| Wylie | e-texts produced with BDRC’s OCR application |
@། རྒྱ་གར་སྐད་དུ།། ས་མ་ཡ་བྷུ་ཧ་བྷཱུ་མི་ཏནྟྲ་རཏྣ་ཀུ་ཊ་ལཾ་ཀ་ར་ན་མ། བོད་སྐད་དུ། དམ་ཚིག་བཀོད་པ་ས་གཞིའི་རྒྱུད། རིན་པོ་ཆེ་སྤུངས་པའི་རྒྱན་ཞེས་བྱ་བ། བཅོམ་ལྡན་འདས ་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་འོག་མིན་གྱི་གནས་མཆོག་ཆེན་པོ་ན་བཞུགས ་པའི་ཚེ། དཔལ་རྡོ་རྗེ་སེམས་དཔས་ཡང་ཏིའི་ཆོས་ཞུས་པས། ཀུན་ཏུ་བཟང་པོས་བཀའ་སྩལ་པ། སྙན་རྒྱུད་ཀྱི་གདམས་ངག་རྣམ་པ་གསུམ་སྟེ། སངས་རྒྱས་ཉག་གཅིག་དང་། དམ ་ཚིག་ཐུན་གཅིག་དང་། དཔེ་བརྡའ་གཅིག་གོ།། སངས་རྒྱས་བརྡའི་ལེའུ་སྟེ་དང་པོའོ།། །། རྡོ་རྗེ་སེམས་དཔས་ཞུས་པའི་སངས་རྒྱས་ཉག་གཅིག་ནི། རིག་པ་དངོས་མེད་ཡེ་ཤེས ་ལ།། སྐུ་གསུམ་ཀ་ནས་མ་གྲུབ་བོ།། ཅི་སྟེ་ལོགས་སྣང་མེད་པའི་ཕྱིར།། བརྡ་ནི་མིག་གི་རྣམ་པར་ཤེས་པའོ།། དོན་གྱི་ཡེ་ཤེས་རང་ལ་ལྷུན་གྱིས་གྲུབ་པའོ།། སྒྲ་ནི་ཛྙཱ་ན་ཀ ་ཡ་ཨའོ།། སངས་རྒྱས་ཉག་གཅིག་ནི། དགོངས་པ་ལ་ཐུན་མེད་པ་དང་། ཆོས་ཉིད་ལ་བར་དོ་མེད་པ་དང་། ཡེ་ཤེས་ལ་སྐྱེལ་བསུ་མེད་པ་དང་། ཆོས་སྐུ་ལ་སྐད་ཅིག་མ་མེད་པ་དང་། སྐུ ་གསུམ་ལ་འདུ་འབྲེལ་མེད་པ་དང་། སྙིང་པོ་ལ་འཕོ་འགྱུར་མེད་པ་དང་། ཤེས་རབ་ལ་དགག་སྒྲུབ་མེད་པ་དང་། ཐིག་ལེ་ཉག་གཅིག་ལ་གཉིས་སྣང་མེད་པའོ།། ལུང་ལས་ཀྱང་། ་གཉིས་མེད་གཉིས་སུ་མེད་པར་སྟོན། ཞེས་བྱ་བ་དང་། སངས་རྒྱས་སེམས་ཅན་གཉིས་མེད་དེ།། ཞེས་པས་གསལ་ལོ།། བརྡ་དོན་གྱི་ལེའུ་སྟེ་གཉིས་པའོ།། །། ཀུན་ཏུ་བཟང ་པོས་བཀའ་སྩལ་པ། དམ་ཚིག་ཐུན་གཅིག་ནི། ཡང་ཏི་ནག་པོ་གསེར་གྱི་འབྲུ་གཅིག་པ།། དཔེར་ན་རིན་ཆེན་གསེར་གྱི་རྡོ་བ་ལ།། བྱ་དང་ཁྱི་དང་སྐུ་གཟུགས་རྣམས།། བྱས་ཀྱང་གསེར་ལས་འགྱུར་བ་མེད།། བཟང ་དུ་མ་སོང་ངན་དུ་མི་འགྲོ་སྟེ།། གཟུགས་ཀྱི་རྣམ་པ་ཐ་དད་ཀྱང་།། ངོ་བོ་གསེར་ལས་འགྱུར་བ་མེད།། དེ་བཞིན་དམ་ཚིག་ཐུན་གཅིག་ནི།། ཐིག་ལེ་ཉག་གཅིག་དོན་རྟོགས་ན།། བསྲུང་དུ་གཉིས་སྣང་མེད ་པའི་ཕྱིར།། བསྲུང་བྱ་བྱུང་ན་ཡང་ཏི་མིན།། བསྲུང་རྒྱུ་བྱུང་ན་ཉག་གཅིག་མིན།། གཉིས་སྣང་བྱུང་ན་གཟུང་འཛིན་ཡིན།། སོ་སོ་སྐྱེ་བོའི་ཁྱུ་རུ་གོལ།། གོལ་ཕྱིར་ཡང་ཏིའི་དམ་ཚིག་མིན།། དེ་ཡང་ལུང་ལས། དམ་ཚིག ་ཆེན་པོ་དེ་ཉིད་མཁྱེན།། དབང་པོ་བསམ་པ་མཁྱེན་མཆོག་གིས།། བརྡའ་ནི་དུག་ལྔ་རང་གྲོལ་རང་ཤར་བའོ།། སྒྲ་ནི་ས་མ་ཡ་ཏྲི་ཀཱ་ཡ་ཨེ་ཀའོ།། ཞེས་གསུངས་སོ།། བརྡའ་སྒྲ་དོན་གྱི་ལེའུ་སྟེ་གསུམ ་པའོ།། །། ཀུན་ཏུ་བཟང་པོས་བཀའ་སྩལ་པ། དཔེ་བརྡ་གཅིག་ནི། རྒྱ་མཚོ་ཆེན་པོ་སྐུ་གསུམ་བརྡའ།། ནམ་མཁའ་ཆེན་པོ་ཐུགས་རྗེའི་བརྡའ།། སྨན་གྱི་རྒྱལ་པོ་ག་བུར་ནི།། སྨན་དང་དུག་དང་ཁ་ཟས ་བརྡའ།། དེ་ནི་ཕྱི་ཡི་བརྡའ་གསུམ་ཡིན།། ངོ་བོ་རང་བཞིན་ཐུགས་རྗེའི་བརྡའ།། དེ་ནི་འཁྲུལ་པ་གཞི་ཡི་བརྡ།། མ་ནི་རྣམ་གསུམ་སེམས་ཅན་བརྡའ།། སྣང་བ་རྣམ་གསུམ་འཁྲུལ་པའི་བརྡའ།། དེ་ནི་ནང་གི་བརྡའ་བཞི། ་ཡིན།། འདོད་ཆགས་ཞེ་སྡང་གཏི་མུག་ནི།། དེ་ནི་ཐིག་ལེ་ཉག་གཅིག་བརྡའ།། དུག་ལྔ་ཡེ་ཤེས་ལྔ་ཡི་བརྡའ།། འགྲོ་དྲུག་རང་བྱུང་ཡེ་ཤེས་བརྡའ།། གཟུང་འཛིན་རིག་པ་ཡེ་ཤེས་བརྡའ།། དེ་ནི་གསང ་བའི་བརྡའ་བཞི་ཡིན།། སྒྲ་ཡི་དོན་ནི་འདི་ལྟ་སྟེ།། ཡེ་ཤེས་སྒྲ་ལས་ཡི་གེ་ཧ།། དབྱིངས་ཀྱི་སྒྲ་ལས་ཡི་གེ་མ།། རོལ་པའི་སྒྲ་ལས་ཡི་གེ་འ།། དེ་ནི་སྒྲ་ཡི་ཆོས་ཉིད་དོ།། དོན་འདི་རྟོགས་པའི་རྣལ་འབྱོར་ལ།། རབ་དང ་འབྲིང་དང་ཐ་མ་བསྟན།། དབང་པོ་ཡང་རབ་རོལ་པ་ལ།། སངས་རྒྱས་ཆོས་དང་མྱ་ངན་འདས།། དངོས་པོའི་ཆོས་དང་གནས་ལུགས་ཏེ།། བར་དོ་མེད་པར་རང་གྲོལ་ལོ།། འབྲིང་དང་ཐ་མའི་ཆོས་ཉིད་ནི།། ད་ལྟ་ངོ ་སྤྲོད་པར་དོར་སངས་རྒྱས་ཏེ།། རྫོགས་ཆེན་ལམ་པའི་ཆོས་ཉིད་དོ།། སེམས་ཅན་འཁོར་བ་བློ་ཡི་སྣང་ལུགས་ཏེ།། འབྲིང་དང་ཐ་མ་བར་དོར་གྲོལ།། ཞེས་འབྱུང་ངོ་།། ཡང་ཏི་རང་གྲོལ་དུ་བཤད་པའོ།། བརྡའ་འགྱུར ་སྒྲ་འགྱུར་དོན་འགྱུར་དུ་བསྟན་པའོ།། ཚིག་གསུམ་བརྒྱད་པས་སངས་རྒྱས་ཀྱི་ཆོས་བརྒྱད་པ་བར་མ་ཆད་པ་རྫོགས་སོ།། ། ་