Wylie

e-texts produced with BDRC’s OCR application

དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བཤད་པའི་དུས་གཅིག་ན།། ཕྱོགས་བཅུ་དུས་བཞི་ཐམས་ཅད་ཀྱི།། སངས་རྒྱས་དེ་བཞིན་གཤེགས་རང ་བཞིན།། རྡུལ་སྙེད་འདུས་པའི་ངོ་བོ་ནི།། སྐུ་གསུང་ཡོན་ཏན་ཕྲིན་ལས་ཐུགས།། ཡེ་ཤེས་རྒྱ་མཚོ་དཔག་མེད་ཀྱི།། ཡོན་ཏན་རྫོགས་པའི་ངོ་བོར་གནས།། འོག་མིན་ཆེན་པོའི་གཞལ ་ཡས་ཁང་།། རྒྱལ་བ་ཀུན་གྱི་བྷ་གའི་གནས།། ཡོན་ཏན་ཀུན་རྫོགས་དགའ་བའི་ཀློང་།། ཚད་མེད་ཡེ་ཤེས་ཆོས་དབྱིངས་ཀྱི།། ངོ་བོས་ཀུན་ནས་འཁྱིལ་བ་ལ།། ཚད་དཔག་མེད་པའི ་ཡོན་ཏན་རྒྱས།། རྣམ་ཐར་བཞི་ཡི་སྒོ་ཁྱུད་མཛེས།། འདོད་ཡོན་ལྔ་ཡི་ཕྲེང་བས་བརྒྱན།། རྣམ་ཐར་བརྒྱད་ཀྱི་རྟ་བབས་ཅན།། ཟླ་བའི་ཕྲེང་བས་མདངས་ཕྱུང་ཞིང་།། ཉི་ཟླ་པདྨའི ་གདན་སྟེང་ན།། ལྔ་ཕུང་དག་པའི་སངས་རྒྱས་ནི།། རྒྱལ་པོ་ལྔ་ཞེས་རྣམ་པར་བསྟན།། འབྱུང་བ་ལྔ་ཡི་རྒྱལ་མོ་དང་།། ཞལ་གསུམ་ཕྱག་དྲུག་ཞབས་བཞི་ཡི།། རྣམ་པར ་འཕྲུལ་པའི་ཚུལ་དུ་བཞུགས།། རྣམ་ཤེས་དབང་པོ་ཡུལ་དང་དུས།། ཕྱི་ནང་སེམས་དཔའ་ཡབ་ཡུམ་རྣམས།། རང་རང་མདོག་དང་ཆ་ལུགས་རྣམས།། བཅུ་གསུམ་ཆ་ལུགས་སྒེག་པ ་ཡིས།། ཉི་ཟླ་འབར་བའི་གདན་ལ་བཞུགས།། ལུས་ཀྱི་ཆོས་བཞི་འཇོམས་པ་ནི།། སྒོ་བཞིར་གནས་པ་དེ་དག་ཀྱང་།། བཙུན་མོ་འཇིགས་པའི་ཚུལ་དང་བཅས།། འབར་ཞིང་རྔམས་པའི ་ཚུལ་གྱིས་བཞུགས།། ཡེ་ཤེས་རྒྱ་མཚོ་འོག་མིན་གྱི།། ཡོན་ཏན་རྫོགས་པའི་ངོ་བོར་བསྟན།། འཁོར་ལོ་འབར་བའི་ལྟེ་བ་ལ།། བདག་པོ་ཀུན་བཟང་འཁོར་ལོ་བསྐོར།། བཀའ་སྡོད་སྐྱེས ་བུ་མདུན་ན་གནས།། བརྗོད་པ་མེད་བཞིན་གོ་བར་མཛད།། དཔག་མེད་ཡེ་ཤེས་ཡོངས་རྫོགས་པས།། ཞིང་འཁོར་ལོངས་སྤྱོད་ཕུན་སུམ་ཚོགས།། དགའ་བདེ་ཡང་དག་རྫོགས་པའི་གནས།། ཕྱོགས་བཅུ་དུས་བཞི ་རྫོགས་པ་ཡི།། མ་ལུས་འདུས་པའི་གཞལ་ཡས་ཁང་།། བདག་པོ་རྒྱན་དང་བཅས་པ་ཉིད།། འཇིག་རྟེན་གནས་ཀྱི་འོག་མིན་ལས།། ཉིས་འགྱུར་ཤིན་ཏུ་སྤགས་པའི་གནས།། དངོས་པོའི་མཐའ་གསུམ་ལས་འདས ་པ།། མ་སྤངས་རྒྱན་རྫོགས་གཞལ་ཡས་ཁང་།། ཡོན་ཏན་ལྔ་ཡི་བདག་ཉིད་དེ།། གྲུ་བཞི་སྤྱི་བོས་འཁྱིལ་སྣང་བ།། དེ་བཞིན་ཐུགས་ཀྱི་ཁྱད་པར་ལས།། རང་སྣང་རྒྱལ་བ་སེམས་སོགས་དང་།། དང་པོའི་སངས་རྒྱས ་སར་རྒྱལ་བ།། སེམས་དཔའ་ཆེན་པོ་འཇོམས་པ་ཆེ།། བརྗོད་ཀྱི་མི་ལངས་ཚད་མེད་དང་།། རྣམ་གཉིས་ཚུལ་དུ་བཞུགས་པའོ།། འཁོར་གྱི་ནང་ནས་སྐལ་མཆོག་ལྡན།། འདུལ་བའི་དུས་བབས་གསང་བའི ་བདག། ལག་ན་རྡོ་རྗེ་བསྡུ་བ་མཛད།། དེ་ཚེ་དུས་ཀྱི་མཐའ་བྲལ་ཕྱིར།། ངོ་བོ་དུས་བཞི་མཉམ་པ་ཉིད།། རྒྱལ་བའི་སེམས་དཔའ་རྣལ་འབྱོར་པ།། དགོངས་པ་རིག་པ་རྣ་བས་བརྒྱད།། གསང་བའི་སྙིང་པོ་དེ་ཁོ ་ན།། ཉིད་དེ་ངེས་པའི་དབྱིངས་ནས་ཕྱུང་།། སྒྱུ་འཕྲུལ་དྲ་བ་མངོན་རྫོགས་པའི།། བསྟན་པ་རྒྱ་མཚོ་སེམས་ཀྱི་ལུང་།། རང་བྱུང་རང་སྣང་དགོངས་པ་ཉིད།། བྱིན་རླབས་དགོངས་པ་རང་ཤར་བ།། སེམས་ཉིད་རང་སྣང ་གཟུགས་ཅན་ཏེ།། རྟོག་གེ་བྱིས་པའི་ཡུལ་མིན་པས།། རྒྱལ་སྲས་སེམས་དཔའ་རང་ཉིད་ལ།། ཉིད་ལ་འཆད་ཅིང་ཉིད་ཀྱིས་འགྲེལ།། གསང་མཛོད་སྒྱུ་འཕྲུལ་དྲ་བ་འདི།། བསྟན་པ་ཀུན་གྱི་རྩ་བ ་སྟེ།། རང་བྱུང་ཡེ་ཤེས་གཅིག་པུ་ཉིད།། མ་ལུས་ཐམས་ཅད་ཁྱབ་པར་གསལ།། གསལ་བའི་ཐིག་ལེ་ཆེན་པོ་ནི།། ཡོན་ཏན་ལྷུན་རྫོགས་བདག་ཉིད་དེ།། དྷརྨ་ཙཀྲ་ཆོས་ཀྱི་གནས།། འོད་བཞི་ཨེ་སོགས་དབྱིབས་སུ ་གནས།། མི་ཤིགས་ཐིག་ལེ་ཝཾ་དབྱིབས་ཅན།། རང་ལ་བདེ་བ་གསལ་བྱེད་བདག། མ་ནུ་ཡིད་སོགས་རྣམ་ཤེས་བཞི།། ཡེ་ཤེས་མྱོང་བས་བསྡུས་པར་བཤད།། ཡེ་ཤེས་ནམ་མཁའི་གཟུགས་སྐྱེས་པ།། པ་ར་མཱནྡ་དོན ་ཟབ་མོ།། བདེ་བའི་དུས་ཉིད་སྔ་ཕྱི་བྲལ།། དུས་གསུམ་ཀུན་གྱི་ངོ་བོར་གནས།། རྒྱལ་བའི་བཞུགས་གནས་བྷ་ག་ཉིད།། ལས་དང་ཡོན་ཏན་རྫོགས་པའི་གནས།། ཐིག་ལེ་བྱང་ཆུབ་སེམས་ཉིད་དེ།། རང་བྱུང་ཡེ་ཤེས ་ཀུན་གྱི་བདག། ཆགས་པས་ཁྱབ་པའི་ཡིད་ཅན་ལ།། རྟོག་བཅས་མཉམ་དུ་གནས་པའི་འཁོར།། ལྷན་ཅིག་སྐྱེས་པའི་བདེ་ཆེན་ནོ།། བརྗོད་པ་མེད་པའི་ཚུལ་གྱིས་མྱོང་།། བྱེད་པ་རླུང་གི་མཐའ་བསྡུས་པས།། མ་ལུས ་ལྷན་ཅིག་སྐྱེས་པར་ཤར།། དུས་ལ་འཇུག་རྟོག་མེད་པའི་དུས།། བདེ་ཆེན་བཏགས་པ་ཟད་པའི་དུས།། རྒྱལ་བའི་མཛད་པ་བསམ་མི་ཁྱབ།། གང་ལ་གང་ལྟར་དེར་འདུལ་བའི།། སྤྱོད་པ་རྒྱ་མཚོ་དེ་ཉིད་དེ།། དཔག ་མེད་ཡེ་ཤེས་ངོ་བོར་ཤར།། དུས་གཅིག་ཡོན་ཏན་ལྷུན་རྫོགས་པས།། མཉམ་ཉིད་རེས་འཇོག་མེད་པར་གནས།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། གླེང་གཞིའི་ལེའུ་སྟེ་དང ་པོའོ།། །། དེ་ནས་དེ་བཞིན་གཤེགས་པ་ཉིད།། སངས་རྒྱས་འདུས་པའི་ངོ་བོ་ཉིད།། དེ་ཉིད་བཤད་པའི་དགོངས་པ་ཡིས།། འཇུག་པའི་བདེ་བ་མཉམ་སྦྱོར་བས།། རོ་གཅིག་མཉམ་པའི་ངོ་བོར་གྱུར།། ཕྱོགས ་བཅུ་དུས་བཞི་མ་ལུས་པ།། གཅིག་པུ་དུ་མར་དབྱེར་མེད་པས།། དགོངས་པའི་བྱིན་རླབས་ཉིད་ལ་ཉིད།། བརྗོད་ཅིང་གསུངས་པའི་དོན་ཉིད་ནི།། ཕུང་པོ་ཁམས་དང་སྐྱེ་མཆེད་དང་།། ཕྱི་ནང་སྣོད་བཅུད་མ་ལུས ་པ།། ཐབས་དང་ཤེས་རབ་དབྱེར་མེད་པའི།། ལྷག་པ་ཀུན་རྫོབ་ཉིད་བརྗོད་པས།། རྒྱལ་མཆོག་བཙུན་མོ་རང་བཞིན་གྱིས།། རྒྱལ་བའི་ཚོགས་ལ་དབང་བསྒྱུར་ཞིང་།། ཕྱོགས་བཅུ་སྣོད་བཅུད་མ་ལུས་པ།། བདེ ་ཆེན་ཐིག་ལེའི་རང་བཞིན་ཏེ།། ཐིག་ལེ་དབྱིབས་དང་མཚོན་ལས་འདས།། བདེ་བ་མཆོག་གི་སྙིང་པོར་གནས།། དེ་ཉིད་གསང་བའི་དབང་ཉིད་དེ།། རྒྱལ་བ་སྲས་བཅས་མྱོང་དགྱེས་ནས།། ཐིག་ལེ་བདེ་ཆེན་ཉིད་ལ ་གནས།། དེ་ནས་ཐབས་དང་ཤེས་རབ་ཉིད།། མ་ལུས་འདུས་པའི་ངོ་བོ་ཡིས།། མཐོང་བའི་དོན་ཉིད་བསྟན་བྱའི་ཕྱིར།། གཉིས་མེད་ཐབས་ཀྱིས་ཉམས་མྱོང་བའི།། ཆགས་དང་ཆགས་བྲལ་རྣམ་པར་སྤངས།། ལྷན ་ཅིག་སྐྱེས་པའི་ངོ་བོ་ཉིད།། གང་དུ་སྐྱེ་དང་འགག་པ་དང་།། གནས་དམིགས་འགྲོ་འོང་ལས་འདས་པའི།། དེ་བཞིན་ཉིད་ནི་བསྟན་པར་མཛད།། ཉི་ཟླ་དངས་པའི་རྒྱ་མཚོ་ལྟར།། ཡོངས་དགྱེས་ཁྱབ ་པར་གྱུར་པའི་རོས།། མ་འདྲེས་གསང་བའི་སྙིང་པོ་ཉིད།། ཀུན་ཀྱང་གསུམ་དུ་གནས་པ་སྟེ།། རང་བཞིན་ཐབས་ཀྱིས་མངོན་བྱས་ཕྱིར།། མ་ལུས་གསུམ་གྱི་རང་བཞིན་ཉིད།། འཇུག་པ་ཐབས་ཀྱི་རང་བཞིན ་ནི།། ཐུན་མོང་ཐ་མལ་ཀུན་སྤངས་པའི།། ཐབས་དང་ཆོ་ག་ལས་བྱུང་བས།། དམ་པའི་རིགས་ལ་འཇུག་པར་མཛད།། རིགས་དང་རིགས་སུ་ངེས་པ་ཡིས།། ངོ་བོ་ཉིད་ནི་གཉིས་སུ་འགྱུར།། སེམས་ལྔ་སྐྱེས་པའི་ཚུལ ་ཉིད་ནི།། སྐྱེ་བའི་གཞི་དང་སྐྱེས་པ་ཡི།། རིགས་གཅིག་རིགས་བཞིར་གང་ཕྱེ་བ།། འཇུག་པའི་ངོ་བོ་སྟོབས་ལས་ནི།། རིགས་ཀྱི་དབྱེ་བས་ལམ་དབྱེ་བ།། ལྔ་དང་གཅིག་གི་རྒྱུ་འབྲས་འགྱུར།། མ་ངེས་ཕྱི་ཡི་དབྱེ་བ ་སྟེ།། བཞི་ནི་ངེས་འབྱུང་ཐུན་མོང་ལམ།། དེ་བཞིན་རིགས་གཅིག་ཐུན་མོང་མིན།། དེ་ཉིད་ཕྱི་ནང་ཆ་སྣང་བས།། ཕྱི་རོལ་ལྟོས་པའི་ཐུན་མོང་ལམ།། གྲུབ་པ་ཕྱི་ནང་རྒྱུ་འབྲས་ཕྱིར།། རྒྱུ་འབྲས་ཕྱི་ནང་འབྲེལ་བར ་འདོད།། སྐབས་འདིར་བཞི་གསུམ་ཐུན་མོང་གཉིས།། ཕན་ཆད་སྦྱངས་པ་རྒྱུ་ཡི་ཕྱིར།། རང་བཞིན་མངོན་སྔོན་ཡང་། དུ་སོང་བ་དང་།། ཕྱེད་དུ་ཆེད་དུ་སྔོན་ཡང་། མངོན་དུ་སྡུར་བས་འགྲོ།། དེས་ན་ཐུན་མོང་མངོན ་རྫོགས་ཡུལ།། གཞི་དང་སྐབས་ནས་སྐྱེ་འགྱུར་བ།། གྲོལ་ཐར་ལམ་དུ་རྣམ་པར་བཤད།། དེའང་ཅིག་ཅར་རིགས་འཇུག་པ།། སྣོད་ཀྱི་རིམ་པས་རྣམ་པར་སྣང་།། གང་ཡང་སེམས་ལྔ་བསྡུས་པས་ཏེ།། གཡོ་ལྡང་སྨོན ་འཇུག་མཐར་ཕྱིན་པས།། ལམ་བཞི་ཁྱད་པར་སོ་སོར་ཕྱེད།། རང་བཞིན་གཅིག་ལས་མངོན་གྱུར་པའི།། ཐབས་རྐྱེན་མོས་པས་ཚུལ་བཞིན་དུ།། ལམ་བཞི་སེམས་ལྔས་མཐར་ཕྱིན་པ།། མོས་དང་མཐར་ཕྱིན་ཚུལ ་གྱིས་སྣང་།། དངོས་པོར་རང་བཞིན་རྟོགས་པ་ནི།། བསྙེན་བསྒྲུབ་བཞི་དང་སྒོ་བཞི་དང་།། དག་མཉམ་རྟོགས་པ་བཞི་དག་གིས།། དུས་གཅིག་རྫོགས་ཤིང་སྨིན་པར་བྱེད།། རྣལ་འབྱོར་ལྔ་ལ་རིམ་གོམས ་པས།། མཐར་ཕྱིན་ལམ་ལ་ཐེ་ཚོམ་མེད།། སྟོང་པ་ཉིད་ལ་གང་གོམས་པས།། སྙིང་རྗེ་སྒྱུ་མའི་ཚུལ་དུ་བསྒོམ།། ཕྱག་རྒྱའི་རྣལ་འབྱོར་མངོན་གསལ་ནས།། རྣམ་པར་སྤྲོས་ལ་ཐེ་ཚོམ་མེད།། རང་རང་སྤྱོད་དང་ལྡན་གྱུར ་ནས།། བདག་གཞན་མཐར་ཕྱིན་འགྱུར་བའི་ལམ།། གང་དུ་ཆགས་པའི་ཁྱད་པར་གྱིས།། རྟེན་འབྲེལ་ལུས་ཀྱི་བསྒོམ་པ་ནི།། བྱེ་བྲག་རླུང་ལས་གྱུར་པ་ཡི།། ཡེ་ཤེས་འབྱུང་བ་སྟེང་འོག་སྒོ།། དགུག་དང་དགུག ་པའི་ཐབས་ཉིད་དེ།། འཁོར་ལོ་བཞི་དང་སྲོག་ཤིང་གསུམ།། མེ་རླུང་འགྲོ་བས་ནམ་མཁའི་བ།། བཞོ་བ་སྟེང་དུ་རྣམ་པར་གྲགས།། དགུག་པ་གསུམ་གྱིས་སེམས་ལྔའི་རིམ།། སྐྱེས་པ་བཅུ་དྲུག་ས་ཐོབ་པའི།། རང ་བཞིན་ལྷན་ཅིག་སྐྱེས་པའི་ཕྱིར།། འཆིང་བ་ཉིད་ཀྱིས་ཐར་པའི་ལམ།། ཡུལ་དང་དབང་པོར་སྦྱོང་ནུས་པའི།། ཆགས་པའི་ལམ་གྱིས་གང་རྟོགས་པ།། དུག་གིས་དེ་ཉིད་སེལ་བ་ལྟར།། ཐབས་དང་ལྡན ་པའི་ཁྱད་པར་ཡིན།། གང་ཟག་ཐབས་དང་སྦྱོར་བ་ཡིས།། གང་ལ་དེ་ལྟར་ཐབས་ཉིད་ཀྱིས།། འཆིང་བ་ཐབས་ཀྱིས་བཀྲོལ་བ་ལྟར།། ལུང་དང་མན་ངག་རྟོགས་པས་འགྲུབ།། དམ་པ་ཉིད་ལ་མཉེས་ཟིན་ནས།། ཡེ ་ཤེས་རིག་པ་མས་ལས་ཀྱང་ལས་གྱུར།། དབང་པོ་རིམ་པར་འགགས་པ་ལས།། བདེན་པ་གཉིས་མེད་འཆར་བར་འགྱུར།། གསང་བ་ཡེ་ཤེས་ཆེན་པོ་ནི།། ཐིག་ལེའི་རྒྱུ་བ་ཀུན་ཟད་པ།། དེ་ཉིད་སྒྱུ་འཕྲུལ་རྒྱ་མཚོ ་སྟེ།། དམན་དང་བཅིངས་དང་དབང་བསྒྱུར་བྲལ།། རྟོག་གེ་རྣམས་ཀྱི་སྤྱོད་ཡུལ་མིན།། གང་དུ་ཡེ་ཤེས་ཤར་བ་ཡིས།། མ་ལུས་དམ་པའི་ཡེ་ཤེས་སུ།། ཕྱོགས་མེད་རྒྱལ་བ་ཉིད་དུ་འགྱུར།། དེ་ནས་ཀུན་མཁྱེན་རྒྱལ་བ ་ཉིད།། སྲས་དང་བཙུན་མོར་བཅས་པ་ཉིད།། མ་ལུས་གཅིག་ཏུ་མངོན་གཟིགས་ཀྱང་།། ཐབས་བྲལ་བྱང་ཆུབ་སྙིང་པོ་མ་རིག་པས།། འགྲོ་བ་ལྔ་ཡི་བདེ་སྡུག་ཁྱད་པར་རྣམས།། སྐད་ཅིག་མ་འདྲེས་གསལ་མཁྱེན ་ནས།། ཐབས་ཀྱིས་སོ་སོར་སྒྲོལ་བའི་ཕྱིར།། ཀུན་མཁྱེན་ཉིད་ལ་དོན་གྱིས་གཟིགས།། དགྱེས་ཆེན་བདག་པོས་མཉམ་ཉིད་ཕྱིར།། ཡུལ་དང་ཤེས་པ་དབྱིངས་གཅིག་ཕྱིར།། མི་གསུང་དེ་བཞིན་ཉིད་ལ་བཞུགས།། དེ ་བཞིན་ཉིད་ནི་སྤྲོས་མེད་ཀྱང་།། ཐུགས་རྗེ་བྱིན་རླབས་རྒྱ་མཚོ་ཡིས།། མེད་ལས་ཡོད་པའི་ཚུལ་གྱུར་པ།། དེ་ཉིད་དེ་བཞིན་གཤེགས་ཉིད་དེ།། འདུལ་བའི་དབང་གིས་ཕྱོགས་བཅུ་ཡི།། འཇིག་རྟེན་དྲུག་གི་རྡུལ་རྙེད ་དུ།། སྤྲུལ་པ་ཐུབ་པ་ཆེན་པོ་ཡི།། གང་དག་ཏུ་ནི་རྣམ་མཛེས་ཏེ།། སྐུ་དང་གསུང་ཐུགས་བསམ་མི་ཁྱབ།། འདུལ་བ་བཞི་ཡི་ཁྱད་པར་གྱིས།། རང་རང་ལས་དང་བསམ་པ་དང་།། དབང་པོ་མོས་པའི་ཁྱད་པར ་གྱིས།། གདུལ་བྱའི་བསམ་པ་སྣ་ཚོགས་སུ།། སྒྱུ་འཕྲུལ་དྲ་བ་སྣང་མཛད་དེ།། རྒྱུད་དང་ཐབས་ཀྱིས་གྲོལ་བ་ཡིས།། འགྲོ་བ་མ་ལུས་བདེ་བ་དང་།། རིགས་དང་ལྡན་པར་ཐར་པ་ཡི།། འབྲས་བུ་དོན་ལ་འཁོད་པར ་མཛད།། མཐའ་ཟུག་མེད་པའི་འཇིག་རྟེན་དུ།། རྒྱལ་བ་དུས་གསུམ་མཉམ་བཞུགས་པས།། དེ་ལས་བྱུང་བའི་སྤྲུལ་པའི་ཚོགས།། རྒྱལ་བ་ཀུན་ཀྱང་དེ་བཞིན་ནོ།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་དྲ་བ་རྒྱ ་མཚོའི་རྒྱུད་ལས།། སེམས་ལྔ་བསྟན་པའི་ལེའུ་སྟེ་གཉིས་པའོ།། །། དེ་ནས་ཀུན་མཁྱེན་དགྱེས་ཆེན་པོས།། འཁོར་གྱི་དཀྱིལ་འཁོར་ཀུན་གཟིགས་ནས།། ལྷན་ཅིག་གོ་ཕྱེའི་འཁོར་རྣམས་ལ།། བྱིན་རླབས་དམ ་ག་དབང་ཐོབ་ནས།། དབང་དངོས་རང་བཞིན་བསྟན་པར་མཛད།། མ་ལུས་ཆོས་ཀུན་རང་བཞིན་ནི།། བྱང་ཆུབ་སྙིང་པོའི་རང་བཞིན་ལ།། དབྱེར་མེད་དོན་དུ་ཀུན་གནས་ཀྱང་།། ལྷན་ཅིག་ལ་བརྟེན་ཀུན་བརྟགས ་ཀྱིས།། མ་རིག་གཟུང་འཛིན་ངོ་བོར་སྨིན།། རྟེན་འབྲེལ་གཉིས་ཀྱི་ཚུལ་གྱུར་པས།། མྱོང་དང་སྤྱོད་ཡུལ་སོ་སོར་གྱུར།། ནམ་མཁའ་རང་བཞིན་དབྱེར་མེད་ལྟར།། མ་ལུས་དེ་བཞིན་ཉིད་འདི་ལ།། རྟོག ་པའི་དབང་གི་ཕྱེ་བ་ལ།། བདག་དང་གཞན་ཡང་ཡོད་མ་ཡིན།། གང་དུ་དམན་པའི་རྟོག་གེ་པས།། མི་ཤེས་རྟོག་པ་སྣ་ཚོགས་ཀྱིས།། རང་ལས་གཞན་དུ་ཐོབ་འདོད་པའི།། ཐབས་དེས་བསྐལ་པ་བྱེ་བར ་ཡང་།། སངས་རྒྱས་ཡེ་ཤེས་དྲི་མེད་པ།། རྨི་ལམ་ཉིད་དུ་མི་འབྱུང་བ།། སློབ་དཔོན་མན་ངག་ཐབས་ཉིད་ཀྱིས།། སྒྲིབ་པའི་རང་བཞིན་སྣང་བར་འགྱུར།། ཀུན་མཁྱེན་དབང་དང་མན་ངག་ཅན།། བྱིན་རླབས་ཐབས ་ཀྱིས་ཕན་འདོགས་པ།། འགྲོ་ལ་ཡིད་བཞིན་ནོར་བུ་ལྟར།། སྣ་ཚོགས་བསམ་པ་རང་མཛད་པ།། དམན་པའི་སྦྱོར་བ་ལ་བརྟེན་ནས།། སངས་རྒྱས་འཁོར་ལོ་འཆར་བྱེད་པ།། ལུས་དང་ལོངས་སྤྱོད་སྣ་ཚོགས ་པས།། བསྐལ་པ་རྡུལ་གྱི་གྲངས་མཉམ་པར།། བཀུར་ཀྱང་དྲིན་དང་བྲལ་གྱུར་ན།། ལན་འགའ་ཙམ་གྱིས་ག་ལ་ཡིན།། དད་དང་དམ་ཚིག་ལྡན་པ་ཡི།། རང་རང་སྦྱངས་ལྟར་མངོན་གྱུར་ནས།། དམན་པའི་བལྟ་བ ་སྤང་བྱེད་ཅིང་།། བརྟུལ་ཞུགས་རིགས་ངེས་གང་ཟག་ལ།། ཇི་སྙེད་ནམ་མཁའི་མཐའི་ཡུན་དུ།། བརྩོན་ཞིང་བཙལ་བས་མི་རྙེད་དེ།། གདུང་བ་གསུམ་གྱིས་གདུངས་པ་དེ།། མཐོང་བའི་ཐབས་ནི་གསུམ་དུ ་བཤད།། ལུང་དང་མན་ངག་ཆོ་ག་ཡིས།། རྟོགས་ནས་སྐྱེ་བ་འདི་ཡིས་འགྲུབ།། རྣམ་སྨིན་བཅས་པས་འགྲུབ་ངེས་ན།། རང་དབང་ལུས་ཀྱི་སྨོས་ཅི་དགོས།། རྒྱལ་བས་མ་ལུས་ཀུན་གཟིགས་ཤིང་།། ཐུགས་རྗེས་ཐེ ་ཚོམ་མི་བསླུ་བས།། ངེས་པར་བསྟན་པ་འགྲུབ་པ་ནི།། དགོངས་པ་རྟོགས་ན་ངེས་པར་འགྲུབ།། རང་རང་བློ་དང་མོས་པ་ཡིས།། ཇི་ལྟར་འདུ་ཞིང་ཐབས་མཁས་པ།། ཚེ་དང་བསྐལ་པའི་དྲངས་བྲལ་ཞིང་།། ལོ་དང་ཟླ ་བར་བརྩམས་པས་འགྲུབ།། ཤེས་རབ་རྐྱེན་དང་ཐབས་ལྡན་པས།། མ་ལུས་དབྱེར་མེད་རྟོགས་གོམས་ན།། རང་ལ་རང་སྣང་གོམས་པ་ཡིས།། རང་བྱུང་རང་ལས་མངོན་དུ་སྣང་།། གང་དུ་བལྟ་དང་དཔྱད་བྲལ ་བ།། མ་བཅོས་རང་རིག་བྱང་ཆུབ་སེམས།། བྱིས་པ་རྟོག་གེའི་སྤྱོད་ཡུལ་མིན།། དམ་པ་རྣམས་ཀྱིས་ངེས་པར་མཐོང་།། ཆོས་རྣམས་རང་བཞིན་རྐྱེན་བྲལ་བའི།། མི་རྟོག་འོད་གསལ་དབྱེར་མེད་པའི།། ཀུན་གྱི་ངོ་བོ་དེ ་བཞིན་ཉིད།། ད་ལྟ་ཉིད་དུ་སྣང་བའོ།། དོན་དམ་བརྟེན་པ་ལ་བརྟེན་ནས།། རྒྱུ་བའི་ཕྱག་རྒྱ་རང་སྣང་བ།། གོམས་ནས་བསྡུས་པའི་ཐིག་ལེ་ཉིད།། མ་བཅོས་རང་བཞིན་མྱ་ངན་འདས།། ཕྱི་ནང་ཡུལ་སེམས་འདྲེས ་པའི་རླུང་།། རྒྱུ་བ་རིག་པའི་ཐིག་ལེ་ཉིད།། རང་བྱུང་སྟོང་པར་གནས་འགྱུར་ཏེ།། ཕྱི་ནང་རེ་དོགས་རྒྱུ་བ་མེད།། མ་བཅོས་དེ་བཞིན་ཉིད་དུ་མཐོང་།། ཐབས་དང་ཤེས་རབ་རྟོགས་པ་ཡི།། ཉི་ཟླ་འདྲེས་པའི་གར་ཐབས ་ཀྱིས།། མ་སྐྱེས་མཉམ་ལ་གནས་གྱུར་ཞིང་།། ཕུང་སོགས་གནས་པའི་ཆོས་རྣམས་ཀུན།། བདེ་ཆེན་སྙིང་པོ་གསལ་གྱུར་ཞིང་།། དགག་བསྒྲུབ་མེད་པའི་ཐབས་ལས་བྱུང་།། སྤྱོད་ཡུལ་མ་ལུས་ཐམས ་ཅད་ཀུན།། མ་སྐྱེས་དབྱེར་མེད་མངོན་དུ་སྣང་།། སྒྲ་ཙམ་མཐོང་བ་མེད་པའི་དོན།། མ་སྐྱེས་སྒྲ་ཡིས་མི་གཡོ་བ།། ཀ་སྒྲས་ཐུགས་རྗེས་རྣལ་འབྱོར་སྤྱོད།། ཨ་ལ་དབྱུང་ལྡན་ཡང་། ལས་དབྱུག་ལྡན་གར་སྦྱོར་བ།། དྲན ་པ་གཅིག་པར་ང་ཉིད་སྒྲ།། དེ་སོགས་བྱེད་པའི་རྣལ་འབྱོར་ཀུན།། མ་སྐྱེས་དབྱེར་མེད་མངོན་དུ་སྣང་།། དེ་སོགས་བྱེད་པའི་རྣལ་འབྱོར་ལྔ།། གཅིག་ལ་མ་ལུས་གཅིག་ལ་རྫོགས་པའི་རིམ་པར་རྟོགས། ཀྱང་། རྫོགས ་སམ་རྟོགས།། རིག་པའི་ཁྱད་པར་རྩལ་གྱིས་སྣང་།། གང་དུ་མ་བཅོས་རང་སྣང་བ།། མ་ལུས་སྒྱུ་མ་འཇིག་རྟེན་དུ།། ཐབས་དང་ལྡན་པས་དབང་བསྐུར་ཞིང་།། མ་ལུས་དབྱེར་མེད་ཚུལ་དུ་སྣང་།། ཡབ་ཡུམ་ཤི་ར ་བཅུད་བཅས་སྐུ།། ཐབས་ཀྱིས་ཁམས་ལྔའི་ཡེ་ཤེས་གསལ།། བདེ་སྐྱེད་ཐིག་ལེ་མ་རྣམས་ཀུན།། སེམས་མཐའ་བཟློག་པས་གནས་སུ་ཐིམ།། བཅུ་གསུམ་སངས་རྒྱས་བདག་འགྱུར་བ།། ངོ་བོས་གཞན་ནས་ཐོབ་པ ་མེད།། རྩ་བཅུད་ཤེས་པའི་ངོ་བོ་ཉིད།། ཐབས་ཀྱི་ཡབ་ཡུམ་ཡེ་ཤེས་གསལ།། དེ་ཉིད་རྟེན་ཅན་རྟེན་ལྔ་ལྔར།། རང་གནས་ཐབས་ཀྱི་བདག་ཉིད་དུ།། ཉོན་མོངས་ས་བོན་ཀུན་ཀྱང་གནས།། དེ་ཕྱིར་གཞན་ལ་རག་མ ་ལུས།། དབང་པོ་ཡུལ་སེམས་གཉིས་མེད་པའི།། ཤེས་རབ་ཐབས་རོལ་སྒྱུ་མ་ལས།། མན་ངག་ཐབས་ཀྱིས་དབང་བསྒྱུར་ནས།། རང་བཞིན་སྒྱུ་འཕྲུལ་ཆེན་པོ་འཆར།། ཐབས་དང་ཐབས་བྱུང་འབྲེལ་པ་ཉིད།། ཐམས ་ཅད་ཀུན་གྱི་གཞིར་གནས་པ།། རང་ལུས་ཐབས་ཀྱི་ངོ་བོ་ལ།། རང་གི་རྐྱེན་རྣམས་མངོན་གྱུར་པས།། ཚེགས་མེད་རང་ལོག་གྱུར་པ་ཡིས།། བདེན་པ་དབྱེར་མེད་མངོན་དུ་མཐོང་།། རང་བཞིན་ཡེ་ཤེས་མཐའ་བྲལ ་བས།། ཐབས་དང་ལས་རྐྱེན་སྐྱེས་བུ་ཡིས།། སྤྱོད་ཡུལ་ཀུན་དུ་བླང་བྱ་བ།། འཁོར་དང་མྱ་ངན་འདས་པའི་རྒྱུ།། ཆགས་པའི་དམ་ཚིག་བླང་བར་བྱ།། ཀུན་ཀྱང་ཐབས་དང་ཤེས་རབ་ཉིད།། ཕན་ཚུན་དགྱེས ་པའི་ཐབས་ལས་ནི།། སེམས་མཐའ་འོང་བས་གོ་ཕྱེ་ནས།། རང་སྣང་ཐབས་ཀྱིས་གནས་སྦྱར་བས།། ཟུང་འཇུག་ཐབས་ཆེན་དེ་ལས་བྱུང་།། གཉིས་མེད་ཡེ་ཤེས་རྡོ་རྗེ་ཆེ།། རྒྱུ་རྐྱེན་གཞན་ལས་བྱུང་བ་མིན།། རང ་བྱུང་ཐབས་ཀྱི་ངོ་བོ་ཉིད།། ལུས་དང་རྩ་དང་ལོངས་སྤྱོད་བཅས།། ཐམས་ཅད་བདེ་ཆེན་འཇིག་རྟེན་དུ།། གསལ་བྱེད་ཐབས་ཀྱི་སྣང་བ་ལས།། རྐྱེན་གྱིས་ཟློག་པ་མཐོང་བ་བཞིན།། གཞན་ལས་བྱུང་ཞིང་སྣང་བ ་མེད།། ཕྱོགས་དུས་དཀྱིལ་འཁོར་ངོ་བོ་ཉིད།། བདེ་བ་ཆེན་པོ་མ་སྐྱེས་པའི།། སེང་གེ་ལྟ་བུའི་བྱིན་བརླབས་པའི།། གསུང་གིས་གཉིས་མེད་གསལ་བར་འགྱུར།། གསུང་གསང་ཡང་། གསུམ་བཞིས་སྒྲིབ་ཡེ་ཤེས ་ཆེ།། ཁམས་གསུམ་འདུས་པའི་ཐིག་ལེ་ཉིད།། འདྲེས་པས་ལྷུན་གྲུབ་ཡེ་ཤེས་ཉིད།། དཀྱིལ་འཁོར་གསལ་སྣང་བརྟག་པར་དཀའ།། མ་ལུས་ཐིག་ལེ་རང་སྣང་བའི།། མ་བཅོས་རང་སྣང་ཐབས་རྟོགས ་ནས།། མངོན་པར་ལྟ་བའི་དོན་རྟོགས་ན།། རང་འབྱུང་འབྲས་བུ་རང་ལས་འཆར།། ཕྱོགས་དུས་རྒྱལ་བའི་ངོ་བོ་ཉིད།། མི་ཟད་འཁོར་ལོ་རང་སྣང་དོན།། མ་མཐོང་རྨོངས་པའི་འཁྲུལ་པ་རྣམས།། བྱིན་རླབས་ལྷ་དང ་ཡོན་ཏན་ལྟར།། སྣང་འདོད་རེས་འཇོག་སེམས་འདོད་སོགས།། གཞན་ལས་འཕགས་འདོད་ནོར་བའི་ལམ།། མདོངས་པས་ནམ་མཁར་བསྙེག་པ་བཞིན།། ནོར་བས་མ་ནོར་རྙེད་མི་འགྱུར།། མ་བཅོས་འབྲས་བུ་རང ་སྣང་དོན།། བྱིན་རླབས་དགོངས་རྟོགས་གོམས་པ་ཡིས།། མ་བཙལ་ཐབས་ཀྱིས་རང་འཆར་བ།། བྱིན་རླབས་གདུལ་བྱའི་སྣང་བར་ཟད།། ཅེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། ཆོས་ཐམས ་ཅད་གཏན་ལ་ཕབ་པའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་དགྱེས་ཆེན་པོས།། སངས་རྒྱས་ཀུན་འདུས་དག་པ་སྟེ།། གཅིག་དང་དུ་མ་ལས་འདས་པས།། འཇིག་རྟེན་འདས་དང་འཇིག་རྟེན ་པ།། མངོན་ཕྱུང་ནས་ནི་གསུང་བར་མཛད།། ཨ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཥ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ། ཀྵ། ཨི་ཨཱི། ཨུ་ཨུ། ཨེ་ཨཱི་ཨོ་ཨཽ། ཨ་ཀ་ཙ་ཊ་ཏ་པ་ཡ་ཤ་ཨི ་ཨི། ཨུ་ཨཱུ། ཨེ་ཨཱི། ཨོ་ཨཽ། རྀ་རཱྀ། ལྀ་ལཱྀ། ཨཾ་ཨཿཀ་ཁ་ག་གྷ་ང། ཙ་ཚ་ཛ་ཛྙ་ཉ། ཊ་ཥ་ཌ་ཌྷ་ཎ། ཏ་ཐ་ད་དྷ། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཥ་ཌ་ཌྷ་ཎ། ཏ་ཐ་ད་དྷ་ན། པ ་པཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། རང་བྱུང་མཚན་པ་ལས་འདས་པ།། ཨ་ཉིད་ཀུན་གྱི་ངོ་བོ་སྟེ།། ། བརྗོད་འདས་ནམ་མཁའི་རང་བཞིན་ལས།། སྣོད་བཅུད་ཡི་གེར་རང་བཞིན་ཤར།། ཐམས་ཅད་ཡི་གེའི་རང ་བཞིན་ཏེ།། མཚོན་པ་བརྡ་ཡི་ངོ་བོར་སྣང་།། གང་དུ་མ་སྐྱེས་ཡུམ་ཉིད་ནི།། ས་དང་ནམ་མཁའ་ཅན་རྡོ་རྗེ།། སྟོབས་ཆེན་ལྔ་ནི་དབང་པོ་ལྔ།། གཉིས་པ་ལྔ་པོ་རིམ་བཞིན་དུ།། སྒེག་མོ་ཕྲེང་ཐོགས་དབྱངས་དང ་གར།། ཡ་མཱན་ཏ་ཀྲྀཏ་ཉིད་དུ་བཤད།། གསུམ་པ་ལྔ་ནི་རིམ་པ་བཞིན།། སྣང་མཛད་རྡོ་རྗེ་རིན་ཆེན་དང་།། དཔག་མེད་དོན་གྲུབ་ཉིད་དུ་བཤད།། བཞི་པ་ལྔ་པོ་རིམ་བཞིན་དུ།། སངས་རྒྱས་སྤྱན་དང་ན་བཟའ ་དཀར།། མཱ་མ་ཀཱི་དང་སྒྲོལ་མར་བཤད།། ལྔ་པ་ལྔ་པོ་རིམ་བཞིན་དུ།། བྱམས་པ་སྒྲིབ་སེལ་ཀུན་བཟང་དཔལ།། རྟ་མགྲིན་རིམ་པར་འདོད་པ་ཡིན།། དྲུག་པ་བཞི་སྟེ་རིམ་པ་བཞིན།། བདུག་སྤོས་མར་མེ་མེ་ཏོག ་དང་།། དྲི་ཆབ་ལྷ་མོ་ཞེས་སུ་བཤད།། བདུན་པ་བཞི་སྟེ་རིམ་པ་བཞིན།། རྟག་ཆད་མཚན་མ་དག་པ་དང་།། བདག་མེད་མ་སྟེ་རིམ་པ་བཞིན།། མཐར་ཟད་བྱེད་པ་རྡོ་རྗེ་ནི།། མ་ལུས་འདུས་པའི་ངོ་བོ་སྟེ།། སྐུ ་གསུང་ཐུགས་ནི་རྡོ་རྗེ་ལས།། རྣམ་པར་འཕྲུལ་པའི་སྤྲུལ་པ་དྲུག། བརྒྱད་པའི་ཡི་གེ་དྲུག་ཏུ་བཤད།། བཅུ་གཅིག་གཉིས་པ་རྣམ་བཤད་པ།། སྒྲིབ་པ་ཀུན་བཟང་ཡེ་ཤེས་ནི།། འཆི་བ་གསོ་བྱེད་ཡིན་པར ་བཤད།། ཐོག་མ་མཐར་ཟད་མཐིང་ག་སྟེ།། རྡོ་རྗེ་དྲིལ་བུ་ཉིད་དུ་འདོད།། དང་པོ་ལྔ་དང་གཉིས་པ་ལྔ།། གཙོ་བོ་ཡབ་ཡུམ་བཅུ་ཉིད་སྟེ།། འཁོར་ལོ་རྡོ་རྗེ་རིན་པོ་ཆེ།། པདྨ་རལ་གྲི་འཛིན་པ་སྟེ།། དཀར་པོ་མཐིང་ག ་སེར་པོ་དང་།། དམར་པོ་ལྗང་གུ་རིམ་བཞིན་ནོ།། གསུམ་པ་ལྔ་པོ་རིམ་པ་བཞིན།། རྡོ་རྗེ་དང་ནི་རིན་ཆེན་དང་།། པད་དཀར་རྡོ་རྗེ་དཀར་སྔོ་དང་།། དམར་དང་ལྗང་གུ་རང་བཞིན་གནས།། རྡོ་རྗེས་གནོན་པ་མཐིང ་ནག་ཡིན།། བཞི་པ་ལྔ་པོ་རིམ་པ་བཞིན།། ཀླུ་ཤིང་པོ་ཏི་རིན་ཆེན་སྟེ།། ཨུཏྤལ་དཀར་སེར་དམར་སེར་དང་།། དམར་ལྡང་དཀར་ལྡང་རིམ་བཞིན་ཏེ།། ཐོད་སྦྲུལ་སེར་ནག་འབར་བར་གནས།། ཙ་ལ་སོགས་པའི་ལྷ ་མོ་ནི།། མེ་ལོང་ཕྲེང་བ་པི་ཝང་གར།། གཙོ་བོ་ཉིད་དང་མཚུངས་པ་ཡིན།། གཞན་ཡང་ཨ་སོགས་བཞིར་བཤད་པ།། བདུག་པ་མེ་ཏོག་མར་མེ་དང་།། དྲི་ཡང་གཙོ་བོ་རྗེས་མཐུན་པའོ།། ཐོད་སྦྲུལ་འཇིགས་པ་དམར ་ནག་སྟེ།། དེ་བཞིན་ཡི་གེ་བཞིར་ཤེས་བྱ།། རྟག་ཆད་ལྕགས་ཀྱུ་ཞགས་པ་དང་།། ལྕགས་སྒྲོག་དྲིལ་བུ་ཐབས་དང་འདྲ།། སྤྲུལ་པའི་པི་ཝང་གསེག་པར་དང་།། པོ་ཏི་སྒྲོམ་དང་གོ་ཆ་དང་།། མེ་དང་ཆུར་ནི་ཤེས་བྱ ་སྟེ།། དཀར་དང་སེར་དང་དམར་ནག་དང་།། སེར་ནག་མཐིང་སྔོ་དུད་ཁ་དག། རིམ་པ་བཞིན་དུ་ཤེས་པར་བྱ།། རྡོ་རྗེ་རྒྱ་གྲམ་ལྡང་ནག་གིས།། མ་ལུས་གནོན་པ་བདུད་རྩི་འཁྱིལ།། དཀྱིལ་འཁོར་འཁོར་ལོ་ཡི་གེ ་ཡིས།། མ་དག་པ་དག་དག་བྱེད་ཅིང་།། མ་མཐོང་བ་དག་མཐོང་བྱས་ནས།། དེ་ཉིད་རྣམ་པར་གྲོལ་བར་འགྱུར།། དེ་ནས་གཞན་ཡང་བཤད་བྱ་ནི།། རང་སྣང་གསུང་གི་འཁོར་ལོ་ལས།། རིམ་བཞིན་རང་གི་གཞིར ་སྣང་བ།། དཔག་མེད་ཡོན་ཏན་ལྷུན་རྫོགས་པས།། རང་བྱུང་འཁོར་ལོ་མངོན་པར་བརྗོད།། རང་བྱུང་འཁོར་ལོ་རྒྱུ་ཡི་བདག། ཀ་སོགས་སུམ་ཅུ་རྩ་གཉིས་ནི།། མ་ལུས་ཀུན་གྱི་དངོས་གཞི་སྟེ།། སྐུ་ཡི་འཁོར་ལོར་རང ་སྣང་བའོ།། སྒྲ་དབྱངས་གསུང་གི་འཁོར་ལོ་ནི།། བརྗོད་པའི་སྒྲ་ནི་སྣ་ཚོགས་པའི།། མ་ལུས་པར་ནི་རང་སྣང་བས།། གསུང་གི་ཕྱག་རྒྱ་བཞིར་ངེས་པའོ།། རིག་པ་ཐུགས་ཀྱི་འཁོར་ལོ་ནི།། ཟག་མེད་ཡེ་ཤེས་དྲུག་ལྡན ་ཞིང་།། སྡེ་ཚན་བརྒྱད་ཀྱིས་བརྒྱན་པ་ནི།། སྙིང་པོ་དངས་མ་ལྔར་སྣང་བ།། ཡོན་ཏན་སྤྲུལ་པའི་འབྱུང་བཞི་ཉིད།། བྱེ་བྲག་བརྒྱད་ཅུ་ཀུན་འདུས་པའི།། འགྲོ་འདུ་ཐིག་ལེ་ཀུན་གྱི་དངོས།། སྤྲུལ་པའི་ཐིག་ལེ་རང་འཆར ་བ།། སྣང་བའི་མཛད་པ་བསམ་མི་ཁྱབ།། གང་དུ་ཐབས་ལས་བྱུང་བ་ཡི།། དངས་མའི་རོ་ལྔ་མྱོང་འགྱུར་བས།། རྟེན་བཅས་ངོ་བོ་དག་གྱུར་ནས།། མཛད་པའི་བྱིན་རླབས་བསམ་མི་ཁྱབ།། ཤེས་རབ་ཐབས་རོལ་སྒྱུ་མ ་ལས།། རང་བཞིན་སྒྱུ་འཕྲུལ་ཆེན་པོ་འཆར།། ཐབས་དང་ཐབས་བྱུང་འབྲེལ་པ་ཉིད།། ཐམས་ཅད་ཀུན་གྱི་གཞིར་གནས་པ།། མ་སྐྱེས་སེམས་ཀྱི་རང་བཞིན་ལས།། སྣ་ཚོགས་སྒྱུ་མའི་དོན་འཆར ་བ།། ཐབས་ལ་བརྟེན་པའི་སྐྱེས་བུ་ཉིད།། གཉིས་སུ་མེད་པར་གཉིས་མེད་འབྲེལ་པ་དྲ་བར་བཤད། ཀྱང་། འབྲེལ་བར་བཤད།། གནས་བཞི་གར་ཐབས་སྒྱུ་མ་ལས།། ནམ་མཁའི་ཡེ་ཤེས་ཅིར་ཡང་གསལ།། ཅིར ་ཡང་བདག་ཉིད་རེག་པར་འབྲེལ།། དྲང་བའི་དོན་དུ་ང་ཡིས་བཤད།། གསང་བ་རང་བྱུང་འཁོར་ལོ་ནི།། གནས་དང་ངོ་བོར་ལྡན་པ་ཡི།། ཐབས་དང་རྐྱེན་ལས་སྣང་བ་ཡི།། རོ་ལྔ་སེམས་ལ་མཉམ་འཇུག་པ།། སྟེང ་འོག་ཐབས་ཀྱི་མཚོན་བྱས་པ།། ཡེ་ཤེས་ལྔ་ཡི་ངོ་བོར་བཤད།། གཡས་གཡོན་དབུས་དང་ལྡན་པ་ཡི།། ཉི་ཟླ་འབར་བ་གང་འཇོག་པ།། ཐབས་ལྡན་གནས་སེམས་རྩི་ཡིས་བཟུང་།། ཡོན་ཏན་ཀུན་གྱི་ངོ་བོར ་གསལ།། མ་ལུས་པ་ཡི་བྱང་ཆུབ་སེམས།། གནས་རྟེན་བྱེད་པའི་ངོ་བོར་བཅས།། སྐད་ཅིག་ཐབས་ལས་མངོན་གྱུར་པའི།། བདེ་བ་ཆེན་པོའི་ངོ་བོར་སྣང་།། རང་བྱུང་སྣང་བའི་མཚན་མ་ཀུན།། བདེ་བ་ཆེན་པོའི་དོན ་རྟོགས་པས།། དངས་མའི་སྙིང་པོར་གསལ་གྱུར་པ།། བདེ་ཆེན་ནམ་མཁའི་མཐར་ལྟར་སྣང་།། གང་དུ་མཚན་རྟོག་ཀུན་སྤངས་པའི།། བདེ་ཆེན་ཡེ་ཤེས་རོ་དང་བཅས།། ཐབས་དང་ཤེས་རབ་འབྲེལ་བ་ཡི།། མ་ལུས ་སྐུ་གསུང་ཐུགས་སུ་སྣང་།། ཐབས་ལྡན་ཡེ་ཤེས་རྒྱ་མཚོ་ཡིས།། ཆོས་ཀུན་རོ་གཅིག་ཀུན་གསལ་བ།། རྟོག་དང་མི་རྟོག་ཆ་ལས་འདས།། དེ་ཉིད་མཚོན་པ་མེད་པར་བསྟན།། སངས་རྒྱས་འཁོར་ལོ་ཀུན་འདུས ་པའི།། གསུང་གི་དཀྱིལ་འཁོར་མི་ཟད་པ།། གདུལ་བྱའི་དོན་དུ་ཀུན་བསྒྲགས་པའི།། རང་བྱུང་འཁོར་ལོའི་གསུང་དུ་གསལ།། ཕྱི་ནང་གསང་བའི་མཐར་ཐུག་པ།། སྣོད་བཅུད་རོ་དང་བཅས་པ་ལས།། མི་རྟོག་གསལ ་བར་རང་སྣང་བ།། འཁོར་ལོ་ཀུན་གྱི་གཞིར་གྱུར་པའོ།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། གསུང་གི་འཁོར་ལོ་མངོན་དུ་ཕྱུང་བའི་ལེའུ་སྟེ་བཞིའོ།། །། དེ་ནས ་བཅོམ་ལྡན་དགྱེས་ཆེན་པོ།། སངས་རྒྱས་ཀུན་གྱི་རང་བཞིན་དེས།། ཀུན་འབྱུང་སྒྱུ་འཕྲུལ་རྒྱ་མཚོ་ཆེ།། དངོས་གྲུབ་ཆོ་ག་ཡང་དག་གསུང་།། རང་བྱུང་སྒྱུ་འཕྲུལ་དྲ་བ་ནི།། སངས་རྒྱས་ཀུན་གྱི་རང་བཞིན་ཏེ།། གསང ་བའི་ངོ་བོ་ཐབས་ཀྱི་གནས།། དངོས་གྲུབ་ཀུན་གྱི་རྩ་བ་སྟེ།། སེམས་ཉིད་ཀུན་གྱི་རྩ་བ་ཡིན།། དེ་ཉིད་དངོས་མེད་སྙིང་པོ་སྟེ།། ཐམས་ཅད་འབྱུང་བའི་གནས་མཆོག་ཉིད།། མ་བཅོས་སྒྱུ་འཕྲུལ་ཆེན་པོ་ལས།། གཉིས ་མེད་འབྲེལ་པ་དྲ་བའི་དོན།། རོ་གཅིག་གནས་ཀྱི་ཁྱད་པར་ལས།། ཡོན་ཏན་རིན་ཆེན་སྣ་ཚོགས་འཆར།། སངས་རྒྱས་དཀྱིལ་འཁོར་མ་ལུས་པ།། བཞི་བཅུ་རྩ་ལྔར་རང་བཞིན་གནས།། དེ་ཉིད་གྲངས་ལས་འདས་པ ་སྟེ།། མ་བཅོས་རང་རིག་བྱང་ཆུབ་སེམས།། ཐབས་དང་ཤེས་རབ་གཉིས་མེད་པའི།། ཆོ་ག་སྣ་ཚོགས་འདོད་རྣམས་ལ།། རང་གི་མོས་པ་ཇི་བཞིན་དུ།། ཆོ་འཕྲུལ་སྣ་ཚོགས་བསྟན་པར་ཟད།། རང་བྱུང ་ཡོ་བྱད་དག་པ་ནི།། བསྐྱེད་ཅིང་སྦྱངས་ནས་འབར་བ་ལྟར།། ངེས་པ་རྙེད་ནས་ལོངས་སྤྱོད་ན།། འཚོ་བ་བདུད་རྩིའི་ངོ་བོ་ལྟར།། གང་གིས་རང་རིག་བྱང་ཆུབ་སེམས།། ཆོ་འཕྲུལ་གསལ་བསྒོམས་རྣལ་འབྱོར ་པས།། རང་བྱུང་ལྔ་ལ་བྱིན་བརླབས་ཏེ།། ཟོས་པས་ཕྱི་ནང་ནད་སེལ་འགྱུར།། ཕྱག་རྒྱའི་དཀྱིལ་འཁོར་གསལ་གོམས་ན།། རང་བྱུང་གཙང་སྨེ་མེད་སྦྱར་ཞིང་།། དང་པོ་གང་ཡང་རུང་བ་དག། གང་ལྟར་བསྒྱུར་བ་དེར ་འགྲུབ་སྟེ།། རྟོགས་གོམས་སྟོབས་ལས་བྱུང་བའོ།། བདག་ཉིད་གསལ་བར་བརྟན་བྱས་ནས།། མཁའ་དབྱིངས་རྡོ་རྗེ་གཏམས་པ་ལས།། བདག་ཉིད་བགྲོད་པར་ནུས་པ་ན།། རྣལ་འབྱོར་གསལ་བའི་དོན་རྣམས ་བྱ།། གང་གི་སྤྱན་དང་ཐུགས་གསལ་བས།། མི་མཐུན་མ་ལུས་ཀུན་བསྲེགས་ནས།། དངོས་མེད་སྟོང་པའི་ངང་དུ་ཚིག། ལག་མཐིལ་ཟླ་བའི་ཆུ་རྒྱུན་བསམ།། ནམ་མཁའ་ས་གཞི་བཅས་པ་ཉིད།། ཆུ་ཡིས་ཐམས་ཅད ་གང་བྱས་ནས།། སྲེག་པའི་བསྐལ་པ་གཞིལ་བར་བྱ།། རང་གི་སྒྲོལ་མའི་རྣལ་འབྱོར་བསམ།། བརྟན་ཞིང་གོམས་པར་གྱུར་པ་ན།། གླིང་བཞི་རི་རབ་འཁོར་ཡུག་རྣམས།། མ་ལུས་བརླགས་ཤིང་འཐོར་བར ་འགྱུར།། ཡཾ་གྱིས་བུད་ཅིང་ཁཾ་གྱིས་བཀྲུས།། རཾ་གྱིས་སྦྱངས་པས་དངོས་པོ་དག། བདག་གཞན་རྒྱུད་ལ་སྣང་བ་རྣམས།། དངོས་མེད་སྟོང་པར་སྟོན་པར་ནུས།། མི་མཐུན་ཕྱོགས་ཀྱི་དགྲ་བགེགས་དང་།། སངས་རྒྱས ་བཙུན་མོ་གང་ཡང་རུང་།། ལྷའམ་གནོད་སྦྱིན་བུ་མོ་དག། ཏིང་འཛིན་སྦྱོར་བ་གོམས་པ་ཡིས།། དེ་མ་ཐག་པར་དགུག་ནས་ནི།། བདག་ཉིད་ཇི་ལྟར་དགའ་བར་བྱེད།། དེ་ནས་འདོད་པའི་དོན་རྫོགས་ནས།། ཡིད་ལ ་དེར་གནས་མི་འདོད་ན།། གང་དགའི་གནས་སུ་བཏང་ནས་ནི།། ཕྱིས་ནི་དམ་བཅའ་བཞིན་དུ་འགྲུབ།། གལ་ཏེ་ཕྱོགས་པར་མ་གྱུར་ཀྱང་།། བདག་གི་བྱ་བ་མ་རྫོགས་པར།། སྔགས་དང་ཕྱག་རྒྱ་ཏིང་འཛིན་གྱིས།། ཇི ་སྲིད་འདོད་པར་བཅིང་བར་བྱ།། རང་གི་དོན་ནི་ལེགས་གྲུབ་ནས།། ལུས་དང་སེམས་ནི་སྒྲོལ་བ་ཡིས།། ཕ་རོལ་ཅི་བདེར་གནས་པར་བྱ།། བདག་དང་གཞན་དག་ཕན་འདོད་པས།། རིམ་པ་བཞིན་དུ་བཙུན ་པར་བྱ།། བདག་ཉིད་ཐར་ལམ་བགྲོད་པ་ཡིས།། སྟོང་པ་ཆེན་པོར་གོམས་གྱུར་ནས།། རྒྱལ་བའི་སྐུ་ཚེ་མི་འཆི་ཉིད།། མཚན་མའི་རྒྱུན་གྱིས་ཚེ་བསྡུས་ནས།། འདོད་པ་ཡིད་འོང་ཐོབ་པར་འགྱུར།། སྟེང་འོག་རླུང་ལ ་དབང་ཐོབ་ནས།། བར་མའི་རྐྱེན་གྱིས་བསླུ་བ་མེད།། མཚན་བཟང་ཐིག་ལེ་བཅུ་དྲུག་སོགས།། དབེན་པའི་གནས་སུ་ཟླ་དང་བཅས།། ཞུན་ཆེན་ལ་སོགས་བཅུད་ཀྱིས་གསོ།། གང་རྒྱས་བདུད་རྩི་གསང་བའི ་ལྕེས།། བསྡུས་ནས་བརྔུབས་ཀྱང་། མི་འཆི་ངེས་པར་མྱང་།། ལྔ་ཡི་རྩ་བ་ཡན་ལག་བཅས།། བདུད་རྩི་རིགས་བརྒྱ་ང་གཅིག་སྦྱངས།། རྟགས་ཕྱིན་འཐུངས་ན་ཐེ་ཚོམ་མེད།། ར་སཱ་ཡ་ན་ལ་སོགས ་ལ།། བསྒྲུབས་ཤིང་བསྟེན་ན་དེ་བཞིན་ནོ།། ཚེ་མཆོག་ལས་བྱས་ཟླ་རྒྱས་སོགས།། རྟགས་ལྡན་ཟོས་པའང་ངེས་པར་འགྲུབ།། གཞན་པ་ཐ་མལ་ལས་སྦྱར་ཏེ།། བདག་ཉིད་ཀུན་ལ་ངེས་པར་འགྲོ།། སྔོན་སོང་པ་ཡི་སྔ ་རོལ་ཉིད།། ཡང་ན་མཐར་ཉེའི་ལམ་ཆེའོ།། ཚེ་ཡི་རྟེན་ནི་གང་རུང་ལ།། བདག་ཉིད་སྟོབས་ལྡན་རྣལ་འབྱོར་པས།། ཕྱོགས་བཅུའི་གཟི་བྱིན་ཀུན་བསྡུས་ནས།། སྔགས་དང་ཕྱག་རྒྱའི་ཏིང་འཛིན་གྱིས།། བསྟིམས་ལ ་ངེས་པར་བསྲུང་བར་བྱ།། གལ་ཏེ་འཆི་བ་གསོ་འདོད་པས།། རྒྱལ་རིགས་རྗེའུ་དང་བྲམ་ཟེའི་རོ།། རྨ་མེད་གཙང་མ་བླངས་ནས་ནི།། སྦྱངས་ཤིང་རྒྱན་དང་ལྡན་བྱས་ཏེ།། བདག་གིས་གང་ཡིན་བཀུག་ནས ་ནི།། མངོན་བསྟིམ་རྟགས་དང་ལྡན་གྱུར་ནས།། མགོ་དང་ལྕེ་བཅད་གོ་མཚོན་གྱིས།། ལྷ་མིན་གཡུལ་ལས་འཇོམས་པར་བྱེད།། ལྕེ་བཅད་བལྟབས་པས་གསེར་ཡིན་ཏེ།། ལངས་ནས་དམ་བཅའ་ཆུ་བླུད་ནས།། གང ་འདོད་ལས་ནི་བཅོལ་བར་བྱ།། གལ་ཏེ་དྲག་པོ་བརྩམས་གྱུར་ན།། དེ་ཡི་བདག་ཉིད་དག་ལ་བརྟེན།། མིང་རུས་བཅས་པ་གསལ་བར་བྱ།། དྲག་པོའི་གནས་སུ་བཞག་ནས་ནི།། གཉེན་པོས་གནས་བཀུག་བསྟིམས ་བྱས་ནས།། དུག་དང་ལན་ཚྭ་ཚ་བས་བསྟིམས།། གནས་ལྔར་ཕུར་གདབ་དེ་ཉིད་གནོན།། འདིས་ནི་ཀུན་ཀྱང་བརླག་པར་འགྱུར།། དགྲ་དཔུང་འཕམ་པའི་ལས་བྱ་ན།། བདག་ཉིད་ལྷ་རུ་གསལ་བྱས་ལ།། རས་སམ ་གྲོ་གར་མིང་རུས་བྲིས།། ཆགས་པའི་གོས་ཀྱིས་གྲིལ་བྱས་ནས།། གཡས་པས་ལེགས་པར་གནན་ནས་ཀྱང་།། ང་རྒྱལ་རང་གི་སྔགས་བཅས་པས།། ཕྱོགས་སུ་འཕྱོས་པས་འཕམ་པར་བྱེད།། དེ་ཡིས་རྒྱལ་བར་འགྱུར། ་བ་སྟེ།། སྤྱི་གཙུག་འཁོར་ལོ་རྩིབས་བཅུ་བཞག། ཁྲོ་བོའི་སྔགས་བྲིས་བྱིན་བརླབས་ན།། མ་ཡེངས་གར་ཕྱིན་རྒྱལ་བར་འགྱུར།། གཞན་ཡང་ཐབས་དང་ལྡན་པ་ཡིས།། ཐབས་དང་ཤེས་རབ་གདན་བསྐྱེད་དེ།། རྒྱལ ་བའི་དཀྱིལ་འཁོར་ཉི་ཟླར་ལངས།། གཉིས་ཐིམ་ཉི་ཟླ་བཅུད་ལྔར་འདྲེས།། འཐུངས་པས་བདུད་རྩིར་དག་པར་བྱེད།། དེ་ཉིད་གཉིས་མེད་ལྡན་གྱུར་ནས།། རྩེ་སྤྲད་བྱེད་པའི་ཐབས་བཅས་པས།། དུག་གསུམ་ནད ་བསལ་བདེ་ཆེན་གྱིས།། རང་དགའི་ལུས་ཀྱི་སྟོབས་སུ་གནས།། རླུང་སེམས་བདེ་བས་གང་གྱུར་ཚེ།། ཐུན་མོང་ཐུན་མོང་མ་ཡིན་པའི།། འདོད་པ་ལྔ་ལ་ལོངས་སྤྱོད་ཅིང་།། ཞིང་དང་སྤྱོད་ཡུལ་དག་པར་འགྱུར།། གང ་ཚེ་ཐབས་དང་ལྡན་པ་ཡིས།། ཐ་མལ་སྣང་བ་ལུས་བཅས་པ།། དཀའ་ཞིང་གདུང་བ་སྤངས་པ་ཡིས།། བདེ་ཆེན་དབྱེར་མེད་ཉིད་དུ་འགྱུར།། རང་རིག་འོད་གསལ་ནམ་མཁའ་ནི།། རྡོ་རྗེ་པདྨ་ལ་བརྟེན་པས།། འབྱུང ་བཞི་ཐབས་ཀྱིས་འབར་བ་ཡིས།། ཐ་མལ་ཞེན་པ་མི་གནས་ཤིང་།། བྱང་ཆུབ་སེམས་ཀྱིས་གང་བར་བྱེད།། སྒྲོལ་མ་རླུང་གི་ཐབས་ལྡན་པས།། འབར་ནས་རིམ་པར་གནས་བསྐྱོད་པས།། སྟེང་གི་ཐིག ་ལེ་ཞུ་བའི་སེམས།། དངས་མ་ལྔར་ཐིམ་གསལ་བའི་ཚེ།། སྟོང་ཉིད་ནམ་མཁའི་རང་མཚན་ཉིད།། དབང་པོ་ཡུལ་སེམས་ཟློག་པར་འགྱུར།། རང་བྱུང་བཅུད་འདུས་ཐིག་ལེ་ཉིད།། ཐབས་ཀྱིས་ཕྱག་རྒྱས་བཀུག་བྱས ་ནས།། ཐབས་དང་ཤེས་རབ་སྟོབས་ཀྱིས་བཅིངས།། རང་བྱུང་བདེ་བའི་ཉམས་ཤར་ནས།། རང་རང་གནས་སུ་གཏང་བའི་ཚེ།། རླུང་སེམས་ཞེན་འཛིན་གྲོལ་གྱུར་ནས།། སེམས་མཐའ་འགྲོ་འོང་མེད་པའི་ཚེ།། ཡེ ་ཤེས་རྒྱ་མཚོ་གསལ་གྱུར་ནས།། མ་ལུས་བདེ་ཆེན་འབར་བར་གནས།། བདུད་བཞི་མ་ལུས་འཕམ་པ་ཡིས།། ཕྱོགས་མེད་རྒྱལ་བའི་དཀྱིལ་འཁོར་དུ།། ཏིང་འཛིན་གསལ་བར་བྱེད་པར་འགྱུར།། བདེ་བའི་ཐིག་ལེ ་རང་སྣང་བས།། མིང་ཚིག་ཐ་སྙད་བརྗོད་བྲལ་བས།། ཐབས་དང་ཤེས་རབ་ཐབས་མཚོན་པས།། བདེ་ཆེན་རིག་པའི་ཐིག་ལེར་འགྱུར།། ཐུན་མོང་ཁྱད་པར་ཡོ་བྱད་ཀྱིས།། སྔོན་དུ་བྱ་བ་ཀུན་བྱས་ནས།། རང ་གི་ཐབས་ལྡན་རྣལ་འབྱོར་པས།། ཇི་ལྟར་བསྒྲུབས་པ་བཞིན་དུ་འགྲུབ།། སངས་རྒྱས་ཀུན་གྱི་སྐུ་གསུང་ཐུགས།། རང་བྱུང་བདེ་ཆེན་རྒྱ་མཚོ་ནི།། བྱིན་རླབས་ཀུན་གྱི་བདག་ཉིད་པས།། ཀུན་ལ་འཚམས་པ་བཞིན་དུ ་འཆར།། ཐིག་ལེས་བདེ་བ་མྱོང་གྱུར་ནས།། བདེ་བའང་ཐིག་ལེའི་ངོ་བོར་གསལ།། གཉིས་མེད་རང་བྱུང་སྙིང་པོ་ལ།། གསལ་བར་ཉམས་ཀྱིས་གོམས་པར་བྱ།། བདེ་ཆེན་ཐིག་ལེའི་ངོ་བོ་ནི།། རྡོ་རྗེ་འཛིན་པའི་བདག ་ཉིད་དེ།། རིགས་ཀྱི་བདག་པོ་ཀུན་ལས་གྲོལ།། མཐའ་དབུས་རྒྱུ་འབྲས་ལས་འདས་པས།། ཐིག་ལེ་རང་རིག་བྱང་ཆུབ་སེམས།། འགྲོ་འོང་དམིགས་འཛིན་ཞེན་ལས་འདས།། དེ་བཞིན་ཉིད་དུ་གཤེགས་པ་ཡང་།། སྣ ་ཚོགས་ཞེན་ལས་གྲོལ་བར་ཟད།། ཐབས་དང་ཤེས་རབ་ཐིག་ལེ་ཡི།། ཉི་ཟླ་གསལ་བའི་སེམས་ལྡན་པས།། དངོས་མེད་ནས་ཀྱང་། ལྷན་ཅིག་སྐྱེ་ནུས་ན།། སྒྱུ་འཕྲུལ་དྲ་བར་གསལ་བར་འཆར།། ཞེས་ཉིད་ལ་ཉིད ་གསུངས་པའོ།། སྒྱུ་འཕྲུལ་རྒྱ་མཚོའི་རྒྱུད་ལས།། ཕྱི་མ་བསྒྲུབ་པའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་དགྱེས་ཆེན་པོ།། མཐའ་དབུས་མེད་པ་ལྷུན་གྲུབ་པ།། ཡེ་ཤེས་ཀུན་གྱི་བདག་ཉིད་དེ།། སྐུ་ཡི ་དཀྱིལ་འཁོར་སྣང་བར་མཛད།། གཅིག་དང་དུ་མ་བྲལ་བ་ཡི།། རང་བྱུང་ཡེ་ཤེས་ཕྱོགས་མེད་པ།། ཡེ་ཤེས་ལྔ་རྫོགས་སྙིང་པོ་འདི།། མུ་ཁྱུད་སྙིང་པོས་ཡོངས་སུ་བཀོད།། སངས་རྒྱས་ཀུན་གྱི་གཞལ་ཡས་ཁང་།། ངོ་བོ ་ཇི་བཞིན་གསལ་གྱུར་པ།། ཆེ་བའི་ཡོན་ཏན་ལྷུན་རྫོགས་པ།། དཀྱིལ་འཁོར་ཀུན་གྱི་རང་བཞིན་ཉིད།། ཡེ་ཤེས་འཁོར་ལོ་དྲ་བ་གཅོད།། མུ་ཁྱུད་ཐིག་ལེས་ཡོངས་སུ་བསྐོར།། ཆེ་བའི་ཡོན་ཏན་ཕྱོགས་མེད ་ཅིང་།། ཐར་པའི་གྲོང་ཁྱེར་ཁྱམས་ལྡན་པས།། རྣམ་ཐར་མཛེས་པའི་སྒོ་དང་ལྡན།། འདོད་ཡོན་ལྔ་དང་བཞུགས་གནས་ཀྱང་།། ཟད་པ་མེད་པའི་ཚུལ་དུ་གནས།། བདུད་དང་འཁོར་བའི་ཉེས་པ ་ཡིས།། མི་འཇིགས་སྟོབས་དང་རྫུ་འཕྲུལ་དང་།། དབང་དང་ཕྲིན་ལས་ལྷུན་རྫོགས་པས།། ཐབས་དང་ཤེས་རབ་སྐྱོན་བྲལ་བས།། རྒྱལ་བ་ཀུན་གྱི་གནས་པའི་གདན།། རང་བྱུང་རིག་པའི་འཕྲུལ་པ་ཡིས།། མཛད་པ ་རྫོགས་དང་མ་རྫོགས་པའི།། འགྲོ་བའི་དོན་ལ་མ་འདྲེས་པས།། ལྷ་དང་གདན་གྱི་ཁྱད་པར་དང་།། བཞུགས་ཚུལ་རྒྱན་ཆ་སྣ་ཚོགས་བསྟན།། རང་བྱུང་རྒྱལ་བ་ཐམས་ཅད་ཀྱང་།། རང་གི་རྟོག་པ་དེར་བྱུང་གི།། རྒྱུ ་འབྲས་དཀའ་ཐུབ་རྩོལ་བ་ཡིས།། གཞན་འབྱུང་ཐ་དད་ཆོས་དང་བྲལ།། རང་རིག་ལྷུན་གྱིས་གྲུབ་པ་ལ།། ཡོན་ཏན་ཁྱད་པར་ཀུན་རྫོགས་པ།། ཐབས་ཆེན་གསང་བ་གོམས་རྟོགས་ན།། ཆེ་བའི་འབྲས་བུར་བདག ་ཉིད་གནས།། སྒྱུ་འཕྲུལ་དྲ་བའི་དཀྱིལ་འཁོར་ནི།། ཀུན་ནས་རྒྱ་ཡང་མ་ཆད་པ།། ཕྱོགས་བཅུ་དུས་བཞི་སྐུ་གསུང་ཐུགས།། མ་ལུས་བདག་ཉིད་བྱང་ཆུབ་སེམས།། གདོད་ནས་དག་མཉམ་རྟོགས་པ་ཡིས།། མི་ཟད ་འཁོར་ལོ་རང་སྣང་བ།། མ་ལུས་ཐམས་ཅད་དག་པ་ཡིས།། བྱར་མེད་བྱ་ལས་འདས་པ་ཡི།། རང་བྱུང་སྒྱུ་འཕྲུལ་རྒྱ་མཚོ་ཆེ།། སྐྱེས་བུ་རབ་ལ་དེ་བཞིན་སྣང་།། མ་ལུས་འདོད་སྟོབས་ཁྱད་པར་གྱིས།། ཐབས་དང་ཤེས ་རབ་འབྲེལ་བ་ལ།། རབ་འབྲིང་ཐ་མའི་སྟོབས་བཞིན་དུ།། དཀའ་ཐུབ་གདུང་བ་སྤངས་པས་འགྲུབ།། ཐབས་ཆེན་ཐབས་ལས་བྱུང་བ་ཡི།། གཙོ་འཁོར་དབྱེར་མེད་དཀྱིལ་འཁོར་ནི།། འཁོར་བ་དག་བྱེད་མཎྜ ་ལ།། བསྒོམ་པས་འབྲས་བུ་མངོན་དུ་འབྱུང་།། ཐབས་ཆེན་རྒྱ་མཚོས་ཟིན་པ་ལ།། འཁོར་བའི་རྒྱུ་འབྲས་ངོ་བོས་སྟོང་།། འདས་དང་མ་འདས་དབྱེར་མེད་པའི།། རང་རིག་བྱང་ཆུབ་དེ་བཞིན་ཉིད།། རང་རིག་བྱང་ཆུབ ་རྐྱེན་བྲལ་བ།། མོས་པའི་ཡོན་ཏན་ཁྱད་པར་གྱིས།། རང་རང་ཁ་དོག་ཇི་བཞིན་དུ།། ཡོན་ཏན་སྟོབས་ལས་མངོན་སྣང་བ།། མ་འདྲེས་གསལ་བར་ཤར་བ་ཉིད།། སྒྱུ་འཕྲུལ་ཐབས་ཀྱི་ངོ་བོ་ནི།། དྲ་བ་ཤེས་རབ་མ་སྐྱེས ་དབྱིངས།། གཉིས་མེད་གནས་པ་རྟོགས་གོམས་ནས།། འབྲས་བུ་རྫོགས་པའི་ཚུལ་དུ་གནས།། བསྐལ་པར་སྦྱངས་དང་རང་གནས་པའི།། བློ་ཡི་བྱེ་བྲག་ཇི་སྙེད་པ།། ཐབས་ཀྱི་རིམ་པ་དེ་བཞིན་ཏེ།། འབྲས་བུ་ལྷུན ་གྲུབ་ཉིད་དུ་འགྱུར།། སངས་རྒྱས་ཀུན་གྱི་གནས་གྱུར་པ།། གསང་བའི་བཞུགས་གནས་ཐིག་ལེའི་རྟེན།། ངོ་བོ་མཐའ་བྲལ་གཉིས་མེད་པ།། ཆེ་བའི་ཡོན་ཏན་ལྷུན་རྫོགས་པ།། སྒོ་དང་ལྡན་ཏེ་སྙིང་པོར་རྫོགས།། ཐིག ་ལེ་ཆེན་པོའི་རང་བཞིན་ལ།། འབྲས་བུའི་མཚན་མ་རང་བཞིན་རྫོགས།། ཐབས་ཆེན་ཉི་ཟླའི་རོ་འདྲེས་པས།། ཡེ་ཤེས་དཀྱིལ་འཁོར་གསལ་བར་སྣང་།། སངས་རྒྱས་དཀྱིལ་འཁོར་མ་ལུས་པ།། སྐུ་གསུང་ཐུགས་ཀྱི ་ཕྱག་རྒྱ་ཉིད།། མ་ལུས་ཉི་ཟླའི་ཚུལ་གནས་ཏེ།། སྐལ་ལྡན་ཐུགས་ལ་འཇུག་པར་འགྱུར།། བདེ་ཆེན་རིག་པའི་དཀྱིལ་འཁོར་ནི།། མ་ལུས་འདུས་པའི་བྱང་ཆུབ་སེམས།། ཐིག་ལེ་རླུང་དང་བྲལ་བ ་ཡི།། རྡོ་རྗེ་འཛིན་པ་ཉིད་དུ་འགྱུར།། གང་དང་གང་དུ་ཞེན་བཟུང་བ།། བདེ་ཆེན་ཐིག་ལེར་ཟད་གྱུར་ནས།། ཞིང་དང་སྤྱོད་ཡུལ་བཅས་པ་དག། མ་ལུས་རིག་པ་བདེ་ཆེན་པོ།། ཐབས་དང་ཤེས་རབ་དབྱེར་མེད ་པའི།། གསང་བའི་ཐིག་ལེ་ཀུན་གྱི་དངོས།། ཐམས་ཅད་རང་བཞིན་རྫོགས་པའི་ཕྱིར།། ཐམས་ཅད་ཀུན་གྱི་ངོ་བོར་གནས།། སྟེང་འོག་གཡས་གཡོན་ལས་བྱུང་བའི།། སྣང་སྟོང་ཐིག་ལེར་འདྲེས་པའི་བཅུད།། ཉི ་ཟླ་ཟབས་དང་ཤེས་རབ་ཉིད།། གཉིས་མེད་ཟབས་སུ་འབྲེལ་བ་ཡིན།། བརྗོད་བྱའི་ཡོན་ཏན་ཀུན་འདུས་པ།། སངས་རྒྱས་ཀུན་གྱི་རང་བཞིན་ཉིད།། མ་ལུས་ཀུན་ལས་འབྲེལ་བའི་ཕྱིར།། སེམས་ལྔའི་ཚུལ་གྱིས ་མངོན་དུ་སྣང་།། ཐིག་ལེ་དང་པོ་ནས་བརྩམས་ནས།། མ་སྐྱེས་བདེ་ཆེན་བཅུ་དྲུག་མཐའ།། འགྲོ་འོད་མེད་ཅིང་མཐར་ཕྱིན་པ།། རང་བྱུང་དཀྱིལ་འཁོར་ལྷུན་གྱིས་གྲུབ།། ཐོག་མེད་བསགས་ལས་གང་གྱུར ་པའི།། ལས་དང་འདུ་བྱེད་སྒྲིབ་པ་རྣམས།། བདེ་ཆེན་སྐུ་གསུང་ཐུགས་གྱུར་ནས།། མ་བསྒྲིབས་ཡེ་ཤེས་ངོ་བོར་འཆར།། བྱེ་བྲག་བརྒྱད་ཅུ་སྤྲུལ་པ་ཡི།། ཐིག་ལེའི་རྐྱེན་གྱིས་འདུས་གྱུར་པས།། མ་ལུས་མུན་པས་སྣང ་བ་བཞིན།། དངོས་བྱེད་ཐབས་ཀྱི་སྣང་བྱེད་པ།། རང་བྱུང་རང་སྣང་ངོ་བོ་ཉིད།། བདེ་བ་ཆེན་པོའི་ཐིག་ལེ་ཉིད།། ཕན་ཚུན་འབྲེལ་ཞིང་འདྲེས་པ་ལས།། ཉི་ཟླ་འཁོར་བཅས་དེ་དག་ཀུན།། གསང་བའི་ཐིག་ལེ་འཕྲོ ་འདུ་མེད།། བདེ་ཆེན་ཐིག་ལེར་ལྷུན་རྫོགས་པའི།། བྱང་ཆུབ་སེམས་ལ་དངས་སྙིགས་མེད།། ལུས་ངག་སེམས་ཀྱི་བྱ་བ་རྣམས།། གང་གིས་འདུལ་བར་མི་ནུས་པ།། བྱིན་རླབས་རྟེན་འབྲེལ་ལས་བྱུང་བའི།། བདེ་བ ་ཆེན་པོའི་ངོ་བོར་འགག། སྣང་གསུམ་ལས་འདས་ཐིག་ལེ་ནི།། ཕྱོགས་འཛིན་དམིགས་པ་ལས་འདས་པ།། རང་རིག་དམིགས་ཞེ་ན་དག་པ་ཡི།། འདུས་བྱས་ཟག་པའི་བདེ་བ་མེད།། སངས་རྒྱས་ཀུན་གྱི་ཐིག་ལེ ་ནི།། འགྲོ་འོང་ཐིག་ལེ་རྒྱུ་བ་དག། མཁའ་ལྟར་དག་པའི་བྱང་ཆུབ་སེམས།། རྐྱེན་བྲལ་ཡེ་ཤེས་ཟག་མེད་དེ།། འཕེལ་འགྲིབ་མེད་པའི་ཚུལ་དུ་གནས།། རྒྱུད་ཆེན་སྒྱུ་འཕྲུལ་དྲ་བ་ལས།། རང་བྱུང་ཡེ་ཤེས་རྒྱ་མཚོ ་ཉིད།། གདུལ་བྱ་མོས་པའི་བསམ་པ་བཞིན།། ཐུགས་རྗེ་བྱིན་རླབས་བསམ་མི་ཁྱབ།། ཇི་སྙེད་མཐའ་ཡས་ཆོས་རྣམས་ནི།། རྒྱལ་བ་ཀུན་དང་དབྱེར་མེད་པའི།། སྐུ་གསུང་ཐུགས་ཀྱི་ངོ་བོ་སྟེ།། དབྱེར་མེད་བདེ་ཆེན ་ཕྱག་རྒྱར་གསལ།། གང་དུ་སྣང་དང་མི་གཡོ་བའི།། བྱ་བ་བྱེད་དང་མི་བྱེད་པ།། སྒྱུ་འཕྲུལ་དྲ་བར་རྫོགས་པ་ཡིས།། ཐིག་ལེ་མཆོག་གི་སྙིང་པོར་གནས།། རྟེན་དང་བརྟེན་པར་བཅས་པ་ཡི།། སྒྱུ་འཕྲུལ་དྲ་བའི་དཀྱིལ ་འཁོར་ནི།། སྣ་ཚོགས་བསམ་པ་ལས་བྱུང་བའི།། དཀྱིལ་འཁོར་ཆེན་པོར་འབར་བར་འགྱུར།། ཟག་མེད་ཡེ་ཤེས་ལྷུན་རྫོགས་པའི།། གདུལ་བྱའི་བྱ་བ་ཀུན་ཀྱང་སྤྱོད།། ཅེས་ཉིད་ལ་ཉིད་བཤད་དོ།། སྐུ ་འཕྲུལ་རྒྱ་མཚོའི་རྒྱུད་ལས། དཀྱིལ་འཁོར་ཡོངས་སུ་རྫོགས་པའི་ལེའུ་སྟེ་དྲུག་པའོ།། །། རྡོ་རྗེ་འཛིན་པ་ཆེན་པོ་ནི།། སངས་རྒྱས་ཀུན་གྱི་དངོས་གཞི་སྟེ།། གསུང་གི་འདུལ་བའི་དོན་དུ་ནི།། དེ་དག་འཁོར ་ལོ་བསྐོར་བར་མཛད།། རྩ་བ་ཅིར་ཡང་འགྱུར་བའི་བྷྲཱུཾ།། རིན་ཆེན་ཡེ་ཤེས་སྣ་ཚོགས་པ།། ཕྱི་ནང་མཐའ་དབུས་རྒྱ་བྲལ་བའི།། ཆོས་དབྱིངས་འོག་མིན་གཞལ་ཡས་ཁང་།། རང་རང་ས་བོན་བསྐྱེད་པ་དང་།། གནས ་དང་བྱིན་གྱིས་བརླབས་པ་ཡི།། རྡོ་རྗེ་འཛིན་དང་རྒྱལ་བ་འཛིན།། སངས་རྒྱས་ནོར་བུ་པདྨ་དང་།། ཤེས་རབ་འཛིན་པའི་རིམ་པ་བཞིན།། འཁོར་ལོའི་ཚུལ་བཞིན་གནས་པར་མཛད།། རང་རང་ས་བོན་ཇི་བཞིན ་པའི།། གནས་དང་བསྐྱེད་པའི་བྱིན་བརླབས་པ།། ནང་དང་སྦྱོར་བ་ལས་བྱུང་བ།། ལྔ་སྟེ་འབྱུང་བའི་རང་བཞིན་ཉིད།། རང་གི་བཙུན་མོ་སྤྱད་བྱ་སྟེ།། བདེ་སྐྱེད་འཁྲིལ་བའི་ཚུལ་དུ་གནས།། མིང་གི་དང་པོ་ལས་བྱུང ་བ།། རྣམ་ཤེས་བཞི་ཡི་མཉམ་ཉིད་ནི།། གནས་བསྐྱེད་ཐབས་ཀྱི་བྱིན་བརླབས་པས།། རང་གི་གནས་སུ་དེ་བཞིན་གཤེགས།། ཐུན་མོང་ཐུན་མོང་མ་ཡིན་པ།། ཡུལ་བཞི་བདེ་སྐྱིད་བཙུན་མོ་སྟེ།། ས་བོན་གནས ་བསྐྱེད་ཐབས་ལས་བྱུང་།། ཐབས་དང་འབྲེལ་བའི་ཚུལ་དུ་བཞུགས།། སྐྱེ་མཆེད་གནས་ཀྱི་རང་བཞིན་ལས།། མིང་གི་དང་པོ་ལས་བྱུང་བ།། གནས་དང་སྐྱེད་པ་ལ་སོགས་པའོ།། གནས་ནི་ཇི་བཞིན་གནས་པར ་འདོད།། ཐུན་མོང་ཐུན་མོང་མ་ཡིན་པའི།། དུས་བཞི་བཙུན་མོའི་རང་བཞིན་ནི།། དགྱེས་པ་སྐྱེད་པའི་ལྷ་མོ་སྟེ།། གཉིས་མེད་འཁྲིལ་བའི་ཚུལ་དུ་གནས།། དགུག་དང་བསྡམ་དང་བསྐྱོད་པ་དང་།། དགྱེས་པ་ཆེན་པོའི ་རང་བཞིན་ཉིད།། ཚིམ་དང་མེ་ཏོག་གཏོར་བ་ཡིས།། གཉིས་མེད་ལྷན་ཅིག་གསལ་བ་ཡིས།། མ་ལུས་ཁྱབ་ཅིང་གསལ་བར་བྱེད།། འདི་དག་དབྱེ་དང་དབབ་པ་དང་།། ཐིམ་དང་བདེ་བས་ཚིམ་པ་དང་།། རིམ་པ ་བཞིན་དུ་ཡང་དག་གནས།། གང་དུ་རང་གི་ས་བོན་ལས།། གོང་མ་ཇི་བཞིན་གསལ་གྱུར་པས།། ལུས་ཀྱི་ཆོས་བཞིའི་ངོ་བོ་ནི།། ཏ་ཀྲྀཏ་སྒོ་སྲུང་ཚུལ་དུ་གནས།། གཞན་དག་རང་གི་བཙུན་མོ་ནི།། ལྷ་མོ་བཞི་ཡི་དང ་པོ་ལས།། ཐུན་མོང་ཐུན་མོང་མ་ཡིན་པའི།། མཚན་མ་འཇོམས་ཤིང་འཁྲིལ་བས་འཁོད།། མ་ལུས་འདུས་པའི་ཡེ་ཤེས་ནི།། དམིགས་པ་གསུམ་ལས་འདས་པ་སྟེ།། ཡུལ་གསུམ་འདས་པའི་འདུས་མ་བྱས།། དེ་ཉིད ་འདུས་པའི་ཡེ་ཤེས་དབྱིངས།། ཀུན་གྱི་རང་བཞིན་ཉིད་ཅེས་བཤད།། ཐབས་དང་ཤེས་རབ་ལ་སོགས་པ།། ཐུན་མོང་ཐུན་མོང་མ་ཡིན་པའི།། ཆགས་སོགས་མཚན་མ་དྲུག་པོ་ནི།། ས་བོན་གནས་བསྐྱེད་ལས་བྱུང ་པའི།། སྤྲུལ་པའི་སྐུ་ནི་མངོན་པར་བརྗོད།། རང་བྱུང་རྟེན་གྱི་ཐིག་ལེ་ཉིད།། ཕྱག་རྒྱ་བཞི་ཡི་སྦྱོར་བ་ལས།། དགའ་དང་ཆགས་དང་བདེ་བ་དང་།། ཡེ་ཤེས་ཉིད་ནི་གསལ་བར་འབྱུང་།། སེམས་ལྔ་ཡེ ་ཤེས་ལྔར་སྨིན་པའི།། ཡེ་ཤེས་ཐིག་ལེ་གནས་འཕོས་ནས།། རང་འདོད་གནས་ལ་ཕོག་པར་མཛད།། ཉི་ཟླ་རིག་པའི་ཐིག་ལེར་བཅས།། ཕན་ཚུན་འདྲེས་པར་གྱུར་པ་ན།། ལྔ་དང་ལྔར་ནི་མི་ཕྱེད་པས།། རིག་པའི་མེ ་ཏོག་དོར་ཞེས་བརྗོད།། གང་གིས་གང་ལ་གསོལ་བཏབ་པས།། ཐུགས་རྗེ་བྱིན་བརླབས་སྦྱངས་བྱས་ནས།། ཐུགས་བཞུགས་འདྲེས་ནས་དབྱེར་མེད་པ།། སྲས་གྱུར་དགོངས་པ་གཅིག་ལ་གནས།། རང་བྱུང་གནས ་དང་མི་འགལ་ཞིང་།། འབྲས་བུ་ཉིད་ལས་གཞན་མིན་པས།། མ་ལུས་འཁོར་ལོ་ཐིག་ལེ་རྣམས།། བདག་གི་སྲས་སུ་བསྒོམ་པར་བྱ།། ལམ་དང་འབྲས་བུའི་ཁྱད་པར་དང་།། རྟོག་པ་ཡེ་ཤེས་འོད་ལས་བྱུང་།། བྱིན ་རླབས་འབྲས་བུ་དངོས་འབྲེལ་བས།། དེ་བཞིན་གཤེགས་པའི་སྲས་ཚོགས་བསྒོམ།། རང་གི་མ་བཅོས་དངོས་ཉིད་ལས།། རྟོགས་པའི་ཡེ་ཤེས་བྱིན་རླབས་ཉིད།། མ་ལུས་སྣང་བས་རྒྱ་མཚོ་སྟེ།། དམན་དང་རིགས ་ཆད་སྤྱོད་ཡུལ་མིན།། མ་ལུས་སྐུ་གསུང་ཐུགས་སྦྱོར་བའི།། དེ་ཉིད་ཐབས་དང་ཤེས་རབ་སྟེ།། དབྱེར་མེད་ཐིམ་པས་ཕྱག་རྒྱ་བཞི།། གཉིས་མེད་འདྲེས་པའི་ཚུལ་དུ་གནས།། གནས་ལྔར་ཐིམ་པའི་ཐིག་ལེ་ནི།། སངས ་རྒྱས་ཀུན་གྱི་རང་བཞིན་ཏེ།། ཡེ་ཤེས་ལྔ་ཡི་དབང་བསྐུར་ཕྱིར།། དབུ་རྒྱན་ཅོད་པན་ལྡན་པར་བརྗོད།། གནས་གསུམ་ཡི་གེའི་རང་བཞིན་ཉིད།། སངས་རྒྱས་ཀུན་གྱིས་བྱིན་བརླབས་པ།། ཐིམ་པས་གཟི་བྱིན་བསྐྱེད ་པ་སྟེ།། སྐུ་གསུང་ཐུགས་ཀྱི་རང་བཞིན་ནོ།། དངས་མ་འདུས་པའི་ཐིག་ལེ་ལ།། ཡེ་ཤེས་ལྷུན་རྫོགས་ལྔ་ཡི་རོས།། མ་ལུས་ཀུན་ལ་རྒྱས་བཏབ་པས།། ཡེ་ཤེས་ལྔ་ཡི་ཚུལ་དུ་གནས།། ཉི་ཟླ་འདུས་པའི་ཐིག་ལེ ་ཉིད།། རྔམས་དང་ཐབས་ཀྱི་རང་བཞིན་ལས།། གསང་བའི་ཡེ་ཤེས་ལྔ་ཡི་རོས།། ཁྱབ་པས་གཉིས་སུ་མེད་པར་གསལ།། འཁོར་ལོ་གསུམ་གྱི་ཐིག་ལེ་ཉིད།། ཡི་གེ་གསུམ་དུ་རང་གནས་པས།། ཐབས་ཀྱི་སྦྱོར་བས ་གཉིས་སུ་མེད།། སྐུ་གསུང་ཐུགས་ཀྱི་སྦྱོར་བའོ།། གཡས་གཡོན་ཐིག་ལེ་དབུས་གནས་པས།། ཡབ་ཡུམ་བདེ་བའི་ཐབས་དང་བཅས།། རང་ལུས་བདེ་ཆེན་གསལ་འབར་གནས།། སྐུ་གསུང་ཐུགས་ཀྱི་ཕྱག་རྒྱར ་སྣང་།། གཞན་ཡང་གསུང་གི་ཕྱག་རྒྱ་མཆོག། ཇི་ལྟར་འདུལ་བ་དེ་ཉིད་དུ།། རྟོགས་འདུལ་གཉེན་པོ་ཐབས་སུ་སྣང་།། དེ་ཉིད་མཚན་མར་བསམ་མི་ཁྱབ།། སངས་རྒྱས་མ་ལུས་ཕྱོགས་བཅུ་རྣམས།། ཐུགས་རྗེ་ཡེ ་ཤེས་སྣ་ཚོགས་ཀྱིས།། གསུང་གིས་དེ་ལྟར་བསྟན་པའི་ཕྱིར།། གསུང་གི་ཕྱག་རྒྱའི་ངོ་བོར་ཤར།། བརྗོད་དང་བརྗོད་བྱ་དབྱེར་མེད་པའི།། རང་བྱུང་གསུང་གི་དཀྱིལ་འཁོར་ཉིད།། མ་ལུས་འདུས་པའི་གསུང་མཆོག ་ཉིད།། ཇི་ལྟར་འཚམས་པའི་ཚུལ་དུ་སྣང་།། སངས་རྒྱས་ཀུན་གྱི་གསུང་ཉིད་ནི།། མ་ལུས་ཀུན་དང་དབྱེར་མེད་པས།། རྟོགས་དང་བསྒོམ་དང་བརྗོད་པ་ཡི།། བྱིན་རླབས་སྐྱོབ་པས་སྔགས་སུ ་བརྗོད།། རྒྱུད་ཆེན་སྒྱུ་འཕྲུལ་དྲ་བ་ལས།། ཐོག་མཐའ་མེད་པའི་བྱང་ཆུབ་སེམས།། གསུང་མཆོག་ཕྱག་རྒྱ་མཐའ་ཡས་པ།། མ་ལུས་འདུས་པའི་ངོ་བོ་ཉིད།། ཇི་སྙེད་ཕྱོགས་བཅུའི་འཇིག་རྟེན་དུ།། ཆོས་ཀྱི་ཕུང་པོ ་དཔག་མེད་པ།། འདུལ་བའི་ཐབས་སུ་གསུངས་པ་ཡང་།། སྒྱུ་འཕྲུལ་དྲ་བའི་གསུང་དུ་འདུས།། ཟབ་མོ་རྟེན་ཅིང་འབྲེལ་འབྱུང་བའི།། རིན་ཆེན་རྒྱ་མཚོའི་རྒྱུད་ཆེན་འདི།། སྐུ་གསུང་ཐུགས་དང་བྱ་བ་དང་།། སྤྱོད་དང ་རྣལ་འབྱོར་རྒྱུད་ཆེན་རྣམས།། མ་ལུས་འདུས་པའི་སྙིང་པོར་གནས།། སངས་རྒྱས་ཀུན་གྱི་བྱིན་བརླབས་པའི།། རང་བྱུང་གསུང་ཉིད་རང་སྣང་བས།། བསྟན་པ་རྒྱ་མཚོའི་རང་བཞིན་ཏེ།། ཐུགས་རྗེས་གདུལ་བྱའི་དོན ་དུ་སྣང་།། ཞེས་ཉིད་ལ་ཉིད་བརྗོད་དོ།། སྒྱུ་འཕྲུལ་རྒྱ་མཚོའི་རྒྱུད་ལས།། གསུང་གི་དཀྱིལ་འཁོར་མངོན་དུ་ཕྱུང་བའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་དགྱེས་ཆེན་པོས།། ལུས་རྟོག་ཕུང་པོར་བཅས་པ ་རྣམས།། བདེ་ཆེན་ལྷུན་གྲུབ་བྱིན་བརླབ་ཕྱིར།། ཐུགས་ཀྱི་དཀྱིལ་འཁོར་བཤད་པར་མཛད།། ཐབས་དང་ཤེས་རབ་རང་བཞིན་ནི།། སྒྱུ་འཕྲུལ་དྲ་བའི་མཚན་ཉིད་དོ།། བདེ་ཆེན་ཐིག་ལེར་མངོན་རྫོགས་པ།། ཕྱི་ནང ་སྣོད་བཅུད་ཐམས་ཅད་ནི།། བདེ་ཆེན་བྱང་ཆུབ་སེམས་ཀྱི་རྒྱ།། བདེ་ཆེན་ཐིག་ལེས་རྒྱས་བཏབ་པས།། འདའ་དཀའ་རང་བཞིན་མི་ཤིགས་པ།། ཤེས་རབ་སྟོང་ཉིད་ཉི་མ་སྟེ།། རིན་ཆེན་གསང་དཀྱིལ་ཟླ་ཐིག ་ལེ།། སེམས་ལྔ་གཉིས་སྦྱོར་བྱང་ཆུབ་སེམས།། ཡེ་ཤེས་ལྔ་རུ་གསལ་བ་ཉིད།། ཡེ་ཤེས་དཀྱིལ་འཁོར་དཔག་མེད་པ།། སངས་རྒྱས་དཀྱིལ་འཁོར་ཀུན་གྱི་རྒྱུ།། ཐིག་ལེ་འབྲེལ་ཅིང་རྩེ་ཕྲད་པ།། ཐབས་དང་ཤེས་རབ ་གཉིས་མེད་པའི།། ཉི་ཟླ་བསྣོལ་མར་དྲངས་པ་ལས།། བདེ་ཆེན་ཉམས་མྱོང་གཅིག་ཏུ་གསལ།། དངས་མ་ཐིག་ལེར་གསང་ཐིམ་པས།། བདེ་བའི་ཐིག་ལེ་འཕྲོ་འདུ་མེད།། རང་བྱུང་བདེ་ཆེན་འོད་གསལ་བ།། སངས ་རྒྱས་དཀྱིལ་འཁོར་ལྷུན་གྱིས་གྲུབ།། ཕུང་སོགས་རྟོག་པ་མ་ལུས་ཀུན།། བདེ་བའི་ཡེ་ཤེས་ལྔ་རུ་གསལ།། དེ་ཉིད་བཅུ་གསུམ་སངས་རྒྱས་ལ། ས་ཡིན་ནམ།། ཡེ་ཤེས་དབྱིངས་ཡིག་རང་གནས་པའི།། ཁམས་གསུམ ་འདུས་པའི་ཐབས་ལས་སྐྱེས།། སྐྱེས་པ་ཉིད་ན་བདག་ཏུ་གསལ།། བཅཝ་བརྒྱད་ཁམས་སོགས་བཏགས་པ་ཀུན།། དངོས་མེད་ལྷན་ཅིག་ཡེ་ཤེས་ཆེ།། སྐྱོན་རྐྱེན་ཡང་། བྲལ་སེམས་ལྔས་འཕོ་འཇིགས་པས།། གོ་ཕྱེ ་ཉིད་ན་ཡེ་ཤེས་ལྔ།། གཉིས་སུ་མེད་པའི་བྱང་ཆུབ་སེམས།། ཀུན་སྤངས་བྲལ་བས་གང་མེད་པ།། སྣང་མེད་སྣང་བ་དམ་པའོ།། རང་བྱུང་ཐིག་ལེ་བྱང་ཆུབ་སེམས།། རྟེན་དང་བརྟེན་པ་དབྱེར་མེད་པ།། གསང ་བའི་ཐིག་ལེ་ཉམས་དང་བཅས།། རྣམ་ཤེས་རླུང་གིས་མངོན་བསྡུས་པའི།། ཁམས་གསུམ་ཐབས་ཀྱི་ཡེ་ཤེས་ཆེ།། རྩེ་མོ་འབྲུ་གསུམ་གནས་མཐོང་བ།། རྫས་ལྔའི་ཡེ་ཤེས་སོ་སོར་གསལ།། ཉི་ཟླའི ་ཁམས་འདྲེས་གྲངས་མཉམ་སྦྱོར།། འཕེལ་འགྲིབ་མེད་པའི་ཡོན་ཏན་མཛད།། ཚོགས་དྲུག་ཡེ་ཤེས་ཆ་ལྔ་མཉམ།། ཐབས་ལས་བཟློག་པས་སྔོན་གནས་ཤེས།། འགྲོ་འོད་རྫུ་འཕྲུལ་ངེས་ལུང་གསལ།། བརྗོད ་འདྲར་ཟོས་ཤིང་ས་གསུམ་མཐོང་།། ཕུང་ཁམས་ཡུལ་གྱི་ཟག་པ་མེད།། ཨཱ་ལི་ཀ་ལི་བདེ་བ་ཉིད།། ཕན་ཚུན་མ་འདྲེས་གཅིག་པར་ཤེས།། བཅུ་དྲུག་ངོ་གཉིས་མཚན་དང་ལྡན།། ཕྱོགས་གཅིག་ཡེ་ཤེས་ལྔ་ལྡན ་པ།། བརྒྱད་ཅུ་བཟོད་པའི་རྒྱུ་ལས་འཕགས།། ཐིག་ལེ་གཉིས་མེད་བདེ་ཆེན་ཉིད།། རྣམ་པ་བདེ་བ་རང་བཞིན་གཅིག། ཐབས་དང་འབྲེལ་བའི་རང་བཞིན་ལ། འོག་གི་བདེ་ཆེན་བླ་དགས་སོགས་ཤློ་ཀ་བར་འདིར ་ཡོད་པའང་འདུག། ཕྱག་རྒྱ་ཐུགས་སོགས་གདོད་ནས་རྫོགས།། ཕྱོགས་དུས་མ་ལུས་ཐམས་ཅད་ནི།། བདེ་ཆེན་ཕྱག་རྒྱར་གསལ་འབར་བས།། སྒོ་གསུམ་བྱ་རྩོལ་མ་ལུས་པ།། མུན་པ་སྣང་བར་གྱུར་པ་ཀུན།། བདེ ་ཆེན་གསལ་བས་རྩོལ་བ་མེད།། སྟེང་འོག་གཡས་གཡོན་གཉིས་མེད་དུ།། བདེ་ཆེན་འཁྲིལ་བའི་རང་བཞིན་ལ།། བདེ་ཆེན་ཕྲ་རགས་ཡོངས་རྫོགས་པས།། ཡུལ་དབང་རྣམ་ཤེས་དུས་དང་བཅས།། ཕྱག་རྒྱ་བཞི ་སོགས་རྣམ་པ་ཀུན།། བདེ་བ་ཆེན་པོའི་ངོ་བོར་གནས། རྟོགས་ཀྱང་།། ཁམས་བཞི་འདུས་པའི་སྐུ་གསུང་ཐུགས།། རང་བྱུང་ཐུགས་སུ་རང་དག་པའི།། གནས་དྲུག་ལམ་གསུམ་རང་གནས་པའི།། ཐབས་ཀྱི་དྲག་པོ་མེ ་བྱུང་བས།། བཞུ་བའི་བདེ་བའི་ལྟེ་བ་ཡིས།། ཨར་ཐིམ་སྤྲུལ་པའི་གསང་ཐིག་ལེ།། ཡེ་ཤེས་ནམ་མཁའ་འབྱུང་བའི་རྒྱུ།། བདེ་ཆེན་རྒྱུ་ལས་ཆར་རྒྱུན་སེམས།། རིམ་པར་གནས་ཐིམ་ཁམས་གསུམ་པ།། ཡེ་ཤེས་ལོ ་འདབ་འབྲས་བུ་བསྐྲུན།། འགྲོ་བ་ཆགས་པ་ཅན་མཐོང་ན།། ལུས་དང་ཕུང་པོར་བཅས་པ་རྣམས། མ་སྤངས་འདོད་ཡོན་ལོངས་སྤྱོད་ཀྱིས།། དགའ་མགུ་ཆགས་པའི་རོར་བཅས་པས།། བདེ་ཆེན་ཚིམ་ཞིང་གང་བར ་མཛད།། ཕྱི་ནང་སྣོད་བཅུད་དྲན་རྟོག་ཀུན།། ཐིག་ལེ་གཉིས་ཀྱི་སྦྱོར་ཐབས་ལས།། དྲུག་དུག་ཀྱང་འགྱུར་ཆགས་པ་རང་སེལ་ལྟར།། ཐབས་ཆེན་གསང་བས་གྲོལ་བར་མཛད།། ཕྱོགས་བཅུ་ཀུན་འདུས་བྱང་ཆུབ ་སེམས།། གཉིས་མེད་རོལ་པའི་བྱིན་རླབས་ཀྱིས།། རྡོ་རྗེ་གསུམ་གྱིས་ལམ་མཚོན་ཏེ།། མ་སྐྱེས་དོན་གྱི་སྙིང་པོར་ཐིམ།། སྤྲུལ་པའི་ཐིག་ལེར་རང་ཤར་བས།། བདེ་བ་ཆེན་པོའི་ངོ་བོར་སྨིན།། ཁ་དོག་ཆ་བྱད་རང ་ཉམས་དག། བདེ་བ་ཆེན་པོར་ཀུན་འགྱུར་བས།། དེ་ནས་སྣང་མཛད་རྡོ་རྗེར་བཅས།། ཡོན་ཏན་གསུང་མཆོག་ལས་སུ་བཅས།། སྤྱན་དང་ནམ་མཁའ་ལྷ་མོ་ལྔ།། དབང་པོ་ཡུལ་སེམས་དུས་བཅས་པ།། རང་རང་བདེ ་བའི་ཐིག་ལེས་རྒྱས།། བདེ་བའི་ཆོ་འཕྲུལ་ཕྱོགས་བཅུར་སྣང་།། ལ་ལ་བལྟ་ཞིང་ཆགས་པ་དང་།། ལ་ལར་འཁྱུད་ཅིང་རྨོངས་མཛད་དེ།། བསྡམས་པས་བཞད་དང་ཞལ་སྤྲོད་དང་།། དགོད་དང་སྒེག ་དང་འཛིན་པ་དང་།། བསྐྱོད་དང་ཕྱོགས་བཅུར་བགྲོད་པ་ཡིས།། མ་ཆགས་པ་ནི་དེ་བཞིན་ཏེ།། ཆགས་པ་སྨིན་ཅིང་རྒྱས་པར་མཛད།། རྨོངས་དང་བརྒྱལ་བས་ཀུན་བསྡུས་ཏེ།། མ་ལུས་བདེ་བ་ཆེན་པོར་ཐིམ།། བདེ ་ཆེན་གསང་བའི་ཕྱག་རྒྱ་ཡིས།། ནམ་མཁའི་དབྱིངས་ལྟར་རྒྱས་བཏབ་པས།། ཐམས་ཅད་བདེ་བ་ཆེན་པོའི་དབྱིངས།། རང་བྱུང་གསང་བ་ཐིག་ལེའི་དབྱིངས།། ཐམས་ཅད་མ་ལུས་བྱང་ཆུབ་སེམས།། རང་སྣང་དཀྱིལ ་འཁོར་ཕྱག་རྒྱའི་ཚོགས།། གཉིས་མེད་ཡེ་ཤེས་སྣ་ཚོགས་མཆོག། མི་དམིགས་མི་གནས་དེ་བཞིན་ཉིད།། རྒྱལ་བའི་དཀྱིལ་འཁོར་མ་ལུས་པ།། སྐུ་གསུང་ཐུགས་ཀྱི་དེ་བཞིན་ཉིད།། དག་མཉམ་བདེ་བས་རྒྱས་བཏབ ་ཅིང་།། དུས་བཞི་མཉམ་པའི་ངོ་བོར་གསལ།། འཇིག་རྟེན་འདས་དང་འཇིག་རྟེན་པ།། མ་ལུས་ཐུགས་ཀྱི་དཀྱིལ་འཁོར་ཉིད།། སངས་རྒྱས་བྱང་ཆུབ་སེམས་དཔའ་དང་།། ཞིང་དང་འཁོར་ལོ་རོལ་མོར་བཅས།། ཇི ་སྙེད་དངོས་དང་དངོས་མིན་པ།། ཐམས་ཅད་བདེ་བ་ཆེན་པོ་ཉིད།། ལམ་དང་བྲལ་བའི་ཁྱད་པར་དང་།། ཡོན་ཏན་ལྷུན་རྫོགས་བསམ་མི་ཁྱབ།། ནམ་མཁའི་དབྱིངས་དང་མཉམ་པ་ཡི།། སྒྱུ་འཕྲུལ་དྲ་བའི་དཀྱིལ ་འཁོར་སྣང་།། ཐབས་ཆེན་ཐབས་ལས་བྱུང་བ་ཡི།། བྱང་ཆུབ་བདེ་མཆོག་ཐིག་ལེ་ཉིད།། མི་ཕྱེད་བདེ་ཆེན་རོ་གཅིག་པ།། སྐལ་ལྡན་དག་པས་མངོན་གྱུར་པ།། སངས་རྒྱས་ཞིང་གི་རྡུལ་སྙེད་དུ།། ཆེ་བའི་ཡོན་ཏན་ཀུན ་སྤྲོ་ཞིང་།། མཛད་པ་སྣ་ཚོགས་རོལ་པར་སྟོན།། མཉམ་ཉིད་དབྱིངས་ལས་གཡོས་པ་མེད།། དབང་ཕྱུག་རྒྱལ་བ་རྒྱ་མཚོ་རྣམས།། སྐུ་གསུང་ཐུགས་ནི་རྡོ་རྗེ་ཡི།། ནམ་མཁའི་དབྱིངས་ཀྱི་མཐའ་ཀླས་པའི།། དགྱེས་ཆེན ་རོ་ཡིས་ཁྱབ་བྱས་ནས།། བདེ་བ་ཆེན་པོའི་ཚོགས་སུ་སྣང་།། རྡོ་རྗེ་སློབ་དཔོན་ཐབས་ལྡན་གྱིས།། ཕ་རོལ་དག་པར་བྱ་བའི་ཕྱིར། སྐབས་གསུམ་དག་ནི་མ་གཏོགས་པར།། བྱང་ཆུབ་སེམས་ནི་འཕྲོ་བ་མིན།། བདེ། ་བའི་ཐིག་ལེ་ཡོངས་རྫོགས་པས།། བཅུ་དྲུག་རྫོགས་པའི་ཚུལ་དུ་གནས།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་དྲ་བ་རྒྱ་མཚོའི་རྒྱུད་ལས།། ཐུགས་ཀྱི་དཀྱིལ་འཁོར་གྱི་ལེའུ་སྟེ་བརྒྱད་པའོ།། །། དེ་ནས ་བཅོམ་ལྡན་དགྱེས་ཆེན་པོས།། རྡོ་རྗེ་གསང་བ་དམ་ཚིག་མཆོག། ངེས་པ་ལས་ནི་གྱུར་པ་ཡི།། དཀྱིལ་འཁོར་ཉིད་ནི་ངེས་པར་བཤད།། གང་དུ་ཕྱི་ནང་སྣོད་བཅུད་དང་།། དབང་པོ་ཡུལ་སེམས་མ་ལུས་པ།། བདེ་ཆེན ་ཞིང་དུ་ཀུན་མཉམ་ཕྱིར།། ས་གཞི་རབ་ཏུ་མཉམ་པར་བྱ།། ཕྲ་བའི་དམ་ཚིག་ལ་གནས་པས།། ཕྱི་དང་ནང་ལ་གོམས་པས་ནི།། སོར་བཞི་མཛུབ་གང་ཚད་དུ་བྱ།། སྦྱངས་དང་དྲི་བསྐྱེད་ཡིད་འཇུག་པའི།། ཆགས་པའི ་དམ་ཚིག་བླང་བར་བྱ།། བཅུ་གཉིས་བཅུ་དྲུག་ལ་གནས་ཤིང་།། ཉི་ཤུའམ་ཉི་ཤུ་ལྔ་ཡི་ཚད།། དབང་པོ་པདྨ་རབ་རྒྱས་ལ།། རང་བཞིན་རིག་པར་ཐིག་བཏབ་ལ།། རང་རང་རིགས་ལས་བརྟགས་པ ་བཞིན།། མཚན་མ་གསལ་བསྐྱེད་བྱིན་གྱིས་བརླབ།། ཡེ་ཤེས་མཚོན་པའི་དོན་ཕྱིར་འདོད།། ལུས་དང་བྷ་གའི་རང་བཞིན་དང་།། རང་གི་རིག་པའི་དཀྱིལ་འཁོར་ཉིད།། དབང་དང་ཁྱད་པར་ཇི་བཞིན་དུ།། རིམ་པ ་བཞིན་དུ་མཁས་པས་བརྟགས།། ལུས་རྩ་ཡན་ལག་སྙིང་དུ་བཅས།། དཀྱིལ་འཁོར་རྒྱན་དུ་ངས་བཤད་དེ།། མ་ལུས་གཞན་ཡང་སྙིང་པོར་བཤད།། ཡབ་ཡུམ་དངོས་གྲུབ་རང་བཞིན་ཉིད།། རྡོ་རྗེ་གསུམ་དུ་ངེས ་གསལ་ཞིང་།། སངས་རྒྱས་རྡུལ་སྙེད་སྐུ་གསུང་ཐུགས།། མཉམ་སྦྱོར་མ་འདྲེས་མཉམ་པ་ཉིད།། གང་གིས་གང་ལ་གསལ་གོམས་པ།། དེ་དག་གསལ་བའི་ཚད་ལྡན་པ།། དེ་ཡིས་དེ་ལ་བྱིན་བརླབ་ཕྱིར།། ལྷག་པའི ་ཏིང་འཛིན་སྟོབས་ཀྱིས་བྲི།། བདག་གཞན་བྱིན་རླབས་ནུས་ལྡན་ཕྱིར།། རྒྱལ་བའི་དཀྱིལ་འཁོར་རྡུལ་སྙེད་པ།། ཟབས་དང་ཤེས་རབ་ངོ་བོ་ཡིས།། གང་འདོད་ཐིམ་པར་བྱིན་བརླབས་ནས།། རྒྱན་ཕྲེང་མཛེས་པས ་ཚུལ་བཞིན་བྱ།། བདུད་རྩི་ལོངས་སྤྱོད་ཚོགས་ལྡན་པ།། བདག་ཉིད་མཉེས་པར་བྱ་ཕྱིར་བརྩམ།། ལོངས་སྤྱོད་ཁམས་དང་གསང་བར་བཅས།། མེ་ཡི་ཆོ་ག་རབ་ལྡན་པ།། ཐབས་ཀྱི་ཆོ་ག་ཇི་བཞིན་དུ།། ལས་བཞིའི ་སྦྱིན་སྲེག་བརྩམ་པར་བྱ།། གལ་ཏེ་མཚན་མ་སྦྱངས་པ་ན།། ཚད་དཔག་མེད་པའི་བག་ཆགས་རྣམས།། ལས་དང་སྦྱོར་བས་བྱང་བྱས་ནས།། སྔ་ཕྱི་རིམ་པར་བར་གཅོད་པའི།། བགེགས་རྣམས་ཁྲོ་བོའི་སྦྱོར་བས ་སྤང་།། མཚན་མ་བཀོད་པའི་ཡམ་ཤིང་ལ།། གཉེན་པོའི་སྦྱོར་བས་བསྲེགས་སྦྱངས་ནས།། བཤགས་དང་བྱིན་བརླབས་ཆོས་ལྡན་པས།། དག་པ་གསུམ་ལ་གནས་བཅས་ནས།། དམ་ཚིག་ཡེ་ཤེས་བསྐྱེད་བསྒྱུར ་བསྟིམ།། མཆོད་བསྟོད་བཟླས་པས་རྟགས་ཐོབ་ཅིང་།། ཏིང་འཛིན་གསལ་བརྟན་གོམས་པ་དང་།། དབང་དང་དམ་ཚིག་ལྡན་གྱུར་ནས།། ལྷག་པའི་གཟུགས་བརྙན་གང་འཚམས་པར།། བསེག་སྤྱང་ཆོ་ག་རྒྱས་པར ་བརྩམ།། ལྟས་བརྟག་ལས་ཀྱི་རིམ་པར་བྱ།། གང་དུ་ཆགས་པའི་དཀྱིལ་འཁོར་དང་།། ཆགས་པའི་གླུ་དང་གར་དག་དང་།། དེ་བཞིན་མཉེས་ཚུལ་སྣ་ཚོགས་པའི།། བྲོ་གར་སྤྲིན་ཚོགས་རྣམས་ཀྱིས་མཆོད།། གང་དུ ་གཉིས་མེད་དཀྱིལ་འཁོར་ནི།། ནམ་མཁའི་ཚད་དང་མཉམ་སྦྱོར་བས།། བདེ་མཆོག་སྒྱུ་འཕྲུལ་དྲ་བ་ཉིད།། སྣ་ཚོགས་འབར་ཞིང་ཁྱབ་པར་གསལ།། གང་ཟག་མོས་པའི་དོན་དུ་ནི།། དཀྱིལ་འཁོར་བཞིར་ནི་སྣང་གྱུར ་ཏེ།། འཇུག་དང་དམ་ཚིག་ལྡན་པ་ལ།། དབང་བསྐུར་ཆོ་གས་ལེགས་པར་སྨིན།། ཆགས་པའི་དམ་ཚིག་ལ་གནས་པའི།། བདེ་བ་ཆེན་པོའི་མན་ངག་འདི།། དཀའ་ཐུབ་ཅན་དང་རྒན་པོ་དང་།། མ་ནིང་བྱིས་པའི་སྤྱོད ་ཡུལ་མིན།། གང་དུ་ཆགས་པས་བཅིངས་པ་རྣམས།། ཆགས་པ་ཉིད་ཀྱིས་རྣམ་གྲོལ་ཞིང་།། ཉོན་མོངས་རྟོག་པ་ཇི་སྙེད་པ།། ཐོབ་དང་ལྡན་པས་རོ་མྱང་བའི།། འཇིག་རྟེན་ཆགས་པ་འཇིག་དུས་སུ།། དེ ་དག་ཐང་གཅིག་རྣམ་པར་གྲོལ།། དབང་པོ་ཀུན་ལས་རབ་འདས་པའི།། བདེ་བ་ཆེན་པོའི་རང་བཞིན་དུ།། མ་ལུས་གསལ་བར་མཉམ་སྦྱོར་བས།། དཀའ་ཐུབ་ཐ་མལ་གཙང་སྨེ་དང་།། རེ་དོགས་བག་ཚ་རྣམ་པར ་སྤངས།། འཇིག་རྟེན་མུན་པ་རྣམ་བསལ་ནས།། ད་ལྟ་ཉིད་དུ་རྣམ་གྲོལ་བས།། མུན་པ་ལ་ནི་མར་མེ་བཞིན།། ཕྱིས་འཇོག་འབད་རྩོལ་མེད་པར་མཛད།། དེ་ཉིད་རྡོ་རྗེ་སེམས་དཔའ་སྟེ།། བཙུན་མོའི་ཚོགས་དང་རོལ ་མཛད་ཅིང་།། རྡོ་རྗེ་པདྨ་མཉམ་སྦྱོར་ནས།། འོ་དང་འཁྱུད་པས་གར་མཛད་ཅིང་།། བྱང་ཆུབ་སེམས་དཔའ་རྡུལ་སྙེད་དང་།། ལྷ་མོ་རྡུལ་སྙེད་བཅས་པ་ཀུན།། སྤྱན་ནི་ཆགས་པས་གཟིགས་མཛད་ཅིང་།། སྔ་ཕྱི་དྲན ་རྟོག་ཀུན་འགགས་ནས།། བདེ་བ་ཆེན་པོར་རབ་ཏུ་འབར།། ཞིང་ཁམས་སྣོད་བཅུད་བཅས་པ་དག། སྒྱུ་མ་ཆུ་ཟླ་བྲག་ཆ་དང་།། དྲི་ཟའི་གྲོང་ཁྱེར་བཞིན་དུ་མཐོང་།། དེ་ཕྱིར་རྣམ་དག་ལྷ་མོ་ཡི།། པདྨར་རྡོ་རྗེའི་ཐབས ་རེག་པས།། བསྐལ་པར་བསགས་པའི་མུན་པ་དངས།། དངོས་དང་དངོས་མེད་རྣམ་པར་སྤངས།། འདོད་ཆགས་དྲི་མེད་ཆགས་བྲལ་འཇོམས།། བདེ་ཆེན་འདོད་པ་བཞིན་དུ་འགྲུབ།། ཐབས་དང་ཤེས་རབ་གཉིས ་མེད་པའི།། གསང་བ་ཐབས་ཀྱི་བདེ་བསྐྱོད་པས།། བཅུ་གཉིས་ས་ལ་ཉི་ཤར་ཚེ།། ལུས་ཀྱི་ཆོས་བཞི་འདུས་བྱས་པས།། ཐིག་ལེ་ཁ་བསྒྱུར་ཕན་ཚུན་དུ།། དགོད་པའི་སྟོབས་ཀྱིས་སྤྱིར་གནས་ཚེ།། སྐུ་གསུམ་མི་ཟད ་འཁོར་ལོ་ཚོགས།། འབད་པ་མེད་པར་ཤུགས་ཀྱིས་འབྱུང་།། གནས་ཀྱི་གཞི་ལྔ་འབྲས་བུ་ཡང་།། ཐ་དད་རྒྱུ་མེད་དུས་གཅིག་ཁྱབ།། ཐབས་ཀྱི་དམ་པ་ང་ཡིས་བརྗོད།། རང་བྱུང་ཐོག་མཐའ་མེད་པ་ཡི།། ཐབས་དང ་ཤེས་རབ་ཉི་ཟླར་བཅས།། རེ་དོགས་འཇིགས་པ་སྤངས་བྱས་པས།། ཚེ་འདིས་སངས་རྒྱས་ལྷུན་གྱིས་འགྲུབ།། རྡོ་རྗེ་འདུས་པའི་སྙིང་པོ་དང་།། གེ་སར་བཅུད་བཅས་འབྲེལ་པ་ཡིས།། ཇི་སྙེད་ཀུན་འབྱུང་དངོས་འདི ་དག། རང་དབང་མེད་པར་རྣམ་པར་འཇིག། པདྨ་ཁ་ཕྱེ་ལྟ་བུ་ལ།། ཟླ་བ་རྒྱས་པའི་ཐབས་སྦྱོར་བ།། ཛཿཧཱུཾ་བཾ་ཧོཿཐབས་ལྡན་པས།། མཛེས་དང་ཆགས་དང་བདེ་བ་ཡི།། གྲོང་ཁྱེར་གཉིས་མེད་ངང་དུ་འཇིག། ཉི་ལྡན ་ཧཱུཾ་ཕཊ་ཨོཾ་དང་མུཾ།། བསྐྱོད་འདྲེས་བདེ་བ་ངོམས་པ་མེད།། ཐིག་ལེ་འཕོ་བའི་རྒྱུན་བཞིན་དུ།། དགའ་བའི་ཕྲེང་བས་རྒྱུ་འབྲས་འབྱུང་།། བརྗོད་དང་བྲལ་བ་ཀུན་གསལ་བ།། རིག་པའི་གསུང་དབྱངས་གཉིས་མེད ་རྫོགས།། ཉི་ཟླ་འདྲེས་པས་ལྷར་བསྐྱོད་པ།། ས་ཡ་བཅུ་གསུམ་བཅུ་གསུམ་ལྷ།། ཕྱོགས་རིས་མེད་པར་ཀུན་ནས་ལྡང་།། དགྱེས་པ་ཆེན་པོའི་གར་ཡིན་ནོ།། བཅུད་འདུས་ཐིག་ལེ་ཐབས་སྦྱོར་བས།། འབྱུང་ལྡོག་བདེ ་བ་དགྱེས་པ་ཆེ།། མཱཾ་གྱི་སྒོ་ཕྱེ་ལས་བྱུང་བ།། པུཎྜ་རཱི་ཀའི་མེ་ཏོག་དག། གནས་སུ་འཕྲོས་པའི་ཆུ་སྐྱེས་དགའ།། དེ་ཉིད་སླར་ཐིམ་ཟབས་ལས་སྐྱེས།། དེ་ཚེ་ཡེ་ཤེས་གཉིས་གསལ་མི།། བདེ་བ་ཆེན་པོ ་ཀུན་ཏུ་གསལ།། མཐའ་གཉིས་རབ་མཉམ་ལྷུན་རྫོགས་པའི།། ཡེ་ཤེས་རྒྱལ་བ་ཀུན་གྱི་ཐུགས།། རིམ་ནས་རིམ་པར་བཅུ་དྲུག་གོ།། དང་པོ་བཞི་ཚོགས་གཉིས་སྦྱོར་ལམ།། གསུམ་པ་བཞི་མཐོང་བཞི་བསྒོམས ་པ།། ཐ་མར་ཐིམ་བརྗོད་རིམ་བཟློག་པ།། རིམ་པ་བཞིན་དུ་གསལ་གོམས་པས།། འགྲོ་འོད་མེད་པའི་ཐིག་ལེ་ཉིད།། འབྲས་བུའི་ངོ་བོར་ལྷུན་གྱིས་རྫོགས།། རང་བྱུང་ཡེ་ཤེས་ཐིག་ལེ་ལ།། འབྲས་བུའི་རོ་རྣམས ་རྫོགས་པར་ལྡན།། ངོ་བོ་ཐབས་ཀྱིས་མངོན་གསལ་ན།། འབྲས་བུ་ལྷུན་གྱིས་རྫོགས་པར་གནས།། ཞེས་ཉིད་ལ་ཉིད་གསུངས་སོ།། སྒྱུ་འཕྲུལ་རྒྱ་མཚོའི་རྒྱུད་ལས། རྡོ་རྗེ་བཀོད་པ་བྱིན་གྱིས་བརླབས་པའི་ལེའུ་སྟེ་དགུ ་པའོ།། །། དེ་ནས་བཅོམ་ལྡན་དགྱེས་ཆེན་པོ།། ཀུན་མཆོག་དབང་ཕྱུག་རྒྱལ་བ་ཡིས།། བྱིན་བརླབས་གསང་བ་རྟོགས་བྱའི་ཕྱིར།། རྡོ་རྗེ་བྱིན་བརླབ་མཆོག་ཏུ་མཛད།། གསང་བ་མཆོག་ལྡན་དབང་ཕྱུག ་གིས།། འཁོར་ལོ་རིམ་པར་བརྟགས་བྱས་ནས།། སྣོད་དང་མོས་པ་ཇི་བཞིན་དུ།། རབ་འབྲིང་ཐ་མའི་བསམ་པ་ལྟར།། ཕྱག་རྒྱ་མཛེས་པའི་རོལ་པ་དང་།། ཐིག་ལེ་མཆོག་ཏུ་འདྲེས་པ་ཡིས།། དྲི་མེད་དབང་བསྐུར ་གྲོལ་བར་མཛད།། སེམས་ཀྱི་ཐིག་ལེ་ཐོག་མཐའ་མེད།། རང་རིག་མཁྱེན་པའི་ཡེ་ཤེས་ལ།། ཀུན་མཆོག་ཐབས་ཀྱི་དབང་བསྒྱུར་བས།། ཚེ་འདིས་ངེས་པར་གྲོལ་བར་འགྱུར།། སངས་རྒྱས་ཀུན་གྱི་སྐུ ་གསུང་ཐུགས།། རྡོ་རྗེ་དབང་ཕྱུག་སྣང་བ་ཡིས།། སྣང་དང་ལྡན་པའི་གང་ཟག་ལ།། བྱིན་རླབས་དངོས་པོ་འཇུག་པར་འགྱུར།། དེ་ཚེ་སྟོབས་དང་ནུས་མཐུ་དང་།། བྱིན་རླབས་མངོན་ཤེས་ལ་སོགས་པ།། ཤེས་རབ་ཏིང ་འཛིན་ལ་སོགས་པ།། འདི་ཚེ་རྟགས་ནི་འབྱུང་བར་འགྱུར།། ཕྱག་རྒྱ་དབུ་རྒྱན་ཅོད་པན་དང་།། གདུགས་དང་བུམ་པ་བཟའ་བཏུང་དང་།། རྒྱལ་མཚན་གོ་ཆ་སྙིང་པོ་དང་།། ཕྲེང་བ་དག་གིས་དབང་བསྐུར་ཏེ།། དེ་ནས ་གླེགས་བམ་ཕྲེང་བ་དང་།། རྒྱ་གྲམ་འཁོར་ལོ་རྡོར་དྲིལ་ཉིད།། ནུས་པ་བརྟན་པོ་ཐོབ་པའི་ཕྱིར།། ཏིང་འཛིན་ལྡན་པས་སྦྱིན་པར་བྱ།། དེ་ནས་རྒྱལ་བའི་སྐུ་ཐོབ་པས།། གསུང་དང་ཐུགས་ལ་གནས་བྱའི་ཕྱིར།། གསང ་བ་ལ་སོགས་རིམ་པ་བཞིན།། མོས་པ་ཇི་བཞིན་བསྟན་པར་བྱ།། གཟུགས་དང་ལང་ཚོ་ལྡན་པ་དང་།། བཙུན་ཞིང་ན་ཚོད་དར་ལ་བབ།། དུལ་ཞིང་བློ་གྲོས་མཆོག་དང་ལྡན།། ཡོན་ཏན་ཕུན་སུམ་ཚོགས་པ ་དང་།། ཟས་དང་གོས་སོགས་རྗེས་བསྲུངས་ལ།། དམ་ཚིག་སྡོམ་ཕོག་དབང་བསྐུར་ནས།། ཐབས་དང་ཤེས་རབ་བྱིན་བརླབས་ནས།། མཆོད་བསྟོད་བཟླས་པ་མཐར་ཕྱིན་པ།། ཐིག་ལེ་ནུས་པ་བརྟན་ཕྱིན་ནས།། ཐ ་མལ་ཞེན་པ་སྤངས་པ་དང་།། གནས་ངན་ལེན་པ་དག་བྱའི་ཕྱིར།། ཐབས་དང་ཤེས་རབ་ཐིག་ལེའི་བཅུད།། རྩེ་ནས་རྩེ་རུ་ཕྱིན་པ་ཡིས།། རང་རིག་ལུས་ངག་སེམས་སུ་བཅས།། བདེ་བ་ཆེན་པོར་འབར ་བར་འགྱུར།། ལུས་ངག་སྒྲིབ་པ་དག་བྱས་ནས།། ཕྱིས་ནི་བདེ་ཆེན་གསལ་བར་བྱ།། ཉི་མ་ཟླ་བར་ལྡན་པ་ཡིས།། ཐིག་ལེ་རྒྱས་ཤིང་བརྟུལ་ཞུགས་ལྡན།། བྱིན་རླབས་མཉེས་པར་གྱུར་ནས་ནི།། འདོད་ཆགས་ཐིག་ལེ ་རྒྱས་བྱེད་པའི།། བསྟན་བཅོས་བྱེ་བྲག་བརྩམ་པར་བྱ།། ཤེས་རབ་ཐབས་ཀྱིས་གཡས་བཟུང་སྟེ།། སྟོད་སྨད་བཀུག་པས་ཀྱོ་བ་བལྟ།། དབང་པོ་ཡུལ་བསྡུས་འཁྱུད་པ་ནི།། གསང་བ་ཆེན་པོའི་ཞགས་པའོ།། སྟོད་སྨད ་ཤིན་ཏུ་བསྡམས་བྱས་ཏེ།། མ་སྐྱེས་མི་སྟོང་སྒྲོག་གི་ལས།། བསྐྱོད་པ་ཧ་སི་བདེ་སྒྲ་སྒྲོགས།། ཀུན་ཏུ་དྲག་ཏུ་བདེ་མྱང་ཧོ།། ཐབས་དང་ཤེས་རབ་ཡི་གེ་བཅུས།། མིང་དང་ལྷན་ཅིག་སྐྱེས་པ་བརྟག། སྣང་བ་གསུམ་ལས ་འདས་པ་ཡི།། རྣམ་རྟོག་དངས་ཤིང་བདེ་ཆེན་ལ།། སློབ་མས་བདེ་ཆེན་མྱོང་བའི་ཚེ།། ཕྱི་ནང་ཞེན་རྟོག་མ་ལུས་པ།། གཉིས་མེད་ངང་དུ་གནས་གྱུར་ནས།། ལྷན་ཅིག་སྐྱེས་པའི་ངོ་བོར་གསལ།། དབང་པོ་ཡུལ་སེམས ་ལྡན་པ་ཡིས།། དྲན་རྟོག་སྐྱེ་འགག་རྒྱུ་འབྲས་རྣམས།། སེམས་ལྔས་བདེ་བ་སྨིན་པ་དང་།། ས་བཅུའི་ཁྱད་པར་རྫོགས་པར་བྱ།། རྣམ་རྟོག་བྱ་བཙལ་ཡུལ་འདས་པའི།། བདེ་ཆེན་ཐིག་ལེ་མི་རྟོག་པ།། སངས་རྒྱས་ཀུན ་གྱི་ཐུགས་ཉིད་དེ།། གཉིས་མེད་བདེ་ཆེན་ངོ་བོར་བརྟག། སངས་རྒྱས་ཀུན་གྱི་བདེ་ཆེན་ནི།། རྒྱུ་འབྲས་འགྲོ་འོང་ཀུན་བྲལ་བ།། ཐབས་དང་ཤེས་རབ་མི་ཕྱེད་པ།། རྡོ་རྗེ་འཆང་ཆེན་གསང་བར་དགོངས།། མ་ལུས ་གསང་བར་རོ་གཅིག་པས།། ཡེ་ཤེས་སྒྱུ་མ་བདེ་ཆེན་པོ།། གཅིག་དང་དུ་མའི་ས་ལས་འདས།། ཡེ་ཤེས་རྩེ་མོ་མཆོག་ཏུ་འདོད།། རྡོ་རྗེ་སློབ་དཔོན་བྱིན་རླབས་ཀྱིས།། སྒྱུ་འཕྲུལ་དྲ་བ་ལ་བརྟེན་ནས།། དུག་གིས་དུག ་ནད་སེལ་བ་ལྟར།། སྐལ་ལྡན་མཆོག་ལ་བསྟན་པ་ཡིན།། བདེ་ཆེན་ཐིག་ལེ་མི་གཡོ་བ།། རྒྱུ་འབྲས་དབྱེར་མེད་བྱང་ཆུབ་སེམས།། ཅིག་ཅར་དབང་གིས་མུན་བསལ་ནས།། མ་ལུས་བདེ་བ་ཆེན་པོར་སྐྱེ།། གང་ཚེ་ཞེན ་པ་ཀུན་བྲལ་བའི།། རང་བྱུང་ཐིག་ལེ་གསལ་བའི་ཚེ།། སྐྱེ་འགག་གནས་དམིགས་འགྲོ་འོང་ཆོས།། ཞེན་རྟག་བདེ་ཆེན་ངོ་བོར་བཟློག། རྒྱུན་ཆད་པ་དང་མི་འཕེལ་དང་།། རང་རྒྱུད་པ་དང་བྱིན་མེད་པ།། འཇིག་རྟེན ་ལོག་པ་མཐར་གྱུར་པས།། འདི་དག་རྣམ་པར་སྤང་བར་བྱ།། དེ་ནས་གང་དུ་མཚན་ལྡན་པའི།། ཡིད་འོང་ཕྱག་རྒྱ་ལ་བརྟེན་ཅིང་།། རྒྱུ་བ་རླུང་གི་དྲོད་ལྡན་པས།། དེ་མ་ཟག་པར་གྲོལ་བར་འགྱུར།། གསང་བའི་ཐིག ་ལེལེ་རྒྱུན་བྲལ་བ།། འགྲོ་འོད་མེད་པའི་ཐབས་ཉིད་ཀྱིས།། རང་བྱུང་ཐིག་ལེ་འཕོ་འགྱུར་མེད།། རྟོགས་ནས་གོམས་པར་གནས་པར་བྱ།། འདྲེན་པའི་ཐབས་སྟོབས་ལས་བྱུང་བས།། བདེ་བ་ཆེན་པོ་མི་གཡོ་བ།། རྣམ ་ཤེས་མཚན་མའི་ཡུལ་ལས་འདས།། བདེ་བ་ཆེན་པོ་ཐོག་མཐའ་མེད།། བདེ་བ་ཆེན་པོའི་རང་བཞིན་ནི།། མ་སྐྱེས་བདེན་གཉིས་དབྱེར་མེད་པའི།། ངོ་བོར་མ་ལུས་ཀུན་གསལ་བ།། མི་འགྱུར་བརྟན ་པར་བརྗོད་པ་ཡིན།། སྐལ་དམན་ཐབས་ཀྱི་བདེ་སྤྱོད་ན།། སྟེང་འོག་ཐབས་ཀྱིས་གནས་བྱས་ལ།། ཤེས་རབ་འཕྲུལ་གྱི་འཁོར་ལོ་བསྐོར།། རྒྱས་དང་འབྱོངས་པའི་རྟགས་བྱུང་ན།། རྒྱུ་བ་བཅད་ལ་འཁོར་ལོ ་སྤང་།། བདེ་ཆེན་བར་ཆད་མེད་འདོད་ན།། ཐབས་ཀྱི་རིམ་བཞིན་བསྒོམ་པ་དང་།། ཤེས་རབ་ཡུམ་གྱི་དེ་བཞིན་ཏེ།། ཡང་ན་གཉིས་སུ་མེད་པས་བྱ།། རང་རང་ཐབས་དང་ལྡན་པར་བརྩམ།། བར་ཆད་དག་ནི་འབྱུང ་བ་ན།། ཐབས་དང་ལྡན་པས་བསྐྱེད་པར་བྱ།། ལུས་ལ་བརྟེན་པས་སེམས་གང་སྟེ།། ཕྱི་ནང་བདེ་ཆེན་རྒྱས་པར་བྱ།། དེ་ནས་ནམ་མཁའི་མཐའ་ཐུག་པར།། ཁྱད་པར་བར་ཆད་མེད་པར་གནས།། གོམས་པའི་རིམ ་དང་བྱིན་རླབས་ལས།། མཁའ་འགྲོ་གསུམ་གྱི་སྣང་ཐོབ་ནས།། ཞིང་ཁམས་ཕྱོགས་བཅུ་རྡུལ་སྙེད་བཅས།། བདེ་ཆེན་ཟག་པ་མེད་པར་གནས།། དང་པོ་བྱིན་རླབས་སྨད་ཐོབ་ནས།། རྡོ་རྗེ་འཛིན་པ་མཐའ་ཐུག ་པ།། ཚེས་ནས་བཅུ་དྲུག་མཐར་ཕྱིན་ལྟར།། མན་ངག་སྟོབས་ཀྱིས་ཤེས་པར་བྱ།། ལུང་དང་རིགས་པ་ལ་སོགས་པའི།། ཡིད་དཔྱོད་ཚད་མ་རིང་སྤངས་ནས།། ཉམས་མྱོང་ཚད་མ་ལ་བརྟེན་པས།། རིམ་སྤངས་ཚེ་འདི ་ཉིད་ཀྱིས་འགྲུབ།། ལས་དང་སྐལ་བ་དམན་པ་དང་།། བླ་མ་ཐབས་ལ་རྒྱབ་ཀྱིས་ཕྱོགས།། ལོག་པའི་སྐྱེ་བོའི་དབང་སོང་བའི།། གང་ཟག་འདི་དག་རྣམ་པར་སྤངས།། ཐབས་དང་ལྡན་པའི་རྣལ་འབྱོར་གྱིས།། མི་སྤྱད ་པ་ནི་གང་ཡང་མེད།། མི་བྱ་བ་ཡང་ཡོད་མིན་ཏེ།། བཟའ་དང་མི་བཟའ་ཅུང་ཟད་མེད།། འདི་ལ་སྡོམ་དང་མི་སྡོམ་མེད།། ཐམས་ཅད་མཉམ་པ་ཉིད་སྦྱོར་བས།། བྱ་དང་མི་བྱ་ཀུན་ལས་འདས།། སྣང་སྲིད་འདོད་ཡོན ་ལྔར་གནས་ཏེ།། བདེ་ཆེན་རིགས་མ་ཀུན་ནས་དག། མ་ལུས་ཡིད་འཕྲོག་ཚིམས་བྱེད་པས།། སྒོ་གསུམ་ཕྱོགས་སུ་གཏད་དུ་མེད།། བྱ་མེད་བྱ་ལས་འདས་པ་ཡི།། རྗེས་སུ་མི་དམིགས་དེ་བཞིན་ཉིད།། མ་བཅོས་རང ་རིག་ཡུལ་དང་བྲལ།། གང་དུ་བློ་གཏད་གང་འཛིན་མེད།། མ་བཅོས་ཐབས་ཀྱིས་བདེར་བཞག་པས།། རང་བྱུང་ཡེ་ཤེས་མཐའ་དབུས་མེད།། གཅིག་དང་དུ་མ་ཀུན་བྲལ་བས།། ཐམས་ཅད་མ་ལུས་ཆོས་ཀྱི ་སྐུ།། བདེན་གཉིས་ཐ་སྙད་ལས་འདས་པའི།། མ་སྐྱེས་རང་རིག་བྱང་ཆུབ་སེམས།། ཡི་གེ་ཚིག་དང་མིང་སྤངས་པའི།། བརྗོད་བྱ་མ་ལུས་རྫོགས་པར་སྣང་།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད ་ལས། སྣོད་བྱིན་གྱིས་བརླབས་པའི་ལེའུ་སྟེ་བཅུ་པའོ།། །། དེ་ནས་དེ་བཞིན་གཤེགས་པ་ཉིད།། གཅིག་དང་དུ་མ་ཀུན་བྲལ་བའི།། དགྱེས་པ་ཆེན་པོའི་བདག་ཉིད་ཀྱི།། ཚོགས་ཀྱི་དཀྱིལ་འཁོར་བསྟན་པར ་མཛད།། ཕྱོགས་བཅུ་དུས་བཞིས་བསྡུས་པ་ཡི།། སངས་རྒྱས་དཀྱིལ་འཁོར་མ་ལུས་པ།། ཚོགས་གཉིས་ལས་བྱུང་བསམ་མི་ཁྱབ།། རང་བྱུང་འཁོར་ལོ་མངོན་རྫོགས་པ།། དངོས་པོའི་འཇིག་རྟེན་མཐའ ་ཡས་པ།། སྐུ་གསུང་རྡོ་རྗེ་གྱུར་པ་ནི།། དངོས་པོར་སྣང་བ་ཐམས་ཅད་ཉིད།། རང་བྱུང་སྒྱུ་འཕྲུལ་རྒྱ་མཚོར་བསྟན།། ཐབས་དང་ཤེས་རབ་དབྱེར་མེད་པའི།། ཕྱི་ནང་གསང་བར་འཇུག་པ་ཡི།། རྟོག་པ་བཞི་ལ་རྟོགས ་གོམས་ནས།། མ་ལུས་ལྷུན་རྫོགས་དབྱེར་མེད་སྣང་།། དོན་དམ་ཀུན་རྫོབ་དབྱེར་མེད་པའི།། ཆོས་ཉིད་དབྱིངས་སུ་ཚུལ་གཅིག་པས།། མ་ལུས་རང་སྣང་ཆོས་ཐམས་ཅད།། མ་ལུས་བྱང་ཆུབ་སེམས་སུ་རྟོགས།། སྐུ ་གསུང་ཐུགས་ཉིད་རང་སྣང་བའི།། མ་ལུས་གསུང་གི་རྒྱན་དུ་རྟོགས།། ཐམས་ཅད་གསུང་གི་ཡི་གེ་སྟེ།། ཐབས་དང་ལྡན་པས་རྒྱས་བཏབ་བོ།། དེ་ཉིད་དབྱེར་མེད་བྱིན་རླབས་ལས།། དེ་ཉིད་དེ་ཡི་བྱིན་རླབས ་ཏེ།། གཉིས་མེད་ཚུལ་གྱིས་རང་སྣང་བས།། བྱིན་རླབས་ངོ་མཚར་བསམ་མི་ཁྱབ།། རང་བྱུང་རང་སྣང་ཆོས་འདི་དག། གཉིས་མེད་རང་རིག་མ་སྐྱེས་པར།། གསལ་བར་མངོན་སུམ་ཐེ་ཚོམ་མེད།། རྟོག་པ་ཀུན་གྱི ་མཆོག་ཏུ་བཤད།། དངས་མ་ལས་བྱུང་ཐིག་ལེ་ཡིས།། ཟིན་དང་མ་ཟིན་ཁྱད་པར་ལས།། འདས་དང་མ་འདས་རང་སྣང་བས།། བདེ་ཆེན་ནང་དུ་རོ་གཅིག་པའོ།། རང་བྱུང་འཁོར་ལོའི་རིམ་པ་ལས།། གསུང་གི ་དཀྱིལ་འཁོར་རང་སྣང་བ།། སྐྱེ་དང་མ་སྐྱེས་དབྱེར་མེད་པས།། ཡིག་འབྲུའི་ཚུལ་དང་ངེས་པར་བརྗོད།། གང་དུ་ཐབས་ཀྱིས་བྱིན་གྱིས་བརླབས།། གནས་དང་རྟོགས་པའི་ངོ་བོ་ཡིས།། རིམ་པའི་ཚུལ་གྱིས་བྱིན ་བརླབས་པའི།། འདི་དག་བྱིན་གྱིས་བརླབས་ཉིད་དེ།། གསང་བ་དེ་ཉིད་ངེས་པ་ཡི།། རིག་པའི་ཕྱག་རྒྱ་མངོན་གསལ་བས།། སྒྲོ་དང་སྐུར་པ་ཞི་བ་ཡི།། དེ་ཁོ་ན་ཉིད་མངོན་དུ་སྣང་།། ཐབས་དང་ཤེས་རབ་དབྱེར་མེད ་པའི།། བདེ་བ་ཆེན་པོའི་རོ་ཉིད་ནི།། མ་ལུས་འདུས་པའི་རང་བཞིན་ཏེ།། གཉིས་མེད་གཉིས་ལས་གང་གྱུར་པ།། དེ་ཉིད་ཐིག་ལེའི་བདག་ཉིད་དོ།། སྒྲ་དབྱངས་གསུང་གི་བསྟན་པ་རྣམས།། གནས་བཞི་ཐིག་ལེའི ་བྱང་ཆུབ་སེམས།། ཐབས་དང་ཤེས་རབ་གཉིས་མེད་པས།། མི་ཟད་འཁོར་ལོ་གསུམ་དུ་སྣང་།། གནས་དང་ཐབས་དང་སྦྱར་བ་ཡང་།། གསང་བའི་བྱིན་རླབས་རང་སྣང་བ།། ཐམས་ཅད་བདེ་བ་ཆེན་པོ་སྟེ།། དེ་ཡི ་བྱིན་རླབས་ཉིད་སྣང་ངོ་།། སྒྲོ་སྐུར་མེད་པའི་བསྟན་པ་ཉིད།། བདེ་ཆེན་རླུང་གི་སྦྱོར་ཐབས་ཀྱིས།། སྣང་སྲིད་ཕྱི་ནང་ཆོས་རྣམས་ཀུན།། བདེ་ཆེན་སྒྱུ་མར་མངོན་སུམ་སྣང་།། ཐབས་དང་ཤེས་རབ་གཉིས་མེད ་པའི།། ཡུལ་དང་དབང་པོ་རྣམ་ཤེས་དང་།། དུས་དང་མཚན་མར་བཅས་པ་ཡི།། འདུལ་ཐབས་ཉིད་ཀྱི་རང་བཞིན་གྱིས།། ཐམས་ཅད་རང་གི་ཐབས་བཞིན་དུ།། བདེ་བ་ཆེན་པོའི་དཀྱིལ་འཁོར་སྣང་།། དེ་ཉིད་སྒྲུབ ་པའི་ཡོ་བྱད་ལྔ།། མ་ཉམས་གསལ་བར་རབ་སྤྱད་ན།། བདག་གཞན་ཇི་སྙེད་སྣང་བ་རྣམས།། མ་ལུས་དག་པའི་ངོ་བོར་འགྱུར།། དེ་ཚེ་ལས་ཀྱི་གཟུངས་མ་བཞི།། རིག་པའི་རྩལ་ལས་གྲུབ་པ ་སྟེ།། གནས་སྐབས་རིམ་པར་སྦྱོར་བ་ཡི།། ལྷུན་གྲུབ་ཉིད་ལ་ཐེ་ཚོམ་མེད།། བསྙེན་དང་ཉེ་བསྙེན་སྒྲུབ་པ་དང་།། སྒྲུབ་པ་ཆེན་པོའི་རིམ་པ་ཡི།། སྦྱོར་བ་བཞི་ནི་བརྩམ་པར་བྱ།། བདེ་ཆེན་ཐུགས་ཀྱི་དཀྱིལ་འཁོར ་གྱིས།། རྒྱལ་བའི་དཀྱིལ་འཁོར་མ་ལུས་པ།། དགྱེས་མཉམ་ཐིམ་པའི་རོ་ལྡན་པ།། ཐབས་དང་ལྡན་པས་བླངས་སྤྱད་པས།། གང་འདོད་འབྲས་བུ་ཕུན་སུམ་ཚོགས།། བདག་གཞན་ཕྱི་ནང་ལས་བྱུང་བའི།། མ་ལུས ་བསྒྲལ་བྱ་ཐམས་ཅད་ནི།། སོ་སོ་བྱ་བ་ཀུན་སྣང་ཡང་།། ཀུན་གྱི་རང་བཞིན་དེ་བཞིན་ཉིད།། བདག་ཉིད་གསལ་བར་མངོན་བསྒོམས་ཏེ།། ཏིང་འཛིན་ཐབས་ཀྱིས་མངོན་བསྒྲལ་ཏེ།། འཇིགས་པ་ཆེན་པོའི་ས་ཐོབ ་།། བརྟུལ་ཞུགས་མཉམ་པའི་ཐབས་ཀྱིས་ནི།། བདེ་ཆེན་མ་སྐྱེས་སྲས་སུ་བརླབ།། ཀུན་བཟང་ཐུགས་དང་གཉིས་སུ་མེད།། ཕྱི་ནང་གསང་བའི་རང་བཞིན་གྱིས།། སྣོད་བཅུད་རྒྱུད་རྣམས་དག་པ་ནི།། བདེ་བ་ཆེན ་པོའི་ཞིང་ཁམས་ཉིད།། མ་ལུས་དག་པ་ཉིད་དུ་གསལ།། སྐུ་གསུང་ཐུགས་ལ་རབ་གནས་ཤིང་།། ཆོ་ག་རྫོགས་པར་ཤེས་པ་ཡི།། གནས་དང་ལོངས་སྤྱོད་ཅི་འཚམས་པར།། བདེ་བ་ཆེན་པོ་ཕོངས་མེད ་པར།། ལོངས་སྤྱོད་ལྡན་ཞིང་དཀའ་ཐུབ་སྤངས།། གནས་དང་ལོངས་སྤྱོད་རྒྱན་རྣམས་དང་།། འབྱོར་པ་ཅི་བདེར་བརྟེན་པ་ནི།། གང་ཡང་འགྲུབ་སྟེ་གཞན་དུ་མིན།། ལོངས་སྤྱོད་དགའ་བས་མི་གདུང་ཞིང་།། ཡབ ་ཡུམ་འདོད་པ་ལྔར་ལྡན་པས།། བརྩོན་པའི་ཚུལ་བཞིན་རབ་བསྒྲུབས་ན།། རྡོ་རྗེའི་ལུས་དང་རྣམ་སྨིན་དུ།། ཐ་མལ་འདི་ཡིས་འགྲུབ་པར་འགྱུར།། ས་ནས་སར་ནི་མངོན་འཕེལ་བ།། བླ་མ་ཐབས་དང་གཟུངས་སྟོབས ་ཀྱིས།། གོང་བཞིན་ལས་སྐལ་དག་པ་ནི།། མྱུར་དུ་བར་ཆད་མེད་པར་འགྲུབ།། ལས་དང་དངོས་གྲུབ་ཕྲ་མོ་དག། ཆུ་རླབས་ལྟ་བུར་རང་སྣང་བ།། བྱིན་རླབས་སྔགས་དང་ཏིང་འཛིན་གྱིས།། ཇི་ལྟར་འདོད་པར་འབྱུང ་འགྱུར་ཏེ།། ང་རྒྱལ་ཞེན་པའི་ཚུལ་དང་བྲལ།། ལས་དང་དངོས་གྲུབ་ཐམས་ཅད་ལ།། ཞེན་ཆགས་སྦྱོར་བ་ཀུན་སྤངས་ལ།། བདག་ཉིད་ཆེན་པོའི་སྦྱོར་ཚུལ་གྱིས།། འདི་ནི་ཅི་བདེར་འགྲུབ་པར་བྱ།། ཐབས་དང་ཤེས ་རབ་ལྡན་པ་ཡིས།། མ་ཆགས་ཐབས་ཀྱི་སྦྱོར་བ་ནི།། ཡེངས་པ་མེད་པར་རབ་བསྒྲུབས་ན།། མྱུར་དུ་འགྲུབ་སྟེ་གཞན་དུ་མེད།། རྣལ་འབྱོར་བསྒྲུབ་པ་ཐམས་ཅད་ལ།། གཉིས་མེད་སྦྱོར་བ་ཁྱད་པར་ཆེ།། གང་དུ་འདི ་ཡི་ཐབས་ལྡན་པས།། ཇི་ལྟར་སྤྱད་ཀྱང་འགྲུབ་པར་འགྱུར།། མ་ཆགས་པ་ལ་ཆགས་སྤྱད་པས།། ཆགས་པ་ཉིད་ཀྱང་འགྲུབ་འགྱུར་ཏེ།། སྤྱོད་ལམ་ཀུན་ཏུ་གནས་པ་ཡི།། འདི་ཡིས་འགྲུབ་སྟེ་གཞན་དུ་མིན།། བདེ་ཆེན ་ཕྱག་རྒྱའི་རྣལ་འབྱོར་དང་།། ལྷུན་གྲུབ་ལ་གནས་ཆོ་ག་བཞིན།། དུས་དང་རང་རང་སྐལ་བ་བཞིན།། ལེ་ལོ་ཐེ་ཚོམ་མེད་བརྩོན་པས།། རབ་འབྲིང་ཐ་མ་ཇི་བཞིན་འཐོབ།། འཐོབ་བྱ་ཀུན་གྱི་ངོ་བོ ་ནི།། རང་བྱུང་གསལ་བའི་སྙིང་པོ་སྟེ།། གཟུང་འཛིན་ཐ་དད་ཀུན་གྱིས་སྟོངས།། བྱང་ཆུབ་ནམ་མཁའི་རང་བཞིན་ནོ།། ཐབས་དང་ཤེས་རབ་དབྱེར་མེད་པའི།། དཀྱིལ་འཁོར་སྣ་ཚོགས་འབར་བ་ཉིད།། བདེ་ཆེན་སྐུ ་གསུང་ཐུགས་ཉིད་དེ།། རང་བྱུང་ཉིད་ལས་གཞན་མ་ཡིན།། ཐོག་མེད་དུས་ནས་རབ་སྦྱངས་པའི།། སྐལ་ལྡན་དམ་ལས་མ་ཉམས་པས།། རང་རང་ཆོ་ག་བཞིན་བསྒྲུབས་ན།། སངས་རྒྱས་ཚེ་འདིས་འགྲུབ་འགྱུར། ་ན།། རིག་འཛིན་ས་ལ་སྨོས་ཅི་དགོས།། རང་རང་གོམས་པའི་ཐབས་ཉིད་དེ།། མོས་དང་འཚམས་པའི་ཁྱད་པར་བལྟ།། གཞན་དུ་ཆོ་ག་ཉམས་པར་འགྱུར།། དཔལ་ལྡན་རང་གི་དམ་ཚིག་འདིས།། བསྐལ་པ་བྱེ་བར ་མི་འགྲུབ་པ།། ཉི་ཤུ་ལྔ་ལྡན་ལྷུན་གྲུབ་ས།། སྐྱེ་བ་འདི་ལ་ཐེ་ཚོམ་མེད།། བྱ་བ་བྱེད་ལ་མ་ཆགས་ཤིང་།། གཉིས་མེད་སྒྱུ་མར་གསལ་གོམས་ན།། དཀའ་ཐུབ་གདུང་བ་ཀུན་སྤངས་པས།། འདི་ཉིད་ལ་ནི་དགའ་བར ་འགྲུབ།། ཅེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས།། ཚོགས་ཀྱི་འཁོར་ལོ་གསང་བའི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་དེ་བཞིན་གཤེགས།། སྒྱུ་འཕྲུལ་དྲ་བ་དགྱེས་ཆེན ་པོས།། བསྐལ་པ་བརྒྱ་སྟོང་དཔག་མེད་དུ།། རྙེད་པར་དཀའ་བའི་འབྲས་བུ་སྟེ།། སྒྱུ་འཕྲུལ་ལམ་ལ་བརྟེན་པ་ཡིས།། ཚེ་འདིས་འབྲས་བུ་ཐོབ་ཕྱིར་བཤད།། གསང་སྔགས་ལམ་ལ་གནས་བྱས་ཤིང་།། ཐབས་དང ་ཤེས་རབ་དབྱེར་མེད་པས།། མཚན་མའི་བྱ་བ་སྤངས་པ་ཡིས།། འདིའམ་བར་མར་ཆོས་སྐུ་ཐོབ།། གང་དུ་བདེན་གཉིས་དབྱེར་མེད་པའི།། དོན་ལ་གནས་པའི་རྣལ་འབྱོར་པས།། བྱེད་པ་སྡོམ་པའི་མན་ངག ་གིས།། ཕྱི་ནང་དངས་སྙིགས་འབྱེད་པའི་རླུང་།། སྙིང་པོ་ཨ་ལ་ཕོག་པ་ཡིས།། བདེ་ཆེན་སྟོང་པའི་ཐིག་ལེར་མཉམ།། སྙིགས་མའི་བག་ཆགས་སངས་གྱུར་ནས།། བདེ་ཆེན་ནམ་མཁའི་མཐའ་ལྟར་རྒྱས།། ཐབས་དང ་ཤེས་རབ་ཉི་ཟླའི་བཅུད།། བསྙེན་བསྒྲུབ་བཞི་ལ་གོམས་པ་ཡིས།། རང་ཉམས་རྟགས་དང་རྩ་རླུང་གི། དུག་གིས་དུག་ནད་སེལ་བ་ལྟར།། ལྷན་ཅིག་སྐྱེས་པ་མངོན་དུ་འཆར།། དེ་ཉིད་བདེ་ལ་མི་རྟོག་པའི།། བར་ཆད ་སྤངས་པས་འགྲུབ་པ་ཡིས།། མུན་པ་སྣང་བས་གསལ་བ་ལྟར།། མ་ལུས་བདེ་བ་ཆེན་པོར་སྣང་།། བདག་གཞན་བྲལ་བའི་བདེ་ཆེན་གྱིས།། ནམ་མཁའ་འོད་ཀྱིས་གང་བ་ལྟར།། དུག་གསུམ་མ་སྤངས་ནན་ཏན ་བྱ།། གསལ་བར་མངོན་དུ་ནན་ཏན་བྱ།། མངོན་དུ་གསལ་ནས་མ་བསྒོམས་པར།། དབྱེ་བ་མེད་པར་གསལ་བར་བྱ།། བདེ་ཆེན་ནམ་མཁའི་མཐའ་མཉམ་པ།། བསྐལ་པ་རྡུལ་སྙེད་འཕེལ་འགྲིབ་དང་།། འགྲོ་འོང ་མེད་པའི་ངོ་བོ་ནི།། བདེ་བ་ཆེན་པོའི་རྡོ་རྗེ་འཆང་།། ཐོག་མ་མཐའ་མ་མེད་པ་ནི།། སངས་རྒྱས་ཀུན་གྱི་རང་བཞིན་ཉིད།། དང་པོར་རང་བཞིན་སྐྱེ་མེད་པའི།། མི་དམིགས་པ་ལས་འདས་པ་ཡི།། དེ ་བཞིན་ཉིད་དེ་མ་བཅོས་པའི།། རང་བཞིན་ངེས་པར་རྟོགས་པར་བྱ།། ཆོས་རྣམས་རང་བཞིན་དངོས་མེད་པའི།། བདག་གཞན་དངོས་འཛིན་ཞེན་བྲལ་བའི།། དེ་བཞིན་ཉིད་ནི་མ་བཅོས་པའི།། རང་བཞིན་རང་གི། ་རྣམ་པར་བསྒོམ།། དངོས་དང་དངོས་མེད་ཞེན་བྲལ་བའི།། རང་བཞིན་ཡེ་ཤེས་ཀུན་སྣང་འོད།། ནམ་མཁའ་ལྟ་བུར་ཕྱོགས་མེད་པའི།། སྒྱུ་མ་ལྟ་བུར་བསམ་པར་བྱ།། རིག་པ་སྒྱུ་མའི་རང་བཞིན་ལས།། ཐབས་དང ་ཤེས་རབ་ཉི་ཟླའི་གདན།། ཧཱུཾ་བཅས་རྡོ་རྗེ་འོད་དུ་འབར།། ཕྲ་མོ་རྡོ་རྗེ་སེམས་དཔའ་འམ།། གང་ཡང་རུང་བའི་ཡབ་ཡུམ་བསྒོམ།། གང་རུང་ཕྲ་མོའི་རང་བཞིན་ལས།། ཚད་དང་ལྡན་པའི་ཕྱག་རྒྱ་སྟེ།། སྐྱོན་དང་བྲལ ་བས་རྟག་བསྒོམས་ཤིང་།། དེ་དག་གསལ་ཞིང་བརྟན་པར་བྱ།། གནས་ལྔ་དང་ནི་གནས་གསུམ་དང་།། གནས་གཅིག་ཕྱག་རྒྱར་གསལ་བར་བསྒོམ།། དེ་ནས་སངས་རྒྱས་རྒྱ་གཅིག་ལས།། ཐབས་དང་ཤེས་རབ་ཕྱེ་བ ་ཡིས།། བརྒྱད་ཅུ་གསལ་བར་བསྒོམ་པར་བྱ།། དེ་ནས་ཡེ་ཤེས་ལྔ་སོགས་པས།། སྐུ་གསུང་ཐུགས་ལ་ནན་ཏན་བྱ།། ཡེ་ཤེས་སེམས་དཔའ་གོམས་གྱུར་ནས།། རིགས་བཞིའི་སེམས་དཔའ་ཡབ་ཡུམ་དང་།། ཀུན ་བཟང་ཡབ་ཡུམ་སྒོ་བར་བཅས།། སྦྲུལ་སྐུ་ལ་སོགས་དེ་བཞིན་གཤེགས།། དེ་ནས་རྒྱང་གྲགས་དཔག་ཚད་དམ།། ནམ་མཁའི་དབྱིངས་ནི་བསམ་ཡས་པར།། སངས་རྒྱས་དཀྱིལ་འཁོར་སྣ་ཚོགས་པར།། འཇིགས་དང ་བཅས་པའི་ཚུལ་བཞིན་བསྒོམ།། གང་དུ་གང་ལྟར་མཛེས་པ་ཡི།། སྤྱོད་པ་རིམ་བཞིན་བརྩམ་བྱ་སྟེ།། དང་པོ་བྱ་བ་བྲལ་བ་སྟེ།། དེ་ནས་ཐུགས་རྗེ་ཆེན་པོ་ཉིད།། གསུམ་པ་རྩེ་གཅིག་ལྡན་པ་སྟེ།། ཐ་མ་ཚོགས་ཀྱི་སྤྱོད ་པ་ནི།། རིམ་པ་བཞིན་དུ་ལེགས་པར་སྤྱད།། ཐབས་དང་ཤེས་རབ་ལྡན་པ་ཡིས།། ཡིད་འོང་རབ་དབེན་ས་ཕྱོགས་སུ།། བདག་དབང་བར་ཆད་མེད་པའི་གནས།། དགེ་ཞིང་བཀྲ་ཤིས་ཕུན་སུམ་ཚོགས།། བཟའ་བཏུང ་རོ་མཆོག་ལྡན་པ་དང་།། གླུ་གར་རོལ་མོ་ཚིག་སྟབས་བྲོ།། རྒྱན་དང་བགོ་བ་ཕུན་སུམ་ཚོགས།། ཐབས་དང་ཤེས་རབ་ཉི་ཟླར་ལྡན།། གླུ་ཚིག་སྒྲ་དང་ལྡན་པ་ཡིས།། ཚེ་ལ་དབང་བསྒྱུར་གནས་ཐོབ་ནས།། གོམས་ནས ་ཕྱག་རྒྱའི་རིགས་སུ་ངེས།། ལྷུན་གྱིས་གྲུབ་པའི་ས་ལས་ནི།། བཅུ་དྲུག་རྒྱུན་གྱི་སངས་རྒྱས་ས།། དྲི་ཅན་དམན་པའི་གང་ཟག་ལ།། རྡོ་རྗེ་འཛིན་པའི་དབང་བསྐུར་བས།། ཞིང་དང་ལོངས་སྤྱོད་ཏིང་འཛིན ་སྟོབས།། ནམ་མཁའི་ཁམས་དང་མཉམ་པ་ཡིས།། འབྲས་བུ་ལྷུན་གྲུབ་ངོ་བོར་འགྱུར།། གཞན་དུ་བསོད་ནམས་ཆུང་བ་ཡིས།། སངས་རྒྱས་ཀུན་གྱི་སྐུ་གསུང་ཐུགས།། གཅིག་ཏུ་སྦྱོར་བའི་ངོ་བོ་ཉིད།། ཡབ་ཡུམ་སྦྱོར ་བ་གཅིག་ཏུ་བསྒོམ།། ཕྱོགས་བཅུ་དུས་བཞིའི་ངོ་བོ་ཉིད།། ངོ་བོ་གཅིག་དང་ཚུལ་གཅིག་དང་།། སྐུ་གསུང་ཐུགས་ནི་གཅིག་བསྟན་ནས།། བྱིན་རླབས་དངོས་གྲུབ་སྩོལ་བར་མཛད།། དཔག་ཏུ་མེད་པའི ་རྒྱལ་བ་རྣམས།། སྐུ་གསུང་ཐུགས་སུ་སྣང་བ་ཡི།། མི་ཟད་འཁོར་ལོ་རང་སྣང་དོན།། ངོ་བོ་གཅིག་ཏུ་འདུས་པར་འགྱུར།། དེ་དག་ཉིད་ཀྱིས་ཐོབ་འགྱུར་བས།། ཁྱད་པར་གཞན་ནས་ཡོད་མ་ཡིན།། སངས་རྒྱས་ཞིང ་ཁམས་དཔག་མེད་པའི།། རང་བྱུང་བྱང་ཆུབ་སྙིང་པོ་སྟེ།། འཁོར་ལོ་ཡི་གེ་ཀུན་འདུས་པ།། ཐོབ་པས་སྣ་ཚོགས་འཕྲོ་བར་འགྱུར།། སངས་རྒྱས་ཀུན་གྱི་སྐུ་གསུང་ཐུགས།། ཏིལ་འབྲུ་རྡུལ་ཕྲན་གྲངས་མཉམ ་པར།། རང་བྱུང་ཡེ་ཤེས་ཉིད་ཀྱི་གཟུགས།། དེ་མ་ཟག་པར་ཐོབ་པར་འགྱུར།། སྒྱུ་འཕྲུལ་དྲ་བ་མངོན་རྫོགས་པའི།། ཡེ་ཤེས་རྒྱ་མཚོ་ཟག་པ་མེད།། ཆེ་བ་ཀུན་རྫོགས་གསང་བའི་དོན།། བླ་མེད་ཐབས་ཆེན་འབྲས ་བུར་གནས།། ཞེས་ཉིད་ལ་ཉིད་བཤད་དོ།། སྒྱུ་འཕྲུ་རྒྱ་མཚོའི་རྒྱུད་ལས། གསང་བའི་ཐེག་པའི་ལམ་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་དེ་བཞིན་གཤེགས་པ་ཉིད།། གསང་བའི་ལོངས་སྤྱོད ་བྱང་ཆུབ་སེམས།། དགྱེས་པ་ཆེན་པོས་ཚིམ་མཛད་ནས།། གསང་བའི་དོན་འདི་བསྟན་པར་མཛད།། གང་དུ་གསང་བའི་རང་བཞིན་ནི།། ཕྱོགས་ཆ་མཚན་མ་ལས་འདས་པའི།། རང་རིག་བརྗོད་པའི་ཡུལ་འདས ་པ།། དངོས་མེད་དངོས་པོ་ཀུན་གྱི་གནས།། འདི་ཉིད་ཀུན་གྱི་ཡུལ་ཡིན་པས།། རང་བཞིན་བརྟགས་དང་བསྒྲིབས་པ་ཡིས།། ལ་ལས་དམུས་ལོང་ཇི་བཞིན་དུ།། བྱེ་བྲག་ཡུལ་དུ་མ་གྱུར་ཏེ།། ཐ་མལ་ཞེན་པའི་རང་རྒྱུད ་པ།། འདི་ནི་འཇིག་རྟེན་ཕལ་པ་ཉིད།། རང་བཞིན་ངོ་བོ་ལ་སོགས་པ།། བྱེད་པ་མེད་ཅིང་གཉེན་པོ་མེད།། གདོད་ནས་རང་ཤུགས་ཀྱིས་འགྲུབ་པ།། ཟེར་ཟུག་རྟག་པ་རང་རྒྱུད་པ།། གང་ཡང་མེད་པར་གློ་བུར ་དུ།། སྣང་བ་འཇིག་རྟེན་འདི་དག་ནི།། སྔོན་མེད་ཕྱིས་མེད་གདོད་ནས་སྣང་།། ཕྱིས་སྣང་བར་ཡང་ཇི་ལྟར་རུང་།། ལ་ལར་ཐ་དད་རྟོག་པ་སྟེ།། ཆོས་ཀྱི་བདག་ལ་དངོས་པོར་འཛིན།། ལ་ལ་བདེན་གཉིས་རྐྱེན་བྱས ་ནས།། རྟེན་འབྲེལ་འཁོར་ལོ་འགོག་པར་བྱེད།། ལ་ལར་ཐ་དད་མི་གནས་ཏེ།། རིག་པའི་རྒྱུན་ལྡན་མི་རྟོག་འདོད།། གཞན་དག་རིག་པ་རྣམ་མེད་དེ།། ནམ་མཁའི་དཀྱིལ་ལྟར་དམིགས་པ་མེད།། ལ་ལར་སྒྱུ་མའི་དོན ་ལ་གནས།། ལ་ལར་ཆ་ཤས་མེད་པ་ཡི།། མཐའ་ཡི་སྤྲོས་པ་རྣམ་པར་བཅད།། གང་ལ་གཉེན་པོ་ཀུན་དང་བྲལ།། གཉེན་པོའི་དོན་ནི་མཐའ་ལ་གནས།། ལ་ལས་ལས་དང་བྱ་བ་དང་།། དཀའ་ཐུབ་སྡོམ་པའི་ཚུལ་ལ ་གནས།། ལ་ལས་ལྟ་སྐྲོད་ཐ་དད་པས།། བསྒོམ་དང་སྤྲད་པས་འབྲས་བུ་འདོད།། ལ་ལས་བྱིན་རླབས་རྣལ་འབྱོར་གྱིས།། བསྒོམས་པས་འབྲས་བུ་ཐོབ་པར་འདོད།། རང་བཞིན་གསང་བའི་མཚན་མ་ཉིད།། ་རྗེ་ཐེག་པའི་སྙིང་པོ་ནི།། ཡི་གེ་སྒྲ་ཚིག་ལས་འདས་པ།། གསང་སྔགས་ཀུན་གྱི་ངོ་བོར་འདོད།། འདི་ནི་སངས་རྒྱས་ཐམས་ཅད་ཀྱི།། བཀའ་རྒྱུད་ཐེག་པའི་སྙིང་པོ་སྟེ།། གབ་སྦས་གསང་བའི་རང ་བཞིན་པས།། རྟོག་གེ་པ་ཡི་ཡུལ་མ་ཡིན།། སངས་རྒྱས་སྲས་དང་བཅས་པ་ཡི།། ཐབས་དང་ཆོ་གས་བྱིན་བརླབས་པའི།། སློབ་དཔོན་ཐབས་ཀྱིས་ཤེས་གྱུར་ཏེ།། དམན་པས་རྟོགས་གོམས་ཡུལ་མ་ཡིན།། ཐོག་མ ་མཐའ་མ་མེད་པ་ཡི།། གདོད་ནས་དབྱེར་མེད་གསུམ་ལྡན་པའི།། གང་དུ་རྟོགས་གོམས་གསལ་བ་ཡིས།། སྒོ་གསུམ་རང་ལྷར་གསལ་བ་ལ།། བཞི་བཅུ་རྩ་གཉིས་དག་ཏུ་བསྒོམས།། སྐུ་གསུམ་རྡོ་རྗེ་གསུམ་ལས ་བྱུང་།། ཡེ་ཤེས་ལྔ་ཡིས་རྒྱས་བཏབ་ལ།། ཐུགས་ཀྱི་དཀྱིལ་འཁོར་བཞི་བཅུ་གཉིས།། གཞན་ཡང་དེ་བཞིན་ཤེས་པར་བྱ།། ཕུང་པོ་འབྱུང་བ་རྣམ་ཤེས་དང་།། ཡུལ་དང་དབང་པོ་དུས་སུ་བཅས།། འཁོར་ལོ་གསལ ་བར་བརྟགས་བྱས་ཏེ།། མ་ལུས་སྐུ་གསུང་ཐུགས་ཀྱི་ངང་།། ཟག་མེད་ཡེ་ཤེས་ཐིག་ལེ་ལ།། ཡེ་ཤེས་འབྲས་བུ་ལྷན་གྱིས་རྫོགས།། བདག་ཉིད་རིག་པ་རང་སྣང་བའི།། སྙིང་པོ་རྫོགས་པའི་ཐིག་ལེ་ལ།། མ་ལུས་ཆོས ་ཀུན་རང་སྣང་བས།། ཡེ་ཤེས་སྒྱུ་མའི་དཀྱིལ་འཁོར་ཉིད།། ནམ་མཁའི་མཐའ་ལྟར་ཁྱབ་པར་སྣང་།། གསང་བའི་ཐིག་ལེ་ཆོས་ཀྱི་དབྱིངས།། དུས་གསུམ་རྒྱལ་བ་ཀུན་གྱི་དངོས།། ཕྱོགས་བཅུའི་དཀྱིལ་འཁོར་རྒྱ་བྲལ ་བའི།། སྐུ་གསུང་ཡོན་ཏན་ཕྲིན་ལས་ཐུགས།། རང་བྱུང་སྙིང་པོ་གསལ་མཐོང་བས།། འབྲས་བུ་ཡེ་ཤེས་ལྷུན་རྫོགས་པས།། ཐོབ་བྱ་གཞན་ན་ཡོད་མ་ཡིན།། རང་བྱུང་སྙིང་པོའི་དངས་མ་ལ།། བྱིན་རླབས་རྟོགས་པའི ་དཀྱིལ་འཁོར་གྱིས།། གསལ་བ་ལ་ནི་གོམས་བྱས་པས།། ཐིག་ལེ་དངས་མ་མ་ལུས་བྱུང་།། ཡེ་ཤེས་ལྔ་རྫོགས་དཀྱིལ་འཁོར་ཉིད།། ཟག་མེད་བདེ་བའི་དཀྱིལ་འཁོར་གྱི།། ནམ་མཁའ་ལྟ་བུར་ཁྱབ་པར ་གནས།། རང་བྱུང་ཐིག་ལེ་མི་ཤིགས་པ།། འབྱུང་བཞི་ཐམས་ཅད་ཀུན་གྱི་རྒྱུ།། འབྱུང་བའི་དངས་མ་ཀུན་གྱི་ཡུམ།། ཆེན་པོ་རྒྱལ་བའི་རང་བཞིན་ཉིད།། བྱང་ཆུབ་སེམས་དང་དབང་པོ་དང་།། ཡུལ་དུས་ཡན་ལག ་བཅས་པ་ཉིད།། རང་བྱུང་རྟེན་གྱི་ཐིག་ལེ་ཡིས།། ནམ་མཁའི་གཟུགས་ཅན་སྐྱེ་བ་མེད།། ཐ་མལ་འབྱུང་བ་ལ་བརྟེན་ནས།། ལྷག་པའི་རོ་ལ་ཐུགས་ཀྱིས་བལྟ།། སྙིང་པོ་ཐིག་ལེར་མཉམ་སྦྱོར་བས།། བདེ་བའི་དཀྱིལ ་འཁོར་བསམ་མི་ཁྱབ།། རང་བྱུང་ཐིག་ལེ་འཕོ་འགྱུར་མེད།། གཞི་ལ་རང་བཞིན་ཐིམ་པ་ཡི།། ཟག་མེད་བདེ་བའི་དཀྱིལ་འཁོར་ཚོགས།། སྒྱུ་མའི་དཀྱིལ་འཁོར་བདེ་བའི་མཆོག། གསང་བ་ཐིག་ལེ་ཀུན་གྱི ་དབྱིངས།། སངས་རྒྱས་དཀྱིལ་འཁོར་ལྷུན་རྫོགས་པ།། ཆེ་བའི་ཡོན་ཏན་བསམ་ཡས་པ།། ཀུན་གྱི་ངོ་བོར་རང་ཤར་བ།། མ་ལུས་ཞལ་མཐོང་དབང་བསྒྱུར་བས།། འབྲས་བུ་གྲངས་འདས་ལྷུན་གྱིས་རྫོགས།། རྒྱན ་དང་ཆེ་བའི་ཡོན་ཏན་ཉིད།། རང་བྱུང་དོན་གོམས་མཐར་ཕྱིན་པས།། ཐུགས་རྗེ་རང་སྣང་དཀྱིལ་འཁོར་ཉིད།། ཕྱོགས་མེད་ཞིང་ཁམས་མཐའ་ཡས་པར།། རྫོགས་པའི་ཞིང་ཁམས་སྣ ་ཚོགས་སྤྱོད།། ཐབས་དང་ཤེས་རབ་ལྷུན་རྫོགས་པའི།། དབྱེར་མེད་གནས་པའི་དཀྱིལ་འཁོར་གྱི།། ཐིག་ལེ་བཅུད་འདུས་རྟེན་ཉིད་ལ།། བཅུ་དྲུག་ལྔ་འདུས་རྣམ་པར་བསྒོམ།། ཐབས་དང་ཤེས་རབ་དབྱེར་མེད ་པའི།། ཐབས་ཀྱི་ཆོ་ག་ལས་བྱུང་བ།། གཅིག་ལའང་ཡེ་ཤེས་ལྔ་རྫོགས་པ།། ཟག་མེད་ཁྱབ་པས་མཐའ་དབུས་མེད།། གསང་བའི་ཐིག་ལེ་ལྷན་ཅིག་སྐྱེས།། བདེ་བའི་ལོངས་སྤྱོད་ཀུན་གྱི་དབྱིངས།། འཇུག་སྒོ་བཞི་ཡི ་ཕྱག་རྒྱ་ལས།། འབྱུང་བཞི་རིགས་ཀྱི་ཡུམ་དུ་སྣང་།། ཕུང་པོ་བདེ་བར་རྒྱས་བཏབ་པས།། དབང་པོ་ཡུལ་སེམས་རང་བཞིན་ཐབས།། ཀུན་བཟང་རིག་པའི་དཀྱིལ་འཁོར་ལ།། ལྷན་ཅིག་སྐྱེས་པའི་རང་བཞིན ་གྱིས།། རྟེན་དང་བརྟེན་པར་མཉམ་སྦྱོར་བས།། ཡེ་ཤེས་ལྔ་ནི་རང་གསལ་བས།། བདེ་བའི་ཡེ་ཤེས་དགྱེས་པ་ཆེ།། མ་བསྒོམས་བདེ་བའི་ལོངས་སྤྱོད་ཀྱིས།། བདེ་ཆེན་སྒྱུ་མའི་མཚན་ཉིད་གསལ།། བདེ་བའི་རོལ་མོ ་བསམ་ཡས་པ།། གསང་བའི་ཐིག་ལེ་མ་སྐྱེས་པ།། ཀུན་གྱི་རང་བཞིན་གཉིས་སུ་མེད།། ཕྱོགས་བཅུ་དུས་བཞི་མཐའ་ཡས་པ།། རྒྱལ་བའི་ཆེ་བ་མ་ལུས་པ།། ལྷན་ཅིག་སྐྱེས་པར་ཞལ་མཐོང་ཞིང་།། ཐིག་ལེར་རླུང ་སོགས་དབང་བསྒྱུར་བས།། མ་ལུས་ཡེ་ཤེས་བདེ་མཆོག་ཡིན།། རང་བྱུང་ཡེ་ཤེས་དཀྱིལ་འཁོར་ལ།། ཟག་མེད་དཀྱིལ་འཁོར་རང་གནས་ཉིད།། མཐོང་གོམས་རྫོགས་པས་ལྷུན་གྱིས་གྲུབ།། མ་སྤངས་རང་ལ་ལྷུན ་གྲུབ་པས།། མ་ལུས་དཀྱིལ་འཁོར་རྒྱན་དུ་གནས།། འབྱུང་འཇུག་མེད་པའི་དཀྱིལ་འཁོར་ལ།། ཆེ་བའི་ཡོན་ཏན་ལྷུན་རྫོགས་པས།། ཕྱོགས་བཅུ་ནམ་མཁའི་མཐའ་ཐུག་པར།། ཐུགས་རྗེའི་དཀྱིལ་འཁོར་ཕྱོགས་མེད ་སྣང་།། བྱ་བྱེད་མེད་པའི་ཚུལ་གཅིག་པ།། རང་བྱུང་སྙིང་པོ་དཀྱིལ་འཁོར་མཆོག། ཐུན་མོང་ཐུན་མོང་མ་ཡིན་པ།། ཤེས་རབ་ཡུམ་ལ་མཉམ་སྦྱར་ནས།། རང་བྱུང་འབྲས་བུ་ལྷུན་གྱིས་གྲུབ།། བསྐལ་པ་རྡུལ་སྙེད ་གྲངས་འདས་ནས།། མོས་དང་སྦྱངས་པའི་རང་བཞིན་གྱི།། གསང་བའི་དོན་ལ་གང་ཞུགས་པ།། ཚེ་འདིས་རྒྱལ་བ་ཉིད་དུ་འགྱུར།། འདས་དང་ད་ལྟར་མ་འོངས་པའི།། རྒྱལ་བའི་སྐུ་གསུང་ཐུགས་ཀྱི་བཅུད།། འདུས ་པའི་གསང་ཆེན་འདི་ཡིན་ཏེ།། ལམ་གྱི་དམ་པ་ཉེ་ལམ་ཡིན།། འཇིག་རྟེན་དྲུག་གི་ཕྱོགས་དག་ན།། རྒྱལ་བའི་དཀྱིལ་འཁོར་རྡུལ་ཕྲན་སྙེད།། བསྟན་པ་ཕྱི་ནང་གསང་བ་ཀུན།། སྒྱུ་འཕྲུལ་དྲ་བ་ལས་འཕྲོས་ཏེ།། ལམ ་གྱི་དམ་པ་ཉེ་ལམ་ཡིན།། ཐབས་དང་ཤེས་རབ་གཉིས་མེད་དང་།། བྱ་བ་སྤྱོད་དང་རྣལ་འབྱོར་དང་།། རྣལ་འབྱོར་ཆེན་པོ་བླ་མེད་པ།། མ་ལུས་འདུས་ཤིང་འབྱུང་བའི་ཕྱིར།། དངོས་གྲུབ་བརླབས་ཆེན་ཀུན་འབྱུང ་བའི།། སྒྱུ་འཕྲུལ་རྒྱ་མཚོའི་རྒྱུད་ཆེན་འདི།། མོས་དང་མཐོང་དང་བྲིས་པ་དང་།། བཀླགས་པ་ཙམ་གྱིས་འགྲུབ་འགྱུར་ན།། རྟོགས་དང་གོམས་པའི་སྦྱོར་བ་ཡིས།། འབྲས་བུ་ཐོབ་པར་སྨོས་ཅི ་དགོས།། རང་བྱུང་དཀྱིལ་འཁོར་ཀུན་འདུས་པའི།། རྒྱུད་ཆེན་སྒྱུ་འཕྲུལ་དྲ་བ་སྟེ།། རྒྱུད་ཀུན་གྱི་ནི་བདག་པོ་མཆོག། སྙིང་པོ་ལས་ནི་སྙིང་པོ་མཆོག། ཅེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས།། ་གསང་བའི་དོན་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་དགྱེས་པ་ཆེན་པོ།། རང་བཞིན་ལྷུན་གྱིས་གྲུབ་པ་དེས།། གདུལ་བྱའི་བསམ་པ་སྣ་ཚོགས་ཕྱིར།། འབྲས་བུའི་ཆོ་འཕྲུལ་སྣང་བར ་མཛད།། ཇི་སྙེད་རང་བྱུང་དཀྱིལ་འཁོར་རྣམས།། བྱ་བྱེད་མེད་པ་རང་སྣང་བས།། ཐིག་ལེ་ཆེན་པོར་ལྷུན་རྫོགས་པའི།། བདག་གཞན་དབྱེར་མེད་དེ་བཞིན་ཉིད།། ཕྱོགས་བཅུ་རྒྱ་ཡང་མ་ཆད་པའི།། བདེ་ཆེན ་ལོངས་སྤྱོད་དཔག་ཏུ་མེད།། ཞིང་ཁམས་འཁོར་དང་ཆེ་བ་ཉིད།། རང་སྣང་འཁོར་ལོ་རང་སྣང་ཉིད།། མ་ལུས་རང་སྣང་སྐུ་ཡི་ཚོགས།། བསམ་ཡས་རྡུལ་དང་ཏིལ་གང་བཞིན།། གང་མོས་བློ་ལ་སྣང་བྱེད་པ།། གདུལ ་བྱ་མོས་པའི་དོན་དུ་ཟད།། གང་དུ་མ་བཅོས་དེ་བཞིན་ཉིད།། རང་གི་ངོ་བོ་གསལ་འགྱུར་པ།། ཀུན་གྱི་རང་བཞིན་རྐྱེན་བྲལ་བ།། སྔ་ཕྱི་མེད་པར་ཀུན་མཁྱེན་མཆོག། དུས་གསུམ་ཕྱོགས་བཅུ་མཐའ་ཡས ་ཀུན།། དབྱེར་མེད་རྡོ་རྗེ་ཉིད་སྣང་བས།། ཕྱོགས་མེད་བྱིན་རླབས་གཉེན་པོ་བྲལ།། དུས་གསུམ་འདུ་འབྲལ་མེད་པར་བཞུགས།། མི་ཕྱེད་རྡོ་རྗེའི་རང་བཞིན་ལ།། བརྗོད་བྱའི་རང་བཞིན་ལྷུན་རྫོགས་པས།། དབྱེར ་མེད་ངོ་བོ་ཀུན་སྣང་བས།། མི་ཕྱེད་གསུང་ནི་ཀུན་གྱི་མཆོག། ཚིག་དང་ཡི་གེ་ཀུན་བྲལ་བས།། མ་བརྗོད་དགོངས་པ་བརྡས་བསྟན་པས།། མཉམ་པ་ཆེན་པོའི་ཚུལ་དུ་སྟོན།། རང་བྱུང་ཡེ་ཤེས་བྱིན་རླབས་ནི།། གཅིག ་དང་དུ་མ་ལས་འདས་པའི།། ནམ་མཁའི་དབྱིངས་ལྟར་གནས་པ་ཡི།། དགོངས་པ་ཆེན་པོར་བརྡལ་བ་ཉིད།། རང་རིག་སྐྱེ་བ་མེད་པ་ལས།། ཇི་སྙེད་ཆོས་སྐུ་རང་སྣང་བ།། མཐའ་དབུས་སྤྲོས་པ་བཅད་པ་ཡི།། དེ ་བཞིན་ཉིད་ཀྱིས་གསུངས་པ་མེད།། ཐུགས་རྗེ་བྱིན་བརླབས་རང་སྣང་བ།། སྒྲ་དང་དབྱིབས་ལ་སོགས་པ་རྣམས།། མཚོན་པ་ཐབས་ནི་དཔག་མེད་དུ།། ཐུགས་རྗེ་བྱིན་རླབས་སྣང་བར་འགྱུར།། སངས་རྒྱས་ཀུན་གྱི ་ཡོན་ཏན་མཆོག། སྐུ་དང་གསུང་ཐུགས་ཡོན་ཏན་ལས།། རྒྱལ་བ་རིགས་ལྔ་སྣང་མཛད་དེ།། རེ་རེ་ཞིང་ཁམས་གདན་སོགས་སྣང་།། རང་བྱུང་དམིགས་མེད་བྱང་ཆུབ་སེམས།། སངས་རྒྱས་ཀུན་གྱི་ཐུགས་ཆེན ་པོ།། རྣམ་དག་དྲི་མེད་འོད་གསལ་བས།། མཁྱེན་པའི་ཡེ་ཤེས་བཞིར་གསལ་ནས།། ཐམས་ཅད་གདོད་ནས་དབྱེར་མེད་པས།། གང་དག་དེ་ལྟར་མཁྱེན་པ་ཡིས།། བདག་གཞན་བྱ་བྱེད་མེད་པ་ཡིས།། ཕྲིན་ལས་ལྔར ་ནི་སྣང་བར་འགྱུར།། སྟེང་འོག་བརྟེན་པ་ལས་བྱུང་བའི།། ཡེ་ཤེས་བརྟེན་པ་དེ་བཞིན་ཉིད།། སྐུ་དང་གསུང་དང་ཐུགས་འཁོར་ལོ།། ཡོན་ཏན་ཀུན་གྱི་ལས་དང་སྦྱར།། དབྱིབས་དང་ཡི་གེ་རང་བཞིན ་ལས།། ནམ་མཁའ་ལྟ་བུའི་ལྔ་རྫོགས་པ།། ཟག་མེད་ཡོན་ཏན་ལྷུན་རྫོགས་པ།། བྱས་པ་མེད་པར་རྣམ་བཞི་རྫོགས།། རང་བྱུང་འབྲས་བུ་རྟེན་བྲལ་བའི།། ངོ་བོ་དབྱེར་མེད་དེ་བཞིན་ཉིད།། བཞོན་པ་རླུང་གི་སྟོབས ་བྲལ་བས།། ཐིག་ལེ་འགྲོ་འོང་འདུ་འཕྲོ་མེད།། དབང་བསྒྱུར་ཕུང་པོ་འཇིག་མེད་པས།། འབྱུང་བཞི་འདུ་བའི་ཚོགས་དང་བྲལ།། རིག་པ་རླུང་ལ་དབང་བསྐུར་བས།། སྡུག་བསྔལ་ཆུ་བོའི་འཇིགས་དང་བྲལ།། ཡེ ་ཤེས་ཏིང་འཛིན་ལས་ལས་འགྲུབ།། ཤེས་རབ་སྟོབས་སོགས་མཉམ་སྦྱོར་བས།། འཕེལ་འགྲིབ་ཐིག་ལེ་འབྱུང་འཇུག་མེད།། ཚེ་དང་ལུས་དང་བདེ་བ་དང་།། ཡེ་ཤེས་ཟག་མེད་ཟུངས་ལྡན་པས།། མ་ལུས་ཞིང་སོགས ་དག་པ་སྟེ།། བདུད་བཞི་སྐྱེ་སོགས་པར་ཆད་མེད།། འབྱུང་བཞི་དངས་མ་ལ་བརྟེན་པས།། རིག་པའི་བདེ་ཆེན་བར་ཆད་མེད།། རྣམ་རྟོག་འགྱུ་བའི་རླུང་དངས་པས།། བདེ་ཆེན་ནམ་མཁའི་མཐའ་ལྟར་གནས།། ཐ ་མའི་དབང་ལ་རང་སྣང་བས།། ཞིང་ཁམས་རྒྱ་མཚོ་རྡུལ་སྙེད་ཀྱི།། ཐབས་དང་ཤེས་རབ་མཉམ་པར་གནས།། དྲི་ཅན་ཉིད་ལ་དབང་བསྐུར་བས།། ཤེས་བྱའི་དཀྱིལ་འཁོར་ཀུན་སད་དེ།། རྨོངས་པ་སངས་ལྟར་མངོན ་སངས་རྒྱས།། དེ་ནས་ནམ་མཁའི་མཐའ་ཐུག་པར།། བདེ་བ་ཆེན་པོའི་སྐུ་ཉིད་དང་།། ཆོས་ཀྱི་འཁོར་ལོ་བསྐོར་མཛད་ཅིང་།། བདེ་ཆེན་མི་རྟོག་གསལ་བའི་ཐུགས།། ཞིང་ཁམས་ཕྱོགས་བཅུའི་རྡུལ་སྙེད་དུ།། ཡོན ་ཏན་བསམ་ཡས་མངོན་བསྟན་ནས།། གདུལ་བྱའི་དོན་ནི་ཇི་སྙེད་པ།། མ་ལུས་མཛད་པས་ཚིམས་པར་མཛད།། ལམ་དང་མཛད་པ་ཞིང་ཁམས་དག། ས་དང་ཁམས་དང་མཐུན་པར་སྣང་།། སྣོད་བཅུད་རྒྱུད་ཞེན་དྲི་མ ་གསུམ།། ཉི་ཟླ་སེམས་མཐུན་མཐའ་ཡང་འགྲོ་འོང་གིས།། གནས་སུ་འདྲེན་པའི་ལམ་ཉིད་ཀྱིས།། དག་པ་ཡབ་ཡུམ་ཡེ་ཤེས་གསལ།། ཐབས་དང་ཤེས་རབ་དབྱེར་མེད་པའི།། འཁོར་འདས་དབྱེར་མེད་རང་བཞིན ་ལ།། འབྲུ་གསུམ་མཚམས་ནས་རང་ཟློག་པས།། ཐབས་ལ་བརྟེན་པའི་གར་བསྐྱོད་པས།། མ་སྐྱེས་ལྷན་ཅིག་སྐྱེས་པར་གསལ།། རྟེན་ཅན་རླུང་དང་ཐིག་ལེ་ལ།། རང་བྱུང་གོམས་པའི་བློ་ཡིས་བལྟ།། རྐྱེན་དང་བྲལ ་བས་མངོན་གྱུར་ན།། སེམས་ཀྱི་ཐིག་ལེ་འཆོར་བ་མེད།། རང་བྱུང་བདེ་བ་མངོན་སུམ་སྟེ།། གོམས་དང་ཐུགས་རྗེ་རང་སྣང་བའི།། འདོད་ཡོན་ལོངས་སྤྱོད་སྣ་ཚོགས་ལ།། ལྷ་མོ་རོལ་རྩེད་སྟོང་གི་བདག། གྲངས་མེད ་འཁོར་ལོའི་ཚུལ་བསྐོར་བས།། མ་གཡོས་བདེ་བ་ཀུན་ཁྱབ་ཅན།། ཕུང་སོགས་རྟོགས་པ་ཐམས་ཅད་ཀུན།། བདེ་ཆེན་ཡེ་ཤེས་ལྔ་རུ་གསལ།། དེ་ཉིད་བཅུ་གསུམ་སངས་རྒྱས་ས།། ཡེ་ཤེས་དབྱིངས་ཉིད་རང་གནས ་པའི།། ཁམས་གཉིས་འདུས་པའི་ཐབས་ལས་སྐྱེས།། སྐྱེས་པ་ཉིད་ན་བདག་ཏུ་གསལ།། ཐབས་ལ་མཁས་པའི་ཁྱད་པར་གྱིས།། གང་ལ་འདུལ་བའི་ཚུལ་སྣང་བ།། ཡང་དག་ལོག་པ་ཡོད་མེད ་ཀྱི།། ཤེས་རབ་སྤྱན་གཉིས་ཡུལ་གཅིག་ཀྱང་། ཐབས་ལུས་ཀྱང་།། སཱ་ལུ་ཕུག་བགྲོད་སྣང་མེད་བཞིན།། ལྡོག་མེད་སྟོབས་སུ་རྫོགས་པ་ཉིད།། དང་པོ་འཇུག་པའི་རིམ་པ་ནས།། མཐའ་མ་མཐར་ཕྱིན་རྫོགས་པར ་དུ།། ཕྱི་ནང་གསང་སོགས་ཇི་བཞིན་པར།། སྐྱེ་འགག་གནས་དམིགས་འགྲོ་འོང་གིས།། གཡོ་སེམས་སྐྱེས་ལ་མོས་སྤྱད་ཀྱང་།། ཟབ་མོ་བསྒྲགས་པས་བསྐྱེད་རིམ་བརྟན།། སྨོན་ལམ་འདོད་ཡོན་འཇུག་པ ་ཡང་།། གཉིས་མེད་དོན་ལ་སྡང་བ་མེད།། གནས་པ་དང་ནི་མཉམ་གསུམ་གྱིས།། ཡིད་ཆེས་ཤེས་རབ་འཕེལ་བར་བྱེད།། རྒྱུན་དུ་གནས་པའི་སྤྲོས་བཅས་ཚེ།། མཐར་ལམ་ཉིད་ལ་སྦྱོར་བའོ།། བསྒྲུབ་པའི་རྒྱུ་ཡིས་མི ་ལྡོག་པ།། དེ་གོམས་ཕྱི་མའི་རིག་རིགས་ཀྱང་། ལས་བསྟན།། ལྷུན་གྲུབ་ཕྱི་ཚེ་ཡོངས་སུ་རྫོགས།། ཐབས་དང་ཤེས་རབ་མཉམ་སྦྱོར་བས།། བདེ་བ་ཐིག་ལེ་རྫོགས་སྐྱེས་པ།། རང་བཞིན་མེད་པའི་སྒྱུ་མར་འགག། ་ཉིད་མ་སྐྱེས་དབྱེར་མེད་གནས།། གཉིས་མེད་རྟོགས་པ་གང་དམིགས་པས།། འགྲོ་འོང་མེད་པའི་འབྲས་བུ་འཆར།། བསླད་པའི་ཚིག་བྲལ་སྒྲོ་སྐུར་མེད།། རྒྱུ་རྐྱེན་འབྲས་བུ་བདག་པོ་དང་།། གཉིས་མེད་དོན་ལས་མི ་གཡོ་ཞིང་།། འབྲེལ་ཚང་འཁྲུག་བསྣོལ་བཀའ་བརྒྱུད་ཡིན།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། དངོས་པོ་ལྔ་གཏན་ལ་ཕབ་པའི་ལེའུ་སྟེ་བཅུ་བཞི་པའོ།། །། དེ་ནས་བཅོམ་ལྡན ་དགྱེས་ཆེན་པོ།། འདུལ་བའི་བསམ་པ་ལ་དགོངས་ནས།། དཀྱིལ་འཁོར་རྡུལ་སྙེད་བཅས་པ་དག། ཁྲོ་བོ་དཔག་ཏུ་མེད་པར་གྱུར།། གང་ཕྱིར་གདུལ་བྱ་དཔག་མེད་དག། ཁྲོ་བོས་འདུལ་བའི་དོན་ཕྱིར་རོ།། ཁ་ཅིག ་སྡང་སེམས་ལྡན་པ་ལ།། སྐུ་གསུང་ཐུགས་སུ་ལྡན་པ་ཡི།། ཐབས་མཁས་སྐྱོན་དང་བྲལ་བ་ཡི།། ཞེ་སྡང་ཁྲོས་པས་འདུལ་བར་མཛད།། ཁ་ཅིག་ཆགས་ཤིང་ཞེན་པ་སྟེ།། ཐབས་དང་ཤེས་རབ་དབྱེར་མེད ་པའི།། འདོད་ཆགས་རྨོངས་པར་ཐིམ་མཛད་ནས།། ཆགས་པ་ཁྲོས་པས་འདུལ་བར་མཛད།། ལ་ལར་བལྟ་དང་ཆོ་དང་ལས།། ཏིང་འཛིན་ཞིང་ཁམས་ཆོ་འཕྲུལ་གྱིས།། འཕམ་ཞིང་ང་རྒྱལ་ཟིལ་མནན་པ།། ལོག་པའི ་རི་བོ་བརྟས་མཐོང་ནས།། ལོག་པའི་རི་བོ་ཚར་གཅོད་ཅིང་།། ཐོག་མ་མཐའ་མའི་དུས་མེད་པ།། རང་བྱུང་སྒྱུ་འཕྲུལ་འགག་པ་མེད།། ཐབས་མཁས་ཕན་པའི་གནོད་བྱིན་གྱིས།། འཇིག་རྟེན་སྒོ་གསུམ་བྱ་བ ་ལ།། འཇིགས་དང་རེ་དོགས་མེད་པ་ཡི།། མི་བྱ་བ་ནི་གང་ཡང་མེད།། ཏིང་འཛིན་བྱེ་བ་ས་ཡ་དག། དཔག་མེད་ཆེ་བར་ཀུན་སྤྲུལ་ནས།། མཚན་མའི་ཆེ་བ་ཟིལ་མནན་ནས།། ཐབས་མཁས་ཡིད་འཕམ་འཕྲོག་པར ་མཛད།། སྟོང་གསུམ་ཁྲག་དང་དུར་ཁྲོད་དང་།། དགའ་དང་མི་དགའ་འཇིགས་བྱེད་པའི།། མ་ལུས་དུར་ཁྲོད་རོ་གླིང་དུ།། སྟོབས་ཀྱིས་གདུག་པ་ཟིལ་གྱིས་གནོན།། འཇིག་རྟེན་ཁམས་ནི་མ་ལུས ་པར།། གཡོ་ཞིང་འཁྲུག་དང་ལྡེག་པ་ཡིས།། གདུག་པས་སྤ་བཀོང་འཇིགས་མཛད་ནས།། བསྐལ་པ་མེ་ལྟར་རབ་འབར་ཞིང་།། འཇིགས་བྱེད་ཆེན་པོ་རྒྱན་གྱིས་བཞུགས།། འདི་ལྟར་མ་ལུས་ཟིལ་གནོན་པ།། ང་རྒྱལ ་ཁྲོས་པས་འདུལ་བར་མཛད།། དེ་ནས་སངས་རྒྱས་ཐམས་ཅད་ནི།། མ་ལུས་འདུས་པའི་བདག་ཉིད་དེས།། མ་ལུས་བྱིན་རླབས་གསལ་བྱའི་ཕྱིར།། གཉིས་མེད་སྦྱོར་བའི་ཐིག་ལེ་ཡིས།། མ་ལུས་ཁྱབ་པར་གང་མཛད ་ནས།། ཐིག་ལེ་རྡུལ་ཕྲན་འཕྲོས་པ་ཡིས།། དག་པ་བདེ་ཆེན་ལྷུན་གྲུབ་པར།། ཐམས་ཅད་བྱིན་རླབས་གསལ་བ་ཡི།། མ་ལུས་དཀྱིལ་འཁོར་ཆེན་པོར་གནས།། དཔལ་ལྡན་འདུས་པའི་ངོ་བོ་ལས།། རིགས་ལྔའི་ཚུལ ་འདི་རྣམ་པར་འཕྲུལ།། ལ་ལར་རྡོ་རྗེས་སྦྱོར་མཛད་ཅིང་།། ལ་ལར་ཀུན་གྱི་རེ་བ་སྐོང་།། ལ་ལར་མ་ཆགས་སྐྱོན་བྲལ་ཉིད།། ལ་ལར་ཆོ་འཕྲུལ་མཐའ་ཡས་སྟོན།། ཡེ་ཤེས་ཕྲ་རགས་གཉིས་སུ་མེད།། བདེ་ཆེན་རིག ་པའི་སྟོབས་འཕེལ་བས།། ཤེས་པ་བརྒྱད་ནི་རང་ལྡོག་པས།། བདེ་ཆེན་རིག་པ་ཁ་བལྟས་ནས།། རང་རང་ལས་དང་སྐལ་བར་གནས།། བདེ་ཆེན་རོལ་པ་རང་སྣང་བས།། ཡུལ་རྣམས་གཉིས་མེད་འདྲེས་པ་ཉིད།། རྡོ ་རྗེ་བདེ་ཆེན་ཕྲ་མན་ཉིད།། ཡུལ་སེམས་ཕྱི་ནང་ཐིག་ལེར་གསལ།། འཁོར་འདས་གཉིས་མེད་མཚོན་པར་མཛད།། ཐབས་ཆེན་གསང་བ་ལ་བརྟེན་ནས།། རང་བྱུང་གསང་བའི་ཉི་ཟླའི་འོད།། དབབ་དང་བཟུང་དང ་གནས་བཅིང་ཞིང་།། རང་རང་གནས་སུ་སླར་སོན་པས།། མི་ཤེས་ཡུལ་ལས་འདས་པ་ཡི།། བདེ་ཆེན་གསལ་བའི་སྐུ་གསུང་ཐུགས།། མ་ལུས་དཀྱིལ་འཁོར་ཆེན་པོར་གསལ།། གང་དུ་ཡིད་ལས་འདས་པ་ཡི།། བདེ ་ཆེན་དཀྱིལ་འཁོར་མཐའ་དབུས་མེད།། རྟེན་མེད་ཐིག་ལེ་འགྲོ་འོད་སྤང་།། རང་བྱུང་གནས་པའི་སྙིང་པོར་ཐིམ།། ཕྱི་ནང་ཡུལ་སེམས་ཀུན་བྲལ་བའི།། རང་བྱུང་སྒྱུ་འཕྲུལ་དྲ་བ་སྟེ།། ཐབས་ཆེན་མི་དམིགས་ཆོས་ཀྱི ་དབྱིངས།། སྒྱུ་འཕྲུལ་དྲ་བའི་དཀྱིལ་འཁོར་རོ།། རང་བཞིན་ཐབས་དང་ཤེས་རབ་ལས།། བདེ་ཆེན་རང་བཞིན་གསལ་བར་འཆར།། ཕྱོགས་བཅུའི་འཇིག་རྟེན་སྣོད་བཅུད་བཅས།། བདེ་ཆེན་ཐིག་ལེའི་དཀྱིལ་འཁོར ་སྣང་།། རྗེས་སུ་འཛིན་པ་བཞི་ལྡན་ཞིང་།། ཡུལ་སེམས་ལུས་དང་དུས་བཞིར་བཅས།། རྡོ་རྗེ་འཛིན་པར་བྱིན་བརླབས་ཤིང་།། གསང་བའི་དོན་དུ་གཉིས་སུ་མེད།། རྡོ་རྗེ་ཉི་མ་ནུབ་ནས་ནི།། རང་བྱུང་དཔའ་བོའི་ཟླ ་བ་ཉིད།། སྒྲིབ་བྱེད་མེད་པའི་ཚུལ་དུ་འཆར།། མ་ལུས་དབྱེར་མེད་ཚུལ་དུ་གནས།། སྒྱུ་འཕྲུལ་དྲ་བ་མངོན་རྫོགས་པ།། ཐོག་མཐའ་མེད་པའི་རྡོ་རྗེ་སེམས།། སྙིང་པོ་གཉིས་མེད་བདེ་ཆེན་པོར།། རང་བྱུང་གཉིས་མེད ་དོན་དུ་གསལ།། རང་བྱུང་གཉིས་མེད་ཐིག་ལེ་ཡིས།། མ་ལུས་སྟོང་པར་མཛད་པ་ཡི།། རྡོ་རྗེ་ཁྲོ་བོའི་ཕྲིན་ལས་ཏེ།། ཟ་བྱེད་ཅེས་ཀྱང་བཤད་པ་ཡིན།། གང་དུ་རྒྱུ་བ་ཀུན་ཟད་པའི།། ཕྱི་ནང་གསང ་བའི་ཐིག་ལེ་ནི།། རྟེན་དང་བརྟེན་པར་བཅས་པ་ནི།། ཟག་མེད་བདེ་ཆེན་དང་དུ་ཐིམ།། རང་རིག་དངོས་དང་དངོས་བྲལ་བའི།། མཐའ་དབུས་གཟུང་འཛིན་ཡུལ་འདས་པས།། སྐྱེ་མེད་བདེ་ཆེན་ཆོས་ཀྱི ་དབྱིངས།། བདེན་པ་དབྱེར་མེད་དོན་དུ་གནས།། ཚིག་དང་ཡི་གེ་ལས་འདས་པའི།། བདེ་ཆེན་ལྷན་ཅིག་སྐྱེས་པ་ནི།། གང་གིས་མཚོན་པ་ལས་འདས་ཀྱང་།། དབང་དང་མན་ངག་སྟོབས་ལས་ཀྱང་།། ཐབས་དང ་ཤེས་རབ་འབྲེལ་བ་ཡི།། རང་བྱུང་ཡེ་ཤེས་བདེ་ཆེན་ནི།། རང་བཞིན་སྦྱངས་ལས་སྣོད་གྱུར་པའི།། སྐལ་ལྡན་རྣམས་ཀྱི་སྤྱོད་ཡུལ་ཏེ།། ལས་ངན་སྒྲོ་སྐུར་དབང་བྱས་ཤིང་།། རྨོངས་སོགས་དམན་པའི་ཡུལ་མ ་ཡིན།། གསང་བ་ཟབས་ཆེན་སྙིང་པོའི་རྒྱུད།། སངས་རྒྱས་ཀུན་གྱི་གསང་ཆེན་འདི།། བདེ་ཆེན་ནམ་མཁར་ཀུན་གསལ་ནས།། ཡིན་དང་མ་ཡིན་ཡུལ་ལས་འདས།། ཕྱོགས་བཅུའི་རྡུལ་སྙེད་སངས་རྒྱས་ཀྱི།། ཐུགས ་ཀྱི་ཐུགས་ཏེ་ཐུགས་ཀྱི་མཆོག། མ་ལུས་གསང་མཆོག་རྒྱན་གྱིས་མཛེས།། དེ་ལྡན་རྒྱལ་སྲས་དེ་བཞིན་གཤེགས།། ཞེས་ཉིད་ལ་ཉིད་གསུངས་སོ།། སྒྱུ་འཕྲུལ་རྒྱ་མཚོའི་རྒྱུད་ལས། རྡོ་རྗེ་ཁྲོ་བོ་རང་བཞིན་མངོན་དུ་ཕྱུང ་བའི་ལེའུ་སྟེ་བཅོ་ལྔ་པའོ།། །། དེ་ནས་བཅོམ་ལྡན་དགྱེས་ཆེན་པོ།། ཕྱོགས་དུས་བདེ་གཤེགས་ངོ་བོ་ཉིད།། ཟ་བྱེད་ཐབས་དང་ཤེས་རབ་ཀྱི།། གསུང་གི་བྱིན་རླབས་སྣང་བར་མཛད།། དེ་ཚེ་ཕྱི་ནང་སྣོད་བཅུད ་བཅས།། གཡོ་དང་འབར་ཞིང་གང་བ་ཡིས།། མ་ལུས་ཡེ་ཤེས་བྱིན་བརླབས་ནས།། བདེ་བ་ཆེན་པོར་གསལ་བར་བྱེད།། གང་དུ་རྟོགས་གོམས་བརྟན་པ་ཡིས།། ཐབས་དང་ཤེས་རབ་ལས་བྱུང་བའི།། བདེ་བའི་ཐིག ་ལེ་ཐུག་པ་མེད།། ཡེ་ཤེས་ལྔ་ཞེས་གང་བཤད་པ།། རྒྱལ་བ་ཀུན་གྱི་སྙིང་པོ་ལྔ།། ས་བོན་ཡི་གེ་ཨོཾ་ཞེས་བཤད།། ཐོག་མཐའ་མེད་པའི་དེ་བཞིན་ཉིད།། གཉིས་མེད་མི་ཕྱེད་འཇོམས་པས་ན།། ཐུགས་ཀྱི་རྡོ་རྗེ་གང་ཡིན ་པ།། བཛྲ་ཞེས་ནི་བརྗོད་པ་ཡིན།། མ་བཅོས་དེ་བཞིན་ཡེ་ཤེས་ནི།། རེ་དོགས་འགྲོ་འོང་མེད་སོན་པས།། ཆོས་ཀྱི་དབྱིངས་ཀྱི་སྐུ་ལས་གྱུར།། ཏ་ཐཱ་ག་ཏ་ཞེས་བརྗོད་དོ།། མ་ལུས་རང་བྱུང་རིན་པོ་ཆེ།། ནམ་མཁའ་ལྟ། ་བུར་ཟག་མེད་ཅིང་།། དབང་བསྐུར་ཐོགས་མེད་ཡེ་ཤེས་ནི།། རཏྣ་ཞེས་པ་བརྗོད་པ་ཡིན།། འཁོར་བའི་བག་ཆགས་སྤོང་བ་ནི།། བདེ་བ་ཆེན་པོ་སྐྱོན་མེད་པ།། འདོད་ཆགས་ཆགས་བྲལ་བཅོམ་པ་ཉིད།། པདྨ་ཉིད་ནི ་ཡིན་པར་བཤད།། ཐོགས་མེད་བརྩོན་འགྲུས་ཕ་རོལ་ཕྱིན།། བྱ་བྱེད་ཕྲིན་ལས་མཐར་ཕྱིན་པ།། འགྲོ་འོང་མེད་པའི་ཐབས་ཉིད་ནི།། ཀརྨ་ལས་ཀྱི་རང་བཞིན་ཉིད།། ཤྲཱི་གཉིས་མེད་ཡེ་ཤེས་ཏེ།། དོན་གྲུབ་ལྔར་ནི ་བསྔགས་པ་ཡིན། མ་ཧཱ་ཆེན་པོ་ལྔ་ཉིད་དེ།། ཐིག་ལེ་ཆེན་པོ་ལས་བྱུང་བ།། སྐུ་གསུང་ཡོན་ཏན་ཕྲིན་ལས་ཐུགས།། མ་ལུས་ཆེན་པོ་ལྔ་ཉིད་དོ།། ཉོན་མོངས་ལྔ་འཇོམས་ཁྲོ་བོ་ནི།། ཧེ་རུ་ཀ་ཞེས་བརྗོད ་པ་སྟེ།། ཡེ་ཤེས་འབར་བའི་མཚན་ཉིད་ནི།། ཁྲག་འཐུང་ལྔར་ནི་བཤད་པ་ཡིན།། ཐབས་ཀྱི་ཡུལ་ལྔ་བཅོམ་པ་ནི།། མ་ཧཱ་ཙཎྜ་ཞེས་བརྗོད་དེ།། ཁྲོ་བས་ཁྲོ་བ་སྤངས་པ་ནི།། གཏུམ་པོ་ཆེན་པོ་དེ་ཉིད་དོ།། མ་རུངས་པ ་དང་བདུད་བཞི་དང་།། དམ་ཚིག་སྡང་བ་ཐམས་ཅད་ནི།། བདག་དང་གཞན་འཚེ་བར་གཅོད་དང་། ཐམས་ཅད་སརྦ་དུཥྚཱན་ཉིད།། གསང་བའི་ཐབས་ཆེན་མ་རུངས་པ།། གང་གིས་འཇོམས་པ་ཧ་ཀ་སྟེ།། གཉེན་པོས ་འཇོམས་པ་ཧ་ན་ཉིད།། གང་གིས་ད་ཧ་འཇོམས་པ་ཉིད།། བག་ཆགས་ཟད་འཚེད་ཡིན་ནམ། པ་པ་ཙ་ཉིད།། ཧཱུཾ་ནི་ཐུགས་ཀྱི་རང་བཞིན་ཏེ།། ཟད་དང་སྒྲོལ་དང་དྲག་པོའི་སྒྲ།། འདིར་ནི་ཕཊ་ཞེས་སྐུལ་བར ་བཤད།། ཡེ་ཤེས་རང་བཞིན་སྐྱེ་མེད་པ།། ཟབ་མོ་ཐིག་ལེ་འདུས་མ་བྱས།། ཨོཾ་ཞེས་ཕྲ་མོ་ཡུམ་ལྔར་བརྗོད།། རིགས་ལྔ་ཕྲ་བར་གང་བརྗོད་པ།། བཛྲ་ལ་སོགས་བཤད་པ་ལྔ།། མི་རིག་སྤྱོད་རྟེན་མི་ནུས་པ།། ཡུམ་ཆེན ་ལྔ་ཞེས་བཤད་པའོ།། ཡུལ་དང་ཤེས་པ་གཉིས་མེད་པ།། ཟབ་མོ་ཐིག་ལེ་འདུས་མ་བྱས།། ཀུན་གྱི་འབྱུང་གནས་དབྱིངས་ཕྱུག་མ།། ཤྭ་རི་དབང་ཕྱུག་ལྔར་བཤད་པའོ།། གང་གིས་གང་འཛིན་མི་གཏོང་པ།། དེ་ཉིད་དྷ ་ར་གཟུངས་མར་བཤད།། ཧ་ནི་མཚན་མེད་འདུས་མ་བྱས།། སྟེང་རྒྱན་ཐུགས་རྗེ་ཆེན་པོ་ཉིད།། རཱ་ནི་ཆགས་པ་བདེ་ཆེན་ཉིད།། གསུངས་རབ་རྒྱ་མཚོ་སྒྲ་མཐའ་ཡས།། ཧཱུཾ་སྡུད་ཕཊ་ཀྱིས་སྒྲོལ་བ་ནི།། སྐྱེ་བ་མེད་པའི ་ང་དུ་བཤད།། ཧ་བརྒྱད་དགྱེས་པའི་ཐིག་ལེ་སྟེ།། རགས་པ་ཐབས་ཀྱི་ཁྲོ་མོ་སྟེ།། རྒྱལ་བ་ཀུན་གྱི་སྲས་མཆོག་སྟེ།། ལས་ཀྱི་སྲིན་མོ་འདུལ་ཕྱིར་ཡིན།། དགྱེས་པའི་ཐིག་ལེ་ཕྲ་མོ་བརྒྱད།། ཧེ་ཞེས་ཞིབ་བུར་བརྗོད་པ ་ལས།། འཁོར་འདས་དབྱེར་མེད་ཕྲ་མེན་བརྒྱད།། སྲིན་མོ་ཕྲ་མེན་འདུལ་ཕྱིར་ཡིན།། འཇིག་རྟེན་ལས་སྐྱེ་རྒུན་ཟད་ཅིང་།། གཉིས་མེད་ཡེ་ཤེས་རྣམ་སྤྲུལ་པ།། དེས་ནི་འཇིག་རྟེན་སྤངས་པའི་ལྷ།། བཛྲ་ཞེས་ནི་བཤད ་པ་ཡིན།། ཞི་བས་དཀར་མོའི་རང་བཞིན་ཏེ།། ཆེ་བའི་ཡོན་ཏན་མཐུས་རྐུ་བས།། སེར་མོ་རྐུ་བྱེད་ཡིན་པར་བཤད།། མ་ལུས་རྨོངས་བྱེད་ཆགས་མདོག་དམར།། ནག་མོ་དྲག་པོས་ཐལ་བྱེད་མ།། མི་མཚོན་བག་ཆགས ་མེད་པའོ།། ཆེ་བའི་ཡོན་ཏན་ང་རྒྱལ་འཆང་།། སྤོས་མོ་རང་བཞིན་ཡིན་པར་བཤད།། སྤང་ལེན་རྟོག་འཇོམས་ཕ་རོལ་ཕྱིན།། སྨེ་ཤ་ཅན་ནི་གདོལ་པ་མོ།། འབར་ཞིང་བརླག་པས་གཏུམ་མོ་སྟེ།། སྤྲུལ་པ་འགྱེད་པ་མ ་ཚོགས་མ།། ཟ་བ་སེང་གདོང་ཆེན་མོ་སྟེ།། དཔའ་བརྟུལ་སྤྱོད་པ་སྟག་གི་གདོང་།། བག་ཆགས་བྲལ་བས་ཝ་ཡི་མགོ།། དུར་ཁྲོད་འཇོམས་པས་སྦྲང་མོར་བརྗོད།། དམ་ཚིག་མཐར་ཕྱིན་བཞད་གདོང་སྟེ།། བདག ་འཛིན་བྲལ་བ་ཀང་ཀ་མ།། མངོན་ཞེན་འདུལ་བ་ཁ་ཁ་ཞེས།། ཟབ་མོའི་དོན་རྟོག་ཏུ་ལུ་མ།། རང་སར་གནས་པ་སྐྱེས་པ་ལ།། ན་མཿཕྱག་འཚལ་ཉིད་དུ་བརྗོད།། ཛཿས་ནི་འགུགས་པའི་ལས་བྱེད ་དེ།། ཁཱ་ཧིས་མཆོད་པ་བསྟབ་པར་བྱེད།། ཕཊ་ཀྱིས་ཀུན་ཀྱང་ལས་ལ་སྐུལ།། ལས་ཀྱི་སྒོ་བཞི་འདུལ་བའི་ཕྱིར།། འགུགས་འཆིང་བསྡམས་པ་མི་གཏོང་སྟེ།། ཐལ་བ་འཆིང་བྱེད་སྒྲ་སྙན་མ།། བཛྲ་ལྷག་མ་ཞེས ་བརྗོད་པ།། ཛཿཧཱུཾ་བཾ་ཧོཿབཞི་ལས་བྱུང་།། ཐབས་དང་ཤེས་རབ་འཁྲིལ་བ་ལས།། ཕྱག་རྒྱ་བཞི་དང་ལྡན་པར་གནས།། བྷྱོ་ནི་ལས་བྱེད་བྲན་མོ་སྟེ།། ལས་ཀྱི་མཁའ་འགྲོ་ཐིག་ལེར་ཆགས།། རྒྱུ་བ་ལས་ཀྱི་ཐིག་ལེ ་ཉིད།། ཛཿཧཱུཾ་བཾ་ཧོཿས་སྤྱན་དྲངས་ཐིམ།། ཡི་གེར་ཞུ་བས་གཉིས་སུ་མེད།། རྡོ་རྗེ་ཁྲོ་བོའི་དམ་ཚིག་གིས།། གཉིས་མེད་གསལ་བར་འདྲེས་པ་ལས།། འབར་བའི་བྱིན་རླབས་རང་བྱུང་བ།། དངོས་གྲུབ་རང་ལས་སྣང ་བར་བརྟག། སྐུ་གསུང་ཐུགས་དང་དབྱེར་མེད་ན།། བདེན་པ་གསུམ་པར་མི་ཕྱེད་པས།། ལྷ་དང་བདག་ཏུ་དབྱེར་མེད་དེ།། བདག་ཉིད་ལ་ནི་གསལ་བར་བསྟིམ།། རང་རང་སྦྱོར་བའི་སྔགས་ཉིད་ཀྱིས།། ཆུ་ལ་ཆུ་ལྟར ་དབྱེར་མེད་པས།། དག་པའི་ཡེ་ཤེས་རྨད་བྱུང་བས།། ཐོབ་ནས་རང་ལ་བརྟན་པར་གནས།། ཞེས་ཉིད་ལ་ཉིད་ཆེད་དུ་བརྗོད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། ཁྲོ་བོ་གསུང་གི་དཀྱིལ་འཁོར་བཤད་པའི་ལེའུ་སྟེ ་བཅུ་དྲུག་པའོ།། །། དེ་ནས་བཅོམ་ལྡན་དགྱེས་ཆེན་པོ།། ཐོག་མ་མཐའ་མ་དབུས་མེད་པའི།། བདེ་བ་ཆེན་པོ་རྡོ་རྗེ་འཆང་།། སྐུ་ཡི་དཀྱིལ་འཁོར་འཆད་པར་མཛད།། ཕྱོགས་བཅུ་མཐའ་དང་དབུས་མེད ་ཉིད།། འབར་བའི་དཀྱིལ་འཁོར་གཞལ་ཡས་ཁང་།། ཡེ་ཤེས་དཀྱིལ་འཁོར་ལྷུན་གྲུབ་པས།། ཕྱོགས་དུས་ཐིག་ལེ་ཆེན་པོ་ཉིད།། རང་བྱུང་འབར་བའི་དཀྱིལ་འཁོར་བཞི།། རྒྱུ་འབྲས་ཐིག་ལེས་བརྒྱན་པའི ་གནས།། ཚད་མེད་སངས་རྒྱས་གྲུ་བཞི་སྟེ།། བདེན་པ་གཉིས་བརྒྱན་ཁམས་ཀྱིས་མཛེས།། རྣམ་པར་ཐར་པའི་སྒོ་བཞི་ལ།། དུར་ཁྲོད་རྒྱན་ཆས་རྟ་བབས་ལྡན།། ཐོད་ཕྲེང་བླ་རེ་ཉིད་ཟླའི་རྒྱན།། འཇིགས་ཤིང་མཛེས ་པ་སྣ་ཚོགས་རྒྱན།། འཁོར་བ་རྨད་བྱུང་འབར་བའི་གནས།། ཁྲག་འཐུང་བཞུགས་པའི་གཞལ་ཡས་ཁང་།། མཁའ་འགྲོ་སྣ་ཚོགས་ཚོགས་པའི་ས།། རོལ་པའི་ལྷ་མོ་སྣ་ཚོགས་ཀྱང་།། ལྷ་དང་མཛེས་ཚུལ་སྣ་ཚོགས ་ཀྱིས།། འཁོར་ལོའི་ཚུལ་དུ་གནས་པ་ལས།། མདོག་དང་རང་ཆས་ལུགས་བཞིན་དུ།། དགའ་དང་མཛེས་དང་ཆགས་པ་དང་།། རོལ་དང་སྡིག་པར་བྱེད་པ་དང་།། རྔམས་དང་ལས་ལ་བརྩོན་ལ་སོགས།། འཁོར་ལོའི ་ཚུལ་དུ་བསྐོར་ཏེ་གནས།། ཞིང་ཁམས་བྱེ་བ་རྡུལ་མཉམ་པ།། ཁྲག་འཐུང་སོ་སོར་འཁོར་དང་བཅས།། མཉམ་པས་མཉམ་པའི་ཚུལ་སྟོན་ཅིང་།། སྐུ་དང་གསུང་ཐུགས་དབྱེར་མེད་པའི།། དེ་བཞིན་ཉིད་དུ་དབྱེར ་མེད་ཐིམ།། རྒྱུད་ཆེན་སྒྱུ་འཕྲུལ་རྒྱ་མཚོ་ཡི།། ཆེ་བའི་ཡོན་ཏན་བསམ་ཡས་པ།། ནམ་མཁའི་ཁམས་ལས་འདས་པ་ཡི།། འབར་བའི་དཀྱིལ་འཁོར་སྣ་ཚོགས་སྣང་།། དེ་ཉིད་རང་རིག་རང་སྣང ་བར།། སྐུ་གསུང་ཐུགས་ཀྱི་ཆོ་ག་ཡིས།། དབང་བསྐུར་བྱིན་རླབས་ཀུན་ལྡན་ནས།། ལྷག་པའི་ཏིང་འཛིན་བརྟན་པར་བསྒོམ།། མཚན་མའི་ཆོ་ག་ཀུན་སྤངས་པའི།། བྷ་ག་གསང་བའི་གཞལ་ཡས་ཁང་།། ཐེག ་ཆེན་གསང་བའི་གྲོང་ཁྱེར་ཏེ།། ཐབས་དང་ཤེས་རབ་དབྱེར་མེད་པའི།། ཡོན་ཏན་དཔག་མེད་རྫོགས་པར་སྣང་།། ཆགས་དང་རྨོངས་དང་གཡེངས་པ་དང་། བཏང་སྙོམས་ཐ་མལ་ལ་སོགས་པར།། འཇིགས་དང་བག། ་ཚཚེ་རྣམ་པར་གཅོད།། ཐིག་ལེ་རྡུལ་ཕྲན་གྲངས་མཉམ་པར།། བདེ་བ་ཆེན་པོར་རོ་གཅིག་ཅིང་།། མུ་མཐའ་མེད་པའི་གནས་སུ་འཇུག། ཆགས་སྡང་ལ་བརྟེན་གྲོང་ཁྱེར་དང་།། འཇིགས་དང་བག་ཚའི་གྲོང་ཁྱེར ་དང་།། ཐབས་དང་ལྡན་པའི་ཁྱད་པར་གྱིས།། དེ་ཉིད་རྣམ་པར་གཅོད་པར་བྱེད།། དབྱིབས་ཀྱི་བྷ་ག་བརྟེན་པའི་གནས།། ཐིག་ལེ་སྤྲོས་མེད་རང་བྱུང་བའི།། བདེ་བ་ཆེན་པོ་ཐོག་མཐའ་མེད།། བདག་པོ་གནས་དང ་དབྱེར་མེད་པར།། ཐིག་ལེ་མ་སྐྱེས་སྤྲོས་མེད་པས།། བདེན་པ་བཞི་ནི་རབ་འབར་བས།། ཕྱི་ནང་ལོངས་སྤྱོད་ཀུན་ཏུ་འཕེལ།། དགའ་བཞིའི་རིམ་པར་བརྟགས་བཅས་པའི།། བྱང་ཆུབ་སེམས་ཀྱི་ཐིག་ལེ ་གཉིས།། བདེ་ཆེན་སྣ་ཚོགས་དགའ་བས་བརྒྱན།། ཐིག་ལེ་ཕྲ་རགས་སྣང་བ་ཀུན།། འབབ་ཞོན་སྣང་བའི་ཐབས་ཉིད་ཀྱིས།། ཆགས་སོགས་ལྔ་པོ་ཟིལ་གནོན་པས།། དག་པ་ལྔར་ནི་རྣམ་པར་གནས།། ཐིག་ལེ་ཏིང ་འཛིན་རོལ་པར་བཅས།། གནས་དང་ཉམས་ཀྱི་ཁྱད་པར་གྱིས།། རང་རང་ལས་དང་མཐུན་པ་ཡི།། མདོག་ཀྱང་རིམ་པར་གྱུར་པ་ཡིན།། བདེ་ཆེན་རྣམ་པར་ཐར་པ་ལ།། མི་གནས་ཡེ་ཤེས་དྲུག་ལྡན་པས།། ཕུང་པོ་ལ ་སོགས་པར་ཆོད་བྲལ།། ཐབས་ཀྱིས་བདེ་ཆེན་ལུས་རྒྱས་པས།། གཡོ་བ་སྣ་ཚོགས་བཅས་པ་ཡིས།། འཇིགས་དང་བསྡིགས་དང་དགའ་བ་ཡིས།། སྒྲ་རྣམས་སྣ་ཚོགས་སྟོན་པར་བྱེད།། ཆགས་པས་ཐིག་ལེ་ཕྲེང་བཅས ་ཏེ།། རྡོ་རྗེ་སྣང་བས་ཁྱབ་པར་བྱེད།། རང་ལུས་ཐབས་དང་བཅས་པ་ཡིས།། ཐིག་ལེ་སྟོང་པར་བཅས་པ་ཡིས།། གཅོད་དང་འཇོམས་སོགས་སྣ་ཚོགས་པས།། བདེ་བའི་རོ་ནི་སྣ་ཚོགས་ལྡན།། གཉིས་མེད་རོ་ནི་ཐིག ་ལེར་འབྲེལ།། རྩ་བཅུད་ཤེས་པར་བཅས་པ་ཡིས།། ཐིག་ལེའི་ཕྱག་རྒྱ་བཞིར་བཅས་པས།། བདེ་ཆེན་གསང་བའི་ཐིག་ལེ་ལ།། དགུག་ཅིང་སྒྲོལ་བསྟིམ་ལ་སོགས་པ།། བྱ་བའི་ལས་ལ་དབང་ཐོབ་འགྱུར།། སྟེང ་འོག་ཐབས་ལས་བྱུང་བ་ཡི།། གསང་བའི་ཐིག་ལེ་ཆེན་པོ་ནི།། ཡོན་ཏན་རྫོགས་པའི་བདག་ཉིད་དེ།། སྣ་ཚོགས་རོ་དང་བཅས་པ་ཡི།། ཉི་ཟླ་འཁོར་ལོ་གེ་སར་བཅས།། གསང་བའི་ལུས་ལ་རྟག་ཏུ་གནས།། བྱེ་བྲག ་བརྒྱད་ཅུ་ཀུན་འདུས་པའི།། ཕྱོགས་བཞི་སྟེང་འོག་བཅས་པ་ཡི།། བདེ་ཆེན་འབར་བས་ཁྱབ་གྱུར་ཅིང་།། ཕྱི་ནང་བཅུད་ཀྱིས་གང་བར་བྱེད།། གསང་བའི་དེ་ཉིད་ངེས་པ་ཡི།། སྒྱུ་འཕྲུལ་རྒྱ་མཚོའི ་གསང་བའི་དོན།། མ་ལུས་ཁྱབ་པ་གསལ་འགྱུར་ཞིང་།། དག་པ་རྣམས་ལ་མངོན་གྱུར་ཀྱང་།། དབང་དང་མན་ངག་དྲལ་བ་ཡི།། རང་བཞིན་སྐལ་བ་དམན་པ་ལ།། ཐབས་ཀྱི་ཐེག་པ་མི་སྣང་སྟེ།། རིགས་ཆད་འཁོར ་བའི་རིགས་འཆང་ཡིན།། བདེ་ཆེན་གསང་བའི་སྙིང་པོ་འདི།། མ་ལུས་རྫོགས་པའི་ངོ་བོ་སྟེ།། རང་བཞིན་ཐབས་ལས་མངོན་གྱུར་པས།། ཐབས་ཆེན་ལྷུན་གྲུབ་མངོན་དུ་གྱུར།། རྡོ་རྗེར་ཐིག་ལེ་སོན་པ་ཡི།། གསང ་བ་ཐབས་ཀྱི་མེ་ལོང་ལ།། ཇི་བཞིན་མངོན་དུ་བྱས་པ་ཡི།། རྡོ་རྗེ་རིག་པའི་ལུང་ཐོབ་ཅིང་།། དབང་བསྒྱུར་ཕྱག་རྒྱ་ལྷུན་གྱིས་གྲུབ།། ཅེས་གསང་བའི་ཚིག་ཏུའོ།། སྒྱུ་འཕྲུལ་རྒྱ་མཚོའི་རྒྱུད་ལས། ལྷུན་གྱིས་གྲུབ་པའི ་དཀྱིལ་འཁོར་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན་དགྱེས་ཆེན་པོ།། མ་ལུས་མཆོད་པའི་སྤྲིན་བཀོད་དེ།། ཕྱི་ནང་གསང་བ་སྣ་ཚོགས་པའི།། དགྱེས་པའི་མཆོད་པ་བསྟབ་པར ་མཛད།། ཇི་སྲིད་ནམ་མཁའི་མཐར་ཐུག་པའི།། སངས་རྒྱས་རྡུལ་སྙེད་མཐའ་ཡས་པའི།། དབང་པོའི་གྲོང་ཁྱེར་མཉེས་མཛད་པའི།། རང་གི་ལག་ཆ་མཛེས་ལྡན་པའི།། ལྷ་མོའི་ཚོགས་ནི་བསམ་ཡས་པ།། དགྱེས་པའི ་མཉེས་ཚུལ་སྣ་ཚོགས་ཀྱིས།། འཁོར་ལོ་བདག་པོ་མཉེས་པར་མཛད།། མ་ལུས་ལོངས་སྤྱོད་ཚོགས་མཆོག་མཉེས།། མ་རྟོགས་པ་དང་ལོག་པར་རྟོགས།། ཕྱོགས་རྟོགས་ཡང་དག་ཉིད་མ་རྟོགས།། དབྱེར་མེད་དག ་མཉམ་ཚུལ་བརྟགས་ནས།། ལྷུན་གྱིས་གྲུབ་པའི་ཞིང་དུ་བསྒོམ།། ཐབས་དང་ཏིང་འཛིན་གོམས་པ་ཡིས།། གནས་ངན་དྲག་པོས་ཚར་བཅད་ནས།། ཚོགས་གཉིས་རྫོགས་པའི་རྒྱལ་སྲས་ལ།། སྐྱེ་ཤི་མེད་པར་ལྷུན ་གྱིས་གྲུབ།། མ་ལུས་ཐབས་དང་ཤེས་རབ་ཏུ།། རྟོགས་དང་གོམས་པའི་སྦྱོར་བ་ཡིས།། བདེ་བ་ཆེན་པོའི་ཐིག་ལེ་ཡིས།། ཐབས་དང་སྦྱོར་བས་མཉེས་པར་བྱ།། མ་ལུས་རིགས་ལྔར་མཉམ་སྦྱར་ནས།། མི་འཆི་ལྔ་དང ་ཤ་ལྔ་དག། འཇིགས་པ་མེད་པའི་དཔའ་བོ་ཡིས།། མཆོད་ཅིང་ལོངས་སྤྱོད་ཆེན་པོར་བྱ།། ལོངས་སྤྱོད་ལྔ་དང་མཉམ་སྦྱོར་བས།། ཕྱི་ནང་གསང་བར་མཉམ་སྦྱོར་ཞིང་།། བདེ་བ་ཆེན་པོར་གཉིས་མེད་པས།། དཀྱིལ ་འཁོར་ལྔ་དང་མཉམ་པར་གནས།། ཕྱོགས་དུས་རྒྱལ་བའི་དཀྱིལ་ཆེན་པོ།། མ་ལུས་གཅིག་ཏུ་མཉམ་ཉིད་པས།། གཉིས་མེད་རང་བྱུང་ངོ་བོ་ཉིད།། རྟོགས་གོམས་གནས་པས་ལྷུན་གྱིས་གྲུབ།། འདྲེས་དང་མ་འདྲེས ་མཉམ་གནས་པས།། ཐབས་དང་ཤེས་རབ་ཐིག་ལེ་ཉིད།། རོལ་པའི་ཐབས་ལས་རང་བྱུང་བ།། བདེ་ཆེན་གར་གྱི་སྙིང་པོ་མཆོག། མ་ལུས་རང་བྱུང་སྙིང་པོ་ལ།། འདོད་པའི་སྟོབས་ཀྱིས་ཉེར་རྫོགས་ཤིང་།། ཐབས་ཀྱི ་སྦྱོར་བ་གང་གནས་པ།། ཡོན་ཏན་ལྷུན་གྲུབ་སྙིང་པོར་གནས།། སངས་རྒྱས་ཀུན་གྱི་རྨད་བྱུང་བ།། རང་བྱུང་ཐབས་ཀྱིས་བྱིན་བརླབས་ཤིང་།། གསང་བའི་མེ་ལོང་གསལ་གནས་ན།། ལྷུན་གྲུབ་འབྲས ་བུ་གཞན་ལས་མིན།། ཕྱོགས་བཅུ་རྡུལ་སྙེད་གྲངས་མཉམ་པའི།། འབྲས་བུ་ཆེ་བ་ལྷུན་རྫོགས་དག། མ་ལུས་བདག་ཉིད་ལྷུན་རྫོགས་པས།། ཡོན་ཏན་གཞན་དག་སྨོས་ཅི་དགོས།། ཐབས་དང་ཤེས་རབ་གཉིས་མེད ་པའི།། མ་ལུས་ཀུན་ལ་རྒྱས་བཏབ་ཅིང་། ཐབས་ལྡན་རྣམས་ལ་སྣང་གྱུར་ཀྱང་།། ཀུན་ལ་གསལ་བར་སྣང་བ་མིན།། གསང་བ་ཐིག་ལེ་ཆེན་པོ་ནི།། ཡོན་ཏན་སྟོབས་ཀྱི་བདག་ཉིད་དེ།། རྟོགས་གོམས་མཉེས་པས ་ལྷུན་གྲུབ་ཅིང་།། ལོག་དང་ལེ་ལོའི་སྟོབས་ཀྱིས་མིན།། སྒྱུ་འཕྲུལ་དྲ་བ་མངོན་རྫོགས་པའི།། ཐིག་ལེ་རྫོགས་པའི་ཐབས་ཀྱིས་བསྐུལ།། གསང་བའི་རིག་པ་ཐབས་ཀྱིས་མནན།། རོ་གཅིག་བདེ་བ་ཆེན་པོར ་གསལ།། རྣལ་འབྱོར་ཐབས་དང་ཤེས་རབ་ཀྱིས།། མ་ལུས་བདེ་བ་ཆེ་རྟོགས་ཤིང་།། ཐིག་ལེ་གསལ་བའི་རོས་ཁྱབ་ན།། བྱེད་སྤྱོད་དཀྱིལ་འཁོར་གསལ་བར་འགྱུར།། མ་ལུས་མ་བཅོས་མཉམ་སྦྱོར་ཞིང་།། དཀྱིལ ་འཁོར་གསུམ་ལ་གོམས་པ་དང་།། བདག་དང་རྒྱལ་བར་མཉམ་སྦྱོར་བས།། མ་ལུས་མཆོད་པའི་ཆོ་གར་གནས།། གང་དུ་བསྐུལ་དང་ཆགས་པ་དང་།། དགའ་དང་བདེ་བས་བརྒྱན་པ་ཡི།། གསང་བའི་རོལ་མོས་གང ་བསྐུལ་བ།། སངས་རྒྱས་ཀུན་གྱི་བདེ་ཆེན་ནི།། ཕྱི་ནང་ཡུལ་སེམས་མ་ལུས་ཀུན།། བདག་ཉིད་ཆེན་པོའི་རོས་གང་ཞིང་།། བདེ་ཆེན་རྡོ་རྗེ་གཉིས་སུ་མེད།། དེ་ཉིད་ཟག་པ་མེད་པར་གནས།། གཉིས་མེད་འདྲེས་པའི ་རང་བཞིན་ལ།། གསང་བའི་ཡེ་ཤེས་རང་བཞིན་གསལ།། ཐབས་ཆེན་གསང་བ་ལས་བྱུང་བའི།། རྒྱལ་བའི་དཀྱིལ་འཁོར་མ་ལུས་རྫོགས།། མ་ལུས་བདག་ཏུ་དབྱེར་མེད་པས།། ཐམས་ཅད་གསང་བ་ལྷུན་གྱིས ་གྲུབ།། ཅེས་ཉིད་ལ་ཉིད་གསུངས་སོ།། སྒྱུ་འཕྲུལ་རྒྱ་མཚོའི་རྒྱུད་ལས། མཉེས་པ་ཆེན་པོ་བྱིན་གྱིས་བརླབས་པའི་ལེའུ་སྟེ་བཅོ་བརྒྱད་པའོ།། ། དེ་ནས་བཅོམ་ལྡན་དགྱེས་ཆེན་པོ།། མ་ལུས་བདག་ཉིད་ལྷུན ་གྲུབ་པས།། བདག་ཉིད་བདེ་བར་བྱིན་རླབས་པ།། དམ་ཚིག་མཆོག་གི་བཤད་པར་བྱ།། གང་དུ་དོན་ལ་གནས་པ་དག། བདག་གཞན་དེ་བཞིན་ལྷུན་གྲུབ་ཕྱིར།། རྒྱལ་བ་ཀུན་གྱིས་བྱིན་བརླབས་པའི།། གང་མི་འདའ ་བ་དམ་ཚིག་མཆོག། སྙིང་པོ་ཕྱག་རྒྱ་སྔགས་རིགས་རྣམས།། གསལ་བ་ཡིད་གཉིས་མེད་པ་ཡིས།། རྡོ་རྗེ་སྐུ་གསུང་ཐུགས་སྦྱོར་བས།། གང་ཡང་ཉམས་མེད་འབྲས་བུར་འགྲུབ།། དོན་དམ་སྙིང་པོར་གཉིས་མེད ་ཅིང་།། ཐབས་ཀྱི་དོན་ལ་རབ་ངེས་ན།། ལས་དང་སྤྱོད་པ་གང་ཡང་རུང་།། མ་བསགས་མི་སོགས་ཚོགས་འགྱུར་ཏེ།། འདུལ་སྡོམ་དམ་ཚིག་མ་ལུས་པ།། དམ་ཚིག་ཆེན་པོའི་རང་བཞིན་དུ།། མ་བྱས་རང་གི་ངོ་བོར ་རྫོགས།། འདུལ་སྡོམ་བལྟ་སྤྱོད་རྣམ་པར་དག། བླང་དོར་མེད་པར་བྱིན་བརླབས་ཤིང་། མ་ལུས་འདུས་པར་རྫོགས་ཏེ་གནས།། ཐབས་ཆེན་གསང་བའི་རང་བཞིན་ལ།། མཐའ་དབུས་ཡོད་མེད་ལས ་འདས་པའི།། མ་ལུས་སྒྱུ་མར་མཉམ་སྦྱོར་བས།། རླུང་སེམས་སྟོང་པར་ཡེ་དག་པས།། སྐྱེ་ཤི་འགྱུར་མེད་ནམ་མཁའི་ངང་།། གྲུབ་པས་བདག་གཞན་མེད་སྣང་བས།། དངོས་གཅིག་བསྒྲལ་བས་མ་ལུས་བསྒྲལ།། མ ་ལུས་བདག་དང་མཉམ་སྦྱོར་བས།། ཐིག་ལེ་ཆེན་པོ་གཉིས་སུ་མེད།། གསང་བ་གསང་ཆེན་ལས་བྱུང་བའི།། མ་ལུས་གཉིས་མེད་དཀྱིལ་འཁོར་མཆོག། མ་ལུས་དབྱེར་མེད་ཚུལ་གཅིག་པས།། གཉིས་དང་ཡུལ་དུ་མི ་འབྱེད་དེ།། རང་བྱུང་ལོངས་སྤྱོད་གསལ་རྟོགས་པས།། བླངས་པར་ཡོན་ཏན་ཕུན་སུམ་ཚོགས།། ཆོས་རྣམས་སྒྲ་ཚིག་བྲལ་བ་ཡིས།། དེ་བཞིན་ཉིད་ཀྱི་རྣམ་འཕྲུལ་བ།། སྒྲ་སྙན་བྲག་ཆར་བྱིན་བརླབས་པས།། མ་ལུས ་བདེན་རྫུན་ཚིག་ཏུ་སྨྲ།། གང་དུ་རྟོག་དང་གཉེར་བ་ཡི།། རང་སེམས་རྡོ་རྗེར་བྱིན་བརླབས་པས།། གང་དུ་དེ་ལས་འདའ་བྱེད་ལྷུང་།། དེ་བས་སྤང་བར་སུ་ཞིག་སེམས།། སངས་རྒྱས་ཀུན་དང་མཉམ་གནས་ཤིང་།། དྲི ་མེད་རྒྱུད་ལ་གང་འཇོག་པ།། སྤངས་པས་འཁོར་བའི་མཐའ་མར་ཏེ།། རྨི་ལམ་དུ་ཡང་སྤང་བ་མིན།། ལས་དང་ཉོན་མོངས་དག་བྱེད་ཅིང་།། ཡེ་ཤེས་འཁོར་ལོ་འགྲུབ་བྱེད་པ།། སྙིང་པོ་སྔགས་ཀྱི་དམ་ཚིག་ལ།། སྐད ་ཅིག་ཙམ་ཡང་འདའ་མི་རུང་།། རྒྱལ་བ་ཀུན་གྱི་ཐུགས་འཇུག་ཅིང་།། ཡེ་ཤེས་སྙིང་པོར་རྒྱས་འདེབས་པ།། ཕྱག་རྒྱ་ཐུགས་ཀྱི་རང་བཞིན་ལས།། འདས་ན་རྒྱལ་བ་ཉིད་ཀྱང་ལྟུང་།། དམ་པའི་གྲོང་ཁྱེར་འཇུག་པའི ་གྲོགས།། འོད་དང་སྙིང་པོ་ཇི་བཞིན་དུ།། ཐོག་མ་མཐའ་མར་མི་ཕྱེད་པ།། འབྲལ་དང་དབྱེ་བར་བྱ་བ་མིན།། སངས་རྒྱས་ཀུན་གྱི་གསང་བའི་དོན།། གཉེར་གཏད་པས་ཀྱང་གཞན་ལ་མིན།། གཉིས་ཀ་ལྟུང་འཇིག ་འབྱུང་བས་ན།། དམ་པ་ཉིད་ལ་ངེས་པར་བྱ།། འཇོམས་པ་ཆེན་པོ་ཞེ་སྡང་ཆེ།། གཏུམ་པ་ཆེན་པོ་སྲེག་པ་ཉིད།། འདོད་ཆགས་ཆེན་པོ་བདེ་བ་ཆེ།། ཐབས་ཆེན་ཐར་པ་ཆེན་པོ་ཉིད།། གཏི་མུག་ཆེན་པོ་རྨོངས་པ ་ཆེ།། གཉིས་མེད་བདག་ཉིད་གསང་བ་ཆེ།། ང་རྒྱལ་ཆེན་པོ་གནོན་པོ་ཆེ།། ཆེ་བའི་ཆེན་པོར་རང་བཞིན་གནས།། མི་མཐུན་སྤངས་པའི་རང་བཞིན་ཞི།། ཐེག་པ་ཆེན་པོ་དམ་ཚིག་མཆོག། དམ་པའི་རང་བཞིན་དམ ་པའི་མཆོག། གནས་ན་དམ་པར་ལྷུན་གྲུབ་ཅིང་།། འདས་ན་དམ་པའང་འཚིག་པར་འགྱུར།། སངས་རྒྱས་ཀུན་གྱིས་བྱིན་བརླབས་པའི།། བསྟེན་པར་བྱ་བའི་དམ་ཚིག་ལྔ།། བྱིན་རླབས་བར་ཆད་སེལ་བར ་བྱེད།། དངོས་གྲུབ་བསྒྲུབ་པའི་དམ་ཚིག་སྟེ།། དྲི་ཆེན་དག་པའི་ཆུ་ཉིད་དང་།། དཀར་ཆེན་དམར་ཆེན་འཇིགས་པའི་རྫས།། དཔའ་བོས་རེ་དོགས་མེད་པར་སྤྱད།། གསང་བའི་ཐིག་ལེ་དབྱེར་མེད་པས།། ཐབས ་དང་བརྟུལ་ཞུགས་ལྡན་པས་བླང་།། ལྷན་ཅིག་གནས་པའི་བདེ་ཆེན་པོ།། སངས་རྒྱས་ཀུན་གྱི་རང་བཞིན་ཉིད།། ཐབས་དང་ཉི་ཟླའི་རོས་ཁྱབ་ཅིང་།། བདེ་བ་ཆེན་པོས་བྱིན་བརླབས་པས།། རླུང་དང ་ཕྱག་རྒྱ་གང་བསྔགས་པ།། ཐུགས་ཀྱི་ཕྱག་རྒྱ་ཡེ་ཤེས་ཆེ།། ལུས་སེམས་བདེ་ཆེན་དབྱེར་མེད་པའི།། མི་བྲལ་གཟུངས་སུ་བཤད་པའོ།། རྨོངས་དང་རང་བཞིན་ངན་པ་དང་།། སྐལ་མེད་དབང་དང་མི་ལྡན ་པར།། ཐབས་ཀྱིས་མངོན་དུ་མི་བསྟན་ཏེ།། ཐིག་ལེ་འབྱུང་འཇུག་ཁར་དབྱུང་མིན།། སྟེང་འོག་ཐིག་ལེ་མཚམས་སྦྱར་ནས།། ཐབས་ལྡན་དཔའ་བོའི་འདོད་ཆགས་ཀྱིས།། བརྐམ་ཆགས་ཡུལ་དང་ཞེན་པ་དང་།། ལྷ ་ངན་བདག་འཛིན་རྣམ་པར་འཇོམས།། གཉིས་མེད་རིག་པ་རང་གསལ་བས།། མ་ལུས་བདེ་ཆེན་ངོ་བོར་གནས།། རང་བཞིན་ཆེད་བྱས་ཞེན་པ་དག། སེང་གེ་ལྟ་བུས་ཟིལ་གྱིས་གནོན།། དམན་དང་ཆགས་བྲལ ་དཀའ་ཐུབ་ཅན།། ཟད་དང་མ་སྨིན་བདེ་ཆེན་བྲལ།། གང་དུ་ཐབས་དང་བྲལ་བ་ནི།། སྤངས་ཤིང་འཇུག་པར་བྱ་བ་མིན།། ལུས་ལས་བྱུང་བའི་བཅུད་ལྔ་ནི།། རྣལ་འབྱོར་མཉམ་པར་རྟག་གནས་པའི།། དམ་ཚིག་འཚོ ་པབའི་ལོངས་སྤྱོད་པས།། ནམ་ཡང་འདོར་བར་བྱ་བ་མིན།། མ་ལུས་འདུས་པའི་བཅུད་ཡིན་པས།། སྙིང་པོ་ལྔ་ཞེས་དེ་ལ་བྱ།། རྩ་བཅུད་ཤེས་པའི་ངོ་བོ་ཉིད།། རང་བྱུང་དག་པར་གསལ་བརྟགས་ཤིང་།། གཉིས་མེད ་སྦྱོར་བས་གོམས་པ་ཡིས།། ཐམས་ཅད་བདེ་བ་ཆེན་པོར་མཉམ།། ཐུན་མོང་ཐུན་མོང་མ་ཡིན་པའི།། འདའ་དཀའ་དམ་ཚིག་རང་བཞིན་ཏེ།། རྩ་བ་ཡན་ལག་བཅས་པ་ལས།། འདས་པ་གང་ཡིན་དམྱལ་བར ་འགྲོ།། དབྱེར་མེད་མཉམ་པའི་རང་བཞིན་ལ།། མན་ངག་ཐབས་ཀྱིས་མཉམ་སྦྱར་ན།། མ་ལུས་བདེ་བ་ཕུན་སུམ་ཚོགས།། བདག་ལས་འབྱུང་གི་གཞན་ལས་མིན།། གང་དུ་རྩ་བ་ཀུན་ཉམས་པ།། ཡན་ལག་བཅས ་པའི་རང་བཞིན་འདས།། ཀུན་གྱིས་སྤངས་བྱའི་གནས་ཡིན་ཕྱིར།། འགྲོགས་དང་ཕྲད་ན་ལྟུང་བར་འགྱུར།། སངས་རྒྱས་ཀུན་གྱིས་བྱིན་བརླབས་པའི།། རྩ་བའི་དམ་ཚིག་གང་འདས་པ།། རྒྱལ་བ་འཁོར་བཅས་བཀའ ་བཅག་ནས།། ཐར་མེད་སྡུག་བསྔལ་གནས་སུ་ལྟུང་།། ཡན་ལག་དམ་ཚིག་རྨད་པོ་ཆེ།། འདས་ན་དངོས་གྲུབ་མི་འབྱུང་ཞིང་།། ཐེག་ཆེན་ལྟ་སྤྱོད་སྤངས་པ་ཡིས།། ངན་འགྲོ་འཁོར་བའི་གནས་སུ་ལྷུང་།། སངས་རྒྱས ་ཀུན་གྱི་སྐུ་གསུང་ཐུགས།། རྡོ་རྗེའི་དམ་ཚིག་ཆེན་པོ་སྟེ།། མ་ལུས་གསང་བར་མཉམ་སྦྱོར་བས།། སངས་རྒྱས་ཀུན་གྱི་རང་བཞིན་ཡིན།། རྩ་བ་ལྔ་དང་ཡན་ལག་བཅུ།། ཐབས་དང་ཤེས་རབ་སྐུ་གསུང་ཐུགས།། ལྔ་ཡི ་རང་བཞིན་མཉམ་སྦྱོར་བས།། གྲངས་དང་བྱེ་བྲག་མ་ངེས་ཏེ།། མོས་དང་བསམ་པའི་ཁྱད་པར་སྣང་།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། དམ་པས་བྱིན་གྱིས་བརླབས་པའི་འདའ ་བར་དཀའ་བའི་ལེའུ་སྟེ་བཅུ་དགུ་པའོ།། །། དེ་ནས་བཅོམ་ལྡན་དེ་བཞིན་གཤེགས།། ཀུན་མཁྱེན་སྤངས་རྫོགས་བདག་ཉིད་ཅན།། གཅིག་དང་དུ་བྲལ་བདག་ཉིད་དེ།། ཕྲིན་ལས་ཚུལ་ནི་ཡང ་དག་བཤད།། རང་བཞིན་ཐབས་དང་ཐུགས་རྗེ་ཉིད།། ཕྲིན་ལས་རྒྱ་ཆེན་གང་བྱུང་བ།། དེ་ཉིད་སྒྱུ་འཕྲུལ་རྒྱ་མཚོ་ནི།། སངས་རྒྱས་ཀུན་གྱི་ངོ་བོར་འདོད།། ཨེ་མ་ཧོ་ངོ་མཚར་རྨད་ཀྱི་ཆོས།། རང་བྱུང་ཡེ་ཤེས་དཀྱིལ ་འཁོར་དུ།། སྣང་སྲིད་རང་བཞིན་མ་བཅོས་པ།། བདེ་བ་ཆེན་པོའི་ངོ་བོར་ཞི།། མ་བསགས་ལྷུན་རྫོགས་དཀྱིལ་འཁོར་དུ།། ཆེ་བའི་ཡོན་ཏན་རང་སྣང་བ།། འཕེལ་འགྲིབ་མེད་པར་གང་གསལ་བ།། བསམ་གྱིས་མི ་ཁྱབ་མཐའ་ཡས་མཆོག། མ་ཆགས་དག་པའི་དཀྱིལ་འཁོར་དུ།། སྤྱོད་ཡུལ་བག་ཆགས་མ་ལུས་པ།། གསུང་མཆོག་མ་སྐྱེས་བྱིན་རླབས་ཀྱིས།། རིག་པ་མ་བཅོས་ངང་དུ་འདུས།། རང་རིག་ཡེ་ཤེས་རྒྱལ་པོ་ཡིས།། སྐྱེ ་མེད་རང་བཞིན་ངང་ཉིད་དུ།། མཚན་མ་བག་ཆགས་བཅོམ་ནས་ནི།། སྟོང་པ་ཆེན་པོའི་ངང་དུ་གནས།། རང་སྙིང་དྷརྨ་ཙཀྲ་ལ།། ཡེ་ཤེས་བཞི་སོགས་གནས་པའི་མཐུས།། རང་བཞིན་ནུས་མཐུ་བཞིར་སྣང་བ།། དེ ་དག་མ་བཅོས་ཤེས་པར་བྱ།། མ་བཅོས་ཤེས་པ་ལ་གནས་ནས།། མཚན་མའི་སྟོབས་ཐོབ་གྱུར་པ་ན།། རང་རང་འཐད་པའི་ས་ཕྱོགས་སུ།། ལས་རྣམས་བརྩམས་ནས་གྲུབ་པར་འགྱུར།། ཝཾ་གྱི་དཀྱིལ་འཁོར་རིམ ་གསུམ་དུ།། མཚན་མ་རྫས་དང་ལྡན་པ་ལ།། དང་བ་དང་ལྡན་ཕུར་བཏབ་ནས།། མ་ལུས་སྦྲང་ཕྱིར་མཆོད་སྦྱིན་བྱ།། མ་ཡི་དཀྱིལ་འཁོར་རིམ་གསུམ་དུ།། མཚན་མ་རྫས་དང་ལྡན་པ་ལ།། དགའ་བ་ང་རྒྱལ་ཕུར ་བཏབ་ནས།། ཡོན་ཏན་འཕེལ་ཕྱིར་མཆོད་སྦྱིན་བྱ།། ཡཱ་ཡི་དཀྱིལ་འཁོར་རིམ་གསུམ་དུ།། ངང་གི་མཚན་མ་རྫས་ལྡན་ལ།། ཆགས་པ་དབང་བྱེད་ཕུར་བཏབ་ནས།། མི་མཐུན་འདུ་ཕྱིར་མཆོད་སྦྱིན་བྱ།། ཨེ་ཡི་དཀྱིལ ་འཁོར་རིམ་གསུམ་དུ།། རང་གི་རྫས་དང་ལྡན་པ་ལ།། ཁྲོས་པས་དྲག་པོའི་ཕུར་བཏབ་ནས།། ཐལ་བར་བརླག་ཕྱིར་མཆོད་སྦྱིན་བྱ།། རང་བྱུང་ཕོ་བྲང་སྙིང་པོ་ལ།། ཨེ་སོགས་རང་བཞིན་བཞིར་གནས་པ།། ཐིག ་ལེ་ཐབས་དང་བཅས་པའི་རོས།། བདག་གཞན་ལས་བཞི་ཐོགས་མེད་ཉིད།། བདེ་ཆེན་འབྲས་བུ་རྫོགས་པར་བྱེད།། རྟེན་ཅན་སྙིང་པོའི་ཐིག་ལེ་ལ།། དངས་མ་ལྔ་ཡི་བཅུད་འདུས་པ།། མ་སྐྱེས་ནམ་མཁའི་གཟུགས ་ཅན་ཉིད།། དེ་མ་ཟག་པར་སྣང་བར་བྱེད།། སངས་རྒྱས་བཙུན་མོའི་བྷ་ག་ལ།། གསང་བའི་དཀྱིལ་འཁོར་བཞིར་གནས་ཏེ།། ཐབས་དང་ལས་བཅས་ཕྱག་རྒྱ་བཞིས།། ལྷན་ཅིག་སྐྱེས་པའི་ཡེ་ཤེས་ཉིད།། ཉི་ཟླ་ཟིན ་པའི་སྟོབས་ལས་སྐྱེས།། གསང་བ་ལས་བཞིའི་དཀྱིལ་འཁོར་དུ།། དབྱིངས་ཕྱུག་ཆགས་པའི་མེ་ཉིད་ནི།། ཕྱག་རྒྱ་བཞི་བཅས་བསྟན་བཅོས་བསྐུལ།། རྡོ་རྗེ་པདྨ་དགང་བླུགས་བཅས།། བྱང་ཆུབ་སེམས་ཀྱིས་གང ་མཆོད་པ།། ལས་དང་བག་ཆགས་སྤྱོད་ཡུལ་བཅས།། བདེ་བ་ཆེན་པོར་འབར་བར་བྱེད།། ལྷན་ཅིག་སྐྱེས་པའི་རང་བཞིན་འཆར།། ཐུགས་རྗེའི་སྟོབས་ཀྱི་ལས་བཞི་ཡིས།། རང་རང་དགའ་བའི་ཚུལ ་སྟོན་ཅིང་།། ཐབས་དང་མོས་པ་སྣ་ཚོགས་ལ།། ཅི་དགའ་བར་ནི་སྟོན་པར་བྱེད།། ལ་ལར་ནད་དང་སྡུག་བསྔལ་དང་།། བག་ཆགས་མ་ལུས་ཞི་བར་བྱེད།། ལ་ལར་ཚེ་དང་བསོད་ནམས་དང་།། ལོངས་སྤྱོད་ཡེ་ཤེས ་འཕེལ་བར་བྱེད།། ལ་ལར་བགེགས་དང་མི་མཐུན་དང་།། རྣམ་པར་རྟོགས་པ་ཐབས་ཀྱིས་སྡུད།། གང་གིས་འདུལ་བར་མི་ནུས་པ།། ཐབས་མཁས་དྲག་པོས་མངོན་དུ་སྒྲོལ།། གང་དུ་ལམ་དང་ལྡན ་པའི་གཟུངས།། ལྗོན་པ་མོ་དང་ལྕུག་ཕྲན་ཚལ།། སྡོང་གཅིག་མ་དང་མེ་རེག་ལ།། དང་བ་དགའ་བ་ཆགས་པ་ཡིས།། ཁྲོས་པས་སྦྱོར་བ་རབ་ཏུ་བརྩམ།། རང་དང་རྗེས་སུ་མཐུན་པའི་ཕྱིར།། ལས་བརྒྱད་གླུ་གར་ལྡན ་བསྐུལ་བས།། རྗེས་མཐུན་པ་ཡི་ལས་འགྲུབ་ཅིང་།། བསྒྲུབ་བྱའི་ལས་དང་དངོས་གྲུབ་དག། ཐོགས་པ་མེད་པར་འགྲུབ་པར་འགྱུར།། གསང་བ་ལས་བྱུང་གསང་ཆེན་པོ།། རང་བྱུང་ཐབས་དང་ཤེས་རབ་ལྡན།། དེ ་ཉིད་སྒྱུ་འཕྲུལ་རྒྱ་མཚོ་སྟེ།། འགྲོ་བའི་དོན་དུ་རྣམ་པར་འཕྲུལ།། ཐབས་ལས་ཐབས་བྱུང་ཐབས་ཀྱི་མཆོག། ཀུན་ལ་ཐུགས་ཆུད་སྙིང་པོའི་དོན།། རང་སྣང་ཐབས་ཀྱིས་མངོན་སྣང་གིས།། གཞན་ལས་མི་འབྱུང་ངོ་བོར ་གནས།། ཐབས་ཆེན་གསང་བའི་ཐེག་པ་འདི།། ལས་དང་སྐལ་ལྡན་སྤྱོད་ཡུལ་ཏེ།། དམན་དང་རིགས་ཆད་ལ་སོགས་ལ།། ཁྱབ་པར་གནས་ཀྱང་སྤྱོད་ཡུལ་མིན།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི ་རྒྱུད་ལས། ལས་ལྷུན་གྱིས་གྲུབ་པའི་ལེའུ་སྟེ་ཉི་ཤུ་པའོ།། །། དེ་ནས་ཀུན་མཁྱེན་སྲས་ཆེན་པོ།། མ་ལུས་དགྱེས་པས་ཁྱབ་གྱུར་ནས།། སྐུ་གསུང་ཡོན་ཏན་ཕྲིན་ལས་ཐུགས།། ཆེ་བའི་ཚུལ་གྱིས་གླུ་འདི ་བླངས།། རྒྱལ་བ་ཀུན་གྱི་སྐུ་ཆེ་བ།། འབར་བ་འཇིགས་ཤིང་མཛེས་པ་ཆེ།། བྱིན་རླབས་ལྷུན་གྲུབ་སྐུ་དང་ལྡན།། རྡོ་རྗེ་ལེགས་པ་བརྗིད་པ་ཆེ།། ཧཱུཾ་དང་ཕཊ་དང་ཚངས་པའི་གསུང་།། ཞིང་ཁམས་ཀུན་ཏུ་ཁྱབ་མཛད ་ནས།། གདུལ་བྱ་དགའ་དང་འཇིགས་མཛད་པ།། གསུང་གི་དཀྱིལ་འཁོར་སྒྲ་མཐའ་ཡས།། རང་བྱུང་ཡེ་ཤེས་འོད་གསལ་བ།། མཛེས་དང་ཁྱབ་དང་གསལ་བ་ཡིས།། ཡེ་ཤེས་ལྔ་རུ་གསལ་མཛད་པ།། རྒྱལ་བ་ཀུན ་གྱི་ཐུགས་ཀྱི་མཆོག། མ་བཅོས་རང་བཞིན་གསལ་བ་ལས།། སྣ་ཚོགས་སྐུ་གསུང་ཐུགས་སུ་གསལ།། བདག་གཞན་བྱ་བ་ཀུན་རྫོགས་པ།། ཡོན་ཏན་རིན་ཆེན་ནོར་བུ་འཆང་།། མ་ལུས་ཐབས་ཀྱི་ཆོ་འཕྲུལ་གྱིས།། མ ་རུངས་གདུག་པ་ཀུན་འདུལ་བ།། རང་བྱུང་ཐབས་ཀྱི་ཕྲིན་ལས་ཀྱིས།། བདུད་བཞི་མ་ལུས་འདུལ་བར་མཛད།། སངས་རྒྱས་ཀུན་གྱི་རང་བཞིན་ཁྱོད།། སྒྱུ་འཕྲུལ་དྲ་བ་མངོན་རྫོགས་པའི།། སྐུ་གསུང་ཐུགས་ཀྱི ་བདག་ཉིད་ཆེ།། ཡོན་ཏན་ཕྲིན་ལས་སྣ་ཚོགས་སྦྲུལ།། འདི་ནི་ཆེད་དུ་བརྗོད་པ་ཡིས།། རྒྱལ་བའི་དཀྱིལ་འཁོར་ཇི་སྙེད་ཀུན།། གཉིས་མེད་དགྱེས་པས་ཁྱབ་པར་འགྱུར།། ལྷ་དང་ལྷ་མོར་བཅས་པ ་དག། མཛེས་དང་དགའ་དང་ཆགས་པ་དང་།། བདེ་བ་ཆེན་པོའི་མདངས་ལྡན་པས།། བལྟ་དང་རྒོད་དང་འོ་བྱེད་ཅིང་།། འཁྱུད་དང་སྟེགས་དང་འཚིར་བ་དང་།། འཇིབ་དང་འབུད་པ་བཅས་པ་ཡིས།། བྱ་བ་སྣ་ཚོགས ་ལས་བཏང་ནས།། བདེ་གཤེགས་མཆོག་ལ་འཇུག་པར་མཛད།། དཀྱིལ་འཁོར་རྡུལ་སྙེད་བཅས་པ་དག། གསང་བའི་ཐིག་ལེར་གནས་པ་ནི།། ཡེ་ཤེས་ལྔ་ཡི་རོ་དང་ལྡན།། དངས་མའི་སྙིང་པོར་བློ་ཞུགས ་པས།། ཡུལ་དང་བག་ཆགས་མ་ལུས་པ།། བདེ་བ་ཆེན་པོའི་སྙིང་པོར་གསལ།། ལས་དང་སྤྱོད་པའི་ཁྱད་པར་དག། པདྨ་ལ་ནི་འདམ་བཞིན་ནོ།། སྒྱུ་འཕྲུལ་ཐེག་པའི་སྙིང་པོ་འདི།། མ་ལུས་དངོས་གྲུབ་རྣམས་ཀྱི ་གཙོ།། ཐུགས་མཆོག་ཕྱག་རྒྱས་རྒྱས་བཏབ་པས།། ནམ་ཡང་འདའ་བར་མི་མཛད་དོ།། ཞེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། དགྱེས་པ་ཆེན་པོའི་ལེའུ་སྟེ་ཉེར་གཅིག་པའོ།། །། དེ་ནས ་བཅོམ་ལྡན་དགྱེས་ཆེན་པོ།། མ་ལུས་གསུང་ཅིག་འདུས་པ་ཡི།། སྣོད་ལྡན་གང་ཟག་རྒྱལ་སྲས་ལ། གསང་བའི་སྙིང་པོ་གདམས་པར་མཛད།། འདས་དང་ད་ལྟར་མ་བྱོན་པ།། ཕྱོགས་བཅུ་དུས་བཞི་མ་ལུས་པའི།། དེ ་བཞིན་གཤེགས་པའི་ངོ་བོ་ཉིད།། ཀུན་ཀྱང་གསང་བའི་སྙིང་པོ་ཉིད།། ཐབས་བྲལ་ཞེན་པ་གཉིས་ཀྱིས་བཅིངས།། བདག་འཛིན་ཞེན་པས་དོན་ལ་བསྒྲིབས།། མ་ལུས་སྒྲོ་བྲལ་ངོ་བོ་ལ།། བཏགས་པའི་ཞེན་པས ་འཁོར་བར་འཁྱམས།། ཇི་སྙེད་ཐེག་པ་གང་བཤད་པ།། ཐབས་ཆེན་ཐེག་པར་བརྒྱུད་པའི་ལམ།། ཐེག་པ་བསམ་ཡས་བསྟན་པ་ཡང་།། གདུལ་བྱའི་དོན་ལ་བསམ་སྦྱར་ནས།། དོན་དུ་མི་འགྱུར་གཅིག་མ ་གསུངས།། རྡོ་རྗེའི་གསུང་ལ་སྤྲོས་མེད་ཀྱང་།། ཐུགས་རྗེ་ཐབས་མཁས་བྱིན་རླབས་ཀྱིས།། ཇི་ལྟར་མོས་པ་སོ་སོར་སྣང་།། ཆོས་ཀྱི་ཕུང་པོ་བསམ་མི་ཁྱབ།། མ་ལུས་འདུས་པའི་སྙིང་པོ་འདི།། སངས་རྒྱས་ཀུན་གྱི ་གསང་བ་སྟེ།། ཀུན་འབྱུང་སྒྱུ་འཕྲུལ་རྒྱ་མཚོའི་རྒྱུད།། དབང་བསྐུར་བྱིན་བརླབས་གསང་བའི་མཛོད།། ཐོག་མར་མཐའ་མ་བར་མེད་དགེ། སྒོ་སྐུར་མེད་པ་ཐབས་ཀྱི་ལམ།། རྟོགས་དང་འཛིན་པ་གང་བྱེད་པ།། དུས ་གསུམ་རྒྱལ་བ་ཀུན་གྱི་སྲས།། དམ་ཚིག་དབང་དང་ལྡན་པ་དང་།། ལས་དང་སྨོན་ལམ་དབང་གིས་ནི།། སྣོད་དང་བཅུད་དུ་འབྲེལ་པ་ཡིས།། གསང་མཛོད་འཛིན་ཅིང་འཆང་བ་དང་།། ཐབས་མཁས་སྙིང་རྗེ་གཏོང ་ཕོད་ཅན།། སྡུག་བསྔལ་གཉེར་ཞིང་ཕོངས་པ་མེད།། ལུས་དང་ལོངས་སྤྱོད་མ་ཆགས་པ།། དམ་པ་འདི་ལ་གསང་བ་གཏད།། ཅེས་ཉིད་ལ་ཉིད་བཤད་དོ།། སྒྱུ་འཕྲུལ་རྒྱ་མཚོའི་རྒྱུད་ལས། གསང་བ་གཏད་པའི་ལེའུ ་སྟེ་ཉེར་གཉིས་པའོ།། །། སྒྱུ་འཕྲུལ་རྒྱ་མཚོ་རྒྱུད་ཆེན་པོ་རྫོགས་སོ།། །། རྒྱ་གར་གྱི་མཁན་པོ་བི་མ་ལ་མི་ཏྲ་དང་གཉིགས་ཛྙཱ་ན་ཀུ་མཱ་རས་བསྐུར་བའོ།། བི་མ་ལ་ཉིད་ལ་ཟེ་མ་དགེ་སློང་མས་ཞུས ་པའོ།། @#།། རྒྱ་གར་སྐད་དུ། དེ་བཱི་ཛྭ་ལི་མ་ཧཱ་མཱ་ཡཱ་ཏནྟྲ་ནཱ་མ། བོད་སྐད་དུ། ལྷ་མོ་སྒྱུ་འཕྲུལ་དྲ་བ་ཆེན་མོ་ཞེས་བྱ་བའི་རྒྱུད།། བཅོམ་ལྡན་འདས་གསང་བ་ཆེན་པོ་ལ་ཕྱག་འཚལ་ལོ།། འདི ་