གཏད།། དྲག་སྔགས་འབུམ་ཚོ་དགུ་རུ་སྦྱར།། དེ་ཡིས་མཛེ་རིམས་ཡམས་སུ་འབེབས།། ཐོད་པ་མཛེ་ཅན་དམར་ཆོད་ལ།། སྤོས་ཆེན་བདུད་རྩི་གུ་གུལ་བསང་།། དྲག་སྔགས་སྦྱོར་བ་གཉིས་སུ ་བརྡེག། ཨེ་ཀ་ཙ་དུན་ཁྲག་ཡཾ་རྔུབས་ཤིང་།། སྲོག་ལ་བཾ་རི་ལ་རཾ་ཤག་རྦད། ཙིཏྟ་བྲེང་ཧུར་བྲུཾ་ཛཿཛ་ལ་འབར་བའི་ལས་སུ་བཤད། གཞན་ཡང་ལོ་ཏོག་འཇོམས་པའི་ལས།། ཉེ་བར་སྤོགས་མེ་གཅིག་ཏུ་དྲིལ།། སྡེ ་བརྒྱད་ཀུན་གྱི་མཐུ་བསྡུས་ནས།། ཐོད་པ་གསུམ་ལ་མིང་གཟུགས་ཡུལ།། སྦྱོར་བ་བཅུག་ལ་གཏའ་མར་གཞུག། ཕུར་པ་ཁྲག་དང་མོན་ཐོད་དུ།། སྔགས་བསྟིམ་འབུམ་རྫོགས་དབབ་པ་བརྩམ།། དུག་ཁྲག་བྱ་ཕག ་གསུང་ཆེན་བྲུན།། དུ་བས་གཟུགས་གཟིར་ལྕགས་ཕུར་གདབ།། རང་ཉིད་ཕྱག་རྒྱ་ཟིལ་གནོན་བསྒོམ།། དྲག་སྔགས་སྦྱོར་བ་དྲིལ་ལ་བརྡེག། ཨེ་ཀ་ཡ་རྔུབས་ཤག་མུག་དུན་མྱགས། ཕྲོམ་ཕྲོམ་ཤར་ཤར་ཧྲི་ལ་ནཱ་ག ་སྙིང་གཟེར་རྦད། ཡཾ་ཐུན་ཡ། ཤག་དྲིལ་བྷྱོ།། ཁྱད་པར་གདུག་པའི་རྟེན་ལ་གཟིར།། ལྷ་བཙན་བསྟེན་ལ་ཐེ་བྲང་གཟིར།། འཇིག་རྟེན་ལོ་ཏོག་འཇོམས་པར་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས། ཁྱད ་པར་གྱི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་ཀྱིས་བརྣག་པ་མངོན་དུ་ཕྱུང་བའི་སྦྱོར་བ་འདི་གསུངས་སོ།། གསང་བའི་གསང་བཅུད་གབ་པས་གསང་།། རང་ལ་རང་གི་གསང་གི་ན་གབ།། གབ ་སྦས་ཐུགས་ཀྱི་བརྣག་པ་འདི།། སྦྱོར་བའི་རིམ་པ་ལྔ་དང་ལྡན།། ཚ་བའི་རྒྱལ་པོ་རྩ་བ་གསུམ།། བསེ་བྱའི་ཤ་དང་བསེ་བྱའི་ཁྲག། མ་བསྲུངས་ཞེ་སྡང་ལུས་ལས་སྡུད།། བདུན་ཁྲིའི་མཐའ་རུ་ཡུལ་ལ་བསྐྲད།། ནམ ་མཁའ་བར་སྣང་ས་ལ་གསུམ།། མལ་ལམ་ཡ་ཐེམ་མ་ཐེམ་ལ།། བསྐུ་ཞིང་སྦས་པས་སྦྱོར་བ་སྡུད།། སྦྱོར་བ་ལོ་མ་དུས་ལ་སྨིན།། བགྲེང་དང་རྐང་བཞིའི་ལུས་ལ་བསྐུ།། སྦྱོར་བའི་ཟླ་བ་དུས་ན་སྨིན།། གྷུ་ཧྱ་ཙིཏྟ ་བརྣག་པའི་མཆོག། དེ་བཞིན་གཉེན་པོ་སྟོབས་དཔག་མེད།། ག་བུར་སྐྱེར་ཆུ་ཁ་རུ་ཚ།། ཟིལ་པ་ཤུགས་དྲངས་རྡོ་རྗེའི་ཆུ།། ཉུང་རྒོད་ཁནྡ་དྲུག་འདྲེས་ལ།། སྔགས་ཀྱི་རྒྱལ་པོ་ཁྲི་གསུམ་བསྟིམ།། ལུས་ལ་བསྐུས་ཏེ ་འཐུངས་པས་འཇོམས།། སྦྱོར་བ་དེ་བཞིན་དྲག་པོའི་དོན།། འདི་ཡང་གསང་བའི་སྦྱོར་བའོ།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་རྡོ་རྗེ་ལས། སྔགས་འདི་བཏོན་ཏོ།། ཧུ་ར་ཡ་ཙ་མ་རི་ཧ་ལ་ཐུམ ་ཙིཏྟ་ཁས་མཱ་ར་ཡ་རྦད་ཨེ་རཾ་བཾ་རཾ་ལཾ་ཧ་ལ་ཙ་མ་རི་ཕྱུང་ཧུར་བྲུཾ་ཛྭ་ལ་རཾ། བརྣག་པའི་རྒྱལ་པོ་བཀའ་བོར་བདེན།། དེ་ནས་བཅོམ་ལྡན་འདས་ཀྱིས་ལོ་ཏོག་གཞོམ་པའི་སྦྱོར་བ་འདི་གསུངས་སོ།། ལས་ཀྱི་རིམ་པ ་གསུམ་ཡིན་ཏེ།། རྣལ་མ་བཟློག་དང་སྟོབས་དཀྲུག་གསུམ།། དང་པོ་ས་གསུམ་སྔོ་སྣ་གསུམ།། ཚ་བ་གསུམ་དང་ཧ་ལ་ཡིས།། གཟུགས་བརྙན་སོར་ཚད་བཞི་སྔགས་ཀྱིས།། མོན་ཐོད་ནང་དུ་བྲུན་གསུམ་བསྟིམ། ཁྲི་ཚོ ་བརྒྱད་དུ་དྲིལ་ལ་དབབ།། དམིགས་པའི་ཡུལ་དང་བསྲུང་བ་བརྣག། དེས་མ་ཕེབས་ན་སྦྱོར་བ་བཟློག། དམིགས་པའི་ཡུལ་ནས་གཟུགས་བླངས་ལ།། ཚ་བའི་རྒྱལ་པོ་དེ་བཞིན་གསུམ།། བསྐུས་ལ ་གཟུགས་བརྙན་བར་དུ་གཞུག། བྲུན་གསུམ་འབྲུ་གསུམ་མོན་ཐོད་བསྟིམ།། དུག་ཤིང་རྫས་བརྒྱད་དུ་བས་བདུག། དམིགས་པའི་ཡུལ་དང་རྟེན་ལ་བསྟིམ།། དེས་མ་ཕེབས་ན་སྦྱོར་བ་གཞན།། དུག་དང་མནོལ་ཁྲག ་སྦལ་པ་གཉིས།། བག་ཟན་བསྲེས་པའི་སོར་བཞིའི་ཚད།། གཉིས་སྦྱར་བར་དུ་གསོན་མ་གཞུག། ལྕགས་ཕུར་ཁྲི་བཞི་དྲིལ་ཞིང་གཟིར།། མཐའ་རུ་ཡུལ་དབུས་ཆུ་མིག་དཀྲུག། རྫས་རྒོད་བརྒྱད་ཀྱི་དུད་པས ་བདུག། གསལ་བ་ཁྱད་པར་ཟིལ་གནོན་རྟགས།། ཆུ་རྒོད་འཁྱགས་པ་རི་ལྟར་གཏིབས།། དམ་པའི་སྦྱོར་བ་དྲག་སྔགས་བརྡེག། ཕྲོམ་ཤར་ནཱ་ག་ཧུར། ཡཾ་ཧྲིལ་བྷྱོ་བྷྱོ་ཧྲིལ་ཡཾ། ཧུར་ནན་ཤར་ཕྲོམ་ཐུན་ཕོབ་ནཱ་ག་སྙིང ་གཟིར་ཧྲིལ་ཡཾ། ཕུ་ཧུར་ཐུམས་ཛཿཤར་བྷྱོ་ཕོབ་དྲག་ཏུ་ཕོབ། ལོ་ཏོག་གཞོམ་པའི་སྦྱོར་བ་བཤད།། དེ་ནས་ཡང་ལྷ་སྲོག་ཀུན་གྱིས་མཐུ་དྲིལ་དྲག་པོར་བཤད། དེ་ནས་སྣོད་དང་ལྡན་པ་དཀོན་པས། རྒྱལ་ཅིག་དང ་ཕྲད་ན་སྦྱོར་བ་བསྒྱུར་བ་བརྩམ།། ལེ་ལོ་ཐེ་ཚོམ་བྱེད་ན་རང་ཡང་ཕུང་།། འཁོར་དང་ལོངས་སྤྱོད་བརླག། དྲག་པོ་མེ་རླུང་དུག་དང་མཚོན་ཆ་ཡིན།། སྐྱོན་དང་ལས་ཀྱི་བརྣག་པ་གསང་རྒྱས་གདབ།། མེ་རླུང་སྐྱི་འདང ་འཁྲུགས་པའི་རྒྱུད་ལས། མན་ངག་དྲག་པོ་རྩ་བའི་སྦྱོར་བའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་ཀྱིས་སྙིང་པོ་ཉེ་བར་དྲིལ་བའི་ལས་འདི་གསུངས་སོ།། འཇིག་རྟེན་དྲེགས་པའི་མཐུ་བསྡུས ་ནས།། ནག་པོ་བདེ་བའི་འབྲུ་ལ་དྲིལ།། རྣོ་དཔལ་མཚོན་ཆའི་རྒྱལ་པོར་བཅའ།། སྔགས་ཀྱི་ལུས་ལ་སྤུ་གྲི་གདགས།། རང་གནད་ཕྱག་རྒྱ་འཇིག་ཅིང་འཕོ།། སྔགས་པ་བོན་པོ་རིགས་ངན་ལ།། རང་བདུད་ཕྱག་རྒྱ་རང ་བདུད་འབེབས།། དེ་ཡི་སྦྱོར་བ་རྒྱས་པ་ནི།། ཆོས་སྐུ་བདེ་བའི་ངང་ཉིད་ལས།། བདེ་བའི་ཡེ་ཤེས་རང་ཤར་བ།། བདེ་བའི་ཐིག་ལེ་མཉམ་པར་རྫོགས།། གནས་པའི་འཁོར་ལོ་བདེ་བས་འདེགས།། བདེ་བ་ཆེན་པོས ་འཁྲུལ་པ་འཇོམས།། དགེ་བཅུ་མ་ཡེངས་མཚན་བརྗོད་པ།། བདུད་དང་གཤེད་མ་རྒྱུད་ལས་སྡང་།། གཟུགས་བརྙན་འཁོར་ལོ་མ་ཡིན་ཏེ།། གང་ཡིན་སྙིང་གི་འཁོར་ལོ་ལ།། དྲངས་མ་བཞི་ལ་གསང་གཤེད་བཞི།། རྩ ་ཕྲན་བརྒྱད་ལ་ཕྱི་ནང་གཤེད།། མདུད་པ་བཞི་ལ་མཚོན་ཆའི་དཔལ།། རྩ་ཕྲན་ཡང་ལོགས་འཆི་བདག་བདུད།། རྩ་སྒོ་གཞན་ཚོགས་བྷྱོ་རྦད་ནན།། འདུས་པ་གསུམ་ལ་ཡབ་ཡུམ་ཨེ།། དཀར་ནག་ཆགས་པ་རྟེན་གཞི ་འབྲུ།། བསྐུལ་བས་རང་རྒྱུད་གཤེད་དུ་ལྡང་།། མ་ཡི་ཁོང་ནས་རྣམ་ཤེས་འཕྲོག། འབྲུ་གསུམ་ལྕགས་སྡེར་འཛིངས་པའི་ཚུལ།། རྩ་དང་སྲོག་བཅད་ལུས་སྲོག་དབྱེ།། ཙིཏྟའི་དཀྱིལ་ནས་འབྲུ་གཅིག་སྡུད།། དེ་ཡིས་རང ་གཤེད་རང་ལ་འབེབས།། དེ་བཞིན་ལུས་ཀྱི་འཁོར་ལོ་ལ།། ཕུང་པོ་ལྔ་ལ་སྲོག་བདུད་གཤེད།། གསང་བའི་བདུད་བཞི་རང་ལས་ལྡང་།། རྣམ་ཤེས་ཚོགས་བརྒྱད་ཕྱི་ནང་སྡུད།། ཡུལ་བརྒྱད་དེ་བཞིན ་གཤེད་མོ་བརྒྱད།། བཟླས་པའི་རྐྱེན་གྱིས་རྒྱུད་ལས་ལྡང་།། སྐྱེ་མཆེད་བཅུ་གཉིས་འཆི་བདག་བདུད། ཁམས་བཅོ་བརྒྱད་ལ་སྒྲོལ་གིང་བདུད།། ཡན་ལག་བཞི་ལ་བླ་རྐུན་བཞི།། སོ་དང་སྐྲ་དང་སྒལ་ཚིགས་ཤ་ཟའི ་ཚོགས།། བཟླས་ཤིང་བསྐུལ་བས་རང་བདུད་དབབ།། གཤེད་རྒྱུད་ཕྱི་ཡི་བདུད་དུ་དབབ།། བྷྱོ་བཞི་གནད་ཀྱིས་གང་བསྒྲུབ་པའི།། མཁའ་འགྲོ་གཞན་ཚོགས་གཟན་ལ་འབེབས།། ཕྱི་རྒྱུད་དྲག་པོའི་འཁོར་ལོ ་བབཤད།། དེ་བཞིན་གཟུགས་བརྙན་འཁོར་ལོ་ཡང་།། ཞེ་སྡང་སྡིག་པའི་ལྟོ་བ་དང་།། ཕྲག་དོག་བསེ་ཡི་སྦལ་པ་ལ།། ལྟེ་བར་སྔགས་པའི་གཟུགས་བྲིས་ལ།། སྙིང་གར་མུ་ཁྱུད་བཞི་རུ་བསྐོར།། རྒྱ་གྲམ་བཞི་དང ་རྩིབས་བཅུ་དྲུག། མཚོན་ཆ་ཕྱི་ནང་རྩེ་སྤྲད་ལ།། མིང་རུས་སྙིང་པོ་རྟེན་ལ་བརྡེག། གཤིན་རྗེའི་ལ་སོགས་གང་འགྲུབ་པའི།། རྣམ་ཤེས་འབྲུ་རེ་དབུས་སུ་ཕོབ།། མཆོད་རྟེན་ནག་པོའི་འོག་ཏུ་མནན།། ལས་འདི་གྷུ་ཧྱ ་ཨ་ཏི་རྒྱ།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་རྡོ་རྗེ་ལས། རང་གཤེད་དབབ་པའི་དྲག་སྔགས་འདི་བཏོན་ནོ།། སྲོག་ལ་བྲུཾ་རིལ་རྦད། རྩ་ཁྲག་ཙིཏྟ་ཕྱུང་། ནརྀ་སྲོག་ལ་ཧུར་བྲུཾ་ཛཿབོད་པ་དང་པོ་ཨ ་མུ་ཀ། རྣམ་ཤེས་འབྲུ་རེ་དབུས་སུ་དགོད།། བདུད་དང་གཤེད་པོ་རང་ལས་ལྡང་།། ཧོང་ཕན་སྲོག་འཛིན་ལས་སུ་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས། རང་གཤེད་རང་ལ་དབབ་པའི་ལེའུ་སྟེ་བརྒྱད ་པའོ།། །། དེ་ནས་བཅོམ་ལྡན་འདས་ཀྱི་སྲིན་མོ་ལྕགས་ཟག་མགོ་དགུ་མའི་ལས་འདི་གསུངས་སོ།། རྒྱལ་བའི་བཀའ་ལས་འདས་པ་དང་།། མཚམས་མེད་ལྔ་ལ་སྤྱོད་པ་དང་།། དགོན་པའི་གནས་སུ་ཕྲ་མ ་དང་།། དམ་ཆོས་དགེ་བཅུ་སྨོད་པ་དང་།། བདེན་པའི་དོན་པོར་ལོག་ལྟ་སྤྱོད།། དེ་ཚེ་སྔགས་ཀྱི་དམོད་པ་བོར།། རྟེན་གསུམ་སྔགས་ཀྱི་འཁོར་ལོ་བཅའ།། ལུས་སྲོག་གནམ་ཐོག་འབྲས་བུ་འཇོམས།། རྒྱ་ཤོག་དུར ་ཁྲོད་རོ་རས་ལ།། ཕག་མོའི་སྡིག་པ་ལྟོ་བ་རུ།། ཐིག་བཞི་བརྣག་པའི་སྙིང་གར་བསྐོར།། གྲུ་གསུམ་རྒྱ་གྲམ་རྩེ་མོ་དགུ།། དེ་བཞིན་ནང་དུ་རྩེ་བསྟན་དགུ།། རྒྱ་གྲམ་ཨེས་གྲངས་རྩ་བ་བརྒྱད།། མཚོན་ཆའི་རྩེ་ལ་སྤུ་གྲིའི ་སོ།། ཕྱི་ནང་མཚོན་ཆ་བསྣོལ་མར་དགོད།། དབུས་དང་མཚམས་སུ་བརྣག་པའི་མིང་། ཁ་སྦྱོར་ཚོན་སྐུད་དོང་རྩར་བརྣག། རང་ཉིད་ཆེ་བའི་ང་རྒྱལ་བསྐྱེད།། མདུན་དུ་ལྕགས་ཐག་མགོ་དགུ་མ།། དབུ་དགུ་སྟེང་མ་བྱ ་ཡི་དབུ།། དུར་བྱ་ཁྲ་དང་བཞད་ཀྱི་དབུ།། ནང་ཁྲོལ་གློ་སྙིང་ཟ་ཞིང་རྔམ།། བར་གྱི་དབུ་གསུམ་དུད་འགྲོའི་དབུ།། དོམ་དང་དྲེད་དང་ཆུ་སྲིན་དབུ།། རྩ་གཅད་ཁྲག་དང་ནང་ཁྲོལ་ཟ།། རྩ་བའི་དབུ་གསུམ་ཁྲོ་མོ ་སྟེ།། གཡས་དཀར་གཡོན་དམར་དབུས་མཐིང་ལ།། མཆེ་བ་ཟང་ཡག་མི་རོ་ཟ།། སྤྱན་ནས་ཁྲག་འཛག་དུག་རླང་ཤངས།། སྐུ་སྟོད་ཞིང་ལྤགས་ཐོད་པ་སྦྲུལ།། སྐུ་སྨད་རེ་ལྡེའི་དྲིལ་བུ་ཁྲག། གཡས་དགུ ་མངོན་བསྒྲལ་སྙིང་སྦྲམ་འཛིན།། གཡོན་པ་དགུ་ལ་ཐོད་ཟོར་བསྐྱོད།། སྟག་དང་སྦྱང་ཀི་བ་གླང་མོན།། དྲེད་མོ་སྣརེལ་མ་ཁྱི་ནག་ཕག། འཐོམ་ནག་གཡས་པ་དུག་ཁྲག་ཟོར།། ཞབས་བརྒྱད་དྲེགས་པའི་སྙིང་གར ་བརྫིས།། འགྲོ་བ་བསྒྲལ་ཕྱིར་གར་སྟབས་འགྱིང་།། སྐྲ་དང་བ་སྤུ་མེ་རུ་འབར།། དེ་བ་བཀའ་བསྒོ་བསྐུལ་ཞིང་མངག། དགུ་བསྐོར་ཐུན་གྱིས་བརྣག་པ་ཡི།། ལས་གྲུབ་མཐའ་རུ་གཟིར་ལ་མནན།། བྲག་དམར་སྲིན ་མོའི་སྒྲོམ་དུ་གཏད།། དུས་བཞིར་ལས་ཀྱི་ཁ་གསོ་བྱ།། དེ་ནས་བཅོམ་ལྡན་འདས་ཀྱི་ཉིད་ཀྱི་སྐུ་གསུང་ཐུགས་རྡོ་རྗེ་ལས།། རྣོ་མྱུར་གྱི་སྤུ་གྲིའི་དྲག་སྔགས་འདི་བཏོན་ནོ།། ཨེ་བཻ་རཾ་ཁྲི་ཤིག་ཙིཏྟ་རྔུབས། དགྲ་བོའི་སྲོག ་ལ་ཐུན་རྨུགས། ལིང་ཤག་རྦད། སྟོབས་ཆེན་ཐམས་ཅད་ཉེ་བར་འཇོམས།། རྣོ་མྱུར་ལས་ཀྱི་བརྣག་པར་བཤད།། གཞན་ཡང་ལོ་ཏོག་གཞོམ་པའི་ལས།། དམེ་ཐོད་ནང་དུ་མེ་ལོང་བསར།། གསེར་དངུལ་ཟངས ་ལྕགས་རྡོ་ནག་བཞག། རས་བལ་ནལ་བུ་ཁྱི་ནག་སྙིང་།། སྟེང་དུ་གླིང་བཞི་རྩིབས་བརྒྱད་དགབ།། དེ་སྟེང་སྲིན་མོ་མགོ་དགུའི་སྐུ།། མཐིང་ནག་དར་གྱིས་བཀབ་ལ་བཟླས། ཁྲག་སྣ་གསུམ་དང་དུག་བསྲེས་ལ།། ལིངྒ ་མིང་བྱང་ཡག་རུར་གཞུག། སྨུག་མ་ཚིགས་གསུམ་སྨིན་པ་ལ།། ལྟས་ངན་སྒྲོ་ཡིས་བསྒྲོན་ལ་གཞག། ཞག་ལྔའི་བར་དུ་དྲག་སྔགས་བཟླས།། གསེར་མདེའུ་ཞུ་ཞིང་འཕེན་ཆད་ན།། མདའ་བཅས་བླུགས་ལ་དགྲ་ལ ་བརྡེག། སྲིན་མོ་དྲག་ཏུ་བསྐུལ་ལ་འཕང་།། དྲག་སྔགས་སྦྱོར་བ་བསྟུད་ལ་བསྟིམ།། ཨེ་བཾ་རཾ་ཁྲྀ་ཤིག་ཙིཏྟ་རྔུབས།། ཧུར་ཏོག་ཁྲོམ་ཤ་ར་ཛཿལཾ་རཾ་སྨ་ཤ་ཧྲིལ་ཧུར་ཁཾ། ཤོ་ཡེངས་ཕྲོམ་ཤར་སིང་ཁྲོལ་བྷྱོ། གནམ་ཐོག ་ཆེན་པོ་དབབ་པའི་ལམ།། ཉེ་བར་གྱུར་པའི་ལས་སུ་བཤད།། གུ་ལང་ནང་དུ་དམོད་པ་བོར།། གཞན་ཡང་སྲིན་མོ་གཡེལ་བ་ན།། གྲོག་མཁར་རྒྱ་ཚི་ལས་དམར་ལ།། བོང་བུའི་བདུད་རྩིས་ལེགས་སྦྲུས་ལ།། སྲིན་མོ ་མགོ་དགུའི་གཟུགས་བྱས་ལ།། སྙིང་གར་གྲུ་གསུམ་སྙིང་པོ་གཞུག། དྲག་སྔགས་བཟློག་ལ་སྟོབས་ཀྱིས་གཟིར།། སྲིན་མོ་བོས་ལ་ཁྲག་གིས་བྲན།། ཕུར་པས་བསྡིགས་ལ་དམ་ལ་བསྡུ།། སྲིན་མོ་བཀའ་ནོན་ཞབས ་འོག་གཞུག། གཟིར་བའི་སྔགས་འདི་ཁྲི་རུ་བྲབ།། ཕུར་པ་དྲིལ་ལ་བེ་ཅོན་བརྡུངས།། ཨེ་ཀ་ཡ་མ་མ་བཾ་རཾ་ཁྲོམ་ཤིག་ཙིཏྟ་རྔུབས། ཡ་མ་རག་ཤ་ཧུར་ཟུམ་ཛཿདུན་དུན་ཏྲིག་ནན། དེ་ཡིས་མ་མོ་དབང་དུ་འདུས།། རང ་དབང་མེད་པར་ལས་ལ་མངག། སྔགས་དང་བདུད་རྩིས་སྲིན་མོ་གསོ།། ལིངྒ་མིང་རུས་བརྣག་པ་གཞུག། ཞག་གསུམ་ཐུན་བྲབ་རོ་ཁང་མནན།། འབྱུང་བ་དཀྲུགས་ལ་ལས་རྣམས་བསྒོ།། དྲག་སྔགས་བརྒྱ་པར་ཐུན ་དུ་བྲབ།། ལུས་སྲོག་ཙིཏྟའི་སྒོ་ཕྱེ་ནས།། ལྷ་དང་རང་སྔགས་བདུད་དུ་འབེབས།། ཤ་ལྤགས་མགོ་ཤ་ཕྲལ་ནས་བཤིག། རྩ་དང་སྲོག་ཟུང་བཅད་ནས་སྐེམས།། ཚེ་དང་དངས་སྙིགས་ཕྱེ་ནས ་སྡུད།། བརྣག་པ་ལས་ཀྱི་མཐའ་རུ་ཕྱིན།། དྲག་སྔགས་སྦྱོར་བ་བསྐུར་ལ་བརྡེག། ཨེ་ཁྲམ་བཾ་རྔུབས་བཾ་ཏ་ཙི་ཏ་ཁྲམ་དགྲ་བོའི་སྲོག་ལ་མཱ་ར་ཡ་རྦད། ཧུར་བྲུཾ་ཛཿཀུན་གྱི་མཐའ་རུ་འདི་སྦྱར་ན།། བརྣག་པ་ལུས་སྲོག ་འབྱེད་པ་ཡིན།། མེ་རླུང་སྐྱི་འདང་འཁྲུགས་པའི་རྒྱུད་ལས། སྲིན་མོ་ཞལ་གྱི་དམོད་པ་དྲག་པོའི་ལེའུ་སྟེ་དགུ་པའོ།། །། དེ་ནས་ཡང་བཅོམ་ལྡན་འདས་ཀྱིས་སྲུང་བ་ཐམས་ཅད་ཀྱི་མཆོག་ཏུ་དྲིལ་བ་འདི་གསུངས ་སོ།། ཐབས་ལྡན་བདེ་བའི་སྙིང་པོ་མཆོག། བྱིན་རླབས་ཀུན་འདུས་དྲག་པོ་བརྡའ།། ལྷུན་གྱིས་གྲུབ་པའི་ངང་ཉིད་ལས།། ཟིལ་གནོན་ཕྱག་རྒྱའི་སྔགས་ཀྱི་བདག། སྙིང་པོ་སྲོག་དང་བརྡ་མི་སྦྱར།། ཙིཏྟའི་དཀྱིལ་ནས ་འབྲུ་གཅིག་འཕྲོག། དུག་རླང་ཞེན་པའི་སྟོབས་དང་དབྱུང་།། ལས་དང་སྦྱོར་བ་ནུས་པ་བཅད།། སྤྱི་དང་སྒོས་སྲོག་རང་གནད་འཕྲོག། རྟེན་གྱི་མཚོན་ཆ་གནས་སུ་དབབ།། ཕག་མོ་སྡིག་པའི་ལྟོ་བ་རུ།། མུ་ཁྱུད་སུམ ་བསྐོར་རྒྱ་གྲམ་ཨེ།། ཉི་ཤུ་གཉིས་རྩིབས་གདུག་པར་ལྡན།། གྲུ་གསུམ་གང་གནོད་གཟུགས་དང་མིང་།། རྒྱ་གྲམ་དེ་བཞིན་རྩ་བའི་སྔགས།། མཚམས་ལ་གསང་མཛོད་རེའུ་མིག། ཉི་ཤུ་གཉིས་ལ་སྤུ་གྲིའི་སོ།། ལྷོ་སྦྱོར ་དུག་ཁྲག་ཕག་ཐོད་བརྣག། ཞག་གསུམ་སྔགས་བཟླས་བསྲེགས་ལ་མནན།། གང་གནོན་མིང་དང་སྙིང་པོ་བརྡེག། གཟིར་དང་དུག་དབྱུང་སྲོག་འཕྲོག་གཅད།། སྤྱི་སྲོག་སྒོས་སྲོག་འབྲུ་གསུམ་འཕྲོག། འབྲུ་གསུམ ་མཐའ་རུ་སྦྱོར་བ་གཅོད།། འདི་མིན་ལས་སོགས་ཡུག་པ་བརྐྱང་།། འདི་དེ་བདེ་དང་སྨིན་པའི་ལས།། དེ་ནས་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས་སྲུང་བའི་མཆོག་གི་དྲག་སྔགས་འདི་བཏོན་ཏོ།། ཨེ ་མྱགས་ཡ་རྔུབས་མུག་ཤག་ཀ་དུན་སྙིང་གཟིར་སྦུར་ནན་ཧ་ལ་ཧ་ལ་ཙ་མ་རི་ཕྱུང་། ཨེ་ཧུར་བྲུཾ་ཛཿ། ཁཾ་ཤག་རྦད། ཤྲཱི་བཛྲ་ཀྲོ་ཏ་ཨཱཾ། ཡ་མ་ཡ། བཛྲ་ཀི་ལ་ཡ། མ་མ་རུ་རུ་ལུ་མ། ཏིར་ཏི་ཀ་དུ། དུན་ཏིང་མེ། དེ་བ་ཨ། ་རཀྵ་ར། ར་མ། རུ་ཏྲ་ནརྀ། ཡ་ཀ་ཀྵ་ཀྵ། ཡག་མོ་ཀྵ། རཱ་ཙ་ཙ། མུན་མུན་པ། བཛྲ་སཱ་དྷུ་ཏྲི། ཧཾ་ཤཾ་ཏྲི། ས་ནཱ་ག་ཕུ། སྔགས་ཀྱི་སྦྱོར་བ་གཉིས་སུ་བརྡེག། རྩ་བ་སྤུ་གྲི་རྣོ་དཔལ་མཚན།། བགྲོད་པའི་ཕྱག་རྒྱ་སྟོབས ་མེད་ན།། རང་གཅོད་འཆིང་བའི་ལས་སུ་འགྱུར།། སྟོབས་ལྡན་བགྲོད་པའི་གདེང་ལྡན་ན།། རྣོ་མྱུར་སྦྱོར་བ་ཀུན་འཇོམས་ཡིན།། རྩ་བ་བཅུ་གཉིས་དམར་ལེན་མཚོན། ལས་ཀྱི་མཆོད་ཆེན་རང་ལྡན་ཤིས།། མཐའ ་རུ་བདུག་བྲན་བུམ་པས་སྦྱང་།། ཕྱི་ནང་ནད་བཀྲུས་ཡེ་ཤེས་ཆུས།། ཕྱག་རྒྱན་ཅིག་པས་ནུས་པ་བསྐྱེད།། དྲག་པོའི་རང་བཞིན་བཙན་ཐབས་གཟིར།། འཆི་མེད་དུས་ཀྱི་སྦྱོར་བ་འཇོམས།། འདི་ནི་སྲུང་བ་ཀུན་གྱི ་མཆོག། རྒྱལ་བའི་ཐིག་ལེ་འདུས་པར་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས།། བསྲུང་བ་ཁྱད་པར་གྱི་ལེའུ་སྟེ་བཅུ་པའོ།། །། དེ་ནས་ཡང་འཇིགས་བྱེད་ཆེན་པོ་དེས།། ཚེ་བདག་སྤྱི་ལྟར ་བསྒྲུབ་པ་ཕོ་མོ་སྦག་པའི་དོན་གསུངས་པ།། ཨེ་ཀ་ཡ་མ་ཧེ་ཀ་གྣི་མ་ཡ། མ་རག་མོ། རཀྵ་ཀྵེ་མ་བྷྱོ། ཨ་མུ་ཀཾ། ནན་འདྲིར་རྦད། ཡ་མ་ཙིཏྟ་བཾ།། ཨཽ་ཤྲི་བཛྲ་ཀྲོ་ཏ་ཨཽ། བཛྲ་དུན་ཏིང་ཀཱི་ལ་ཡ་ཏ། འདི་མན་དཔེ་སྔར་ས་མ ་རྙེརྐེད་པས་དཔྱད་དགོས། པྲ་ཏ་དུནྟི་བྷི་ལ་ནི། ཨཱ་དེ་བ་སུ་ནི། ཨ་ར་ཙ་ཧ་ཏི། ར་ཙ་མུ་ཏྲ་ག་ཙ། རག་ཙནྟེ། ཛ། ཨ་ཏྲི་སཱ་དྷཱ། ཙ་ཏྲི་ར་ཙ་རཱ་ཙ་ནཱ་ག་ཁ་རཀྵེ་མ་ཏྲི། རུ་ཏྲི་རུ། རོ་ནརྀ་རོ། མུག་སེ་སེ་རཀྵི། རག་རྔུབས་རག་རྔུབས། ་དུད་ཏྲི་ཏྲི་མན་ཏྲི་ཁ་རན་རུ་ཏྲི་རག་རོ་ལིན་རོ་ཤད་ཧཱུ་སྟི་སྟ། སྟ། ཧ་ཤཾ་ཧྲྀ། ས་ནཱ་ག་ནཱ་ག་པྲ་ཕཊ། བྷོ། ཛ་ཛ་ཧཱུཾ་ཧཱཾ་རི་རྦད་ནན་སྭཱ་ཧཱ། ས་མ་ཡ་སྟྭཾ། ཏྲིག་ནན་ཞེས་གསུངས་སོ།། མེ་རླུང་སྐྱི་འདང་འཁྲུགས་པའི་རྒྱུད་ལས། ་ཕྱི་ལྟར་གྱི་ལེའུ་སྟེ་བཅུ་གཅིག་པའོ།། །། དེ་ནས་འཇིགས་བྱེད་ཆེན་པོ་དེས་ཕྱིའི་ནང་ལྟར་བསྒྲུབ་པ་ཐམས་ཅད་བཤིག་པ་འདི་གསུངས་སོ།། ཨཱ~ཾ་ཨེ་ཀ་ཡ་མ་གྣི་མ་ཡ་མ། དེ་དག་སང་ཀར་ཛ་ལ་རཾ་སརྦ་ཤ་དུ ་ད་ནན། གཟིར་བྲུཾ་བྷྱོ། ཕཊ། ཨཱིཾ་བཛྲ་ཀི་ལ་ཡ། ཡ་མ་ཙི་ནན། བཛྲ་ཀྲི་ཁྲི་ལ། ཙནྣ་མ་ཧཱ་རོ་ཤ་ན། རཀྟ་མུ་རག་རྔུབས་རག་ཁ་ར་ག་རུ་ཏྲི། འབེལ་ནི། ཛོ་ནི། ཨ་ཏི་ས་རུ་རོ་ནི། ནཱ་ག་ཤ་ཏུཾ། ར་ར་ཙ་ཧ་སྟི།། ཞེས ་གསུངས་སོ།། འཇིག་རྟེན་ཟིལ་གྱིས་གནོན་པ། མེ་རླུང་སྐྱི་འདང་འཁྲུགས་པའི་རྒྱུད་ལས། ཕྱིའི་ནང་ལྟར་གྱི་ལེའུ་སྟེ་བཅུ་གཉིས་པའོ།། །། དེ་ནས་འཇིགས་བྱེད་ཆེན་པོ་དེས། ཚེ་བདག་ནང་ལྟར་གྱི་བསྒྲུབ་པ་པོ ་རྐྱང་གི་སྔོན་གསུངས་པ། ཨེ་མེ་ཀ་ཡེ་ཧེ་དུན་རཀྵ་དུན་དུན་ནན། ཧེ་ད་ན་མ་ན། ཨི་ཏྲི། འབིལ་ཁུང་རྩ་བསོ། ཡ་བཛྲ། ཀ། འབིལ། ནརྀ། ཧྲི། ཨཱིཾ་ཧཱཾ། སྲོག་སྟཾམྦྷ་ཡ་ནན། སྲོག་མཱ་ར་ཡ་ནན། ནཱ་ག་ཤ་ཏྲུཾ། ཡུལ་འདིར ་ཤར་ཤར། དྲག་ཏུ་ཕྲོམ་ཕྲོམ། ཏྲི་ཙ་དུ་ཡན། ད་ཕོབ་ཕོབ། ཕྲོམ། ཨཽ་ཨེ་ཀ་ཡ་མ་མ་ཧེ་དུ་རཀྑ་དུན་དུན་ནན། ཧེ་རུ་ཀ་ཞེས་བྱ་བ། སྟཾ་བྷ་ཡ་ནན། དུན་དུན་རཀྵ་དུན་ཨེ་ཡ་མ། ཀ་ཨེ་ཨོཾ་སརྦ་ཤ་ཏྲུཾ། སྟམྦྷ་ཡ་ནན་འདྲིད ་འདྲིད་རྦད། ཡ་མ་ས་མ་ཡ། སྲོག་དུན་དུན་འདྲིད་ནན། ཨཱིཾ་ཡ་མ་ཧེ་སང་སརྦ་དུཥྚཱཾ་ཤ་ནརྀ་ཤ་ཏྲུཾ་སྟཾ་བྷ་ཡ་རྦད། ཡ་མ་ཧེ་དུན་པྲ་བེ་ཤ་བས་ས་མ་ཡ་ཛ་ཞེས་གསུངས་སོ།། མེ་རླུང་སྐྱི་འདང་འཁྲུགས་པའི་རྒྱུད་ལས།། ནང ་ལྟར་བསྒྲུབ་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་འཇིགས་བྱེད་ཆེན་པོ་དེས་ཚེ་བདག་གསང་བ་ལྟར་བསྒྲུབ་པ་འདི་གསུངས་སོ།། ཨེ་ཀ་ཡ་དུན་རི་ས་ར་ཀ་ནརྀ་མ་དུན་ཛ་མ་ར་ཙ་མ་ཏྲི་ཨེ་ར་ཛ་ཙ་ར་ཡ ་མ་ཏྲིལ་ས་ན་དུ་མུན་མུན་ཏྲི་མ་མ་དུ་སྲོག་དན་ར་ཙ་ཙ་དུ་མ་མ་མ་ཀྵེ་ན་མོ་ཞེས་གསུངས་སོ།། མེ་རླུང་སྐྱི་འདང་འཁྲུགས་པའི་རྒྱུད་ལས། ཚེ་བདག་གསང་བ་ལྟར་བསྒྲུབ་པའི་ལེའུ་སྟེ་བཅུ་བཞི་པའོ།། །། དེ ་ནས་ཡང་འཇིགས་བྱེད་ཆེན་པོ་དེས། སྙིང་སྲོག་འཕྲོག་ཅིང་གཟིར་བའི་ལས་འདི་གསུངས་སོ།། ཨོཾ་ཨེ་ཀ་ཡ་མ་ཧེ་ཀ་ཡ་མ། གྷི་མ་ཡ་མ། ཧེ་དུན་སད་ཀ་ར་ཡ་ཛ། རཾ་སརྦ་ཤ་ཏྲུ་ནན་གཟིར་ཐུན་བྷྱོ་ཕཊ། ་ཧེ་དུན་ས་ནཱ་ག་ཤ་ཏྲུཾ་ཛ་ལ་རཾ་སད་ཀ་ར་ཡ། ཆེ་གེ་མོ་ཨཱ་ར་ཡ་ནརྀ་ཐུན་གཟེར་ཐུན་བྷྱོ། ཆེ་གེ་མོ་ལ་ཐུན་བྷྱོ། སརྦ་ཤ་ཏྲུཾ་སད་ཀ་ར་ཡ། ཛ་རཾ་ཀ་དུན། གཟེར་མཱ་ར་ཡ་རྦད། ནཱ་ག་ཧེ་བྷྱོ། ཨི་ནན་སད་ཀ་ར་ཡ་མ་སརྦ་ཤ ་ཏུཾཏྲཾཧཱུཾ་ཐུན་གཟིར། ཛ་ལ་རཾ་རཾ། ཧ་ས་ནཱ་ག་ནཱ་ག་ཐུན་གཟིར་རྦད་ཡ། ཧེ་ག་ནཱ་ག་དགྲ་དེ་པ་ཙ།། མ་གེ་དུ་པེ་ན། ག་པུས་པ་སརྦ་ཤ་ཏྲུཾ་ཐུན། གཟིར་རྦད་ཡ། སུ་ཀ་རེ་ཏ་ཛའུ་བནྣ་སི་ར་ཏི། སརྦ་ཤ་ཏྲུཾ་ཛ་ལ་རཾ། ཐུན་གཟིར ་རྦད་ཡ། ཨེ་ཀ་ཡཀྐ་ཡ་མ་མེ་ཏ་སརྦ་ཤ་ཏྲུཾ་ཛ་ལ་རཾ་ཐུན་གཟིར་རྦད་ཡ། ཨེ་ཀ་ཧེ་དུན་སད་ཀ་ར་ཡ་མ་རག་རུ་ཏྲི་སརྦ་ཤ་ཏྲུཾ་ཐུན་གཟིར་རྦད་ཡ་སིབ། ཧེ་དུ་ན་ར་ཙ་ར་ཙ་ཏྲི་ཤ་སརྦ་ཤ་ཏྲུཾ་ཛ་ལ་རཾ་ཐུན་གཟིར་རྦད་ཡ་སད། ་ཨོཾ་མ་ཀ་ཡ་མ། ཧེ་ཀ་ཡ་མ། གྷྲི་མ་ཡ་མ། ཨེ་ཏྲི་ས་ཀ་ར་ཡ། ཧེ་དུན་ཛ་ལ་རཾ། སརྦ་ཤ་ཏྲཾ། ཐུན་ཟོར་རྦད་ཡ། བཟློག་བྱེད། འདི་རྣམས་གབ་སྦས་གསང་བ་རྒྱས་གདབ་པའོ།། ཨོཾ་ཨེ་ཀ་ལ་མ་ཧེ་དུན། རཀྑ། ཧེ་དུན ་ར་ཧཱུཾ། ཡ་མ་ཙི་ཤཾ། སརྦ་ཤ་ཏྲུཾ་སྟམྦྷ་ཡ། ནན་འདྲིད་རྦད། སྲོག་བྲེང་བྲེང་། ནན། ཏྲིག་ནན། ནརྀ་ཤ་ཀུ་རུ་ཨཱ་ཀཪྵ་ཡ་ཧཱུཾ་ཛཿསྲོག་མཱ་ར་ཡ་ཧཱུཾ་རྦད། སྲོག་སྟམྦྷ་ཡ་ནན། ཏྲི་ཙ་དུ་ཡ། ཡ་མ་དུན་དུན། སྲོག་གཟིར་ནན། མ ་མ་རཀྵ་མ་ཧཱ་སྙིང་གཟེར་ཐུན་ནན། ན་ག་སྙིང་གཟེར་སྲོག་ལ་ནན། ཏྲི་དུ་ར་ཙ་ཤེ་ན་སྲོག་ལ་གཟིར་ནན། ཐེ་ཚོམ་ཟོས་ན་མི་འགྲུབ་བོ།། སྔགས་པ་རྣམས་མིས་ཐོས་ན་ནུས་མཐུ་མེད། སྔགས་རྣམས་མེ་ཡིས་བསྐུལ ་བར་བྱ་ཞེས་གསུངས་སོ།། མེ་རླུང་སྐྱི་འདང་འཁྲུགས་པའི་རྒྱུད་ལས། སྙིང་ཁྲག་དབྲོག་ཅིང་གཟེར་བའི་ལེའུ་སྟེ་བཅོ་ལྔ་པའོ།། །། དེ་ནས་ཡང་བཅོམ་ལྡན་འདས་ཀྱིས། ལས་ཐམས་ཅད་རྗེས་གཅོད་དུ་སྦྱིན ་བསྲེག་འདི་གསུངས་སོ།། མནྡལ་ཕུངས་དུག་ཆུ་ཡིས།། ཚད་དང་ལྡན་པར་བརྩིག་པར་བྱ།། དུག་དང་ཚ་བ་ཁྲག་གིས་བྱུག། ཕུང་ས་གྲོག་མཁར་རོ་བསྲེགས་ས།། སྨེ་བ་དང་བཅས་ཐབ་ཁུང་བཅའ།། རྒྱས་པའི་སྟེང ་དུ་ཞི་བའི་ཐབས།། དེ་སྟེང་དབང་སྟེ་ཁ་ཁྱེར་རོ།། དང་པོ་མདའ་གང་མཛུབ་ཀྱིས་དམན།། དེ་སྟེང་ཨེ་ཡི་ཕོ་བྲང་ལ།། གྲུ་གང་ཁ་ཁྱེར་གསུམ་དུ་བྱ།། ཐོད་པ་མེ་རི་རྩང་དང་བཅས།། ཟླ་གམ་རྒྱ་གྲམ་རྩིབས་བཅུ ་དྲུག། མཚོན་ཆ་སྔོན་པོ་རེ་ཁཱ་དམར།། ཐ་མ་མེ་འོད་ཐོད་པ་བཅུ།། ཕུར་པ་བཅུ་དང་ལྡན་པར་བྱ།། ལིངྒའི་སྙིང་གར་འཁྲུ་གང་ཤིང་།། ཡམ་ཤིང་ལྕང་མ་སེ་བ་སྐྱེར།། རོ་བསྲེགས་ཤིང་དང་གདུག་རྩུབ་དྲག། འོ་མ་སྦྲང ་དང་བུ་རམ་འབྲས།། གུར་གུམ་གླ་རྩི་གི་ཝང་མཚལ།། ཤ་ཆེན་རྟ་སྦྲུལ་ཉ་སྦལ་ཤ། ཉུང་དཀར་ཏིལ་ནག་གྲི་བོའི་ཁྲག། བྱ་ཕག་ཀྱི་ཡང་སྦྲང་ཚིལ་སྔོ་སྣ་ཚ།། དུག་གི་རིལ་བུ་བརྒྱ་མིང་སྦྱར།། བདག་ལུས་ཧོམ་ཁུང་བུམ་པ ་ལ།། ལྷུན་གྱིས་གྲུབ་པའི་སྐུ་གསལ་བྱ།། ཟབ་ཁུང་མདུན་དུ་མེ་ལྷ་སེར།། མེ་དར་གུན་ཕྲེང་གཡས་དང་གཡོན།། བཀའ་ནོན་མངག་ན་ལས་བྱེད་པའོ།། བླ་རྐུན་རྒྱུད་བླང་ཐུན་གཟིར་གདབ།། མཚོན ་བརྡེག་སྟབས་ལ་མེ་ལྷར་འབུལ།། ལན་གྲངས་བརྒྱའམ་ཉི་ཤུ་གཅིག། ཉིན་དང་མཚན་དུ་གང་ལ་བརྩམ།། རྫས་རྒོད་བདུག་ལ་ཕྱིང་པས་དགབ། ཁྲུས་དང་ལྷ་རུ་ཉེ་བར་སྦྱར།། རྩང་ཕུར་བསྐོར་ལ་ཆགས་པ ་དཔྲལ།། ཀུན་གྱི་མཐའ་རུ་ཐལ་འཇིམ་འཕང་།། གང་བརྩམས་པ་འདི་མཐའ་རུ་གདགས།། རྣམ་བཞིའི་ལས་དེ་ལྷུན་གྱིས་གྲུབ།། ལྟ་སྤྱོད་དམན་པ་འཆིང་བར་འགྱུར།། དེ་ནས་བཅོམ་ལྡན་འདས་ཉིད་ཀྱི་སྐུ ་གསུང་ཐུགས་རྡོ་རྗེ་ལས། སྔགས་འདི་བཏོན་ནོ།། སྭ་སྟི་ཤཱནྟི། ཝ་ཤང་ཧྲི་ཡ། པུཥྚི་པ་ར། མཱ་ར་ཡ་ཕཊ། ལས་འདི་བྱ་བ་ཀུན་དང་ལྡན།། བསྲེག་པའི་ལས་ཏེ་སྙིང་པོའི་མཆོག། མེ་རླུང་སྐྱི་འདང་འཁྲུགས་པའི་རྒྱུད ་ལས། བརྣག་པ་རྗེས་གཅོད་ཀྱི་ལེའུ་སྟེ་བཅུ་དྲུག་པའོ།། །། དེ་ནས་ཡང་འཁོར་གྱི་ནང་ནས་རྡོ་རྗེ་སྙིང་པོ་སྟན་ལས་ལངས་ནས།། བཅོམ་ལྡན་འདས་ལ་གསོལ་པ། རྒྱལ་བ་ཀུན་གྱི་རང་བཞིན་གནས། གསང ་སྔགས་ངོ་བོ་དེ་ཉིད་ལགས།། འཇིག་རྟེན་འདས་དང་འཇིག་རྟེན་པའི།། དྲེགས་པ་མཐུ་རྩལ་ལྡན་པ་ཀུན།། སྲོག་སྙིང་དབུལ་ཞིང་ལས་ལ་གཉེར།། བཀའ་བཞིན་ཉེ་བ་ཇི་ལྟར་ལགས།། ལྷུན་གྲུབ་ཟིལ་གནོན་ཕྱག་རྒྱ ་ཡིས།། གཉེན་པོ་གང་ཞིག་འདུལ་བ་ལགས།། དྲག་པོས་འདུལ་བ་གང་ལགས་པ།། འཁོར་ལ་རྒྱས་པར་བཤད་དུ་གསོལ།། ཞེས་གསོལ་པ་དང་། བཅོམ་ལྡན་འདས་ཀྱིས་དྲི་བ་རྣམ་པ་གསུམ་གྱི་དོན་རྒྱས་པར ་བཤད་དོ།། བསྐལ་པ་རྫོགས་ལྡན་བྱ་བ་ལ།། ལྷ་ཡི་སྲིད་མཚོ་གུ་རུ་ན།། བགྲོད་པ་མ་ཐོབ་སྔགས་པ་གཅིག། དགེ་བཅུ་མ་སྤྱད་ཆེ་བར་བསྙེམས།། ལྟ་སྤྱོད་འབྲེལ་མེད་སྒྲ་ཕྱིར་འབྲེང་།། འཁོར་བའི་སྤྱོད་པ་རབ ་ཏུ་སྤྱད།། འཇིག་རྟེན་དྲེགས་པ་ཤ་ཁྲག་རྟེན།། རྟག་པའི་ཁྲོ་བོ་ཡོད་པར་བསྒོམ།། སྔགས་ཚིག་ཕྲ་མོ་སྟོབས་དང་ལྡན།། ལུས་སེམས་ཡན་ལག་རགས་ལ་རྔམ།། བདུད་དང་སྲིན་པོ་གདུག་པའི་ཚོགས།། འཁོར་དུ ་བཟུང་ནས་སྲོག་གཅོད་བྱེད།། རྣམ་བཞིའི་འཁོར་ལ་གསོད་ཅིང་གཏུབ།། མཚོན་ཆ་མེ་རླུང་ལག་ཆར་ཐོགས།། མྱུར་དུ་གསོད་ཅིང་ཤ་ཁྲག་ཟ།། བདུད་མོ་སྲིན་མོ་གནོད་སྦྱིན་མོ།། འཁོར་དུ་བསྡུས་ནས་ཆགས ་པ་སྤྱོད།། ཆགས་སྡང་མེ་རླུང་རང་རྒྱུད་བསྲེག། དེ་ཡིས་བསྟན་པ་བཤིག་ཅིང་འཁྲུག། གསང་སྔགས་བཀའ་བསྒོ་ལོག་པ་དེས།། དུས་མ་ཡིན་པར་ཚེ་ཟད་ནས།། ན་རག་རྡོ་རྗེ་དམྱལ་བར་ལྟུང་།། སྡུག་བསྔལ་རབ ་མྱོང་ཚ་གྲང་སྤྱོད།། ཚད་ལས་བརྒལ་ཏེ་བདེ་བ་བྲལ།། དམྱལ་བ་ཕལ་ལས་སྡུག་བསྔལ་བ།། རབ་ཏུ་ཆེ་ཞིང་ཚེ་ཚད་རིང་།། མི་ཡི་ལོ་གཅིག་ལྷ་ཡི་ཞག། ལྷ་ཡི་ལོ་གཅིག་དམྱལ་བའི་ཞག། དེ་འདྲའི་ལོ་ཚིགས་ཏིལ ་ཁལ་བརྒྱ།། ལོ་རེ་དག་ན་ཏིལ་རེ་འབྱིན།། བརྒྱ་ཟད་མཐར་ཚ་མཐའ། རུ་མནར་མེད་འཕོ།། ཚ་གྲང་གནས་སུ་བཅུ་དྲུག་གནས།། སྐྱེ་བ་ཉི་ཤུ་གཅིག་ཏུ་རྫོགས།། ཕྱི་ནང་ཡི་དྭགས་གནས་སུ ་སྡུག། སྐྱེ་བར་གནས་ན་དུར་ཁྲོད་གནས།། ཐོན་ནས་རྫུ་འཕྲུལ་ལུས་སུ་བླངས།། གྲམ་རི་ལྕགས་མཁར་ནང་ན་གནས།། ལུས་ཆེན་ཡན་ལག་སྔོན་པས་རགས།། རྔམ་ཚིག་རང་འཁོར་རྣམ་ལ་མངག། དེ་འདྲའི་རྣམ ་སྨིན་མང་བསགས་པའི།། རཱུ་ཏྲ་ནག་པོའི་ལུས་སུ་སྐྱེ།། དེ་ཡིས་འཇིགས་བྱེད་ཕུང་བྱེད་ནི།། སྔགས་ཀྱི་སྤྱོད་པས་གོལ་བར་བཤད།། རྒྱལ་བ་ཀུན་གྱི་ཐུགས་བརྒྱུད་དེ།། བྱིན་རླབས་མཐུ་རྩལ་སྟོབས་འགྲན ་ནས།། ནག་པོ་གོལ་བ་འདུལ་བའི་ཕྱིར།། སངས་རྒྱས་རྫུ་འཕྲུལ་སྣ་ཚོགས་བསྐྱེད།། སྟོང་པའི་རང་བཞིན་དེ་སྟེང་བཀྱེ།། སྟོད་པས་ནག་པོའི་སྡེ་མ་སྟོངས།། སངས་རྒྱས་རྡུལ་སྙེད་སླར་འཁོར་ནས།། ནག་པོ་མ་ཐུལ ་མཐུ་རྩལ་ལྡན།། དེ་མ་ཐུལ་ཏོ་སྟོབས་ཆེན་གསུམ།། ཡ་མ་བཛྲ་ཧ་ཡའི་སྐུ།། རང་རང་ལག་ཆ་འཁོར་སྤྲུལ་ནས།། སྔགས་ཚིག་དྲག་པོ་རྔམ་བཟླས་ནས།། ནག་པོ་འདུལ་ཕྱིར་མེ་རླུང་སྦྲུལ།། ནད་དང་མཚོན་ཆའི་ཆར ་པ་ཕབ།། རཱུ་ཏྲ་མ་ཐུལ་རྔམས་པས་རོལ།། སྡེ་གསུམ་སྤྲུལ་པ་སླར་བསྒྱུར་བས།། ནག་པོ་རྔམས་པའི་ང་རོ་བསྒྲག། རུ་ཏྲ་མ་ཏྲ་མ་ར་ཏྲ།། སངས་རྒྱས་སྟོང་ཕྲག་ཐུགས་བརྒྱུད་ནས། ཁྲོ་བོ་སྨེ་བ་བརྩེགས་པ ་མངགས།། རྡོ་རྗེ་སྲིན་པོའི་འཁོར་རྣམས་སྦྲུལ།། སྔགས་སྒྲ་དྲག་པོས་རཱུ་ཏྲ་བསྡིགས།། ཆེ་བའི་གྲགས་པ་སྟོབས་འགྲན་ནས།། རྡོ་རྗེ་གཞོན་ནུ་བརླག་པ་ཁད།། སངས་རྒྱས་སྐུ་ཡི་སྤྲུལ་པ་བསྐྱེད།། སྐུ་ཆེ་བདུད་མོ ་མཁའ་ལྡིང་བཅས།། ཨེ་ཀ་ཡ་མ་ཧེ་ཀ་ཡ་མ་གྣི་མ་ཡ་མ། མ་རཀ་མོ་རཀྑ་ཀྵེ་མ་བྷྱོ།། རུ་ཏྲ་ཀ་ལིང་འདྲིད་ཕྱུང་རྦད།། བརྗོད་པས་ནག་པོའི་སྡེ་མ་ཆོམས།། སླར་འདུས་ཡེ་ཤེས་ཐུགས་ལས་སྦྲུལ།། རྔམ་པའི་ང་རོས་ནག ་པོ་བཏུལ། བེ་ཀ་ཡ་མ་འགས་མ་འཛའ་ནི་ར་ཡ་རུ་ཏྲ་སརྦ་ཤ་ཏྲུཾ་སྟཾ་བྷ་ཡ་ནན། འདྲིད་རྦད། བརྗོད་པས་ནག་པོའི་སྡེ་མ་ཐུལ།། ཆོས་སྐུ་སྐྱེ་མེད་སྟོང་བདག་མེད།། ཟིལ་གནོན་ཐུགས་ལས་མགོ་དགུ་སྤྲུལ།། དབུ་དགུ ་ཕྱག་ཞབས་བཅུ་གཉིས་ལྡན།། རྔམ་པའི་དྲག་སྔགས་དམོད་པ་བཏུལ། ཨེ་ཀ་ཧེ་དུན། ཡ་མ་རཀྵ་ཛ། མུ་ཏྲི་རྩ་ཤུ་རཾ་ཏྲི་རུ་ཏྲ་སརྦ་དུ་རཾ་ཨུ་ནན། འདྲིད་ཕྱུང་། རཾ་ཤག་རྦད། བརྗོད་པས་ནག་པོའི་སྡེ་མ་ཐུལ།། སངས ་རྒྱས་སྤྱི་ཡི་སྐུ་རུ་སྦྲུལ། ནག་པོ་ཆ་མཐུན་བརྗིད་ལ་རྔམས།། ཟིལ་གནོད་ཕྱག་རྒྱ་ཆེན་པོ་ཡིས།། སྔགས་སྒྲ་རྔམས་པས་སྤ་བཀོང་ནས།། རུ་ཏྲ་ནག་པོ་བསྒྱེལ་ཏེ་གཟིར།། ཨེ་མྱགས་ཡ་རྔུབས་བཻ་རཾ་ཁཾ་ཤིག་རུ་ཏྲ་སྙིང ་གཟིར་ཧུར་བྲུཾ་ཛཿརཱ་ཏྲ་ནག་པོ་ཞལ་དུ་གསོལ།། ཟིལ་གནོན་ལྷོ་རུ་སྒྲིབ་པ་སྦྱངས།། ཡེ་ཤེས་རིག་པའི་མེ་ཡིས་སྦྱངས།། རྫུ་འཕྲུལ་སྟོབས་ཀྱིས་སྣམ་ནས་ཕྱུང་།། རཱ་ཏྲ་ནག་པོ་བརྒྱ་ལ་སངས་ནས།། སངས་རྒྱས་རྫུ ་འཕྲུལ་ངོ་མཚར་ཆེ།། བདག་ཅག་སངས་རྒྱས་འཁོར་བགྱིད་པས།། སྲོག་དང་མ་བྲལ་འཁོར་དུ་ཞོག། འཁོར་གྱི་ལས་སྐལ་གང་ལ་བསྒོ།། སངས་རྒྱས་བཀའ་འཁོར་བསྲུང་ལ་སྐྱོབས།། བསྟན་པ ་བཤིགས་ན་དྲེགས་པས་གསོལ།། རཱུ་ཏྲ་འདུལ་ཕྱིར་རྒྱུད་འདི་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས། རཱུ་ཏྲ་བཏུལ་བའི་ལེའུ་སྟེ་བཅུ་བདུན་པའོ།། །། དེ་ནས་ཡང་བཅོམ་ལྡན་འདས་ཁྲག་འཐུང་རྒྱལ ་པོས་ཀླུ་ཉན་ས་བདག་གསུམ་འཇོམས་པ་དེས། མཛེ་རིམས་དྲག་པོ་གདུག་པའི་ནད་ཀྱིས་ཟིན་པ་ལ། སྙིང་གཟེར་ཉི་ཤུ་རྩ་གཅིག་པའི་འཁྲུལ་འཁོར་འདི་གསུངས་སོ།། ཕྲིན་ལས་ཀུན་གྱི་རྩ་བ་ནི།། དྲག་པོའི་ལས་ཀྱི ་མཐའ་སྡུད་དུ།། སྙིང་གཟིར་ཉི་ཤུ་རྩ་གཅིག་གིས།། གབ་པ་ཐུགས་ཀྱི་འཁྲུལ་འཁོར་བཅའ།། བསྙེན་པ་ཤོག་བུ་གྲུ་བཞི་ལ།། ཆ་གཉིས་དུར་ཁྲོད་སྨེ་བས་བྱུག། རུས་སྦལ་ལྟོ་བར་ཐིག་སྐོར་བཞི།། བསྐོར་ལ་དབུས་སུ ་གྲུ་གསུམ་ལ།། ཟླ་གམ་སྦྲུལ་གྱི་ར་བས་གཏམས།། དེ་ཡི་ཕྱི་རིམ་འཁྲུལ་མིག་བཞི།། ཐོད་འཁོར་རྡོ་རྗེ་ཀ་བ་མེ།། ཕྱི་རིམ་འཁྲུལ་མིག་གནམ་ལྕགས་བརྒྱད།། རླུང་རི་རྒྱ་གྲམ་དབུས་ན་མཛེས།། ཡང་ལོགས་རྩ་སྦུབས ་ཉི་ཤུ་གཅིག། གདུག་པ་སྲེག་བྱེད་ཡེ་ཤེས་མེ།། འོད་ཀྱི་གང་བུར་གནས་པ་འཕྲོ།། དེ་ལ་གནས་ཉིད་དགོད་པ་ནི།། གྲུ་གསུམ་དབུས་ན་ས་ནཱ་ག། གང་གནོད་མིང་དང་རུས་སྦལ་དངོས།། ཟླ་གམ་གསུམ་ལ་གནོད ་སྦྱིན་མིང་།། ལྕགས་མཁར་བརྒྱད་དང་ཐོད་མཁར་བཞི།། རྩ་བའི་ཡིག་འབྲུ་བཅུ་གཉིས་དགོད།། རྩ་སྦུབས་ཉི་ཤུ་རྩ་གཅིག་ལ།། སྙིང་གཟེར་ཉི་ཤུ་རྩ་གཅིག་དགོད།། དྲག་སྔགས་འཁྲུལ་འཁོར་མེ་དཔལ ་དགོད།། འཁོར་ལོ་མཚོན་ཆེན་མེ་དཔལ་སྔགས།། དྲག་པོའི་སྔགས་རྒོད་གདུག་པའི་མཚོན།། ཐོག་ཆེན་དྲིལ་ཕྲེང་དྲག་པོའི་སྟོབས།། ནམ་མཁའ་རིན་ཆེན་རྒྱ་མཚོ་ཡིས།། མཚོན་ཆ་ཁ་སྦྱར་དུག་ཆུ་ངར།། སྔོན་དམར ་དང་བཅས་ཕག་མོའི་ལྟོར།། དུག་ཁྲག་བསྐུས་ལ་ཐོད་པར་གཞུག། མི་རྐང་སྐྱེད་པུ་ལྕགས་ཁྲིས་བརྡེག། གསལ་གསུམ་དང་ལྡན་སུམ་སྟོང་བསྐུལ།། ཉ་སྟོང་མར་གྱི་ངོ་ལ་སྦྱར།། ཐ་ཆུང་བཞི་པ་རབ་ཏུ་གཏད།། ཞག ་གསུམ་ཤིན་ཏུ་གནོད་པར་བཅའ།། དེ་ཉིད་དོང་བྲུ་ཐོད་པར་མནན།། མི་ལྡོག་གྱད་དང་དྲེགས་པ་བསྒོམ།། ཐོད་འཁོར་སྟེང་དུ་གདུག་པའི་རྩང་།། ཉི་ཤུ་གཅིག་དབུས་མཆོག་ཕུར་བསྟན།། གང་གནོད་གཟུགས་བླངས ་སྙིང་གར་བརྡེག། རྒྱུན་དུ་དྲག་སྔགས་བརྒྱ་བརྒྱས་བསྲུང་།། ཨ་ཤ་བྷི་ལི་སྦྱོར་ཚུལ་ཅན།། སྙིང་པོ་དང་དད་ཤུགས་ཀྱིས་དྲངས།། དུག་ལ་རྔམ་ཆགས་རྩ་བ་གཅོད།། ཧ་ལ་ནག་པོའི་ཞེན་ཆགས་བྲལ།། ཕྱག་ན་རྡོ་རྗེ ་མཐུ་དང་བྲལ།། གདུག་པ་གཞན་ལྟ་སྨོས་ཅི་དགོས།། སྔགས་ཀྱི་རྒྱལ་པོ་ཀུན་འཇོམས་འདི།། དྲག་ལ་འདྲིལ་ཞིང་སྒྲ་སྤངས་ལ།། སྒྲ་ནི་གཏུམ་ཞིང་ལྕི་བར་བཟླས།། དྲག་པོ་གཏུམ་ཆེན་དྲེགས་པའོ།། དེ་ནས་བཅོམ ་ལྡན་འདས་ཀྱིས་སྐུ་གསུང་ཐུགས་ལས།། གདུག་པ་ཐམས་ཅད་གཞོམ་པའི་ཕྱིར་སྙིང་གཟེར་ཉི་ཤུ་རྩ་གཅིག་གི་སྤུ་གྲི་བཏོན་ཏོ།། ས་ནཱ་ག་སྙིང་གཟེར་ཛ། ས་ནཱ་ག་སྙིང་གཟེར་ཕྱུང་། ས་ནཱ་ག་སྙིང་གཟེར ་ཙིཏྟ་རྦད། ས་ནཱ་ག་སྙིང་གཟེར་ཐུན་རྦད། ས་ནཱ་ག་སྙིང་གཟེར་དུན་རྦད། ས་ནཱ་ག་སྙིང་གཟེར་རཾ་ཐུན་རྦད། ས་ན་ག་སྙིང་གཟེར་བྲེང་ལ་ཟད། ས་ན་ག་སྙིང་གཟེར་མྱོགས་རྦད། ས་ནཱ་ག་གཟེར་ཐུན་རིལ་རྦད། ས་ནཱ་ག ་སྙིང་གཟེར་ནན་ཏྲི་རྦད། ས་ནཱ་ག་སྙིང་གཟེར་བྲེང་ཤག་རྦད། ས་ན་ག་སྙིང་གཟེར་ཁས་རྦད། ས་ནཱ་ག་སྙིང་གཟེར་ཐིབས་རྦད། ས་ན་ག་སྙིང་གཟེར་རྩ་ལ་རྦད། ས་ནཱ་ག་སྙིང་གཟེར་ཨུ་ནན་རྦད། ས་ན་ག་སྙིང་གཟེར ་ཨེ་ནན་རྦད། ས་ནཱ་ག་སྙིང་གཟེར་སྲོག་ལ་དུན་དུན་ཤག་རྦད། ས་ནཱ་ག་སྙིང་གཟེར་ཙིཏྟ་རུ་ཟུམ་རྦད། རིགས་བཞི་རྒྱུད་ལ་ཞེན་པ་དང་། བ་སོ་ཁང་འཁོར་གདུག་པ་ཀུན།། བརྐམ་ཆགས་དབང་གི་དུག་འབྱིན ་འཇོམས།། གདུག་པ་ཐམས་ཅད་འཇོམས་པ་ཡི།། ཡང་གསང་འཕྲུལ་གྱི་སྙིང་པོ་བཤད།། དྲག་པོའི་ངན་སྔགས་འཁྲུལ་འཁོར་འདི།། དཔལ་གྱི་ཕྱག་རྒྱས་གདབ་པ་དང་།། རང་གི་ཉམས་ཀྱི་སྟོབས་དང་ནི།། བརྟུལ ་ཞུགས་དྲག་པོ་བཙན་ཐབས་དང་།། སྦྱོར་བའི་རྐྱེན་དང་དུ་མ་དང་།། དྲག་སྔགས་ཀྱི་འོད་ཟེར་སྤྲོ་བ་དང་། རང་གནས་ཀྱི་སྲོག་འཕྲོག་པ་དང་། གདུག་པའི་དཔལ་བསད་པ་དང་། ཐབས་ཀྱི་རོལ་པས་ཡེ་ཤེས་འོད་སྤྲོ ་བ་དང་། དེ་དག་སྙིང་གཟེར་སྦྱོར་བར་བཤད། མེ་རླུང་སྐྱི་འདང་འཁྲུགས་པའི་རྒྱུད་ལས། སྙིང་གཟེར་ཉི་ཤུ་རྩ་གཅིག་གི་ལེའུ་སྟེ་བཅོ་བརྒྱད་པའོ།། །། དེ་ནས་བཅོམ་ལྡན་འདས་ཀྱིས་གདུག་པ་འདུལ་བའི ་ཕྱིར། སྙིང་གཟེར་དགུ་པའི་སྦྱོར་བ་འདི་བཤད་དོ།། སྙིང་པོ་འཕྲུལ་གྱི་མན་ངག་བཅུད།། གསང་ཆེན་རྩ་བ་དྲིལ་བའི་ལས།། དྲག་པོ་མངོན་ཕྱུང་སྦྱོར་བའི་མཆོག། སྙིང་གཟེར་གདུག་པ་ཐམས་ཅད་འཇོམས།། ཤི ་འཕྲད་སྔགས་ཀྱི་འཁོར་ལོ་ཡིས།། བདག་སྐྱོབ་གཞན་བསྲུང་གདུག་པ་འཇོམས།། མ་མོ་བདུད་མོ་རྒྱལ་པོ་བཙན།། ཀླུ་གཉེན་ས་བདག་ཟེའུ་བྲང་གྲི།། མ་ལུས་འཇོམས་བྱེད་སྒོས་ཀྱི་སྔགས།། བྷི་ལིའི་གྲོང་འདུས་ཁོང ་དྲེགས་ཅན།། འབར་བ་ནག་པོ་ཡ་མའི་ཀློང་།། ཡང་གསང་མཆོག་གི་སྦྱོར་བ་བཤད།། དེ་ཡི་སྦྱོར་བ་འདི་ལྟ་སྟེ།། དུར་ཁྲོད་ཞིང་རས་རོ་རས་ལ།། མུ་ཁྱུད་ལྔ་ལྡན་རུས་སྦལ་ལྟོར།། དུག་ཁྲག་སྣག་ཚ་སྦྱར་བས ་བྲི།། དབུས་སུ་གྲུ་གསུམ་ཟླ་གམ་ལྡན།། ཕྱི་རོལ་འཁྲུལ་མིག་ཐོད་མཁར་བཞི།། དེ་འོག་ལྕགས་མཁར་འཁྲུལ་མིག་བརྒྱད།། ཡང་ལོགས་གནས་པའི་རྩ་སྦུབས་དགུ།། ཕྱི་རིམ་རྩིབས་ཆེན་བཅུ་དྲུག་འོབས།། སྲིད ་པའི་རུས་སྦལ་ལྟོ་བ་རུ།། དྲག་པོ་ལས་ཀྱི་འཁྲུལ་འཁོར་བཅའ།། དེ་ལ་དགོད་ཅིང་གནས་པ་ནི།། དབུས་ན་གདུག་པའི་སྙིང་པོ་མིང་།། ཟླ་གམ་མ་མོ་རྒྱལ་པོ་བཙན།། ཟེའུ་རང་གཤིན་འགོང་གནོད་པའི ་མིང་།། འཁྲུལ་མིག་བཞི་ལ་གནས་པ་ནི།། དྲེགས་པ་སྟོབས་ཀྱི་འབྲུ་བཞི་དགོད།། ཕྱི་རིམ་ལྕགས་མཁར་བརྒྱད་པོ་ལ།། དྲེགས་པ་སྟོབས་ཀྱི་འབྲུ་བརྒྱད་དགོད།། ཡང་ལོགས་དྲག་པོ་རྩ་སྦུབས ་དགུར།། སྙིང་གཟེར་དགུ་ལ་སྡེ་ཚན་རེ།། སྙིང་པ་གསུམ་བསྡུས་རྫོགས་པར་དགོད།། ཕྱི་རིམ་མཚོན་ཆ་སྲུང་བའི་འོབས།། མཚོན་ཆའི་ཁང་པ་བཅུ་དྲུག་ལ།། ཤི་འཕྲད་དགུ་བཏུལ་སྙིང་པོ་བྲི།། གཉིས་བཅས་དུག ་ཁྲག་ཚ་བ་བསྐུ། ཁ་སྦྱོར་སྔོན་དམར་ཐིག་ནག་འདྲིལ།། འཁྲུལ་འཁོར་མཚོན་ཆ་མེ་དཔལ་སྔགས།། བཟློག་ཅིང་འབྱིན་པ་ཤུགས་ཀྱི་མཆོག། གཅོད་ཅིང་འབིགས་པས་སྤུ་གྲིའི་མཚོན།། བསྲེག་ཅིང་གཡེང་བས་མེ་ཆུ ་རླུང་།། སྡུད་ཅིང་འཆང་བས་སྐྱེ་བའི་མཁར།། གཟིར་ཅིང་མནན་པ་ཐོད་གཟེར་པོ།། རྩ་བར་བཅས་པའི་མཚོན་ལོ་མ།། རྩ་བ་གཅིག་ལ་ཡན་ལག་སྟོང་།། བདག་སྐྱོབ་གཞན་སྲུང་གོ་མཚོན་མཆོག། ལས་དང་སྦྱོར་བ ་གཅོད་པའི་མཚོན།། འབར་བ་ནག་པོ་ཞེ་སྡང་མཆོག། སྔགས་ཀྱི་རྒྱལ་པོ་དུག་ལྔར་བཅས།། འབར་བ་དུག་གི་དུམ་བུར་བསྡུས།། བདུད་གང་ཡཀྐ་ཡ་མའི་ཀློང་།། དེ་ཡི་ཕོ་བྲང་ཐོད་པའི་གནས།། དུར་མའི་བྱེ་རུ་རུས ་སྦལ་གཟུགས།། མཆོད་རྟེན་རིན་ཆེན་མཚོན་ཆའི་སྦུབས།། ཚངས་པའི་བུ་ག་རྒྱ་གྲམ་ཨེ།། འཁྲུལ་འཁོར་བཅས་ཏེ་རེ་བས་གྲིལ།། ཧོ་མ་ཁུང་བཅུག་ལ་སྟོང་སྟོང་བཟླས།། གསལ་བར་ཁྱད་པར་སྟོབས་ཀྱི ་ལྷ།། རྫས་གསུམ་གདན་གསུམ་ལྟ་བ་བཞི།། འདུས་པ་གསུམ་དང་ཡིན་པ་བཞི།། དབང་བཅས་བགྲོད་པའི་གོ་ཆ་མཆོག། རིགས་ལ་རྒྱུན་དུ་སྟོང་སྟོང་བཟླས།། ཉ་སྟོང་སྦྱོར་བ་དྲག་པོ་བརྩམ།། ཐུན་མོང་བསྲུང་བ ་སྦྱོར་བ་བརྒྱ།། དྲག་པོ་ཐོག་ཆེན་སྙིང་གཟེར་མཆོག། གསེར་གྱི་དགུ་ཐོག་གནམ་ལྕགས་ཏེ།། རི་རྒྱལ་རྦབ་ཆེན་སྤུ་གྲིའི་དཔལ།། ཡང་གསང་མཆོག་གི་སྦྱོར་བའོ།། དེ་ནས་བཅོམ་ལྡན་འདས་ཀྱི་སྐུ་གསུང་ཐུགས་ལས ་སྙིང་གཟེར་དགུ་པ་འདི་བཏོན་ཏོ།། ས་ནཱ་ག་ཏྲག་སྙིང་གཟེར་རྦད། ས་ནཱ་ག་ཙ་ཏྲི་སྙིང་གཟེར་རྦད། ས་ནཱ་ག་དུ་མེ་སྙིང་གཟེར་རྦད། ས་ནཱ་ག་ཀྵེ་ཏྲི་སྙིང་གཟེར་རྦད། ས་ནཱ་ག་དུག་ཕྱུང་སྙིང་གཟེར་རྦད། ས་ནཱ་ག་ཁམ ་ཤག་སྙིང་གཟེར་རྦད། ས་ནཱ་ག་སྲོག་ཏིག་སྲོག་ཏིག་རྦད། ས་ན་ག་སྙིང་གཟེར་ཟུམ་རིལ་རྦད། ས་ནཱ་ག་སྙིང་གཟེར་སྦུར་ནན་རྦད། ས་ནཱ་ག་ཨུ་ནན་ཁམ་ཤག་གཟེར་ཐུམ་ཙིཏྟ་བྲེང་ཤག་སྙིང་གཟེར་སྦུར་ནན། དྲག་པོ ་མེ་དཔལ་གཅོད་པའི་མཚོན།། གདུག་པ་ཙིཏྟའི་ཏི་ར་ལ།། རབ་སྤྱོད་སྦྱོར་བའི་རྒྱལ་པོར་བཤད།། རྒྱུད་ཀྱི་སྙིང་པོ་མཆོག་གི་སྦྱོར་བ།། མེ་རླུང་བཞིའི་སྟོབས་བསྡུས་པ་འདི། ལས་གང་ཡང་སྟོབས་མེད་ན། སྲིད་པ ་སྟོབས་ཀྱི་འཁྲུལ་འཁོར་བཅའ། སྔགས་སྟོང་ཚོ་རེ་དང་བརྒྱ་རུ་སྟོང་བསྡེབས་ན། ལས་ཀུན་གྱི་སྲུང་བའི་འཆིང་བའོ།། སྤྲུལ་པ་གྱད་གནོན་ལྷར་གསལ་བར་བྱའོ།། མེ་རླུང་སྐྱི་འདང་འཁྲུགས་པའི་རྒྱུད་ལས། སྙིང ་གཟེར་དགུ་པའི་སྦྱོར་བའི་ལེའུ་སྟེ་བཅུ་དགུ་པའོ།། །། འདི་མན་ལྔ་ཐོག་གཅིག་ནས་མཚན་དཀྱུས་སུ་སོང་བ་ལྟ་བུ་ཞིག་གི་ཡིག་ཀུན་འབྱམས་པ་ཡིན་འདུག། དེ་ནས་ཡང་བཅོམ་ལྡན་འདས་ཀྱིས་ཕྲིན་ལས་ཀུན་གྱི་རྩ་བ་ཡི ་གསང་ཆེན་གཅིག་ཏུ་དྲིལ་བར་འདི་གསུངས་སོ།། དྲག་པོ་མངོན་འབྱུང་བསྒྲུབ་པའི་བཅུད།། ཀླུ་གཉེན་ས་བདག་གདུག་པ་ཡིས།། མཛེ་རིམས་དྲག་པོའི་ཡམས་དར་ན།། སྙིང་གཟེར་བདུན་གྱི་འཁོར་ལོ ་བཅའ།། སྦྱོར་བ་སྣ་ཚོགས་རྫས་ཀྱིས་བྱུག། སྲིད་པའི་རུས་སྦལ་ལྟོ་བར་བྲི།། དྲག་པོའི་རྫས་སུ་སྙིང་པོ་བསྡུ།། མཐིང་ནག་དར་དང་ཐོད་པར་བཅུག། བསྒོམ་བསྐུལ་དྲང་གཞུག་རྩང་བཅས་སྔགས།། དམོད་པའི་ཐུན ་དབབ་ཧོམ་ཤིང་བསྲེག། ཟོར་ཐུན་མཐའ་རུ་གནན་གཟིར་བྱ།། རང་གི་ཕྱག་རྒྱ་བྲིས་སྐུ་དགྲམ།། དེ་ལས་བྱིན་རླབས་ནུས་མཐུ་འབྱུང་།། རང་ཡང་ཕྱག་རྒྱ་གསལ་བར་བསྒོམ།། གནས་པ་འཁོར་ལོའི་རྩ་སྦུབས ་ན།། དངས་མ་བཅུ་གཉིས་སྙིང་གཟེར་ནི།། ཕྱི་ནང་རྩ་ཡི་སྦུབས་ན་གནས།། སྙིང་གཟེར་དབུས་ན་སྙིང་པོ་གསུམ།། ལྟེ་བ་གྲུ་གསུམ་རྣལ་མའི་མིང་།། ཟླ་གམ་གསུམ་ལ་གདུག་པའི་མིང་།། དེ་ཡིས་ཀླུ་གཉེན་ས ་བདག་འཇོམས།། ཞེས་འབྱུང་བས། ཀླུ་གཉེན་ས་བདག་གིས་ཆེར་ཟིན་ན། དྲེགས་པ་སྟོབས་ཀྱི་འཁོར་ལོ་གནས་པ་ལས། གཞི་དྲག་པོ་རུ་བསྒྱུར་བ་འཕྲུལ་པ་ནི། ཤོག་བུ་མཛུབ་གང་གྲུ་བཞི་པ་གཉིས་ལ། ཐིག་སྐོར ་གསུམ་དུ་བྱ་བ་ནི། འབྲས་བུ་གྲུ་གསུམ་དུ་བྱ་བ་ནི། འབྲས་བུ་ནག་པོའི་གནས་བྱ། ཕྱི་རིམ་འཁྲུལ་མིག་བཅུ་གཉིས་སུ་བྱ། མཐའ་མར་རྩ་བའི་དབྱིངས་ཀྱི་འདབ་མ་བདུན་བྱས་ལ། སྲིད་པའི་རུས་སྦལ་གྱི་ལྟོ་བར་བྲི། ་ཡི་གེ་བཀོད་པ་ནི། དབུས་སུ་གྲུ་གསུམ་ནང་མར་གནོད་པའི་མིང་བྲིས། ཟླ་གམ་གསུམ་ལ་མ་མོ་རྒྱལ་པོ་མཛོ་འདྲེ་བྲི། འཁྲུལ་མིག་བཅུ་གཉིས་ལ་རྩ་བའི་དྲག་སྔགས་ཡིག་འབྲུ་བཅུ་གཉིས་པ་དགོད། དེའི་ཕྱི་རིམ་རྩ ་སྦུབས་ལྟ་བུའི་འཁྲུལ་མིག་བཅུ་གཉིས་ལ། ས་ན་གའི་མཐའ་མར་སྙིང་གཟེར་གྱི་སྔགས་ཚན་རེ་བསྐོར་ལ་དགོད། དུག་ཆུ་དང་ཚ་བ་གསུམ་དང་། མནོལ་ཁྲག་བསྐུས་ལ། འཁྲུལ་འཁོར་སྦྱར་ལ་སྔོན་དམར་གྱི་ཁ ་བཙེམ། འཁྲུལ་འཁོར་ཐོད་པར་གཞུག་ཐོད་པ་དར་མཐིང་ནག་གིས་གྲིལ་ལ། དོང་གྲུ་གསུམ་རྩང་དང་བཅས་པའི་ནང་དུ་སྐྱེར་ཚེར་གྱི་སྟན་ལ་གཞག། དེའི་སྟེང་དུ་སྦྱོར་བའི་སྦལ་པ་ལ། གོང་གི་ཆུས་བྱུགས་ལ། ་གན་རྒྱལ་དུ་གཞག་སྦལ་པའི་སྙིང་གར་དྲག་པོའི་ཧོམ་ཤིང་གཟུགཉ་དང་སྟོང་ལ་མེ་སྦར་རྫས་བསྲེག་ཟོད་པ་དང་གདན་བདུག་ཕྱིང་པས་དགབ། དྲག་སྔགས་བཟླས། ཚེ་བདག་བསྒོམ། བསྐུལ་བ་བྱ། བསྟབ་པ ་བྱས་ལ། ཁྲུས་ནས་དབྱུང་། ལྔའམ་བདུན་དུ་སྦྱོར་བ་བརྩམ།། ཉིན་དང་མཚན་དུ་ཐེང་རེ་བསྲེག། ས་ནཱ་ག་སྙིང་གཟེར་སྦུར་ནན་རྦད། ས་ནཱ་ག་སྙིང་གཟེར་འདྲིད་ཕྱུང་རྦད། ས་ནཱ་ག་སྙིང་གཟེར་སོ་ལ་མྱོགས་རྦད། ས ་ནཱ་ག་སྙིང་གཟེར་དུ་རཾ་རྦད། ས་ནཱ་ག་སྙིང་གཟེར་ཡ་མ་བཟློག་རྦད། ས་ནཱ་ག་སྙིང་གཟེར་ཏ་ལ་རྦད། ས་ནཱ་ག་སྙིང་གཟེར་སརྦ་ཨུ་ནན་གཟེར་ཕྱུང་རྦད། ཐལ་འཇིམ་གནོད་པར་ཟོར་དུ་བརྡེག། ཐོད་པ ་གནོད་པའི་ས་རུ་གནན་པར་བྱ།། ཆེ་གནོན་ན་ཉ་དང་སྟོང་དག་ཏུ་སྦྱོར་བའོ།། ལུས་བསྲུང་བ་ལ་ནི་སྔགས་བཟླས་ཤིང་ལྷ་གསལ་བས་ཆོག་གོ།། གཞན་བསྲུང་བར་འདོད་ན་བདུག་ཅིང་རྟག་ཏུ་ཁྲུས་ནས་གདོན ་ནོ།། ཐོད་པ་གནོན་ན་རྒྱ་ཡིས་གཟིར་ལ་གནན་པར་བྱའོ།། གཟིར་བ་སྟོང་དང་སྦྱོར་བར་བྱའོ།། རྟེན་འཕོ་བར་འདོད་ན། དུ་བས་བསྡིགས་ལ་ཐལ་རླངས་ཀྱི་བྲབ་བོ།། བཤད་པའི་རྒྱུད་ལས་འཇམ་དཔལ་བློ་ཡིས ་བྱས།། ཉེས་ཅན་གསོ་བའི་ཕྱིར་ན་སྙིང་གཟེར་བདུན་པ་བཅའ།། མེ་རླུང་སྐྱི་འདང་འཁྲུགས་པའི་རྒྱུད་ལས། སྙིང་གཟེར་བདུན་པའི་ལེའུ་སྟེ་ཉི་ཤུ་པའོ།། །། དེ་ནས་དྲགས་པ་མངོན་ཕྱུང་སྦྱོར་བའི་རྒྱལ་པོ ་ལས། གྲུ་གསུམ་གྱི་སྦྱོར་བ་དང་། བྱད་གྲོལ་བསྲེག་ཅིང་སྙིང་གཟིར་གདུག་པའི་ལས།། རྒྱུད་ཀྱི་སྙིང་པོ་སྤོགས་པ་མེད་པ་འདི།། རང་སེམས་དབེན་པའི་གདུག་པའི་ས་ཕྱོགས་སུ།། བཀྲ་མི་ཤིས་པའི་ས་ལ་མནྟལ་བྱ།། ་ཁྲག་དང་དུག་ཆུ་ཚ་བས་ཆག་ཆག་གདབ།། དབུས་སུ་གྲུ་གསུམ་ཁྲུ་གང་ནག་པོར་བྱ།། ཟླ་གམ་གསུམ་གྱི་མཐའ་མ་ཟླུམ་པོར་བསྐོར།། དེ་ཡི་ཕྱི་རིམ་འཁྲུལ་མིག་བཅུ་གཉིས་ལ།། ལྕགས་མཁར་བར་ན་རྡོ་རྗེ་རྐྱང ་པས་གཏམས།། དེ་ཡི་ཕྱི་རིམ་རྩིབས་མཚན་ཉི་ཤུར་བྱ།། གཅོད་པའི་མཚོན་རྩ་རྩེ་མོ་ཕྱི་རུ་བསྟན།། དེ་ཡི་ཕྱི་རིམ་ཐོད་པའི་ཕྲེང་བས་བསྐོར། མཐའ་མ་མེ་རི་རཾ་དང་ལྡན།། དེ་བཞིན་ཞིང་རས་རྒྱུ་ལའང་།། བར་སྣང ་གཅོད་པའི་འཁོར་ལོ་བྲི།། གྲུ་གསུམ་ཁ་ཁྱེར་མཛུབ་གང་མཚོན་ཆས་བསྐོར།། དབུས་སུ་གདུག་པའི་གཟུགས་བརྙན་སྣ་ཚོགས་གཞག། གང་གནོད་མིང་དང་སྙིང་པོ་དུག་ཆུས་སྦྱོར།། ཟླ་གམ་གསུམ་ལ་མ་མོ་རྒྱལ་པོ ་བཙན།། འཁྲུལ་མིག་དྲག་པོ་དམོད་པའི་སྔགས་ཀྱིས་གདབ།། རྩིབས་ལ་བསྲེག་ཅིང་གཟིར་བའི་སྤུ་གྲི་དགོད།། གཟུགས་བརྙན་སྙིང་གར་ཧོམ་ཤིང་ཟུར་གསུམ་གཟུག། ཞག་ལྔ་ཐུན་བྲབ་དྲག་སྔགས་རྔམ་པར ་བཟླས།། དེ་ནས་ཞག་གསུམ་བསྲེག་ཅིང་གཟུགས་མིང་བསྟབ།། མེ་དབང་བསད་ནས་སྦྱོར་བའི་རྫས་རྣམས་བསྲེག། གང་དམིགས་བདུག་ཅིང་ཕྱིང་པ་གཙང་མ་དགབ།། ཉིན་དང་མཚན་མོ་ལན་གྲངས་བདུན་བདུན ་བདུག། དམ་པ་དཀྲུག་ལ་ལྷ་ཡི་སྐུ་རུ་བསྐྱེད། ཁྲག་སྣ་ཐུན་རྫས་རྫས་རྒོད་རྣམས།། ཐོད་པ་རེ་རུ་བླུགས་ལ་མཎྜལ་གྲུ་བཞིར་དགྲམ།། དྲག་སྔགས་སྲོད་ལ་མིས་མ་ཟོས་པར་བཟླ།། དྲག་སྔགས་སྦྱོར་བའི་རྒྱལ་པོ ་ནི།། བརྣག་པ་ཐོན་ནས་ནམ་མཁའི་འཁོར་ལོ་དང་།། ཐལ་བ་མིང་གཟུགས་མཆོད་རྟེན་གནོད་སར་མནན།། ལྷག་མ་རྗེས་ཤུལ་གར་གནོད་ཟོར་ཐུན་བརྡེག། གདུག་པ་གསུམ་སྤང་མེ་ཡི་འཁོར་ཡིན་པས།། དྲག་པོའི ་ལས་འདི་གཞན་ལ་བསྟན་པ་མེད།། ས་ནཱ་ག་རུ་རཾ། ཨུ་ནན་གཟིར་ཕྱུང་ནན། ས་ན་ག་སྦྱར་ན་ན་རཾ། སྙིང་གཟེར་སྲོག་མྱགས་རཾ། གདུག་པའི་ནད་དང་སྦྱོར་བའི་གདུག་རྩུབ་ཀུན།། ལས་ཀྱི་རྒྱལ་པོས ་བསྲེག་ཅིང་འཇོམས་པར་བྱེད།། བྷ་མ་ཧ་བཞི་ཡ་རཾ་ཡཾ་སྥུ་ཧ། ཧ་ལ་ནག་པོ་བསྲེག་པའི་མཆོག་ཏུ་བཤད།། མཛེ་ཡམས་ནག་པོ་མེ་བཞིན་མཆེད་ན་བརྩམ།། སྣང་སྣང་མི་སྤྱད་ཐུགས་ཀྱི་དཀྱིལ་ན་བཞག། ཡབ་ཡུམ ་གསུམ་དང་བཅས་པ་དྲག་ཏུ་བསྐུལ།། བསྐོར་བ་བྱ་ཞིང་ཐུན་གྱི་རྫས་རྣམས་བྲབ།། མེ་རླུང་སྐྱི་འདང་འཁྲུགས་པའི་རྒྱུད་ལས། ཁ་གསོ་ལས་ཀྱི་བསྲེག་པའི་ལེའུ་སྟེ་ཉི་ཤུ་གཅིག་པའོ།། །། བཅོམ་ལྡན་འདས ་ཀྱིས་སྦྱོར་བ་ཐམས་ཅད་འཇོམས་པ་འདི་གསུངས་སོ།། དྲག་པོ་མངོན་ཕྱུང་སྦྱོར་བའི་མཆོག། གསང་ཆེན་རྩ་བར་དྲིལ་བའི་ལས།། བརྣག་པ་སྟོབས་ཀྱི་ལས་བཤིག་པ།། དྲེགས་པ་སྟོབས་ཀྱི་ལྷ་བཞི་ཡི།། འཁྲུལ ་འཁོར་དྲག་པོ་མེ་རླུང་གི། སྙིང་པོ་མེ་དཔལ་སྟོབས་ཀྱིས་འཇོམས།། དམོད་པའི་མཚོན་ཆ་འདི་ལྟ་སྟེ།། དུར་ཁྲོད་ཞིང་རས་ཤོག་གུ་ལ།། མུ་ཁྱུད་རིམ་པ་བཞི་དང་ལྡན།། རླུང་རིས་རས་ཀྱི་འཁོར་ལོ་ལ།། དབུས་སུ་གྲུ ་གསུམ་ཟླ་གམ་གསུམ།། ཕྱི་རིམ་ལྕགས་མཁར་འཁྲུལ་མིག་བཞི།། མཚམས་བཞི་རྡོ་རྗེ་ཀ་བར་ལྡན།། ཕྱི་རིམ་ལྕགས་མཁར་འཁྲུལ་མིག་བརྒྱད།། ཞིང་གི་ཀ་བ་མཚམས་བརྒྱད་འདེགས།། ཡང་ལོགས་མཚོན་ཆ ་རྩིབས་བཅུ་གཉིས།། ལས་ཀྱི་མེ་རི་འབར་བའི་ཚུལ།། མཚོན་ཆའི་ཁང་པ་དེ་དག་ལ།། གནས་ཤིང་དགོད་པའི་ཡི་གེ་ནི།། དབུས་ན་བརྣག་པའི་སྙིང་པོ་མིང་།། ཟླ་གམ་དེ་བཞིན་རྫོགས་པར་བྲི།། ལྕགས་མཁར་བཞི ་ཡི་ཁང་པ་རུ།། སྲོག་དང་ལས་སྡུད་དགྱེ་དང་འདུད།། འབྲུ་བཞིའི་སྦྱོར་བ་ཀུན་གྱི་མཆོག་ཁང་འཁྱུད་ལྕགས་མཁར་བརྒྱད་པོ་ལ།། གཤིན་རྗེ་མ་མོའི་སྙིང་པོ་གཉིས།། མཁའ་ལྡིང་དྲེགས་པའི་སྙིང་པོ་གཉིས།། སྲེག ་བྱེད་མ་དང་སྡུད་བྱེད་གཉིས།། རུས་སྦལ་ཡ་མའི་སྙིང་པོ་གཉིས།། ལྕགས་མཁར་བང་རིམ་རེ་ལ་དགོད།། མཚོན་ཆའི་ཁང་པ་བཅུ་གཉིས་ལ།། དུག་ལྔའི་སྦྱོར་བ་བཤིག་པ་ཡི།། དྲག་པོའི་མཚོན་ཆ་སྤུ་གྲི་དགོད།། མེ ་ལྷའི་སྙིང་པོ་སྤོར་བ་དགོད།། འཁྲུལ་འཁོར་མཚོན་ཆ་མེ་དཔལ་སྔགས།། སྦྱོར་བའི་རྒྱལ་པོ་ཀུན་འཇོམས་འདི།། མེ་རླུང་ལས་ཀྱི་མཚོན་ཆས་གཅོད།། རྫས་རྣམས་ཀུན་ལ་ཁ་སྦྱར་གྲིལ།། དུར་མ་བཅུག་པ་རེ་བས ་གཏུམ།། རྩ་བཅས་གྲུ་གསུམ་སྐྱེར་པའི་སྟན།། ཞི་ལྤགས་སྟེང་ན་ཧོམ་ཤིང་གཟུག། ལྷ་བསྒོམ་སྔགས་དང་ཐུན་གྱིས་བྲབ།། དུ་བའི་རྫས་ལ་བདུག་ཅིང་བྲབ།། དྲག་ཏུ་བསྐུལ་ཞིང་ཡུལ་ལ་ཟད།། བདུན་ནམ་ལྔ་རུ་ཉ ་སྟོང་བརྩམ།། སྦྱོར་བ་ཐོན་ནས་འཁྲུལ་འཁོར་དྲིལ།། ཚེས་གྲངས་གཅིག་དང་བཅུ་དྲུག་ལ།། སོགས་པ་བདེ་བའི་གནན་པ་བྱ།། ཞི་ཁྲོ་ཕུར་པ་གཤིན་རྗེ་རྣམས།། འཁོར་ལོ་རུས་སྦལ་ཐོད་ཆེན་གཞུག། དཀྱིལ་འཁོར ་ཆེན་པོའི་འོག་ཏུ་མནན།། མཁའ་ལྡིང་དྲེགས་པ་ཀླུ་རྒྱལ་རྣམས།། འཁྲུལ་འཁོར་ཚེ་བདག་ལྟོ་བར་གཞུག། འབྲོང་ཆེན་ཐོད་པར་རོ་ཁུང་མནན།། མ་མོ་བདུད་མོ་སྲིན་མོ་རྣམས།། འཁྲུལ་འཁོར ་ཉན་ཐོས་ཐོད་པར་གཞུག། བཀའ་རྟེན་བྱིན་ཆེན་འོག་ཏུ་མནན།། བདུད་དང་མུ་སྟེགས་མགོན་པོ་རྣམས།། འཁྲུལ་འཁོར་གཡག་རུ་གཡས་པར་གཞུག། རོ་ཁང་སྒོ་དྲུང་འོག་ཏུ་མནན།། རྒྱལ་པོ་དགེ་བསྙེན་དཀོར ་སྲུང་རྣམས།། སྦྲང་ཀི་དར་མའི་ཐོད་པར་གཞུག། སྐྱེ་ཙང་ལ་མཁའི་བཞི་མདོར་མནན།། བཙན་དང་སྲོག་བདག་དྲེགས་པ་རྣམས།། ཤ་རུ་སྦྱང་ཐོད་གོང་གསུམ་མནན།། ཀླུ་བདུད་དམ་བདུད་ཕུག་བདག ་རྣམས།། བོན་པོའི་ཐོད་པར་ལྷ་ཁང་མནན།། ཟེའུ་རང་ཆགས་འགོང་ཤིན་རྡོག་རྣམས།། གླང་རུར་བཅུག་ལ་ལམ་མདོར་མནན།། ས་བདག་ཀླུ་གཉེན་མཛེ་འདྲེ་རྣམས།། འཁོར་ལོ་ཕག་མོའི་ལྟོ་བར་གཞུག། ཕག་ཟོད ་བཀའ་རྟེན་འོག་ཏུ་མནན།། བོན་པོ་རིགས་གཉིས་འཛིན་པ་རྣམས། ཁྱི་ཐོད་བཅུག་ལ་ཁྱི་ཚང་མནན།། སྲི་ཅན་ཆུང་ཐོད་ཐེམ་འོག་མནན།། ཏིང་འཛིན་སྦྱོར་བ་བདག་དབང་བསྡུད།། ས་གཞི་སྦྱོར་བ་མནན ་པའོ།། བར་སྣང་མིང་བཅས་མཆོད་རྟེན་མནན།། ནམ་མཁའ་བསམ་གཏན་མཆོག་གི་ལས།། འཁྲུལ་འཁོར་མེ་རླུང་ཀུན་འཇོམས་མཚོན།། མེ་རླུང་སྐྱི་འདང་འཁྲུགས་པའི་རྒྱུད་ལས། དྲག་པོ་གཤིན་རྗེའི་ལས་མངོན ་དུ་ཕྱུང་བའི་ལེའུ་སྟེ་ཉེར་གཉིས་པའོ།། །། བཅོམ་ལྡན་འདས་ཚེ་བདག་ནག་པོ་ཐམས་ཅད་འཇོམས་པ་དེས། དྲག་པོ་མངོན་ཕྱུང་སྦྱོར་བའི་མན་ངག་འདི།། སྲུང་བ་ཀུན་གྱི་མཆོག་ཏུ་དྲིལ།། ཕྱག་རྒྱ་ཆེན་པོའི ་བསམ་གཏན་གྱིས།། རྣལ་འབྱོར་སྲུང་བའི་ཆོ་ག་མཆོག། རྣོ་དཔལ་སྟོབས་དཔག་མེད་པའོ།། དེ་ཡི་སྦྱོར་བ་འདི་ལྟ་སྟེ།། དྲི་ཆེན་བདུད་རྩི་དྲི་དང་ཆུ།། རྫས་དང་བཅས་ཏེ་སྟེགས་བུ་ལ།། ལྷ་བསྒོམ་སྔགས་བཟླས་རྟག ་ཏུ་བཀྲུ།། ཡན་ལག་བུམ་པས་བསྲུང་བ་མཆོག། ཟིལ་གནོན་ཕྱག་རྒྱའི་སྐུར་གསལ་བྱ།། རྫོགས་པའི་ལྟོ་བར་སྲོག་བསྡུས་ལ།། དྲག་སྔགས་བརྒྱ་བརྒྱ་རྒྱུན་དུ་བཟླ།། བསམ་གཏན་རྩ་བའི་སྲུང་བ་མཆོག། དབུས་ལ ་ནམ་མཁའི་འཁོར་ལོའི་སྔགས།། རྩིབས་བཞིར་དྲེགས་པའི་སྙིང་པོ་ཨེ།། ཐུགས་ཀར་རིགས་པའི་འཁོར་ལོའི་སྔགས།། རྩིབས་བཞི་དབུས་ན་འབྲུ་ལྔའི་མཆོག། ལྟེ་བར་འབྱུང་བའི་འཁོར་གྱི་སྔགས།། རྩིབས་བཞིར ་ཧེ་དུན་ཡ་དང་ཨ།། གསལ་བས་སྟོང་གསུམ་དབང་དུ་སྡུད།། འཁོར་ལོ་རྒྱུན་གྱི་སྲུང་བའི་མཆོག། དྲག་པོ་སྔགས་ཀྱི་དམོད་པ་ནི།། སྙིང་པོ་ངང་དང་ཤུགས་ཀྱིས་དྲངས།། རྔམ་ཚིག་དྲག་ལ་གཏུམ་པའོ།། ས་ནཱ་ག་ཙིཏྟ ་རོ་མྱགས་ཁ་ཐཾ་སྲོག་ལ་གཟིར་མནན་སྦུར་ནན་འདྲིད་ཕྱུང་ཧྲི་ཤག་རྦད། བཟླས་པས་མི་འཆོར་ཐམས་ཅད་འཇོམས།། གསལ་བས་བདག་བསྲུང་བརྟན་པའི་མཆོག། འདི་བཟླས་པ་ལ་དུས་རྣམ་པ་གཉིས་ཏེ། ཟ་མ ་རྒྱུན་དུ་སྟོང་བཟླས་པ་ནི། འཇམ་པོར་བསྲུང་བའོ།། ཞག་ལྔའམ་བདུན་དུ་ཁྲི་ཁྲི་བཟླས་པའི་དུས་ནི། ནམ་མཁའ་ལས་ཟོག་སེར་དང་ལྕེ་འབབ་པའི་དུས་དང་། ས་གཡོས་དང་རིམས་རླངས་དང་ཐབས ་འོང་བའི་དུས་དང་། རྦོད་གཏོང་གི་དམ་འཁྲུགས་པ་དང་ཤི་ཁ་ཕྱེ་བ་དང་། མཛེ་རིམས་མེ་བཞིན་མཆེད་པ་དང་། དུས་མ་ཡིན་པའི་སྒྲ་དང་། ཆུ་དང་མཚོན་དར་བའི་དུས་བཟླས་པ་ནི། དྲག་ལ་རྩུབ་པའི་སྲུང ་བའོ།། སེ་ཕུར་ཁ་འཐབ་ཤུགས་དང་འབྲེལ།། ཟོར་དུ་ཕོ་ཉ་སླར་ལ་བཟློག། འཁོར་ལོ་མནན་པ་ལྟོ་བར་འབྲེལ།། འཁྱམས་ཤིང་སླར་ལོག་གསང་ལམ་གྱིས།། སྔགས་ཀྱི་དུག་མདའ་ཁོང་ནས་འཕེན།། སྲུང་བའི་རྒྱལ ་པོ་ལུས་སྲོག་འབྱེད་ཀྱང་སྤེལ་བ་མིན། མེ་རླུང་སྐྱི་འདང་འཁྲུགས་པའི་རྒྱུད་ལས། སྔགས་དང་དུག་མདའ་ཁོང་ནས་དབྱུང་བའི་ལེའུ་སྟེ་ཉི་ཤུ་གསུམ་པའོ།། །། དེ་ནས་བཅོམ་ལྡན་འདས་ཀྱིས། དྲག་པོ་སྔགས་ཀྱི ་གདུག་པ་དུག་མདའ་ཁོང་ནས་དབྱུང་བ་ནི། ཞལ་གྱི་དམོད་པ་སྔགས་དང་ངན་སྔགས་རྩུབ་མོའི་ནུས་པ་ཞུགས་པ་སྟེ། དེའི་འཁྲུལ་འཁོར་དྲག་པོ་བཅའ་བ་ནི།། ཐོད་པ་བཀྲ་མི་ཤིས་པའམ། ཡང་ན་ཐོད་པ་དུར ་མའི་སྤྱི་བོར་མུ་ཁྱུད་བཞི་རུ་བསྐོར་ལ།། དབུས་སུ་གྲུ་གསུམ་ལ་གནོད་བྱེད་ཀྱི་མིང་ཁྲག་གིས་བྲི། དེའི་ཕྱི་རིམ་ལ་གནོད་བྱེད་ཀྱི་མིང་ཁྲག་གིས་བྲིས།། དེའི་ཕྱི་རིམ་སྦྲུལ་གྱི་ཆུན་པོ་བྲི། མཐའ་མ་མེ་རི་ནང་དུ་བསྟན ་པ་བྲིས་ལ། དོང་གྲུ་གསུམ་གྱི་ནང་དུ་གཞུག་ཐོད་པ་གླིང་བཞི་པ་གཅིག་གི་ནང་དུ་མུ་ཁྱུད་བཞི་རུ་བསྐོར་ལ། དབུས་སུ་དྲེགས་པ་ལྔའི་སྙིང་པོ་བྲི། དེའི་ཕྱི་རིམ་རྩིབས་བཞིར་བྱས་ལ། དྲག་པོ་སྟོབས་ཀྱི་ཀླུ་བཞིར ་དགོད། དེའི་ཕྱིར་རིམ་རྩིབས་བརྒྱད་ལ། རྩ་བའི་དྲག་སྔགས་འབྲུ་བརྒྱད། ཟ་མ་རྩིབས་བཅུ་རུ་བྱས་ལ། དུག་མདའ་དབྱུང་བའི་སྤུ་གྲི་དགོད། ཟོད་པ་འོག་མར་ཁྲག་སྣ་ལྔ་བླུགས་ལ། ཟོད་པ་གཉིས་ཁ་སྦྱར་སྟེང་མ ་ལ། ཐུན་ཁུང་བཏོད་ལ་ཐུན་དབབ་པ་ནི། རྡོ་ཕྱེ་དང་ལྕགས་ཕྱེ་དང་ཟངས་ཕྱེ་དང་། ལྕགས་ཕུར་དང་། སེང་ལྡེང་གི་ཕུར་པ་རྣམས་ལ། སྔགས་བཟླས་ལ། གང་དམིགས་པའི་ལུས་བདག་གི་འོག་ཏུ་མནན་ལ་ཕུར་པ ་དང་ཐུན་རྫས་བྲབ་ཀྱིན་ཐོད་པར་བསྟིམ་མོ།། སྔགས་ཀྱང་དྲག་ལ་བར་མ་ཆད་པར་བཟླ། ཐོད་པའི་འཁྲུལ་འཁོར་ཞིང་གི་མེ་ལ་བདུག། མན་ཏྲ་གྷུ་ཧྱ་སརྦ་དུམ་ནན། འདྲིད་ཕྱུང་། ཁྲི་ཚོ་བཅུའི་ལས་རྫོགས་ནས། ཟོར ་བྱ་བ་ནི། གང་དམིགས་པའི་བུ་ག་རྣམས་ལས་ཁྲག་བཏོན་ལ། ཐོད་པ་འོག་མ་ཁྱི་ནག་པོ་དོམ་པོ་དང་། རྟ་ནག་པོ་དང་། ར་རོག་པོ་དང་། རབས་ཆད་ནག་པོ་དང་། དཔའ་བོ་གྲི་རུ་བསད་པའི་ཁྲག་དེ་རྣམས་བླུགས ་ལ་དུག་གི་ཆུས་སྦྱངས་ཏེ། ནམ་གྱི་གུང་ལ་གར་གནོད་པའི་ས་རུ་འཕང་ངོ་།། ལན་བདུན་ནམ་དགུ་རུ་བྱས་ནས། མཐར་ཐོད་པའི་སྟེང་འོག་མ་ནོར་བར་དཀྱིལ་འཁོར་ཆེན་པོའི་འོག་ཏུ་གནན་པ་བྱས་ན། སྔགས་ཀྱི ་དུག་མདའ་དང་། མ་མོའི་དུག་བྱད་དང་། ཀླུ་གཉན་ས་བདག་གི་དུག་ནད་རྩ་ལ་ཞུགས་པ་ཀུན་ཁོང་ནས་འབྱིན་པར་འགྱུར་ནུས་སོ།། དུག་མདའ་ཁོང་ནས་དབྱུང་བའི་དྲག་སྔགས། དྲག་པོ་ཐོད་པའི ་འཁོར་ལོ་མངོན་དུ་ཕྱུང་བའོ།། གཞན་བསྲུང་བ་དང་ཐུན་མོང་དུ་སྤྱོད་ན། གཡག་རུ་གཡས་པ་རྩེ་མོ་མ་བཅད་པར་སྔགས་ལ་ཟོར་འཕང་ངོ་།། མེ་རླུང་སྐྱི་འདང་འཁྲུགས་པའི་རྒྱུད་ལས། དྲག་པོ་ཐོད་པ་མངོན་དུ་ཕྱུང ་བའི་ལེའུ་སྟེ་ཉི་ཤུ་བཞི་པའོ།། །། དྲེགས་པ་ལྔའི་ཞལ་གྱི་དམོད་པ། མན་ངག་ཀུན་གྱི་རྩ་བ། བསྒྲུབ་པ་ཀུན་གྱི་སྙིང་བཅུད་དུ་ཕྱུང་བ། དྲག་སྔགས་ཐམས་ཅད་ཀྱི་ཉིང་ཁུ་ཕྲིན་ལས་ཐམས་ཅད་ཀྱི་མཆོག་བསྡུས ་པའོ།། ངན་སྔགས་ཐམས་ཅད་ཀྱི་རྒྱལ་པོ།། བདུད་ཀྱི་ཁོང་ལྟོ་ཉེ་བར་དྲིལ་བ། དྲག་པོ་བཙན་ཐབས་ཀྱི་སྔགས་རྒོད། སྲོག་དམར་ལེན་དྲག་སྔགས། བསད་པ་ཀུན་གྱི་མཆོག་བསྡུས་པའོ།། རྣལ་འབྱོར་བ་དྲང་གསུམ ་དང་ལྡན་པའི་བརྟུལ་ཞུགས་རབ་འབྱམས་ཀྱི་དབང་ཐོབ་པ། ཐུགས་ཀྱི་མན་ངག་ཞལ་གྱི་ཡིག་ཆུང་ཐོབ་པར་བྱས་ལ། ལས་གང་ཡང་བཙན་ཐབས་སུ་ཉེ་བར་བརྩམ་པར་བྱའོ།། དེ་ཡང་ལུང་ལས། དུར་ཁྲོད་དབེན ་པའི་བདེ་གནས་སུ།། རང་སེམས་དབེན་པའི་མཚམས་བཅད་ལ།། དཔའ་བརྟུལ་དམོད་པའི་དྲག་སྔགས་བཟླས།། དུར་ཁྲག་རྒྱུ་ལ་ཙཀྲ་བཅའ།། མུ་ཁྱུད་བཞི་དང་ལྡན་པར་བསྐོར།། ལྟེ་བར་གྲུ་གསུམ་མཱ་ར ་ནརྀ།། གཉིས་པ་རྒྱ་གྲམ་ཨེ་དུན་ཀ་ཡ་དགོད།། གསུམ་པ་རྡོ་རྗེའི་རྭ་བརྒྱད་ལ།། སྲོག་ལ་བྲེང་བྲེང་སྲོག་ལ་གསུམ།། དུན་དུན་བཞི་ལ་སྲོག་ལ་རྦད་དང་ལྔ། ཁམ་ཤག་དྲུག་ལ་རྩ་ལ་རྦད་དང་བདུན།། སྲོག་ལ་ཞེས་པ ་བརྒྱད་དུ་དགོད།། ཡང་ལོགས་ཆུ་ཡི་མུ་ཁྱུད་ལ།། གང་བསྒྲུབ་བསད་སྔགས་ལྟོ་སྡེབ་དགོད།། ཐ་མའི་རྒྱ་གྲམ་རྩིབས་བཅུ་ལ།། མྱོགས་དང་རྦད་དང་ཁྱེར་དང་ཕྱུང་།། མུགས་དང་ཏིང་དང་ལིང་དང་བཤག། ལོང་དང ་རྦད་རྣམས་རེ་རེར་དགོད།། སྲིད་པའི་རུས་སྦལ་ལྟོ་བར་བཅའ།། ཁ་སྦྱར་ཚར་རྫས་ཀྱི་ཡང་གྱི་སྦལ་པར་གཞུག། དེ་ནས་ཚོན་སྐུད་ཕག་མོའི་ལྟོར།། གཉེན་ནམ་མཆོད་རྟེན་ནག་པོ་ལ།། ཉིན་དང་མཚན་རེས་གང་བརྩམ ་འགྲུབ།། ཕྱག་རྒྱ་ཟིལ་གནོན་བསམ་གཏན་བསྒོམ།། རང་ཡང་རང་ལ་གབ་པར་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས། ཕྱག་རྒྱ་བསམ་གཏན་གྱི་ལེའུ་སྟེ་ཉེར་ལྔ་པའོ།། །། དེ་ནས་ཡང་། ཨེ་དུན་ཀ ་ཡཾ་དགྲ་བོའི་སྲོག་ལ་བྲེང་བྲེང་སྲོག་ལ་དུན་དུན། སྲོག་ལ་རྦད། ཁཾ་ཤག་རྩ་ཟད། སྲོག་ལ་ཕྱོགས་རྦད། ཁྱེར་ཕྱུང་། མུགས་ཏིང་ལིང་ཤག་ལོང་རྦད། ཨ་པ་ད་ར་ཡཾ་རྦད། རག་ཏི་ཁས་རྦད།། ཞེས་གསུངས་པས། འདི ་ཀུན་གྱི་མཆོག་བསྡུས་པ་ས་ཡིན་པས་སྣང་སྣང་མི་བརྩམ། ནག་པོ་ཡི་ནི་དཀར་པོའི་བདམ།། ཐ་ཆུང་བཞི་ལ་དུས་ཚོད་བདམ།། རྒྱུན་གྱི་ཁོང་ལྟོ་ཡིན་པས་ཀུན་ལ་མི་འཕྱར།། བརྟུལ་ཞུགས་རབ་ཀྱི་སྨད་ལ་གཞན ་དུ་མ་སྤེལ།། དྲག་སྔགས་ཚད་དང་ལྡན་པར་ཆུ་བོའི་རྐ་མི་གཅད།། སེམས་ཀྱི་དྲོད་ལ་བརྟག་ཅིང་རྨི་ལམ་རྟགས་ལ་མིན།། དམར་ལེན་ཁྲི་བཟླས་ཕྱག་རྒྱ་ཡང་གསལ་གདབ།། སོམ་ཉི་ལེ་ལོ་མི་བྱ ་ཚོགས་དང་གཏོར་མ་མིན།། ཐེ་ཚོམ་གཡེང་བ་མེད་ལ་དམ་རྫས་བརྟེན་མི་དགོས།། དགེ་བ་རྒྱུན་མ་གཅད་པར་སྐུལ་ཚིག་གཡེང་བ་མེད།། འཁོར་ལོ་ཐོད་པར་བཅས་པ་རྒྱ་ཡིས་གཟིར་བ་ཡིན།། ས་སྲོས་ཀླུ་གཟིར ་ཕྱོགས་སུ་རྔམ་པས་བགྲོད།། དམིགས་པ་ཕྱིན་ནས་མགོ་གཞུག་དྲིལ་ཞིང་གཟིར།། རལ་གྲི་ཕྱག་མཚན་ལྟོ་བཞི་བཤགས་ལ་བསྐོར།། ཟོད་སྟན་དང་བཅས་གྲུ་དོང་སྦས་ལ་བཅག། འབྱུང་བ་བཞི་དང་རི་རབ་ཕོ་བྲང ་བསྐྱེད།། རྒྱ་གྲམ་སྟེང་དུ་ལས་ཀྱི་རྒྱལ་པོས་གནན།། བརྒྱ་བཟླས་རང་གི་ཕྱག་རྒྱ་བསམ་གཏན་བསྒོམ། ཁ་གསོ་མཐའ་རུ་འཕྱ་མ་ཧ་ཡིས་འཕང་།། རང་ལུས་རྡོ་རྗེའི་གོ་གོན་གཞན་གྱི་མཚོན་ཆ་ཁ་སྙིལ།། ཕྱག་རྒྱ ་བརྟན་པའི་དབང་ཐོབ་རྐྱེན་གྱིས་ཤིགས་མི་སྲིད།། མཚོན་ཆའི་རྒྱལ་པོ་དམར་ལེན་གཞན་གྱི་ལུས་སྲོག་འབྲལ།། སྲིད་པ་གདུག་པའི་ལྟོར་ཆུད་འཆོར་ཞིང་འགྱུར་མི་སྲིད།། དྲག་པོ་སྲོག་གཅོད་ཡིན་པས་སྤྲུལ་པ་བླ ་མའི་ཁྱབ།། རྫུ་འཕྲུལ་སྟོབས་ལས་སྐྱེས་པའི་གདམས་ངག་དྲག་པོ་གབ།། མེ་རླུང་སྐྱི་འདང་འཁྲུགས་པའི་རྒྱུད་ལས། མཚོན་ཆའི་རྒྱལ་པོ་དམར་ལེན་གཞན་གྱི་ལུས་སྲོག་འབྲལ་བའི་ལེའི་སྟེ་ཉེར་དྲུག ་པའོ།། །། དེ་ནས་ཡང་བཅོམ་ལྡན་འདས་ཀྱིས། དྲག་སྔགས་ཀྱི་དེ་ཁོ་ན་ཉིད། སྲོག་དམར་ལེན་གྱི་སྦྱོར་བ། བཅོམ་ལྡན་འདས་དཔལ་ཚེ་བདག་ནག་པོའི་སྙིང་པོ་དོན་གྱི་མན་ངག་ལས་ཁྱད་པར་དམར་ལེན་དྲག ་པོ་ནི། བདག་དོན་ཐབས་ཀྱིས་གྲོལ་བའི་ལས།། བ་དང་འོ་མ་ཞོ་དང་མར།། ཞུན་མར་སྣུམ་གྱི་སྙིང་པོའི་ཚུལ།། སྙིང་པོ་སྦྱོར་བ་བསད་དང་གསོ།། བསད་གསོ་ཁྱད་པར་སྦྱོར་བ་དག། གཡེང་མེད་བསྟན་དང་གྲོལ ་དབང་གཅེས།། སྟོབས་དང་སྦྱོར་བའི་སྙིང་ཕྱུང་འདི།། གོང་མཐུན་རྒྱུ་ལ་ཙཀྲ་བཅའ།། རྫས་དང་ཐང་པའི་སྦྱོར་བ་མིན།། དཔའ་བརྟུལ་དྲག་པོའི་སྟོབས་ཀྱིས་སྤྱད།། གདུག་བྱེད་ཕག་མོའི་ལྟོ་བ་རུ།། སྲིད་པའི་ཁྱམས ་ཁང་སྲོག་སྡུད་བཅའ།། ཁྱམས་ཁང་ལྟེ་བར་བརྣག་པའི་གཟུགས།། མིང་གཟུགས་སྙིང་གར་མཚོན་ཆ་བྲི།། ཕྱི་རིམ་རྒྱ་གྲམ་རྩ་བའི་སྔགས།། ཡང་ལོགས་བཅུ་གཉིས་སྤུ་གྲི་དགོད།། རུས་སྦལ་ལྟོ་བའི་ཕྱོགས་མཚམས ་ལ།། རྩིབས་ཆེན་བཅུ་གཉིས་རྩེ་མོ་ན།། བསད་པ་དྲག་པོའི་སྤུ་གྲི་ལྡན།། ཕག་མོའི་ལྷོན་རྩིབས་བཅུ་གཉིས།། རྩེ་མོ་ནང་བསྟན་སྤུ་གྲི་དགོད།། འཁྲུལ་མིག་ཁྱམས་ཁང་མིང་རུས་གང་།། དོན་གཉིས་བསྡུས་ལ་སྦྱོར་བ ་བསྐུལ། ཁ་སྦྱོར་ཐོད་པ་དོང་རྩ་བཅལ།། རྒྱུ་རྐྱེན་དྲུག་གི་རྟེན་བཅས་ལ།། ཐོད་པར་བཅུག་ལ་མཐིང་ནག་དག་པ།། བསྒོམ་བསྐུལ་དྲག་སྔགས་བསྣོལ་མར་བསྐུལ།། རབ་ཀྱི་རྐང་ཟོན་བསྣོལ་མར་གཅོད།། བློ ་འབྲིང་ཐ་མས་བརྒྱ་བརྒྱ་བསྣོལ།། རང་སྔགས་ཕག་མོའི་སྒྲ་གྲི་བརྡེགས།། དབུགས་ཀྱི་རྟར་བསྐྱོན་ཡུལ་ལ་འཕང་།། གསང་ལམ་སྒོ་དགུ་རྩ་ལ་འཇུག། རང་བདུད་གཤེད་མ་རང་ལས་ལྡང་།། འོད་ཀྱིས ་དུག་ལྔ་གནས་སུ་འཇོམས།། ལུས་སྲོག་དྭངས་སྙིགས་འབྱེད་ཅིང་སྡུད།། སྐུ་ལྔ་ཛྙཱ་ན་པཉྩར་སྨིན།། འགྱུར་མེད་རྟགས་སྟོབས་དཔག་ཏུ་མེད།། སྙིགས་མའི་ཡི་གེ་རྟེན་ལ་དབབ།། རིག་པ་བདེ་བའི་ཀློང་ལ ་འཕོ།། དམར་ལེན་བསྐྱེད་པའི་ཁོང་ནས་སྲོག། ཙིཏྟ་དཀར་ནག་ཞུན་ཐབས་ཚུལ།། བརྣག་པའི་རྟེན་ནི་ཞུ་ཞིང་ཁོལ།། ཙ་ནའི་འབྲས་བུས་ལེན་ཅིང་སྡུད།། སྡུད་པའི་ཡི་གེ་གསུམ་དང་ལྡན།། ཡ་ཡིས་འཕྲུལ་སྦྱོར་ར ་ཡིས་བསྲེག། ཐོད་པར་སྙིང་པོ་བཅུད་བསྡུས་བྱས།། ཟོན་གཟིར་ཕུར་པས་གདབ། ཡི་གེ་བྱིན་ཅིང་རྟེན་དུ་བརྟག། སྟེང་འོག་ཚངས་པའི་རྩ་ལ་བརྟག། རྟེན་ཅན་ཀླུ་གཟིར་གདུག་པ་གཏད།། ཀླུ་ལས་བཅུད་སྤངས ་འགྲིན་ཟླར་གཏད།། གཞན་དུ་ལྷ་ཡི་སྙིང་པོ་བཅུད།། འགྱུར་མེད་བརྟན་པ་སྟོབས་དཔག་མེད།། ཧ་ལ་ཁང་ཞེས་དུས་ལ་མཐོ།། སྦྲུལ་སྐུ་ཕྱག་རྒྱ་སྐུ་བསམ་ཡས།། ཐོབ་ཅིང་བགྲོད་པ་སྔགས་ཀྱི་སྟོབས།། དྲག་སྔགས ་སྦྱོར་ན། ཨེ་མྱགས་ཡ་རྔུབས་མུགས་ཤག་ཀ་དུན་དགྲ་བོ་ཧུར་བྲུཾ་ཛ། རྩ་ཁྲག་སྙིང་བྲུཾ་རི་ལ་རཀྵ་རྦད། ཙིཏྟ་བྲེང་ཤག་ཛ། སྲོག་ལ་ཧུར་བྲུཾ་རྦད། མཆོད་སྦྱོར་བའི་སྟོབས་ཞན་ནས།། སྟོབས་ཆེན་དྲག་པོ་ནང་རྒྱས ་ན།། དྲག་སྔགས་ཡོན་ཏན་གཉིས་སུ་བསྐྱེད།། མི་གཅོད་འགྱངས་ན་དཀྲུགས་ནས་སྤོགས།། ཨེ་མྱགས་ཡ་རྔུབས་སྦུབས་ཡ་དུན་ཤག་སྲོག་བྲུཾ་རཾ་ཛ་ལ། ཧུར་རྩ་ཁྲག་དམར་སྙིང་བྲུཾ་རྦད་བྲུཾ། སྙིང་པོ་མན་ངག་ཀུན ་གཅོད་འདི།། དཀར་དམར་འཕྲད་ན་ཙིཏྟ་ཚོང་།། བྷུ་ཏི་བྷ་ནི་མ་ནོར་ཡིན།། ཏ་ཐཱ་ག་ཡི་གླང་པོ་རྟ་ཡི་མཆོག། ཀ་མ་ར་ཙ་མ་ར་ན། ཧ་ལ་ཀ་ལ་ཙ་མ་རི།། རུ་ཏྲ་ཏིར་ཏི་མཱ་ར་ཡ།། ནརྀ་ཀར་མ་བྱེད་བྷ་ས་ར།། གྷུ་ཧ་ས་བའི ་མཆོག་བསྡུས་འདི།། རང་གི་སྙིང་ལ་སོ་ཕག་ཐཾ།། མེ་རླུང་སྐྱི་འདང་འཁྲུགས་པའི་རྒྱུད་ལས། ཁྱད་པར་དམར་ལེན་གྱི་སྦྱོར་བའི་ལེའུ་སྟེ་ཉེར་བདུན་པའོ།། །། དེ་ནས་བཅོམ་ལྡན་འདས་ཀྱི་སེང་གེའི་ཁོག་པར ་ཤིག་པའི་སྦྱོར་བ་འདི་གསུངས་སོ།། བྱིན་ཆེན་བདེ་བའི་གསང་གནས་སུ།། གསང་བ་མཆོག་གི་སྦྱོར་བ་བརྩམ།། བྷི་ལ་ཁོང་འདུས་ཁོང་དྲེགས་ཅན།། ཧ་ལ་ནག་པོ་ཡ་མའི་ཀློང་།། བེ་ག་ཏ་ཡི་འཇིག་རྟེན་ན།། ཡ་མ ་རཀྵའི་བདེ་ཀློང་དུ།། སྒྱུ་མའི་སྙིང་པོའི་གནས་སྦྱངས་ལ།། ཐུགས་ཀྱི་བདེ་བ་གཉིས་མེད་སྤྲོ།། དེ་ཡི་སྦྱོར་བ་འདི་ལྟ་སྟེ།། འདུལ་ཁྲིམས་ཉམས་པའི་གོས་བླངས་ལ།། རྡོ་ལྕགས་ཟངས་ཕྱེ་དུག་ཆུས་བསྐུ།། ཆ་གཉིས ་བྱས་ལ་ཐིག་གདབ་བརྩམ།། ཟིལ་གནོན་ཕྱག་རྒྱ་དཔང་གཟུག་བསམ།། དྲག་སྔགས་དམོད་པ་སྟོད་དུ་སྦྱར།། ཐ་ཆུང་བཞི་ཡི་མར་ངོ་ལ།། ཉི་ཤུ་དྲུག་ནས་འཁྲུལ་འཁོར་བཅའ།། དབུས་ནས་ཐིག་སྐོར་བཞི་རུ ་བསྐོར།། དབུས་སུ་གྲུ་གསུམ་བདེ་གནས་སུ།། སྐུ་ཡི་གཟུགས་བརྙན་བྲིས་ལ་མིང་།། ཟླ་གམ་གསུམ་ལས་སྲུང་བའི་ལྷ།། ཕྱི་རིམ་བཅུ་གཉིས་གསང་བའི་སྔགས།། ཡང་ལོགས་འཁོར་ཡུག་འབོད་རྦད ་སྔགས།། ནརྀ་དང་ཕྱི་ནང་གོང་མ་བཞིན།། མཐའ་མའི་འཁྲུལ་མིག་བཅུ་དྲུག་ལ།། གསོད་ཅིང་གནོན་པའི་སྤུ་གྲི་དགོད།། སྲིད་པའི་རུས་སྦལ་ལྟོ་ན་གནས།། དུག་དང་ཁྲག་གིས་ངར་བླུད་ལ།། རྗེའམ་ཡུལ་སྲུང་ཐོད ་པར་གཞུག། རྩང་བཅས་དོང་དུ་མཐིང་ནག་དགབ།། དམིགས་མེད་ངང་ལས་ཡེ་ཤེས་ཀྱི།། རོལ་པ་ཕྱག་རྒྱ་ཆེན་པོར་འཕྲོ།། དྲག་ཏུ་བསྐུལ་གྱིན་ཤུགས་ཀྱིས་འཕང་།། མཁའ་ཁྱབ་རྡོ་རྗེའི་སྦྱོར་བས་ཏེ།། དམོད་པའི ་ལུས་ལ་སྤུ་གྲི་གདགས།། མིང་རུས་མི་སྦྱར་ཁྱམས་ལ་བཅད།། རྒྱ་མདུད་བརྩེགས་པའི་ལྷོ་རུ་གནན།། ཡང་ན་དཀྱིལ་འཁོར་ཆེན་པ་ཡི།། འོག་ཏུ་བཀའ་ཡི་བྱིན་བསྡུས་ལ།། རིན་པོ་ཆེ་ཡི་ལྷོ་རུ་གནན།། བཤགས་དང ་དགེ་བ་རྒྱུད་མི་གཅད།། འབྱུང་བ་ལྔ་ཡི་དྭངས་བསྡུས་ལ།། རིན་པོ་ཆེ་ཡི་རྒྱས་པར་བསྟན།། རྒྱུ་ཡི་སྙིགས་མའི་སྲོག་བསྡུས་ལ།། དབུས་ཀྱི་འབུབ་གནས་གཟུགས་ལ་བསྟིམ།། ས་དང་ཆུ་དང་མེ་དང་རླུང་།། ནམ ་མཁའི་དབྱིངས་ཀྱི་ཁོངས་སུ་གཞུག། དམིགས་པ་དག་པའི་ཚད་མ་གདོན།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་ལས་ཡེ་ཤེས་སྔགས་ཀྱི་སྤུ་གྲི་བཏོན་ཏོ།། གྷུ་རུ་ནརྀ་སྲོག་མྱོགས་བྲུཾ་རིལ་ཟད། ་སྲོག་སྟཾ་བྷ་ཡ་ནན།། བགྲོད་པ་མེད་པའི་ཕྱག་རྒྱར་བསྟན།། སེང་གེ་ཁོག་བཤིག་གི་སྦྱོར་བ་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས། སེང་གེ་ཁོག་བཤིག་སྦྱོར་བའི་ལེའུ་སྟེ་ཉེར་བརྒྱད་པའོ།། །། དེ ་ནས་ཡང་བཅོམ་ལྡན་འདས་ཀྱིས་དྲག་སྔགས་གནམ་ལྕགས་ཀྱི་སྦྱོར་བ་འདི་བཤད་དོ།། རང་སེམས་དབེན་པའི་གནས་མཆོག་ཏུ།། དམ་ཚིག་མཆོག་གི་མཚམས་བཅད་ལ།། ཞིང་རས་ལྤགས་ཤུན་ཁྲུ་གང་ལ།། སྦྱོར ་བའི་རྒྱལ་པོ་གསུམ་སྦྱར་ལ།། མཆོག་དང་ལྡན་པར་རྒྱ་བཅད་ལ།། ཞིང་གི་སྲད་བུས་ཐིག་གདབ་བརྩམ།། དབུས་ནས་ཐིག་སྐོར་ལྔ་རུ་དྲང་།། དབུས་སུ་སོར་ཆ་གཅིག་གིས་འཕགས།། གསུམ་པ་སོར་གཅིག་གཉིས ་ལ་ཕྱེད།། དབུས་སུ་གྲུ་གསུམ་དྲག་པོའི་གནས།། དེ་ཡི་ཕྱི་རིམ་གསུམ་པ་ལ།། ཕྱོགས་བཞིར་ཐིག་རྐང་གསུམ་དུ་དྲང་།། ཐིག་གདབ་རྒྱ་གྲམ་འཁྲུལ་མིག་བཅུ་དྲུག་གཅོད།། མཚམས་བཞིར་གསང་མཛོད་དྲག་པོའི ་གནས།། ཡང་ལོགས་རྩ་བའི་འཁོར་ལོ་ལ།། འཁྲུལ་མིག་ཉི་ཤུ་རྩ་ལྔའི་མཆོག། ཕྱི་རིམ་འཁྲུལ་མིག་བཞི་བཅུ་གཉིས།། ལྕགས་མཁར་འཁྲུལ་མིག་བརྒྱད་ཅུ་དྲུག། གསང་མཛོད་མཚམས་བཞི་དབུས་དང་ལྔ།། སྲིད ་པའི་རུས་སྦལ་ལྟོ་ན་གནས།། དེ་ན་གནས་པའི་རིམ་པ་ནི།། དབུས་དང་མཚམས་བཞིར་དམིགས་བྱའི་མིང་།། དྲི་མ་དང་བཅས་ཚེ་སྲོག་སྡུད།། ཕྱོགས་བཞིའི་འཁྲུལ་མིག་བཅུ་དྲུག་ལ།། ཐུན་དང་གསོད་པའི་སྤུ་གྲི ་རྣམས།། ཡང་ལོགས་འཁྲུལ་མིག་བཅུ་དྲུག་ལ།། རྩ་བའི་དྲག་སྔགས་འབྲུ་བཅུ་གཉིས།། མཆོག་གི་སྤུ་གྲི་འབྲུ་བརྒྱད་གནས།། བཞི་པ་འཁྲུལ་མིག་བཞི་བཅུ་ལ།། གབ་པའི་བཅུ་གཅོད་དང་བཅས།། དེ ་བཞིན་རྒྱན་གྱི་བཅུ་གསུམ་ལ།། གཅོད་ཅིང་གནོན་པའི་སྤུ་གྲི་ལྡན།། ལྔ་པ་ཐ་མའི་བཞི་བཅུ་ལ།། ཐུན་བཞི་སྔགས་ཀྱི་སྦྱོར་བ་གནས།། གང་བྱེད་སྔགས་དང་སྦྱར་ལ་བཟླས།། གང་ཆུ་མྱོས་པ་སྦྱོར་བསྐུལ་བསྡུག་ཁ ་སྦྱར་རྒྱ་ཆེན་སྔོན་དམར་ལ།། སྔགས་པ་རྩ་ལྔའི་ཐོད་པ་རུ།། དུས་སྦལ་རྒྱ་གྲམ་མིང་རུས་སྔགས།། རྩ་བྱབས་ལྷ་བསྒོམ་དམོད་པ་བཟླས།། ཐོད་པ་ཟིལ་གནོན་ཡེ་ཤེས་བསམ།། འཁོར་ལོ་རྦད་པ་ཕག་མོར ་གཞུག། སྦྱོར་བས་དྲིལ་ལ་ཐིག་ལེ་ལ།། རུ་བཞི་རྡོ་རྗེ་རྒྱ་གྲམ་གྱི།། ཚུལ་དང་སྦྱར་ལ་གནན་པ་བྱ།། དགྲ་བོའི་སྲོག་ལ་བྲུཾ་མུགས་ཏི་བྷྱོ། དུན་མུགས་སྲོག་ལ་ཤཾ་ཐུན་རིལ་ཡ་རྦད། མེ་རླུང་སྤྱི་འདང་འཁྲུགས་པའི་རྒྱུད ་ལས། དྲག་སྔགས་གནམ་ལྕགས་སྦྱོར་བའི་ལེའུ་སྟེ་ཉི་ཤུ་དགུ་པའོ།། །། དེ་ནས་ཡང་བཅོམ་ལྡན་འདས་ཀྱིས། རྡོ་རྗེ་དམེ་འཐབ་ཀྱི་སྦྱོར་བ་འདི་བཤད་དོ།། ཡིད་མཐུན་བདེ་བའི་དབེན་གནས་སུ།། དུར་ཁྲོད ་གནས་ནས་དཔའ་བོ་ཡིས།། ཞིང་སོགས་རས་དང་རྒྱུ་བླངས་ལ།། སྦྱོར་བ་གསུམ་དང་ལྡན་པར་བྱ།། དེ་ལ་གཅོད་པའི་འཁོར་ལོ་བྲི།། དབུས་ནས་ཐིག་སྐོར་ལྔ་རུ་བསྐོར།། དབུས་སུ་གྲུ་གསུམ་ཟླ་གམ་གསུམ།། ཕྱི ་རིམ་འཁྲུལ་མིག་ལྕགས་མཁར་བཞི།། མཚམས་སུ་ཞིང་གི་ཀ་བ་ཅན།། ཡང་ལོགས་འཁྲུལ་མིག་ལྕགས་མཁར་བརྒྱད།། མཚམས་ལ་དེ་བཞིན་ཀ་བ་སྦྲུལ།། བཞི་པ་འཁོར་ཡུག་སྲུང་བའི་གནས།། མཐའ་མའི་འཁྲུལ ་མིག་ཉི་ཤུ་ལ།། གསོད་ཅིང་གནོད་པའི་སྤུ་གྲི་གནས།། དབུས་དང་ཟླ་གམ་བསྒྲུབ་བྱའི་གནས།། བཅུ་གཉིས་རྩ་བའི་དྲག་སྔགས་གནས།། འཁོར་ཡུག་གནས་སུ་བསྙེན་པའི་སྔགས།། བར་དུ་རྦད་སྔགས་བསད ་སྔགས་མཐའ།། ཕྱི་རུ་མགོ་བསྟན་བརྒྱ་བརྒྱས་བསྐུལ།། བསྙེན་པ་ཁྲི་ཡིས་བོས་ལ་གཟིར།། སྔགས་ནི་མེ་དཔལ་འཁོར་ལོ་མཚོན།། འཁོར་ལོ་མེ་དཔལ་མཚོན་ཆེན་གྱིས།། ཞིང་བཅུ་སྡིག་ཅན་བསྲེག་ཅིང ་འཇོམས།། འཁྲུལ་མིག་རྩ་བ་ཉི་ཤུ་གཉིས།། གསང་མཛོད་མུན་ཁང་གནམ་ལྕགས་འབར།། རུས་སྦལ་ལྟོ་ན་མཚོན་ཆ་མེ།། འོད་ཀྱི་གོང་བུས་འཁྲུག་ཅིང་གསོད།། དེ་ནས་བཅོམ་ལྡན་འདས་ཉིད་ཀྱིས་སྐུ ་གསུང་ཐུགས་ལས་དྲག་པོ་སྤུ་གྲི་འདི་བཏོན་ཏོ།། རྗེ་སྲོག་ལ་དུན་རྨུགས། ས་མ་ཡ་ཕྱོགས་མ་ར་ཡ་ཟད། རྗེ་སྲོག་གཟིར་སྟཾ་བྷ་ཡ་ནན། སྔགས་ཀྱི་འོད་དང་འབར་བའི་དཔལ།། གདུག་པ་རང་གཤེད་རང་ལ ་དབབ།། མཚོན་ཆ་ངར་བླུད་མེ་དཔལ་དུག། ཁྲི་བཞིའི་སྦྱོར་བས་དྲིལ་ལས་འཕང་།། ཐོན་ནས་རྩང་བྱས་ཐོད་པར་གནན།། ཟིལ་གནོན་ཕྱག་རྒྱས་གཟིར་ཞིང་དབབ།། འཁོར་ལོ་སྔོན་དམར་དང་བཅས་དྲིལ།། སྦལ ་པ་ཕག་མོ་ཐོད་པ་དང་།། རེ་བས་མཁར་ནག་སྟག་གི་མཛུམ།། གཏད་པའི་སྦྱོར་བ་སྔ་མ་བཞིན།། རྩ་བ་གཅིག་ལ་ཡན་ལག་འབྱུང་།། དམ་ཚིག་མནའ་ཆུ་གཟིར་གསུམ་མཐར།། དྲག་པོའི་ལས་ལ་ཡང ་ཡང་བརྩམས།། དམེ་འཐབ་དྲག་པོའི་སྦྱོར་བ་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས། རྡོ་རྗེ་དམེ་འཐབ་སྦྱོར་བའི་ལེའུ་སྟེ་སུམ་ཅུ་པའོ།། །། དེ་ནས་བཅོམ་ལྡན་འདས་ཀྱིས་སྟག་མོ་ཁ་འཐབ་ཀྱི ་སྦྱོར་བ་འདི་བཤད་དོ།། ཤོག་བུ་གྲུ་བཞི་མཛུབ་གང་ལ།། སྨེ་བ་ལྔ་ཡིས་ཐོད་པ་བྱ།། ནི་རང་སུ་ཡི་ཐལ་བ་ཡིས།། མཐའ་མ་བརྒྱད་དང་རྐྱང་བཅས་ལ།། ཐིག་སྐུད་ཟླུམ་པོ་བཞི་རུ་བསྐོར།། དབུས་སུ་གྲུ་གསུམ་མིང ་དང་རུས།། ཟླ་གམ་གསུམ་ལ་ལྷ་ཡང་དགོད།། འཁྲུལ་མིག་བཅུ་གཉིས་རྩ་བའི་སྔགས།། མུ་ཁྱུད་སྟོང་ཐུན་རྦད་བསད་སྔགས།། བསྙེན་པ་ནང་དང་འབོད་རྦད་ཕྱིར།། མཐའ་མ་རྩིབས་མཚན་བཅུ་གཉིས་ལ།། གཅོད ་ཅིང་གནོན་པའི་སྤུ་གྲི་དགོད།། མྱོས་པ་སྟོབས་དང་བྲལ་བ་ཡི།། དྲག་པོ་སྟོབས་ཀྱི་འཁྲུལ་འཁོར་ཡིན།། རྩ་བར་བཅས་པའི་མཚོན་ཆ་ལོ་མ་མེ།། དོན་ལྡན་སྔགས་པས་སྔགས་པ་འཇོམས།། རབས་ཆད་ནག་པོའི་ཐོད ་པར་གཞུག། རྩང་བཅས་དོང་དུ་དྲག་སྔགས་བསྐུལ།། ཐོད་པ་ཚས་བཅས་སྟོང་གིས་གཟིར།། མུན་པའི་གླིང་དུ་གནན་པར་བྱ།། དེ་ནས་ཡང་བཅོམ་ལྡན་འདས་ཀྱི་སྐུ་གསུང་ཐུགས་ལས་སྦྱོར་བ་དྲག་པོའི་སྤུ་གྲིའི ་སྔགས་འདི་བཏོན་ཏོ།། དགྲ་བོའི་སྲོག་ལ་མཱ་ར་ཡ་རྦད།། དགྲ་བོའི་སྲོག་སྟཾ་བྷ་ཡ་ནན།། མཚོན་ཆའི་རྒྱལ་པོ་འཁོར་ལོ་ཅན།། གཅོད་པ་སྐམ་པ་སྤུ་གྲིའི་ཚུལ།། གཟིར་བ་སྟོབས་ལྡན་བསམ་པ་དཀའ།། མ་ལུས་ཀུན ་འཇོམས་ཐབས་ཀྱི་མཆོག། མེ་རླུང་སྐྱི་འདང་འཁྲུགས་པའི་རྒྱུད་ལས། སྟག་མོ་ཁ་འཐབ་ཀྱི་སྦྱོར་བའི་ལེའུ་སྟེ་སོ་གཅིག་པའོ།། །། དེ་ནས་ཡང་བཅོམ་ལྡན་འདས་ཀྱིས་གཞན་གྱི་ཕོ་ཉ་བསྐུལ་མགྱོགས་སླར་ལ ་བཟློག་པ་འདི་བཤད་དོ།། སེམས་ཉིད་དབེན་པའི་བདེ་གནས་སུ།། རིག་མེད་གཞན་གྱི་སྦྱོར་བ་ཤམ།། ཕོ་ཉ་གཟིར་ཞིང་སླར་ལ་བཟློག། དྲག་སྔགས་ནུས་པས་གཞན་དབང་སྡུད།། མུ་སྟེགས་ཅན་ནི་ལུས་སྲོག ་དཔྲལ།། དེ་ཡི་སྦྱོར་བ་འདི་ལྟ་སྟེ།། དྲེད་མོ་རལ་པ་གསིག་པ་ཡིས།། ཞབས་མས་ཙཀྲའི་རྒྱུ་བྱས་ལ།། ས་དཀར་ཙོང་ཟི་རུས་པ་ཡིས། ཁ་དོག་ཕྱུང་ལ་འཁོར་ལོ་བྲི།། དབུས་ནས་ཐིག་སྐོར་ལྔ་རུ་བསྐོར།། དབུས་སུ་གྲུ ་གསུམ་ནག་པོ་ལ།། དམིགས་པའི་གཟུགས་ནི་སྤྱིའུ་ཚུགས་གཞག། ཟླ་གམ་མིང་རུས་དེ་བ་བྲི།། མུ་ཁྱུད་སྦྲུལ་གྱི་ར་བས་བསྐོར།། འཁྲུལ་འཁོར་བཅུ་གཉིས་རྩ་བའི་སྔགས།། ཕྱི་རིམ་རྡོ་རྗེ་རྒྱ་གྲམ་ལ།། སྲོག་ལ་ཐུན ་མུགས་བྷྱོ།། འོག་ཕྱོགས། སྲོག་ལ་ཁམ་ཤག་བྷྱོ། སྲོག་ལ་བྲེང་ཤག་བྷྱོ། སྲོག་ལ་ཡཾ་ཤག་བྷྱོ།། ན?་ཐུམས་མཱ་ར་ཡ་རྦད། སྲོག་ལ་བྲེང་ཤག་བྷྱོ། སྲོག་ལ་ཡཾ་བྷྱོ། ནརྀ་ཐུམས་མཱ་ར་ཡ་རྦད། གཡོན་གྱི། རང་སྔགས་མིང ་བཅས་བནར་བ་ཟོ།། གྱོ་རིམ་རྩིབས་མཚན་བཅུ་དྲུག་བྱ།། གཅོད་ཅིང་གནན་པའི་ཐ་གྲོ་དགང་།། གྱུར་བ་ཐམས་ཅད་རྫ་མ་བཞིན།། དག་དོག་རྒན་གླན་ཟད་པས།། བྷུར་བ་ཀྲོལ་མ་བདག་དབང ་བསྡུ།། སྔགས་པའི་འོག་ཏུ་གནན་པར་བྱ།། ཕོ་ཉ་བཟློག་པའི་སྦྱོར་བ་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས། ཕོ་ཉ་བཟློག་པའི་ལེའུ་སྟེ་སོ་གཉིས་པའོ།། །། དེ་ནས་ཡང་བཅོམ་ལྡན་འདས ་ཀྱིས་སེང་གེ་མཆེ་སྦྱོར་གྱི་སྦྱོར་བ་འདི་བཤད་དོ།། དམ་བསྲེས་དམ་སྔགས་གཅིག་པ་ན།། སེང་གེ་མཆེ་སྦྱར་གཅེར་བུ་དྲེད།། ལྡན་པར་ཁྲག་གི་སྦལ་པ་བྲི།། དམེ་ཁྲག་དུག་རྐྱེན་བསླང་ནས་བསྐུལ།། ཐོད་པ་གཟིག ་གི་ཐིག་ལེར་གནན།། སྔགས་པོ་ནག་པོ་སྤྱི་ཡི་སྤུན།། སྤྱི་གཙུག་སྙིང་གར་བསེ་སྦལ་བྲི།། གནག་པ་དུག་རྒོད་རྫ་ཡི་ཁྲག། ཐོད་པ་མུན་པའི་གླིང་དུ་གནན།། བོན་པོའི་རིགས་གཉིས་འཛིན་པ་ལ།། དམེ་ཕུར་སྡིག་པ ་པར་སྐལ།། སྙིང་ལ་ཕག་རྒོད་གསད་པ་སྦྲུལ།། བཅུག་ལ་ནད་ངན་ནང་ཁྲག་བསྐུ།། ཐོད་པ་སྲིན་མོའི་སྒོམ་དུ་གནོན།། མེ་རླུང་སྐྱི་འདང་འཁྲུགས་པའི་རྒྱུད་ལས། སེང་གེ་ཆེ་སྒུར་གྱི་ལེའུ་སྟེ་སོ་གསུམ ་པའོ།། །། དེ་ནས་ཡང་བཅོམ་ལྡན་འདས་ཀྱིས། མ་མོ་སྙིང་ཧུར་བྲུཾ་གྱི་མན་ངག་འདི་གསུངས་སོ།། འདི་ལ་མོན་གྱི་ཐོད་པར་མིང་རུས་བཅུག་ལ་ལྕགས་ཕུར་ནས་ཙམ་གཅིག་གདབ། སྟག་གི་ཐོད་པར ་སྔགས་སུམ་ཁྲི་བཟླས་ལ། མནན་ན་དྲིང་འཕང་ངོ་།། ཤིན་རྩ་ཙ་ཏུ་བདུག་ཐུ་རྦད། མུགས་རྩར་ལིང་མ་ཧཱ་རག་མོ་རཀྟ་རྦད་ཙིཏྟ་མ་ལ་ཡ། ཛ་དུན་རྦད་ཡ། ཞེས་གསུངས་སོ།། རྒྱ་ཚིལ་གོ་ཏ་ར་མ་བཏང་། དོང་གྲུ ་གསུམ་གྱི་ནང་དུ་བོང་བུའི་ཕོ་མཚན་བཅུག་ལ་གྱེན་དུ་བསྟན་ལ་གཞག་དེ་ནས་ཡང་བཅོམ་ལྡན་འདས་ཀྱིས་ཕུར་པ་མདའ་འཕེན་གྱི་སྦྱོར་བ་འདི་གསུངས་སོ།། དང་པོ་ལ་དཀྱིལ་འཁོར་གྲུ་གསུམ་ཆག་གང་བ་ཞིག་བྱ།། ་ནང་དུ་རབས་ཆད་ཐོད་པ་རུ། རྫས་ཀྱིས་བྱུགས་ལ། ཕུར་པ་ནག་པོ་ཁྲུ་གང་བ་ལ། སྟོད་དུ་མི་ཁྲག་སྨད་དུ་ཁྱི་ཁྲག་བྱུག་ལྷ་རྣམས་རྫོགས་པར་བྱིན་གྱིས་རློབས། ལིངྒའི་ནང་དུ་གཞུག་དྲག་སྔགས་བདུན་འབུམ་ཚད ་དུ་གདབ།། རབ་ཀྱིས་ཕུར་པ་མདའ་རུ་འཕེན།། འབྲིང་གིས་བླ་རྟགས་ཉམས་སུ་མྱོང་།། ཐ་མས་དགྲ་བགེགས་ཐལ་བར་རློག། ཨཱ~ཾ་བཛྲ་ཀཱི་ལི་ཀ་ལ་ཡ་ཏ་སྟ་ད་ཛ་ཀ་ཧཱུཾ་ཕཊ། སརྦ་ཏྲ་ཡ་མ་ཏི་ཛ་ཛ་ཨེ་ཏྲི་ཧུར་ཀི་ལི། ད ་ཤ་རྦད། བདུན་འབུམ་བྱེ་བ་བཟླས་ཏེ་འཕང་ཞེས་གསུངས་སོ།། དེ་ནས་ཡང་བཅོམ་ལྡན་འདས་ཀྱིས་ལྟས་ངན་དང་ཆོ་འཕྲུལ་དབབ་པའི་སྦྱོར་བ་འདི་གསུངས་སོ།། སྲམ་དང་བྱི་བའི་ཐོད་པ་རུ།། བྱི་ལ་ཟེར་མོ་སྲིན ་བྱའི་ཁྲག། སྤུ་དང་ཤ་སྦྱར་ཞབས་མས་གྲིལ།། དེ་བཞིན་གར་འབེབས་མིང་དང་སྔགས། ཁྲག་གིས་བྲིས་ལ་ཐོད་པར་གཞུག་ཁྲི་བདུན་བཟླས་ལ་ཞིང་རས་གྲིལ།། ས་སྲིས་དམིགས་པའི་འགྲམ་ལ་གཞུག། ཟླ་བ ་བདུན་ནས་ལྟས་ངན་འབབ།། སེམས་ཀྱི་དཀྱིལ་དུ་གཞག། སྦྲུལ་དང་སྦལ་པའི་གསོབ་བཤུས་ལ།། དགྲ་ཡི་ས་ཆུ་གདུག་པའི་ས།། དུག་ཆུས་སྤྲས་ལ་དེ་ཉིད་གཟུགས།། གང་དམིགས་བྱས་ལ་སྔགས ་ཀྱིས་གྲིལ།། གསོབ་དེ་བརྒྱངས་ལ་ཆེ་བས་བསྐུ།། དྲག་སྔགས་ཚད་ལྡན་ལམ་ལ་གཞུག། གདུག་པ་གཟུགས་ཀྱི་ཆོ་འཕྲུལ་འབྱུང་།། ཐོད་པར་དུར་མ་གཉིས་བཙལ་ལ།། དམེ་མནོལ་གྲི་ཁྲག་ཁ་མིག་བཏོད།། དུག ་དང་སྨེ་བ་ལུད་ངན་བསྐུ།། གང་དམིགས་མིང་དང་ཕོབ་ལ་གཞུག། མཁར་གྱི་བྲེས་དང་འགྲམ་འོག་སྦ།། ཐོད་པ་འཐབ་དང་རྒྱུག་པ་འབྱུང་། ཁྲ་དང་འུག་པ་སྲིན་བྱའི་སྙིང་།། ཤ་ཁྲག་དང་བཅས་བག་ཟན་དུག། དགྲ ་བོའི་ཁང་པར་ཚ་བར་སྦྱར།། མནོལ་ཁྲག་བསྐུས་ལ་བྱ་གཟུགས་བྱ།། གང་དམིགས་མིང་རུས་སྔགས་ཀྱིས་གྲིལ། ཁྲི་བརྒྱད་བཟླས་ལ་ཞབས་མས་གཏུམས།། མཁར་གྱི་རྩེ་དང་སྐེད་ལ་བཅའ།། བྱ་དེ་སྐད་འབྱིན་སྡེར ་མཆུས་འཛིངས།། ལྟས་ངན་སྡིག་པའི་ཐན་སྐད་འབྱིན།། ལྟས་ངན་སྲོད་ཀྱི་སྨག་ལ་འབབ།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་རྡོ་རྗེ་ལས་དྲག་སྔགས་འདི་བཏོན་ཏོ།། ཨེ་ཀ་ཧེ་དུན་མྱགས།། ་རྔུབས་ཤག། མུག་ཏྲི་ལིང་རྦད། སྥུར་རཾ་ལཾ་སྦུར། ནཱ་ག་རཱ་ཛ་ཏ་ལ། ཀ་པ་ཏ་ཧྱ་ཧ་ལ་ཧ་ལ། ཀ་ལིང་ཧས་ཐོབ། མེ་རླུང་སྐྱི་འདང་འཁྲུགས་པའི་རྒྱུད་ལས། ལྟས་ངན་དབབ་པའི་ལེའུ་སྟེ་སོ་བཞི་པའོ།། དེ་ནས་བཅོམ ་ལྡན་འདས་ཀྱིས། དྲག་སྔགས་ཀྱི་དེ་ཁོ་ན་ཉིད་རང་གཤེད་རང་ལ་དབབ་པ་འདི་ལ། སྤྱི་དོན་རྣམ་པ་བཞི་སྟེ། དེ་ཉིད་རྣམ་པ་གསུམ་གྱི་དོན་དང་། སྐུ་གསུམ་གྱི་དོན་དང་ལྡན་པར་བྱ་བ་དང་། ཡི་གེ་གནས་ལུགས ་ཤེས་པར་བྱ་བ་དང་། བཟླ་ལུགས་ཤེས་པར་བྱ་བ་དང་བཞིའོ།། དང་པོ་སྐུ་གསུམ་གྱི་དོན་ནི། ཆོས་ཉིད་རང་བཞིན་མེད་པའི་བསྒོམ་པ་དང་གཅིག། དེའི་བྱིན་རླབས་ལས་ཡ་མཱནྟ་ཀར་བསྒོམ་པ་དང་གཉིས།། ་དེའི་ཐུགས་ཀྱི་སྤྲུལ་པ་ཕྱག་ན་རྡོ་རྗེ་བསྒོམ་པ་དང་གསུམ་མོ།། དེ་རྣམ་པ་གསུམ་ནི། དྲེགས་པ་ཕྱིར་གཟིར་བ་དང་། གང་གནོད་པ་དང་རྟགས་སྟོན་པ་གཅིག་གང་གནོད་པ་ཕྱིར་གཟིར་བས། གང་གནོད་བྱེད་ཅིག་སྒོ ་ཡིས་དེ་ནས་རྟགས་སུ་འོང་བའོ།། ཡི་གེ་གནས་ལུགས་གསུམ། བདག་ལ་གནས་པ་དང་། དོན་གང་ལ་གནས་པའོ།། བདག་གི་ཙིཏྟའི་དཀྱིལ་ན་ཨེ་དང་བཛྲ་གནས་དང་། རྩ་བཞི་ལ། ཆོས་ཉིད་ཀྱི་རྩ། ཡོན་ཏན་ལ ་རྩ། ཡེ་ཤེས་ལ་དུ། རང་རྒྱུད་ལ་སྟན། དེ་ལྟར་གནས་དང་ས་བདག་གི་སྟོབས་དང་གོ་ཆ་འབྱེད་པ་དང་། སྔགས་གཞན་ཕན་པར་བྱེད་པའོ།། དགྲ་དང་བགེགས་རྒྱུད་ལ་གནས་པ་ནི། ཡན་ལག་བཞི་ལ་ཏྲིག་གནས། ་མགོ་ལ་ནན་གནས། སྐེ་ལ་ཧུར་གནས། སྙིང་ག་ན་རང་གི་འབྲུ་རེ་གནས། དེ་འཛིན་ཅིང་འཕྲོག་པར་བྱེད་པ་ཧུར་བྲུཾ་ཛ་ཡིས་བསྐོར་ནས་གནས། རྩ་བཞིའི་སྦུབས་ན། མཱ་ར་ཡ་རྦད། བྱ་བ་གོ་རིམ་དུ་གནས། རང་གི་རྩ ་མདུད་ལ་འདི་ཡི་གེ་གནས་སོ།། དགྲའི་རྩ་མདུད་བཞི་ལ། རྦད་བཞི་གནས་པ་ལ། སྲོག་ཅེས་བོས་ལ་བཅད་པའོ།། བཟླ་ལུགས་ནི་དགྲ་བགེགས་གཉིས་ལ་བཞི་བཞིར་ཤེས་པར་བྱ་སྟེ། དཔལ་དྲེགས ་པ་ཅན་སྤྱིར་དྲིལ་ལ་གཟིར་བ་དང་གཅིག་སྒོས་གཟིར་བ་ཡང་བཞིའོ།། དེ་ཡང་དང་ལ་གང་གནོད་པའི་ཡི་གེ་གནད་ཀྱིས་གཟིར་ཏེ། གཅིག་གིས་འགྲེ་སྟེ། ཏིརྟི་ཀ་ཏྲིག་ནན། ཞེས་དང་ལ་གཟེར་བ་དང་། དུ་ཧུར་བྲུཾ་ཛ ་ཡིས་སྙིང་གི་དཀྱིལ་ན་དུ་གནས་པ་འཕྲོག་ཨེ་བསྡུས་ནས་ལིངྒ་ལ་བསྟིམ་པ་དང་། མཱ་ར་ཡ་ཙེ་ར་གིས་ལས་སྦྱོར་བ་གཅོད་པའོ།། དེ་གདོན་མཆོམས་ན། སྤུ་གྲི་གསུམ་དང་བསྡེབ་པ་ནི། མ་མ་རུ་ལུ་ཏྲིག་ནན། མ ་ཧུར་བྲུཾ་ཛ། མཱ་ར་ཡ་རྦད། ཅེས་པའོ།། དེས་ཀྱང་མ་ཆོམས་ན། སྟོབས་དང་ཆས་ཏེ་གཏོར་ལ་བཟླས་པ་ནི། བཛྲ་སརྦ་དུར་ན་ཙ་ཏྲི་ཏྲིག་ནན་ཞེས་གཟིར། བཛྲ་སརྦ་དུཥྚཱན་ཙ་ཧུར་བྲུཾ་ཛ་ཡིས་རྣམ་པར་ཤེས་པའི་ཡི་གེ་འབྲུ ་གཅིག་འཕྲོག་ལ། ཨེའི་འོད་ལ་འདུས་ཏེ། ལིངྒ་ལ་བསྟིམ། བཛྲ་སརྦ་དུཥྚན་ཙ་ཏྲི་མཱ་ར་ཡ་རྦད། ཅེས་པའོ།། དེ་དང་ངེས་པར་མ་ཆོམས་ན། བཛྲ་དུཥྚན་ཏིརྟི་ཀ་ཏྲིག་ནན། ཙིཏྟ་ཧུར་བྲུཾ་ཛ་མཱ་ར་ཡ་རྦད། ཅེས་དྲིལ་ལ ་བརྡེག་པའོ།། དེ་ཡིས་གནོད་བྱེད་ཀུན་ལ་སྦྱར་བཟླས་ན། གང་ཡང་གསུངས་པའོ།། མཐར་ཁྱི་སྤྱང་གི་ཐོད་པའམ། གླང་གཡག་གི་རཱ་རུ་བཅུག་ལ་ཀ་རྟེན་དང་ལམ་རྒྱ་གྲམ་ལ་གནན་པ་བྱ། དམ་དུ་གནོད་ལ་ཟོར་དུ ་བཅུག་ལ་གཏད། གདུག་པ་གསུམ་གནད་བསྲེག་ལ་ཟོར་དུ་འཕང་ངོ་།། དགྲ་ལ་བྱེད་ན་བཟླས་ལུགས་བཞི་ནི། བཛྲ་སརྦ་དུཥྚཱན་ཆེ་གེ་མོ་ཏྲིག་ནན། ཞེས་ལྷ་དང་བཅས་པ་གཟིར་ལ། མྱོགས་ཤིང་ཟླུམ་པར་བྱ། བཛྲ ་སརྦ་དུཥྚཱན་ནརྀ་ཧུར་བྲུཾ་ཛ། ཞེས་སྙིང་དཀར་ནག་གི་མཚམས་ནས་ནརྀ་འཕྲོག་པ། ཨེ་ལ་བསྡུས་ཏེ་བདག་ལ་ཐིམ་པའོ།། གོང་དང་འདྲེན་ཤུལ་ལ་ལིངྒ་བསྡུས་ལ་ཐོད་པར་བཅུག་ལ་གཟིར་བ་ནི། བཛྲ་སརྦ་དུཥྚཱན། དགྲ་བོ ་སྲོག་ཏིག་ཅེས་བརྗོད་པའོ།། མནན་པའི་མན་ངག་གསུངས་ཏེ། ལིངྒ་མནན་པ་དང་། འཁོར་ལོ་བྲིས་ལ་ཡ་མཱནྟ་ཀ་དང་ཕྱག་ན་རྡོ་རྗེའི་ལྟོ་བར་བཅས་ལ། མིང་རུས་དང་ཁམས་དང་། སྙིང་པོ་བྲིས་ལ། དུག་ཁུ་དང་། ་ཁྲག་སྣ་དང་། ཚ་བ་གསུམ་བསྡུས་ལ། སྔོན་དམར་དང་། ཆུ་དར་དང་། རྒྱ་སྐྱེགས་དང་། རེ་བས་མཚམས་བྱས་ལ་གནན་པ་བྱའོ།། དེ་ཡང་ཐོད་པ་བྱེད་པ་ན།། སྔགས་པ་ཕྱེ་བའི་ཐོད་པར་མནན། རིགས་ངན་ཁྱི ་ཡི་ཟོད་པར་མནན།། བུད་མེད་སྲེ་མོང་ཐོད་པར་མནན།། དེ་དག་མ་བརྙེད་ན་མོན་པའི་ཐོད་པར་མནན་པ་ཡིས། དེ་ཡང་རྒྱུད་ལས། བསྲེག་ན་ཁྲུ་གང་ཧོམ་ལ་བསྲེག། འཕེན་ན་ཟོད་ཁྲག་ཟོར་དུ་འཕང་།། གནོད་ན ་མོན་ཐོད་དབྱེ་བས་མནན།། ཞེས་པའོ།། མེ་རླུང་སྐྱི་འདང་འཁྲུགས་པའི་རྒྱུད་ལས། སྤྱི་དོན་ཐུན་མོང་གི་ལེའུ་སྟེ་སོ་ལྔ་པའོ།། །། དེ་ནས་ཡང་བཅོམ་ལྡན་འདས་ཀྱིས་དོན་གྱི་མན་ངག་དྲག་པོའི་སྔགས་རྒོད ་འདི་གསུངས་སོ།། གདུག་པ་གསུམ་གྱི་མཛེ་ནད་དར་བ་ལ།། དམར་ལེན་སྙིང་པོ་གབ་པ་གསང་བའི་ལས།། ཞུན་མར་སྙིང་པོ་བཅུད་ལྔ་གསོ་བའི་མཆོག། དབྱེ་བའི་གནས་སུ་རང་མཚན་མཚམས ་བཅད་ལ།། གདེངས་གསུམ་ལྡན་ལ་གསལ་བ་གསུམ་བསྒོམས་ལ།། དམོད་པ་དྲག་པོ་སྔགས་ཀྱི་སྤུ་གྲི་བཟླས།། རང་བཞིན་བཙན་ཐབས་དྲག་པོ་གསུམ་དུ་བཅད།། རང་བཞིན་ལྷ་གསལ་སྟོང་སྟོང་ཟླ་བར ་བཟླས།། བཙན་ཐབས་རྫས་རྒོད་དུ་བས་བདུག་ལ་དགྲམ།། དྲག་པོ་གནོན་པའི་ས་ཆུ་དུག་ཁྲག་བསྲེ།། བག་ཟན་དང་སྦྱར་གདུག་པའི་གཟུགས་བརྙན་བྱ།། རྒྱ་ཤོག་གཟུགས་ལ་ནཱ་ག་ས་བྲིས་ལ།། སྔགས་དང་མིང ་སྤེལ་གཟུགས་ཀྱི་མཐའ་མ་བསྐོར།། དྲག་སྔགས་དམོད་པ་རྔམ་ཚིག་ལྡན་པར་བཟླས།། ཨེ་མྱགས་ཡ་རྔུབས་མུག་ཤག་ཀ་དུན་ས་ནཱ་ག་པུར་ཧུར་བྲུཾ་ཛཿས་ནཱ་ག་ཙིཏྟ་རྦད། ས་ནཱ་ག་སྙིང་གཟེར་རྒུད་ནན་རྦད། མནོ་ལ ་ཁྲག་ཐུན་བརྡེག་མཐའ་རུ་ཀ་རྟེན་གནན།། ཕག་ཟོད་ལུགས་ས་མོ་ཡི་དོར་རྟར་གྲིལ།། འདི་མེད་བསྲུང་བ་ཐམས་ཅད་རང་འཆི་འགྱུར།། རྒྱུད་རྒྱལ་བཤད་པའི་སྙིང་པོ་བླ་མ་དམ་པས་སྟོན།། མེ་རླུང་སྤྱི་འདང་འཁྲུགས ་པའི་རྒྱུད་ལས། དོན་གྱི་མན་ངག་དྲག་པོ་སྔགས་རྒོད་ཀྱི་ལེའུ་སྟེ་སོ་དྲུག་པའོ།། །། དེ་ནས་ཡང་བཅོམ་ལྡན་འདས་ཀྱིས་སྲིན་མོ་ལྕགས་ཐག་གི་སྦྱོར་བ་འདི་གསུངས་སོ།། ལྔ་བརྒྱ་དུས་ཀྱི་ཐ་མ་ལ།། རྒྱལ་བའི ་བཀའ་ལས་འདས་པ་དང་།། མཚམས་མེད་ལྔ་ལ་སྤྱོད་པ་དང་།། དགོན་པའི་གནས་སུ་ཕྲ་མ་དང་།། དམ་ཆོས་དགེ་འདུན་སྨོད་པ་དང་།། བདེན་པའི་དོན་པོར་ལོག་ལྟ་སྤྱོད།། དེ་ཚེ་སྔགས་ཀྱི་དམོད་པ་བཅའ།། དུར ་ཁྲོད་ཤིན་ཏུ་དབེན་པ་རུ།། མཆོག་གསུམ་ཚང་བའི་གནད་བཅས་ལ།། སྡེ་གསུམ་སྔགས་ཀྱི་དམོད་པ་བཅའ།། དེ་ཡང་རྣམ་པ་གཉིས་ཡིན་ཏེ།། ལུས་སྲོག་དབྱེ་དང་ལོ་ཏོག་གཞོམ།། དང་པོ་སྦྱོར་བ་འདི་ལྟ་སྟེ། རྒྱ ་ཤོག་དུར་ཁྲོད་རོ་རས་ལ། སྨེ་བ་ལྔ་ཡི་ཐོད་པ་བྱ།། ནི་རང་སུ་ཡིས་མདོག་བཏོན་ལ།། ཐིག་སྐོར་རིམ་པ་བཞི་རུ་བསྐོར།། དབུས་སུ་གྲུ་གསུམ་རྣག་པའི་གཟུགས།། རུས་ཁམས་མིང་དང་སྙིང་པོ་བྲི།། ཟླ་གམ་དབང ་སྡུད་སྲུང་བའི་ལྷ།། ཕྱི་རིམ་རྒྱ་གྲམ་འཕེན་པའི་སྔགས།། རྩ་བ་དྲིལ་བའི་འབྲུ་བརྒྱད་བཀོད།། ཡང་ལོགས་བཅུ་གཉིས་འཁོར་ལོའི་རྩིབས།། བླ་དེད་སྲོག་འགུགས་དྲག་པོ་དགོད།། ཐ་མ་རྩིབས་མཚན་བརྒྱད་གཉིས ་ལ།། ལུས་སྲོག་འབྱེད་དང་ནད་བསྲེག་དགོད།། མཚོན་ཆའི་རྩེ་མོར་སྔགས་མགོ་ནང་།། བར་དུ་འཁོར་ཡུག་ལྟོ་སྦྱོར་མིང་།། བཀོད་ལ་ཕག་མོའི་ལྟོ་བར་བཅའ།། གྲི་ཁྲག་ནད་ཁྲག་དུག་ཆུས་བསྐུ། ཁ་སྦྱོར་ཚོན་གྱིས ་རྒྱ་གྲམ་བསྡམ།། སྦྲང་ཀི་དར་མའི་ཐོད་པར་གཞུག། ལིངྒ་དུག་དང་མཁར་པ་ས།། མཁའ་སྒོངས་དག་ལ་ཙོག་པུར་བྱ།། བཞི་བཅས་ཐོད་ཆེན་ནང་དུ་བརྣག། གྲུ་གསུམ་མཎྜལ་ལྷོ་ནུབ་ཏུ།། ཆག་གང་མཐུར་མཐའ ་@བརྐོས་ལ་གཞུག། དམེ་ཁྲག་ནལ་ཁྲག་ར་རོག་ཁྲག། ཡུགས་ས་ཕོ་མོ་གྲི་བོའི་ཁྲག། ཐོད་ཆེན་ལིངྒ་དེ་བཞིན་ཡན་གནག། ལྕགས་ཕྱེ་ཟངས་ཕྱེ་རྡོ་ཕྱེ་དང་།། ཉུང་དཀར་ཐལ་ཆེན་དུག་ངར་བཅས།། ཐོད ་ཚལ་ནང་དུ་མཚོན་ཆ་བཤམ།། སྔགས་པས་གསལ་གསུམ་ཟིལ་གནོན་བསྒོམ།། མདུན་ན་ཞིང་བསྣོལ་ཉི་མ་ལ།། སྤྲུལ་པའི་མ་མོ་སྲོག་གཅོད་མ།། མགོ་དགུ་ཕྱག་ཀྱང་བཅོ་བརྒྱད་ལ།། ཀྵ་དང་རག་མོ་ཐུགས་ཀར ་བསྟན།། དབུ་དགུ་སྟེང་མ་བྱ་ཡི་དབུ།། དུར་བྱ་ཁྲ་དང་བཞད་ཀྱི་དབུ།། ནང་ཁྲོལ་གློ་སྙིང་ཟ་ཞིང་རྔམ།། བར་གྱི་དབུ་གསུམ་དུད་འགྲོའི་དབུ།། དོམ་དང་དྲེད་དང་ཆུ་སྲིན་དབུ།། རྩ་དང་ཁྲག་དང་ནང་ཁྲོལ་ཟ།། རྩ ་བའི་དབུ་གསུམ་ཁྲོ་མོ་སྟེ།། གཡས་དཀར་གཡོན་དམར་དབུས་མཐིང་ལ།། མཆེ་བ་ཟང་ཡག་མི་རོ་ཟ།། སྤྱན་ནས་ཁྲག་འཛག་དུག་རླངས་ཤངས།། སྐུ་སྟོད་ཞིང་ལྤགས་ཐོད་པ་སྦྲུལ།། སྐུ་སྨད་རེ་ལྡེ་དྲིལ་བུ ་ཁྲག། ཕྱག་གཡས་དགུ་ན་གནས་པ་ནི།། མངོན་དུ་བསྒྲལ་བའི་སྙིང་སྦྲམ་འཛིན།། གཡོན་པ་དགུ་ན་ཐོད་ཟོར་བསྐྱོད།། སྟག་དང་སེང་གེ་བན་གླང་མོན།། གྲེ་མོ་མནོལ་དང་ཁྱི་ནག་ཕག། འཐོམ་ནག་གཡས་ལ་དུག ་ཁྲག་ཟོར།། ཞབས་བརྒྱད་དྲེགས་པའི་སྙིང་གར་བརྫིས།། འགྲོ་བ་འདུལ་ཕྱིར་གར་སྟབས་འགྱིངས།། སྐྲ་དང་བ་སྤུ་མེ་རུ་འབར།། དེ་ལ་བཀའ་བསྒོ་བསྐུལ་ཞིང་མངག། འཁོར་ལོ་ཐོད་པར་ཐུན་ཕབ་ལ།། དང ་པོས་ཐུན་དེ་རབ་གནས་བརླག། བརྒྱ་ཚོ་གཉིས་ཀྱིས་དབང་དུ་སྡུད།། གསུམ་པས་ཐུན་གྱི་རྫས་ལ་བསྟིམ།། བཞི་པས་མཚོན་གྱི་ཆར་བརླབ་པ།། ལྔ་པས་རླངས་འཕྲོ་ལྡེག་ཅིང་འཆོལ།། དྲུག་པས་བླ་དང་ཚེ་སྲོག ་སྡུད།། བདུན་པས་དཀར་ནག་མཚམས་སུ་བསྟིམ།། བརྒྱད་པས་སྲོག་གི་མེ་མར་བསད།། དགུ་པས་དྲངས་སྙིགས་རྒྱུད་ལས་དབྱེ།། དགུ་བསྐོར་ཐུན་གྱིས་བརྣག་པ་ཡི།། ལས་གྲུབ་མཐའ་རུ་གནན་གཟིར་བྱ།། བྲག ་དམར་སྲིན་མོའི་སྒྲོམ་དུ་མནན།། མནན་པའི་སྟེང་དུ་དམིགས་བྱ་ལ།། བསད་པའི་ཐུན་ཟོར་ཡང་ཡང་བརྡེག། དེ་ནས་བཅོམ་ལྡན་འདས་ཀྱི་ཉིད་ཀྱི་སྐུ་གསུང་ཐུགས་རྡོ་རྗེ་ལས།། དྲག་སྔགས་གབ་པ་འདི་བཏོན ་ཏོ།། ཨེ་བཾ་རཾ་ཁཾ། ཤིག་ཙིཏྟ་རྔུབས། རྩ་ལ་བྲེང་ཛཿེ་བཾ་རཾ་ཁཾ་ཤིག། ཙིཏྟ་རྔུབས། དགྲ་བོའི་སྲོག་ལ་ཐུན་རྨུགས་ལིང་ཤག་རྦད། ཨེ་བཾ་རཾ་ཁཾ་ཤིག་ཙིཏྟ་རྔུབས།། དགྲ་བོའི་སྲོག་ལ་བྲེང་བྲེང་། ཡཾ་ཡཾ་ཐུན་རི་ལི་ལི་བྷྱོ། ་ཙིཏྟ་གཟེར་བྲུཾ་སྟཾ་བྷ་ཡ་ནན། དེ་ནས་ཡང་བཅོམ་ལྡན་འདས་ཀྱིས་སྲིན་མོ་ལས་ལ་བསྐུལ་བ་འདི་གསུངས་སོ།། ཚེ་བདག་ཐུགས་ཀྱི་ཡང་སྦྲུལ་མོ།། སྲིན་མོ་གསོད་པར་བྱེད་མ་བྷྱོ།། ཆོས་སྐུ་གཉིས་སུ་མེད་པ ་ལས།། འཇམ་དཔལ་ཚེ་བདག་ནག་པོའི་སྐུ།། ཐུགས་ཀྱི་སྤྲུལ་པ་མགོ་དགུ་མ།། ཡང་སྦྲུལ་བདུད་དང་ཤ་ཟའི་ཚོགས།། མ་ལུས་འཇོམས་པའི་མཐུ་མོ་ཆེ། ཁྲག་དང་དུག་གི་མཚོ་དཀྱིལ་ནས།། དུག་རླངས་མུན་ནག ་གཏིབས་པ་ན།། སྲིན་མོ་ཁ་འདར་མགོ་དགུ་མ།། བདུད་དང་མུ་སྟེགས་བྲན་དུ་འཁོལ།། སྲིད་པའི་མ་མོ་ལས་ལ་བསྐུལ།། དོམ་དང་ཁྱི་མོ་བླ་ལ་འགྱེད།། དྲག་ཏུ་བསྐུལ་བ་མཆིས་ཙམ་ན།། སྟོང་གསུམ ་ཤ་ལ་རོལ་ཅིང་གསོལ།། ང་ཡི་ཤ་སྐལ་གང་ན་ཡོད།། སྟོང་གསུམ་ཟོས་ཀྱང་ང་མ་འགྲངས།། སྟོང་གསུམ་ཁྲག་ལ་མོས་ཤིང་འཐུང་།། ང་ཡི་ཁྲག་སྐལ་གང་ན་ཡོད།། སྟོང་གསུམ་ཁྲག་གིས་ང་མ་འགྲངས།། དགྲ་བོའི ་ཤ་དང་ཁྲག་ལ་རོལ།། དྲག་ཏུ་བསྐུལ་བ་མཆིས་ཙམ་ན།། རི་རབ་རྩེ་ནས་སྙིལ་ཀྱིན་འོང་།། རྒྱ་མཚོའི་གཏིང་ནས་རླབ་ཀྱིན་འོང་།། དགྲ་བོའི་ཤ་ལ་རོལ་ལ་ཤོག། དགྲ་བོའི་ཁྲག་གིས་མྱོས་ལ་ཤོག། དྲག་ཏུ་བསྐུལ་བ ་མ་མཆིས་ན།། རང་ཤ་རང་གི་ཟ་ཞིང་འོང་།། རང་ཁྲག་རང་གིས་འཐུང་གི་ན་འོང་།། རང་ཤ་ཟོས་ཀྱང་ང་མ་འགྲངས།། རང་ཁྲག་འཐུངས་ཀྱང་ང་མ་ངོམས།། དགྲ་བོའི་ཤ་དང་ཁྲག་ལ་རོལ།། དྲག་ཏུ་བསྐུལ་བ་མཆིས ་ཙམ་ན།། གནམ་ས་རི་ལུང་ལྡེག་ཅིང་འོང་།། རྒྱ་མཚོ་ཟོར་དུ་འཕེན་ཀྱིན་འོང་།། དམ་ཉམས་དགྲ་ལ་ཟོར་དུ་རྒྱོབ།། དྲག་ཏུ་བསྐུལ་བ་མཆིས་ཙམ་ན།། ལུས་ཅན་མ་ལུས་བྲན་དུ་འཁོལ།། དམ་ལས་འདས་པའི་ཙིཏྟ ་འབྱིན།། དགྲ་བོའི་ཁོང་ནས་ཙིཏྟ་ཕྱུང་།། དྲག་ཏུ་བསྐུལ་བ་མཆིས་ཙམ་ན།། སྣང་སྲིད་བྷྱོ་བཟློག་མེ་ཡིས་བསྲེག། དགྲ་བོའི་ལུས་སྲོག་བག་ཆགས་བསྲེག། དྲག་ཏུ་བསྐུལ་བ་མཆིས་ཙམ་ན།། ལུས་ཅན་བླ་ལ་རྒྱུག་ཅིང ་འོང་།། སྤྲུལ་པའི་ཁྱི་མོ་ནག་མོ་དགུ།། དགྲ་ལ་རྦོད་ལ་བླ་དང་ཕྲོལ།། དྲག་ཏུ་བསྐུལ་བ་མཆིས་ཙམ་ན།། སྟོང་གསུམ་ནད་ཀྱི་དྲ་བར་འཆང་།། དམ་ཉམས་དགྲ་ལ་རིམས་དལ་ཕོབ།། དྲག་ཏུ་བསྐུལ་བ་མཆིས་ཙམ ་ན།། སྣང་སྲིད་ལུས་སྲོག་དྭངས་སྙིགས་འབྱེད།། ཚེ་བཀྲག་བསྡུས་ལ་རྩ་རྒྱུད་ཆོད།། སྲིན་མོ་ལྕགས་ཐག་མགོ་དགུ་མ།། སྤྱན་ནས་ཁྲག་འཛག་ཟུ་ལུ་ལུ།། ཤངས་ནས་དུག་རླངས་བུན་ནེ་བུན།། སྙན་ནས་འབྲུག་སྒྲ་དི ་རི་རི།། ཞལ་གྱིས་རྔམ་སྒྲས་སྟོང་གསུམ་ཕུང་།། གཡས་པ་དགུ་ན་སྙིང་སྦྲམ་དགུ།། ཐོགས་ནས་དགྲ་བོའི་ཙིཏྟ་འབྱིན།། གཡོན་པ་དགུ་ན་ཐོད་པ་དགུ།། དགྲ་ལ་ཁྲག་མདའ་འདུར་ཟོར་འཕེན། དགྲ་བོའི་ཁོང་དུ་དུག ་མདའ་རྒྱོབ།། ཀླད་པ་གཤོགས་ལ་ཀླད་ཁྲག་ཆོམ།། ལུས་སྲོག་ཕྲོལ་ལ་ཙིཏྟ་གཏུབ། ཁྲག་མདའ་དུག་ཐུན་ཕུར་ཟོར་རྒྱོབ།། སྔགས་པའི་སྐུ་དགྲ་སྒྲོལ་ལ་ཤོག། བྱས་ལ་ཕོ་ཉ་བླ་དེད་ཀྱི་སྔགས་བཟླས་ལ། དགྲ་ལ་རྦད ་དོ།། འཁོར་ལོ་ཐུན་བརྡེག་ལས་ཀྱི་མཆོག། དེ་ནས་ཡང་བཅོམ་ལྡན་འདས་ཀྱིས་སྲིན་མོ་གཟིར་ཏེ། ཉེ་བར་ལས་ལ་མངག་པ་འདི་གསུངས་སོ།། གྲོག་མཁར་རྒྱ་ཚིལ་ས་དམར་ལ།། བོང་བུའི་བདུད་རྩིས་ལེགས ་སྦྲུས་ལ།། སྲིན་མོའི་ལྡེར་སོ་གོང་བཞིན་བྱས།། སྙིང་གར་གྲུ་གསུམ་དོང་བྲུས་ལ།། སྙིང་པོ་གཉིས་དང་འབྲུ་བདུན་གཞུག། དྲག་སྔགས་བཟླས་ལ་སྟོབས་ཀྱིས་གཟིར།། སྲིན་མོ་བོས་ལ་ཁྲག་གིས་བྲན།། ཕུར་པས ་བསྡིགས་ལ་དབང་དུ་བསྡུ།། སྲིན་མོ་བཀའ་ནོད་ཞབས་འོག་འདུད།། དེ་ནས་ཡང་བཅོམ་ལྡན་འདས་ཉིད་ཀྱི་སྐུ་གསུང་ཐུགས་རྡོ་རྗེ་ལས། གཟིར་དང་སྤོགས་པའི་དྲག་སྔགས་འདི་བཏོན་ཏོ།། ཨེ་ཀ་ཡ ་མ་བཾ་རཾ་རག་མོ་ཡཾ་ཧུར་བྲུཾ་ཛཿདུན་དུན་ཏྲིག་ནན།། བཾ་བཾ་རྔུབས་རཾ་ཏེ་ཤག་ཙིཏྟ་དགྲ་བོའི་སྲོག་ལ་ཧུར་བྲུཾ་ཛ། མཱ་ར་ཡ་རྦད། སྙིང་གའི་སྙིང་པོ་སྔགས་བཏོན་ལ།། ལིངྒ་མིང་རུས་བརྣག་པ་གཞུག། ཞག་གསུམ་ཐུན ་བྲབ་རོ་ཁང་མནན།། འབྱུང་བ་དཀྲུག་པས་ལས་རྣམས་འགྲུབ།། རག་མོ་དཀར་མོའི་དཀོན་མོ་ཡང་སྤོགས་པར་བཤད།། དེ་ནས་ཡང་བཅོམ་ལྡན་འདས་ཀྱིས་འབྲས་བུ་གཞོམ་པའི་སྦྱར་བ་འདི་གསུངས་སོ།། དམེ་ཐོད ་ནང་དུ་མེ་ལོང་བསག། གསེར་དངུལ་ཟངས་ལྕགས་རྡོ་ནག་གཞག། ར་དམར་ནལ་བུ་ཁྱི་ནག་སྙིང་།། སྟེང་དུ་གླིང་བཞི་རྩིབས་བརྒྱད་དགབ།། དེ་སྟེང་སྲིན་མོའི་སྐུ་བཞག་ལ།། མཐིང་ནག་དར་གྱིས་དགབ་ལ ་བཞག། ཁྲག་སྣ་གསུམ་དང་དུག་བསྲེས་ལ།། ལིངྒ་མིང་བྱང་གཡག་རུར་གཞུག། སྨྱུག་མ་ཚིགས་གསུམ་སྨིན་པ་ལ།། ལྟས་ངན་སྒོ་བཞིའི་བསྒྲོན་ལ་བཞག། ཞག་ལྔའི་བར་དུ་དྲག་སྔགས་བཟླས།། གསེར་དེ་ཞུ་ཞིང ་འཕེལ་ཆད་ན།། མདའ་བཅས་ལྕགས་ཀྱང་བླུགས་ལ་དགྲ་ལ་བརྡེག། སྲིན་མོ་དྲག་ཏུ་བསྐུལ་ལ་འཕང་།། དྲག་སྔགས་སྦྱོར་བ་གཉིས་སུ་བྱ།། བཾ་རཾ་ཁཾ་ཤིག་ཙིཏྟ་རྔུབས། འུར་ཏོག་ཕྲོམ་ཤར་ཛ་ལ་རཾ་སྨེ་ཤ་ཧྲི་ལ། ཧུར ་ཁམས་ཤ་ཡེང་། ཕྲོམ་ཤར་སྲིང་། ཁྲོམ་བྷྱོ། མ་བྱུང་སྤོགས་ན་སྔགས་འདི་བརྡེག། ཁཾ་ཙིཏྟ་བཾ་ཤག་རྔུབས་རཾ་ཕྲོམ་ཧྲི་ལ་ཏོག་ཤར་ཛྭ་ལ་ཧུར་བྲུཾ་རཾ་སྨ་ཤ་བྷྱོ། སྲིན་མོ་ལས་འདི་རྒྱས་པར་བཤད། མེ་རླུང་སྐྱི་འདང ་འཁྲུགས་པའི་རྒྱུད་ལས། ལོ་ཐོག་མཐའ་སྡུད་ཀྱི་ལེའུ་སྟེ་སོ་བདུན་པའོ།། །། དེ་ནས་ཡང་བཅོམ་ལྡན་འདས་ཀྱིས་ལས་ཀུན་གྱི་མཐའ་སྡུད་དུ་གཤིན་རྗེ་བྱེ་བ་དགུ་ཁྲིའི་སྦྱོར་བ་འདི་གསུངས་སོ།། དུར་ཁྲོད ་གདུག་པའི་དབེན་གནས་སུ།། རང་སེམས་དབེན་པའི་མཚམས་བཅད་ལ།། རྟེན་རྫས་དམ་རྫས་གྲི་བོའི་སྙིང་།། ཐོད་པ་རི་མོ་བདེ་ལྡན་དར།། དྲག་པོའི་ཧོམ་ཁུང་གྲུ་གསུམ་ལ།། བརྣག་པའི་རྟེན་གཟུགས་རྒྱུ་རྟེན ་དྲུག། བ་ཡི་ལྕི་བ་ས་དམར་ལ།། འགར་ཏིའི་སྤྱིའི་མཁར་སྒོང་ལ།། ལིངྒ་སོར་བརྒྱད་དབང་པོ་དོད།། ནད་ཁྲག་ཚ་བ་དུག་ཆུ་བསྐུ།། རི་ཤོ་དང་ནི་གྲོ་ག་ལ།། དེ་ཡི་མིང་དང་རུས་བྲིས་ལ།། སྙིང་གར་རླན་དང་སྔོན ་དམར་བསྡམ།། ཐོད་པར་བཅུག་ལ་དོང་དུ་གཞུག། ཞིང་རས་ཨ་མི་འབར་གང་ཡང་རོ་རས་ཞབས་མ་ལ།། སྨེ་བ་ལྔ་ཡིས་ཐོད་པ་བྱ།། གཅོད་པའི་འཁོར་ལོ་ཆ་གཉིས་བྲི།། དབུས་ནས་ཐིག་སྐོར་བཞི་རུ་བསྐོར།། དབུས་སུ ་གྲུ་གསུམ་ཟླ་གམ་གསུམ།། ཕྱི་རིམ་འཁྲུལ་མིག་རྒྱ་གྲམ་ལྡན།། ཡང་ལོགས་རྩིབས་མཚན་བཅུ་གཉིས་བཅའ།། ཐ་མ་གདུག་པའི་ར་བས་བསྐོར།། སྲིད་པའི་རུས་སྦལ་ལྟོ་བར་བཅའ།། དེ་ལ་གནས་པའི་རིམ་པ ་ནི།། དབུས་སུ་བརྣག་པའི་སྙིང་པོ་གཟུགས།། བླ་གམ་གསུམ་ལ་སྲུང་བའི་ལྷ།། རྒྱ་གྲམ་རྩ་བའི་དྲག་སྔགས་ལུས།། ཡང་ལོགས་རྩིབས་ལ་སྤུ་གྲི་ཟད།། གདུག་པའི་གསེབ་ཏུ་མནན་པའི ་སྔགས།། མཚམས་དང་མུ་རན་མིང་རུས་ཁམས།། བཀོད་ལ་ཚ་བ་དུག་ཆུས་བསྐུ།། ཐོད་པའི་སྟེང་དུ་འཁོར་ལོ་བཅའ།། དྲག་སྔགས་དམོད་པ་ཞག་དགུར་བཟླས།། རང་ཡང་ཟིལ་གནོན་སྐུ་རུ་གསལ།། བྱེ་བ་དགུ ་ཁྲིའི་མདུན་དུ་བསྐྱེད།། ཞིང་བསྣོལ་རཱུ་ཏྲའི་གདན་སྟེངས་ན།། ཆུ་གླང་སྔོན་པོ་སྦྲུལ་རིས་ཅན།། ཟོད་པར་ནོར་བུས་བརྒྱན་པ་ལ།། ཉི་ཟླ་དང་བཅས་གདན་ལ་གནས།། སྐུ་མདོག་སྔོ་ནག་གཏུམ་ཁྲོ་བརྗིད།། སྐུ་སྟོད ་གླང་ཆེན་སྟག་ཤམ་ཞིང་།། སྦྲུལ་དང་ཐོད་པ་རིན་པོ་ཆེས།། དབུ་དང་ལྷ་ཚིགས་ཕྱག་ཞབས་བརྒྱན།། ཞལ་གསུམ་ཕྱག་དྲུག་ཞབས་བཞིར་བགྲད།། གཡས་དཀར་གཡོན་དམར་དབུས་མཐིང་ཞལ།། གཡས་པ་གསུམ ་ན་རལ་གྲི་དང་།། བེ་ཅན་ལྕགས་ཀྱི་རི་རབ་བསྣམས།། གཡོན་པ་གསུམ་ན་ལྕགས་ཀྱུ་དང་།། ཞགས་པ་རྡོ་རྗེ་རྒྱ་གྲམ་བསྣམས།། ཞལ་ནས་སྦྲུལ་དང་མི་རོ་འབྲུལ།། སྟོད་ནས་མེ་འབར་འདབ་ཆགས་ལྡིང་།། སྨད ་ནས་ཁྲག་འཛག་གཅན་གཟན་རོལ།། ཐུགས་དཀར་ཉི་མ་ཡ་དང་སྔགས།། དྲེགས་པའི་ཚུལ་དུ་ལས་ལ་བརྩོན།། རྦད་ཅིང་དྲག་སྔགས་གཏུམ་པར་བཟླས།། མཐའ་རུ་ཐོད་པ་ཞབས་འོག་གཞུག། ལྕགས་ཕུར་གཤིན ་རྗེའི་སྐུར་བསྒོམས་ལ།། གཟིར་སྔགས་ཁྲི་ཡིས་སྙིང་གར་གདབ།། ཕོ་ཉས་བཀུག་ལ་རྟེན་ལ་བསྟིམ།། འཁོར་ལོ་ལིངྒ་ཐོད་པར་བཅའ།། རྫས་ཀྱི་ལིངྒ་ཕག་པར་གྲིལ།། དར་དང་རེ་བས་ཐོད་པ་བསྡམ།། གཉེན་སར ་འདུག་པའི་ཀླུ་ལ་གཏད།། དཔང་གཟུག་འོ་དོད་ཆོ་ངེས་གདབ།། འབྱུང་བ་ཕོ་བྲང་དོན་ཡོད་བསམ།། མནན་སྔགས་བརྒྱ་རྩ་བརྒྱད་ཀྱིས་བཅག། ལས་ཀྱི་ཁ་གསོ་ཐུན་དང་སྦྱར།། དྲག་སྔགས་བསྟུད་ལ་ལྕི་བར ་བཟླས།། བླ་དྭགས་བྱུང་ན་དྲག་སྔགས་བརྡེག། བླ་ཆེན་བཞི་ལ་རྣལ་མ་བརྡེག། སྤྲུལ་པ་བརྒྱད་པོ་དབུས་ནས་བཟློག། ཡང་སྦྲུལ་བཅུ་གཉིས་མཐའ་ནས་ཟློག། ཆགས་སྡང་ལྔ་ལ་འབྱུང་བ་དཀྲུག། གཟིར་དང་མནན ་ལ་ཁ་གསོ་ཟོར།། དྲག་སྔགས་སྤུ་གྲི་བདུན་དུ་སྦྱར།། དེ་ཡིས་མ་ལུས་འཇོམས་ཤིང་འཕོ།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་རྡོ་རྗེ་ལས་དྲག་སྔགས་འདི་བཏོན་ཏོ།། ཨེ་ཀ་ཡ་མ་ཧུར ་ཡཾ་ཐིབས།། དགྲ་བོ་སྲོག་ལ་བཾ་རིལ་ཐུན་ཛཿཡཾ་མྱགས་མཱ་ར་ཡ་རྦད་ཛ་ཛ། དུན་རིལ་བཾ་ལཾ་སྲོག་ལ་མྱགས་མཱ་ར་ཡ་རྦད། མཱ་ར་ཡ་མྱགས། ཙ་ཛ་ཆ་ཡང་དུན་རིལ་བཾ་སྲོག་ལ་རྦད། སྲོག་དུན་བཾ་མྱགས། རྩ་ལ་དུན་རྦད ་མཱ་ར་ཡ་ཛ། སྲོག་ལ་སྦུར་ནན། སྙིང་གཟེར་རྦད། སྲོག་སྟམྦྷ་ཡ་ནན། སྲོག་ལ་ཐུན་བྷྱོ། བྲེང་ཤག་རྦད། སྦྱོར་བ་འདི་ཡིས་མ་ལུས་ཀུན།། འཇོམས་ཤིང་དྭངས་སྙིགས་འབྱེད་པར་ཤེས།། དེ་ནས་ཡང་བཅོམ་ལྡན ་འདས་ཀྱིས་ལས་སྣ་ཚོགས་ལ་བསྐུལ་བ་འདི་གསུངས་སོ།། ཧཱུཾ། བསྐལ་པ་བརྒྱད་ཁྲི་བཞི་སྟོང་འདས་པའི་ཕ་རོལ་ན།། འབྱུང་བ་རྟེན་གཞི་རྔམ་པའི་འོག་ཤེད་ན།། རྒྱ་མཚོ་ཆེན་པོའི་གཏིང་རུམ ་ན།། མུན་ཁང་ལྕགས་མཁར་སྒོ་མེད་ན།། རུ་ཏྲ་དྲེགས་པའི་གདན་སྟེང་ན།། གཤིན་རྗེ་བྱེ་བ་དགུ་ཁྲི་བཞུགས།། སྐུ་མདོག་མཐིང་ནག་རྔམ་པ་ལ།། དབུ་གསུམ་ཕྱག་དྲུག་ཞབས་བཞི་བགྲད།། གཡས་དཀར་གཡོན ་དམར་དབུས་མཐིང་ཞལ།། ཕྱག་དྲུག་ཕྱག་མཚན་འབར་བ་ནི།། གཡས་ཀྱི་དང་པོ་རལ་གྲི་འབར།། དགྲ་བོའི་སྲོག་རྩ་གཅོད་ཅིང་རོལ།། གཡས་ཀྱི་བར་བ་ཞིང་དབྱུགས་བསྣམ། ཁམས་གསུམ་མ་ལུས་རྡུལ་དུ ་རློག། ཐ་མ་ལྕགས་ཀྱི་རི་རབ་བསྣམས།། དགྲ་བགེགས་ལས་ངན་གཅོད་ཅིང་གཟེར།། གཡོན་གྱི་དང་པོ་བེ་ཅོན་གྱིས།། དགྲ་བོ་ལས་ངན་མགོ་ལུས་འཇོམས།། བར་བ་ལྕགས་ཀྱུས་དགྲ་སྙིང་འབྱིན།། ཐ་མ་ཞགས ་པས་དགྲ་བོ་འགུགས།། དགྲ་བོ་ལས་ངན་སྡིག་ཅན་རྣམས། ཁྱམས་ཁང་གནས་སུ་ཁྲིད་ལ་ཤོག། སྐུ་ལ་ལྕགས་ཀྱི་ཚེམ་ཚེམ་གསོལ།། ཞིང་དང་ཐོད་པ་སྦྲུལ་གྱིས་བརྒྱན།། སྐུ་སྨད་སྟག་ལྤགས་ཞིང་ཆུང་བརྒྱན།། སྟོད ་ནས་ང་རྒྱལ་མེ་ཆེན་འབར།། སྨད་ནས་འདོད་ཆགས་ཁྲག་ཆེན་འབྲུག། སྐེད་ནས་ཞེ་སྡང་སྦྲུལ་གྱིས་བརྒྱན།། ཞལ་ནས་དུག་གི་རླངས་པ་འདོན།། ཤངས་ནས་ཕྲག་དོག་འཚུབས་མར་འཁྱིལ།། སྙན་ནས་སྟོང་གསུམ ་འབྲུག་སྒྲ་སྒྲོགས།། ཐུགས་ལས་སྤྲུལ་པ་ཕྱོགས་བཅུར་འགྱེད།། ཕོ་ཉ་བྱེ་བས་དགྲ་བོ་འགུགས།། ཡང་སྦྲུལ་དགུ་ཁྲིས་སྲོག་རྩ་གཅོད།། ལས་ཀྱི་མཐའ་སྡུད་ཁྱོད་ཡིན་གྱིས།། དགྲ་བོ་དམ་ཉམས་སྡིག་ཅན ་རྣམས།། ལག་ཏུ་གཏད་དོ་ཤོར་ར་རེ།། འདི་ནི་བཀའ་གཅོག་དམ་འདྲ་ལ་ཡིན།། འདི་ལ་སངས་རྒྱས་མི་གནས་སོ།། འདི་ལ་དམ་ཚིག་མི་གནས་ཀྱིས།། འདི་ལ་སྙིང་རྗེའི་གནས་མེད་ཀྱིས།། རྒྱ་མཚོ་ཆེན་པོའི་གཏིང ་དུ་སྤོས།། ལྕགས་ཀྱི་རི་རབ་འོག་ཏུ་ནོན།། བྱེ་བ་དགུ་ཁྲི་དགུ་ལ་བྷྱོ།། ལྕགས་མཁར་བཙོན་རར་དགྲ་བོ་ཆུག། དགྲ་བོ་ཕོ་རྒྱུད་མོ་རྒྱུད་ཆོད།། བཅོལ་བའི་ལས་རྣམས་འགྲུབ་པར་མཛོད།། བྱེ་བ་དགུ་ཁྲི་སྦྱོར་བ ་བཤད།། མེ་རླུང་སྐྱི་འདང་འཁྲུགས་པའི་རྒྱུད་ལས། ལས་ཀྱི་མཐའ་སྡུད་ཀྱི་ལེའུ་སྟེ་སོ་བརྒྱད་པའོ།། །། དེ་ནས་བཅོམ་ལྡན་འདས་ཀྱིས་ཉིད་ཀྱིས་སྙིང་གཟེར་ནག་པོ་བསད་པའི་ལས་ཀྱི་རིམ་པ་བཞི་རུ་གསུངས ་པ། ཀུན་གྱི་བཅུད་ཕྱུང་བ་ནི། གནས་རང་བཞིན་གྱིས་དབེན་ལ་ཉམས་དགའ་བའི་ས་རུ། སེམས་ངང་གིས་དབེན་པའི་མཚམས་བཅད་ལ། མནྡལ་ཁྲུ་གང་བའི་དབུས་སུ།། དོང་གྲུ་གསུམ་རྩེ་མོ་ལྷོར་བསྟན་པ་གཅིག ་བརྩིག་དེའི་ནང་དུ་ཐོད་པ་གླིང་མངས་སམ། ལིངྒ་རྟེན་དུག་དང་ས་དམར་ལ་བྱས་པ་གཉིས་ཀྱི་སྙིང་གར་མིང་རུས་གྲོ་ག་ལ་བྲིས་པ་གདགས། སྟེང་དུ་དར་ནག་པོས་དགབ། ཀ་པཱ་ལ་གླིང་མང་བའི་ནང་དུ། ལུག་ནག ་པོའི་སྙིང་དང་བྱ་ནག་པོའི་སྙིང་དམ་རྫས་སུ་བཞག་ཞག་བདུན་གྱི་བར་དུ་གསལ་བར་བྱས་ལ། བདུད་ཀྱི་རྒྱལ་པོ་ཡབ་ཡུམ་དང་། བདུད་མི་ཟན་མ་བཙུན་མ་དང་ཉི་མའི་གུང་ལ་བསྐུལ། ཕོ་ཉ་བདུན ་ཕྲག་བདུན་སྟོང་ཐོ་རངས་བསྐུལ། བླ་རྐུན་བདུན་དང་རྒྱས་པ་སྡེ་བཞི་ཐུན་བཞིར་རྦད། ཉུང་དཀར་དང་ཉུང་ནག་རྡོ་ཕྱེ་དང་ཁྲག་སྐམ་གྱི་ཐུན་བརྡེག་ལྕགས་ཕུར་བཅུ་བཞི་ལ་སྔགས་བཅུ་བཟླས་ལ་ལིངྒ་ལ་ཐུན ་བརྡེག། རྩང་བདུན་ཚན་བདུན་ལ་ཡང་སྔགས་བཅུ་བཅུ་བཟླས་ལ་བརྡེག་ལིངྒ་ལ་སྙིང་གཟེར་གྱི་སྔགས་བརྒྱབ་པས། བདུད་ཀྱི་ཕོ་ཉ་དང་། སྤྲུལ་པར་བཅས་པས་དགྲ་བོ་ལྷ་སྲུང་དང་ཕྲལ་ནས། ཤེས་རྒྱུད་ཀྱི་སྒོ་ཕྱེ ་སྟེ། སྙིང་དཀར་ནག་གི་མཚམས་སུ་མཚོན་ཆའི་ཆར་ཕབ། ནད་ཀྱི་སྤྲིན་གཏིབས། ལས་ཀྱི་མེ་སྦར་ནས། རང་རྒྱུད་ཀྱི་རྩ་དང་ཕུང་པོ་ལས། རྩ་དང་སྲོག་ཟུངས་བཅད། ཁྲག་དང་བག་ཆགས་བསྐམ། ཤ་ཁྲག་དང་རྐང ་རུས་ལ་རོལ་ཅིང་གཏོར་ནས། བླ་དང་ཡི་གེ་ནརྀ་རང་དབང་མེད་པར་ཕྲོགས་ནས། ལིངྒ་ལ་སྡུད་པའོ།། དྲག་སྔགས་འདི་ཉིན་མཚན་ཕོ་མོ་མ་ནོར་བར་དག་ལ་འདྲིལ་ཞིང་རྔམ་པར་བཟླས་སོ།། གོ་རོ་ཤན་དགྲ་བོ་སྙིང ་གཟེར་ཡཾ་ཐུན་རྦད། རྩ་རོ་པ་ན་དགྲ་བོ་སྙིང་རཾ་ཐུན་རྦད། མུ་ཁ་དུ་ན། དགྲ་བོ་སྙིང་གཟེར་མྱོགས་རྦད། ཛ་ལ་པོ་ཏྲ་ན། དགྲ་བོ་སྙིང་གཟེར་ཐུ་རིལ་རྦད། དུ་ན་བྷཱུ་ཏི་ནན། དགྲ་བོ་སྙིང་ལ་གཟེར་ཁས་རྦད། རཀྟ་སུ་ཁ ་ན། ཐུན་རྦད། དགྲ་བོ་སྙིང་གཟེར་ཙིཏྟ་རྦད། ཝ་ག་ཤ་ལིང་ན་དགྲ་བོ་སྙིང་གཟེར་ནརྀ་ཧུར་བྲུཾ་ཛ།། མ་མ་དགྲ་བོ་ཙིཏྟ་གཟེར་ཡཾ་ཐུན་རྦད། མ་མ་རྩ་ཐང་དགྲ་བོ་ཙིཏྟ་གཟེར་རཾ་ཐུན་རྦད། མ་མ་སྲོག་རྩ་དགྲ་བོ་ཙིཏྟ ་གཟེར་མྱོགས་རྦད། མ་མ་ཛ་ལ་ཙིཏྟ་གཟེར་བྲུཾ་རི་ལ་རྦད། མ་མ་སྲོག་ལ་དགྲ་བོ་ཙིཏྟ་གཟེར་ཁས་རྦད། མ་མ་རྩ་ཐང་དགྲ་བོ་ཙིཏྟ་གཟེར་མྱོགས་རྦད་མ་མ་དགྲ་བོ་ཙིཏྟ་ཧུར་བྲུཾ་ཛཿ། དྲག་སྔགས་འོད་ཟེར་རྣོ་ལ་མྱུར་བ ་ཡིས། ཤེས་རྒྱུད་རྩ་ལས་དྲངས་སྙིགས་འབྱེད་པར་འགྱུར་རོ།། ལས་དེ་ཐོན་པ་དང་ལིངྒ་ལས་ཕུར་པ་དང་རྩང་དེ་བཏོན་ལ། ཐོད་པ་དང་ལིངྒ་ཕག་པའི་ལྟོ་བར་གྲིལ་ལ། རེ་བ་དང་མཁར་ནག་གིས་བཅིངས་ཏེ། དྲག ་སྔགས་ཕོ་མོས་གྲིལ་ལ། རྦད་ཕྱུང་ལ་ནན་བཏགས་ཏེ། དང་ལ་ཁྲི་བཟླས་ལ། དེ་ནས་རྒྱ་ཡིས་བཅག་དབང་ཆེན་གྱིས་བསྣན། བདུད་ཀྱི་ཕོ་བྲང་གདབ། མ་ཉེས་པའི་དཔང་གཟུག་སྙིང་གཟེར་བསད་པའི་ཁ ་གསོའོ།། དེ་ཡང་དམར་ལེན་སྤུ་གྲིའི་རྒྱུད་ལས།། བདུད་དང་ཕོ་ཉ་སྤྲུལ་པའི་ཚོགས།། མ་ལུས་རྫོགས་པའི་ལས་བྱས་ནས། རྟགས་མེད་བརྣག་པ་མ་ཁུགས་ན།། སྦྱོར་བའི་རྒྱལ་པོ་དམར་ལེན་བསྔགས།། སེམས ་དབེན་གནས་སུ་རང་མཚམས་བཅད།། མནྡལ་ཕུར་པ་ཧོམ་ཁུང་རྩང་།། ལིངྒ་མིང་བྱས་སྔོན་དམར་གནག། ཕག་གི་ཐོད་པར་སྦུབས་མ་གཞུག། རང་ཉིད་མི་གཡོ་ཆོས་སྐུ་དང་།། ཕྱག་རྒྱ་ཆེན་པོ་ཟིལ་གནོན ་གཡས།། བདུད་དང་ཕོ་ཉ་སྤྲུལ་པ་མངག། དྲག་སྔགས་ཕོ་མོས་ཉིན་མཚན་བརྡེག། བརྣག་པ་ལྷ་དང་དབང་གཟུག་ཕྲལ།། ཙིནྟའི་གསང་སྒོར་མཚོན་ཆ་ནད།། ཕབ་ན་རང་ལས་བདུད་གཤེད ་སློང་།། དྭངས་སྙིགས་དྲག་སྔགས་ཕྱེ་དང་བླ་སྲོག་སྡུད།། ཤ་ཁྲག་ཕུང་པོ་རོལ་ཅིང་ཟ།། ཡི་གེ་གནད་ཀྱི་སྐབས་དང་སྦྱར།། འཕོ་བ་གསུམ་ནི་རྦད་བྷྱོ་ནན།། དྲག་སྔགས་མེ་རླུང་ལས་ཀྱི་མཚོན།། རང་དབང་མེད་པར ་སྲོག་གཅོད་འཕྲོག། ཕུ་ལ་ལིངྒ་རྩང་བཅས་བརྡེག། ཐོད་པ་གཟིར་ཞིང་ཟོད་ཆས་གཞུག། ཕག་པ་སྔོན་དམར་རེ་བས་གྲིལ།། མནན་པ་ཀླུ་དང་བཙན་ལ་གཏད།། ལ་སོགས་སྐབས་ཀྱིས་གོང་དང་སྦྱོར། ཁ་གསོ་བྱེད ་པ་བྷྱོ་ཡིས་འཕང་།། གསང་བ་སྙིང་གཟེར་སྦྱོར་བ་བྱ།། ཉིན་མཚན་གུང་དང་ཐོ་རངས་སྲོད།། དུས་བཞིར་རྟག་ཏུ་དྲག་ཏུ་བསྐུལ།། མཚོན་ཆ་སྦྱོར་བའི་རྒྱལ་པོར་གསུངས།། ཞེས་བྱའོ།། མེ་རླུང་སྐྱི་འདང་འཁྲུགས་པའི ་རྒྱུད་ལས། བདུད་ཀྱི་སྙིང་གཟེར་ནག་པོའི་ལེའུ་སྟེ་སོ་དགུ་པའོ།། །། དེ་ནས་བཅོམ་ལྡན་འདས་ཀྱིས་དོན་གྱི་མན་ངག་དྲག་པོ་སྔགས་རྒོད་ལ། གསད་གསོ་དབབ་གཅད་ལྟས་ངན་ཐོག་གསེར་ལས།། ཀུན ་འདུས་རྣམ་རྟོག་ཆེན་པོ་རང་ལ་འབྱུང་ཞིང་འཆར།། དེ་ཡི་སྦྱོར་བ་དྲག་པོ་ལྔ་དང་ལྡན།། ལྔ་ཡི་མཆོག་ཏུ་སྙིང་པོ་དོན་གྱི་ལས།། དེ་ལས་འབྲུ་བཞི་འབྲུ་བརྒྱད་རྩ་བའི་སྔགས།། འབྲུ་བཞི་གསད་གསོ་ལས་འདི་སྲུང་བའི ་མཆོག། དྭངས་མ་བཞི་ཡི་རྩ་ལས་ཡེ་ཤེས་བཞི་ཤར་བ། དུག་ལྔ་ལས་དང་སྦྱོར་བ་གདུག་པ་ཀུན་འཇོམས་ཡིན།། དེ་ཡི་སྦྱོར་བ་རྒྱས་པ་འདི་ལྟ་སྟེ།། དུར་ཁྲོད་རས་སམ་ཤོག་གུ་གྲུ་བཞི་ལ།། སྦྱོར་བ་ལྔ་དང་ཚ་བ་དུག ་ཆུས་སྦྱང་།། ལས་ཀྱི་འཁོར་ལོ་མུ་ཁྱུད་བཞི་རུ་བསྐོར།། དབུས་སུ་གྲུ་གསུམ་ཟླ་གམ་གསུམ་དང་ལྡན།། དེ་ཡི་ཕྱི་རིམ་རྒྱ་གྲམ་རྭ་བཞིར་བྱ།། ཡང་ལོགས་མུ་ཁྱུད་ཟླུམ་པོ་ཆུ་ཡི་རིས།། ཐ་མར་རྩིབས་ཆེན་བཅུ་གཉིས་རྩེ ་མོ་ནང་དུ་བསྟན། སྲིད་པའི་ཁྱམས་ཁང་ཕག་མོའི་ལྟོ་བར་བཅའ།། དེ་ལ་གནས་ཤིང་དགོད་པའི་རིམ་པ་ནི།། གྲུ་གསུམ་གནོད་བྱེད་སྙིང་པོ་མིང་རྣམས་བྲི།། ཟླ་གམ་གསུམ་ལ་སྟོང་པའི་མིང་རྣམས་བྲི།། རྒྱ་གྲམ་ར ་བཞིར་རྩ་བའི་འབྲུ་བཞི་དགོད།། ཆུ་རི་མུ་ཁྱུད་རྦོད་གཏོང་གདུག་པའི་མིང་།། བཅུ་གཉིས་རྩིབས་ལ་གཅོད་ཅིང་གཟིར་བའི་སྔགས།། བཀོད་ལ་ཁ་སྦྱོར་དར་དང་སྔོན་དམར་བལྟམ།། ཐོད་པ་དུར་མར་བཅུག་ལ་གྲུ ་གསུམ་རྩང་བཅས་རྣམས།། ཕྱག་རྒྱ་ཟིལ་གནོན་གསལ་བྱས་ཞག་ལྔ་དྲག་ཏུ་གཟིར།། ལིངྒའི་སྙིང་གར་མཆོག་གི་ཕུར་པ་གདབ།། དྲག་ཏུ་བསྐུལ་ཀྱིན་ནད་པ་དུ་བས་བདུག། ཕྱིང་པས་བཀབ་ལ་ཉུང་དཀར་བྲབ་ལ ་བསྐུལ།། ལས་དེ་ཐོན་ནས་བཀའ་རྟེན་འོག་ཏུ་གནན།། ཀླུ་དང་ས་བདག་ལྷ་ཡི་གདོན།། གཤིན་རྗེ་མ་མོ་ཞི་ཁྲོ་ཕུར་པ་ཁྱུང་།། དྲེགས་པ་ཉིད་དང་བོན་པོའི་རིགས་གཉིས་འཛིན།། བདུད་དང་མུ་སྟེགས་བཙན་དང ་རྒྱལ་པོ་དམུ།། ཟེའུ་བྲང་ཕུང་བདག་རིག་འཛིན་གཤིན་རྔོག་སྲི་ཅན་ཀུན།། རང་རང་མིང་དང་སྙིང་པོ་སྦྱོར་བ་གཅོད།། དྲག་སྔགས་སྦྱོར་བ་ལ་སོགས་བརྒྱད་དང་གསུངས།། ཨེ་དུན་ཀ་ཡཾ། སརྦ་ཙིཏྟ་རོ ་མྱགས། ཁ་ཐཾ་འདྲིད་ཕྱུང་ཤག་རྦད། སྲོག་ལ་བྲེང་བྲེང་ཤག་དུན་དུན་ཨེ་དམ་ཧུར་བྲུཾ་ཛཿཛཿས་ནཱ་ག་སྙིང་གཟེར་རྒུད་ནན་ཁཾ་ཤག་ཛ་ལ་རྦད། ས་ནཱ་ག་ཛ། ས་ནཱ་ག་བྲུཾ། ས་ནཱ་ག་རྦད། ས་ནཱ་ག་ཙིཏྟ་རོ་བྲུཾ་རྦད། ཁཾ་ཛ་ལ ་རཾ། སརྦ་ཤ་ཏྲུཾ་ནན་འདྲིད་ཡཾ་བཟློག་སྦུར་ནན། ཨེ་ཀ་ཡ་མ་ཤིག་འདྲིད་ཕྱུང་ཁཾ་ཤག་ཏྲིག་ནན། སྦུར་ནན། སརྦ་ཤ་ཏྲུཾ་ན་ཤ་སྟམྦྷ་ཡ་ཕཊ་རྦད། འདི་བཟླས་པའི་དུས་ནི་རྦོད་གཏོང་ནང་འགྲན་པ་དང་། ཤི་ཁ་བྱེ་བ་དང ་དམོད་པ་ཟུག་པ་དང་། མཛེ་རིམས་དྲག་པོ་མེ་བཞིན་མཆེད་པ་དང་། རིམས་ནད་འཁྲུགས་པ་དང་། སེར་བ་དབབ་པ་དང་། ཀེག་བཟློག་པའི་དུས་སུ་བཟླའོ།། འདི་གར་སོང་སོང་བཟླས་ན་གདོན་འཁྲུག་ནས་གོད ་དང་གློ་བུར་འོང་ངོ་།། མེ་རླུང་སྤྱི་འདང་འཁྲུགས་པའི་རྒྱུད་ལས། དྲག་པོ་སྔགས་རྒོད་ཀྱི་ལེའུ་སྟེ་བཞི་བཅུ་པའོ།། །། དེ་ནས་ཡང་བཅོམ་ལྡན་འདས་ཀྱིས་སྲོག་དམར་ལེན་གྱི་སྦྱོར་བ་ཀུན་འབྱུང་རྩ་བའི་འཁོར ་ལོ་འདི་བཤད་དོ།། གསང་ཆེན་མཆོག་ཏུ་དྲིལ་བ་ཡི།། དྲག་པོ་མངོན་དུ་ཕྱུང་བའི་བཅུད།། ཡང་གསང་སྦྱོར་བ་ལྔ་གཉིས་གཅིག། བདེ་བ་སྨིན་པར་བྱེད་པའི་སྔགས།། ཧ་ལ་ནག་པོའི་ཙི་མ་རི།། དུག་སྦྲུལ་ནག་པོ ་འཛིན་པ་ལྟར།། སྦྱོར་བ་བཅུ་གཅིག་དག་དང་ལྡན།། དོན་གཉིས་མངོན་དུ་སྦྱོར་བའི་ས།། བླ་ཆེན་བཞི་དང་སྤྲུལ་པ་བརྒྱད།། ཡང་སྦྲུལ་བཅུ་གཉིས་ཆགས་སྡང་འབྲེལ།། གང་བྱུང་བསད་པའི་སྔགས་བཞི ་བསྡེབ།། རྟགས་མེད་ཀུན་འབྱུང་དོན་གཉིས་སྦྱར།། དམར་ལེན་སྔགས་ཀྱི་སྙིང་ཕྱུང་ནས།། ལས་ཀྱི་འཁོར་ལོ་མཚོན་ཆ་བསྐོར།། སྙིང་པོ་ཀུན་གྱི་མཐུ་དྲིལ་ནས།། མོད་ལ་སྔགས་ཀྱི་ལུས་དང་མིང་།། གསང་ཆེན ་གསང་བའི་རྒྱལ་པོར་བཤད།། རིགས་དང་རྩོལ་བ་ལས་ཀྱི་དོན།། ལྟ་འཇུག་གནོད་ཞེན་ཕྱིར་འབྱུང་ལྔ།། གང་རུང་དྲག་སྔགས་མཚོན་ཆར་བརྡེག། རྩ་བའི་མཚོན་ཆ་སྐབས་དང་སྦྱར།། རྟག་ཏུ་འབྱུང་བ་གཅིག་ཏུ ་དྲིལ། བརྒྱལ་བས་ཐིག་ལེ་མཐུ་གྲོལ་སྔགས།། ཀུན་འཇོམས་པ་ཡི་རྒྱལ་པོར་བཤད།། རྩ་བའི་འཁྲུལ་འཁོར་རྒྱལ་པོ་ནི།། གྲུ་བཞིར་ཆ་མཉམ་རུས་སྦལ་ལྟོར།། ཡེ་ཤེས་ལྔ་ཡི་ཐིག་དྲངས་ལ།། དེ་བཞིན་ལྷོ། ་གཉིས་ཐིག་དྲངས་ལ།། ཐིག་བཞི་རྒྱ་གྲམ་ལེགས་བཏབ་སྟེ།། མུ་ཁྱུད་རིམ་པ་གསུམ་དུ་བསྐོར།། དབུས་སུ་གྲུ་གསུམ་ཕོ་བྲང་དེར།། བྱང་ཁོག་དབུས་ཀྱི་འཁྲུལ་མིག་གཉིས།། གཡས་པ་མཚོན་ཆ་རྩིབས་བཅུ ་ལ།། གཅིག་པའི་རལ་གྲི་བཅུ་དང་ལྡན།། གཡོན་པ་རྒྱ་གྲམ་བཅུ་དང་ལྡན།། དྲག་སྔགས་ཐུན་གཟིར་འབྲུ་བཅུའི་གནས།། རྒྱ་གྲམ་དེ་བཞིན་ཡཾ་ཡཾ་རྔུབས།། འབྲུ་བཅུའི་སྟེང་འོག་བསྣོལ་མས་གཅོད།། གཡས་སུ ་རྩིབས་ཆེན་བཅུ་བཞི་ལ།། གཟིར་དང་ཙིཏྟ་སྦྲུལ་གནས་པ།། གཡོན་གྱི་རྩིབས་ཆེན་བཅུ་གཅིག་ལ། ཡཾ་བྲེང་དུན་དུན་ཛཿསྲོག་འཕྲོག་དགོད། སྲིད་པའི་ཁྱམས་ཁང་སྟོང་ན་གནས།། དེ་བཞིན་སྲིད་པའི ་འཁྲུལ་མིག་བཞི།། འཁྲུལ་མིག་ར་ལ་མུ་ཁྱུད་གསུམ།། རྩིབས་ཆེན་བཅུ་གཉིས་དེ་བཞིན་བཅུ།། ཅཝོ་ལྔ་རྩིབས་དང་རྩིབས་བདུན་ལ།། བླ་ཆེན་སྤྲུལ་པ་ཡང་སྦྲུལ་དང་།། ཆགས་སྡང་འཇོམས་པའི་དྲག་སྔགས ་ཏེ།། མཚོན་ཆའི་རྒྱལ་པོ་རེ་ལ་གནས།། རུས་སྦལ་ཁོག་སྨད་ལྟོ་བའི་རྫིང་།། རིན་པོ་ཆེ་ཡི་འཁྲུལ་མིག་བཞིར།། རྩིབས་བདུན་རྩིབས་དགུ་དེ་བཞིན་བཅུ།། གནོན་འཁོར་འཇུག་དང་གཞུག་པ་ལ།། སྡེབ་པའི་དྲག ་སྔགས་མཚོན་རེ་གནས།། ཀུན་གྱི་ལྟེ་བ་བཅུ་གཉིས་ལ།། རྩ་བའི་ཡི་གེ་འབྲུ་རེ་གནས།། ཀུན་གྱི་མཐའ་རུ་བསྲེག་དང་ལྡན།། སྙིང་པོ་བརྡ་མིང་རུས་ཁམས་སྦྱར།། ལས་སྐབས་སྦྱོར་བ་རིག་པས་གཟུང་།། གང་འགྲུབ ་འཁྲུལ་འཁོར་ལྟོ་ལ་བཅའ། ཁ་སྦྱར་ནང་ན་ཉི་མའི་མཆོག། དྲིལ་བའི་མཚོན་ཆ་སྔགས་བཟླས་ན།། སྦྱོར་བ་མཆོག་ནི་སྤྱོད་ཡུལ་རབ།། སྔགས་ཀྱི་ངར་བླུད་མེ་ལ་བདུག། བླ་བགེགས་གང་བྱུང་སྔགས་རེ ་གདགས།། ཀུན་འབྱུང་རྟགས་མེད་བསྣོལ་མར་བརྡེག། དམར་ལེན་སྦྱོར་བའི་རྒྱལ་པོར་བཤད།། མེ་རླུང་ས་ཆུ་བླ་ཆེན་རྟགས།། རྟ་གཡག་པ་གླང་ར་ལུགས་གཤིན།། ཉ་སྲམ་སྤྲུལ་པ་ཡིན་པར་འདོད།། ཤ་བ་གཅོད ་དང་གནའ་བ་བོང་།། ཝ་སྤྱང་རི་བོང་བྱི་ལ་དང་།། ཕུ་ནུ་ཕ་ཚན་ཞང་དྲུང་དང་།། ཕ་ཁུ་ལ་སོགས་ཡང་སྦྲུལ་རྟགས། ཁྱི་ཕག་བྱ་སྤྲུལ་ཞེ་སྡང་རྟགས།། མེ་རླུང་སྐྱི་འདང་འཁྲུགས་པའི་རྒྱུད་ལས། གསང་ཆེན་མཆོག་སྦྱོར ་བའི་ལེའུ་སྟེ་ཞེ་གཅིག་པའོ།། །། དེ་ནས་ཡང་བཅོམ་ལྡན་འདས་ཀྱིས། གསང་ཆེན་སྦྱོར་བ་དྲིལ་བའི་ལས།། དྲག་པོ་མངོན་ཕྱུང་སྦྱོར་བའི་མཆོག། སྙིང་གཟེར་གདུག་པ་ཐམས་ཅད་འཇོམས། ཤི་འཕྲད་སྔགས ་ཀྱི་འཁོར་ལོ་ཡིས།། བདག་སྐྱོབ་གཞན་སྲུང་གདུག་པ་འཇོམས།། མ་མོ་བདུད་པོ་རྒྱལ་པོ་བཙན།། གྲུ། ཚ་གླུ། གཉེན་ས་བདག་ཟེ་བྲང་གྲི།། མ་ལུས་འཇོམས་པ་སྤོས་ཀྱི་སྔགས།། བྷི་ལིའི་ཁོང་འདུད་ཁོང་དྲེགས ་ཅན།། འབར་བ་ནག་པོ་ཡ་མ་གླང་།། ཡང་གསང་མཆོག་གི་སྦྱོར་བ་བཤད།། དེ་ཡི་སྦྱོར་བ་འདི་ལྟ་སྟེ།། དུར་ཁྲོད་ཞིང་ལྤགས་རོ་རས་ལ།། མུ་ཁྱུད་ལྔ་ལྡན་རུས་སྦལ་ལྟོར།། དུག་ཁྲག་སྣག་ཚ་སྦྱར་ལ་བྲི།། དབུས་སུ ་གྲུ་གསུམ་ཟླ་གམ་ལྡན།། ཕྱི་རིམ་འཁྲུལ་མིག་ཟོད་མཁར་བཞི།། དེ་འོག་ལྕགས་མཁར་བང་རིམ་བརྒྱད།། ཡང་ལོགས་དྲག་པོ་རྩ་སྦུབས་དགུ།། ཕྱི་རིམ་མཚོན་ཆ་བཅུ་དྲུག་འོབས།། སྲིད་པའི་རུས་སྦལ་ལྟོ་བ ་རུ།། དྲག་པོ་སྔགས་ཀྱི་འཁྲུལ་འཁོར་བཅའ།། དེ་ལ་དགོད་ཅིང་གནས་པ་ནི།། དབུས་ན་གདུག་པའི་སྙིང་པོ་མིང་།། ཟླ་གམ་མ་མོ་རྒྱལ་པོ་བཙན།། ཐེ་བྲང་གཤིན་རྡོག་སྙིང་པོ་མིང་།། འཁྲུལ་མིག་བཞི་ལ་གནས་པ ་ནི།། དྲེགས་པ་སྟོབས་ཀྱི་འབྲུ་བཞི་དགོད།། ཕྱི་རིམ་ལགས་མཁར་བརྒྱད་པོ་ལ།། དྲེགས་པ་སྟོབས་ཀྱི་འབྲུ་བརྒྱད་དགོད།། ཡང་ལོགས་དྲག་པོ་རྩ་སྦུབས་དགུར།། སྲོག་མདངས་འཆང་བའི་གསང ་མཛོད་ལ།། སྙིང་གཟེར་དགུ་པ་སྡེ་ཚན་རེ།། སྙིང་པོ་གསུམ་བསྡུས་རྫོགས་པར་དགོད།། ཕྱི་རིམ་མཚོན་ཆ་སྲུང་བའི་འོབས།། སྲིད་པའི་ཁང་པ་བཅུ་དྲུག་ལ།། ཤི་ཕྲད་དགུ་བཏུལ་སྙིང་པོ་དགོད།། གཉིས་བཅས་དུག ་ཁྲག་ཚ་བ་བསྐུས། ཁ་སྦྱོར་སྔོན་དམར་མཐིང་ནག་དྲིལ།། འཁྲུལ་འཁོར་མཚོན་ཆ་མེ་དཔལ་སྔགས།། བཟློག་ཅིང་འབྱིན་པ་ཤུགས་ཀྱི་མཆོག། གཅོད་ཅིང་འབིགས་པའི་སྤུ་གྲི་མཚོན།། བསྲེག་ཅིང་གཡེངས་པས་མེ ་ཆུ་རླུང་།། སྡུད་ཅིང་འཆང་བས་སྦྱོར་བའི་མཁའ།། གཟིར་ཅིང་གནོན་པའི་ཐོག་སེར་ས།། རྩ་བར་བཅས་པའི་མཚོན་ལོ་མ།། རྩ་བ་གཅིག་ལ་ཡན་ལག་སྟོང་།། བདག་སྐྱོབ་གཞན་བསྲུང་གོ་མཚོན་སྟོབས།། ལས་དང ་སྦྱོར་བ་གཅོད་པའི་མཚོན།། འབར་བ་ནག་པོ་ཞེ་སྡང་མཆོག། སྔགས་ཀྱི་རྒྱལ་པོར་དུག་ངར་བཅས།། འབར་བ་དུག་གི་དུམ་བུར་བསྡུས།། གདུག་ནག་ཡ་མ་རག་ཤའི་ཀློང་།། དེ་ཡི་ཕོ་བྲང་ཐོད་པའི་གནས།། དུར ་མའི་ཕུ་རུ་རུས་སྦལ་གཟུག། མཆོད་རྟེན་རིན་པོ་ཆེ་ཡི་སྦུབས།། ཚངས་པའི་བུ་ག་རྒྱ་གྲམ་ཨེ།། འཁྲུལ་འཁོར་དང་བཅས་རེ་བས་གྲིལ།། ཧོམ་ཤིང་བཅུག་ནས་སྟོང་སྟོང་བཟླས།། གསལ་བར་ཁྱབ་པ་སྟོབས་ཀྱིས ་བས།། རྫས་གསུམ་བརྡབ་གསུམ་ལྟ་བ་བཞི།། འདུས་པ་གསུམ་དང་ཡིན་པ་བཞི།། དབང་བགྲོད་པ་ཡི་གོ་མཚན་མཆོག། རིགས་ལ་ཀུན་དུ་སྣང་སྟོང་བཟླས།། མ་རྟིང་སྦྱོར་བ་བཏུད་ཀྱིན་བརྩམ།། དྲག་ཟ་ཐོག་ཆེན ་གཟེར་མཆོག་བསྟན།། གསེར་གྱི་དགུ་ཐོག་གནམ་ལྕགས་གཟེར།། རི་རྒྱལ་ཟབ་ཆེ་སྐྲ་གྲིའི་དཔལ།། ཡང་གསང་མཆོག་གི་གསང་སྔགས་འདི།། ཨེ་ཀ་ཡ་མ། དུན་རྔ་རག་ཤ་རྔུབས་དུན། ས་ནཱ་ག་མ་ཐག་ཤིག ་གཟེར་ཐུ་ཟད། ས་ནཱ་ག་དུ་མེ་སྙིང་གཟེར་ར་ཐུན་ཟད། ས་ན་ག་དུ་མེ་སྙིང་གཟེར་དུག་ཕུང་ཟད། ས་ན་ག་སྙིང་གཟེར་ཁ་ཤག་ཟད། སརྦ་ཙན་ན་ལམ་ཤིག་གཟེར་ཊུ་ཙཏྟ་བྲེང་ཤ་ཟིང་ང། སྥར་ནན། རྒྱུད་ཀྱི་སྲིང ་སྦྱོར་བ་མེ་རླུང་གི་སྟོབས་བསྡུས་པ་འདི། རང་དང་པྲ་ལས་གཞན་ལ་མི་བསྟན་ནོ།། ལས་གང་ཡང་དོན་མེད་ན། སྲིད་པ་སྟོབས་ཀྱི་འཁོར་ལོ་བཅས་ལ། སྙིང་གཟེར་དགུ་དང་ཤི་ཕྲད་ཀྱི་སྔགས་སྟོང་ཚ་རེ་དང་སྦྱར་ལ ་རྗེས་ལ་སྦྱོར་བ་དྲག་ཏུ་བྱས་ན་གང་ཡང་འགྲུབ་བོ།། དྲག་སྔགས་བརྒྱ་བརྒྱ་ཀུན་དུ་བཟླས་སོ།། རྐྱེན་གང་གིས་ཀྱང་མི་ཚུགས་སོ།། མེ་རླུང་སྟེ་འདང་འཁྲུགས་པའི་རྒྱུད་ལས། ཤི་འབྲད་བཟུང་བའི་ལེའུ་སྟེ་ཞེ་གཅིས ་པའོ།། །། དེ་ནས་བཅོམ་ལྡན་འདས་ཀྱིས་རིག་སྔགས་སྦྱོར་བ་གདུག་པ་སྲེག་པའི་ལས་རྫོགས་པ་མེད་པར་སྦྱིན་པ་འདི་ལྟ་སྟེ། དབེན་པ་ཆེན་པོ་གཏན་ས་རུ།། གང་གནོད་ས་ལ་མ་དལ་བྱ།། དབུས་སུ་རྨྱ ་གསུམ་མཐིང་ནག་ལ། ཁ་ཁྱེར་གསུམ་དང་ལྡན་པ་བརྩིག། ཕྱི་ནང་ཆག་གང་དབུས་མཛུབ་གང་།། རྩིབས་ལ་ཁ་ཁྱེར་སོར་གཅིག་བྱ།། མུ་ཁྱུད་ནང་དུ་ཟླ་གམ་གསུམ།། ཕྱི་རིམ་འཁོར་ལོ་རྩིབས་བཅུ ་གཉིས།། བཞི་པ་མུ་ཁྱུད་ཟླུམ་པོ་ལ།། བྷནྣ་སྐམ་རློན་བཅུ་གཉིས་དགོད།། ལྔ་པ་མེ་རིའི་ཕྲེང་བས་བསྐོར།། དེ་ལ་དགོད་པའི་རིམ་པ་ནི།། དབུས་སུ་གྲུ་གསུམ་མཐིང་ནག་ལ།། ས་ཆུ་མེ་རླུང་སྦྱོར་བའི་སྦལ་པ ་ལ།། ཧོམ་ཤིང་ཁྲུ་གང་གྲུ་གསུམ་བརྩིག་ཁ་ཁྱེར་གསུམ་དང་ཟླ་གམ་ལ།། གདུག་པ་གསུམ་གྱི་གཟུགས་བརྙན་གཞག། རྩིབས་ལ་རྩ་བའི་དྲག་སྔགས་དགོད།། ཕྱི་རིམ་མཚོན་ཆའི་རྩེ་མོ་ལ།། བསྲེག་ཅིང་གནོན་པའི ་སྤུ་གྲི་དགོད།། མུ་ཁྱུད་བཞི་པའི་འཁོར་ལོ་བྷནྡ་ལ་ཡང་ལ།། སྦལ་པ་སྦྲུལ་དང་ཉ་སྲམ་ཤ། གཉིས་པ་ཤ་ཆེན་ཚ་བ་གསུམ།། བཞི་པ་དུག་གི་རི་ལུ་བརྒྱ།། ལྔ་པ་བྱ་ཕག་སྤྱང་ཚིལ་གསུམ།། དྲུག་པ་མི་རྟ་ཁྱི་ཡི ་ཚིལ།། བདུན་པ་མར་ཁུ་དུག་ཆུ་བརྒྱད།། དགུ་པ་ཁྲག་སྣ་ཆང་སྣ་བཅུ།། བཅུ་གཅིག་དུག་རྫས་སྣ་ཚོགས་བཞག། དུར་ཁྲོད་རས་སམ་ཞིང་རས་ལ།། གོང་བཞིན་བྲིས་ལ་རྫས་ཀྱིས་བསྐུས།། བདུན་ནམ་དགུ་རུ་སྟེང ་ནས་དགབ།། དམོད་པ་བཟླས་ཤིང་བསྐོང་བ་བྱ།། དྲག་ཏུ་བསྐུལ་ཞིང་མེ་སྦར་ལ།། གཟུགས་ལ་མཚོན་བརྡག། ཚ་བརྡེག། གདབ་ལ་བསྲེག། གདུག་པའི་ཤ་སོགས་རིམ་གྱིས་དབུལ།། ཐེམ་ནས་རྗེས་ཤུལ་བརྣག ་པའི་ཟོར།། ཉིན་མཚན་ཐུན་དྲུག་སྦྱིན་བསྲེག་བྱ།། དྲག་པོ་སྦྱོར་བ་མཆོག་གི་ལས།། ཧོ་བན་ཉ་ཡི་བདེ་ཀློང་དུ།། སྙིང་པོ་གསུམ་ལ་དབང་དུ་སྡུད།། མན་ངན་གནད་མདའི་སྦྱོར་བས་བསྲེག། ལས་སྦྱོར་ནུས་པ་དམ་དུ ་འབྲེལ།། ཕྱག་རྒྱ་ཆེན་པོའི་ལུས་དབང་སྲུན།། བདེ་བའི་དོན་དུ་རང་ལས་འཆར།། གདུག་པ་རྗེས་གཅོད་སྔགས་ཀྱི་དཔལ།། བག་མེད་སྦྱོར་བ་ཀུན་འཇོམས་ཡིན།། རྣལ་འབྱོར་ཅན་ལས་གཞན་དུ་མིན།། མཛེ་རིམས ་དག་པོའི་ཡམས་དར་ན།། སྦྱོར་བའི་རྒྱལ་པོ་བསྟུད་ལ་བརྩམ།། ས་ནཱ་ག་དུ་རཾ། ས་ནཱ་ག་ཨུ་ནན་གཟེར་ཕྱུང་།། སྲོག་དུན་རཾ་ཙི་ཏ་བྲེང་ཤག་རྦད་ཧུར་ཟུམ་མྱོགས་རྦད། དྲག་པོ་མངོན་དུ་ཕྱུང་བའི་སྦྱོར་བ་འདི་ནི། ལས ་གང་གི་རྟགས་མ་ཕྱིན་ན། ཁྱད་པར་དང་རྫས་དང་བཅའ་ཐབས་འཕྲུལ་པར་བྱས་ལ། སྔགས་པ་གོ་མཚོན་གཉིས་དང་ལྡན་པར་བྱས་ཏེ། ཁྲོ་བོའི་དཀའ་ཐུབ་དང་དམ་ཚིག་བསྲུང་ལ་ལས་བརྩམས་ན་འབྲས་བུ་རེ ་དོགས་མེད་པའོ།། མེ་རླུང་སྤྱི་འདང་འཁྲུགས་པའི་རྒྱུད་ལས། དྲག་པོ་མངོན་དུ་ཕྱུང་བའི་སྦྱོར་བའི་ལེའུ་སྟེ་ཞེ་གསུམ་པའོ།། །། དེ་ནས་ཡང་བཅོམ་ལྡན་འདས་ཀྱིས། ཁ་གསོའི་དུས་སུ་ཉ་དང་སྟོང་དང་ཚེས ་བརྒྱད་དང་ཉི་ཤུ་བཞི་ལ་མོན་ཐོད་དམ། འབྲོང་གི་རུ་གཡས་པ་རྩེ་མོ་མ་བཅད་པའི་ནང་དུ་ཁྲག་སྣ་དང་དུག་སྣ་དང་ལིངྒ་དང་མིང་རུས་བཅུག་ལ་ཕུར་བུས་གདབ། གྲི་ཡིས་གཏུབས་ཟོར་དུ་བསྟིམ། དྲག་སྦྱངས ་ལ་ཟོར་དུ་འཕང་བ་ནི། ཨེ་མྱགས་ཡ་རྔུབས་མུག་ཤག་ཀ་དུན་དགྲ་བོའི་སྲོག་ལ་བྲུཾ་རིལ་བྷྱོ། ལས་དེ་དག་ལ་རྟགས་མེད་ན། དྲག་སྔགས་མགོ་བཟློག་ལ། འཁོར་ལོ་དང་ཐོད་པ་བཅའ། ཞག་གསུམ་དུ ་རྣལ་མ་དང་སྔགས་བཟློག་མར་བརྡེག་མནན་པ་དང་ཁ་གསོ་འདྲའོ།། ལས་གང་ཡང་རྟགས་མེད་དམ་སྟོབས་ཆེན་ནང་རྒྱས་དྲག་པོ་སྔགས་ཀྱི་འབྱུང་བ་དཀྲུག་པར། ཐོད་པ་དང་འཁོར་ལོ་ལ་དུག་ཤིང་གི་དུད་པས ་བདུག་ཁོའི་སྲུང་མ་གཟིར། རང་གི་ལུས་སྲོག་འཁོར་བསྲུང་། མཁའ་འགྲོ་གཟན་ལ་དབབ། སྔགས་ཀྱི་དུག་མདའ་ཁོང་དུ་བསྐྱལ། རང་གཤེད་རང་ལ་དབབ། ལུས་སྲོག་དྲངས་སྙིགས་དབྱེ། གསང་བ་མན་ངག་ཏུ ་ལྟོལྷོ་སྡེབ་པ་ནི། ཨེ་མྱགས་ཡ་རྔུབས་མུག་ཤག་ཀ་དུན་སྙིང་གཟེར་སྦུར་ནན། ལ་ཙ་ལ་ཙ་མ་རི་ཕྱུང་། ཨེ་ཧུར་བྲུཾ་ཛ། ཁཾ་ཤག་རྦད། ཨེ་མྱགས་ཡ་རྔུབས་མུག་ཤག་ཀ་དུན་དགྲ་བོའི་སྲོག་ལ་བྲུཾ་རི་ལི་ལི་བྷྱོ། ཨེ་མྱགས་ཡ ་རྔུབས་མུག་ཤག་འདི་ལ་མན་ངག་བྱེད་པའི་བསད་པའི་སྤུ་གྲི་བསྡེབས་པས། མན་ངག་གསང་བའི་སྡེབས་གསུམ་མོ།། མེ་རླུང་སྐྱི་འདང་འཁྲུགས་པའི་རྒྱུད་ལས། ཁ་གསོ་བའི་ལེའུ་སྟེ་ཞེ་བཞི་པའོ།། །། དེ ་ནས་ཡང་བཅོམ་ལྡན་འདས་ཀྱིས། ཁྲོ་བོ་མངོན་དུ་མཐོང་བའི་དོན་འདི་གསུངས་སོ།། དཔལ་ཆེན་པོས་སྔོན་གདུག་པ་ཅན་བཏུལ་ནས་བསྟན་པ། ཨེ་བཛྲ་ཀྲོ་ཏ་མ་ཧཱ་ཤྲི་ཧེ་རུ་ཀ་ཏྲི་ཛཿཛཿཛཿརཀྵ་བྲུཾ་རི་ལ་རྦད།། ་རྫོགས་པར་བསྐྱེད་ཅིང་ཚོགས་མཆོད་བྱ།། དྲག་པོར་བཟླས་ཤིང་རྔམ་གཡབ་བཏང་།། འཇིག་རྟེན་གདོན་རྣམས་རྡུལ་དུ་རློག། སྔོན་བྱུང་རྗེས་འཇུག་ཕྲིན་ལས་ད་ལྟ་རྫོགས།། དྲག་ཐབས་འདི་ཡིས་ཁྲོ་བོ་མངོན་དུ ་མཐོང་།། ཞེས་གསུངས་སོ།། འཇིག་རྟེན་ཟིལ་གྱི་གནོན་པའི་མེ་རླུང་སྐྱི་འདང་འཁྲུགས་པའི་རྒྱུད་ལས། མངོན་དུ་མཐོང་བའི་ལེའུ་སྟེ་ཞེ་ལྔ་པའོ།། །། དེ་ནས་ཡང་འཇིགས་བྱེད་ཆེན་པོ་དེས།། ཞི་བས་དུག་ལྔ ་སྦྱངས་ཏེ་བསད་པའི་དོན་འདི་གསུངས་སོ།། ཞི་བའི་ལས་རྣམས་བསྒྲུབ་པ་ནི།། གང་ཡིན་གཟས་པའི་མིང་རུས་དང་། རྫས་དང་དུག་མདའ་འཕྲོག་ཕོ་མོ་གཉིས་བསྡོམ་སྲོག་སྙིང་ལ་གནོད་བྱེད་བྲུཾ་རིལ་བྷྱོ། ཞི་བ ་ཤཤིནྟི་ཀུ་རུ་སྭཱ་ཧཱ། ཞེས་གསུངས་སོ།། འཇིག་རྟེན་ཟིལ་གྱི་གནོད་པའི་མེ་རླུང་སྐྱི་འདང་འཁྲུགས་པའི་རྒྱུད་ལས། ཞི་བའི་ལས་ཀྱི་བསད་པའི་ལེའུ་སྟེ་ཞེ་དྲུག་པའོ།། །། དེ་ནས་ཡང་འཇིགས་བྱེད་ཆེན་པོ་དེས། ་ནག་པོ་མཐར་བྱེད་ཀླུའི་དོན་འདི་གསུངས་སོ།། ནག་པོ་མཐར་བྱེད་མན་ངག་ལ།། ཀླུ་ཡི་དམོད་པས་ཐེབས་པ་ལ། ཁྲག་སྣ་ཚོགས་དང་། དུག་སྣ་ཚོགས་དང་། གུ་གུལ་དུད་པས་བདུག་པའོ།། མཛེ་མོའི་གོས་ལ་ལིངྒ ་བཅའ།། སྦལ་གཟུགས་བརྒྱད་དང་མིང་གཟུགས་བརྒྱད།། ཕ་མེས་ཐོད་པ་ཡོད་ན་རབ།། མེད་ན་རབས་ཆད་ཐོད་པ་ལ།། ནང་དུ་ལིངྒ་རེ་བས་གྲིལ་ལ་གཞུག། ངན་ཐོད་དེ་དང་ཁ་སྦྱར་ནས།། འདོམ་གང་བཅས་པའི ་ས་རུ་མནན།། དེ་འདྲའི་དྲག་སྔགས་བཟླས་པ་ནི།། ནན་ཧེ་ཧེ་བྷྱོ་བྷྱོ། རུ་ལུ་རུ་ལུ། ཛཿཛཿམ་མ་ཏྲག་ཧུ་ཡ་ཧུ་ཡ། ནརྀ་རྦད་ན་ག་བཾ་བུ། རུང་བུ་རྦད། ཧེ་ཧེ་དུཾ་བུ་དུཾ་རྦུད། ཧུ་ཡ་ཧུ་ཡ་ནཱ་ག་ནཱ་རྦད་རྦད། ནཱ ་ག་ཀླུའི་གནོད་པ་ལ་གདོན་མི་ཟའོ།། ཞེས་གསུངས་སོ།། འཇིག་རྟེན་ཟིལ་གྱིས་གནོད་པའི་མེ་རླུང་སྐྱི་འདང་འཁྲུགས་པའི་རྒྱུད་ལས། ནཱ་ག་མཐར་བྱེད་ཀྱི་ལེའུ་སྟེ་ཞེ་བདུན་པའོ།། །། དེ་ནས་ཡང་འཇིགས ་བྱེད་ཆེན་པོ་དེས། རྒྱལ་པོའི་སྒྲོ་འབོག་བསད་པའི་ལས་འདི་གསུངས་སོ།། སེང་གེའི་ཐོད་པ་དུག་དང་ཁྲག་གིས་བྱུག། ལིངྒ་མིང་རུས་བཅས་པ་གཞུག། ཤེལ་གྱི་ཕུར་པ་ནས་ཙམ་བརྡེག། ཐུན་བརྡེག་དགྲ་ཡི་འགྲམ ་པར་མནན།། དེ་ཡི་དྲག་སྔགས་འདི་ལྟ་སྟེ།། ཨེ་སྙིང་རྩ་བྲེང་བྲེང་ཧུར་མྱོགས་ས་མ་ཡ་ཐིབས་བྲུཾ་སྙིང་རྩ་ཧུར་ནན། ཞེས་གསུངས་སོ།། འཇིག་རྟེན་ཟིལ་གྱིས་མནན་པའི་མེ་རླུང་སྐྱི་འདང་འཁྲུགས་པའི་རྒྱུད་ལས།། རཱ ་ཙ་སྤྱོ་འབོག་གི་ལེའུ་སྟེ་ཞེ་བརྒྱད་པའོ།། །། དེ་ནས་ཡང་འཇིགས་བྱེད་ཆེན་པོ་དེས། དྲག་པོའི་རྫས་ཀྱི་མན་ངག་ལ།། ཐིག་ལེ་བཞི་ལ་འཁར་ཕོར་དུ།། སེང་གེའི་འོ་མ་བཞོས་པ་དང་།། ཕྲ་མེན་ནག་པོ་སྣ ་ཚོགས་དང་།། བསེ་ཞོ་སྦལ་པའི་རྒྱུ་ལས། རྩངས་པའི་ཁྲག་དང་དེ་རྣམས་བླུག། ཐིག་ལེ་ཆེན་པོ་དང་རྟ་ཡུང་དུག་ཆེན་པོས་བརྒྱན་བྱས་ཏེ། དེས་ནི་སྦྱོར་བ་ཐེ་ཚོམ་མེད།། བསྟན་ན་འཇིག་རྟེན་ཕུང་བར་འགྱུར།། ཞེས ་གསུངས་སོ།། འཇིག་རྟེན་ཟིལ་གྱིས་གནོན་པའི་མེ་རླུང་སྐྱི་འདང་འཁྲུགས་པའི་རྒྱུད་ལས། དྲག་པོ་རྫས་ཀྱི་ལེའུ་སྟེ་ཞེ་དགུ་པའོ།། །། དེ་ནས་འཇིགས་བྱེད་ཆེན་པོ་དེས། མུ་སྟེགས་རྫུ་བྲག་འདོན་པའི་དོན་འདི ་གསུངས་སོ།། དྲི་མ་རྐང་རྗེས་ས་དག་ལས།། ཉུང་དཀར་ཉུང་ནག་སྐྱེ་ཚེ་ལ། ཁྲག་སྣ་གསུམ་ལ་འཕང་ལ་གཏད།། ལིངྒ་འཆང་ལས་བྲབ་པར་བྱ།། དེ་ནས་ཡང་རྫས་སྔགས་འདི་བཏོན་ཏོ།། ཨེ་སྙིང་ཁྲག་ལ་ཕྲི་ཕྲི་ནན།། ་རཱ་ཙ་ན་ན། ཧོ་རུ་སོད། ཐུ་གུང་ཨ་རོ་ལ་རྦད། ཤག་སྲིན་སི་ཏ་རྦད། ཡིད་གཉིས་ཐེ་ཚོམ་མེད་པ་ལས།། དྲག་པོ་མུ་སྟེགས་ངན་སྔགས་ཡིན།། ཐམས་ཅད་དབང་དུ་སྡུད་པ་ཡིན།། ཞེས་གསུངས་སོ།། འཇིག་རྟེན་ཟིལ ་གྱིས་གནོན་པའི་མེ་རླུང་སྐྱི་འདང་འཁྲུགས་པའི་རྒྱུད་ལས། མུ་སྟེགས་ངན་སྔགས་ཀྱི་ལེའུ་སྟེ་ལྔ་བཅུ་ཟམ་པའོ།། །། དེ་ནས་ཡང་འཇིགས་བྱེད་ཆེན་པོ་དེས། གནོད་སྦྱིན་སྲོག་གི་གསེག་བརྡར་གྱི་དོན་འདི ་གསུངས་སོ།། ཐམས་ཅད་དབང་དུ་སྡུད་པ་ཡིན། ཨ་ལ་ཐ་ལ་ཕྲུ་བ་རྦད། ཏང་བུམ་ཟེ་མ་ནི་རྦད། སྐྱེ་ཚེ་རའི་ཁྲག་དང་། རོ་རས་ལ་དགྲ་བོའི་མིང་བྲིས་ལ། སུས་ཀྱང་མ་མཐོང་ས་རུ་བཟླས།། ལིངྒ་རབས་ཆད་ཐོད ་པར་གཞུག། མི་ཡི་ལག་ངར་ཐོ་བས་བརྡུང་།། ཞེས་གསུངས་སོ།། འཇིག་རྟེན་ཟིལ་གྱི་གནོན་པའི་མེ་རླུང་སྐྱི་འདང་འཁྲུགས་པའི་རྒྱུད་ལས། གནོད་སྦྱིན་སྲོག་གི་གསོག་བརྡར་གྱི་ལེའུ་སྟེ་ང་གཅིག་པའོ།། །། དེ ་ནས་ཡང་འཇིགས་བྱེད་ཆེན་པོ་དེས། བཙན་དྲག་གཟེར་གྱི་དྲག་སྔགས་འདི་གསུངས་སོ།། དྲི་མ་དྲུག་ལ་ལིངྒ་བྱ། ཁྲག་སྣ་དུག་སྣ་དག་གིས་བྱུག། མིང་རུས་ཐོད་པའི་ནང་དུ་བཅུག། གྲི་ལྕགས་ཕུར་བུ ་སོར་བཞི་གདབ།། གོང་གསུམ་བཙན་ལ་གནན་པ་བྱ།། དེ་ཡི་དྲག་སྔགས་འདི་ལྟ་སྟེ།། ཨེ་མ་རག་ཡ་རག་ཤ་དགྲ་སྙིང་པ་ལ་རྦད་རྦད་བྲུཾ་བྲུཾ། དྲག་སྔགས་བརྒྱད་ཁྲི་བཞི་སྟོང་དུ་བཟླས། འབུམ་དུ་བཟླས་པས་ཐེ་ཚོམ ་མེད།། ཅེས་གསུངས་སོ།། འཇིག་རྟེན་ཟིལ་གྱིས་གནོན་པའི་མེ་རླུང་སྐྱི་འདང་འཁྲུགས་པའི་རྒྱུད་ལས། བཙན་དྲག་གཟེར་གྱི་ལེའུ་སྟེ་ང་གཉིས་པའོ།། །། དེ་ནས་བཅོམ་ལྡན་འདས་ཀྱིས་དོན་གཉིས་སྔོན་དུ ་འགྲོ་བའི་ཕྱིར། ཚད་མ་བཞི་ཡིས་རབ་བསྟན་པའི།། དོན་གྱི་དགོངས་པ་བསྡུས་པ་འདི།། རྩོལ་དང་བསྒྲུབ་པའི་མཐའ་ལས་འདས།། འཕྲོ་འདུ་སྦྱོར་ནས་གཡང་ས་གཅོད།། རྒྱུ་རྐྱེན་བགྲོད་པའི་སར་མ་ལྷུང་།། རྫས ་དང་རྟགས་ལ་རྟེན་མི་འཆའ། མཆོད་དང་ཐུགས་དམ་བསྐང་མི་དགོས།། ཐམས་ཅད་ངོ་བོ་མ་བཅོས་པའོ།། ཁོ་ན་ཆོས་ཉིད་གཅིག་པ་ལ།། ལྷུན་གྲུབ་རང་བྱུང་ལོངས་སྤྱོད་སྐུ།། ལས་དང་སྦྱོར་བ་སྣ་ཚོགས་སྤྲུལ།། སྐུ ་གསུམ་མ་བཙལ་བགྲོད་ཐོབ་མེད།། འདི་དག་ཆོས་ཉིད་རོལ་པའི་རྒྱ།། ཆོས་ཉིད་བདེ་བ་རང་བྱུང་དཔལ།། ཡེ་ཤེས་ཆེན་པོ་རང་གསལ་བ།། འཁོར་འདས་དབྱིངས་དང་ཡེ་ཤེས་གསལ།། ལུས་སེམས་གཉིས་འཛིན ་འཁྲུལ་གོལ་ལ།། ངོ་བོ་མི་དམིགས་གཉིས་ཀྱིས་དབེན།། སྣང་སྟོང་གཉིས་མེད་ཡེ་ཤེས་སྐུ།། འཛིན་རྟོག་མཐའ་བཞི་རང་བཞིན་མེད།། མེད་པའི་ངང་ལས་སྙིང་པོ་གནས།། སྒྱུ་མ་ལྷུན་གྲུབ་ཡུལ་ལ་རོལ།། འཁོར་བ ་མ་སྤངས་རང་སར་ཡལ།། གསལ་བ་དེ་ཉིད་ལྷུན་གྱིས་གྲུབ།། འབྲས་བུ་བཙལ་མེད་བདེ་བར་གནས།། བདག་ཉིད་ཆེན་པོ་ཡེ་རྫོགས་པའོ།། རྐྱེན་དང་འཕྲོ་འདུ་རྩལ་ལས་འདས།། ཕྲིན་ལས་མ་བཙལ་ལྷུན་གྱིས ་རྫོགས།། སངས་རྒྱས་གསུང་གི་ཟབ་མོར་གནས།། བགྲོད་པ་དབང་གི་ཕྱག་རྒྱས་བཏབ།། རྡོ་རྗེ་སྟོང་བདག་ཆེ་བར་གནས།། སངས་རྒྱས་སེམས་ཅན་མ་ལུས་ཀུན།། རྒྱུད་འདི་བཟུང་ཞིང་གནས་པར་བྱ།། བཅོམ ་ལྡན་འདས་ཀྱིས་གསུངས་པ་ལས། འཁོར་ཐམས་ཅད་ཡི་རང་སྟེ་མངོན་པར་བསྟོད་དོ།། དཔལ་ཚེ་བདག་གི་མེ་རླུང་སྐྱེ་འདང་འཁྲུགས་པའི་རྒྱུད་ལས། འཁོར་ལ་གཏད་པའི་ལེའུ་སྟེ་ང་གསུམ་པའོ།། །། རྒྱུད་ཀྱི ་ཡང་སྙིང་དམ་པ་ཞེས་བྱ་བའི་དོན་རྒྱལ་བའི་བཀའ། སངས་རྒྱས་ཐམས་ཅད་ཀྱི་དམོད་པ་བསྒྲལ་བ། ལྷ་ཡུལ་དུ་གྲགས་པ་མེ་རླུང་སྐྱི་འདང་འཁྲུགས་པའི་རྒྱུད་ཅེས་བྱ་བ་རྫོགས་སོ།། རྒྱུད་འདི་དཔེ་སྔར་ས་ཡང་མ་རྙེད ་ཅིང་ཡིག་ནོར་རྒྱུན་འབྱམས་མང་ཡང་དཔེ་རྒྱུན་ཆད་པ་ལས་དྲག་སྙམ་ནས་བྲིས་པ་ཡིན།། ་