| Wylie | e-texts produced with BDRC’s OCR application |
@། མུ་རྒྱན་གསང་བ་བརྡའི་སྐད་དུ། ན། \ུ0f7f\ུ0f7f། ཐཱཿ། \ུ0f7fན་བྱ། མུཿརྒྱ་གར་སྐད་དུ། གྷུ་རུ་དྷེ་ཝ་ཌཱཀྐི་ནི་སརྦ་གུ་ཎ་ཏནྟྲ་ཤཱ་ས་ན་ཡཥྚི་ནཱ་མ། བོད་སྐད་དུ། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད ་བསྟན་པའི་སྲོག་ཤིང་ཞེས་བྱ་བ། དཀྱིལ་འཁོར་ཐམས་ཅད་ཀྱི་མངའ་བདག་བཅོམ་ལྡན་འདས་དཔལ་ཧེ་རུ་ཀ་གཟི་བརྗིད་མཐའ་ཡས་པའི་དབང་ཕྱུག་གསུང་གི་པདྨ་ལ་ཕྱག་འཚལ་ལོ།། བདེ་གཤེགས་རྒྱལ ་བ་ཐམས་ཅད་ཀྱི།། སྐུ་དང་གསུང་དང་ཐུགས་རྡོ་རྗེ།། མི་འགྱུར་སྤྲུལ་པའི་འཁོར་ཚོགས་ཀྱིས།། རབ་ཏུ་བསྐོར་བའི་དཀྱིལ་འཁོར་གཙོ།། དཔག་མེད་རྒྱལ་པོ་སྣང་མཐའ་ཡས།། སྟོན་པ་གཟི་བརྗིད་དཔལ་འབར ་བ།། གཙོ་འཁོར་མཉམ་པར་བཞུགས་པའི་དུས།། ཡང་དག་རྣམ་པར་བཀྲ་བ་ཡི།། ཕོ་བྲང་ལྷུན་པོར་བརྩེགས་པའི་གནས།། རབ་བཟང་བརྩེགས་པའི་ཁང་བཟངས་སུ།། གདུལ་བྱ་རྣམ་པ་དུ་མ་ལ།། འདུལ ་བྱེད་ཐབས་ཀྱི་ཡན་ལག་མཆོག། སྣ་ཚོགས་ལས་ཀྱི་ཡན་ལག་ཏུ།། ཐུན་མོང་གང་དང་གང་དགོས་རྣམས།། ལྗགས་ཀྱི་དབང་པོ་ལ་བཀྲམ་ནས།། བརྩེ་བར་དགོངས་ནས་གསུང་དུ་གསོལ།། དེ་ལྟར་གདུང་བས་ཞུས ་པ་ཡི།། སྟོན་པས་དགོངས་ནས་བཀའ་སྩལ་པ།། ཞི་དང་རྒྱས་པ་ལ་སོགས་པའི།། སྣ་ཚོགས་ཐུན་མོང་ལས་ཀྱི་རིགས།། ཕྲ་མོའི་སྦྱོར་བ་རིམ་གྱིས་གསུངས།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི ་རྒྱུད་བསྟན་པའི་སྲོག་ཤིང་ལས། གླེང་གཞིའི་ལེའུ་སྟེ་དང་པོའོ།། སྠི།། ། བླ་མེད་བྱང་ཆུབ་བསྒྲུབ་པ་ལ།། ལམ་གྱི་མཐུན་རྐྱེན་བསྒྲུབ་བྱའི་ཕྱིར།། ཐུན་མོང་ཐབས་ཀྱི་ལས་རྣམས་ཀུན།། སྟོབས ་དང་ལྡན་པའི་སྐྱེས་བུས་བརྩམ།། འབྲས་བུ་སྐུ་གསུམ་བྱེད་པའི་ལམ།། མཐུན་རྐྱེན་ཐབས་ཀྱི་ཡན་ལག་ཏུ།། སྣ་ཚོགས་ལས་ཀྱི་སྦྱོར་བ་བརྩམ།། དེ་དོན་འགྲུབ་གང་འབྲས་བུ་གསུམ།། གདོན་མི་ཟ་བར་སྨིན་པར ་འགྱུར།། དེ་ལྟར་ལས་ཀྱི་དང་པོ་ནི།། བྱིན་བརླབས་དངོས་གྲུབ་ཕྲིན་ལས་རྣམས།། འབྱུང་ཕྱིར་རྩ་བའི་བསྒྲུབ་པ་བྱ།། དད་པ་མོས་གུས་ཤུགས་བྱུང་ལ།། བླ་མ་རྒྱན་དང་ཆ་ལུགས་ཅན།། སྐུ་གསུམ་ངོ་བོ་མཚན་དཔེས ་སྤྲས།། གནས་ལྔ་ལ་སོགས་ཡན་ལག་མཐིལ།། རྩེ་གཅིག་མ་ཡེངས་མདུང་ཚུགས་བསྒོམ།། བདག་ལུས་སྒྱུ་མའི་གྲོང་ཁྱེར་འདི།། ཡི་དམ་ཞི་དང་ཁྲོ་བོའི་ཚུལ།། གང་འདོད་དཔའ་བརྗིད་ལྡན་པར་བསྐྱེད།། རྩ་གནས ་པབ་སྤུའི་གྲོང་ཁྱེར་དུ།། རིགས་ཀྱི་དཔའ་བོ་མཁའ་འགྲོའི་ཚོགས།། གྲངས་མེད་རྩིས་ལས་འདས་པ་ཡང་།། རང་རང་རྒྱན་དང་ཆ་ལུགས་བཅས།། རིགས་ཀྱི་མདོག་ཅན་ཕྱག་མཚན་འཛིན།། སྦྲུལ་དང་ཡང་སྦྲུལ་བཅས ་པ་ཡང་།། གཞན་ཡང་རང་ཉིད་དད་པའི་ལྷ།། སྤྲུལ་པ་ལ་སོགས་དཔག་མེད་རྣམས།། སྣང་ལ་རང་བཞིན་མ་གྲུབ་པར།། གསལ་ལ་སྒྲིབ་གཡོགས་མེད་པར་བསྐྱེད།། ཨོཾ་ཨཱཿཧཱུཾ་ཧྲཱིཿ། བཛྲ་གྷུ་རུ་དྷེ་ཝ་ཌཱཀྐི་ནི་སརྦ་སིདྡྷི ་ཕ་ལ་ཧཱུཾ་ཨ། སྒྲ་ཟུར་མ་ཉམས་དག་པར་བཟླས།། མི་སྐྱོའི་བར་དུ་ཕྱི་ལྟར་ཏེ།། སྙན་པའི་དབྱངས་ཀྱིས་འཛབ་ཏུ་སྒྲོགས།། དེ་ནས་ངལ་དུབ་སྐྱོ་བའི་ཚེ།། ནང་ལྟར་གསང་སྔགས་ཤུབ་བུར་བཟླས།། དམིགས་པའི ་འཁྲུལ་འཁོར་རབ་ཏུ་འབད།། དེ་དག་ཀློང་དུ་གྱུར་པ་དང་།། གསང་བ་སྐྱེ་མེད་རྡོ་རྗེ་ཡི།། བཟླས་པ་རླུང་གི་འཁོར་ལོ་བསྐོར།། བླ་མ་ཡི་དམ་མཁའ་འགྲོ་ལ།། དངོས་གྲུབ་བླང་བའི་དམིགས་པ་ཡང་།། དུས་གསུམ ་ལ་སོགས་སྐབས་སུ་བྱ།། དེས་ནི་ཕྱི་ནང་གསང་བའི་རྟགས།། རབ་འབྲིང་ཐ་མ་རིམ་པ་བཞིན།། དངོས་ཉམས་རྨི་ལམ་ཉིད་དུ་སྟེ།། རབ་འབྲིང་ཐ་མ་འདི་ལྟར་འབྱུང་།། སྐུ་སྟོན་གསུང་སྒྲོགས་རྣམ་འགྱུར་སྟོན།། དེ་ལ ་སྤྲུལ་པ་དུ་མའོ།། དེ་དུས་རང་སེམས་རང་བབ་ཀློད།། དགག་བསྒྲུབ་ལ་སོགས་ཡིད་གཉིས་སྤང་།། འདི་ནི་དོན་ཆེན་དམ་པ་སྟེ།། ཕྱི་ནང་གསང་བའི་མཆོད་གཏོར་འབུལ།། རྫས་དང་དམིགས་པ་ལ་སོགས ་པའི།། ཐབས་ཀྱི་ཡན་ལག་མང་པོ་ཡང་།། རིག་འཛིན་མཁས་པས་རླུང་སེམས་ལ།། དབང་འབྱོར་ཐོབ་པ་རྣམས་ཀྱིས་བྱ།། དེ་ནས་ཞི་རྒྱས་དབང་དྲག་སོགས།། ལས་དང་ལས་ཀྱི་སྦྱོར་བ་རྣམས།། རང་འདོད་བྲལ ་ཞིང་སྐྱོ་དུབ་མེད།། སྙིང་རྗེ་བྱང་ཆུབ་སེམས་ལྡན་པས།། རང་དབང་ཐོབ་ནས་རིམ་གྱིས་བརྩམ།། དཔའ་ཤུགས་རང་དང་ལྡན་པར་བྱ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང ་ལས། རྩ་བའི་བསྒྲུབ་པ་བསྟན་པའི་ལེའུ་སྟེ་གཉིས་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ ་བྱས་ཏེ།། རིན་ཆེན་ཚེ་ནི་སྲིང་བའི་ཐབས།། ཐོ་རངས་མི་ཚིག་མ་འདྲེས་དུས།། བདག་ཉིད་སྣང་བ་མཐའ་ཡས་སྐུ།། དམར་གསལ་མདངས་ལྡན་མཉམ་གཞག་མཛེས།། ཚེ་བུམ་བཅུད་ལྡན་རྒྱན་གྱིས་སྤྲས།། ལོངས ་སྐུའི་ཆ་ལུགས་ལྡན་པས་བསྣམས།། དུས་གསུམ་རྒྱལ་བ་བཀུག་ནས་ནི།། བདག་ཉིད་ཚེ་བུམ་བཅས་ལ་བསྟིམ།། ཨོཾ་བཛྲ་ཛྙཱ་ན་ཨཱ་ཡུ་ཥེ་ཚེ་བྷྲཱུཾ་སྭཱ་ཧཱ། དེ་ལྟར་བརྒྱ་སྟོང་ལ་སོགས་བཟླས།། རིན་ཆེན་ཚེ་ཡི་དངོས་གྲུབ ་བླང་།། ཕམ་གདལ་དམིགས་མེད་ངང་ལ་བཞག། ཚེ་འཕེལ་དངོས་གྲུབ་འབྱུང་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཚེ་སྲིང་བའི་ལེའུ་སྟེ་གསུམ་པའོ།། ། ་སྤྱི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། བསོད་ནམས་རྒྱས་པར་བྱེད་པའི་ཐབས།། ཟླ་རྒྱས་བཅོ་ལྔའི་དུས ་ཀྱི་ཚེ།། བཞི་མཉམ་དར་སེར་དྲི་མེད་ལ།། བདག་ལུས་རིན་ཆེན་གསེར་གྱིས་བྲིས།། ཡང་སྙིང་རྩ་བའི་སྔགས་ཀྱི་མཐར།། པུཎྱ་ཛྙཱ་ན་པུཥྚི་ཀུ་རུ་ཨོཾ་སྭཱ་ཧ། ཁྲི་འབུམ་ལ་སོགས་ཅི་འགྲུབ་བཟླས།། སྣ་ཚོགས་དར་དང ་རིན་ཆེན་བཅས།། མི་ཡིས་མ་མཐོང་ལུས་ལ་འཆང་།། བསོད་ནམས་མངའ་ཐང་རབ་རྒྱས་ནས།། འགྲོ་བའི་ཁ་ལོ་ཡིད་བཞིན་བསྐུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང ་ལས། བསོད་ནམས་རྒྱས་པར་བྱེད་པའི་ཐབས་བསྟན་པའི་ལེའུ་སྟེ་བཞི་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན ་ལ་ཕེབ་བྱས་ཏེ།། ལོངས་སྤྱོད་འཕེལ་བར་བྱེད་པའི་ཐབས།། སྐར་མ་རྒྱལ་ལ་བརྡུངས་པ་ཡི།། གསེར་གྱི་བྱང་བུ་མིག་དགུ་པ།། གཡུ་ཡི་ཕྲ་ཅན་དར་དམར་དྲིལ།། མི་ལག་མི་འགྲིམས་ལུས་ལ་འཆང་།། བདེ ་གཤེགས་རིགས་ལྔ་ལ་སོགས་པའི།། བླ་མ་ཡི་དམ་མཁའ་འགྲོ་རྣམས།། ཡང་ཡང་བཀུག་ནས་བྱང་བུར་བསྟིམ།། རྩ་སྔགས་པ་སུའི་གཤམ་ཅན་བཟླས།། དཔལ་འབྱོར་ལོངས་སྤྱོད་འཕེལ་བར་འགྱུར།། བླ་མ་ཡི ་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལོངས་སྤྱོད་འཕེལ་བའི་ཐབས་བསྟན་པའི་ལེའུ་སྟེ་ལྔ་པའོ།། སྐྲྀ།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། འགྲོ་བ་འདུ་བར་བྱེད་པའི་ཐབས།། ཟངས་ཀྱི་བྱང་བུ་སོར་བཞི་ལ།། མཚལ་གྱིས་སྣང་བ་མཐའ་ཡས་སྐུ།། ལོངས་སྤྱོད་རྫོགས་པའི་ཆ ་ལུགས་བྲི།། ཞྭ་འམ་ཐོད་ཀྱི་ནང་དུ་གཞུག། སྣང་བ་དབང་སྡུད་སྔགས་བཟླས་པས།། དགའ་མགུ་ལྡན་པས་འགྲོ་བ་འདུ།། བསམ་འདུན་ཆོས་ལ་གནས་པར་འགྱུར།། བླ་མ་ཡི་དམ་མཁའ་འགྲོ་ཐམས ་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། འགྲོ་བ་དབང་དུ་བསྡུ་བའི་ཐབས་བསྟན་པའི་ལེའུ་སྟེ་དྲུག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། དཔལ་དང་གཟི་བརྗིད་རྒྱས་པའི་ཐབས།། ཐབས་ཤེས་བྱང་སེམས་དཀར་དམར་ལ།། རིན་ཆེན་མཚལ་གྱིས་ཁ་ཚར་བཏགས།། སྨན་མཆོག་རྒྱལ་པོ ་གསེར་མདོག་ཅན།། སྦྱོར་བ་བསྲེས་པའི་རིལ་བུ་ནི།། རི་དྭགས་བྲ་བའི་རིལ་མ་ཙམ།། བརྒྱ་དང་རྩ་བརྒྱད་བྱས་པ་ལ།། རྩ་སྔགས་འབུམ་གྱིས་ངར་བླུད་པས།། ནང་མ་བརྒྱ་དང་རྩ་བརྒྱད་དུ།། མི་ལག་མ་བརྒྱུད་སྟོ ་སྟོང་གཏང་།། དཀྱིལ་འཁོར་ལྷ་གསལ་དཔའ་བཤུགས་བསྐྱེད།། དཔལ་དང་གཟི་བརྗིད་རྒྱས་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དཔལ་དང་གཟི ་བརྗིད་རྒྱས་པའི་ཐབས་ཀྱི་ལེའུ་སྟེ་བདུན་པའོ།། སྤྱི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཆོས་ཀྱི་སྙན ་གྲགས་ཐོབ་པའི་ཐབས།། རང་ལུས་གསེར་གྱི་མཆོད་རྟེན་བསྒོམ།། ངག་ནི་ཨཱ་ལི་ཀཱ་ལིར་བསྒོམ།། སྐྱེ་མེད་སེམས་ཀྱི་གནས་ལུགས་ནི།། སྒྲ་བསམ་བརྗོད་བྲལ་ངག་ལ་བཞག། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ།། ་ཨེ་ཨཱི། ཨོ་ཨོ། ཨཾ་ཨཱཿཀ་ཁ་ག་གྷ་ང། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵ། ཁྲི་འབུམ་པར་དུ་ངག་བཅད་བཟླས།། ཆོས་ཀྱི་སྙན་གྲགས་འཐོབ་པར་འགྱུར།། པླ ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཆོས་ཀྱི་སྙན་གྲགས་ཐོབ་པའི་ཐབས་ཀྱི་ལེའུ་སྟེ་བརྒྱད་པའོ།། སྤྱི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། འགྲོ་བ་བྱམས་པར་བྱེད་པའི་ཐབས།། ཉེ་རིང་མེད་པའི་སེམས་ཅན་ལ།། བྱམས་དང་སྙིང་རྗེ་ལ་སོགས་པ།། ཚད་མེད་བཞི་བསྒོམ ་སྐྱབས་འོག་གཞུག། རང་ཉིད་མཚོ་སྐྱེས་རྡོ་རྗེར་བསྒོམ།། སྙིང་པོ་སྔགས་ཀྱི་འཛབ་དབྱངས་བཟླས།། རང་སེམས་གཡོ་མེད་རི་རྒྱལ་ལྟར།། གཡོ་འགུལ་མེད་པའི་ངང་ལ་བཞག། འདོད་ཞེན་ལ་སོགས་དངོས་འཛིན ་སྤང་།། འབྱོར་ཚོགས་ལོངས་སྤྱོད་ཚོགས་སུ་གཏད།། རློམ་སེམས་ཞེ་འདོད་རེ་དོགས་དོར།། འགྲོ་བ་ཐ་དག་བྱམས་ཤིང་འདུ།། ཡིད་འོང་བཀུར་སྟི་བྱེད་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན ་ཏན་གྱི་རྒྱུད་བསྟན་པའི་སྲོག་ཤིང་ལས། འགྲོ་བ་ཐམས་ཅད་ཀྱི་བྱམས་པར་བྱེད་པའི་ཐབས་ཀྱི་ལེའུ་སྟེ་དགུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མཐུ་རྩལ་ཆེ་བར་བྱེད་པའི་ཐབས།། རང་ཉིད་སྟོབས་ཀྱི་རྒྱལ་པོར་བསྒོམ།། རྩ་སྔགས་མ་ཧཱ་བ་ལའི་གཤམ།། མང་དུ་བཟླས་ཤིང་ལུས་རྩལ ་སྦྱང་།། གླང་ཆེན་རྐང་དམར་ལུས་ལ་བྱུགས།། རྟག་ཏུ་མེ་དང་ཉི་མ་སྤང་།། ལུས་ལ་གཅན་གཟན་ཤུན་ལྤགས་གོན།། ལུས་སྟོབས་རབ་ཏུ་རྒྱས་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད ་བསྟན་པའི་སྲོག་ཤིང་ལས། སྟོབས་དང་མཐུ་རྩལ་ཆེར་འཕེལ་བར་བྱེད་པའི་ཐབས་བསྟན་པའི་ལེའུ་སྟེ་བཅུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི ་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ནད་གདོན་སྡིག་སྒྲིབ་ལ་སོགས་པ།། མི་མཐུན་ཕྱོགས་རྣམས་ཞི་བའི་ཐབས།། ཞི་བའི་སྦྱིན་སྲེག་བརྩམ་པར་བྱ།། གླང་མ་བལ་དཀར་ལ་སོགས་པ།། ཞི་བའི་ཤིང ་རྣམས་ཟླུམ་པོར་བརྩིག། བདག་ཉིད་ལྷ་ཡི་ང་རྒྱལ་གྱིས།། མེ་སྦར་ཐབ་ཏུ་མེ་ལྷ་དང་།། མོས་པའི་ལྷ་བསྐྱེད་དཀར་པོར་གསལ།། ཏིལ་སོགས་འབྲུ་སྣ་མང་པོ་དང་།། དཀར་གསུམ་དག་གི་བསྲེག་རྫས་དབུལ།། ་སྔགས་ཞི་བའི་ཤམ་བུ་ཅན།། མང་དུ་བཟླས་ལ་ཅི་འདོད་ཀྱི།། ཞི་བའི་ཕྲིན་ལས་གཞོལ་བར་བྱ།། ཅི་འབྱོར་མཆོད་གཏོར་ལ་སོགས་ཀྱིས།། ལྷ་རྣམས་དགྱེས་ཤིང་ཚིམ་པར་བསྐང་།། མི་མཐུན་ཕྱོགས་རྣམས་ཞི་བར ་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཞི་བའི་སྦྱིན་སྲེག་གི་ལེའུ་སྟེ་བཅུ་གཅིག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཚེ་དཔལ་ལོངས་སྤྱོད་ལ་སོགས་པ།། ཡོན་ཏན་རྒྱས་པར་བྱེད་པའི་ཐབས།། རྒྱས་པའི་སྤྲིན་སྲེག་དག་ལ་འབད།། འབྲས་བུ་ཅན་གྱི ་ཤིང་རྣམས་ལ།། དེ་ལ་བསྲེག་ཐབས་གྲུ་བཞི་བརྩིག། རང་ཉིད་རྒྱས་པའི་ལྷ་བསྐྱེད་དེ།། མེ་ཐབ་མེ་ལྷ་སོགས་པ་ཡི།། མོས་པའི་ལྷ་རྣམས་སེར་པོར་བསྐྱེད།། གསེར་སོགས་རིན་ཆེན་ལ་སོགས་པ།། ལོངས་སྤྱོད ་འབྱོར་པའི་རྫས་རྣམས་དབུལ།། རྩ་སྔགས་རྒྱས་པའི་ཤམ་བུ་ཅན།། མང་བཟླས་འདོད་དོན་གསོལ་བ་གདབ།། རྒྱས་པའི་ཕྲིན་ལས་གཞོལ་བར་བྱ།། གཞན་ཡང་མཆོད་བསྟོད་གང་འགྲུབ་ཀྱི།། ལས་ལ་འབད ་དེ་ཐུགས་དམ་བསྐང་།། དེས་ནི་རྒྱས་པའི་ལས་རྣམས་གྲུབ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྒྱས་པའི་སྦྱིན་སྲེག་གི་ལེའུ་སྟེ་བཅུ་གཉིས་པའོ།། ། ་སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ལྷ་འདྲེ་མི་གསུམ་ལ་སོགས་པ།། སྣང་སྲིད་དབང་དུ ་སྡུད་པའི་ཐབས།། འདི་ལྟར་དབང་གི་སྦྱིན་སྲེག་བྱ།། ཙནྡན་མཛེ་མོ་ཤིང་སོགས་ཀྱིས།། དབང་དང་ཟླ་གམ་དག་ཏུ་བརྩིག། རང་ཉིད་དབང་གི་ང་རྒྱལ་གྱིས།། ཟབ་ཏུ་ལྷ་རྣམས་དམར་པོར་བསྐྱེད།། མེ་ཏོག་དམར་པོ ་སྣ་ཚོགས་དང་།། མངར་གསུམ་ལ་སོགས་བཟའ་བཏུང་དབུལ།། རྩ་སྔགས་དབང་གི་ཤམ་བུ་ཅན།། ཅི་འགྲུབ་བཟླས་ཤིང་འགུགས་པ་ཡི།། གང་འདོད་དམིགས་པ་དྲག་ཏུ་གཟིར།། དབང་དུ་སྡུད་པའི་ཕྲིན་ལས ་གཞོལ།། དབང་རྫས་དབང་གི་མཆོད་སོགས་རྣམས།། གང་འོས་དབུལ་བའི་ལས་རྣམས་བྱ།། གང་དམིགས་དབང་དུ་འདུ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག ་ཤིང་ལས། དབང་གི་སྦྱིན་སྲེག་གི་ལེའུ་སྟེ་བཅུ་གསུམ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས ་ཏེ།། གནོད་བྱེད་དགྲ་བགེགས་བསྒྲལ་བའི་ལས།། དྲག་པོའི་ལས་ཀྱི་སྦྱིན་སྲེག་ནི།། བརྣག་ཅིང་གཏུམ་པའི་འདུན་པས་བྱ།། གང་ལ་དམིགས་པའི་རཱུ་པ་བྲི།། སྟེང་དུ་སེང་ལྡེང་ལ་སོགས་པའི།། དྲག་པོའི་ཤིང་གིས ་གྲུ་གསུམ་བརྩིག། མེ་སྦར་ཁྲོ་བོའི་ང་རྒྱལ་གྱིས།། ཐབ་ཏུ་དྲག་པོའི་ལྷ་རྣམས་ཀུན།། ལྗང་གུ་ལ་སོགས་མཐིང་ནག་བསྐྱེད།། དམིགས་བྱའི་རཱུ་པ་ཟག་རྫས་དང་།། དུག་ཁྲག་ཤ་ཆང་ལ་སོགས་དབུལ།། རྩ་སྔགས་དྲག ་པོའི་ཤམ་ཅན་བཟླས།། བསྒྲལ་ཞིང་གཟིར་བའི་ལས་རྣམས་བྱ།། བསད་ཅིང་བརླག་པའི་ཕྲིན་ལས་གཞོལ།། དམིགས་བྱ་གང་ཡིན་ཐུལ་བར་འགྱུར།། གང་ཡང་ལས་ཀྱི་ཁ་སྐོང་རྣམས།། རིག་རྩལ་ལྡན་པས་འོས ་པར་བྱ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དྲག་པོའི་སྦྱིན་སྲེག་གི་ལེའུ་སྟེ་བཅུ་བཞི་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི ་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། སྦྱིན་སྲེག་རྣམས་ཀྱི་བྱ་བ་ལ།། ཞི་བ་ལ་ནི་བྱང་སེམས་ཀྱིས།། མི་མཐུན་པའི་ཕྱོགས་ངན་པ་ཐམས་ཅད་ཤཱནྟི་ཀུ་རུ་སྭཱ་ཧཱ། ཞེས ་པས་ཞི་བར་བྱེད་པའི་སྔགས།། རྫས་དང་བཅས་པས་བརྒྱ་རྩ་བཟླས།། རྒྱས་པ་ལ་ནི་གཟེངས་བསྟོད་དེ།། ཚེ་དཔལ་ལོངས་སྤྱོད་བསམ་འདུན་ཐམས་ཅད་པུཥྚིཾ་ཀུ་རུ་སྭཱ་ཧཱ། ཞེས་པ་རྒྱས་པར་བྱེད་པའི་སྔགས།། རྫས ་བཅས་བརྒྱ་རྩ་འབུལ་དང་བཅས།། དབང་ལ་ཆགས་པའི་འདུན་པ་དང་།། འགུགས་པའི་དམིགས་པས་གཟིར་ནས་ཀྱང་།། སྣང་སྲིད་ལྷ་འདྲེ་མི་གསུམ་ཟས་ནོར་ལོངས་སྤྱོད་ཐམས་ཅད་བ་ཤཾ་ཀུ་རུ་ཧྲིང་ཧྲིང་སྭཱ་ཧཱ། ་ཞེས་པས་བརྒྱ་རྩ་བཟླས་ནས་ཀྱང་།། རེ་རེ་བཞིན་དུ་བསྲེག་རྫས་འབུལ།། དྲག་པོ་ལ་ནི་ང་རྒྱལ་བསྐྱེད།། དྲག་ཅིང་རྩུབ་པའི་ཤུགས་ལྡན་པའི།། གནོད་བྱེད་དགྲ་བགེགས་ཐམས་ཅད་མཱ་ར་ཡ་ཕཊ། ་ཅེས་པས་གང་དམིགས་མིང་ནས་བརྗོད།། ཐལ་མོ་བརྡབ་དང་དམོད་བཅོལ་བྱ།། དམིགས་པ་དྲག་ཏུ་གཟིར་བ་ཡིས།། གང་དང་གང་གི་ལས་རྣམས་འགྲུབ།། དེ་སོགས་གང་ལ་གང་རིགས་ཀྱི།། བྱ་བ་རིག་འཛིན ་སྤྲུལ་པས་བརྩམ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལས་བཞིའི་སྦྱིན་སྲེག་གི་ཁ་སྐོང་གི་ལེའུ་སྟེ་བཅོ་ལྔ་པའོ།། སྠི།། ། དད་བརྩོན་ལྡན་པའི་རྣལ་འབྱོར ་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། རང་གཞན་བསྲུང་བར་བྱེད་པ་ལ།། རང་ཉིད་འོས་པའི་ལྷར་གསལ་བའི།། སྤྱི་བོ་ལ་སོགས་གནས་རྣམས ་སུ།། ཧཱུཾ་ཀར་རྣམ་རྒྱལ་དབྱུག་སྔོན་ཅན།། གཤིན་རྗེ་མི་གཡོ་རྟ་མགྲིན་དབང་།། འདོད་རྒྱལ་བདུད་རྩི་ཁམས་གསུམ་རྒྱལ།། སྟོབས་པོ་ཆེ་སྟེ་ཁྲོ་བོ་བཅུ།། རབ་ཏུ་ཁྲོས་པའི་ཆས་ལྡན་བསྐྱེད།། གཞན་སྲུང་གང་ཡིན ་སྙིང་གར་བཀོད།། རྒྱས་གདབ་ཧཱུཾ་བཅུ་ངར་དང་ལྡན།། རྩ་སྔགས་ཤམ་བུར་བཟླས་པར་བྱ།། སྐབས་སུ་རང་སྲོག་སྙིང་པོའི་མཐར།། མ་མ་རཀྵ་གདགས་པར་བྱ།། རྡོ་རྗེ་མེ་རི་པད་མ་དང་།། སྣ་ཚོགས་ལས་ཀྱི་མཚོན ་ཆ་ཡི།། གུར་ཁང་རབ་ཏུ་བསྐོར་བར་བྱ།། གནོད་བྱེད་གང་གིས་མི་ཚུགས་བསྲུང་།། སྲ་བརྟན་རྡོ་རྗེ་ཕ་ལམ་མོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲུང་བའི་ལེའུ ་སྟེ་བཅུ་དྲུག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། ཕ་རོལ་མི་དང་མི་མིན་གྱི།། བྱད་ཟོར ་རིགས་སྔགས་བཟློག་པའི་ཐབས།། གནམ་ལྕགས་འབར་བ་ལས་གྲུབ་པའི།། འཁོར་ལོ་རྩིབས་སྟོང་འབར་བའི་དབུས།། བདག་ཉིད་དབང་ཆེན་འབར་བར་བསྐྱེད།། ཡོངས་དྲིལ་རྩ་བའི་སྔགས་ཀྱི་མཐར།། གནོད ་བྱེད་བྱེད་མ་སརྦ་མཱ་ར་ཡ་བཟློག་བྱེར། ཡེ་ཀེ་ཙིཏྟ་མཱ་ར་ཡ་བྷྱོ་བྷྱོ། རྦད་རྦད་བྱད་མ་རང་གཤེད་རང་ལ་ཕོབ། བྱད་མ་རང་བྱད་རང་ལ་བཟློག་ནརྀ་མཱ་ར་ཡ་བྱད་མ་ཛ་ཛ། ཞེས་པ་དྲག་ལ་མྱུར་བཟླས་པས།། གནམ ་ལྕགས་འཁོར་ལོ་གཡོན་ཕྱོགས་སུ།། དྲག་ཏུ་འཁོར་བས་བྱད་མ་རྣམས།། ལྷ་སྲུང་བཅས་པ་ཕྱེ་མར་གཏོང་།། རྡུལ་ཕྲན་ཙམ་ཡང་མེད་པར་བསམ།། དགོངས་ཀྱི་ཉི་མ་ཟེར་དང་སྤྲད།། དེས་ནི་བྱད་ཟོར་རིགས་སྔགས ་བཟློག། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བཟློག་པའི་ལེའུ་སྟེ་བཅུ་བདུན་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། སྡང་བའི་དགྲ་དང་གནོད་པའི་བགེགས།། མྱུར་དུ་གསད་པར་བྱེད་པའི་ལས།། བརྟུལ་བཞུགས་ལྡན་པས་བརྩམ་པར ་བྱ།། རོ་རས་དུག་ཤོག་ལ་སོགས་ལ།། དམིགས་བྱའི་རཱུ་པ་དུག་ཁྲག་གིས།། སྐྱེ་མཆེད་དོད་པར་བྲིས་པ་ལ།། ནརྀ་ལས་གང་དམིགས་དགྲ་བོ་བསྐྱེད།། ཏྲི་ལས་གང་དམིགས་འདྲེ་བསྐྱེད་ཅིང་།། དམིགས་པས་གནོད ་བྱེད་བཀུག་ལ་བསྟིམ།། དུག་ཁྲག་ལྕགས་ཕྱེ་ཏིལ་ནག་གི། ཐུན་གྱིས་བྲབ་ཅིང་དྲག་སྔགས་བརྗོད།། རང་ཉིད་དབང་ཆེན་འབར་བར་བསྐྱེད།། ཨོཾ་ཧ་ཡ་གྷཱི་ཝ་ཧཱུཾ་ཕཊ། དགྲ་བགེགས་གནོད་བྱེད་མཱ་ར་ཡ། སྲོག་དུང ་ཚལ་པ་རྦད། ནརྀ་ཏྲི་ཙིཏྟ་མཱ་ར་ཡ་མྱོག་རྦད་ཛ་ཛ། སྲོག་ལ་ཨ་མུ་ཀ་ཧུར་ཟུམ་མཱ་ར་ཡ་རྦད་ཕཊ་ཛ། ཞེས་པ་དྲག་མྱུར་བཟླས་པ་ཡིས།། དབང་ཆེན་འབར་བའི་ཐུགས་ཀ་ནས།། སྤྲུལ་པ་དཔག་མེད་འཕྲོས་པ ་ཡིས།། མཚོན་ཐོགས་དགྲ་གཏུབ་བརླག་པར་བསམ།། ཐུལ་རྟགས་ལས་གྲུབ་ལིང་རོ་བསྲེག། དགྲ་བགེགས་གང་ལ་བྱ་བ་ཐུལ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང ་ལས། གསོད་པའི་ལས་ཀྱི་ལེའུ་སྟེ་བཅོ་བརྒྱད་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། གནོད ་བྱེད་དགྲ་བགེགས་གནན་པའི་ཐབས།། མཛེ་ཕོ་རབས་ཆད་ཐོད་པ་རུ།། དམིགས་བྱའི་གཟུགས་བྲི་མིང་བཅས་གཞུག། རྣམ་པར་ཤེས་པ་བཀུག་ལ་བསྟིམ།། ལྕགས་སྒྲོག་འབར་བས་བྱད་དུ་གཞུག། དྲག་པོའི་རྫས ་ཀྱི་ཐུན་བརྡེག་ཅིང་།། གནོད་བྱེད་ཆེ་གེ་མོ་ཀ་ཡ་ཝཱ་ཀ་ཙིཏྟ་མཱ་ར་ཡ། སྟཾ་བྷ་ཡ། ནཱ་ཤ་ཡ། བྷ་ན་དྷ་ཡ། ནན་ནན། ཨོཾ་ལཾ་ཧཱུཾ་ལཾ་མཱ་ར་ཡ་ཕཊ། ཅེས་པས་དྲག་ཏུ་བཟླས་ནས་ཀྱང་། རོ་རས་ནག་པོས་དྲིལ་པར་བྱ།། ཚོན ་སྐུད་སྣ་ལྔས་བྱད་དུ་གཞུག། མཆོད་རྟེན་རྙིང་པའི་རྨང་དུ་མནན།། གཡོ་བ་མེད་པར་ནོན་པར་འགྱུར།། དུས་གཟའ་དྲག་པོའི་ཐེབས་དང་སྤྲད།། བསྐལ་པའི་བར་དུ་ལྡང་མི་སྲིད།། བླ་མ་ཡི་དམ་མཁའ་འགྲོ་ཐམས ་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མནན་པའི་ལེའུ་སྟེ་བཅུ་དགུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན ་སྒྲུབ་གཏན་ལ་ཕེབ་བྱས་ཏེ།། གནོད་བྱེད་སྐྲོད་པར་བྱེད་པའི་ཐབས།། རང་ཉིད་དབང་ཆེན་འབར་བ་ཡིས།། ང་རྒྱལ་ལྡན་པའི་མདུན་ཉིད་དུ།། ཡཾ་ལས་རླུང་གི་དཀྱིལ་འཁོར་སྟེང་།། དམིགས་བྱ་གང་ཡིན་སྤྱི་གཟིར ་བསྐྱེད།། དེ་ལ་རྣམ་ཤེས་བཀུག་ལ་བསྟིམ།། གནོད་བྱེད་ཆེ་གེ་མོ་ཡ་མེ་སྨུག་ག་ཏ་ཡཾ་ཡཾ་ཡཾ་ཕཊ་བྷྱོ་ཕཊ་བྷྱོ། ཞེས་པ་དྲག་ཏུ་བཟླས་པ་ཡིས།། རླུང་གི་དཀྱིལ་འཁོར་རབ་གཡོས་པས།། དམིགས་བྱ་རང་དབང་མེད ་པར་བསྐྱོད།། འཇིག་རྟེན་གཞན་དུ་བྱེར་བར་དམིགས།། དེ་ལྟར་ལས་སྦྱོར་ལན་གསུམ་གྱིས།། གང་ལ་བྱས་པ་ཡུལ་གཞན་དུ།། དབང་མེད་ལས་ཀྱིས་བསྐྱོད་པར་བྱེད།། བླ་མ་ཡི་དམ་མཁའ ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བསྐྲད་པའི་ལས་ཀྱི་ལེའུ་སྟེ་ཉི་ཤུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན ་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གང་ཞིག་དབང་དུ་བྱེད་པའི་ལས།། སྐྱེ་འགྲོ་ཕོ་རྣམས་འགུགས་པའི་ཐབས།། བདག་ཉིད་ལྷ་ཡི་ང་རྒྱལ་གྱིས།། དམིགས་བྱའི་གཟུགས་བྱས་མིང་རུས་བཅས།། རང་གི ་མལ་འོག་དོང་དུ་གཞུག། ཟངས་ཕྱེ་རྨ་བྱའི་ཁྲག་གིས་བྲབ།། རྣམ་པར་ཤེས་པ་དགུག་བསྟིམ་ཞིང་།། ཆེ་གེ་མོ་ནརྀ་ཨཾ་ཀུ་ཤ་ཝ་ཤྱཾ་ཧྲིང་ཧྲིང་། ཞེས་པ་རྩ་སྔགས་ཤམ་བུར་གདགས།། ཞག་གསུམ་བྲོས་བཞིར་ལིངྒ ་བཏོན།། སིནྡྷུ་ར་དང་རྒྱ་སྐྱེགས་དང་།། མྱོས་བྱེད་རང་གི་དྲི་ཆུའི་ནང་།། སྤངས་པའི་ཁུ་བ་གང་དམིགས་ཀྱི།། ལུས་ལ་གཏོར་རམ་ཁོང་དུ་བཏང་།། གང་ཟབ་སྐྱེས་པ་དབང་དུ་འགྱུར།། བླ་མ་ཡི་དམ་མཁའ་འགྲོ་ཐམས ་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྐྱེས་པ་འགུགས་པའི་ལེའུ་སྟེ་ཉེར་གཅིག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག ་གི། བསྙེན་སྒྲུབ་གཏན་ལ་ཕེབ་བྱས་ཏེ།། སྐྱེ་འགྲོ་མོ་རྣམས་འགུགས་པའི་ཐབས།། བདག་ཉིད་དབང་ཆེན་འབར་བར་བསྐྱེད།། མདུན་དུ་དམིགས་བྱའི་རཱུ་པ་ནི།། བག་ཟན་དག་ལ་བཟོས་པའི་ནང་།། གང་དམིགས ་མིང་རུས་བྲིས་ལ་གཞུག། ཟངས་གཞོང་ནང་གཞུག་དགུག་བསྟིམ་བྱ།། ཆེ་གེ་མོ་ནརྀ་ཨཾ་ཀུ་ཤ་སརྦ་ཧྲིང་ཧྲིང་། དུང་དུང་བུད་མེད་ཀྱི་ཡིད་ཀྱི་རྣམ་པར་ཤེས་པ་ཝ་ཤྱཾ་ཀུ་རུ་ཧཱུཾ། ཞེས་པ་ཞག་གསུམ་བཟླས་པའི་ཚེ།། དྷ ་དུ་ར་དང་ཡུངས་ཀར་དང་།། གོང་མོའི་ཁྲག་གིས་ཐུན་བྲབ་ཅིང་།། རུས་པ་རང་གི་དྲི་ཆུས་སྤངས།། ཞིག་ནས་དམིགས་བྱའི་འགྲིམ་ལམ་གནན།། རང་དབང་མེད་པར་ཁུག་པར་འགྱུར།། བླ་མ་ཡི་དམ་མཁའ ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བུད་མེད་འགུགས་པའི་ལེའུ་སྟེ་ཉེར་གཉིས་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང ་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། གང་ཞིག་འབྱུང་པོ་འགུགས་པའི་ཐབས།། དུག་ཤོག་དག་ལ་གང་དམིགས་ཀྱི།། འབྱུང་པོའི་གཟུགས་བྲིས་བྱད་དུ་གཞུག། ཕོ་ནི་གཅན་གཟན་ཐོད་པར ་གཞུག། མོ་ནི་རཱུ་རུས་པ་ཡང་པའི་ནང་དུ་གཞུག། བདག་ཉིད་ཁྲོ་བོའི་ང་རྒྱལ་གྱིས།། དམིགས་བྱ་དགུག་བསྟིམ་ཡང་ཡང་བྱ།། གནོད་བྱེད་ཆེ་གེ་མོ་ཏྲི་ཨཾ་ཀུ་ཤ་ཛཿཛཿཧཱུཾ་བཾ་ཧོཿདེ་ལྟར་རྩ་སྔགས་ཤམ་བུ་ཅན།། བཟླས ་ཤིང་དུག་ཁྲག་ཟུན་གྱིས་བྲབ།། འབྱུང་པོ་ཡི་དྭགས་ཕྲ་མོ་རྣམས།། རང་དབང་མེད་པར་ཁུགས་ནས་ནི།། ཅི་བཅོལ་ལས་བྱེད་ཐུལ་བར་འགྱུར།། ལིངྒ་ལྷ་རྟེན་འོག་ཏུ་སྦ།། ལས་གྲུབ་དང་གནས་བསྐྱོད ་པ་ཡིས།། གནོད་ན་དྲག་པོའི་ལས་ལ་སྦྱོར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། འབྱུང་པོ་འགུགས་པའི་ལེའུ་སྟེ་ཉེར་གསུམ་པའོ།། སྠི།། ། དད་བརྩོན ་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ནོར་རྣམས་འགུགས་པར་བྱེད་པའི་ཐབས།། རང་ཉིད་ལྷ་ཡི་ང་རྒྱལ་གྱིས།། ཟངས ་སོགས་རིན་ཆེན་ཟ་མ་ཏོག། ནང་དུ་འབྲུ་སྣ་རིན་ཆེན་དང་།། སྨན་སྣ་དར་ཟ་བ་ལ་སོགས་པ།། ལོངས་སྤྱོད་རྫས་དང་ནོར་གྱི་མིང་།། རྩ་སྔགས་གཤམ་ཅན་མཚལ་གྱིས་བྲི།། སྣ་ཚོགས་གཞུག་ཅིང་མདུན་དུ ་བཞག། འཇིག་རྟེན་ཁམས་ཀྱི་གནོད་སྦྱིན་དང་།། ནོར་བདག་མང་པོ་བཀུག་ལ་བསྟིམ།། རྩ་བའི་སྔགས་ཤམ་འདི་དག་བཏག། སརྦ་བྷ་སུ་སིདྡྷི་བ་ཤཾ་ཀུ་རུ་མ་མ་ཧྲིང་ཧྲིང་། ཞེས་པ་ཞག་གསུམ་བཟླས་པ ་ཡིས།། འཇིག་རྟེན་ཁམས་ཀྱི་ཟས་ནོར་རྣམས།། ནོར་བདག་རྣམས་ཀྱི་བཀུག་ནས་ཀྱང་།། བདག་ལ་འབུལ་ཞིང་དངོས་གྲུབ་འཕེལ།། ཟ་མ་ཏོག་ནི་རྒྱུན་དུ་འཆངས།། ལས་ཀྱི་འབྲས་བུ་མཆིས་པར་འགྱུར།། བླ་མ་ཡི ་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ནོར་འགུགས་པའི་ལེའུ་སྟེ་ཉེར་བཞི་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། བཟའ་བཏུང་འགུགས་པར་བྱེད་པའི་ཐབས།། བདག་ཉིད་ལྷ་ཡི་ང་རྒྱལ་གྱིས།། མཚན་ལྡན་བྷནྣའི་སྣོད་ནང་དུ།། ཆང་དང་ཨ་མྲྀ་ཏ་སྦྱར་བའི།། ནང་དུ ་ཌཱཀྐི་སྡེ་ལྔ་བསྐྱེད།། སྒྲོ་བསྡུའི་དམིགས་པས་བཟའ་བཏུང་བཀུག། ཌཱཀྐི་མཆོད་ཅིང་དངོས་གྲུབ་བླང་།། ཞག་གསུམ་བར་དུ་སྔགས་འདི་བཟླས།། རྩ་བའི་སྔགས་དང་བཅས་པ་ཡི།། སརྦ་པི་པ་ཏི་སིདྡྷི་སིདྡྷི་མ་ཧཱ་སིདྡྷི ་དུང་དུང་སྭཱ་ཧཱ། ལྷ་དང་ལྷ་མོ་ཚོགས་ཀྱིས་མཆོད།། ཌཱཀྐི་བདུད་རྩི་དེ་ལ་བསྟིམ།། དངོས་གྲུབ་ཆེན་པོའི་རྫས་སུ་དམིགས།། བདུད་རྩི་རང་ཉིད་རྫོགས་པར་བཏུང་།། དེས་ནི་བཟའ་བཏུང་འདུ་བར་འགྱུར།། གང་བྱུང ་ལོངས་སྤྱོད་ཚོགས་སུ་འགྱེད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བཟའ་བཏུང་འགུགས་པའི་ལེའུ་སྟེ་ཉེར་ལྔ་པའོ།། སྠི།། ། དད་བརྩོན་ལྡན་པའི་རྣལ ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གོས་རྣམས་འགྲུབ་པར་བྱེད་པའི་ཐབས།། རང་ཉིད་མོས་པའི་ལྷར་གསལ་ཞིང་།། དཀར་སེར་དམར ་ལྡང་དར་གྱི་རིགས།། སྣ་ཚོགས་རས་སྣམ་ལ་སོགས་ཀྱི།། ཅོད་པན་ངོས་ལ་ཡི་གེ་བྷྲཱུཾ།། རིན་ཆེན་གསེར་རམ་མཚལ་གྱིས་བྲི།། རྒོད་སྒྲོ་ཅན་གྱི་མདའ་ལ་བཏགས།། ལས་བྱེད་དཀྱིལ་འཁོར་མཐའ་མར ་གཟུག། བླ་མ་ཡི་དམ་མཁའ་འགྲོ་མཆོད།། རྩ་སྔགས་བཟླས་ཤིང་དངོས་གྲུབ་ཞུ།། དེ་དག་མཛོད་ཀྱི་ཡང་ཕུག་སྦ།། རྒྱུན་དུ་འདོད་གསོལ་སྨོན་ལམ་གདབ།། དར་ཟབ་སྣམ་རས་ལ་སོགས་པ།། གོས་རྣམས་ཤུགས ་ཀྱིས་འདུ་བར་འགྱུར།། རང་འདོད་འཁྲི་བཅད་ཞེན་པ་བསྲུང་།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གོས་འགུགས་པའི་ལེའུ་སྟེ་ཉེར་དྲུག་པའོ།། སྠི།། ། དད ་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གཞན་ཡང་གང་དང་གང་དག་གི། འདོད་ཡོན་དམིགས་བྱ་འགུགས ་པའི་ཐབས།། བདག་ཉིད་ལྷ་ཡི་ངར་ལྡན་པས།། གང་འདོད་རྫས་ཀྱི་གཟུགས་དང་ནི།། མིང་དང་བཅས་པ་གསེར་གྱིས་བྲི།། དར་དམར་ཁུང་དུ་དྲིལ་བྱས་ཏེ།། འདོད་པའི་ལྷ་མོ་དེ་ལ་བསྟིམ།། རྩ་སྔགས་ཧ་རི་ནི་སའི ་མཐར།། ཆེ་གེ་མོ་ཝ་ཤཾ་ཀུ་རུ་ཧྲིང་སྭཱ་ཧཱ། མང་བཟླས་མཆན་ཁུང་གཡོན་དུ་བཅངས།། མིང་བྱང་ཙནྡན་དམར་པོ་ཡི།། བྱང་བུ་དག་ལ་བྲི་བ་སྟེ།། དབང་སྡུད་སྤེལ་ཚིག་དག་ཀྱང་བཀོད།། བྱང་བུའི་ཚད་ནི་སོར ་བཞིའོ།། དེས་ནི་གང་དམིགས་དངོས་སུ་འདུ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྫས་འགུགས་པའི་ལེའུ་སྟེ་ཉེར་བདུན་པའོ།། སྠི།། ། དད་བརྩོན་ལྡན ་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཡིད་འོང་བུ་མོ་འགུགས་པའི་ཐབས།། བདག་ཉིད་དབང་ཆེན་ང་རྒྱལ་གྱིས།། དྲི་མེད་དར ་དམར་མཐོ་སྐོར་ལ། ཁྱེའུའི་བྱང་སེམས་དཀར་པོ་དང་།། རྒྱ་མཚལ་དང་ནི་དྷ་དུ་རས།། གང་དགུགས་གཟུགས་དང་མིང་བྱང་བྲི།། ནརྀ་དང་བཅས་པའི་ལས་སྔགས་བརྗོད།། ཧ་ལོ་ཁུག་ཆོས་གླང་པོའི་སྣ།། མེ་ཏོག ་གསུམ་གྱི་ཁུ་བས་བྱུག། རྩ་བའི་སྔགས་ཀྱི་མཐའ་བསྒྱུར་དུ།། ཆེ་གེ་མོ་ནིག་ནལ་ནིག་ནལ་པྲ་མོ་ཐུན་པྲ་མོ་ཐུན།། ཧཾ་ཤང་བྲམ་ཁུག་དུང་ནརྀ་སྭཱ་ཧཱ། ཞེས་པ་ཞག་གཅིག་བཟླས་ནས་ནི།། དབང་ཤེས་གོས་ཀྱི་སྦྱར་བ ་ཡིས།། གང་འདོད་ཡིད་འོང་བུ་མོ་འདུ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བུ་མོ་འགུགས་པའི་ལེའུ་སྟེ་ཉེར་བརྒྱད་པའོ།། སྐྲྀ།། ། དད་བརྩོན་ལྡན་པའི ་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཟས་ནོར་ལོངས་སྤྱོད་སྲིས་སྨེའི་ཐབས།། ཕྱུག་པོའི་རང་ཐག་ལྟེ་ཕྱེ་དང་།། བཙད་པོའི་རུས་ཕྱེ་སྐམ ་པོ་དག། བསྲེ་བའི་ཚ་ཚ་བཞེངས་པ་གཉིས།། དར་སྣས་དྲིལ་ལ་མ་སྐྱེད་འོག། རྫ་ཡི་ག་བུར་བཅུག་ལ་སྦ།། རྟེན་འབྲེལ་དེ་ཡི་སྦྱོར་བ་ལ།། བརྟེན་ནས་སྲིས་སྨེ་འཕེལ་བར་འགྱུར།། བླ་མ་ཡི་དམ་མཁའ ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲིས་འཕེལ་བར་བྱེད་པའི་ལེའུ་སྟེ་ཉེར་དགུ་པའོ།། སྤྱི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང ་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ལྷ་རྣམས་ཀུན་གྱིས་བཀུར་བའི་ཐབས།། ཟངས་སོགས་རིན་ཆེན་བྱང་བུ་ལ།། ལྷ་རྣམས་ཀུན་གྱི་གཟུགས་བྲིས་ཏེ།། དངོས་བསྐྱེད་སྤྱན་འདྲེན་བཀུག་བསྟིམ ་བྱ།། རྩ་སྔགས་བཟླས་ཤིང་དར་སྣས་བྲིལ།། རང་གི་དམིགས་རྟེན་ཞབས་སུ་སྦ།། ཅུང་ཟད་གནད་ལ་དབབ་པར་བྱ།། དེས་ནི་ལྷ་རྣམས་ཀུན་གྱིས་བཀུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད ་བསྟན་པའི་སྲོག་ཤིང་ལས། ལྷ་རྣམས་ཀུན་གྱིས་བཀུར་བར་བྱེད་པའི་ལེའུ་སྟེ་སུམ་ཅུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན ་སྒྲུབ་གཏན་ལ་ཕེབ་བྱས་ཏེ།། མི་རྣམས་ཀུན་གྱིས་བཀུར་བའི་ཐབས།། ཏཱ་ལའི་ལོ་མ་ལ་སོགས་པ།། གཙང་མའི་ཤིང་གི་ལོ་མ་ལ།། སྐྱེས་པ་གྲིར་ཤིའི་སྙིང་ཁྲག་གིས།། ཡི་གེ་ནརྀ་གཅིག་བྲིས་པའི་མཐར།། ཡོངས ་འདུས་རྩ་བའི་སྔགས་ཀྱིས་བསྐོར།། གཞན་ཡང་ཡི་དམ་ལྷ་སྔགས་དང་།། མཚལ་གྱིས་ཨཱ་ལི་ཀཱི་ལི་བྲི།། དེ་དག་དར་སྣས་དྲིལ་བྱས་ཏེ།། ས་སྣ་དགུ་ཡི་ཚ་ཚ་དང་།། ལྷན་ཅིག་ལྷ་རྟེན་ཞབས་སུ་སྦ།། རྣལ་འབྱོར་མི ་རྣམས་ཡངས་ཀྱིས་བཀུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མི་ཐམས་ཅད་ཀྱིས་བཀུར་བར་བྱེད་པའི་ཐབས་ཀྱི་ལེའུ་སྟེ་སོ་གཅིག་པའོ།། སྠི།། ། དད ་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མི་མ་ཡིན་གྱིས་བཀུར་བའི་ཐབས།། བདག་ཉིད་ལྷ་ཡི་ང་རྒྱལ་གྱིས།། སྤྲེའུ་དར ་མའི་ཐོད་པ་རུ།། ཕ་བོང་ལོང་བུའི་ལོགས་དྲུག་ལ།། མཚལ་གྱིས་ཡི་གེ་ཏྲི་བྲིས་གཞུག། ལྷ་འདྲེ་མང་པོའི་མིང་བྱང་ཡང་།། གསེར་དང་མཚལ་གྱིས་བྲིས་པ་རྣམས།། ཟ་འོག་ཁུག་མའི་ནང་དུ་གཞུག། རྩ་སྔགས ་བཟླས་ཤིང་བཀུག་བསྟིམ་བྱ།། རང་ཉིད་གང་དུ་གནས་པ་ཡི།། ཡི་དམ་ལྷ་རྟེན་འོག་ཏུ་སྦ།། རྟག་ཏུ་མི་མ་ཡིན་གྱིས་བཀུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མི ་མ་ཡིན་ཐམས་ཅད་ཀྱིས་བཀུར་བར་བྱེད་པའི་ཐབས་ཀྱི་ལེའུ་སྟེ་སོ་གཉིས་པའོ།། སྤྱི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན ་ལ་ཕེབ་བྱས་ཏེ།། བློ་དང་ཤེས་རབ་འཕེལ་བའི་ཐབས།། ག་བུར་ཙནྡན་དཀར་པོ་དང་།། སྨན་མཆོག་རྒྱལ་པོ་ཨ་རུ་ར།། གསེར་མདོག་རྨ་མེད་གཅིག་དང་ནི།། ལི་ཤི་ཛཱ་ཏི་ཨ་ག་རུ།། ཅུ་གང་གུར་གུམ ་ཀ་ར་སྦྱར།། རིལ་བུ་ཉེར་གཅིག་བྱས་པ་རྣམས།། དྲི་མེད་དར་དཀར་ཁུང་དུ་དྲིལ།། པྲཛྙཱ་བར་དྷ་ཧྲཱིཿ། མ་ནུ་ཨ་ནུ་བྷ་ར་ཡིན་ནམ་ཏ་ར་ཨཱཏྨ་ནཾ། སརྦ་པྲཛྙཱ་སིདྡྷི་སཱ་ཧ། ཞེས་པ་རྩ་སྔགས་ཤམ་བུ་ཅན།། འབུམ་ཕྲག་བཟླས ་པའི་རིལ་བུ་དེ།། རང་ལུས་དྲོད་དང་མ་བྲལ་འཆང་།། བསྒྲུབ་ཚེ་ཤ་ཆང་སྒོག་སོགས་སྤང་།། ཟླ་བ་ཡར་འཕེལ་དུས་དང་སྤྲད།། བློ་དང་ཤེས་རབ་འཕེལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན ་ཏན་གྱི་རྒྱུད་བསྟན་པའི་སྲོག་ཤིང་ལས། བློ་དང་ཤེས་རབ་འཕེལ་བར་བྱེད་པའི་ལེའུ་སྟེ་སོ་གསུམ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག ་གི། བསྙེན་སྒྲུབ་གཏན་ལ་ཕེབ་བྱས་ཏེ།། གྲེ་ལྕེ་བདེ་བར་བྱེད་པའི་ཐབས།། བདག་ཉིད་ལྷ་ཡི་ང་རྒྱལ་བལྟ།། ལྕེ་ནི་པད་དཀར་འདབ་བརྒྱད་གསལ།། དེ་སྟེང་ཤེལ་གྱི་རལ་གྲི་གཅིག། སོར་བཞི་འོད་ཟེར་བཅས་པར ་བསྒོམ།། ངག་ཏུ་ཧཱི་བཾ་ཨེ་བརྗོད་པས།། རལ་གྲིའི་འོད་ཀྱིས་ལྕེ་ལ་དཀྲིས།། ལྕེ་ཞུ་རལ་གྲི་པད་དཀར་རྣམས།། དབྱེར་མེད་གཅིག་ཏུ་གྱུར་ནས་ཀྱང་།། དམིགས་བྲལ་ཡེ་ཤེས་ངང་ལ་གཞག། ཉེར་གཅིག་ལས་ཀྱི་སྦྱོར ་བ་ཡིས།། གྲེ་ལྕེ་རབ་ཏུ་བདེ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གྲེ་ལྕེ་བདེ་བར་བྱེད་པའི་ཐབས་ཀྱི་ལེའུ་སྟེ་སོ་བཞི་པའོ།། སྠི།། ། དད་བརྩོན ་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མིག་སོགས་དབང་པོ་གསལ་བའི་ཐབས།། རང་ཉིད་ཡི་དམ་གསལ་བ་ཡི།། མིག་ནི ་གཡས་དང་གཡོན་པ་ལ།། ཡི་གེ་བྷི་ཀྵ་དཀར་དམར་བསྒོམ།། རྣ་བ་གཡས་དང་གཡོན་པ་ལ།། ཡི་གེ་ཥྚི་སྨེ་སྔོ་ལྡང་བསྒོམ།། སྣ་བུག་གཡས་དང་གཡོན་གཉིས་ལ།། ཧཾ་བཾ་དམར་དང་སེར་པོར་བསྒོམ། ཁ་ལ་ཡི་གེ ་དྷཱིཿདཀར་བསྒོམ།། མཛོད་སྤུ་ཡི་གེ་ཧྲཱིཿལྗང་བསྒོམ།། སྙིང་ཀར་ཡི་གེ་ཧཱུཾ་མཐིང་བསྒོམ།། གསལ་གདབ་རང་རང་གནས་སུ་བསྟིམ།། ཉ་སྟོང་བརྒྱད་གསུམ་དག་ལ་བརྩམ།། ལན་རེ་བརྒྱ་དང་རྩ་བརྒྱད་དམིགས།། དེ ་ལྟར་ལས་ཀྱི་སྦྱོར་བ་ཡིས།། དབང་པོ་ཐམས་ཅད་གསལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དབང་པོ་གསལ་བར་བྱེད་པའི་ཐབས་ཀྱི་ལེའུ་སྟེ་སོ་ལྔ ་པའོ།། སྐྲྀ།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མངོན་པར་ཤེས་པ་འཆར་བའི་ཐབས།། བདག་ཉིད ་མོས་པའི་ལྷར་གསལ་བའི།། ཙིཏྟ་པདྨ་འདབ་བརྒྱད་ཀྱི།། སྙིང་གར་ཨཱ་ལི་དཀར་པོ་དང་།། ཀ་ལིའི་ཕྲེང་བ་དམར་པོ་གསལ།། ཨཱ་ལི་གཡས་ལ་ཀ་ལི་གཡོན།། རབ་ཏུ་འཁོར་བའི་འོད་ཟེར ་ནི།། དཀར་དམར་དཔག་ཏུ་མེད་འཕྲོས་པས།། བདག་གི་མ་རིག་མུན་བསལ་ཞིང་།། མངོན་ཤེས་ཐོགས་པ་མེད་འཆར་ཞིང་།། དུས་གསུམ་ས་ལེར་ཤེས་པར་དམིགས།། ནངས་པར་སྐྱ་རེངས་ཤར་བ་ནས།། དགོང ་མོ་སྐར་མ་ཙག་ཅིག་བར།། རྟག་ཏུ་འབད་དེ་མངོན་ཤེས་འཆར།། ཐུན་པར་ཡེ་ཤེས་སེམས་དཔའ་ཡི།། ལས་སྦྱོར་དམ་པ་མངོན་ཤེས་འགྲུབ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི ་སྲོག་ཤིང་ལས། མངོན་པར་ཤེས་པ་འཆར་བར་བྱེད་པའི་ལེའུ་སྟེ་སོ་དྲུག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན ་ལ་ཕེབ་བྱས་ཏེ།། གཡུལ་ལས་རྒྱལ་བར་བྱེད་པའི་ཐབས།། བདག་ཉིད་ལྷ་ཡི་ང་རྒྱལ་བསྐྱེད།། ཡན་ལག་མཐིལ་བཞིར་རྒྱལ་ཆེན་བཞི། ཡུལ་འཁོར་སྲུང་དང་འཕགས་སྐྱེས་པོ།། མིག་མི་བཟང་དང་རྣམ་ཐོས ་སྲས།། རང་རང་བྲན་དང་བཅས་པ་བསྐྱེད།། སྐྲ་དང་བ་སྤུ་མཚོན་ཆར་གསལ།། གཡུལ་ལས་རྣམ་པར་རྒྱལ་བ་ཡི།། སྦྱོར་བ་དམིགས་པའི་འཕྲོ་འདུ་བྱ།། རྩ་སྔགས་སྟོབས་ཀྱི་དབང་པོས་བརྗོད།། ཁམས་དང་བསྟུན ་པའི་རུ་དར་ཕྱར།། རིགས་དང་མཐུན་པའི་བདུད་རྩི་གཏོར།། གཡུལ་ལས་རབ་ཏུ་རྒྱལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གཡུལ་ལས་རྒྱལ་བར ་བྱེད་པའི་ལེའུ་སྟེ་སོ་བདུན་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། རྩོད་པ་ལས་ནི་རྒྱལ ་བའི་ཐབས།། བདག་ཉིད་རྨ་བྱའི་རྒྱལ་པོར་བསྒོམ།། ཕ་རོལ་ཧ་ལ་འབར་བར་བསྒོམ།། རང་གི་ལྕེ་ནི་ཁབ་ལེན་རྡོ།། ཕ་རོལ་ལྕེ་ནི་ལྕགས་ཕྱེ་བསྒོམ།། མ་ཡེངས་དམིགས་པས་བརྩོན་པར་བྱ།། བདག་ཉིད་རྨ་བྱས ་དུག་ཟོས་པས།། བཀྲག་དང་གཟི་མདངས་རབ་ཏུ་རྒྱས། ཁབ་ལེན་རྡོ་ཡི་ལྕགས་བླངས་པས།། སྟོབས་དང་ནུས་པ་རབ་ཏུ་རྒྱས།། རྔམ་པའི་ཤུགས་ཀྱིས་གང་རྩོད་པ།། རང་ཉིད་རབ་ཏུ་རྒྱལ་བར་འགྱུར།། བླ་མ་ཡི ་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྩོད་པ་ལས་རྒྱལ་བར་བྱེད་པའི་ལེའུ་སྟེ་སོ་བརྒྱད་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཚོང་ལས་རྒྱལ་བར་བྱེད་པའི་ཐབས།། བདག་ཉིད་ཡི་དམ་ལྷར་བསྐྱེད་པའི།། སྤྱི་བོ་ལ་སོགས་གནས་ལྔ་རུ།། ནོར་བུ་དབང་གི་རྒྱལ་པོ ་སྟེ།། དཀར་དམར་མཐིང་སེར་ལྡང་བའི་མདོག། འོད་དང་གཟི་བརྗིད་འབར་བར་གསལ།། ཕ་རོལ་རྫས་ཀྱི་དངོས་པོ་རྣམས།། སྣ་ཚོགས་ནོར་བུ་མཆིང་བུ་ལྟར།། སྤུ་བར་བྱེད་པའི་ལས་སྦྱོར ་ཚེ།། བདག་གི་ནོར་བུའི་འོད་ཟེར་གྱིས།། ཕ་རོལ་རང་དབང་མེད་པར་བཀུག། རང་རང་ནོར་བུ་ལྔ་ལ་བསྟིམ།། རྔམ་པའི་སྦྱོར་བ་ཤེས་པར་བྱ།། གང་བྱས་ཚོང་ལས་རྒྱལ་བར་འགྱུར།། བླ་མ་ཡི་དམ་མཁའ ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཚོང་ལས་རྒྱལ་བར་བྱེད་པའི་ལེའུ་སྟེ་སོ་དགུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང ་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། རྒྱན་ལས་རྒྱལ་བར་བྱེད་པའི་ཐབས།། བདག་ཉིད་ལྷ་ཡི་ང་རྒྱལ་གྱིས།། ལག་པ་གཡས་པས་ཐབས་ཆེན་ལྕགས།། གཡོན་པ་ཤེས་རབ་ཟངས་སུ ་གསལ།། ཐབས་དང་ཤེས་རབ་ལས་སྦྱོར་གྱིས།། གང་ཡིན་རྒྱན་གྱི་ཆོ་ལོ་རྩེ།། གསལ་སྟོང་བདག་གཞན་དམིགས་པ་ཡིས།། སྣང་དང་མི་སྣང་ཉི་ཟླ་ཡི།། སྦྱོར་བ་བརྩམས་པས་བདག་ཉིད་རྒྱལ།། བདག་ཉིད་མི་གཡོ ་རབ་བརྟན་ཅིང་།། ཕ་རོལ་གཡོ་བའི་སྦྱོར་བས་ཀྱང་།། གང་ཡིན་དེ་ལས་རྒྱལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྒྱན་ལས་རྣམ་པར་རྒྱལ་བར་བྱེད ་པའི་ལེའུ་སྟེ་བཞི་བཅུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། སྒྱུ་རྩལ་འགྲན་ལས་རྒྱལ ་བའི་ཐབས།། བདག་ཉིད་དཔག་ཆེན་མདའ་གཞུར་དམིགས།། ཕ་རོལ་གཏད་པའི་འབེན་དུ་དམིགས།། ཡེ་ཤེས་ལྷ་ཡི་ལས་སྦྱོར་གྱི།། དམིགས་པ་གནད་ལ་གཟིར་བའི་ཚེ།། གང་དམིགས་དེ་ལ་ཕོག་ནས་ཀྱང་།། ཕྱེ ་མ་རྡུལ་དུ་སོང་བར་བསམ།། མ་ཡེངས་དམིགས་པའི་རྩལ་བསྐྱེད་ཅིང་།། ཞུམ་པ་མེད་པར་འགྲན་པ་ཡི།། གང་འདྲེན་དེ་ལས་བདག་ཉིད་རྒྱལ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན ་པའི་སྲོག་ཤིང་ལས། སྒྱུ་རྩལ་ལས་རྒྱལ་བར་བྱེད་པའི་ལེའུ་སྟེ་ཞེ་གཅིག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན ་ལ་ཕེབ་བྱས་ཏེ།། དཔུང་ལས་རྒྱལ་བར་བྱེད་པའི་ཐབས།། རང་ཉིད་རི་རབ་ལྷུན་པོར་བསྒོམ།། ཕ་རོལ་རི་ཕྲན་ཕྲ་མོར་གསལ།། རི་རབ་ཆེན་པོའི་མངའ་འོག་ཏུ།། རི་ཕྲན་ལྷག་པའི་དབང་མེད་ཅིང་།། སྟོབས་ཀྱིས ་ཟིལ་གྱིས་མནན་དམིགས་ཤིང་།། བདག་ཉིད་དཔའ་ཤུགས་ང་རྒྱལ་བསྐྱེད།། དཔུང་འཇོམས་ལས་ཀྱི་སྦྱོར་བ་བྱ།། དེས་ནི་དཔུང་ལས་རྒྱལ་འགྱུར་ཏེ།། བདག་ཉིད་བཅུ་ཕྲག་དཔུང་གིས་ཀྱང་།། ཕ་རོལ་འབུམ་ཕྲག ་དཔུང་ཚོགས་འཇོམས།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒུད་བསྟན་པའི་སྲོག་ཤིང་ལས། དཔུང་ལས་རྒྱལ་བར་བྱེད་པའི་ལེའུ་སྟེ་ཞེ་གཉིས་པའོ།། སྠི།། ། དད་བརྩོན་ལྡན ་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། དོན་འགྲུབ་རྣམ་པར་རྒྱལ་བའི་ཐབས།། བདག་ཉིད་ཡི་དམ་ལྷར་གསལ་བའི།། གཡས་སུ ་སེངྒེ་འགྱེང་བ་དང་།། གཡོན་དུ་སྟག་མོ་ངར་བ་དང་།། མདུན་དུ་གླང་ཆེན་སྟོབས་ལྡན་འགྲོ།། རྒྱབ་ཏུ་ཁྲོ་རྒྱལ་དམག་དཔུང་འགྱེད།། གླད་ན་མཁའ་ལྡིང་རྒྱལ་པོ་ལྡིང་།། དེ་ལྟར་རབ་ཏུ་གསལ་བསྒོམ་ཞིང་།། ཉམ་ང ་མེད་པའི་ཤུགས་ཀྱིས་འགྲོ།། གང་ཡིན་ལས་དོན་མྱུར་འགྲུབ་བསམ།། དོན་གང་ཐོགས་པ་མེད་པར་འགྲུབ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དོན་འགྲུབ་པར ་བྱེད་པའི་ལེའུ་སྟེ་ཞེ་གསུམ་པའོ།། སྐྲྀ།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། རིག་སྔགས་ཀུན་ལས་རྒྱལ ་བའི་ཐབས།། བདག་ཉིད་དམིགས་མེད་མཁའ་ལྟར་བལྟ།། ཕ་རོལ་བདག་ལ་བྱད་བྱེད་པའི།། རིག་སྔགས་སྦྱོར་བ་གང་ཡིན་རྣམས།། མུན་པ་ཤིན་ཏུ་གནག་པར་དམིགས།། རང་གི་བསྒྲུབ་པའི་ལྷ་རྣམས་ནི།། ཉི ་མའི་དཀྱིལ་འཁོར་རབ་རྒྱས་ནས།། མཁའ་ལ་ཤར་བའི་འོད་ཟེར་གྱིས།། མུན་པ་ཐམས་ཅད་རབ་བཅོམ་ནས།། ཉི་འོད་སྣང་བ་རྒྱས་དམིགས་དང་།། རྩ་སྔགས་བཟླས་སོགས་ལུས་ངག་ཡིད།། བྱང་ཆུབ་ལམ་གྱི་ཆོས ་ལ་འབད།། ཉིན་རེ་ལན་རེའི་སྦྱོར་བ་ཡིས།། རིག་སྔགས་བྱེ་བའི་ཚོགས་ཀྱིས་ཀྱང་།། བདག་ལ་སྡིགས་པར་མི་འགྱུར་རོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རིག ་སྔགས་ལས་རྒྱལ་བར་བྱེད་པའི་ཐབས་བསྟན་པའི་ལེའུ་སྟེ་ཞེ་བཞི་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ ་བྱས་ཏེ།། བློ་གྲོས་རྣམ་པར་རྒྱལ་བའི་ཐབས།། བདག་ཉིད་ཡི་དམ་ལྷར་གསལ་བའི།། སྙིང་གར་སྨྲ་བའི་སེངྒེ་བསྐྱེད།། མིག་གཡས་ཟླ་བའི་དཀྱིལ་འཁོར་ལ།། གཡོན་པ་ཉི་མའི་དཀྱིལ་འཁོར་བསྐྱེད།། དེ་ལྟར ་གསལ་བའི་དད་ལྡན་པས།། གཡོ་བ་མེད་པའི་ཏིང་འཛིན་གྱིས།། གང་ཡིན་ལས་དང་བྱ་བ་རྣམས།། ཟིལ་གྱིས་མནན་ནས་བརྩམ་པར་བྱ།། གཞན་སྣང་མི་བསྟུན་ཡ་མ་བརླ།། སྣང་སྲིད་བདེན་པར་མེད་པར ་བཞག། བློ་གྲོས་རྣམ་པར་འཕེལ་ནས་ཀྱང་།། བསམ་འདུན་གང་སྤྱོད་ཆོས་དང་མཐུན།། བྱང་ཆུབ་ལམ་ལ་ཆུད་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བློ ་གྲོས་འཕེལ་བར་བྱེད་པའི་ལེའུ་སྟེ་ཞེ་ལྔ་པའོ།། སྠཱི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས ་ཏེ།། བདག་ཉིད་ཆོས་སྲིད་རྒྱལ་བའི་ཐབས།། ཡི་དམ་ལྷ་དམིགས་སྙིང་ག་རུ།། རྣམ་ཐོས་སེངྒེ་ཞོན་པའི་བུ།། སེངྒེ་ཞོན་པའི་འཇོལ་བེར་ཅན།། ལག་ན་རྒྱལ་མཚན་ནེའུ་ལེ་འཛིན།། སྣ་ཚོགས་རིན་ཆེན་རྒྱན་གྱིས ་སྤྲསྒྲས།། རང་འདྲ་གནོད་སྦྱིན་འབུམ་སྡེས་བསྐོར།། ལས་བྱེད་ཕོ་ཉ་སྐར་ལྟར་འཁྲུགས།། ཀུན་ཀྱང་བདག་གི་ཆུས་སྲིད་སྐྱོངས།། དཔལ་དང་དབང་ཕྱུག་སྤེལ་བསམ་ཞིང་།། རྩ་སྔགས་འཛབ་ཀྱི་འབྲུག་སྒྲ ་སྒྲོགས།། སྐབས་སུ་དམིགས་པ་ཡང་ཡང་གསལ།། ཆུས་སྲིད་རིམ་གྱིས་རྒྱས་ནས་ཀྱང་།། གང་བསམ་ཐུན་མོང་ལས་འབྲས་འགྲུབ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང ་ལས། ཆུས་སྲིད་རྒྱལ་བར་བྱེད་པའི་ལེའུ་སྟེ་ཞེ་དྲུག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མི ་ཁ་སྨྲ་མཆུ་བཟློག་པའི་ཐབས།། བདག་ཉིད་ལྷ་ཡི་ང་རྒྱལ་གྱིས།། ས་སྣ་དགུ་ལ་བཟོས་པ་ཡི།། མཆོད་རྟེན་ནག་པོ་ཁྲུ་གང་ལ།། བང་རིམ་དགུ་པའི་ཁང་གསེང་དུ།། ཙནྡན་བྱང་བུ་མཐོ་གང་ལ།། མི་ཁ་བཟློག་པའི ་དམོད་མོ་དང་།། བ་ར་ཤ་ཡ་དྷེད་དྲེད་ཐུན་བྷྱོ། ཤ་ཤ་ར་ལི་ཏེ་པ་ཤུ་ཙི་མི་ཁ་སྒྲ་མཆུ་སརྦ་བྷྱོ་བྷྱོ་བཟློག་བཟློག། ཅེས་པ་བྲིས་པ་གཞུག་པར་བྱ།། གཞན་ཡང་དུག་ཁྲག་བལ་ཚོན་དང་།། སྔོ་ངད་སྒ་གཡེར་ལ་སོགས ་པ།། སྣ་ཚོགས་མི་ཁའི་རྫས་ཀྱིས་བཀང་།། དེ་ལ་དར་རས་ནག་པོ་ཡི།། ཅོད་པན་གཟུགས་ལ་ཁྲམ་རིས་བྲིས།། དུས་གཉེན་སྒོ་ཁང་སྟེང་དུ་བཞག། ཡང་ན་རང་གི་ཁང་པ་ཡི།། བྱང་ཤར་མཚམས་ཀྱི་ཟུར་དུ ་བཞག། མི་ཁ་ཐམས་ཅད་བཟློག་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མི་ཁ་སྒྲ་མཆུ་བཟློག་པར་བྱེད་པའི་ལེའུ་སྟེ་ཞེ་བདུན་པའོ།། སྠི།། ། དད ་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཉམས་གྲིབ་མི་གཙང་བསྲུང་བའི་ཐབས།། སྲད་བུ་ནག་པོ་གསུམ་བསྒྲིལ ་ལ།། མདུད་པ་ཉེར་གཅིག་བྱས་ནས་ནི།། རྩ་སྔགས་ཤམ་དུ་འདི་སྐད་གདགས།། ཀྲོ་ཏི་ཀ་ལི་སརྦ་པཱ་པཾ། མཾ་དུ་ས་མ་ཡཱ། བི་ན་སེ་ཤུདྡྷེ་ཤུདྡྷེ་མ་ཧ་ཤུདྡྷེ་ཕཊ་སྭཱ་ཧཱ། ཞེས་པ་བརྒྱ་ཕྲག་བཟླས་ནས་ཀྱང་།། གུ་གུལ་དུད ་པས་སྲད་བུ་བདུག། གང་གི་ལུས་ལ་བཏགས་དེ་ལ།། གྲིབ་དང་མི་གཙང་འཇིག་པ་མེད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཉམས་གྲིབ་བསྲུང་བར་བྱེད་པའི ་ལེའུ་སྟེ་ཞེ་བརྒྱད་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། འབྱུང་པོའི་སུན་མ ་བཟློག་པའི་ཐབས།། བདག་ཉིད་ལྷ་ཡི་ང་རྒྱལ་གྱིས།། རཏྣའི་རྡོ་རྗེ་རྩེ་ལྔ་ལ།། སྣ་ཚོགས་དར་གྱི་ཅོད་པན་གདགས།། ས་མནྟ་ཡི་སྲུང་སྔགས་ལས།། བརྒྱ་རྩ་བཟླས་ཤིང་རྡོ་རྗེ་གསོར།། གང་གནོད་ཕྱོགས་སུ་གདེངས ་ཤིང་གཟིར།། རྡོ་རྗེ་ཁྲོ་རྒྱལ་འབར་བར་བསྐྱེད།། ཅོད་པན་མེ་རི་འབར་བ་ལས།། ཡང་སྦྲུལ་མེ་དང་མཚོན་ཆའི་ཆར།། གནམ་ལྕགས་ཐོག་ལྟར་རབ་འབར་ཞིང་།། གནོད་བྱེད་འབྱུང་པོའི་སུན་མ་རྣམས།། རང་རང ་གནས་སུ་བཟློག་བསམ་ཞིང་།། བསྲུང་བའི་གོ་ཆ་བརྟན་པར་དམིགས།། དེས་ནི་ཕྱིན་ཆད་གནོད་མི་འགྱུར།། རྡོ་རྗེ་རང་ཉིད་གར་གནས་ཀྱི།། དབེན་པའི་ཕྱོགས་སུ་དམ་པར་སྦ།། སྐབས་སུ་དམིགས་པ་དྲག་སྔགས ་དང་།། རྡོ་རྗེ་བཅས་པས་གཟིར་བར་བྱ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། འབྱུང་པོའི་སུན་མ་བཟློག་པར་བྱེད་པའི་ལེའུ་སྟེ་ཞེ་དགུ་པའོ།། སྠི།། ། དད ་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། ནད་རིམས་ཀུན་གྱིས་མི་ཚུགས་ཐབས།། གླ་རྩི་བོང་ང་ཆུ་དག་དང་།། མུ་ཟི་ལྡོང ་རོས་ཤིང་ཀུན་དང་།། རྟ་བོན་དྲི་ཆེན་བྱ་རྒོད་ཚིལ།། དེ་ལྟར་དགུ་ཡི་རིལ་བུ་དང་།། པྲ་མ་དྷཱ་ཧ་ར། ཀ་ར་ཤིཥྚ་ཀྵཾ་ནི། ཨ་ལིཀྵྱ་གྷ་གྷ་ས་མ་ཏྲི་ས་མ་ཏྲི་བྷྱཿཕཊ། དེ་ལྟར་རྩ་སྔགས་ཤམ་ཅན་ལ།། སྟོང་བཟླས་བསྲུང་བྱའི ་མགུལ་དུ་བཏགས།། རྫས་ཀྱི་ཁུ་བས་སྔགས་ཀྱང་བྲི།། རིལ་བུ་སྲན་མའི་ཚད་དང་སྦྱར།། དེ་དག་ལུས་ལ་སུས་འཆངས་པ།། རིམས་ནད་འགོ་བའི་ནད་ལས་སྐྱོབ།། ཉམས་ན་ཡང་ཡང་གསོ་བར་བྱ།། བླ་མ་ཡི་དམ ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རིམས་ནད་ཀྱིས་མི་ཚུགས་པར་བྱེད་པའི་ལེའུ་སྟེ་ལྔ་བཅུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། འབྱུང་པོ་དག་གིས་མི་ཚུགས་ཐབས།། སྟག་མ་བེ་དཀར་འོམ་བུ་དང་།། སྐྱེར་པ་ཚེར་ནག་སེང་ལྡིང་དང་།། ཤུག་པ་བལ་དཀར་སོལ ་ནག་སྟེ།། དེ་ལྟར་ཤིང་དགུ་སོར་བཞི་ལ།། རྩ་སྔགས་སྟོང་གིས་རབ་གནས་བྱ།། དར་ཚོན་སྣ་ལྔས་མི་མངོན་དཀྲི།། མི་ལག་མ་བརྒྱུད་བསྲུང་བྱ་ཡི།། ལུས་ལ་ཇི་སྲིད་གནས་ཀྱི་བར།། འབྱུང་པོས་མི་མངོན་སྒྲིབ་ཤིང ་སྟེ།། བསྲུང་བའི་མཆོག་ཏུ་གྱུར་པའོ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། འབྱུང་པོས་མི་ཚུགས་ཤིང་སྒྲིབ་པར་བྱེད་པའི་ལེའུ་སྟེ་པ་གཅིག་པའོ།། ། ་སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མཚོན་གྱི་གནོད་པས་མི་ཚུགས་ཟབས།། གྲི ་ལྕགས་རལ་གྲི་ཚོན་གང་ལ།། གྲི་ཁྲག་ཆུ་ཡི་ངར་བླུད་ལ།། དར་དམར་དག་གིས་མི་མངོན་གྲིལ།། རྩ་སྔགས་དང་ནི་བསྲུང་བའི་སྔགས།། བ་ར་པ་རི་ཐེད། ཡུམ་ཡུམ་ཡུམ་ཐེད། ཁྲོ་ཙེ་ཐེད། རྣོར་ཆུམ། མ་མ་ད་ཡུར ་རཀྵཱཾ། ཀ་ལ་སྟ་ཧཱ། སྟོང་ཕྲག་བཟླས་ཤིང་ལག་མ་བརྒྱུད།། གང་ལ་བསྲུང་བར་འདོད་པ་ཡི།། ལུས་ལ་བཏགས་ཤིང་རབ་གནས་བྱ།། ཇི་སྲིད་རྫས་དང་མ་བྲལ་བར།། དེ་སྲིད་མཚོན་གྱིས་མི་ཚུགས་བསྲུང་།། བླ་མ་ཡི། ་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མཚོན་གྱི་གནོད་པ་སྲུང་བར་བྱེད་པའི་ལེའུ་སྟེ་ང་གཉིས་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མཐུ་རྩལ་ཆེ་བར་བྱེད་པའི་ཐབས།། བདག་ཉིད་ལྷ་ཡི་ང་རྒྱལ་གྱིས།། ཡ་སོ་ཁྲོ་བོ་བཅུ་རུ་བསྒོམ།། མ་སོ་ཁྲོ་མོ་བཅུ་རུ་བསྒོམ།། ལྕེ ་ནི་གདུག་པའི་མཚོན་ཆར་བསྒོམ།། བ་སྤུ་གསེར་གྱི་རྡོ་རྗེ་ཕྱེད།། ཕྱི་འབུར་རབ་རུ་གཏམས་པ་ཡིས།། གོ་ཞུ་ལུགས་སུ་གོན་བཞིན་བསྒོམ།། རྩ་གནས་ལུས་ཀྱི་དྲ་མིག་རྣམས།། ལྕགས་ཞུན་དག་གིས་རབ་གང ་ནས།། རྐང་རུབ་ལྕགས་སྡོང་ལྟ་བུར་བསྒོམ། ཁྲོ་ཆུ་འབར་བ་ཧ་ལ་ལ།། མ་ཧ་ཁྲོ་ཆུ་ཧ་ལ་བྷྲཱུཾ།། མ་མ་ཀཱ་ཡ་རཀྵ་ཕ་ལ་ཧཱུཾ་སྭཱ་ཧཱ། ཞེས་པ་རྩ་བའི་སྔགས་དང་བཅས།། ཞག་བདུན་སྨྲ་བ་བཅད་ལ་བཟླས།། ལུས་ལ ་ལྕགས་ཕྱེ་ཨ་རུ་ར།། ཆང་དང་སྦྱར་ལ་ཡང་ཡང་བྱུག། ལྕགས་སྲོག་གྲུབ་ནས་སྟོབས་ཀྱི་དཔལ།། མཐུ་རྩལ་རབ་ཏུ་རྒྱས་པར་འགྱུར། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང ་ལས། མཐུ་རྩལ་ཆེ་བར་བྱེད་པའི་ལེའུ་སྟེ་ང་གསུམ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས ་ཏེ།། དུག་གིས་མི་ཚུགས་བསྲུང་བའི་ཐབས།། དུག་གིས་ངེས་པར་ཤི་བ་ཡི།། རུས་པ་དང་ནི་གསེར་གྱི་མདོག། སྨན་མཆོག་སྐྱོན་དང་བྲལ་བ་གཅིག། ཆ་མཉམ་བཏུལ་བའི་ཕྱེ་མ་ལ།། དུག་སྤང་ཁུ་བས་རིལ་གུ ་སྦྱར།། མེ་དང་ཉི་མ་མ་མཐོང་བསྐམ།། ཧ་ལ་ཀཱ་ལ་ཕོས་ཕོས། ཀ་མ་ཙི་ཏྲི་ཧ་ལ་ཕོས།། སརྦ་ཧ་ལ་ཀ་མ་ར་ཙི་དུན་ཕཊ་སྭཱ་ཧཱ། དེ་དག་རྩ་སྔགས་གཤམ་ལ་གདགས།། སྟོན་ཟླ་དར་དམར་ཁུད་དུ་གཏུམ།། གང་བསྲུང ་མགྲིན་པའི་གནས་སུ་གདགས།། ལོ་རེ་བཞིན་དུ་སྔགས་རྣམས་བསྒྱུར།། དུག་རིགས་ཐམས་ཅད་བསྲུང་བ་སྟེ།། ཡོད་རློམ་ཆེད་དུ་དུག་མི་བཟའ།། དེས་ནི་དམ་ཚིག་ཉམས་པའོ།། བླ་མ་ཡི་དམ་མཁའ་འགྲོ་ཐམས ་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དུག་གིས་མི་ཚུགས་ཤིང་སྲུང་བར་བྱེད་པའི་ལེའུ་སྟེ་ང་བཞི་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གཏད་དང་ཁྲམ་གྱིས་མི་ཚུགས་ཐབས།། མིང་རུས་མི་གཅིག་མི་དགུ་ཡི།། སྐྲ་སེན་མཛེ་ཕོའི་ཐོད་རུས་རྣམས།། རོ་རས་ནག་པོའི་ཁུག་མར ་གྲིལ།། ལྕགས་བྱང་མིག་དགུའི་ཐེམས་སུ་ཞུགས།། རང་གི་མལ་འོག་དོང་དུ་མནན།། བདག་ཉིད་ལྷ་ཡི་ང་རྒྱལ་བསྐྱེད།། ཕ་རོལ་གཞན་ལ་སྲུང་བྱེད་ཀྱང་།། ཁྱད་པར་རྩ་སྔགས་བགྲངས་སུ་གཞུག། དེས་ནི་གཏད ་དང་ཁྲམ་ལས་ཐར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གཏད་ཁྲམ་གྱིས་མི་ཚུགས་པར་བྱེད་པའི་སྲུང་བའི་ལེའུ་སྟེ་ང་ལྔ་པའོ།། སྠི།། ། དད་བརྩོན་ལྡན ་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གཟའ་སྐར་ངན་པ་སྐྱོབ་པའི་ཐབས།། དུར་རྡོ་མཚལ་གྱི་ཁྲམ་རིས་ཅན།། ཚོན་སྐུད་སྣ་ལྔས་རྒྱ ་གྲམ་བཅིང་།། གཟའ་སྐར་ངན་པའི་འཇིགས་པ་ལས།། སྲུངས་སོགས་སྤེལ་ཚིག་གང་འདོད་ཀྱང་།། བྲིས་ནས་དེ་དང་ལྷན་ཅིག་དྲིལ།། དེ་ལྟར་བརྒྱད་བྱས་ཕྱོགས་མཚམས་སུ།། རང་ཉིད་གར་གནས་ས་རུ ་སྐྲསྒྲ།། གཟའ་སྐར་ངན་པའི་འཇིགས་པ་ཀུན།། སྔོན་ཆད་བྱུང་བ་གྲོལ་གྱུར་ཞིང་།། ཕྱིན་ཆད་གནོད་པ་མི་བྱེད་བསྲུང་།། ལོ་རེ་བཞིན་དུ་ལན་རེ་བསྐུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད ་བསྟན་པའི་སྲོག་ཤིང་ལས། གཟའ་སྐར་ངན་པ་ལས་སྐྱོབ་པར་བྱེད་པའི་ལེའུ་སྟེ་ང་དྲུག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག ་གི། བསྙེན་སྒྲུབ་གཏན་ལ་ཕེབ་བྱས་ཏེ།། དོན་གཉེར་ཕྱོགས་ངན་སྲུང་བའི་ཐབས།། སྐྱེར་བའི་བྱང་བུ་མཐོ་གང་ལ།། མཚལ་གྱིས་བྷྱོ་ཕཊ་ཉེར་གཅིག་བྲིས།། ངོས་གཅིག་དག་ལ་སྟག་སེང་གཟུགས།། སྐྱེ་མཆེད་དོད ་པ་མཁས་པས་བྲི།། འདོམ་གང་དབྱིག་པའི་རྩེ་ལ་བཏག། གར་འགྲོའི་ཕྱོགས་སུ་གོམ་དགུ་ཁྱེར།། དེ་ནས་བྱང་བུ་སྐེ་ལ་གདགས། ཕྱོགས་ངན་ཉེས་པས་གོས་མི་སྲིད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན ་ཏན་གྱི་རྒྱུད་བསྟན་པའི་སྲོག་ཤིང་ལས། ཕྱོགས་ངན་སྲུང་བར་བྱེད་པའི་ལེའུ་སྟེ་ང་བདུན་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག ་གི། བསྙེན་སྒྲུབ་གཏན་ལ་ཕེབ་བྱས་ཏེ།། དུས་མིན་འཆི་བ་བཟློག་པའི་ཐབས། ཁམ་སའི་རང་གཟུགས་ལུས་ཚོད་བཟོ།། དེ་ལའང་རང་གི་གོས་བཀོན་ཞིང་།། ལུས་ཀྱི་དྲི་མ་ཕྱི་ལ་བྱུགས།། མིང་འདྲ་མཁན་འདྲའི ་སྟོན་མོ་བཏང་།། ཞག་གཅིག་རང་དང་ལྷན་ཅིག་ཉལ།། དེ་ནས་རང་ཉིད་མུན་པར་གབ།། ལུས་ལ་ཐལ་ཆེན་རོ་སོལ་བྱུག། ཡི་དམ་ལྷ་ཡི་ཏིང་འཛིན་བསྒོམ།། རཱུ་པ་གྲུ་གསུམ་དེང་དུ་བདུར།། སྟེང་ནས ་ས་སྣ་མང་པོས་བྱིབས།། གཟའ་དང་སྐར་མ་བཟང་ལ་གཏད།། ཤི་བདུར་ལུགས་དང་མཐུན་པར་བྱ།། དེས་ནི་དུས་མིན་འཆི་བ་བཟློག། ཚེ་ཚད་གནས་སུ་སྐྱོལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི ་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དུས་མ་ཡིན་པར་འཆི་བ་བཟློག་པར་བྱེད་པའི་ལེའུ་སྟེ་ང་བརྒྱད་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང ་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གག་ལྐོག་གཉེན་མཛེས་མི་ཚུགས་ཐབས།། གང་བསྲུང་ལྕགས་ཀྱི་ཕག་རྒོད་ནི།། འཇིགས་པ་རི་རྒྱུད་ཙམ་ཞིག་བསྒོམ།། ཕག་རྒོད་སོ་དང་ཤ་ཚིལ་དང་།། 1 ་སྦལ་སྡིག་པའི་ཤ་བསྲེས་ལ།། རྩ་སྔགས་ཁྲོ་ཆུའི་སྔགས་བཟླས་པས།། ངར་བླུད་བསྲུང་བྱའི་ལས་ལ་བྱུག། གཉེན་དང་མཛེ་ལྐོག་ལ་སོགས་པ།། ས་བདག་ཁྲོས་པའི་གནོད་པ་བསྲུང་།། བླ་མ་ཡི་དམ་མཁའ ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གག་ལྐོག་གཉེན་མཛེ་ལ་སོགས་སྲུང་བར་བྱེད་པའི་ལེའུ་སྟེ་ང་དགུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཆར་པ་དབབ་པར་བྱེད་པའི་ཐབས།། སྦལ་གསོབ་གྲི་ཐལ་དག་གིས་བརྒྱང་།། ཀླུ་རྫས་མང་པོ་བཏབ་པ་ཡི།། ཆུར་སྤངས་སྟེང་ནས ་རྫ་ཡིས་བཀབ།། ཀླུ་རྣམས་བཀུག་ཅིང་རྫས་ལ་བསྟིམ།། ཕྱི་རོལ་ཀླུ་ལ་མཆོད་གསོལ་བྱ། ཆར་པ་དབབ་པའི་ཕྲིན་ལས་གཞོལ།། བྷ་རི་ཤ་ཡ་པ་ཏ་ལི་ཧཱུཾ་ཧཱུཾ། ནཱ་ག་ར་ཙ་ཙིཏྟ་ཕྲོམ་ཕྲོམ་དུ་ཕུ་རྦད་ཡ་ནཱ་ག་ར་ཙ་བྷ་རི་ཤ ་ཡ་སརྦ་སིདྡྷི་སྭཱ་ཧཱ། སྟོང་ཕྲག་ཐེམ་ནས་ཆར་པ་འབྱུང་།། རྩ་བའི་སྔགས་དང་སྦྲེལ་ལ་བཟླས།། དེ་བར་ཤ་ཆང་སྒོག་པ་སྤང་།། ལས་གྲུབ་བཅས་བཤིག་གནས་སུ་བསྐྱོད།། དྲག་ཆར་མྱུར་དུ་འབབ་པར་འགྱུར།། བླ་མ ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཆར་དབབ་པར་བྱེད་པའི་ལེའུ་སྟེ་དྲུག་ཅུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཆར་པ་གཅོད་པར་བྱེད་པའི་ཐབས།། སེང་ལྡེང་ཕུར་པ་སོར་བཞི་ལ།། གྲི་ཁྲག་དུག་གི་ཁུ་བ་ཡིས།། ཙཀྲ་བྷ་རི་ཤ་ནཱ་ག་དུ་ཙིཏྟ་རྦད་རམ། ས་མ ་ཡ་རྦད་སྭཱ་ཧཱ། རྩ་སྔགས་གཤམ་ཅན་ཚར་གསུམ་བྲི།། ལ་ཆ་ཐང་ཚིལ་ནང་དུ་གཏུམ།། ཆུ་མིག་གཉེན་པོའི་གཏིང་དུ་སྦ།། མ་བཏོན་བར་དུ་ཆར་པ་ཆད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད ་བསྟན་པའི་སྲོག་ཤིང་ལས། ཆར་པ་གཅོད་པར་བྱེད་པའི་ལེའུ་སྟེ་རེ་གཅིག་པའོ།། སྐྲྀ།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག ་གི། བསྙེན་སྒྲུབ་གཏན་ལ་ཕེབ་བྱས་ཏེ།། སྦུད་སྣ་བཟློག་པར་བྱེད་པའི་ཐབས།། ཁྱི་འབྲུག་གླང་ལུག་རུས་པ་དང་།། རིན་ཆེན་སྣ་ལྔ་བསྲེས་པའི་ས།། ཚ་ཚ་ཉི་ཤུ་རྩ་གཅིག་བཞེངས།། རབ་གནས་གཟུངས་སྔགས ་ནང་སྙིང་བཅས།། སྤུད་སྣ་འོང་བའི་ཟད་དུ་བཀྲམ།། སྟོབས་ཆེན་ཁྲོ་བོའི་ང་རྒྱལ་བསྐྱེད།། ཤྭ་སྤུད་སྤྲད་སྣ་བཟློག་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས།། ་སྤུསྤྱད་སྣ་བཟློག་པར་བྱེད་པའི་ལེའུ་སྟེ་རེ་གཉིས་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། སྐྱི ་འདང་སེར་བ་བཟློག་པའི་ཐབས།། སེང་ལྡེང་ཕུར་པ་ཁྲུ་གང་ལ།། དར་ནག་རོ་རས་ཅོད་པན་བཏག། ཕུར་པའི་ལོགས་ལ་ཁྲོ་བཅུའི་སྔགས།། ཨོཾ་བཛྲ་ཀྲོ་དྷ་ཧཱཾ་ཀ་ར་ཧཱུཾ། ཨོཾ་བཛྲ་ཀྲོ་དྷ་བྷི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་ནི་ལ ་དཎྜ་ཧཱུཾ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། ཨོཾ་བཛྲ་ཀྲོ་དྷ་ཧ་ཡ་གྷྣཱཾ་ཝ་ཧཱུཾ། ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ། ཨོཾ་བཛྲ་ཀྲོ་དྷ་མ་ཧཱ ་བ་ལ་ཧཱུཾ། དག་པར་དྲིས་ཏེ་གུ་གུལ་དང་།། དུག་ཁྲག་ཁུ་བས་བྱུགས་བྱས་ཏེ། ཁྲོ་བཅུའི་སྔགས་ཀྱིས་རྣོ་ངར་བླུད།། ཁྲོ་བོ་སྤྱན་དྲང་ཕུར་བར་བསྟིམ།། བདག་ཉིད་ལྷ་ཡི་ང་རྒྱལ་གྱིས།། སེར་བ་དབབ་དུས་ཕུར་པ ་གཟིར།། སྔགས་བཟླས་སྟངས་སྟབས་སྡིགས་མཛུབ་བསྟན།། སྐྱེ་འདང་སེར་བ་བཟློག་པར་གྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སེར་བ་གཅོད་པར་བྱེད་པའི ་ལེའུ་སྟེ་རེ་གསུམ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ནོར་ཕྱུགས་གོད་ཁ་སྲུང ་བའི་ཐབས།། རང་ཉིད་ལྷ་ཡི་ང་རྒྱལ་གྱིས།། གཅན་གཟན་དར་མའི་ཐོད་པ་རུ།། ནད་གདོན་བགེགས་ཀྱི་རཱུ་པ་ལ།། ཚོན་སྐུད་སྣ་ལྔས་བྱད་དུ་གཞུག། རོ་རས་ཡུགས་སའི་དོར་རྟས་གྲིལ།། དགུག་གཞུག་བྱས་ལ ་བཅུག་ནས་ཀྱང་།། འབྲུ་ནག་ལ་སོགས་ཐུན་རྫས་ཀྱིས།། ཐོད་པ་དེ་དག་ཁེངས་པར་བྱ།། དམོད་བཅོལ་དྲག་སྔགས་གང་འོས་བཟླས།། རྒྱ་སྲང་ལམ་གསུམ་བཞི་མདོར་མནན།། རོ་གཡམ་རྡོ་རྗེ་རྒྱ་གྲམ་དང་།། འབྱུང ་བ་མེ་ཆུས་མནན་ལ་བཞག། གོད་སྲི་ཟ་ལམ་དགྲ་ལ་གཏད།། ཟོར་དང་ཐུན་གྱི་ལས་རྣམས་བྱ།། དེས་ནི་གོད་ཁ་འབྱུང་མི་སྲིད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས།། ་གོད་ཁ་སྲུང་བའི་ལེའུ་སྟེ་རེ་བཞི་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་གྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཆོམ་རྐུན ་འཆིང་བར་བྱེད་པའི་ཐབས།། བདག་ཉིད་ལྷ་ཡི་ང་རྒྱལ་གྱིས།། དུག་ཤོག་རོ་རས་མཐོ་གང་ལ།། ཆོམ་རྐུན་དགྲ་ཡི་གཟུགས་བྲིས་ནས།། ཞིང་ལྤགས་ཁུག་མའི་ནང་དུ་གཏུམ།། གནོད་བྱེད་སརྦ་ཤ་ཏྲུཾ་བྷནྡྷ་ཡ་བྷནྣ་ཡ། ་སརྦ་ཤ་ཏྲུཾ་ལོ་ཀ་བྷནྣ་ཡ། མ་ར་ཎ། ད་ཧ་ད་ཧ། པ་ཙ་པ་ཙ། སྟཾ་བྷ་ཡ། ནཱ་ཤ་ཡ་བྷནྣ་ཡ་ཕཊ། ཅེས་པ་རྩ་སྔགས་གཤམ་ལ་གདགས།། བརྒྱ་ཕྲག་ལ་སོགས་ཅི་འགྲུབ་བཟླས།། ཞིང་ལྤགས་གང་བསྲུང་གཙོ་ལ ་གདགས།། དེ་ལ་གང་འཁྲི་ཐམས་ཅད་བསྲུང་།། ཆོམ་རྐུན་དག་གིས་གནོད་མི་བྱེད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཆོམ་རྐུན་འཆིང་བར་བྱེད་པའི་ལེའུ་སྟེ་རེ ་ལྔ་པའོ།། སྐྲྀ།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གཅན་གཟན་གདུག་པའི་ཁ་འཆིང་ལ།། དུག ་ཤོག་དག་ལ་གཅན་གཟན་གཟུགས།། ལྕགས་སྒྲོག་དག་གིས་བྱད་གཞུག་ཅིང་། ཁ་གདོང་རྡོ་རྗེ་རྒྱ་གྲམ་བྲི།། ལྟོ་བར་ཙཀྲ་རྩིབས་བརྒྱད་བསྐོར།། དུ་ན་ས་ཁཾ་ཨ་མུ་ཀ་ཕཊ། རྩིབས་བརྒྱད་དང་དག་ལ་འབྲུ་བརྒྱད ་བཀོད།། ལྟོ་བར་གཅན་གཟན་གང་ཡིན་གྱི།། མིང་མཐར་མཱ་ར་ཡ་ཆིངས་བྲི།། མཐའ་མ་དྲག་པོའི་སྔགས་ཀྱིས་བསྐོར།། གནོད་བྱེད་ཙཀྵཱ་མུ་ཁཾ་བྷན་དྷ་ཡ། ཙཀྲ་ཝར་ཏི་གཅན་གཟན་ཆེ་གེ་མོ་མཱ་ར་ཡ། དུ་ན་ས་ཁཾ་ཨ ་མུ་ཀ་ཕཊ། གཅན་གཟན་གདུག་པའི་ཁ་སྡོམས། ལུས་རེངས། སེམས་མྱོས། དབང་པོ་མཱ་ར་ཡ་ཆིངས་ཤིག། དེ་ལྟར་དམོད་པའི་དྲག་སྔགས་རྣམས།། བྲིས་པ་དག་ཏུ་བརྒྱ་ཕྲག་བཟླས།། དེ་ནི་ཞ་ཉེའི་ཆུ་ཡིས ་བྱུག། རང་གཤེད་རང་རང་རིགས་འདྲ་བའི།། མཆེ་བ་ཅན་གྱི་ཐོད་པར་གཞུག། གཅན་གཟན་རྒྱུ་བའི་སྲང་ལ་མནན།། དེས་ནི་གཅན་གཟན་གདུག་པ་འཆིང་།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི ་རྒྱུད་བསྟན་པའི་སྲོག་ཤིང་ལས། གཅན་གཟན་གདུག་པའི་ཁ་འཆིང་བར་བྱེད་པའི་ལེའུ་སྟེ་རེ་དྲུག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན ་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། དུག་སྦྲུལ་ཁྱི་སྨྱོན་ལ་སོགས་པ།། སོ་དུག་ཅན་རྣམས་སྲུང་བའི་ཟབས།། གླ་རྩི་བོང་ང་ནག་པོ་དང་།། རིན་ཆེན་གསེར་དངུལ་གཡའ་དང་ནི།། ཕྱི་ཚེར་ལ་ཆ་ཕྱེ ་མ་རྣམས།། དྲི་ཆེན་དག་དང་ལྷན་ཅིག་བཏུལ།། ཧ་ལ་བཱི་རྩེ་ཀྲུཾ་ཀྲུཾ། ཤྲ་ན་ཧཾ་བ་ན་ཀ་བ་ཙི་ཧ་ལ་མ་ར་ཎ་ཕཊ། དེ་ལྟར་རྩ་སྔགས་བཅས་པ་ལ།། གཞན་ཚིག་མ་འདྲེས་སྟོང་ཕྲག་བཟླས།། ཐུམ་པོ་བྱས་ཏེ་ལུས་ལ ་བཏག། དེས་ནི་སོ་དུག་ཐམས་ཅད་བསྲུངས།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སོ་དུག་ཐམས་ཅད་སྲུང་བར་བྱེད་པའི་ལེའུ་སྟེ་རེ་བདུན་པའོ།། ་སྒྲི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། རྨོངས་པོ་སྲིད་དང་འཕྲད་པའི་ཐབས།། མི་རྟ་བོང་བུའི་ས་བོན ་དང་།། གཡག་ལུག་ར་གསུམ་ཐུག་པོ་ཡི།། འབྲས་བུ་བཏུལ་བའི་ཕྱེ་མ་རྣམས།། ཙནྡན་དཀར་དམར་ག་བུར་དང་།། ཛ་ཏི་ཨ་རུ་ར་རྣམས་བཏུལ།། སྦྲང་སྨྱོན་དག་གིས་རིལ་བུ་བསྒྲིལ།། རི་དྭགས་གླ་བའི་རིལ་མ ་ཙམ།། པུ་ཏྲ་སིདྡྷི་ཀུ་རུ་བྷ་ས་བྷ་ས་མ་རི་ཏེད་ཕོབ་ཕོབ། རྩ་སྔགས་བཅས་པ་འབུམ་བཟླས་ཤིང་།། ལྟོ་སྟོང་གར་ཆང་དག་གིས་ཕུལ།། ཕོ་མོ་གང་ལ་བཏང་གྱུར་ན།། སྲིད་དང་ལྡན་པར་གདོན་མི་ཟ།། བླ་མ་ཡི་དམ ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒུད་བསྟན་པའི་སྲོག་ཤིང་ལས། སྲིད་འཕེལ་བར་བྱེད་པའི་ལེའུ་སྟེ་རེ་བརྒྱད་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། སྲིད་འཕེལ་ཕོ་རུ་བསྒྱུར་བའི་ཐབས།། གདུག་པ་སྦྲུལ་གྱི་པགས་པ་ལ།། སྐྱེས་པའི་ས་བོན་མཚལ་བསྲེས་པས།། ཧ་ཀྵི་ཁྲམ་པུ་ཏྲ་བི་ཛ་ཧྲིང་། གཟབ་ཏུ ་བྲིས་ཏེ་དར་དཀར་གྲིལ།། བུད་མེད་སྦྲུམ་མའི་ལུས་ལ་བཏག། སྐར་མ་རྒྱལ་དང་སྤྲད་པ་གཅེས།། དེས་ནི་སྲིད་རྣམས་ཕོ་རུ་འབྱུང་།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང ་ལས། སྲིད་ཕོ་རུ་བསྒྱུར་བའི་ལེའུ་སྟེ་རེ་དགུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། རྟ་ཕྱུགས ་ལ་སོགས་སྲིད་འཕེལ་བར།། སྲེ་མོའི་པགས་པ་གསོབ་བཤུས་ནས།། གང་གི་སྲིད་འཕེལ་འདོད་པ་ཡི།། སྤུ་ལ་སྲད་བུ་བྱས་ནས་ཀྱང་།། དར་ཚོན་སྣ་ལྔས་དེ་དག་གྲིལ།། གསེར་དངུལ་ལ་སོགས་རིན་ཆེན་དང་།། འབྲུ ་སྣ་རྣམས་ཀྱིས་གང་བ་བྱས།། ཕྱུགས་ལྷས་ལ་སོགས་ར་བ་ཡི།། རྟ་ཕྱུགས་བྲེས་ཀྱི་སྟེང་དུ་གདགས།། དེས་ནི་རྟ་ཕྱུགས་སྲིད་འཕེལ་ནས།། ཕྱུག་པོ་གཡང་ཆེན་དག་ཏུ་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི ་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྟ་ཕྱུག་ལ་སོགས་ནོར་གྱི་སྲིད་འཕེལ་བར་བྱེད་པའི་ལེའུ་སྟེ་བདུན་ཅུ་པའོ།། སྐྲྀ།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མི་དང་རྟ་ཕྱུགས་ལ་སོགས་པའི།། སྲིད་རྣམས་སྲུང་བར་བྱེད་པའི་ཐབས།། ཟངས་དང་ཞ་ཉེ་དུང་གི་ཤོ།། མཚལ་བྱུག་དམར་པོ་དར་དཀར་གྲིལ།། ཤོ་ཤཾ་ཧཾ ་ཛཱི་པ་ར་ཕཊ་དུ་ཟད་རྦད་པྲ་མ་ནི་པུ་ཏྲ་དྷ་རི་རཀྵྨཱི་རརྦྷྱཱཾ་དུ་སྭཱ་ཧཱ། རྩ་སྔགས་བཅས་པས་བརྒྱ་རྩ་བཟླས།། སྲིད་དང་ལྡན་པའི་ལུས་ལ་གདགས།། སྲིད་ལ་གེགས་མེད་མཐར་ཕྱིན་འགྱུར།། བླ་མ་ཡི་དམ ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲིད་སྲུང་བར་བྱེད་པའི་ལེའུ་སྟེ་དོན་གཅིག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཕ་རོལ་གདུག་བྱེད་ངག་གནོན་ཐབས།། ཞ་ཉེའི་བྱང་བུ་མིག་དགུ་ལ།། ཁ་སྦྱོར་བར་དུ་དམིགས་བྱ་ཡི། རཱུ་པ་ལྕེ་བརྐྱང་བྲང་ཁེབས་སྟེང་།། མཚལ་གྱིས ་རྡོ་རྗེ་རྒྱ་གྲམ་བཀོད།། ཡན་ལག་བྱེད་དུ་བཅུག་པ་ཅན།། བྲིས་ཏེ་ཟག་པའི་རྫས་དང་བཅས།། བྱང་བུར་གཏིམས་ནས་ཚོན་སྐུད་གྲིལ།། བདག་ཉིད་ལྷ་ཡི་ང་རྒྱལ་བསྐྱེད།། དམིགས་བྱའི་རྣམ་ཤེས་བཀུག་ལ ་བསྟིམ།། གང་འཐད་རཱ་ཅོའི་ནང་དུ་གཞུག། ཁོ་ཡི་འགྲིམས་ལམ་ས་རུ་མནན།། སྒྲ་མི་ཤེས་ཏེ་ལྐུགས་པའམ། ཁ་ལྕེ་དག་པར་གདོན་མི་ཟ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག ་ཤིང་ལས། ངག་གནོན་པར་བྱེད་པའི་ལེའུ་སྟེ་དོན་གཉིས་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས ་ཏེ།། ངག་མནན་འགྲོལ་བར་བྱེད་པའི་ཐབས།། ཙནྡན་དཀར་པོའི་བྱང་བུ་ལ།། མཚལ་དང་ག་བུར་བསིལ་བའི་ཆུ།། རང་རང་ཡི་དམ་ལྷ་སྔགས་དང་།། བྷ་ག་ཝ་ཏི་ཨ་པ་རི་མི་ཏ། ཝཱ་ཀ་ས་མ་ཡ་བྷྱཱཾ་པྲ་ཝེ་ཤ་ཡ་ཕཊ། ་ཅེས་པ་ཚར་གཅིག་བྲིས་པ་ལ།། རང་སྔགས་སྟོང་གི་རབ་གནས་བྱ།། ནང་མ་ཉེར་གཅིག་དེ་ལ་ལྡག། ངག་མནན་དེ་ལས་གྲོལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་བརྒྱུད་བསྟན་པའི ་སྲོག་ཤིང་ལས། ངག་མནན་འགྲོལ་བར་བྱེད་པའི་ལེའུ་སྟེ་དོན་གསུམ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ ་ཕེབ་བྱས་ཏེ།། ལྟས་ངན་ཆོ་འཕྲུལ་གཏོང་བའི་ཐབས།། བྱ་རོག་འུག་པ་ཝ་སྤྲེའུ་ཤ། སྲེ་མོའི་སྐུད་བུར་གཞུག་པར་བྱ།། ཡུགས་སའི་སྐྲ་ཡི་སྲད་བུ་གདགས།། གླད་ལ་བསྐོར་ཞིང་ས་ལ་བརྡབ།། དམིགས་བྱའི་མིང་བྱང ་ནང་དུ་གཞུག། ཨ་ཧཾ་གུལ་གུལ་མྱག་མྱག། པྲ་མོ་ནི་པྲ་མོ་ཐུན། པྲ་མོ་ཏྲ་མ་ནི་ཧཾ་ཧཾ། ཨ་ཡ་མ་དུ་རུ་ཙ་ཤ་ན་ས་མ་ཡ། ཀུ་ཆོ་ཆོ། བྲེང་བྲེང་། རྒྱུག་རྒྱུག་པ་ར་ལིང་ཕཊ་བྷྱོ། ཞག་བདུན་མུན་པའི་གླིང་དུ་བསྒྲུབ། གང ་དམིགས་དགྲ་ཡི་མིང་སྤེལ་ཡང་།། ཧཾ་དང་ཨ་ཡི་བར་དུ་གཞུག། ལྷ་སྲིན་སྡེ་བརྒྱད་ཚོགས་རྣམས་ཀྱིས།། ཆོ་འཕྲུལ་སྣ་ཚོགས་སྟོན་པར་འགྱུར།། དང་པོ་རང་ལ་འབྱུང་བ་སྟེ།། དེ་བྱུང་དགྲ་ལ་དམིགས་པ་རྦད།། སྐུལ ་བྱེད་ལས་ཀྱི་གཏོར་མ་བཏང་།། ཕ་རོལ་ཁུ་འཕྲིག་སློང་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལྟས་ངན་ཆོ་འཕྲུལ་འབྱེད་པའི་ལེའུ་སྟེ་དོན ་བཞི་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ལྟས་ངན་ཆོ་འཕྲུལ་བཟློག་པའི་ཐབས།། ཐོད་པ ་མཚན་ངན་དག་གི་ནང་།། བྲ་སྲན་འབྲུ་ནག་དག་གིས་བཀང་།། སྐྱེར་པ་ཚེར་ནག་སེང་ལྡེང་གི།། ཕུར་པ་མཐོ་རེ་བྱས་པ་ལ།། ས་མ་ཡ་ཡེ་ཀེ་ཙིཏྟ་རྦད་བྷྱོ། ཨ་ར་ལི་ཡེ་ཀེ་ཙིཏྟ་ས་མ་ཡ། དུ་རུ་ཀ་ཤ་ཕ་མ་སྲི་ཏོད་པ་ཝེ ་ཟློག་བྱེར་ཟློག་བྱེར། དུག་ཁྲག་དམིགས་བྱ་མང་དུ་བྲི།། དེ་དག་དེ་ཡི་ནང་དུ་བཅུག། སྟེང་ན་རོ་རས་ལྡིང་གུར་ཕུབ།། རང་གཞན་གང་ཡིན་ཁང་ཕུག་སྦ།། ལྟས་ངན་ཆོ་འཕྲུལ་གང་ཡང་བཟློག། སྡིགས་པར་མི་འགྱུར ་པར་ལ་སྡིགས།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལྟས་ངན་ཆོ་འཕྲུལ་བཟློག་པའི་ལེའུ་སྟེ་དོན་ལྔ་པའོ།། སྠི།། ། དད་བརྩོན་ལྡན་པའི་རྣལ་འབྱོར ་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མཐུན་གཉིས་མི་མཐུན་འབྱེད་པའི་ཐབས།། རྟ་རྨིག་གཡག་གི་རཱ་ཙེ་ལ།། གང་བྱེད་སོ་སོའི་མིང་རུས་བྲི།། བྱ ་རོག་འུག་པའི་པགས་པས་གཏུམ།། དམིགས་བྱའི་ཟག་རྫས་གང་རྙེད་བྱུགས།། སོ་སོའི་ལྷ་རྟེན་འོག་ཏུ་མནན།། མྱུར་དུ་སོ་སོར་འབྲལ་བར་འགྱུར།། ལས་གྲུབ་རྫས་བཏོན་བཤིག་པར་བྱ།། ཇི་ལྟར་མཐུན་ཡང ་འབྲལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དབྱེ་བར་བྱེད་པའི་ལེའུ་སྟེ་དོན་དྲུག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། དབྱེ་བ་མཐུན་པར་བྱེད་པའི་ཐབས།། རྒྱུན་འབབ་ཆུ་སྣ་དགུ་བླངས་ལ།། བ་ར་འབྲི་ཡི་འོ་མ་དང་།། ཙནྡན་ག་པུར་ལ་སོགས ་པ།། དྲི་བཟང་སྣ་ཚོགས་བཏབ་པ་ལ།། ལྷ་སྔགས་གང་ཡིན་འབུམ་བཟླས་པའི།། ཆུ་དེ་གང་གང་མི་མཐུན་པ།། རྐང་ལག་གདོང་སོགས་ལུས་རྣམས་བཀྲུ།། དྲི་ཁུས་སྦྲུས་པའི་རང་རང་གཟུགས།། དུག་ཤིང་མེ་ལ ་བསྲེགས་ནས་ཀྱང་།། དེ་ལ་རང་རང་ལུས་པོ་བཤུར།། ལན་གསུམ་བསྒྱུར་བར་གྱུར་པ་ནི།། ཇི་ལྟར་འཐབ་བྱེད་རྩོད་པ་ཡང་།། མཐུན་ཅིང་ཉེས་པ་གྲོལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན ་ཏན་གྱི་རྒྱུད་བསྟན་པའི་སྲོག་ཤིང་ལས། དབྱེ་བར་མཐུན་པར་བྱེད་པའི་ལེའུ་སྟེ་དོན་བདུན་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག ་གི།། བསྙེན་སྒྲུབ་གཏན་ལ་ཕེབ་བྱས་ཏེ།། གནོད་བྱེད་ཁྲམ་ལ་འདེབས་པའི་ཐབས།། དྲག་པོའི་ཤིང་ལ་བྱས་པ་ཡིས། ཁྲམ་ཤིང་སོར་བཞི་ཁྲུ་གང་བ།། དུག་ཁྲག་དག་གིས་ཁྱབ་པར་བྱུགས།། ལོགས ་ལ་སྟག་རེ་གླང་ཁྲག་དང་།། རོ་སོལ་བསྲེས་པའི་སྣག་ཚ་ཡིས།། གནོད་བྱེད་དགྲ་བགེགས་ཆེ་གེ་མོ།། ལྷ་ཡི་ཁྲམ་ལ་ད་ཐོབ་ཅིག། དེ་སོགས་སྡེ་བརྒྱད་ཁྲམ་ཡིག་བཀོད།། རོ་རས་ནག་པོས་གྲིལ་བྱས་ལ།། སྡེ་བརྒྱད ་འགྱུ་སྲང་གནས་སུ་མནན།། དམིགས་བྱ་སྡེ་བརྒྱད་ཁྲམ་ལ་འདེབས།། མི་འདོད་སྣ་ཚོགས་དེ་ལ་འབྱུང་།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དགྲ་བོ་ཁྲམ་ལ ་འདེབས་པར་བྱེད་པའི་ལེའུ་སྟེ་དོན་བརྒྱད་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཁྲམ ་ལ་ཐེབས་པ་ཕྱི་བའི་ཐབས།། རང་ལུས་གཟུངས་སྔགས་ཆུ་ཡིས་བཀྲུ།། གུ་གུལ་དྲི་ཆེན་དུད་པས་བདུག། ཚ་ཚ་གཉིས་པའི་ས་འདག་གིས།། མགོ་ལུས་མེད་པར་ཁྱབ་པར་བྱུག། གཅེར་བུ་ཕྱོགས་བཅུར་འོ་དོད ་འབོད།། སླར་ཡང་དུར་ཐལ་ལུས་ལ་བྱུག། དུད་འགྲོ་མང་པོའི་སྐད་འདོན་ཞིང་།། བདག་ཉིད་ཆེ་གེ་མོ་ལྷ་ཡི་ཁྲམ་ལ་ཐེབས་པ་ཕྱིས།། དེའི་འགྲེས་ཡོངས་ཀྱི་ཁྲམ་ཕྱིས་བརྗོད།། དེ་ནས་རང་གི་དྲི་ཆུ་ཡིས།། ལུས ་བཀྲུ་གུ་གུལ་དུད་པས་བདུག། གང་གིས་ཁྲམ་ལ་བཏབ་གྱུར་ཀྱང་།། ལན་གསུམ་དག་གིས་གྲོལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཁྲམ་ཁ་ཕྱི་བར ་བྱེད་པའི་ལེའུ་སྟེ་དོན་དགུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གནོད་བྱེད་བྱད་དུ་གཞུག ་པའི་ཐབས།། ཤི་སྒྲིའི་སྲད་བུ་འདོམ་གང་བས།། དམིགས་བྱའི་ལུས་ཚད་རཱུ་པ་བཀྱིག། རཱུ་པ་འབྲུ་ནག་སོགས་ལ་བྱ།། དེ་ཡི་སྙིང་གར་མིང་བྱང་གཞུག། བདག་ཉིད་ལྷ་ཡི་ང་རྒྱལ་གྱིས།། དམིགས་བྱའི་རྣམ་ཤེས ་བཀུག་ལ་བསྟིམ།། དུས་གཉེན་དྲག་པོ་ནམ་ཕྱེད་དུས།། རྒྱ་སྲང་ལམ་གྱི་གཞི་མདོར་མནན།། ལྷ་འདྲེའི་མིང་འབོད་དམོད་བཅོལ་བྱ།། སྟེང་དུ་དཔལ་གྱི་རྟ་བྲོ་བརྡུང་།། དམིགས་བྱ་རེངས་དང་འཁུམས་ནས ་ཀྱང་།། ལུས་ངག་ཡིད་གསུམ་ཉམས་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གནོད་བྱེད་བྱད་དུ་གཞུག་པའི་ལེའུ་སྟེ་བརྒྱད་ཅུ་པའོ།། སྠི།། ། དད ་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གང་དག་བྱད་ལས་གྲོལ་བའི་ཐབས།། བདག་ཉིད་ལྷ་ཡི་ང་རྒྱལ་གྱིས།། བསྲུང་བྱ ་གང་ཡིན་མདུན་དུ་བཞག། དང་པོ་བྱད་ཟག་སྔོ་དམར་གྱིས།། མགོ་སོགས་ཡན་ལག་བཀྱིག་ཚུལ་བྱ།། མདུན་དུ་དུག་ཤིང་ཧོམ་མེ་སྦར།། རལ་གྲིའི་སོ་ལ་རྩ་སྔགས་མཐར།། ཧྲི་ཧྲི་མ་མ་པ་ཤ་པྲ་ཡོ་ག ་ན་མཿཧྲི་དྷི་སརྦ་པཱ་པཾ་ཡཀྵ་ཀྲོ་དྷ་ཧ་ལ་ཧ་ལ་ཧཱུཾ་ཕཊ། ཅེས་པ་བརྒྱ་ཕྲག་བཟླས་པ་ཡིས།། རལ་གྲིའི་བྱད་ཐག་ཐམས་ཅད་བཅད།། དུག་ཤིང་མེ་ལ་བསྲེག་པར་བྱ།། ལྷ་སྔགས་བཟླས་པའི་ཆུ་དག་གིས།། བསྲུང་བྱའི་ཁ ་ལག་གདོང་སོགས་བཀྲུ།། གུ་གུལ་དཀར་པོའི་དུད་པས་བདུག། བྱིན་བརླབས་ཅན་གྱི་ལྷ་རྟེན་ལ།། ཕྱག་དང་སྐོར་བ་བྱེད་དུ་གཞུག། བྱད་དུ་བཅུག་ལས་གྲོལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི ་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བྱད་དུ་བཅུག་པ་ལས་གྲོལ་བར་བྱེད་པའི་ལེའུ་སྟེ་གྱ་གཅིག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི ་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གང་དག་རྨུགས་པར་བྱེད་པའི་ཐབས།། གང་ལ་བྱེད་པའི་མིང་རུས་བྲི།། བྱ་ནག་སྒོང་སྒོག་ནང་དུ་གཞུག། དམིགས་བྱའི་རྣམ་ཤེས་བཀུག་ལ་བསྟིམ།། བོང་བུའི ་སྤངས་དང་ས་ནག་བསྲེ།། གནག་ལྕེའི་གའུ་བྱས་པར་གཞུག། ཁྲི་ལམ་ཆེན་པོའི་འོག་ཏུ་མནན།། དམིགས་བྱ་རྨུགས་ཤིང་འཐོམ་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི ་སྲོག་ཤིང་ལས། དགྲ་བོ་རྨུགས་པར་བྱེད་པའི་ལེའུ་སྟེ་གྱ་གཉིས་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ ་ཕེབ་བྱས་ཏེ།། རྨུགས་ཤིང་འཐིབ་ལས་གྲོལ་བའི་ཐབས།། རང་གི་དབང་པོའི་རྫས་རྣམས་དང་།། ས་སྦྱིན་བསྲེས་པའི་རཱུ་པ་ནི།། མཐོ་གང་སྐྱེ་མཆེད་དོད་པར་བཟོ།། དེ་ལ་མི་གཙང་རྫས་ཀྱིས་བྱུགས།། མིང་རུས་མི ་གཅིག་དགུ་དག་གི། དྲི་ཆེན་དྲི་ཆུ་ལ་སོགས་པ།། བ་ར་འབྲི་ཡི་འོ་མ་དང་།། ཆུ་སྣ་མི་གཅིག་དགུ་བསྲེས་ལ།། དྲི་བཟང་ཁ་ཚར་བཏབ་པས་བཀྲུ།། ཏིལ་དང་ཉུང་དཀར་དུད་པས་བདུག། མཐར་ནི་རཱུ་པ་ཆུ་ཡིས ་བཤིག། དེ་དག་ཕྱོགས་མཚམས་ཀུན་ཏུ་དོར།། རྨུགས་ཤིང་འཐིབ་ལས་གྲོལ་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྨུགས་འཐིབ་ལས་གྲོལ་བར་བྱེད ་པའི་ལེའུ་སྟེ་གྱ་གསུམ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གང་དག་རེངས་པར་བྱེད ་པའི་ཐབས།། གཡག་ལུག་རྭ་དང་གཅོད་དང་ནི།། རྒྱ་དང་གླང་བུ་ཤ་བ་དང་།། གཉེན་དང་དགོ་བའི་རྭ་ཅོ་དགུ།། བརྡར་བའི་ཕྱེ་ལ་ཁམས་བསྲེ།། དམིགས་བྱའི་རཱུ་པ་བརྒྱད་པ་ཅན།། མཐོ་གང་སྐྱེ་མཆེད་དོད་པ ་ལ།། ཤིང་རིགས་མི་མཐུན་དགུ་དག་གིས།། རྩང་ཐུར་བྱས་ཏེ་ལུས་ལ་བཙུག། ཤི་སྒྲའི་སྐུད་པས་རྒྱ་གྲམ་བཅིངས།། རི་བོ་ཆེན་པོའི་རྩེ་ལ་བསྐུལ།། གཡའ་སྒོམ་བྱས་པའི་ནང་དུ་གཞུག། དམིགས་བྱ ་ཡན་ལག་རེངས་པར་འགྱུར།། ལུས་ཀྱང་གཡོ་འགུལ་མི་ཤེས་འབྱུང་།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དགྲ་བོ་རེངས་པར་བྱེད་པའི་ལེའུ་སྟེ་གྱ་བཞི་པའོ།། ། ་སྒྲི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། རེངས་པ་གྲོལ་བར་བྱེད་པའི་ཐབས།། དམིགས་བྱ་དོང་བྲུས་ནང ་དུ་གཞུག། སྟེང་ན་ཁ་ལེབ་བྱས་པའི་མཐར།། མིང་རུས་མི་གཅིག་མི་དགུ་ཡིས།། བྲོ་བརྡུང་ཤིང་སྣའི་དུད་པ་བཏང་།། དེ་ནས་བཏོན་ལ་གཟུངས་ཆུས་བཀྲུ།། རས་དཀར་དག་གིས་ལུས་ལ་ཕྱི།། དུག་དུང་ཡིན་ནམ ་གི་ཁུ་བ་དཀར་པོ་ཡིས།། ལུས་ལ་ཨཱ་ལི་ཀཱ་ལི་བཀོད།། དེ་ལྟར་ལན་གསུམ་བྱས་པས་གྲོལ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རེངས་པའི་སྦྱོར་བ་གྲོལ་བར་བྱེད ་པའི་ལེའུ་སྟེ་གྱ་ལྔ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མིག་ནད་སེལ་བར་བྱེད ་པའི་ཟབས།། ནང་པར་མི་ཚིག་མ་འདྲེས་པར།། རང་གི་དྲི་ཆུ་དྲོད་མོ་ཡིས།། མིག་བཀྲུ་བསྐམས་ནས་ལག་པས་མཉེ།། སོ་ལ་ཆགས་པའི་དྲི་མ་ཡིས།། ལག་གཡོན་སྲིན་ལག་དག་གིས་བྱུག། བསྐུད་དེ་ནང་མ་ཉེར ་གཅིག་བྱ།། མིག་སྐྱོན་རབ་རིབ་མི་འབྱུང་ཞིང་།། སྐྱོན་མེད་ཡོན་ཏན་ལྡན་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མིག་གི་དབང་པོ་གསལ་བར་བྱེད་པའི ་ལེའུ་སྟེ་གྱ་དྲུག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། མགུལ་ནད་ཞི་བར་བྱེད ་པའི་ཐབས།། ཡུང་བ་ཆུ་དག་དཀར་པོ་དང་།། རུ་རྟ་ཙནྡན་དཀར་པོ་རྣམས།། བདུད་རྩི་དབང་པོའི་ལག་དང་སྦྱར།། རིལ་བུ་སྲན་མ་འབྲིང་ཙམ་བྱ།། རྩ་སྔགས་ཐ་མར་གདགས་པའི་སྔགས།། ཡ་མ་ས་དུ་མུ་ཁཾ། བྷ་ར ་བྷེ་ཡ་ཕཊ། ཅེས་པ་སྟོང་ཕྲག་བཟླས་པ་དེ།། ཟོ་རངས་དུས་སུ་རེ་རེ་བསྟན།། ཞག་རེ་ལོ་རེའི་མགུལ་ནད་བསྲུང་།། སྔོན་ཆད་བྱུང་ཡང་ཕན་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད ་བསྟན་པའི་སྲོག་ཤིང་ལས། མགུལ་ནད་ཞི་བར་བྱེད་པའི་ལེའུ་སྟེ་གྱ་བདུན་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ ་གཏན་ལ་ཕེབ་བྱས་ཏེ།། སོ་ནད་ཞི་བར་བྱེད་པའི་ཐབས།། ཤིང་ཀུན་སྟར་ཞུན་ལུག་མིག་པ།། གནའ་བའི་ཀླད་པ་སྐམ་པོ་དང་།། གླ་རྩི་བོང་ནག་ཨ་རུ་ར།། མུ་ཟི་ནག་དང་མེ་རུ་ཙེ།། སྔགས་པའི་དྲི ་ཆེན་ཆ་མཉམ་ནས།། གུ་གུལ་དྲི་ཆུར་སྤངས་པ་ཡི། ཁུ་བ་འདམ་ཐག་རིལ་བུ་དྲིལ།། སྲན་ཚད་རུལ་སུམ་མེད་པར་བསྐམ།། སོ་ནད་རབ་ཏུ་གཟིར་བའི་དུས།། ཁོང་དུ་གསུམ་བཏང་གཅིག་གིས་བདུག། ལན་གསུམ ་བསྐུར་བས་སོ་ནད་རིགས།། གང་ཡིན་ཐམས་ཅད་འཇོམས་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སོ་ནད་ཞི་བར་བྱེད་པའི་ལེའུ་སྟེ་གྱ་བརྒྱད་པའོ།། ། ་སྒོ།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ལྷ་གདོན་གནོད་པ་བསྲུང་བའི་ཐབས།། དར་དཀར་དྲི་མ་མེད་པའི ་ཁུད།། རིན་ཆེན་ཟུར་མང་ཤེལ་གྲིལ་ནས།། རྩ་བའི་སྔགས་ཀྱིས་རབ་གནས་བྱ།། བླ་མ་ཡི་དམ་མཁའ་འགྲོ་དང་།། དམ་ཅན་ཆོས་སྐྱོང་བཀུག་ལ་བསྟིམ།། གསོལ་མཆོད་བཀུར་སྟི་རྒྱ་ཆེན་བྱ།། མི་ལག་མི་བརྒྱད ་ལུས་ལ་འཆང་།། ལྷ་གདོན་གནོད་པ་དག་ལས་སྐྱོབ།། དར་དཀར་དག་ལ་མཚལ་ཡིག་ཏུ།། རྩ་སྔགས་ཨཱ་ལི་ཀཱ་ལི་དང་།། མོས་པའི་ལྷ་རྣམས་མཚན་སྔགས་དང་།། རང་རང་གང་འདོད་དགོད་པར་བྱ།། ཡེ་ཤེས་ལྷ ་ཡིས་སྐྱོབ་པ་དང་།། འཇིག་རྟེན་ལྷ་རྣམས་བྲན་དུ་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ལྷ་གདོན་གྱི་གནོད་པ་སྲུང་བར་བྱེད་པའི་ལེའུ་སྟེ་གྱ་དགུ་པའོ།། ། ་སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཀླུ་ཡི་གནོད་པ་སྲུང་བའི་ཐབས།། ཝ་དང་གྲུམ་པ་ཕག་གི་སྣ།། ཁྱི ་དང་སྦྲང་ཀི་སྟག་གི་བྲུན།། ཤ་བ་གཡག་དང་གཙོད་ཀྱི་རྭ།། ལྕགས་དང་གསེར་དངུལ་རྣམ་པ་གསུམ།། ཆ་མཉམ་སོ་སོར་དར་གྱིས་གྲིལ།། ལྷན་ཅིག་ལྕགས་ཀྱི་པར་བུར་བཅུག། རྩ་བའི་སྔགས་དང་ཁྲོ་བཅུའི ་སྔགས།། བརྒྱ་སྟོང་ལ་སོགས་མང་བཟླས་ལ།། པར་བུ་ལུས་དང་གྲིབ་ལྟར་འཆང་།། ས་བདག་ཀླུ་ཡི་གནོད་པ་སྐྱོབ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཀླུ་ཡི ་གནོད་པ་སྲུང་བར་བྱེད་པའི་ལེའུ་སྟེ་དགུ་བཅུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གནོད ་སྤྲིན་གནོད་པ་སྲུང་བའི་ཐབས།། བྱི་ལ་ནག་པོའི་ཐོད་པ་རུ།། གནོད་སྦྱིན་རྣམས་ཀྱི་སྲོག་སྔགས་དང་།། དར་ཟབ་རིན་ཆེན་སྣ་ཚོགས་གཞུག། གནོད་སྦྱིན་བཀུག་བསྟིམ་ཡང་ཡང་བྱ།། དེ་ཉིད་དར་དཀར་དག་གིས ་གཏུམས།། རང་ཉིད་གང་དུ་གནས་པའི་སར།། བྱང་དུ་སྦས་པས་གནོད་སྦྱིན་གྱི།། གནོད་པ་རྣམས་ལས་སྐྱོབ་པར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒུད་བསྟན་པའི་སྲོག ་ཤིང་ལས། གནོད་སྦྱིན་གྱི་གནོད་པ་ལས་སྐྱོབ་པར་བྱེད་པའི་ལེའུ་སྟེ་གོ་གཅིག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ ་གཏན་ལ་ཕེབ་བྱས་ཏེ།། དྲི་ཟའི་གནོད་པ་སྲུང་བའི་ཐབས།། ཙནྡན་ཕྱེ་མའི་འདེ་གུ་ལ།། སྨན་སྣ་དྲི་བཟང་གང་འཚོགས་བསྲེ།། རིལ་བུ་ཕྲེང་བ་ལུས་ལ་འཆང་།། མི་རྟ་ཁྱི་ཡི་བཤུལ་ཆེན་དང་།། གླ་རྩི་བསྲེས་པའི་འདི ་གུ་ཡིས།། རྐང་པའི་མཐིལ་ལ་སྐབས་སུ་བྱུགས།། དྲི་ཟའི་གནོད་པ་བསྲུང་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དྲི་ཟའི་གནོད་པ་ལས་སྲུང་བར་བྱེད ་པའི་ལེའུ་སྟེ་གོ་གཉིས་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས་ཏེ།། མཁའ་འགྲོའི་གནོད་པ ་སྲུང་བའི་ཐབས།། གྲོང་པའི་ཆོས་ཀྱིས་མ་གོས་ཤིང་།། ཡིད་འོང་བུ་མོས་བཀལ་བ་ཡིས།། སྲད་བུ་སུམ་བསྒྲིལ་སྣ་ལྔ་ལ།། མདུད་པ་ལྔ་ལྔ་བྱས་ནས་ནི།། སོ་སོའི་རིགས་ཀྱི་ཌཱཀྐི་བསྐྱེད།། མཚན་སྔགས་རཀྵའི་གཤམ ་ཅན་ལ།། རྩ་བའི་སྔགས་བཅས་བརྒྱ་ཕྲག་གདབ།། མི་ལག་མ་བརྒྱུད་བསྲུང་བྱ་ཡི།། ལུས་ལ་སྲུང་བྱེད་སྲད་བུ་གདགས།། ཡེ་ཤེས་ཌཱཀྐིས་བསྲུངས་ནས་ནི།། འཇིག་རྟེན་མཁའ་འགྲོས་གནོད་མི་བྱེད།། བླ་མ་ཡི་དམ ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མཁའ་འགྲོ་མ་ཡི་གནོད་པ་སྲུང་བར་བྱེད་པའི་ལེའུ་སྟེ་གོ་གསུམ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། དྲང་སྲོང་གནོད་པ་སྲུང་བའི་ཐབས།། ཛ་ལ་བྷ་རའི་སོ་དང་ནི། ཁྱི་སོ་དར་ནག་ཁུད་དུ་གྲིལ།། ཧ་ཏྲི་རུ་ཏྲ་ཁ་དྷ་ས་མ་ཡཱ་སྲོག་དུང ་དུང་།། ཉི་མ་ས་ཏི་གཟའ་ཁ་ཌ་རུ་ཏྲ་ཙིཏྟ་ཧྲིང་ཧྲིང་།། རྩ་བའི་སྔགས་དང་སྦྲེལ་ཏེ་བཟླས།། བརྒྱ་ཕྲག་གྲུབ་ནས་ལུས་ལ་གདགས།། གང་གི་བཅང་བའི་མི་དེ་ལ།། དྲང་སྲོང་གཟའ་ཡི་གནོད་པ་བསྲུང་།། བླ་མ་ཡི་དམ ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། དྲང་སྲོང་གི་གནོད་པ་སྲུང་བར་བྱེད་པའི་ལེའུ་སྟེ་གོ་བཞི་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། སྲིན་པོའི་གནོད་པ་སྲུང་བའི་ཐབས།། དུག་ཤོག་དག་ལ་ར་ཁྲག་གིས།། སྲིན་པོའི་གཟུགས་བྲིས་ཡན་ལག་སྡོམ།། ཀྵ་ཏྲི་ནི་ར་ཏི་ས་མ་ཡཱ ་སྲོག་དུང་དུང་ཙིཏྟ་རྦད་མྱོག་ཏྲག་རཀྵ་ཡ་དམ་ལ་མ་འདའ་སྭཱ་ཧཱ། སྲིན་པོ་གནད་ལ་དབབ་པའི་སྔགས།། རྩ་བའི་སྔགས་ཤམ་བཏགས་ལ་བྲི།། ཕྱི་དང་ནང་བཅས་གང་བར་བྱ།། ར་ཡི་པགས་པས་གྲིལ ་ནས་ནི།། གང་གི་ལུས་ལ་བཏགས་དེ་ལ།། སྲིན་པོའི་གནོད་པ་འབྱུང་མི་སྲིད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། སྲིན་པོའི་གནོད་པ་བསྲུང་བར་བྱེད་པའི་ལེའུ་སྟེ། ་གོ་ལྔ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། མ་མོའི་གནོད་པ་བསྲུང་བའི་ཐབས།། གྲི་ཐལ་རོ། ་རས་ཁུག་མར་བླུག། མ་མ་རུ་ལུ་བྷྱོ། རོ་རུ་ཙ་པ་ལ་ཨ་ཤུག་མེ་ཧཱུཾ་བྷྱོ། ས་མ་ཡ་རཀྟཾ་སྭཱ་ཧཱ། རྩ་སྔགས་བཅས་པ་བརྒྱ་རྩ་བཟླས།། ཏིལ་དང་ཉུང་དཀར་བཅས་པ་ཡི།། ཐུམ་པོ་ལུས་ལ་སུས་འཆང་བ།། དེ་ལ་མ་མོའི ་གནོད་པ་མེད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། མ་མོའི་གནོད་པ་སྲུང་བར་བྱེད་པའི་ལེའུ་སྟེ་གོ་དྲུག་པའོ།། སྠི།། ། དད་བརྩོན་ལྡན་པའི་རྣལ་འབྱོར ་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཤི་འདྲེའི་གནོད་པ་སྲུང་བའི་ཐབས།། ཞིང་ལྤགས་ཁུག་མར་དུར་ཁྲོད་ཀྱི།། ས་རྡོ་བཏུལ་བའི་ཕྱེ་མ་ལ།། གུ ་གུལ་ཉུང་དཀར་ཏིལ་ནག་བསྲེ།། ཆང་གིས་སྦྲུས་པའི་རིལ་བུ་བྱ།། སྔགས་པའི་དྲི་ཆེན་དཔུང་བསྐྱེད་ཡིན།། རིལ་བུ་སྲན་མ་རློན་པ་ཙམ།། རྩ་བའི་སྔགས་ཀྱིས་བྱིན་བརླབ་བྱ།། གང་དག་བསྲུང་བ་བྱ་བ་ཡི།། ལུས་ལ ་རིལ་བུ་བཏག་པས་ནི།། ཤི་འདྲེའི་གནོད་པ་བསྲུང་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཤི་འདྲེའི་གནོད་པ་སྲུང་བར་བྱེད་པའི་ལེའུ་སྟེ་གོ་བདུན་པའོ།། ། ་སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ། གསོན་འདྲེ་སྲུང་བར་བྱེད་པའི་ཟབས།། བདག་ཉིད་ལྷ་ཡི་ང་རྒྱལ ་གྱིས།། བཙན་དུག་ཤིང་ཀུན་གུ་གུལ་དང་།། ཆུ་དག་སྤུ་ནག་རྩ་བ་དང་།། མུ་ཟི་ནག་པོ་སྦྲང་ཀིའི་བྲུན། ཁྱི་ནག་བྲུན་དང་རྐྱང་གི་སྦངས།། སྡིག་པ་ནག་པོའི་ཤ་རྣམས་བཏུལ།། དྲི་ཆེན་དྲི་ཆུས་ངར་བླུད་ལ།། ནམ ་གནོད་དུས་དེར་དུད་པ་བཏང་།། གསོན་འདྲེའི་གནོད་པ་བཟློག་པར་འགྱུར།། རིལ་བུ་བྱས་ནས་བཅངས་པ་ན།། གསོན་འདྲེས་མི་ཚུགས་བསྲུང་བར་འགྱུར།། རྩ་བའི་སྔགས་ཀྱིས་རབ་གནས་བྱ།། བླ་མ་ཡི་དམ ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གསོན་འདྲེའི་གནོད་པ་སྲུང་བར་བྱེད་པའི་ལེའུ་སྟེ་གོ་བརྒྱད་པའོ།། སྐྲྀ།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། རྒྱལ་པོའི་གནོད་པ་སྲུང་བའི་ཐབས།། ཆོས་འཁོར་རྙིང་པའི་ས་དག་དང་།། ཚུལ་ཁྲིམས་ལྡན་པའི་དགེ་སློང ་དང་།། དམ་ཚིག་མ་ཉམས་སྔགས་པ་ཡི།། དྲི་ཆེན་དྲི་ཆུ་སྦྱར་བ་ཡི།། རིལ་བུ་རི་བོང་རིལ་མ་ཙམ།། མི་ཤ་གུ་གུལ་སྤྲེའུ་ཤ་རྣམས།། ཐུམ་པོ་བསྲུང་བྱའི་ལུས་ལ་གདགས།། ར་ཙ་ཏྲི་ལིང་ཧུར་ཐུམ་མྱག་ཙིཏྟ་ས་མ་ཡ ་མྱོག་མྱོག་ར་ཙ་བཾ་རི་ལི་ལི་མཱ་ར་ཡ་རྦད། ཅེས་པ་རྩ་སྔགས་དྲིལ་བ་ལ།། སྟོང་ཕྲག་བཟླས་པས་རྫས་ངར་བླུད།། རྒྱལ་པོའི་གནོད་པ་བསྲུང་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད ་བསྟན་པའི་སྲོག་ཤིང་ལས། རྒྱལ་འགོང་གི་གནོད་པ་སྲུང་བར་བྱེད་པའི་ལེའུ་སྟེ་གོ་དགུ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག ་གི། བསྙེན་སྒྲུབ་གཏན་ལ་ཕེབ་བྱས་ཏེ།། ཐེའུ་རང་གནོད་པ་སྲུང་བའི་ཐབས།། བྱི་བ་སྲེ་མོའི་ཀླད་པ་དང་།། ཕ་བོང་ལོང་བུ་བཏུལ་བ་རྣམས།། སྤང་སྐམ་ཕྱེ་དང་བསྲེས་ནས་ནི།། བྲ་བའི་བླུད་བུ་ནང་དུ་བླུག། ནམ ་དགོས་དུས་སུ་དུད་པ་བཏང་།། ཏྲིའུ་ཤ་དྷ་ར་ཤ་བིང་བིང་། ཏྲིའུ་ཤ་ཤ་ས་མ་ཡ་སྲོག་དུང་དུང་ཏྲི་ལིང་རྦད་སྭཱ་ཧཱ། ཞེས་པ་རྩ་སྔགས་གཤམ་ལ་གདགས།། མང་དུ་བཟླས་ཤིང་རྫས་ངར་བླུད།། ཐེའུ་རང་གནོད་པས ་ཚུགས་མི་སྲིད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། ཐེའུ་རང་གི་གནོད་པ་སྲུང་བའི་ལེའུ་སྟེ་བརྒྱ་ཐམ་པའོ།། སྠི།། ། དད་བརྩོན་ལྡན་པའི་རྣལ་འབྱོར ་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། བཙན་གྱི་གནོད་པ་སྲུང་བའི་ཐབས།། ཤི་སྐྲའི་སྲད་བུ་ཁྲུ་གང་ལ།། མདུད་པ་ཉི་ཤུ་རྩ་གཅིག་བྱ།། མི་རྟ་ཁྱི ་གསུམ་ཁྲག་གིས་བྱུགས།། གང་གི་ལུས་ལ་བཅང་དེ་ལ།། བཙན་གྱི་གནོད་པ་བསྲུང་བར་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བཙན་གྱི་གནོད་པ་སྲུང་བར ་བྱེད་པའི་ལེའུ་སྟེ་བརྒྱ་དང་གཅིག་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གྲི་བོའི་གནོད་པ་སྲུང ་བའི་ཐབས།། གྲི་ལྕགས་བཏུལ་བའི་ཕྱེ་མ་ལ།། མགར་གྱི་ས་མལ་ཏིལ་ཉུང་དཀར།། དུད་པ་གང་དུ་འཐུལ་བ་དེར།། གྲི་བོ་གང་ཡང་ཉེར་མི་ནུས།། ལུས་ལ་བཏགས་ཀྱང་དེ་བཞིན་ནོ།། བླ་མ་ཡི་དམ་མཁའ ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། གྲི་བོའི་གནོད་པ་སྲུང་བར་བྱེད་པའི་ལེའུ་སྟེ་བརྒྱ་དང་གཉིས་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གཤིན་རྗེའི་གནོད་པ་སྲུང་བའི་ཐབས།། ཟངས་ལྕགས་བྱང་བུ་མིག་དགུ་ལ།། ཤན་པ་ནག་པོའི་ཁྲག་གིས་བྱུགས།། དར་སྣ ་ལྔ་ཡི་ཁུད་དུ་གྲིལ།། ཀ་ལ་རཱུ་པ་ཡ་མཱནྟ་ཀ་ས་མ་ཡ་རཀྶཾ་དུ་སྭཱ་ཧཱ། རྩ་བའི་སྔགས་དང་བཅས་པ་ལ།། བརྒྱ་ཕྲག་བཟླས་ཤིང་རབ་གནས་བྱ།། བསྲུང་བྱའི་ལུས་ལ་བྱང་བུ་གདགས།། གཤིན་རྗེའི་གནོད་པ་བསྲུང་བར ་འགྱུར།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒུད་བསྟན་པའི་སྲོག་ཤིང་ལས། གཤིན་རྗེའི་གནོད་པ་སྲུང་བར་བྱེད་པའི་ལེའུ་སྟེ་བརྒྱ་དང་གསུམ་པའོ།། སྠི།། ། དད་བརྩོན་ལྡན་པའི་རྣལ ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི། བསྙེན་སྒྲུབ་གཏན་ལ་ཕེབ་བྱས་ཏེ།། གྲིབ་གནོན་གནོད་པ་སྲུང་བའི་ཐབས།། གཅན་གཟན་སྟག་གི་ཐོད་རུས་ལ།། ཧཱུཾ་ཡ་ཏིཀྶཾ་བྷ་རུ་ཏི་ཕཊ ་རྦད་བྷྱོ། ཞེས་པ་མཚལ་ལམ་དངུལ་གྱིས་བྲི།། རོ་རས་ནག་པོས་གྲིལ་བ་དེ།། གང་གི་ལུས་ལ་བཏགས་པ་ལ།། གྲིབ་གནོན་འབྱུང་པོའི་གནོད་པ་སྐྱོབ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད ་བསྟན་པའི་སྲོག་ཤིང་ལས། གྲིབ་གནོན་གྱི་གནོད་པ་སྲུང་བར་བྱེད་པའི་ལེའུ་སྟེ་བརྒྱ་དང་བཞི་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག ་གི། བསྙེན་སྒྲུབ་གཏན་ལ་ཕེབ་བྱས་ཏེ།། རྨི་ལམ་ངན་པ་བཟློག་པའི་ཐབས།། རྨི་ལམ་ངན་པ་གང་རྨིས་ཀྱང་།། སད་མ་ཐག་ཏུ་ཧར་གྱིས་ལངས།། གནོད་བྱེད་གཙོར་བྱས་སེམས་ཅན་ལ།། བྱམས་དང་སྙིང་རྗེ་རྒྱ་ཆེན ་བསྐྱེད།། སྐྱབས་གནས་དཀོན་མཆོག་རིན་ཆེན་ལ།། དད་པས་སྐྱབས་འགྲོ་གསོལ་བ་གདབ།། སྣང་སྲིད་འཁོར་འདས་ཆོས་རྣམས་ཀུན།། བདེན་མེད་རྨི་ལམ་སྒྱུ་མར་བལྟ།། གང་ཡང་གཟའ་གཏད་མེད་པར ་གཞག། ཕཊ་གདབ་བསམ་སེམས་མེད་པར་ཉལ།། རྨི་ལམ་ཇི་ལྟར་ངན་གྱུར་ཀྱང་།། སྡིགས་པར་མི་འགྱུར་སངས་པར་དག། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྨི ་ལམ་ངན་པ་བཟློག་པའི་ཐབས་ཀྱི་ལེའུ་སྟེ་བརྒྱ་དང་ལྔ་པའོ།། སྠི།། ། དད་བརྩོན་ལྡན་པའི་རྣལ་འབྱོར་པས།། བླ་མ་ཡི་དམ་མཁའ་འགྲོ་ཡི།། རྩ་བ་དང་ནི་ཡན་ལག་གི།། བསྙེན་སྒྲུབ་གཏན་ལ་ཕེབ་བྱས ་ཏེ།། ཅི་བསམ་ཡིད་བཞིན་འགྲུབ་པའི་ཐབས།། ནང་པར་ཟོ་རངས་རླུང་རོ་དབྱུང་།། གསར་བ་བཟུང་ལ་མཉམ་པར་གཞག། མཉམ་གཞག་དང་ལས་རང་རིག་བྷྲཱུཾ།། འོད་དང་གཟི་བརྗིད་ལྡན་པ་ལ།། རང་གི་སྙིང་གི ་ངོ་བོ་དེ།། དགོས་འདོད་ཐམས་ཅད་འབྱུང་བ་ཡི།། ཡིད་བཞིན་ནོར་བུ་རིན་པོ་ཆེ། ཁ་དོག་སྣ་ཚོགས་འབར་བའི་འོད།། བཀྲག་མདངས་གཟི་བརྗིད་ལྡན་པར་དམིགས།། དེ་ལ་བླ་མ་ཡི་དམ་དང་།། མཁའ་འགྲོ་ཆོས ་སྐྱོང་སྤྱན་དྲངས་བསྟིམ།། དེ་ལྟར་མ་ཟིན་བར་དུ་བསྒོམ།། དེ་ལ་མ་ཡེངས་ཟིན་པ་དང་།། འོད་ཀྱིས་སྣང་སྲིད་ཐམས་ཅད་ཁྱབ།། བདག་དོན་བསམ་གྲུབ་རེ་བསྐངས་ནས།། ལོངས་སྤྱོད་ཆོས་དང་མཐུན ་ནས་ཀྱང་།། བདག་གཞན་དོན་འབྲས་གང་བསམས་པ།། རྩོལ་མེད་ལྷུན་གྱིས་གྲུབ་བསམས་ནས།། སྤྲོས་བྲལ་ཆེན་པོའི་ངང་ལ་གཞག། དེ་ལྟར་ནང་རེ་བཞིན་བསྒོམས་པས།། དེ་ཉིད་ཇི་ལྟར་བསམས་པའི ་དོན།། འགྲུབ་པར་གྱུར་ན་གདོན་མི་ཟ།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། བསམ་དོན་འགྲུབ་པར་བྱེད་པའི་ལེའུ་སྟེ་བརྒྱ་དང་དྲུག་པའོ།། སྠི།། རྒྱུད ་འདི་འཆང་བར་བྱེད་པའི་ཐབས།། དུས་སྐར་ཚེས་གྲངས་བཟང་པོ་ལ།། མཐིང་ཤོག་རང་སོར་བཞི་པའི་ཚད།། གྲུ་བཞི་མཉམ་ཉིད་གླེགས་བམ་ལ།། རྒྱུད་ཚིག་རིན་ཆེན་གསེར་རམ་དངུལ།། རཏྣ་བཏུལ་བའི་ཁུ་བས ་བྲི།། གང་ཡང་ལྷག་དང་ཆད་མེད་པས།། བྲིས་པ་རང་གི་མདུན་བཞག་སྟེ།། དམ་ཚིག་ཡི་གེའི་འབྲུ་རྣམས་ལ།། ཡེ་ཤེས་ཡིག་འབྲུ་དགུག་ལ་བསྟིམ།། གཞན་ཡང་ཡེ་ཤེས་ལྷ་ཡི་ཚོགས།། སངས་རྒྱས་བྱང་ཆུབ་སེམས ་དཔའ་དང་།། བླ་མ་ཡི་དམ་མཁའ་འགྲོ་རྣམས།། མོས་པས་སྤྱན་དྲང་བཀུག་ལ་བསྟིམ།། ཕྱག་འཚལ་མཆོད་དང་བསྟོད་པ་བྱ།། ཅི་འདོད་ཡིད་སྨོན་གསོལ་བ་གདབ།། དེ་ནས་སྣ་ཚོགས་དར་གྱིས་གྲིལ།། དྲི་བཟང ་སྨན་དང་ལྷན་ཅིག་ཏུ།། རནྟའི་ཟ་མ་ཏོག་ཏུ་གཞུག། འབྲལ་མེད་ལུས་དང་གྲིབ་མ་བཞིན།། རང་གི་མཚན་ཁུང་གཡོན་དུ་འཆང་།། ཉོན་མོངས་རྟོག་ཚོགས་རབ་ཞི་ནས།། ཡེ་ཤེས་སྣང་བ་ངང་གིས་འཆར།། གནས ་སྐབས་རྐྱེན་དང་བར་ཆོད་སེལ།། མཐར་ཐུག་མཆོག་གི་དངོས་གྲུབ་འབྱུང་།། ཞོར་ལ་ཐུན་མོང་དངོས་གྲུབ་ཀྱང་།། རྩོལ་མེད་ཆར་གྱི་རྒྱུན་བཞིན་འབབ།། ཉེས་པ་ཀུན་ལས་གྲོལ་ནས་ཀྱང་།། བདེ་ལེགས་ཡོན་ཏན ་དཔལ་དང་ལྡན།། འདི་དག་ལུས་ལ་གནས་པ་ཡི།། རྣལ་འབྱོར་ལུས་རྒྱ་བྲལ་བའི་ཚེ།། འཇའ་འོད་སྐུ་གདུང་རིང་བསྲེལ་འབྱུང་།། ས་གཡོས་མེ་ཏོག་ཆར་འབབ་ཅིང་།། སྒྲ་དང་བཅས་ཏེ་རྟགས་བཟང་འབྱུང་།། གང ་དག་ཡེ་ཤེས་རྒྱུད་དྲུག་པོ།། གང་གིས་བཅང་དང་ཀློག་པ་དང་།། འབྲི་དང་ཀུན་ཏུ་སུས་ཆུད་པ།། ཚེ་འདིར་བདེ་ལེགས་དཔལ་ལ་སྐྱོབ།། ཚུལ་ཁྲིམས་འཆལ་དང་དམ་ཚིག་ཉམས།། སྡོམ་པ་གསུམ་ལ་འགལ་བ ་རྣམས།། སོར་ཆུད་ཉེས་པས་མི་གོས་ཤིང་།། བསྐལ་པ་གྲངས་མེད་སྡིག་པ་འདག། ཚེ་འཕོས་རིག་འཛིན་རྒྱལ་བའི་ཞིང་།། སྐད་ཅིག་ཉིད་ལ་བགྲོད་པར་འགྱུར།། དེ་དོན་ཡང་དག་ཉིད་ལ་གནས།། བླ་མ་ཡི་དམ ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང་ལས། རྒྱུད་འཆང་བའི་ཐབས་དང་ཆེ་བའི་ཡོན་ཏན་བསྟན་པའི་ལེའུ་སྟེ་བརྒྱ་དང་བདུན་པའོ།། སྠི།། ། ཨེ་མ་དཔག་མེད་བཅོམ་ལྡན ་གྱིས།། སྐུ་གསུང་ཐུགས་ལས་མངོན་བྱུང་བ།། བླ་མེད་བྱང་ཆུབ་སྒྲུབ་པའི་ལམ།། མཐུན་རྐྱེན་བསྒྲུབ་ཅིང་འགལ་རྐྱེན་བཟློག། ཐུན་མོང་ལས་ཚོགས་ཡིད་བཞིན་ནོར།། གདུལ་བྱ་འདུལ་བ་ཐབས་ཀྱི ་སྒོ།། བདག་ཅག་འདུས་པའི་འཁོར་རྣམས་ལ།། ལེགས་གསུངས་ལེགས་གསུངས་ལེགས་པར་གསུངས།། བདག་དང་ཡང་སྦྲུལ་སྤྲུལ་པའི་འཁོར།། ཉིད་ཀྱི་སྟོབས་ལས་མངོན་བྱུང་བ།། ལྷ་དང་མི་དང་ལྷ་མ ་ཡིན།། ཀླུ་དང་རིག་སྔགས་འཆང་ལ་སོགས།། དྲི་ཟར་བཅས་རྣམས་ཡི་རངས་ནས།། བཅོམ་ལྡན་གསུངས་ལ་མངོན་པར་བསྟོད།། བླ་མ་ཡི་དམ་མཁའ་འགྲོ་ཐམས་ཅད་ཀྱི་ཡོན་ཏན་གྱི་རྒྱུད་བསྟན་པའི་སྲོག་ཤིང ་ལས། རྗེས་སུ་ཡི་རངས་ཤིང་མངོན་པར་བསྟོད་པའི་ལེའུ་སྟེ་བརྒྱ་དང་བརྒྱད་པའོ།། སྠི།། ། ཡོན་ཏན་ཁྱད་པར་རྨད་དུ་བྱུང་བའི་རྒྱུད་བསྟན་པའི་སྲོག་ཤིང་ཞེས་བྱ་བ། བདག་འདྲ་པདྨ་འབྱུང་གནས་ཀྱིས ་བསྐུར་བ་རྫོགས་སོ།། རྟ་ནག་དྲེགས་པ་སྡེ་བརྒྱད་ཚོགས་ཀྱིས་བཀའི་བྱ་ར་མཛོད།། ས་མ་ཡ། རྒྱ་རྒྱ་རྒྱ། དྷ་ཐིམ། སྤྲུལ་པའི་སྐུ་མཆོག་སངས་རྒྱས་གླིང་པས། ཛ་དཀར་དུང་གི་སྒོ་མོ་ནས་བཏོན་པའོ།། །། ་