| Wylie | e-texts produced with BDRC’s OCR application |
རྒྱ་གར་སྐད་དུ། མགོར་མ་གཞི་འོག་མ་འབྲུམ་པ་ལོག་པའོ།། ན་རོ་དབྱིངས། ཀླད་ཀོར་སྠ་དང་ཡེ་ཤེས་སོ།། བཛྲ་རྡོ་རྗེ་ས་ཧཱ་སེམས་དཔའ་ཙིཏྟ་སྟེང་ཨཱ་དཪྴ་མེ་ལོང་གི་ཏན་ཏྲ་རྒྱུད་ནཱ་མ། ཅེས་བྱ་བ། དབྱེར་མེད་པའི་སྲ། ཨོཾ་ཧུ་ཨ་ནི་ཆོས་ཀྱི་སྲ། ་ཙནི་ལོངས་སྤྱོད་རྫོགས་པའི་སྒྲ། མ་ནི་སྦལ་བའི་ཐ། གུ་གུ་ནི་རྔ་བ་ཉིད་སྦ། ཞབས་སུ་རྡོ་རྗེ་འཛིན་པའི་སྒྲ། ཀླད་ཀོར་ནི་\ུ0f89\ུ0f4་ཝ། བོད་སྐད་དུ། དོན་ལ་སེམས་པ། རྡོ་རྗེ་སེམས་དཔའ་སྙིང་གསང་བ་གི་མེ་ལོང་གསལ་བ་གི་རྒྱུད་སྡེར་ཆགས་པ་ཅེས་བྱ་བ། བདུད ་བཞི་བཅོམ་འཁོར་བ་ལས་འདས་པས། བཅོམ་ལྡན་འདས་རྟོགས་པ་དང་ལྡན་པས་མི་ཕམ་ཡེ་ཤེས་ཀྱི་ཞེ་སྡང་དང་ལྡན་པས་ཁྲོ་འོད་ལྔ་རང་ལ་མོད་པས་གཅེར། གཉེར་ཅན་ལ་ཕྱག་འཚལ་ལོ། འདི་སྐད་བདག་གིས་བསྟན་པའི་དུས་བདེན་པ་ཆེན་པོ ་བསྟན་པའི་དུས་ཕུན་སུམ་ཚོགས་པ། གཅིག་ན། ཉེ་བའི་འཁོར་ཕུན་སུམ་ཚོགས་པ། འཁོར་རྣམས་ལེགས་པར་ཉོན་ཅིག། རང་ལ་གནས་པའི་དོན། རང་བྱུང་ཐབས་ཆེན་དོན་བཤད་ཀྱིས། ང་ཡིས་བསྟན་པ་ཕུན་སུམ་ཚོགས་པ་བཤད་ཀྱིས་ང་ལ ་ཉོན། ཅེས་རྡོ་རྗེ་སེམས་དཔའི་དོན། བཀའ་བསྒོ་བ་མཛད་དོ། འདི་སྐད་བདག་གིས་ཟོས་པའི་གནས་ཤེས་པའི་ཕྱིར། དུས་གཅིག་ན། དུར་ཁྲོད་མེ་རི་འབར་བ་ཅེས་བྱ་བ། གནས་ཕུན་སུམ་ཚོགས་པ། ཉིན་བཞིན་རླུང་འཚུབ་པ། ཁྲོ་བོའི་གནས། ་མཚན་བཞིན་མེ་འབར་བ་དེ་ན། བཅོམ་ལྡན་འདས་ཐུགས་ཞི་བ་ལས་མ་གཡོས་ཀྱང་སྐྲ་ཁྲོ་བོར་སྣང་། གཞོན་ནུ་དཔའ་བོ་སྟོབས་ལྡན་ཞེས་བྱ་བར་སྐུར་སྤྲུལ་ནས། གསང་བའི་བདག་པོ་ལ་སོགས་པ་ཁྲོ་བོ་ཕྱག་ན་རྡོ་རྗེ་ལ་སོགས་པ་ཁྲོ ་བོའི་ཚོགས་དང་མཁའ་འགྲོ་མ་ལ་སོགས་ཏེ་མཁའ་འགྲོའི་ཚོགས་རྣམས་ལ་རྒྱུད་ཆེན་པོ་གསང་བ་ཡང་ཁོལ་དུ་ཕྱུང་བ་འདི་བཤད་དོ། མ་རིག་པས་བཅིངས་པ་ལས། དོན་དགྲོལ་ཏོ།། གསལ་བར་བྱེད་དོ། སྙིང་གི་དཀྱིལ་འཁོར་གྱི་འོད། རྒྱུད་ཀྱི་དོན། ་རྒྱས་པར་སྟོན་ཏོ། ཞེས་བྱ་བའི་སྒྲ་ཉིད་ཀྱིས། འཁོར་རྣམས་ལ། ལན་གསུམ་བརྗོད་དོ།། དེ་ནས་གསང་བའི་བདག་པོས་ཞུ་བ་ཞུས་པས། ངོ་མཚར་བས། ཨེ་མ་བྱམས་མགོན་བཅོམ་ལྡན་ཐུགས་རྗེ་ཅན།། བསྟན་པའི་སྙིང་པོ ་རྒུརྒྱུད་ཐམས་ཅད་ཀྱི་སྙིང་པོ། གསུང་དུ་གསོལ། ཞེས་ཞུས་པ་དང་། བཅོམ་ལྡན་འདས་ཀྱིས་ཁྲོ་བོའི་ཆ་ལུགས་སུ་མངོན་པར་སྤྲུལ་ནས། བཤད་པར་དམ་བཅས་པ། ཨ་སརྦ་དྷརྨ་ཨ་ཧི། སྐེ་མེད་ཀྱི་ང་དུ་ཆོས་ཐམས་ཅད་དབྱེར་མེད་དུ་དབྱིངས ་དང་རིག་པ། ཞེས་བྱ་བའི་སྒྲ་བརྗོད་པས། མཁའ་འགྲོ་མ་ཐམས་ཅད་ཡིད་འཁྲུགས་ཀྱི་ཧུད་ཀྱི་སྒྲ་བརྗོད་པར་གྱུར་ཏོ།། འཇིག་རྟེན་གྱི་ཁམས་ཐམས་ཅད་ཀྱང་འོད་ཀྱིས་ཁེངས་སོ།། དེ་ནས་ཡང་། སརྦ་མ་ཆོས་ཐམས་ཅད་མཉམ ་པཉིད་སྐྱེ་བ་མེད་པའོ། ལ་མ་ལ་ཨ་ཧཱུཾ། ཞེས་བརྗོད་པས། སངས་རྒྱས་ཀྱི་བྱིན་གྱི་རླབས་མངོན་པར་བདེ་བ་དང་ལྡན་པར་གྱུར་ཏོ།། དེ་ནས་ཁྲོ་བོའི་ཚོགས་དཔག་ཏུ་མེད་པ། དང་མཁའ་འགྲོ་མའི་ཚོགས་རྣམས་ཀྱིས་ཐབས་ཅིག་ཏུ ་དི་སྐད་ཅེས་གསོལ་ཏོ།། བཅོམ་ལྡན་འདས་རང་བྱུང་དབྱིངས་དྲི་བ་གསུམ་དྲིས་སོ།། ནས་འོད་གསལ་བར་གསུང་དུ་གསོལ།། ཨ་ཏི་ཐེག་པའི་དོན་དུ་གསུང་དུ་གསོལ། རང་རིག་བསྟན་པའི་སྒོན་མ་མི་འགྱུར་བ་གསུང་དུ ་གསོལ། ཞེས་དྲི་བ་གསུམ་དྲིས་སོ།། དེ་ནས་སྟོབས་ཀྱི་བདག་པོས་སྐབས་དང་མི་འཇིགས་པ། བཀའ་སྩལ་པ།། ཀྱེ་ཀྱེ་ཁྲོ་བདག་ཆེན་པོ་ཉོན། ང་ཡི་བསྟན་པ་ཟག་པ། བསམ་མི་ཁྱབ།། དེ་རྣམས་དོན་ཆེན་འདིར ་རྣམས་གང་གིས་ཀྱང་གཏན་ལ་མི་ཕེབས་པ། བཤད་ལེགས་པར་ཉོན། དྲི་བ་དང་པོའི་ལན། རང་བྱུང་དབྱིངས་ནས་འོད་གསལ་རིག་པའི་ཀློང་།། མ་སྐྱེས་གདོད་ནས་དག་པའི་མ་རིག་པ་མེད་པའི་རིག་པ་ཟག་པ་མེད་པ། རིག་པ་བྱང་ཆུབ ་སེམས།། སྐྱེ་མེད་དོན་ལྡན་རིག་པའི་ཡེ་ཤེས་སྐུ། རིག་པའི་ངོ་བོ་སྒྲ་དང་ཡེ་ཤེས་སོ།། འཇའ་ཚོན་ལྟ་བུར་འོད་ལྔ་མ་འདྲེས་ཡོངས་སུ་རྫོགས།། ཙིཏྟའི་དཀྱིལ་འཁོར་སྙིང་གི་དཀྱིལ་ན་གནས། ཡེ་ཤེས་འོད་དུ་གསལ། ཡེ་ཤེས ་འོད་འཕྲོས་མིག་ནས་ལམ་བྱུང་ཞིང་། རྣམ་དག་སྟོང་པའི་མཁའ་ལ་ནམ་མཁར་འོད་སྣང་ནས། ཡེ་ཤེས་འོད་དུ་བརྡ་ལ། སྟོང་གསལ་འབྱེད་མེད་སྟོང་པ་གཅིག་པུར་མེད་གསལ་བར་ཡོད། ངང་དུ་གཉིས་མེད་ཐིམ། དྲི་བ་གཉིས་པ། ཨ་ཏི ་འགྱུར་མེད་རིག་པའི་ལྟ་བ་ནི། གཅིག་ལ་ཀུན་རྫོགས་པ་དད་དུ་མེད། ཐ་སྙད་ཀུན་དང་བྲལ། ཐ་སྙད་སྤངས་ན་རང་བྱུང་སྟོང་པ་གཅིག་པོར་མ་ཡིན་གསལ་བར་མེད། བདེ་བའི་ཀློང་། གཉིས་མེད་རྟོགས་ན་བདེ་ཆེན་ཨ་ཏིའི ་ངདང་།། ཐེག་ཆེན་དོན་རྟོགས་རིག་པ་ཨ་ཏིའི་དང་།། གསང་སྔགས་དོན་རྟོགས་རིག་པ་ཨ་ཏིའི་ངང་།། ཡེ་ཤེས་དོན་རྟོགས་རིག་པ་ཨ་ཏིའི་ངང་། རང་སྣང་དོན་རྟོགས་རིག་པ་ཨ་ཏིའི་ངང་། དྲི་བ་གསུམ་པ། རང་རིག ་བསྟན་པའི་སྒྲོན་མ་འདི།། བཟུང་བས་མི་ཟིན་ཆུ་ཟླ་འདྲ།། བྱང་ཆུབ་ལམ་གྱི་སྒྲོན་མ་རང་བྱུང་རང་ལ་ཐིམ། མིག་ནས་བྱུང་ཞིང་སྙིང་གི་དཀྱིལ་གྱི་རིག་པ་ལ་ཐིམ། དཔེར་ན་ཉི་བཞིན་འགྲོ་བ་ཡོངས་ལ་ཁྱབ།། ཙིཏྟའི་དཀྱིལ་དུ ་གནས་བཅས་མིག་ནས་ལམ་ཕྱུང་ཞིང་། ཡེ་ཤེས་སྒྲོན་མ་སྟོང་ཉིད་ནམ་མཁའ་ལ། རེག་པ་མིག་ནམ་མཁའ་ལ་ཡེ་ཤེས་ཀྱི་སྣང་བ་སྔར་ཤར་རོ།། ཡེ་ཤེས་འོད་ཕུང་ནམ་མཁའི་མཐའ་དང་མཉམ།། བག་ཆགས་སྦུབས་ལ་བརྟེན་ནས ་ཡེཤེས་དབྱིངས་ལ་སྤྱོད།། ཡེ་ཤེས་སྒྲོན་མ་རང་སྣང་འོད་པོ་ཆེ།། ཡེ་ཤེས་སྒྲོན་མ་བསྟན་པ་ཀུན་གྱི་རྩེ།། ཞེས་བཀའ་སྩལ་ཏོ།། ཡང་ཞུས་པ།། ཨེ་མ་ཧོ། ངོ་མཚར་གྱི་སྒོ་ནས་ཐུགས་བརྩེ་བས་སེམས་ཅན་ལ་ཕན་གདགས་པ་དང་རངག ་དོན་རྟོགས་པར་བྱེད་པའི་བྱེར། བཅོམ་ལྡན་ཐུགས་རྗེ་ཅན།། རྣམ་གསུམ་དྲིས་ལན་དེ་ལྟར་ན།། དོན་གྱི་སྙིང་པོ་གསུང་དུ་གསོལ།། བརྗོད་མེད་རྣམ་དག་གསུང་དུ་གསོལ།། ཞེས་གསོལ་པས། ཁྲོ་བདག་ཆེན་པོས་བཀའ ་སྩལ་པ།། ཀྱེ་ཀྱེ་རྡོ་རྗེ་འཛིན་པ་ཉོན།། ང་ཡིས་པ་ལ་སྟོན་པ་ཡིན།། ལེགས་པར་ཡིད་ལ་གཟུང་བར་བྱོས།། སྙིང་པོ་འགྱུར་མེད་ཀློང་ན་རིག་པ་རང་བྱུང་གསལ།། སྙིང་པོ་ཡེ་ཤེས་སྐུ་ལ་གསལ་འགྲིབ་ཡོངས་ཀྱིས ་མེད།། དོན་གྱི་སྙིང་པོ་རང་གསལ་བདེ་བའི་སྐུ།། ཀུན་ལ་ཁྱབ་པའི་སྙིང་པོ་ཉག་གཅིག་པོ།། བརྗོད་པས་ཐོག་ཏུ་མི་ཕེབས་ཚིག་གིས་མཚོན་དུ་མེད།། རིག་པའི་ཡེ་ཤེས་བརྗོད་པའི་མཐའ་དང་བྲལ།། རྣམ་དག་འོད ་གསལ་བརྗོད་མེད་ངང་དུ་ཐིམ།། དབྱེར་མེད་ཚུལ་གྱིས་སེམས་ཅན་ཡོངས་ལ་གནས།། ཨེ་མ་ཧོ། རང་བྱུང་བདེ་བའི་སྐུ།། ཚིག་གཅིག་བསྟན་པས་དོན་ཆེན་གོ། ཁ་དོག་དཀར་དམར་མ་འདྲེས་ཡོངས ་སུ་གསལ།། སྐུ་གཅིག་ཀུན་ལ་ཁྱབ་པས་བདེར་གཤེགས་སྙིང་པོའི་སྐུ།། འགག་མེད་ཀློང་ནས་ཤེས་རབ་འོད་གསལ་བ།། རྟག་པར་གཏེར་འཆང་རང་གི་ཐུགས་ལ་གནས།། རྒྱུད་ཆེན་དོན་འགྲོལ་གསང་སྔགས་ཨཱ་ལི ་ཀ། ཡེ་ཤེས་དོན་སྟོན་གསང་སྔགས་རྒྱལ་པོ་འདི།། ཀུན་ལ་དཀོན་པའི་རིན་ཆེན་གཏེར་ཡིན་པས།། མ་ཡེངས་དམ་ཚིག་ལྡན་པས་སྤྱད་པར་བྱ།། ཞེས་ཁྲོ་བོའི་རྒྱལ་པོས། ཐོག་མའི་དབྱིངས་བསྟན་ཏོ།། བཀའ་བསྒོ་བའི ་དོན་རྒྱས་པར་བཤད་དོ།། ཅེས་རྒྱུད་ཐམས་ཅད་ཀྱི་རྒྱལ་པོ་གསང་བ་ཡང་ཁོལ་དུ་ཕྱུང་བ། རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ཆེན་པོ་ལས་གླེང་གཞིའི་ལེའུ་སྟེ་དང་པོའོ།། མས་འཚ།། དེ་ནས་ཡང་བཅོམ ་ལྡན་འདས་སྐུ་ཞི་བའི་ཆ་ལུགས་དྲུག་པ་རྡོ་རྗེ་འཆང་ཞེས་བྱ་བར་སྤྲུལ་ནས། མཁའ་འགྲོ་མ་ཆེན་མོ་ལྔ་ཚངས་མ། དུང་གི་ཟོར་ཚུགས་ཅན་དང་། རྨ་བྱའི་མགྲིན་དང་། རོ་ཟན་དང་། ཁྲོ་གདོང་མ་དང་། ལ་སོགས་པ་སྟེ་མཁའ་འགྲོ་མ་བྱེ་བ ་དང་ཐུབ་པ་དྲུག་དང་བྱང་ཆུབ་སེམས་དཔའ་རོ་ལངས་བདེ་བ་ལ་སོགས་པ་དང་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་ཀྱི་ཐུགས་རྗེའི་བྱིན་རླབས་ལས། གསང་བའི་བདག་པོ་ལག་ན་རྡོ་རྗེ་ཞེས་བྱ་བ ་མདུན་དུ་བབས་ནས། ཐལ་མོ་སྦྱར་ནས་ཞུ་བ་ཞུས་སོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཐེག་པའི་སྒོ་རྣམས་གསུང་དུ་གསོལ། ཆོས་ཀྱི་སྒོ་མོ་བསམ་གྱིས་མི་ཁྱབ་པ་ཐེག་པ་དགུའོ།། འཇིག་རྟེན་པའི་ཆོས་ཐམས་ཅད་ལོག་ལྷ་དང་ཡང་དག་ལྡན ་པར་བལྟའོ།། ཞེས་ཞུས་སོ།། རྡོ་རྗེ་འཆང་གིས་དོན་གཉིས་སུ་བཀའ་སྩལ་པ།། ཐེག་པའི་སྒོ་ནི་བསམ་བརྒྱད་ཁྲི་བཞི་སྟོང་ལོག་པའི་ཐེག་པ་འཇིག་ཚོགས་སུམ་བརྒྱ་དྲུག་ཅུ་ལས་གྱེས་པའི་དོན། ཡས་ཀྱང་། ཡི་གེ་རྣམ་པ་གཉིས་སུ་ལོག་ལྷ་དང་ཡང ་དག་གཉིས་གསུང་།། ཡི་གེ་རྣམ་གཉིས་གང་ཞེ་ན།། ས་དང་དེ་ཡང་ས་ཞེས་པ་ཐམས་ཅད་འབྱུང་བའི་གཞི་མ་ལྟ་བུ་སྟེ་དེ་ཡང་ལོག་ལྟ་རྟག་ཆད་ཕྱེད་པའི་ས་ཡིན། ཡི་གེ་ཧ་ཧ་ཞེས་བྱ་བ་ནི་ཡང་དག་པའི་ལྟ་བ་མཚོན་པར་བྱེད་པའི་ཡི་གེ་ཆོས་ཀྱི་སྒོ་མོ་བརྒྱད་ཁྲི་བཞི ་སྟོང་དེ་ལ་བསྡུས་ཏེ་བསྟན་པའོ།། དེ་ཡང་དག་པའི་ཡེ་ཤེས་ཀྱི་སྙིང་པོ་ཅན་ཞེས་བྱའོ།། ལ་འདུས།། དེ་ཡང་བཤད་ལུགས་གང་ཞེ་ན།། འཇིག་རྟེན་པའི་ཐེག་པ་དང་། འཇིག་པ་ནི་བག་ཆགས་ཕུང་པོ་འཇིག་པས་འཇིག་ཕུང་པོ་དག་ཡེ་ཤེས་ཀྱི་རྟེན་ཡིན་པས་རྟེན ་ནོ།། འཇིག་རྟེན་ལས་འདས་པའི་ཐེག་པའོ།། དེ་ལ་འཇིག་པའི་རྟེན་དུ་གྱུར་པ་མེད་དོ།། འཇིག་རྟེན་པ་ནི་གང་ཞེ་ན།། ཡི་གེ་ས་ལ་འདུས་པའོ།། འཇིག་རྟེན་ལས་འདས་པའི་ཡི་གེ་ཧ་ཞེས་ཀུན་ཏུ་གྲགས།། ལྷ་དང་མི་ཡི་ཐེག་པ ་བཤད།། དེ་ལ་ཡང་ནི་རྣམ་གཉིས་སོ།། ལོག་ལྟ་དང་ནི་ཡང་དག་ལྟ།། ལོག་ལྷའི་ཐེག་པ་བསམ་ཡས་ཀྱང་། བསྡུས་ན་རྣམ་པ་གཉིས་སུ་འདུས།། རྟག་ལྟ་དང་ནི་ཆད་ལྟའོ།། རྟག་པར་ལྟ་བའི་གྲུབ་མཐའ ་ནི།། རྒྱུ་རྟག་འབྲས་བུ་འགྱུར་བར་ལྟ།། རྒྱུ་ནི་རྟག་པ་ཐེར་ཟུག་ལ།། འབྲས་བུ་གནས་སྐབས་འགྱུར་བའོ།། དེ་ཡང་ཡི་གེ་ས་ལ་རྫོགས།། ཆད་པར་ལྟ་བའི་གྲུབ་མཐའ་ནི།། རྒྱུ་ནི་ཆུ་ཡི་ལྦུ་བ་བཞིན།། གློ ་བུར་དག་ཏུ་འདོད་པ་ལ། འབྲས་བུ་སྟོང་པ་བྱང་ཆད་དོ།། འཇིག་རྟེན་རྐྱང་པར་ལྟ་བ་སྟེ།། ད་ལྟའི་ལུས་འདི་བོར་ནས་ནི།། ལུས་ནི་འབྱུང་བའི་བག་ལ་ཞ།། སེམས་ནི་ནམ་མཁའི་བག་ལ་ཞ།། ཅང་མེད་སྟོང་པ་ཕྱང ་ཆད་དོ།། དེ་ཡང་ཡི་གེ་ད་ལ་རྫོགས།། ལྷ་མིའི་ཐེག་པ་ཕྱེད་ལྟའོ།། ཡང་དག་ལྟ་བ་ལ་ཡང་རྣམ་གཉིས་སོ།། དེ་ཡང་ཡི་གེ་གཉིས་ལ་འདུས།། ཡི་གེ་གཉིས་པོ་གང་ཞེ་ན།། ཡི་གེ་མ་དང་ཨཱིཾ་ལ་འདུས།། རྒྱུ་ཡི་ཐེག་པ ་དག་དང་ནི།། གསང་སྔགས་རྡོ་རྗེའི་ཐེག་པའོ།། མཚན་ཉིད་ལ་ཡང་རྣམ་གསུམ་སྟེ།། དེ་ཡང་ཡི་གེ་རྣམ་པ་གསུམ།། ཡི་གེ་བ་དང་ཅ་དང་ནི།། ཡི་གེ་ཝ་ལ་རྫོགས་པའོ།། ཉན་ཐོས་པ་ཡི་གྲུབ་མཐའ་ནི།། འཇུག་པའི ་སྒོ་ནི་བདེན་བཞིའོ།། བསྲུང་བའི་ཚུལ་ཁྲིམས་ཉིས་བརྒྱ་ལྔ་བཅུ་ཡིས།། ལོག་པའི་ལྟ་བ་དག་ལས་ཡང་དག་འཕགས། རྟོགས་པའི་ལྟ་བ་གང་ཟག་བདག་མེད་ཆོས་ལ་བདག་ནི་ཡོད་པར་འདོད། བདེན་བཞི་སྡུག་བསྔལ ་ཀུན་འབྱུང་འགོག་པ་ལམ་བདེན་བསྒོམས་པས་འབྲས་བུ་རྣམ་བཞི་ལན་ཅིག་ཕྱིར་འོང་བ། ཕྱིར་མི་འོང་བ། དགྲ་བཅོམ་པ། རང་བྱུང་བ། ཐོབ།། སྡུག་བསྔལ་སྤང་བར་འདོད་ཅིང་འགོག་པ་བསྒྲུབ་པར་འདོད།། ཀུན་འབྱུང་སྤང་བར་འདོད ་ཅིང་ལམ་ལ་མངོན་པར་གནས།། ཉོན་མོངས་སྤངས་ཤིང་ས་ལམ་བསྒྲུབ་པར་འདོད།། དེ་ལ་རྣམ་པ་གཉིས་སུ་སྟེ།། བྱེ་བྲག་པ་དང་མདོ་སྡེ་པ།། བྱེ་བྲག་པ་ཡི་ལྟ་བ་ནི།། ཕུང་པོ་ཁམས་དང་སྐྱེ་མཆེད་ལ།། གཡག ་རྔརྫརྔ་ནེའུ་གསིང་ཚུལ་དུ་འདོད།། མདོ་སྡེ་པ་ཡི་ལྟ་བ་ནི།། ཁ་ཏོན་བྱས་པའི་རང་བཞིན་དང་།། ཐོས་བསམ་བྱས་པའི་རང་བཞིན་གྱིས།། ས་བརྒྱད་འབྲས་བུ་ཐོབ་པར་འདོད།། རང་རྒྱལ་མདོ་སྡེའི་ཐེག་པ་ནི།། འཇུག ་པའི་སྒོ་ནི་རྟེན་འབྲེལ་བཅུ་གཉིས་ལ།། རྟོགས་པའི་ལྟ་བ་ཆོས་ཀྱི་ཁམས།། གཅིག་ཡི་གེ་གི་ཕྱོགས་ལ་བདག་མེད་བལྟ་བས་འཕགས།། འདོད་ཆགས་གཉེན་པོར་མི་སྡུག་རྣམ་བརྒྱད་བསྒོམ།། དཔེར་ན་དུར་ཁྲོད་རོ། ་བཞིན་ནོ།། བྱང་ཆུབ་སེམས་དཔའི་ཐེག་པ་ནི།། འཁྲུལ་གཞི་རྣམ་པར་བརྩི་བ་ནི།། རང་རིག་རང་གསལ་རྣམ་སེམས་ཙམས་པ། པའོ།། སྟོང་ཉིད་རང་བཞིན་མེད་པར་བལྟ། དབུ་མ་པ།། སྟོང་ཉིད་མ་འགགས་སོ་སོར ་གསལ་བས་འཕགས།། བདེན་གཉིས་ཚུལ་གྱི་རྣམ་པ་ཅན།། དོན་དམ་དང་ནི་ཀུན་རྫོབ་བོ།། སྟོང་པ་ཕྱང་ཆད་མ་ཡིན་ཏེ།། སྟོང་པ་ཁད་ཀྱིས་གསལ་བར་བསྒོམ།། སྟོང་པའི་མུ་ལ་མི་གནས་ཚིག་གིས་མཚོན་དུ ་མེད།། རྡོ་རྗེ་ཐེག་པ་རྣམ་གཉིས་པོ།། ཕྱི་པ་ཐུབ་པའི་རྒྱུད་ཀྱི་ཐེག་པ་དང་།། ནང་པ་ཐབས་ཀྱི་རྒྱུད་དུ་གསུངས།། དེ་ཡང་ཡི་གེ་རྣམ་པ་གཉིས།། ཤ་དངའ་ལ་འདུས་པའོ།། ཕྱི་མ་ལ་ཡང་རྣམ་གསུམ་མོ།། ཀྲི་ཡ་ཨུ་པ ་ཡོ་ག་གསུམ།། དེ་ཡང་ཡི་གེ་གསུམ་དུ་འདུས།། ཡི་གེ་གསུམ་པོ་གང་ཞེ་ན།། ཡི་གེ་ཧ་དང་ཧེ་དང་ནི།། ཀ་ལ་ཡང་དག་རྫོགས་པའོ།། ཀྲྀ་ཡའི་ཐེག་པའི་གྲུབ་མཐའ་ནི།། འཇུག་པའི་སྒོ་ནི་དག་པ ་གསུམ།། ཁྲུས་དང་གཙང་སྒྲས་འཇུག་པ་ལ།། ལྷ་ཡི་དཀྱིལ་འཁོར་གསལ་བས་འཕགས།། ལྷ་སྤྱོད་གཉིས་མེད་ལྷ་དང་རྗེ་ཁོལ་བལྟ།། བསྲུང་བའི་དམ་ཚིག་གང་ཞེ་ན།། ལུང་གཅིག་ཆུ་ལ་མི་འཐུང་བསྲུང་།། རྟོགས ་པའི་ལྟ་བ་གང་ཞེ་ན།། ལྷ་དང་བརྗོད་མེད་ཐིམ་པར་རྟོགས།། འབྲས་བུ་བཅུ་གཅིག་ཀུན་ཏུ་འོད་ཀྱི་ས་ལ་འགྱུར་མེད་གནས་པར་རྟོགས།། ཨུ་པ་ཡ་ནི་གང་ཞེ་ན།། སྤྱོད་པ་ཀྲི་ཡ་ལྟ་བུར་སྤྱོད།། ལྟ་བ་ཡོ་གར་བལྟ་བས ་འཕགས།། དེ་ཕྱིར་གཉིས་མེད་རྒྱུད་ཀྱིས་ཐེག་པ་ཞེས་ཀྱང་གྲགས།། ཡོ་གའི་གྲུབ་མཐའ་གང་ཞེ་ན།། འཇུག་པའི་སྒོ་ནི་མངོན་པར་བྱང་ཆུབ་ལྔ།། རྟོགས་པའི་ལྟ་བ་ལྷ་དང་གཉིས་མེད་རྟོགས།། བསྲུང་བའི་དམ་ཚིག ་གང་ཞེ་ན།། མ་ཁྲེལ་རྣམ་པ་གསུམ་པོ་བསྲུང་།། མ་ཁྲེལ་རྣམ་གསུམ་གང་ཞེ་ན།། སློབ་དཔོན་མཆེད་ཀྱིས་མ་ཁྲེལ་དང་།། ཡི་དམ་ལྷ་ཡིས་མ་ཁྲེལ་དང་།། རང་གི་སེམས་ཀྱིས་མ་ཁྲེལ་བའོ།། བྱང་ཆུབ་ལྔ་པོ་གང་ཞེ ་ན།། གདན་གྱི་སྒོ་ནས་བྱང་ཆུབ་དང་།། སྐུ་ཡི་སྒོ་ནས་བྱང་ཆུབ་དང་།། གསུང་གི་སྒོ་ནས་བྱང་ཆུབ་དང་།། ཐུགས་ཀྱི་སྒོ་ནས་བྱང་ཆུབ་དང་།། བསྐྱེད་པའི་སྒོ་ནས་མངོན་པར་བྱང་ཆུབ་པའོ།། དེ་དང་འདུ་འབྲལ་མེད ་པ་རྟོགས་པའི་དོན་གྱིས་འཕགས།། གཉིས་མེད་ངང་ལས་ལྷ་ཡི་ཆོ་འཕྲུལ་བྱུང་།། ནང་པའི་རྒྱུད་ལ་རྣམ་གསུམ་སྟེ།། དེ་ཡང་ཡི་གེ་རྣམ་གསུམ་མོ།། ཨོཾ་དང་ཨཱཿཧཱུཾ་ལ་རྫོགས།། མ་ཧཱ་ཡོ་གའི་ཐེག་པ་ནི།། འཇུག་པའི་སྒོ ་ནི་ཏིང་འཛིན་རྣམ་གསུམ་སྟེ།། ཆོས་ཅན་ལྷ་ཡི་དཀྱིལ་འཁོར་དག་ཏུ་རྟོགས་པས་འཕགས།། བསྲུང་བའི་དམ་ཚིག་རྩ་བ་སྐུ་གསུང་ཐུགས།། ཏིང་ངེ་འཛིན་ནི་རྣམ་གསུམ་གང་ཞེ་ན།། དེ་བཞིན་ཉིད་ཀྱི་ཏིང་འཛིན ་ནི།། ཡེ་ཤེས་སྟོང་ཉིད་བརྡལ་བར་བསྒོམ།། ཀུན་ཏུ་སྣང་བའི་ཏིང་འཛིན་ནི།། སྙིང་རྗེ་གསལ་ལ་མ་ཡེངས་བསྒོམ།། རྒྱུ་ཡི་ཏིང་འཛིན་ཧཱུཾ་གིས་བསྒོམ།། དེ་ཡང་སེམས་དཔའ་སུམ་བརྩེགས་བསྒོམ།། སྐུ་གསུང་ཐུགས ་ཀྱི་དམ་ཚིག་ནི།། སྐུ་ཡི་སྒོ་ནས་མ་བྱིན་ལེན་དང་སྲོག་གཅོད་སྤང་བར་བྱ།། གསུང་གི་སྒོ་ནས་རྫུན་དང་ཕྲ་མ་ཞེ་གཅོད་ཚིག་མི་སྨྲ།། གསང་སྒོ་འཆོལ་བར་མི་སྤྱད་གསང་སྔགས་ཐབས་ཀྱིས་བཙའ།། ཐུགས་ཀྱི་སྒོ་ནས ་བརྣབ་སེམས་གནོད་སེམས་ལོག་ལྟ་སྤང་བར་བྱ།། རྡོ་རྗེ་སློབ་དཔོན་ཐུགས་ཀྱང་དཀྲུག་མི་བྱ།། མཆེད་དང་ལྕམ་དྲལ་སུན་མི་ཕྱུང་།། ཐབས་དང་ཤེས་རབ་འདུ་འབྲལ་མེད་པར་འཁྱེར།། བཅོ་ལྔ་རྡོ་རྗེ་འཛིན་པའི་ས ་ལ་འབྲས་བུ་ཐོབ།། དཔེར་ན་ས་གཞི་ལྟ་བུའོ།། ལུང་ཆེན་ཨ་ནུ་ཡོ་གའི་གྲུབ་མཐའ་ནི།། འཇུག་པའི་སྒོ་ནི་ཅིག་ཆར་རིམ་གྱིས་སོ།། རྟོགས་པའི་ལྟ་བ་འདུ་འབྲལ་མེད་པས་འཕགས།། བསྲུང་བའི་དམ་ཚིག་རྣམ ་གཉིས་རིམ་གྱིས་བསྲུང་།། ཅིག་ཆར་འཇུག་པ་གང་ཞེ་ན།། སྙིང་པོ་དྲན་པས་ལྷ་རྣམས་མ་བསྐྱེད་རྫོགས།། དབེན་ན་ཆུ་ལ་ཆུ་བུར་རྡོལ་བའི་ཚུལ་དུའོ།། རིམ་གྱིས་འཇུག་པ་གང་ཞེ་ན།། དབྱིངས་དང་ཡེ ་ཤེས་རིམ་གྱིས་ཞུགས་ནས་ནི།། འབྲས་བུ་བཅུ་དྲུག་ས་ལ་གནས།། དམ་ཚིག་རྣམ་གཉིས་གང་ཞེ་ན།། གསང་སྔགས་དོན་རྟོགས་རྟག་ཏུ་བཀུར་བར་བྱ།། ཁམས་གསུམ་སེམས་ཅན་སྙིང་རྗེའི་རྒྱུན་ཟག་གཅད་མི ་བྱ།། འཁོར་བའི་རྒྱ་མཚོ་དཔག་ཏུ་མེད་པ་ནས།། མ་རྙེད་ནོར་བུ་རིན་ཆེན་སྟེར་མཛད་པ།། རྡོ་རྗེ་སློབ་དཔོན་རྟག་ཏུ་བཀུར་བར་བྱ།། དཔེར་ན་ཡིད་བཞིན་ནམ་མཁའ་ལྟ་བུའོ།། ཞེས་རྡོ་རྗེ་འཆང་ཉིད་ཀྱིས་བཀའ ་སྩལ་ཏོ།། ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་ཐེག་ཆེན་བདག། ཐེག་པ་བརྒྱད་ཀྱི་གྲུབ་མཐའ་དེ་ལྟར་ན།། ཨ་ཏིའི་ཐེག་པ་གསུང་དུ་གསོལ།། ཞེས་ཞུས་པས།། རྡོ་རྗེ་འཛིན་གྱིས་བཀའ་སྩལ ་པ།། དྲི་བ་དྲིས་པ་དེ་ལེགས་སོ།། ང་ཡིས་ཁྱོད་ལ་བསྟན་པར་བྱ།། མ་ཡེངས་གུས་པའི་སེམས་ཀྱིས་ཉོན།། རྫོགས་ཆེན་ཨ་ཏིའི་གྲུབ་མཐའ་ནི།། གཅིག་རྫོགས་ཀུན་རྫོགས་ཐ་སྙད་ཀུན་དང་བྲལ།། དམ་ཚིག་བསྲུང ་དུ་མེད་པའི་ཕྱལ་པ་ལྷུན་གྲུབ་གཅིག་པུ་ཉིད།། གཏིང་དཔག་དཀའ་ལ་བརྗོད་པའི་ཐ་སྙད་ཀུན་དང་བྲལ།། འགྱུར་བ་མེད་པས་དྲན་པར་ཀུན་ལ་ཁྱབ།། དུ་མར་མེད་ལ་ཉག་གཅིག་དགོངས་པའི་མཆོག། ཀུན་བྲལ ་ཉག་གཅིག་ཅིར་ཡང་མེད་པའི་འོད་གསལ་བདེ་བའི་སྐུ།། ཞེས་གསུངས་སོ།། ཡང་ཞུས་པ།། ཀྱེ་མ་ཐུགས་རྗེའི་བདག་པོ། བསྐྱེད་རྫོགས་རྣམ་པ་གསུམ་གྱི་དོན་གསུང་དུ་གསོལ།། ཞེས་ཞུས་སོ། ཡང་བཀའ་སྩལ་པ།། ་ཀྱེཀྱི་རྡོ་རྗེ་འཛིན་པ་ཉོན་ཅིག། ང་འདས་པའི་འོག་ཏུ་མ་འོངས་པའི་སེམས་ཅན་རྣམས་ལ་འདི་སྐད་སྟོན་ཅིག། བསྐྱེད་པ་མ་ཧཱ་ཡོ་ག་ནི། ཆོས་ཐམས་ཀྱི་གཞི་ལྟ་བུའོ།། རྫོགས་པ་ཨ་ནུ་ཡོ་ག་ནི་ཆོས་ཐམས་ཅད་ཀྱི་ལམ་ལྟ ་བུའོ།། རྫོགས་པ་ཆེན་པོ་ཨ་ཏི་ཡོ་ག་ནི་ཆོས་ཐམས་ཅད་ཀྱི་འབྲས་བུ་ལྟ་བུའོ།། དེའི་ཕྱིར་ན་བསྐྱེད་རྫོགས་རྣམ་གསུམ་འདུ་འབྲལ་མེད་པའི་དོན་ཡི་གེ་གསུམ་གྱིས་ཤེས་པར་བྱ་སྟེ། དེ་ཡང་གང་ཞེ་ན། ཨོཾ་ཨཱཿཧཱུཾ ་གསུམ་གྱིས་ཤེས་པར་བྱའོ།། དེའི་ཕྱིར་ན་ངས་གསལ་བར་བསྟན་གྱིས་ཡིད་ལ་ཟུང་ཞིག། སྐྱེ་འགག་མེད་པའི་ཨཽ་ནི་རང་ལ་ཡོད།། སྐྱེ་ཤི་མེད་པའི་ཨཱཿནི་བདག་ལ་མཆིས།། འདུ་འབྲལ་མེད་པའི་ཧཱུཾ་གཅིག་བདག་ལ ་མཆིས།། ཡི་གེ་མེད་པའི་རྒྱུད་གཅིག་བདག་ལ་མཆིས།། བསྟན་དུ་མེད་པའི་ལུང་གཅིག་བདག་ལ་མཆིས།། རང་རིག་ཁ་འབྱེད་མན་ངག་བདག་ལ་མཆིས།། ཡེ་ཤེས་སྙིང་པོ་སྒྲོན་མ་འོད་པོ་ཆེ། ཞེས་ཐེག་པ་དྲུག་གི ་དོན་ཐེག་པ་གསུམ་དུ་ཤེས་པར་བྱའོ།། ཡི་གེ་དྲུག་གི་དོན་ཡི་གེ་གསུམ་དུ་ཤེས་པར་བྱའོ།། མ་འོངས་པའི་སེམས་ཅན་རྣམས་ལ་བསྐྱེད་རྫོགས་རྣམ་གསུམ་གྱི་དོན་གྱིས་རྒྱུད་གྲོལ་བར་གྱིས་ཤིག། སེམས་ཅན་ཐམས ་ཅད་རང་ལ་ཡི་གེ་འབྲུ་གསུམ་དུ་གནས་པར་གྱིས་ཤིག། དེ་ཡི་ཕྱིར་ན་བསྒྲུབ་པ་མ་ཧཱ་ཡོ་ག་ས་གཞི་དང་སྦྱར་ཏེ་བཤད། ལུང་ཨ་ནུ་ཡོ་ག་ནམ་མཁའ་དང་སྦྱར་ཏེ་བཤད། མན་ངག་རྫོགས་པ་ཆེན་པོ་ཉི ་ཟླ་དང་སྦྱར་ཏེ་བཤད་དོ།། དོན་གྱི་སྙིང་པོ་གཏད་ལ་འབེབས་པ་རྒྱུད་འདིས་ཤེས་པར་བྱའོ།། ཞེས་དྲུག་པ་རྡོ་རྗེ་འཆང་ཆེན་པོས་གསང་བའི་བདག་པོ་ལ་ཐེག་པའི་དོན་བཀྲོལ་ཏེ་བསྟན་པའོ།། ཞེས་རྒྱུད་ཐམས་ཅད ་ཀྱི་རྒྱལ་པོ་གསང་བ་ཞལ་ཐོན་ཏུ་བསྟན་པའི་རྒྱུད་རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ཆེན་པོ་ལས། ཐེག་པའི་རིམ་པ་ལྟ་བ་བསྡུས་ཏེ་བསྟན་པའི་ལེའུ་སྟེ་གཉིས་པའོ།། །། དེ་ནས་ཡང་གསང་བའི ་བདག་པོས་ཞུ་བ་ཞུས་པ། བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། བཅོམ་ལྡན་འདས་མྱ་ངན་ལས་འདས་པའི་འོག་ཏུ། སེམས་ཅན་ཐམས་ཅད་ལ་ཇི་སྐད་བསྟན་པར་བགྱི། ཞེས་ཞུས་སོ།། ཁྲོ་བོའི་རྒྱལ་པོ ་ཇིགས་པའི་གཟུགས་ཅན་གྱིས་བཀའ་སྩལ་བ།། ཨེ་མ་ཧོ།། དོན་ཆེན་པོ་ངས་བཤད་ཀྱི། རྡོ་རྗེ་འཛིན་པ་ལེགས་པར་ཉོན། ཁམས་གསུམ་གྱི་སེམས་ཅན་འདི་དག་ཐམས་ཅད་ནི། དང་པོ་གཞི་ཅི་ཡང་མ་ཡིན་པ ་ལས་ཅིར་ཡང་འཁྲུལ་ལོ།། གཞི་དེ་ངོ་བོ་སྟོང་པ། རང་བཞིན་གྱིས་གསལ་བ། ཐུགས་རྗེ་སེམས་ཅན་ལ་སྣང་ནུས་པའོ།། དེ་ནས་ནང་འཛིན་བྱེད་ཀྱི་ཤེས་པ་མ་རིག་པའི་ཆ་ལས་བྱུང་བ་བྲེང་ཙམ་འགྱུས་པ་ལས། ཤེས ་པ་སྤུན་པོས་ཕ་གི་ལས་ང་བྱུང་ངམ། ང་ལས་ཕ་གི་བྱུང་སྙམ་པའི་ཤེས་པ་བྱུང་བ་ཙམ་གྱིས་འཁྲུལ་ལོ།། མ་རིག་པ་དེ་གཞི་ལ་མེད་དེ། ཉམས་སམ་རྨི་ལམ་རྣམ་པ་ལ་ཡོད་དོ།། སྣང་བ་རྣམ་པ་ལས་ཀྱང་བྱུང་ལས་རྐྱེན་རྣམས ་བྱུང་ངོ་།། གཞི་དེ་འོད་ཁྱིམ་གྱིས་ཚུལ་དུ་གནས་པ་ལས། རྒྱུའི་རྐྱེན་ཞེས་བྱ་སྟེ་མ་རིག་པ་དངོས་སོ།། དེ་ལ་རྟོག་དཔྱོད་དུ་སོང་བས་བདག་པོའི་རྐྱེན་ཞེས་བྱའོ།། དེ་ལ་ཡུལ་ཡུལ་ཅན་དུ་བཟུང་བས། དམིགས་པའི་རྐྱེན ་ཞེས་བྱ་སྟེ། དཔེར་ན་མེ་ལོང་ལ་སྐྱེས་བུའི་བྱད་བསྟན་པ་ལྟ་བུའོ།། དེ་གསུམ་དུས་མཚུངས་པས་མཚུངས་པ་དེ་མ་ཟག་པའི་རྐྱེན་ཞེས་བྱའོ།། དེ་རང་གི་གཞི་ཡིན་པ་ལ་རང་གིས་ངོ་མ་ཤེས་ཏེ། འཁྲུལ་ནས་ཁམས ་གསུམ་འཁོར་བ་གྲུབ་བོ།། དེ་ནས་ཉོན་མོངས་པ་རགས་སུ་སོང་ནས། སེམས་ཅན་གྱི་གཟུགས་ཐ་དད་དུ་བྱུང་ངོ་།། གཞི་དེ་ལྟ་བུ་ལས་འཁྲུལ་ལོ།། ཞེས་གསུངས་སོ།། དེ་ནས་མཁའ་འགྲོ་མའི་ཚོགས་ནག་མོ་སྙིང ་ཟན་མ་དང་། རོ་ཟ་ཙརྟྟི་དང་། ཐོད་པའི་ཕྲེང་བ་ཅན་དང་། རྨ་བྱའི་མགྲིན་པ་ཅན། སྙིང་ཁྲག་འཇིབ་མ་ལ་སོགས་ཏེ་ནམ་མཁའ་གང་བའི་མ་མོའི་ཚོགས་རྣམས་ཀྱིས་ཐབས་ཅིག་ཏུ་འདི་སྐད་ཅེས་གསོལ་ཏོ།། གཞིའི ་རྣམ་པ་དེ་ལྟར་ལགས་ན། སེམས་ཅན་རྣམས་ལ་གཞི་བདེ་བར་གཤེགས་པའི་སྙིང་པོའི་དོན་ཅི་ལྟར་གནས་ཞེས་ཞུས་སོ།། ཡང་བཀའ་སྩལ་པ། ཨེ་མ་ཧོ།། ཀློང་བདག་ཆེན་མོ་རྣམས་ཉོན་ཅིག། འཇིག་རྟེན་ཁམས་ཀྱི ་སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་རང་ཆས་སུ་ཡོད་དོ།། དེ་ཡང་ཏིལ་འབྲུ་ལ་མར་གྱིས་ཁྱབ་པ་བཞིན་དུ་གནས་སོ།། དེ་ཡང་རྟེན་ནི་གཟུགས་ཀྱི་ཕུང་པོ་ལ་བརྟེན་ནོ།། གནས ་ནི་སྙིང་གི་དཀྱིལ་ན་གནས་ཏེ། དེ་ཡང་ཀུན་ཏུ་བཟང་པོ་གའུ་ཁ་སྦྱོར་གྱི་དགོངས་པ་ཞེས་བྱ་སྟེ། དཔེར་ན་བསེའི་གའུ་ཁ་སྦྱར་བ་བཞིན་དུ་གནས་པའི་ནང་ན་འོད་ཁ་དོག་ལྔའི་དཀྱིལ་ནས། ཞི་བའི་སྐུ་ཡུངས་འབྲུ་ཙམ ་ལ་འོད་ཁྱིམ་གྱིས་ཚུལ་དུ་གནས་སོ།། དེ་ནི་རིག་པའི་གནས་སོ།། དཔེར་ན་བུམ་པའི་སྐུ་ལྟ་བུའོ།། དེ་ལས་བྱུང་བའི་ཡེ་ཤེས་ནི། གནས་པ་ཀླད་པའི་དུང་ཁང་གི་ནང་ན་གནས་སོ།། དེ་ཡང་ཁྲོ་བོའི་སྐུ་ཡུངས་འབྲུ་ཙམ ་ལ་སྤྱན་ཕུལ་ཐག་ཙམ་དུ་གནས་སོ།། དེ་ཡང་འོད་ཟེར་གྱི་ཚུལ་དུ་གནས་སོ།། དེ་ལས་བྱུང་བའི་འོད་ནི་མེ་ལོང་གི་དཀྱིལ་འཁོར་ལྟར་གསལ་ལ་དངས་པའམ། དཔེར་ན་ཉའི་མིག་ལྟར་འོད་ཟེར་དུ་གནས་སོ།། དེ་དང ་རིག་པའི་འབྲེལ་པ་ནི་སྙིང་གི་རྩེ་ནས་ཡར་ལ་རྩ་དར་དཀར་གྱི་སྣལ་མ་ཙམ་སྐལ་ཚིགས་ཀྱི་འདབ་ནས་ཡར་ཡོད་དེ། དེ་ནས་ལམ་དུ་ཕྱུང་ནས་མགོའི་ནང་དུ་འཇུག་གོ། རྩ་དེ་ཡང་རྩེའུ་ཆུང་གིས་གཡས་ནས་ཐོན་ནས ་ཀླད་པ་དང་འབྲེལ་ལོ།། དེ་ཡང་རྣ་བའི་འདབ་གཡས་གཡོན་ནས་ཐོན་ནས་མིག་དང་འབྲེལ་ལོ།། དེ་ཡང་ནམ་མཁའ་ལ་མིག་བཟློག་སྟེ་རྩ་གཙུན་ན། ཡེ་ཤེས་ཀྱི་སྣང་བ་ཤར་ནས་ནམ་མཁའ་གང་བར་འགྱུར་རོ།། རྩའི ་གཙུན་ཐབས་ནི་འགྲེལ་པ་ལས་ཤེས་པར་བྱའོ།། དེ་ནས་ཡང་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཨེ་མ་ཧོ།། སེམས་ཅན་རྣམས་ལ་དོན་དེ་ལྟར་གནས་པ་ངོ་མཚར་ཆེའོ།། བདེ་བར་གཤེགས་པའི་གནས ་ལུགས་དེ་ལྟར་ལགས་ན། སེམས་ཅན་རྣམས་ལ་མ་རིག་པའི་གནས་ལུགས་ཅི་ལྟར་ལགས། ཞེས་ཞུས་སོ།། ཡང་ཁྲོ་བོའི་རྒྱལ་པོས་བཀའ་སྩལ་པ། ཀྱེ་འབྱུང་བའི་བདག་མོ་རྣམས་ཉོན་ཅིག། ལེགས་པར་ཡིད་ལ ་ཟུང་ཞིག། དོན་ཐུགས་སུ་ཆུད་པར་གྱིས་ཤིག། ཀྱེ་འགྲོ་བ་སྲོག་གིས་བསྡུས་པའི་སེམས་ཅན་རྣམས་ལ། ཉོན་མོངས་པ་མ་རིག་པ་ཞེས་བྱ་བ་ཤས་ཆེ་བར་གནས་སོ།། དེ་ཡང་རྟེན་གཟུགས་ཀྱི་ཕུང་པོ་ལ་བརྟེན་ནས ་གནས་སྙིང་དང་གློ་བའི་བར་ན་གནས་སོ།། དེ་ཡང་མ་རིག་པ་རྐྱང་པར་མེད་དེ་སེམས་ཞེས་བྱ་བ་བག་ཆགས་ཐམས་ཅད་སྡུད་པའི་གཞིར་གནས་སོ།། དེ་ལ་ཡིད་ཅེས་བྱ་བ་ཡུལ་རྟོག་པ་དང་ལྷན་ཅིག་ཏུ་གནས ་སོ།། དེ་གསུམ་གཅིག་ཏུ་འདུས་པ་ལས་མ་རིག་པ་ཞེས་བྱ་སྟེ། འཁོར་བར་འཁོར་རོ།། དེ་ལ་དུག་ལྔ་ཁོང་ཁྲོ་དང་དྲུག་བྱུང་ངོ་།། དེ་ནས་ཉོན་མོངས་པ་སྟོང་ཕྲག་བརྒྱད་ཅུ་བྱུང་ངོ་།། དེ་རྣམས་ལམ་གང་ནས་བྱུང་ཞེ་ན། ་གློ་བ་དང་སྙིང་དུ་འབྲེལ་པའི་བར་ན། རྩ་སྲོག་རྩ་དམར་པོ་ཞེས་བྱ་སོག་མའི་སྦུ་གུ་ཙམ་གྱིས་ནང་ནས་ཡར་རྒྱུ་སྟེ། དེ་སྐལ་ཚིགས་ཀྱི་འདབ་ནས་ཡར་རྒྱུའོ།། དེ་ཡང་རྩེའུ་ཆུང་གཡོན་པ་དང་འབྲེལ་ལོ།། དེ་རྣམས ་དབུགས་ཀྱི་རྟ་ལ་ཞོན་ནས་རྒྱུའོ།། དེ་ཁ་དང་སྣ་ནས་རྒྱུ་སྟེ། དེ་ལས་ཉོན་མོངས་པ་སྣ་ཚོགས་འབྱུང་ངོ་།། དེ་རྣམས་ཀྱི་དབང་དུ་མ་གྱུར་པའི་རིག་པ་ནི། རིག་པ་ནམ་མཁའ་ལ་བརྡལ་བར་བྱའོ།། བར ་སྣང་གི་ཁམས་ལ་ཡེ་ཤེས་ངོས་བཟུང་ངོ་།། དེ་བཞིན་དུ་མ་འོངས་པའི་སེམས་ཅན་ལ་བྱོས་ཤིག། ཅེས་བཀའ་སྩལ་ཏོ།། དེ་ནས་མཁའ་འགྲོ་མ་རྣམས་ངོ་མཚར་མཆོག་ཏུ་གྱུར་ནས། ཨེ་མ་ཧོ། ཀློང་ཡངས་སོ།། སངས ་རྒྱས་ཀྱི་སྐུ་སེམས་ཅན་ལ་བྱུང་བ་ངོ་མཚར་ཆེའོ།། ཨེ་མ་ཧོ།། ཀློང་གཅིག་ཏུ་འདུས་སོ།། ཨ་ལ་ལ་ཧོ།། དོན་སྲིད་ཆེན་པོ་རྙེད་དོ།། ཞེས་བརྗོད་ནས་མི་སྣང་བའི་ངང་དུ་གཤེགས་སོ།། དེ་ནས་ཡང་གསང་བའི་བདག ་པོ་བཛྲ་པཱ་ཎི་དང་། གནོད་སྦྱིན་གྱི་ཚོགས་བསམ་གྱིས་མི་ཁྱབ་པ་དང་། ཀླུའི་རིགས་བསམ་གྱིས་མི་ཁྱབ་པའི་འཁོར་དང་བཅས་ཏེ། ཁྲོ་བོའི་རྒྱལ་པོ་ལ་ལན་གསུམ་བསྐོར་བ་བྱས་ཏེ། འདི་སྐད་ཅེས་གསོལ་ཏོ།། བཛྲ ་པཱ་ཎི་དྷ་སྭ་རྟ་ནི་གྷ་མ་བྷ་བ་ཁ་ཚ་བྷ་ཨཱིཾ་ཨཱིཾ། ཞེས་བརྗོད་ནས་ཡང་ཞུས་པ། ཨེ་མ་ཧོ།། ཀྱེ་ཐུགས་རྗེ་ཆེན་པོ་དོན་གྱི་སྙིང་པོ་དེ་ལྟར་ལགས་ན།། སེམས་ཅན་དབང་པོ་འགགས་པ་ལ། ཇི་ལྟར་འཆར་ལུགས་བསྟན་དུ ་གསོལ། ཞེས་ཞུས་པས། སྟོབས་ཀྱི་རྒྱལ་པོས་བཀའ་སྩལ་པ། ཨེ་མ་ཧོ།། གནོད་སྦྱིན་གྱི་འཁོར་རྣམས་ཉོན་ཅིག། ང་མྱ་ངན་ལས་འདས་པའི་འོག་རོལ་ནས། སེམས་ཅན་བག་ཆགས་སད་པ་རྣམས་ལ་འདི་སྐད་སྟོན ་ཅིག། རིགས་ཀྱི་བུ་ཁྱོད་ཡོངས་སུ་མྱང་ངན་ལས་འདས་པའི་ཚེ། རིག་པ་གཞི་ནས་འཕགས་ཏེ་ལམ་དུ་འཇུག་པ་ངོ་ཤེས་པར་བྱ་བའི་ཆེད་དུ་དཔེ་དོན་རྟོགས་གསུམ་གྱིས་ངོ་སྤྲད་ལ་སོགས་ཏེ། ངོ་སྤྲོད་ཉི་ཤུ་རྩ་གཅིག ་ཤེས་པར་བྱའོ།། གངས་སམ་གཡའ་འམ་རྒྱ་མཚོ་ལས་བྱུང་བའི་མན་ཤེལ་དྲི་མ་མེད་པ་ཞིག་སྐར་ཁུང་གི་སྣང་བ་ལ་ཕྱར་ནས་བལྟས་ན་འོད་ཁ་དོག་ལྔ་ལྷུག་པར་འཆར་ཏེ། ངོ་སྤྲོད་བྱས་ནས་ཉམས་སུ་བླངས་པས། སྐུ་ཐམས་ཅད་ཁ ་དོག་ལྔ་དང་ལྡན་པར་འཆར་རོ།། དེ་ཡང་སེམས་ཅན་རང་རྒུད་པ་རྣམས་ལ་ངོ་སྤྲད་གསུམ་བྱས་ན་དོན་གྱི་ངོ་སྤྲོད་ཉམས་སུ་བླངས་ནས་རྟོགས་པའི་དོན་ལ་མཉམ་པར་བཞག་ན་འཁྲུལ་སྣང་དུ་དག་སྣང་འཆར། དག་སྣང་ལོངས་སྤྱོད་རྫོགས་པའི་སྒྲ་ཁ་མིག་རྣ་བ་ཅན་དུ་འཆ ་རོ།། གང་ཞེ་ན། ཁ་དོག་མཐིང་ག་དང་དཀར་པོ་དང་། སེར་པོ་དང་། དམར་པོ་དང་། ལྗང་གུའོ།། མན་ཤེལ་གཅིག་རྗེས་སུ་འཇུག་པའི་གང་ཟག་དེའི་མིག་གཡས་པར་ལག་པ་གཡས་པས་བཟུང་སྟེ། མིག་གི་སྟེང་དུ ་བཞག་ན་སྣང་བ་མཐོང་བར་འགྱུར་རོ།། ལག་པ་གཡོན་པས་མིག་གཡོན་པ་དགབ་པར་བྱའོ།། དེ་ནི་དཔེའི་ངོ་སྤྲོད་དོ།། དོན་དེ་བཞིན་དུ་རང་གི་སྙིང་གི་དཀྱིལ་ན་གནས་སོ།། དེ་ནི་དོན་གྱི་ངོ་སྤྲོད་དོ།། རྟགས་ཀྱི་ངོ ་སྐྲོསྤྱོད་ནི་རང་གི་མཛུབ་མོས་མིག་མནན་ན། འོད་ཀྱི་ཐིག་ལེ་ཉའི་མིག་ལྟ་བུར་འཆར་རོ།། དེ་ནི་རྟགས་ཀྱི་ངོ་སྤྲོད་དོ།། ཆོས་ཀྱི་སྐུའི་ངོ་སྤྲོད་ནི་ཉི་མའི་དཀྱིལ་འཁོར་ལ་སྤྲད་དོ།། ལོངས་སྤྱོད་རྫོགས་པའི་སྐུའི་ངོ་སྤྲོད་ནི། ་དེ་བཞིན་གཤེགས་པའི་སྐུ་རས་ལ་བྲིས་པ་རང་གི་མདུན་དུ་བཞག་སྟེ། ཤེལ་མིག་གི་སྟེང་དུ་བཞག་ནས་མིག་ནམ་མཁའ་ལ་བལྟས་ན། ལོངས་སྤྱོད་རྫོགས་པའི་སྐུ་ཁ་མིག་རྣ་བ་ཅན་མཐོང་བར་འགྱུར ་རོ།། དེ་བཞིན་དུ་ལོངས་སྤྱོད་རྫོགས་པའི་སྐུའི་ཞིང་ཁམས་པར་མདོ་ལ་འཆར་བ་ངོ་ཤེས་པར་གྱིས་ཤིག། སྤྲུལ་པ་སྐུའི་ངོ་སྤྲོད་ནི། ཆོས་ཅན་མཚན་མར་སྣང་བ་རང་གི་རིག་པའི་ཆོ་འཕྲུལ་དུ་ཤེས་པར་གྱིས ་ཤིག། ཆོས་ཉིད་རང་གི་རིག་པ་འོད་ཟེར་གྱི་ཕུང་པོར་ངོ་ཤེས་པར་གྱིས་ཤིག། དེ་ནི་རྣམ་རྟོག་བག་ཆགས་ཀྱི་སྦུབས་འདི་ཉིད་མ་བོར་བ་ལ་ངོ་ཤེས་པར་གྱིས་ཤིག། དེ་ནི་སྤྲུལ་པ་སྐུའི་ངོ་སྤྲོད་དོ།། རྩའི་གཙུན་ཐབས ་ཀྱིས་སྣང་བ་རང་ལུགས་སུ་འཆར་བའི་ངོ་སྤྲོད་ནི། འཆི་བདུད་ཀྱི་སྒོ་ནས་ཡེ་ཤེས་ཀྱི་རླུང་འགྱུ་བའི་ལམ་གཉིས་གནས་པས། ལམ་དེ་གཉིས་རྩ་རྒྱུ་བའི་གྲོང་ཁྱེར་ན་ཡོད་པའི་བདུད་ཀྱི་སོ་བ་མིག་གཉིས་འགེག་ཏུ ་གཞུག་གོ། ལམ་དེ་གཉིས་བཀག་པས་མ་དག་འཁྲུལ་པའི་སྣང་བ་འདི་འགགས་སོ།། དེའི་ཚེ་དུས་མ་འགྱུར་བར་སྣང་བ་འགྱུར་རོ།། བློན་པོ་བཙོན་དུ་ཟིན་ནོ།། བློན་པོ་བཙོན་དུ་ཟིན་ནས། ཁྱི་རྐུན་སྒོར་ཕྱུང་ངོ་།། ཁྱི ་རྐུན་སྒོར་ཕྱུང་བས་རྒྱལ་པོ་གདན་ལ་བཞུགས་སོ།། རྒྱལ་པོ་གདན་ལ་བཞུགས་པས། ཡེ་ཤེས་རྟོག་མེད་དུ་གསལ་ལོ།། རྟོག་མེད་དུ་ངོས་ཟིན་པས་ཆོས་སྐུ་རང་ལུགས་སུ་གནས་སོ།། ཆོས་སྐུའི་ངང་ལ་བཞག་པས ་འཁྲུལ་སྣང་དག་སྣང་དུ་འཆར་རོ།། འཆར་སྒོ་གང་ནས་འཆར་ན། ནམ་མཁའི་མཐོངས་ཁུང་གི་སྒོ་ནས་འཆང་རོ།། དེ་ཡང་འཆར་ལུགས་གསུམ་དུ་འཆར་རོ།། སངས་རྒྱས་ཀྱི་ཞིང་ཁམས་རྣམ་པར་དག་པ་འཆར་བ ་དང་། ཞིང་ཁམས་དེའི་ཐིག་ལེ་དང་ཐིག་ཕྲན་དུ་འཆར་བ་དང་། ཚོམ་བུ་ལྟར་འཆར་བའོ།། ཚོམ་བུ་ལ་གཉིས་ཏེ། ཞིང་ཁམས་ཀྱི་ཚོམ་བུར་འཆར་བ་དང་། སྐུའི་ཚོམ་བུ་འཆར་བའོ།། སྐུའི་ཚོམ་བུ་འཆར་བ་ལ་གསུམ ་སྟེ། སྐུ་མང་ཉུང་ངུ་འཆར་བ་དང་། བཞུགས་ཚུལ་ཅི་ལྟར་བཞུགས་ནས་འཆར་བ་དང་། སྐུ་མདོག་ཅི་ལྟར་འཆར་བའོ།། ཞིང་ཁམས་ཚོམ་བུ་ནི་ལྔ་ལྡན་དུ་འཆར་རོ།། སྐུ་ཉུང་བར་འཆར་བ་ནི་རྣམ་སྣང་གཅིག་པུར་ཡང ་འཆར་རོ།། འོད་དཔག་མེད་གཅིག་པུར་ཡང་འཆར་རོ།། རིགས་ལྔ་འགྲེའོ།། མང་བར་འཆར་བ་ནི། རིགས་ལྔ་དུས་གཅིག་ལ་ཡང་འཆར་རོ།། ཡུམ་ལྔ་སྟེ་བཅུ་རུ་ཡང་འཆར་རོ།། བཅུ་གཅིག་བཅོ་ལྔ་ལ་སོགས་པར ་ཡང་འཆར་རོ།། བཞུགས་ཚུལ་ནི། ལོངས་སྐུ་ཁ་མིག་རྣ་བ་ཅན་མེ་ལོང་གི་གཟུགས་བརྙན་ལྟར་སྣང་ལ་རང་བཞིན་མེད་པ་ལ། ནམ་མཁའི་འཇའ་ཚོན་ལྟར་མ་འདྲེས་ཡོངས་སུ་རྫོགས་པས། མེ་ལོང་ལ་ཉི་མ་ཤར་བ ་ལྟར་གསལ་ལ་རྟོག་པ་མེད་པ། གདན་ཁྲི་དང་། དབུ་རྒྱན་དང་། ཕྱག་མཚན་དོ་ཤལ་ཐམས་ཅད་ལྡན་པའི་སྐུ་མཉམ་པ་སྐྱིལ་ཀྲུང་དུ་བཞུགས་ནས་འཆར་རོ།། སྐུ་མདོག་ཏུ་འཆར་བ་ནི། རྣམ་སྣང་ཡང་མཐིང་ག་ཁོ ་ནའི་བདག་ཉིད་དུ་མི་བཞུགས། རྡོ་རྗེ་སེམས་དཔའ་ཡང་སྐུ་མདོག་དཀར་པོའི་རང་བཞིན་དུ་མི་བཞུགས་པ་དེས་འགྲེ་བའི། རྣམ་སྣང་ཡང་། མཐིང་ག་དང་། དཀར་པོ་དང་། དམར་པོ་དང་། སེར་པོ ་དང་། ལྗང་གུ་སྟེ། ཁ་དོག་ལྔ་ལྡན་དུ་འཆར་རོ།། སེམས་ཅན་རང་རྒྱུད་པ་རྣམས་ལ་ངོ་སྤྱོད་གསུམ་བྱས་ན་དེ་བཞིན་དུ་འཆར་རོ།། ངོ་སྤྲོད་བྱས་ནས་དེའི་དོན་ཉམས་སུ་བླངས་པས་རྟོགས་པའི་དོན་ཡང་འཁྲུལ ་སྣང་ཐམས་ཅད་དག་སྣང་དུ་འཆར། དག་སྣང་ཐམས་ཅད་ལོངས་སྤྱོད་རྫོགས་པའི་སྐུ་ཁ་མིག་རྣ་བ་ཅན་གྱིས་གང་ནས་ངང་ལ་འཆར་རོ།། དེ་རྣམས་བདུན་པོ་ནི་འོད་ཀྱི་ངོ་སྤྲོད་ཅེས་བྱའོ།། ཡེ་ཤེས་ཀྱི་ངོ་སྤྱོད་གང་ཞེ ་ན། ཆོས་དབྱིངས་ཀྱི་ཡེ་ཤེས་ཀྱི་ངོ་སྤྲད་ནི་མཁར་གཞོང་གི་བཅུད་ལ་བརྟགས་པ་སྟེ་མཁར་གཞོང་ལེགས་པའི་ནང་དུ་ཆུ་དངས་མས་བཀང་སྟེ། མིག་གི་ཐོག་ཏུ་གསལ་བྱེད་ཀྱི་མེ་ལོང་བཞག་ན། ཐིག་ལེ་དང་ཐིག ་ཕྲན་གྱི་ཚུལ་དུ་འཆར་ཏེ། དེ་ལས་ཀྱང་འོད་ཟེར་མཚོན་ཆའི་རྩེ་མོ་བཞིན་དུ་འཕྲོའོ།། དེ་ནི་ཆོས་ཀྱི་དབྱིངས་ཀྱི་ཡེ་ཤེས་ཀྱི་ངོ་སྤྲོད་དོ།། མེ་ལོང་ལྟ་བུའི་ཡེ་ཤེས་ཀྱི་ངོ་སྤྲོད་གང་ཞེ་ན། མེ་ལོང་གཉིས་ཀྱི་བར་དུ་རྡུལ་ཚོན ་གྱིས་དཀྱིལ་འཁོར་བྲི་སྟེ། ཕར་འགྲམ་ཚུར་འགྲམ་གཉིས་སུ་མེ་ལོང་རེ་གཟུག་སྟེ། དེ་ལ་བལྟས་ན་སྣང་བ་གཉིས་འཆར་རོ།། དེ་ནི་མེ་ལོང་ལྟ་བུའི་ཡེ་ཤེས་ཀྱི་ངོ་སྤྱོད་དོ།། མཉམ་པ་ཉིད་ཀྱི་ཡེ་ཤེས་ཀྱི་ངོ་སྤྲོད་གང་ཞེ ་ན། ཆུའི་ཟླ་བ་ལ་ངོས་བཟུང་ངོ་།། དེ་ནི་མཉམ་པ་ཉིད་ཀྱི་ཡེ་ཤེས་ཀྱི་ངོ་སྤྲོད་དོ།། སོ་སོར་རྟོག་པའི་ཡེ་ཤེས་ཀྱི་ངོ་སྤྱོད་ནི། མར་མེ་ལ་ངོས་བཟུང་ངོ་།། དེ་ནི་སོ་སོར་རྟོག་པའི་ཡེ་ཤེས་ཀྱི་ངོ་སྤྱོད་དོ།། བྱ་བ་གྲུབ་པའི ་ཡེ་ཤེས་ཀྱི་ངོ་སྤྲོད་ནི། མན་ཤེལ་དྲི་མ་མེད་པ་ལ་ངོས་བཟུང་ངོ་།། དེ་ནི་བྱ་བ་གྲུབ་པའི་ཡེ་ཤེས་ཀྱི་ངོ་སྤྲོད་དོ།། མི་གནས་པའི་ཡེ་ཤེས་ཀྱི་ངོ་སྤྲོད་ནི། ནམ་མཁའི་ཁམས་ཀྱི་འཇའ་ཚོན་ལ་ངོས་བཟུང་ངོ་།། དེ་ནི་མི ་གནས་པའི་ཡེ་ཤེས་ཀྱི་ངོ་སྤྲོད་དོ།། ཡོངས་སུ་རྫོགས་པའི་ཡེ་ཤེས་ཀྱི་ངོ་སྤྲོད་ནི། ནམ་མཁའ་སྤྲིན་མེད་ལ་ངོས་བཟུང་ངོ་།། བདུན་པོ་དེ་ཡེ་ཤེས་ཀྱི་ངོ་སྤྲོད་དོ།། ད་ནི་རིག་པའི་ངོ་སྤྲོད་བསྟན་པ་ནི། རིག་པ་གཞོན་ནུ ་བུམ་པ་སྐུའི་ངོ་སྤྲོད་ནི། མི་གོས་དཀར་དམར་ཁ་དོག་སྣ་ཚོགས་གྱོན་པ་གཅིག་བདག་གི་མདུན་དུ་བཞག་ནས་མིག་གི་སྟེང་དུ་རིན་པོ་ཆེ་བཞག་སྟེ། མིག་ནམ་མཁའ་ལ་བཏེགས་ན། དེ་བཞིན་གཤེགས་པ་ཞི་བའི་སྐུ ་མཐོང་བར་འགྱུར་རོ།། དེ་ནི་རིག་པ་གཞོན་ནུ་བུམ་སྐུའི་ངོ་སྤྲོད་དོ།། རིག་པ་གཞོན་ནུ་དཔའ་བོ་སྟོབས་ལྡན་གྱི་ངོ་སྤྲོད་ནི། ཁྱིམ་མུན་པ་ནག་པོར་མི་གོས་ནག་པོ་གོན་པ་རང་གི་མདུན་དུ་བཞག་ནས། གོང་གི་ལྟར ་བལྟས་ན་དེ་བཞིན་གཤེགས་པ་ཁྲོ་བོའི་སྐུ་མཐོང་བར་འགྱུར་རོ།། དེ་ནི་རིག་པ་དཔའ་བོ་སྟོབས་ལྡན་གྱི་ངོ་སྤྱོད་དོ།། རིག་པ་གཞི་གནས་ཀྱི་ངོ་སྤྱོད་ནི། རྒྱ་མཚོ་དངས་པ་ལ་ངོས་བཟུང་ངོ་།། དེ་ནི་གཞི་གནས་ཀྱི་ངོ ་སྤྱོད་དོ།། རིག་པ་ཀུན་ཏུ་གསལ་བའི་ངོ་སྤྲོད་ནི། ཉི་མ་དང་ཟླ་བ་ལ་ངོས་བཟུང་ངོ་།། དེ་ནི་རིག་པ་ཀུན་ཏུ་གསལ་བའི་སྤྱོད་དོ།། རིག་པ་གཉིས་མེད་ཀྱི་ངོ་སྤྲོད་ནི། བུམ་པའི་སྐུ་ལ་ངོས་བཟུང་ངོ་།། དེ་ནི ་རིག་པ་གཉིས་མེད་ཀྱི་ངོ་སྤྲོད་དོ།། རིག་པ་དྲི་མ་དང་བཅས་པའི་ངོ་སྤྲོད་ནི།། ཉི་ཟླ་སྤྲིན་གྱིས་བསྒྲིབས་པ་ལྟ་བུ་ལ་ངོས་བཟུང་ངོ་།། དེ་ནི་རིག་པ་དྲི་མ་དང་བཅས་པའི་ངོ་སྤྲོད་དོ།། རིག་པ་ཅི་ཡང་མི་གནས་པའི་ངོ ་སྤྲོད་ནི། མིག་པར་སྣང་ལ་བལྟས་པས་ཤེས་པར་བྱའོ།། དེ་ནི་རིག་པ་ཅི་ཡང་མི་གནས་པའི་ངོ་སྤྲོད་དོ།། དེ་ལྟར་བདུན་ནི་རིག་པའི་ངོ་སྤྲོད་དོ།། དེ་ལྟར་ཉི་ཤུ་རྩ་གཅིག་རྫོགས་ནས་རིགས་ཀྱི་བུ་དེ་མྱ་ངན་ལས་འདའ ་བའི་ཚེ། རིག་པ་མིག་ནས་ལམ་བྱུང་ནས་བར་དོའི་སྣང་བ་ལ་འཇུག་གོ། དེ་ཡང་གང་ཞེ་ན། ཞག་ལྔ་འདས་པའི་འོག་ཏུ་རང་གི་ཐུགས་ཀ་ནས་ཐུགས་རྗེའི་ཟག་པ་ཞེས་ཀྱང་བྱ། ཡེ་ཤེས་མཐོང་བ་ཞེས་ཀྱང་བྱ། རིག ་པའི་རྟོད་ཕུར་ཞེས་ཀྱང་བྱ། འོད་ཟེར་ཕྲ་བ་རྟ་རྔའི་ཆ་ཙམ་ཞིག་བྲེང་གིས་འོང་སྟེ། དེའི་དུས་སུ་བག་ཆགས་ཀྱི་སྦུབས་མེད་ཀྱང་ཡོད་པ་སྙམ་འོང་ནས། མིག་ནམ་མཁའ་ལ་བཏེགས་ཏེ་བལྟས་པས། ནམ་མཁའི ་དཀྱིལ་ན་འོད་ཀྱི་ཚོམ་བུ་ལྔ་བཀྲ་ས་ལེ་མཐོང་སྟེ། དེའི་དུས་སུ་ཡིད་ཆེས་པ་མའི་པང་དུ་བུ་འཇུག་པ་ལྟ་བུའི་གདམས་ངག་དྲན་པར་གྱིས་ཤིག། མི་འགྱུར་བ་གསེར་གྱི་ཐུར་མ་ལྟ་བུའི་གདམས་ངག་དྲན་པར་གྱིས ་ཤིག། དེ་ནས་རིག་པ་འོད་ཀྱི་ཚོམ་བུ་ལ་ཐུམ་ནས་འགྲོ་སྟེ། དེའི་དུས་སུ་ཕྱིར་མི་ལྡོག་པ་དཔག་ཆེན་གྱི་མདའ་ལྟ་བུའི་གདམས་ངག་དྲན་པར་གྱིས་ཤིག། དེ་ནས་བརྟན་པ་ཐོབ་སྟེ། ཞག་ཉི་ཤུ་རྩ་གཅིག་ནས་སྤྲུལ་པའི ་སྐུ་འབྱིན་ནུས་པའོ།། ཕྱི་ནང་གསང་གསུམ་གྱི་དབང་རྫོགས་པ་རྣམས་ལ་དེ་བཞིན་དུ་བྱོས་ཤིག། སརྦ་དྷ་ཐིམ་དྷ་ཐིམ་ཡང་བྱུང་། སརྦ་དྷརྨ། ཧ་ཐ་ཡ། ཞེས་བརྗོད་ནས། སྤྱན་ལྡོག་པས་ཐུགས་ཀ་ནས་འོད་ཟེར་གྱི་ཕུང་པོ་ལྔ ་འཕྲོས་ཏེ། འཇིག་རྟེན་གྱི་ཁམས་ཐམས་ཅད་གང་བར་མཛད་དེ་ཡང་འདི་སྐད་ཅེས་བསྒྲགས་སོ།། སརྦ་དྷརྨ་ཨ་པ་མ་ཀ་མ་དེ་ནི་ཞུ་པ་ཡ་ས་འདི་མ་ཡ། ཨཱ~ཾཿཱ~ཾ། སྐྱེ་བ་མེད་པ་ལ་སྟོང་པས་རྒྱས་བཏབ་ཅིང་ཐུགས་རྗེ་མ་འགགས་པས ་དབྱིངས་དང་ཡེ་ཤེས་གཉིས་སུ་མེད་པའོ།། ཨོཾ་མ་ཨཽ་ཡ་སྐྱེ་མེད་སྟོང་པའི་རང་བཞིན་འགག་མེད་དབྱིངས་ཀྱི་རང་བཞིན། ཧཱུཾ་རང་བཞིན་འདུ་འབྲལ་མེད་པ་མ་བཅོས་དབྱིངས་དང་ཡེ་ཤེས་གསལ་བ་དང་ལྡན་པའོ།། ཨོ་ནི་ཨཽ་ནི། སྐྱེ་བ་མེད་པ་ལ་སྱེ། སརྦ་དྷརྨཱ་ཨ་སཱ་མཱ་ཀེ ་ཏནི་ཞུ་པཱ་ཡཱ་ས་འདི་དྷརྨཱ་ཡཱ། འདྲ་མིན། པའི་ཆོ་འཕྲུལ་དུ་སྣང་བ་དབྱིངས་དང་ཤེས་རབ་འདུ་འབྲལ་མེད་པ། མཱ་མྨེའི། གཞི་མ་བཅོས་པ་ལ་སྟོང་པ་ཐུགས་རྗེས་བརྒྱན་པ་འཇིག་རྟེན་ལས་ལོག་པའོ།། ཆུ་ཉྩི་ཊཱི། མི་འགྱུར་བ་འཛིན་པ་མེད་པ་ཤེས་རབ་རྩེ་གཅིག་པས་དོན ་ལ་མ་ཡེངས་པའོ།། ཨཱ་མ[:]་མ། སྐྱེ་བ་མེད་པ་ལས་སྐྱེ་བར་སྣང་བ་འགག་མེད་ཀྱི་ཡེ་ཤེས་རང་གསལ་མ་བཅོས་པའི་ཆོས་ཉིད། མཱ་ཨ[:]ཀ་ཤུ་མཉམ་ཉིད་དག་པ་ཤེས་རབ་ཀྱི་ཐུགས་རྗེ་ཨ་ཨཱ་ཧཱཾ་སྐྱེ་མེད་དབྱིངས་དང་ཡེ་ཤེས་འདུ་འབྲལ་མེད་པ། ཧ་སྐྱེ་བ་དག་པ། སྐྱེ་མེད་པ ་ཨ་ཨ་ཨཱ་མཱ་མཉམ་པར་གནས་པ། དེ་སྐད་ཅེས་ཆོ་འཕྲུལ་གྱི་སྒྲ་ཡི་གེ་ཞེས་བྱ་བ། སྒྲ་ཐམས་ཅད་གཏན་ལ་འབབས་པ། རྫོགས་པ་ཆེན་པོའི་དོན་ཕྱིན་ཅི་མ་ལོག་པར་སྟོན་པའི་དོན་སྒྲ་ལ་བསྡུས་ཏེ ་བཤད་པའོ།། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོ་ལ་སོགས་ཏེ་གནོད་སྦྱིན་གྱི་འཁོར་དང་བཅས་པ་རྣམས་ངོ་མཚར་མཆོག་ཏུ་སྐྱེས་ཏེ། ཐབས་ཅིག་ཏུ་ཐལ་མོ་སྦྱར་ཏེ་བསྟོད་པ། ཨ་ཧཱུཾ་ཨེ་མ ་ཧོ།། བཅོམ་ལྡན་མགོན་པོ་རྡོ་རྗེ་འོད་དཔག་མེད། འགྲོ་བ་ཕ་རོལ་སྒྲོལ་མཛད་སྟོབས་ཀྱི་བདག། འགྲོ་བའི་གཉེན་བཤེས་གཙུག་གི་ནོར་བུ་ཅན། མ་རིག་མུན་ཁམས་འཇོམས་ལ་ཕྱག་འཚལ་བསྟོད། ཅེས་བསྟོད་ནས ་རང་རང་གི་སྟན་ལ་མངོན་པར་འདུག་གོ། དེ་ནས་ཡང་བཀའ་སྩལ་པ། ཀྱེ་མ་འདུས་པའི་འཁོར་རྣམས་ཉོན་ཅིག། ང་ཡོངས་སུ་མྱ་ངན་ལས་འདས་པའི་འོག་ཏུ། མ་འོངས་པའི་སེམས་ཅན་རྣམས་ལ་ཕྱི་ནང་གསང་བ ་གསུམ་གྱི་དབང་རྫོགས་པར་གྱིས་ལ། དོན་དེ་ལྟ་བུ་མ་ནོར་བར་སྟོན་ཅིག། དེ་ནི་དེ་ལྟར་བསྒོམ་དུ་མེད་དོ།། སྒོམ་བྱེད་མ་འགགས་པའོ།། བསྒོམ་རྒྱུ་ནི་མི་དམིགས་པའོ།། དོན་དེ་ལྟ་བུ་འདས་པ་དང་མ་འོངས་པ ་རྣམས་ཀྱིས་ཀྱང་སྟོན་ནུས་རེ་ཀན། ཞེས་བརྗོད་ནས་མི་སྣང་བའི་ངང་དུ་གཤེགས་སོ།། ཞེས་རྒྱུད་ཆེན་པོ་རྡོ་རྗེ་སེམས་དཔའ་སྙིང་གི་མེ་ལོང་གསང་བའི་རྒྱུད་ཅེས་བྱ་བ། གབ་པ་མངོན་དུ་ཕྱུང་བ་བསྟན་པ་ལས།། ་གནས་ལུགས་དང་རྟོགས་ལུགས་བསྟན་པའི་ལེའུ་སྟེ་གསུམ་པའོ།། །། ཐ་མ་བྷ་བཱ་བྷ། དེ་ནས་འཁོར་རྣམས་སྡུག་བསྔལ་གྱིས་གཟིར་བའི་ཡིད་མི་བདེ་བར་གནས་པ་ལས། དེ་རྣམས་ཀྱི་ནང་ནས་གསང་བའི ་བདག་པོ་ལག་ན་རྡོ་རྗེ་འཛིན་པ་ཆེན་པོས་འདི་སྐད་ཅེས་གསོལ་ཏོ།། ཀྱེ་ཧུད་སྡུག་བསྔལ་གྱིས་ཟིན་པའི་འཁོར་རྣམས་ལ། བསྟན་པའི་སྒྲོན་མ་བྱ་ཕྱིར་རྒྱུད་ཆེན་པོ་བསྟན་དུ་གསོལ།། རྒྱལ་བའི་སྐུ་མཆོག་འཁོར ་རྣམས་ལ་བསྟན་དུ་གསོལ།། བཛྲ་ས་མ་ཡ་ཨ་ཧཾ་ཨ་ཧཾ། ཞེས་གསོལ་པས། བཅོམ་ལྡན་འདས་ཀྱི་སྐུ་བར་སྣང་ལ་མངོན་པར་གྱུར་ནས། སེང་གེའི་ཁྲིའི་སྟེང་ན་གདན་དང་བཅས་པ་བཞུགས་ཚུལ་ནི་སྐུ་ཞི་བའི་ཆ ་ལུགས་སུ་བཞུགས་སོ།། རྡོ་རྗེའི་རིགས་ཀྱི་འཁོར་སེམས་དཔའ་དང་། སེམས་མ་དང་། བྱང་ཆུབ་སེམས་དཔའ་དཔག་ཏུ་མེད་པ་རྣམས་ཀྱང་འོད་ལ་སྤྲུལ་ནས་བཞུགས་སོ།། མ་མོ་དང་གནོད་སྦྱིན་གྱི་འཁོར་རྣམས ་ཀྱང་སྡུག་བསྔལ་ཆེན་པོ་ལས་གྲོལ་བར་གྱུར་ཏོ།། དེ་ནས་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་། རྒྱུད་ཆེན་ངེས་ཚིག་གསུང་དུ་གསོལ། ཞེས་ཞུས་སོ།། རྡོ་རྗེ་འཆང་གིས་བཀའ ་སྩལ་པ། ཀྱེ་ཀྱེ་འདུས་པའི་འཁོར་རྣམས་ཉོན།། ཐམས་ཅད་འབྱུང་བའི་བྱང་ཆུབ་ཡིད་བཞིན་གཏེར། མ་གྲོལ་གྲོལ་བར་བྱེད་པའི་རྒྱུད་ཆེན་འདི། རྡོ་རྗེ་དམ་ཚིག་གསེར་གྱི་ལུ་གུ་རྒྱུད།། སྙིང་པོའི་དོན་འགྲོ་ལ་སྙིང་གི ་རྒྱུད་ཆེན་འདི།། དུ་མ་གཅིག་ཏུ་བསྡུས་པའི་དོན་གྱི་མཆོག། དོན་གྱི་འབྲེལ་པ་གསང་སྔགས་བདག་པོས་འཆང་།། སྙིང་གི་དཀྱིལ་ན་རིག་པ་བྱང་ཆུབ་སེམས།། དེ་ཡོད་ཕྱིར་ན་སྙིང་གི་རྒྱུད་ཅེས ་གྲགས།། མི་འགྱུར་རྡོ་རྗེའི་དོན་ཉིད་རྟག་པར་གཏེར་འཆང་བས།། རྡོ་རྗེའི་རྒྱུད་དུ་འགྲོ་བ་ཡོངས་ལ་ཁྱབ་པར་གྲགས།། གཞན་གྱི་རྣམ་རྟོག་བསལ་བ་སེམས་དཔའི་རྒྱུད་ཅེས་གྲགས།། རྒྱུད་གཞན་རྣམས་ཀྱི་དོན་ཆེན ་པོ།། འདི་ནས་འབྱུང་བས་མེ་ལོང་རྒྱུད་ཅེས་གྲགས།། རྒྱུད་ཆེན་པོ་ཡི་གཏན་ཚིགས་ཡང་དག་བཀྲོལ་ནས་བཤད་པ་བློའི་གཏིང་དུ་གོ། དོན་ཆེན་མཚོན་པར་འགྱུར་བའི་ཡི་གེ་དྲུག་བཤད་ལེགས་པར་ཡིད་ལ ་ཟུང་།། ཆོས་ཉིད་སྐྱེ་བ་མེད་པ་མཚོན་པའི་ཡི་གེ་ཨ།། ཨ་ནི་སྐྱེ་མེད་སྤྲོས་པ་མི་དམིགས་ཤིང་།། མ་སྐྱེས་པས་ན་ཡི་གེ་ཨ་ལ་རྫོགས།། སྐྱེ་བྲལ་དངོས་པོར་མ་གྲུབ་ཡི་གེ་ཨ་འདི་གསང་།། འགག་མེད་དོན་ལ་མི ་གནས་ཡི་གེ་འ།། འགྱུར་མེད་སྟོང་པའི་ངང་ལས་ཡི་གེ་འབྱུང་ཞིང་།། འགག་མེད་རྟོག་བྲལ་ཡི་གེ་འ་ལ་རྫོགས།། སྐྱེ་མེད་ངང་ནས་འགག་མེད་ཡི་གེ་འ་ནི་སྟོང་པ་སེམས་ཅན་ལ་སྣང་བའི་ཡི་གེ་འདི་གསང་།། སྐྱེ་བ་མེད་པར ་སྣང་ཚུལ་ཡི་གེ་ཧ། ནི་ལུས་རྣམ་པ་གསུམ་མོ།། ཧ་ནི་འགྱུར་མེད་རང་ལས་སྐྱེ་སྣང་མ་འདྲེས་རྫོགས།། རིག་པའི་ཀློང་ནས་ཆོ་འཕྲུལ་སྟོན་པའི་ཡི་གེ་ཧ། ཆོས་ཉིད་སྟོང་པ་ཉིད་ཀྱི་ངང་ལས་མ་འཁྲུལ་བའི་རིག་པ། རང་ལ་གནས་པའི་ཡེ ་ཤེས་དབྱིངས་སུ་བཟློག་མཛད་ཡི་གེ་ཧ་འདི་གསང་། རང་ལ་ཡེ་ཤེས་ཀྱི་སྣང་བ་ལྔ་རང་ཆས་སུ་ཡོད་པ་ལས་རྒྱུ་རང་ལ་ཡོད་པ་རྐྱེན་མན་ངག་ལ་བརྟེན་ནས་འཁྲུལ་པ་རང་ལོག་པའོ།། དག་པའི་ཞིང་དུ་སྒྲོལ་མཛད་ཡི་གེ་ཤ་དོན་ཤེས་རབ་ཆེན་པོ་རང་གི་རྒྱུད ་ལ་སྐྱེས་པས་འཁྲུལ་པ་ལྡོག། འཁྲུལ་པའི་སྣང་བ་བཟློག་མཛད་ཡི་གེ་ཤ། སྒྲ་དང་ཐ་སྙད་ཐམས་ཅད་ཡི་གེ་ཤ་ལ་རྫོགས། ཚིག་རེ་ལ་དོན་རེས་སྟོན། སྐྱེ་མེད་དབྱིངས་ནས་སྒྲོལ་མཛད་ཡི་གེ་ཤ་འདི་གསང་།། འགྱུར་མེད་ས་ལ ་གནས་པར་བྱེད་པའི་ཡི་གེ་ས། ཞེས་དབང་པོ་ཐ་མའི་དང་པོའོ།། ཡེ་ཤེས་བླ་མའི་ས་ཆེན་བགྲོད་པར་བྱེད་པའི་ཡི་གེ་ས། ཉི་ཤུ་རྩ་གཅིག་ལས་གྲོལ་བ་མཐར་ཕྱིན་པ་དེ་ལས་མེད་པའི་ཕྱིར་ཆོས་ཐམས་ཅན་གྱི་གཞི་མ།། ས་རྣམས་བགྲོད་མེད་ཡི་གེ ་ས་ལ་རྫོགས།། ས་དང་ལམ། ལྷུན་གྱིས་གྲུབ་ནས་ཡོད་པའི་ཕྱིར་འགྱུར་མེད་ངང་ལ་གནས་བྱེད་ས་འདི་གསང་།། ཡི་གེ་མ་ནི་ཆོས་ཉིད་འབྱུང་གཞི་མ་ཆོས་ཉིད་གསལ་འབྱུང་གི་ཡི་གེ་རིན་པོ་ཆེའི་ལུས་སོ།། བའི་གཏེར།། རིག་པ་མ་བཅོས ་ཡི་གེ་མ་ཡི་དང་། ད་ལྟ་ཡང་མའི་ངོ་བོར་རིག་པ་གཅིག་ལས་མ་འདས་སོ།། ཀུན་གཞི་མ་བཅོས་ཡི་གེ་མ་བག་ཆགས་ཀྱི་ཕུང་པོ་ལ་རིག་པ་ཡོད་པའི་ཕྱིར། ཡི་ངང་ལ་རྫོགས། གསང་སྔགས་དོན་རྟོགས་ཡི་གེ་མ་ཆོས་ཐམས་ཅད་ཀྱི་གཞི་མ་འདི ་གསང་།། ཡི་གེ་དྲུག་གི་དོན་རྟོགས་རིག་པ་རྟོགས་པར་བྱེད་པའི་ཐབས་གསང་སྔགས་རྒྱུད་ཆེན་འགྲོ་ལ།། ཡི་གེ་དྲུག་གི་དོན་ལ་གནས་པའི་སྐྱེས་བུ་མྱ་ངན་འདས།། རྟོགས་བྱེད་རྒྱལ་པོ་ཡི་གེ་ཐུགས་རྗེ་འབྱུང་བའི་ཡི་གེ་སྒྲ ་འགྱུར་དྲུག། གསང་སྔགས་ཐམས་ཅད་ཐུགས་རྗེ་མེད་ན་སངས་རྒྱས་མེད་པའི་ཕྱིར་ཡི་གེ་དྲུག་ལ་རྫོགས།། ཞེས་ཡི་གེ་དྲུག་གི་དོན་སྟོན་པ་ཐབས་དང་ཤེས་རབ་འདུ་འབྲལ་མེད་པའི་དོན་བཀའ་སྩལ་ཏོ།། དེ་ནས་ཡང་གསང ་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཡི་གེའི་དོན་སྦྱོར་དེ་ལྟར་ན།། དབང་གི་བྱེ་བྲག་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཨེ་མ་ཧོ་རྡོ་རྗེ ་འཛིན་པ་ཉོན།། དབང་ལ་རྣམ་པ་གསུམ་ཡོད་དོ།། སྒྲ་གསུམ་འདྲ་འབྲལ་མེད་པ་སྦལ་པ་སྒྲའི་དབང་རྡུལ་ཚོན་ལ་བརྟེན་ཏེ་ལོངས་སྒྲའི་དང་གསང་བ་ཡུམ་གྱི་ཐ་ག་ལ་བརྟེན་ཏེ་ཆོས་སྒྲའི་འོ།། ཕྱི་དང་ནང་དང་གསང་བའོ།། ཕྱི་ནི་རྡུལ་ཚོན་དཀྱིལ་འཁོར ་ཏེཏེ།། ཤ་རྣམ་པ་གཅིག་ཏུ་མེད་དུ་མི་རུང་བའི་ཤ་གསུམ་ནི་བུད་མེད་བུ་མ་སྐྱེས་པའི་ཤ་སྐྱེས་པ་གྲིར་ཤི་བའི་ཤ་ཕག་གི་ཤའོ།། ཁྲག་སྣ་ཚོགས་གཏོར་མ་དང་།། རིན་ཆེན་རྫས་བཀྲ་ཤིས་རྫས་དང་མན་ཤེལ་དང་།། སྣ་ཚོགས་མཆོད་པས་མཛེས ་པའོ།། དཀྱིལ་འཁོར་འདོམ་གང་གྲུ་བཞི་ཡི།། ཐིག་ནི་གཞུང་དང་མཐུན་པར་གདབ།། ས་ཚོན་ལྔ་ལ་ཨོཾ་ཨཿཧཱུཾ་སྭཱ་ཧཱ། འབྲུ་ལྔ་བསྐྱེད། འོད་ལྔའི་རྟགས། དབུས་སུ་མཐིང་ནག་གྲུ་གསུམ་བྲི།། ཐ་མ་ཕོ་བྲང་ཟླུམ་པོ་བྲི།། དེ་ཡི ་ཕྱི་རིམ་འཁོར་ལོ་རྩིབས་བརྒྱད་ལྡན།། པཉྩ་རེ་ཁཱ་རྩིགས་པ་ལྔ། ཡེ་ཤེས་ལྔའི་རྟགས། མུན་པའི་བ་དན་དག་དང་ལྡན།། གྲུ་ཆད་ལྗང་གི་སྒོ་བཞི་དག་དང་ལྡན།། ཕྱི་རིམ་ཟླུམ་པོ་རྡོ་རྗེའི་ར་བར་ནག་པོ་དཀར་པོ། བཅས། དབྱིངས་ཀྱི ་རྟགས།། གྲུ་གསུམ་སྟེང་དུ་ཐོད་པ་མོན་པའི་ཐོད་པ། རབས་ཆད་ནག་པོའི་ཐོད་པ། སྐྱེས་པ་གྲིར་ཤི་བའི་ཐོད་པ། ཟོད་པའི་ནང་དུ་སཱུ་ཙ་ཀ་ལིས་བརྒྱན། གསུམ་བཞག་སྟེ། ཐོད་པའི་ནང་དུ་ཤ་ཁྲག་སྣ་ཚོགས་བླུགས་ལ་བཞག་ཕྱི་ནང་གི་ཆོས་འདུས་པའི ་རྟགས།། ཟླ་གམ་གསུམ་གྱི་སྟེང་དུ་བཀྲ་ཤིས་བུམ་པ་གསུམ། ནང་དུ་ཤེལ་དུང་རིན་པོ་ཆེ་ཚོགས་ཚད་དེའི་ནང་དུ་སྨན་སྣ་ཚོགས་བླུགས་ལ། དར་དམར་པོས་མགུལ་ཆིངས་བྱའོ།། ཞིང་ཁམས་ན་སྣང་བ་ཐམས་ཅད་སྣང་བ་མཐའ་ཡས་ཀྱི་ཞིང་གི ་རྟགས།། རྩིབས་བརྒྱད་སྟེང་དུ་ཁྲོ་མཆོག་སེམས་དཔའ་བརྒྱད་རང་ལ་ཡོད་པའི་རྟགས། སྐུ་ཙཀ་ལི་བརྒྱད་བཞག། གྲུ་ཆད་རིགས་བཞིའི་རྟགས་སྟེང་དུ་རིན་ཆེན། བཀྲ་ཤིས་རྫས་བརྒྱད་བཞག། མེ་ལོང་ལྔ་ཡེ་ཤེས་ལྔའི་རྟགས་དང་རྨ་བྱ་ལྔ ་འོད་ལྔའི་རྟགས་གཞག་པར་བྱ། དེ་ཡི་སྒྲུབ་ཐབས་བཞིན་དུ་ཤེས་པར་བྱ།། རྫས་ཀྱི་དབང་རྣམས་དང་པོ་བུམ་པ་ནས་རིམ་བཞིན་བསྐུར།། བསྐུར་བའི་གནས་ནི་ཚངས་པའི་བུ་གའོ།། དེ་ལྟར་ཕྱི་ནང་གི་དབང་རྫོགས ་ནས།། གསང་བའི་དབང་གསང་བ་གཏན་ཆགས་དབང་ལ་འཇུག་པར་བྱའོ།། གཟུངས་མ་མཚན་དང་ལྡན་པ་ལ། གཟུངས་མའི་མཚན་ཉིད་ནི། མེད་འོང་མ་རྐེད་པ་ཕྲལ་མོ་ལེགས་པ་ཆགས་དམ་པ། མིག་དཀར་ནག་བྱེད་པ། མ་ཧེ་ཊུ་རྩ་གཅིག་ལོན་པ། ་མ་སྐྱེས་པ། སྐྱེས་པ་དང་མ་ཕྲད་པ། ཡང་ན་ལོ་བཅོ་ལྔ་ལོན་པའོ།། ཡང་ན་སུམ་ཅུ་རྩ་ལྔ་ལོན་པའོ།། ཤེས་རབ་ཆེ་ལ་རིགས་བཙུན་པ།། ཡང་ན་སུམ་ཅུ་སོ་བརྒྱད་ལོན་པའོ།། སྤྱིའི་མཚན་ཉིད་སྐེད་པ་ཕྲ་བ། སོ་ཐགས་བཟང་བ། འགྲམ་པ་རིང་བ། ཤ་དཀར་བ། སྐ་ལི་བ། དེ་ནི་སྤྱི་ཡི ་མཚན་ཉིད་དོ།། ཡི་གེ་གསུམ་དང་བསྡུ་དང་གཏོར་བའང་འདུག་གཏོར་མ་ནི། སྒྲུབ་ཐབས་བཞིན་དུ་ཤེས་པར་བྱའོ།། གསང་བ་དཀར་དམར་འདྲེས་པ་དེ། མེ་ལོང་མ་ཆགས་མགས་པས། བླངས་ཏེ་མཚན། སློབ་དཔོན་གྱིས ་མེ་ལོང་གི་ཡུ་བ་ལ་བཟུང་སྟེ། སློབ་མ་ལ་ལྕེ་ཐོག་ཏུ་བཞག་སྟེ། དབང་བསྐུར།། དེ་ལྟར་དབང་གསུམ་རྫོགས་ནས་ནི།། གང་དུ་བསྟན་པའི་གདམས་ངག་གདབ་པར་བྱ། ནུབ་ཟ་མ་ལ་གདམས་ངག་ཉི་ཤུ་རྩ་གཅིག་རྫོགས་པར་བྱའོ།། དབང ་རྫོགས་རྣལ་འབྱོར་སྐུ་གསུམ་ངེས་པར་འགྲུབ།། གསང་སྔགས་དོན་མཚོན་དབང་གིས་སྩལ་བར་བྱ། དབང་ལ་མ་བརྟེན་པར་གསང་སྔགས་མི་འགྲུབ་པས་དབང་བསྐུར་རོ།། དབང་མཆོག་མ་ཐོབ་པའི་སྐྱོན་བསྟན། པའི་རྣལ་འབྱོར་ནི།། ་དཔེར་ན་མཉན་པ་ལག་རྒྱ་མེད་པ་བཞིན། ཕ་རོལ་སྒྲོལ་བར་ག་ལ་ནུས། དབང་མཆོག་ཐོབ་ན་ཡོན་ཏན་བསྟན་གསང་སྔགས་མ་བསྒྲུབས་འགྲུབ། འཇིག་རྟེན་འདིའི་བག་ཆགས་ཐམས་ཅད་སེལ། ཕྱི་མ་འཁོར་ལོས་བསྐུར་བའི་རྒྱལ་པོར ་སྐྱེའོ།། དབང་ཐོབ་པའི་ཡོན་ཏན་གྱིས། ལྷའི་གནས་ནམ་མཁའ་ལ་འཕུར་བ་དང་ཆུ་ལ་མི་འབྱིང་བ་དང་། ལྷ་མིན་གྱི་སྒྲ་སྐད་ཟོས་ཤིང་ཤེས་པ་དང་། མ་མོ་ཐམས་ཅད་ལས་བྱེད་པ་དང་། བགེགས་ཐམས་ཅད་བཟློག་པ་དང་། མཐུ་ཆེ་ཞིང་དངོས་གྲུབ་ཐོབ་པ་དང་། མིས་བཀུར་བའི་འོས ་སུ་མཐོང་བ་ལ་སོགས་ཏེ་ཡོན་ཏན་བརྒྱ་རྩ་བརྒྱད་འཐོབ་བོ།། གསངས་སྔགས་དབང་ལ་མ་བརྟེན་འགྲུབ་པར་ག་ལ་འགྱུར།། དཔེར་ན་ཕ་རོལ་སྒྲོལ་བའི་གྲུ་བཞིན་ནོ།། དབང་མཆོག་སྟོན་པའི་རྡོ་རྗེ་སློབ་དཔོན་ལ།། ནོར་བུ་རིན ་ཆེན་གསེར་དངུལ་དབྱིག་གིས་མཆོད། ཡོན་མ་ཕུལ་ན་དབང་མི་ཐོབ།། རྟ་དང་གླང་པོ་ལ་སོགས་དབུལ་བར་བྱའོ།། ཕ་མ་བུ་སྨད་བཅས་པ་དབུལ་བར་བྱ།། གསང་བའི་བདག་པོས་ཡང་ཞུས་པ།། ཀྱེ་ཀྱེ་བཅོམ་ལྡན་སྟོབས ་ཀྱི་བདག། དབང་གི་བྱེ་བྲག་དེ་ལྟར་ན།། དམ་ཚིག་བྱེ་བྲག་གསུང་དུ་གསོལ།། རྡོ་རྗེ་འཆང་གིས་བཀའ་སྩལ་པ།། ཀྱེ་མ་གསང་བདག་ངེས་པར་ཡིད་ལ་ཟུང་།། དམ་ཚིག་བྱེ་བྲག་ས་མ་ཡ་འབུམ་སྡེ་ལས་བསམ་མི ་ཁྱབ།། མདོར་བསྡུས་བསྲུང་མཚམས་དང་བཅས་བཤད་ཀྱིས་ལེགས་པར་ཡིད་ལ་ཟུང་།། རྡོ་རྗེ་ཐེག་པའི་དམ་ཚིག་ནི། ཕྱི་ནང་གསང་བ་མདོར་བསྡུས་པ། དཔེར་ན་ས་གཞི་ལྟ་བུའོ།། ཐམས་ཅད་འབྱུང་བར་བྱེད་ཅིང་གཞི་མའི་དམ ་ཚིག་ཐམས་ཅད་ཀྱི་གཞི་མཆོག་ཏུ་འགྱུར།། དེ་ཡང་བསྲུང་ཐབས་བསམ་གྱིས་མི་ཁྱབ་དམ་ཚིག་རྣམས།། བསྲུང་རྒྱུ་མི་དམིགས་སྲུང་བྱེད་ཐབས་མཁས་སྤྱོད། དམ་ཚིག་མེད་ན་ས་གཞི་མེད་པ་དང་འདྲ་སྟེ་ས་གཞི་མེད་ན་སེམས་ཅན་གྱི་གསོས ་ཀྱིཐོག་མི་སྐྱེ་བ་དང་འདྲ་བར་དམ་ཚིག་མེད་ན་ཆོས་བྱས་ཀྱང་འབྲས་བུ་མི་འབྱུང་ངོ་།། ཉམས་ན་མེ་བཞིན་ཐམས་ཅད་སྲེག་པར་བྱེད།། གསང་སྔགས་དོན་སྟོན་རྡོ་རྗེ་སློབ་དཔོན་ལ། ཐབས་དང་ལྡན་པ་དེ་ལ།། རིན་ཆེན་གསེར་ནི་རང་ལུས ་ཙམ་ཞིག་ལ་སོགས་པའི་རྫས་དང་ཡོ་བྱད་ཕུལ་ཡང་དམྱལ་བར་འགྲོ་ངེས་སོ། ཕུལ་གྱུར་ཀྱང་།། དམ་ཚིག་འཆལ་བར་གྱུར་ན་གྲོགས་ཀྱི་དྲི་མས་གཉིས་ཀ་སྲེག་པ་བྱེད།། དཔེར་ན་མེ་བཞིན་དྲོ་བར་གྱུར་པ་ལ།། དེ་བཞིན་ཆུ་ཡིས་མེ ་བསད་དྲོ་བ་མེད་པ་བཞིན། རླབ་མས་ཐམས་ཀྱང་རླབ་དཔན་ལ་གནང་། ཟླབ་དཅན་གྱིས་ཉམས་ན་ཟླབ་མ་ལ་གནང།། དམ་ཚིག་མ་ཡཾ་ཕུང་པོ་ལྟ་བུ་ལ།། བསྲུངས་ན་བར་ཆད་སེལ་ཞིང་ཡེ་ཤེས་དབར་ནམ་དྲ་བའི་འད་མ་ལྡན ་བྱ་བ་བྱེད་པས་གྲོགས་སུ་འགྱུར།། མ་ལེགས་ན་ཚིག་ཉན་ཡོད་པ་ལྟར་དམ་ཚིག་མ་བསྲུངས་ཉམས་ན་རྡོ་རྗེ་དམྱལ་བར་ལྟུང་། དེ་བས་སྲོག་གི་ཕྱིར་ཡང་དམ་ཚིག་མི་བཏང་ངོ་།། སློབ་དཔོན་གྱི་རྒྱུད་བརྟགས། སློབ་དཔོན་ཚད ་མར་མ་གྱུར་སྦྲེལ་འདྲའི་ལུང་། མུ་སྟེགས་པ་ལས་གྱེས་པའི་རིགས་ཀྱང་ཡོད།། ལོག་པའི་ལམ་དུ་ཞུགས་ཤིང་གསང་སྔགས་འཆོལ་བར་སྤྱོད།། དེ་ནི་རིགས་མི་བཙུན་པ་ལོག་འདྲེན་ཡིན་པས་སྤང་བར་བྱ། སློབ་མའི་སྣོད་བརྟགས་པ།། མི ་ཤེས་ང་རྒྱལ་ཆེ་ཞིང་བླུན་རྨོངས་གཅོམ་བུ་མཁན།། ང་རྒྱལ་དྲེགས་པས་སྨྲ་ཞིང་མཆེད་ལ་རས་གཅོད་བྱེད།། ངོ་ཚ་མེད་ཅིང་རིགས་མི་བཙུན་པ་ཁྲེལ་མེད་བག་འཛེམ་མེད།། གསང་སྔགས་སྣོད་དང་མི་ལྡན་གང་ཟག་སྤང ་བར་བྱ།། ཡངས་ཤིང་རྒྱུད་ལ་མཁས་ཤིང་སྒྲུབ་ཐབས་དག་ལ་མཁས་གྱུར་པ།། བླ་མ་དང་རྒྱུད་བཟང་ཞིང་རྟོགས་ཤིང་ལྟ་བ་དག་ལ་མཁས། དེ་ཡང་རིགས་བཙུན་པ་དང་རྒྱུད་བཟང་བ་ཡོན་ཏན་ཆེ་བ་ཀུན་དུ་སྡོད་ནུས་པ་རྫོགས་ཆེན་གྱི ་དགོངས་པ་དང་མི་འབྲལ་བ།། གསང་སྔགས་རྒྱལ་པོ་རྡོ་རྗེ་ཨཱ་ལི་ཀ། ལུས་ཡོན་ཕུལ་ལ་རྟག་ཏུ་བསྟན་པར་བྱ། སློབ་མ་ཡོན་ཏན་ཅན་དང་རྒྱུད་བཟང་བ་དད་པ་དང་བརྩོན་འགྲུས་ནི་སྐྱོ་ངལ་མེད་པ།། ང་རྒྱལ་དྲེགས་པ་མེད་ཅིང་ངང་གིས་ཤེས་པ ་དལ། བཀའ་དྲིན་ཁྱད་དུ་མི་གསོད་གསང་སྔགས་དོན་ལ་སྦྱོར།། ངེས་པར་དད་དང་ལྡན་ཞིང་གཏོངས་ཕོད་དག་དང་ལྡན།། རྡོ་རྗེའི་དོན་ལྡན་གསང་སྔགས་ཐམས་ཅད་དེ་ལ་བསྟན་པའི་སྣོད་དུ་གསུངས།། ཞེས་བཀའ་སྩལ ་ཏོ།། རྒྱུད་ཆེན་པོ་རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ལས། གསང་བ་ཡང་ཁོལ་དུ་ཕྱུང་བ་དབང་དང་དམ་ཚིག་གི་ལེའུ་སྟེ་བཞི་པའོ།། །། བཱ་གླ་གྷཿ། དེ་ནས་ཡང་བཅོམ་ལྡན་རྡོ་རྗེ་སེམས་དཔའ་ཉིད ་ཀྱིས་སྙིང་གི་དཀྱིལ་འཁོར་གྱི་སྒོ་ཕྱེ་ནས་འཁོར་རྣམས་ལ་ཡེ་ཤེས་ཀྱི་དཀྱིལ་འཁོར་འོད་གསལ་བའི་དོན་སྒྲ་དང་ཡེ་ཤེས་བསྟན་པའོ།། ཀྱེ་གྲོགས་པོ་དག་འཇིག་རྟེན་གྱི་ཁམས་ཀྱི་སེམས་ཅན་ཐམས་ཅད་ལ། རང་གི་རིག ་པ་འོད་ལྔའི་རང་བཞིན་དུ་གནས་སོ།། དེ་རྣམས་དོན་བཀྲོལ་བ་འདི་ལྟ་སྟེ།། ཁྱབ་གད་ལ་འུབ་ཆུབ་རིག་པ་འོད་གསལ་སྐུ།། འགྱུར་མེད་ཀློང་ཡངས་རིག་པ་འོད་གསལ་སྐུ།། རྣམ་དག་དོན་སྤྱོད་ཀློང་ཡངས་རིག་པ ་འོད་གསལ་སྐུ།། ཁྱབ་གདལ་ཆེན་པོ་མི་འགྱུར་རིག་པ་འོད་གསལ་སྒྲ།། བརྗོད་མེད་བསམ་བྲལ་རིག་པ་ཆོས་ཀྱི་སྐུ།། དཔག་ཏུ་མེད་པའི་ཡུལ་ལས་འདས་པ་རིག་པ་ཆོས་ཀྱི་སྐུ།། འཛིན་པའི་སྤྱོད་ཡུལ་མ་ཡིན་རིག ་པ་ཆོས་ཀྱི་སྐུ།། ངོ་བོ་རང་བཞིན་ཐུགས་རྗེ་ལྡན་པས་རིག་པ་ཆོས་ཀྱི་སྐུ།། བདེ་ཆེན་མ་འདྲེས་ཡོངས་སུ་རྫོགས་པས་རིག་པ་ལོངས་སྤྱོད་སྐུ།། གསལ་ལ་མ་འདྲེས་སོ་སོའི་མཚན་ཉིད་ལྡན་པས་རིག་པ་ལོངས་སྤྱོད་སྐུ།། ་མཚན་དང་དཔེ་བྱད་ལྡན་པས་རིག་པ་ལོངས་སྤྱོད་སྐུ།། རང་བཞིན་གཅིག་ལ་ཐ་དད་སྣང་བའི་རིག་པ་ལོངས་སྤྱོད་སྐུ།། འགག་མེད་ཀློང་ནས་ཐུགས་རྗེ་འབྱིན་པའི་རིག་པ་སྤྲུལ་པའི་སྐུ།། ཅིར་ཡང ་གསལ་ཞིང་ཅིར་ཡང་རྟོགས་པས་རིག་པ་སྤྲུལ་པའི་སྐུ།། མ་འགགས་ཡོངས་ལ་ཁྱབ་པས་རིག་པ་སྤྲུལ་པའི་སྐུ།། གསལ་འགྲིབ་མེད་ཅིང་འཛིན་རྟོག་མེད་པས་རིག་པ་སྤྲུལ་པའི་སྐུ།། གཉིས་འཛིན་མཐའ་དང་བྲལ ་བས་རིག་པ་ངོ་བོ་ཉིད་ཀྱི་སྐུ།། འཛིན་པའི་ཡུལ་མེད་རིག་པ་ངོ་བོ་ཉིད་ཀྱི་སྐུ།། ས་དང་ལམ་ལ་མི་གནས་རིག་པ་ངོ་བོ་ཉིད་ཀྱི་སྐུ།། དངོས་པོ་གཟུང་དུ་མེད་པས་རིག་པ་ངོ་བོ་ཉིད་ཀྱི་སྐུ།། བདེ་ཆེན་ཀློང་དུ་འགྱུར་མེད ་གནས་པས་རིག་པ་ངོ་བོ་ཉིད་ཀྱི་སྐུ།། དོན་དང་ལྡན་པས་རིག་པ་རྡོ་རྗེ་འཛིན་པའི་སྐུ།། གསལ་ལ་མི་འགྱུར་དང་ལ་གནས་པས་རིག་པ་རྡོ་རྗེ་འཛིན་པའི་སྐུ།། འགྲོ་བ་ཀུན་ལ་གནས་པའི་རིག་པ་རྡོ་རྗེ་འཛིན་པའི ་གྷ།། ཟ་ཞིང་བརྟན་པས་རིག་པ་རྡོ་རྗེ་འཛིན་པའི་སྒྲའོ།། དེ་ལྟར་སེམས་ཅན་ཐམས་ཅད་ཀྱི་རང་རྒྱུད་ལ་གནས་སོ།། དེ་བཞིན་དུ་སྒྲ་རྣམ་པ་ལྔ་པ་དེའི་དོན་ཐུགས་སུ་ཆུག་ཅིག། སྐུ་ལས་ཡེ་ཤེས་འབྱུང་སྟེ། དེ་ཡང་གང ་ཞེ་ན།། རིག་པ་འགྱུར་མེད་ཆོས་དབྱིངས་ཡེ་ཤེས་དང་།། རིག་པ་རྒྱ་ཆད་ཕྱོགས་ལྷུང་མེད་པ་ཆོས་དབྱིངས་ཡེ་ཤེས་དང་།། རིག་པ་གཟུང་འཛིན་ཡུལ་ལས་འདས་པས་ཆོས་དབྱིངས་ཡེ་ཤེས་དང་།། རིག་པ་མུ་མཐའ ་མེད་པས་ཆོས་དབྱིངས་ཡེ་ཤེས་དང་།། རིག་པ་གསལ་ལ་དངས་པས་མེ་ལོང་ཡེ་ཤེས་དང་།། རིག་པ་མུ་ཁྱུད་ཟླུམ་པོར་གནས་པས་མེ་ལོང་ཡེ་ཤེས་དང་།། རིག་པ་གསལ་ལ་ཕྱོགས་ལྷུང་མེད་པས་མེ་ལོང་ཡེ་ཤེས ་ངདང་།། རིག་པ་གསལ་ལ་མ་འདྲེས་རྫོགས་པས་མེ་ལོང་ཡེ་ཤེས་དང་།། རིག་པ་མི་གཡོ་མཉམ་པར་གནས་པས་མཉམ་ཉིད་ཡེ་ཤེས་དང་།། རིག་པ་བཟང་ངན་ཡུལ་ལས་འདས་པས་མཉམ་ཉིད་ཡེ་ཤེས་དང་།། རིག ་པ་རྣམ་རྟོག་ཀུན་དང་བྲལ་བས་མཉམ་ཉིད་ཡེ་ཤེས་དང་།། རིག་པ་སྒྲ་དང་ཚིག་ལས་འདས་པས་མཉམ་ཉིད་ཡེ་ཤེས་དང་།། རིག་པ་བློ་ཡི་བྱེ་བྲག་རྟོགས་པས་སོ་སོར་རྟོག་པའི་ཡེ་ཤེས་དང་།། རིག་པ་དུ་མར་རྟོག ་པས་སོ་སོར་རྟོག་པའི་ཡེ་ཤེས་དང་།། རིག་པ་ཅིར་ཡང་འཆར་བས་སོ་སོར་རྟོག་པའི་ཡེ་ཤེས་དང་།། རིག་པ་རྣམ་པ་ཅིར་ཡང་སྣང་བས་སོ་སོར་རྟོགས་པའི་ཡེ་ཤེས་དང་།། རིག་པ་བྱ་བཙལ་མེད་པས་བྱ་བ་གྲུབ་པའི ་ཡེ་ཤེས་དང་།། རིག་པ་འཛིན་རྟོག་དབྱིངས་སུ་རྫོགས་པས་བྱ་བ་གྲུབ་པའི་ཡེ་ཤེས་དང་།། རིག་པ་སྐྱེ་མེད་ངང་དུ་རྫོགས་པས་བྱ་བ་གྲུབ་པའི་ཡེ་ཤེས་དང་།། རིག་པ་འགག་མེད་ངང་དུ་རྫོགས་པས་བྱ་བ་གྲུབ་པའི་ཡེ ་ཤེས་དང་།། ཞེས་འགྲོ་བ་ཡོངས་ལ་དེ་བཞིན་དུ་ཤེས་པར་བྱའོ།། ཡེ་ཤེས་ལས་བྱུང་བའི་འོད་ལྔ་གང་ཞེ་ན། དེ་ཡང་ཁ་དོག་རྣམ་པ་ལྔ་སྟེ།། རིག་པ་ཆོས་ཀྱི་སྐུ་ལ་འགྱུར་བ་མེད་པས་ཁ་དོག་མཐིང་གར་གསལ།། རིག ་པ་བསམ་པ་ཀུན་དང་བྲལ་བས་ཁ་དོག་མཐིང་གར་གསལ།། རིག་པ་གདངས་དང་ལྡན་པས་འོད་ཆེན་མཐིང་གར་གསལ།། རིག་པའི་འབྲས་བུ་ཟང་མ་ཐལ་བྱུང་ཡིན་པས་འོད་ཆེན་མཐིང་གར ་གསལ།། རིག་པ་ཉིད་ལ་ཉོན་མོངས་གོས་པ་མེད་པས་ཁ་དོག་དཀར་པོར་གསལ།། རིག་པ་ཤེལ་སྒོང་ལྟ་བུར་དག་པས་ཁ་དོག་དཀར་པོར་གསལ།། རིག་པ་བྱང་སེམས་དྲི་མ་མེད་པས་ཁ་དོག་དཀར་པོར ་གསལ།། རིག་པའི་འོད་ཟེར་གཏིང་མཐའ་ཡས་པས་ཁ་དོག་དཀར་པོར་གསལ།། རིག་པའི་ཡེ་ཤེས་ཐ་སྙད་བྲལ་བས་འོད་ཆེན་སེར་པོར་གསལ།། རིག་པའི་ཡེ་ཤེས་འཛིན་པ་མེད་པས་འོད་ཆེན་སེར་པོར ་གསལ།། རིག་པའི་ཡེ་ཤེས་ངང་གིས་གསལ་བས་འོད་ཆེན་སེར་པོར་གསལ།། རིག་པ་འགྱུར་མེད་ངང་ལ་རྫོགས་པས་འོད་ཆེན་སེར་པོར་གསལ།། རིག་པའི་ཀློང་ན་དབང་རྣམས་ཐམས་ཅད་རྫོགས་པས་ཁ་དོག ་དམར་པོར་གསལ།། རིག་པའི་ཀློང་ནས་སྐྱེ་མེད་དུས་གཅིག་རྫོགས་པས་ཁ་དོག་དམར་པོར་གསལ།། རིག་པ་འགྱུར་མེད་ངང་ལ་དེ་བཞིན་གཤེགས་པས་འོད་ཆེན་དམར་པོར་གསལ།། རིག་པ་འགག་མེད་ཀུན་ལ ་ཁྱབ་པས་འོད་ཆེན་དམར་པོར་གསལ།། རིག་པའི་ས་ལ་འགྱུར་བ་མེད་པས་འོད་ཆེན་ལྗང་གུར་གསལ།། རིག་པ་དངོས་པོས་སྟོང་པར་ཁྱབ་པས་ཁ་དོག་ལྗང་གུར་གསལ།། རིག་པ་ཤེས་རབ་འགག་པ་མེད་པས་ཁ ་དོག་ལྗང་གུར་གསལ།། འཛིན་པའི་སྤྱོད་ཡུལ་མེད་པས་ཁ་དོག་ལྗང་གུར་གསལ།། དེ་ལས་འོད་འཕྲོས་འཇིག་རྟེན་གང་བར་འགྱུར།། ཀུན་ལ་དཀོན་པའི་ཡེ་ཤེས་འོད་མཆོག་འདི།། ཡེ་ཤེས་འོད་ཀྱིས་ནམ་མཁའ ་ཁེངས་པར་མཐོང་།། དེ་ཡིས་སེམས་ཅན་རྣམས་ཀྱང་གྲོལ་བར་བྱེད།། ཅེས་རྒུད་ཆེན་པོ་གསང་བ་རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ལས། སྒྲ་དང་ཡེ་ཤེས་ཀྱི་ལེའུ་སྟེ་ལྔ་པའོ།། །། དེ་ནས་ཡང ་གསང་བའི་བདག་པོ་ཕྱག་ན་རྡོ་རྗེ་དེ་ཉིད་དུ་མངོན་པར་སྣང་བར་གྱུར་ནས། ཐུགས་རྗེ་ཆེན་པོ་དང་ལྡན་པ་དེ་ལ་འདི་སྐད་ཅེས་གསོལ་ཏོ།། ཀྱེ་མ་ཀློང་ཡངས་བཅོམ་ལྡན་ཐུགས་རྗེ་ཅན།། བྱང་ཆུབ་འབྱུང་བའི་གཏེར ་ཆེན་གསུང་དུ་གསོལ།། ཞེས་ཞུ་བ་ཞུས་སོ།། སྟོབས་ཀྱི་བདག་པོས་བཀའ་སྩལ་པ།། ཀྱེ་མ་རྡོ་རྗེ་འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་།། རང་རིག་བྱང་ཆུབ་སེམས་ཀྱི་བདུད་རྩི་འདི།། དཔེར་ན་ལྷ ་རྫས་ནོར་བུ་རིན་ཆེན་འདི།། གྲང་བའི་ཕྱོགས་སུ་བཞག་ན་དྲོ་བར་འགྱུར།། དྲོ་བའི་ཕྱོགས་སུ་བཞག་ན་བསིལ་བར་འགྱུར།། མུན་པའི་ཕྱོགས་སུ་བཞག་ན་སྣང་བར་འགྱུར།། དེ་བཞིན་རང་བྱུང་རིག་པ་འདི།། རྟོགས ་པའི་དོན་དང་ལྡན་གྱུར་ན།། ཉོན་མོངས་ཡེ་ཤེས་གྲོགས་སུ་འགྱུར།། ཉོན་མོངས་སྐྱེས་ཀྱང་ཡེ་ཤེས་སྟོབས་སུ་གྱུར་ན་བསྒྲིབ་པ་མེད།། ཀྱེ་ཧོ་གསང་བའི་བདག་པོ་ངེས་པར་ཟུང་།། རང་ལས་བྱུང་བའི་བདུད ་རྩིའི་ཐིགས་པ་འདི།། དཔེར་ན་ནོར་བུ་ཆུ་དང་ས་བཞིན།། རྙོག་མ་ཅན་དུ་སྩལ་ན་རྙོག་མ་དངས་པར་འགྱུར།། དེ་བཞིན་སྙིང་པོ་དོན་གྱི་གདམས་པ་འདི།། བཏབ་ན་ཉོན་མོངས་གོས་མི་འགྱུར།། བག ་ཆགས་འདམས་ལས་ཡེ་ཤེས་པདྨ་སྐྱེ་བར་འགྱུར།། ཡེ་ཤེས་ཆུ་ཡིས་ཉོན་མོངས་ཐམས་ཅད་འཁྲུད།། ཡེ་ཤེས་མེ་ཡིས་བག་ཆགས་བསྲེག་པར་བྱེད།། ཡེ་ཤེས་བདེ་བའི་སྐུ་ལ་སྣང་སྲིད་གསལ།། གཅིག་པུ་དལ་བར ་འདུག་ན་སྣང་བ་གྲོགས་སུ་ཆར།། མ་སྐྱེས་དབྱིངས་ནས་ཡེ་ཤེས་འོད་གསལ་བ།། ཀུན་ལ་ཡོད་དེ་ཀུན་གྱིས་མཐོང་བ་མེད།། དཔག་པས་མི་དཔོག་ནམ་མཁའི་དབྱིངས་དང་འདྲ།། གསལ་ལ་འཚེར་བ་ཉི་མའི་འོད ་དང་འདྲ།། འགྱུར་བ་མེད་པས་རི་རྒྱལ་ལྷུན་པོ་འདྲ།། ཟབ་ལ་གཏིང་དཔག་མེད་པ་རྒྱ་མཚོའི་གཏིང་དང་འདྲ།། གོས་པ་མེད་པས་འདམ་གྱི་པདྨ་འདྲ།། ངོས་བཟུང་མེད་པས་ཆུ་ཡི་ཟླ་བ་འདྲ།། ཅིར་ཡང་སྣང་བས་ནམ ་མཁའི་ཆོ་འཕྲུལ་འདྲ།། གསལ་ལ་ཁ་དོག་རྫོགས་པས་བར་སྣང་འཇའ་ཚོན་འདྲ།། གང་ལ་ཐོགས་པ་མེད་པས་རླུང་གི་དཀྱིལ་འཁོར་འདྲ།། རྒྱུན་ཆད་སྐྱེ་འབྲི་མེད་པས་ཆུ་བོའི་རྒྱུན་དང་འདྲ།། ཀུན་ལ་ཁྱབ་པས་དུས ་ཀྱི་ལྟོ་བ་འདྲ།། རྟོག་པ་སྣ་ཚོགས་འཆར་བས་འཁྲུལ་པའི་སྣང་བ་འདྲ།། སྟོང་གསལ་དབྱེར་མེད་སྣང་བས་དག་པའི་ཞིང་ཁམས་འདྲ།། སྲ་ཞིང་བརྟན་པས་རྡོ་རྗེ་ཕ་ལམ་འདྲ།། ཀུན་གྱི་གཞི་མར་གྱུར་པས་ས་གཞི ་མཉམ་པ་འདྲ།། དགོས་འདོད་ཡོངས་སུ་རྫོགས་པ་དཔག་བསམ་ལྗོན་ཤིང་འདྲ།། གསལ་ལ་དངས་པས་བཙུན་མོའི་མེ་ལོང་འདྲ།། རྐང་མེད་མཁའ་ལ་འགྲོ་བས་འད་ཆགས་རྒྱལ་པོ་འདྲ།། རྒྱན་དང་ཆ་ལུགས ་བཅས་པས་སྒེག་མོ་ཕྲེང་ཐོགས་འདྲ།། ཀུན་ལ་ཐལ་གྱིས་ཕུག་པས་དཔག་ཆེན་མདའ་དང་འདྲ།། ཡེ་ཤེས་དབྱིངས་སུ་སྡུད་པས་འབྱུང་བ་ཆུ་དང་འདྲ།། ཉོན་མོངས་བག་ཆགས་བསྲེག་པས་འབྱུང་བ་མེ་དང ་འདྲ།། དཔེ་རྣམས་དེ་བཞིན་མཚོན་པས་ཡེ་ཤེས་དོན་ལ་སྦྱོར།། རྟག་པ་མི་འགྱུར་ཡེ་ཤེས་བརྡལ་བའི་སྐུ།། ཀུན་ལ་ཡོད་དེ་རང་གསང་ཐབས་ཀྱིས་ཆོད།། མི་འགྱུར་ཀུན་ལ་གནས་པའི་རིག་པ་བྱང་ཆུབ་སེམས།། ངོ ་བོཔོ་མི་འགྱུར་ཀུན་ལ་དེ་བཞིན་གནས།། རང་བཞིན་གསལ་བས་འགྲོ་ཀུན་ཡོངས་ལ་ཁྱབ།། ངང་གིས་མི་གཡོ་ཁྱབ་གདལ་བདེ་བའི་ཀློང་།། རྡོ་རྗེའི་དམ་ཚིག་ལྡན་པས་བླང་བར་བྱ།། ཞེས་བཀའ་སྩལ་ཏོ།། དེ་ནས ་ཡང་གསང་བའི་བདག་པོ་ཕྱག་ན་རྡོ་རྗེས་རྡོ་རྗེ་གསོར་ཏེ་འདི་སྐད་ཅེས་གསོལ་ཏོ།། ཨ་ལ་ལ་ཧོ།། དེ་བཞིན་གཤེགས་པ་ཐམས་ཅད་ཀྱི་དགོངས་པ་ཐུགས་སུ་ཆུད་དོ།། རང་གི་དོན་ཆེན་རྙེད་དོ།། ཞེས་བརྗོད་ནས་རྡོ ་རྗེ་གསོར་བས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དེ་བཞིན་གཤེགས་པའི་སྐུས་གང་བར་གྱུར་ཏོ།། དེ་བཞིན་གཤེགས་པའི་སྐུ་མཐོང་བའི་སེམས་ཅན་དེ་དག་ཀྱང་མངོན་པར་རྫོགས་པར ་སངས་རྒྱས་སོ།། ངན་སོང་གི་སྐྱེ་གནས་ཐམས་ཅད་རྒུན་བཅད་དོ།། དེ་ནས་ཡང་གསང་བའི་བདག་པོ་རང་ལ་རང་ངོ་མཚར་སྐྱེས་ནས་འདི་སྐད་ཅེས་རྡོ་རྗེ་འཆང་ཆེན་པོ་ལ་གསོལ་ཏོ།། ཀྱེ་ཀྱེ་བཅོམ ་ལྡན་རྡོ་རྗེ་འཆང་།། རིག་པའི་དཔེ་དོན་དེ་ལྟར་ན།། མ་རིག་དཔེ་དོན་གསུང་དུ་གསོལ།། ཞེས་ཞུ་བ་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཨེ་མ་ཧོ། རྡོ་རྗེ་འཛིན་པ་ཉོན།། མ་སྨིན་མ་རྟོགས་འཁོར་བ ་ནི།། དཔེར་ན་གྱི་ལིང་ལྕགས་བཅུག་འདྲ།། བཀྲོལ་བར་མ་གྱུར་ཐར་པའི་དུས་མི་འབྱུང་།། དེ་བཞིན་མ་རིག་ལྕགས་བཅུག་ཐར་བར་ག་ལ་འགྱུར།། མ་རིག་ཆུ་དང་འདྲ་སྟེ་ཐམས་ཅད་སྡུད།། ཞེ་སྡང་མེ་ནི་བསྐལ་པའི ་མེ་དཔུང་འདྲ།། འདོད་ཆགས་ཚ་ཆུ་དག་ནི་འཐུང་བ་འདྲ།། གཏི་མུག་འཐིབས་པ་ཁང་སྟོང་མུན་པ་འདྲ།། ང་རྒྱལ་དྲེགས་པ་རི་བོ་བསྙིལ་བ་འདྲ།། ཕྲག་དོག་གནོད་སེམས་གཅོང་རོང་དོག་མོ་འདྲ།། ཉོན་མོངས་རྣམ ་ལྔས་ཡེ་ཤེས་སྒྲིབ་པར་བྱེད།། ཡིད་ནི་དཔེར་ན་ཁང་སྟོང་རྐུན་མ་འདྲ།། དབུགས་ནི་དཔེར་ན་ནགས་ཀྱི་སྤྲེའུ་འདྲ།། སེམས་ནི་དཔེར་ན་མི་གཙང་འདམ་རྫབ་འདྲ།། ཀུན་གཞི་དཔེར་ན་སེམས་ཅན་ཕག་པ་འདྲ།། ཤེས ་པ་དཔེར་ན་བྱ་སྒོ་རླུང་ཁྱེར་འདྲ།། གཟུང་འཛིན་དཔེར་ན་སྐྱེས་པ་བུད་མེད་དབང་གིས་བསྐོར་བ་འདྲ།། ལས་ཀྱི་བྱེ་བྲག་བྱ་རྙི་འཛིངས་པ་འདྲ།། སྡུག་བསྔལ་བྱེ་བྲག་ཆུ་བོའི་གཉེར་མ་འདྲ།། ཉོན་མོངས་འབྲས་བུ་འདི ་ལ་བཟོད་པའི་ཐབས་མེད་དོ།། འཁོར་བའི་སྡུག་བསྔལ་འཛིན་པའི་རྟོད་ཕུར་འདི།། བྱས་པས་མི་ཐོན་བཞག་ན་ཐོན་པར་གྱུར།། བྱས་པའི་ཆོས་རྣམས་སྤངས་ན་དལ་བ་འགྲུབ་པར་འགྱུར།། བསམ་པ་ཀུན་སྤངས་ཡེ ་ཤེས་མཚོ་མི་གཡོ།། གསང་སྔགས་རྒྱལ་པོ་སྤྱད་ན་ཉོན་མོངས་ཡེ་ཤེས་འགྱུར།། དཔེར་ན་ཁྱིམ་སྟོང་སྒྲོན་མེ་བཏགས་ན་མུན་པ་གསལ་བར་འགྱུར།། དེ་བཞིན་ཡེ་ཤེས་སྒྲོན་མེ་བཏེགས་ན་མ་རིག་རིག་པར ་འགྱུར།། དེ་ཁོ་ན་ཉིད་ཀྱི་རྟོགས་པ་རྒྱུད་ལ་སྐྱེས་ན་ཉོན་མོངས་ཐམས་ཅད་ཡེ་ཤེས་གྲོགས་སུ་འཆར།། དེ་ཕྱིར་རིགས་ཀྱི་བུ་ཉོན་མོངས་པ་ལྔ་ཡེ་ཤེས་ལྔ་དང་སྦྱོར་ཅིག། མ་དག་པ་སུམ་བརྩེགས་དང་ཡེ་ཤེས་སུམ ་བརྩེགས་སྦྱོར་ཅིག། ཉོན་མོངས་པ་སྣ་ཚོགས་སུ་སྣང་བ་དང་ཡེ་ཤེས་ཀྱི་འོད་ཁ་དོག་སྣ་ཚོགས་སུ་སྣང་བ་སྦྱོར་ཅིག། ཨེ་མ་ཧོ།། རིགས་ཀྱི་བུ་དེ་བཞིན་དུ་ཤེས་ན་མ་དག་པའི་སྣང་བ་འདིས་བསྒྲིབ་པ་མེད་དོ།། རིགས ་ཀྱི་བུ་རང་དེལ་བར་འདུག་ན། ཡེ་ཤེས་ཀྱི་སྣང་བ་ལྷག་པར་འཆར་རོ།། དེའི་ཕྱིར་ན་རིགས་མེད་གཅིག་པུར་གནས་པར་བྱ་ཞེས་འབྱུང་ངོ་།། ཀྱེ་གྲོགས་པོ་དག་ཡང་དག་པར་རྫོགས་པའི་སངས་རྒྱས་ཀྱི་འབྲས་བུ་ནི ་སྨིན་པ་དང་མ་སྨིན་པ་མི་མངའོ།། དེའི་ཕྱིར་ན་བསྒོམས་པས་འབྲས་བུ་མི་རྙེད་པའི་མན་ངག་གོ། ཀྱེ་གྲོགས་པོ་དག་ཡང་དག་པར་རྫོགས་པའི་སངས་རྒྱས་ཀྱི་ལྟ་བ་ནི་བརྗོད་པ་ཐམས་ཅད་དང་བྲལ་བའོ།། དེའི་ཕྱིར ་ན་བྱང་ཆུབ་སེམས་དཔའ་ཆོས་ལ་གནས་པར་མི་བྱའོ།། ཀྱེ་གྲོགས་པོ་དག་ཡང་དག་པར་རྫོགས་པའི་སངས་རྒྱས་ཀྱི་དགོངས་པ་རང་ལས་བཙལ་བར་བྱའོ།། དེ་བས་ན་རྒྱུད་འདི་ཡང་སངས་རྒྱས་ཀྱི ་བཀའི་དམ་པར་ཟུང་ཞིག། རིག་པ་གཉིས་མེད་ཀྱི་ཡེ་ཤེས་ངོས་ཟུང་ཞིག། རིག་པ་གཟུང་འཛིན་དང་བྲལ་བར་མཁས་པར་གྱིས་ཤིག། རིག་པ་ཅིར་སྣང་བ་ཐམས་ཅད་ཀློང་གཅིག་ཏུ་དྲིལ་ཅིག། ཅེས་བཀའ་སྩལ ་ནས། འོད་ཕུང་རབ་ཏུ་འགྱེད་པ་ཞེས་བྱ་བའི་ས་མ་ཏི་ལ་སྙོམས་པར་ཞུགས་སོ།། དེ་ནས་མཁའ་འགྲོ་མ་རྣམས་ཀྱིས་སྒྲ་སྙན་པ་སྣ་ཚོགས་དང་། རོལ་མོ་དང་གླ་སྣ་ཚོགས་ཀྱིས་བསྐུལ་བར་མཛད་དོ།། དེ་ནས་དེ ་རྣམས་ཀྱི་ནང་ནས་ནག་མོ་འབྲུག་གི་སྒྲ་ཅན་མ་ཞེས་བྱ་བས་འདི་སྐད་ཅེས་གསོལ་ཏོ།། ཀྱེ་ཧོ་ཐུགས་རྗེ་ཆེན་པོ་དང་ལྡན་པ་ཏིང་ངེ་འཛིན་ལས་བཞེངས་ཤིག། ཁམས་གསུམ་སེམས་ཅན་ཐམས་ཅད་ཉོན་མོངས་པ་མ ་རིག་པའི་རྒྱས་འཐུམས་པ་འདི་རྣམས་ལ། ཐབས་དམ་པ་བསྟན་དུ་གསོལ།། བསྟན་པའི་སྒྲོན་མ་འཇིག་རྟེན་གྱི་ཁམས་སུ་ཡུན་རིང་བར་གནས་པར་མཛད་དུ་གསོལ།། ཞེས་གསོལ་པ་དང་། བཅོམ་ལྡན་འདས་ཏིང ་འཛིན་ལས་བཞེངས་ནས་དེ་བཞིན་གཤེགས་པའི་སྐུ་མང་པོ་མངོན་པར་སྤྲུལ་ནས། ལ་ལ་ནི་ཕྱག་ན་རྡོ་རྗེའི་སྐུ་ཤ་སྟག་ཏུ་གྱུར། ལ་ལ་ནི་ཞི་བའི་སྐུ་ཤ་སྟག་ཏུ་གྱུར། ལ་ལ་ནི་རང་རང་གི་དཀྱིལ་འཁོར་དང་བཅས ་པའི་སྐུ་ཤ་སྟག་ཏུ་གྱུར། ལ་ལ་ནི་ཡབ་ཡུམ་སྣང་བ་ཤ་སྟག་ཏུ་གྱུར་ཏེ། དེ་ནས་མཁའ་འགྲོ་མ་རྣམས་ངོ་མཚར་སྐྱེས་ནས། ཐབས་ཅིག་ཏུ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྐུ་ཡི་ངེས་ཚིག ་གསུང་དུ་གསོལ།། ཞེས་ཞུས་སོ།། གསང་སྔགས་རྒྱལ་པོས་བཀའ་སྩལ་པ།། ཀྱེ་ཀྱེ་འབྱུང་བའི་བདག་མོ་ཉོན།། ཡེ་ཤེས་རྒྱལ་པོ་ཚིག་གིས་མཚོན་དུ་མེད།། རིག་པའི་རྒྱལ་པོ་ཚིག་ལས་འདས་པ་ཡིན།། འོན་ཀྱང ་ཚིག་གིས་དོན་རྣམས་མཚོན་པར་བྱེད།། ཚིག་དོན་གཉིས་མེད་འབྲེལ་པའི་གཏན་ཚིགས་བཤད།། སྐུ་ཡི་ངེས་ཚིག་གང་ཞེ་ན།། མི་འགྱུར་དོན་དང་ལྡན་པས་རྡོ་རྗེ་སྙིང་པོའི་སྐུ།། སྐྱེ་མེད་ངང་ལ་རྫོགས་པས་བྱ་རྩོལ ་བྲལ་བའི་སྐུ།། འགག་མེད་ངང་ལ་གནས་པས་བྱ་བཙལ་མེད་པའི་སྐུ།། མཚོན་པའི་ཚིག་དང་བྲལ་བས་ཐིག་ལེ་སྟོང་པའི་སྐུ།། རང་གསལ་བྱས་པ་མེད་པས་འོད་གསལ་བདེ་བའི་སྐུ།། དངོས་པོ་རྫས་སུ་མེད་པས ་སྟོང་པ་འཛིན་མེད་སྐུ།། རྒྱ་ཆད་ཕྱོགས་ལྷུང་མེད་པས་ཡེ་ཤེས་བརྟན་པའི་སྐུ།། དེ་ལྟར་རྟོགས་ན་བདེ་ཆེན་དང་ལ་གནས།། དེ་ལྟར་སྐུ་བདུན་དོན་ལ་མ་ཡེངས་སྦྱང་བར་བྱ།། དོན་གྱི་རིག་པ་མི་ཟད་བདེ་བའི ་གཏེར།། ཟག་མེད་བྱང་ཆུབ་ཆེན་པོ་བདག་གིས་བླངས།། ང་མེད་པ་ཡི་སྔོན་རོལ་དུ།། རིག་པ་དབྱེར་མེད་ངང་ལ་ཤེས་བྱ་བདེ་བྱེད་གསལ།། ང་ནི་རང་བྱུང་བདེ་ཆེན་ཟག་པ་མེད་པའི་སྐུ།། ང་ནི་སྐུ་ཡི་འོད་ལ་ཞུགས ་ཤིང་གསུང་གི་ཟེར་ལ་རོལ།། དེ་ཕྱིར་འོད་ཟེར་ཞེས་ཀྱང་དེ་ལ་བྱ།། ང་ནི་མི་གནས་ཡེ་ཤེས་ཕྱོགས་ལ་གནས་པ་མེད།། ང་ཡི་སྐུ་ལ་སྣང་སྲིད་གསལ་ཞིང་བདེ་ཆེན་འབར་བར་སྣང་།། དེས་ན་ང ་ནི་ཐབས་ཀྱི་ཕ་རོལ་ཕྱིན་ལ་གནས།། ཐོགས་མེད་གསལ་བའི་མར་མེ་བསམ་པ་ཀུན་དང་བྲལ།། བསམ་བྲལ་བདེ་བའི་སྐུ་ལ་སྣང་སྲིད་གསལ།། བསམ་བྲལ་སྣ་ཚོགས་འབྱུང་བའི་རིག་པ་འགག་མེད་ཀློང་།། ཀུན ་གསལ་ཆོས་ཉིད་མེ་ལོང་འོད་པོ་ཆེ།། གཉིས་མེད་ངང་དུ་བདེ་ཆེན་འོད་གསལ་མཉམ།། ཞེས་གསང་བ་ཡང་ཁོལ་དུ་ཕྱུང་བའི་རྒྱུད། རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ཆེན་པོ་ལས།། མ་རིག་པ་དང་ཡེ་ཤེས ་ཀྱི་མཐུན་དཔེ་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རྫོགས་ཆེན་ངེས་ཚིག་གསུང་དུ་གསོལ།། ཞེས་ཞུ་བ་ཞུས ་སོ།། སྟོབས་ཀྱི་རྒྱལ་པོས་བཀའ་སྩལ་པ།། ཀྱེ་ཀྱེ་རྡོ་རྗེ་འཛིན་པ་ཉོན་ཅིག། རྫོགས་ཆེན་ཐེག་པའི་ངེས་ཚིག་ནི།། རིག་པ་བྱ་བྲལ་དང་ལ་ཡེ་ཤེས་རྫོགས་པས་རྫོགས།། བསྒོམ་པ་རྟོག་མེད་ངང་ལ་ཡེ་ཤེས་དྲི་མེད ་རྫོགས་པས་རྫོགས།། སྤྱོད་པ་བཅོས་མེད་ངང་ལ་ཡེ་ཤེས་བརྡལ་བ་རྫོགས་པས་རྫོགས།། ལྟ་བ་དགག་བསྒྲུབ་མེད་པའི་ངང་ལ་ཡེ་ཤེས་རྟོགས་མེད་རྫོགས་པས་རྫོགས།། འབྲས་བུ་དམིགས་མེད་ངང་ལ་ཡེ་ཤེས་ཉི་ཤུ ་རྩ་ལྔ་རྫོགས་པས་རྫོགས།། སྐུ་དང་ཡེ་ཤེས་རང་གི་སྙིང་གི་དཀྱིལ་ན་རྫོགས་པས་རྫོགས།། སྟོང་པའི་ངང་ལས་རིག་པ་དངོས་མེད་གསལ་བའི་ཡེ་ཤེས་རྫོགས་པས་རྫོགས།། སྐྱེ་མེད་དང་ལས་འོད་ལྔ་མ་འདྲེས ་གསལ་བར་རྫོགས་པས་རྫོགས།། སྟོང་ཉིད་གསལ་ལ་མ་ཡེངས་པས་ན་པ།། བྱ་བ་མེད་པར་སྣང་བས་པ།། གསལ་ལ་འཛིན་པ་མེད་པས་པ།། འབྲས་བུ་ཚད་དང་ལྡན་པས་པ།། ཐེག་པ་ཀུན་གྱི་གོང་དུ་གྱུར་པས ་གནས་ལུགས་དོན་ལ་གཡེངས་པ་མེད་པས་ཆེ།། ཡེ་ཤེས་སྒྲོན་མ་ལྟ་བ་ཀུན་གྱི་རྩེ་མོར་གྱུར་པས་ཆེ།། གསལ་ལ་མ་ཡེངས་སྒོམ་པ་ཀུན་གྱི་རྩེ་མོར་གྱུར་པས་ཆེ།། རང་བྱུང་མ་བཅོས་སྐྲོད་པ་ཀུན་གྱི་རྩེ་མོར་གྱུར ་པས་ཆེ།། འཛིན་མེད་རང་གསལ་འབྲས་བུ་ཀུན་གྱི་རྩེ་མོར་གྱུར་པས་ཆེ།། འགྱུར་མེད་དང་ལ་འགག་མེད་རྩོལ་བས་ཆེ།། འཛིན་མེད་ངང་ལ་འགག་མེད་རྩོལ་བས་ཆེ།། འཛིན་མེད་ངང་ལ་རྟོག་མེད་གསལ་བས ་ཆེ།། ཞེན་མེད་དངལ་ཆགས་མེད་གསལ་བས་ཆེ།། བརྗོད་མེད་དངལ་བདེ་ཆེན་གསལ་བས་ཆེ།། རྣམ་དག་བྱང་ཆུབ་བརྡལ་བའི་སྙིང་པོ་ཡིན་པས་ཆེ།། བྱ་བཙལ་བྲལ་བའི་རིག་པ་དངོས་མེད་ཡིན་པས་ཆེ།། བདེ ་ཆེན་དང་ལས་མི་གཡོ་མཉམ་པར་གནས་པས་ཆེ།། སྙིང་པོའི་དོན་ལ་མི་གཡོ་མཉམ་པར་གནས་པས་ཆེ།། འཛིན་པའི་སྤྱོད་ཡུལ་མ་ཡིན་ཀུན་ལ་ཡོད་པས་ཆེ།། ཚིག་དང་ཡི་གེས་གཏན་ལ་མི་ཕེབ་ཀུན་གྱི་སྙིང་པོ་ཡིན ་པས་ཆེ།། རིག་པ་ཡེ་ཤེས་ཉི་ཤུ་རྩ་ལྔས་བརྒྱན་པས་པོ།། ཡེ་ཤེས་འོད་ལྔ་དག་པས་བརྒྱན་པས་པོ།། འོད་ལ་ཟེར་རྣམས་སོ་སོར་བརྒྱན་པས་པོ།། གསུམ་བརྩེགས་དབྱེར་མེད་མཉམ་པས་གནས་པས ་པོ།། སྐུ་གསུམ་ཕྱིར་མི་ལྡོག་པས་འབྲས་བུ་ཚད་དང་ལྡན།། རྒྱ་ཆད་ཕྱོགས་ལྷུང་མེད་པས་ལྟ་བའི་ཚད་དང་ལྡན།། གསལ་ལ་རྟོག་པ་མེད་པས་སྒོམ་པའི་ཚད་དང་ལྡན།། རང་བྱུང་བཅོས་པ་མེད་པས་སྤྱོད་པའི་ཚད ་དང་ལྡན།། བདེ་ཆེན་ཟག་པ་མེད་པའི་བྱང་ཆུབ་དངོས་མེད་འདི།། བཟུང་བས་མི་ཟིན་ཆུ་ཡི་ཟླ་བ་འདྲ།། དགོས་དགུ་རང་ལ་ཚང་བས་ཕྱུག་པོའི་བང་མཛོད་འདྲ།། རིག་པ་བྱང་ཆུབ་སེམས་ནི་གདོད་ནས་སྐྱེ་དང ་བྲལ།། མ་སྐྱེས་པས་ན་འཆི་མེད་རིག་པའི་ཀློང་།། ཐིག་ལེ་རྣམ་ལྔ་འདུ་འབྲལ་མེད་པའི་ཀློང་།། མ་རིག་འཁྲུལ་པ་མེད་པས་གཞི་ཡི་ཐིག་ལེ་བཟང་པོ་ཡིན།། འགྱུར་མེད་རྣམ་པར་དག་པས་ལམ་གྱི་ཐིག་ལེ་བཟང་པོ ་ཡིན།། རིག་པ་རྟོག་པ་མེད་པར་བར་ཆད་སེལ་བས་རྒྱན་དང་ལྡན་པའི་ཐིག་ལེ་བཟང་པོ་ཡིན།། འགྲོ་དང་འོང་བ་མེད་པས་བཟང་པོའི་རྩེ་མོ་ཐིག་ལེ་བཟང་པོ་ཡིན།། སྐྱེ་དང་འཆི་བ་མེད་པས་ཆོས་དབྱིངས་ཐིག་ལེ ་བཟང་པོ་ཡིན།། དེ་ལྟར་ཐིག་ལེ་རྣམ་ལྔ་ཡང་།། དབྱེ་ན་ཐིག་ལེ་རྣམ་པ་བཅུ་ཡོད་དེ།། དེ་ཡང་བསྟན་པ་འདི་ལྟར་ཡིན།། བཟང་པོ་འཁྲུལ་མེད་ཐིག་ལེ་དང་།། བཟང་པོ་ཟག་མེད་ཐིག་ལེའོ།། དེ་ནི་གཞི་ཡི་ཉེར ་གཞག་གོ། ལམ་གྱི་ཉེར་གཞག་གང་ཞེ་ན།། འཛིན་མེད་རྣམ་དག་ཐིག་ལེ་དང་།། ས་དང་ལམ་གྱི་ཐིག་ལེའོ།། དེ་ནི་ལམ་གྱི་ཉེར་གཞག་གོ། འབྲས་བུའི་ཐིག་ལེ་གང་ཞེ་ན།། རྣམ་སྨིན་བར་ཆད་སེལ་བའི་ཐིག་ལེ ་དང་།། མུན་པ་སེལ་བའི་ཐིག་ལེ་དང་།། སྣང་བ་བཟློག་པའི་ཐིག་ལེ་དང་།། རབ་བམ་རྩེ་མོར་གྱུར་པའི་ཐིག་ལེ་དང་།། འོད་ལྔ་མ་འདྲེས་གསལ་བའི་ཐིག་ལེ་དང་།། སྐུ་བདུན་ལྷུན་གྱིས་གྲུབ་པའི་ཐིག་ལེའོ།། དེ ་ལྟར་ཐིག་ལེ་ལྔ་དང་སྐུ་ལྔ་དག་ཏུ་སྦྱོར།། དེ་ལྟར་བཅུ་ཕྱེ་ཡབ་ཡུམ་བཅུ་དང་སྦྱར།། དེ་ལས་ཡེ་ཤེས་འབྱུང་བ་གང་ཞེ་ན།། དེ་ཡང་ལྔ་ལྔར་ཤེས་པར་བྱ།། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས་ཞུ ་བ་ཞུས་པ། ཨེ་མ་ཧོ།། ཐུགས་རྗེ་ཆེན་པོ་དང་ལྡན་པ། དེའི་དབྱེ་བ་རྣམ་གསུམ་གསུང་དུ་གསོལ། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ། ཨེ་མ་ཧོ།། གསང་བའི་བདག་པོ་ཉོན།། ཡེ་ཤེས་རྣམ་པ་ལྔ་ཡང་ལྔ ་ལྔ་སྟེ།། ཡེ་ཤེས་ཉི་ཤུ་རྩ་ལྔར་ཤེས་པར་གྱིས་ཤིག། དེ་ཡང་གང་ཞེ་ན། འདི་ལྟ་སྟེ། དབྱིངས་ཀྱི་ཡེ་ཤེས་དང་།། ཆོས་ཀྱི་དབྱིངས་ཀྱི་ཡེ་ཤེས་གཉིས། དབྱིངས་རྣམ་པར་དག་པའི་ཡེ་ཤེས་དང་། དབྱིངས་ཆེན་པོའི་ཡེ ་ཤེས་དང་གཉིས། དབྱིངས་ཐམས་ཅད་གཉིས་སུ་མེད་པའི་ཡེ་ཤེས་དང་ལྔའོ།། མཱུ་ཆོས་ཅན་ཆོས་ཉིད།། མེ་ལོང་ལྟ་བུའི་ཡེ་ཤེས་དང་།། མེ་ལོང་ཆེན་པོའི་ཡེ་ཤེས་གཉིས།། རྟོག་མེད་གསལ་བའི་ཡེ་ཤེས་དང་།། རྟོག་མེད ་དངས་པའི་ཡེ་ཤེས་གཉིས། གསལ་བ་འཛིན་མེད་ཆེན་པོའི་ཡེ་ཤེས་དང་ལྔའོ།། ཧཱཿཧཊ། སྣང་སྟོང་། མཉམ་པ་ཉིད་ཀྱི་ཡེ་ཤེས་དང་། མཉམ་པ་ཉིད་མ་འགགས་པའི་ཡེ་ཤེས་གཉིས། མི་གཡོ་བ་མཉམ ་པ་ཉིད་ཀྱི་ཡེ་ཤེས་དང་། མི་འགག་པ་མཉམ་པ་ཉིད་ཀྱི་ཡེ་ཤེས་གཉིས། ཅི་ལ་ཡང་མི་གནས་པ་མཉམ་པ་ཉིད་ཀྱི་ཡེ་ཤེས་དང་ལྔའོ།། སྒྲ་རིག་སྟོང་། སོ་སོར་རྟོགས་པའི་ཡེ་ཤེས་དང་། དོན་ཐམས་ཅད་རབ་ཏུ་འབྱེད ་པའི་ཡེ་ཤེས་གཉིས། རྟོགས་པ་སྐད་ཅིག་མར་སྐྱེ་བའི་ཡེ་ཤེས་དང་། སྒྲ་ཐམས་ཅད་རྣམ་པར་སེལ་བའི་ཡེ་ཤེས་དང་གཉིས། སྒྲ་དང་ཚིག་ལ་མི་གནས་པར་གོ་བའི་ཡེ་ཤེས་དང་ལྔའོ།། ཀྵུ~ཾ་གསལ་སྟོང་། ཀླུ་ཡང་།། བྱ་བ ་གྲུབ་པའི་ཡེ་ཤེས་དང་། བྱ་བ་ཐམས་ཅད་བྱེད་པའི་ཡེ་ཤེས་དང་གཉིས། བྱ་བ་ལ་མི་གནས་པའི་ཡེ་ཤེས་དང་། བྱ་བ་བཏང་བའི་ཡེ་ཤེས་གཉིས། སྒྲོ་འདོགས་ཐམས་ཅད་གཅོད་པའི་ཡེ་ཤེས་དང་ལྔའོ།། དྷི་མཱ་ཨ། ་མུ་ཨ་ཡང་། སྣང་སྟོང་གཉིས་སུ་མེད་པའོ།། རིགས་ཀྱི་བུ་དེ་ལྟར་གོང་བཞིན་རྟོགས་ནས་ཤེས་པའི་དུས་ན། དེ་ལས་ཟེར་འབྱུང་སྟེ། ཉི་ཟླ་ལྟ་བུའི་ཟེར་དར། སྲིན་བུ་མེ་ཁྱེར་ལྟ་བུའི་ཟེར་དང་། མར་མེ་ལྟ་བུའི་ཟེར་དང་། སྣང་བ ་ཟེར་དང་བཅས་པར་སྣང་ངོ་། རིགས་ཀྱི་བུ་དེ་ལྟར་གོ་ཞིང་རྟོགས་ནས་ཤེས་པའི་དུས་གཅིག་ན། འདི་སྐད་བདག་གིས་ཐོས་པའི་དུས་གཅིག་ན། ཞེས་བྱའོ།། དེའི་དོན་ལ་མ་ཡེངས་མི་གནས་པའི་རིག་པ་ཤར་ནས ་རང་ལ་རང་གིས་རྟོགས་པ་ནི། འདི་སྐད་བསྟན་པའི་དུས་གཅིག་ན་ཞེས་བྱའོ།། དེ་ལྟར་ཤེས་ནས་མོས་པའི་འཁོར་རྣམས་ལ་བསྟན་པའི་ཕྱིར་ན། འདི་སྐད་བདག་གིས་བསྟན་པའི་དུས་གཙུག་ན། ཞེས་འབྱུང ་ངོ་ངོ།། ཀྱེ་གྲོགས་པོ་དག་བསྟན་པ་འདི་ལ་གནས་པའི་གང་ཟག་རྣམས་ལ་དེ་བཞིན་དུ་བྱོས་ཤིག། དེ་ལྟར་ཤེས་པའི་རིགས་ཀྱི་བུ་དེ་ནི་མྱ་ངན་ལས་འདས་པར་འགྱུར་རོ།། ཀྱེ་རིགས་ཀྱི་བུ་སྐྱེས་བུ་དེ་ལ་སྔ་རྟགས་འདི ་དག་འབྱུང་སྟེ། དེ་ཡང་གང་ཞེ་ན། འདི་ལྟ་སྟེ། གཅིག་པུར་བསྡད་ན་ཉམས་དགའ་བ་དང་། ཡེ་ཤེས་ཀྱི་སྒྲོན་མེ་དང་འགྲོགས་པའི་ཕྱིར། ལུས་ཤིང་བལ་གྱི་འདབ་མ་ལྟར་ཡང་བ་དང་། རིག་པ་ཉོན་མོངས་པའི་དབང་དུ་མི་འགྱུར་བའི་ཕྱིར། ་མི་དང་འགྲོགས་སྙིང་མི་འདོད་པ་དང་། རང་གི་རིག་པ་ལྷག་པར་ཤར་ནས་ཡོང་བའི་ཕྱིར། ནམ་མཁའ་ལ་འཕུར་སྙམ་བྱེད་པ་དང་། བག་ཆགས་ཀྱི་ཕུང་པོས་མི་བསྒྲིབ་པའི་ཕྱིར། སྣང་བ་འདི་འགགས་ནས་དག་པའི་འདུ་ཤེས་དང་། གང་ན ་ཡེ་ཤེས་ཀྱི་སྣང་བ་ཡོད་པའི་ཕྱིར། ལུས་དང་སྲོག་ལ་ཡང་མི་ཆགས་པ་དང་། ལུས་པོར་མ་ཐག། དག་པའི་སྣང་བ་འཆར་བའི་ཕྱིར། སྣང་བ་གང་ལ་ཡང་ཡིད་མི་འཇུག་པ་དང་། ཡེ་ཤེས་འོད་དང་རྟག་དུ་འགྲོགས་པའི་ཕྱིར། ཤེས་པ་མི ་བྱིང་བར་གསལ་བ་དང་། འོད་ཀྱི་དངས་མ་ཡོད་པའི་ཕྱིར། ཤེས་པ་ངང་གིས་དེ་ལ་བ་དང་། འཇིག་རྟེན་གྱི་བྱ་བ་ཐོངས་པའི་ཕྱིར། འགྲོགས་ན་བདེ་བ་དང་། སྣང་སྲིད་སྒྱུ་མར་ཤེས་པའི་ཕྱིར། ཉོན་མོངས་ཐམས་ཅད་གང་ཡང་ལྡང་མི་ནུས་པ ་དང་། ཉོན་མོངས་ལངས་ཀྱང་རྟོག་པར་མི་འཛིན་པ་དང་། རིག་པ་ལགས་པ་མེད་པའི་ཕྱིར། གཟུགས་སྡུག་པ་ལ་ཆགས་པ་མི་སྐྱེ་བ་དང་། རིག་པ་ལ་འཕྲུལ་པ་མེད་པའི་ཕྱིར། གཟུགས་མི་སྡུག་པ་ལ་ཞེ་མི་སྡང་བ ་དང་།། ཏིང་འཛིན་གྱི་ནུས་པས་ཟས་སྐོམ་གྱི་འདུ་ཤེས་མི་སྐྱེ་བ་དང་། རིག་པ་གསལ་ལ་རྟོག་པ་མེད་པའི་ཕྱིར། མི་དང་འགྲོགས་ནས་ཀྱང་ཕ་རོལ་གྱི་སེམས་དང་ཅི་མཐུན་བྱེད་པ་སྣང་སྲིད་སྒྱུ་མར་ཤེས་པའི་ཆོས་ཉིད་རྟོགས་པའི་ཕྱིར་ན། དེ ་ནི། ཡོངས་སུ་མྱ་ངན་ལས་འདའ་བའི་སྔ་རྟགས་སོ།། མྱ་ངན་ལས་འདའ་བ་དེ་ལ་ཡང་གཉིས་ཏེ། ཡང་དག་པར་རྫོགས་པའི་སངས་རྒྱས་དང་། མངོན་པར་རྫོགས་པར་སངས་རྒྱས་པའོ།། དེ་ཡང་ཡང་དག་པར་རྫོགས ་པའི་སངས་རྒྱས་ནི། ཕུང་པོ་ལྷག་མ་མེད་པར་སངས་རྒྱས་པའོ།། མངོན་པར་རྫོགས་པར་སངས་རྒྱས་པའི་སྐྱེས་བུ་དེ་ལ། འོད་དང་། སྒྲ་དང་། སྐུ་དང་། གདུང་དང་། ས་གཡོ་བ་ལ་སོགས་པ་འབྱུང་ངོ་།། འོད་ལ་ཡང ་རྣམ་པ་གཉིས་ཏེ། འོད་ཁྱིམ་གྱི་ཚུལ་དུ་འབྱུང་བ་དང་། འོད་གྱེན་དུ་འགྲེངས་ཏེ། སྐས་ཀའི་ཚུལ་དུ་འབྱུང་བ་དང་། འོད་ཁྱིམ་གྱི་ཚུལ་དུ་བྱུང་ན། ཞག་ལྔ་ནས་བརྟན་པ་ཐོབ་སྟེ། མངོན་པར་རྫོགས་པར་འཚད ་རྒྱའོ།། འོད་སྐས་ཀྱི་ཚུལ་དུ་འབྱུང་བ་ནི། ཞག་བདུན་ནས་བརྟན་པ་ཐོབ་སྟེ། མངོན་པར་རྫོགས་པར་འཚང་རྒྱའོ།། སྒྲ་ལ་ཡང་གཉིས་ཏེ། འུར་གྱིས་བྱུང་ན་ཞག་བདུན་ནས་བརྟན་པ་ཐོབ་སྟེ། མངོན་པ་རྫོགས་པར ་འཚང་རྒྱའོ།། ཐུག་གིས་བྱུང་ན་ཞག་བཅུ་བཞི་ནས་མངོན་པར་རྫོགས་པར་འཚང་རྒྱའོ།། གདུང་ལ་ལྔ་སྟེ། ཁ་དོག་མཐིང་ག་ནི། རྣམ་པར་སྣང་མཛད་ཀྱི་ཞིང་ཁམས་སུ་སྐྱེ་སྟེ་མངོན་པར་རྫོགས་པར་སངས་རྒྱས ་པའོ།། ཁ་དོག་དཀར་པོ་ནི་རྡོ་རྗེ་སེམས་དཔའི་ཞིང་ཁམས་སུ་མངོན་པར་རྫོགས་པར་སངས་རྒྱས་པའོ།། སེར་པོ་ནི་རིན་ཆེན་འབྱུང་ལྡན་གྱིའོ།། དམར་པོ་སྣང་བ་མཐའ་ཡས་ཀྱིའོ།། ལྗང་གུ་དོན་ཡོད་གྲུབ་པའོ།། ཁ ་དོག་སྣ་ཚོགས་སུ་བྱུང་ན། སྐུ་ལྔའི་ས་ལ་ལྷུན་གྱིས་གྲུབ་པའོ།། སྐུ་ལ་ཡང་གཉིས་ཏེ། ཞི་བའི་སྐུ་དང་། ཁྲོ་བོའི་སྐུའོ།། ཞི་བའི་སྐུ་བྱུང་ན་སྣང་བ་འདི་འགགས་མ་ཐག་དུ་བརྟན་པ་ཐོབ་སྟེ། སྤྲུལ་པའི་སྐུ་འབྱིན་མ་ནུས ་སོ།། ཁྲོ་བོའི་སྐུ་བྱུང་ན་དེ་ཉིད་ལ་བརྟན་པ་ཐོབ་སྟེ། ཞག་ཉི་ཤུ་རྩ་གཅིག་ནས་སྤྲུལ་པའི་སྐུ་འབྱིན་པར་ནུས་སོ།། རྟགས་དེ་རྣམས་མ་བྱུང་ན་སྐྱེ་བ་གཅིག་གིས་ཐོགས་ཏེ། ཡང་དེ་བཞིན་མི་འབྱུང་མི་སྲིད་དོ།། དེ ་བཞིན་དུ་སྒྲ་དང་། འོད་དང་། གདུང་དང་། སྐྲ་དང་། ཟ་ན་རིང་བསྲེལ་ཡན་ཆད་འབྱུང་ངོ་།། ཞེས་རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ཆེན་པོ། གསང་བ་ཡང་ཁོལ་དུ་ཕྱུང་བའི་རྒྱུད་ཆེན་པོ་ལས། རྟགས་དང ་མཚན་མ་བསྟན་པའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་ཀྱིས་འཁོར་རྣམས་ལ་འདི་སྐད་ཅེས་སྒྲ་བསྒྲགས་སོ།། བཛྲ་རྡོ་རྗེ་སེམས་དཔའ། མ་ནུ་ཆོས་ཉིད་ཀྱི་ཆོ་འཕྲུལ་སྐྱེ་བ་ལྟར་སྣང་བ། ཤ་ས་རི་ཤེས་རབ་སྟོང་པ ་འགྱུར་བ་མེད་པ། སན་ཡང་དག་པའི་རིག་པ། དྷི་ཆོས་ཉིད་སྐྱེ་བ་མེད་པ་ལས་ནི་ཁྲོ་ཐམས་ཅད་འབྱུང་བའི་ཚུལ་བསྟན་པ། དར་པ་ཆོས་ཅན་མཚན་མ་ལས་འདས་པ། ཨ་ཨ་སྒྲེ་མེད་དམིགས་པ་མེད་པའོ།། ཞེས་བརྗོད་པས་འཁོར་རྣམས་ཀྱིས ་ཡང་དག་པའི་དོན་ཐུགས་སུ་ཆུད་དོ།། དེ་ནས་ཡང་འདི་སྐད་ཅེས་བསྒྲགས་སོ།། བུདྡྷ་སངས་རྒྱས་ཀྱི་ཡེ་ཤེས། སརྦ་ཆོས་ཐམས་ཅད་ཀྱི་དགོངས་པ་ཚིག་ལས་འདས་པ། དྷ་བརྡལ་བ་ཕུན་སུམ་ཚོགས་པ། ཐིམ་དབྱིངས་རྣམ་པར་དག་པ་ཆོས་ཉིད་སྐྱེ་བ་མེད ་པའི་ངང་དུ་ཐིམ། དྷ་ཐིམ་མཉམ་པ་ཉིད་སྨེ་ཤི་དང་བྲལ་བའི་རིག་པ་དུས་གསུམ་དུ་མི་འགྱུར་བ། ཨ་རིག་པ་འགྱུར་མེད་དབྱིངས་དང་ཡེ་ཤེས་གཉིས་སུ་མེད་པའི་དོན། ལཾ་རིག་པ་དུས་ཐམས་ཅད་དུ་རྟག་པ་ཡེ་ཤེས་ཀྱི་སྙིང་པོ།། ཀཾ་ཀུན་ལ་ཡོད་པ། བྷ་དེའི་དོན་གོ་བར་དཀའ་བ། ་ཨི་ཧ་དོན་གྱི་སྲིང་པོ་བསྐད་དང་བྲལ་བ། ཨི་ཧ་འཛིན་པ་མེད་པ། ཨོཾ་མ་ཧཱའི་དོན་སྟོན་པ། ཨཱཿ་ནུའི་དོན་སྟོན་པ། ཧཱུཾ་ཨ་ཏིའི་དོན་སྟོན་པ། ཨ་ན་སྐྱེ་བ་མེད་པ་ལ་སྒྲེ་བར་སྣང་བ། ཞེས་བརྗོད་ནས་མི་སྣང་བའི་ངང་དུ་གཤེགས་སོ།། དེ་ནས་ཡང ་གསང་བའི་བདག་པོས་འདི་སྐད་ཅེས་གསོལ་ཏོ། ཀྱེ་མ་ཀྱེ་ཧུད་ཐུགས་རྗེས་ཟུང་། ཞེས་གསོལ་པ་དང་། ནམ་མཁའ་ནས་སྒྲ་འདི་བསྒྲགས་སོ།། ཤ་ཤེས་རབ་ཀྱི་བདག་ཉིད། ས་འགྱུར་བ་མེད་པའི་ཆོས་ཉིད། མ་གཞི་མ་བཅོས་གསལ་བ། ་འའསྟོང་པའི་ཡེ་ཤེས། ཨ་བྷ་མ~ཾ་ཡང་བྱུང་ཨ་ག་ག། ཨ་སྐྱེ་བ་མེད་པ་ལ་སྐྱེ་བར་སྟོན་པ་འགྱུར་བ་མེད་པ་ཤེས་རབ་ཀྱི་བདག་ཉིད་རིག་དབྱིངས་སྟོང་པ་སྐད་ཅིག་མ་ལ་གྲུབ་པ་ཆོས་ཉིད་མ་བཅོས་པ་གཉིས་སུ་མེད་པའོ།། ཨོཾ་ཨཱ་ཧཱུཾ། དེ་ཡང་བསྐྱེད་རྫོགས་གསུམ་འདུ་འབྲལ་མེད་པའི་དོན ་ཡི་གེ་གསུམ་མོ།། ཆོས་ཐམས་ཅད་འགག་པ་མེད་པ་སྐྱེ་བ་མེད་ལས་སྐྱེ་བའི་ཆོ་འཕྲུལ་ཨ་ཏི་ཨ་ནུ་མ་ཧཱའོ།། བཛྲ་རིག་པ་ཡེ་ཤེས་སུ་ཤར་ཏེ། པཱ་ཎི་སྟོང་པ་ལ་མ་འགགས་པ། སརྦ་ཐམས་ཅད། དྷཱ་དོན་གཙུག་ཏུ་སྦས་ཤིག། ཧ་དབྱིངས་དང་ཡེ་ཤེས་གཉིས་སུ་མེད་པའི་དོན། ་ནི་བསྟན་པའི་སྙིང་པོ། ཨེ་ཟུང་ཞིག། བྷ་ས། པ་དྷ་དྷ་ཧ་ཧ་ཡང་ཧཱུཾ་ཧཱུཾ། ཨ་ཨ། ཆོས་དབྱིངས་སྐྱེ་བ་མེད་པའི་ངང་དུ་མྱ་ངན་ལས་འདས་སོ།། འདུ་འབྲལ་མེད་པའི་རིག་པ་སྐྱེ་མེད་དུ་སྩོལ་ཅིག། ཞེས་སྒྲ་བསྒྲགས་ནས་ཅང་མེད་དོ།། དེ་ནས་ཡང་གསང་བའི ་བདག་པོ་ལ་བྱང་ཆུབ་སེམས་དཔའ་རོ་ལངས་བདེ་བ་ལ་སོགས་དང་། ཐུབ་པ་དྲུག་གིས་འདི་སྐད་ཅེས་གསོལ་ཏོ།། སྟོན་པ་མི་སྣང་བའི་ངང་དུ་གཤེགས་ན་རྒྱུད་འདི་ཅི་ལྟར་གཟུང་བར་བགྱི། ཞེས་གསོལ ་ཏོ།། གསང་བའི་བདག་པོས་བཀའ་སྩལ་པ། རྒྱུད་འདིའི་མཚན་ནི། རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ཅེས་བྱ་བར་མིང་ཐོགས་ཤིག། ཟུང་ཞིག། ཡང་རྒྱུད་ཆེན་པོ་འདི་སྣང་བ་སྟོན་པ་ཞེས་བྱ་བར་ཡང་ཟུང ་ཞིག་ཡང་ཐམས་ཅད་ཀྱི་དོན་འགྲོལ་བ་ཆེན་པོ་ཞེས་བྱ་བར་ཟུང་ཞིག། དགོངས་པ་ཁ་སྐོང་གི་རྒྱུད་ཆེན་པོ་ཞེས་བྱ་བར་ཡང་ཟུང་ཞིག། ཀྱེ་ཐུབ་པ་ཆེན་པོའི་འཁོར་དགའ་བ་རྡོ་རྗེ་བརྒྱ་བྱིན་ཐགས་བཟང་རིས་རྣམས་ཉོན ་ཅིག། རྒྱུད་ཆེན་པོ་གསང་བ་རྨད་དུ་བྱུང་བ་འདི་ནི་འཇིག་རྟེན་དུ་འབྱུང་བར་དཀའོ།། དེའི་ཕྱིར་ན་བསྟན་པའི་སྙིང་པོ་འདི་རབ་ཏུ་ཆོངས་ཤིག། དོན་ཐམས་ཅད་སྐྱེ་བ་མེད་པའི་དབྱིངས་སུ་སྐྱོལ་ཅིག། རང་གི་རིག་པ་འོད ་དང་འོད་ཁྱིམ་གྱི་ཚུལ་དུ་ཤེས་དགོས། ང་མྱ་ངན་ལས་འདས་པའི་འོག་ཏུ། མ་འོངས་པའི་སེམས་ཅན་རྣམས་ལ། བག་ཆགས་ཀྱི་སྐབས་འབོར་བ་ཤེས་དགོས། དེ་བཞིན་དུ་སྟོན་ཅིག། བྱང་ཆུབ་ལམ་གྱི་སྒྲོན་མ་ངོ་ཤེས་པར་གྱིས ་ཤིག། ཆོས་ཐམས་ཅད་བརྗོད་པ་དང་བྲལ་ཚིག་དང་ཡི་གེས་མཚོན་པ་མེད། པའི་ངང་དུ་བསྡུས་ཤིག། རྒྱུད་ཐམས་ཅད་ཡི་གེ་མེད་པ་ཆེན་པོའི་རང་གི་རིག་པའི་རྒྱུད་ཆེན་པོར་རང་རིག་དེ་ཐ་སྙད་དང་བྲལ་བའི་འཛིན་པ་མེད་པ་སྒྲོལ ་ཞིག། ལུང་ཐམས་ཅད་གཞན་གྱིས་སྟོན་མི་ནུས་བསྟན་དུ་མེད་པའི་རྩ་བའི་ལུང་རིག་པའི་ཡེ་ཤེས་ཆེན་པོར་སྐྱོལ་ཞིག། མན་ངག་ཐམས་ཅད་བརྗོད་གཞི་དང་བྲལ་བར་འདི་ལས་བཅོས་པ་མེད་པའི་དབྱིངས་སུ། སྒྲོལ་ཞིག། བསྒྲུབ ་པ་ཐམས་ཅད་རྩོལ་བསྒྲུབ་མེད་ཅིང་ཡོད་ན་བྱ་བྱེད་དུ་འགྲོ། བྱ་བྱེད་དང་བྲལ་བར་སྒྲོལ་ཞིག། སྤྱོད་པ་ཐམས་ཅད་མ་བཅོས་པའི་མཆོག་ཆེན་པོ་དང་ལྡན་པར་སྒྲོལ་ཞིག། བསྒོམ་པ་ཐམས་ཅད་གསལ་འགྲིབ་འཛིན་པ་མེད་པར ་སྒྲོལ་ཞིག། བསྒོམས་པས་སངས་མི་རྒྱ་བསྒོམ་དུ་མེད་པའི་ཕྱིར་རོ།། ལྟ་བ་ཐམས་ཅད་ཟང་ཐལ་ཅིར་ཡང་མ་ཆགས་པར་སྒྲོལ་ཞིག་འབྲས་བུ་ཐམས་ཅད་ཡེ་ཤེས་ཚིག་ཆོད་ཆེན་པོར་སྒྲོལ་ཞིག་རྟོག་པ་སྐད་ཅིག་མ་ལས་གྲུབ་པས་མཐོང་རྟོགས ་དུས་མཚུངས་ཀྱི་གདམས་ངག། དེ་རྣམས་ཐམས་ཅད་མི་གནས་པའི་ཀློང་དུ་དྲི་ལ་ཞིག། འདུ་འབྲལ་མེད་པའི་དབྱིངས་སུ་གཅིག་དང་དུ་མ་མེད་པ། འཁོར་བའི་བྱ་བ་ཐམས་ཅད་ཐོང་ཞིག། གཅིག་པུར་དལ་བར་གནས་པ། ཡེ་ཤེས་ཀྱི་སྣང་བ་ལ་ངོ ་སྤྱོད་ཡང་ནས་ཡང་དུ་གསལ་གདབ། རྟག་ཏུ་འདྲིས་པར་གྱིས་ཤིག། ཡེ་ཤེས་འཆར་བའི་དུས་བར་མ་དོ་ལ་ཡེ་ཤེས་ཀྱི་སྣང་བ་ངོ་ཤེས་པར་གྱིས་ཤེས་པར་གྱིས་ཤིག། བསྟན་པ་ཐམས་ཅད་ཀྱི་སྙིང་པོ་འདི་ཡིན་པར་ཤེས་པར་གྱིས་ཤིག ་པབཔར་མ་དལ་རང་གི་སྣང་བ་ཡིད་ཆེས་པ་མ་པང་དུ་བུ་འགྲོ་བ་ལྟ་བུ། ངོ་ཤེས་པར་གྱིས་ཤིག། གཞིའི་ཆོས་ཅི་ཡང་མ་ཡིན་པ་ཐམས་ཅད་ཅིར་ཡང་སྣང་བ་ངོ་བོ་སྟོང་པ་རང་བཞིན་གསལ་བ་ཐུགས་རྗེ་སྣང་བ་གསུམ་དུ་ཤེས་པར་གྱིས ་ཤིག། ལམ་གྱི་ཆོས་ཐམས་ཅད་སྐུ་ལྔ་ཡེ་ཤེས་ལྔ་རུ་ཤེས་པར་གྱིས་ཤིག། འབྲས་བུ་ཆོས་ཐམས་ཅད་སྐུ་གསུམ་འདུ་འབྲལ་མེད་པ་ཕྱིར་མི་ལྡོག་པའི་འབྲས་བུ་ཤེས་པར་གྱིས་ཤིག། ངོ་བོའི་ཆོས་ཐམས་ཅད་གཞི་སྟོང་པར ་སྟོང་པ་རིག་པའི་སྙིང་པོ་ཅན་རིག་པ་ཡེ་ཤེས་ཀྱི་སྙིང་པོ་ཅན་ངོ་ཤེས་པར་གྱིས་ཤིག། རང་བཞིན་གྱི་ཆོས་ཐམས་ཅད་གསལ་བར་ཤེས་པར་གྱིས་ཤིག། ཐུགས་རྗེའི་ཆོས། ཐུགས་རྗེ་ལ་གཉིས་ཏེ་འགྲོ་བ་འདུལ་བའི་ཐུགས་རྗེ་དང་། རང་བཞིན ་གྱི་ཐུགས་རྗེ་གཉིས་ལ་འགྲོ་བར་འདུལ་བ་ནི་བུཛྲའི་ཆོས། རང་བཞིན་གྱི་ཐུགས་རྗེ་ནི་སངས་རྒྱས་དང་དམྱལ་བ་ཡན་ཆད་ལ་ཡོད་དོ།། ཐམས་ཅད་ཀུན་ལ་ཁྱབ་པར་ཤེས་པར་གྱིས་ཤིག། ཡེ་ཤེས་ཀྱི་ཆོས་ཐམས་ཅད་ཉི་ཤུ་རྩ་ལྔ་མ་འདྲེས་པར་ཤེས་པར ་གྱིས་ཤིག། འོད་ཀྱི་ཆོས་ཐམས་ཅད་འཛིན་པ་མེད་པར་བཟུང་བ་ལྷའི་བུའི་བདུད་ཅེས་བྱའོ།། ཤེས་པར་གྱིས་ཤིག། ཟེར་གྱི་ཆོས་ཐམས་ཅད་ཏིང་ངེ་འཛིན་གྱི་སྤྲོ་བསྡུ་མེད་པའོ།། སྒྲོ་བསྡུ་མེད་པར་ཤེས་པར་གྱིས་ཤིག། རིག་པའི ་ཆོས་ཐམས་ཅད་བདག་རྟོག་གི་བློ་དང་བྲལ་བར་ཤེས་པར་གྱིས་ཤིག་བྱས་པའི་ཆས་ལ་བླམ་བཞག། དེ་བཞིན་དུ་ཆོས་ཟླ་བ་མེད་པ་ལ་ཟླ་བར་སྣང་བ་ཐམས་ཅད་འགག་པ་མེད་པར་སྒྲོལ་ཞིག། འགགས་པ་མེད་པ ་རིག་པའི་ཆོ་འཕྲུལ་ཅིར་ཡང་སྣང་བར་སྒྲོལ་ཞིག་ཅིར་ཡང་སྣང་བ་སྐྱེ་བ་མེད་པར་སྒྲོལ་ཞིག། སྐྱེ་བ་མེད་པ་འགྲོ་འོང་མེད་པར་གང་ནས་མ་འོངས་པ་གར་ཡང་མི་འགྲོ་བ་སྩོལ་ཞིག། འགྲོ་འོང་མེད་པ་གཉིས་སུ་མེད་པར་དུ་མ་དང་བྲལ ་བསྒྲོལ་ཞིག། གཉིས་མེད་གསལ་བ་མཐའ་གྲོལ་འོད་ཟེར་དུ་གནས་པ་ཆེན་པོར་སྒྲོལ་ཞིག། དེ་བཞིན་དུ་ཆོས་ཐམས་ཅད་ཅིར་ཡང་མི་རྟོག་མི་སེམས་པར་རྐྱེན་གྱི་དབང་དུ་མི་འགྲོ་བ་སྒྲོལ་ཞིག། ཆོས་ཐམས་ཅད་གསལ་ལ་མ ་ཡེངས་པར་སྒྲོལ་ཞིག་འགྱུར་བ་མེད་པ་རྒྱ་གར་ཡང་མ་ཆད་ཕྱོགས་གར་ཡང་མ་ལྟུང་བ་རང་བཞིན་གཉིས་སུ་མེད་པ་རྫོགས་པ་ཆེན་པོའི་དོན་ཕྱིན་ཅི་མ་ལོག་པར་གཏན་ལ་ཕབ་སྟེ། དེ་ཡང་གང་ཞེ་ན་ཡེ་ཤེས་ཀྱི་དབྱིངས་དང་ཡེ་ཤེས་རིག་པ་དང་ཡེ་ཤེས་སྐྱེ་མེད་ཀྱི་ཡེ་ཤེས ་།། ཅེས་བརྗོད་ནས་གསང་བའི་བདག་པོ་ཡང་མི་སྣང་བའི་ངང་དུ་གཤེགས་སོ།། དེ་ནས་ཡང་ནམ་མཁའ་ལས་སྒྲ་འདི་སྐད་གྲགས་སོ།། བཛྲ་རྡོ་རྗེ་ཕྱག་ན་རྡོ་རྗེ་ཉིད་ཀྱི་དབྱིངས་པ། པཱ་ཎི་དྷཱ་ཏུ་ལྟེ་བ་མེད་པས་འགག་པ་མེད་པ་ཤི་ཧི ་རི་སངས་རྒྱས་ཀྱི་ལམ་མ་ཧཱ་སནྟི་ལ་མ་འགྱུར་བ་མེད་པ། དྷརྨ། ཆོས་ཀྱི་སྐུ་བརྗོད་པ་ཐམས་ཅད་དང་བྲལ་བ་ཀཱ་ཡ། མྱ་ངན་ལས་འདས་པའོ།། རཏྣ་རིན་པོ་ཆེ་ལྟ་བུའི་ཀློང་དུ་མཱ་ལ་མཉམ་པ་ཉིད་ལས་མ་ཡངས་བློ་ཡིས་མ་བཅོས་པ། ཨ་སིང་སྐྱེ་མེད་ཆོས་སྤུའི་ངང་དུ་རིག ་པ་གསལ་ལ་འཛིན་པ་དང་བྲལ་བ། ཨ་རིག་པ་སྐྱེ་མེད་དང་དུ་རྟོག་མེད་གསལ་བ། དྷ་ཏུ། གཉིས་སུ་མེད་པར་འདུ་བའི་ཡེ་ཤེས་མ་འགགས་པའོ།། ཤ་སྐྱེ་མེད་སྟོང་པའི་ངང་དུ་འདུ་བའི་ཤེས་རབ། ཨ་དྷ་དུ། ཤཾ་མ་ལ་ཤ་ཡང་མཉམ་པ་ཉིད་མ་བཅོས་པ། ཨ་ཆོས་སྐུ་སྐྱེ་བ་མེད ་པ། ཨཱ་ལོངས་སུ་འཆི་བ་མེད་པ། ཨུ་སྦྲུལ་སྭ་སྱེ་ཤི་ལྟར་སྣང་ངོ་།། ཞེས་རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ཆེན་པོ་ལས། རྒྱུད་ཡོངས་སུ་གཏད་པའི་ལེའུ་སྟེ་བརྒྱད་པའོ།། ། དེ་ནས་མཁའ་འགྲོ་མའི་ཚོགས ་རྣམས་རང་རང་གི་འཁོར་རྣམས་ལ་འདི་སྐད་ཅེས་གདམས་སོ།། རྒྱུད་འདིའི་མེལ་ཚེ་བྱའོ།། དམ་ཚིག་ཉམས་པ་རྣམས་ཀྱི་གཤེད་མ་བྱའོ།། ཞེས་གདམས་ནས་ང་རྒྱལ་གྱི་སྒྲ་འདི་སྐད་བསྒྲགས་སོ།། རགྷོ་ས་མ་ཡ་སྣོད ་མིན་ལ་བྱིན་ན་སྙིང་ཕྱུང་ཞིག་སྙིང་ཕྱུང་བྷྱོ་བྷྱོ། ཞེས་བརྗོད་ནས་མི་སྣང་བའི་ངང་དུ་གཤེགས་སོ།། བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་བུ་ལོག་རྟོག་སེལ་བྱེད་ལ་སོགས་དང་། ཐུབ་པ་དྲུག་དང་། མི་མ་ཡིན་གྱི ་འཁོར་རྣམས་རྗེས་སུ་ཡི་རང་ཞིང་མངོན་པར་བསྟོད་དོ།། ཞེས་རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ཅེས་བྱ་བ་ཡང་གསང་གབ་སྦས་ཀྱི་རྒྱུད་རྫོགས་པ་ཆེན་པོ་གཏན་ལ་འབེབས་པ།། བཅོམ་ལྡན་འདས་གཞོན ་ནུ་དཔའ་བོ་སྟོབས་ལྡན་གྱིས་དུར་ཁྲོད་ཆེན་པོ་མེ་རི་འབར་བར་གསང་བའི་བདག་པོ་ལ་སོགས་པ་རྣམས་ལ་རང་རང་གི་རིག་པ་དངོས་སུ་བསྟན་པའི་བཀའ་དམ་པ། གསང་བའི་རྒྱུད་ཆེན་པོ་རྫོགས་སོ།། །། རྒྱ ་དྷཿ། !། མས་པ་ཅན་ཐབ་མ་ལ་མ་ཐས།། རང་འཐུར་དུ་གསུངས་པལ།། སྔགས་ཀྱི་ཟུང་མས་བླངས་ག། འཕྲུལ་བ་དན་འབྲལས་ཟླ་བ་ཀ་ཟ་བ་ཅ། མ་མང་ཅད་ལམ ་བན། མཏྱས་རྦབྦ་།། རྒྱ་གར་སྐད་དུ། ས་མནྟ་ཥྚཱརྦ་ནྡྷ་ཡ་དནྟ་ཏནྡན་མ[]་#@་པ་ང་བཟོད་སྐད་དུ། ་