<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
Gpb004.003: de bzhin gshegs pa thams kyi ting nge 'dzin yongs su bshad pa / ye shes 'dus pa'i mdo / theg pa chen po / gsang ba bla na med pa'i rgyud / chos thams cad kyi 'byung gnas / sangs rgyas thams cad kyi dgongs pa / gsang sngags gcig pa'i ye shes / rdzogs pa chen po'i don gsal bar byed pa'i rgyud / rig pa rang shar chen po'i rgyud ces bya ba<br><table><tr><td>
<input type="button" onclick="location.href='tcompleteup.php?id=Gpb004.003&coll=Gpb&volcur=0';" value="show page break" />
<td width=150><td>
<input type="button" onclick="location.href='tcompleteul.php?id=Gpb004.003&coll=Gpb&volcur=0';" value="show line break" />

<td width=150><td>
<a href="tcomplete.php?coll=Gpb&id=Gpb004.003&volcur=0" style=font-size:25px;">Wylie</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">དང་།། བཤད་པའི་མིག་འབྱེད་བྱ་བ་ཡོད།། ཡི་གེ་མེད་པ་ཉིད་ལ་མ་བུ་ལྔ།། ། @#།། རྒྱ་གར་སྐད་དུ། སརྦ་ཏ་ཐཱ་ག་ཏ་ས་མཱ་དྷི་པ་རུ་བྷ་ཥཱ། ཛྙཱ་ན་ས་མུ་དཱ་ཡ་སུ་ཏྲ། མ་ཧཱ་ཡཱ་ན་གུཧྨ་ནུཏྟ་ར
་ཏནྟྲ། སརྦ་དྷརྨཱ་ཀ་ར། སརྦ་བུདྡྷ་ཉ་ཤ་ཡཾ། མེནྟ་ཀ་ཛྙཱ་ན། མ་ཧཱ་སནྣརྠ་པྲ་ཀ་ཊ་ཏནྟྲ། བིདྱཱ་སྲོ་ད་ཡ་མ་ཧ་ཏནྟ་ནཱ་མ། བོད་སྐད་དུ། དེ་བཞིན་གཤེགས་པ་ཐམས་ཀྱི་ཏིང་ངེ་འཛིན་ཡོངས་སུ་བཤད་པ། ཡེ་ཤེས་འདུས་པའི
་མདོ། ཐེག་པ་ཆེན་པོ། གསང་བ་བླ་ན་མེད་པའི་རྒྱུད། ཆོས་ཐམས་ཅད་ཀྱི་འབྱུང་གནས། སངས་རྒྱས་ཐམས་ཅད་ཀྱི་དགོངས་པ། གསང་སྔགས་གཅིག་པའི་ཡེ་ཤེས། རྫོགས་པ་ཆེན་པོའི་དོན་གསལ་བར་བྱེད་པའི
་རྒྱུད། རིག་པ་རང་ཤར་ཆེན་པོའི་རྒྱུད་ཅེས་བྱ་བ། བཅོམ་ལྡན་འདས་གཞོན་ནུ་ཁྲོ་གཉེར་ཅན་དང་། ཕྱོགས་བཅུའི་སྤྲུལ་པའི་ཞིང་ཁམས་དང་བཅས་པ་ལ་ཕྱག་འཚལ་ལོ།། འདི་སྐད་བདག་སྟོན་པ་ཉིད་ཀྱིས་གིས་བསྟན
་པའི་དུས་གཅིག་ན། རྡོ་རྗེ་སེམས་དཔའ་དེ་བཞིན་ཉིད། སེམས་ཅན་ཀུན་གྱི་རང་རྒྱུད་སངས་རྒྱས་ཀྱི་ས་བོན་ལ་གནས་པའི་དོན་ཉེ་བར་སྟོན་ཏོ།། བྱིན་གྱི་སངས་རྒྱས་ཐམས་ཅད་རླབས་ཀྱིས་བཤད་པའི་རྒྱུད་ཉེ་བར
་སྟོན་ཏོ།། རིགས་ཀྱི་བུ་རྣམས་མ་ཡེངས་པའི་ཚུལ་གྱིས་གུས་པར་ཉོན་ཅིག་རང་རང་གི་རིག་པ་ཆོས་ཀྱི་སྐུའི་དོན་ཆེན་པོ་ངས་བཤད་ཀྱིས་སེམས་ཀྱི་རྟོག་པ་སོལ་ལ། སེམས་རྩེ་གཅིག་པའི་ཏིང་ངེ་འཛིན
་གྱིས་ཉོན་ཅིག་དེ་སྐད་ཅེས་ཡེ་ཤེས་ལེགས་ཐལ་དུ་ཀྱི་ཀློང་། འོད་ཀྱི་ཡུལ་རིག་པ་ཚས་ཐཾད་ཀྱི་ཡུལ་བསྟན་རིག་པའི་དབའ་གནས་བཅན་གནས། སྒྲའི་ང་བའི་སྤང་བ་བརྟན་མཁའ། གསུང་མ་ཛད་པའི་ཐུགས་རྗེ་བཞིན་གི་ཟེར། ཐུགས་ཀྱི་ར
་དོན་བསྟན་དབྱིངས། ཤེས་རབ་ཀྱི་ཕོ་བྲང་རིག་པའི་གཞལ་ལས་ཁང་བསྟན་འདི་སྐད་གསུངས་སོ།། དེ་སྐད་བདག་གིས་གསང་བའི་བདག་པོ་ལ་སོགས་པས་ཐོས་ཐོས་པའི་དུས་གཅིག་ན། འདི་ནས་ཤར་ཕྱོགས་ཀྱི་འཇིག་རྟེན་གྱི་ཁམས
་ན། ཞིང་ཁམས་མངོན་པར་དགའ་བ་ཞེས་བྱ་བ་ཡོད་དེ། སྤྲུལ་པ་སྐུའི་ཞིང་ཁམས་དེ་ན། སྤྲུལ་པའི་སྐུ་རྡོ་རྗེ་སེམས་དཔའ་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་དམ་པ་ཐོབ་པའི་གནས་དེ་ན།
་གཞལ་ཡས་ཁང་གི་ཡོན་ཏན་དཔག་ཏུ་མེད་པ་ཡོད་དེ། དེ་ཡང་འདི་ལྟ་སྟེ། རིན་པོ་ཆེ་ཤེལ་ལས་གྲུབ་པའི་གཞལ་ཡས་ཁང་སྒོ་བཞི་དང་ལྡན་པ། རིན་པོ་ཆེ་ལྔའི་རྟ་བབས་དང་ལྡན་པ། ས་ཐམས་ཅད་ཀྱང་རིན་པོ་ཆེ
་ཤེལ་ལས་གྲུབ་པ། ཤིན་ཏུ་ཡིད་དུ་འོང་པ། ལྟ་ན་སྡུག་པ། ཐེམ་སྐས་དང་། སྐར་ཁུང་དང་ལྡན་པ། ཕྱོགས་བཞི་ནས། གསེང་དཀར་ཆེན་པོ་བཞི་ཡོད་པ། གསེང་དཀར་ནས་ཉི་མ་ཤར་བས། རིན་པོ་ཆེ་ཤེལ་ལས
་གྲུབ་པའི་ཁང་པ་ལ་ཕོག་པས། ནང་དུ་ཉི་མ་འོད་ལྔའི་སྣང་བ་ལྷུག་པར་འཆར་རོ།། གཞལ་ཡས་ཁང་དེའི་ཕྱི་རིམ་ན། ཡན་ལག་བརྒྱད་དང་ལྡན་པའི་ཆུ་བོའི་འོབས་ཡོད་པ། ཆུ་དེ་ལ་ནད་ཀྱིས་བཏབ་པ་རྣམས་ཀྱིས
་འཐུངས་ན་ནད་འཚོ་བར་འགྱུར་བ་དེའི་ཕྱི་རིམ་ན་མཚེའུ་བརྒྱད་ཡོད་ལ། དེ་རྣམས་ཀྱི་ནང་ན་ཡང་བྱ་སྐད་སྙན་པ་སྣ་ཚོགས་ཏེ། དེ་ཡང་འདི་ལྟ་སྟེ། བྱའི་རྒྱལ་པོ་ངང་པ་གསེར་ལྡན་དང་། མཐིང་རིལ་དང་། བྷ་ག་བྱ་ཀ
་ཡང་ཟེར་བི་ད་དང་། རྨ་བྱ་དང་། ནེ་ཙོ་མི་སྐད་ཤེས་པ་དང་། ཁུ་བྱུག་དང་། ཤང་ཤང་ཏེའུ་དང་། རི་སྐེགས་དང་། དེ་ལ་སོགས་པའི་སྐད་སྙན་པའི་བྱ་རིགས་སྟོང་ཕྲག་བརྒྱད་ཅུ་དང་། ཡིད་དུ་འོང་བའི་བྱའི་རིགས
་འདི་ལྟ་སྟེ། ཀང་ཀ་རི་ཀ་དང་། ཟེར་མོང་དང་། ཝབ་དང་། ལྷའི་བྱ་དྲིལ་བུའི་སྐད་ཅན་དང་། བྱ་ཀྲི་ཏི་བ་གསེར་གྱི་རྡོ་རྗེའི་གཟུགས་དང་། དེ་ལ་སོགས་ཏེ། གཡུའི་མདོག་ལྟར་སྔོ་བ་དང་། དུང་གི་མདོག་ལྟར་དཀར
་བབ་དང་། བྱེ་རུའི་མདོག་ལྟར་དམར་བ་དང་། ཨིནྡ་ནི་ལ་ལྟར་མཐིང་བ་ལ་སོགས་ཏེ། ཡིད་དུ་འོང་བ་དང་། སྐད་སྙན་པ་བསམ་གྱིས་མི་ཁྱབ་པ་ཡོད་དོ།། དེའི་ཕྱི་རིམ་ན་རིན་པོ་ཆེ་སྣ་བདུན་གྱི་ལྕགས་རི་ཡོད་དོ།། དེ
་རྣམས་ཀྱི་དབུས་ན་རིན་པོ་ཆེ་སྣ་བདུན་གྱི་ཁྲི་ཆོས་འཆད་པའི་གདན་དང་བཅས་པ་ཡོད་དོ།། དེར་སྤྲུལ་པའི་སྐུ་རྡོ་རྗེ་སེམས་དཔའ་ཞེས་བྱ་བ་དེས་སྲོད་ལ་འཁོར་རྣམས་ལ་རྒྱུའི་ཆོས་འཆད་དོ།། ནམ་ཕྱེད་སྔགས་ཕྱིའི
་ཆོས་འཆད་དོ།། ཟོ་རངས་ནང་གི་ཆོས་འཆད་དོ།། ཉི་མ་ཕྱེད་ནས་རྫོགས་པ་ཆེན་པོ་འབྲས་བུ་བླ་ན་མེད་པའི་ཆོས་འཆད་དོ།། དེ་ལྟར་ཞག་རེ་རེ་ལ་ཆོས་ཐུན་བཞི་བཞི་འབྱུང་ངོ་།། དེ་ན་གནས་པའི
་བྱང་ཆུབ་སེམས་དཔའ་དེ་དག་ཐམས་ཅད་ཀྱང་སྐྱེ་བ་གཅིག་གིས་ཐོགས་པ་ཤ་སྟག་གོ། ལོ་ཡང་ལྔ་བརྒྱ་ལྔ་བཅུ་ཐུབ་བོ།། ཞིང་ཁམས་དེ་ན་ཟས་དང་སྐོམ་ཡང་ཡིད་ལ་དྲན་པས་ཚིམ་པ་ཡོད་དོ།། དེ་ན་ནད་མེད་པ
་དང་། བྱུང་སྲིད་ནའང་ཆུ་ཡན་ལག་བརྒྱད་དང་ལྡན་པ་དེ་འཐུང་བས་ནད་སེལ་ལོ།། མེ་ཏོག་སྣ་ཚོགས་ཀྱིས་སྤྲུལ་པའི་སྐུ་དེ་ལ་མཆོད་པ་ཆེར་བྱེད་པ་ཤ་སྟག་གོ། གཞལ་ཡས་ཁང་དེའི་ཟུར་བཞིན་མུ་ཏིག་ལས་གྲུབ
་པའི་མཆོད་རྟེན་བཞི་ཡོད་དེ། དེ་བཞིའི་བར་ན་དྲིལ་བུ་གཡེར་ཁའི་དྲ་བས་ཐག་པ་བྲེས་ནས་ཡོད་དོ། ཐག་པ་དེ་རླུང་གིས་བསྐྱོད་པ་དང་། དྲིལ་བུའི་སྒྲ་ཡིད་དུ་འོང་བ་སྣ་ཚོགས་འབྱུང་ངོ་།། ཕྱོགས་བཞིན་དར་སྣ
་ཚོགས་ཀྱི་བ་དན་བཞི་ཡོད་དེ་རླུང་གིས་བསྐྱོད་པ་ལས། དྲི་ཞིམ་པ་སྣ་ཚོགས་འབྱུང་ངོ་།། གཞལ་ཡས་ཁང་དེ་ན་ཡོན་ཏན་དཔག་ཏུ་མེད་པ་དེ་ལྟ་བུ་ཡོད་དོ།། གཞལ་ཡས་ཁང་དེ་ནི་འདི་ནས་ཤར་ཕྱོགས་ན་དཔག་ཚད
་ལྔ་བརྒྱ་འདས་པའི་སྟེང་ན་ཡོད་དོ།། དེར་སྐྱེས་པའི་བྱང་ཆུབ་སེམས་དཔའ་དེ་དག་ཀྱང་། སུམ་ཅུ་རྩ་གསུམ་གྱི་ལྷའི་ལོངས་སྤྱོད་དང་མཉམ་མོ།། ཤར་གྱི་སྤྲུལ་པ་སྐུའི་ཞིང་ཁམས་དེ་ན་དེ་བཞིན་དུ་ཡོད་དོ།། འདི་ནས
་ལྷོའི་ཕྱོགས་ན་སྤྲུལ་པ་སྐུའི་ཞིང་ཁམས་དཔལ་དང་ལྡན་པ་དེ་ན་ཡང་། རིན་པོ་ཆེ་གསེར་ལས་གྲུབ་པའི་ཁང་པ་གྲུ་བཞི་པ་བ་གམ་དང་བཅས་པ། སྒོ་བཞི་རྟ་བབས་དང་བཅས་པ། ཟུར་བཞི་ལ་མཆོད་རྟེན་དང་བཅས
་པ། ལོགས་བཞི་པ་དན་དང་བཅས་པ་དང་། ཕྱོགས་བཞིན་གསེང་དཀར་དང་བཅས་པ།། མཚེའུ་བདུན་བྱ་དང་བཅས་པ། ཡན་ལག་བརྒྱད་དང་ལྡན་པའི་ཆུ་ལྕགས་རི་དང་བཅས་པ། ཁྲི་དང་ཆོས་ཀྱང་གོང་ལྟར
་བཤད་དོ།། བྱང་ཆུབ་སེམས་དཔའ་དེ་དག་ཀྱང་སྐྱེ་བ་གཅིག་གིས་ཐོགས་པ་ཤ་སྟག་གོ། སྤྲུལ་པའི་སྐུ་རིན་ཆེན་འབྱུང་ལྡན་གྱི་ཞིང་ཁམས་དེ་ནི་ཡོན་ཏན་དེ་ལྟ་བུ་ཡོད་དོ།། འདི་ནས་ཀྱང་ནུབ་ཕྱོགས་པདྨ་བརྩེགས
་པའི་ཞིང་ཁམས་དེ་ན་ཡང་། སྦྲུལ་སྐུ་སྣང་བ་མཐའ་ཡས་ཞེས་བྱ་བ་ཡོད་དེ། དེ་ན་ཡང་གོང་མའི་ཡོན་ཏན་དང་མཉམ་པ་ཡོད་དོ།། འདི་ནས་བྱང་གི་ཕྱོགས་ཀྱི་འཇིག་རྟེན་གྱི་ཁམས་ན། རིན་པོ་ཆེ་རྣམ་པར་བཀོད་པ
་ཞེས་བྱ་བ་ཡོད་དེ། དེ་ན་ཡང་སྤྲུལ་པའི་སྐུ་དོན་ཡོད་གྲུབ་པ་ཞེས་བྱ་བའི་ཞིང་ཁམས་དེ་ན་ཡང་གཞལ་ཡས་ཁང་གི་ཡོན་ཏན་འདི་ལྟ་བུ་ཡོད་དེ། རིན་པོ་ཆེ་ཨིནྡྲ་ནཱི་ལ་ལས་གྲུབ་པའི་གཞལ་ཡས་ཁང་གྲུ་བཞི་དང་ལྡན
་པ་ཡོད་དོ།། དེ་ན་ཡང་ཕྱོགས་བཞི་ན་གསང་དཀར་ཆེན་པོ་བཞི་ཡོད་དོ། དེ་ན་ཉི་མ་ཤར་བས་འོད་ལྗང་གུས་ནང་ཁེངས་ནས་ཡོད་དོ།། ས་ཐམས་ཅད་ཨིནྡྲ་ནཱི་ལ་ལས་གྲུབ་པ་ཡོད་དོ།། དེའི་ཕྱི་ན་ཆུ་ཡན་ལག་བརྒྱད
་དང་ལྡན་པའི་ཆུ་རེག་ན་བདེ་བ་དང་། འཐུངས་ན་ནད་ཐམས་ཅད་སེལ་བ་ཡོད་དོ།། དེའི་ཕྱི་རིམ་ན་མཚེའུ་བདུན་ཡོད་དེ། དེའི་ནང་དུ་བྱ་སྐད་སྙན་པ་སྒྲོགས་པ་གནས་ཏེ། དེ་ཡང་འདི་ལྟ་སྟེ། བྱའི
་རྒྱལ་པོ་ངང་པ་གསེར་ལྡན་དང་། མཐིང་རིལ་དང་། བྱ་ཀ་ཏ་རི་དང་། རྨ་བྱ་དང་། ནེ་ཙོ་མི་སྐད་ཤེས་པ་དང་། ཁུ་བྱུག་དང་། ཤང་ཤང་ཏེའུ་དང་། རི་སྐེགས་དང་། དེ་ལ་སོགས་ཏེ་སྐད་སྙན་པའི་བྱ་རིགས་སྟོང་ཕྲག
་བརྒྱད་ཅུ་དང་། ཡིད་དུ་འོང་བའི་བྱ་རིགས་འདི་ལྟ་སྟེ། ཀང་ཀ་རི་དང་། ཟེར་མོང་དང་། ཝབ་དང་། ལྷའི་བྱ་དྲིལ་བུའི་སྐད་ཅན་དང་། བྱ་ཀྲི་ཏི་པ་གསེར་གྱི་རྡོ་རྗེའི་གཟུགས་ཅན་དང་། དེ་ལ་སོགས་ཏེ་ཡིད་དུ་འོང་བ
་དང་། གཡུའི་མདོག་ལྟར་སྔོ་བ་དང་། དུང་གི་མདོག་ལྟར་དཀར་བ་དང་། བྱི་རུའི་མདོག་ལྟར་དམར་བ་དང་། ཨིནྡྲ་ནཱི་ལའི་མདོག་ལྟར་མཐིང་བ་དང་། དེ་དག་ལ་སོགས་ཏེ་ཡིད་དུ་འོང་བ་དང་། སྐད་སྙན་པ་བསམ
་གྱིས་མི་ཁྱབ་ཡོད་དོ།། དེའི་ཕྱི་ན་རིན་པོ་ཆེ་སྣ་བདུན་གྱི་ལྕགས་རི་ཡོད་དེ། དེ་རྣམས་ཀྱི་དབུས་ན་རིན་པོ་ཆེ་མརྒ་ཏ་ལས་གྲུབ་པའི་ཁྲི་ཆོས་བཤད་པའི་གདན་དང་བཅས་པ་ཡོད་དེ། དེར་སྤྲུལ་པའི་སྐུ་དོན་ཡོད་གྲུབ་པ
་ཞེས་བྱ་བ་ཡོད་དེ། སྲོད་ལ་གདམས་ངག་གི་ཆོས་སྟོན་ཏོ།། ནམ་ཕྱེད་ན་དབང་གི་ཆོས་སྟོན་ཏོ།། ཐོ་རངས་སྤྱོད་པའི་ཆོས་སྟོན་ཏོ།། ཉི་མ་ཕྱེད་ན་ལྟ་བསྒོམ་གྱི་ཆོས་སྟོན་ཏོ།། དེ་ལྟར་ཞག་རེ་རེ་ལ་ཆོས་ཐུན་བཞི་བཞིས
་འཁོར་རྣམས་ཀྱི་རྒྱུད་བཀྲོལ་ལོ།། དེ་ན་གནས་པའི་བྱང་ཆུབ་སེམས་དཔའ་དེ་དག་ཐམས་ཅད་ཀྱང་སྐྱེ་བ་གཅིག་གིས་ཐོགས་པ་ཤ་སྟག་སྟེ། ལོ་ཡང་སྟོང་ཐུབ་བོ།། ཞིང་ཁམས་དེ་ན་ཟས་དང་སྐོམ་ཡང་ཡིད་ལ་དྲན་པ
་ཙམ་གྱིས་ཚིམས་པ་ཡོད་དོ།། དེ་ན་བད་ཀན་ལས་གྱུར་པ་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། འདུས་པ་ལས་གྱུར་པའི་ནད་མེད་དོ།། མེ་ཏོག་སྣ་ཚོགས་ཀྱིས་སྤྲུལ་པའི་སྐུ་དེ་ལ་མཆོད་པ་རྒྱ
་ཆེར་བྱེད་པ་ཤ་སྟག་གོ། བྱང་ཆུབ་སེམས་དཔའ་དེ་དག་ཀྱང་ཁ་དོག་ལྗང་གུ་ཤ་སྟག་སྟེ། རྟ་དང་ཞོན་པ་ཡང་ཁ་དོག་ལྗང་གུ་ཤ་སྟག་གོ། ཁྱེའུ་དང་བུ་མོའི་གཟུགས་སུ་སྣང་བ་ཡང་ཁ་དོག་ལྗང་གུ་ཤ་སྟག་གོ། ཀུན་ཀྱང
་འདོད་པ་དང་བྲལ་ཞིང་ཆོག་ཤེས་པ་ཤ་སྟག་གོ། ཀུན་ཀྱང་སེམས་ཀྱི་རྣམ་རྟོག་མེད་པ་ཤ་སྟག་གོ། ཞིང་ཁམས་དེ་ན་སེམས་རྣམ་པ་འཛིན་པ་དང་བཅས་པའི་སེམས་དང་། དྲི་མ་དང་བཅས་པའི་སེམས་དང་། མཐའ་བཞིའི་དྲི་མ་དང་བཅས
་པའི་སེམས་སོ།། གསུམ་མེད་དོ།། ཡིད་དྲུག་ཀུན་ཏུ་འཆོལ་བའི་ཡིད་དང་། གཏན་ལ་འབེབས་པའི་ཡིད་དང་། ངེས་པར་འཇོག་པའི་ཡིད་དང་། ཡིད་ཀྱི་རྣམ་པར་ཤེས་པའི་ཡིད་དང་། རྣམ་པར་འགྲུ་བ་དང་། དྲན་པསམ་གྱི་ཡིད་དང་། མེད་དོ། ཉོན་མོངས་པ
་ངྐག་འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་དང་། ཕྲག་དོག་དང་། ཁོང་ཁྲོའོ།། མེད་དོ། མ་རིག་པའི་རྐྱེན་བཞི་བདག་ཉིད་གཅིག་པ་ལྷན་གཅིག་སྐྱེས་པ་དང་ཀུན་ཏུ་བརྟགས་པ་རྒྱུའི་རྐྱེན་དང་། དམིགས་པའི་རྐྱེན་དང་། དེ་མ་ཟག་པའི་རྐྱེན། བདག་པོའི་རྐྱེན
་དང་བཅས་པ་མེད་དོ།། མ་རིག་པ་དང་བཅས་པ་མཚུངས་པར་ལྡན་པའི་ཡིད་ད་ཡུམ་ལ་དཔྱད་ནས་ང་ཡིན་བུམ་པ་གས་པ་མ་དཔ། མེད་དོ།། ཀུན་ཀྱང་རྣམ་པར་རྟོག་པ་དང་བྲལ་བ་ཤ་སྟག་གོ། གཞལ་ཡས་ཁང
་དང་འཁོར་གྱི་ཡོན་ཏན་ནོ།། གཞལ་ཡས་ཁང་དེའི་གྲུ་བཞི་ན་རིན་པོ་ཆེ་ཤེལ་གྱི་མཆོད་རྟེན་ཁྲི་འཕང་དགུ་པ་བཞི་ཡོད་དོ།། དེའི་བར་དུ་གསེར་གྱི་དྲིལ་བུ་གཡེར་ཁའི་དྲ་བ་ཡོད་དོ།། དེ་རླུང་གིས་བསྐྱོད་པ་ལས་དྲིལ
་བུའི་སྒྲ་སྙན་པ་སྣ་ཚོགས་འབྱུང་ངོ་།། མཆོད་རྟེན་བཞི་ལ་ཉི་མ་ཕོག་པས་འོད་ལྔའི་ཞགས་པས་སྦྲེལ་ནས་ཡོད་དོ།། ཕྱོགས་བཞི་ན་རྨ་བྱའི་བ་དན་བཞི་ཡོད་དོ།། དེ་རླུང་གིས་བསྐྱོད་པས་ཡིད་དུ་འོང་བ་དང་། མཛེས
་པ་སྣ་ཚོགས་འབྱུང་ངོ་།། ཡོན་ཏན་དཔག་ཏུ་མེད་པ་དེ་ལྟ་བུ་ཡོད་དོ།། གཞལ་ཡས་ཁང་དེ་ནི་འདི་ནས་བྱང་ཕྱོགས་ན་དཔག་ཚད་ལྔ་བརྒྱའི་སྟེང་ན་ཡོད་དོ།། དེར་སྐྱེས་པའི་བྱང་ཆུབ་སེམས་དཔའ་དེ་དག་ཀྱང
་གཟུགས་ཁམས་ཀྱི་ལྷ་དང་ལོངས་སྤྱོད་མཉམ་མོ།། བྱང་ཕྱོགས་ཀྱི་སྤྲུལ་པ་སྐུའི་ཞིང་ཁམས་དེ་ན་དེ་བཞིན་དུ་ཡོད་དོ།། ཞིང་ཁམས་དེ་ཚོའི་མདུན་གྱི་བར་སྣང་ལ་སྤྲུལ་པའི་སྐུ་ཁྲོ་བོའི་ཞིང་ཁམས་ཡོད་དོ།། དུར་ཁྲོད
་ཆེན་པོ་མེ་རི་འབར་བ་ཞེས་བྱ་བ་ཡོད་དོ།། ཐོད་པའི་ཁང་པ་གྲུ་བཞི་དང་ལྡན་པ་ཡོད་དེ། དེ་ཡང་འདི་ལྟ་སྟེ། ཐོད་པ་སྐམ་པོས་འགྲམ་གཞི་བྱས་པ། ཤ་རི་རཾ་ཡོད་པས་བརྩིགས་པ་བྱས་པ། བྷ་ན་དྷ་ལྕང་ལོ་ཅན་གྱིས
་ཁ་བད་བྱས་པ། རྒྱ་དང་འཕང་དཔག་ཏུ་མེད་པ། གནམ་ལྕགས་ཀྱི་གཟེར་གྱིས་བསྡམས་པ། རཀྟའི་ཞམ་ཆུ་འབབ་པ། ཉི་ཟླས་ཀ་གདན་བྱས་པ། ཆུ་སྲིན་ཁའི་ཀ་ཞུ་བྱས་པ། ལྷ་ཆེན་བརྒྱད་ཀྱི་གདུང་མ་བྲེས་པ།
་མཆོག་ཆེན་པོ་བརྒྱད་ཀྱི་དྲ་བ་བྱས་པ་ཡོད་དོ།། ཉིན་བཞིན་རླུང་འཚུབས་པ། མཚན་བཞིན་མེ་འབར་བ། གཞལ་ཡས་ཁང་དེའི་གྲུ་བཞིན་ཞིང་ཆེན་གྱི་གདུགས་ཕུབ་པ། ལྷ་མོ་ལྔས་གར་བྱེད་པ། ས་གཞི་ཐམས་ཅད
་ཀྱང་རཀྟའི་རྦ་ཀློང་འཁྲུགས་པའོ།། གཞལ་ཡས་ཁང་དེའི་ནང་ན་བཅོམ་ལྡན་འདས་གཞོན་ནུ་དཔའ་བོ་སྟོབས་ལྡན་ཞེས་བྱ་བ་ཐུགས་ཞི་བ་ལས་མ་གཡོས་ཀྱང་། སྐུ་ཁྲོ་བོའི་ཆ་བྱད་དུ་བསྟན་པ། མཁའ་འགྲོ་མ་དང
་ཁྲོ་བོ་དང་ཁྲོ་མོའི་ཚོགས་དཔག་ཏུ་མེད་པས་བསྐོར་བ་ཡོད་དེ།། དེ་ཡང་འདི་ལྟ་སྟེ། མཁའ་འགྲོ་མ་པུརྞ་ཉེ་བར་ཞི་བ་དང་། ཚངས་པ་དུང་གི་མགྲིན་པ་ཅན་དང་། དྲང་སྲོང་ཟླ་འོད་གཞོན་ནུ་དང་། ཡང་འཁོར་གྱི
་མཁའ་འགྲོ་མ་ཨེ་ཀ་ཛ་ཊི་སྤུན་དྲུག་དང་། དེའི་བྲན་མོ་བཅུ་བཞི་དང་། གཡོག་མོ་ལྔ་བཅུ་རྩ་བརྒྱད་དང་། ཡང་གཡོག་འབུམ་ཁྲི་འབུམ་སྟོང་ལ་སོགས་ཏེ། མཁའ་འགྲོ་མའི་འཁོར་དཔག་ཏུ་མེད་པས་བསྐོར་བ།
་བཅོམ་ལྡན་འདས་དེའི་ཐུགས་ལས་སྤྲུལ་པའི་འཁོར་ཕྱག་ན་རྡོ་རྗེ་ལ་སོགས་ཏེ། ཁྲོ་བོའི་འཁོར་བསམ་གྱིས་མི་ཁྱབ་པས་བསྐོར་བ། དགའ་འཁོར་ཕུན་སུམ་ཚོགས་པ་རབ་རྡོ་རྗེ་ལ་སོགས་ཏེ། མིའི་འཁོར་བསམ་གྱིས་མི
་ཁྱབ་པས་བསྐོར་བ། འཁོར་རྣམས་ལ་འབྲས་བུ་གསང་སྔགས་བླ་ན་མེད་པའི་ཆོས་འདིས་ཞི་བས་སྤྲུལ་པའི་བྱང་ཆུབ་སེམས་དཔའ་རྣམས་གྲོལ་བར་བྱེད་དོ།། ཐམས་ཅད་ཀྱང་ཁྲོ་བོའི་གཉེར་མ་དང
་ལྡན་པ་ཤ་སྟག་གོ། གཞལ་གནས་ཕུན་སུམ་ཚོགས་པ་ཡས་ཁང་དེ་ནི་ཤིན་ཏུ་ཡ་ང་བ་དང་ལྡན་པའོ།། དབང་པོ་ཐ་བདེན་པའི་སྟོབས་མ་མཐོང་བ་དེ་མའི་གང་ཟག་དག་ནི། དེར་ཤེས་པའི་ཁྱད་ཀྱིས་བྲེད་ཅིང་སྔངས་དང་པོའི་དྲན་པ་སད་ནས
་ནས་སྤྲུལ་པ་སྐུའི་ཞི་བའི་ཞིང་དུ་སྐྱེ་བ་ཤ་སྟག་གོ། དེ་དག་ལ་སོགས་ཏེ་ཐུན་མོང་དང་ཁྱད་པར་གྱི་འཁོར་དཔག་ཏུ་མེད་པས་བསྐོར་བ། ཆོས་ཀྱི་གླུ་དང་། ཆོས་ཀྱི་གར་སྣ་ཚོགས་དང་། ཆོས་ཀྱི་སྒྲ་སྣ་ཚོགས་སྒྲོགས
་བསྟན་པ་ཕུན་སུམ་ཚོགས་པ་པ་ཤ་སྟག་གོ། དེ་ནས་བཅོམ་ལྡན་འདས་སྟོན་པ་ཕུན་སུམ་ཚོགས་པ། སརྦ་དྷརྨ་སྙོམས་བྱེད་ཀྱི་ཏིང་ངེ་འཛིན་ལ་སྙོམས་པར་ཞུགས་སོ།། དེ་རྣམས་ཀྱི་འོག་ན་ལས་མ་དག་པའི་ཞིང་ཁམས་ཞེས་བྱ་བ
་ཡོད་དེ། དེ་ན་ཡང་མི་གཙང་བའི་ཁང་པ་རྒྱ་ཁྱོན་དཔག་ཏུ་མེད་པ་ཡོད་དོ།། སེམས་ཅན་གྱི་གཟུགས་ཐ་དད་པ་སྣ་ཚོགས་དམྱལ་བ་དང་། ཡིད་དགས་དང་། རྒྱལ་མོང་དང་། ལྷ་མ་ཡིན་ལ་དང་རྫལ། ཡོད་དོ།། ནད་དྲུག་བསྔལ་གས
་ཀྱིས་བཏབ་པ་སྣ་ཚོགས་པ་ཡོད་དོ། སེམས་འདི་ནས་གཞན་དུ་ཅན་ལུས་འཕོ་བ་དཔག་ཏུ་མེད་པ་ཡོད། ལུས་གཞན་ནས་འདི་རུ་ལེན་པ་ཡང་ཡོད་དོ།། ཟས་དང་སྐོམ་གྱི་གདུང་འདོད་པ་དང་བཅས་པ་བ་ཡང་ཡོད་དོ།། དེ་ལས་བྱུང
་བའི་མ་དག་པའི་ཁམས་ལྔ་ཡང་ཡོད་དོ།། དེ་ན་ཉོན་རྩ་བ་མ་རིག་པ་ལས་ཀུན་བརྟགས་སུ་སྣང་བའོ་མོངས་པ་སྟོང་ཕྲག་བརྒྱད་ཅུ་རང་ཁ་མར་སྤྱོད་དོ།། དེ་ནི་སེམས་ཅན་ལས་མ་དག་པ་ལྷུང་བའི་གནས་ཡིན་ནོ།། དེ་ལྟ་བུའི་སྡུག
་བསྔལ་དང་ལྡན་པ་དག་ཀྱང་ཡོད་དོ།། དེའི་ཕྱིར་ན་སེམས་ཅན་གྱི་ལས་བསམ་གྱིས་མི་ཁྱབ་པའི་བྱེ་བྲག་དེ་ལྟ་བུ་ཡིན་ནོ།། དེའི་ཕྱིར་ན་འདུལ་ཐབས་ཀྱི་ཐེག་པ་བསམ་གྱིས་མི་ཁྱབ་པ་གསུངས་ཀྱང་། གསང་བ་བླ་ན
་མེད་པ་འདི་ནི་འཇིག་རྟེན་དུ་འབྱུང་བར་དཀའོ།། འདི་ནི་དུས་ལ་བབ་པའི་གང་ཟག་ལས་སད་པ་འགའ་ལ་སྣང་ངོ་།། ཉོན་མོངས་པ་སྟོང་ཕྲག་བརྒྱད་ཅུའི་གཉེན་པོར་ཆོས་ཀྱི་སྒོ་མོ་སྟོང་ཕྲག་བརྒྱད་ཅུ་གསུངས་འདས་པ
་སོ། གསུང་ད་ཀའི་ངོ་། གསུང་བར་འགྱུར་མ་འོངས་པའི་རོ། ཞེས་རིག་པ་རང་ཤར་ཆེན་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། གཉིས་པ་གླེང་སློང་བསྟན། དེ་ནས་དུར་ཁྲོད་ཆེན་པོ་མེ་རི་འབར་བ་དེ་ན།
་གཞོན་ནུ་དཔའ་པོ་སྟོབས་ལྡན་ཁྲོ་བོའི་སྟངས་སྟབས་དང་ལྡན་པས། ཞེས་བྱ་བ་གསལ་ལ་མི་རྟོག་པ་བཏང་བཞག་དང་བྲལ་བ་མཐའ་གཉིས་སུ་མེད་པའི། ཏིང་ངེ་འཛིན་ལས་བཞེངས་ནས། སརྦ་ཨ་ཀ་མ་ནི། ཐམས་ཅད་ནམ་མཁའ་རྣམ་པར་དག་པ།
་སརྦ་ཨ་ཀ་མ་ནི། ཐམས་ཅད་ནམ་མཁའ་རྣམ་པར་དག་པ། ཞེས་བྱ་བའི་སྒྲ་བརྗོད་པས། འཁོར་རྣམས་རྟོག་པ་སྐྱེས་ཏེ། དེ་རྣམས་ཀྱི་ནང་ནས་གསང་ངོ་བོ་བའི་བདག་པོ་ཕྱག་ན་རྡོ་རྗེས་བསྐོར་བ་ལན་གསུམ་བྱས་ནས་འདི་སྐད
་ཅེས་གསོལ་ཏོ།། ཀྱེ་ཀྱེ་བཅོམ་ལྡན་གསང་སྔགས་བདག། འཁོར་རྣམས་རྟོག་པ་བསལ་དུ་གསོལ། གསང་བའི་རིག་པ་ཉིན་བསྟན་དུ་གསོལ། ཞེས་ཞུ་བ་ཞུས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ
་པ།། ཨེ་མ་ཧོ། ངོ་མཚར་དང་བཅས་པ། རྡོ་རྗེའི་བདག་པོ་ལེགས་པར་ཉོན།། ཨེ་མ་ངོ་མཚར་ཆེ་བའི་རྒྱུད།། ཐབས་ཆེན་གཏན་ཚིགས་འབྱུང་བ་ཡིན།། འདི་བྱུང་བས་ནི་རྟོག་པ་སེལ།། མ་གྲོལ་པ་ཡང་གྲོལ་བར
་འགྱུར།། གྲོལ་བ་རྣམས་ནི་མཐར་ཕྱིན་འགྱུར།། མ་རིག་སེལ་བའི་ཉི་མ་འབྱུང་།། རྣམ་རྟོག་གྲོལ་བའི་རྒྱུད་ཆེན་འབྱུང་།། དེ་བཞིན་གོང་དུ། རྒྱུད་བརྗོད་དེ་བཞིན་ནོ།། ཞེས་བཀའ་སྩལ་ཏོ།། དེ་ནས་ཡང་གསང་བའི
་བདག་པོས་འདི་སྐད་ཅེས་ཞུ་བ་ཞུས་སོ།། ཀྱེ་ཀྱེ་བཅོམ་ལྡན་སྟོབས་ཀྱི་བདག། རྟོག་པ་བསལ་བ་ངོ་མཚར་ཆེ།། རྒྱུད་ཀྱི་རྒྱལ་པོ་གསུང་དུ་གསོལ།། སེམས་ཅན་རྟོག་པ་བསལ་བའི་ཕྱིར།། རང་རིག་རང་གི་དོན་གྱི་དགོངས
་པ། ཐབས་ཆེན་བཤད་དུ་གསོལ། ཉོན་མོངས་སྟོང་ཕྲག་བརྒྱད་ཅུ་ལ། མཐའ་ཡས་པ་རྣམས། གཅིག་མ་རིག་པ། གིས་བསྡུ་བ་རིག་པ། གསུང་དུ་གསོལ། གསང་སྔགས་རྡོ་རྗེ་ཐེག་པ་ལ། དོན་ཆེན་རྫོགས་ཆེན་དུ་དགྲོལ་བ་གསུང
་དུ་གསོལ། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ། རྒྱུད་ཀྱི་རྒྱལ་པོའི་བཤད་ལུགས་ནི།། ཚིག་དོན་འབྲེལ་པ་ཆེན་པོ་ལས།། ཕུན་སུམ་ཚོགས་པ་ལྔ་དང་ལྡན།། གོང་དུ་བཤད་པའི་རྒྱུད་ཆེན་པོ།། རང
་རིག་ཐབས་ཆེན་དེའི་ངོ་བོ། སྦྱོར་བ་ནི། གཅིག་མ་རིག་པ། ལས་དུ་མར་སྣང་བའོ།། དུ་མ་རྟོགས་ན་གཅིག་དེའི་ངོ་བོ་རིག་པ། གི་དང་། རིག་པའི་ཆོས་ཉིད་དབྱེ་བ་ནི།། ཆོས་སྒྲ་ཐིག་ལེ་ཉག་གཅིག་ཏུ།། གཅིག་ལ་ཐམས་ཅད་རྫོགས
་པའོ།། ཉོན་མོངས་སྟོང་ཕྲག་བརྒྱད་ཅུ་ཡང་།། གཅིག་རིག་པ་ཐིག་ལེ་ཉག་གཅིག་ཏུ། མ་ཤེས་པས་བྱུང་བ་སྟེ།། གཅིག་དོན་གཅིག་ཏུ་འདུས་པ་དེའི་ངོ་བོ།། ཤེས་པས་ནི་གྲོལ་བར་འགྱུར།། གཅིག་དང་དུ་མར་རིག་པ་དང་མ་རིག་པ།
་སྣང་བ་ཡང་།། རིག་པའི་ངོ་བོ་ལས་བྱུང་བས། ཆོ་འཕྲུལ་ཆེན་པོ་སྟེ།། ཐམས་ཅད་དེའི་ངོ་བོ་ལས་མ་འདས་པའོ།། ཆོ་འཕྲུལ་རང་ཁ་མའོ།། གཅིག་སྒྲོན་མ། ནི་ངོ་བོ་སྟོང་པ་ལ།། རང་བཞིན་འོད་ལྔ་གོ་མ་འགགས་པའོ།། གསལ་ཆ་མ
་འགགས་པའོ།། གཅིག་མ་རིག་པ་ལ། ནི་དུ་མར་འོད་ལྔར། སྡུད་པ་ལས།། སྣ་ཚོགས་སྟོང་ཕྲག་བརྒྱད་ཅུ། རོལ་བར་འཆར་བའོ།། དོན་གཅིག་ཏུ་འདུས་པར། གསང་སྔགས་རྡོ་རྗེ་ཐེག་པ་ཡི།། དོན་ནི་གསུང་དུ་འདུ་བའོ།། བལྟ
་བསྒོམ་སྤྱོད་པ་གསུམ་དུ་འདུས།། ལྟ་བ་རྣམ་པ་གསུམ་དུ་འདོད།། ཆོས་ཅན་གྱི་ཡུལ་ལ། བལྟ་བའི་ལྟ་བ་དང་། ཆོས་ཉིད་ནང་སེམས་ལ། བལྟ་བའི་ལྟ་བ་དང་། རང་རིག་གསང་བ་རིགས་ལ། བལྟ་བའི་ལྟ་བའོ།། སྒོམ་པ་ལའང
་གསུམ་གྱིས་སོ་སོའི་སེམས་འཛིན་པ་ལ་སོགས་ཏེ་གཏན་ལ་འབེབས་ཏེ་བསྟན། བསྟན། ལྷ་དང་མི་ཡི་ཡེ་ཤེས་མ་མཐོང་གིས་དོགས་ནས་བསྒོམ་པ་བསྟན་པ། སེམས་འཛིན་དང་།། བྱང་ཆུབ་སེམས་དཔའི་བསམ་གཏན་དང་།། དེ་བཞིན
་གཤེགས་པའི་དགོངས་པར་འདོད།། སྤྱོད་པ་ལ་ཡང་རྣམ་གསུམ་སྟེ།། མ་ཆགས་འཛིན་པའི་སྤྱོད་པ་དང་། མཚན་ཉིད་ཟག་པའི་སྤྱོད་པ་སྟེ་སངས་རྒྱས་ཀྱི་མཛད་སྤྱད་ལ་ཡང་དག་པ་མ་ཡིན་པ་དང་། དགག་བསྒྲུབ་མེད
་པའི་སྐྲོད་པ་དང་གསང་སྔགས་སྤྱིའི་སྤྱོད་པ་དང་། ཆགས་པ་ཞེན་མེད་སྤྱོད་པའོ།། རྫོགས་ཆེན་ལ་ཞེན་མེད་སྤྱོད་པ། དེ་ནི་སྡོམ་པའི་གོ་བའི་དུས་བསྟན། ཚིག་ཏུ་བསྟན། བྱང་ཆུབ་ས་ལ་དེ་བཞིན་སྤྱོད་པ་གནས།། ཞེས་རིག་པ་རང་ཤར
་ཆེན་པོའི་རྒྱུད་ལས། འཁོར་གྱིས་གླེང་སློང་བའི་ལེའུ་སྟེ་གཉིས་པའོ།། །། དེ་ནས་ཡང་གསུམ་པ་སྤྱོད་པ་བསྟན། གསང་བའི་བདག་པོས་འདི་སྐད་ཅེས་ཞུ་བ་ཞུས་སོ།། ཀྱེ་ཀྱེ་བཅོམ་ལྡན་ཐུགས་རྗེ་ཅན། ངོ་བོ་དང་ཀོས
་འགགས་པ།། གོང་འོག་བསྣོལ་བའི་ཚིག་ཞུ་ཡིས། གནང་བའི་སྐབས་དབྱེ་བསྟན་དུ་གསོལ།། སྤྱོད་པ། སྤྱོད་པ་རང་གི་ངོ་བོ་བསྟན་དུ་གསོལ། མདོར་བསྡུས་གསུང་དུ་གསོལ། ཞེས་ཞུ་བ་ཞུས་སོ།། ཐུགས་རྗེའི་སྟོབས་ཀྱིས་རིག
་འི་ཐབས་ཐུན་མོང་མ་ཡིན་པ་མངའ་བ་དེས། བཀའ་སྩལ་པ། ཀྱེ་ཧོ་གསང་བའི་བདག་པོ་རྡོ་རྗེ་འཛིན་པ། ཉོན། ཆོས་ཉིད་རང་གི་ཆོས་ཉིད་དོན་གྱི་རིག་པ། རྙེད་པར་འདོད་པ་ཡི།། དང་པོ་སྤྱོད་པ་འཁོར་འདས་ཁྲེགས་ཚད་ཀྱིས་གསོད་པ། མདོར
་བསྡུས་བྱ། དེ་ཡང་མདོར་བསྟན་ཡིད་ལ་ཟུང་། མ་ཆགས་འཛིན་དོན་ལ་སྦྲེལ་མི་ནུས། པའི་སྤྱོད་པ་ནི། མཚན་ཉིད་ཐེག་ཉན་ཐོས་རང་རྒྱལ་བྱང་སེམས་པའི་སྤྱོད་པ་སྟེ། དོན་གྱི་ཡུལ་རླུང་གི་སྟོང་པ་ཉིད་ལ། ཆགས་པ་ཆེན་པོས
་བཅིངས། ཟབས་རྟོགས་པ་མ་རྙེད་པར། མེད་གྲོལ་བར་ག་ལ་འགྱུར། དོན་མེད་རང་གི་སྤྱོད་ལ་ཆགས་པའོ།། གཉིས་སྣང་དུ། འཛིན་པའི་རྟོག་པས་རང་རྒྱུད་བཅིངས། མ་རིག་པ་ལས། གྲོལ་བར་མི་འགྱུར་ཡུན་རིང་གནས། འཁོར
་བར།། ཚུལ་འཆོས་དག་གི་སྤྱོད་པའོ།། དེ་ནས་གསང་བའི་བདག་པོ་རྡོ་རྗེ་འཛིན་པ་ཆེན་པོ་དེས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་མ་ཆགས་སྤྱོད། དགག་བསྒྲུབ་མེད་པའི་སྤྱོད་པ་ཡི། དོན་དང་རྣམ་བཤད
་གསུང་དུ་གསོལ།། ཞེས་ཞུས་སོ།། སྤྱོད་པའི་བདག་པོས་བཀའ་སྩལ་པ།། ཨེ་མ་གསང་བདག་ངེས་པ་འབྱུང་།། དགག་བསྒྲུབ་མེད་པའི་སྤྱོད་པ་ནི།། གསང་སྔགས་ཕྱི་ཀྲྀ་ས་ཨུ་པ་ལོག། ནང་སྤྱོད་པ་སྟེ།། ཉོན་མོངས
་ངོ་བོར་འབྱེར་བ། དགག་པར་མི་འདོད་ཅིང་། སེམས་ལས་མ་གཏོགས་པ། ཡེ་ཤེས་བསྒྲུབ་པར་མི་འདོད་ལ།། ཚིག་ཆོག་འབྲུ་ལ་རྟེན་འཆའ་བ། དོན་འབྲེལ་པའི་སྤྱོད་པའོ།། དོན་གྱི་ཆགས་བདག་དམ་ཚིག་སེམས་དཔའ་ལྷ་ཡེ་ཤེས་སེམས་དཔའ་ལ
་ཆགས། མེད་མ་ཡིན་ཏེ།། ཐབས་ཟབས་ཆེ་བས། མཆོག་སྤྱོད་པ་ཁྱད་པར་འཕགས།། ཐབས་ཆེན་འཛིན་སྤྱོད་དེ་བཞིན་ནོ།། དེ་བཞིན་སྤྱོད་པའི་རྣལ་འབྱོར་ཀྱང་།། ཡང་དག་ཉིད་ཀྱི་སྤྱོད་པ་རྫོགས་ཆེན་གྱི་སྤྱོད་པ་མིན།། ཐབས
་འོག་མ་པས་ཀྱི་ཁྱད་ཀྱིས་བྱང་ཆུབ་འབྱུང་།། ཁྱད་པར་ལྟ་སྤྱོད་གཅིག་གི་ངོ་གང་ལ།། ཡེ་ཤེས་རྟོགས་པའི་དམ་ཚིག་སེམས་དཔའ་ཡེ་ཤེས་སེམས་དཔའ་གཉིས། འདུ་འབྲལ་མེད།། ཅེས་གསུངས་སོ།། ཡང་གསང་བའི་བདག་པོས
་གསོལ་པ།། ཀྱེ་ཀྱེ་བཅོམ་ལྡན་སྤྱོད་པའི་བདག། ཆགས་ལ་ཞེན་མེད་རྫོགས་པ་ཆེན་པོའི།། སྤྱོད་པ་ཡི།། རང་རང་གི་དོན་སྦྱར་མཐུན་ཚིག་གསུང་དུ་གསོལ།། སྟོབས་པོ་ཆེ་ཡིས་བཀའ་སྩལ་པ།། ཀྱེ་མ་གསང
་བའི་བདག་པོ་ཉོན།། ངས་བསྟན་ལེགས་པར་ཡིད་ཀྱིས་ཟུང་།། ཆགས་སྣང་བ་འདི་བློའི་སྤྱོད་ཡུལ་ལས། ལ་ཞེན་མེད་སྤྱོད་པ་ནི།། རྫོགས་ཆེན་ཨ་ཏིའི་སྤྱོད་པ་སྟེ།། བྱར་མེད་ངོ་བོ་ལ། བྱས་མེད་རྩལ། བྱུང་བ་མེད་ཡོན
་ཏན།། འགྲོ་མེད་ངོ་བ། འོད་མེད་རང་བཞིན། གནས་པ་མེད་ཐུགས་རྗེ། ཆགས་པ་མེད་ལ་ཞེན་པ་མེད།། བག་ཆགས་སྦུབས་ལ་གཞི་ཤེས་པའི་ཆོས་སུ། ཡེ་ཤེས་ཆགས།། སྦུབས་བག་ཆགས་ཀྱི་པོར་ཡེ་ཤེས་ཞེན་པ་མེད།། སྣང་ནམ
་མཁའ་བའི་ཡུལ་ལ་སྒྲོན་མ་གཉིས་ཆགས།། སྣང་འགགས་ལུས་བོར་ནས། སྒྲོན་མ་ཡུལ་ལ། ཞེན་པ་མེད།། ཆགས་ལ་འདི་ཞེས། ཞེན་མེད་སྤྱོད་པ་ནི།། རྣལ་འབྱོར་བློ་རྩལ་དང་ལྡན་པས། ཆེན་པོའི་སྤྱོད་པའོ།། ཡང་དག་དོན
་རྟོགས་ཞེན་མེད་ས་ལ་གནས།། ཆགས་སྣང་བ་དེ་ལ་ཀྱང་ཞེན་པ་མེད་ན་དོན་གྱི་ང་བ་ཉིད་རྟོགས་ན། སྤྱོད་པ་ཆེན་པོ་ཡིན།། འཛིན་ཡུལ་བདག་ཏུ་པའི་ཡུལ་མེད་བློ་ལ་ཞེན་པའི་ཡོད་མེད་ཀྱི། མཐའ་ལས་གྲོལ།། དམིགས་འདི་ཞེས་པའི
་ཡུལ་མེད་གཟའ་གཏད་རྟོག་པ་ཟད། ཆོས་ལས་གྲོལ། འཁྲུལ་པ་ཆོད་པ།། མ་རིག་པར་ཁམ་ལམ་དུ་ཁྱེར། གནས་མེད་རྣམ་རྟོག་སེམས་ལས་གྲོལ།། ཞེས་གསུངས་སོ།། ཞེས་རིགས་པ་རང་ཤར་ཆེན་པོའི་རྒྱུད་ལས། སྤྱོད་པའི
་དོན་བསྡུས་ཏེ་བསྟན་པའི་ལེའུ་སྟེ་གསུམ་པའོ།། །། དེ་ནས་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དགོངས་པའི་བདག། ལྷ་དང་མི་ཡི་སེམས་འཛིན་དོན་བཤད་པའི།། དོན་ཆེན
་འཁོར་ལ་བསྟན་དུ་གསོལ།། ཞེས་ཞུས་པས། ཁྲོ་བོའི་རྒྱལ་པོས་བཀའ་སྩལ་པ།། ཀྱེ་མ་གསང་བདག་ལེགས་པར་ཉོན།། བསྒོམ་པའི་རིམ་པ་འདི་ལྟ་སྟེ།། ལྷ་དང་མི་ཡི་སེམས་འཛིན་ནི།། ཁ་སྣའི་དབུགས་ནི
་བསྡམས་བྱས་ན།། རྟོག་མེད་ཡིད་ལ་འགྲུས་པ་ན།། ཤེས་པ་གཅིག་པའི་ངོ་བོ་སྟེ།། འཕྲལ་གྱི་རྣམ་རྟོག་མེད་པར་གསུངས།། ཡང་དག་དོན་ཆེན་མཚོན་མི་ནུས།། ཞེས་གསུངས་སོ།། དེ་ནས་ཡང་གསང་བའི་བདག
་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་སྟོབས་ཀྱི་བདག། བྱང་ཆུབ་སེམས་དཔའི་བསམ་གཏན་ལ།། འཇུག་སྒོ་བྱེ་བྲག་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་ཧོ་རྡོ་རྗེ་འཛིན
་པ་ཉོན།། བསམ་གཏན་བྱེ་བྲག་བསམ་མི་ཁྱབ།། མདོར་བསྡུས་བཤད་ཀྱིས་ལེགས་པར་ཉོན།། བྱང་ཆུབ་སེམས་དཔའི་བསམ་གཏན་ནི།། སེམས་ནི་འཛིན་པ་མ་ཡིན་ཏེ།། ངང་ངམ་ཤུགས་ཀྱིས་སྐྱེ་བའོ།། གོམས་པ
་ཀློང་དུ་གྱུར་པ་དང་།། ཟས་ཀྱི་འདུ་ཤེས་སྤང་བའོ།། ས་ལ་གནས་པ་རྣམས་ཀྱི་སྤྱོད།། རྣམ་རྟོག་ངང་གིས་མེད་པའོ།། དེས་ཀྱང་དོན་ཆེན་མཚོན་མི་ནུས།། ཞེས་གསུངས་སོ།། དེ་ནས་ཡང་ཕྱག་ན་རྡོ་རྗེས་འདི་སྐད
་ཅེས་གསོལ་ཏོ།། ཀྱེ་ཀྱེ་སྦྲུལ་སྐུ་བཅོམ་ལྡན་འདས།། དེ་བཞིན་གཤེགས་པའི་དགོངས་པའི་དོན།། མོས་པའི་འཁོར་ལ་བསྟན་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཨ་ཧ་རྡོ་རྗེ
་འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་།། དེ་བཞིན་གཤེགས་པའི་དགོངས་པ་ནི།། ནམ་མཁའི་མཐོངས་སུ་ཤེས་པར་བྱ།། དེ་ལ་གོམས་པར་གྱུར་ན་ཡང་།། ཡེ་ཤེས་སྣང་བ་ལྷུག་པར་འཆར།། ཡང
་དག་ལམ་ཡང་དེ་བཞིན་ནོ།། འཛིན་མེད་ཡུལ་ལ་དེ་བཞིན་གནས།། རྟོགས་པའི་དུས་ན་དེ་བཞིན་ནོ།། མ་རྟོགས་སེམས་ཅན་ཐམས་ཅད་ལ།། མཚོན་དུ་ཡོད་པར་གནས་པའོ།། དེ་བཞིན་གཤེགས་པའི་དགོངས་པ
་ལ།། སྐྱེ་དང་འགྲིབ་པ་མེད་པའོ།། དེ་ཡང་གྲོལ་ལུགས་གང་ཞེ་ན།། གདམས་ངག་དོན་གྱིས་གྲོལ་བའོ།། ཞེས་གསུངས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། སྒོམ་པའི་དོན་བསྡུས་ཏེ་ལེའུ་སྟེ་བཞི
་པའོ།། །། དེ་ནས་ཡང་གསང་བའི་བདག་པོ་རྡོ་རྗེ་འཛིན་པ་ཆེན་པོ་དེས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྣམ་གྲོལ་བདག། སྒོམ་པའི་དམིགས་བསལ་དེ་ལྟར་ན།། ལྟ་བའི་དོན་བཤད་གསུང་དུ
་གསོལ།། ཆོས་ཅན་ལྟ་བ་གསུང་དུ་གསོལ།། ཞེས་ཞུས་སོ།། ཁྲོ་བདག་ཆེན་པོས་བཀའ་སྩལ་པ།། ཨ་ཧོ་རྡོ་རྗེ་འཛིན་པ་ཉོན།། ལྟ་བའི་བྱེ་བྲག་བསམ་མི་ཁྱབ།། དེ་རྣམས་དོན་བསྡུས་ང་ཡིས་བསྟན།། མ་ཡེངས་ཚུལ
་གྱིས་གུས་པར་ཉོན།། ཆོས་ཅན་མཚན་མར་སྣང་བ་ལ།། མིག་གི་དབང་པོ་མ་འགགས་པ།། སེམས་ཀྱི་བལྟ་བ་ལེགས་པ་ཡིན།། རང་གི་རིག་པ་གསལ་བ་ཡིན།། ཆོ་འཕྲུལ་ཕྱི་ཡི་སྣང་བ་སྟེ།། རྟོག་མེད་གསལ་བའི་ངོ
་བོཔོ་ལ།། རང་བྱུང་ཆེན་པོར་ཤེས་གྱུར་ན།། ཆོས་ཅན་བལྟ་བའི་ལྟ་བའོ།། ཞེས་གསུངས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཧོ་བཅོམ་ལྡན་རྣམ་དག་སྐུ།། ཆོས་ཅན་ལྟ་བ་དེ་ལྟར
་ན།། ཆོས་ཉིད་བལྟ་བའི་དོན་བཤད་པ།། ཚིག་གི་སྒོ་ནས་གསུང་དུ་གསོལ།། ཞེས་ཞུས་སོ།། གསང་སྔགས་བདག་པོས་བཀའ་སྩལ་པ།། ཀྱེ་མ་གསང་བདག་ངེས་པར་ཟུང་།། ཆོས་ཉིད་རིག་པ་སྐྱེ་མེད་ལ།། རྣམ་རྟོག
་མཚན་མ་ངང་གིས་མེད།། རིག་པ་དགག་བསྒྲུབ་མེད་པ་ལ།། ཞེན་པའི་སྤྱོད་པ་ག་ལ་ཡོད།། ཆོས་ཉིད་རྟོགས་པར་བྱེད་པ་ནི།། བྱར་མེད་དང་དུ་ཤེས་པར་བྱ།། བྱ་བྱེད་བྲལ་བའི་རིག་པ་ནི།། གང་གི་ཕྱོགས་སུ་མ
་ལྷུལྟུང་བ།། བསྒོམ་པ་ཆེན་པོ་ཞེས་བྱ་བའོ།། དེ་ཡང་རྟོགས་བྱེད་འདི་ལྟ་སྟེ།། འདུ་ཤེས་གཅིག་པའི་ཤེས་རབ་ཀྱིས།། བློ་གཏིང་ཡིད་ཆེས་གྱུར་པ་དང་།། ཆོས་ཉིད་སྐྱེ་མེད་རྟོགས་གྱུར་ན།། ཡེ་ཤེས་ཆེན་པོ་སྐྱེ་བར
་འགྱུར།། ཆོས་ཉིད་སྐྱེ་མེད་སྣང་བ་ལ།། སྐྱེ་བྱ་སྐྱེ་བྱེད་གཉིས་ལྟར་སྣང་།། དེ་ཡང་ཆོས་ཉིད་ཆོས་ཅན་ནི།། གཅིག་མ་ཤེས་པས་བྱུང་བ་སྟེ།། གཅིག་ཤེས་ནས་ནི་གྲོལ་བར་འགྱུར།། དེ་ལྟར་སྐྱེ་མེད་དོན
་རྟོགས་ནས།། ཆོས་ཉིད་བལྟ་བའི་ལྟ་བར་འདོད།། ཅེས་གསུངས་སོ།། དེ་ནས་ཡང་རྡོ་རྗེ་འཛིན་པ་ཆེན་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རང་རིག་བདག། ཆོས་ཉིད་ལྟ་བ་དེ་ལྟར
་ན།། རང་རིག་ལྟ་བ་གསུང་དུ་གསོལ།། ཞེས་དྲི་བ་དྲིས་སོ།། དེ་ནས་རྡོ་རྗེ་འཆང་ཆེན་དེས།། ཚིག་གི་སྒོ་ནས་བཀའ་སྩལ་པ།། ཀྱེ་མ་རྡོ་རྗེ་འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་།། གཟུང་འཛིན་རྣམ
་རྟོག་འཁོར་བ་ལ།། རང་རིག་ལྟ་བ་འདི་ལྟར་གནས།། ཤེས་པ་ངང་གིས་མ་གཡོས་པའི།། རྟགས་ནི་ཐུགས་རྗེའི་འབྲེལ་ཐག་གོ། དོན་ནི་སྐུ་ལྔའི་དཀྱིལ་འཁོར་རོ།། དཔེ་ནི་ནམ་མཁའི་འཇའ་ཚོན་ནོ།། གནས་ནི
་ཙིཏྟའི་དཀྱིལ་ན་གནས།། ལམ་ནི་བྷྲྀ་གུ་ཏ་ནས་འབྱུང་།། ཡུལ་ནི་ནམ་མཁའ་སྟོང་པའོ།། དུས་ནི་བར་དོའི་སྣང་བའོ།། ངོ་བོ་འགྱུར་མེད་ཆེན་པོ་ཡིན།། རང་བཞིན་འགག་མེད་ཀུན་ལ་ཁྱབ།། ཐུགས་རྗེའི་སྣང་བ་མ
་འགགས་པའོ།། རྒྱུ་ནི་ཀུན་ལ་དེ་བཞིན་གནས།། རྐྱེན་ནི་གདམས་ངག་ཉི་ཤུའོ།། རྒྱུ་རྐྱེན་འཛོམ་ན་རང་རིག་རྟོགས།། རྟོག་མེད་གསལ་བའི་ངོ་བོ་ལ།། འཛིན་པའི་རྣམ་རྟོག་ངང་གིས་མེད།། འཛིན་མེད་རང་གསལ
་དེ་བཞིན་གནས།། འཛིན་མེད་འགྲོ་འོང་མེད་པའི་ཆོས།། སངས་རྒྱས་ཀུན་གྱི་དགོངས་པ་ཡིན།། རྟོག་མེད་རང་གསལ་ཆེན་པོ་ནི།། མ་བསྐྱོད་མཁའ་ལ་གསལ་བའོ།། དེ་ལྟར་རྟོགས་པའི་རྣལ་འབྱོར་དེ།། རང་རིག
་ལྟ་བ་ཆེན་པོར་འདོད།། ཅེས་རིག་པ་རང་ཤར་ཆེན་པོའི་རྒྱུད་ལས། ལྟ་བ་མདོར་བསྡུས་ཏེ་བསྟན་པའི་ལེའུ་ལྔ་པའོ།། ། དེ་ནས་ཡང་གསང་བའི་བདག་པོས་ཕྱག་ན་རྡོ་རྗེ་ཞེས་བྱ་བ། དེ་བཞིན
་གཤེགས་པ་ཐམས་ཅད་ཀྱི་ཕྱག་མཚན་དུ་རྡོ་རྗེ་གཏད་དེ་དབང་བསྐུར་བས། དབང་ཐོབ་པས་གསང་སྔགས་བླ་ན་མེད་པའི་ཞུ་བ་པོར་དབང་ཐོབ་པ་དེས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དབང་གི
་བདག། དབང་གི་བསྐུར་ཐབས་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་བཅོམ་ལྡན་འདས་ཐུགས་རྗེ་དང་ལྡན་པ་དེས། པདྨ་ཧེ་རུ་ཀ་ཞེས་བྱ་བར་སྤྲུལ་ནས། དབང་རྫོགས་པའི་ས་མ་ཏི་ལས་བཞེངས
་ཏེ།། འདི་སྐད་ཅེས་བཀའ་སྩལ་པ། ཨེ་མ་ཧོ།། དབང་ནོད་འཁོར་རྣམས་ལེགས་པར་ཉོན།། དབང་ལ་རྣམ་པ་གཉིས་ཀྱིས་བསྟན།། དེ་ཡང་བསྟན་པ་འདི་ལྟ་སྟེ།། རྟོགས་པ་ཡེ་ཤེས་དབང་བསྐུར་དང་།། མ་རྟོགས
་རྡུལ་ཚོན་དབང་བསྐུར་རོ།། མ་རྟོགས་རྡུལ་ཚོན་དབང་བསྐུར་ནི།། མཚན་མའི་རྫས་ལ་བརྟེན་པ་དང་།། རྡུལ་ཚོན་དཀྱིལ་འཁོར་བརྟེན་པ་དང་།། ཡུམ་གྱི་བྷ་གའི་དབང་བསྐུར་རོ།། མཚན་མ་རྫས་ལ་རྣམ་གསུམ
་སྟེ།། བཀྲ་ཤིས་རྫས་བརྒྱད་བསྐུར་ཐབས་དང་།། རིན་ཆེན་བུམ་པའི་བསྐུར་ཐབས་དང་།། ཤ་ཁྲག་གཏོར་མའི་བསྐུར་ཐབས་སོ།། དཀྱིལ་འཁོར་བསྐུར་ཐབས་རྣམ་གསུམ་སྟེ།། འཁོར་གྱི་དཀྱིལ་འཁོར་བསྐུར་ཐབས
་དང་།། ཙ་ཀ་ལི་ཡི་བསྐུར་ཐབས་དང་།། དབུས་ཀྱི་ཕོ་བྲང་བསྐུར་ཐབས་སོ།། ཡུམ་ལ་རྣམ་པ་གསུམ་དུ་འདུས།། ཕྱག་རྒྱའི་སྒོ་ནས་བསྐུར་ཐབས་དང་།། བྷ་ག་དང་ནི་རྡོ་རྗེ་ཡི།། དབང་བསྐུར་དམ་པ
་མཆོག་ཡིན་ནོ།། བྱང་སེམས་དཀར་དམར་བསྐུར་ཐབས་སོ།། མ་རྟོགས་རྡུལ་ཚོན་དབང་བསྐུར་རོ།། དེ་ལ་སོགས་ཏེ་དབང་བསྐུར་རྣམས།། རིམ་པ་བཞིན་དུ་ཤེས་པར་བྱ།། རྟོགས་པ་ཡེ་ཤེས་དབང་བསྐུར་ནི།། རྣམ
་པ་གསུམ་དུ་ཤེས་པར་བྱ།། སེམས་ཅན་སྣང་བ་ཕྱི་ལྟར་བསྐུར།། བསྒོམ་པ་སེམས་འཛིན་ནང་ལྟར་བསྐུར།། ངོ་སྤྲོད་ཉི་ཤུ་རྩ་གཅིག་གིས།། གསང་བའི་དབང་དུ་བསྐུར་བར་བྱ།། ངོ་སྤྲོད་ལ་ཡང་རྣམ་གསུམ་སྟེ།། དཔེ
་དོན་རྟགས་གསུམ་ཚོགས་པ་ཡི།། མཚོན་པའི་དབང་ཆེན་བསྐུར་བར་བྱ།། རིག་པའི་ཡེ་ཤེས་ངོ་སྤྲོད་ཀྱིས།། གསང་བའི་ཡེ་ཤེས་དབང་བསྐུར་བྱ།། རིག་པ་རྐྱང་པའི་ངོ་སྤྲོད་ཀྱིས།། གཟུགས་སྐུའི་ཞིང་ཁམས་དབང
་སྐུར་བྱ།། རྟོགས་པའི་ཡེ་ཤེས་དབང་མཆོག་གིས།། ཅིར་སྣང་རིག་པར་ཤེས་པའོ།། རིག་པ་དགག་བསྒྲུབ་མེད་པ་ཡིས།། དབང་རྣམས་དུས་གཅིག་རྫོགས་པའོ།། དབང་རྣམས་གྲོལ་བྱེད་གདམས
་གོ། དམིགས་མེད་དཀྱིལ་འཁོར་ཆེན་པོ་ཡི།། དབང་ནི་རང་ལ་ཡོད་པའོ།། དེ་ཡང་དོན་ལ་བཀྲོལ་ཏེ་གསུངས།། གཅིག་བཀྲོལ་གཉིས་བཀྲོལ་ཐམས་ཅད་བཀྲོལ།། གྲོལ་བ་རང་བྱུང་གཞན་ལས་མེད།། རང་བྱུང
་དབང་ཆེན་དེ་བཞིན་ནོ།། དོན་གྱི་དབང་མཆོག་དཀྱིལ་འཁོར་ལ།། གཅིག་རྫོགས་གཉིས་རྫོགས་ཐམས་ཅད་རྫོགས།། དོན་དབང་ཡེ་ཤེས་མཚོན་པ་ལས།། གཅིག་མེད་གཉིས་མེད་ཐམས་ཅད་མེད།། རྡོ་རྗེའི་དོན
་རྟོགས་དབང་ཆེན་ལས།། གཅིག་བྱུང་གཉིས་བྱུང་ཐམས་ཅད་བྱུང་།། སྟོང་པ་ཡེ་ཤེས་དབང་ཆེན་ལས།། གཅིག་སྐྱེ་གཉིས་སྐྱེ་ཐམས་ཅད་སྐྱེ།། རྟོགས་ན་དབང་མཆོག་དེ་ལྟར་བསྐུར།། མ་རྟོགས་པ་ཡི་ཚིག་སྒོ
་ནས།། རྫས་རེ་དོན་རེས་བསྟན་པར་བྱ།། བསྐྱེད་པ་ཞི་བའི་དབང་དང་ནི།། རྫོགས་པ་ཁྲོ་བོའི་དབང་བསྐུར་རོ།། གསང་མཚན་རྡོ་རྗེའི་དབང་ཡང་བསྐུར།། བཀའ་རྟགས་པོ་ཏིའི་དབང་བསྐུར་ཞིང་།། དེ་ལ་སོགས
་པའི་རྫས་རྣམས་ཀུན།། རིམ་པ་བཞིན་དུ་བསྐུར་བར་བྱ།། ཞེས་བཀའ་སྩལ་ཏོ།། ཞེས་རིག་པ་རང་ཤར་ཆེན་པོའི་རྒྱུད་ལས། དབང་གི་བསྐུར་ཐབས་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང
་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཅན།། དབང་བསྐུར་ཡོན་ཏན་བསྟན་དུ་གསོལ།། ཞེས་ཞུས་སོ།། སྟོབས་ཀྱི་བདག་པོས་བཀའ་སྩལ་པ།། ཨ་ཧོ་གསང་བའི་བདག་པོ
་ཉོན།། ངས་བསྟན་ལེགས་པར་ཡིད་ལ་ཟུང་།། ཡོན་ཏན་བྱེ་བྲག་འདི་ལྟ་སྟེ།། ཡེ་ཤེས་སྣང་བ་ཆེན་པོ་ལ།། ཐོགས་རྡུགས་མེད་པར་འགྱུར་བ་དང་།། རང་སྣང་གྲོགས་སུ་བསྟན་པ་དང་།། བྱ་བ་ཐམས་ཅད་བྱེད་པར
་འགྱུར།། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུ་བ་ཞུས་སོ།། ཨེ་མ་ངོ་མཚར་ཆེ་བ་དབང་གི་ཡོན་ཏན་རྒྱས་པར་གསུང་དུ་གསོལ།། ཞེས་ཞུས་སོ།། དེ་ནས་ཡང
་བཅོམ་ལྡན་འདས་ཀྱིས་བཀའ་སྩལ་པ།། ཨེ་མ་ཧོ།། གསང་བའི་བདག་པོ་ཉོན། ངས་ལེགས་པར་བསྟན་གྱིས་ཡིད་ལ་ཟུང་།། དབང་བསྐུར་བའི་ཡོན་ཏན་འདི་ལྟ་སྟེ། བར་མ་དོ་ལ་རང་གི་སྣང་བ་ངོ་ཤེས་པར་འགྱུར
་རོ།། ངོ་ཤེས་ནས་ཀྱང་དེ་ཉིད་ལ་བརྟན་པ་ཐོབ་སྟེ། སྤྲུལ་པའི་སྐུ་ཞག་ཉི་ཤུ་རྩ་གཅིག་ནས་འགྱེད་ནུས་སོ།། དབང་པོ་རབ་ཀྱིས་མཐར་ཕྱིན་པ་གཅིག་ཀྱང་སྡུག་བསྔལ་གྱི་དངོས་པོ་ལ་སོགས་པ་མི་འོང་ངོ་།། ཉམས
་སུ་ལེན་པའི་དུས་ནས། ཡེ་ཤེས་ཀྱི་སྣང་བ་མ་འགགས་པར་གསལ་བའོ།། དེ་ནི་ཁྱད་པར་གྱི་ཡོན་ཏན་ཞེས་བྱའོ།། ཐུན་མོང་གི་ཡོན་ཏན་འདི་ལྟ་བུ་འཐོབ་བོ།། མཁའ་འགྲོ་མའི་སྐད་ཤེས་པ་དང་། མཁའ་འགྲོ་མས
་བྱིན་བརླབས་བྱེད་པ་དང་། བྱིན་རླབས་བྱས་པས་མི་རྣམས་ཀྱིས་བཀུར་བའི་གནས་སུ་མཐོང་བ་དང་། འགྲོ་བ་ཐམས་ཅད་བྱམས་པ་དང་། གཟུགས་མཛེས་ཤིང་བལྟ་ན་སྡུག་པ་དང་། བསོད་ནམས་རྒྱ་ཆེན་པོ་འཕེལ
་བ་དང་། འཆི་འཕོས་ནས་ཀྱང་འཁོར་ལོས་སྒྱུར་བའི་རྒྱལ་པོའི་རིགས་སུ་སྐྱེ་བ་དང་། ནོར་བུ་རིན་པོ་ཆེ་ཡོན་ཏན་ཆེན་པོ་འབྱུང་བ་དང་། པདྨ་ལྟ་བུར་དག་པའི་ཆོས་ལ་སྤྱོད་པ་དང་། མཆོད་རྟེན་ལྟ་བུར་ཐམས་ཅད
་ཀྱིས་བསྐོར་བའི་འོས་སུ་མཐོང་བ་དང་། གདུགས་ལྟ་བུ་འགྲོ་བ་ཕལ་པ་ཟིལ་གྱིས་གནོན་པ་དང་། མེ་དཔུང་ལྟ་བུར་ཤེས་རབ་ཀྱི་འགྲོ་བ་ཕལ་པ་སྒྲོལ་ནུས་པ་དང་། རལ་གྲི་ལྟ་བུ་དོན་བྱེད་ནུས་པ་དང་། རྡོ་རྗེའི
་ལྕགས་ཀྱུ་ལྟ་བུ་འགྲོ་བ་ཐུགས་རྗེས་འཛིན་ནུས་པ་དང་། ཆོས་ཀྱི་སྤྲིན་ལྟ་བུས་དབྱིངས་ཡེ་ཤེས་འདུ་འབྲལ་མེད་པའི་དོན་རྟོགས་སོ།། ཕྱི་ནང་གི་བྱ་བ་ཐམས་ཅད་བྱེད་པའོ།། དེས་ནི་བྱ་བ་གང་དང་ཅི་བྱེད་པ་ཐམས
་ཅད་འཐོབ་པར་འགྱུར་རོ།། དེ་ལ་ནི་བགེགས་དང་ལོག་འདྲེན་གྱིས་ཚུགས་པར་མི་འགྱུར་རོ།། བུ་མང་ཞིང་ལོངས་སྤྱོད་ཆེ་བ་ནི་དབང་ཐོབ་པའི་རྟགས་སོ།། ཚེ་སྔ་ཕྱི་དྲན་པར་འགྱུར་རོ།། སེམས་ཅན་སྐྱེ་བ་ལེན་པ
་དག་ཀྱང་མཐོང་བར་འགྱུར་རོ།། ཕ་རོལ་གྱི་སེམས་ཤེས་པར་འགྱུར་རོ།། མི་མ་ཡིན་དང་གཏམ་ཟེར་བར་འགྱུར་རོ།། དེ་དག་ལ་སོགས་ཏེ་ཡོན་ཏན་བརྒྱ་དང་རྩ་བརྒྱད་ཐོབ་པར་འགྱུར་རོ།། ཞེས་རིག་པ་རང་ཤར
་ཆེན་པོའི་རྒྱུད་ལས། དབང་བསྐུར་བའི་ཡོན་ཏན་བསྟན་པའི་ལེའུ་སྟེ་བདུན་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཐུགས་རྗེ་ཆེན་པོ་དང་ལྡན་པ། དབང་མ་བསྐུར་བའི
་སྐྱོན་བསྟན་དུ་གསོལ།། ཞེས་ཞུས་སོ།། དེ་ནས་ཡང་གཞོན་ནུ་དཔའ་བོ་སྟོབས་ལྡན་གྱིས་བཀའ་སྩལ་པ། ཀྱེ་གྲོགས་པོ་དག་ཉོན་ཅིག། ངས་བསྟན་གྱིས་ཡིད་རྟོག་པ་སོལ་ལ་མ་ཡེངས་པར་ཉོན་ཅིག། དབང་མ་ཐོབ
་པའི་སྐྱོན་ནི་འདི་ལྟ་བུའོ།། བར་མ་དོ་ལ་བྲེད་པ་དང་སྔངས་པ་དང་། རྡུགས་པ་དང་། ཐོགས་པ་དང་། འདུ་ཤེས་ཤོར་བ་ཡང་འབྱུང་ངོ་།། བག་ཆགས་ཀྱི་ལུས་མ་བོར་བར་དུ་ཡང་འགྲོ་བ་རྣམས་ཀྱི
་བཀུར་བའི་འོས་སུ་མི་མཐོང་བ་དང་། བསོད་ནམས་ཆུང་བ་དང་། ཚེ་ཐུང་བ་དང་། འཚོ་བའི་ལོངས་སྤྱོད་ཉུང་བ་དང་། ཁས་ཉེན་པ་དང་། བར་ཆད་མང་པོ་འབྱུང་ངོ་།། བྱ་བ་ཐམས་ཅད་མི་འགྲུབ་པོ།། དེ་ནི་གསང
་སྔགས་སྤྱོད་པའི་དབང་མ་ཐོབ་པའི་སྐྱོན་ནོ།། གསང་སྔགས་སྦྱོང་བའི་རྣལ་འབྱོར་པས་དང་པོ་དབང་ཐོབ་པར་བྱའོ།། དབང་མ་ཐོབ་ན་སངས་རྒྱས་ཀྱང་།། དེ་བཞིན་གཤེགས་པའི་ས་ལ་འཁོར་ལོ་བསྐོར་མི་ནུས
་སོ།། འཁོར་ལོ་མ་བསྐོར་ན་ཐུགས་རྗེས་སྤྲུལ་པའི་སྐུས་འགྲོ་བའི་དོན་བྱེད་མི་ནུས་སོ།། དེའི་ཕྱིར་ན་གསང་སྔགས་སྤྱོད་པས་དབང་ཐོབ་པར་བྱའོ།། ཞེས་རིག་པ་རང་ཤར་ཆེན་པོའི་རྒྱུད་ལས། དབང་མ་ཐོབ་པའི
་སྐྱོན་བསྟན་པའི་ལེའུ་སྟེ་བརྒྱད་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐབས་ལ་མཁས།། དབང་གི་རྣམ་པ་དེ་ལྟར་ན།། དམ་ཚིག་དབྱེ་བ་གསུང
་དུ་གསོལ།། ཞེས་ཞུས་སོ།། དམ་ཚིག་བདག་པོས་བཀའ་སྩལ་བ།། ཀྱེ་མ་ཕྱག་ན་རྡོ་རྗེ་ཉོན།། དམ་ཚིག་འབུམ་སྡེར་གསུངས་པ་ལས།། བསམ་གྱིས་མི་ཁྱབ་དམ་ཚིག་རྣམས།། རྣམ་པ་གཉིས་སུ་འདུས་པར
་གསུངས།། སློབ་དཔོན་དང་ནི་སློབ་མ་གཉིས།། བསྲུང་བའི་རྒྱུ་ཞེས་ཀུན་ཏུ་གྲགས།། བསྲུང་བའི་རྒྱུ་ནི་སློབ་དཔོན་ཏེ།། སྲུང་བར་བྱེད་པ་སློབ་མའོ།། དེ་ལ་སྤྱོད་པ་རྫས་འཇུག་གོ། དང་པོ་སློབ་དཔོན་འབྲེལ་བ
་བརྟག་པར་བྱ།། སློབ་དཔོན་མཁས་པའི་གདུང་འཛིན་པའི།། མི་ཤེས་ང་རྒྱལ་ཆེན་པོ་དང་།། བླུན་རྨོངས་ཚིག་ཕྱིར་འབྲང་བ་དང་།། གསང་སྔགས་དོན་ལ་མི་དགོངས་དང་།། གཞན་གྱི་ཞེ་གཅོད་ཁེངས་ཚིག
་དང་།། ལོག་པའི་ལམ་དུ་ཞུགས་པ་དང་།། དབང་གི་དཀྱིལ་འཁོར་ཞལ་མ་མཐོང་།། དམ་ཚིག་ཕྱལ་བར་གྱུར་པ་དང་།། དྲིས་པ་དག་ལ་ལན་མི་ཐེབས།། ཐོས་ཆུང་ང་རྒྱལ་ཆེ་བ་དག། སློབ་དཔོན་མ་བརྟགས་སློབ
་མའི་བདུད།། གསང་སྔགས་སྟོན་པའི་སློབ་དཔོན་མིན།། རྫོགས་ཆེན་ཨ་ཏི་སྟོན་མི་ནུས།། དེ་དང་འགྲོགས་པར་མི་བྱའོ།། བཀུར་སྟི་ཕུ་དུད་མི་བྱེད་ཅིང་།། གསང་སྔགས་འཆོལ་པར་སྤྱོད་པ་དང་།། རིགས་རྒྱུད་མེད
་ཅིང་ངང་རྒྱུད་མེད།། ཤེས་རབ་ཆུང་བར་གྱུར་པ་དང་།། བཀའ་དྲིན་ཁྱད་དུ་གསོད་པ་དང་།། རང་གི་རིགས་རྒྱུད་བརྗོད་པ་དང་།། ལུས་ལ་རྒྱན་བཟང་འདོགས་པ་དང་།། དོན་མེད་ཕྱལ་བར་གྱུར་པ་སྟེ།། སློབ་མ་མ
་བརྟགས་སློབ་དཔོན་དགྲ།། ཉམས་སུ་མི་ལེན་གང་ཟག་ལ།། རྫོགས་པ་ཆེན་པོའི་དོན་མི་བཤད།། རྡོ་རྗེའི་དོན་ལྡན་མན་ངག་སློབ་དཔོན་ནི།། ངང་རྒྱུད་བཟང་ཞིང་སློབ་པ་དག་ལ་མཁས།། དབང་ཐོབ་གསང་སྔགས
་དོན་ལ་སྦྱར།། ཕྱི་ནང་བྱ་བ་ཐམས་ཅད་ཤེས།། ཡི་དམ་ལྷ་དང་འདུ་འབྲལ་མེད།། ཏིང་ངེ་འཛིན་ལ་ཡེངས་པ་མེད།། རྫོགས་ཆེན་མན་ངག་དོན་ལྡན་པའི།། གསང་སྔགས་གསང་བའི་རྒྱུད་ལ
་མཁས།། ཕྱི་ནང་སྒྲུབ་ཐབས་ཐམས་ཅད་བྱེད།། ལྟ་བའི་དོན་ལས་མི་འདའ་ཞིང་།། ཕྱི་ནང་གསང་བའི་བྱ་བ་བཏང་།། ཡོན་ཏན་ནོར་བུ་རིན་ཆེན་ལྟར།། ཟད་མེད་གཏེར་ལ་སྤྱོད་པའོ།། ཐུགས་རྗེའི་འབྲེལ་ཐག་མ
་ཆད་ཅིང་།། བརྩེ་གདུང་རྒྱུན་ཐག་མ་ཆད་པ།། སློབ་དཔོན་སློབ་མའི་འབྲེལ་བའོ།། དེ་ལྟར་མན་ངག་སློབ་དཔོན་ལ།། རང་ལུས་དང་ནི་རིན་ཆེན་རྫས།། ཤིན་ཏུ་དཀོན་པ་དག་གིས་བསྙེན།། དད་པའི་སྟོབས་དང
་བརྩོན་འགྲུས་ཆེ།། ཤེས་རབ་ཆེ་ཞིང་འཛིན་ཆགས་མེད།། ཕུ་དུད་ཆེ་ཞིང་གསང་སྔགས་སྤྱོད།། རྟོག་མེད་སེམས་ལ་ཡེངས་པ་མེད།། དམ་ཚིག་ལྡན་ཞིང་བསྒྲུབ་ལ་བརྩོན།། བྲེང་ངེ་དུང་ངེ་བསྒྲུབ་ལ་བརྩོན།། ལྷང་ངེ
་ལྷན་ནེ་བསྒོམ་ལ་སྤྱོད།། སློབ་དཔོན་གསུངས་པ་ཅི་བཞིན་བྱེད།། དམ་ཚིག་ཕྱལ་བར་མི་བཏང་ཞིང་།། སྤྱོད་ལམ་གཞན་དང་མཐུན་པར་སྤྱོད།། གུས་པའི་ཚུལ་གྱིས་སེམས་དད་ཅིང་།། ཚིག་གཅིག་བསྟན་པ་རྗེས་སུ
་འཛིན།། རང་གི་དོན་ལ་དེ་བཞིན་སྤྱོད།། གསང་བར་གཉེར་གཏད་ཐུབ་པར་བྱེད།། རྡོ་རྗེའི་དོན་ལས་མི་འདའ་ཞིང་།། ཐོས་པ་ཆེ་བའི་གང་ཟག་བསྟན།། རང་གི་དོན་ལ་འདའ་བ་མེད།། དྲེགས་པའི་ཚིག་མེད་འཇམ
་པོར་སྨྲ།། ཕ་རོལ་སེམས་དང་མཐུན་འཇུག་བྱེད།། སློབ་དཔོན་དང་ནི་དེ་བཞིན་གཤེགས།། ཁྱད་མེད་གཅིག་གི་ཚུལ་དུ་བྱེད།། དེ་ནི་སློབ་མའི་མཚན་ཉིད་སྟེ།། དེ་ལྟར་ལྡན་པའི་སློབ་མ་དེ།། རྫོགས་པ་ཆེན་པོའི་སྣོད
་དུ་གསུངས།། མན་ངག་རྫོགས་པ་ཆེན་པོའི་དོན།། སྣོད་ངན་ཕལ་དུ་བླུག་མི་བྱ།། དད་དང་ལྡན་པ་འགའ་ཡི་བཅུད།། སྣོད་ངན་དག་ཏུ་བླུགས་གྱུར་ན།། བཅུད་མེད་གཉིས་ཀ་ཕུང་བར་བྱེད།། དེ་ཕྱིར་སྣོད་མེད་རྣམས
་ལ་གསང་།། ཞེས་རིག་པ་རང་ཤར་ཆེན་པོ་རྒྱུད་ལས། སློབ་དཔོན་དང་སློབ་མའི་འབྲེལ་པ་བརྟགས་པའི་ལེའུ་སྟེ་དགུ་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ
་ལྡན་དམ་ཚིག་འཆང་།། དམ་ཚིག་དབྱེ་བ་གསུང་དུ་གསོལ།། ཞེས་ཞུས་སོ།། དམ་ཚིག་བདག་པོས་བཀའ་སྩལ་པ། ཨ་ཧོ། གསང་བའི་བདག་པོ་ལ་སོགས་པ་ཉོན།། དམ་ཚིག་སྡོམ་པ་གཟུང་བར་གྱིས།། འབུམ་སྡེར
་གསུངས་པའི་དམ་ཚིག་རྣམས།། མདོར་བསྟན་ལེགས་པར་ཡིད་ལ་ཟུང་།། དེ་ཡང་མདོར་བསྟན་འདི་ལྟ་སྟེ།། རྟོགས་བྱེད་བལྟ་བའི་དམ་ཚིག་ངབ་ངས་ཆོག་དབྱ་བ་མ།། ང་བཏོག་མེད་ཤེས་རབ་ཡིན།། རྗེས་ཚིག་ནི།། རིག་པ་ལ་ཕྱི་ནས་པ
་བས་ན་བལྟ་བ། དབྱེ་ན་ཆོས་ཅན་མཚན་ཉིད་གཉིས་སུ་མེད་དོ། དང་།། སྤྱོད་པ་རྒྱུན་གྱི་དམ་ཚིག་དང་།། བསྒྲུབ་པ་སྤྱི་ཡི་དམ་ཚིག་བཤད།། ཐུན་མོང་སྤྱི་ཡི་དམ་ཚིག་མེད་པ་དང་། གཅིག་པུ་དང་། ཕྱལ་བ་དང་། ལྷུན་གྱིས་གྲུབ་པའོ།། སྟོང་པའི་ཕྱིར་མེད
་པའོ།། སེམས་དང་བྲལ་བའི་ཕྱིར་གཅིག་པ། འདས་པའི་ཕྱིར་བྲལ་བ། གཞི་ལ་ཡོད་པའི་ཕྱིར་ལྷུན་གྲུབ་བོ། དང་། སྐུ་གསུངས་ཐུགས་ཀྱི་དམ་ཚིག་སྒྲའི་སྲོག་གཅོད་པ་སྤང་བར་བྱ། གསུང་གི་རྫུན་དང་ཕྲ་མ་ཞེ་གཅོད་པའི་ཚིག་སྤང་། ཐུགས་ཀྱི་སྒོ་ནས
་བསམ་གཏན་མི་དཀྲུག་སློབ་དཔོན་གྱི་ཐུགས་མི་དཀྲུག་གོ།། ཡན་ལག་གྲངས་ཀྱི་དམ་ཚིག་སྤྱད་པར་བྱ་བའི་དམ་ཚིག་ཉི་ཤུའོ། དང་།། གལ་མདོ་ངེས་པའི་དམ་ཚིག་མ་ཁྲེལ་བའི་ཚུལ་བཞི་ལ་སྒོམ་བསླབ་དེ་ཡི་དམ་ལྔས་མ་ཁྲེལ། གཡོ་སྤུ་དང་ཐོག་མེད་པར་རང་གིས
་མི་ཁྲེལ། བཀུར་སྟི་ཆེ་སྟེ་སློབ་དཔོན་གྱིས་མ་ཁྲེལ། བརྩེ་གདུང་ཆེ་སྟེ་མཆེད་ལྕམ་གྱིས་མ་ཁྲེལ། མ་ཉམས་པ་བཞི་ནི། ཟླ་ཡིས་མ་ཉམས་པ། ཞོར་གྱིས་མ་ཉམས་པ། རྩ་བ་སྤུ་གསུང་ཐུགས་ཀྱིས་མ་ཉམས་པ། ཡན་ལག་གྲངས་ཀྱིས་མ་ཉམས་པའོ།། མཐར་ཕྱིན་པའི་འབྲས་བུ་བཞི་ནི།།
་རིག་པ་ནོན་པ། དམ་ཅན་འགོ་ཞིང་མཐུ་རྩལ་འབྱུང་བ་དང་། མང་པོས་བཀུར་ཞིང་གྲགས་པ་འབྱུང་བ་དང་། ཡིད་དུ་འོང་ཞིང་དགོངས་པ་འབྱུང་བ་དང་བཞིན། གོ། དེ་ལ་སོགས་པའི་དམ་ཚིག་རྣམས།། མདོ་དང་རྒྱས་པ་ཆེན་པོའོ།། དམ་ཚིག་ལ་ནི་ཇི
་བཞིན་གནས།། བསྐལ་པ་ཞིག་ཀྱང་མི་གཏོང་ན།། དམ་ཚིག་ཆེན་པོའི་བསྲུང་ཐབས་སོ།། དམ་ཚིག་སྡོམ་པར་ཇི་ལྟར་གནས།། དམ་ཚིག་ལ་ནི་གང་གནས་པ།། བསམ་པ་ཐམས་ཅད་མཐར་ཕྱིན་འགྱུར།། དེ་ཡང
་བསྲུང་ཐབས་འདི་ལྟ་སྟེ། སློབ་དཔོན་དང་སློབ་མའི་བསྲུང་ཐབས་བསྟན་ཏེ། དེ་ཡང་ཤེས་པ་ལ་ཁྱད་ཡོད་པའི་ཕྱིར།། ཁྱད་པར་བཅུ་ཡིས་སློབ་དཔོན་འཕགས། མི་ཤེས་པ་སློབ་པ་དང་། དྲིས་པ་ལ་ལན་རྒྱས་པར་འདེབས་པ་དང་། དབང་བསྐུར་མན་ངག་རྒྱས་པར་སྟོན་པ་དང་།
་མཁས་པ་དང་། ཡངས་པ་དང་། ཆེ་བ་དང་། གཏིང་ཟབ་པ་དང་། མི་འགལ་བ་དང་། རྒྱུད་ཀྱི་དོན་སྟོན་པ་དང་། རེ་རེའི་མཚན་རེ་སྟོན་ལ་བཅུ་ཐམ་པའོ།། ཤེས་པ་གཅིག་གི་ཁྱད་པར་གྱིས།། ཁྱད་པར་བཅུ་ཡི་བསྲུང་ཐབས་འཕགས།། གཅིག་ལ་དེ་ལས
་ཉུང་བའོ།། དམ་ཚིག་རྒྱལ་པོ་དེ་བཞིན་སྤྱོད།། ཉམས་ན་དམྱལ་བར་ངེས་པར་འགྲོ། གསང་སྔགས་དོན་སྤྱོད་སློབ་དཔོན་ལ།། ཅི་འབྱོར་པ་ཡི་མཆོད་པ་འབུལ།། གང་མཉེས་པ་ཡིས་བསྟེན་པར་བྱ།། རྫས་དང་ཡོ
་བྱད་ཐམས་ཅད་ཀྱང་།། སློབ་དཔོན་དམ་ཚིག་མ་ཉམས་ལ།། ཚོགས་ཀྱི་འཁོར་ལོ་རྒྱ་ཆེར་བྱ།། རྡོ་རྗེ་མཆེད་ལ་དེ་བཞིན་ནོ།། རྡོ་རྗེའི་སྤྱན་ལ་དོན་བཞིས་བསྟན།། སྤྱིའི་མཆེད་དང་ཉེ་བའི་མཆེད་དང་འདྲེས་པའི་མཆེད
་དང་།། དཀྱིལ་འཁོར་བུམ་པ་འདྲེས་པའོ།། སློབ་དཔོན་ལ་ཡང་དེ་བཞིན་ཏེ།། ཆོས་བྱེད་ཀུན་སྤྱིའི་སློབ་དཔོན་དང་འདྲེས་པའི་སློབ་དཔོན་དང་དམ་ཚིག་འབོགས་པ་དབང་བསྐུར་བའི། མན་ངག་རྫོགས་ཆེན་གྱི་དོན་སྟོན་པའི་ལུང་གི་སློབ
་དཔོན་ནོ།། དེ་ཡང་ངེས་ཚིག་འདི་ལྟ་སྟེ།། གཞན་གྱིས་མི་ཤེས་ཤེས་པར་དགྲོལ་ཕྱིར་སློབ།། རྫོགས་ཆེན་དོན་རང་གི་རིག་པ་ལ་སྦྱོར་བས་དཔོན།། སློབ་མའི་ངེས་ཚིག་འདི་ལྟ་སྟེ།། མ་ཡེངས་སེམས་ཚུལ་གྱིས་དད་པ་དང་ལྡན་པས
་ཉན་པས་སློབ།། མན་ངག་གསང་བའི་གཏེར་གཏད་ཐུབ་པའི་སྣོད་དུ་གྱུར་པས་ན།། དེ་ལྟར་དོན་ལྡན་དཔོན་སློབ་ནི།། ཡང་དག་པ་ལ་མཉམ་པོར་གནས།། དམ་ཚིག་ལྡན་པ་དེ་བཞིན་ནོ།། ཉམས་ན་གཉིས་ཀ་འཚིག་པར
་འགྱུར།། སྐུ་ཡི་དམ་ཚིག་ཉམས་འགྱུར་ན།། རྡོ་རྗེ་དམྱལ་བ་ཆེན་པོར་འཚེད་འཚོང་།། འོ་དོད་འབོད་པའི་གནས་སུ་སྐྱེ།། དཔོན་གྱིས་ཉམས་ན་སྦྱང་ཐབས་མེད།། གཉིས་ཀ་ངུ་འབོད་ཆེན་པོར
་སྐྱེ།། སློབ་མས་ཉམས་ན་སྦྱང་ཐབས་ཡོད།། གསུང་རབ་རྒྱ་ཆེན་བཀླག་པ་དང་།། ཚོགས་ཀྱི་འཁོར་ལོ་རྒྱ་ཆེན་བསྐོར།། འཁོར་གསུམ་ཡོངས་དག་བྱ་བར་གསུངས།། གསུང་གི་དམ་ཚིག་ཉམས་གྱུར་ན།། སྣང་བ
་འགགས་པར་འགྱུར་བ་དང་།། མུན་རུམ་ཆེན་པོའི་གནས་སུ་སྐྱེ།། དེ་ནས་ཐོན་པར་གྱུར་ནས་ཀྱང་།། ལྐུག་པ་དག་ཏུ་སྐྱེ་བར་འགྱུར།། དེ་ཡང་སྦྱང་ཐབས་འདི་ལྟ་སྟེ།། མར་མེ་བརྒྱ་རྩའི་ཆོ་ག་དང་།། སྤང་སྐོང་བརྒྱ་རྩ
་འདོན་པ་དང་།། བཤགས་པ་རྣམ་པ་སྣ་ཚོགས་བྱ།། དེས་ནི་སྦྱངས་པའི་ཡོན་ཏན་མཐོང་།། ཐུགས་ཀྱི་དམ་ཚིག་ཉམས་གྱུར་ན།། ཡིད་འཁྲུགས་ཆེན་པོའི་གནས་སུ་སྐྱེ།། རྟག་ཏུ་རྩོད་པ་རྒྱུན་མི་འཆད།། འཐབ་དང
་སྡུག་བསྔལ་ཆེན་པོ་དང་།། ཡང་ན་དྲན་པ་མེད་པར་འགྱུར།། ཡང་ན་དྲན་པ་རེངས་པར་འགྱུར།། སྒྲོ་འབོག་ནད་ཀྱིས་ཐེབས་པར་འགྱུར།། ཐ་མ་དུ་འབོད་གནས་སུ་སྐྱེ།། དེ་ཡང་སྦྱང་ཐབས་འདི་ལྟ་སྟེ།། སློབ་དཔོན
་མཉེས་པའི་རྫས་ཀྱིས་མཆོད།། འབྱོར་ཚོགས་ཅི་ཡོད་འཕགས་པ་མཆོད།། དེ་ལྟར་བཤགས་པ་བྱས་གྱུར་ན།། བསམ་པ་ཐམས་ཅད་འགྲུབ་པར་འགྱུར།། འདོད་པ་ཐམས་ཅད་བསྐོར་བར་འགྱུར།། བྱ་བ་ཐམས་ཅད
་རྫོགས་པར་འགྱུར།། དམ་ཚིག་ཉམས་པའི་སྔ་ལྟས་སུ།། མི་བདེ་རྣམ་པ་སྣ་ཚོགས་འབྱུང་།། ཡམས་དང་འཚེ་བའི་ནད་རྣམས་དང་།། རིམས་ནད་སྣ་ཚོགས་འབྱུང་བར་འགྱུར།། གདོན་དང་ལོག་འདྲེན་རྣམས་ཀྱིས
་ཀྱང་།། བསད་ནས་སེམས་ཅད་དམྱལ་བར་འགྲོ།། མིག་གིས་གཟུགས་མི་མཐོང་བར་འགྱུར།། རྣ་བ་འོན་ཞིང་ལས་མི་འགྲུབ།། མཛེ་དང་ཤུ་བའི་ནད་རྣམས་འབྱུང་།། ཆོམ་རྐུན་རྒྱལ་པོའི་ཆད་པ་འབྱུང་།། གཞན་ལ
་མེད་པའི་རིམས་ནད་འབྱུང་།། བུ་དང་ཆུང་མ་འཆི་བར་སྟོན།། ཡུལ་རྣམས་ཐམས་ཅད་དགྲར་ལྡང་ཞིང་།། བྱས་པ་དོན་མེད་ཆེན་པོར་འགྱུར།། སྔ་ལྟས་དེ་ལྟར་བྱུང་བ་དང་།། གོང་དུ་བསྟན་པའི་བཤགས་པ
་བྱ།། བྱས་ན་བཟློག་པའི་དངོས་གྲུབ་འབྱུང་།། ཞེས་རིག་པ་རང་ཤར་ཆེན་པོའི་རྒྱུད་ལས།། དམ་ཚིག་གི་ལེའུ་སྟེ་བཅུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་ཡེ་ཤེས
་སྐུ།། དམ་ཚིག་བྱེ་བྲག་དེ་ལྟར་ན།། ཆོས་སྐུའི་མཚན་ཉིད་གསུང་དུ་གསོལ།། ཞེས་ཞུས་སོ།། རྡོ་རྗེའི་སྟོབས་ཀྱིས་བཀའ་སྩལ་པ།། ཀྱེ་མ་རྡོ་རྗེ་འཛིན་རྒྱལ་ཉོན།། ངས་བསྟན་ལེགས་པར་ཡིད་ལ་ཟུང་།། ཆོས་སྐུ་ཡེ
་ཤེས་ཆེན་པོའི་ལུང་།། མཚན་ཉིད་རྣམ་པ་གསུམ་དང་ལྡན།། ངོ་བོ་མི་འགྱུར་བའི་སྙིང་པོ་དང་ཤར་བའི་ཡེ་ཤེས་ལྷང་ངེ་བའོ། རང་བཞིན་མ་འགགས་པ་རང་གསལ་ཡུལ་ལས་ཐལ་བྱུང་རྒྱ་ཆད་མེད་པར་སྣང་བའོ།། ཐུགས་རྗེ་ཀུན་ཏུ་ཁྱབ་པའི་ཐུགས་རྗེ་ཡུལ
་བདག་གི་བཟུང་བ་ཙམ་དུ་བཟུང་ཡང་ལམ་ལ་ཙེ་རིང་མེད་དོ།། གསུམ། ཆོས་ཀྱི་སྐུ་ཡི་མཚན་ཉིད་ཡེ་ཤེས་ཀྱི་ལམ་སྣང་བའི་ཡུལ་དུ་ཤར་ནས་རབ་ཏུ་གྱེས་པ་དེ་ལས་འཛིན་པ་ལྟར་མཛད་དོ།། ཡིན།། མི་འཇིག་སྟོང་དང་གསལ་བ་དང་།། བྱ
་པཐམས་ཅད་རྫོགས་པ་ནི།། ཆོས་ཀྱི་སྐུ་ཡི་ངེས་ཚིག་གི། འགྱུར་མེད་སྒྲ་ཉིད་འགྱུར་བ་མེད་པས་ཡེ་ནས་ཕྱོགས་དང་རིས་སུ་མེད་པ་དག་གི་ཆོས་སྒྲ་ཆེན་པོར་བཞུགས་སོ།། འགགས་མེད་ཡེ་ཤེས་ཀྱི་སྒྲ་དེ་ལ་དྲི་མ་མེད་ཅིང་འགག་པ་མེད་པས་སྣང་བ་ལ་ཐོགས
་ཐུགས་མེད་དོ།། ཁྱབ་པ་དེ་ཡང་ཀུན་ལ་ཁྱབ་པས་ཏེ་རང་གི་སྲིང་གི་དཀྱིལ་ན་ཡེ་ཤེས་ས་བོན་འོད་དང་འོད་ཀྱི་ཚུལ་དུ་གནས་པ་དེ་ཉིད་ཀུན་ལ་ཁྱབ་པའི་ཕྱིར་རོ།། གསུམ།། ཆོས་ཀྱི་སྐུ་ཡི་ངོ་བོའོ།། གསལ་ཀ་དག་གི་རྔ་བོ་ལ་ཡེ་ཤེས་ཀྱི་སྣང་བ་ཕྱོགས་བཅུར་ཤར་ནས་ནུབ
་པ་མེད་པའོ།། ང་དངས་འབྱུང་བ་འོད་དུ་འབྱུང་ཞིང་གསལ་བ་ཟེར་དུ་གསལ་བས་ཆོས་ཀྱི་སྐུ་ལ་མཚན་མ་མེད་པའོ།། དང་མ་འདྲེས་དེ་ཡང་ཁ་དོག་དང་ཡུལ་ཆོས་ཀྱི་དབྱིངས་སུ་སྣང་བ་ལ་རང་གི་དེ་ཉིད་ལ་གཞན་འགྲུ་ཞིང་འོད་དུ་འཕྲོ་བའོ།། གསུམ།། ཆོས་ཀྱི་སྐུ་ཡི་ཡུལ
་ཡིན་ནོ།། དཔག་མེད་དེ་ཡང་ཚད་ཀྱིས་གཟུང་དུ་མེད་པ་རྒྱ་ཆེ་ཆུང་མེད་པ་དབྱིངས་འདི་ཞེས་བྱ་བར་མེད་པའི་སྣང་བ་དང་བཅས་པའོ།། དམིགས་མེད་མཐའ་དང་དབུས་མེད་པས་ཕྱོགས་ལ་གནས་པ་མེད་པའོ།། འཛིན་པ་མེད། དེ་ལ་ཡིད་མེད་པས་ཆགས་པ་དང་ཡིད་དུ
་འོང་བ་མེད་དོ།། ཆོས་ཀྱི་སྐུ་ཡི་ཡེ་ཤེས་ཀྱི་ལམ་དུ་མ་ཤར་བས་སྣང་བ་རང་གསལ་བའོ།། གནས་ཡིན་ནོ།། སྣང་བ་འགག་མེད་ཡུལ་ལ་ཞེན་མེད་སེམས་ལ་ཆགས་པ་མེད།། ཆོས་ཀྱི་སྐུ་ཡི་སྤྱོད་པའོ།། མི་རྟོག་པ་ལྷན་ནེ་མ་ཡེངས་པ་ལྷང་ངེ་མཉམས
་ཡེངས་པ་མེད།། ཆོས་ཀྱི་སྐུ་ཡི་བསྒོམ་པ་ཡིན།། བལྟར་མེད་རང་ལ་རྫོགས་བལྟས་ཟིན་གཞི་ལ་རྫོགས་ལྟ་བ་རྫོགས། བྱ་བ་མེད་པའོ།། ཆོས་ཀྱི་སྐུ་ཡི་ལྟ་བ་ཡིན།། རང་གི་རིག་པ་བྱས་མེད་གཞན་ནས་བྱུང་མེད་ད་ལྟར་འབྱུང་བ
་མེད།། ཆོས་ཀྱི་སྐུ་ཡི་འབྲས་བུ་ཡིན།། བསྒྲུབ་མེད་མཐའ་གྲོལ་བསྒྲུབས་ཟིན་རང་དང་འགྲོགས་པར་སྒྲུབ་པ་རྫོགས། རང་གིས་མ་གཡོས་པ།། ཆོས་ཀྱི་སྐུ་ཡི་ཕྲིན་ལས་ཡིན།། རིག་པ་གཅིག་བྱུང་གཉིས་སྒྲོན་མ་གཉིས་བྱུང་ཐམས་ཅད་སྣང
་བའི་ཡེ་ཤེས་བྱུང་།། ཆོས་ཀྱི་སྐུ་ཡི་ཡོན་ཏན་ཡིན།། འགག་མེད་ཡུལ་ལ་ཟང་ཐལ་གསལ་དང་ས་སྟེང་འོག་ངོས་བཟུང་མེད་ངོ་བོས་སྟོང་མི་འགྱུར་བ།། ཆོས་ཀྱི་སྐུ་ཡི་སྣང་བ་ཡིན།། ཕྱི་དབྱིངས་མེད་ནང་རིག་པ་མེད་དབུས་སུ་མེད།། དངོས
་པོ་དང་བྲལ།། ཆོས་ཀྱི་སྐུ་ཡི་རང་ལུས་ཡིན།། དབུགས་མེད་པའི་ཕྱིར། འགྲོ་མེད་ཡིད་མེད་པའི་ཕྱིར་འོང་མེད་སེམས་མེད་པའི་ཕྱིར་གནས་པ་མེད།། ཆོས་ཀྱི་སྐུ་ཡི་རང་རྟགས་ཡིན།། གསལ་བ་ཉི་མ་གཏིང་ཟབ་པ་རྒྱ་མཚོ་མ་ཆགས་སྐྱོན་གྱིས་མ
་གོས་པ་པདྨ་དང་།། མི་འགྱུར་བ་རི་བོ་ཡངས་ཤིང་གོ་སྐབས་འབྱེད་པ་ནམ་མཁའ་ཟིལ་གྱིས་གནོན་པ་སེང་གེ་གསུམ།། ཆོས་བལྟ་བའི་རང་རིག་གནས་ལུགས་ཡིན། ཀྱི་སྐུ་ཡི་མཚོན་དཔེ་ཡིན།། ཡིད་མེད་བསམ་དང་བྲལ་བའི་རིག་པ་ངོ་བོ་ཀ་དག
་ས་ཀྱི་སྐུ།། ཡུལ་ལ་སྣང་བྱ་སྣང་བྱེད་བདག་ལ་མེད་པར་ལྷུན་གྲུབ་འགྲོ་བ་ཡོངས་ལ་ཁྱབ།། རང་ལ་ཆོས་ཀྱི་སྐྲ་ཡི་ཕོ་བྲང་འགྱུར་མེད་འདི།། འོད་ཟེར་གྱི་ཚུལ་དུ་རང་རང་ཙིཏྟའི་དཀྱིལ་ན་ཕོ་བྲང་འགྱུར་མེད་བཏབ།། དངོས་པོ་སྟོང
་པ་ངོ་བོ་ཡེ་ཤེས་སྙིང་པོའོ།། རིག་པ། གསལ་བ་དབྱིངས་འོད་ཀྱི་སྙིང་པོ་རིག་པའོ།། རྩོལ་བ་ལས་འདས་པ་རང་བྱུང་རིག་པའི་སྙིང་པོ་རིག་པའི་ངོ་བོའོ།། སྙིང་པོ་ཡེ་ཤེས་སྐུ་གསུམ་དང་ལྡན་པ་ཆོས་ཀྱི་སྐུ་འོད་ཀྱི་སྙིང་པོ།། ཡེ
་ཤེས་དོན་རྟོགས་ས་ལམ་བགྲོད་པ་མེད།། བརྗོད་པའི་མཐའ་དང་བྲལ་བའི་ཆོས་སྐུ་ཆེན་པོ་འདི།། ཀུན་ལ་གནས་ཏེ་ཀུན་གྱིས་རྟོགས་པ་མེད།། ཡིད་མེད་སེམས་མེད་མ་རིག་འཁྲུལ་པ་མེད།། ཅེས་བཀའ་སྩལ
་ཏོ།། ཞེས་རིག་པ་རང་ཤར་ཆེན་པོའི་རྒྱུད་ལས། ཆོས་སྐུའི་མཚན་ཉིད་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོན་ལྡན་སྤྲུལ
་པའི་སྐུ།། ཆོས་ཀྱི་སྐུ་ཡི་མཚན་ཉིད་དེ་ལྟར་ན།། ལོངས་སྐུའི་མཚན་ཉིད་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཨེ་མ་ཧོ་གསང་བདག་ངེས་པར་ཟུང་།། ལོངས་སྤྱོད་རྫོགས་པའི་སྐུ་ལ
་ཡང་།། དབྱེ་ན་བསམ་གྱིས་མི་ཁྱབ་སྟེ།། མདོར་བསྟན་ལེགས་པར་ཡིད་ལ་ཟུང་།། ཁ་དོག་མ་འདྲེས་སོ་སོའི་མཚན་འཛིན་པ།། མཚན་དང་དཔེ་བྱད་བཟང་པོའི་འོད་ཟེར་འབར།། ཡབ་དང་ཡུམ་དང་སྐུ་ཡི་ཆ་ལུགས
་འཛིན།། ལོངས་སྤྱོད་རྫོགས་པའི་སྐུ་ཡི་མཚན་ཉིད་དོ།། སྐྱེ་བ་ཡོད་དེ་འཆི་མེད་རྡོ་རྗེ་ལྡན།། རང་གི་འོད་ལྔ་སྐུ་རིགས་ལྔ་ཁ་དོག་མ་འདྲེས་སོ་སོར་གསལ།། ཡབ་རྣམ་སྣང་། རྡོ་རྗེ་སེམས་དཔའ་རིན་འབྱུང་སྣང་མཐའ། དོན་གྲུབ་བོ། ལྔ་ཡུམ
་ལྔ་ནམ་མཁའི་དབྱིངས་དྲུག་མ། སངས་རྒྱས་སྤྱན་མ། ས་མ་ཀཾ། གོས་དཀར་མོ། དམ་ཚིག་སྒྲོལ་མའོ་ཚོམ་བུ་ལྔ་དང་ལྡན།། སངས་རྒྱས་ལྔའི་ལམ་དུ་རིག་པ་ཡེ་ནས་གནས་པའི་ཡུལ་དུ་ཤེས་པའོ།། ཡེ་ལྔ་ཤེས་རྟོག་ཚད་ལྟ་རུ་ཤེས། ཡེ་ཤེས་སུ་ཤེས། འོད་དུ་ཤེས། གཉིས་མེད་དུ
་ཤེས། ལྔ་རང་སྣང་དུ་ཤེས་རྟོགས་རྟོགས་པའི་ཚུལ་ལྔ་ལ། ཡུལ་དབྱིངས་སུ་རྟོགས་སྐྱེ་མེད་དུ་འགྲོ། སྐུར་རྟོགས། སྣང་བ་འོད་སྐུར་རྟོགས། ཤེས་པ་རིག་པར་རྟོགས། མཚན་མ་རིག་པ་མ་བུར་རྟོགས་སོ།། པ་ལྔ་དང་ལྡན།། གཞི་ལྔ་གནས་པའི་གཞི། དངོས་པོའི་གཞི། གསང
་བའི་གཞི། གནས་སྐབས་ཀྱི་གཞི། ལམ་གྱི་གཞིའོ།། ལམ་ལྔ་མཐོང་ལམ། སྦྱོར་ལམ། བསྒོམ་ལམ། ཚོགས་ལམ། མཐར་ཕྱིན་པའོ།། འབྲས་བུ་ལྔ་ཡེ་ཤེས་ཀྱི་འབྲས་བུ། རང་སྣང་གི་འབྲས་བུ། རྟོགས་པ་མངོན་གྱུར་གྱི་འབྲས་བུ། སྣང་བ་འོད་ཀྱི་འབྲས་བུ། ཚད་མ་ཡེ་ཤེས་ཀྱི་འབྲས
་བུའོ།། དང་ལྡན།། གནས་ལྔ་ས་བོན་གྱི་གནས་ཙིཏྟ། ཡེ་ཤེས་ཀྱི་གནས་ཀླད་པ། སྒྲོན་མའི་གནས་མིག། ཐིག་ལེའི་གནས་ནམ་མཁའ། སྒྲའི་གནས་ཐིག་ལོའོ།། ཡུལ་ལྔ་རིག་པའི་ཡུལ་དབྱིངས། སྒྲོན་མའི་ཡུལ་ནམ་མཁའ། ཡེ་ཤེས་ཀྱི་ཡུལ་བར་དོ།། འོད་ཀྱི་ཡུལ་མ་འགགས་པ།
་ལོངས་ཀླུའི་ཡུལ་ཚོམ་ཐའོ་། ངོ་བོ་ལྔ་དང་ལྡན།། ལོངས་སྤྱོད་རྫོགས་པའི་སྐུ་ཡི་ངོ་བོའོ།། ཆོས་ཉིད་སྟོང་པའི་ངང་དུ་གནས་པས་ལོངས།། གསལ་ལ་མ་འདྲེས་ཀུན་ལ་ཁྱབ་པས་ལོངས།། ཡེ་ཤེས་ལྔ་ལ་ལོངས་སྤྱོད་འདུ
་འབྲལ་མེད་པར་གནས་པས་ལོངས།། ཀུན་དང་མི་མཉམ་སོ་སོའི་མཚན་དང་ལྡན་པས་ལོངས།། ཐབས་དང་ཤེས་རབ་འདུ་འབྲལ་མེད་པར་གནས་པས་ལོངས།། སྣང་བ་ལྔ་ཉིད་མཚན་མ་མེད་པར་གནས
་པས་སྤྱོད།། འཛིན་པ་མེད་པར་རང་གསལ་ཀུན་ལ་རོལ་པས་སྤྱོད།། སང་ངེ་སལ་ལེ་ཀུན་ལ་སྙོམས་པར་གནས་པས་སྤྱོད།། ལྷང་ངེ་ལྷན་ནི་ཡུལ་ལ་གནས་ཤིང་སྤྲུལ་པ་འགྱེད་པས་སྤྱོད།། སྐུ་གཉིས
་དོན་ལ་མཐའ་ཕྱིན་རོལ་པས་སྤྱོད།། འཛིན་མེད་རང་གི་ས་ལ་གནས་ཤིང་སྤྲུལ་པ་ཕྱོགས་བཅུར་མཛད་པས་སྤྱོད།། ཐམས་ཅད་འབྱུང་ཞིང་ཐམས་ཅད་བསྐྱེད་པས་སྤྱོད་པའི་མཐར་ཕྱིན་ཡིན་པས་སྤྱོད།། ཕྱི་ནང་གསང
་བ་ཀུན་ལ་འདས་པས་རྫོགས།། དམིགས་མེད་དོན་རྟོགས་པ་ལ་ཅིག་ཆར་སྣང་བས་རྫོགས།། རྟག་ཆད་ཀྱི་ཕྱོགས་སུ་མ་ལྷུང་འགྲོ་འོད་མེད་པས་རིག་པའི་རྩལ་རྫོགས།། བློ་ལས་འདས་པས་བྱས་པ་མ་ཡིན་དཔྱད་པའི་ཕྱོགས་དང་བྲལ
་རང་ལ་བྱུང་བས་རྫོགས།། རང་གི་དོན་རྟོགས་གཞན་གྱི་དོན་ཆེན་འགྲེལ་པས་རྫོགས།། བྱ་བ་ཐམས་ཅད་བྱ་བྱེད་ཀུན་ལས་འདས་པས་རྫོགས།། དངོས་པོ་ལས་འདས་པས་སྟོང་པའི་ཡེ་ཤེས་རང་ལ་ཆས་པས་པ།། སྟོང་ཉིད
་མ་འགགས་སོ་སོར་གསལ་བས་པ།། ཡེ་ཤེས་མ་འགགས་ཐབས་ལ་རོལ་བས་པ།། གསལ་ལ་མི་རྟོག་འཛིན་པ་མེད་པས་པ།། རྒྱན་དང་ཆ་ལུགས་རང་གི་མཚན་ཉིད་འཛིན་པས་པ།། འཛིན་མེད་རང་གསལ་ངོ་བོར
་གནས་པས་སྐུ།། ཁ་དོག་སྣང་བ་སོ་སོའི་མཚན་ཉིད་འཛིན་པས་སྐུ།། རྡོ་རྗེའི་དོན་ཉིད་དོན་དང་ལྡན་པས་སྐུ།། དོན་རྟོགས་རང་རང་མཚན་དང་ལྡན་པའི་ཕྱིར་ན་སྐུ།། ཕྱི་དང་ནང་མེད་ཀུན་ཏུ་གསལ་བས་སྐུ།། ངོ་བོ
་འགྱུར་བ་མེད་པར་ཁ་དོག་སོ་སོར་གསལ་བས་སྐུ།། རང་བཞིན་གསལ་ལ་མ་ཡེངས་ཐུགས་རྗེ་ཕྱོགས་བཅུར་འཆར་བས་སྐུ།། ཞེས་བཀའ་སྩལ་ཏོ།། ཞེས་རིག་པ་རང་ཤར་ཆེན་པོའི་རྒྱུད་ལས། ལོངས་སྤྱོད་རྫོགས
་པའི་སྐུའི་ལེའུ་སྟེ་བཅུ་གཉིས་པའོ།། །། དེ་ནས་ཡང་གསང་བའི་བདག་པོས་འདི་སྐད་ཞུས་སོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལོངས་སྐུའི་གནས་ལུགས་དེ་ལྟར་ན།། སྦྲུལ་སྐུའི་སྣང་ལུགས་ཇི་ལྟར
་ལགས།། དཔའ་བོ་ཆེན་པོས་བཀའ་སྩལ་ཞུ།། ཞེས་ཞུས་སོ།། བཅོམ་ལྡན་རྡོ་རྗེ་འཆང་གིས་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་བློ་ཡི་རྟོག་པ་སོལ།། སྤྲུལ་པ་སྐུ་ཡི་མཚན་ཉིད་ནི།། བྱ་བ
་རྫོགས་དང་བྱ་བ་བྱེད།། རྣམ་པ་གཉིས་སུ་འདོད་པའོ།། དེ་ཡང་བསྟན་པ་འདི་ལྟ་སྟེ།། བྱ་བ་རྫོགས་པའི་སྦྲུལ་སྐུ་ནི།། རང་གི་རྒྱུད་གྲོལ་མངོན་སངས་རྒྱས།། དེ་ནས་སྤྲུལ་པ་འགྱེད་པའོ།། ཕྱི་ནང་བྱ་བ་རྫོགས་པ
་སྟེ།། བྱ་བ་རྫོགས་པའི་སྦྲུལ་སྐུར་འདོད།། བྱ་བ་བྱེད་པའི་སྦྲུལ་སྐུ་ནི།། གང་འདུལ་དེ་ལ་དེར་སྟོན་རིགས་དྲུག་གི་སྟོན་པ་གང་ཡིན་པ་དེའི་ཆ་བྱད་དུ་སྤྲུལ་ལོ། ཅིང་།། གཞན་དང་ལྷའི་སྐད་ལ་སོགས་པ་ཡང་སྟོན།། མཐུན་པར་སྣང་བ
་ལ།། དོན་ནི་གོང་མ་ལྟ་བུའོ།། གཞན་གྱི་དོན་ལ་མ་རྨོངས་ཤིང་།། ཅིར་ཡང་བསྒྱུར་དུ་བཏུབ་བའོ།། གཞན་དང་མཐུན་པར་སྣང་བ་ལ།། འགྲོ་བ་ཟིལ་གྱིས་གནོན་པའོ།། ཉོན་མོངས་ངང་གིས་མེད་པ་ལ།། བག
་ཆགས་ལུས་ལྟར་སྣང་བའོ།། དུས་ལ་བབ་པའི་སེམས་ཅན་ལ།། ཡང་དག་དོན་ཆེན་སྟོན་པར་བྱེད།། འགྲོ་བ་གང་དག་འདུལ་བ་ལ།། དེ་དང་མཐུན་ལྷའི་ཡུལ་དུ་བརྒྱ་བྱིན་ལྟ་བུའམ། ལྷ་མ་ཡིན་ལ་ཐགས་བཟང་རིས
་མི་ལ་ཤ་ཀ་ཐུབ། བྱོལ་སོང་ལ་རུ་རུ་ལྟ་བ། ཡི་དྭགས་ལ་ཁ་འབར་མ་ལྟ་བུ། དམྱལ་བ་ལ་ཆོས་ཀྱི་རྒྱལ་པོ་ལྟ་བུར་སྤྲུལ་ནས་ཆོས་སྟོན་པོའོ་པར་སྣང་བའོ།། ཐམས་ཅད་སྐད་ནི་ཤེས་པ་ལྷའི་སྐད་ལ་སོགས་པས་རང་རང་དང་མཐུན་པར་ཆོས་སྟོན། སྟེ།། གང་གི་སྐད་ལ
་དེ་སྟོན་པའི།། ལྷ་ལ་སོགས་པའི་ཆ་ལུགས་སུ་སྤྲུལ་ནས་མཐུན་པས་མཐུན་པར་འདུལ་བ་ལ།། ལ་ལར་ཉན་ཐོས་ལ་ཉོན་མོངས་པ་འདོད་ཆགས་ཀྱི་ཕྱོགས་སྤང་བར་བསམ། ཚིག་གི་སྒོ་ནས་སྟོན།། ལ་ལར་རྟེན་འབྲེལ་སྒོ་ནས་སྟོན་རང་སངས་རྒྱས་ལ
་ང་རྒྱལ་སྤང་བར་བསྟན།། ལ་ལར་སྨོན་འཇུག་སྒོ་ནས་སྟོན། བྱང་ཆུབ་སེམས་དཔའི་ཐེག་པས་ཞེ་སྡང་སྤང་བར་བསྟན།། ལ་ལར་སྐྱེད་པའི་སྒོ་ནས་སྟོན། ཀྲི་ཡའི་སྒོ་ནས་གཏི་མུག་སྤང་བར་བསྟན། ལ་ལར་གཉིས་ཀའི་སྒོ་ནས་སྟོན་ཨུ་པའི་ཐེག་པས་ཕྲག
་དོག་སྤང་བར་བསྟན།། ལ་ལར་བྱང་ཆུབ་ལྔ་ཡིས་སྟོན། ཡོ་གས་ཁོང་ཁྲོ་སྤང་བར་བསྟན། ལ་ལར་ཏིང་འཛིན་གསུམ་གྱིས་སྟོན། མ་ཧ་ཡོགས་ཉོན་མོངས་གནས་བསྒྱུར། ལ་ལར་དབྱིངས་དང་ཡེ་ཤེས་སྟོན་ཨ་ནུས་ཉོན་མོངས་པ་སྤྱད་པར་འདོད།།
་རྫོགས་ཆེན་དོན་ནི་ཨ་ཏིས་ཉོན་མོངས་པ་གནས་དག་ཏུ་བསྟན། འགའ་ལས་འབྱུང་མི་འགྱུར།། གང་ཟག་ལས་ཅན་རིགས་ཅན་འགའ་ལས་གཞན་དུ་མ་གསུངས་པའོ།། འགའ་ལ་སྣང་།། དེ་ཡང་སྟོན་ལུགས་འདི་ལྟ་གསང་སྔགས་ཀྱི་སྣོད་དུ་རུང་བ་ལ
་རྫོགས་ཆེན་གཞན་གྱི་བཞེད་གཞུང་དུ་བསྟན་ཏེ་སྟེ།། ལ་ལར་བསྒོམ་པ་ཅན་འབའ་ཞིག་ཏུ་སྟོན།། ལ་ལར་རིག་མེད་སྟོང་སྟོང་པ་ཕྱང་ཆད་དུ་པར་སྟོན།། ལ་ལར་རིག་མེད་བེམ་པོར་བེམ་པོ་ལས་གཞན་མེད་པར་སྟོན།། ལ་ལར་རིག་པ་བརྐྱང
་པར་རིག་པ་མིན་པ་ཅི་ཡང་མེད་ཟེར་བར་སྟོན།། ལ་ལར་སེམས་ལ་རིག་པ་སེམས་ལ་སངས་རྒྱས་ཡོད་པར་འདོད། རྐྱང་པར་སྟོན།། ལ་ལར་ཀུན་གཞི་ཆོས་སྐུར་ཀུན་གཞི་ཆོས་སྐུ་ཆེན་པོར། སྟོན།། ལ་ལར་དགེ་མེད་སྡིག་མེད་སྟོན།། ལ
་ལར་བསྒོམ་པ་ཅན་དུ་སྟོན།། ལ་ལར་བསྒོམ་པ་མེད་པར་སྟོན།། དེ་ལྟར་སྟོན་བྱེད་སྤྲུལ་བའི་སྐུས།། གསང་སྔགས་བླ་ན་མེད་པ་ཡི།། དོན་འདི་འགའ་འདས་པ་ལས་མ་གསུངས་སོ།། ད་ལྟར་མི་གསུང་མ་འོངས་པར་གསུང
་པབར་མི་འགྱུར་རོ།། སྐབས་འདས་པ་དང་། མ་འོངས་པ་དང་ད་ལྟར་རྣམས་ཀྱིས་སུ་གསུང་བར་འགྱུར་ན་ཡང་།། དགྲ་བཅོམ་རང་རྒྱལ་མདོ་སྡེ་དང་།། ཐེག་དམན་མིང་ཡང་མེད་བློ་ཞན་པ། ཐེག་པ་ཆུང་བ། མི་མོས་པ། སྒྲ་སྐུར་འདེབས་པ།
་ཅན་ཐོས་ལ་སོགས་པའི་དྲི་མ་མེད་པའི་ནང་དུ།། བླ་མེད་ཐེག་རྫོགས་པ་ཆེན་པོའི་དོན་འདི་ནི། པ་སྒྲོག་པར་འགྱུར།། དེས་སོ་སོ་སྐྱེ་བོ་དང་ཉན་ཐོས་ན་བློ་དམན་གཞན་ལ་གསང་།། དེ་རྣམས་ལྡན་པའི་སུ་ལ་འདུག་ཀྱང་སྐྱེ་བུ་དེ།། བྱ་བ་བྱེད
་པའི་སྦྲུལ་སྐུར་འདོད།། ཅེས་གསུངས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་ཐུགས་རྗེ་ཆེན་པོ་དང་ལྡན་པ་སྤྲུལ་པའི་སྐུའི་དབྱེ་བ་དེ་ལྟར་ལགས་ན། སྤྲུལ་པ་སྐུའི་ངེས་ཚིག་ཅི་ལྟར
་ལགས། ཞེས་ཞུས་སོ།། དེ་ནས་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ་དེས་འདི་སྐད་ཅེས་བཀའ་སྩལ་ཏོ།། ཀྱེ་གསང་བའི་བདག་པོ་ཁྱོད་ཉོན་ཅིག་སྦྲུལ་སྐུའི་ངེས་ཚིག་འདི་རྣམས་ཡིན་པར
་ཤེས་པར་གྱིས་ཤིག་འཇིག་རྟེན་ཁམས་ཀྱི་སེམས་ཅན་རྣམས་ལ་མཐུན་པར་སྣང་བའི་ཕྱིར་ན་སྤྲུལ་པའི་སྐུའོ།། དོན་བྱེད་ནུས་པའི་ཕྱིར་ན་ཡང་སྤྲུལ་པའི་སྐུ། བྱ་བ་ཐམས་ཅད་བྱེད་པའི་ཕྱིར་ན་ཡང་སྤྲུལ་པའི་སྐུ།
་སེམས་ཅན་ལས་སད་པ་རྣམས་སྐྱེ་མེད་དབྱིངས་སུ་སྒྲོལ་ནུས་པའི་ཕྱིར་ན་ཡང་སྤྲུལ་པའི་སྐུ། ཞིང་ཁམས་གཅིག་ཏུ་ཡུན་ཐུང་བའི་ཕྱིར་ཡང་སྤྲུལ་པའི་སྐུ། ཐུགས་རྗེ་ཕྱོགས་མེད་དུ་འཆར་བའི་ཕྱིར་ཡང་སྤྲུལ་པའི་སྐུ།།
་ཁྲོ་ཞིང་གཏུམ་པའི་ཕྱིར་ཡང་སྤྲུལ་པའི་སྐུ། ཞི་ཞིང་ངེས་པའི་ཕྱིར་ཡང་སྤྲུལ་པའི་སྐུ། འགྲོ་བ་རྣམས་ཀྱིས་མཛེས་པར་མཐོང་བའི་ཕྱིར་ན་ཡང་སྤྲུལ་པའི་སྐུའོ།། དེ་ནས་ཡང་གསང་བའི་བདག་པོས་འདི་སྐད་ཅེས
་གསོལ་ཏོ།། ཀྱེ་བཅོམ་ལྡན་འདས་སྐུ་དང་ཡེ་ཤེས་ཀྱི་བདག་ཉིད་དང་ལྡན་པས། སྤྲུལ་པའི་སྐུའི་བརྟག་ཐབས་གསུང་དུ་གསོལ། ཞེས་ཞུས་པས། བཅོམ་ལྡན་འདས་ཀྱིས་བཀའ་སྩལ་པ། ཀྱེ་ཧོ་གསང་བའི་བདག་པོ
་ཉོན། སྦྲུལ་སྐུའི་བརྟག་ཐབས་འདི་ལྟར་ཤེས་པར་བྱ་སྟེ། བཞུད་པའི་དུས་ན་ཡང་སྤྱན་གཞན་དུ་མི་ཡེངས་པ་དང་། ལྷག་པའི་བདུད་ཁོང་ན་སྒྲ་གཡས་སུ་འཁྱིལ་བ་ཚོམ་གཅིག་ཡོང་བ་དང་། ཐུགས་ཀ་ན་རྡོ་རྗེའི
་གཟུགས་ཡོད་པ་དང་། སྐྱེ་གནས་ནི་རྒྱལ་རིགས་སམ་རིགས་མཐོ་བ་རྣམས་སུ་སྐྱེའོ།། སྤྱོད་པ་གང་ལྟར་ཡང་མཐུན་པ་ལྟར་སྤྱོད་པའོ།། ཅི་སྐད་སྨྲས་ཀྱང་དེ་ལ་རྗེས་སུ་མི་འཛིན་པའོ།། རང་གི་ཞེ་ལ་འདོད་པ་མི
་བསྒྲུབ་པའོ།། བྱ་རྩོལ་དང་འཛིན་པ་དང་གིས་མེད་པའོ།། སེམས་ཅན་གང་གིས་ཀྱང་འདོད་པའི་གོ་སེལ་བའོ།། དེ་རྣམས་དང་ལྡན་པ་ནི་སྤྲུལ་པའི་སྐུ་ཡིན་པར་ཤེས་པར་བྱའོ།། ཞེས་རིག་པ་རང་ཤར་ཆེན་པོའི་རྒྱུད
་ལས། སྤྲུལ་པའི་སྐུའི་ལེའུ་སྟེ་བཅུ་གསུམ་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་བཅོམ་ལྡན་སྐུ་གསུམ་བདག། སྦྲུལ་སྐུའི་ཆོས་ཉིད་དེ་ལྟར་ན།། སྐུ་གསུམ་དགོངས་པ
་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་ཀྱེ་གསང་བདག་རྡོ་རྗེ་ཅན།། ངས་བསྟན་ལེགས་པར་ཡིད་ལ་ཟུང་།། སྐུ་གསུམ་ཡེ་ཤེས་སྣང་བ་ནི།། གང་ལ་ཐོགས་པ་མེད་པ་དང་།། དམིགས་པའི་ཡུལ
་ནི་གཅིག་པ་ཡི།། ངོ་བོ་སོ་སོར་སྣང་བའོ།། ཆོས་ཀྱི་སྐུ་ཡི་སྣང་ལུགས་སོ།། རང་བཞིན་གཅིག་ལ་ངོ་བོ་གཉིས།། ལོངས་སྤྱོད་རྫོགས་པའི་སྣང་བ་ཡིན།། ངོ་བོ་ཐ་དད་རང་བཞིན་ཐ་དད་ཅིང་།། གང་ལ་མི་འགག་བྱ
་བྱེད་མེད།། སྤྲུལ་པ་སྐུ་ཡི་སྣང་བ་ཡིན།། དེ་ཡང་ཆོས་སྐུའི་དོན་བརྗོད་པ།། སྐུ་གསུམ་གཅིག་ལ་རྫོགས་པའོ།། སྐུ་གསུམ་གཅིག་ནི་རང་བཞིན་པ།། དུ་མར་སྣང་བ་འཁྲུལ་པ་ཡིན།། ཆོས་ཀྱི་སྐུ་ནི་བསམ་པའི་ཡུལ
་དང་བྲལ།། ལོངས་སྤྱོད་རྫོགས་པའི་སྐུ་ནི་རྣམ་རྟོག་བདུད་དང་བྲལ།། དེ་ལྟར་སྐུ་གསུམ་སྣང་བ་ལས།། ཡང་དག་བསྐྱེད་དང་དམིགས་པ་མེད།། འཇུག་དང་གྲོལ་བའི་སེམས་ཀྱང་མེད།། འཛིན
་དང་སྤྱོད་པ་ག་ལ་ཡོད།། ཆགས་དང་ཞེན་པའི་ཚིག་ལས་འདས།། སྤང་བྱ་སྤོང་བྱེད་གཉིས་ལས་འདས།། ཡུལ་དང་སེམས་དང་ཡིད་ལས་འདས།། ཡུལ་དང་དམིགས་པ་མེད་པ་ལ།། རང་སྣང་ཅིག་ཆོད་སྣང
་བའོ།། འཛིན་མེད་རང་སར་གྲོལ་བ་སྟེ།། སྤྲུལ་པ་ཕྱོགས་བཅུར་མཛད་གྱུར་ན།། དམིགས་པ་དག་པའི་ཡུལ་སྣང་ལ།། ཡེ་ཤེས་ཅིག་ཆོད་སྐྱེ་བར་འགྱུར།། དམིགས་པ་མེད་པའི་ཡུལ་སྣང་ལ།། མཚན་མ་རང་སར
་གྲོལ་བར་འགྱུར།། དེ་ལས་སྤྲུལ་པ་རྒྱ་ཆེར་འབྱུང་།། དེ་ཡང་ལུས་ལ་སྣང་ལུགས་ནི།། རིག་པ་ཆོས་སྐུའི་ངོ་བོ་ཡིན།། དེ་ལས་སྣང་བ་མ་འགགས་པས།། ལོངས་སྐུའི་ངོ་བོར་ཡང་དག་འདོད།། དེ་ཕྱིར་སྐུ་གསུམ་ལུས
་ལ་རྫོགས།། སྐུ་གསུམ་དག་པའི་སྣང་བ་ལ།། གཅིག་རྫོགས་གཉིས་རྫོགས་ཐམས་ཅད་རྫོགས།། ཡེ་ཤེས་སྣང་བ་མ་འགགས་གསལ།། བྱ་བ་བཏང་བའི་རིག་པ་ལ།། སྣང་དག་ཡེ་ཤེས་འོད་ཟེར་འཕྲོ།། རྟོག་མེད
་དག་པའི་རིག་པ་ལ།། འོད་ཟེར་སྣ་ལྔ་མ་འགགས་གསལ།། འཛིན་མེད་རང་གྲོལ་ཆེན་པོ་ལ།། ཕྱི་ནང་གསང་བའི་ཆོས་རྣམས་རྫོགས།། བྱ་བ་བཏང་བའི་རིག་པ་ལ།། བྱ་བྱེད་ཆོས་རྣམས་དུས་གཅིག
་རྫོགས།། སེམས་དང་བྲལ་བའི་རིག་པ་ལ།། སྣ་ཚོགས་སྣང་བ་དུས་གཅིག་རྫོགས།། རང་སྣང་གསལ་དག་ཆེན་པོ་ལ།། འཁྲུལ་པའི་སྣང་བ་དུས་གཅིག་རྫོགས།། རང་གྲོལ་རང་སྣང་ཆེན་པོ་ལ།། གཞན་འབྱུང་ཆོས
་རྣམས་དུས་གཅིག་རྫོགས།། སྐུ་གསུམ་རྫོགས་ལུགས་དེ་བཞིན་ནོ།། བྱ་བ་མེད་པས་འཁྲུལ་པ་སངས།། རྟོག་པ་མེད་པས་ཉོན་མོངས་སངས།། འཛིན་པ་མེད་པས་རང་བྱུང་སངས།། ཞེན་པ་མེད་པས་རྣམ་རྟོག
་སངས།། ཆགས་པ་མེད་པས་མ་རིག་སངས།། སྐུ་གསུམ་སངས་ལུགས་དེ་བཞིན་ནོ།། རྟོག་པ་མེད་པའི་རིག་པ་ལ།། འོད་ལྔ་གསལ་བའི་ཡེ་ཤེས་རྒྱས།། རིག་པ་བྱ་བྱེད་བྲལ་བ་ལ།། དམིགས་པའི་ཡུལ་མེད་སྐུ
་གསུམ་རྒྱས།། རིག་པ་ཡུལ་མེད་སྣང་བ་ལ།། འཛིན་པའི་ཡུལ་མེད་འོད་ལྔ་རྒྱས།། རིག་པ་ཡེ་ཤེས་ཆེན་པོ་ལ།། དོན་དམ་རང་སྣང་འབྲས་བུ་རྒྱས།། སྐུ་གསུམ་རྒྱས་ལུགས་དེ་བཞིན་ནོ།། རིག་པ་རྟོག་མེད་ཆོས་སྐུའི
་ངོ་བོ་ཡིན།། རིག་པ་མ་འགགས་གསལ་བ་ལོངས་སྐུ་ཡིན།། རིག་པ་ཅིར་ཡང་སྣང་བ་སྦྲུལ་སྐུ་ཡིན།། དེ་ཕྱིར་སྐུ་གསུམ་སྣང་བ་ནི།། སྣང་བ་འདི་ལ་རྫོགས་པའོ།། སྐུ་གསུམ་ཀློང་ན་འགག་མེད་ཡེ་ཤེས་གསལ།། སྐུ
་གསུམ་ཀློང་ནས་ཐུགས་རྗེའི་ཉི་མ་ལྔ་ཤར་ཞིང་།། ཡེ་ཤེས་ཉི་མའི་འོད་ལ་ཐམས་ཅད་སྙོམས་པར་འགྱུར།། ཡེ་ཤེས་སྒྲོན་མའི་འོད་ཀྱིས་ཐམས་ཅད་གཏིང་མཐའ་ཡས།། སངས་རྒྱས་སྒྲོན་མ་རང་སྣང་འོད་པོ
་ཆེ།། རིག་པའི་སྒྲོན་མ་གཏིང་དཔག་དཀའ་བའི་དོན།། ལམ་གྱི་སྒྲོན་མ་ཡེ་ཤེས་འོད་དུ་གསལ།། མིག་གི་སྒྲོན་མས་མཐོང་བ་མ་འགག་གསལ།། དེ་རྣམས་སྐུ་གསུམ་རྒྱན་དུ་འདོད།། ཅེས་རིག་པ་རང
་ཤར་ཆེན་པོའི་རྒྱུད་ལས། སྐུ་གསུམ་གཅིག་ཏུ་དྲིལ་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྐུ་གསུམ་གནས་ལུགས
་དེ་ལྟར་ན།། སྐུ་ལྔའི་གནས་ལུགས་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཀྱེ་ཀྱེ་གསང་བདག་སེམས་དཔའ་ཉོན།། སྐུ་ལྔ་ཡེ་ཤེས་སྣང་བ་ནི།། ཡབ་ཡུམ་གཉིས་ཀྱི་ཚུལ་དུ་སྣང་།། ཡབ
་ཀྱི་ཆ་འཛིན་ཐབས་ཀྱི་སྐུ།། ཡུམ་གྱི་ཆ་འཛིན་ཤེས་རབ་སྐུ།། ཐབས་དང་ཤེས་རབ་གཉིས་ལྟར་སྣང་།། དེ་ཡང་ཐབས་ནི་འགག་པ་མེད།། ཤེས་རབ་འབྱུང་བ་མེད་པའོ།། འགག་མེད་ཀློང་དང་འགྱུར་མེད
་ཀློསློང་།། གཉིས་མེད་གཅིག་གི་ངང་སྣང་ལ།། འདུ་འབྲལ་མེད་པའི་ངང་དུ་ཤེས།། དེ་ལྟར་རྟོགས་ན་སངས་རྒྱས་དངོས།། དེ་ཡང་སྐུ་ལྔའི་སྣང་བ་ནི།། ངོ་བོ་མཚན་དང་དཔེ་བྱད་ལྡན།། རང་བཞིན་སོ་སོའི་མཚན་ཉིད
་འཛིན་པའོ།། དེ་ཡང་སྟོང་པའི་མུ་དང་ཚིག་གི་མུ།། མུ་གཉིས་བསལ་ནས་ས་ལེར་གནས་པའོ།། དེ་ཡང་རིགས་ནི་ལྔར་སྣང་ཞིང་།། དེ་བཞིན་གཤེགས་པའི་རིགས་དང་ནི།། རྡོ་རྗེའི་རིགས་དང་རིན་ཆེན
་རིགས།། པདྨའི་རིགས་དང་ལས་ཀྱི་རིགས།། དེ་བཞིན་རིགས་ལྔར་འདོད་པའོ།། དེ་ཡང་དོན་སྦྱོར་གང་ཞེ་ན། རིག་པའི་དོན་ལ་དེ་བཞིན་གཤེགས་པས་དེ་བཞིན་རིགས་སུ་བཤད།། རིག་པའི་དོན་ལ་སྐྱེ་དང་འཆི་བ
་མེད་པས་རྡོ་རྗེའི་རིགས་སུ་བཤད།། རིག་པའི་དོན་ལས་སྣ་ཚོགས་འབྱུང་བས་རིན་པོ་ཆེ་ཡི་རིགས་སུ་བཤད།། རིག་པའི་དོན་ལ་སྐྱོན་མེད་དག་པས་པདྨའི་རིགས་སུ་བཤད།། རིག་པའི་ངང་ལས་བྱ་བ་ཐམས་ཅད
་བྱུང་བས་ལས་ཀྱི་རིགས་སུ་བཤད།། དེ་བཞིན་སྣང་བ་ཡེ་ཤེས་ཆེན་པོ་ལ།། རིགས་ཀྱི་ངེས་པ་དེ་བཞིན་ནོ།། དེ་ནི་རིགས་ཀྱི་ཚིག་དོན་ནོ།། སྐུ་ཡི་ཚིག་དོན་རྣམ་པ་ལྔ།། དེ་ཡང་བཤད་ལུགས་འདི་ལྟ་སྟེ།། རྣམ་སྣང
་དང་ནི་རྡོ་རྗེ་སེམས།། དེ་བཞིན་རིན་ཆེན་འབྱུང་ལྡན་ལ།། སྣང་བ་མཐའ་ཡས་དོན་ཡོད་གྲུབ།། དེ་ཡང་དོན་ལ་སྦྱོར་ལུགས་ནི། རིག་པའི་སྣང་བ་འགག་པ་མེད་པས་རྣམ་པར་སྣང་མཛད་ཡིན།། རིག་པས་བདག་དོན
་གཞན་དོན་གཉིས་ཀ་རྟོགས་པས་རྡོ་རྗེ་སེམས་དཔའ་ཡིན།། ཅིག་ཆར་རིག་པར་ཤེས་པས་རིན་ཆེན་འབྱུང་ལྡན་ཡིན།། རིག་པ་སྣང་བར་མཐོང་བས་སྣང་བ་མཐའ་ཡས་ཡིན།། རིག་པ་སྐྱེ་མེད་རྟོགས་པས་དོན་ཡོད
་གྲུབ་པའོ།། དེ་ལྟར་སྐུ་ལྔའི་དོན་ལ་མ་ཡེངས་འགྱུར་མེད་སྤྱོད་པ་ན།། སྐུ་ལྔ་མཐར་ཕྱིན་སྐུ་གཅིག་དོན་ལ་སྤྱོད།། སྐྱེ་མེད་ཆོས་སྐུ་གདོད་ནས་དག་པ་ལ།། བྱ་དང་བྱེད་པའི་ཆོས་ཀུན་ཀ་ནས་མེད།། བྱ་བྱེད་བྲལ་བས
་རིག་པ་རང་སར་གྲོལ།། དཔེར་ན་སྦྲུལ་གྱི་མདུད་པ་བཞིན།། རང་སར་རང་གྲོལ་ཆེན་པོར་འགྱུར།། གང་དག་ཚིག་ལ་མི་གནས་མིང་ལ་མི་གནས་ན།། དེ་ནི་ཤེས་རབ་ཕ་རོལ་ཕྱིན།། སངས་རྒྱས་ཉིད
་ཀྱི་དགོངས་པའོ།། ཤེས་རབ་ཀྱིས་ནི་དེ་ཉིད་ཐོབ།། ཉོན་མོངས་ཀུན་ལས་གྲོལ་བར་འགྱུར།། སངས་རྒྱས་དགོངས་པ་རང་བྱུང་ཉིད།། སུས་ཀྱང་རྟོགས་པར་མི་འགྱུར་རོ།། རྡོ་རྗེ་སེམས་དཔའ་བདག་ཉིད་ཀྱང་།། རྡོ།
་རྗེ་སྤོ་ལ་ང་སངས་རྒྱས།། དེ་ཕྱིར་སྤྲུལ་པ་ཕྱོགས་བཅུར་མཛད།། གཉིས་མེད་ཡེ་ཤེས་རྡོ་རྗེ་སེམས་དཔའི་ངང་།། རྡོ་རྗེ་སེམས་དཔའ་གཉིས་མེད་རང་ལ་རྫོགས།། རང་བྱུང་ཡེ་ཤེས་གཉིས་མེད་རྟོགས་པའི་དོན་དང
་ལྡན།། ཡེ་ཤེས་སྣང་བ་འགག་མེད་ཆེན་པོ་སྟེ།། རང་ལས་བྱུང་ཞིང་རང་ལ་ཐིམ།། ཐ་དད་རང་བཞིན་འགྱུར་བ་མེད།། དེ་ཕྱིར་སྐུ་ལྔའི་ཡེ་ཤེས་སོ།། སྐུ་དང་ཡེ་ཤེས་འདུ་འབྲལ་མེད།། དོན་ལ་དེ་བཞིན་གནས
་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས།། སྐུ་ལྔའི་ལེའུ་སྟེ་བཅོ་ལྔ་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་གསང་སྔགས་བདག། སྐུ་ལྔའི་སྣང
་བ་དེ་ལྟར་ན།། ཡེ་ཤེས་སྣང་བ་གསུང་དུ་གསོལ།། ཞེས་ཞུས་སོ།། དེ་ནས་ཡང་ཐུགས་རྗེ་དང་ལྡན་པ་དེས་འདི་སྐད་ཅེས་བཀའ་སྩལ་ཏོ།། ཀྱེ་མ་གསང་བདག་ངེས་པར་ཟུང་།། ཆོས་མེད་ཤེས་རབ་རང་བྱུང
་བ།། ཆོས་ཀུན་ཁོང་ནས་སྐྱེ་བར་འགྱུར།། དེ་ལས་ཡེ་ཤེས་འབྱུང་བར་འགྱུར།། ཡེ་ཤེས་དབྱེ་བ་འདི་ལྟ་སྟེ།། ཉི་ཤུ་རྩ་ལྔའི་ངོ་བོ་ལས།། བསྡུས་ན་རྣམ་པ་ལྔར་འདུས་སོ།། དེ་ཡང་གྲངས་བསྟན་འདི་ལྟ་སྟེ།། ཆོས
་དབྱིངས་ཡེ་ཤེས་རྟོག་མེད་དང་།། མེ་ལོང་ཡེ་ཤེས་འགག་མེད་གསལ།། མཉམ་ཉིད་ཡེ་ཤེས་མ་འདྲེས་རྫོགས།། སོར་རྟོགས་ཡེ་ཤེས་གོ་ཞིང་རྟོགས།། བྱ་གྲུབ་ཡེ་ཤེས་ཆོས་རྣམས་རྫོགས།། དེ་ལྟར་རྣམ་པ་ལྔར་འདོད
་དོ།། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཛིན།། ཡེ་ཤེས་དབྱེ་བ་དེ་ལྟར་ན།། ཡེ་ཤེས་བཤད་ལུགས་གསུང་དུ་གསོལ།། ཞེས་ཞུས་སོ།། དེ
་ནས་ཡང་བཀའ་སྩལ་པ།། ཨེ་མ་ཧོ་གསང་བའི་བདག་པོ་ཉོན།། ཡེ་ཤེས་ཆེན་པོའི་བཤད་ལུགས་ནི།། རྟོགས་པ་མངོན་གྱུར་སངས་རྒྱས་དང་།། རང་བཞིན་ལྷུན་གྲུབ་སངས་རྒྱས་སོ།། ཡེ་ནས་རང་བཞིན་ལྷུན་གྱིས
་གྲུབ།། ཤེས་ན་རྟོགས་པ་མངོན་དུ་གྱུར།། ཡེ་ཤེས་ངེས་ཚིག་དེ་བཞིན་ནོ།། ཚིག་དོན་སྦྱོར་བ་འདི་ལྟ་སྟེ།། ཆོས་ཀྱི་དབྱིངས་ཀྱི་ཡེ་ཤེས་ནི།། སྟོང་པ་ཆེན་པོའི་ཡུལ་ཉིད་དང་།། གསལ་བ་འོད་ཀྱི་སྣང་བ་དང་།། ཡེ
་ཤེས་རིག་པའི་སྤྱོད་ཡུལ་གསུམ།། དེ་གསུམ་འཛོམ་པས་དབྱིངས་ཞེས་བྱའོ།། དེ་ལ་ཡང་ནི་རྣམ་པ་གཉིས།། དག་པ་ཡེ་ཤེས་དབྱིངས་ཉིད་དང་།། མ་དག་སེམས་ཅན་དབྱིངས་སུ་བསྟན།། དག་པ་ཡེ་ཤེས་དབྱིངས
་ཉིད་ནི།། སྟོང་གསལ་དབྱེར་མེད་རིག་པའི་ཀློང་།། འགྱུར་མེད་ཆོས་སྐུའི་ཕོ་བྲང་ངོ་།། མ་དག་སེམས་ཅན་ཕྱི་དབྱིངས་ནི།། སྟོང་པ་རིས་མེད་འདུས་མ་བྱས།། དེ་ལས་ས་རྡོའི་སྣང་བར་གྱུར།། སེམས
་ཅན་རྣམས་ཀྱི་ཡུལ་ཡིན་ནོ།། དེ་ནི་ཆོས་དབྱིངས་ཡེ་ཤེས་སོ།། མེ་ལོང་ལྟ་བུའི་ཡེ་ཤེས་ནི།། དཔེར་ན་མེ་ལོང་དཀྱིལ་འཁོར་དངས་པ་ལ།། གང་བསྟན་རྐྱེན་དེ་འོང་བ་བཞིན།། དེ་བཞིན་རིག་པ་དྲི་མེད་ལ།། ཉོན
་མོངས་རྐྱེན་གྱི་དབང་དུ་འགྱུར།། དེ་ལས་གྲོལ་བའི་རིག་པ་ནི།། ངོ་སྤྱོད་ནང་དུ་ཤེས་པར་བྱ།། དེ་ལ་མཚན་མའི་གྲོལ་ལུགས་ནི།། སྣ་ཚོགས་སྣང་བ་ཤེས་རིག་ཡུལ།། བློ་ལ་སྣང་བའི་ཐེ་ཚོམ་རྣམས།། རིག་པའི་ངང
་དུ་རྫོགས་པའོ།། བློ་དང་དངོས་པོའི་ཆོས་རྣམས་ཀྱང་།། རིག་པ་ཡེ་ཤེས་ངང་དུ་རྫོགས།། དེ་ཡང་ངེས་ཚིག་འདི་ལྟ་སྟེ།། སྣ་ཚོགས་ཤེས་རབ་དོན་ལ་སྤྱོད་པས་མེ།། དེ་ལ་རྟོགས་ཤིང་གོམས་པས་ལོང་།། མེ་ལོང་ཡེ
་ཤེས་དེ་བཞིན་ནོ།། མཉམ་ཉིད་ཡེ་ཤེས་དོན་སྦྱོར་ནི།། ཆོས་རྣམས་མཉམ་པའི་ངོ་བོ་ལ།། གང་གིའང་ཕྱོགས་སུ་མ་ལྷུང་བའོ།། མཉམ་ཉིད་སངས་རྒྱས་ཀུན་གྱི་རྗེ།། ཆོས་རྣམས་དུས་གཅིག་རྫོགས་པའོ།། མཉམ་ཉིད
་ངེས་ཚིག་འདི་ལྟ་སྟེ།། ཆོས་ཉིད་རྒྱ་ཆད་མེད་པས་མཉམ།། རིག་པ་དོན་དང་ལྡན་པས་ཉིད།། མཉམ་པ་ཉིད་ཀྱི་ཡེ་ཤེས་སོ།། སོ་སོར་རྟོགས་པའི་ཡེ་ཤེས་ནི།། བྱ་བྱེད་བྲལ་བའི་རིག་པར་རྟོགས།། དེ་ཡང་རྟོགས
་ལུགས་རྣམ་པ་མང་།། འོག་ན་ཉམས་པའི་ཚིག་ཏུ་བསྟན།། དེ་ཡང་ངེས་ཚིག་འདི་ལྟ་སྟེ།། དབང་པོ་ཉི་ཤུ་རྩ་གཅིག་ཡོད་པའི་ཕྱིར།། སོ་སོར་རྟོག་ཞེས་དེ་ལ་བྱ།། སོ་སོར་རྟོག་པའི་ཡེ་ཤེས་དེ་བཞིན་ནོ།། བྱ་བ་གྲུབ
་པའི་ཡེ་ཤེས་ནི།། ཅིར་སྣང་རིག་པའི་ངང་དུ་རྫོགས།། བྱ་བྱེད་རྟོགས་པའི་ངང་དུ་རྫོགས།། བྱ་མེད་རྟོག་མེད་ངང་དུ་རྫོགས།། བྱ་བ་བཏང་བའི་རྣལ་འབྱོར་དེ།། ཡང་དག་ས་ལ་དལ་བས་འགྲུབ།། དེ་ལྟར་ཡེ་ཤེས
་ཆེན་པོའི་དོན།། རྟོགས་ན་ཡང་དག་ངེས་པར་གྲོལ།། མ་རྟོགས་པ་ཡི་སེམས་ཅན་ལ།། ཚིག་རེ་དོན་ངེས་གོ་བར་འགྱུར།། དེ་ཕྱིར་ཚིག་དང་དོན་འབྲེལ་ཞིང་།། ཚིག་གིས་དོན་ཆེན་མཚོན་པར་བྱེད།། དེས་ན་ཚིག་དོན
་འབྲེལ་བས་བརྟགས།། མཚོན་པའི་ཚིག་དང་ཡི་གེ་ནི།། ཡང་དག་ཉིད་ལ་མེད་མོད་ཀྱང་།། བློ་ཡི་ཐེ་ཚོམ་བསལ་བའི་ཕྱིར།། ཚིག་ལ་རྟག་ཏུ་འདྲེས་པར་བྱ།། ཞེས་རིག་པ་རང་ཤར་ཆེན་པོའི་རྒྱུད་ལས། ཡེ་ཤེས་ལྔའི
་དོན་བསྡུས་ཏེ་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཧོ་བཅོམ་ལྡན་ཐུགས་རྗེ་ཆེན་པོ་དང་ལྡན་པ་ཡེ་ཤེས་ལྔའི་དོན་དེ་ལྟར་ལགས
་ན།། ཡེ་ཤེས་ཉི་ཤུ་རྩ་ལྔའི་དོན་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན་ཅིག། མ་ཡེངས་པར་སེམས་ཀྱི་རྟོག་པ་སོལ་ཅིག། ཡེ་ཤེས་ཉི་ཤུ་རྩ་ལྔ་ནི་འདི་ལྟ
་སྟེ།། དེ་ཡང་དབྱིངས་ཀྱི་ཡེ་ཤེས་དང་།། ཆོས་ཀྱི་དབྱིངས་ཀྱི་ཡེ་ཤེས་གཉིས།། དབྱིངས་རྣམ་པར་དག་པའི་ཡེ་ཤེས་དང་། དབྱིངས་ཆེན་པོའི་ཡེ་ཤེས་གཉིས། དབྱིངས་ཐམས་ཅད་གཉིས་སུ་མེད་པའི་ཡེ
་ཤེས་དང་ལྔའོ།། མཱ་རིག་པའི་ཡེ་ཤེས་འཁོར་བ་ལ་ལོག་པ་དང་མ་ལོག་པའོ།། མེ་ལོང་ལྟ་བུའི་ཡེ་ཤེས་དང་།། མེ་ལོང་ཆེན་པོའི་ཡེ་ཤེས་གཉིས།། རྟོག་མེད་གསལ་བའི་ཡེ་ཤེས་དང་།། རྟོག་མེད་དངས་པའི་ཡེ་ཤེས
་གཉིས།། གསལ་བ་འཛིན་མེད་ཆེན་པོའི་ཡེ་ཤེས་དང་ལྔའོ།། ཧ་ཊ་དག་པའི་ཡེ་ཤེས་ངོ་བོ་དག་པ་ལ་སྣང་བ་ཡུལ་གྱི་དབང་དུ་མ་གྱུར་པའོ།། མཉམ་པ་ཉིད་ཀྱི་ཡེ་ཤེས་དང་། མཉམ་པ་ཉིད་མ་འགགས་པའི་ཡེ་ཤེས་གཉིས།། མི་གཡོ
་བབ་མཉམ་པ་ཉིད་ཀྱི་ཡེ་ཤེས་དང་།། མི་འགག་པ་མཉམ་པ་ཉིད་ཀྱི་ཡེ་ཤེས་གཉིས།། ཅི་ལ་ཡང་མི་གནས་པ་མཉམ་པ་ཉིད་ཀྱི་ཡེ་ཤེས་དང་ལྔའོ།། རྨཱ་དེ་ལ་མཉམ་ཉིད་ཀྱི་ཡེ་ཤེམ་མ་མར་རྟོགས་པའི་ཡེ་ཤེས་སུལ་བཟླ་བའོ།། སོ
་སོར་རྟོགས་པའི་ཡེ་ཤེས་དང་། དོན་ཐམས་ཅད་རབ་ཏུ་འབྱེད་པའི་ཡེ་ཤེས་གཉིས། རྟོག་པ་སྐད་ཅིག་མ་ལ་སྐྱེས་པའི་ཡེ་ཤེས་དང་། སྒྲ་ཐམས་ཅད་རྣམ་པར་སེལ་བའི་ཡེ་ཤེས་གཉིས། སྒྲ་དང་ཚིག་ལ་མི་གནས་པར
་གོ་བའི་ཡེ་ཤེས་དང་ལྔའོ།། ཀྵ་སྐུ་ཤེས་རབ་དག་པའི་དབྱིངས་སུ་ཤར་བའི་ཐུགས་རྗེ་རང་ལ་སྣང་བའོ།། བྱ་བ་གྲུབ་པའི་ཡེ་ཤེས་དང་།། བྱ་བ་ཐམས་ཅད་བྱེད་པའི་ཡེ་ཤེས་གཉིས། བྱ་བ་ལ་མི་གནས་པའི་ཡེ་ཤེས་དང་། བྱ་བ་བཏང
་པའི་ཡེ་ཤེས་གཉིས།། སྒྲོ་འདོགས་ཐམས་ཅད་ཆོད་པའི་ཡེ་ཤེས་དང་ལྔའོ།། དྷི་མུ་ཨཿ་རྟོགས་མེད་ཀྱི་ཤེས་རབ་རང་ལ་ཤར་བས་སྐྱེ་མེད་རང་སྣང་དུ་ཤེས་པའོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཧོ
་བཅོམ་ལྡན་ཡེ་ཤེས་པ་དང་།། ཡེ་ཤེས་དབྱེ་བ་དེ་ལྟར་ན།། ཡེ་ཤེས་མཚོན་ཚིག་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཀྱེ་མ་གསང་བའི་བདག་པོ་ཁྱོད།། ཡེངས་མེད་རྩེ་གཅིག་སེམས
་ཀྱིས་ཉོན།། རྣམ་དག་ཆོས་ཉིད་བདལ་བའི་ཀློང་།། རྣམ་པར་དག་པའི་དབྱིངས་སུ་བཤད།། རྟོག་མེད་བསམ་པ་ཀུན་སྤངས་ཤིང་།། དབྱིངས་ཆེན་གསལ་བའི་ཡེ་ཤེས་ཡིན།། ཕྱི་ནང་སྟོང་པ་རིས་མེད་ནི།། དབྱིངས
་ཀྱི་ཡེ་ཤེས་ཆེན་པོར་འདོད།། ཕྱི་ནང་གསང་བའི་ཚིག་རྣམས་རྫོགས།། ཆོས་ཀྱི་དབྱིངས་ཀྱི་ཡེ་ཤེས་ཡིན།། གཉིས་མེད་དོན་ལྡན་རྡོ་རྗེའི་དོན་སྟོན་པ།། གཉིས་མེད་དབྱིངས་ཀྱི་ངོ་བོར་འདོད།། འགག་མེད་གསལ
་གདངས་ཆེན་པོའི་དོན།། མེ་ལོང་ལྟ་བུའི་ཡེ་ཤེས་སོ།། དག་པ་གསལ་དངས་ངོ་བོ་ལ།། དག་པའི་སྣང་བ་དུས་གཅིག་རྫོགས།། མེ་ལོང་ཡེ་ཤེས་ཆེན་པོ་ཡིན།། རྣམ་རྟོག་ཡིད་ཡུལ་དུ་སྣང་བའི་སེམས་མ་ཞུགས་པ། མེད་སེམས
་མེད་ལ།། ཡུལ་བདག་རྟོག་གི་བློ་ལས་འདས་པ་ཆགས་པའི་འཛིན་པ་མ་ཞུགས་ལ།། རྟོག་མེད་གསལ་བའི་ཡེ་ཤེས་ཡིན།། འོད་སྣང་མ་འགགས་གསལ་བ་ལ།། ཡིད་ཀྱི་རྟོགས་པ་མ་འགྲུས་པས།། རྟོག་མེད་དངས་པའི་ཡེ
་ཤེས་ཡིན།། གསལ་བྱ་གསལ་བྱེད་ཆོས་དང་བྲལ།། དེ་ལ་རྣམ་རྟོག་མ་འགྲུས་ན། གསལ་ཡུལ་རྟོག་གི་བློ་ལས་འདས་པ་པ་འཛིན་མེད་ཡེ་ཤེས་ཡིན།། ཆོས་ཉིད་མཉམ་པ་མ་འདྲེས་པ།། མཉམ་པ་ཉིད་ཀྱི་ཡེ
་ཤེས་དབྱིངས་དང་རིག་པ་གཉིས་སུ་མེད་པར་རྟོགས་པ། ཡིན།། མ་འགགས་སོ་སོའི་མཚན་འཛིན་པའི།། མཉམ་ཉིད་དབྱིངས་དང་རིག་པ་གཉིས་སུ་མེད་པ། མ་འགགས་ཡེ་ཤེས་ཡིན།། མི་གཡོ་བ་ནི་སྐུ་ཡི་རྒྱ།། རྒྱ་ཆད་ཕྱོགས་ལྷུང་མེད་པ
་ནི།། མི་གཡོ་མཉམ་ཉིད་ཡེ་ཤེས་ཡིན།། མི་འགག་གསལ་དངས་ཆེན་པོ་ལ།། ཡིད་ཀྱི་རྟོག་པ་གསལ་བ་ནི།། མཉམ་ཉིད་མ་འགག་ཡེ་ཤེས་ཡིན།། ཅི་ལ་མི་གནས་ཡེ་ཤེས་ཀུན་གྱི་རྩེ།། མཚན་མ་རང་སར་གྲོལ་བ
་ནི།། ཅི་ལ་མི་གནས་མཉམ་ཉིད་ཡེ་ཤེས་ཡིན།། བློ་ལ་སྣང་བའི་ཐེ་ཚོམ་ཐམས་ཅད་ངོ་བོར་ཕྱི་འབྱུང་བའི་དབང་དུ་མ་གྱུར་པས། གྲོལ།། སོ་སོར་རྟོག་པའི་ཡེ་ཤེས་ཡིན།། སྣ་ཚོགས་གཅིག་ཏུ་སྡུད་པ་སྟེ།། དེ་ལ་དབྱེ་ན
་དོན་རྣམས་འབྱེད།། དོན་རྣམས་འབྱེད་པའི་ཡེ་ཤེས་ཡིན།། རྟོགས་པའི་དོན་ལས་མི་འདའ་ཞིང་།། སྐད་ཅིག་གསུམ་ལ་གྲོལ་བྱེད་པས།། སྐད་ཅིག་སྐྱེ་བའི་ཡེ་ཤེས་ཡིན།། སྒྲ་ཚིག་རིག་པའི་ངོ་བོར་འདས།། ཐ་སྙད
་གཅིག་ལ་རྫོགས་པའི་ཕྱིར།། སྒྲ་རྣམས་སེལ་བའི་ཡེ་ཤེས་ཡིན།། སྒྲ་ཚོག་ཐམས་ཅད་རང་ལ་རྫོགས།། རིག་པའི་ཀློང་དུ་ཚིག་རྣམས་འདས།། ཚིག་ལ་མི་གནས་ཡེ་ཤེས་ཡིན།། རང་རིག་འཛིན་པའི་ཆོས་ལས
་གྲོལ།། ཐ་སྙད་བཏགས་པའི་མིང་སྤངས་ཤིང་།། བྱ་བ་གྲུབ་པའི་ཡེ་ཤེས་ཡིན།། ཐུགས་རྗེའི་འོད་ཟེར་ཕྱོགས་བཅུར་འཕྲོ།། སྤྲུལ་པས་འགྲོ་བའི་དོན་བྱེད་ཕྱིར།། བྱ་བ་བྱེད་པའི་ཡེ་ཤེས་ཡིན།། ཡེ་ཤེས་འགྱུར་མེད
་ངདང་ལ་བྱ་བ་བཏང་།། དངོས་པོ་མཚན་མའི་ཆོས་ལས་འདས་པ་ནི།། བྱ་བ་མི་གནས་ཡེ་ཤེས་ཡིན།། རིག་པ་རྟོག་མེད་གསལ་བ་ལ།། ཤེས་པ་ངང་གིས་དལ་བ་ནི།། བྱ་བ་བཏང་བའི་ཡེ་ཤེས་ཡིན།། ཕྱི་ནང་གསང
་བའི་ཆོས་རྣམས་ཀུན།། རིག་པའི་ཀློང་དུ་ཀུན་འདས་པས།། སྒྲོ་འདོགས་ཆོད་པའི་ཡེ་ཤེས་ཡིན།། དེ་ལྟར་ཡེ་ཤེས་དོན་སྦྱར་ནི།། གང་ཞིག་མྱ་ངན་འདའ་འདོད་པས།། འདི་ལ་གནས་ན་གཉིས་མེད་ཐོབ།། སྐུ་གསུམ
་མས་ལ་ཕྱིར་མི་ལྡོག། ཡེ་ཤེས་མཚོན་དཔེ་དེ་བཞིན་ནོ།། ཞེས་རིག་པ་རང་ཤར་ཆེན་པོའི་རྒྱུད་ལས། ཡེ་ཤེས་ཉི་ཤུ་རྩ་ལྔར་དབྱེ་བའི་ལེའུ་སྟེ་བཅུ་བདུན་པའོ།། །། དེ་ནས་ཡང་གསང་བའི་བདག་པོས
་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འོད་ལྔའི་བདག། ཡེ་ཤེས་དོན་སྦྱོར་དེ་ལྟར་ན།། འོད་ལྔའི་སྣང་བ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བདག་རྡོ་རྗེ
་འཛིན།། འོད་ལ་དབྱེ་བ་བསམ་གྱིས་མི་ཁྱབ་སྟེ།། དེ་ཡང་མདོར་བསྟན་ཡིད་ལ་ཟུང་།། དག་པ་ཡེ་ཤེས་འོད་དང་ནི།། མ་དག་འཁྲུལ་པའི་འོད་དུ་འདོད།། དེ་ཡང་བཤད་ལུགས་འདི་ལྟ་སྟེ།། མ་དག་འཁྲུལ་བའི་འོད
་ལ་དྲུག། དབང་པོ་ཐ་མའི་ཐ་མ་ལ།། དཀར་པོར་འཆར་དང་སེར་པོར་འཆར།། དམར་པོར་འཆར་དང་ལྗང་གུའོ།། དེ་བཞིན་མཐིང་གར་འཆར་བའོ།། བན་བུན་དག་ཏུ་འཆར་བར་འདོད།། དེ་ནི་མ
་དག་འཁྲུལ་པའི་འོད།། མ་དག་སེམས་ཅན་འཁྲུལ་པ་ལ།། དག་པའི་འོད་ལྔ་འདི་ལྟར་ཡོད།། དེ་ཡང་རིགས་དྲུག་སེམས་ཅན་ལ།། ཁ་དོག་ལྔ་ཡི་གནས་ལུགས་དྲུག། རྡོ་རྗེ་སེམས་དཔའ་ང་ཡིས་བཤད།། དེ་ཡང
་རྟོགས་དང་མ་རྟོགས་གཉིས།། རྟོགས་དང་ལྡན་པའི་གང་ཟག་ལ།། འོད་ལྔ་སྐུ་ལྔར་འཆར་བའོ།། མ་རྟོགས་སེམས་ཅན་ཐམས་ཅད་ལ།། མི་ལ་མཚོན་དུ་ཡོད་པའོ།། ལྷ་རྣམས་ལ་ནི་བལྟར་ཡོད་པའོ།། ལྷ་མ་ཡིན་ལ
་ཕྲ་བར་ཡོད།། བྱོལ་སོང་རང་གནས་ཙམ་དུ་ཡོད།། ཡི་དགས་རྣམས་ལ་འཕྲིགས་པར་སྣང་།། དམྱལ་བའི་ཡུལ་ལ་ཏིལ་འབྲུ་ཙམ།། དེ་བཞིན་འོད་དྲུག་གནས་པའོ།། དེ་ནི་མ་དག་འཁྲུལ་པའི་འོད།། དག་པ་ཡེ་ཤེས
་འོད་སྣང་ནི།། རྟོགས་དང་ལྡན་པའི་གང་ཟག་ལ།། སྣང་བ་འདི་ལ་སྣང་ལུགས་དང་།། བར་མ་དོ་ལ་སྣང་ལུགས་དང་།། འཁྲུལ་སྣང་འོད་ལ་སྣང་ལུགས་སོ།། སྣང་བ་འདི་ལ་སྣང་ལུགས་ནི།། ཡེ་ཤེས་ཆེན་པོའི་སྣང
་ལུགས་དེ།། གནས་ནི་ཙིཏྟའི་དཀྱིལ་ན་གནས།། ལམ་ནི་རྒྱ་མཚོའི་ནང་ནས་འབྱུང་།། ཡུལ་ནི་ནམ་མཁའ་སྟོང་པའོ།། ལུས་ནི་སྐུ་དང་ཡེ་ཤེས་སོ།། སྤྱན་ནི་ཤེས་རབ་སྒྲོན་མའོ།། སྙིང་པོ་ཀུན་གསལ་མེ་ལོང
་ངོངོ།། དཔེ་མཚོན་མན་ཤེལ་དྲི་མེད་བཞིན།། དུས་ནི་ཆོས་ཉིད་བར་དོའོ།། རིན་ཆེན་སྦུབས་ལས་མཐར་ཕྱིན་ནོ།། སྣང་བ་འདི་ལ་སྣང་ལུགས་སོ།། བར་མ་དོ་ལ་སྣང་ལུགས་ནི།། ཉི་ཤུ་རྩ་གཅིག་སྣང་ལུགས
་དང་།། དག་པ་གཅིག་ཆོད་སྣང་ལུགས་སོ།། ཉི་ཤུ་རྩ་གཅིག་སྣང་ལུགས་ནི།། འོག་ནས་འབྱུང་བའི་ཚིག་ཏུ་བསྟན།། དག་པ་གཅིག་ཆོད་སྣང་ལུགས་ནི།། ཡེ་ཤེས་དག་པའི་ནམ་མཁའ་ལ།། འོད་ལྔ་འགྱུར་མེད
་གསལ་བ་ནི།། དེ་ཡང་ཚོམ་བུ་ལྔ་ལྔ་དང་།། ཡབ་ཡུམ་ཚུལ་དུ་འཆར་བའོ།། དེ་ཡང་ཁ་དོག་འདི་ལྟ་སྟེ།། མཐིང་ག་རྣམ་པར་སྣང་མཛད་སྐུ།། ཡེ་ཤེས་ཆོས་དབྱིངས་ཡེ་ཤེས་ཏེ།། ཡུམ་ནི་ནམ་མཁའི་དབྱིངས་ཕྱུག
་མ།། འབྱུང་བ་སྟོང་པ་ནམ་མཁའ་ཡིན།། ཕུང་པོ་གཟུགས་ཀྱི་ཕུང་པོ་ཡིན།། ས་ནི་བྱ་བ་རྫོགས་པའི་ས།། དེ་བཞིན་གཤེགས་པའི་རིགས་སུ་བཤད།། དཀར་པོ་རྡོ་རྗེ་སེམས་དཔའི་སྐུ།། ཡེ་ཤེས་མེ་ལོང་ཡེ་ཤེས
་ཏེ།། ཡུམ་ནི་སངས་རྒྱས་སྤྱན་དུ་འདོད།། འབྱུང་བ་བསྐྱེད་པའི་ས་ཆེན་པོ།། ཕུང་པོ་རྣམ་ཤེས་ཕུང་པོ་སྟེ།། ས་ནི་སྣ་ཚོགས་འབྱུང་བའི་ས།། རིགས་ནི་རྡོ་རྗེའི་རིགས་སུ་བཤད།། སེར་པོ་རིན་ཆེན་འབྱུང་ལྡན་སྐུ།། ཡེ
་ཤེས་མཉམ་ཉིད་ཡེ་ཤེས་སོ།། ཡུམ་ནི་མཱ་མ་ཀི་རུ་འདོད།། འབྱུང་བ་ཆུ་བོ་ཆེན་པོ་སྟེ།། ཕུང་པོ་ཚོར་བའི་ཕུང་པོའོ།། ས་ནི་བྱ་བ་བཏང་པའི་ས།། རིགས་ནི་རིན་ཆེན་རིགས་སུ་བཤད།། དམར་པོ་སྣང་བ
་མཐའ་ཡས་སྐུ།། ཡེ་ཤེས་སོར་རྟོགས་ཡེ་ཤེས་ཡིན།། ཡུམ་ནི་གོས་དཀར་ཡུམ་ཆེན་མོ།། འབྱུང་བ་སྲེག་བྱེད་མེ་ཡིན་ནོ།། ཕུང་པོ་འདུ་ཤེས་ཕུང་པོའོ།། ས་ནི་རྣམ་པར་སྟོན་པའི་ས།། རིགས་ནི་པདྨའི
་རིགས་སུ་བཤད།། ལྗང་གུ་དོན་ཡོད་གྲུབ་པའི་སྐུ།། ཡེ་ཤེས་བྱ་གྲུབ་ཡེ་ཤེས་ཡིན།། ཡུམ་ནི་དམ་ཚིག་སྒྲོལ་མར་འདོད།། འབྱུང་བ་འདེགས་བྱེད་རླུང་ཡིན་ནོ།། ཕུང་པོ་འདུ་བྱེད་ཕུང་པོའོ།། ས་ནི་བྱ་བ་ཟིན་པའི
་ས།། རིགས་ནི་ལས་ཀྱི་རིགས་སུ་བཤད།། དེ་བཞིན་དག་པའི་སྣང་བའོ།། སེམས་ཅན་ཀུན་ལ་དེ་བཞིན་ནོ།། རང་རང་ལུས་ལ་གནས་པའོ།། བར་དོ་ལ་ཡང་དེ་བཞིན་འཆར།། ཐམས་ཅད་དེ་ཡི་ཀློང་དུ་ཡང་།།
་ཡིས་བཤད་ཅིང་བསྟན་པའོ།། འོད་འདས་པའི་འོད་ཡུལ་དུ་སྣང་། མ་འོངས་པའི་འོད་སྦྱར་སྣང་བ། དང་། དེ་ཡང་སྐུ་གསུམ་དུ་སྣང་། དང་། ཡེ་ཤེས་སྔར་སྣང་བ་དང་། ཡུམ་ལྔར་བསྟན་དང་འབྱུང་བ་ལྔ་དང་ཕུང་པོ་ལྔ་དང་།། ས་དང་རིགས་ལྔའིས
་བཅུ་དྲུག་ཏུ་འགུརསསུ་བཤད་པའོ།། བར་མ་དོ་ལ་དེ་ལྟར་སྣང་།། རྟོགས་པའི་བློ་ལ་དེ་ལྟར་རོ།། ཞེས་བཀའ་སྩལ་ཏོ།། ཞེས་རིག་པ་རང་ཤར་ཆེན་པོའི་རྒྱུད་ལས། འོད་ལྔ་སྐུ་དང་སྦྱར་བའི་ལེའུ་སྟེ་བཅོ་བརྒྱད
་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འབྱུང་བའི་བདག། འོད་ཀྱི་དོན་སྦྱོར་དེ་ལྟར་ན།། འབྱུང་བའི་དཀྱིལ་འཁོར་གསུང་དུ་གསོལ།། ཞེས་ཞུ་བ་ཞུས
་སོ།། དེ་ནས་ཡང་བཀའ་སྩལ་པ།། ཀྱེ་ཧོ་གསང་བའི་བདག་པོ་ཉོན།། འབྱུང་བ་ལྔ་ཡི་མཚན་ཉིད་ནི།། ངས་བསྟན་ཁྱོད་ཀྱིས་གོ་བར་གྱིས།། འབྱུང་བ་ཆེན་པོ་བཅོམ་ལྡན་འདས།། འགྲོ་བ་ཀུན་ལ་རང
་བཞིན་གནས།། ཁམས་གསུམ་སེམས་ཅན་ཐམས་ཅད་ནི།། འབྱུང་བ་ལྔ་ཡི་དབྱིངས་ལ་སྤྱོད།། འབྱུང་བ་མེད་པའི་སྔོན་རོལ་ཏུ།། སངས་རྒྱས་སེམས་ཅན་མིང་ཡང་མེད།། འབྱུང་བ་ལྔ་ཉིད་མ་ཡི་དབྱིངས།། འབྱུང
་བ་ལྔ་ལས་མ་གྲུབ་པའི།། སྐྱེ་འགྲོ་སེམས་ཅན་གཅིག་ཀྱང་མེད།། དེ་ལས་གནས་པའི་སེམས་ཅན་གྱི།། འབྱུང་བ་རྣམ་པ་གཉིས་སུ་བསྟན།། ཕྱི་འབྱུང་དང་ནི་ནང་འབྱུང་ངོ་།། ཕྱི་ཡི་འབྱུང་བ་འདི་ལྟ་སྟེ།། ས་ཟ་བ་དང
་ཆུ་སྡུད་པ་དང་མེ་སྲེག་པ་དང་ནི།། དེ་བཞིན་རླུང་བསྐྱོད་པ་ཕྱིར་རླུང་དང་ནང་དང་གསང་བ་ལ་སོགས་དང་ནམ་མཁའ་ཡངས་པའོ།། འབྱུང་བ་ལྔ་ཡི་མཚན་ཉིད་ནི།། འབྱུང་བའི་རྒྱུ་ནི་ས་ཡིན་ནོ། འབྱུང་བའི་ཤེས་རབ་མེ་ཡིན
་ནོ།། འབྱུང་བའི་སྤྲུལ་པ་རླུང་ཡིན་ནོ།། འབྱུང་བའི་བདག་པོ་ཆུ་ཡིན་ནོ།། འབྱུང་བའི་ཆོས་ཉིད་ནམ་མཁའ་འོ།། དེ་ལྟར་འབྱུང་བ་ཆེན་པོ་ལྔ།། ཕྱི་ཡི་འབྱུང་བ་ཆེན་པོར་འདོད།། དེ་ནས་ཡང་ཞུས་པ། ཀྱེ་ཀྱེ་བཅོམ་ལྡན
་འབྱུང་ཆེན་བདག། འབྱུང་བའི་ངེས་ཚིག་གསུང་དུ་གསོལ།། ཞེས་ཞུས་སོ།། འབྱུང་བདག་ཆེན་པོས་བཀའ་སྩལ་པ།། ཨ་ཧོ་གསང་བའི་བདག་པོ་ཉོན།། འབྱུང་བའི་ངེས་ཚིག་འདི་ལྟ་སྟེ།། བྱས་པས་མ་བྱུང་འབྱུང
་བ་ལྷུན་གྱིས་གྲུབ།། ཐམས་ཅད་སྐྱེད་པར་བྱེད་པས་འབྱུང་བ་ཆེན་པོ་ཡིན།། འགྲོ་བ་ཡོངས་ལ་ཁྱབ་པས་འབྱུང་བ་ཆེན་པོ་ཡིན།། ཅིག་ཅར་སྐྱེས་པས་འབྱུང་བ་ཆེན་པོ་ཡིན།། རང་ལ་ཡོད་པས་འབྱུང་བ
་ཆེན་པོ་ཡིན།། འགྱུར་བ་མེད་པས་འབྱུང་བ་ཆེན་པོ་ཡིན།། མཐུན་པར་སྣང་བས་འབྱུང་བ་ཆེན་པོ་ཡིན།། དོན་བྱེད་ནུས་པས་འབྱུང་བ་ཆེན་པོ་ཡིན།། འབྱུང་བའི་ངེས་ཚིག་དེ་བཞིན་ནོ།། ཡང་ཞུས་པ། ཀྱེ་ཀྱེ་བཅོམ
་ལྡན་བདག་ཉིད་ལྡན།། འབྱུང་བ་ཆེན་པོའི་ངེས་ཚིག་དེ་ལྟར་ན།། འབྱུང་བའི་དོན་སྦྱོར་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། ཀྱེ་ཀྱེ་འདུས་པའི་འཁོར་ཚོགས་ཉོན།། འབྱུང་བའི་དོན
་སྦྱོར་འདི་ལྟ་སྟེ།། ཆོས་སྐུ་གདོད་ནས་དག་པའི་རང་བཞིན་ལ།། ངོ་བོ་འགྱུར་བ་མེད་པས་འབྱུང་བ་ས་ཡང་ཡིན།། རིག་པའི་ཡེ་ཤེས་དོན་ལ་སྤྱོད་པས་འབྱུང་བ་མེ་ཡང་ཡིན།། རིག་པའི་ཡེ་ཤེས་མ་བསྐྱོད་དབྱིངས་སུ
་ས་པས་འབྱུང་བ་རླུང་ཡང་ཡིན།། རིག་པའི་ཡེ་ཤེས་སྐུ་སྤུངས་ཀྱང་འདུག་གསུམ་གཅིག་ཏུ་དྲིལ་བས་འབྱུང་བ་ཆུ་ཡང་ཡིན།། སྟོང་གསལ་གཉིས་མེད་ངང་དུ་ཐིམ་པས་འབྱུང་བ་ནམ་མཁའ་ཡིན།། འབྱུང་བའི་དོན་སྐྲོད
་དེ་བཞིན་ནོ།། འབྱུང་བ་ཆོས་ཉིད་ཆེན་པོ་ནི།། ཀུན་ལ་དེ་ལྟར་སྣང་བའོ།། སྣང་བ་འགག་མེད་འབྱུང་བའི་ཆོ་འཕྲུལ་ཡིན།། རིག་པ་འགྱུར་མེད་འབྱུང་བའི་ངོ་བོ་ཡིན།། དེ་ལྟར་འབྱུང་བ་ཆེན་པོ་ཉིད།། སངས་རྒྱས
་པས་ཀྱང་ང་སྔར་བྱུང་།། འབྱུང་བ་ཆེན་པོ་ལྔ་ཉིད་ནི།། རང་ལས་བྱུང་ཞིང་རང་ལ་རྫོགས་པའོ།། འབྱུང་བའི་གཏན་ཚིགས་དེ་བཞིན་ནོ།། སངས་རྒྱས་རྣམས་ཀྱི་ཐུགས་རྗེ་ནི།། འབྱུང་བ་ལྔ་རུ་སྣང་བའོ།། འབྱུང་བ་ཆེན
་པོའི་ཀློང་དཀྱིལ་དུ།། རང་བྱུང་ཡེ་ཤེས་གཏེར་དུ་སྦས།། སྟོང་པ་ཉིད་ཀྱི་ཕོ་བྲང་དུ།། དག་པའི་སྣང་བ་གཏེར་དུ་སྦས།། ཡེ་ཤེས་དབྱིངས་ཀྱི་ཀློང་དཀྱིལ་དུ།། སྐུ་ལྔ་འགྱུར་མེད་གཏེར་དུ་སྦས། ཆོས་ཉིད་བར་དོའི་སྣང
་བ་ལ།། རིག་པའི་ཡེ་ཤེས་གཏེར་དུ་སྦས།། ཉོན་མོངས་ལྔ་ཡི་གཏིང་རུམ་དུ།། རིག་པ་འགག་མེད་གཏེར་དུ་སྦས།། བག་ཆགས་འཁྲུལ་པའི་ཀློང་དཀྱིལ་དུ།། ཤེས་རབ་གསལ་བ་གཏེར་དུ་སྦས།། དེ་ལྟར་སངས
་རྒྱས་དུར་ས་ན།། རང་གི་སྙིང་གི་དཀྱིལ་དུ་སྦས།། གཏེར་ཆེན་དེ་རྣམས་རྟོགས་པར་བྱ།། ཞེས་རིག་པ་རང་ཤར་ཆེན་པོའི་རྒྱུད་ལས། ཕྱིའི་འབྱུང་བ་ལྔ་བསྟན་པའི་ལེའུ་སྟེ་བཅུ་དགུ་པའོ།། རྒ་མཱ་ཀཱ།
་ཆ།། ། དེ་ནས་འདུས་པའི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། ཕྱིའི་འབྱུང་བ་དེ་ལྟར་ལགས་ན། ནང་གི་འབྱུང་བ་གསུང་དུ་གསོལ།། ཞེས་ཞུས་སོ།།
་ཡང་བཀའ་སྩལ་པ། ཨེ་མ་ཧོ། ངོ་མཚར་ཆེ་བའི་ཆོས་ངས་བསྟན་གྱིས་ལེགས་པར་ཉོན།། འབྱུང་བ་ཆེན་པོ་ལྔ་ནི་རང་གི་ལུས་ལ་ཚང་ངོ་།། དེ་ཡང་རླུང་རྣམ་པ་ལྔས་ཡེ་ཤེས་ཀྱི་གདངས་བྱེད་དོ།། མེ་རྣམ་པ་ལྔས་ཡེ
་ཤེས་ཀྱི་རྩལ་བྱེད་དོ།། ས་ལྔ་ཡིས་ཡེ་ཤེས་ཀྱི་ངོ་བོ་བྱེད་དོ།། ཆུ་ལྔས་ཡེ་ཤེས་ཀྱི་ཡུལ་བྱེད་དོ།། ནམ་མཁའ་རྣམ་པ་ལྔས་ཡེ་ཤེས་ཀྱི་གནས་བྱེད་དོ།། རླུང་རྣམ་པ་ལྔ་གྲངས་ངས་ལ་བསྟན། གང་ཞེ་ན།
་སྲོག་འཛིན་པའི་རླུང་སྲོག་པ་རྩ་ན་གནས། དང་།། བཀྲག་དང་གཟི་མདངས་སྐྱེད་པའི་སྨིན་བྲག་ན་གནས་རླུང་དང་། མེ་དང་མཉམ་དུ་གནས་པའི་རླུང་ཕོ་བ་ན་གནས་དང་།། ཀུན་ལ་ཁྱབ་བྱེད་ཀྱི་རླུང་ལུས་ཀུན་ཁྱབ་པར་གནས་དང་།།
་སྙིང་རྗེ་མེད་པ་བསྐལ་པ་ལས་ཀྱི་རླུང་དང་ལྔའོ།། རླུང་དེ་རྣམས་སེམས་ཅན་ཀུན་གྱི་ལུས་ཀྱི་མགོ་མཇུག་ན་གནས་སོ།། མེ་ལ་གྲངས་ངེས་པ་བསྟན། ལྔ་སྟེ། ཕྱི་ནང་ཀུན་ལ་གསལ་གྱི་མེ་མིག་དང་ཡན་ལག་ལ་གནས་དང་། ཕྱི་ནང
་ཀུན་ཏུ་ཁྱབ་བྱེད་ཀྱི་མེ་གློ་བ་ན་གནས་དང་། ཕྱི་ནང་ཀུན་མཉམ་པའི་མེ་ཤ་ལྤགས་པར་ན་གནས་དང་། ཕྱི་ནང་གི་བྱ་བ་རྟོགས་པའི་མེ་རྐང་མཐིལ་ན་གནས་དང་། ཕྱི་ནང་གི་བྱ་བ་གྲུབ་པའི་མེ་ལག་མཐིལ་ན་གནས་དང་ལྔའོ།། ས་ལ
་ཡང་གྲངས་ངེས་པ་བསྟན་ལྔ་སྟེ།། ཀུན་ཏུ་སྣང་བའི་ས་རིག་པ་དང་ལྷན་ཅིག་ཏུ་གནས་དང་། མི་འགྱུར་བ་རྡོ་རྗེའི་ས་སྒྲོན་མ་དང་ལྷན་ཅིག་གནས་དང་། ཐམས་ཅད་འབྱུང་བ་རིན་པོ་ཆེའི་ས་ཐིག་ལེ་དང་ལྷན་ཅིག་ཏུ་གནས་དང་། སྣང་བ་སྟོན་པ
་ཀུན་ཏུ་མཐའ་ཡས་པའི་ས་ཡེ་ཤེས་དང་ལྷན་ཅིག་ཏུ་གནས་དང་། བསྒྲུབ་པ་མཐར་ཕྱིན་པའི་ས་ཤེས་རབ་དང་ལྷན་ཅིག་ཏུ་གནས་དང་ལྔའོ།། ཆུ་རྣམ་པ་གྲངས་བསྟན་པ་ལྔ་ནི།། འགྱུར་བ་མེད་པའི་ཆུ་རྩ་ཐམས་ཅད་ན་གནས་དང་། ཞི་བ
་གསལ་དག་གི་ཆུ་རུས་པ་ཐམས་ཅད་ལ་གནས། དང་། ཡོན་ཏན་འབྱུང་བ་རྒྱས་པའི་ཆུ་ཁྲག་ཐམས་ཅད་ལ་ཁྱབ་པར་གནས། དང་། ཆགས་པ་མེད་པའི་ཆུ་ཆུ་སེར་ཐམས་ཅད་ལ་ཁྱབ་པར་གནས། དང་། འཛིན་མེད་རྫོགས་པའི་ཆུ་མིག་གི་ནང་དུ་གནས
་དང་ལྔའོ།། ནམ་མཁའ་ལྔ་ནི། སྤྱི་ཀུན་ལ་ཁྱབ་པའི་ནམ་མཁའ་རིག་པ་དངོས་དང་།། ཡུལ་མེད་གསལ་གདངས་ཀྱི་ནམ་མཁའ་འོད་ལྔ་དང་། མ་འདྲེས་པ་དག་པའི་ནམ་མཁའ་དབྱིངས་རྣམ་པར་དག་པ་དང་།། དོན་མཚོན་བྱེད
་རྟགས་ཀྱི་དོན་ཡེ་ཤེས་ཀྱི་ནམ་མཁའ་དང་། དག་པའི་ཞིང་དུ་བགྲོད་བྱེད་ཀྱི་ནམ་མཁའ་དེ་ཡང་ངོ་སྟོད་ཉི་ཤུ་རྩ་གཅིག་གོའོ།། དེ་ལྟར་འབྱུང་བ་རྣམ་པ་ལྔ་ཉིད་རང་ལ་རང་བཞིན་གྱིས་གནས་པའོ།། དེ་ཡང་བཤད་ལུགས་འདི་ལྟར
་ཡིན་ནོ།། སྲོག་འཛིན་པའི་རླུང་ལའང་ལྔ་སྟེ།། རྩ་བ་འཛིན་པའི་སྲོག་རིག་པའི་མདངས་བསྐྱེད་དང་། སྐྱོབ་བྱེད་ཀྱི་སྲོག་དྷཱ་ཏུའི་མདངས་བསྐྱེད་དང་། རྣམ་པར་ཕྲ་བའི་སྲོག་འོད་ཀྱི་དང་། མི་གཙང་བའི་སྲོག་མ་རིག་པའི་སེམས་དང་དང་།
་རྣམ་པར་འདར་བྱེད་ཀྱི་སྲོག་ཡིད་ཀྱི་གྲོགས་བྱེད་དང་ལྔའོ།། དེ་དང་ལྷན་གཅིག་གནས་པའི་རླུང་ལ་ཡང་ལྔ་སྟེ། དངས་སྙིགས་འབྱེད་པའི་རླུང་སོགས་དང་གཉིས་སུ་མེད་དང་། དྲོད་བསྐྱེད་པའི་རླུང་རིག་པ་དང་གཉིས་སུ་མེད། དང་།
་གསལ་འགྱུར་གྱི་རླུང་སྒྲོན་མ་དང་གཉིས་སུ་མེད་དང་། རྣམ་པར་སྡུད་པའི་རླུང་དྷཱ་ཏུ་དང་གཉིས་སུ་མེད། དང་། རྣམ་པར་གཟེངས་བསྟོད་པའི་རླུང་པྲ་ཛྙཱ་དང་གཉིས་སུ་མེད། དང་ལྔའོ།། བཀྲག་དང་གཟི་མདངས་སྐྱེད་པའི་རླུང་ལ་ཡང་ལྔ
་སྟེ། རྣམ་པར་ཤེས་པ་སྐྱེད་པའི་རླུང་ཤེས་རབ་ཀྱི་ཕུལ་བྱེད། དང་། རྣམ་པར་ཡིད་འབྱུང་བའི་རླུང་སྣང་བའི་ཡུལ། དང་། རྣམ་པར་མདངས་དང་ལྡན་པའི་རླུང་སྒྲོན་མ་དང་། རྣམ་པར་སླེབ་པའི་རླུང་མ་རིག་པའི
་སུལ། དང་། རྣམ་པར་རྒོད་པའི་རླུང་ཡིད་ཀྱི་ཡུལ། དང་ལྔའོ།། རྣམ་པར་ཁྱབ་བྱེད་ཀྱི་རླུང་ལ་ཡང་ལྔ་སྟེ། གཞི་ལ་ཁྱབ་བྱེད་ཀྱི་རླུང་ཡེ་ཤེས་ལ་སྣང་དང་། འཕྲལ་དུ་ཁྱབ་བྱེད་ཀྱི་རླུང་སྒྲོན་མ་ལ་སྣང་དང་།། སྔངས་ཤིང་སྐྲག་པ་ཁྱབ
་བྱེད་རླུང་ཤེས་པ་ལ་སྐང་དང་། དྲན་པ་ཁྱབ་བྱེད་ཀྱི་རླུང་བསམ་པ་ལ། དང་། འཛིན་པས་ལུས་ཀུན་ཁྱབ་པའི་རླུང་སེམས་ལ་སྣང་ངོ་།། དང་ལྔའོ།། སྙིང་རྗེ་མེད་པ་བསྐལ་པ་ལས་ཀྱི་རླུང་ལ་ཡང་ལྔ་སྟེ། རྣམ་པར་སྐྱོད་བྱེད་ཀྱི་རླུང
་ཕུང་པོ་ལ་ཁྱབ། དང་། རྣམ་པར་སྒྲོལ་བྱེད་ཀྱི་རླུང་སྐད་ཅིག་མ་ལ་ཁྱབ། དང་། རྣམ་པར་ཟློག་བྱེད་ཀྱི་རླུང་བར་དོ་ལ་ཁྱབ། དང་། རྣམ་པར་འགྱུར་བྱེད་ཀྱི་རླུང་རྟགས་པ་ལ་ཁྲག་དང་། སྐད་ཅིག་མའི་རླུང་སྐད་ཅིག་མ་གསུམ་ལ་ཁྲག་དང
་ལྔའོ།། དེ་ལྟར་རླུང་ལྔའི་རང་བཞིན་དུ། སེམས་ཅན་ཀུན་ལ་གནས་པའོ།། ཡང་དག་པའི་ས་ལ་སྤྱོད་པར་བྱེད་པའི་ཕྱིར་ན། སྐྲོད་བྱེད་ཀྱི་རླུང་ཞེས་བྱའོ།། དག་པ་ཡེ་ཤེས་ཀྱི་སྲོག་འཛིན་པའི་ཕྱིར་ན། སྲོག་འཛིན་པའི
་རླུང་ཞེས་བྱའོ།། ཡེ་ཤེས་ཀྱི་འོད་ལྔ་རང་ཆས་སུ་ཡོད་པའི་ཕྱིར་ན། བཀྲག་དང་གཟི་མདངས་སྐྱེས་པའི་རླུང་ཞེས་བྱའོ།། ཤེས་རབ་ཀྱིས་ཡང་དག་པའི་དབྱིངས་སུ་སྒྲོལ་ནུས་པའི་ཕྱིར་ན། སྙིང་རྗེ་མེད་པ་བསྐལ་བ
་ལས་ཀྱི་རླུང་ཞེས་བྱའོ།། ཡེ་ཤེས་ཀྱི་སྣང་བ་དང་འདུ་འབྲལ་མེད་པའི་ཕྱིར་ན། མེ་དང་མཉམ་དུ་གནས་པའི་རླུང་ཞེས་བྱའོ།། རླུང་ཐམས་ཅད་ལ་དོན་དེ་བཞིན་དུ་གནས་སོ།། ཞེས་རིག་པ་རང་ཤར་ཆེན་པོའི་རྒྱུད
་ལས། ནང་གི་འབྱུང་བ་ལྔའི་དབྱེ་བ་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་པའི་སྐུ།། དུས་གསུམ་སངས་རྒྱས་ཐམས
་ཅད་ཀྱི། དགོངས་པའི་གནས་ལུགས་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཧོ་འདུས་པའི་འཁོར་ཚོགས་མཁའ་འགྲོ་མ་དང་བཅས་པ་ཉོན་ཅིག། དུས་གསུམ་སངས་རྒྱས་ཐམས་ཅད་ཀྱི
་དཀྱིལ་འཁོར་ཡོངས་སུ་རྫོགས་པ་ནི། རང་གི་རིག་པ་འགྱུར་མེད་བྱང་ཆུབ་སེམས་ལས་ཐམས་ཅད་བྱུང་།། རྟག་པར་རྡོ་རྗེའི་དོན་ལྡན་ཐམས་ཅད་གཉིས་མེད་གཅིག་གི་ངང་།། གཅིག་ཤེས་གྱུར་ན་ཆོས་ཉིད་བདེ་ཆེན
་མཐོང་ཞིང་དེ་ལ་སྤྱོད།། ཙིཏྟའི་དཀྱིལ་འཁོར་འོད་དུ་གསལ་བས་འདས་པའི་སངས་རྒྱས་དངོས།། བར་དོའི་སྣང་བ་མ་འགགས་ལམ་དུ་འཆར་བས་མ་འོངས་སངས་རྒྱས་དངོས།། བྱང་ཆུབ་ལམ་གྱི་སྒྲོན་མ་ཡུལ་ལ
་སྣང་བས་ད་ལྟའི་སངས་རྒྱས་དངོས།། དུས་གསུམ་སངས་རྒྱས་དགོངས་པ་ཚད་མར་བཞག་པ་ཡིན། དུས་གསུམ་སངས་རྒྱས་གཞན་ལ་མེད་པར་རང་བྱུང་རང་ལ་ཐིམ།། སངས་རྒྱས་རྣམས་ཀྱི་དགོངས་པ་ལག
་བཅངས་ཡིན་པར་རྡོ་རྗེ་སེམས་དཔས་བསྟན།། དེ་ཡང་དུས་གསུམ་སངས་རྒྱས་མཚན་བརྗོད་འདི་ལྟ་སྟེ།། ཐོག་མེད་དུས་ན་འདས་པས་མར་མེ་མཛད་དུ་བཤད།། ཕྱིས་འབྱུང་ཡུལ་དུ་མེད་པས་བྱམས
་པ་ཆེན་པོར་བཤད།། ཆ་ལུགས་མངོན་པར་སྣང་ཞིང་གཞན་དོན་བྱེད་པས་ཤཱཀ་ཐུབ་ཆེན་པོར་བཤད།། དེ་བཞིན་དུས་གསུམ་སངས་རྒྱས་ནི།། རང་གི་སྣང་བ་ཆེན་པོར་བཤད།། དེ་ཡང་ལུས་ངག་ཡིད་གསུམ
་མོ།། ངག་ནི་འདས་པའི་སངས་རྒྱས་ཡིན།། ཡིད་ནི་མ་འོངས་སངས་རྒྱས་ཡིན།། ལུས་ནི་ད་ལྷའི་སངས་རྒྱས་སོ།། སངས་རྒྱས་རྣམ་གསུམ་དེ་ལྟར་གནས།། འགྱུར་མེད་བྱང་ཆུབ་སེམས་ལ་འཁྲུལ་པ་ག་ལ
་ཡོད།། འཁྲུལ་མེད་བྱང་ཆུབ་སེམས་ནི་འགྲོ་བ་ཡོངས་ལ་ཁྱབ།། བྱང་ཆུབ་སྙིང་པོ་སངས་རྒྱས་ཀུན་དང་མཉམ།། རང་རིག་སྒྲོན་མ་རང་སྣང་འོད་ཀྱི་ཡུལ།། ཀུན་ལ་གནས་ཏེ་རང་གསང་ཐབས་ཀྱིས་ཆོད།། དུས
་གསུམ་སངས་རྒྱས་དགོངས་པའི་མཆོག་དོན་ཡིན།། སངས་རྒྱས་ཀུན་དང་མི་གཡོ་མཉམ་པར་གནས།། དུས་གསུམ་སངས་རྒྱས་ཐམས་ཅད་ནི།། སྐུ་གསུང་ཐུགས་ལ་ཐམས་ཅད་འདུས།། གསུང་ནི་འདས་པའི
་སངས་རྒྱས་སོ།། ཐུགས་ནི་མ་འོངས་སངས་རྒྱས་སོ།། སྐུ་ནི་ད་ལྟར་བཞུགས་པའོ།། དུས་གསུམ་སངས་རྒྱས་ཐམས་ཅད་ནི།། སྐུ་གསུམ་དང་དུ་འདུས་པའོ།། ཆོས་ཀྱི་སྐུ་ནི་འདས་པའི་སངས་རྒྱས་ཡིན།། ལོངས་སྐུ
་སླད་ཀྱིས་འབྱོན་པའོ།། སྦྲུལ་སྐུ་ད་ལྟར་བཞུགས་པའོ།། དེ་ཡང་ཆོས་སྐུའི་ངང་ལ་རྫོགས།། ཆོས་སྐུ་འོད་ལྔའི་སྣང་བས་ཁྱབ་པས་ལོངས་སྤྱོད་རྫོགས་པའི་སྐུ།། ཆོས་སྐུ་ཅིར་ཡང་སྣང་བས་སྤྲུལ་པའི་སྐུ།། ཆོས་སྐུ
་བསམ་པ་ཀུན་དང་བྲལ་བས་ཆས་ཀྱི་སྐུ་ལ་ཆོས་སྐུ་ཡིན།། ཆོས་སྐུ་བརྗོད་པའི་མཐའ་དང་བྲལ་བས་འདས་པ་ཡིན།། ཆོས་སྐུ་ཡུལ་དུ་མེད་པས་སླད་ཀྱིས་འབྱོན་པ་ཡིན།། ཆོས་སྐུ་ད་ལྟར་བསྟན་དུ་ཡོད་པས་ད་ལྟར
་བཞུགས་པ་ཡིན། དེ་ཡང་རིག་པའི་ངང་ལ་རྫོགས། རིག་པ་འཛིན་པ་མེད་པས་ཆོས་ཀྱི་སྐུ་ཡི་རང་བཞིན་ཡིན།། རིག་པའི་སྣང་བ་འགག་པ་མེད་པས་ལོངས་སྐུའི་རང་བཞིན་ཡིན།། རིག་པ་སྣ་ཚོགས་ཅིར་ཡང་འཆར
་བས་སྤྲུལ་པ་སྐུ་ཡི་རང་བཞིན་ཡིན།། དེ་ལྟར་རིག་པའི་ངང་ལ་ཆོས་རྣམས་ཐམས་ཅད་རྫོགས།། རིག་པ་སྐྱེ་མེད་ཤེས་ན་ཆོས་རྣམས་ཀུན་གྱི་མཆོག་གམ་རྩེ་མོ་ཡིན།། རིག་པ་འགག་མེད་ཤེས་ན་ཆོས་རྣམས་ཀུན་གྱི
་མེ་ལོང་ཡིན།། རིག་པ་འགྱུར་མེད་ཤེས་ན་ཆོས་རྣམས་ཀུན་གྱི་འབྲས་བུ་ཡིན།། རིག་པ་ཕྱོགས་མེད་ཤེས་ན་ཆོས་རྣམས་ཀུན་གྱི་ལྟ་བ་ཡིན།། རིག་པ་རྟོག་མེད་ཤེས་ན་ཆོས་རྣམས་ཀུན་གྱི་འཁྱེར་སོ་ཡིན།། རིག་པ
་རང་སར་ཤེས་ན་ཆོས་རྣམས་ཀུན་གྱི་འབྱུང་གནས་ཡིན།། རིག་པའི་འགྲོ་ས་ཤེས་ན་ཆོས་རྣམས་ཀུན་གྱི་བཞག་ས་ཡིན།། རིག་པ་གཉིས་སྣང་ཤེས་ན་ཆོས་རྣམས་ཀུན་གྱི་རང་ཡུལ་ཡིན།། རིག་པ་སེམས་མེད་ཤེས་ན།
་ཆོས་རྣམས་ཀུན་གྱི་དྲི་མེད་ཡིན།། རིག་པ་ཡིད་མེད་ཤེས་ན་ཆོས་རྣམས་ཀུན་གྱི་གཞི་མེད་ཡིན།། རིག་པ་ཐིག་ལེར་ཤེས་ན་ཆོས་རྣམས་ཀུན་གྱི་འགྲོ་ས་ཡིན།། རིག་པ་འོད་ལྔར་ཤེས་ན་ཆོས་རྣམས
་ཀུན་གྱི་རང་ལུས་ཡིན།། རིག་པ་དམིགས་མེད་ཤེས་ན་ཆོས་རྣམས་ཀུན་གྱི་གནས་ས་ཡིན།། རིག་པ་བྱར་མེད་ཤེས་ན་ཆོས་རྣམས་ཀུན་གྱི་སྤྱོད་པ་ཡིན།། རིག་པ་མཚོན་དཔེ་ཤེས་ན་ཆོས་རྣམས་ཀུན་གྱི་དཔེར་མཚོན
་ཡིན།། རིག་པའི་རང་རྟགས་ཤེས་ན་ཆོས་རྣམས་ཀུན་གྱི་ཟེར་ཟག་ཡིན།། རིག་པའི་དངོས་པོ་ཤེས་ན་ཆོས་རྣམས་ཀུན་གྱི་ས་བོན་ཡིན།། རིག་པའི་ཆོ་འཕྲུལ་ཤེས་ན་ཆོས་རྣམས་ཀུན་གྱི་གྲོགས་སུ་བསྟན།། རིག་པའི
་རྩ་བ་ཤེས་ན་ཆོས་རྣམས་ཀུན་གྱི་སྡོང་པོ་ཡིན།། རིག་པའི་འགྲོགས་ཟླ་ཤེས་ན་ཆོས་རྣམས་ཀུན་གྱི་སྤང་བྱ་ཡིན།། རིག་པའི་དཀྱིལ་འཁོར་ཤེས་ན་ཆོས་རྣམས་ཀུན་གྱི་ཐུག་ས་ཡིན། དེ་ལྟར་བློ་ཡི་ཐེ་ཚོམ་བསལ་ནས
་རིག་པའི་རྟོགས་ལུགས་ཡིན། ཞེས་རིག་པ་རང་ཤར་ཆེན་པོའི་རྒྱུད་ལས། དུས་གསུམ་གྱི་སངས་རྒྱས་ཀྱི་དགོངས་པ་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །། མཱགྷ་ཐཱ།། དེ་ནས་ཡང་གསང་བའི་བདག་པོས
་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ལྡན།། དུས་གསུམ་དགོངས་པ་དེ་ལྟར་ན།། སེམས་ཅན་གྲོལ་ལུགས་བཤད་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི
་བདག་པོ་ཉོན།། སེམས་ཅན་ལ་ཡང་གཉིས་ཀྱིས་བཤད།། རྟོགས་པ་དང་ནི་མ་རྟོགས་པའོ།། གྲོལ་ལུགས་ལ་ཡང་རྣམ་གཉིས་སོ།། མ་དག་འཁོར་བར་གྲོལ་ལུགས་དང་།། དག་པ་ཡེ་ཤེས་གྲོལ་ལུགས་སོ།། མ་དག
་འཁོར་བའི་གྲོལ་ལུགས་ནི།། རྣམ་རྟོག་འཁོར་བ་ཁོ་ན་སྟེ།། ངུ་འབོད་ཆེན་པོའི་གནས་དམྱལ་བའི་གནས་ན་སྡུག་བསྔལ་ཆེན་པོ་དང་ལྡན་པ་ཉོན་མོངས་ཞེ་སྡང་ཤས་ཆེ་བ་ལས་བྱུང་། དང་ནི།། ཤིན་ཏུ་བཀྲེས་པའི་གནས་ཡི་དྭགས་ཀྱི་གནས་འདོད
་ཆགས་ཆེ་བ་ལས་བྱུང་ཤིན་ཏུ་ཟས་ཀྱིས་གདུངས་ཏེ་བཀྲེས་པའོ།། དག་དང་།། རྨུགས་ཤིང་མྱོས་པའི་གནས་བྱོལ་སོང་གི་གནས་གཏི་མུག་ཤས་ཆེ་བ་ལས་བྱུང་། ཆེན་དང་།། རབ་ཏུ་རགས་པའི་གནས་ལྷ་མིན་གྱི་གནས་ཕྲག་དོག་ཤས་ཆེ་བ་ལས་བྱུང་། དང
་ནི།། དེ་བཞིན་ཆ་མཉམ་མི་ལ་ཆ་ལྔ་མཉམ་ལ། གནས་ཆེན་དང་།། ཤིན་ཏུ་དགའ་ལྡན་གནས་ལྷའི་གནས་ང་རྒྱལ་ལས་བྱུང་བའོ།། སུ་བཤད།། མ་རྟོགས་པ་ཡི་སེམས་ཅན་ལ།། དེ་ལས་འགྲོ་ས་མེད་པའོ།། བདེན་པ་མཐོང་བའི
་སེམས་ཅན་ནི།། རྟོགས་པ་རྒྱུད་ལ་མ་སྐྱེས་ཀྱང་།། ཕྱོགས་བཅུ་སྤྲུལ་པའི་ཞིང་ཁམས་སུ།། གནས་ནས་མཐར་ཕྱིན་འབྲིང་གི་མཆོག་གི་གྲོལ་ལུགས་གྲོལ་བར་གྱུར།། དེ་ནི་མ་རྟོགས་གྲོལ་ལུགས་སོ།། རྟོགས་པ་རྣམས་ཀྱི
་གྲོལ་ལུགས་ནི།། ལ་ལ་འོད་ལྔའི་དབྱིངས་སུ་ཡེ་ཤེས་ཀྱི་སྣང་བ་རང་གི་ཡུལ་དུ་མཐོང་ནས་གང་ཟག་དབང་པོ་འབྲིང་གི་ཕུལ་གྲོལ་བའོ།། གྲོལ།། ལ་ལ་སྐུ་ལྔའི་དབྱིངས་སུ་འབྲིང་གི་རྩེ་མོ། གྲོལ།། ལ་ལ་ཚོམ་བུ་ལྔ་ཡིས་འབྲིང་གི་མཆོག་གི་སྲོལ་ལུགས།།
་གྲོལ།། ལ་ལ་མེ་ལོང་དབྱིངས་སུ་འབྲིང་གི་རབ་ཀྱི། གྲོལ།། ལ་ལ་མུ་ཁྱུད་དབྱིངས་སུ་འབྲིང་གི་འབྲིང་གི་གྲོལ།། ལ་ལ་སྟེང་འོག་ཚོམ་བུར་འབྲིང་གི་ཐ་མ། གྲོལ།། ལ་ལ་མུ་ཁྱུད་སྟོང་པར་འབྲིང་གི་མཐར་ཕྱིན་པའི་གྲོལ
་ལུགས་སོ། གྲོལ།། དེ་ནི་འབྲིང་གི་གྲོལ་ལུགས་སོ།། ལ་ལ་ཁ་དོག་དཀར་པོར་ཟ་མའི་མཐར་ཕྱིན་པའི་གྲོལ་ལུགས་སོ།། གྲོལ།། ལ་ལ་ཟ་མའི་རྩེ་མོ། ཁ་དོག་སེར་པོར་གྲོལ།། ལ་ལ་ཟ་མའི་ཕུལ་གྱི་ཁ་དོག་དམར་པོར་གྲོལ།། ལ་ལ
་མའི་མཆོག་ཁ་དོག་ལྗང་གུར་གྲོལ།། ལ་ལ་ཟ་མའི་རབ་ཀྱི་ཁ་དོག་མཐིང་གས་གྲོལ།། ལ་ལ་ཟ་མའི་འབྲིང་། ཁ་དོག་ལྔགས་གྲོལ།། ལ་ལ་ཟ་མའི་ཐ་མས། ཐིག་ལེ་ཟེར་གྱིས་གྲོལ།། དེ་ནི་ཐ་མའི་གྲོལ་ལུགས་སོ།། ལ་ལ་སྐད་ཅིག
་གསུམ་གྱིས་རབ་ཀྱི་མཐར་ཕྱིན་པའི་གྲོལ།། ལ་ལ་རབ་ཀྱི་རྩེ་མོ།། མེ་ལོང་གཉིས་དང་ཚོམ་བུ་ལྔ་ཡིས་གྲོལ།། ལ་ལ་རབ་ཀྱི་ཕུལ། ཡབ་ཡུལ་གྱི། དང་ཡུམ་གྱིས་གྲོལ།། ལ་ལ་སྣང་བ་མེར་མེར་ཤིག་ཤིག་གིས། རབ་ཀྱི་མཆོག་གི། རང་གི
་བདེན་པ་རབ་ཀྱི་རབ། སྐྱེས་ཏེ་གྲོལ།། ལ་ལ་ཐུགས་རྗེའི་འོད་ཟེར་གྱིས་རབ་ཀྱི་འབྲིང་གི། ལ་ལ་ཚོམ་བུ་གཉིས་ཀྱིས་གྲོལ། རབ་ཀྱི་ཐ་མའི།། ལ་ལ་ཅིར་སྣང་སྐུའི་རང་བཞིན་དེ་ཡང་ཡེ་ཤེས་ཀྱི་སྣང་བ་རེ་རེ་སྣང་ལུགས་ཀྱི་སྣང་བ་རེ་རེ་སྐད་ཅིག
་མར་རེ་ལ་མཐོང་བའི་དབང་པོ་མ་འགགས་པའོ།། དག་གིས་གྲོལ།། དེ་ནི་རབ་ཀྱི་གྲོལ་ལུགས་སོ།། རྟོགས་པ་རྣམས་ཀྱི་གྲོལ་ལུགས་དེ་བཞིན་ནོ།། ཡང་ཞུས་པ། ཀྱེ་ཀྱེ་བཅོམ་ལྡན་རྟོགས་པའི་བདག། རྟོགས་པའི་སེམས་ཅན
་རྣམས་དང་ནི།། མ་རྟོགས་འཁོར་བའི་སེམས་ཅན་གཉིས།། ཁྱད་པར་གང་ལགས་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཨེ་མ་ཧོ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ
་ཟུང་།། རྟོགས་དང་མ་རྟོགས་ཁྱད་པར་ནི།། ངོ་སྤྲོད་ཉི་ཤུ་རྩ་གཅིག་གོ། ངོ་སྤྲོད་བསྟན་པ་རྟོགས་པའི་མཆོག། མ་བསྟན་གྲོལ་བར་ག་ལ་འགྱུར།། སངས་རྒྱས་ཐམས་ཅད་དགོངས་པ་ནི།། ངོ་སྤྲོད་ནང་དུ་ཤེས་པར
་བྱབྱ།། དེ་ལྟར་ངོ་སྤྲོད་བསྟན་གྱུར་ན།། སངས་རྒྱས་བདེན་པ་མཐོང་བ་ཡིན།། སངས་རྒྱས་རྣམས་ཀྱི་བདེན་པ་ནི།། འོད་སྣང་དག་པའི་གཟིགས་སྣང་མཁྱེན།། དག་པའི་ཞིང་ལ་མཐར་ཕྱིན་འགྱུར།། རྣམ་དག་ལམ་ལ
་རབ་གནས་ཤིང་།། དག་པའི་དབྱིངས་སུ་གཉིས་མེད་ཐིམ།། ཐིམ་ནས་འོད་ཟེར་ཕྱོགས་བཅུར་འཕྲོ།། ཉོན་མོངས་རྟོག་པ་སེལ་བར་འགྱུར།། ཡེ་ཤེས་དག་པའི་སྤྱོད་ཡུལ་ནི།། སྣང་བ་འགག་མེད་སོ་སོར
་གསལ།། ཐུགས་རྗེ་འགག་མེད་ཕྱོགས་བཅུར་འཕྲོ།། ཡེ་ཤེས་འགག་མེད་ཡུལ་ལ་སྣང་།། སྒྲོན་མ་འགག་མེད་ཀུན་ལ་ཁྱབ།། ཤེས་རབ་འགག་མེད་དོན་ལ་སྤྱོད།། འགག་མེད་རྣམ་དག་ཆོས་དབྱིངས་འདི།། ཀུན་དང
་མི་མཉམ་རང་གི་ཐུགས་ལ་འཆང་།། རྡོ་རྗེ་དོན་ཉིད་ཕོ་བྲང་འགྱུར་མེད་དོ།། ཞེས་རིག་པ་རང་ཤར་ཆེན་པོའི་རྒྱུད་ལས། སེམས་ཅན་གྱི་གྲོལ་ལུགས་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་ཡང
་གསང་བའི་བདག་པོ་དང་། མཁའ་འགྲོ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡི་གེའི་བདག། ཡི་གེའི་འབྲུ་བཤད་གསུང་དུ་གསོལ།། ཞེས་ཞུས་སོ།། རྫུ་འཕྲུལ་ཅན་གྱིས་བཀའ
་སྩལ་པ།། ཨ་ཧོ་ཉེ་བའི་འཁོར་རྣམས་ཉོན།། ངས་བསྟན་ལེགས་པར་ཡིད་ལ་ཟུང་།། སངས་རྒྱས་ཐམས་ཅད་དགོངས་པ་ནི།། ཚིག་དང་ཡི་གེ་མེད་པ་ལ།། ཚིག་དང་ཡི་གེ་ལྟར་སྣང་སྟེ།། འོན་ཀྱང་ཚིག་གིས་དོན་ཆེན
་གྲོལ།། དེ་ཡང་ཡི་གེའི་འབྲུ་ལ་འདུས།། དེ་རྣམས་དོན་བཤད་འདི་ལྟ་སྟེ།། ཡི་གེ་ཐམས་ཅད་བསྐྱེད་པའི་རྒྱུ།། ཀ་ལ་ཡང་དག་རྫོགས་པར་གྲགས།། ཆོས་རྣམས་ཀུན་གྱི་མཐའ་སྡུད་ནི།། ཡི་གེ་ཨ་ལ་རྫོགས
་པའོ།། ཆོས་རྣམས་ཀུན་གྱི་ནམ་མཁའ་ནི།། ཡི་གེ་ཁ་ལ་རྫོགས་པའོ།། ཆོས་རྣམས་ཀུན་གྱི་དྲི་མེད་ནི།། ཡི་གེ་ག་ལ་རྫོགས་པའོ།། ཆོས་རྣམས་ཀུན་གྱི་རིག་པ་ནི།། ཡི་གེ་ང་ལ་རྫོགས་པའོ།། ཆོས་རྣམ་ཀུན་གྱི་རོལ་པ
་ནི།། ཡི་གེ་ཙ་ལ་རྫོགས་པའོ།། ཆོས་རྣམས་ཀུན་གྱི་དྲི་མེད་ནི།། ཡི་གེ་ཚལ་རྫོགས་པའོ།། ཆོས་རྣམས་ཀུན་གྱི་སྣང་བ་ནི།། ཡི་གེ་ཛ་ལ་རྫོགས་པའོ།། ཆོས་རྣམས་ཀུན་གྱི་ཉམས་མྱོང་ནི།། ཡི་གེ་ཝ་ལ་རྫོགས
་པའོ།། ཆོས་རྣམས་ཀུན་གྱི་རྟག་པ་ནི།། ཡི་གེ་ཊ་ལ་རྫོགས་པའོ།། ཆོས་རྣམས་ཀུན་གྱི་དཀྱིལ་འཁོར་ནི།། ཡི་གེ་ཥ་ལ་རྫོགས་པའོ།། ཆོས་རྣམས་ཀུན་གྱི་ཆད་པ་ནི།། ཡི་གེ་ཌ་ལ་རྫོགས་པའོ།། ཆོས་རྣམས་ཀུན་གྱི
་རང་ལུས་ནི།། ཡི་གེ་ཎ་ལ་རྫོགས་པའོ།། ཆོས་རྣམས་ཀུན་གྱི་བསྟན་པ་ནི།། ཡི་གེ་ཏ་ལ་རྫོགས་པའོ།། ཆོས་རྣམས་ཀུན་གྱི་སྟོང་པ་ནི།། ཡི་གེ་ཐ་ལ་རྫོགས་པའོ།། ཆོས་རྣམས་ཀུན་གྱི་རིག་པ་ནི།། ཡི་གེ་ད་ལ་རྫོགས
་པའོ།། ཆོས་རྣམས་ཀུན་གྱི་མ་རིག་ནི།། ཡི་གེ་ན་ལ་རྫོགས་པའོ།། ཆོས་རྣམས་ཀུན་གྱི་གཞི་མ་ནི།། ཡི་གེ་པ་ལ་རྫོགས་པའོ།། ཆོས་རྣམས་ཀུན་གྱི་ཆོས་སྐུ་ནི།། ཡི་གེ་ཕ་ལ་རྫོགས་པའོ།། ཆོས་རྣམས་ཀུན་གྱི་ལོངས
་སྐུ་ནི།། ཡི་གེ་བ་ལ་རྫོགས་པའོ།། ཆོས་རྣམས་ཀུན་གྱི་སྦྲུལ་སྐུ་ནི།། ཡི་གེ་མ་ལ་རྫོགས་པའོ།། ཆོས་རྣམས་ཀུན་གྱི་སྟོང་ལམ་ནི།། ཡི་གེ་ཡ་ལ་རྫོགས་པའོ།། ཆོས་རྣམས་ཀུན་གྱི་བཞག་ཐབས་ནི།། ཡི་གེ་ར་ལ་རྫོགས
་པའོ།། ཆོས་ཀྱི་སྐད་ཅིག་མ་གསུམ་ནི།། ཡི་གེ་ལ་ལ་རྫོགས་པའོ།། ཆོས་རྣམས་ཀུན་གྱི་འགག་མེད་ནི།། ཡི་གེ་ཤ་ལ་རྫོགས་པའོ།། ཆོས་རྣམས་ཀུན་གྱི་ཡེ་ཤེས་ནི།། ཡི་གེ་ཥ་ལ་རྫོགས་པའོ།། ཆོས་རྣམས་ཀུན་གྱི
་འཆར་ལུགས་ནི།། ཡི་གེ་ས་ལ་རྫོགས་པའོ།། ཆོས་རྣམས་ཀུན་གྱི་ལ་གཅོད་ནི།། ཡི་གེ་ཧ་ལ་རྫོགས་པའོ།། ཆོས་རྣམས་ཀུན་གྱི་ཤེས་རབ་ནི།། ཡི་གེ་ཀྵ་ལ་རྫོགས་པའོ།། ཆོས་རྣམས་ཀུན་གྱི་ཐུགས་ནི།། ཡི་གེ་ཀླག
་ལ་རྫོགས་པའོ།། ཆོས་རྣམས་ཀུན་གྱི་རང་བཞིན་ནི།། ཡི་གེ་གྷ་ཛྷ་ཌྷ་དྷ་བྷ་ལ་རྫོགས་པའོ།། དེ་བཞིན་ཡི་གེའི་དོན་སྦྱར་རྣམས།། ཀུན་ལ་དེ་བཞིན་ཤེས་པར་བྱ།། ཡི་གེའི་མཚན་དང་འབོད་པ་རྣམས།། འདི་ལྟར་ཀུན
་ལ་ཤེས་པར་བྱ། ཡི་གེའི་གནས་དང་ལོངས་སྤྱོད་དང་།། འདི་ལྟར་ཀུན་ལ་ཤེས་པར་བྱ།། དེ་ལ་འདོགས་དང་ཡན་ལག་ནི།། གུ་གུ་འོད་ཀྱི་ཡི་གེར་བཤད།། འགྲེང་བུ་ལམ་གྱི་ཡི་གེར་བཤད།། ན་རོ
་དབྱིངས་ཀྱི་ཡི་གེར་བཤད།། ཀླད་སྐོར་ཆོས་ཉིད་ཡི་གེར་བཤད།། དེ་ནི་གོང་གི་ཡི་གེ་བཞི།། སྒྲོན་མའི་ཡི་གེར་འདོད་པའོ།། ཞབས་ཀྱུ་ཐུགས་རྗེའི་ཡི་གེར་བཤད།། ཡ་བཏགས་ཁྱབ་པའི་ཡི་གེར་བཤད།།
་བཏགས་འཆར་བའི་ཡི་གེར་བཤད།། དེ་ལ་འདོགས་ནི་གང་བྱུང་བ།། འདོགས་དང་སྦྱར་ཏེ་བཤད་པའོ།། ཡང་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཡི་གེའི་འབྲུ་བཤད་དེ་ལྟར་ན།། ཡི་གེའི་འདོགས་བཤད
་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཨ་ཧོ་གསང་བའི་བདག་པོ་ཉོན།། ཡི་གེའི་འདོགས་བཤད་འདི་ལྟ་སྟེ།། ཡི་གེ་ཐམས་ཅད་འདོགས་ཀྱིས་བཤད།། ཡན་ལག་འདོགས་ཀྱི་དབང་དུ
་བཤད།། དེ་ལ་ཡི་གེ་ཐམས་ཅད་ཀྱི།། བཤད་ལུགས་གཉིས་སུ་འདུས་པ་སྟེ།། མྱ་ངན་འདས་པའི་བཤད་ལུགས་དང་།། འཁོར་བའི་ཡི་གེའི་བཤད་ལུགས་སོ།། མྱ་ངན་འདས་པའི་ཡི་གེ་ནི།། འདོགས་དང་ཡན་ལག
་བཤད་པའོ།། མ་དག་འཁོར་བའི་ཡི་གེ་ནི།། དང་པོ་མ་ལ་བཤད་པའོ།། དེ་ལྟར་བཤད་ལུགས་རྣམ་གཉིས་ཀྱིས།། ཡི་གེ་ཀུན་གྱི་དོན་འགྲོལ་ལོ།། དེ་ཡང་འདི་ལྟར་བཤད་པར་བྱ།། ཀོ་ཀོ། ཀེ་ཀེ། ཀི་ཀཱི། ཀུ་ཀཱ། ཀྱ
་ཀྲ་ག། ཀཾ་ཀ། ཁོ་ཀོ། ཁཻ་ཁཻ། ཁྭ་ཁཱ། ཁྱ་ཝ།། ཋ་ཝ། ཁེ་ཁ། གོ་གོ། གེ་གེ། གཾ་གཱཾ། གུགྷྲ། གྱ་གྷ། གྲ་གྲཱ། གཾ་ག། བྷོ་གྷོ། གྷེ་གྷེ། བྷི་ཀྲཱི། གྷ་གྷྣ། བྷཱ་བྷཱུ། བྷགྷྣ། བྷེཀྐ། དོ་། དེ་དེ། ངི་དི། དྲ་དྷ། ད་ཡ་དཱ་ཡ། ང
་དར། ད་ད། རྩཿ། རྩེཿ། ཝཾ། ཙུརྠ། ཙ་ཡ་ཙཱ་ཡ། ཙ་ར་ཀཱར། 6མྲ། ཚེ་ཚེ། ཆེ་ཆེ། ཆེ་ན། ཆུརྦཱ། ཚ་ཡ་ནཱ་ཡ། ཚར་ཆར། ཚ་ན། ཛོ་ཛཾ། ཛེ་ཛེ། ཛེ་ཛེ། ཛུ་དྲཱ། ཛ་ཡ་ཛཱ་ཡ། ཛ་ར་ཛཱ་ར། ཛཾ་ད། ཛྷ་ཛྷི། དྷོ་དྷེ། ཛྷ་དྷཾ།
་དྷཱ་ཛྙཱ། དྷཱ་ཡ་དྷཱ་ཡ། ཛྷ་ར་དྷཱ་ར། དྷཾ་དྷཱ། ཉོ་ཧོ། ཉེ་ཉེ། ཉི་ཧཱི། ཉུཉྫ། ཉ་ཡ་ཉྫ་ཡ། ཉ་ར་ཝཱ་ར། ཉཾ་ཉ། ཊོ་ཊོ། ཊེ་ཊེ། ཊི་ཊི། ཊུ་ཊཱ། ཊ་ཡ་ཊཱ་ཡ། ཊ་ར་ཊ་ར། ཊཾ་ཊ། ཥོ་ཥོ། ཥེ་བྷེ། ཋི་ཥཱི། བྷཥྚ། ཥ་ཡ་ཐཱ་ཡ། ཋ་ར་ཥཱ་ར།
་བྷྲྀ། ཌ་ཌཱི། ཌེ་ཌེ། ཌི་ཌཱི། ཌུ་ཌཱ། ཌ་ཡ་ཌཱ་ཡ། ཌ་ར་ཌཱ་ར། ཌཾ་ཌཱ། ཌྷོ་ཌྷོ། ཌྷེ་ཌྷེ། ཌྷི་ཌྷི། ཌྷཱཌྷཱ། ཌྷ་ཡ་ཌྷ་ཡ། ཌྷ་ར་ཌྷ་ར། ཌྷཾ་ཌྷཱ། ཎོ་ཎོ། ཎེ་ཎེ། ཎི་ཎཱི། ཎུ་ཎཱ། ཎ་ཡ་ཎཱ་ཡ། ཎ་ར་ཎཱ་ར། ཎཾ་ཎཱ། ཏོ་ཏོ། ཏེ་ཏྭེ། ཏི་ཏི། ཏུ་ཏཱ།
་ཏ་ཡ་ཏཱ་ཡ། ཏྲཏྲ། ཏཿ། ཐོ་ཊོ། བེ་བེ། ཐི་བཱི། པྲ་བྷཱུ། བ་ཡ་ཐཱ་ཡ། བ་ར་བཱ་ར། ཟ་པྲ། དཽ་དཾ། དེ་དེ། དི་དི། དུ་དཱ། ད་ཡ་དཱ་ཡ། ད་ར་ད་ར། དཾ་ད། དྷོ་ཛྙེ། དྷྭེ་དྷྭེ། དྷི་དྷཱི། དྷདྷཱ། དྷ་ཡ་དྷཱ་ཡ། དྷ་དྷཱ། དྷ་དྷཱ། ནོ་ནོ། ནེ་ནེ།
་ནི་ནི། ནུ་ནཱ། ན་ཡ་ནཱ་ཡ། ནྭ་ནཱ། ནཾ་ན། པོ་པོ། པེ་པཱ། པུ་པྲཱ། བྱ་བྷ། པྲ་པྲཱ། པཾ་པཱ། ཕོ་པྲོ། ཕེ་ཕེ། པི་པཱི། ཕུ་ཕཱ། ཕྱ་པྱཱ། པྲ་པྲཱ། པཾ་ཕཱ། བོ་བྷོ། བེ་བེ། བི་བཱི། བུ་བཱ། བྱ་བྱཱ། པྲ་བྲཱ། བཾ་བཱ། བྷོ་བྷྱོ། བྷེ་བྷེ། བྷི་བྷཱི། བྷུ
་བྷཱུབྡྷཿ། བྷྱཿ། !!། \ུ0f7f། \ུ0f7f། 6!། 6!། 6!། 6།། །། ཐཿ། པ། པར་ག་།། 2།། རྦ་བ་དག་ད
་ལོ་ལོ། ལེ་ལེ། ལི་ལཾ། ལུ་ཝཱ། ལ་ཡ་ལ་ཡ། ལ་ར་ལ་ར། ལ་ལ། ཤོ་ཤོ། ཤེ་ཤེ། ཤཾ་ཤྲཱི། ཤུ་ཤྭ། ཤ་ཡ་ཤ་ཡ། ཤྲ་ཐཱ། ཤཾ་ཤ། ཎོ་ཏོ། ཥེ་ཎྜེ། ཥི་ཀྵི། ཥཏཱ། ཥ་ཡ་ཥཱ་ཡ། ཥ་རཥཱ་ར། ཎཏ། ས་སོ། སཾ་སེ། སཾ་སཾ། སྭ་སྭ།
་ཡ་སཱ་ཡ། སྲ་སྭ། སཾ་སྭཱ། ཧཱུ~ཾ་ཧོ། ཧེ་ཧྭེ། ཧི་ཧི། ཧུ་ཧཱ། ཧ་ཡ་ཧཱ་ཡ། ཧྲ་ཧྭཱ། ཧཾ་ཧ། ཀྵོ་ཀྟོ། ཀྵེ་ཀྟེ། ཀྵི་ཀྟི། ཀྵུ་ཀྟཱ། ཀྵ་ཡ་ཀྵ་ཡ། ཀྵ་ར་ཀྟ་ར། ཀྵཾ་ཀྟ། ཨརྠ། མ་གྱི་གསུམ་ལ་ཡིག་གཟུགས་པ་འདྲ་བ་བླང་བས་མ་མཚད་པར་གསུམ་གསས
་མང་བཐ་གས། ཌཱརྦྷཿ། མལས་པ་དང་བའི་ཡ་སཏ་བྷབྷ། གཤང་བ། རྩབྷ། འལུང་བ་འ་བགས་སྭཱ~ཾ། གས་རབ་ཐའ་ཐ་མ་པར་བས། བཅུཿ། བཟླཿ། བཤ། \ུ0f7f
་ས་ནན་བྱུང
་ན། ན།
་།
་ལམ་བཀད་པ་གསལ་དངས་འགྱུར་བ་མེད་པའི་ལམ་གྱི་མཐར་ཐུགས་པ་མེད་པར་བསྟན་པ་དང་མ་དངས་བདེ་པའི་སྐ་ལས་དན་འབྱུང་བརྟན་པ་དང་། སངས་ས་བཀད་པ་རྡོ་རྗེ་མ་ལ་འགྱུར་བ་མེད་པར་བསྟན་པའོ། ཀྵཿཀྵ། བྱེ་བ་མེད་པར་ལེགས་ཡུལ་ལ་སྣང་བ་བདག་བ་ནང
་རབ་ཀྱི་ཡེ་ཤེས་མེད། དེ་ལྟར་ཡི་གེ་དོན་སྦྱར་ན། ཆོས་ཉིད་གཞི་དབྱིངས་རྣམ་པར་དག་པའི་ཡུལ་ལ་ཡེ་ཤེས་བསྟན་པ་དང་། བདལ་བའི་ཡེ་ཤེས་སྦལ་དངས་པོ་མེད་པར་བསྟན་པ་དང་། གཞི་སྡང་འོད་ཀྱི་ཡུལ་ལ་སེམས་མེད་པར་བསྟན་པ་དང་། མ་འགགས་ཚས་ཉིད
་མ་མཐང་ཟབ་ཟད་པར་བསྟན་པལ། ལ་དེ་བཞིན་སྦྱོར།། དེ་ནི་འདོག་གི་དབང་དུ་བཤད་པའོ།། ཡན་ལག་དབང་དུ་བཤད་པ་འདི་ལྟ་སྟེ།། རྒྱས་པར་གོང་དུ་བཤད་པའོ།། མདོ་ཙམ་བསྟན་པ་འདི་ལྟ་སྟེ། ས་[]
་འོད་ལྔའི་སྣང་བ་མ་འགགས་པའི་ལམ་ལྔ་ཤར་བ་དབྱིངས་ཉིད་དང་འདུ་འབྲལ་མེད་པར་ཐུགས་ཁྱབ་གོས་པ་མེད་པར་ཤར་པའོ།། ལོངས་སྒྲ་ལས་འོད་དང་ལམ་དུ་བྱེད་པས་ད་དུང་ཐུགས་རྗེ་ལྡན་པས་འཆར་ལུགས་དང་ཐུགས་རྗེ་ཁྱབ་པ་གསུམ་དུ་ལྡན་པའོ།།
་རྣལ་རྣལས་འམ་ས་གྱུ་འད་ཀྱི་ཐལ་དུ་འདུས་པའི་འཆར་གྲགས་ཐགས་རྗེ་ཟབ་པ་གནམ་དང་ལྡན་པར། རྐང་བཅཝ་དང་བཅས་པག། ཐས་འབར་པ་མ་ངན་ལས་འདས་ཐའ་ལ་གས་ས་གར་བཐམ་ལ་ཞུགས་ཐུག་པར་གར་བ་འདས་པ་དང་ཐང་བ
་ཤེས་ལས་འདས་པའོ།། བྷཱུསྣང་བ་ཞུད་དུམ་བཅང་བའི་ཡེ་ཤེས་དྲི་མ་མེད་པར་ཤར་བའོ།། ཡུལ་ཆོས་དབྱིངས་ཀྱི་ཕོ་བྲང་ལ་སྣང་བའི་ཡེ་ཤེས་མཐའ་ལས་འདས་པས་ཡེ་ཤེས་འགག་པ་མེད་པར་རོལ་པའོ།། སྣང་བ་ཡུལ་ལ་སྤྱོད་པའི་ཡེ་ཤེས་ཤར་བའོ།།
་དུས་གསུམ་བདེ་བར་གཤེགས་པའི་བུཛྲའི་ཐུགས་རྗེ་ལ་ཐུགས་པ་མེད་པའོ།། སྟོང་པའི་མཐའ་སྤངས་པའི་དབྱིངས་ཆེ་བ་ཤེས་རབ་ལ་མཐར་ཐུག་པ་མེད་པའོ།། མ་རིག་པ་འཁོར་བའི་རྩ་བ་ཅན་ཀུན་གཞི་ཡེ་ཤེས་ཀྱི་རྩ་བ་ཅན་ཡེ་ཤེས་ཡུལ་གྱི་རྩ་བ་ཅན།
་ལུས་ལ་སྣང་བའི་དུས་བསྟན་པ་དང་ལམ་འཆར་བའི་དུས་བསྟན་པ་དང་ཀུན་ལ་ཁྱབ་པར་བསྟན་པའོ།། སྣང་བ་ལམ་གྱི་ཡེ་ཤེས་ངོས་བཟུང་མེད་པའོ།། ཤེས་རབ་སྟོང་པའི་ལམ་ལ་མཐར་ཐུག་པ་མེད་པའོ།། རྡོ་རྗེ་ཁོང་གསྦྱོང་གི་ལམ་ལ
་མཐར་ཐག་མེད་པ་ན། རྟོག་པ་སྟོང་བའི་རྒྱས་བཏབ་པན། ཐམས་ཅད་དབྱིངས་སུ་བསྟན་པ། ཆད་པའི་སྣང་བ། ཆོས་ཉིད་ཆད་པ་ལས་འདས་པ། སེམས་ཅན་གྱི་ལུས་ཐ་དད་པ་ལ་ཆོས་ཐ་དད་པ་བསྟན་པ། ཊཱ། ཀྵ་འཕྲུལ
་སྒྲ་ལས་བརྒྱད་བསྡུས་ཏེ་སྟེན་པའི་ལེགས་པ། འཕགས་པའི་ལམ་ལྔ་ལ་ཡིན་པ་བྲལ་དུ་སྣང་བའོ།། རིག་པའི་ཡེ་ཤེས་ཀྱི་སྣང་བ་ལམ་རིག་པའི་གགས་ཕལ་འམ། རྒྱས་ཀྱི་དབྱངས་སུ་ལུང་དུ་བསྟན་པས། འཇུག་པ་ཕྲལ་གྱི་སྣང་བ
་ལམ་རིག་པ་མེད། བེ་ཤེས་ལས་ཀྱི་སྣང་བ་ལ་སེམས་མེད་བཟུད་པ་རླུང་གི་ཤེས་རབ་ལ་མེད་མེད་དེ། ཆད་བསྟན་པ་དང་ལ་ཤེས་ཀྱི་གནས་བསྟན་པག། ཚད་མ་ལམ་གྱི་ཤེས་རབ་ལ་རྒྱུ་མེད། ངརྩམས་ལམ་གྱི་སྤྱད་པ་ལ་ཕྱོགས་མེད།
་བཕྲལ་གྱི་ལམ་ལ་སྣང་བ་མེད། ཡོད་པ་ལ་སྐང་དུ་རུང་བ་ཡིན་མིན་གྱི་སྣང་བ་ལ་མེད་པས་གཟང་བྱ་མེད་སྟོང་པ་གསལ་བ་ཤེས་རབ་ཀྱི་སྟོང་པ་དག་པ་མཐའ་ལས་འདས་པའོ། ཤེས་རབ་ཕུལ་ལ་སྣང་བ་ལམ་ཆུད་ལ་སྨན་ཉལ་ཤེས་མཁའ་ལ་འབྲེལ། ནང
་གི་དྲོད་རྙེད་འབྲས་བུ་མཐར་བྱིན་པའོ།། འབྱུང་བ་རང་གདངས་དང་འབྲད་སྣང་བ་ལམ་དུ་གྲོང་རིག་པས་རང་ཡུལ་རྙེད་ཤེས་རབ་དབྱིངས་སུ་སྡུད་སྣང་བ་ལམ་དུ་གྲོལ། དག་པས་དག་པའི་ས་ནོན་ཡེ་ཤེས་ཀྱི་ཡེ་ཤེས་མཐར་བྱིན་ལམ་གྱིས་ལམ་རྙེད་དབྱིངས་ལ
་དབྱིངས་ཟིས་འབྲས་ཐ་མ་པར་བྱིན་པམ། རྩེ་མེད་ལམ་དུ་གྱུར་ནས་སྣང་བ་མ་བརྒྱལ། ལེགས་བྲལ་དུ་གཔ། དབྱིངས་སྣང་བ་ལ་བད་པས་སྒྲོན་མ་ཡུལ་ཡང་དག་པ་མཐང་བལ། ཡན་ལག་བཤད་ལུགས་དེ་བཞིན་ནོ།། དེ་ཡང་བཤད་ལུགས་འདི
་ལྟ་སྟེ། འདོགས་དང་ཡན་ལག་འབྲེལ་པ་ལ། བཤད་ལུགས་འདོགས་ཀྱི་བཤད་པའོ།། ཡི་གེའི་འབྲུ་ནི་དོན་ལ་སྦྱར། ཡི་གེ་བཤད་ལུགས་སྒྲ་ལྟར་བཤད།། ཡི་གེར་དད་ལ་ནི
་ཙ་མེད་པའོ།། ཡི་གེའི་དཔེ་མཚོན་དོན་སྦྱོར་ནི།། དེ་བཞིན་ཀུན་ལ་གནས་པའོ།། ཞེས་བཀའ་སྩལ་ཏོ།། ཞེས་རིག་པ་རང་ཤར་ཆེན་པོའི་རྒྱུད་ལས།། ཡི་གེའི་འབྲུ་བཤད་བསྟན་པའི་ལེའུ་སྟེ་ཉི་ཤུ
་གསུམ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྣམ་དག་སྐུ།། ཡི་གེའི་བཤད་ལུགས་དེ་ལྟར་ན།། རིག་པའི་བཞག་ཐབས་གསུང་དུ་གསོལ།། ཞེས་ཞུས་སོ།། རྡོ་རྗེའི་སྐུ་ཡིས
་བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན།། ཁྱོད་ཀྱི་དོན་བརྗོད་ཅི་ལྟར་ཡིན།། ཅེས་བཀའ་སྩལ་པ། གསང་བའི་བདག་པོས་འདི་སྐད་ཅེས་གསོལ་ཏོ་སྨྲས།། ཀྱེ་ཀྱེ་བཅོམ་ལྡན་ཐུགས་རྗེ་ཅན།། བདག་གི་དོན
་བརྗོད་འདི་ལྟར་ལགས།། ཕྱག་གི་དོན་ནི་འཛིན་པ་སྟེ།། རྡོ་ཡི་དོན་ནི་རིགས་པ་ལགས།། རྗེ་ཡི་དོན་ནི་ཡེ་ཤེས་ལ།། སྣ་ཚོགས་རོལ་པར་འཆར་བ་ལགས།། གསང་བ་རིག་པའི་སྒྲོན་མ་ཉིད།། ཀུན་ལ་ཡོད་དེ་གསང
་བ་ལགས།། བདག་གི་དོན་བརྗོད་དེ་བཞིན་ནོ།། དེ་ནས་ཡང་ཞུས་པ།། ཀྱེ་ཀྱེ་བཅོམ་ལྡན་ཐུགས་རྗེ་ཅན།། བདག་གི་དོན་བརྗོད་དེ་བཞིན་ཏེ།། རིགས་པའི་བཞག་ཐབས་གསུང་དུ་གསོལ།། ཞེས་ཞུས་སོ།། དེ་ནས
་ཡང་བཀའ་སྩལ་པ། ཨ་ཧོ་གསང་བའི་བདག་པོ་ཉོན།། རིག་པའི་བཞག་ཐབས་འདི་ལྟ་སྟེ།། ཁྱོད་ཀྱིས་བློ་ལ་གོ་བར་གྱིས།། རྟོག་མེད་རྣམ་དག་ངོ་བོ་ལ།། འབྲས་བུ་གསལ་ལ་འཛིན་པ་མེད།། འཛིན་རྟོག་དམིགས
་པའི་ཡུལ་མེད་པས།། བྱར་མེད་ངང་དུ་རིག་པ་ཞོག། རྐྱེན་མེད་པ་ཡི་ཡེ་ཤེས་ལ།། དངོས་མེད་རང་གསལ་ཏིང་འཛིན་ཞོག། ཤེས་པ་གཅིག་པའི་ཡེ་ཤེས་ལ།། སྣ་ཚོགས་གསལ་བའི་ཏིང་འཛིན་ཞོག། ཡེ་ཤེས་དག
་པའི་སྣང་བ་ལ།། ཆུ་བོའི་རྒྱུན་གྱི་ཏིང་འཛིན་ཞོག། བྱས་དང་བྱེད་པ་མེད་པ་ལ།། འཛིན་མེད་རང་གྲོལ་ཏིང་འཛིན་ཞོག། རྟག་ཆད་རྣམ་གཉིས་བལྟ་བ་ལ།། སྟོང་གསལ་གཉིས་མེད་ཏིང་འཛིན་ཞོག། སྟོང་པ་ཡེ་ཤེས
་སྙིང་པོ་ལ།། སྐུ་ལྔ་མ་འདྲེས་ཏིང་འཛིན་ཞོག། སྐུ་དང་ཡེ་ཤེས་སྣང་བ་ལ།། རིག་པ་རྟོག་མེད་ཏིང་འཛིན་ཞོག། གསང་བ་ཙིཏྟའི་ཀློང་དཀྱིལ་དུ།། འགྱུར་མེད་རིག་པའི་ཏིང་འཛིན་ཞོག། ནམ་མཁའ་སྟོང་པའི་ཀློང
་དཀྱིལ་ན།། སྒྲོན་མ་རྣམ་གཉིས་མ་འགགས་པ།། སོ་སོའི་དོན་ལ་རིག་པ་འགྱུར་མེད་ཞོག། ཐིག་ལེ་སྟོང་པའི་སྒྲོན་མའི་དོན་ཉིད་རྡོ་རྗེའི་སྐུ།། རིག་པ་དབྱིངས་ཀྱི་སྒྲོན་མ་ནམ་མཁའ་སྟོང་པའི་ཡུལ།། དཔེར་ན་ཡི་གེ
་ན་རོ་བཞིན།། འགྲོ་བ་ཡོངས་ལ་ཁྱབ་པ་ཡིན།། ཞེས་གསུངས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐབས་ཀྱི་སྐུ།། ཐིག་ལེ་སྟོང་པའི་སྒྲོན་མ་དང་།། རིག་པ
་དབྱིངས་ཀྱི་སྒྲོན་མ་གཉིས།། ཁྱད་པར་གང་གིས་ཕྱེ་བ་ལགས།། ཐུགས་ཀྱི་དཀྱིལ་ནས་བཅུད་ཕྱུང་བ།། མོས་དང་གུས་པའི་འཁོར་ལ་བཀའ་སྩལ་འཚལ།། ཞེས་ཞུས་སོ།། དེ་ནས་ཡང་བཀའ་སྩལ
་པ།། ཀྱེ་ཀྱེ་རྡོ་རྗེ་འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་།། གསང་སྔགས་ཐམས་ཅད་སྒྲོན་མ་གཉིས་ལ་རྫོགས།། དེ་ཡང་ཁྱད་པར་འདི་ལྟ་སྟེ།། ཐིག་ལེ་སྟོང་པའི་སྒྲོན་མ་རྩོལ་བའི
་སེམས་དང་བཅས།། རྩོལ་བྱེད་ཡོད་པས་སྒྲོན་མའི་དོན་མ་རྟོགས།། རིག་པ་དབྱིངས་ཀྱི་སྒྲོན་མ་ནི། རྩོལ་བའི་སེམས་དང་བྲལ་ཞིང་ཡེ་ཤེས་དབྱིངས་ལ་སྤྱོད།། དེ་ཡང་ནམ་མཁའ་གསལ་ལ་དངས་པ་ལ།། རིག་པ
་མིག་ལ་བཅུག་ནས་ནི།། བལྟས་ན་སྣང་བ་མཐོང་བར་འགྱུར།། དེ་ལ་ཡང་ནི་འདི་ལྟ་སྟེ།། དབྱིངས་ལ་སྐུ་ཡིས་བརྒྱན་པ་ནི།། འདི་ལྟར་ཀུན་ལ་ཤེས་པར་བྱ།། རིག་པ་དབྱིངས་ཀྱི་སྒྲོན་མའི་དཀྱིལ།། སྟོང་པའི་ཡེ
་ཤེས་འོད་གསལ་སྐུ།། འགུལ་བ་དང་ནི་འཕྲིགས་བཞིན་པ།། དེ་བཞིན་སྣ་ཚོགས་འཕྲོ་བའོ།། དེ་ལ་བརྟན་པ་ཐོབ་གྱུར་ན།། འགྲོ་མེད་འོང་མེད་ངང་དུ་ཐིམ།། འགུལ་དང་འཕྲིགས་པ་ག་ལ་ཡོད།། དེ་ནི་བརྟན་པ་ཐོབ
་པའོ།། དེ་ལྟར་རྟོགས་པ་སྐྱེས་གྱུར་ནས།། དབྱིངས་ལ་སྒྲ་ཡིས་བརྒྱན་པ་ནི།། འདི་ལྟར་ཀུན་ལ་ཤེས་པར་བྱ།། རིག་པ་འགྱུར་བ་མེད་པ་ལ།། དབྱིངས་ནི་འོད་ཀྱི་སྣང་བར་ཤར།། ནམ་མཁའ་གང་བར་མཐོང་བ
་ནི།། སྐུ་ལ་དབྱིངས་ཀྱིས་བརྒྱན་པའོ།། དེ་ལྟར་སྒྲོན་མ་རྣམ་པ་གཉིས།། འདུ་འབྲལ་མེད་པར་རྟོགས་པ་ནི།། སྐྱེ་མེད་དོན་ལ་འདུ་འབྲལ་མེད།། ཀ་དག་ས་ལ་མཐར་ཕྱིན་གྲོལ་བར་འགྱུར།། ཞེས་རིག་པ་རང་ཤར
་ཆེན་པོའི་རྒྱུད་ལས། རིག་པའི་བཞག་ཐབས་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།། །། ད་ན་ཏྱ།། དྱ། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཟག་ཆེན
་བདག། རིག་པའི་བཞག་ཐབས་དེ་ལྟར་ན།། ཐེག་པའི་དབྱེ་བ་གསུང་དུ་གསོལ།། ཞེས་ཞུས་སོ།། དེ་ནས་ཐུགས་རྗེ་ཆེན་པོ་དང་ལྡན་པ་དེས།། འདི་སྐད་ཅེས་བཀའ་སྩལ་ཏོ།། ཀྱེ་མ་གསང་བདག་ལེགས་པར
་ཉོན།། ངས་བསྟན་ཡིད་ཀྱི་རྟོག་པ་སོལ།། ཐེག་པའི་དབྱེ་བ་འདི་ལྟ་སྟེ།། མདོ་དང་རྒྱས་པ་ཆེན་པོ་དང་།། ཤིན་ཏུ་རྒྱས་པ་ཆེན་པོའོ།། ཤིན་ཏུ་རྒྱས་པ་ཆེན་པོ་ནི།། བརྒྱད་ཁྲི་བཞི་སྟོང་བསམ་མི་ཁྱབ།། རྒྱ་ཆེ་གྲངས་མེད
་ཆེན་པོ་སྟེ།། བསམ་གྱིས་མི་ཁྱབ་གཞལ་དུ་མེད།། བརྗོད་མེད་བསམ་འདས་ཆེན་པོའོ།། རྒྱས་པ་ཆེན་པོ་འདི་ལྟ་སྟེ།། དབྱེ་བ་རྣམ་པ་དགུར་འདོད་དེ།། ཉན་ཐོས་དང་ནི་རང་རྒྱལ་དང་།། དེ་བཞིན་བྱང་ཆུབ་སེམས
་དཔའོ།། ཀྲི་ཡ་དང་ནི་ཨུ་པ་ཡ།། དེ་བཞིན་ཡོ་གའི་ཐེག་པར་བཤད།། མ་ཧཱ་ཨ་ནུ་ཡོ་ག་དང་།། དེ་བཞིན་རྫོགས་པ་ཨ་ཏིའོ།། དེ་ལྟར་རྣམ་པ་དགུར་བཤད་དེ།། ཆོས་ཀྱི་བསྟན་པ་ཆེན་པོ་ཡིན།། དེ་ནས་ཡང་གསང
་བའི་བདག་པོས་འདི་སྐད་ཅེས་གསོལ་ཏོ། ཨེ་མ་བཅོམ་ལྡན་རྡོ་རྗེ་འཆང་།། ཐེག་པའི་བཤད་ལུགས་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་ཧོ་གསང་བ་རྡོ་རྗེ་འཛིན། ང་ཡི་ཐེག་པ
་བསམ་ཡས་ཀྱང་།། བཤད་ལུགས་རྣམ་པ་གཉིས་སུ་འདུས།། འཁོར་བ་དང་ནི་མྱང་འདས་སོ།། དེ་ཡང་འཁོར་བ་འདི་ལྟ་སྟེ།། ལོག་ལྷ་དང་ནི་རྟག་ལྟའོ།། ལོག་པའི་ཐེག་པ་འདི་ལྟ་སྟེ།། འཇིག་ཚོགས
་སུམ་བརྒྱ་དྲུག་ཅུར་འདོད།། སུམ་བརྒྱ་དབྱིངས་ལ་བཤད་པའོ།། དྲུག་ཅུའི་ལྟ་བ་འདི་ལྟ་སྟེ།། གྲངས་ཅན་ལོག་པར་སྨྲ་བ་དང་། བྱེ་བྲག་རང་གི་རྒྱུར་སྨྲ་དང་།། ཀུ་མཱ་ར་ལ་ཆེན་པོ་དང་།། གོལ་བ་དག་ཏུ་སྨྲ་བ
་དང་།། རྣམ་ཕུག་པའི་གཞུང་འཛིན་དང་།། གསང་བ་མེ་ལྔ་བསྟེན་པ་དང་།། མེ་རས་ཏིལ་མར་ལུས་བསྲེག་དང་།། མདུང་རྩིའི་དཀའ་ཐུབ་ལོག་སྤྱོད་དོ།། མཆོད་དང་འཚོགས་པའི་དཀའ་ཐུབ་དང་།། ཤ་བཀོལ་ལུས
་ལ་བྱས་འཐོགས་དང་།། ཁྱི་ཡི་ཆ་བྱད་སྤྱོད་པ་དང་།། དེ་བཞིན་མངོན་ཤེས་ཕྲ་མོ་ཡིས།། སངས་རྒྱས་བྱིན་རླབས་ཅིར་སྣང་བའི།། ལོག་པའི་དཀའ་ཐུབ་སྤྱོད་པའོ།། རྣམ་པའི་ལྟ་བ་འདི་ལྟ་སྟེ།། བྱེད་པ་རྒྱུར་སྨྲ་དག
་དང་ནི།། བྱེད་པ་ལམ་དུ་ཁྱེར་བ་དང་།། རྟག་པ་དོན་བརྩོན་ཆེན་པོ་དང་། ཟེར་ཟུག་འགྱུར་མེད་སྨྲ་བ་དང་།། གནས་སྐབས་རྟག་པར་སྨྲ་བ་དང་།། རྒྱུ་ལ་རྟག་པར་སྨྲ་བ་དང་།། འབྲས་བུ་རྟག་པར་སྨྲ་བ་དང་།། རྟག་པ
་ཉིད་ལ་ལམ་ལྟོས་དང་།། སྤྱོད་པ་རྟག་པར་འདོད་པ་དང་།། དོན་ལ་རྟག་མེད་ཆད་ལྟ་དང་།། དེ་བཞིན་རྟག་པའི་རྣམ་པའོ།། ཚད་མེད་ངན་སྔགས་གཙོར་བྱེད་དང་།། མོ་དང་པྲ་ལ་གཙོར་བྱེད་དང་།། རྫུ་འཕྲུལ་ཕྲ་མོ
་གཙོར་བྱེད་དང་།། རྩོད་པ་ལྷུ་རུ་ལེན་པ་དང་།། དཀའ་ཐུབ་སྤྱོད་པ་དག་དང་ནི།། འཇིག་རྟེན་འདི་ལ་ཞེན་པ་དང་།། རང་གི་བྱ་བ་འཛིན་པ་དང་། ལྭ་བ་ཅན་དུ་གྱུར་པ་དང་།། མི་ཕམ་རས་གོས་དག་དང་ནི།། ཕྱག
་མཚན་གཙོ་བོར་བྱེད་པའོ།། བྱ་བ་ལྟོས་པར་སྨྲ་བ་དང་།། རིག་པས་ཕ་རོལ་སུན་འབྱིན་དང་།། རྒྱུ་མེད་ཆད་པར་སྨྲ་བ་དང་།། བྱང་ཆད་སྟོང་པར་སྨྲ་བ་དང་།། རྒྱུ་ཆད་འབྲས་བུ་ཆད་ལྟ་དང་།། ལམ་ཆད་ཡེ་ཤེས་ཆད
་ལྟ་དང་།། ཆད་པ་ཐེར་ཟུག་ཆེན་པོ་དང་།། ལམ་ཆད་འབྲས་བུ་གཏན་ཆད་དང་།། ལོག་པའི་སེམས་ཀྱི་ཆད་ལྟ་དང་།། ཆད་པ་སྟོང་པ་ཆེན་པོའོ།། རིག་བྱེད་གསང་བར་སྨྲ་བ་དང་།། ཆ་མཐུན་གོལ་བའི་མུ་སྟེགས
་དང་།། མངོན་སྣང་སེམས་ཀྱི་མུ་སྟེགས་དང་།། འཁྲུལ་སྣང་འཛིན་པའི་མུ་སྟེགས་དང་།། ཞེ་སྡང་བསྐྱེད་པའི་མུ་སྟེགས་དང་།། བྱད་བྱེད་སེམས་ཀྱི་མུ་སྟེགས་དང་།། འཛིན་པ་དོན་མེད་མུ་སྟེགས་དང་།། ཁ་ཚིག་གོལ
་བའི་མུ་སྟེགས་དང་།། རྟག་པ་དོན་མེད་མུ་སྟེགས་དང་།། ཀ་ནི་དང་ནི་སེར་སྣ་དང་།། བྷ་སི་ར་དང་ཀ་ཤི་བི་ཡང་འདུག་ཤ། སཾ་དྷི་ར་དང་དྷ་སིང་དང་། ཀ་ཏི་དང་ནི་སང་གྷ་དང་། ཤངྒ་རུ་དང་མདོ་དྷ་ཤ་ཀའོ།། དྲུག་ཅུའི
་དབྱེ་བ་དེ་ལྟར་ཏེ།། དེ་ཡང་མདོར་བསྡུས་འདི་ལྟ་སྟེ།། རྟག་པ་དང་ནི་ཆད་པའོ།། ཆད་པར་བལྟ་བའི་དོན་ནི་འདི་ལྟ་སྟེ།། བྱང་ཆད་མུ་མེད་སྟོང་པ་ཆེ།། རྒྱུན་ཆད་ནམ་མཁའ་སྟོང་པ་བཞིན།། ཆད་པ་རང་བཞིན་མེད
་པར་བལྟ།། འབྲས་བུ་ཆད་པའི་དོན་ནི་སྟོང་པའོ།། སྟོང་པ་མེད་པའི་རྟག་པ་ནི།། རྟག་པའི་ཐེག་པའི་གྲུབ་མཐའ་ནི།། རྟག་པ་ཐེར་ཟུག་གྲུབ་མཐའ་སྟེ།། རྒྱུ་རྟག་དངོས་པོ་འདི་ལྟ་སྟེ།། རང་གི་ཙཉྫ2
་དཀྱིལ་འཁོར་ན།། ཕ་ཡི་རྒྱུ་ལས་མ་བྱུང་ཞིང་།། མ་ཡི་རྐྱེན་ལ་མ་བརྟེན་པའི།། ཆེ་སྟེ་ཆེན་སྲན་མ་ཙམ།། ཆུང་སྟེ་ཆུང་ན་ཉུང་འབྲུ་ཙམ།། ཡང་ཆུང་སྒྲ་ཡི་རྩེ་མོ་ཙམ།། སྣུམ་ལ་འདྲིལ་བ་དཀར་ལ་དངས།། དེ་ནི་རྒྱུ་ཡི
་རང་བཞིན་ཏེ།། ཡེ་ནས་མི་འགྱུར་རྟག་པར་ཡོད།། དེ་དང་བག་ཆགས་ཕུང་པོ་ནི།། མི་འབྲལ་གཅིག་ཏུ་གནས་པས་ན།། རྒྱུ་རྟག་པ་ཡི་གྲུབ་མཐའ་འདོད།། འབྲས་བུ་རྟག་པ་འདི་ལྟ་སྟེ།། ཕྱ་དང་དབང་ཕྱུག་ཆེན་པོ
་ནི།། བསྟེན་ཅིང་མཆོད་པའི་ཡོན་ཏན་གྱིས།། དང་པོ་ལུས་འདི་བོར་གྱུར་ཀྱང་།། རང་རང་ས་ལ་སྐྱེ་བར་བྱེད།། ཕྱའམ་དབང་ཕྱུག་ཆེན་པོ་ཡིས།། བྱས་ཏེ་འབྲས་བུ་རྟག་པར་འདོད།། རྟག་དང་ཆད་པ་རྣམ་པ
་གཉིས།། རང་རང་དོན་ལ་མི་མཐུན་པའོ།། དེ་ལ་སོགས་པའི་ལོག་ལྷ་རྣམས།། རྣམ་པ་བཞིར་ནི་འདུས་པར་འདོད།། མུ་སྟེགས་དང་ནི་མུར་ཟུག་དང་།། རྒྱང་འཕེན་དང་ནི་ཕྱལ་བའོ།། དེ་ཡང་བཤད་ལུགས་འདི་ལྟ
་སྟེ།། མུ་སྟེགས་རྟག་པ་ཟེར་ཟུག་གོ།། མུར་ཐུག་ཕྱེད་རྟག་ཕྱེད་ཆད་དོ།། ཕྱལ་བ་ཆད་པ་ཕྱང་ཆད་དོ།། རྒྱང་འཕེན་འབྲས་བུ་ཆད་པའོ།། དེ་ལྟར་སུམ་བརྒྱ་དྲུག་ཅུ་ཡང་།། རྣམ་པ་བཞི་རུ་འདུས་པའོ།། དེ་ཡང་རྟག་ཆད
་གཉིས་སུ་འདུས།། དེ་ཡང་དོན་མེད་ཕྱལ་བར་འདུས།། འཇིག་རྟེན་པ་ཡི་རྐང་གྲངས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས།། འཇིག་རྟེན་པའི་ཐེག་པའི་གྲངས་བསྡུས་ཏེ་བསྟན་པའི་ལེའུ་སྟེ་ཉི་ཤུ་རྩ་ལྔ
་པའོ།། །། དེ་ནས་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། འཇིག་ཚོགས་རྐང་གྲངས་དེ་ལྟར་ན།། དེ་རྣམས་བཤད་ལུགས་གསུང་དུ་གསོལ།། ཞེས་ཞུ་བ་ཞུས
་སོ།། དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ། ཨེ་མ་ཧོ་གསང་བའི་བདག་པོ་ཉོན་ཅིག། ངས་བསྟན་གྱིས་ལེགས་པར་ཉོན་ཅིག། གྲངས་ཅན་གྱི་ནི་འདོད་པ་འདི་ལྟ་སྟེ།། རྡུལ་དང་མུན་པ་སྙིང་སྟོབས
་གསུམ།། རྟག་པ་ལོག་པར་འཛིན་པའོ།། དེ་ནས་ཀྱང་གཏི་མུག་གིས་གཞི་བྱེད་པར་འདོད།། འདོད་ཆགས་ཀྱིས་བདེ་བ་བསྐྱེད་པར་འདོད།། ཞེ་སྡང་གིས་དཔུང་བཟློག་པར་འདོད་པའོ།། དེ་ནི་གྲངས་ཅན་གྱི་འདོད
་གཞུང་ངོ་།། བྱེ་བྲག་པའི་ལྟ་བ་འདི་ལྟ་སྟེ།། ཕྱིའི་ཕུང་པོ་ཁམས་དང་སྐྱེ་མཆེད་རྡུལ་ཕྲ་རབ་ཏུ་བལྟ། དེ་ཡང་དང་པོ་འཛིན་པས་བཟུང་ནས་རྡུལ་ཕྲ་རབ་ཏུ་བགྲང་སྟེ། འདི་ནི་འཇིག་པའི་རྒྱུ་ཅན་ནོ།། འདི་ནི་སྟོང་པའི
་རྒྱུ་ཅན་ནོ།། འདི་ནི་སྟོང་པ་ཅི་ཡང་མེད་པའི་རྒྱུ་ཅན་ནོ།། ལུས་འདི་བོར་བ་དང་། སེམས་ནམ་མཁའི་བག་ལ་ཞ།། ལུས་ནི་འབྱུང་བའི་བག་ལ་ཞ།། ཅང་མེད་སྟོང་པའི་མུ་ལ་གནས་པའོ།། ཀུ་མཱ་རའི་གྲུབ་མཐའ་འདི
་ལྟར་འདོད།། སེམས་མེད་པའི་ལུས་སུ་འདོད། ལུས་ལ་སེམས་མེད་དོ།། སེམས་མེད་པས་ལུས་བོར་ཙམ་ན།། སྟོང་པ་ཅི་ཡང་མེད་པར་འདོད་པའོ།། རྣམ་ཕུག་པའི་གྲུབ་མཐའ་འདི་ལྟ་སྟེ། སྣང་བ
་འདི་ལ་གནས་སྐབས་ཀྱིས་རྟག་པར་མཐོང་ལ། དོན་དམ་པ་ལ་སྣང་བ་འདི་ནི་མི་རྟག་པར་འདོད་པའོ།། ཕྱི་མའི་སྣང་བ་ལ་ཕྱའམ། དབང་ཕྱུག་གི་འཁོར་དུ་རྟག་པར་འདོད་དོ།། རྣམ་ཕུག་པའི་བཞེད་གཞུང་ཡང་དེ
་ལྟ་བུའོ།། གསང་བའི་མེ་ལྔ་བསྟན་པ་འདི་ལྟ་སྟེ། སངས་རྒྱས་ཀྱི་སྤྲུལ་པའི་ཞིང་ཁམས་ན་གནས་པའི་གང་ཟག་གིས་མར་མེ་བཏང་བས། ཡེ་ཤེས་ལྔའི་སྣང་བ་ལས་སངས་རྒྱས་པ་མངོན་པར་ཤེས་པ་ཕྲ་མོས་མཐོང
་སྟེ། མེ་ལྔ་ལ་སྤྱོད་པ་ཡོད་དེ། དེ་ཡང་ཙནྡན་གྱི་སྡོང་པོ་ལ་ཏིལ་མར་གྱིས་བཙོས་ཏེ། མེའི་ཕུང་པོ་ལྔ་བཏང་སྟེ། རང་གིས་ལུས་བསྲེག་པ་དག་ཀྱང་ཡོད་དོ།། མེ་རས་པ་ཞེས་བྱ་བ་རང་གི་ལུས་ལ་རས་ཏིལ་མར་དུ
་བཙོས་ནས་རང་གིས་ལུས་ལ་དཀྲིས་ཏེ།། དེ་ལ་མེ་བཏང་སྟེ། རང་གི་ལུས་བསྲེག་པ་དག་ཀྱང་ཡོད་དོ།། མདུང་རྩེ་གསུམ་པའི་དཀའ་ཐུབ་སྤྱོད་པ་ཡོད་དེ། དེ་ཡང་མདུང་རྩེ་གསུམ་པ་ས་ལ་བཙུགས་ཏེ་དེའི་ཁར
་མཆོངས་ཏེ། དཀའ་ཐུབ་སྤྱོད་པ་ཡོད་དོ།། བྲག་གམ་གཡང་ལ་མཆོངས་ཏེ་ལུས་བརླག་པར་བྱེད་པ་ཡང་ཡོད་དོ།། ལོག་པ་ཆ་འཛིན་གྱི་སྤྱོད་པ་དག་ཞེས་བྱ་བ་སྟེ།། རང་གི་ལུས་ལས་ཤ་མེ་ལོང་ཙམ་པ། དཔུང་པ
་གཡས་གཡོན་དང་སྤྱི་བོའི་གཙུག་ནས་ཁོལ་དུ་བཏོན་ནས་རང་གིས་ལུས་པོ་དོང་དུ་བཅུག་ནས། དུར་བྱའི་རིགས་ཀྱིས་རང་གི་ལུས་ཟ་བར་འཇུག་པ་དག་ཀྱང་ཡོད་དོ།། ཡང་ལོག་པ་དུད་འགྲོའི་སྤྱོད་པ་ཅན་ཞེས་བྱ
་སྟེ། ཁྱིའི་ཆ་བྱད་དུ་ཞུགས་ཏེ། ལོག་པའི་དཀའ་ཐུབ་སྤྱོད་པ་ཡང་ཡོད་དོ།། བྱེད་པ་པོ་རྒྱུར་སྨྲ་བ་ནི། དཔེར་ན་ཤིང་མཁན་མཁས་པས་སྐྱེས་པ་དང་བུད་མེད་ཀྱི་གཟུགས་ཐ་དད་པར་བྱས་ཏེ། བྱ་བ་བྱེད་པ་ལྟར། ཆོས
་ལོག་པ་ཡང་རང་གི་མངོན་ཤེས་ཀྱིས་བྱ་བ་བྱས་ནས།། དེ་ནས་ཕྱའམ་དབང་ཕྱུག་གི་འཁོར་དུ་སྐྱེ་བར་འདོད་པ་དག་ཀྱང་ཡོད་དོ།། བྱེད་པ་ལམ་དུ་འཁྱེར་བའི་གྲུབ་མཐའ་ནི། འཇིག་རྟེན་འདི་ན་ཁྱིམ་ལ་སོགས་པའི
་བྱ་བ་བྱས་པས། ཕྱི་མ་རང་གི་ལུས་བོར་བ་དང་།། ཕྱའམ་དབང་ཕྱུག་གིས་རང་གི་སྔུན་བསུས་ནས། རི་རབ་ཀྱི་བང་རིམ་ལ་གནས་པར་བྱེད་པའོ།། རྟག་པ་དོན་མཚོན་པའི་བལྟ་བ་ནི་དོན་རང་གི་རྟག་ཀྱང་འདུག
་བརྟགས་པ་ལ། གཞན་ལ་ཆད་པས་བྱང་ཆད་དུ་གཏོང་སྟོན་པའོ།། དེ་ཡང་རྟག་པ་ཟེར་ཟུག་ཏུ་སྨྲ་བ་ནི།། འདི་ལྟར་འདོད་དེ། དོན་རྟག་པ་འགྱུར་མེད་ཆེན་པོ་ལ།། རང་བཞིན་ངེས་པར་འདོད་པའོ།། ཡང་གནས
་སྐབས་སུ་འགྱུར་བར་སྨྲ་བ་ནི་འདི་ལྟ་སྟེ།། དོན་ཆད་པ་ལ་གནས་སྐབས་ཀྱི་རྟག་པར་ལྟ་བའོ།། ཡང་རྒྱུ་རྟག་པར་ལྟ་བ་ཡོད་དེ། རང་གི་སྙིང་གི་དཀྱིལ་ན་རྒྱུའི་དངོས་པོ་དེ། དབྱིབས་ཟླུམ་པ། ཁ་དོག་དཀར་བ། ཆེ
་ཆུང་གི་ཚད་ནི་སྲན་མ་ཙམ། ཕའི་རྒྱུ་ལས་མ་བྱུང་ཞིང་། མའི་རྐྱེན་གྱིས་མ་བསྐྱེད་པ་རྟག་པར་བལྟ་བ་ཡོད་དོ།། འབྲས་བུ་རྟག་པར་བལྟ་བ་ནི། རྒྱུ་མི་རྟག་སྟེ་སེམས་དངོས་པོ་མེད། འབྲས་བུ་རྟག་རྩེ
་ཕྱའམ་དབང་ཕྱུག་ཆེན་པོ་ཡོད་ངེས་ཟེར་བའོ།། རྟག་པ་ལ་ལམ་ལྟོས་པ་ནི། རྒྱུ་མི་རྟག་སྟེ་སེམས་དངོས་པོ་མེད། འབྲས་བུ་མི་རྟག་སྟེ་ཕྱའམ་དབང་ཕྱུག་གིས་སར་གྲོགས་མེད་པར་མི་ཕྱིན་ཡང་ཕྱིན་ཏེ། ལམ་རྟག་སྟེ
་ཕྱའམ་དབང་ཕྱུག་ནི་རི་རབ་ཀྱི་སྟེང་ན་གནས་ཏེ། དེར་ལམ་ལ་གནས་པར་འདོད་པའོ།། ཡང་སྤྱོད་པ་ལ་རྟག་པར་འདོད་པ་ནི། རྒྱུ་དང་འབྲས་བུ་མི་རྟག་སྟེ། སྤྱོད་པ་རྟག་པས་གྲོལ་བར་འདོད་དེ། ཡུལ་དང་ཁང
་པ་ཐམས་ཅད་ཀྱང་རྟག་པའི་དངོས་པོ་ཡིན། སྣང་བ་འདི་གང་ཡང་རྟག་པར་བལྟའོ།། དོན་རྟག་པ་མེད་པར་ཆད་པར་བལྟ་བ་ནི། དོན་ཆད་པར་བལྟ་བ་སྟེ། འདི་ཉིད་ལ་རྟག་པའི་གྲུབ་མཐར་སྤྱོད་དོ།། ངན་སྔགས
་གཙོ་བོར་བྱེད་པ་ནི། ངན་སྔགས་གཙོ་བོར་བྱས་ནས་ཕུང་བའི་ལས་དྲག་པོ་བྱེད་པ་ནི་ནག་པོ་ཚིག་ཚུགས་སུ་སྨྲ་བ་སྟེ། དེ་ལ་མངོན་པར་ཞེན་ཅིང་འབྲས་བུ་འདོད་པའོ།། མོ་དང་པྲ་ལ་གཙོར་བྱེད་པ་ནི། འཇིག་རྟེན
་འདིའི་བདེ་བ་འབའ་ཞིག་ལ་ལྟོས་ཏེ། ཕྱི་མ་ཅང་མེད་ཟེར་བའོ།། རྫུ་འཕྲུལ་ཕྲ་མོ་གཙོར་བྱེད་པ་ནི། འཇིག་རྟེན་འདི་ན་རྫུ་འཕྲུལ་གྱིས་དམག་གི་དཔུང་བཟློག་པ་ཡོད་དེ།། ཕྱི་མ་ལ་ཡང་རྫུ་འཕྲུལ་གྱིས་ཟིལ་གྱིས
་མནན་ཏེ། ཕྱའམ་དབང་ཕྱུག་འཁོར་དུ་སྐྱེ་བར་འདོད་དོ།། རྩོད་པ་ལྷུར་ལེན་པའི་བལྟ་བ་ནི་འདི་ལྟ་སྟེ། རང་གི་བདེན་པ་ཁོང་དུ་བཅུག་སྟེ། ཕ་རོལ་པོ་སུན་འབྱིན་པ་ལ་དོན་རེ་བ་དག་ཀྱང་ཡོད་དོ། ལོག་པའི
་དཀའ་ཐུབ་ལ་གཙོར་བྱེད་པ་དག་ཀྱང་ཡོད་དོ། འཇིག་རྟེན་འདི་ལ་ཞེན་པ་ནི་འཇིག་རྟེན་རྒྱང་འཕེན་པ་ཞེས་བྱ་སྟེ།། འཇིག་རྟེན་འདིའི་བྱ་བ་ལ་སྤྱོད་པའོ།། ཡང་རང་གི་བདེན་པ་ཁོང་དུ་བཅུག་ནས།། གཞན་ཁྱད་དུ
་གསོད་པ་དག་ཀྱང་ཡོད་དོ།། ལ་ལ་ཆ་ལུགས་ཀྱིས་དོན་འཚོལ་བ་དག་ཀྱང་ཡོད་དོ།། དེ་ཡང་སྐྲའི་ལ་བ་བྱས་ཏེ་དོན་འཚོལ་བ་དག་ཀྱང་ཡོད་དོ།། རས་རྐྱང་པ་རེས་ལུས་དཀྲིས་ཏེ་ང་ལ་ནང་གི་དྲོད་སྐྱེས་ཟེར་བ་དག
་ཀྱང་ཡོད་དོ།། ཕྱག་མཚན་དུ་ཁ་ཊྭཱཾ་ཀ་དང་ཅང་ཏེའུ་ཐོགས་ནས་ང་ནི་སྤྲུལ་པའི་སྐུ་ཡིན་ཟེར་བ་དག་ཀྱང་ཡོད་དོ།། ཁྱོད་ཀྱིས་དགེ་བ་ཅི་བྱས་ཀྱང་ང་ལ་ཕན་ནོ་ཟེར་ཞིང་དོན་དེ་ལ་ལྟོས་པ་དག་ཀྱང་ཡོད་དོ།། རང་གི
་རིག་པས་ཕ་རོལ་གྱི་རིག་པ་སུན་ཕྱུང་ནས་ང་ཡིས་བྱས་པ་ཡིན་ནོ་ཞེས་ཟེར་ཞིང་དོན་དེ་ལ་ལྟོས་པ་དག་ཀྱང་ཡོད། རྒྱུ་ཆད་དེ་ནམ་མཁའ་ལྟ་བུ་བྱང་ཆད་ཟེར་བ་ཡང་ཡོད་དོ།། བྱང་ཆད་དེ་རང་གི་ལུས་ཀྱང་སྟོང
་ཟེར་བ་དག་ཀྱང་ཡོད་དོ།། རྒྱུ་ཡང་ཆད་འབྲས་བུ་ཡང་ཆད་པ་ནི། རྒྱུ་ཆད་དེ་སེམས་དངོས་པོར་བཟུང་བ་མེད། འབྲས་བུ་ཆད་དེ་ཕྱའམ་དབང་ཕྱུག་མེད་ཟེར་བ་དག་ཀྱང་ཡོད་དོ།། ཡང་ལམ་ཆད་དེ་སུན་མ་མེད། ཡེ
་ཤེས་ཆད་དེ་སངས་རྒྱས་མེད་ཟེར་བའོ།། རྒྱུ་ཡང་མེད་པས་འབྲས་བུ་ཡང་མེད་པས་སྟོང་པ་བྱང་ཆད་དེ་ཟེར་བ་དག་ཀྱང་ཡོད་དོ།། ལམ་ལ་གནས་སྐབས་ཀྱིས་ཆད་པ་དག་འབྲས་བུ་གཏན་ཆད་ཟེར་བ
་དག་ཀྱང་ཡོད་དོ།། ལོག་པའི་སེམས་ཀྱིས་སྲོག་གཅོད་དོ།། སྲོག་བཅད་པ་ལས་དོན་འབྱུང་ངོ་ཟེར་བ་དག་ཀྱང་ཡོད་དོ།། ཆད་པ་སྟོང་པ་ཡིན་ཅི་སྟེ་ཁྱོད་ཀྱང་ཆད། ང་ཡང་ཆད་པའི་ཕྱིར་སྟོང་པ་ཅང་མེད་ཟེར་བ་དག
་ཡང་ཡོད་དོ།། རིག་བྱེད་གསང་བར་སྨྲ་བ་དག་ནི། དོན་ནམ་མཁའ་སྟོང་པ་ཅི་ལྟ་བ་བཞིན་དུ།། སྟོང་པ་བྱང་ཆད་ཡོད་པ་དངོས་པོར་མེད། ཆ་བག་གཅིག་ཡོད་དེ་དབང་པོ་ལ་སྣང་དུ་རུང་བ་ཡང་ཡོད་ཟེར་བ་དག་ཀྱང
་ཡོད་དོ།། ཆ་མཐུན་པ་ལ་གོལ་བའི་མུ་སྟེགས་ཞེས་བྱ་བ་སྟེ།། ནང་པ་སངས་རྒྱས་པ་དང་ཆ་མཐུན་པ་ལས་གོལ་ཏེ། སངས་རྒྱས་པའི་གྲུབ་མཐའ་ལོག་པས་གོལ་བ་ཤ་སྟག་གོ། མངོན་པར་སྣང་བ་སེམས་ཀྱི་ཆོ་འཕྲུལ
་ཞེས་བྱ་བར་རྟོག་སྟེ།། ཐམས་ཅད་ཆོ་འཕྲུལ་ཞེས་བྱ་བར་སྟོན་པ་དག་ཀྱང་ཡོད་དོ།། ཡང་འཁྲུལ་པའི་སྣང་བ་འདི་དག་བདེན་པ་ཡིན་ལ་དོན་དམ་པ་མེད་པའི་ཕྱིར་རོ་ཟེར་བ་དག་ཀྱང་ཡོད་དོ།། ཞེ་སྡང་སྐྱེས་པས
་འབྱུང་པོ་ཚར་ཆོད་དེ་རིགས་ཀྱི་བུ་ཞེ་སྡང་ལ་གནས་པར་བྱའོ་ཟེར་བ་དག་ཀྱང་ཡོད་དོ།། ཆ་བྱད་དུ་སེམས་འདི་རང་སངས་རྒྱས་པ་ཡིན་པས་འདི་ལ་བཅོས་སུ་མེད་ཟེར་བ་དག་ཀྱང་ཡོད་དོ།། ལྷའི་སྐུ་བསྒོམས་པ
་གཅིག་པུ་ལ་བརྟེན་པས་ཆོ་ག་ཟེར་བ་དག་ཀྱང་ཡོད་དེ།། ཁ་ཅིག་གིས་ང་ནི་མུ་སྟེགས་བྱེད་ཡིན་པས་མུ་སྟེགས་རྩོད་པ་ལྟར་སྨྲ་བ་ལས་གོལ་བ་དག་ཀྱང་ཡོད་དོ།། རྟག་པ་འདི་ཁོ་ན་ཡིན་པས་འདི་ལ་ཅིར་ཡང་བྱར
་མེད་ཟེར་བ་དག་ཀྱང་ཡོད་དོ།། ཀ་ནི་པ་ཞེས་བྱ་སྟེ་དོན་ཕྱལ་བར་འདོད་པའོ།། སེར་སྣ་བ་ཞེས་བྱ་སྟེ་སྣང་བ་ཟད་ཅིང་སྟོངས་ཀྱིས་དོགས་པའི་སྡུག་བསྔལ་དང་ལྡན་པའོ།། བྷ་སི་ར་ཞེས་བྱ་སྟེ་ཁྱད་པར་གྱི་དོན་གང
་ཡང་མེད། ཐུན་མོང་གི་དོན་ཅི་ཡང་ཡོད་པར་འདོད་པའོ།། ཀ་བྷི་ཤ་ཞེས་བྱ་སྟེ། ཐུན་མོང་གི་དོན་མེད་ལ་ཁྱད་པར་གྱི་དོན་ཅི་ཡང་ཡོད་པར་འདོད་པའོ།། སིན་དྷ་ར་ཞེས་བྱ་སྟེ་དོན་ཅི་ཡང་མེད་པར་འདོད་པའོ།། @
་སི་པ་ཞེས་བྱ་སྟེ། དོན་ཅི་ཡང་ཡོད་པར་འདོད་པའོ།། ཀ་ཏི་པ་ཞེས་བྱ་སྟེ། དོན་ཅི་ཡང་ཡོད་པ་ལ་དབུགས་ཆད་པའི་བར་དུ་ཆད་པར་འདོད་པའོ།། སང་གྷ་ཞེས་བྱ་སྟེ་ང་དགེ་འདུན་གྱི་ཆ་བྱད་ཞུགས་པས་ཆོག་ཅེས
་ཟེར་བ་དག་ཀྱང་ཡོད་དོ།། ཤང་ཀ་རི་ཞེས་བྱ་བ་སྟེ་རྣམ་པར་མི་རྟག་པ་བདེན་པའོ།། ལུས་རྣམ་པར་མི་རྟག་བདེན་པ་ནི་ཕྱའམ་དབང་ཕྱུག་བདེན་པའོ།། དྷེ་ཤ་ཀ་ཞེས་བྱ་སྟེ། ཐམས་ཅད་ཀྱི་མདོ་བྱ་དང་དབང་ཕྱུག་ལ
་འདུས་པའོ།། ཕྱ་དང་དབང་ཕྱུག་རི་རབ་ཀྱི་ཁ་ན་ཡོད་ངེས་ཟེར་བ་དག་ཀྱང་ཡོད་དོ།། དེ་བཞིན་དུ་འཇིག་ཚོགས་ཀྱི་བལྟ་བ་གྲངས་མེད་པའི་མདོ་གཉིས་སུ་འདུས་སོ།། དེ་ཡང་རྟག་པར་བལྟ་བ་དང་། ཆད་པར་བལྟ།
་པ་གཉིས་སུ་འདུས་སོ།། དེ་ལས་འཇིག་ཚོགས་ཀྱི་བལྟ་བ་གྲངས་མེད་པར་འཕྲོས་སོ།། དེ་བཞིན་དུ་རིགས་ཀྱི་བུ་ཁྱོད་ལོག་པའི་ལམ་ལ་ཞུགས་ཀྱིས་དོགས་པའི་ཕྱིར།། ངས་འཇིག་ཚོགས་ཀྱི་བལྟ་བ
་མདོར་བསྡུས་ཏེ་བསྟན་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། འཇིག་ཚོགས་ཀྱི་ལྟ་བ་རྒྱས་པར་བསྟན་པའི་ལེའུ་སྟེ་ཉི་ཤུ་རྩ་དྲུག་པའོ།། །། ཏུ། ཙུ། དྦ་བྷཱུདྱ།། ། དེ་ནས་ཡང་གསང་བའི་བདག
་པོས་རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐེག་ལྡན་དོན།། ཐེག་པའི་བཤད་ལུགས་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་ཧོ་གསང་བའི་བདག་པོ
་ཉོན།། གསང་བའི་བདག་པོ་ཁྱོད་ཀྱིས་ནི།། ཐེག་པའི་སྒོ་རྣམས་ཡིད་ལ་ཟུང་།། ང་ཡིས་དོན་བསྡུས་ཁྱོད་ལ་བསྟན་པར་བྱ།། དེ་ཡང་ཉན་ཐོས་ཐེག་པ་འདི་ལྟ་སྟེ།། འཇུག་པའི་སྒོ་ནི་བདེན་པ་རྣམ་པ
་བཞི།། ཉན་ཐོས་སྤྱི་ཡི་འཇུག་སྒོའོ།། དབྱེ་བ་རྣམ་པ་གཉིས་སུ་འདོད།། བྱེ་བྲག་པ་དང་མདོ་སྡེའོ།། བྱེ་བྲག་པ་ཡི་ལྟ་བ་ནི།། ཕུང་པོ་ཁམས་དང་སྐྱེ་མཆེད་ལ།། གཡག་རྔ་ནེའུ་སིང་ཚུལ་དུ་འདོད།། རང་གི་བློ་ཡིས
་བལྟས་གྱུར་ན།། རྡུལ་དང་རྡུལ་ཕྲན་ཚུལ་དུ་འདོད།། དེ་བཞིན་རྣམ་པ་གཞིག་ནས་ནི།། སྟོང་པ་ཉིད་དུ་བསྒོམ་པའོ།། མདོ་སྡེ་པ་ཡི་ལྟ་བ་ནི།། ཁ་ཏོན་བྱས་པའི་རང་བཞིན་དང་།། ཐོས་པ་བསམ་པ་བསྒོམ་པ
་གསུམ།། ཤེས་རབ་རྣམ་གསུམ་བསྒོམ་པ་ཡིས།། ས་བཅུའི་འབྲས་བུའི་ཐོབ་པར་འདོད།། ཉན་ཐོས་སྤྱི་ཡི་བསྒོམ་པ་ནི།། བདེན་པ་རྣམ་པ་བཞི་བསྒོམ་ཞིང་།། འབྲས་བུ་རྣམ་པ་བཞིར་འདོད་དོ།། དེ་ཡང་བསྒོམ
་ལུགས་འདི་ལྟ་སྟེ།། འགོག་པ་བསྒོམ་པར་འདོད་པ་ལ།། ཀུན་འབྱུང་སྤང་བར་འདོད་པའོ།། འགོག་པ་བསྒོམ་ལུགས་འདི་ལྟ་སྟེ།། ཕྱི་ཡི་འབྱུང་བ་དེ་དག་ལ།། མི་ཆགས་གནས་སུ་ཞུགས་ནས་ནི།། དང་པོ་ཟས་ལ
་གོམས་པར་བྱེད།། ཟས་ལ་གོམས་པར་གྱུར་པ་དང་།། བསམ་གཏན་ཏིང་ངེ་འཛིན་ནི་བསྒོམ་པར་བྱེད།། བསམ་གཏན་མི་རྟོག་ཚིག་ཚུགས་བསྒོམ།། རྒྱལ་བ་བྱམས་པའི་བསྟན་པ་ལ།། འབྲས་བུ་ཐོབ་པར་འདོད
་པའོ།། ཀུན་འབྱུང་སྤང་བ་འདི་ལྟ་སྟེ།། ཟས་ཀྱི་འདུ་ཤེས་བྲལ་བ་དང་།། ཀུན་འབྱུང་རྒྱུན་ཟག་ཆོད་པར་འདོད།། དེ་ཡང་ཞེ་སྡང་གཉེན་པོར་བསྒོམ།། ཉོན་མོངས་ཐམས་ཅད་སེལ་བའོ།། ས་ལམ་བསྒོམ་པ་འདི་ལྟ
་སྟེ།། འདོད་ཆགས་གཉེན་པོར་བསྒོམ་པ་དང་།། གཏི་མུག་གཉེན་པོར་བསྒོམ་པ་དང་།། དེ་བཞིན་ལམ་གྱི་བསྒོམ་པ་ནི།། སྡུག་བསྔལ་སྤང་བར་འདོད་པའོ།། ལམ་གྱི་བསྒོམ་ལུགས་འདི་ལྟ་སྟེ།། འདོད་ཆགས་གཉེན
་པོར་བསྒོམ་པ་ནི།། རང་གི་དཔྲལ་བའི་དཀྱིལ་འཁོར་དུ།། ཀེང་རུས་དཀར་པོ་མཐེ་བོང་ཙམ།། དཀར་པོ་འོད་ཆགས་བསྒོམ་པ་ལ།། དེ་ལས་བསྐྱེད་པས་མགོ་བོ་ཙམ།། དེ་ནས་ལུས་པོ་ཙམ་བསྒོམས་ཏེ།། དེ་ནས
་རང་གི་མཐོང་ཡུལ་ཙམ།། དེ་ནས་ཅིར་སྣང་ཐམས་ཅད་བསྒོམ།། དེ་ལྟར་སྟོང་གསུམ་དཀར་པོ་སྟེ།། དེ་ལྟར་དཀར་པོར་གོམས་གྱུར་ན།། འདོད་ཆགས་སྡུག་བསྔལ་སྤང་བའོ།། གཏི་མུག་སྡུག་བསྔལ
་སྤོང་བ་ནི།། རང་གིས་སྤྱི་བོའི་གཙུག་ཏུ་ཡང་།། མར་མེ་གསལ་ལ་དངས་པ་གཅིག། བསྒོམས་པས་ཤེས་པ་གསལ་བ་དང་།། སེམས་ནི་སྟོང་པར་འདོད་པའོ།། དེས་ནི་གཏི་མུག་སྡུག་བསྔལ་སྤོངས།། དེ་ལྟར་རྣམ
་བཞི་བསྒོམ་པ་ཡིས།། འབྲས་བུ་རྣམ་པ་བཞི་ཐོབ་བོ།། འབྲས་བུ་རྣམ་བཞི་གང་ཞེ་ན། འགོག་པ་བསྒོམ་པའི་འབྲས་བུ་ནི།། རྒྱུན་དུ་ཞུགས་པ་འཐོབ་པ་སྟེ།། ས་དང་པོ་རབ་ཏུ་དགའ་བ་འཐོབ་པ་སྟེ།། དེ་ཡང་ས
་བདུན་མན་ཆད་དོ།། ཀུན་འབྱུང་བསྒོམ་པའི་རང་བཞིན་གྱིས།། ལན་ཅིག་ཕྱིར་མི་འོང་བ་འཐོབ།། ས་བརྒྱད་མན་ཆད་འཐོབ་པའོ།། ལམ་བསྒོམ་པ་ཡི་ཡོན་ཏན་གྱིས།། དགྲ་བཅོམ་འབྲས་བུ་འཐོབ་པ་ནི།། ས་བཅུ
་མཐར་ཕྱིན་ཐོབ་པའོ།། ས་དང་ལམ་ལ་གནས་པའི་ཚེ།། ཉན་ཅིང་ཐོས་པར་བྱེད་པའོ།། ས་བདུན་མན་ཆད་སེམས་དཔའ་ནི།། རང་རང་དཔོན་ལ་ཉན་པའོ།། ས་བརྒྱད་མན་ཆད་སེམས་དཔའ་ནི།། སྤྲུལ་པའི་སྐུ་ལས
་ཉན་པའོ།། དེ་ཡང་དངོས་པོར་མཐོང་མེད་དོ།། བྱིན་གྱི་རླབས་ཀྱིས་མཐོང་བའོ།། ཉན་ཐོས་ཐེག་པ་དེ་ལྟར་འདོད།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་བཅོམ་ལྡན་ཐེག་ཆེན
་བདག། ཉན་ཐོས་ཐེག་པ་དེ་ལྟར་ན།། རང་རྒྱལ་ཐེག་པའི་བལྟ་བ་གསུངས།། ཞེས་ཞུ་བ་ཞུས་སོ།། ཡང་བཀའ་སྩལ་པ།། ཀྱེ་ཧོ་གསང་བའི་བདག་པོ་ཉོན།། རང་རྒྱལ་མདོ་སྡེའི་གྲུབ་མཐའ་ནི།། འཇུག་པའི་སྒོ་ནི་རྟེན
་འབྲེལ་བཅུ་གཉིས་སོ།། རྟོགས་པའི་ལྟ་བ་གང་ཟག་བདག་མེད་ལ།། ཆོས་ཀྱི་བདག་ཕྱེད་ཡོད་པར་བལྟ།། བསྲུང་བའི་ཚུལ་ཁྲིམས་ཉིས་བརྒྱ་ལྔ་བཅུ་བསྲུང་།། བསྒོམ་པའི་རིམ་པ་མི་རྟོག་ཆོས་ཉིད་བསྒོམ།། ཕྱི་དང
་ནང་གི་རྟེན་འབྲེལ་རྣམས།། གོམས་ནས་སྟོབས་སུ་གྱུར་པ་དང་།། འབྲས་བུ་མཐར་ཕྱིན་ཚད་དུ་འདོད།། དེ་ཡང་དཔེར་མཚོན་འདི་ལྟ་སྟེ།། དཔེར་ན་དུར་ཁྲོད་རོ་བཞིན་ཏེ།། དུར་ཁྲོད་ཆེན་པོར་སོང་ནས་ནི།། དང
་པོ་རོ་འདི་གང་ནས་བྱུང་།། ད་ལྟ་འདི་ཡི་དངོས་པོ་ཅི།། སྙམ་དུ་དཔེ་ཡིས་མཚོན་པར་བྱེད།། དེ་ཡང་མ་རིག་པ་ལས་བྱུང་།། མ་རིག་པ་ལས་འདུ་བྱེད་དོ།། འདུ་བྱེད་རྣམ་པར་ཤེས་པའོ།། རྣམ་པར་ཤེས་ལས་མི་འབྱུང
་ཞིང་།། མིང་ལས་གཟུགས་ཀྱི་རང་བཞིན་བྱུང་།། གཟུགས་ལས་སྐྱེ་མཆེད་རྣམ་དྲུག་བྱུང་།། སྐྱེ་མཆེད་དྲུག་ལས་རེག་པ་བྱུང་།། རེག་ལས་ཚོར་བ་བྱུང་བར་གྱུར།། ཚོར་ལས་སྲེད་པ་བྱུང་བར་གྱུར།། སྲིད་པ་ལས་ནི
་ལེན་པ་བྱུང་།། ལེན་པ་ལས་ནི་སྲིད་པ་བྱུང་།། སྲིད་པ་ལས་ནི་སྐྱེ་བ་བྱུང་།། སྐྱེ་བ་ལས་ནི་རྒས་པ་བྱུང་།། རྒས་པ་ལས་ནི་ན་བ་བྱུང་།། ན་བ་ལས་ནི་ཤི་བ་བྱུང་།། དེ་བཞིན་རྟེན་འབྲེལ་བཅུ་གཉིས་བསྒོམ།། དེ་ལྟར
་བསྒོམ་པའི་ཡོན་ཏན་གྱིས།། ས་བཅུ་ཡི་ནི་འབྲས་བུ་འཐོབ།། མི་སྡུག་རྣམ་པ་བརྒྱད་བསྒོམས་ཏེ།། དུར་ཁྲོད་ཕྱོགས་སུ་ཕྱིན་ནས་ནི།། རང་གིས་ལུས་ལ་འདི་ལྟར་རྟོག། དང་པོ་རྣམ་པར་སྔོ་བར
་འདོད།། དེ་ནས་རྣམ་པར་དམར་བར་འདོད།། རྣམ་པར་གནག་པ་དག་དང་ནི།། དེ་བཞིན་རྣམ་པར་བམ་པ་དང་།། དེ་བཞིན་རྣམ་པར་འབུ་ཞུགས་དང་།། རྣམ་པར་འཐོར་བ་དག་ཏུ་འདོད།། དེ་བཞིན་རྣམ་པར
་དཀར་བའོ།། དེ་བཞིན་འདོད་ཆགས་གཉེན་པོ་རུ།། མི་སྡུག་རྣམ་བརྒྱད་བསྒོམ་པའོ།། ཉན་དང་ཐོས་པ་མེད་པ་སྟེ།། དེ་ཕྱིར་རང་རྒྱལ་ཐེག་པར་འདོད།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ
་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རང་རྒྱལ་ཐེག་པ་དེ་ལྟར་ན།། བྱང་ཆུབ་སེམས་དཔའི་ཐེག་པ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཀྱེ་ཧོ་གསང་བའི་བདག་པོ་ཉོན།། ངས
་བསྟན་ལེགས་པར་ཡིད་ལ་ཟུང་།། བྱང་ཆུབ་སེམས་དཔའི་ཐེག་པ་ནི།། འཇུག་པའི་སྒོ་ནི་རྣམ་པ་གཉིས།། དོན་དམ་དང་ནི་ཀུན་རྫོབ་བོ།། བསྲུང་བའི་ཚུལ་ཁྲིམས་ཡན་ལག་ནི།། སྡོམ་པ་བརྒྱད་ཅུ་རྩ་ལྔའོ།། རྟོགས
་པའི་བལྟ་བ་སྟོང་ཉིད་ཡེ་ཤེས་སོ།། དོན་དམ་ཀུན་རྫོབ་འདི་ལྟ་སྟེ།། ཀུན་རྫོབ་རྣམ་པ་གཉིས་སུ་འདོད།། ལོག་པ་དང་ནི་ཡང་དག་གོ། ལོག་པའི་ཀུན་རྫོབ་འདི་ལྟ་སྟེ།། བཏགས་པར་སྣང་བ་ཐམས་ཅད
་ཀུན།། མཐུན་པར་སྣང་ལ་དོན་བྱེད་ནུས།། བརྟགས་ན་ངོ་བོ་ཉིད་ཀྱི་དབེན།། དོན་ནི་མེད་པ་ལྟར་སྣང་ངོ་།། དེ་ནི་ལོག་པའི་ཀུན་རྫོབ་བོ།། ཡང་དག་ཀུན་རྫོབ་འདི་ལྟ་སྟེ།། དགེ་བ་བཅུ་ཡི་ལས་རྣམས་དང་།། དཀར
་པོར་འགྱུར་བའི་བསམ་པ་དང་།། མོས་པའི་བསམ་པ་ཅི་སྙེད་པ།། ཡང་དག་ཀུན་རྫོབ་ཆེན་པོར་འདོད།། སྦྱིན་པ་ལ་སོགས་ཚུལ་ཁྲིམས་དང་།། དེ་བཞིན་ཏིང་འཛིན་ལ་སོགས་རྣམས།། ཡང་དག་ཀུན་རྫོབ་ཆེན
་པོའོ།། དོན་དམ་ལ་ཡང་རྣམ་པ་གཉིས།། མཚན་མ་ཚིག་གི་དོན་དམ་དང་།། ཡང་དག་སེམས་ཀྱི་དོན་དམ་མོ།། མཚན་མ་ཚིག་གི་དོན་དམ་ནི།། ཐམས་ཅད་སུན་འབྱིན་རྩོད་པའོ།། དེ་ཡང་ཚད་མའི་རིག་པ
་ཡིས།། གང་དེ་ཉིད་ལ་དེ་ལྟར་སྣང་།། ཚིག་གི་སྟོང་པ་ཆེན་པོ་ལས།། དོན་དམ་སྟོང་ཉིད་མ་རྟོགས་པའོ།། མཚན་མ་ཚིག་གི་དོན་དམ་མོ།། ཡང་དག་སེམས་ཀྱི་དོན་དམ་ནི།། སྟོང་པ་ཅང་མེད་བསྒོམ་པར
་འདོད།། དཔེར་ན་ནམ་མཁའ་སྟོང་པ་བཞིན།། སྟོང་པའི་དོན་ཉིད་དེ་ལྟར་རོ།། སྟོང་ཉིད་བྱང་ཆད་མུ་མེད་དོ།། ཞེས་ནི་སྤྱོད་ཅིང་ཆགས་པའོ།། ལམ་ནི་འདི་ལྟར་འདོད་པའོ།། ས་ལ་སྦྱང་བར་འདོད་པ་སྟེ།། དེ་ཡང
་དྲོད་བསྐྱེད་བཟོད་པ་དང་།། རྩེ་མོ་འཇིག་རྟེན་ཆོས་མཆོག་གོ། དྲོད་ལ་རྣམ་པ་གསུམ་གྱིས་བསྟན།། ཕྱི་དང་ནང་དང་གཉིས་ཀའོ།། ཕྱི་ཡི་དྲོད་སྐྱེས་འདི་ལྟ་སྟེ།། གཉིས་པ་དྲི་མ་མེད་པ་ལ།། དངོས་པོ་སྣང་བ་སྟོང་པར
་སྐྱེ།། དེ་ནི་ཏིང་འཛིན་ཉམས་ལེན་ཏེ།། ས་གཉིས་དག་ལ་སྐྱེ་བར་འགྱུར། ནང་གི་དྲོད་ནི་དྲུག་པ་ལ།། སྟོང་པ་རིག་བྱེད་དག་ཏུ་རྟོགས།། གཉིས་ཀའི་དྲོད་ནི་འདི་ལྟ་སྟེ།། བདུན་པ་དག་ལ་སྐྱེ་བར
་འགྱུར།། བརྒྱད་པ་བཟོད་པ་ཐོབ་པ་སྟེ།། དགུ་པ་རྩེ་མོ་མཐར་ཕྱིན་ནོ།། བཅུ་པ་འཇིག་རྟེན་ཆོས་ཀྱི་མཆོག། དེ་བཞིན་ས་བཅུ་ཐོབ་པར་འདོད།། དེ་ནི་བྱང་སེམས་ཐེག་པ་སྟེ།། སྟོང་པ་ཚིག་མེད་ཡི་གེ་མེད།། ཅང་མེད
་སྟོང་པར་འདོད་པའོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐེག་པའི་བདག། མཚན་ཉིད་ཐེག་པ་དེ་ལྟར་ན།། རྡོ་རྗེ་ཐེག་པ་གསུང་དུ་གསོལ།། ཞེས་ཞུས་སོ།། ཡང
་བཀའ་སྩལ་པ། ཨ་ཧོ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། རྡོ་རྗེའི་ཐེག་པ་རྣམ་པ་གཉིས།། ཕྱི་བ་ཐུབ་པའི་རྒྱུད་དང་ནི།། ནང་པ་ཐབས་ཀྱི་རྒྱུད་དུ་གསུངས།། དེ་ནས་ཡང་གསང་བའི
་བདག་པོས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་སྤྲུལ་པའི་སྐུ།། ཕྱི་བ་རྒྱུད་ཀྱི་ཐེག་པ་གཉིས།། འཁོར་ལ་མདོར་བསྡུས་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཀྱེ་ཧོ་གསང
་བའི་བདག་པོ་ཉོན།། ཕྱི་པའི་རྒྱུད་ལ་རྣམ་གསུམ་སྟེ།། ཀྲི་ཡ་ཡོ་ག་ཨུ་པ་གསུམ།། བཤད་ལུགས་བསམ་གྱིས་མི་ཁྱབ་བོ།། ཡང་ཞུས་པ། ཀྱེ་ཀྱེ་བཅོམ་ལྡན་གསང་སྔགས་བདག། ཀྲི་ཡའི་ཐེག་པ་གསུང་དུ
་གསོལ།། དེ་ནས་ཡང་བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན།། ཀྲི་ཡའི་ཐེག་པའི་གྲུབ་མཐའ་ནི།། འཇུག་པའི་སྒོ་ནི་དག་པ་གསུམ།། ཁྲུས་དང་གཙང་སྒྲས་འཇུག་པའོ།། བསྲུང་བའི་དམ་ཚིག་འདི་ལྟ
་སྟེ།། ལུང་གཅིག་ཆུ་ལ་མི་བཏུང་ཞིང་།། མ་ཡེངས་དད་ལ་སྤྱོད་པའོ།། བྱ་བ་དག་པ་རྣམ་གསུམ་བྱེད།། དག་པ་རྣམ་གསུམ་གང་ཞེ་ན།། ལྷ་དང་དཀྱིལ་འཁོར་དག་པ་དང་།། རྫས་དང་ཡོ་བྱད་དག་པ་དང་།། སྔགས
་དང་ཏིང་འཛིན་དག་པའོ།། རྟོགས་པའི་བལྟ་བ་འདི་ལྟ་སྟེ།། ལྷ་དང་རྣལ་འབྱོར་དག་པ་གཉིས།། རྗེ་དང་འབངས་ཀྱི་ཚུལ་དུ་བལྟ།། སྤང་བའི་རིམ་པ་འདི་ལྟ་སྟེ།། ཤ་དང་ཉ་དང་སྒོག་པ་དང་།། དེ་བཞིན་ཆང་ལ
་སོགས་པ་སྤངས།། ཏིང་ངེ་འཛིན་ལ་ཞེན་པའོ།། ཐེག་པ་ཀྲི་ཡ་དེ་བཞིན་ནོ།། དེ་ནས་ཡང་ཞུ་བ་འདི་སྐད་ཞུས་སོ།། ཀྱེ་ཀྱེ་བཅོམ་ལྡན་ཁྲོ་བདག་སྐུ།། ཀྲི་ཡའི་ཐེག་པ་དེ་ལྟར་ན།། ཨུ་པའི་ཐེག་པ་གསུང་དུ
་གསོལ།། ཞེས་ཞུས་སོ།། ཡང་བཀའ་སྩལ་པ། ཨེ་མ་གསང་བདག་ངེས་པར་ཟུང་།། ཨུ་པ་ཡ་ནི་འདི་ལྟ་སྟེ།། ལྟ་བ་ཡོ་གར་བལྟ་བ་ལ།། སྤྱོད་པ་ཀྲི་ཡར་སྤྱོད་པའོ།། དེ་ཕྱིར་གཉིས་ཀའི་རྒྱུད་ཅེས་གྲགས།། དེ་ནས་ཡང
་ཞུས་སོ།། ཀྱེ་ཀྱེ་བཅོམ་ལྡན་ཡེ་ཤེས་སྐུ།། ཨུ་པའི་གྲུབ་མཐའ་དེ་ལྟར་ན།། ཡོ་གའི་ཐེག་པ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན།། ཡོ་གའི་གྲུབ་མཐའ་འདི
་ལྟ་སྟེ།། འཇུག་པའི་སྒོ་ནི་མངོན་པར་བྱང་ཆུབ་ལྔ།། རྟོགས་པའི་བལྟ་བ་ལྷ་དང་གྲོགས་པོའི་ཚུལ།། བསྲུང་བའི་དམ་ཚིག་མ་ཁྲེལ་རྣམ་གསུམ་བསྲུང་།། སྤྱོད་པ་དགག་སྒྲུབ་མེད་པའོ།། བྱང་ཆུབ་ལྔ་པོ་འདི
་ལྟ་སྟེ།། གདན་གྱི་སྒོ་ནས་བྱང་ཆུབ་དང་།། ཕྱག་མཚན་སྒོ་ནས་བྱང་ཆུབ་དང་།། སྐུ་ཡི་སྒོ་ནས་བྱང་ཆུབ་དང་།། བསྐྱེད་པའི་སྒོ་ནས་བྱང་ཆུབ་དང་།། ཡིག་འབྲུའི་སྒོ་ནས་བྱང་ཆུབ་པོ།། དེ་ལྟར་བྱང་ཆུབ་ལྔ་པོ་སྤྱོད།། མ
་ཁྲེལ་གསུམ་པོ་གང་ཞེ་ན།། ཡི་དམ་ལྷ་ཡིས་མ་ཁྲེལ་དང་།། སློབ་དཔོན་མཆེད་ཀྱིས་མ་ཁྲེལ་དང་།། རང་གི་སེམས་ཀྱིས་མི་ཁྲེལ་བའོ།། ལྷ་དང་རྣལ་འབྱོར་བདག་ཉིད་ཀྱང་།། སྤུན་དང་གྲོགས་པོའི་ཚུལ་དུ
་འདོད།། ལྷ་ཡི་དཀྱིལ་འཁོར་བདག་དང་གཉིས་མེད་བསྒོམ།། ལྷ་ཡང་བདག་ལས་བྱུང་ཞིང་བདག་ལ་ཐིམ་པར་འདོད།། དེ་ལྟར་བདག་དང་ལྷ་ཡི་འཕྲོ་འདུར་འདོད་པའོ།། དེ་ནས་ཡང་ཞུས་པ།། ཀྱེ་ཀྱེ་བཅོམ་ལྡན་རྡོ
་རྗེ་འཛིན།། ཡོ་གའི་གྲུབ་མཐའ་དེ་ལྟར་ན།། ནང་པའི་ཐེག་པ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བདག་རྡོ་རྗེ་འཛིན།། མ་ཡེངས་ཚུལ་དུ་གུས་པར་ཉོན།། ནང་པ་རྣམ་པ
་གསུམ་དུ་འདོད།། མ་ཧཱ་ཨ་ནུ་ཨ་ཏིའོ།། འདུ་འབྲལ་མེད་པའི་ཚུལ་དུ་འདོད།། ཡང་ཞུས་པ། ཀྱེ་ཀྱེ་བཅོམ་ལྡན་ཡེ་ཤེས་བདག། མ་ཧཱའི་གྲུབ་མཐའ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ
་པ།། ཀྱེ་མ་གསང་བའི་བདག་པོ་ངེས་པར་ཟུང་།། མ་ཧཱའི་གྲུབ་མཐའ་འདི་ལྟ་སྟེ།། འཇུག་པའི་སྒོ་ནི་ཏིང་འཛིན་རྣམ་པ་གསུམ།། རྟོགས་པའི་ལྟ་བ་ཅིར་སྣང་ལྷ་དང་ལྷ་མོར་བལྟ།། བསྲུང་བའི་དམ་ཚིག་རྩ་བ་སྐུ
་གསུང་ཐུགས།། འབྲས་བུ་ཐབས་དང་ཤེས་རབ་འདུ་འབྲལ་མེད་པའོ།། ཏིང་འཛིན་རྣམ་གསུམ་འདི་ལྟ་སྟེ།། དེ་བཞིན་ཉིད་ཀྱི་ཏིང་འཛིན་ནི།། རྟོག་མེད་ས་ལེ་སང་ངེའོ།། ཀུན་ཏུ་སྣང་བའི་ཏིང་འཛིན་ནི།། གསལ་ལ
་མ་ཡེངས་ཚུལ་དུ་བསྒོམ།། དེ་བཞིན་རྒྱུ་ཡི་ཏིང་འཛིན་ནི།། ཧཱུཾ་ལས་སེམས་དཔའ་སུམ་བརྩེགས་བསྒོམ།། བདག་ཉིད་དམ་ཚིག་སེམས་དཔའ་ལ།། ཕུན་སུམ་ཚོགས་པ་བཞི་དང་ལྡན།། ཏིང་འཛིན་ཡིག་འབྲུ་སེམས
་དཔའ་ལ།། གསལ་བ་རྣམ་པ་གསུམ་དང་ལྡན།། ཡེ་ཤེས་སེམས་དཔའ་རྣམ་གཉིས་ཏེ།། ཞི་བ་དང་ནི་ཁྲོ་བོའོ།། རྒྱུ་ཡི་ཏིང་འཛིན་འདི་ལྟ་སྟེ།། ཡཾ་རླུང་གི་དཀྱིལ་འཁོར། དང་རཾ་མོའི་དཀྱིལ་འཁོར། དང་ཁཾ་ཆུའི་དཀྱིལ་འཁོར། དང
་@ནི།། ར་རཀྟའི་རྒྱ་མཚོ། དང་སུཾ་གསེར་གྱི་ས་གཞི། དང་ཀོ་ཀེང་རུས་ཀྱི་རི་རབ། དང་ནི། པཾ་པདྨའི་གདན་འདབ་མ་སྟོང་དང་ལྡན། དང་ཨ་དེའི་སྟེང་དུ་ཨ་ལས་ཟླ་བའི་དལ། དང་མ་དོའི་སྟེང་དུ་ཉི་མའི་དལ། དང་ནི།། ཧཱུཾ་ས་ཧ་ར་ན་ཧཱུ~ཾ་གིས་མུར་བསྔའོ། དང
་ཕཊ་སྥ་ར་ཎ་ཕཊ་ཀྱིས་སྤྲོས་སོ།། ལ་སོགས་པའོ།། ཡིག་འབྲུའི་འོད་ཟེར་བསམ་མི་ཁྱབ།། རབ་ཏུ་སྤྲུལ་ནས་ང་གདན་གྱི་སྟེང་དུ་ཡི་དམ་ལྷ། རྒྱལ་ལྡན།། རྣམ་པ་ལྷ་དང་སྟོང་པའོ།། དེ་ནི་ཏིང་འཛིན་གསུམ་དུ་འདོད།། དམ་ཚིག་རྣམ
་གསུམ་འདི་ལྟ་སྟེ།། སྐུ་ཡི་སྒོ་ནས་སྲོག་གཅོད་སྤང་བར་བྱ།། མ་ཕྱིན་ལེན་དང་མི་ཚངས་སྤྱོད་པ་སྤང་།། གསུང་གི་སྒོ་ནས་རྫུན་དང་ཕྲ་མ་སྤང་།། ཚིག་རྩུབ་དང་ནི་དེ་བཞིན་ངག་འཁྱལ་སྤང་།། ཐུགས
་ཀྱི་སྒོ་ནས་བརྣབ་སེམས་གནོད་སེམས་དང་།། ལོག་པར་ལྟ་བ་སྤང་བར་བྱ།། ཐབས་དང་ཤེས་རབ་འདུ་འབྲལ་མེད་པར་རྟོགས།། མ་ཧཱའི་གྲུབ་མཐའ་དེ་བཞིན་འདོད།། དེ་ནས་ཡང་གསང་བའི་བདག་པོ་རྡོ་རྗེ་འཛིན
་པ་ཆེན་པོ་དེས། འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་པའི་སྐུ།། མ་ཧཱའི་གྲུབ་མཐའ་དེ་ལྟར་ན།། ཨ་ནུའི་གྲུབ་མཐའ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་རྡོ་རྗེ
་འཛིན་པ་ཉོན།། ལུང་ཆེན་ཨ་ནུའི་ཐེག་པ་ནི། དབྱིངས་དང་ཡེ་ཤེས་རྣམ་པ་གཉིས།། འདུ་འབྲལ་མེད་པའི་རྡོ་རྗེར་འདོད།། འཇུག་པའི་སྒོ་ནི་ཅིག་ཅར་རིམ་གྱིས་སོ།། རྟོགས་པའི་ལྟ་བ་འདུ་འབྲལ་མེད་པའོ།། ཅིག
་ཆར་འཇུག་པ་གང་ཞེ་ན།། ལྷ་རྣམས་མ་བསྐྱེད་སྙིང་པོ་དྲན་པས་རྫོགས།། རིམ་གྱིས་འཇུག་པ་གང་ཞེ་ན།། དབྱིངས་དང་ཡེ་ཤེས་རིམ་ཞུགས་ནས།། རྡོ་རྗེ་འཛིན་པའི་ས་ལ་འབྲས་བུ་ཐོབ།། བསྲུང་བའི་དམ་ཚིག་འདི
་ལྟ་སྟེ།། གསང་སྔགས་དོན་སྟོན་རྟག་ཏུ་བཀུར་བར་བྱ།། གསང་སྔགས་སྟོན་པའི་སློབ་དཔོན་ལ།། ཅི་འབྱོར་པ་ཡི་མཆོད་པ་ཕུལ།། སློབ་དཔོན་དང་ནི་དེ་བཞིན་གཤེགས།། ཁྱད་མེད་གཅིག་གི་ངོ་བོར
་གནས།། མདོར་བསྡུས་དབྱིངས་དང་ཡེ་ཤེས་སོ།། ལུང་ཆེན་ཨ་ནུའི་གྲུབ་མཐའ་འོ།། དེ་ནས་ཡང་ཞུས་པས། ཀྱེ་ཀྱེ་བཅོམ་ལྡན་ཡེ་ཤེས་སྐུ།། ཨ་ནུའི་ཐེག་པ་དེ་ལྟར་ན།། རྫོགས་ཆེན་ཨ་ཏི་ཡོ་ག་ཡི།། ལྟ་བ་ཕྱིན་ཅི
་མ་ལོག་པ།། ཐེག་པ་མདོར་བསྡུས་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། རྫོགས་ཆེན་ཨ་ཏི་ཡོ་ག་ལྟ་བ་བྱིན་ཅི་མ་ལོག
་གལ།། གཅིག་མ་རིག་པ་མེད། རྫོགས་གཉིས་རིག་པའི་སྒྲ། རྫོགས་ཐམས་ཅད་ཆོས་ཀྱི་དབྱིངས་རྫོགས།། གཅིག་སྔོན་མ་བྱུང་གཉིས་ཤེས་རབ། བྱུང་ཐམས་ཅད་ཡེ་ཤེས་བྱུང་། གཅིག་སྟོང་ཅིད་སྐྱེས་གཉིས་དབྱིངས་དང་ཡེ་ཤེས་སྐྱེས་ཐམས
་ཅད་འོད་ཀྱི་སྒྲ་རྣམ་པར་དག་པ། སྐྱེས།། གཅིག་མ་རིག་པ་མེད་གཉིས་སེམས་དང་ཡིད། མེད་ཐམས་ཅད་ཉོན་མོངས་པ་མེད།། དེ་བཞིན་རྫོགས་ཆེན་ཨ་ཏི་ལ།། བྱས་པའི་ཆོས་ནི་ཀ་ནས་མེད།། བྱ་དང་བྱེད་པ་མེད་པའོ།། རྫོགས་པ
་ཆེན་པོའི་དོན་ཉིད་ལ།། དམ་ཚིག་བསྲུང་རྒྱུ་མེད་པས་ཡེ་ནས་བསྲུངས་དང་བྲལ།། མེད་པ་ཕྱལ་པ་ལྷུན་གྲུབ་གཅིག་པུ་ཉིད།། གསང་སྔགས་ཀུན་གྱི་དགོངས་པ་ཆེན་པོ་ཡིན།། རྫོགས་ཆེན་ཨ་ཏི་ཡོ་ག་འདི།། དཔེར
་ན་གཅན་གཟན་སེང་གེ་བཞིན།། གསང་བ་ཨ་ཏི་ཡོ་ག་ནི།། རང་རིག་གཏན་ལ་འབེབ་ཅིང་ཐེག་དམན་ཟིལ་གྱིས་གནོན།། རང་བྱུང་རང་ལ་ཐིམ་ཞིང་སྐུ་གསུམ་དོན།། སྐྱེ་མེད་དབྱིངས་ལས་བསྒོམ་མེད་ཆེན་པོ
་མ།། བསྐུམ་དུ་སྐམ་བྱེད་གཉིས་དང་བྲལ།། འཛིན་པ་མེད་པའི་རང་བྲལ་ནི།། དཔེར་ན་སྦྲུལ་གྱི་མདུད་པ་བཞིན།། རང་གྲོལ་རང་སངས་ཟིན་པའོ།། དེ་བཞིན་མཚན་མའི་བསམ་པ་རྣམས།
་གྲོལ་རང་སངས་ཆེན་པའོ།། རྫོགས་ཆེན་ཡ་ཏིའི་ཐེག་པ་ལ།། རེ་དང་དོགས་པ་ག་ལ་ཡོད།། རེ་དོགས་ཡོད་ན་ལྟུང་བའི་ཀླུ།། དེ་བཞིན་ཉིད་དེ་རང་གྲོལ་ལོ།། དེ་ན་མཚན་མར་སྣང་བ་ཡང་།། རང་ལས་བླང་ཞིང་རང
་ལ་ཐིམ།། དེ་བཞིན་རྫོགས་ཆེན་ཨ་ཏི་ལ།། བསྒྲུབ་མེད་སྒྲུབ་དང་བྲལ་བའོ།། བྱས་མེད་བླང་བ་མེད་པའོ།། འགག་མེད་ཁྱབ་གདལ་འབ་ཆུབ་པོ།། འགྱུར་མེད་ཀློང་ཡངས་ཆེན་པོའོ།། ཆོས་མེད་སངས་རྒྱས་མེད
་པའོ།། གནས་མེད་ཡེ་ཤེས་མེད་པའོ།། སེམས་མེད་མེད་མེད་སངས་རྒྱས་མེད་པའོ།། ཞེས་རིག་པ་རང་ཤར་ཆེན་པོའི་རྒུད་ལས། ཐེག་པ་རིམ་དགུའི་དབྱེ་བ་བསྟན་པའི་ལེའུ་སྟེ་ཅི་ཤུ་རྩ་བདུན
་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐམས་ཅད་མཁྱེན།། རིམ་དགུའི་གྲུབ་མཐའ་དེ་ལྟར་ན།། ཁམས་གསུམ་འཁོར་བའི་སེམས་ཅན་གྱི།། དང
་པོའི་འཁྲུལ་ཚུལ་ཅི་ལྟར་ལགས།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་གྲོགས་པོ་དག། ཡང་དག་པའི་སངས་རྒྱས་ལ་འཁྲུལ་པ་མི་མངའ་ཡང་། རྡོ་རྗེ་སེམས་དཔའ་དང་པ་གཞིགས་བྱ་བ་ངེས་བཟད་@
་ཡང་སྣང་བ། གང་ཡང་ཐོགས་པ་མེད་པ། རང་བཞིན་མ་ངེས་པ། ངོ་བོ་མི་འགྱུར་བ། ངང་གིས་མ་གཡོས་པ། ཡེ་ཤེས་ཀྱི་འོད་གསལ་བ། འོད་དེ་ཡང་ཀུན་ལ་སྣང་ཞིང་དོན་བྱེད་ནུས་པ། བདག་དང་བདག་གིས་སྟོང་པ། སྟོང་པ་ཉིད་མི་འགྱུར་བའི་ཆོས་ཅན་གསལ་ལ་མ་ངེས་པ། དེ་ཡང
་སྐད་ཅིག་མ་ཛེས་པ་ལས་འགྱུར་བ་མེད་པ་དོན་གྱི་སྙིང་པོ་ཚིག་ལས་འདས་པའོ།། གཞི་ཐོག་ནས་འཁྲུལ་ལུགས་ནི། ཡུལ་ཡངས་པ་ཅན་ཞེས་བྱ་བ་ནས་འཁྲུལ་ལོ།། གནས་དཅིའི་ཕྱིར་ཞེ་ན། སེམས་ཅན་ལ་དབང་པོ་ཅ་ཤུ་རྩ་གཅིག་མེད་པའི་ཕྱིར་རོ།
་ཡང་ངོ་བོ་ལ་འགྱུར་བ་མེད་དོ།། རང་བཞིན་མ་ངེས་སོ།། ང་བོ་ནི་ཀ་དག་གི་ཡེ་ཤེས་སོ།། ཐུགས་རྗེའི་སྣང་བ་སྣ་ཚོགས་འཆར་བའོ།། མཛེས་ལྡན་ཞེས་བྱ་བ་ནས་འཁྲུལ་ལོ།། དུས་ནམ་སྲོས་པ་ན་འཁྲུལ་ལོ།། དེ་ཡང་ལ་ལ་ཉམས་ལས་འཕྲུལ། ལ་ལ་སྐམ་ཟེར
་ལས་འཁྲུལ། ལ་ལ་དེ་མ་ཟག་པ་ལས་འཁྲུལ།། ལ་ལ་སྣང་བ་ལས་འཁྲུལ། དེ་བཞིན་དུ་ཉི་ཤུ་རྩ་གཅིག་ཏུ་ཤེས་པར་བྱའོ།། ལོ་ཕག་གི་ལོ་ལ་འཁྲུལ་ལོ། དེ་ཡང་གཏི་མུག་ལས་མ་རིག་པའི་རྒྱུ་ལངས་ཏེ་ཕ་གི་དང་ངའི་ཤེས་པ་བྱུང་བ་ཡུལ་དུ་བཟུང་ནས་བདག་གི་ཡིན་སྙམ་པ
་ཙམ་ལས་ཀྱུ་རྩ་བའི་མ་རིག་པ་ལངས་པ་ཞེས་བྱ་བ་སྟེ་དེ་ཡང་ཞལ་ཕྲལ་ཅན་གྱི་དབང་དུ་བྱས་ན་ཡུལ་གཟུང་བ་དང་བློའི་ཤེས་པ་མཉམ་དུ་ལངས་པ་ལ་ཐར་བཟུང་ནས་རྩེ་བ་ལ་དང་ཟའི་རྟོག་པ་བྱུང་ངོ་།། ཉི་མ་སྦྲུལ་གྱི་ཉི་མ་ལ་འཁྲུལ་ལོ།། དེ་ཡང་ཞེ་སྡང་ལས་མ་རིག་པ
་གནས་ཙམ་དུ་བྱུང་ནས་སེམས་ཅན་ཐམས་ཅད་ཀྱང་ངའི་སྙམ་པའི་རང་གི་ཤེས་པ་བཟུང་ནས་སྐད་ཅིག་གིས་ཉོན་མོངས་པ་ཡུལ་ལ་སྣང་བས་ཡུལ་དང་དབང་པོ་སྣོད་དུ་རུང་བའི་ཤེས་པར་འཁྲུལ་པས་མ་རིག་པའོ། སྐར་མ་བྱ་ལ་འཁྲུལ་ལོ།། དེ་ཡང་ཉོན་མོངས་པ་འདོད་ཆགས
་ཤས་ཆེར་བུང་བས་འཕྲུལ་གཞི་སྔ་བར་བྱུང་ངོ་།། དེ་ལས་ཉོན་མོངས་པའི་ཚོགས་བསམ་གྱིས་མི་ཁྱབ་པ་བྱུང་སྟེ་ཡུལ་མེད་པ་ལ་ཡུལ་དུ་བཟང་ནས་འཕྲུལ་ལོ།། མིའི་མིང་ནི་རྒན་མོའི་ལིང་ཏོག་ཅན་ཞེས་བྱ་བ་འཁྲུལ་ལོ།། དེ་ཡང་མ་རིག་པ་དངོས
་སུ་སྣང་བ་ལས་འཁྲུལ་པ་དྲུག་བྱུང་སྟེ་དེ་ལས་ཡེ་ཤེས་ཀྱི་ཆ་ཤས་ཕྲ་བ་གཅིག་བྱུང་སྟེ་ཡུལ་ལ་སྣང་བ་ལས་ལམ་ལ་ཟག་རིང་བ་ལྟར་སྣང་བ་ཡིན་ནོ།། དུས་མ་ངེས་པ་ལས་འཁྲུལ་ལོ།། དེ་ཡང་རང་བཞིན་མ་ངེས་པ་ངོ་བོ་མི་འགྱུར་བ་ཡུལ་ཀུན་ལ་འཇུག་པ་ཡེ་ཤེས་རང་ལ་ཤར
་པ་མ་ཤེས་ནས་ཀུན་དུ་འཕྲུལ་ལོ།། གྲོགས་ནི་མི་བཞིས་བྱས་སོ།། དེ་ལ་རྐྱེན་བཞི་བྱུང་བས་འཁྲུལ་པ་ཡུལ་གྱི་ཕ་མ་ཞེས་བྱ་སྟེ་མ་རིག་པ་དངོས་ནི་བདག་པོའི་རྐྱེན། དེའི་ཆུ་རང་ལ་ཡོད་པས་ཆུའི་གྱེན། ཡུལ་གཞན་ལ་རྟོག་པས་དམིགས་པའི་རྐྱེན། དེ་མ་ཟག་པའི་རྐྱེན་ཏེ་འཁྲུལ་པ
་བརྒྱད་དུ་བྱུང་ངོ་།། དེ་ནས་མི་རྒོད་ལྔ་བྱུང་ངོ་།། དེ་ལས་ཉོན་མོངས་ལྔ་བྱུང་སྟེ་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་བྱུང་སྟེ་འཁྲུལ་པ་དགུ་བྱུང་ངོ་།། རྒྱབ་བརྟེན་པ་མི་གཅིག་བྱུང་ངོ་།། དེ་ཡང་འཁོར་བ་ཞེས་བྱ་བ་ཡུལ་ལ་མངོན་པར་སྣང་བ་དགའ་བ་དང
་མི་དགའ་བའི་སེམས་བསམ་པ་སྣ་ཚོགས་པ་བྱུང་ངོ་།། བདེ་བ་དང་སྡུག་བསྔལ་བ་ཡང་བྱུང་ངོ་།། དེ་ནས་རྐུན་མ་མི་གཅིག་བྱུང་ངོ་།། དེ་ནི་ཁོང་ཁྲོ་ཞེས་བྱ་སྟེ་ཡུལ་དང་ཤེས་པ་ལྷན་ཅིག་ཏུ་གནས་པ་བྱུང་ནས་ལམ་དུ་ཡེ་ཤེས་མ་གསལ་ལོ།། དེ་ཐམས་ཅད་བསགས
་པས་མི་གཅིག་བྱུང་ངོ་།། དེ་ཐམས་ཅད་འདུས་པ་ཞེས་བྱ་སྟེ། མ་རིག་པ་དང་མཚུངས་པར་ལྡན་པའི་ཡིད་ཅེས་བྱ་བ་གཅིག་བྱུང་ནས་ཡེ་ཤེས་ལམ་དུ་སྒྲིབ་སྟེ་དེ་ཡུལ་ལ་འཆར་དུ་མ་སྟེར་ནས་ང་དང་བདག་ཏུ་བཟུང་ངོ་།། དེ་ལ་སོགས་པ་དམག་གི་ཚོགས་དཔག་ཏུ
་མེད་པ་བྱུང་ངོ་།། དེ་ལ་སོགས་པ་དཔག་ཏུ་མེད་པར་འཁྲུལ་ལོ།། དེ་ནི་འཁྲུལ་གཞི་མེད་པ་ལས་བྱུང་བའི་ཕྱིར་ན་སྲིད་པ་ཞེས་བྱ་བ་ཆགས་སོ།། སེམས་ཅན་གྱི་གཟུགས་བསམ་གྱིས་མི་ཁྱབ་པ་ཆགས་སོ།། འཁྲུལ
་པའི་ལམ་དང་བསམ་པ་ཡང་། ཅི་ལྟར་བསམ་པའི་རྟོག་པ་ལྟར་རྟོག་པ་བྱུང་ངོ་།། ཞེས་རིག་པ་རང་ཤར་ཆེན་པོའི་རྒྱུད་ལས། དང་པོའི་འཁྲུལ་གཞི་བསྟན་པའི་ལེའུ་སྟེ་ཉི་ཤུ་རྩ་བརྒྱད་པའོ།། །། དེ
་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ད་ལྟའི་སྐུ།། དང་པོའི་འཁྲུལ་ལུགས་དེ་ལྟར་ན།། སེམས་ཅན་བློ་ལ་ཅི་ལྟར་གནས།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ
་མ་གསང་བའི་བདག་པོ་ཉོན།། ཡང་དག་སངས་རྒྱས་དགོངས་པ་ནི།། སེམས་ཅན་ཀུན་གྱི་རང་རྒྱུད་ལ།། སྐུ་དང་ཡེ་ཤེས་ཚུལ་དུ་གནས།། དེ་ཡང་ཙིཏྟའི་དཀྱིལ་ན་ནི།། ཉུང་འབྲུའམ་ནི་ཏིལ་འབྲུ་ཙམ།། མ་བསྐྱེད
་རྫོགས་པའི་ཚུལ་དུ་གནས།། ཙིཏྟའི་སྒོ་བཞི་མ་འགགས་གསལ།། རྣམ་པར་འཆར་བ་བྱེད་པ་དང་།། རྣམ་པར་ནུབ་པར་བྱེད་པ་དང་།། སྐད་ཅིག་འཆར་བར་བྱེད་པ་དང་།། སྐད་ཅིག་ནུབ་པར་བྱེད་པའོ།། དེ་ཡང
་མཚན་བརྗོད་འདི་ལྟ་སྟེ།། ཀ་ཏི་གསེར་གྱི་རྩ་ཆེན་དང་།། ཤེལ་གྱི་སྦུ་གུ་ཁོང་པ་སྟོང་།། དར་དཀར་སྣལ་མ་ཕྲ་ལ་འཁྲིལ།། སྟོང་པ་རང་གྲོལ་རྩ་ཆེན་པོ།། དེ་ཡང་སྒོ་བཞི་རང་སྣང་རྩ།། དེ་ནས་ལམ་བྱུང་ཨ་བ་དྷ་ཏིའི
་ནང་དུ་ཐིམ།། དྷཱུ་ཏིའི་ནང་ནས་འོད་འཕྲོས་ཏེ།། སྒལ་ཚིགས་གཡས་ནས་ལམ་ཕྱུང་སྟེ།། རྩེ་ཆུང་གཡས་ནས་དུང་ཁང་ནང་དུ་ཐིམ།། དེ་ལས་འོད་འཕྲོས་སྒྲོན་མ་བཞི།། མ་འགགས་ནམ་མཁའ་སྟོང་པ
་ལ།། སང་ངེ་ས་ལེ་འོད་ཀྱི་སྐུ།། ལུ་གུ་རྒྱུད་ཀྱི་ཚུལ་དུ་གནས།། སྒྲོན་མ་རྣམ་བཞི་འདི་ལྟ་སྟེ།། ཐིག་ལེ་སྟོང་པའི་སྒྲོན་མ་དང་།། རིག་པ་དབྱིངས་ཀྱི་སྒྲོན་མ་དང་།། ཤེས་རབ་རང་བྱུང་སྒྲོན་མ་དང་།། རྒྱང་ཞགས་ཆུ་ཡི
་སྒྲོན་མ་ནི།། སེམས་ཅན་ཀུན་ལ་གནས་པའོ།། སྙིང་པོ་འགྱུར་མེད་ཆེན་པོ་ནི།། ཁྱབ་གད་ལ་འུབ་ཆུབ་བདེ་ཆེན་ཀུན་ལ་ཁྱབ།། བརྗོད་མེད་དོན་རྟོགས་ལམ་ལ་བཅོས་པ་མེད།། རྣམ་དག་དོན་སྤྱོད་ཡེ་ཤེས་གཡོ་བ
་མེད།། རྒྱུ་མེད་སེམས་མེད་རྟོག་པ་མེད།། མ་རྟོགས་འཁོར་བ་ཐམས་ཅད་ལ།། སྙིང་པོ་དག་པ་འགྱུར་མེད་གཞི།། རང་བྱུང་རང་ལ་གནས་པའོ།། དེ་ནི་དག་པའི་གནས་ལུགས་སོ།། དེ་ནས་ཡང་ཞུས་པ། ཀྱེ་ཀྱེ
་བཅོམ་ལྡན་རྡོ་རྗེ་སེམས།། དག་པའི་གནས་ལུགས་དེ་ལྟར་ན།། ཁམས་གསུམ་འཁོར་བའི་སེམས་ཅན་ལ།། མ་དག་སྣང་བ་ཅི་ལྟར་ལགས།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཧོ་གསང་བདག་རྡོ
་འཛིན།། ངས་བསྟན་ལེགས་པར་ཡིད་ཀྱིས་ཟུང་།། མ་དག་པ་ཡི་གནས་ལུགས་ནི།། སེམས་ཅན་ཀུན་གྱི་རང་རྒྱུད་ལ། མ་དག་སུམ་བརྩེགས་གནས་པའོ།། དེ་ཡང་གནས་ལུགས་འདི་ལྟ་སྟེ།། སྙིང་དང་གློ་བའི་བར
་ན་ཡང་།། བརྩེགས་མ་གསུམ་དུ་གནས་པའོ།། དེ་ནི་རྩ་ནས་འགྱུ་བའོ།། སྲོག་པ་རྩ་ནས་ལམ་ཕྱུང་ངོ་།། སྒོ་ནི་ཁ་དང་སྣ་ནས་བྱུང་།། དེ་ལས་སྟོང་ཕྲག་བརྒྱད་ཅུའོ།། དེ་ལ་སོགས་པའི་ཉོན་མོངས་རྣམས།། སྣ་ཚོགས
་དུ་མར་འབྱུང་བའོ།། དེ་ནས་ཡང་ཞུས་པ། ཀྱེ་ཀྱེ་བཅོམ་ལྡན་མ་འོངས་སྐུ།། དག་པ་དང་ནི་མ་དག་པའི།། གནས་ལུགས་མདོར་བསྡུས་དེ་ལྟར་ན།། གཉིས་ཀྱི་ལ་བཟླ་གསུང་དུ་གསོལ།། ཞེས་ཞུས་སོ།། དེ་ནས
་ཡང་བཅོམ་ལྡན་འདས་ཀྱིས་བཀའ་སྩལ་པ། ཨེ་མ་གསང་བའི་བདག་པོ་ཉོན།། ཡང་དག་ཆོས་ཉིད་ལྟ་བ་ནི།། ཕྱོགས་དང་རིས་མེད་གཅིག་པུ་ཉིད།། ཡང་དག་བདེ་ཆེན་ལྟ་བ་ལ།། དག་དང་མ་དག་གཉིས་སུ
་མེད།། བཟང་དང་ངན་པའི་ཡུལ་ལས་འདས།། ཡིན་དང་མིན་པའི་རྟོག་པ་མེད།། བླང་དང་དོར་བའི་སེམས་མེད་ཅིང་།། གཅིག་དང་དུ་མར་མེད་པའོ།། ཐིག་ལེ་ཉག་གཅིག་ངོ་བོའོ།། མ་རིག་རིག་པའོ་ངོ་བོར
་རྟོགས།། རྣམ་རྟོག་ཆོས་ཉིད་ངང་དུ་རྟོགས།། ཆགས་སྡང་ལྔ་པོ་ཡེ་ཤེས་ལྔ།། ཡུལ་ལྔ་འོད་ལྔ་དག་ཏུ་རྟོགས།། དེ་བཞིན་རྣམ་པ་ཐམས་ཅད་ཀུན།། དག་དང་མ་དག་མེད་པའོ།། ཞེས་རིག་པ་རང་ཤར་ཆེན་པོའི་རྒྱུད
་ལས། སེམས་ཅན་རང་རྒུད་བསྟན་པའི་ལེའུ་སྟེ་ཉི་ཤུ་རྩ་དགུ་པའོ།། ། @ཐཿཐདེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཨེ་མཧོ་བཅོམ་ལྡན་ཐུགས་རྗེ་ཆེན་པོ་དང
་ལྡན་པ། སེམས་ཅན་ཀུན་གྱི་རྒྱུ་དེ་ལྟར་ལགས་ན། དང་པོ་གཞིའི་གནས་ལུགས་ཇི་ལྟར་ལགས། དོན་དམ་པ་བདག་ཅག་རྣམས་ལ་བསྟན་དུ་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ།། ཨེ
་མ་ཧོ། ཕྱག་ན་རྡོ་རྗེ་ཁྱོད་ཉོན་ཅིག། དང་པོ་ང་ལས་བྱུང་བའོ།། ང་མེད་པ་ཡི་སྔོན་རོལ་ནས།། གཞི་ནི་འདི་ལྟར་གནས་པ་སྟེ།། གཞི་ཀ་དག་ཆེན་པོ་ཞེས་བྱ་སྟེ།། ངོ་བོ་རང་བཞིན་ཐུགས་རྗེ་རྣམ་པ་གསུམ་དུ་གནས
་སོ།། ངོ་བོ་མི་འགྱུར་བའི་ཡེ་ཤེས། མ་འགགས་པར་གསལ་བ་གཞོན་ནུ་བུམ་སྐུའི་གནས་ལུགས་ཞེས་བྱའོ།། རང་བཞིན་འོད་ལྔའི་སྣང་བ་མ་འགགས་པའོ།། ཐུགས་རྗེའི་སྣང་བ་ནི། དཔེར་ན་སྤྲིན་མེད་པ་ལྟ་བུའོ།།
་དེ་ནི་ཀ་དག་གི་གནས་ལུགས་ཞེས་བྱ་སྟེ། རྒྱ་གར་ཡང་མ་ཆད། ཕྱོགས་གར་ཡང་མ་ལྷུང་བའོ།། དེའི་ལོག་ན་ལྷུན་གྲུབ་རིན་པོ་ཆེའི་སྦུབས་ཞེས་བྱ་བ་ཡོད་དེ། དེ་ལ་འཆར་ལུགས་རྣམ་པ་གསུམ་ཡོད་དོ།། སྒོ་རྣམ་པ
་གཉིས་ཡོད་དོ།། དེ་ནི་གཞི་ལྷུན་གྲུབ་ཞེས་ཀྱང་བྱའོ།། གཞི་མ་ངེས་པ་ཞེས་ཀྱང་བྱ། གཞི་སྣ་ཚོགས་སུ་འཆར་བ་ཞེས་ཀྱང་བྱའོ།། དེ་མན་ཆད་ན་ལྡོག་པའི་ས་ཡོད་དོ།། དེའི་འོག་ན་གཞི་སྣང་ཆེན་པོ་ཞེས་བྱ་བ་ཡོད
་དོ།། དེའི་འོག་ན་ལོངས་སྐུའི་སྣང་བ་ཡོད་དོ།། རིགས་ཀྱི་བུ་སྒྲོན་མ་རྣམ་པ་གཉིས་ངོ་ཤེས་པར་གྱིས་ཤིག་རྣམ་པར་ཤེས་པ་རྩེ་གཅིག་པའི་ཏིང་ངེ་འཛིན་གྱིས་ཉམས་སུ་ལོངས་ཤིག་སྒྲོན་མ་རྣམ་པ་གཉིས་པ་འདྲིས
་པར་གྱིས་ཤིག། དེ་ལྟར་ཉམས་སུ་ལོངས་ནས་ཡེ་ཤེས་ཀྱི་སྣང་བ་ཐོགས་པ་མེད་པར་འཆར་རོ།། དེའི་ཕྱིར་ན་ཡེ་ཤེས་ཀྱི་སྣང་བ་ལ་རྟག་ཏུ་གོམས་པར་བྱའོ།། རང་རང་གི་བདེན་པ་མཐོང་བར་བྱའོ།། རང་རང་གིས
་རིག་པའི་དྲོད་སྐྱེས་པའི་ཚད་ཟིན་པར་བྱའོ།། མཚོན་པའི་ཡེ་ཤེས་ཤེས་པར་གྱིས་ཤིག་ཅེས་རིག་པ་རང་ཤར་ཆེན་པོའི་རྒྱུད་ལས། གཞིའི་གནས་ལུགས་བསྟན་པའི་ལེའུ་སྟེ་སུམ་ཅུ་པའོ།། །། དེ
་ནས་ཡང་གསང་བའི་བདག་པོ་དང་མི་དང་མི་མ་ཡིན་གྱི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་མ་ཧོ། སྟོན་པ་ཆེན་པོ་བདག་ཅག་མོས་པའི་འཁོར་རྣམས་ལ། གཞིའི་གནས་ལུགས་དེ་ལྟར་ལགས་ན། རང
་གིས་རྟོགས་ཚུལ་ཅི་ལྟར་ལགས།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མོས་པའི་འཁོར་རྣམས་ཉོན་ཅིག་དོན་ཆེན་པོ་ངས་བསྟན་གྱིས། གུས་པ་དང་བཅས་པའི་སེམས་ཀྱིས་ཉོན་ཅིག་དེ་ཡང་རྟོགས
་པ་ལ་སོ་སོ་ཐ་དད་པ་ལྟར་སྣང་ངོ་།། རྟོགས་པ་དང་མ་རྟོགས་པ་གཉིས་ཀྱིས་ཁོང་ན་ཐམས་ཅད་ཡོད་དོ།། སྟོན་པ་ཆོས་ཀྱི་རྗེས་ཚིགས་སུ་བཅད་དེ་བཀའ་སྩལ་པ། ཨེ་མ་ཧོ། ནོར་བུ་རིན་ཆེན་བདུད་རྩི་འདི།། བཙལ
་བས་རྙེད་པའི་ཐབས་མེད་དེ།། ཀུན་གྱི་ཙིཏྟའི་དཀྱིལ་འཁོར་ན།། འགག་མེད་ཚུལ་གྱིས་འོད་ལྔར་གསལ།། འགྱུར་མེད་དོན་གྱི་སྐུ་ལྔ་གནས།། ཁྱབ་བརྡ་ལ་དྷཱ་ཏུ་ལས་ཡེ་ཤེས་བྱུང་བར་བསྟན་པ་དང་རིག་པ་དང་དྷཱ་ཏུ་འདུ་འབྲལ
་མེད་པར་དབྱིངས་འབྱུང་བར་བསྟན་པའོ།། ས་དང་པོ་ལས་ཀུན་གྱི་མེ་ཤེས་འཆར་བའོ། འུབ་ཆུབ་བདེ་བའི་སྐུ།། ཀུན་ལ་འོད་སེམས་ཅན་ཐམས་ཅད་ལ་སྣང་བའི་འོད་ལྔ་རང་ཆས་སུ་གནས་སོ།། དེ་ཡང་སྣང་བའི་འོད་ལ་ནི་འདོད་མེད་པར་སྣང་བས
་ཀྱི་སྙིང་པོར་ངའི་སྐ་ལ་འཕེལ་འགྲིབ་མེད་སྟོང་པ་རྡོ་རྗེའི་སྐ་ལ་མཐར་ཐུགས་མེད། ཆོས་ཉིད་ཀྱི་ཡུལ་ལ་སྣང་བ་མེད། གནས།། རྟོག་མེད་རྣམ་དག་ཆོས་ཀྱི་དབྱིངས། དེ་ཡང་ཆོས་ཀྱི་དབྱིངས་རྣམ་པར་དག་པ་དངོས་པོའི་ཆོས་དང་བྲལ་བ་ཡིན་པ་ལ་སྣང་བ་ཙམ་མེད་པ
་ལ་བཟུང་དུ་མེད་པ་ཡུལ་ལ་སེམས་མེད་པ་སྣང་བ་ལ་ཡེ་ཤེས་མེད་སྒྲོན་མ་ལ་ཡིད་མེད་སེམས་ལ་ཆོས་མེད་པའོ།། འགྲན་ཟླ་མེད་པར་ཉག་གཅིག་པའོ།། རྫོགས་པའི་ཡེ་ཤེས་ཕྱོགས་ཀུན་དང་བྲལ་བས་སྟོང་པའི་ཡེ་ཤེས་དངོས་པོར་སྣང་བ་མ་ཡིན་པས་ཤེས་པ་རིག་པའི་ངོ་བོ
་ཡིན། རིག་པ་ཉིད་ལས་གཞན་ན་མེད་དེ་རིག་པ་ཉིད་ཀྱང་འོད། འོད་ཉིད་ཀྱང་སྟོང་པ་ཉིད་དེ་རིག་པ་ལ་སྣང་། དེ་ཡང་སེམས་ཅན་ཀུན་གྱིས་ཙིདྷའི་དཀྱིལ་དུ་གནས་སོ།། དཀྱིལ་རྟོགས་པའི་དུས་སུ་ནི་ཅིར་སྣང་ཐམས་ཅད་འོད་ཀྱི་སྒྲར་སྣང་ཡུལ་དང་དབང་པོ་གཟུང་དུ་མེད་པའི་ཡེ
་ཤེས་ཆེན་པོའོ།། དང་འཁོར་ནི་སྒོ་ལྔའི་རྣམ་པར་ཤེས་པ་གསལ་བའོ།། དང་ཕོ་བྲང་ནི་ཀ་དག་ཆེན་པོའི་སྣང་བའོ།། དང་། རིག་པ་མི་འགྱུར་བའི་ཀུན་ཏུ་བཟང་པོ། དང་སྟོང་དེ་ཡང་དབྱིངས་ལ་འདུས་ཤིང་རྫོགས། དང་གསལ་དེ་ཡང་འོད་དུ་གསལ་བ་ལས་དངོས་པོའི
་ཕྱོགས་སུ་མ་ལྟུང་ཞེ་འདོད་ཀྱི་ཡུལ་ལས་འདས་པས་མངོན་སུམ་དུ་ཤེས་པའོ། བའོ།། དེ་བཞིན་སེམས་ཅན་ཐམས་ཅད་ལ། ལམ་ལ་ཐུག་པ་མེད་པའི་ཡེ་ཤེས་ཡུལ་མེད་པའི་རིག་པ་མཁའ་ལ་ཁྱབ་པའོ།། འགྱུར་ངོ་བོ་མེད་རང་བཞིན་འགག་མེད་ཐུགས་རྗེ་ཀུན
་ལ་ཁྱབ་པའོ།། དེ་ལྟར་གནས་པའི་དོན་ཆེན་པོ།། རྟོགས་པར་བྱ་དང་བྱེད་པ་ནི།། སེམས་ཅན་ཀུན་གྱིས་རྟོགས་བྱའི་ཕྱིར།། རྒྱུད་ཆེན་རྒྱལ་པོ་འདི་བཤད་དོ།། བློ་ལ་སྣང་བའི་ཐེ་ཚོམ་རྣམས།། བསལ་གྱིས་གུས་པས
་མཉན་པར་གྱིས།། གསང་སྔགས་ཀུན་གྱིས་རྟོགས་པའི་ཚུལ།། ང་ཡིས་བསྟན་པ་བཞིན་དུ་གྱིས།། འགྲོ་དྲུག་སེམས་ཅན་ཐམས་ཅད་ལ།། བློ་ནི་ཉི་ཤུ་རྩ་གཅིག་ལ།། རྟོགས་ལུགས་ཉི་ཤུ་རྩ་གཅིག་བྱུང་།། དེ་ཡང་བསྡུ
་ན་འདི་ལྟ་སྟེ།། རྣམ་པ་གཉིས་སུ་ཡང་དག་འདུས།། འོད་ལྔ་རང་ལས་བྱུང་བར་རྟོགས་པ་དང་།། སྐུ་ལྔ་ལྷུན་གྱིས་གྲུབ་པར་རྟོགས་པའོ།། དེ་ཡང་སྒྲོན་མ་རྣམ་པ་བཞི།། འགག་པ་མེད་པའི་ཚུལ་གྱིས་གནས།། ནམ
་མཁའ་སྟོང་པའི་དཀྱིལ་འཁོར་དུ།། བཅོས་མེད་སྒྲོན་མ་རྣམ་པ་བཞི། མ་འགགས་པ་ཡི་ཚུལ་གྱིས་གསལ།། རིག་པ་དབྱིངས་ཀྱི་སྒྲོན་མ་ནི།། ནམ་མཁའ་སྟོང་པའི་ཀློང་དཀྱིལ་དུ།། དབྱིངས་ཀྱི་རང་བཞིན་འོད་ཀྱི
་སྒྲ།། མ་འགགས་འགག་མེད་རྣམ་པར་གསལ།། ཡེ་ཤེས་ལྔ་ལྡན་ཐུགས་ཀྱི་སྒྲ།། ལུ་གུ་རྒྱུད་ཀྱི་ཚུལ་དུ་འཆར།། དེ་ཡང་འགྲོ་དང་འོང་བ་དང་།། འགུལ་བ་དང་ནི་འཕྲིགས་པའོ།། རིག་པ་དབྱིངས་ཀྱི་སྒྲོན་མ
་རུ།། བཅུག་སྟེ་རིག་པ་མ་འགུལ་ན།། འགྱུར་མེད་རྟོགས་པར་རབ་ཏུ་བཤད།། ཤེས་རབ་རང་བྱུང་སྒྲོན་མ་ནི།། སྒྲོ་འདོགས་ཐམས་ཅད་ཆོད་པ་དང་།། ཐིག་ལེ་སྟོང་པའི་སྒྲོན་མ་ནི།། རྩོལ་བ་མེད་པར་ཤར་གྱུར
་ཀྱང་།། རྒྱང་ཞགས་ཆུ་ཡི་སྒྲོན་མ་ཡིས།། དེ་ལ་ལྟ་བ་མ་ཡེངས་ན།། མཐར་ཕྱིན་སྒོམ་པའི་ཚད་དུ་གསུངས།། དེ་ལ་འགག་མེད་སྣང་བ་ཤར་གྱུར་ན།། ཡང་དག་རྟོགས་པའི་མཆོག་ཏུ་གསུངས།། དེ་ལྟར
་ཆོས་ཉིད་དོན་ལ་ཡང་།། རྟོགས་དང་མ་རྟོགས་གཉིས་སུ་མེད།། རྟོགས་པ་ཡེ་ཤེས་ལྟར་སྣང་སྟེ།། མ་རྟོགས་འཁོར་བ་ལྟར་སྣང་ངོ་།། རྟོགས་དང་མ་རྟོགས་གཉིས་མེད་ཀྱང་།། འཁྲུལ་པའི་བག་ཆགས་སྣང་བ
་ལ།། རྟོག་པའི་སྐྱེས་བུ་གོ་རྩལ་ཅན།། མི་འགྱུར་མཉམ་པའི་ངང་དུ་ཐིམ།། རྟོག་མེད་ཤེས་རབ་རང་ཤར་རོ།། བདེ་ཆེན་བརྩེགས་པའི་ས་ཆེན་ཏེ།། མ་བཀོད་ནོར་བུའི་ཕུང་པོ་ལྟར།། སྣ་ཚོགས་རང་བྱུང་དང
་དུ་ཐིམ།། སངས་རྒྱས་ཀུན་གྱི་མེས་པོ་ནི།། འོད་མི་འགྱུར་བར་ཀུན་ཏུ་གྲགས།། སངས་རྒྱས་ཀུན་གྱི་ས་བོན་ནི།། སེམས་མེད་རིག་ཅེས་ཀུན་ཏུ་གྲགས།། སངས་རྒྱས་ཀུན་གྱི་རྣམ་དག་སྤྱན།། སྒྲོན་མ་རྣམ་པ་བཞི
་རུ་གྲགས།། སངས་རྒྱས་ཀུན་གྱི་ཕོ་བྲང་ནི།། ཙིཏྟའི་དཀྱིལ་ཞེས་ཀུན་ཏུ་གྲགས།། སངས་རྒྱས་ཀུན་གྱི་བཤུལ་ལམ་ནི།། བར་དོ་རྣམ་པ་གསུམ་དུ་གྲགས།། སངས་རྒྱས་ཀུན་གྱི་བསྐྱལ་ས་ནི།། ཀ་དག་ཆེན་པོའི
་དཀྱིལ་འཁོར་རོ།། དེ་བཞིན་སངས་རྒྱས་ཐམས་ཅད་ཀྱང་།། རང་རང་རྒྱུད་ལ་དེ་བཞིན་ནོ།། ཞེས་རིག་པ་རང་ཤར་ཆེན་པོའི་རྒྱུད་ལས།། རྟོགས་ཚུལ་བསྟན་པའི་ལེའུ་སྟེ་སུམ་ཅུ་རྩ་གཅིག
་པའོ།། ། དེ་ནས་ཡང་གསང་བའི་བདག་པོས། འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྣམ་དག་སྐུ།། རིག་པ་རྟོགས་ཚུལ་དེ་ལྟར་ན།། རིག་པའི་མཚོན་དཔེ་གསུང་དུ་གསོལ།། ཞེས་ཞུས
་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ཡེ་ཤེས་རྣམ་དག་མཁའ་ཀློང་དུ།། རྟོག་མེད་གསལ་བའི་རིག་པ་ཐིམ།། ནམ་མཁའ་སྟོང་བའི་ཀློང་དཀྱིལ་དུ།། ཉི་མའི་དཀྱིལ་འཁོར་ཐིམ་པ
་བཞིན།། རྣམ་དག་སྟོང་པའི་ནམ་མཁའ་ལ།། སྒྲོན་མ་རྣམ་གཉིས་མ་འགགས་ཐིམ།། དཔེར་ན་ཆུ་བོ་ཆེན་པོ་ལ།། ཆུ་ཕྲན་ཐམས་ཅད་འདུས་པ་ལྟར།། རིག་པ་སྐྱེ་མེད་ཀློང་དཀྱིལ་དུ།། ཕྱི་ནང་གསང་བའི་ཆོས་རྣམས
་འདུས།། དཔེར་ན་མེ་ལོང་དཀྱིལ་འཁོར་ལ།། གང་བསྟན་དེ་ཉིད་འོང་བ་ལྟར།། སྟོང་ཉིད་ནམ་མཁའི་རིག་པ་ལ།། སྒྲོན་མའི་སྣང་བ་མ་འགགས་པས།། ས་ལེ་སང་ངེ་གནས་པའོ།། དེ་ནས་ཡང་ཞུས་པ།། བཅོམ
་ལྡན་འདས་ཐུགས་རྗེ་ཆེན་པོ་དང་ལྡན་པ། དོན་གྱི་མཚན་དཔེ་གསུང་དུ་གསོལ། ཞེས་ཞུ་བ་ཞུས་སོ།། དེ་ནས་ཡང་ཐུགས་རྗེའི་བདག་པོས་བཀའ་སྩལ་པ། ཀྱེ་གྲོགས་པོ་དག་ཉོན་ཅིག། ཆོས་ཐམས་ཅད་ཀྱི་དེ་བཞིན
་ཉིད། དཔེ་ཡི་མཚོན་པར་བྱའོ།། དེ་ལ་ཡང་དག་པར་རྫོགས་པའི་སངས་རྒྱས་ཀྱི་དགོངས་པ་ནི། བརྟེན་ནི་གཟུགས་ཀྱི་ཕུང་པོ་ལ་བརྟེན་ནོ།། དཔེར་ན་ཁྲ་ཚང་དུ་ཉལ་བ་ལྟ་བུའོ།། གནས་ནི་སྙིང་ན་གནས
་ཏེ།། དཔེར་ན་བུམ་པའི་སྐུ་ལྟ་བུའོ།། ལམ་ནི་རྩ་བཞི་ནས་བྱུང་སྟེ།། དཔེར་ན་མུ་ཏིག་གི་ཕྲེང་བ་ལྟ་བུའོ།། འཁྱིལ་ནི་དུང་ཁང་དཀར་པོའི་ནང་དུ་འཁྱིལ་ཏེ། དཔེར་ན་བུམ་ནང་གི་མར་མེ་ལྟ་བུའོ།། སྒོ
་ནི་མིག་ནས་འབྱུང་སྟེ། ཐིག་ལེ་སྟོང་པའི་སྒྲོན་མ་ནི། དཔེར་ན་རྨ་བྱའི་མདོངས་ལྟ་བུའོ།། དབྱིངས་རིག་པའི་སྒྲོན་མ་ནི། དཔེར་ན་ཡི་གེ་ན་རོ་ལྟ་བུའོ།། ཡུལ་ནི་ནམ་མཁའ་སྟོང་པའོ།། དུས་ནི་བར་དོའི་སྣང
་བའོ།། དཔེར་ན་མེ་ལོང་གི་དཀྱིལ་འཁོར་ལྟ་བུའོ།། འགྲོས་ནི་རིན་པོ་ཆེའི་ལུས་ཏེ།། དཔེར་ན་ཁ་བྲག་གི་ལམ་ལྟ་བུའོ།། གྲོལ་ས་ནི་ཀ་དག་གི་སྣང་བ་སྟེ། དཔེར་ན་བུམ་པའི་སྐུ་ལྟ་བུའོ།། དེ་ནས་ཡང་ཞུས་པ། ཀྱེ
་ཀྱེ་ཐུགས་རྗེ་ཆེན་པོ་དང་ལྡན་པ། ཡེ་ཤེས་ཀྱི་ཐིམ་ཚུལ་མཚོན་དཔེ་གསུང་དུ་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་གྲོགས་པོ་དག། ལྷུན་གྲུབ་ཀྱི་སྣང་བ་ལ། རང་གི་དེ་ཉིད་སྟོབས་སུ་གྱུར་ནས
་བདེན་པ་མཐོང་བའི་ཚེ།། ཐིམ་ལུགས་བརྒྱད་ངོ་ཤེས་པར་བྱའོ།། དེ་ཡང་ཐུགས་རྗེ་ལ་ཐུགས་རྗེ་ཐིམ་པ་དཔེར་ན་ཉི་མ་ནུབ་པའི་ཟེར་ལྟ་བུའོ།། ཡེ་ཤེས་ལ་ཡེ་ཤེས་ཐིམ་པ་ནི།། དཔེར་ན་མ་པང་དུ་བུ་འཇུག་པ་ལྟ
་བུའོ།། འོད་ལ་འོད་ཐིམ་པ་ནི། དཔེར་ན་འཇའ་ཚོན་ནམ་མཁའ་ལ་ཡལ་བ་ལྟ་བུའོ།། སྐུ་ལ་སྐུ་ཐིམ་པ་ནི།། དཔེར་ན་བུམ་པའི་སྐུ་ལྟ་བུའོ།། གཉིས་མེད་ལ་གཉིས་མེད་ཐིམ་པ་ནི། དཔེར་ན་ཆུ་བོ་ལ་ཆུ་བོ་ཐིམ་པ
་ལྟ་བུའོ།། མཐའ་གྲོལ་ལ་མཐའ་གྲོལ་ཐིམ་པ་ནི། དཔེར་ན་ནམ་མཁའ་ལ་ནམ་མཁའ་ཐིམ་པ་ལྟ་བུའོ།། དག་པ་ཡེ་ཤེས་ཀྱི་སྒོ་ངོ་བོ་ཀ་དག་ལ་ཐིམ་པ་ནི། དཔེར་ན་སེང་གེས་གངས་ཟིན་པ་ལྟ་བུའོ།། མ་དག་པ
་འཁོར་བའི་སྒོ་དག་པ་ཡེ་ཤེས་ཀྱི་སྒོ་ལ་ཐིམ་པ་ནི། དཔེར་ན་སྒྲའི་ཚོན་ཐག་བསྡུས་པ་ལྟ་བུའོ།། དེ་མར་དཔེས་དོན་ཆེན་མཚོན་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། མཚོན་པ་དཔེའི་ལེའུ་སྟེ་སུམ་ཅུ་སོ
་གཉིས་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ།། རིགས་པའི་མཚོན་དཔེ་དེ་ལྟར་ལགས་ན། དུས་མེད
་ཤར་བའི་ཡེ་ཤེས་ལ། འཛིན་པ་ཡོད་མེད་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཨ་ཧོ་གསང་བདག་ཆེན་པོ་ཉོན།། ངས་བསྟན་ལེགས་པར་ཡིད་ལ་ཟུང་།། འཛིན་མེད་སྐྱེ་མེད་རང
་སར་གྲོལ།། རྟོག་མེད་མཉམ་ཉིད་ཆོས་ཀྱི་སྐུ།། བཟུང་བས་མི་ཟིན་ཆུ་ཟླ་འདྲ།། དཔེར་ན་སྦྲུལ་གྱི་མདུད་པ་བཞིན།། རང་བྱུང་རང་གྲོལ་ཆེན་པོའོ།། འཛིན་མེད་རྡོ་རྗེ་སྙིང་པོའི་སྐུ།། རྐྱེན་གྱིས་མི་འཇིག་སྲ་མཁྲེགས
་ལྡན།། འཛིན་པ་རང་སར་གྲོལ་བ་ནི།། ཡིད་མ་འགྱུས་པའི་ནམ་མཁའ་ལ།། གསལ་དང་ས་འོད་ཀྱི་ཐིག་ལེ་ལྔ།། དུས་དང་རྣམ་པ་ཐམས་ཅད་གསལ།། མ་འདྲེས་རྫོགས་པའི་ཚོམ་བུ་ལྔ།། མ་བསྐྱེད་རྫོགས་པའི་ཚུལ
་དུ་གསལ།། རྟོག་མེད་རང་སང་ངོ་བོ་ལ།། འཛིན་པའི་རྟོག་པ་ག་ལ་ཡོད།། འཛིན་རྟོག་མེད་པའི་ཆོས་ཉིད་ནི།། འཛིན་དང་ཆགས་པ་མེད་པས་སྟོང་།། རང་བྱུང་རིག་པའི་སྒྲོན་མ་ལ།། སེམས་དང་ཡིད
་ལ་སོགས་པ་ཡི།། རྣམ་རྟོག་མཚན་མ་ངང་གིས་མེད།། མཚན་མ་མེད་པའི་ཆོས་ཉིད་ནི།། བྱ་བའི་ཕྱོགས་སུ་མ་ལྷུང་བའོ།། འཛིན་པ་མེད་པའི་ཆོས་ཉིད་ནི།། བློ་ཡི་ཕྱོགས་སུ་མ་ལྷུང་བའོ།། རྣམ་དག་བརྗོད་མེད་ཡེ
་ཤེས་ནི།། དྲི་མ་ཕྱོགས་སུ་མ་ལྷུང་བའོ།། སྟོང་པ་ཀུན་ཁྱབ་རྡོ་རྗེ་ནི།། དངོས་པོའི་ཕྱོགས་སུ་མ་ལྷུང་བའོ།། རང་གསལ་བདེ་ཆེན་ཆོས་ཉིད་ནི།། གཞན་འབྱང་ཕྱོགས་སུ་མ་ལྷུང་བའོ།། འཛིན་པ་མེད་པའི་ཆོས་ཉིད་བྱང
་ཆུབ་སེམས།། རྟོག་པ་མེད་པས་རང་གསལ་བདེ་བའི་ཤུགས།། རྟོག་པ་མེད་པས་མཉམ་ཉིད་སྐུ་ཡི་རྒྱ།། ཡེ་ཤེས་རྣམ་དག་དོན་ལ་ཚིག་གིས་བཅོས་སུ་མེད།། འཛིན་མེད་རང་སྣང་ཆོས་ལ་འཛིན་པའི་དངོས་པོ
་མེད།། རིག་པ་སྐྱེ་མེད་དང་ལ་བསྐྱེད་བྱ་སྐྱེད་བྱེད་མེད།། ཆོས་ཉིད་སྐྱེ་བ་མེད་པ་རང་བྱུང་རིག་པ་ཉིད།། ཆོས་ཀྱི་སྙིང་པོར་གྱུར་བ་སྒྲོན་མ་རྣམ་པ་གཉིས།། འཛིན་དང་ཞེན་པའི་ཆོས་ལས་འདས།། འཛིན་མེད་རང
་སངས་ངོ་བོ་ལ།། འཛིན་པའི་བསམ་པ་ངང་གིས་མེད།། ཡེ་ཤེས་བསྐྱེད་པའི་སངས་རྒྱས་ལ།། ཆོས་ཀྱི་བསམ་པ་མེད་པའོ།། སངས་རྒྱས་དང་ནི་སེམས་ཅན་གཉིས།། དབྱེར་མེད་གཅིག་གི་རང་བཞིན་ནོ།། རིག་པའི
་དངོས་པོ་འཛིན་པའི་མཐའ་དང་བྲལ།། རྟོག་མེད་རང་སང་ཆོས་སྐུ་ཆེན་པོ་ཡིན།། དངོས་པོའི་ཆོས་རྣམས་ཀུན་དང་བྲལ།། རང་བྱུང་རང་ཐིམ་ཆེན་པོ་ནི།། འཛིན་མེད་ཆོས་ཉིད་ཆེན་པོའོ།། སངས་རྒྱས་ཀུན་གྱི་ཡེ
་ཤེས་ནི།། གཅིག་དང་དུ་མར་མེད་པའོ།། སངས་རྒྱས་ཀུན་གྱི་རིག་པ་ནི།། རྟོག་མེད་རང་གསལ་ཆེན་པོའོ།། སངས་རྒྱས་ཀུན་གྱི་འོད་ལྔ་ནི།། འཛིན་མེད་རང་གསལ་ཆེན་པོའོ།། དེ་བཞིན་སངས་རྒྱས་དགོངས་པ
་ནི།། ཐོགས་མེད་བསྐྱོད་པའི་རླུང་ཆེན་གྱིས།། འཛིན་པ་མེད་པ་རང་གི་སེམས།། བསྐྱོད་ནས་ཡེ་ཤེས་དབྱིངས་སུ་ཐིམ།། རྟོག་པ་མེད་པའི་གཏིང་དུ་གསལ།། མ་འགགས་ཡུལ་གྱི་མཁའ་གསལ་ལྟོས།། རང་གི་རིག
་པའི་དཀྱིལ་འཁོར་ལ།། ཡིད་ལ་དཀྱིལ་འཁོར་བཙལ་མི་དགོས།། ལྷ་ཡི་ལྷ་ནི་བླ་མ་མཆོག། སངས་རྒྱས་ཀུན་གྱི་དཀྱིལ་འཁོར་ནི།། རང་གི་སྙིང་གི་དཀྱིལ་དུ་རྫོགས།། དཀྱིལ་འཁོར་ཀུན་གྱི་སྙིང་པོར་རིག། སངས
་རྒྱས་ཀུན་གྱིས་རབ་བསྔགས་པ།། སྒྲོན་མ་རྣམ་པ་གཉིས་སུ་འདུས།། ཞེས་རིག་པ་རང་ཤར་ཆེན་པོའི་རྒྱུད་ལས། རིག་པ་འཛིན་མེད་དུ་བསྟན་པའི་ལེའུ་སྟེ་སོ་གསུམ་པའོ།། ། ཤཱ་ཀཱ་ནཱ་ཤཱ་སྠ་བྷ
་དེ་ནས་ཡང་ཞུས་པ། ཀྱེ་མ་ཀློང་ཐུགས་རྗེ་ཆེན་པོ་དང་ལྡན་པ། སེམས་ཅན་རྣམས་པར་དོ་ལ་ཅི་ལྟར་འཁྲུལ་ལུགས་གསུང་དུ་གསོལ། དེ་ནས་ཡང་བཀའ་སྩལ་པ། ཀྱེ་ཉེ་བའི་འཁོར་རྣམས་ཉོན་ཅིག་ངས་དོན་ཆེན་པོ
་བསྟན་གྱིས་ལེགས་པར་ཉོན་ཅིག། སེམས་ཅན་རྣམས་ནི་བར་དོ་ལ་འདི་ལྟར་འཁྲུལ་ལོ།། ལ་ལ་རྣམ་པ་ལས་འཁྲུལ་དབང་པོ་ཐ་མའི་འཁྲུལ་ལུགས་ལོ།། ལ་ལ་ཉམས་ལས་འཁྲུལ་ཟ་མའི་འབྲིང་ལོ།། ལ་ལ་དེ
་མ་ཐག་པ་ལས་འཁྲུལ་ཟ་མའི་རག་ལོ།། ལ་ལ་དམིགས་པ་ལས་འཁྲུལ་ཐ་མའི་ཕུལ་ལོ།། ལ་ལ་ནི་ཙི་མི་སྙམ་པ་ལས་འཁྲུལ་ཟ་མའི་རྩེ་མོ། ལོ།། ལ་ལ་སྙམ་བྱེད་ལས་འཁྲུལ་ཐ་མའི་མཆོག་ལོ།། ལ་ལ་ཡུལ་ལས་འཁྲུལ་ཐ་མའི་ངེས
་པར་འཇོག་པ། ལོ།། ལ་ལ་ཡུལ་མེད་པ་ལས་འཁྲུལ་འབྲིང་གི་ཟ་མ། ལོ།། ལ་ལ་སྙིང་པོ་ལས་འཁྲུལ་འབྲིང་གི་འབྲིང་། ལོ།། ལ་ལ་མ་རིག་པ་ལས་འཁྲུལ་འབྲིང་གི་རབ་ལོ།། ལ་ལ་རྐྱེན་ལས་འཁྲུལ་འབྲིང་གི་ཕུལ་ལོ།། ལ་ལ་བརྟགས
་པ་ལས་འཁྲུལ་འབྲིང་གི་རྩེ་མོ། ལོ།། ལ་ལ་དང་ལས་འཁྲུལ་འབྲིང་གི་མཆོག་ལོ།། ལ་ལ་ངོ་མ་ཤེས་པ་ལས་འཁྲུལ་འབྲིང་གི་ངེས་པར་འཇོག་པ་ལོ།། ལ་ལ་འཛིན་པ་ལས་འཁྲུལ་རབ་ཀྱི་ཐ་མ། ལོ།། ལ་ལ་འཛིན་མེད་པ་ལས་འཁྲུལ་རབ
་ཀྱི་འབྲེང་ལོ།། ལ་ལ་འདུ་ཤེས་ལས་འཁྲུལ་རབ་ཀྱི་རག་ལོ། ལ་ལ་རྨཱ་ལས་འཁྲུལ་རབ་ཀྱི་ཐལ་དུ་བྱིན་གཡོ།། ལ་ལ་སྐད་ཅིག་གིས་འཁྲུལ་རབ་ཀྱི་རྩ་གའོ།། ལ་ལ་བཏག་པ་ལས་འཁྲུལ་རབ་ཀྱི་མཚལ་ལོ།། ལ་ལ་གཟུགས་ལས
་འཁྲུལ་རབ་ཀྱིས་ངེས་པར་འཇོག་པའོ་ལོ།། བར་མ་དོ་ལ་སེམས་ཅན་བློ་ཉི་ཤུ་རྩ་གཅིག་ཡོད་པའི་ཕྱིར་ན། འཁྲུལ་ལུགས་གཅིག་ལ་སྣང་བ་རྫོགས་པར་འོང་སྟེ། དེ་ཡང་འཁྲུལ་ལུགས་རེ་རེ་ལ་སྣང་བ་རེ་རེ་འཆར་རོ།། དེ་ནི
་བར་དོ་ལ་འཁྲུལ་ལུགས་རྒྱས་པར་བསྟན་པའོ།། དེ་ཡང་ཡེ་ཤེས་ཀྱི་ཁྱད་པར་གྱིས་སྣང་བ་རེ་རེ་འཆར་རོ།། དེ་ཡང་བར་དོ་གསུམ་པའོ།། གཞི་ལྷུན་གྲུབ་ལ་ངེས་པ་རྙེད་པའོ།། ཀ་དག་གི་སར་ཕ་རོལ་ཏུ་ཕྱིན་པ
་འཐོབ་པའོ།། དེའི་ཕྱིར་ན་འབྱུང་བ་མ་ལ་ཐིམ་པ་ཞེས་བྱའོ།། ཞེས་རིག་པ་རང་ཤར་ཆེན་པོའི་རྒྱུད་ལས། བར་དོ་ལ་འཁྲུལ་ལུགས་བསྟན་པའི་ལེའུ་སྟེ་སོ་བཞི་པའོ།། །། དེ་ནས་ཡང་གསང་བའི
་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡེ་ཤེས་སྐུ།། བར་དོའི་འཁྲུལ་ལུགས་དེ་ལྟར་ན།། རྫོགས་ཆེན་ཨ་ཏི་ཡོ་ག་ཡི།། ལྟ་བའི་མདོར་བསྡུས་ཅི་ལྟར་ལགས།། དཔའ་བོ་ཆེན་པོས་བཀའ་སྩོལ
་ཅིག། ཅེས་ཞུས་སོ།། དེ་ནས་ཡང་བཀའ་སྩལ་པ། ཨ་ཧོ་གསང་བའི་བདག་པོ་ཉོན།། ངས་བསྟན་མ་ཡེངས་ཚུལ་གྱིས་ཉོན།། རྡོ་རྗེ་རང་ཉིད་མི་འགྱུར་གནས།། རྟོག་པ་མེད་པ་ཆོས་ཀྱི་སྐུ།། མཚན་མ་མེད་པ་རང་སར
་གྲོལ།། འགྱུར་མེད་ཨ་ཏིའི་ངོ་བོ་ལ།། བྱ་དང་བྱེད་པ་ཆོས་མེད་དོ།། ཨ་ཏི་རྫོགས་པ་ཆེན་པོ་ལ།། གཅིག་རྫོགས་གཉིས་རྫོགས་ཐམས་ཅད་རྫོགས།། རྫོགས་ཆེན་ཨ་ཏིའི་ངོ་བོ་ལ།། ཕྱི་ནང་གསང་བའི་ཆོས་རྣམས
་རྫོགས།། དགེ་བ་བྱར་མེད་སྡིག་པ་སྤང་དུ་མེད།། དགེ་སྡིག་གཉིས་དང་བྲལ་བའི་རིག་པ་ཆོས་ཀྱི་སྐུ།། དགེ་བ་མི་བྱ་བྱས་ནས་སངས་རྒྱས་མེད།། སྡིག་པ་མི་སྤང་སྤངས་ན་སངས་རྒྱས་འགྲུབ་མི་འགྱུར།། ཁམས
་གསུམ་སེམས་ཅན་ཐམས་ཅད་སྲོག་གཅོད་བྱས་ན་མངོན་སངས་རྒྱ་བར་འགྱུར།། ཕ་དང་མ་གཉིས་བསད་དེ་བཏང་གྱུར་ན།། ཡེ་ཤེས་དག་ནི་མཐོང་བར་འགྱུར།། སྲོག་བཅད་སྡིག་ཏུ་མི་འགྱུར་འགྱུར
་ན་སངས་རྒྱས་མེད།། སྲོག་བཅད་སྤངས་ནས་སངས་རྒྱས་རྒྱབ་ཀྱིས་ཕྱོགས།། དུས་གསུམ་སངས་རྒྱས་སྲོག་བཅད་གྲོལ་བར་གྱུར།། སྲོག་མ་བཅད་ན་སངས་རྒྱས་འབྱུང་མི་འགྱུར།། བདག་ཉིད་ལྷ་ཡི་དཀྱིལ་འཁོར
་རང་ལ་རང་གནས་པས།། ལྷ་ལ་མཆོད་པ་མི་འབུལ་མཆོད་པ་ཕུལ་ན་འཆིང་བར་འགྱུར།། མཆོད་པ་ཕྱག་རྒྱ་ལ་སོགས་སྐུ་ལ་སྒྲིབ་པ་ཡིན།། ཕྱག་རྒྱ་མི་བསྒྱུར་ཕྱག་རྒྱ་བསྒྱུར་ན་རིན་ཆེན་བརླག་པར་འགྱུར།། དཀྱིལ
་འཁོར་མི་བྲི་དཀྱིལ་འཁོར་བྲིས་ན་རང་གི་དེ་ཉིད་ཡལ།། སངས་རྒྱས་དགོངས་པ་བྱ་བྱེད་བྲལ་བའོ།། བསམ་གཏན་ཏིང་འཛིན་ལ་སོགས་སངས་རྒྱས་སྐུ་ལ་བསྒྲིབ་པ་ཡིན།། བསྒོམ་པ་མི་བྱ་བྱས་ན་འཁྲུལ་པའི
་བསམ་པ་ཡིན།། སངས་རྒྱས་མི་བསྒྲུབ་བསྒྲུབས་ན་རྩོལ་བར་འགྱུར།། འཁོར་བ་མི་སྤང་འཁོར་བ་སྤངས་ན་སངས་མི་རྒྱ།། སངས་རྒྱས་གུད་ན་མེད་པས་རིག་པ་ཉིད་ལས་གང་ཡང་མེད།། འཁོར་བ་གུད་ན་མེད་དེ
་རང་གི་སེམས་སུ་ཐམས་ཅད་འདུས།། འདུས་བྱས་དགེ་རྩ་མི་བྱ་བྱས་ན་འཆིང་བར་འགྱུར།། མཆོད་རྟེན་ལྷ་ཁང་ལ་སོགས་འདུས་བྱས་དགེ་རྩ་སྤང་།། བྱས་པའི་ཆོས་ནི་བྱས་པས་མི་ཟིན་བཞག་པས་ཟིན་པར
་འགྱུར།། བྱ་བ་བཏང་བའི་རྣལ་འབྱོར་མི་སྤངས་དེ་བཞིན་གཤེགས།། ཡང་དག་སངས་རྒྱས་ལམ་ནི་དེ་བཞིན་ཀུན་ལ་ཤེས་པར་བྱ།། ཀྱེ་མ་འདུས་པའི་འཁོར་ཚོགས་ཉོན།། ང་མེད་པ་ཡི་སྔོན་རོལ་ན།། སངས་རྒྱས
་སེམས་ཅན་གཉིས་མེད་དོ།། ལམ་དང་གྲུབ་པ་ག་ལ་ཡོད།། ང་ལས་མ་བྱུང་གང་ཡང་མེད།། ང་ནི་སྟོང་པ་ཆེན་པོའོ།། ང་ལས་འབྱུང་བ་རྣམ་ལྔ་བསྐྱེད།། ང་ནི་འབྱུང་བ་རག་ཆེན་པོའོ།། ང་ནི་སངས་རྒྱས་ཀུན་གྱི
་མེས།། ང་མེད་པ་ཡི་སྔོན་རོལ་ན།། སངས་རྒྱས་བྱ་བའི་མིང་ཡང་མེད།། ང་ནི་ཐབས་ཀྱི་ཕ་རོལ་ཕྱིན།། ང་ལ་མཚན་མའི་ཆོས་མེད་པས།། ང་ཡི་སེམས་ལ་གཡོ་བ་མེད།། ང་ནི་སངས་རྒྱས་ཀུན་གྱི་དུར།། འགྱུར་མེད
་དུར་ས་ང་ལ་ཡོད།། ང་ནི་སེམས་ཅན་ཀུན་གྱི་གནས།། བག་ཆགས་ལུས་ལྟར་སྣང་བའོ།། ང་ནི་འབྱེད་མེད་ཤེས་རབ་བོ།། ང་ལ་ཕྱི་ནང་གསང་བ་རྫོགས།། ང་ནི་རྡོ་རྗེ་སྙིང་པོའི་སྐུ།། ང་ལས་སངས་རྒྱས་བསྐྱེད
་པའོ།། ང་ནི་སྐྱེ་མེད་རིག་པའི་དོན།། ང་ནི་དངོས་པོའི་ཆོས་དང་བྲལ།། ང་ལ་མཚན་མ་མེད་པའི་ཕྱིར།། ང་ནི་སེམས་ཅན་དུར་ནས་འདོན།། ང་ལ་ཐུགས་རྗེ་འཆར་བའི་ཕྱིར།། ང་ནི་སྟོང་པའི་ཚིག་ལས་འདས།།
་ལས་གསལ་ཆ་བྱུང་བའི་ཕྱིར།། ང་ནི་མུན་པར་སྣང་བར་འགྱུར།། སྒྲོན་མ་རྣམ་གཉིས་ཡོད་པའི་ཕྱིར།། ང་ནི་ཕྱོགས་སུ་མ་ལྷུང་དེ།། ང་ལ་འཛིན་པ་མེད་པའི་ཕྱིར།། ཨེ་མ་གསང་བདག་རྡོ་རྗེ་འཛིན།། ལེགས་པར
་ཉོན་ལ་གུས་པར་ལྟོས།། སངས་རྒྱས་མེད་པས་སངས་རྒྱས་མིང་ཡང་མེད།། སྟོན་པ་སངས་རྒྱས་མིང་དུ་འདོགས་པའི་སངས་རྒྱས་འཁྲུལ།། ཡང་དག་དོན་གྱི་ངོ་བོ་ལ།། སངས་རྒྱས་དང་ནི་སེམས་ཅན
་མེད།། རིག་པ་འཛིན་པ་མེད་པས་སྟོན།། སྟོང་པ་ཉིད་ལ་མི་གནས་ན།། རང་གི་བདེ་ཆེན་ས་ལ་གནས།། སངས་རྒྱས་ཀུན་གྱི་རྗེ་བཙན་པ།། རང་གི་རིག་པ་ཤེས་པར་བྱ།། རང་སྣང་རིག་པའི་རྒྱལ་པོ་ཉིད།། ཀུན་ལ
་ཡོད་དེ་ཀུན་གྱིས་རྟོགས་པ་མེད།། རང་སྣང་རིག་པའི་སྒྲོན་མ་དེ།། ཀུན་གྱིས་གོ་བར་དཀའ་བའོ།། མཚུངས་མེད་རྟོག་པ་མེད་པ་ཡི།། རང་གསལ་ཆོས་ཉིད་དག་པ་འདི།། དགེ་མེད་སྡིག་མེད་དོན་ཆེན་འབྱུང་བ
་ནི།། སངས་རྒྱས་ཀུན་གྱིས་གསུངས་པའི་དོན་བཅུད་ཡིན།། དུས་གསུམ་སངས་རྒྱས་ཐམས་ཅད་ལ།། དགོངས་པ་གཅིག་ལས་མེད་པའོ།། སངས་རྒྱས་ཀུན་གྱི་རིག་པ་ནི།། སེམས་ཅན་ཀུན་གྱི་རང་ལུས་ན།། འོད
་ལྔའི་མུ་ཁྱུད་ཟླུམ་པོར་གནས།། སེམས་ཅན་ཀུན་གྱི་ངོ་བོ་ནི།། འགྱུར་མེད་སྐུ་ཡི་ངོ་བོའོ།། སངས་རྒྱས་སེམས་ཅན་ཐམས་ཅད་ལ།། རང་རང་ཐུགས་ཀྱི་དཀྱིལ་འཁོར་ཚང་།། ང་ཉིད་གཅིག་པུ་དཀྱིལ་འཁོར་ལྷ།།
་ཉིད་རྡོ་རྗེ་རྐྱེན་དང་བྲལ།། ང་ཉིད་དཔའ་བོ་གཅིག་པུ་ཉིད།། ངས་ནི་བྱ་བ་ཐམས་ཅད་བྱེད།། གསང་སྔགས་རྒྱལ་པོ་ཚིག་ལས་འདས།། ཚིག་དང་ཡི་གེ་སྟོན་པའི་གང་ཟག་འཁྲུལ།། གསང་སྔགས་ཀུན་གྱི་གསང་བ
་ཡང་བཅུད་འདི།། སྣོད་དང་ལྡན་པའི་སྐྱེས་བུ་རྣམས་ལ་གནང་།། རྫོགས་ཆེན་ཨ་ཏི་ཡོ་ག་ནི།། དཔེར་ན་གཅན་གཟན་སེང་གེ་བཞིན།། གངས་ཀྱི་སྟོད་ན་གནས་ཤིང་སྡེར་ཆགས་ཟིལ་གྱིས་གནོན།། དེ་བཞིན་རྫོགས
་ཆེན་ཨ་ཏི་ནི།། སྣ་ཚོགས་དོན་ཆེན་སྟོན་ཏེ་ཐེག་དམན་ཟིལ་གྱིས་གནོན།། སེང་གེས་ངར་སྐད་བཏོན་པས་གཅན་གཟན་ཐམས་ཅད་བརྒྱལ་ཞིང་སྐྲག་རྫོགས་ཆེན་རང་སྐད་འདོན་པས་ཐེག་དམན་ཐམས་ཅད
་བརྒྱ་ལ།། ཀུན་དང་མི་མཉམ་རྫོགས་ཆེན་ཨ་ཏིའི་དོན།། སངས་རྒྱས་ཀུན་གྱི་གསང་བ་ཡང་བཅུད་ཡིན།། སངས་རྒྱས་ཀུན་གྱི་ཐུགས་མཆོག་ཆོས་ཀྱི་གནས།། དུས་ལ་འགྱུར་བ་མེད་པའི་སངས་རྒྱས་ནི།། རང་རང
་ཙིཏྟའི་དཀྱིལ་འཁོར་ཆེན་པོ་ན།། སྐུ་དང་ཡེ་ཤེས་འོད་དང་ཟེར་དུ་གནས།། འགྱུར་མེད་སྐུ་ལ་ཡེ་ཤེས་ཟིལ་གྱིས་བརྒྱན།། འགགས་མེད་འོད་ལ་སྐུ་ཡི་ལོངས་སྤྱོད་རྒྱན།། སེམས་དང་བྲལ་བའི་རིག་པ་སངས་རྒྱས
་དངོས།། ཡིད་དང་བྲལ་བའི་རྡོ་རྗེ་སེམས་དཔའ་ངས།། གསལ་བྱེད་དངོས་པོར་སྣང་ལ་རྟོག་པ་མེད་པར་ཤེས།། རྟོག་མེད་ཤེས་རབ་མཉམ་ཉིད་ནི།། རང་གིས་རང་གྲོལ་ཆེན་པོའོ།། ཞེས་རིག་པ་རང་ཤར་ཆེན་པོའི
་རྒྱུད་ལས། རྫོགས་ཆེན་གྱི་བལྟ་བ་ལ་བཟླ་བའི་ལེའུ་སྟེ་སོ་ལྔ་པའོ།། ། ཨོཾ་ཧཱུཾཿ@ཐཿ། ཛཿ། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ
་འཆང་།། རྫོགས་ཆེན་ལྟ་བ་དེ་ལྟར་ན།། དཀྱིལ་འཁོར་མཚན་ཉིད་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཨ་ཧོ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ
་ཟུང་།། དཀྱིལ་འཁོར་རྣམ་པ་གསུམ་དུ་འདོད།། རང་བཞིན་དཀྱིལ་འཁོར་ཆེན་པོ་དང་། རྩ་བའི་དཀྱིལ་འཁོར་ཆེན་པོ་དང་།། གཟུགས་བརྙན་དཀྱིལ་འཁོར་གསུམ་དུ་འདོད།། རང་བཞིན་དཀྱིལ་འཁོར་ཆེན་པོ
་ནི།། འོག་མིན་ཆོས་དབྱིངས་ཕོ་བྲང་ན།། དབུས་ཀྱི་འཁོར་ལོའི་ལྟེ་བ་ལ།། རྣམ་པར་སྣང་མཛད་དཀྱིལ་ཡིན་ཏེ།། རིགས་བཞི་ལྷ་དང་ལྷ་མོའི་འཁོར།། རང་བཞིན་དཀྱིལ་འཁོར་ཆེན་པོ་གཅིག། ཤར་ཕྱོགས
་འཁོར་ལོའི་རྩིབས་སྟེང་ན།། རྡོ་རྗེ་སེམས་དཔའ་དཀྱིལ་ཡིན་ཏེ།། རིགས་བཞི་སེམས་དཔའི་འཁོར་གྱིས་བསྐོར།། རང་བཞིན་དཀྱིལ་འཁོར་ཆེན་པོ་གཉིས།། ལྷོ་ཕྱོགས་འཁོར་ལོའི་རྩིབས་སྟེང་ན།། རིན་ཆེན་འབྱུང
་ལྡན་དཀྱིལ་ཡིན་ཏེ།། རིན་ཆེན་རིགས་ཀྱི་འཁོར་གྱིས་བསྐོར།། རང་བཞིན་དཀྱིལ་འཁོར་ཆེན་པོ་གསུམ།། ནུབ་ཕྱོགས་འཁོར་ལོའི་རྩིབས་སྟེང་ན།། སྣང་བ་མཐའ་ཡས་དཀྱིལ་ཡིན་ཏེ།། པདྨ་རིགས་ཀྱི་འཁོར་གྱིས
་བསྐོར།། རང་བཞིན་དཀྱིལ་འཁོར་ཆེན་པོ་བཞི།། བྱང་ཕྱོགས་འཁོར་ལོའི་རྩིབས་སྟེང་ན།། དོན་ཡོད་གྲུབ་པ་དཀྱིལ་ཡིན་ཏེ།། ལས་ཀྱི་རིགས་ཀྱི་འཁོར་གྱིས་བསྐོར།། རང་བཞིན་དཀྱིལ་འཁོར་ཆེན་པོ་ལྔ།། མ
་བསྐྱེད་རྫོགས་པའི་ཚུལ་དུ་གནས།། དེ་ཡང་བཞུགས་རྡུལ་འདི་ལྟ་སྟེ།། ཞི་བའི་ཆ་ལུགས་ཀུན་དང་མཐུན།། བཞེངས་པ་དང་ནི་བཞུགས་པ་དང་།། ཡབ་དང་ཡུམ་དུ་སྣང་བ་དང་།། ཕྱག་རྒྱ་དང་ནི་ཏིང་འཛིན་ནོ།།
་བ་སྒོ་མ་འཁོར་དང་བཅས།། ཐུབ་པ་དྲུག་ལ་སོགས་པའོ།། འཁོར་ནི་དཔག་ཏུ་མེད་པའོ།། དེ་ཡང་ཕྱག་མཚན་ཐ་དད་དང་།། ཕྱག་རྒྱ་གར་ལ་སོགས་པ་བསྒྱུར།། སྒྲ་དང་རོལ་མོ་སྣ་ཚོགས་ཀྱིས།། གཙོ་བོ་ཡབ་ཡུམ
་མཆོད་པར་བྱེད།། རང་བཞིན་དཀྱིལ་འཁོར་ཆེན་པོ་ནི།། ལྷ་དང་ལྷ་མོ་ཐམས་ཅད་ཀྱང་།། འགྱིང་བའི་སྟངས་དང་བཅས་པའོ།། ཀུན་ཀྱང་འོད་ཟེར་ལྔ་ལྔར་ལྡན།། རང་ལས་བྱུང་ཞིང་རང་ལ་གྲོལ།། དེ་ཡང་དབུ་རྒྱན
་ལྔ་ལྔ་དང་།། དཔུང་རྒྱན་དང་ནི་མགུར་ཆུ་དང་།། ཕྱག་གདུབ་དང་ནི་ཞབས་གདུབ་དང་།། དོ་ཤལ་དང་ནི་སེ་མོ་དོ།། དེ་བཞིན་རྒྱན་གྱི་རྣམ་པ་དང་།། མཚན་དང་དཔེ་བྱད་ལྡན་པའི་སྐུ།། ཁ་དོག་མ་འདྲེས་སོ་སོའི
་མཚན་འཛིན་པ།། དབུས་མཐིང་ཤར་ཕྱོགས་དཀར་པོ་སྟེ།། ལྷོ་ཕྱོགས་སེར་པོ་ནུབ་ཕྱོགས་དམར།། བྱང་ཕྱོགས་ལྗང་གུ་རྫོགས་པའོ།། རིགས་ཀྱི་ཁ་དོག་དེ་བཞིན་ནོ།། དེ་ནི་རང་བཞིན་དཀྱིལ་འཁོར་རོ།། དེ་ནས
་ཡང་ཞུས་པ། ཀྱེ་ཀྱེ་བཅོམ་ལྡན་རྣམ་དག་སྐུ།། ཞི་བའི་དཀྱིལ་འཁོར་དེ་ལྟར་ན།། ཁྲོ་བོའི་དཀྱིལ་འཁོར་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན།། ངས་བསྟན
་ལེགས་པར་ཡིད་ལ་ཟུང་།། ཞི་བ་རེ་རེའི་དབུ་རྒྱན་ལ།། ཁྲོ་བོའི་ཚོམ་བུ་ལྔ་ལྔ་ཚང་།། དེ་ཡང་ཚང་ལུགས་འདི་ལྟ་སྟེ།། རྣམ་པར་སྣང་མཛད་དབུ་རྒྱན་དུ།། བུདྡྷ་ཧེ་རུ་གཙོ་བོར་འདོད།། ཤར་དུ་བཛྲ་ཧེ་རུ
་ཀ། ལྷོ་རུ་རཏྣ་ཧེ་རུ་ཀ། ནུབ་ཏུ་པདྨ་ཧེ་རུ་ཀ། བྱང་དུ་ཀརྨ་ཧེ་རུ་ཀ། དེ་བཞིན་ཞི་བའི་དབུ་རྒྱན་དུ།། ཁྲོ་བོའི་དབུ་རྒྱན་ལྔ་ལྔའོ།། རང་བཞིན་དཀྱིལ་འཁོར་ཆེན་པོར་འདོད།། ཁྲོ་བོ་རྣམས་ཀྱི་བཞུགས་ཚུལ་ནི།། སྟངས
་སྟབས་དང་ནི་བརྡེག་པའི་ཚུལ།། བརྗིད་པའི་ཚུལ་དང་གཏུམ་པ་དང་།། ཁྲོ་གཉེར་གློག་སྟོང་འགྱུ་བཞིན་དང་།། འབྲུག་སྒྲ་དང་ནི་རུ་ལུའི་སྒྲ།། སྟག་ལྤགས་དང་ནི་གླང་ཆེན་ལྤགས།། སྦྲུལ་དང་ཐོད་པ་སེ་རལ
་ཁ།། ཕྱག་མཚན་མཚོན་ཆ་སྣ་ཚོགས་བསྣམས།། དེ་ཡང་དབུ་གསུམ་ཕྱག་ནི་དྲུག་པའོ།། དེ་ཡང་ཁ་དོག་འདི་ལྟ་སྟེ།། མཐིང་ནག་དང་ནི་དཀར་ནག་དང་།། སེར་ནག་དང་ནི་དམར་ནག་དང་།། ལྗང་ནག་ཕྲིན་ལས
་རྫོགས་པའོ།། དེ་ནི་རང་བཞིན་དཀྱིལ་འཁོར་རོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རང་བཞིན་དཀྱིལ་འཁོར་དེ་ལྟར་ན།། གཟུགས་བརྙན
་དཀྱིལ་འཁོར་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཀྱེ་གསང་བའི་བདག་པོ་ཉོན།། ང་ཡིས་བསྟན་གྱིས་གུས་པས་ཉོན།། གཟུགས་བརྙན་དཀྱིལ་འཁོར་ཆེན་པོ་ནི།། དབང་བསྐུར་དམ
་པ་བྱེད་པའི་ཚེ།། དཀྱིལ་འཁོར་རྣམ་པ་གཉིས་སུ་འདོད།། ཞི་བ་དང་ནི་ཁྲོ་བོ་གཉིས་སུ་གསུངས།། དབང་རྫོགས་བྱེད་ན་དེ་ལྟར་བྱ།། ཞི་བའི་དཀྱིལ་འཁོར་ཆེན་པོ་ནི།། དབུས་སུ་འཁོར་ལོ་རྩིབས་བཞིའོ།། ཐ་མ་རྡོ
་རྗེའི་ར་བར་བཅས།། རིན་ཆེན་ཕ་གུ་དག་དང་ནི།། ཟ་ར་ཚག་གི་ཕྲེང་བར་ལྡན།། དེ་བཞིན་སྒོ་དང་སྒོ་ཁྱུད་ལྡན།། དེ་ནི་ཞི་བའི་དཀྱིལ་འཁོར་ཡིན།། ཁྲོ་བོ་དཀྱིལ་འཁོར་འདི་ལྟ་སྟེ།། དབུས་སུ་འཁོར་ལོ་རྩིབས
་བརྒྱད་ལྡན།། ཕོ་བྲང་གྲུ་གསུམ་མཐིང་ནག་ལྡན།། དེ་ལ་སོགས་པའི་བྱ་བ་རྣམས།། རིམ་པ་བཞིན་དུ་ཤེས་པར་བྱ།། དེ་ནི་རྡུལ་ཚོན་དལ་དུ་འདོད།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ
་ཏོ།། ཀྱེ་ཀྱེ་བཅོམ་ལྡན་ཡེ་ཤེས་སྐུ།། རྡུལ་ཚོན་དཀྱིལ་འཁོར་དེ་ལྟར་ན།། རྩ་བའི་དཀྱིལ་འཁོར་ཅི་ལྟར་ལགས།། མོས་པའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང
་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། རྩ་བའི་དཀྱིལ་འཁོར་ཆེན་པོ་ནི།། རང་རང་ཙིཏྟའི་དཀྱིལ་ན་གནས།། དེ་ཡང་དཀྱིལ་འཁོར་འདི་ལྟ་སྟེ།། རང་བྱུང་རིག་པ་དཀྱིལ་ཡིན་ཏེ།། འོད་ལྔའི
་སྣང་བ་འཁོར་དུ་འདོད།། རྩ་བའི་དཀྱིལ་འཁོར་ཆེན་པོ་གཅིག། རང་རང་དུང་ཁང་དཀར་པོ་ན།། རྣམ་དག་ཐིག་ལེ་དཀྱིལ་ཡིན་ཏེ།། ཐིག་ཕྲན་ཟེར་ལྡན་འཁོར་དུ་འདོད།། རྩ་བའི་དཀྱིལ་འཁོར་ཆེན་པོ་གཉིས།།
་རྣམ་དག་ཆོས་ཉིད་སྟོང་པའི་ཀློང་དཀྱིལ་དུ།། ལུ་གུ་རྒྱུད་ནི་དཀྱིལ་ཡིན་ཏེ།། དབྱིངས་ཀྱི་སྒྲོན་མ་འཁོར་དུ་འདོད།། རྩ་བའི་དཀྱིལ་འཁོར་ཆེན་པོ་གསུམ།། དེ་ལ་སོགས་པའི་དཀྱིལ་འཁོར་རྣམས།། སྐུ
་དཀྱིལ་འཁོར་འགྱུར་མེད་ཀློང་།། གསུང་གི་དཀྱིལ་འཁོར་འགག་མེད་ཡངས།། ཐུགས་རྗེའི་དཀྱིལ་འཁོར་རྟོག་མེད་དང་།། སྐུ་གསུང་ཐུགས་ཀྱི་དཀྱིལ་འཁོར་ནི།། རང་རང་དཀྱིལ་དང་འཁོར་དུ་བཅས།། འགྲོ་མེད
་འོད་མེད་འགྱུར་བ་མེད།། རང་རང་ཙདྷའི་དབྱིངས་ན་གནས།། དེ་སྐར་དཀྱིལ་འཁོར་ཆེན་པོའི་དོན།། རང་རང་ལུས་ལ་རྫོགས་པའོ།། ཞེས་རིག་པ་རང་ཤར་ཆེན་པོའི་རྒུད་ལས། དཀྱིལ་འཁོར་བསྟན་པའི་ལེའུ
་སོ་དྲུག་པའོ།། ། པྲབྷཐབྷཱ། དེ་ནས་ཡང་མཁའ་འགྲོ་མའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡེ་ཤེས་བདག། མཁའ་འགྲོ་མ་ཡི་རིགས་རྣམས་ལ།། རང་རང་དོན
་ཆེན་བསྟན་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་མ་གསང་བའི་འཁོར་ཚོགས་ཉོན།། ངས་བསྟན་ལེགས་པར་ཡིད་ལ་ཟུང་།། རང་རང་དོན་སྦྱར་འདི་ལྟ་སྟེ།། སེམས་ཅན་ཀུན་གྱི་རང་རིག་ནི།། སྙིང་གི
་དཀྱིལ་དུ་གནས་པའོ།། དེ་ཡང་གནས་ལུགས་འདི་ལྟ་སྟེ།། ཤེས་ཤིང་རིག་པའི་ངོ་བོར་ཡོད།། དེ་ཡང་རིག་པའི་སྒྲ་དང་ལྡན།། སྐུ་ལ་ཡེ་ཤེས་འགག་མེད་གསལ།། ཡེ་ཤེས་ལས་བྱུང་འོད་དུ་ཡོད།། དེ་ཡང་རིག
་པའི་ངོ་བོ་ལས།། ཤེས་རབ་རྣམ་པ་བཞི་དང་ལྡན།། ཤེས་རབ་རྣམ་བཞི་འདི་ལྟར་ལྡན། ཤེས་རབ་རྣམ་བཞི་འདི་ལྟ་སྟེ།། རྣམ་པར་གྲོལ་བྱེད་ཤེས་རབ་ནི།། ཐམས་ཅད་སྒྲོལ་བར་བྱེད་པའོ།། ཉོན་མོངས་དག་པའི
་ཞིང་དུ་སྒྲོལ།། རྟོག་མེད་སྐྱེ་མེད་ངང་དུ་སྒྲོལ།། མ་རིག་རིག་པའི་གློང་དུ་སྒྲོལ།། ཤེས་རབ་རྟོག་མེད་ངང་དུ་སྒྲོལ།། དེར་ཕྱིར་སྒྲོལ་བྱེད་ཤེས་རབ་བོ།། རྣམ་པར་སྐྱོད་བྱེད་ཤེས་རབ་ནི།། སྐུ་ལྔ་ཀ་དག་དབྱིངས་སུ་སྐྱོད
་པར་བྱེད།། འོད་ལྔ་འཛིན་མེད་དབྱིངས་སུ་སྐྱོད་པར་བྱེད།། རིག་པ་ཡེ་ཤེས་དབྱིངས་སུ་སྐྱོད་པར་བྱེད།། སྒྲོན་མ་ནམ་མཁའི་དབྱིངས་སུ་སྐྱོད་པར་བྱེད།། དེ་ཕྱིར་སྐྱོད་བྱེད་ཤེས་རབ་བོ།། རྣམ་པར་སྡུད་བྱེད་ཤེས་རབ
་ནི།། འབྱུང་བ་འོད་ལྔའི་ནང་དུ་སྡུད།། ནམ་མཁའ་སྒྲོན་མའི་ངང་དུ་སྡུད།། སྐུ་ལྔ་རིག་པའི་ངང་དུ་སྡུད།། རིག་པ་རྟོག་མེད་ངང་དུ་སྡུད།། དེ་ཕྱིར་སྡུད་བྱེད་ཤེས་རབ་བོ།། རྣམ་པར་འབྱེད་བྱེད་ཤེས་རབ་ནི།། མ
་རིག་རིག་པ་གཉིས་སུ་འབྱེད།། ཉོན་མོངས་ཡེ་ཤེས་གཉིས་སུ་འབྱེད།། དག་དང་མ་དག་གཉིས་སུ་འབྱེད།། འཁོར་བ་མྱང་འདས་གཉིས་སུ་འབྱེད།། རྟོགས་དང་མ་རྟོགས་གཉིས་སུ་འབྱེད།། བཟང་དང་ངན་པར
་འབྱེད་པའོ།། དེ་ཕྱིར་འབྱེད་བྱེད་ཤེས་རབ་བོ།། དེ་ལྟར་སེམས་ཅན་རང་རྒྱུད་ལ།། མ་བསྐྱེད་རྫོགས་པའི་ཚུལ་དུ་གནས།། སངས་རྒྱས་ཀུན་གྱི་རང་ལུས་ནི།། སེམས་ཅན་ཀུན་གྱི་སྙིང
་ལ་གནས།། སངས་རྒྱས་ཀུན་གྱི་ཐུགས་རྗེ་ནི།། སེམས་ཅན་ཀུན་གྱི་མགོ་ལ་གནས།། སངས་རྒྱས་ཀུན་གྱི་སྒྲོན་མ་ནི།། སེམས་ཅན་ཀུན་གྱི་མིག་ལ་གནས།། སངས་རྒྱས་ཀུན་གྱི་ཤེས་རབ་ནི།། སེམས
་ཅན་ཀུན་གྱི་ཡུལ་ལ་གནས།། སངས་རྒྱས་ཀུན་གྱི་རྟོགས་པ་ནི།། སེམས་ཅན་ཀུན་གྱི་བློ་ལ་གནས།། དེ་བཞིན་སེམས་ཅན་ཐམས་ཅད་ལ།། རང་རང་དོན་ཆེན་དེ་བཞིན་ནོ།། ཙིཏྟའི་དཀྱིལ་ན་གནས་པའོ།། སེམས
་ཅན་ཀུན་གྱི་ཡེ་ཤེས་ནི།། སངས་རྒྱས་རྣམས་ལ་མེད་པའོ།། རང་ལས་བྱུང་བའི་ཤེས་རབ་སྐུ།། འགྱུར་མེད་རྟོག་མེད་མཉམ་ཉིད་དོ།། འགག་མེད་ཀུན་ཁྱབ་གསལ་བ་དང་།། རང་གསལ་རང་གྲོལ་ཆེན་པོའོ།། དེ་ལྟར
་སེམས་ཅན་ཀུན་ལ་གནས།། རང་གི་ལུས་ལ་དེ་བཞིན་ནོ།། ཞེས་རིག་པ་རང་ཤར་ཆེན་པོའི་རྒྱུད་ལས།། རང་རང་གི་དོན་བསྟན་པའི་ལེའུ་སྟེ་སོ་བདུན་པའོ།། །། ཐ་ཐཱག་ཧྱ་ཏྱཿདེ་ནས་ཡང
་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རང་རང་དོན་སྦྱར་དེ་ལྟར་ན།། བཏགས་པའི་དོན་ནི་ཇི་ལྟར་ལགས།། ཞེས་ཞུས་སོ།། དེ་ནས་ཡང་བཀའ་སྩལ་པ། ཨ་ཧོ་ཕྱག་ན
་རྡོ་རྗེ་ཉོན།། སངས་རྒྱས་སེམས་ཅན་ཐམས་ཅད་ལ། འདི་ནས་ཚིག་ཆད་སོང་།། ཇི་ལྟར་སེམས་ཅན་ཐམས་ཅད་ཀྱི།། རང་རང་ལུས་ལ་གནས་པའོ།། འཛིན་པ་མེད་པ་རང་གྲོལ་ནི།། སངས་རྒྱས་མར་མེ་མཛད་ཀྱིས
་བསྟན།། རང་སང་ཆོས་ཉིད་བདེ་ཆེན་ནི།། སྣང་བ་མཐའ་ཡས་ཞིང་དུ་རྟོགས།། རྟོག་མེད་མཉམ་ཉིད་ཡེ་ཤེས་ནི།། མི་གནས་ཐིག་ལེའི་ཀློང་དུ་རྟོགས།། རང་བྱུང་རིག་པའི་ངོ་བོ་ནི།། ཙིཏྟའི་དཀྱིལ་འཁོར་ཀློང་དུ
་རྟོགས།། རང་བྱུང་མིག་གི་སྒྲོན་མ་ནི།། ནམ་མཁའ་སྟོང་པའི་དཀྱིལ་དུ་རྟོགས།། སྐུ་ལྔ་ཡབ་ཡུམ་བཅུ་པོ་ཡང་།། ཚོམ་བུར་སྣང་བའི་དུས་ན་རྟོགས།། ཡེ་ཤེས་འགག་མེད་ཤར་བ་ཡང་།། བཞི་སྦྱོར་ཡེ་ཤེས་སྣང་བར
་རྟོགས།། རིག་པ་སྣ་ཚོགས་འབྱུང་བ་ཡང་།། ལྷུན་གྲུབ་བདེ་ཆེན་ས་ལ་རྟོགས།། སྐྱེ་ཤི་མེད་པའི་རྡོ་རྗེ་ནི།། ཀ་དག་ཆེན་པོའི་ས་ལ་རྟོགས།། མ་འགགས་རྟོག་མེད་ངོ་བོས་སྟོང་།། རིག་པ་འགག་མེད་ཀློང་དུ
་རྟོགས།། དེ་ཡང་བཤད་ལུགས་འདི་ལྟ་སྟེ།། རྟོགས་པར་བྱེད་པ་ཤེས་རབ་སྟེ།། རྟོགས་པའི་རྒྱུ་ནི་རིག་པའོ།། མེད་པ་ཤེས་པས་རྟོགས་ཤེས་བྱ།། རྟོགས་པའི་ངོ་བོ་མཐོང་བའོ།། མཐོང་བའི་རང་བཞིན་འདི་ལྟ
་སྟེ།། ནམ་མཁའ་སྟོང་པའི་ཀློང་དཀྱིལ་དུ།། སྒྲོན་མ་རྣམ་གཉིས་མ་འགགས་པས།། ཡུལ་ལ་རྟོག་མེད་གསལ་བ་ནི།། རང་བྱུང་རང་ཤར་སྣང་བའོ།། དེ་ལྟར་མཐོང་ན་རྟོགས་པའི་མཆོག། མཐོང་དང་རྟོགས་པ་ཤེས
་རབ་གསུམ།། སངས་རྒྱས་ཀུན་གྱི་དགོངས་པ་ཡིན།། རྟོག་མེད་རྒྱལ་པོ་ཤེས་རབ་རང་བྱུང་འདི།། རྟོགས་པ་མེད་ཅིང་མཐོང་བའི་ཡུལ་ལས་འདས།། མཐོང་དང་རྟོགས་དང་ཐོབ་པ་གསུམ།། མན་ངག་ཀུན་གྱི་ཡང
་བཅུད་ཡིན།། རང་ཉིད་གཅིག་པུར་དལ་བར་འདུག་གྱུར་ན།། ཡེ་ཤེས་སྣང་བ་འགག་མེད་འཆར།། དེ་ལ་གནས་ན་ཏིང་འཛིན་འཐོབ།། དེ་ལ་སྒྲོན་མ་རྣམ་པ་གཉིས།། དབྱིངས་དང་རིག་པར་བསྟན
་པའོ།། ཆོས་ཉིད་སྟོང་ཉིད་ཕོ་བྲང་དུ།། དག་པའི་ལམ་ལྔ་མ་བསྐྱེད་རྫོགས།། འགྱུར་མེད་ཡེ་ཤེས་བརྡལ་བའི་སྐུ།། འགྱུར་མེད་རྣམ་དག་ཡེ་ཤེས་ཀློང་།། རྟོག་མེད་འཛིན་པའི་ཡེ་ཤེས་ལྔ།། བསམ་པའི་རྣམ་རྟོག་བྲལ
་བའོ།། སངས་རྒྱས་ཀུན་གྱི་ཡེ་ཤེས་སྐུ།། ང་མེད་པ་ཡི་སྔོན་རོལ་ན།། སངས་རྒྱས་མེད་དེ་སེམས་ཅན་མེད།། སྐུ་དང་ཡེ་ཤེས་མེད་པའོ།། རིག་པ་ཡང་དག་ཡེ་ཤེས་ཀློང་།། རྟོག་མེད་འཛིན་པའི་ཡེ་ཤེས་ལྔ།། བསམ
་པའི་རྣམ་རྟོག་བྲལ་བའོ།། སངས་རྒྱས་ཀུན་གྱི་ཡེ་ཤེས་སྐུ།། རིག་དང་ས་དང་ལམ་ཡང་མེད།། ང་དང་རང་བཞིན་བདག་ཉིད་མེད།། འཁོར་དང་མྱ་ངན་འདས་པ་མེད།། དེ་ལྟར་མེད་པ་རྟོགས་པ་དང་།། ཡོད་པ
་རྣམ་པ་གཉིས་སུ་འདུས།། ང་ཡོད་པ་ཡི་བལྟ་ད་ལྟ་ན་ཡང་འདུག་པ་ན།། སྐུ་ལྔ་ཡེ་ཤེས་རྣམ་ལྔ་ཡོད།། འགྱུར་མེད་རིག་པ་འགག་མེད་ཡོད།། འོད་ལྔ་རྟོགས་དང་དྲུག་ཀྱང་ཡོད།། སྒྲོན་མ་བཞི་དང་ཡུལ་ལྔ་ཡོད།། ཁ་དོག
་སྐྲ་དང་རིགས་ཀྱང་ཡོད།། ཡུལ་དང་དངོས་པོར་འཛིན་པ་ཡོད།། དེ་ལྟར་ཡོད་པར་རྟོགས་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། རྟོགས་ལུགས་བསྟན་པའི་ལེའུ་སྟེ་སོ་བརྒྱད
་པའོ།། །། མརྠ་ཏྲསྐདྡ་ཐརྔཿདེ་ནས་ཡང་མཁའ་འགྲོ་མའི་རིགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པས་བདག་ཅག་རྣམས་ལ་བརྡའ་ཡིས་མཚོན
་ལ། སྒྲུབ་རྒྱུད་ཀྱིས་མཚོན་པ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཀློང་དུ་དག་པ་རྣམས་ཉོན་ཅིག། སངས་རྒྱས་ཀྱི་དགོངས་པའི་ཚད་ནི་འདི་རྣམས་ཀྱིས་གཟུང་བར་བྱའོ།། ཨགྷ། ཆོས་ཉིད
་གློས་དང་བྲལ་བ། ཧ། མི་འགྱུར་བ། སྭ། སྟོང་པ། ར། ཡེ་ཤེས་ལ་འཆར་བ། དྷ། སྑ་ལས་འདས་པ། སྭ། ཀློང་དུ་ཡེ་ཤེས་ཀྱི་ངོ་བོར་ཐིམ། ཨ། སྐྱེ་མེད་སྟོང་པའི་རྒྱས་བཏབ་པའོ།། དཔེ་གཅིག་ལ། ཨ། མི་འགྱུར་བ། ག་ཏ་ཆོས་ཉིད་སྤྲོས་པ་དང་བྲལ་བ། པཱ། སྟོང་པ། ར། ཡེ་ཤེས་པ
་འཆང་བ། དྷ། ཀུན་ལས་འདས་པ། སང་། ཀློང་དུ་ཡེ་ཤེས་ངོ་བོ་ཐིམ། ཨངཿསྐྱེ་མེད་སྟོང་པའི་རྒྱས་བཏབ་པའོ།། སྔོན་ཡུལ་ཡངས་པ་ཅན་ཞེས་བྱ་དང་པོའི་འཁྲུལ་གཞི་བསྟན་ཏེ་གཞོན་ནུ་བུམ་པ་སྐུའི་གནས་ལུགས་སོ། བ་ན། སྟོན་པ་འོད་འགྱེད་པ་ཞེས་བྱ་བ
་ཡོད་དེ། རིག་པ་རང་བྱུང་གི་ཡེ་ཤེས་ཕྱོགས་མེད་དུ་ཤར་བའོ།། དེ་ལ་བུ་སྤུན་གཉིས་ཡོད་པ། དེ་ཡང་རིག་པ་དང་མ་རིག་པ་གཉིས་སུ་བྱུང་ནས་འཁྲུལ་པ་མ་རིག་པའོ།། གྲོག་པོ་སྟོང་པར་ལྷུན་གྲུབ་ཀྱི་སྣང་བ་ལས་འཁྲུལ་ནས་ཡེ་ཤེས་མ་བུ་འཇོལ། བཙོན་དུ་མ་རིག་པས
་རིག་པ་འཁོར་བར་བཅིངས་པའོ།། བཟུང་ཟེར་ཏེ་ཡ་ཆ། ངོ་མཚར་ཆེ་བའི་ཚིག་དེ་ནས་དམག་མི་ལྔ་བྱུང་ནས། དེ་ལ་ལ་འདོད་ཆགས་བྱུང་བས་ཉོན་མོངས་པའི་གནས་སུ་སོང་། དེ་ལས་ཞེ་སྡང་བྱུང་བས་དེ་བས་ཀྱང་རགས་སུ་ལོག་དེ་ལས་ང་རྒྱལ་བྱུང་བས་ང་དང
་བདག་ཏུ་བཟུང་། དེ་ལས་ཕྲག་དོག་བྱུང་ནས་ཉོན་མོངས་པའི་གནས་སུ་ཞུགས་པའོ།། དེ་རྣམས་ཀྱི་རྩ་བ་གཏི་མུག་ཅེས་བྱ་བ་བྱུང་ནས་ཉོན་མོངས་པའི་རྩ་བ་བཟང་། རྡོའི་མཁར་རྩེ་རིག་པའི་ཡེ་ཤེས་ཕུལ་གྱི་དབང་དུ་སོང་ནས་ཉོན་མོངས་པའི་ཆ་ཉེ་བར་བཟང
་དེ་ལས་ཆགས་སྡང་ལྔ་བྱུང་ནས་ཤིན་ཏུ་རགས་སོ།། ནས་བཅོམ་ཟེར་ཏེ་ཡ་ཆ། དེ་ངོ་མཚར་ཆེ་བའི་ཚིག་བསྟན་ནས་སེམས་ཅན་མ་རིག་པས་བཅིངས་པ་འགྲོལ་བའི་ཐབས་རྨད་དུ་བྱུང་བ་ཡེ་ཤེས་ཀྱི་དོན་ཁྱད་པར་ཅན་སྐྱེའོ།། བུ་གཉིས་དོང་དུ་དེ་ཡང་རིག་པའི་ཡེ་ཤེས་འཁོར
་བའི་དོང་དུ་བསྒྱུར་ནས་ཡེ་ཤེས་གསལ་དུ་མ་སྟེར། རིག་པ་ཡུལ་ལ་མ་ཤར།། ཤེས་རབ་མཁའ་ལ་འཁྱིལ་བའོ།། བཅུ་གནས་མ་རིག་པ་ལས་ཡུལ་བདག་ཏུ་བཟུང་ནས་ཡེ་ཤེས་ལམ་དུ་མ་སློང་སྟེ་བདག་དང་བདག་གིར་བཟུང་བའི་འཛིན་པ་ཆགས་པས་སོ།། དེ་ཡང་མ་རིག་པས་ཡེ
་ཤེས་འཆར་བ་བཅད་ནས་སྣང་བ་འཆར་དུ་མ་སྟེར་རོ།། དེ་ཡང་མཚན་མའི་རྟོག་པ་བཟུང་ནས་ཡུལ་སྐྱེ་བ་མེད་པ་ལས་ཡུལ་ཅན་དུ་བཟུང་ནས་འཁྲུལ་པ་བྱུང་ངོ་།། དེ་ནས་མ་རིག་པའི་ཆས་ཡུལ་ལ་རྟོག་པ་དང་ལྷན་ཅིག་གནས་པས་པ་དང་བདག་གིར་འཛིན་པ་འབྱུང་ངོ་།། ཡེ
་ཤེས་འམ་ཁྱད་པར་ཅན་དུ་རྟོགས་པ་སྣང་བ་ལྔའི་བཟུང་བས་ཡེ་ཤེས་སྐྱེ་མ་ནུས་ཏེ་སེམས་དང་ཡིད་ལ་སོགས་པས་བསླད་པའོ།། རྒན་མོ་ལིང་ཏོག་ཅན་གྱིས་དེ་ཡང་ཉོན་མོངས་པའི་ལོ་མ་ཤིན་ཏུ་རྒྱས་ཏེ། ཡེ་ཤེས་ཀྱི་འབྲས་བུ་སྨིན་དུ་མ་སྟེར་ཏེ། དེ་ཡང་མ་རིག་པས་ཡེ་ཤེས་ཀྱི
་མིག་བསྒྲིབས་ནས་སྣང་བ་མེད་པས་ཡེ་ཤེས་ལ་ཚད་ཟིན་མེད་པ་འོ་ན་ཡང་མ་རིག་པས་མ་བསྒྲིབས་ན་ཡེ་ཤེས་སྐྱེ་བ་ལ་ཐེ་ཚོམ་མེད་དོ།། སྒོ་བཅད་ཟེར་ཏེ་ཡ་ཆ། ཡུལ་མེད་པ་ལ་ཡུལ་དུ་བཟུང་ནས་འཁྲུལ་པ་བྱུང་ངོ་།། དེ་ནས་མི་བཞིས་ད་ནི་འཁྲུལ་པ་བཟློག་ལུགས་བསྟན་ཏེ
་དེ་ཡང་ཤེས་རབ་བཞི་སྟེ་སྒྲོལ་བྱེད་ཀྱི་ཤེས་རབ་ཀྱིས་ཉོན་མོངས་པ་བསྒྲལ་སྡུད་བྱེད་ཀྱི་ཤེས་རབ་ཀྱིས་ཡེ་ཤེས་སྡུས། འབྱེད་བྱེད་ཀྱི་ཤེས་རབ་ཀྱིས་ཉོན་མོངས་དང་ཡེ་ཤེས། སྦྱོང་བྱེད་ཀྱི་ཤེས་རབ་ཀྱིས་ཡུལ་དབྱིངས་སུ་བསྐྱོད་པའོ།། དེ་ད་པས་ཟིན་ཤེས་རབ་ཀྱིས་ཉོན་མོངས་པ་ཀུན
་བཅོམ། ཡེ་ཤེས་ཀྱི་སྣང་བ་འགག་པ་མེད་པར་མཐོང་། ཡེ་ཤེས་ཀྱི་དབྱིངས་སུ་ལོག་ཏེ། མི་ལྔ་རྟ་དང་ཕྲལ་ཟེར་ཏེ་ཡ་ཆ། དེ་ནས་ཡང་བར་དོ་དང་པོ་ལ་ཚོམ་བུའི་སྣང་བ་ལ་ཡེ་ཤེས་རང་ལོག་སྟེ་ཉོན་མོངས་པ་ལྔ་དབུགས་དང་ཕྲལ་ནས་འགྱུར་མེད་ཆོད་པའོ།། དེ་ཡང་རགས
་པའི་ཉོན་མོངས་པ་ཐམས་ཅད་ཡེ་ཤེས་ཀྱི་སྣང་བ་འབའ་ཞིག་གོ་བུ་གཉིས་རང་གིས་རང་ཤོར་ནས་དེ་ཡང་ཡེ་ཤེས་ཀྱི་སྣང་བ་ཡུལ་ཆོས་ཀྱི་དབྱིངས་ཀྱི་ཕོ་བྲང་དུ་ཤར་ནས་ཡེ་ཤེས་ཀྱི་ཡུལ་ཀུན་ཏུ་ཡངས་པ་དང་ལྡན་པའོ།། དེ་ཡང་སྣང་བ་མི་འགག་སྣང་བྱེད་མི་དམིགས་ཡེ་ཤེས
་ཀྱི་གནས་པ་མཐོ་དམན་མེད་ཡེ་ཤེས་ཀྱིས་ཡེ་ཤེས་ཀྱི་སྣང་བ་མཐོང་སྦྲ་སྒྲ་ལ་ཐིམ་འབྱུང་བ་འབྱུང་བ་ལ་འཁྱིལ་རིག་པ་རང་ལུས་རྙེད་པའོ།། དེ་ཡང་བྱེད་པ་དང་བཅས་པ་མ་ཡིན་ན་བྱ་བྱེད་མེད་པའི་རིག་པ་དངོས་པོ་དང་བྲལ་བའི་ངང་དུ་བཞག་ནས་ཡེ་ཤེས་རང་ས་ཟིན་ཏེ། དེ་ལ
་བསྒོམས་ཤིང་བསླབས་པས་ཡེ་ཤེས་ཀྱི་ངོ་བོ་མི་རྙེད་ལམ་ལ་ཐུག་པ་མེད་ཡེ་ཤེས་ལ་ཟིན་པ་མེད་དོ།། དེ་ཡང་མ་ཡིན་ཏེ་བྱ་བྱེད་མེད་པའི་རིག་པ་ནམ་མཁའ་ལ་ཡལ་བར་བྱའོ།། དེ་ཡང་སྒྲོན་མའི་དབྱིངས་སུ་གཞུག་པ། བཙོན་བསྲུང་བསད་ཟེར་ཏེ་དེ་ཡང་ཡ་ཆ། རིག་པའི
་ཡེ་ཤེས་ཕྱོགས་མེད་དུ་ཤར་བས་གཟུང་འཛིན་གྱི་བྱ་བ་བསད་དེ། དེ་ཡང་ཡུལ་བལྟ་བ་བལྟ་མི་ནུས་དང་བཏང་ནས་ཡེ་ཤེས་རབ་ལོག་གོ།། ཡུལ་མེད་པར་ཡེ་ཤེས་རང་ལུགས་སུ་ཤར་ནས་སོ།། སྣང་བ་ཡུལ་མེད་པའི་སྣང་བ་རང་ཤར་ཞིང་ཡིད་ཀྱི་སྤྱོད་པ་མེད་པའི་ཡེ་ཤེས་སོ།། བུ
་གཉིས་ཅིག་ཆར་ཕར་ཉི་མ་ཅན་དུ་བྲོས་ནས། འདི་ནི་ཐམས་སུ་བླང་བ་བསྟན་ཏན་ཏུ་རིག་པའི་སྒྲོན་མའི་ནང་དུ་ཐིག་ལ་སྟོང་པའི་སྨོན་མ་འདུས་ཏེ།། མི་གནས་ལམ་བྱུང་ནས་རང་སྒང་གི་ནམ་མཐའ་རང་བཞིན་འད་གདངས་བགས་པ།། དེ་ཡང་དཔེར་ན་སེ་མས་ཐས་ཤེས་ཀྱི
་སྣརོན་མ་གཉིས་ཀྱི་འད་ལ་སྟོན་མ་གཉིས་བཞུགས་པ།། དེ་ཡང་ནམ་མཁའ་གང་བར་སྣང་ཞིང་མ་ཤས་ཀྱ་ངས་འཛིན་ན་དོའི་ཡུལ་དུ་ཉམས་སུ་ལེན་པའི་སྐྱེས་ཐ་རྣམས་དེ་ལ་འདྲིས་པར་བྱ་ཞིང་། དའི་འོད་ལས་པད་གཞན་དུ་མ་མངས་པར་ཐལ་འབངས་ལ་དབྱེ་བསྡུས་ནས། སྒྲོན་མ་དེས་ཀྱང་ཡུལ་ཅན་གྱི
་སྣང་བ་ཉོན་མོངས་པ་ཐམས་ཅད་ཡེ་ཤེས་ཀྱི་སྣང་བར་ཤར་ནས་དེ་ལ་རབ་ཏུ་སྤྱོད་པའི་རིག་པ་རྒྱལ་པོའི་ཚུལ། སྒོ་ལྔ་འབངས་ཀྱི་ཚུལ་རིགས་པའི་ངོ་བོས་སྒོ་ལྔའི་འོད་ཀྱི་སྣང་བ་ཟིལ་གྱིས་མནན་ནས་ཡེ་ཤེས་རང་ཡུལ་དུ་ཤར་ནས་སྣང་བ་གཞན་དབང་དུ་མ་སོང་བར་འོད་དུ་སྐང
་བའོ།། ཡེ་ཤེས་ཀྱི་སྣང་བ་ལམ་ལྔ་ལ་འོད་ཤར་ནས་སྒོ་ལྔ་ཆམ་ལ་ཕབ་པའོ།། བཙུན་མོ་ཉི་ཤུ་རྩ་གཅིག་གིས་གྲོས་བྱས་ནས་དེ་ལྟར་ཛ་སྤྲོད་ཉི་ཤུ་རྩ་གཅིག་གིས་ཉམས་སུ་བླངས་དགོས་ཏེ་དེ་ཡང་དོན་ལ་སྨེ་བ་མེད་ཀྱང་མཚན་མ་སྦེད་བྱེད་ཡོད་པས་དཔེ་རྣམས་ཀྱི་མཚོན
་དགོས་ཏེ་དེ་ལ་སྐུ་དང་འོད་དུ་བསྟན་པའི་ཡེ་ཤེས་ཀྱི་སྣང་བ་དང་སྦྱར་ནས་སྣང་བ་དེ་ལས་ཡེ་ཤེས་ཀྱིས་ཡིད་འཕྲོ་འདུ་ཟད་དེ་སྣང་བ་རང་སྣང་བ་ཡིན་ནོ།། འོད་རང་འོད། སྐུ་ནི་རང་གི་རིག་པའོ།། དེ་ཡང་རང་གི་ཤེས་རབ་ཀྱིས་ཆོད་པར་བྱས་ནས་རྐྱེན་གྱིས་དབང་དུ་རིག་པ་མ་སོང་བའོ།།
་བསམ་རྡུགས་ཀྱི་ལྷ་ཁང་དུ་བྲོས་ཏེ། དེ་ལ་ཡང་ངོ་སྤྲོད་ཉི་ཤུ་རྩ་གཅིག་གིས་རང་གི་སྣང་བ་རང་གིས་ངོ་ཤེས་ནས་ཆོས་ཀྱི་སྐུ་བསམ་པ་དང་བྲལ་བའི་སྣང་བ་དེ་ཀ་དག་ཆེན་པོའི་ཡུལ་ལ་སྣང་ཞིང་སྒྲ་གཞོན་ནུ་བུམ་པ་སྒྲའི་སྣང་བ་ཕྲགས་སུ་སྤྱད་པ་མེད་པའི་རང་སྣང་ཆེན་པོ
་ཡུལ་ལ་སྣང་ཞིང་ཡུལ་ལ་ལོངས་སྤྱོད་པ་དེ་ཡང་མ་དག་པའི་ཡུལ་ལྟ་བུ་མ་ཡིན་ཏེ་ཡེ་ཤེས་དག་པའི་སྣང་བ་འབའ་ཞིག་ཏུ་སྣང་ངོ་།། མི་ལྔས་ཕུབ་གོན་ནས་དེ་ལ་སྐུ་ལྔ་ཡེ་ཤེས་ལྔ་སྣང་བ་ཡེ་ཤེས་ལ་འོད་ལྔ་སྣང་བ་འོད་ལ་དབྱིངས་སུ་སྣང་བ་དབྱིངས་མཐའ་ལ་མི་གནས་རྒྱ་མ་ཆད
་ཅིང་ཀུན་ཏུ་མཐའ་ཡས་པ་དབུས་དང་མཐའ་མེད་པ་མ་འགགས་པ་རང་གིས་རིག་པའི་སྤྱོད་ཡུལ་དུ་གྱུར་པ་སྟེ་ཟེར་ཕྱོགས་བཅུར་འཕྲོ་བ་སྣང་བ་ཕྱོགས་མེད་དུ་འཆར་བ་རང་བཞིན་དང་ངོ་བོ་མི་འགྱུར་བའོ།། སྒོ་བསྲུངས་ནས་སུས་ཀྱང་འོང་མ་ནུས་ཟེར་ཏེ་ཡ་ཆ། དེ་ཡང
་འོད་ལྔ་དང་འོད་ཀྱི་ཚལ་དུ་གནས་པས་སྨེ་ཤིའི་གནས་མེད་པར་སྣང་བ་མ་འགགས་པར་སྣང་བའོ།། དེ་ཡང་བར་དོའི་དུས་བསྟན་ཉེ་བར་དོ་ལ་ཡེ་ཤེས་མ་པང་དུ་བུ་འཇུག་པ་ལྟ་བུ་སྟེ་ཡེ་ཤེས་ཀྱི་འོད་ཕྱོགས་མེད་དུ་ཤར་བས་ཡུལ་ལ་བལྟར་མེད་ཡེ་ཤེས་ལ་གཞལ་དུ་མེད་སྣང་བ་ལ་དབྲི
་བཀོལ་མེད་དབྱིངས་ལ་ཆེ་ཆུང་མེད་དོ། དེ་ནས་མི་བཞིས་མེ་ལོང་བཞིར་བྱད་བལྟས་པས། དེ་ཡང་ཡེ་ཤེས་ཀྱི་སྣང་བ་ཞེས་བྱ་སྟེ་དེ་ལ་ཡེ་ཤེས་རང་གི་སྣང་བ་ངོ་ཤེས་ནས་ཡེ་ཤེས་ཀྱི་དངས་མ་ལྔ་ཡུལ་ཆོས་ཀྱི་དབྱིངས་ལ་ཤར་ནུས་ཏེ་རང་སྣང་བའི་ཡུལ་ལ་ཡེ་ཤེས་ཀྱི
་གནས་སུ་མ་གྱུར་པ་གང་ཡང་མེད་དོ།། ཡེ་ཤེས་དེ་ཡང་བྱ་བ་དྲུག་པའི་ཆ་མཚུངས་ཏེ་ཀ་དག་ལ་ཡོད་པའི་ཕྱིར་རོ།། རང་ངོ་རང་གི་ཤེས་ཟེར་ཏེ་ཡ་ཆ། དེ་ཡང་རང་གི་སྣང་བ་ཡུལ་ལ་ཤར་ནས་ཡེ་ཤེས་རང་གི་སྣང་བ་མཐོང་འབྱུང་བ་མའི་དབྱིངས་སུ་ཕྱིན་ཤེས་རབ་ཀྱི་བྱ་བ་ཟིན
་སྣང་བ་གྲོགས་སུ་ཤར་ཡེ་ཤེས་ཡུལ་ལ་ཤར་སྟོངས་པ་ཉིད་དབྱིངས་སུ་ཐིམ་ཡང་དག་པའི་ཡུལ་ལ་ངེས་པ་སྐྱེ་བའོ།། དེ་ཡང་རིག་པའི་ཡེ་ཤེས་ཡུལ་དང་ཕྲད་པས་སྣང་བ་ལ་ངེས་པ་སྐྱེ་སྟེ་རང་སྣང་ཡིན་ཏེ་མས་ཙམ་མོ། དེ་ནས་ཁང་པ་གཅིག་ལ་སྒོ་བརྒྱད་དེ་ཡང་ལྷུན་གྲུབ་ཀྱི
་སྣང་བ་ལ་ངེས་པ་རྙེད་པའོ།། དེ་ཡང་ཡེ་ཤེས་ལྟར་ཤར་བའི་སྒོ་ལ་རང་གི་ཤེས་པ་སད། སྠ་ལྟར་ཤར་བའི་སྒོ་ལ་བདེན་པ་མཐོང་།། འོད་ལྟར་ཤར་བའི་སྒོ་ལ་སྟོབས་རྙེད། ཐུགས་རྗེ་ལྟར་ཤར་བའི་སྒོ་ལ་ངེས་ཤེས་སྐྱེ་གཉིས་མེད་ཀྱི་སྒོ་ལ་བདག་ཅག་གི་བློ་དང་བྲལ།
་མཐའ་གྲོལ་ལྟར་ཤར་བའི་སྒོ་ལ་ཡེ་ཤེས་མ་བུ་འཕྲད། དག་པ་ཡེ་ཤེས་ཀྱི་སྒོ་ལ་མཐར་ཕྱིན་པ། མ་དག་པའི་སྒོ་ལ་ཐུགས་རྗེ་མ་འགགས་པའོ།། ཡོད་པ་མཐོང་པས། རང་ལ་རང་གད་མོ་ཤོར་ཟེར་ཏེ་ཡང་ཡ་ཆ། དེ་ཡང་ཡེ་ཤེས་ཀྱི་གནས་དང་རང་གི་རིག་པའི་ཡུལ་དང
་ཤེས་རབ་ཀྱི་རྩལ་གསུམ་མཉམ་པས་ཡེ་ཤེས་ཆེན་པོའི་ས་ཟིན་པས་སོ།། དེ་ཡང་རང་སྣང་དུ་ཡོད་པ་ལ་གཞན་འབྱུང་གིས་ཆོས་དང་བྲལ། མཚན་མའི་དངོས་པོ་གང་ཡང་གཟུང་དུ་མེད། ཡུལ་ཅན་དུ་རྟོག་པ་གང་ཡང་མེད་པ་དག་ཏུ་རྟོག་པའི་ས་བོན་བྱུང་། ཡེ་ཤེས་ལ་གསལ་འགྲིབ་མེད
་འི་རང་སྣང་རང་ལ་ཤར། དེ་ཡང་འབྱུང་ང་ཡེ་ཤེས་ཀྱི་ལམ་དུ་བསླང་། དོན་ཆོས་ཉིད་དུ་ཐམས་ཅད་འདུས། ཡེ་ཤེས་སྟོང་པའི་ཡུལ་དུ་སྣང་སྟོང་པ་ཉིད་ཀྱི་དབྱིངས་སུ་ཐིམ།། དེ་བཞིན་བརྡའ་ཡི་རྣམ་པ་ཀུན།། མཚོན་ནས་ཡེ་ཤེས་དོན་ལ་སྦྱོར།། ཞེས་བཀའ
་སྩལ་བས། མཁའ་འགྲོ་མ་རྣམས་ངོ་མཚར་མཆོག་ཏུ་སྐྱེས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། འཁྲུལ་ཚུལ་དང་འཁྲུལ་པ་བཟློག་པའི་ལེའུ་སྟེ་སོ་དགུ་པའོ།། ། #།
་ནས་ཡང་མཁའ་འགྲོ་མ་དཀར་མོའི་ཚོགས་དཔག་ཏུ་མེད་པ་རྣམས་ཀྱིས་འདི་སྐད་གསོལ་ཏོ།། ཨེ་མ་ཧོ། བརྡའི་ཆོས་ཀྱིས་སེམས་ཅན་གྱི་རྟོག་པ་སོལ་ཞིག། བདག་ཅག་མཁའ་འགྲོ་མ་རྣམས་ཀྱི་མ་རིག་པའི་མིག
་ཕྱེས་ཤིག། སེམས་ཅན་ཀུན་གྱིས་གོ་བར་གྱིས་ཤིག། ཅེས་ཞུས་སོ།། དེ་ནས་ཡང་སྟོན་པས་ལེགས་པར་གསུངས་སོ།། ངས་ནི་བརྡའ་ཡིས་སེམས་ཅན་རྣམས་ཀྱི་རྟོག་པ་བསལ་ལོ།། མཁའ་འགྲོ་མའི་འཁོར་རྣམས
་རབ་ཏུ་ཉོན། ཡང་ཡུལ་འཁོར་འཁོར་བའི་གནས་ན་རིགས་དྲུག་གི་སེམས་ཅན་དཔག་ཏུ་མེད་པ་རང་གི་སྙིང་པོ་རང་ཆས་ཀྱི་ས་བོན་དང་བཅས་སོ།། ཡུག་ཆེན་མོ་ཞེས་བྱ་བ་ན། འདམ་རྫབ་ཆེན་པོ་ཉོན་མོངས་པ་སྟོང་ཕྲག་བརྒྱད་ཅུ་ཉོན་མོངས་པ་བསམ་གྱིས་མི
་ཁྱབ་པའི་དཀྱིལ་ན། གཅིག་གི་ནང་ན་མར་མེ་གཅིག་རིག་པའི་ཡེ་ཤེས་ཡུལ་གྱི་དབང་དུ་མ་སོང་བར་སྣང་བའོ། མ་ཤི་བར་འདུག་པས། ཡུལ་མདངས་དང་ལྡན་རིག་པའི་ཡེ་ཤེས་ལ་མ་རིག་པའི་ཆ་ཞུགས་ནས་འཁྲུལ་གོ་བཟུང་། དེ་ཡང་བག་ཆགས་ཀྱི་ཕུང་པོ་ཡེ
་ཤེས་ཀྱི་སྣང་བ་ལྔ་རིག་པ་དང་བཅས་པ་ཡོད་པ་དེ་ཡང་ཡུལ་གྱི་དབང་དུ་འགྲོ་འདོད་དེ། དེ་ལ་ཤེས་རབ་རང་བྱུང་གི་སྒྲོན་མས་ལུང་བསྟན་པ་ཉམས་སུ་བླང་བའི་དོན་དུ་གསུངས་པའོ།། པ་ཞེས་བྱ་བ་ན། སྟོན་པ་མེ་ལོང་ཅན་སྒྲོན་མ་ལ་ཡེ་ཤེས་ལྔའི་ཡུལ་མ་འགགས་པར་ཡོད
་པས་སྣང་བ་གཞན་ལ་རག་མ་ལུས་ཏེ་རང་སྣང་རང་ཤར་བས་ཡེ་ཤེས་ཀྱི་གནས་པ་ལ་རང་ཆས་སུ་འོད་ལྔ་ཡུལ་སྒོ་ལྔ་ལ་སྣང་། ལམ་ལྔ་མིག་ལ་སྣང་། ངོ་བོ་ལྔ་སྙིང་ལ་སྣང་རྟགས་སྒྲོན་མ་ལ་སྣང་ཡེ་ཤེས་ལྔ་མཐའ་མི་བྱེད་ཡུལ་ལ་སྣང་བར་ཤར། ཞེས་བྱ་བས་མཐོང་སྟེ། དེ་ལ
་འདི་སྐད་ཅེས་བྱས་སོ།། ཀྱེ་མ་སེམས་ཅན་མདངས་ཡེ་ཤེས་ཀྱི་གནས་ལུགས་ནི་ཡེ་གདོད་མ་ནས་རང་སྣང་དུ་ཡོད་པ་གཞན་བྱུང་གི་ཆོས་མེད། སྟོང་པའི་ཡུལ་མེད། ཡེ་ཤེས་ཀྱི་གནས་མེད། དག་པའི་ཡུལ་མེད། སྟོང་པའི་ལམ་ལྔ་སྣང་བ་མ
་འགགས་སོ། དང་ལྡན་པ་ཁྱོད་ཉོན་ཅིག། ངས་ཁྱོད་ལ་ལུང་བསྟན་ནོ།། ཁྱོད་མ་ཡེངས་པར་ཉོན་ཅིག། རི་བོ་ཆེན་པོ་མ་ལ་ཡ་ཞེས་བྱ་བའི་རྩེ་མོ་ན། རང་གི་ལུས་ལ་བྱ་སྟེ་དེ་ཡང་རང་གི་སྙིང་གི་ནང་ན་རེག་པ་གནས་ཅལ
་ལ་ཐིག་ལེ་ཀླད་པ་ན་ཡེ་ཤེས། མིག་ལ་སྒྲོན་མ་གནས་པར།། མགོ་བོའི་ནང་ནས་མིག་ཏུ་ལམ་བྱུང་སྟེ་དེ་ཡང་སྒྲོན་མ་རྣམ་པ་གཉིས་ནམ་མཁའ་ཡེ་ཤེས་ཀྱི་འོད་དུ་གསལ་ལོ་དེ་ཡང་རིག་པའི་ཟེར་དུ་སྣང་བ་རང་བཞིན་ཡེ་ཤེས་ཀྱི་དབང་དུ་འཆར་རོ།། རྒྱ་མཚོ་མུ་ཁྱུད་ཅན་ཞེས་བྱ
་བ་ན། དེའི་ནང་ན་ཡབ་འོད་སྲུང་ཞེས་བྱ་བ་དང་། རིག་པའི་སྐུ་འོད་དུ་གནས་ཏེ་འོད་དེ་ལ་ཡང་ཐག་པ་མེད་ཅིང་བྲི་བ་མེད་པ་ཡེ་ཤེས་ཀྱི་རང་འོད་དང་བཅས་ཏེ་ལམ་ལ་ངོས་བཟུང་གི་མཐའ་དང་བྲལ་བའོ།། ཡུམ་དེ་ཡང་ཡུམ་ཆོས་ཉིད་ཀུན་ཏུ་བཟང་མོ་རང་ལ་ཤར་ཞིང
་འཕྲོས་པའོ།། ཐབས་ཀྱི་ཆ་འཛིན་པས་འོད་དུ་སྣང་། ཤེས་རབ་ཀྱི་ཆ་འཛིན་པས་ཡེ་ཤེས་སུ་སྣང་། དེ་ཡང་ཆོས་ཀྱི་སྒྲ་བདེ་བ་ཆེན་པོའི་ཡུལ་ཤར་བའོ།། རྡོ་རྗེ་ཕག་མོ་གཉིས་བཤོས་པ་ལས། མིང་སྲིང་གཉིས་བྱུང་སྟེ། དྷཱ་ཏུའི་སྒྲོན་མ་དང་ཐིག་ལེ་སྟོང་པའི་སྒྲོན་མའོ།། དེ
་ནས་ཕ་མ་ཟབས་ཤེས་སུ་སྣང་བ་ནི་མ་འགགས་པ་ཙམ་མོ། གཉིས་ཀྱིས་མིང་སྲིང་སྒྲོན་མ་གཉིས་ཡིན་པར་བསྟན། གཉིས་ལ་འདི་སྐད་ཅེས་ཟེར་རོ།། བུ་དབྱིངས་རྣམ་པར་དག་པའི་སྒྲོན་མ་ཡུལ་དུ་སྣང་བ་ཙམ་སྟེ། དེ་ཡང་ཡུལ་དུ་སྣང་བའི་ཡེ་ཤེས་གསལ་དུ་མ
་སྟེར་ཏེ་ཡུལ་དང་ཡུལ་ཅན་དུ་བཟུང་ངོ་།། ཞེ་སྡང་གི་མེ་ལ་བྱ་སྟེ་དེ་ཡང་ཡུལ་དང་འཕྲད་ནས་མེས་བྱེད་པ་དང་འདྲ་སྟེ་ཀུན་ཏུ་འབར་ཞིང་མཆེད་པའོ།། ཁྱོད་སོང་ལ་བདུད་ནག་མ་རིག་པ། པོའི་ཡུལ་ནས་མེ་ལོང་ལ་ཤོག་ཅིག། བུ་མོ་ཐིག་ལེ་སྟོང་པའི་སྒྲོན་མ་ལ་བྱ་སྟེ།
་རིག་པ་ལ་ཟང་ཞིག། ཁྱོད་སོང་ལ་སུམ་ཅུ་རྩ་གསུམ་ལྷའི་ཡུལ་རྣམ་པར་རྒྱལ་རིག་པ་དང་ཡེ་ཤེས་འབྲས་བུ་སྨིན་མ་སྨིན་ནོ།། དེ་ཉམས་སུ་བླངས་ན་ཡེ་ཤེས་ཀྱི་སྐུ་དང་འོད་མཐོང་། བའི་ཁང་བཟང་ནས་མེ་ཏོག་རང་རིག་དངོས་ལ་བྱའོ།། ཐུས་ལ་ཤོག
་ཅིག་བྱས་པས། བུ་ན་རེ་ང་མི་འགྲོ་སྒྲོན་མ་ཡུལ་གྱི་དབང་དུ་མི་འགྲོ་བའོ།། ཟེར་རོ།། དེ་མ་རིག་པ་ཡུལ་ལ་འཇུག་པས་ནས་ཕ་མ་གཉིས་ན་རེ། བུ་ཁྱོད་མི་འགྲོ་བ་ཅི་སྟེ་བྱས་པས། བུ་ན་རེ་བདུད་ཉོན་མོངས་པ་ཤིན་ཏུ་རགས་པས། ཀྱི་ཡུལ་ན
་བདུད་མ་རིག་པ་རྩ་བའི་བདུད། ཧ་ལི་ཀ་ནག་པོ་ཞེས་བྱ་བ་གཅིག་ཡོད་པས། བདག་བཙོན་དུ་མ་རིག་པའི་དབང་དུ་རིག་པ། བཟུང་ནས་འགྲོ་ཟེར་བས། ཡང་ཕ་མ་གཉིས་ལྷན་ཅིག་སྐྱེས་པའི་ཉོན་མོངས་པ། ན་རེ་འདི་སྐད་ཟེར་རོ།། བུ་དེ
་སྐད་མ་ཟེར་བར་བདུད་ཀྱི་ཡུལ་ན། ཨ་ཕྱི་ལིང་ཉོན་མོངས་པའི་རྩ་བ་མ་རིག་གཏོག་ཅན་ཞེས་བྱ་བ་ཡོད་ཀྱིས། དེ་ཁྱོད་ཀྱི་རིག་པ་དང་ལྷན་ཅིག་སྐྱེས་པའི་མ་རིག་པ། ཨ་ཕྱི་ཡིན་གྱི་དེ་ལ་མེ་སློང་ལ་ཤོག་བྱས་པས། བུ་ན་རེ་འདི་སྐད
་ཟེར་རོ།། ཀྱེ་ཡབ་ཡུམ་བདག་རིག་པའི་སྣང་བ་འགགས་གིས་ཡུལ་དེ་མ་ལགས་ཏེ། ཡུལ་དེར་བདག་མཆི་མ་རིག་པ་དང་རིག་པར་འདྲེས་ཡིས། བདག་ལ་གཡོག་པོ་མི་ཡེ་ཤེས་ལྔ། ལྔ་ཐོང་ཞིག། ཏིལ་མར་གྱིས་ངར་སྒྲོལ་བྱེད་ཤེས་རབ་ཀྱི
་སྐྱོང་བྱེད་དཔྱོད་པར་བྱེད་པའི་ཤེས་རབ། བླུད་པའི་ར་ལ་གྲི་གཅིག་སྐུར། མེ་ལོང་འོད་ལྔའི་སྣང་བ། ལྔ་སྐུར་ཅིག་བྱས་པས། ཕ་མ་གཉིས་དགའ་ལྷན་ཅིག་སྐྱེས་པ་དང་གཉིས་དུས་མཚུངས་པས། ནས་དེ་ཀ་ལྟར་བྱའོ་ཟེར་ནས། མི་ལྔ་གཡོག
་ཡེ་ཤེས་ཝ་ཏུ་བརྫངས། འོད་ལྔ་མེ་ལོང་ལྔ་བསྐུར་རོ།། ཡང་བུ་ན་དབྱིངས་རིག་པའི་སྒྲོན་མ། རེ་འདི་སྐད་ཟེར་རོ།། ཀྱེ་མ་ཡབ་ཡུམ་དག། བདག་ནི་བདུད་ཀྱི་ཡུལ་འཁོར་བ་ནས་ནས་མ་ཐོན་ན། ཅི་ལྟར་བགྱི་ཞེས
་དྲིས་པས། ཕ་མ་གཉིས་ན་རེ། ཡུལ་རིན་པོ་ཆེའི་ཙིཿ། ཕུང་པོ་ཞེས་བྱ་བ་ན། གདོལ་བ་ཅན་གྱི་མི་བཞི་ཤེས་རབ་བཞི། ཡོད་ཀྱིས། དེ་ཚེ་དམག་ཏུ་སྒྲོན་ལ། མི་གཅིག་སྡུད་བྱེད་ཀྱི་ཤེས་རག་གིས་དམག་སྡུས་ཤིག། མིག
་གཅིག་འབྱེད་བྱེད་ཀྱི་ཤེས་རབ། གིས་ལྕགས་ཁྲོལ་ཅིག། མི་གཉིས་སྒྲོལ་བྱེད་ཀྱི་ཤེས་རབ་དང་གཅོད་བྱེད་ཀྱི་ཤེས་རབ། ཀྱིས་སྒོ་ཆོག་ཅིག། དེ་སྐད་ཅེས་ཕ་མ་གཉིས་ལྷན་སྐྱེས་ཀྱིས་ལུང་བསྟན་ནས། བུ་ན་རེ་དེ་ལྟར་བགྱིའོ་ཟེར་ནས་རིག
་པའཁོར་བར་སོང་མ་རིག་པའི་སྐབས་བླངས། སོང་བ་ལས། དེ་ནས་བདུད་རྩ་བའི་ཉོན་མོངས། ཧ་ལི་ཀ་ནག་པོས་མཐོང་སྟེ། འོ་མི་འཁོར་བ་ལ་ཆགས་པ་ཤ་བོ་བྱུང་བས། འཁོར་སྟོང་ཕྲག་བཟུད་ས་རྣམས་ཀྱིས་འདི་མ་བཏང་པར་ཟུང་ཞིག
་བྱས་པས། བདུད་ཀྱི་མི་ལྔས་ཆགས་སྡང་ཝ། བཟུང་ངོ་།། ཨ་ཕྱི་ལིང་ཏོག་ཅན་མ་རིག་པ་གྱིས། སྒོ་ལྕགས་བཅུག་ནས། འཁོར་རྣམས་ལ་སྔོན་འདིས་ངའི་བུ་བསད་ཤ་ལྤག་གི་ལུས་བླང་ངོ་།། པ་ཡིན་པས་འདི་འཁོར་བ་ལས་མ་བཏང
་ཞིག་བྱས་པས། འཁོར་རྣམས་ན་རེ། དེ་ཀ་ལྟར་བགྱིའོ་ཟེར་ནས། འགྲོ་བའི་དབང་མ་བྱུང་ངོ་།། དེ་ནས་ཡང་བུ་དེས་འདི་སྐད་ཅེས་བྱས་སོ།། ཀྱེ་ཨ་མ་རིག་པ་ཕྱི་བདག་གི་རིག་པ། ཕ་མ་ཐབས་ཤེས་གཉིས་ཀྱི་ཞལ་ནས།
་ཁྱོད་ཀྱི་ཨ་མ་རིག་པ། ཕྱི་ལིང་ཏོག་ངོ་བོ་སྒྲིབ་པ་ཅན། ཅན་བྱ་བ་དེ་བདུད་ཀྱི་ཡུལ་ན་འཁོར་བའི་ཡུལ་ན་ཡོད། ཡོད་ཀྱིས། དེ་ནས་མེ་ལོང་ལ་ཤོག་ཟེར་བ་ལགས་ཀྱིས། བདག་མ་བཟུང་བར་ཐོང་བྱས་པས། རྒན་མོས་ན་རེ་ཁྱོད་མི
་བཏང་བ་ཡིན། ངའི་བུ་འཁོར་བ་ལས་ཡེ་ཤེས་དུ་ལོག་པའི་ཕྱིར། ཁྱོད་ཀྱི་ཕས་བསད་པ་ཡིན་པས་མི་བཏང་ངོ་ཟེར་རོ།། དེ་ནས་བུ་དེས་འདི་སྐད་ཅེས་བྱས་སོ།། བདག་མི་བཏང་ན་ཤེས་རབ་ཀྱིས་དམག་འདྲེན་བྱས་པས། མོ་ན་རེ།།
་ཁྱོད་རང་དམག་དྲོངས་ཟེར་ནས་མ་ལུས་ཡོད་པས། ཐར་རོ།། དེ་ནས་ཁོས་མགྲོན་མདོ་སྡེ་འདུལ་བ་མངོན་པ་གསུམ་པོ་མི་གསུམ་ལ་ཐན་བཏང་བ། ཀྱེ་གྲོགས་པོ་དག་ཡུལ་རིན་ཆེན་སྤུངས་པ་ཞེས་བྱ་བ་ན། ཤེས་རབ་བཞི་ལས
་གདོལ་པའི་རིགས་ཀྱི་མི་བཞི་སྒྲོན་མ་བཞི། ཡོད་ཀྱིས། དེར་ཁྱོད་ཀྱི་ཁྱེའུ་རིག་རིག་པ་ལ་བྱ། བྱེད་བཙོན་དུ་བཟུང་བས། དམག་ཤེས་རབ་ཆེན་པོ། དཔུང་མང་པོ་ཆོས་སྐད་ཅིག་ལ་རྟོགས་པ་ལ་ཤོག་ཅིག་བྱས་པས་ཁོ་ན་རེ་ཐོན་རྒུད
་ལུང་ལ་བརྟེན་དགོས། བགྱིའོ་ཟེར་ནས་སོང་ངོ་།། དེ་ནས་ཞག་གསུམ་རྟོགས་པ་སྐད་ཅིག་མ་གསུམ་ལ། གྱི་ནང་པར་ཉི་མ་ཤར་ཙམ་ན། དམག་མང་ཤེས་རབ་རྒྱུད་ལ་སྐྱེས་པོ་བྱུང་ནས་སྒོ་བཅག་ལུས་བོར་ནས་ཡེ་ཤེས་ལ་འཇུག་ནས། བཙོན་གྱི
་ལྕགས་ལུས་ལས། བཅག། རྒན་མོ་ཡུལ་མ་རིག་པའི་རྩ་བ་བཅད། ནས་བཏོན། མི་ལྔ་ཆགས་སྡང་ལྔ་སྦུབས་དང་བྲལ། རྟ་དང་ཕྲལ། ཨ་ཕྱིའི་བུ་བཙོན་མ་རིག་པ་རག་པར་གྲོལ། དུ་བཟུང་། འཁོར་རྣམས་སྟོང་ཕྲག་བརྒྱད་རྒ། རལ་གྲིས་མགོར་བཅད
་དེ་བསད་དོ།། དེ་ནས་རང་གི་མིག་ལས་ལམ་བྱས། ཡུལ་དུ་གྲོས། དེ་ནས་རང་གི་ཡུལ་དུ་ཕྱིན་པས། སྲིང་མོས་སུམ་ཅུ་རྩ་གསུམ་ལྷའི་ཡུལ་སྒྲོན་མ་ཉམས་སུ་བླང་ནས། རྣམ་པར་རྒྱལ་བའི་ཁང་བཟང་ནས་མེ
་འོངས་པའི་ཚད། ཏོག་མང་པོ་ཁྱེར་ནས་བྱུང་བ་དང་ཕྲད་དོ།། དེ་ནས་ཕ་མ་གཉིས་ཀྱིས་ངོ་ཤེས་ཡེ་ཤེས་རང་རིག་པར་གྱུར་ནས་རབ་ཏུ་དགའ་ནས། མིང་སྲིང་སྒྲོན་མ་གཉིས་གཉིས་ལ་མིང་བཏགས་པ། མིང་པོ་རྡོ་རྗེ་ལུ་དབྱིངས་རིག
་པའི་སྒྲོན་མ། གུ་རྒྱུད་འདྲེན་པ་ཞེས་བྱ་བ་བཏགས་སོ།། སྲིང་མོའི་མིང་ནི་མུ་ཁྱུད་ཐིག་ལེ་སྟོང་པའི་སྒྲོན་མ། འཛིན་ཞེས་བྱ་བར་བཏགས་སོ།། དེ་ནས་མིང་འཁྲུལ་སྣང་འགགས་ནས། སྲིང་གཉིས་གྲོས་བྱས་པ། སྟོན་པ་མེ་ལོང་བར་དོ་དང
་གོཅན་བྱ་བ་དེ་མཐོང་ནས། དེ་གཉིས་ལ་ལུང་ཤེས་རབ་དང་ཡེ་ཤེས་བསྟན་པ། ཀྱེ་རིགས་ཀྱི་བུ་ཉོན་ཅིག། ཡུལ་མ་བཀོད་པར་སྣང་བར་དོ་བ་ན། རིན་ཆེན་ཤེལ་དྲི་མ་མེད་པ། གྱི་མཆོད་རྟེན།། ཁྲི་འཕང་ལྔ་འོད་ལྔ་པ་གཅིག་ལ།
་ལོགས་རེ་ལ་མི་ལྔ་ཆོམ་པ་ལྔ་མདུན་མ་བྱེད་པས་ཤེལ་གྱི་མཆོད་རྟེན་འོད་ཀྱི་ལས། དེའི་འཁོར་ལོ་ལ། དངུལ་དཀར་ཡེ་ཤེས་བཞི་སྦྱོར་གྱི་སྣང་བགྱི་མེ་ལོང་བཞི་བཏགས་ནས་ཡོད་པ། དེ་ལ་རི་བོ་མ་ལ་ཡའི་རྩེ་མོ་མིག་ནས་ནས་བྱ
་ར་གྱིས་ལ། མུ་ཁྱུད་དབྱིངས་སུ་ཀྱི་ར་བར་ཆུག་ཅིག། དེ་ལ་རིན་པོ་ཆེའི་རྟོགས་ཚད། སྐས་ཚུགས་ལ། ལག་ཏུ་ཉམས་སུ་ལོངས། རིན་པོ་ཆེའི་སྣོད་བཅུད་ཀྱིས་བཀང་བ་ཐོགས་ལ་འཛེགས་ཤིག། དེ་ནས་མཆོད་རྟེན་གྱི་རྩེ་ནས་འོད
་ཀྱི་ལམ། སྟོན་པ་འོད་མི་རང་གི་སྣང་བ། འགྱུར་བ་ཞེས་བྱ་བ་ཅིག་ཡོད་ཀྱིས། དེ་ལ་འོད་ཟེར་ཀྱི་ཉག་ཟག་ཅིག་ཞབས་ཐུགས་ཀ་ནས། གཡས་པ་ནས་འོང་གིས་དེ་ལ་ཁྱོད་མ་འཇིགས་པར་དེ་རང་རིག་ཡིན་པས་ལ་འཇུས་ལ་སོང
་ཞིག། དེ་ནི་ཁྱོད་རང་གི་སྣང་བའི་ཡབ་རང་གི་རིག་པ་ཡིན་གྱིས་དེར་རྒྱུག་ཅིག་དེ་འདས་པའི་གོང་ན་རིན་པོ་ཆེ་ཤེལ་གྱི་ལྷུན་གྲུབ་ཁང་པ་གཅིག་ལ་སྒོ་བརྒྱད་ཡོད་ཀྱིས། དེ་ན་ཁྱོད་ཀྱི་མ་སྣ་ཚོགས་སུ་སྣང་བ་བྱ་བ་ཡོད
་ཀྱིས། དེ་ནས་ཁྱོད་ཀྱིས་མ་ངོ་ཤེས་པར་འགྱུར་རོ།། དེའི་གོང་ན་ཀ་དག་རང་སྣང་གི་སྣང་བ་རིན་པོ་ཆེ་སྣ་ཚོགས་ལས་བྱས་པའི་ཁང་པ་ཡོད་ཀྱིས། དེ་ཁྱོད་ཀྱི་གནས་ཡིན་པས་དེས་ཕྱིར་མི་ལྡོག་ཟུང་ཞིག། དེ་སྐད་ཅེས་སྟོན
་པས་ལུང་བསྟན་པས། ཁྱེའུ་ལུ་གུ་རྒྱུད་འདྲེན་པས་དབྱིངས་རིག་པའི་སྒྲོན་མ། འདི་སྐད་ཅེས་བྱའོ།། ཀྱེ་སྟོན་པ་ཆེན་པོ་དེ་ལྟར་བདག་གིས་བགྱིའོ།། ཟེར་ནས་སྲིང་མོ་སྒྲོན་མས་ཡུལ་རྙེད་པ། ལ་འདི་སྐད་ཅེས་ཟེར་རོ།། སྟོན་པས
་ལུང་བསྟན་ཕྱིར་མི་ལྡོག་པ། པ་བཞིན་དུ་བྱའོ།། ཟེར་ནས། ཉི་མའི་ཟེར་ལ་རྟ་རུ་ཐུགས་ཀའི་ཟེར་ཟག་ལ། ཞོན་ནས། འཇའ་ཚོན་འོད་ཀྱིས་གྱི་སྒ་བསྟད་ནས། མུ་ཏིག་གི་ཕྲེང་བས་གློ་རྟོག་པ་ལམ་དུ་ཁྱེར། བསྡམས་ནས་ལག་ཏུ་ཤེལ་གྱི
་ཤེས་རབ་ཀྱི། མདུང་ཐུང་ཐོགས་ནས། ནམ་མཁའི་དཀྱིལ་འཁོར་དུ་རྣམ་སྣང་གི་ནམ་མཁའ་ལ། ལམ་ཕྱུང་ནས། རིན་པོ་ཀ་དག་གི་སྣང་བས་ཟིན། ཆེ་བའི་ཁང་པའི་ནང་ན་ཐོག་རྡུག་མེད་པར་སོང་ཟེར་ཏེ་ཡ་ཆ། དེ་ནས་དཀར་མོའི
་ཚོགས་རྣམས་ཀྱིས་ངོ་མཚར་སྐྱེས་ནས་འདི་སྐད་ཅེས་བརྗོད་དོ།། ཨ་ཧཱུཾ་ཐུགས་རྗེས་ཉི་ཤར་སྟོང་ཁམས་ཁྱབ་མཛད་པ།། འོད་ཟེར་སྟོང་ལྡན་མ་རིག་མུན་ཁང་འཇོམས།། ཆོས་ཉིད་མི་འགྱུར་སྐུ་མདོག
་མཐིང་གར་ལྡན།། ཐུགས་རྗེ་དྲུག་ལྡན་ཕྱག་དྲུག་མཚོན་ཆ་བསྒྱུར།། དྲི་མེད་ཡེ་ཤེས་མཆེ་བ་དཀར་པོ་གཙིགས།། རུ་ལུའི་སྒྲ་ལྡན་གདུག་པ་ཐབས་ཀྱིས་འདུལ།། ཐུགས་རྗེའི་ཞགས་པས་འགྲོ་བ་འདྲེན་མཛད
་པའི།། ཡེ་ཤེས་སྤྱན་ལྡན་ཁྱོད་ལ་ཕྱག་འཚལ་བསྟོད།། ཐུགས་རྗེའི་སྟོབས་ལྡན་རྡོ་རྗེ་ཡེ་ཤེས་སྐུ།། འགྲོ་བ་འདམ་ནས་འདྲེན་མཛད་ཐུགས་རྗེའི་ཞགས་པ་ཅན།། ངོ་བོ་མི་འགྱུར་རྡོ་རྗེ་དོན་དང་ལྡན།། ཡེ་ཤེས་རྣམ
་དག་སྐུ་ལ་ཕྱག་འཚལ་བསྟོད།། རྣམ་རྟོག་སྒྲིབ་མེད་ཡེ་ཤེས་འབར་བའི་སྐུ།། ཡེ་ཤེས་ཚོགས་རྫོགས་རྣམ་དག་ས་ལ་གནས།། རྡོ་རྗེའི་ལུས་ཉིད་རྣམ་དག་སྤྱན་ལྡན་པའི།། ཉི་མ་སྟོང་གི་འོད་ཟེར་ཐུགས་རྗེ་ཅན།། རང
་རིག་རྡོ་རྗེ་སྐུ་ལ་ཕྱག་འཚལ་བསྟོད།། འོད་ཟེར་ཕྲེང་བས་འགྲོ་བའི་སྣང་བ་སྟོན།། ཤེལ་སྒོང་ལྟ་བུ་སྐྱོན་མེད་རྣམ་པར་དག། སྐྱོན་མེད་ཡེ་ཤེས་ཆོས་སྐུའི་མཚན་ཉིད་འཛིན།། ངོ་བོ་མི་འགྱུར་ཐུགས་རྗེའི་སྐུར་ཤར
་བས།། ཐུགས་རྗེས་ཕ་རོལ་སྒྲོལ་ལ་ཕྱག་འཚལ་བསྟོད།། མ་འགགས་སོ་སོའི་མཚན་འཛིན་ཡེ་ཤེས་དོན།། མཚན་དང་དཔེ་བྱད་ལྡན་ཞིང་རྣམ་དག་སྐུ།། འགག་མེད་ལོངས་སྤྱོད་རྫོགས་ལ་ཕྱག་འཚལ་བསྟོད།། ཡེ
་ཤེས་སྐུ་མཆོག་འབར་བའི་ཆོས་སྐུའི་དོན།། བསམ་པ་ཀུན་སྤངས་ཆོས་ཉིད་མིང་དང་བྲལ།། རྣམ་དག་ཡེ་ཤེས་སྐུ་ལ་ཕྱག་འཚལ་བསྟོད།། ཞི་བའི་སྐུ་ལ་ཁྲོ་བོའི་ཆ་བྱད་ཅན།། འགྲོ་བ་ཟིལ་གྱི་གནོན་མཛད་སྟོབས་པོ
་ཆེ།། ཁྲོ་རྒྱལ་ཧཱུཾ་སྒྲ་ཅན་ལ་ཕྱག་འཚལ་བསྟོད།། ཅེས་མཁའ་འགྲོ་མ་རྣམས་ཀྱིས་བསྟོད་ནས། རང་ལ་རང་ངོ་མཚར་སྐྱེས་ནས་འདི་སྐད་ཅེས་བརྗོད་དོ།། ཨེ་མ་ཧོ་དོན་ཆེན་པོ་རྙེད་དོ།། ཨེ་མ་ཧོ་ཀློང་གཅིག་ཏུ་འདུས
་སོ།། ཨེ་མ་ཧོ་མཐའ་ཀློང་དུ་འདུས་སོ།། ཨེ་མ་རྟོགས་པ་སྐད་ཅིག་མ་ལ་གྲུབ་པོ། ཨ་ལ་ལ་ཧོ།། སངས་རྒྱས་ཀྱི་དགོངས་པ་རྙེད་དོ།། རང་ལས་བྱུང་བའི་ནོར་བུ་རིན་པོ་ཆེའི་དོན་ཐུགས་སུ་ཆུད་དོ།། ཅེས་བརྗོད་ཅིང
་གླུ་དང་རོལ་མོ་སྣ་ཚོགས་པ་དང་། སྒྲ་སྣ་ཚོགས་ཀྱིས་མཆོད་པ་ཆེར་བྱས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། ཡོངས་སུ་བསྟོད་པའི་ལེའུ་སྟེ་བཞི་བཅུ་པའོ།། །། བྱམཿས1དེ
་ནས་ཡང་མཁའ་འགྲོ་མ་སེར་མོའི་ཚོགས་ཀྱིས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། བདག་ཅག་རྣམས་ལ་ཐབས་དམ་པ་བསྟན་དུ་གསོལ། ཞེས་ཞུས་སོ།། དེ་ནས་ཡང་བཅོམ
་ལྡན་འདས་ཀྱིས་བཀའ་སྩལ་པ། ཀྱེ་འབྱུང་བའི་བདག་མོ་རྣམས་ཉོན་ཅིག། ངས་དོན་མ་ནོར་བར་ཁྱེད་ལ་བསྟན་གྱིས་ལེགས་པར་ཉོན།། ངས་ནི་སངས་རྒྱས་མ་མཐོང་ངོ་།། དེའི་ཕྱིར་སངས་རྒྱས་ཀྱི་བྱིན་གྱིས
་བརླབས་པ་མེད་པའི་ཕྱིར། ཐབས་ཞེས་བྱ་བ་མེད་དོ།། དེ་ནས་ཡང་མཁའ་འགྲོ་མ་རྡོ་རྗེའི་གཙུག་ཕུད་ཅེས་བྱ་བས་འདི་སྐད་ཅེས་གསོལ་ཏོ།། ཀྱེ་ཐུགས་རྗེ་ཆེན་པོ་དང་ལྡན་པ་སྒྲུབ་རྒྱུད་ཀྱི་བརྡའ་ཆེན
་གསུང་དུ་གསོལ། ཞེས་ཞུས་སོ།། དེ་ནས་བཅོམ་ལྡན་འདས་དགོངས་པ་རང་གནས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན
་འདས་ཏིང་ངེ་འཛིན་ལས་བཞེངས་ཤིག། འཇིག་རྟེན་ཀྱི་ཁམས་འོད་ཀྱིས་ཁོང་ཞིག་མ་རིག་པའི་མུན་པ་ཆོམས་ཤིག་ཡེ་ཤེས་ཀྱི་སྣང་བ་སྟོན་ཅིག་ཅེས་ཞུས་སོ།། དེ་ནས་ཡང་བཅོམ་ལྡན་འདས་ཀྱིས་ཏིང་ངེ་འཛིན
་ལས་བཞེངས་ནས། འོད་ཟེར་གྱི་ཕུང་པོས་འཇིག་རྟེན་གྱི་ཁམས་སྟོང་གསུམ་གྱི་སྟོང་ཆེན་པོ་ཐམས་ཅད་ཁེངས་སོ།། དེ་ནས་སྟོན་པ་ཐུགས་རྗེ་ཆེན་པོ་དེས། མཁའ་འགྲོ་མའི་ཚོགས་རྣམས་ལ་འདི་སྐད་ཅེས་གསོལ
་ཏོ།། ཨེ་མ་མཁའ་འགྲོ་མའི་འཁོར་རྣམས་ཉོན་ཅིག། སྔོན་ཡུལ་རྣམ་པར་དག་པ་རིག་པའི་ཞིང་ཁམས་ཞེས་བྱ་བ་ན། མཁར་སྒོ་བརྒྱད་ལྷུན་གྲུབ་དང་ལྡན་པའི་མཁར་ཞིག་ཡོད་དོ།། མཁར་དེའི་རྩེར་ཁྱེའུ་རིག་པ། སྣང
་བའི་རིག་བྱེད་བྱ་བ་ཡོད། དེ་ལ་མ་རྒན་དེ་རིག་པ་དང་དུས་མཉམ། མོ་ལིང་ཏོག་ཅན་ཞེས་བྱ་བ་ཡོད། ཡུལ་དེའི་མདའ་ན་འཁོར་བ། སྡིག་སྤྱོད་ཉོན་མོངས་པ་པའི་རྒྱལ་པོ་གྲགས་པ་དབང་ཕྱུག་བྱ་བ་དེ་ལ་བུ་རྒྱལ་བུ་ལྔ་ཆགས་སྡང་ལྔ།།
་ཡོད་པས། སྲས་པོ་ལྔས་ཡུལ་སྒོ་ལ་ཡན། སྐུ་རྩེད་ལ་སོང་བས།། རྒན་མོ་ལིང་མ་རིག་པ་དང་དུས་མཉམ། ཏོག་ཅན་མདོ་ན་མར་སྐྱོ་བསངས་སྒོ་ལྔ་ལ་ལ་བྱུང་བས། སྲས་རྒྱལ་བུ་ལྔས་བཙོན་དུ་བཟུང་ཡུལ་དང་ཕྲད། ཟེར་བ་དེ་ཡང་ཡ
་ཆ་ཨང་བྱས་པས་མཁའ་འགྲོ་རྣམས་ངོ་མཚར་མཆོག་ཏུ་སྐྱེས་ནས་འདི་སྐད་ཅེས་གསོལ་ཏོ།། ཀྱེ་ཐུགས་རྗེ་ཆེན་པོ་དང་ལྡན་པའི་སྟོན་པ་དེས་ནི་བདག་ཅག་རྣམས་ཀྱི་རྟོག་པ་སེལ་བར་གྱུར་ཏོ།། ཨེ་མ་ངོ་མཚར་ཤིན
་ཏུ་ཆེའོ།། སྟོན་པས་ལུང་བསྟན་དུ་གསོལ། ཨེ་མ་ཧོ།། དེ་ནས་ཡང་སྟོན་པས་བཀའ་སྩལ་པ། དེ་ནས་བུམ་རིག་པ། བསྙེགས་མ་ལ་སོང་བ་ཡང་བཟུང་ནས་ལྕགས་སུ་བཅུགས་འཁོར་བར་བཟང་། ཟེར་བ་དེ་ཡ་ཆ། དེ་ནས
་མཁའ་འགྲོ་མ་སེར་མོ་ཡེ་ཤེས་ཀྱི་མདངས་དང་ལྡན་པ་ཞེས་བྱ་བ་དེས་འདི་སྐད་ཅེས་གསོལ་ཏོ།། ཨེ་མ་ཧོ་སྟོན་པ་ཆེན་པོ། སེམས་ཅན་གྱི་རྟོག་པ་གང་གིས་སེལ་བར་འགྱུར། ཞེས་ཞུས་སོ།། དེ་ནས་ཡང་བཀའ་སྩལ
་པ། སྔོན་ཡུལ་རིན་ཆེན་པོ་ཆེ་སྤུངས་པ་ཞེས་བྱ་བ་ན། རྒན་མ་རིག་ག་མོ་གཅིག་ལ་རིག་པའི་ཡེ་ཤེས་ནོར་བུ་རིན་པོ་ཆེ་གཅིག་ཡོད་པ། རྐུན་མོ་མི་ལྔས་ཆགས་སྡང་ཝ། ཁྱེར་ནས། རྒན་མོ་སྡུག་བསྔལ་གྱིས་ཟིན་ཟེར་བ་དེ་འཁོར་བའི
་འདམ་དུ་ཆགས་ཡ་ཆ། དེ་ནས་མཁའ་འགྲོ་མ་རྡོ་རྗེ་ཧཱུཾ་སྒྲ་ཅན་ཞེས་བྱ་བས་འདི་སྐད་ཅེས་གསོལ་ཏོ།། ཀྱེ་སྟོན་པ་ཆེན་པོས་ཐབས་བསྟན་དུ་གསོལ། ཞེས་ཞུས་སོ།། དེ་ནས་ཡང་སྟོན་པས་བཀའ་སྩལ་པ། རྒན་མོ
་དེའི་རྗེས་ཤེས་རབ་ཀྱི། བཅད་པས། ཡུལ་ཚེར་མ་འཁོར་བའི་སྡུག་བསྔལ་ཅན་དུ་སོང་ནས། རྐུན་མ་མི་ཆགས་སྡང་ལྔ། ལྔ་བཀུག་པས། རྒན་མོ་བརྒྱལ་འཁོར་བར་སོང་ཟེར་བ་དེ་ཡ་ཆ། དེ་ནས་ཡང་འཇོམས་བྱེད་དམག
་གི་རྒྱལ་མོས་འདི་སྐད་ཅེས་གསོལ་ཏོ།། བདག་ཅག་རྣམས་ལ་འཁྲུལ་འཁོར་བའི་དུ་ཁ་བའི་བཟློག་ཚུལ་བསྟན་དུ་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ། དེ་ནས་རྐུན་མོ་ཡུལ་ཚེར་མ་ཅན།། མ་དག་པའི་ཡུལ
་ནས་རྗེས་ཆོད་པས། རྒན་མོ་བརྒྱལ་བ་རིག་པ་དང་། སངས་ཟེར་བ་དེ་ཡ་ཆ། དེ་ནས་ཡང་རྡོ་རྗེ་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་སྟོན་པ་ཆེན་པོ་གྲོལ་ལུགས་གསུང་དུ་གསོལ། ཞེས་ཞུས་སོ།། དེ
་ནས་ཡང་བཀའ་སྩལ་པ། དེ་ནས་ཡང་རྒན་མོ་དེའི་བུ་མེ་ལྷ་དཀར་རིག་པའི་ཡེ་ཤེས་ཉིད་པོ་ཞེས་བྱ་བ་དེས་འདི་སྐད་ཅེས་ཟེར་རོ།། ངའི་རིག་པའི་ང་ག། ནོར་བུ་མ་བརླག་གམ་བྱས་པས། མི་ལྔ་ཉོན་མོངས་ལྔ། པོ་ན་རེ། ནོར་བུ་མ
་བརླག་གིས། ཁྱོད་རང་གིས་ཨ་མ་རྒན་མ་རིག་པ། མོ་སོད་ཅིག། མ་རྒན་མོ་བསད་པར་མ་རིག་པས་སྒྲིབ་པར་བྱེད། ནོར་བུ་མི་སྟེར་འཁོར་བ་ལས་མི་བར་མོ་ཟེར་བས། ཁོས་ཤེས་པས་ཁོ་རང་གི་མ་མ་རིག་བསད་ནས་འབྲལ་བྱུང་གི་ཉོན་མོངས
་པ་ལྔའི་ཤ་ཟོས་ཁྲག་འཐུང་རུས་པ་མུར། དངོས་པོ་མེད་པར་བྱས་ནས། ནོར་བུ་རྐུན་མོས་བྱིན་རིག་པ་གང་གི་དབང་དུ་ཡང་མ་སོང་བ་པ་དེ་ཡ་ཆ། དེ་ནས་ཡང་མཁའ་འགྲོ་མ་སེར་མོ་ཚོགས་ཀྱིས་སྟོན་པ་ལ་བསྟོད་པ། ཨཿཧཱུཾ
་བཅོམ་ལྡན་མགོན་པོ་རྡོ་རྗེ་ཡེ་ཤེས་སྐུ།། བརྗོད་མེད་བསམ་བྲལ་རྡོ་རྗེ་ཆོས་ཀྱི་སྐུ།། བྱ་བ་རྫོགས་པས་འགྱུར་མེད་ས་ལ་གནས།། ཡེ་ཤེས་མཆོག་ལྡན་རྟོག་མེད་ཆོས་ཀྱི་སྐུ།། འཛིན་མེད་ཆོས་ཀྱི་སྐུ་ལ་ཕྱག་འཚལ
་བསྟོད།། མ་འགགས་རྡོ་རྗེའི་དོན་ཉིད་འཛིན་པ་སྟེ།། མུ་ཁྱུད་འོད་ཀྱི་དཀྱིལ་འཁོར་ཕོ་བྲང་ནས།། སྐུ་ལྔ་རྟོག་མེད་སོ་སོའི་མཚན་འཛིན་པ།། མི་འགྱུར་དོན་ལྡན་རིགས་ལྔ་ཡེ་ཤེས་སྐུ།། ཚོམ་བུ་ལྔ་ལྡན་གཙོ་བོའི
་དཀྱིལ་འཁོར་སྟོན།། ཡབ་ལྔ་ཡུམ་ལྔ་མདུན་རྒྱབ་མེད་པ་ཡི།། ཡེ་ཤེས་ཐུགས་རྗེའི་སྤྱན་ལྡན་ལོངས་སྤྱོད་རྫོགས་པའི་སྐུ།། སྟོང་གསལ་ལོངས་སྤྱོད་སྐུ་ལ་ཕྱག་འཚལ་བསྟོད།། ཐུགས་རྗེའི་སྟོབས་ཀྱིས་འགྲོ་བ་ཕ་རོལ
་སྒྲོལ།། སྐུ་མཆོག་ཁྲོ་བོའི་ཆ་ལུགས་གད་རྒྱངས་སྒྲོགས།། དབུ་གསུམ་ཐོར་ཚུགས་གཅིག་ཏུ་བཅིངས་པས་འཁོར་རྣམས་སྐྲག། ཕྱག་དྲུག་ཕྱག་མཚན་ཐ་དད་བསྣམས་པས་བགེགས་རྣམས་འདུལ།། སྐུ་ལ་ཆས་བརྒྱད
་གསོལ་ཞིང་མ་མོ་དབང་དུ་སྡུད།། ཐུགས་རྗེས་འགྲོ་བ་འདམ་ནས་འདྲེན་མཛད་བཅོམ་ལྡན་སྨན་གྱི་བླ།། ཕ་རོལ་སྟོབས་ཀྱིས་སྒྲོལ་བའི་ཁྲོ་རྒྱལ་ཧཱུཾ་སྒྲ་ཅན། མ་རིག་འཇོམས་པའི་ཐུགས་རྗེ་འོད་པོ་ཆེ། སྣ་ཚོགས་སྤྲུལ
་པའི་སྐུ་ལ་ཕྱག་འཚལ་བསྟོད།། སྐུ་གསུམ་དོན་ལྡན་སངས་རྒྱས་ཀུན་གྱི་མེས།། ཐུགས་རྗེའི་སྟོབས་བདག་གཞོན་ནུ་ཉིད་ཀྱི་སྐུ།། སྐུ་གསུམ་ཡེ་ཤེས་རྫོགས་ལ་ཕྱག་འཚལ་བསྟོད།། ཅེས་བསྟོད་ནས། རང་རང་གི་དོན
་རྙེད་ནས་ངོ་མཚར་སྐྱེས་སོ།། ཨ་ལ་ལ་ཧོ།། དོན་ཆེན་པོ་རྙེད་དོ།། གསང་སྔགས་ཐམས་ཅད་རང་གི་ཐུགས་སུ་ཆུད་དོ།། སངས་རྒྱས་ཀྱི་སྐུ་སེམས་ཅན་ལ་བྱུང་ངོ་།། ཨེ་མ་ཧོ།། ཐ་དད་གཅིག་ཏུ་འདུས
་སོ།། ཀློང་གཅིག་ཏུ་འདྲིལ་ལོ།། ཨ་ཧོ་ཀློང་ཐམས་ཅད་སྒྲོན་མ་ལ་འདུས་སོ།། སྒྲོན་མ་ཐམས་ཅད་འོད་ལ་འདུས་སོ།། ཀྱེ་མ་ཧོ་འོད་ཐམས་ཅད་སྐུ་ལ་འདུས་སོ།། སྐུ་ཐམས་ཅད་རིག་པ་ལ་འདུས་སོ།། ཨཿཧཱུཾ་རིག
་པ་ཐམས་ཅད་མི་གནས་པའི་ཀློང་དུ་ཐིམ་མོ།། དེ་བཞིན་དུ་རང་གི་དོན་ཐམས་ཅད། རང་རང་གིས་རྟོགས་ནས།། ཐེ་ཚོམ་གྱི་རྟོག་པ་བསལ་ལོ།། ཞེས་རིག་པ་རང་ཤར་ཆེན་པོའི་རྒྱུད་ལས།། འཁྲུལ་པའི་རང་བཞིན་གྱི་བརྡའི
་ལེའུ་སྟེ་ཞེ་གཅིག་པའོ།། །། མྦི་པྲཱ་ན་ནཱ་ཤྭཪྻཱཿདེ་ནས་ཡང་མཁའ་འགྲོ་མ་དམར་མོའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་སྟོན་པ་ཆེན་པོ་བདག་ཅག་རྣམས་ལ་ཐབས་དམ་པ་བསྟན་དུ
་གསོལ། གསུང་དུ་གསོལ། ལུང་བསྟན་དུ་གསོལ། ཞེས་ཞུས་སོ།། དེ་ནས་སྟོན་པ་ཆེན་པོས་བཀའ་སྩལ་པ། ཀྱེ་ཉོན་ཅིག་ཁྱོད་རྣམས་ལ་ངས་བསྟན་གྱིས་གུས་པར་ཉོན་ཅིག། སྔོན་བག་ཆགས་ཀྱི་ཕུང་པོ་ལ་ག། ཡུལ་མ་ག
་དྷའི་གྲོང་ཁྱེར་ཆེན་པོ་ཞེས་བྱ་བ་ན། རྒྱལ་རིག་པ་པོ་མཛེས་ལྡན་སྙིང་པོ་ཞེས་བྱ་བ་ལ། ལྷ་ཁང་འོད་ལྔ། ཡིད་དུ་འོང་བ་ཞིག་ཡོད་པ་ལས་འབངས་ཉོན་མོངས་པ། རྣམས་ཀྱིས་ཁེང་ལོག་བྱས་ཏེ། ལྷ་ཁང་ལ་མེ་ཕྱོགས་བཅུ་ནས
་ཤིན་ཏུ་རགས་པ། བཏང་བས་ལྷ་ཁང་མ་ཚིག་ཟེར་བ་དེ་རིག་པ་ལ་འཕེལ་འགྲིབ་མེད། ཡ་ཆ། དེ་ནས་དམར་མོ་ཁྲག་འཇིབ་མས་འདི་སྐད་ཅེས་གསོལ་ཏོ།། ཀྱེ་སྟོན་པ་ཆེན་པོ་ཁམས་གསུམ་འཁོར་བའི་སེམས་ཅན་རྣམས་ཐབས
་གང་གིས་འཚང་རྒྱ་བར་འགྱུར། ཞེས་ཞུས་སོ།། དེ་ནས་ཡང་བཀའ་སྩལ་པ། ཡུལ་ཉོན་མོངས་རགས་པའི་སེམས་ཅན། འདུས་པ་རྣམ་པར་བཀོད་པ་ཞེས་བྱ་བ་ན། རྒྱ་ནག་གི་རྒྱལ་པོ་ལི་སློབ་དཔོན་མཁས་པ་ལ་པྲ། ཀ་ར་ཏ་ཞེས་བྱ
་པབས། གབ་ཨུད་ལུང་མན་ངག་འཇོམ་པ་ལ་ཕྲ། ཚེ་ཆེན་པོ་གཅིག་བཏིང་ནས། གཤིན་རྩིས་འཁོར་བ་ལས་ཐར་བའི་ཐབས་བསྟན། བྱས་པས་གཏོ་ཆོག་ཏུ་བཙུན་མོ་ཉི་ཤུ་རྩ་གཅིག་ངོ་སྐྲོད་ཉི་ཤུ་རྩ་གཅིག་ལ་ཐ། མཛེས་པའི་ཆས་སུ་བཅུག་ནས།
་ལམ་པར་དོ་ལ་པོ་ཆེའི་བཞི་མདོར་བསྐུལ་བས་ཤི་ཁ་བཅད་ཆར་ཟེར་པ་དེ་ཡ་ཆ། དེ་ནས་ཡང་དམར་མོ་དབང་གི་སྐུས་འདི་སྐད་ཅེས་གསོལ་ཏོ།། ཀྱེ་སྟོན་པ་ཆེན་པོ་ཐབས་བསྟན་དུ་གསོལ།། ཞེས་ཞུས་སོ།། དེ་ནས་ཡང
་སྟོན་པས་བཀའ་སྩལ་པ། དེ་ནས་རྒྱ་ནག་གི་རྒྱལ་པོ་ལི་མན་ངག་གི་སློབ་དཔོན། གར་ཏེ་འཕྲུལ་གྱི་རྒྱལ་པོ་དེས། བཙུན་མོ་ཉི་ཤུ་ཇོ་སྤྲོད་ཉི་ཤུ་རྩ་གཅིག་རྩ་གཅིག་ལ་མཛེས་རང་འོད། པའི་རྒྱན་གྱིས་བརྒྱན། མགྱོགས་པའི་ཤེས་རག་རྟ
་བསྐྱོན། གསལ་བའི་མིག་སྒྲོན་མ། ཕྱེས། བརྡེག་པའི་མཚོན་རྒྱུད་ལུང་། བསྐུར་ནས། གཅོད་མན་ངག་པའི་སོ་བཏགས། གོན་པའི་འོད་ཀྱི། གོས་བསྐོན། འདུག་ཀ་དག་པའི་ཡུལ་བཙལ། གནས་འོད་ཀྱི་སྣང་ག་པའི་ཁྱིམ་བཙལ་ནས།
་འགྲོ་བའི་བར་རོ།། ལམ་བཙལ་ནས། བཏང་བས་ཤི་སྐབ་ཆོད་འཁོར་བ་ལས་སྒྲོལ་ཟེར་བ་དེ་ཡ་ཆ། དེ་ནས་ཡང་འཇིག་རྟེན་ཕུང་བྱེད་མས་འདི་སྐད་ཅེས་གསོལ་ཏོ།། ཀྱེ་སྟོན་པ་ཆེན་པོ་སངས་རྒྱས་ཀྱི་བསྟན་པ
་འཇིག་པའི་དུས་ཅི་ཙམ་ན་ལགས། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་མཁའ་འགྲོ་མ་རྣམས་ཉོན་ཅིག། སངས་རྒྱས་ཀྱི་བསྟན་པ་འདི་འཇིག་པའི་རྟགས་སུ། འཇིག་རྟེན་གྱི་ཁམས་སུ་མུ་གེ་དང་ནད་སྣ
་ཚོགས་པ་འབྱུང་ངོ་།། འཇིག་རྟེན་གྱི་ཁམས་ན་གནོད་སྦྱིན་སྐར་མདའ་གདོང་ཞེས་བྱ་བ་དང་། བདུད་ཧེ་ལེ་ཁྱབ་པ་ཞེས་བྱ་བ་གཉིས་འཐབ་པས་འཁྲུགས་པ་འབྱུང་བ་ཡིན་ནོ།། མ་མོ་སྲིད་པ་ཀུན་གྱི་མངའ་བདག་མོ
་ཞེས་བྱ་བ་དང་། འཇིག་རྟེན་ཕུང་བྱེད་མ་གཉིས་ལ་འབྲུ་སྣ་ཚོགས་ཀྱི་བང་བ་གཅིག་ཡོད་དེ།། དེ་གཉིས་འཐབ་པའི་རྟགས་སུ་མུ་གེ་འབྱུང་བ་ཡིན།། ནག་མོ་སྡེར་འཛིང་མ་བྱ་བ་དང་། སྲིད་པ་བདེ་འགྲོ་མ་བྱ་བ
་གཉིས་འཐབ་པའི་རྟགས་སུ་ནད་མང་པོ་འབྱུང་བ་ཡིན། དུས་ལྔ་བརྒྱ་སྙིགས་མའི་དུས་ན།། སྐྱེས་པ་ཐམས་ཅད་གྲིར་ཤི་བའི་དུས་འབྱུང་ངོ་།། བཙུན་པ་རྣམས་ཀྱིས་ཁྲིམས་མི་ཐུབ་པའི་དུས་འབྱུང་ངོ་།། བུད་མེད
་རྣམས་ཀྱིས་སྨད་མི་ཐུབ་པའི་དུས་འབྱུང་ངོ་།། ཕ་དང་བུ་བརྡའ་མི་འཕྲོད་པའི་དུས་འབྱུང་ངོ་།། གཞོན་པ་རྣམས་རྩོད་པ་ལ་དགའ་བའི་དུས་འབྱུང་ངོ་།། མཁའ་འགྲོ་མ་མི་ཡུལ་དུ་འབྱུང་བའི་དུས་འབྱུང་ངོ་།། ཁ་ཚིག་ཕྲ
་མོ་ལ་བརྟེན་ནས། སྤྱོད་པ་བབ་ཚོལ་དུ་བྱེད་པའི་དུས་འབྱུང་ངོ་།། གསང་སྔགས་བོན་དུ་གྱེར་བའི་དུས་འབྱུང་ངོ་།། གསང་སྔགས་སྟོན་པའི་སློབ་དཔོན་མི་བཀུར་བར་གཉེན་དང་ཉེ་བའི་ཁ་ངོ་བལྟ་བའི་དུས་འབྱུང
་ངོ་ངོ།། སྔགས་པས་གསང་མི་ཐུབ་པའི་དུས་འབྱུང་ངོ་།། སྐྱེས་པས་ཆོས་མི་ཐུབ་པའི་དུས་འབྱུང་ངོ་།། མི་རྣམས་ཀྱིས་གོས་ནག་པོ་གོན་པའི་དུས་འོང་ངོ་།། སྒྲུབ་པ་པོ་རྣམས་གྲོང་ཡུལ་དུ་འབབ་པའི་དུས་འབྱུང
་ངོངོ།། གསང་སྔགས་ཀྱི་ཟབ་ཆོས་ལ་མི་སྤྱོད་པར་ལོག་པའི་ཆོས་ལ་སྤྱོད་པའི་དུས་འབྱུང་ངོ་།། སངས་རྒྱས་ཀྱི་དགོངས་པ་ཉམས་སུ་མི་ལེན་པར། གླུ་གར་དང་རོལ་མོ་དང་རྩེད་མོ་ལ་དགའ་བའི་དུས་འབྱུང་ངོ་།། སྒྲུབ
་པ་པོ་རང་གཅིག་པུར་མི་འདུག་པར། མི་མང་པོ་ཚོགས་ནས་ཁ་ཚིག་ལ་སྤྱོད་པའི་དུས་འབྱུང་ངོ་།། སྲིན་པོ་གསོད་བྱེད་ནག་པོ་བྱ་བ་དང་། སྲིན་མོ་ནག་པོ་རག་ཤ་མ་བྱ་བ་གཉིས་སྔགས་པ་ཀུན་གྱི་སིང་དུ་ཞུགས
་ནས།། དགོན་པ་མི་འཛིན་པར་གྲོང་ཡུལ་དུ་འབབ་ཅིང་གཙོ་བོ་བྱེད་ཅིང་ཕུང་བའི་ལས་དྲག་པོ་བྱེད་པ་འབྱུང་ངོ་།། ཚངས་པ་དུང་གི་ཐོར་ཚུགས་ཅན་དང་། ཡུམ་ཕུང་བྱེད་མ་ནག་མོ་གཉིས་ཀྱིས་བུ་དགེ་བསྙེན་དཀར
་པོ་བྱ་བ་གཅིག་བཙུན་པ་ཀུན་གྱི་སྙིང་དུ་ཞུགས་ནས། རང་གི་འདུ་ཁང་མི་སྐྱོང་བར་སྡེ་པ་འཛིན་པའི་དུས་འབྱུང་ངོ་།། དེ་ལ་སོགས་པའི་རྟགས་མི་སྡུག་པ་དང་། མི་ལེགས་པ་འབྱུང་སྟེ། དེའི་དུས་ཙམ་ན་བསྟན་པ
་ནུབ་པའི་རྟགས་ཡིན་ནོ།། གསང་སྔགས་གསང་བ་འདི་ས་ལ་གནས་པའི་བྱང་ཆུབ་སེམས་དཔའ་གཅིག་གིས་སྤྱད་ནས་དར་ཞིང་རྒྱས་པར་འགྱུར་རོ།། དེ་ནས་ལོ་ལྔ་བརྒྱ་ན་མུན་པའི་བསྐལ་པ་ལོ་དྲུག
་ཅུ་འབྱུང་ངོ་།། དེ་ནས་སངས་རྒྱས་རྣམ་པར་བཀོད་པ་རིན་པོ་ཆེའི་རྒྱན་ཞེས་བྱ་བ་འཇིག་རྟེན་ན་འབྱུང་ངོ་།། དེས་མཚན་ཉིད་ཀྱི་ཆོས་ལོ་བརྒྱ་ཐམ་པ་གནས་པར་བྱེད་དོ།། དེ་ནས་ཡང་མུན་པའི་བསྐལ་པ་ལོ་དྲུག་ཅུ
་འབྱུང་ངོ་།། དེ་ནས་ཡང་དེ་བཞིན་གཤེགས་པ་འོད་སྲུངས་ཆེན་པོ་ཞེས་བྱ་བ་འཇིག་རྟེན་དུ་འབྱུང་ངོ་།། མི་དང་འཁོར་རྣམས་ཀྱང་འོད་འདོམ་རེ་དང་བཅས་ནས་འོང་ངོ་།། རྫོགས་པ་ཆེན་པོ་ལོ་དྲུག་ཅུ་གནས་པར་བྱེད
་དོ།། ཞིང་ཁམས་དེ་ན་སངས་རྒྱས་ཀྱི་འབྲས་བུ་ཐོབ་པའི་གང་ཟག་སུམ་ཅུ་འབྱུང་ངོ་།། དེ་ནས་མུན་པའི་བསྐལ་པ་ལོ་ལྔ་བཅུ་འབྱུང་ངོ་།། དེ་ནས་ཡང་དེ་བཞིན་གཤེགས་པ་གཙུག་ཕུད་རིན་པོ་ཆེ་བྱ་བ་འཇིག་རྟེན་དུ
་འབྱུང་ངོ་།། དེ་ནས་ཡང་དམ་པའི་ཆོས་འདུལ་བ་ལོ་བཅུ་ཐམ་པ་གནས་པར་བྱེད་དོ།། དེ་ནས་ཡང་རང་སངས་རྒྱས་ལྔ་བཅུ་འབྱུང་ངོ་།། དེ་ནས་བསྐལ་པ་ཆེན་པོ་བཞི་འབྱུང་ངོ་།། དེ་ཡང་དང་པོ་མུ་གེའི་བསྐལ་པ
་འབྱུང་ངོ་།། དེ་ནས་མཚོན་གྱི་བསྐལ་པ་འབྱུང་ངོ་།། དེ་ནས་ནད་ཀྱི་བསྐལ་པ་འབྱུང་ངོ་།། དེ་ནས་མེ་བདུན་གྱི་བསྐལ་པ་འབྱུང་ངོ་།། དེ་ནས་འབྱུང་བ་ཆུའི་བསྐལ་པ་འབྱུང་ངོ་།། དེ་ནས་ཐ་མ་རླུང་གིས་འཇིག་པར
་གྱུར་རོ།། དེ་ནས་ལོ་ལྔ་བརྒྱའི་བར་དུ་སྟོངས་པར་གནས་སོ།། དེ་ནས་ཡང་སྟོངས་པ་དང་། ཆགས་པ་དང་། འཇིག་པ་གསུམ་དུས་མཉམ་སྟེ། ཡང་དཔག་བསམ་གྱི་ཤིང་རྒྱས་པ་ཆེན་པོ་ཞེས་བྱ་བ་ཆགས་སོ།། འདབ
་མའི་སྟེང་དུ་མུ་ཏིག་གི་ཕྲེང་བ་ཡིད་དུ་འོང་བ་གཅིག་ཡོད་དེ། དེ་ལ་ཐམས་ཅད་མཁྱེན་པའི་སྤྱན་ཆགས་པས། འཇིག་རྟེན་གྱི་ཁམས་མི་མཇེད་ཅེས་བྱ་བ་ཆགས་སོ།། དེ་ནས་སྟོན་པ་བྱམས་པ་ཆེན་པོ་ཞེས་བྱ་བ་འཇིག
་རྟེན་གྱི་ཁམས་དེར་འབྱུང་ངོ་།། དེར་ཡང་དམ་པའི་ཆོས་དར་ཞིང་རྒྱས་པར་བྱེད་དོ།། སྐྱེ་དགུའི་ཚེ་ལོ་ཡང་དྲུག་ཁྲི་ཐུབ་བོ།། དེ་བཞིན་དུ་རིམ་པར་ཆགས་ཤིང་རིམ་པས་སྟོངས་པའོ།། ཞེས་བཀའ་སྩལ་ཏོ།། དེ་ནས
་ཡང་མཁའ་འགྲོ་མ་རྣམས་སྐད་ཅིག་ཏུ་ཡིད་འཁྲུགས་ནས་བརྒྱལ་བར་གྱུར་ཏོ།། དེ་ནས་ཡང་མཁའ་འགྲོ་མ་རྣམས་བརྒྱ་ལ་སངས་ནས་འདི་སྐད་ཅེས་གསོལ་ཏོ།། ཀྱེ་མ་ཀྱེ་ཧུད་ཤེས་པ་བརླགས་པར་གྱུར་ཏོ།། ཀྱེ་མ
་ཀྱེ་ཧུད་བསྐལ་པ་ལས་ཐར་པའི་ཐབས་མེད་དོ།། ཀྱེ་ཧུད་དེ་ལས་ཐར་པའི་ཐབས་བསྟན་དུ་གསོལ། ཞེས་བརྗོད་ཅིང་གདོང་ནས་མཆི་མ་འདོན་ཞིང་འོ་དོད་ཆེན་པོ་འབོད་ཅིང་བཅོམ་ལྡན་འདས་ལ་བསྐོར་བ་བྱེད་ཅིང
་དེ་སྐད་བརྗོད་པས། སྟོན་པས་བཀའ་སྩལ་པ། ཀྱེ་ཉོན་ཅིག་དེ་རྣམས་ཀྱི་དབང་དུ་མི་འགྲོ་བའི་རིག་པ་ནི། རྒྱུད་ཆེན་པོ་འདི་ཡིས་གྲོལ་བར་འགྱུར་རོ།། ཞེས་བཀའ་སྩལ་པས།། མཁའ་འགྲོ་མ་རྣམས་ཀྱིས་འདི་སྐད
་ཅེས་གསོལ་ཏོ།། ཨཿཧཱུཾ་བདག་ཅག་སྡུག་བསྔལ་ཆེན་པོས་གཟིར་བ་ལ།། ཐུགས་རྗེའི་ལྕགས་ཀྱུས་འཛིན་པ་ངོ་མཚར་ཆེ།། བདག་ཅག་འདོད་པའི་ཚད་པས་གདུང་བ་ལ།། ཐུགས་རྗེའི་རླན་གྱི་ཆུ་རྒུན
་འབེབས་པ་སྐུ་དྲིན་ཆེ།། བདག་ཅག་འཁོར་བའི་གཅོང་རོང་དོག་མོར་ལྷུང་བ་ལས།། ཐུགས་རྗེའི་ཞགས་པས་འགྲོ་བ་འདྲེན་མཛད་པ།། ཐབས་ལྡན་ཡེ་ཤེས་སྐུ་ལ་ཕྱག་འཚལ་བསྟོད།། བདག་ཅག་མ་རིག་མུན་པའི
་འདམ་དུ་འཁྱམས་པ་ལ།། རྣམ་དག་སྒྲོན་མ་འདེགས་ལ་ཕྱག་འཚལ་བསྟོད།། བསྐལ་པ་དཔག་ཏུ་མེད་པར་ལམ་སྟོར་བའི།། ས་མཁན་རྡོ་རྗེའི་སྐུ་ལ་ཕྱག་འཚལ་བསྟོད།། དང་པོའི་ནོར་བུ་མ་རྙེད་རྟག་ཏུ
་སྟོར།། གཞལ་ཡས་སྟོན་མཛད་ཁྱེད་ལ་ཕྱག་འཚལ་བསྟོད།། འཁོར་བའི་ཆུ་བོ་བསྒྲལ་བར་མ་གྱུར་པའི།། ཕ་རོལ་སྒྲོལ་མཛད་གྲུ་ལ་ཕྱག་འཚལ་བསྟོད།། རྡོ་རྗེ་སེམས་དཔར་སྤྲུལ་ཞིང་འགྲོ་དོན་བྱེད།། ཡེ་ཤེས
་མཉམ་ཉིད་སྐུ་ལ་ཕྱག་འཚལ་བསྟོད།། འཁོར་བའི་རྒྱ་མཚོ་དཔག་ཏུ་མེད་པ་ནས།། ཐུགས་རྗེའི་འདྲེན་མཛད་དེ་ལ་ཕྱག་འཚལ་བསྟོད།། སྐུ་མཆོག་འབར་བའི་ཡེ་ཤེས་རྣམ་པར་དག། སངས་རྒྱས་ཐུགས་རྗེ་ཅན་ལ
་ཕྱག་འཚལ་བསྟོད།། ཅེས་མཁའ་འགྲོ་མ་རྣམས་ཀྱིས་བསྟོད་ནས། དགའ་བའི་སེམས་སྐྱེས་སོ།། དེ་ནས་ཡང་འདི་སྐད་ཅེས་བརྗོད་དོ།། ཨ་ཧོ་ཀློང་གཅིག་ཏུ་འཁྱིལ་ལོ།། སྣང་བ་རྣམ་པར་དག་གོ། ཨེ་མ་ཧོ། རང
་གིས་རིག་པ་མཐོང་ངོ་།། དེ་ཉིད་སྟོབས་སུ་གྱུར་ཏོ།། ཅེས་བརྗོད་ནས་མི་སྣང་བའི་ངང་དུ་གཤེགས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། དུས་བསྟན་པའི་ལེའུ་སྟེ་ཞེ་གཉིས་པའོ།། །
་རྫམ་གྱི་ཐམ་#། དེ་ནས་ཡང་མཁའ་འགྲོ་མ་ལྡང་མོའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། སྟོན་པ་ཆེན་པོ་ཁྱེད་ཀྱིས་སངས་རྒྱས་ཀྱི་དགོངས་པ་ཚད་བཟུང་བར་ནུས་སམ། ཞེས་ཞུས་པས། སྟོན་པས
་བཀའ་སྩལ་པ། ཀྱེ་འབྱུང་བའི་བདག་མོ་རྣམས་ཉོན་ཅིག་སངས་རྒྱས་ཀྱི་དགོངས་པ་ལ་ཚད་མེད་དོ།། ཐུན་མེད་དོ།། མཚམས་མེད་དོ།། ཞེས་བཀའ་སྩལ་པས། མཁའ་འགྲོ་མ་རྣམས་ངོ་མཚར་སྐྱེས་ནས་འདི།
་སྐད་ཅེས་གསོལ་ཏོ།། ཀྱེ་སྟོན་པ་ཆེན་པོ་སངས་རྒྱས་ཀྱི་དགོངས་པ་ཚད་མེད་པའི་ལུང་བསྟན་དུ་གསོལ།། ཞེས་ཞུས་སོ།། དེ་ནས་ཡང་སྟོན་པས་བཀའ་སྩལ་པ། ཀྱེ་འབྱུང་བའི་བདག་མོ་རྣམས་ཉོན་ཅིག། ངས
་ཆོས་ཐམས་ཅད་སྒྲ་དང་བརྡའ་ལ་བསྡུས་ཏེ་བསྟན་གྱིས་ལེགས་པར་ཉོན་ཅིག། ཨ། སྐྱེ་བ་མེད་པ། གྷ་ཏ། འགགས་པ་མེད་པ། སཾ། དག་པ། བྷུད་ཏ་ཡ། མི་འགྱུར་བ་སངས་རྒྱས་ཀྱི་སྒྲ། ཨ་དྷུ། ལམ་སྐྱེ་བ་མེད་པ་འཆར་བའི་ཐུགས་རྗེ། དཔག
་བསམ་གྱི་ཤིང་ལ་སྐྱེས་པ་བརྒྱད་ཁྲིས་སྟ་རེ་རྣོན་པོ་ཐོགས་ནས་བཅད་པས། སུས་ཀྱང་མི་ཆོད་པ་བསྟན་པའི་མན་ངག། སངས་རྒྱས་ཀུན་གྱི་ཡེ་ཤེས་ནི།། གཅིག་དང་དུ་མའི་ཕྱོགས་དག
་དང་།། ཐ་སྙད་བརྩམས་པའི་ཆོས་དང་བྲལ།། རྟོག་མེད་འཛིན་པ་མེད་པའི་ཆོས།། གཟུང་བའི་ཡུལ་མེད་འཛིན་པའི་སེམས་ལས་གྲོལ།། སངས་རྒྱས་དགོངས་པ་རྒྱས་པ་ཆེན་པོའོ།། ཤེས་པ་གཅིག་ཏུ
་བསྡུས་པ་ག་ལ་ཡོད།། སྤྲོས་མེད་བསྡུས་མེད་ངང་ལ་རིག་པར་བྱར་མེད་གསལ།། རང་བྱུང་རང་གྲོལ་དང་དུ་དབྱེར་མེད་མཉམ།། སྐྱེ་འགགས་མེད་པའི་མེ་ལོང་འོད་པོ་ཆེ།། ཀུན་གྱི་སྙིང་པོ་ཡིན་པར་སངས་རྒྱས
་ཀུན་གྱིས་གསུངས།། དྷ་ཏུ། གོ་བར་དཀའ་བ་དྷཱ་ཏུ། ཀཱ་ཡ། སྒྲ་དང་ཡེ་ཤེས་ཀྱི་སྣང་བ། པྲ་ས་ར། མི་འགྱུར་བ། དུ་པ་ཡཱ། རང་བཞིན་གྱི་སྣང་བ། ཨ། སྤྲོས་པའི་སེམས་ཡེ་ཤེས་སུ་འདུས་པས་ཡེ་ཤེས་རང་ལ་སྣང་བ། བྲག་ཕུག་སྟོང་པ་གཅིག་གི་ནང་ན
་མར་མེ་གཅིག་ལ་མི་གཉིས་རྩོད་པའི་མན་ངག་བསྟན་པ། འཛིན་པ་མེད་པའི་རང་གསལ་ནི།། བཅོས་པ་མེད་པའི་ངང་དུ་ཞོག། སངས་རྒྱས་ཀུན་གྱི་ཡེ་ཤེས་ནི།། རང་ཉིད་ཙིཏྟའི་དཀྱིལ་དུ་ཞོག། རྟོག་པ་མེད་པའི
་རང་སྣང་ནི།། ནམ་མཁའ་སྟོང་པའི་དཀྱིལ་དུ་ཞོག། རང་རིག་བཅོས་པ་མེད་པ་ནི།། སྒྲོན་མ་རྣམ་གཉིས་ཡུལ་ལ་ཞོག། སངས་རྒྱས་རྣམས་ཀྱི་མེས་པོ་ནི།། རང་བྱུང་ཤེས་རིག་ཡུལ་ལ་ཞོག། གསང་སྔགས་ཀུན་གྱི་ལྷ
་ཕུགས་ནི།། སྒྲོན་མའི་ཡུལ་ལ་མ་ཡེངས་ལྟོས། ཧཱུཾ། ཡེ་ཤེས་དབྱིངས་སྡུད་པ། ཨ། སྐྱེ་བ་མེད་པའི་ཡེ་ཤེས། པྲ་ན། ཆོས་ཅན་གྱི་སྣང་བ། ཏི། མི་འགྱུར་བ་རྡོ་རྗེའི་སྭ། སརྦ། ཆོས་ཐམས་ཅད་ལས་འདས་པའི་ཡེ་ཤེས། ཨ། སྟོང་པ་སྐྱེ་བ་མེད་པར་རྟོགས་པ། བྷ།
་ཡེ་ཤེས་ཡུལ་ལ་སྣང་བ་བསྟན་པ། དྷཱ། དུས་མེད་པར་སྣང་བ། ཁེརྒ། དག་པའི་དོན་དུ། ཨ་ཤི་སྐྱེ་མེད་དུ་འདས། ཧ། དག་པའི་ཡེ་ཤེས་དྲི་མ་མེད་པ། རིན་པོ་ཆེའི་མིག་གཉིས་ནམ་མཁའ་སྟོང་པའི་དཀྱིལ་དུ། གཡུའི་ཁུ་བྱུག་ལ་ཞོན་ནས་ཡུལ་དྲུག
་འཇོམས་པའི་མན་ངག་བསྟན་པ།། ཨེ་མ་ཧོ་སངས་རྒྱས་དགོངས་པ་ནི།། བཙལ་བ་མེད་པར་རང་ལས་རྙེད།། ཕོ་བྲང་རྣམ་དག་དཀྱིལ་འཁོར་ནི།། འགྱུར་བ་མེད་པར་རང་ལ་བཏབ།། རྟོག་པ་མེད་པའི་ཆོས་ཉིད
་ནི།། འགྱུར་བ་མེད་པར་རང་སར་གྲོལ།། རྣམ་དག་འོད་གསལ་ཆེན་པོའི་དབྱིངས།། ཕྱིན་པ་མེད་པར་ཡུལ་དང་འཕྲད།། བྱས་པ་མེད་པར་དཀྱིལ་འཁོར་ནི།། འཛིན་པ་མེད་པར་རང་ལུས་རྙེད།། ཡང་དག་ཡུལ
་མེད་སྤྱོད་པ་ནི།། བཅོས་པ་མེད་པའི་ཀློང་དུ་གྲོལ། རྒྱུན་ཆད་མེད་པའི་དགོངས་པ་ནི།། རང་བྱུང་སྒྲོན་མའི་ངང་དུ་ཤེས། སངས་རྒྱས་ཡེ་ཤེས་དངོས་མེད་ལ།། འཛིན་པའི་བསམ་པ་སྤང་བའོ།། མ་དག་ཡེ་ཤེས་འབར
་པ་ལས།། ཉེས་པའི་སྐྱོན་གྱིས་མ་གོས་པའོ།། ཤ། ཤེས་རབ་འགགས་མེད། སྦ། ཆོས་ལས་འདས་པའི་སྒྲ། རི། རྟག་པ་ལས་འདས་པའི་འོད། ཨ་དུ། སྐུ་སྟོང་པ་དུས་གསུམ་དུ་འགྱུར་བ་མེད་པ། མ། མཉམ་པའི་དོན། བྷ། ཡེ་ཤེས་ཡུལ་དུ་ཤར།། གྷ། འབྱུང
་བ་ལྔ། ལཱ། བལྟ་བའི་དོན། ཨེ་དྷུ། བསྒོམ་དུ་མེད་པའི་ཡེ་ཤེས། ཨ། ཡེ་ནས་གནས་པའི་དོན་ནོ།། ཆུ་བོ་ཆེན་པོ་ཧུབ་ཀྱིས་འདེབས་པའི་མན་ངག། རྒྱུན་ཆད་མེད་པའི་དགོངས་པ་ནི།། ནམ་མཁའི་ངང་དུ་ཤེས་པར་བྱ།། སྟོང་པ་ཆེན་པོའི
་ཡེ་ཤེས་ནི།། རྟོག་མེད་དང་དུ་ཤེས་པར་བྱ།། བསམ་དང་བྲལ་བའི་རིག་པ་ནི།། ཙིཏྟའི་དཀྱིལ་དུ་ཤེས་པར་བྱ།། རང་བྱུང་རིག་པའི་དངོས་པོ་ནི།། ལུ་གུ་རྒུད་དུ་ཤེས་པར་བྱ།། རང་གྲོལ་ཆེན་པོའི་ལྷ
་སྟངས་ནི།། སེང་གེ་ལྟ་བུར་ཤེས་པར་བྱ།། རང་གྲོལ་རང་སངས་ཆེན་པོ་ནི། བསམ་པའི་དངོས་པོ་མེད་པ་སྟེ།། བརྗོད་པའི་ཚིག་དང་བྲལ་བའི་ཆོས།། ཨ་ཏིའི་ནང་དུ་ཤེས་པར་བྱ།། རིག་པའི་ཀློང་དུ་ཀུན་ཤེས
་པའོ།། ཛྙཱ་ན། ཡེ་ཤེས་དག་པའི་སྒྲོན་མ་ཕུལ་གྱི་དབྱིངས་སུ་འདུས། པྲ། ས་ཡང་འཇུག་གོ་ཆོས་དང་སྣང་བ་གཉིས་མེད། ཀྵ། ཀ་ཡང་བླང་ཀེ་མྦ་དང་ཡེ་ཤེས་ཕུལ་དུ་མེད་པར་ཆོ་འཕྲུལ་སྟོན། ཡ། འབྱུང་བ་རང་ལོག་ཏུ་ཡེ་ཤེས་དུས་དང་མཐའ་མེད་པར་སྣང་བའོ།། དྷ།
་དངོས་པོའི་དོན་དབྱིངས་ལ་ཐིམ། མ། གཞི་ལ་འགྱུར་བ་མེད། སང་། ལམ་ལ་མཐར་ཐུག་མེད། ཀ་སཱུ་ཡེ་ནས་གནས་པའི་དོན། རི། སྣང་བ་སྒྲའི་ཆོ་འཕྲུལ། ཡ། ཡང་དག་པའི་ལམ། ཧ། དག་པའི་ཡེ་ཤེས། ཨ། སྐེ་མེད་དུ་སྣང་བ། བྷུང་། དུས་གསུམ་དུ་སྣང་བ། དྷ
་ཨ། ཡེ་ཐོག་མ་ནས་སྐྱེ་བ་མེད། རིན་པོ་ཆེ་ཤེལ་གྱི་མཆོད་རྟེན་ལ་གསེར་གྱི་སྐས་བཙུགས་ནས་འཛེགས་པའི་མན་ངག་སངས་རྒྱས་ཀུན་གྱི་ལམ་ཆེན་ནི།། བར་དོ་རྣམ་པ་གསུམ་དུ་གསུངས།། དེ་ཡང་རིག་པའི་ཡེ་ཤེས
་སྐུ།། མ་བསྐྱེད་པ་ཡི་ཚོམ་བུ་ལྔ།། རང་ལས་བྱུང་ཞིང་རང་ལས་འཕྲོ།། རིག་པ་རྣམ་དག་ཡེ་ཤེས་ནི།། མ་འགགས་པ་ཡི་མེ་ལོང་བཞིན།། སྐྱེ་དང་འབྲི་བ་མེད་པར་སྣང་།། སངས་རྒྱས་ཀུན་གྱི་སྤྱན་དུ་གསུངས།། རིག
་པ་སྣ་ཚོགས་ཡེ་ཤེས་ནི།། རང་བྱུང་སྒོ་བརྒྱད་དཀྱིལ་འཁོར་ལྡན།། རིག་པ་འགྱུར་མེད་གནས་པ་ནི།། རང་གྲོལ་ཡེ་ཤེས་གཅིག་པའི་ས། སངས་རྒྱས་སེམས་ཅན་གཅིག་པའི་ས།། སངས་རྒྱས་སེམས་ཅན་སྣང་བ
་ཀུན།། གཅིག་ཤེས་ནང་དུ་ཤེས་པར་བྱ།། ཐམས་ཅད་ངོ་བོ་ཤེས་གྱུར་ན།། ཡེ་ཤེས་དག་པའི་སྣང་བའོ།། བག་ཆགས་མེད་པའི་རིག་པ་ནི།། རང་ཉིད་ཡུལ་ལ་བརྟག་པར་བྱ། དེ་ཕྱིར་རང་ལུས་རྙེད་པའོ།། མ། ཆོས་ཆེན
་པོ་གསང་བ་བླ་ན་མེད་པ། ཧ། སྤོང་བྱེད་དང་བླང་བྱར་མེད། ལང་། འཛིན་པ་ལས་འདས་ཡེ་ཤེས་མེད། ཀཾ། ཐམས་ཅད་སྟོང་པའི་ཡེ་ཤེས་སུ། སརྦ། བདག་རྟོག་གི་བློ་མེད། ཡ། ཡང་དག་ཡུལ་གྱིས་སྟོང་པ། དྷུ། མིང་གིས་སྟོང་པ། ཧ་ཏ། རྟག་པ་སྟོང་པའི་ལྟ་བ། ཡ། ཡང་དག
་པའི་ལྟ་བ། རྒྱ་མཚོ་ཆེན་པོ་གཅིག་གི་ནང་དུ་ཆུ་བོ་འདུ་བའི་མན་ངག་ཀ་དག་རིག་པའི་ཀློང་དཀྱིལ་དུ།། ཕྱི་ནང་གསང་བའི་ཆོས་རྣམས་འདུས།། སྐྱེ་མེད་ཡེ་ཤེས་དཀྱིལ་འཁོར་དུ།། གསང་སྔགས་རྒྱལ་པོ་རྡོ་རྗེའི
་བདག། རྡོ་རྗེ་གསང་བའི་ཡེ་ཤེས་ནི།། གསང་སྔགས་ཀུན་གྱི་རིག་པ་དངོས།། ཡང་དག་ས་ལ་མི་གཡོ་ཞིང་།། འོད་གསལ་དང་དུ་གཉིས་མེད་ཟིམ།། གསང་སྔགས་རྒྱལ་པོ་མི་མཉམ་རྡོ་རྗེའི་སྐུ།། ཡེ་ཤེས་ཀུན་གྱི
་གཏེར་དུ་གསུངས།། ཡང་དག་ལམ་དང་བརྗོད་མེད་ངང་དུ་འཇུག། སྐྱེ་མེད་རྡོ་རྗེ་སྐུ་ནི་འཇིགས་པ་ཀུན་དང་བྲལ།། རྣམ་དག་ཡེ་ཤེས་ཆེན་པོའི་སྐུ།། བརྗོད་མེད་ཚིག་དང་བྲལ་བས་རིག་པ་ཡེ་ཤེས་སྐུ།། རྣམ་དག
་ལམ་ལས་རྡོ་རྗེའི་སྒྲ་འབྱུང་ཞིང་།། ཡེ་ཤེས་རྣམ་དག་བརྡལ་བའི་དཀྱིལ་འཁོར་འདི།། མ་བསྐྱེད་རྫོགས་པའི་ཚུལ་དུ་འགྲོ་བ་ཡོངས་ལ་ཁྱབ།། རྡོ་རྗེའི་སྐུ་ཉིད་ངང་ལས་ཡང་དག་འབྱུང་། རིག་པའི་སྐུ
་ཉིད་ང་ཡི་ངང་དུ་ཡང་དག་ཐིམ།། ཡང་དག་སྐུ་ཉིད་རྡོ་རྗེའི་དོན་དུ་གསུང་།། ང་མེད་ང་ལས་ཐམས་ཅད་བྱུང་།། ང་མེད་ང་ལ་ཐམས་ཅད་རྫོགས།། ང་ཡི་ངང་དུ་ཐམས་ཅད་འདུ།། སངས་རྒྱས་ཀུན་གྱི་མེས་པོ་ནི།།
་ཡི་རིག་པར་ཤེས་པར་བྱ།། གསང་སྔགས་ཐམས་ཅད་རིག་པའི་ཀློང་།། སྐྱེ་མེད་ངང་དུ་ཤེས་པར་བྱ།། ཨ། སྐྱེ་བ་མེད་པའི་ཡེ་ཤེས། ཨཱ། སྐྱེ་མེད་ཀྱི་རིག་པ། ཨ། སྐེ་མེད་ཀྱི་སྣང་བ། སརྦ། ཐམས་ཅད་ནས་ཐམས་ཅད་དུ་འདས་པ་རེ་བ་མེད་པ།
་ཀ་ཡཱ། ཆོས་ཀྱི་སྒྲ་ཡུལ་དང་འོད་ལས་འདས། མ་ཧཱ། ལོངས་སྒྲ་འཛིན་པ་ལས་འདས། སནྟི། མི་འགྱུར་བའི་ཆོས་ཉིད་ཀྱི་གཞི། ད་ར་ཡ་དར་པ་ཡང་། སྟོང་པའི་ཆོས་ཉིད་ཡུལ་བཟང་། ག་ཏ། བྷ་ཏ་ཡང་། བཀའ་རྟགས་ཀྱི་ཕྱག་རྒྱ་དུས་ལས་མི་འདའ། ཞུ་བ་ཡ། འཛིན་པ་མེད
་པའི་སྣང་བ་ཡུལ་མེད་པའི་རིག་པ་ཡེ་ནས་གནས་པའོ།། བྷཱུ་ཏུ། བྷ་དྷཱ་ཡང་། འདས་པ་དང་མ་འོངས་པ་མེད་པའི་ཡེ་ཤེས། ཨ། སྐྱེ་བ་མེད་པའི་ཡེ་ཤེས། ནམ་མཁའ་གཅིག་གི་ངང་དུ[:]འཇའ་ཚོན་ལྔ་ཐིམ་པའི་མན་ངག། རང་གི་ཡེ་ཤེས་སྣང་བ
་ནི།། ནམ་མཁའ་སྟོང་པའི་ངང་དུ་ཐིམ།། རིག་པ་རྟོག་མེད་ཆེན་པོ་ནི།། ཡང་དག་བརྗོད་མེད་ངང་དུ་ཐིམ། འཛིན་མེད་རང་དག་ངོ་བོ་ནི།། རྟོག་མེད་ཆེན་པོའི་ངང་དུ་ཐིམ།། འགྱུར་མེད་རང་སངས་ཆེན་པོ
་ནི།། མཁའ་ཁྱབ་སྟོང་བའི་ངང་དུ་ཐིམ།། འབྱུང་བ་མེད་པའི་ཆོས་ཉིད་ནི།། འོང་བ་མེད་པའི་ངང་དུ་ཐིམ།། རྒྱུ་མེད་སངས་རྒྱས་རང་བྱུང་ནི།། རྐྱེན་མེད་རྣམ་དག་ངང་དུ་ཐིམ།། ཕྱོགས་དང་རིས་སུ་འཛིན་པ
་ཡང་།། ཕྱོགས་ལྷུང་མེད་པའི་ངང་དུ་ཐིམ།། རང་གསལ་རྣམ་དག་ཆེན་པོ་ནི།། ཡེ་ཤེས་འགྱུར་མེད་ངང་དུ་ཐིམ།། དུས་གསུམ་སངས་རྒྱས་དགོངས་པ་ནི། སྒྲོན་མ་ཉིད་ཀྱི་ངང་དུ་ཐིམ།། ཟག་མེད་ངང་ལ་རབ་གནས
་པ།། སྐད་ཅིག་ཡེ་ཤེས་ཀློང་དུ་འདུས།། རྡོ་རྗེའི་ལམ་ལ་རབ་གནས་པ།། བརྗོད་མེད་ལམ་ལ་དེ་བཞིན་གཤེགས།། སྐུ་ལྔའི་ལམ་ལ་རབ་གནས་པ།། མི་བསྐྱོད་མཁའ་ལ་དེ་བཞིན་གཤེགས།། དུས་མེད་ཡེ་ཤེས་རང
་སྣང་ངོ་།། ཞེས་བཀའ་སྩལ་ཏོ།། དེ་ནས་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ།། དོན་དེ་ལྟ་བུ་གསུངས་པ་ངོ་མཚར་ཆེ་ལགས་སོ།། ཞེས་བརྗོད་ནས་ཡང
་བསྟོད་པ།། ཨཿཧཱུཾ་བཅོམ་ལྡན་མགོན་པོ་རྡོ་རྗེ་ཡེ་ཤེས་སྐུ།། རྣམ་དག་རྡོ་རྗེ་སྐུ་ལ་ཕྱག་འཚལ་བསྟོད།། ཡེ་ཤེས་ལྔ་ལྡན་རྡོ་རྗེ་སྙིང་པོའི་སྐུ།། རྡོ་རྗེ་འོད་དཔག་མེད་ལ་ཕྱག་འཚལ་བསྟོད།། གསང་སྔགས་བདག་པོ་རྡོ་རྗེ
་ཡེ་ཤེས་སྐུ།། རྟོག་མེད་ཆོས་ཀྱི་སྐུ་ལ་ཕྱག་འཚལ་བསྟོད།། མ་རིག་དབྱིངས་སུ་སྒྲོལ་མཛད་ཐམས་ཅད་མཁྱེན།། ཐུགས་རྗེས་དབྱིངས་སུ་སྒྲོལ་ལ་ཕྱག་འཚལ་བསྟོད།། སངས་རྒྱས་ས་དང་ལམ་ལ་བགྲོད་མེད
་སྟོན།། ཡང་དག་སྐྱེ་མེད་དོན་ལ་ཕྱག་འཚལ་བསྟོད།། རྡོ་རྗེའི་དོན་ལྡན་འདུ་འབྲལ་མེད་པར་སྟོན།། མཛེས་པའི་འོད་ལྡན་ཁྱེད་ལ་ཕྱག་འཚལ་བསྟོད།། ཡེ་ཤེས་དག་པའི་སྐུ་ལ་དྲི་མེད་རྣམ་པར
་དག། སྟོབས་ཀྱིས་ཕ་རོལ་སྒྲོལ་ལ་ཕྱག་འཚལ་བསྟོད།། ཡེ་ཤེས་དྲི་མེད་འོད་ལྔའི་དཀྱིལ་འཁོར་ན།། སྐུ་ལྔ་མ་འདྲེས་རྫོགས་ལ་ཕྱག་འཚལ་བསྟོད།། ཅེས་བསྟོད་དོ།། དེ་ནས་མཁའ་འགྲོ་མའི་རིགས་རྣམས་ཀྱི་འདི
་སྐད་ཅེས་བརྗོད་དོ།། ཨེ་མ་ཧོ།། ཀློང་རྣམ་པར་དག་གོ། སྐྱེ་གནས་ཐམས་ཅད་རྣམ་པར་དག་གོ་ཨཱཿཧཱུཾ་དོན་གཅིག་ཏུ་བསྡུས་སོ།། ཡེ་ཤེས་ཡེ་ཤེས་ཀྱི་ཀློང་དུ་ཐིམ་མོ།། ཨ་ལ་ལ་ཧོ།། རིག་པ་རིག་པའི་མཁའ་ལ
་སྐྱོད་དོ།། དོན་རང་གིས་དེ་ཉིད་དུ་འདུས་སོ།། ཨ་ཧོ།། རྟགས་མངོན་དུ་སྣང་ངོ་།། རྟོགས་སོ།། ཤེས་སོ།། གོའོ།། ཞེས་བརྗོད་དེ་མི་སྣང་བའི་ངང་དུ་གཤེགས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས།
་བརྡའ་ལྔ་བསྟན་པའི་ལེའུ་སྟེ་ཞེ་གསུམ་པ་རྫོགས་སོ།། དཔལ་སྔགས་ཀྱི་སྲུང་མས་དམ་ཚིག་ཉམས་པའི་སྙིང་ཐོན་ཅིག། རྒྱ་རྒྱ་རྒྱ།། ། ཏྱ་རུ་རྦ་ཀ་མཿདེ་ནས་ཡང་གསང་བའི་བདག་པོས་འདི
་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བརྡའ་ཡི་རྣམ་པ་དེ་ལྟར་ན།། དོན་གྱི་ཡེ་ཤེས་གསུང་དུ་གསོལ།། ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། ཀྱེ་མ་གསང་བདག་རྡོ་རྗེ་འཛིན།། མ
་ཡེངས་ཚུལ་གྱིས་གུས་པར་ཉོན།། རང་སྣང་ཆོས་ཉིད་ནམ་མཁའ་ལ།། མ་བསྐྱོད་པ་ནི་རྟོགས་པའི་མཆོག། དུས་གསུམ་འགྱུར་བ་མེད་པའི་ཀློང་ཡངས་ནས།། བསྒོམ་དུ་མེད་པའི་དོན་བྱུང་བ།། ཡང་དག་ངེས་པའི
་ལུང་འབྱུང་ཆེན་པོ་འདི།། གང་ལས་མ་བྱུང་རིག་པ་ཉིད་ལས་ཤར།། བསྒོམ་དུ་མེད་པའི་དོན་ནི་གང་ཡང་མ་སྤངས་ཏེ།། འཛིན་ཆགས་མེད་ན་བླ་མེད་རྙེད་པ་ཡིན།། མཆོད་པ་མེད་ན་ལྷ་རྣམས་འགྲུབ་པ
་ཡིན།། བཟླས་སུ་མེད་ན་སྙིང་པོ་རྫོགས་པ་ཡིན།། བསྒྲུབ་ཏུ་མེད་ན་དངོས་གྲུབ་རྙེད་པ་ཡིན།། བསམ་པ་མེད་ན་ཆོས་སྐུ་ཆེན་པོ་ཡིན།། འབྱུང་བ་ལྔ་དང་སངས་རྒྱས་ལྔ།། དབྱེར་མེད་གཅིག་གི་ངོ་བོར་རྟོགས།། རིག
་པ་གསལ་འགྲིབ་མེད་པ་དང་།། མ་རིག་སྣ་ཚོགས་སྣང་བ་གཉིས།། དབྱེར་མེད་གཅིག་གི་ངོ་བོར་རྟོགས།། སྐྱེ་དང་འཆི་བ་མེད་པ་རིག་པ་ཆོས་ཀྱི་སྐུ།། རྟོག་མེད་ངང་དུ་གཉིས་མེད་ཚུལ་གྱིས་རྟོགས།། ཡོངས་སུ་ཀུན
་ལ་ཁྱབ་པས་སྣང་མཐའ་ཡས།། སྣང་སྲིད་ཀུན་ལ་ཁྱབ་པས་ཀུན་གཞི་ཀློང་ཡངས་ན།། རིག་པ་རང་ལ་ཁྱབ་པས་ཡེ་ཤེས་རོལ་པར་སྣང་།། མཐའ་ལ་ཐུག་པ་མེད་པར་ཡེ་ཤེས་རང་ལ་ཡོད་པའོ།། དེ་ནས་ཡང་ཞུས་པ།
་ཀྱེ་ཀྱེ་ཐུགས་རྗེ་ཆེན་པོ་དང་ལྡན་པས།། བདག་ཅག་རྣམས་ལ་ཐབས་དམ་པ་བསྟན་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཉོན་ཅིག། ངས་བསྟན་གྱིས་ལེགས་པར་ཟུང་ཞིག། དེ་བཞིན
་གཤེགས་པ་ཐམས་ཅད་ཀྱི་དགོངས་པ་ཡེ་ནས་སྐྱེ་བ་མེད་པའི་ངངལ་གསལ་བ་ཡིན་ནོ།། རྒྱུ་རང་བྱུང་ཡེ་ཤེས་ལ་ཡེ་ནས་རང་བྱུང་གི་ཡེ་ཤེས་བགྲོད་ཅིང་སྦྱང་མི་དགོས་པའི་སངས་རྒྱས་ཡིན་པས
་ན།། འབྲས་བུ་སྐུ་ལྔ་ཡེ་ནས་རྒྱུའི་སྒོ་ཁེགས་པར་རང་བྱང་ཆུབ་པ་ཡིན་ནོ།། དུས་དང་གནས་དང་ཡེ་ཤེས་བཀོད་པའི་གནས་སོ།། སངས་རྒྱས་ཀྱི་ཡུལ་ནི་མདངས་དག་པའོ།། དེ་བཞིན་ཀུན་ལ་ཤེས་པར་གྱིས
་ཤིག། ཅེས་རིག་པ་རང་ཤར་ཆེན་པོའི་རྒྱུད་ལས། དོན་བསྟན་པའི་ལེའུ་སྟེ་ཞེ་བཞི་པའོ།། །། ཐཾ་ཐ་ཐ་བྷ་བྲབཿདེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཐུགས་རྗེ་ཆེན་པོ་དང
་ལྡན་པ། གསང་སྔགས་ཀྱི་སྒྲ་དོན་གསུང་དུ་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་རྡོ་རྗེ་འཛིན་པ་ཉོན་ཅིག། ངས་ཆོས་ཐམས་ཅད་ཀྱི་དེ་བཞིན་ཉིད་བསྟན་གྱིས་ལེགས་པར་ཉོན་ཅིག། དེ་ཡང་ཆོས
་ཀྱི་སྐུའི་སྒྲ་ནི།། དྷརྨཱ་ཀ་ཡཱ། ཆོས་སྒྲའི་སྤང་བ་མ་འགགས་པལ། གྷ་ཙ་ཀ་ཡ། ལོངས་སུའི་ལ་ཤེས། གྷ་བ་ཛ་ཀ་ཡ། ཛྭལ་གཱའི་གྲགས་རྗེ། བྱི་ཏ་ཧ། སྟོང་བཟེད་ཀྱི་བཅ་བ།། ཛྙཱ་ན། མེ་ཤེས་དང་ཡེ་ཤེས་དངོ་ས། བཛྲ། རྡོ་རྗེའི་\ུ0f7f། མ་ནུ། ཐམས་ཅན་གྱི་རྟགས
་པ། ཏེ་ཙིཏྟ། སེམས་སྟོང་པ། ཨརྱ་ཐ། རིག་པ་སྟོང་པ། བྷུདྡྷ། སངས་རྒྱས་ཀྱི་ཡེ་ཤེས། བོ་དྷི་སཏྭ། བྱང་ཆུབ་སེམས་དཔའ། ཏ་ཐ་ག་ཏ། དེ་བཞིན་གཤེགས་པའི་སྔགས། དྷཱ་ཏུ། དབྱིངས་ཀྱི། ཨད་མ། གཞི་མི་འགྱུར་བ། སཾ་གྷ་ར། ལམ་དུ་སྣང་བ། ཨེ་བྷ་ས།
་མ་རིག་པ་ཟད་པ། སུ་པ་རི།། འོད་སྣང་བ་དག་པ། མ་ཧཱ་ལཱ། དེ་བཞིན་གྱི་དཀྱིལ་འཁོར། དྷེ་བ། ཝའི་ཝ། མུ་དྲ། དྲུག་ཅུའི་རྒྱས་བཏབ། མ་ཧཱ། སྟོང་པ་ཆེན་པོ། པ་ཏྲ། ཆོས་ཆེན་པོ། བྷ་ཧུ་ཏྲ། གཞན་ལ་རག་མ་ལུས་པ། ཁེ་ན་ཏྲི། ཆོས་རུང་བ། ཨེ་ཀ་རྫོགས་པ
་གཅིག་པ། ཨ་ཀ་མ་ནི། ནམ་མཁའ་རྣམ་པར་དག་པ། ཤྲི་ཏྲི། བྲྀ་ཡང་ཤེས་རབ་སྟོང་པ། བི་པྲི་ཏྲི། པཻ་ཏྲི་ཡང་ཐབས་ཀྱི། པྲཛྙཱ། ཤེས་རབ་ཉིད་སྟོང་། སརྦ། ཐམས་ཅད། ནི་སིང་ཀ་ར། ཡང་དག་པའི་བལྟ་བ། ནོ་པི་ཀ་སྟོང་པ་ཉིད་ཀྱི་སྒྲུབ་ཐབས། མ་ལཱ།
་ཆོས་མཉམ་པ། ཨེ་བྷ་སཱ། མ་འོངས་པའི་བལྟ་བ། ས་བྷེ་ས། ད་ལྟའི་བལྟ་བ། དྷི་པ་ཨ། རྟགས་མངོན་པར་སྣང་བ། ཨ་ཏེ། གོ་བའི་ཡུལ། ཀུ་ཏ། མགོ་བའི་ཤེས་པ། སིན་དྷུ། གསལ་བའི་སྣང་བ། པྲ་ས་ར། རྒྱས་པའི་སྒྲ། རུ་པ་ཡཱ། དུ་པ་ཡཱ་ཡང་། འདུས་པའི
་སྙིང་པོ། སན་དྷི་དྷི་ར་པ། སན་ཏི་དྷ་ར་བ་ཡང་། རྫོགས་པ་ཆེན་པོའི་བལྟ་བ། གྷ་ཏ་པདྨ་གྷ་ཏ་ཨ་ཡང་། སྣང་བའི་ཡུལ། ཨཾ་ཀ་ར། བསྐྱེད་པ་ལ་རྫོགས། བྷ་ག་བཱ་ན། སྟོང་པ་ཉིད་ཀྱི་བཅོམ་ལྡན་འདས། པྲཛྙཱ་ཤྲཱི། ཤེས་རབ་དག་པའི་དཔལ། འབུ་སུག་གུ། འབྲུ
་སུ་ཀུ་ཡང་། ཡུམ་མ་ཤེས་པ། གྷཱ་ཡ། གསང་བའི་རིགས། མན་ཏ། གསང་སྔགས་ཀྱི་འབྲས་བུ། ས་མ་ཡ། དམ་ཚིག་གསང་བ། ས་མ་དྷི། ཏིང་ངེ་འཛིན་རྣམ་པར་དག་པ། ས་མན་ཏ། དགོངས་པ་རྩེ་གཅིག་པ། ཨཱརྱ། འཁོར་བ་ལས་འཕགས། ཨེ་ཀ་ས་དང་པོ་རབ་ཏུ
་དགའ་བ། དྷུ་ཡེ། གཉིས་པ་དྲི་མ་མེད་པ། པ་ཏྲི། གསུམ་པ་འོད་འཕྲོ་བ། ཛ་རི། བཞི་པ་འོད་བྱེད་པ། པནྡྷ། ལྔ་པ་སྦྱང་དཀའ་བ། ཚ་དྷུ། དྲུག་པ་མངོན་དུ་གྱུར་པ། ཙེ་ན། བདུན་པ་རིང་དུ་སོང་བ། ཚ་དྷ། བརྒྱད་པ་མི་གཡོ་བ། གྷ་ཏ། དགུ་པ་ལེགས་པའི་བློ་གྲོས། ཚེ
་ཧ། བཅུ་པ་ཆོས་ཀྱི་སྦྱིན། དེ་བཞིན་སྒྲ་ཡི་རྣམ་པ་ཀུན།། ཅི་ལྟར་མཐུན་པའི་དོན་མཚོན་པའོ།། དེ་ནི་གྲངས་ཀྱི་གོ་དཀའ་བ་དག་བསྟན་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། གྲངས་ཡིག་བསྟན
་པའི་ལེའུ་སྟེ་ཞེ་ལྔ་པའོ།། ། དེ་ནས་ཡང་མཁའ་འགྲོ་མའི་རིགས་རྣམས་ཀྱིས་འདི་སྐད་ཅེས་སྨྲས་སོ།། ཡང་དག་པར་རྫོགས་པའི་སངས་རྒྱས་ལ་བསྒོམ་དུ་མེད་དོ།། སྒོམ་བྱེད་ནི་མ
་འགགས་པའོ།། བསྒོམ་རྒྱུ་ནི་མི་དམིགས་པའོ།། དགོངས་པའི་ཚད་ནི་ནམ་མཁའ་ལ་གཟུང་ངོ་།། ཞེས་བརྗོད་དོ།། དེ་ནས་འདོད་ཆགས་ཀྱི་གཙོ་མོ་ཨེ་ཀ་ཙ་ཏི་མས་འདི་སྐད་ཅེས་བརྗོད་དོ།། སྐད་ཅིག་དང་ལས་ཆོས
་རྣམས་ཐམས་ཅད་བྱུང་།། ཨེ་མ་ཧོ་རིན་ཆེན་བྱང་ཆུབ་སེམས།། ཀུན་ལ་ཡོད་དེ་ཀུན་གྱིས་མཐོང་བ་མེད།། རང་བྱུང་བདུད་རྩིའི་ཐིགས་པ་འདི།། བཙལ་བྱ་བཙལ་བྱེད་མེད་པར་རང་ལས་ཤར།། སངས་རྒྱས་དགོངས
་པ་རང་བྱུང་སྐྱེ་བ་མེད།། གནས་དང་འགྲོ་འོང་མེད་པའི་རང་བྱུང་ཆེན་པོ་ཡིན།། འཛིན་ཆགས་མེད་པའི་རང་གྲོལ་ཆེན་པོ་འདི།། སེམས་མེད་སྐྱེ་མེད་དང་དུ་ཤེས་པར་བྱ།། དུས་མེད་སྣང་བའི་རང་བྱུང་ཆེན་པོ
་ནི།། ནམ་མཁའི་ངང་ལས་ཉི་ཟླའི་ཆོ་འཕྲུལ་འབྱུང་བ་བཞིན།། སྐྱེ་མེད་ངང་ལས་འགག་མེད་ཆོ་འཕྲུལ་བྱུང་།། དེ་བཞིན་ཆོ་འཕྲུལ་ཆེན་པོ་དཀའ་བ་མེད།། གསང་བའི་སྙིང་པོའི་དོན་ཉིད་ནི།། རང་བྱུང་གསང་བའི
་དཀྱིལ་འཁོར་དུ།། ཡང་དག་དོན་ཆེན་འབྱུང་བར་འགྱུར།། སྐྱེ་མེད་དོན་རྟོགས་ངང་དུ་གྲོལ།། དེ་ཕྱིར་རྡོ་རྗེའི་བལྟ་བར་འདོད། ཅེས་བརྗོད་ནས་མི་སྣང་བའི་ངང་དུ་གཤེགས་སོ།། དེ་ནས་ཡང་མཁའ་འགྲོ་མ་འདོད
་ཆགས་ཀྱི་གཙོ་མོ་ཁྲོ་གདོང་མས་འདི་སྐད་ཅེས་བརྗོད་དོ།། ཨེ་མ་ཧོ། རང་བྱུང་བདེ་བའི་ཀློང་ནས་དཀྱིལ་འཁོར་རྣམ་ལྔར་ཤར།། ཤེས་རབ་བདེ་ཆེན་ཀློང་ནས་སྐུ་ལྔ་མ་འགགས་གསལ།། སྐྱེ་མེད་རྣམ་དག་ཀློང་ནས
་ཡེ་ཤེས་འོད་ལྔ་གསལ།། མ་བསྐྱེད་རྫོགས་པའི་ཀློང་ནས་རིག་པའི་སྐུ་ལ་མདུན་རྒྱབ་མེད།། ཡེ་ཤེས་རྫོགས་པའི་ཀློང་ནས་ཤེས་རབ་གཙུག་ཕུད་ལྔར་སྣང་ཞིང་།། སྐྱེ་དང་འགག་མེད་ངང་དུ་རྟོགས་ཤིང་རབ་ཏུ་གྲོལ
་བར་འགྱུར།། སྟོང་པ་ཚིག་མེད་ངང་ལས་རྣམ་དག་བརྗོད་མེད་ངང་དུ་རྟོགས་ཤིང་ཐིམ།། སྐྱེ་དང་འགག་མེད་གསང་སྔགས་ཀུན་གྱི་བཅུད་ནི་རང་གི་ཐུགས་ལ་འཆང་།། སྟོང་ཉིད་ཡེ་ཤེས་ཀློང་ནས་ལྷ་ཡི་ཆོ་འཕྲུལ་མ
་བསྐྱེད་རྫོགས།། གཉིས་མེད་ཀློང་ནས་ཀུན་གྱི་ངོ་བོ་འགྱུར་མེད་ཆེན་པོར་རྟོགས།། གསང་སྔགས་བཅུད་དང་སངས་རྒྱས་དགོངས་པའི་ཚད།། རྣམ་དག་སྒྲོན་མ་སྐྱེ་མེད་ཀློང་དུ་ཡང་དག་སངས་རྒྱས་སོ།། འགྱུར་མེད
་འགག་མེད་ཆོ་འཕྲུལ་ཅིར་ཡང་སྣང་ཞིང་སྤྱོད།། འཛིན་ཆགས་མེད་པའི་ཆོས་ཉིད་བྱང་ཆུབ་སེམས་ལ་ཉོན་མོངས་ག་ལ་ཡོད།། རྡོ་རྗེ་སྙིང་པོ་སྐུ་ལ་སྐྱེ་འཇིག་མེད་ཅིང་ཡུལ་ལ་རྣམ་པར་སྣང་།། སྐྱེ་འགགས་མེད
་ཅིང་ཐིག་ལེ་ཉག་གཅིག་རང་བྱུང་དབྱིངས་ལ་སྤྱོད།། ས་དང་ལམ་ལ་བགྲོད་ཅིང་སྦྲང་དུ་མེད་པའི་སྐུ་ལ་འཛིན་པའི་བསམ་པ་མེད།། འཛིན་པ་མེད་ཅིང་ཆགས་ཞེན་མེད་ན་སངས་རྒྱས་ཆོས་སུ
་འདོད།། ཅེས་བརྗོད་ནས་མི་སྣང་བའི་ངང་དུ་གཤེགས་སོ།། དེ་ནས་ཡང་འདོད་ཆགས་ཀྱི་གཙོ་མོ་མེ་ལོང་གདོང་གིས་འདི་སྐད་སྨྲས་སོ།། ཨེ་མ་ཧོ་སྐུ་གཅིག་ཀུན་ལ་ཁྱབ་པའི་སྐུ།། མཐོང་ཞིང་རྟོགས་པར་དཀའ་ཞིང
་བརྗོད་པའི་ཚིག་དང་བྲལ།། ཁྱབ་བརྡལ་འུབ་ཆུབ་ཀུན་གྱི་སྙིང་པོ་ཡིན།། རང་བྱུང་འགག་མེད་དཀྱིལ་འཁོར་ཆེན་པོ་ནི།། རང་རང་ཙིཏྟའི་དཀྱིལ་ན་ཁ་དོག་འབར།། དཀར་འཇམ་སྟོང་པའི་རྩ་དག་དང་།། ཐིག་ལེ
་འཕྲོ་བའི་རྩ་རྣམས་དང་།། རྣམ་པར་གྲོལ་བྱེད་རྩ་རྣམས་དང་།། ཤལ་དཀར་རྒྱུ་བའི་རྩ་དག་ནས།། རྣམ་ཤེས་རླུང་ལ་ཞོན་ནས་ནི།། བྷི་གུ་ཏ་ཡ་སྒོ་ཆེན་ནས།། ལམ་བྱུང་སྟོང་པའི་ངང་དུ་ཐིམ།། ཐིམ་བྱེད་མེད་པར་ས
་ལེར་གསལ།། ཚོམ་བུ་ལྔར་ལྡན་ཡེ་ཤེས་གསལ།། དུས་མེད་རང་སར་གྲོལ་བའོ།། སྐྱེ་མེད་དབྱིངས་ལས་ཡེ་ཤེས་བྱུང་།། འགག་མེད་ངང་དུ་གཉིས་མེད་ཐིམ།། རྫོགས་དང་མ་རྫོགས་ཐ་སྙད་བྲལ།། འགྲོ་དང་འོང
་མེད་གནས་སུ་དག། སྐྱེ་དང་འཆི་མེད་དབྱིངས་སུ་རྫོགས།། གནས་པ་མེད་པར་རང་གྲོལ་རྟོགས།། ཡེ་ཤེས་འཛིན་མེད་ཆོས་དང་བྲལ།། ཡང་དག་ས་ལ་དེ་བཞིན་གཤེགས།། ཞེས་བརྗོད་ནས་མི་སྣང་བའི་ངང་དུ
་གཤེགས་སོ།། དེ་ནས་ཡང་འཇིག་རྟེན་ཕུང་བྱེད་འདོད་ཆགས་ཀྱི་གཙོ་མོས་འདི་སྐད་ཅེས་གསོལ་ཏོ།། ཨེ་མ་ཧོ་ལྟ་བ་དང་ནི་སྒོམ་པ་དང་།། དེ་བཞིན་སྤྱོད་པའི་རྣལ་འབྱོར་དང་།། དེ་རྣམས་གསང་སྔགས་དོན་དུ
་འདོད།། དེ་ཡང་བསྟན་པ་འདི་ལྟ་སྟེ།། རང་བྱུང་བཅོས་པ་མེད་ན་སྤྱོད་པ་ཆེན་པོ་ཡིན།། གསལ་ལ་འཛིན་པ་མེད་ན་སྒོམ་པ་ཆེན་པོ་ཡིན།། རྒྱ་ཆད་ཕྱོགས་ལྷུང་མེད་ན་ལྟ་བ་ཆེན་པོ་ཡིན།། དེ་བཞིན་ལྟ་བ་སྒོམ་པ
་ཡང་།། རང་བྱུང་འཛིན་མེད་རྣམ་དག་ནི།། གཅིག་དང་དུ་མ་མེད་པར་རྟོགས།། རྡོ་རྗེ་སེམས་དཔའི་རང་སྣང་ནི།། རང་གྲོལ་འཛིན་མེད་ངང་དུ་རྟོགས།། རང་བྱུང་རྟགས་ཀྱི་སངས་རྒྱས་ནི།། རང་ཉིད་སངས་རྒྱས
་དངོས་ཡིན་པས།། ཡེ་ཤེས་དག་པའི་ཆོས་སྐུ་ལ།། རང་ཉིད་ལྷ་ཡི་དཀྱིལ་འཁོར་ཉིད།། ཡེ་ཤེས་ལམ་ལ་དགག་སྒྲུབ་མེད།། འཛིན་པའི་ཡུལ་ལ་བདག་འཛིན་མེད།། སངས་རྒྱས་ཆོས་ལ་བདག་རྟོགས་མེད།། ཡང
་དག་ལམ་ལ་ཞེ་འདོད་མེད།། ཡང་དག་སྐུ་ལ་ལྷ་དང་བྲལ།། ཉིད་ལས་མི་གཞན་འཁོར་ཉིད་ཀྱང་།། རང་ལས་བྱུང་ཞིང་རང་ལ་ཐིམ།། སངས་རྒྱས་ཀུན་གྱི་མཛད་པ་ནི།། ཡེ་ཤེས་དཔལ་རོལ་པར་མཛད་པའི
་སྐུ།། རྣམ་དག་སྟོང་པའི་ཡེ་ཤེས་མཁའ་ལ་གསལ།། རང་བྱུང་འཛིན་པ་མེད་པའི་ཆོས།། ཡེ་ཤེས་འཛིན་པ་དངོས་དང་བྲལ།། ལམ་ཤེས་ཉིད་ལ་ལྟོས་པ་མིན།། དེ་བཞིན་གཤེགས་པ་ཉིད་དུ་ཤེས་པའོ།། ཞེས་བརྗོད
་ནས་མི་སྣང་བའི་ངང་དུ་གཤེགས་སོ།། དེ་ནས་ཡང་འདོད་ཆགས་ཀྱི་གཙོ་མོ་རྨ་བྱའི་མགྲིན་གྱིས་འདི་སྐད་ཅེས་གསོལ་ཏོ།། སངས་རྒྱས་ཀུན་གྱི་དགོངས་པ་ནི། རང་གི་ངང་དུ་ཡང་དག་གནས།། དེ་ཡི
་གོང་ན་གཞན་མེད་ཡེ་ཤེས་དངོས།། རང་བྱུང་སངས་རྒྱས་ཆེན་པོ་ཡིན།། སྐྱེ་མེད་རྡོ་རྗེའི་བདག་ཉིད་ནི།། ལྷ་ཡི་དཀྱིལ་འཁོར་ཆེན་པོར་རྟོགས།། རྣམ་པར་དག་པའི་སྐུ་མཆོག་ནི།། ཕོ་བྲང་འགྱུར་མེད་ངང་དུ
་རྟོགས།། སྐྱེ་འཇིག་མེད་པའི་བདེ་ཆེན་ནི།། སངས་རྒྱས་ཀུན་གྱི་བདེ་ཆེན་ཡིན།། འདུ་འབྲལ་མེད་པའི་ཀ་དག་ནི།། རང་རང་ཐུགས་ཀྱི་དཀྱིལ་ན་རྫོགས།། རྟོགས་དང་མ་རྟོགས་གཉིས་སུ་མེད།། འཛིན་དང་གོལ
་བའི་ཆོས་རྣམས་མེད།། དགེ་དང་སྡིག་པ་ག་ལ་ཡོད།། གསང་བ་ཡོངས་རྫོགས་དཀྱིལ་དུ་འདུས།། དཔེར་ན་བང་མཛོད་རྒྱས་པ་བཞིན།། དགོས་འདོད་རེ་བ་སྤྱོད་པ་ལྟར།། རིག་པ་གསང་བའི་བང་མཛོད་ནི།། ཅི
་ལྟར་སྣང་བ་ཀློང་དུ་ཐིམ།། ཐིམ་པ་དམིགས་པ་མེད་པའི་ཆོས།། འགག་མེད་ཀློང་དུ་དེ་བཞིན་གཤེགས།། ཡང་དག་རྡོ་རྗེའི་སྐུ་ལ་རྫོགས།། གསལ་འགྲིབ་མེད་པའི་རང་སྣང་ནི།། སྐྱོན་མེད་ཡུལ་ལ་མངོན་པར
་སྣང་།། མཛད་པ་མེད་པའི་ཕྲིན་ལས་ཅིར་ཡང་མཛད།། རྟོགས་པའི་ལྟ་བ་རྣམ་པར་དག་པའོ།། ཞེས་བརྗོད་ནས། མི་སྣང་བའི་ངང་དུ་གཤེགས་སོ།། དེ་ནས་ཡང་འདོད་ཆགས་ཀྱི་གཙོ་མོ་ཐོད་པའི་ཕྲེང་བ་ཅན་གྱིས
་འདི་སྐད་ཅེས་གསོལ་ཏོ།། ཕྱི་དང་ནང་མེད་གསལ་བའི་བདེ་ཆེན་ཆེ།། ཀུན་གྱི་གཞི་མར་གྱུར་པ་ཐེག་པ་ཆེ།། བརྗོད་པས་ཐོག་ཏུ་མི་ཕེབ་སྟོབས་པོ་ཆེ།། འགྱུར་མེད་རྣམ་པར་དག་པའི་ཏིང་ངེ་འཛིན།། སྣ་ཚོགས་ཅིར
་སྣང་སྣང་བས་ཆོ་འཕྲུལ་ཆེ།། ཡང་དག་ས་ལ་བགྲོད་པས་མཆོངས་པ་ཆེ།། སྲིད་པ་རྒྱ་ཐེགས་བྱས་པས་སྟོབས་པོ་ཆེ།། མ་བསྐྱོད་མཁའ་ལ་གཤེགས་པའི་གོམ་པོ་ཆེ།། རྣམ་དག་གཅིག་ཏུ་སྡུད་པས་ཡངས་པ་ཆེ།། ཕྱི
་རྒྱ་རླབས་ཀྱི་ཆེད་པས་ཤེས་རབ་ཆེ།། མ་འགགས་གཅིག་ཏུ་བསྡུས་པས་ཡེ་ཤེས་ཆེ།། གསལ་བ་རང་སྣང་ཡིན་པས་རིག་པ་ཆེ།། ཀུན་གྱི་གོང་མར་གྱུར་བས་གཙོ་བོ་ཆེ།། སྟོང་པའི་ཚིག་དང་བྲལ་བས་གསལ་བ
་ཆེ།། བྱར་མེད་རྣམ་པར་དག་པས་རྫོགས་པ་ཆེ།། འཛིན་མེད་རང་སར་གྲོལ་བས་སྟོང་པ་ཆེ།། ཐམས་ཅད་ཟིལ་གྱིས་གནོན་པས་བརྗིད་པ་ཆེ།། ཡུལ་མེད་རྣམ་པར་དག་པས་བཀོད་པ་ཆེ།། ཡང་དག་དབྱིངས་ལ
་བསྐྱོད་པས་འཛིན་པ་ཆེ།། དགེ་དང་སྡིག་པ་མེད་པའི་ཁམ་པོ་ཆེ།། རྟག་ཆད་མུ་ལ་མི་གནས་རྟོགས་པ་ཆེ།། འཛིན་རྟོག་ལམ་ལ་མི་གནས་བསམ་གཏན་ཆེ།། སྟོང་པ་གསལ་བས་བརྒྱན་པའི་ཁ་དོག་ཆེ།། ཡང་དག་ཆེ
་བ་རྣམས་དང་ལྡན་པ་འདི།། ཆེ་བའི་གོང་ན་གཞན་མེད་རང་ཉིད་ཆེ་བའི་ལྷ།། གསང་སྔགས་རྣམས་ཀྱི་དགོངས་པ་དེ་བཞིན་ནོ།། ཞེས་བརྗོད་ནས་མི་སྣང་བའི་ངང་དུ་གཤེགས་སོ།། དེ་ནས་ཡང་འདོད་ཆགས་ཀྱི་གཙོ
་མོ་ཁམས་གསུམ་དྲོད་ཉུལ་མས་འདི་སྐད་ཅེས་བརྗོད་དོ།། ཨེ་མ་ཧོ།། གསང་བའི་རིན་ཆེན་བང་མཛོད་ནས།། རྣམ་དག་ནོར་བུ་རིན་ཆེན་འབར།། འཛིན་རྟོག་གཡེང་བས་མ་བརླགས་སམ།། རང་བྱུང
་རྟོག་མེད་སངས་རྒྱས་ལ།། ཆགས་པའི་རང་བདུད་མ་ཞུགས་སམ།། བཏང་སྙོམས་ཆེན་པོའི་ཏིང་འཛིན་ལ།། མཚན་མའི་ཆོས་ཀྱིས་མ་གོས་སམ།། རྟོག་མེད་ཡེ་ཤེས་རང་གྲོལ་ལ།། འཁོར་བའི་ཉེས་པས་མ་གོས
་སམ།། རང་སྣང་དག་པའི་རིག་པ་ལ།། གཞན་བྱུང་ཆོས་ཀྱི་མ་བསྒྲིབས་སམ།། རང་བྱུང་གསལ་བའི་མར་མེ་ལ།། རྣམ་རྟོག་རླུང་གིས་མ་བསྐྱོད་དམ།། རིག་པ་སེམས་དང་བྲལ་བ་ལ།། རྣམ་རྟོག་སེམས་ཀྱིས་མ
་བསླད་དམ།། དེ་ནི་གསང་སྔགས་ཚད་མ་སྟེ།། རྟོག་མེད་དང་དུ་ཤེས་པར་བྱ། གསལ་ཡངས་འཛིན་པ་མེད་པ་ལ།། རང་སར་གྲོལ་བའི་ཆོས་ཉིད་རྟོགས།། སངས་རྒྱས་ཀུན་གྱི་ཡེ་ཤེས་ནི།། ང་ཉིད་ཡིན་པས་ཤེས
་པར་བྱ།། བདག་དང་གཞན་དུ་མེད་པ་ལ།། བདག་གཞན་བློ་ནི་འཁྲུལ་པའི་སེམས།། མཉམ་པ་ཉིད་ཀྱི་ཡེ་ཤེས་ནི།། གང་ལ་ཆགས་པའི་སེམས་མེད་པས།། འདས་དང་མ་བྱོན་ད་ལྟར་གྱི།། དགོངས་པ་དམ་པའི
་ཚད་མ་ཡིན།། གཅིག་མེད་གཉིས་སྣང་སེམས་ལས་གྲོལ།། ཞེས་བརྗོད་ནས། མི་སྣང་བའི་ངང་དུ་གཤེགས་སོ།། དེ་ནས་ཡང་འདོད་ཆགས་ཀྱི་གཙོ་མོ་ནམ་མཁའི་སྐུས་འདི་སྐད་ཅེས་གསོལ་ཏོ།། ཨེ་མ་ཧོ།། ཀུན
་གྱིས་རྟོགས་པར་དཀའ་བའི་རིག་པ་འདི།། ཕྲ་ཞིང་ཤེས་པར་དཀའ་བས་ཀུན་གྱིས་མཐོང་བ་མེད།། འཛིན་མེད་ཀུན་ལ་སྙོམས་པས་རང་བྱུང་བདེ་བའི་ཀློང་།། འགག་མེད་རྣམ་དག་ཀློང་དུ་དེ་བཞིན་རྣམ་པར
་རོལ།། ཀློང་ལས་ཡང་དག་ལྷ་མོའི་སྐུར་སྣང་བ།། རྣམ་རྟོག་བག་ཆགས་ལུས་ལ་ལྷ་མོའི་ཆོ་འཕྲུལ་འབྱུང་།། ཞེན་མེད་སྟོང་པའི་ངང་ལ་རིག་པའི་ཉི་ཤར་བས།། ནུབ་པ་མེད་པའི་གཏེར་ཆེན་དཀྱིལ་འཁོར
་ནས།། འགྱུར་བ་མེད་པའི་སྐུ་ལྔ་ཤར་གྱིས་བྱུང་།། རྟོག་པ་མེད་པའི་ངང་དུ་གཉིས་མེད་ཐིམ།། ཡང་དག་ས་ལ་མ་བཀོད་ཕུང་པོ་ལྔ།། སྣང་བའི་ཆོ་འཕྲུལ་ཅིར་སྣང་སྟོན་པར་མཛད།། རིག་དང་མ་རིག་གཉིས་ཀྱང
་འཛིན་པའི་རྟོག་པ་ཡིན།། གསང་སྔགས་འཆང་བའི་དཀྱིལ་འཁོར་རོལ་པའི་ཡེ་ཤེས་སྐུ།། ས་ལམ་མེད་པས་ས་ཆེན་འདས་པ་སྟོང་།། ཡུལ་མེད་རྣམ་པར་དག་པའི་རིག་པ་མཁའ་ལ་གསལ།། ངས་ནི་བྱས་པ་མ་ཡིན
་བྱུང་བའི་ཆོས་ཉིད་དོ།། ཆོས་ལ་ངོས་བཟུང་ཡོད་ན་འཛིན་པའི་ཞེ་འདོད་ཡིན།། གསང་བ་དང་ནི་གབ་པ་དངོས་མ་ཡིན།། ཡང་དག་དཀྱིལ་འཁོར་རང་བྱུང་རྫོགས་པའི་སྐུ།། ས་དང་ལམ་གྱི་ཐ་སྙད་བྲལ་བའི་ཆོས་ཉིད
་དོ།། རང་རིག་རང་དག་རང་སང་གྲོལ་བར་འདོད།། དམིགས་པ་མེད་པའི་ཏིང་འཛིན་བཏང་བཞག་བྲལ།། གྲུབ་པ་མེད་པའི་ཡང་དག་ཕོ་བྲང་ཉིད།། རང་གི་ཐུགས་ལ་གསང་སྔགས་རྒྱལ་པོ་སྤྱོད།། ཅེས་བརྗོད་ནས
་མི་སྣང་བའི་ངང་དུ་གཤེགས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། མཁའ་འགྲོ་མས་རང་སྐད་སྨྲས་པའི་ལེའུ་སྟེ་ཞེ་དྲུག་པའོ།། ། ཏྲམྲངྒཉལྡག། དེ་ནས
་ཡང་མཁའ་འགྲོ་མའི་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་ཡེ་ཤེས་སྐུ།། ཐོག་མ་མེད་པའི་དུས་ཀྱི་ཚེ།། སྟོན་པ་བྱོན་པ་གང་དུ་བྱོན།། སྐུ་ཡི་འཁྲུངས་རྟེན་གང་ལ་བགྱིས།། འདུལ་པའི
་བསྟན་པ་གང་གང་བཙུགས།། ཉེ་བའི་འཁོར་ནི་གང་གང་ལགས།། རྒྱུད་ཀྱི་རྒྱལ་པོ་གང་གང་གསུང་།། སྤྲུལ་པ་ཅི་ལྟར་མཛད་དེ་བྱོན།། མོས་པའི་འཁོར་ལ་བསྟན་དུ་གསོལ།། ཞེས་ཞུས་སོ།། དེ་ནས་ཡང་བཀའ
་སྩལ་པ། ཀྱེ་ཀྱེ་ཡེ་ཤེས་རྗེ་མོ་ཉོན།། ངས་བསྟན་ལེགས་པར་ཡིད་ལ་ཟུང་།། ང་ནི་རྡོ་རྗེ་སྲ་མཁྲེགས་ལྡན།། ཐོག་མ་མེད་པའི་དུས་ཀྱི་ཚེ།། ང་ཡི་ནོར་བུ་རིན་ཆེན་སྟོར།། ནོར་བུ་སྟོར་བའི་རང་བཞིན་གྱིས།། མུན་སྣང
་གཉིས་ཀྱི་མཚམས་ནས་འོང་།། རྐྱེན་བཞིའི་དམིགས་པ་མ་དག་པས།། དགའ་ལྡན་བརྩེགས་པའི་ཡུལ་དུ་འོངས།། དེ་ཡི་རྟེན་ནི་པདྨ་དག་པ་ཡིན།། གསང་སྔགས་རྒྱུད་ཆེན་བསྟན་པ་བཙུགས།། ཉེ་བའི་འཁོར་ནི་མི
་འཁྲུགས་པའོ།། རྒྱུད་ཀྱི་རྒྱལ་པོ་ཐལ་འགྱུར་བཤད།། ལོ་བརྒྱད་མཛེས་པའི་ཚུལ་དུ་སྤྲུལ།། ངས་ནི་འདུལ་བའི་བསྟན་པ་བཙུགས།། དེ་ནས་ཡང་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། སྟོན་པའི་བྱོན
་ལུགས་དེ་ལྟར་ན།། སྟོན་པའི་ཕ་མ་གང་གིས་བགྱིས། རུས་ནི་ཅི་སྐད་བྱ་བར་གྲགས།། སྟོན་པའི་མཚན་ནི་ཅི་སྐད་བཏགས།། སྟོན་པའི་ཡུལ་ནི་གང་ལྟར་ལགས།། ཞེས་ཞུས་སོ།། ཡང་སྟོན་པས་བཀའ་སྩལ་པ། ཕ
་ནི་རང་བྱུང་ཆེན་པོ་ཡིན།། མ་ནི་མཁའ་མཉམ་རིག་པའི་ཀློང་།། ཡུལ་ནི་མ་བཀོད་མདངས་ལྡན་ཡིན།། རུས་ནི་རྡོ་རྗེ་འགྱུར་མེད་རུས།། སྣང་སྟོང་ཡང་དག་ང་ཡི་མཚན།། ཡུལ་ནི་འོད་གསལ་ལྔ་པོ་ཡིན།། མན་ངག
་རང་བྱུང་ཡེ་ཤེས་ཡིན།། འདས་པ་ང་ཡི་ཡེ་ཤེས་ཡིན།། མ་འོངས་ང་ཡི་ཡུལ་ལུང་བསྟན།། ད་ལྟ་ང་ཡི་རིག་པ་ཡིན།། དེ་ནས་མཁའ་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་ཡེ་ཤེས་སྐུ།། དེ
་ས་གནས་ནི་གང་དུ་བྱོན།། ཡུལ་ནི་ཅི་སྐད་བྱ་བ་ཡིན།། གསང་སྔགས་གང་དང་གང་དག་གསུངས།། འཁོར་ནི་གང་དང་གང་གི་འཁོར།། སྐུ་ཡི་གསོལ་ཟས་ཅི་ཡིས་བགྱིས།། དེ་ནས་ཡང་བཀའ་སྩལ་པ། དེ་ནས
་གནས་ནི་ལྷ་ཡུལ་དགའ་ལྡན་ཏེ།། སུམ་ཅུ་རྩ་གསུམ་ཁང་བཟང་དེར།། སྦྱིན་པ་དང་ནི་ཚུལ་ཁྲིམས་དང་།། བཟོད་པ་དང་ནི་བརྩོན་འགྲུས་དང་།། དེ་བཞིན་བསམ་གཏན་ཤེས་རབ་དང་།། འཁོར་ལོ་རྣམ་པ་དྲུག་ལྡན
་ནོ། འཁོར་ནི་རྣམ་པ་བདུན་གྱིས་བསྐོར།། འབྲས་བུ་རྣམ་གསུམ་འཚོ་བའི་ཟས།། སངས་རྒྱས་རྡོ་རྗེའི་སྐུ་ཉིད་དོ།། དེ་ནས་ཡང་སྟོན་པས་འཁོར་རྣམས་ལ་འདི་སྐད་ཅེས་བཀའ་སྩལ་པ། ཀྱེ་འདུས་པ་ཆེན་པོའི་ཚོགས
་ཉོན་ཅིག། དུས་མེད་པར་ཡེ་ཤེས་ཀྱི་སྣང་བ་རང་ཤར་རོ།། གནས་མེད་པར་གསང་སྔགས་ཀྱི་རིག་པ་རང་གྲོལ་ལོ།། སྟོབས་མེད་པས་སྣང་སྲིད་ཀྱི་ཆོས་ཐམས་ཅད་ལ་བཟླའོ།། དེ་ནས་ཡང་མཁའ
་འགྲོ་མ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ནོར་བུ་རིན་ཆེན་བདུད་རྩི་ལ།། རྣམ་རྟོག་འཛིན་པས་མ་བརླགས་སམ།། ཞེས་ཞུས་སོ།། ཡང་བཀའ་སྩལ་པ། ཨེ་མ་ཧོ།། ནོར་བུ་རིན
་ཆེན་བདུད་རྩི་འདི།། ཐོག་མ་མེད་པའི་དུས་ཀྱི་ཚེ།། ང་ཡི་ནོར་བུ་རིན་ཆེན་སྟོར།། དེ་ཡིས་སྡུག་བསྔལ་ལོག་པར་འཁྱམས།། ནོར་བུ་རིན་ཆེན་བདུད་རྩི་དེ།། བཙལ་བས་རྙེད་པའི་གནས་མེད་དོ།། རང་ལས་རང་བྱུང
་རིག་པར་རྟོགས།། ནོར་བུ་རིན་ཆེན་བདུད་རྩི་དེ།། སྟོར་བ་མ་ཚོར་རྙེད་པ་ཚོར།། སྟོར་བས་དངོས་པོ་མཚན་མ་མེད།། རྙེད་པས་དགའ་བའི་མདངས་དང་ལྡན།། རྙེད་པའི་དུས་དང་སྟོར་བའི་དུས།། ཁྱབ་མེད་གཅིག།
་གི་ངང་དུ་རྟོགས།། ནོར་བུ་རིན་ཆེན་བདུད་རྩི་ལ།། བྱས་ཤིང་བསྒོམས་པས་རྙེད་མི་འགྱུར།། སྒྲོན་མ་དབྱིངས་ཀྱི་སྣང་བ་ལ།། མ་ཡེངས་གསལ་ལ་འཛིན་པ་མེད་པར་བརྟགས།། དེ་ལྟར་དོན་ལས་མ་ཡེངས
་ནས།། རིན་ཆེན་བདུད་རྩིའི་སྒྲོན་མ་རྙེད་པ་ཡིན།། ནོར་བུ་རིན་ཆེན་བདུད་རྩི་འདི།། གཏང་བཞག་མེད་ན་རྙེད་པའི་མཆོག། འཛིན་པ་མེད་ན་རང་སར་གྲོལ།། ནོར་བུ་རྣམ་པར་བཀོད་པའི་དོན།། རང་ལས་བྱུང་ཞིང
་རང་ལ་ཐིམ།། དེ་ལ་རྩོལ་བ་མ་ཞུགས་ན།། རྡོ་རྗེ་རིན་ཆེན་ཞེས་བྱར་གྲགས།། སྤང་བྱ་སྤོང་བྱེད་རྣམ་གཉིས་མེད།། སྤང་འཛིན་བྱེད་ན་བདུད་རྩི་མེད།། གསལ་འཛིན་མེད་ན་བདུད་རྩི་རྙེད།། རང་བྱུང་བདུད་རྩིའི
་སྨན་ཆེན་འདི།། འཛིན་མེད་རྣམ་དག་ངང་དུ་ཡང་དག་གྲོལ།། ནོར་བུ་རིན་ཆེན་གསང་བ་འདི།། གང་གི་ཕྱོགས་སུ་མ་ལྷུང་བ།། སངས་རྒྱས་བདུད་རྩི་དམ་པ་ཡིན།། དམིགས་པ་མེད་པར་རང་ཉིད་མཐོང་།། མཐོང་བ
་ཉིད་ན་དགག་བསྒྲུབ་མེད།། མཐོང་དང་ཤེས་དང་རྟོགས་པ་གསུམ།། ཁྱད་མེད་གཅིག་གི་རང་བཞིན་ཡིན།། རྟོགས་དང་ཀློང་དུ་གྱུར་པ་དང་།། གོམས་པ་མཐར་ཕྱིན་གྲོལ་བ་གསུམ།། སངས་རྒྱས་འབྲས་བུ་ཆེན་པོར
་བཤད།། ཨེ་མ་ཧོ།། རྡོ་རྗེ་སེམས་དཔའ་བདག་ཉིད་ཀྱང་།། མི་འགྱུར་ཀློང་དུ་སངས་རྒྱས་རྙེད།། ཡང་དག་ས་ལ་མངོན་སངས་རྒྱས།། མཉམ་ཉིད་དབྱིངས་སུ་རིག་པ་འཁྱིལ།། རྟོག་མེད་ངང་ནས་སྒྲོན་མེ
་གསལ།། ཟག་མེད་ལམ་ལ་རབ་གནས་པས།། འགྱུར་མེད་ཀློང་དུ་གཉིས་མེད་ཐིམ།། བྱས་མེད་ངང་ནས་བྱུང་བ་རྙེད་པ་ཡིན།། བྱས་པ་རང་སངས་དང་དུ་ཤེས་པ་རྙེད་པ་ཡིན།། གསལ་བ་འཛིན་པ་མེད་པར་ནོར་བུ
་རྙེད་པ་ཡིན།། ངན་སོང་སྤང་དུ་མེད་པར་ནོར་བུ་རྙེད་པ་ཡིན།། བདེ་ཆེན་སངས་རྒྱས་འགག་མེད་གསལ།། ཡང་དག་ལམ་རྙེད་རྡོ་རྗེའི་སྐུ།། སྐྱེ་མེད་རྡོ་རྗེའི་སྙིང་པོའི་སྐུ།། དུས་དང་ཐབས་མེད་རང་སར
་གྲོལ།། གསང་བའི་བདག་ཏུ་སྐྱེ་མེད་ཐིམ།། ཡང་དག་ཉིད་ཀྱི་སྐུ་ཉིད་ཀྱང་།། རྡོ་རྗེ་སྐུ་ཡི་ངང་དུ་དེ་བཞིན་གཤེགས།། མཁའ་མཉམ་དཀྱིལ་འཁོར་ཆེན་པོ་ནི།། ཡང་དག་ལམ་ལ་རབ་གནས
་པ།། གསང་བའི་རྡོ་རྗེ་ཡེ་ཤེས་སྐུ།། དཀྱིལ་འཁོར་ཐམས་ཅད་རང་ཉིད་དོ།། རྡོ་རྗེ་ཐེག་པའི་ལམ་ཆེན་འདི།། རང་གི་བདེ་ཆེན་ཉིད་དུ་གྲོལ།། གསང་སྔགས་ཀུན་གྱི་བལྟ་བ་ནི།། རྡོ་རྗེ་སེམས་དཔའི་ཐུགས་ལ
་རྫོགས།། འཇིག་རྟེན་འདས་པའི་རིན་པོ་ཆེ། ཞེས་རིག་པ་རང་ཤར་ཆེན་པོའི་རྒྱུད་ལས། སྟོན་པ་བྱོན་ཚུལ་གྱི་ལེའུ་སྟེ་ཞེ་བདུན་པའོ།། །། བྷཱུཿཥྤརྦཿ། ཝཿ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ
་ཏོ།། ཀྱེ་ཀྱེ་སྟོན་པ་ཀུན་ཏུ་བཟང་པོ་ལགས།། སྟོན་པ་བྱོན་པ་དེ་ལྟར་ན།། སྐྱེ་མེད་ངང་དུ་ཅི་ལྟར་གྲོལ།། རྣམ་དག་མཁའ་ལ་གང་ལྟར་གཤེགས།། ཐིག་ལེའི་བྱེ་བྲག་ཅི་ལྟར་ལགས།། ཞེས་ཞུས་སོ།། དེ་ནས་ཡང
་བཀའ་སྩལ་པ།། ཀྱེ་ཀྱེ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། སྐྱེ་མེད་རིག་པ་སངས་རྒྱས་ནི།། མཚན་མའི་ཚིག་མེད་ངང་དུ་གྲོལ།། སངས་རྒྱས་མཛད་པའི་ཕྲིན་ལས་ནི།། བྱ་དང་བྱེད
་པ་མེད་པར་གྲོལ།། སངས་རྒྱས་སྐུ་ཉིད་རྣམ་དག་སྟེ།། འགྱུར་མེད་ཡེ་ཤེས་སྙིང་པོ་ཉིད།། ང་ཉིད་ཀློང་ཡངས་ངང་དུ་ཞོག། སངས་རྒྱས་རྟོག་མེད་ཐུགས་ལྡན་པས།། བསམ་དང་བྲལ་བའི་ཡེ་ཤེས་ཐུགས།། ཡང་དག
་སེམས་མེད་རང་དུ་གྲོལ།། སངས་རྒྱས་རྡོ་རྗེ་འགག་མེད་གསུངས།། མཚན་མའི་རོལ་པ་སྣ་ཚོགས་སྟོན།། ངོ་བོ་ཉིད་ནི་དོན་ལས་གྲོལ།། སངས་རྒྱས་ཡོན་ཏན་བསམ་མི་ཁྱབ།། འཇིག་རྟེན་ཁམས་ནི་རབ་འབྱམས
་སུ།། སྐུ་ཡི་སྤྲུལ་པ་བསམ་མི་ཁྱབ།། རྡོ་རྗེ་ཡེ་ཤེས་ཆེན་པོ་སྟོན།། ཀ་དག་ཡེ་ཤེས་ངང་དུ་གྲོལ།། འགྱུར་མེད་སངས་རྒྱས་དགོངས་པ་ཡང་།། སྐྱེ་མེད་གསལ་འགྲིབ་འཛིན་རྟོག་མེད།། ཡེ་ཤེས་མཁའ་ཁྱབ་རྣམ་པར
་སྟོང་།། རྡོ་རྗེ་སེམས་དཔའི་སྐུ་ཉིད་རྫོགས།། སངས་རྒྱས་དཔེ་དང་ཡེ་ཤེས་ཀྱང་།། སྒྲོན་མ་རྣམ་དག་ངང་དུ་གྲོལ།། ཨེ་མ་ཧོ།། རྣམ་དག་མཁའ་ལ་ཡེ་ཤེས་གཤེགས།། བཟུང་བས་མི་ཟིན་རླུང་དང་མཚུངས།། ནམ
་མཁའ་རྣམ་པར་དག་པ་ལ།། རྣམ་དག་དབྱིངས་ཀྱི་སྒྲོན་མ་གཤེགས།། གཞན་དབང་མ་ཡིན་བྱུང་བ་མིན།། ཡེ་ཤེས་མཁའ་མཉམ་ཀློང་དཀྱིལ་དུ།། རྡོ་རྗེའི་སྐུ་ཉིད་མ་བསྐྱོད་གཤེགས།། ཟིལ་གནོན་སེང་གེའི་སྟོབས
་དང་མཚུངས།། ཡེ་ཤེས་སྟོང་པའི་རང་གདངས་ལ།། ཐིག་ལེའི་ཆོ་འཕྲུལ་མ་བསྐྱོད་གཤེགས།། ཀུན་འཕྲོ་ཉི་མའི་འོད་ཟེར་བཞིན།། ལྟ་བ་རང་བཞིན་ནམ་མཁའ་ལ།། རིག་པའི་སྐུ་ཉིད་མ་བསྐྱོད་གཤེགས།། ཁྱུང
་ཆེན་ནམ་མཁའ་ལྡིངས་དང་མཚུངས།། ནམ་མཁའ་སྟོང་པའི་དཀྱིལ་དག་ཏུ།། སྤྱན་ཉིད་མི་འགྱུར་མཁའ་ལ་གཤེགས།། གླང་ཆེན་མི་འགྱུར་ལྟ་སྟངས་མཚུངས།། ཆགས་མེད་ས་ལ་གནས་པ་ན།། རྡོ་རྗེ་རྒྱལ་པོས
་གྲོལ་བར་གསུངས།། མདོ་དང་རྒྱས་པ་ཉིད་དུ་གསུངས།། ཨེ་མ་སངས་རྒྱས་ཐིག་ལེ་ནི།། སེམས་ཅན་ཀུན་གྱི་ཙིཏྟ་ན།། རྣམ་དག་སྐུ་ཡི་ཐིག་ལེ་གནས།། སེམས་ཅན་ཀུན་གྱི་བྷཱུ་ཏི་ན། སྟོང་ཉིད་རྟགས
་ཀྱི་ཐིག་ལེ་གནས།། སེམས་ཅན་ཀུན་གྱི་ཤེལ་དཀར་ན།། སྟོང་གསལ་འབར་བའི་ཐིག་ལེ་གནས།། སེམས་ཅན་ཀུན་གྱི་དར་དཀར་ན།། ལམ་གྱི་ཐིག་ལེ་བཟང་པོ་གནས།། སེམས་ཅན་ཀུན་གྱི་སྟོང་ལམ་ན།། འོད
་གསལ་གཉིས་མེད་ཐིག་ལེ་གནས།། སེམས་ཅན་ཀུན་གྱི་སྒལ་ཚིགས་ན།། འདུ་འབྲལ་མེད་པའི་ཐིག་ལེ་གནས།། སེམས་ཅན་ཀུན་གྱི་དུང་ཁང་ན།། ཡེ་ཤེས་གདངས་ཀྱི་ཐིག་ལེ་གནས།། སེམས་ཅན་ཀུན་གྱི་མིག
་ན་ཡང་།། རྣམ་དག་འོད་ཀྱི་ཐིག་ལེ་གནས།། སེམས་ཅན་ཀུན་གྱི་ཡུལ་ཉིད་ན།། སྣ་ཚོགས་འཆར་བའི་ཐིག་ལེ་གནས།། དེ་བཞིན་སེམས་ཅན་ཐམས་ཅད་ལ།། དབྱེར་མེད་ཚུལ་གྱིས་གནས་པ་ཡིན།། རྡོ་རྗེ་སེམས
་དཔའི་སྐུ་ཉིད་ཀྱང་།། ཡེ་ཤེས་དག་པའི་མཁའ་ལ་གཤེགས།། སངས་རྒྱས་རྣམས་ཀྱི་ཡེ་ཤེས་ནི།། སེམས་ཅན་རྣམས་ལ་ཕྱེད་ཡོད་དོ།། སྟོང་པའི་ངང་ལས་ཡེ་ཤེས་ཆོ་འཕྲུལ་བྱུང་།། རྡོ་རྗེའི་ངང་ལས་རྡོ་རྗེའི་ཆོ་འཕྲུལ
་འབྱུང་།། རྡོ་རྗེའི་ལམ་ལ་སངས་རྒྱས་ཉིད་གཤེགས་པ།། ཡང་དག་མཁའ་ལ་རིག་པ་ཉིད་གཤེགས་པ།། གཉིས་མེད་ངང་དུ་ཁྱབ་མེད་མཉམ།། སྐྱེ་དང་འཆི་མེད་རྡོ་རྗེའི་བདག། ཡང་དག་སྐུ་ལ་སྐྱེ་དང་འཆི་བ
་མེད།། སེམས་དང་བག་ཆགས་སངས་རྒྱས་དངོས་མ་ཡིན།། རིག་པའི་ཡེ་ཤེས་སེམས་དང་བག་ཆགས་བྲལ།། སངས་རྒྱས་མཛད་པ་རྣམ་འཕྲུལ་ཅིར་ཡང་སྟོན།། རྟོགས་དང་མ་རྟོགས་ཚིག་གི་དཔྱོད་པ་ཡིན།། འཛིན
་པ་མེད་ན་སངས་རྒྱས་གསང་བ་ཡིན།། ཆགས་པ་མེད་ན་རྡོ་རྗེའི་དོན་ཉིད་ཐོབ།། ཞེན་པ་མེད་ན་རིག་པའི་རང་ལུས་རྙེད།། ཚིག་དང་བྲལ་ན་ཡེ་ཤེས་དབྱིངས་སུ་སྐྱོལ།། བསམ་པ་བརླགས་ན་སྒྲོན་མ་ཉམས་སུ
་ལོན།། དེ་ལྟར་རྟོག་དང་བལྟ་བ་དང་།། མི་རྟོག་བསྒོམས་ན་སངས་རྒྱས་རྙེད་མི་འགྱུར།། ཡེངས་པ་མེད་པའི་བསྒོམ་པ་ཆེན་པོ་འདི།། གསལ་དང་འཛིན་པའི་ངང་དུ་མ་ལྷུང་བའོ།། ཡང་དག་ཚིག་དང་བྲལ་བའི
་བསྒོམ་པ་ཆེན་པོ་འདི།། གང་ལ་བལྟས་ཀྱང་ཆུ་བོའི་གཞུང་དང་མཚུངས།། སངས་རྒྱས་དགོངས་པ་ཀུན་གྱིས་གོ་བ་མེད།། རྡོ་རྗེའི་སྐུ་ཉིད་ཀུན་གྱིས་མཐོང་བ་མེད།། རིག་པ་སྐུ་ཉིད་འདུ་འབྲལ་མེད
་པར་སྤྱོད།། སེམས་དཔའི་དོན་ཉིད་སྐུ་ཕྱེད་ཡོད་པར་གྲགས།། མི་ཟད་གཏེར་ལ་རིན་ཆེན་ལོངས་སྤྱོད་པའོ།། རྡོ་རྗེའི་ལམ་ལ་ནོར་བུའི་ཕུང་པོ་བཀོད།། སངས་རྒྱས་ཀུན་གྱི་དེ་བཞིན་ཉིད་དུ་གསུངས། ཞེས
་རིག་པ་རང་ཤར་ཆེན་པོའི་རྒྱུད་ལས། ཐིག་ལེ་ཕྱེས་ཏེ་བསྟན་པའི་ལེའུ་སྟེ་ཞེ་བརྒྱད་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཐིག་ལེའི
་རྣམ་གྲངས་དེ་ལྟར་ན།། རྒྱུད་ཀྱི་སྒྲ་ཆེན་གསུང་དུ་གསོལ།། ཞེས་ཞུས་ནས་འདི་སྐད་ཅེས་བརྗོད་དོ།། བཛྲ། ཨེ་ནས་གནས་པའི་དོན། མ་ན།། ཚག་མེད་ཀྱིས། ཨེ། མ་དང་ཡོན་འདས་པའི་ངན་མཚན་པ། བྷ་ས། དངས་པཟླ
་རིག་པ་སྟོང་པའི་ཡུལ་ལ་མི་གནས་པའོ།། དྷ། དག་པ། དུ། འདུས་པ། ཡང་། སྟོང་པའི་སྒྲོན་མ། ཀ་ཆོས་ཀྱི་སྠ། ཡ། ལོངས་སུ། སད། སྦྲུལ་སྠ། ཏེ། འདུ་འབྲལ་མེད། ཅེས་བརྗོད་པས་སྟོན་པས་འདི་སྐད་བསྒྲགས་སོ།། དཔེ་གསུམ་ལ་འདྲ་མིན་འདུག་པ་འདི
་བཞིན་བྲིས། བྷ་ན་ཡང་། དྷ། ཡེ་ཤེས་སེམས་ཀྱི་དབང་དུ་མི་འགྱུར་སྟེ་དོན་གོང་མ་བཞིན། ཏི། ཏེ་ཡང་། ཤེས་རབ་སྟོང་པའི་སྒྲོན་མ་ཡེ་ཤེས་བཅོས་སུ་མེད། ཤ། རྣམ་པ་སྟོང་པའོ།། མ་ལཱ། མང་ཡང་། འདས་པའི་སྟོང་པའི་ངོ་བོ་ཀ་དག་གི་གཞི། ཧ། དྷ་ཡང་། དག་པ་ལམ་གྱི་གནས
་སྟོང་པ་ཤེས་རབ་ཀྱི་ཡུལ་ལ་གནས་པ། ཡང་། མི་ཡང་། མ་བསླད་པའི་ཆོས་ཉིད་མ་བཅོས་པ། ཀ་ལི། མཚན་མའི་ཡེ་ཤེས་ངོས་བཟང་གིས་མཐའ་དང་བྲལ། སརྦ། གཞི་འབྱུང་བ་ལྔའི་ཡེ་ཤེས་ཀུན་གྱི་སྙིང་པོ་དུས་གསུམ་དུ་རྟག་པའོ།། ཡ་དུ། ཐུགས་རྗེའི་ངང་གིས་འོད་གསལ
་བའི་འོད་ཀྱི་ལུས་སྟོང་པའི་ཤེས་རབ་བོ།། ཏ། སྟོང་པ་སྙིང་པོའི་ལུས། ཨ་ཧ། ཨེ་ཧ་ཡང་། མཐའ་ལས་འདས་པ་དངོས་པོ་མེད་པ་སྟོང་པའི་ངོ་བོ། སཾ། མཐའ་ལ་མི་གནས་པའི་རྡོ་རྗེའི་སྒྲ་ཡོད་པའི་ལམ་ལ་ཡེ་ནས་གནས་པའོ།། མུ་ཏྲི་ཧྲིཿསྭ་ཧི་ཧྲཱིཿསངས་རྒྱས་ཀུན་གྱི་སྙིང་པོ་ས
་ནས་གནས་པ་ཡང་དག་ལམ་གྱི་ཡི་གེ་སྟོང་པའོ།། སཾ།། གསང་བ་རིག་པའི་གནས་འབྱུང་བ་ལྔ་ལས་འདས་པའི་རིག་པ། ཀ་ར། སེམས་མེད་པའི་སྒྲ་ཡུལ་མེད་པའི་སྣང་བའོ།། སྙིང་པོའང་། ཨུ། སྦྲུལ་སྒྲ་མངོན་སུམ་པ་ཉིད་དོ།། ཨཱཿལོངས་སྒྲ་གཟུང་དུ་མེད་པའི་ཆོས་ཉིད་དོ།། ཨ།
་ཆོས་སྨྲ་བདག་མེད་པའི་ཡུལ་རང་གྲོལ་བ་ཉིད་དོ།། ཥེཿའཁོར་བ་ལས་ལོག་པའི་ཤེས་རབ། འབྱུང་བ་ལས་ལོག་པའི་རང་གདངས་སོ།། ཙོ། ཡུལ་ལོག་པའི་ཆོས་ཉིད་ཤེས་པ་ལས་ལོག་པའི་སྣང་བ། ཥྚི། ཡུལ་ལས་ལོག་པའི་སྐུ་གསུམ། ཊི། ཙྱཻ་ཡང་། སྟོང་པ་ལས་ལོག་པའི་གསལ་བ
་སེམས་ལས་ལོག་པའི་སངས་རྒྱས། ཌ། ཊ་ཡང་། སྒྲ་ལས་ལོག་པའི་ཡེ་ཤེས་ཚིག་ལ་སོགས་པའི་སྣང་བའོ།། ཥ། ཆོས་ལ་ལོག་པའི་ཡུལ། སྒྲ་ལས་ལོག་པའི་ཡུལ་དུ་སྣང་བའོ།། ཙ། ཆོས་ཉིད་ལས་ལོག་པའི་གཞི་མ་རིག་པ་ཡེ་ཤེས་ཀྱི་སྣང་བར་རང་ལོག་པའོ།། ཥ། ཡིད་ལོག་པའི
་ཤེས་རབ་སེམས་མེད་པའི་སངས་རྒྱས་སོ།། མ། འདུས་པའི་རིན་པ་ཚེའི་སྣང་བ་ཕྲལ་བད་ཀར་གཅོད་པའོ།། ཀླ་མ་ཡང་། ཀླ་མ། སྒྲ་ལ་ཤེས་ལས་ལོག་པ་དང་མ་ལོག་པ་མི་མངའ་བ་དེ་ཡང་རྟགས་ས་པ། ཨུ། སྟོང་པའི་སྐུ་གཉིས་མེད་ཕྱོགས་སུ་མ་ལྷུང་བ
་ཉིད།། ཏ། གསལ་བའི་ཡེ་ཤེས་འོད་མཐའ་གྲོལ།། པེ། ཤེས་པ་རིག་པ་གསལ་བར་མེད་རང་གྲོལ་བ་ཉིད་དོ།། སྐམ།། རྒམ་ཡ། ཆོས་ཉིད་སྣང་བ་ཡང་དག་པ་ཉིད་འཛིན་མེད་རང་གྲོལ་ཉིད་དོ།། ཨ། ཆོས་ཀྱི
་དབྱིངས་དངོས།། ཡ་དུ། ཡང་། ཀྶཾ། སྐུ་གསུམ་གྱི་སྣང་བ་རང་ལ་རྫོགས་པ་ཡུལ་ཡེ་ཤེས་སུ་ཤར་བས་རིག་པ་ཡུལ་དང་སྦྱར་སྟོང་པ་མཁའ་ལ་ཐིམ། སུ་ཡང་། སྟུ། མི་འགྱུར་བའི་ཡེ་ཤེས་རྟག་པ་ཆེན་པོའི་སྒྲ་སེམས་ཅན་གྱི་ལུས་ཀུན་ལ་ཁྱབ་སྟེ་དེ་ཡང་ཐུགས་རྡོའོ།
་སྭཱ་མི་འགྱུར་བའི་ཤེས་རབ་མ་སླེབས་པའི་ཡུལ་མ་བཟུང་བའི་ཆོས་ཉིད་ཀྱི་ངང་དུ་སྟོང་པའོ།། ། ཡང་། ཨཱུ། སྐྱེ་བ་མེད་པའི་ཡེ་ཤེས་ཤེས་རབ་དང་དབང་པོ་སྟོང་པ་ཡེ་ནས་སྟོང་པ་ཡེ་ནས་གནས་པའི་དོན་ཚིག་ལས་འདས་པ་བསྒྲུབ་ཏུ་མེད་པའི་རིག་པའོ།།
་ཀྱཻ་མ་ཡང་། གྷྲྀ། མརྟོགས་པའི་ཆས་ཅིད་ཡུལ་དང་བཅས་པའི་སྣང་བ་ལས་དང་སྤང་བ་གཉིས་ལ་མ་སྐྱེས་པར་ཆས་ཉིད་མིན་པ་ལ་ལམ་ལྔ་དང་ལྡན་པ་མེད་པས་གཟུང་དུ་མེད་པ་དག་པའི་མཐའ་རྣམ་པར་གསལ་བམ། གྷུ། སྤང་བའི་མཐའ་བང
་དུ་ཡང་མ་སྤང་བ་དེ་ལས་མ་ཤེས་དུས་མེད་དུ་འཆར་བས་ཡུམ་དང་ཡབ་ཀྱི་ཆ་འཛིན་པ་ལྟར་སྣང་བའོ།། གཽ་རྐོ། ཐུ། ཡང་། སྟོང་པའི་རིག་པ་མཁའ་ཐབ་ཏུ་གནས་པ་ལེ་ནས་རིག་པ་དན་ཆོས་ཉིད་ལས་མ་གཡོས་པས་རིག་པ་གང་གི་གྲོགས་སུ་མ་ལྡང་བ་འཛིན་མེད་ཚ་བ་སྟོང་པས
་ནས་གནས་པའོ།། བྷྱཱ་སྒྱུ་ཡང་། སྣང་བའི་ཡུལ་དུ་མེད་པས་ལམ་དང་ཡེ་ཤེས་ལ་ཉེ་རིང་མེད་པ་སྟོང་པ་ལ་ལམ་མེད་པར་འཇུག་པ་ལ་གནས་མེད་པ། གྷཾ། གྷོ། ཡང་། བྷཱུ། མའི་ཆོས་ཉིད་དངོས་པོའི་མཐའ་དང་བྲལ། བྷྱ། ཤྱཱ། དངོས་པོ་སྟོང་པ་ཉིད་མཉམ་པ་ཉིད
་ཀྱི་སྙིང་པོ་ཅན་ཁྱབ་བྱེད་འཆར་བྱེད་པ་འགགས་པའི་སྒྲ་གསུམ་མོ།། གྷ། བྷཱུ། ཤེས་རབ་ཀྱི་སྣང་བ་གསུམ་དུ་ཤར་ནས་ཡེ་ནས་དོན་བྱུང་ནུས་པའོ།། བྷ། གྱ་དངོས་པ་སྟོང་པའི་བཞག་ཐབས་དངོས་པོ་བཟང་དུ་མེད་པའི་ཤེས་རབ་གསུམ་ཤར་བའོ།། བྷུ། བྷཱུ། མི་འགྱུར
་བའི་ཁྱབ་པ་གསུམ་གྱི་ཡེ་ཤེས་གོང་དུ་སྣང་ངོ་།། གྷ། གྷུ། མིང་ལྔ་དང་ཤེས་པ་ལྔ་ལམ་ལྔ་དང་ཡེ་ཤེས་ལྔའི་སྣང་བའོ།། བྷྲཱུཾ། བྷྲུ~ཾ། དག་པ་ཆུ་མཚན་གྱི་ཡིག་དུས་དང་དུས་མཐའ་རྣམ་པར་འབྱེད་པའི་ཤེས་རབ་རྣམ་པར་དག་པ་ཡུལ་དང་དབང་པོའི་སྟོབས་དབྱིངས་གསུམ
་ཡེ་ཤེས་སུ་སྣང་ངོ་དེ་ཡང་རྟག་པ་སྐྱེ་མེད་ཀྱི་འོད་དང་ལྡན་པའོ།། བྷྲཱུཾ། དྷཱི་མ་བཅོས་པའི་ཆོས་ཉིད་དེ་དངོས་གཞི་རྣམ་པར་སྟོང་པ་ཡེ་ཤེས་ཀྱི་སྙིང་པོའོ།། དེ་ཡང་ལུས་སྒྲོ་མེད་ལུས་རྣམ་པར་གཞག་པའི་སྐུ་གསུམ་རྟག་པ་འཁྲུལ་པ་ལས་ལོག་པའི་ཡེ་ཤེས་སྟོང་པ་ཐ་དད་ཀྱི་འོད་དང་འོད
་ཀྱི་ཕུལ་དང་འཛིན་པའི་ཆོ་འཕྲུལ་གྱི་འོད་དང་ཡང་དག་པ་ཆོས་ཉིད་ཀྱི་འོད་དོ།། དྷཱི་ལུས་ལ་ཡེ་ཤེས་ཀྱི་སྣང་བ་ཡེ་ནས་གནས་པའི་དོན་གསལ་བར་བྱེད་དེ་གཞན་འབྱུང་གི་ཡེ་ཤེས་ཆོས་ལ་གནས་པ་མེད་བདག་ཏུ་རྟོག་པའི་ཡེ་ཤེས་མཐའ་ལ་གནས་པ་མེད་པས་སྒྲ་གསུམ་སྣང
་བའི་རྟགས་ཐུགས་རྗེ་འཛིན་མེད་ཀྱི་ཡེ་ཤེས་ཀྱིས་ལམ་ལ་གནས་པའོ།། ཧཱུ~ཾ་མི་འགྱུར་བའི་ཆོས་ཉིད་ཀྱི་ཡུལ་རྣམ་པར་དག་པ་ལས་བྱུང་བའི་སྣང་བ་རང་ལོག་གི་ཡེ་ཤེས་ཕྱོགས་དང་རིས་མེད་པར་རང་སྣང་བའི་ཆོས་ཉིད་སྟོང་པ་སྐུ་གསུམ་ལ་བཟླ་བའི་དབྱིངས་མཉམ་པ
་ཅད་ཀྱིས་ཤས་དུས་གསུམ་གཅིག་ཏུ་འཆར་བས།། བྷྲ་བྷཱུཾ་བྷཱུ་སྒྲ་གསུམ་ཚས་ཉིད་ཀྱི་སྣང་བ་ཕུལ་ཆོས་ཀྱི་དབྱིངས་སུ་པོ་ཐང་ལ་སྣང་བ་ད་ཡང་རང་གིཡུལ་ལས་ཤས་ཀྱི་སྣང་བ་ལྔ་ལྷག་པར་འཆར་བ་དན་ཆོས་ཉིད་ཀྱི་དབྱངས་ལས་མ་གསོས་པ་སྣང་བ་ལས་ལོག་པའི་ཆོས
་རྟག་པ་ཡེ་ཤེས་ཀྱི་འཆར་ལུགས་གྲགས་རྗེ་གསུམ་དང་ལྡན་པ་མཚན་མ་ཐལ་གྱིས་གནོན་པའི་འོད་དང་ལྡན་པའོ།། བྷཱུབྷཱུ་རྟག་པའི་ཆོས་ཅིད་ཆད་པའི་གྲོགས་སུ་མ་ཤོར་གནས་པའི་ཆོས་ཉིད་སྟོང་པའི་ཕྱོགས་སུ་མགོར་བས་སྒྲ་གསུམ་རྟག་པ་ལས་ལོག་པའི་ཤེས་རབ་གཉིས་མེད
་ཀྱིས་ཆོས་གསུམ་དང་ལྡན་པའོ།། སྟྭ~ཾ། བྷྲཱུ~ཾ། སྐྱེ་མེད་ཡེ་ཤེས་ཀྱི་སྙིང་པོ་མ་བཅོས་པ་ལས་མ་ལོག་པའི་རྒྱས་བཏབ་བརྟག་པ་དབྱིངས་ཀྱི་ཡེ་ཤེས་ཡིན་པ་ལས་འདས་པའི་སྒྲ་དང་ཡེ་ཤེས་སྟོང་པའི་དབྱིངས་དང་གསལ་བའི་དབྱིངས་དང་མཐར་ཐུག་པ་མེད་པའི་དབྱིངས་དང་རྒྱ་ཆེ
་བའི་དབྱིངས་སོ།། བྷྲྀ། འབྱུང་བ་ལས་ལོག་པའི་ཆོས་ཉིད་གཞི་མ་བཅོས་པའི་སེམས་ཀྱི་དངོས་པོའི་མཐའ་དང་བྲལ་སངས་རྒྱས་ཡུལ་དུ་མེད་པའོ།། བྷྱཱཾབྷྲྀ་ཤྣ་སྟོང་པ་ལས་ལོག་པའི་ཤེས་རབ་ཆད་པ་ལ་ལོག་པའི་སྟོང་པ་ཆད་པ་དག་རྟག་པ་མེད་པའི་ཡེ་ཤེས
་སོ།། བྷྱོཿརྒྷོཿམཚན་མ་མིང་གི་བ་སྐད་དང་བྲལ་བ་དེ་ཡང་སྒྲ་གསུམ་རང་ལོག་པ་རྟག་པ་སྟོང་པའི་འཆར་བྱེད་དབྱིངས་རྣམ་པར་དག་པ་དང་བཅས་པའོ།། དེ་ལ་སོགས་པའི་སྒྲ་རྣམས་ནི།། རབ་ཏུ་འབོད་དང་དམིགས་པ
་ཡང་།། དོན་ཉིད་མཐུན་པའི་ཆོག་གིས་བརྗོད།། གསང་སྔགས་སྒྲ་འགྱུར་ཚད་མ་ཉིད།། རང་གི་དོན་ལ་ཤེས་པའོ།། རང་རང་འབྲུ་དང་སྦྱར་ལ་བཤད།། འདོགས་དང་ཡན་ལག་བསྟན་པ་ཡང་།། ཅི་ལྟར་འཚམས་པ
་བཞིན་དུ་བརྗོད།། སྒྲ་ལ་ཆེ་དང་ཆུང་བ་ཡང་།། དོན་ཉིད་ཆེ་དང་ཆུང་བར་འདོད།། སྒྲ་ཚིག་ཡི་གེའི་ལོག་འདྲེན་པ།། རང་ཉིད་རིག་པ་ཆོས་ཀྱི་སྐུ།། གཟུང་དང་འཛིན་པའི་ཆོས་མེད་པས།། རྟོགས་དང་མ་རྟོགས་ཚིག
་ལས་འདས།། རྡོ་རྗེ་སེམས་དཔའ་བདག་ཉིད་ཀྱང་།། ཡང་དག་མཁའ་ལ་སོ་སོར་མ་འགགས་ཤར།། སྟོང་གསལ་དབྱིངས་སུ་མངོན་སངས་རྒྱས།། རྣམ་དག་མཁའ་ལ་ཡང་དག་ཕྱིན།། རྡོ་རྗེ་ལྟ་བུའི་སྐྱེ་མེད
་རྟོགས།། རང་ཉིད་རྡོ་རྗེའི་སྤོ་ལ་རྫོགས།། དེ་ཕྱིར་སྒྲ་ཡིས་སྣ་ཚོགས་དོན་ཆེན་སྟོན།། སྒྲ་དང་བརྡ་ཡིས་གསང་སྔགས་སྟོན་པར་བྱེད།། གསང་སྔགས་དོན་ཆེན་སྒྲ་ལ་འདུས།། རྟོག་མེད་སྒྲ་ཡིས་ཡེ་ཤེས་དབྱིངས་སུ
་སྒྲོལ།། ཞེས་རིག་པ་རང་ཤར་ཆེན་པོའི་རྒྱུད་ལས། གཏན་ཚིགས་སྒྲའི་ལེའུ་སྟེ་ཞེ་དགུ་པའོ།། །། རྨཱཐཱཥྚརྠཿ། ཧྲཿ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ
་འཆང་།། སྒྲ་དང་དོན་ཉིད་དེ་ལྟར་ན།། གཞི་ལམ་རྫོགས་ཆེན་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། རྫོགས་ཆེན་ཨ་ཏི་ཡོ
་ག་ལ།། གཞི་དང་ལམ་དང་འབྲས་བུ་མེད།། འོན་ཀྱང་གཞི་ལམ་འབྲས་བུ་གསུངས།། གཞི་ལ་རྣམ་པ་གཉིས་སུ་གསུངས།། ཀ་དག་ཆེན་པོའི་གཞི་དང་ནི།། ལྷུན་གྲུབ་སྣ་ཚོགས་གཞི་རུ་འདོད།། ཀ་དག་ཆེན་པོའི
་གཞི་ལ་ཡང་།། ཡེ་ཤེས་མ་འགགས་གསལ་བའོ།། དེ་ཡང་ངོ་བོ་མི་འགྱུར་དང་།། རང་བཞིན་གསལ་བས་ཀུན་ལ་ཁྱབ།། ཡེ་ཤེས་རྣམ་དག་ངོ་བོ་ལ།། ངོ་བོ་རང་བཞིན་ཐུགས་རྗེ་གསུམ་དང་ལྡན།། སངས་རྒྱས
་དགོངས་པ་རང་སྣང་རྣམ་དག་ཉིད་ཀྱི་སྐུ།། འཛིན་དང་གོལ་མེད་གནས་པ་མེད་པར་དབྱིངས་ལ་སྤྱོད་ཅིང་སྤྲུལ་པ་མཛད།། རང་ཉིད་རྡོ་རྗེ་ས་ལ་ཡང་དག་གཤེགས་ཤིང་ཐིག་ལེའི་སྐུ།། ཐིག་ལེ་རྣམ་དག་ཡེ་ཤེས
་བཀོད་པའི་དཀྱིལ་འཁོར་འགྲོ་བའི་གཞི།། ལམ་བཀོད་རིན་པོ་ཆེ་ཡི་ས་ལ་སྦྱང་བའི་ཡུལ་མེད་ཕ་རོལ་ཕྱིན།། གསང་སྔགས་ཀུན་གྱི་ཡེ་ཤེས་ཚིག་གིས་དཔག་ཏུ་མེད་པར་དབྱིངས་ལ་བཀོད་ཅིང་སྤྲུལ་པ
་མཛད།། འཛིན་མེད་རང་སྣང་ཡེ་ཤེས་ཀུན་གྱི་སྙིང་པོ་ཡིན་པར་ཀུན་ནས་སྟོན།། བསྟན་ཀྱང་གྲོལ་བར་མི་འགྱུར་གྲོལ་བ་ག་ལ་ཡོད།། ཡང་དག་པ་དང་བདེ་གཤེགས་སྙིང་པོ་གཉིས་མེད་མཉམ་པའི་དོན།། སངས
་རྒྱས་མཛད་པའི་ཡེ་ཤེས་མེད་པར་གཟའ་གཏད་ལམ་དང་བྲལ་ཡང་བྱུང་། གསང་སྔགས་དགོངས་པ་ཡིན་པར་གསུངས།། གསང་སྔགས་ཀུན་གྱི་ལམ་ནི་སྒྲོན་མ་རྣམ་དག་ངོ་བོར་འདུས་པར
་གསུངས།། ཨེ་མ་ཧོ།། གསུང་དང་མ་གསུངས་ཐམས་ཅད་རང་གི་དེ་ཉིད་རྟོགས་དང་མ་རྟོགས་ཁྱད།། རིག་པའི་ངང་ལས་འདས་པ་མེད་ཅིང་མ་འོངས་མེད་པར་ཀུན་བྱེད་རྒྱལ་པོས་གསུངས།། རྒྱལ་བ་རྣམས་ཀྱི
་དགོངས་པ་ཡང་དག་རྡོ་རྗེ་མོ་ཡིས་ཀློང་དུ་ཐམས་ཅད་འདུས།། རང་གྲོལ་སྐྱེ་དང་བྲལ་བའི་རིག་པ་རྡོ་རྗེའི་སྐུ་ལ་སྐྱེ་འཇིག་མེད་པར་ཡང་དག་རྒྱལ་པོས་གསུངས།། ཚིག་མེད་ཡི་གེ་མེད་པའི་དོན་ལ་སྐྱེ་དང་འཆི་བ
་མེད་ན་འགགས་མེད་ཀློང་དུ་མྱང་ངན་འདས།། སངས་རྒྱས་ཡེ་ཤེས་ལུས་ཉིད་རྡོ་རྗེ་སྤོ་ལ་སངས་རྒྱས་བརྙེས།། རྡོ་རྗེ་སེམས་དཔའི་ངང་ཉིད་རྡོ་རྗེའི་རྒྱ་དང་ལྡན་པར་ཤེས།། རང་སྣང་ཆོས་ཉིད་ཀུན་གྱི་གོང་མ་ཡིན།
་པར་སངས་རྒྱས་རྣམས་ཀྱིས་གསུངས།། ཡང་དག་ཉིད་ལ་དག་དང་མ་དག་མེད་པར་མཁྱེན་ཅིང་རིག། སངས་རྒྱས་ཀུན་གྱིས་བསྔགས་པའི་སྙིང་པོ་ཡེ་ཤེས་སྐུ་ཉིད་གནས་དང་བྲལ་བའི་ཚེ།། རང་གི་དེ་ཉིད་མཐོང
་ནས་དེ་ཉིད་ལ་ཡང་དྲན་པ་སྐྱེས་ནས་བདེ་ཆེན་ས་ལ་ཐིམ།། ཡེངས་དང་མ་ཡེངས་མེད་པར་དོན་ཉིད་རང་ལ་ཤར་ཞིང་རང་ལ་སྣང་བ་ཡིན།། ཟག་པ་མེད་ལ་ཆོས་རྣམས་ཀུན་གྱི་བདེན་པ་མཐོང་བའི་དུས་སུ་བསྟན་པ
་ཡིན།། ཡང་དག་སངས་རྒྱས་གཞི་ལ་བཟང་ངན་མེད་པར་གཉིས་མེད་མཉམ་པ་ཡིན།། རང་རྒྱལ་རྣམས་དང་ཐེག་པ་དམན་པའི་རིགས་རྣམས་ལ།། སངས་རྒྱས་གསང་བའི་དོན་མི་བཤད། གཞན་ཡང་གསང་སྔགས
་དོན་ཆེན་ནི།། བློ་དམན་ཤེས་པ་ཆུང་བ་དང་།། ཁ་གསགས་གཡོ་སྒྱུའི་སེམས་དག་དང་།། ལམ་དང་ས་ལ་ཞེན་པ་ཡི།། རིགས་དང་རྒྱུད་མེད་དག་ལ་ནི།། གསང་སྔགས་གསང་བ་བསྒྲག་མི་བྱ།། ཆོས་ཉིད་རྟོགས་པའི
་རྣལ་འབྱོར་པས།། ཅིར་སྣང་འོད་ཀྱི་སྣང་བར་མཐོང་།། རྡོ་རྗེ་ལྟ་བུའི་སངས་རྒྱས་ནི།། གཅིག་དང་དུ་མའི་གཟུགས་སུ་མེད།། དཔེར་ན་རྩལ་ཀྱི་རྒྱལ་པོ་བཞིན།། ཐམས་ཅད་ཟིལ་གྱིས་གནོན་པས་སྐྲག་པར་བྱེད།། དེ
་བཞིན་ཀ་དག་རྫོགས་ཆེན་ནི།། སངས་རྒྱས་མན་ཆོད་ཐེག་དམན་ཟིལ་གྱིས་གནོན།། སངས་རྒྱས་མཛད་པས་ཐམས་ཅད་སྐྲག་པར་བྱེད།། ཡང་དག་སངས་རྒྱས་བདེ་ཆེན་ཐུགས་ལས་བྱུང་།། གཞི་དང་ལམ་ལ་མི
་ལྟོས་སངས་རྒྱས་མཉམ་མེད་ཡིན།། ཡང་དག་སྤྲུལ་པས་ཡང་དག་ཉིད་དུ་སྒྲོལ།། གཞི་ལ་ངོ་བོ་རང་བཞིན་ཐུགས་རྗེ་རྫོགས།། ལམ་ལ་སྐུ་ལྔ་ཡེ་ཤེས་ལམ་ལྔ་རྫོགས།། འབྲས་བུ་སྐུ་གསུམ་ཡེ་ཤེས་འོད་སྣང
་རྫོགས།། དེ་ཕྱིར་གཞི་ལམ་འབྲས་བུ་གསུམ།། འདུ་འབྲལ་མེད་པའི་ཚུལ་དུའོ།། འབྲས་བུ་མ་གཡོས་ཆོས་ཀྱི་སྐུ།། ལམ་ནི་རྣམ་དག་སྐུ་ལྔ་ཡིན།། གཞི་ཉིད་མི་འགྱུར་རང་བཞིན་ཆེ།། རྟོག་མེད་གཞི་ཡི་ངོ་བོ
་ལ།། སངས་རྒྱས་སེམས་ཅན་གཉིས་སུ་མེད།། སྐྱེ་བ་མེད་ཅིང་འཆི་བ་མེད།། གནས་པ་མེད་ཅིང་རང་སར་གྲོལ།། འཛིན་པ་མེད་པས་བདེན་པ་མཐོང་།། འགྱུར་མེད་ལམ་གྱི་ངོ་བོ་ནི།། འཛིན་པ་མེད
་པས་རང་དག་གོ། སྣ་ཚོགས་ལམ་གྱི་ངོ་བོ་ལ།། ཆགས་དང་འཛིན་པ་མ་ཞུགས་ན།། ལམ་གྱི་དེ་ཉིད་མཐོང་བ་ཡིན།། གཞི་ལམ་བདག་ཉིད་བློ་དང་མཉམ།། རང་བྱུང་ཐབས་ཀྱི་རྒྱལ་པོ་ལ།། སྟོབས་ཀྱིས་རིག་པ་རང
་བྱུང་ཤར།། གཞི་ལམ་འབྲས་བུ་མཐར་ཕྱིན་ཡིན།། རང་བྱུང་རྟོག་མེད་ངོ་བོ་ལ།། ཤེས་རབ་དོན་གྱི་སྐུ་ཉིད་ཤར།། གཞི་ལམ་འབྲས་བུ་མཐར་ཕྱིན་ཡིན།། གསལ་དག་ཆེན་པོའི་བལྟ་བར་གསུངས།། ཞེས་རིག་པ
་རང་ཤར་ཆེན་པོའི་རྒྱུད་ལས། གཞི་ལམ་འབྲས་བུ་རྒྱས་པར་བསྟན་པའི་ལེའུ་སྟེ་ལྔ་བཅུ་པའོ།། གྲུ་ཧྲཱི།། བྷྲཱུཾ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ
་འཆང་།། གསང་སྔགས་གཏན་ཚིགས་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་གསང་བའི་བདག་པོ་ལེགས་པར་ཉོན་ཅིག། ངས་བསྟན་མ་ཡེངས་ཡིད་ཀྱིས་ཉོན།། སྔགས་ཀྱི་གཏན་ཚིགས་ངས
་བསྟན་གྱིས།། དང་བའི་སེམས་ཀྱིས་གུས་པར་ཉོན།། རྟོག་མེད་སེམས་ཀྱིས་མ་ཡེངས་ཉོན།། སྔགས་ཀྱི་གཏན་ཚིགས་ཆེན་པོ་ནི།། གང་གི་ཕྱིར་ན་ཆོས་ཉིད་འདོད་པར་གསུངས།། དེ་ཡང་བསྟན་པ་འདི་ལྟ་སྟེ།། རྟོག
་མེད་ཆོས་ཉིད་ཡིན་པར་གསུངས།། དབྱིངས་ལ་སྐུ་ཡིས་བརྒྱན་པའི་ཕྱིར།། ཐིག་ལེ་རྐྱང་པ་རྟོགས་ན་དེ་ཉིད་མཐོང་བ་མིན།། ཐིག་ལེ་སྐུ་ཡིས་བརྒྱན་པའི་ཕྱིར།། སྐུ་ནི་གཅིག་པུར་རྟོགས་ན་དེ་ཉིད་མཐོང་བ་མིན།། སྐུ
་ལ་ཐིག་ལེས་ཁྱབ་པའི་ཕྱིར།། གཉིས་མེད་རྟོགས་ན་དེ་ཉིད་མཐོང་བ་ཡིན།། གཉིས་མེད་གསལ་བས་བརྒྱན་པའི་ཕྱིར།། གཏན་ཚིགས་གང་དག་ཅི་ཕྱིར་བཤད།། གང་དག་འཛིན་པ་ཡོད་གྱུར་ན།། ཡེ་ཤེས་མཐོང་བ
་མེད་པར་འགྱུར།། ཡེ་ཤེས་འཛིན་པ་མེད་པའི་ཕྱིར།། གང་དག་ཆགས་པའི་སེམས་ཡོད་ན།། ཡང་དག་ཡེ་ཤེས་མཐོང་མི་འགྱུར།། འོད་གསལ་ཆགས་པ་མེད་པའི་ཕྱིར།། གང་དག་ཞེན་པའི་སེམས་ཡོད་ན།། རྟོག
་མེད་ཆོས་སྐུ་མཐོང་མི་འགྱུར།། སྐུ་ལ་ཞེན་པ་མེད་པའི་ཕྱིར། གང་དག་རྟོག་པའི་སེམས་ཡོད་ན།། རང་གི་དེ་ཉིད་མཐོང་མི་འགྱུར།། སྒྲོན་མ་རྟོག་པ་མེད་པའི་ཕྱིར།། གང་དག་ས་ལམ་རྩོལ་འདོད་ན།། བར་དོའི་སྣང
་བ་རྟོགས་མི་འགྱུར།། ས་ལམ་སྦྱང་དུ་མེད་པའི་ཕྱིར།། དགོས་པའི་མིང་གིས་མཚམས་སྦྱོར་བས།། དེ་ཉིད་མེད་པ་ཉིད་དུ་འགྱུར།། གང་དག་མཚན་མའི་སེམས་མེད་ན།། སྟོང་པ་ཚིག་མེད་དག་ཏུ་འགྱུར།། གང་དག
་སེམས་ལས་དོན་ཚོལ་ན།། རིག་པའི་རྒྱལ་པོ་སྤང་བར་འགྱུར།། རྒྱལ་བ་རྣམས་ཀྱི་ཕྱག་རྒྱ་ནི།། བསྒྱུར་དང་མི་བསྒྱུར་གཉིས་ལས་འདས།། གསང་སྔགས་དོན་གྱི་ལྷ་ལ་སོགས།། བསྐྱེད་དང་མ་བསྐྱེད་གཉིས་སུ
་མེད།། སེམས་ཅན་ཤ་ཁྲག་སྲོག་ལུས་ལ།། བསད་དང་མ་བསད་གཉིས་སུ་མེད།། ཡང་དག་ཉིད་ཀྱི་སངས་རྒྱས་ལ།། བསྒྲུབ་དང་མ་བསྒྲུབས་གཉིས་སུ་མེད།། འཁོར་བའི་སྡུག་བསྔལ་ཆེན་པོ
་ལ།། སྤང་དང་མ་སྤངས་གཉིས་སུ་མེད།། ཡང་དག་རིག་པའི་རྒྱལ་པོ་ལ།། བསྒོམ་དང་མ་བསྒོམས་གཉིས་སུ་མེད།། བདེ་ཆེན་གསལ་བའི་ལམ་ལྔ་ལ།། སྦྱང་དང་མ་སྦྱངས་གཉིས་སུ་མེད།། རྟོག་པ་མེད་པའི
་ཆོས་ཉིད་ལ།། སྤྱད་དང་མ་སྤྱད་གཉིས་སུ་མེད།། གཉིས་མེད་ལྟ་བ་ཆེན་པོ་འདི།། ཁྱུང་ཆེན་ནམ་མཁར་ལྡིངས་དང་མཚུངས།། ཡང་དག་སྤྱི་རྒྱ་རླབས་ཀྱིས་གཅོད།། ཟག་མེད་ལམ་གྱི་རྒྱལ་པོར་གསུངས།། སངས
་རྒྱས་ཀུན་གྱི་ཡང་དག་ལམ།། རྣམ་གསུམ་པར་དོའི་དཀྱིལ་འཁོར་ཏེ།། བརྗོད་དང་མ་བརྗོད་གཉིས་དང་བྲལ།། རིག་པ་ཉིད་ཀྱི་སྣང་བ་ནི།། རྟག་ཆད་གཉིས་ཀྱི་མཐའ་ལས་འདས།། བརྗོད་མེད་རྣམ་པར་དག་པའི
་ཆོས།། ཡིན་དང་མིན་པའི་མཐའ་ལས་འདས།། དགག་བསྒྲུབ་མེད་པའི་སྤྱོད་པ་ནི།། འཛིན་དང་ཆགས་པའི་མཐའ་ལས་འདས།། གསལ་བ་སྙམ་བྱེད་བསྒོམ་པ་ནི།། བྱིང་དང་རྒོད་པའི་མཐའ་ལས་འདས།། ཕྱོགས
་དང་རིས་མེད་ལྟ་བ་ཡང་།། བཟང་དང་ངན་པའི་མཐའ་ལས་འདས།། ཡང་དག་ཆོས་ཉིད་ཆེན་པོ་ཡང་།། སྣང་དང་མི་སྣང་མཐའ་ལས་འདས།། རང་གི་ཡེ་ཤེས་རྣམ་དག་ཉིད།། གོལ་དང་སྒྲིབ་པའི་ཆོས་ལས
་གྲོལ།། སངས་རྒྱས་དགོངས་པའི་བདག་ཉིད་ལ།། བསྒོམ་དང་མི་བསྒོམ་མཐའ་ལས་འདས།། སངས་རྒྱས་ཀུན་གྱི་མེས་པོ་ལ།། རྟོགས་དང་མ་རྟོགས་མཐའ་ལས་འདས།། དེ་བཞིན་ཉིད་ཀྱི་གཏན་ཚིགས
་ལ།། གསལ་འགྲིབ་འཛིན་རྟོག་ག་ལ་ཡོད།། དྲི་མེད་དག་པའི་ཆོས་སྐུ་ལ།། བྱས་པའི་བསམ་པ་ག་ལ་ཡོད།། ཆོས་དང་ཆོས་མིན་སྣང་བ་ཡང་།། མཚན་མའི་ཞེ་འདོད་ག་ལ་ཡོད།། ཡེ་ཤེས་སེམས་དང་བྲལ་བ
་ལ།། བག་ཆགས་དྲི་མ་ག་ལ་ཡོད།། རིག་པ་གྲོགས་དང་བྲལ་བ་ལ།། མ་རིག་འཁྲུལ་པ་ག་ལ་ཡོད།། སངས་རྒྱས་ཀུན་གྱི་མེས་པོ་ནི།། རྒྱལ་བ་འོད་མི་འགྱུར་བ་ཡིན།། ཡང་དག་ས་ལ་གང་གནས་པ།། རྡོ་རྗེ་རྒྱལ
་པོའི་ལུང་ཉིད་ཐོབ།། སངས་རྒྱས་མེད་པའི་སངས་རྒྱས་ཀྱིས།། རྡོ་རྗེ་སེམས་དཔའ་དཔའ་བོ་ལ།། དབང་བསྐུར་དཀྱིལ་འཁོར་བསྟན་ནས་ནི།། སེམས་ཅན་ཀུན་གྱི་མ་རིག་པ།། འགྲོལ་བའི་རྒྱུད་ཆེན་རྒྱལ་པོ
་བཤད།། ང་ཡི་ཆོ་འཕྲུལ་དེ་བཞིན་དུ།། གང་ལ་ཐོགས་པ་མེད་པར་འབྱུང་།། སངས་རྒྱས་ཀུན་གྱི་ལམ་ཆེན་རྒྱུད།། ང་ཡིས་བཤད་ཅིང་ང་ཡིས་བཀྲོལ།། རྟོག་མེད་རྡོ་རྗེའི་ལུས་ཉིད་ཀྱང་།། རང་གི་ལུས་ལས་ཡང་དག
་འབྱུང་།། སེམས་ཅན་རྣམས་ཀྱི་ལུས་ཉིད་ལ།། སངས་རྒྱས་རྣམས་ཀྱི་དུར་ས་བཏབ།། རྣམ་ཤེས་དག་པའི་ནམ་མཁའ་ལ།། དེ་ཉིད་ཤེས་པའི་རྣལ་འབྱོར་པས།། དེ་ཉིད་གོམས་པར་ཉམས་སུ་ལོངས།། གསང་སྔགས
་འབྲས་བུ་གང་འདོད་པས།། དེ་ཉིད་ལ་ཡང་གོམས་པར་བྱ།། ཆོས་ཉིད་འོད་གསལ་མདངས་དང་ལྡན།། སངས་རྒྱས་བསྔགས་པ་དེ་ཉིད་ཐོབ།། ང་ཡི་རིག་པ་ཆོས་ཉིད་ལ།། སེམས་དང་དྲི་མའི་ཆོས
་དང་བྲལ།། ཕྲ་དང་རགས་པའི་དྲི་མ་རྣམས།། ཐམས་ཅད་ངོ་བོ་སྒྲིབ་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། སྔགས་ཀྱི་གཏན་ཚིགས་བསྟན་པའི་ལེའུ་སྟེ་ང་གཅིག་པའོ།། བྷ་ཋ་ཋན་\ུ0f89\ུ0f4།། དེ་ནས
་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ།། བདག་ཅག་མོས་པའི་འཁོར་རྣམས་ལ།། ཐབས་ཀྱི་ཡན་ལག། ཀྱང་བྱུང་། མན་ངག་བསྟན་དུ་གསོལ།། ཞེས་ཞུས
་སོ།། དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན་ཅིག། ངས་ལེགས་པར་ཕྱེ་ལ་གང་ཟག་གི་རིགས་བསྟན་གྱིས་ཉོན་ཅིག་ཅེས་བཀའ་སྩལ་པ་དང་། གསང་བའི་བདག་པོས
་འདི་སྐད་ཅེས་གསོལ་ཏོ།། ཀྱེ་སྟོན་པ་ཆེན་པོ། ཚོགས་དང་ཐབས་ཀྱི་ལམ་ལ་གནས་པ་ཡི།། རྣལ་འབྱོར་ཆོས་རྣམས་གསུང་དུ་གསོལ།། ཞེས་ཞུས་པས། སྟོན་པས་བཀའ་སྩལ་པ། ཀྱེ་ཉེ་བའི་འཁོར་རྣམས་ཉོན
་ཅིག། མཚན་མ་ཚིག་གི་རྣལ་འབྱོར་དང་།། རྟགས་ཙམ་འཛིན་པའི་རྣལ་འབྱོར་དང་།། མཐར་ཕྱིན་འབྲས་བུའི་རྣལ་འབྱོར་དང་།། རྗེས་སུ་རྣལ་འབྱོར་ཉིད་དང་ནི།། ངང་ཉིད་ངེས་པའི་རྣལ་འབྱོར་དང་།། སྣང་བ
་སེམས་ཀྱི་རྣལ་འབྱོར་དང་།། འཇུག་པ་ལས་ཀྱི་རྣལ་འབྱོར་དང་།། བྱ་བ་རྒྱུ་ཡི་རྣལ་འབྱོར་དང་།། བྱེད་པ་རྐྱེན་གྱི་རྣལ་འབྱོར་དང་།། མཐར་ཕྱིན་འབྲས་བུའི་རྣལ་འབྱོར་དང་།། ཡང་དག་དོན་གྱི་རྣལ་འབྱོར
་དང་།། མཐར་ཕྱིན་གྲོལ་བའི་རྣལ་འབྱོར་དང་།། བྱ་བ་རྫོགས་པའི་རྣལ་འབྱོར་རོ།། རྣལ་འབྱོར་ཆེན་པོའི་དོན་ཉིད་ནི།། ཆེ་བ་དང་ནི་ཆུང་བ་རྣམས།། རང་ཉིད་ཡིན་པར་ཤེས་པར་བྱ།། ས་དང་ལམ་ལ་གྲོལ་བའི་རྣལ
་འབྱོར་བཞི།། དེ་ནི་ཚིགས་སུ་བཅད་པས་གསུངས།། དེ་ཡང་རྣལ་འབྱོར་རྣམ་པ་ལྔ།། བསམ་གྱིས་མི་ཁྱབ་རྣལ་འབྱོར་ཀྱང་།། རྣམ་པ་ལྔ་ཡི་ཁོག་ཏུ་འདུས།། དེ་ཡང་བསྟན་པ་འདི་ལྟ་སྟེ།། རྩལ་ཆེན་རྫོགས་དང་ལུང
་ཆེན་ཐོབ།། དབུགས་ཆེན་འབྱིན་དང་ལུས་སེམས་ཕྱེད།། བཀའ་སྡོད་ལས་ཀྱི་རྣལ་འབྱོར་རོ།། རྣལ་འབྱོར་ཆེན་པོ་དེ་རྣམས་ཀྱིས།། ངང་དུ་ཐམས་ཅད་འདུས་པར་གསུངས།། དེ་ནས་ཡང་གསང་བའི་བདག་པོས་འདི
་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་སེམས།། རྣལ་འབྱོར་ཆེན་པོ་དེ་རྣམས་ཀྱི།། བཤད་ལུགས་འཁོར་ལ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་གསང་བའི་བདག་པོ
་ཉོན།། ང་ཡི་བསྟན་གྱིས་ཡིད་ཀྱིས་ཟུང་།། མཚན་མ་ཚིག་གིས་རྣམ་འབྱོར་ནི།། ཚིག་ལ་ཞེན་ཅིང་ཚིག་ལ་སྤྱོད།། མི་ཤེས་ཚིག་ལ་ལྟོས་གྱུར་ན།། དེ་ཉིད་གྲོལ་པར་ངས་མ་བཤད།། རྟགས་ལ་ལྟོས་པའི་རྣལ་འབྱོར
་ནི།། རང་ཉིད་རྟགས་ལ་ལྟོས་གྱུར་ནས།། སྤྱོད་པས་གཞན་ལ་ངོམ་སེམས་བྱེད།། རང་གི་རྟོགས་པ་ཉིད་ཀྱིས་བཅིངས།། དེ་ཡང་གྲོལ་བར་ངས་མ་བཤད།། རྗེས་སུ་འཇུག་པའི་རྣལ་འབྱོར་ནི།། གང
་དག་མོས་པའི་ས་ལ་གནས།། མོས་པའི་སྤྱོད་པ་བྱེད་པ་སྟེ།། དང་པོ་ས་ལ་རེག་པས་ཞོག། དེ་ཉིད་གྲོལ་བར་ངས་མ་བཤད།། ངང་ཉིད་ངེས་པའི་རྣལ་འབྱོར་ནི།། རྣམ་པར་མི་རྟོག་ཚིག་ཚུགས་བསྒོམ།། མི་རྟོག་པ་ཡི
་བདག་ཉིད་ཅན།། དེ་ཉིད་གྲོལ་བར་ངས་མ་བཤད།། སྣང་བ་སེམས་ཀྱི་རྣལ་འབྱོར་ནི།། ཐམས་ཅད་ང་ཡི་སེམས་ལས་བྱུང་།། སེམས་ཉིད་རྟོགས་ན་ཅི་བྱར་ཡོད།། དེ་སྐད་ཀུན་ཏུ་རྗོད་བྱེད་པ།། ང་ཡིས་གྲོལ་བར་མ
་བཤད་དོ།། འཇུག་པ་ལས་ཀྱི་རྣལ་འབྱོར་ནི།། དོན་ཉིད་བྱ་བས་འགྲུབ་པར་འདོད།། བྱ་བ་ཆེན་པོས་བཅིངས་པ་རྣམས།། དང་པོ་སེམས་བསྐྱེད་བྱ་བ་བྱེད།། དེ་ནས་བཟུང་ནས་བྱ་བ་རྣམས།། ཐམས་ཅད་བྱེད་ཅིང
་འགྲུབ་པའོ།། དེ་ཡང་གྲོལ་བར་ངས་མ་བཤད།། བྱ་བ་རྒྱུ་ཡི་རྣལ་འབྱོར་ནི།། རྒྱུ་ཉིད་ལམ་དུ་སློང་བ་སྟེ།། རྒྱུ་ལ་རེ་ཞིང་རྒྱུ་ལ་ལྟོས།། རྒྱུ་ཉིད་མངོན་པར་སྟོན་པ་སྟེ།། དེ་ཡང་གྲོལ་བར་ངས་མ་བཤད།། བྱེད་པ་རྐྱེན
་གྱི་རྣལ་འབྱོར་ནི།། སྤྱོད་པས་ཡང་དག་དོན་འཚོལ་བ།། རིགས་མི་མཐུན་པའི་ཕྱོགས་འཛིན་པ།། དེ་ཡང་གྲོལ་བར་ངས་མ་བཤད།། མཐར་ཕྱིར་འབྲས་བུའི་རྣལ་འབྱོར་ནི།། རྟོག་པ་ལམ་དུ་འཁྱེར་བ་སྟེ།། ས་དང
་ལམ་ལ་མི་གནས་པར།། རང་གི་དེ་ཉིད་མཐོང་ནས་ནི།། ཡང་དག་གྲོལ་བ་ཆེན་པོར་འདོད།། ཡང་དག་དོན་གྱི་རྣལ་འབྱོར་ནི། རང་གི་རྟོགས་པ་རྙེད་ནས་ཀྱང་།། བར་དོའི་སྣང་བ་དག་པ་ལ།། རང་གི་ཡང་དག་ཉིད
་མཐོང་ནས།། དེ་ནས་མཐར་ཕྱིན་གྲོལ་བར་འདོད།། མཐར་ཕྱིན་གྲོལ་བའི་རྣལ་འབྱོར་ནི།། ངེས་པ་རྙེད་པའི་ས་ཉིད་ལས།། རང་གི་དེ་ཉིད་རྙེད་མཐོང་ནས།། ཡང་དག་ས་ལ་འདའ་བར་འདོད།། བྱ་བ་རྫོགས་པའི
་རྣལ་འབྱོར་ནི།། ཀ་དག་སངས་རྒྱས་ཆེན་པོ་ཡིན།། དེ་ལས་གཤེགས་སུ་མེད་པར་གསུངས།། རྣལ་འབྱོར་ཆེན་པོ་དེ་བཞི་ལ།། ས་ལ་སྦྲང་དུ་མེད་པར་གསུངས།། ལམ་ལ་བགྲོད་དུ་མེད་པར་གསུངས།། དེ་ཡང་རྣལ
་འབྱོར་ལྔ་ལ་རྫོགས།། ཁམས་གསུམ་སེམས་ཅན་ཐམས་ཅད་ནི།། བཀའ་སྡོད་ལས་ཀྱི་རྣལ་འབྱོར་ཡིན།། བདེན་པ་མཐོང་བའི་གང་ཟག་དེ།། འཁྲུལ་པའི་སྣང་བ་འགགས་པ་ནི།། ལུས་སེམས་ཕྱེད་པའི་རྣལ་འབྱོར
་ཡིན།། ལྷུན་གྲུབ་སྣ་ཚོགས་སྣང་བ་ལ།། ངེས་པར་རྙེད་པར་གྱུར་པ་ནི།། ལུང་ཆེན་ཐོབ་པའི་རྣལ་འབྱོར་ཡིན།། དབང་པོ་ཐ་མའི་ཐ་མ་ནི།། ཕྱོགས་བཅུ་སྤྲུལ་པའི་ཞིང་ཁམས་སུ།། གནས་ནས་དེ་བཞིན་གཤེགས་པ
་དེས།། དབུགས་ཆེན་འབྱིན་པའི་རྣལ་འབྱོར་ཡིན།། ཀ་དག་འགྱུར་མེད་ཆེན་པོ་ལ།། བྱ་རྩོལ་ཐམས་ཅད་བྲལ་པ་སྟེ།། རྩལ་ཆེན་རྫོགས་པའི་རྣལ་འབྱོར་ཡིན།། དེ་བཞིན་རྣལ་འབྱོར་ཆེན་པོ་རྣམས།། རང་རང་འདོད
་པ་བསམ་ལས་འདས།། སྙིང་པོ་དོན་གྱི་མན་ངག་སྟེ།། མ་མཐོང་གྲོལ་བར་ག་ལ་འགྱུར།། སངས་རྒྱས་རྣམས་ཀྱི་དགོངས་པ་ཡང་།། འདི་ཉིད་མཐོང་ནས་གྲོལ་བར་འགྱུར།། རིག་པ་ཡེ་ཤེས་ཆེན་པོ
་ནི།། རང་ལ་བྱུང་ཞིང་རང་ལ་ལྟོས། ཞེས་རིག་པ་རང་ཤར་ཆེན་པོའི་རྒྱུད་ལས། ཡོངས་སུ་རྣལ་འབྱོར་གྱི་ལེའུ་སྟེ་ང་གཉིས་པའོ།། བྷཿཧྲཿདེ་ནས་ཡང་བཅོམ་ལྡན་འདས་ཕྲིན་ལས་རྣམ་པར་འབྱེད་པའི་ཏིང
་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་ཕྱག་ན་རྡོ་རྗེ་ལ་སོགས་པའི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་འདས་ཏིང་ངེ་འཛིན་ལས་བཞེངས་ཤིག། མོས་པའི་འཁོར་རྣམས་ལ
་ཕྲིན་ལས་ཀྱི་རྣམ་པ་ཅི་ལྟར་ལགས་གསུང་དུ་གསོལ།། ཞེས་ཞུས་པས། བཅོམ་ལྡན་འདས་ཏིང་ངེ་འཛིན་ལས་བཞེངས་ནས། འཁོར་རྣམས་ལ་འདི་སྐད་ཅེས་བཀའ་སྩལ་ཏོ། ཀྱེ་མོས་པའི་འཁོར་རྣམས་ཉོན
་ཅིག། ངས་ཁྱེད་རྣམས་ལ་ཟབས་བསྟན་གྱིས།། ལེགས་པར་ཉོན་ཅིག། ཕྲིན་ལས་རྣམ་པ་བཞི་ཡོད་དོ།། དེ་ཡང་ཚིགས་སུ་བཅད་དེ་བཀའ་སྩལ་པ།། ཀྱེ་ཧོ་རྡོ་རྗེ་འཛིན་པ་ཉོན།། ཞི་བ་དང་ནི་རྒྱས་པ་དང་།། དེ
་བཞིན་དབང་དང་དྲག་པོར་འདོད།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡེ་ཤེས་སྐུ།། ཕྲིན་ལས་རྣམ་པ་བཞི་པོ་དེ།། རང་ལ་ཅི་ལྟར་ཚང་བ་ལགས།། ཞུས་ལན་རྒྱས་པར
་གསུང་དུ་གསོལ།། ཞེས་ཞུ་བ་ཞུས་སོ།། ཡང་བཀའ་སྩལ་པ། ཀྱེ་ཧོ་རྡོ་རྗེ་འཛིན་པ་ཉོན།། ཕྲིན་ལས་རྣམ་པ་བཞི་ཡི་དོན།། ངས་བསྟན་ལེགས་པར་ཡིད་ལ་ཟུང་།། ཞི་བ་ཆེན་པོའི་ཕྲིན་ལས་ནི།། རང་གི་ཙིཏྟའི་དཀྱིལ
་ན་གནས།། དེ་ཡང་འཇམ་དང་འདྲིལ་བ་དང་།། དཀར་དངས་འོད་ཟེར་འཕྲོ་བ་བཞི།། སྐུ་དང་གསུང་དང་ཐུགས་ཉིད་ལྟར།། ཀུན་ཁྱབ་ཡེ་ཤེས་དབུ་རྒྱན་ལྡན།། ཞི་བའི་དཀྱིལ་འཁོར་དེ་བཞིན་གནས།། དེ་ནས་ཡང
་ཞུས་པ། ཀྱེ་ཀྱེ་སྟོན་པ་ཆེན་པོ་ལགས།། བདག་ཉིད་ལུས་ཀྱི་དཀྱིལ་འཁོར་ལ།། ཕྲིན་ལས་རྒྱས་པ་ཅི་ལྟར་ཚང་།། མོས་པའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་རྡོ་རྗེ་འཛིན
་པ་ལེགས་པར་ཉོན།། ཕྲིན་ལས་རྒྱས་པ་ཆེན་པོ་ནི།། རང་གི་འགྱུར་མེད་རྩ་ཆེན་ན།། ཕྲིན་ལས་རྒྱས་པ་ཆེན་པོའི་སྐུ།། འོད་ལྔ་སྐུ་ལྔ་ཉིད་དུ་རྒྱས།། རིག་པ་སྐུ་ཡི་ཀློང་དུ་རྒྱས།། སྐུ་རྣམས་ཡེ་ཤེས་ཀློང་དུ་རྒྱས།། ཡེ
་ཤེས་འོད་ཀྱི་ཀློང་དུ་ཡང་དག་རྒྱས།། འོད་རྣམས་ཟེར་གྱི་ཀློང་དུ་ཡང་དག་རྒྱས།། དེ་བཞིན་སྐུ་དང་ཡེ་ཤེས་རྣམས།། མི་གནས་པ་ཡི་དཀྱིལ་འཁོར་དུ།། སངས་རྒྱས་ལམ་ལ་འཇུག་པར་གསུངས།། དེ་ནས་ཡང་གསང
་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་རྡོ་རྗེ་སེམས་དཔའ་ཉིད།། རང་རང་ལུས་ཀྱི་དཀྱིལ་འཁོར་ལ།། དབང་གི་ཕྲིན་ལས་ཅི་ལྟར་གནས།། བདག་ཅག་མོས་པའི་འཁོར་རྣམས་ལ།། དབང་དུ
་འདུས་ལུགས་གསུང་དུ་གསོལ།། ཞེས་ཞུས་སོ།། དེ་ནས་སྟོན་པས་བཀའ་སྩལ་པ།། ཀྱེ་མ་གསང་བདག་རྡོ་རྗེ་འཛིན།། ང་ཡིས་བསྟན་གྱིས་ང་ལ་ཉོན།། ཕྲིན་ལས་དབང་གི་དཀྱིལ་འཁོར་ནི།། རང་གི
་དུང་ཁང་དཀྱིལ་འཁོར་ན།། སྒྲོན་མ་རྣམ་པ་གཉིས་སུ་གསལ།། དེ་ཡང་བསྟན་པ་འདི་ལྟ་སྟེ།། རིག་པ་དབྱིངས་ཀྱི་སྒྲོན་མ་ཡིས།། སྐུ་དང་ཡེ་ཤེས་དབང་དུ་སྡུད།། ཐིག་ལེ་སྟོང་པའི་སྒྲོན་མ་ཡིས།། ཕྱི་ཡི་འབྱུང་བ
་དབང་དུ་སྡུད།། ཤེས་རབ་རང་བྱུང་སྒྲོན་མ་ཡིས།། རང་གི་དེ་ཉིད་དབང་དུ་སྡུད།། རྒྱང་ཞགས་ཆུ་ཡི་སྒྲོན་མ་ཡིས།། འཁྲུལ་པའི་དེ་ཉིད་དབང་དུ་སྡུད།། རིག་པ་རྟོག་མེད་ཆེན་པོ་ཡིས།། རྣམ་རྟོག་ཉོན་མོངས་དབང
་དུ་སྡུད།། འགྱུར་མེད་སངས་རྒྱས་ལམ་ཆེན་ནི།། བར་དོའི་སྣང་བ་དབང་དུ་སྡུད།། དེ་ལྟར་དབང་གི་དཀྱིལ་འཁོར་ཉིད།། རང་གི་ལུས་ལ་རྫོགས་པའོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས
་སོ།། ཀྱེ་ཀྱེ་སྟོན་པ་ཆེན་པོ་ལགས།། སེམས་ཅན་ཀུན་གྱི་རང་ལུས་ལ།། ཕྲིན་ལས་མངོན་སྤྱོད་ཅི་ལྟར་གནས།། མོས་པའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི
་བདག་པོ་ཉོན།། ངས་བསྟན་ཡིད་ལ་ལེགས་པར་ཟུང་།། སངས་རྒྱས་ཕྲིན་ལས་དྲག་པོ་ནི།། རང་གི་དབང་པོའི་སྒོ་དག་ལ།། ཕྲིན་ལས་དྲག་པོའི་དཀྱིལ་འཁོར་གནས།། མིག་གི་དབང་པོ་མ་འགགས་པས།། ཡུལ་ལ
་འཛིན་ཅིང་རྟོག་པ་ནི།། ཕྲིན་ལས་དྲག་པོ་ཉིད་དུ་བཤད།། སྒོ་ལྔའི་རྣམ་ཤེས་ཡུལ་ལ་ཤར་བ་ནི།། དྲག་པོའི་དཀྱིལ་འཁོར་གཅིག་ཏུ་འདོད།། ཉོན་མོངས་སྟོང་ཕྲག་བརྒྱད་ཅུ་ཉིད།། ཡུལ་ལ་ཤར་ཅིང་སྤྱོད་པ་ནི།། ཕྲིན
་ལས་དྲག་པོ་ཉིད་དུ་བསྟན།། དེ་བཞིན་ཕྲིན་ལས་རྣམ་པ་བཞི།། རང་རང་ལུས་ལ་རྫོགས་པར་གསུངས། དེ་ནས་ཡང་གསང་བའི་བདག་པོ་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རང་གི་ཚང
་ལུགས་དེ་ལྟར་ན།། ཕྲིན་ལས་རྣམ་བཞིའི་དོན་རྣམས་ནི།། གཞི་ལ་ཅི་ལྟར་ཚང་བ་ལགས།། མོས་པའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཅོམ་ལྡན་འདས་ཀྱིས་བཀའ་སྩལ་པ།། ཀྱེ་མ་གསང
་བའི་བདག་པོ་ཉོན།། ཕྲིན་ལས་རྣམ་པ་བཞི་ཡི་དོན།། བཞི་ལ་ལེགས་པར་ཚང་བའོ།། དེ་ཡང་བསྟན་པ་འདི་ལྟ་སྟེ།། ཁ་དོག་དཀར་དམར་སྣ་ཚོགས་འོད།། གཞི་ལ་བབ་ཀྱིས་གྲུབ་པའོ།། ཁ་དོག་དཀར་པོ་ཞི་བའི
་དཀྱིལ་འཁོར་ལྡན།། ཁ་དོག་སེར་པོ་རྒྱས་པའི་དཀྱིལ་འཁོར་ལྡན།། ཁ་དོག་དམར་པོ་དབང་གི་འོད་དུ་འབར།། ཁ་དོག་ལྗང་གུ་དྲག་པོའི་འོད་དུ་གསུངས།། ཁ་དོག་མཐིང་ག་ཕྲིན་ལས་རྫོགས་པའི་འོད།། དེ་ཡང
་བཤད་ལུགས་འདི་ལྟ་སྟེ།། དཀར་པོ་ཆོས་ཉིད་ཞི་བ་ལ།། ཉོན་མོངས་དྲི་མ་ག་ལ་ཡོད།། གོས་པ་མེད་པའི་དཀྱིལ་འཁོར་ནི།། དཔེར་ན་ཤེལ་གོང་དག་པ་ལ།། དྲི་མའི་སྐྱོན་གྱིས་མ་གོས་བཞིན།། དེ་བཞིན་ཞི་བའི
་ཆོས་ཉིད་ལ།། ཉོན་མོངས་གོས་པ་མེད་པའོ།། སེར་པོ་རྒྱས་པའི་ཆོས་ཉིད་ལ།། ཡོན་ཏན་ཐམས་ཅད་འབྱུང་བ་ནི།། དཔེར་ན་ནོར་བུ་རིན་པོ་ཆེ།། དགོས་འདོད་ཐམས་ཅད་འབྱུང་བ་ལྟར།། ཆོས་ཉིད
་རྒྱས་པ་ཆེན་པོ་དེར།། ཡོན་ཏན་སྣ་ཚོགས་ཤར་བ་ཡིས།། སེམས་ཅན་ཐམས་ཅད་གྲོལ་བར་བྱེད།། ཡོན་ཏན་རྒྱས་པ་ཆེན་པོར་འདོད།། དམར་པོ་དབང་གི་ཆོས་ཉིད་དེ།། མ་བཙལ་གཞི་ལ་གྲུབ་པ་ཡིན།། དབང་ཉིད
་ཆོས་སྐུའི་ངོ་བོ་སྟེ།། ཐམས་ཅད་མ་བཙལ་གྲུབ་པ་སྟེ།། དཔེར་ན་རིན་ཆེན་གསེར་ལ་ནི།། སེར་པོ་བཙལ་མི་དགོས་པ་བཞིན།། གཞི་སྣང་ཆེན་པོའི་དཀྱིལ་འཁོར་ལ།། དབང་གི་དཀྱིལ་འཁོར་བཙལ་མི
་དགོས།། ཆོས་ཉིད་གཞི་ལ་དབང་ཉིད་རྫོགས་པའོ།། ལྗང་གུ་ཆོས་ཉིད་དྲག་པོ་སྟེ།། ཐམས་ཅད་དྲག་པོའི་ངོ་བོར་རྫོགས།། གཞི་ཉིད་དག་པའི་ཆོས་ཉིད་དེ།། གང་ལ་ཐོགས་མེད་འཆར་བ་ནི།། དཔེར་ན་རླུང་གིས
་སྦུསྦྱར་མ་ནི།། གང་ལ་ཐོགས་མེད་བསྐྱོད་པར་བྱེད།། དེ་བཞིན་གཞི་སྣང་ངོ་བོ་ལས།། ཡེ་ཤེས་ཐོགས་པ་མེད་པར་འཆར།། གང་ལ་ཐོགས་མེད་ཡེ་ཤེས་ནི།། ཕྲིན་ལས་དྲག་པོའི་ངོ་བོ་ཡིན།། དེ་བཞིན་གཞི་ཡི་ངོ་བོ
་ལ།། ཕྲིན་ལས་བསྐྱེད་རིམ་རྫོགས་པའོ།། དེ་ཡང་ཕྲིན་ལས་བཞི་ཡི་དོན།། མཐིང་ག་ཉིད་ལ་རྫོགས་པའི་དོན།། ཕྲིན་ལས་རྣམ་བཞི་གཞི་ལ་བབ་ཀྱིས་གྲུབ།། དེ་ཕྱིར་ཁ་དོག་མཐིང་གར་བཤད།། ཕྲིན་ལས་ཀུན་གྱི
་ཡེ་ཤེས་ནི།། བྱ་བ་ཐམས་ཅད་བྱེད་པ་ཡིན།། ཕྲིན་ལས་ཀུན་གྱི་དཀྱིལ་འཁོར་ནི།། མ་བཙལ་རང་ལ་ཡོད་པའོ།། ཕྲིན་ལས་ཀུན་གྱི་ཕྱག་རྒྱ་ནི།། མ་བསྐུར་གཞི་ལ་རྫོགས་པའོ།། ཕྲིན་ལས་ཀུན་གྱི་ལྷ་ཚོགས
་ནི།། རང་གི་ལུས་ལ་རྫོགས་པའོ།། ཕྲིན་ལས་ཀུན་གྱི་སྙིང་པོ་ནི།། སྒྲོན་མའི་ཡེ་ཤེས་ཆེན་པོར་གསུངས།། ཕྲིན་ནི་སངས་རྒྱས་ཉིད་ལ་བརྗོད།། ལས་ནི་ཡེ་ཤེས་ཉམས་སུ་ལེན།། ཕྲིན་ལས་རང་ཉིད་ཡིན་པར
་གསུངས།། རྡོ་རྗེ་སེམས་དཔའ་ཆོས་སྐུ་ཉིད།། ངང་ལས་བྱུང་ཞིང་ངང་ལ་རྫོགས།། རྫོགས་པས་གཞི་ལ་དེ་བཞིན་ནོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡེ་ཤེས
་སྐུ།། ཕྲིན་ལས་རྣམ་པ་བཞི་པོ་དེ།། ལམ་དུ་འཁྱེར་ན་ཅི་ལྟར་འཁྱེར།། མོས་པའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར
་ཡིད་ལ་ཟུང་།། ཕྲིན་ལས་རྣམ་པ་བཞི་ཡི་དོན།། ལམ་ལ་རྫོགས་ལུགས་འདི་ལྟ་སྟེ།། བར་དོ་དང་པོ་ཚོམ་བུ་ལ།། སྐུ་ཡི་སྣང་བ་མཐོང་བ་སྟེ།། ཞི་བའི་ལམ་དུ་ཡང་དག་འདོད།། བར་དོ་གཉིས་པའི་ཡེ་ཤེས་ལ།། ཡེ
་ཤེས་ངོ་བོ་མཐོང་བ་སྟེ།། རྒྱས་པའི་ལམ་ཉིད་ཡིན་པར་འདོད།། བར་དོ་གསུམ་པ་ལྷུན་གྲུབ་སྣང་བ་ལ།། རང་གི་དེ་ཉིད་མཐོང་བ་ནི།། གོམས་པ་ཚད་དུ་ཕྱིན་པ་ཡིན།། དབང་གི་ཆོས་ཉིད་ཡིན་པར་གསུངས།། ཀ།
་དག་ཆོས་ཉིད་རྫོགས་པ་ལ།། ཐོགས་པ་མེད་པར་ཕྱིན་པ་སྟེ།། དྲག་པོའི་ཆོས་ཉིད་ཡིན་པར་གསུངས།། ཕྲིན་ལས་ཆོས་ཉིད་ཐམས་ཅད་ཀྱང་།། རང་ལས་བྱུང་ཞིང་རང་ལ་ལྟོས།། དེ་ལ་སོགས་པའི
་ཆོས་ཉིད་རྣམས།། རང་གི་བལྟ་བར་མཐོང་བར་བྱ།། སངས་རྒྱས་ཀུན་གྱི་ཡེ་ཤེས་འགག་པ་མེད།། རང་གི་ཡུལ་ནི་དག་པ་ཆེན་པོ་ལ།། མཚན་མ་ལྟོས་པའི་ཆོས་ཀྱི་དབང་དུ་མི་འགྱུར་བའི།། རིག་པ་ནམ་མཁའི་ངང
་དུ་ཤེས་པར་བྱའོ།། མཚན་མའི་དབང་དུ་གྱུར་ན་ཡེ་ཤེས་མཐོང་དུ་མེད།། སྔགས་ཀྱི་ཕྲིན་ལས་ཆོས་ཀྱི་སྐུ།། སངས་རྒྱས་དགོངས་པ་རང་གི་དེ་ཉིད་དོ།། རྫོགས་དང་མ་རྫོགས་ང་ཡི་ཆོ་འཕྲུལ་ཡིན།། ང་ཉིད་རིག་པའི
་ཀློསློང་དུ་སངས་རྒྱས་ཡིན།། ཀློང་དུ་འདས་དང་མ་འདས་ཐམས་ཅད་ཚིག་གི་ལམ།། རང་ལ་ཡེ་ཤེས་འཆར་བ་ནི།། དཔེར་ན་ནམ་མཁར་ཉི་ཤར་བཞིན།། ཐམས་ཅད་ལམ་ཉིད་རང་ལ་ཤར་བའོ།། ཞེས་རིག་པ་རང
་ཤར་ཆེན་པོའི་རྒྱུད་ལས། ཕྲིན་ལས་གསང་བའི་ལེའུ་སྟེང་གསུམ་པའོ།། ཋཐཱཿ་#།། དེ་ནས་བཅོམ་ལྡན་འདས་ཆོས་ཉིད་ཟབ་མོའི་ཀློང་དུ་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་གསང་བའི
་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་ཆེན་པོ་ཆོས་ཀྱི་སྐུ།། ཕྲིན་ལས་དོན་ཉིད་དེ་ལྟར་ན།། ཏིང་ངེ་འཛིན་ལས་རབ་ཏུ་བཞེངས།། ཞེས་ཞུས་སོ།། དེ་ནས་སྟོན་པ་ཆེན་པོ་ཏིང་ངེ་འཛིན་ལས་བཞེངས
་ནས། འདི་སྐད་ཅེས་བཀའ་སྩལ་ཏོ།། དྷརྨ། ཀ་ཡཱ། རཏྣ། ཨ་མ་ལ། དེ་སྐད་ཅེས་བརྗོད་ནས་ཏིང་ངེ་འཛིན་ལས་བཞེངས་པས།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་འོད་ཀྱི་སྣང་བས
་ཁེངས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་བཅོམ་ལྡན་ཆོས་སྐུའི་བདག། བདག་ཅག་མོས་པའི་འཁོར་རྣམས་ལ།། རྫོགས་ཆེན་རྩེ་མོ་གསུང་དུ་གསོལ།། ཞེས་ཞུས་སོ།། དེ་ནས
་ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན་ཅིག། ངས་བསྟན་ལེགས་པར་ཡིད་ལ་ཟུང་།། རྡོ་རྗེ་རྫོགས་པའི་རྩེ་མོ་ནི།། རིག་པ་སྐྱེ་མེད་ངང་ལ་འབྲས་བུ་བྱར་མེད་རྫོགས།། རིག་པ་འགྱུར་མེད་ངང་ལ་འབྲས
་བུ་རྟོག་མེད་རྫོགས།། རིག་པ་དྲི་མེད་ངང་ལ་འབྲས་བུ་རྣམ་དག་རྫོགས།། རིག་པ་སྣ་ཚོགས་ངང་ལ་འབྲས་བུ་ཉག་གཅིག་རྫོགས།། རིག་པ་འགག་མེད་ངང་ལ་འབྲས་བུ་འགྱུར་མེད་རྫོགས།། རིག་པ་སྐྱེ་མེད་ངང་ལ
་འབྲས་བུ་འཆི་མེད་རྫོགས།། རིག་པ་སྟོང་པའི་ངངལ་འབྲས་བུ་གསལ་བ་རྫོགས།། རིག་པ་རྟོག་མེད་དང་ལ་འབྲས་བུ་འཛིན་མེད་རྫོགས།། རིག་པ་རང་གྲོལ་དང་ལ་འབྲས་བུ་རང་སངས་རྫོགས།། རིག་པ་ཞེན
་མེད་ངང་ལ་འབྲས་བུ་ཆགས་མེད་རྫོགས།། རིག་པ་བདེ་བའི་ངང་ལ་འབྲས་བུ་དགའ་བ་རྫོགས།། རིག་པ་སྐུ་ཡི་ངང་ལ་འབྲས་བུ་འོད་ཉིད་རྫོགས།། རིག་པ་དངོས་མེད་ངང་ལ་འབྲས་བུ་སྐུ་ལྔ་རྫོགས།། རིག་པ་ཀུན
་ཁྱབ་དང་ལ་འབྲས་བུ་མཉམ་ཉིད་རྫོགས།། རིག་པ་རྣམ་དག་དང་ལ་འབྲས་བུ་ཡེ་དག་རྫོགས།། རིག་པ་བློ་མེད་དང་ལ་འབྲས་བུ་ངོ་བོར་རྫོགས།། རིག་པ་སེམས་མེད་དཔལ་འབྲས་བུ་མཉམ་ཉིད
་རྫོགས།། རིག་པ་ཡེངས་མེད་ངང་ལ་འབྲས་བུ་བསམ་བྲལ་རྫོགས།། རིག་པ་ཡེ་ཤེས་རང་སངས་དེ་བཞིན་ནོ།། འགག་མེད་ནམ་མཁའ་འབྱུང་བ་ཀུན་གྱི་རྩེ།། འགྱུར་མེད་རང་སངས་ཆོས་ཉིད་ཀུན་གྱི་རྩེ།། རང་གྲོལ
་རྣམ་དག་དགོངས་པ་ཀུན་གྱི་རྩེ།། རང་བྱུང་ཡེ་ཤེས་ཆོས་རྣམས་ཀུན་གྱི་རྩེ།། རྣམ་དག་སྒྲོན་མ་ལྟ་བ་ཀུན་གྱི་རྩེ།། རིག་པའི་རྒྱལ་པོ་རྟོགས་པ་ཀུན་གྱི་རྩེ།། ཡེ་ཤེས་པར་དོ་ལམ་རྒྱལ་ཀུན་གྱི་རྩེ།། རྫོགས་ཆེན་ཨ
་ཏི་ཐེག་པ་ཀུན་གྱི་རྩེ།། རང་རིག་ཙིཏྟ་དཀྱིལ་འཁོར་ཀུན་གྱི་རྩེ།། ནམ་མཁའ་སྟོང་པ་ཡུལ་རྣམས་ཀུན་གྱི་རྩེ།། ཀ་དག་ཆེན་པོ་ཆོས་རྣམས་ཀུན་གྱི་རྩེ།། སྒྲོལ་བྱེད་རྒྱལ་པོ་ཆོས་རྣམས་ཀུན་གྱི་རྩེ།། ས་གསུམ་གནས་པ
་སངས་རྒྱས་ཀུན་གྱི་རྩེ།། ཐིག་ལེ་སྟོང་པ་ཡེ་ཤེས་ཀུན་གྱི་རྩེ།། སྟོང་པ་ཡེ་ཤེས་ཡངས་པ་ཀུན་གྱི་རྩེ།། དག་པའི་ཡེ་ཤེས་འགག་མེད་ཀུན་གྱི་རྩེ།། ཐིག་ལེ་ཉག་ཅིག་རྫོགས་པ་ཀུན་གྱི་རྩེ།། མ་བཅོས་ཆགས་མེད་སྤྱོད
་པ་ཀུན་གྱི་རྩེ། འཛིན་མེད་རང་གྲོལ་སྒོམ་པ་ཀུན་གྱི་རྩེ།། ཟང་མ་ཐལ་བྱུང་ལྟ་བ་ཀུན་གྱི་རྩེ།། སྐད་ཅིག་གྲོལ་བ་འབྲས་བུ་ཀུན་གྱི་རྩེ།། བྱ་རྩོལ་བྲལ་བ་ཕྲིན་ལས་ཀུན་གྱི་རྩེ།། བསྒྲུབ་མེད་རྩལ་སྡུག་བསྒྲུབ་པ་ཀུན་གྱི
་།། བྱིན་རླབས་རང་ཤར་ཡོན་ཏན་ཀུན་གྱི་རྩེ།། བསྐུར་མེད་རང་རྫོགས་ཕྱག་རྒྱ་ཀུན་གྱི་རྩེ།། མ་བཏབ་ལྷུན་གྲུབ་སྨོན་ལམ་ཀུན་གྱི་རྩེ།། དུས་མེད་འཆར་བ་སྣང་བ་ཀུན་གྱི་རྩེ།། མ་བསྐྱེད་རྫོགས་པ་ལྷ་རྣམས་ཀུན
་གྱི་རྩེ།། དེ་བཞིན་རྫོགས་པ་རྩེ་མོ་སྤྱི་བཅིངས་ལྟ་བ་ཡིན་པར་གསུངས། རྡོ་རྗེ་སེམས་དཔའི་སྤྱི་བཅིངས་ལྟ་བ་འདི།། རྒྱལ་བ་ཀུན་གྱི་དགོངས་པའི་གསང་བ་ཡིན།། རི་བོ་ཀུན་གྱི་སྤྱི་ནི་རི་རྒྱལ་ལྷུན་པོས
་བཅིངས།། ཐེག་པ་ཀུན་གྱི་སྤྱི་ནི་ཨ་ཏི་ཡོ་གས་བཅིངས།། རྒྱུད་རྣམས་ཀུན་གྱི་སྤྱི་ནི་རྒྱུད་རྒྱལ་འདི་ཡིས་བཅིངས།། ཡེ་ཤེས་ཀུན་གྱི་སྤྱི་ནི་སྒྲོན་མ་གཉིས་ཀྱིས་བཅིངས།། རིག་པ་ཀུན་གྱི་སྤྱི་ནི་ལུ་གུ་རྒྱུད་ཀྱིས
་བཅིངས།། ཆོས་སྐུ་ཀུན་གྱི་སྤྱི་ནི་ཀ་དག་ཆེན་པོས་བཅིངས།། ལོངས་སྐུ་ཀུན་གྱི་སྤྱི་ནི་ཚོམ་བུ་ལྔ་ཡིས་བཅིངས།། སྦྲུལ་སྐུ་ཀུན་གྱི་སྤྱི་ནི་རྡོ་རྗེ་སེམས་དཔས་བཅིངས།། སངས་རྒྱས་ཀུན་གྱི་སྤྱི་ནི་འོད་དཔག་མེད་པས
་བཅིངས།། སྤྱི་བཅིངས་རྒྱལ་པོ་སངས་རྒྱས་ཡེ་ཤེས་ལུང་།། རང་གི་སྙིང་ལ་རྫོགས་ལུགས་དེ་བཞིན་ནོ།། སྤྱི་བཅིངས་རྒྱལ་པོ་ཡེ་ཤེས་ཚིག་ལས་འདས།། སངས་རྒྱས་ཀུན་གྱི་སྤྱི་བཅིངས་ཀུན་ལ་མཉམ་པར
་གནས།། སྤྱི་བཅིངས་ཤེས་ན་སངས་རྒྱས་ཀུན་གྱི་རང་ལུས་རྙེད།། སངས་རྒྱས་དགོངས་པ་དེ་ལྟར་སྣང་བའོ།། ཞེས་རིག་པ་རང་ཤར་ཆེན་པོའི་རྒྱུད་ལས། རི་བོ་སྤྱི་བཅིངས་ཀྱི་ལྟ་བ་བསྟན་པའི་ལེའུ་སྟེ་ང་བཞི་པའོ།། །
་\ུ0f7fཐཱ། ཋ་ཐཱཿ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཡེ་ཤེས་སྒྲ།། བདག་ཅག་མོས་པའི་འཁོར་རྣམས་ལ།། ཐབས་ཀྱི་གྲོལ་ལུགས་གསུང་དུ་གསོལ།
་ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་ཡིད་ལ་བཟུང་བར་གྱིས།། སངས་རྒྱས་དགོངས་པ་རང་བྱུང་འདི།། ལྟ་བ་རིག་པའི་རྟ་ཕོ་ལྟ་བ་ལ།། མིག་གི་དབང་པོས་མ
་ཡེངས་པར།། འཛིན་པའི་རྟོག་པ་མ་ཞུགས་པས།། རང་གི་ལྟ་བ་མཐོང་བ་ཡིན།། ལྷ་དང་མི་བལྟ་ཆོས་ཡིན་ཏེ།། ཆོས་ལ་གནས་པར་མི་བྱ་དེ་ལ་ལྟོས།། དུས་གསུམ་སངས་རྒྱས་དགོངས་པ་འདི།། ནམ་མཁའ་སྟོང
་བའི་ངང་དུ་འདུས།། སེམས་ཅན་ཀུན་གྱི་འབྲས་བུ་ནི།། བཏྲྀ་གུ་ཏ་ཡི་ནང་དུ་འདུས།། བདེ་བ་ཟག་མེད་ཐིག་ལེ་ནི།། རང་གི་སྙིང་གི་དཀྱིལ་ན་གནས།། འདུས་པ་ཆེན་པོའི་སྣང་བ་ནི།། དག་པ་ཡུལ་གྱི་མཁའ་ལ
་རྫོགས།། སངས་རྒྱས་འདུས་པའི་ལམ་ཉིད་ནི།། ཆོས་སྐུ་རང་གི་ཡུལ་གྱི་ནང་དུ་འདུས།། རྒྱ་མཚོ་ཆེན་པོའི་སྤྱི་བོ་ཉིད།། སྣ་ཚོགས་ཆེན་པོའི་མཚོ་ཡིས་བཅིངས།། འཛིན་མེད་རང་སངས་ལྟ་བ་ཉིད།། རྣམ་དག་ནམ
་མཁའི་རྒྱལ་པོས་བཅིངས།། གསང་སྔགས་གཏན་ཚིགས་ཆེན་པོ་ནི།། རྒྱུད་ཆེན་རྒྱལ་པོ་འདི་ཡིས་བཅིངས།། འོད་རྣམས་ཀུན་གྱི་སྤྱི་བོ་ནི།། མཐིང་ག་སྣ་ཚོགས་བསྐྱེད་པས་བཅིངས།། རིག་པ་ཀུན་གྱི་སྤྱི་བོ
་ནི།། མཁའ་མཉམ་སྟོང་པའི་ངང་དུ་བཅིངས།། ཡེ་ཤེས་ཀུན་གྱི་སྤྱི་བོ་ནི།། སྟོང་གསལ་ཆེན་པོའི་ཐིག་ལེས་བཅིངས།། ཅི་ལ་མི་གནས་ཆོས་ཀྱི་སྐུ་ཡིས་སྤྱི།། བསམ་དང་བྲལ་བའི་ངང་དུ་བཅིངས།། སྤྱི་བཅིངས་ཚིག
་གིས་དོན་བཙལ་བས།། དོན་རྙེད་ཚིག་དང་དོན་དུ་འབྲེལ།། དོན་ནི་སྐྱེ་མེད་རང་གསལ་རྙེད།། དེ་ལ་གཉེན་པོས་གཞིག་ཏུ་མེད།། དེ་ལ་ཕྱོགས་དང་རིས་སུ་མེད།། ང་དང་བདག་ཏུ་འཛིན་དུ་མེད།། བཟང་དང་ངན
་པའི་རྣམ་རྟོག་མེད།། ཡིན་དང་མིན་པའི་མཐའ་ལས་འདས།། རྟོགས་དང་མ་རྟོགས་ཆོས་ལས་འདས།། རྟག་དང་ཆད་པ་གཉིས་ལས་འདས།། གོལ་དང་སྒྲིབ་པའི་ཕྱོགས་དང་བྲལ།། རྟོགས་དང་མ་རྟོགས་གཉིས་སུ
་མེད།། དག་དང་མ་དག་མཐའ་ལས་འདས།། སེམས་དང་ཡིད་དང་ཆོས་ལས་འདས།། ཤེས་དང་མ་ཤེས་གཉིས་སུ་མེད།། མ་རིག་འཁྲུལ་པའི་སེམས་ལས་འདས།། སྒྲ་དང་ཐ་སྙད་ཚིག་དང་བྲལ།། གཟུང་འཛིན
་སེམས་ཀྱི་དྲི་མ་མེད།། རྟོག་པའི་ལམ་གྱི་དྲི་མ་བསལ།། བསམ་པ་སྣ་ཚོགས་བྱས་པ་མེད།། དངོས་པོར་འཛིན་པའི་ཆོས་དང་བྲལ།། ས་དང་ལམ་ལ་སྦྱང་དུ་མེད།། ལྷ་ལ་མཆོད་པ་ཕུལ་མི་དགོས།། དགེ་བ་བཅུ་ཡིས
་བསྐྱབ་ཏུ་མིན།། སྡིག་པས་དེ་ལ་གོས་མི་འགྱུར།། འཁོར་བ་ངན་སོང་ག་ལ་ཡོད།། མྱ་ངན་འདས་པའི་ཆོས་མེད་ཅིང་།། བདག་དང་གཞན་དུ་བལྟ་བ་མེད།། ལོག་དང་མ་ལོག་ག་ལ་ཡོད།། ཡོད་དང་མེད་པའི་མཐའ
་ལས་འདས།། ཁ་དོག་མེད་ཅིང་དབྱིབས་མེད་པའོ།། དཔེ་མཚོན་བསྟན་དུ་མེད་པ་ལ།། གཟུང་བའི་ཆོས་དང་བྲལ་བའོ།། སངས་རྒྱས་མེད་ལ་སེམས་ཅན་མེད།། སྲོག་མེད་གཅོད་པ་ག་ལ
་ཡོད།། འཛིན་མེད་ཆགས་པ་མེད་པའོ།། དཔེར་ན་རྒྱ་མཚོ་ཆེན་པོ་ལ།། ཆུ་ཕྲན་ཐམས་ཅད་འདུ་བ་ལྟར།། དག་པ་ཆེན་པོའི་ཀློང་དཀྱིལ་དུ།། སྣ་ཚོགས་སྐུ་ཡི་དཀྱིལ་འཁོར་དུ།། ཐམས་ཅད་འདུ་ཞིང་འཕྲོ་བའོ།། ཆོས
་སྐུ་བསམ་པ་ཀུན་ལས་འདས།། ལོངས་སྐུ་བརྗོད་པ་ཀུན་ལས་འདས།། སྦྲུལ་སྐུ་སེམས་དང་ཡིད་ལས་འདས།། སངས་རྒྱས་ཀུན་གྱི་ཡེ་ཤེས་སྐུ།། བརྗོད་པའི་ཚིག་ལས་འདས་པའོ།། ཞེས་རིག་པ་རང་ཤར་ཆེན་པོའི
་རྒྱུད་ལས། རྒྱ་མཚོ་ཀློང་རྡོལ་བར་བསྟན་པའི་ལེའུ་སྟེ་ང་ལྔ་པའོ།། སྭཿདྲཿཏ། ཙགཿ། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་བཅོམ་ལྡན་འདས།། སངས་རྒྱས་དགོངས་པའི་ཚད
་གསུངས་ཤིག་ཅེས་ཞུས་སོ།། དེ་ནས་ཡང་བཀའ་སྩལ་པ།། ཨེ་མ་གསང་བདག་རྡོ་རྗེ་འཛིན།། ཆོས་ཀྱི་རང་བཞིན་མེད་རྟོགས་ལ།། རྟོག་པའི་བསམ་པ་ངོ་མཚར་ཆེ།། འཛིན་པ་མེད་པའི་བདེ་ཆེན་ལ།། འཛིན
་ཆགས་བྱུང་བ་འཁྲུལ་པའི་སེམས།། སྐྱེ་མེད་དག་པའི་ངོ་བོ་ལ།། འཆི་བ་བྱུང་བ་འཁྲུལ་པའི་སེམས།། གཟུང་འཛིན་བྲལ་བའི་ཆོས་སྐུ་ལ།། བསམ་བྱ་བྱུང་བ་འཁྲུལ་པའི་སེམས།། འཛིན་མེད་རང་དག་སྤྱོད་པ
་ལ།། འཛིན་ཆགས་བྱུང་བ་འཁྲུལ་པའི་སེམས།། དེ་ལ་སོགས་པའི་ཉོན་མོངས་རྣམས།། གཅིག་གིས་གཅིག་བཅིང་གྲོལ་བ་མེད། ཨེ་མ་ཧོ།། སྣང་བ་ཆེན་པོ་གསལ་བ་ཆེ།། དག་པའི་ནམ་མཁའ་མཐའ་དང
་བྲལ།། སྤྲོས་བྲལ་ཆོས་ཉིད་འགྱུར་བ་མེད།། མཐའ་དང་དབུས་མེད་ཕྱོགས་ཆ་ཀུན་དང་བྲལ།། རང་སྣང་ཆོས་དབྱིངས་རྣམ་དག་ཅིང་།། དང་པོའི་སངས་རྒྱས་རྒྱུ་མེད་པར།། ཐ་མ་རྐྱེན་གྱིས་བསྐྱེད་དུ་མེད།། སྟོང་པ
་ཡེ་ཤེས་སྙིང་པོ་ཅན།། མཐའ་ལ་མི་གནས་རྡོ་རྗེའི་སྐུ།། སྤྲོས་དང་བྲལ་བའི་ཆོས་ཉིད་ལ།། ངོ་བོ་རང་བཞིན་ཐུགས་རྗེའི་བདག། ཡེ་ཤེས་སྐུ་གསུམ་འོད་དུ་གསལ།། མཁའ་ལ་ཉི་ཤར་མུན་པ་སེལ།། ཡེ་ཤེས་ལྔ་ཡི
་མཚན་ཉིད་གསལ།། སངས་རྒྱས་སྤྲུལ་པ་རབ་འབྱམས་འབྱུང་།། སངས་རྒྱས་ཀུན་གྱི་སྐུ་མཆོག་ནི།། མཆོག་དང་ཐུན་མོང་དངོས་གྲུབ་རྣམས།། རང་ལས་བྱུང་ཞིང་རང་གིས་སྤྲུལ།། དཔེར་ན་ཉི་ཟླའི་དཀྱིལ་འཁོར
་ལྟར།། གསལ་དང་དྲོ་དང་བསིལ་བ་དང་།། ཡང་ཞིང་གཡོ་བའི་བདག་ཉིད་འཛིན།། ཆོས་ཉིད་དཀྱིལ་འཁོར་ཆེན་པོ་ལ།། གཅིག་དང་གཉིས་ཀྱི་རྟོག་པ་མེད།། དཔེར་ན་ཉི་མའི་དཀྱིལ་འཁོར་ལྟར།། སྟོང་གསུམ
་ཁྱབ་ཅིང་འོད་ཀྱིས་འཇིག་རྟེན་ཁེངས།། དེ་བཞིན་ཤེས་རབ་དཀྱིལ་འཁོར་ཉིད།། འགྲོ་བ་ཀུན་ལ་ཁྱབ་ཅིང་ཡེ་ཤེས་སྙིང་པོ་གྲོགས།། དཔེར་ན་ཟླ་བའི་དཀྱིལ་འཁོར་ནི།། གསལ་དང་བསིལ་བའི་བདག་ཉིད་འཛིན
་ཅིང་གྲོལ།། དེ་བཞིན་ཐབས་ཀྱི་དཀྱིལ་འཁོར་ནི།། ཐམས་ཅད་སྒྲོལ་བར་བྱེད་པའི་ཡེ་ཤེས་སྐུ།། འགྲོ་བ་སྒྲོལ་བར་བྱེད་པའི་ཆོ་འཕྲུལ་སྟོན།། དེ་ཡང་ཐབས་ཀྱི་དཀྱིལ་འཁོར་དེ།། ཀུན་ལ་ཡོད་པ
་མ་ཡིན་ནོ།། གསང་སྔགས་ཐབས་དང་ལྡན་པ་འགའ།། དེ་ཡི་དོན་ལ་ཡང་དག་ཉིད་དུ་སྤྱོད།། གསང་སྔགས་ཀུན་གྱི་དགོངས་པ་ཡིན་པར་འདོད།། རྡོ་རྗེའི་ལུས་ལ་སྐྱེ་འཇིག་ཀུན་དང་བྲལ།། ཡང་དག་ས་ལ་མ
་ཡེངས་སྤྱོད།། བདེ་ཆེན་ས་ལ་མི་གཡོ་མཉམ་པར་བཞག། ཐབས་དང་ལྡན་པ་སྐྱེས་བུ་འགའ་ཡི་དོན།། རང་གི་ས་ལ་ཡང་དག་ཉིད་དུ་སྤྱོད།། ཆོས་སྐུ་མ་འགགས་རང་གི་ས་ཉིད་འཛིན།། ལོངས་སྐུ་མ་བསྐྱེད་རང་རང
་མཚན་ཉིད་འཛིན།། སྦྲུལ་སྐུ་འཆི་མེད་ཕ་རོལ་སྒྲོལ་བར་བྱེད།། ཡེ་ཤེས་ལམ་ཉིད་མི་འགྱུར་རྡོ་རྗེའི་བདག། ཆོས་ཀྱི་རང་བཞིན་སྐྱེ་མེད་རྟོགས་གྱུར་ན།། དེ་ཉིད་སངས་རྒྱས་ཡིན་ཏེ་ལོགས་ན
་མེད།། ཆོས་རྣམས་ཐམས་ཅད་སེམས་ཀྱི་འཁྲུལ་པ་སྟེ།། སེམས་ནི་བག་ཆགས་ཐམས་ཅད་སྡུད་པ་ཡིན།། ཆོས་ནི་བག་ཆགས་ཞེན་པ་ཀུན་དང་བྲལ།། སེམས་ལ་སངས་རྒྱས་མེད་པར་ཡིད་ཆེས་ནས།། རང་གི་ལྟ་བ
་མཐོང་བའི་སྐྱེས་བུ་དེ།། མི་གཡོ་བཞིན་དུ་མཐར་ཕྱིན་གྲོལ་བར་གསུངས།། དེ་དོན་ཉིད་ལ་རྩེ་གཅིག་མཉམ་གཞག་ན།། མཚན་མའི་རྟོག་པ་རང་སར་གྲོལ་བར་གསུངས།། སྐྱེ་མེད་རྡོ་རྗེ་སྐུ་ལ་སྣང་སྲིད
་གསལ།། ཆོས་ཉིད་ཞི་བའི་སྐུ་ལ་དགོངས་པ་གསལ།། རྟོག་མེད་མཉམ་ཉིད་སྐུ་ལ་རྟོག་མེད་གསལ།། ཡང་དག་བདེ་བའི་སྐུ་ལ་འོད་ལྔ་གསལ།། བདེ་ཆེན་ཀུན་ཁྱབ་སྐུ་ལ་ཐིག་ལེ་གསལ། སྲིད་པ་སྤྱི་བཅིངས་སྐུ་ལ
་བལྟ་བ་གསལ། མཉམ་ཉིད་ཡེ་ཤེས་སྐུ་ལ་མཐོང་བ་གསལ།། ཤེས་རིག་སྟོང་པའི་སྐུ་ལ་འོད་ལྔ་གསལ།། ཡེ་ཤེས་བརྡལ་བའི་སྐུ་ལ་ཡེ་ཤེས་གསལ།། འགྱུར་མེད་ཡངས་པའི་སྐུ་ལ་སྒྲོན་མ་གསལ།། དེ་བཞིན་སྐུ་ཡི
་རྣམ་པ་རྣམས།། དེ་བཞིན་ཉིད་དུ་ཤེས་པར་བྱའོ།། ཞེས་རིག་པ་རང་ཤར་ཆེན་པོའི་རྒྱུད་ལས། ཉི་ཟླ་དྲོད་མཉམ་པའི་ལེའུ་སྟེ་ང་དྲུག་པའོ།། གཐར་ཀྵཿ།། དེ་ནས་ཡང་གསང་བའི་བདག་པོས་འདི་སྐད་གསོལ་ཏོ།། ཀྱེ
་སྟོན་པ་ཆེན་པོ་བདག་ཅག་མོས་པའི་འཁོར་རྣམས་ལ་ཐབས་དམ་པ་བསྟན་དུ་གསོལ།། ཞེས་ཞུས་པས། སྐད་ཅིག་གཅིག་ལ་སྟོན་པས་སྤྲུལ་པའི་ཚོགས་མང་པོ་མངོན་པར་སྤྲུལ་ལོ།། དེ་ནས་འཁོར་རྣམས་ངོ་མཚར་མཆོག་ཏུ་སྐྱེས་ནས། ཨེ
་མ་ཧོ་ཐབས་ཀྱི་མན་ངག་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། དོན་ཆེན་པོ་ངས་བཤད་ཀྱིས་ལེགས་པར་ཉོན་ཅིག། ཀྱེ་གྲོགས་པོ་དག་འདི་ལྟ་སྟེ། རང་བྱུང་གི་ཡེ་ཤེས་ལ་ཚིག་མེད་དོ།། ཡི་གེ་མེད་དོ།། ས་དང
་ལམ་མེད་དོ།། ཡིད་མེད་དོ།། སེམས་མེད་དོ།། མ་རིག་པ་མེད་དོ།། རྐྱེན་བཞི་མེད་དོ།། འཕྲལ་བྱུང་མེད་དོ།། ཀུན་ནས་ལྡང་བ་མེད་དོ།། བག་ལ་ཉལ་བ་མེད་དོ།། རྣམ་པ་མེད་དོ།། ཉམས་མེད་དོ།། དེའི་ཕྱིར་ན་རྒྱ་ཆད
་ཕྱོགས་ལྷུང་མེད་པའི་ལྟ་བ་ཞེས་བྱའོ།། དེ་ཡང་འདི་ལྟ་སྟེ།། རྒྱ་མ་ཆད་པའི་ཡེ་ཤེས་སོ།། ཕྱོགས་ལྷུང་མེད་པའི་ལྟ་བ། ཀུན་ཏུ་ཁྱབ་པའི་ཆོས་ཉིད། ཐོགས་པ་མེད་པའི་ཤེས་རབ། འཛིན་པ་མེད་པའི
་རང་གྲོལ།། རྟོག་པ་མེད་པའི་རང་མདངས།། འགག་པ་མེད་པའི་ཡེ་ཤེས། ཆགས་པ་མེད་པའི་འོད་ལྔ།། རང་སར་གྲོལ་བའི་ཆོས་ཉིད། ལྷུན་གྱིས་གྲུབ་པའི་སངས་རྒྱས། སེམས་དང་བྲལ་བའི་རིག་པ། དབུགས
་དང་བྲལ་བའི་སངས་རྒྱས། གསལ་ལ་རྟོག་མེད་ཀྱི་བསྒོམ་པ། འཛིན་ཆགས་མེད་པའི་སྤྱོད་པ། ཞེ་འདོད་མེད་པའི་བལྟ་བ། དེ་ཉིད་མཐོང་བའི་འབྲས་བུ། བསྒྲུབ་ཏུ་མེད་པའི་ཕྲིན་ལས། རང་དག་ཆེན་པོའི་ཡེ་ཤེས
་སོ།། སངས་རྒྱས་ཀྱི་དགོངས་པས་རང་གི་ཡེ་ཤེས་ཀྱི་དོན་འགྲོལ་ལོ།། ཞེས་རིག་པ་རང་ཤར་ཆེན་པོའི་རྒྱུད་ལས། ནམ་མཁའ་ཁང་མཉམ་པའི་ལེའུ་སྟེ་ང་བདུན་པའོ།། །། དེ་ནས་ཡང་གསང་བའི
་དག་པོས་འདི་སྐད་ཅེས་གསོལ་ཏོ།། དགོངས་པ་རང་བྱུང་གི་ཡེ་ཤེས་ཆེན་པོ་ལ། དཔེ་གང་གིས་གཏན་ལ་འབེབས་པར་འགྱུར། སྟོན་པས་བསྟན་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་ཀྱེ
་འཁོར་རྣམས་ཉོན་ཅིག་རིགས་ཀྱི་བུ། དཔེ་ཡི་ངོ་སྤྱོད་འདི་ལྟ་སྟེ། སངས་རྒྱས་དང་སེམས་ཅན་གྱི་དཔེ་ནི། མགོ་དང་རྭའི་ཚུལ་ལོ།། གཅིག་ལས་དུ་མར་བྱུང་། རིག་པ་དང་མ་རིག་པའི་དཔེ་ནི། ཆུ་དང་རི་མོའི་ཚུལ
་ཏེ།། རྐྱེན་ལ་རག་ལུས། སེམས་དང་རིག་པའི་དཔེ་ནི། ཆུ་དང་ལྦུ་བའི་ཚུལ།། སེམས་ཀྱི་དབང་དུ་མ་གྱུར། ཤེས་རབ་དང་ཡིད་ཀྱི་དཔེ་ནི། གསེར་དང་ར་གན་གྱི་ཚུལ་ཏེ་ཁ་དོག་མི་ཕྱེད། ཀུན་གཞི་དང་ཆོས་སྐུའི་དཔེ
་ནི་རྒྱ་མཚོ་དང་གྲུའི་ཚུལ་ཏེ་ལམ་འབྱུང་། འབྱུང་བ་དངས་སྙིགས་ཀྱི་དཔེ་ནི། གཉིད་ལོག་པ་དང་། གཉིད་སད་པའི་དཔེ་སྟེ།། དབང་པོའི་ཁྱད་ཡོད་པའི་ཕྱིར། འཁྲུལ་པའི་སྣང་བ་དང་བར་དོའི་དཔེ་ནི། མུན་པ་དང
་སྣང་བའི་ཚུལ་ཏེ། དག་དང་མ་དག་ཡོད་པའི་ཕྱིར། རྟོགས་དང་མ་རྟོགས་པའི་དཔེ་ནི་བ་མོ་དང་རེག་པའི་ཚུལ་ཏེ། སྣང་བ་ཟིལ་གྱིས་གནོན་པ་དང་མི་གནོན་པའི་ཁྱད་ཡོད་པའི་ཕྱིར། ཤེས་རབ་དང་བག་ཆགས་ཀྱི
་དཔེ་ནི། མེ་དང་སྔར་མའི་ཚུལ་ཏེ། ཉོན་མོངས་བསྲེག་པའི་ཕྱིར། དེ་རྣམས་ནི་མཚུངས་པའི་དཔེ་ཞེས་བྱའོ།། དེས་ནི་དཔེ་ཏིང་ངེ་འཛིན་རབ་ཏུ་སྐྱེའོ།། དེ་ནས་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་སྟོན་པ
་ཆེན་པོ། དག་པའི་མཚོན་དཔེ་རྣམས་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་འདུས་པའི་འཁོར་རྣམས་ཉོན་ཅིག་རིག་པ་ཡེ་ཤེས་ཀྱི་སྣང་བ་ལ་འཇུག་པའི་དཔེ་ནི། མའི་པང་དུ་བུ་འཇུག
་པ་ལྟ་བུའོ།། ཡིད་ཆེས་པར་བྱ་བའི་ཕྱིར།། ཡེ་ཤེས་དང་འོད་ཀྱི་དཔེ་ནི། གསེར་དང་སེར་པོ་ལྟ་བུའོ།། མིང་དང་ཁ་དོག་མི་ཕྱེད་པའི་ཕྱིར། གདམས་ངག་ཐེབས་པའི་དཔེ་ནི། ཆར་དང་རོ་བ་ལྟ་བུའོ།། ཤེས་པ་ལ
་འཇུག་པའི་ཕྱིར།། ཡེ་ཤེས་འོད་ལ་ཐིམ་པའི་དཔེ་ནི། ནམ་མཁའ་དང་འཇའ་ཚོན་ལྟ་བུའོ།། དངོས་པོ་མེད་པའི་ཕྱིར། ཡེ་ཤེས་དབྱིངས་སུ་ཐིམ་པའི་དཔེ་ནི། རྒྱ་མཚོ་ལ་ཆུ་ཕྲན་འདུས་པ་ལྷ
་བུའོ།། གཉིས་མེད་གཅིག་ཏུ་འདྲེས་པའི་ཕྱིར།། རིག་པ་ཕྱིར་མི་ལྡོག་པའི་དཔེ་ནི། དཔག་ཆེན་གྱི་མདའ་ལྟ་བུའོ།། ཐོགས་པ་མེད་པའི་ཕྱིར། དེ་ནས་གསང་བའི་བདག་པོ་ཉིད་ཀྱིས་རྟོགས་པ་རྙེད་དོ།། འཁོར་རྣམས
་ཀྱིས་ཀྱང་བདེན་པ་མཐོང་ངོ་།། དེ་ནས་ཡང་བདེན་པ་མཐོང་བ་དེ་ལ་ཡང་འདི་སྐད་ཅེས་གསོལ་ཏོ།། ཨེ་མ་ཧོ། བདེན་པ་མཐོང་བའི་རིག་ཆེན་ལ།། དེ་ལ་འོད་ཀྱི་ཚོགས་འདུས་པས།། ཕྱོགས་མེད་མཚམས་མེད
་སྟེང་འོག་མེད།། སྣང་བ་ཐམས་ཅད་འོད་དུ་ཤར།། འོད་ལ་སྐུ་ཡི་ངོ་བོས་བརྒྱན།། སྐུ་ནི་སྟོང་པའི་ཚིག་ལས་འདས།། འགག་མེད་སྐྱེ་བ་མེད་པའི་སྐུ།། ཀུན་གྱིས་མཐོང་བར་དཀའ་བའི་དོན།། རབ་ཏུ་གསང་བའི
་ནོར་བུ་འདི།། ཐུགས་ཀྱི་དོན་ལས་མི་འདའོ།། དེ་ནི་བདེན་པ་མཐོང་བའི་ལུགས།། གསང་སྔགས་ཀུན་གྱི་དགོངས་པ་ནི།། སངས་རྒྱས་ཀུན་གི་མེས་པོ་ཉིད། རིག་པ་ཆོས་སྐུ་ཆེན་པོར་འདོད།། རིག་དང་ས་དང་ལྟ།
་དང་བྲལ།། ཡེ་ཤེས་ཀྱིས་ནི་ས་ལམ་བགྲོད།། ཡང་དག་མཐར་ཕྱིར་གྲོལ་བའོ།། ཞེས་པ་རིག་པ་རང་ཤར་ཆེན་པོའི་རྒྱུད་ལས། དཔེའི་ངོ་སྤྲོད་བསྟན་པའི་ལེའུ་སྟེ་ང་བརྒྱད་པའོ།། །། དེ་ནས་ཡང
་བཅོམ་ལྡན་འདས་དགོངས་པ་རང་གྲོལ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་གསང་བའི་བདག་པོ་ཕྱག་ན་རྡོ་རྗེས་བསྐོར་བ་ལན་གསུམ་བྱས་ནས། འདི་སྐད་ཅེས་གསོལ་ཏོ།། ཀྱེ་ཀྱེ་ཐུགས་རྗེ
་ཆེན་པོ་དང་ལྡན་པ། ཏིང་ངེ་མཛིན་ལས་བཞེངས་ཤིག། སེམས་ཅན་གྱི་རྟོག་པ་སོལ་ཅིག་མ་རིག་པའི་མིག་སེལ་བར་མཛོད་ཅིག་མཐོང་བའི་ཡུལ་མ་འགགས་པར་སྣང་བ་སྟོན་ཅིག་སྒྲ་དང་རྟོག་པ་ཐམས་ཅད་སོལ
་ཅིག་ཅེས་ཞུས་པས། སྟོན་པ་ཏིང་ངེ་འཛིན་ལས་བཞེངས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་འོད་ཀྱིས་ཁེངས་པར་མཛད་དོ།། དེ་ཡང་འདི་ལྟ་སྟེ། བྱེ་བ་ཁྲག་ཁྲིག་བསམ་གྱིས་མི
་ཁྱབ་པ་དང་། སྒྲ་ཆེན་པོས་འཇིག་རྟེན་གྱི་ཁམས་བྲེད་པ་དང་། སྔངས་པ་དང་། སྐྲག་པ་དང་འཇིགས་ཤིང་བརྒྱལ་པའོ།། དེ་ནས་བཅོམ་ལྡན་འདས་ཏིང་ངེ་འཛིན་ལས་བཞེངས་ནས། སྤྲུལ་པ་མང་པོ་འགྱེད
་དོ།། བཅོམ་ལྡན་འདས་དེའི་ཐུགས་དཔལ་གྱི་བེའུ་ནས། བཅོམ་ལྡན་འདས་མི་ཕམ་མགོན་པོ་ཞེས་བྱ་བར་སྤྲུལ་ལོ།། དེ་བཞིན་གཤེགས་པ་དེས་ཀྱང་འགྲོ་བའི་མ་རིག་པ་སེལ་ལོ།། དེས་ནི་ཤར་ཕྱོགས་ཀྱི་འཇིག
་རྟེན་གྱི་ཁམས་ཀྱི་བྱང་ཆུབ་སེམས་དཔའི་རྟོག་པ་བསལ་ལོ།། ཤངས་ནས་དེ་བཞིན་གཤེགས་པ་རྣམ་པར་གཟིགས་ཞེས་བྱ་བར་སྤྲུལ་ནས་ལྷོ་ཕྱོགས་ཀྱི་འཇིག་རྟེན་ཁམས་ཀྱི་བྱང་ཆུབ་སེམས་དཔའི་རྟོག་པ་བསལ
་ལོ།། དབུའི་གཙུག་ཏོར་ནས་བཅོམ་ལྡན་འདས་གཙུག་ཏོར་རྣམ་པར་འབྱེད་པ་ཞེས་བྱ་བ་སྤྲུལ་ནས། ནུབ་ཕྱོགས་ཀྱི་བྱང་ཆུབ་སེམས་དཔའ་རྣམས་ཀྱི་རྟོག་པ་བསལ་ལོ།། གསང་བའི་གནས་ནས
་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བ་སྤྲུལ་ནས། བྱང་ཕྱོགས་ཀྱི་བྱང་ཆུབ་སེམས་དཔའ་རྣམས་ལ་ཆོས་ཀྱི་འཁོར་ལོ་བསྐོར་རོ།། ཕྱག་གི་འཁོར་ལོ་ལས་བཅོམ་ལྡན་འདས་ནམ་མཁའ་མཐའ་ཡས་ཞེས་བྱ་བ་སྤྲུལ
་ནས། སྟེང་གི་ཕྱོགས་ཀྱི་བྱང་ཆུབ་སེམས་དཔའ་རྣམས་ཀྱི་རྟོག་པ་བསལ་ལོ།། ཞབས་ཀྱི་འཁོར་ལོ་ནས་བཅོམ་ལྡན་འདས་སྟོང་སྤྱི་ཕུད་ཀྱི་རྒྱལ་པོ་ཞེས་བྱ་བ་སྤྲུལ་ནས། འོག་གི་ཕྱོགས་སུ་འཇིག་རྟེན་གྱི་ཁམས་སྣ
་ཚོགས་བཀོད་པ་ཞེས་བྱ་བར་བྱང་ཆུབ་སེམས་དཔའ་རྣམས་ཀྱི་རྟོག་པ་བསལ་ལོ།། བ་སྤུ་ཉག་མ་རེ་རེ་ལས་ཀྱང་དེ་བཞིན་གཤེགས་པའི་སྐུ་གྲངས་མེད་པར་སྤྲུལ་ལོ།། བཅོམ་ལྡན་འདས་རེ་རེ་ལས་ཀྱང་དེ་བཞིན
་གཤེགས་པའི་སྐུ་བྱེ་བ་ཕྲག་དྲུག་འབུམ་བྱུང་ངོ་།། ཐུགས་ཙིཏྟའི་དཀྱིལ་ནས་ཕྱག་ན་རྡོ་རྗེ་སྤྲུལ་ནས་ཞུ་བ་པོ་རང་བྱུང་དུ་ཤར་རོ།། དབུ་སྐྲ་རྩེ་མོ་ལས། ལྷའི་བུ་རྟོག་པ་རབ་ཏུ་སེལ་བར་སྤྲུལ་ལོ།། འོད་ཀྱི་དཀྱིལ
་འཁོར་དཔག་ཏུ་མེད་པར་སྤྲུལ་ལོ།། ཆོས་ཀྱི་འཁོར་ལོ་ཡང་དཔག་ཏུ་མེད་པ་བསམ་གྱིས་མི་ཁྱབ་པར་བསྐོར་རོ།། སངས་རྒྱས་ཀྱི་མཛད་པ་ཡང་ཕྲིན་ལས་བསམ་གྱིས་མི་ཁྱབ་པ་མཛད་དོ།། འཇིག་རྟེན་གྱི
་ཁམས་ཐམས་ཅད་འཁྲུགས་སོ།། རབ་ཏུ་གཡོས་སོ།། འུར་འུར་རབ་ཏུ་འུར་འུར་ཀུན་ཏུ་འུར་འུར་རོ།། ཆེམ་ཆེམ་རབ་ཏུ་ཆེམ་ཆེམ། ཀུན་ཏུ་རབ་ཏུ་འཁྲུགས་སོ།། ཕྱོགས་ཐམས་ཅད་འཁྲུགས་སོ།། དེ་ཡང་ཤར
་ཕྱོགས་མཐོ་ན་ནུབ་ཕྱོགས་དམའོ།། ནུབ་ཕྱོགས་མཐོ་ན་ཤར་ཕྱོགས་དམའ་བར་གྱུར་ཏོ།། ལྷོ་ཕྱོགས་མཐོ་ན་བྱང་ཕྱོགས་དམའོ།། བྱང་ཕྱོགས་མཐོ་ན་ལྷོ་ཕྱོགས་དམའོ།། དབུས་མཐོ་ན་མཐའ་དམའོ།། མཐའ་མཐོ་ན
་དབུས་དམའོ།། དེ་ལྟ་བུའི་ཆོ་འཕྲུལ་ཆེན་པོ་བསྟན་ཏོ།། འཇིག་རྟེན་གྱི་ཁམས་ཀྱི་མཁའ་འགྲོ་མ་ཐམས་ཅད་བརྒྱ་ལ་སངས་ནས་ངོ་མཚར་ཆེན་པོ་སྐྱེས་ནས། ཨེ་མ་ཧོ།། དོན་དང་མཐུན་ནོ།། དག་པས་དག་པ་ཉིད
་བཀྲུའོ།། ཡང་དག་པ་ཉིད་ཐོབ་པོ།། སྐྱེ་གནས་ཐམས་ཅད་རྒྱུན་བཅད་དོ།། འགྲོ་བ་དེ་རྣམས་ཐམས་ཅད་ཀྱང་མི་སྐྱེ་བའི་ཆོས་ལ་བཟོད་པ་ཐོབ་བོ།། ཆོ་འཕྲུལ་གྱི་སྤྲུལ་པ་གྲངས་མེད་པ་འགྱེད་པའོ།། ཞེས་རིག་པ
་རང་ཤར་ཆེན་པོའི་རྒྱུད་ལས། སྤྲུལ་པ་མཛད་པའི་ལེའུ་སྟེང་དགུའོ།། ། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྤྲུལ་པ་དེ་ལྟར་མཛད་པ
་ན།། དོན་དམ་དཀྱིལ་འཁོར་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་འདུས་པ་ཆེན་པོ་ཉོན། ངས་ལེགས་པར་བསྟན་གྱིས་མ་ཡེངས་པར་ཟུང་ཞིག་རྟོགས་དང་མ་རྟོགས་ཁྱད་པར
་ནི།། མཐོང་དང་མ་མཐོང་ཁྱད་པར་རོ།། ལྟ་བ་མཐོང་བའི་ཁྱད་པར་ནི།། མཐོང་དང་གོམས་པའི་ཡེ་ཤེས་ནི།། གང་ལ་འཛིན་པའི་སེམས་མེད་པ།། མཐོང་བའི་ཚད་ནི་འདི་ཡིས་བཟུང་།། ནམ་མཁའ
་རྣམ་པར་དག་པ་ལ།། མིག་གི་དབང་པོ་མ་འགགས་པས།། ནམ་མཁའི་དཀྱིལ་དུ་དེ་བཞིན་ཉིད།། དབྱིངས་ཀྱི་སྒྲོན་མ་དག་པ་སྟེ།། ཤེས་རིག་རྒྱལ་པོ་མཐོང་བ་དེ།། དེ་ལ་གོམས་པར་འགྱུར་བ་ནི།། རང་གི་ལྟ་བ
་མཐོང་བ་ཡིན།། དེ་ལ་རབ་ཏུ་གོམས་པ་གཅེས།། དེ་ནས་སྣང་བ་ཤར་བ་དང་།། རང་གི་ཤེས་རིག་ཆེན་པོ་ཡིས།། བརྟགས་ན་ཡེ་ཤེས་སྣང་བ་ལས།། སྐུ་དང་ཡེ་ཤེས་ཕྱོགས་མེད་ཤར།། དེ་ཡང་འཆར་ལུགས་འདི་ལྟ
་སྟེ།། དང་པོ་མེ་ལོང་དཀྱིལ་འཁོར་ཙམ།། དེ་ལ་སྣང་བ་དུམ་བུར་འཆར།། དེ་ལས་ཡུལ་གྲུ་ཙམ་དུ་འཆར།། དེ་ལས་ནམ་མཁའ་གང་བར་འཆར།། ཅི་སྣང་འོད་ཀྱི་དཀྱིལ་འཁོར་དུ།། ཤར་ནས་གཟུགས་སྐུ་མཐོང་བའི
་ཚེ།། སྐུ་ཡི་དཀྱིལ་འཁོར་ཐམས་ཅད་ནི།། རང་ལས་བྱུང་ཞིང་རང་ལས་སྤྲུལ།། ནམ་མཁའ་གང་བའི་སྣང་བ་རྣམས།། མཐོང་བའི་ཆོས་ཉིད་མ་འགགས་པའོ།། ཡེ་ཤེས་མཁའ་ལ་གཤེགས་པའི་རྟགས།། རང་བཞིན
་ཉིད་ཀྱི་དཀྱིལ་འཁོར་ལ།། ངོ་བོ་ཉིད་ཀྱི་སྐུ་ཤར་བས།། ཤར་བ་དེ་ཉིད་རང་ཉིད་ཡིན།། སངས་རྒྱས་དགོངས་པ་ཚད་མའི་ཆོས།། ཡང་དག་དོན་ལ་དེ་བཞིན་གཤེགས།། དེ་ནི་གོམས་པའི་ཚད་དུ་བསྟན།། ཅེས་རིག
་པ་རང་ཤར་ཆེན་པོའི་རྒྱུད་ལས། རྟགས་ཚད་བསྟན་པའི་ལེའུ་སྟེ་དྲུག་ཅུའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། སྟོན་པ་ཆེན་པོ་སེམས་ཞེས་བགྱི་བ་ཅི་ལ་བགྱི། སྟོན
་པས་ལུང་བསྟན་དུ་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ། དེ་ཡང་དབྱེ་ན་འདི་ལྟ་སྟེ། སྣ་ཚོགས་སྡུད་པ་ལྟ་བུའི་སེམས་དང་། གཙང་སྨེ་མེད་པ་ཕག་ལྟ་བུའི་སེམས་དང་། དཔའ་བརྟུལ་སྟག་ལྟ་བུའི
་སེམས་དང་། ཡང་བ་སྒོ་ལྟ་བུའི་སེམས་དང་།། བསྐྱོད་པ་རླུང་ལྟ་བུའི་སེམས་དང་། རབ་ཏུ་མྱོས་པ་འདམ་རྫབ་ལྟ་བུའི་སེམས་དང་། མཆེད་པ་མེ་སྟག་ལྟ་བུའི་སེམས་དང་། འདོད་པ་བྱ་ལྟ་བུའི་སེམས་དང་།། རྒྱས་པ
་ཡལ་ག་ལྟ་བུའི་སེམས་དང་། གོགས་པར་དཀའ་བ་གར་སྤྲིན་ལྟ་བུའི་སེམས་དང་།། གཟའ་གཏད་མེད་པ་སྨྱོན་པ་ལྟ་བུའི་སེམས་དང་བཅུ་གཅིག་གོ། དེ་ནས་ཡང་རབ་ཏུ་བཤད་པ་འདི་ལྟ་སྟེ། སེམས་ནི་བག
་ཆགས་ཐམས་ཅད་སྡུད་པའོ།། སེམས་ནི་བག་ཆགས་ཐམས་ཅད་སློང་བའོ།། སེམས་ནི་ཉོན་མོངས་པ་ཐམས་ཅད་གསོགས་པའོ།། སེམས་ནི་བག་ཆགས་ཐམས་ཅད་ཀྱི་གཞི་ཡིན་ཏེ། བག་ཆགས་དེ་ཡང་འགོག་པར
་དཀའ་བས་རང་གི་སྣང་བ་འགྲིབ་པར་བྱེད། མ་རིག་པ་དང་མཉམ་དུ་གནས་པས། མ་རིག་པ་ཡང་འདི་ལྟ་སྟེ། རྩ་བ་སེམས་ཀྱི་མ་རིག་པ་དང་། འཁྲུལ་པ་ཡུལ་གྱི་མ་རིག་པ་དང་། འཁྲུལ་གཞི་གཞིའི
་མ་རིག་པ་དང་། འཛིན་པ་རྟོག་པའི་མ་རིག་པ་དང་། བཅོས་པ་ལམ་གྱི་མ་རིག་པ་དང་། མ་ཤེས་རྨོངས་པའི་མ་རིག་པ་དང་།། དེ་ལྟར་མ་རིག་པ་རྣམ་པ་དྲུག་བྱུང་སྟེ། རང་གི་སྣང་བ་མི་མཐོང་ངོ་།། དེ
་ཡང་འདི་ལྟ་སྟེ། རྩ་བ་སེམས་ཀྱི་མ་རིག་པ་ནི། ལྷན་ཅིག་སྐྱེས་པ་དངོས་ཡིན་ཏེ།། རིག་པའི་ཡེ་ཤེས་ངོ་མ་ཤེས་ནས་འཁྲུལ་ཏེ། ང་ལས་ཡེ་ཤེས་ཀྱི་སྣང་བ་འདི་བྱུང་ངམ། ངའི་སྣང་བ་འདི་མིན་ནམ་སྙམ་པའི་ཤེས་པ
་བྱུང་སྟེ། སྙམ་བྱེད་བྱུང་བ་དེ་ལྷན་ཅིག་སྐྱེས་པའི་རྩ་བ་མ་རིག་པ་ཡིན་ཏེ། བདག་ཏུ་རྟོག་པའི་བློ་བྱུང་བས་འཁྲུལ་ལོ།། དེས་ནི་རིག་པ་ཡེ་ཤེས་ཀྱི་སྣང་བ་བསྒྲིབས་སོ།། དེ་ནི་རྩ་བ་སེམས་ཀྱི་མ་རིག་པ་ཞེས་བྱའོ།། དེ
་ནི་འཁྲུལ་པ་ཡུལ་གྱི་མ་རིག་པ་སྟོན་ཏེ། འཁྲུལ་པ་ནི་གོང་གིས་འཁྲུལ་ལོ།། ཡུལ་ནི་སྔོན་འཇིག་རྟེན་མ་ཆགས་ཙམ་ན། དཔག་བསམ་གྱི་ཤིང་རྒྱས་པ་ཞེས་བྱ་བ། སངས་རྒྱས་གཞོན་ནུ་བུམ་པ་སྐུའི་བྱིན་རླབས་ལས
་བྱུང་བའི་ཤིང་དང་། སྒོ་ང་ལས་བྱུང་བའི་དྲོད་དང་། རླན་ལས་བཙས་པ་གཅིག་ཡོད་པ་དེ་ལ་ཡིད་རང་བྱུང་གི་ཡེ་ཤེས་བྱ་བ་གཅིག་བསྐྱོད་པ་ལས། མི་མཇེད་འཇིག་རྟེན་གྱི་ཁམས་ཆགས་སོ།། དེ་ནི་འཁྲུལ་པ་ཡུལ་གྱི
་མ་རིག་པ་ཞེས་བྱའོ།། འཁྲུལ་གཞི་གཞིའི་མ་རིག་པ་ནི་རང་གིས་རང་མ་དག་པ་ལས་བྱུང་སྟེ། དང་པོ་རྒྱུའི་རྐྱེན་ཞེས་བྱ་བ། མ་རིག་པ་དངོས་བྱུང་སྟེ་གཞི་མ་ཤེས་པས་མ་རིག་པའོ།། དེ་ལས་དམིགས་པའི་རྐྱེན་ཞེས
་བྱ་བ་འཁྲུལ་པ་ཡུལ་གྱི་མ་རིག་པ་ཞེས་བྱའོ།། དེ་ལས་བདག་པོའི་རྐྱེན་ཞེས་བྱ་བ། ཤིང་ལ་ངར་འཛིན་བྱུང་། དེ་ལས་མཚུངས་པ་དེ་མ་ཐག་པའི་རྐྱེན་ཞེས་བྱ་བ་ཤེས་པ་རགས་སུ་སོང་ནས་འཛིན་པ་བཟུང་ངོ་།། དེ
་ལས་ཉོན་མོངས་པ་རགས་སུ་སོང་། དེ་ནི་འཁྲུལ་པ་གཞི་མ་རིག་པ་ཞེས་བྱའོ།། འཛིན་པ་རྟོག་པའི་མ་རིག་པ་ནི། དེ་ལས་ཉོན་མོངས་པའི་ཚོགས་དཔག་ཏུ་མེད་པ་བྱུང་ངོ་།། དེ་ཡང་འདི་ལྟ་སྟེ། འཛིན་པའི་ཡིད་དྲུག
་བྱུང་ངོ་།། མ་རིག་པ་དང་མཚུངས་པའི་ཡིད་དང་། ཡིད་ཀྱི་རྣམ་པར་ཤེས་པའི་ཡིད་དང་། ཀུན་ཏུ་ཚོལ་བའི་ཡིད་དང་། གཏན་ལ་འབེབས་པའི་ཡིད་དང་། རྣམ་པར་རགས་པའི་ཡིད་དང་། ངེས་པར་འཇོག་པའི་ཡིད
་དོ།། དེ་ལ་ཡང་འདི་ལྟ་སྟེ། མ་རིག་པ་དང་མཚུངས་པར་ལྡན་པའི་ཡིད་ནི། འདི་ལྟ་སྟེ། རྩ་བ་མ་རིག་པ་དངོས་ཡིན་ལ།། ཡིད་ཀྱི་འགྱུ་བ་དང་བཅས་པའོ།། དེ་ནི་མ་རིག་པ་དང་མཚུངས་པར་ལྡན་པའི་ཡིད་དོ།། ཡིད
་ཀྱི་རྣམ་པར་ཤེས་པ་ནི། ཡུལ་ལ་ངའི་ཡིན་སྙམ་པའི་ཤེས་པས་ང་དང་བདག་ཏུ་བཟུང་བས། ཉོན་མོངས་པའི་དབང་དུ་སོང་བའི་ཕྱིར་ན། ཡིད་ཀྱི་རྣམ་པར་ཤེས་པ་ཞེས་བྱའོ།། གཏན་ལ་འབེབས་པའི་ཡིད་ནི། ཡུལ
་ངའི་ཡིན་ནོ་སྙམ་པའི་ཤེས་པས་བཟུང་བས། དེ་ལ་ཆགས་པ་སྐྱེས་ནས་གཏན་ལ་འབེབས་པ་ཞེས་བྱའོ།། ཀུན་ཏུ་ཚོལ་བའི་ཡིད་ནི། ཡུལ་གྱི་དབང་དུ་སོང་ནས། ཉོན་མོངས་པ་ཕྲ་བ་ཐམས་ཅད་ཟླ་ལ
་སྡུད་དོ།། དེའི་ཕྱིར་ཀུན་ཏུ་འཚོལ་བའི་ཡིད་ཅེས་བྱའོ།། རྣམ་པར་རགས་པའི་ཡིད་ནི། ཉོན་མོངས་པ་རགས་པས་སྲོག་གཅོད་པ་དང་། དམ་ཚིག་ཉམས་པའི་ལས་མང་པོ་བྱེད་པའོ།། ངེས་པར་འཇོག
་པའི་ཡིད་ནི། དེ་རྣམས་ཀྱི་སྣང་བ་ལ་ང་ཡིན་སྙམ་པ་དང་། གཞན་གྱི་ཡིན་སྙམ་པ་དེ་ནི་ངེས་པར་འཇོག་པའི་ཡིད་དོ།། དེ་ནི་འཛིན་པ་རྟོག་པའི་མ་རིག་པ་ཞེས་བྱའོ།། བཅོས་པ་ལམ་གྱི་མ་རིག་པ་ནི། ཡིད་དྲུག
་འདུས་ནས་ཡེ་ཤེས་ཀྱི་ལམ་བསྒྲིབས་པ་སྟེ། དེ་ཡང་ཡིད་ཀྱིས་ཡེ་ཤེས་མི་མཐོང་གསལ་དུ་མི་སྟེར། ཡེ་ཤེས་ལ་རྟོག་པ་མེད། ཡིད་འགྱུ་བྱེད་ཡོད་པའི་ཕྱིར། སངས་རྒྱས་ཀྱི་ལམ་བསྒྲིབས་པ་ཡིན་ནོ།། དེ་ནི་བཅོས་མ
་ལམ་གྱི་མ་རིག་པ་ཞེས་བྱའོ།། མི་ཤེས་རྨོངས་པའི་མ་རིག་པ་ནི། རང་གི་སྣང་བ་འོད་དུ་ཡོད་པ་མ་ཤེས་པས་ཡང་ནས་ཡང་དུ་འཁོར་བར་འཁོར་རོ།། དེ་ནི་མི་ཤེས་རྨོངས་པའི་མ་རིག་པ་ཞེས་བྱའོ།། དེ་བཞིན་དུ་མ
་རིག་པ་དྲུག་ཏུ་བྱུང་ན་ཡེ་ཤེས་ཀྱི་སྣང་བ་མ་ཤེས་པའོ།། དེ་ཡང་འདི་ལྟ་སྟེ། ཡང་དག་པ་ཀ་དག་གི་སྣང་བ་ལ་མ་རིག་པ་མེད། སེམས་མེད། ཡིད་ཀྱང་མེད། ལྷུན་གྲུབ་ཀྱི་རྩལ་ལ་མ་རིག་པ་བྱུང་། མ་རིག་པའི་རོལ
་པ་ལས་སེམས་བྱུང་། སེམས་ཀྱི་རྒྱན་ལས་ཡིད་བྱུང་། ཡིད་ཀྱི་ཡུལ་ལས་དུག་ལྔ་བྱུང་། དུག་ལྔ་ལས་ཉོན་མོངས་པ་བཅུ་དྲུག་བྱུང་། བཅུ་དྲུག་ལས་ཉི་ཤུ་རྩ་ལྔ་བྱུང་། དེ་ལས་ལྔ་བཅུ་རྩ་གཅིག་བྱུང་།། དེ་ལས་སྟོང་ཕྲག
་བརྒྱད་ཅུ་བྱུང་ངོ་།། བཅུ་དྲུག་པོ་གང་ཞེ་ན། མ་རིག་པ་དང་། སེམས་དང་། ཡིད་དང་། འཛིན་པ་དང་། རྟོགས་པ་དང་། མ་ཤེས་པ་དང་། མ་མཐོང་བ་དང་། མ་རྟོགས་པ་དང་། མ་གོ་བ་དང་། རང་གི་དེ་མ་ཟག་པ
་དང་། ང་ཡིར་བཟུང་བ་དང་། གཞན་ལ་སེར་སྣ་བྱེད་པ་དང་། འདོད་པ་དང་། ཆགས་པ་དང་། ཁེངས་པ་དང་། ཁྲོ་བ་དང་བཅུ་དྲུག་གོ། དེ་རྣམས་ཀུན་གྱི་སྟེང་དུ། གཏི་མུག་དང་། འདོད་ཆགས་དང་། ཞེ་སྡང་དང་།
་ང་རྒྱལ་དང་། ཕྲག་དོག་དང་། དེ་ཡང་འདི་ལྟ་སྟེ། གཏི་མུག་ལ་ལྔ་སྟེ། རབ་ཏུ་རྨུགས་པའི་གཏི་མུག་དང་། མ་ཤེས་པའི་གཏི་མུག་དང་། མ་མཐོང་བའི་གཏི་མུག་དང་། ཤིན་ཏུ་འཐིབས་པའི་གཏི་མུག་དང་། རབ་ཏུ
་མྱོས་པའི་གཏི་མུག་དང་ལྔའོ།། འདོད་ཆགས་ལ་ཡང་ལྔ་སྟེ། ཞེ་ལ་འདོད་པའི་འདོད་ཆགས་དང་། ཤིན་ཏུ་གདུང་བའི་འདོད་ཆགས་དང་། སྲོག་ལ་མི་བལྟ་བའི་འདོད་པ་དང་། ཞེ་སྡང་དང་བཅས་པའི་འདོད་ཆགས
་དང་། མཁའ་ལ་སྤྱོད་པའི་འདོད་ཆགས་དང་ལྔའོ།། ཞེ་སྡང་ལ་ཡང་ལྔ་སྟེ། འདོད་པ་ཤས་ཆེ་བའི་ཞེ་སྡང་དང་། ཁོང་ཁྲོ་དང་བཅས་པའི་ཞེ་སྡང་དང་། ཤིན་ཏུ་རགས་པའི་ཞེ་སྡང་དང་། གཏི་མུག་དང་བཅས་པའི་ཞེ
་སྡང་དང་། དུས་ཀྱི་འབྲུག་ཆར་ལྟ་བུའི་ཞེ་སྡང་དང་ལྔའོ།། ང་རྒྱལ་ལ་ཡང་ལྔ་ཏེ། ཟིལ་གྱིས་གནོན་པ་སེང་གེ་ལྟ་བུའི་ང་རྒྱལ་དང་། གོང་ན་མེད་པ་ནམ་མཁའ་ལྟ་བུའི་ང་རྒྱལ་དང་། དཔའ་བརྟུལ་ཆེ་བ་སྟག་ལྟ་བུའི་ང
་རྒྱལ་དང་། ངའོ་སྙམ་པ་དུར་བྱ་ལྟ་བུའི་ང་རྒྱལ་དང་། མི་མཉམ་པ་དང་མཉམ་པར་རློམས་པ་གླང་ཆེན་ལྟ་བུའི་ང་རྒྱ་དང་ལྔའོ།། ཕྲག་དོག་ལ་ཡང་ལྔ་སྟེ། ཕྲ་བའི་ཕྲག་དོག་དང་། ང་རྒྱལ་ལས་བྱུང་བའི
་ཕྲག་དོག་དང་། ཤིན་ཏུ་རྩུབ་པའི་ཕྲག་དོག་དང་། རགས་པའི་ཕྲག་དོག་དང་། བལྟ་བའི་ཕྲག་དོག་དང་ལྔའོ།། དེ་ནི་ཉོན་མོངས་པ་ཉི་ཤུ་རྩ་ལྔའོ།། དེ་ལས་ཁོང་ཁྲོ་བྱུང་། ཁོང་ཁྲོ་ལས་འདུ་བྱེད་ཉི་ཤུ་རྩ་ལྔ་བྱུང་། དེ
་ལས་བསམ་གྱིས་མི་ཁྱབ་བརྗོད་ཀྱིས་མི་ལངས། གྲངས་མེད་པ། གྲང་ལས་འདས་པ་བགྲང་དུ་མེད་པ་བྱུང་ངོ་།། ཞེས་རིག་པ་རང་ཤར་ཆེན་པོའི་རྒྱུད་ལས། མ་རིག་པ་སེམས་ཀྱི་ལེའུ་སྟེ་རེ་གཅིག
་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་ཆེན་པོ།། མ་རིག་པ་དེ་ལྟར་ལགས་ན།། རིག་པའི་དབྱེ་བ་གསུང་དུ་གསོལ། ཞེས་ཞུས་སོ།། དེ་ནས་ཡང
་བཀའ་སྩལ་པ། ཀྱེ་གསང་བའི་བདག་པོ་ཉོན་ཅིག། ངས་ལེགས་པར་བསྟན་གྱིས་ཁྱོད་ཀྱིས་ཟུང་ཞིག་དེ་ཡང་འདི་ལྟ་སྟེ། ཟིལ་གྱིས་གནོན་པ་སེང་གེ་ལྟ་བུའི་རིག་པ་དང་། ཁྱད་པར་གླང་པོ་ཆེ་ལྟ་བུའི་རིག་པ་དང་།
་མཁའ་ལྡིང་ཁྱུང་ལྟ་བུའི་རིག་པ་དང་། མ་འདྲེས་ཡོངས་སུ་རྫོགས་པ་འཇའ་ཚོན་ལྟ་བུའི་རིག་པ་དང་། ཐམས་ཅད་བསྲེག་པ་མེ་ལྟ་བུའི་རིག་པ་དང་། ཡངས་ཤིང་གོ་སྐབས་འབྱེད་པ་ནམ་མཁའ་ལྟ་བུའི་རིག་པ་དང་།
་བསྐྱོད་པ་རླུང་ལྟ་བུའི་རིག་པ་དང་། ཐེ་ཚོམ་མེད་པ་ཐི་བྱ་ཚང་དུ་འཇུག་པ་ལྟ་བུའི་རིག་པ་དང་། ཟབ་པ་རྒྱ་མཚོ་ལྟ་བུའི་རིག་པ་དང་། གཟུང་དུ་མེད་པ་ཆུ་ཟླ་ལྟ་བུའི་རིག་པ་དང་། ཀུན་ཏུ་མཐའ་ཡངས་པ་བར་སྣང་ལྟ
་བུའི་རིག་པ་དང་། དྲི་མ་མེད་པ་མན་ཤེལ་ལྟ་བུའི་རིག་པ་དང་། གོས་པ་མེད་པ་པདྨ་ལྟ་བུའི་རིག་པ་དང་།། རྒྱུན་ཆད་མེད་པ་ཆུ་གཞུང་ལྟ་བུའི་རིག་པ་དང་། འགག་པ་མེད་པ་ལྦུ་བ་ལྟ་བུའི་རིག་པ་སྟེ། དེ་ནི་རིག་པའི
་གྲངས་བསྟན་པའོ།། དེ་ཡང་ཡང་དག་པར་རིག་པ་རྡོ་རྗེ་ལུ་གུ་རྒྱུད་དུ་ཡོད་དོ།། དངོས་པོ་ལ་དེ་ལྟར་མེད་ཀྱང་། རྩལ་དུ་སྣང་བ་དེ་ལྟར་བྱུང་ངོ་།། དེའི་ཡོན་ཏན་ལ་སྐུ་བྱུང་ངོ་།། སྐུའི་རོལ་པ་ལས་ཡེ་ཤེས་བྱུང
་ངོ།། ཡེ་ཤེས་ཀྱི་རྒྱན་ལས་འོད་བྱུང་ངོ་།། འོད་ཀྱི་རྩེ་མོ་ལས་ཟེར་བྱུང་ངོ་།། དེ་ཡང་སྐུ་གང་ཞེ་ན། རྩ་བ་རིག་པའི་སྐུ་དང་།། ཡངས་པ་ཆོས་ཀྱི་སྐུ་དང་།། བརྡལ་བ་དབྱིངས་ཀྱི་སྐུ་དང་།། མི་འགྱུར་བ་རྡོ་རྗེའི་སྐུ
་དང་།། འགྱུར་བ་མེད་པ་ངོ་བོ་ཉིད་ཀྱི་སྐུ་དང་། ཡང་དག་པ་བདེ་བའི་སྐུ་དང་། ལོག་པ་སེམས་ཀྱི་སྐུ་དང་། མཐོང་བ་རང་གྲོལ་གྱི་སྐུ་དང་། རིག་པ་ཐིག་ལེའི་སྐུ་དང་། རྒྱ་མ་ཆད་པ་ནམ་མཁའི་སྐུ་དང་། ཕྱོགས་སུ་མ
་ལྷུལྟུང་པ་ཉི་ཟླའི་སྐུ་དང་།། ཐ་མི་དད་པ་གཅིག་ཤེས་ཀྱི་སྐུ་དང་། ཞེན་པ་མེད་པ་རང་གྲོལ་གྱི་སྐུའོ།། དེ་ཡང་འདི་ལྟ་སྟེ། རྩ་བ་རིག་པའི་སྐུ་ནི།། རྡོ་རྗེ་ལུ་གུ་རྒྱུད་ཀྱི་སྐུ་ཡིན་ཏེ། རང་གི་མིག་གིས་དབང
་པོ་ལ་མ་འགགས་པར་གསལ་ལོ།། དེ་ནི་རྩ་བ་རིག་པའི་སྐུ་ཞེས་བྱའོ།། ཡངས་པ་ཆོས་ཀྱི་སྐུ་ནི། དང་པོ་གཞི་ཀ་དག་ཆེན་པོ་དེ་ལ། བསམ་པ་མེད། མ་རིག་པ་མེད། སེམས་མེད། ཡིད་མེད། འཛིན
་པ་མེད་དེ། དེ་ཡང་འདི་ལྟ་སྟེ། རྒྱ་མ་ཆད་པའི་ཡེ་ཤེས།། ལྷུན་གྱིས་གྲུབ་པའི་སངས་རྒྱས།། སྤྲོས་པ་མེད་པའི་ཆོས་ཉིད། མཐའ་དང་བྲལ་བའི་རིག་པ། དག་པ་ཆེན་པོའི་སྣང་བ། ཕྱོགས་ལྷུང་མེད་པའི་བལྟ་བར
་བཞུགས་སོ། དེ་ཡང་། ཡངས་པ། གསལ་བ། མི་འགྱུར་བ། ཡེ་ཤེས་མི་འགག་པ། ཐིག་ལེ་སྣ་ཚོགས་སུ་འཕྲོ་བ། མ་གྲུབ་པའི་ཆོས་ཉིད།། ཕྱི་རྒྱ་མ་རལ་པ། ནང་ཡེ་ཤེས་ཀྱི་འོད་ལྔ་མ་འགགས་པར་གསལ་བ། སྐུ
་དང་ཡེ་ཤེས་ཀྱི་ངོ་བོར་བཞུགས་སོ།། དེ་ནི་ཡངས་པ་ཆོས་ཀྱི་སྐུ་ཞེས་བྱའོ།། བརྡལ་བ་དབྱིངས་ཀྱི་སྐུ་ནི། དབྱིངས་རྣམ་པར་དག་པའི་སྒྲོན་མ་ཡིན་ཏེ།། དབྱིངས་དེ་ཡང་རྒྱ་མ་ཆད་པ་ཕྱོགས་སུ་མ་ལྷུང་བ། འགྲིབ་པ
་མེད་པ། འཕེལ་བ་མེད་པ། སྟོང་པ་མེད་པ། གང་བ་མེད་པ།། གསལ་ཆ་དང་བཅས་པ། སྐུ་མང་པོ་འཆར་བའི་གནས།། ཡངས་པ་ཀུན་གྱི་བདག་ཉིད། ཤིན་ཏུ་ཆེ་བ། གོང་ན་མེད་པ། བལྟ་བ་མཐོང་བའི་སངས
་རྒྱས། ངེས་པ་རྙེད་པའི་ས་ཞེས་བྱའོ།། དེ་ནི་བརྡལ་བ་དབྱིངས་ཀྱི་སྐུ་ཞེས་བྱའོ།། མི་འགྱུར་བ་རྡོ་རྗེའི་སྐུ་ནི། སངས་རྒྱས་མེད་པའི་འབྲས་བུ། སེམས་ཅན་མེད་པའི་འཁོར་བ། སྲོག་བཅད་པའི་སངས་རྒྱས།། བྱས་པ
་མེད་པའི་བྱུང་བ། མཐོང་བ་མེད་པའི་ཡུལ། ཤེས་མ་མྱོས་པའི་གཏམ། སྲོག་གཅོད་པའི་དགེ་བ། ལེན་མ་མྱོང་བའི་ལུས། བསྒྲུབས་པ་མེད་པའི་ལྷ། མ་བགྲངས་པའི་སྙིང་པོ། མ་བསྒོམས་པའི་བསྒོམ་པ། མ་བྲིས
་པའི་དཀྱིལ་འཁོར། མ་བསགས་པའི་ཚོགས། དེ་ནི་མི་འགྱུར་བ་རྡོ་རྗེའི་སྐུའོ།། འགྱུར་བ་མེད་པའི་ངོ་བོ་ཉིད་ཀྱི་སྐུ་ནི། གྲུབ་མཐའ་འགྱུར་མེད། གཏན་ཚིགས་ངེས་མེད། མཚན་ཉིད་གཉིས་མེད། བལྟ་བ་ཕྱོགས
་མཐོང་། བསྒོམ་པ་མཐོང་བ། སྤྱོད་པ་བྱར་མེད། འབྲས་བུ་ཐོབ་མེད། དམ་ཚིག་བསྲུང་མེད། རོལ་པ་འགག་མེད། ངོ་བོ་ཟང་ཐལ། རང་བཞིན་ཀུན་ཁྱབ། ཐུགས་རྗེ་མཁའ་ཁྱབ་བོ།། དེ་ནི་འགྱུར་བ་མེད་པ་ངོ་བོ་ཉིད
་ཀྱི་སྐུའོ།། དག་པ་བདེ་བའི་སྐུ་ནི། གསལ་བ་མཁའ་ཁྱབ། སྟོང་པ་ཀུན་ཁྱབ། ཡེ་ཤེས་མིག་ཁྱབ། རིག་པ་ལུས་ཁྱབ། སྒྲོན་མ་ཡུལ་ཁྱབ། ཆོས་སྐུ་གཞི་ཁྱབ། ལོངས་སྐུ་རང་ཁྱབ། སྦྲུལ་སྐུ་ཀུན་ཁྱབ། འོད་ལྔ་གནས
་ཁྱབ་བོ།། དེ་དག་ནི་དག་པ་བདེ་བའི་སྐུའོ།། ལོག་པ་སེམས་ཀྱི་སྐུ་ནི། སྣ་ཚོགས་འབྱུང་བ། སྣ་ཚོགས་སྡུད་པ། ཐམས་ཅད་ཀྱི་ལམ། ཐམས་ཅད་ཀྱི་གནས། ཐམས་ཅད་ཀྱི་གཞི། འཁོར་བ་རང་ཁ་མའོ།། དེ་ནི་ལོག
་པ་སེམས་ཀྱི་སྐུའོ།། མཐོང་བ་རང་གྲོལ་གྱི་སྐུ་ནི། མི་འགྱུ་སྟེ་འགྱུ་བ། འགྱུ་སྟེ་མི་འགྱུ་བ། སྲོག་མེད་པའི་སྐུ།། སེམས་མེད་པའི་སེམས་ཅན། དབུགས་མེད་པའི་འགྱུ་བ། འགྲོ་འོད་མེད་པའི་སངས
་རྒྱས། དུས་ཐམས་ཅད་པའི་ཡེ་ཤེས། རྟག་པར་བཞུགས་པའི་ཆོས་ཉིད། འཛིན་པ་མེད་པའི་རང་གྲོལ། རྟོག་པ་མེད་པའི་སྐུ་ལྔ། མཐའ་མ་འགགས་པའི་ཤེས་རབ། རང་སར་གྲོལ་བའི་ཆོས་ཉིད
་དོ།། དེ་ནི་མཐོང་བ་རང་གྲོལ་གྱི་སྐུའོ།། གཅིག་པ་ཐིག་ལེའི་སྐུ་ནི། འབྱུང་བ་ཀུན་ཁྱབ་ཀྱི་ཡེ་ཤེས། འབྱུང་བ་ཀུན་སྣང་གི་ཡེ་ཤེས། འབྱུང་བ་ཀུན་འབྱུང་གི་ཡེ་ཤེས། འབྱུང་བ་ཀུན་གསལ་གྱི་ཡེ་ཤེས། འབྱུང་བ
་གཏིང་གསལ་གྱི་ཡེ་ཤེས། འབྱུང་བ་མཁའ་གསལ་གྱི་ཡེ་ཤེས། འབྱུང་བ་ཕྱི་གསལ་གྱི་ཡེ་ཤེས། འབྱུང་བ་ནང་གསལ་གྱི་ཡེ་ཤེས། འབྱུང་བ་སྟོང་པར་རང་བྱུང་གི་ཡེ་ཤེས་སོ།། དེ་ནི་གཅིག་པ་ཐིག་ལེའི་སྐུའོ།། རྒྱ་མ
་ཆད་པ་ནམ་མཁའི་སྐུ་ནི། སྣང་བ་དང་ཡེ་ཤེས་རྒྱ་མ་ཆད། ནམ་མཁའ་དང་དབྱིངས་རྒྱ་མ་ཆད། སེམས་ཅན་དང་སངས་རྒྱས་རྒྱ་མ་ཆད། སེམས་དང་སེམས་ཅན་རྒྱ་མ་ཆད། འབྱུང་བ་དང་འོད་སྣང་རྒྱ་མ་ཆད། མཐོང
་བ་དང་རང་ལུས་རྒྱ་མ་ཆད། སྟོང་པ་དང་ཆོས་ཉིད་རྒྱ་མ་ཆད། ལྷུན་གྲུབ་དང་ཀ་དག་རྒྱ་མ་ཆད། ཞིང་ཁམས་དང་ལྷུན་གྲུབ་རྒྱ་མ་ཆད། ཚོམ་བུ་དང་འཁྲུལ་སྣང་རྒྱ་མ་ཆད། སེམས་དང་ཡེ་ཤེས་རྒྱ་མ་ཆད། ཡིད་དང
་ཤེས་རབ་རྒྱ་མ་ཆད། རིག་པ་དང་མ་རིག་པ་རྒྱ་མ་ཆད། སྟོང་པ་དང་གསལ་བ་རྒྱ་མ་ཆད་དོ།། དེ་ནི་རྒྱ་མ་ཆད་པ་ནམ་མཁའི་སྐུ་ཞེས་བྱའོ།། ཕྱོགས་སུ་ལྷུང་བ་མེད་པ་ཉི་ཟླའི་སྐུ་ནི། འཛིན་པ་མེད་པས་རང་གྲོལ།།
་རྟོག་པ་མེད་པས་རང་སངས། འགྱུ་བ་མེད་པས་རང་དག། གསལ་བ་མེད་པའི་འཚེར་བ། བསྒོམ་དུ་མེད་པའི་ཆོས་ཉིད། གཟུང་དུ་མེད་པའི་ཡངས་པ། སངས་རྒྱས་མེད་པའི་སེམས་ཅན་ནོ།། དེ་ནི་ཕྱོགས་སུ་མ་ལྷུང
་བཔབ་ཉི་ཟླའི་སྐུ་ཞེས་བྱའོ།། ཐ་མི་དད་པ་གཅིག་ཤེས་ཀྱི་སྐུ་ནི། སྒྲོན་མ་མཁའ་ཁྱབ། ཡེ་ཤེས་དབྱིངས་ཁྱབ། ཤེས་རབ་ཡུལ་ཁྱབ། ཐབས་ཀྱིས་ལམ་ཁྱབ། དབང་པོས་སེམས་ཁྱབ་བོ། དེ་ནི་ཐ་མི་དད་པ་སྒྲོན་མའི
་སྐུའོ།། ཞེན་མེད་རང་གྲོལ་གྱི་སྐུ་ནི། སྣང་བ་ལ་མི་ཞེ་ན། མེད་པ་མི་བསྒྲུབ། ཡོད་པ་མི་སྤང་། མེད་པ་ལ་ཞེ་འདོད་མི་བྱེད། ཡོད་པ་ལ་མངོན་པར་མི་ཞེ་ན། བྱས་པ་མི་བསྒྲུབ། བྱུང་བ་མི་འགེག་བྱུང་བ་ལ་སྐྱོན་དུ་མི
་བལྟ།། ཉོན་མོངས་པ་མི་སྤང་། སངས་རྒྱས་མི་བསྒྲུབ། བསྒོམ་པ་མི་བསྒོམ། ལྟ་བ་མི་བལྟ། འཁྲུལ་སྣང་མི་འགེག་དག་སྣང་མི་འཚོལ། སེམས་ལ་སངས་རྒྱས་མི་རེ། རིག་པ་ལ་སེམས་ཅན་མི་དོགས། ཀུན་གཞི་ལ
་ཆོས་སྐུ་མི་རེ། སྒྲོན་མ་བཞི་ལས་གཟུགས་སྐུར་མི་ལྡོག་ལམ་ལ་སྦྱང་དུ་མེད། འབྲས་བུ་ཐོབ་ཏུ་མེད། གཞི་ལ་བཟང་ངན་མེད། རྟོགས་པ་དང་མ་རྟོགས་པ་གཉིས་སུ་མེད། དེ་ནི་ཞེན་མེད་རང་གྲོལ་གྱི་སྐུའོ།། སངས
་རྒྱས་ཐམས་ཅད་ཀྱི་དགོངས་པ་ཚད་མར་བཞག་པའོ།། སྐུ་མི་འགྱུར་བ་ལས་ཡེ་ཤེས་འགག་པ་མེད་པ་འབྱུང་ངོ་།། དེ་ཡང་འདི་ལྟ་སྟེ། སྐུ་ལ་དབྱིངས་ཡོད་པའི་ཕྱིར།། ཆོས་ཀྱི་དབྱིངས་ཀྱི་ཡེ་ཤེས་དང་།། དབྱིངས་ལ
་གསལ་བ་ཡོད་པའི་ཕྱིར།། མེ་ལོང་ལྟ་བུའི་ཡེ་ཤེས་བྱུང་།། གསལ་བ་ལ་གཉིས་མེད་ཡོད་པའི་ཕྱིར།། མཉམ་པ་ཉིད་ཀྱི་ཡེ་ཤེས་བྱུང་།། གཉིས་མེད་ལ་མཐོང་བ་ཡོད་པའི་ཕྱིར། སོ་སོར་རྟོག་པའི་ཡེ
་ཤེས་བྱུང་།། མཐོང་བ་ལ་ཚད་ཡོད་པའི་ཕྱིར།། བྱ་བ་གྲུབ་པའི་ཡེ་ཤེས་བྱུང་ངོ་།། ཡེ་ཤེས་ལས་འོད་བྱུང་སྟེ།། ཡེ་ཤེས་མི་འགྱུར་བའི་ཕྱིར་མཐིང་གར་བྱུང་།། ཡེ་ཤེས་དག་པའི་ཕྱིར་དཀར་པོར་བྱུང་ངོ་།། ཡེ་ཤེས་ལ
་ཡོན་ཏན་འབྱུང་བའི་ཕྱིར་སེར་པོར་བྱུང་ངོ་།། ཡེ་ཤེས་ལ་དབང་རྫོགས་པའི་ཕྱིར་དམར་པོར་བྱུང་ངོ་།། ཡེ་ཤེས་ལ་ཕྲིན་ལས་རྫོགས་པའི་ཕྱིར་ལྗང་གུར་བྱུང་ངོ་།། དེ་བཞིན་དུ་སེམས་ཅན་ཀུན་ལ་ཡང་དེ་བཞིན་གནས
་སོ།། གསང་སྔགས་ཐམས་ཅད་ཀྱི་མདོ་ཡང་དེ་བཞིན་ནོ།། སངས་རྒྱས་ཐམས་ཅད་ཀྱི་དགོངས་པའི་ཚད་ཀྱང་དེ་བཞིན་ནོ།། དེ་བཞིན་གཤེགས་པའི་དགོངས་པ་རང་གྲོལ་བ་ཆེན་པོའོ།། མན་ངག་ཐམས་ཅད་ཀྱི་མདོ
་ཡིན་ནོ།། དེ་བཞིན་དུ་རྟོགས་པར་གྱིས་ཤིག། རིགས་ཀྱི་བུ་དེ་བཞིན་དུ་ཤེས་པའི་རིགས་ཀྱི་བུ་དེ་ནི། ཡོངས་སུ་མྱ་ངན་ལས་འདའ་བར་འགྱུར་རོ།། ཞེས་རིག་པ་རང་ཤར་ཆེན་པོའི་རྒྱུད་ལས། རིག་པ་དང་ཡེ་ཤེས་ཀྱི
་ལེའུ་སྟེ་རེ་གཉིས་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་མ་འོངས་སྐུ། ཐོག་མེད། ཀྱང་བྱུང་། རྟོག་མེད་སངས་རྒྱས་རང་གྲོལ་ལ།། འཛིན་པའི
་སེམས་ཉིད་ཅི་ལྟར་བྱུང་།། མོས་པས་སྤྱོད་པའི་འཁོར་རྣམས་ལ།། མ་ནོར་ལེགས་པར་བསྟན་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད
་ལ་ཟུང་།། མཐོང་བར་གྱིས་ལ་གོ་བར་གྱིས།། ཤེས་པར་གྱིས་ལ་རྟོགས་པར་གྱིས།། སངས་རྒྱས་འཛིན་མེད་རང་གྲོལ་ལ།། རྣམ་རྟོག་མཚན་མ་ངང་གིས་མེད།། བསམ་མེད་ཆོས་སྐུའི་ངོ་བོ་སྟོང་།། རྟོག་མེད་གསལ
་བའི་ཆོས་ཉིད་དོ།། རྡོ་རྗེ་སེམས་དཔའི་རིག་པ་ཉིད།། རྐང་མེད་མཁའ་ལ་ཀུན་ཏུ་རྒྱུག། རིག་པའི་ཡེ་ཤེས་ཆེན་པོ་ནི།། གྲོགས་མེད་གཅིག་པུར་ཡང་དག་བདེ།། རིག་པའི་ཡེ་ཤེས་རྟོག་མེད་ནི།། བལྟར་མེད་སྐུ་ལ
་ཡང་དག་བལྟ།། བརྗོད་མེད་རང་གི་རིག་པ་ནི།། དཔེར་ན་གར་སྦྱིན་སྣོད་དང་འདྲ།། མ་རིག་སྦུར་མ་ལྟ་བུ་སྟེ།། དེ་ཡི་རྩི་ལ་ཆགས་པ་བཞིན།། རིག་པ་ཡེ་ཤེས་སྐྱེ་མེད་པ།། མ་རིག་འཕྲལ་དུ་ཆགས་པའོ།། དེ་ནས
་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བདག་ཅག་མོས་པའི་འཁོར་རྣམས་ལ།། གང་གི་ཐབས་ཀྱི་གྲོལ་བ་རྣམས།། མོས་པའི་འཁོར་ལ་གསུང་དུ་གསོལ།། ཞེས
་ཞུས་སོ།། དེ་ནས་ཡང་བཀའ་སྩལ་པ།། སངས་རྒྱས་ཀུན་གྱི་ཡེ་ཤེས་ནི།། གང་གི་ཕྱོགས་སུ་མ་ལྷུང་བའོ།། དཔེར་ན་སྦུར་དང་སྦྱིན་སྣོད་ལ།། ཆུ་ཡིས་གཉིས་ཀ་སེལ་བ་ལྟར།། རིག་དང་མ་རིག་རྟོག་པ་ཡང་།། ཆོས
་ཉིད་རང་སྣང་ནམ་མཁའ་ལ།། རིག་པའི་ཡེ་ཤེས་མ་ཡེངས་པར།། འཛིན་མེད་ངང་དུ་བཞག་གྱུར་ན།། ཡེ་ཤེས་རང་སྣང་མཐོང་བའི་ལམ་ལ་ཤེས་ཤིང་རིག། མ་འགག་འཁྲུལ་པའི་ཆོས་ལས་ལོག
་པའོ།། བསལ་མེད་ཆོས་སྐུ་སྤྲོས་བྲལ་ནི།། སངས་རྒྱས་ཡེ་ཤེས་ལུས་ཉིད་ལས།། རྟོག་མེད་སངས་རྒྱས་ངོ་བོ་གསལ།། འཛིན་མེད་རང་དག་ཆེན་པོ་ལ།། རྡོ་རྗེ་སེམས་དཔའི་རིག་པ་གསལ།། གསལ་དང་སྟོང་པའི
་ཡེ་ཤེས་ལ།། མཚན་མ་མེད་པའི་ཆོས་ཉིད་གསལ།། ཞེ་འདོད་མེད་པའི་བསྒོམ་པ་ལ།། བཏང་གཞག་མེད་པའི་ཏིང་འཛིན་གསལ།། སྤང་ཐོབ་མེད་པའི་བལྟ་བ་ལ།། རྟོག་པ་མེད་པའི་མཐོང་བ་གསལ།། བཅོས་པ
་མེད་པའི་སྤྱོད་པ་ལ།། བྱས་པ་མེད་པའི་བྱུང་བ་གསལ།། བསམ་དང་བྲལ་བའི་ཆོས་སྐུ་ལ།། འགག་པའི་མེད་པའི་ལོངས་སྐུ་གསལ།། མཚན་མ་མེད་པའི་ཆོས་ཉིད་ལ།། ཐམས་ཅད་འདྲེན་པའི་སྦྲུལ་སྐུ
་གསལ།། ཕྱིར་མི་ལྡོག་པའི་སྐུ་གསུམ་ལ།། གཟུང་འཛིན་མེད་པའི་རིག་པ་གསལ།། ཡང་དག་སངས་རྒྱས་ལམ་རྒྱལ་ལ།། སྦྱང་དུ་མེད་པའི་དཀྱིལ་འཁོར་གསལ།། སྐྱེ་བ་མེད་པའི་ཡིག་འབྲུ་ལ།། འདུལ་བྲལ་མེད
་པའི་ལྷ་ཚོགས་གསལ།། ནུབ་པ་མེད་པའི་རྒྱལ་མཚན་ལ།། འགྱུར་བ་མེད་པའི་སྒྲོན་མ་གསལ།། རྟོག་པ་མེད་པའི་ཡེ་ཤེས་ལ།། གསལ་འགྲིབ་མེད་པའི་འོད་ལྔ་གསལ།། བསྟན་དུ་མེད་པའི་ལུང་ཆེན་ལ།། ཤེས་སུ
་མེད་པའི་ཆོས་སྐུ་གསལ།། བརྗོད་དུ་མེད་པའི་མན་ངག་ལ།། གཟུང་དུ་མེད་པའི་རིག་པ་ཟིན།། བཤད་དུ་མེད་པའི་ཆོས་ཉིད་ལས།། ཐོབ་ཏུ་མེད་པའི་འབྲས་བུ་ཐོབ།། ཡི་གེ་མེད་པའི་རྒྱུད་ཆེན་ལས།། བཤད་དུ
་མེད་པའི་སངས་རྒྱས་གསལ།། བསྒྲུབ་ཏུ་མེད་པའི་ཕྲིན་ལས་ལ།། བྱ་རུ་མེད་པའི་མཆོད་པ་གསལ།། ཆོས་ཉིད་འགྱུར་མེད་སྣང་བ་ལ།། ལྷ་དང་བྲལ་བའི་རིག་པ་གསལ།། སྟོང་པ་ཉིད་ཀྱི་ཆོས་ཉིད་ལ།། བདེ་བ་ཟག།
་མེད་ཐིག་ལེ་གསལ།། ཡང་དག་དོན་གྱི་ཆོས་སྐུ་ལ།། རྟོག་མེད་གསལ་བའི་ཡེ་ཤེས་གསལ།། འགྱུར་མེད་རང་གསལ་ངོ་བོ་ལ།། རྟོག་མེད་མཉམ་པའི་ཐིག་ལེ་གསལ།། རྣམ་དག་དབྱིངས་ཀྱི་ཐིག་ལེ་ལ།། བརྗོད
་མེད་ལམ་གྱི་ཐིག་ལེ་གསལ།། ས་ལ་མི་གནས་སྐུ་མཆོག་ལ།། བཏང་སྙོམས་ཡེ་ཤེས་དཀྱིལ་འཁོར་གསལ།། བྱ་རྩོལ་བྲལ་བའི་ཆོས་ཉིད་ལ།། དཀྱིལ་འཁོར་ལྔ་ཡི་འདུ་འཕྲོ་གསལ།། རྟོག་པ་ལམ་གྱི་སངས་རྒྱས
་ལ།། འབྲས་བུ་རྒྱུ་ཡི་སངས་རྒྱས་གསལ།། གྲོལ་བ་འབྲས་བུའི་སངས་རྒྱས་ལ།། སྨིན་པ་རྟགས་ཀྱི་སངས་རྒྱས་གསལ།། བྱ་བྱེད་བྲལ་བའི་རིག་པ་ལ།། འཛིན་མེད་རྡོ་རྗེའི་སྐུ་ཉིད་གསལ།། ཀུན་ཏུ་ཁྱབ་པའི་ཡེ
་ཤེས་ལ།། རང་གསལ་ཆོས་ཉིད་རྟོག་མེད་གསལ།། ཨེ་མ་ཧོ།། འཛིན་པ་མེད་པའི་ཆོས་ཉིད་རང་གདངས་གསལ་བའི་ཤུགས།། རྟོག་པ་མེད་པའི་ཆོས་ཉིད་མཁའ་ཁྱབ་ཀུན་ལ་རོལ།། འཛིན་པ་མེད་པའི་ཆོས་ཉིད
་རང་སར་དག། རྟོག་པ་མེད་པའི་རང་གྲོལ་བདེ་བའི་ཤུགས།། ཡེངས་པ་མེད་པའི་རང་སྣང་ཀུན་ལ་ཁྱབ།། ཡང་དག་ཆོས་ཉིད་བདེ་ཆེན་ས་ལ་གཤེགས། ཞེས་རིག་པ་རང་ཤར་ཆེན་པོའི་རྒྱུད་ལས།།
་རང་བཞིན་གསལ་བའི་ལེའུ་སྟེ་དྲུག་ཅུ་རེ་གསུམ་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་ཆེན་པོ།། འཁོར་རྣམས་ལ་དབང་པོའི་བྱེ་བྲག་གསུང་དུ
་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མོས་པའི་འཁོར་རྣམས་ཉོན་ཅིག། ངས་སེམས་ཅན་གྱི་མ་རིག་པ་བསལ་བའི་ཕྱིར། སྣང་བའི་འཆར་ལུགས་ཉི་ཤུ་རྩ་གཅིག་ཡོད་པའི་ཕྱིར། འདི་རྣམས་ཡིད
་ལ་ཟུང་ཞིག། དབང་པོ་ལ་རྣམ་པ་གསུམ་གྱིས་བསྟན་ཏེ། རབ་དང་། འབྲིང་དང་། ཐ་མའོ།། རབ་ལ་བདུན་ཏེ།། རབ་ཀྱི་ཐ་མ་དང་། རབ་ཀྱི་འབྲིང་། རབ་ཀྱི་རབ་དང་། རབ་ཀྱི་ཕུལ་དང་། རབ་ཀྱི་མཆོག་དང་།
་རབ་ཀྱི་རྩེ་མོ་དང་། རབ་ཀྱི་མཐར་ཕྱིན་པའོ།། དེ་ནི་རབ་ཀྱི་དབྱེ་བ་ཡིན་ནོ། དེ་ཡང་མཐོང་ཚུལ་རེ། ཡེ་ཤེས་ཀྱི་སྣང་བ་སྐྱེ་ཚུལ་རེ། རྟོག་པའི་ཚད་རེ། སྣང་བའི་སྐྱེས་ཚུལ་རེ། གོ་བའི་སྐྱེས་ཚུལ་རེ། ཤེས་པས
་བརྟགས་ལུགས་རེ་ཤར་ནས་རང་རང་གིས་སྣང་བ་ལ་བརྟན་པ་ཐོབ་པའོ།། འབྲིང་ལ་ཡང་བདུན་ཏེ། འབྲིང་གི་ཐ་མ་དང་། འབྲིང་གི་འབྲིང་དང་། འབྲིང་གི་རབ་དང་།། འབྲིང་གི་ཕུལ་དང་། འབྲིང་གི་མཆོག་དང་།
་འབྲིང་གི་རྩེ་མོ་དང་། འབྲིང་གི་མཐར་ཕྱིན་པའོ།། དེ་ལ་ཡང་ཡེ་ཤེས་སྐྱེ་བའི་ཚད་རེ་འབྱུང་ངོ་།། དེ་ནི་དབང་པོ་འབྲིང་གི་ཡིན་ནོ།། ཐ་མ་ལ་ཡང་བདུན་ཏེ། ཐ་མའི་ཐ་མ་དང་། ཐ་མའི་འབྲིང་དང་། ཐ་མའི་རབ
་དང་། ཐ་མའི་མཆོག་དང་། ཐ་མའི་ཕུལ་དང་། ཐ་མའི་རྩེ་མོ་དང་། ཐ་མའི་མཐར་ཕྱིན་པའོ།། དེ་ཡང་དབང་པོ་རབ་ལ་སྐད་ཅིག་མ་གསུམ་ལ་འཚང་རྒྱ་ནས་སྤྲུལ་པ་རང་བཞིན་དུ་འབྱུང་ངོ་།། དེ་ཡང་སྐད་ཅིག་མ
་གཅིག་ལ་ཚོམ་བུའི་སྣང་བ་འགགས། སྐད་ཅིག་མ་གཅིག་ལ་ལྷུན་གྲུབ་ཀྱི་སྣང་བ་སྐྱེ། སྐད་ཅིག་མ་གཅིག་ལ་ཀ་དག་གི་བདེན་པ་མཐོང་། དེ་ཡང་སྤྲུལ་པ་ནི། ཀ་དག་གི་ས་ནས་མི་འགྱེད་དེ། ལམ་དུ་དབང་ཐམས
་ཅད་ཀྱི་དེ་བཞིན་ཉིད་ཐོབ་ནས། དཔེར་ན་སྐར་མདའ་ནམ་མཁའ་ལ་རྒྱུག་པའི་ཚུལ་ཏེ། སྐར་མདའ་དེ་ལས་འོད་འཕྲོས་པ་དང་འདྲ་བར་སྤྲུལ་པ་བཀྱེས་ནས་འགྲོ་བའི་དོན་བྱེད་དོ།། དོན་བྱེད་ནི་ཞག་གསུམ་ནས
་ནུས་སོ།། དབང་པོ་རབ་ཀྱི་རྩེ་མོ་ནི། ཞག་གཅིག་པར་དོར་སྡོད་དེ། དེ་ཡང་ཡེ་ཤེས་བཞི་སྦྱོར་གྱི་སྣང་བ་ལ་རང་གི་སྣང་བ་ཐོབ་སྟེ། དེ་ཡང་བདག་གི་མིག་ནས་ཡེ་ཤེས་ཀྱི་མི་གཉིས་སྣང་བ་བྱུང་ནས། མཚོན་ཆར
་བབས་པ་དེ་ཀུན་ཚིག་ནས། སྣང་བ་འགག་པ་མེད་པར་ཤར་ནས། དེ་ལ་རང་གི་ཤེས་པ་སད་ནས། རང་གི་ཡུལ་མཐོང་སྟེ། ལྷུན་གྲུབ་ཀྱི་ས་ལ་ངེས་པ་རྙེད་ནས། ཡང་སྐར་མདའ་ལྟ་བུར་ཤེས་པར་བྱའོ།། དབང་པོ
་རབ་ཀྱི་མཆོག་ནི་ཞག་གཉིས་ནས་འཚང་རྒྱ་སྟེ། དེ་ཡང་ཚོམ་བུའི་སྣང་བ་ལ་ཞག་གཅིག་སྡོད་དེ། དེ་ཡང་རང་གི་ཐུགས་ཀ་ནས་ཡེ་ཤེས་ཀྱི་ཉི་མ་གཅིག་འཆར་ཏེ། དེ་ལས་འོད་ཟེར་ཕྱོགས་བཅུར
་འཕྲོས། དེ་ལས་འོད་ཟེར་གྱི་རྩེ་མོ་རེ་རེ་ལ་དེ་བཞིན་གཤེགས་པའི་སྐུ་རེ་རེ་འཆར་རོ།། དེ་ནས་སྣང་བའི་སྤྱོད་ཡུལ་ཐམས་ཅད་སྐུའི་རང་བཞིན་དུ་མཐོང་ངོ་།། དེ་ནས་ཡང་ལྷུན་གྲུབ་ཀྱི་སྣང་བ་ཡང་ངེས་པ་རྙེད་ནས།
་སྤྲུལ་པ་ཞག་བདུན་ནས་དོན་བྱེད་དུས་སོ།། ཡང་སྐར་མདའ་བཞིན་ནོ།། རབ་ཀྱི་ཕུལ་ནི་ཞག་གསུམ་གྱིས་བར་དོ་ལ་སྡོད་དོ།། དེ་ཡང་ཚོམ་བུ་ལ་ཞག་གཅིག་སྡོད་དོ།། དེ་ལ་ཡང་ངེས་པ་མ་རྙེད་པར་ཡེ་ཤེས་ཀྱི་སྣང
་བ་ལ་རང་གི་སྣང་བ་ཆ་གཅིག་འཆར་རོ།། དེར་ཡང་ཞག་གཉིས་སྡོད་དོ།། ཞག་དང་པོར་འོད་མཐོང་ངོ་།། ཞག་གཉིས་པ་ལ་སྐུ་མཐོང་ངོ་།། སྐུ་དེ་ཡང་ཆེ་བ་རགས་པ་མཐོང་ངོ་།། དེ་ལ་ཡིད་ཆེས་ནས་ལྷུན་གྲུབ
་ཀྱི་ས་ལ་ངེས་པ་རྙེད་དོ།། དེ་ཡང་སྐར་མདའ་ལྟར་ཤེས་པར་བྱའོ།། སྤྲུལ་པ་ཡང་ཞག་བཅུ་གཅིག་ནས་དོན་བྱེད་ནུས་སོ། རབ་ཀྱི་རབ་ནི། ཞག་བཞི་བར་དོ་ལ་སྡོད་དེ། དེ་ཡང་རང་གི་མདུན་ན་ཚོམ་བུ་ལྔ་བཀྲ་ས་ལེ
་འདུག་པ་མཐོང་ནས། དེ་ལ་རང་གི་བག་ཆགས་སད་ནས། ཤར་ཕྱོགས་ཀྱི་ཚོམ་བུ་ལ་ཞག་གཅིག་སྡོད་དོ།། དེ་བཞིན་དུ་ཕྱོགས་བཞིའི་ཚོམ་བུ་ལ་ཞག་རེ་རེ་སྡོད་དོ།། དེ་ནས་ཡང་ལྷུན་གྲུབ་ལ་ངེས་པ་རྙེད་ནས་འཚང
་རྒྱའོ།། སྤྲུལ་པ་ཡང་ཞག་བཅུ་བཞི་ནས་དོན་བྱེད་ནུས་སོ།། དབང་པོ་རབ་ཀྱི་འབྲིང་ནི། ཞག་ལྔ་ནས་མཐོང་ངོ་།། དེ་ཡང་འདི་ལྟ་སྟེ། ཞག་བཞི་ཚོམ་བུ་ལ་སྡོད་དོ།། ཞག་གཅིག་ཡེ་ཤེས་ཀྱི་སྣང་བ་ལ་སྡོད་དོ།། དེ་ཡང
་རང་གི་ཐུགས་ཀ་ནས་འོད་ཟེར་རྟ་རྔ་ཙམ་གཅིག་བྱུང་སྟེ།། དེ་ཡང་ནམ་མཁའི་ཁམས་སུ་འགྲེང་བུར་འོང་ངོ་།། དེ་ལ་རང་གི་མིག་མ་ཡེངས་པར་བཟུང་ནས་བལྟས་པས། ནམ་མཁའི་དཀྱིལ་ནས་ཚོམ་བུ་ཆེན་པོ
་གཅིག་བཀྲ་ས་ལེ་བ་དེ་མཐོང་ནས། དེ་ལ་ཡིད་ཆེས་རབ་ཏུ་སྐྱེས་ནས། རང་གི་ཡིན་སྙམ་པའི་ཤེས་པ་གཅིག་བྱུང་བས། ཡིད་ཆེས་པས་མ་པང་དུ་བུ་འཇུག་པའི་གདམས་ངག་ཅེས་བྱའོ།། དེ་ནས་དེ་ལ་རང་གི་རིག་པ
་རིམ་གྱིས་ཐིམ་པ་ནི། མི་འགྱུར་བ་གསེར་གྱི་ཐུར་མ་ལྟ་བུའི་གདམས་ངག་གོ། དེ་ལ་ཡང་མི་གནས་པ་ཀ་དག་གི་ས་ལ་ཐིམ་པ་ནི། ཕྱིར་མི་ལྡོག་པ་དཔག་ཆེན་གྱི་མདའ་ལྟ་བུའི་མན་ངག་ཅེས་བྱའོ།། སྤྲུལ་པ་ཡང
་ཞག་ཉི་ཤུ་རྩ་གཅིག་ནས་དོན་བྱེད་ནུས་སོ།། དབང་པོ་རབ་ཀྱི་ཐ་མ་ནི་ཞག་དྲུག་ཐོགས་ཏེ། དེ་ཡང་ཚོམ་བུ་ལ་ཞག་བཞི་ཐོགས་སོ།། ཡེ་ཤེས་ཀྱི་སྣང་བ་དང་པོ་ཆོས་ཀྱི་དབྱིངས་ལ་ཞག་གཅིག་ཐོགས་སོ།། དེ་བཞིན་དུ
་མེ་ལོང་ལྟ་བུ་ལ་ཞག་གཅིག་ཐོགས་ཏེ། དེ་ནས་ཡང་རང་གི་མིག་གཉིས་ནས། ཡེ་ཤེས་ཀྱི་མེ་ལོང་གསལ་བ་གཉིས་ལྷག་གིས་འཆར་ཏེ། དེ་ལ་སྣང་བ་དཔག་ཏུ་མེད་པ་སྤྲོས་ནས། གཅིག་རང་གི་སྟེང་དུ་ཚོམ་བུ
་གཅིག་ཏུ་མཐོང་སྟེ། གཅིག་རང་གི་མདུན་དུ་ཡང་ཆོམ་བུ་གཅིག་ཏུ་མཐོང་ངོ་།། དེ་ནས་ངེས་པ་ཐོབ་ནས་འཆང་རྒྱའོ།། སྤྲུལ་པ་ཡང་ཞག་ཉི་ཤུ་རྩ་ལྔ་ནས་དོན་བྱེད་ནུས་སོ།། བྷཿམ་ནས་གནས་པམན
་པའི་ཡེ་ཤེས། ཧུཿདྷཱ་ཡང་འདུག། དྷཱ་ལས་འདས་པའི་སྣང་བ་ཡུལ་ཤེས་པ་དུས་གཅིག་ཏུ་མི་གནས་པའོ། ཨཿའདི་ལ། ཨ་ཤོཿཔ་ད་ནིཿདང་ཨ་ཤོ་པད་ནིཿདང་ཨ་ཤོ་པ་ད་ནིཿདང་ཨཿཤོ་ཡ་ཏ་ནིཿདང་ཨཿཤོ་ཡཿཏ་ནིཿསྣ་ཚོགས་འབྱུང་། རྟག་པའི་ཕྱོགས་ཡངས་ཤིང་བྱར་མེད
་པའི་སྣང་བའོ།། ཤོ་པ་ད་ནིཿཀ་ཡ་དྷཿཔི་ཡ་དུཿཔ་ཡ་ཨཿདེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ། ཀྱེ་ཀྱེ་སྟོན་པ་ཆེན་པོ། དབང་པོ་འབྲིང་གི་གྲོལ་ལུགས་གསུང་དུ་གསོལ། སྟོན་པས་ལུང་བསྟན
་དུ་གསོལ། ཞེས་ཞུས་སོ།། ཡང་སྟོན་པས་བཀའ་སྩལ་པ། གསང་བའི་བདག་པོ་ཉོན་ཅིག་ངས་ལེགས་པར་བསྟན་གྱིས། མ་ཡེངས་པར་ཉོན་ཅིག་དེ་ཡང་འདི་ལྟ་སྟེ། འབྲིང་གི་ངེས་པ་འཇོག་པ་ནི། ཞག་བདུན་ནས
་ངེས་པ་རྙེད་དོ།། དེ་ཡང་ཞག་ལྔ་ཚོམ་བུའི་སྣང་བ་ལ་སྡོད་དོ།། ཞག་གཅིག་ཆོས་ཀྱི་དབྱིངས་ལ་སྡོད་དོ།། ཞག་གཅིག་མེ་ལོང་གི་ཡེ་ཤེས་ལ་སྡོད་དོ།། དེ་ཡང་རང་གི་ཐུགས་ཀ་ནས་སྐྲ་གཅིག་ཤར་བྱུང་བ་དེ་ལ་སྐ
་གྲངས་མེད་པ་འཕྲོས་པས་དེ་ལས་རང་གི་ཤེས་པ་སད་དེ། སྟོབས་སུ་གྱུར་ནས་ཡང་སྐར་མདའ་ལྟ་བུའོ།། སྤྲུལ་པ་ཡང་ཞག་ཉི་ཤུ་རྩ་དྲུག་ནས་དོན་བྱེད་ནུས་སོ།། དབང་པོ་འབྲིང་གི་རྩེ་མོ་ནི། ཞག་བརྒྱད་ཐོགས་ཏེ།
་ཡང་ཚོམ་བུ་ལ་ཞག་ལྔ་ཐོགས་སོ།། ཡེ་ཤེས་བཞིའི་སྣང་བ་ལ་ཞག་གསུམ་བསྡད་ནས། ཡང་རང་གི་སྟེང་ནས་ཡེ་ཤེས་ཀྱི་སྐུ་སྣ་ཚོགས་སུ་འཕྲོ་བ་གཅིག་མཐོང་བས་དེ་ལ་ངེས་པ་རྙེད་ནས། དེ་ཡང་སྐར་མདའ་ལྟ
་བུའོ།། སྤྲུལ་པ་ཡང་ཞག་ཉི་ཤུ་རྩ་བདུན་ནས་དོན་བྱེད་ནུས་སོ།། འབྲིང་གི་མཆོག་ནི་ཞག་དགུ་ཐོགས་ཏེ། དེ་ཡང་ཚོམ་བུ་ལ་ཞག་ལྔ་ཐོགས་སོ།། ཡེ་ཤེས་ལ་ཞག་བཞི་ཐོགས་སོ།། དེ་ནས་ཡང་ངེས་པ་རྙེད་དོ།། ཅིར
་སྣང་ཐམས་ཅད་མེ་ལོང་ལྟ་བུར་རྟོགས་ཤིང་མཐོང་ནས་བདེན་པ་འཐོབ་བོ།། སྤྲུལ་པ་ཡང་ཞག་སུམ་ཅུ་ནས་དོན་བྱེད་ནུས་སོ།། འབྲིང་གི་ཕུལ་ནི་ཞག་བཅུ་ཐོགས་ཏེ།། དེ་ཡང་ཚོམ་བུ་ལྔ་ལ་ཞག་ལྔ། ཡེ་ཤེས་ཀྱི་སྣང
་བ་ལ་ཞག་བཞི་ཐོགས་སོ།། ལྷུན་གྲུབ་ཀྱི་སྣང་བ་ལ་ཞག་གཅིག་ཐོགས་ནས། དེ་ཡང་སྐུ་དེ་དག་ཐམས་ཅད་གཉིས་མེད་དུ་རྟོགས་ནས་སངས་རྒྱས་སོ།། སྤྲུལ་པ་ཡང་ཞག་གསུམ་ཅུ་རྩ་གཅིག་ནས་དོན་བྱེད་ནུས
་སོ།། འབྲིང་གི་རབ་ནི་ཞག་བཅུ་གཅིག་ཐོགས་ཏེ། ཡང་ཚོམ་བུ་ལ་ཞག་ལྔ། ཡེ་ཤེས་ལ་ཡང་ཞག་ལྔ། ལྷུན་གྲུབ་ལ་ཞག་གཅིག་སྟེ་དེ་ནས་ཡང་ངེས་པ་རྙེད་ནས། སྣང་བ་ཐམས་ཅད་འོད་དང་འོད་ཀྱི་ཁྱིམ་དུ་མཐོང
་ནས། ངེས་པ་རྙེད་དོ།། སྤྲུལ་པ་ཡང་ཞག་སུམ་ཅུ་རྩ་བཞི་ནས་དོན་བྱེད་ནུས་སོ།། འབྲིང་གི་འབྲིང་ནི། ཞག་བཅུ་གཉིས་ཐོགས་ཏེ། ཡང་ཚོམ་བུ་ལ་ཞག་ལྔ། ལོངས་སྐུ་ཁྲོ་བོའི་ཞིང་ཁམས་སུ་ཞག་གཅིག་ཡེ་ཤེས་ཀྱི
་སྣང་བ་ལ་ཞག་ལྔ། ལྷུན་གྲུབ་ཀྱི་སྣང་བ་ལ་ཞག་གཅིག་གནས་ནས་ངེས་པ་རྙེད་ནས་བརྟན་པ་ཐོབ་བོ།། སྤྲུལ་པ་ཡང་ཞག་སུམ་ཅུ་རྩ་བདུན་ནས་དོན་བྱེད་ནུས་སོ།། འབྲིང་གི་ཐ་མ་ནི་ཞག་བཅུ
་གསུམ་ཐོགས་ཏེ། དེ་ཡང་ཚོམ་བུ་གོང་འོག་ལ་ཞག་དྲུག། ཡེ་ཤེས་ལ་ལྔ། ལྷུན་གྲུབ་ལ་ཞག་གཉིས་གནས་པས། ཡང་ཅིར་སྣང་མར་མེའི་དཀྱིལ་འཁོར་ལྟར་མཐོང་ནས་ངེས་པ་རྙེད་དོ།། སྤྲུལ་པ་ཡང་ཞག་སུམ་ཅུ་རྩ
་དགུ་ནས་དོན་བྱེད་ནུས་སོ།། བྷ་དོན་གཅིག་གི་རིག་པ། དྷཱ། ཤེས་རབ་ཀྱི་རིག་པ། སིང་། གཞི་ལས། ཁུ་བ་སཿའདི་ཡང་ལུ་པ་ཡ་དང་། དྷ་པ་ཡཿདག་བྱུང་། གསེར་དུ་སྣང་བ། ཨཿསྐྱེ་བ་མེད། དེ་ནས་ཡང་གསང་བའི་བདག་པོས་འདི་སྐད་ཅེས
་གསོལ་ཏོ།། ཀྱེ་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ་དབང་པོ་ཐ་མའི་གྲོལ་ལུགས་གསུང་དུ་གསོལ། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་གསང་བའི་བདག་པོ་ཉོན་ཅིག་དབང་པོ་ཐ་མའི་གྲོལ
་ལུགས་ནི་འདི་ལྟ་སྟེ། དེ་ཡང་ཐ་མའི་ས་ཟིན་པ་ནི། ཞག་བཅུ་བཞི་ཐོགས། དེ་ཡང་ཚོམ་བུ་གོང་འོག་ལ་དྲུག་ཡེ་ཤེས་ལ་ལྔ། ལྷུན་གྲུབ་ལ་གསུམ་ཐོགས་པའི་ཐ་མ་ལ་རང་གི་སྣང་བར་མཐོང་ནས་ཡང་འཚང
་རྒྱའོ།། སྤྲུལ་པ་ཡང་ཞག་བཞི་བཅུ་ནས་དོན་བྱེད་ནུས་སོ།། ཐ་མའི་རྩེ་མོ་ནི་ཞག་བཅོ་ལྔ་ཐོགས་ཏེ། ཡང་ཚོམ་བུ་དང་ཡེ་ཤེས་གོང་བཞིན་ནོ།། ལྷུན་གྲུབ་ལ་ཞག་བཞི་གནས་པའི་ཐ་མ་ཡང་རང་གི་སྣང་བར་མཐོང
་ནས་ཡང་བརྟན་པ་ཐོབ་བོ།། སྤྲུལ་པ་ཡང་བཞི་བཅུ་ཞེ་གསུམ་ནས་དོན་བྱེད་ནུས་སོ།། ཐ་མའི་མཆོག་ནི་ཞག་བཅུ་དྲུག་ཐོགས་ཏེ། ཚོམ་བུ་དང་ཡེ་ཤེས་ལ་གོང་བཞིན་ནོ།། ལྷུན་གྲུབ་ལ་ཞག་ལྔ་གནས་པའི་ཐ་མ་ཡང
་རང་གི་སྣང་བ་མཐོང་ནས་བརྟན་པ་ཐོབ་པོ།། སྤྲུལ་པ་ཡང་ཞག་ཞེ་དྲུག་ནས་དོན་བྱེད་ནུས་སོ།། ཐ་མའི་ཕུལ་ནི། ཞག་བཅུ་བདུན་ཐོགས་ཏེ། ཚོམ་བུ་དང་ཡེ་ཤེས་ཀྱང་གོང་བཞིན་ནོ།། ལྷུན་གྲུབ་ལ་ཞག་དྲུག་གནས
་པའི་ཐ་མ་ཡང་རང་གི་སྣང་བ་མཐོང་ནས་བརྟན་པ་ཐོབ་བོ།། སྤྲུལ་པ་ཡང་ཞག་བཞི་བཅུ་ཞེ་བདུན་ནས་དོན་བྱེད་ནུས་སོ།། ཐ་མའི་རབ་ཞག་བཅོ་བརྒྱད་ཐོགས་ཏེ། ཡང་ཚོམ་བུ་ལ་ཞག་དྲུག་ཐོགས་སོ།། ཡེ་ཤེས་ལ
་ཞག་བརྒྱད། ལྷུན་གྲུབ་ལ་ཞག་བཞི་གནས་པའི་ཐ་མ་རང་གི་སྣང་བར་མཐོང་ནས་བརྟན་པ་ཐོབ་བོ།། སྤྲུལ་པ་ཡང་ཞག་ལྔ་བཅུ་ནས་དོན་བྱེད་ནུས་སོ།། ཐ་མའི་འབྲིང་ནི། ཞག་བཅུ་དགུ་ཐོགས་ཏེ། ཡང་ཚོམ་བུ་ལ
་ཡང་ཞག་བཅུ་གཉིས་ཐོགས་སོ།། ཡེ་ཤེས་ལ་བཞི་གནས་སོ།། ལྷུན་གྲུབ་ལ་ཞག་གསུམ་གནས་པའི་ཐ་མ་རང་གི་སྣང་བ་ལ་བདེན་པ་མཐོང་ནས་བརྟན་པ་ཐོབ་བོ།། སེམས་ཅན་གྱི་དབང་པོ་དེ་རྣམས་ཀུན་སངས
་རྒྱས་ཀྱི་ས་ནོན་པའོ།། བར་དོ་དེ་རྣམས་ཀྱང་དཔེར་ན་རྨི་ལམ་ལྟ་བུའོ།། དབང་པོ་ཐ་མའི་ཐ་མ་ནི། ཞག་ཉི་ཤུ་ལ་གནས་ནས། དེ་ཡང་ལྷུན་གྲུབ་ཀྱི་སྣང་བར་ལམ་བྱུང་ནས། མ་དག་པ་འཁོར་བའི་སྒོར་ལམ་བྱུང་ནས།
་ཕྱོགས་བཅུར་སྤྲུལ་པའི་ཞིང་ཁམས་སུ་གནས་ནས། བར་དོ་མེད་པར་ཡང་དག་པར་འཚང་རྒྱའོ།། དེ་ནས་ཡང་སེམས་ཅན་གྱི་བློ་བསམ་གྱིས་མི་ཁྱབ་ཀྱང་། བསྡུ་ན་ཉི་ཤུ་རྩ་གཅིག་ཏུ་འདུས་སོ།། དེ
་བཞིན་དུ་སེམས་ཅན་ཀུན་གྱིས་རང་རྒྱུད་གྲོལ་བར་གྱིས་ཤིག་ཅེས་རིག་པ་རང་ཤར་ཆེན་པོའི་རྒྱུད་ལས། དབང་པོའི་བྱེ་བྲག་བསྟན་པའི་ལེའུ་སྟེ་དྲུག་ཅུ་རེ་བཞི་པའོ།། །། དེ་ནས་ཡང་གསང་བའི
་བདག་པོ་ལ་ཕྱོགས་བཅུའི་དེ་བཞིན་གཤེགས་པ་རྣམས་ཀྱིས་ལུང་བསྟན་པ་འདི་ཡང་དག་པར་བཀའ་འགྲོ་བ་མཛད་དོ།། དེ་ནས་དེ་བཞིན་གཤེགས་པ་ཐམས་ཅད་མདུན་གྱི་ནམ་མཁའ་ལ་ལྷགས་ནས་འདི་སྐད་ཅེས
་བཀའ་སྩལ་ཏོ།། ཀྱེ་རྒྱལ་བའི་སྲས་སུ་གྱུར་བའི་རིགས་ཕྱག་ན་རྡོ་རྗེ་ཁྱོད་ཉོན་ཅིག་ངས་ཁྱོད་ལ་ལུང་བསྟན་གྱིས་ལེགས་པར་མ་ཡེངས་པར་ཉོན་ཅིག། ལེགས་པ་ཐམས་ཅད་ཀྱི་གཞི་མ་མཆོག་ཏུ་གྱུར་པ་ཞེས་བྱ་བ
་ཞིང་ཁམས་སུ། སངས་རྒྱས་སྟོང་གི་གཙུག་ཕུད་ཀྱི་རྒྱལ་པོ་ཞེས་བྱ་བའི་ཉེ་གནས་སུ་ཁྱོད་གྱུར་ནས། གསང་སྔགས་ཀྱི་ཆོས་ཆེན་པོ་འདི་རྒྱས་པར་བྱེད་དོ། དེ་ནས་དེ་བཞིན་གཤེགས་པ་འོད་ཟེར་ཀུན་ཏུ་མཐའ
་ཡས་པ་ཞེས་བྱ་བས་ལུང་བསྟན་པ། རིགས་ཀྱི་བུ་ཁྱོད་ཉོན་ཅིག། ཁྱོད་ལ་ཡེ་ཤེས་ཀྱི་སྣང་བ་ལྔ་ལྷག་པར་འཆར་རོ།། དེའི་དུས་སུ་རང་གི་དེ་ཉིད་ངོ་ཤེས་པར་གྱིས་ཤིག། རིགས་ཀྱི་བུ་རྟོགས་པ་ལམ་དུ་ཁྱེར་བའི་དུས
་སུ། འཁྲུལ་པའི་སྣང་བ་ཟིལ་གྱིས་ནོན་པར་གྱིས་ཤིག་ཡང་དག་པའི་ཤེས་པ་སད་པའི་དུས་སུ། སྟོབས་དང་མི་འཇིགས་པ་ལ་གདེང་ཆུད་པར་གྱིས་ཤིག། སངས་རྒྱས་ཀྱི་ལམ་ལྔ་ཉམས་སུ་ལོངས་པར་གྱིས་ཤིག་ཅེས
་ལུང་བསྟན་པས། གསང་བའི་བདག་པོ་ཕྱིའི་ཆོས་ལ་བཟོད་པ་ཐོབ་པོ།། དེ་ནས་ཡང་དེ་བཞིན་གཤེགས་པ་མེ་འོད་ཆུའི་རྒྱལ་པོ་ཞེས་བྱ་བས་ལུང་བསྟན་པ། ཀྱེ་རིགས་ཀྱི་བུ། སངས་རྒྱས་ཀྱི་བདེན་པ་མཐོང་བའི་དུས
་སུ། སྤྱན་ལྔ་ལ་མཁས་པར་གྱིས་ཤིག་ཕྱི་ནང་གི་དྲོད་སྐྱེ་བའི་དུས་སུ་ཞིང་ཁམས་རྣམ་པར་དག་པ་རྣམས་མཐོང་བར་གྱིས་ཤིག། རིག་པས་སེམས་བཅོམ་པའི་དུས་སུ། ནམ་མཁའ་རྣམ་པར་དག་པ་ངོ་ཤེས་པར་གྱིས
་ཤིག་ཡང་དག་པའི་སྟོབས་སྐྱེས་པའི་དུས་སུ་རྟགས་ངོ་ཤེས་པར་གྱིས་ཤིག། རང་གི་རིག་པ་ཕྱོགས་མེད་དུ་ཤར་བའི་དུས་སུ། དོན་ངོ་ཤེས་པར་གྱིས་ཤིག། རོལ་པ་སྣ་ཚོགས་སུ་སྣང་བའི་དུས་སུ། དཔེ་ངོ་ཤེས་པར
་གྱིས་ཤིག་ཅེས་ལུང་བསྟན་པས། གསང་བའི་བདག་པོས་ནང་གི་ཆོས་ལ་བཟོད་པ་ཐོབ་བོ།། དེ་ནས་ཡང་དེ་བཞིན་གཤེགས་པ་རྡོ་རྗེ་གཙུག་ཕུད་ཀྱིས་འདི་སྐད་ཅེས་ལུང་བསྟན་ཏོ།། ཀྱེ་རིགས་ཀྱི་བུ་ཡང་དག་པའི
་ཤེས་པ་སྐྱེས་པའི་དུས་སུ་གཞོན་ནུ་བུམ་པའི་སྐུ་ངོ་ཤེས་པར་གྱིས་ཤིག། རིག་པ་རང་སར་དག་པའི་དུས་སུ། མཁར་གཞོང་ནང་གི་བཅུད་ངོ་ཤེས་པར་གྱིས་ཤིག་རྟོག་པ་འཛིན་པའི་སེམས་དང་བྲལ་བའི་དུས་སུ། མེ
་ལོང་གཉིས་ངོ་ཤེས་པ་གྱིས་ཤིག་ལྟ་བ་ལ་བཟླ་བའི་དུས་སུ། རྒུད་ཀྱི་རྒྱལ་པོ་འདི་ངོ་ཤེས་པར་གྱིས་ཤིག། བསྒོམ་པ་ཀློང་རྡོལ་བའི་དུས་སུ། སྒྲོན་མའི་ཚད་ངོ་ཤེས་པར་གྱིས་ཤིག་སྤྱོད་པ་གཏིང་རྡོལ
་བའི་དུས་སུ། མན་ཤེལ་གྱི་དཀྱིལ་འཁོར་ངོ་ཤེས་པར་གྱིས་ཤིག་ཅེས་ལུང་བསྟན་པས། གསང་བའི་བདག་པོས་ཆོས་ཐམས་ཅད་ཀྱི་མིག་རྙེད་དོ།། དེ་ནས་ཡང་དེ་བཞིན་གཤེགས་པ་རྒྱན་དམ་པ་ཞེས་བྱ་བ་དེས་ལུང
་བསྟན་པ། ཀྱེ་རིགས་ཀྱི་བུ་ལེགས་པར་ཡིད་ལ་ཟུང་ཞིག་སངས་རྒྱས་ཀྱི་དགོངས་པ་ཀློང་དུ་གྱུར་པའི་དུས་ན། གཟུགས་སྐུ་ངོ་ཤེས་པར་གྱིས་ཤིག་རང་གི་སྣང་བ་ཡུལ་ལ་ལྷུག་པར་ཤར་ཙམ་ན། རྩ་བཞི་བཟློག་པ་ངོ
་ཤེས་པར་གྱིས་ཤིག་བར་དོ་གཉིས་པ་ལ་འོད་མཚོན་ཆ་ལྟ་བུར་ཤར་ཙམ་ན་ཉི་མའི་ཟེར་ངོ་ཤེས་པར་གྱིས་ཤིག་རྣམ་རྟོག་མེད་པའི་རིག་པ་མཁའ་ལ་གསལ་བའི་དུས་ན། ཚོམ་བུའི་དེ་བཞིན་ཉིད་ངོ་ཤེས་པར་གྱིས
་ཤིག་དེ་བཞིན་དུ་རང་གི་དཀྱིལ་འཁོར་ལྔ་ངོ་ཤེས་པར་གྱིས་ཤིག་ཅེས་ལུང་བསྟན་པས། གསང་བའི་བདག་པོས་ཚོམ་བུའི་སྣང་བ་མཐོང་ངོ་།། དེ་ནས་ཡང་དེ་བཞིན་གཤེགས་པ་འོད་ཀྱི་དགོངས་པ་ལས་མི་འདའ
་བའི་གཟི་བརྗིད་ཀྱི་རྒྱལ་པོས་འདི་སྐད་ཅེས་ལུང་བསྟན་ཏོ།། ཀྱེ་རིགས་ཀྱི་བུ་སེམས་མེད་པའི་རིག་པ་ངོ་ཤེས་པར་གྱིས་ཤིག་ཡིད་དང་བྲལ་བའི་ཤེས་རབ་ངོ་ཤེས་པར་གྱིས་ཤིག་དབུགས་དང་བྲལ་བའི་སྐུ་ངོ་ཤེས
་པར་གྱིས་ཤིག་འཛིན་པ་དང་བྲལ་བའི་རང་གྲོལ་ངོ་ཤེས་པར་གྱིས་ཤིག་རྟོག་པ་དང་བྲལ་བའི་འོད་སྣང་ངོ་ཤེས་པར་གྱིས་ཤིག་འབྱུང་བ་དང་བྲལ་བའི་ཡེ་གདངས་ངོ་ཤེས་པར་གྱིས་ཤིག་བག་ཆགས་ལས་འདས
་པའི་རིག་པ་ངོ་ཤེས་པར་གྱིས་ཤིག་རྒྱུ་མེད་པའི་འབྲས་བུ་ངོ་ཤེས་པར་གྱིས་ཤིག་དུས་དང་བྲལ་བའི་རང་གདངས་ངོ་ཤེས་པར་གྱིས་ཤིག། སངས་རྒྱས་མེད་པའི་སེམས་ཅན་ངོ་ཤེས་པར་གྱིས་ཤིག་དབང་རང་བྱུང་གི
་དཀྱིལ་འཁོར་ངོ་ཤེས་པར་གྱིས་ཤིག་ཅེས་ལུང་བསྟན་པས། གསང་བའི་བདག་པོས་གཞིའི་དབང་གི་བདེན་པ་མཐོང་ངོ་།། དེ་ནས་ཡང་དེ་བཞིན་གཤེགས་པ་མར་མེ་མཛད་ཆེན་པོས་འདི་སྐད་ཅེས་ལུང་བསྟན་ཏོ།།
་ཀྱེ་རིགས་ཀྱི་བུ་ངས་དོན་མ་ནོར་བར་བསྟན་གྱིས། ལེགས་པར་ཉོན་ཅིག་སྐྱེ་བ་མེད་པའི་ཚད་འཆི་བ་མེད་པ་ལ་ཟུང་ཞིག་འགག་པ་མེད་པའི་ཚད་སྣ་ཚོགས་འཆར་བའི་ཕྱིར་ཟུང་ཞིག་འགྱུར་བ་མེད་པའི་ཚད་གཏིང
་ཟབ་པས་ཟུང་ཞིག་ཡངས་པའི་ཚད་མཐའ་དབུས་མེད་པས་ཟུང་ཞིག་དགོངས་པའི་ཚད་མ་ཡེངས་པས་ཟུང་ཞིག་ཏིང་ངེ་འཛིན་གྱི་ཚད་བཏང་བཞག་མེད་པས་ཟུང་ཞིག་མ་བཅོས་པའི་ཚད་སྐྱོན་མེད་པས་ཟུང་ཞིག
་རྟོགས་པ་ལམ་དུ་ཁྱེར་བའི་ཚད་འཆར་ནུབ་མེད་པས་ཟུང་ཞིག་གདམས་ངག་ཐོབ་པའི་ཚད་སྣང་བ་ཟད་པས་ཟུང་ཞིག་ཅེས་ལུང་བསྟན་པས། གསང་བའི་བདག་པོས་ཤེས་རབ་ཆེན་པོའི་དོན་ཐམས་ཅད་ཐུགས་སུ
་ཆུད་དོ།། དེ་ནས་ཡང་དེ་བཞིན་གཤེགས་པ་ཐམས་ཅད་ཀྱིས་དགོངས་པའི་ཚད་གསུངས་པ། ཨེ་མ་ཧོ། གསང་བའི་བདག་པོ་ཉོན།། སངས་རྒྱས་ཀུན་གྱིས་དགོངས་པ་ནི། སེམས་ཅན་ཀུན་གྱི་ལམ་ལ
་གནས།། རྣམ་དག་དོན་སྤྱོད་དགོངས་པ་ནི།། ཐུན་དང་མཚམས་མེད་གཅིག་པུ་ཉིད།། གཞན་ལ་བརྟེན་པ་མ་ཡིན་ནོ།། གཞན་ལ་བརྟེན་ན་རྩོལ་བར་འགྱུར།། ཉོན་ཅིག་སངས་རྒྱས་དགོངས་པ་ནི། བྱ་དང་བྱེད་པའི
་ཆོས་དང་བྲལ།། བྱ་བྱེད་སྤངས་ན་བདེ་བ་རྙེད།། བདེ་བ་རྙེད་པའི་གང་ཟག་དེ།། ཡང་དག་ས་ལ་ལྷུན་གྲུབ་རྙེད།། དེ་ནི་དགོངས་པའི་ཚད་མ་ཡིན།། ཆོས་རྣམས་ཀུན་གྱི་དགོངས་པ་ནི།། རང་དག་རང་གྲོལ་ཆེན
་པོའོ།། དགོངས་དང་མི་དགོངས་ཚིག་གི་ལམ།། ཚིག་ལྡན་ལ་ཡང་བདེ་བ་མེད།། ཡང་དག་ཆོས་སྐུ་འགག་པ་མེད།། ཚིག་ལས་འདས་པའི་ཆོས་སྐུའོ།། ཞེས་གསུངས་ནས། མི་སྣང་བའི་ངང་དུ་སེ་གོལ་གཏོགས་པ
་ཙམ་ལ་གཤེགས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། རྗེས་སུ་ལུང་བསྟན་པའི་ལེའུ་སྟེ་དྲུག་ཅུ་རེ་ལྔ་པའོ།། །། དེ་ནས་ཡང་གསང་བའི་བདག་པོའི་ངོ་མཚར་མཆོག་ཏུ་སྐྱེས་འདི་སྐད་ཅེས
་གསོལ་ཏོ།། ཀྱེ་སྟོན་པ་ཐུགས་རྗེ་ཆེན་པོ་དང་ལྡན་པ། བདག་ཅག་མོས་པའི་འཁོར་རྣམས་ལ།། སེམས་ཅན་སྣང་བ་ཇི་ལྟར་དགག་གསུང་དུ་གསོལ། ལུང་བསྟན་དུ་གསོལ། ཞེས་ཞུ་བ་ཞུས་སོ།། དེ་ནས་ཡང་སྟོན
་པས་བཀའ་སྩལ་པ།། ཀྱེ་མོས་པ་བསྐྱེད་པའི་རིགས་ཀྱི་བུ་རྣམས་ཉོན་ཅིག་ངས་མ་ནོར་བར་བསྟན་གྱིས། ལེགས་པར་ཡིད་ལ་ཟུང་ཞིག་ཐབས་ཀྱི་དོན་ལེགས་པར་ཡིད་ལ་ཟུང་ཞིག་ཀྱེ་གྲོགས་པོ་དག་སེམས་ཅན
་རྣམས་དབུགས་འཕོ་བའི་ཚེ། ཕྱི་ཡི་འབྱུང་བ་ལྔ་ནང་གི་འབྱུང་བ་ལྔ་ལ་ཐིམ། ནང་གི་འབྱུང་བ་ལྔ་གསང་བའི་འབྱུང་བ་ལྔ་ལ་ཐིམ། གསང་བའི་འབྱུང་བ་ལྔ་ཡོངས་སུ་རྫོགས་པའི་འབྱུང་བ་ལྔ་ལ་ཐིམ་ནས། ལམ་ཆེན
་པོ་ལ་འཇུག་པའི་ཚེ། འདི་ལྟར་ཤེས་པར་བྱའོ།། དེ་ནས་ནང་གི་འབྱུང་བ་ལྔ་ཕྱི་ལ་ཐིམ་པའི་རྟགས་སུ་འདི་ལྟར་ཤེས་པར་བྱའོ།། ས་ས་སྟོང་པའི་རྩལ་འབྱོངས་ནས་ཡེ་ཤེས་བག་ལ་ཞའོ།། ཡེ་ཤེས་ཀྱི་དངས་མ་རིག་པའི་སྟོབས་ལ་ཞབས་ཡེ
་ཤེས་ལམ་དུ་སྣང་མ་ནུས་སོ།། ལ་ཐིམ།། ཆུ་ཡེ་ཤེས་ཀྱི་བརླན་རིག་པའི་ངང་དུ་ཞབས་ཁ་སྠ་ནས་ཆུ་འདྲ་བ་དེ་ཡང་རིག་པའི་ཡེ་ཤེས་ལ་གསལ་འགྲིབ་མེད་ཀྱང་རྩལ་དུ་སྣང་མ་ནུས་པས་རིག་པ་བག་ལ་ཞའོ་ཆུ་ཐིམ།། མེ་མེ་ཡེ་ནས་རང་གི་རིག་པ་ཤེས་རབ་ཀྱི་ངོ་བོར་གནས
་ཀྱང་དུས་དེར་རླུང་ནང་དུ་ཞུགས་པས་རྩལ་ཕྱིར་སྣང་མ་ནུས་པའོ།། ལ་ཐིམ།། རླུང་རིག་པའི་རྩལ་རྫོགས་པས་ཕུལ་ལ་མི་གནས་པས་ལུས་ཀྱི་སྟོབས་ཤོར་ཡེ་ཤེས་ཀྱི་ཡོན་ཏན་བག་ལ་ཞ་བའི་ཕྱིར་རོ། རླུང་ལ་ཐིམ།། ནམ་མཁའ་རིག་པ་བར་དོ་ལ་ཐིམ་པས་ཡེ་ཤེས་རང་ས་ཟིན
་པའི་དུས་ཏེ། རང་སྣང་རིག་པ་ལ་སྣང་བ་ལ་རྡོས་བཅས་འཆིང་བྱེད་དང་བྲལ་དུ་ཉེ་བའི་ཕྱིར་རོ། ནམ་མཁའ་ལ་ཐིམ་ནས། དེ་ཡང་ས་ས་ལ་ཐིམ་པ་ལ་གཉིས་ཏེ། ཕྱིའི་ས་ནང་གི་ས་ལ་ཐིམ། ནང་གི་ས་ཕྱིའི་ས་ལ་ཐིམ། ཕྱིའི་ས་ནང་གི་ས
་ལ་ཐིམ་པའི་དུས་ནི། དང་པོའི་དུས་སོ།། ནང་གི་ས་ཕྱིའི་ས་ལ་ཐིམ་པའི་རྟགས་སུ། ལུས་ཀྱི་སྟོབས་འཆོར་རོ།། དེ་ཡང་འདི་ལྟ་སྟེ། ཀུན་ཏུ་སྣང་བའི་ས་ཐིམ་པའི་རྟགས་སུ། ཕྱིའི་ཤེས་པ་རྨུགས། མི
་འགྱུར་བ་རྡོ་རྗེ་ས་ཐིམ་པའི་རྟགས་སུ། ལུས་ཀྱི་སྟོབས་འཆོར་རོ།། ཐམས་ཅད་འབྱུང་བ་རིན་པོ་ཆེའི་ས་ཐིམ་པའི་རྟགས་སུ་སྟོབས་ཉམས་ནས་ལྡང་མི་ནུས། སྣང་བ་སྟོན་པ་ཀུན་ཏུ་མཐའ་ཡས་པའི་ས་ཐིམ་པའི
་རྟགས་སུ། ལོངས་སྤྱོད་རྫོགས་པའི་སྟོབས་འཆོར་ནས་དགོངས་པ་མི་གསལ་ལོ།། བསྒྲུབ་པ་མཐར་ཕྱིན་པའི་ས་ཐིམ་པའི་རྟགས་སུ། སྒྲོན་མའི་སྣང་བ་འགགས་སོ།། ནང་གི་ཆུ་ཕྱིའི་ཆུ་ལ་ཐིམ་པའི་རྟགས་སུ། ཆུ
་མི་ཐུབ་སྟེ།། འགྱུར་བ་མེད་པའི་ཆུ་ཐིམ་པའི་རྟགས་སུ། ཁ་སྣ་ནས་ཆུ་འཛག། ཞི་བ་གསལ་དག་གི་ཆུ་ཐིམ་པའི་རྟགས་སུ། གསང་བའི་གནས་ནས་ཆུ་མི་ཐུབ། ཡོན་ཏན་རྒྱས་པའི་ཆུ་ཐིམ་པའི་རྟགས་སུ། མིག་གྱེན
་ལ་ལྡོག་ནས་འོང་། ཆགས་པ་མེད་པའི་ཆུ་ཐིམ་པའི་རྟགས་སུ། ཁ་སྣ་སྐམ་པ་ཡིན། འཛིན་མེད་རྫོགས་པའི་ཆུ་ཐིམ་པའི་རྟགས་སུ་རྣ་བས་སྒྲ་མི་ཐོས་པ་ཡིན་ནོ།། ནང་གི་མེ་ཕྱིའི་མེ་ལ་ཐིམ་པའི་རྟགས་སུ་ལུས་ཀྱི་དྲོད
་འཆོར་བ་ཡིན། དེ་ཡང་འདི་ལྟར་ཤེས་པར་བྱའོ།། ཕྱི་ནང་ཀུན་ཁྱབ་ཀྱི་མེ་ཐིམ་པའི་རྟགས་སུ། ནང་གི་དྲོད་ཤོར་ཞིང་ཤེས་པ་མི་གསལ། ཕྱི་ནང་ཀུན་ཏུ་མཉམ་པའི་མེ་ཐིམ་པའི་རྟགས་སུ།། གསང་བའི་དྲོད་འཆོར།།
་ཕྱི་ནང་གི་བྱ་བ་རྫོགས་པའི་མེ་ཐིམ་པའི་རྟགས་སུ། ཡོངས་སུ་རྫོགས་པའི་དྲོད་འཆོར། ཕྱི་ནང་གི་བྱ་བ་གྲུབ་པའི་མེ་ཐིམ་པའི་རྟགས་སུ། སྟོང་པའི་སྒྲོན་མ་མི་མཐོང་ངོ་།། ཕྱི་ནང་རྫོགས་པའི་མེ་ཐིམ་པའི་རྟགས་སུ།
་ཤེས་པ་རེས་གསལ་རེས་མི་གསལ་ལོ།། ནང་རླུང་ཕྱི་རླུང་ལ་ཐིམ་པའི་རྟགས་སུ། ལུས་ཀྱི་རྩལ་ཤོར། དེ་ཡང་འདི་ལྟར་ཤེས་པར་བྱའོ།། བཀྲག་དང་གཟི་མདངས་སེད་པའི་རླུང་ཐིམ་པའི་རྟགས་སུ། ལུས་ཀྱི་བཀྲག
་འཆོར། མེ་དང་མཉམ་དུ་གནས་པའི་རླུང་ཐིམ་པའི་རྟགས་སུ། ལུས་ནས་ཆུ་འབྲུབ། སྲོག་འཛིན་པའི་རླུང་ཐིམ་པའི་རྟགས་སུ་དབུགས་མི་ཐུབ། ཀུན་ཏུ་ཁྱབ་བྱེད་ཀྱི་རླུང་ཐིམ་པའི་རྟགས་སུ། ལུས་ཀྱི་བཀྲག་དང་དྲན
་པ་འཆོར། སྙིང་རྗེ་མེད་པ་བསྐལ་པ་ལས་ཀྱི་རླུང་ཐིམ་པའི་རྟགས་སུ། ཕྱི་དབུགས་ཆད་པ་ཡིན་ནོ།། དེ་ནི་ཕྱིའི་འབྱུང་བ་ཞེས་བྱའོ།། ནམ་མཁའ་ནམ་མཁའ་ལ་ཐིམ་པ་ནི། ཕྱི་ཀུན་ལ་ཁྱབ་པའི་ནམ་མཁའ་སྒྲོན་མ
་རྣམ་པར་དག་པ་ལ་ཐིམ་མོ།། ཡུལ་མེད་གསལ་དག་གི་ནམ་མཁའ་རིག་པ་ལ་ཐིམ་མོ།། མ་འདྲེས་པ་དག་པའི་ནམ་མཁའ་དབྱིངས་ལ་ཐིམ་མོ།། དོན་མཚོན་བྱེད་ཀྱི་ནམ་མཁའ་ཤེས་རབ་ལ་ཐིམ་མོ།། དག་པའི་ཞིང
་དུ་སྒྲོལ་བྱེད་ཀྱི་ནམ་མཁའ་ཉི་ཤུ་རྩ་གཅིག་དོན་ལ་ཐིམ་མོ།། དེ་ནི་ནང་གི་འབྱུང་བ་ཞེས་བྱའོ།། རྩ་བ་འཛིན་པའི་སྲོག་ཐིག་ལེ་ལ་ཐིམ་མོ།། སྐྱོབ་བྱེད་ཀྱི་སྲོག་ནམ་མཁའ་ལ་འཁྱིལ་ལོ།། རྣམ་པར་འཕྲོ་བའི་སྲོག་ལུས
་ལ་འཁྱིལ་ལོ།། མི་གཙང་བའི་སྲོག་ནམ་མཁའ་ལ་ཡལ་ལོ།། རྣམ་པར་འདར་བྱེད་ཀྱི་སྲོག་དབྱིངས་སུ་ཐིམ་མོ།། དེ་ནི་གསང་བའི་འབྱུང་བ་ཞེས་བྱའོ།། དངས་སྙིགས་འབྱེད་པའི་རླུང་ཚོམ་བུ་ལ་ཐིམ
་མོ།། དྲོད་སྐྱེད་པའི་རླུང་འོད་ལ་ཐིམ་མོ།། གསལ་འགྱུར་གྱི་རླུང་སྐུ་ལ་ཐིམ་མོ།། རྣམ་པར་སྡུད་པའི་རླུང་ཡེ་ཤེས་ལ་ཐིམ་མོ།། རྣམ་པར་གཟེངས་བསྟོད་པའི་རླུང་ཐུགས་རྗེ་ལ་ཐིམ་མོ།། རྣམ་པར་ཤེས་པ་བསྐྱེད་པའི
་རླུང་སྟོང་པ་ལ་ཐིམ་མོ།། རྣམ་པར་ཡིད་འབྱུང་བའི་རླུང་གཉིས་མེ་ལ་ཐིམ་མོ།། རྣམ་པར་མདངས་དང་ལྡན་པའི་རླུང་མཐར་གྲོལ་ལ་ཐིམ་མོ།། རྣམ་པར་སྲེག་པའི་རླུང་བདེ་བ་ཆེན་པོ་ལ་ཐིམ་མོ།། རྣམ་པར་དགོད
་པའི་རླུང་གསལ་བ་ལ་ཐིམ་མོ།། གཞི་ལ་ཁྱབ་བྱེད་ཀྱི་རླུང་མཁའ་གསལ་ལ་ཐིམ་མོ།། འཕྲལ་ཁྱབ་བྱེད་ཀྱི་རླུང་གཏིང་གསལ་ལ་ཐིམ་མོ།། སྔངས་ཞིང་སྐྲག་པ་ཁྱབ་བྱེད་ཀྱི་རླུང་ཡུལ་ལ་ཐིམ་མོ།། དྲན་པ་ཁྱབ་བྱེད་ཀྱི
་རླུང་བར་དོ་ལ་ཟིམ་མོ།། འཛིན་པས་ལུས་ཀུན་ཁྱབ་པའི་རླུང་རང་སྣང་ལ་ཐིམ་མོ།། རྣམ་པར་སྤྱོད་བྱེད་ཀྱི་རླུང་གིས་རིག་པ་མཁའ་ལ་བསྐྱོད་དོ།། རྣམ་པར་སྒྲོལ་བྱེད་ཀྱི་རླུང་གིས་ཕྱི་ནང་གི་ཆོས་དང་ཕྲལ་ལོ།། རྣམ
་པར་ལྡོག་བྱེད་ཀྱི་རླུང་གིས་རང་གི་རིག་པ་གཞི་ལ་ལྡོག་གོ། རྣམ་པར་མྱུར་བྱེད་གྱི་རླུང་གིས་རིག་པའི་ཡུལ་མཐོང་། སྐད་ཅིག་མའི་རླུང་གིས་སྐད་ཅིག་མ་གསུམ་ལ་ཀ་དག་གི་ས་ལ་ཕྱིན་པར་བྱེད་དོ།། དེ་ནི་ཡོངས་སུ
་རྫོགས་པའི་འབྱུང་བའོ།། གང་ཟག་རྐྱེན་གྱི་དབང་དུ་མ་སོང་བ་རྣམས་དེ་བཞིན་དུ་ཚེའི་དུས་བྱེད་དོ།། དེ་ལྟར་མིན་པ་ཚེའི་འདུ་བྱེད་བྱས་པ་ནི། བྱང་ཆུབ་སེམས་དཔའི་དབུགས་འཕོ་ལུགས་ཞེས་བྱ་སྟེ། སྐྱེ་གནས
་ཀྱང་བདེ་བ་དང་ལྡན་པར་སྐྱེའོ།། དེ་མིན་ལས་ཟད་པ་རྣམས་ལ་དེ་བཞིན་དུ་ཤེས་པར་གྱིས་ཤིག། བདེན་པ་མཐོང་བའི་སེམས་ཅན་རྣམས་ལ་འདི་ལྟར་ཤེས་པར་བྱའོ།། རིགས་ཀྱི་བུ་དེ་མྱ་ངན་ལས་འདས་པའི་ཚེ
་ལུས་ཀྱི་ཟུང་ཤེར་ནས་ཡེ་ཤེས་ཀྱི་སྣང་བ་གཞི་ལས་འཕགས་ནས་ཡེ་ཤེས་མཁའ་ལ་བསྐྱོད་པའི་ཚེ། རིག་པ་མིག་ནས་ལམ་ཕྱུང་ནས་མཁའ་ལ་བསྐྱོད་དོ།། དེ་ཡང་འདི་ལྟར་ཤེས་པར་བྱའོ།། ཙིཏྟའི་དཀྱིལ་ནས་རིག
་པ་ཐིག་ལེ་ལ་ཐིམ་མོ།། ཐིག་ལེ་སྒྲོན་མ་ལ་ཐིམ་མོ།། སྒྲོན་མ་འོད་ལ་ཐིམ་མོ།། འོད་སྐུ་ལ་ཐིམ་མོ།། སྐུ་ཚོམ་བུ་ལ་ཐིམ་མོ།། ཚོམ་བུ་ཡེ་ཤེས་ལ་ཐིམ་མོ།། ཡེ་ཤེས་ལྷུན་གྲུབ་ལ་ཐིམ་མོ།། ལྷུན་གྲུབ་ཀ་དག་ཆེན་པོ
་ལ་ཐིམ་ནས་ས་ཟིན་པའོ།། གང་ཟག་བདེན་པ་མཐོང་བ་རྣམས་ཀྱི་ཐིམ་ལུགས་དང་གྲོལ་ལུགས་དེ་ལྟར་སྣང་ངོ་།། ཞེས་རིག་པ་རང་ཤར་ཆེན་པོའི་རྒྱུད་ལས། སེམས་ཅན་གྱི་འཕོ་ཚུལ་བསྟན་པའི་ལེའུ་སྟེ་དྲུག་ཅུ་རེ
་དྲུག་པའོ།། །། དེ་ནས་ཡང་གསང་བའི་བདག་པོས་འདི་སྐད་གསོལ་ཏོ།། ཀྱེ་ཀྱེ་སྟོན་པ་རྡོ་རྗེ་སེམས། བདག་ཅག་མ་རིག་སེམས་ཅན་ལ།། ཐར་པའི་ཐབས་ཆེན་གསུང་དུ་གསོལ།། ཞེས་ཞུས
་སོ།། དེ་ནས་ཡང་སྟོན་པས་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། སེམས་ཀྱི་རྣམ་རྟོག་སྤོངས་ལ་ཉོན།། ཡང་དག་ཐབས་ཆེན་དོན་བཤད
་ཀྱིས།། མ་ཡེངས་ཚུལ་གྱིས་གུས་པར་ཉོན།། སངས་རྒྱས་དགོངས་པའི་ཚད་གསུངས་པ།། གསང་བ་སྙིང་གི་ཕོ་བྲང་ན།། ཉུང་འབྲུའམ་ནི་ཏིལ་འབྲུ་ཙམ།། མ་བསྐྱེད་རྫོགས་པའི་ཚུལ་དུ་གནས།། དེ་ལ་རྟོགས་དང་མ
་རྟོགས་མེད།། ཡིན་དང་མིན་པའི་མཐའ་ལས་གྲོལ།། ཤེས་དང་མ་ཤེས་གཉིས་སུ་མེད།། ཡངས་ཤིང་ཆ་ཕྲ་ཀུན་གྱིས་མཐོང་བ་མེད།། རྒྱ་ཆེ་གཏིང་ཟབ་ཀུན་གྱིས་ཤེས་པ་མེད།། འགྱུར་མེད་ཀློང་ཡངས་མཐའ
་ལ་ཐུག་པ་མེད། འགགས་མེད་སྤྱི་མདུང་དབྱིངས་ལ་བྲི་བ་མེད།། རྟོག་མེད་རང་གྲོལ་ལམ་ལ་སྦྱང་དུ་མེད།། རང་བྱུང་རང་ཤར་ངང་གིས་གོ་བ་མེད།། འབྱམས་ཡས་ཕུག་རྡིབ་སྙིང་པོ་གཞི་ལ་རྫོགས།། རྫོག་པ་རང
་བདག་འབྱུང་བ་ཀུན་གྱི་བདག། མཐའ་འདུས་དོན་སྤྱོད་སེམས་ལ་གཡེང་བ་མེད།། ང་མེད་བདག་མེད་འཛིན་པའི་བློ་དང་བྲལ།། དེ་སྐད་ཅེས་བཀའ་སྩལ་པས། དེ་ནས་ཡང་གསང་བའི་བདག་པོས་འདི་སྐད་ཅེས
་ཞུས་སོ།། ཀྱེ་ཀྱེ་སྟོན་པ་ཆེན་པོ་ལགས།། རྫོགས་ཆེན་ཨ་ཏི་ཡོ་ག་ཡི།། ལྟ་བསྒོམ་འབྲས་བུ་གསུང་དུ་གསོལ།། ཞེས་ཞུས་སོ།། ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན།། རྫོགས་ཆེན་ཨ་ཏི་ཡོ་ག
་ལ།། ལྷ་དང་སྒོམ་དང་སྤྱོད་པ་མེད།། འོན་ཀྱང་ལེགས་པར་ཡིད་ལ་ཟུང་།། བསྒྲུབ་མེད་རྩལ་སྤུག་སྨོན་པ་མེད་པ་ཡི།། བྱར་མེད་ལྷུན་རྫོགས་སྔ་མ་དེ་ཉིད་དོན།། བྱ་དང་བྱེད་པ་ག་ལ་ཡོད།། སྤྱོད་པ་མེད་པའི་ཆོས
་ཉིད་རང་བྱུང་འདི།། གང་ཡིན་ཕྱོགས་སུ་མ་ལྷུང་དཔེར་ན་ནམ་མཁའ་བཞིན།། ཡོད་པ་མ་ཡིན་སྟོང་པ་གཅིག་པུ་ཉིད།། མེད་པ་མ་ཡིན་ཡང་དག་བདེ་བའི་སྐུ།། བྱས་པ་མ་ཡིན་རང་བྱུང་རྟོག་མེད་ཉིད།། རྫོགས་ཆེན
་ཨ་ཏི་ཡོ་ག་ལ།། བསྒོམ་པའི་ཆོས་ཉིད་ག་ལ་ཡོད།། བཏང་དང་གཞག་པ་མེད་པའི་ཆོས།། སྒོམ་དང་མ་བསྒོམས་མཐའ་ལས་གྲོལ།། འཛིན་མེད་སེམས་ཀྱི་དྲི་མས་བཅིངས།། ཡང་དག་རིག་པ་དྲི་མ་མེད།། དྲི་མེད
་དག་པའི་ཆོས་སྐུ་ལ།། སྒོམ་དང་བསྒོམ་པར་བྱ་བ་མེད།། བསྒོམས་པས་ཡང་དག་ཉིད་མི་རྙེད།། རྙེད་ན་རང་རིག་མེད་པར་འགྱུར།། ཅི་ཕྱིར་རང་རིག་ཡེ་ཤེས་ལ།། ཡེངས་དང་མ་ཡེངས་མེད་པའི་ཕྱིར།། གང་ལ
་འཛིན་པ་ཡོད་པ་ལ།། རང་བྱུང་ཡེ་ཤེས་ཡོད་མ་ཡིན།། གལ་ཏེ་རང་བྱུང་ཡེ་ཤེས་ཉིད།། བསྒོམ་པའི་དབང་དུ་གྱུར་པ་ན།། ཡེ་ནས་དམ་བཅའ་འགལ་བར་འགྱུར།། དེ་ཕྱིར་རྫོགས་ཆེན་ཨ་ཏི་ལ། བསྒོམས་པས་དོན
་མི་མཐོང་བར་བཤད།། རྫོགས་ཆེན་ཨ་ཏི་ཡོ་ག་ལ།། ལྟ་བ་ཉིད་ལ་བལྟ་རུ་མེད།། ལྟ་བ་སེམས་ཀྱི་དྲི་མ་ཡིན།། དྲི་མ་དག་པའི་ཆོས་ཉིད་ལས།། བལྟ་བྱ་ལྟ་བྱེད་གཉིས་དང་བྲལ།། ལྟ་བ་ཉིད་ལ་བལྟ་རུ་མེད།། ཅི
་ཕྱིར་ལྟ་བ་ཡོད་གྱུར་ན།། རིག་པའི་སྒྲོན་མ་མེད་པར་འགྱུར།། རྣམ་དག་ཡེ་ཤེས་སྒྲོན་མ་ལས།། ལྟ་བྱེད་ཡོད་དེ་བལྟ་བ་མེད།། ཉིད་ལས་མི་གཞན་འཁོར་ཉིད་ཀྱང་།། སྒྲོན་མ་ཉིད་ཀྱི་དཔལ
་རྫོགས།། དེ་ཕྱིར་རྫོགས་ཆེན་ཨ་ཏི་ལ།། ལྟ་བར་འཛིན་པའི་ཆོས་ཉིད་མེད།། ཅི་ཕྱིར་སྒྲོན་མ་ཡོད་པའི་ཕྱིར།། དེ་ཕྱིར་ལྟ་བ་མེད་པར་བཤད།། རྫོགས་ཆེན་ཨ་ཏི་ཡོ་ག་ལ།། འབྲས་བུ་བསྒྲུབ་ཏུ་མེད་པར
་གསུངས།། འབྲས་བུ་བྱར་མེད་རང་བྱུང་ཉིད།། རྟོག་མེད་པ་ལ་དེ་བཞིན་ཉིད།། ཡེ་ཤེས་དག་སྣང་ཆེན་པོ་ལ།། འཛིན་མེད་རང་མདངས་གསལ་བའི་ཕྱིར།། གལ་ཏེ་འབྲས་བུ་ཡོད་པ་ན།། སངས་རྒྱས་མེད་པ་ཉིད་དུ
་འགྱུར།། རང་བྱུང་རྩོལ་བ་མེད་པ་ཡི།། འབྲས་བུ་བྱས་པའི་ཆོས་ཉིད་དོ།། བྱས་པ་གང་དང་གང་ཡོད་པ། འཇིག་པའི་ཆོས་ཉིད་ཡིན་པའི་ཕྱིར།། དེ་ཕྱིར་འབྲས་བུ་བསྒྲུབ་ཏུ་མེད།། བསྒྲུབས་ཟིན་བསྒྲུབ་ཏུ་མེད་པའི
་ཕྱིར།། དེ་ཕྱིར་འབྲས་བུ་མེད་པར་བཤད།། རྫོགས་ཆེན་ཨ་ཏི་ཡོ་ག་ལ།། བྱ་དང་བྱེད་པའི་ཆོས་མེད་པས།། གཅིག་དང་བྱེ་བྲག་མེད་པ་ཡིན།། རྫོགས་ཆེན་ཆོས་ཉིད་ཆེན་པོ་ནི།། འདས་པའི་ཚིག་གིས་མཚོན་དུ
་མེད།། མ་ལ་ཡ་ཡི་རྩེ་མོ་ནས།། ཡང་དག་སྣང་སྲིད་ཆོས་ཀྱི་སྐུ།། མཐོང་བའི་དཔེ་མེད་དཔེ་དང་བྲལ།། དཔེ་ཟླ་མེད་པའི་ཉག་གཅིག་པོ།། ད་ལྟར་བཞུགས་པ་བསྟན་དུ་ཡོད།། རྒྱ་མཚོ་ཆེན་པོའི་གཏིང་རུམ་ན།། ཀླུ
་རྒྱལ་དགའ་བོའི་ནོར་བུ་ལྟར།། ཟད་མེད་གཏེར་ལ་སྤྱོད་པའོ།། མ་འོངས་ཚིག་ལས་འདས་པའི་ཕྱིར།། དངོས་པོའི་གཟུགས་སུ་མེད་པའོ།། མཚན་མའི་ཆོས་ཉིད་སངས་པའི་ཕྱིར།། འཛིན་མེད་ཅིག་ཅར་འཇུག
་པའོ།། དཔེར་ན་ཙནྡན་སྡོང་པོ་ལ།། སྦྲུལ་གྱིས་བསྲུངས་ཏེ་ལོན་པ་མེད།། ལོན་ན་ཚད་པའི་ནད་རྣམས་སེལ།། དེ་བཞིན་ཡེ་ཤེས་སྣང་བ་ཉིད།། བག་ཆགས་འཁྲུལ་པ་འདི་ཡིས་བསྲུངས།། འཁྲུལ་སྣང་འགག་ན་དག
་སྣང་སྐྱེ།། དག་པའི་སྣང་བ་ཆེན་པོ་ལ།། འཛིན་པའི་ཆོས་ཉིད་མེད་པའོ།། སེམས་ཅན་ཀུན་གྱིས་སྣང་བ་ནི།། བར་དོར་ཡུལ་ལ་རྣམ་པར་སྣང་།། བར་དོའི་ཆོས་ཉིད་དུས་ལས་འགྱུར་བ་མེད།། འགྱུར་མེད་ཆོས་ལ
་འཁྲུལ་པ་མེད།། འཁྲུལ་པ་ཡོད་ན་ཆོས་ཉིད་མིན།། རང་གསལ་ཆོས་ལ་འགག་པ་མེད།། འགག་མེད་ཆོས་ལ་རྟོགས་པ་མེད།། དེ་བཞིན་ཆོས་ཉིད་རྟོགས་པ་རྣམས།། ཡང་དག་ཆོས་ཉིད་ཀུན་གྱི་ལམ།། ལམ་ལ
་གནས་ན་ཡང་དག་ཆོས།། རྡོ་རྗེ་སེམས་དཔའི་དཀྱིལ་འཁོར་ཉིད།། གསང་སྔགས་གསང་བའི་ཡེ་ཤེས་ཉིད།། གང་ལ་ཐོགས་པ་མེད་པར་འཆར།། ཤར་བ་མེད་ཅིང་ནུབ་པ་མེད།། སྟོང་པའི་ཆོས་ཉིད་ཡེ་ཤེས
་ཡིན།། གསལ་བ་རྟོག་མེད་མཉམ་པ་མེད།། གོང་ན་མེད་པའི་ཆོས་ཉིད་ནི།། ཆུ་ཟླ་རྐྱེན་དང་འཕྲད་པ་བཞིན།། དངོས་སྣང་གཟུང་དུ་མེད་པའོ།། དཔེ་ཡི་དཀྱིལ་འཁོར་ཆེན་པོ་ཉིད།། གང་ལྟར་བརྟགས་པ་ལྟར་སྣང
་ངོ་།། སྣང་བྱེད་རྡོ་རྗེའི་དཀྱིལ་འཁོར་ཉིད།། ཡང་དག་ཆོས་ཉིད་སྐྱེ་མེད་དམ།། ཡང་ན་འཛིན་མེད་རང་གྲོལ་ལོ།། ཅི་ཕྱིར་རང་གྲོལ་ཉིད་ཀྱི་རྒྱ།། མ་འགགས་ཆགས་པ་མེད་པའོ།། ཆགས་འཛིན་སེམས
་ལས་གྲོལ་བ་ཉིད།། ཡང་དང་ཡང་དུ་ཤེས་པར་བྱའོ།། ཡང་དང་ཡང་དུ་འདྲིས་གྱུར་ན།། བདེན་པ་མཐོང་བའི་གང་ཟག་གོ། ཡེ་ཤེས་སྐྱེ་དང་བདེན་པ་མཐོང་།། རིག་པ་ཤེས་དང་ཆོས་ཉིད་གོ། ཡང་དག་བསྒྲུབ་དང་སྐྱེ
་མེད་རྟོགས།། དེ་ཡང་བསྟན་པ་འདི་ལྟ་སྟེ།། དང་པོ་བདེན་པ་མཐོང་བ་གཅེས།། ཡེ་ཤེས་སྐྱེ་བའི་གང་ཟག་ནི། ཕྱོགས་གཅིག་ངེས་ཤེས་སྐྱེས་པའོ།། རིག་པ་ཤེས་པའི་གང་ཟག་ནི།། བདེན་པ་མཐོང་བའི་སྐྱེས
་བུའོ།། ཆོས་ཉིད་གོམས་པའི་གང་ཟག་ནི།། དགེ་སྡིག་ཤེས་པའི་རྣལ་འབྱོར་རོ།། ཡང་དག་བསྒྲུབ་པའི་གང་ཟག་ནི།། དངོས་གྲུབ་ཕྲ་མོ་བརྙེས་པའོ།། སྐྱེ་མེད་རྟོགས་པའི་རྣལ་འབྱོར་ནི།། ཡེ་ཤེས་མཐོང་བ་མ་ཡིན
་ནོ།། བདེན་པ་མཐོང་བའི་གང་ཟག་ནི། ཡང་དག་དཀྱིལ་འཁོར་མཐོང་བའོ།། ཡང་དག་དཀྱིལ་འཁོར་ཆེན་པོའི་དོན།། སུས་ཀྱང་མཐོང་བ་མེད་པར་གསུངས།། རྡོ་རྗེ་སེམས་དཔའི་ཆོས་ཉིད་འདི།། མཐོང་བ་མཆོག
་ཏུ་གྱུར་བ་ལས།། གཞན་གྱིས་མཐོང་བ་ཡོད་རེ་ཀན།། ཞེས་སྟོན་པས་བྲོ་བཏོན་ནོ།། ཞེས་རིག་པ་རང་ཤར་ཆེན་པོའི་རྒྱུད་ལས། རྫོགས་ཆེན་གཏན་ཚིགས་དང་བཅས་ཏེ་བསྟན་པའི་ལེའུ་སྟེ་དྲུག་ཅུ་རེ་བདུན
་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་སྟོབས་ཆེན་བདག། རྒྱུད་ཀྱི་རྒྱལ་པོ་ཆེན་པོ་ཡི།། ངེས་ཚིག་ཁ་བྱང་གསུང་དུ་གསོལ།། མོས་པ་སྐྱེ་བའི་འཁོར་རྣམས
་ལ།། རྒྱུད་རྒྱལ་ངེས་ཚིག་རྒྱལ་པོ་གསུངས།། ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན།། ང་ཡིས་ཁྱོད་ལ་བསྟན་པར་བྱ།། ལེགས་པའི་ཡིད་དང་བཅས་པས་ཉོན།། བདག་ཉིད་ལྟ།
་བུའི་རིག་པ་ལ།། གཟུང་དང་འཛིན་པ་མེད་པའི་ཕྱིར།། རང་ཞེས་བྱ་བར་ཤེས་པས་བཤད།། རྒྱུད་ཀྱི་རྒྱལ་པོའི་ངེས་ཚིག་ནི།། ཀྱེ་མ་སྣ་ཚོགས་རིག་པའི་ཀློང་དུ་འདུས།། རིག་པའི་ཡེ་ཤེས་དངོས་པོ་སྟོན་པའི
་ཕྱིར།། རིག་པའི་རྒྱུད་ཅེས་ཀུན་ཏུ་གྲགས་པ་ཡིན།། དེ་ཡང་འགག་མེད་རིག་པ་ལ།། ཆ་ཤས་ཆོས་དང་བྲལ་བའི་ཕྱིར།། རིག་པའི་རྒྱུད་ཅེས་ཀུན་ཏུ་གྲགས་པ་ཡིན།། རིག་པའི་རྒྱུད་ལ་འགྱུར་བ་མེད།། སྣ་ཚོགས་དོན
་ལས་འདས་པའི་ཕྱིར།། རིག་པའི་རྒྱུད་ཅེས་ཀུན་ཏུ་གྲགས།། ཡེ་ཤེས་རྣམ་པ་ལྔ་ཡི་དོན།། རང་ལས་འཆར་ཞིང་སྟོན་པའི་ཕྱིར།། རང་གི་རྒྱུད་ཅེས་ཀུན་ཏུ་གྲགས།། རིག་པའི་ཆོས་སྐུ་དག་པ་དེ།། རང་ལས་རང་བྱུང
་རྫོགས་པའི་ཕྱིར།། རང་གི་རྒྱུད་ཅེས་ཡོངས་སུ་གྲགས།། རིག་པ་སྐྱེ་འགག་མེད་པའི་དོན།། ང་ཡིས་ཁྱོད་ལ་བསྟན་པ་སྟེ།། རང་ཤར་ཞེས་ཀྱང་དེ་ལ་བྱ།། འཛིན་མེད་ཡངས་པའི་ཀློང་དཀྱིལ་ནས།། རྟོག་མེད་རང་བྱུང
་སྐུ་ཉིད་ཤར།། རང་ཤར་ཞེས་ཀྱང་དེ་ལ་བྱ།། རང་བྱུང་ཕོ་བྲང་དཀྱིལ་འཁོར་ནས།། སྐུ་ལྔ་ལྷག་གིས་བྱུང་བ་སྟེ།། འགག་མེད་རང་ཤར་ཆེན་པོར་བཤད།། རྡོ་རྗེ་སེམས་དཔའི་ཡེ་ཤེས་ནི།། རང་ལས
་ཤར་ཞིང་སྤྱོད་པ་ནི།། རང་ཤར་ཆེན་པོའི་རྒྱུད་ཅེས་ཀུན་ཏུ་གྲགས།། རང་བྱུང་གསང་ཆེན་དཀྱིལ་འཁོར་ཀུན་ལ་རོལ།། ཐབས་ཀྱི་འཁོར་ལོ་བསྐོར་ཞིང་སྤྱོད་པའི་ཕྱིར།། རང་ཤར་ཆེན་པོའི་རྒྱུད་ཅེས་འགྲོ་བ་ཡོངས
་ལ་གྲགས།། སངས་རྒྱས་རྣམས་ཀྱི་དགོངས་པ་འདུས་པའི་ཕྱིར།། རང་ཤར་རྒྱུད་ཅེས་ཡང་དག་གྲགས།། ཡང་དག་སངས་རྒྱས་ཀུན་གྱི་ལམ་ཡིན་པས།། འགྱུར་མེད་རང་ཤར་ཞེས་སུ་བཤད་པ་ཡིན།། ཐམས་ཅད
་འགགས་མེད་ཀློང་དུ་འདུས་པའི་ཕྱིར།། རིག་པ་རང་ཤར་ཞེས་སུ་གྲགས།། དེ་ཡིས་དོན་ཆེན་དགྲོལ་བའི་ཕྱིར།། རང་གྲོལ་ཆེན་པོའི་རྒྱུད་དུ་གྲགས།། ཐམས་ཅད་གཏན་ལ་འབེབས་པའི་ཕྱིར།། ཐལ་འགྱུར་ཆེན
་པོའི་རྒྱུད་དུ་གྲགས།། སྡོམ་བྱང་རྒྱས་པར་བསྟན་པའི་ཕྱིར།། སྙིང་གི་མེ་ལོང་ཞེས་སུ་གྲགས།། གདམས་ངག་དོན་ལ་བསྟན་པའི་ཕྱིར།། ནོར་བུ་ཕྲ་བཀོད་ཅེས་སུ་གྲགས།། གོལ་སྒྲིབ་གདར་ཤ་བཅད་པའི
་ཕྱིར།། ཐུགས་ཀྱི་མེ་ལོང་ཞེས་སུ་གྲགས།། ཐམས་ཅད་དབྱིངས་སུ་བསྐྱལ་བའི་ཕྱིར།། ཀློང་ཆེན་དྲུག་པ་ཞེས་སུ་གྲགས།། འཁྲུལ་གཞི་གཏན་ལ་དབབ་པའི་ཕྱིར།། བཀྲ་ཤིས་མཛེས་ལྡན་རྒྱུད་དུ་གྲགས།། འཁྲུལ་པ
་གཞི་ལས་བཟློག་པའི་ཕྱིར།། མུ་ཏིག་ཕྲེང་བའི་རྒྱུད་ཅེས་གྲགས།། ཡེ་ཤེས་སྣང་བ་བསྟན་པའི་ཕྱིར།། སྒྲོན་མ་འབར་བའི་རྒྱུད་དུ་གྲགས།། རིག་པའི་རྐྱེན་རྣམས་སྤངས་པའི་ཕྱིར།། སྐུ་གདུང་འབར་བའི་རྒྱུད་དུ
་གྲགས།། བལྟ་བ་གཏན་ལ་དབབ་པའི་ཕྱིར།། སེང་གེ་རྩལ་རྫོགས་རྒྱུད་དུ་གྲགས།། འཁྲུལ་སྣང་ལམ་དུ་ཁྱེར་བའི་ཕྱིར།། ཡི་གེ་མེད་པའི་རྒྱུད་ཅེས་གྲགས།། བར་དོའི་ཡེ་ཤེས་ངོས་གཟུང་ཕྱིར།། ཉི་ཟླ་ཁ་སྦྱོར་རྒྱུད
་དུ་གྲགས།། སྒྲོན་མ་ཉམས་སུ་བླང་བའི་ཕྱིར།། ངོ་སྤྱོད་སྤྲས་པའི་རྒྱུད་དུ་གྲགས།། རང་གི་རིག་པ་བསྟན་པའི་ཕྱིར།། རིན་ཆེན་སྤུངས་པའི་རྒྱུད་དུ་གྲགས།། དབང་བསྐུར་གདམས་ངག་བསྟན་པའི་ཕྱིར།། རྫོགས་པ
་རང་བྱུང་རྒྱུད་དུ་གྲགས།། དམ་ཉམས་རྩད་ནས་གཅད་པའི་ཕྱིར།། ནག་མོ་ཁྲོས་མའི་རྒྱུད་དུ་གྲགས།། དབང་གི་སྡོམ་བྱང་བསྟན་པའི་ཕྱིར།། གཙུག་ན་མེ་འབར་རྒྱུད་དུ་གྲགས།། ཞུས་ལེན་རྒྱས་པར་བསྟན་པའི
་ཕྱིར།། མེ་ལྕེ་ཕྲེང་བའི་རྒྱུད་དུ་གྲགས།། འོད་ཟེར་བྱུང་ཚུལ་བསྟན་པའི་ཕྱིར།། འོད་ཟེར་ཅན་གྱི་རྒྱུད་དུ་གྲགས།། ཐམས་ཅད་བཅུད་དུ་བསྟན་པའི་ཕྱིར།། ཆེ་མཆོག་དགོངས་པའི་རྒྱུད་དུ་གྲགས།། དེ་ལ་སོགས་པའི
་རྒྱུད་སྡེ་རྣམས།། དུར་ཁྲོད་ཆེན་པོའི་གནས་མཆོག་འདིར།། ངས་བཤད་ལེགས་པར་ཡིད་ལ་ཟུང་།། ཞེས་གསུངས་པས། གསང་བའི་བདག་པོ་ངོ་མཚར་མཆོག་ཏུ་སྐྱེས་ནས། ཡང་འདི་སྐད་ཅེས་གསོལ་ཏོ།། ཀྱེ་སྟོན
་པ་ཆེན་པོ་གསང་བའི་རྒྱུད་ཆེན་པོ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་སྟོན་པས་རྒྱུད་ཆེན་པོ་འདི་གསུངས་སོ།། དང་པོའི་རྒྱུད་ཆེན་པོ་ཞེས་བྱ་བའོ།། དེ་ནས་མན་ངག་གི་སྡོམ་བྱང་སྙིང་གི
་མེ་ལོང་གི་རྒྱུད་ཆེ་ཆུང་གསུངས་སོ།། དེས་ན་ཡང་རྒྱུད་ཐམས་ཅད་དུས་གཅིག་ལ་གསུངས་སོ།། སྟོན་པ་ཆེན་པོ་དེས་བསམ་གྱིས་མི་ཁྱབ་པའི་རྒྱུད་གསུངས་སོ།། རྫོགས་པ་ཆེན་པོའི་དོན་གཏན་ལ་འབེབས་པའི་རྒྱུད
་ཀྱི་རྒྱལ་པོ་འདི་ཡིས་ཤེས་པར་བྱའོ།། གསང་སྔགས་ཀྱི་ཁ་བྱང་དུ་མཛད་པའོ།། ཡང་དག་པའི་ལམ་དང་འདྲེས་པའི་རྒྱུད་ཆེན་པོ་འདི།། ལས་དང་ལྡན་པ་སྦྱངས་པའི་སྟོབས་མ་ཉམས་པ་འགའི་བཅུད་ཡིན་ནོ།། སྐྱེས
་བུ་བློ་རྩལ་རབ་ཀྱིས་བལྟ་བའི་རྒྱུད་ཡིན་ནོ།། ཞེས་སྟོན་པས་གསུངས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། རྒྱུད་ཀྱི་སྡོམ་བྱང་བསྟན་པའི་ལེའུ་སྟེ་དྲུག་ཅུ་རེ་བརྒྱད་པའོ།། །། དེ་ནས་ཡང་གསང
་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེའི་སྐུ།། བདག་ཅག་མོས་པའི་འཁོར་རྣམས་ལ།། སྟོན་པ་མྱ་ངན་འདས་འོག་ཏུ།། ལོག་ལྷའི་རིགས་རྣམས་ཐམས་ཅད་ཀུན།། རྩོད་ཅིང་སུན་འབྱིན
་མི་འགྱུར་རམ།། རྒོལ་ཚིག་ལན་དང་བཅས་པ་གསུངས། ཞེས་ཞུས་སོ།། དེ་ནས་བཅོམ་ལྡན་འདས་བལྟ་བ་ངན་པ་སེལ་བའི་དགོངས་པ་ལ་བཞུགས་སོ།། དེ་ནས་མཁའ་འགྲོ་མ་རྣམས་ཀྱིས་ལྷའི་རོལ་མོ་སྣ་ཚོགས
་བྱས་ནས། སྟོན་པ་ལ་འདི་སྐད་ཅེས་ཞུས་སོ།། ཀྱེ་ཀྱེ་སྟོན་པ་ཆེན་པོ་ཏིང་ངེ་འཛིན་ལ་བཞེངས་ནས། བདག་ཅག་མོས་པའི་འཁོར་རྣམས་ལ། ཐབས་དམ་པ་བསྟན་དུ་གསོལ། མ་རིག་པའི་ལིང་ཏོག་བསལ་དུ
་གསོལ།། ཞེས་ཞུས་སོ།། དེ་ནས་བཅོམ་ལྡན་འདས་ལྟ་བ་ངན་པ་སེལ་བའི་ཏིང་ངེ་འཛིན་ལས་བཞེངས་ཏེ། འཁོར་རྣམས་ལ་ཚིགས་སུ་བཅད་དེ་བཀའ་སྩལ་པ། ཨེ་མ་ཨེ་མ་འདུས་པའི་ཚོགས་རྣམས་ཉོན།། ང་ལ་སྐྱེ
་དང་འཆི་མེད་ཀྱང་།། གལ་ཏེ་མྱ་ངན་འདས་སྲིད་ན།། མུ་སྟེགས་ལོག་པར་སྤྱོད་པ་རྣམས།། སུན་ཕྱུང་ཚར་གཅོད་བྱ་བའི་ཕྱིར།། གཏན་ཚིག་ཕྱིར་རྒོལ་ལེའུ་བསྟན།། གལ་ཏེ་གཞི་ལ་རྩོད་གྱུར་ན། གཞན་དག་རྩོད
་པའི་གྲོགས་པོ་རྣམས།། ལྷུན་གྲུབ་དག་ཏུ་འདོད་པ་ན།། དྲི་བ་འདི་ལྟར་འདྲི་བར་བྱ།། སྣ་ཚོགས་འབྱུང་བར་འདོད་དམ་ཅི།། དྲིས་ལན་འདི་ལྟར་ཟེར་བ་ལ།། ལྡོག་པའི་རིག་པས་སུན་འབྱིན་བྱ།། སྣ་ཚོགས་འབྱུང
་བར་འདོད་པ་ལ།། རོལ་པ་ཕྱོགས་མེད་འཆར་འདོད་ན།། གལ་ཏེ་ལྡོག་པ་འདི་ལྟར་བྱའོ།། ལྷུན་གྲུབ་དག་ཏུ་འདོད་པའི་ཕྱིར།། སེམས་ཅན་འབད་པས་གྲོལ་མི་འགྱུར།། གྲོལ་ན་ལྷུན་གྲུབ་མིན་པར་འགྱུར།། གཞི་དེ
་འགྱུར་བ་ཅན་དུ་འགྱུར།། ཅི་ཕྱིར་ལྷུན་གྲུབ་ཡིན་པའི་ཕྱིར།། ལྷུན་གྲུབ་གཞི་ལ་མངོན་སུམ་མེད།། ཅི་ཕྱིར་གཏན་ཚིགས་མེད་པའི་ཕྱིར།། གང་ཕྱིར་རིག་པས་ཕུག་པའི་ཕྱིར།། ཆོས་སྐུ་མཚན་མ་ཅན་དུ་གང་འདོད
་པ།། དེ་ལ་ཕྱིར་ཟློག་འདི་ལྟ་སྟེ།། ཆོས་སྐུ་རྣམ་དག་ཡེ་ཤེས་ལ།། དངོས་པོ་གཟུང་དུ་མེད་པའི་ཕྱིར།། མཚན་མ་ཅན་དུ་བཏགས་པ་མེད།། གལ་ཏེ་མཚན་མ་ཡོད་ན་ཡང་།། ཆོས་སྐུ་གཟུང་དུ་ཡོད་པར
་འགྱུར།། ཅི་ཕྱིར་མངོན་སུམ་ཡུལ་དུ་འདོད་པའི་ཕྱིར།། མཚན་མ་ཅན་དུ་ལྡོག་པ་ན།། ཆོས་སྐུ་གཟུགས་སྐུར་ཡོད་པར་འགྱུར།། ཅི་ཕྱིར་དམིགས་སུ་ཡོད་དགོས་ཕྱིར།། ཆོས་སྐུ་དེ་ལྟར་མི་འདོད་དེ།། ངོ་བོ་སྟོང་པ་རང
་བཞིན་གསལ།། མཐུན་པའི་འོད་དང་བཅས་པར་འདོད།། དེ་ལ་རྒོལ་བ་འདི་ལྟར་འོང་།། ངོ་བོ་སྟོང་པ་ཡོད་པའི་ཕྱིར།། རིག་པ་མེད་པ་ཉིད་དུ་འགྱུར།། དཔེར་ན་ནམ་མཁའ་སྟོང་པ་བཞིན།། རིག་མེད་སྟོང་པ་ཉིད
་དུ་འགྱུར།། གལ་ཏེ་སྟོང་ཉིད་ཡོད་ན་ནི།། ཆོས་སྐུའི་འོད་སྣང་མེད་པར་འགྱུར།། ཅི་ཕྱིར་སྟོང་པ་ཡིན་པའི་ཕྱིར།། འོན་ཀྱང་དེ་ལྟར་མི་འདོད་དེ།། སྟོང་པའི་རང་བཞིན་གསལ་བའི་ཕྱིར།། གསལ་བ་འདོད་ན་འདི་ལྟ།
་སྟེ།། དེ་ལ་ཞེན་ཆགས་ཡོད་པའི་ཕྱིར།། ཆོས་སྒྲ་འདོད་པ་ཅན་དུ་འགྱུར།། ཅི་ཕྱིར་དགའ་བ་ཡོད་པའི་ཕྱིར།། འོན་ཀྱང་དེ་ལྟར་མི་འདོད་དོ།། སྣང་བའི་རང་འོད་ཡོད་པའི་ཕྱིར།། ཆོས་སྐུའི་རྒོལ་ཚིག་དེ་བཞིན་ནོ།། ལ
་ལ་དག་གི་འདོད་པ་ནི།། སེམས་ལས་འབྲས་བུ་ཚོལ་བར་འདོད།། དེ་ལ་ཟློག་པ་འདི་ལྟ་སྟེ།། སེམས་ཀྱི་དངོས་པོ་ཅི་ལྟར་ལགས།། དྲིས་ལན་རྒྱས་པར་གདབ་པ་ནི།། སེམས་ལ་དངོས་པོ་མེད་པའི་ཕྱིར།། འོ་ན
་སེམས་ཀྱི་མཚན་ཉིད་ཅི།། དྲིས་ལན་རྒྱས་པར་གདབ་པ་ནི།། ཆོས་ཉིད་གཟུང་འཛིན་ག་ལ་ཡོད།། དཔེར་ན་ནམ་མཁའི་མཚན་ཉིད་བཞིན།། གཟུང་དང་འཛིན་པ་མེད་པའི་ཕྱིར།། དེ་ལ་བཟློག་པའི་ཚིག་སྨྲ
་བ།། སེམས་ལ་གཟུང་འཛིན་ཡོད་དམ་མེད།། དྲིས་ལན་རྒྱས་པར་བསྟན་པ་ནི།། སེམས་ལ་གཟུང་དང་འཛིན་ཡོད་ཀྱང་།། ཆོས་ཉིད་གཟུང་འཛིན་མེད་པའི་ཕྱིར།། དེ་ལ་བཟློག་པ་ཡང་སྨྲས་པ།། གོང་གི་དམ་བཅའ
་ཉམས་པར་གྱུར།། ཅི་ཕྱིར་སེམས་དང་ཆོས་ཉིད་གཅིག་པའི་ཕྱིར།། སེམས་ལ་གཟུང་འཛིན་བྱུང་གྱུར་ན།། སངས་རྒྱས་འབད་པས་རྙེད་མི་འགྱུར།། ཅི་ཕྱིར་སེམས་ལ་གཟུང་འཛིན་ཡོད་པའི་ཕྱིར།། དྲིས་ལན་བཟློག
་སྟེ་བསྟན་པ་ནི།། གལ་ཏེ་སེམས་མེད་སངས་རྒྱས་ཉིད།། ཁྱོད་ཀྱིས་རྙེད་དམ་གང་གི་ཕྱིར།། དེ་ལ་དྲིས་ལན་རྒྱས་གདབ་པ།། སེམས་ལས་འབྲས་བུ་མི་འཚལ་ཏེ།། ཅི་ཕྱིར་སེམས་ལས་སྣ་ཚོགས་འབྱུང་བའི
་ཕྱིར།། སེམས་ནི་བག་ཆགས་སྡུད་པ་ཡིན།། ཅི་ཕྱིར་འཛིན་པ་ཡུལ་ལ་འགྲུས་པའི་ཕྱིར།། སེམས་ནི་འཁོར་བའི་རྩ་བ་ཡིན།། སེམས་ནི་སྤང་བའི་རིམ་པ་ཡིན།། ཅི་ཕྱིར་རང་རིག་དངོས་པོ་ཡོད་པའི་ཕྱིར།། སེམས་ནི
་འཁྲུལ་པའི་རྩ་བ་སྟེ།། ཐམས་ཅད་དེ་ལས་གྱེས་པ་ཡིན།། ཅི་ཕྱིར་འདྲ་གཞི་དག་ལས་གོལ་བའི་ཕྱིར།། སེམས་ནི་དྲི་མ་ཅན་དུ་བསྟན།། ཅི་ཕྱིར་རྣམ་རྟོག་ཡོད་པའི་ཕྱིར།། སེམས་ནི་བྱ་སྒྲོ་ལྟ་བུ་ཡིན།། ཅི་ཕྱིར་སྤངས
་བ་མེད་པའི་ཕྱིར།། དེ་ནས་ཚུར་ལ་བཟློག་པའི་ཚིག་སྨྲས་པ།། འོ་ན་ཅི་ལྟར་སེམས་ཉིད་འདོད།། དེ་ནས་དྲིས་ལན་རྒྱས་བཏབ་པ།། སེམས་ལ་འབྲས་བུ་མི་འདོད་དེ།། རིག་པའི་ཡེ་ཤེས་ཡོད་པའི
་ཕྱིར།། འོ་ན་རིག་པ་འདི་ཉིད་ལ།། མཚན་ཉིད་རྣམ་པ་དུ་དང་ལྡན།། དེ་ནས་དྲིས་ལན་འདི་ལྟར་བྱ།། རིག་པའི་ཡེ་ཤེས་མཚན་ཉིད་ནི།། སྟོང་དང་གསལ་དང་ཁྱབ་པ་ཡིན།། ཅི་ཕྱིར་སྟོང་པ་ཉིད་ཅེས་བྱའོ།། དེ་ནས
་དྲིས་ལན་འདི་ལྟར་བྱ།། རིག་པ་དངོས་པོ་མེད་པའི་ཕྱིར།། སྟོང་པ་ཞེས་ནི་དེ་ལ་བྱ།། དཔེར་ན་ནམ་མཁའ་སྟོང་པ་བཞིན།། སྣང་ཡང་དངོས་པོར་བཟུང་དུ་མེད།། དེ་ནས་དྲི་བ་དྲིས་པ་དང་།། འདི་སྐད་ཚིག་རྣམས
་བརྗོད་པར་བྱ།། ཅི་ཕྱིར་སྟོང་པ་ཉིད་ཅེས་བྱ།། དེ་ནས་དྲིས་ལན་འདི་ལྟར་བྱའོ།། ཤེས་ཤིང་རིག་པ་ཡོད་པའི་ཕྱིར།། ཤེས་རིག་གསལ་བ་ཉིད་དུ་ཡོད།། ཅི་ཕྱིར་གསལ་བ་ཡོད་གྱུར་ན།། མཚན་མ་ཅན་དུ་མི་འགྱུར
་རམ།། ཅི་ཕྱིར་གསལ་བ་མཛེས་པའི་ཕྱིར།། དེ་ནས་དྲིས་ལན་འདི་ལྟར་བྱ།། མཚན་མ་ཅན་དུ་མི་འགྱུར་ཏེ།། དེ་ལ་ཆགས་པ་མེད་པའི་ཕྱིར།། དེ་ཡང་འདི་ལྟར་ཤེས་པར་བྱའོ།། དཔེར་ན་ཉི་མའི་དཀྱིལ་འཁོར
་བཞིན།། གསལ་ཡང་ཕྱོགས་སུ་མ་ལྷུང་བའོ།། ཅི་ཕྱིར་ཞེ་འདོད་མེད་པའི་ཕྱིར།། དེ་ལ་བཟློག་པའི་ཚིག་སྨྲས་པ།། གསལ་བ་ཞེ་འདོད་ཡོད་པའི་ཕྱིར།། ཅི་ཕྱིར་ཞེ་འདོད་མེད་པར་འགྱུར།། དེ་ལ་ཆགས་པས
་བཟུང་བའི་ཕྱིར།། དེ་ལ་དྲིས་ལན་རྒྱས་བཏབ་པ།། དེ་ལྟར་མི་འདོད་འདི་བཞིན་ནོ།། དེ་ལ་ཁྱབ་པ་ཡོད་པའི་ཕྱིར།། འོ་ན་རྟོགས་དང་མ་རྟོགས་མེད་པར་འགྱུར།། ཅི་ཕྱིར་ཀུན་ལ་ཡོད་པའི་ཕྱིར།། དེ་ནས་དྲིས་ལན
་རྒྱས་གདབ་པ།། དེ་ལ་བསྟན་དུ་ཡོད་པའི་ཕྱིར།། ཅི་ཕྱིར་དཔེར་ན་འབྲས་བུ་ལེན་པ་བཞིན།། འོ་ན་ཀུན་ཁྱབ་དམ་བཅས་ཉམས།། ཅི་ཕྱིར་བསྟན་དུ་ཡོད་པའི་ཕྱིར།། བསྟན་དུ་ཡོད་པའི་དོན་མཐོང་ཕྱིར།། ཅི་ཕྱིར
་དོན་ལ་མཐོང་བ་ཡོད།། མཐོང་རྒྱུ་མེད་ལ་མཐོང་བྱེད་ཡོད།། ཅི་ཕྱིར་མཐོང་བྱེད་ཡོད་པར་འགྱུར།། གཞི་དང་སེམས་ཅན་གཅིག་པའི་ཕྱིར།། དེ་ཕྱིར་དོན་ལ་མཐོང་བ་ཡོད།། གང་ཕྱིར་རིག་པའི་ཆོས་ཉིད
་ཡིན།། འཛིན་མེད་རང་སར་དག་པའི་ཕྱིར།། འཛིན་པ་མེད་ན་ཚིག་ཀྱང་མེད།། ཅི་ཕྱིར་ཚིག་ལ་འཛིན་ཡོད་ཕྱིར།། འོ་ན་དམ་བཅའ་འཛིན་པ་ཡོད་དམ་ཅི།། ཡང་དག་སེམས་ལ་འཛིན་མེད་ཀྱང་།། སྣ་ཚོགས་སེམས
་ལ་འཛིན་པ་ཡོད།། ཅི་ཕྱིར་སྣ་ཚོགས་སེམས་སུ་འདོད།། ཐམས་ཅད་འབྱུང་བས་སྣ་ཚོགས་སེམས།། སངས་རྒྱས་འབྲས་བུ་འབྱུང་འགྱུར་རམ།། དེ་ནས་དྲིས་པའི་ལན་སྨྲས་པ།། ཐམས་ཅད་འབྱུང་ཕྱིར་སངས་རྒྱས
་འབྱུང་།། འོ་ན་སངས་རྒྱས་འཛིན་པ་ཡོད།། ཅི་ཕྱིར་སྣ་ཚོགས་སེམས་ལས་བྱུང་བའི་ཕྱིར།། འོ་ན་ཚིག་ལ་འཛིན་པ་མེད་དམ་ཅི།། ཚིག་ལ་འཛིན་པ་མེད་པའི་ཕྱིར།། དཔེར་ན་བྲག་ཆ་ལྟ་བུ་སྟེ།། གྲགས་ཀྱང་འཛིན་པ
་མེད་པ་བཞིན།། དེ་བཞིན་ཚིག་གི་དོན་བཙལ་བས།། དོན་རྙེད་ཚིག་ལ་ཞེན་པ་མེད།། དེ་ཕྱིར་འཛིན་མེད་ཆེན་པོར་བཤད།། ལ་ལས་གཉིས་མེད་དག་ཏུ་འདོད།། དེ་ལ་འདི་དག་བཟློག་པར
་བྱ།། གཉིས་མེད་དག་ཏུ་འདོད་པ་རྣམས།། གཉིས་མེད་བྱ་བ་གང་ལ་སླར་ཡང་བྱུང་བའི་དཔྱད།། གླེང་།། དེ་ལ་དྲིས་ལན་རྒྱས་པར་སྨྲ།། ཆོས་རྣམས་ཐམས་ཅད་གཉིས་མེད་ཡིན།། དེ་ཕྱིར་གཉིས་མེད་ཡིན་པར
་འགྱུར།། སེམས་ཅན་མེད་པས་སངས་རྒྱས་མེད།། དེ་ཕྱིར་གཉིས་སྣང་མཐའ་དང་བྲལ།། ཡང་དག་དོན་ལ་གསུངས་པའམ།། འོན་ཏེ་འཁྲུལ་སྣང་ཡུལ་ལ་གསུངས།། དེ་ལ་ལན་དང་གཏན་ཚིགས་བསྟན།། ཡང་དག
་དོན་ལ་དེ་བཞིན་ཏེ།། འཁྲུལ་སྣང་ཡུལ་ལ་གཉིས་སུ་སྣང་།། དེ་ལ་ཟློག་པའི་ཚིག་སྨྲས་པ།། ཡང་དག་དོན་ལ་གཉིས་མེད་ཕྱིར།། འཁྲུལ་སྣང་དོན་ལ་གཉིས་མི་རིགས།། ཅི་ཕྱིར་དོན་ལ་གཉིས་མེད་ཕྱིར།། གལ་ཏེ
་སེམས་ཅན་ཐམས་ཅད་ཀྱང་།། འབད་མི་དགོས་པར་གྲོལ་བར་རིགས།། ཅི་ཕྱིར་གཞི་ལ་གཉིས་མེད་ཕྱིར།། འོ་ན་གཉིས་སུ་འདོད་དམ་ཅི།། དེ་ནས་དྲིས་ལན་གདབ་པར་བྱ།། སངས་རྒྱས་སེམས་ཅན་མེད་པའི
་ཚེ།། གཞི་ལ་གཉིས་དང་གསུམ་དུ་མེད།། དེ་ལས་རོལ་པའི་རྩལ་ཤར་བས།། སངས་རྒྱས་སེམས་ཅན་གཉིས་སུ་བྱུང་།། ད་ལྟའི་གཞི་ལ་གཉིས་སུ་འདོད།། ཅི་ཕྱིར་གཉིས་སུ་ཡོད་པར་གསུངས།། གཞི་ལ་བཟང་ངན
་མེད་པའི་ཕྱིར།། འོ་ན་འགྱུར་ལྡོག་མེད་པར་འགྱུར།། ཅི་ཕྱིར་སེམས་ཅན་སངས་མི་རྒྱ་བར་རིགས།། དཔེར་ན་སོལ་བ་ནག་པོ་ལ།། ཕྱི་བདར་བྱས་ཀྱང་དཀར་པོ་མེད།། དེ་བཞིན་སེམས་ཅན་འཁྲུལ་པ
་ཡང་།། བསྒོམ་བསྒྲུབ་བྱས་ཀྱང་སངས་མི་རྒྱས།། དེ་ནས་དྲིས་ལན་འདི་ལྟར་གདབ།། དེ་ལ་བསྟན་དུ་ཡོད་པའི་ཕྱིར།། བསྟན་ནས་འབྲས་བུ་ཐོབ་པར་འགྱུར།། མ་བསྟན་གྲོལ་བར་ག་ལ་འགྱུར།། གཞི་ཡི་ཆོས་ལ
་མཚན་མ་མེད།། ལམ་གྱི་ཆོས་ལ་འཛིན་ཡོད་མིན།། འབྲས་བུའི་ཆོས་ཉིད་ཐོབ་པ་མིན།། སེམས་ཅན་གཞི་དང་སངས་རྒྱས་གཞི།། ཁྱད་པར་གཅིག་གིས་ཕྱེ་བར་ངེས།། ཁྱད་པར་གཅིག་པོ་གང་གི་ཕྱིར།། ཅི་ཕྱིར་ཁྱད
་པར་གཅིག་ཅེས་བྱ།། སངས་རྒྱས་གཞི་ལ་ཡེ་ཤེས་ཡོད།། སེམས་ཅན་གཞི་ལ་ཡེ་ཤེས་མེད།། ཡེ་དང་ཤེས་པ་གཉིས་འཇོམས་ན།། སངས་རྒྱས་དགོངས་པ་དམ་པ་ཡིན།། དེ་ཕྱིར་གཞན་ལ་ཁྱད་ཅི་ཡོད།། ལ་ལས
་ཀུན་གཞིའི་ཆོས་སྐུར་འདོད།། དེ་ལ་ལན་བཏབ་བསྟན་པའི་ཕྱིར།། ཀུན་གཞིའི་མཚན་ཉིད་ཇི་ལྟར་ཡིན།། དེ་ནས་དེ་ཡི་ལན་སྨྲས་པ།། ཐམས་ཅད་རྫོགས་ཕྱིར་ཀུན་གཞི་ཡིན།། དེ་ནས་དྲིས་པའི་ཚིག་གིས
་བཟློག། སངས་རྒྱས་འགྱུར་བ་ཡོད་པར་རིགས།། ཅི་ཕྱིར་ཀུན་གཞི་སྣ་ཚོགས་འཆར་བའི་ཕྱིར།། དེ་ལ་ཐམས་ཅད་རྫོགས་པའི་ཕྱིར།། སངས་རྒྱས་ཉིད་དུ་སེམས་ཅན་རིགས།། ཅི་ཕྱིར་ཐམས་ཅད་རྫོགས་པའི
་ཕྱིར།། ཡང་ན་སངས་རྒྱས་རེས་འཇོག་ཅན་དུ་འགྱུར།། ཅི་ཕྱིར་སྣ་ཚོགས་འཆར་བའི་ཕྱིར།། རེས་འགའ་སངས་རྒྱས་ཡིན་པར་འགྱུར།། རེས་འགའ་སེམས་ཅན་ཡིན་པར་འགྱུར།། ཅི་ཕྱིར་རེས་འཇོག
་ཡོད་པའི་ཕྱིར།། དེ་ནས་དྲི་བ་བཟློག་སྟེ་སྨྲས།། འོ་ན་ཀུན་གཞི་མེད་དམ་ཅི།། དེ་ནས་དྲིས་པའི་ལན་བཏབ་པ།། ཀུན་གཞི་རྣམ་རྟོག་འཛིན་པ་ལ།། སྣ་ཚོགས་པ་ཡི་ཤེས་པས་བསླད།། ཀུན་གཞི་མ་རིག་དངོས་པོ
་ཡིན།། ཀུན་གཞི་ཞེས་ཀྱང་དེ་ལ་བྱའོ།། ཞེས་རིག་པ་རང་ཤར་ཆེན་པོའི་རྒྱུད་ལས།། ཕྱིར་རྒོལ་བ་ཐམས་ཅད་སུན་འབྱིན་པའི་ལེའུ་སྟེ་དྲུག་ཅུ་རེ་དགུ་པའོ།། །། དེ་ནས་ཡང་གསང་བའི་བདག་པོས་འདི་སྐད
་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐམས་ཅད་མཁྱེན།། བདག་ཅག་མོས་པའི་འཁོར་རྣམས་ལ།། གསང་སྔགས་ཚིག་དོན་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི་བདག
་པོ་ཉོན་ཅིག། སེམས་ཅན་སྡུག་བསྔལ་ཆེན་པོ་ལས།། ཐར་པའི་ཐབས་བསྟན་ལེགས་པར་ཉོན།། ཡང་དག་དཀྱིལ་འཁོར་བསམ་མི་ཁྱབ།། དེ་རྣམས་དོན་ཆེན་འདིར་བསྟན་གྱིས།། ཤེས་རབ་རང་བྱུང་དོན
་གྱིས་ཉོན།། ཡང་ནས་ཡང་དུ་དོན་བསྟན་པས།། ཡང་དག་བློ་ཡི་གཏིང་དུ་གོ། ཤེས་རབ་ཆེན་པོས་རྟོགས་པའི་རྟགས།། མཁའ་ལྟར་མཉམ་པ་ཉིད་ལ་གནས།། ཤེས་རབ་ཆེན་པོས་ཁྱབ་པའི་རྟགས།། མི་གཡོ་མཉམ
་བཞག་འདུས་མ་བྱས།། ཤེས་རབ་ཆེན་པོས་གྲུབ་པའི་རྟགས།། མ་ཆགས་ཐབས་ཀྱིས་ཀུན་སྤྱོད་ན།། ཤེས་རབ་ཆེན་པོས་འགྲུབ་པ་ཡིན།། སངས་རྒྱས་ཀུན་གྱི་དགོངས་པ་ནི།། ཤེས་རབ་ཆེན་པོས་ཤེས་པར
་བྱའོ།། ཤེས་རབ་ཆེན་པོས་སྐད་ཅིག་ལ།། ཆོས་ཀུན་ཁོང་དུ་ཆུད་པར་བྱེད།། ཤེས་རབ་དོན་ཉིད་ཀུན་ལ་ཡོད། དེ་ཕྱིར་ཤེས་རབ་ཆེན་པོ་གསུངས།། དེ་ཡང་ཆོས་རྣམས་འདི་ལྟ་སྟེ།། སྐྱེ་བ་མེད་པས་འགག་པ
་མེད།། འཛིན་པ་མེད་པས་རང་སར་གྲོལ།། དམིགས་པ་མེད་པས་སྤྲོས་པ་མེད།། བྱས་པས་མ་བྱུང་ཀུན་ལ་ཡོད།། འདུས་མ་བྱས་པ་རྣམ་དག་དབྱིངས།། འཛིན་པའི་ཐ་དད་ཆོས་དང་བྲལ།། རང་བཞིན་མེད་པས
་བརྗོད་དང་བྲལ།། ཡང་དག་ཆོས་ཉིད་རིག་པའི་ཀློང་།། ཀུན་ལ་ཁྱབ་པས་ཡབ་ཀྱི་ངང་།། ཐམས་ཅད་བསྐྱེད་པས་ཡུམ་གྱིས་དབྱིངས།། བསྟན་དུ་མེད་པས་འོད་ཀྱི་ཡུལ།། བརྗོད་དུ་མེད་པའི་ཤེས་རབ་ལ།། བསྟན་དུ
་མེད་པའི་ལུང་ཆེན་སྣང་།། གཏང་བཞག་བྲལ་པའི་ཆོས་སྐུ་ལ།། དམིགས་པ་མེད་པའི་ཏིང་འཛིན་གསལ།། སངས་རྒྱས་ཀུན་གྱི་ལམ་དུ་བཤད།། ཀུན་གཞི་ཡུམ་གྱི་ཤེས་རབ་ལས།། རང་བྱུང་ཐབས་ཀྱི་ཡེ་ཤེས
་ར།། ཤར་བ་ཉིད་ན་ནུབ་པ་མེད།། སྒྲོ་བསྔ་མེད་པའི་འོད་སྣང་ངོ་།། འདུས་མ་བྱས་པའི་ཀློང་དཀྱིལ་ནས།། རིག་པའི་རྒྱལ་པོ་ཡེ་ཤེས་འགྲོ། སྐེ་འགག་མེད་པའི་ཀློང་དཀྱིལ་ནས།། ཤེས་རབ་མིག་གིས་གསལ་བ
་ནི།། ཀུན་ལ་ཁྱབ་པའི་ཉག་གཅིག་ཡིན།། ཡོངས་ལ་གནས་ཤིང་འོད་ཟེར་འཕྲོ།། ཐམས་ཅད་རོལ་པའི་དཀྱིལ་འཁོར་ལ།། འགག་མེད་ཤེས་རབ་རྣམ་དག་གསལ།། རང་བྱུང་ཤེས་རབ་བདུད་རྩི
་ཡིས།། མ་རིག་འཁོར་བའི་ནད་རྣམས་སེལ།། ནད་དོ་ཅོག་དང་བྲལ་བའི་ཕྱིར།། བདུད་རྩི་རང་བྱུང་དཀྱིལ་འཁོར་གསལ།། དེ་ལ་མ་བཅོས་ལྷུག་པ་ནི།། གཏང་དང་བཞག་པ་མ་བྱས་ན།། འདུ་འབྲལ་མེད་པའི་ཤེས
་རབ་བོ།། དངོས་པོ་ཡུལ་གྱི་ཤེས་རབ་ལ།། ཐབས་ཀྱིས་ཞགས་པས་འགྲོ་བ་འདྲེན།། དེ་ཕྱིར་ཤེས་རབ་ཕ་རོལ་ཕྱིན།། མ་འགགས་རོལ་པའི་ཆོས་ཉིད་ལ།། ཀུན་བཟང་ཡངས་པའི་དབྱིངས་ཉིད་ཤར།། དགོངས་པ
་ཤེས་རབ་ཆེན་པོའི་དབྱིངས།། འཛིན་པ་ཆོས་ཉིད་ཆགས་པ་མེད།། རྟོག་པ་མེད་པས་སྨྲ་བསམ་འདས།། དཔེར་ན་ནམ་མཁའི་ཆོ་འཕྲུལ་བཞིན།། བརྗོད་པའི་ཆོས་དང་བྲལ་བར་གསུངས།། འོད་ལྔ་ཀུན་ཁྱབ་ཆོས་ཀྱི
་དབྱིངས།། ཕྱོགས་སུ་མ་ལྷུང་རྒྱ་མ་ཆད།། ཕྱི་དང་ནང་མེད་ཡངས་པ་ཆེ།། དག་པ་དྲི་མེད་ཤེལ་གོང་བཞིན།། སྣང་ལ་རང་བཞིན་མེད་པར་གསུངས།། ཆུ་ཟླ་རྒྱུ་མ་སྨིག་རྒྱུ་བཞིན།། མེད་པ་ཟོང་མ་མ་ཡིན་ལ།། ཡོད་པ
་ཡང་ནི་མ་ཡིན་ནོ།། ཡོད་མེད་གཉིས་ལས་འདས་པའི་ཕྱིར།། རྟོགས་ལྡན་ཡིད་ལ་དྲན་པ་མེད།། རིག་པའི་ངོ་བོ་སྐྱེ་བ་མེད།། སྣང་བའི་རང་བཞིན་འགག་པ་མེད།། རིག་པའི་མཚན་ཉིད་དངོས་པོ་མེད།། རིག་པའི
་འབྲས་བུ་མ་བཅོས་པ།། རིག་པའི་སྐུ་ནི་གསུམ་དུ་གསུངས།། རིག་པའི་གསུང་ནི་བརྟག་པ་ཡིན།། རིག་པའི་ཐུགས་ནི་གོ་བ་སྟེ།། རིག་པའི་ཡོན་ཏན་ཟད་པ་མེད།། རིག་པའི་ལས་ནི་སྣ་ཚོགས་གྲུབ།། དེ་ཡང་མཚན
་ཉིད་འགྱུར་མེད་ཡིན།། ཐ་དད་མ་ཡིན་གཅིག་པུ་ཉིད།། སངས་རྒྱས་པས་ཀྱང་ང་སྔར་བྱུང་།། གཟུང་འཛིན་བསླད་པའི་ཆོས་མེད་པའོ།། འགག་མེད་ཉམས་ལ་ཤར་གྱུར་ན།། རྟོགས་པ་རྒྱུད་ལ་སྐྱེས་པ་ཡིན།། སྟོང
་གསུམ་ཡེ་འབྱམས་ཡེ་ཤེས་ནི།། བརྡལ་བ་ཆེན་པོ་ཕྱོགས་མེད་ན།། ཡེ་ཤེས་མཐོང་བའི་དམ་པ་སྟེ།། བཟང་ངན་མེད་པའི་དོན་ཤེས་ན།། ཆོས་ཉིད་ཡེ་ནས་མ་བཅོས་པའོ།། འོད་ལྔ་འགག་མེད་ཤར་བ་དེ།། རང་བྱུང
་ཡེ་ཤེས་དེ་ལ་ཤར།། ལྷུན་གྲུབ་ཡེ་ཤེས་ཕྱོགས་རིས་མེད།། མི་གནས་ཡེ་ཤེས་ཕྱི་ནང་མེད།། སྟོང་པའི་ཡེ་ཤེས་དངོས་པོ་མེད།། མེ་ལོང་ཡེ་ཤེས་རྟོག་པ་མེད།། མཉམ་ཉིད་ཡེ་ཤེས་ཆེ་ཆུང་མེད།། སོར་རྟོགས་ཡེ་ཤེས
་མ་འདྲེས་གསལ།། བྱ་གྲུབ་ཡེ་ཤེས་མཐར་ཕྱིན་ནོ།། རང་བྱུང་ཡེ་ཤེས་བཙལ་བ་མེད།། ཅི་སྟེ་བཙལ་བས་འགྲུབ་གྱུར་ན།། རང་བྱུང་ཡེ་ཤེས་ཡོངས་མི་བདེན།། རིག་པའི་ཡེ་ཤེས་བསྒོམ་པ་མེད།། ཅི་སྟེ་བསྒོམ་པ
་ཡོད་གྱུར་ན།། རིག་པའི་ཡེ་ཤེས་ཡོངས་མི་བདེན།། རིག་པའི་ཡེ་ཤེས་རང་ཤར་ནས།། བཙལ་བ་མེད་པར་ལྷན་གྱིས་གྲུབ།། རང་བྱུང་ཡེ་ཤེས་དོན་མཐོང་ན།། བསྒྲུབ་པ་མེད་པར་ཡོངས་སུ་གྲུབ།། རིག་པ་འོད་ཀྱི
་སྐུར་མཐོང་ན།། ཆོས་རྣམས་ཐམས་ཅད་བདག་ལ་གསལ།། ཡངས་སོ་ཆེའོ་ཡེ་ཤེས་མཆོག། གསལ་ལ་དག་པ་འོད་ལྔ་ཤར།། འོད་ལྔ་གཉིས་སུ་མེད་པར་མཐོང་།། སངས་རྒྱས་སེམས་ཅན་སོ་སོའི
་མཚན།། ཡེ་ཤེས་ཆེན་པོས་ཀུན་ལ་ཁྱབ།། ཕྱོགས་བཅུའི་སངས་རྒྱས་ཐམས་ཅད་པས།། རིག་པའི་དོན་ཉིད་གཉན་པ་ཡིན།། ཐེག་པའི་བྱེ་བྲག་བསམ་ཡས་ཀྱང་།། ཡེ་ཤེས་རྟོགས་ན་གཅིག་ལས་མེད།། འོད་ལྔ
་མཐོང་ན་སངས་རྒྱས་རྙེད།། རྙེད་པ་ཉིད་ན་རྙེད་རྒྱུ་མེད།། དག་པ་ཡེ་ཤེས་ཕྱོགས་དང་བྲལ།། སྟོང་པའི་རིག་པ་ཡུལ་དང་བྲལ།། སངས་རྒྱས་ཐམས་ཅད་དགོངས་པ་ཡང་།། ང་ཡི་རིག་པ་ཉིད་ལས་བྱུང་།། ང་ཡི་སྐུ་ཉིད
་མི་འགྱུར་བའོ།། ང་ཡི་གསུང་ནི་མ་བཅོས་པའོ།། ང་ཡི་ཐུགས་ནི་མ་གཡོས་པའོ།། ང་ཡི་མཛད་པ་ཁྱད་པར་ཅན།། ང་ཡི་རོལ་པ་མཐའ་ལས་འདས།། ང་ཡི་བྱིན་རླབས་འདུས་མ་བྱས།། ང་ཡི་མཐུ་སྟོབས་འཇིག་རྟེན
་བཅོམ།། ང་ལ་ང་ཞེས་བྱ་བ་མེད།། ང་ལ་བདག་མེད་ཕྱོགས་མེད་པས།། འཛིན་པའི་རྟོག་པ་ག་ལ་ཡོད།། ཞེན་པའི་རྟོག་པས་རང་རྒྱུད་བཅིངས།། དེ་ལས་གྲོལ་བར་བྱ་བའི་ཕྱིར།། སྟོང་པ་ཉིད་ལས་འོད་ལྔར
་གསལ།། ཆགས་མེད་འོད་ལ་འཛིན་པ་མེད།། དེ་ཉིད་རྟོགས་པའི་རིག་པ་ཡང་།། ཕྱོགས་ལ་ཤོར་ན་ལྷུང་བར་འགྱུར།། འདུ་འབྲལ་མེད་པའི་དབྱིངས་ཉིད་ལ།། བཟང་ངན་སྤང་ལེན་རྟོག་པ་མེད།། དབྱེར་མེད་འོད
་ལྔས་ཁྱབ་པའི་ཕྱིར།། སྐྱེ་དང་འཆི་བའི་མཚན་མ་མེད།། མེད་པ་མ་ཡིན་ཁྱབ་པའི་སྐུ།། འདུ་འབྲལ་མེད་པ་རང་ལ་འཆར།། མི་ཕྱེད་མཉམ་པའི་སྤྱོད་པ་ལ།། རང་སྣང་ཐབས་ཀྱི་སྤྱོད་པར་རོལ།། འདུས་མ་བྱས་པའི
་ཀློསློང་དཀྱིལ་ནས།། བཅོས་པ་མེད་པའི་ཡེ་ཤེས་ཤར།། འཛིན་རྟོག་མེད་པའི་ཆོས་ཉིད་ལ།། བཙལ་བ་མེད་པའི་རིག་པ་གནས།། རྫོགས་པ་ཆེན་པོའི་གྲུབ་མཐའ་ལ།། གཅིག་རྫོགས་གཉིས་རྫོགས་ཐམས་ཅད
་རྫོགས།། ཡོད་མཐའ་རྫོགས་ལ་མེད་མཐའ་རྫོགས།། རྟག་མཐའ་རྫོགས་ལ་ཆད་མཐའ་རྫོགས།། ཡིན་པ་རྫོགས་ལ་མིན་པ་རྫོགས།། དེ་ཕྱིར་རྫོགས་པ་ཞེས་བྱའོ།། རྫོགས་ཆེན་ཆོས་ཉིད་ཡངས་པ་ལ།། གོང་ན
་གཞན་མེད་གཅིག་པུ་ཉིད།། དེ་ལ་ཚིག་གིས་མཚོན་དུ་མེད།། རང་བྱུང་དཀྱིལ་འཁོར་ཆེན་པོ་ཉིད།། འགྱུར་མེད་དཀྱིལ་འཁོར་དམ་པར་གསུངས།། འགག་མེད་རོལ་པ་ཆེན་པོ་ཡིན།། དེ་ཡི་གོང་ན་གཞན་མེད
་པས།། ཡང་དག་གསང་བའི་དཀྱིལ་འཁོར་ཡིན།། འཛིན་པས་བཟུང་ནས་ཡེ་ཤེས་བཅིངས།། འཛིན་པ་བཏང་ན་རང་བྱུང་རྙེད།། དེ་ཕྱིར་དག་སྣང་ཡེ་ཤེས་ཡིན།། མཚན་མ་མེད་པའི་ཆོས་ཉིད་ལ།། ཆགས་པའི་སྤྱོད
་པ་ག་ལ་ཡོད།། ཤེས་རབ་དོན་ལ་ཡི་གེ་མེད།། ཤེས་རབ་ཉིད་ཀྱིས་དེ་ཉིད་ཐོབ།། ཞི་བའི་ཆོས་ཉིད་སྣང་མཐའ་ཡས།། ཡང་དག་ཤེས་རབ་དོན་ལ་སྤྱོད།། སྣ་ཚོགས་ཤེས་རབ་ཅིར་ཡང་འཆར།། རྟོག་མེད་ཤེས་རབ
་རང་སར་གྲོལ།། འཛིན་མེད་ཤེས་རབ་མཁའ་ལ་གསལ།། རིག་པའི་ཤེས་རབ་དབྱིངས་སུ་སྡུད།། མཁའ་མཉམ་ཤེས་རབ་གཅིག་ཏུ་འཁྱིལ།། སྐུ་ཡི་ཤེས་རབ་འགྱུར་བ་མེད།། གསུང་གི་ཤེས་རབ
་འགག་པ་མེད།། ཐུགས་ཀྱི་ཤེས་རབ་རྟོག་པ་མེད།། ཡོན་ཏན་ཤེས་རབ་ཅིར་ཡང་རྟོགས།། ཕྲིན་ལས་ཤེས་རབ་རྩོལ་བ་མེད། མྱུར་བྱེད་ཤེས་རབ་ཐོགས་རྡུགས་མེད།། སྨིན་བྱེད་ཤེས་རབ་ཉམས་པ་མེད།། ཡངས
་པའི་ཤེས་རབ་མཐའ་དབུས་མེད།། ཟབ་པའི་ཤེས་རབ་གཏིང་དཔག་མེད།། ཕྲ་བའི་ཤེས་རབ་མཐོང་བ་མེད།། ཁྱབ་པའི་ཤེས་རབ་ཕྱོགས་རིས་མེད།། སྟོང་པའི་ཤེས་རབ་མཚོན་དུ་མེད།། གསལ་བའི་ཤེས་རབ་དྲི
་མ་མེད།། འདས་པའི་ཤེས་རབ་ཚིག་དང་བྲལ།། ད་ལྟའི་ཤེས་རབ་མཚོན་དུ་མེད།། མ་འོངས་ཤེས་རབ་ཡུལ་དུ་མེད།། རིག་པའི་ཤེས་རབ་གཉིས་སུ་མེད།། ཡེ་ཤེས་ཤེས་རབ་གསལ་བ་ཆེ།། འོད་ཀྱི་ཤེས་རབ་རྒྱ
་ཚད་མེད།། དབྱིངས་ཀྱི་ཤེས་རབ་ཕྱོགས་ཆ་མེད།། འབྱུང་བའི་ཤེས་རབ་མཚན་ཉིད་འཛིན།། ས་ཡི་ཤེས་རབ་ལྷུན་གྲུབ་དཔེ།། ཆུ་ཡི་ཤེས་རབ་སེམས་ཀྱི་དཔེ།། མེ་ཡི་ཤེས་རབ་ཤེས་རབ་དཔེ།། རླུང་གི་ཤེས་རབ་ཡེ
་ཤེས་དཔེ།། ནམ་མཁའི་ཤེས་རབ་དབྱིངས་ཀྱི་དཔེ།། སྡུད་བྱེད་ཤེས་རབ་དབྱིངས་སུ་སྡུད།། སྐྱོད་བྱེད་ཤེས་རབ་མཁའ་ལ་གཤེགས།། དཔྱོད་བྱེད་ཤེས་རབ་དོན་ལ་དཔྱོད།། བསམ་བྲལ་ཤེས་རབ་རྟོག་པ
་མེད།། སེམས་མེད་ཤེས་རབ་ཡུལ་ལ་སྣང་།། མཽད་བྲལ་ཤེས་རབ་ཡུལ་དང་བྲལ།། སྒྲོན་མའི་ཤེས་རབ་ཁྱབ་གདལ་ཆེ།། འདུས་པའི་ཤེས་རབ་བདེ་བ་ཆེ།། རྒྱ་མེད་ཤེས་རབ་འབྲས་བུ་མ།
་དངོས་པོའི་ཤེས་རབ་རྟོག་པ་མེད།། དང་པོའི་ཞེས་རབ་རྟོག་པ་མེད་། ཀྱང་བྱུང་བས་བརྟག། མཚན་མའི་ཤེས་རབ་ཆོས་དང་བྲལ།། དོན་དམ་ཤེས་རབ་གཟུང་དུ་མེད།། ཀུན་རྫོབ་ཤེས་རབ་ཐམས་ཅད་སྡུད།། འཛིན་པ་མེད་པའི
་ཤེས་རབ་བོ།། དེ་བཞིན་རྟོགས་མེད་ཤེས་རབ་རྣམས།། འགག་མེད་དོན་ལ་སྤྱོད་པའོ།། ཤེས་རབ་ཆེན་པོ་དེ་རྣམས་ཀྱིས།། འཛིན་མེད་ཕྱོགས་དང་བྲལ་བའོ།། ཡངས་པ་མཐའ་དབུས་མེད་པའོ།། རྟོག་མེད་ངོས
་བཟུང་མེད་པའོ།། རྟག་ཆད་མཐའ་ལས་འདས་པའོ།། འདས་དང་མ་འདས་མེད་པའི་དོན།། ཕྱོགས་དང་རིས་སུ་གནས་པ་མེད།། སྟོན་པ་དགྱེས་ཏེ་དེ་སྐད་གསུངས།། འཁོར་གྱིས་ཡང་དག་ཐུགས་སུ་ཆུད།། མཁའ
་མཉམ་རིག་པའི་ཀློང་དུ་རྟོགས།། རྣམ་རྟོག་མེད་པའི་མཁའ་ལ་བསྐྱོད།། ཆགས་སྡང་མེད་པའི་ཡུལ་དུ་ཤེས།། ཞེས་རིག་པ་རང་ཤར་ཆེན་པོའི་རྒྱུད་ལས། ཤེས་རབ་ཀྱི་དབྱེ་བ་བསྟན་པའི་ལེའུ་སྟེ་བདུན་ཅུ་ཐམ
་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་རྡོ་རྗེ་འཆང་།། བདག་ཅག་མོས་པའི་འཁོར་རྣམས་ལ།། ཡེ་ཤེས་སྣང་བ་ཆེན་པོ་ལ།། ཤེས་རབ་རྣམས་ཀྱིས་མཐོང
་བའི་ཚད།། མོས་པའི་འཁོར་ལ་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། མཚན་མའི་ཡིད
་ཀྱི་རྟོག་པ་སོལ།། རྟོག་པས་གཡེངས་པའི་བདུད་རྣམས་ཆོམས།། བྱ་བས་གཡེངས་པའི་བར་ཆོད་སོལ།། རིག་པ་འགྱུར་མེད་རྟ་ལ་ཞོན།། ཡང་དག་འོད་ལ་རྟག་ཏུ་ལྟོས།། སྟོན་པས་ཚིག་གིས་དོན་ཆེན་མཚོན།། དོན
་ཆེན་རྒྱལ་པོ་མཐོང་བའི་ཚད།། འདི་ཡིས་ཡང་དག་གཟུང་བར་བྱ།། གཅིག་པུར་བསྡད་ན་བདེ་བ་འཐོབ།། རང་སྣང་གྲོགས་སུ་འཆར་བའི་ཕྱིར།། ཕ་རོལ་སེམས་དང་མཐུན་པ་ཡིན།། རང་གི་དེ་དང་མི་འབྲལ
་ཕྱིར།། ཆགས་དང་ཞེན་པ་མེད་པར་འགྱུར།། རང་གི་ས་ལ་འགྲོ་བའི་ཕྱིར།། གང་ལ་ཞེ་འདོད་བྱེད་མི་འགྱུར།། རང་གི་དོན་ཉིད་རྙེད་པའི་ཕྱིར།། ཤིང་བལ་འདབ་མ་བཞིན་དུ་ཡང་།། འབུ་དང་སྲིན་བུ་དེངས་པའི
་ཕྱིར།། ཞེས་བཀའ་སྩལ་པས།། གསང་བའི་བདག་པོ་རྟོགས་པ་རབ་ཏུ་སྐྱེས་ནས། འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་ཆེན་པོ། བདག་ཅག་རྣམས་ལ་རྟོགས་པའི་སྔ་རྟགས་རྒྱས་པར་གསུང་དུ་གསོལ།། ཞེས
་ཞུས་སོ།། དེ་ནས་ཡང་སྟོན་པས་བཀའ་སྩལ་པ། ཀྱེ་གྲོགས་པོ་དག་ཉོན་ཅིག། ངས་དོན་མ་ནོར་བར་བསྟན་གྱིས། ལེགས་པར་ཉོན་ཅིག། སངས་རྒྱས་ཀྱི་དགོངས་པ་རྙེད་པའི་ཚད་འདི་རྣམས་ཀྱིས་ཟུང་ཞིག། དེ་ཡང
་བདེ་བ་དང་ལྡན་པ་དང་།། འཇིག་རྟེན་འདི་ལ་མངོན་པར་ཞེན་པ་མེད་པ་དང་།། སྣང་བ་ཐམས་ཅད་འོད་དུ་འཆར་བ་དང་།། འོད་ལ་སྐུའི་ཚོམ་བུ་མ་འགགས་པར་འཆར་བ་དང་།། འཛིན་པ་མེད་པའི་ལུས་བདེ་བ
་དང་།། ཤེས་པ་རྩེ་གཅིག་ཏུ་གྱུར་པ་དང་། ཤེས་པ་དང་གིས་དལ་བ་དང་། ཤེས་པ་མི་གཡེངས་པ་དང་། ཤེས་པ་གཞན་ལ་མི་འཇུག་པ་དང་། ཤེས་པ་ཅི་ཡང་མ་ཡིན་པར་རྟོགས་པ་དང་། ཤེས་པ་མི་འགྱུར་བ
་དང་།། ཤེས་པ་མ་འགགས་པར་གསལ་བ་དང་།། ཤེས་པ་མི་རྟོག་པར་འཆར་བ་དང་། ཤེས་པ་འཛིན་པ་མེད་པར་རང་གྲོལ་བ་དང་།། ཕྱི་ནང་གི་ཆོས་ལ་འཛིན་པ་ཆུང་བ་དང་།། ལུས་ལ་ཆགས་པ་དང་ཞེན་པ་མེད
་པ་ཡིན་ནོ།། སྔ་རྟགས་དེ་རྣམས་དང་ལྡན་ན། ཡེ་ཤེས་ཀྱི་སྣང་བ་ལ་ཐོགས་རྡུགས་མེད་པར་གྲོལ་ལོ།། རིགས་ཀྱི་བུ་དེ་མྱ་ངན་ལས་འདས་པའི་རྟིང་ལ་ཡང་། འོད་དང་སྒྲ་དང་གདུང་དང་རིང་བསྲེལ་དང་། ས་གཡོ་བ
་ལ་སོགས་འབྱུང་ངོ་།། སངས་རྒྱས་དང་བྱང་ཆུབ་སེམས་དཔའ་རྣམས་ཀྱང་དེ་ལ་ཕྱག་བྱེད་པ་ལ་སོགས་པ་རྣམས་འབྱུང་ངོ་།། མི་མ་ཡིན་པ་རྣམས་ཀྱིས་གྲོགས་བྱེད་ཅིང་།། རྟག་ཏུ་དེ་དང་མི་འབྲལ་ལོ།། འོད་ཀྱིས
་འཇིག་རྟེན་གང་ན་འདུག་པ་དེ་མཐོང་ནས།། དེ་ལ་འཛིན་པ་མ་སྐྱེས་པས། རང་གིས་རང་ཡིན་པར་ངོ་ཤེས་པའོ།། མི་དང་འགྲོགས་སྙིང་མི་འདོད་པ་ནི། རང་གི་སྣང་བ་ཤར་བའི་རྟགས་ཡིན་ནོ།། རི་ཕུག་དག་ཏུ
་འགྲོ་བར་བྱེད་པ་ནི། སངས་རྒྱས་དགོངས་པ་རྙེད་པའི་རྟགས་ཡིན།། འཛིན་རྟེན་གྱི་བྱ་བ་བྲལ་བ་ནི་སྣང་བ་ཕྱོགས་མེད་དུ་མཐོང་བ་ཡིན། དེ་རྣམས་མིན་པར་འདི་ལྟར་བྱུང་ན། ཁ་ཚིག་ལ་སྤྱོད་ཅིང
་གཏིང་མ་རྟོགས་པར་སྨྱོན་པ་ལྟ་བུར་གྱུར་ན།། བར་ཆད་ཀྱི་བདུད་བྱུང་བ་ཡིན་པས། ཚོགས་རྒྱ་ཆེན་པོ་བཏང་ལ་ཉམས་སུ་བླང་། ཡང་ན་དྲན་པ་ཉམས་པ་ལྟ་བུ་བྱུང་ན་སྣང་བ་མ་མཐོང་བའི་རྟགས་ཡིན་པས། རྩ
་གསུམ་བཟློག་པ་བྱ།། མཁའ་འགྲོ་མས་ལུང་བསྟན་དུ་བྱུང་ན། ཉམས་བལྟ་བ་ཡིན་པས་དགོངས་པ་ལ་གཏད། རྟགས་དེ་བཞིན་དུ་བྱུང་ན་དགོངས་པ་ཚད་དུ་ཕྱིན་པའི་རྟགས་ཡིན།། ཞེས་རིག་པ་རང་ཤར་ཆེན་པོའི
་ལས། རྟགས་བསྟན་པའི་ལེའུ་སྟེ་དོན་གཅིག་པའོ།། ། དེ་ནས་ཡང་གསང་བའི་བདག་པོས་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བདག་ཅག་མོས་པའི་འཁོར་རྣམས་ལ།། ཐབས་ཀྱི
་དཀྱིལ་འཁོར་གསུང་དུ་གསོལ།། ཞེས་ཞུས་སོ།། དེ་ནས་ཡང་སྟོན་པས་བཀའ་སྩལ་པ། ཀྱེ་ཧེ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། ཐབས་ཀྱི་དཀྱིལ་འཁོར་གསུངས་པ་ནི།། ཡང
་དག་ཐུགས་ནི་རྣམ་པར་རོལ།། གསང་སྔགས་ཐབས་ཀྱི་རང་བཞིན་པས།། ཐབས་ལ་གནས་ཤིང་སྤྲད་པར་བྱ།། ཐབས་ནི་གསང་སྔགས་ཀུན་གྱི་ལམ།། ཡང་དག་ཆོས་ཉིད་ཐབས་ལ་གནས།། རིག་པའི་དཀྱིལ
་འཁོར་གསལ་བ་ལ།། ཡིད་ཀྱི་རྟོག་པ་མ་འགྱུས་པ།། ཐབས་ཀྱི་དཀྱིལ་འཁོར་མཆོག་ཏུ་གསུངས།། འབྱུང་བ་ལྔ་ཉིད་ཐབས་ཀྱི་སྐུ།། ཆེན་པོ་ལྔ་ཉིད་ཐབས་ཀྱི་ཡུལ།། སྣ་ཚོགས་འབྱུང་བ་ཐབས་ཀྱི་གསུང་།། རྟོག་པ
་མེད་པ་ཐབས་ཀྱི་ཐུགས།། དེ་ཉིད་མཐོང་བ་ཐབས་ཀྱི་ལམ།། ཐབས་ཉིད་མ་འགགས་ཆོས་ཉིད་དོན།། ཡང་དག་ས་ལ་མི་གཡོ་ཞིང་།། བདེན་པ་མཐོང་བའི་ས་ཉིད་ལ།། མཐར་ཕྱིན་ཏིང་འཛིན་ཐོབ་པ་ཉིད།། ཐབས
་ཀྱི་དཀྱིལ་འཁོར་ཆེན་པོར་བཤད།། ཡེ་ཤེས་རྒྱལ་པོ་རྙེད་པ་ཉིད།། ཐབས་ཀྱི་དཀྱིལ་འཁོར་མཉམ་པ་ཉིད།། མཚན་མའི་ཆོས་དང་བྲལ་གྱུར་ན།། ཐབས་ཉིད་རྫོགས་པ་ཆེན་པོའོ།། ཐབས་ཀྱི་དབྱེ་བ་འདི་ལྟ
་སྟེ།། ཐམས་ཅད་སྐྱོབ་པའི་ཐབས་དང་ནི།། བརྟེན་པ་ལམ་གྱི་ཐབས་ཉིད་དང་།། འཇུག་པ་ལས་ཀྱི་ཐབས་ཉིད་དང་།། འགྲོ་བ་བསྒྲལ་བའི་ཐབས་དང་ནི།། ལམ་ཉིད་རྟོགས་པའི་ཐབས་དང་ནི།། འབྲས་བུ་ཤེས
་པའི་ཐབས་ཉིད་དོ།། ཤེས་རབ་ཡུམ་གྱི་ཐབས་དང་ནི།། གསང་བའི་ཡེ་ཤེས་ཐབས་ཉིད་དོ།། མཚོན་པ་དཔེ་ཡི་ཐབས་དང་ནི།། ཡང་དག་དོན་གྱི་ཐབས་ཉིད་དོ།། སྒྲོན་མ་ཡུམ་གྱི་ཐབས་དང་ནི།། མཁའ་མཉམ་སྐུ
་ཡི་ཐབས་ཉིད་དོ།། ཡོད་པ་རྟགས་གྱི་ཐབས་དང་ནི།། རང་གསལ་འབྲས་བུ་ཐབས་ཉིད་དོ།། སྟོང་པ་མེད་པའི་ཐབས་དང་ནི།། རང་བཞིན་གསང་བའི་ཐབས་སུ་བཤད།། ཨེ་མ་ཧོ།། ཡང་དག་ཐུགས་ཀྱི་དཀྱིལ
་འཁོར་ནི།། ཐུགས་རྗེ་རྟགས་ཀྱི་ཟླ་བ་ཤར།། ནོར་བུ་རིན་ཆེན་ཕུང་པོ་ལ།། ཐབས་ཀྱི་ཟླ་བ་སྐུར་ཤར་བ།། རང་བྱུང་དོན་ཉིད་མཁའ་ལ་སྤྱོད།། ཡེ་ཤེས་དོན་ལ་ཅིར་སྣང་རྫོགས།། ཡང་དག་དོན་ལ་སྣ
་ཚོགས་འཕྲོ། ཐིག་ལེའི་སྐུ་ལ་སྣང་སྲིད་གསལ།། དག་པའི་ལམ་ལ་འོད་དུ་གསལ།། རིག་པའི་ངང་དུ་ཐབས་ཅད་འདུས།། གསང་སྔགས་པོ་ལ་ཐམས་ཅད་རྫོགས།། དགོངས་པ་ཡང་།། སྟོང་པའི་ལམ་ལ་འོད་ཟེར
་འཕྲོ།། སྣ་ཚོགས་གཟུགས་ལས་ཡེ་ཤེས་སྐྱེས།། སྐྱེ་མེད་དང་ལས་ཆོ་འཕྲུལ་བྱུང་།། དེ་བཞིན་དོན་ཉིད་ཡེ་ཤེས་ལ།། དྲི་མའི་ཆོས་ཉིད་ག་ལ་ཡོད།། རྟགས་དང་རྡོ་རྗེའི་དོན་ཉིད་ལ།། འཛིན་པའི་སེམས་ཉིད་ག་ལ
་ཡོད།། མཉམ་ཉིད་གཏིང་མཐའ་ཡས་པ་ལ།། སྟོང་པའི་ཡེ་ཤེས་ཡུལ་ལས་འདས།། སེམས་དང་ཡེ་ཤེས་འདྲེས་ཤིང་མཚུངས།། དེ་ལས་གྲོལ་བར་བྱ་བའི་ཐབས།། སེམས་ནི་དྲི་མའི་རང་བཞིན་པས།། དྲི་མ་ཉིད
་ལས་ཐར་དུས་མེད།། སེམས་ལས་སྣ་ཚོགས་འབྱུང་བ་ཡིན།། སྣ་ཚོགས་གཅིག་གི་རང་བཞིན་ལས།། རིག་པའི་ཀློང་དུ་མྱ་ངན་འདས།། ཨེ་མ་ཧོ།། ཡེ་ཤེས་དག་པའི་རང་བཞིན་ལ།། དྲི་མའི་ཆོས་ཉིད་ཀ་ནས
་དག། དག་པའི་ཆོས་ལ་གསལ་འགྲིབ་མེད།། སྟོང་པའི་ཆོས་ལ་སྐྱེ་འགག་མེད།། གསལ་བའི་ཐབས་ལ་སྤང་ལེན་མེད།། ཡེ་ཤེས་དོན་ལ་འདས་པ་མེད།། རྡོ་རྗེའི་དོན་ལ་འགྱུར་བ་མེད།། དག་པའི་ས་ལ་སྦྱང་དུ
་མེད།། སྟོང་པའི་ཡུལ་ལ་གནས་སུ་མེད།། ཡང་དག་སངས་རྒྱས་དེ་བཞིན་ནོ།། དཀྱིལ་འཁོར་སྟོང་ཉིད་འོད་གསལ་བ།། དག་པའི་ལམ་ལ་ཆགས་མེད་ཤར།། འཛིན་མེད་རང་སར་གྲོལ་བ་ནི།། དཔེར་ན་སྦྲུལ་གྱི
་མདུད་པ་བཞིན།། རང་གྲོལ་ཆེན་པོའི་ངང་དུ་སྐྱོལ།། འོད་གསལ་ཐབས་ཀྱི་སྐུར་མངའ་བ།། ཡེ་ཤེས་ཐབས་ལ་ཤེས་རབ་རོལ།། དག་པའི་ཡེ་ཤེས་ཟླ་འོད་བཟང་།། ཐབས་ཀྱི་ཀློང་ནས་འོད་གསལ་བ།། ཤེས་རབ
་ཀློང་དུ་གཉིས་མེད་ཐིམ།། སྒྲོན་མའི་ནང་ནས་སྐུ་ཤར་བ།། ནམ་མཁའི་ཀློང་ན་ཡང་དག་ཐིམ།། ཙིཏྟའི་དཀྱིལ་ནས་འོད་འཕྲོས་པ།། རྡོ་རྗེའི་ལམ་ན་ལྷན་ནེར་གསལ། བག་ཆགས་དཀྱིལ་ནས་མེ་འབར
་བས།། སྣ་ཚོགས་འབྱུང་བའི་སེམས་ཉིད་བསྲེག། སྟོང་པའི་ནང་ནས་རྟགས་བྱུང་ནས།། འཁྲུལ་པའི་ཡུལ་ལ་མངོན་པར་སྣང་།། ཨེ་མ་ཧོ།། བག་ཆགས་སྦུབས་ཀྱིས་ཡེ་ཤེས་བསྒྲིབས།། སྦུབས་ལ་མི་གནས་ཡེ་ཤེས
་རང་སར་ཕྱིན།། དཔེར་ན་སྦྲུལ་གྱིས་སྒོག་པ་བོར་བ་བཞིན།། སྦུབས་ལ་མི་གནས་ཡེ་ཤེས་མཁའ་ལ་སྤྱོད།། རིག་པའི་ངོ་བོ་སྦུབས་ཀྱིས་བསྒྲིབ་ཏུ་མེད།། གསང་བའི་རྟགས་ལ་ཉིན་མོ་མཚན་མོ་མེད།། ཡེ
་ཤེས་ཐབས་ལ་ཅིས་ཀྱང་དཔྱོད་དུ་མེད།། ས་ལམ་མཐར་ཕྱིར་ཡེ་ཤེས་ཐབས་ཀྱི་སྐུ།། གང་ལ་མ་ཆགས་རང་གི་བདེ་ཆེན་ལ།། ཐོགས་པ་མེད་པའི་རླུང་གིས་བསྐྱོད་དེ་གཤེགས།། ཐོགས་མེད་རླུང་ལས་མེ་བྱུང་ཐམས
་ཅད་བསྲེག། མེ་ཉིད་རང་ལས་བྱུང་ཞིང་རང་གི་ཡུལ་ལས་འདས།། དེ་ལས་ཆུ་བྱུང་གཅིག་གི་ངང་དུ་ཐམས་ཅད་སྡུད།། དེ་ནས་མི་གཡོ་མཉམ་པར་གནས་ཤིང་སྤྲུལ་པར་སྤྲུལ།། གསང་བའི་མཛོད་ནས
་ཡེ་ཤེས་ས་བོན་ལྔར་སྣང་ཞིང་།། སྒོ་ལྔའི་ཡུལ་ལས་ཐལ་བའི་སྣང་བ་ལྔ།། མ་བཀོད་མཛེས་པའི་ཚུལ་དུ་ཡོངས་ལ་གསལ།། བདེ་བའི་ཆོས་ཉིད་ཀུན་གྱི་སྙིང་པོ་ཡིན་པ་རང་ཡིས་བཤད།། ཀུན་བཟང་རོལ་པ་ཐབས
་དང་དབྱེར་མེད་སྤྱོད།། ཆགས་མེད་ས་ལ་ཐབས་ཀྱི་ཕ་རོལ་ཕྱིན།། ཐབས་ཉིད་སྐྱེ་འགག་མེད་པར་ཕ་རོལ་ཕྱིན།། ཚིག་མེད་ཡི་གེ་མེད་པས་ཐབས་ཀྱི་སྐུ་ལ་སྦྱོར།། སྐྱེ་མེད་རྣམ་དག་ཐབས་ཀྱི་གསུང་ལ་རོལ།། འཛིན
་མེད་རང་གྲོལ་ཐབས་ཀྱི་ཐུགས་ལ་འཛིན།། ཡང་དག་ཐབས་ལ་ཅིས་ཀྱང་སྒྲོ་དུ་བ་མེད།། ཅེས་རིག་པ་རང་ཤར་ཆེན་པོའི་རྒྱུད་ལས།། ཐབས་ཀྱི་སྒོ་བསྡུས་ཏེ་བསྟན་པའི་ལེའུ་སྟེ་དོན་གཉིས་པའོ།། །། དེ་ནས
་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་རྡོ་རྗེ་འཆང་།། བདག་ཅག་མོས་པའི་འཁོར་རྣམས་ལ།། ཡང་དག་དོན་ཉིད་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཀྱེ
་མ་རྡོ་རྗེ་འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་།། ཡང་དག་ཆོས་ནི་བདག་དང་བྲལ།། སེམས་ལ་སོགས་པའི་ཉོན་མོངས་རྣམས།། དྲི་མའི་མཐའ་དང་བྲལ་བའོ།། ཐ་དད་གསུམ་དང་བྲལ་བའི
་སྐུ།། འགྲོ་དང་འོང་བ་མེད་པར་རྟོགས།། དྲི་མ་གསུམ་དང་བྲལ་བའི་ཆོས།། སངས་རྒྱས་སེམས་ཅན་ག་ལ་ཡོད།། ཕྲ་རགས་ལྔ་དང་བྲལ་བའི་ཆོས།། ཐ་དད་དུ་མ་ག་ལ་ཡོད།། དྲི་མ་བཞི་ཡིས་བཅིངས་པ
་རྣམས།། མཐར་ཕྱིན་གྲོལ་བར་མ་གྱུར་ཀྱང་།། རྟོག་པ་རགས་པའི་སེམས་ཅན་རྣམས།། ཡང་དག་དོན་ཉིད་བལྟ་འདོད་ན།། ང་ཡིས་བསྟན་པའི་ལུང་ལ་ཉོན།། ང་ཡི་ཆོས་ཉིད་ཡུལ་ལ་ལྟོས།། ང་ཡི་བདེན་པའི་ལམ
་ལ་ཞུགས།། ཕྲ་རགས་ལྔ་ཡི་དྲི་མ་རྣམས།། རྣམ་དག་ཡེ་ཤེས་ལྔ་ལ་ལྟོས།། ཕྲ་རགས་གཅིག་གིས་བཅིངས་པ་རྣམས།། ང་ཡི་རིག་པའི་རྒྱལ་པོ་ལྟོས།། དྲི་མ་ཡུལ་གྱིས་བཅིངས་པ་རྣམས།། དེ་བཞིན་ནམ་མཁའི་ཡུལ
་ལ་ལྟོས།། འཛིན་པ་སེམས་ཀྱིས་བཅིངས་པ་རྣམས།། ཡང་དག་དོན་གྱི་སྒྲོན་མར་ལྟོས།། མཐའ་བཞིའི་རྒྱ་ཡིས་འཐུམས་པ་རྣམས།། དྲི་མ་རྣམ་དག་སྐུ་ལ་ལྟོས།། ལེགས་པའི་ལམ་དུ་ཞུགས་པ་རྣམས།། རྒྱུད་ཀྱི་རྒྱལ
་པོ་འདི་ལ་ལྟོས།། དེ་ནི་ལེགས་པར་བཤད་པའོ།། ཨེ་མ་ཧོ།། མཐའ་བཞི་བྲལ་བའི་ཆོས་སྐུ་ཆེན་པོ་དེ།། དྲི་མ་དག་པའི་མན་ཤེལ་སྐུ་ལ་ལྟོས།། མཐའ་དག་ཆོས་སྐུ་མུན་པ་སངས་པའི་སྐུ། དྲི་མེད་མུན་བསལ་མར
་མེའི་དཀྱིལ་འཁོར་ལྟར།། རིག་པའི་མེ་བཞིས་མཐའ་བཞིའི་མུན་པ་བསལ།། རྒྱ་མཚོའི་གཏིང་གི་ནོར་བུས་མུན་སེལ་ལྟར།། བག་ཆགས་གཏིང་ནས་ཕྲ་རགས་རྣམ་ལྔ་སེལ།། འཛིན་པ་དྲུག་དང་བྲལ་བའི་ཡེ་ཤེས
་ཉིད།། ངོས་བཟུང་མེད་པ་ཡང་དག་ཐུགས་སུ་ཆུད།། གསལ་བྱ་གསལ་བྱེད་མེད་པར་དེ་ཉིད་ཤར།། ལྟོས་པའི་ཆོས་ཉིད་གང་ལ་མ་ཆགས་ཤིང་།། ཆགས་པ་མེད་པར་ཡེ་ཤེས་དབྱིངས་སུ་སྡུད།། སྟོང
་པ་རྡོ་རྗེའི་སྐུ་ལ་སྐྱེ་འཇིག་མེད་པ་ལྟར།། རིག་པའི་སྐུ་ལ་གསལ་འགྲིབ་མེད་པར་གསུངས།། ཆོས་དང་ཆོས་མིན་གཉིས་ནི་འདྲེས་ཤིང་མཚུངས།། དེ་ལ་ཆོས་ཅན་ཆོས་ཉིད་གཉིས་སུ་འདོད།། ཆོས་ཉིད་མེད་པས་ཆོས
་ཅན་ག་ལ་ཡོད།། ཆོས་ཉིད་སྐྱེ་མེད་སྙིང་པོར་གསུངས།། ཆོས་ཅན་ཡུལ་ལ་བག་ཆགས་སྡུད་པར་གསུངས།། བག་ཆགས་བརྟན་ནས་ཆོས་ཉིད་མེད་པར་གསུངས།། ཡང་དག་ཆོས་ལ་བག་ཆགས་ཀ་ནས་མེད།། བག
་ཆགས་ཡོད་ན་སྒྲོན་མ་མེད་པར་འགྱུར།། སྒྲོན་མའི་ཡུལ་ལ་ཕྲ་རགས་མེད་པའི་ཕྱིར།། ཡེ་ཤེས་སྣང་བ་ཀ་ནས་དག་པ་ཉིད།། ཕྲ་རགས་ཉིད་ཀྱིས་མ་བསྒྲིབས་པར།། སྒྲོན་མའི་ཡུལ་ལ་མངོན་པར་སྣང་།། སྣང་བ
་སེམས་ལས་མ་བྱུང་ཞིང་།། རང་ལས་བྱུང་བའི་ཆོས་ཉིད་ལ།། འཁྲུལ་པ་བསམ་གྱིས་མི་ཁྱབ་འཕྲོ།། དྲི་མ་གཉིས་ཀྱི་ཆོས་རྣམས་ཀུན།། སྣང་བའི་ཕྱོགས་དང་བྲལ་བའོ།། ཀྱེ་མ་མཛད་སྤྱོད་གསང་བའི་སྤྱོད་པ
་ནི།། གསང་སྔགས་ཡུལ་གྱི་སྙིང་པོ་ཉིད།། དྲི་མེད་ཟླ་བ་དཀར་པོ་ཉིད།། མུན་པ་སེལ་བའི་དཔེ་དང་མཚུངས།། གསང་སྔགས་ཐབས་ཀྱི་སྤྱོད་མཛད་པ།། ཐབས་ཉིད་སྐུ་ལས་ཡང་དག་སྤྲུལ།། དེ་ཡང་དྲི་མ་གསུམ
་དང་བྲལ།། དྲི་མས་བྱས་པའི་ལས་ཉིད་ཀྱང་།། གསང་སྔགས་མཛད་པ་ལྔ་ཡི་ཀློང་དུ་འདུས།། སངས་རྒྱས་མཛད་པའི་ཡོན་ཏན་རྣམས།། ཆགས་མེད་རང་གྲོལ་ཉིད་དུ་ཤེས།། འཛིན་པ་མེད་པའི་ཆོས་ལས
་གྲོལ།། ཞེན་པའི་དངོས་པོ་ཆོས་ལས་གྲོལ།། ཡང་དག་ལམ་གྱི་ཡུལ་ལས་གྲོལ།། དྲི་མ་ཕྲ་བའི་ཆོས་ཉིད་ཀྱང་།། སྣ་ཚོགས་བློ་ཡི་དྲི་མ་མེད།། དྲི་མ་མེད་པ་ཆོས་ཀྱི་སྐུ།། འཛིན་པའི་ཕྱོགས་སུ་ལྷུང་བ་མེད།། ཕྱོགས
་དང་རིས་སུ་སྣང་བ་ཡང་།། བདེ་བ་ཆེན་པོའི་ཀློང་དུ་འདུས།། སྲིད་པའི་ཡེ་ཤེས་རང་ལུགས་ཉིད།། སྟོང་པ་ཡུམ་གྱི་མཁའ་ལ་རྫོགས།། རྫོགས་པ་གསང་བའི་དཀྱིལ་འཁོར་ཉིད།། ཙིཏྟའི་དཀྱིལ་ན་ལྷུན་གྱིས
་གྲུབ།། ཐུགས་ལས་འཕྲོས་པའི་འོད་ཉིད་ཀྱང་།། ཐུགས་ལས་འདས་པའི་དབྱིངས་སུ་རྟོགས།། སྐུ་དང་གསུང་དང་ཐུགས་ཉིད་ཀྱང་།། རྒྱལ་བ་ཉིད་ལས་མེད་པར་གསུངས།། སྐུ་གསུང་ཡོན་ཏན་རྒྱལ་བ་མིན།། སྐུ
་གསུང་ཐུགས་ལ་མཚན་མ་ཡོད།། མཚན་མ་ཡོད་པས་གྲོལ་མི་འགྱུར།། དེ་ཕྱིར་རྒྱལ་བ་སྐུ་ལས་འདས།། ཡང་དག་རྡོ་རྗེའི་སྐུ་ཉིད་ཀྱང་།། ངེས་པ་རྙེད་པའི་ས་ལ་གནས།། ཡེ་ཤེས་གཅིག་ཆོད་ས་ལ་ཡང་དག
་འདས།། འདས་པ་ཉིད་ལ་དཔེ་མཚོན་ཕྱོགས་དང་བྲལ།། དཔེ་ཟླའི་ཕྱོགས་ལ་གནས་པ་མེད།། དཔེ་ཉིད་ཕྱོགས་དང་མཚོན་མེད་ན། མཚན་དང་དཔེ་བྱད་ཡུལ་ལ་སྐུ་ཉིད་མེད།། སངས་རྒྱས་སྐུ་ལ་ཚིག་གིས་མཚོན་དུ
་མེད།། མུན་པས་བསྒྲིབས་པའི་སྣང་བ་རྣམས།། མུན་པ་བསལ་ན་སྣང་བ་གསལ། ཉིན་མོའི་ཕྱོགས་ལ་ཡེ་ཤེས་མེད།། མཚན་མོའི་ཕྱོགས་ལ་སྣང་བ་གསལ།། དངོས་པོ་ཉིད་ལ་དངོས་པོ་མེད།། སྟོང
་པའི་ཕྱོགས་ལ་སྟོང་པ་མེད།། སྟོང་པ་ཡོད་ན་ཕྱལ་པ་ཡིན།། གསལ་བ་ཉིད་ལས་མ་གཡོས་ན།། སྟོང་དང་དངོས་པོའི་ཆོས་དང་བྲལ།། སྟོང་དང་དངོས་པོ་ཡོད་གྱུར་ན།། ཡེ་ཤེས་ཡུལ་ལ་མེད་པར་འགྱུར།། བརྟགས
་པའི་ཡེ་ཤེས་མཚོན་པའི་དཔེ།། དྲི་མ་བཞི་དང་བྲལ་བར་གསུངས།། འདོད་པའི་སེམས་ལ་ཆགས་པ་མེད།། ཆགས་པ་ཡོད་ན་འདོད་པ་ཉིད།། མཚན་མ་གཞན་ལ་ལྟོས་པར་འགྱུར།། སྟོང་པ་མཚན་མས་སྟོང་པའི
་ཕྱིར།། དྲི་མེད་དག་པའི་ཡུལ་ཉིད་ཀྱང་།། ཡུལ་ལ་གྲོལ་ནས་ས་ལ་གནས།། ས་ལམ་དངོས་པོའི་ཆོས་མེད་ཀྱང་།། འཛིན་པའི་ཡུལ་ལ་ས་ལམ་སྣང་།། བགྲོད་པའི་ཐ་སྙད་ཆོས་དང་བྲལ།། ཆོས་ནི་འཁོར་བའི
་སྡུག་བསྔལ་ཏེ།། ཆོས་རྣམས་སྤངས་ན་བདེ་བ་ཐོབ།། གང་ལ་དཔེ་དང་དོན་ཡོད་ཕྱིར།། དཔེ་ཉིད་སངས་རྒྱས་ཉིད་དུ་འདོད།། དཔེ་ལ་བརྟེན་ཅིང་དོན་ལ་ཡང་དག་སྤྱོད།། སྤྱད་ཀྱང་དེ་ཉིད་འགྱུར་བ་མེད།། ཡོད་དང
་མེད་པའི་ཆོས་རྣམས་ཀུན།། ཡོད་པས་ཡེ་ཤེས་དོན་ལ་སྣང་།། མེད་པས་འཁོར་བའི་ཡུལ་ལས་ཐར།། ཐར་པ་ཉིད་ནས་ཡེ་ཤེས་མཐོང་བའི་དོན།། དེ་ལས་འདས་ན་རིག་པ་མེད་པར་འགྱུར། འདོད།། དཔེར་ན་སྒྲ
་མའི་སྐྱེས་བུ་ཡིས།། བྱ་བ་ཐམས་ཅད་བྱེད་པ་ལྟར།། ཡང་དག་རིག་པའི་དཀྱིལ་འཁོར་ནས།། སྣ་ཚོགས་སྡུད་པའི་སེམས་བྱུང་བས།། ཉོན་མོངས་ཡུལ་དུ་ལྷུག་པར་ཤར།། དེ་ཡི་དབང་དུ་མ་གྱུར་པར།། རིག་པ་ནམ
་མཁའི་མཐོངས་སུ་གཟུང་བར་བྱ།། ཡང་དག་ཡེ་ཤེས་རྒྱལ་པོ་ཉིད།། ཡང་ནས་ཡང་དུ་གོམས་ཤིང་མཐར་ཕྱིན་བྱེད།། རྟོགས་དང་མ་རྟོགས་མཚན་མ་ཚིག་གི་ལམ།། ལམ་ལ་གནས་ན་ཡེ་ཤེས་མཐོང་བ་མེད།། ཡེ
་ཤེས་ཉིད་ལ་ཚིག་དང་འཛིན་པ་མེད།། འཛིན་པ་སྤངས་པའི་ཆོས་ཉིད་ཀུན་ལ་རོལ།། རོལ་པ་རྒྱ་ཆེ་ཡང་དག་ཐུགས་ལས་བྱུང་།། འབྱུང་བའི་རྒྱལ་པོ་ཚིག་དང་འདྲེས་ཤིང་མཚུངས།། དཔེ་ཟླ་མེད་པའི་ཉག
་གཅིག་ཐུགས་ལ་རོལ།། ཡེ་ཤེས་རོལ་པས་སོ་སོ་ཐ་དད་མཐོང་།། མཐོང་བ་ཉིད་ལ་དཔེ་ཡིས་མཚོན་དུ་མེད།། དཔེ་དང་ཡེ་ཤེས་ཕྱོགས་ལ་གནས་པ་མེད།། ཕྱོགས་སུ་འཛིན་པས་ཡེ་ཤེས་མཐོང་དུ་མེད།། ཕྲ་རགས
་དྲི་མས་ཡང་དག་བདེ་བ་མེད།། ཡང་དག་ཆོས་སྤྱོད་རྟོག་པས་རྙེད་མི་འགྱུར།། བདེ་བ་འདོད་པས་བདེ་བར་རྒྱབ་ཀྱིས་ཕྱོགས།། དེ་བཞིན་ལྷ་དང་སྒོམ་པ་འདོད་པས་ལྟ་སྒོམ་ག་ལ་རྙེད།། ཡེ་ཤེས་དྲི་མ་སྤངས་ན་ཡང
་དག་བདེ་བ་རྙེད།། དེ་ཕྱིར་ཕྲ་རགས་གཉིས་ཀྱི་དྲི་མ་སྤང་བར་བྱའོ།། ཞེས་རིག་པ་རང་ཤར་ཆེན་པོའི་རྒྱུད་ལས། ཕྲ་རགས་ཡེ་ཤེས་ཀྱི་དྲི་མ་སྤང་བའི་ལེའུ་སྟེ་དོན་གསུམ་པའོ།། །། དེ་ནས་ཡང་གསང་བའི
་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། བདག་ཅག་མོས་པའི་འཁོར་མཁའ་འགྲོ་མ་དང་བཅས་པ་རྣམས་ལ། ཆོས་སྐུ་དང་། ལོངས་སྐུ་དང་། སྦྲུལ་སྐུ
་གསུམ་གྱི་དབྱེ་བ་གསུང་དུ་གསོལ།། ཞེས་ཞུས་སོ།། དེ་ནས་ཡང་བཅོམ་ལྡན་སྟོབས་ཆེན་བདག་པོ་དེས། འདི་སྐད་ཅེས་བཀའ་སྩལ་ཏོ།། ཀྱེ་འདུས་པའི་ཚོགས་རྣམས་ཉོན་ཅིག། ངས་ཐབས་ཀྱི་ཡན་ལག་རྒྱས་པར
་བསྟན་གྱིས། ལེགས་པར་ཉོན་ཅིག། སྐུ་ལ་བསམ་གྱིས་མི་ཁྱབ་ཀྱང་བསྡུ་ན་གསུམ་དུ་འདུས་སོ།། དེ་ཡང་གང་ཞེ་ན། ཆོས་ཀྱི་སྐུ་མཚན་མའི་ཡུལ་ལས་འདས་པ་དང་།། ལོངས་སྤྱོད་རྫོགས་པའི་སྐུ་གཟུང་བའི་ཡུལ
་ལས་འདས་པ་དང་། སྤྲུལ་པའི་སྐུ་ཆགས་པའི་ཡུལ་ལས་འདས་པའོ།། དེ་ཡང་ཆོས་ཀྱི་སྐུ་ལ་ཡང་གསུམ་སྟེ།། ཆོས་ཀྱི་སྐུའི་ཆོས་སྐུ་དང་།། ཆོས་ཀྱི་སྐུའི་ལོངས་སྐུ་དང་། ཆོས་ཀྱི་སྐུའི་སྦྲུལ་སྐུའོ།། དེ་ལ་ཡང་ཆོས་ཀྱི
་སྐུའི་ཆོས་སྐུ་ནི་རིག་པ་ཆོས་ནི་ཡུལ་དུ་སྣང་བ། སྐུ་ནི་རིག་པའི་ངོ་བོ་མ་འགགས་པའོ།། ཆོས་སྐུའི་ལོངས་སྐུ་ནི་འོད་ལྔའོ།། ཆོས་སྐུའི་སྦྲུལ་སྐུ་ནི་མིག་ནི་དབང་པོ་མཐོང་བ་མ་འགགས་པའོ།། ཆོས་ཀྱི་སྐུའི་ཡུལ་ནི
་ནམ་མཁའ་རྣམ་པར་དག་པ།། ཆོས་ཀྱི་སྐུའི་གནས་ནི་ཙིཏྟ།། ཆོས་ཀྱི་སྐུའི་ལམ་ནི་རིན་པོ་ཆེ་ཤེལ་གྱི་སྦུ་གུ་ཅན་ནི།། ལོངས་སྤྱོད་རྫོགས་པའི་སྐུ་ལ་གསུམ་སྟེ། ལོངས་སྤྱོད་རྫོགས་པའི་སྐུའི་ཆོས་སྐུ་དང་། ལོངས་སྐུའི
་ལོངས་སྐུ་དང་། ལོངས་སྐུའི་སྦྲུལ་སྐུའོ།། དེ་ཡང་ལོངས་སྤྱོད་རྫོགས་པའི་སྐུའི་ཆོས་སྐུ་ནི། ཡེ་ཤེས་ལྔའི་སྣང་བ་མ་འགགས་པར་སང་ངེ་གནས་པ་ཡིན་ནོ།། ལོངས་སྤྱོད་རྫོགས་པའི་སྐུའི་ལོངས་སྐུ་ནི།། ཐིག་ལེ་རྣམ
་པ་ལྔའི་ལམ་དང་བཅས་པའོ།། ལོངས་སྤྱོད་རྫོགས་པའི་སྐུའི་སྦྲུལ་སྐུ་ནི།། སྒོ་ལྔའི་རྣམ་ཤེས་ཡུལ་ལ་ཤར་བའོ།། ལོངས་སྤྱོད་རྫོགས་པའི་སྐུའི་གནས་ནི། ཨ་བདྷཱ་ཏི། ལོངས་སྤྱོད་རྫོགས་པའི་སྐུའི་ལམ་རྩེའུ་ཆུང
་གཡས་པ།། ལོངས་སྤྱོད་རྫོགས་པའི་སྐུའི་སྣང་བ་ལྔར་ཤར་རོ།། སྤྲུལ་པའི་སྐུ་ལ་ཡང་གསུམ་སྟེ། སྤྲུལ་པའི་སྐུའི་ཆོས་སྐུ་དང་། སྤྲུལ་པའི་སྐུའི་ལོངས་སྐུ་དང་། སྦྲུལ་སྐུའི་སྦྲུལ་སྐུའོ།། དེ་ཡང་འདི་ལྟ་སྟེ།། སྦྲུལ་སྐུའི
་ཆོས་སྐུ་ནི་སྒྲོན་མ་གཉིས།། སྤྲུལ་པ་སྐུའི་ལོངས་སྐུ་ནི་སྐུ་ལྔ་མཐོང་ལ། སྤྲུལ་པ་སྐུའི་སྦྲུལ་སྐུ་ནི་ཉོན་མོངས་པ་ལྔར་ཤར་བའོ།། སྤྲུལ་པ་སྐུའི་གནས་ནི་ཀླད་པ། སྤྲུལ་པ་སྐུའི་ལམ་ནི་མིག། སྤྲུལ་པ་སྐུའི་ཡུལ་ནི་འཁྲུལ
་སྣང་ངོ་།། དེ་བཞིན་དུ་སྐུ་ཐམས་ཅད་དབྱིངས་ཀྱི་རང་བཞིན་ཅན་ཡིན་པར་ཤེས་པར་བྱའོ།། དབྱིངས་ཐམས་ཅད་ལ་སྐུ་ཡིས་བརྒྱན་ཅིང་རབ་ཏུ་འཕྲོ་བར་ཤེས་པར་བྱའོ།། སྐུ་དེ་རྣམས་རེ་རེ་ལ་ཆ་ཤས་ཀྱི་སྐུ་ཞེས་བྱ་བ
་གྲངས་མེད་པ་ཡོད་དོ།། མདོར་བསྟན་པ་ནི་འདི་ལྟ་སྟེ། སེམས་ཉིད་དྲི་མའི་སྐུ་ཞེས་བྱ་སྟེ། ཡུལ་སྡུད་ཅིང་ཡུལ་མངོན་སུམ་དུ་འཛིན་པའོ།། སྤྱོད་པ་ཡུལ་གྱི་སྐུ་ཞེས་བྱ་སྟེ་གང་རང་གི་དོན་མི་མཐོང་བར་བྱེད་པའོ།། དེ
་ནི་སྤྲུལ་པའི་སྐུའི་ཆ་ཤས་ཀྱི་སྐུའོ།། ལོངས་སྤྱོད་རྫོགས་པའི་སྐུའི་ཆ་ཤས་ཀྱི་སྐུ་ནི། གཟུགས་ཀྱི་སྐུ་དང་། སྒྲའི་སྐུ་དང་། དྲིའི་སྐུ་དང་། རོའི་སྐུ་དང་། རེག་གི་སྐུའོ།། དེ་ནི་ལོངས་སྤྱོད་རྫོགས་སྐུའི་སྤྲུལ
་སྐུའོ།། ཆོས་ཀྱི་སྐུའི་སྤྲུལ་པའི་སྐུ་ནི། མིག་གི་སྐུ་དང་། རྣ་བའི་སྐུ་དང་། སྣའི་སྐུ་དང་། ལྕེའི་སྐུ་དང་། ལུས་ཀྱི་སྐུ་དང་། ཡིད་ཀྱི་སྐུའོ།། དེ་ནི་ཆོས་ཀྱི་སྐུའི་སྤྲུལ་པའི་སྐུའོ།། དེ་བཞིན་དུ་སྐུའི་འོད་ལ་ཞུགས
་ནས།། གསུང་གི་ཟེར་ལ་རོལ་ལོ།། གསུང་གིས་རྣམ་པར་དག་པའི་ཟེར་ཕྱོགས་བཅུར་འཕྲོ་བའོ།། གསུང་གི་ཟེར་རེ་རེ། ལ་ཡང་སྤྲུལ་པ་གྲངས་མེད་པ་འབྱུང་ངོ་།། ཞེས་རིག་པ་རང་ཤར་ཆེན་པོའི་རྒྱུད་ལས། སྐུ
་གསུམ་གྱི་དབྱེ་བ་བསྟན་པའི་ལེའུ་སྟེ་དོན་བཞི་པའོ།། །། དེ་ནས་ཡང་གསང་བའི་བདག་པོས་འདི་སྐད་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཅན།། སྐུ་གསུམ་དབྱེ་བ་དེ་ལྟར་ན།། བདག་ཅག་རྗེས་སུ
་ཞུགས་པ་ལ།། དབང་གི་སྡོམ་བྱང་དབྱེ་ལུགས་གསུངས།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་རྡོ་རྗེ་འཛིན་པ་ཉོན།། ཆོས་ཉིད་ཤེས་པར་འདོད་པ་རྣམས།། དབང་གི་སྡོམ་བྱང་ལེགས་པར
་ཉོན།། དབང་གི་དབྱེ་བ་འདི་ལྟ་སྟེ།། ཆོས་ཉིད་མཚོན་པའི་དབང་དང་ནི།། བྱ་བ་རྫོགས་པའི་དབང་དུ་གསུངས།། སྡོམ་བྱང་ཚིག་ལན་འདི་ལྟར་བྱ།། ཚིག་གི་དབང་ནི་དོན་མཚོན་དང་།། དབང་གི་ཚིག་ལ་ལན་སྨྲས
་པ།། དབང་གི་གནས་དང་ལོངས་སྤྱོད་དང་།། དབང་གི་ཡུལ་དང་བསྐུར་ཐབས་རྣམས།། བློ་དམན་དོན་དུ་གསུངས་པ་སྟེ།། ཡང་དག་ཤེས་པའི་རྣལ་འབྱོར་ལ།། མཚོན་པའི་དབང་གིས་ཅི་ཞིག་བྱ།། རྟོགས་མཐོང
་དབང་མཆོག་ཡོད་པའི་ཕྱིར།། མ་གོ་བ་ཡི་སེམས་ཅན་ལ།། རྫས་རེ་དོན་རེས་དབང་བསྐུར་བྱ། དེ་ཡང་རིམ་པ་འདི་ལྟ་སྟེ།། ཕྱི་ཡི་འབྱུང་བ་ཚར་གཅོད་ཕྱིར།། སྣ་ཚོགས་དར་གྱི་ཅོད་པན་རེ།། རིགས་ཀྱི་བུ་ལ
་གདགས་པར་བྱ།། ལྷ་དང་སྙིང་པོ་ཉིད་ཀྱང་གསུངས།། ལྷ་ལ་རྣམ་པ་གསུམ་གྱིས་བསྟན།། རྩ་བ་རྡོ་རྗེའི་ལྷ་དང་ནི།། བྱ་བ་བྱེད་དང་ལས་ཀྱི་ལྷ།། རྣམ་པ་གསུམ་དུ་ང་ཡིས་བཤད།། ལྷ་གསུམ་གཏད་པས་སྐུ
་གསུམ་ཐོབ།། སྙིང་པོ་གཏད་པ་འདི་ལྟར་བྱའོ།། ཨོཾ་བཛྲ་ས་ཏྭ།། རྡོ་རྗེ་སེམས་དཔའི་རྩ་བའི་ལྷའི། སྙིང་པོའོ།། ཧྲྀ་ད་ཡ་པདྨ་ཧེ་རུ་ཀ། ལས་ཀྱི་ལྷ་ཡི་སྙིང་པོའོ།། ཨོཾ་བཛྲ་པཱ་ཎི་ཧཱུཾ་ཕཊ། ཕྱག་ན་རྡོ་རྗེ།། བྱ་བ་བྱེད་པའི་ལྷའི
་སྙིང་པོའོ།། དེ་སྐད་བརྗོད་པས་ཏིང་འཛིན་གསལ།། ཡང་དག་ས་ལམ་མཐར་ཕྱིན་འགྱུར།། ཏིང་འཛིན་གཅིག་གིས་ས་རྣམས་ནོན།། མི་བསྐྱོད་རྡོ་རྗེའི་དབྱིངས་སུ་ཕྱིན།། དེ་ནི་དབང་གི་སྡོམ་བྱང་ངོ་།། དབྱེ་བ་རྒྱས
་པར་བསྟན་པ་ནི།། མཁའ་དབྱིངས་བུམ་པའི་དབང་དང་ནི།། རྒྱལ་ཐབས་སྤྱི་བླུག་རྡོ་རྗེའི་དབང་།། རྒྱལ་སྲིད་རིན་ཆེན་སྣ་བདུན་དབང་།། རིན་ཆེན་རྫས་བརྒྱད་འཁོར་ལོའི་དབང་།། གསང་བའི་རྡོ་རྗེ་པདྨའི
་དབང་།། དེ་ཡང་གཞི་ལ་ལྷུན་གྱིས་གྲུབ།། མཁའ་དབྱིངས་བུམ་པའི་དབང་བསྐུར་ནི།། རིག་པ་དབྱིངས་ཀྱི་རྒྱས་བཏབ་ནས།། གཞི་ལ་ལྷུན་གྱིས་གྲུབ་པའི་ཕྱིར།། མཁའ་དབྱིངས་བུམ་པའི་དབང་ཞེས
་གྲགས།། རྒྱལ་ཐབས་སྤྱི་བླུག་དབང་བསྐུར་ཡང་།། གཞི་ལ་ལྷུན་གྱིས་གྲུབ་ནས་ཡོད།། དཔེར་ན་རྒྱལ་རིགས་སྤྱི་བོ་ནས།། དབང་བསྐུར་བརྟན་པ་ཐོབ་པའི་ཕྱིར།། རིགས་ཀྱི་བུ་ལ་དབང་བསྐུར་བས།། གཞི་སྣང་རྒྱ
་ཡིས་བཏབ་པའི་ཕྱིར།། དེ་ཕྱིར་རྒྱལ་ཐབས་ཞེས་བྱར་གྲགས།། རྒྱལ་སྲིད་རིན་ཆེན་སྣ་བདུན་ཡང་།། གཞི་ལ་བབ་ཀྱིས་གྲུབ་ནས་ཡོད།། རྒྱལ་བ་ཀ་དག་དཀྱིལ་འཁོར་ལ།། རྫས་བདུན་ལྷུན་གྱིས་གྲུབ་པའི
་ཕྱིར།། རྒྱལ་སྲིད་རིན་ཆེན་སྣ་བདུན་ཞེས།། རྒྱལ་བ་ཀུན་གྱི་བསྔགས་པར་གསུངས།། དཔེར་ན་རྒྱས་པའི་འབྲས་བུ་བཞིན།། ཐམས་ཅད་བཅུད་ཀྱིས་རང་བཞིན་པས། སེམས་ཅན་ཐམས་ཅད་ཚིམ་བྱེད་ལྟར།། རྒྱལ
་སྲིད་དག་པའི་དབང་བསྐུར་གྱིས།། ཐམས་ཅད་འབྲས་བུ་ཐོབ་པར་བྱེད།། དེ་ཕྱིར་རྒྱལ་སྲིད་རིན་ཆེན་དབང་བསྐུར་བཤད།། རིན་ཆེན་རྫས་བརྒྱད་དབང་ཉིད་ཀྱང་།། གཞི་ལ་བབ་ཀྱིས་གྲུབ་པའི་ཕྱིར།། རིན་ཆེན
་རྫས་བརྒྱད་དབང་བསྐུར་བྱ། གང་དག་རང་བཞིན་སྣང་བ་ལ།། འཁོར་ལོ་རབ་ཏུ་བསྐོར་བའི་ཕྱིར།། བཀྲ་ཤིས་རྫས་བརྒྱད་དབང་བསྐུར་བསྟན།། དཔེར་ན་ཉི་མའི་སྙིང་པོ་ལ།། འོད་ཟེར་ཀུན་ནས་འབྱུང་བ
་ལྟར།། བཀྲ་ཤིས་ཡོན་ཏན་རྫས་བརྒྱད་ཀྱིས།། དབང་བསྐུར་དག་སྣང་མཐོང་བར་འགྱུར།། རྡོ་རྗེ་པདྨའི་དབང་མཆོག་རྣམས།། རབ་ཏུ་གསང་ཞིང་སྤྱད་པར་བྱ།། དེ་ལ་སོགས་པའི་དབང་བསྐུར་རྣམས།། ཡང་དག
་དབང་ཉིད་ཐོབ་པར་བྱའོ།། ཡང་དག་དབང་ལ་དོན་གསུམ་སྟེ།། ཕྱི་དང་ནང་དང་གསང་བའོ།། ཕྱི་ཡི་རོལ་པ་ཆེན་པོར་བསྐུར།། ནང་ནི་རིག་པའི་ཡུལ་ལ་བསྐུར།། གསང་བ་ངོ་སྤྲོད་ཉིད་དུ་བསྟན།། ཕྱི་ཡི་དབང་ལ
་དོན་བཞིས་བསྟན།། དེ་ཡང་ཕྱི་དང་ནང་དང་ནི།། གསང་བ་ཡོངས་སུ་རྫོགས་པར་གསུངས།། ཕྱི་ཡི་ཕྱི་ནི་འདི་ལྟ་སྟེ།། རིན་ཆེན་རྫས་ལ་བརྟེན་པའོ།། ཕྱི་ཡི་ནང་ནི་འདི་ལྟ་སྟེ།། ཅིར་སྣང་རོལ་པར་བསྐུར་བར
་བྱ།། ཕྱི་ཡི་གསང་བ་འདི་ལྟ་སྟེ། དོན་དང་ཚིག་ལ་དབང་བསྐུར་བྱ།། ཕྱི་ཡི་ཡོངས་རྫོགས་འདི་ལྟ་སྟེ།། ཐམས་ཅད་རིག་པར་དབང་བསྐུར་བྱའོ།། ནང་གི་དབང་ལ་དོན་བཞི་བསྟན།། ཕྱི་དང་ནང་དང་གསང་བ
་དང་།། དེ་བཞིན་ཡོངས་སུ་རྫོགས་པར་གསུངས།། དེ་ཡང་བསྟན་པ་འདི་ལྟ་སྟེ།། ནང་གི་ཕྱི་ནི་འདི་ལྟར་འདོད།། མཚན་མ་ཟིལ་གྱིས་གནོན་པའི་ཕྱིར།། བཀའ་རྟགས་ཕྱག་རྒྱའི་དབང་བསྐུར་བྱ།། ནང་གི་ནང་ནི་འདི
་ལྟར་བྱ།། བསྒྲུབ་པ་ཚད་དུ་བྱ་བའི་ཕྱིར།། སྙིང་པོ་ལྷ་ཡི་དབང་བསྐུར་བྱ།། ནང་གི་གསང་བ་འདི་ལྟར་འདོད།། ཡབ་དང་ཡུམ་དུ་མཐུན་སྦྱར་ཕྱིར།། བྱང་ཆུབ་སེམས་ཀྱི་དབང་བསྐུར་བྱ།། ནང་གི་ཡོངས་རྫོགས་འདི
་ལྟ་སྟེ།། མ་རིག་ཆོམ་ལ་དབབ་པའི་ཕྱིར།། རིག་པ་སྒྲོན་མའི་དབང་བསྐུར་བྱ།། གསང་བའི་དབང་ལ་དོན་བཞི་བསྟན།། ཕྱི་དང་ནང་དང་གསང་བ་དང་།། ཡོངས་སུ་རྫོགས་པ་བཞི་ཡི་བསྟན།། གསང
་བའི་ཕྱི་ནི་འདི་ལྟ་སྟེ།། དཔེ་དང་དོན་དང་རྟགས་དང་གསུམ།། འོད་ལྔ་གསལ་བ་ཡོད་པའི་ཕྱིར།། ཤེལ་དང་སྐུ་ཡི་དབང་བསྐུར་བྱ།། གསང་བའི་ནང་ནི་འདི་ལྟ་སྟེ།། ཉི་ཤུ་རྩ་གཅིག་མཐར་དབྱུང་སྟེ།། གདམས་ངག
་ཉི་ཤུའི་དབང་བསྐུར་བྱ།། གསང་བའི་གསང་བ་འདི་ལྟ་སྟེ།། དག་པ་ཉམས་སུ་བླང་བའི་ཕྱིར།། བཞག་ཐབས་བདུན་པའི་དབང་བསྐུར་བྱ།། གསང་བའི་ཡོངས་རྫོགས་འདི་ལྟ་སྟེ།། གསང་བའི་ཡེ་ཤེས་ཡོད་པའི
་ཕྱིར།། རིག་པ་སྒྲོན་མའི་དབང་བསྐུར་བྱ།། དེ་བཞིན་དབང་གི་རྣམ་པ་རྣམས།། རིམ་པ་བཞིན་དུ་བསྐུར་བར་བྱ།། ཞེས་རིག་པ་རང་ཤར་ཆེན་པོའི་རྒྱུད་ལས། དབང་གི་སྡོམ་བྱང་བསྟན་པའི་ལེའུ་སྟེ་དོན་ལྔ
་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་རྡོ་རྗེ་འཆང་།། དབང་གི་སྡོམ་བྱང་དེ་ལྟར་ན།། བདག་ཅག་མོས་པའི་འཁོར་རྣམས་ལ།། མཚན་མ་རང་གྲོལ
་གསུང་དུ་གསོལ།། ཞེས་ཞུས་སོ།། དེ་ནས་ཡང་བཀའ་སྩལ་པ།། ཨེ་མ་གསང་བའི་བདག་པོ་ཉོན།། ངས་བསྟན་ལེགས་པར་ཡིད་ལ་ཟུང་།། མཚན་མ་རང་གྲོལ་དགོངས་པ་ཉིད།། ཁྱོད་ཀྱིས་གོ་བར་ཤིན་ཏུ
་དཀའ།། ངས་བསྟན་ཡང་དག་ཉིད་ལ་ཉོན།། ཕྱོགས་བཅུ་རབ་འབྱམས་རྡུལ་སྙེད་དུ།། སངས་རྒྱས་ས་བོན་གང་སྤྲོས་ཀྱང་།། ས་བོན་ཉིད་ལ་འཕེལ་འགྲིབ་མེད།། དེ་བཞིན་རང་གྲོལ་དགོངས་པ་ལ།། འཕེལ་འགྲིབ
་ཆོས་དང་བྲལ་བ་ཡིན།། མཚན་མ་རང་གྲོལ་དགོངས་པ་ཉིད།། དཔེར་ན་རྒྱ་མཚོར་དར་ཆགས་བཞིན། རྒྱ་མ་ཆད་ལ་ལྷུན་གྱིས་གྲུབ།། མཚན་མ་རང་གྲོལ་དགོངས་པ་ཉིད།། དཔེར་ན་རྒྱ་མཚོའི་གནས་ན་གནས་པ
་བཞིན།། གཞི་ལམ་མ་སྦྱངས་གནས་སུ་ཕྱིན།། སྟོང་པའི་ཀློང་དུ་རིག་པ་སྟོར།། སྟོར་པ་ཉིད་ན་རྙེད་པའི་མཆོག། རྟོགས་པ་སེམས་ཀྱི་ཕོ་བྲང་དུ།། སྣང་བ་སྟོང་པའི་ཆོས་ཉིད་སྟོར།། སྟོར་བས་ཡེ་ཤེས་མཁའ་ལ
་འཁྱིལ།། རྙེད་པས་རྡོ་རྗེའི་སྐུ་དང་མཚུངས།། སྟོང་པ་ཆེན་པོའི་སྤྱོད་ཡུལ་ན།། དག་པའི་ཡེ་ཤེས་འོད་དུ་ཤར།། འོད་སྣང་མ་འགགས་དོན་ལ་སྤྱོད།། དཔེར་ན་རལ་གྲི་ཁ་མང་བཞིན།། སྟོང་པ་རང་སངས་ཆོས་ཉིད
་ལ།། འཛིན་པ་མེད་པ་རང་སར་ཐལ།། རང་ཤར་ཆོས་ཉིད་མེ་ལོང་ལ།། འཛིན་པ་མེད་པར་རྟོག་མེད་རྙེད།། ཀུན་སྣང་ཡང་དག་དཀྱིལ་འཁོར་དུ།། སྟོང་གསལ་རྡོ་རྗེའི་དཀྱིལ་འཁོར་ནས།། རྟོག་མེད་རང་ཤར
་ཟད་ཐལ་ཉིད།། འཛིན་པ་བཅོས་པའི་མཐའ་དང་བྲལ།། མཐའ་བྲལ་ཆོས་ལ་ཞེ་འདོད་མེད།། ཞེ་འདོད་རང་ཤར་མེད་པར་ཤེས།། མཚན་མ་རང་གྲོལ་དགོངས་པ་ཉིད།། གསལ་བ་རྟོགས་པའི་ཕྱོགས་དང
་བྲལ།། འཛིན་པ་མེད་པར་རང་སར་གྲོལ།། རྟོག་པ་མེད་པས་བདེན་པ་མཐོང་།། དེ་ཕྱིར་མཚན་མ་རང་གྲོལ་ལ།། བྱས་པའི་ཆོས་ནི་ཀ་ནས་མེད།། འབྱུང་དང་བྱུང་བའི་ཆོས་ལ་སྤྱོད།། སངས་རྒྱས
་དགོངས་པ་རང་གྲོལ་ཉིད།། མུན་པ་སངས་པའི་ཕྱོགས་དག་ནས།། རབ་ཏུ་དངས་པས་བལྟ་བར་བྱ།། ཡང་དག་དོན་ལ་བལྟར་མེད་ཀྱང་།། བལྟས་ན་རང་གྲོལ་དགོངས་པ་རྙེད།། ལྟ་བ་ཀུན་གྱི་ཡང་རྩེ་འདི།། ཨ་ཏི
་རྫོགས་པ་ཆེན་པོར་བཤད།། ཡངས་པ་གོ་སྐབས་ཕྱེ་བའི་དོན།། ནམ་མཁའ་ལྟ་བུར་ཤེས་པར་བྱ།། རྒྱ་ཆེ་གཏིང་ཟབ་དཔག་དཀའི་དོན།། རྒྱ་མཚོ་ཆེན་པོའི་གཏིང་དང་མཚུངས།། གསལ་བའི་འོད་ཟེར་འདུས་པའི
་དོན།། ཉི་མའི་དཀྱིལ་འཁོར་ཉིད་དུ་ཤེས།། རྟོག་པའི་མཐའ་ལས་གྲོལ་བའི་ཕྱིར།། གསང་སྔགས་ཐབས་ཀྱི་རྒྱལ་པོར་གསུངས།། མཚན་མ་རང་གྲོལ་དགོངས་པའི་དོན་རྙེད་པས།། ཡེ་ཤེས་འོད་གསལ་གསང་བར
་གསལ།། ཐེག་ཆེན་འདི་ནི་མཁའ་ལ་ཉི་ཤར་འདྲ།། མཐའ་ཡི་མུན་པ་ཡེ་ནས་མེད་ཅེས་གསུངས།། མཚན་མ་རང་གྲོལ་ཆོས་ཉིད་དགོངས་པ་ལས།། བསྒོམ་པའི་ཡུལ་མེད་འཛིན་པའི་ཆོས་ལས་གྲོལ།། བསྒོམ་ཆགས
་མེད་པའི་བདག་འཛིན་སྡུག་བསྔལ་ཡིན།། བསྒོམ་པའི་གནས་མེད་རྟག་ཏུ་མཐོང་གྱུར་ན།། བསྒོམ་པ་མེད་པའི་མཚན་མ་རང་གྲོལ་གང་ལ་མི་རྟོག་མཐོང་།། དབྱེར་མེད་ལྷུན་རྫོགས་ཐེག་ལེ་དབྱིངས་ཉིད་ཆེ།། བསྐྱེད
་པ་མི་མངའ་ཡེ་ཤེས་རིན་པོ་ཆེ།། རྫོགས་པ་མི་མངའ་བྱང་ཆུབ་སྙིང་པོ་ཆེ།། བྱ་བ་མེད་པས་ལྷུན་རྫོགས་ཐིག་ལེ་ཆེ།། འཁོར་བ་མེད་པས་མྱང་འདས་བདེ་བ་ཆེ། ཀུན་དང་མི་མཉམ་རྡོ་རྗེའི་དཀྱིལ་འཁོར་ཆེ།། དེ་ལྟར
་ཆེ་བའི་ཡེ་ཤེས་དེ་བཞིན་ཀུན་ལ་གནས།། བསྒྲུབ་ཏུ་མེད་པར་རང་ཆས་ཡེ་ནས་གནས།། བཙལ་དུ་མེད་དེ་མངོན་སུམ་དག་པའི་དབྱིངས།། སྨོན་དུ་མེད་དེ་བདེ་ཆེན་ཐུགས་ལ་རྫོགས།། འདུས་བྱས་ཆོས་རྣམས་སྤང
་དུ་མེད་དེ་སྤང་བྱེད་ཡོད།། ཆོས་རྣམས་ཐམས་ཅད་རང་ལ་རྫོགས་ཤིང་འཕྲོ།། སྤང་རྒྱུ་མེད་ཅིང་སྤངས་པའི་ཆོས་དང་བྲལ།། སྤང་བ་པོ་ཡང་མི་དམིགས་སྤང་བྱ་ག་ལ་ཡོད།། ཆོས་དང་རིག་པ་རྫོགས་པའི་སྐུ།། ལེན།
་མེད་འཛིན་དང་ཡོངས་སུ་བྲལ་བས་ན།། དུས་གསུམ་མཉམ་ཉིད་རྡོ་རྗེ་སེམས་དཔའ་ཆེ།། རྡོ་རྗེ་སེམས་དཔའ་ཡེ་ཤེས་ཀུན་ལ་རོལ།། རོལ་པ་བསམ་གྱིས་མི་ཁྱབ་མཐའ་ལ་ཐུག་པ་མེད།། དབྱིངས་ལ་བྲི་བ་མེད
་ཅིང་ཆོས་ཉིད་ངང་དུ་རྟོགས།། རྟོགས་དང་མ་རྟོགས་མེད་པ་ཚིག་གི་མཐའ་བསལ་ཅིང་།། མཚན་མ་རང་གྲོལ་དོན་ལ་མ་ཡེངས་ན།། བརྟེན་པའི་ས་མེད་གཟུང་བའི་ཡུལ་དང་བྲལ།། ཡུལ་དང་འཛིན་པ་མེད་ན་བྱང
་ཆུབ་བདེ་བའི་ཤུགས།། ཤུགས་དང་ཏིང་འཛིན་རྩལ་ལ་གང་འཇུག་པ།། གོལ་སྒྲིབ་ལྟུང་བར་འགྱུར་ཞིང་བྱང་ཆུབ་དེ་ལ་མེད།། ཡང་དག་བདེན་པའི་མཚན་མ་རང་གྲོལ་ནི།། གང་ལ་མ་ཆགས་ཕྱོགས་ལ་གནས་པ
་མེད།། གནས་དང་ཏིང་འཛིན་བྱང་ཆུབ་སྒྲིབ་པའི་རྒྱུ།། རྒྱུ་དང་འབྲས་བུར་བཟུང་བས་མཚན་མའི་ཡུལ་དུ་གྱུར།། དེ་ཕྱིར་ལམ་ལ་ཐུག་པ་མེད་པས་རང་གི་ཐུགས་ལ་དྲིས།། སྟོང་པའི་ལམ་ལ་ཡང
་དག་ཐུག་པ་མེད།། འོད་ཀྱི་ལམ་ལ་ཡེ་ཤེས་སྐྱེས་པ་ཡིས།། མཐོང་བའི་ལམ་ལ་ཡེ་ཤེས་འོད་གསལ་ཀྱི།། རྟོག་མེད་ལམ་ལ་འཛིན་མེད་རང་སར་གྲོལ།། མཚན་མ་རང་གྲོལ་དགོངས་པ་དེ་རྙེད་པས།། གསང་བའི
་ལམ་ལ་ཐིག་ལེ་འདུ་འབྲལ་མེད།། སྒྲོན་མའི་ལམ་ལ་ཡེ་ཤེས་བྲི་བ་མེད།། ཡང་དག་ལམ་ལ་སངས་རྒྱས་སེམས་ཅན་མེད།། སྐུ་ཡི་ལམ་ལ་མུན་པ་ག་ལ་ཡོད།། ཡེ་ཤེས་ལམ་ལ་བཟང་ངན་ག་ལ་ཡོད།། འབྱུང་བའི
་ལམ་ལ་འཁྲུལ་སྣང་ག་ལ་ཡོད།། སྣ་ཚོགས་ལམ་ལ་སྤྲོ་བསྡུ་ག་ལ་ཡོད།། རིག་པའི་ལམ་ལ་ཉོན་མོངས་ག་ལ་ཡོད།། འབྲས་བུའི་ལམ་ལ་རྒྱུ་ཉིད་ག་ལ་ཡོད།། རྟག་པའི་ལམ་ལ་ཆད་པ་ལ་ག་ལ་ཡོད།། ཆད་པ་ལ
་ཡང་རྟག་པ་ག་ལ་ཡོད།། དེ་བཞིན་མཚན་མ་རང་གྲོལ་ཆོས་ཉིད་ལ།། རྟོག་གེའི་ཆོས་ཉིད་མེད་པར་གསུངས།། བྱང་ཆུབ་དོན་གྱི་སྙིང་པོ་འདི་ཉིད་ཀྱང་།། གསང་སྔགས་རྒྱལ་པོ་འདི་ཡིས་མཐོང་བ་ལ།། ཐེག་དམན
་གཞན་གྱི་དོན་མི་མཐོང་།། མཐོང་བས་ཆོས་སྐུའི་ངོ་བོར་བཤད།། རྟོགས་པ་ལྷུན་གྲུབ་ངོ་བོར་བཤད།། ཤེས་པ་སྦྲུལ་སྐུའི་ངོ་བོར་བཤད།། གོ་བས་ལོངས་སྐུ་ཉིད་དུ་བསྟན།། གོ་དང་མཐོང་བའི་ཆོས་ཉིད
་ཀྱང་།། གང་ལ་ཐོགས་པ་མེད་པར་གསུངས་པའོ།། ཨེ་མ་ཧོ་ནོར་བུ་རིན་ཆེན་ལྟར།། ཟད་མེད་གཏེར་ལ་བདེ་བའི་བང་མཛོད་རྙེད།། སྟོང་པའི་ཡུལ་ལ་བདེ་བའི་རྒྱ་ཡིས་ཐེབས།། བདེ་བའི་ངང་ལ་གསལ་བའི་རྒྱ
་ཡིས་ཐེབས།། གསལ་བའི་དབྱིངས་ལ་སྒྲ་ཡི་རྒྱ་ཡིས་ཐེབས།། སྐུ་ཉིད་རྡོ་རྗེའི་དབྱིངས་སུ་ཡང་དག་འདུས།། བདེ་བ་སྟོང་པའི་དབྱིངས་ལ་རོལ།། སྟོང་པ་བདེ་བའི་མཁའ་ལ་བསྐྱོད།། གསལ་བའི་ཐུགས་རྗེའི་ངང
་དུ་ཐིམ།། ཐིམ་པ་ཡང་དག་དབྱིངས་སུ་གྲོལ།། གྲོལ་བ་མཐར་ཕྱིན་ས་ལ་གཤེགས།། རྟོག་པས་རྡོ་རྗེའི་ལམ་དུ་ཞུགས།། དེ་ཉིད་རིག་པའི་སྐུ་ལ་འདུས།། མཐའ་ཉིད་རང་གྲོལ་ཉིད་དུ་འདུས།། རང་གྲོལ་ཆོས་ཉིད
་ཡུལ་ལ་སྣང་།། སྣང་བ་ནམ་མཁའི་མཐའ་ལ་སྤྱོད།། མཐའ་ཉིད་རྡོ་རྗེའི་ལམ་དུ་ཞུགས།། རྡོ་རྗེ་ལམ་ལ་འདུ་འབྲལ་མེད།། མཁའ་མཉམ་རྡོ་རྗེའི་སྐུ་ལ་འདུས།། རྡོ་རྗེའི་སྐུ་ཉིད་དབྱིངས་སུ་ཐིམ།། ཐིམ་པ་ཉིད་ནས
་ཕྱིར་མི་ལྡོག། དེ་ལ་གཉེན་པོས་བཅོས་སུ་མེད།། ཅེས་རིག་པ་རང་ཤར་ཆེན་པོའི་རྒྱུད་ལས། མཚན་མ་རང་གྲོལ་གྱི་དགོངས་པ་བསྟན་པའི་ལེའུ་སྟེ་དོན་དྲུག་པའོ།། །། དེ་ནས་ཡང་གསང་བའི་བདག་པོས
་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། མཚན་མ་རང་གྲོལ་གྱི་དགོངས་པ་དེ་ལྟར་ལགས་ན། སའི་དབྱེ་བ་དང་དུས་ཚད་གསུང་དུ་གསོལ། ཞེས་ཞུས་སོ།། དེ་ནས་ཡང་ཐུགས་རྗེ
་ཆེན་པོ་དང་ལྡན་པ་དེས། འདི་སྐད་ཅེས་བཀའ་སྩལ་ཏོ།། ཀྱེ་མ་གསང་བའི་བདག་པོ་ཉིད་ལེགས་པར་ཉོན་ཅིག། ངས་ཁྱོད་ལ་ལེགས་པར་བསྟན་པར་བྱའོ།། ཡིད་གཞན་དུ་མ་ཡེངས་པར་ལེགས་པར
་ཉོན་ཅིག། སེམས་ཀྱི་དྲི་མ་གསུམ་པོ་སོལ་ལ།། རིག་པ་མ་འགགས་པར་ཉོན་ཅིག། ས་ཞེས་བྱ་བ་གུད་ན་ཡོད་པ་མ་ཡིན་ནོ།། བདེན་པ་མཐོང་བ་གང་ཟག་གཅིག་ལ་ས་ལམ་རྫོགས་ནས་ཡོད་དོ།། དེ་ལ་ངོ་སྤྱོད
་བསྟན་པའི་གང་ཟག་དེ།། དང་པོ་བདེན་པ་མཐོང་བའི་དུས་སུ་དེ་ལ་དགའ་བ་སྐྱེས་པ་ནི། ས་དང་པོ་རབ་ཏུ་དགའ་བའོ།། དེ་ནས་རང་གིས་སྣང་བར་ངོ་ཤེས་པ་ནི་ས་གཉིས་པ་དྲི་མ་མེད་པ་ཐོབ་པའོ།། དེ་ནས་དེ་ལ
་གོམས་པ་ནི་ས་གསུམ་པ་འོད་བྱེད་པའི་ས་ནོན་པའོ།། དེ་ནས་དེ་ལ་གོམས་ནས་འོད་ཀྱིས་སྣང་བ་མཐོང་བ་ནི་བཞི་པ་འོད་འཕྲོ་བའི་ས་ཐོབ་པའོ།། དེ་ནས་ཡེ་ཤེས་ཀྱི་སྣང་བ་མཐོང་བ་དེ་ལ་གོམས་ནས་ཉོན་མོངས
་པ་མཐའ་དག་རང་བཞིན་གྱིས་སྦྱངས་ནས་ཡེ་ཤེས་མཐོང་བ་དེ་ནི་ལྔ་པ་སྦྱང་དཀའ་བའི་ས་ནོན་པའོ།། དེ་ནས་འོད་ལས་ཐལ་བའི་སྐུ་གཅིག་མཐོང་ནས་སྐུ་མངོན་སུམ་དུ་གྱུར་པ་དེ་ནི། དྲུག་པ་མངོན་དུ་གྱུར་པའི་ས
་ནོན་པའོ།། དེ་ནས་གོམས་པ་མཐར་ཕྱིན་ནས་ཉོན་མོངས་པ་རིང་དུ་སོང་བ་ནི།། བདུན་པ་རིང་དུ་སོང་བའི་ས་ནོན་པའོ།། དེ་ནས་ཡོན་ཏན་དེ་ལས་མ་གཡོས་པར་གནས་པ་ནི།། བརྒྱད་པ་མི་གཡོ་བའི་ས་ནོན
་པའོ།། དེ་ནས་དེའི་ངང་ལས་ཡོན་ཏན་རྫོགས་པ་ནི།། དགུ་པ་ལེགས་པའི་བློ་གྲོས་ཀྱི་ས་ནོན་པའོ།། དེ་ནས་ཡེ་ཤེས་ཀྱི་སྣང་བ་ལ་རང་གི་ཤེས་པ་ཟིན་ནས་སྣང་བ་ལྷག་པར་ཤར་བ་ནི།། ཆོས་ཐམས་ཅད་ཀྱི་དོན་སྤྲིན
་ལྟ་བུར་མཐོང་ནས་གོམས་པ་ནི་བཅུ་པ་ཆོས་ཀྱི་སྤྲིན་ལྟ་བུའི་ས་ནོན་པའོ།། དེ་ཡིས་གང་ཟག་བདེན་པ་མཐོང་བས་སྦུབས་འདི་ཉིད་མ་བོར་བ་ལ་ས་ནོན་པའོ།། གང་ཟག་སྦུབས་བོར་བ་རྣམས་ཀྱིས་ནི་ས་འདི་ལྟར
་ནོན་པ་ཡིན་ཏེ། འཁྲུལ་སྣང་འགགས་ནས་ཚོམ་བུའི་སྣང་བ་ཤར་བ་ནི། བཅུ་གཅིག་ཀུན་ཏུ་འོད་ཀྱི་ས་ནོན་པ་ཡིན་ནོ།། དེ་ནས་སྣང་བ་དེ་ལ་མ་ཆགས་པར་ཕྱི་ནང་གི་ཆོས་ཐམས་ཅད་ཀྱིས་མ་གོས་པ་ནི།། བཅུ་གཉིས
་མ་ཆགས་པདྨ་ཅན་གྱི་ས་ནོན་པ་ཡིན་ནོ།། དེ་ནས་རང་གི་ཐུགས་ཀ་ནས་ཡེ་ཤེས་ཀྱི་ཟེར་ཟག་ཤར་ནས་ནམ་མཁའི་མཐོངས་ན་འོད་ཀྱི་ཚོམ་བུ་ལྔ་འཁོར་ལོའི་ཚུལ་དུ་གནས་པ་ནི། བཅུ་གསུམ་ཡི་གེ་འཁོར་ལོ་ཚོགས
་ཆེན་གྱི་ས་ནོན་པའོ།། དེ་ནས་ཡེ་ཤེས་ཀྱི་སྣང་བ་ལ་གནས་པ་ནི།། ས་བཅུ་བཞི་པ་ལ་གནས་པ་ཡིན་ནོ།། དེ་ནས་ལྷུན་གྲུབ་ཀྱི་ས་ལ་ངེས་པ་རྙེད་པ་ནི། བཅོ་ལྔ་པ་རྡོ་རྗེ་འཛིན་པའི་ས་ཐོབ་པའོ།། དེ་ནས་ཀ་དག་གི་ས
་ལ་ཡེ་ཤེས་ལྷུག་པར་ཤར་ནས།། དེའི་གོང་ན་གཞན་མེད་པ་ནི། བཅུ་དྲུག་ཡེ་ཤེས་བླ་མའི་ས་ཐོབ་པའོ།། དེ་བཞིན་སེམས་ཅན་འདི་རྣམས་ཀུན་གྱིས་ས་ལམ་ལ་དེ་བཞིན་དུ་གནས་སོ།། དེ་བས་ན་སེམས་ཅན་བསམ
་གྱིས་མི་ཁྱབ་པ་ཡོད་ཀྱང་།། ཡེ་ཤེས་ཀྱི་ངོ་བོ་གཅིག་ལས་མེད་དོ།། ས་དང་ལམ་ཞེས་པ་གུད་ན་ཡོད་པ་མ་ཡིན་ནོ།། ས་དང་ལམ་ལ་སྦྱངས་ཤིང་བགྲོད་མི་དགོས་པ་ཡིན་པར་ཤེས་པར་བྱའོ།། དེའི
་ཕྱིར་ན་ས་ལམ་ལ་བགྲོད་དུ་མེད་པའི་མན་ངག། དཀྱིལ་འཁོར་གྱི་ཚོམ་བུ་དང་བཅས་པ་རང་ལ་གསལ་བའི་ཕྱིར་རོ།། ཡེ་ཤེས་ཀྱི་སྣང་བ་ལྔ་རང་ལ་རྫོགས་པ་ཡིན་པར་ཤེས་པར་བྱའོ།། དེ་ལ་དཀྱིལ་འཁོར་མ
་འགགས་པ་ཡིན་པར་ཤེས་པར་བྱའོ།། དེ་ཉིད་ལ་རྟག་ཏུ་འདྲིས་པར་བྱའོ།། ངོ་ཤེས་ཤིང་ཡིད་ཆེས་པར་བྱའོ།། བདེན་པའི་དེ་བཞིན་ཉིད་རབ་ཏུ་མཐོང་བར་བྱའོ།། དེ་ལ་རབ་ཏུ་གནས་པར་བྱའོ།། རྟག་ཏུ་དེ་ཉིད
་ལམ་དུ་འཁྱེར་བར་བྱའོ།། དེ་ལ་རང་གི་ཡུལ་དག་པ་ལ་འཛིན་མེད་དུ་ཤར་བ་ངོ་ཤེས་པར་བྱའོ།། རིགས་ཀྱི་བུ་འཛིན་པ་མེད་པའི་ཤེས་པ་རང་ལུགས་སུ་འཆར་བ་ངོ་ཤེས་པར་བྱའོ།། ཆོས་ཐམས་ཅད་ཀྱི་དེ་བཞིན
་རང་ལས་བྱུང་ཞིང་རང་གིས་མཐོང་བ་དེ་ཤེས་པར་བྱའོ།། མཐའི་མུན་པ་བསལ་བར་བྱའོ།། དཀྱིལ་འཁོར་ལྔའི་དེ་བཞིན་ཉིད་ལ་མཁས་པར་བྱའོ།། དེ་བཞིན་དུ་ཡེ་ཤེས་ཐམས་ཅད་ཀྱི་དོན་ཐུགས་སུ་ཆུད་པར
་བྱའོ།། གསང་བའི་ཡེ་ཤེས་ཀྱི་དཀྱིལ་འཁོར་ལྔ་རང་བཞིན་གྱིས་འོད་གསལ་བར་གནས་པ་ཡིན་པའི་ཕྱིར། སངས་རྒྱས་ཀྱི་བདེན་པ་མཐོང་བར་བྱའོ།། ལམ་དུ་ཞུགས་པའི་ཚེ་མཁའ་རྣམ་པར་དག་པ་མཐོང་བར
་བྱའོ།། རྒྱུད་ལ་ཤེས་རིག་ཤར་བའི་དུས་སུ་སྐུ་ངོ་ཤེས་པར་གྱིས་ཤིག། རྟོགས་པ་རྒྱུད་ལ་སྐྱེ་བའི་དུས་སུ་རིག་པའི་ཡུལ་ངོ་ཤེས་པར་གྱིས་ཤིག། ཏིང་ངེ་འཛིན་སྟོབས་སུ་གྱུར་པའི་དུས་སུ་སྒྲོན་མ་རྣམ་པར་དག་པ་ངོ།
་ཤེས་པར་གྱིས་ཤིག། སྟོབས་ཁྱད་པར་ཅན་སྐྱེས་པའི་དུས་སུ་ཏིང་ངེ་འཛིན་ལམ་དུ་འཁྱེར་བ་ཤེས་པར་གྱིས་ཤིག། རིག་པའི་སྐུ་མཐོང་བའི་དུས་སུ་ཞེ་འདོད་མེད་པར་ཤེས་པར་གྱིས་ཤིག། ཤེས་རབ་ཁྱད་པར་ཅན
་རྒྱུད་ལ་སྐྱེས་པའི་དུས་སུ་བདུད་ཀྱི་བསླུ་བར་ངོ་ཤེས་པར་གྱིས་ཤིག། ཉམ་ང་བ་མེད་པར་སྤྱོད་པ་ཀློང་དུ་རྡོལ་བའི་དུས་སུ་ཤེས་རབ་ཀྱི་འཇུག་ཕྱོགས་ངོ་ཤེས་པར་གྱིས་ཤིག། སྟོང་པ་ཡུལ་ལ་ཁྱབ་པའི་དུས་སུ
་འོད་ངོ་ཤེས་པར་གྱིས་ཤིག། སྒྲོན་མ་ཡུལ་ལ་སྣང་བའི་དུས་སུ་དབྱིངས་དང་ཡུལ་ངོ་ཤེས་པར་གྱིས་ཤིག། ཀྱེ་རིགས་ཀྱི་བུ་ཉོན་ཅིག། སངས་རྒྱས་ཀྱི་དགོངས་པའི་ཚད་ནི།། ང་ཉིད་བདག་ཏུ་རྟོག་པའི་བློ་དང་བྲལ
་ནས་རང་རིག་པའི་ཡེ་ཤེས་མི་གཡོ་བའི་ཤེས་རབ། མ་བསྒྲིབས་པའི་བསམ་གཏན། གནས་པ་མེད་པའི་ཏིང་ངེ་འཛིན། རྟོག་པ་མེད་པའི་ལྟ་བའོ།། དེ་རྣམས་ཀྱི་དོན་ལ་ཡང་མི་གནས་པར་གྱུར་ནས། སངས་རྒྱས་ཀྱི
་དགོངས་པ་རྙེད་པའོ།། དེ་ཉིད་རང་གི་ཡེ་ཤེས་རང་སྣང་བའི་དུས་ན། ཐམས་ཅད་མི་གནས་པའི་ཡེ་ཤེས། སྐུའི་རོལ་བ་སྣ་ཚོགས། གསུང་གི་ཤེས་རབ་རྟོག་མེད། ཐུགས་ཀྱི་དགོངས་པ་འགག་མེད། རིགས་ཀྱི་བུ་དེ
་ལྟ་བུའི་དོན་ལ་ཡང་མི་གནས་པའི་དུས་ན། སངས་རྒྱས་ཀྱི་དགོངས་པའི་ཚད་རྙེད་པ་ཡིན་ནོ།། ང་ཉིད་སྒྲོན་མའི་ཡེ་ཤེས་སྣང་བའི་དུས་ན། དག་པའི་ཞིང་ཁམས་རྣམས་མ་བཀོད་པར་སྣང་བ་མ
་བསྒྲིབས་ཡོངས་སུ་གསལ་བའི་ལམ། མཐའ་དང་དབུས་སུ་མེད་པ། ཕྱོགས་དང་རིས་སུ་མེད་པ་དུ་མ་དང་བརྟེན་པ་མེད་པར་གསལ་བའོ།། ཚིག་གིས་བརྗོད་དུ་མེད་པ། དཔེ་ཡིས་མཚོན་དུ་མེད་པ། རང་རིག་པའི
་ཡེ་ཤེས་སུ་གསལ་བ། འགྱུར་མེད་ཀྱི་ཡེ་ཤེས་ཡུལ་ལ་སྣང་བ། འགག་མེད་ཀྱི་གཟུགས་བརྙན་རྣམ་པར་དག་པ།། བདག་ཏུ་རྟོག་པའི་མཐའ་རྣམ་པར་བསལ་བ། མཐའ་དབུས་མེད་པའི་ཡེ་ཤེས་སུ་གསལ་བ། སྟེང
་འོག་མེད་པར་ཀུན་ཏུ་ཟད་ཐལ་བ། མཁྱེན་པའི་ངོ་བོ་སྟོང་པའི་ཤེས་རབ། འཛིན་རྟོག་བཙོན་དུ་བཟུང་བ། བདེ་བ་ལ་རེས་འཇོག་མེད་པ། ཐིམ་པ་ལ་མ་རྨུགས་པ། ཁྱབ་གད་ལ་ཡེ་ཤེས་ཀྱི་སྙིང་པོ་ཅན།། འུབ་ཆུབ
་སྟོང་པའི་རང་བཞིན་ཅན། ཡང་དག་ཤེས་པའི་ཁྱད་པར་དང་ལྡན་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། ས་ལམ་བསྒྲུབ་ཏུ་མེད་པའི་ལེའུ་སྟེ་དོན་བདུན་པའོ།། །། དེ་ནས་ཡང་གསང་བའི
་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་སེམས།། ས་ཡི་དོན་སྦྱོར་དེ་ལྟར་ན།། རྫོགས་ཆེན་རང་སྐད་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཨེ་མ་རྡོ་རྗེ་འཛིན
་རྒྱལ་ལེགས་པར་ཉོན།། ལམ་མེད་ལམ་དུ་ཞུགས་ན་ལྟུང་བ་ཆེན་པོར་འགྱུར།། དེ་བས་ལམ་ལ་མི་གནས་དོན་ལ་བལྟ།། རྫོགས་ཆེན་རང་སྐད་ཐུགས་ཀྱི་ལྟ་བ་ནི།། དོན་དཔེ་འདི་ལས་མེད་པར་གསུངས།། བྱ་རྒྱལ
་མེད་པའི་སྔོན་རོལ་ན།། སྒོ་ངའི་ནང་ནས་གཤོག་དྲུག་རྒྱས།། ཁྱུང་ཆེན་མཁའ་ལ་ལྡིང་བ་བཞིན།། ནམ་མཁའ་མེད་པའི་སྔོན་རོལ་ན།། ནམ་མཁའི་མཚན་ཉིད་ཡེ་ནས་མེད།། ཆོས་ཉིད་མེད་པའི་སྔོན་རོལ་ན།། ཆོས
་ཅན་མཚན་མའི་མིང་ཡང་མེད།། སངས་རྒྱས་མེད་པའི་སྔོན་རོལ་ན།། སེམས་ཅན་མཚན་མ་ཡེ་ནས་མེད།། མྱ་ངན་འདས་པའི་སྔོན་རོལ་ན།། འཁོར་བ་བྱ་བ་མིང་ཡང་མེད།། དེ་ཕྱིར་སངས་རྒྱས་ཐམས་ཅད་ཀྱི།། རྗེ
་བཙུན་དམ་པ་ང་ཡིན་ནོ།། འབྱུང་བ་ལྔ་བས་ང་ཉིད་ཆེ།། འབྱུང་བ་བས་ཀྱང་ང་སྔར་བྱུང་།། སངས་རྒྱས་པས་ཀྱང་ང་སྔར་རྒྱས།། ང་ནི་ཡང་དག་བདེ་བའི་སྐུ།། ང་ཡི་སྐུ་ལ་ཐམས་ཅད་རྫོགས།། ང་ཡི་གསུང་ལ་ཐམས
་ཅད་རོལ།། ང་ཡི་ཐུགས་ལ་ཐམས་ཅད་རྟོགས།། ང་ཡི་ཡོན་ཏན་ཅིར་ཡང་སྣང་།། ང་ཡི་ཕྲིན་ལས་མ་བཙལ་རྙེད།། ང་ཡི་ལྟ་བ་ཐིག་ལེའི་སྐུ།། ང་ཡི་སྒོམ་པ་བློ་ལས་གྲོལ།། ང་ཡི་སྤྱོད་པ་ཡུལ་ལས་འདས།། ང་ཡི
་འབྲས་བུ་གཅིག་པའི་ས།། ང་ཡི་དམ་ཚིག་བསྲུང་དང་བྲལ།། ང་ཡི་དབང་ལ་འགྱུར་བ་མེད།། ང་ནི་དུར་ཁྲོད་ཆེན་པོ་སྟེ།། སངས་རྒྱས་སེམས་ཅན་ཀུན་གྱི་དུར།། ང་ཡི་བྱིན་རླབས་ཆེན་པོ་ལས།། དུས་གསུམ
་སངས་རྒྱས་ཐམས་ཅད་བྱུང་།། ང་ཡི་མཚན་མའི་སྐུ་ལྔ་ལས།། ལོངས་སྤྱོད་རྫོགས་པའི་ཞིང་ཁམས་ཆགས།། ང་ཡི་ཐུགས་རྗེ་འོད་ཟེར་ལས།། སྤྲུལ་པ་ཕྱེད་སྣང་ཞིང་ཁམས་ཆགས།། ང་ཡི་མིག་གི་འོད
་ཟེར་ལས།། ལས་དག་སྤྲུལ་པའི་ཞིང་ཁམས་ཆགས།། ང་ཡི་སྐུ་གསུམ་འགག་མེད་ཀུན་ལ་རོལ།། ང་ཡི་ཞིང་ཁམས་རྡོ་རྗེའི་སྐུ་ལ་རྫོགས།། ང་ཡི་སྙིང་པོ་ཙིཏྟའི་དཀྱིལ་ན་རྫོགས།། ང་ཡི་ངོ་བོ་ཀ་དག་ས་ལ
་གནས།། ང་ཡི་འབྲས་བུ་སྒྲོན་མའི་ཡུལ་ལ་སྣང་།། ང་ཡི་མཛད་སྤྱོད་ནམ་མཁའི་དཀྱིལ་ན་གནས།། ང་ཡི་ཐུགས་རྗེ་འཁྲུལ་སྣང་ཡུལ་ལ་གནས།། ང་ཡི་དཀྱིལ་འཁོར་དུང་ཁང་ནང་དུ་རྫོགས།། ང་ཡི་ཡེ་ཤེས་པར་དོའི
་ཡུལ་ལ་རྫོགས།། ང་ཡི་ཤེས་རབ་ཕྱི་ནང་ཆོས་ལ་རྫོགས།། ང་ཡི་ཏིང་འཛིན་སྟོང་པའི་ངང་ལ་གནས།། དེ་བཞིན་ང་ལས་མ་བྱུང་གང་ཡང་མེད།། ཐམས་ཅད་མ་ལུས་ང་ཡི་ཆོ་འཕྲུལ་ཏེ།། བརྗོད་མེད་རང་བྱུང་རྒྱལ་བ
་ཀུན་གྱི་གསུང་།། རྣམ་དག་དོན་སྤྱོད་རྒྱལ་བ་ཀུན་གྱི་ཡབ།། སྣ་ཚོགས་ཤེས་རབ་རྒྱལ་བ་ཀུན་གྱི་ཡུམ།། ཐ་དད་ཡེ་ཤེས་རྒྱལ་བ་ཀུན་གྱི་ངང་།། གཅིག་དང་དུ་མ་རྒྱལ་བ་ཀུན་གྱི་ཡུལ།། ཡེ་ཤེས་ཆོས་ཀྱི་དབྱིངས
་དང་ཁྱད་མེད་པས།། སྐྱེ་མེད་ཡེ་ཤེས་མེ་ལོང་ལྟ་བུས་མཁྱེན།། ཡེ་ཤེས་རིག་པའི་རང་དུ་དབྱེར་མེད་མཁྱེན།། ཆོས་ཀྱི་དབྱིངས་ལ་ཆོས་ཉིད་ཡེ་ཤེས་བརྗོད།། རྣལ་འབྱོར་རིག་པ་མཐོང་གྱུར་ན།། རྒྱལ་བ་མ་བསྒོམས
་གཅིག་ཀྱང་མེད།། རིག་པའི་ངོ་བོ་འགྱུར་བ་མེད།། རང་བཞིན་ནམ་མཁར་གནས་པ་ནི།། ནམ་མཁར་གནས་པའི་འཇའ་ཚོན་བཞིན།། སང་ངེ་ས་ལེ་མ་འདྲེས་ཡོངས་སུ་རྫོགས།། དཔེར་ན་རྒྱལ་པོས་བློན་པོ་ལ
་བསྒོས་ལྟར།། རིག་པ་དབྱིངས་ལ་ཤར་བས་ཕྱི་ཡི་ཚུལ།། འབངས་ཀྱིས་རྒྱལ་སྲིད་ཕུལ་ནས་དབང་བསྐུར་ལྟར།། རང་བྱུང་རང་རྫོགས་བླ་ན་མེད་པའི་ཚུལ།། རིག་པའི་ཡེ་ཤེས་ཟང་ཐལ་ཡུལ་ལས་འདས།། རང་རིག
་བྱང་ཆུབ་སེམས་ལ་མ་རིག་མུན་པས་བསྒྲིབས།། འགྲོ་བ་ཀུན་གྱི་སྙིང་ལ་དུག་ཆེན་འདི་གཡོས་པས།། ཐར་ལམ་མི་འཐོབ་སྐྱེ་ཞིང་འཆི་ལ་རྟོག། མ་རིག་མ་སྤངས་བཞག་ན་རིག་པ་སྐྱེ་བར་འགྱུར།། ལྟ་བ་མ་ནོར
་བདེན་གཉིས་དོན་ལྡན་ཞིང་།། བདག་དང་སངས་རྒྱས་དབྱེར་མེད་མཉམ་པའི་བློས།། རིག་པའི་ཡུལ་ལ་བལྟས་ན་ཏིང་འཛིན་ཐོབ།། དམིགས་པའི་ཡུལ་དང་བྲལ་ན་སྒྲོན་མ་ཡུལ་ལ་སྣང་།། སྣང་འབྱེད་བཙལ་སེམས
་མེད་པར་ཡེ་ཤེས་དབྱིངས་སུ་འདུས།། ཐོབ་དང་མ་ཐོབ་མེད་པར་ཡེ་ཤེས་སྐྱེ།། གྲོལ་དང་མ་གྲོལ་གཉིས་མེད་ཤེས་རབ་ཆེ།། རྫོགས་པའི་རིག་པ་ཡུལ་ལ་ལྷུག་པར་ཤར།། ལྷུག་པ་ཉིད་ལ་ཡེ་ཤེས་སྣང་བ་འགག་མེད
་སྐྱེ།། བསྐྱེད་བྱ་སྐྱེད་བྱེད་མེད་པར་ཡུལ་ལ་མངོན་པར་སྣང་།། མ་བཀོད་ནོར་བུའི་སྐུ་ལ་ཡེ་ཤེས་རྫོགས་པའོ།། ཀྱེ་མ་རྫོགས་པ་ཆེན་པོ་ཨ་ཏི་ནི།། གང་གི་ཕྱོགས་སུ་མ་ལྷུང་ཡེ་ཤེས་དོན་ལ་སྤྱོད།། དཔེར་ན་གཅན
་གཟན་སེང་གེ་ཡིས།། སྡེར་ཆགས་ཟིལ་གྱིས་མནན་ནས་གངས་ལ་གནས་པ་བཞིན།། རྫོགས་ཆེན་རང་སྐད་སྨྲ་ཞིང་ཐེག་དམན་ཟིལ་གྱིས་གནོན།། རྫོགས་ཆེན་རང་སྐད་སྨྲ་ཞིང་རང་གི་དོན་ལ
་འཇོག། རྫོགས་ཆེན་ཡུལ་ལ་སངས་རྒྱས་སེམས་ཅན་མེད།། རྫོགས་ཆེན་གཞི་ལ་བཟང་དང་ངན་པ་མེད།། རྫོགས་ཆེན་ལམ་ལ་ཉེ་དང་རིང་བ་མེད།། རྫོགས་ཆེན་འབྲས་བུ་ཐོབ་དང་མ་ཐོབ་མེད།། རྫོགས་ཆེན་སྐུ་ལ
་ཡིན་དང་མིན་པ་མེད།། རྫོགས་ཆེན་གསུངས་ལ་བསྒྱུར་དང་མ་བསྒྱུར་མེད།། རྫོགས་ཆེན་དབྱིངས་ལ་ཟད་དང་སྟོངས་པ་མེད།། རྫོགས་ཆེན་གནས་ལ་མཐོ་དང་དམའ་བ་མེད།། རྫོགས་ཆེན་ཆོས་ལ་སྤྱོད་དང་མི་སྤྱོད
་མེད།། རྫོགས་ཆེན་རྩལ་ལ་རྫོགས་དང་མ་རྫོགས་མེད།། རྫོགས་ཆེན་རོལ་པ་ཤར་དང་མ་ཤར་མེད།། རྫོགས་ཆེན་དོན་ལ་བསྒོམ་དང་མ་བསྒོམས་མེད།། རྫོགས་ཆེན་རིག་པ་མཐོང་དང་མ་མཐོང་མེད།། རྫོགས་ཆེན
་ཤེས་གསང་ཆེན་ཀུན་ལ་རོལ།། རྫོགས་ཆེན་མཐའ་ལ་འདི་ཞེས་བསྟན་དུ་མེད།། རྫོགས་ཆེན་དོན་ལ་ཚིག་དང་ཡི་གེ་མེད།། རྫོགས་ཆེན་རྒྱལ་པོའི་ལྟ་བ་དེ་བཞིན་གནས།། ཚིག་དང་ཡི་གེ་མེད་པར་རྫོགས་ཆེན
་དོན་ལ་སྤྱོད།། གསལ་འགྲིབ་འཛིན་རྟོག་མེད་པར་རང་སྣང་བདེ་བའི་ཤུགས།། རྫོགས་ཆེན་དོན་ལ་དེ་བཞིན་གནས་མེད་པའོ།། ཀྱེ་མ་ཡང་དག་བདེ་བའི་སྐུ།། ཚིག་ལ་མི་གནས་སྒྲོན་མ་མཁའ་ལ་འཁྱིལ།། དོན་ལ
་གནས་ཡེ་ཤེས་གཏང་གཞག་མེད།། རྫོགས་པ་མེད་པར་མཚན་མ་རང་སར་གྲོལ།། ཡེ་ཤེས་རྡོ་རྗེ་སྒྲོན་མ་འབར་བའི་སྐུ།། ཡང་དག་བདེ་བའི་འོད་གསལ་མཉམ་པའི་སྐུ།། འགག་མེད་རང་གྲོལ་རྫོགས་ཆེན་ཨ
་ཏིའི་དོན།། མ་བསྐྱེད་རྫོགས་པའི་ཐིག་ལེ་རྣམ་ལྔ་གསལ།། འགྱུར་མེད་ཡེ་ཤེས་དག་པའི་ཕྱོགས་དང་བྲལ།། སྟོང་པ་རང་སངས་ནམ་མཁའི་ཁུ་རླངས་བཞིན།། འགྱུར་མེད་རང་དག་ཆུ་ཡི་ལྦུ་བ་བཞིན།། རྣམ་དག
་མཁའ་མཉམ་རྡོ་རྗེ་སྟོང་པ་ཉིད།། དུས་མེད་ལྷུག་པ་ཆུ་ཡི་དཀྱིལ་འཁོར་བཞིན།། སྟོང་པའི་དོན་ལ་ཅིས་ཀྱང་བསྐྱོད་དུ་མེད།། གསང་བའི་དཀྱིལ་འཁོར་ཡེ་ཤེས་ལྔ་དང་ལྡན།། དག་པའི་ཡེ་ཤེས་ཚོམ་བུ་ལྔ་དང
་ལྡན།། རྫོགས་ཆེན་གསང་བའི་དཀྱིལ་འཁོར་དམ་པ་ན།། རྫོགས་ཆེན་དོན་ལ་ཐོགས་པ་མེད་པར་འབྱུང་།། ཚིག་དོན་ཡེ་ཤེས་གཏན་ཚིགས་ཆེན་པོར་བཤད།། ཡང་དག་ཡེ་ཤེས་ཟླ་འོད་བཟང་།། འོད་ཆེན་སྟོན་ཀའི
་ཟླ་བའི་འོད།། སྤྲོ་ཞིང་བསྡུ་བ་མེད་པ་ལྟར།། རྫོགས་ཆེན་འོད་ལ་སྐྱེ་དང་འབྲི་བ་མེད།། རྫོགས་ཆེན་ཡེ་ཤེས་རང་སྣང་ཡིན།། མཚན་མ་ཚིག་གི་མཐའ་དང་བྲལ།། མཐའ་བྲལ་ཡེ་ཤེས་ཆེན་པོའི་སྐུ།། འཛིན་པ་མེད
་པར་གཟུགས་སུ་སྣང་།། འགྲོ་འོང་མེད་པར་དབྱིངས་སུ་ཐིམ།། གནས་པ་མེད་པར་རང་སར་གྲོལ།། སྟོང་པའི་ཚིག་གི་མཐའ་དང་བྲལ།། དག་པ་འོད་ཀྱི་ཡུལ་དང་བཅས།། ཁྱབ་པའི་ཐིག་ལེ་སྐུ་དང་བཅས།། ཡང
་དག་ཡེ་ཤེས་འོད་དང་བཅས།། མཁའ་མཉམ་རིག་པའི་སྐུ་དང་བཅས།། སྟོང་པ་རྡོ་རྗེ་ལམ་དང་བཅས།། གསལ་བ་འོད་ཀྱི་དབྱིངས་སུ་འདུས།། དེ་བཞིན་དགོངས་པ་དག་པའོ།། ཨེ་མ་རྫོགས་ཆེན
་བྱང་ཆུབ་སེམས།། མཁའ་མཉམ་རྡོ་རྗེའི་སྐུ་ལ་སྤྱོད།། སྟོང་པ་ཡང་དག་ལུས་ལ་རྫོགས།། སེམས་སོགས་འཛིན་པའི་ཆོས་ལས་གྲོལ།། སྐྱེ་མེད་ཡང་དག་ངོ་བོ་རྙེད་པར་གསུངས།། མི་བསྐྱོད་མཁའ་ལ་རིག་པ
་གསལ།། སྐྱེ་མེད་ཀློང་དུ་ཡང་དག་འདུས།། འགག་མེད་ཀློང་དུ་དེ་བཞིན་གཤེགས།། རྣམ་དག་སྤྱན་ལྔ་མངོན་སངས་རྒྱས།། འབར་བ་འབར་བའི་ཡེ་ཤེས་མཆོག། སྟོང་པ་སྟོང་པའི་ཡུལ་ལས་འདས།། དག་པ་དག
་པའི་དཀྱིལ་འཁོར་རྙེད་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། རྫོགས་ཆེན་རང་སྐད་སྨྲ་བའི་ལེའུ་སྟེ་དོན་བརྒྱད་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ
་བཅོམ་ལྡན་རྣམ་དག་སྐུ།། རྫོགས་ཆེན་རང་སྐད་དེ་ལྟར་ན།། བདག་ཅག་མོས་པའི་འཁོར་རྣམས་ལ།། མི་གཡོ་མཉམ་གཞག་གསུང་དུ་གསོལ།། ཞེས་ཞུ་བ་ཞུས་སོ།། དེ་ནས་ཡང་བཀའ་སྩལ་པ།། ཀྱེ་མ་གསང
་བདག་རྡོ་རྗེ་འཛིན།། ངས་བསྟན་ཁྱོད་ཀྱིས་ལེགས་པར་ཉོན།། མི་གཡོ་མཉམ་གཞག་དགོངས་པ་ནི།། འདི་ལྟར་ཀུན་ལ་ཤེས་པར་བྱ།། མི་གཡོ་བ་ནི་སྐུ་ཡི་རྒྱན།། མི་བསྐྱོད་པ་ནི་ཡེ་ཤེས་ཏེ།། མི་འགག་པ་ནི་ཤེས
་རབ་བོ།། ཡང་དག་མི་ཕྱེད་མཉམ་གཞག་གོ། སྲོག་མེད་འཛིན་པ་མེད་པ་ཉིད།། བྱ་དང་བྱེད་པའི་ཐ་ཚིག་ལས།། ཡོད་དང་མེད་པའི་མཐའ་ལས་གྲོལ།། ཉོན་མོངས་སྤངས་པར་མི་འདོད་ཅིང་།། ཡེ་ཤེས་ལེན་པར
་འདོད་མ་ཡིན།། མི་ལེན་པས་ན་བདག་མེད་ཅིང་།། ཅི་ཡང་མཉམ་ཉིད་ཡེ་ཤེས་འདོད།། རྟོག་པ་མ་ཞུགས་ཕྱོགས་དང་བྲལ།། ཡོད་མེད་གཉིས་ཀྱི་མཐའ་ལས་འདས།། བསམ་གཏན་ཉིད་ལ་བསམ་དུ་མེད།། ཡང
་དག་དོན་ལ་བསྒྲུབ་ཏུ་མེད།། སྒྲོན་མའི་ཡུལ་ལ་བཙལ་དུ་མེད།། སྣང་བ་ཉིད་ལ་གཟུང་དུ་མེད།། ཡང་དག་སྐུ་ལ་བལྟ་དང་བྲལ།། རང་རིག་དོན་ལ་བསྒྲུབ་ཏུ་མེད།། སྣང་བའི་ཡུལ་ལ་འཛིན་དུ་མེད།། ཡོན་ཏན་རྩལ
་ལ་འགག་པ་མེད།། མཚན་མའི་ཆོས་ལ་ཞེ་འདོད་མེད།། དག་པའི་འོད་ཟེར་ཐ་སྙད་སྟོང་།། ཡོན་ཏན་སྤྲུལ་པ་ཅིར་ཡང་སྤྲུལ།། ད་ལྟའི་རིག་པ་ཆོས་ཀྱི་སྐུ།། མ་འོངས་ཚིག་ལས་འདས་པའོ།། མངོན་སུམ་མི་གནས
་ཡུལ་ལས་འདས།། ཆེ་བའི་ཆེན་པོ་རང་བཞིན་གནས།། བསྒྲུབ་པ་མ་ཡིན་འཁྲུལ་པ་སངས།། རྟོགས་པ་མ་ཡིན་དོན་དང་མཇལ།། སྟོང་པ་གསལ་བ་འོད་ཀྱི་སྐུ།། ཡེ་ཤེས་མཛེས་པ་ལྷན་ནེའོ།། སྣ་ཚོགས་འཕྲོ་བས
་དོན་གཉིས་མཐོང་།། ཐམས་ཅད་གང་བས་ཡུལ་མེད་ཅིང་།། གཟའ་གཏད་མེད་པར་ས་ཉིད་ཐོབ།། གོམ་པ་གཅིག་གིས་ཕ་རོལ་ཕྱིན།། སྟོང་པ་མུ་མེད་གསལ་ལ་མཛེས།། གསལ་བ་ཡུལ་མེད་གཟུང་དུ་མེད།། སྣང
་བར་མི་འདོད་ཆོས་དང་བྲལ།། གོ་བའི་ཡུལ་ན་ཤེས་རིག་ཆེ།། མཐོང་བའི་ཡུལ་ན་སྣང་བ་གསལ།། ཤེས་པའི་དུས་ན་ཡངས་པ་ཆེ།། མཐུན་པས་གང་གིས་ཆོས་དང་བྲལ།། ཐེ་ཚོམ་སྒྲོ་འདོགས་ཆོས
་དང་བྲལ།། མི་གཡོ་མཉམ་གཞག་དཀྱིལ་འཁོར་ཉིད།། རང་ལས་སྤྲུལ་ཞིང་རང་ལ་ཐིམ།། བྱིང་དང་རྒོད་པའི་མཐའ་ལས་འདས།། རྟག་ཉིད་རྡོ་རྗེའི་སྐུ་དང་ལྡན།། མུན་པ་འཁོར་བའི་ཡུལ་ལས་འདས།། རྟོག་པ་དེ
་ཉིད་རང་སར་གྲོལ།། རྟོགས་པ་ཆོས་ཉིད་རྒྱལ་པོར་གསུངས།། ཆོས་ཉིད་ཀ་དག་མ་རིག་མེད།། བསྟན་པ་ཀུན་གྱི་སྙིང་པོ་ཉིད།། ང་ལས་ཐམས་ཅད་བྱུང་བའོ།། བྱ་བྱེད་འཛིན་པའི་ཡུལ་ལས་འདས།། ཡང་དག་དོན
་ལ་མཉམ་པར་བཞག། ཡེ་ཤེས་དོན་ལ་ངོས་བཟུང་མེད།། མཚོན་པའི་དཔེ་དང་བཅས་པའོ།། ཨེ་མ་བཀོད་པ་རིན་ཆེན་ཕྲེང་།། མ་བཀོད་ཕྱོགས་སུ་གྲུབ་པ་མེད།། རང་ཤར་མེ་ལོང་འོད་པོ་ཆེ།། དང་པོ་རྐྱེན་གྱིས
་འཁྲུལ་པའི་ཕྱིར།། མཐའ་མ་རྐྱེན་གྱིས་བཟློག་པར་བྱེད།། དེ་ནས་རྐྱེན་དང་རྒྱུ་ཉིད་ཀྱང་།། རྡོ་རྗེ་སེམས་དཔའི་ཐུགས་ལས་བྱུང་།། རྡོ་རྗེ་སེམས་དཔའ་བདག་ཉིད་ཀྱང་།། ཡང་དག་ནོར་བུ་རིན་ཆེན་སྟོར།། དེ་ནས
་མུན་པའི་སྨག་ཏུ་འཁྱམས།། དེ་ནས་ནོར་བུ་རིན་ཆེན་རྙེད།། སྣང་བ་ཉི་མའི་འོད་ཟེར་བཞིན།། ཀུན་ལ་སྙོམས་པའི་འོད་ལྟར་སྣང་།། ང་ཡི་ནོར་བུ་རིན་ཆེན་གྱི།། འོད་ལ་རྒྱལ་བ་ཐམས་ཅད་བཞུགས།། ནུབ་པ་མེད
་པའི་འོད་ཆེན་ལ།། སྟོང་པ་མེད་པའི་ཉི་ཟླ་ཤར།། ཤར་བ་ཉིད་ནས་ནུབ་པ་མེད།། མ་འགགས་ཐབས་ཀྱི་སྐུ་ལྔ་གསལ།། འདུ་འབྲལ་མེད་པའི་ཐིག་ལེ་རྟོགས།། ཡང་དག་རིག་པའི་ཡེ་ཤེས་མཐོང་།། སྟོང་པ་ཡུལ་གྱི
་རྒྱ་ཡིས་བཏབ།། རྣམ་དག་བུམ་པའི་འོད་ཟེར་འཕྲོ།། གསལ་བ་ཐུགས་ཀྱི་ཕོ་བྲང་ནས།། ཡེ་ཤེས་རིག་པའི་ཆོ་འཕྲུལ་སྣང་།། བྱ་བ་རྟོགས་པའི་ཡེ་ཤེས་གསལ།། འགྱུར་བ་མེད་པ་རིན་པོ་ཆེ།། དགོས་འདོད་རེ་བ
་ཡིད་བཞིན་སྐོང་།། སྟོང་པ་ཡུལ་གྱི་ཕོ་བྲང་དུ།། རྡོ་རྗེ་སེམས་དཔའི་ཐིག་ལེར་ཤར།། དྲན་པ་མེད་པའི་ཀློང་དུ་འདུས།། བརྗོད་པ་མེད་པའི་ཀློང་དུ་བསྐྱལ།། བསམ་པ་མེད་པའི་ཆོས་སྐུ་མཐོང་།། ཡངས་པ་ཆེན་པོའི
་དབྱིངས་ཉིད་མཐོང་།། བརྗོད་པ་མེད་པའི་ངང་དུ་ཐིམ།། ཡང་དག་རིག་པ་མཁའ་ལ་གཤེགས།། དཀྱིལ་འཁོར་ལ་ཡང་དཀྱིལ་འཁོར་ཐིམ།། ཆོས་ཉིད་ལ་ཡང་ཆོས་ཉིད་རོལ།། ཡེ་ཤེས་ཡེ་ཤེས་ཁྱད་པར
་གྱིས།། ཆོས་ཉིད་དོན་ལ་བལྟས་པ་མེད།། དཀྱིལ་འཁོར་གསུང་གི་ཁྱད་པར་གྱིས།། གསང་སྔགས་ཐབས་ཀྱི་དཀྱིལ་འཁོར་ཉིད།། ཡུམ་གྱི་མཁའ་ལ་དེ་བཞིན་རོལ།། གསང་བའི་སྐུ་ལ་བརྗོད་དུ་མེད།། འོད་ལ
་འོད་ཀྱིས་བརྒྱན་པ་ཉིད།། སྐུ་ལ་སྐུ་ཡིས་ཡང་དག་བརྒྱན།། ཡེ་ཤེས་ལ་ཡང་ཡེ་ཤེས་ཏེ།། དེ་བཞིན་ཐམས་ཅད་སོ་སོ་ནས།། མ་འགགས་སོ་སོའི་མཚན་ཉིད་འཛིན།། རིག་པའི་ཡེ་ཤེས་སྐུ་ལ་ཁྱབ།། སྐུ་ལ་ཡེ་ཤེས
་དཀྱིལ་འཁོར་བྱུང་།། མ་བཀོད་ཕུང་པོ་མཛེས་པ་ཡི།། ལམ་ལས་ཡང་དག་དཀྱིལ་འཁོར་བྱུང་།། དོན་ལས་ཡེ་ཤེས་དཀྱིལ་འཁོར་བྱུང་།། སེམས་ལས་སྣ་ཚོགས་དཀྱིལ་འཁོར་བྱུང་།། ཆོས་ལས་རྡོ
་རྗེའི་དཀྱིལ་འཁོར་བྱུང་།། ཡང་དག་དོན་རྟོགས་དེ་བཞིན་ནོ།། ཞེས་རིག་པ་རང་ཤར་ཆེན་པོའི་རྒྱུད་ལས།། མི་གཡོ་མཉམ་གཞག་གི་དགོངས་པ་བསྟན་པའི་ལེའུ་སྟེ་དོན་དགུ་པའོ།། །། དེ་ནས་རྣམ་པར་གྲོལ
་བའི་སྐྱེས་བུ་སྨྲ་བའི་སེང་གེ་འཇམ་དཔའ་གཞོན་ནུར་གྱུར་པ་ཞེས་བྱ་བ་དེས།། འདི་སྐད་ཅེས་འཁོར་གྱི་བྱང་ཆུབ་སེམས་དཔའ་རྣམས་ལ་བཀའ་སྩལ་ཏོ།། ཀྱེ་མ་འདུས་པའི་འཁོར་ཚོགས་ཉོན།། ངས་བསྟན་ལེགས
་པར་ཡིད་ཀྱིས་ཉོན།། ཨེ་མ་ཧོ།། འཇམ་དཔལ་རང་བྱུང་ཡེ་ཤེས་ནི།། ཚིག་ལ་མི་གནས་ཀུན་གྱིས་གོ་བ་མེད།། གོ་བ་མེད་དེ་མཐོང་བྱེད་ཡོད།། མཐོང་བྱེད་རིག་པ་འདི་ལྟ་སྟེ།། ཤེས་རབ་རིག་པ་བློ་ཡི་ངང
་ལས་སྤྱོད།། སྐུ་ཡི་རྣམ་པ་ཐུགས་ཀྱི་ཀློང་ནས་གསལ།། དཔེར་ན་མེ་ལོང་ཆུ་ཟླ་བཞིན།། མ་ཆགས་ཞེན་མེད་རང་གྲོལ་ཉིད།། སྟོང་པ་རང་སྣང་ཡུལ་ལ་མེད།། ཡུལ་ལ་འཆར་བའི་སྒོ་ནི་རྣམ་པ་གཉིས།། འདོད་པའི་སྒོ
་ནས་ཤེས་རབ་རྩལ་དུ་ཤར།། ཡེ་ཤེས་སྒོ་ནས་སྐུ་དང་ཡེ་ཤེས་ཤར།། འབྱེད་མེད་ཤེས་རབ་གཞི་ལ་གནས་པ་འབྱུང་།། ངོ་སྤྱོད་རྟོགས་པ་ཐོབ་གྱུར་བས།། མི་བསླུ་ངེས་པའི་སྣང་བ་ལྔ།། ཤེས་རབ་མཁའ་ལ་བསྐྱོད་དེ
་གཤེགས།། སྤྲོས་དང་བྲལ་བའི་ཆོས་ཀྱི་དབྱིངས།། ངོ་སྤྲོད་ནང་དུ་ཤེས་པར་བྱ།། དེ་ཡང་བསྟན་པ་འདི་ལྟར་ཡིན།། སྤྲད་པའི་རྒྱུ་ཉིད་རང་ལ་ཡོད།། སྤྲད་པའི་ཡུལ་ཉིད་སྣང་བ་ལྔ།། སྤྲད་པའི་རྐྱེན་ཉིད་འོད་སྣང
་ལྔ།། སྤྲད་པའི་འབྲས་བུ་བདེན་པ་མཐོང་།། སྤྲད་པའི་ཡོན་ཏན་བསམ་མི་ཁྱབ།། སྣང་བ་ཡུལ་དང་གཉིས་མེད་ཤར།། བདེན་པ་དང་པོ་རབ་ཏུ་དགའ།། བདེན་གཉིས་ཚུལ་གྱི་ཡེ་ཤེས་རྒྱས།། བདེན་པ་གསུམ་ཉིད
་དབྱིངས་སུ་འདུས།། བདེན་པ་བཞི་ཡི་ཚུལ་ཉིད་རྣམ་པས་སྟོང་།། བདེན་པ་ལྔ་ཉིད་མཁའ་ལ་གསལ།། བདེན་པ་དྲུག་གིས་དབྱིངས་སུ་འཁྱིལ།། བདེན་པ་བདུན་པས་གོས་པ་མེད།། བདེན་པ་བརྒྱད་པས་ཆགས་པ
་མེད།། དེ་ཉིད་བདེན་པ་དགུ་དང་ལྡན།། བདེན་པ་བཅུ་ལ་མཐའ་བཞི་གསལ།། བཅུ་གཅིག་བདེན་པ་ཆོས་ལ་གྲོལ།། བདེན་པ་བཅུ་གཉིས་དྲི་མ་སྤངས།། བཅུ་གསུམ་ཡེ་ཤེས་བདེན་པ་མཐོང་།། བཅུ་བཞི་བདེན་པ
་དེ་ཉིད་ཐོབ།། བདེན་པ་བཅོ་ལྔ་ཡང་དག་ཤེས།། བཅུ་དྲུག་བདེན་པས་རྟོགས་པ་ཉིད།། བཅུ་བདུན་བདེན་པས་སྐུ་ཉིད་ཐོབ།། བཅོ་བརྒྱད་བདེན་པས་དཀྱིལ་འཁོར་ཐོབ།། བདེན་པ་བཅུ་དགུས་ལྷ་ཚོགས
་མཐོང་།། ཉི་ཤུའི་བདེན་པ་ཚད་དང་ལྡན།། རྩ་གཅིག་བདེན་པ་མཁའ་ལ་སྤྱོད།། དེ་ནས་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ།། ཀྱེ་ཀྱེ་སྨྲ་བའི་སེང་གེ་རིགས་པ་དང་ལྡན་པ་ཁྱོད།། འཇམ
་དཔལ་ཡང་དག་དགོངས་པ་ཉིད།། མཚན་མའི་ཆོས་དང་བྲལ་ལམ་ཅི།། ཡང་ན་མཚན་མ་མེད་པ་ལ།། ཡང་ན་དཀྱིལ་འཁོར་གཅིག་ལ་བརྟེན།། དེ་བཞིན་གང་གིས་མཚོན་པར་བྱེད།། ལུང་ལ
་བརྟེན་ཏེ་གྲུབ་བམ་ཅི།། ཡང་ན་རིགས་པ་དག་ལ་བརྟེན།། དེ་བཞིན་མན་ངག་བརྟེན་འགྱུར་རམ།། ཡང་ན་རང་ཉིད་ལ་བརྟེན་ནམ།། དེ་བཞིན་གང་ལ་བརྟེན་པ་ཡིན།། ཡང་དག་དོན་ཆེན་བགྲོས་ཏེ་གསུངས།། ཞེས
་དྲི་བ་དྲིས་སོ།། དེ་ནས་འཇམ་དཔལ་སྨྲ་བའི་སེང་གེ་སྐྱེས་བུ་དམ་པ་དེས།། འདི་སྐད་ཅེས་སྨྲས་སོ།། ཀྱེ་ཧོ་ལེགས་པར་དྲིས་ལན་ཟུང་།། དྲི་བའི་ཕྱིར་ན་ལན་ཉིད་ཞུ།། དེ་ནས་དབང་ཕྱུག་དེས་སྨྲས་པ།། ཀྱེ་ཧོ་འཇམ
་དཔལ་གཞོན་ནུ་ཉིད།། དྲིས་པའི་ལན་ཉིད་མེད་དམ་ཅི།། དེ་ནས་སྐྱེས་བུ་དམ་པས་གསུངས།། ང་ཡིས་ལན་གདབ་ལེགས་པར་ཉོན།། འཇམ་དཔལ་ཡང་དག་དགོངས་པ་ཉིད།། མཚན་མའི་ཆོས
་དང་བྲལ་བའོ།། རྣམ་རྟོག་མཚན་མ་ཀ་ནས་དག། དགོས་ཆེད་འབྲས་བུ་རང་གྲོལ་ལོ།། ཡོན་ཏན་སྣ་ཚོགས་སྐུ་ལྔར་ཤར།། བསམ་པའི་དོན་འབྱུང་དེ་དག་ལས།། བློ་དམན་གང་ཟག་ཤས་ཆུང་ལ།། མཚན་མ་བསྒོམ
་པའི་རིམ་པར་སྣང་།། སྤྱི་དང་རང་གི་མཚན་ཉིད་བརྟགས།། དགོངས་པ་ཉིད་ལ་རྫོགས་པའོ།། དེ་མཐུན་ཤེས་རབ་ངེས་པར་རྙེད།། བསྒོམ་པའི་བྱེ་བྲག་གོང་བཞིན་དུ།། དེ་ལ་མཚན་མ་མེད་པའི་རྟགས།། ཤེས་རབ
་ཆེན་པོས་དོན་རིག་ནས།། ཆོས་སྐུ་སྐྱེ་མེད་འགྱུར་མེད་ལ།། ལོངས་སྐུ་ཤེས་རབ་རིག་པའི་སྐུ།། མཁྱེན་པའི་ཡེ་ཤེས་མཁའ་ལ་དབང་བསྒྱུར་ཞིང་།། སྦྲུལ་སྐུས་གདུལ་བྱའི་ཡུལ་ལ་དོན་བྱེད་ནུས།། དེ་གསུམ་ཕྱོགས
་ལྷུང་མེད་པའི་ཤེས་རབ་ལ།། འཇམ་དཔལ་ཡང་དག་དགོངས་པ་གསལ།། དེ་ལ་ཉི་ཤར་འདི་ལྟར་ཀུན་ལ་ཤར།། དང་པོ་ཆོས་སྐུའི་རིག་པ་ཤར།། རིག་པ་ཡེ་ཤེས་འོད་དུ་གསལ།། དེ་ལས་གཏིང་དཔག་མེད་པའི
་འོད།། ཕྱོགས་བཅུ་ནམ་མཁའི་ཁམས་གང་ཞིང་།། དེ་ཡི་གཟི་བརྗིད་འཇིག་རྟེན་ཁྱབ།། དེ་ལས་མཐོང་བའི་ཁྱད་པར་གྱིས།། གོམས་པའི་དོན་ལ་མ་ཡེངས་ན།། ཡེ་ཤེས་རིག་པ་སངས་གྱུར་ནས།། ཤིན་ཏུ་སད་པ
་སད་པའི་བདག། ཀུན་ཤེས་ཆོས་དང་བྲལ་བའོ།། དེ་ནི་དགོངས་པའི་ཚད་དུ་བསྟན།། དེ་མིན་བློ་ཞན་སེམས་ཅན་རྣམས།། ཆོས་སྐུ་ཟང་ཐལ་ཡངས་པར་མ་ཤེས་པར།། རྫོགས་རིམ་སྐྱེ་བ་མེད་པ་ཁས་བླངས
་ཀྱང་།། ཝ་སྦྲེལ་སེང་གེ་དག་ཏུ་བརྫུས་པ་བཞིན།། དངོས་མེད་ཟང་ཟལ་ཆོས་སྒྱུ་མ་རྟོགས་པར།། བློ་ཡི་ཞེན་འདོད་མཚན་བཅས་ལྷ་ལ་བལྟ།། དེ་ནི་འཇམ་དཔལ་དགོངས་པ་མིན་པ་རྡོ་རྗེ་སེམས་དཔས
་གསུངས།། མཚན་མ་མེད་པའི་དགོངས་པ་ཉིད།། དཀྱིལ་འཁོར་ཉིད་ལ་བརྟེན་ཏུ་མེད།། ལྷ་ལ་བསྒོམ་དུ་མེད་པའི་ཕྱིར།། འཇམ་དཔལ་ཡང་དག་དགོངས་པ་ལ།། མཚོན་པའི་དཔེ་ཉིད་མན་ཤེལ་ཡིན།། ཡང་དག
་དོན་ལ་ལུང་མེད་ཀྱང་།། མཚོན་ཕྱིར་ལུང་ལ་བརྟེན་ཏེ་བསྒྲུབ།། རིགས་པས་མི་འགྲུབ་ཤེས་རབ་དགོས།། རིག་པས་བསྒྲུབ་ན་འོག་མར་འགྱུར།། དེ་ལ་མན་ངག་ངེས་པར་དགོས།། རང་ཉིད་ལས་ཀྱང
་རྒྱུ་ཉིད་ཡོད།། ཐམས་ཅད་རང་ལས་བྱུང་བའི་ཕྱིར།། དུས་གསུམ་བདེ་གཤེགས་ཐུགས་ཀྱི་དགོངས་པ་མ་ནོར་བར།། དྲིས་ལན་རྒྱས་པར་ཁྱོད་ལ་བསྟན་པའོ།། དེ་ནས་ཡང་གསང་བའི་བདག་པོ་ཕྱག་ན་རྡོ་རྗེས་འདི
་སྐད་ཅེས་གསོལ་ཏོ།། ཀྱེ་ཀྱེ་སྨྲ་བའི་སེང་གེ་ཉིད།། འཇམ་དཔལ་གྱི་ཡེ་ཤེས་ལ་ཚད་གཟུང་དུ་ཡོད་དམ་མེད།། དུས་གསུམ་སངས་རྒྱས་ཐམས་ཅད་ཀྱིས།། གླུར་བླངས་གང་ལགས་བཤད་དུ་གསོལ།། ཞེས་དྲི་བ་དྲིས
་སོ།། དེ་ནས་འཇམ་དཔལ་སྨྲ་བའི་སེང་གེ་གཞོན་ནུར་གྱུར་པ་དེས།། འདི་སྐད་ཅེས་དྲིས་ལན་རྒྱས་པར་གདམས་སོ།། ཀྱེ་མ་རྡོ་རྗེ་འཛིན་རྒྱལ་ཉོན།། ང་ཡི་དགོངས་པ་ཚད་མར་བསྟན།། དྲིས་པའི་ལན་ལ་ལེགས
་པར་ཉོན།། འཇམ་དཔལ་ཡེ་ཤེས་ཉིད་ལ་ཚད་མེད་ཀྱང་།། མ་རྟོགས་བློ་ལ་ཚད་ཀྱིས་བསྟན་དུ་ཡོད།། དྲི་མ་གསུམ་གྱིས་རྒྱལ་བའི་སྐུ་ལ་བསྒྲིབས།། རགས་པས་སངས་རྒྱས་ཞིང་ཁམས་བསྒྲིབས།། དྲི་མ་བསལ་བས
་ཡེ་ཤེས་ཟང་མར་ཤར།། དྲི་མ་གསུམ་ནི་དུག་གསུམ་ངོ་བོར་བསྟན།། དེ་ཡང་བསྟན་པ་འདི་ལྟ་སྟེ།། དྲི་མ་དག་ན་རགས་པར་བཤད།། དྲི་མས་རང་གི་ཡེ་ཤེས་བསྒྲིབས།། རགས་པས་སངས་རྒྱས་ཞིང་ཁམས
་བསྒྲིབས།། ཕྲ་བས་ཡེ་ཤེས་སྣང་བ་བསྒྲིབས།། ཕྲ་བའི་ཕྲ་བས་ཡེ་ཤེས་སྒྲོན་མར་བསྟན།། རགས་པའི་རགས་པས་གཟུགས་སྐུའི་ཞིང་ཁམས་བསྟན།། དྲི་མའི་དྲི་མས་མ་རིག་རྩ་བར་བསྟན།། སྣང་བའི་རྒྱལ་པོ་ཆེན
་པོ་དེ་བཞིན་གནས།། སེམས་ཅན་བློ་ལ་གནས་པའི་དོན་ཉིད་མ་ཤེས་ན།། ཡེ་ཤེས་རང་སྣང་དགོངས་པ་དེ་མཐོང་ངམ།། དེ་ཡང་རྟོགས་པས་མི་གནས་མུན་ཁང་མར་མེ་བཞིན།། སྣང་བ་མ་འགགས་འཇམ་དཔལ་ཡེ
་ཤེས་དོན།། འཇམ་དཔལ་ཡེ་ཤེས་དྲི་མའི་སྐྱོན་རྣམས་ཐམས་ཅད་བསལ།། དཔལ་གྱིས་སེམས་ལ་སོགས་པའི་འཆིང་བ་གྲོལ།། འཇམ་དཔལ་ཡེ་ཤེས་དོན་ལ་གང་གནས་པ།། དེ་ནི་མྱ་ངན་འདའ་བར་རྡོ་རྗེ་སེམས
་དཔས་བཤད།། འཇམ་དཔལ་ཡེ་ཤེས་དགོངས་པའི་དོན་ཉིད་ཚིག་ལས་འདས།། ཚིག་དང་ཡི་གེ་མཚན་མའི་ཆོས་ལས་ཡང་དག་གྲོལ།། ཆོས་ལ་དབང་བསྒྱུར་ཡེ་ཤེས་མཆོག་ལ་གནས།། ཡེ་ཤེས་དོན་ལ་འཇམ
་དཔལ་ཡེ་ཤེས་སྐུ།། ཚིག་མེད་སྟོང་པའི་ངང་དུ་འཇམ་དཔལ་ཡེ་ཤེས་སྟོར།། སྟོར་བ་ཉིད་ནས་བསྒྲུབས་ཤིང་བཙལ་དུ་མེད།། དེ་ཡང་སྣང་བ་རྒྱ་ཆད་འབྱུང་བཞིའི་མཁའ་ལ་སྤྱོད།། འཇམ་དཔལ་དོན་གྱི་སྙིང་པོ
་ལས།། སེམས་ལ་སོགས་པའི་དྲི་མ་མེད།། སྣང་བ་བྱར་མེད་ཆོས་དང་བྲལ།། འཇམ་དཔལ་ཡེ་ཤེས་ཆེན་པོ་ཉིད།། གང་དང་མི་མཉམ་ཀུན་ལ་རོལ།། འཇམ་དཔལ་ཡེ་ཤེས་དགོངས་པ་ཉིད།། གང་གི་དོན་ལ་གུས
་པས་ལྟོས།། འཇམ་དཔལ་ཡེ་ཤེས་དོན་ཉིད་དོ།། དེ་ནས་ཐུགས་རྗེ་ཟབས་ཀྱི་བདག་པོས། འཇམ་དཔལ་སྨྲ་བའི་སེང་གེ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་སྨྲ་བའི་སེང་གེ་ལགས།། འཇམ་དཔལ
་ངེས་ཚིག་གང་གིས་བཟུང་།། ཁྱེད་ཀྱི་ལུང་བསྟན་ལེགས་པར་ཞུ།། ཞེས་དྲི་བ་དྲིས་སོ།། དེ་ནས་ཡང་རྣམ་པར་གྲོལ་བའི་སྐྱེས་བུ་འཇམ་དཔལ་སྨྲ་བའི་སེང་གེ་དེས་འདི་སྐད་ཅེས་དྲིས་ལན་རྒྱས་པར་གནང་ངོ་།། ཀྱེ
་ཧོ་སྤྱན་རས་གཟིགས་དབང་ཉོན།། བདག་གིས་རབ་ཏུ་སྨྲ་བར་བྱ།། འཇམ་དཔལ་དཔལ་དང་ལྡན་པའི་མཆོག། འཇམ་དཔལ་དགོངས་པ་གང་ཡིན་པ།། ང་ཡི་ཐུགས་ཀྱི་དཀྱིལ་ན་རྫོགས།། འཇམ་དཔལ་ཡང་དག
་བདེ་བའི་སྐུ།། ཡང་དག་ཡེ་ཤེས་འོད་ལྔར་ལྡན།། ཆོས་སྐུ་ཁ་དོག་མ་འདྲེས་འཇམ།། དཀྱིལ་འཁོར་འདུ་འབྲལ་མེད་ཕྱིར་དཔལ།། སྣང་བ་རང་གདངས་ཡོད་ཕྱིར་འཇམ།། མ་རིག་མུན་པ་སངས་ཏེ་དཔལ།། སྒྲོན
་མའི་འོད་ཀྱིས་ཁྱབ་ཕྱིར་འཇམ།། དེ་ལ་དུས་མེད་འཆར་ཕྱིར་དཔལ།། རང་སྣང་ཡུལ་ལ་སྣང་ཕྱིར་དཔལ།། ཕྱོགས་ལ་གནས་པ་མེད་ཕྱིར་དཔལ། ཚིག་གཅིག་ཆད་པ་ཡིན།། དབྱིངས་ལ་འཕྲོ་འདུ་མེད་ཕྱིར་དཔལ།། འཇམ
་དཔལ་ཡེ་ཤེས་སེམས་དཔའ་ཡི།། མིང་ལ་གང་ཞིག་སུས་འཇུག་པ།། ཡེ་ཤེས་སྣང་བ་དེ་ཡིས་མཐོང་བར་འགྱུར།། འཇམ་དཔལ་སྐུ་དང་ཡེ་ཤེས་གསུང་།། མ་འགགས་སོ་སོར་མཚན་ཉིད་འཛིན།། ཟབ་ཅིང་རྒྱ་ཆེ།
་འཇམ་དཔལ་ཉིད་ཀྱི་མིང་།། གཏིང་དཔག་དཀའ་འོ་འཇམ་དཔལ་ཆོས་ཀྱི་མཆོག། འཇམ་དཔལ་ངང་ལས་ཡང་དག་བདེ་བ་སྐྱེས།། འཇམ་དཔལ་ཉིད་ལ་ཟད་ཅིང་སྟོང་པ་མེད།། སྟོང་པའི་ངང་ལས་འཇམ་དཔལ་ཡེ
་ཤེས་སྐུ།། སོ་སོའི་དོན་ལ་མི་གནས་འཇམ་དཔལ་དང་ལས་ཐམས་ཅད་འདུས།། ཆོས་ཉིད་དཔལ་ལས་ཡང་དག་རྟོགས་པ་བསྐྱེད།། རྡོ་རྗེ་སྐུ་ལ་འཇམ་དཔལ་ཡེ་ཤེས་གསལ།། སྣང་བ་མེད་པའི་འཇམ་དཔལ་ཡེ
་ཤེས་ཉིད།། ཀུན་ལ་ཁྱབ་པས་དོན་མཛད་སྐུ་ཉིད་ཡངས།། འཇམ་དཔལ་ཤེས་རབ་མེ་ལོང་འོད་པོ་ཆེ།། དེ་ལས་འོད་བྱུང་ཐམས་ཅད་ངང་དུ་རྟོགས།། དེ་ནི་འཇམ་དཔལ་དཀྱིལ་འཁོར་ཆེན་པོར་བཤད།། འཇམ
་དཔལ་སྐུ་ལ་ཐུག་པ་མེད།། འཇམ་དཔལ་ཡེ་ཤེས་མཁའ་ལ་གཤེགས།། ཡང་དག་སྐུ་ཡི་ཀློང་དུ་ཐིམ་པ་ཡིན།། འབྱུང་བ་ལྔ་ཡི་རབ་རིབ་ཀྱིས།། ཡེ་ཤེས་ལྔ་ཡི་རང་མདངས་བསྒྲིབས།། སྣ་ཚོགས་ཚིག་གི་ལོ་མ
་ཡིས།། འཇམ་དཔལ་སྐུ་ཡི་དཀྱིལ་འཁོར་བསྒྲིབས།། སངས་རྒྱས་དང་ནི་སེམས་ཅན་ཡང་།། འཇམ་དཔལ་ང་ཡི་གསུང་ལས་འཕྲོས།། སྣ་ཚོགས་ཡུལ་དུ་སྣང་བ་ཡང་།། འཇམ་དཔལ་ང་ཡི་གསུང་ལས་སྤྲུལ།། ཡུལ
་དྲུག་སྤྱོད་པའི་ཡིད་དྲུག་ཀྱང་།། འཇམ་དཔལ་ང་ཡི་ཐུགས་ལས་འཕྲོས།། དེ་བཞིན་རོལ་པ་སྣ་ཚོགས་ཀུན།། ང་ལས་སྤྲུལ་ཅིང་ང་ལས་བྱུང་།། ང་ནི་འཇམ་དཔལ་ཀུན་གྱི་དབྱིངས།། འཇམ་དཔལ་ཡེ་ཤེས་ཐུགས་ལ
་རོལ།། འཇམ་དཔལ་གསུང་ནི་རྣམ་དག་ཉིད།། འབྱུང་བའི་ཡུལ་ལ་དེ་བཞིན་སྤྱོད།། བྱ་དང་བྱེད་པའི་ཆོས་ལས་གྲོལ།། འཇམ་དཔལ་ཡེ་ཤེས་སྤྲུལ་པ་ཉིད།། གང་ལྟར་བལྟས་པ་དེ་ལྟར་སྣང་།། འཇམ
་དཔལ་དངོས་པོའི་ཆོས་ལས་འདས།། གང་དག་འཇམ་དཔའ་ཡེ་ཤེས་ཉིད།། ཡེ་ཤེས་མིག་གཅིག་དྲི་མ་མེད།། ཡེ་ཤེས་ལུས་ཅན་དེ་བཞིན་གཤེགས།། ཡེ་ཤེས་ལུས་ལ་བག་ཆགས་མེད།། བཟང་ངན་མེད་པའི་འཇམ
་དཔལ་ཉིད།། ཀུན་ལ་འཆར་བྱེད་མ་འགགས་སོ།། ཡང་དག་སངས་རྒྱས་ལམ་རིག་པའོ།། ལམ་ནི་རྣམ་པ་ལྔ་རུ་གྲགས།། ལམ་ལ་ཆགས་པ་མེད་པའི་དོན།། དོན་ལ་འགག་མེད་ཡུལ་ལ་ཤར།། དེ་ལས་གྲོལ་ཕྱིར
་རྒྱུད་རྒྱལ་གསུངས།། མཚན་མའི་མིང་གི་ཆོས་རྣམས་ཀུན།། འཇམ་དཔལ་ང་ཡི་ངང་དུ་གྲོལ།། སྣང་བ་ཡེ་ཤེས་ཆོས་རྣམས་ཀུན།། འཇམ་དཔལ་ང་ཡི་ངང་དུ་ཐིམ།། མཁའ་ཀློང་དག་པའི་སྒྲོན་མ་གཉིས།། འཇམ
་དཔའ་ང་ཡི་མིག་ལ་ཐིམ།། ཡེ་ཤེས་འབར་བའི་སྐུ་ལྔ་ཡང་།། འཇམ་དཔལ་ང་ཡི་མགོ་ལ་རྫོགས།། རིག་པ་ལྷུན་གྲུབ་སྐུ་ཉིད་ཀྱང་།། འཇམ་དཔལ་ང་ཡི་སྙིང་ལ་རྫོགས།། ཐིག་ལེ་མཐའ་ཡས་སྐུ་ཉིད་ཀྱང་།། འཇམ
་དཔལ་ང་ཡི་རྩལ་ལ་རྫོགས།། དེ་ལ་སོགས་པའི་ཡེ་ཤེས་སྐུ།། ཐམས་ཅད་ང་ལ་རྫོགས་པར་གསུངས།། ཡེ་ཤེས་འཇམ་དཔལ་ཆོས་ཉིད་སྐུ།། ཡེ་ཤེས་རོལ་པའི་ཕྱིར་ན་འཇམ་དཔལ་དོན་དུ་བསྟན་པའོ།། གསང
་སྔགས་ཀུན་གྱི་ཡེ་ཤེས་ཉིད།། མ་ནོར་དགོངས་པ་ཚད་མ་རྣམས།། འཇམ་དཔལ་ངོ་བོའི་ངང་དུ་ཐམས་ཅད་འདུས།། དེ་ཕྱིར་ཡེ་ཤེས་སེམས་དཔར་གསུངས།། གང་དང་གང་དུ་འཇམ་དཔལ་རིགས།། ཡོད་པར་གྱུར
་པ་ཐམས་ཅད་རྣམས།། ང་ལས་ཡང་དག་སྤྲོས་པའོ།། ང་ནི་བཅོམ་ལྡན་རྒྱལ་བ་ཉིད།། སྐུ་ལས་འོད་ཟེར་སྟོང་སྟོང་འཕྲོས།། གསུང་ལས་རོལ་བ་སྣ་ཚོགས་བྱུང་།། ཐུགས་ལས་དགོངས་པའི་དཀྱིལ་འཁོར་སྣང་།། དེ
་བཞིན་འཇམ་དཔལ་ཉིད་ཀྱི་སྐུ།། སྣ་ཚོགས་ཅིར་ཡང་འཕྲོ་བའོ།། དེ་སྐད་ཅེས་བཀའ་སྩལ་པ་དང་།། འཁོར་རྣམས་རབ་ཏུ་ཡི་རང་ངོ་།། དེ་ནས་སྟོན་པ་བཅོམ་ལྡན་རྡོ་རྗེ་སེམས་དཔའ་ཉིད། ཏིང་ངེ་འཛིན་ལས
་བཞེངས་ནས། ལེགས་སོ་ཞེས་བྱ་བ་གནང་བས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་འོད་ཟེར་གྱི་ཕུང་པོས་ཀུན་ནས་གང་བར་གྱུར་ཏོ།། དེ་ནས་རྡོ་རྗེ་འཆང་ཆེན་པོ་དེས་འདི་སྐད
་ཅེས།། རྣམ་པར་གྲོལ་བའི་སྐྱེས་བུ་འཇམ་དཔལ་སྨྲ་བའི་སེང་གེ་ལ་བཀའ་སྩལ་པ། ཀྱེ་སྨྲ་བའི་སེང་གེ་བསྟན་པ་དེ་ལེགས་སོ།། དེ་ནི་སངས་རྒྱས་ཀྱི་དགོངས་པ་དངོས་སུ་བསྟན་པ་ཡིན་ནོ།། རིགས་ཀྱི་བུ་ཁྱོད་དེའི
་དོན་ལ་མ་ཡེངས་པར་གྱིས་ཤིག། ཅེས་བརྗོད་ནས་ཡང་ཏིང་ངེ་འཛིན་ལ་སྙོམས་པར་བཞུགས་སོ།། དེ་ནས་སྨྲ་བའི་སེང་གེ་སྐྱེས་བུ་དམ་པ་དེས། བཅོམ་ལྡན་རྡོ་རྗེ་འཆང་ཆེན་པོ་དེ་ལ་བསྐོར་བ་ལན་གསུམ་བྱས
་ནས།། མི་སྣང་བའི་མཁའ་རྣམ་པར་དག་པ་ལ་གཤེགས་སོ།། འཁོར་རྣམས་ཀྱང་འདུན་པའི་ཏིང་ངེ་འཛིན་ལ་སྙོམས་པར་ཞུགས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། འཇམ་དཔལ་སྨྲ་བའི
་སེང་གེའི་ལེའུ་སྟེ་བརྒྱད་ཅུ་པའོ།། །། དེ་ནས་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྟོང་སྤྱི་ཕུད་ཀྱི་རྒྱལ་པོ་ཞེས་བྱ་བ་དེས་འདི་སྐད་ཅེས། འཁོར་གྱི་ལྷ་དང་། ལྷ
་མ་ཡིན་དང་། མཁའ་འགྲོ་མ་དང་། གནོད་སྦྱིན་གྱི་རིགས་དང་། བྱང་ཆུབ་སེམས་དཔའ་དཔག་ཏུ་མེད་པ་དང་།། དེ་དག་ལ་སོགས་པའི་འཁོར་གྲངས་མེད་པ་རྣམས་ལ་བཀའ་སྩལ་པ།། ཀྱེ་འདུས་པའི་འཁོར་རྣམས
་ཉོན་ཅིག། ང་ཡིས་དོན་ཆེན་བསྟན་པར་བྱ།། འདུས་པའི་འཁོར་ཚོགས་རྣམས་ཀྱིས་གུས་པར་ཉོན།། དང་པོ་སངས་རྒྱས་དགོངས་པ་དེ།། ཁྱུང་ཆེན་མཁའ་ལ་ལྡིང་བ་བཞིན།། སྤྲོ་བསྡུ་མེད་པར་ནམ་སྤྱོད་པར
་བྱེད།། ཐ་སྙད་མིང་ལ་མི་གནས་ཏེ།། བགྲོད་མེད་རང་གི་ས་ལ་ཕྱིན།། དགོངས་པ་ཉིད་ལ་བསྒོམ་དུ་ག་ལ་ཡོད།། ནམ་མཁའ་གུད་བཅད་མ་ཐུབ་ཟང་ཐལ་ལྟར།། དེ་བཞིན་བག་ཆགས་ཕུང་པོས་སྐུ་ལ་སྒྲིབ།། ནམ
་མཁའ་གང་བའི་འོད་ལ་ཐུག་པ་མེད།། ཡང་དག་ལམ་ལ་ཤེས་རབ་སྐུ་ལྔ་ཤར། ཡེ་ཤེས་སྐུ་ལྔ་ཀུན་གྱི་སྙིང་པོ་ཡིན་པར་གསུངས།། དོན་དམ་ཆོས་སྐུ་བཟུང་བའི་ཡུལ་ལས་འདས།། འདས་དང་མ་བྱོན་དེ་བཞིན
་གཤེགས་པ་རྣམས།། རང་གི་སྙིང་པོར་རྫོགས་ཤིང་ཡང་དག་ཉིད་དུ་འཕྲོ།། སེམས་དང་ཆོས་ལ་སངས་རྒྱས་ག་ལ་ཡོད།། དཔེར་ན་ནོར་བུ་རིན་ཆེན་ལྟར།། ཟད་པ་མེད་པའི་གཏེར་ཆེན་ཡུལ་ལ་སྣང་།། སངས་རྒྱས
་ལམ་ལ་བགྲོད་དུ་མེད་ཅིང་སྦྱང་དུ་མེད་པར་གསུངས།། ང་མེད་ང་ལ་ང་ཡི་ཆོ་འཕྲུལ་བྱུང་།། ང་མེད་ང་ཡི་འོད་ལ་ཐམས་ཅད་བཞུགས་པ་ཡིན།། ང་ཡི་རིག་པ་མེད་ལ་སྣ་ཚོགས་ཅིར་ཡང་སྣང་།། ང་ཡི་ཐུགས་ཀྱི་ཉི་མ
་ལྔར་སྣང་ཞིང་།། རྒྱལ་བའི་ཞིང་ཁམས་རབ་འབྱམས་མ་ལུས་ཀུན།། ང་ཡི་ཉི་མ་རེ་རེའི་འོད་ལ་ཐམས་ཅད་བཞུགས།། རྒྱལ་བ་ཐམས་ཅད་ང་ཡི་འོད་ལ་བདེ་བ་ཡིན།། ང་མེད་པ་ཡི་རོལ་པ་ཅིར་ཡང་སྤྲུལ།། སྤྲུལ་པ
་ཡེ་ཤེས་བྱེ་བ་ཐུགས་ལ་རོལ།། འབྱུང་བ་རྒྱུ་ཡི་རོལ་པ་སྣ་ཚོགས་སྟོན།། མཁའ་མཉམ་བུམ་པའི་སྐུ་ལྟར་ཕྱི་ཡི་ཆོས་དང་བྲལ།། མཚན་མའི་ཡེ་ཤེས་འཛིན་པ་རང་ག་མ།། དག་པའི་ཡེ་ཤེས་དངོས་པོའི་མཐའ་དང
་བྲལ།། ཡུལ་དང་ཤེས་པའི་སྟོང་པའི་ཡུལ་ལས་འདས།། དཔེར་ན་སེང་གེ་རྩལ་རྫོགས་གར་ཡང་ཐོགས་མེད་ལྟར།། རིག་པའི་རྩལ་རྫོགས་གར་ཡང་ཐོགས་པ་མེད།། ཐོགས་པ་ཡོད་ན་རིག་པའི་རྩལ་མ
་འབྱོངས།། རྡོ་རྗེ་སྙིང་པོའི་སྐུ་ལ་འོད་ཟེར་སྟོང་དང་ལྡན།། འོད་ཟེར་སྟོང་ལས་གཟུགས་སྐུ་རེ་རེ་སྣང་།། དེས་ན་ཡང་དག་སྟོན་པའི་བསྟན་པ་འཛིན་པར་འགྱུར།། སྲ་ཞིང་བརྟན་པའི་ཡེ་ཤེས་ཟུང་འཇུག་ཀུན་ལ་ཆོ
་འཕྲུལ་སྟོན།། རྒྱ་ཆེན་ཡེ་ཤེས་དོན་ལ་ཐུག་པ་མེད།། མཐོང་བའི་ལམ་ལ་ཡེ་ཤེས་མངོན་སངས་རྒྱས།། རྟག་དང་ཆད་པའི་གོལ་སྒྲིབ་རྣམ་པར་སེལ།། ཆེ་ཆུང་མེད་པར་ཡང་དག་མཁའ་ལ
་བསྐྱོད།། བཟང་ངན་མེད་པའི་ཡེ་ཤེས་ཡུལ་ལ་འཇུག། མི་གནས་ཡེ་ཤེས་རང་བཞིན་ནི།། ཕྱོགས་དང་རིས་མེད་ཞེན་པ་རང་སར་གྲོལ།། ཞེན་མེད་རང་བྱུང་ཡེ་ཤེས་ལས།། ཞེན་པ་མེད་པས་བྱ་བ་བཏང་།། ཡེ་ནས
་རང་བཞིན་དག་པ་ཡི།། གཞི་མ་འཁྲུལ་བས་བྱ་བ་བཏང་།། ཡེ་ནས་བཟུང་བའི་ཡུལ་དག་ནི།། དམིགས་པའི་རྐྱེན་གྱི་བྱ་བ་བཏང་།། རིག་པའི་རྒྱལ་པོ་ཡེ་ཤེས་འོད་ཟེར་གྱིས།། ཡང་དག་མཁའ་ལ་ཉི་མ་ཤར་བ
་བཞིན།། དག་པའི་སྐུ་ལ་སྒྲིབ་པ་མེད།། འཛིན་མེད་ཕྱོགས་དང་རིས་ལས་གྲོལ།། དེ་ཕྱིར་རང་གྲོལ་དགོངས་པར་བཤད།། དཔེར་ན་གསེར་འགྱུར་རྩི་བཞིན་དུ།། ཡེ་ཤེས་གཅིག་གིས་ཉོན་མོངས་དུ་མ་སེལ།། ཤེས
་གཅིག་གིས་ཕྱི་ནང་སྒོ་འདོགས་ཆོད།། དག་པ་གཅིག་གི་འོད་ཀྱིས་ཕྱོགས་བཅུར་འཕྲོ།། སྣང་བ་གཅིག་གིས་གཏི་མུག་མུན་པ་སེལ།། སྒྲོན་མ་གཅིག་གིས་འཁོར་བའི་ལམ་སྣ་འདྲེན།། སྟོན་པ་གཅིག་གིས་འཁོར
་བ་ཐམས་ཅད་སྒྲོལ།། ཉི་མ་གཅིག་གིས་གླིང་བཞི་ཁྱབ་པ་བཞིན།། རིག་པ་གཅིག་གིས་འགྲོ་བ་ཡོངས་ལ་ཁྱབ།། བསྟན་པ་གཅིག་ལ་ཐམས་ཅད་གནས་པར་འགྱུར།། ཤེས་རབ་གཅིག་གིས་ཀ་དག་ས་ལ
་བསྐུལ།། འོད་ཟེར་གཅིག་གིས་ངན་སོང་ཡུལ་ལས་ཐར།། ཐུགས་རྗེ་གཅིག་གིས་ངན་འགྲོ་ཕྱག་མས་འདེབས།། ཞགས་པ་གཅིག་གིས་རིགས་དྲུག་གནས་ནས་འདྲེན།། དེ་བཞིན་ཆོས་རྣམས་ཐིག་ལེ་ཉག་གཅིག
་གོ། ཨེ་མ་ཧོ།། ཤེས་རབ་མེ་ཡིས་རྣམ་རྟོག་ཐམས་ཅད་བསྲེག། རིག་པའི་རླུང་གིས་འཛིན་པ་ཐམས་ཅད་གཏོར།། ཡེ་ཤེས་ཆུ་ཡིས་སྣང་བ་ཐམས་ཅད་སྡུད།། སྐུ་ཡི་ས་ལས་སྣ་ཚོགས་རོལ་པ་འབྱུང་།། དག་པའི
་མཚོན་གྱིས་མ་རིག་གཏིང་ནས་ཕུག། སྟོང་པའི་ཡུལ་གྱིས་སྒྲོན་མ་ཐམས་ཅད་སྡུད།། གསལ་བའི་འོད་ལ་དགོངས་པ་ཐམས་ཅད་ཞུགས།། རྣམ་རྟོག་འདམ་ལ་ཡེ་ཤེས་མེ་ཏོག་སྐྱེས།། རྣམ་དག་མཁའ་ལ་གསལ་བའི
་ཉི་མ་ཤར།། ཆོས་ཉིད་དོན་ལ་འཁྲུལ་པ་ཀ་ནས་མེད།། ཡེ་ཤེས་དབྱིངས་ལ་རྒྱ་ཆད་ཕྱོགས་ལྷུང་མེད།། མཛེས་པའི་སྐུ་ལ་རྒྱན་དང་ཆ་ལུགས་ལྡན།། འོད་ཀྱི་ཟེར་ལ་རིག་པའི་རྒྱལ་པོ་ཞོན།། དེ་ལས་ལམ་བྱུང་དེ
་ཡི་ངང་དུ་ཐིམ།། དེ་ནི་ཡེ་ཤེས་ཀུན་གསལ་ས་ཆེན་ཡིན།། འོད་ཀྱི་སྣང་བ་མ་འདྲེས་ཀུན་ལ་མཉམ་པར་གནས།། ཐེག་ཆེན་རྫོགས་པའི་ངང་དུ་ཐམས་ཅད་འདུས།། གསང་བའི་མཁའ་ལ་སངས་རྒྱས་མཛད་སྤྱོད
་འདུས།། སྣང་བ་འདི་ལ་མ་ཞེན་སྤྱོད་པའི་མཆོག་ཏུ་བཤད།། ཐེག་ཆེན་ནམ་མཁའི་ཀློང་ནས་ཉི་མ་དག་པ་ཤར།། ཉི་མའི་འོད་ཟེར་ཀུན་ལ་བྱམས་ཐུགས་ལྡན།། གསང་བའི་ཡུམ་དང་ཡབ་ལས་ཐིག་ལེ
་འཕྲོས།། ཆགས་དང་མ་ཆགས་མེད་པའི་དབྱིངས་ལ་སྤྱོད། ཡིན་དང་མིན་པའི་ཐ་སྙད་ཆོས་དང་བྲལ།། འཛིན་མེད་ཡུལ་ལ་དག་པའི་སྣང་བ་འཆར།། ཡང་དག་ཐུགས་ཀྱི་དཀྱིལ་འཁོར་རྣམ་ལྔ
་གསལ།། སྤྱོད་པའི་སེམས་ཀྱིས་མ་བསྒྲིབས་སིང་ངེ་ས་ལེའོ།། འཛིན་པའི་ཡུལ་ལ་མི་གནས་ཀུན་གྱིས་བཅོས་སུ་མེད།། ཆགས་འཛིན་ཞེ་འདོད་ཡུལ་ལས་ཡང་དག་འདས།། བྱས་པས་ཆོས་ཉིད་མེད་པར་འབྱུང་བ
་གཞི་བཞི་ཡང་བྱུང་མཚན། ལ་གྲུབ།། བསྒྲུབ་བྱ་རྩོལ་སེམས་མེད་པར་འཁོར་བའི་ནད་ལས་ཐར།། རང་བྱུང་དོན་སྤྱོད་སེང་གེའི་ང་རོ་བཞིན།། མཚན་མའི་ཡུལ་མེད་སྟོང་པའི་ཚིག་ལས་འདས།། ཡུལ་མེད་ཡུལ་ལས
་ཡུལ་གྱི་སྣང་བ་བྱུང་།། སྐུ་མེད་སྐུ་ལས་སྐུ་ཡི་ཆོ་འཕྲུལ་བྱུང་།། གསུང་མེད་གསུང་ལས་གསུང་གི་རོལ་པ་བྱུང་།། ཐུགས་མེད་ཐུགས་ལས་ཐུགས་ཀྱི་རྟོག་པ་བྱུང་།། འགག་མེད་རྩལ་སེམས་ཡོན་ཏན་སྣ་ཚོགས
་བྱུང་།། ཞི་རྒྱས་དབང་དྲག་ཕྲིན་ལས་མཛད་སྤྱོད་བྱུང་།། འཛིན་མེད་རང་གྲོལ་ཐམས་ཅད་རོལ་པར་ཤར།། འགག་མེད་རྣམ་དག་དོན་གྱི་སྙིང་པོ་ཉིད།། བལྟས་པས་མ་མཐོང་རང་ལ་ལྷག་གིས་བྱུང་།། ཐམས
་ཅད་འབྱུང་ཞིང་གསུང་གི་རོལ་པ་ཉིད།། གསང་སྔགས་དོན་ལ་ཡེ་ཤེས་སྐུ་ཉིད་ཤར།། ནུབ་པ་མེད་པ་རྒྱ་མཚོའི་ཀློང་ཡངས་སུ།། ཟད་པ་མེད་པའི་རིན་ཆེན་གཏེར་གནས་པས།། ཡངས་པའི་སྐུ་ལ་སྣང་སྲིད་ཐམས
་ཅད་གསལ།། ལྷུན་གྲུབ་ཡུལ་ལ་མི་གནས་མཚན་མའི་ཆོས་ལས་གྲོལ།། ཐབས་ཆེན་ཀུན་གྱི་སྤྱོད་ཡུལ་སྙིང་པོར་ཤེས།། སྣང་སྲིད་མ་བཅོས་ཆོས་སྐུའི་ངང་ལ་རྫོགས་པ་བཞིན།། ནམ་མཁའི་ངང་ནས་སྣ་ཚོགས་འབྱུང
་བ་ལྟར།། ཡང་དག་སེམས་དང་གཉིས་མེད་འདྲེས་ཤིང་མཚུངས།། བདག་ཉིད་རིག་པ་རང་ཤར་ལས།། སངས་རྒྱས་རྣམས་ཀྱིས་བཅོས་སུ་མེད།། བཅོས་ན་གོལ་སྒྲིབ་ལྷུང་བར་འགྱུར།། དེ་ཡང་གསང་བའི་ཡུལ་མེད
་བཞིན།། སངས་རྒྱས་ཉིད་ལ་དངོས་སྣང་མེད།། སེམས་ཅན་ཡུལ་ལས་གཟུང་འཛིན་བྱུང་།། སངས་རྒྱས་ལུས་ལ་འོད་ལྔ་གནས།། སེམས་ཅན་མིག་ནས་འོད་ལྔ་འབྱུང་།། སེམས་ཅན་དང་ནི་སངས་རྒྱས
་གཉིས།། སུས་ཀྱང་ཤེས་ཤིང་རྟོག་པ་མེད།། བཀའ་རྟགས་སྦས་པའི་རྒྱ་དང་ལྡན།། གསང་བའི་ཆོས་ལ་དོན་བཞི་བསྟན།། རང་བཞིན་དང་ནི་སྦས་པ་དང་།། གབ་པ་དང་ནི་ཁོ་ན་ཉིད།། རྣམ་པ་བཞི་རུ་རྒྱལ་བས
་གསུངས།། ཡང་དག་མཚན་མའི་ཡུལ་དང་བྲལ།། འབད་རྩོལ་སེམས་ཀྱི་དྲི་མ་མེད།། ཡིན་དང་མིན་པའི་མཐའ་གཉིས་བསལ།། ལམ་དང་ས་ལ་མི་རེ་ཞིང་།། སྟོང་པའི་ལམ་ལ་ཡིད་ཀྱིས་རྒྱུག། བརྗོད་པའི་ཐ་སྙད
་མིང་དང་བྲལ།། གསང་སྔགས་བྱ་བའི་ཡུལ་ལས་འདས།། གཟུང་འཛིན་བྲལ་ཏེ་མཁའ་ལ་གསལ།། ལྟོས་པ་མ་གྲུབ་དབྱིངས་ལ་རྫོགས།། མཚན་མའི་ཆོས་བཞི་ངང་གིས་སངས།། བདེ་བ་ཐུགས་ཀྱི་སྤྲུལ་པ
་ལས།། ཡེ་ཤེས་དཀྱིལ་འཁོར་ཐམས་ཅད་རྫོགས།། བྱ་བ་ཉིད་ལ་ལྟོས་པ་མེད།། ལྟོས་ན་ཡང་དག་བདེ་བ་མིན།། ཐམས་ཅད་རང་བྱུང་རིག་པའོ།། དེ་ནས་དེ་བཞིན་གཤེགས་པ་འོད་ཟེར་ཀུན་ནས
་མཐའ་ཡས་པས། འདི་སྐད་ཅེས་སྨྲས་སོ།། ཀྱེ་ཧོ་ཡེ་ཤེས་གསང་བ་ཆེ།། ཡང་དག་དགོངས་པ་འདི་རིག་གམ།། འོན་ཏེ་གཞན་ལ་ལྟོས་འགྱུར་རམ།། ཕྱི་མ་ཡིན་ནམ་བདེ་བ་ཉིད་དུ་འགྱུར།། ལམ་ལྟོས་འགྱུར་རམ
་འོན་ཏེ་རྫོགས།། ཡང་དག་ཡེ་ཤེས་ཡོད་འགྱུར་རམ།། རྟོག་པས་འགྲུབ་བམ་མཐོང་བས་གྲུབ།། དྲིས་ལན་རྒྱས་པར་ལན་གདབ་ཞུ།། ཞེས་ཞུས་སོ།། དེ་ནས་དེ་བཞིན་གཤེགས་པ་སྟོང་སྤྱི་ཕུད་ཀྱི་རྒྱལ་པོས་འདི་སྐད
་ཅེས་སྨྲས་སོ།། ཀྱེ་མ་ལན་གདབ་ལེགས་པར་ཉོན།། ལན་དང་དྲི་བ་དེ་དག་ནི།། རང་བཞིན་ཉིད་ཀྱིས་རྫོགས་པར་བྱ།། ཡང་དག་ཉིད་ལ་ལན་མེད་ཀྱང་།། དེ་ལ་ལན་གསུང་འདི་བཞིན་ནོ།། ཡང་དག་དགོངས་པ
་འདི་ཡིས་བཙལ།། འདི་ཡང་ཆོས་ཀྱི་གཏམ་དུ་ཟུང་།། འདི་ཡང་མ་ཤེས་རང་ལས་བྱུང་།། བྱུང་ཡང་ཡེ་ཤེས་སྤྱན་དང་ལྡན།། ཚིག་ལ་ལྡན་དང་ཡང་དག་ལྡན།། དོན་ལ་ལྡན་པ་ག་ལ་ཡོད།། ཤེས་རབ་རྣོ་དང་བརྟུལ་བ
་མེད།། ཕྱི་མ་མ་ཡིན་ཡང་དག་ཉིད།། བྱས་པ་མ་ཡིན་རང་བྱུང་རྡོ་རྗེའི་སྐུ་ཉིད་རྫོགས།། སྟོང་པས་རབ་བརྒྱན་འདུས་བྱས་ཆོས་ལས་གྲོལ།། མཛེས་པའི་འོད་ལྔ་གསལ་བ་ཆོས་སྐུར་གདོད་ནས་དག། བཙལ་བསམ
་ཡིན་རང་ལ་ལྷུན་གྱིས་གྲུབ།། འདས་པ་བརྗོད་དུ་མེད་ལ་མ་འོངས་ཚིག་ལས་འདས།། ད་ལྟར་ཡོད་ལ་བརྟགས་པར་ཤིན་ཏུ་དཀའ།། ཡོད་དང་མེད་པའི་ལམ་ལ་ཟང་ཐལ་ཞིང་།། ཡེ་ཤེས་སྤྱོད་ཕྱིར་རང་སྣང
་ཉིད།། རྟོགས་པས་མི་འགྲུབ་མཐོང་བ་དགོས།། མཐོང་བས་ཡེ་ཤེས་དོན་དང་ཕྲད།། ལམ་དང་ཡུལ་དང་ཚིག་ལས་འདས།། སྟོང་དང་ཡུལ་དང་མངོན་པར་སྣང་།། གཞན་དང་འབྱེད་པའི་ཆོས་ལས་གྲོལ།། སེམས
་སོགས་དངོས་པོའི་ཆོས་ལས་གྲོལ།། འབྱུང་བའི་ཡུལ་ཉིད་ཀུན་སྣང་ཞིང་།། བསྟན་པའི་དོན་ཉིད་རང་གསལ་བ།། ཡེ་ཤེས་སྐུ་ལ་འཕེལ་འགྲིབ་མེད།། ཡང་དག་བདེན་བདེ་བ་ཡང་བྱུང་བའི་དོན་མཐོང་བས།། བྱས
་པའི་རྒྱུ་ནི་རང་སར་གྲོལ།། སངས་རྒྱས་པས་ཀྱང་རང་ཉིད་ཆེ།། སངས་རྒྱས་ཀུན་གྱི་རྗེ་བཙན་པ།། རང་གི་རིག་པར་ཤེས་པར་བྱ།། དེ་ལ་སོགས་པའི་དགོངས་པ་རྣམས།། མ་བསྐྱེད་རྫོགས་པར་ཤེས་པར་བྱ།། དེ
་ནས་རྡོ་རྗེ་སེམས་དཔའ་ཉིད་ཏིང་ངེ་འཛིན་ལས་བཞེངས་ནས་རིགས་ཀྱི་སངས་རྒྱས་དམ་པ་དེ་ལ་ལེགས་སོ་ཞེས་བྱ་བ་བྱིན་ནས།། འཁོར་རྣམས་ཀྱིས་དེ་བཞིན་དུ་ཁོང་དུ་ཆུད་དོ།། འཇིག་རྟེན་གྱི་ཁམས་ཐམས་ཅད
་ཀྱང་རྣམ་པ་དྲུག་ཏུ་གཡོས་སོ།། དེ་ནས་བཅོམ་ལྡན་འདས་གཞོན་ནུ་དཔའ་བོ་སྟོབས་ལྡན་གྱིས།། འོད་ཟེར་ཀུན་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་དེ་བཞིན་གཤེགས་པ་སྟོང་སྤྱི
་ཕུད་ཀྱི་རྒྱལ་པོ་ཞེས་བྱ་བ་དེས་བཅོམ་ལྡན་འདས་ཉིད་ལ་བསྐོར་བ་ལན་གསུམ་བྱས་ནས།། དེ་བཞིན་གཤེགས་པ་དེ་ཡང་མི་སྣང་བའི་ཆོས་ཉིད་ཀྱི་ཕོ་བྲང་རྣམ་པར་དག་པར་གཤེགས་སོ།། དེ་ནས
་འཁོར་ཐམས་ཅད་ཡེ་ཤེས་ཆེན་པོའི་སྣང་བ་ལ་གྲལ་གཅིག་ཏུ་འཁོད་དོ།། ཞེས་རིག་པ་རང་ཤར་ཆེན་པོའི་རྒྱུད་ལས། དེ་བཞིན་གཤེགས་པ་རང་བྱུང་གི་ལེའུ་སྟེ་གྱ་གཅིག་པའོ།། །། དེ་ནས་ཡང་དེ་བཞིན
་གཤེགས་པ་དགྲ་བཅོམ་པ་ཆོས་ཐམས་ཅད་ཀྱི་བཟོད་པ་ཐོབ་ལ་ཡེ་ཤེས་མངོན་དུ་གྱུར་པའི་སངས་རྒྱས་བཅོམ་ལྡན་འདས་གཟི་བརྗིད་རྣམ་པར་བཀོད་པ་ཞེས་བྱ་བ་དེས།། འཁོར་གྱི་མཁའ་འགྲོ་མ་སྡེ་ཆེན་པོ་བཅོ
་བརྒྱད་ལ་འདི་སྐད་ཅེས་བཀའ་སྩལ་ཏོ།། ཀྱེ་ཀྱེ་ཡེ་ཤེས་ཚོགས་དག་ཉོན།། ང་ཡི་རང་རང་དོན་ཉིད་བསྟན།། ལེགས་པར་ཡིད་ལ་ལེན་པར་གྱིས།། ཡང་དག་རྣལ་འབྱོར་ཆེན་པོའི་དོན།། མཁའ་འགྲོ་ཤུགས་འགྲོ
་སྟོབས་ཀྱིས་འགྲོ།། རི་རབ་གནས་དང་རྒྱ་མཚོའི་གནས།། དེ་བཞིན་ནམ་མཁའ་བར་སྣང་གནས།། ས་ཆུ་མེ་ལ་གནས་པ་དང་།། དེ་བཞིན་རླུང་དང་ཤིང་ལ་གནས་པ་དང་།། ཡེ་ཤེས་གནས་དང་དབྱིངས་ལ
་གནས།། ཡེ་ཤེས་དང་ནི་ཆོས་ལས་གྲུབ།། ལས་དང་ཤ་ཟའི་འཁོར་དང་བདེ་ཆེན་གནས།། སྡེ་ཚན་བཅོ་བརྒྱད་འཁོར་བཅས་མཁའ་འགྲོ་མ།། རྣལ་འབྱོར་ཆེན་པོའི་དོན་ཉིད་ངས་བཤད་ཀྱིས།། གཞན་དུ་མ་གྱུར་རྟོག
་བསལ་ཡིད་ཀྱིས་ཉོན།། བདེ་ཆེན་རིགས་ལ་གནས་པ་རྣམས།། ཡང་དག་རྣལ་འབྱོར་དོན་ཚོལ་ན།། ང་ཡི་བསྟན་པ་འདི་ལ་ཞུགས།། ལྷ་རྣམས་དཀྱིལ་འཁོར་ཐམས་ཅད་ཀྱང་།། ང་ཡི་རྒྱུད་རྒྱལ་འདི
་ཡིས་འགྲུབ།། རིགས་གསལ་དཀྱིལ་འཁོར་དོན་ཉིད་རྣམས།། རང་ལས་བྱུང་བའི་དཀྱིལ་འཁོར་ཉིད།། ཡང་དག་རྫོགས་ཕྱིར་ང་ཡིས་བཤད།། གསང་སྔགས་ལམ་གྱི་འཇུག་སྒོ་རྣམས།། དོན་རྣམས་མཚོན་ཕྱིར་ང
་ཡིས་བཤད།། རིག་པའི་ཡེ་ཤེས་ཐུག་མེད་རྣམས།། ང་ཡི་དཀྱིལ་འཁོར་ཉིད་ཡིན་པས།། ཁྱོད་ཀྱིས་གོ་བ་ཤིན་ཏུ་དཀའ།། དེ་ཕྱིར་ང་ཡི་ཡེ་ཤེས་ལྟ་བར་གྱིས།། ཕྱག་རྒྱའི་ལམ་ཉིད་སྦྱང་བའི་ཕྱིར།། རྡོ་རྗེའི་དཀྱིལ
་འཁོར་ཉིད་དུ་བཤད།། མཁའ་འགྲོའི་སྡེ་ཚོགས་འཁོར་བཅས་རྣམས།། ང་ཡི་དཀྱིལ་འཁོར་བལྟ་འདོད་ན།། མན་ཤེལ་དཀྱིལ་འཁོར་ཉིད་ལ་ལྟོས།། ང་ཡི་ངོ་བོ་ལྟ་འདོད་ན།། དབྱིངས་ཀྱི་སྒྲོན་མ་དག་ལ་ལྟོས།། ང་ཡི
་ཆོ་འཕྲུལ་བལྟ་འདོད་ན།། བར་སྣང་ཁམས་ཀྱི་འཇའ་ཚོན་ལྟོས།། ང་ཡི་རིག་པ་ཉིད་ལ་ལྟ་འདོད་ན།། ལུ་གུ་རྒྱུད་ཀྱི་སྐུ་ལ་ལྟོས།། ང་ཡི་ཡེ་ཤེས་ལྷ་འདོད་ན།། མེ་ལོང་དཀྱིལ་འཁོར་དག་ལ་ལྟོས།། ང་ཡི་ཐུགས་རྗེ
་བལྟ་འདོད་ན།། ཉི་མའི་ཟེར་དང་སྐར་མདའ་ལྟོས།། ང་ཡི་རོལ་པ་བལྟ་འདོད་ན།། སྣ་ཚོགས་རྩི་ཤིང་ནགས་ཚལ་ལྟོས།། ང་ཡི་དགོངས་པ་བལྟ་འདོད་ན།། རྒྱ་མཚོ་ཆེན་པོའི་གཏིང་ལ་ལྟོས།། ང་ཡི་སྤྲུལ་པ་ལྟ་འདོད
་ན།། རླུང་གི་དཀྱིལ་འཁོར་ཉིད་ལ་ལྟོས།། ང་ཡི་ཡོན་ཏན་ལྷ་འདོད་ན།། ཀླུ་རྒྱལ་དགའ་བོའི་གཙུག་ལ་ལྟོས།། ང་ཡི་ཞིང་ཁམས་ལྷ་འདོད་ན། གཟུགས་སྐུ་རྣམ་གཉིས་དགོངས་པ་ལྟོས།། ང་ཡི་བཞུགས
་ཚུལ་ལྷ་འདོད་ན།། གཞོན་ནུ་བུམ་པ་ཉིད་ལ་ལྟོས།། ང་ཡི་རྩལ་ཉིད་ལྷ་འདོད་ན།། གཞོན་ནུ་དཔའ་བོའི་སྟོབས་ལྡན་ལྟོས།། ང་ཡི་དབུ་རྒྱན་ལྷ་འདོད་ན།། མར་མེའི་དཀྱིལ་འཁོར་དྲངས་པ་ལྟོས།། ང་ཡི་སྐུ་ལ་བལྟ་འང
་ད་ན།། མ་བསྐྱོད་ནམ་མཁའི་མཐོངས་སུ་ལྟོས།། ང་ཡི་ཡེ་ཤེས་རོལ་པ་ལས།། ཐམས་ཅད་འབྱུང་ཞིང་ཐམས་ཅད་འཕྲོ།། ང་ཡི་དབྱིངས་ལ་ལྟ་འདོད་ན།། ནམ་མཁའ་སྟོང་པའི་ཡུལ་ལ་ལྟོས།། ང་ཡི་ཐུགས་སྣང་བལྟ
་འདོད་ན།། ཁ་དོག་ལྔ་ཡི་འོད་ལ་ལྟོས།། ང་ཡི་ཕྲིན་ལས་བལྟ་འདོད་ན།། བརྗོད་དུ་མེད་པའི་ངང་ལ་ལྟོས།། ང་ཡི་ཐིག་ལེ་ལྟ་འདོད་ན།། མཁར་གཞོང་ནང་གི་ཆུ་ལ་ལྟོས།། ང་ཡི་ཟང་ཐལ་ལྟ་འདོད་ན།། རྡུལ་ཚོན་མེ
་ལོང་ཉིད་ལ་ལྟོས།། དེ་བཞིན་ང་ཡི་ཆོ་འཕྲུལ་རྣམས།། ཟད་མེད་འཕེལ་བ་མེད་པའོ།། ཨེ་མ་ཧོ།། རྣམ་དག་ཆེན་པོའི་དཀྱིལ་འཁོར་ལ།། རྒྱུ་རྐྱེན་གཉིས་ཀྱི་ཆོས་དང་བྲལ།། གསལ་ལ་རང་བྱུང་ཡེ་ཤེས་དོན
་ལ་སྤྱོད།། ཡིད་དྲུག་ཡུལ་དང་རྐྱེན་རྣམས་ཀུན།། གང་དག་འཛིན་པ་ལྟོས་པར་འགྱུར།། ཕྱོགས་འཛིན་མེད་ན་བདེ་བ་སྟེ།། ངར་འཛིན་ཡུལ་ལས་རྣམ་པར་ཐར།། བདག་འཛིན་ཆོས་ཀྱིས་རྣམ་པར་སྟོང་།། རྟག་པར
་འཛིན་པའི་ཡུལ་ལས་གྲོལ།། མཚན་མ་ཡེ་ཤེས་རྒྱན་ཉིད་མཐོང་།། ལྟོས་པ་ལམ་གྱི་ཆོས་ལས་གྲོལ།། དེ་ཡང་རིག་པའི་དོན་ཉིད་རྟོགས།། རྟོགས་པའི་ཡེ་ཤེས་དོན་དང་མཇལ།། མཐོང་བ་ཉིད་ལས་དཔེ་གཞན
་མེད།། དཔེ་མེད་ཡེ་ཤེས་རང་ཉིད་སྣང་།། གང་གིས་མ་གོས་ཕྱོགས་དང་བྲལ།། འདས་དང་མ་འདས་ཚིག་གི་ལམ།། ལམ་ལ་ཆགས་ཤིང་བཅོས་སུ་མེད།། ཆགས་པ་མེད་པའི་ཡེ་ཤེས་ཉིད།། ཆགས་དང་མ་ཆགས
་མཐའ་ལས་འདས།། ཆགས་དང་མ་ཆགས་ཡུལ་ལ་སྣང་།། འདས་དང་མ་འདས་དུས་གསུམ་བཞུགས།། བཞུགས་དང་མ་བཞུགས་མཐའ་ལས་རྒྱལ།། འདས་དང་མ་འདས་ཆགས་པར་སྣང་།། མ་འོངས་ཚིག་གི་ཡུལ
་ལས་འདས།། ཡིན་དང་མིན་པའི་མཐའ་གཉིས་སྤང་།། གསང་སྔགས་ཀུན་གྱིས་ཚད་མར་གསུངས།། གང་ལ་བདེ་བ་ཤུགས་ཀྱི་འགྲུབ།། དེ་བཞིན་བསྒོམ་པའི་དོན་རྟོགས་ཉིད།། ཡེ་ཤེས་མཁའ་ལ་རྣམ་པར
་རོལ།། འབྱུང་བའི་ཆོས་ཉིད་རྣམ་པར་དག། ཡུལ་ཉིད་སྟོང་པའི་མཐའ་ལས་གྲོལ།། རྟོགས་དང་མ་རྟོགས་ཚིག་གི་ལམ།། ཡང་དག་བདེ་བའི་ཉམས་སྤངས་ནས།། ཡེ་ཤེས་དོན་ལ་ལྷང་ངེའོ།། སངས་རྒྱས་ཀུན་གྱི
་མཛད་པ་ནི།། ཡུལ་དང་སེམས་ལ་མི་གནས་པའོ།། ཡང་དག་སྟོང་ཉིད་མཁའ་ལ་རོལ།། སྤྱོད་པ་མཐར་ཕྱིན་དོན་ལ་སྤྱོད།། རྣམ་དག་སྐུ་ལ་ངོས་གཟུང་མེད།། ཡེ་ཤེས་སྒྲ་ལུས་མཚུངས་པ་མེད།། ཡེ་ཤེས་ལམ་ལ་རྒྱ
་ཚད་མེད།། ཡེ་ཤེས་ཡུལ་ནི་ཡངས་པ་ཆེ།། ཡེ་ཤེས་སྤྲུལ་པ་མཐའ་ཡས་ཤིང་།། སེམས་ཅན་མཐའ་ལ་ཐུག་པ་མེད།། ཡེ་ཤེས་སྐུ་ལ་འཕེལ་འགྲིབ་མེད།། དེ་བཞིན་མཚན་མའི་སྤྱོད་པ་མེད།། གསང
་བའི་དོན་ལ་མཐར་ཐུག་མེད།། གཟུང་འཛིན་ཡུལ་ལས་ཡང་དག་ཐར།། ཐར་པ་ཉིད་ལ་བཅོས་སུ་མེད།། རྟོག་པའི་རྣམ་པ་ཡུལ་ལས་འདས།། གཟུང་འཛིན་ཞེན་པའི་མཐའ་ལས་འདས།། རྣམ་རྟོག་འཛིན་པའི་ཡུལ
་ལས་ཐར།། ཞེ་འདོད་ཕྲ་མོའི་བློ་དང་བྲལ།། མཚན་མའི་མིང་གི་མཐའ་ལས་འདས།། ཡེ་ཤེས་མཁའ་ལ་ཀུན་རོལ་ཀྱང་།། རྣམ་དག་ལམ་ལ་ཐུག་པ་མེད།། རིག་པའི་རྒྱལ་པོ་ཀུན་སྤྱོད་ཀྱང་།། མཉམ་ཉིད་ཡེ་ཤེས
་མཐོང་བ་མེད།། མཐོང་བའི་ལམ་ལ་རྟོག་པ་མེད།། གོམས་པའི་ལམ་ལ་མཐར་ཕྱིན་ནས།། རྒྱུ་ཡི་ལམ་ལ་ཐིག་ལེ་གནས།། ཞེན་པའི་མཐའ་ལས་རྣམ་པར་གྲོལ།། གཟའ་གཏད་ཆོས་ཉིད་རྣམ་པར་སངས།། ཚིག
་དང་ཡེ་ཤེས་ཡུལ་ལ་ཤར།། འཆར་བྱ་འཆར་བྱེད་བློ་ལས་གྲོལ།། རྣམ་རྟོག་འཁོར་བའི་གཟུང་འཛིན་སྟོངས།། དག་པའི་ཡེ་ཤེས་རང་སྣང་ལ།། བསྐྱེད་པའི་རྒྱུ་དང་མཚོན་པའི་ཚིག། མིང་གི་ཐ་སྙད་ཆོས་དང
་བྲལ།། ཡུལ་དང་མངོན་རྟོགས་ཆོས་ལས་འདས།། གསང་སྔགས་ཡང་བཅུད་དོན་རྙེད་ཅིང་།། མཚན་མར་འཛིན་པའི་འཁོར་བ་སངས།། ཡེ་ཤེས་སྐུ་ཉིད་དོན་ལ་རྒྱས།། སངས་རྒྱས་ཞེས་ཀྱང་དེ་ལ་བྱ།། བྱང་ཆུབ
་སེམས་དཔའི་ངེས་ཚིག་རྣམས།། བྱང་ནི་ཆོས་ཀྱི་སྐུ་ལ་བྱང་།། ཆུབ་ནི་ལོངས་སྐུ་ལྔ་རུ་ཆུབ།། སེམས་དཔའ་སྦྲུལ་སྐུས་འགྲོ་དོན་བྱེད།། མཛད་པ་ཡེ་ཤེས་ཉིད་དུ་སྣང་བའོ།། དེ་ནས་མཁའ་འགྲོ་མའི་ཚོགས་རྣམས
་མཆོག་ཏུ་དགའ་བའི་སེམས་དང་ལྡན་ནས།། དེ་བཞིན་གཤེགས་པ་གཟི་བརྗིད་རྣམ་པར་བཀོད་པ་དེ་ལ་འདི་སྐད་ཅེས་ཞུ་བ་ཞུས་སོ།། ཀྱེ་བཅོམ་ལྡན་འདས་ཡེ་ཤེས་ཐབས་ཀྱི་བདག་ཉིད་དང་ལྡན་པ། བདག་ཅག
་མཁའ་འགྲོ་མའི་རིགས་རྣམས་ནི། ཡེ་ཤེས་ལ་སྤྱོད་པ་དང་ལྡན་པ་ཡང་ཤ་སྟག་ཡོད། སེམས་ཅན་རྣམས་ལ་རྣམ་པར་འཚེ་བའང་ཤ་སྟག་ཡོད། རྒྱལ་བའི་ཞལ་མ་མཐོང་བ་ཡང་ཤ་སྟག་བདོག་པས། ཐུགས་རྗེ་དང
་ལྡན་པ། བདག་ཅག་རྣམས་བསྟན་པ་གང་ལ་གནས་པར་བྱ།། སྟོན་པ་ཆེན་པོས་ལུང་བསྟན་དུ་གསོལ། ཞེས་ཞུ་བ་ཕུལ་ལོ།། དེ་ནས་ཡང་དེ་བཞིན་གཤེགས་པ་དེས་འདི་སྐད་ཅེས་བཀའ་སྩལ་ཏོ།། ཀྱེ་མ་མཁའ་འགྲོ
་མའི་རིགས་དང་སྡེ་རྣམས་ཉོན་ཅིག། ཁྱེད་རྣམས་ཀྱི་རིགས་རྣམས་ངའི་བསྟན་གྱིས།། ལེགས་པར་ཡིད་ལ་ཟུང་ལ་ཉོན་ཅིག། དེ་ཡང་གཏན་ལ་འདི་ལྟར་དབབ་པར་བྱ་སྟེ། ཡེ་ཤེས་དང་ཡེ་ཤེས་ལས་གྲུབ་པ་ཉིད
་དང་།། ལས་དང་ལས་ལས་གྲུབ་པ་ཉིད་དང་།། མཁའ་འགྲོ་མའི་རིགས་རྣམས་བསམ་གྱིས་མི་ཁྱབ་པ་རྣམས་དེའི་ནང་དུ་འདུས་སོ།། དེ་ནས་ཡང་མཁའ་འགྲོ་མའི་རིགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ
་ཀྱེ་སྟོན་པ་ཆེན་པོ་ཡེ་ཤེས་སྐྱེ་བའི་རྒྱུ།། བདག་ཅག་མཁའ་འགྲོ་མའི་རིགས་རྣམས་ལ། དོན་གྱི་སྙིང་པོ་བསྟན་པའི་ཕྱིར།། རང་རང་སྙིང་པོ་ཡང་དག་བཟུང་།། དེ་ཡི་ཡེ་ཤེས་ལྷ་དང་འཕྲད།། འཕྲད་ནས
་དངོས་གྲུབ་རྙེད་པར་འགྱུར།། དེ་ནས་དེ་བཞིན་གཤེགས་པ་དེས།། ཤིན་ཏུ་གསང་བའི་སྙིང་པོ་རྣམས།། འདི་རུ་མ་བསྟན་གཞན་དུ་སྦས།། དེ་ནས་ཡང་དག་མ་མོའི་ཚོགས།། དཔག་ཏུ་མེད་པར་ཚོགས་པ
་རྣམས།། དགའ་མགུ་ཡི་རང་ཐལ་མོ་སྦྱར།། མཚོན་པའི་ཚིག་གིས་འདི་སྐད་བརྗོད།། ཀྱེ་མ་རྡོ་རྗེ་རྒྱལ་པོ་ཉིད།། སྙིང་པོ་བཞེས་པ་རྗེས་ཡི་རང་།། བདག་ཅག་མཁའ་འགྲོའི་འཁོར་རྣམས་ཀུན།། བསྟན་པ་འདི་ལ་མ
་གནས་ན།། ཤ་འགུལ་སྙིང་འདར་མགོ་ལུས་འབྲལ།། མགོ་བོ་དུམ་བུ་སྟོང་དུ་འགྱུར།། ལུས་དང་ཡན་ལག་དེ་བཞིན་ནོ།། དེ་ཕྱིར་བསྟན་པ་འདི་ལ་གནས།། རྒྱུད་ཆེན་འདི་ཡི་མེལ་ཚེ་བྱེད།། ཅེས་ནི་ཁས་བླངས་དམ
་བཅས་པས།། བཅོམ་ལྡན་ཉིད་ཀྱི་ཞལ་ན་རེ།། མཁའ་འགྲོ་ཆེན་མོ་དེ་བཞིན་ནོ།། ཁས་བླངས་དེ་ལས་མ་འདའ་བར།། རང་རང་དོན་ལ་བརྩོན་པར་གྱིས།། ཡེ་ཤེས་སྤྲུལ་པ་ཕྱོགས་བཅུར་ཁྱེ།། ཞེས་སྟོན་པ་དེ་ཉིད
་ཀྱི་སྤྱན་སྔར་དམ་བཅས་སོ།། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། མཁའ་འགྲོ་མ་དེ་རྣམས་ཀྱིས་ལུང་བསྟན་པ་བྱུང་ན་ཅི་ལྟར་བགྱི།། སྟོན
་པས་ལུང་བསྟན་དུ་གསོལ།། ཞེས་ཞུས་སོ།། དེ་ནས་ཐུགས་རྗེའི་བདག་པོ་དེ་ཉིད་ཀྱིས་བཀའ་སྩལ་པ། ཀྱེ་གསང་བའི་བདག་པོ་དོན་ལ་དགོངས་པའི་འཁོར་རྣམས་ཉོན་ཅིག། ངས་དོན་མ་ནོར་བར་བསྟན་གྱིས
་འདོད་པ་སོལ་ལ། སེམས་ཡེངས་པ་མེད་པར་ཉོན་ཅིག། ལུང་སྟོན་པ་ལ་གཉིས་ཏེ། མཁའ་འགྲོ་མ་བདག་གི་དབང་དུ་གྱུར་པ་དང་།། བདག་མཁའ་འགྲོ་མའི་དབང་དུ་གྱུར་པ་གཉིས་ཡིན་ཏེ། བདག་གི་དབང་དུ
་མཁའ་འགྲོ་མ་གྱུར་པ་ནི།། ལས་ཐམས་ཅད་འགྲུབ་ཅིང་བྱ་བ་རྫོགས་པའོ།། བདག་གི་དབང་དུ་མཁའ་འགྲོ་མ་འགྱུར་བའི་ཐབས་ནི། རིགས་ཀྱི་བུ་དེ་ཉམས་སུ་ལེན་པའི་དུས་སུ་ལུང་སྟོན་པ་དག་བྱུང་ནས། དེ་ལ
་ཆགས་པ་དང་དགའ་བའི་སེམས་མ་བསྐྱེད་ཅིག། དེ་ལ་རྟག་པར་མི་འཛིན་ན།། བདག་གི་དབང་དུ་མཁའ་འགྲོ་མ་གྱུར་པ་ཞེས་བྱའོ།། དེས་དོན་གང་ཡང་སྟོན་མི་ནུས་སོ།། ཡེ་ཤེས་རྣམ་པར་དག་པའི་མཁའ་འགྲོ་མ
་འཇིག་རྟེན་དུ་མི་འབྱུང་ངོ་།། ཤ་ཟ་ལས་ཀྱི་མཁའ་འགྲོ་མ་འཇིག་རྟེན་དུ་འོངས་ཏེ།། སྒྲུབ་པ་པོའི་དྲོད་ཉུལ་དུ་འོང་བ་དག་ཡོད་དེ། དེ་ནི་གཟུགས་མངོན་པར་སྣང་བ་མེད་པའི་ཕྱིར།། གྲོལ་བར་མི་ནུས་སོ།། ཡང་དག
་པའི་ལམ་ལས་ཕ་རོལ་དུ་འགྲོ་བར་བྱ་བའི་ཕྱིར།། མཁའ་འགྲོ་མ་རྣམས་ཀྱིས་ང་ལ་སྲོག་གི་སྙིང་པོ་དུས་གཅིག་ཏུ་ཕུལ་བ་ཡིན་ནོ།། བདག་མཁའ་འགྲོ་མའི་དབང་དུ་གྱུར་པ་ནི།། བདག་ཉིད་ཀྱིས་ལུང་སྟོན་པ་དེ་ལ
་བདེན་པར་བཟུང་ནས།། ལུང་སྟོན་པ་དེ་ལ་རྟག་པར་བཟུང་སྟེ།། ལུས་ལ་མི་ཆགས་པའི་སྤྱོད་པ་བྱེད་ཅིང་།། འབྲས་བུ་ཡིན་མིན་གཉིས་ཀྱིས་མཐའ་ལས་འདས་སོ།། ཞེས་བྱ་བ་བརྗོད་ཅིང་། ལུང་སྟོན
་པ་དེ་ལ་རྗེས་སུ་འཛིན་པ་དེ་ནི་བར་དུ་གཅོད་པའི་བདུད་ཉེ་བར་གྱུར་པ་ཡིན་པས། དེའི་དུས་སུ་བདུད་ཀྱི་བསླུ་བར་ངོ་ཤེས་པར་བྱའོ།། དེ་ནི་མུ་སྟེགས་ལོག་པའི་ཆ་འཛིན་པའི་སྤྱོད་པ་ཞེས་བྱའོ།། འབྲས་བུ་མེད་པའི
་རྒྱ་འཕེན་པ་ཞེས་བྱའོ།། འབྲས་བུ་གང་ལ་ཡང་མི་རེ་ཞིང་ལས་ཀྱི་ཉེ་བར་འགྲུབ་བོ་ཞེས་བྱ་བ་ལ་སོགས་སྟོན་པ་ཡིན་ནོ།། དེའི་ཕྱིར་ན་ལུང་སྟོན་པ་ལ་རྟག་པར་མ་འཛིན་ཅིག། ཞེས་པ་ཡང་དག་པའི་ཡེ་ཤེས་ལ
་བརྗོད་གཞི་ཐམས་ཅད་དང་བྲལ་བའི་རིག་པ་རྟོག་མེད་འཆར་བ་ཡིན་ནོ།། ལུང་ཐམས་ཅད་རང་གི་རྩ་བའི་ལུང་ཆེན་པོའོ།། དེའི་ཕྱིར་ན་ལུང་བསྟན་པས་མི་གྲོལ་བར་བཤད་པའོ།། དེ་ནས་ཡང་བཅོམ་ལྡན་གཞོན་ནུ
་དཔའ་བོ་སྟོབས་དང་ལྡན་པ་དེ་ཉིད་ཀྱིས་ཏིང་ངེ་འཛིན་ལས་བཞེངས་ནས། དེ་བཞིན་གཤེགས་པ་གཟི་བརྗིད་རྣམ་པར་བཀོད་པ་དེ་ལ་ལེགས་སོ་ཞེས་བྱ་བ་བྱིན་པས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི
་ཁམས་ཐམས་ཅད། དེ་བཞིན་གཤེགས་པའི་སྐུ་མང་པོས་རོལ་པར་ཤར་རོ།། སྐུ་དེ་རྣམས་ཀྱང་མི་ཆེ་མི་ཆུང་ཆེ་ཆུང་སྙོམས་པ་ཡུངས་འབྲུ་ཙམ་བསམ་གྱིས་མི་ཁྱབ་པ་བྱུང་ངོ་།། དེ་ནས་དེ་བཞིན་གཤེགས་པ་དེ་ཉིད
་ཀྱིས།། སརྦ་སི་ཏི་སཾ་ཧ་ར་ཎ་ཧཱུཾཿ། ཞེས་བརྗོད་པས་སྐུ་དེ་དག་ཐམས་ཅད་ཐུགས་ཀར་ཐིམ་ནས། དེ་ནས་ཡང་ཏིང་ངེ་འཛིན་ལ་སྙོམས་པར་ཞུགས་སོ།། དེ་བཞིན་གཤེགས་པ་གཟི་བརྗིད་རྣམ་པར་བཀོད་པ་དེས།།
་བཅོམ་ལྡན་འདས་ཁྲོ་རྒྱལ་དེ་ཉིད་ལ་བསྐོར་བ་ལན་གསུམ་བྱས་ནས་མི་སྣང་བའི་ཆོས་ཉིད་ཀྱི་ཕོ་བྲང་ཆེན་པོ་རྣམ་པར་དག་པར་གཤེགས་སོ།། ཞེས་རིག་པ་རང་ཤར་ཆེན་པོའི་རྒྱུད་ལས། མཁའ་འགྲོ་མས་སྙིང་པོ
་ཕུལ་བའི་ལེའུ་སྟེ་གྱ་གཉིས་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་ཏོ།། བཅོམ་ལྡན་རྡོ་རྗེ་འོད་དཔག་མེད།། ཏིང་ངེ་འཛིན་ལས་བཞེངས་སུ་གསོལ།། ཀྱེ་ཧོ་བཅོམ
་ལྡན་ཐུགས་རྗེ་ཅན།། ཡང་དག་ངེས་པའི་སར་སྒྲོལ་ཕྱིར།། ཏིང་ངེ་འཛིན་ལ་མ་བཞུགས་ཤིག། འཁོར་གྱི་རྟོགས་པའི་རྒྱུད་ཉིད་སོལ།། མ་རིག་མུན་པ་ལེགས་བསལ་ཅིང་།། ཡེ་ཤེས་སྣང་བ་བསྟན་པའི་ཕྱིར།། བདག
་ཅག་རྣམས་ལ་བཀའ་སྩལ་ཞུ།། ཞེས་ཞུས་སོ།། དེ་ནས་བཅོམ་ལྡན་འདས་ཁྲོ་བོའི་ཆ་ལུགས་ཅན་ཏིང་ངེ་འཛིན་ལས་བཞེངས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་འོད་ཀྱི་སྣང་བའི
་ཁེངས་སོ།། ཕྱོགས་ཐམས་ཅད་ཀྱང་རྣམ་པ་དྲུག་ཏུ་གཡོས་སོ།། འཇིག་རྟེན་གྱི་ཁམས་ཐམས་ཅད་ཀྱང་འུར་འུར་རབ་ཏུ་འུར་འུར་རོ།། ཆེམ་ཆེམ་ཀུན་ཏུ་རབ་ཏུ་ཆེམ་ཆེམ་མོ།། ཀུན་ཏུ་འགུལ་རབ་ཏུ་འགུལ་ལོ།། རབ
་ཏུ་འཕྲིགས་པ་དག་དང་ལྡན་པར་གྱུར་ཏོ།། དེ་ནས་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། ཀྱེ་མ་གསང་བའི་བདག་པོ་ཉོན།། ངས་བསྟན་རྗེ་རྗེ་སེམས་ཀྱིས་ཅན།། སངས་རྒྱས་པ
་ཤེས་ཐོགས་མེད་ནི།། བྱ་བ་གཏང་གཞག་མེད་པར་བཤད།། ཡང་དག་ཐུགས་ཀྱི་མེ་ལོང་ལས།། འཇིག་རྟེན་ཁམས་ཀུན་འོད་ཟེར་འཕྲོས།། འཕྲོས་པ་རང་ལ་འདུས་པའི་ཡེ་ཤེས་ལྔའོ།། སངས་རྒྱས་སེམས་ཅན་ཆོས
་ལས་གྲོལ།། འདོད་དང་ཆགས་པའི་ཡེ་ཤེས་མེ་དང་འདྲ།། བྱས་པའི་ལས་སུ་ཤེས་པ་གང་དག་བརྟེན།། རྟེན་མེད་ཡེ་ཤེས་ལུས་ལས་འདས་པའི་སྐུ།། ཨེ་མ་རྡོ་རྗེའི་སྐུ་ལ་སྣང་སྲིད་གསལ།། བརྟེན་པའི་ཡེ་ཤེས
་ཡངས་པའི་དཀྱིལ་འཁོར་ལྡན།། སངས་རྒྱས་མཛད་པའི་ཡོན་ཏན་ནི།། ཕྱོགས་དང་གནས་དང་འཛིན་པ་མེད།། རྟོགས་པའི་དོན་ལ་ངོས་བཟུང་མེད།། ཡང་དག་ཆོས་ལ་འབྱུང་བ་རྫོགས།། རྟག་པར་མི་འགྱུར་རྡོ་རྗེའི
་སྐུསྒྲ་ཉིད་ལས།། ལྷུང་བའི་ཕྱོགས་ཉིད་ག་ལ་ཡོད།། འཛིན་རྟོགས་མཐའ་དང་བྲལ་བའི་ཆོས།། མངོན་སུམ་ཡུལ་ལ་མི་གནས་པའོ།། རྡོ་རྗེ་གསང་བའི་དཀྱིལ་འཁོར་ཉིད།། ཡང་དག་ལམ་ལ་དེ་བཞིན
་གཤེགས།། དངོས་པོའི་ཕྱོགས་ནས་སྟོང་པའི་ཡུལ།། ཞེ་འདོད་མཚན་མའི་ཆོས་དང་བྲལ།། དག་པའི་ཡེ་ཤེས་ཆེན་པོའི་ལམ།། རང་གི་དེ་ཉིད་ཡུལ་ལ་སྣང་ཞིང་འཕྲོ།། འཛིན་པ་མེད་ན་བདེ་བ་རྙེད་པ་ཡིན།། རྟོག་པ
་མེད་ན་རང་སངས་ཆོས་ཀྱི་སྐུ།། ཡུལ་མེད་སེམས་ལ་འཛིན་པ་མ་རིག་དངོས།། ཕྱོགས་མེད་ཡུལ་ལ་བདེ་བའི་སྐ་ཉིད་ཤར།། ཡང་དག་ལམ་ལ་ཐོགས་མེད་ཡེ་ཤེས་སྐུ།། ཡོད་མེད་ངང་ལས་ལྷ་ཡི་དཀྱིལ་འཁོར
་ཉིད།། ཟང་མ་ཐལ་བྱུང་མཚན་མའི་ཆོས་ལས་གྲོལ།། རྟོག་མེད་ཆོས་སྐུའི་དངོས་པོ་དེ་བཞིན་ནོ།། རང་བཞིན་གཅིག་པས་ངོ་བོ་ཐ་དད་ཅིང་།། སྐུ་ལས་ཡེ་ཤེས་འཕྲོ་ཞིང་ཡུལ་ལ་ཁྱབ།། འབར་བའི་འོད་ཟེར་ཕྱོགས
་བཅུའི་ཞིང་དུ་འཕྲོ།། ཐམས་ཅད་འདུས་པའི་ཐིག་ལེ་ཆེ།། མ་ལུས་འདུས་པའི་ཐིག་ལེ་ཆེ།། ཡང་དག་སྣ་ཚོགས་ཐིག་ལེ་ཆེ།། ཡོངས་རྫོགས་ལམ་གྱི་ཐིག་ལེ་ཆེ།། རྣམ་དག་དབྱིངས་ཀྱི་ཐིག་ལེ་ཆེ།། མཁའ་མཉམ་བུམ
་པའི་ཐིག་ལེ་ཆེ།། འཁྲུལ་མེད་སྟོང་པའི་ཐིག་ལེ་ཆེ།། དོན་དམ་ཆོས་ཉིད་ཐིག་ལེ་ཆེ།། སྒྲོན་མ་ཡུལ་གྱི་ཐིག་ལེ་ཆེ།། བརྗོད་མེད་ལྷུན་གནས་ཐིག་ལེ་ཆེ།། མཚན་མ་མིང་གི་ཐིག་ལེ་ཆེ།། གསང་བ་ཡུམ་གྱི་ཐིག་ལེ
་ཆེ།། ལུས་ལ་སེམས་ཀྱི་ཐིག་ལེ་ཆེ།། རྣལ་འབྱོར་རྫོགས་པའི་ཐིག་ལེ་ཆེ།། ཡངས་པ་དབྱིངས་ཀྱི་ཐིག་ལེ་ཆེ།། ཆོས་ཉིད་རྩ་བའི་ཐིག་ལེ་ཆེ།། འདུ་འབྲལ་མེད་པའི་ཐིག་ལེ་ཆེ།། སེམས་མེད་རིག་པའི་ཐིག་ལེ
་ཆེ།། སངས་རྒྱས་གསང་བའི་ཐིག་ལེ་ཆེ།། ཐེག་རྫོགས་ཆེན་ཡང་ཆེན་དོན་གྱི་ཐིག་ལེ་ཆེ།། ཡེ་ཤེས་ནམ་མཁའི་ཐིག་ལེ་ཆེ།། མངོན་སུམ་བྱུང་བའི་ཐིག་ལེ་ཆེ།། སངས་རྒྱས་རྣལ་འབྱོར་ཐིག་ལེ་ཆེ།། ཐིག་ལེའི་དོན་རྣམས
་འདུས་པའོ།། ཨེ་མ་ཧོ།། ཡང་དག་གསང་བ་ཐུགས་དཀྱིལ་ན།། མ་བཀོད་ནོར་བུའི་ཕུང་པོ་བཞིན།། འོད་ཟེར་ནམ་མཁའི་མཐའ་དང་མཉམ།། ཡུལ་མེད་ཡུལ་ལ་གཅིག་པར་འཁྱིལ།། ལམ་མེད་ལམ
་ལས་མཐར་ཕྱིན་ཞིང་།། རྟོག་མེད་ཡུལ་ལས་མངོན་སངས་རྒྱས།། གདོད་ནས་དག་པའི་སྣང་སྲིད་སྐུ།། བལྟས་པ་མེད་པར་ཐམས་ཅད་གསལ།། ཕྱིན་པ་མེད་པས་གནས་སུ་བགྲོད།། དོན་མེད་ཡུལ་གྱི་བལྟ་བ
་མཐོང་།། དམིགས་པ་དག་པའི་མཁའ་ལ་གསལ།། ཟག་མེད་ལམ་ལ་མཐར་ཕྱིན་འགྱུར།། རང་སྣང་ཡུལ་ལ་དེ་བཞིན་གཤེགས།། བགྲོད་མེད་ལམ་ལ་འགྱུར་བ་མེད།། རྡོ་རྗེའི་ལམ་ལ་ཐིག་ལེ་འཕྲོ།། འདས
་པའི་ལམ་ལ་སྣང་སྲིད་གསལ།། སངས་རྒྱས་ཡེ་ཤེས་མཉམ་པའི་དོན།། ང་མེད་ང་ཡི་ངང་དུ་རྫོགས་ཤིང་འཕྲོ།། བདག་མེད་རྫོགས་པའི་ཆོས་ཉིད་དོ།། ཡུལ་མེད་རང་བྱུང་དོན་ལ་འཇུག། རྟོག་མེད་གསང་སྔགས་དོན
་ལ་སྦྱར།། འཛིན་མེད་རང་སྣང་ནམ་མཁའ་ལྡིང་།། བདེ་གཤེགས་ས་བོན་མྱུ་གུར་བཅས།། མཐར་སྤྱོད་ཆོས་ཀྱི་འཛིན་པ་མེད།། རྣམ་རྟོག་གཡེང་བའི་བདུད་དང་བྲལ།། ཡོད་དང་མེད་པའི་ཆོས་ལས་གྲོལ།། གཟུང
་འཛིན་སེམས་ཀྱི་དྲི་མ་མེད།། རྣམ་རྟོག་ཡུལ་གྱི་བདུད་དང་བྲལ།། སངས་རྒྱས་ལམ་དང་འདུ་འབྲལ་མེད།། གསང་བའི་ཡེ་ཤེས་མཁའ་ལ་བསྐྱོད།། འཛིན་པ་མེད་པར་རང་སར་ཐལ།། རྡོ་རྗེ་རྡོ་རྗེ་གསང་བའི
་རིགས།། ཡེ་ཤེས་སྐུ་ལ་ཡོན་ཏན་རྫོགས།། ཆོས་ཀྱི་སྐུ་ལ་མཚན་མ་གྲོལ།། ཡུལ་གྱི་སྐུ་ལ་འཛིན་པ་སྤངས།། ང་ཉིད་མ་བསྐྱོད་དབྱིངས་སུ་གཤེགས།། ང་ཉིད་རིག་པའི་སྐུ་དང་འཕྲད།། རྟོགས་མཐོང་ལྡན་པའི་གང
་ཟག་ལ།། རྟོག་པ་ཡུལ་གྱི་མཐའ་ལས་གྲོལ།། རྣམ་རྟོག་སེམས་ཀྱི་དྲི་མ་མེད།། ངར་རྟོག་ཞེ་སྡང་མདུད་པ་གྲོལ།། ཤེས་རབ་ཡུམ་གྱི་མཁའ་ལ་རོལ།། སྟོང་པ་རང་སངས་ངོ་བོ་ཉིད།། ཡུལ་ནི་སྟོང་པའི་མཁའ་ལ
་རོལ།། སེམས་དང་རྣམ་རྟོག་འཛིན་པ་མེད།། ཡུལ་དང་དབང་པོ་ཐ་དད་མེད།། ཤེས་བྱ་ཡུལ་གྱི་བདུད་དང་བྲལ།། སྟོང་པ་རང་བྱུང་རང་ཤར་སྐུ།། རྒྱུ་རྐྱེན་གཉིས་དང་བཅས་པའོ།། ཨེ་མ་ཧོ།། ཡང་དག་དོན་གྱི་ཡེ
་ཤེས་ནི།། མིང་དང་སྒྲ་དང་ཐ་སྙད་ཆོས་དང་བྲལ།། ཡང་དག་རྫོགས་པའི་སངས་རྒྱས་རྣམས།། བླ་མེད་འབྲས་བུ་རྙེད་པའི་ཕྱིར།། གསང་སྔགས་རྫོགས་པའི་ཐེག་ཆེན་འདི།། སུས་ཀྱང་རྙེད་པར་མི་འགྱུར་ཏེ།། རྣལ
་འབྱོར་གསང་སྔགས་བདག་པོ་ཡིས།། ཐེག་རྒྱལ་འདི་ནི་ཐུགས་སུ་ཆུད།། ལམ་གྱི་མཆོག་དང་ཉེ་རིང་མེད།། གསང་སྔགས་དོན་དང་འདུ་འབྲལ་མེད།། ཡེ་ཤེས་ལམ་ལ་མཐར་ཐུག་མེད།། འབྱུང་བའི་དཀྱིལ་འཁོར
་འོད་དུ་གསལ།། ཟག་མེད་ལམ་ལ་དེ་བཞིན་གཤེགས།། བགྲོད་མེད་ལམ་ལ་རྣམ་པར་འཁོད།། ཆགས་མེད་ལམ་ལ་དེ་བཞིན་གཤེགས།། མཐར་ཐུག་ལམ་ལ་གཉིས་མེད་གསལ།། རྣམ་དག་ལམ་ལ་ཕ
་རོལ་ཕྱིན།། རྟོག་མེད་ལམ་ལ་དཀྱིལ་འཁོར་རྫོགས།། སེམས་སོགས་འཕྲོ་བའི་འཆིང་བ་གྲོལ།། བསམ་སོགས་སྟོང་པའི་ཆོས་དང་བྲལ།། ཡིན་མིན་བཟང་ངན་ཡུལ་ལས་འདས།། མཐའ་རུ་ལྷུང་བའི
་ཆོས་ལས་གྲོལ།། འོད་གྱི་སྣང་བ་འགག་མེད་ཅིང་།། ཟེར་གྱི་སྤྲུལ་པ་ཕྱོགས་བཅུར་འཕྲོ།། མ་རིག་འཆིང་བའི་མདུད་པ་གྲོལ།། ཡེ་ཤེས་སྣང་བ་ཆེན་པོ་རྙེད།། ལམ་དང་བྱ་བྱེད་ཆོས་ལས་འདས།། བཟང་ངན་ཡུལ
་དང་འཛིན་རྟོག་བྲལ།། ཤེས་དང་མི་ཤེས་ཚིག་གི་ལམ།། གསང་སྔགས་ཀུན་གྱི་བཅུད་ཕྱུང་བ།། ཤེས་རིག་ཡུལ་གྱི་རྟ་ཕོ་ལ།། ཤེས་རབ་འགག་མེད་མིས་ཞོན་ནས།། བར་སྣང་ཁམས་སུ་ལམ་ཕྱུང་ནས།། སྟོང་པ་ཆེན
་པོའི་ཆོས་རྣམས་སྡུད།། ལམ་གྱི་གཏན་ཚིགས་བརྒྱད་དང་བྲལ།། འཛིན་རྟོག་ཡུལ་གྱི་དྲི་མ་སངས།། བདེ་བའི་ཡེ་ཤེས་འགག་པ་མེད་པའོ།། ཨེ་མ་ཧོ།། ཡངས་སོ་ཆེའོ་ཆེས་ཆེའོ།། ཆུང་ངུ་རྣམས་ཀྱི་གཉེན་པོ
་མཛད།། བདེ་བའི་ལམ་ལ་ཟད་མེད་ཕྱིར།། ཡང་དག་གསང་བ་དོན་གྱི་བཅུད།། ཐབས་དང་ཤེས་རབ་དོན་ལ་འཕགས།། ཨེ་མ་ཧོ།། སྟོང་པ་ཡུལ་གྱི་ནམ་མཁའ་ལ།། ཡང་དག་བདེ་བའི་སྐུ་གཅིག་ཤར།། བྱས་པས
་མཚན་མའི་ཆོས་ལས་གྲོལ།། སྐྱེ་འགག་མེད་པ་སོ་སོར་གསལ།། འབྱུང་འཇུག་མེད་པར་མཁའ་ལ་འཁྱིལ།། ཡོད་མེད་བཟང་ངན་རྟོག་པ་སངས།། ཅིག་ཅར་རིམ་གྱིས་བསྐྱེད་དུ་མེད།། ཡིན་མིན་མཚན་མའི་ཆོས
་ལས་གྲོལ།། སྣང་དང་སྟོང་པའི་ཐ་སྙད་མེད།། ཡེ་ཤེས་ཡེ་ཤེས་ཁྱད་པར་ལས།། གསང་སྔགས་དོན་ལས་འདས་པ་མེད།། ཡེངས་དང་མ་ཡེངས་གཉིས་སུ་མེད།། ཡང་ནས་ཡང་དུ་ཡེ་ཤེས་མཐོང་།། མཐོང་བ་དེ་ལས
་དཔེ་གཞན་མེད།། གསལ་ལ་འཛིན་པའི་བདུད་མེད་ན།། བྱས་པས་ཡང་དག་མེད་པ་ཉིད།། རང་གི་སྣང་བ་ཆེན་པོ་ཉིད།། ཡོད་པ་མ་ཡིན་མཁའ་ལ་ཐིམ།། མེད་པ་མ་ཡིན་རང་འོད་འབར།། ནམ་མཁའི་ངང་ལ་ཡེ
་ཤེས་བཞི།། སྟོང་པའི་ངང་ལས་འོད་དུ་གསལ།། ཚད་མེད་ངང་ལས་ཡེ་ཤེས་གསལ།། ཡོད་མེད་ངང་ལས་སངས་རྒྱས་རྙེད།། བདེ་ཆེན་དང་དུ་མངོན་རྫོགས་རྙེད།། རྡོ་རྗེ་ཡེ་ཤེས་སེམས་དཔའི་ཚུལ།། གསང་སྔགས
་ཡེ་ཤེས་དོན་ལ་སྣང་།། འཛིན་མེད་ཡེ་ཤེས་ཡུལ་ལ་སྣང་།། རང་སྣང་རྣམ་དག་དགོངས་པ་ནི།། བསམ་ལས་འདས་པའི་ཆོས་སྐུའི་དོན།། ཡོད་མེད་ཡུལ་དང་ཞེན་པ་སངས།། རྣམ་པ་སྟོང་དང་གཏིང་ན་གསལ།། བྱས
་པའི་ཆོས་ལས་དེ་བཞིན་འདས།། དགོངས་པའི་ཡེ་ཤེས་རང་བྱུང་བ།། ཡུལ་དང་སྙིགས་མའི་སྣང་བ་མེད།། ས་ལ་གནས་དང་འགྲོ་བ་མེད།། རྟོག་པ་ཡུལ་གྱི་རྩ་བ་མེད།། ཀྱེ་མ་གསང་སྔགས་རྡོ་རྗེའི་བདག། ཡོད
་མེད་གཉིས་ཀྱི་མཐའ་ལས་འདས།། གསང་སྔགས་ཚིག་ལས་དོན་བྱུང་བས།། བློ་ཡི་གཏིང་དུ་ཡང་དག་གོ། ཀྱེ་མ་ཡེ་ཤེས་བདེན་པ་ཉིད།། ཡུལ་དུ་མེད་ལ་ལམ་དང་བཅས།། སྣང་བ་ཡུལ་གྱི་འཛིན་པ་མེད།། བྱས
་པའི་ལམ་དང་བྱུང་བའི་ལམ།། འདུ་འབྲལ་མེད་པར་ལྷུན་གྱིས་གྲུབ།། ཐིག་ལེའི་ལམ་དང་སྟོང་པའི་ཡུལ།། བསྟན་པའི་ཡེ་ཤེས་ཡུལ་གྱི་གནས།། ཕྱོགས་ཆར་འཛིན་པའི་སེམས་མེད་ན།། བསམ་པ
་རྩིས་ཀྱི་ཡུལ་མེད་ཅིང་།། ལམ་སྣང་འབྲས་བུ་ཚད་མ་མིན།། ཅིར་སྣང་ཡུལ་གྱི་དངོས་པོས་སྟོང་།། བྱ་བྱེད་གཉིས་ཀྱི་མཐའ་དང་བྲལ།། སྟོང་དང་འཛིན་པའི་ཐ་སྙད་མེད།། གཅིག་དང་དུ་མའི་མཐའ་ལས
་འདས།། ཡོད་མེད་བཟང་ངན་ཡུལ་ལས་འདས།། སྟོང་པ་རང་བྱུང་ཚིག་ལས་འདས།། བྱ་བ་རྫོགས་པའི་རྒྱུད་ཉིད་སངས།། ཡིན་མིན་ཚིག་གི་སྒྲོ་འདོགས་ཆོད།། གསང་སྔགས་ཐབས་ཀྱི་སྐུར་ཤར་བ།། འཛིན་མེད
་ཤེས་རབ་འོད་ལྔའི་ཡུལ།། རྟོག་མེད་གསལ་བའི་ལམ་ལྔར་སྣང་།། འགྱུར་མེད་ཡངས་པའི་དབྱིངས་སུ་ཐིམ།། ཚད་མེད་དཔེ་ཡི་གོལ་ས་བཅད།། མཐའ་དག་ཡེ་ཤེས་རང་སྣང་ཉིད།། ཆོས་སྤྱོད་རྟོགས་པའི་ལམ་ལས
་གྲོལ།། རྣམ་རྟོག་འཆིང་བའི་བདུད་དང་བྲལ།། གསང་སྔགས་ལམ་གྱི་མཚན་མ་ཉིད།། གང་ལྟར་མེད་ལ་དེ་ལྟར་སྣང་།། ཡོངས་སུ་རྣལ་འབྱོར་ཆེན་པོའི་རྟོགས་པའོ།། ཞེས་རིག་པ་རང་ཤར་ཆེན་པོའི་རྒྱུད
་ལས།། མཚན་མ་ཟིལ་གྱིས་མནན་པའི་ལེའུ་སྟེ་གྱ་གསུམ་པའོ།། །། དེ་ནས་དུས་དེ་ཉིད་དུ་དེ་བཞིན་གཤེགས་པ་གསེར་གྱི་འོད་ཟེར་སྣང་བ་ཞེས་བྱ་བ་དེ་ཉིད་དུ་གྱུར་ནས་འཁོར་དཔག་ཏུ་མེད་པ་ལ་འདི
་སྐད་ཅེས་བཀའ་བསྒོ་བ་མཛད་དོ།། ཀྱེ་སྐྱེས་བུ་དམ་པ་རྣམས་ལེགས་པར་ཉོན་ཅིག། དགའ་བའི་དད་པས་གུས་པར་ཉོན་ཅིག། དང་བའི་བློ་ཡིས་རྩེ་གཅིག་ཏུ་ཉོན་ཅིག། ཡིད་གཞན་དུ་མ་ཡེངས་པར་ཉོན་ཅིག།
་ནི་སྔོན་ཡུལ་རྣམ་པར་བཀོད་པ་མཛེས་ལྡན་ཆེན་པོ་ཞེས་པ་ན་ཡོད་པའི་ཚེ།། ཡང་དག་པར་རྫོགས་པའི་སངས་རྒྱས་རིན་པོ་ཆེས་རྣམ་པར་བརྒྱན་པ་ཞེས་བྱ་བའི་མདུན་དུ་ལྷགས་ནས་འདི་སྐད་ཅེས་བཀའ་སྩལ
་ཏོ།། ཀྱེ་སྐྱེས་བུ་དམ་པ་སྨྲ་བའི་སེང་གེ་ཁྱོད་ཉོན་ཅིག། རིན་པོ་ཆེ་རྣམ་པར་བཀོད་པའི་ཕུང་པོ་ནི་དཔངས་མཐོ།། རིན་པོ་ཆེའི་གཞལ་ཡས་ཁང་ནི་བཀོད་ལེགས། རིན་པོ་ཆེ་རྣམ་པར་བྲེས་པའི་བཙུན་མོ་ནི་རྒྱན
་བཟང་།། རིན་པོ་ཆེ་རྣམ་པར་བཀོད་པའི་དྲ་བ་ནི་ཆ་སྙོམས། རིན་པོ་ཆེ་མཛེས་པའི་རྟ་ནི་བང་མགྱོགས། རིན་པོ་ཆེ་སྣ་ཚོགས་ཀྱི་བང་བ་ལ་ཟད་པ་མེད། རིན་པོ་ཆེ་སྣ་ལྔའི་ཐང་ནི་ཀུན་སྙོམས། རིན་པོ་ཆེ་གསང་བའི
་ཉི་མ་ལ་འཆར་ནུབ་མེད། རིན་པོ་ཆེ་ཆུའི་པདྨ་ལ་གོས་པ་མེད། རིན་པོ་ཆེ་མེའི་དཀྱིལ་འཁོར་ནི་བརྩེགས་ལེགས།། རིན་པོ་ཆེ་རླུང་གི་ཤེས་རབ་ལ་ཐོགས་པ་མེད། རིན་པོ་ཆེ་སའི་དཀྱིལ་འཁོར་ནི་ཐེག་པ་ཆེ། རིན་པོ
་ཆེ་ནམ་མཁའ་ལ་མཐའ་དང་དབུས་མེད།། རིན་པོ་ཆེ་འབར་བའི་འོད་ལ་འཆར་ནུབ་མེད།། རིན་པོ་ཆེའི་ཟེར་གྱི་ཕྲེང་བ་ནི་བསྟར་ལེགས།། རིན་པོ་ཆེ་སྟོང་པའི་དཀྱིལ་འཁོར་ནི་བྲིས་ལེགས།། རིན་པོ་ཆེ་མཐའི་རྒྱ
་མདུད་གསུམ་ནི་དྲིལ་ལེགས།། རིན་པོ་ཆེའི་གཏིང་གི་མུན་གསལ།། ཆེ་ཆུང་ནི་ཡངས་ལ་ལྷུན་འཐུག། རིན་པོ་ཆེ་རྒྱལ་མཚན་གྱི་རྩེ་ལ་ནུབ་པ་མེད། རིན་པོ་ཆེ་སྒྲོན་མ་འབར་བ་ནི་འོད་གསལ།། རིན་པོ
་ཆེ་གསང་བའི་ཡེ་ཤེས་ལ་འཕེལ་འགྲིབ་མེད། རིན་པོ་ཆེ་རྣམ་པར་གྲོལ་བའི་ལམ་ལ་བགྲོད་དུ་མེད།། རིན་པོ་ཆེ་སྐུ་གདུང་འབར་བ་མཆོད་རྟེན་ནི་བརྩེགས་ལེགས།། རིན་པོ་ཆེ་རྡོ་རྗེའི་གདན་ལ་འགྱུར་བ
་མེད།། རིན་པོ་ཆེ་སྟོང་པའི་ལམ་ལ་ཐུག་པ་མེད། དགོངས་པ་རང་གནས་ཀྱི་མན་ངག་ཏུ་བསྟན་པའོ།། དེ་ནས་དེ་བཞིན་གཤེགས་པ་དེས་འཁོར་གྱི་བྱང་ཆུབ་སེམས་དཔའ་རྣམས་ལ་བཀའ་སྩལ་པ། ཀྱེ་ཉེ་བའི་འཁོར
་རྣམས་ལེགས་པར་ཉོན་ཅིག། ངས་ཡེ་ཤེས་དང་ཐབས་ལ་འཇུག་པའི་སྒོ་མ་ཤེས་ནས། ཞིང་ཁམས་རྒྱན་བཟང་པོ་ཞེས་བྱ་བར་དེ་བཞིན་གཤེགས་པ་གློག་གི་འོད་ཟེར་སྙིང་པོ་ཞེས་བྱ་བས་ང་ལ་ལུང་བསྟན་པ། ཀྱེ
་རྒྱལ་བའི་སྲས་པོ་ཉོན་ཅིག། ཡང་དག་པར་རྫོགས་པའི་སངས་རྒྱས་ཀྱི་དགོངས་པ་ལ་མཐར་ཐུག་པ་མེད་དོ།། སངས་རྒྱས་ཀྱི་དགོངས་པ་ལ་ཚད་མེད་དོ།། ཤེས་རབ་ལ་རྩིས་མེད་དོ།། གནས་ལ་བཟང་ངན་མེད
་དོ།། བལྟ་བ་ལ་ཡིན་མིན་མེད་དོ།། གཞི་ལ་རྒྱ་ཆད་མེད་དོ།། ལམ་ལ་འཕོ་འགྱུར་མེད་དོ།། འབྲས་བུ་ལ་འགྱུར་ལྡོག་མེད་དོ།། ཡེ་ཤེས་ལ་གསལ་འགྲིབ་མེད་དོ།། ཤེས་རབ་ལ་སེམས་མེད་དོ།། གསང
་སྔགས་ཐམས་ཅད་ཀྱི་དགོངས་པའི་ཚད་འདི་ལས་མ་གཏོགས་པ་གཞན་མེད་དོ།། འདུ་འབྲལ་མེད་པའི་ཡེ་ཤེས་ལམ་ལ་མངོན་པར་སྣང་བ་ཉིད་དོ།། དབྱིངས་ལ་ཐུག་པ་མེད་པའི་ཡེ་ཤེས་ཆེན་པོ་ལ་མཐའ་དང
་དབུས་མེད་དོ།། དེ་སྐད་ཅེས་ལུང་བསྟན་ནས།། དེ་བཞིན་གཤེགས་པ་དེ་ཡང་མི་སྣང་བའི་དཀྱིལ་འཁོར་ལ་གཤེགས་སོ།། ངས་ཀྱང་ལུང་བསྟན་པ་དེ་ལ་ངེས་པ་རྙེད་དོ།། དེ་ནས་དེ་བཞིན་གཤེགས་པ་དེའི་འཁོར་དུ
་གཏོགས་པ་འོད་ཟེར་སྟོན་པའི་ཁྱེའུ་ཞེས་བྱ་བས། དེ་བཞིན་གཤེགས་པ་དེ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་དེ་བཞིན་གཤེགས།། བདག་ཅག་མོས་པའི་འཁོར་རྣམས་ལ།། ཐབས་ཆེན་གཏན་ཚིགས
་གསུང་དུ་གསོལ།། ཞེས་ཞུས་སོ།། དེ་ནས་དེ་བཞིན་གཤེགས་པ་དེས་འདི་སྐད་ཅེས་བཀའ་སྩལ་ཏོ།། ཀྱེ་ཧོ་ཁྱེའུ་རིན་ཆེན་ཉོན།། ངས་བསྟན་ལེགས་པར་ཡིད་ལ་ཟུང་།། གསང་སྔགས་དགོངས་པའི་ཡང་བཅུད
་ནི།། ལམ་དང་ཤེས་པའི་སྣང་བ་འདས།། འབྱུང་བ་གདོད་བྲལ་ཆོས་ཉིད་སྟོང་། ལམ་མེད་འཛིན་པ་མེད་པའི་སྣང་བའོ།། ཡུལ་དང་ཆོས་དང་སེམས་ལས་གྲོལ།། ཡང་དག་ཆོས་ཉིད་སྐུ་ཉིད་རྟོགས།། མཐོང་བའི་ཆོས
་ཉིད་ཡུལ་ལ་འཇུག། དག་པའི་ཆོས་ཉིད་ཡུལ་དང་བྲལ།། གསང་བའི་ཡེ་ཤེས་མཐོང་བ་ཆེ།། མཐའ་དག་ཡེ་ཤེས་ཡངས་པ་ཆེ།། གསང་སྔགས་ཡེ་ཤེས་ཚིག་ལས་འདས།། མཚོན་པའི་སྐུ་དང་ཐ་སྙད་སྟོང་།། ཡོད
་མེད་འཛིན་པའི་རྩོལ་བ་སྤངས།། ཡང་དག་ཐུགས་ལ་ཉི་ཤར་བཞིན།། སྟོང་པའི་ཡེ་ཤེས་ཚིག་མཐའ་ཡས།། དག་པའི་མཁའ་ལ་ནོར་བུ་གསལ།། ཡང་དག་དོན་ལ་བརྗོད་གཞི་མེད།། འདས་དང་མ
་དས་ཚིག་གི་ལམ།། གསང་སྔགས་གཅིག་པའི་ཡེ་ཤེས་ལྟོས།། ཡོད་མེད་འཛིན་པའི་བྱ་བ་དང་།། གསང་སྔགས་ཚིག་གི་མཐའ་ལས་གྲོལ།། ཤེས་པ་ཡུལ་གྱི་ལམ་དང་བྲལ།། མཚན་མའི་ཚིག་གིས་སྤྱོད་པ
་མེད།། གསལ་འགྲིབ་འཛིན་རྟོག་ངང་གིས་བཅོམ།། རྣམ་རྟོག་འཁོར་བའི་བདུད་གཞི་བཅོམ།། འཁོར་བ་འཛིན་པའི་མདུད་པ་བཀྲོལ།། ཡིད་བཞིན་ཆོས་ཉིད་རེ་དོགས་བསལ།། འཛིན་པ་ཡུལ་གྱི་གོལ་སྒྲིབ
་སྤངས།། ཡེ་ཤེས་དོན་ལ་མཐར་ཕྱིན་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས། དགོངས་པ་ལུང་བསྟན་པའི་ལེའུ་སྟེ་གྱ་བཞི་པའོ།། །། དེ་ནས་ཡང་མཁའ་འགྲོ་མའི་འཁོར་དང་། གསང་བའི
་བདག་པོ་དང་། མི་མ་ཡིན་གྱི་རིགས་བསམ་གྱིས་མི་ཁྱབ་པ་དང་།། བྱང་ཆུབ་སེམས་དཔའ་སེམས་དཔའ་ཆེན་པོ་རབ་བདུན་གྱིས།། བཅོམ་ལྡན་འདས་གཞོན་ནུ་དཔའ་བོ་སྟོབས་ལྡན་ཉིད་ལ་འདི་སྐད་ཅེས་གསོལ
་ཏོ།། ཀྱེ་ཀྱེ་སྟོན་པ་ཡེ་ཤེས་སྐུ།། སྟོན་པ་མྱ་ངན་འདས་འོག་ཏུ།། སྐུ་ཡི་རྟེན་ནི་གང་ལ་བགྱི།། གསུང་ནི་གང་གིས་སྒྲོག་པར་འགྱུར།། ཐུགས་ཀྱི་རྟེན་ནི་གང་གིས་བཟུང་།། ཉིད་ཀྱི་སྣང་བ་གང་ལ་བགྱི།། བདག་ཅག
་མོས་པའི་འཁོར་རྣམས་ལ།། ལུང་བསྟན་རྒྱས་པ་གནང་བར་མཛོད།། ཅེས་ཞུས་སོ།། དེ་ནས་གཞོན་ནུ་དཔའ་བོ་སྟོབས་ལྡན་གྱིས་བཀའ་སྩལ་པ། ཀྱེ་ཧོ་མོས་པའི་འཁོར་རྣམས་ཉོན།། ངས་བསྟན་གསང
་སྔགས་ཐབས་ཀྱིས་ཉོན།། ང་ལ་འཁོར་འདས་གཉིས་མེད་ཀྱང་།། སྟོན་པ་མྱ་ངན་འདའ་ཚུལ་སྟོན།། གསང་སྔགས་ཐབས་ལ་མཁས་པ་ཡིས།། ང་ནི་མྱ་ངན་འདས་འོག་ཏུ།། སྟོན་པ་ང་ཡི་གདུང་འཛིན་པའི།། སྟོན་པ
་ང་ཡི་སྐུ་རྟེན་ནི།། འདི་ལྟར་ཀུན་ལ་ཤེས་པར་བྱ།། སྐུ་དང་གདུང་དང་རིང་བསྲེལ་དང་།། རྣམ་གསུམ་ང་ཡི་སྐུ་རྟེན་བཞག། གདུང་ལ་རྣམ་པ་ལྔ་བསྟན་ཏེ།། དེ་ཡང་བསྟན་པ་འདི་ལྟར་ཡིན།། སྲ་མཁྲེགས་རྡོ་རྗེ་འཇིག
་པ་ཀུན་དང་བྲལ།། གསང་སྔགས་འབྲས་བུ་གཅིག་ཏུ་དྲིལ་བའི་རྟགས།། དབྱིབས་ཟླུམ་ཁ་དོག་སྣ་ཚོགས་འོད་ཟེར་འཕྲོ།། ཆེ་ན་སྲན་མའི་འབྲས་བུ་ཙམ་དུ་བཤད།། ཆུང་བའི་ཚད་ནི་ཡུངས་འབྲུ་ཙམ།། ཏིལ་འབྲུ
་ཙམ་དུ་རྒྱལ་བས་བཤད།། དེ་ཡང་རིགས་བསྟན་འདི་ལྟ་སྟེ།། རྡོ་རྗེའི་གདུང་དང་པདྨའི་གདུང་།། རིན་ཆེན་གདུང་དང་ལས་ཀྱི་གདུང་།། དེ་བཞིན་གཤེགས་པའི་གདུང་དུ་བཤད།། ང་ནི་མྱ་ངན་འདས་འོག་ཏུ།། སྐུ་ཡི
་རྟེན་དུ་གདུང་བཞག་ཅིང་། འགྲོ་བའི་མོས་པ་བསྐྱེད་པའི་ཕྱིར།། ང་ཡི་ཕུང་པོའི་རྟེན་རྣམས་སུ།། གདུང་གི་རིགས་ཆེན་འདི་བཞག་གོ། ཤ་ཡི་རྟེན་དུ་ཤ་རཱི་རམ།། ཡང་དག་ཉིད་དུ་བཞག་པའོ།། ཁྲག་གི་རྟེན་དུ་ཆུ་རཱི
་རམ།། སྲ་མཁྲེགས་རྡོ་རྗེའི་རྟེན་དུ་བཞག། རུས་པའི་རྟེན་དུ་བ་རཱི་རམ།། རྒྱལ་བ་ཉིད་ཀྱིས་ཚད་དུ་བཞག་ཡན་ལག་རྟེན་ཏུ་ཉ་རཱི་རམ།། ཤིན་ཏུ་སྤྲས་ཏེ་བཞག་པའོ།། རིང་བསྲེལ་ང་ཡི་རྒྱན་གྱི
་རྟེན།། སྐུ་ནི་ང་ཡི་ཚབ་ཏུ་བཞག། གསང་སྔགས་འབྲས་བུའི་བཅུད་ཕྱུང་བ།། རྒྱལ་བ་ཀུན་གྱི་ཚབ་མར་བཞག་པའོ།། ང་ནི་མྱ་ངན་འདས་འོག་ཏུ།། ཐབས་ལྡན་མྱ་ངན་འདའ་འདོད་ན།། གསང་སྔགས་ཐབས་ལ་མ
་ཡེངས་སྤྱོད།། ཐབས་ལྡན་མྱ་ངན་འདས་པ་དེ།། སྐུ་དང་གདུང་དང་རིང་བསྲེལ་དང་།། དཔག་ཏུ་མེད་པའི་རྟགས་འབྱུང་ངོ་།། དེ་ནི་སྐུ་ཡི་རྟེན་དུ་གསུངས་པའོ།། ང་ཡི་ཐུགས་ཀྱི་རྟེན་དུ་ཡང་།། འདི་བཞིན་སེམས་ཅན
་ཀུན་ལ་བཞག། སེམས་ཅན་ཀུན་གྱི་ཙིཏྟ་ན།། མཐིང་ག་དཀར་པོ་སེར་ལེ་བརྒན།། ལྗང་བུ་སྣ་ཚོགས་འབར་བའི་འོད།། སྐུ་དང་བཅས་ཏེ་རབ་ཏུ་བཞག། ཐུགས་ཀྱི་དཀྱིལ་འཁོར་ཆེན་པོ་ནི།། འདས་དང་མ་བྱོན་ད
་ལྟར་གྱི།། རྒྱལ་བ་ཀུན་གྱི་དགོངས་པ་ནི།། ཐུགས་ལས་བཏོན་ཏེ་བཞག་པའོ།། ང་ཡི་ཐུགས་ཀྱི་རྟེན་དུ་ཡང་དག་བཞག། སེམས་ཅན་རྣམས་ཀྱི་ས་བོན་བྱེད་པར་འགྱུར།། ཐུགས་ཀྱི་རྟེན་དུ་དེ་བཞིན་ནོ།། ང་ཡི་གསུང
་གི་རྟེན་ཉིད་དུ།། བརྒྱད་ཁྲི་བཞི་སྟོང་ཐེག་པའི་སྒོ།། བསམ་གྱིས་མི་ཁྱབ་བརྗོད་མི་ལངས།། བགྲང་དུ་མེད་དེ་གྲངས་ལས་འདས།། དཔག་ཏུ་མེད་པ་གསུངས་པའོ།། དེ་ཡང་བསྡུ་ན་འདི་ལྟ་སྟེ།། མདོ་སྡེ་འདུལ་བ
་མངོན་པ་དང་།། རྣམ་པ་གསུམ་དུ་གསུངས་པའོ།། དེ་ཡང་རང་ཉིད་དག་ལ་རྫོགས།། ང་ཡི་གསུང་གི་དཀྱིལ་འཁོར་དུ།། དམ་པ་འདི་ཉིད་ཡིན་པར་གསུངས།། རྒྱུད་ཆེན་རྒྱལ་པོ་འདི་ཉིད་ཀྱིས།། སེམས་ཅན་རྟོག་པ
་སེལ་བར་འགྱུར།། ང་ཡི་གསུང་དུ་འདི་བཞག་པས།། སེམས་ཅན་མ་རིག་ལྕགས་ལས་འགྲོལ།། གསུང་གི་དཀྱིལ་འཁོར་དེ་བཞིན་ནོ།། ང་ཡི་སྣང་བ་འདི་ལྟ་སྟེ།། སེམས་ཅན་ཀུན་གྱི་མིག་ལ་གནས།། དེ་ནི་སྒྲོན་མ
་འབར་བ་ཡི།། འོད་ནི་ཐོགས་པ་མེད་པའོ།། དེ་ལ་ཡངས་མེད་ཡིད་ཀྱིས་བལྟས་གྱུར་ན།། སྣང་བ་ཆེན་པོ་ཤར་བ་དེ།། ང་ཡི་སྣང་བ་ཆེན་པོ་ཡིན།། དེ་བཞིན་སྐུ་དང་གདུང་དང་འོད་རྣམས་ཀྱང་།། མྱ་ངན་འདའ་བར
་གང་འདོད་པ།། དེ་ལ་རྟགས་རྣམས་འབྱུང་བར་བཤད།། ཤ་རཱི་རམ་ནི་མགོ་ལས་བྱུང་།། ཆུ་རཱི་རམ་ནི་ཁྲག་ལས་བྱུང་།། བ་རཱི་རམ་ནི་ཚིགས་ལས་བྱུང་།། ཉ་རཱི་རམ་ནི་རྐང་ལས་བྱུང་།། དེ་ཡང་རིགས་བསྟན་འདི་ལྟ
་སྟེ།། ཤ་རཱི་རམ་ནི་དཀར་ལ་དངས།། ཆུ་རཱི་རམ་ནི་སྔོ་ལ་ནག། བ་རཱི་རམ་ནི་དཀར་སེར་ལྡན།། ཉ་རཱི་རམ་ནི་སྨུག་ནག་སྟེ།། དེ་བཞིན་ཁ་དོག་དབྱེ་བའོ།། ཤ་རཱི་རམ་གྱིས་སྐྱེ་མེད་ཐོབ།། ཆུ་རཱི་རམ་གྱིས་ཆོས
་སྐུ་ཐོབ།། བ་རཱི་རམ་གྱིས་ལོངས་སྐུ་ཐོབ།། ཉ་རཱི་རམ་གྱིས་སྦྲུལ་སྐུ་ཐོབ།། དེ་ནི་འབྲས་བུའི་ཚད་དུ་བསྟན།། སྐུ་ལ་རྣམ་པ་གཉིས་ཡོད་དེ།། ཞི་བ་དང་ནི་ཁྲོ་བོར་གསུངས། ཁྲོ་བོ་དེ་བཞིན་གཤེགས་པའོ།། ཞི་བས
་སྦྲུལ་སྐུ་འབྱིན་མི་ནུས།། མཚན་མ་རྟགས་དང་མི་ལྡན་ན།། སྟོང་པ་ཆེན་པོའི་མཁའ་ལ་འཁྱིལ།། དེ་ཡང་སྐྱེ་མེད་ཐོབ་པར་གསུངས།། ཕྱི་ནང་གསང་བའི་དྲོད་རྣམས་ཀུན།། ཐོབ་ནས་དེ་བཞིན
་གཤེགས་པར་གསུངས།། ཐེ་ཚོམ་མེད་པར་དེ་བཞིན་གཤེགས།། ས་ལ་ཐོགས་པ་མེད་པ་ཐོབ།། ལམ་ལ་འགྱུར་བ་མེད་པ་རྙེད།། དཀྱིལ་འཁོར་དོན་ལ་དེ་བཞིན་གཤེགས།། ས་རྣམས་ལ་ཡང་དེ་བཞིན་ནོ།། སྐྱེ་མེད
་འབྲས་བུ་མེད་པར་བཤད།། བྱེད་པའི་ཆོས་དང་བྱས་པའི་ཆོས།། གང་གིས་ཕྱོགས་སུ་མ་ལྷུང་བའོ།། འཛིན་མེད་རང་སངས་ངོ་བོ་ཉིད།། འདས་པ་བརྗོད་དུ་མེད་པའོ།། ཞེས་རིག་པ་རང་ཤར་ཆེན་པོའི་རྒྱུད་ལས།།
་རྒྱལ་བའི་རྟེན་བཞག་པའི་ལེའུ་སྟེ་བརྒྱད་ཅུ་གྱ་ལྔ་པའོ།། ཊརྐ་ཏུམཱ་བཱ་ཟ།། ། དེ་ནས་འཁོར་དེ་དག་ཐམས་ཅད་ཀྱིས་སྟོན་པ་ཆེན་པོ་དེ་ལ་མགྲིན་གཅིག་ཏུ་ཐལ་མོ་སྦྱར་ནས་འདི་སྐད་ཅེས་གསོལ་ཏོ།། ཀྱེ
་ཀྱེཀྱི་བཅོམ་ལྡན་འདས་ཐུགས་རྗེ་དང་ཐབས་སུ་ལྡན་པ། བདག་ཅག་རྣམས་ཀྱིས་རྒྱུད་ཀྱི་རྒྱལ་པོ་འདི་ཇི་ལྟར་གཟུང་བར་བགྱི། རྗེས་སུ་འཇུག་པ་རྣམས་ལ་ཇི་ལྟར་བསྟན་པར་བགྱི།། སྟོན་པས་ལུང་བསྟན་དུ་གསོལ།
་ཞེས་ཞུས་སོ།། དེ་ནས་ཡང་བཀའ་སྩལ་པ། ཀྱེ་མ་ཉོན་ཅིག་རིགས་ཀྱི་བུ། རྒྱུད་རྒྱལ་ཡེ་ཤེས་ངེས་པ་འདི།། ཀུན་གྱིས་གཟུང་བར་དཀའ་བ་ཡིན།། རིག་དང་ལྡན་པ་རྣམས་ཀྱི་བཅུད།། གསང་བའི་བདག་པོ་ཁྱོད་ཀྱིས
་ཟུང་།། རྗེས་སུ་འཇུག་པའི་འཁོར་རྣམས་ལ།། བསྣན་ཕྲི་མེད་པར་ཁྱོད་ཀྱིས་བྱིན།། ང་ཡི་རྒྱུད་ཆེན་རྒྱལ་པོ་འདི།། འཇིག་རྟེན་ཁམས་སུ་འབྱུང་བར་དཀའ།། འཇིག་རྟེན་ཁམས་ཀྱི་བཅུད་ཡིན་པས།། ཐབས་དང་ལྡན
་པས་བླང་བར་བྱ།། གསང་སྔགས་དོན་གྱི་དགོངས་པའི་ཕུགས།། འདི་རུ་དགོངས་ནས་རྒྱུད་དུ་བསྟན།། ཨེ་མ་ཧོ་ངོ་མཚར་ཤིན་ཏུ་ཆེ།། འདིས་ནི་མ་རིག་མུན་པ་སེལ།། ཁམས་གསུམ་འཁོར་བའི་གདུང་བ
་སེལ།། ཉོན་མོངས་འདམ་ལས་པདྨ་སྐྱེས།། ཡེ་ཤེས་མཁའ་ལ་རྣམ་པར་རོལ།། དེ་ཕྱིར་རྒྱུད་ཀྱི་རྒྱལ་པོ་འདི།། གསང་བའི་བདག་པོ་ཁྱོད་ཀྱིས་ཟུང་།། ང་ནི་མྱ་ངན་འདའ་འོག་ཏུ།། མོས་པ་སྦྱངས་པའི་འཁོར་རྣམས
་ལ།། ཁྱོད་ཀྱིས་ལེགས་པར་བསྟན་པར་གྱིས།། ཡང་དག་ཡེ་ཤེས་ཆེན་པོའི་དོན།། འདིར་མ་འདུས་པ་གཅིག་ཀྱང་མེད།། ང་ཡི་བསྟན་པ་བཞིན་དུ་བྱོས།། ཞེས་བརྗོད་ནས་མི་སྣང་བའི་ངང་དུ་གཤེགས་སོ།། དེ་ནས
་འཁོར་དེ་དག་ཐམས་ཅད་སྐད་གཅིག་ཏུ་ཡིད་འཁྲུགས་སོ།། དེ་ནས་ཡང་ནམ་མཁའ་ནས་སྒྲ་འདི་སྐད་ཅེས་སྒྲོགས་སོ།། བཛྲ་ཨ་བཛྲ་ཨ་ཤྭོ་ཏ་ན་ཀེ་ཤཱ་ཡ་ཨ་ཧཱུཾཿཡང་བྱུང་། ཤྲ་ཏཱ་ནཱ་ཀེ་ཤ་ཡཱ་ཡ་ཨ་ཧཱཾཿདྷ་སིངཿཞེས་བྱུང་བས
་འཁོར་རྣམས་ཡིད་འཁྲུགས་པ་ལས་ཐར་རོ།། དེ་ནས་དེ་རྣམས་ཀྱི་ནང་ནས་གསང་བའི་བདག་པོ་ཕྱག་ན་རྡོ་རྗེ་ཞེས་བྱ་བ་དེས་འཁོར་རྣམས་ལ་འདི་སྐད་ཅེས་བརྗོད་ཅིང་རྟོག་པ་བསལ་པའོ།། ཀྱེ་གྲོགས་པོ་དག
་རྟོགས་པའི་དུས་སུ།། ཡེ་ཤེས་ལ་ཐོགས་རྡུགས་མེད་དོ།། སྣང་བ་ལ་ཆེ་ཆུང་མེད་དོ།། རིག་པ་ལ་བཟང་ངན་མེད་དོ།། སྒྲོན་མ་ལ་སྐྱེ་འགག་མེད་དོ།། སྙིང་པོ་ལ་འགྱུར་བ་མེད་དོ།། མཐའ་ལ་ཐུག་པ
་མེད་དོ།། དབྱིངས་ལ་བྲི་བ་མེད་དོ།། དགོངས་པ་ལ་སྔ་ཕྱི་མེད་དོ།། ཞེས་བརྗོད་ནས་ཡང་མི་སྣང་བའི་ངང་དུ་གཤེགས་སོ།། དེ་ནས་ཡང་དེ་རྣམས་ཀྱི་ནང་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་རབ
་རྡོ་རྗེ་ཞེས་བྱ་བས། འདི་སྐད་ཅེས་གསོལ་ཏོ།། ཀྱེ་གསང་བའི་བདག་པོ་རྒྱུད་འདི་གང་གིས་གཟུང་དུ་རུང་བར་འགྱུར། ལུང་བསྟན་དུ་གསོལ།། ཞེས་ཞུས་སོ།། དེ་ནས་ཡང་ནམ་མཁའ་ནས་སྒྲ་འདི་སྐད་ཅེས་བརྗོད
་དོ།། ཀྱེ་མ་ཡེ་ཤེས་གྲོགས་པོ་དག། གསང་སྔགས་རྒྱུད་ཆེན་རྒྱལ་པོ་འདི།། ཀུན་གྱིས་གཟུང་བར་དཀའ་བ་ཡིན།། དགའ་རབ་རྡོ་རྗེ་ཁྱོད་ཀྱིས་ཟུང་།། ཞེས་བརྗོད་ནས་ཅང་མེད་དོ།། དེ་ནས་འཁོར་རྣམས་ཀྱིས
་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་རབ་རྡོ་རྗེ་ལ་འདི་སྐད་ཅེས་ཞུས་སོ།། ཀྱེ་ལྷའི་བུ་དམ་པ་བདག་ཅག་རྣམས་ལ་ཐབས་དམ་པ་བསྟན་དུ་གསོལ། ཞེས་ཞུས་སོ།། དེ་ནས་དགའ་རབ་རྡོ་རྗེས
་འདི་སྐད་ཅེས་གསུངས་སོ།། ཀྱེ་གྲོགས་པོ་དག་ཉོན་ཅིག། གསང་སྔགས་ཀུན་གྱི་ཡེ་ཤེས་ལ་མཁས་པར་བྱའོ།། ཡེ་ཤེས་ཀྱི་ལམ་ངོ་ཤེས་པར་བྱའོ།། བལྟ་བའི་ཡུལ་ངོ་ཤེས་པར་བྱའོ།། བསྒོམ་པའི་ཚད་ངོ་ཤེས་པར
་བྱའོ།། རྟོགས་པའི་འབྲས་བུ་ངོ་ཤེས་པར་བྱའོ།། རྒྱུད་འདི་རིགས་ཀྱི་བུ་རྣམས་ཀྱིས་གཟུང་བར་བྱའོ།། ཞེས་རིག་པ་རང་ཤར་ཆེན་པོའི་རྒྱུད་ལས། ཡོངས་སུ་གཏད་པའི་ལེའུ་སྟེ་བརྒྱད་ཅུ་གྱ་དྲུག་པའོ།། །
་ཋཧྱརྦི་ཏ་ཀུཿ།། སྟོན་པ་གཞོན་ནུ་དཔའ་བོ་སྟོབས་ལྡན་གྱིས་དུར་ཁྲོད་ཆེན་པོ་མེ་རི་འབར་བར་འཁོར་རྣམས་ཀྱི་རྟོག་པ་བསལ་བ། ཡེ་ཤེས་ལག་སྤྲད་དུ་བསྟན་པའི་རྒྱུད།། རིག་པ་རང་ཤར་ཆེན་པོའི་རྒྱུད་ཅེས་བྱ།
་བ།། མན་ངག་གི་བཤད་རྒྱུད་ཆེན་པོ་རྫོགས་སོ།། བཛྲ་ཎྱཿམཱ་ཤྭ་མཱཿ། དཔལ་ལྡན་སྔགས་ཀྱི་སྲུང་མ་ལྕམ་དྲལ་གཉིས་ཀྱིས་བཀའ་ཡི་བྱ་ར་གྱིས་ཤིག། དམ་ཚིག་ཉམས་པ་ཐམས་ཅད་ཀྱི་སྙིང་ཁྲག་འཇིབས་ལ་སྲོག
་རྩ་ཆོད་ཅིག། དཔལ་སྔགས་ཀྱི་སྲུང་མ་སྨུག་ནག་ཁྲོས་མའི་རྒྱལ་མོ་ཨེ་ཀ་ཙ་ཏིས་བཀའི་བྱ་ར་གྱིས་ཤིག། ས་མ་ཡཱ། རྒྱ་རྒྱ་རྒྱ། དཔལ་ལྡན་ཞའི་མགོན་པོ་དམ་ཚིག་གི་བདག་པོས་དམ་ཚིག་ལ་མི་གནས་པ་རྣམས
་ཞགས་པས་ཆིངས་ལ་སྒྲོག་ཅིག། དམ་ཚིག་ཉམས་པ་རྣམས་ལ་བྱིན་ན་མཁའ་འགྲོ་མ་སྡེ་ཆེན་བཅོ་བརྒྱད་ཀྱིས་ཆད་པ་ཆོད་ཅིག། བི་མ་ལ་མི་ཏྲ་ཆེན་པོ་དང་། སྐ་ཅོག་གསུམ་གྱིས། དཔལ་བསམ་ཡས་སུ་གཏན
་ལ་ཕབ་ནས་བསྒྱུར་བའོ།། སྠི། ལས་ཅན་རྣམས་དང་འཕྲད་པར་ཤོག་སྠི། རིག་པ་རང་ཤར་རྒྱུད་ལ་མ་བུ་བདུན།། ཡང་དཔེ་གཞན་ཞིག་ལ་གོང་གི་ཆད་གཅོད་ཅིག་གི་འཕྲོར་འདི་ཡིན་འདུག། མན་ངག་རྒྱུད
་གསང་བ་འདི་ནི། སློབ་དཔོན་བི་མ་ལས་སྒྲ་མི་མཐུན་པ་གསུམ་ལས་བསྒྱུར་བའོ།། དེ་ནས་རྗེ་བློན་གཉིས་ལ་གནང་སྟེ། རྒྱུད་ཆེན་པོ་འདི་ནི་རྗེ་ལས་ཉུང་བན་ལ་ཡང་མེད་པར། རིན་པོ་ཆེ་ཤེལ་གྱི
་གླེགས་ཤིང་དུ་བསྡམས་ནས། རིན་པོ་ཆེ་དངུལ་གྱི་ག་བུའི་ནང་དུ་བསྩལ་ནས་གཟེར་ཆེན་པོ་བཞིས་བསྡམས་ནས་ཉུང་བན་ལ་རྗེའི་ཞལ་ནས། འདི་ནི་བོད་ཕུང་པར་བྱེད་པའི་ངན་སྔགས་ཡིན་གྱིས་འདིས་བོད་ཕུང
་བར་འགྲོ་བས། འདི་ཡང་ཁྱོད་ཀྱི་དེ་ཚོའི་ཟླ་ལ་སྤོས་ཤིག་ཅེས་གདམས་ནས་རེ་ནག་གིས་དྲིལ་ཏེ་ཉང་བན་ལ་ཆ་མེད་པར་རྗེས་གནང་བ་ལགས་སོ།། དེ་ནས་ཉང་བན་ཆེན་པོ་དེས་ཞའི་ལྷ་ཁང་དུ་མགོན་པོ་དྲིས་ཟག
་ཅན་ལ་གཉེར་དུ་གཏད་ནས་སྦས་པ་ལགས་སོ།། རྗེའི་གསང་བ་ཐུགས་ཀྱི་བཅུད་ཉིད་མ་ནོར་བ་ལགས་སོ།། དེ་ནས་གནས་བརྟན་ལྡང་མས་ལྕེ་བཙུན་སེང་གེ་དབང་ཕྱུག་ལ་གནང་བ་ལགས་སོ།། ལྷ་རྗེས་ཉམས་སུ
་བླངས་པའི་མན་ངག་ཤིན་ཏུ་ཟབ་པར་བསྟན་པའོ།། གང་དང་ཡང་མི་འདྲ་བར་ཉམས་སུ་བླངས་པར་བསྟན་པ་གསང་སྐོར་གྱི་མན་ངག་དམ་པ་འདི་གུད་དུ་སྦས་པ་ལགས་སོ།། རྒྱུད་ཀྱི་རྒྱལ་པོ་འདི་ནི་འཛམ་བུ་གླིང
་གཞན་ན་མེད་པར་ཡིད་ཆེས་སོ།། ཉན་མི་དགོས་སོ།། དཔེ་ཐོབ་པས་ཆོག་གོ། མན་ངག་རྣམས་ཀྱི་རྒྱལ་པོ་འདི་སྣོད་མེད་པ་ལ་བྱིན་ན་གཉིས་ཀ་འཚིག། ལས་ཀྱི་འཕྲོ་ཅན་སྦྱངས་པའི་སྣོད་ལྡན་གྱིས་རྙེད་པར
་ཤོག། དེས་ནི་གསང་སྔགས་བསྟན་པ་ཡུན་རིང་གནས་པར་ཤོག། འགྲོ་བ་རྣམས་ཀྱི་མ་རིག་པའི་མུན་པ་སེལ་བར་གྱུར་ཅིག། བདག་འདྲ་སྨྱོན་པ་ལྕེ་བཙུན་གྱིས།། ཡང་དག་དོན་གྱི་མན་ངག་ཟབ་མོ་འདི།། རྒྱ་གར
་མཁས་པའི་བཀའ་རྒྱུད་བདག་ལ་བབ།། ཀུན་ལ་དཀོན་པའི་མན་ངག་ཟབ་མོ་འདི།། ཀུན་ལ་མ་སྤེལ་ས་ཡི་གཏེར་དུ་བཞག། ལས་ཀྱི་འཕྲོ་ཅན་གཅིག་གིས་རྙེད་པར་ཤོག། ཅེས་ལྷ་རྗེ་ཉིད་ཀྱི་སྨོན་ལམ་བཏབ་ནས
་སའི་གཏེར་དུ་སྦས་སོ།། སྔགས་ཀྱི་སྲུང་མ་རྣམས་ཀྱིས་སྲུངས་ཤིག། ཡང་དག་པ་ལགས་སོ།། རྫོགས་སོ།། @#།། རྒྱ་གར་སྐད་དུ།། སྒྲ་བསྔར་བཁུངས་བཙུན་པའི་དགོས་པ། མ་ཆེན་པོ་ཧཱ་རིག་པ། བིདྱཱ་རང་གྲོལ། སྦ་མུསྠི
་