Wylie

e-texts produced with BDRC’s OCR application

རྒྱ་གར་སྐད་དུ། བྷུ་ཏ་སརྦ་ཌ་མ་ར་ན་མ་ཏནྟ། བོད་སྐད་དུ། འབྱུང་པོ་ཀུན་འདུལ་ཞེས་བྱ་བའི་རྒྱུད། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན ་ཀུན་ཏུ་རྟག་པ་མི་འགྱུར་བའི་སྐུ། བདེ་བ་ཆེན་པོའི་གནས་བརྡལ་བ་ན་བཞུགས་སོ།། དེའི་ཚེ་བྱང་ཆུབ་སེམས་དཔའ་རྡོ་རྗེ་ཆོས་ཀྱི་བློ་གྲོས་ཀྱིས། ཀུན་ཏུ་བཟང་པོ་ལ་བྱིན་རླབས་ཞུས་སོ།། དེའི་ཚེ་དེའི་དུས་ན་ཀུན་ཏུ ་བཟང་པོས་ལུང་བསྟན་པ། རྒྱུད་ཉི་ཤུ་རྩ་ལྔ་ལ། མན་ངག་སུམ་བརྒྱ་དྲུག་ཅུ་དང་། ཕྱི་ནང་གསང་བའི་ངོ་སྤྲད་དང་། མན་ངག་གསེར་གྱི་ཡང་ཞུན་དང་། དགོངས་པ་ཟམ་མ་ཆད་པའི་བྱིན་རླབས་སྐོར་དུ་བསྟན ་པའི།། བྱིན་རླབས་ཐུགས་རྗེའི་ཆོས་རྣམས་ལ།། བསྟན་པའི་ཡང་རྩེ་མན་ངག་ཀུན་གྱི་བཅུད།། ཐེག་པའི་ཡང་རྩེ་སྤྱི་དོན་དགོངས་པའི་རྒྱུད།། མན་ངག་ལྡེ་མིག་འཕྲུལ་གྱི་སྒྲོམ་བུ་འབྱེད།། རིག་པའི་ཚད་ལ་འཇལ ་བྱེད་སྤུ་གྲི་འདི།། རིག་འཛིན་རྒྱལ་པོ་རྡོ་རྗེ་ཆོས་ཀྱི་བློ་གྲོས་ལ།། བྱིན་རླབས་རྒྱལ་པོ་བསྟན་པའི་རྟེན་དུ་བཞག། ཚེགས་ཆུང་དོན་ཆེ་མན་ངག་ཟབ།། རྒྱ་ཆེ་རབ་ཟབ་དགོངས་པ་བརྒྱུད་པ་ལ།། ཆོས་ཀྱི་བློ་གྲོས་ཐུགས ་ལ་བྱིན་རླབ་ཤར།། སྣང་སྲིད་འཁོར་འདས་ཕྱི་ནང་མེད་པར་གསལ།། མེ་ལོང་བལྟས་པས་རང་སྣང་གསལ་བ་ལྟར།། འགྲོ་དྲུག་རང་སྣང་སྐུ་དང་ཡེ་ཤེས་དང་།། ཐིག་ལེ་ཉག་གཅིག་མེ་ལོང་ནང་ལྟར་གསལ།། དེ ་ལྟར་ངོ་སྤྲོད་དགོངས་པ་བསྟན་པ་ནི།། ཆོས་ཅན་ཆོས་མེད་རང་གྲོལ་དགོངས་པ་ཤར།། དེ་ཕྱིར་དགོངས་པ་བརྒྱུད་པ་ཡིན།། རང་བྱུང་མེ་ལོང་ནང་ན་ཅི་སྣང་ལྟར།། རང་སྣང་རང་མདངས་འདི་ནི་ཅིར ་ཡང་སྣང་།། རྒྱལ་བའི་ཐུགས་ཀྱི་གཏེར་སྒོ་ཕྱེ།། ཉག་གཅིག་དགོངས་པ་རང་གྲོལ་བསྟན་པ་ནི།། མུ་སྟེགས་འགྲོ་དྲུག་ཐེག་པ་དགུ།། རང་སྣང་རང་མོས་འདོད་གཞུང་ཐ་དད་ཀྱང་།། དོན་དུ་རྣམ་པ་མང་ཡང་ངེས་པར ་གཅིག། གཅིག་པོ་མཐའ་གྲོལ་འུབ་ཆུབ་རྩེ་མོ་སྟེ།། བྱིས་པ་རྣམས་ཀྱིས་དེ་ལྟར་མི་ཤེས་སོ།། ཀྱེ་མ་ཧོ།། དེ་ལྟར་སྣང་ཡང་དེ་ལྟར་མི་སྲིད་ཀྱིས།། ཡང་དག་རང་གྲོལ་དགོངས་པ་འདི་ཡིན་ནོ།། ཐོག་མ་རང་བཞིན་ལྷུན ་གྱིས་གྲུབ་པ་ལ།། སྣང་བ་རྒྱ་ཆད་ཕྱོགས་རིས་ཀྱི།། རིས་སུ་ཆད་པ་རྡུལ་ཙམ་མི་སྲིད་དོ།། བར་དུ་བྱིན་རླབས་འགྲིབ་པ་མེད་པ་ལ།། བསྒོམ་པར་བྱ་བ་རྡུལ་ཡང་མི་མཚོན་ནོ།། སྣང་བ་རེ་ལ་ཤེས་པས་ཕྱོགས་སུ ་བཟུང་།། ཕྱོགས་རིས་དགོངས་པ་རང་གྲོལ་མ་ཤར་ན།། རང་སྣང་བསྒོམ་པ་མཐའ་ཡིས་བཅིངས་པ་ཡིན།། ལམ་དང་འབྲས་བུ་རང་གཞུང་གྲུབ་པའི་མཐའ།། མཐའ་གྲོལ་རང་བྱུང་ཤར་བ་ཤིན་ཏུ་དཀའ།། ཞེས ་གསུངས་པ་དང་།། རྡོ་རྗེ་ཆོས་ཀྱི་བློ་གྲོས་ལ།། ཐུགས་ཅང་ཤེས་ཀྱི་ཀློང་ནས་སྤྲུལ་པའི་སྐུ་བྱུང་སྟེ།། ཆུ་དང་རླབས་དང་ཉི་མ་འོད་དང་ཟེར།། དེ་བཞིན་ལྦུ་བའི་རྣམ་པ་ལྟར།། བྱིན་རླབས་སྐད་ཅིག་མ་ལ་ཤར།། རང ་ཤར་འབྲས་བུའི་དགོངས་པ་ལས།། སྟོན་པ་དགའ་རབ་རྡོ་རྗེ་འཐོན།། དེ་ནས་ཐུགས་རྗེའི་བྱིན་རླབས་ཤར་བ་ལས།། རིག་པའི་ཀློང་ནས་བྱིན་གྱི་རླབས་ཀྱིས་སུ།། རྡོ་རྗེ་ཆོས་ཀྱི་བློ་གྲོས་དང་།། སྟོན་པ་ཀུན་ཏུ་བཟང ་པོ་ལ།། སྣང་བ་བསམ་གྱིས་མི་ཁྱབ་པ།། འདི་ཡི་བརྟག་པ་ཇི་ལྟར་ལགས།། ཞེས་ཞུས་སོ།། འབྱུང་པོ་ཀུན་འདུས་ཀྱི་རྒྱུད་ལས། གླིང་གཞིའི་ལེའུ་སྟེ་དང་པོའོ།། །། དེ་ནས་རྡོ་རྗེ་ཆོས་ཀྱི་བློ་གྲོས་ཀྱིས་ཡང ་ཞུས་པ། སྟོན་པ་ཀུན་ཏུ་བཟང་པོ་ལགས། བདག་འདྲ་སྦྲུལ་སྐུ་དགའ་རབ་རྡོ་རྗེ་དང་། དེ་ཡི་འཁོར་དུ་འདུས་པ་ཡི། ཡ་མ། བཛྲ་ཤ། བྷཱ་ཏ། པཱ་ཤཱི། བཱ་ཡུ། ཙནྡ་དེ་བཱ། སཨཱརྱ་དེ་བཱ། མ་དི་དེ་བཱ། བྷ་བ་ཡ། ཏ་ལ་དེ་པཱ། ་པ་ཏ་ལི་དེ་བཱ། ཛ་ལ། ནཱ་ག་དེ་བཱ། དེ་རྣམས་ཐམས་ཅད་འདུས་ནས་ནི། མཆོད་པའི་རྣམ་པ་འདི་རྣམས་འབུལ། མ་ཧཱ་བཱ་ཛ་དྷ་ཐིམ་དྷ་ཐིམ། ཞེས་བརྗོད་པས་བྱིན་རླབས་འགག་པ་མེད་པ་ནི། དང་པོ་ཐུགས་རྗེ་འགག ་མེད་དེ།། བྱིན་གྱིས་རླབས་ཀྱི་གཞི་མ་ཡིན།། རྒྱ་མཚོའི་རྦ་དང་རླབས་ལྟ་བུ།། ཉི་མའི་འོད་དང་ཟེར་ལྟ་བུ།། བར་དུ་བྱིན་གྱིས་རླབས་ཀྱི་རྒྱུ།། འགྱུ་བ་འགག་པ་མེད་པ་ཡིན།། འགྱུ་བའི་བྱིན་རླབས་ཤར་བ ་ཡིས།། ཐུགས་རྗེ་མི་འབྱུང་རང་དབང་མེད།། དེ་ཡང་ལམ་དུ་འགྱུ་བའི་བྱིན་རླབས་ཤར།། འགྱུ་བ་བྱིན་ཆེན་གཏན་ལ་ཕེབས།། ཟང་ཐལ་རླབས་ཆེན་དགོངས་པ་ཤར།། རང་གྲོལ་འབྲས་བུ་ཆོས་ལས་འདས།། དེ་ཡི། ་བྱིན་རླབས་གནད་ཆེན་ཤར།། ལག་ལེན་ཉམས་ཆེན་འཕེལ་འགྲིབ་མེད།། དོན་གྱི་ཁོང་གཟེར་གནད་དུ་ཐབས།། འཇིག་རྟེན་སྣང་བ་སངས་རྒྱས་ཡིན།། ཉོན་མོངས་རང་སྣང་དགྲ་བཅོམ ་ཡིན།། འཇིག་རྟེན་རྣམ་རྟོག་ཤེས་རབ་རྩ།། ཤེས་རབ་རྩ་བ་རྟོགས་པ་ཡིན།། རྟོག་མེད་ཤེས་རབ་ཚད་མ་གང་།། ཤེས་རབ་རྟགས་ཀྱིས་རབ་བརྒྱན་ན།། སངས་ལ་རྒྱས་པ་མེད་ཅིང་ཆོས་ལ་སྤྱོད་པ་མེད།། དགྲ་བཅོམ ་རང་རྒྱལ་བྱང་ཆུབ་སེམས་དཔའ་མེད།། གང་ཟག་རྣམ་བརྒྱད་མེད་ཅིང་བར་དོའི་ལས་དབང་མེད།། འཁོར་བ་མྱང་འདས་མེད་ཅིང་ཐར་པ་ཐོབ་མཁན་མེད།། དག་དང་མ་དག་ཡང་དག་སྣང་བ་ཐ་དད་མེད།། ལས ་མེད་འཕྲོ་མེད་མཐུད་པའི་འབྲས་བུ་མེད།། རྣམ་པར་སྨིན་པ་མེད་ཅིང་ཡང་དག་ཐར་པ་མེད།། དེ་ཕྱིར་འབྱུང་པོ་ཀུན་འདུལ་ཡིན།། ཐམས་ཅད་འབྲེལ་ཤིང་འདུས་པའི་རྒྱུད།། ངོ་སྤྲོད་འདི་དང་མི་ལྡན་ནོ།། ཚིག་གི ་བདག་པོས་མཚོན་ནས་ལས།། སྟོང་པའི་བདག་པོས་སྟོང་པར་བལྟས།། མཚན་མའི་བདག་པོས་མཚན་མར་ཁྱེར།། ཀུན་རྫོབ་བདག་པོས་རྫོབ་ཏུ་བཅུག། རྩ་ངན་འདས་ཟེར་མྱ་ངན་ནོན།། འཁོར་བ་བཤད་ཅིང ་འཁོར་བར་འཁྱམས།། འཁྲུལ་འཁོར་བདག་པོ་ཉོན་རེ་མོངས།། ཐར་པ་འདོད་པ་སྒྲིབ་པ་ཆེ།། བྱང་ཆུབ་འདོད་པས་གོལ་སར་ཆུད།། ཆོས་སྤྱོད་བྱེད་པ་ངལ་དུབ་ཆེ།། དམིགས་པའི་བདུད་ཞུགས་མ་ཚོར ་རོ།། བྱས་པ་ཐམས་ཅད་མི་རྟག་འདུས་བྱས་ཡིན། འདུས་བྱས་མྱ་ངན་མཐའ་ལས་འདས།། ཨེ་མ་ཧོ། བགྲོད་པར་འདོད་པ་ཉོན་རེ་མོངས།། དེ་ལྟར་བགྲོད་པས་དེ་ལྟར་མི་རྟོགས་སོ།། བགྲོད་ནས་བྱང་ཆུབ ་འདོད་པ་སྨིག་རྒྱུར་བསྙེག་པ་འདྲ།། གསེར་སྦྲམ་ཁྱིམ་དུ་སྦས་ནས་གསེར་ས་འཚོལ།། ཆོས་ཉིད་རང་སྣང་མ་ཤེས་གཞན་ལ་འཚོལ།། བརྩོན་འགྲུས་བྱས་པས་འབྲས་བུ་རྙེད་པར་དཀའ།། ཞེས་གསུངས་སོ།། འབྱུང ་པོ་ཀུན་འདུལ་གྱི་རྒྱུད་ལས། ཀུན་ཏུ་བཟང་པོ་ལ་བྱིན་རླབས་རང་ལ་ཤར་ནས། ཆོས་ལས་འདས་པའི་ལེའུ་སྟེ་གཉིས་པའོ།། །། དེ་ནས་ཡང་བྱིན་གྱིས་རླབས་ཀྱིས་ལུང་བསྟན་པ། རྡོ་རྗེ་ཆོས་ཀྱི་བློ་གྲོས ་ཉོན།། ཐེག་པ་སྣ་ཚོགས་བསྒྲུབ་བྱ་དང་།། དེ་ཡི་འབྲས་བུ་སྒྲུབ་བྱེད་དང་།། སྣང་བ་ལམ་གྱི་མདོར་བསྡུས་པ།། དེ་ནི་བདག་གིས་བཤད་པར་བྱ།། ཉན་ཐོས་སྣང་བ་རྡུལ་ཕྲན་དང་།། ནང་གི་ཤེས་པ་བརྗོད་མེད ་ཡིན།། དེ་ཡང་ཤེས་རབ་ཁྱད་པར་ལས།། སྣང་བ་རྡུལ་དུ་ཤེས་པ་དང་།། ནང་ལ་བརྗོད་དུ་མེད་པའོ།། དེ་ཡང་རྡུལ་ཕྲན་དོན་དམ་མོ།། རང་རྒྱལ་བ་ཡི་སྣང་བ་འདི།། རྡུལ་ཕྲན་སྒྱུ་མ་ལྟ་བུ་ལ།། རྟེན་འབྲེལ་བཅུ ་གཉིས་ཤེས་རབ་ཡིན།། ཞི་གནས་ལྷག་མཐོང་ཤེས་པས་འཕགས།། སེམས་ཙམ་རྣམ་པར་སྣང་བ་འདི།། སེམས་ལས་མ་རྟོགས་ལོགས་སྣང་མེད།། རྣམ་པར་སྣང་ཡང་མི་རྟོག་པས།། དེ་ནི་རྣམ་བཅས་ཤེས་རབ ་བོ།། རྣམ་པ་མེད་པའི་སྣང་བ་འདི།། སེམས་ཀྱི་རྣམ་པ་རྫུན་པ་ལས།། རྣམ་མེད་རང་རིག་དོན་དམ་མོ།། སྒྱུ་མ་ལྟ་བུའི་སྤྱོད་པ་ནི།། ཆོས་རྣམས་ཐམས་ཅད་སེམས་ཡིན་ཏེ།། སེམས་ཀྱང་རྫུན་པར་ཤེས ་པའོ།། ཀུན་རྫོབ་སྒྱུ་མ་ཙམ་དུ་བདེན་པ་དང་།། དོན་དམ་སྤྲོས་པ་བྲལ་བར་བདེན་པ་ཤེས་རབ་བོ།། རབ་ཏུ་མི་གནས་སྣང་བ་ནི།། རྣམ་པར་དཔྱད་པ་ཙམ་ཞིག་ལས།། ཁས་ལེན་ཐམས་ཅད་དང་བྲལ་བའི།། གཉིས ་སུ་མེད་པས་དབུ་མ་ཡིན།། དེ་ལྟར་ཤེས་པས་ཤེས་རབ་ཡིན།། དེ་ལ་ཀྲི་ཡའི་སྣང་བ་ཡང་།། རིགས་གསུམ་སྒྱུ་མ་ལྟ་བུ་ལས།། དོན་དམ་སྐྱེ་བ་མེད་པའོ།། དེ་ལྟར་ཤེས་པས་ཤེས་རབ་བོ།། ཡོ་ག་སྐུ་ལྔ་མ་ཧཱ་རིགས ་ལྔར་སྣང་།། ཨ་ནུ་ཧེ་རུ་ཀ་ལྔར་སྣང་བ་དང་།། རྫོགས་ཆེན་རང་སྣང་མ་བཅོས་པ།། དབུ་མ་སྒྱུ་མར་བདེན་པ་དེ།། བདེན་པ་གཉིས་ཀྱི་མུ་ལ་སྣང་།། གསང་སྔགས་སྒྱུ་མའང་རྫུན་པས་ན།། གསང་སྔགས་རང་སྣང ་ཁྱད་པར་འཕགས།། ཨ་ཏི་རྫུན་དང་བདེན་པ་གཉིས།། རང་སྣང་མ་བཅོས་ཆོས་ཀྱི་སྐུ།། ཀུན་འདུལ་དགོངས་པ་ཡེ་ཤེས་རང་སྣང་སྟེ།། འགྲོ་དྲུག་རང་སྣང་རྣམ་པར་དག། མུ་སྟེགས་རྟག་ཆད་རྒྱུ་དང་འབྲས་བུ ་སྣང་།། སྐུ་གསུམ་རང་སྣང་ཡོན་ཏན་སྣང་།། ལྷ་བསྒོམ་སྤྱོད་འབྲས་རང་རེ་སྣང་།། རང་སྣང་འདི་ལ་འཇུག་པའི་ལམ།། དེ་ཕྱིར་ལམ་གྱི་དགོངས་པ་བཤད་པ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད ་ལས།། སྣང་བརྟགས་ཤན་འབྱེད་པའི་ལེའུ་སྟེ་གསུམ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། སྣང་རྟགས་ལམ་གྱི་རིམ་པ་ལ།། དབང་པོ་བསམ་པ་མཁྱེན་གྱུར ་པ།། སྔགས་ཀྱི་ཐེག་པའི་ཁྱད་པར་ལས།། གྲོལ་ལམ་ཆགས་ལམ་མ་ཤེས་ན།། སྔགས་ཀྱི་བཀའ་བསྒོ་ཉམས་པས་ན།། དབང་གི་དམར་ཁྲིད་བཤད་པར་བྱ།། འབྲས་བུ་བླ་མེད་བྱང་ཆུབ་ཐོབ་འདོད་པས།། མཚན ་ཉིད་པ་དང་ཕ་རོལ་ཕྱིན་པ་དང་།། གསང་སྔགས་འབྲས་བུ་བླ་ན་མེད་པ་དང་།། ཆོས་ལས་འདས་པའི་ངོ་སྤྱོད་འདི་བསྟན་པ།། མཚན་ཉིད་ས་དང་ཕ་རོལ་ཕྱིན་པ་ནི།། ཐབས་དང་ཤེས་རབ་ཁྱད་པར་ནི།། ཤེས་རབ ་གཙོ་བོར་བཟུང་ནས་འབྲས་བུ་འཚོལ།། ཐོས་དང་བསམ་པའི་ཤེས་རབ་རྒྱུད་ལ་བརྟེན།། ཤེས་རབ་མེད་ན་མིག་མེད་ཕ་རོལ་ཕྱིན་པ་དཀའ།། ཐབས་ཀྱི་སྦྱོར་བ་སེམས་བསྐྱེད་པ་དང་སྦྱོར་བའོ།། གསང་སྔགས ་འབྲས་བུའི་ཐེག་པ་ནི།། སྐུ་ལྔ་ཡེ་ཤེས་ལྔ་དང་ལྡན་པ་སྟེ།། བསྐྱེད་པ་སྐུ་ལ་རྫོགས་པས་ཡེ་ཤེས་ནི།། ཟུང་དུ་འབྲེལ་པ་འབྲས་བུའི་ཐེག་པའོ།། དེ་ཡང་རྟེན་དང་ཁྱད་པར་ལས། ཁམས་གསུམ་སེམས་ཅན་གྲོལ་བར ་བྱེད་པ་ལ།། དབང་གི་རྟེན་དང་མི་ལྡན་པར།། དབང་བཞི་བསྐུར་བའི་གནད་བསྟན་པ།། དཔེར་ན་བ་ལ་ཞོ་ཡོད་ཀྱང་།། བེའུ་ཁ་མེད་བླུག་སྣོད་མེད།། དེ་བཞིན་བླ་མས་དབང་བསྐུར་ཏེ།། རྟེན་དང་མི་ལྡན ་བསྐུར་ཐབས་མེད།། གཟུགས་མེད་པ་ཡི་ཁམས་རྣམས་ལ།། དབང་རྣམས་བསྐུར་བའི་རྟེན་མེད་དེ།། རྩ་རླུང་རྟོག་པ་མི་དམིགས་པས།། ཡེ་ཤེས་དབང་བསྐུར་ག་ལ་ནུས།། གཟུགས་ཁམས་རྩ་དང་རླུང ་ཡོད་ཀྱང་། ཁམས་ཀྱི་ཟས་ཀྱང་བྲལ་བས་རྟེན་མ་ཡིན།། དེས་ན་འདོད་ཁམས་གནས་རིས་ཁོ་ན་ལ།། དབང་རྣམས་བསྐུར་བའི་རྟེན་དུ་རུང་།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཁོང་ཁྲོ་ཕྲག་དོག ་གིས།། གདུངས་ནས་འདུས་པའི་འདོད་ཁམས་འདི།། དབང་གི་སྣོད་དུ་རུང་བ་ཡིན།། དབང་དང་མན་ངག་ལག་ལེན་གསུམ།། སྣོད་དང་བཅུད་དང་བསྐུར་ཐབས་གསུམ།། ཕྱི་དང་ནང་དང་གསང་བའོ།། བུམ ་པ་ཐབས་དང་ཤེས་རབ་དང་།། རྒྱུ་དང་ངོ་བོ་དབྱེ་བའོ།། བསྐུར་ཐབས་གནས་དང་རྫས་དང་ནི།། གླེང་གཞི་དཀྱིལ་འཁོར་བསྐུར་བའི་དུས།། འབྲས་བུ་དང་ནི་ངེས་པའི་ཚིག། རྒྱུ་ནི་ས་ཆོག་ལ་སོགས་ས་བསླང ་བརྟག་དང་སྦྲང་དང་བྲི་བ་དང་།། མཆོད་པའི་རྫས་དང་རྒྱན་དགྲམ་པ།། དཀྱིལ་འཁོར་ཆོ་ག་ལ་སོགས་ཡིན།། ངོ་བོ་དབང་ཐོབ་དོན་དང་ལྡན།། ངེས་ཚིག་དོན་ལྡན་རྣལ་འབྱོར་པས།། དབྱེ་བ་ཕྱི་ནང་གསང ་བའོ།། གླེང་གཞི་སྔོན་བྱུང་རྗེས་འཇུག་གོ། དཀྱིལ་འཁོར་ཕྱི་ནང་ཀུན་ལ་སྣང་།། བསྐུར་ཐབས་བསྐྱེད་རིམ་རྫོགས་རིམ་མོ།། གནས་ནི་ལུས་ངག་ཡིད་གསུམ་མོ།། རྫས་ནི་བུམ་པ་ཐབས་དང་གསང་བའོ།། དུས་ནི ་བཀྲ་ཤིས་ཉི་མ་ཡིན།། འབྲས་བུ་སྐུ་གསུམ་རང་གྲོལ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། དབང་གི་སྡོམ་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་དག་བཤད་བྱ་བ།། ཉོན ་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། བུམ་པའི་དབང་གི་ངོ་སྤྲོད་པ།། བུམ་པའི་ངོ་བོ་ངེས་ཚིག་དབྱེ་བ་དང་།། མཐུན་པའི་དཔེ་དང་བསྐུར་བའི་གནས།། བསྐུར་བའི་རྫས་དང་དུས་ཚོད་དང་།། ཡོན་ཏན་འབྲས་བུ་སྐྱོན ་བསྟན་པ།། བུམ་པའི་ངོ་བོ་འདུས་པ་ཡིན།། ངེས་པའི་ཚིག་ནི་རྫོགས་པ་ཡིན།། དབྱེ་བ་ཕྱི་ནང་གསང་བའོ།། མཐུན་པའི་དཔེ་ནི་རིན་པོ་ཆེ།། བསྐུར་བའི་གནས་ནི་མགོ་བོ་ལ།། རྫས་ནི་ཕྱི་ནང་གསང་བའོ།། དུས་ནི ་གནམ་སྟོང་ཉི་མ་ལ།། ཡོན་ཏན་ལུས་ཀྱི་སྒྲིབ་གསུམ་དག། སྲོག་གཅོད་མ་བྱིན་འདོད་ལོག་དག། འབྲས་བུ་སྤྲུལ་པའི་སྐུ་རུ་རྫོགས།། མ་བསྐུར་ཁམས་གསུམ་འཁོར་བར་འཁྱམས།། ཕྱི་ཡི་བུམ་པ་རིན་ཆེན ་དང་།། བུམ་པའི་རྫས་ནི་འདི་དག་གོ། འབྲུ་ལྔ་སྨན་ལྔ་རིན་ཆེན་ལྔ།། སྤོས་ལྔ་སྙིང་པོ་རྣམ་ལྔ་ཡིན།། བསྐུར་གནས་ལ་སོགས་གོང་དུའོ།། ནང་གི་བུམ་པ་བླ་མའི་སྐུ།། བདུད་རྩི་ལ་སོགས་ལུས་ལ་རྫོགས།། བསྐུར ་བའི་གནས་ནི་ལྕེ་ལའོ།། རྫས་ནི་བདུད་རྩི་འོ་མ་ཆུ།། དུས་ནི་བསྐྱེད་རིམ་བསྒོམ་པའི་དུས།། ཡོན་ཏན་ངག་གི་སྒྲིབ་པ་དག། བདུད་རྩི་ལྕེ་ལ་བཞག་པའོ།། དགོས་པ་ཐ་མལ་རྟོག་པ་མེད་པ་དང་།། བདུད་རྩི ་ལོངས་སྤྱོད་གྲོགས་སུ་ཤེས་པ་དང་།། རྫུན་དང་ཕྲ་མ་ཚིག་རྩུབ་ངག་འཁྱལ་གྱི།། ངག་གི་སྒྲིབ་པ་དག་པར་བྱེད།། གསང་བའི་བུམ་པ་རང་ལུས་ཀྱི།། བུམ་རྫས་ལྷག་པ་བྱང་ཆུབ་སེམས།། བསྐུར་ཐབས ་ཡུམ་གྱི་བྷ་ག་ལ།། བསྐུར་བའི་རྟེན་ནི་རྩ་གསུམ་སྟེ།། ཡོན་ཏན་གཟུང་འཛིན་བདེ་བར་འབར།། དུས་ནི་སྙོམས་པར་ཞུགས་པ་ཡིན།། འབྲས་བུ་དགའ་བདེ་ལྷན་ཅིག་སྐྱེས་པའོ།། ཡང་གསང་བུམ་པའི་དབང་བསྐུར ་བ།། རང་རིག་ཡེ་ཤེས་བུམ་པ་ཡིན།། བུམ་རྫས་འདས་པ་རྣམ་པ་ལྔ།། བསྐུར་ཐབས་ཆོས་ལས་འདས་པ་ཡིན།། རྟེན་ནི་བློ་ལྡན་གང་ཟག་ཡིན།། ཡོན་ཏན་རང་གྲོལ་བྱིན་རླབས་འཆར།། དུས་ནི་གདམས་པ་སྐད ་ཅིག་ཡིན།། འབྲས་བུ་རིག་པ་རང་གྲོལ་ཡིན།། དེ་ལ་དཀྱིལ་འཁོར་གང་དང་འབྲེལ་ཅེ་ན།། ཕྱི་ཡི་བུམ་པའི་དཀྱིལ་འཁོར་ནི།། མེ་ཏོག་ཟང་ཀ་རྡུལ་ཚོན་ནོ།། བསྐུར་ཚུལ་གང་དང་འབྲེལ་ཅེ་ན།། སློབ་དཔོན་བླ་མར ་གུས་བྱ་ཡི།། ཆུ་ནི་སྤྱི་བོའི་གཙུག་ཏུ་བསྐུར།། རྣ་བ་གཡས་སུ་དབུ་རྒྱན་ནོ།། ལྷག་པར་རྡོ་རྗེ་རྣ་གཡོན་དྲིལ།། མིང་ནི་དཔྲལ་བར་བསྐུར་བ་ཡིན།། མེ་ཏོག་ཕྲེང་བ་མགོ་ལ་བཅིངས།། ཤེས་རབ་རིག་པའི་དབང་ལྔ ་ཡིན།། ལུས་ཀྱི་སྒྲིབ་པ་འདག་པར་བྱེད།། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། བུམ་པའི་དབང་གི་ལེའུ་སྟེ་ལྔ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས ་ཁྱོད།། ཐབས་དང་ཤེས་རབ་དབང་བསྐུར་བསྟན་པར་བྱ།། ཐབས་དང་ཤེས་རབ་ལྡན་པས་བུམ་པའོ།། ཐབས་ཀྱི་བུམ་པ་བླ་མ་ཡིན།། ཏིང་འཛིན་བྱང་ཆུབ་སེམས་ཀྱི་ཆུ།། བླ་མའི་ཁ་ཡིས་པདྨ་བླངས།། སློབ་མའི ་ཚངས་པའི་བུ་གར་བསྐུར།། ག་བུར་ཆུ་ཡི་བདུད་རྩིས་ནི།། ལུས་ཀྱི་སྒྲིབ་པ་འདག་པར་བྱེད།། ཤེས་རབ་བུམ་པ་མི་མོ་ཡི།། ལུས་ཀྱི་པདྨ་རཀྟ་ཡིན།། གསང་བ་པདྨའི་སྦྱོར་བ་ཡིས།། གསང་བའི་བདུད་རྩི་ཕབ་བྱས ་ལ།། ཐབས་ཀྱིས་རྡོ་རྗེའི་ངག་དག་བྱེད།། བསྐུར་གནས་པདྨའི་ལྟེ་བ་ལ།། བསྐུར་དུས་ལྷན་ཅིག་སྐྱེས་པའོ།། ཡོན་ཏན་རྣམ་རྟོག་བདེ་བར་འབར།། འབྲས་བུ་ཕྱག་རྒྱ་ཆེན་པོ་ཐོབ།། ཉམས་ལེན་དགའ་བ་བཞི་དང ་འབྲེལ།། ཐིག་ལེ་རྡོ་རྗེའི་མགྲིན་པར་སླེབ།། དེ་ནི་དགའ་བདེ་ཞེས་སུ་བརྗོད།། དེ་ནས་རྡོ་རྗེའི་རྩེ་མོར་འབར།། དེ་ནི་མཆོག་དགའ་ཞེས་བྱའོ།། དེ་ནས་མཉམ་པར་སྦྱོར་བ་ཡིས།། ཕྱེད་ཤོར་ཕྱེད་མ་ཤོར་བ་ནི།། ལྷན ་ཅིག་སྐྱེས་པའི་དགའ་བ་ཡིན།། ཐིག་ལེས་རང་ས་ཟིན་ཙ་ན།། དེ་ནི་དགའ་བྲལ་ཞེས་སུ་བརྗོད།། དང་པོ་བདེ་བའི་ཡེ་ཤེས་དེ།། རྒྱུ་ཡི་ཡེ་ཤེས་ཞེས་སུ་བརྗོད།། དེ་ནས་མཆོག་ཏུ་དགའ་བ་ནི།། ལམ་གྱི་ཡེ་ཤེས་ཞེས ་སུ་བརྗོད།། དེ་ནས་ལྷན་ཅིག་སྐྱེས་དགའ་ནི།། ལྷན་ཅིག་སྐྱེས་པའི་ཡེ་ཤེས་སོ།། དགའ་བྲལ་འབྲས་བུའི་ཡེ་ཤེས་ཡིན།། དགའ་བ་ལས་ཀྱི་ཕྱག་རྒྱ་ཡིན།། དགའ་མཆོག་ཆོས་ཀྱི་ཕྱག་རྒྱ་ཡིན།། ལྷན་ཅིག་སྐྱེས་པ་དམ ་ཚིག་ཕྱག་རྒྱ་ཡིན།། དགའ་བྲལ་ཕྱག་རྒྱ་ཆེན་པོ་ཡིན།། དེ་ལ་ནི་ལུས་ཀྱི་ཕྱག་རྒྱ་ཡིན།། རྟེན་ནི་མ་ནིང་ལ་སོགས་མ་ཡིན་པའོ།། དུས་ནི་བཅུ་དྲུག་ལོན་པའོ།། ཡོན་ཏན་ཡེ་ཤེས་བཞི་དང་ལྡན།། འབྲས ་བུ་ཕྱག་རྒྱ་ཆེན་པོར་ལྷུན་གྱིས་གྲུབ་པའོ།། ནང་གི་ཐབས་དང་ཤེས་རབ་དབང་བསྐུར་རྫོགས།། རིག་པ་ཡབ་ལ་སྣང་བ་ཡུམ།། སྣོད་བཅུད་གཉིས་མེད་སྦྱོར་བ་ཡིས།། ཐབས་དང་ཤེས་རབ་དབང ་མཆོག་ཐོབ།། ཐབས་དང་ཤེས་རབ་རྒྱ་མ་ཆད།། ཕྱི་ནང་མེད་པའི་དབང་བསྐུར་རྫོགས།། རྟེན་ནི་བླ་མ་དམ་པའོ།། དུས་ནི་རྟོག་པ་སྐད་ཅིག་ལ།། ཡོན་ཏན་མཚན་མ་རང་སར་གྲོལ།། འབྲས་བུ་སྣང་སྲིད་ཐིག་ལེར ་འབར།། ཡང་གསང་ཐབས་དང་ཤེས་རབ་དབང་བསྐུར་བ།། རང་གསང་ཟབས་ཀྱིས་ཆོད་པ་དེ།། རང་ནི་ཤེས་རབ་དབང་བསྐུར་བ།། ཆོད་པ་ཐབས་ཀྱི་དབང་བསྐུར་དང་།། ཐབས་དང་ཤེས་རབ་དབང་བསྐུར ་རྫོགས།། རྟེན་ནི་མ་རིག་མ་རྟོགས་པ།། དུས་ནི་ལེ་ལོ་མ་རིག་མ་རྟོགས་ལོག་རྟོགས་དང་།། ཕྱོགས་རྟོགས་གང་ཟག་རྣམས་ལ་བསྐུར།། ཡོན་ཏན་ཀུན་མཁྱེན་ཡེ་ཤེས་ཐོབ།། འབྲས་བུ་རང་བྱུང་ཐིག་ལེར ་བརྡལ།། དཀྱིལ་འཁོར་གང་དང་འབྲེལ་ཅེ་ན།། ཀུན་འབྱུང་རང་སྣང་དཀྱིལ་འཁོར་དང་།། སྦྲེལ་པ་མེད་པར་འབྲེལ་པ་ནི།། རིག་པའི་ཡེ་ཤེས་ལྷ་ཆེན་ཕོབ།། དམ་ཚིག་པར་མཚམས་མེད་པར་བསྲུང་།། དེ་ལས ་འདས་ན་འཆིང་བར་འགྱུར།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ཐབས་དང་ཤེས་རབ་ཀྱི་དབང་བསྐུར་བའི་ལེའུ་སྟེ་དྲུག་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས ་ཉོན།། གསང་བའི་དབང་བསྐུར་བསྟན་པར་བྱ།། ངོ་བོ་ངེས་ཚིག་དབྱེ་བ་དང་།། མཐུན་པའི་དཔེ་དང་བསྐུར་གནས་དང་། རྫས་དང་ཡོན་ཏན་འབྲས་བུའོ།། ངོ་བོ་བདེ་བ་ཉམས་མྱོང་བའོ།། ངེས་ཚིག་ཤེས་རབ་སྙིང ་རྗེ་ཡིས།། བདེ་བའི་ཡེ་ཤེས་བསྐྱེད་ཕྱིར་ཡིན།། དབྱེ་བ་ཕྱི་ནང་གསང་བའོ།། མཐུན་དཔེ་འབྲས་ཆང་བླུད་པ་འདྲ།། དེ་ཡིས་ཤེས་པ་འགྱུར་བའོ།། གནས་ནི་རི་ཕུག་དགོན་ཕྱིའི་དང་།། ནང་གི་ཤེས་རབ་པདྨ ་དང་།། གསང་བའི་ཤེས་རབ་ཡེ་ཤེས་སོ།། རྫས་ནི་བྱང་སེམས་དཀར་དམར་རོ།། ཡོན་ཏན་ཡེ་ཤེས་དགོངས་པ་འཆར།། དུས་ནི་དབང་གཉིས་རྫོགས་ནས་ནི།། དཀྱིལ་འཁོར་ཚོགས་དང་རང་ལུས་ཤེས་རབ ་མོའི།། བསྐུར་ཚུལ་ལུས་ཀྱི་ཡན་ལག་གནད་དུའོ།། འབྲས་བུ་མ་རིག་ལོག་རྟོག་སེལ།། ད་ནི་ནང་གི་གསང་དབང་བསྟན།། སྣང་བ་རྩད་ནས་ཆོད་པ་ཤེས་རབ་དབང་།། རང་སྣང་ཡེ་ནས་ཤེས་པ་ཡེ་ཤེས་དབང་།། ཕྱི ་ནང་ཟང་ཐལ་ཤར་བ་ངོ་བོ་ཡིན།། རིག་པ་རང་སར་གྲོལ་བ་ངེས་ཚིག་ཡིན།། ཡེ་ཤེས་རང་བྱུང་རང་ཤར་ཤེས་པ་དབྱེ་བ་ཡིན།། ཉི་ཤར་མུན་པ་དངས་པ་མཐུན་དཔེ་ཡིན།། རིག་པ་རང་ལ་གནས་པ་དགོས་པ ་ཡིན།། རང་རིག་ཡེ་ཤེས་རང་ལ་ཡོད་པ་དབང་རྫས་ཡིན།། ཡེ་ཤེས་ལྔ་ལྡན་མ་བསྒྲུབས་ཡོན་ཏན་ཡིན།། དུས་གསུམ་འདུ་འབྲལ་མེད་པར་ཤེས་པ་དུས་ཚོད་ཡིན།། རང་བྱུང་ཐམས་ཅད་འདུས་པ ་དཀྱིལ་འཁོར་ཡིན།། རིག་པ་རང་དབང་འདུས་པ་བསྐུར་ཚུལ་ཡིན།། མ་རིག་ལོག་ལྟ་ཚོམས་པ་འབྲས་བུ་ཡིན།། ད་ནི་གསང་བའི་དབང་བསྟན་པ།། ཤེས་རབ་ཡེ་ཤེས་ཡེ་ནས་རང་ལ་གནས།། ངོ་བོ་ཤེས་པས ་འཁོར་བའི་སྐྱོན་དང་བྲལ།། རང་གྲོལ་ངེས་པའི་ཚིག་གི་གདེང་ལ་གྲོལ།། དབྱེ་བ་ཡེ་དང་ཤེས་པ་གཉིས།། ཤེས་རབ་ཀྱིས་ནི་ཡང་དག་ཡེ་ཤེས་ཤར།། མཐུན་དཔེ་མན་ཤེལ་ངོ་སྤྲོད་འདྲ།། ཕྱི་ནང་མེད་པའི་གཏན ་ཚིགས་ཁོང་ནས་ཤར།། དབང་རྫས་ཤེས་རབ་རང་ཆས་རང་ལ་རྫོགས།། ཡོན་ཏན་ཉག་གཅིག་དགོངས་པ་སད།། བསྐུར་དུས་སྐད་ཅིག་བྱེ་བྲག་ཕྱེད།། དཀྱིལ་འཁོར་ཡེ་ཤེས་གཏིང་རྫོགས་ཡིན།། བསྐུར་ཚུལ་ངོ ་སྤྲོསྤྱོད་སྐད་ཅིག་ལ།། འབྲས་བུ་རང་གྲོལ་དགོངས་པ་སད།། ངོ་སྤྲོད་དབང་བསྐུར་འདི་ལྟ་བུ།། བུམ་པ་ནང་གི་མར་མེ་ལྟར།། སྣོད་མ་ཡིན་གྱི་གང་ཟག་ལ། དུས་དང་གནས་སྐབས་ཀུན་ཏུ་གསང་།། སྣོད་དང་ལྡན་པ ་རྣམས་ལ་ཡང་།། དབང་མ་ཐོབ་པར་བཤད་མ་ཡིན།། ཅི་ཕྱིར་ངོ་སྤྲོད་འདི་ཉིད་ལ།། མ་རྟོགས་པ་རྣམས་སྐུར་པ་འདེབས།། ལོག་པར་རྟོགས་ནས་སྐུར་པར་འགྱུར།། དོན་མ་རྟོག་པས་ཡིད་མ་ཆེས།། ཚིག་ལ་འཆེལ ་ཞིང་དོན་ལ་རྨོངས།། བཤད་ཆོད་མཁན་གྱིས་གོ་བར་དཀའ།། སྐྱེ་བོ་རྣམས་ཀྱི་ཡ་གར་འགྱུར།། དེ་བས་འདི་དོན་གསང་བར་བྱ།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ཤེས་རབ་ཡེ་ཤེས་གསང ་བར་དབང་བསྐུར་བའི་ལེའུ་སྟེ་བདུན་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། ཚིག་དབང་རིན་ཆེན་བསྟན་པ་ནི།། ལེགས་པར་རྩེ་གཅིག་ཡིད་ཀྱིས་ཉོན།། བུམ་པའི་ལྷ་དང ་དབང་བསྐུར་རྣམས། སྐྱེ་བ་མེད་པར་རྒྱས་འདེབས་པས།། ཕྱི་ཡི་ཚིག་དབང་ཞེས་སུ་བརྗོད།། དགའ་བ་བཞི་ལ་རྒྱས་འདེབས་པས།། ནང་གི་ཚིག་དབང་ཞེས་སུ་བཤད།། ཤེས་རབ་ཡེ་ཤེས་རྒྱས་འདེབས ་པས།། གསང་བའི་ཚིག་དབང་ཞེས་སུ་བརྗོད།། རིག་པའི་ཡེ་ཤེས་ངོ་སྤྲོད་པས།། ཚིག་དབང་བླ་ན་མེད་པ་ཡི།། བླ་མེད་ཚིག་གཅིག་དབང་དུ་བྱེད།། དབང་བསྐུར་བརྡའ་སྟོན་ལྷ་རྗེ་ཡིན།། ལྷ་ཡི་དབང་པོ་ལྷ་ཡི ་ལྷ[:]པས་པྶཱ། མ་ལྷག་པས[:]ལྷ[:]ཡི་བྲཱ།། ལྷ[:]ལ་ཟ་བ་མོའི་ཚོགས་འཁོར་འབུལ།། ཚོགས་རྗེ་ཚོགས[:]བདག་དབང་དང་ལྡན།། ཧ[:]ཡི་རྗེ[:]བོ[:]ཀུནྨའི་སྙིང་པོ[:]བྱ།། དེ་རྣམས་ཤེས ་ཤིང་སློབ་པས་སློབ་དཔོན་ཡིན།། མ་རྟོགས་མ་ཤེས་འདྲེན་པས་སློབ་དཔོན་ཡིན།། འདྲེན་པ་རང་རྒྱལ་སློབ་དཔོན་ཡིན།། ཚོགས་ཀྱི་སློབ་དཔོན་ཚོགས་ཀྱི་བདག། དེ་ནས་ཚིག་དབང་རྒྱས་བཏབ་པས།། རྡོ་རྗེ་ལྟ་བུའི ་སྐུ་བརྙེས་པས།། གཅིག་པུ་སྲ་མཁྲེགས་རྡོ་རྗེའི་བདག། སྐྱེས་མ་ཐག་ཏུ་རང་གྲོལ་བས།། རྡོ་རྗེ་སློབ་དཔོན་ཞེས་སུ་བརྗོད།། དབང་བཞི་རྫོགས་པའི་སློབ་དཔོན་དེ།། རྡོ་རྗེ་སློབ་དཔོན་ཞེས་བརྗོད་དོ།། ་རྡོ་རྗེ་གདན་ནི་མ་ལུས་ལྡན།། རྡོ་རྗེ་གཅིག་པུས་གཡུལ་སེལ་བས།། སློབ་དཔོན་དཔའ་བོ་ཆེ་ཞེས་བརྗོད།། ཚིག་དབང་གཅིག་ལ་ཐམས་ཅད་རྫོགས།། རང་རིག་ཡེ་ཤེས་མ་བཅོས་པས།། རྣལ་འབྱོར་ཞེས་ཀྱང་དེ་ལ ་བྱ། དོན་ལྡན་བློ་ལ་འབྱོར་པ་ཡིས།། རྣལ་འབྱོར་ཆེན་པོ་ཞེས་ཀྱང་བྱ།། ཆོས་སྐུ་མི་འགྱུར་རྟག་པའི་སྐུ།། དུས་གསུམ་འཕོ་འགྱུར་མེད་པར་ཤེས།། རྟག་པ་ཀུན་རྒྱལ་རྣལ་འབྱོར་ཅན།། གསང་བ་མངོན་དུ་ཕྱུང་ནས ་བསྟན།། གསང་བ་སྦས་པའི་ཁུངས་བརྟོལ་བས།། བླ་མས་དབང་བཞི་བསྐུར་བས་ན།། བླ་མ་གསང་སྔགས་ཀུན་པས་མཆོག། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས།། ཚིག་དབང་བླ་མ་ལ་རག་ལུས ་པའི་ལེའུ་སྟེ་བརྒྱད་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། གསང་སྔགས་བླ་མའི་ཐུགས་ལ་གནས།། གསང་སྔགས་དོན་ཀུན་སྐྱེད་པ་པོ།། གསང་སྔགས་བདག་པོ་སྣ ་ཚོགས་སྟོན།། ཁྱོད་ནི་རྩེ་གཅིག་ཡིད་ཀྱིས་ཉོན།། གནས་བརྟན་རྒན་པོ་སྐྱེ་དགུའི་བདག། སངས་རྒྱས་རབས་བདུན་དོ་ཟླའོ།། དེ་ཡི་དགོངས་པ་བཤད་པར་བྱ།། ལྡེམ་པོར་དགོངས་པ་རྣམ་པ་བཞི།། གཞི་ལ་ལྡེམ ་དང་ཚིག་ལ་ལྡེམ།། དོན་ལ་ལྡེམ་དང་གནད་ལ་ལྡེམ།། ལྡེམ་དགོངས་བསྒོམ་རྩ་མཆོད་ན།། འཁྲུལ་འཁོར་རྨོངས་པ་ཉོན་རེ་མོངས།། ཀྱེ་རིགས་ཀྱི་བུ་ཉོན་ཅིག། ཐོག་མ་མེད་པ་དུས་ཀྱི་དབྱིངས།། དངོས་གཞི་ཆེན་པོ ་ཀུན་གཞི་ལ།། གཞི་ལ་ཕུན་ཚོགས་གནད་མེད་ན།། སྟོན་པས་བསྟན་པ་འདུས་བྱས་འགྱུར།། བཀའ་ཚོམས་གེགས་ཀྱི་གནད་མེད་ན།། ཀུན་བརྟགས་ཐེག་པ་རང་གཞུང་སྲོལ།། འབྲས་བུ་མི་འདྲ་ངེས་ཤེས ་མེད།། འགྲོ་དྲུག་མུ་སྟེགས་རང་སར་བདེ།། བར་བར་བདེ་བའི་གེགས་མེད་ན།། རྒྱལ་པོ་དམངས་ཀྱང་ལྕེབས་ཏེ་འཆི།། སྐུ་གསུམ་ལམ་གྱི་གནད་མེད་ན།། རྣལ་འབྱོར་དུས་ལྟོས་ཉོན་རེ་མོངས།། བྱིན་རླབས་རང ་ཆས་གནད་མེད་ན།། ཉི་མའི་སྙིང་པོ་སྔོན་དུ་ཟད།། ཐུགས་རྗེ་འགག་མེད་གནད་མེད་ན།། མཁའ་ཡི་ཆར་པ་སྔོན་དུ་ཟད།། གཞི་ལ་མཁས་པའི་གནད་མེད་ན།། འཁོར་བ་དོང་སྦུགས་སྔོན་དུ་འབྱུང་།། འབྲས་བུ་རང ་སའི་གནད་མེད་ན།། ཀུན་ཏུ་གཟང་པོ་འཁོར་བར་ལྟུང་།། ཐུགས་རྗེ་རོལ་པའི་གནད་མེད་ན།། འཁོར་བའི་སྣང་བ་སྔོན་དུ་སངས། འགྱུ་བ་མེད་པའི་བྱིན་རླབས་གནད་མེད་ན།། ཆགས་ལྡང་ལྔ་པོ་སྔོན་དུ་ཟད།། མ ་རིག་གཏི་མུག་གནད་མེད་ན།། གཟུང་འཛིན་འདུས་བྱས་སྔོན་དུ་ཞིག། སྐྱེ་དགུའི་བདག་པོ་གནད་མེད་ན།། སྐྱེ་བ་དགུ་བརྒྱུད་སྔོན་དུ་ཆད།། ཨེ་མ་ཧོ།། ཚིག་ལ་ལྡེམ་པོར་དགོངས་པ་དེ་གསུངས་སོ།། དེ་ནས་ཅང་མི ་གསུང་བར་ཆོས་ཉིད་ཀྱི་ཀློང་དུ་མནལ་ལོ།། ཞེས་འབྱུང་པོ་ཀུན་འདུལ་གྱི་རྒྱུད་ལས། སྐྱེ་དགུ་ལ་ངོ་སྤྲོད་པའི་ལེའུ་སྟེ་དགུ་པའོ།། །། དེ་ནས་རྡོ་རྗེ་ཆོས་ཀྱི་བློ་གྲོས་ཀྱིས།། བཅོམ་ལྡན་ཀུན་ཏུ ་བཟང་པོ་ལགས།། སྐྱེ་དགུའི་མཚན་ཉིད་ཇི་ལྟར་ལགས།། ཞེས་ཞུས་པས། ཀུན་ཏུ་བཟང་པོས་བཀའ་སྩལ་པ།། གནས་དང་བརྟན་དང་སྐྱེ་དགུའི་བདག། གནས་པ་ཀུན་གཞི་སྤྱི་ས་ཡིན།། བརྟན་པ་རང་བཞིན་སྟོང ་པ་ལྔ་དང་ལྡན།། རྒན་པོ་ཐོག་མ་མེད་པ་ཡིན།། སྐྱེ་བ་དགུ་ནི་མི་འགག་པ།། ཕྱི་ཡི་སྐྱེ་བ་དགུ་བརྒྱུད་ལ།། དང་པོ་གཞི་ས་ངོ་སྤྲོད་གཅེས།། བར་དུ་རྒྱུ་རྐྱེན་ངོ་སྤྲོད་གཅེས།། ཐ་མར་སྐྱེས་པའི་དངོས་པོ་བརྟན་པར ་གཅེས།། འགྲོ་བ་རིགས་དྲུག་མུ་སྟེགས་རྟག་ཆད་གཉིས།། འདྲེ་དང་ལྷ་རུ་སྐྱེ་བ་དགུ་བརྒྱུད་པ།། དང་པོ་བརྒྱུད་པའི་ཁུངས་བཙལ་ན།། འཁོར་བ་ཐོག་མཐའ་བཅད་པ་གཅེས།། ལྷ་ནི་འདྲེ་སྲིན་མི་དང་འགྲོ་དྲུག ་གི། སྐྱེ་བའི་གཞི་མ་མ་ཤེས་ན།། སྔགས་པ་མཐུ་རྩལ་བསམ་ཡས་ཀྱང་།། སྐྱེ་བ་དགུ་བརྒྱུད་ཆོད་མི་སྲིད།། ངན་སྔགས་སྐྱེ་བའི་རྩ་བ་མཆོད་ན།། དགུ་བརྒྱུད་གཅོད་པ་ཡ་རེ་ཆ། ཆོད་པ་མེད་པ་ཉོན་རེ་མོངས།། སྲིད ་གསུམ་སྐྱེ་བརྒྱུད་མཆོད་ན།། ཁམས་གསུམ་ཡོངས་གྲོལ་དཀའ་མོར་མཆི།། ཕྱི་ཡི་སྐྱེ་རྒྱུད་གཅོད་པ་ལ།། འབྱུང་པོ་ཀུན་འདུལ་གདམས་པ་དགོས།། སྐྱེ་དགུ་རྩད་ནས་གཅོད་པའི་ངོ་སྤྲོད་དགོས།། ཁམས་གསུམ ་ཡོངས་གྲོལ་དགོངས་པ་དགོས།། སྲིད་གསུམ་རྣམ་པར་དག་པའི་ཡིད་ཆེས་དགོས།། གནས་བརྟན་རྒན་པོ་སྒྲོལ་བའི་དབང་པོ་དགོས།། སངས་རྒྱས་མེས་པོ་མཐོང་བའི་སྤྱན་མིག་དགོས།། འགྲོ་དྲུག་སྐྱེ་སྒོ་གཅོད་པའི ་གེགས་སེལ་དགོས།། རྟག་ཆད་སྲོག་རྩ་གཅོད་པའི་བཤན་པ་དགོས།། ལྷ་སྲོག་འདྲེ་གཟིར་གཏན་ལ་ཕེབས་པའི་ཕུར་ཐུན་དགོས།། ནམ་མཁའི་ཀློང་དུ་སླེབ་པའི་གཤོག་པ་དགོས།། རྒྱ་མཚོ་ཧུབ་ཀྱིས་འདེབས་པའི ་ཁམ་ཆུ་དགོས།། མེ་ཆེན་གོས་སུ་གྱོན་པའི་བཟོད་པ་དགོས།། ས་ཆེན་གདན་དུ་བཏིང་བའི་ལུས་སྟོབས་དགོས།། རླུང་པོ་གཤོག་པར་བྱེད་པའི་ཡང་རྩལ་དགོས།། འབྱུང་ལྔ་ལྔས་སུ་འཇུག་པའི་མི་ཕོ་དགོས།། དུག་ལྔ ་བདུད་རྩིར་སྤྱོད་པའི་རྣལ་འབྱོར་དགོས།། གཉིས་སྣང་རང་སྣང་གཅོད་པའི་འཁྱེར་ཀ་དགོས།། ཁམས་གསུམ་རང་ལ་ཤར་བའི་དགོངས་པ་དགོས།། དེ་ལྟར་ཤེས་ན་ཕྱི་ཡི་འབྱུང་པོ་འདུལ།། ཞེས་གསུངས ་སོ།། འབྱུང་པོ་ཀུན་འདུལ་གྱི་རྒྱུད་ལས། ཕྱིའི་འབྱུང་པོ་སྐྱེ་རྒྱུད་བཅད་པའི་ལེའུ་སྟེ་བཅུ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། ནང་གི་སྐྱེ་དགུ་རྩད་བཅད་བསྟན་པར ་བྱ།། ཐོག་མའི་གནས་བརྟན་སྐྱེ་དགུ་ལས།། ཐོག་མ་མེད་པའི་དུས་ཉིད་ནས། ཉོན་མོངས་བརྒྱད་ཁྲིའི་གཞི་མ་ཡིན།། ཆོས་ཀྱི་སྒོ་མོ་བརྒྱད་ཁྲི་བཞི་སྟོང་གིས།། དེ་རྣམས་སྐྱེ་བའི་གཞི་མ་དེ།། ཐེག་པ་རིམ་པ་དགུ་ཡི ་གཞི།། ཀུན་གཞི་སྐྱེ་བའི་མཛོད་ཆེན་ཡིན།། རྒྱུ་དང་ལམ་དང་གཞི་དངོས་གསུམ།། དེ་གསུམ་གཏན་ལ་ཕེབས་པར་འགྱུར།། གཏན་ལ་འབེབས་པ་སྡེ་ཡི་ལུང་དུ་བཤད།། དེ་ལ་གོལ་གཞི་རིམ་པ ་དགུ།། གོལ་བ་ལམ་གྱི་སོ་མཚམས་དགུ།། གོལ་ས་དངོས་པོ་མཐའ་བཅས་རྣམས།། གོལ་གཞི་གོལ་ས་མ་ཤེས་ན།། ཐེག་པ་སྤྱི་ལས་བོགས་མི་ཐོན།། སུན་འདོན་ལ་བཟླ་མ་ཤེས་ན།། ཐེག་པའི་ལ་ཤན་རིས་མི ་ཕྱེད།། ངོ་སྤྲོད་རང་ས་མ་བསྟན་ན།། འབྲས་བུ་སྠི་ཡི་གོལ་སར་འཆོར།། གེགས་དང་སེལ་ལུགས་མ་ཤེས་ན།། སྤྲེའུ་རྒན་མ་རུ་འཆོས་པ་འདྲ།། ལྟ་བའི་གོལ་སྒྲིབ་མ་ཆད་ན།། བོང་བུ་སེང་ལྤགས་གྱོན་པ ་འདྲ།། བསྒོམ་པའི་གོལ་སྒྲིབ་མ་ཆོད་ན།། སྤྲེའུ་ལ་བསྒོམ་པ་བསླབས་པ་འདྲ།། སྤྱོད་པའི་གོལ་སྒྲིབ་མ་ཆོད་ན།། རྒོད་པོ་གཤོག་པ་ཆག་པ་འདྲ།། འབྲས་བུའི་གོལ་སྒྲིབ་མ་ཆོད་ན།། ཉི་མ་གཟའ་ཡིས་བཟུང་བ ་འདྲ།། ཐམས་ཅད་ངོ་སྤྲོད་མ་ཤེས་ན།། ནོར་བུ་མཆིང་བུ་ཐོགས་པ་འདྲ།། དངོས་པོ་རྩད་ནས་མཆོད་ན།། ཉན་ཐོས་ལ་སོགས་རང་གཞུང་རེ།། དེ་ཡི་མཚན་མ་མ་གྲོལ་ན།། གྲང་ནད་ཅན་ལ་ག་པུར་ལྟར།། རང་སྣང ་ཡེ་ཤེས་བདུད་དུ་འགྱུར།། ཕྱོགས་རྟོགས་རྟོག་པས་ཟིན་པ་ནི།། ཁ་བྲག་ལམ་མདོར་ཚོགས་པ་འདྲ།། དེས་ན་ངོ་སྤྲོད་ཤིན་ཏུ་གཅེས།། ནང་གི་སྐྱེ་དགུ་རྩད་གཅོད་ན།། ཐེག་པའི་གོལ་ས་ཤེས་པ་ངོ་སྤྲོད་ཡིན།། ཐེག ་པའི་གོལ་གཞི་ཤེས་པ་གདམས་ངག་ཡིན།། ཐེག་པ་སུན་འདོན་ཤེས་པ་དབང་པོ་ཡིན།། ཐེག་པའི་ལ་བཟླ་ཤེས་པ་ཡིད་ཆེས་ཡིན།། ཐེག་པའི་ངོ་སྤྲོད་རང་གྲོལ་ཤེས་པ་ངེས་ཤེས་ཡིན།། ཐིག་ལེ་གཅིག་ཏུ་ཤེས་པ ་འབྲས་བུ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ནང་གི་སྐྱེ་དགུ་རྩད་ནས་བཅད་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས ་ཁྱོད།། གསང་བའི་སྐྱེ་དགུ་རྩད་ནས་གཅོད་པ་བསྟན་པར་བྱ།། ཀུན་གཞི་སྐྱེ་བ་དགུ་པའི་བདག། རྣམ་པར་ཤེས་པའི་ཚོགས་བརྒྱད་ལ།། སྐྱེ་ལུགས་མི་འདྲ་རྣམ་པ་བརྒྱད།། བརྒྱད་ཀྱི་དཔོན་པོར་གྱུར་པ་ཡིན།། དེ་སྐྱེ ་བ་དང་དགུ་ཞེས་བྱ།། དེ་ལ་གཞི་དང་ལམ་དང་ནི།། འབྲས་བུ་དངོས་པོ་དག་ཏུ་སྨིན།། གབ་པ་ངོ་སྤྲོད་བསྟན་པ་ནི།། ལྷ་ཡི་ངོ་སྤྱོད་སྐྱེ་བ་དགུ། ནོར་ལྷ་བརྒྱད་ཅེས་བྱ་བར་སྐྱེས།། དེའི་དཔོན་པོ་དབང་ཕྱུག་ཆེན་པོ་ལྷ ་ཆེན་པོ་དང་དགུ། ལྷན་ཅིག་སྐྱེས་པས་ལྷ་དགུ་ཡིན།། ལྷ་ཡི་སྐྱེས་རབས་མ་ཤེས་ན།། ལྷ་ལ་མཆོད་པ་འབུལ་མི་ཤེས།། ལྷ་ཡི་མཆོད་ཐབས་མ་ཤེས་ན།། མཆོག་གི་དངོས་གྲུབ་འཐོབ་མི་འགྱུར།། འདྲེ་ནི་འབྱུང་པོ་སྲིན ་པོ་དང་།། ཉི་མ་ཟླ་བ་ཁྱབ་འཇུག་ཚངས་པ་དང་།། གཤིན་རྗེ་དང་ནི་མ་མོ་དང་།། ས་ཡི་ལྷ་དང་ཆུ་ལྷ་མེ་ལྷ་རླུང་གི་ལྷ། ཀུ་བེ་རའི་ལྷ་དང་། འབྲོག་གནས་ལྷ་དང་། གང་བ་བཟང་པོ་ལྷ་དང་། ནོར་གྱི་ལྷ་བརྒྱད། དེ་ནི ་ནོར་གྱི་ལྷ་བརྒྱད་དོ།། ལྷན་ཅིག་སྐྱེས་པའི་འདྲེ་དགུ་པོ།། དེ་ཡི་བཅོས་ཐབས་མ་ཤེས་ན།། བར་ཆོད་སེལ་བའི་དུས་མི་མཆི།། དེ་ལ་དང་པོ་བར་དང་ཐ་མ་གསུམ།། དེ་གསུམ་ཛ་སྤྱོད་མ་ཤེས་ན།། རྣམ ་རྟོག་རང་གྲོལ་དུས་མི་མཆི།། ཀྱེ་རིགས་ཀྱི་བུ་ཁྱོད་ཉོན་ཅིག། གསང་བའི་སྐྱེ་དགུ་རྩད་གཅོད་ནི།། སྐྱེ་གཞིའི་རྩ་བ་མཆོད་ན།། རྒྱ་མཚོའི་ལྦུ་བ་སུབ་པ་འདྲ།། སྐྱེ་དགུའི་རྩ་བ་མཆོད་ན།། ཆུ་གཏིང་ཟླ་བར་རྡོ་བརྡེག ་འདྲ།། དངོས་པོའི་སྐྱེ་རྒྱུད་མ་ཆོད་ན།། སྨྱོན་པའི་ལག་དུ་སྨན་འགྱེད་འདྲ།། གཞི་ལམ་སྐྱེ་རྒྱུད་གཅོད་པ་ལ།། དགའ་བོ་འཇོག་པོའི་ནོར་བུ་ལྟར།། དུག་ལ་མི་འཇིགས་ནོར་བུ་རྙེད་པ་ལྟར།། དངོས་པོ་སྤང་དང་སྦྱང་བ ་དང་།། བསྒྱུར་དང་རང་སྣང་ཡིན་ཟེར་བ།། དེ་ཡི་འབྲས་བུ་སྒྲིབ་པ་ཡིན།། ཀྱེ་རིགས་ཀྱི་བུ་ཉོན་ཅིག། འགྱུས་ནི་རང་གྲེལ་ཟུང་འཇུག་མེད།། ལྷ་བརྒྱད་ངོ་སྤྲོད་དེ་ཡིན་ནོ།། འགྱུས་ན་མ་རིག་བདུད་དུ་འབྱུང་།། འགྱུ་བ ་གཅིག་གི་རྩད་ཆོད་ན།། ཚིག་ཆོད་ངོ་སྤྲོད་དེ་ཡིན་ནོ།། གཅིག་པོ་རང་གྲོལ་ཤེས་ཙམ་ན།། ལྷ་འདྲེ་དབང་དུ་འདུས་པས་འབྱུང་པོ་ཐུལ།། མཁའ་འགྲོ་ཆོས་སྐྱོང་དབང་དུ་འདུས་པས་འབྱུང་པོ་ཐུལ།། ཉག་གཅིག་ཉམས ་ལས་གྲོལ་བ་རྟོག་གེའི་ཡུལ་ལས་འདས།། མཚན་མ་སྣ་ཚོགས་རང་སར་གྲོལ་བས་ཐིག་ལེ་ཉག་གཅིག་རང་ལ་འཆར།། ལྷ་འདྲེ་གཉིས་མེད་ཤར་བས་དངོས་གྲུབ་པར་ཆོད་མེད།། ལྷ་ཡི་སྐྱེ་རྒྱུད་ཆོད་པས་ཟུག་རྔུ་དུས ་གཅིག་ཆོམས།། འདྲེ་ཡི་སྐྱེ་རྒྱུད་ཆོད་པས་བར་གཅོད་དུས་གཅིག་ཞི།། བདེ་སྡུག་སྐྱེ་རྒྱུད་ཆོད་པས་འཁོར་བ་རང་སར་གྲོལ།། ཐིག་ལེ་རང་ལ་ཤར་བས་མཐའ་བཞི་དྲས་ཐག་ཆོད།། མེ་ཆུ་གཉིས་ཀྱི་ཚ་གྲང་བསྙམས ་པས་བཙོ་བསྲེག་ཁར་མི་ལྟུང་།། ས་དང་རླུང་གཉིས་མཚན་ཉིད་ཤེས་པས་བྱིང་རྒོད་རང་སར་གྲོལ།། མཁའ་དང་འགྱུ་བའི་ཆོས་ཉིད་ཤེས་པས་དགོངས་པ་རྣམ་པར་དག། རྣམ་ཤེས་འོད་གསལ་ཤེས་པས་བར་དོ་ཚད ་ལས་གྲོལ།། རིག་པ་ཡེ་ཤེས་ཤེས་པས་མཁྱེན་པའི་ཞིང་ཁམས་འཆར།། ཐིག་ལེ་ཡེ་ཤེས་ཤར་བས་སངས་རྒྱས་དགོངས་པ་ཤར།། འགྱུ་བ་ཟང་ཐལ་ཤར་བས་བྱིན་རླབས་ཕྱོགས་མེད་འཆར།། འགྲོ་དྲུག་རང་སར ་གྲོལ་བས་སངས་རྒྱས་ཡུལ་མེད་འཆར།། འཁོར་བ་རང་སར་གྲོལ་བས་འགྲོ་དྲུག་འཁྱམ་ས་མེད།། སྣོད་བཅུད་ཕྱི་ནང་མེད་པས་གཟུང་འཛིན་དངས་ས་མེད།། རིག་པ་ཁོང་ནས་ཤར་བས་མ་རིག་དངས་ས ་མེད།། ཤེས་རབ་ཁོང་ནས་ཤར་བས་སྒྲིབ་པ་བྱང་བ་མེད།། འགྱུ་བ་ཟང་ཐལ་ཤར་བས་ལས་ཀྱི་འཁོར་ས་མེད། དུག་ལྔ་རང་སར་གྲོལ་བས་ཉོན་མོངས་སྐྱེས་ས་མེད།། གཟུང་འཛིན་དཀར་ནག་གྲོལ་བས་ཤེས་བྱའི ་སྒྲིབ་པ་མེད།། ལུས་ཀྱི་མཐའ་གཞི་ཆོད་པས་རྣམ་སྨིན་གོལ་ས་མེད།། སྒྲིབ་པ་བཅུ་གཉིས་བསྡུས་པས་བཞི་རུ་འདུས།། དེ་ཡང་གསུམ་འདུས་གསུམ་པོ་གཅིག། རྒྱ་མཚོའི་གཏིང་གིས་ལུ་མའི་རྩད་ཆོད་ན།། རྒྱ་མཚོ་ཆེ། ་ཡང་རང་དངས་བསྐམ་པར་འགྱུར།། ཤིང་ཕུང་ལྗོན་པའི་རྩ་བ་ཆོད་ཙན།། ལོ་མ་མེ་ཏོག་འབྲས་ལྡན་བསྐམ་པར་འགྱུར།། དེ་བཞིན་སྒྲིབ་པའི་རྩ་བ་ཡིན་པར་ཤེས་པ་ལ།། འགྱུ་བ་ཤེས་པས་གོང ་ལྟར་ཐམས་ཅད་ཆོད།། རྩ་བ་གཅིག་གི་དོན་རྟོགས་ན།། དཔེར་ན་ཛེ་ཏའི་སྨན་བཞིན་དུ།། གང་ལ་རེག་པ་སྨན་དུ་འགྱུར།། དེ་བཞིན་ཅིར་སྣང་ཅིར་འགྱུས་ཡང་།། ཡེ་ཤེས་དག་ལ་འདས་པ་ནི།། སྐད་ཅིག་ཙམ་ཡང ་མི་སྲིད་དོ།། དབང་པོ་བསམ་པ་དང་སྦྱར་དུ།། འགྱུ་བ་གཅིག་པོའི་སྤྱི་ཁྱབ་ཡིན།། ཁྱབ་པ་གཅིག་པོའི་དོན་ཤེས་ན།། ཐམས་ཅད་སངས་རྒྱས་དགོངས་པ་ཡིན།། དབང་པོ་འདི་ལ་རྣོ་བརྟུལ་མེད།། འགྱུ་བ་བྱིན་རླབས ་སྣང་ཕྱིར།། ཐོས་པ་འདི་ལ་ཆེ་ཆུང་མེད།། འགྱུ་བ་ཡི་ནས་དངོས་མེད་ཕྱིར།། དབང་པོ་བློ་ལ་རྣོ་བརྟུལ་མེད། འགྱུ་བ་རང་གྲོལ་འཆར་བའི་ཕྱིར།། དད་པ་འདི་ལ་ཆེ་ཆུང་མེད།། འགྱུ་བ་རང་ལས་བྱུང་བའི་ཡེ་ཤེས ་ལ།། དད་པ་བཟང་པོས་འགྲུབ་པ་མེད།། གནད་ཀྱི་གདམས་པས་ངོ་སྤྲད་ན།། སྨན་གྱི་རྒྱལ་པོ་ཛེ་ཏ་བཞིན།། གང་ལ་རེག་པ་སྨན་དུ་འགྱུར།། དེ་བཞིན་རྣམ་པ་ཅིར་སྣང་ཡང་།། རང་སྣང་ཡེ་ཤེས་འབའ་ཞིག ་ཡིན།། དཔེར་ན་རྩི་མཆོག་མ་གི་བཞིན།། གང་ལ་རེག་པ་དྲི་རུ་འགྱུར།། དེ་བཞིན་འགྱུ་ཚད་ཡེ་ཤེས་འབར།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། གསང་བའི་སྐྱེ་རྒྱུད་རྩད་བཅད་པའི་ལེའུ་སྟེ། ་བཅུ་གཉིས་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། གསང་བའི་སྐྱེ་དགུ་རྩ་དང་ངོ་སྤྲད་པ།། དང་པོ་རྩ་ཡི་གཞི་མ་བསྟན།། ཐམས་ཅད་ཤེས་རབ་ཡེ་ཤེས་རྩ།། ཡོན ་ཏན་རྩ་དང་ཕྲིན་ལས་རྩ།། དང་པོའི་གཞི་རྩ་བསྟན་པ་ནི།། བར་དུ་རླུང་དང་རྩ་དང་ཐིག་ལེ་དང་།། རྒྱུ་རྐྱེན་འདུས་པས་འདུས་བྱས་དངོས་པོའི་རྩ།། དེ་ཡང་ཐིག་ལེ་བྱང་ཆུབ་སེམས།། དཀར་དམར་གཉིས་པོ་འདུས ་པ་ལས།། རྩ་ལ་བརྟགས་དང་དཔྱད་པ་ལས།། རྩ་ལ་རྩ་རྒྱུད་བཤད་པར་བྱ།། གདུགས་དང་པདྨ་འཁོར་ལོ་དང་།། རིན་པོ་ཆེ་དང་རྩེ་གསུམ་རྡོ་རྗེའི་རྩ།། གནས་པ་དངོས་པོའི་རྩ་ཞེས་བརྗོད།། དེ་ནི་བཅུད་ལ་གནས ་པའི་རྩ།། དེ་ཡང་ཨ་ཝ་དྷ་ཏི་དང་།། རོ་མ་རྐྱང་མ་གསུམ་དུ་འདུས།། ཐོག་མའི་ཆོས་གསུམ་དག་ལ་འདུས།། བར་དུ་མ་ནིང་གསུམ་ལ་འདུས།། རིག་པ་འོད་དང་དཀར་དམར་གསུམ་ལ་འདུས། རྩ་ཡི་ངོ་བོ་ཟང་ཐལ ་བས།། ཤེལ་གྱི་སྦུབས་མ་བྱ་བ་ཡིན།། མཛོད་སྤུར་དངོས་སུ་ཆགས་པ་བག་ཆགས་རྩ།། དངོས་སུ་གྲུབ་པའི་རྩ་ཞེས་བརྗོད།། རོ་རྐྱང་དྷ་ཏི་གསུམ་དུ་གྲགས།། གདུགས་ལྟ་བུ་ཡི་རྩ་ཞེས་པ།། སྤྱི་བོ་བདེ་ཆེན་གཞལ ་ཡས་ཡིན།། རྩ་ནི་སུམ་ཅུ་རྩ་གཉིས་གནས།། མཁའ་འགྲོ་སུམ་ཅུ་རྩ་གཉིས་དང་།། ཡེ་ཤེས་རྩ་དང་ཐབས་དང་ཤེས་རབ་རྩ།། ཡོན་ཏན་རྩ་དང་རང་རྒྱུད་རྩ།། རྣམ་པ་ལྔ་ལས་གྱེས་པ་ཡིན།། ཡེ་ཤེས་རྩ་ནི་དབུས་ནས ་འགྱུ།། རང་རྒྱུད་རྩ་ཡང་དེ་ལ་བརྟེན།། ཐབས་ཀྱི་རྩ་ལ་ཆ་ལྔ་གནས།། གཉིས་འགྱུར་མཁའ་འགྲོ་བཅུ་རུ་བཤད།། ཤེས་རབ་རྩ་ལ་རྣོ་བ་ལྔ་རུ་སྣང་།། གཉིས་འགྱུར་མཁའ་འགྲོ་བཅུ་རུ་གནས།། ཡོན ་ཏན་རྩ་ལ་རྣམ་པ་ལྔ།། གཉིས་འགྱུར་མཁའ་འགྲོ་བཅུ་རུ་གནས།། ཡེ་ཤེས་མཁའ་འགྲོ་ལས་འགྲོ་གཉིས།། སུམ་ཅུ་རྩ་གཉིས་གདུགས་ཀྱི་གནས།། རྨ་བྱ་མདོངས་དང་བཅས་པ་ལྟར། རྩ་དང་མཁའ་འགྲོ་རང་ཆས ་ཡིན།། མགྲིན་པ་ལོངས་སྤྱོད་པདྨ་འདྲ།། པདྨ་ཅན་གྱི་གནས་ཞེས་བྱ།། དེ་ལ་རྩ་ཡང་བཅུ་དྲུག་ཡོད།། ཡེ་ཤེས་ཐབས་དང་ཤེས་རབ་རྩ།། ཡོན་ཏན་རང་རྒྱུད་རྣམ་ལྔའི་རྩ།། ཐབས་ཀྱི་རྩ་ལ་མཁའ་འགྲོ་ལྔ།། ཤེས་རབ ་ལ་ཡང་དེ་ལྟར་རོ།། ཡོན་ཏན་ལ་ཡང་དེ་ལྟར་ཤེས།། ཡེ་ཤེས་རྩ་དང་རང་རྒྱུད་ལ།། མཁའ་འགྲོ་རྣམ་སྣང་གསལ་བས་ན།། དེ་ཡང་རང་ཆས་སྔགས་ཀྱི་རྩ།། སྙིང་ག་ཆོས་ཀྱི་འཁོར་ལོ་ནི།། བྱང་ཆུབ་མཐའ་ཡས་ཕུབ ་ཅེས་བྱ།། དེ་ན་རྩ་བཅུས་ཁྱུད་མོ་འདྲ་བ་ཡི།། རྩ་ཡང་རྣམ་པ་བརྒྱད་ཡོད་དེ།། ཡེ་ཤེས་ཐབས་དང་ཤེས་རབ་དང་།། ཡོན་ཏན་རང་རྒྱུད་རྩ་བརྒྱད་གནས།། ཐབས་ཀྱི་རྩ་ལ་མཁའ་འགྲོ་གཉིས།། ལྷོ་ཕྱོགས་ཤར་གྱི་རང ་ས་ཟིན།། ཤེས་རབ་རྩ་ལ་མཁའ་འགྲོ་གཉིས།། ནུབ་བྱང་གཉིས་ཀྱི་རང་ས་ཟིན།། ཡོན་ཏན་རྩ་ལ་མཁའ་འགྲོ་གཉིས།། མཚམས་ཀྱི་མཁའ་འགྲོ་ཞེས་སུ་བཤད།། ཡེ་ཤེས་རྩ་དང་རང་རྒྱུད་ལ།། སྟེང་འོག་མཁའ ་འགྲོ་གནས་པ་ཡིན།། ཉི་མ་མདངས་དང་ཆས་པ་བཞིན། རྩ་དང་མཁའ་འགྲོ་རང་ཆས་ཡིན།། ལྟེ་བ་སྤྲུལ་པའི་འཁོར་ལོ་ནི།། འཇིགས་སུ་རུང་བའི་གནས་ཞེས་བྱ།། དེ་ཡང་གོང་དུ་རིམ་པས་ཤེས། དེ་ལ་དྲུག་ཅུ་རྩ ་བཞི་གནས།། འཁོར་ལོ་མཚོན་ཆ་འདྲ་བ་ལ།། འཇིགས་སུ་རུང་བའི་གནས་ཞེས་བྱ།། དེ་ཡང་གོང་དང་འདྲ་བ་ལ།། ཐབས་ཀྱི་རྩ་ལ་མཁའ་འགྲོ་བཅུ།། ཤེས་རབ་རྩ་ལ་དེ་བཞིན་ནོ།། ཡོན་ཏན་རྩ་ཡང་དེ་བཞིན ་ནོ།། རང་རྒྱུད་རྩ་ལ་མཁའ་འགྲོ་བཅུ།། ཡེ་ཤེས་རྩ་ལ་གཉིས་གནས་ཏེ།། དྲུག་ཅུ་རྩ་བཞི་འཁོར་བཅས་རྣམས།། མཚོན་ཆ་འཁོར་ལོ་འབར་བ་བསྣམས།། འགྲོ་དྲུག་གྲོང་ཁྱེར་དམྱལ་ཐག་ཆོད།། འཇིགས་སུ་རུང་བའི ་གནས་ཞེས་བྱ།། མན་ཤེས་འོད་དང་ཆས་པ་བཞིན།། རྩ་དང་མཁའ་འགྲོ་རང་ཆས་ཡིན།། གསང་བ་རྡོ་རྗེ་ལྟ་བུའི་རྩ།། རྡོ་རྗེ་རྩེ་གསུམ་ལྟ་བུ་ཡོད།། ཁ་ཊྭཱཾ་དུང་ཅན་ཤིན་ཏུ་དཀོན།། དེ་ཡི་མཚན་ཉིད་བསྟན་པ ་ནི།། མས་འགེབ་བུས་སེ་མིག་སྨིན་འབྱར།། བྱ་ལག་ཆུ་རྐང་སྐྲ་ལོ་སེར།། ལྟག་རྩ་འཁོར་བར་ཡོད་པ་ལ།། པོ་སྐད་ཅན་དང་གདོང་ཚུགས་ལྟ།། བབ་ཅོལ་སྨྲ་ཞིང་ཟུར་འགྲོས་བྱེད།། དེ་ལ་དུང་ཅན་ཡོད་པ་ནི།། མཁའ ་འགྲོ་མ་ཡི་རིགས་སུ་བཤད།། དེ་ཡིས་བདེ་བ་ཁྱད་འཕགས་པས།། བདེ་བ་ཅན་གྱི་གནས་ཞེས་བྱ།། གཡས་ན་ཐབས་ཀྱི་མཁའ་འགྲོ་ནི།། གླང་པོ་གདོང་ཞེས་བྱ་བ་ཡོད།། གཡོན་ན་ཤེས་རབ་མཁའ་འགྲོ་མ།། ཁ་ཁ ་མུ་ཁ་ཞེས་པ་ཡོད།། དབུས་ན་ཡེ་ཤེས་མཁའ་འགྲོ་མ།། སྲིན་མོ་གདོང་ལྡན་དུང་ཅན་ཡོད།། དེ་ཕྱིར་རྡོ་རྗེ་མཁའ་འགྲོ་ཡིན།། བདེ་བ་བསྐྱེད་པས་ཡེ་ཤེས་མཁའ་འགྲོ་མ།། བདེ་བ་སྤོར་བས་ལས་ཀྱི ་མཁའ་འགྲོ་མ།། བདེ་བ་ཟད་མེད་རིན་ཆེན་མཁའ་འགྲོ་མ།། བདེ་ལ་མ་ཆགས་པདྨ་མཁའ་འགྲོ་མ།། རང་དོན་མཐར་ཕྱིན་ཡེ་ཤེས་མཁའ་འགྲོ་མ།། གཞན་དོན་མཐར་ཕྱིན་དམ་ཚིག་མཁའ་འགྲོ་མ།། འཁོར་བའི ་སྡུག་བསྔལ་ཟད་བྱེད་འཇིག་རྟེན་མཁའ་འགྲོ་མ།། དུག་ལྔ་རང་ལོག་ལོག་འདྲེན་མཁའ་འགྲོ་མ།། སྤྱི་བོ་བདེ་ཆེན་གནས་པས་ཆོས་དབྱིངས་ཡེ་ཤེས་མཁའ་འགྲོ་མ།། མགྲིན་པར་བྱོན་པས་བདེ་བསྐྱེད་བྱེད ་ལོངས་སྤྱོད་མཁའ་འགྲོ་མ།། སྙིང་གར་ཉམས་སུ་མྱོང་བས་ཆོས་སྐྱོང་མཁའ་འགྲོ་མ།། ལྟེ་བར་བདེ་བ་འཁྱིལ་བས་ལས་ཀྱི་མཁའ་འགྲོ་མ།། གསང་བར་བདེ་བ་འབར་བས་བདེ་སྐྱོང་མཁའ་འགྲོ་མ།། ནང་གི་རྩ་ཡི ་རྒྱུད་ལ་མཁའ་འགྲོ་ངོ་སྐྲོད་ཡིན།། མཁའ་འགྲོའི་ཚོགས་འཁོར་སྨིན་པར་བྱེད་ན་དེ་ལྟར་གྱིས།། མཆོད་རྫས་དམ་རྫས་མཐུན་རྫས་རང་ཆས་ཡིན།། རྔ་དང་གཏོར་མ་རཀྟ་བདུད་རྩི་རྐང་གླིང་དེ་ཅི་དགོས།། མཁའ ་འགྲོ་འབོད་པ་ཅི་དགོས་མཆོད་དང་བསྟོད་ཅི་དགོས།། ཚོགས་ཀྱི་འཁོར་ལོ་བསྐོར་བར་བྱ་ཅི་དགོས།། འདི་ནི་གསང་བ་ངེས་པའི་དོན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས།། གསང་བའི་ཚོགས ་ཀྱི་འཁོར་ལོའི་ལེའུ་སྟེ་བཅུ་གསུམ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། རྩ་ཡི་གནས་ལུགས་ངོ་སྤྲོད་བསྟན་པར་བྱ།། ཕོ་རྩེ་མོ་རྩ་མ་ནིང་རྩ་དང་ཆེན་པོ་ཆེ།། དེ་ཡང ་གཞི་དང་ལམ་དང་དངོས་པོ་རྣམ།། དེ་རྣམས་གཏན་ལ་ཕབ་པར་བྱ།། དང་པོར་སྐྱེ་བ་འབྱུང་བ་ནི།། དང་པོ་ལྷུན་གྲུབ་མ་འགགས་པར།། ཐུགས་རྗེ་འགག་པ་མེད་པ་ལས།། འགྱུ་བ་རླུང་གིས་བསྐྱོད་ནས་ནི།། ལྷུན ་གྲུབ་རླུང་ཆེན་མ་འགགས་པས།། མ་ནིང་རྣམ་པ་གསུམ་དུ་འབྱུང་།། མ་ནིང་རླུང་གི་རྩལ་དྲག་པས།། དྲག་པོར་འགྱུས་ནས་འོད་ལ་བཅད།། ཐིག་ལེ་དཀར་དམར་འདུས་པ་ལས།། མཛོད་ཆེན་ཞེས་པའི་རྩ་རུ ་འཁྱིལ།། རྐྱང་མ་རོ་མ་ཀུན་འདར་མ།། དེ་ལ་དངོས་པོའི་རྩ་རུ་འབྱུང་།། དངོས་པོའི་རྩ་ཡི་སྣང་བ་ཡང་།། རོ་རྐྱང་ཀུན་འདར་གསུམ་པོ་ལས།། ཕོ་རྩའི་སྣ་ནི་ཁ་ལ་ཟུག་ནས་ཁ་བྱེ་བས།། ཟླ་བ་རེ་ལ་མཚན་མ་རེ།། སྣ ་ཡི་ནང་ནས་འབྱུང་བ་ཡིན།། ཐིག་ལེ་དེ་ལ་རྒྱས་པའི་རྩ།། ཨ་ཝ་དྷཱུ་ཏིའི་ནང་ནས་འབྱུང་།། བདེ་བ་འབྱུང་བ་དེ་ལྟར་ཡིན།། རྡོ་རྗེའི་རྩེ་མོར་རྩ་མདུད་གནས།། མོ་ཡི་ཤེས་རབ་རྩལ་གྱིས་སུ།། ཟླ་མཚན་འཛག་ཅེས་བྱ ་བ་ཡང་།། ཐིག་ལེ་ཨ་ཝ་དྷ་ཏི་ནས་སུ་འཛག། ཐིག་ལེ་དམར་པོ་རྀ་རྐྱང་ནས།། སྣ་ཡི་བུ་ག་གཉིས་ནས་འཛག། ཟླ་མཚན་ཞེས་ཀྱང་དེ་ལ་བྱ།། ཟླ་བ་རེ་ལ་རྒྱུ་བ་ཡང་།། མཛོད་སྤུ་དྲག་ཏུ་གཡོ་བར་བྱེད།། མགྲིན་པར ་ཞག་དྲུག་བར་དུ་འབབ།། སྙིང་དང་ལྟེ་བར་དེ་བཞིན་ནོ།། དངས་མ་རྒྱས་པ་དྲུག་ཏུ་འདོད།། དེ་བས་མི་འབྱུང་རང་དབང་མེད།། དེ་ནས་སྣ་རུ་འབྱུང་བ་ཡང་།། རོ་རྐྱང་གཉིས་ནས་བྱུང་བ་ཡིན།། དེ་ཉིད ་མེད་པར་གྱུར་པ་ན།། ཐབས་དང་ཤེས་རབ་བརྟེན་ས་མེད།། གཞི་ནི་ངོ་བོ་ཐུགས་རྗེའོ།། ལམ་ནི་རིག་དང་མ་རིག་སྣང་།། རགས་པ་འགྱུ་བ་འོད་དུའོ།། དངོས་པོ་ཐབས་དང་ཤེས་རབ་རྩ།། དེ་གས་འདུས་པ་དྷཱུ་ཏི ་ཡིན།། དེ་ལ་འཁོར་ལོ་རྣམ་པ་ལྔ།། སྤྱི་བོ་བདེ་བ་ཆེན་པོ་ན།། ཐིག་ལེ་དཀར་དམར་འཛག་པ་ནི།། ཧཾ་ཁ་ཐུར་དུ་བལྟས་པ་ཡིན།། ཧ་ནི་ཕྲིན་ལས་ལྗང་གུའི་མདོག། ང་ནི་རང་བྱུང་ཐིག་ལེ་ཡིན།། ཞག་དྲུག་བར་དུ་རྩ ་རྣམས་བསྐོར།། དེས་ན་བདེ་ཆེན་འཁོར་ལོ་ཡིན།། འཁོར་ལོ་ངར་དང་ལྡན་པ་བཞིན།། བདེ་བའི་ངར་གྱིས་རྩ་རྣམས་གསོ།། བདེ་བ་སྐྱེ་བ་དེ་ལྟར་ཡིན།། དེ་བཞིན་འཁོར་ལོ་བཞི་རྣམས་ལ།། རེ་མོས་རེ་མོས་འཁོར ་བས་ན།། འཁོར་ལོ་ལྔ་ཞེས་བརྗོད་པ་ཡིན།། གསང་བའི་རྩ་ཡི་གནད་མེད་ན།། བདེ་ཆེན་ཡེ་ཤེས་ངོས་མི་ཟིན།། ཐིག་ལེས་རྩ་རྣམས་མ་བརྒྱན་ཞིང་།། འཁོར་ལོ་བཞིན་དུ་མི་བསྐོར་ན།། རྩ་རྣམས་ཐམས་ཅད་སྔོ ་བསྐམ་འགྱུར།། རྩ་རྣམས་བསྐམས་པར་གྱུར་པ་ན།། འཆི་བ་ཞེས་ནི་བརྗོད་པ་ཡིན།། ཐིག་ལེའི་གནད་དང་དུས་མི་མྱོང་།། སྐོར་ཟློག་མི་བཏུབ་གྱུར་པ་ན།། འཆི་བའི་རྟགས་སུ་བཤད་པ་ཡིན།། ཕོ་ནི་གསལ་བ་ཤས ་ཆེ་བས།། ཕོ་རྩ་ཞེས་ནི་བརྗོད་པ་ཡིན།། དེ་ལ་ཐབས་ཀྱི་རྩ་ཞེས་བརྗོད།། མཁས་པ་ཆེན་པོ་ཐབས་ཆེ་བ།། བྱང་ཆུབ་སེམས་དཔའ་རྣམས་ལ་སྣང་།། མོ་ནི་ཐུགས་རྗེ་ཤས་ཆེ་བས།། མོ་རྩ་ཞེས་ནི་བརྗོད་པ ་ཡིན།། ཤེས་རབ་རང་བཞིན་བུད་མེད་ཡིན།། རཀྟ་འབབ་ཅིང་ཟད་ཐལ་ཡོད། མཚན་ལྡན་བུད་མེད་ཅེས་བྱ་བ།། བྱང་ཆུབ་སེམས་མ་རྣམས་ལ་སྣང་། ཡིད་འོང་མཛེས་མའི་མདོག་ལྡན་མ།། ཡིད་འོང་མཛེས་པའི ་གཟུགས་འཆང་ཡིན།། ཞེས་གསུངས་སོ།། མ་ནིང་མ་ནིང་ཞེས་བྱ་བ།། རྩ་གཉིས་ཁ་ནི་བསྣོལ་བ་ལས།། མ་ནིང་མཚན་མ་གཉིས་དང་ལྡན།། ཐུགས་རྗེ་མི་འགག་དང་པོའི་གཞི།། བར་དུ་མ་རིང་ཟ་རུ་བྱུང་།། ཐ་མ ་དངོས་སུ་མ་ནིང་ངོ་།། མ་ནིང་ཆེན་པོ་ཆེ་ཡང་དེ་ལྟར་ཤེས།། ཕོ་མོ་རྒོད་ལྡན་རྩ་ཡི་རོ་རྐྱང་གནད།། རོ་རྐྱང་ཁ་འཕེལ་འགྲིབ་པ་འབྱུང་།། དེས་ན་ཕོ་མོར་བྱུང་བ་ཡང་།། རྩ་ཡི་སྲིད་མཐའ་མི་ལྟ་བུ་རུ ་འབྱུང་བ་ཡིན།། རི་དྭགས་ལྟ་བུའི་སྐད་དང་ནི།། གླང་པོ་ལྟ་བུའི་སྐད་འབྱུང་བས།། ཕོ་རྩེ་མོ་རྩའི་མཚན་ཉིད་ཅེས།། གཉིས་འཛོམ་པས་ནི་སྙོམས་པ་ཡིན།། བྱིས་པ་མཚེ་མར་འབྱུང་བ་ཡང་།། ཟླ་མཚན་དུས་མྱུར ་གཉིས་འདོམས་པས།། བྱིས་པ་མཚེ་མར་འབྱུང་བ་ཡིན།། སྐྱེ་བ་སྔ་ཕྱིར་འབྱུང་བ་ཡང་།། རླུང་དང་ཐིག་ལེའི་རྩལ་སྟོབས་ཡིན།། མཁས་པ་ཐབས་དང་ལྡན་པ་ཡང་།། ཐབས་ཀྱི་རྩ་ནི་ཤས་ཆེ་ཡིན།། རྟོགས་པ་ཤེས ་རབ་ཆེ་བ་ཡང་།། ཤེས་རབ་རྩ་ནི་ཤས་ཆེ་ཡིན།། དབང་པོ་ཐ་མར་གྱུར་པ་ཡང་།། རྩ་གཉིས་ཡོད་ཀྱང་ཆེ་ཆུང་ཡིན།། གཏི་མུག་ཆེ་ཞིང་འདོད་ཆགས་ཆུང་།། ཞེ་སྡང་ཆུང་བའི་མོ་རྣམས་ནི།། མིག་ནག ་འདྲིལ་ཀྱང་མི་ཤེས་པར།། གྱེན་ལ་ལྡོག་ཅིང་བལྟ་བ་ནི།། གླེན་པ་བ་གླང་ཞེས་སུ་བརྗོད།། གཉིས་འདོམས་པ་ཡི་རྟགས་བསྟན་པ།། སྤྱན་མིག་དམར་ལ་ཐིག་ཆགས་ན།། འདོད་ཆགས་ཆེ་ཞིང་ཞེ་སྡང་འབར།། ཤེས ་པ་གསལ་ཞིང་མྱུར་པོར་སྨྲ།། དབང་པོར་རབ་ཀྱི་རྟགས་ཡིན་ཏེ།། ལྟག་རྩ་མིག་ལ་རྒྱས་པ་དང་།། མིག་ནི་དམར་ཞིང་སྐྱེད་པ་དང་།། བཅུད་ན་ཕོ་རོག་ཁུ་འཕྲིག་ལྟར།། ཐིག་ཆགས་འཕྲུལ་ཤེས་སྤྱོད་ལམ་དྲག། དབང ་པོ་རབ་ཀྱི་གང་ཟག་ཡིན་པའི་ཕྱིར།། ཤེས་པ་དལ་ཞིང་འཇམ་པོར་སྨྲ།། སྤྱན་མིག་དཀར་ནག་ཕྱེད་པ་ལ།། ཐད་ཀར་བལྟ་ཞིང་ཞི་སེམས་ཚུལ།། འཁྲུལ་པར་མི་ཕྱེད་རང་ལུགས་འདྲིལ།། དབང་པོ་འབྲིང་གི་གང་ཟག ་ཡིན་པའི་རྟགས།། རོ་མ་རྐྱང་མའི་རྩ་རྟགས་ནི།། མངོན་པར་དགའ་བའི་ཚལ་ཞེས་བྱ།། མིག་ནི་སྦྲུལ་སྐུ་དངོས་སུ་བཞུགས།། སྦྲུལ་སྐུ་མངོན་དུ་བྱོན་པས་ན།། མངོན་པར་དགའ་བའི་ཚལ་ཞེས་བྱ།། སྤྱི་བོས་ཐམས ་ཅད་བསྐྱེད་པ་ན།། རིན་ཆེན་མཐའ་ཡས་ཕུག་ཅེས་བྱ།། མགྲིན་པར་ཐམས་ཅད་ལོངས་སྤྱོད་པས།། པདྨ་ཅན་གྱི་གནས་ཞེས་བྱ།། སྙིང་ག་ཆོས་ཀྱི་འཁོར་ལོ་གནས།། དེ་རུ་ཐམས་ཅད་རྩལ་རྫོགས་པས།། བྱང་ཆུབ ་མཐའ་ཡས་ཕུག་ཅེས་བྱ།། ལྟེ་བར་ཐམས་ཅད་སྤྲུལ་པས་ན།། འཇིགས་སུ་རུང་བའི་ཕུག་ཅེས་བྱ།། ངན་འགྲོར་འགྲོ་བས་སྤྱི་བུང་ཞེས་ཀྱང་བྱ།། གསང་བ་མཁའ་འགྲོ་དངོས་སུ་བྱོན།། བྱོན་ནས་བདེ་བས་བསྐྱེད་པས ་ན།། བདེ་བ་ཅན་གྱི་གནས་ཞེས་བྱ།། དེ་ནི་ཤར་ཕྱོགས་མངོན་པར་དགའ་བའི་ཚལ་དང་།། ལྷོ་ཕྱོགས་ཡངས་པ་ཅན་གྱི་གནས།། ནུབ་ཕྱོགས་བྱང་ཆུབ་མཐའ་ཡས་ཀྱི་ཕུག་དང་།། བྱང་ཕྱོགས་འཇིགས་སུ་རུང་བའི་སྐྱི ་བུང་གནས།། དབུས་ཕྱོགས་བདེ་བ་ཆེན་པོའི་གནས་ཞེས་བྱའོ།། རྡོ་རྗེ་མཁའ་འགྲོ་རིན་ཆེན་མཁའ་འགྲོ་དང་།། པདྨ་མཁའ་འགྲོ་ལས་ཀྱི་མཁའ་འགྲོ་དང་།། དབྱིངས་ཀྱི་མཁའ་འགྲོ་ཐམས་ཅད་འདུ།། རྣལ་འབྱོར་པ ་དེས་ཐམས་ཅད་དབང་།། དེས་ན་རྣལ་འབྱོར་དབང་ཕྱུག་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། རྩའི་མཚན་ཉིད་ལ་ངོ་སྤྲད་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་དག་བཤད ་བྱ་བ། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། རྩ་རྣམས་དེ་དག་ཐམས་ཅད་ཀྱི།། ངོ་སྤྲོད་མདོར་བསྡུས་བསྟན་པར་བྱ།། གཞི་རྩ་ལྔ་ཡི་ངོ་སྤྲད་པ།། རང་བཞིན་ངོ་བོ་ཐུགས་རྗེ་ཅན།། ཡོན་ཏན་ཕྲིན་ལས་གཉིས་ཀྱི ་རྩ།། རྩ་ལྔའི་གཞི་རྩ་མ་ཤེས་ན།། འཁོར་ལོ་ལྔ་ཡི་རྩ་བ་ཆོད་མི་འགྱུར།། དེ་ཡི་རྩ་བ་མཆོད་ན།། བདེ་བ་ངོས་འཛིན་དངོས་པོར་སྦྱང་།། ཟག་པ་ཅན་གྱི་རྩ་ཞེས་བྱ།། བདེ་བ་ཟག་པས་ཟག་ཅེས་བྱ།། ཨ་ཝ་དྷཱུ་ཏིའི ་མཚན་ཉིད་ནི།། སྲོག་པ་རྩ་ཡི་འོག་ན་ཡོད།། ཡར་ལ་ཚངས་པ་མར་ལ་གསང་བའི་གནས།། ཚད་ནི་སྒྲ་ལྕགས་འབྲིང་པོ་ཙམ།། ལུས་པོ་སྟོང་ར་སྟོང་པར་སྦྱང་།། ཀུན་གྱི་བརྟགས་པས་དངོས་པོ ་སྦྲསྤང་།། ཀུན་བརྟགས་སྟོང་ར་ཞེས་ཀྱང་བྱ།། དེ་འོག་ཨ་ཝ་དྷ་ཏིའི་ནང་།། ཀུན་ནི་རྩ་རྣམས་ཐམས་ཅད་ཀུན།། བརྟགས་པ་ཨ་ཝ་དྷ་ཏི་སྟོང་།། ཀུན་བརྟགས་སྟོང་ར་སྦྱོང་བ་ཡིན།། ཀུན་ནི་ཨ་ཝ་དྷ་ཏི་ལ།། བརྟགས ་པས་དྷཱ་ཏི་ནང་སྟོང་པ།། ཀུན་བརྟགས་སྟོང་ར་སྦྱོང་བ་དང་།། དབུགས་ནི་ནང་སྒོར་མི་རྒྱུ་སྟེ།། ཤེས་པ་ཨ་ཝ་དྷཱ་ཏིར་ཚུད།། དྷཱ་ཏི་སྟོང་པ་ནམ་མཁའ་ཡིན།། ཤེས་པ་སྟོང་པར་བཏགས་པ་ཡིན།། ནམ་མཁའ་ཤེས ་པ་འདྲེས་ཙ་ན།། རྟོག་པ་མེད་ཅིང་སྤྱོད་པ་མེད།། སྐྱེ་བ་མེད་ཅིང་བརྗོད་དུ་མེད།། རབ་ཏུ་མི་གནས་ལྟ་བ་ཡིན།། དེ་ཡང་བརྟན་པར་མ་གྱུར་ན།། སོ་སོར་བསྡུས་ཏེ་བརྟན་པར་བྱ།། ཤེས་པ་ཨ་ཝ་དྷཱ་ཏི་རུ།། ཡར་ཟད ་མར་ཟང་སྦྱངས་བྱས་ལ།། ཚངས་པའི་བུ་གའི་ཟད་ཀ་ལ།། ནམ་མཁའི་རང་བཞིན་སྟོང་པར་ཤེས།། ཤེས་པ་དྷཱུ་ཏིའི་ནང་གནས་སྟོང་།། མཁའ་ལ་འཕངས་པས་འདྲེས་པ་ནི།། དང་པོ་སོ་སོར་ཤེས་པ་ལ།། དེ་ལས ་འཕང་པས་བསྡུས་པ་ཡིན།། ནམ་མཁའི་ངང་དུ་རྣམ་རྟོག་འཕང་།། ནམ་མཁའ་ལྟ་བུར་བརྗོད་དུ་མེད།། སོ་སོར་སྡུད་ཅེས་བྱ་བ་ཡིན།། དེ་ལྟར་འཕེན་པས་བསམ་གཏན་ཏེ།། འདུ་ཤེས་ཆད་པས་སྲོག་རྩོལ ་ཆོད།། རྩོལ་ཆོད་དབུ་མའི་ལྟ་བ་ཡིན།། གཉིས་མ་གྲུབ་པས་དབུས་མ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། རྩའི་སྟོང་ར་དང་རྟོག་པའི་ཀུན་བརྟགས་ནམ་མཁའ་དང་བསྲེ་བའི་ལེའུ་སྟེ་བཅོ ་ལྔ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། རྩ་རྒྱུད་བསམ་གྱིས་མི་ཁྱབ་པར།། ཐབས་ལམ་བསམ་གྱིས་མི་ཁྱབ་སྟེ།། ཟག་བཅས་ཆགས་པའི་ལམ་དང་ནི།། དེ་ཉིད ་གྲོལ་བའི་ལམ་དུ་འདུས།། གྲོལ་བའི་འབྲས་བུ་ཁྱད་པར་ཆེ།། ཐེག་པ་རང་གཞུང་གྲོལ་བ་དང་།། མཐར་ཟུག་པ་ཡི་གྲོལ་བ་གཉིས།། མིང་ཙམ་འདྲ་སྟེ་དོན་ལས་འཕགས།། འཕགས་པ་ཀུན་དགའ་ཤཱཀ་ཐུབ ་ལྟར།། འཁོར་དང་སྟོན་པའི་ཁྱད་པར་ཡོད།། དེ་ཕྱིར་ཟག་བཅས་ཟག་མེད་རྩ།། རྒྱུ་དང་འབྲས་བུའི་ཁྱད་པར་ཡོད།། དེ་དོན་མ་རྟོགས་ཨ་རེ་འཁྱམས་ཤིང་ཅེ་རེ་ལོང་།། ཐར་པའི་ལམ་ཆེན་བོར་ནས་འཁོར་བའི་ལམ ་དུ་ཞུགས།། ལམ་འདིར་ཞུགས་པ་རྣམས་ཀྱིས་ཟག་མེད་འབྲས་བུ་ཐོབ།། གཞི་ཡི་རྩ་ལྔ་ལྷུན་གྱིས་གྲུབ།། ལམ་དུ་དེ་ཉིད་རྟོགས་པ་མཆོག། འབྲས་བུ་རང་གྲོལ་ཟག་མེད་དེ།། རྩ་རྣམས་མ་བཙལ་རྫོགས་པས ་ན།། རྫོགས་པ་ཆེན་པོའི་རྩ་རླུང་རྫོགས།། རྫོགས་ནས་ལམ་བྱེད་མི་འགལ་ཏེ།། གཞི་དང་དངོས་པོ་གཉིས་སུ་ཤེས།། དེ་ཡི་ལྡོག་ཆས་སྐྱོན་མི་འབྱུང་།། གྲོལ་བའི་གཞི་དང་གྲོལ་བ་དངོས།། རྫོགས་པའི་གཞི་དང ་རྫོགས་པ་དངོས།། ལམ་གྱི་གཞི་དང་ལམ་དངོས་དང་།། འབྲས་བུའི་གཞི་དང་འབྲས་བུའི་དངོས།། འབྲས་བུ་ལ་ཡང་རྣམ་པ་གསུམ།། ངན་འགྲོ་མཐོ་རིས་འདྲེན་པ་གསུམ།། ལོངས་སྐུ་སེམས ་དཔའ་ཐུབ་པ་དྲུག། འབྲས་བུའི་སྐུ་གསུམ་གྲུབ་མཐའ་ཐེག་པ་གསུམ།། དེ་ཡི་གཞི་ལམ་འབྲས་བུ་རྣམས།། བརྟག་པ་རབ་ཏུ་གཅེས་པས་ངོ་སྤྲོད་གཅེས།། གབ་པ་མངོན་དུ་ཕྱུང་ནས་བཤད་པ་འདི།། འབྲས་བུ་ལམ ་དང་གཞི་གསུམ་མོ།། ཁྱད་པར་སྒྲ་མཐུན་དོན་ལས་འཕགས།། དངོས་གཞི་གཉིས་ཀྱི་རལ་མེད་ན།། ལག་རྡུམ་བྲག་ལ་འཛེག་པ་འདྲ།། འབྲས་བུ་རང་གྲོལ་གནད་མེད་ན།། བྱེ་མའི་སྤོ་ལ་མཁར་བརྩིག ་འདྲ།། ལམ་གྱི་ས་མཚམས་མ་ཤེས་ན།། ཁས་དྲག་ཁྱོ་བསད་སྔོན་ན་རྒྱུ།། དེ་ཡི་གནད་དང་ལོག་ནོན་མ་ཤེས་ན། ཁས་ལྔས་བྱེ་ཚད་བཅས་པ་འདྲ།། རྩ་དང་རླུང་དང་ཐིག་ལེ་གསུམ།། མཚན་ཉིད་འཛིན་པ་རེ་རེ ་ལ།། ཀུན་དང་རྒྱ་མ་ཆད་པ་ཡིན།། དེ་ལྟར་གཞི་ལམ་འབྲས་བུ་ཡང་།། མཚན་ཉིད་འཛིན་པ་རང་ས་ལ།། རྒྱ་མ་ཆད་པས་རྫོགས་པ་ཡིན།། གཞི་རྩ་ལྔ་ཡི་གནད་ཤེས་པས།། རྩ་ལྔའི་ངོ་སྤྲོད་བྱས་ཙ་ན།། ཀུན་བརྟགས ་སྟོང་ར་དུས་གཅིག་འབྱོངས།། རླུང་ལྔའི་ངོ་སྤྲོད་གདེང་ལྡན་པས།། ཤེས་པ་ཨ་ཝ་དྷཱ་ཏིར་ཚུད།། ཐིག་ལེ་ངོ་སྤྲོད་བྱས་པ་ཡིས།། ཤེས་པ་བདེ་བ་ཆེན་པོར་ཁེལ།། ཡེ་ཤེས་ངོ་སྤྲོད་བྱས་པ་ཡིས།། ནམ་མཁའི་ངང་དུ་རྣམ ་རྟོག་འཕང་།། སྐྱེ་བ་རྣམ་བཞི་དབྱེར་མེད་ཤར།། ལྷན་ཅིག་སྐྱེས་དང་འདུས་བྱས་སྐྱེས།། སྐྱེས་པ་སྒྲ་མཐུན་དོན་ལས་འཕགས།། དེ་ལྟར་ཤེས་ནས་བརྟན་པ་དང་།། འདུས་བྱས་པ་ཡི་བསམ་གཏན་གཉིས།། བསམ ་གཏན་སྒྲ་མཐུན་ཁྱད་པར་ཆེ།། མཚན་ཉིད་སོ་སོར་རྩལ་སྣང་དང་།། རྩ་བྲལ་སོ་སོར་རྩལ་སྣང་དང་།། སོ་སོར་ངོ་སྤྱོད་ཁྱད་པར་ཆེ།། གཅིག་ཏུ་བརྟན་ནས་རྫོགས་པ་དང་།། ཕྱོགས་འཛིན་ཚིག་རྐྱང་ཤོར་བ ་གཉིས།། ཉག་གཅིག་སྒྲ་མཐུན་ཁྱད་པར་ཆེ།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། རྩ་ལྔ་ངོ་སྤྲོད་ཀྱི་ལེའུ་སྟེ་བཅུ་དྲུག་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས ་ཉོན།། ཐེག་པའི་གཞི་དང་ལམ་རྫོགས་པས།། དེ་ཡི་འབྲས་བུ་སྒྲ་མཐུན་རྣམས།། མདོར་བསྡུས་བདག་གིས་བརྗོད་པ་ནི།། འགྱུ་བ་དངོས་མེད་ངོ་ཤེས་པས།། ཉན་ཐོས་བདག་མེད་ལྟ་བ་མཐུན།། དབུགས་ལ་མི ་བརྟེན་གོལ་ས་ཆོད།། རིག་པ་ཁོང་གསལ་ངོ་སྤྲད་པས།། སེམས་ཙམ་པ་དང་ལྟ་བ་མཐུན།། སེམས་ལ་གྲོལ་བས་གོལ་ས་མེད།། རང་བཞིན་སྟོང་པར་ངོ་སྤྲད་པས།། དབུ་མ་པ་དང་ལྟ་བ་མཐུན།། སྒྱུ་མར་མི་འདོད ་གོལ་ས་མེད།། གཉིས་སུ་མེད་པར་འབྲས་བུ་མཐུན།། གྲངས་མེད་དུས་མི་ལྟོས་པས་གོལ་ས་མེད།། སྒྱུ་མའི་དཔེ་བརྒྱད་མི་བསྒྲུབ་ཁྱད་པར་འཕགས།། ངོ་བོར་རང་བཞིན་ཐུགས་རྗེ་གསུམ།། ཀྲི་ཡ་བ་དང་འཁྱེར་སོ། ་མཐུན།། རིགས་གསུམ་མི་བསྒོམ་གོལ་ས་མེད།། བྱེད་སྤྱོད་མི་དགོས་ཁྱད་པར་འཕགས།། ངོ་བོ་ལ་སོགས་ལྔ་དང་ལྡན།། ཡོ་ག་པ་དང་ལྟ་བ་མཐུན།། བྱང་ཆུབ་ལྔ་ལ་མི་ལྟོས་གོལ་ས་མེད།། སྐུ་ལྔ་མི ་བསྒྲུབ་ཁྱད་པར་འཕགས།། ཆོས་ལྔ་དག་དང་ལྡན་པ་ནི།། མ་ཧཱ་ཡོ་ག་དག་དང་མཐུན།། རིགས་ལྔ་མི་བསྐྱེད་གོལ་ས་མེད།། ཆོ་ག་རྣམ་གསུམ་མི་ལྟོས་ཁྱད་པར་འཕགས།། ངོ་བོ་རང་བཞིན་ཐུགས་རྗེ་གསུམ།། ཨ་ནུ ་པ་དང་ལྟ་བ་མཐུན།། ཧེ་རུ་ཀ་དགུ་མི་བསྒྲུབ་གོལ་ས་མེད།། ཏིང་འཛིན་རྣམ་གསུམ་མི་བསྒོམ་ཁྱད་པར་འཕགས།། རྫོགས་ཆེན་རྣམས་དང་ལྟ་བ་མཐུན།། ཡོན་ཏན་འགྱུར་བ་མེད་པ་ཡིན།། དག་པར་འདོད་དང་བལྟ། ་སོ་མཐུན།། ཐུགས་རྗེ་འགག་པ་མེད་པ་ཁྱད་པར་འཕགས།། རྒྱ་མ་ཆད་པས་གོལ་ས་མེད།། ཐུགས་རྗེ་འགག་པ་མེད་པ་ཡིས།། མ་ངེས་པ་དང་ལྟ་སོ་མཐུན།། རྒྱ་མ་ཆད་པས་གོལ་ས་མེད།། རང་བཞིན་སྟོང་པས ་ཁྱད་པར་འཕགས།། རྩ་རླུང་རྒྱུད་ལ་བརྟེན་པ་ཡིས།། ཐབས་ལམ་པ་དང་ལྟ་སོ་མཐུན།། ཟག་པ་མེད་པས་གོལ་ས་མེད།། ལྷན་ཅིག་རྫོགས་པས་ཁྱད་པར་འཕགས།། ཐམས་ཅད་རྒྱ་མ་ཆད་པར་ཤེས།། རྫོགས་རིམ ་པ་དང་ལྟ་སོ་མཐུན།། ཕྱོགས་རྫོགས་མི་བསྒྲུབ་གོལ་ས་མེད།། མཚན་མ་རང་གྲོལ་ཁྱད་པར་འཕགས།། ཟུང་འཇུག་པ་དང་ལྟ་སོ་མཐུན།། གཉིས་སུ་མེད་པར་ཁྱད་པར་འཕགས།། ཆོས་ལས་འདས་པ་གོལ་ས ་མེད།། ཐམས་ཅད་མཁྱེན་པས་ཁྱད་པར་འཕགས།། ས་ཡི་རྣམ་པ་ལྟ་སོ་མཐུན།། ས་རྣམས་མ་ལུས་རྒྱན་དང་ལྡན།། མི་བགྲོད་པས་ན་གོལ་ས་མེད།། ས་རྣམས་རང་གྲོལ་ཁྱད་པར་འཕགས།། ལམ་ལྔ་པ་དང་ལྟ་སོ ་མཐུན།། སྦྲང་མི་དགོས་པས་གོལ་ས་མེད།། རང་གྲོལ་ཆེན་པོས་ཁྱད་པར་འཕགས།། འབྲས་བུ་རྣམས་དང་ལྟ་སོ་མཐུན།། དུས་ལ་མི་ལྟོས་གོལ་ས་མེད།། རང་གྲོལ་འུབ་ཆུབ་ཁྱད་པར་འཕགས།། དེ་ཕྱིར་སྒྲ་མཐུན ་ཁྱད་པར་འཕགས།། ཐེག་པ་ཀུན་འདུལ་འབྱུང་བས་ན།། ཀུན་འདུལ་ཀུན་འབྱུང་རྒྱུད་ཅེས་བྱ།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། རྫོགས་ལུགས་བསྡུ་བའི་ལེའུ་སྟེ་བཅུ་བདུན ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཁྱོད།། དེ་ལྟ་བུ་ཡི་གནད་བསྟན་པ།། དབང་པོ་རབ་ཀྱི་གྲོལ་བ་ལས།། འབྲིང་དང་མཐའ་མས་རྟོགས་པ་དཀའ།། དེ་ཕྱིར་ངོ་སྤྲོད་བཅུ་གཉིས ་ལ།། ཐིག་ལེ་བཅུ་གཉིས་སྦྱར་ལ་བསྟན།། དེ་ཡང་འདི་ལྟར་ཤེས་པར་གྱིས།། ངོ་སྤྲོད་རྣམ་པ་བཞི་དག་གིས།། ཁ་རྐྱང་ཤོར་བའི་གོལ་ས་བསལ།། ཉམས་ཁྲིད་རྣམ་པ་བཞི་དག་གིས།། ཉམས་ཀྱིས་འཆིང་བའི་གོལ ་ས་བཅད།། གཟེར་ཆེན་བཞི་ཡི་ངོ་སྤྱོད་ཀྱིས།། སྤང་བླང་འདུ་འབྲལ་གོལ་ས་བཅད།། དམར་ཁྲིད་གསར་ཁྲིད་ལག་ལེན་འདི།། བསྒོམ་པོ་དབང་དང་གཟེར་ལྟ་བུ།། འདི་འདྲ་བསྟན་པའི་སྣོད་རེ་ཉུང་།། ཆོས་འབྲིད ་བསྲེ་འཚོང་ཆུ་ལ་འོ་མས་བསླད།། ཨེ་མ་ཧོ་ཤིན་ཏུ་བསྟན་པར་དཀའ།། དཀའ་བས་སྣོད་ཉུང་གབ་པ་ཡིན།། གཟུང་འཛིན་གཉིས་མེད་ངོ་སྤྲད་དེ།། དེ་ཡི་དཔེ་ཡི་ངོ་སྤྲད་གཅེས།། འཁྲུལ་པའི་མིག་གིས ་ལྟས་པའི་ཚེ།། ཟླ་བ་གཉིས་སུ་སྣང་བ་ལྟར།། བརྟགས་པས་གཉིས་སུ་མེད་པར་མཐོང་།། དེ་བཞིན་འཁྲུལ་པའི་གཟུང་འཛིན་ཡང་།། བལྟས་པས་གཉིས་སུ་མེད་པར་ཤར།། གཟུང་འཛིན་གཉིས་མེད་ངོ་སྤྲད་དོ།། མ ་རིག་པ་ཡི་ཡེ་ཤེས་སུ་ངོ་སྤྲད་པ་ནི།། དེ་ཡི་དཔེ་ཡི་ངོ་སྤྲད་ནི།། དཔེར་ན་ལྟེང་ཀའི་ཟླ་བ་རྣམས།། ཡང་དག་དོན་ལ་དངོས་སུ་མེད།། མཁའ་ཟླ་གཅིག་ཏུ་ཤེས་པ་ལྟར།། མ་རིག་བལྟས་པས་དངོས་པོ ་མེད།། བལྟ་ཐབས་མཁས་པས་ཤེས་པར་བྱ།། འགྱུ་བ་ཡེ་ཤེས་ངོ་སྤྲད་པ།། དཔེར་ན་སྨིག་རྒྱུ་སྣ་ཚོགས་ཀྱང་།། ཡང་དག་དོན་ལ་རང་བཞིན་མེད། དེ་བཞིན་འགྱུ་བ་སྣ་ཚོགས་ཀྱང་།། བལྟས་པས་དངོས་པོ་མེད་པར ་ཤར།། ཤེས་རབ་ཡིད་ལ་ངོ་སྤྱོད་པ།། དེ་ཡི་དཔེ་ཡི་ངོ་སྤྲད་པས།། བྲག་ཆ་ལྟ་བུར་གང་བྱས་འཆར།། ཡིད་ལ་ངོ་སྤྱད་སྐུ་གསུམ་འཆར།། དེ་དོན་ངོ་སྤྱོད་རྣམ་བཞི་ཡིན།། རྟེན་གྱི་གསང་བ་ངོ་སྤྱོད་པ།། དེ་ཡི་དཔེ་ཡི ་ངོ་སྤྱོད་རྒྱ་མཚོ་འདྲ།། རྟགས་ཀྱང་ལྦུ་བ་ལྟ་བུའོ།། དོན་གྱི་ངོ་སྤྲོད་རྩ་གཉིས་ལ།། རྟགས་ནི་ཕྱི་འགྱུ་ནང་འགྱུའོ།། དོན་ནི་འགྱུ་བ་རང་དངས་སོ།། དེ་ནི་ཉམས་ལེན་ངོ་སྤྲོད་ཡིན།། ཉམས་ལ་ཆགས་པས་འཁོར་བ ་ན།། དུས་བཞི་མཉམ་སྦྱོར་གཟེར་གདབ་སྟེ།། འགྱུ་བའི་དུས་ན་རང་ངོ་ཤེས།། བལྟས་པའི་དུས་ན་འགྱུ་བ་དང་།། དཔེར་ན་ཛེ་ཏིའི་སྨན་བཞིན་དུ།། འགྱུ་བ་ཐམས་ཅད་སངས་རྒྱས་ཡིན།། མཐོང་བའི་དུས་ན་དགོངས ་པ་ཤར།། ལྷུན་གྱིས་གྲུབ་པའི་སྨན་ལྟར་ཤར།། དེ་ཡི་དུས་ན་གཟུང་འཛིན་དང་།། ནམ་མཁའ་དངས་པ་ལྟ་བུའོ།། སྔ་རབས་འདས་དང་སླད་ཀྱིས་འབྱོན།། སངས་རྒྱས་རྣམས་ཀྱི་དགོངས་པ་ཡིན།། ཐོག་མ་ཐ་མ་པར ་དང་གསུམ།། དེ་ཡི་དགོངས་པ་བསྟན་པ་ཡིན།། སྐལ་ལྡན་རྣམས་ཡིན་གཞན་གྱིས་ཐོས་པར་དཀའ།། འདི་དོན་ཐོས་ཀྱང་དོན་ལ་གནས་པ་དཀའ།། འདི་དོན་བསྟན་ཡང་དམ་ཚིག་བསྲུང་བ་དཀའ།། འདི་དོན་བསྟན ་ཡང་གོ་བཞིན་རྟོགས་པ་དཀའ།། དཀའ་བས་བསྟན་ཀྱང་ལེ་ལོར་འཆོར་བས་ན།། ཉམས་སུ་ལེན་པའི་གང་ཟག་མ་གཏོགས་པ།། འདི་དོན་གསང་བས་གསང་སྔགས་རྒྱལ་པོ་ཡིན།། འདི་དོན་ཐུགས་ལ་གང་གནས ་པ།། རྡོ་རྗེ་ཆོས་ཀྱི་བློ་གྲོས་ཉོན།། གསང་སྔགས་རྒྱལ་པོ་མཐུ་ཆེན་འཆང་།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ངོ་སྤྲོད་དམར་ཁྲིད་ཀྱི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་དག་བཤད ་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། ངོ་སྤྱོད་བསྡུས་པ་བསྟན་པར་བྱ།། ལྟ་ཐབས་གཅིག་གིས་ཀུན་མཐོང་བས།། དཔེར་ན་ཟ་འོག་གུར་ཁྱིམ་ལྟར།། མ་འདྲེས་ཡོངས་སུ་རྫོགས་པར་མཐོང་།། ཐེག་པའི་རང ་གཞུང་ཐམས་ཅད་རྫོགས།། ཆོས་རྣམས་སྤྱི་དང་རང་གི་མཚན་ཉིད་ཀྱང་།། དུས་གཅིག་སྒྲོ་འདོགས་ཆོད་པ་ཡིན།། ལྟལྷ་ཐབས་གཅིག་གིས་ཐམས་ཅད་མཐོང་།། མཁའ་ལ་སྐར་ཚོགས་མཐོང་བ ་ལྟར།། འགྲོ་བ་རིགས་དྲུག་འཁྲུལ་པ་མཐོང་།། མ་རིག་པ་ཡི་སྒྲོ་འདོགས་ཆོད།། ལྷ་ཐབས་གཅིག་གིས་ཐམས་ཅད་མཐོང་།། དཔེར་ན་མེ་ལོང་བཞིན་བསྟན་ལྟར།། སངས་རྒྱས་དགོངས་པའི་མཚན་ཉིད་མཐོང་།། ཕྱི ་ནང་སྒྲོ་འདོགས་དུས་གཅིག་ཆོད།། ལྟ་ཐབས་གཅིག་གིས་ཐམས་ཅད་མཐོང་།། རིན་ཆེན་མན་ཤེལ་བསྟན་པ་ལྟར།། ཕྱི་ནང་སྣོད་བཅུད་རང་གྲོལ་ཤར།། འབྲས་བུ་སྒྲོ་འདོགས་དུས་གཅིག་ཆོད།། བརྡ་དང་རྟགས་སུ ་ངོ་སྤྲད་གཅེས།། གཅེས་པ་མདོར་བསྡུས་གཉིས་ལས་མེད།། ངོ་སྤྲོད་ཆེན་པོ་གསང་བ་སྟེ།། གཏེར་གསུམ་འདུས་ལ་ཚང་བ་ཡིན།། དེ་ལ་མ་རིག་ལོག་ལྟ་ཡི།། སྒྲོ་འདོགས་རང་གྲོལ་འབྲས་བུ་ནི།། དུག་ལྔ་ཁོང་ཁྲོའི ་གཞི་རྒྱུ་རྐྱེན།། དངོས་པོ་རྣམ་གསུམ་ངོ་སྤྲོད་པས།། གཞི་དང་དངོས་པོའི་འཕྲང་གྲོལ་བས།། འགྲོ་དྲུག་མུ་སྟེགས་རང་སར་གྲོལ།། གྲོལ་བ་རང་བྱུང་རང་ལ་ཤར།། ཡེ་གཞི་གྲོལ་གཞི་རང་གྲོལ་དངོས།། ཐམས་ཅད ་རང་གྲོལ་འབྲས་བུའི་མཆོག། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ངོ་སྤྲོད་བསྡུས་ཏེ་བསྟན་པ་ལས་འབྲས་བུ་རང་གྲོལ་གྱི་ལེའུ་སྟེ་བཅུ་དགུ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ ་ཆོས་ཀྱི་བློ་གྲོས་ཉོན།། རི་རབ་རི་ཡི་སྐེད་པ་ལ།། ཚངས་པ་ཁྱབ་འཇུག་བསྐོས་རྗེ་དང་།། སྲིད་རྗེ་བྲང་དཀར་ཐམས་ཅད་ཀྱང་།། ལྷ་དང་ཀླུ་དང་གནོད་སྦྱིན་དང་།། དྲི་ཟ་ལྟོ་འཕྱེ་ནམ་མཁའ་ལྡིང་།། མིའམ་ཅི་དང་སྲིན ་པོ་དང་།། ས་ཡི་ལྷ་དང་ས་སྟེང་ལྷ།། དེ་རུ་འདུས་པའི་འབྱུང་པོ་ཀུན།། ཐམས་ཅད་ང་ལས་བྱུང་བ་ཡིན།། ཐམས་ཅད་ང་ཡི་འཁོར་བ་ཡིན།། ཐམས་ཅད་བྲན་དང་ཡང་བྲན་ཡིན།། ཡང་འཁོར་ཉིད་འཁོར་ང་ཡི ་འཁོར།། དེ་ཕྱིར་འབྱུང་པོ་ཐམས་ཅད་འདུལ།། འབྱུང་པོ་ཀུན་འདུལ་ཏིང་ངེ་འཛིན།། བསྟན་པ་ཀུན་གྱི་སྡེ་དཔོན་ཡིན།། ཕྱི་ཡི་འབྱུང་པོ་ཀུན་འདུལ་བས།། བར་ཆད་ཐམས་ཅད་སེལ་བར་བྱེད།། ནང་གི་འབྱུང་པོ ་ཀུན་འདུལ་བས།། ཚོགས་དྲུག་རང་སར་གྲོལ་བར་བྱེད།། གསང་བའི་འབྱུང་པོ་ཀུན་འདུལ་བས།། ཆགས་སྡང་མདུད་པ་གྲོལ་བར་བྱེད།། འབྱུང་པོ་ཀུན་གྱི་གཙོ་བོ་ནི།། ནག་པོ་ཆེན་པོ་མིག་གཅིག་པོ།། འགྱུར་མེད ་དྲག་མེད་བྱ་བ་དེས།། ཐམས་ཅད་ཁ་ལོ་བསྐུར་བ་ཡིན།། ཚོགས་ཀྱི་བདག་པོ་ཚོགས་ལ་རོལ།། ཕུད་ཀྱི་བདག་པོ་ཕུད་ཉུལ་བས།། འབྱུང་པོའི་བདག་པོ་ཀུན་ཏུ་རྒྱུ།། ལུས་མེད་ལུས་པོ་ཀུན་གྱི་བདག། སྲོག་མེད་སྲོག ་ཆགས་ཀུན་གྱི་བདག། དབུགས་མེད་དབུགས་ཆེན་ཀུན་གྱི་བདག། སྐྱེ་འཆི་གཉིས་ཀྱི་བདག་པོ་སྟེ།། ལུས་ཅན་ཐམས་ཅད་ཁོ་ལས་གྲུབ།། དེ་ཕྱིར་འབྱུང་པོའི་རྒྱལ་པོ་ཡིན།། ཐམས་ཅད་ཀུན་ལ་དབང་བསྒྱུར ་བས།། འབྱུང་པོ་ཀུན་གྱི་བློན་པོ་ཡིན།། དེ་ལ་ངོ་སྤྲོད་མ་བྱས་ན།། འབྱུང་པོ་ཀུན་ཆོམས་ཤིན་ཏུ་དཀའ།། འབྱུང་པོ་ཆོམས་པར་མ་གྱུར་ན།། རོ་སྙོམས་འབྱུང་བ་ཤིན་ཏུ་དཀའ།། རོ་མ་སྙོམས་པར་གྱུར ་པ་ན།། སངས་རྒྱས་དགོངས་པའི་དོན་མི་མཐོང་།། འདྲེ་རྣམས་ཐམས་ཅད་འདུལ་བྱེད་ན།། འདྲེ་གཅིག་རྩ་བ་མཆོད་ན།། ཐམས་ཅད་འདུལ་བས་ག་ལ་ལང་།། གཅིག་ཆོད་པས་ནི་ཐམས་ཅད་ཆོད།། དཔེར་ན་རལ ་གྲི་ཁ་མང་གིས།། ལག་པའི་མཁྲིག་མཆོད་ཙམ་ན།། སོར་མོ་ལྔ་པོ་བཅད་མི་དགོས།། འབྱུང་པོའི་རྒྱལ་པོ་སོད་ཙ་ན།། འབྱུང་པོ་ཐམས་ཅད་སོད་པ་ཡིན།། རྩ་ཡི་རྒྱལ་པོ་སྲོག་པ་རྩ།། སྲོག་པ་རྩ་དེ་མ་ཆོད་ན།། ་བྲན་ཆོད་ཀྱང་མི་འཆི་ཞིང་།། རྩ་ཆེན་ཆོད་པས་འཆི་བར་འགྱུར།། རོ་རྣམས་བསྙམ་པས་མི་སྙོམས་ཏེ།། འབྱུང་པོ་གཅིག་ལ་རོ་བསྙམ་ན།། ཐམས་ཅད་མ་ལུས་བསྙམས་པ་ཡིན།། འབྱུང་པོ་རྣམ་རྟོག་ལྷ་དང་འདྲེ།། མ ་ཉམས་རོ་སྙོམས་ཚད་དང་ལྡན།། འབྲས་བུ་གདེང་དང་ལྡན་པར་གྱིས།། རྩ་དང་རླུང་དང་ཐིག་ལེ་རྣམས།། གཞི་དང་ལམ་དང་འབྲས་བུ་ལ།། རོ་སྙོམས་རོ་མ་སྙོམས་པ་དང་།། ཚད་དང་དབང་པོ་འབྲས་བུ ་རྣམས།། ངེས་ཤེས་གདེང་དང་ལྡན་པར་གྱིས།། ནད་ལ་རྣམ་པ་མང་ཡང་ནི།། རྒས་བྱེད་འདྲེ་དང་འབྱུང་འཁྲུགས་ནད།། རྣམ་སྨིན་རྐྱེན་གྱུར་འཆི་བའི་ནད།། དེ་ཡི་རོ་སྙོམས་ཚད་དང་ལྡན།། འབྲས་བུ་ངེས་ཤེས ་གདེང་དང་ལྡན་པར་གྱིས།། འདྲེ་ལ་བསམ་གྱིས་མི་ཁྱབ་སྟེ།། རྟོག་འདྲེ་འབྱུང་འདྲེ་སྟོད་ཀྱི་འདྲེ།། མི་འདྲེ་དང་ནི་རྣམ་པ་བཞི།། དེ་ཡི་རོ་སྙོམས་རོ་སྙོམས་ཚད།། འབྲས་བུ་ངེས་ཤེས་གདེང་དང་དབང་པོ་མེད་གྱུར ་ན།། རྣལ་འབྱོར་དོན་དང་ལྡན་ཞེས་བྱ་བ་ཤིན་ཏུ་དཀའ།། ཐམས་ཅད་མན་ངག་ངོ་སྤྲོད་འདི་རུ་འདུས་པ་ཡིན།། སངས་རྒྱས་པ་དང་དེ་ཡི་ཐུགས་རྗེ་ཡང་།། འདི་ནི་མ་རྟོགས་གདེང་དང་མི་ལྡན་གྱིས།། འབྲས་བུ ་གདེང་རྙེད་འདི་རུ་ཤེས་པར་གྱིས།། ཤེས་པས་འཁོར་བར་སྐྱེ་བའི་རྒྱུན་རྣམས་བཅད།། དེ་ལྟར་ཤེས་ན་འཁོར་བ་དོང་ནས་སྤྲུགས།། མངལ་ཁ་རྒྱ་ཡིས་ཐེབས་ཞེས་བརྗོད་པ་ཡིན།། སྲིད་གསུམ་རྣམ་དག ་དགོངས་པ་རང་སྣང་ཐོབ།། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས།། གདམས་པ་དམར་ཁྲིད་ཀྱི་ལེའུ་སྟེ་ཉི་ཤུ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། འདི་དང ་མི་ལྡན་རོ་སྙོམས་བྱེད།། ནོར་བུས་རྒྱལ་ས་བཟུང་བ་འདྲ།། ཐམས་ཅད་རྫོགས་པའི་ས་གཞི་པ།། ཐམས་ཅད་བསྒྲུབ་པའི་ནོར་བུར་ཤར།། ནོར་བུ་ཀུན་གྱི་ནང་ན་མཆོག། ལྷུན་གྲུབ་སྤྱན་ཆེན་མ་འགགས་པས།། འགྱུ ་བའི་མིག་ཏུ་གྲུབ་པ་ཡིན།། རང་སྣང་འོད་དུ་མཐོང་བ་ཡིན།། བག་ཆགས་ཆགས་སྡང་དེ་རུ་མཐོང་།། མཐོང་སྟངས་འགྱུ་བའི་སྤྱན་ལ་བྲིས།། ཀུན་ཏུ་བཟང་པོས་མཐོང་བ་ནི།། དུས་བཞི་མཉམ་སྦྱོར་སངས་རྒྱས ་དགོངས་པ་ཤར།། འདས་པ་ལྔ་ཡི་ཐིག་ལེ་ཡེ་ཤེས་ཀྱི།། ཀློང་དུ་ཤར་ནས་གཞི་ལམ་འབྲས་བུ་མཁྱེན།། ལྷག་མཐོང་རིག་པའི་ཡེ་ཤེས་མེ་ལོང་བྱེད་ལྟར་གསལ།། གསལ་བ་ཟང་ཐལ་འདི་ལ་བལྟ་ཤེས ་ན།། སངས་རྒྱས་དགོངས་པ་རྟོགས་པས་དགོངས་པ་མངོན་སུམ་འགྱུར།། དེ་ཡི་དུས་ན་གཞི་ལམ་སོ་སོར་བསྟན་པ་ཙམ།། དེ་ལ་མ་བརྟེན་རྟོགས་ཐོབ་འབྱུང་བ་མེད།། དེ་ལས་ཐུགས་རྗེ་བྱིན་རླབས་ཉི་མའི་འོད ་བཞིན་འཆར།། དེ་དོན་དགོངས་པ་ཐུགས་ནས་ཐུགས་སུ་བརྒྱུད། ཁ་སྦུབ་ཞབས་རྡོལ་དུག་ཅན་གཞོགས་རལ་ལའང་།། བྱིན་རླབས་འབྱུང་བས་བྱིན་རླབས་རྒྱུད་དུ་བཤད།། ཁམས་གསུམ་འཁྲུལ་པ་མ་ཤེས་མ་རིག ་པ།། འགྱུ་བའི་མིག་གིས་སྟོང་གསུམ་བལྟས་པས་ལན།། བལྟ་བ་ཉེས་པས་མིག་སྤྲིན་ཞག་གིས་ཆོད།། དཔེར་ན་ནམ་མཁའ་ཞགས་གིས་ཆོད་པ་ལྟར།། འགྲུ་བ་འོད་ཀྱིས་ཆོད་པས་སངས་རྒྱས་སྤྱན་མ་གསལ།། འོད ་ལུས་ཡིད་ལུས་ཤ་ཁྲག་ལུས་སུ་ཚུད།། གནས་དང་ཚེ་ཚད་ལུང་དུ་བསྟན་པ་མེད།། དགེ་སྡིག་ལས་ཀྱི་འབྲས་བུ་སོ་སོར་ཤར་བ་མེད།། ལས་དང་འབྲས་བུ་རྣམ་སྨིན་གྲུབ་ནས་སྐལ་པ་མེད།། དེ་དུས་ལས་རྐྱེན་འགྱུ ་བའི་རྩལ་ལས་བྱུང་།། ཤ་ཁྲག་མི་ཡི་ལུས་སུ་ཚུད་དེ་ཚུལ་ཁྲིམས་བསྲུང་བ་མེད།། སྟག་དང་སེང་གེ་ཁ་སྤྲོད་བྱུང་བས་ཤེད་རྩལ་གཞན་ལ་རག་མ་ལུས།། གཞི་དང་རྒྱུ་རྐྱེན་དུས་མཚུངས་པས།། ཚུལ་ཁྲིམས་བསྲུང་དང ་སྡོམ་ལ་རག་མ་ལུས།། དེ་ལྟར་ཤེས་པས་ལུས་ཀྱི་ཐོག་མཐའ་ཆོད།། ཤ་ཁྲག་ལུས་ལ་རྩ་རླུང་ཐིག་ལེ་འདུས།། འདུས་པ་ནང་དུ་བྱུང་བས་འབྱུང་བ་ལྔ་ཞེས་བྱ།། འབྱུང་འཁྲུག་ནང་དུ་འོང་བའི་གནད་ཀ་དེ་ལྟར ་ཡིན།། མིག་གཉིས་ཆུ་བུར་འོང་བ་ནི།། ཕ་མའི་མངལ་དུ་ཁུ་ཆུ་དངས་མ་འདུ།། ཕ་དང་མ་ཡི་སྲེད་ལེན་བྱས་པས་ནི། ཆུ་བུར་མིག་གཉིས་འོང་བ་དེ་ལྟར་ཡིན།། དབང་པོའི་དངས་མ་གཉིས་འདུས་པས།། དབང་པོའི ་དངས་མ་མིག་ཏུ་འོང་བ་དེ་ལྟར་ཡིན།། དེ་ཡིས་ལྷ་མཐོང་འདྲེ་མཐོང་ཟེར་བ་ཆུ་བུར་མིག་ལ་སྣང་།། ལྷ་འདྲེ་གཉིས་སུ་འོང་བ་དེ་ལྟར་ཡིན།། རྟོག་མེད་རྟོག་པའི་བར་ན་འགྱུ་བ་གནས།། འཁོར་བ་མྱང་འདས་གཉིས ་སུ་འོང་བ་དེ་ལྟར་ཡིན།། དེ་ཕྱིར་མིག་གི་ཐོག་མཐའ་མ་ཆོད་ན།། འཁོར་བའི་སྣང་བ་བཀག་པས་ཁེགས་པར་དཀའ།། གཉིས་སུ་སྣང་ཡང་ཡོད་པ་གཅིག་ལས་མེད།། གཉིས་མེད་མིག་གཅིག་ཡོད་པའི་ཕྱིར།། སྤྱན ་གྱི་གཞི་དང་རྒྱུ་དང་རྐྱེན།། ཟ་མ་དངོས་པོ་མ་ཤེས་ན།། ཡེ་ཤེས་སྤྱན་ཆེན་འཆར་བའི་དུས་མ་མཆིས།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས།། ངོ་སྤྲོད་རང་སྣང་གི་ལེའུ་སྟེ་ཉེར་གཅིག ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། རབ་ཀྱི་ངོ་སྤྲོད་དེ་ལྟར་བསྟན།། འབྲིང་གི་ངོ་སྤྲོད་བསྟན་པ་ནི།། དང་པོ་གཞི་ལ་སྤྱན་གསུམ་གནས།། སྤྱན་གསུམ་རྒྱུ་རྐྱེན་བསྟན། ་པར་བྱ།། ཐ་མ་སྤྱན་གསུམ་ངོ་སྤྲད་བྱ།། དཔེ་ཡི་སྤྱན་གསུམ་མན་ཤེལ་ཡིན།། ཕྱི་ནང་གསུམ་ལ་སྦྱར་ལ་བཤད།། རྟགས་ཀྱི་སྤྱན་གསུམ་བསྟན་པར་བྱ།། ཆོས་དང་ཤེས་རབ་ཡེ་ཤེས་སྤྱན།། སྒྲོ་འདོགས ་གཅོད་དང་འདུག་ཚུལ་རྟོགས།། ཡོན་ཏན་རང་གྲོལ་འབྲས་བུའི་སྤྱན།། རྟགས་དང་དོན་དང་ངོ་སྤྲོད་བསྟན།། ཕྱི་ནང་གསང་བ་སྤྱན་གྱི་དབང་།། ཐམས་ཅད་དབང་བསྐུར་ཁྱད་པར་འཕགས།། དུག་ལྔ་ལམ་དུ་སློང་བ ་ཡིན།། གཅིག་ཏུ་འདྲིལ་བའི་གཟེར་ཆེན་གདབ།། ཁ་མིག་འཁྱེར་དད་ཉམས་ལས་གྲོལ།། འབྲས་བུ་གདེང་ལྡན་དབང་པོ་ཡིན།། ངོ་བོ་ངེས་ཚིག་དབྱེ་བ་འདི།། ཐ་མའི་ངོ་སྤྲོད་ཡིན་པར་ཤེས།། ཆོས་མཐུན་བསྒྲུབ་བྱ ་དཔེ་རུ་བསྟན།། ངོ་བོ་གསལ་གདངས་འགྱུར་བ་མེད།། ཟང་ཐལ་འགག་པ་མེད་པ་ཡིན།། ངེས་ཚིག་མཐོང་སྣང་མ་འགགས་པ།། དབྱེ་བ་གཞི་ལམ་འབྲས་བུའི་སྤྱན།། འབྲས་བུའི་སྤྱན་ལ་རྣམ་པ་གསུམ།། འཁྲུལ་པ ་བག་ཆགས་མིག་དང་ནི།། ལོངས་སྐུ་སྒྱུ་མའི་སྤྱན་ལྔ་དང་།། ཐིག་ལེ་ཡེ་ཤེས་མིག་གཅིག་དྲི་མེད་སྤྱན།། སྤྱན་གྱི་རྩ་བ་ལྷུན་གྲུབ་གཞི་ཡི་སྤྱན།། སྤྱན་གྱི་རྒྱུ་ནི་འགྱུ་བ་མི་འགག་པ།། སྤྱན་གྱི་ཡུལ་ནི་ཆོས་ལ་མི ་དམིགས་པའོ།། སྤྱན་གྱི་དཔེ་ནི་ཉི་མ་མེ་ཤེལ་ལོ།། ཤེལ་ལྟར་གསལ་ཞིང་ལྷུན་གྱིས་གྲུབ།། སྣོད་ཀྱི་ངོ་སྤྲོད་འོད་ལའོ།། བཅུད་ཀྱི་ངོ་སྤྲོད་དེ་ཉིད་ལ།། གཉིས་མེད་ངོ་སྤྲོད་ཐམས་ཅད་ལ།། འདས་པའི་ངོ་སྤྲོད་ཐབས ་ཆེན་ལ།། འཁྲུལ་གཞི་དངས་པར་མ་ཤེས་ན།། ཕྱིས་ཀྱང་འཁྲུལ་པའི་སྐྱོན་དུ་འབྱུང་།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ཐ་མ་སྤྱན་གསུམ་ངོ་སྤྲོད་ཀྱི་ལེའུ་སྟེ་ཉེར་གཉིས་པའོ།། །། དེ ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། དེས་ཀྱང་གྲོལ་བར་མ་གྱུར་ན།། དབང་པོ་ཡང་མཐའ་ཡིན་པར་ཤེས།། དེ་ལ་འདི་སྐད་ཅེས་བྱ་སྟེ།། ལུས་སུ་རྟོག་པ་དྲན་བྱའི་ཕྱིར།། ཐེག་པ་རྒྱ་མཚོ་ངོ་སྤྲད ་དང་།། གཞུང་ལུགས་རྒྱ་མཚོ་སུན་འདོན་པ།། གཞུང་ཆེན་རྒྱ་མཚོ་ལ་བཟླ་དང་།། གཞུང་ཆེན་རྒྱ་མཚོ་ངོ་སྤྲོད་པས།། དེས་ནི་གྲོལ་བར་མ་གྱུར་ན།། ངོ་སྤྲོད་ངེས་པའི་གཟེར་འདི་གདབ།། དྲན་པའི་དུས་ན་ཐམས་ཅད ་གསལ།། མ་དྲན་མ་ཤེས་རྨོངས་གྱུར་ན། དྲན་པའི་ཐུགས་རྗེའི་བྱིན་རླབས་དང་།། མི་འགྱུར་མི་བརྗེད་གཟུངས་ཀྱི་ཟག་པ་ཡི།། ཡེ་ཤེས་དྲན་པའི་ཟག་པས་བཏགས།། ཕྱི་ཡི་དྲན་པའི་ཟག་པ་ཡི།། སྣང་ལ་སྐྱེ ་མེད་ཟག་པས་གདགས།། སྐྱེ་མེད་དགོངས་པའི་རྒྱུན་ཟག་འཁྲིགས།། སྣང་བ་སྐྱེ་མེད་ངོ་སྤྲད་པས།། དབུ་མ་རབ་ཏུ་མི་གནས་པའི།། བལྟ་བ་དག་ལས་ཁྱད་པར་འཕགས།། རིགས་སྣང་རང་གྲོལ་ངོ་སྤྲོད ་པས།། སེམས་ཙམ་དག་ལས་ཁྱད་པར་འཕགས།། འགྱུ་བ་དངོས་མེད་ཟང་ཐལ་བས།། ཐིག་ལེ་ཉག་གཅིག་དགོངས་པ་ཁེལ།། ཉན་ཐོས་དག་ལས་ཁྱད་པར་འཕགས།། ཕྱི་ནང་མཚན་མ་རང་གྲོལ་བས།། སྔགས ་ཀྱི་ཐེག་པ་ཁྱད་པར་འཕགས།། འདིར་སྣང་ཆོས་སྐུ་རང་སར་གྲོལ།། ཆོས་ཀྱི་སླུ་བས་མཐོང་གྱུར་པས།། རྫོགས་ཆེན་དག་ལས་ཁྱད་པར་འཕགས།། གཞུང་ལུགས་རྒྱ་མཚོའི་ལ་བཟླ་ཡིན།། དེ་ཡིས་དེ ་ལྟར་དེ་མ་རྟོགས།། དེ་མ་རྟོགས་པས་དེ་མ་རིག། དེ་མ་རིག་པས་དེ་ལྟར་འཁོར།། དེ་ལྟར་དེ་འདྲ་དེ་ལས་འབྱུང་།། སྔོན་གྱི་དེ་དང་ད་ལྟར་རྣམས།། དེ་བཞིན་དེ་དང་དེ་འོང་ཐོབ།། དེ་མ་ཐོབ་པས་དེ་ལྟར་སྣང་།། དེ་ཡི ་འཁྲུལ་པ་དེ་ལྟར་ཤེས།། དེ་ཤེས་པས་ནི་འཁྲུལ་པ་མེད།། དེ་ཡང་དེ་ལྟར་མ་གྱུར་ན།། དེ་ལ་འོད་གསལ་འཁོར་ལོ་བསྐོར།། དེ་ལ་དམིགས་པ་དེ་ཡི་ཐབས།། དེ་ཡི་ཚད་དང་དེ་ལམ་ཞུགས།། དེ་ལ་མི་འཁོར་རང ་དབང་མེད།། དེ་ལ་ཤེས་ན་དེ་ཡི་ལོག་ནོན་དེ།། དེ་ཡང་རྩོལ་བ་དེ་ཡིན་དེ་རང་གྲོལ།། དེ་ལྟར་ཐབས་བསྟན་དེར་ཤེས་པས།། ཐེག་པ་རྒྱ་མཚོའི་ངོ་སྤྲོད་ཡིན།། འཁོར་ལོ་བསྐོར་ལུགས་རྣམ་པ་གསུམ།། སྣང་བ ་ཚོགས་དྲུག་འབྱུང་བ་གསུམ།། དེ་ནི་ཕྱི་ཡི་འཁོར་ལོ་ཡིན།། ཤ་དང་རྩ་དང་རུས་པ་ལ།། འཁོར་ལོ་རྣམ་པ་གསུམ་ཡང་བསྐོར།། ཤ་ལ་འཁོར་ལོ་བསྐོར་ཤེས་ན།། སྦྲུལ་སྐུ་དངོས་སུ་འབྱུང་བར་འགྱུར།། དེ་ལའང ་བསྐོར་བ་རྣམ་པ་ལྔ།། དེ་ཡི་ལོག་གནོན་ཤེས་པར་བྱ།། རྩ་ལ་འཁོར་ལོ་བསྐོར་ཤེས་ན།། ལོངས་སྐུའི་དགོངས་ཚད་འཆར་བར་འགྱུར།། དེ་ལ་དེ་བཞིན་དེ་ལྟར་རོ།། རུས་པའི་འཁོར་ལོ་བསྐོར་ཤེས་ན།། ཆོས་སྐུ ་མངོན་དུ་འབྱུང་བར་འགྱུར།། དེ་ལ་དེ་ལྟར་རིམ་བཞིན་ནོ།། དབྱེར་མེད་རང་བྱུང་འཁོར་ལོ་བསྐོར།། སྐུ་གསུམ་རང་གྲོལ་དགོངས་པ་འཆར།། ལྟ་བ་ཆོས་སྐུ་མི་མཐོང་སྟེ།། དེ་དགོངས་འཆར་བའི་གནད་མེད་ན།། ཟླ ་བ་མཚོན་ནས་བསྟན་པ་བཞིན།། ཡུལ་ཅན་དག་ལས་མ་ཤར་རོ།། དེ་ལ་གནས་པ་ཨ་རེ་འཁྱམ།། རང་ཤར་ལྟ་བའི་གདེང་མི་རྙེད།། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ཐེག་པ་རྒྱ་མཚོ་ལ་ཟློ་དང ་འོད་གསལ་གཏན་ལ་དབབ་པའི་ལེའུ་སྟེ་ཉེར་གསུམ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། དེ་ཡི་ཡོན་ཏན་བསྟན་པ་ནི།། འོད་གསལ་འཁོར་ལོ་བྱིན་རླབས་ཆེ།། ཐམས ་ཅད་དབང་དུ་བསྡུ་བར་བྱེད།། འོད་ནི་བྱིན་དང་ལྡན་པ་ཡིན།། རླབས་ནི་རང་སྣང་འཁོར་ལོ་ཡིན།། སྐུ་གསུམ་ལམ་དུ་སློང་བས་ཆེ།། དམིགས་པ་མྱུར་ཏེ་གློག་དང་འདྲ།། ཟང་ཐལ་འགྲོ་ཏེ་ཐོག་དང་འདྲ།། རིག་པ ་དར་དྲགས་འཁོར་ལོ་འདྲ།། དམིགས་པ་སྣ་རྣོ་སྤུ་གྲི་འདྲ།། འགྲུ་བ་ལྔ་དྲག་སྐར་མདའ་འདྲ།། འོད་གསལ་བྱིན་ཆེ་ཉི་མ་འདྲ།། དམིགས་པ་རྒྱ་ཆེ་ནམ་མཁའ་འདྲ།། དགོངས་པ་གཏིང་ཟབ་རྒྱ་མཚོ་འདྲ།། ཉམས་ལེན ་བརྟན་དྲགས་གངས་རི་འདྲ།། དགོངས་པ་དོན་ཟབ་ཟ་འོག་གུར་ཁྱིམ་འདྲ།། སྐུ་གསུམ་ལམ་བདེ་ཉི་ཤར་འདྲ།། དེ་ལྟར་མ་རྟོགས་སྐྱོན་བསྟན་པ།། མ་རིག་མུན་ནག་འཐིབ་པ་འདྲ།། འགྱུ་བ་ཅེ་སྤྱང་ལག་པ ་འདྲ།། གཟུག་འཛིན་གངས་ལ་ཁ་བབས་འདྲ།། བག་ཆགས་རྒྱ་མཚོའི་གཉེར་མ་འདྲ།། དུག་ལྔ་ནགས་ལ་མེ་ཤོར་འདྲ།། དགྲ་གཉེན་གྲམ་པའི་རྡོ་དང་འདྲ།། ཆགས་སྡང་ལམ་ཀའི་མགྲོན་པོ ་འདྲ།། འཁྲུལ་པ་གཟི་ལུམ་བརྒྱུས་པ་འདྲ།། འཁོར་བ་ཟོ་ཆུའི་ཁྱུད་མོ་འདྲ།། འགྲོ་འདུག་ཚོང་པ་སྐྱེལ་བསུ་འདྲ།། སྡུག་བསྔལ་ཚོང་པ་འཇོམ་པ་འདྲ།། རྣམ་རྟོག་ཚོང་དུས་འོ་མ་འདྲ།། འདོད་པ་བུ་ཤིའི་འོ་མ ་འདྲ།། ཆགས་པ་ཕྱེ་ལེབ་མེར་ཤོར་འདྲ།། སྡང་བ་ལམ་གྱི་དགྲ་དང་འདྲ།། རྣམ་རྟོག་སྨིག་རྒྱུ་འགྲུས་པ་འདྲ།། དེ་ཚེ་ངོ་སྤྲོད་ཤེས་གྱུར་ན།། རྫོགས་པ་ཆེན་པོའི་ལམ་ཆེན་ཡིན།། ཞེས་གསུངས་སོ།། འབྱུང་པོ་ཀུན ་འདུལ་གྱི་རྒྱུད་ལས། འོད་གསལ་འཁོར་ལོ་ཕྱིར་ཟློག་ནང་ཟློག་གི་ལེའུ་སྟེ་ཉེར་བཞི་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། དྲན་པ་བཞི་ཡིས་མ་བརྒྱན་ན།། འོད་གསལ ་འཁོར་ལོ་བསྐོར་བ་དཀའ།། དེ་ཕྱིར་དྲན་པའི་ཟག་པས་གདགས།། མ་དྲན་པས་ནི་བསྐོར་ཐབས་མེད།། དེས་ན་དྲན་པའི་ཟག་པས་གདགས།། དེ་ལ་ངོ་སྤྲོད་བསྟན་པར་བྱ།། ད་ལྟར་བར་དོ་གཉིས་སུ་བསྟན།། མན ་ཤེལ་མེ་ལོང་གཉིས་པོ་ལ།། བཞི་ལ་རྒྱུ་རྐྱེན་འབྲས་བུ་གཞི།། ད་ལྟར་བར་དོ་སྦྱར་ལ་བསྟན།། ཐུགས་རྗེའི་འབྱུང་ལུགས་ངོ་སྤྲད་བསྟན།། ད་ལྟ་རང་ལ་ངོ་སྤྲོད་ན།། སྙིང་དང་མགྲིན་པ་མིག་དང་གསུམ།། ཆོས་སྐུ ་ལོངས་སྐུ་སྦྲུལ་སྐུ་གསུམ།། སྐུ་རེ་ལའང་གསུམ་གསུམ་བསྟན།། ཐུགས་རྗེ་ཡས་བབས་སྐུ་གསུམ་དང་།། ཛ་ལོག་སྐུ་གསུམ་ཤེས་པར་བྱ།། རབ་ལ་བར་དོ་མེད་པ་ཡང་།། དུས་བཞི་མཉམ་སྦྱོར་དགོངས་པ ་ཡིན།། བར་དོར་སྐུ་གསུམ་དྲན་པར་འགྱུར།། འོད་དང་འགྱུ་བ་ཡིད་དང་གསུམ།། དགུ་ཕྲུག་ཤེས་པ་ངོ་སྤྱོད་དོ།། དེ་ཡིས་གྲོལ་བར་འགྱུར་བ་ཡིན།། དེ་ལས་གྲོལ་ནས་ཤར་བ་ནི།། མཆོག་གི་སྐུ་གསུམ་ཞེས་སུ ་བཤད།། དེ་ཡི་ངོ་སྤྱོད་མ་ཤེས་ན།། གདམས་པ་བསྟན་པ་སྐྱོན་དུ་འགྱུར།། ཐུགས་རྗེ་འབྱུང་བར་མ་ཤེས་ན།། ཉི་མ་འོད་དང་བྲལ་པ་ལྟར།། གཟུགས་སྐུ་གཉིས་པོ་འཆར་མི་འགྱུར།། གཟུགས་སྐུ་གཉིས་པོ་མ་ཤར ་ན།། འགྲོ་དྲུག་སྟོན་པ་གང་ལས་འབྱུང་།། འདུ་དུས་ཐིམ་དུས་འཆར་དུས་དང་།། དེ་གཉིས་གྲོལ་བར་འདུས་དང་བཞི།། དེ་བཞིའི་སོ་མཚམས་མ་ཤེས་ན།། སངས་རྒྱས་དུས་ཚོད་ཤེས་པ་དཀའ།། མར་གྱི་དུས་བཞི ་ཡར་གྱི་བཞི།། བར་དོའི་སོ་མཚམས་མ་ཤེས་ན།། འཁོར་བའི་འཕྲོ་མཐུད་དུས་ཚོད་དཀའ།། འདུ་དུས་ཐིམ་དུས་འཆར་དུས་རང་གྲོལ་དུས།། འདུ་དུས་ཐིམ་དུས་འཆར་དུས་ལུས་འཇུག་དུས།། འདྲ་འདྲ་འདྲ་སྟེ་ནོར ་ས་ཆེ།། དེས་ན་བརྟག་པ་རབ་ཏུ་དཀའ།། འཁོར་བ་ཙམ་དུ་སྒྲ་མཐུན་ཡང་།། རྒྱུ་དང་དཀར་ནག་འབྲས་བུ་བཞི།། དེ་ཡི་སོ་མཚམས་ཁྱད་པར་ཆེ།། ལུས་པོ་ཙམ་དུ་སྒྲ་མཐུན་ཏེ།། འཇུག་པའི་ལུས་ལ་ཁྱད་པར ་ཆེ།། འབྲས་བུ་ཙམ་དུ་སྒྲ་མཐུན་སྟེ།། ལུང་དུ་བསྟན་དང་ལུང་མ་བསྟན།། དེ་ཡི་འབྲས་བུ་ཁྱད་པར་ཆེ།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ངོ་སྤྲོད་བསྡུས་ཏེ་བསྟན་པ་སྐུ་གསུམ་ངོ ་སྤྲོསྤྱོད་ཀྱི་ལེའུ་སྟེ་ཉེར་ལྔ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། ངོ་སྤྲོད་གཏན་ནས་གནས་པ་དང་།། དེ་ཡི་ངོ་སྤྲོད་མ་བྱས་པ།། འཆི་བ་ཞེས་བྱ་ཀུན་ལ་འབྱུང་།། ལུས་དང་འཕོ། ་བ་ཞེས་བྱ་བ།། དེ་ཡི་མདོར་བསྡུས་བཤད་པར་བྱ།། འཆི་བ་རྣམ་པ་བཞི་དག་ལས།། རྒས་ནས་ཐུག་ནས་འཆི་བ་དང་།། འདུས་པའི་ནད་ཀྱིས་འཆི་བ་དང་།། བར་ཆད་གདོན་གྱིས་འཆི་བ་དང་།། ལས་ཀྱི་རྣམ་པར ་སྨིན་པས་འཆི།། རླུང་ཡང་ལྔ་བཅུ་རྩ་ལྔ་ཡིན།། བརྟག་པ་ཡིན་པར་ཤེས་པར་བྱ།། དེ་ལ་རླུང་གི་མཚན་ཉིད་ཀྱང་།། ངོ་བོ་དབྱེ་བ་ངེས་ཚིག་དང་།། ཁ་དོག་དང་ནི་གནས་པ་དང་།། རྒྱུ་བའི་དུས་ཚོད་བསྟན་པའོ།། ངོ ་བོ་གཡོ་ཞིང་མི་འགག་པ།། ངེས་པའི་ཚིག་ནི་འདེགས་བསྐྱོད་དོ།། དབྱེ་བ་རྒྱུ་དང་འཇུག་གནས་སོ།། དེ་ནི་དངོས་པོའི་རླུང་དུ་ཤེས།། གཞི་ཡི་རླུང་དང་འབྲས་བུའི་རླུང་།། དེང་འདིར་འཆི་རྩིས་འབྲས་བུར ་བཤད།། རྒྱུ་བ་ལ་ཡང་རྣམ་པ་གསུམ།། གྱེན་རྒྱུ་ཟུར་སེལ་ཟད་ཀར་རྒྱུ། ཁྱབ་པར་གནས་པའི་རླུང་དང་ལྔ།། ཐུགས་རྗེ་བཀྲག་དང་དྲོད་འབེབས་དང་།། ཐུར་དུ་སེལ་བྱེད་གཡོ་བའི་རླུང་།། རྩ་བའི་རླུང་ལྔ་ཞེས་སུ ་བཤད།། ཁ་དོག་ཆུ་རླུང་དཀར་ལ་ཟླུམ།། མེ་རླུང་དམར་པོ་གྲུ་གསུམ་མོ།། ས་རླུང་སེར་པོ་གྲུ་བཞི་ཡིན།། རླུང་གི་རླུང་ནི་ཟླ་གམ་ལྡང་།། མཁའ་རླུང་སྣ་ཚོགས་མཐིང་གའོ།། གྱེན་དུ་རྒྱུ་བ་སྣ་བུག་དང་།། ཐུར་དུ་སེལ ་བ་གསང་བའོ།། ཟུར་སེལ་རྩིག་མ་འབྱིན་པར་བྱེད།། གྱེན་དུ་རྒྱུ་བས་ལུས་སྟོབས་བསྐྱེད།། ཆུ་ཡི་རླུང་ནི་སོར་བརྒྱད་རྒྱུ།། ས་ཡི་རླུང་ནི་སོར་བཞི་སྟེ།། མེ་ཡི་རླུང་ནི་སོར་བཅུ་གཉིས།། ནམ་མཁའ་རླུང་ནི་ཚད་བཟུང ་མེད།། དེ་ཡིས་འཆི་བར་འཕེན་པ་ཡིན།། གནས་པའི་ས་དང་འབྱུང་བ་སྦྱར།། རླུང་ལ་དྲོད་ཡོད་གནས་སུ་འདུས།། དེ་དུས་རྩ་རྣམས་ཁྲག་བྲོས་པས།། ཁ་སྣ་སྐམ་ལ་སྒོ་བདུན་དུ།། མེ་བདུན་བསྐལ་པ་འབྱུང་བར ་འགྱུར།། ཆུ་དང་རྡུལ་རྣམས་གཅིག་ཏུ་འདུས།། ཆུ་ཡི་བསྐལ་པ་འབྱུང་བར་འགྱུར།། སྣ་བུག་གཉིས་སུ་དབུགས་མེད་པས།། མཇུག་ཏུ་རླུང་གིས་འཇིགས་པ་ཡིན།། མཐིལ་བཞིར་དྲོད་དང་འདེགས་བསྐྱོད་མེད།། གླིང ་ཆེན་བཞི་པོ་འཇིག་པ་ཡིན།། འཁོར་བ་བརྒྱད་ཀྱི་གཡོག་མ་ནུས།། གླིང་གཡོག་འཇིག་པ་དེ་ལྟར་ཡིན།། ཚོགས་བདུན་རྣམ་ཤེས་མི་རྒྱུ་བས།། རིན་ཆེན་སྣ་བདུན་འཇིག་པ་ཡིན།། ལུས་ཀྱི་ང་རྒྱལ་དང་བྲལ་བས།། རི ་རབ་འཇིག་པ་དེ་ལྟར་ཡིན།། སྒྲ་རྣམས་གྱེན་དུ་ལོག་པ་ཡིས།། མཁའ་འགྲོ་འབྲོས་པ་དེ་ལྟར་ཡིན།། མིག་གཉིས་ཁོང་དུ་ནུབ་པ་ཡིས།། ཉི་ཟླ་ནུབ་པ་དེ་ལྟར་ཡིན།། གཞུང་པ་སྲོག་པའི་རྩ་མེད་པ།། དགུ་ཚིགས་ནམ ་མཁར་མེད་པ་ཡིན།། ཚོགས་བརྒྱད་མེད་པས་གཟའ་བརྒྱད་མེད།། སྐལ་ཚིགས་རྩ་བརྒྱད་ཡ་བྲལ་བས།། རྒྱུ་སྐར་རྩ་བརྒྱད་ནུབ་པ་ཡིན།། རིག་པ་མེད་པས་རྒྱལ་པོ་མེད།། ཡིད་འཇུག་མེད་པས་བློན ་པོ་མེད།། དུག་ལྔ་མེད་པས་འཁོར་དང་དམངས་རྣམས་མེད།། སྣོད་བཅུད་འཇིག་པ་དེ་ལྟར་ཡིན།། དེས་ན་འདུ་དུས་ཐིམ་དུས་དང་།། འཆར་དུས་འཇིག་པའི་དུས་དང་ནི།། གྲོལ་བའི་དུས་དང་ངོ་སྤྲོད་རྣམས།། འདིར ་ནི་རྒྱས་པར་བཤད་པ་ཡིན།། ཟར་མའི་མེ་ཏོག་མ་ཡལ་ལམ།། གླང་པོའི་མཐུར་ཐག་མ་ཆད་དམ།། རྟ་སྔོན་མཐུར་མདའ་མ་ཆད་དམ།། སེང་ལྕམ་གངས་དཀར་རྒྱུ་འགྲུལ་མ་ཆད་དམ།། སྒེག་པོ་སྒེག་མོའི་མེ་ལོང་མ ་སྟོསྦྱོར་རམ།། རྟ་སྤྲིན་གྱི་ཤུགས་ཅན་མཐའ་གསེབ་མ་ཚུད་དམ།། ཀླུ་རྒྱལ་དགའ་བོའི་རྣ་ཆ་མ་སྟོར་རམ།། རྒྱ་མཚོའི་ལྦུ་བ་མ་ཆད་དམ།། ཀྱེ་མ་ཧོ་ཆད་དོ་ཆད་དོ་ཟེར་ཏེ་བརྒྱལ་ལོ།། དེའི་དུས་ན་འཁོར་ཐམས་ཅད ་དུས་ནས། གར་ཆང་འཐུང་ནས་ར་རོའོ།། རྒྱལ་པོ་གཉིད་ལོག་ལྟ་བུར་གྱུར་ཏེ།། ཞག་གསུམ་དུ་བརྒྱལ་ཞིང་འདུག་པར་གྱུར་ཏོ།། དེ་ནས་བུད་མེད་འམ་དེ་བརྒྱལ་སངས་ཙམ་ན།། རྨི་ལམ་རྣམ་པ་གསུམ་རྨིས་པར ་གྱུར་ཏོ།། དེའི་ཚེ་དེར་སྣང་གི་དུས་ན།། དེ་ནི་མཚམས་སྦྱོར་རྨི་ལམ་དང་།། འཁྲུལ་པ་འཕྲོ་འདུ་རྨི་ལམ་དང་།། ཡེ་ཤེས་རང་སྣང་གཉིད་གྲོལ་བ།། རྣམ་གྲོལ་གསུམ་ལ་མཁས་པའོ།། གྲོལ་བ་ཐར་པ་རྣམ་གྲོལ ་ལུས།། རྣམ་གྲོལ་ཞི་བ་ཞི་བ་ཉིད།། ལེགས་པར་མྱ་ངན་འདས་དང་ཉེ།། བདེ་སྡུག་གཉིས་ཀ་རྣམ་པར་སེལ།། གྲོལ་བ་ཐར་པ་རྣམ་གྲོལ་མཆོག། རྣམ་པར་གྲོལ་བ་མཁས་པའི་མཆོག། མཆོག་གི་འབྲས་བུ་བསྟན་པ ་ཡིན།། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། འཆི་རྩིས་དང་ངོ་སྤྲོད་ད་ལྟ་བར་དོར་རོ་སྙོམས་ངོ་སྤྲོད་ཀྱི་ལེའུ་སྟེ་ཉེར་དྲུག་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས ་ཉོན།། དེ་ལས་ཐུགས་རྗེ་སྤྲུལ་པ་ནི།། ཕྱི་ནང་གསང་བ་གསུམ་དུ་འབྱུང་།། ཐམས་ཅད་མཁྱེན་པའི་སྤྱན་ལྡན་པས།། ལས་དང་འཕྲོ་དང་མཐུད་པ་དང་།། འབྲུ་ཤག་ལས་ཀྱི་འཁོར་ལོ་འདིས།། གོ་སྐབས་མ་ལུས ་འདིས་འབྱེད་འགྱུར།། ལས་འཕྲོ་ངེས་པའི་གནད་མེད་ན།། ཐམས་ཅད་རྟག་ཆད་གོལ་བར་ཆུད།། ཀྱེ་རྒྱལ་བའི་སྲས་པོ་ལུས་ཞེས་བྱ།། འོད་ལུས་ཡིད་ལུས་ཤ་ཁྲག་ལུས།། འོད་ཟེར་ཕུང་པོ་འོད་དཔག ་མེད།། མཐར་ཟུག་རྡོ་རྗེ་སེམས་དཔའ་ཡིན།། བདེ་བ་གཉིས་ལ་རྟོགས་པའོ།། མཚན་དང་དཔེ་བྱད་རབ་ཏུ་མཛེས།། ས་བཅུའི་བྱང་ཆུབ་སེམས་དཔའ་རྣམས།། འོད་ཟེར་འདོམ་གང་འོད་དུ་འཕྲོ།། ལྷ་ལུས་འོད ་གསལ་མདའ་གང་དང་།། འདྲེ་ནི་རང་གནོད་རང་འོད་ངེས་པ་མེད།། བསམ་གཏན་ཏིང་འཛིན་ཁྱད་པར་ཡིན།། ཡིད་ལུས་རྣམ་སྨིན་འབྲས་བུ་དང་།། ལས་ཀྱི་རིམ་པ་བསམ་གཏན་ལས།། དམྱལ་བ་ཚ་གྲང་གཉིས ་གཉིས་དང་།། ཉི་ཚེ་བ་དང་ཉེ་འཁོར་བ།། རྡོ་རྗེ་དམྱལ་བའི་སྣང་བ་རྣམས།། རྣམ་སྨིན་ལས་ཀྱི་འབྲས་བུ་ཡིན།། ཡི་དྭགས་ཡིད་ལུས་རྣམ་པ་བཞི།། ཕྱི་དང་ནང་དང་གཉིས་ཀ་དང་།། སྒོ་ཁྱུད་ཡིད་ལུས ་རྣམ་བཞི་ཡིན།། གནས་དང་རྒྱུ་བ་རྣམ་སྨིན་གསུམ།། དེ་ནི་ལས་དང་འབྲས་བུའོ།། ལྷ་ཡང་གཟུགས་མེད་གྲུབ་པ་ནི།། བསམ་གཏན་དག་ལས་གྲུབ་པ་ཡིན།། འདོད་ཁམས་རིས་དྲུག་ལྷ་དང་ནི།། མི་རྣམས་ཤ་ཁྲག ་ལུས་གྲུབ་པ།། དགེ་བའི་ལས་ཀྱི་འབྲས་བུ་ཡིན།། ཕ་རོལ་ཕྱིན་དྲུག་ཁྱད་འཕགས་པས།། དེ་ཡི་འབྲས་བུ་སོ་སོར་སྨིན།། བྱོལ་སོང་ཤ་ཁྲག་ལུས་སུ་གྲུབ་པ་ནི།། གཏི་མུག་ལུང་མ་བསྟན་གྱི་འབྲས་བུ་ཡིན།། ཕལ ་ཆེར་ལས་ཀྱི་འབྲས་བུར་སྣང་།། རྐྱེན་འགྱུར་གནས་སྐབས་མ་ངེས་པ་ཡང་ཡོད།། གཞི་ནས་རང་དབང་མེད་པར་འབྱུང་བ་ཡོད།། རྒྱུ་ཉིད་རྡོ་རྗེ་རྐྱེན་དང་འདྲ་སྟེ་ར་གཞོབ་ལྟར།། ཡང་དག་དོན་ལ་ལས་ཀྱང ་མེད།། རྣམ་པར་སྨིན་པའི་འབྲས་བུ་མེད།། མ་རྟོགས་པ་ལ་ལས་ཡོད་ལས་ཀྱི་འབྲས་བུ་ཡོད།། བདེན་པའི་བྱིན་གྱི་རླབས་ཀྱིས་མེ་ཡི་ཕུང་པོ་ཞི།། རང་གྲོལ་རིག་པ་འདི་ལ་བལྟ་ནུས་ན།། ཡང་དག་དོན་ཉིད་མཐོང ་བར་ངེས་པ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ཐུགས་རྗེའི་འབྱུང་ལུགས་དང་ལུས་གསུམ་བསྟན་པའི་ལེའུ་སྟེ་ཉེར་བདུན་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི ་བློ་གྲོས་ཉོན།། ཐེག་པ་སྤྱི་དང་རང་གི་མཚན་ཉིད་ཀྱི།། ལམ་དུ་འཇུག་ཕྱིར་ལམ་ལྔ་བཤད།། ཚོགས་དང་སྦྱོར་དང་མཐོང་བ་དང་།། བསྒོམ་པ་དང་ནི་མཐར་ཕྱིན་ལྔ།། ཉན་ཐོས་ཚོགས་ལམ་འདི་ལྟ་སྟེ།། ཉིས་བརྒྱ་ལྔ ་བཅུ་ཚོགས་ཀྱི་ལམ།། བདེན་པ་བཞི་ནི་མཐོང་བའོ།། ཤེས་པ་བཞི་ནི་སྦྱོར་བའི་ལམ།། འཕགས་པའི་ལམ་བརྒྱད་བསྒོམ་པའི་ལམ།། དགྲ་བཅོམ་འབྲས་བུར་གྱུར་པ་མཐར་ཕྱིན་ལམ།། ཚད་མེད་བཞི་དང་ཕ་རོལ ་ཕྱིན་པ་དྲུག། སྡོམ་པ་ཉི་ཤུ་རྩ་བ་གསུམ།། དེས་སྡོམ་བྱང་ཆུབ་སེམས་དཔའ་ཡི།། ཚོགས་ཀྱི་ལམ་དུ་བཤད་པ་ཡིན།། བཟོད་པ་འཇིག་རྟེན་ཆོས་ཀྱི་མཆོག། སྦྱིན་དང་ཚུལ་ཁྲིམས་ཕ་རོལ་ཕྱིན་པ་བཅུ།། སྦྱོར་བའི་ལམ ་དུ་བཤད་པ་ཡིན།། ཆོས་རྣམས་ནམ་མཁའ་ལྟ་བུ་ནི།། མཐོང་བའི་ལམ་དུ་བསྟན་པ་ཡིན།། དངོས་པོ་མཚན་མ་མི་དམིགས་པས།། བསྒོམ་པའི་ལམ་དུ་བསྟན་པ་ཡིན།། འབྲས་བུ་རྫོགས་པས་སངས་རྒྱས་པ།། མཐར ་ཕྱིན་ལམ་དུ་བསྟན་པ་ཡིན།། གསང་སྔགས་ཕྱི་བའི་ལམ་དུ་བསྟན་པ་ནི།། དག་པ་རྣམ་གསུམ་གཟའ་དང་རྒྱུ་སྐར་བརྩི།། བརྟུལ་ཞུགས་དཀྱིལ་འཁོར་སྦྱོར་བ་ཙམ།། ཚོགས་ཀྱི་ལམ་དུ་བསྟན་པ་ཡིན།། དེ་ཉིད་རྗེ་དང ་འབངས་ཀྱི་ཚུལ།། འཕྲོ་འདུ་ཏིང་འཛིན་བྱེད་པ་ནི།། སྦྱོར་བའི་ལམ་དུ་བསྟན་པ་ཡིན།། ཏིང་འཛིན་ལས་སུ་གྱུར་པ་ནི།། མཐོང་བའི་ལམ་དུ་བསྟན་པ་ཡིན།། ཏིང་འཛིན་རྒྱུན་མ་ཆད་པ་ནི།། བསྒོམ་པའི་ལམ་དུ ་བསྟན་པ་ཡིན།། འབྲས་བུ་རིགས་གསུམ་འགྲུབ་པ་ནི།། མཐར་ཕྱིན་ལམ་དུ་བསྟན་པ་ཡིན།། བདག་དང་དམ་ཚིག་སེམས་དཔའ་གཉིས།། དེ་ཡི་ལམ་ལས་མི་འདའོ།། སྤུན་དང་གྲོགས་པོའི་སྒོ་ནས ་བསྒྲུབ།། ཚོགས་ཀྱི་ལམ་དུ་བསྟན་པ་ཡིན།། སྐུ་མདོག་ཕྱག་མཚན་གསལ་བ་ནི།། སྦྱོར་བའི་ལམ་དུ་བསྟན་པ་ཡིན།། དེ་ཉིད་ལས་སུ་རུང་གྱུར་པ།། མཐོང་བའི་ལམ་དུ་བཤད་པ་ཡིན།། དེ་ཡི་ལམ་ལས་མི་འདའ ་བ།། བསྒོམ་པའི་ལམ་ཞེས་བཤད་པ་ཡིན།། སྐུ་ལྔ་མངོན་དུ་གྱུར་པ་ནི།། མཐར་ཕྱིན་ལམ་ཞེས་བཤད་པ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། མཚན་ཉིད་ཀྱི་ལམ་དང་གསང་སྔགས་ཕྱི་རྒྱུད ་ལམ་ལྔ་བསྟན་པའི་ལེའུ་སྟེ་ཉེར་བརྒྱད་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། རྒྱུད་ལུང་མན་ངག་སྙན་རྒྱུད་ཀྱི།། དེ་ཡི་ལམ་ལྔ་བཤད་པར་བྱ།། ཏིང་འཛིན་རྣམ་གསུམ་དམ ་ཚིག་བརྒྱད།། འཕགས་པ་སྤྱན་དྲངས་ལ་སོགས་པ།། ཚོགས་ཀྱི་ལམ་དུ་བཤད་པ་ཡིན།། གོམས་ཤིང་བརྟན་པར་བྱེད་པ་ནི།། སྦྱོར་བའི་ལམ་དུ་བཤད་པ་ཡིན།། བརྟན་ནས་རིགས་ལྔ་ཡབ་ཡུམ་གསལ།། མཐོང་བའི ་ལམ་དུ་བཤད་པ་ཡིན།། ཏིང་འཛིན་རྣམ་གསུམ་མ་ཐོབ་པར་དུ་བསྒོམ།། བསྒོམ་པའི་ལམ་དུ་བསྟན་པ་ཡིན།། ལོངས་སྐུ་ཞེ་གཉིས་སངས་རྒྱས་པ།། མཐར་ཕྱིན་ལམ་དུ་བསྟན་པ་ཡིན།། ཕུང་པོ་ཁམས་རྣམས་ལྷ་རུ ་བསྒོམ།། འཇབ་དང་འཕྲོ་འདྲ་ཚོགས་ཀྱི་ལམ།། དེ་ཉིད་འདྲིས་བྱེད་སྦྱོར་བའི་ལམ།། ཀུན་བཟང་ཡབ་ཡུམ་ཧེ་རུ་ཀ། དགུ་རུ་གསལ་བ་མཐོང་བའི་ལམ།། ཧེ་རུ་ཡབ་ཡུམ་བརྟན་པ་བསྒོམ་པའི་ལམ།། དབྱིངས་དང ་ཡེ་ཤེས་གཉིས་སུ་མེད་པར་མཐར་བྱིན་ལམ།། ཨ་ཏི་ཡོ་གའི་ལམ་ལྡནི།། སྣང་སྲིད་རྒྱན་དུ་གྱུར་པ་ཚོགས་ཀྱི་ལམ།། ཐིག་ལེ་ཅག་གཅིག་རྟོགས་ཐབས་སྦྱོར་བའི་ལམ།། ཐེ་ཚོམ་མེད་པར་གོ་བ་མཐོང་བའི་ལམ།། ་མི་དོན་ལ་གནས་པ་བསྒོམ་པའི་ལམ།། ཆོས་སྒྲ་ཐིག་ལེར་ཤར་བ་མཐར་བྱིན་ལམ།། སྙན་ཆུད་ངེས་པའི་ལམ་ལྔ་འདི་ལྟར་བསྟན།། རང་སྣང་ཟང་ཐལ་ཡིན་པས་ཚོགས་ལམ་རྫོགས།། རིག་པར་རང་སར་གྲོལ་བས ་སྦྱོར་ལམ་རྫོགས།། ཐིག་ལེ་རང་ལ་ཤར་བས་མཐོང་ལམ་རྫོགས།། འགྲུ་བཟང་ཐལ་ཤར་བས་བསྒོམ་ལམ་རྫོགས།། ཐིག་ལེ་ཆོས་མིན་ཤར་བས་ཐམས་ཅད་མཁྱེན་པ་རྫོགས།། ཚིག་ཏུ་བརྗོད་པས་ལྔར་སྣང་དོན་ལ ་གཅིག། གསར་བཟང་མདོག་བཟང་བྱས་པའི་དོན་ལ་གཅིག། ཟག་པ་རང་རང་ལམ་ལྔ་དེ་ལྟར་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ལམ་ལྔ་ཁྱད་པར་བསྟན་པའི་ལེའུ་སྟེ་ཉེར་དགྲ ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། ས་དང་ཕ་རོལ་ཕྱིན་པ་ནི།། གསང་སྔགས་མཚན་ཉིད་མན་ངག་གསུམ།། དེ་ཡང་ཁྱད་པར་འདི་ལྟར་བསྟན།། དང་པོ་རབ་ཏུ་དགའ་བ ་ནི།། སྦྱིན་པ་ཡི་ནི་ཕ་རོལ་ཕྱིན།། པདྨ་ཅན་གྱི་ས་ཞེས་བྱ་བ་དང་།། བླ་མའི་གདམས་ངག་ཐོབ་པའོ།། གཉིས་པ་དྲི་མ་མེད་པ་ནི།། ཚུལ་ཁྲིམས་ཕ་རོལ་ཕྱིན་པའོ།། རིག་པ་དྲི་མ་མེད་པ་ངོ་སྤྱོད ་ཡིན།། གསུམ་པ་འོད་འཕྲོ་ཞེས་པ་ནི།། བཟོད་པའི་ཕ་རོལ་ཕྱིན་པའོ།། བཅུ་གསུམ་ཡི་གེ་འཁོར་ལོ་ཚོགས་ཆེན་ཡིན།། སྐུ་གསུམ་དགོངས་པ་གཞན་དོན་བྱེད།། བཞི་པ་འོད་བྱེད་ཅེས་པ་ནི།། བརྩོན་འགྲུས་ཕ་རོལ ་ཕྱིན་པའོ།། ཡི་གེ་ཚོགས་ཆེན་རྫོགས་པ་ཡིན།། སྐུ་གསུམ་གྱིས་ནི་གཞན་དོན་བྱེད་པ་ཡིན།། ལྔ་པ་སྦྱང་བར་དཀའ་བའི་ས།། བསམ་གཏན་ཕ་རོལ་ཕྱིན་པའོ།། བཅོ་ལྔ་རྡོ་རྗེ་འཆང་གི་ས།། དབང་པོ་དམན་ལ་ངོ་སྤྱོད ་བྱ།། དྲུག་པ་མངོན་དུ་གྱུར་པའི་ས།། ཤེས་རབ་ཕ་རོལ་ཕྱིན་པའོ།། ངོ་སྤྲོད་པས་ནི་རྟོགས་པ་མངོན་དུ་གྱུར།། བདུན་པ་རིང་དུ་སོང་བའི་ས།། ཐབས་ཀྱི་ཕ་རོལ་ཕྱིན་པ་ཡིན།། ཉན་ཐོས་སྤོང་བ་ཡིན་ཏེ་རིང ་བའོ།། འདི་ཉིད་ལམ་དུ་བྱེད་པའོ།། བརྒྱད་པ་མི་གཡོ་བ་ཡི་ས།། སྨོན་ལམ་ཕ་རོལ་ཕྱིན་པའོ།། ཆོས་སྐུ་འགྱུར་བ་མེད་པར་རྟོགས།། དགུ་པ་ལེགས་པའི་བློ་གྲོས་ས།། སྟོབས་ཀྱི་ཕ་རོལ་ཕྱིན་པ་ཡིན།། ཀུན་ཏུ་བཟང ་པོའི་དགོངས་པའོ།། བཅུ་པ་ཆོས་ཀྱི་སྤྲིན་གྱི་ས།། ཡེ་ཤེས་ཕ་རོལ་ཕྱིན་པའོ།། རྟོགས་པ་མངོན་དུ་གྱུར་པའོ།། བཅུ་གཅིག་ལ་ནི་འོད་དུ་འཆར།། ཡེ་ཤེས་ཕ་རོལ་ཕྱིན་པའོ།། ཞེས་གསུངས་སོ།། འབྱུང་པོ་ཀུན་འདུལ ་གྱི་རྒྱུད་ལས། ས་གསུམ་ངོ་སྤྲོད་ཀྱི་ལེའུ་སྟེ་སུམ་ཅུ་པའོ།། །། དེ་ནས་ཡང་དག་བཤད་བྱ་བ།། རྡོ་རྗེ་ཆོས་ཀྱི་བློ་གྲོས་ཉོན།། ཕྱག་རྒྱ་བཞི་ཡི་དོན་སྟོན་པ།། འགྲོ་བའི་བསྙེན་བཀུར་གནས་ཀྱི་མཆོག། བདེན་པ ་བཞི་ནི་སྟོན་པའོ།། དེ་ལ་ཉན་ཐོས་ཕྱག་རྒྱ་བཞི།། ཉིས་བརྒྱ་ལྔ་བཅུ་ལས་ཀྱི་ཕྱག་རྒྱ་ཡིན།། བདེན་བཞི་གཏན་ལ་འབེབས་པ་ཆོས་ཀྱི་ཕྱག་རྒྱ་ཡིན།། གང་ཟག་བདག་མེད་དམ་ཚིག་ཕྱག་རྒྱ་ཡིན།། དགྲ་བཅོམ་འབྲས ་བུ་རྣམ་བདུན་ཕྱག་རྒྱ་ཆེན་པོ་ཡིན།། བྱང་ཆུབ་སེམས་དཔའི་ཕྱག་རྒྱ་ནི།། སྡོམ་པ་ཉི་ཤུ་བསྲུང་བ་ལས་རྒྱ་ཡིན།། ཕ་རོལ་ཕྱིན་དྲུག་སྤྱོད་པ་ཆོས་རྒྱ་ཡིན།། ཆོས་རྣམས་རང་བཞིན་སྟོང་པ་དམ་ཚིག་ཕྱག་རྒྱ ་ཡིན།། ཐམས་ཅད་མཁྱེན་པ་ཐོབ་པ་ཕྱག་རྒྱ་ཆེན་པོ་ཡིན།། དག་པ་རྣམ་གསུམ་སྤྱོད་པ་ལས་ཀྱི་ཕྱག་རྒྱ་ཡིན།། རིགས་གསུམ་སྤྱན་འདྲེན་མཆོད་བསྟོད་ཆོས་ཀྱི་ཕྱག་རྒྱ་ཡིན།། ཉ་ཤ་སྒོག་བཙོང་བསྲུང་བ་དམ་ཚིག ་ཕྱག་རྒྱ་ཡིན།། འབྲས་བུ་རིགས་གསུམ་བསྒྲུབ་པ་ཕྱག་རྒྱ་ཆེན་པོ་ཡིན།། བྱང་ཆུབ་ལམ་ལ་འཇུག་པ་ལས་ཀྱི་ཕྱག་རྒྱ་ཡིན།། སྐུ་ལྔ་བཞུ་བཏུལ་བྱེད་པ་ཆོས་ཀྱི་ཕྱག་རྒྱ་ཡིན།། དཀར་གསུམ་མངར་གསུམ་བསྟེན་པ་དམ ་ཚིག་ཕྱག་རྒྱ་ཡིན།། སྐུ་ལྔ་མངོན་དུ་གྱུར་པ་ཕྱག་རྒྱ་ཆེན་པོ་ཡིན།། བདུད་རྩི་ལྔ་ལ་སྤྱོད་ཅིང་སྦྱོར་སྒྲོལ་ལས་ཀྱི་ཕྱག་རྒྱ་ཡིན།། སྔགས་དང་ཕྱག་རྒྱ་ཆོས་ཀྱི་ཕྱག་རྒྱ་ཡིན།། དམ་ཚིག་ཉི་ཤུ་རྩ་བརྒྱད་བསྲུང་བ་དམ་ཚིག ་ཕྱག་རྒྱ་ཡིན།། བཞི་བཅུ་རྩ་གཉིས་བསྒྲུབ་པ་ཕྱག་རྒྱ་ཆེན་པོ་ཡིན།། ཏིང་འཛིན་རྣམ་གསུམ་དམ་རྫས་ལྔ་སྤྱོད་ལས་ཀྱི་ཕྱག་རྒྱ་ཡིན།། ཀུན་བཟང་ཡབ་ཡུམ་བསྒོམ་པ་ཆོས་ཀྱི་ཕྱག་རྒྱ་ཡིན།། འདུ་འཕྲོ ་རྒྱུན་མི་གཅོད་པ་དམ་ཚིག་ཕྱག་རྒྱ་ཡིན།། དབྱིངས་དང་ཡེ་ཤེས་གཉིས་སུ་མེད་པ་ཕྱག་རྒྱ་ཆེན་པོ་ཡིན།། རོལ་པ་འགག་པ་མེད་པ་ཆོས་ཀྱི་ཕྱག་རྒྱ་ཡིན།། མཚན་ཉིད་སྐྱེ་བ་མེད་པ་ལས་ཀྱི་ཕྱག་རྒྱ་ཡིན།། ངོ་བོ་ཀློང ་གྲོལ་དམ་ཚིག་ཕྱག་རྒྱ་ཡིན།། རང་བཞིན་སྐྱེ་བ་མེད་པ་ཕྱག་རྒྱ་ཆེན་པོ་ཡིན།། འགྱུ་བ་འགག་པ་མེད་པ་ལས་ཀྱི་ཕྱག་རྒྱ་ཡིན།། ཡེ་ཤེས་ཟང་ཐལ་ཤེས་པ་ཆོས་ཀྱི་ཕྱག་རྒྱ་ཡིན།། རིག་གནས་ཕྱི་ནང་མེད་པ་དམ་ཚིག ་ཕྱག་རྒྱ་ཡིན།། ཆོས་ལས་འདས་པ་ཕྱག་རྒྱ་ཆེན་པོ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ཕྱག་རྒྱ་བཏབ་པའི་ལེའུ་སྟེ་སོ་གཅིག་པའོ།། །། དེ་ནས་ཡང་དག་བཀའ་སྩལ་པ། ་རིགས་ཀྱི་བུ་ཁྱོད་ཉོན་ཅིག། ཀུན་ཏུ་བཟང་པོའི་དགོངས་པ་ནི།། གཞི་རང་གྲོལ་དུ་ཤེས་པའོ།། གཞི་རང་གྲོལ་གྱི་དགོངས་པ་དེ་ནི། མ་བལྟས་རང་ཤར་གྱི་དགོངས་པ་ཤར་རོ།། མ་བསྒོམས་སོ།། མ་བསྒྲུབས་སོ།། ་མ་སྤྱད་དོ།། ཚོགས་གཉིས་མ་བསགས་སོ།། གཞི་རང་གྲོལ་དེ་ཡིས་བསྒོམས་སམ་སྒོམ་བཞིན་ནམ། བསྒོམ་པ་བྱས་སམ་བསྒོམ་པར་མ་བྱས་ན་སངས་རྒྱས་སམ།། ལྟ་བས་བལྟས་སམ། བལྟ་བར་བྱས་སམ། ལྷ ་བར་བྱེད་བཞིན་ནམ། ལྟ་བ་བལྟས་ནས་སངས་རྒྱས་སམ། དེ་སྤྱད་དམ་སྤྱོད་པར་བྱེད་དམ། སྤྱད་ནས་ནམ། སྤྱད་ཟིན་ནས་དེས་སངས་རྒྱས་སམ། གཞི་འབྲས་བུ་གཞི་ཡིན་ནམ། གཞི་དེས་འབྲས་བུ་མྱོང་ངམ།། ་གཞི་འབྲས་བུ་ཐོབ་བམ། གཞི་ན་རེ་འབྲས་བུ་ཡིན་ཟེར་རམ། དེ་བཞིན་དུ་ལམ་ལྔ་ས་བཅུ་ཚོགས་གཉིས་རྣམས་ཀྱང་། དེ་བཞིན་དེ་ཡི་རང་བཞིན་ཡིན།། ཞེས་གསུངས་སོ།། དཔེར་ན་ག་བུར་ན་རང་སྨན་ཡིན་ཟེར ་རམ་དུག་ཡིན་ཟས་ཕལ་པ་ཡིན་ཟེར་རམ།། ནོར་བུ་རིན་པོ་ཆེ་དེ་སྐད་ཟེར་རམ་སྟེ།། གཞི་འཁྲུལ་པས་གཞི་ངོ་ཤེས་ཏེ།། མི་ཤེས་པ་ཡིས་རང་དབང་མེད།། མི་ཡི་བྱད་ཀྱིས་མེ་ལོང་ལྟར།། ཕར་བལྟས་ཚུར་མཐོང ་བཞིན་གསལ་བ།། གཞི་ངོ་ཤེས་པས་གཞི་ལས་འདས།། འདས་པ་ལྔ་པོ་ཆོས་ལས་མིན།། ཡེ་ཤེས་ཟང་ཐལ་རང་ཤར་བས།། ཐམས་ཅད་མཁྱེན་པ་མ་འགགས་པས།། མཁྱེན་པ་དེ་ལྟར་ཤར་བ་ཡིན།། དྲུག་གིས ་བསྟན་པའི་དགོངས་པ་དང་།། མུ་སྟེགས་སྟོན་པ་དྲུག་པོ་ཡིས།། གྲུབ་མཐའ་གཉིས་སུ་ཕྱེ་བས་ལོག། གཉིས་མེད་དོན་དང་མི་འགལ་ལམ།། མཉམ་ཕྱིར་དོན་ནི་བཟང་ངན་མེད།། བཟང་པོར་འདོད་ན་འདོད་ཆགས ་ཡིན།། འདོད་པས་མི་མྱོང་རྟོག་འདྲེ་ཡིན།། འདྲེ་རུ་འདི་བས་ཆེ་བ་མེད།། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས།། ཀུན་ཏུ་བཟང་པོའི་དགོངས་པ་བསྟན་པའི་ལེའུ་སྡེ་སོ་གཉིས་པའོ།། །། དེ་ནས ་ཡང་དག་བཤད་བྱ་བ།། འབྱུང་པོ་ཀུན་འདུལ་རྒྱུད་ཆེན་འདིར།། ཐམས་ཅད་མ་ལུས་འདུས་པ་ཡིན།། འདི་ནི་བྱིན་གྱིས་བརླབས་པའི་རྒྱུད་དུ་ཟུང་ཞེས་གསུངས་སོ།། སྟོན་པ་ཀུན་ཏུ་བཟང་པོ་ལ།། རྡོ ་རྗེ་ཆོས་ཀྱི་བློ་གྲོས་རྗེས་སུ་ཡི་རང་ངོ་།། འབྱུང་པོ་ཀུན་འདུལ་གྱི་རྒྱུད་ཅེས་བྱ་བ་རྫོགས་སོ།། །། @#།། རྒྱ་གར་སྐད་དུ།། དེ་བ་ཏནྣ་བྷི་ཥེ་ཀ་ཏ་རཏྣ་ཙཀྲ་ནཱ་མ།། བོད་སྐད་དུ།། ལྷ་རྒྱུད ་