Wylie

e-texts produced with BDRC’s OCR application

རྒྱ་གར་སྐད་དུ། ཀཱ་ཡཱ་ལོ་ཀོདྡེཥྚ་བྷི་ཥིཉྩཱ་མ་ཧཱ་སྭ་ཡཾ་བྷཱ་ཏནྟྲ་ནཱ་མ། བོད་སྐད་དུ། སྐུ་ཐམས་ཅད་ཀྱི་སྣང་བ་སྟོན་པ། དབང་རྫོགས་པ་རང་བྱུང་ཆེན་པོའི་རྒྱུད་ཅེས་བྱ་བ། བཅོམ ་ལྡན་འདས་དབང་ཐམས་ཅད་ཀྱི་བདག་ཉིད་པདྨ་ཧེ་རུ་ཀ་ལ་ཕྱག་འཚལ་ལོ།། འདི་སྐད་བདག་གིས་བསྟན་པའི་དུས་གཅིག་ན། རིག་པའི་སྣང་བ་ཡོངས་སུ་གསལ་བའི་གཞལ་ཡས་ན། ་རིག་པའི་རྩལ་གྱི་དབང་གི་མངའ་བདག་དེས། འདི་སྐད་ཅེས་བསྟན་ཏོ།། སྣང་བའི་རིག་པ་ཁྱད་པར་ཅན།། ཀུན་ཏུ་སྣང་བ་རྣམས་ཉོན་ཅིག། རིག་པའི་གནས་ལུགས་འགགས་པ་མེད ་པའི་དབང་།། བྱ་བ་རྒྱུན་དུ་སྤྱོད་པའི་དབང་།། འདས་པ་རྗེས་སུ་བཟུང་བའི་དབང་།། མ་འོངས་གནད་ལ་འགེལ་བའི་དབང་།། ད་ལྟ་སྨིན་པར་བྱེད་པའི་དབང་།། མ་རྫོགས་རྫོགས ་པར་བྱེད་པའི་དབང་།། ཐམས་ཅད་བཟློག་པར་བྱེད་པའི་དབང་།། གསོ་བྱེད་ཡོ་བྱད་ཉིད་ཀྱི་དབང་།། འདུ་བྱེད་རོ་ལངས་གསེར་བསྒྱུར་དབང་།། ཐལ་བྱེད་རོ་བསྲེག ་འཁོར་ལོའི་དབང་།། སྒྲུབ་བྱེད་རལ་གྲི་མཚོན་ཆའི་དབང་།། སྨིན་བྱེད་སྡོམ་པ་རྣམ་བཞིའི་དབང་།། ཐམས་ཅད་དབང་གི་འཁོར་ལོར་བསྟན་པའོ།། འདི་སྐད་བདག་གིས་ཐོས་པའི་དུས ་གཅིག་ན། རང་རིག་བྷན་དྷཱ་འབར་བའི་གཞལ་ཡས་ནས།། བཅོམ་ལྡན་འདས་དབང་ཐམས་ཅད་ཀྱི་བདག་ཉིད། པདྨ་ཧེ་རུ་ཀ་ཞེས་བྱ་བ་བཞུགས་ཏེ། དེ་ཡང་བཅོམ་ལྡན་འདས་དེ ་ཉིད་དབུ་གསུམ་པ་ཕྱག་དྲུག་པ། ཞབས་བཞི་བགྲད་པ། སྐུ་ལ་དུར་ཁྲོད་ཀྱི་རྒྱན་སྣ་ཚོགས་ཀྱི་བརྒྱན་པ། གླང་ཆེན་གྱི་པགས་པ་དང་། ཀླུ་རིགས་བཞིས་དབུ་དང་ཡན་ལག་བརྒྱན་པ། ་ཞིང་ཆེན་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ། བསྐལ་པའི་མེ་རི་སྣ་ཚོགས་སྐུ་ལས་འཕྲོ་བ། ཕྱག་ན་མཚོན་ཆ་གར་ཡང་མ་ངེས་པ་བསྣམས་པ། ཞབས་རེ་རེ་ལ་ལྕགས་ཀྱི་རྟ་རྨིག་གསུམ་གསུམ་བྱུང་བ། ་དབུ་རེ་རེ་ལ་རྟ་མགོ་ལྗང་ཞུར་རེ་རེ་རྟ་སྐད་ཕྱོགས་བཅུར་སྒྲོགས་པ། ཞལ་ནས་པདྨ་ཏ་ཀྲྀ་ཏ་ཡི་སྒྲ་སྒྲོགས་པ།། དབང་ཐམས་ཅད་ཀྱི་དེ་བཞིན་ཉིད་འགྲོ་བ་ཡོངས་ལ་བསྐུར་བ། སྐུ་མདོག་ལེ་བརྒན་དབང་གི ་དཀྱིལ་འཁོར་རྫོགས་པ། ཞབས་ཀྱི་འོག་ཏུ་ཏ་ཀྲྀ་ཏ་ཁྲོ་བོ་ཆེན་པོ་བརྒྱད་པོ་བརྫིས་པ། ལྟེ་བ་ན་རྟ་མགྲིན་དམར་པོ་ཞལ་གཅིག་ཕྱག་གཉིས་པ། ཐུགས་ཀ་ན་གསང་བའི་བདག་པོ་ཕྱག་ན་རྡོ་རྗེ་སྐུ་མདོག་སྔོན་པོ། ཞལ ་གཅིག་ཕྱག་གཉིས་པ། གཡས་རྡོ་རྗེ་ཚངས་པའི་འཇིག་རྟེན་དུ་གསོར་ཞིང་། གཡོན་སྡིག་འཛུབ་དང་ཞགས་པ་བསྡམས་པ། དཔུང་པར་ཧཱུཾ་ཀ་ར་དཀར་པོ་ཞལ་གཅིག་ཕྱག་གཉིས་པ། གཡས་ན་གསོད་པའི་སྟ་རེ་ཕྱར ་བ།། གཡོན་ན་ཕུར་བ་འདྲིལ་བའོ།། རྟ་མགོའི་སྟེང་ན་རྡོ་རྗེ་སེམས་དཔའ་དཀར་པོ། གཡས་རྡོ་རྗེ་རྩེ་དགུ་ཐུགས་ཀར་འཛིན་པ། གཡོན་དྲིལ་བུ་དཀུ་ལ་བརྟེན་པའོ།། དེ་ལྟ་བུའི་བཅོམ་ལྡན་འདས་དེ་ལ། འཁོར ་དཔག་ཏུ་མེད་པའི་ཚོགས་འདི་ལྟ་སྟེ། པདྨ་ཧེ་རུ་ཀ་ལ་སོགས་རིགས་ཀྱི་ཁྲོ་བོ་ལྔ་དང་། ཡུམ་ཀྲོདྷི་ཤྭ་རི་མ་དང་། རྡོ་རྗེ་སེམས་དཔའ་དང་། རྣམ་པར་སྣང་མཛད་དང་། རིན་ཆེན་འབྱུང་ལྡན་དང་། སྣང་བ་མཐའ་ཡས ་དང་། དོན་ཡོད་གྲུབ་པ་དང་། སངས་རྒྱས་སྤྱན་མ་དང་། མཱ་མ་ཀི་དང་། གོས་དཀར་མོ་དང་། དམ་ཚིག་སྒྲོལ་མ་དང་། ནམ་མཁའི་དབྱིངས་ཕྱུག་མ་དང་། རྡོ་རྗེའི་རྡོ་རྗེ་དང་། རྡོ་རྗེ་ལས་དང་། རྡོ་རྗེ ་ཆོས་དང་། རྡོ་རྗེ་རྣོན་པོ་དང་། རྡོ་རྗེ་རལ་གྲི་དང་། རྡོ་རྗེ་བེ་ཅོན་དང་། རྡོ་རྗེ་ཐོ་བ་དང་།། རྡོ་རྗེ་མེ་ཏྲིའོ།། འཇོམས་མ་རེག་དང་། འཇོམས་མ་ཡིད་དང་། འཇོམས་མ་དྲི་དང་། འཇོམས་མ་རོ་དང་། འཇོམས་མ་དུས ་དང་། འཇོམས་མ་ཆེན་མོ་འབྱུང་བ་ལྔ་དང་། འཇོམས་མ་ཆེན་མོ་སྣང་བ་མའོ།། ལྷ་དབང་དང་། མི་དབང་དང་། ལྷ་མ་ཡིན་གྱི་དབང་པོ་དང་། བྱོལ་སོང་གི་དབང་པོ་དང་། ཡི་དྭགས་ཀྱི་དབང་པོ་དང་། དམྱལ་བའི ་དབང་པོ་ཆེན་པོ་དང་། འབྲས་བུ་སྣང་བའི་སྟོན་པ་ཆེན་པོའོ།། དེ་བཞིན་གཤེགས་པའི་རིགས་ཀྱི་མཁའ་འགྲོ་མ་དང་། རྡོ་རྗེའི་རིགས་དང་། རིན་པོ་ཆེའི་རིགས་དང་། པདྨའི་རིགས་དང་། ལས་ཀྱི་རིགས་དང་། ་དབྱིངས་ཀྱི་རིགས་དང་། ཡེ་ཤེས་ཀྱི་རིགས་དང་། ལས་ཀྱི་རིགས་དང་། ཤ་ཟའི་རིགས་དང་། ཁྲག་འཐུང་གི་རིགས་དང་། རུས་པ་མུར་བའི་རིགས་དང་། མཁའ་འགྲོ་དང་། ཤུགས་འགྲོ་དང་། སྟོབས་འགྲོ་དང་། རྫུ ་འཕྲུལ་གྱིས་འགྲོ་བ་དང་། ཐབས་ཀྱིས་འགྲོ་བ་དང་། སྣང་བ་ཞོན་ནས་འགྲོ་བ་དང་། འབྱུང་བ་ལ་ཞོན་ནས་འགྲོ་བ་དང་། སྒྱིད་ཀྱིས་འགྲོ་བ་དང་། དུས་བཞི་ལ་འགྲོ་བའོ།། ས་བརྒྱད་པ་ལ་གནས་པ་དང་། དགུ་པ ་ལ་གནས་པ་དང་། བཅུ་པ་ལ་གནས་པའི་འཁོར་རོ།། ཀླུའི་རྒྱལ་པོ་དགའ་བོ་དང་། འཇོག་པོ་དང་། མཐས་ཡས་དང་། དུང་སྐྱོང་ལ་སོགས་པའོ།། ཕྱག་ན་རྡོ་རྗེ་དང་། རྟ་མགྲིན་དང་། གཤིན་རྗེ་གཤེད་དང་། འཇམ ་དཔལ་དང་། ཕྱག་རྡོར་ཞི་བ་དང་། སྤྱན་རས་གཟིགས་དང་། རིགས་ཀྱི་ཁྲོ་བོ་བསམ་གྱི་མི་ཁྱབ་པའོ།། གྲུལ་བུམ་གྱིས་རྒྱལ་པོ་དང་། མིའམ་ཅིའི་རྒྱལ་པོ་དང་། ལྟོ་འཕྱེའི་རྒྱལ་པོ་དང་། ལྷ་མ་ཡིན་གྱི་རྒྱལ་པོ་དང་། ་དྲི་ཟའི་རྒྱལ་པོ་དང་། འབྱུང་པོ་ཐམས་ཅད་ཀྱི་རྒྱལ་པོ་དང་། ཤ་ཟའི་རྒྱལ་པོ་དང་། ཡི་དྭགས་ཀྱི་རྒྱལ་པོ་དང་། ས་ལ་གནས་པ་དང་། ཆུ་ལ་གནས་པ་དང་། རླུང་ལ་གནས་པ་དང་། མེ་ལ་གནས་པ་དང་། ནམ་མཁའ ་ལ་གནས་པའི་འཁོར་བསམ་གྱིས་མི་ཁྱབ་པས་བསྐོར་བའོ།། དེ་ནས་བཅོམ་ལྡན་འདས་དཔལ་ཆེན་པོ་དེ་ཉིད་དྲེགས་པ་ཅན་ཐམས་ཅད་དབང་དུ་སྡུད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས ་འཁོར་དཔག་ཏུ་མེད་པའི་རིགས་རྣམས་དང་། ཐབས་ཅིག་ཏུ་བཞུགས་སོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། @#།། རྒྱ་གར་སྐད་དུ། ་སརྦ་སིན་དྷུ་ཧུ་ཀ་ར་ཡ་སིང་ནཱ་མ། བོད་སྐད་དུ། ཁྲུས་ཐམས་ཅད་ཀྱི་ལུང་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། དེ་ནས་འཁོར་དེ་རྣམས་ཀྱི་ནང་ནས། གསང་བའི་བདག ་ཉིད་རྡོ་རྗེ་རྣམ་འཇོམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དབང་གི་བདག། ཁམས་གསུམ་འཁོར་བའི་སེམས་ཅན་ལ།། རྣམ་རྟོག་དྲི་མ་བསམ་ཡས་པས།། སྒྲིབ་པ་རྣམ་པ་གཉིས ་སྦྱངས་པའི།། ཐབས་ཆེན་མཚོན་པའི་ཡན་ལག་དང་། སེམས་ཅན་དྲི་མ་ཅན་དག་གི། རྟོགས་པ་སྦྱངས་པའི་ཁྲུས་ཆེན་དང་།། ཁྲུས་ཀྱི་སྒྲུབ་པ་གསུང་དུ་གསོལ།། དེ་ནས་པདྨ་ཧེ་རུ་ཀས།། རྣམ་འཇོམས་ཉིད་ལ་བཀའ ་སྩལ་པ།། ཀྱེ་མ་རྡོ་རྗེ་རྣམ་འཇོམས་ཉོན།། ངས་བསྟན་ལེགས་པར་ཡིད་ལ་ཟུང་།། ཁྲུས་ཀྱིས་རྣམ་རྟོག་སྦྱོང་བྱེད་ན།། ཤིན་ཏུ་དབེན་པའི་གནས་དག་ཏུ།། ཕྱི་མཚམས་ཚུལ་བཞིན་བྱ་བ་དང་།། སྤྱི་བཤགས་ལ་སོགས ་རབ་ཏུ་བྱ།། དེ་ནས་དཀྱིལ་འཁོར་འདོམ་གང་ལ།། བ་ཡི་རྣམ་ལྔས་སྦྱང་བར་བྱ།། ཙནྡན་ལ་སོགས་དྲི་ཞིམ་པོས།། ཆག་ཆག་རབ་ཏུ་བཏབ་ནས་ནི།། ཐིག་ནི་གཞུང་དང་མཐུན་པ་སྟེ།། ཤིན་ཏུ་རྒྱས་པར་གདབ་བྱ ་སྟེ།། དེ་ནས་ཚོན་སྣ་ལྔ་ཡང་དགྱེ།། དབུས་ནི་ཟླུམ་པོའི་ཕོ་བྲང་དུ།། པདྨ་མཛེས་པ་འདབ་བརྒྱད་བྲི།། པདྨ་ལྟེ་བ་སྔོན་པོས་བཀང་།། འདབ་མ་རྣམས་ནི་མཛེས་ཚོན་ནོ།། དེ་ཡི་ཕྱི་རོལ་གྲུ་བཞི་སྟེ།། སྒོ་དང་བཅས་པ ་དག་ཏུ་བྲི།། གྲུ་ཆད་ལྗང་གུ་མཛེས་པ་སྟེ།། སྒོ་རྣམས་རིགས་དང་འདྲ་བའོ།། སྒོ་ཡི་མཐའ་མ་ཟླུམ་པོ་སྟེ།། རྡོ་རྗེ་ར་བར་བཅས་པ་བྲི།། ཟླུམ་པོའི་ཁ་དོག་དམར་པོ་བྱ།། བར་ཁྱམས་ནག་པོ་དག་ཏུ་བྱ།། དེ་ནས་དཀྱིལ ་འཁོར་དེ་ཉིད་ལ།། རྫས་ནི་འདི་ལྟར་དགོད་པར་བྱ།། པདྨའི་ལྟེ་བའི་དཀྱིལ་དག་ཏུ།། བུམ་པ་མཛེས་པ་གཅིག་བཞག་སྟེ།། ཚོན་སྐུད་ལྔ་ཡི་གཟུང་ཐག་གདགས།། པདྨའི་འདབ་མ་རེ་རེ་ལ།། ལྷ་བཤོས་རེ་རེ་གཞག ་པར་བྱ།། དཀྱིལ་འཁོར་ཕྱོགས་མཚམས་བརྒྱད་ཉིད་དུ།། ཕུར་པ་བཅུ་ལ་ཁྲོ་བོ་སྔགས།། ཕྱོགས་བཅུ་ཉིད་དུ་རབ་ཏུ་བཀོད།། ཕྱོགས་སྐྱོང་བཅུ་ལ་གཏོར་མ་བཅུ།། ཡི་དྭགས་འབྱུང་པོའི་གཏོར་མ་དང་།། རིགས་དྲུག ་རྣམས་ལ་གཏོར་མ་གཅིག། ཆོས་སྐྱོང་འཁོར་དང་བཅས་པ་དང་། མ་མོ་རྣམས་ལ་གཏོར་མ་གཅིག། དབུས་སུ་དཔལ་གྱི་གཏོར་མ་བཅའ།། སྒོ་བཞིར་རལ་གྲི་བཞི་ཡང་གཟུག། གྲུ་བཞིར་མདའ་བཞིར་མེ་ལོང ་བཞི།། དར་སྣ་དག་ཀྱང་གདགས་པར་བྱ།། ཁྲུས་ཆུའི་བུམ་པ་གཅིག་ནི་གྲུ་ཆད་དེ།། བུམ་པ་དེ་དག་རྣམས་ལ་ཡང་།། སྨན་ཀྱི་ཡོ་བྱད་སྣ་ཚོགས་དང་།། ཀ་ར་བུ་རམ་ལ་སོགས་དང་།། གསེར་དང་མན་ཤེལ་ནོར་བུ ་དང་།། རིན་ཆེན་སྣ་ལྔ་ཅི་སྙེད་དང་།། རྒྱ་མཚོའི་ཚྭ་དང་ལན་ཚྭ་དང་། ཚྭ་སྣ་ཅི་སྙེད་ཡོད་པ་དང་།། སྤོས་དང་ཙནྡན་གླ་རྩི་དང་།། དྲི་ཞིམ་པ་ཡི་སྤོས་རྣམས་དང་།། མར་དང་ཤ་དང་རོ་ཞིམ་དང་། འབྲས་དང་ནས་དང ་འབྲུ་རྣམས་དང་།། ཤིང་ཐོག་ལ་སོགས་འབྲས་བུ་རྣམས།། བུམ་པ་དག་གི་སྙིང་པོར་གསུངས།། རས་དཀར་དྲི་མེད་གཙང་མ་ཡིས།། མགུལ་ཆིངས་དག་ནི་བྱ་བར་གསུངས།། དེ་ནས་དཀྱིལ་འཁོར་དེ་ཉིད་ལ།། རས ་དཀར་མཛེས་པས་གདུགས་སུ་བྱ།། ཡུངས་ཀར་སཱ་ལུ་ལྡང་པ་ཡིས།། བུམ་པའི་ཁ་རྒྱན་བྱ་བར་གསུངས།། དེ་ནས་བཅོམ་ལྡན་དབང་ཆེན་ལ།། རྣམ་འཇོམས་ཉིད་ཀྱིས་ཡང་ཞུས་པ།། ཀྱེ་ཀྱེ་བཅོམ་ལྡན ་དབང་ཆེན་སྐུ།། དཀྱིལ་འཁོར་རྫས་ཉིད་དེ་ལྟར་ན།། སྒོམ་ཐབས་མཆོད་པའི་རིམ་པ་གསུངས།། བཅོམ་ལྡན་པདྨ་ཧེ་རུ་ཀས།། རྡོ་རྗེ་ཁྲོ་བོ་དེ་ཉིད་ལ།། སྟོབས་ལྡན་ཉིད་ཀྱི་བཀའ་སྩལ་པ།། ཀྱེ་མ་ཉོན་ཅིག་རྣམ་པར ་འཇོམས།། སྒྲུབ་པ་ཆེན་པོ་དེ་ཉིད་ལ།། འཇུག་དུས་ཚེས་ཆེན་བཅོ་ལྔ་ལ།། བསྒྲུབ་པའི་ཞག་གྲངས་རབ་ནི་བདུན།། འབྲིང་པོ་ཞག་ལྔ་ཐ་མ་གསུམ།། དེ་ལྟར་བསྒྲུབ་པ་བྱེད་པའི་ཚེ།། དང་པོ་དབང་གི་བྲོ་བརྡུང ་ཞིང་།། དེ་ཚེ་རྣལ་འབྱོར་ཆེན་པོ་རྣམས།། བསྒོམས་པའི་རིམ་པ་འདི་ལྟ་སྟེ།། པདྨ་དབང་གི་དཀྱིལ་འཁོར་རྣམས།། སྐད་ཅིག་ཙམ་ལ་རབ་ཏུ་བསྐྱེད།། དབུས་སུ་པདྨ་ཧེ་རུ་ཀ། དབུ་གསུམ་ཕྱག་དྲུག་ཞབས་བཞི ་སྟེ།། གཡས་ཀྱི་ཞལ་ནི་ལྗང་གུ་སྟེ།། གཡོན་ནི་སྔོ་ལ་དབུས་ནི་དམར།། ཕྱག་དྲུག་གཡས་ཀྱི་དང་པོ་ན།། དགྲ་སྟ་བསྣམས་ཤིང་སྐྱེ་རྩ་གཅོད།། འོག་མ་གཉིས་ཀྱི་ཕྱག་མཚན་ནི།། མདུང་ཐུང་རལ་གྲི་བསྣམས ་པའོ།། གཡོན་པ་གསུམ་གྱི་ཕྱག་མཚན་ནི།། བམ་དབྱུག་ཐོད་པ་སྡིགས་མཛུབ་སྟེ།། དབུ་ཡི་སྟེང་ན་རྟ་མགོ་གསུམ།། རྟ་སྐད་སྒྲོགས་ཤིང་དབང་སྐད་འཚེར།། མེ་རི་སྣ་ཚོགས་འཕྲོ་བའི་མེ།། དེ་ལྟ་བུ་ཡི་དབང་ཆེན ་ཉིད།། བདག་ཉིད་ཐུགས་ཀའི་དཀྱིལ་འཁོར་དུ།། ཡི་གེ་ཧྲཱིཿཉིད་དམར་པོ་བསམ།། དེ་ཉིད་འོད་དུ་ཞུ་བ་དང་།། བདག་ཉིད་པདྨ་དབང་དུ་བསྐྱེད།། དེ་ནས་ཧྲཱིཿཧྲཱིཿཞེས་བརྗོད་པས།། བདག་ཉིད་སྟེང་དུ་ཆད་པར ་བསམ།། དེ་ནས་རྟ་མགོ་གསུམ་དུ་བསམ།། དེ་ནས་བཛྲ་ཧྲཱིཿཞེས་བརྗོད།། དེ་ཉིད་འོད་དུ་ཞུ་བ་དང་།། བདག་ཉིད་དཔལ་ཆེན་མདུན་དག་ཏུ།། རྡོ་རྗེ་རྣམ་འཇོམས་བསྒོམ་པའོ།། དེ་ཉིད་སྐུ་མདོག་ཕྱག་མཚན ་ནི།། ཞལ་གཅིག་ཕྱག་གཉིས་སྐུ་མདོག་སྔོ།། གཡས་པས་བུམ་པ་དཀར་པོ་བསྣམས།། རྡོ་རྗེ་རྒྱ་གྲམ་བུམ་པའི་ཁ་ཉིད་བཅད་པའོ།། གཡོན་པས་སྡིགས་མཛུབ་ཕུར་པ་འདྲིལ།། ཀླུ་དབང་རིགས་བཞིས་སྐུ་ལ་བརྒྱན ་པའོ།། དེ་ལྟར་གསལ་བར་བསྒོམ་པ་དང་།། བསྙེན་པ་གཙོ་བོར་སྔགས་འདི་བརྗོད།། ཨོཾ་པདྨཱནྟ་ཀྲྀཏ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ་ཧྲཱིཿསྔགས་དེ་བརྒྱ་རྩ་བརྒྱད་བརྗོད་པས།། རྣམ་འཇོམས་སྐུ་ནི་གྲངས་མེད་བསམ།། རྡོ་རྗེ ་རྣམ་འཇོམས་དེ་དག་གི། ཐུགས་ཀའི་ཡི་གེ་ས་བོན་ལས།། ཁྲུས་ཀྱི་ལྷ་མོ་གྲངས་མེད་བསམ།། སྟོང་གསུམ་ཐམས་ཅད་ཁེངས་པར་བསམ།། ཁྲུས་ཀྱི་ལྷ་མོ་དེ་དག་ནི།། སྐུ་མདོག་དཀར་མོ་འོད་ཟེར་ཅན།། གཡས་པ ་རྣམས་ནི་བུམ་པ་སྟེ།། གཡོན་པ་རྣམས་ནི་སྡིགས་འཛུབ་བོ།། དེ་ནས་བཅོམ་ལྡན་བདེ་ཆེན་དེས།། རྣམ་འཇོམས་ཉིད་ལ་ལུང་བསྟན་པ།། ཀྱེ་མ་རྡོ་རྗེ་རྣམ་འཇོམས་ཉོན།། གསང་སྔགས་ཁྲུས་ཀྱི་སྒྲིབ་སྦྱང ་སྔགས།། ཁྱོད་ཀྱིས་འདུས་པའི་ཚོགས་ལ་སྤྲོས།། དེ་ནས་རྣམ་འཇོམས་དེ་ཉིད་ཀྱིས།། གསང་སྔགས་ཁྲུས་ཀྱི་ཚིག་འདི་སྨྲས།། ན་མཿཙཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཧཱུཾ་ཕཊ། དེ་སྐད་སྔགས་དེ་ལན་ཉེར ་གཅིག། བརྗོད་ཅིང་བཅོམ་ལྡན་དབང་ཉིད་བསམ།། དེ་ལས་འོད་ཟེར་རབ་འཕྲོས་པས།། ཁམས་གསུམ་རྒྱུད་དྲུག་སེམས་ཅན་གྱི།། རྣམ་རྟོག་སྒྲིབ་པ་སྦྱངས་པར་བསམ།། དེ་ནས་ཁྲུས་ཀྱི་ལྷ་མོ་རྣམས།། གསལ་བ ་འོད་དང་ལྡན་གྱུར་ནས།། བདུད་རྩིའི་བུམ་པ་དེ་དག་གིས།། ནང་ནས་བདུད་རྩིའི་ཆུ་རྒྱུན་བབས།། དེ་ཉིད་སྟོང་གསུམ་ཁྱབ་པ་ལས།། བདག་དང་མཐའ་ཡས་སེམས་ཅན་གྱི།། སྡུག་བསྔལ་ཐམས་ཅད་མེད་པ ་དང་།། སྒྲིབ་པ་ཐམས་ཅད་བཀྲུས་པར་བསམ།། ཕྱི་དང་ནང་གི་ནད་རྣམས་ཀྱང་།། ལྷ་མོ་དེ་དག་ཐམས་ཅད་ཀྱིས།། བདུད་རྩིའི་ཆུ་ཡིས་བཀྲུས་པར་བསམ།། རྒྱུན་དུ་དེ་ལྟར་བསམ་བཞིན་དུ།། སྤྱི་ཆོ་ག་གཞུང་དང ་མཐུན་པར་བྱ།། རྒུན་དུ་བགྲངས་པའི་སྔགས་འདིའོ།། ཨོཾ་བཛྲ་ཙཎྜ་སརྦ་ཨ་ཤུདྡྷ་རེ་ཡ།། སརྦ་པཱ་པ་བི་ཤོ་དྷ་ཧོ་རེ་རཾ་ཁཾ་རཾ་རཾ། བཛྲ་ཙཎྜ་ར་རཾ། དེ་ནི་རྒུན་འབུལ་དག་ཏུ་བཟླས།། དེ་ནས་བསྒྲུབ་པའི་ཐ་མ་ལ།། རིགས ་ཀྱི་སློབ་མ་དེ་དག་ལ།། དབུས་ཀྱི་བུམ་པས་དབང་བསྐུར་བྱ། ཁྲུས་ཀྱི་བུམ་པས་ཁྲུས་ཉིད་བྱ།། གཙོ་བོའི་བུམ་པ་དེ་ཉིད་དུ།། དཔལ་ཆེན་དེ་ཉིད་སྐུ་བསྟན་པ།། སློབ་བུའི་སྤྱི་གཙུག་དག་ཏུ་བཞག། འོག་མའི་སྔགས ་འདི་ཉིད་ལན་བདུན་བརྗོད།། དེ་ནས་རྡོ་རྗེ་སློབ་དཔོན་དེས།། ཆེ་བའི་གླུ་འདི་རབ་ཏུ་བླངས།། ཧཱུཾ་བདུད་རྩི་དག་པའི་ཡེ་ཤེས་སྐུ།། ཆོས་ཉིད་མཁའ་མཉམ་ཡེ་ཤེས་བུམ།། རྣམ་རྟོག་ཀུན་སྦྱོང་ཡེ་ཤེས་ཆུ།། རིག ་པ་འོད་གསལ་སྙིང་པོར་བཅས།། མཁའ་གསང་མཉམ་སྦྱོར་ལན་ཚྭའི་རོ།། རྣམ་དག་དྲི་མེད་བཅུད་ལེན་སྨན།། འདོད་ཡོན་ལས་གྲུབ་རིན་པོ་ཆེ།། རིན་ཆེན་འོད་འབར་དྲི་ཞིམ་སྤོས།། གསོ་བྱེད་རྡོ་རྗེ་ལོ་མའི ་ཆུ།། འདོད་པ་ཚིམ་བྱེད་འབྲས་བུ་དང་།། བསྙེན་འདྲིལ་ཐུགས་རྗེའི་དར་དཔྱང་དང་།། འབྲས་བུ་བཅུད་ཀྱིས་གཏམས་པ་ཡི།། ཆོས་ཉིད་མཉམ་པའི་བུམ་པ་ཡིས།། སྐལ་ལྡན་འདི་ལ་དབང་བསྐུར་བས།། ཆོས་ཉིད ་རང་སྟོབས་རྙེད་ནས་ཀྱང་།། དབང་ཆེན་སྐུ་དང་ལྡན་པར་ཤོག། ཨོཾ་མ་ཧཱ་ཀ་ལ་ཤ་སིདྡྷི་བཛྲ་ཧཱུཾཿདེ་ནས་ཁྲུས་ཀྱི་བུམ་པ་ཡིས།། སློབ་མ་དེ་ལ་ཁྲུས་བྱས་ཏེ།། སྤྱི་གཙུག་དག་ཏུ་བཞག་ལ་ཡང་།། སྔགས་ནི་འོག་མ་ལན ་བདུན་བརྗོད།། དེ་ནས་ཁྲུས་ཀྱི་བུམ་པ་དེ།། རྣམ་འཇོམས་ཉིད་དུ་གསལ་བར་བསྒོམ།། དེ་ནས་རྡོ་རྗེ་སློབ་དཔོན་དེས།། ཆེ་བའི་གླུ་འདི་བརྗོད་པར་བྱ།། རྣམ་དག་དྲི་མེད་ཡེ་ཤེས་ཆུས།། བཀྲུས་པས་རྣམ་རྟོག་སྡུག ་བསྔལ་བྲལ།། རྣམ་རྟོག་དྲི་མ་ལས་སྦྱོངས་ཤིང་།། སངས་རྒྱས་ཞིང་ཁམས་རབ་འབྱམས་ཀྱི།། ཡེ་ཤེས་ཆུ་རྒྱུན་བབས་ནས་ན།། ཁྱོད་ཀྱི་རྣམ་རྟོག་བྱང་གྱུར་ནས།། ཕྱི་དང་ནང་གི་སྡུག་བསྔལ་རྣམས།། ཐམས་ཅད་ཞི ་བར་གྱུར་ནས་ཀྱང་།། ཡེ་ཤེས་སྣང་བ་གསལ་བར་སྟོན།། དག་པའི་ཡེ་ཤེས་བདུད་རྩི་འདིས།། དྲི་མའི་སྐྱོན་རྣམས་བྱང་བ་དང་།། མི་གཙང་ལ་སོགས་ཉམས་པ་ཀུན།། ཤེལ་སྒོང་ལྟ་བུར་གྱུར་ནས ་ནི།། རྣམ་འཇོམས་ཉིད་ཀྱི་སྐུ་གསུང་ཐུགས།། རིགས་ཀྱི་བུ་ལ་རྫོགས་པར་ཤོག། ཨོཾ་ཙཎྜ་བཛྲ་ཀྲོ་དྷ་ཀཱ་ཡ་ཧཱུཾ་ཧཱུཾ་ཧྲིཿདེ་ནས་གཏོར་མས་དབང་བསྐུར་བྱ།། གཏོར་མ་གཏོང་ཞིང་དཀྱིལ་འཁོར་བསྡུ།། ཞེས་རྫོགས་པ ་རང་བྱུང་ཆེན་པོའི་རྒྱུད་ལས། ཁྲུས་ཀྱི་ལེའུ་སྟེ་གཉིས་པའོ།། །། @#།། རྒྱ་གར་སྐད་དུ། མ་ཧཱ་སུ་ཀ་ས་པི་ཡ་དུར་ན་མ། བོད་སྐད་དུ། གཤིན་གྱི་གནས་ལུང་ཆེན་མོ་ཞེས་བྱ་བ། བཅོམ་ལྡན ་འདས་དཔལ་མཉམ་པའི་རྒྱལ་པོ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་དཔལ་པདྨའི་རྒྱལ་པོ་དེ་ཉིད་ཀྱིས། སེམས་ཅན་ཚེ་འདས་པའི་སེམས། རིག་པ་ངོ་སྤྲད་པའི་ཆོ་ག་དང་། རིགས་དྲུག་ནས་དྲངས་ཤིང ་ལམ་སྟོན་པ་འདི་གསུངས་སོ།། ཕྱོགས་བཅུ་ན་གནས་པའི་ལྷ་དང་། ཀླུ་དང་། ལྷ་མ་ཡིན་དང་། མི་དང་། བྱང་ཆུབ་སེམས་དཔའི་འཁོར་རྣམས་ལ་རབ་ཏུ་བོས་ཏེ་འདི་གསུངས་སོ།། ཀྱེ་འདུས་པའི་ཚོགས་ཕལ་ཆེར་ང ་ལ་ཉོན་ཅིག། སེམས་ཅན་ཐམས་ཅད་སྡུག་བསྔལ་ལ་ཆགས་ཤིང་། སྡུག་བསྔལ་ལ་སྤྱོད་པའོ།། ཚེ་འདས་པའི་སྡུག་བསྔལ་དང་། རྣམ་རྟོག་སྦྱོང་བའི་ཕྱིར། ངས་ཚེ་འདས་པ་བར་དོ་ལས་འདས་པའི་ལམ་དུ་ལུང་བསྟན ་པ་འདི་བསྟན་གྱིས། ལེགས་པར་ཉོན་ཅིག་ཅེས་གསུངས་པས། དེ་ནས་འཁོར་རྣམས་རབ་ཏུ་དགའ་སྟེ་འདི་སྐད་བརྗོད་དོ།། ཨེ་མ་ཧོ།། ལེགས་སོ་བདག་ཅག་རྣམས་ཀྱི་ལེགས་པར་བཟུང་། དཔའ་བོ་ཆེན་པོས ་བཀའ་སྩོལ་ཅིག། དེ་ནས་དབང་ཆེན་དེ་ཉིད་ཀྱིས།། ཉེ་བའི་འཁོར་ལ་བཀའ་སྩལ་པ། ཀྱེ་ཀྱེ་འདུས་པའི་འཁོར་ཚོགས་ཉོན།། གནས་ཀྱི་ཆོ་ག་ཆེན་མོ་ནི།། ང་ཡིས་ལགས་པར་བཤད་པར་བྱ།། སེམས་ཅན་ལས་ཀྱིས ་མནར་བ་ཡི།། དབང་པོ་རབ་འབྲིང་ཐ་མ་གསུམ།། ཤིན་ཏུ་རྒྱས་པ་འདི་ལྟ་སྟེ།། དབང་པོ་ཉི་ཤུ་རྩ་གཅིག་གོ། ཡང་གསོལ་པ། སེམས་ཅན་ལས་ཀྱི་མནར་དེ་ཡི།། བར་དོའི་གནས་ལུགས་ཅི་ལྟར་ལགས།། རྡོ་རྗེ ་འཆང་གིས་བཀའ་སྩལ་པ།། སེམས་ཅན་ཀུན་གྱི་ལམ་ཆེན་ནི།། བར་དོའི་སྣང་བ་ཆེན་པོ་ཡིན།། རྣམ་པ་བཞི་རུ་ང་ཡིས་གསུངས།། རང་བཞིན་གནས་པའི་བར་དོ་དང་།། ཆོས་ཉིད་རང་སྣང་བར་དོ་དང་།། རྨི་ལམ ་འཛིན་པའི་བར་དོ་དང་།། སྲིད་པ་འཁྱམས་བྱེད་པར་དོའོ།། རང་བཞིན་གནས་པའི་བར་དོ་ལ།། ཆོས་ཉིད་གསང་བའི་དོན་རྟོགས་ནས།། གང་ལ་མ་ཆགས་ཤེས་རབ་ཕ་རོལ་ཕྱིན།། དེ་ནས་ལུས་འདི་བོར་བ ་དང་།། ཆོས་ཉིད་རང་སྣང་བར་དོ་ལ།། གཉིས་སུ་མེད་པར་གནས་ནས་ནི།། ཞག་ནི་རྣམ་བདུན་སྡོད་པར་ངེས།། དེ་ཚེ་སེམས་ཅན་ཆེན་པོ་དེ།། ཆོས་ཉིད་མ་ལ་རབ་གནས་ཏེ།། སེམས་དང་རིག་པའི་ཡེ་ཤེས ་གཉིས།། ཞག་བདུན་བར་དུ་རབ་ཏུ་བྲལ།། ཆོས་ཉིད་རང་ཡུལ་མཐོང་བའི་ཕྱིར།། དེ་ནས་ཞག་བདུན་ལོན་པ་དང་།། སེམས་ཀྱི་ས་བོན་ལངས་པ་དང་།། ལྷུན་གྲུབ་ཆེན་པོ་རབ་འདས་ནས།། རྨི་ལམ ་བར་དོ་ཆེན་པོར་འགྲོ།། དེ་ཚེ་སྔོན་གྱི་བག་ཆགས་དྲན།། དེ་ཚེ་གནས་ཀྱི་ཆོ་ག་གསུངས།། གནས་ཀྱི་ཆོ་ག་ཆེན་པོ་རྣམས།། ཕྱག་རྒྱ་འཁོར་ལོས་མཚམས་བཅད་བྱ།། དེ་ནས་བུདྡྷ་ཧེ་རུ་ཀས།། དབང་ཆེན་ཉིད་ལ་དོན ་ཞུས་པ།། ཀྱེ་མ་དཔའ་བོ་དབང་གི་བདག། གནས་ལུང་ཆེན་པོ་བསྒྲུབ་པ་ཡི།། དཀྱིལ་འཁོར་ཆོ་ག་གསུང་དུ་གསོལ།། དེ་ནས་དབང་ཆེན་དེ་ཉིད་ཀྱིས།། ཞུས་པའི་ཚིག་འདི་བཀའ་སྩལ་པ།། གནས་ལུང་བསྒྲུབ་པ ་འདི་ལྟ་སྟེ།། ཚེ་འདས་ལུས་བརྗེས་གནས་དེ་རུ།། དཀྱིལ་འཁོར་འདོམ་གང་གྲུ་བཞི་སྟེ།། དྲི་སྣ་གསུམ་གྱིས་ཆག་ཆག་གདབ།། དེ་ནས་ཚོན་ཐིག་བྱིན་གྱིས་བརླབ།། བཅུ་དྲུག་ཐིག་དང་ལྡན་བྱས་ལ།། དེ་ནས་ཚོན ་ཉིད་རབ་ཏུ་དགྱེ་བར་བྱ།། ཕོ་བྲང་གྲུ་བཞིར་ལྡན་པ་ལ།། ཚོན་རྩི་མཐིང་ག་དག་གིས་དགར།། ཕྱི་རིམ་ཟླུམ་པོ་དག་ཏུ་གསུངས།། རྡོ་རྗེའི་ར་བར་བཅས་པ་བྲི་བྱ་ཞིང་།། ཕོ་བྲང་བསྣོལ་མའི་བར་དག་ནི།། དམར་པོ ་དག་གིས་རབ་ཏུ་བཀང་། དེ་ཡི་ཕྱི་རིམ་གྲུ་བཞི་སྟེ།། སྒོ་དང་བཅས་པར་རབ་ཏུ་བཤད། སྒོ་ནི་རིགས་དང་མཐུན་པ་ལ།། བར་ཁྱམས་སྔོན་པོ་དག་ཏུ་བྱ།། གྲུ་ཆད་ལྗང་གུ་མཛེས་པའོ།། དེ་ཡི་ཕྱི་རིམ་ཟླུམ་པོར ་གསུངས།། ཟླ་གམ་བཞི་ནི་དམར་པོའོ།། ཀྱེ་མ་བཅོམ་ལྡན་དབང་གི་བདག། གསང་བའི་དཀྱིལ་འཁོར་དེ་ཉིད་ལ།། མངོན་པའི་རྫས་ནི་ཇི་ལྟར་ལགས།། དཔལ་ཆེན་ཁྱེད་ཀྱིས་བཀའ་སྩོལ་ཅིག། གསང་བའི་དཀྱིལ ་འཁོར་དེ་ཉིད་ལ།། དབུས་ཀྱི་ཕོ་བྲང་སྟེང་དག་ཏུ།། བུམ་པ་མཛེས་པ་གཅིག་བཞག་སྟེ།། རས་དཀར་གཙང་མས་མགུལ་ཚངས་བྱ།། ནང་དུ་ཆུ་གཙང་དག་གིས་དགང་།། ཁ་རྒྱན་ཅི་འབྱོར་དག་གིས་བྱ།། ཤར་ཕྱོགས ་དག་ཏུ་གཏོར་མ་གཅིག། རཀྟ་བདུད་རྩིས་བྲན་ལ་བཞག། ལྷོ་ཕྱོགས་གཏོར་མ་ཕུད་ཀྱིས་བྲན།། ནུབ་ཀྱི་རཀྟ་དག་གིས་བྲན། བྱང་དུ་བདུད་རྩིའི་དྲི་ཆུས་བྲན།། བྱང་ཤར་མཚམས་སུ་ལན་ཆགས་གཏོར།། ཤ་སྣ ་ཚོགས་ཚད་དག་དང་ནི།། དཀར་གསུམ་མངར་གསུམ་ལ་སོགས་དང་། ཉ་ཤ་དག་དང་སྒོ་ང་དང་།། ཁུར་པ་ལ་སོགས་ཟས་སྣ་རྣམས།། ཅི་འབྱོར་པ་ཡིས་གཏོར་མ་བརྒྱན།། འབྲས་ཆང་གྲོ་ཆང་ཡོས་ཆང་དང་།། བུ ་རམ་ཆུ་དང་ཀར་ཆུ་དང་།། དར་བ་ཞོ་དང་མར་ཁུ་ཡིས།། གཏོར་མ་དེ་ཉིད་བྲན་ཏེ་བཞག། གསང་བའི་དཀྱིལ་འཁོར་དེ་ཉིད་ལ།། སྒོ་བཞི་རལ་གྲི་བཞི་ཡང་གཟུག། གྲུ་བཞིར་མདའ་བཞི་མེ་ལོང་བཞི།། དར་སྣ་བཞི ་ཡང་གདགས་པར་བྱ།། དེ་ནས་དཀྱིལ་འཁོར་དེ་ཉིད་ལ།། ཞི་ཁྲོའི་སྐུ་ཡི་དཀྱིལ་འཁོར་རམ།། གང་ཡོད་སྟེང་དུ་དགྲམ་པར་བྱ།། དེ་ཡི་སྟེང་དུ་རས་དཀར་གཙང་མ་ཡིས།། གདུགས་ནི་རབ་ཏུ་འབུབས་པར་བྱ།། རས ་དཀར་གཙང་མ་དེ་ཉིད་ལ།། ཡི་གེ་ཨ་ཉིད་དཀྱིལ་དུ་བྲི།། གསང་བའི་དཀྱིལ་འཁོར་དེ་ཉིད་ལ།། མཐིང་ནག་དར་གྱི་ཡོལ་བ་བྲེ།། དཀྱིལ་འཁོར་དེ་ཡི་ཤར་སྒོ་རུ།། དྲི་མ་དག་ནི་དགོད་ལ་བཞག། ་ལ་གཞུ་དང་དོང་རལ་དང་། ཕོ་ཡི་ཆས་སུ་ཅི་ཡོད་བཞག། མོ་ལ་འཕང་དང་སྐུར་མ་དང་།། མོ་ཡི་ཆ་རྐྱེན་ཅི་ཡོད་བཞག། དེ་ནས་དྲི་མ་དེ་དག་ལ།། གཤིན་གྱི་མིང་བྱང་བསྟན་པ་ནི།། ཤོག་གུ་དར་ལ་རབ ་བྲིས་ནས།། མདའ་འཕང་དག་ལ་བཏགས་ལ་གཟུག། དེ་ནས་གཏོར་མ་ཆ་གསུམ་གཏང་།། ཕྱི་ཆོ་ག་ལ་སོགས་མཆོད་པ་ལྔ། གཞུང་དང་མཐུན་པར་རབ་བྱས་ནས།། ཞི་བའི་ཕྲིན་ལས་རྫོགས་པར་བྱ།། དེ་ནས་ཁྲོ ་བོའི་གཞུང་བསྲང་ལ།། གཤེད་བྱེད་བསྐྲད་པའི་ཆོ་ག་བྱ།། དེ་ནས་དྲི་མ་དེ་ཉིད་ལ།། སློབ་དཔོན་ཏིང་འཛིན་ལྡན་པ་དེས།། ཕོ་མོ་གང་ཡིན་རྣམ་ཤེས་དགུག། རཾ་ཡཾ་ཁཾ་གིས་བསྲེག་སྦྱང་བཀྲུས།། དེ་ནས་སྔགས་འཆང ་དེ་ཉིད་ཀྱིས།། ཨེ་མ་རི་ཞེས་རབ་བརྗོད་པས།། སྣོད་བཅུད་འཇིག་རྟེན་ཐམས་ཅད་ནི།། མཐིང་ནག་གྲུ་གསུམ་ཨེ་རུ་བསམ།། གཤེད་བྱེད་ཐམས་ཅད་བརླག་པར་བསམ། དེ་ནས་དྲི་མ་དེ་ཉིད་ལ།། དེ་བ་བི་ཤུདྡྷ་རི་ནི ་རབ་བརྗོད་པས།། ཞི་ཁྲོའི་ལྷ་ཚོགས་དེ་དག་ཀུན།། དྲི་མ་ཚེ་འདས་ལུས་ལ་གཟུག། དེ་ནས་དྲི་མ་དེ་ཉིད་ནི།། ལྷ་ཚོགས་རྣམས་སུ་གསལ་བ་དང་།། ཚེ་འདས་དེ་ཡི་ལུས་པོ་ལ།། མཛེས་པའི་རྒྱན་ཆ་དག་གིས ་བརྒྱན།། དར་དཔྱངས་དག་དང་གདུགས་ཀྱིས་དགབ།། དེ་ནས་རྡོ་རྗེ་སློབ་དཔོན་དེས།། དབང་ཆེན་སྟབས་སུ་བཞུགས་ནས་ནི།། ཚིགས་བཅད་འདི་སྐད་བརྗོད་པར་བྱ།། ཨེ་མ་ཧོ།། དེ་བཞིན་གཤེགས་པ་ཐམས ་ཅད་ཀྱི།། སྐུ་དང་གསུང་དང་ཐུགས་དང་ནི།། ཡོན་ཏན་ཕྲིན་ལས་ཟག་པ་ཟད།། ཟད་མི་ཤེས་པ་ཡི་བདེན་པ་དང་།། གཞན་ཡང་བདག་ཅག་རྡོ་རྗེ་སློབ་དཔོན་དང་།། གསང་བའི་དཀྱིལ་འཁོར་བསམ་གྱི་མི་ཁྱབ་པའི ་བདེན་པས། གཤིན་པོ་ཚེ་ལས་འདས་པ་འདི། རིགས་དྲུག་གང་ན་གནས་ཀྱང་རུང་སྟེ། ངན་སོང་གསུམ་གྱི་སྒོ་ཆོད་ཅིག་མཐོ་རིས་སུ་སྒོ་འབྱེད་པའི་གསང་བའི་དཀྱིལ་འཁོར་འདིར། སྐད་ཅིག་ལ་མཆིས་པར་གྱུར ་ཅིག་གཞན་ཡང་འདི་ལ་གནོད་པར་བྱེད་པའི་བདུད་དམ། བགེགས་གང་ཡང་རུང་བས། འདི་ལ་གནོད་པར་མ་བྱེད་ཅིག། གལ་ཏེ་གནོད་པར་བྱས་ན། བཅོམ་ལྡན་འདས་པདྨ་དབང་ཆེན་གྱི་བྱིན་རླབས་ཀྱིས། ཐལ ་བ་རྡུལ་ཕྲན་བཞིན་དུ་གྱུར་ཅིག་དེ་སྐད་ཅེས་བརྗོད་ཅིང་སྔགས་འདི་གསུམ་བརྗོད་དོ།། ཨོཾ་བི་ཤ་ཀྲོ་དྷ་ཧ་ན་ཧ་ན་ཧ་ལ་ཧ་ལ་ཧཱུཾ་ཕཊ། ཅེས་བརྗོད་ཅིང་། ཉུང་ཀར་ལ་བསྔགས་ལ་ཕྱོགས་བཅུར་གཏོར་རོ།། དེ་ནས ་འཛབ་ཏུ་བགྲང་བའི་སྔགས་འདི་བྲོ་བརྡུང་ཞིང་བཟླས་སོ།། ཨོཾ་པདྨཱནྟ་ཀྲྀཏ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ་ཧྲཱིཿསྔགས་དེ་ལས་ནི་འོད་འཕྲོས་པས།། རྟ་མགྲིན་དམར་པོ་གྲངས་མེད་འཕྲོས།། འགྲོ་དྲུག་གནས་ནས་དྲངས་པར ་བསམ།། དེ་ནས་དྲི་མའི་སྙིང་ག་ནས།། རྟ་མགྲིན་དེ་དག་ཐམས་ཅད་ཀྱིས།། བཟུང་ནས་གཉིས་མེད་ལྷ་རུ་གསལ།། དེ་ནས་བྷདྡྷ་ཧེ་རུ་ཀས།། དབང་བདག་ཉིད་ལ་དོན་ཞུས་པ།། ཀྱེ་མ་བཅོམ་ལྡན ་དབང་ཆེན་སྐུ།། ཚེ་འདས་སེམས་ཅན་དེ་དག་ནི།། ངན་སོང་གསུམ་ནས་དྲངས་པའི་ཕྱིར།། ཆོ་གའི་སྦྱོར་བ་གསུང་དུ་གསོལ།། དེ་ནས་པདྨ་ཧེ་རུ་ཀས།། དེ་དག་རྣམས་ལ་བཀའ་སྩལ་པ། དེ་ནས་ཞི་བའི་འཛབ ་དབྱངས་བགྲངས།། ཨོཾ་ཨཱཿཧཱུཾ་བཛྲ་དྷཾ་ཀྲ་མྲྀ་དྷཱ་ཏཱི་ཤྭ་རི། ལཱཾ་དྭེ་ཥ་ར་ཏི། བཻ་ར་ག་ར་ཏི་སྟྭཾ། མཾ་མོ་ཧ་ར་ཏི། ཨཾ་ཨ་རོ་ལི་ཀ། དེ་སྐད་བརྗོད་ཅིང་གཟུགས་ལ་བསྟིམ།། ཡི་གེ་དེ་དག་རེ་རེ་ཡི།། འོད་ཟེར་རབ་ཏུ་འཕོས་པ ་ས།། ཤེས་བྱའི་རྣམ་རྟོག་སྒྲིབ་པ་དང་།། བལྟ་བ་གོལ་བའི་སྒྲིབ་བྱང་བསམ།། དེ་ནས་སྔགས་ཀྱི་འོད་ཟེར་དེས།། ཚེ་འདས་ལུས་ལ་ཕོག་པ་དང་།། ལུས་ངག་ཡིད་གསུམ་སྒྲིབ་བྱང་ནས།། ལུས་ཀྱི་དངོས་པོ་མེད ་པར་བསམ།། དེ་ནས་ཚེ་འདས་དངོས་པོ་དེ།། ཡི་གེ་ནརྀ་དུ་གྱུར་ནས་ནི།། དེ་ནས་ཧཱུཾ་དུ་གྱུར་པར་བསམ།། དེ་ལས་འོད་ཟེར་འཕྲོ་འདུ་ལས།། བཛྲ་ཨཱཿཧཱུཾ་རབ་བརྗོད་པས།། རྡོ་རྗེ་གྱུར་ནས་སྐྱེ་འཇིག་བྲལ།། དེ་ལྟར་སྐྱེ ་བ་མེད་བསམས་ནས།། དཀྱིལ་འཁོར་བཞེངས་སུ་གསོལ་བ་ཡི།། ཆོ་ག་མངའ་གསོལ་བྱིན་བརླབ་བསྐྱེད།། རཾ་ཡཾ་ཁཾ་གྱིས་བསྲེགས་སྦྱངས་ལས།། བསྐྱེད་པའི་སྔགས་འདི་ལན་གསུམ་བརྗོད།། བྷྲཱུཾ་བི་ཤུདྡྷེ་བྷནྡྷ་ཛྙཱ ་ན་ཙཀྲ་བྷྲཱུཾ།། དེ་ཉིད་འོད་དུ་ཞུ་བ་ལས།། གཞལ་ཡས་ཁང་ནི་རབ་ཏུ་བསམ།། འཁོར་ལོ་རིན་ཆེན་གཞལ་ཡས་ཁང་།། བྷན་དྷ་ཡེ་ཤེས་རྣམ་པར་བསམ།། རྒྱ་ཁྱོན་དཔག་ཏུ་མེད་པར་བསམ།། དེ་ཡི་ནང་དུ་བསམ་བྱ ་བ།། སྔགས་འདིས་རབ་ཏུ་བསྐྱེད་པར་བྱ། ཨ་ཙནྡ་མཎྜ་ལ་ཧཱུཾ། མ་སཱ་ར་ཡ་མཎྜ་ལ་ཧཱཾ། པཾ་པདྨ་མཎྜ་ལ་ཧཱུཾ། ཧཱཾ་ཏྲཾ་ཏི་ར་བཾ་ལ་སོགས་པའི།། ཟླ་བའི་དལ་དང་ཉི་མའི་དལ།། པདྨ་སྟོང་དང་ལྡན་པ་ཡི།། བདག་ཉིད་རབ་ཏུ ་བསམ་པར་བྱ།། ཏི་ར་བཾ་ལ་སོགས་པ་ཡི།། ཕྱོགས་སྐྱོང་གདན་ཡང་རབ་ཏུ་བསམ།། དེ་ཡི་སྟེང་དུ་དབང་ཆེན་བསམ།། ཕྱོགས་མཚམས་ཀུན་ཏུ་ཁྲོ་བོ་བསམ།། དེ་ལྟར་དཀྱིལ་འཁོར་བཞེངས་ནས་ནི།། དཀྱིལ་འཁོར ་བཞེངས་སུ་གསོལ་བ་ཡི།། ཆོ་ག་འདི་སྐད་བརྗོད་པར་བྱ།། དབང་ཞུ་རབ་ཏུ་གོན་ནས་ནི།། མགོ་ལ་དར་དཔྱངས་རབ་བཅིངས་ནས།། རྡོ་རྗེའི་གླུ་ཆེན་འདི་སྐད་བླང་།། ཧཱུཾ་རྣམ་དག་ཡེ་ཤེས་གཞལ་ཡས་ཁང་།། སྟོང ་པ་ཡེ་ཤེས་བྷན་དྷའི་ཆང་།། གསལ་བ་ཡེ་ཤེས་ཐིག་ལྡན་པ།། མཁའ་མཉམ་རྒྱ་ཁྱོན་དཔག་ཏུ་མེད།། འོད་ཟེར་ལྔ་ལྡན་མུ་ཁྱུད་བཅས།། རང་རིག་ཡེ་ཤེས་འཁོར་ལོའི་དབྱིབས།། རྣམ་དག་ཡེ་ཤེས་ཀློང་ཡངས ་དཀྱིལ།། དུར་ཁྲོད་མེ་རི་སྣ་ཚོགས་འཕྲོ།། ཡཾཿཡེ་ཤེས་རླུང་གིས་རྣམ་རྟོག་ཐམས་ཅད་གཏོར།། སྐྱེ་མེད་ཡེ་ཤེས་ཤེས་རབ་དབྱིངས་སུ་སྒྲོལ།། རཾཿཡེ་ཤེས་མེ་ཡིས་རྟོག་པ་སྦར་སྦུར་བསྲེག། ཤེས་རབ་ཡེ་ཤེས་བསྐལ ་པའི་མེ་ལྟར་འབར།། ཁཾཿཡེ་ཤེས་ཆུ་ཡིས་ཉོན་མོངས་རྣམ་ལྔ་བཀྲུས།། ཡེ་ཤེས་ཆུ་ཡི་རྒྱ་མཚོ་རྦ་རླབས་འཁྲུགས།། ལཾཿཆོས་ཉིད་ས་ཡིས་སྣང་སྲིད་འཁོར་འདས་འདེགས།། ཆོས་ཉིད་མི་འགྱུར་ཐེག ་པའི་ས་རྣམས་བགྲོད།། ཀོཿཡེ་ཤེས་ཀོ་གྱིས་གཏི་མུག་འབྲས་བུ་གཏིང་།། ཆོས་ཉིད་མ་སྐྱེས་སྟོང་པའི་འབྲས་བུར་ལྡན། བྷྲཱུཾཿ། ཡེ་ཤེས་རྣམ་དག་ཕོ་བྲང་དཀྱིལ་འཁོར་འདིར།། རྒྱལ་བ་རྣམས་ལ་བཞེངས་བཞུགས་མི ་མངའ་ཡང་།། སྟོང་ཉིད་ཐེག་ལྡན་རྒྱལ་བའི་གཤེགས་ཁང་འདིར།། ཐམས་ཅད་གཤེགས་ནས་བརྟན་པར་བཞུགས་སུ་གསོལ།། ཧཱུཾ། རིག་པའི་རང་བཞིན་ཡི་གེ་ཧཱུཾ་གི་དང་།། གྲུ་བཞི་ཡེ་ཤེས་བཞི་དང་ལྡན་གྱུར ་ནས།། ཆོས་ཉིད་གཏོར་མ་ཞལ་ཟས་བདུད་རྩི་ཧཱུཾ།། རིག་པའི་ཡེ་ཤེས་ཡི་གེ་ཨོཾ་དུ་གསལ།། རྣམ་རྟོག་རྒྱུན་གཅོད་ཐིག་བཅུ་དྲུག་ཀྱང་འདུག་ཆེན་འབྲས་བུས་མཛེས།། བདུད་རྩི་གཏོར་མ་བསྲེག་སྦྱང ་བཀྲུས།། ཨོཾཿ། ཡེ་ཤེས་ལྔ་ལྡན་རིག་པའི་ཡེ་ཤེས་ཨོཾ།། ཡེ་ཤེས་རང་སྣང་སྣ་ཚོགས་ལྔ་ལྡན་པ།། ཡེ་ཤེས་བཅུད་ལྡན་ཐམས་ཅད་གཏོར་མས་ཚིམ།། ཕོ་བྲང་རབ་མཛེས་རྡོ་རྗེའི་དཀྱིལ་འཁོར་འདིར།། སྒྲུབ་རྫས་བྱིན ་གྱིས་བརླབ་ཅིང་བརྟན་པར་བཞུགས།། སྒོ་བཞི་རབ་མཛེས་ཡེ་ཤེས་ཕྱོགས་བཞིར་གསལ།། ཡེ་ཤེས་རང་སྣང་འཁོར་ལོ་ལྟ་བུའི་དབྱིབས།། འབར་བའི་དཀྱིལ་འཁོར་ཡེ་ཤེས་ཕོ་བྲང་འདིར།། ཁྲོ་རྒྱལ་ཐམས་ཅད ་བརྟན་པར་བཞུགས་སུ་གསོལ།། ཨོཾ་བཛྲ་མཎྜལ་སུར་སྟེ་སྟམ། དེ་ལྟར་དཀྱིལ་འཁོར་ཆོ་ག་བསྟན།། དཀྱིལ་འཁོར་ཆོ་ག་རབ་རྫོགས་ནས།། བརྡའ་སྒོ་དབྱེ་བའི་རིམ་པ་བྱ།། ཚེ་འདས་ལས་ཀྱི་སེམས་ཅན ་དེ།། དཀྱིལ་འཁོར་དེ་ཡི་ཤར་སྒོ་ནས།། ཕོ་བྲང་ནང་དུ་ཆུད་པར་བསམ།། དེ་ནས་གླུ་ཆེན་འདི་སྐད་བརྗོད།། ཧཱུཾ། ཤར་ལྷོ་ནུབ་བྱང་སྒོ་བཞི་ནས།། རིག་པའི་ཡེ་ཤེས་སྒོ་འབྱེད་ཀྱིས།། ཤེས་རབ་ཆེན་པོའི་སྒོ་ཕྱེ ་ཞིག། རིག་པའི་ཡེ་ཤེས་སྒོ་ཕྱེ་བས།། སེམས་ཀྱི་རྣམ་རྟོག་དྲི་མ་བྲལ།། ཙིཏྟའི་དཀྱིལ་འཁོར་སྒོ་ཕྱེ་བས།། ཡེ་ཤེས་སྣང་བ་ཕྱོགས་བཅུར་གསལ།། སྒྲོན་མ་མིག་གི་སྒོ་ཕྱེ་བས།། རིག་པའི་ཡེ་ཤེས་རྟོག་མེད ་གསལ།། སེམས་ཀྱི་ཡི་གེ་ནརྀ་གནས་པ།། གསལ་བའི་ཡེ་ཤེས་མིག་ཕྱེ་བས།། རིག་པའི་ཡེ་ཤེས་ཧཱུཾ་དུ་གྱུར།། ཡེ་ཤེས་གསལ་བའི་སྒོ་ཕྱེ་བས།། དཀྱིལ་འཁོར་ཕོ་བྲང་མངོན་པར་སྣང་།། འདིར་ནི་དཀྱིལ ་འཁོར་གསལ་གྱུར་བས།། ཡེ་ཤེས་ཐམས་ཅད་དབབ་ཏུ་གསོལ།། ས་མནྟ་བཛྲ་ས་ཏྭ་ཧཱུཾ།། ཀྱེ་མ་བཅོམ་ལྡན་དཔལ་ཆེན་སྐུ།། ཚེ་འདས་རིགས་ཀྱི་བུ་དེ་ཉིད།། དཀྱིལ་འཁོར་ལྷ་ཚོགས་དེ་དག་གི། ཞལ་ནི་གང་གིས ་བལྟ་བར་འགྱུར།། དབང་ཆེན་ཉིད་ཀྱིས་ལུང་བསྟན་པ།། ཀྱེ་མ་ཉོན་ཅིག་ཧེ་རུ་ཀ། རྡོ་རྗེ་སློབ་དཔོན་གསང་བ་དེས།། ཚིག་བཤད་འདི་དག་བརྗོད་བྱས་ན།། དཀྱིལ་འཁོར་ལྷ་ཡི་ཞལ་མཐོང་འགྱུར།། དེ་ནས་དཀྱིལ ་འཁོར་ཤར་གྷཱ་ནས།། དྲི་མ་འཛིན་པའི་མེ་དག་གིས།། དྲི་མ་ངག་དང་བཅས་པ་ཡིས།། དཀོན་མཆོག་གསུམ་ལ་ཕྱག་གསུམ་འཚལ།། དེ་ནས་རྡོ་རྗེ་སློབ་དཔོན་དེས།། ཚིག་ནི་འདི་སྐད་བརྗོད་པར ་བྱ།། ཧོ་མི་གནས་པ་ཡི་ཡེ་ཤེས་ཆེན་པོའི་བདག་ཉིད་ཞི་ཁྲོ་གསང་བའི་དཀྱིལ་འཁོར་བཅས་པ་དང་། བཅོམ་ལྡན་པདྨ་དབང་གི་དཀྱིལ་འཁོར་གྱིས། ཚེ་འདས་འདི་ལ་ཞལ་བསྟན་དུ་གསོལ། བྱིན་གྱིས་བརླབ་ཏུ ་གསོལ། དབང་བསྐུར་དུ་གསོལ། མཐུ་བསྟན་དུ་གསོལ། སྒྲིབ་པ་སྦྱང་དུ་གསོལ།། གནས་སྦར་བར་མཛད་དུ་གསོལ། ཨོཾ་བཛྲ་སརྦ་ཀ་བཛྲ་ཧཱུཾ། དེ་ནས་ཏིང་འཛིན་རབ་བརྟན་པས།། སྔགས་ཀྱི་འོད་ཟེར་ལྡན་འབྲོས ་པས།། ཚེ་འདས་ཉིད་ལ་དབང་བསྐུར་བས།། དེ་ནས་བྱིན་དབབ་བཤགས་པ་བྱ།། པདྨཱནྟ་ཀྲྀཏ་བྲོ་བརྡུང་ཞིང་།། རུ་ལུ་གར་གྱིས་མཆོད་པ་འབུལ།། དེ་ནས་དབུས་བུམ་བྱིན་གྱིས་བརླབས།། བུམ་པའི་ནང་དུ་ལྭ ་རྣམས་བསྐྱེད།། བུམ་པ་མཛེས་པ་དེ་ཉིད་ལ།། དཀྱིལ་འཁོར་ལྷ་ཚོགས་གསལ་བ་དང་།། དང་པོའི་གནས་སུ་བཞག་པར་བྱ།། མཆོད་དང་བཤགས་པ་བྱེད་ཙམ་ན།། ཚེ་འདས་ཉིད་ཀྱིས་བྱེད་པར་བསམ།། དེ་ནས ་བྱིན་དབབ་བྱས་པ་དང་།། ལྷ་དང་དཀྱིལ་འཁོར་ཇེ་གསལ་བསྒོམ།། ཕྲད་དང་གཏོར་མ་བྱིན་གྱིས་བརླབས།། དེ་ནས་རྡོ་རྗེ་སློབ་དཔོན་དེས།། ཏིང་འཛིན་གསུམ་ལ་འབད་པར་བྱ།། དེ་ལྟར་ཏིང་འཛིན་རབ ་གསལ་བས།། དཀྱིལ་འཁོར་སྒོ་བཞིར་དབང་བྲོ་བརྡུང་།། དེ་ནས་དབང་གི་ཞྭ་གོན་ལ།། མཆོད་པ་ཆེན་པོ་འདི་སྐད་བརྗོད།། ཧཱུཾ་མཆོད་པའི་ཕྱག་རྒྱ་ཆེན་པོ་ནི།། སེམས་ཀྱི་ཡིད་བཞིན་སྤྲིན་ཚོགས་ཀྱིས།། མཉེན ་འཇམ་རེག་ན་བདེ་བ་དང་།། སངས་རྒྱས་ཞིང་ཁམས་རབ་འབྱམས་སུ།། སངས་རྒྱས་རོལ་མོ་སྣ་ཚོགས་དང་།། དབྱིབས་ལེགས་རྫིང་བུ་རོ་མཆོག་བསིལ།། ཡེ་ཤེས་རོལ་མོའི་རྒྱན་ལྡན་པ།། ཆོས་ཀྱི་གླུ་དང ་ཡེ་ཤེས་གར།། སྣང་བའི་བྲོ་དང་སངས་རྒྱས་གསུང་།། ཚངས་པའི་གསུང་དང་རུ་ལུའི་སྒྲ།། དབང་གི་སྟབས་དང་པདྨའི་གསུང་།། དབང་མཆོག་བྱིན་རླབས་ཆེན་པོ་ཡིས།། ཧཱུཾ་བླ་བྲེ་རྒྱལ་མཚན་ལྷབ་ལྷུབ ་དང་།། བདུག་སྤོས་མར་མེ་ཙནྡན་དྲི།། འདོད་ཡོན་ལ་སོགས་རིན་ཆེན་གྱིས།། རྒྱལ་བ་རྒྱ་མཚོ་རྣམས་ལ་མཆོད།། སིལ་སྙན་ཞལ་ཟས་གཞལ་ཡས་ཁང་།། མཛེས་པར་བྲིས་ཤིང་སྤྲས་པ་དང་།། སེམས་དང་ཆོས་དང ་གླུ་ཆེན་པོ།། དབང་ཆེན་དཀྱིལ་འཁོར་ཉིད་ལ་འབུལ།། རིན་ཆེན་རྒྱན་དང་ཡོ་བྱད་ཆུ།། ཞི་བའི་ཚོགས་ལ་མཆོད་པར་འབུལ།། ཨ་ལ་ལ་སྟེ་མཆོད་པར་བཞེས།། ནང་གི་མཆོད་པའི་ཕྱག་རྒྱ་ནི།། དྲི་ཆེན་རྡོ་རྗེ་ཆེ ་མཆོག་དང་།། བྱང་ཆུབ་སེམས་དང་རཀྟའི་དབང་།། དྲི་ཆུ་རྡོ་རྗེ་སྒྲིབ་སྦྱངས་ཆུ།། བདུད་རྩི་ཡོན་ཏན་ལས་གྲུབ་གཏེར།། ཐོགས་པ་མེད་པར་མཉམ་སྦྱོར་ནས།། དབང་ཆེན་སྐུ་ལ་མཆོད་པར་འབུལ།། ཚེ་དང་གལ་ཕྱེ ་ཛ་གད་དང་།། དྲག་པོ་ཚིམས་བྱེད་ཀུན་ཏུ་རྒྱུག། གཙང་མའི་ཕུད་དང་གཏོར་མ་ཡིས།། འབར་བའི་དཀྱིལ་འཁོར་ཀུན་ལ་མཆོད།། ཚིལ་ཆེན་སྣང་གསལ་ཆེན་པོ་དང་།། དྲག་པོའི་རྒྱན་ཆ་སྣ་ཚོགས ་དང་།། དབང་ཆེན་བྲོ་དང་རུ་ལུའི་སྒྲ།། ཁྲོ་རྒྱལ་རྣམས་ལ་མཆོད་པར་འབུལ།། རྔ་ཆེན་དང་ནི་དྲིལ་བུའི་སྒྲ།། ཅང་ཏིལ་གྷཎྜེ་པི་ཝང་སྒྲ།། མཆོག་ཆེན་དུང་དང་གླིང་བུ་དང་།། ཏིང་ཏིང་ཤག་དང་ཀར་ཀོ་ཏྲ།། ཆ་ལང་ལ ་སོགས་སྒྲ་རྣམས་དང་།། ལྷ་དང་ཀླུ་ཡི་སྒྲ་སྐད་རྣམས།། མཐུན་སྦྱར་གཉིས་མེད་མཆོད་པ་འབུལ།། གཟུགས་དང་སྒྲ་དང་དྲི་དང་རོ།། རེག་བྱ་ལ་སོགས་འདོད་ཡོན་ལྔ།། བཅོམ་ལྡན་དཔལ་ཆེན་ཉིད་ལ ་མཆོད།། དཀྱིལ་འཁོར་ཚོགས་དང་མཆོད་རྫས་ཀྱིས།། གཉིས་མེད་བསྡུས་ཏེ་མཉམ་སྦྱོར་ནས།། འབར་བའི་དཀྱིལ་འཁོར་ཀུན་ལ་མཆོད།། རྒྱལ་སྲིད་རྫས་དང་ཡོ་བྱད་དང་།། སྣ་ཚོགས་མཆོད་པ་ཆེན་པོར ་འབུལ།། ཨ་ལ་ལ་སྟེ་བཞེས་སུ་གསོལ།། འབྱུང་པོ་ཀུན་ལ་མཆོད་པ་ནི།། ལན་ཆགས་མཆོད་པའི་ཕྱག་རྒྱ་ནི།། གཏོར་མ་ཡེ་ཤེས་རྣམ་དག་དང་།། ཟས་ཀྱི་རོ་མཆོག་སྣ་ཚོགས་པས།། སྦྱངས་པའི་ལན་ཆགས་བྲལ ་གྱུར་ཅིག། ཉ་ཤ་དང་ནི་ཕག་པའི་ཤ། ཤྲ་བའི་ཤ་དང་དགོ་བའི་ཤ། བྱ་རྒོད་ཤ་དང་འདབ་ཆགས་ཤ། སྟག་ཤ་དོམ་ཤ་སྤྲེའུའི་ཤ། ཁྱི་ཤ་སྲེ་མོང་བྱི་ལའི་ཤ། བ་ཤ་བོང་ཤ་རྟ་ཤ་དང་།། རྐྱང་ཤ་ལ་སོགས་ཤ་སྣ ་རྣམས།། འབུལ་ལོ་ལན་ཆགས་རྣམས་ལ་འབུལ།། འདོད་ཆགས་ལན་ཆགས་བྲལ་གྱུར་ཅིག། རི་དྭགས་ཤ་སྣ་ཕུལ་བ་ཡིས།། ཡིད་ཀྱི་ལན་ཆགས་བྲལ་གྱུར་ཅིག། འདབ་ཆགས་ཤ་སྣ་ཕུལ་བ་ཡིས།། སེམས་ཀྱི་ལན ་ཆགས་བྲལ་གྱུར་ཅིག། སྡེར་ཆགས་ཤ་སྣ་ཕུལ་བ་ཡིས།། ལུས་ཀྱང་ལན་ཆགས་བྲལ་གྱུར་ཅིག། སེམས་ཅན་རྐང་མེད་ཤ་ཕུལ་བས།། ལུས་ངག་ཡིད་གསུམ་དྲི་མ་ལན་ཆགས་བྲལ་གྱུར་ཅིག། ཤ་ཡི་རིགས་རྣམས ་ཕུལ་བ་ཡིས།། ལན་ཆགས་ཐམས་ཅད་བྲལ་གྱུར་ཅིག། འབྲས་ཆང་གྲོ་ཆང་ཡོས་ཀྱི་ཆང་།། རྒུན་ཆང་ཤིང་ཐོག་ཆང་དང་ནི།། བུ་རམ་ཆང་དང་ལན་ཚྭའི་ཆུ།། མོས་ཆུ་བསིལ་ཆུ་གུར་གུམ་ཆུ།། རྒྱ་མཚོ་ལྟེང་ཀ་ལུ ་མའི་ཆུ།། ཀ་ར་དང་ནི་སྦྲང་རྩིའི་ཆུ།། ཁྲག་དང་ཞོ་དང་དར་བ་ཡི།། བཏུང་བའི་མཆོད་པ་འདི་ཕུལ་བས།། ལན་ཆགས་ཐམས་ཅད་བྲལ་གྱུར་ཅིག། མངར་གསུམ་དག་གི་ཆུ་ཕུལ་བས།། འདོད་པའི་ལན་ཆགས་བྲལ ་གྱུར་ཅིག། ཆང་གི་རིག་མཆོག་འདི་ཕུལ་བས།། ཞེ་སྡང་ལན་ཆགས་བྲལ་གྱུར་ཅིག། དཀར་གསུམ་དག་གི་ཆུ་ཕུལ་བས།། ཀླུ་རིགས་ལན་ཆགས་བྲལ་གྱུར་ཅིག། ལན་ཚྭའི་ཆུ་རྣམ་ཕུལ་བ་ཡིས།། གཉེན་གྱི་ལན ་ཆགས་བྲལ་གྱུར་ཅིག། ཆུ་སྣ་ཇི་སྙེད་ཕུལ་བ་ཡིས།། ས་བདག་ལན་ཆགས་བྲལ་གྱུར་ཅིག། ཧཱུཾ་ཤ་དང་མར་དང་ཁུར་བ་དང་།། ཛ་གད་གཏོར་མ་ཕུལ་པ་ཡིས།། ལྷ་ཀླུ་གནོད་སྤྲིན་དྲི་ཟ་དང་།། ལྟོ་འཕྱེ་ས་བདག་རིགས ་རྣམས་དང་།། གྲུལ་བུམ་གཉེན་གྱི་རིགས་རྣམས་དང་།། བྱོལ་སོང་ཀླུ་ཡི་རིགས་རྣམས་དང་།། ཡི་དྭགས་ཤ་ཟའི་རིག་ཅན་དང་།། སྟོབས་ཆེན་བདུད་ཀྱི་རིགས་རྣམས་དང་།། བཙན་དང་རྒྱལ་འགོང ་འཁོར་བཅས་དང་།། མ་མོ་དང་ནི་གཤིན་རྗེ་དང་།། ཁྱེད་རྣམས་ཀུན་གྱི་ལན་ཆགས་ནི།། སྐད་ཅིག་ཉིད་ལ་བྲལ་གྱུར་ཅིག། ཚེ་ལས་འདས་པའི་སེམས་ཅན་འདི།། སེམས་ཀྱི་མདུད་པ་མྱུར་དུ་ཁྲོལ།། ལན་ཆགས ་རྐྱེན་གྱིས་ཟས་ནོར་ལོངས།། ཚེ་འདས་རིགས་ཀྱི་བུ་འདི་དང་།། ལུས་དང་གྲིབ་མར་མ་འགྲོགས་པར།། ངན་སོང་གསུམ་གྱི་ལམ་མ་བསྟན།། སྔགས་འཆང་བདག་གི་ངག་འདི་ཉོན།། དབང་ཆེན་ཉིད་ཀྱི་བཀའ་མ ་བཅག། ཧཱུཾ་ཉོན་ཅིག་ལྟོས་ཤིག་འབྱུང་པོ་རྣམས།། ང་ནི་པདྨ་དབང་ཆེན་ཏེ།། ཐམས་ཅད་ང་ཡི་དབང་དུ་སྡུད།། དྲེགས་པ་ཅན་རྣམས་སྤ་བཀོང་བྱེད།། གནོད་བྱེད་སྙིང་ལ་བྲོ་བརྡུང་སྟེ།། གཤེད་བྱེད་ཐལ་བར་བརླག ་པའི་བྲོ།། སྲི་ཆེན་དབང་དུ་སྡུད་པའི་བྲོ།། བྲེགས་པ་གནད་ལ་བོར་བའི་བྲོ།། ང་ཡི་བཀའ་འདི་མ་བཅགས་པར།། ལན་ཆགས་གཏོར་མ་འདི་ལོངས་ལ།། རང་རང་གནས་སུ་བྱེར་བར་གྱིས།། རང་རང་གནས་སུ་བྱེར ་ནས་ཀྱང་།། ཚེ་འདས་གཤེད་དུ་མ་བྱེད་པར།། ངན་སོང་ལམ་གྱི་སྒོ་ཆོད་ཅིག། ཡོན་བདག་རིགས་རྒྱུད་འདི་རྣམས་ལ།། ཕྱིན་ཆད་སྡང་བར་མ་བྱེད་ཅིག། ཨོཾ་པདྨནྟ་ཀྲྀཏ་བཛྲ་ཀྲོ་དྷ་ཧུ་ལུ་ཧུ་ལུ་ཧཱུཾ་ཕཊ། སྔགས་དེ ་བཟླས་ཤིག་ཡུངས་ཀར་གཏོར།། མཆོད་པའི་གཞུང་རྣམས་རྫོགས་པ་དང་།། ཚོགས་ཀྱི་མཆོད་པ་རབ་ཏུ་བྱ།། ཚོགས་ཆེན་མཆོད་པ་དེ་དག་ཀུན།། ཚེ་འདས་དེ་ཡིས་དྲངས་པར་བསམ།། དེ་བཞིན་གཞུང་བཞིན ་རྫོགས་པར་བྱ།། དེ་ནས་བདུན་ཚིགས་དང་པོ་ལ།། དང་པོའི་ཆོ་ག་འདི་དག་བརྗོད།། སྔགས་འདི་བརྗོད་ཅིང་སྤྲོ་བར་བྱ།། དེ་ནས་གླུ་ཆེན་འདི་སྐད་བརྗོད།། ཚེ་འདས་མདུན་དུ་བསམ་པའོ།། ཧཱུཾ་ཉོན་ཅིག་ཚེ་འདས ་རིགས་ཀྱི་བུ།། ཁྱོད་ཀྱི་རྣམ་རྟོག་ངས་སྦྱང་གིས།། ང་ལ་གུས་པར་ཕྱག་འཚོལ་ཅིག། སེམས་ཀྱི་ཐེ་ཚོམ་ཉིད་སོལ་ལ།། བདེ་བའི་སྟན་ལ་རབ་འདུག་ལ།། སྔགས་འཆང་ང་ཡི་ངག་འདི་ཉོན།། ཚེ་འདས་བྱ་བའི་རིགས ་ཀྱི་བུ།། འདི་ནས་འཇིག་རྟེན་འོག་འདི་ན།། དམྱལ་བ་བྱ་བ་འཇིགས་རུང་བ།། སྡུག་བསྔལ་རྣམ་པ་སྣ་ཚོགས་པ། མི་བཟད་ཁྱོད་ཀྱིས་མྱོང་བར་འགྱུར།། ཞེ་སྡང་རྒུད་ལས་ལོག་པས་ན།། སྡུག་བསྔལ་དེ་ལས་བསྒྲལ ་བྱའི་ཕྱིར།། བཟོད་པའི་ཆུ་བོ་འདི་ལོངས་ཤིག། ཨོཾ་དུ་སི་ན་ར་ཀ་ས་མཱ་ཛ་ཧཱུཾ། དེ་ནས་དྲི་མ་དེ་ཉིད་ལ།། དབང་གི་དཀྱིལ་འཁོར་ལྔ་བསམས་ལ།། སྤྱི་གཙུག་ཟླ་བའི་དཀྱིལ་འཁོར་ཏེ།། ལྕེ་ལ་པདྨ་འདབ་བརྒྱད ་བསམ།། སྙིང་གར་ཉི་མའི་དཀྱིལ་འཁོར་བསམ།། ལྟེ་བར་རིན་ཆེན་ཟུར་བརྒྱད་བསམ།། རྐང་མཐིལ་ཨེ་ཉིད་ཟུར་གསུམ་བསམ།། དེ་ལྟའི་དཀྱིལ་འཁོར་དེ་དཀྱིལ་དུ།། དང་པོ་ལ་ནི་ཨ་དཀར་པོ།། གཉིས་པར ་སུ་ཉིད་སེར་པོར་བསམ།། གསུམ་པར་ནི་ཉིད་ནག་པོར་བསམ།། བཞི་པར་བྲེ་ཉིད་སེར་པོ་སྟེ།། ལྔ་བར་དུ་ཉིད་དུང་ཁའོ།། དྲུག་པ་ཏྲི་ཉིད་ནག་པོ་སྟེ།། དེ་ལྟར་གནས་པའི་རང་བཞིན་དེ།། དབང་ཉིད ་བསྐུར་བའི་རང་བཞིན་གྱིས།། དང་པོ་ཡི་གེ་ཨོཾ་གྱུར་བསམ།། གཉིས་པ་ཨཱཿལཱ་གསུམ་པ་ཧཱུཾ།། བཞི་པ་སྟ་སེར་ཀུན་ཏུ་སྣང་།། ལྔ་པ་ཧ་རུ་གྱུར་པར་བསམ།། དྲུག་པ་ཧྲཱིཿཉིད་བསམ་པར་བྱ།། དེ་ལྟར་བསམ་པར་བུམ་པ ་ཡི།། ཆུ་ཡིས་དྲི་མ་བཀྲུ་བར་བྱ།། བུམ་པ་དྲི་མའི་སྟེང་དུ་བཞག། དབང་ཉིད་བསྐུར་བར་རབ་བྱ།། དམྱལ་བའི་གནས་ནས་ཐོན་པར་བསམ།། དེ་ནས་འདི་སྐད་དབྱངས་བླང་ངོ་།། ཧཱུཾ་ཉོན་ཅིག་དགོངས་ཤིག ་རིགས་ཀྱི་བུ།། ཚེ་འདས་བྱ་བ་རིགས་ཀྱི་བུ།། འདི་ནས་འཇིག་རྟེན་འོག་ན་ནི།། ཡི་དྭགས་འཇིག་རྟེན་བསམ་མི་ཁྱབ།། བཀྲེས་དང་སྐོམ་ཀྱི་སྡུག་བསྔལ་ནི།། མི་བཟད་ཁྱོད་ཀྱིས་མྱོང་བར་འགྱུར།། དེ་ལས་བསྒྲལ ་བར་བྱ་བའི་ཕྱིར།། ང་ནི་བཅོམ་ལྡན་དཔལ་ཆེན་ཏེ།། ཡི་དྭགས་སྡུག་བསྔལ་ངས་བསྒྲལ་གྱིས།། སྦྱིན་པའི་ཆུ་བོ་འདི་ལོངས་ཤིག། ཨ་སུ་ནརྀ་པྲེ་དུ་ཏྲི་ཧཱུཾ། ཨ་ཨཿ། བསྐྱེད་རིམ་བསྐུར་ཐབས་གོང་དང་མཐུན།། ཡི ་དྭགས་སྡུག་བསྔལ་བྲལ་བར་བསམ།། དེ་ནས་བྱོལ་སོང་སྡུག་བསྔལ་ཡང་།། དེ་ཡི་སྦྱོང་ཚིག་འདི་སྐད་དོ།། ཧཱུཾ་ཚེ་འདས་རིགས་ཀྱི་བུ་ཁྱོད་ཉོན།། ང་ཡིས་བསྟན་པ་འདི་ལ་ཉོན།། བསྟན་པ་འདི་ལ་མ་ཞུགས་ན།། འདི ་ནས་མངོན་སྣང་ཡུལ་འདི་ན།། བྱོལ་སོང་བྱ་བའི་སྡུག་བསྔལ་ནི།། མི་བཟད་ཁྱོད་ཀྱིས་མྱོང་བར་འགྱུར།། དེ་ལས་བསྒྲལ་བར་བྱ་བའི་ཕྱིར།། ང་ནི་པདྨ་ཧེ་རུ་ཀས།། སྣང་བའི་དཀྱིལ་འཁོར་བསམ་མི་ཁྱབ།། རང་རིག ་གསལ་བའི་སྒོ་དབྱེ་བས།། སྣང་གསལ་ཡེ་ཤེས་མེ་ལོང་ལྟོས།། སྡུག་བསྔལ་མཐའ་ལས་ངས་བསྒྲལ་གྱིས།། བྱོལ་སོང་རྣམས་ཀྱི་སྡུག་བསྔལ་ནི།། ང་ཡིས་ཕྲལ་བར་བྱ་བའི་ཕྱིར།། ཤེས་རབ་ཆུ་བོ་འདི་ལོངས ་ཤིག། ཨོཾ་ཀ་ཡ་བཛྲ་ཙཀྲ་ཨ་སུ་ནརྀ་པྲེ་དུ་ཏྲི་ཧཱུཾ་ཨ་ཨཿ། དེ་ལྟར་འཇིག་རྟེན་རབ་གསལ་བས།། བྱོལ་སོང་སྡུག་བསྔལ་བྲལ་བར་བསམ།། དེ་ནས་རིམ་ཀྱིས་དྲང་བ་ནི།། ལྷ་ཡི་ཡུལ་ནས་དྲང་བ་དང་།། ལྷ་མ་ཡིན་དང ་རྒྱུད་ལྔ་ནས།། མི་ཡི་གནས་སུ་དྲང་བར་བཤད།། དེ་ནས་མི་ཡུལ་རིན་ཆེན་ནས།། གནས་སྦར་བ་ཡི་ཆོ་ག་དང་།། དབང་བསྐུར་ཆོ་ག་རྒྱས་པར་བྱ།། དེ་ནས་སློབ་དཔོན་གསང་བ་དེས།། ངན་སོང་གསུམ་ནས་རབ ་དྲངས་ནས།། ཚེ་འདས་གནས་ལྔ་དག་ཏུ་ཡང་།། འབྲུ་ལྔའི་དབང་བསྐུར་འདི་སྐད་བརྗོད།། ཧཱུཾ་ངན་སོང་གསུམ་གྱི་ཕུང་པོ་ལྔར།། དཔའ་བོ་འབྲུ་ལྔའི་ཕྲ་བཀོད་དེ།། རྒྱུ་ལྔ་འཁོར་བའི་ལམ་རྒྱུན་གཅད།། ཐམས་ཅད ་རྒྱལ་བའི་སྲས་པོར་བྱའོ།། དབང་ཆེན་གསང་བའི་ངང་ཉིད་ནས།། སངས་རྒྱས་སེམས་ཅན་གཉིས་མེད་པས།། སྲིད་གསུམ་ཟོས་ཀྱང་ང་མ་འགྲངས།། ཁམས་གསུམ་འཐུང་ཀྱང་ང་མ་ངོམས།། སྟོང་གསུམ་ཐམས་ཅད ་བསྒྲལ་བའི་ཞིང་།། མ་སྐྱེས་པས་ན་འགགས་པ་འཇིག། རང་བཞིན་མེད་པས་བསྒྲལ་བའི་རྒྱུ།། སེམས་ཉིད་ཡོངས་པའི་མཁའ་ཀློང་དུ།། སྟོང་གསུམ་མ་ལུས་སྟོན་པས་ན།། འབུམ་གྱི་ཆར་ཡང་མི་ཕོད ་དེ།། ནམ་མཁའི་གར་ཁྱབ་རིག་པས་ཁྱབ།། རིག་པའི་ངང་བཞིན་ཆོས་ཀྱི་སྐུ།། ཕྱི་ནང་གཉིས་ཀ་སེམས་སུ་བསྒྲལ།། རིག་པའི་རང་བཞིན་མྱ་ངན་འདས།། སྐྱེ་ཤི་གཉིས་ཀ་རྒྱུད་ནས་དག། ཡོད་མེད་གཉིས་ཀྱི་མཐའ ་ལས་འདས།། ཅིར་ཡང་སྣང་ལ་གཟུང་དུ་མེད།། མེད་པ་མ་ཡིན་སྙིང་པོའི་ངང་།། མ་ཞེས་བྱ་བ་བཅོམ་ལྡན་འདས།། གཅིག་པུ་ཉིད་ལ་ཡེ་ཤེས་གསལ།། བློ་ལྡན་གང་ཞིག་སྐལ་ཆེ་བས།། འདི་ནི་བསྒྲལ་བའི་ལུང ་ཞེས་གྲགས།། ཚེ་འདས་བྱ་བ་རིགས་ཀྱི་བུ།། འདི་ན་མ་ཆགས་གནས་སུ་གཤེགས། ཧ་ན་ཧ་ན་ཧཱུཾ་ཕཊ། བཛྲ་སྥ་ར་ན་ཧཱུཾ་ཕཌ། ས་མ་ཡ་སྟྭཾ། དེ་ནས་རཱ་ཏྲ་ནག་པོའི་ཏིང་ངེ་འཛིན་གསལ་ལ།། ཉོན་མོངས་ལྔ་ལས ་བསྐྱེད་པ་ཡི།། རཱུ་ཏྲ་སྡིག་ཆེན་འདི་བྱུང་བས།། འདི་ཉིད་རབ་ཏུ་གནན་པར་བྱ།། དེ་ནས་ལྟུང་བ་བཤགས་གྱུར་ནས།། ཆགས་པ་བྲལ་བས་འདི་སྐད་བརྗོད།། ཧཱུཾ་ལྷ་ཞེས་གཞན་དུ་བསྟན་པ་ཡང་།། ཚིག་གི་ཐ་སྙད ་ཙམ་དུ་ཟད།། རིག་པའི་ངང་ལ་གཉིས་མེད་པའི།། རྟོགས་པའི་དོན་ལ་གཅིག་ཏུ་བསྟན།། ཙིཏྟའི་དཀྱིལ་དུ་གནས་བཅས་པས།། སྟོང་གསུམ་ཐམས་ཅད་གཞལ་ཡས་ཁང་།། ཡིད་ཀྱིས་དཀྱིལ་འཁོར་ལྷ་བཀོད ་དེ།། སྐྱེ་འགྲོ་མ་ལུས་རྒྱལ་བའི་སྲས།། བྱང་ཆུབ་སེམས་སུ་དབྱེར་མེད་པས།། ཅི་ལྟར་སྣང་བ་ཀུན་ཏུ་བཟང་།། ཀུན་གཞི་ཡེ་ནས་རྟོག་མེད་མཉམ།། ཕྱི་ནང་སྣོད་བཅུད་ཆོས་ཀྱི་སྐུ།། འདི་ལས་གཞན་པའི་སངས་རྒྱས ་ནི།། བུ་གཅིག་གཞན་དུ་མ་ཚོལ་ཅིག། རྡོ་རྗེ་དབང་ཉིད་འདི་ལོངས་ལ།། སྐྱེ་མེད་བྱང་ཆུབ་དྲན་པར་གྱིས།། ཨོཾ་ཨཱཿཧཱུཾ། བཛྲ་ཞི་ཀ་བཛྲ་ཧཱུཾ་ཨ། ཤིན་ཏུ་ཉེ་བའི་མི་དག་གིས།། ཕོ་ལ་གཞུ་མོ་རྒྱུད་བཟང་གི། མཆོག་མ ་དག་ལ་དར་སྣ་བཏགས།། དེ་ནས་གཞུ་དེ་རབ་ཏུ་བདུང་།། དེ་ནས་མདའ་ཡང་རབ་བཏང་ལ།། རྡོ་རྗེ་སློབ་དཔོན་གསང་བ་དེས།། གསང་བའི་ཐབས་ཀྱི་གླུ་འདི་བླང་། མོ་ཉིད་ཡིན་ན་འཕང་ཉིད་གསོར།། དེ་ནས ་འདི་སྐད་བརྗོད་པར་བྱ།། ཧཱུཾ་སྟོང་པ་ཉིད་ཀྱི་ཀློང་དཀྱིལ་དུ།། ཕ་རོལ་ཕྱིན་བཅུའི་ཤེས་རབ་དབྱིངས།། ཅང་ཤེས་འཕྲུལ་གྱི་ཏིང་འཛིན་གཞུ།། བརྒྱན་པའི་རིན་ཆེན་མཆོག་མ་གཏེར།། གསུང་ནི་ཀ་ལ་པིང་ཀའི་རྒྱུད ་སྦྲེངས་བཞིན།། མཐའ་གཉིས་བྲལ་བའི་ཡེ་ཤེས་སྐྲག་མ་ལས།། ཡི་དམ་ནང་དུ་སྒྲོལ་ཡིད་བཞིན་ནང་དུ་སྒྲོན་མའི་ཡེ་ཤེས་ཞགས། ཟེར་བ་ཡང་བྱུང་། མའི་མཁའ་འགྲོ་ཞབས།། ཚུལ་བཞིན་ཐུགས་ལས་བྱུང་བའི ་ཨར་གསུམ་མ།། ང་དང་བདག་ཏུ་ལྟོས་པའི་ངན་སོང་བཅོམ།། རྒྱུད་དྲུག་ཉོན་མོངས་འཁོར་བའི་གནས་བསྒྲལ་ཏེ།། བྱང་ཆུབ་སྙིང་བསྒྲིལ་ཡིག་དྲུག་བྱིན་རླབས་ཏེ།། སྐུ་ལ་ཐིམ་ནས་རྒྱལ་བའི་སྲས་སུ་གྱུར།། ཡེ་ཤེས ་མཆོག་གི་ས་ལ་གནས་ཐོབ་ནས།། རིགས་ལྔ་གསལ་བའི་གྲལ་དུ་གཟུད་པར་བྱ།། ཨེ་མ་རིགས་ཀྱི་བུ་ཁྱོད་ཉོན།། ཁྱོད་ཀྱི་རྣམ་ཤེས་ནིར་བཅས་པ།། བདག་ཉིད་བཅོམ་ལྡན་དཔལ་ཆེན་གྱིས།། རྣམ ་ཤེས་ཧཱུཾ་དུ་བསྡུས་ནས་ནི།། ཕཊཿཀྱིས་གསང་བའི་དབྱིངས་སུ་འཕངས།། ཨོཾ་ཨཱཿཧཱུཾ་སྭཱ་ཧཱ་ཧྲཱིཿསརྦ་ཏ་ན་ཤོ་དྷ་ཧཱུཾ་ཧཱུཾ་ཕཊ་ཕཊཿཏིཥྛ་ལྷན། དེ་ནས་ཕུང་པོ་བསྟན་པ་ཡིས།། ཆོ་གའི་སྦྱོར་བ་རབ་ཏུ་གསུངས།། སློབ་དཔོན ་ཏིང་འཛིན་ལྡན་པ་དེས།། རིག་པའི་ཡེ་ཤེས་ཧཱུཾ་ལྡན་པས།། ཆོས་ཉིད་མ་ཡི་རྩ་རྒུད་ནས།། སྤྱི་གཙུག་བདེ་ཆེན་འོད་དུ་ཞུ།། དེ་ལས་འོད་འཕྲོས་སངས་རྒྱས་ཞིང་།། སྲས་དང་བཅས་པས་ཕྱོགས་བཅུར་གང་།། ཞིང ་ཁམས་ལུས་ལ་བརྒྱན་པར་བསམ།། དེ་ནས་རིགས་ལྔར་སྐྱེད་བྱེད་པའི།། སྦྱོར་བའི་གླུ་ཆེན་འདི་སྐད་དོ།། ཨོཾ་བཅོམ་ལྡན་རྒྱལ་བ་རིགས་ལྔ་ལ།། འདི་ཡི་ཕུང་པོ་ལྔ་བསྟབས་པས།། གཉིས་མེད་སྦྱོར་བའི་མཁའ ་དབྱིངས་སུ།། ས་བོན་ཧཱུཾ་ལས་བསྐྱེད་གྱུར་ཅིག། རིགས་ཀྱི་ཡབ་ལྔར་བསྐྱེད་གྱུར་ནས།། ཐུགས་རྗེ་ཕྱོགས་བཅུར་འགྱེད་པར་ཤོག། ཧཱུཾ་ཡུམ་ཆེན་དབྱིངས་ཕྱུག་ལྔ་རྣམས་ལ།། འདི་ཡི་འབྱུང་བ་ལྔ་བསྟབས ་པས།། གཉིས་མེད་སྦྱོར་བའི་མཁའ་དབྱིངས་སུ།། ས་བོན་ཧཱུཾ་ལས་བསྐྱེད་གྱུར་ཅིག། དབྱིངས་ཕྱུག་ལྔ་རུ་བསྐྱེད་ནས་ཀྱང་།། ཐུགས་རྗེ་ཕྱོགས་བཅུར་འགྱེད་པར་ཤོག། སེམས་དཔའ་ཆེན་པོ་བརྒྱད་རྣམས་ལ།། འདི ་ཡི་རྣམ་ཤེས་བརྒྱད་བསྟབས་པས།། གཉིས་མེད་སྦྱོར་བའི་མཁའ་དབྱིངས་སུ།། ས་བོན་ཧཱུཾ་ལས་བསྐྱེད་གྱུར་ཅིག། སེམས་མ་ཆེན་མོ་བརྒྱད་རྣམས་ལ།། འདི་ཡི་ཡུལ་བརྒྱད་བསྟབ་པ་ཡིས།། གཉིས་མེད་སྦྱོར་བའི ་མཁའ་དབྱིངས་སུ།། ས་བོན་ཧཱུཾ་ལས་བསྐྱེད་གྱུར་ཅིག། ཁྲོ་བོ་ཆེན་པོ་བཞི་རྣམས་ལ།། ལུས་ཀྱི་སྐྱེ་མཆེད་བཞི་བསྟབས་པས།། གཉིས་མེད་སྦྱོར་བའི་མཁའ་དབྱིངས་སུ།། ས་བོན་ཧཱུཾ་ལས་བསྐྱེད་གྱུར་ཅིག། ཁྲོ་བོ་བཞི ་རུ་སྐྱེས་ནས་ཀྱང་།། རང་གསལ་འོད་དང་ལྡན་གྱུར་ཅིག། ཁྲོ་མོ་ཆེན་མོ་བཞི་རྣམས་ལ།། ཕྱིན་ཅི་ལོག་རྟོག་བཞི་བསྟབས་པས།། གཉིས་མེད་སྦྱོར་བའི་མཁའ་དབྱིངས་སུ།། ས་བོན་ཧཱུཾ་ལས་བསྐྱེད་གྱུར་ཅིག། ཁྲོ་མོ ་བཞི་རུ་སྐྱེས་ནས་ཀྱང་།། རང་གསལ་འོད་དང་ལྡན་གྱུར་ཅིག། ཧཱུཾ་བཅོམ་ལྡན་ཀུན་བཟང་ཡབ་ཡུམ་ལ།། འདི་ཡི་ཡིད་ཆོས་གཉིས་བསྟབས་པས།། གཉིས་མེད་སྦྱོར་བའི་མཁའ་དབྱིངས་སུ།། ས་བོན་ཧཱུཾ་ལས་བསྐྱེད ་གྱུར་ཅིག། ཀུན་བཟང་ཡབ་ཡུམ་བསྐྱེད་ནས་ཀྱང་།། རང་གསལ་འོད་དང་ལྡན་གྱུར་ཅིག། བཅོམ་ལྡན་ཐུབ་པ་དྲུག་རྣམས་ལ།། གཉིས་མེད་རིག་པའི་ཐུགས་དཀྱིལ་དུ།། ས་བོན་ཧཱུཾ་ལས་བསྐྱེད་གྱུར་ཅིག། ཨོཾ་སྥ་ར་ཎ ་ཕཌཿཧཱུཾ་སྠ་ར་ཎ་བྷྲཱུཾ། ཨ་སྠ་ར་ཎ་ཧཱུཾ། ད་ནི་ས་ལམ་གནས་མཆོག་བསྟན།། དེ་ནས་བཅོམ་ལྡན་མངོན་རྫོགས་དེས།། སེམས་ཅན་ལྷ་རུ་བསྐུལ་བ་འདི།། རབ་ཏུ་བརྗོད་ཅིང་བཀའ་སྩལ་ཏོ།། ལྷ་རྣམས་སྐུལ་བྱེད་ཆོ་ག ་ནི།། ཐམས་ཅད་གཉིས་སུ་མེད་པར་བསྐུལ།། མཉམ་མེད་མཆོད་པ་འདི་སྐད་དོ།། ཨོཾ་སྔོན་གྱི་ཐུགས་དམ་ཆེན་པོ་ནི།། སེམས་ཅན་འབྱམས་ཀླས་མ་ལུས་ཀུན།། སངས་རྒྱས་ཞིང་དུ་དག་སྦྱངས ་པས།། ཕྱག་རྒྱ་ཆེན་པོར་བདག་སྦྱོར་ཅིག། གསེར་ཞུན་ལྟ་བུར་གནས་པ་ལ།། སྔགས་དང་ཕྱག་རྒྱས་བྱིན་གྱིས་བརླབས།། གསུམ་གྱིས་བྱིན་བརླབས་འོད་ཀྱི་འབྲུ།། ཡབ་ཡུམ་གནས་སུ་བཏེགས་ནས་ཀྱང་། སྦྱོར ་བའི་ལྷུམས་སུ་ཕཊ་ཀྱིས་འཕངས།། ཐུགས་ཀར་ཐིམ་ནས་སྐུ་ཡི་དབྱིབས།། རྡོ་རྗེ་ལམ་བྱུང་ཡུམ་གྱི་མཁའ།། གཉིས་མེད་དབྱིངས་སུ་གནས་སྦར་ནས།། ལྷ་རྣམས་སྙིང་པོ་སོ་སོའི་སྒྲས།། འདི་ལ་བྱིན་གྱིས་བརླབ་ཏུ ་གསོལ།། ཨོཾ་སརྦ་བཛྲ་ཏ་ཀྲྀཏ་གྷྲི་རྣ་ཨ་ཡཾ་སྥ་ར་ཎ་ཕཊཿསུ་ཏྲི་ཛཿདེ་ནས་ཆོས་ཀྱི་དབྱིངས་ཆེན་དུ།། རིགས་ལྔ་སྦྱོར་བའི་བརྡས་བསྐུལ་བསམ།། ཚེ་འདས་ལས་ཀྱི་སེམས་ཅན་དེ།། ཚོན་གང་འོད་འབར་སྐུ་རུ ་བསམ།། དེ་ནས་གཉིས་མེད་རབ་གསལ་བའི།། གླུ་ཆེན་འདི་སྐད་རབ་ཏུ་བརྗོད།། ཧཱུཾ་མུ་ཏིག་དཀར་པོ་དྲི་མེད་དང་།། ཙནྡན་དམར་པོ་དྲི་མེད་གཉིས།། བྱང་ཆུབ་སེམས་ཀྱི་ཐིག་ལེ་གསུམ།། རྟོགས་པའི་ཀློང་དུ ་འདྲེས་པ་ལ།། མི་ཞེས་བྱ་བ་སངས་རྒྱས་ཡིན།། སངས་རྒྱས་གཞན་དུ་མ་ཚོལ་ཅིག། བཙལ་ཀྱང་རང་གི་དོན་མི་རྙེད།། རྟོག་མེད་མཉམ་མེད་རིག་པའི་ངང་།། དངོས་མེད་སྟོང་གསལ་འཇའ་ཚོན་སྐུ།། གསང་བའི ་དཀྱིལ་འཁོར་འོད་ལྔར་གསལ།། རྫོགས་པ་ཆེན་པོའི་གནས་ལུགས་ཀྱི།། བྱང་ཆུབ་སེམས་ལ་མ་ཡེངས་ན།། དཀྱིལ་འཁོར་ཐམས་ཅད་འདི་ལ་རྫོགས།། དཔེར་ན་མུན་ལ་སྣང་བྱུང་བཞིན།། ཆོས་ཉིད་རང་སྣང་འདི ་བལྟས་པས།། རྒྱུད་དྲུག་སེམས་ཅན་ཐམས་ཅད་ཀུན།། སངས་མ་རྒྱས་པ་གཅིག་ཀྱང་མེད།། ཚེ་འདས་སྒྲིབ་པ་བྱང་གྱུར་ནས།། སངས་རྒྱས་སྲས་སུ་དབང་བསྐུར་རོ།། ཨོཾ་བཛྲ་ཏིཥྛ་ས་མ་ཡ་མུ་དྲ་ཧཱུཾ། བོ་དྷི་ཙིཏྟ་སིདྡྷ་ཀུ ་རུ་ཨ་བྷི་ཥིཉྩ་ཧཱུཾ། སྔགས་ཀྱི་འཕྲོ་འདུའི་ཏིང་འཛིན་བརྟན།། དེ་ལྟར་ཏིང་འཛིན་གསལ་གྱུར་ནས།། རྟོགས་པའི་གླུ་ཆེན་འདི་སྐད་དོ།། ཨེ་མ་བྱང་ཆུབ་སེམས་ཀྱི་ཀློང་བརྡལ་བས།། ཀུན་བཟང་རིག་པའི་རང་བཞིན ་ལས།། སངས་རྒྱས་མེད་ཅིང་སེམས་ཅན་མེད།། ལྷ་དང་ལྷ་མིན་འདྲེ་ཡང་མེད།། འཁོར་བ་མེད་ཅིང་མྱང་འདས་མེད།། རིག་པ་ཡེ་ཤེས་གཅིག་པུ་ཉིད།། འཁོར་འདས་གཉིས་སུ་བཏགས་པ་མེད།། ང་དང་བདག་མེད ་མངོན་སངས་རྒྱས།། དེ་ཕྱིར་སངས་རྒྱས་སྲས་ཉིད་དོ།། ཙིཏྟ་བཛྲ་ས་མ་ཡ་ཧཱུཾ། དེ་ནས་ཆོས་ཉིད་བུམ་པ་དེས།། དྲི་མ་དག་ལ་དབང་བསྐུར་རོ།། སངས་རྒྱས་ཞིང་ལས་མི་གཡོ་བའི།། དབང་བསྐུར་ཆོ་ག་འདི་སྐད ་དོ།། ཨོཾ་གཉིས་མེད་གསལ་བའི་ཨོཾ་ཉིད་དེ།། གཉིས་མེད་དབྱིངས་ནས་བྷ་གར་ཐིམ།། ཡུམ་གྱི་མཁའ་ལ་གནས་པ་དེར།། བོ་དྷི་ཙིཏྟས་དབང་བསྐུར་ནས།། ཡི་གེ་འབྲུ་གསུམ་བྱིན་གྱིས་བརླབ།། རིགས་ངེས་རྒྱས ་པའི་སྲས་སུ་བྱ།། ཕྱིན་ཆད་འགྲོ་བའི་དོན་བྱའི་ཕྱིར།། བསྐུལ་བའི་ས་ལ་གནས་པར་བྱའོ།། ཡོངས་ལ་དབང་བསྐུར་དབང་གི་མཆོག། གང་ལ་མ་ཆགས་འདོད་དགུར་བསྒྱུར།། གཉིས་སུ་མེད་པའི་ཕོ ་བྲང་དུ།། སྤང་ལེན་མེད་པར་དབང་བསྐུར་རོ།། བུམ་པ་ཟླུམ་པོའི་ཕོ་བྲང་དུ།། སྣོད་བཅུད་མ་ལུས་དབང་དུ་བསྡུས།། ཐིག་ལེ་ཆེན་པོའི་རྒྱས་བཏབ།། སེམས་ཅན་ཐམས་ཅད་སངས་རྒྱས་ཡིན།། ཚེ་འདས་འདི་ནི ་རྒྱལ་བའི་སྲས།། ངན་སོང་འཁོར་བའི་བལྟ་བ་བསལ།། རྣམ་པར་རྟོག་པའི་འདོད་པ་བཅོམ།། རང་གི་ཡེ་ཤེས་ལུང་གིས་གསལ།། སྔར་འདས་སངས་རྒྱས་བཞུགས་པ་བཞིན།། རྣལ་འབྱོར་རྡོ་རྗེ་ཆེ་གེ་ཁྱོད།། རྒྱལ་བ ་ཀུན་གྱིས་བསྔགས་པར་མཛད།། སྔོན་གྱི་དེ་བཞིན་དབང་གནས་ཤོག། རྒྱལ་བའི་ས་ལས་མི་གཡོ་ཞིང་།། རང་གི་ས་ལ་གཏན་དུ་འདུག། རཏྣ་མ་གུ་ས་མན་ཏྲཾ་ཏྲཾ། ཨོཾ་ལཱཾ་ཧཱུཾ་མཱཾ་སཱ་མཾ་ཨཾ་པཱཾ་ཧཱ་ཏཾ། མ་ཧཱ་ཤཱུནྱ་ཏཱ་ཛྙཱ་ན། ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། དེ་ལྟར་དབང་བསྐུར་ཏིང་འཛིན་གསལ།། དེ་ལྟར་རྒྱལ་བ་མཉེས་བྱེད་པའི།། སྔགས་འདིས་ཐམས་ཅད་མཆོད་པར་བྱ།། དེ་ཡང་ཚེ་འདས་སངས་རྒྱས་དེས།། བདག་ཉིད་སློབ་དཔོན ་གསང་བ་ལ།། མཆོད་ཆེན་སྔགས་འདིས་མཆོད་པར་བསམ།། ཨོཾ་སུ་ར་ཏོ་བཛྲ་ན་མཿབ་བྷུ་བ་བྷུ་ཧྲཱིཿོཾ་སུ་ར་ཏོ་བཛྲ་ན་ར་ཧྲཱིཿོཾ་སུ་ར་ཏོ་ན་མོ་བུདྡྷ་ཧྲཱིཿོཾ་སུ་ར་ཏོ་བཛྲ་ན་ཧ་ཧྲཱིཿོཾ་སུ་ར་ཏོ་བཛྲ་གྷནྡྷེ་ཧཱུཾ། ཨོཾ་སུ་ར་ཏོ ་དུག་མ་རུ་ཀ་ར་གུཾ་གུཾ། ཨོཾ་བཛྲ་སུ་ར་ཏོ་བཛྲ་མོ་ཀེ་ཏཾ་ཏཾ། ཨོཾ་སུ་ར་ཏོ་བཛྲ་པི་ཤིང་དུ་ཏིར་ཨ་ཨཱཿོཾ་སུ་ར་ཏོ་བཛྲ་ཤྲི་ཧྲི་ཧྲཱིཿོཾ་ཨེ་མ་ཧཱ་སུ་ར་ཏོ་བཛྲ་བ་ནི་སེ་ན་ཏྲ་པི་ནི་སེ་ནི་ཏཱ་ཐཱ། ཨོཾ་ཧེ་མ་ཧཱ་སུ་ར་ཏོ་བཛྲ་གཱི་ཏཱི་ཏི། ་ཧེ་མ་ཧཱ་སུ་ར་ཏོ་བཛྲ་ནཻ་ཏྱེ་སེ་ལེ། ཨོཾ་སུ་ར་ཏོ་བཛྲ་རཱུ་པ་ཛ་ཛཿོཾ་སུ་ར་ཏོ་བཛྲ་ཤབྡ་སུ་ཀེ་ཧཱུཾ་ཧཱུཾ། ཨོཾ་སུ་ར་ཏོ་བཛྲ་གྷནྡྷེ་སུ་ཀི་བཾ་བཾ། ཨོཾ་སུ་ར་ཏོ་མ་ཧཱ་ར་ས་ཧོ་ཧོཿདེ་ནས་མཆོད་ཆེན་རྫོགས་པར་བྱ། འདི་ནི་གནས་དང ་བདུན་ཚིགས་དང་།། གཤེད་བྱེད་དཔྲལ་བའི་ཆོ་གའོ།། དེ་ནས་དཀྱིལ་འཁོར་སྒོ་བཞི་ནས།། རྡོ་རྗེ་དབང་བསྐུར་བྱ་བ་ནི།། རྡོ་རྗེ་མཆེད་ཀྱིས་འབོད་པར་བྱ།། གནས་ཆོ་ག་གཞུང་བཞིན་བྱེད་པ་ན།། བསྒྲུབ་པ་རབ ་འབྲིང་གསུམ་དུ་བྱ།། རོ་དེ་ཡོད་ན་མཆོག་ཏུ་གསུངས།། དེ་ལ་ཁྲུས་བྱ་དབང་རྫོགས་བྱ།། གནས་ཀྱི་རིམ་པ་བྱེད་པ་ན།། རབ་གནས་བརྟན་པར་བཞུགས་པ་དང་།། གནས་སྦར་བ་ཡི་མཆོད་པ་བྱ།། བདུན ་ཚིགས་དག་ཏུ་བྱེད་པ་ན།། ཞག་གཅིག་དག་གིས་ཐོན་པར་བྱ།། མཆོད་པའི་ལས་རྣམས་ཅི་འབྱོར་བྱའོ།། ཚོགས་དང་ཞལ་ཟས་སྣ་ཚོགས་དབུལ།། སངས་རྒྱས་རྣམས་དང་བྱང་སེམས་མཆོད།། ཞག་བདུན་ལོན་པའི ་ཚེ་ན་ཡང་།། བདུན་ཚིགས་དང་པོ་འདི་ལྟར་བྱའོ།། དེ་ནས་དཀྱིལ་འཁོར་བསྡུ་བར་བྱའོ།། ཕྱི་ཆོ་ག་ནང་ཆོ་ག་གཞུང་བཞིན་བྱའོ།། གནས་དང་བདུན་ཚིགས་གཉིས་སུ་མེད་པའོ།། ཞེས་རྫོགས་པར་རང་བྱུང་གི ་རྒྱུད་ལས། གནས་དང་བདུན་ཚིགས་བསྟན་པའི་ལེའུ་སྟེ་གསུམ་པའོ།། །། @#།། རྒྱ་གར་སྐད་དུ། པ་རུ་པ་རུ་པི་པུ་རི་ན་མཿབོད་སྐད་དུ། རྣལ་འབྱོར་པ་ཚེ་འདས་པའི་བདུན ་ཚིགས་པར་མའི་ཆོ་ག་ཞེས་བྱ་བ། བཅོམ་ལྡན་འདས་པདྨ་དབང་གི་ལྷ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་དེ་ཉིད་ལ། རིགས་ལྔའི་ལྷ་ཚོགས་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན ་དབང་ཆེན་སྐུ། བར་དོ་ཡི་ནི་སྣང་བ་ལ།། ཞག་ནི་ཅི་ཙམ་ཐོགས་པར་འགྱུར།། མོས་པའི་འཁོར་ལ་གསུང་དུ་གསོལ།། སྟོབས་ཆེན་ཉིད་ཀྱིས་བཀའ་སྩལ་པ།། ཀྱེ་མ་ཉོན་ཅིག་འདུས་པའི་འཁོར།། སེམས་ཅན་རྣམས ་ཀྱི་ལམ་ཆེན་ནི།། ཆོས་ཉིད་རང་སྣང་བར་དོ་ལ།། ཞག་བདུན་བར་དུ་གནས་པར་འགྱུར།། དེ་ནི་རང་རང་སྣང་བའི་ཡུལ།། སེམས་དང་རིག་པ་ཞག་བདུན་བྲལ།། དེ་ཚེ་རྣམ་རྟོག་འགྱུ་མེད་གསལ།། དེ་ནས་ཞག ་བདུན་ལོན་པ་དང་།། སྔོན་གྱི་བག་ཆག་སད་ནས་ནི།། སེམས་ལ་སྣང་བ་ཕྲ་རགས་འབྱུང་།། དེ་ཚེ་བདུན་ཚིགས་དང་པོ་ཡིས།། བག་ཆགས་ཁད་ཀྱིས་འབྲི་བར་གསུངས།། དེ་ནི་རྨི་ལམ་འཛིན་པའི་བར་དོའོ།། དེ ་ཉིད་ཞག་བདུན་གནས་པའོ།། དེ་ཚེ་སེམས་ཀྱི་རྣམ་རྟོག་ལྡང་།། སྣང་བའི་ཆོ་འཕྲུལ་དེ་དག་ཀུན། བན་བུན་ཡང་ཡུད་ལང་ལོང་འོང་།། དེ་ཚེ་ཤེས་པ་གྱ་གྱུར་གནས།། དཔེར་ན་མི་དགའ་བ་ཡི་མི་དག་ལ།། ཚིག་ནི ་འཇམ་པོར་སྨྲ་བ་ཡིས།། མི་དགའ་སྤངས་ནས་བདེ་སྤྱོད་ལྟར།། དེ་ཚེ་བདུན་ཚིགས་གཉིས་པ་འདིས།། ཚེ་འདས་རིགས་ཀྱི་བུ་དེ་ཡི།། ཤེས་པ་བཟུང་ནས་བདེ་ལ་གནས།། དེ་ནས་སྲིད་པ་བར་དོ་དེར།། ཞག་བདུན ་གནས་ཤིང་སྡུག་བསྔལ་དྲན།། ཚེ་འདས་ཤེས་པ་རང་དབང་མེད།། ཕ་རོལ་དག་གིས་འཕྲོག་པ་དང་།། རང་དབང་མེད་པའི་སྤྱོད་པ་འབྱུང་།། དེ་ནས་ཞག་བདུན་ལོན་པ་དང་།། བདུན་ཚིགས་ཐ་མའི་དབང་བསྐུར ་བས།། མཐོ་རིས་གོ་འཕང་གསུམ་ཐོབ་འགྱུར།། དེ་ལྟར་བདུན་ཚིགས་བྱས་པ་ན།། རང་རང་སྡུག་བསྔལ་གནས་སུ་འགྲོལ།། དེ་ལྟར་བདུན་ཚིགས་བྱས་པས་ན།། དམྱལ་བར་འགྲོ་བའི་མི་དག་ཀུན།། བྱོལ་སོང ་གནས་སུ་འདྲེན་པའོ།། ཡི་དྭགས་གནས་སུ་སྐྱེ་བ་རྣམས།། ལྷ་མ་ཡིན་གྱི་གནས་སུ་འདྲེན།། བྱོལ་སོང་གནས་སུ་སྐྱེ་བ་རྣམས།། ལྷ་ཡི་གནས་སུ་འདྲེན་པར་བྱེད།། ཆ་མཉམ་དག་ཏུ་སྐྱེ་བ་རྣམས།། མི་ཡི་གནས་སུ ་འདྲེན་པར་བྱེད།། ལྷ་དང་མི་རུ་སྐྱེ་བ་རྣམས།། ས་ལ་གནས་པའི་རིགས་སུ་སྐྱེ།། བྱང་སེམས་རིགས་སུ་སྐྱེ་བ་དག། བླ་མེད་གོ་འཕང་འཐོབ་པར་གསུངས།། དེ་ཕྱིར་བདུན་ཚིགས་ཆོ་ག་བཤད།། བདུན་ཚིགས་པར ་མའི་སྦྱོར་བ་ཡི།། ཆོ་ག་མདོར་བསྡུས་ཡན་ལག་དང་།། དཀྱིལ་འཁོར་རྫས་དང་ཡོ་བྱད་རྣམས།། ཉེ་བའི་འཁོར་ལ་བཤད་དུ་གསོལ།། དེ་ནས་རྣམ་གྲོལ་དེ་ཉིད་ཀྱིས།། ཉེ་བའི་འཁོར་ལ་བཀའ་སྩལ་པ།། འདུས་པའི ་འཁོར་ཚོགས་ལེགས་པར་ཉོན།། བདུན་ཚིགས་མཆོད་པ་འདི་ཉིད་ལ།། སྒྲིབ་སྦྱོང་ལས་ཀྱི་དཀྱིལ་འཁོར་བཞེངས།། དཀྱིལ་འཁོར་བཞེངས་སུ་གསོལ་ནས་ནི།། དབུས་སུ་དཔལ་གྱི་གཏོར་མ ་བཅའ།། ལན་ཆགས་གཏོར་མ་གོང་དང་མཐུན།། དཀྱིལ་འཁོར་དེ་ཡི་ཤར་སྒོ་རུ།། དྲི་མ་དེ་ཉིད་རྩ་རུ་ཡང་།། ལྷ་བཤོས་མཛེས་པ་བཅུ་གསུམ་བཞག། ཤིན་ཏུ་གཙང་མའི་གཏོར་མ་བཞག། མཆོད་པ་རྣམས་ལྔ་ཉིད ་ཀྱང་དབུལ།། ཕྱི་ཆོ་ག་ནང་ཆོག་གཞུང་བཞིན་བྱ།། དགེ་བའི་ལས་རྣམས་ཅི་ནུས་བྱ།། ཚེ་འདས་ཉིད་ཀྱང་བྱེད་པར་བསམ།། རིག་དྲུག་གནས་ནས་དྲང་བ་དང་།། སྐྱེ་བ་མེད་པར་ལམ་བསྟན་བྱ།། སངས་རྒྱས ་སྲས་པོར་དབང་བསྐུར་ཞིང་།། ཞིང་ཁམས་དེ་ལས་མི་གཡོ་བའི།། རབ་ཏུ་གནས་པའི་ཆོ་ག་བྱ།། དེ་ནས་མཆོད་ཆེན་འདི་སྐད་བརྗོད།། ཧཱུཾ་གསང་བ་ཡེ་ཤེས་མཆོད་ཆེན་འདི།། གར་དང་ཡེ་ཤེས་ཕྱག་རྒྱར ་གསལ།། མཆོད་པའི་དཀྱིལ་འཁོར་སྤྲིན་ཚོགས་ནི།། གཉིས་མེད་འཁྲིལ་དང་ཡིད་བཞིན་གཏེར།། ཡིད་དུ་འོད་དང་མཛེས་པ་ཡི།། འོད་ཟེར་སྣ་ཚོགས་འཕྲོ་བ་དང་།། ཡེ་ཤེས་སྒོ་དང་རབ་ལྡན་པའི།། མ་ཉམས ་བཀོད་ལེགས་དབྱིབས་ཉིད་དང་།། གསལ་འཚེར་ལྷུན་སྡུག་ཕོ་བྲང་འདིར།། འཁོར་བཅས་རབ་འབར་གཤེགས་སུ་གསོལ།། ཨོཾ་ཨེ་ཧྱེ་ཧི་ས་མ་ཡ་མུ་དྲ་སྟྭཾ། ཨོཾ་གདན་བཏིང་ལགས་སོ་བཅོམ་ལྡན་འདས།། ཉི་ཟླ་རིན ་ཆེན་སྣ་ལྔ་དང་།། པདྨ་རབ་མཛེས་སྟོབས་ལྡན་པའི།། གླང་ཆེན་རྟ་དང་རྨ་བྱའི་ཁྲི།། ནམ་མཁའ་ལྡིང་དང་སེང་གེ་དང་།། ཉི་ཟླ་གསལ་བའི་གདན་བཏིང་ངོ་།། སྣ་ཚོགས་ཡིད་འོང་གདན་བཏིང་ངོ་།། ས་མ་ཡ་པྲ་བྷན ་ཙཀྲ་ཏིཥྛ་ལྷན།། ཧཱུཾ་ཤིན་ཏུ་མཛེས་པའི་གདན་དང་ནི།། རང་སྣང་འོད་གསལ་གཞལ་ཡས་འདིར།། བླ་མ་སངས་རྒྱས་སྲས་བཅས་དང་།། རིགས་ལྔ་ཁྲོ་རྒྱལ་ཡབ་ཡུམ་རྣམས། པདྨའི་གདན་ལ་བཞུགས་སུ ་གསོལ།། པདྨ་ཀ་མ་ལ་ཡ་སྟྭཾ། ཨོཾ་དམིགས་མེད་མཁའ་མཉམ་རྡོ་རྗེ་སྙིང་པོའི་སྐུ།། ཨཱཿབཅོམ་ལྡན་མགོན་པོ་རྡོ་རྗེ་ཡེ་ཤེས་སྐུ།། ཧཱུཾ་བརྗོད་མེད་བསམ་བྲལ་རྡོ་རྗེ་ཆོས་ཀྱི་སྐུ།། བྱ་བ་རྫོགས་པའི་འགྱུར་མེད་ས་ལ ་གནས།། ཡེ་ཤེས་བཅོམ་ལྡན་རྟོག་མེད་ཆོས་ཀྱི་སྐུ།། འཛིན་མེད་ཆོས་ཀྱི་སྐུ་ལ་ཕྱག་འཚལ་བསྟོད།། ཨོཾ་འགག་མེད་རྡོ་རྗེའི་དོན་ཉིད་འཛིན་པ་སྟེ།། ཨཱཿཐུགས་རྗེའི་སྤྱན་ལྡན་ལོངས་སྤྱོད་རྫོགས་པའི་སྐུ།། ཧཱུཾ་མུ་ཁྱུད་པོ ་བྲང་ལྔ་ལྡན་དཀྱིལ་འཁོར་ན།། སྐུ་ལྔ་རྟོག་མེད་སོ་སོའི་མཚན་འཛིན་པ།། འགྱུར་མེད་དོན་ལྡན་རིགས་ལྔའི་ཡེ་ཤེས་སྐུ།། ཚོམ་བུ་ལྔ་ལྡན་གཙོ་བོའི་དཀྱིལ་འཁོར་སྟོན།། ཡབ་ལྔ་ཡུམ་ལྔ་སྐུ་ལྔ་མདུན་རྒྱབ་མེད།། ཡེ ་ཤེས་ཐུགས་རྗེའི་སྤྱན་ལྡན་ལོངས་སྤྱོད་སྐུ།། སྟོང་གསལ་ལོངས་སྤྱོད་སྐུ་ལ་ཕྱག་འཚལ་བསྟོད།། ཨོཾ་ཐུགས་རྗེའི་སྟོབས་ཀྱི་འགྲོ་བ་ཕ་རོལ་སྒྲོལ།། ཨཱཿསྐུ་མདོག་ཁྲོ་བོའི་ཆ་ལུགས་གད་རྒྱང་ཅན།། ཧཱུཾ་དབུ་གསུམ་ཐོར ་ཚུགས་གཅིག་ཏུ་བཅིངས་པས་འཁོར་རྣམས་སྐྲག། ཕྱག་དྲུག་ཕྱག་མཚན་ཐ་དད་བསྣམས་པས་དགྲ་བགེགས་འདུལ།། སྐུ་ལ་ཆས་བརྒྱད་གསོལ་ཞིང་མ་མོ་དབང་དུ་སྡུད།། ཐུགས་རྗེས་འགྲོ་བ་འདམ ་ནས་འདྲེན་མཛད་བཅོམ་ལྡན་སྨན་གྱི་བླ།། ཕ་རོལ་སྟོབས་ཀྱིས་འདུལ་བའི་ཁྲོ་རྒྱལ་ཧཱུ~ཾ་སྒྲ་ཅན།། མ་རིག་འཇོམས་པའི་ཐུགས་རྗེའི་འོད་པོ་ཆེ།། སྣ་ཚོགས་སྤྲུལ་པའི་སྐུ་ལ་ཕྱག་འཚལ་བསྟོད།། ཨོཾ་སྐུ་གསུམ་དོན་ལྡན ་སངས་རྒྱས་ཀུན་གྱི་མེས།། ཨཱཿཐུགས་རྗེའི་སྟོབས་བདག་གཞོན་ནུ་ཉིད་ཀྱི་སྐུ།། ཧཱུཾ་སྐུ་གསུམ་ཡེ་ཤེས་རྫོགས་ལ་ཕྱག་འཚལ་བསྟོད།། ཨོཾ་ཨཱཿཧཱུཾ། བདག་ཅག་སྡུག་བསྔལ་ཆེན་པོས་ཟིན་པ་ལ།། ཐུགས་རྗེའི་ལྕགས ་ཀླུས་འཛིན་པ་སྐུ་དྲིན་ཆེ།། བདག་ཅག་འདོད་པའི་ཚད་པས་གདུང་བ་ལ།། ཐུགས་རྗེའི་ཆུ་རྒྱུན་འབེབས་པ་སྐུ་དྲིན་ཆེ།། བདག་ཅག་འཁོར་བའི་གཅོང་རོང་དོག་མོར་ལྷུང་བ་ལ།། ཐུགས་རྗེའི་ཞགས་པས་འགྲོ་བ ་འདྲེན་མཛད་པ།། ཐབས་ལྡན་ཡེ་ཤེས་སྐུ་ལ་ཕྱག་འཚལ་བསྟོད།། བདག་ཅག་མ་རིག་མུན་པའི་དབང་དུ་འཁྱམས་པ་ལ།། རྣམ་དག་སྒྲོན་མེ་འདེགས་ལ་ཕྱག་འཚལ་བསྟོད།། བསྐལ་པ་དཔག་ཏུ་མེད་པར ་ལམ་སྟོར་བར།། ས་མཁན་རྡོ་རྗེའི་སྐུ་ལ་ཕྱག་འཚལ་བསྟོད།། དང་པོའི་ནོར་བུ་མ་རྙེད་རྟག་ཏུ་སྟོར།། གཞལ་ཡས་སྟོན་མཛད་ཁྱོད་ལ་ཕྱག་འཚལ་བསྟོད།། ལས་དང་ཉོན་མོངས་རྒྱུད་དྲུག་འཁོར་བ་ཡི།། ཆུ་བོ་སྒྲོལ ་ཛད་གྲུ་ལ་ཕྱག་འཚལ་བསྟོད།། རྡོ་རྗེ་སེམས་དཔར་སྤྲུལ་ནས་འགྲོ་དོན་མཛད།། ཡེ་ཤེས་མཉམ་ཉིད་སྐུ་ལ་ཕྱག་འཚལ་བསྟོད།། འཁོར་བའི་རྒྱ་མཚོ་དཔག་ཏུ་མེད་པ་ནས།། ཐུགས་རྗེས་འདྲེན་མཛད་ཁྱོད་ལ་ཕྱག ་འཚལ་བསྟོད།། སྐུ་མཆོག་འབར་བའི་ཡེ་ཤེས་རྣམ་པར་དག། སངས་རྒྱས་ཐུགས་རྗེ་ཅན་ལ་ཕྱག་འཚལ་བསྟོད།། ཨ་ཏི་ཤ་བཛྲ་ས་མ་ཡ་སྟྭཾ། ཧོ་མི་གནས་པའི་ཡེ་ཤེས་ཀྱི་མངའ་བདག་རྣམས་དགོངས་སུ་གསོལ། ཚེ ་ལས་འདས་པ་ཆེ་གེ་མོ་འདི་བྱང་ཆུབ་ཀྱི་སྙིང་པོ་ལ་མ་གནས་པའི་བར་དུ། དེ་བཞིན་གཤེགས་པ་ཐམས་ཅད་ཀྱི་སྐུ་བསྟན་པ། གསུང་བསྟན་པ། ཐུགས་བསྟན་པ། ཡོན་ཏན་བསྟན་པ། ཕྲིན་ལས་བསྟན་པ་མི་ཟད ་པའི་འཁོར་དང་བཅས་པ་དང་། དེ་བཞིན་གཤེགས་པ་ཐམས་ཅད་ཀྱི་སྐུ་མངོན་པར་སྣང་བ་དང་། མི་སྣང་བ་དང་། གསུང་གྲགས་པ་དང་བཅས་པ་དང་། གྲགས་པ་མེད་པ་དང་། མདོ་སྡེ་དང་། འདུལ་བ་དང་། ་མངོན་པ་དང་། ཐུགས་རྟོག་པ་དང་བཅས་པ་དང་། རྟག་པ་མེད་པ་དང་། རབ་ཏུ་བྱུང་བ་དང་། ཁྱིམ་པའི་བྱང་ཆུབ་སེམས་དཔའ་དང་། སེམས་རབ་ཏུ་བྱུང་བ་དང་། ཚུལ་ཁྲིམས་རྣམ་པར་དག་པ་དང་ལྡན་པ་དང་། ་ཆོས་ཀྱི་སྐུ་ཐམས་ཅད་དང་། སྤྲུལ་པའི་སྐུ་ཐམས་ཅད་དང་། ལོངས་སྐུ་ཐམས་ཅད་དང་། ངོ་བོ་ཉིད་ཀྱི་སྐུ་ཐམས་ཅད་དང་། དཀྱིལ་འཁོར་གྱི་ལྷ་ཚོགས་ཐམས་ཅད་ལ། བདག་རྡོ་རྗེ་སློབ་དཔོན་དང་། ཚེ་ལས་འདས ་ཤིང་འཕོས་པའི་ཆེ་གེ་མོ་ཞེས་བྱ་བས། གུས་པའི་ཚུལ་གསུམ་གྱིས་ཕྱག་འཚལ་ལོ།། སྐྱབས་སུ་མཆིའོ།། སྐྱེ་བ་མེད་པ་རྡོ་རྗེའི་སྐུ་ཐོབ་པར་མཛད་དུ་གསོལ། ཐབས་ཀྱིས་འཁོར་བའི་ཆུ་བོ་ལས་བསྒྲལ ་དུ་གསོལ། ཡེ་ཤེས་ཐོགས་པ་མེད་པའི་སྤྱན་ལྔ་བསྟན་དུ་གསོལ། ལྷའི་སྐུ་ཐམས་ཅད་མངོན་པར་སྣང་བར་མཛད་དུ་གསོལ། དེ་ནས་སློབ་དཔོན་གསང་བའི་དབང་ཐོབ་པ་དེས། ཏིང་འཛིན་ལ་གནས་པར་བྱས་ནས། ་མཆོད་པ་རྣམ་པ་ལྔ་ལ་སོགས་ཅི་འབྱོར་བའི་མཆོད་པ་འབུལ་ལོ།། ཚིགས་བཅད་གོང་མ་དེ་བར་བར་ལ་གཏང་བར་བྱའོ།། དེ་ནས་སློབ་དཔོན་དེ་ནང་གི་ཕྲིན་ལས་གང་ཡང་རུང་བ་གཞུང་བསྲང་ངོ་།། དཀྱིལ ་འཁོར་ཐམས་ཅད་གསལ་བར་བསྒོམ། དེ་ནས་གོང་གི་མཆོད་པ་རྣམས་དང་རིགས་དྲུག་གནས་ནས་དྲང་བའི་ཆོ་ག་ཡང་བྱའོ།། ལེན་ཆགས་གཏོར་མའི་ཆོ་ག་ཡང་བྱའོ།། ཚེ་ལས་འདས་པའི་རིགས་ཀྱི་བུ་ལ་དབང ་བསྐུར་བ་དང་།། གནས་སྦར་བའི་ཆོ་ག་ཡང་བྱའོ།། ཆོས་ཀྱི་སྐུའི་གནས་སུ་བརྟན་པར་བཞུགས་པར་བསམ་ཞིང་།། རིགས་དྲུག་གི་གནས་ནས་ཡང་ནས་ཡང་དུ་དྲང་ངོ་།། མཆོད་པ་ཐམས་ཅད་ཀྱི་སྔགས་ནི། ཨོཾ་པྲ ་བྷཉྩ་ཀྲ་ཐ་ཡཱ་སྟ། བཛྲ་པཱུ་ཛ་ཧོ། མ་ཧཱ་ཀ་རུ་ཎི་ཀ་ཡཱ་ས་མ་ཡཱ་མུ་དྲ། བཛྲ་དྷཱུ་པེ་དྷུ། བཛྲ་པུཥྤེ་པུ། བཛྲ་གནྡྷེ་གན། བཛྲ་ནིརྟི་ཧཱུཾ། བཛྲ་གཱི་ཏཱི་ཏཱིཿབཛྲ་ཏི་ར་ས་ཛ་ཧོ། བཛྲ་ཨཱ་ལོ་ཀེ་ཧྲཱིཿ། བཛྲ་ཧ་ཧ་ཧེ་ཧེ་ཧྲི་ཧྲི། བཛྲ་མ་ཧཱ་སརྦ ་ཀུན་ལ་རག་ཤ་ཧེ། སརྦ་ཏ་ཐཱ་ག་ཏ་ས་མ་ཡཱ། མ་ཧཱ་མུ་དྲ་ཨཱ། དེ་ལྟར་སྔགས་ཆེན་དེ་བརྗོད་ནས། མཆོད་པ་ཆེན་པོ་འདི་སྐད་བརྗོད། ཨོཾ་བདེ་བར་གཤེགས་སོ་བཅོམ་ལྡན་འདས།། བདེ་བར་གཤེགས་སོ་ཁྲོ་རྒྱལ ་ཚོགས།། ཧཱུཾ་བདེ་བར་གཤེགས་སོ་ཨ་ར་ལི།། རྒྱལ་བ་རྒྱ་མཚོའི་ཡེ་ཤེས་ཀྱིས།། སྲིད་པ་རྒྱལ་མཚོ་མཐའ་ཡས་ཀུན།། ཀུན་བཟང་མཆོད་སྤྲིན་མཆོག་ཏུ་རོལ།། ཨོཾ་ཨ་ལ་ལ་ཧོ།། རིགས་ལྔ་ཁྲག་འཐུང་བཅས་པ ་ལ།། སྣང་ཞིང་སྲིད་པའི་ཆོས་རྣམས་ཀུན།། ཀུན་ཏུ་བཟང་པོའི་མཆོད་པར་འབུལ།། འགྲོ་བའི་དོན་དུ་བཞེས་སུ་གསོལ།། ཚེ་ལས་འདས་པ་ཆེ་གེ་མོ་འདི་དང་། བདག་ཅག་རྡོ་རྗེ་སློབ་དཔོན་དང་། མཆེད་དང་ལྕམ ་དྲལ་འཁོར་དང་བཅས་པ་རྣམས་ཀྱི་སྒྲིབ་པ་གཉིས་སྦྱངས། ཚོགས་རྣམ་པ་གཉིས་རྫོགས་ནས། ཐུགས་དམ་རྒྱ་མཚོ་ཡོངས་སུ་བསྐང་བར་གྱུར་ཅིག། ཉམས་ཆག་ཐམས་ཅད་སོར་ཆུད་པར་གྱུར་ཅིག། རྐྱེན ་དབང་ཐམས་ཅད་བཟློག་པར་གྱུར་ཅིག། བདུད་ཀྱི་དཔུང་རྣམས་ཆོམས་ཤིག། ཚེ་ལས་འདས་པ་གཤེད་དང་བྲལ་བར་གྱུར་ཅིག། ཚིག་དེ་རྣམས་ནི་མཆོད་པ་ཀུན་གྱི་བར་བར་དུ་ཤེས་པར་བྱའོ།། ད་ནི་རྒྱལ་སྲིད་སྣ ་བདུན་གྱིས་མཆོད་པ་ནི།། ཧཱུཾ་མཆོད་པའི་ཕྱག་རྒྱ་ཆེན་པོ་ནི།། སེམས་ཀྱི་ཡིད་བཞིན་སྤྲིན་ཚོགས་གཏིབ།། ཕྱོགས་བཅུའི་སངས་རྒྱས་ཐམས་ཅད་ཞིང་།། མཉེན་འཇམ་རེག་ན་བདེ་བ་ཡིས།། ཏྲཾ། སྣ་ཚོགས་རིན་པོ་ཆེ ་ཡི་གཞི།། མཛེས་པར་བྲིས་ཤིང་སྤྲས་པ་དང་།། ཀུན་འབྱུང་རིན་ཆེན་ཕུང་པོ་འབར།། དབྱིབས་ལེགས་རྫང་བུ་རོ་མཆོག་བསིལ།། བྷྲཱུཾ། རིན་ཆེན་རྣམ་པ་སྣ་ཚོགས་དང་།། རྒྱན་དང་དཔག་བསམ་ལྗོན ་པའི་ཚལ།། ཧྲཱིཿགླུ་དབྱངས་ཚིགས་སུ་བཅད་པའི་སྒྲ།། ཏྲ། བླ་བྲེ་རྒྱལ་མཚན་ན་བཟའ་གདུགས།། དོ་ཤལ་དཔུང་བརྒྱན་སེ་མོ་དོ།། བཟའ་དང་བཏུང་བའི་ཚོགས་རྣམས་ཀྱིས།། རང་ལ་མཛེས་པར་བརྒྱན་པ ་དང་།། ལྷ་དང་ལྷ་མོ་རྡུལ་སྙེད་པས།། བྲོ་གར་ལ་སོགས་བསམ་ཡས་ཀྱིས།། ཕྱོགས་བཅུ་ནམ་མཁའི་ཁམས་བཀང་ནས།། བླ་མ་དཀྱིལ་འཁོར་ཚོགས་ལ་འབུལ།། འགྲོ་བའི་ཚེ་འདས་དོན་དུ་བཞེས་སུ་གསོལ། ཞེས ་ཀུན་ལ་འདྲེས་དོན་དུ་བཞེས་སུ་གསོལ།། ཏྲཾ། ཞིང་འདིར་རིན་ཆེན་སྣ་བདུན་གྱིས།། ཕྱོགས་བཅུ་ནམ་མཁའི་ཁམས་བཀང་ནས།། དངོས་གྲུབ་འབྲས་བུ་འདོད་པའི་ཕྱིར།། ཉིན་རེ་ཤེས་རབ་ཅན་གྱིས་མཆོད།། ཕྱི་ཡི ་སྦས་པ་གསང་ལ་སོགས།། ནང་གི་མཆོད་པ་མཆོག་འདི་རྣམས།། ཕྱག་རྒྱ་སྦྱོར་བའི་ཚུལ་བཞེས་ལ།། ཚུལ་བཞིན་རྒྱས་པར་དབུལ་བར་བྱའོ།། ཚེ་འདས་དོན་དུ་བཞེས་སུ་གསོལ།། ཏྲཾ་རཏྣ་བཱ་ཛ་བཛྲ་སྭ་བྷཱ་ཝ་ཨཏྨ ་ཀོ&ཧཾ། ད་ནི་དུག་ལྔ་ཡེ་ཤེས་ལྔའི་མཆོད་པ་འབུལ་ཏེ། ཧཱུཾ་སྟོང་གསུམ་སྟོང་གི་འཇིག་རྟེན་ན།། སྲིད་གསུམ་སེམས་ཅན་ཐམས་ཅད་ཀུན།། ཞེ་སྡང་སྤྱོད་པའི་ལས་གང་རྣམས།། རྡོ་རྗེ་རིགས་ཀྱི་ལས་སྤྱོད ་དེ།། དམིགས་པ་སྒྲོལ་བའི་མཆོད་པར་བཞེས།། སྟོང་གསུམ་སྟོང་གི་འཇིག་རྟེན་ན།། སྲིད་གསུམ་སེམས་ཅན་ཐམས་ཅད་ཀུན།། འདོད་ཆགས་སྤྱོད་པའི་ལས་གང་རྣམས།། པདྨ་རིགས་ཀྱི་ལས་སྤྱོད་དེ།། ཐམས་ཅད ་ཡབ་ཡུམ་གཉིས་མེད་སྦྱོར།། ཚེ་འདས་དོན་དུ་བཞེས་སུ་གསོལ།། སྟོང་གསུམ་སྟོང་གི་འཇིག་རྟེན་ན།། སྲིད་གསུམ་སེམས་ཅན་ཐམས་ཅད་ཀུན།། གཏི་མུག་སྤྱོད་པའི་ལས་གང་རྣམས།། བདེ་གཤེགས་རིགས་ཀྱི ་མཛད་སྤྱོད་དེ།། ཚེ་འདས་དོན་དུ་བཞེས་སུ་གསོལ།། སྟོང་གསུམ་སྟོང་གི་འཇིག་རྟེན་ན།། སྲིད་གསུམ་སེམས་ཅན་ཐམས་ཅད་ཀུན།། ང་རྒྱལ་སྤྱོད་པའི་ལས་རྣམས་ཀུན།། རིན་ཆེན་རིགས་ཀྱི་ལས་སྤྱོད ་དེ།། དམིགས་པའི་དམ་ཚིག་མཆོད་པར་བཞེས།། ཚེ་འདས་དོན་དུ་བཞེས་སུ་གསོལ།། སྟོང་གསུམ་སྟོང་གི་འཇིག་རྟེན་ན།། སྲིད་གསུམ་སེམས་ཅན་ཐམས་ཅད་ཀུན།། ཕྲག་དོག་སྤྱོད་པ་ལས་རྣམས་གང་།། ལས་ཀྱི ་རིགས་ཀྱི་ལས་སྤྱོད་དེ།། དམིགས་པའི་དམ་ཚིག་མཆོད་པར་བཞེས།། ཚེ་འདས་དོན་དུ་བཞེས་སུ་གསོལ།། འདོད་ཆགས་ཞེ་སྡང་གཏི་མུག་ཆེ།། ང་རྒྱལ་ཕྲག་དོག་སྤྱོད་པ་རྣམས།། རྡོ་རྗེ་ཐེག་པར་རབ་རྟོགས ་ཏེ།། མཆོག་གི་མཆོད་པར་བཞེས་སུ་གསོལ།། ཚེ་འདས་དོན་ཕྱིར་བཞེས་སུ་གསོལ།། ཨ་ལ་ལ་ཧོཿདུག་ལྔ་ཡེ་ཤེས་ལྔ་ཡི་མཆོད་པ་འདི་ཕུལ་བས།། ཚེ་ལས་འདས་པ་ཆེ་གེ་མོ་དང་། བདག་ཅག་རྡོ་རྗེ་སློབ་དཔོན ་དང་། མཆེད་དང་ལྕམ་དྲལ་འཁོར་དང་བཅས་པ་རྣམས་ཀྱི་སྒྲིབ་པ་རྣམ་པ་གཉིས་བྱང་། ཚོགས་རྣམ་པ་གཉིས་རྫོགས་ནས། ཐུགས་དམ་ཡོངས་སུ་བསྐང་པར་གྱུར་ཅིག་ཉམས་ཆགས་སོར་ཆུད་པར ་གྱུར་ཅིག། རྐྱེན་རྣམས་བཟློག་པར་གྱུར་ཅིག། བདུད་དཔུང་ཆོམས་ཤིག། ཚེ་འདས་གཤེད་དང་བྲལ་བར་གྱུར་ཅིག། ད་ནི་ཕྱག་རྒྱ་བཞིའི་མཆོད་པ་དབུལ་ཏེ།། ཧཱུཾ་ནམ་མཁའི་མཐའ་ཀླས་འཇིག་རྟེན་ནས།། སྲིད ་གསུམ་སེམས་ཅན་མ་ལུས་ཀུན།། གཟུགས་སུ་སྣང་བ་ཇི་སྙེད་པ།། སྣ་ཚོགས་ཕྱག་རྒྱའི་དཀྱིལ་འཁོར་ཏེ།། སྐུ་མཆོག་ཕྱག་རྒྱའི་མཆོད་པར་བཞེས།། སྒྲ་རུ་གྲགས་པ་ཅི་སྙེད་པ།། ཐམས་ཅད་མ་ལུས་སྔགས་ཀྱི ་ཚིག། གསུང་མཆོག་ཕྱག་རྒྱའི་མཆོད་པར་བཞེས།། སེམས་ཀྱི་རྟོགས་པ་ཅི་སྙེད་པ།། ཏིང་འཛིན་འབུམ་ཕྲག་བསམ་ཡས་པ།། ཐུགས་མཆོག་ཕྱག་རྒྱའི་མཆོད་པར་བཞེས།། དགེ་དང་མི་དགེའི་ལས་གང ་རྣམས།། ཐམས་ཅད་སངས་རྒྱས་མཛད་སྤྱོད་དེ།། ལས་ཀྱི་ཕྱག་རྒྱའི་མཆོད་པར་བཞེས།། ཀུན་ནས་ཀུན་ཏུ་ཐམས་ཅད་ཀུན།། དངོས་པོ་ལ་སོགས་བརྟན་གཡོ་ཀུན།། ཐམས་ཅད་རྒྱལ་བའི་དཀྱིལ་འཁོར་ཏེ།། བདེ ་གཤེགས་ཕྱག་རྒྱའི་མཆོད་པ་བཞེས།། ད་ནི་བདུད་རྩིའི་མཆོད་པ་དབུལ་ཏེ། ཧཱུཾ་བདེ་གཤེགས་རིགས་ཀྱི་ཐུགས་དམ་བསྐང་བ་ནི།། དྲི་ཆེན་ངད་ལྡན་སྤོས་ཀྱི་བསུང་མཆོག་འདི།། གཏི་མུག་ཤེས་རབ་འབར་བར་བྱིན ་བརླབ་མཛད་སླད་དུ།། བུདྡྷ་རིགས་ཀྱི་ཐུགས་དམ་བསྐང་གྱུར་ཅིག། ཧཱུཾ་རྡོ་རྗེ་རིགས་ཀྱི་ཐུགས་དམ་བསྐང་བ་ནི།། མུ་ཏིག་དཀར་པོ་དྲི་མེད་བྱང་ཆུབ་སེམས།། ཐམས་ཅད་བསྐྱེད་པའི་རྒྱུ་སྟེ་འཁོར་བ་འཛིན།། ཞེ་སྡང ་བདུད་ཀྱི་རིགས་རྣམས་ཞི་བར་མཛད་སླད་དུ།། རྡོ་རྗེ་རིགས་ཀྱི་ཐུགས་དམ་བསྐང་གྱུར་ཅིག། ཧཱུཾ་པདྨ་རིགས་ཀྱི་ཐུགས་དམ་བསྐང་བ་ནི།། རཀྟ་ཟླ་གམ་དྲི་མེད་བྱང་ཆུབ་སེམས།། ཐམས་ཅད་བསྐྱེད་པའི་རྒྱུ་སྟེ་འཁོར ་བ་འཛིན།། འདོད་ཆགས་ལེན་པ་མེད་པའི་རིགས་པ་སྟེ།། སྦྱོར་བ་རྣམ་པར་དག་པ་མཛད་སླད་དུ།། པདྨ་རིགས་ཀྱི་ཐུགས་དམ་བསྐང་གྱུར་ཅིག། ཧཱུཾ་རིན་ཆེན་རིགས་ཀྱི་ཐུགས་དམ་བསྐང་བ་ནི།། ཤ་ཆེན་ཤེས་རབ ་འབར་བའི་བྱིན་རླབས་ཀྱིས།། ཁམས་གསུམ་མ་ལུས་དབང་དུ་བསྡུས་ནས་ཀྱང་།། ང་རྒྱལ་བདུད་ཀྱི་རིགས་རྣམས་ཞི་བར་མཛད་སླད་དུ།། རིན་ཆེན་རིགས་ཀྱི་ཐུགས་དམ་བསྐང་གྱུར་ཅིག། ཧཱུཾ་ལས་ཀྱི་རིགས ་ཀྱི་ཐུགས་དམ་བསྐང་བ་ནི།། རྡོ་རྗེ་ལས་ཀྱི་ཆུ་སྟེ་པཉྩ་ཨ་མྲྀ་ཏ།། ཕྲག་དོག་ཆེན་པོའི་ལས་ཀྱིས་རྒྱུ་སྦྱང་སྟེ།། ལས་ཀྱི་རིགས་ཀྱི་ཐུགས་དམ་བསྐང་གྱུར་ཅིག། དེ་ནས་བྱང་ཆུབ་སེམས་ཀྱི་མཆོད་པ་འབུལ་ཏེ།། ཨོཾ་དྲི ་མེད་རྣམ་དག་ནམ་མཁའི་རང་བཞིན་ལ།། ཨཱཿལོག་རྟོག་མཚན་མ་མང་པོའི་སྤྲིན་ཕུང་རྣམས།། ཧཱུཾ་ཡེ་ཤེས་ཉི་ཟེར་འོད་ཀྱི་རབ་བསལ་ཏེ།། དག་པའི་དོན་དུ་རྟོགས་ཏེ་མཆོད་པར་འབུལ།། ཨོཾ་དམ་རྫས་བདུད་རྩི་ལྔ ་དང་ཡེ་ཤེས་ལྔ།། ཨ་ཨཱ་ལྔ་ཆོས་ལྔའི་རང་བཞིན་དབྱེར་མེད་ཅིང་།། ཧཱུ~ཾ་དེ་བཞིན་དག་པ་ཉིད་ཀྱི་དག་པ་ཉིད་མཆོད་ནས།། ཆོས་ཉིད་ལ་ཡང་ཆོས་ཉིད་ཐིམ་པར་འབུལ།། ཤེས་རབ་སེམས་མ་ཡུམ་གྱི ་གཞལ་ཡས་སུ།། རྒྱལ་བའི་དཀྱིལ་འཁོར་མ་ལུས་མཆོད་བཀོད་དེ།། ཐབས་དང་ཤེས་རབ་གཉིས་མེད་སྦྱོར་མཆོད་ཀྱིས།། རྒྱལ་བའི་དཀྱིལ་འཁོར་ཚོགས་ལ་མཆོད་པར་འབུལ།། ཨོཾ་ལྡན་དཀར་ལ་འཚེར་བའི་ཡོན ་ཏན་ལས།། ཨཱ་ལྡན་དམར་ལ་དངས་པའི་བྱིན་རླབས་ཀྱིས།། ཧཱུཾ་ལྡན་བདེ་ཆེན་གར་མཛད་གར་གྱི་དབང་ཕྱུག་ཆེ།། བདེ་ཆེན་སྐུ་ལ་དབང་གི་མཆོད་པ་འབུལ།། ཨོཾ་དག་ཅིང་གསལ་བ་ཤེལ་གྱི་དཀྱིལ་འཁོར ་དུ།། ཨཱཿཕྲ་ཞིང་མཉེན་པ་གསེར་གྱིས་ལུག་རྒྱུད་བཞིན།། ཧཱུཾ་དབྱེར་མེད་དབྱིངས་སུ་གཅིག་པས་ན།། བྱང་ཆུབ་སེམས་སུ་རྟོགས་ནས་རིག་པ་ཉིད་ལ་མཆོད་པར་འབུལ།། ཨཱིཾ་བཀྲ་ཤིས་མཚན་ལྡན་རྡོ་རྗེ་ཀ་པཱ ་ལ།། ཨཱཿའཕྲུལ་ཞལ་ཡིད་འོང་རི་མོས་བརྒྱན་པ་འདི།། ཧཱུཾ་འོད་དང་དུ་བ་སྒྲ་དང་དྲི་ལ་སོགས།། དབྱིངས་ནས་བཏོན་ནས་དབྱིངས་སུ་མཆོད་པར་འབུལ།། ཚེ་འདས་དོན་དུ་མཆོད་པ་བཞེས་སུ་གསོལ།། ཐབས་དང ་ཤེས་རབ་གསང་བ་བྱང་ཆུབ་སེམས་ཀྱི་མཆོད་པར་ཕུལ་བ་ལ་སོགས་པའོ།། ད་ནི་རྨད་དུ་བྱུང་བ་གཏོར་མའི་མཆོད་པ་འབུལ་ཏེ་འདི་སྐད་དོ།། ཧཱུཾ་རྣམ་དག་སྒྲིབ་སྤངས་སྲིད་གསུམ་སྐྱོན་བྲལ་བའི།། སྟོན་ཀའི་ཟླ ་གསལ་དྲི་མེད་ཞལ་མངའ་ཞིང་།། བཅོམ་ལྡན་བདེ་གཤེགས་དཀྱིལ་འཁོར་ཅན།། ཞི་ཁྲོ་འཁོར་བཅས་མ་ལུས་ཐམས་ཅད་དང་།། དུས་གསུམ་རྒྱལ་བ་ཐམས་ཅད་བསྐྱེད་པའི་ཡུམ།། ཤེས་རབ་ལྷ་མོ་རིགས་ཀྱི་ཡུམ ་ལ་སོགས།། རྣལ་འབྱོར་སྒྲུབ་དང་རིག་འཛིན་ཐམས་ཅད་ལ།། ཚེ་འདས་དོན་ཕྱིར་མཆོད་ཅིང་ཕྱག་འཚལ་ལོ།། མི་མཉམ་མཉམ་པས་ནམ་མཁའ་ཁྱབ་པ་དང་།། བསོད་ནམས་ཡེ་ཤེས་ཚོགས་ཀྱིས་རབ་བརྒྱན ་པས།། ཡིད་བཞིན་སྐུ་མཆོག་ཡོན་ཏན་མཐའ་ཡས་གཏེར།། ཤེས་རབ་དཀྱིལ་འཁོར་མ་ལུས་ཐམས་ཅད་དང་།། ཕྱག་བརྙན་འདུ་འཕྲོ་རྔམ་པའི་ཚོགས་ལ་སོགས།། རྣལ་འབྱོར་ཆེན་པོས་མཆོད་པ་མང་པོ ་འཚལ།། དགྱེས་པ་རོལ་མོའི་མཆོད་པ་འདི་བཞེས་ལ།། ཨོཾ་གཞོང་པ་རྣམ་དག་ཆོས་ཀྱི་དབྱིངས།། གཏོར་མ་ཡེ་ཤེས་ཕྱག་རྒྱའི་ཚོགས།། ཚེ་དང་གལ་གཉིས་མཐུན་བསྡེབས་ནས།། རཀྟ་དམར་གྱིས་ཐིག་བཀྱེ ་ཞིང་།། མི་བཟུང་གཏོར་བའི་གཏོར་མ་འདི།། འབུལ་ནི་བླ་མ་ལྷ་ལ་འབུལ།། མཆོད་ནི་གསང་བའི་དཀྱིལ་འཁོར་མཆོད།། སྦྱོར་ལྡན་ཚོགས་སུ་བཀྲམ་སྟེ་འབུལ་ལགས་སམ།། ཚེ་འདས་དོན་དུ་བཞེས་སུ ་གསོལ།། ཨོཾ་ཨཱཿཧཱུཾ་མ་ཧཱ་ཨརྒྷཾ་པྲ་ཏཱིཙྪ་ཧོ། བྷ་ལིངྒ་ཁ་ཁ་ཁཱ་ཧི། ཨ་ལ་ལ་ཧོ། རྨད་དུ་བྱུང་བའི་མཆོད་པའོ།། ད་ནི་གར་གྱི་མཆོད་པ་དབུལ་བར་བྱ་སྟེ།། ཨོཾ་པདྨནྟ་ཀྲྀཏ་ཧ་ཡ་གྲཱི་བ་ཧཱུཾ། རུ་ལུ་རུ་ལུ་ཧཱུཾ་ཕཊ། དེ་ནི་ཏིང ་འཛིན་གསལ་བ་དང་། འདི་སྐད་དེ། ཧཱུཾ་བཅོམ་ལྡན་པདྨ་ཧེ་རུ་དང་། པདྨ་ཀྲོ་དྷི་ཤྭ་རི་ལ།། འབར་བའི་གར་གྱིས་བསྐོར་བ་ནི།། སྲིད་གསུམ་འཇོམ་མཛད་དབྱིངས་ཕྱུག་གོ་རི་མ།། དམ་ཚིག་དབྱིངས ་མཆོག་སྐུལ་བྱེད་ཙོ་རཱི་མ།། སྟོང་གསུམ་རྒྱལ་མཛད་རྒྱས་བྱེད་པྲ་མོ་ཧ།། མ་ལུས་ཟ་བྱེད་རྡེར་ཕྱར་བེ་ཏཱ་ལཱི།། བདེ་ཆེན་ཞིང་དུ་འདྲེན་མཛད་པུཀྐ་སཱི།། བསྒྲལ་ནས་ཞལ་དུ་སྟོབས་མཛད་གྷསྨ་རཱི།། ཐུགས་རྗེའི་འཇིག ་རྟེན་སྒྲོལ་མཛད་སྨ་ཤ་ནི།། འབར་མ་སྟོང་གསུམ་སྟོངས་མཛད་ཙཎྜ་ལཱི།། གར་དང་དབྱངས་ཀྱི་མཆོད་པ་འདིས།། ཚེ་འདས་སྒྲིབ་པ་བྱང་གྱུར་ནས།། དཔལ་གྱི་ཐུགས་དམ་བསྐང་གྱུར་ཅིག། བདག་ཅག་གཡར་དམ ་བསྐང་གྱུར་ཅིག། ཧཱུཾ་བཅོམ་ལྡན་པདྨ་ཧེ་རུ་དང་།། པདྨ་ཀྲོ་དྷི་ཤྭ་རཱི་ལ།། ཕྲ་མེན་གར་གྱིས་བསྐོར་བ་ནི།། འགྲོ་བའི་སྡུག་བསྔལ་གཅོད་བྱེད་སིང་ཧ་མཱ།། འཆི་བདག་བདུད་ཀྱི་སྡེ་བཅོམ་བྷ་གྷྲི་མ།། དུར་ཁྲོད་བགེགས ་ཀྱི་ཚོགས་བཅོམ་སྲྀ་ག་ལཱ།། རྡོ་རྗེ་བདུད་འདུལ་ཟ་བྱེད་ཤྲ་ན་མ།། མགྱོགས་མ་ཁྲག་འཐུང་སྟོག་བྱེད་གྲྀ་ཌྷ་མ།། འཁོར་བའི་སྡུག་བསྔལ་ཚེ་འཕྲོགས་ཀཾ་ཀ་མ།། ཡོན་ཏན་ཡིད་བཞིན་བདག་ཉིད་ཀ་ཀ་མ།། འགྲོ་བའི ་དོན་མཛད་ཁྲག་འཐུང་ཨུ་ལཱ་མ།། གར་དང་དབྱངས་ཀྱི་མཆོད་པ་འདིས།། ཚེ་འདས་སྒྲིབ་པ་བྱང་གྱུར་ནས།། དཔལ་གྱི་ཐུགས་དམ་བསྐངས་གྱུར་ནས།། བདག་ཅག་དབྱར་དམ་བསྐང་གྱུར་ཅིག། ཕྲ་མེན་ཐུགས་དམ ་བསྐང་གྱུར་ཅིག། ཧཱུཾ་བཅོམ་ལྡན་པདྨ་ཧེ་རུ་དང་།། ཡུམ་ཆེན་ཀྲོ་དྷི་ཤྭ་རཱི་མ།། སྒོ་མ་གར་གྱིས་བསྐོར་བ་ནི།། རྟ་གདོང་དཀར་མོ་ལྕགས་ཀྱུ་འདྲེན།། ཕག་གདོང་ནག་མོ་མཆེ་ཞགས་འཕེན།། ཉི་ཟླ་དམར་མོ་ལྕགས ་སྒྲོག་སྡོམ།། ཐལ་བྱེད་ལྡང་ནག་དྲིལ་འཁྲོལ་དགྱེས།། གར་དང་དབྱངས་ཀྱི་མཆོད་པ་འདིས།། ཚེ་འདས་སྒྲིབ་པ་བྱང་གྱུར་ནས།། དཔལ་གྱི་ཐུགས་དམ་བསྐང་གྱུར་ཅིག། སྒོ་མའི་ཐུགས་དམ་བསྐང་གྱུར་ཅིག། བདག ་ཅག་དབྱར་དམ་བསྐང་གྱུར་ཅིག། ཨ་ལ་ལ་ཧོ།། གར་དང་ཡེ་ཤེས་མཆོད་པ་འདི་ཕུལ་བས།། ཚེ་ལས་འདས་པའི་ཆེ་གེ་མོ་འདི་དང་།། བདག་ཅག་རྡོ་རྗེ་སློབ་དཔོན་དང་། མཆེད་དང་ལྕམ་དྲལ་འཁོར་དང་བཅས་པ ་རྣམས་ཀྱི། སྒྲིབ་པ་རྣམས་པ་གཉིས་བྱང་། ཚོགས་རྣམ་པ་གཉིས་རྫོགས་ནས། ཐུགས་དམ་རྒྱ་མཚོ་ཡོངས་སུ་བསྐང་བར་གྱུར་ཅིག་ཆག་ཉམས་ཐམས་ཅད་སོར་ཆུད་པར་གྱུར་ཅིག་རྐྱེན་དབང་ཐམས་ཅད་བཟློག་པར ་གྱུར་ཅིག། བདུད་དཔུང་ཆོམས་ཤིག། ཚེ་འདས་གཤེད་མ་དང་བྲལ་བར་གྱུར་ཅིག། དེ་ནས་བསྟོད་པའི་རྒྱལ་པོ་གླུ་ཡེ་ཤེས་ཀྱི་མཆོད་པ་བྱུང་སྟེ། འདི་སྐད་དོ།། ཧཱུཾ་གཏུམ་ཆེན་དུས་མཐའི་མེ་ལྟར་འབར།། འོད་ཟེར་ཉི ་མ་འབུམ་གྱིས་བརྗིད།། ཁྲོ་གཉེར་གློག་སྟོང་འགྱུ་བ་བཞིན།། མཆེ་བ་ཟང་ཡག་ཟ་བྱེད་ཆེ་ཧོ།། ཧཱུཾ་ཕཊ་རྔམས་པའི་ང་རོ་འབྲུག་སྟོང་སྒྲོགས།། ཐུག་ཆོམས་རི་རབ་འབུམ་སྙིལ་སྐད།། ཨ་ལ་ལ་ཡི་གད་རྒྱངས ་ཅན།། བཞུག་པའི་མཐོར་རླུང་གཡེང་བ་ཆེ་ཧོ།། ཧཱུཾ་ཁྲོ་བོ་ཤེས་རབ་འོད་པོ་ཆེ།། ཡེ་ཤེས་དཀྱིལ་འཁོར་ཀུན་ཏུ་གསལ།། འབར་བའི་ཡེ་ཤེས་ཀུན་ཏུ་འཇོམས།། སྣ་ཚོགས་ཡེ་ཤེས་ཐིག་ལེ་ཆེ་ཧོ།། ཧཱུཾ་ཁྲོ ་བོཔོའི་རྒྱལ་པོ་སྤྲིན་ཆེན་པོ།། ཁྲོ་བོའི་དཀྱིལ་འཁོར་ཆར་ཆེན་འབེབས།། དཀྱིལ་འཁོར་ཡིད་བཞིན་འབྱུང་བའི་གཏེར།། སྣ་ཚོགས་འོད་ཀྱི་ཐིག་ལེ་ཆེ་ཧོ།། ཧཱུཾ་བདུད་ཀུན་གྱི་ནི་བདུད་ཆེན་པོ།། བདུད་ཀྱི་བདུད་སྟེ་བདུད ་རྣམས་འཇོམས།། འཇིགས་པའི་ཚོགས་ཀྱང་འཇིགས་བྱེད་པ།། འཇིགས་བྱེད་ཆེན་པོ་ཐིག་ལེ་ཆེ་ཧོ།། ཧཱུཾ་རྡོ་རྗེ་བྲག་སྟེ་སྲ་ཆེན་པོ།། རྡོ་རྗེ་ཆུ་བོ་སྡུད་ཆེན་པོ།། རྡོ་རྗེ་མེ་སྟེ་ཀུན་འབར་ཆེ།། རྡོ་རྗེའི་རླུང་སྟེ་འཐོར་རླུང ་ཆེ།། ཧོ།། དེ་ཡན་ཆད་མཆོད་པ་ཆེན་པོའི་རིམ་པའོ།། འདི་མན་ཆད་ཚོགས་དང་བསྟབ་པ་བྱའོ།། ཧོ་ཧེ་རུ་ཀ་ཡི་གནས་ཆེན་པོ།། དུར་ཁྲོད་ཆེན་པོའི་གནས་བརྒྱད་ནས།། དཔལ་ཆེན་ཁྲག་འཐུང་འཁོར་དང ་བཅས།། དུར་ཁྲོད་མཆོག་གི་གནས་འདི་རུ།། ཞིང་ཆེན་གསར་རྙིང་ཏི་རར་བཅས།། དམར་གྱི་ཨརྒྷ་རྒྱ་མཚོར་བསྒྲིལ།། མཁའ་འགྲོ་འབར་བའི་ཚོགས་བཅས་ཀུན།། མ་ལུས་གཤེགས་ནས་བསྣམ་དུ་གསོལ། ཨཱ~ཾ་ཛ ་ཧཱུཾ་བཾ་ཧོ། ཤྲཱི་ཧེ་རུ་ཀ་ཨི་དམ། པུཥྤ། དྷཱ་པ། ཨཱ་ལོ་ཀ་གྷནྣ་ཁ་ཁ་ཁཱ་ཧི་ཁཱ་ཧི། ཛ་ཧཱུཾ་བཾ་ཧོ། ཤྲཱི་ཧེ་རུ་ཀ་མ་ཧཱ་བཛྲ་པྲ་བེ་ཤ་ཡ། ཨཱ་བི་ཤ་ཡ་པྲ་ཏིཙྪ་ཧོ།། ཤྲཱི་བ་ན་ཁ་ཁ་ཁཱ་ཧི་ཁཱ་ཧི། ཤྲཱི་བན་ཙ་ཁཱ་ཧི་ཁཱ་ཧི། ད་ནི་ཚོགས ་བསྒྲལ་བར་བྱ་སྟེ།། མཆེ་བའི་ཕྱག་རྒྱ་བཅས་ལ་འདི་སྐད་དོ།། ཧཱུཾ་ང་ནི་ཟ་བྱེད་ཆེན་པོ་སྟེ།། ཁམས་གསུམ་མ་ལུས་བསྒྲལ་བ་དང་།། གདུག་པ་མ་ལུས་འདུལ་བ་དང་།། ཤ་རུས་ལ་སོགས་བཟའ་བར་བྱ།། ང་ནི་ཁྲག ་འཐུང་ཆེན་པོ་སྟེ།། འཁོར་བའི་དྲ་བར་ཆགས་པ་ཡི།། དམར་ཆེན་བསྐྱིལ་བའི་རྒྱ་མཚོ་ལ།། འཁོར་གྱི་ཕྲ་མེན་ཚོགས་དང་རོལ།། མ་རུངས་འདོད་ལ་མ་ཆགས་ཤིང་།། དམ་ཚིག་ཉམས་དང་དགྲ་ཆེན་པོ།། ཐུགས་རྗེ ་བྱམས་དང་ལྡན་པ་པོས།། ངོ་མཐོན་སྟོབས་ཀྱིས་བསྒྲལ་བར་བྱ། ཛ་ཧཱུཾ་བཾ་ཧོ། ཤྲི་ཧེ་རུ་ཀ་མ་ཧ་སརྦ་དུཥྚཱན། ས་མ་ཡ། མུ་དྲ་མཱ་ར་ཁ་ཁ་ཁཱ་ཧི་ཁཱ་ཧི། ཧྲྀ་ད་ཡ། པི་པཱ་ཧཱུཾ་ཕཊ། ཛཿཧཱུཾ་བཾ་ཧོཿ། ཤྲཱི་ཧེ་རུ་ཀ། མ་ཧཱ་བཛྲ་ས་མ ་ཡ་མུ་དྲ། མ་ཧཱ་མཱཾ་ས། མ་ཧཱ་རཀྟ། མ་ཧཱ་བ་སུ་ཏ། མ་ཧཱ་པཉྩ་ཨ་མྲྀ་ཏ། ཁ་ལེ་ཁ་ལེ། ཁ་ཧི། ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ་ཧཱུཾ་བྷྱོ། དེ་ལྟར་མཆོད་པའི་གཞུང་རྫོགས་ནས།། སྡིག་པ་བཤགས་དང་གསོལ་བ་གདབ།། རིགས ་དྲུག་གནས་ནས་དྲང་བར་བྱ།། དཀྱིལ་འཁོར་བསྡུ་ཞིང་མཆོད་རྫོགས་བྱ།། གསང་སྔགས་ཚིག་དང་དགོངས་པས་བསྡུ།། ཕྱག་རྒྱ་དང་ནི་སྔགས་ཚིག་གོ། ཞེས་རྫོགས་པ་རང་བྱུང་ཆེན་པོ་དབང་བསྐུར་གསང་བའི་རྒྱུད ་ལས། རྣལ་འབྱོར་པ་ཚེ་འདས་པའི་བདུན་ཚིག་གཉིས་པའི་ལེའུ་སྟེ་བཞི་པའོ།། ་རྒྱ་གར་སྐད་དུ། བཛྲ་དུ་རླི་མ་ཧཱ་སུ་ཀ་ན་མཱ། བོད་སྐད་དུ།། ཚེ་ལས་འདས་པ་རྣམས་ཀྱི་བདུན་ཚིགས་ཐ་མ་ལ་རང་རང་གི་ཟས་གཏད་ཤིད་ཀྱི་ལུང་ཆེན་པོ་ཞེས་བྱ་བ། བཅོམ་ལྡན་འདས་སངས་རྒྱས ་འོད་སྲུང་ལ་ཕྱག་འཚལ་ལོ།། དེ་ནས་བཅོམ་ལྡན་འདས་དཔལ་པདྨ་དབང་ཆེན་ཉིད་དང་། འདུས་པའི་ཚོགས་ཀྱི་བཅོམ་ལྡན་འདས་དེ་རྣམས་ཀྱི། རྣལ་འབྱོར་པ་ཚེ་འདས་པ་རྣམས་ཀྱི་བདུན་ཚིགས་ཐ་མ་ལ། རང ་རང་གི་ཟས་གཏད་མའི་ཆོ་ག་འདི་གསུངས་སོ།། ཀྱེ་མ་འདུས་པའི་ཚོགས་རྣམས་ཉོན།། ངས་ནི་སྣང་བའི་དཀྱིལ་འཁོར་ཆེན་པོ་འདི་བསྟན་གྱིས།། ལེགས་པར་ཉོན་ཅིག། དེ་ནས་ཉེ་བའི་འཁོར་རྣམས་སྟན ་ལས་ལངས་ནས་འདི་སྐད་བརྗོད་དོ།། ཨེ་མ་ཧོ།། ལེགས་སོ་ལེགས་སོ་ལེགས་པར་གསུངས།། བདག་ཅག་རྣམས་ཀྱིས་ངེས་བཟུང་ནས།། ཕྱི་རབས་རྣམས་ལ་ངེས་པར་བསྟན།། དེ་ནས་རྣལ་རོལ་དེ་ཉིད་ཀྱིས།། ཉེ ་བའི་འཁོར་ལ་བཀའ་སྩལ་པ།། ཀྱེ་ཀྱེ་འདུས་པ་ཆེན་པོའི་ཚོགས།། བདུན་ཚིགས་ཐ་མའི་ཆོ་ག་ནི།། མཆོད་པ་གོང་ནས་བྱུང་བ་བཞིན།། འགྱུར་མེད་གནས་པའི་དཀྱིལ་འཁོར་བཞེངས།། དཀྱིལ་འཁོར་དེ་ཡི་ཤར ་ཕྱོགས་སུ། འགྲོ་དྲུག་དྲང་བའི་དཀྱིལ་འཁོར་བྱ།། མཎྜལ་ནར་མོ་ལྷོ་བྱང་དུ།། ཐིག་ནི་ལིང་རྩེ་དྲུག་ཏུ་བྱ།། དང་པོ་མུ་ཁྱུད་འབུར་ལྔ་བྲི།། དབུས་ནི་ནག་པོ་དག་ཏུ་བྱ།། ཐ་མ་གྲུ་བཞི་ལམ་པ་སྟེ།། དེ་ཡི་སྟེང་ན་རིན་པོ ་ཆེ།། དམིགས་ནི་དམར་པོ་དག་ཏུ་བྱ།། ཐ་མ་གྲུ་བཞི་ལམ་པའོ།། དེ་ཡི་སྟེང་དུ་ཟླུམ་པོ་ཡི། ཁ་དོག་དུད་ཁ་དག་ཏུ་བྱ།། ཕྱི་རིམ་གྲུ་བཞི་དག་ཏུ་བྱ།། དེ་ཡི་སྟེང་དུ་ཐོད་རིས་ཏེ། ཁ་དོག་ལྗང་གུ་དག་ཏུ་བྱ།། ཐ་མ་གྲུ ་བཞི་ལམ་པ་སྟེ།། དེ་ཡི་སྟེང་དུ་འདབ་མ་བརྒྱད།། ཁ་དོག་སེར་པོ་དག་ཏུ་བྱ།། ཕྱི་རིམ་གྲུ་བཞི་ལམ་པའོ།། དེ་ཡི་སྟེང་དུ་འཁོར་ལོའི་དབྱིབས།། རྩིབས་བཞི་དག་ནི་མཛེས་པའི་ཚོན།། ཕྱི་རིམ་གྲུ་བཞི་དག་ཏུ ་བྱ།། དང་པོའི་དཀྱིལ་དུ་ཡི་གེ་ཏྲི་ཉིད་ནག་པོའོ།། གཉིས་པ་ལ་ནི་ཡི་གེ་པྲེ་ཉིད་དམར།། གསུམ་པར་དུཿཉིད་དུད་ཁ་བྲི།། བཞི་པར་ཡི་གེ་སུ་ཉིད་ལྗང་གུའོ།། ལྔ་པར་ཨ་ཉིད་དཀར་པོ་བྲི།། དྲུག་པར་ཡི་གེ་ནརྀ་སེར ་བྲི།། མཎྜལ་དེ་དག་རེ་རེ་ལ།། གཏོར་མ་སྣ་ཚོགས་རེ་རེ་བཞག། དང་པོར་མེ་ཆུ་བསིལ་གཡབ་བཞག། གཉིས་པར་རིན་ཆེན་སྒྲོམ་བུའི་གཟུགས།། གསུམ་པར་ཤེས་རབ་པོ་ཏིའི་གཟུགས།། བཞི་པར་མདུང་ཟུང་གོ ་ཆའོ།། ལྔ་པར་པི་ཝང་དུང་ཉིད་གཟུགས།། དྲུག་པར་གསེག་ཤད་པར་བུའོ།། མཎྜལ་རེ་རེ་དག་ལ་ཡང་།། རང་རང་འདྲེན་སྒོའི་ལམ་ཡང་དགོད།། དྲུག་པ་དག་ལ་ཕོ་བྲང་ལམ།། ཐུབ་པ་ཆེན་པོའི་གཟུགས་ཀྱང ་བཀོད།། མཆོད་པ་གོང་བཞིན་རྫོགས་པར་བྱ།། རིགས་དྲུག་དྲངས་ཤིང་དབང་རྫོགས་བྱ།། དེ་ནས་དཔའ་བོ་དེ་ཉིད་ལ།། ཉེ་བའི་འཁོར་གྱིས་དོན་ཞུས་པ།། ཀྱེ་ཀྱེ་གཅོམ་ལྡན་དབང་ཆེན་སྐུ།། མཎྜལ་རིམ་པ་དེ་ལྟར ་ན།། ལན་ཆགས་ཟན་གཏོར་ཆོ་ག་གསུངས།། དེ་ནས་དཔའ་བོས་བཀའ་སྩལ་པ།། ཀྱེ་མ་ཉེ་བའི་འཁོར་རྣམས་ཉོན།། དེ་ལྟར་བྱ་རིམ་རྫོགས་ནས་ནི།། སྔགས་པ་ཏིང་འཛིན་ལྡན་པ་དེས།། གཙང་མའི ་གནས་སུ་བདེར་འདུག་ནས།། དང་པོའི་གནས་ནས་རབ་བཀུག་ལ།། འགུགས་པའི་སྔགས་དང་ཕྱག་རྒྱ་ནི།། རབ་ཏུ་བསྟན་པ་འདི་ལྟ་སྟེ།། སྔགས་འདིས་ཐམས་ཅད་བཀུག་པར་བསམ། ཨོཾ་བཛྲ་ཨངྐུ་ཤ་ཛ་ཛ། ཨོཾ ་བཛྲ་ཀྲོ་ཏ་ཧཱུཾ་ཕཊ། ཛ་ཧཱུཾ་སྥ་ར་ཎ་ཧཱུཾ། ཕྱག་རྒྱ་ལྕག་ཀྱུ་ལྟ་བུས་ནི།། ཏིང་འཛིན་རབ་ཏུ་གསལ་བ་ཡིས།། ཚེ་འདས་རབ་ཏུ་ཁུགས་ནས་ནི།། དྲི་མ་དག་ལ་ཐིམ་པར་བསམ།། དེ་ནས་སྔགས་འདི་རབ་བརྗོད་ལ།། ཕྱག ་རྒྱ་རྣམ་པ་བཞི་ཉིད་ཀྱིས།། འགུགས་དང་འཆིང་དང་འཛིན་པ་དང་།། རབ་ཏུ་སྡོམ་པའི་སྔགས་འདིའོ།། ཛཿཧཱུཾ་བཾ་ཧོཿ། ས་མ་ཡ། ཨང་ཀུ་ཤ་ཛ་ཛ། ས་མ་ཡ་ཧོ།། ས་མ་ཡ་སྟྭཾ། ས་མ་ཡ་ལྷན། སྔགས་དེ་ལན་བདུན ་བཟླས་པ་དང་།། ཏིང་འཛིན་རབ་ཏུ་གསལ་བ་དང་།། ཕྱག་རྒྱ་རབ་ཏུ་བསྒྱུར་བ་ཡིས།། བསྡམས་ནས་འཆུགས་དབང་མེད་པར་བསམ།། དེ་ནས་ཚེ་འདས་དེ་ཉིད་ལ།། བུ་དང་བུ་མོ་ཡོད་པ་ན།། ཤ་སྣ་ལ་སོགས་སྒོ་ང ་དང་།། ཁུར་བ་མར་དང་ཟས་སྣ་རྣམས།། ཅི་འབྱོར་བ་ཡིས་སྣོད་བཀང་ལ།། གདུང་བའི་མཆི་མ་རབ་འབྱིན་ཅིང་།། གདུང་བའི་སྨྲེ་སྔགས་འོ་དོད་འབོད།། ལག་ཏུ་ཟས་དང་སྐོམ་ཐོགས་ལ།། སྦྱོར་བ་ངུ་འབོད་ལས ་བྱེད་ཅིང་།། ཟས་གཏད་ཆོ་ག་འདི་སྐད་དོ།། ཧཱུཾ་ཟས་ལོངས་ཚེ་འདས་རིགས་ཀྱི་བུ།། ང་ནི་དབང་ཆེན་དཔལ་གྱི་སྐུ།། སངས་རྒྱས་སྐུ་དང་མཉམ་སྦྱོར་བའི།། ཡེ་ཤེས་འོད་ཟེར་རབ་འཕྲོ་བས།། ཐམས་ཅད་འདོད་པ ་ཚིམས་བྱེད་པ།། བཅུད་ཆེན་རོ་མཆོག་སྟོང་ལྡན་པར།། སྟོང་པ་རང་སྣང་འོད་ཀྱིས་བརྒྱན།། སྟོང་གསུམ་བཅུད་དུ་མཉམ་སྦྱར་ནས།། སྐུ་གསུམ་ཡེ་ནས་བདུད་རྩི་སྟེ།། དག་པ་དྲི་མེད་མཆོག་ཆེན་འདི།། རང་བྱུང་ཉིད ་ཀྱི་དབྱིངས་ཉིད་ནས།། སྟོང་པ་ཉིད་ལ་མཆོད་པ་འབུལ།། རིག་པ་སྐྱེ་མེད་དཀྱིལ་ཡངས་ནས།། ཡེ་ཤེས་ལྔ་ལས་འོད་འཕྲོས་ཤིང་།། ཆོས་སྐུ་ནམ་མཁའ་ལྟ་བུ་ལ།། ལོངས་སྐུ་སྤྲིན་ཕུང་ལྟ་བུ་སྟེ།། སྦྲུལ་སྐུ་ཉི་མའི་འོད ་བཞིན་སྣང་།། སྐུ་གསུམ་རྒྱལ་བའི་ཞིང་ཁམས་ནས།། མཆོད་ཆེན་རྣམ་པར་དག་པ་ཡིས།། རིག་པ་ཉིད་ལ་རིག་པའི་ཆོ་འཕྲུལ་མཆོད།། དཀོན་མཆོག་གསུམ་དང་སྐུ་གསུང་ཐུགས།། མཆོད་པའི་རྟེན་དུ་གྱུར་པ ་ལ།། མཆོད་པའི་ཕྱག་རྒྱ་ཆེན་པོས་མཆོད།། རྒྱལ་བ་རྣམས་དང་བདག་སྦྱོར་ཕྱིར།། དམ་ཚིག་ལྷ་ཚོགས་ཐམས་ཅད་དང་།། ཕྱོགས་སྐྱོང་རིགས་ཀྱི་ལྷ་རྣམས་དང་།། དམ་ཚིག་སྐྱོང་བའི་སྲུང་མ་དང་།། དམ་ཅན་སྲུང་མ ་འཁོར་བཅས་ལ།། བཟའ་བཅའ་ལོངས་སྤྱོད་རྫས་ཀྱིས་མཆོད།། ལྷ་དང་ཀླུ་དང་གནོད་སྦྱིན་དང་།། འབྱུང་པོ་འཁོར་དང་བཅས་པ་ལ།། རྡོ་རྗེའི་ལོངས་སྤྱོད་རྣམ་ལྔ་འབུལ།། ས་དང་བར་སྣང་ཁམས་ལ་གནས།། ་གཟུགས་མེད་རིགས་རྣམས་ཅི་སྙེད་པར།། སྣ་ཚོགས་ཕྱག་རྒྱའི་མཆོད་པ་འབུལ།། མངོན་པར་སྣང་དང་མངོན་པར་གྲགས།། མངོན་པར་རྒྱུ་བའི་གཟུགས་ཅན་ལ།། མཆོད་པའི་ལན་ཆགས་ཟས་འདི ་ལོངས།། སྣང་སྲིད་འགྲོ་བ་རིགས་དྲུག་དང་།། ཚེ་འདས་རིགས་ཀྱི་བུ་ཁྱོད་ཀྱིས།། རང་གི་ཚེ་རབས་ཡུན་གྱི་བརྒྱགས།། ལོངས་སྤྱོད་ཚེ་ཡི་བརྒྱགས་འདི་ལོངས།། འདི་ནི་སྔོན་གྱི་དམ་ཚིག་སྟེ།། དེ་ཕྱིར་ཁྱོད་ཀྱིས་ཟས ་འདི་ལོངས།། ཧཱུཾ་ཡེ་ཤེས་དག་པའི་ངང་གིས་སྦྱངས།། སྟོང་པ་ཉིད་ཀྱི་གཞོང་པ་རུ།། ཚེ་འཛིན་ཟས་དང་རོ་མཆོག་ཤ། མར་དང་ཁུར་བ་ཟས་སྣ་དང་།། འབྲུ་བཅུད་ཆང་དང་བཏུང་བའི་ཚོགས།། སྣ་ཚོགས་ཡིད ་འོད་ཐམས་ཅད་ནི།། ཚེ་འདས་ཁྱོད་ལ་གཏེར་དུ་འབུལ།། ལན་ཆགས་ཕྱིར་ན་ཟས་འདི་ལོངས།། མཉམ་པའི་དཀྱིལ་འཁོར་འདི་ཉིད་ལ།། ཆགས་པའི་ས་མེད་གནས་སུ་བཞུད།། དྲི་མེད་རྣམ་དག་རྫས་འདི ་ལོངས།། ཆོས་ཉིད་ཐབས་ལ་མཁས་པ་ཡིས།། སྟོང་པ་ཉིད་དུ་མཉམ་སྦྱོར་ལ།། ཚེ་འདས་ཁྱེད་ལ་ཟས་གཏད་ཀྱིས།། ཁོང་ཁྲོའི་སེམས་སུ་མ་བྱེད་པར།། ཟས་འདི་ལོངས་ལ་རང་སེམས་ལྟོས།། སྟོང་པ་ཉིད་ཀྱི་ཀློང ་དཀྱིལ་ནས།། ཡེ་ཤེས་དག་པའི་འོད་འཕྲོས་པས།། ཆོས་ཉིད་ལམ་དུ་གཉིས་མེད་བསྒྲལ།། རྒྱུ་རྐྱེན་གཉིས་པོ་སྟོང་པའི་ཕྱིར།། ཚེ་འདས་རིགས་ཀྱི་བུ་ཁྱོད་ཀྱང་།། ཕྱི་ནས་རྒྱུ་འདི་མ་ལེན་པར།། སྐྱེ་མེད་བྱང་ཆུབ་དྲན ་པར་གྱིས།། ཆོས་ཉིད་རང་སྣང་དབང་ཐོབ་ཤོག། ཡང་དག་ངེས་པའི་ལུང་འདི་ཉོན།། རིན་ཆེན་རྟེན་དང་ཕུང་པོའི་དཀྱིལ།། རང་རིག་གསལ་བའི་སྒོ་ཕྱེ་བས།། འདི་ནི་སངས་རྒྱས་ཞིང་ཁམས་སྟེ།། འདི་ལས་བུ ་གཅིག་མ་གཡོ་ཞིག། རྡོ་རྗེ་ཚིག་འདི་རབ་ཏུ་ལོངས།། སྟོང་ཉིད་གསལ་བའི་སྒོ་ཕྱེ་བས།། རང་རིག་ཡེ་ཤེས་རྟོགས་པ་མཉམ།། ཟས་འདི་ལོངས་ལ་རང་སྣང་ལྟོས།། འདི་ནི་ཁྱོད་ཀྱི་གཏན་སྲིད་ཡིན།། བུ་དང་བུ་མོ ་གཉིས་ཀྱིས་ཀྱང་།། གདུང་བའི་ཤུགས་ཕྱུང་ཟན་འདི་ལོངས།། གདོད་ནས་མཆི་མ་བཏོན་ནས་ནི།། བུ་ཡིས་ཟས་གཏད་ཟས་འདི་ལོངས།། བརྩེ་བའི་སྨྲེ་སྔགས་འདི་བཏོན་པས།། ངག་འདི་ཉོན་ལ་གནས་སུ ་དེངས།། འཁོར་བ་འདི་ནི་སྡུག་བསྔལ་ཆེ།། བྱས་པས་མི་ཟིན་ལས་ཡོད་པས།། འཁོར་བ་འདི་རུ་མ་གནས་པར།། རང་གི་ཆོས་ཉིད་འོད་རེ་གསལ།། བདེ་བ་ཅན་གྱི་ཞིང་ཁམས་ན།། སྟོང་པ་ཆེན་པོ་ཡུལ་རེ ་ཡངས།། འཁོར་བ་འདི་ན་གཅོང་རེ་ཆེ།། ཡངས་པ་ཅན་གྱི་ཞིང་ཁམས་ན།། ཆོས་ཉིད་འོད་གསལ་ལྷུན་རེ་འཐུག། ཟས་འདི་ལོངས་ལ་དབྱིངས་སུ་དེངས།། ཨོཾ་ལཾ་སྥ་ར་ཎ། ཧཱུཾ་ལཾ་སྥ་ར་ཎ། སཱ་ལཾ་སྥ་ར་ཎ། ཧཱ་ལཾ་སྠ ་ར་ཎ། ཧྲཱི་ལཾ་སྥ་ར་ཎ། ཏཱཾ་ལཾ་སྥ་ར་ཎ། བྷྲྀ་ལཾ་སྠ་ར་ཎ། དུཥྚན་བཛྲ་ཨ་ཧཱུཾ་སྦར་ན་ཕཊ་སཱ་ཧཱ། ཨཱ་ཨཱ་ཨཱ། དེ་ནས་སློབ་དཔོན་གསང་བ་དེས།། གདུང་བའི་ཚིག་བཤད་འདི་སྐད་བརྗོད།། ཧོ་སྤྲོས་པ་མེད་པའི་དབྱིངས་རང ་བཞིན་གྱིས་རྣམ་པར་དག་པ་ན། སྐུ་སྣང་ལ་རང་བཞིན་མེད་པ། རྒྱལ་བཞི་ཁྲོའི་ལྷ་ཚོགས་ཐམས་ཅད། བདག་རྡོ་རྗེ་སློབ་དཔོན་འཁོར་དང་བཅས་པ་རྣམས་ལ་དགོངས་སུ་གསོལ་ལོ།། འཕགས་པ ་དཀོན་མཆོག་གསུམ་པོ་དང་། ཉན་ཐོས་དང་། འཕགས་པ་རང་རྒྱལ་དང་།། དགྲ་བཅོམ་པ་དང་། རྒྱུན་དུ་ཞུགས་པ་དང་། ས་ལ་གནས་པ་རྣམས་དང་། བྱང་ཆུབ་སེམས་དཔའ་རྫུ་འཕྲུལ་དང་ལྡན་པ་རྣམས་དང་། ་རྒྱལ་བ་སྲས་དང་བཅས་པ་རྣམས་དགོངས་སུ་གསོལ་ལོ།། ཧོ་འབྱུང་པོའི་ཚོགས་སྟོང་ཕྲག་བརྒྱད་ཅུ་དང་། མཁའ་ལ་རྒྱུ་བའི་ཡི་དྭགས་རྣམས་དགོངས་སུ་གསོལ། གཞན་ཡང་ཚེ་ལས་འདས་པའི་རྣལ་འབྱོར་ཆེ་གེ་མོ ་ཁྱོད་དང་། རྡོ་རྗེ་མཆེད་དང་ལྕམ་དྲལ་རྣམས་དགོངས་སུ་གསོལ་ལོ།། གཞན་ཡང་གསང་སྔགས་ལ་གནས་པའི་རྣལ་འབྱོར་གྱི་དབང་ཕྱུག་ཆེན་པོ་རྣམས་དགོངས་སུ་གསོལ།། དོ་ནུབ་ཚེ་ལས་འདས་པའི་ཆེ་གེ་མོ་འདི ་ལ་ཡུན་གྱི་ཟས་གཏད་ཅིང་། སྐྱེ་བ་མེད་པའི་ལམ་སྟོན་པས།། བཅོམ་ལྡན་འདས་རིག་པའི་རྒྱལ་པོ་དབང་གི་ལྷ་ཚོགས་ཀྱི་དབང་དམ་པ་བསྐུར་དུ་གསོལ། བསྒྲུབ་པའི་རྫས་འདི་དག་ལ་བྱིན་གྱིས་རློབས་ཤིག། ཨེ་མ ་ཧོ།། ཚེ་ལས་འདས་ཤིང་ལུས་བརྫེས་པའི་ཆེ་གེ་མོ་ཁྱོད་ཉོན་ཅིག། སྔོན་བྱུང་བའི་དུས་ན་སྟོན་པ་མར་མེ་མཛད་ཆེན་པོ་བྱ་བ་ཞལ་བཞུགས་པའི་དུས་ན། ཡབ་རྒྱལ་པོ་སྣང་འོད་ཚེ་ལས་འདས་པས། སྲས་རྒྱལ་བུ ་འཁོར་ལོ་སྟོང་ལྡན་གྱིས་གདུང་བའི་མཆི་མ་ཕྱུང་། བརྩེ་བའི་ངག་བཏོན། གུས་པའི་ཤུགས་ཕྱུང་། འཛངས་པའི་འོ་དོད་བོས་ནས། བུའི་ཟས་གཏད་པས་ཡུན་གྱི་སྲིད་དང་དགེ་བའི་ཕུལ་དུ་གྱུར་བ་དེ་བཞིན་དུ། དོ ་ནུབ་ཚེ་འདས་པ་རྡོ་རྗེ་ཆེ་གེ་མོ་ཁྱོད་ལ། བུ་ཆེ་གོ་མོ་འདིས། བུའི་ཟས་འདི་གཏད་པས་ཡུན་གྱི་སྲིས་སུ་གྱུར་ནས། དགེ་བའི་ཕུལ་དུ་གྱུར་ཅིག། སྔོན་བྱུང་བའི་དུས་ན། ཡུལ་མ་ག་དྷའི་གྲོང་ཁྱེར་དུ། རྒྱལ་པོ་གཟུགས ་ཅན་སྙིང་པོ་ཞེས་བྱ་བ་ཚེ་ལས་འདས་པའི་ཚེ། བུ་མོ་སྣང་བའི་སྒྲོན་མས། གདུང་བའི་མཆི་མ་ཕྱུང་ཞིང་བརྩེ་བའི་ངག་བཏོན་ནས། བུ་མོའི་ཟས་གཏད་པས་ཡུན་གྱི་སྲིས་སུ་གྱུར་ནས། དགེ་བའི་ཕུལ་དུ་གྱུར་པ་དེ ་བཞིན་དུ། དོ་ནུབ་བུ་མོ་ཆེ་གེ་མོ་ཞེས་བྱ་བ་འདིས། ཚེ་འདས་པ་ཆེ་གེ་མོ་ཁྱོད་ལ། བུ་མོས་གདུང་བའི་མཆི་མ་ཕྱུང་། བརྩེ་བའི་སྨྲེ་སྔགས་བཏོན་ནས་ཟས་འདི་གཏད་པས། ཡུན་གྱི་སྲིས་སུ་གྱུར་ནས། དགེ་བའི་ཕུལ ་དུ་གྱུར་ཅིག་སྔོན་བྱུང་གི་དུས་ན། བྱ་རྒོད་ཕུང་པོའི་རིའི་ལྷོ་ཕྱོགས་སུ།། ཡབ་རྒྱལ་པོ་མ་སྐྱེས་དགྲ་ཚེ་ལས་འདས་པའི་ཚེ། དགེ་སློང་ཤཱ་རིའི་བུས་ཞང་ཟས་འདི་གཏད་པས། ཆགས་པའི་མདུད་པ་གྲོལ་བ་དེ་བཞིན་དུ།། ་དོ་ནུབ་ཚེ་ལས་འདས་པའི་ཆེ་གེ་མོ་ཁྱོད་ལ། ཞང་པོ་ཆེ་གེ་མོས་ཟན་འདི་གཏད་པས། འཇིག་རྟེན་འདི་ལ་ཆགས་པའི་འཚེ་བ་དང་བྲལ་ནས། ཁྱོད་བདེ་བ་ལ་གནས་པར་གྱུར་ཅིག་སྔོན་བྱུང་གིས་དུས་ན། སྟོན་པ་རྡོ། ་རྗེ་སེམས་དཔའ་བྱ་རྒོད་ཕུང་པོའི་རིའི་ལྷོ་ཕྱོགས་ན་བཞུགས་པའི་ཚེ། ཡབ་རྒྱལ་པོ་ཀརྨ་འོད་བཟང་ཚེ་ལས་འདས་པའི་ཚེ་ན། དགེ་སློང་མ་པདྨ་སྤྱན་གྱིས་གདུང་བའི་མཆི་མ་ཕྱུང་ནས། བདེན་པའི་ཆོས ་བཤད། རོ་མཆོག་བརྒྱ་དང་ལྡན་པའི་ཟས་ཕུལ་ནས། འཇམ་པའི་གཏམ་གྱིས་བཀྲོལ་ནས། སྲུ་མོའི་སྲུ་ཟས་གཏད་པས།། འཁོར་བའི་སྒོ་ཆོད་པ་དེ་བཞིན་དུ། དོ་ནུབ་ཚེ་ལས་འདས་པ་ཁྱོད་ལ། སྲུ་མོ་ཆེ་གེ་མོས་སྲུ ་ཟས་འདི་གཏད་ཅིང་གདུང་བའི་མཆི་མ་ཕྱུང་ནས། བྱམས་པའི་གཏམ་གྱིས་བཀྲོལ་ནས། བརྩེ་བའི་སྨྲེ་སྔགས་བཏོན་ནས་ཟས་འདི་གཏད་པས་འཁོར་བའི་སྒོ་འགགས་ནས། བདེ་བའི་ལམ་དང་འཕྲད་པར་གྱུར ་ཅིག། སྔོན་བྱུང་གི་དུས་ན། སྟོན་པ་འོད་སྲུངས་ཆེན་པོ་བཞུགས་པའི་དུས། རྒྱལ་པོ་སྣང་མཛད་འོད་ཅེས་བྱ་བ། ཚེ་འདས་པའི་དུས་ན། འཁོར་ཆེན་པོ་བརྒྱད་ཀྱིས་གདུང་བའི་མཆི་མ་ཕྱུང་ནས། བརྩེ་བའི་ངག་བཏོན ་ཅིང་། བདེན་པའི་ཆོས་བཤད་ཅིང་། དཀོན་པའི་ཟས་བསྟབས་ནས། ཟས་གཏད་པ་དེ་བཞིན་དུ། དོ་ནུབ་ཚེ་འདས་པ་ཁྱོད་ལ་འཁོར་ཆེ་གེ་མོ་རྣམས་ཀྱིས་གདུང་བའི་མཆི་མ་ཕུང་ནས། བརྩེ་བའི་ངག་བཏོན། གུས ་པའི་ཤུགས་ཕྱུང་དཀོན་པའི་ཟས་བཙལ་ནས། སྡུག་བསྔལ་ཆེར་སྤྱད་ནས། ཚེ་འདས་ཆེ་གེ་མོ་ཁྱོད་ལ་ཡུན་གྱི་ཟས་གཏད་པས། འདི་ལོངས་ལ་སྣང་བ་འདི་འདས་པའི་ཕ་རོལ་ན། བདེ་བ་ཅན་གྱི་ཞིང་ཁམས་ཡོད ་ཀྱིས་དེར་སོང་ཞིག་སྔོན་བྱུང་གི་དུས་ན། སྟོན་པ་ཤཱཀྱ་ཐུབ་པ་རྡོ་རྗེའི་གདན་ན་བཞུགས་ཙམ་ན། བྲམ་ཟེའི་རིགས་ཀྱི་སྲས་འོད་ལྡན་ཆེན་པོ་ཞེས་བྱ་བ་དེ་ཚེ་ལས་འདས་པའི་ཚེ། ཡུམ་བློ་གྲོས་རྒྱན་བཟང་མའི། སྲས ་ཚེ་ལས་འདས་ནས་ཞག་ཉི་ཤུ་རྩ་གཅིག་ན། སྟོན་པ་ཉིད་ཀྱིས་བདེན་པའི་ཆོས་བཤད། མ་ཡིས་གདུང་བའི་མཆི་མ་ཕྱུང་ནས། བརྩེ་བའི་ངག་བཏོན། གུས་པའི་ཤུགས་ཕྱུང་། དཀོན་པའི་ཟས་བཙལ་ནས། ཚེ་ལས ་འདས་པ་ལ་མ་ཡི་ཟས་གཏད་པས། ཡུན་གྱི་སྲིས་སུ་གྱུར་ནས། དགེ་བའི་ཕུལ་དུ་གྱུར་པ་དེ་བཞིན་དུ། དོ་ནུབ་སྲས་ཚེ་འདས་ཆེ་གེ་མོ་ལ། ཡུམ་ཆེ་གེ་མོ་ཞེས་བྱ་བས་གདུང་བའི་མཆི་མ་ཕྱུང་ནས། བརྩེ་བའི་ངག ་བཏོན་ཞིང་། གུས་པའི་ཤུགས་ཕྱུང་ནས། དཀོན་པའི་ཟས་རོ་མཆོག་བརྒྱ་དང་ལྡན་པ་སྣ་ཚོགས་གཏད་པས། ཚེ་འདས་པའི་ཡུན་གྱི་སྲིས་དང་། དགེ་བའི་ཕུལ་དུ་གྱུར་ཅིག་དོ་ནུབ་ཚེ་ལས་འདས་པ་ཆེ་གེ་མོ་ཁྱོད་ཟས ་འདི་ལོངས་ལ། མི་སྣང་བའི་ཆོས་ཀྱི་དབྱིངས་ཀྱི་ཕོ་བྲང་དུ་སོང་ཞིག། གནས་འདི་དང་ཁྱོད་གཉིས་འབྲེལ་པ་མེད་པས་འདི་རུ་མ་འདུག་པར་གཞན་དུ་དེངས་ཤིག་དོ་ནུབ་ཚེ་འདས་ཁྱོད་ཀྱི་དོན་དུ། དཀོན་པའི་རོ ་མཆོག་དང་ཟས་སྣ་ཚོགས་ཚད་དང་། ཤ་དང་། མར་དང་། ཁུར་བ་དང་། ཤ་བའི་ཤ་ལ་སོགས་ཏེ་རོ་མཆོག་གི་ཤ་སྣ་དགུ་དང་། སྒོ་ང་དང་། གང་བུ་དང་། ཤིང་ཏོག་ལ་སོགས་ཏེ། ཁ་མ་བྱེ་བ་བཅུ་གསུམ་དང་། ཀར ་དང་། བུ་རམ་དང་། སྦྲང་རྩི་ལ་སོགས་ཏེ། འདོད་པ་ཚིམས་བྱེད་ཀྱི་རོ་མཆོག་དྲུག་དང་། ཞོ་དང་། འོ་མ་དང་། དར་བ་དང་། མར་ལ་སོགས་རྩི་ཐོགས་སྣ་དགུ་དང་། གྲོ་ཟུག་དང་། འོ་ཐུག་དང་། ་འབྲས་ཐུག་ལ་སོགས་ཏེ། བྲོ་བའི་རོ་མཆོག་བཞི་དང་། དེ་ལ་སོགས་ཏེ་རོ་མཆོག་གི་རྣམས་པ་ཁ་བ་དང་། མངར་བ་དང་། བསྐབ་དང་། སྲེག་པ་དང་། སྒྱུར་བ་ལ་སོགས་རོ་མཆོག་སྣ་ཚོགས་པ་དང་། ཟས་སྣ་ཚོགས ་འབྱོར་ཚད་ཀྱི་ཟས་འདི་གཏད་ཀྱིས་ལོངས་ཤིག་འདོད་པའི་ཡོན་ཏན་ལྔ་ལ་སོགས་ཏེ། དག་ཅིང་འབྱོར་པའི་དགེ་བའི་རྩ་བར་བསྔོ་ཡིས་ལོངས་ཤིག། ཨོཾ་ཨཱཿཧཱུཾ་སྭཱ་ཧཱ། ལམ་པ་སྟ་བྷ་དུ་ལ་ཡཱ། ཨ་ལི་ཨུ་ལི་ཏཱ་ལི་ཏ་པ ་ལི་ཨརྒྷཾ་པྲ་ཏཱིཙྪ་ཧོ། ཞེས་བརྗོད་ཅིང་དྲངས། དེ་ནས་རིགས་དྲུག་གནས་ནས་དྲངས་ཤིང་དབང་བསྐུར། ཟས་སྣ་དང་སྐོམ་ཉིད་འབྱོར་ཚད་དབུལ། བདེན་པ་བདར། ཆོས་བཤད། དགེ་བའི་ལས་ཅི་ནུས་བྱ། སྤང་སྐོང ་བཀླག་ཉེའུ་འདོན་བྱའོ།། མཆོད་སྦྱིན་གྱི་གཏོར་མ་གཏང་། མཆོད་པ་ཅི་ནུས་བྱ། བཤགས་པ་བྱ། གསོལ་བ་གདབ། སྐུ་གདུང་རིང་བསྲེལ་མཆོད་པ་བྱ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང་། ་བཅོམ་ལྡན་འདས། པདྨ་དབང་གི་ལྷ་ཚོགས་ལ་ཕྱག་འཚལ་ཞིང་། གསོལ་བ་གདབ། དེ་ནས་དཀྱིལ་འཁོར་གྱི་ཕྱོགས་ཀུན་ནས། དམ་སྲི་མནན། ཚེ་འདས་པ་ལ་ལམ་བསྟན། གཏོར་མ་གཏོང་། དཀྱིལ་འཁོར་བསྡུ། ་ཕྱིས་ལྡང་མི་ནུས་པའི་དབང་གིས་གཟིར་མནན་བྱ། དཀྱིལ་འཁོར་གི་ཞལ་བསྲོ། དེ་ནས་དཀྱིལ་འཁོར་གྱིས་རློག་ལ། གསེག་མའི་ས་བོན་བཏབ་ལ། འདི་མ་སྐྱེས་ཀྱི་བར་དུ་མ་ལྡངས་ཤིག་ཅེས་གཟིར་མནན ་བྱའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། རྣལ་འབྱོར་པའི་བདུན་ཚིག་ཐ་མ་པ་བསྟན་པའི་ལེའུ་སྟེ་ལྔ་པའོ།། རྫོགས་སོ།། །། @#།། རྒྱ་གར་སྐད་དུ། མ་ལཱ་ས་ཧུ་སུ་ཀ་ནཱ་མ། བོད ་སྐད་དུ། ལམ་སྟོན་བསྒོམ་པའི་ལུང་ཞེས་བྱ་བ། བཅོམ་ལྡན་འདས་དཔལ་གཉིས་མེད་ཀྱི་རྒྱལ་པོ་རྡོ་རྗེ་སེམས་དཔའ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་པདྨ་དབང་གིས་བདག་ཉིད་ལ། ཉེ་བའི་འཁོར ་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་པདྨ་དབང་གི་བདག་ཉིད་ཆེན་པོ། སེམས་ཅན་འཁོར་བ་ལས་བསྒྲལ་ནས་བདེ་བ་ཅན་གྱི་ཞིང་ཁམས་སུ་ལམ་སྟོན་པའི་ཆོ་ག་བཤད་དུ་གསོལ། དེ ་ནས་དཔལ་ཆེན་ཉིད་ཀྱིས་བཀའ་སྩལ་པ།། ཀྱེ་མ་ཉོན་ཅིག་རྡོ་རྗེ་འཛིན།། སློན་དཔོན་གསང་བའི་དབང་ཐོབ་དེས།། མཎྜལ་དྲུག་པའི་གཞུང་རྫོགས་ནས།། ལམ་བསྟན་ལུང་ནི་བསྟན་པར་བྱ།། མཆོད་པའི་ཚོགས་ནི ་རབ་རྫོགས་ནས།། གསང་བའི་སློབ་དཔོན་དེ་ཉིད་ཀྱིས།། རིགས་དྲུག་གནས་ནས་དྲངས་པ་ཡི།། ཆོ་ག་འདི་ནི་བརྩམ་པར་བྱ།། མཎྜལ་ཟླུམ་པོའི་སྟེང་དག་ནས།། ཐུབ་པའི་ཕྱག་མཚན་བླངས་ནས་ནི།། ཚིག་འདིས ་སྡུག་བསྔལ་གནས་ནས་དྲངས།། ཧཱུཾ་མ་རིག་འཁོར་བའི་རྩ་བ་སྟེ།། ཚེ་འདས་བྱ་བ་རིགས་ཀྱི་བུ།། འདི་ལ་ཆགས་པར་མ་བྱེད་པར།། བདེ་བ་ཅན་གྱི་ཞིང་དུ་བཞུད།། ཞེ་སྡང་འདི་ཡིས་ཁྱོད་རེ ་བསླུས།། ཞེ་སྡང་ཁྱོད་ཀྱི་བདུད་ཡིན་པས།། དང་པོ་སྲིད་པར་འཁྱམས་པ་ཡང་།། ཞེ་སྡང་རང་དགར་སྤྱོད་པས་འཁོར།། ད་ལྟར་སྡུག་བསྔལ་སྤྱོད་པ་ཡང་། ཞེ་སྡང་བདག་ཏུ་བཟུང་བས་ནོངས།། ཉོན་ཅིག་ཚེ་འདས ་རིགས་ཀྱི་བུ།། ཞེ་སྡང་བདག་ཏུ་མ་འཛིན་ཞིག། ཞེ་སྡང་བདག་ཏུ་འཛིན་པ་ན།། ཞེ་སྡང་ཆེན་པོའི་རྒྱུ་བསགས་ནས།། ངུ་འབོད་ཆེན་པོའི་གནས་སུ་འགྲོ། སྡུག་བསྔལ་སྣ་ཚོགས་ཁྱོད་ཀྱིས་མྱོང་། བཙོ་བསྲེག་གནས ་ནས་ཐར་ཐབས་མེད།། མཚོན་ཆའི་ཆར་དང་མེ་ཆེན་འོབས།། འཆིང་དང་འཚོད་པའི་ལས་རྣམས་དང་།། འགུགས་འཆིང་བསྡམས་པའི་ལས་རྣམས་ཀྱིས། ཡུན་རིང་ཐར་བའི་གནས་མེད་པས།། ཉམ་ཟག་སྡུག ་བསྔལ་མྱོང་བར་འགྱུར།། དེ་ལས་གྲོལ་བར་བྱ་བའི་ཕྱིར།། བཟོད་པའི་ཆུ་བོ་འདི་ལོངས་ཤིག། ཨོཾ་ན་ར་ཀ་ཏྲི་ཨ་སུ་དུ་པྲེ་ནརྀ་སྥ་ར་ཎ་ཕཊ།། ཨེ་མ་ཧོ། རིགས་ཀྱི་བུ། ཚེ་ལས་འདས་པའི་ཆེ་གེ་མོ་ཁྱོད་ཉོན་ཅིག། འདི ་ནས་འཇིག་རྟེན་འདིའི་འོག་ན། དཔག་ཚད་ལྔ་བརྒྱའི་འོག་རོལ་ན། ན་རག་དམྱལ་བའི་འཇིག་རྟེན་བྱ་བ་ཤིན་ཏུ་སྡུག་བསྔལ་དང་ལྡན་པ་ཚ་བ་དང་། གྲང་བའི་སྡུག་བསྔལ་འབའ་ཞིག་ཆེར་སྤྱོད་པ། སེམས་ཅན་ཉོན ་མོངས་པ་ཞེ་སྡང་ཆེར་སྤྱད་པ་ལྟུང་བའི་གནས་ཡོད་དེ། དེ་རུ་ཅི་སྲིད་ལྷུང་སྲིད་ན། བསྐལ་པ་ལྔ་བརྒྱའི་བར་དུ་ཐར་པའི་ཐབས་མེད་པས།། དེར་ཚེ་ལས་འདས་པ་ཁྱོད་ཀྱིས་ཉོན་མོངས་པ་ཞེ་སྡང་ལ་སྤྱད་པའི་དབང ་གིས། དམྱལ་བའི་གནས་དེར་ལྷུང་སྲིད་ན། ཞིང་ཁམས་དེ་འདུལ་བའི་ཐུབ་པ་གཤིན་རྗེ་ཆོས་ཀྱི་རྒྱལ་པོ་ཞེས་བྱ་བ་ཡོད་ཀྱིས། དེའི་ཚེ་ཁྱོད་ཀྱིས་སངས་རྒྱས་ཡིད་ལ་དྲན་པ་དང་། ཆོས་ཡིད་ལ་དྲན་པ་དང་། དགེ ་འདུན་ཡིད་ལ་དྲན་པ་དང་། ཡི་དམ་ཡིད་ལ་དྲན་པ་དང་། ཏིང་འཛིན་ཡིད་ལ་དྲན་པ་དང་། རྡོ་རྗེ་སློབ་དཔོན་ཡིད་ལ་དྲན་པར་གྱིས་ལ། སངས་རྒྱས་ལ་ཕྱག་འཚལ་ལོ།། ཆོས་ལ་ཕྱག་འཚལ་ལོ།། དགེ་འདུན་ལ་ཕྱག ་འཚལ་ལོ།། དམྱལ་བ་འདུལ་བའི་ཐུབ་པ་ཆེན་པོ་ལ་ཕྱག་འཚལ་ལོ།། སྐྱབས་སུ་མཆིའོ།། ཞེས་བརྗོད་ཅིང་སྐྱབས་སུ་སོང་ཞིག་དེ་ནས་ཡི་དྭགས་ཀྱི་ཐུབ་པ་བླངས་ནས་འདི་སྐད་དོ།། ཧཱུཾ་འཁོར་བའི་རྒྱུ་ནི་མ་རིག ་པ།། མ་རིག་སེམས་ཀྱི་རྩད་བཅད་ན།། འཁོར་བར་འཛིན་པ་ཡོད་མ་ཡིན། ཀྭ། ཉོན་ཅིག་ཚེ་འདས་རིགས་ཀྱི་བུ།། འཇིག་རྟེན་འདི་འདྲ་སྡུག་བསྔལ་ཆེ།། བདེ་བ་ཅན་གྱི་ཞིང་དུ་བཞུད།། འདོད་ཆགས་འདི་ཡིས་ཁྱོད ་རེ་བསླུས།། འདོད་ཅིང་ཆགས་པའི་ལས་རྣམས་ནི།། བྱང་ཆུབ་སྙིང་པོ་སྒྲིབ་པའི་རྒྱུ།། དང་པོ་འཁོར་བར་ལྟུང་བ་ཡང་།། ཡིད་དང་ཆོས་མེད་སྣང་བ་ལ།། མེད་པ་ཡོད་པར་སྤྱད་པས་བསླུས། འདོད་ཆགས་རང ་དགར་སྤྱད་པས་ནོངས།། ད་ལྟར་ཆགས་པ་ཆེན་པོ་ཡང་།། འདོད་ཆགས་ཡུལ་དུ་བཟུང་བས་ནོངས། ཉོན་ཅིག་ཚེ་འདས་རིགས་ཀྱི་བུ།། འདོད་ཅིང་ཆགས་པར་མ་བྱེད་ཅིག། འདོད་ཅིང་ཆགས་པར ་བྱས་པ་ན།། འདོད་ཆགས་ཡུལ་སྣང་དགྲར་ལངས་ནས།། བཀྲེས་སྐོམ་སྡུག་བསྔལ་གནས་སུ་སྐྱེ།། སྒྲིབ་པ་གསུམ་ལ་རྟག་ཏུ་གནས།། སེར་སྣའི་འཆིང་བ་མ་ཁྲོལ་བས།། ཟས་ཀྱིས་གདུངས་ཤིང་སྐོམ་མི ་མྱོང་།། ཡིད་ནི་གཞན་འགྱུར་འདུག་དབང་མེད།། ཡུན་རིང་ཐར་བར་དཀའ་བའི་གནས།། དེ་རུ་ཁྱོད་ཀྱི་ཤེས་པ་ལྡང་།། སྡུག་བསྔལ་ཉམ་ཐག་མྱོང་བར་འགྱུར།། དེ་ལས་གྲོལ་བར་བྱ་བའི་ཕྱིར།། སྦྱིན་པའི་ཟས་ནོར ་འདི་ལོངས་ཤིག། ཨོཾ་སརྦ་དུ་ཨ་སུ་པྲེ་ནརྀ་སྥ་ར་ཎ་ཕཊ། ཨེ་མ་ཧོ།། ཚེ་ལས་འདས་ཤིང་ལུས་བརྫེས་པའི་ཆེ་གེ་མོ་ཁྱོད་ཉོན་ཅིག། འདི་ནས་འཇིག་རྟེན་འདིའི་འོག་དཔག་ཚད་སུམ་བརྒྱའི་འོག་ན། བཀྲེས་ལྡན་ཆེན་པོ ་ཞེས་བྱ་བའི།། ཡི་དྭགས་ཀྱི་འཇིག་རྟེན་ཡོད་པས། དེ་ནི་འདོད་ཆགས་ཤས་ཆེར་སྤྱད་པ་ལས་ཆགས་པ་ཡིན་པས་རིགས་ཀྱི་བུ་ཁྱོད་ཇི་སྲིད་དེར་ལྷུང་སྲིད་པས། ཉོན་མོངས་པ་འཁོར་བ་ལ་མངོན་པར་ཆགས་པས་མ ་ཞེན་ཅིག་དེར་ཅི་སྲིད་ལྷུང་སྲིད་ན། བསྐལ་པ་སུམ་བརྒྱའི་བར་དུ་ཐར་པའི་གནས་མེད་དོ།། ཚེ་ལས་འདས་པ་ཁྱོད་ཀྱིས་ཉོན་མོངས་པ་འདོད་ཆགས་ལ་སྤྱོད་པའི་དབང་གིས། འཇིག་རྟེན་ཁམས་དེར་ལྷུང་སྲིད་ན།། ་ཞིང་ཁམས་དེ་འདུལ་བའི་ཐུབ་པ་ཁ་འབར་མ་ཞེས་བྱ་བ། ཁ་ནས་མེ་འབར་བ། ཕྱག་ན་རིན་པོ་ཆེའི་སྒྲོམ་བུ་བསྣམས་པ།། ཤིན་ཏུ་བཀྲེས་པའི་ངང་ཚུལ་ཅན་ཅིག་ཡོད་ཀྱིས། དེ་ལ་སྐྱབས་སུ་འདོང་བའི་ཕྱིར། དེའི་ཚེ། ་སངས་རྒྱས་ཡིད་ལ་དྲན་པར་གྱིས་ཤིག་ཆོས་ཡིད་ལ་དྲན་པར་གྱིས་ཤིག་འཕགས་པའི་དགེ་འདུན་ཡིད་ལ་དྲན་པར་གྱིས་ཤིག་ཡིད་དམ་གྱི་ལྷ་ཡིད་ལ་དྲན་པར་གྱིས་ཤིག་ཏིང་འཛིན་ཡིད་ལ་དྲན་པར་གྱིས་ཤིག། ་སློབ་དཔོན་ཡིད་ལ་དྲན་པར་གྱིས་ལ། སངས་རྒྱས་ལ་ཕྱག་འཚལ་ལོ།། དམ་པའི་ཆོས་ལ་ཕྱག་འཚལ་ལོ།། འཕགས་པའི་དགེ་འདུན་ལ་ཕྱག་འཚལ་ལོ།། ཡི་དྭགས་འདུལ་བའི་ཐུབ་པ་ལ་ཕྱག་འཚལ་ལོ།། སྐྱབས་སུ ་མཆིའོ་ཞེས་བརྗོད་ལ་སྐྱབས་སུ་སོང་ཞིག་དེ་ནས་བྱོལ་སོང་གི་ཐུབ་པ་བླངས་ལ་འདི་སྐད་དོ།། ཨེ་མ་གསོན་ཅིག་དགོངས་ཤིག་རིགས་ཀྱི་བུ།། ཚེ་འདས་བྱ་བའི་རིགས་ཀྱི་བུ།། མ་རིག་འཁོར་བའི་རྩ་བ་སྟེ།། འཁོར ་བ་འདི་ནི་གཏི་མུག་ཆེ།། འདི་ན་འདུག་པར་མ་བྱེད་ཅིག། བདེ་བ་ཅན་གྱི་ཞིང་དེར་བཞུད།། གཏི་མུག་འདི་ཡིས་ཁྱོད་རེ་བསླུས།། གཏི་མུག་རྨུགས་པའི་རྒྱུ་འདི་ནི།། ཤེས་རབ་སྒྲིབ་པའི་རྒྱུ་ཡིན་པས།། གཏི་མུག་འདི ་ལ་མ་སྤྱོད་ཅིག། དང་པོ་འཁོར་བར་ལྟུང་བ་ཡང་།། གཏི་མུག་མྱོས་པའི་དབང་གིས་ནོངས།། ད་ལྟ་རང་སྣང་དངོས་མེད་ལ།། གཏི་མུག་རང་དགར་སྤྱོད་པས་ནོངས།། ཉོན་ཅིག་ཚེ་འདས་རིགས་ཀྱི་བུ།། གཏི་མུག ་རྨུགས་པར་མ་བྱེད་ཅིག། རྨུགས་ཤིང་ཟོས་པ་མེད་པ་ན།། ཟོས་བསམ་ཤེས་རབ་མ་ཤེས་པས།། བྱོལ་སོང་རྨུགས་པའི་གནས་སུ་འགྲོ།། རྨུགས་ཤིང་དྲན་པ་མེད་པར་འགྱུར།། གཅིག་ལ་གཅིག་ཟའི ་སྡུག་བསྔལ་ནི།། གཅིག་ལ་གཅིག་ཟ་ཁྱོད་ཀྱིས་མྱོང་།། ཤིན་ཏུ་རྨུགས་པར་བྱེད་པ་ཡིས།། ལུས་འདི་ཡང་ཡང་འཕོ་བར་འགྱུར།། དེ་རུ་ཁྱོད་ཉིད་སྐྱེས་གྱུར་ན།། སྡུག་བསྔལ་ཉམས་ཐག་མྱོང་བར་འགྱུར།། དེ་ལས ་གྲོལ་བར་བྱ་བའི་ཕྱིར།། ཤེས་རབ་སྒྲོམ་བུ་འདི་ལོངས་ཤིག། ཨོཾ་སརྦ་པྲེ་ཨ་སུ་ནརྀ་སྥ་ར་ཎ་ཕཊ། ཨེ་མ་ཧོ། ཚེ་ལས་འདས་པ་ཆེ་གེ་མོ་ཁྱོད་ཉོན་ཅིག་འདི་ནས་རི་བོ་ཆེན་པོའི་མཚམས་བཞིན་གླིང་ཆེན་པོ་བཞི་པར ་བར་ན་མུན་པའི་འཇིག་རྟེན་དཔག་ཏུ་མེད་པ་ཡོད་པས། དེ་ཚོར་བྱོལ་སོང་གི་རིགས་སྟོང་ཕྲག་དུ་མ་ཡོད་པ།། དེ་རྣམས་གཅིག་གི་ཤ་གཅིག་གིས་ཟ་བའི་སྐལ་པ་ལས་བདེ་བ་སྐད་ཅིག་ཀྱང་མེད་པར་གནས་པས། དེ ་ནི་སེམས་ཅན་ཉོན་མོངས་པ་གཏི་མུག་ཤས་ཆེར་སྤྲད་པ་འབའ་ཞིག་སྐྱེས་པའོ།། དེ་ན་ལྟུང་བའི་གནས་ཡོད་པས། ཞིང་ཁམས་དེར་མ་ཆགས་པར། དེ་ན་བྱོལ་སོང་འདུལ་བའི་ཐུབ་པ། རུ་རུ་རྨུགས་པ་ཞེས་བྱ་བ ་སེང་གེའི་ངང་ཚུལ་ཅན། ཕྱག་ན་ཤེས་རབ་ཀྱི་པོ་ཏི་བསྣམས་པ་གཅིག་ཡོད་ཀྱིས། དེ་ལ་སྐྱབས་སུ་འདོང་བའི་ཕྱིར། སངས་རྒྱས་ཡིད་ལ་དྲན་པར་གྱིས་ཤིག་དམ་པའི་ཆོས་ཡིད་ལ་དྲན་པར་གྱིས་ཤིག་འཕགས་པའི ་དགེ་འདུན་ཡིད་ལ་དྲན་པར་གྱིས་ཤིག་ཡི་དམ་གྱི་ལྷ་ཡིད་ལ་དྲན་པ་གྱིས་ཤིག་ཏིང་འཛིན་ཡིད་ལ་དྲན་པར་གྱིས་ཤིག་རྡོ་རྗེ་སློབ་དཔོན་ཡིད་ལ་དྲན་པར་གྱིས་ཤིག་སྙིང་པོ་ཡིད་ལ་དྲན་པར་གྱིས་ལ། སངས་རྒྱས་ལ ་ཕྱག་འཚལ་ལོ།། དམ་པའི་ཆོས་ལ་ཕྱག་འཚལ་ལོ། འཕགས་པའི་དགེ་འདུན་ལ་ཕྱག་འཚལ་ལོ།། བྱོལ་སོང་འདུལ་བའི་དབང་པོ་ལ་ཕྱག་འཚལ་ཞིང་སྐྱབས་སུ་མཆིའོ།། ཞེས་བརྗོད་ཅིང་སྐྱབས་སུ་སོང་ཞིག་དེ་ནས ་ལྷ་མ་ཡིན་གྱི་ཐུབ་པ་བླངས་ལ་འདི་སྐད་དོ།། ཧཱུཾ་ཚེ་འདས་བྱ་བ་རིགས་ཀྱི་བུ།། བྱོལ་སོང་ཡུལ་ན་གཏི་མུག་ཆེ།། འདི་ནས་སྟེང་ན་དཔག་ཚད་ཉིས་བརྒྱན།། ལྷ་མ་ཡིན་ཞེས་བྱ་བ་ཡི།། འཇིག་རྟེན་ཉམས་དགའ་དང ་རེ་སྤྲོ།། བྱོལ་སོང་ཡུལ་དུ་མ་འདུག་པར།། ལྷ་མ་ཡིན་གྱི་གནས་སུ་བྱོན།། མ་རིག་འཁོར་བའི་རྩ་བ་སྟེ།། རང་རིག་ཡེ་ཤེས་རྟོག་མེད་པས།། ལྷ་མ་ཡིན་གྱི་ཡུལ་དེ་ན།། གནས་པའི་ས་མེད་སྡུག་བསྔལ་ལྡན།། དེ་རུ ་ཆགས་པ་མ་སྐྱེ་བར།། བདེ་བ་ཅན་གྱི་ཞིང་དུ་བཞུད།། ཕྲག་དོག་འདི་ཡིས་ཁྱོད་རེ་བསླུས།། དང་པོ་འཁོར་བར་ལྟུང་བ་ཡང་། ཕྲག་དོག་རླུང་ལྟར་འཚུབས་ནས་ནོངས།། ད་ལྟ་མཉམ་ལ་ཕྲག་དོག་པས།། རྟག་ཏུ་རྩོད ་པ་རྒྱུན་མི་ཆད། ཀཱ། ཉོན་ཅིག་ཚེ་འདས་རིགས་ཀྱི་བུ།། ཕྲག་དོག་འཚུབ་པར་མ་བྱེད་ཅིག། འཚུབ་མ་ཐག་ཏུ་འཛིན་པ་ན།། རྩོད་ལྡན་འདི་ལ་རབ་ཆགས་ནས།། ཡུན་རིང་སྡུག་བསྔལ་ཁྱོད་ཀྱིས་མྱོང་། སྡུག་བསྔལ ་ཉམ་ཟག་མྱོང་བར་འགྱུར།། དེ་ལས་གྲོལ་བར་བྱ་བའི་ཕྱིར།། བསམ་གཏན་གོ་མཚོན་འདི་ལོངས་ཤིག། ཨོཾ་སརྦ་སུ་ཨ་ནརྀ་སྥ་ར་ཎ་ཕཊཿཧཱུཾ་ཨ། ཀྱེ་ཚེ་ལས་འདས་པའི་ཆེ་གེ་མོ་ཁྱོད་ཉོན་ཅིག་གནས་ལ ་ཆགས་པ་ཆེན་པོས། སྡུག་བསྔལ་ཁྱོད་ཀྱིས་མྱོང་བར་གྱུར་ཏེ། ལྷ་མ་ཡིན་གྱི་གནས་ན། རྩོད་པའི་སྡུག་བསྔལ་བསམ་གྱིས་མི་ཁྱབ་སྟེ། དེ་ནི་སེམས་ཅན་ཉོན་མོངས་པ་ཕྲག་དོག་ཤས་ཆེར་སྤྱོད་པ་འབའ་ཞིག་ལས་བྱུང ་སྟེ། རིགས་ཀྱི་བུ་ཁྱོད་དེར་ཆགས་པར་མ་བྱེད་ཅིག་དེ་ན་ཆགས་པ་ཆེར་སྐྱེས་པ་ན། དེ་ན་ལྷ་མ་ཡིན་འདུལ་བའི་དབང་པོ་ཐགས་བཟང་རིས་བྱང་སྐུ་ལ་བསམ་གཏན་གྱི་གོ་གྱོན་པ། ཕྱག་ན་བསམ་གཏན་གྱི ་མདུང་ཐོགས་པ། ལྷ་མ་ཡིན་གྱི་ངང་ཚུལ་ཅན་ཡོད་ཀྱིས།། དེ་ལ་སྐྱབས་སུ་འདོང་པའི་ཕྱིར། སངས་རྒྱས་ཡིད་ལ་དྲན་པར་གྱིས་ཤིག་དམ་པའི་ཆོས་ཡིད་ལ་དྲན་པར་གྱིས་ཤིག་འཕགས་པའི་དགེ་འདུན་ཡིད་ལ་དྲན ་པར་གྱིས་ཤིག་ཡི་དམ་གྱི་ལྷ་ཡིད་ལ་དྲན་པར་གྱིས་ཤིག་རྡོ་རྗེ་སློབ་དཔོན་ཡིད་ལ་དྲན་པར་གྱིས་ཤིག། སངས་རྒྱས་ལ་ཕྱག་འཚལ་ལོ།། དམ་པའི་ཆོས་ལ་ཕྱག་འཚལ་ལོ།། འཕགས་པའི་དགེ་འདུན་ལ་ཕྱག་འཚལ ་ལོ།། ལྷ་མ་ཡིན་འདུལ་བའི་ཐུབ་པ་ཐགས་བཟང་རིས་ལ་ཕྱག་འཚལ་ཞིང་སྐྱབས་སུ་མཆིའོ།། ཞེས་བརྗོད་ཅིང་སྐྱབས་སུ་སོང་ཞིག་དེ་ནས་ལྷའི་ཐུབ་པ་བླངས་ལ་འདི་སྐད་དོ།། ཧཱུཾ་གསོན་ཞིག་དགོངས་ཤིག་རིགས ་ཀྱི་བུ།། ཚེ་འདས་བྱ་བའི་རིགས་ཀྱི་བུ།། ལྷ་མིན་ཡུལ་ན་ཕྲག་དོག་ཆེ།། དེ་ན་སྡུག་བསྔལ་བསམ་མི་ཁྱབ།། དེ་ཡི་སྟེང་ན་ལྷ་ཡི་ཡུལ།། ཉམས་དགའ་དང་སྒྲོ་ཡིད་འོང་དང་།། ལོངས་སྤྱོད་སྣ་ཚོགས་འདི་ན་ཡོད།། རྒྱན ་དང་རོལ་མོ་བསམ་མི་ཁྱབ།། ལྷ་མིན་ཡུལ་དུ་མ་འདུག་པར།། ལྷ་ཡི་ཡུལ་དུ་བདེ་བར་བྱོན།། ཧཱུཾ་མ་རིག་འཁོར་བའི་རྩ་བ་སྟེ།། རང་རིག་ཡེ་ཤེས་རྟོག་མེད་པས།། ལྷ་ཡི་གནས་ན་འདུག་ས་མེད།། ལོངས་སྤྱོད་ཉིད་ལ ་ཆགས་ཆགས་ནས།། ངན་སོང་གསུམ་གྱི་གནས་སུ་ལྟུང་།། དེ་རུ་ཆགས་པར་མ་བྱེད་པར།། བདེ་བ་ཅན་གྱི་ཞིང་དུ་བཞུད།། ང་རྒྱལ་འདི་ཡིས་ཁྱོད་རེ་བསླུས།། ལྷ་ཡི་ཡུལ་ན་ང་རྒྱལ་ཆེ།། དང་པོ་འཁོར་བར་ལྟུང་བ ་ཡང་།། ང་རྒྱལ་རི་བོ་བརྩེགས་པས་འཁོར།། ད་ལྟ་ང་རྒྱལ་སྤྱད་པས་ན།། དགའ་ལྡན་ལྷ་ཡི་ཡུལ་དུ་སྐྱེས།། ལོངས་སྤྱོད་འཁོར་ལ་ཆགས་ཆགས་ནས།། ངན་སོང་འཁོར་བའི་གནས་སུ་ལྟུང་། ཀ། ཉོན་ཅིག་ཚེ་འདས ་རིགས་ཀྱི་བུ།། ང་རྒྱལ་རྟོག་པར་མ་འཛིན་ཅིག། ང་རྒྱལ་རྟོག་པར་བཟུང་བ་ན།། ལོངས་སྤྱོད་འདི་ལ་རབ་ཏུ་ཆགས།། ལོངས་སྤྱོད་འདི་ལ་ཆགས་པའི་མཐུས།། འཁོར་བ་ཉིད་ཀྱི་གནས་སུ་ལྟུང་།། ཡུན་རིང་ཐར་པའི ་གནས་མི་ཐོབ།། སྡུག་བསྔལ་ཉམས་ཐག་མྱོང་པར་འགྱུར།། དེ་ལས་གྲོལ་བར་བྱ་བའི་ཕྱིར།། བརྩོན་འགྲུས་པི་ཝང་འདི་ལོངས་ཤིག་ཨོཾ་སརྦ་ཨ་སུ་ནརྀ་སྥ་ར་ཎ་ཕཊ་ཧཱུཾ་ཨཱ། ཨེ་མ་ཧོ།། ཚེ་ལས་འདས་ཤིང་ལུས་བརྫེས ་པའི་ཆེ་གེ་མོ་ཁྱོད་ཉོན་ཅིག་ལྷ་ཡི་གནས་འདི་ན་ལོངས་སྤྱོད་འཁོར་བའི་རྒྱུ་ལ་ཆགས་པས། ཐ་མ་ངན་སོང་གསུམ་དུ་ལྟུང་བར་འགྱུར་བས། རིགས་ཀྱི་བུ་དེར་ཆགས་པར་མ་བྱེད་པར། ཞིང་ཁམས་དེ ་ན་ལྷ་འདུལ་བའི་ཐུབ་པ། ལྷའི་དབང་པོ་བརྒྱ་བྱིན་ཞེས་བྱ་བ་ལྷའི་ཆ་བྱད་འཛིན་པ། ཕྱག་ན་པི་ཝང་དང་རོལ་མོ་བསྣམས་པ་གཅིག་ཡོད་ཀྱིས། དེ་ལ་སྐྱབས་སུ་འགྲོ་བའི་ཕྱིར།། སངས་རྒྱས་ཡིད་ལ་དྲན་པ་དང་། ་དམ་པའི་ཆོས་དང་། འཕགས་པའི་དགེ་འདུན་དང་། རྡོ་རྗེ་སློབ་དཔོན་ཡིད་ལ་དྲན་པར་གྱིས་ལ། སངས་རྒྱས་ལ་ཕྱག་འཚལ་ལོ།། དམ་པའི་ཆོས་ལ་ཕྱག་འཚལ་ལོ།། འཕགས་པའི་དགེ་འདུན་ལ་ཕྱག་འཚལ ་ལོ།། ལྷའི་དབང་པོ་བརྒྱ་བྱིན་ལ་ཕྱག་འཚལ་ཞིང་སྐྱབས་སུ་མཆིའོ།། ཞེས་བརྗོད་ཅིང་སྐྱབས་སུ་སོང་ཞིག། དེ་ནས་མིའི་ཐུབ་པ་བླངས་ལ་འདི་སྐད་དོ།། ཧཱུཾ་གསོན་ཅིག་དགོངས་ཤིག་རིགས་ཀྱི་བུ།། ཚེ་འདས་བྱ་བའི ་རིགས་ཀྱི་བུ།། ལྷ་ཡི་ཡུལ་ན་ང་རྒྱལ་ཆེ།། ང་རྒྱལ་རང་དགར་སྤྱོད་པའི་ཕྱིར།། འདི་ན་ཆ་མཉམ་བྱང་ཆུབ་ཉེ།། ལྷ་ཡི་ཡུལ་དུ་མ་ཆགས་པར།། ཆ་མཉམ་མི་ཡི་གནས་འདིར་བྱོན།། ཧཱུཾ་མ་རིག་འཁོར་བའི་རྒྱུ་ཡིན ་ཏེ།། འདི་ལ་ཆགས་པར་མ་བྱེད་པར།། བདེ་བ་ཅན་གྱི་ཞིང་དུ་བཞུད།། ཁོང་ཁྲོ་འདི་ཡིས་ཁྱོད་རེ་བསླུས།། ཁོང་ཁྲོ་བདག་ཏུ་མ་འཛིན་ཅིག། ཁོང་ཁྲོ་བདག་ཏུ་འཛིན་པ་ན།། དང་པོ་འཁོར་བར་ལྟུང་བ་ཡང་། ཁོང ་ཁྲོ་རང་དགར་སྤྱད་པས་ནོངས།། ད་ལྟ་ཁོང་ཁྲོ་ཉིད་སྦྱང་ན།། མི་ཡི་སྡུག་བསྔལ་ཆེན་པོ་འགྱུར།། ཡུན་རིང་སྡུག་བསྔལ་མྱོང་བར་འགྱུར།། དེ་ལས་གྲོལ་བར་བྱ་བའི་ཕྱིར།། ཚུལ་ཁྲིམས་ཕུང་པོ་འདི་ལོངས་ཤིག། ཨོཾ ་སརྦ་ནརྀ་ཏྲི་དུ་པྲེ་སུ་ཨ་སྥ་ར་ཎ་ཧཱུཾ་ཕཊཿཱ། ཨེ་མ་ཧོ།། ཚེ་ལས་འདས་ཤིང་ལུས་བརྗེས་པའི་ཆེ་གེ་མོ་ཉོན་ཅིག་མིའི་གནས་འདི་ནི་བདེ་སྡུག་གི་ར་བ་ཆེན་པོ་སྟེ། འདི་ལ་མ་ཆགས་པར་བདེ་བ་ཅན་གྱི་ཞིང་དུ་བཞུད ་ཅིག། མི་ཡི་གནས་འདི་འདུལ་བའི་ཤཱཀྱ་ཐུབ་པ་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་སེམས་དཔའི་ཞབས་ཀྱི་པདྨ་ལས་སྤྲུལ་པའི་མིའི་ཆ་བྱད་ཅན་ཕྱག་ན་གསེག་ཤང་དང་པར་བུ་ཐོགས་པ་དེ་ཡིད་ལ་དྲན་པར ་གྱིས་ལ། དེ་ལ་སྐྱབས་སུ་འགྲོ་བའི་ཕྱིར། སངས་རྒྱས་དང་། ཆོས་དང་། འཕགས་པའི་དགེ་འདུན་དང་། ཡི་དམ་གྱི་ལྷ་དང་། རྡོ་རྗེ་སློབ་དཔོན་ཡིད་ལ་དྲན་པར་གྱིས་ལ། སངས་རྒྱས་ལ་ཕྱག་འཚལ་ལོ།། ཆོས་ལ ་ཕྱག་འཚལ་ལོ།། དགེ་འདུན་ལ་ཕྱག་འཚལ་ལོ།། མིའི་ཐུབ་པ་ཤཱཀྱ་ཐུབ་པ་ལ་ཕྱག་འཚལ་ཞིང་སྐྱབས་སུ་མཆིའོ།། ཞེས་བརྗོད་ཅིང་སྐྱབས་སུ་སོང་ཞིག་དེ་ནས་མིའི་གནས་ནས་དྲི་མ་དཀྱིལ་འཁོར་གྱི་ཕྱི་ཁྱམས་མུ ་ཁྱུད་ཀྱི་སྟེང་དུ་བཞག་ལ། རིགས་དྲུག་གི་དཀྱིལ་འཁོར་དབྱེ་བར་བྱའོ།། དེ་ནས་སློབ་དཔོན་གྱིས་ལམ་བསྟན་པ་འདི་སྐད་དོ།། ཧོ་རིགས་ཀྱི་རྒྱལ་པོ་པདྨ་དབང་གི་སྐུ་ལ་ཕྱག་འཚལ་ལོ།། ཚེ་ལས་འདས་པ་འདི་ལ ་གཤེད་དུ་བྱེད་པ་དང་།། སྒྲིབ་པ་ཐམས་ཅད་བྱང་བར་མཛད་དུ་གསོལ། ཧོ་ཚེ་ལས་འདས་པ་ཆེ་གེ་མོ་ཁྱོད་ཉོན་ཅིག་ཤར་ཕྱོགས་ཀྱི་འཇིག་རྟེན་གྱི་ཁམས་ན། མངོན་པར་དགའ་བའི་ཞིང་ཁམས་ན། ་སྟོན་པ་རྡོ་རྗེ་སེམས་དཔའ་ཞེས་བྱ་བ། སྐུས་འདུལ་བའི་ཆོས་སྟོན་ཏོ།། རིགས་ཀྱི་བུ་ཁྱོད་དེ་རུ་སྐུས་འདུལ་བའི་ཆོས་ཉོན་ལ། ཕྱི་ནང་གི་སྒྲོ་འདོགས་ཆོད་ལ། བདེ་བ་ཅན་གྱི་ཞིང་ཁམས་སུ་བཞུད་ཅིང་། ལྷོ་ཕྱོགས་ན ་དཔལ་དང་ལྡན་པ་ཞེས་བྱ་བའི་ཞིང་ཁམས་ཡོད་དེ། དེ་ན་སྤྲུལ་པའི་སྐུ་དེ་བཞིན་གཤེགས་པ། ཡང་དག་པར་རྫོགས་པའི་སངས་རྒྱས་རིན་ཆེན་འབྱུང་ལྡན་ཞེས་བྱ་བ་ཡོན་ཏན་གྱིས་འདུལ་བའི་སྒོ་ནས་ཆོས་བསྟན་པ ་གཅིག་ཡོད་ཀྱིས་དེར་རིགས་ཀྱི་བུ་ཁྱོད་མ་འཇིགས་པར་ཡོན་ཏན་གྱིས་འདུལ་བའི་ཆོས་ཉོན་ཅིག་ཕྱི་ནང་གི་སྒྲོ་འདོགས་ཆོད་ལ། ཆོས་ཉིད་ཀ་དག་གི་ཞིང་ཁམས་སུ་བཞུད་ཅིག་ནུབ་ཕྱོགས་ན་པདྨ་བརྩེགས་པ་ཞེས ་བྱ་བའི་ཞིང་ཁམས་ཡོད་དེ། དེ་ན་སྤྲུལ་པའི་སྐུ་སྣང་བ་མཐའ་ཡས་ཞེས་བྱ་བ་ཡོད་ཀྱིས། དེས་གསུང་གིས་འདུལ་བའི་ཆོས་སྟོན་ཏོ།། དེར་རིགས་ཀྱི་བུ་ཁྱོད་མ་འཇིགས་པར་གསུང་གིས་འདུལ་བའི་ཆོས་ཉོན་ལ། ་ཕྱི་ནང་གི་སྒྲོ་འདོགས་ཆོད་ལ་དེར་མ་གནས་པར་ཆོས་ཉིད་ཀ་དག་གི་ཞིང་དུ་བཞུད་ཅིག་བྱང་ཕྱོགས་ན་ལས་རབ་ཡོངས་སུ་རྫོགས་པའི་ཞིང་ཁམས་ཡོད་དེ། དེ་ན་དེ་བཞིན་གཤེགས་པ་ཡང་དག་པར་རྫོགས་པའི ་སངས་རྒྱས་སྤྲུལ་པའི་སྐུ་དོན་ཡོད་གྲུབ་པ་ཞེས་བྱ་བ་ཡོད་ཀྱིས། དེས་ཕྲིན་ལས་ཀྱིས་འདུལ་བའི་ཆོས་སྟོན་གྱིས།། དེ་ལ་རིགས་ཀྱི་བུ་ཁྱོད་མ་འཇིགས་པར་ཕྲིན་ལས་ཀྱིས་འདུལ་བའི་ཆོས་ཉོན་ལ། ཕྱི་ནང་གི་སྒོ ་འདོགས་ཆོད་ལ། ཆོས་ཉིད་ཀ་དག་གི་སར་བཞུད་ཅིག་བྱང་ཤར་མཚམས་ན་སྟོབས་རྣམ་པར་བཀོད་པ་ཞེས་བྱ་བའི་ཞིང་ཁམས་ཤིན་ཏུ་ཡངས་པ་ཞེས་བྱ་བ་ཡོད་ཀྱིས། ཞིང་ཁམས་དེ་ན་བཅོམ་ལྡན་འདས་ཕྱག་ན་རྡོ ་རྗེ་བྱ་བ་ཡོད་ཀྱིས། དེ་ལ་རིགས་ཀྱི་བུ་མཐུ་སྟོབས་ཀྱི་དབང་ཞུས་ལ། བདུད་དང་ཉོན་མོངས་པ་ཟིལ་གྱིས་ནོན་ལ། ཆོས་ཉིད་ཀ་དག་གི་སར་བཞུད་ཅིག་ཤར་ལྷོ་མཚམས་ཀྱི་འཇིག་རྟེན་གྱི་ཁམས་ན། ཞིང ་ཁམས་ཐུགས་རྗེས་བརྒྱན་པ་ཞེས་བྱ་བ་དེ་ན། བཅོམ་ལྡན་འདས་ཐུགས་རྗེ་ཐམས་ཅད་ཀྱི་བདག་པོ། སྤྱན་རས་གཟིགས་དབང་ཕྱུག་ཞེས་བྱ་བ་ཡོད་ཀྱིས། དེ་ལ་རིགས་ཀྱི་བུ་ཁྱོད་འཇིགས་པར་མ་བྱེད་པར། བཅོམ ་ལྡན་འདས་དེ་ལ་རྫུ་འཕྲུལ་གྱི་དབང་ཞུས་ལ། ཐུགས་རྗེ་ཕྱོགས་བཅུར་མཛད་ཅིང་ཆོས་ཉིད་ཀ་དག་གི་སར་བཞུད་ཅིག་ལྷོ་ནུབ་ཀྱི་འཇིག་རྟེན་ཀྱི་ཁམས་ན། ཞིང་ཁམས་འཇམ་པའི་མགོན་ཅེས་བྱ་བ་ཡོད་དེ། དེ་ན ་བཅོམ་ལྡན་འདས་འཇམ་དཔལ་གཞོན་ནུར་གྱུར་པ་ཞེས་བྱ་བ་ཡོད་དེ། དེ་ལ་རིགས་ཀྱི་བུ་ཁྱོད་མ་འཇིགས་པར་ཆོས་ཐམས་ཅད་ཀྱི་སྤྱན་ཁོང་དུ་ཆུད་པ་ཞེས་བྱ་བའི་དབང་ཞུས་ལ། སྣང་སྲིད་ཀྱི་ཆོས་ཐམས ་ཅད་བཤད་ཅིང་ཀ་དག་གི་སར་བཞུད་ཅིག་ནུབ་བྱང་གི་འཇིག་རྟེན་གྱི་ཁམས་ན། ཞིང་ཁམས་ཡིད་འཁྲུགས་པ་ཐམས་ཅད་ཞི་བར་བྱེད་པ་ཞེས་བྱ་བ་ཡོད་དེ། དེ་ན་བཅོམ་ལྡན་འདས་མི་འཁྲུགས་པ ་ཞེས་བྱ་བ་ཡོད་ཀྱིས། དེ་ལ་རིགས་ཀྱི་བུ་ཁྱོད་མ་འཇིགས་པར་ཆོས་ཐམས་ཅད་ཀྱི་དེ་བཞིན་ཉིད་བསྟན་པའི་དབང་ནོས་ལ། ཆོས་ཉིད་ཀ་དག་གི་སར་བཞུད་ཅིག་སྟེང་གི་ཕྱོགས་ན་ནམ་མཁའ་རྣམ་པར་དག་པ་ཞེས ་བྱ་བའི་འཇིགས་རྟེན་ཡོད་དེ། དེ་ན་བཅོམ་ལྡན་འདས་ནམ་མཁའི་རྒྱལ་པོ་ཞེས་བྱ་བ་ཡོད་ཀྱིས། དེ་ལ་རིགས་ཀྱི་བུ་ཁྱོད་མ་འཇིགས་པར་དེ་ལ་ལྟ་བའི་གནས་ལུགས་རྫོགས་པ་ཆེན་པོ་གཞིའི་དབང་ཞེས་བྱ་བ་ཡོད ་ཀྱིས། དབང་དེ་ནོས་ལ། ཆོས་ཉིད་ཀྱི་གཞི་སྣང་ལ་བཞུད་ཅིག་འོག་གི་ཕྱོགས་ན་ཞིང་ཁམས་མ་གཡོས་པ་ཞེས་བྱ་བ་ཡོད་དེ། དེ་ན་བཅོམ་ལྡན་འདས་འོད་སྲུངས་ཆེན་པོ་ཞེས་བྱ་བ་ཡོད་ཀྱིས། དེ་ལ་རིགས་ཀྱི་བུ ་ཁྱོད་མ་འཇིགས་པར། དེ་ལ་རང་རིག་མངོན་པར་སྣང་བ་ཞེས་བྱ་བའི་དབང་ཡོད་ཀྱིས། དེ་ལས་དབང་དེ་ནོས་ལ་ཆོས་ཉིད་རང་སྣང་གི་ནམ་མཁའ་ལ་གཞུད་ཅིག་ཕྱོགས་བཅུའི་འཇིག་རྟེན་གྱི་དབུས་ན། དུར་ཁྲོད ་ཆེན་པོ་མེ་རི་འབར་བ་ཞེས་བྱ་བ་ཡོད་དེ། དེ་ཡང་ཤིན་ཏུ་ཡངས་པ་འཇིགས་ཤིང་སྐྱི་བུང་བ། སྐྲག་ཅིང་རྔམས་པ་ཅིག་ཡོད་དེ། དེ་ནས་བཅོམ་ལྡན་འདས་པདྨ་དབང་གི་རྒྱལ་པོ་ཞེས་བྱ་བ་ཡོད་ཀྱིས། རིགས་ཀྱི ་བུ་ཁྱོད་དེ་ལ་མ་འཇིགས་པར་བཅོམ་ལྡན་དེ་ལ་རིག་པ་རང་གནས་ཀྱི་དབང་ཞེས་བྱ་བ་ཡོད་ཀྱིས། དབང་དེ་ནོས་ལ། ཆོས་ཉིད་རང་སྣང་གི་ནམ་མཁའ་ལ་མ་འཇིགས་མ་སྔངས་མ་སྐྲག་པར་སོང་ཞིག་ཀྱེ་མ་ཚེ་ལས ་འདས་པའི་བྱང་ཆུབ་སེམས་དཔའ་ཁྱོད་ཉོན་ཅིག་ནུབ་ཕྱོགས་ཀྱི་འཇིགས་རྟེན་གྱི་ཁམས་ན་བཅོམ་ལྡན་འདས་སྣང་བ་མཐའ་ཡས་ཀྱི་ཞིང་ཁམས་བསམ་གྱིས་མི་ཁྱབ་པ་ཡོད་ཀྱིས། རིགས་ཀྱི་བུ་དེ་སེང་གེའི་འགྲོས ་ཀྱིས་སོང་ལ། གླང་པོ་ཆེའི་ལྷ་སྟངས་ཀྱིས་ལྟོས་ཤིག། མངོན་པར་དགའ་བ་ཞེས་བྱ་བའི་ཚལ་ན། བྱང་ཆུབ་མཐའ་ཡས་ཀྱི་ཕུགས།། སེང་གེའི་སྒྲ་བསྒྲགས་པ་ཞེས་བྱ་བ་ན། འཕགས་པ་ནམ་མཁའ་མཛོད་ཅེས་བྱ་བ། ་ཤིན་ཏུ་སྐྱི་བུང་བ་གཅིག་ཡོད་ཀྱིས། དེ་ལ་མ་འཇིགས་པར་སོང་ཞིག་དེ་འདས་པའི་ཕྱི་རོལ་ན་སངས་རྒྱས་མར་མེ་མཛད་བཟང་པོ་ཞེས་བྱ་བ་བརྒྱན་འོད་ཀྱི་ཕུང་པོ་དང་ལྡན་པ་ཡོད་དེ། དེ་ཁྱོད་ལ་སྣང་བར་འགྱུར ་རོ།། རིགས་ཀྱི་བུ་དེ་མཐོང་བའི་དུས་སུ་སྐུས་འདུལ་བའི་ཆོས་སྟོན་ཏེ། ལོངས་སྤྱོད་རྫོགས་པའི་སྐུ་མཚན་དང་དཔེ་བྱད་དུ་མ་དང་ལྡན་པས། སྐུ་དང་གཉིས་སུ་མེད་པར་ཡོངས་སུ་མྱ་ངན་ལས་འདའ་བར་འགྱུར ་རོ།། ཀྱེ་མ་ཚེ་ལས་འདས་པའི། བྱང་ཆུབ་སེམས་དཔའ་ཁྱོད་ཉོན་ཅིག། རིགས་ཀྱི་བུ་ཆོས་ཆེན་པོ་སྣང་བའི་ཐུགས་རྗེ་འདས་པའི་ཕ་རོལ་ན། རང་རིག་པའི་སྣང་བ་བསམ་གྱིས་མི་ཁྱབ་པ་ཡོད་ཀྱིས། རིགས་ཀྱི་བུ ་དེར་སེང་གེའི་འགྲོས་སྟངས་ཀྱིས་སོང་ལ། གླང་པོ་ཆེའི་ལྟ་སྟངས་ཀྱིས་ལྟོས་ཤིག། རིག་པ་འདུས་མ་བྱས་པའི་སྣང་བ་ཞེས་བྱ་བ་ན། ཆོས་ཉིད་སྟོང་པ་གསལ་བ་ཆེན་པོའི་གནས་སེང་གེའི་སྒྲ་སྒྲོགས་པ ་ཞེས་བྱ་བ་ཤིན་ཏུ་སྐྱི་བུང་བ་གཅིག་ཡོད་ཀྱིས། དེ་ལ་མ་འཇིགས་པར་བྱ་ཁྱུད་ནམ་མཁར་ལྡིང་བའི་འགྲོས་ཀྱིས་སོང་ཞིག་དེ་འདས་པའི་ཕ་རོལ་ན། ཐོག་མའི་སངས་རྒྱས་འོད་མི་འགྱུར་བ་ཞེས་བྱ་བ་ཡོད་ཀྱིས། དེ ་ཁྱོད་ལ་སྣང་བར་འགྱུར་གྱིས། དེ་སྣང་བའི་དུས་སུ་སྐུ་གསུམ་དབྱེར་མི་ཕྱེད་པའི་ཆོས་སྟོན་པར་འགྱུར་རོ།། ཆོས་ཀྱི་སྐུ་སྐྱེ་འགག་ཐམས་ཅད་དང་བྲལ་བར་བསྟན་པས། སྐུ་གསུང་ཐུགས་གཉིས་སུ་མེད་པར་ཡོངས་སུ ་མྱ་ངན་ལས་འདའ་བར་འགྱུར་རོ།། དེའི་ཚེ་རིགས་ཀྱི་བུ་ཁྱོད་ཀྱིས་སྐུ་བརྟན་པར་གྱིས་ཤིག་གསུང་བརྟན་པར་གྱིས་ཤིག། ཐུགས་བརྟན་པར་གྱིས་ཤིག། རིག་པ་བརྟན་པར་གྱིས་ཤིག། དེས་ནི་སྐྱེ་བ་མེད་པར་ཐལ ་ལོ།། དེ་སྐད་ཅེས་ལམ་བསྟན་པར་བྱའོ།། གཞན་དག་གི་ཕུང་པོ་སྦྱང་ཡང་། རིགས་དྲུག་གནས་ནས་དྲངས་པ་དང་། ལམ་བསྟན་འདི་ལྟར་ཤེས་པར་བྱའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། ལམ་བསྟན ་པའི་ལེའུ་སྟེ་དྲུག་པའོ།། རྫོགས་སོ།། །། ་རྒྱ་གར་སྐད་དུ། མ་ཧཱ་ས་མ་ཡ་ཏྲ་རུ་པུ་ཀ་ནཱ་མ། བོད་སྐད་དུ། ཚེ་འདས་ཀྱི་གདུང་བསྲེག་པའི་ཆོ་ག་རོ་སྲེག་ཐལ་བའི་ལུང་ཞེས་བྱ་བ། བཅོམ་ལྡན་འདས་པདྨ་དབང་གི་སྐུ་ལ་ཕྱག་འཚལ་ལོ།། དེ་ནས་པདྨ ་དབང་གི་སྐུ་ལ། ཉེ་བའི་འཁོར་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དབང་གི་སྐུ།། སེམས་ཅན་བག་ཆགས་སྦྱང་བའི་ཕྱིར།། རྣམ་རྟོགས་སྦྱོང་བའི་ཐབས་ཆེན་གསུང་། ཞེས་ཞུས་སོ།། དེ་ནས ་བཀའ་སྩལ་པ། ཀྱེ་མ་རྡོ་རྗེ་འཛིན་པ་ཉོན།། ངས་བསྟན་ལེགས་པར་ཡིད་ལ་ཟུང་། རོ་སྲེག་ཆོ་ག་བྱེད་པ་ན།། རོ་ཡི་ཁང་པ་ལེགས་བྱས་ལ།། རོ་ནི་སྤོས་ཆུ་འོ་མས་བཀྲུ།། དེ་ནས་རོ་དེ་ཁང་པར་གཞུག། ཁང་པ་དེ་ཡི ་མདུན་ཉིད་དུ།། དཀྱིལ་འཁོར་འདོམ་གང་པ་གཅིག་བྱ།། ཆག་ཆག་གདབ་ཅིང་ཐིག་སྐུད་བརླབ།། ཆག་ཆག་གདབ་པའི་སྔགས་འདིའོ།། ཨོཾ་ཤོ་དྷ་ཡ་བཛྲ་ཨཱཿཧཱུཾ། ཐིག་སྐུད་བྱིན་བརླབ་སྔགས་འདིའོ།། ཨོཾ་བཛྲ་ཀ་ས ་ར་ཧཱུཾ་ཏྲཱཾ། ས་ཚོན་བྱིན་གྱིས་བརླབ་པའི་སྔགས་འདིའོ།། ཨོཾ་ཨ་ཧཱུཾ་སྭཱ་ཧཱ། དེ་ནས་དཀྱིལ་འཁོར་དེ་ཉིད་ལ།། ཐིག་གདབ་བྱིན་བརླབ་རྫོགས་པ་དང་། ཚོན་ནི་རབ་ཏུ་དགྱེ་བར་བྱ།། དབུས་ཀྱི་ཕོ་བྲང་ཟླུམ་པོ་བྱ། གྲུ ་གསུམ་མཐིང་ནག་ཨེ་རུ་བྱ།། ཟླ་གམ་རྣམ་གསུམ་དབང་ཆེན་དམར།། ཟླུམ་པོ་མུ་ཁྱུད་པར་དག་ཏུ།། ཡི་གེ་ཧཱུཾ་ཉིད་བྲི་བར་བྱ།། ཟླུམ་པོ་དེ་ཡི་ཕྱི་རིམ་དུ།། པདྨའི་གློ་བུར་འདབ་བརྒྱད་བྱ།། ཁ་དོག་དམར་པོ་དག་ཏུ ་གསུངས།། གློ་འབུར་བར་ནི་ལྗང་གུས་དགང་།། དེ་ཡི་ཕྱི་རིམ་མུ་ཁྱུད་ཟླུམ།། མེ་རི་དག་ན་བྱི་བར་གསུངས།། དེ་ཡི་ཕྱི་རིམ་གྲུ་བཞི་སྟེ།། སྒོ་དང་བཅས་པ་རབ་ཏུ་བྲི།། གྲུ་ཆད་དཀར་པོའི་སྟེང་དག ་ཏུཏུ།། བྱང་ཤར་མཚམས་ཀྱི་གྲུ་ཆད་ལ།། རྡོ་རྗེ་རྒྱ་གྲམ་བྲི་བར་བྱ།། ཤར་ལྷོའི་གྲུ་ཆད་སྟེང་ཉིད་དུ།། རིན་པོ་ཆེ་ཡི་སྙེ་མ་བྲི།། ལྷོ་ནུབ་གྲུ་ཆད་སྟེང་དུ་ཡང་། པདྨ་མཛེས་པ་འདབ་བརྒྱད་བྲི།། ནུབ་བྱང་གྲུ་ཆད་སྟེང་དུ ་ཡང་།། རལ་གྲི་ལྗང་གུ་བྲི་བར་བྱ།། སྒོ་ནི་རིགས་དང་འདྲ་བ་སྟེ།། སྒོ་ཡི་ཁ་ཁྱེར་ཟླ་གམ་ལ།། བུམ་པ་རིགས་དང་འདྲ་བ་བྲི།། དེ་ཡི་ཕྱི་རིམ་ཟླུམ་པོ་སྟེ།། ཟླ་གམ་བཞི་ནི་དམར་པོར་བྱ།། ཟླུམ་པོ་དེ་ཡི་ཕྱི་རིམ ་དུ། འཁོར་ལོ་རྩིབས་ནི་བཅོ་ལྔ་བྲི།། འཁོར་ལོའི་རྩིབས་མཚན་དག་ཏུ་ནི།། ཡི་གེ་ཕཊཿནི་རེ་རེ་བྲི།། ཕྱི་རིམ་ཟླུམ་པོ་དག་ཏུ་བྱ།། རྡོ་རྗེའི་ར་བ་བཅས་པ་བྲི།། ཕྱི་རིམ་མེ་རི་དག་ཏུའོ།། དེ་ལྟར་དཀྱིལ་འཁོར་རབ ་བྲིབྲེས་ནས།། དཀྱིལ་འཁོར་དེ་ཡི་སྟེང་དུ་ཡང་།། སྒྲུབ་པའི་རྫས་ནི་ཚོགས་ཚད་བཞག། ཕོ་བྲང་གྲུ་གསུམ་སྟེང་དག་ཏུ།། དཔལ་གྱི་གཏོར་མ་གཞག་པར་བྱ།། མུ་ཁྱུད་ཕྱི་མའི་སྟེང་དུ་ཡང་།། གཏོར་མ་ཆ་གསུམ་གཞུང ་མཐུན་བཤམ།། དཀྱིལ་འཁོར་དེ་ཡི་ཤར་ཕྱོགས་སུ།། རིགས་དྲུག་དཀྱིལ་འཁོར་སྟེང་དུ་ཡང་། ཤ་སྣ་དག་གི་གཏོར་མ་དང་།། དཀར་གསུམ་དག་གིས་བརྒྱན་པ་དང་།། མངར་གསུམ་དག་གིས་བརྒྱན་པ་དང་།། ཆུ ་གཙང་དག་གིས་བྲན་པ་དང་།། ཁྲག་སྣ་དག་གིས་བྲན་པ་དང་།། བག་ཟན་ཁུར་པས་བརྒྱན་པའོ།། འགྲོ་དྲུག་དྲང་བ་གོང་དང་འདྲ།། ཕྱི་ཆོ་ག་ནང་ཆོ་ག་གཞུང་བཞིན་བྱ།། དེ་ནས་སློབ་དཔོན་གསང་བ་དེས།། མེ་ཡི་ལྷ ་དང་མཉམ་སྦྱར་ནས།། བཅོམ་ལྡན་སྣང་བ་མཐའ་ཡས་བསྒོམ།། མེ་ཡི་ལྷ་ཚོགས་སྤྱན་དྲངས་པའི།། སྔགས་འདི་རབ་ཏུ་བརྗོད་པ་དང་།། མེ་ཡི་ལྷ་དང་གཉིས་མེད་བསམ།། དེ་ནས་མེ་ལྷ་བཞུགས་གསོལ་དང་།། མེ ་ཡི་དཀྱིལ་འཁོར་གསལ་གདབ་དང་།། མེ་ཡི་ལྷ་ཉིད་བསྡུ་བ་དང་།། མེ་ཡི་ལྷ་ཚོགས་བསྟིམ་པ་དང་།། མེ་ལྷ་ཉིད་དང་དམ་ཚིག་བསྲེ།། མེ་ལྷ་སྦར་བའི་ཆོ་ག་དང་། དེ་ཉིད་བྱིན་རླབས་སྔགས་སུ་བཤད།། དེ ་དག་ཐམས་ཅད་བསྐྱེད་པ་ཡིས།། སྔགས་འདི་རབ་ཏུ་བྱ་བར་གསུངས། ཨོཾ་རེ་མ་ཧཱ་ས་མ་ཡ་ཧཱུཾ་ཛ། ཨོཾ་མ་ཧཱ་ཤུ་རཾ་ཏྲག་རཾ། ཨེ་ཨགྣེ་ཛ་ལ་རཾ། སུ་རཾ་སརྦ་དུ་ཏི་ཏིཥྛ་ས་མ་ཡ་ལྷན། ཨེ་རཾ་ཛ་ལ་རཾ། ཕཊ་རཾ། ཏྲག་རཾ། ཡམ ་རཾ། ཁ་མ་རཾ། མ་མ་ར་ག་ཤ་ཛ་ལ་རཾ། སུ་མ་རཾ། ཀེ་མ་རཾ། བྷྲྀ་རཾ། སྥ་ར་ཎ་རཾ། སཾ་ཧ་ར་ཎ་རཾ་སཱུརྱ་རཾ། ཙནྡ་རཾ། བཾ་རཾ། ཨེ་ཨགྣེ་མཎྜ་ལ་སྟཱཾ་ཧཱུཾ་སྭཱ་ཧཱ། ཨོཾ་མ་ཧཱ་ས་མ་ཡ་མུ་དྲ་རཾ། སརྦ་ཡ་དུ་ལིང་ཏིང་། སང་ཧ་ར་ཎ་ཧཱུཾ། ཨེ ་ཨགྣི་སྡེ་བ་སུ་ཏྲི་རཾ། ཧ་ཧ་སྟམ་བྷ་བཛྲ་བཛྲ་ཧཱཾ་ཧཱཾ་ཧཱཾཿོཾ་ཨཱརྱ་དྷརྨཱ་མུ་དྲ་ས་ཡ་དྷཱ་དྷཱ་རཾ། ཡཾ་རཾ་ཧཱུཾ་ཕཊཿསྭཱ་ཧཱ། ཨེ་རཾ། ཛ་ལ་རཾ། ཕཊ་རཾ། ཏྲག་རཾ།། ཧྲཱིཿརཾ། པདྨ་ཀྲོ་དྷ་རཾ། དྷཾ་དྷཾ། སྥ་ར་ཎ་ཕཊ་རཾ། གྲྀཧྞ་གྲྀ་ཧྞ་རཾ། ཧ་ན ་ན་རཾ། ད་ཧ་ད་ཧ་རཾ། པ་ཙ་པ་ཙ་རཾ། ཧཱུཾ་ར་སྥ་ར་ཎ། ཨ་རཾ་སྥ་ར་ཎ། སཱ་ར་སྥ་ར་ཎ། ཧ་རཾ་སྥ་ར་ཎ། མཽ་ར་སྥ་ར་ཎ་ཕཊཿཽ་ཨཱ་ཙཱི་ར་ར་རཾ། ཧྲྀ་ད་ཡ་ར་ར་རཾ། ཨོཾ་པདྨཱནྟ་ཀྲྀཏ་ར་ར་རཾ། ཧུ་ལུ་ཧུ་ལུ་ར་ར་ར། ་མ་ཧཱ་དྷརྨ་ཨཱ། ཤོ་དྷ་ཡ། ཨ་གྣི་རཾ་རཾ། ཧཱུཾ་ཨ་ཨ་ཨ། དེ་ལྟར་སྔགས་རྣམས་རྫོགས་ནས་ཀྱང་།། བདག་ཉིད་པདྨ་དབང་དུ་བསྒོམ།། བདག་གི་མདུན་དུ་སྣང་མཐའ་ཡས།། སྐུ་མདོག་དམར་པོ་འོད་ཆགས ་བསྒོམ།། པདྨནྟ་ཀྲྀ་ཏ་སྒྲ་བརྗོད་པས།། བདག་ཉིད་དབང་ཆེན་ཐུགས་ཀ་གནས།། རྟ་མགྲིན་དམར་པོ་གཅིག་བྱུང་སྟེ།། རྟ་སྐད་ཐེངས་གསུམ་བརྗོད་པ་ཡིས།། སྲིད་གསུམ་མེ་རུ་འབར་བར་བསྒོམ།། ཚེ་འདས་སྒྲིབ ་གཉིས་བྱང་བར་བསམ།། དེ་ནས་དབང་ཆེན་བདག་ཉིད་ལ།། རང་བཞིན་བསྟོད་པ་འདི་སྐད་དོ།། ཧྲཱིཿཡེ་ཤེས་རིག་པ་ཉིད་ལས་སྐྱེས་པའི་ལྷ།། རང་བྱུང་ཐུགས་རྗེའི་དཔལ་ལ་ཕྱག་འཚལ་བསྟོད།། ཆོས་དབྱིངས ་མཁའ་ལ་སྐར་ཚོགས་སྤྲས་པའི་སྐུ།། པདྨ་ཧེ་རུ་ཀ་ལ་ཕྱག་འཚལ་བསྟོད།། ཞལ་གསུམ་ཕྱག་དྲུག་གཡས་ན་མོ།། དཀར་བའི་མདོག་ལ་བཞད་པ་ཆེ།། ཞལ་གསུམ་ཕྱག་དྲུག་གཡོན་ན་མོ།། དམར་བའི་མདོག ་ལ་ཐིག་ལེ་ཆེ།། ཞལ་གསུམ་ཕྱག་དྲུག་དབུས་ན་མོ།། དམར་ནག་མདོག་ལ་ཁྲོ་གཉེར་ཆེ།། དབུས་ན་རྟ་མགོ་ལྗང་ཞུར་ལ།། རྟ་མགྲིན་རྒྱལ་པོ་རྟ་སྐད་འཚེར།། ལྷང་ལྷང་ཙེར་ཙེར་ཕྱོགས་བཅུར་སྒྲོགས།། ཁམས ་གསུམ་མ་ལུས་དབང་དུ་སྡུད།། སྤྱན་ནས་མེ་ཡི་ཚ་ཚ་འཕྲོ།། ཤངས་ནས་འཐོར་བའི་རླུང་ཆེན་སྡང་།། གཡས་ཀྱི་རྟ་སྐད་ཐེངས་གཅིག་གིས།། མྱ་ངན་འདས་པའི་ཆོས་ཀྱང་སྟོན།། གཡོན་གྱི་རྟ་སྐད་ཟེངས་གཅིག ་གིས།། གཡར་དམ་ཅན་ལ་དངོས་གྲུབ་སྟེར།། དབུས་ཀྱི་རྟ་སྐད་ཐེངས་གསུམ་གྱིས།། སྲིད་གསུམ་མ་ལུས་དབང་དུ་སྡུད།། སྐུ་མདོག་དམར་ནག་དུར་ཁྲོད་མེ་ཆེན་འབར།། པགས་ཆེན་རློན་པའི་གཡང་གཞིའི ་ཤམ་ཐབས་ཅན།། སྦྲུལ་ནག་སྟོང་གིས་བརྒྱན་པའི་གདེངས་ཀ་ཅན།། ཚངས་པ་ཆེན་པོ་ལ་སོགས་ལྷ་ཆེན་གྱི།། མགོ་བཅད་སྦྲེལ་བས་དབུ་ཡི་རྒྱན་དུ་བྱས།། ཐལ་ཆེན་ཁྲག་དང་ཞག་གི་ཚོམ་བུས་སྤྲིས།། འཇིགས ་ཚོགས་ཆེན་པོ་དུར་ཁྲོད་རྒྱན་གྱི་གནས།། དཔའ་བོ་ཆེན་པོ་སྒེག་ཆེན་འཇིགས།། ཁ་ཊྭཱཾ་རྡེའུ་ཆུང་རལ་གྲི་དགྲ་སྟ་དང་།། མདའ་གཞུ་མདུང་ཟུང་གསེར་གྱི་ཞགས་བརྐྱང་ཞིང་།། ཐོད་ཕྲེང་རྒྱན་དུ་བྱས་ཤིང་བཙུན་མོའི ་ཚོགས་ལ་འཁྲིལ།། དཔའ་བོ་ཆེན་པོ་འབར་ཆེན་པོ།། ལྷ་ཆེན་བརྒྱད་ནི་ཞབས་ཀྱིས་མནན།། ཀླུ་ཆེན་བརྒྱད་ནི་གདན་དུ་བཏིང་།། གཡས་ཀྱི་ཕྱག་བརྒྱད་བྱུང་བ་ཡིས།། ལྷ་ཆེན་བརྒྱད་ཀྱི་མགོ་བཅད་ནས།། བྷནྡ ་བརྒྱད་ནི་རཀྟས་བཀང་།། རཱ་ཏྲ་བརྒྱད་ཀྱིས་དཀྲུགས་ཤིང་གསོལ།། གཡོན་གྱི་ཕྱག་བརྒྱད་བྱུང་བས་ནི།། ལྷ་ཆེན་བརྒྱད་ཀྱི་སྙིང་ཕྱུང་ནས།། ཙིཏྟ་བརྒྱད་ནི་ཐབས་ཀྱིས་རོལ།། དགྲ་བོའི་ཞིང་ཆེན་ཁྲ་ལ་ལ།། ཐོད་རུས ་རྐང་རུས་ཉི་ལི་ལི།། རཀྟའི་རྒྱ་མཚོ་སྔོ་དམར་ཀྱི་ལི་ལི།། དབང་ཕྱུག་ཆེན་པོ་བསྐྱོད་ཙམ་ན།། འཁོར་གྱི་མ་ཚོགས་ལས་ལ་བྷྱོ།། ཀང་ཀང་ཆུམ་ཆུམ་ལས་ལ་འདུས།། ཨོཾ་པདྨཱནྟ་ཀྲྀ་ཏ་ཧཱུཾ་ཧུ་ལུ་ཧུ་ལུ་ཧཱུཾ ་ཧྲཱིཿཛ། དེ་ལྟར་བསྟོད་ཅིང་ལས་རྣམས་རྫོགས།། དེ་ནས་མེ་ལྷའི་ཆོ་ག་བྱ།། མེ་ཉིད་སྦྱངས་པའི་ཏིང་འཛིན་ལྡན།། ཚེ་འདས་བག་ཆགས་བསྲེགས་པར་བསམ།། ཕྱི་ནང་ཉོན་མོངས་ཟད་པར་བསམ།། ཆོས་ཉིད་དབང ་དང་ལྡན་བྱ་ཞིང་།། དཀྱིལ་འཁོར་ལྷ་ཚོགས་གསལ་བར་བསྒོམ།། མེ་ལྷ་བདག་དང་དབྱེར་མེད་བསྐྱེད།། རིག་པའི་སྟོབས་དང་ཏིང་འཛིན་བསྐྱེད།། རང་རིག་མཉམ་ལ་མ་འདྲེས་བསྒོམ།། མེ་ཡི་ལྷ་ནི་སྤྱན་དྲངས ་ནས།། མེ་ཡི་སྒྲིབ་སྦྱོང་ལས་འདི་བྱ།། སྔགས་འདི་བརྗོད་ཅིང་དབང་པོ་བརྡུང་།། ཨོཾ་བཛྲ་སཏྭ་ཧྲྀ་ད་ཡ། བཛྲ་པཱ་ཎི་ཧཱུཾ་ཕཊ། དེ་སྐད་བརྗོད་ཅིང་ལྷ་གསུམ་བསྐྱེད།། ཞི་རྒྱས་དབང་དང་མངོན་སྤྱོད་པའི།། མེ་ཡི་མཆོད་པ ་རྫོགས་པར་བྱ།། ཞི་བའི་མཆོད་པ་འདི་སྐད་དོ།། ཧཱུཾ་སྣང་སྲིད་ནམ་མཁའ་སྟོང་པའི་ཧོམ་ཁུང་དུ།། འབྱུང་བ་སྣ་ཚོགས་སྣང་བའི་མེ་སྦར་བས།། མཚན་མ་སྣ་ཚོགས་སྣང་བའི་མེ་བྱུང་སྟེ།། རྣམ་ཤེས་ཕུང་པོའི ་ཚོགས་རྣམས་བསྲེགས་སྦྱངས་ཐིམ།། ཧཱུཾ་དབུས་ཕྱོགས་ཟླུམ་པོའི་ཧོམ་ཁུང་དུ།། བཅོམ་ལྡན་རྣམ་པར་སྣང་མཛད་ལས།། ཆོས་ཀྱི་དབྱིངས་ཀྱི་མེ་བྱུང་བས།། གཏི་མུག་རྣམ་རྟོག་བསྲེགས་སྦྱངས་ཐིམ།། ཤར་ཕྱོགས ་ཟླུམ་པོའི་ཧོམ་ཁུང་ནས།། བཅོམ་ལྡན་རྡོ་རྗེ་སེམས་དཔའ་ལས།། མེ་ལོང་ལྟ་བའི་མེ་བྱུང་བས།། ཞེ་སྡང་རྣམ་རྟོག་བསྲེགས་སྦྱངས་ཐིམ།། ལྷོ་ཕྱོགས་ཟླུམ་པོའི་ཧོམ་ཁུང་དུ།། བཅོམ་ལྡན་རིན་ཆེན་འབྱུང་ལྡན ་ལས།། མཉམ་པ་ཉིད་ཀྱི་མེ་བྱུང་བས།། ང་རྒྱལ་རྣམ་རྟོག་བསྲེགས་སྦྱངས་ཐིམ།། ནུབ་ཕྱོགས་ཟླུམ་པོའི་ཧོམ་ཁུང་ནས།། བཅོམ་ལྡན་སྣང་བ་མཐའ་ཡས་ལས།། སོ་སོར་རྟོགས་པའི་མེ་བྱུང་བས།། འདོད་ཆགས་རྣམ ་རྟོག་བསྲེགས་སྦྱངས་ཐིམ།། བྱང་ཕྱོགས་ཟླུམ་པོའི་ཧོམ་ཁུང་ནས།། བཅོམ་ལྡན་དོན་ཡོད་གྲུབ་པ་ལས།། བྱ་བ་གྲུབ་པའི་མེ་བྱུང་བས།། ཕྲག་དོག་རྣམ་རྟོག་བསྲེགས་སྦྱངས་ཐིམ།། ཧཱུཾ་ཞི་བའི་མེ་ནི་དཀར་ལ ་འཚེར།། རྣམ་ཤེས་དག་པའི་ཞིང་དུ་སྒྲོལ།། ཚེ་འདས་བྱ་བའི་རིགས་ཀྱི་བུ།། ཁྱོད་ཀྱི་མ་རིག་ངས་བསྒྲལ་བས།། ཆོས་ཉིད་ཞི་བའི་དོན་རྟོགས་ཤོག། ཨོཾ་བཛྲ་ཤཱནྟི་ཀུ་རུ་སྭཱ་ཧ། དེ་ནས་ཏིང་འཛིན་རབ་ལྡན་པས། མར ་ལ་སོགས་པ་རོ་བསྲེགས་ཁང་བུའི་ནང་དུ་བླུགས་ལ། རྒྱས་པའི་མེ་ཆོག་རྫོགས་པར་བྱ།། ཧཱུཾ་སྲིད་གསུམ་ཡུམ་གྱི་བྷ་གའི་ཧོམ་ཁུང་དུ།། ལྷག་པ་བྱང་ཆུབ་སེམས་ཀྱི་མེ་སྦར་བས།། སྤྲུལ་པ་ཡེ་ཤེས་གསལ་བའི་མེ་བྱུང ་ནས།། སྐྱེ་རྒ་ན་འཆིའི་སྡུག་བསྔལ་བསྲེགས་སྦྱངས་ཐིམ།། ཧཱུཾ་དབུས་ཕྱོགས་གྲུ་བཞིའི་ཧོམ་ཁུང་དུ།། ཡུམ་ཆེན་ནམ་མཁའི་དབྱིངས་ཕྱུག་ལས།། དེ་བཞིན་རིགས་ཀྱི་མེ་བྱུང་བས།། མ་རིག་རྟོག་པ་བསྲེགས་སྦྱངས ་ཐིམ།། ཤར་ཕྱོགས་གྲུ་བཞིའི་ཧོམ་ཁུང་དུ།། ཡུམ་ཆེན་སངས་རྒྱས་སྤྱན་ཉིད་ལས།། རྡོ་རྗེ་རིགས་ཀྱི་མེ་བྱུང་བས།། ཡིད་ཀྱི་རྣམ་རྟོག་བསྲེགས་སྦྱངས་ཐིམ།། ལྷོ་ཕྱོགས་གྲུ་བཞིའི་ཧོམ་ཁུང་དུ།། ཡུམ ་ཆེན་མཱ་མ་ཀཱི་ཉིད་ལས།། རིན་ཆེན་རིགས་ཀྱི་མེ་བྱུང་བས། སེམས་ཀྱི་རྣམ་རྟོགས་བསྲེགས་སྦྱངས་ཐིམ།། ནུབ་ཕྱོགས་གྲུ་བཞིའི་ཧོམ་ཁུང་དུ།། ཡུམ་ཆེན་གོས་དཀར་མོ་ཉིད་ལས། པདྨ་རིགས་ཀྱི་མེ་བྱུང ་པབས།། འཛིན་པའི་རྣམ་རྟོག་བསྲེགས་སྦྱངས་ཐིམ།། བྱང་ཕྱོགས་གྲུ་བཞིའི་ཧོམ་ཁུང་དུ། ཡུམ་ཆེན་དམ་ཚིག་སྒྲོལ་མ་ལས།། ལས་ཀྱི་རིགས་ཀྱི་མེ་བྱུང་བས།། ཞེན་པའི་རྣམ་རྟོག་བསྲེགས་སྦྱངས་ཐིམ།། ཧཱུཾ་རྒྱས་པའི ་མེ་ནི་སེར་ལ་འཚེར།། ཚེ་འདས་ལས་ལ་གནས་པ་འདི།། སྐྱེ་མེད་དབྱིངས་སུ་སྒྲོལ་བའི་ཕྱིར།། རྒྱས་པའི་མེ་ཡིས་རྟོག་སྦྱངས་ནས།། སྐྱེ་མེད་བྱང་ཆུབ་གནས་སུ་བཞུད།། ཚེ་འདས་རྣམ་ཤེས་ཚོགས་བརྒྱད ་རྣམས།། ཡེ་ཤེས་ཆེན་པོའི་མེ་བརྒྱད་ཀྱིས།། བསྲེགས་ནས་ཐལ་བ་རྡུལ་དུ་བརླག། སྤྲིན་སྲེག་དཀྱིལ་འཁོར་དམ་པ་འདིས།། ཆོས་ཉིད་རྒྱས་པའི་དོན་རྟོགས་ཤོག། ཨོཾ་རཏྣ་ཨེ་ལ་རཾ། དེ་ནས་ཏིང་འཛིན་རབ་ལྡན ་པས།། ཟས་ཕུད་གཏོར་མའི་ཕུད་བསགས་ནས།། དབང་གི་མེ་ཡི་མཆོད་རྫོགས་བྱ།། དབང་གི་མེ་ཚོགས་འདི་སྐད་དོ།། ཧཱུཾ་སྣང་སྲིད་རྡོ་རྗེ་འབར་བའི་ཧོམ་ཁུང་དུ།། རྟོག་མེད་ཡེ་ཤེས་རཾ་གྱིས་མེ་སྦར་བས།། སྐྱེ་མེད ་རྟོག་པའི་ཀློང་ནས་མེ་བྱུང་ནས།། རྣམ་རྟོག་མཚན་མའི་བདུད་རྣམས་བསྲེགས་སྦྱངས་ཐིམ།། སྟེང་ཕྱོགས་ཟླ་ག་མ་ཧོམ་ཁུང་དུ།། བཅོམ་ལྡན་གཟི་བརྗིད་འོད་འཕྲོ་ལས།། ཡེ་ཤེས་ཆེན་པོའི་མེ་བྱུང་ནས།། ངར ་རྟོག་མཚན་མ་བསྲེགས་སྦྱངས་ཐིམ།། ཤར་ཕྱོགས་ཟླ་གམ་ཧོམ་ཁུང་ནས།། བཅོམ་ལྡན་པདྨ་གསང་བ་ལས།། ཁོ་དོག་ལྔ་ཡི་མེ་བྱུང་བས།། ཆགས་སྡང་དྲག་པོ་བསྲེགས་སྦྱངས་ཐིམ།། ལྷོ་ཕྱོགས་ཟླ་ག་མ་ཧོམ ་ཁུང་ནས།། བཅོམ་ལྡན་པདྨ་ཆེ་མཆོག་ལས།། འབར་མ་བརྒྱད་ཀྱི་མེ་བྱུང་བས།། བདུད་དང་མུ་སྟེགས་བསྲེགས་སྦྱངས་ཐིམ།། ནུབ་ཕྱོགས་ཟླ་གམ་ཧོམ་ཁུང་ནས།། བཅོམ་ལྡན་པདྨ་ལས་སྐུ་ལས།། སྟོང་པ་ཉིད་ཀྱི་མེ ་བྱུང་བས།། དངོས་པོའི་རྣམ་རྟོག་བསྲེགས་སྦྱངས་ཐིམ།། བྱང་ཕྱོགས་ཟླ་གམ་ཧོམ་ཁུང་ནས།། རྣལ་འབྱོར་བདག་ལས་མེ་བྱུང་བས།། མཚན་མའི་རྣམ་རྟོག་བསྲེགས་སྦྱངས་ཐིམ།། དབང་གི་མེ་ནི་དམར་ལ ་དངས།། རྣམ་ཤེས་བརྒྱད་ལ་ཛ་ལ་རཾ།། ཕུང་པོ་ལྔ་ལ་ཛ་ལ་རཾ།། ཚེ་འདས་ལས་ངན་སྡིག་ཅན་ཁྱོད།། དང་པོ་འཁོར་བར་ཅི་ཕྱིར་འཁོར།། ད་ལྟ་གནས་པ་ཅི་ལ་གནས།། ཐ་མ་ཆགས་པ་ཅི་ལ་ཆགས།། ཁྱོད་ནི་དེ་ལས ་མ་གྲོལ་ན།། འཁོར་བའི་གནས་ལས་མི་ཐར་ཏེ།། ང་ཡིས་རྣམ་ཤེས་བསྲེགས་ནས་ནི།། ཆོས་ཉིད་དབང་གི་ཕོ་བྲང་དུ།། ཕཊ་ཀྱིས་འཕངས་ལ་བསྟིམ་པར་བྱ།། ཚེ་འདས་རྟོག་པས་བཅིངས་པ་ཁྱོད།། ཆོས་ཉིད་དབང ་གི་དོན་རྟོགས་ཤོག། ཨོཾ་ཕཊ་མ་ཨེ་ད་དུ་ཕཊ། རཾ། དེ་ནས་ཏིང་འཛིན་རབ་ལྡན་པས།། དམར་གཏོར་ཕུད་དང་བཅས་པ་བླུག། དྲག་པོའི་མེ་ཆོག་རྫོགས་པར་བྱ།། མཆོད་པ་རྒྱས་པ་འདི་སྐད་དོ།། ཧཱུཾ ་འབྱུང་བ་ལྔ་ཡི་ཧོམ་ཁུང་དུ།། གསང་བ་སྔགས་ཀྱི་མེ་སྦར་བས།། སྟོང་པ་སྣ་ཚོགས་བསྡུས་པའི་མེ་བྱུང་བས།། འདི་ཡི་ཕུང་པོ་རྣམ་ལྔ་ཛ་ལ་རཾ།། ཧཱུཾ་ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ།། དག་པ་ཡེ་ཤེས་ཆེན ་པོའི་ཡམ་ཤིང་ལ།། སྐྱེ་མེད་ཆོས་སྐུ་ཆེན་པོའི་མེ་སྦར་བས།། སྟོང་པ་ཆེན་པོའི་མེ་བྱུང་ནས།། འདི་ཡི་ཡུལ་ལྔ་ཛྭ་ལ་རཾ།། དཔལ་ཆེན་ཧེ་རུའི་ཞལ་གྱི་ཧོམ་ཁུང་དུ།། འཛབ་དང་སྙིང་པོ་འཕྲོ་འདུའི་མེ་སྦར་བས།། དག་པ ་ཡེ་ཤེས་ཆེན་པོའི་མེ་བྱུང་ནས།། འདི་ཡི་ཡུལ་བརྒྱད་ཛ་ལ་རམ།། སྣང་སྲིད་ཡུམ་གྱི་བྷ་གའི་ཧོམ་ཁུང་དུ།། གསང་བ་ཡེ་ཤེས་ཡམ་ཤིང་ལ།། ལྷག་པ་བྱང་ཆུབ་སེམས་ཀྱི་མེ་སྦར་བས།། གསང་བ་ཡེ་ཤེས་ཐིག་ལེའི་མེ ་བྱུང་ནས།། འདི་ཡི་འདོད་ཆགས་ཛ་ལ་རམ།། ཆོས་ཉིད་འགྱུར་བ་མེད་པའི་ཧོམ་ཁུང་དུ།། རིག་པ་རྟོག་པ་མེད་པའི་ཡམ་ཤིང་ལ།། ཡེ་ཤེས་སྒྲོན་མེ་གསལ་བའི་མེ་སྦར་བས།། སྣང་སྲིད་ཆོས་སྐུའི་མེ་བྱུང ་ནས།། འདི་ཡི་གཏི་མུག་བསྲེགས་སྦྱངས་ཐིམ།། ཧཱུཾ་རྟོག་མེད་ནམ་མཁའ་སྟོང་པའི་ཧོམ་ཁུང་དུ།། སྐྱེ་འགྲོ་རྩི་ཤིང་ནགས་ཚལ་ཡམ་ཤིང་ལ།། སྣ་ཚོགས་ཡེ་ཤེས་ཆེན་པོའི་མེ་སྦར་བས།། འདི་ཡི་ཞེ་སྡང་ཛ་ལ ་རམ།། ཆོས་ཉིད་བརྡལ་བ་ཆེན་པོའི་ཧོམ་ཁུང་དུ།། སྣ་ཚོགས་མཚན་མར་འཛིན་པའི་ཡཾ་ཤིང་ལ།། འཛིན་མེད་རྟོག་མེད་རང་བྱུང་མེ་སྦར་བས།། ཡེ་ཤེས་སྟོང་གསལ་ཆེན་པོའི་མེ་བྱུང་ནས།། འདི་ཡི་ཕྲག་དོག་ཛྭ་ལ ་རམ།། སྣང་སྟོང་གསལ་བ་ཡུམ་གྱི་བྷ་གའི་ཧོམ་ཁུང་དུ།། དག་པ་ཁ་དོག་ལྔ་ཡི་ཡམ་ཤིང་ལ།། ཡེ་ཤེས་ཆེན་པོ་ལྔ་ཡི་མེ་སྦར་བས།། ཆོས་ཉིད་ཡུལ་ལྔ་ཤེས་པའི་མེ་བྱུང་ནས།། འདི་ཡི་ང་རྒྱལ་ཛ་ལ་རཾ།། ཧཱུཾ་ཤར ་ཕྱོགས་གྲུ་གསུམ་ཧོམ་ཁུང་ནས།། བཅོམ་ལྡན་བཛྲ་ཧེ་རུ་ལས།། སེདྷ་བརྒྱད་ཀྱི་མེ་བྱུང་ནས།། མ་རིག་ལོག་རྟོག་ཆེན་པོ་འདིའི།། གློ་སྙིང་ནང་ཁྲོལ་ཛ་ལ་རམ།། ལྷོ་ཕྱོགས་གྲུ་གསུམ་ཧོམ་ཁུང་དུ།། ཁྲོ་རྒྱལ་རཏྣ་ཧེ་རུ ་ལས།། ཕྲ་མེན་བརྒྱད་ཀྱི་མེ་བྱུང་ནས།། མགོ་དང་ཡན་ལག་ཛ་ལ་རམ།། ནུབ་ཕྱོགས་ཟུར་གསུམ་ཧོམ་ཁུང་ནས།། ཁྲོ་རྒྱལ་པདྨ་ཧེ་རུ་ལས།། ཡུམ་ཆེན་ལྔ་ཡི་མེ་བྱུང་ནས།། མིག་དང་དབང་པོ་ཛ་ལ་རམ།། བྱང ་ཕྱོགས་ཟུར་གསུམ་ཧོམ་ཁུང་ནས།། ཁྲོ་རྒྱལ་ཀརྨ་ཧེ་རུ་ལས།། རིན་ཆེན་འདུས་པའི་མེ་བྱུང་ནས།། བར་དུ་གཅོད་པའི་འབྱུང་པོ་འདིའི།། ཤ་དང་ཁྲག་ལ་ཛ་ལ་རམ།། དབུས་ཕྱོགས་ཟུར་གསུམ་ཧོམ་ཁུང་ནས།། ཁྲོ ་རྒྱལ་བུདྡྷ་ཧེ་རུ་ལས།། མ་མོ་འདུས་པའི་མེ་བྱུང་ནས།། མིང་དང་རུས་ལ་ཛ་ལ་རམ།། ཧཱུཾ་ཁྲོ་རྒྱལ་རྟ་མཆོག་རྒྱལ་པོ་ཡིས།། མེ་ཡི་ལྷ་དང་མཉམ་སྦྱར་ནས།། འདི་ཡི་མགོ་ལུས་ཛ་ལ་རམ།། ཨེ་ལ་རམ། ཛྭ་ལ་རམ།། ་ཕཊ་རམ། འབྱུང་པོ་ཛ་ལ་རམ། བར་དུ་གཅོད་པའི་འབྱུང་པོ་ཛ་ལ་རམ། དེ་ནས་ཏིང་འཛིན་རབ་ལྡན་པས།། ཟས་དང་གཏོར་མ་ཕུད་བླུགས་ལ།། མེ་ཡི་ཆོ་ག་རྒྱས་པར་བྱ།། འདི་སྐད་རབ་ཏུ་བརྗོད ་པར་བྱ།། ཧཱུཾ་ང་ནི་ཡེ་ཤེས་བསྐྱེད་པའི་ལྷ།། མེ་ཡི་ལྷ་ཚོགས་སྤྱན་འདྲེན་གྱིས།། གནས་འདིར་རབ་ཏུ་གཤེགས་སུ་གསོལ།། ཧཱུཾ་མེ་ཡི་མ་ནི་གོས་དཀར་མོ།། མེ་ཡི་ལྷ་ནི་སྣང་མཐའ་ཡས།། མེ་ཡི་གཙོ་བོ་དབང་ཆེན ་སྐུ།། མེ་ཡི་མཚན་ཉིད་སྲེག་པར་བྱེད།། མེ་ཡི་ཡབ་ནི་ཚ་བ་ཆེ།། མེ་ཡི་སྣང་བ་དམར་ལ་དངས།། མེ་ཡི་ལྷ་ཚོགས་སྤྱན་འདྲེན་གྱིས།། གནས་འདིར་གཤེགས་ལ་དངོས་གྲུབ་སྩོལ།། ཧཱུཾ་གཏི་མུག་ནམ་མཁའི་མེ་ནི་སྨུག ་ནག་འབར།། ཞེ་སྡང་མེ་ཡི་མེ་ནི་དཀར་ནག་འབར།། ང་རྒྱལ་ས་ཡི་མེ་ནི་སེར་ནག་འབར།། འདོད་ཆགས་ཆུ་ཡི་མེ་ནི་དམར་ནག་འབར།། ཕྲག་དོག་རླུང་གི་མེ་ནི་ལྗང་ནག་འབར།། མེ་ཡི་ཕུང་པོ་ནམ་མཁའི་མཐའ ་དང་མཉམ།། འདི་ཡི་ཉོན་མོངས་ལྔ་ལ་ཛ་ལ་རམ།། ཞེ་སྡང་རུས་པའི་མེ་ནི་ཕྱོགས་བཅུར་འཕྲོ།། འདོད་ཆགས་ཤ་ཡི་མེ་ནི་བསྐལ་པར་འབར།། ཕྲག་དོག་ནང་ཁྲོལ་མེ་ནི་ཀུན་ཏུ་འབར།། ང་རྒྱལ་ཆུ་རྒྱུས་མེ་ནི་ནམ ་མཁར་འབར།། གཏི་མུག་ཁྲག་གི་མེ་ནི་ས་གཞི་ཁེངས།། མེ་ཡི་ཕུང་པོ་བསྐལ་པའི་མཐའ་དང་མཉམ།། ཡེ་ཤེས་མེ་དཔུང་ཕྱོགས་བཅུར་རབ་ཏུ་འཕྲོ།། འདི་ཡི་རྣམ་ཤེས་ཚོགས་ལ་ཛྭ་ལ་རམ།། ཧཱུཾ་ཡེ་ཤེས་ཆེན་པོའི ་དཀྱིལ་འཁོར་ནས།། ཡེ་ཤེས་འོད་ལྔའི་མེ་བྱུང་ནས།། འདི་ཡི་ཕུང་པོ་ལྔ་ལ་ཛ་ལ་རམ།། སྟོང་པ་ཉིད་ཀྱི་ཀློང་དཀྱིལ་ནས།། ཡེ་ཤེས་རྣམ་ལྔའི་མེ་བྱུང་བས།། འདི་ཡི་དབང་པོ་ལྔ་ལ་ཛ་ལ་རམ།། ཆོས་ཉིད་ཞི་བའི ་དཀྱིལ་འཁོར་ནས།། ཚོམ་བུ་རྣམ་ལྔ་བྱུང་བ་ཡིས།། འདི་ཡི་ཡུལ་ལྔ་ཛ་ལ་རམ།། སྣང་བ་ཆེན་པོའི་དཀྱིལ་འཁོར་ནས།། རིགས་ཀྱི་སྐུ་ལྔ་བྱུང་བ་ཡིས།། འདི་ཡི་ཆགས་སྡང་ལྔ་པོ་ཛ་ལ་རམ།། དཔལ་ཆེན་ཧེ་རུ་ཀ། ་ཡི་ཐུགས་ཀ་ནས།། ཀོའུ་རཱི་མ་བརྒྱད་བྱུང་བ་ཡིས།། འདི་ཡི་རྣམ་ཤེས་བརྒྱད་ལ་ཛ་ལ་རམ།། དཔལ་ཆེན་ཧེ་རུ་ཀ་ཡི་ཡན་ལག་ལ།། སྒོ་སྐྱོང་མ་བཞི་བྱུང་བ་ཡིས།། འཇིགས་པ་བཞི་ལ་ཛ་ལ་རམ།། དཔལ་ཆེན་སྣང ་བ་ཆེན་པོ་ལས།། རིགས་ཀྱི་ཡུམ་ལྔ་བྱུང་བ་ཡིས།། འབྱུང་བ་ལྔ་ལ་ཛ་ལ་རམ།། ཛ་ལ་རཾ་སྟེ་མཆོད་པར་རོལ།། དཔལ་ཆེན་གནས་སུ་མཆོད་པར་རོལ།། ཨོཾ་ཀརྨ་ཏིཥྛཱ་ཡ་ནི་རཾ་ཕཊ། ཛ་ལ་རམ་ཕཊཿརམ། ཨེ་ལ་རམ།། ་དེ་ནས་ཏིང་འཛིན་ངེས་པར་བསྒོམ།། དེ་ནས་ཟན་དང་ཕུད་གཏོར་དེ།། ངེས་པའི་གླུ་ཆེན་འདི་སྐད་དོ།། ཧཱུཾ་ཆོས་སྐུ་མཁའ་ཁྱབ་དག་པའི་བྱིན་རླབས་ལས།། རིག་པའི་རྒྱལ་པོ་ཁྲོ་རྒྱལ་དབང་གི་སྐུ།། སྐུ་མདོག་དམར ་དངས་མེ་ཡི་འོད་ལྡན་འཕྲོ།། དེ་ཡི་སྐུ་ལས་འོད་ཟེར་རབ་འཕྲོས་པས།། མ་རིག་འཇོམས་པའི་མེ་ནི་སྣ་ཚོགས་འབར།། ཞེ་སྡང་འཇོམས་པའི་མེ་ནི་དཀར་ནག་འབར།། གཏི་མུག་འཇོམས་པའི་མེ་ནི་སྨུག་ནག ་འབར།། འདོད་ཆགས་འཇོམས་པའི་མེ་ནི་དམར་ནག་འབར།། ཕྲག་དོག་འཇོམས་པའི་མེ་ནི་ལྗང་ནག་འབར།། ང་རྒྱལ་འཇོམས་པའི་མེ་ནི་སེར་ནག་འབར།། མེ་ཡི་བསྐལ་པ་མུན་ནག་གློག་ལྟར ་འཁྱུག། དུར་ཁྲོད་མེ་རི་སྣ་ཚོགས་ཀུན་དུ་འབར།། ཉོན་ཅིག་ཚེ་འདས་རིགས་ཀྱི་བུ།། སྣ་ཚོགས་མེ་ཡིས་ཁྱོད་ཀྱི་སྡུག་བསྔལ་སྦྱོང་།། ཤེས་རབ་ཆེན་པོ་ཡུམ་གྱི་མེ་བྱུང་བས།། འཁོར་བའི་སྡུག་བསྔལ་ཡེ་ཤེས་ཆེན་པོར ་བསླང་། སྒྲིབ་དང་ཉོན་མོངས་ནད་རྣམས་ཞི་བར་མཛོད།། ཨེ་ཨགྣི་སྥར་ཎ་ཧཱུཾ་ཧཱུཾ་ཕཊ་ཕཊ། ཨ་ཨ་རམ་རམ་སྭཱ་ཧཱ། དེ་ལྟར་མཆོད་པའི་རིམ་རྫོགས་ནས།། བསྐང་གསོའི་ཆོ་ག་རྒྱས་པར་བྱ།། བཤགས་པ་བྱ་ཞིང ་དབང་རྫོགས་བྱ།། གནས་བསྲུང་བ་དང་ལམ་ཉིད་བསྟན།། གཏོར་མ་བཏང་བཞིན་ལྷ་ཚོགས་བསྟིམ།། མེ་ལྷ་བསྟིམ་དང་སྔགས་ཉིད་བཟླས།། རིག་པ་བསྐུལ་ཞིང་སྟོང་ཉིད་བསྒོམ།། ཆོས་སྐུ་ངོས་བསྟན་གཉིས་མེད ་བསམ།། སྐུ་གསུམ་གཞི་རྫོགས་རང་འོད་སྐུ།། རང་བཞིན་གསལ་སྣང་རིག་པའི་ངང་།། ཆོས་ཉིད་ཡུལ་དང་གསང་མཚན་འཕོད།། མིང་ནས་འདོན་ཞིང་ལས་གྲུབ་བྱ།། དཀྱིལ་འཁོར་བསྡུ་ཞིང་ས་རྣམས་རློག། ཕྱིས ་ནི་ལྡང་མེད་འདྲེ་མནན་གདབ།། དཀྱིལ་འཁོར་གསོ་ཞིང་གསང་སྔགས་བཟླས།། རྒྱུ་རྣམས་སྦྱངས་ཤིང་སྐྱེ་རྒྱུན་གཅོད། གནས་ནས་སྦར་ཞིང་ཕཊ་ཅེས་བཟླས།། ཤེས་པ་བསྡུ་ཞིང་ཧཱུཾ་གིས་བསྐྱེད།། གཤེད་བྱེད་བསྐྲད ་ཅིང་གནས་ལུགས་བསྟན།། སྐུ་གསུམ་བརྗོད་ཅིང་ཐིག་ལེར་གཞུག། ཞིང་ཁམས་བསྟན་ཞིང་སྐུ་བསྟན་བྱ།། ལྷ་ཡི་ངོ་བསྟན་ཡེ་ཤེས་དབབ།། རྒྱུ་རྐྱེན་དབྲལ་ཞིང་རིག་པ་གཙུན།། རང་བཞིན་ཉིད་དང་ངོ་བོ ་བསྟན།། སྣང་བ་གསལ་ཞིང་སྒྲིབ་པ་སྦྱང་།། གཉིས་མེད་ལྷ་དང་དབྱེར་མེད་བསམ།། དུས་དང་གནས་དང་ཡེ་ཤེས་བསྟན།། ས་ལམ་སྦར་བ་རབ་ཏུ་བཤད་པའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས།། རོ ་བསྲེགས་ཐལ་བའི་ལུང་བསྟན་པའི་ལེའུ་སྟེ་བདུན་པའོ།། རྫོགས་སོ།། །། @#།། རྒྱ་གར་སྐད་དུ། བྷ་ར་བྷི་བྷི་ནཱ་མ། བོད་སྐད་དུ། དུར་གདབ་ཚ་ཚའི་ལུང་ཞེས་བྱ་བ།། བཅོམ་ལྡན ་འདས་རིག་པ་དབང་གི་ལྷ་ལ་ཕྱག་འཚལ་ལོ།། དེ་ནས་གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དབང་གི་སྐུ།། དེ་བཞིན་གཤེགས་པ་ཐམས་ཅད་ཀྱི།། སྐུ་གདུང་རྟེན་ནི་གང་ལ་བགྱི།། ཉེ ་བའི་འཁོར་ལ་གསུང་དུ་གསོལ།། ཞེས་ཞུས་སོ།། དེ་ནས་དབང་ཆེན་དེ་ཉིད་ཀྱིས།། གོས་སྔོན་ཅན་ལ་བཀའ་སྩལ་བ།། ཀྱེ་མ་གསང་བའི་བདག་པོ་ཉོན།། རྣལ་འབྱོར་ཏིང་འཛིན་ལྡན་པ་ཡིས།། དབེན་པའི་གནས་སུ ་བདེར་འདུག་ལ།། སྐུ་གདུང་རྟེན་དང་མཆོད་རྟེན་གདབ།། བདག་དང་གཞན་གྱི་དོན་ཡང་རུང་།། མཐར་ཕྱིན་ངེས་པའི་ཐབས་འདི་བརྩམ།། དབང་ཆེན་སྐུ་དང་གཉིས་མེད་ཅིང་། སྤྱན་རས་གཟིགས་ཀྱི་ཏིང ་འཛིན་བསྒོམ།། སྐུ་མདོག་དཀར་པོ་འོད་ཆགས་པ།། གཡས་པས་ཨུཏྤལ་ཕྱག་མཚན་ཏེ།། གཡོན་པས་སྐྱབས་སྦྱིན་ཕྱག་རྒྱའོ།། འོད་ཟེར་རབ་ལྡན་བསྒོམས་ནས་ནི།། ས་རྣམས་བྱིན་རླབས་ལྡན་པར ་བརླབ།། སྤྱན་རས་གཟིགས་དབང་བསྐྱེད་པའི་སྙིང་པོ་ནི།། འདི་ཡིས་སྐུ་མདོག་གསལ་བར་འགྱུར།། ཨོཾ་ཨེ་པདྨ་དྷཱ་ཧུ་ནི་རྟི་ཤྭ་རཱ་ཡ། ཨ་ཝ་ལོ་ཀི་ཏེ་ཧཱུཾ། དེས་ནི་སྐུ་རྣམས་གསལ་བར་བསྒོམ།། སྔགས་དེ་ལན་བརྒྱད ་བརྗོད་པ་དང་།། སྤྱན་རས་གཟིགས་དབང་གསལ་བའོ།། དེ་ལྟར་ལྷ་དང་ལྡན་གྱུར་ནས།། མཆོད་རྟེན་གདབ་པའི་ལས་འདི་བརྩམ།། ཤིན་ཏུ་གཙང་མའི་ས་ཕྱོགས་ནས།། ས་བླང་མཆོད་རྟེན་རྒྱུ་ཉིད་བཙལ།། ས་ཉིད ་རྐོ་བའི་སྔགས་འདིའོ།། ཨོཾ་བེ་རོ་ཙ་ན་ཧཱུཾ། སྔགས་དེ་བརྒྱ་རྩ་བརྗོད་པ་དང་།། ཨོཾ་ལས་འོད་ཟེར་རབ་འཕྲོས་པས།། ས་ཡི་སྐྱོན་རྣམས་ཅི་ཡོད་པ།། ཨོཾ་ལས་འོད་བྱུང་ཞུ་བར་བསམ།། དེ་ནས་འདག་པ་བརྫི་བའི ་གས།། འདི་ནི་ལན་གྲངས་བརྐུ་རྩ་བརྗོད།། ཨཽ་བཛྲ་བཱི་ར་ཧཱུཾ་ཕཊ། སྔགས་དེ་ལན་བརྒྱ་བརྗོད་པ་དང་།། ཧཱུཾ་ལས་འོད་དུ་འཕྲོས་པར་བསམ།། དེ་ཉིད་འོད་དུ་ཞུ་བ་ལས།། འདག་པའི་དངོས་པོ ་བསམ།། བསམ་གྱིས་མི་ཁྱབ་ཧཱུཾ་དེ་ཡིས།། འདག་པའི་རྟོག་པ་སྦྱངས་ནས་ནི།། རྟོག་མེད་འོད་དུ་རྣམ་པར་བསམ།། དེ་ནས་འབི་འབི་བྱ་བའི་སྔགས།། འདི་ཡི་ཏིང་འཛིན་ལྡན་པར་གསུངས།། ཨོཾ་ཨཱཿཧཱུཾ། ཡི་གེ་དེ ་དག་འོད་འབར་བསམ།། དེ་བཞིན་གཤེགས་པ་ཐམས་ཅད་ཀྱི།། སྐུ་ཡི་ཡི་གེ་ཨོཾ་དུ་འདོད།། གསུང་གི་ཡི་གེ་ཨཱཿརུ་གསལ།། ཐུགས་ཀྱི་ཡི་གེ་ཧཱུཾ་ཡིན་པས།། སྐུ་གསུང་ཐུགས་སུ་གསལ་བར་བསྒོམ།། དེ་ནས་ཚ་ཚ ་གདབ་པའི་སྔགས།། འདི་ཉིད་རབ་ཏུ་བརྗོད་པར་བྱ།། ཨོཾ་ཨཱཿཧཱུཾ། བཻ་རོ་སྭཱ་ཧཱ། ཡཱ་ཧཱུཾ་ཕཊ། དེ་ལྟར་ཚ་ཚ་བཏབ་ནས་ནི།། རབ་ཏུ་གནས་པའི་གསང་སྔགས་བཟླས།། སྔགས་འདིས་རབ་ཏུ་གནས་པའོ།། ཨོཾ་ཨེ་དྷརྨ་ཤཱ ་ཏ་ཐཱ་ག་ཏ། ཡོ་ནི་ཨེ་བཾ་ཏིཥྛ་ལྷན། སི་ཏི་ཧཱུཾ་ཧཱུཾ། དེས་ནི་རབ་ཏུ་གནས་པ་དང་།། ལྷ་ཚོགས་བརྟན་པར་བཞུགས་པར་བསམ།། དབང་བསྐུར་ཕྱག་རྒྱ་འདི་ལྟ་སྟེ།། ཁྱུང་གཤོག་ལྟ་བུའི་ཕྱག་རྒྱ་ཡིས།། དབང་བསྐུར ་བརྟན་པར་བཞུགས་སུ་གསོལ། ཡེ་དྷ་ར་ཡིན་ནམ།། དེ་ལྟར་བྱིན་བརླབ་རྫོགས་ནས་ནི།། ཆུ་བོ་དག་ལ་ཚ་ཚ་བསྐྱལ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། དུར་གདབ་ཚ་ཚའི་ལུང་བསྟན་པའི་ལེའུ་སྟེ་བརྒྱད ་པའོ།། རྫོགས་སོ།། །། ་རྒྱ་གར་སྐད་དུ། ཨེ་དུབ་མ་བུ་རི་ཁ་མ་ཧཱ་ནི་སུ་ཁ་ན་མ། བོད་སྐད་དུ། རོ་ལངས་གསེར་དུ་སྒྲུབ་པའི་ལུང་ཞེས་བྱ་བ། བཅོམ་ལྡན་འདས་དབང་ཆེན་རང་གནས་ཀྱི་སྐུ་ལ་ཕྱག་འཚལ་ལོ།། དེ་ནས་བཅོམ ་ལྡན་འདས་དབང་ཆེན་གྱི་སྐུའི་སྤྱན་སྔར། བུདྡྷ་ཧེ་རུ་ཀས། རོ་ལངས་གསེར་དུ་བསྒྲུབ་པ་འདི་སྨྲས་སོ།། ཨེ་མ་ཧོ།། ཕྱོགས་བཅུའི་ལྷ་དང་ཀླུ་རྣམས་ཉོན།། རྣལ་འབྱོར་གང་ཞིག་སྟོབས་ལྡན་པས།། དབེན་པའི ་གནས་སུ་རབ་སོང་ལ།། རོ་ལངས་གསེར་གྱི་སྒྲུབ་པ་བརྩམ།། ཤིན་ཏུ་དབེན་པའི་གནས་དེར་ཡང་།། དཀྱིལ་འཁོར་འདོམ་གང་གྲུ་བཞི་བྱ།། དེ་ནས་ཆག་ཆག་རབ་བཏབ་ལ།། ཕྱི་ནང་གསང་བའི་མཚམས་ཉིད ་བཅད།། ཕྱི་མཚམས་གཅད་པར་བྱ་བ་ནི།། གནས་ཀྱི་ཕྱོགས་བཞི་དག་ཏུ་ཡང་།། རྒྱལ་ཆེན་དག་ལ་མཐོ་བཞི་སྟེ།། གཏོར་མ་ཆ་རེ་མཐོ་རྩར་བཏང་།། ཤོག་བུ་སོར་བཞི་པ་རེ་ལ།། རྒྱལ་ཆེན་བཞི་ཡི་སྔགས་བྲིས ་ལ།། རང་རང་ཕྱོགས་ཕྱོགས་དག་ཏུ་དགོད།། དེ་ནི་ཕྱི་ཡི་མཚམས་སུ་བསྟན།། ནང་མཚམས་བཅད་པ་འདི་ལྟ་སྟེ།། ཁྲོ་བོ་བཅུ་ཡི་སྔགས་ཀྱིས་བཅད།། གསང་པ་འཁོར་ལོ་མཚོན་ཆས་བཅད།། གཏོར་མ ་ཆ་གསུམ་རབ་ཏུ་བཏང་། གཏོར་མ་ཆ་གསུམ་མེད་པ་ན།། གསེར་སྐྱེམས་དག་ནི་རྒྱས་པར་བཏང་།། ཆབ་གཏོར་ནུས་ཚད་དག་ཏུ་བཏང་།། དེ་ལྟར་མཚམས་བཅད་རྫོགས་པ་དང་།། འབྲུ་ལྔའི་ཆོ་ག་རྫོགས་པར ་བྱ།། མཆོད་རྟེན་བརྒྱད་ནི་གདབ་བྱ་ཞིང་།། བཤགས་པ་ཆེན་པོ་རྫོགས་པར་བྱ།། དེ་ལྟར་སྔོན་འགྲོ་རབ་རྫོགས་ནས།། དེ་ནས་ནང་དུ་འོང་བ་དང་།། དཀྱིལ་འཁོར་ཆེན་པོ་དེ་ཉིད་ལ།། ཐིག་ནི་རབ་ཏུ་གདབ་པར ་བྱ།། རྣལ་འབྱོར་ཆེན་པོ་གསུམ་གྱིས་བསྒྲུབ།། རྡོ་རྗེ་སློབ་དཔོན་གསང་བ་དེས།། རྡོ་རྗེ་རྒྱལ་པོས་བུ་མཆོག་ལ།། ཐིག་སྐུད་སྣ་ནི་ལེགས་སྦྱིན་ལ།། བར་སྣང་དག་ཏུ་འཐེན་ནས་ནི།། སྲིང་སྲིང་ལན་གསུམ་རྡོ་རྗེས ་བྱ།། ནུབ་ནས་ཤར་དུ་ཁ་བལྟས་ལས།། ཐེག་གཅིག་དཀྱིལ་དུ་གདབ་པར་བྱ།། དེ་ལ་སོགས་ཏེ་ཐིག་རྣམས་གདབ།། དེ་ནས་ཚོན་ཉིད་རབ་ཏུ་དགྱེ།། ཞི་བའི་དཀྱིལ་འཁོར་རབ་ཏུ་བཞེངས།། དེ་ཡི་སྟེང་དུ་རྫས ་རྣམས་བསག། སྒོ་ལ་གྲི་དང་གྲ་བཞིར་མདའ།། དར་དཀར་ཡོལ་བ་དག་ཀྱང་བྱ།། དཔལ་གྱི་གཏོར་མ་བྱང་ཕྱོགས་སུ།། ལྷོ་རུ་མ་མོའི་གཏོར་མ་གཞག། ཤར་དུ་འབྱུང་པོའི་གཏོར་མ་གཞག། ནུབ་ཏུ་ཕུད་དང ་རཀྟའོ།། དེ་ནི་དཀྱིལ་འཁོར་བསྟན་པའོ།། དེ་ཡང་རོ་དེ་ལེན་པའི་ཚེ།། རོ་ལངས་ལ་སོགས་གདུལ་བྱའི་ཕྱིར།། འཆི་བདག་གཤིན་རྗེ་གནས་པའི་སར།། སྔགས་དང་ལྡན་པའི་མཚོན་ཆ་བརྡེག། དེ་ནས་རོ་ཁུར་མི་དེ ་ལ།། མྱོས་པའི་ཆུ་ཡིས་རབ་མྱོས་བྱ།། དེ་ནས་རོ་དེ་བསྒྲུབ་པར་བྱ།། དཀྱིལ་འཁོར་ཕོ་བྲང་དབུས་དག་ཏུ།། བརྐྱང་ཤིང་དག་དང་ལྡན་པ་སྟེ།། སྐྲ་བཅིངས་ཐོར་ཚུགས་རྣམ་གདག་གོ། རང་རང་རྒྱན་ཆ་དག་གིས ་བརྒྱན།། དང་པོ་སྤོས་ཆུ་འོ་མས་བཀྲུ།། དེ་ལྟར་དཀྱིལ་འཁོར་སྟེང་བཞག་ལ།། བསྒྲལ་བའི་ཐབས་ནི་རྣམ་གསུམ་སྟེ།། ཚེ་འདས་དོན་ཕྱིར་བསྒྲལ་བ་དང་།། མཐུ་རྩལ་དབྱུང་ཕྱིར་བསྒྲལ་བ ་དང་།། ཉམས་ཆག་སྐོང་ཕྱིར་བསྒྲལ་བའོ།། དེ་ལྟར་བསྒྲལ་བར་བྱ་བའི་ཕྱིར།། བསྒྲུབ་པ་རབ་འབྲིང་གསུམ་དུ་བྱ།། ཚེ་འདས་དོན་ཕྱིར་བསྒྲལ་པ་ན།། དབང་བསྐུར་བྱིན་བརླབ་བྱ་བ་དང་།། རིགས་དྲུག་དྲངས་དང ་ལམ་བསྟན་བྱ།། ལེན་ཆགས་གཏོར་མ་རྒྱུན་དུ་བཏང་།། ཚོགས་དང་མཆོད་པ་རྒྱུན་མི་གཅད།། དུས་བཞིའི་ཚོགས་ནི་སྣ་ཚོགས་བཏང་།། མཐུ་རྩལ་དབྱུང་ཕྱིར་བསྒྲལ་བ་ན།། བསྒྲུབ་པ་ཞག་གསུམ་བྱེད་པ་ན།། ཞག ་གཉིས་ཁྲོ་བོ་ཕྲིན་ལས་བྱ།། དེ་ནས་དཀྱིལ་འཁོར་སྟེང་ཉིད་དུ།། སློབ་དཔོན་གསང་བའི་རྒྱ་བཀྲོལ་ལ།། ཐུན་དང་རལ་གྲི་མཚོན་ཆ་བསྣམས།། རྡོ་རྗེའི་ལུས་པོ་ཉིད་ལ་ཡང་།། གཡང་གཞི་དུར་ཁྲོད་རྒྱན་གྱིས ་བརྒྱན།། ལག་ཏུ་མཚོན་ཆའི་དབང་བསྐུར་ལ།། སྐེ་ལ་རལ་གྲི་རབ་བཏབ་ལ།། གང་ལ་དམིགས་པའི་མིང་བྲིས་ལ།། དམིགས་པ་རབ་ཏུ་བསམ་པར་བྱ།། མ་ཉེས་རབས་རྣམས་རབ་ཏུ་བརྗོད།། དེ་ནས་མགོ་ཉིད ་ཆོད་པ་དང་།། ཧ་ཧ་ཞེས་བྱའི་སྒྲ་བརྗོད་ཅིང་།། བསྟན་པ་འཇིག་པ་བསད་པ་ཡི།། ལེགས་སོ་ཞེས་བྱར་རབ་ཏུ་བརྗོད།། དེ་ཉིད་འབྲེག་པའི་སྔགས་འདིའོ།། ཨོཾ་པདྨཱནྟི་ཀྲིཏྟ་ཀྲོ་ཏ་ཧུ་ལུ་ཧུ་ལུ་ཧཱུཾ་ཕཊ། ཧཱུཾ་ཧ་ཧ་ཁཱ་ཧི་ཁཱ་ཧི། ་སྔགས་དེ་ལན་གྲངས་བརྒྱ་རྩ་བརྗོད།། སྔགས་རྣམས་བརྗོད་ཅིང་དབང་ཆེན་བསྒོམ།། དབང་ཆེན་སྐུ་ཉིད་གསལ་བ་དང་།། རྡོ་རྗེའི་གིང་ཕོ་མཚན་ལྡན་དེས།། མཚོན་ཆའི་ཚོགས་རྣམས་རྫོགས་པ་དང་།། ཁྲོ་བོ་འགྱིང ་པའི་སྟབས་ཀྱིས་ནི།། དཀྱིལ་འཁོར་རབ་ཏུ་བསྐོར་བྱ་ཞིང་།། བསྒྲལ་བའི་ལས་རྣམས་རྫོགས་པར་བྱ།། ལེགས་པར་བརྗོད་པ་གོང་བཞིན་ནོ།། རྒྱུན་དུ་བགྲང་བའི་སྔགས་འདི་བརྗོད།། ཨོཾ་པདྨནྟ་ཀྲྀ་ཏ་བཛྲ་ཀྲོ་ཏ་ཧ་ཡ ་གྲིགྲི་བ་ཧཱུཾ་ཧྲཱིཿགསང་བའི་སྔགས་འདི་མང་དུ་བརྗོད།། དབང་ཆེན་ཡུམ་དང་བཅས་པ་སྟེ།། དེ་ནས་རྡོ་རྗེ་སྙིང་པོ་དེས།། སློབ་དཔོན་དག་ལ་མགོ་ཉིད་དབུལ།། སློབ་དཔོན་གསང་བ་དེ་ཉིད་ཀྱིས།། བདེ་གཤེགས ་མཁའ་འགྲོའི་ཐུགས་དམ་བསྐང་།། དེ་ནས་ཙིཏྟ་དབྱུང་བའི་སྔགས།། འདི་སྐད་དྲག་ཏུ་བརྗོད་བྱ་ཞིང་།། སློབ་དཔོན་ཙིཏྟ་ཕྱུང་ཞེས་བསྒོམ།། དེ་ནས་རྡོ་རྗེ་བཤན་པ་དེས།། སྔགས་འདི་བརྗོད་ཅིང་ཙིཏྟ་ཕྱུང་། ས་མ་ཡ ་ཏ་ཧི། ཙིཥྞ་ཧཱུཾ་འདུས་ཁ་དུར་མཱ་ར་ཡ་ཧཱུཾ། སྔགས་དེས་ཙིཏྟ་དྲང་བར་བྱ།། གིང་བ་བརྟུལ་ཞུགས་ལྡན་པ་ན།། ཟ་ཞིང་སྨོན་དཔོན་དེ་ལ་དབུལ།། དེ་ནས་ཚེ་འདས་སྦར་བ་དང་།། དངོས་གྲུབ་བླང་བའི་སྔགས་ཀྱང ་བཟླས།། དངོས་གྲུབ་ལེན་པའི་དུས་ཉིད་དུ།། རོ་དེ་ལངས་ན་དངོས་གྲུབ་འཐོབ།། དེ་ཚེ་ལངས་པ་དེ་ཉིད་ལ།། བདག་ཉིད་དབང་ཆེན་རབ་ལྡན་པས།། མཚོན་ཆ་ཕུར་པ་དག་གིས་ཀྱང་།། གནས་དག་ཏུ་ནི་གདབ་བྱ། ་ཞིང་།། སྔགས་འདི་བརྒྱ་དང་རྩ་བརྒྱད་བརྗོད།། ཨོཾ་ཧྲཱིཿཐཱ་སརྦ་སིདྡྷ་བཛྲ་ཧཱུཾ། སྔགས་དེས་དངོས་གྲུབ་འཐོབ་པའོ།། ཚེ་འདས་དེ་ཉིད་སྦར་བྱ་བའི།། སྔགས་འདིས་སྦྱོར་བའི་ལྷུམས་སུ་འཕང་།། ཨོཾ་དྷྲྀ་ཀ ་ཛ་ཨེ་སྥ་ར་ཎ་ཕཊ་ཕཊ། རིགས་ལྔའི་སྲས་སུ་དབང་བསྐུར་རོ།། སྔགས་འདིས་དབང་བསྐུར་བསྟན་པའོ།། ཨོཾ་སྭ་ལམ་དུ་ཏྲིང་ཧྲི་ཏ་ཡ་སྟྭཾ། སྐུ་གསུམ་རྡོ་རྗེའི་སྐུར་གྱུར་ནས།། འོད་ལྔའི་མུ་ཁྱུད་པར་དུའོ།། འོད་ཟེར་སྐུ ་ལྔ་འབར་བར་བསམ།། དེ་ནས་སློབ་དཔོན་གསང་བ་དེས།། དབང་བསྐུར་བྱིན་རླབས་རྫོགས་པ་དང་།། ཤ་རྣམས་ལེགས་པར་བཤའ་བྱ་ཞིང་།། འཁོར་ན་གནས་པའི་བུ་རྣམས་དང་།། བདག་ཉིད་ལོངས་སྤྱོད་སྤེལ ་བྱའི་ཕྱིར།། མཱཾ་ས་ཟ་ཞིང་སྔགས་འདིའོ།། ཨོཾ་ཨཱཿཧཱུཾ་ཧྲྀ་ད་ཡ་སི་ཏི་ཧཱུཾ་ཕཊ། དེ་ནི་ལོངས་སྤྱོད་སྔགས་སུ་བསྟན།། མཐུ་རྩལ་དབྱུང་ཕྱིར་བསྒྲལ་བའོ།། ཚེ་འདས་དོན་ཕྱིར་བསྒྲལ་བ་ན།། བསྒྲུབ་པ་ཐ་མའི་ནུབ་ཉིད ་རོ་ཡི་རྒྱན་དང་བརྒྱངས་ཕོག་ལ།། ཞི་བའི་དཀྱིལ་འཁོར་སྟེང་དག་ཏུ།། ཁ་སྒྲུབ་དག་ཏུ་བསྐལ་བྱས་ལ།། རྒྱབ་ཏུ་ཐིག་རྣམས་ལེགས་བཏབ་ལ།། ཁྲོ་བོའི་དཀྱིལ་འཁོར་རབ་བྲིས་ལ།། མཆོད་པའི་ཚོགས་རྣམས ་རབ་རྫོགས་བྱ།། སློབ་དཔོན་ཉིད་ཀྱིས་སྣ་དྲངས་ལ།། དཀྱིལ་འཁོར་རོ་ཡི་ཐ་མ་བསྐོར།། པདྨནྟ་ཀྲྀ་ཏ་དབྱངས་བླངས་ཤིང་།། དབང་མཆོག་བྲོ་ནི་རབ་ཏུ་བརྡུང་།། རྒྱབ་ཀྱི་ཚངས་ཐིག་སྟེང་ནས་བྱ།། རབ་ཏུ་བཤའ ་ཞིང་དབང་རྫོགས་བྱ།། སྔགས་འདིའི་འོད་ཟེར་རབ་འཕྲོས་བསམ།། རུ་ལུ་གར་གྱི་མཆོད་པའི་སྔགས། སྣ་ཚོགས་མཆོད་ཕྱིར་སྔགས་འདིའོ།། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། སྔགས་དེའི་འོད་ཟེར་རབ་འཕྲོས་པས།། སྐུ་དང ་གསུང་དང་ཐུགས་ཉིད་ལས།། འོད་འཕྲོས་སྒྲིབ་པ་སྦྱང་བར་བྱ།། དེ་ནས་བྱ་བྱེད་ཟིན་པ་དང་།། ནང་ཁྲོལ་རྣམ་ལྔ་མཆོད་པའི་རྒྱུ།། མིག་དང་རྣམ་ལྔ་མཆོད་པར་འབུལ།། དེ་ནི་ཚེ་འདས་དོན་ཕྱིར་རོ།། ཉམས་ཆག ་བསྐང་ཕྱིར་བསྒྲལ་བ་ནི།། བཤའ་ལུགས་གོང་དང་མཐུན་པ་ལ།། བསྒྲུབ་པ་ནུབ་ནི་གཉིས་འདས་ནས།། ཁྲོ་བོའི་དཀྱིལ་འཁོར་བཞེངས་ནས་ནི།། མཆོད་པའི་ཡོ་བྱད་ཅི་འབྱོར་བསག། དཀྱིལ་འཁོར་ཐ་མ་རབ་ཏུ ་བསྐོར།། རང་གི་ཡི་དམ་གང་ཡིན་བསྒོམ།། བསྐང་གསོའི་རྫས་རྣམས་གང་ཡོད་སྦྱར།། བཤགས་པ་བསྐང་གསོ་རྒྱས་པར་བྱ།། ལོངས་སྤྱོད་སྔགས་དང་བྱ་ཐབས་རྣམས།། གོང་དུ་སྨོས་པ་ཁོ་ནའོ།། ཚོགས་དང་གཏོར ་མ་རྒྱུན་མི་གཅད།། བར་ཆད་བགེགས་རྣམས་ཚར་གཅོད་བྱ།། གཤེད་བྱེད་དཔྲལ་ཞིང་ལམ་བསྟན་བྱ།། བསྐང་པའི་རྒྱུ་དང་སྦྱར་ཏེ་བསྐང་། ཚོགས་དང་མཆོད་པའི་ཡོ་བྱད་ལ།། འབྲུ་དང་ཏིང་འཛིན་ལྡན་པས ་བརླབ།། མ་མོའི་ཐུགས་དམ་རྟག་ཏུ་བསྐང་།། དེ་ནི་ཉམས་ཆག་བསྐང་ལུགས་སོ།། དེ་ལྟར་རོ་བསྒྲུབ་རབ་ཏུ་བརྩམ།། སྔགས་འདི་ཐམས་ཅད་འགྲུབ་པའོ།། ཨོཾ་སརྦ་ཀ་རུ་ཎ། པདྨ་བཛྲ་པཱ་ཎི། བཛྲ་ས་ཏྭ་ས་མ་ཡ་ཨཱ ་ཡཿ་མྲྀ་ཏ་ཏིར་ཧཱུཾ་ཕཊ་སྭཱ་ཧཱ།། སྔགས་དེ་བཟླ་ཞིང་དངོས་གྲུབ་བླང་། སྲིན་ལག་མཐེ་བོང་བར་དག་ཏུ།། དལ་གཉིས་མཉམ་ཞིང་ཙིཏྟ་བཟུང་།། དུས་བཞིའི་ཚོགས་ཀྱི་ཚེ་ན་ཡང་།། དངོས་གྲུབ་བླངས ་ཤིང་གསེར་དུ་བསམ།། དེ་ལྟར་ཏིང་འཛིན་ལྡན་པ་ཡིས།། ལོ་གཉིས་བསྒྲུབ་པ་བྱས་པ་ན།། ལྕེ་ཉིད་གསེར་དུ་འགྱུར་བར་ངེས།། ལྕེ་ཉིད་གསེར་དུ་གྱུར་པ་ན།། སྲིད་ལ་ཏིང་འཛིན་ལྡན་པས་བླང་།། བླངས་ལ་སྦྲང ་རྩིའི་ཆུ་དང་སྦྱར།། ཞིབ་པར་བཏགས་ཤིང་གསང་སྔགས་བཟླས།། དེ་ནས་ཀུན་གྱིས་བགོས་ལ་བཟའ།། ཟོས་ན་སྐྱེ་མེད་བྱང་ཆུབ་ཐོབ།། ཐུན་མོང་དངོས་གྲུབ་ཐམས་ཅད་ཐོབ།། ཟས་ནི་ཡིན་ལ་དྲན་པས ་ཚིམ།། ལུས་ལ་གོས་མེད་གཅེར་བུར་ཚུགས།། གཉེར་མ་མེད་ཅིང་གཞོན་ནུར་འགྱུར།། ལོ་ནི་ལྔ་བརྒྱ་གཞོན་ནུར་གནས།། དེ་ནས་ཚེ་འཕོས་ཕྱིར་མི་ལྡོག། ཡོན་ཏན་དེ་ལྟར་འབྱུང་བའོ།། ཞེས་རྫོགས་པ་རང་བྱུང ་ཆེན་པོའི་རྒྱུད་ལས། ཟལ་བྱེད་རོ་ལངས་གསེར་དུ་བསྒྲུབ་པའི་ལེའུ་སྟེ་དགུ་པའོ།། རྫོགས་སོ།། །། ་རྒྱ་གར་སྐད་དུ། ཨོཾ་སརྦ་པ་ན་རེ་ཀ་དྷརྨ་སུ་ཀ་ནཱ་མ། བོད་སྐད་དུ། ཆོས་ཉིད་ཆབ་གཏོར་གྱི་ལུང་རྣམ་པར་བསྡུད་པ་ཞེས་བྱ་བ། བཅོམ་ལྡན་འདས་དཔལ་རྟ་མཆོག་ལ་ཕྱག་འཚལ་ལོ།། དེ་ནས་བཅོམ་ལྡན ་འདས་དབང་ཆེན་དེ་ལ། འཕགས་པ་འཇམ་དཔལ་གྱིས་བསྐོར་བ་ལན་གསུམ་བྱས་ཏེ། རྒྱུ་བསོད་ནམས་ཀྱི་ཚོགས་ལ་བརྟེན་ནས། འབྲས་བུ་ཡེ་ཤེས་ཀྱི་ཚོགས་བསགས་པ་འདི་སྐད་གསུངས་སོ།། ཀྱེ་ཀྱེ་འཁོར་གྱི ་ལྷ་ཀླུ་ཉོན།། གང་ཞིག་བསོད་ནམས་འཕེལ་འདོད་པས།། ང་ཡི་བསྟན་པའི་ལུང་འདི་ཉོན།། སྟོང་ཉིད་རིག་པའི་སྟོབས་ལྡན་པས།། དབེན་པའི་གནས་སུ་བདེར་འདུག་ལ།། རིག་པའི་ཡེ་ཤེས་རང ་སྣང་ཀྱང་།། ཚོགས་འདི་བསགས་པས་བྱང་ཆུབ་ཉེ། ང་དང་བདག་ཏུ་མ་འཛིན་ཅིང་།། སྟོང་ཉིད་གསལ་བར་རབ་བསྒོམས་ཏེ།། ངེས་དོན་ཆོས་སྤྱོད་འདི་བསྟན་བྱ།། རྫོགས་ཆེན་མན་ངག་ལུང་ལྡན་པས།། སྣོད ་བསྟན་པ་དང་བཅུད་ཉིད་བསྟན།། མགྲོན་དང་ཡོན་ཏན་རྒྱས་པར་བསྟན།། སྔགས་དང་ཕྱག་རྒྱ་ཏིང་འཛིན་བསྟན།། རྣམ་པ་བདུན་ལྡན་རྣམ་འབྱོར་པས།། འཇམ་དཔལ་སྙིང་པོ་བསྡུས་པ་འདི།། ཉམས་དགའ་བ ་ཡི་ཕྱོགས་དག་ཏུ།། རིན་པོ་ཆེ་ཡི་སྣོད་དག་གམ།། རབ་ཏུ་གཙང་བའི་སྣོད་དག་ཏུ།། ཆུ་གཙང་འོ་མ་སྦྱར་ལ་བླུག། རིན་པོ་ཆེ་དང་ཙན་དན་བརྡར།། མེ་ཏོག་འབྲུ་དང་སྨན་གྱིས་བརྒྱན།། གཙང་མའི་སྨན་དང་ཕྱེ་ལ ་སོགས།། ཀ་ཏི་དང་ནི་པུ་ཙ་དང་།། དབང་དང་ན་ག་སྨན་གྱི་ཚོགས།། ཅི་འབྱོར་པ་ཡིས་སྣོད་དགང་ངོ་།། དེ་ལྟར་སྣོད་ཉིད་རབ་གཏམས་ལ།། འཕགས་པ་སྤྱན་དྲངས་མཆོད་པ་འབུལ།། བྱང་ཆུབ ་སེམས་བསྐྱེད་བྱམས་པ་བསྒོམ།། འགྲོ་ལ་ཕན་གདགས་སྙིང་རྗེ་བསྒོམ།། བལྟ་བ་གསལ་གདབ་དགའ་བ་བསྐྱེད།། ཕྱོགས་མེད་རང་གསལ་བཏང་སྙོམས་ཏེ།། འབྲས་བུ་རང་གྲོལ་དམིགས་མེད་དོ།། དེ་ལྟར་སྔོན ་འགྲོ་རྫོགས་ནས་ནི།། བདག་ཉིད་རྣལ་འབྱོར་ཐུགས་ཀ་ནས།། ཡི་གེ་ཨ་གཅིག་ཆད་པ་ལས།། བདག་ལ་སོགས་པའི་སྣོད་བཅུད་ནི།། སྟོང་ཞིང་བདག་མེད་ཆེན་པོར་བསྒོམ།། དེ་ནས་ཨ་དེ་སྦར་གྱུར་པས།། རིན ་ཆེན་སྣོད་དུ་ཕོག་པར་བསམ།། དེ་རྣམས་འོད་དུ་ཞུ་བ་ལས།། སྣོད་ཀྱི་འཇིག་རྟེན་ཐམས་ཅད་དང་།། གཏོར་སྣོད་དྲི་མ་སྦྱང་བར་བྱ།། དེ་ནས་ཨ་དེ་སླར་འདུས་ནས།། གཏོར་མའི་སྣོད་ལ་ཐིམ་གྱུར་པས།། སྟོང ་སུམ་སྟོང་གི་འཇིག་རྟེན་ཁམས།། བདུད་རྩི་དག་གི་རང་བཞིན་དུ།། མེར་གྱིས་ཞུ་ནས་གང་བར་བསམ།། དེ་ནས་ཏིང་འཛིན་རབ་ལྡན་པས།། ཨ་ཡི་རང་བཞིན་དེ་ཉིད་ལས།། རང་རང་ཡི་དམ་ལྷ་ཉིད་ཀྱི།། ས་བོན ་གང་ཡིན་གྱུར་པར་བསམ།། དེ་ནས་ཡི་དམ་མེད་པ་ན།། ཝཱ་གཱི་ཤྭ་རར་གྱུར་པར་བསམ།། དེ་ཉིད་འོད་དུ་ཞུ་བ་ལས།། འཇམ་དཔལ་སྐུ་མདོག་གསལ་བར་བསྒོམ།། བདག་དང་གཉིས་མེད་གནས་པ་ལ།། སངས ་རྒྱས་ཞིང་ཁམས་རབ་འབྱམས་སུ།། འཇམ་དཔལ་སྐུ་ནི་གྲངས་མེད་བསམ།། ཡི་དམ་སྙིང་པོ་གང་ཡིན་པ།། བདག་གི་ཐུགས་ཀར་ཐིམ་གྱུར་ནས།། བདག་ཉིད་ཡི་དམ་ལྷ་རུ་བསྐྱེད།། བདག་ཉིད་ཏིང་འཛིན་གསལ ་བ་དང་།། ཡི་དམ་སྙིང་པོ་གང་ཡིན་པ།། ཡི་གེ་ཛ་རུ་གྱུར་པར་བསམ།། དེ་ཉིད་འོད་དུ་ཞུ་བ་ལས།། ཛ་ཡིས་སྟོང་གསུམ་གང་བར་བསྒོམ།། དེ་དག་རབ་ཏུ་འཕྲོས་པ་ལས།། འཕགས་པ་སྤྱན་དྲངས་འགྲོ་དྲུག ་བཀུག། མགྲོན་རྣམས་རབ་ཏུ་བཀུག་པ་དང་།། འཕགས་པ་དཀོན་མཆོག་གསུམ་པོ་དང་།། དེ་བཞིན་གཤེགས་དང་རྒྱལ་བ་རྣམས།། ནམ་མཁའ་དག་ལ་ལྷགས་པར་བསམ།། མ་མོ་མཁའ་འགྲོ་ཆོས་སྐྱོང ་རྣམས།། བར་སྣང་ཁམས་སུ་ཁེངས་པར་བསམ།། འགྲོ་བ་རིགས་དྲུག་སེམས་ཅན་རྣམས།། ས་གཞི་རབ་ཏུ་ཁེངས་པར་བསམ།། དེ་ལྟར་མགྲོན་རྣམས་སྤྱན་དྲངས་ལ།། སྔགས་འདིས་མགྲོན་རྣམས་ཚིམ་པར ་བསམ།། རིགས་ཀྱི་བུ་དེ་ནི་འདི་ལྟ་སྟེ། ཏདྱ་ཐ། མ་ཧཱ་ཡཱ་བེ་ཤ་ཡ་ཨ། སརྦ་ཏ་ཐཱ་ག་ཏ། བྷ་ས་ལི། ཛ་ལ་ཡ། སརྦ་ཨ་པྲེ་ཏ་ཀུནྣ་ལཻ་ཧ་ན་ཧ་ན་ཧཱཾ། སརྦ་པྲེ་ཏ་མུད་ཏ་སིཾ་ཧཱཾ། སྔགས་དེ་ལན་བདུན་བརྗོད་པར ་བྱ།། རྫོགས་ཆེན་ཕྱག་རྒྱ་གཅིག་པར་འབུལ།། ཡོངས་སུ་དག་དང་མ་དག་པའི།། ཐམས་ཅད་འདོད་པ་བསྐང་བར་བསམ།། དང་པོ་འཕགས་པ་དཀོན་མཆོག་མཆོད།། གཉིས་པ་དཔལ་དང་མ་མོ་དང་།། ཆོས་སྤྱོང ་སྲུང་མ་ལ་སོགས་མཆོད།། གསུམ་པ་འཇིག་རྟེན་འགྲོ་ལྷ་མཆོད།། བཞི་པ་རྒྱལ་ཆེན་བཞི་རྣམས་དང་།། ཚངས་པ་བརྒྱ་བྱིན་ལྷ་རྣམས་དང་།། གཟའ་དང་རྒྱུ་སྐར་ཐམས་ཅད་མཆོད།། ལྔ་པ་ལེན་ཆགས ་མགྲོན་ལའོ།། དྲུག་པ་ཡི་དྭགས་མགྲོན་རྣམས་མཆོད།། བདུན་པས་ཐམས་ཅད་ཚིམ་པར་བྱེད་པའོ།། དེ་ལྟར་བསྔོ་བ་རྣམས་རྫོགས་ནས།། བསྔོ་དང་ཆོས་ཀྱི་སྦྱིན་པ་བཏང་།། ཡེ་ཤེས་ལྔ་ཡི་འོད་ཟེར་ནི།། དབང ་པོ་ལྔ་ཡི་འཕྲོ་འདུ་ལས།། འདོད་པའི་ཡོན་ཏན་ལྔ་ལྡན་པས།། ལྷ་ཡི་ལོངས་སྤྱོད་ལྔར་ལྡན་ཞིང་།། ཐམས་ཅད་ཚིམས་བྱེད་བདུད་རྩི་འདིས།། དཀོན་མཆོག་ཡོན་ཏན་ཐམས་ཅད་དང་།། རིགས་ལྔ་སྲས་དང་ཡུམ་དུ ་བཅས།། དབང་ཆེན་ལྷ་ཚོགས་ཐམས་ཅད་དང་།། ཡི་དམ་ལྷ་དང་སློབ་དཔོན་དང་།། དཔལ་དང་མ་མོ་མཁའ་འགྲོ་དང་།། ཆོས་སྐྱོང་སྲུང་མ་འཁོར་བཅས་དང་།། དཀྱིལ་འཁོར་ལྷ་ཚོགས་ཀུན་ལ་བསྔོ།། སྲིད་པའི ་མགྲོན་དུ་གྱུར་བ་ཡི།། རྒྱལ་ཆེན་བཞི་དང་གཙང་རིགས་ལྷ།། ཚངས་པ་བརྒྱ་བྱིན་འཁོར་དང་བཅས།། ཉེ་བའི་ལྷ་དང་གཟའ་རྣམས་དང་།། སྲེད་མེད་བུ་དང་རྒྱུ་སྐར་དང་།། ཕྱོགས་སྐྱོང་འཁོར་དང་བཅས་ལ ་འབུལ།། ལེན་ཆགས་མགྲོན་ལ་བསྔོ་བ་ནི།། མཁའ་ལ་རྒྱུ་དང་བར་སྣང་རྒྱུ།། རི་རབ་གནས་དང་ངོས་ལ་གནས།། རྒྱ་མཚོར་གནས་དང་གླིང་ལ་གནས།། ས་དང་ཆུ་ལ་གནས་པ་དང་།། ཡིད་ཀྱིས་འགྲོ་དང ་གཟུགས་ཀྱིས་འགྲོ།། ལྷ་ཀླུ་གནོད་སྦྱིན་དྲི་ཟ་དང་།། འབྱུང་པོའི་ཚོགས་དང་ཤ་ཟ་དང་།། གཟུགས་ཅན་དང་ནི་གཟུགས་མེད་དང་།། ལྟོ་འགྲོ་དང་ནི་རྐང་འགྲོ་དང་།། མིའམ་ཅི་དང་ཡི་དྭགས་དང་།། བྱོལ་སོང་རིགས ་དང་ན་རག་དང་།། ཡི་དྭགས་རྣམས་ལ་ཟས་དང་སྐོམ།། ཐོགས་པ་མེད་པར་འབྱུང་འགྱུར་ཤོག། དེ་དག་རྣམས་ལ་ཅི་རིགས་པ།། རང་རང་འདོད་པ་ཚིམ་གྱུར་ཅིག། ཀུན་ཀྱང་གནོད་པ་མ་བྱེད་པར།། ལོངས་སྤྱོད་ལྔ ་དང་ལྡན་གྱུར་ཅིག། ཅེས་རྫོགས་པ་རང་བྱུང་ཆེན་པོའི་རྒྱུད་ལས། ཆབ་གཏོར་གྱི་མན་ངག་མཆོད་པ་ལོངས་སྤྱོད་ཀྱི་ལེའུ་སྟེ་བཅུ་པའོ།། རྫོགས་སོ།། །། ་རྒྱ་གར་སྐད་དུ། སརྦ་མ་ན་ཡ་སུ་ཀ་ནཱ་མ། བོད་སྐད་དུ། ཐམས་ཅད་ཟློག་བྱེད་མཚོན་ཆའི་ལུང་ཞེས་བྱ་བ། བཅོམ་ལྡན་འདས་སྟོབས་ཀྱིས་རྣམ་པར་འཇོམས་པའི་སྐུ་ལ་ཕྱག་འཚལ་ལོ།། དེ་ནས་བཅོམ་ལྡན ་འདས་དཔལ་རྟ་མཆོག་གིས། བར་ཆད་ཐམས་ཅད་ཟློག་པ་འདི་གསུངས་སོ།། ཀྱེ་ཀྱེ་གསང་སྔགས་འཆང་བའི་རིགས།། ལེགས་པར་ཉོན་ཅིག་རྡོ་རྗེ་འཛིན།། བར་ཆད་ཐམས་ཅད་བཟློག་འདོད་ན།། ང་ཡི་གསང ་སྔགས་འདི་ལ་ཞུགས།། གསང་སྔགས་བཟླས་པ་བརྩོན་འདོད་ན།། དབེན་པའི་གནས་སུ་རབ་ཕྱིན་ལ།། རང་ཉིད་ཡི་དམ་ལྟར་བསྐྱེད་ལ།། དཔལ་ལྡན་རྡོ་རྗེ་སེམས་དཔའ་བསྒོམ།། ཉི་ཟླ་གསལ་བའི་དལ་བསྐྱེད ་ཅིང་།། རྡོ་རྗེ་སེམས་དཔའི་ཐུགས་ཀའི་དལ།། ཨོཾ་བཛྲ་སཏྭ་ཧཱུཾ། སྔགས་དེ་རབ་ཏུ་གསལ་བར་བསྐྱེད།། ཐུགས་ཀའི་དལ་གྱི་སྟེང་དག་དུ།། ཡི་གེ་ཧྲཱིཿའབར་བཞི་བསྐྱེད་དེ།། དེ་ལྟར་རབ་ཏུ་གསལ་བར ་བསྐྱེད།། དེ་ནས་བསྐྱེད་པའི་སྔགས་འདི་བཟླས། ཨོཾ་པདྨཱནྟ་ཀྲྀཏ་བཛྲ་མ་ཧཱ་ཀྲོ་ཏ་ཧ་ཡ་གྲཱི་བ་ཧཱུཾ། གསང་སྔགས་དེ་ཉིད་བཟླས་པ་ཡིས།། སཱི་བཞི་འོད་དུ་རབ་ཞུ་ནས།། ཡི་གེ་གསུམ་ནི་ཞལ་གསུམ་སྟེ།། བཅོམ་ལྡན ་དབང་ཆེན་དེ་ཉིད་ནི།། གཡས་དཀར་གཡོན་སྔོ་དབུས་ལྡང་ཞལ།། ཧྲཱིཿགསུམ་སྟེང་དུ་ཆགས་པ་ལས།། རྟ་མགོ་ལྗང་གུ་གསུམ་དུ་བསམ།། རྟ་སྐད་དྲག་ཏུ་འཚེར་བར་བསམ།། གཡས་གཡོན་དང་པོ་ལྕགས་སྒྲོག ་འཛིན།། གཡས་ཀྱི་བར་མ་རལ་གྲི་ལ།། དགྲ་སྟ་དག་ནི་ཟ་མའོ།། གཡོན་གྱི་བར་མས་གཤོལ་ལམ་གཏན།། ཐ་མས་ཐོ་བ་རབ་ཏུ་བསྣམས།། ཞབས་བཞིས་ས་བདག་ཀླུ་དབང་གནོན།། སྦྲུལ་དང་ཐོད་པའི་རྒྱན་ཆ ་ལྡན།། དུར་ཁྲོད་རྒྱན་ཆས་རྣམ་པའོ།། དེ་ལྟར་གསལ་བར་བསྒོམ་པའོ།། ཤིན་ཏུ་གསང་བའི་སྔགས་འདིའོ།། ཨོཾ་པདྨཱནྟ་ཀྲྀ་ཧ་ཡ་གྲཱི་བ་ཧུ་ལུ་ཧུ་ལུ་ཧཱུཾ་ཕཊ། གསང་སྔགས་དེ་ཉིད་བཟླས་པ་ཡིས།། རྟ་མགྲིན་བསམ་གྱིས ་མི་ཁྱབ་པས།། ས་གཞི་བར་སྣང་གང་བར་བསམ།། སྟོང་གསུམ་འཇིག་རྟེན་ཁེངས་པའོ།། དེ་ལྟར་རབ་ཏུ་བསམ་རྫོགས་ནས།། དབང་ཆེན་གསང་བའི་ཐུགས་ཀ་རུ།། ཕྱག་ན་རྡོ་རྗེ་གསལ་བར་བསྒོམ།། སྐུ་མདོག ་སྔོན་པོ་ཞལ་གཅིག་པའོ།། དེ་ལྟར་ལྷ་གསུམ་བསྒོམ་བྱས་ལ།། ཀླུ་ལ་སོགས་པའི་གདོན་རྣམས་བསྐྲད།། མཆོད་པའི་ལས་རྣམས་ཅི་ནུས་བྱ།། ཤིན་ཏུ་དབེན་ཞིང་ཉམས་དགའ་བར།། རྣལ་འབྱོར་དགེ་སྦྱོར་དོན་ལ ་བརྩོན།། གང་དག་མི་ཡི་རིགས་རྣམས་ལ།། ས་བདག་ལ་སོགས་གདོན་ཞུགས་ན།། དེ་དག་བཅོས་ཤིང་བསྐྲད་པའི་ཐབས།། བརྟག་པ་དག་དང་བཅས་འདིའོ།། ཁ་དང་སྣ་དང་མིག་དག་དང་།། དབང་པོ་ལྔ་ནས ་ཞུགས་པ་དང་།། མགོ་དང་རྐང་པ་ལག་པ་དང་།། ཡན་ལག་ལྔ་ལ་འཇུག་པའི་ས།། གསང་བའི་གནས་དང་སྙིང་ག་དང་།། ཕོ་ཁ་སྨིན་ཕྲག་པུས་མོ་ནི།། ཀླུ་རྣམས་འཇུག་པའི་གནས་སུ་བཤད།། དབང་པོ་ལྔ་ལ ་ཞུགས་པ་དང་།། འབྲས་བུ་སྣ་རྩེར་འབྱུང་བར་ངེས།། རང་ངམ་གཞན་དག་གང་ཞུགས་ཀྱང་།། དེ་ཉིད་རབ་ཏུ་བཅོས་པའི་ཐབས།། སྔགས་ཀྱིས་བཅོས་དང་རྫས་ཀྱིས་བཅོས།། སྔགས་ཀྱིས་གསོ་བ་འདི་ལྟ ་སྟེ།། གསང་སྔགས་གོང་མའི་རྗེས་དག་ཏུ།། དྲག་སྔགས་འདི་ཉིད་བཏགས་ལ་བཟླས།། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ། སྔགས་དེ་རབ་ཏུ་བཟླ་བྱ་ཞིང་།། དང་པོ་ཞི་བས་ཐར་བྱ་ཞིང་།། དེ་ཡིས་ཐར་བར་མ་གྱུར ་ན།། བགེགས་རྣམས་བསྐྲད་པའི་སྦྱོར་བ་བྱ།། བག་ཟན་བཟང་པོ་དག་ལ་ཡང་།། རྨི་ལམ་དག་ཏུ་གང་བྱུང་བའི།། གཟུགས་བརྙན་རྒྱས་པར་བྱ་བའོ།། ཕྱི་དང་ནང་གི་ནད་རྣམས་ཀྱང་།། ཚ་གྲང་གཉིས་ལས་མ་འདས ་ཕྱིར།། བདག་གམ་གཞན་དག་བསྲུང་བ་ཡིས།། གང་ཡང་རུང་བའི་མི་དེ་ལ།། གྲང་བའི་ནད་དང་ལྡན་པ་ལ།། གཟུགས་དེ་སྔོ་སྐྱ་དག་གིས་བྱུག། བལ་ནག་སྒྲ་ཚུགས་ཐུར་དུའོ།། ཚ་བའི་ནད་ཉིད་ཤེས ་ཆེ་ན།། གཟུགས་ཀྱི་ཁ་དོག་དམར་སེར་ཏེ།། རལ་པ་སྐྲ་ཚུགས་གྱེན་ལ་བསྒྲེང་།། བདག་ཉིད་བསྲུང་བ་བྱེད་པ་ན།། བདག་གི་མལ་གྱི་འོག་ཏུ་ཡང་།། གྲུ་གསུམ་དག་ནི་གཏིང་དུ་བརྐོ།། ཁྲུ་གང་གཏིང་ལ་ཐུར་དུ ་བྱ།། ཆུར་ལ་ཁྲུ་གང་ཚད་དུ་བྱ།། ཁྲུ་ཡི་ངོས་ལ་ཁྲུ་བྱེད་ཚད། དུར་ཁྲོད་སོལ་བས་ནག་པོར་བྱུག། དོང་གི་ནང་དུ་གཟུགས་བརྙན་གཞག། དུར་ཁྲོད་ཐལ་བས་བྱུགས་ལ་ཤིང་གིས་ཁ་ཡང་བཅད།། ཤིང་ལ་རི་རབ ་འཁོར་ཡུག་བྲི།། དེ་ཡི་སྟེང་དུ་མལ་བཅས་ལ།། རྣལ་འབྱོར་ལྷ་དང་ལྡན་པ་ཡིས།། གསང་སྔགས་བཟླས་ཤིང་གནན་པར་བྱ།། གཞན་གྱི་ལུས་བསྲུང་བྱེད་པ་ན།། དཀྱིལ་འཁོར་སྟེང་དུ་གཟུགས་དེ་བཞག། ཕྱག་ན་རྡོ ་རྗེའི་གཟི་བརྗིད་ཀྱིས།། ནད་པའི་ལུས་ཀྱི་གདོན་བསྡུས་ནས།། རྨ་བྱ་མདོངས་དང་ལྡན་པའི་སྒོས།། ནད་པའི་ལུས་ལ་བྱ་བ་བྱ་ཞིང་།། གཟུགས་བརྙན་དེ་ལ་བསྟིམས་པར་བྱ།། བལ་ནག་སྐུད་པ་སུམ་བསྒྲིལ ་གྱིས།། ནད་པའི་ལུས་ལ་བསྐོར་བྱ་ཞིང་།། གཟུགས་བརྙན་དག་གི་ལུས་ལ་བཅིངས།། དེ་ནས་ལྷ་ཡི་དཀྱིལ་འཁོར་སོགས།། ཞག་དགུ་བསྒྲུབ་པ་བྱས་ནས་ནི།། ལྷོ་འམ་ནུབ་ཏུ་སྦྱིན་བསྲེག་བྱ། གསང་སྔགས ་བཟླས་པ་ནུས་ཚད་བྱའོ།། ཕུར་པ་དག་དང་རྡོ་རྗེ་ཡིས།། གཟུགས་དེ་དུམ་བུར་གཏུབ་བྱ་ཞིང་།། བཅོམ་ལྡན་མེ་ལྷའི་ཚོགས་ལ་འབུལ།། དེ་ཉིད་ལ་ནི་བརྒྱ་རྩ་བྱ།། དེས་ནི་གདོན་ལས་ཐར་བར་འགྱུར།། རྫས་ནི་གུ ་གུལ་མུ་ཟི་དང་།། གླ་རྩི་ཆུ་དག་གཉིས་སུ་སྦྱར།། རང་གི་དྲི་ཆུས་ཆུ་བྱས་ལ།། ལུས་ལ་བྱུགས་པས་འབྱུང་པོ་འབྲོས།། དེས་ནི་འབྱུང་པོའི་གདོན་ལས་ཐར།། ཡན་ལག་དག་ལ་ཞུགས་པ་ལ།། འབྲས་བུ་རྩི་ལོག་ཤ་རོ ་འབྱུང་།། གདོན་དེ་ཉིད་ལས་ཐར་པའི་ཐབས།། གསང་སྔགས་གོང་དང་འདྲ་བ་ལས།། མུ་ཟི་ཚིལ་ཆེན་ཤ་ཆེན་དང་།། གླ་རྩི་བ་བླ་ཏི་ཚ་དང་།། ཡུངས་ཀར་དུར་ཁྲོད་ཐལ་བ་སྦྱར།། དེ་ལ་གསང་སྔགས་གདབ་བྱ ་ཞིང་།། དུས་བཞིར་ལུས་ལ་བྱུགས་བྱ་ཞིང་།། ཆུ་གཙང་སྔགས་བཏབ་ལྟོར་བཏང་ཞིང་།། མུ་ཟི་གུ་གུལ་དུད་པ་ཡིས།། སྣ་བུག་དག་ནས་བདུག་པར་བྱ།། སྦྲུལ་དང་སྦལ་བ་ལྕོང་མོ་དག། ཁ་དང་སྣ་ནས་ཐོན་པར ་བསམ།། དེ་ལྟར་སྦྱོར་བ་རབ་བྱས་ན།། ཟླ་བ་གསུམ་གྱིས་གདོན་ལས་ཐར།། གནས་ལྔ་དག་ཏུ་ཞུགས་པ་ན།། འབྲས་བུ་སྨིན་མ་བྱི་བར་ངེས།། དེ་ལས་ཐར་བར་བྱ་བའི་ཐབས།། གསང་སྔགས་དག་ནི་སྦྱོར་བ ་བརྩམ།། གདོན་རྣམས་ཐམས་ཅད་འཇོམས་བྱེད་པའི།། དྲག་སྔགས་གསང་བ་འདི་ཉིད་བསྟན།། ཨོཾ་བཛྲ་ཀྲོཏ་ཧྱ་གྣི་བ་ནཱི་ལཾ། བཛྲ་པཱ་ཎི་མཱ་ར་ཡ་མྱོགས་མྱོགས། ན་ར་ཡ་སོད་སོད།། མཱ་ར་ཡ་གཏོགས་ཤིག། ཟུང ་ཞག་རབ་ཏུ་སོད། མཱ་ར་ཡ་སོད་མཱ་ར་ཡ་ཛ་ཛ། དྲག་སྔགས་དེ་ནི་རྒྱུན་དུ་བགྲང་།། ལྷ་གསུམ་ཡིད་ལ་གསལ་བ་ཡིས།། སྔགས་དེ་རྒྱུན་དུ་བཟླས་ན་ནི།། འབྱུང་པོ་ཐམས་ཅད་སྐྲག་པར་ངེས།། བདུན ་འབུམ་དག་གིས་རབ་ཏུ་འགྲུབ།། དགྲ་བགེགས་གང་ཡང་རུང་བ་རྣམས།། ཟླ་བ་གསུམ་གྱིས་ཚར་གཅོད་འགྱུར།། རྨ་ནི་གང་དུ་བྱུང་བ་དེར།། སྔགས་གདབ་མཆིལ་མ་བྱུགས་པར་བྱ།། དེ་ལྟར་རྟག་ཏུ་བྱས་པ ་ན།། གནས་ལྔའི་གདོན་ལས་ཐར་བར་འགྱུར།། དེ་ནི་གདོན་གྱི་གནས་སྲུང་སྟེ།། གདོན་རྣམས་འཇུག་པའི་གནས་རྣམས་ནི།། རྣམ་པ་བཅོ་ལྔ་དག་གིས་བཤད།། དེ་དག་གོང་དུ་སྨོས་པ་བཞིན།། འཇུག་སྒོའི་གདོན ་ལས་ཐར་པའོ།། ཡི་དྭགས་གདོན་འདི་བསམ་ཡས་ཀྱང་།། རིགས་ནི་རྣམ་པ་གསུམ་དུ་འདུས།། ཀླུ་ལ་སོགས་པའི་ས་གདོན་དང་།། ཤ་ཁྲག་མཆོད་པར་འདོད་པའི་རིགས།། འབྱུང་པོ་དུར་ཁྲོད་གནས་པའི ་རིགས།། རྣམ་པ་གསུམ་དུ་ང་ཡིས་བཤད།། འཇུག་པའི་གནས་ནི་རྣམ་པ་གསུམ།། རྩ་དང་ཁྲག་ལ་འཇུག་པ་དང་།། པགས་པ་རུས་ལ་འཇུག་པ་དང་།། སྙིང་དང་མགོ་ལ་འཇུག་པ་སྟེ།། དེ་རྣམས་གདོན་ནི་ཞུགས ་པའི་རྟགས།། བདག་གམ་གཞན་བསྲུང་སྐྱེས་བུ་དེ།། སྔ་མའི་བཞིན་དང་མདོག་དག་ལས།། བཞིན་མདངས་མེད་ཅིང་བསམ་པ་ཆུང་།། སྤྱོད་པ་གཞན་དུ་འགྱུར་བ་ནི།། གང་དག་མཛེས་པར་སྤྱོད་ཀྱང་རུང་།། མི ་མཛེས་པ་ཡི་སྤྱོད་ཀྱང་རུང་།། དགེ་དང་མི་དགེའི་སྤྱོད་ཡུལ་ནི།། འཕྲལ་གྱིས་རྐྱེན་དབང་མ་ཡིན་ན།། གདོན་གྱིས་ཟིན་པའི་མཚན་མར་བསྟན།། དེ་ལྟར་གྱུར་བའི་མི་དེ་ལ།། ཞི་བའི་གཏོར་མས་མཆོད་པར ་བྱ།། དེ་ནས་བགེགས་དེ་མ་བསྐྲད་ན།། ནད་དེ་འཕེལ་ནས་མ་རུངས་བྱེད།། དེ་ཡང་རང་རང་བརྟགས་པ་ནི།། ཀླུ་ཡི་རིགས་ཀྱིས་ཟིན་པ་ན།། ནད་རྣམས་གྲང་བར་འབྱུང་བར་ངེས།། ལུས་དང་ཡན་ལག་སྦྲིད་ཅིང ་རེངས།། ནད་རྣམས་ལྗི་ཞིང་ལུས་སེམས་གཡེངས།། ད་ལྟར་ཞུགས་པའི་རྟགས་རྣམས་ནི།། ཀླུ་ཡི་གདོན་གྱིས་ཟིན་པར་ངེས།། མ་མོའི་གདོན་གྱིས་ཟིན་པ་ན།། ཚ་བའི་ནད་དུ་འབྱུང་བར་ངེས།། སེམས་དང་ལུས་ནི ་ལྗི་བས་ཟིན།། དྲན་པ་ཉམས་ཤིང་ཤེད་ཀྱང་རྨུགས།། དེ་ལྟར་ནད་ཀྱིས་ཟིན་པ་ན།། མ་མོའི་གདོན་གྱིས་ཟིན་པར་ངེས།། འབྱུང་པོ་རོ་ལངས་གདོན་རྣམས་དང་།། རྒྱལ་པོ་ལ་སོགས་གདོན་རྣམས་ནི།། སྣ་ཚོགས ་གདོན་གྱིས་ཟིན་གྱུར་ན།། གློ་བུར་ནད་ནི་སྣ་ཚོགས་འབྱུང་།། དེ་ལྟར་ནད་ཀྱིས་ཟིན་གྱུར་ན།། འབྱུང་པོའི་གདོན་རྣམས་ཡིན་པར་ངེས།། དེ་ལྟར་རྣམ་གསུམ་གདོན་དག་ནི།། རང་རང་གནས་སུ་ཞི་བའི་ཐབས།། ཀླུ ་ཡི་གདོན་གྱིས་ཟིན་པ་ལ།། ཆབ་གཏོར་གཙང་མའི་གཏོར་མས་མཆོད།། མ་མོའི་ནད་ཀྱིས་ཟིན་པ་ན།། ཞི་བའི་སྦྱིན་སྲེག་ཤ་ཁྲག་མཆོད།། ཁྲག་དང་བཅས་པས་མཆོད་པར་བྱ།། འབྱུང་པོའི་ནད་ཀྱིས་ཟིན་པ་ལ།། ཁ ་ཟས་སྣ་ཚོགས་གཏོར་མས་མཆོད།། དེ་ཡིས་ཐར་བར་མ་བྱུང་ན།། དྲག་པོའི་སྦྱོར་བ་བརྩོན་པར་བྱ།། ཞི་རྒྱས་དབང་དྲག་མངོན་སྤྱོད་པའི།། ལས་ནི་ཅི་རིགས་སྦྱོར་བ་བརྩམ།། དེས་ནི་གདོན་ལས་ཐར ་བར་འགྱུར།། ཀླུ་ཡི་གདོན་ལ་རིགས་ལྔ་སྟེ།། རྒྱལ་རིགས་དང་ནི་བྲམ་ཟེའི་རིགས།། རྗེའུ་རིགས་དམངས་རིགས་གདོལ་བའི་རིགས།། ཀླུ་རིགས་ལྔ་ཡི་གདོན་དག་ནི།། འཇུག་པའི་སྒོ་ནི་རྣམ་པ་ལྔ།། གནས་ནི་རྣམ ་པ་ལྔ་རུ་གནས་པའོ།། གབ་པའི་ཡུལ་ནི་རྣམ་པ་ལྔ།། དེ་ལྟར་གནས་པའི་རྒྱུ་བརྟགས་དང་།། རྣམ་སྨིན་རིག་དང་གསོར་རུང་བརྟག། རྒྱལ་རིགས་ཀླུ་ཡི་འཇུག་ས་ནི།། སྤྱི་བོའི་གཙུག་ནས་འཇུག་པར་ངེས།། དེ་ཉིད ་བརྟག་པ་རབ་ཏུ་གཅེས།། མི་ཡི་རིགས་དང་ཀླུ་ཡི་རིགས།། སྦྱར་ནས་བརྟགས་པ་འདི་ལྟར་བྱ།། ཞུགས་ནི་ཟིན་པའི་བརྟགས་པ་དང་།། ཕྱིས་ནི་འཇུག་ཏུ་འགྲོ་བ་བརྟག། སྤྱི་གཙུག་ཐེགས་པའི་རྟགས་རྣམས ་ནི།། གསང་བའི་གནས་སུ་འབྱུང་བར་ངེས།། གནས་པའི་ས་ནི་མགྲིན་པའོ།། གབ་པའི་ས་ནི་སྙིང་གའོ།། རྒྱལ་རིགས་ཀླུ་ཡིས་ཟིན་པ་དེ།། སྙིང་ནི་མི་དགའ་འགྲོ་སྙིང་འདོད།། རི་བོས་མནན་སྙམ་བྱེད ་པའོ།། དམངས་རིགས་དག་གི་མི་དག་ལ།། རྒྱལ་རིགས་ཀླུ་ཡི་རྟགས་རྣམས་བྱུང་བ་ན།། མི་དེ་མི་ཐར་སྟོང་ཉིད་བསྒོམ།། རྒྱལ་རིགས་རྗེའུ་རིགས་མི་དག་ལ།། གོང་གི་རྟགས་དེ་བྱུང་བ་ན།། སྔགས་དང་རྫས་ཀྱི ་བསྲུང་བ་འབད།། དེས་ནི་གདོན་ལས་ཐར་བར་འགྱུར།། བྲམ་ཟེའི་རིགས་དང་གདོལ་བ་ལ།། རྒྱལ་རིགས་ཀླུ་ཡི་ཐེབས་གྱུར་ན།། དྲག་པོའི་ལས་བྱས་ཐར་བར་འགྱུར།། དེ་དག་རྒྱལ་རིགས་གདོན་གྱི་བརྟགས ་པའོ།། རྗེ་རིགས་ཀླུ་ཡི་བརྟགས་པ་ནི།། འཇུག་པའི་སྒོ་ནི་སྨིན་བྲག་གོ། སྨིན་པའི་འབྲས་བུ་མིག་ལའོ།། གློ་བར་གནས་ཞིང་ཟ་བར་བྱེད།། གབ་པའི་ཡུལ་ནི་རུས་པ་ཁོལ།། རྗེའུ་རིགས་ཀླུ་ཡིས་ཟིན་པའི་མི།། སྨིན ་མ་ཟ་ཞིང་འཕྲུག་པར་བྱེད།། ལུས་ལ་རྨ་དང་སྐྲངས་པ་འབྱུང་།། རུས་པ་ཁོལ་ཞིང་ན་ཚ་ཆེ།། དེ་ལྟར་བྱུང་བའི་མི་དེ་ཡང་།། རྗེའུ་རིགས་ཀླུ་ཡིས་ཟིན་པར་ངེས།། ཆོ་གའི་སྦྱོར་བ་འབད་པར་བྱ།། རྒྱལ་རིགས ་མི་ལ་ཟིན་གྱུར་ན།། ཡུན་རིང་བར་དུ་མི་ཐར་བས།། དབང་དང་བསྒྲུབ་པ་ཆེན་པོ་དང་།། རིགས་སྔགས་རྒྱུན་དུ་བཟླས་པས་ཐར།། དམངས་རིགས་མི་ལ་ཞུགས་པ་ན།། ཞི་བའི་ལས་རྣམས་བརྩམས་པས ་འགྲུབ།། རྗེའུ་རིགས་མི་ལ་ཞུགས་པ་ན།། དྲག་པོའི་སྔགས་དང་སྦྱིན་སྲེག་གིས།། མྱུར་དུ་བགེགས་ལས་ཐར་བར་འགྱུར།། བྲམ་ཟེའི་རིགས་ལ་ཞུགས་པ་ན།། གསང་སྔགས་བཟླས་ཞིང་ལྷ་བསྒོམ་པས།། མྱུར་དུ ་གདོན་ལས་ཐལ་བར་འགྱུར།། གདོལ་བའི་རིགས་ལ་ཞུགས་པ་ན།། ཆུ་ཡི་ཧོམ་དང་གཏོར་མས་འགྲུབ།། དེས་ནི་རྗེའུ་རིགས་གདོན་ལས་ཐར།། བྲམ་ཟེའི་རིགས་ཀྱི་ཀླུ་རྣམས་ནི།། ཞུགས་པའི་བརྟག་པ་འདི་ལྟར་རོ།། ་འཇུག་པའི་སྒོ་ནི་གསང་བའི་གནས།། འབྲས་བུ་སྨིན་པའི་ས་ཉིད་ནི།། ལུས་ལ་ཤ་བཀྲ་ཤུ་བ་འབྱུང་།། མཆིན་པར་གནས་ཤིང་ཁྲག་ལ་ཟ།། གབ་པའི་ས་ནི་ཤ་མཐོང་བས།། བྲམ་ཟེའི་རིགས་ཀྱི ་རྟགས་རྣམས་ནི།། ཁ་སྣ་སྐམ་ཞིང་ཆུ་དད་ཆེ།། སྣ་ནས་ཁྲག་ནི་རྒྱུན་དུ་འབྱུང་།། གཞོགས་ནི་གཡས་པ་ན་བ་དང་།། ཕྱིས་ནི་རྐང་ལ་ཞ་བར་ངེས།། མིག་གི་བཀྲག་དང་ཤ་བཀྲག་ཤོར།། ཤེས་པ་ཉམས་པའི་རྟགས ་རྣམས་ནི།། བྲམ་ཟེའི་རིགས་ཀྱིས་ཟིན་པར་ངེས།། རྒྱལ་རིགས་མི་ལ་ཟིན་གྱུར་ན།། རབ་ཏུ་ཐར་བར་དཀའ་བར་ངེས།། དམངས་རིགས་མི་ལ་ཟིན་གྱུར་ན།། སྤོས་དང་ཙན་དན་དྲི་ཞིམ་དང་།། ཆུ་གཙང་ཆུ་ཡིས་སྦྱར ་བྱས་ལ།། ནད་པའི་ལུས་རྣམས་བཀྲུས་བྱས་པས།། ཟླ་བ་དྲུག་ནས་ཐར་བར་ངེས།། རྗེའུ་རིགས་མི་ལ་ཟིན་གྱུར་ན།། དྲག་པོའི་ལས་རྣམས་བརྩམས་པས་འགྲུབ།། བྲམ་ཟེའི་རིགས་རྣམས་ཟིན་གྱུར་ན།། སྔགས་དང ་ཕྱག་རྒྱ་བསྟན་པས་འགྲུབ།། གདོལ་བའི་རིགས་རྣམས་ཟིན་གྱུར་ན།། མནན་དང་སྦྱིན་སྲེག་བྱས་པས་འགྲུབ།། དེ་ལྟར་སྦྱོར་བ་རབ་བྱས་ན།། བྲམ་ཟེའི་རིགས་ལས་ཐར་བར་འགྱུར།། དམངས་རིགས་གདོན་གྱི ་བརྟག་ཐབས་ནི།། འཇུག་ས་མིག་ལ་འཇུག་པར་ངེས།། མཁལ་མར་གནས་ཞིང་རྩ་ལ་ཟ།། གབ་པའི་ས་ནི་ཚིགས་པའོ།། མིག་རྩ་དམར་ཞིང་གསུས་པ་ཆེ།། སྨིན་པའི་ས་ནི་རྐང་མཐིལ་ལོ།། ཚིགས་པ་ན་ཞིང་དྲན་པ ་ཉམས།། ཚིག་པ་ཟ་ཞིང་ཉམས་མི་དགའ།། ཕྱིས་ནི་ཀྱོག་པོར་འགྲོ་བར་ངེས།། ངོ་བཀྲག་འཆོར་ཡང་སོ་ཡང་དཀར།། ཕྱིས་ནི་མཛེ་རུ་འགྲོ་བར་ངེས།། དེ་རྣམས་རྟགས་དང་ལྡན་པ་ལ།། དམངས་རིགས་གདོན་དུ ་རིག་པར་བྱ།། རྒྱལ་རིགས་མི་ལ་ཟིན་པ་ན།། སྣ་ཚོགས་སྦྱོར་བ་བྱས་པ་ཡིས།། མྱུར་དུ་གདོན་ལས་ཐར་བར་འགྱུར།། རྗེའུ་རིགས་མི་ལ་ཟིན་པ་ན།། བདག་ཉིད་དབང་ཆེན་འབར་བར་བསྒོམ།། ཤིན་ཏུ་ཁྲོས་པའི ་ང་དུ་གསལ།། དབུ་གསུམ་ཕྱག་བརྒྱད་ཞབས་བཞི་འཇིགས།། རྟ་མགོ་གསུམ་ནི་དྲག་ཏུ་འཚེར།། སྐུ་མདོག་སྔོ་ནག་རབ་ཏུ་འཇིགས།། དུར་ཁྲོད་རྒྱན་གྱིས་སྐུ་ལ་བརྒྱན་པའོ།། གཡས་ཀྱི་དང་པོ་ཁ་ཊྭཱཾ་ག། བར་མ ་རྡེའུ་ཆུང་རབ་ཏུ་འཛིན།། དེ་ཡི་འོག་མས་རལ་གྲི་ཕྱར།། ཐ་མ་གཉིས་ནི་མདའ་གཞུ་འགེང་།། གཡོན་གྱི་དང་པོ་མདུང་ཐུང་ངོ་།། འོག་མས་གསེར་གྱི་ཞགས་པ་བརྐྱང་།། དེ་ཡི་འོག་མ་བེ་ཅོན་བསྣམས།། གཡས་ཀྱི ་ཞབས་བརྒྱད་ལྷ་ཆེན་མནན།། གཡོན་གྱི་ཞབས་བརྒྱད་ཀླུ་བརྒྱད་བརྫིས།། དེ་ལྟར་གསལ་བར་བསྒོམས་ནས་ནི།། རིགས་གསུམ་ཁྲོ་བོ་མདུན་དུ་བསམ།། གསང་སྔགས་བཟླས་པ་རྫོགས་པ་ཡིས།། དམངས་རིགས ་གདོན་ལས་ཐར་བར་འགྱུར།། གདོལ་བའི་རིགས་ཀྱི་རྟགས་རྣམས་ནི།། འཇུག་པའི་སྒོ་ནི་རྐང་མཐིལ་ནས།། གནས་ནི་མཆེར་པར་གནས་པ་ལ།། རྩ་རྣམས་ལ་ཡང་ཟ་བར་བྱེད།། གབ་པའི་ས་ནི་ཆུ་རྒྱུས ་ན།། འབྲས་བུ་སྨིན་མ་མཚུལ་ཁུང་སྟེ།། ན་ཚ་རབ་ཏུ་ཆེ་བ་དང་།། ལུས་ལ་ཁུ་འཕྲིགས་མང་པོ་འོང་།། སོག་ཕྲག་དག་ནི་འཁྱུག་པ་དང་།། སྐབས་སུ་གྲོ་འཁྱུག་ཚིག་པ་ཟ།། ཤེས་པ་འཐིབ་ཅིང་ཉལ་ལ ་དགའ།། ཁ་ཟས་དག་ནི་སྐྱུགས་པར་བྱེད།། ཕྱིས་ནི་ཚོགས་སུ་ཆད་པར་ངེས།། རྟགས་ནི་དེ་དང་ལྡན་པ་ན།། གདོལ་རིགས་ཀླུ་ཡིས་ཟིན་པར་ངེས།། ནད་ཀྱང་གློ་བུར་ཟུག་གིས་འོང་།། དེ་ལ་བཅོས་ཞིང་བསྐྲད ་པའི་ཐབས།། འདི་ལྟར་རབ་ཏུ་བརྩམས་པར་བྱ།། རྒྱལ་རིགས་ལ་སོགས་མི་རྣམས་ལ།། གནོན་པར་བྱེད་པའི་བགེགས་བསྐྲད་པ།། ཞི་རྒྱས་དབང་དྲག་རྫོགས་པར་བྱ།། དེ་ལྟར་སྦྱོར་བ་རབ་བྱས་ན།། གདོལ་རིགས ་ཀླུ་ལས་ཐར་བར་འགྱུར།། ཀླུ་རིགས་ལྔ་ཡི་གདོན་རྣམས་ནི།། རྒྱལ་རིགས་དག་གིས་ཟིན་གྱུར་ན།། ཐར་བར་དཀའ་ཞིང་ནད་ཀྱང་འོང་།། དྲག་པོའི་སྦྱོར་བས་བསྐྲད་པར་བྱ།། དྲག་པོའི་ལས་ཀྱིས་མ་ཐར་ན།། ཞི ་རྒྱས་སྤྱོད་པའི་ལས་ཀྱིས་བསྐྲད།། རྗེའུ་རིགས་ཀླུ་ཡིས་ཟིན་གྱུར་ན།། ནད་ཀྱི་དཔྱད་ནི་གསུམ་འོང་སྟེ།། དེ་དག་དང་པོ་བཅོས་པའི་ཐབས།། དང་པོ་བདེན་བདར་ཟས་ཀྱིས་མཆོད།། དེས་ཀྱང་ཕན་པར་མ་གྱུར ་ན།། དྲག་པོའི་ལས་ལ་ནན་ཆེར་བྱ།། བྲམ་ཟེའི་རིགས་ཀྱིས་ཟིན་གྱུར་ན།། དང་པོ་ཁྲུས་དང་གཙང་མཆོད།། དེས་ཀྱང་ཕན་པར་མ་གྱུར་ན།། ཞི་བའི་ལས་ལ་ཕལ་ཆེར་འབད།། དམངས་རིགས་གདོན་གྱིས་ཟིན ་པ་ན།། ཟས་དང་གཏོར་མས་མཆོད་པར་བྱ།། དེས་ཀྱང་ཕན་པར་མ་གྱུར་ན།། རྒྱས་པ་ཉིད་ལ་འབད་པར་བྱ།། གདོལ་བའི་རིགས་ཀྱིས་ཟིན་གྱུར་ན།། དང་པོ་ཆུ་ཡི་ཧོམ་ཁུང་བྱ།། དེ་ཡིས་ཕན་པར་མ་གྱུར ་ན།། དབང་གི་སྦྱིན་སྲེག་རྫོགས་པར་བྱ།། རིགས་ལྔ་ཀླུ་ཡིས་ཟིན་གྱུར་ན།། དང་པོ་ཞི་བའི་སྦྱོར་བ་བྱ།། ཆབ་གཏོར་དང་ནི་འོ་མས་མཆོད།། ཆབ་གཏོར་རྒྱས་པར་བྱ་བ་ནི།། མཚོ་ཡི་ཆུ་དང་ལྟེང་ཀའི་ཆུ།། ལུ་མའི་ཆུ ་དང་རྫིང་བུའི་ཆུ།། ཁྲོན་པའི་ཆུ་དང་འབབ་པའི་ཆུ།། ཆུ་སྣ་ཚོགས་ཚད་བླངས་ལ་ཡང་།། ཤིན་ཏུ་གཙང་བའི་སྣོད་དུ་བླུག། བ་དམར་དག་གི་འོ་མ་དང་།། མེ་ཏོག་མཛེས་པས་བརྒྱན་པར་བྱ།། ས་བཟང་དང་ནི་གུ་གུལ ་དཀར།། ཀླུ་སྨན་སྣ་ཚོགས་དག་དང་ནི།། བག་ཟན་དག་དང་སྦྱར་བྱ་ཞིང་།། ཀླུ་ཡི་གཟུགས་ནི་སྣ་ཚོགས་བྱ།། ཆུ་དེའི་ནང་དུ་གཞུག་པར་བྱ།། པདྨ་འདབ་བརྒྱད་དཀར་པོ་སྟེ།། གེ་སར་ཆུ་ཡི་སྣོད་དེར་གཞག། འབྲས ་ཆེན་ལ་སོགས་ཟས་བཟང་དང་།། འོ་མ་སྨན་དུ་སྦྱར་བ་ཡི།། གཏོར་མ་གཅིག་ནི་གཞག་པར་བྱ།། མཆོད་པའི་ཡོ་བྱད་ཚོགས་པ་དང་།། བདག་ཉིད་ཁྲུས་ནི་རབ་བྱས་ལ།། གོས་ནི་གཙང་མ་གོན་པར་བྱ།། སྤོས་དང་དྲི ་སྣ་ཚོགས་ཀྱིས་བྱུགས།། ཆུ་དེའི་ནང་དུ་བླུགས་པའི་རྫས།། མེ་ཏོག་སྤོས་དང་ཙནྡན་དང་།། རིན་པོ་ཆེ་རྣམས་བརྡར་ལ་བླུག། རྩ་བའི་གསང་སྔགས་རྗེས་ཉིད་དུ།། སྔགས་འདིས་ཀླུ་རྣམས་མཆོད་པར་བྱ།། སརྦ་པཉྩ ་ན་ག་ཤནྟི་ཀུ་རུ་སྭཱ་ཧཱ། གསང་སྔགས་དེ་ཡིས་མཆོད་པའོ།། གཏོར་མ་གསང་སྔགས་འདི་ཡིས་འབུལ།། སརྦ་པཉྩ་ནཱ་ག་ཨི་དཾ་བ་ལི་གྲྀཧྞ་གྲྀཧྞཱ་པ་ཡ་སྭཱ་ཧཱ། ལན་བདུན་དག་གིས་ཀླུ་རྣམས ་མཆོད།། ཨུཏྤལ་ལྟ་བའི་ཕྱག་རྒྱ་ཡིས།། གཙང་མའི་ཀླུ་རྣམས་མཆོད་པར་བསམ།། ཆུ་དང་བཅས་པའི་གཏོར་མ་ནི།། ཀླུ་རྣམས་གནས་པའི་ས་རུ་བསྐུལ།། དེས་ནི་ཀླུ་ཡི་གདོན་རྣམས་ཐུབ།། དེས་ཀྱང་གདོན་དང་མ ་བྲལ་ན།། དྲག་པོའི་ལས་རྣམས་བརྩམ་པར་བྱ།། དབང་ཆེན་ཏིང་འཛིན་རབ་ལྡན་པས།། བདག་གི་ཐུགས་ཀའི་ཧཱུཾ་ཉིད་ལས།། ཕྱག་ན་རྡོ་རྗེ་གཏུམ་པོར་བསམ།། བདག་ཉིད་དཔུང་པ་གཡས་པ་ན།། ཡི་གེ་ཧྲཱིཿགཅིག ་ཆད་པ་ལས།། ཁྲོ་བོ་རྟ་མགྲིན་དམར་པོར་བསམ།། རྟ་མགྲིན་དེ་ལས་འོད་འཕྲོས་པས།། གཤིན་རྗེའི་གཤེད་དང་མི་གཡོ་མགོན།། ཤིན་ཏུ་གཏུམ་པའི་ཁྲོ་བོར་བསམ།། དེ་ལྟར་ལྷ་རྣམས་བསྐྱེད་པ་དང་།། ཐོག་མའི ་གསང་སྔགས་རྗེས་དག་ཏུ།། གསང་སྔགས་འདི་ཡིས་ཀླུ་རྣམས་བསད།། ཨོཾ་བཛྲ་ཙཎྜ་མ་ཧཱ་རོ་ཥ་ན་ན་ག་མཱ་ར་ལ་མྱོགས་མྱོགས། ན་ག་མཱ་ར་ཡ་ཐུམས། ནཱ་ག་མཱ་ར་ཡ་ཤིག། རོ་ལ་རྨུགས། ཤག་མཱ་ར་ཡ། སྙིང་ཁྲག ་ཚལ་བ་བཾ་རི་ལ་གཏུབ་གཏུབ། གསང་སྔགས་དེས་ནི་ཀླུ་རྣམས་གསོད།། འབྱུང་པོ་ཐམས་ཅད་ཚར་གཅོད་བྱེད།། དྲེགས་པ་ཐམས་ཅད་འདུལ་བ་ཡིས།། དེ་ལྟར་གསང་སྔགས་དག་ལ་བསྐུར།། ཀླུ་ཡི་རིགས་རྣམས ་གསད་པ་ཡི།། སྦྱོར་བ་དེ་ཉིད་བརྩོན་པར་བྱ།། རྒྱལ་རིགས་ཀླུ་ཡི་རྟགས་བྱུང་ན།། རས་སམ་གྲོ་ག་ཤིང་ཤུན་ལ།། རྒྱལ་རིགས་ཀླུ་ཡི་གཟུགས་བྲིས་ལ།། ལིངྒ་དེ་ཡི་སྙིང་ག་རུ།། ནཱ་ག་མཱ་ར་ཡ་ཞེས་བྲི།། ལིངྒ་དེ་ཡི ་གཡས་ཕྱོགས་སུ།། རྒྱལ་རིགས་མཱ་ར་ཡ་ཞེས་བྲི།། གཡོན་དུ་ནཱ་ག་གཏུབས་དང་མྱོགས་ཞེས་བྲི།། དེ་ལྟར་ལིངྒ་བྱས་པ་ཡིས།། མགྲིན་པར་ལིངྒ་རེ་རེ་བྲི།། དེ་ལྟར་ལིངྒ་བྱས་ཟིན་ནས།། བྲུབ་ཁུང་གྲུ་གསུམ་སྔོན་པོར ་བྱ།། དེ་ཡི་ཐ་མ་ཟླུམ་པོར་བརྩིགས།། ཟླུམ་པོའི་ཁ་དོག་སྔོ་ནག་ལ།། མེ་རི་ཡིས་ནི་མཛེས་པར་བྲི།། ཟླུམ་པོར་བརྩེགས་པའི་སྟེང་དག་ཏུ།། རྡོ་རྗེ་བེ་ཅོན་གཟུགས་ཉིད་བྲི།། གྲུ་གསུམ་བརྩེགས་པའི་སྟེང་དག་ཏུ།། ཁ ་ཊྭཱཾ་རྡོ་རྗེ་རྒྱ་གྲམ་བྲི།། དེ་ཡི་ནང་དུ་ལིངྒ་གཞུག། སྐེ་ཚེ་ཉུང་དཀར་ཉུང་ནག་དང་།། བཙན་དུག་ལ་སོགས་དུག་རྣམས་དང་།། དུར་ཁྲོད་ཐལ་བའི་རྫས་རྣམས་ནི།། དུར་ཕོར་དག་གི་ནང་དུ་བླུག། དེ་ལ་གསང་སྔགས ་རབ་བཏབ་ཅིང་།། ལིངྒ་དེ་ལ་བྲབ་པར་བྱ།། བལ་པོ་སེའུའི་ལྕུག་མའམ།། སྙག་ཤད་དག་གི་ལྕུག་མ་ཡིས།། ནད་པའི་སྙིང་ག་དག་ནས་དེད།། ལུས་ཀུན་ཁྱབ་པར་བརྡོལ་བྱ་ཞིང་།། བདག་ཉིད་གླང་ལ་ལན་གསུམ ་བསྐོར།། ས་ལ་ལན་ནི་གསུམ་བརྡབ་ཅིང་།། ལིངྒ་དེ་ལ་བསྟིམ་པར་བྱ།། གསང་སྔགས་བཟླས་པ་རབ་ཏུ་བྱ།། བདག་ཉིད་དབང་ཆེན་ལྡན་པ་ཡིས།། གསང་སྔགས་བཟླ་ཞིང་ལྕུག་མས་བརྡེགས།། ཀླད་སྐོར་ས་ལ ་བརྡབ་པ་དང་། ལིངྒ་དག་ལ་ཡང་ཡང་བསྟིམ།། བཅོམ་ལྡན་པདྨ་རྟ་མཆོག་དང་།། ཕྱག་རྡོར་ལ་སོགས་འཁོར་རྣམས་ལ།། གཏོར་མ་རྒྱན་ལྡན་དག་གིས་ཀྱང་།། དུས་གསུམ་དག་ཏུ་མཆོད་པར ་བྱ།། མཚམས་ནི་མ་ཐོན་བར་དུ་ཡང་།། དཔལ་གྱི་གཏོར་མ་གཏའ་རུ་བཟུང་།། ཞག་བདུན་བར་དུ་བསྒྲུབ་པ་དང་།། དེ་ནས་ལིངྒ་དེ་ཉིད་ནི།། ཡུགས་ས་མོ་ཡི་ཞབས་མས་གཏུམ།། བྲ་མའི་ཤིང་གི་མེ་ཡིས ་སྦར།། དུག་དང་གོང་གི་ཐུན་གྱིས་བྲབ།། དྲག་སྔགས་དེ་ཉིད་རབ་ཏུ་བཟླས།། བདག་ཉིད་ཁྲོ་བོའི་ཏིང་འཛིན་བརྟན།། ཐུན་དང་ལྕུག་མས་རབ་ཏུ་བྲབ། ཐུན་དང་ལྕུག་མས་བྲབ་ཚེ་ན།། ནད་པའི་ལུས་ཀྱི་ནད་རྣམས ་ཀུན།། ཕྱག་ན་རྡོ་རྗེའི་མཐུ་རྩལ་དང་།། གཤིན་རྗེ་གཤེད་ཀྱི་བརྟུལ་ཤུག་དང་།། རྟ་མགྲིན་རྒྱལ་པོའི་དྲག་ཤུལ་དང་།། མི་གཡོ་བ་ཡི་དྲག་སྔགས་དང་།། རྟེན་འབྲེལ་རྫས་ཀྱི་བདེན་པ་ཡིས།། ནད་པའི་ལུས་ཀྱི་ནད ་རྣམས་ཀུན།། ཐོན་ནས་འབྱུང་པོའི་ལིང་གར་བསྟིམ།། དེ་ནས་མེ་སྦར་དྲག་སྔགས་བཟླས།། དེ་ནས་བྱིན་སྲེག་ཟིན་པ་དང་།། བག་ཟན་དག་གིས་གཟུགས་བྱས་ལ།། བསྲེག་པའི་ཐལ་བ་དག་དང་བཅས།། ཁམ་སའི ་བླུག་མའི་ནང་དུ་གཞུག། ཐུན་གྱིས་བྲབས་ལ་ལྕུག་མས་བྲབ།། ཆུ་མིག་ཤར་དུ་བལྟས་པ་ཡི།། འགྲམ་དུ་འདོམ་གསུམ་ཚད་དུ་སྦ།། དེ་ལྟར་སྦྱོར་བ་ཆེན་པོ་ནི།། ཉི་ཤུ་རྩ་བརྒྱད་བྱས་གྱུར་ན།། རྒྱལ་རིགས་གདོན ་ལས་ཐར་བར་འགྱུར།། གང་དག་མི་ཡི་རིགས་རྣམས་ལ།། རྗེ་རིགས་ཀླུ་ཡིས་ཟིན་གྱུར་ན།། དྲག་པོའི་ལས་ཀྱིས་གསོ་བྱེད་པའི།། སྦྱོར་བ་འདི་ལ་བརྩོན་པར་བྱ།། དེ་གཉིས་སྦྱོར་བ་ཆེན་པོ་ནི།། བཅོམ་ལྡན་ཕྱག་ན ་རྡོ་རྗེ་ཡི།། བདག་ཉིད་ཏིང་འཛིན་ལྡན་པ་ཡིས།། འབྲུབ་ཁུང་གོང་དང་འདྲ་བ་ལས།། དྲག་པོའི་ཐུན་དང་སྦྱོར་བ་ནི།། ར་ཕག་ཚིལ་དང་བོང་ཚིལ་དང་།། བ་ཚིལ་ཁྱི་ཚིལ་ལ་སོགས་པ།། སྦྱིན་སྲེག་རྫས་སུ་རྒྱས་པར ་གསུངས།། ལིང་ག་རྣམ་པ་གསུམ་བྱ་སྟེ།། མིང་བྱང་གོང་དང་འདྲ་བའོ།། རྨ་བྱ་མཛེས་པས་ལུས་ལ་བྱབ།། ལིངྒ་ཉིད་ལ་བསྟིམ་ཞིང་བཟླས།། སེང་ལྡིང་ཕུར་པ་སོར་བརྒྱད་ལ།། དབང་ཆེན་གསང་སྔགས་བྲིས་པ ་ཡང་།། བདག་ཉིད་ཐོང་ག་གཡས་པ་ལ།། ལེ་བརྒན་དར་གྱིས་དྲིལ་ལ་གདགས།། ལྕགས་ཀྱི་ཕུར་བུ་སོར་བཞི་ལ།། རྡོ་རྗེ་གཏུམ་པོའི་སྔགས་བྲིས་ལ།། བདག་གི་ཐོང་ག་གཡོན་པ་ལ།། དར་སྔོན་དག་གིས་དྲིལ་ལ ་གདགས།། དེ་ནས་ཏིང་འཛིན་ལྡན་པ་དེས།། རྨ་བྱས་བྱབ་ཅིང་ལིང་གར་བསྟིམ།། ལིངྒ་གཅིག་ལ་ཐུན་གྱིས་བྲབ།། གཅིག་ལ་ནད་པའི་ནད་རྣམས་བསྟིམ།། གཅིག་ལ་ཚིལ་བུའི་དུད་པས་བདུག། ད་ལྟར་གསང་བ ་རབ་ལྡན་པས།། བསྒྲུབ་པའི་ཚད་ནི་གོང་དང་མཐུན།། ལིངྒ་རོ་རས་དག་གིས་གཏུམ།། སྐྱེར་བའི་ཤིང་གི་མེ་སྦར་ཞིང་།། ལིངྒ་གཉིས་ནི་བསྲེགས་པར་བྱ།། དེས་ནི་སྦྱོར་བ་ཟིན་པ་དང་།། ཆུ་མིག་ནུབ་ཏུ་བལྟ་བའི ་སར།། ལིངྒ་གཅིག་དང་བཅས་པ་ནི།། གོང་དང་འདྲ་བར་སྦ་བར་བྱ།། དེ་ལྟར་སྦྱོར་བ་ཉིད་བྱས་ན།། རྗེའུ་རིགས་གདོན་ལས་ཐར་བར་འགྱུར།། བྲམ་ཟེའི་རིགས་ཀྱི་རྟགས་བྱུང་ན།། བདག་ཉིད་རྣལ ་འབྱོར་ཆེན་པོ་ཉིད།། གཤིན་རྗེ་གཤེད་ཀྱི་ཏིང་འཛིན་གྱིས།། སྐྱེར་བའི་ཕུར་པ་སོར་བཞི་ལ།། གཤིན་རྗེ་གཤེད་ཀྱི་སྔགས་བྲིས་ལ།། བདག་ཉིད་ཐོང་ག་གཡོན་པ་ན།། དར་སེར་དག་གིས་དྲིལ་ལ་བཏག། དབང་ཆེན ་ཕུར་པ་གོང་དང་མཚུངས།། བེང་དུག་བཙན་དུག་ལ་སོགས་ཏེ།། དུག་གི་རྣམ་པ་ཅི་སྙེད་དང་།། ཁྲག་སྣ་ཅི་སྙེད་ཡོད་པ་དང་།། ཁྱི་ལུད་དྲི་ཆེན་མངལ་ཁྲག་དང་།། ཡུགས་ས་མོ་ཡི་ཞབས་མ་ནི།། ཐུན་དང་བྲབ་པའི ་རྫས་སུ་བསྟན།། ཕག་པ་དག་གི་སྣ་རྩེ་ལ།། གསང་སྔགས་བཟླའ་ཞིང་ལུས་ལ་བྱ་བ།། ལིངྒ་ཉིད་ལ་བསྟིམ་པར་བྱ།། དེ་ནས་བསྒྲུབ་པ་ཐ་མ་ལ།། དུག་ཤིང་སྦྱར་བའི་མེ་སྦར་ཞིང་།། རྫས་རྣམས་ཟབ་ཏུ་བསྲེག་པར ་བྱ།། ཁྲག་གིས་གཏོར་ཞིང་ལིང་ག་བསྲེག། དེ་ལ་སྦྱོར་བ་ཟིན་པ་དང་།། ཐལ་བ་ལིང་གར་བཅས་པ་ནི།། ཆུ་མིག་ལྷོ་ངོས་བལྟ་བ་རུ།། གོང་དང་འདྲ་བར་སྦ་བར་བྱ།། བྲམ་ཟེའི་རིགས་ལས་ཐར ་བར་འགྱུར།། དམངས་རིགས་རྟགས་ནི་བྱུང་བ་ན།། བཅོམ་ལྡན་རྟ་མགྲིན་དམར་པོ་བསྒོམ།། དབང་ཆེན་ཕུར་པ་གོང་དང་འདྲ།། ར་གན་ཕུར་བ་སོར་བཞི་ལ།། རྟ་མགྲིན་དག་གི་སྔགས་བྲིས་ལ།། བདག་ཉིད་ཐོང ་ག་གཡོན་པ་ལ།། དར་སྣ་ཚོག་ཀྱིས་དྲིལ་ལ་གདགས།། ཤོག་བུའི་ལིངྒ་བརྒྱ་རྩ་བསྲེག། བཅའ་ལུག་གོང་དང་འདྲ་བ་ལ།། དབུས་ཀྱི་ཆུ་མིག་དག་ཏུ་ཡང་།། གོང་དང་འདྲ་བར་སྦ་བར་བྱ།། དེ་ནི་དམངས་རིགས ་གདོན་ལས་ཐར།། གདོལ་པའི་རིགས་ཀྱི་རྟགས་བྱུང་ན།། འཕགས་པའི་རྒྱལ་པོ་མི་གཡོ་བསྒོམ།། རྫས་དང་བྱ་ཐབས་གོང་དང་འདྲ།། དབང་ཆེན་ཕུར་པ་གོང་དང་འདྲ།། དངུལ་གྱི་ཕུར་པ་སོར་བཞི་ལ།། མི་གཡོ ་བ་ཡི་སྔགས་བྲིས་ལ།། བདག་ཉིད་ཐོང་ག་གཡོན་པ་ལ།། དར་དཀར་དག་གིས་དྲིལ་ལ་གདགས།། དེ་ནས་སྦྱོར་བ་ཟིན་པ་དང་།། ཟླ་གམ་མཛེ་མོའི་མེ་སྦར་ཞིང་།། ལིངྒ་བསྲེག་ཅིང་གསང་སྔགས་བཟླས།། ཆུ་མིག། ་བྱང་དུ་བལྟ་བར་ཡང་།། གོང་དང་འདྲ་བར་སྦ་བར་བྱ།། དེས་ནི་གདོལ་པའི་གདོན་ལས་ཐར།། རིགས་ལྔ་ཀླུ་ཡི་ཟིན་གྱུར་ན།། རེས་འགའ་ན་ཞིང་རེས་འགའ་གྲང་།། ཤེས་པ་རྨུགས་ཤིང་ཉལ་ལ་དགའ།། སྐྱུར་དང ་དམར་ལ་མི་དགའ་ཞིང་།། དཀར་དང་མངར་ལ་དགའ་བ་ན།། ཀླུ་རིགས་ལྔ་ཡི་ཟིན་པ་ངེས།། རྨི་ལམ་དག་ལ་བྱོལ་སོང་དང་།། ཁྱི་དང་ཕག་དང་ཉ་སྦྲུལ་དང་།། སེམས་ཅན་གཟུགས་ནི་སྣ་ཚོགས་འབྱུང་།། དེ་རྣམས ་བཅོས་པར་བྱ་བའི་ཐབས།། སྣ་ཚོགས་སྦྱོར་བ་རབ་ཏུ་བྱ།། དེ་ལྟར་གསད་པར་བྱ་བའི་ཐབས།། དྲག་སྔགས་འདི་ཡིས་བྱ་བར་གསུངས།། ཨོཾ་ཤྲཱི་བཛྲ་ཙཎྜ་ནཱ་གའི་རོ་སྙིང་ཤ་ཀུ་རུ་མཱ་ར་ཡ་ཛ་ཛ། ནཱ་ག་དུཥྚཱན་ཕཊ། ནཱ ་ག་སྙིང་ཐིག་མཱ་ར་ཡ་ཕཊ། ནཱ་གའི་སྲོག་ཁ་ལོང་། ལྔར་ཡ་ཕཊ། གསང་སྔགས་དེ་སྐད་བཟླས་པ་ཡིས།། ཀླུ་རྣམས་ཐམས་ཅད་དབང་མེད་པར།། སྲོག་རྩ་དྲངས་ནས་བརྒྱལ་སྟེ་འཆི།། ཡང་ན་འདར ་ཞིང་སྐྲག་པ་ཡིས།། མིག་རྩ་རིག་རིག་གཞན་དུ་བྲོས།། སྐག་ཅིང་སྔངས་པས་བཀའ་ཉན་བྱེད།། སྦྱོར་བ་ཡང་དང་ཡང་བྱ་ཞིང་།། གསང་སྔགས་ལན་འབུམ་བཟླས་པ་ན།། རིགས་ལྔའི་ཀླུ་རྣམས་བསྐྲད་བར ་བྱེད།། དྲགས་ན་རང་ངམ་འཁོར་ལ་ལྡོག། ཕྱིར་མི་ལྡོག་པའི་བྱ་ཐབས་ལ།། བདག་ཉིད་དབང་དུ་བསྒོམ་པ་ཡིས།། སྐྲ་ནི་སྤྱི་བོའི་གཙུག་ཏུ་བཅིངས།། རྨ་བྱའི་སྒྲོ་ནི་སྤྱི་བོར་བཙུགས།། གཡས་པས་རལ་གྲི་རབ ་ཏུ་ཐོགས།། གཡོན་པ་དག་ནི་ཕུར་བའོ།། ཕག་པའི་སྣ་ནི་དཔུང་པ་གཡས།། སིང་ལྡེང་ཕུར་པ་ཐང་ག་གཡས།། ལྕགས་ཕུར་ཐོང་ག་གཡོན་དུའོ།། གླ་རྩི་བཙན་དུག་སྐེ་ལའོ།། ཡུངས་ཀར་རྡོ་རྗེ་རྩེ་དགུའོ།། དེས་ནི ་ཕྱིར་ལ་ལྡོག་མི་འགྱུར།། དེ་ནས་སྦྱོར་བ་ཅི་བྱས་ཀྱང་།། རང་ལ་ལྡོག་པའི་མིང་མེད་དོ།། དེས་ནི་ཀླུ་རྣམས་གདོན་ལས་ཐར།། ས་བདག་རིགས་ཀྱིས་ཟིན་པ་ན།། རྟགས་དང་འཇུག་པའི་མཚན་ཉིད་བསྟན།། འཇུག ་པའི་ས་ལ་ངེས་པ་མེད།། ལུས་པོའི་བཀྲག་ནི་སེར་པོར་འགྱུར།། མཁྲིས་པ་དག་ལ་གནས་བཅས་ནས།། ཆུ་སེར་དག་ལ་ཟ་བར་བྱེད།། ལུས་ཀྱི་སྟོབས་རྣམས་ཤོར་བ་དང་།། ཟས་ནི་མངར་སྒྱུར་ཅི་ཟོས་པ།། ཁོང ་པར་དྲོས་ན་སྐྱུགས་པར་བྱེད།། རྐང་པ་ཀྱོག་དང་ལག་པ་ཀྱོག། མེ་མི་ཐུབ་ལ་འགྲོ་མི་ནུས།། ས་ལ་ཉལ་ཞིང་འདོད་ཆགས་ཆེ།། དང་པོ་སྐྱ་རྦབ་དག་ཏུ་འགྱུར།། ལུས་པོའི་ཤ་སྐམ་འགྲམ་ཤ་མེད།། དྲི་ཆུའི་མདོག་ནི་ཆུ ་རྩའི་ཁུ།། ཕོ་སྟོད་མི་བདེ་སྐད་ཀྱང་འགགས།། གཏམ་ནི་སྒྲ་སྙིང་མི་འདོད་ཅིང་།། སོ་ཡི་རྩི་འཆོར་རྐང་མཐིལ་སེར།། མཐེབ་དང་འཛུབ་མོའི་བར་ཤ་ཤོར།། སེན་མོ་ཉིད་ཀྱང་སེར་པོ་ལ།། མཆིན་པ་ན་ཞིང་ཡན་ལག ་ན།། ཕྱིས་ནི་སྐམ་པོར་འགྲོ་བར་ངེས།། དེ་ལྟ་བུ་ཡི་རྟགས་རྣམས་ནི།། ས་བདག་གདོན་དུ་ཤེས་པར་བྱ།། དེ་དག་དང་པོ་བཅོས་པའི་ཐབས།། ས་སྣ་མི་མཐུན་སྣ་ཚོགས་དང་།། རིན་ཆེན་གཏོར་མས་མཆོད་པར ་བྱ།། ཀླུ་ཡི་སྐབས་ནས་འབྱུང་བ་བཞིན།། འདིར་ཡང་སྦྱོར་བ་དེ་ལྟར་བརྩམ།། ཀླུ་ཡི་གཟུགས་བརྙན་མ་གཏོགས་པ།། བུམ་པའི་སྦྱོར་བའི་དཀྱིལ་འཁོར་ནི།། ཀླུ་ཡི་སྐབས་དང་མཐུན་པའོ།། རིན་ཆེན་གཏོར་མ་སྣ ་ཚོགས་དང་།། ཀླུ་ཡི་སྐབས་ནས་བྱུང་བ་ཡི།། མཆོད་པའི་སྔགས་དང་གཏོར་སྔགས་སོ།། ཕྱག་རྒྱ་བུམ་པ་ལྟ་བུས་མཆོད།། ས་བདག་གནས་པའི་ས་རུ་བསྐྱལ།། དེ་ནི་ས་བདག་གདོན་ལས་ཐར།། དེ་ཡིས་ཐར་བར ་མ་གྱུར་ན།། དྲག་པོའི་སྦྱོར་བ་བརྩམས་པར་བྱ།། ཤིན་ཏུ་དབེན་པའི་གནས་ཉིད་དུ།། འབུག་ཁུང་གྲུ་གསུམ་རྩེ་སྐད་གསུམ།། ས་བཟང་དག་གི་འདས་པས་བརྩིག། གཅིག་ནི་དཀར་པོ་བསྐུ་བར་བྱ།། གཉིས་ནི་ནག ་དང་དམར་པོ་བྱ།། དེ་ཡི་ཕྱི་རིམ་གྲུ་བཞི་སྟེ།། གྲུ་བཞིའི་ངོས་ལ་མེ་རི་བྲི།། ཁ་ལ་རྡོ་རྗེས་བསྐོར་བར་བྱ།། གྲུ་གསུམ་ཁ་ནི་ཟོད་པས་བསྐོར།། བག་ཟན་གྲོག་མཁར་ས་དག་ལ།། རྔ་མོང་གཟུགས་ནི ་ནག་པོ་བྱ།། དེ་ཡི་སྟེང་དུ་བསྐྱོན་བྱས་ལ།། རྩངས་པའི་གཟུགས་དང་དམིགས་པས་བསྐྱོན།། རྩངས་པ་དེ་ཡི་སྙིང་ག་རུ།། ཡི་གེ་དག་ནི་སྔོན་པོར་བྲི།། གྲོ་ག་ཤིང་ཤུན་དག་ལ་ཡང་།། ས་བདག་མཱ་ར་ཡ་ཞེས ་བྲི།། གཟུགས་ཀྱི་ཁོང་པར་གཞུགས་པར་བྱ།། དེ་ནི་ལྷོ་ཕྱོགས་ཁ་བསྟན་ལ།། བྲུབ་ཁུང་ནང་དུ་གཞུགས་པར་བྱ།། ཤོག་ཤོག་ལིང་ག་རེ་རེ་ལ།། སྙིང་གར་ས་བདག་མཱ་ར་ཡ།། སྔགས་དེ་བྲིས་ལ་བྲུབ་ཁུང ་ནང་།། དཔལ་གྱི་གཏོར་མ་དག་ཀྱང་བྱ།། བདག་ཉིད་དབང་ཆེན་རབ་གསལ་བས།། བྲུབ་ཁུང་སྟེང་དུ་གཏོར་མ་བཞག། གཏོར་མའི་ནང་དུ་གཟུགས་དེ་གཞུག། བདག་ཉིད་དཔྲལ་བའི་ཧཱུཾ་ཉིད་ལས།། འཕགས་པ་མི ་གཡོ་ཞེས་བྱ་བའི།། ཁྲོ་རྒྱལ་རལ་གྲི་ཐོག་པར་བསམ།། བདག་གི་མདུན་དུ་ཡོད་པ་ཡི།། མི་དེར་མི་གཡོའི་དབང་བསྐུར་བྱ།། བདག་ཉིད་དཔལ་ཆེན་ལྡན་པ་ཡིས།། སློབ་མ་མཚན་ལྡན་དེ་ལ་ཡང་།། ཤིན་ཏུ་རྣོ་བའི ་རལ་གྲི་བསྐུར།། ནད་པ་དེ་ལ་བསྐོར་བྱ་ཞིང་།། རལ་གྲི་གླང་ལ་བསྐོར་བར་བྱ།། ནད་པའི་ལུས་ལ་ཐུག་པར་བྱ།། གཟུགས་དེ་ལ་ཡང་བསྟིམ་པར་བྱ།། སློབ་དཔོན་གསང་བའི་དབང་ཐོབ་དེས།། གསང་སྔགས་འདི ་ནི་དྲག་ཏུ་བཟླས།། ཧྲིཿབཛྲ་པཱ་ཎི་ན་ག་དུ། སྙིང་ཁྲག་ཚལ་པ་སྙིང་ཁྲག་ལ་ཧ་བ་ཧབ་ཧུབ་ཧུབ།། མཱ་ར་ཡ་སྙིང་ལ་ཛ་དུ་ཡ་ཛ་ཛ། དེ་ནས་སློབ་དཔོན་མཚན་ལྡན་དེས།། རྩ་བའི་སྔགས་ཀྱི་རྗེས་སུ་ཡང་།། སྔགས་འདི ་བཟླས་ཤིང་རལ་གྲི་ཕྱར། མཱ་ཧཱ་ན་ག་པ་ཏི་སྥ་ར་ན་ཕཊ་ཕཊ། རལ་གྲི་དག་ལ་བཟླ་བྱ་ཞིང་།། ནད་པ་དེ་ཡི་གཟུགས་ལ་བསྟིམ།། དེ་ནས་གང་ཡང་རུང་བའི་མིས།། གཟུགས་དེ་ལྷོ་ཕྱོགས་དག་ཏུ་བསྐྱལ།། དེ་ནས ་ལོག་ནས་འོང་བ་དང་།། སློབ་དཔོན་དེ་ཡིས་སྦྱིན་སྲེག་བྱ།། ཚེར་མ་ཅན་གྱི་ཤིང་དག་ལ།། རཾ་དང་ལྡན་པས་མེ་ཉིད་སྦར།། དེས་ནི་ས་བདག་གནོད་ལས་ཐར།། ཕྱིས་ནི་ལྡང་བར་མི་ནུས་སོ།། གང་དག་གཉེན་གྱིས ་ཟིན་གྱུར་ན།། རྟགས་ནི་འདི་རྣམས་འབྱུང་བར་ངེས།། འཇུག་པའི་སྒོ་ནི་གསུས་པའོ།། སྙིང་གར་གནས་ཤིང་ཆུ་སེར་འབུད།། སྐད་ནི་འཛེར་ཞིང་ཤ་མདོག་ནག། ཤ་ཡི་རྒྱུ་ཡང་ཆུང་བར་འགྱུར།། ཡང་ན་རྫིས་པ་དག ་ཏུ་འགྱུར།། ལག་པའི་མཁྲིག་མ་ཕྲ་བར་ངེས།། དོན་མེད་རྨ་རྣམས་འབྱུང་བ་དང་།། དབང་པོའི་ཆགས་པ་མི་སྐྱེ་དང་།། གསུས་པ་ན་ཞིང་སྐམ་པར་བྱེད།། ཚིགས་པ་ན་ཞིང་ཆུ་སེར་འབྱུང་།། སྐབས་སུ་ཁོལ་བུར་ན་བ ་དང་།། སྨིན་མའི་བཀྲག་ནི་ཉམས་པར་འགྱུར།། མཛེ་ཡི་རྟགས་རྣམས་འབྱུང་བ་དང་།། རྐང་པའི་མཐིལ་ནས་འཕྲིག་པ་རྣམས།། གཉེན་གྱི་ནད་དུ་ཤེས་པར་བྱ།། འགྲོ་བར་བྱེད་པའི་ཚེ་ན་ཡང་། རྐང་པ་འཁོར ་ཞིང་ལུས་པོ་འཁྱོམ།། ཁ་དང་སྣ་དང་མིག་རྣམས་ནས།། ཆུ་ནི་དུས་མིན་འབྱུང་བ་དང་།། ཕྱིས་ཀྱང་གཉེན་གྱི་མཛེ་རུ་འགྲོ། དེ་ལ་སོགས་པའི་མཛེ་རིགས་ནི།། རྣམ་པ་བརྒྱད་ཉིད་ལྡན་པ་ན།། གཉེན་གྱི ་གདོན་གྱིས་ཟིན་པར་ངེས།། དེ་དག་བཅོས་པའི་ཐབས་འདིའོ།། དང་པོ་ཞི་བས་མཆོད་པར་བྱ།། ཆབ་གཏོར་མཆོད་རྟེན་གདབ་པར་བྱ།། དེས་ཀྱང་ཕན་པར་མ་གྱུར་ན།། དབང་ཆེན་ཏིང་འཛིན་ལྡན་པ་ཡིས།། གྲུ ་གསུམ་ཐབ་ཁུང་བརྩིག་པར་བྱ།། བྲུབ་ཁུང་ནག་པོར་བརྩིགས་པའི་སྟེང་།། ཁ་ཊྭཱཾ་རྡོ་རྗེའི་གཟུགས་སུ་བྲི།། དུར་ཁྲོད་ཤིང་དང་ཚེར་མའི་ཤིང་།། དུག་ཤིང་ཚོགས་ཀྱིས་གྲུ་གསུམ་བརྩིགས།། གདོན་གྱི་གཟུགས་ནི་སྔོ ་སྐྱུསྦྱར་བྱ།། བལ་ནག་སྒྲ་ནི་ཐུར་ལ་བསྙིལ།། སྙིང་གར་ཡི་གེ་པྲེ་ཉིད་བྲི།། སྐུད་པ་ནག་པོ་སུམ་བསྒྲིལ་གྱིས།། ལིངྒ་དེ་ཡི་སྐེ་ལ་གདགས།། ཕུར་པ་བཞི་ལ་ཕྱོགས་བཞིར་བརྟོད།། གྲི་དང་གདུག་པའི་མཚོན་ཆ ་བསྣམས།། བདག་ཉིད་ཁ་ཡང་ལྷོ་རུ་བསྟན།། དེ་ནས་ཏིང་འཛིན་ལྡན་པ་ཡིས།། བགེགས་རྣམས་བཀུག་ཅིང་གཟུགས་ལ་བསྟིམ།། སྐུད་པ་ནག་པོ་གཟུང་བྱ་ཞིང་།། གསང་སྔགས་འདི་ཡིས་ལིངྒ་བཅིང་།། ཨོཾ་ཧྲཱིཿབཛྲ ་བྷནྣ་ཧཱུཾ། དུཥྚ་གྷྲྀ་ཧྣ་བནྡྷ་ཧཱུཾ། གསང་སྔགས་བཟླ་ཞིང་ལིངྒ་བཅིང་།། དེ་ལྟར་ཡང་ནས་ཡང་བྱས་ཤིང་།། རྨི་ལམ་ཁུགས་པར་མཐོང་བ་དང་།། གདབ་པའི་གནས་ལྔར་ཕུར་བུ་གདབ།། དེ་ནས་གྲི་ཡིས་གཏུབ་པར ་བྱ།། རྡོ་རྗེས་བརྡུང་ཞིང་སྔགས་འདི་བཟླས།། ཤྲཱི་བཛྲ་པཱ་ཎི། ས་ནཱ་ག་དུ་ལིང་སྙིང་ལ་གཏུབ། སྙིང་ཁྲག་ཚལ་པ་མཱ་ར་ཡ་རྦད།། དེ་ནས་བརྡུངས་ཤིང་ཧོམ་དུ་བསྲེག། དེ་ནས་བྲུབ་ཁུང་དེ་ཉིད་དུ།། གྲུ་གསུམ་བཞིན་དུ ་གཏིང་དུ་བརྐོ།། སོལ་བ་ལ་སོགས་ཐོ་རལ་རྣམས།། གཏིང་དུ་གྲུབ་ཅིང་ས་ཡིས་བརྫིས།། དེ་ཡི་སྟེང་དུ་བཞག་པའི་རྫས།། གཡམ་པ་སྔོན་པོ་ལེབ་མོ་ལ།། རྡོ་རྗེ་རྒྱ་གྲམ་བྲིས་པས་བཅད།། དབང་ཆེན་ཏིང་འཛིན་ལྡན ་པ་ཡིས།། ཁྲོ་བོ་བརྗིད་པའི་སྟོབས་ཀྱིས་འགྲོ།། དབང་གི་རྟ་བྲོ་བརྡུང་བར་བྱ།། ཧ་ཧ་ཞེས་བྱ་གད་རྒྱངས་སྒྲོགས།། པདྨནྟ་ཀྲྀཏ་གླུ་ཆེན་བླངས།། དེ་ནས་གྲི་ཡིས་བཙབ་པར་བྱ།། དེ་ཡི་གསང་སྔགས་འདི་དག་གོ། ཚེ ་ད་ཚེ་ད་མཱ་ར་ཡ། ཁཱ་བེ་ན་ཧཱུཾ་ཕཊ། ལན་ནི་ཉི་ཤུ་རྩ་གཅིག་བརྗོད།། ཕྱིས་ནི་མི་ལྡང་བ་ཡི་སྔགས་འདི་ཡིན།། དུཥྚ་ཀྲ་ཧ་ན།། སྟཾ་བྷ་ན་ཀུ་རུ་ལམ།། དེ་ཉིད་བཅོ་བརྒྱད་དག་གིས་འགྲུབ།། དེ་ལྟར་བཅོ་བརྒྱད་བྱས་གྱུར ་ན།། གཉེན་གྱི་གདོན་ལས་ཐར་བར་གྱུར།། སྦྱོར་བ་འདི་ཉིད་བྱས་པ་ན།། ས་བདག་གདོན་ལས་ཐར་བར་འགྱུར།། དེ་ལྟར་ལས་རྣམས་རྫོགས་བྱས་ན།། ཀླུ་དང་གཉེན་དང་ས་བདག་དང་།། ས་གདོན་ལས་ནི་རབ ་ཏུ་ཐར།། མཛེ་ཡི་ནད་རྣམས་ཞི་བར་འགྱུར།། དེས་ནི་ལས་རྣམས་མྱུར་པའོ།། གང་དག་མི་ཡི་རིགས་རྣམས་ལ།། མཛེ་ལ་སོགས་པའི་ནད་རྣམས་ནི།། རིམས་དང་སྒྲོ་འབོགས་ནད་ལ་སོགས།། མ་མོའི་གདོན་ལས ་གྱུར་པས་ན།། མ་མོའི་རིགས་ལ་བསམ་ཡས་ཀྱང་།། གདོན་ནི་རྣམ་པ་ལྔ་རུ་འདུས།། ས་ལ་དབང་པའི་མ་མོ་དང་།། འབྱུང་བ་ཆུ་ལ་དབང་བ་དང་།། མེ་ལ་དབང་བའི་མ་མོ་དང་།། དེ་བཞིན་རླུང་ལ ་དབང་བ་དང་།། ནམ་མཁའ་དག་ལ་དབང་པའོ།། དེ་དག་སྲུང་བའི་ཐབས་ལ་ཡང་།། རྣམ་པ་གཉིས་སུ་ང་ཡིས་བཤད།། གཞན་དག་མངགས་པའི་ཕོ་ཉ་དང་།། འཕྲལ་གྱི་གདན་རྣམས་ལས་ཀྱི་འཕྲོ།། རྣམ་པ ་གཉིས་སུ་ང་ཡིས་བཤད།། བསྲུང་བའི་ཐབས་ནི་རེ་རེའོ།། བརྟག་པའི་ཐབས་ནི་འདི་ལྟ་སྟེ།། གཞན་གྱིས་མངགས་པའི་གདོན་རྣམས་ནི།། གདོན་གྱིས་ཟིན་པའི་མི་དེ་ཡང་།། གདོང་ནི་ནག་ལ་སྐམ་པའོ།། ལུས་པོ ་ལྡི་ཞིང་ཚིག་པ་ཟ།། མིག་རྩ་དམར་ཞིང་ཁྲོ་ལ་དགའ།། ཤེས་པ་བྱིང་ཞིང་ཕོ་མཆིན་ན།། རྨི་ལམ་ཆུ་བོ་ཆེན་པོ་རྨི།། དེ་ལྟར་བྱུང་བའི་མི་དེ་ཡང་།། སྔགས་པའི་མཐུ་ཡིས་ཟིན་པར་ངེས།། དེ་དག་བཅོས་པའི་ཐབས་ཉིད ་ནི།། དང་པོ་མདོས་དང་ཞི་བས་བཟློག། དེས་ཀྱང་ཐར་བར་མ་གྱུར་ན།། དབང་ཆེན་ཏིང་འཛིན་ལྡན་པ་ཡིས།། བདག་ཉིད་མལ་གྱི་འོག་ཏུ་ཡང་།། གྲུ་གསུམ་དག་ནི་ནག་པོར་བྱ།། ནང་དུ་སྔགས་པའི་གཟུགས ་བརྙན་རྣམས།། མ་མོའི་གཟུགས་བརྙན་གཞུག་པར་བྱ།། སྟེང་དུ་དུར་ཁྲོད་རྡོ་ལེབ་ལ།། གླིང་བཞི་རི་རབ་བྲིས་པས་མནན།། དབང་ཆེན་ཏིང་འཛིན་ལྡན་པ་ཡིས།། དེ་ཡི་སྟེང་དུ་ཉལ་བྱ་ཞིང་།། འཁོར་ལོ ་ཉིད་ཀྱང་བསྐོར་བར་བྱ།། གསང་སྔགས་འདི་ནི་མཚན་བརྒྱ་བཟླས།། ཧྲི་ཧྲི་མ་ཏྲི་མཱ་ར་ཡ་བཟློག། མ་ཏྲི་མ་ཏྲི་རང་ལ་མཱ་ར་ཡ་ཟློག་ཟློག། རྦད་རྦད།། རྩ་བའི་གསང་སྔགས་ལན་བདུན་བརྗོད།། དེ་ནས་སྔགས་དེ་ནུས ་ཚད་བགྲང་།། དེས་ནི་བྱད་ཁ་ཐམས་ཅད་བཟློག། མ་མོའི་ཕྱིར་བཟློག་གསང་བའོ།། རྣམ་སྨིན་ཡིན་ན་ཐར་བར་དཀའ།། དགེ་སྦྱོར་རྫོགས་ན་བཟློག་པ་སྲིད།། འཕྲལ་གྱི་གདོན་དུ་གྱུར་བ་ན།། ས་ལ་དབང་བའི ་རྟགས་རྣམས་ནི།། འདི་ལྟ་ཉིད་དུ་འབྱུང་བར་ངེས།། ལུས་པོ་ལྗི་ཞིང་ཉལ་ལ་དགའ།། དྲན་པ་ཉམས་ཤིང་ཤི་འབྲས་འདོན།། ཤེས་པ་བྱིང་ནས་མགོ་བོ་འཁོར།། མིག་ཀྱང་མི་མཐོང་ཁྲག་ལྟ་བུ།། རྣ་བ་འོན་ནས་སྒྲ ་མི་ཐོས།། རྐང་ལག་འདར་ཞིང་གློ་སྙིང་རྨུགས།། དེ་ལྟ་བུ་ཡི་རྟགས་རྣམས་ནི།། ཐ་མ་མཛེ་རུ་འགྲོ་བར་ངེས།། དེ་ནི[:]ས་ལ་དབང་བའོ།། དེ་ལ་བཟློག་པ་བྱ་བའི་ཐབས།། དང་པོ་ཞི་བའི་ལས་ཀྱིས ་མཆོད།། དེས་ཀྱང་ཐར་པར་མ་གྱུར་ན།། རིགས་གསུམ་རྩེ་མོར་ཕྱིན་ལ་ཡང་།། བྲུབ་ཁུང་ཟུར་གསུམ་གཏིང་དུ་བརྐོ།། མ་མོའི་གཟུགས་དང་མིང་བྲིས་ལ།། རླུང་དང་འཚུབ་མའི་ཚེ་ན་བསྲེག། ཐལ་བ་རླུང་ལ་ཕྱོགས ་བཞིར་གཏོར།། གསང་སྔགས་དུས་དེར་འདི་ཉིད་བཟླས།། ཏྲི་ཏྲི་ཞུང་ཞུང་། ཡ་སུ་ཏྲག་རག་ཤ་ཏྲག་ནི་ཧེད་ཧེད།། སྙིང་ཁྲག་གཞི་བ་གཞི་བ། མ་ཏ་ར་ནིའི་སྙིང་ཁྲག་ལ་མཱ་ར་ཡ་རྦད། སྔགས་བརྒྱ་རྩ་བརྒྱད་བརྗོད་པ ་ཡིས།། ཀླུ་མོ་ས་གདོན་གསོད་པར་བྱེད།། སྔགས་དེ་རྒྱུན་དུ་བཟླས་པ་ན།། ས་ལ་དབང་བའི་གདོན་ལས་ཐར།། ཆུ་ལ་དབང་བ་མ་མོའི་གདོན།། སྐྱེས་བུ་གང་ལ་ཞུགས་པ་ཡིས།། རྟགས་ནི་འདི་ལྟར ་འོང་བར་ངེས།། གདོན་དེ་ཞུགས་པའི་མི་དེ་ཡང་།། ལུས་པོ་ཚ་ཞིང་ཁ་སྣ་གཤེར། སྙིང་ཡང་འཕར་ཞིང་ཆུ་མི་ཐུབ།། ཁོང་པ་ཚ་ཞིང་ལུས་པོ་འདར།། མིག་ཀྱང་གྱེན་ལ་ཟློག་པར་བྱེད། མགོ་དང་ཡན་ལག་ན་བར ་བྱེད།། ཤེས་པ་གསལ་ཞིང་ལྡང་མི་ནུས།། མིག་རྩ་ནག་ཅིང་སོ་ནག་པ།། ཆུ་ལ་དབང་བ་ཡིན་པར་ངེས།། གདོན་དེ་ཉིད་ལས་ཐར་པའི་ཐབས།། སྦྱོར་བའི་ཐབ་འདི་སྔགས་པས་བརྩམ།། སྣ་ཚོགས་ཆུ་རྣམས་བླངས ་པ་ཡང་།། རྫས་ནག་དག་གིས་བྲུབ་ཁུང་བྱ།། དེ་ཡི་ནང་དུ་ཆུ་རྣམས་བླུག། མ་མོའི་གཟུགས་དང་ལིངྒ་བྱ།། ཆུ་ཡི་ནང་དུ་ནུབ་པར་གཞུག། དུར་ཁྲོད་སྐུད་པ་སུམ་སྒྲིལ་གྱིས།། ལིངྒའི་སྙིང་གར་བརྟོད་ལ་དྲང་།། དུར ་ཁྲོད་ཐལ་བ་ལ་སོགས་པའི།། ས་སྣ་ཚོགས་ཚད་དག་དང་ནི།། མཁར་གོང་བཏགས་པའི་ཕྱེ་མ་དང་།། སོ་དོག་ཟངས་ཕྱེ་ལྕགས་ཕྱེ་དང་།། སྣ་ཚོགས་རྡོ་ཡི་ཕྱེ་མ་དང་།། ཡུངས་ཀར་ཉུང་ནག་སྐེ་ཚེ་དང་།། ར་དུག་བོང ་དུག་བཙན་དུག་དང་།། དུག་སྣ་ཅི་སྙེད་ཡོད་པ་དང་།། ར་ཁྲག་ཁྱི་ཁྲག་མི་ཁྲག་དང་།། རྟ་ཁྲག་ལ་སོགས་ཁྲག་སྣ་རྣམས།། མུ་ཟི་ཁྱི་ལུད་གུ་གུལ་དང་།། ཤུ་དག་བ་བླ་མི་གཙང་རྫས།། དྲི་མ་ཅན་གྱི་རྫས་སྣ ་ཚོགས།། རང་རང་དག་གི་མི་མཐུན་པའི།། དང་པོ་རྡོ་ཡི་ཐུན་གྱིས་བྲབ།། དེ་ནས་འབྲུ་ཡི་རིགས་ཀྱིས་བྲབ།། དེ་ནས་དུག་སྣ་ཚོགས་ཀྱིས་བརྡེག། དེ་ནས་ཁྲག་ལ་བསྔགས་ཤིང་བླུག། དེ་ནས་ས་ཡིས་བྲབ་པར ་བྱ།། དེ་ནས་དེ་ཡི་འདག་པ་རྣམས།། བསྡུས་ལ་མ་མོའི་གཟུགས་བརྙན་བྱ།། ཁོང་དུ་མ་མོའི་མིང་བྱང་གཞུག། ཐུན་གྱིས་བྲབ་ཅིང་གསང་སྔགས་བཟླས།། སྔགས་འདིས་མ་མོའི་སྲོག་གཅོད་པའོ།། ཧཱུཾ་ཧྲི་མ་མོའི་སྙིང ་ཁོས།། རག་མོའི་ཤ་རུས་ལ་རྒྱུག་སྲིང་། མཱ་ར་ཡ་ཛ་ཛ། དབང་ཆེན་ཏིང་འཛིན་ལྡན་པ་ཡིས།། གསང་སྔགས་དེ་ནི་བརྒྱ་རྩ་བཟླས།། ཐུན་ལ་བཟླས་ཤིང་བྲབ་པར་བྱ།། དེ་ནས་གཟུགས་བརྙན་དེ་ཉིད་ནི།། དུར་ཁྲོད ་གྲོག་པོ་སུམ་མདོར་མནན།། གྲུ་གསུམ་དོང་དུ་སྤྱི་ཚུག་མནན།། བསྒྲུབ་པ་ཞག་ལྔ་དག་ཏུ་བྱ།། ལན་ནི་སུམ་ཅུ་བྱས་པ་ཡི།། ཆུ་ཡི་གདོན་ལས་ཐར་བར་འགྱུར།། མ་མོའི་གདོན་ནི་ཆུ་ལ་དབང་།། ཆུ་ལ་དབང ་བའི་གདོན་དེ་ཡང་།། ས་ཡི་སྦྱོར་བས་བསྐྲད་པར་བྱེད།། སྦྱོར་བ་དེ་ལྟར་བྱས་པ་ན།། ཆུ་ལ་དབང་བའི་མ་མོ་ཡི།། གདོན་ལས་རབ་ཏུ་ཐར་པའོ།། གང་དག་མེ་ལ་དབང་བའི་གདོན་དག་ནི།། སྐྱེས་བུ་གང་ལ་ཞུགས ་པའི་རྟགས།། འདི་ལྟར་རབ་ཏུ་ཤེས་པར་བྱ།། མེ་ལ་དབང་པའི་མ་མོའི་གདོན།། ཞུགས་པའི་རྟགས་ནི་འདི་ལྟ་སྟེ།། གདོན་དེ་ཞུགས་པའི་མི་དེ་ནི།། ཁ་སྣ་སྐམ་ཞིང་ལུས་པོ་ཚ།། ལུས་ཀྱི་ཤ་ཡི་རྟགས་རྣམས ་ནི།། དམར་པོའི་ཐིག་ལེ་སྐབས་སྐབས་ཡོད།། རེས་འགའ་སྐྲངས་ཤིང་རེས་འགའ་ཞི། ལུས་པོ་སྐམ་ལ་གནག་པར་བྱེད།། ལག་པ་སྦྲིད་ལ་རྐང་པ་འཁོར།། དམར་ལ་དགའ་ཞིང་ཟ་ལ་རྔམ།། སྐད ་ཀྱང་ཕྲ་ཞིང་མགྲིན་པ་ཕྲ།། མགོ་བོ་ཕྱེད་མར་ན་བ་དང་།། འཁོར་ལ་ཁྲོ་ཞིང་མིག་རྩ་དམར།། ཉི་མ་ཕྱེད་ནས་མཚན་མོ་འཐིབ།། ཤེས་པ་མི་གསལ་བྱིང་བར་བྱེད།། མགོ་དང་ཡན་ལག་ན་བ་ན།། མེ་ལ་དབང་བའི ་གདོན་ཡིན་ནོ།། དེ་དག་བཟློག་ཅིང་བཅོས་པའི་ཐབས།། དང་པོ་མེ་ཡི་ཧོམ་གྱིས་མཆོད།། དེས་ཀྱང་ཕན་པར་མ་གྱུར་ན།། དྲག་པོའི་སྦྱོར་བ་བརྩམ་པར་བྱ།། འབྲུབ་ཁུང་གོང་དང་འདྲ་བ་ལས།། ཤིང་གི་རྣམ་པ་འདི ་ལྟའོ།། ཕ་དགུ་མ་དགུ་བུ་དགུའི་ཤིང་།། དེ་ལ་སོགས་པའི་ཤིང་སྣ་ཚོགས།། སྣ་ཚོགས་ཤིང་གི་ཧོམ་བྱས་ལ།། མ་མོའི་གཟུགས་དང་མིང་བྱང་བྲི།། ལིང་ག་བརྒྱ་ནི་རྩ་བརྒྱད་བྱ།། ཧོམ་གྱི་རྩེ་མོར་བཏགས་ནས ་ཀྱང་།། སྣ་ཚོགས་ཐུན་གྱིས་བྲབ་པར་བྱ།། རྒྱ་མཚོ་ཆུ་དང་ལྟེང་ཀའི་ཆུ།། ལུ་མ་དང་ནི་འབབ་ཆུ་དང་།། ནགས་ཀྱི་ཆུ་དང་གངས་ཆུ་དང་།། སྣ་ཚོགས་པ་ཡི་ཆུ་བླངས་ལ།། ཁྲག་སྣའི་ཚོགས་དང་བསྲེ་བར ་བྱབྱ།། དྲག་སྔགས་འདི་ཡིས་མ་མོ་བསྐྲད། དབང་ཆེན་ཏིང་འཛིན་ལྡན་བྱས་ལ།། དྲག་སྔགས་འདི་ཡིས་ཆུ་ལ་དབབ།། ཧྲི་མ་མ་ནན། ཏྲིའུ་ཏྲིའུ། ཤ་ཏྲིའི་ཤ་ཏྲིའུ། རག་མོ་མཱ་ར་ཡ་ནན། དུམ་བུ་དུམ་བུ་རྦད་རྦད།། དྲག ་སྔགས་འདི་ནི་བཟླ་བྱ་ཞིང་།། ཤིང་ལ་མེ་སྦར་ཆུ་ཡིས་བྲབ།། དེ་ནས་ཆུ་དང་ཐལ་བ་བཅས་པ་བསྡུས།། མ་མོ་དེ་ཡི་གཟུགས་སུ་བྱ།། སྐུད་པ་སྔོ་དམར་ལུས་ལ་བཅིངས།། ཐུན་གྱིས་བྲབ་ཅིང་ཕུར་པས་བརྡེག། དེ ་ནས་གཟུགས་དེ་ཡང་བསྡུས་ལ།། དུར་ཁྲོད་རོ་བསྲེག་འོག་ཏུ་མནན།། དེས་ནི་མ་མོའི་སྲོག་རྩ་འཇོམས།། མེ་ལ་དབང་བའི་མ་མོའི་རིགས།། སྦྱོར་བ་དེ་ཡིས་བརླག་པར་བྱེད།། དེས་ནི་གདོན་ལས་ཐར་བའོ།། གང ་དག་མི་ཡི་རིགས་རྣམས་ལ།། རླུང་ལ་དབང་བའི་མ་མོ་ཡིས།། གདོན་གྱིས་ཟིན་པའི་རྟགས་རྣམས་ནི།། འདི་ལྟར་བྱུང་ན་རིགས་པར་བྱ།། དབང་དུ་གྱུར་པའི་མི་དེ་ནི།། ཤེས་པ་ཡང་ཞིང་འགྲོ་ལ་དགའ།། སྙིང་རྩ ་འདར་ཞིང་སྤྱོད་པ་རྩིང་།། དྲན་པ་ཉམས་ཤིང་འོ་དོད་འབོད།། དབེན་པའི་ཕྱོགས་སུ་སོང་ནས་ནི།། གླུ་ཡང་ལེན་སྙིང་འདོད་པ་འབྱུང་།། དགོང་མོ་ཉི་མ་ནུབ་ཁ་རུ།། སྙིང་ཡང་མི་དགའ་གླུ་ལེན་ཅིང་།། ལབ་ལོབ་མང ་པོའི་གཏམ་ལ་དགའ།། མི་དང་དུས་གསུམ་འགྲོགས་པར་བྱེད།། སྙིང་དང་གློ་བ་ནང་རོལ་གྲང་།། གཞོགས་ནི་གཡོན་པ་ན་བ་ན།། སྙིང་ཡང་སིང་སིང་བྱེད་པར་ངེས།། ལུས་ལ་ནག་པོའི་ཐིག་ལེ་འབྱུང་།། རྟགས་དེ ་རྣམས་དང་ལྡན་པ་ན།། རླུང་ལ་དབང་བའི་གདོན་ཡིན་ནོ།། དེ་དག་བཅོས་ཤིང་བསྐྲད་པའི་ཐབས།། དང་པོ་ཞི་བའི་གཏོར་མས་མཆོད།། དེས་ཀྱང་ཕན་པར་མ་གྱུར་ན།། དྲག་པོའི་སྦྱོར་བ་འདི་དག་བརྩམ།། འབྲུབ ་ཁུང་གོང་དང་འདྲ་བ་ལས།། བདག་ཉིད་དཔལ་ཆེན་ཐུགས་ཀ་ནས།། ཡི་གེ་ཡཾ་ཞེས་ཆད་པ་ལས།། བྲུབ་ཁུང་ནང་དུ་འོད་དུ་བསམ།། དེ་ཉིད་འོད་དུ་ཞུ་བ་ལས།། རླུང་གི་དཀྱིལ་འཁོར་ཟླ་གམ ་བསམ།། རླུང་གི་དཀྱིལ་འཁོར་དེ་ཉིད་དུ།། མ་མོའི་གཟུགས་ཉིད་བསམ་པར་བྱ།། བྲུབ་ཁུང་ནང་དུ་ལིངྒ་གཞུག། ཐུན་གྱིས་བྲབ་ཅིང་གཟུགས་དེར་བསམ།། ཚེར་མ་ཅན་གྱི་མེ་སྦར་ལ།། དྲག་སྔགས་འདི་ནི་རབ་ཏུ ་བརྗོད། ཧྲི་ཏ་ས་མ་མ་ཏྲི། ཡ་རྦད་ཧཱུཾ། སྙིང་རྩ་དུར་ལིང་ཛ་ཛ། དྲག་སྔགས་ལན་ནི་ཉི་ཤུ་གཅིག། བཟླས་པས་མ་མོ་བསྐྲད་པར་ངེས།། མེ་སྦར་ཐུན་དང་སྔགས་ཀྱིས་གཟིར།། སྦྱོར་བ་ལན་ནི་ཉི་ཤུ་གཅིག། བྱས་ཤིང ་གཟུགས་ལ་བསྟིམ་བྱས་ན།། རླུང་ལ་དབང་བའི་ནད་ལས་ཐར།། གང་དག་མི་ཡི་རིགས་རྣམས་ལ།། ནམ་མཁའི་མ་མོས་ཟིན་པ་ཡི།། རྟགས་ནི་འདི་ལྟར་འབྱུང་བར་ངེས།། ལུས་སེམས་ལྗི་ཞིང་མིག་ཀྱང ་སེར།། མགོ་བོ་ཟིང་ལོང་བྱེད་པ་དང་།། མིག་ཀྱང་ཟིང་ལོང་སྣ་རྩ་དམར།། ཤེས་པ་འཐིབ་ཅིང་ཉལ་ལ་དགའ།། སྨད་ཚིགས་ན་ཞིང་མཇིད་པ་རེང་།། ཤེས་པ་འཁྱམ་ནས་ན་བ་ནི།། ནམ་མཁའི་མོ་གདོན་ཡིན ་པར་ངེས།། དེ་དག་བཅོས་ཤིང་བསྐྲད་པའི་ཐབས།། དང་པོ་ཞི་བའི་གཏོར་མས་མཆོད།། དེས་ཀྱང་ཕན་པར་མ་གྱུར་ན།། དྲག་པོའི་སྦྱོར་བ་བརྩམ་པར་བྱ།། བདག་ཉིད་དཔལ་ཆེན་ཐུགས་ཀ་ནས།། ཡི་གེ་ཨེ ་ཉིད་ཆད་པ་ལས།། བྲུབ་ཁུང་དེ་ཡི་ནང་དུ་ཡང་།། ཨེ་གནས་ནམ་མཁའ་གྲུ་གསུམ་བསམ།། དེ་ཡི་དཀྱིལ་དུ་མ་མོ་བསམ།། གཟུགས་དང་ལིངྒ་ཉིད་ཀྱང་ངོ་།། ཐུན་གྱིས་བྲབ་ཅིང་དྲག་སྔགས་བཟླས།། ཐོག་མའི ་གསང་སྔགས་རྗེས་ཉིད་དུ།། དྲག་སྔགས་འདི་ཉིད་བཏགས་པས་འགྲུབ།། མ་ཏྲི་ནཱ་ག་པྲ་ཤཱ་མ་ན་ཡ་སྭཱ་ཧཱ། གསང་སྔགས་དེ་ཉིད་བཟླ་བྱ་ཞིང་།། གང་དུ་དགོས་པའི་སྦྱོར་བ་རྣམས།། སྐབས་འདིར་ཐམས་ཅད་རྫོགས ་པར་བྱེད།། ལན་ནི་བརྒྱ་རྩ་བྱས་པ་ན།། ནམ་མཁའི་མ་མོའི་གདོན་ལས་ཐར།། གདོན་དེ་བརྟགས་པས་མ་ཤེས་ན།། སྣ་ཚོགས་སྦྱོར་བ་རྫོགས་པར་བྱ།། དེས་ནི་མ་མོའི་གདོན་ལས་ཐར།། འབྱུང་པོའི་གདོན་གྱི་ནད ་རྣམས་ནི།། གློ་བུར་དག་ཏུ་འབྱུང་བར་ངེས།། དེ་དག་རྣམས་ལས་ཐར་པའི་ཐབས།། བདག་ཉིད་དབང་ཆེན་བརྗིད་པར་བསྒོམ།། སྐུ་ནི་རི་རབ་བརྗིད་པ་ཙམ།། སྟོང་གསུམ་འཇིག་རྟེན་ཁྱབ་པར་བསྒོམ།། ཕྱག་ན་རྡོ ་རྗེ་ཐུགས་ཀར་བསྒོམ།། དེ་ཡིས་བགེགས་རྣམས་འཇོམས་པར་བསམ།། དཔྲལ་བར་འཕགས་པ་མི་གཡོ་བསམ།། མགྲིན་པར་རྟ་མགྲིན་རྒྱལ་པོ་བསམ།། ལྟེ་བར་གཤིན་རྗེ་གཤེད་པོ་བསམ།། དེ་ལྟར་བསྐྱེད་རིམ ་རྫོགས་ནས་ནི།། བགེགས་རྣམས་གང་ཡིན་མདུན་ན་བསམ།། བདག་ཉིད་ལྷ་ཡི་ཐུགས་ཀ་ན།། ཕྱག་ན་རྡོ་རྗེ་གཏུམ་པོ་བསམ།། དེ་ཡིས་བགེགས་ནི་བརྡུངས་པར་བསམ།། ཐམས་ཅད་འཇོམས་པར་བྱེད་པ ་ཡི།། གསང་སྔགས་དམ་པ་འདི་རྣམས་སོ།། ཨོཾ་པདྨཱནྟ་ཀྲྀཏ་ཧ་ཡ་གྲཱི་བ་ཧུ་ལུ་ཧུ་ལུ། བཛྲ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ། ཡ་མཱནྟ་ཀ་ཧྲིང་ཧྲིང་། བཛྲ་ཙཎྜ་མེ་རོ་ལིང་ཧཱུཾ་ཕཊ། གསང་སྔགས་བཟླ་ཞིང་ལྷ་ཚོགས ་བསྒོམ།། སྔགས་དེ་བཟླས་ཤིང་ལིངྒ་བྲབ།། དེ་ལྟར་རྒྱུན་དུ་བཟླ་བྱ་ཞིང་།། ལྷ་ཚོགས་མཉེས་པའི་གཏོར་མ་འོག་ནས་གོང་གི་གསང་སྔགས་ཞེས་པ་འདིའོ།། དང་།། ཐུགས་དམ་བསྐུལ་ཞིང་བསྟོད་པ་བྱ།། དངོས་གྲུབ ་མྱུར་དུ་འབྱུང་བར་ངེས།། དེས་ནི་སྣ་ཚོགས་གདོན་འཇོམས་པའོ།། གང་དག་མི་ཡི་རིགས་རྣམས་ལ།། རྒྱལ་པོའི་གདོན་གྱིས་འཚེ་བྱེད་ན།། དེ་དག་བསྐྲད་པའི་སྦྱོར་བ་བརྩམ།། རྒྱལ་པོ་ཟིན་པའི་མི་དེ་ལ།། རྟགས་ནི ་འདི་ལྟར་འབྱུང་བར་ངེས།། སྙིང་མི་དགའ་ཞིང་གླུ་ཆུང་ལེན།། དོན་མེད་འགྲོ་སྙིང་འདོད་པ་སྟེ།། མགོ་དང་མཇིང་པ་སྟོད་མི་བདེ།། གློ་སྙིང་འདར་ཞིང་མིག་རྩ་རིག། སྙིང་ག་མི་བདེ་མཆིན་པ་འཕྱངས།། ཡང་ན། ་གསུས་པ་སྐལ་ལ་འབྱར་བར་བྱེད།། རྨི་ལམ་སྟག་དང་སེང་གེ་དང་།། འབག་དང་རོལ་མོ་རྒྱ་རྟའི་ཚོགས།། བཙུན་པ་མི་ཆེན་རྨི་བ་རྣམས།། ལྷ་ཁང་གསུང་རབ་མཆོད་རྟེན་རྣམས།། མཆོད་པ་རྒྱས་པར་རྨི་བ ་དང་།། སྙིང་དང་སྲོག་རྩ་འདར་ཞིང་ན།། སོ་འཐབ་དབུགས་ཀྱང་རྒོད་པར་བྱེད།། ཡང་ན་ཁ་ཡང་འཛུམ་པ་སྟེ།། མཇིང་པ་ཡོ་ཞིང་རྒོད་ཁ་སྟི།། དེ་ལྟ་བུ་ཡི་རྟགས་རྣམས་ནི།། རྒྱལ་པོའི་གདོན་གྱིས་ཟིན་པར ་ངེས།། དེ་དག་བཅོས་ཤིང་བསྐྲད་ཐབས་ནི།། བདག་ཉིད་སྔགས་པའི་མདུན་ཉིད་དུ།། བྲུབ་ཁུང་གྲུ་གསུམ་གྲུ་གང་སྟེ།། ནང་དུ་རྒྱལ་པོའི་ལིང་གཟུད་དེ།། གཟུགས་ཀྱི་རྒྱུ་ནི་འདི་ལྟ་སྟེ།། ཤེལ་ལ་སོགས་ཏེ་རིན་ཆེན ་ལྔ།། ས་བཟང་དག་དང་སྦྱར་བ་ནི།། གྲུ་གང་དག་གི་ཚད་དུ་བྱ།། དེ་ནས་བྲུབ་ཁུང་ནང་དུ་གཞུག། ཁྱི་ལུད་བོང་ཚིལ་ར་ཚིལ་དང་།། ཁྱི་ཚིལ་མི་ཚིལ་བ་ཚིལ་དང་།། རྟ་བོན་དང་ནི་མུ་ཟི་དང་།། ལྕགས་ཕྱེ་ཟངས ་ཕྱེ་ཡུངས་ཀར་དང་།། ཕ་ཝང་ལོང་བུ་དུག་སྣ་ཚོགས།། མི་ཁྲག་དང་ནི་རྟ་ཁྱིའི་ཁྲག། ཁྲག་སྣ་དག་ནི་སྣ་ཚོགས་དང་།། ཐུན་དང་ཟོར་གྱི་རྫས་རྣམས་བསག། ལྕགས་ཀྱི་ཕུར་པ་སོར་བརྒྱད་པ།། སྔགས་འདི་བཟླས ་ཤིང་གཟུག་པའོ།། ཨོཾ་པདྨ་ཧྲཱིཿབཛྲ་པཱ་ཎི་སར།། རཱ་ཙའི་སྙིང་ཁྲག་ལ་ཚལ་པ་མཱ་ར་ཡ་ཛ། སྔགས་དེ་ལན་ནི་བརྒྱ་རྩ་བརྒྱད།། ཕུར་པ་དག་ལ་བཟླའ་བྱ་ཞིང་།། ཐུན་གྱིས་བྲབ་ཅིང་ཕུར་པས་བརྡག། ཚེར་མའི་ཤིང་གིས ་མེ་སྦར་ཞིང་།། དར་དང་ཟ་འོག་སྟག་གཟུགས་རས།། ལྤགས་རས་སྦྱང་རས་གཡི་རས་རྣམས།། མེར་བསྲེག་གཟུགས་ལ་མེ་ཡང་སྦར།། དེ་ལྟར་ལན་བདུན་བྱས་པ་ན།། རྒྱལ་པོའི་གདོན་རྣམས་སྐྲོད་པར་ངེས།། གང ་ཞིག་དམ་སྲིའི་གདོན་རྣམས་ནི།། མི་ཡི་ལུས་ལ་ཞུགས་གྱུར་ན།། རྟགས་ནི་འདི་ལྟར་འབྱུང་བར་ངེས།། ཁ་ཤ་སྲབ་ཅིང་མིག་ཀྱང་འཚག། རྒྱུ་ཞབས་ན་ཞིང་སོ་ཡང་ན།། མཁལ་མ་འཕྲིག་ཅིང་ན་བར་བྱེད།། སྐད་ཀྱང ་འགགས་ལ་སྙིང་མི་དགའ།། རྨི་ལམ་ན་ཡང་བུད་མེད་འབྱུང་།། ཆས་བཟང་བྱུང་ན་ཞེན་པའི་རྟགས།། གོས་ངན་བྱུང་ན་འཇུག་པའི་རྟགས།། རྟགས་དེ་རྣམས་དང་ལྡན་གྱུར་ན།། དམ་སྲི་གདོན་ཕྲན ་གནོད་པར་ངེས།། དེ་དག་བསད་ཅིང་བསྐྲད་པའི་ཐབས།། སྦྱོར་བ་འདི་ཉིད་བརྩམས་པར་བྱ།། རྣལ་འབྱོར་ཏིང་འཛིན་ལྡན་པ་དེས།། གྲུ་གསུམ་དོང་ནི་གཏིང་དུ་བརྐོས།། ནང་དུ་དམ་སྲིའི་མིང་བྱང་བཅུག། བོང་བུ ་ག་པའི་འབྲས་བུ་ལ།། སྔགས་འདི་བཟླས་ཤིང་ཉལ་ཁར་བརྡུང་།། དབང་ཆེན་ཏིང་འཛིན་ལྡན་པར་བསྒོམ། ཀླུ་འདུལ་དབང་ཆེན་སྐུ་ལ་བསྟོད།། སྔགས་འདི་བརྒྱ་རྩ་བརྗོད་ཅིང་བརྡུང་། ཤན་ཏྲི་བུ་ཤམ། དམ་སྲི་མ ་ར་ཡ་ཏྲི་ནན། མཱ་ར་ཡ་རྦད་དུ་མ་ཛ་ཛ་ཛ། སྔགས་དེ་བཟླས་ཤིང་མཚན་མོ་བརྡུང་།། ཕྱག་ན་རྡོ་རྗེས་བཀུག་པར་བསམ།། རྟ་མགྲིན་དམར་པོས་བཟུང་བར་བསམ།། གཤིན་རྗེ་གཤེད་ཀྱིས་བསྡམ་པར་བསམ།། མི ་གཡོ་བས་ནི་གཏུབ་པར་བསམ།། དེས་ནི་དམ་སྲིའི་གདོན་ལས་ཐར།། གང་དག་མི་ཡི་རིགས་རྣམས་ལ།། གདོན་རྣམས་གནོད་པའི་རྨི་ལམ་ནི།། བྱེ་བྲག་བཤད་པ་འདི་ལྟ་སྟེ།། གདོན་ཕྲན་གདོན་དང་སྲིད་པའི ་འདྲེ།། སྲིད་པའི་འདྲེ་རྣམས་རྨི་ལྟས་ནི།། རང་གི་ཤ་ཡང་ཟ་བ་དང་།། རྒྱ་གྲམ་དག་ཏུ་ཉལ་བ་དང་།། དུད་འགྲོའི་ཚོགས་ནི་མང་པོ་དང་།། ལུས་ལ་སྲོག་ཆགས་ཞུགས་པ་དང་།། འདམ་རྫབ་ཉལ་དང་མཚོ ་ལ་བྱིང་།། གོས་རྣམས་མེད་དང་བཙོན་དུ་བཟུང་།། རྒྱ་ལ་བཙུད་དང་སྐྲ་བཀྲུ་ལུས་ལ་རྨ་བྱུང་དང་།། བྱ་རྣམས་ཤ་ལ་ཟ་ཞིང་ལྡིང་།། དེ་ལྟ་བུ་ཡི་རྟགས་རྣམས་ནི།། སྲིད་པའི་འདྲེ་རུ་ཤེས་པར་བྱ།། འཕྲལ་གྱི་གདོན་དུ ་གྱུར་པའི་རྟགས།། རྨི་ལམ་རྟགས་ནི་འདི་ལྟར་འབྱུང་།། སློབ་དཔོན་ཕྱོགས་ཀྱི་འདྲེ་གདོན་ན།། སློབ་དཔོན་ལྟ་བུར་སྤྲུལ་ནས་འོང་།། ཞང་པོའི་ཕྱོགས་ཀྱི་འདྲེ་གདོན་ན།། ཞང་པོ་ལྟ་བུར་བརྫུ་ནས་འོང་།། སྲུ་མོའི ་ཕྱོགས་ཀྱི་འདྲེ་གདོན་ན།། སྲུ་མོ་ལྟ་བུར་སྤྲུལ་ནས་འོང་།། ཕ་ཚན་ཕྱོགས་ནས་འདྲེ་གདོན་ན།། ཕ་ཁུ་རྒན་རབ་དག་ཏུ་འོང་།། ཕ་མེས་དག་ཏུ་ཞུགས་པ་ན།། ཕ་མེས་དག་ཏུ་བཅས་ནས་འོང་།། རང་གི་ཚེ་ལ་ཞུགས་པ ་ན།། ན་མཉམ་དག་ཏུ་སྤྲུལ་ནས་འོང་།། མ་ཡི་རིགས་སུ་ཞུགས་པ་ན།། མ་ཡི་ཕྱོགས་ཀྱི་ཆོ་འཕྲུལ་འོང་།། ཞང་པོའི་དྲིན་ལ་འདྲེ་གདོན་ན།། བདག་ཉིད་མ་ལྟར་སྤྲུལ་ནས་འོང་།། དེ་ལྟར་གདོན་ཀྱི་རྣམ་པ་ནི།། ལན ་གསུམ་བཏུད་ནས་བྱུང་བ་ན།། ངེས་པར་དེ་ཡི་ཕྱོགས་ནས་གདོན།། དེ་དག་ལས་ནི་ཐར་བའི་ཐབས།། གོང་གི་གསང་སྔགས་བཟླས་པའོ།། དེས་ནི་གནོད་པ་རྣམས་ལས་ཐར།། རྟགས་དེ་རྣམས་ནི་བྱུང་བ ་ན།། གསང་སྔགས་བཟླས་པ་བརྩོན་པར་བྱའོ།། དེ་ལྟར་གསང་སྔགས་རབ་བཟླས་ན།། འབྱུང་པོའི་གདོན་ལས་ཐར་བར་ངེས།། གང་དག་མི་ཡི་རིགས་རྣམས་ལ།། རྨི་ལམ་སུམ་ཅུ་རྩ་གཉིས་རྨི་བ་ན།། སྔགས་འདི ་ལན་བདུན་བརྗོད་པ་ཡིས།། རྨི་ལམ་ངན་པ་བཟློག་པའོ།། ཨོཾ་སརྦ་པྲ་བྷཉྩ་ཀྲ་དུཥྚ་ཡ་བཟློག། དེ་ལྟར་སྔགས་དེ་བཟླས་པ་ན།། རྨི་ལམ་ངེས་པར་བཟློག་པའོ།། གང་དག་མི་ཡི་རིགས་རྣམས ་ལ།། འགོང་པོ་ཁྱིམ་དུ་ཞུགས་གྱུར་ན།། བསམ་པ་འགྲུབ་པར་མི་བྱེད་ཅིང་།། འཁོར་དང་ལོངས་སྤྱོད་ཉམས་པ་ནི།། འགོང་པོ་ཡི་དྭགས་གནོད་པར་བྱེད།། འགོང་པོ་ཐམས་ཅད་ཁ་འཆིང་བ།། དྲག་སྔགས་འདི་ཡི་ཁ ་འཆིང་བའོ།། འགོང་པོ་ཧ་བ་ཤ་ཏྲིག་ནན། ཐ་ཏྲི་མྱགས་ཐུམ་རིལ་རྦད། དེ་ལྟར་གནོད་པའི་མི་དེ་ཡིས།། བོང་བུ་ག་པའི་རྣ་མཆོག་ཏུ།། འགོང་པོའི་གཟུགས་དང་མིང་བཅུག་ལ།། ཟངས་ཀྱི་ཤོ་དང་རྡོ་ཤོ་དང་།། རུས ་པའི་ཤོ་ཡང་ནང་དུ་བྲུབ།། ཡུངས་ཀར་དག་ལ་སྔགས་བཟླས་ཤིང་།། ར་ཡི་སྒང་སྟོག་དག་གིས་འབུད།། དེ་ལྟར་དྲག་སྔགས་བཟླས་བྱས་ན།། འགོང་པོ་ཐམས་ཅད་ཁ་འཆིང་བྱ།། གང་དག་མི་ཡི་རིགས་རྣམས ་ལ།། ལྐོག་འབྲས་ཕོལ་དང་སྐྲངས་པའི་ནད་རྣམས་དང་།། སྦྲུལ་གྱིས་ཟིན་དང་གག་པའི་ནད་རྣམས་དང་།། རྨ་རྣམས་འཚོ་མེད་སྐྲངས་པར་གྱུར་པ་ལ།། གསང་སྔགས་བཟླས་ཤིང་སྦྱོར་བ་འདི་ལྟ་སྟེ།། དུར་ཁྲོད་ས ་དང་ཚ་ཚས་སྣ་དང་།། མི་ཡི་དྲི་ཆེན་སྤྱང་ཀི་དང་།། ཝ་དང་ཁྱི་དང་ཕག་པ་དང་།། ལྕགས་དང་ཟངས་དང་དུག་སྣ་དང་།། དྲི་ཆུ་དང་ནི་དྲི་ཆེན་སྦྱར།། འདག་པ་སྦྱར་ཞང་བྱུག་པར་བྱ།། དྲག་སྔགས་འདི་ཡིས ་གདབ་པར་བྱ།། ལུས་ལ་བྱུགས་ན་ནད་རྣམས་འཇོམས།། གསང་སྔགས་གོང་མའི་རྗེས་དག་ཏུ།། དྲག་སྔགས་འདི་ནི་རབ་ཏུ་བཤད།། ཨ་ཧྲིང་ཧྲིང་སིང་སིང་སྭཱ་ཧཱ། དེ་ཉིད་གདབ་ཅིང་འདག་པ་བྱུགས།། དེ་ལྟར་རྒྱུན ་དུ་བྱས་པ་ན།། གོང་གི་ནད་རྣམས་ཞི་བར་གསུངས།། གང་དག་མི་ཡི་རིགས་རྣམས་ལ།། དུག་ལ་སོགས་པའི་ནད་ཀྱི་རིགས།། ཤ་དུག་སྦྱར་དུག་རྩི་དུག་ནི།། དེ་དག་ཞི་བར་བྱ་བའི་ཐབས།། བདག་ཉིད་དབང་ཆེན ་མགྲིན་པ་རུ།། རྨ་བྱ་མདངས་ལྡན་བསྒོམ་པར་བྱ།། ཆུ་གཙང་འཁར་ཕོར་ནང་དུའོ།། རང་ལ་ཚ་བ་འདུས་གྱུར་བས།། མཆིལ་མ་ཆུ་ཡི་ནང་དུ་བོར།། ཤ་དུག་ལོ་དུག་ཟླ་དུག་དང་།། སྦྱར་བའི་དུག་རྣམས་ཐུབ་པར ་གསུངས།། གཞན་དག་བསྲུང་བར་བྱེད་པ་ན།། ཐུགས་ཀར་སྔགས་བཟླས་མཆིལ་མའོ།། དེ་དག་རྒྱུན་དུ་བྱས་ཤིང་གདབ།། དུག་གི་རོ་རྣམས་འདྲོང་བར་བསམ།། སྔགས་འདི་འབུམ་གྱིས་འགྲུབ་པར་ངེས།། ཨོཾ་སང ་ཧ་ཀ་ལི་ཧ་ས་ཧཱུཾ། ཀ་བ་ད་ཙ་རེ། མ་ཧ་དེ་བའི་གླིང་སྲུང་། ཨོཾ་ཙན་འབིས། ཧེ་བྷིས། མ་ཧཱ་བྷིས། ཀོ་རོ་ཙ་བྷིས་ཛ། ཞེས་པའི་སྔགས་དེ་བཟླས་ཤིང་སྦྱར་བར་བྱ།། དེས་ནི་དུག་རྣམས་འཇོམས་པའོ།། མཛེ་དུག་ལ ་སོགས་རྩི་དུག་ལ།། ག་པུར་བཟང་པོ་ཞེ་གཅིག་དང་།། ཆུ་གཙང་དག་ཏུ་སྒུར་བྱས་ནས།། སྔགས་འདི་བརྒྱ་རྩ་གདབ་པར་བྱ།། དེས་ནི་ལུས་ཀུན་ཁྲུས་བྱས་ནས།། བ་སྤུའི་བུ་གར་སྐམ་དུ་གཞུག། དེས་ནི་རྩི་དུག ་ཐམས་ཅད་ཐུབ།། དེ་ཡི་སྔགས་ནི་འདི་སྐད་དོ།། ཨོཾ་ཁྲག་ཉལ་ར་མ་སྭཱ་ཧཱ། སྔགས་དེ་བརྒྱ་རྩ་བརྒྱད་བཟླས་ཞིང་།། ག་བུར་སྦྱོར་བ་དག་བྱས་ན།། རྩི་ཡི་དུག་ལས་ཐར་བར་གསུངས།། ལྔ་བརྒྱ་དུས ་ཀྱི་ཐ་མ་རུ།། སངས་རྒྱས་བསྟན་པ་ནུབ་ཁ་རུ།། དུག་གི་སྦྱོར་བ་རྒྱ་ཆེར་འབྱུང་།། དེ་དག་སྔགས་ཀྱིས་བསྲུང་བ་ནི།། སྦྱོར་དུག་ཤ་དུག་རྩི་དུག་ནི།། གོང་དུ་གསང་སྔགས་བསྟན་པའོ།། བཙན་དུག་དག་གི་སྔགས ་འདིའོ།། ཨོཾ་ཀྲང་ཀྲིང་སོད། ཁྲུག་ལེ་ཧྲི།། སྔགས་འདི་བརྒྱ་རྩ་བཟླས་བྱས་ནས།། སྲིན་ལག་གཉིས་ཀྱི་བར་དག་ཏུ།། བཙན་དུག་བླངས་ཏེ་ཟོས་གྱུར་ཀྱང་།། སྔགས་ཀྱི་ནུས་པས་ཐུབ་པར་ངེས།། དུས་ནི་སྙིག་མའི ་དུས་དེ་རུ།། སངས་རྒྱས་བསྟན་པ་ནུབ་པའི་རྟགས།། དུག་གི་སྦྱོར་བ་འབྱུང་བར་ངེས།། མཛེ་ནད་ལ་སོགས་ནད་རྣམས་ནི།། ནད་ནི་བཞི་བརྒྱ་རྩ་བཞི་འབྱུང་།། དེ་དག་འབྱུང་བའི་དུས་ཉིད་དུ།། རྫོགས་པ་རང་བྱུང ་རྒྱུད་འདི་གསུངས།། ལེའུ་འདི་དག་འབྱུང་བ་ཡིས།། སེམས་ཅན་ཀུན་གྱི་མགོན་དུ་གྱུར།། འདི་ལྟར་སྤྱོད་པ་རྫོགས་བྱས་ནས།། ནད་རྣམས་ཞི་བར་ངས་བཤད་དོ།། གང་དག་མི་ཡི་རིགས་རྣམས་ལ།། མཚན་མོའི ་འདྲེ་དང་གདོན་གྱིས་གནོད་བྱེད་ན།། ཚོན་སྣ་ལྔ་ཡི་སྐུད་པ་ལ།། རྩ་བའི་མདུད་པ་ལྔ་བོར་ཏེ།། རྩ་བའི་གསང་སྔགས་བརྒྱ་རྩ་བཟླས།། ལུས་སམ་མགུལ་དུ་བཏགས་གྱུར་ན།། གདོན་དེ་ཉིད་ལས་ཐར་བར ་འགྱུར།། ལྔ་བརྒྱ་དུས་ཀྱི་ཐ་མ་ལ།། ཕྱུགས་ནད་སྣ་ཚོགས་འབྱུང་བར་ངེས།། དེ་དག་ཞི་བར་བྱེད་པའི་ཐབས།། སྲུང་བ་མཚམས་ཀྱི་འཁོར་ལོ་ལས།། སྡེ་བརྒྱད་དྲག་སྔགས་ཐ་མར་བྲི།། དར་རམ་རས་ནི་སེར་པོས ་གྲིལ།། སྐྱེར་བའི་ཕུར་པ་སོར་བཞི་ལ།། གསང་སྔགས་ནུས་ཚད་བཟླས་པ་ནི།། མགུལ་དུ་བཏགས་པས་ཕྱུགས་ནད་ཆད།། གང་དག་མི་ཡི་རིགས་རྣམས་ལ།། རིམས་ནད་དག་གིས་བཏབ་གྱུར་ན།། དེ་དག་རྣམས ་ལ་ཐར་པའི་ཐབས།། སྦྱོར་བ་འདི་ཉིད་བྱས་པས་ཐུབ།། ཁྲུས་ནི་སྣ་ཚོགས་བྱས་ནས་ནི།། ནམ་ལངས་པ་ཡི་དྲི་ཆུ་ཡིས།། དང་པོ་ཐ་མ་ཕོ་ནས་བར་མས་ཁྲུས་བྱས་ཞིང་།། ལྷོར་ཡང་བག་ཙམ་གཏོང་བར་བྱ།། སྣ་བུག ་ནང་དུ་བག་ཙམ་བླུགས།། རྩ་བའི་སྔགས་ནི་བཟླས་བྱ་ཞིང་།། དེ་ལྟར་རྒྱུན་དུ་བྱས་པ་ན།། འགོས་ནད་རིམས་ལས་ཐར་བར་ངེས།། དེ་ལྟར་སྦྱོར་བ་བྱས་པ་ཡིས།། ནད་ཀྱི་སྡུག་བསྔལ་ཞི་བར་འགྱུར།། ལྔ་བརྒྱ་དུས ་ཀྱི་ཐ་མ་ལ།། ནད་ཀྱི་སྡུག་བསྔལ་བསམ་མི་ཁྱབ།། དེ་རྣམས་ཞི་བར་བྱ་བའི་ཕྱིར།། དབང་ཆེན་གསང་བའི་རྒྱུད་འདི་གསུངས།། དེ་ནས་གསང་སྔགས་བསྟན་པ་གནས།། དེ་ནས་གདོན་རྣམས་འཇོམས་བྱེད ་པའི།། གསང་སྔགས་འདི་ནི་རྒྱས་པར་འགྱུར།། ལོ་ནི་ལྔ་བརྒྱ་བར་དུ་གནས།། དེ་ནས་གསང་སྔགས་བསྟན་པ་ནི།། ཡུན་རིང་གནས་པར་ངས་མ་བཤད།། གསང་སྔགས་འདི་ནི་ཤིན་ཏུ་གསང་།། དེ་ཕྱིར་བགེགས ་རྣམས་འཇོམས་པའོ།། དེ་ནས་དབང་ཆེན་འཁོར་བཅས་ལ།། བསྟོད་པའི་གླུ་ཆེན་འདི་སྐད་དོ།། ཧྲཱིཿ། རིག་པ་ཡེ་ཤེས་ཉིད་ལས་བསྐྱེད་པའི་ལྷ།། དབང་ཆེན་ཀུན་འདུས་དབང་གི་རྒྱལ ་པོ་ཁྱོད།། དབང་གི་མདོག་དམར་བསྐལ་པའི་མེ་ལྟར་འབར།། ཞལ་གསུམ་ཕྱག་དྲུག་ཁྲོ་རྒྱལ་རྟ་སྐད་མཚེར།། ཤིན་ཏུ་བརྗིད་དང་དུར་ཁྲོད་ཆས་ཀྱིས་བརྒྱན།། ཞབས་བཞི་བགྲད་ཅིང་རྒྱ་མཚོའི་ཀླུ་རྣམས ་བརྫིས།། ཞལ་ནས་ཚེམས་བརྡར་ཀླུ་ཡི་གཤེད་མར་མཛད།། སྤྱན་རྩ་རིག་ཅིང་མ་མོ་ཕོ་ཉར་འགྱེད།། དབུ་དགུ་ཕྱག་ནི་བཅོ་བརྒྱད་སྟེ།། ཞབས་བརྒྱད་ཁྲོ་རྒྱལ་ཀླུ་བརྒྱད་བརྫིས།། དམར་ནག་སྐུ་ནི་སྣ་ཚོགས ་སྟོན།། དྲེགས་པ་ཅན་རྣམས་ཞལ་དུ་རྔུབ།། དབང་གི་སྐུ་མདོག་དམར་འཕྲོ་བ།། སྲིད་པ་གསུམ་ཉིད་དབང་དུ་སྡུད།། རྟ་སྐད་ཕྱོགས་བཅུར་སྒྲོགས་པ་ཡིས།། དུས་གསུམ་ཁྲོ་བོ་དམ་ལ་སྡུད།། རྟ་བྲོ་ཟང་གསུམ་བརྗིད ་པ་ཡིས།། སྲིད་གསུམ་འབྱུང་པོའི་སྙིང་ལ་བརྡུང་།། ཕྱག་མཚན་མང་པོ་བསྣམས་པ་ཡིས།། ཀླུ་རྣམས་ཐམས་ཅད་ཐལ་བར་རློགས།། ཀུན་ལ་བྱམས་པའི་ཁྲོ་རྒྱལ་ཀླུ་འདུལ་ཁྱོད།། དབང་ཆེན་སྐུ་ལ་གཉིས་མེད ་ཡིད་ཕྱག་བསྟོད། ཧཱུཾ།། ཁྲོ་བོའི་རྒྱལ་པོ་རྟ་མགྲིན་དབང་གི་སྐུ།། ཧྲཱིཿདང་ཕཊཿཀྱིས་ཀླུ་རྣམས་ཟ་བར་བྱེད།། མིག་ནས་མེ་འབར་རྒྱ་མཚོའི་ཀླུ་རྣམས་བསྲེག། ཤངས་ནས་རླུང་འཚུབས་འཇིག་རྟེན་ཁམས་ཀུན ་འཁྲུགས།། ལྕགས་ཀྱི་རྨིག་པས་ཀླུ་ཡི་སྙིང་ནས་འདྲེན།། ཀླུ་ཡི་སྙིང་འབྱིན་ཀླུ་རྣམས་བསྲེག་པར་བྱེད།། གསོད་བྱེད་ཁྲོ་རྒྱལ་ཆེན་པོ་ཡིས།། དགྲ་བགེགས་སྙིང་ཁྲག་རྔམ་པའི་ཞལ་གྱིས་གསོལ།། དབང་ཆེན་ཁྱེད ་ཀྱི་ཐུགས་ཀ་ནས།། གསང་བའི་བདག་པོ་གོས་སྔོན་ཅན།། ཞལ་གཅིག་ཕྱག་གཉིས་སྐུ་མདོག་སྔོ།། གཡས་པའི་ཕྱག་ན་བསྣམས་པ་ནི།། ཀླུ་འདུལ་གསེར་གྱིས་རྡོ་རྗེ་བསྣམས།། ཟུང་ཞིག་གཏོགས་ཤིག་རྣམ་པར ་ཆིངས།། གཡོན་པའི་ཕྱག་ན་བསྣམས་པ་ནི།། སྦྲུལ་ཞགས་ཕུར་བུ་ཕྱོགས་བཅུར་འདེབས།། དྲོངས་ཤིང་ཁུག་ཅིག་སྙིང་ལ་ཡ།། བཅོམ་ལྡན་ཕྱག་ན་རྡོ་རྗེ་ནི།། སྣ་ཚོགས་མཆོག་གི་སྐུ་འབར་ཞིང་།། སྐུ་ནི་རི་རབ་ལྟ ་བུར་བརྗིད།། གསུང་སྒྲས་སྟོང་གསུམ་ཟིལ་གྱིས་གནོན།། ཐུགས་ནི་ཆོས་ཉིད་བྱམས་པར་ལྡན།། རལ་པ་ཁམ་ནག་གྱེན་དུ་བརྫེས།། གསུས་པ་ཆེ་ལ་སྦྲུལ་ཡང་ཟ།། ཀླུ་རྣམས་ཟ་བའི་མཆེ་བ་གཙིགས།། རལ་པ་གྱེན ་དུ་བརྫེས་པ་ཡིས།། ཀླུ་ཡི་འཇིག་རྟེན་དབང་དུ་བསྡུ།། ཨག་ཚོམ་མེ་ལྟར་འབར་བ་ཡིས།། མི་ཡི་འཇིག་རྟེན་སྐྱོབ་པར་བྱེད།། ཞབས་གཉིས་བརྐྱང་བསྐུམ་ཚུལ་བསྟན་པས།། ཀླུ་རྣམས་སྐྲོད་པར་བྱེད་པའོ།། བཅོམ ་ལྡན་ཕྱག་ན་རྡོ་རྗེ་ནི།། ལྷ་ཆེན་བརྒྱད་ནི་ཕྱག་གིས་སྒྲོལ།། ཀླུ་ཆེན་བརྒྱད་ནི་ཞབས་ཀྱིས་མནན།། བདུད་དང་མ་མོའི་སྲོག་རྩ་འཕྲོག། རྒྱལ་འགོང་ཀུན་གྱི་དོན་སྙིང་འབྱིན།། མ་བདུད་ཐམས་ཅད་གསོད་བར ་བྱེད།། ཕྱག་ན་རྡོ་རྗེ་སྟོབས་པོ་ཆེ།། རི་རབ་གླིང་བཞིར་བཅས་པ་ནི།། ཁྱོད་ཀྱི་ལག་པ་གཡས་པ་ཡིས།། འཕངས་པས་འཇིག་རྟེན་འཁྲུག་པར་བྱེད།། རྒྱ་མཚོའི་གཏིང་ན་གནས་པ་ཡི།། ཀླུ་རྣམས་ཁྱོད ་ཀྱི་ཟས་སུ་ཟ།། རི་རབ་ངོས་ཀྱི་ཀླུ་རྣམས་ནི།། དཔག་ཚད་བརྒྱད་ཁྲིར་འཕེན་པར་བྱེད།། ཀླུ་འདུལ་ཁྱོད་ལ་ཕྱག་འཚལ་བསྟོད།། ཁྲོ་བོའི་རྒྱལ་པོ་རྟ་སྐད་འཚེར།། དབང་ཆེན་ཁྱེད་ཀྱི་ཐུགས་ཀ་ནས།། ཕྱག་ན་རྡོ་རྗེ་ཕོ ་ཉར་འགྱེད།། དབང་ཆེན་ཁྱོད་གྱི་དཔྲལ་བ་ན། ཧཱུཾ། ཁྲོ་རྒྱལ་འཕགས་པ་མི་གཡོ་བ།། སྐུ་མདོག་ནག་པོ་འཇིགས་པའི་སྐུ།། ཞལ་གཅིག་ཕྱག་གཉིས་བརྗིད་པ་ཆེ།། གཡས་པས་རལ་གྲི་བསྣམས་པ་ཡིས།། ཁམས ་གསུམ་སེམས་ཅན་སྐྱེས་རྩད་གཅོད།། གཡོན་པས་སྡིགས་མཛུབ་ཞགས་པ་བསྣམས།། ཐམས་ཅད་ཆིངས་ཤིག་རྣམ་པར་སྡོམས། འཕགས་པའི་རྒྱལ་པོ་མི་གཡོ་བ།། རྡུངས་ཤིག་ཁྲོ་བོའི་རྒྱལ་པོ་ཁྱོད།། དགྲ་དང ་བགེགས་རྣམས་རྡུལ་དུ་རློགས།། ཁྲོ་བོའི་རྒྱལ་པོ་མི་གཡོ་མགོན།། ཀླུ་འདུལ་འཇིགས་པའི་སྐུ་ལ་བསྟོད། ཧཱུཾ། བཅོམ་ལྡན་དབང་ཆེན་མགྲིན་པ་ནས།། སྤྲུལ་པའི་རྟ་མགྲིན་དམར་པོ་བྱུང་།། ཞལ་གཅིག་ཕྱག་གཉིས ་སྐུ་མདོག་དམར།། གཡས་པས་བེ་ཅོན་བསྣམས་པ་ཡིས།། སྲིད་པའི་འབྱུང་པོ་རྡུལ་དུ་བརླག། གཡོན་པས་སྡིགས་མཛུབ་བསྒྲེངས་པ་ཡིས།། ཐམས་ཅད་མ་ལུས་སྒྲོལ་བར་བྱེད།། རྟ་མགྲིན་རྟ་སྐད་པ་ཡིས།། ཀླུ་ལ ་སོགས་པའི་བགེགས་རྣམས་འཇོམས།། སྐུ་ནི་མེ་ཡི་ཚ་ཚ་འཕྲོ།། གདོན་བགེགས་ཐམས་ཅད་ཐལ་བར་བརླག། སྤྲུལ་ཅིག་རོལ་ཅིག་རྟ་མགྲིན་རྒྱལ།། འབྱུང་པོ་འཇོམས་ལ་ཕྱག་འཚལ་བསྟོད།། བཅོམ་ལྡན་དཔལ ་ཆེན་ལྟེ་བ་ནས།། ཁྲོ་བོའི་རྒྱལ་པོ་གཤིན་རྗེ་གཤེད།། ཞལ་གཅིག་ཕྱག་གཉིས་སྐུ་མདོག་མཐིང་། ཀམ་ཀམ་ཚིག་ཚིག་རལ་བ་མེ་ལྟར་འབར།། གཡས་ན་འཁོར་ལོ་རྩིབས་སྟོང་བསྐོར།། སྲིད་གསུམ་མ་མོ་གསོད་པར ་བྱེད།། དབང་དུ་སྡུས་ཤིག་གཤིན་རྗེ་གཤེད།། གཡོན་པས་སྦྲུལ་ཞགས་སྡིགས་མཛུབ་བསྒྲེངས།། དམ་ཚིག་ཉམས་པའི་གཤེད་མ་མཛད།། མ་མོའི་སྐུ་འདུལ་ཁྲོ་རྒྱལ་གཤིན་རྗེ་གཤེད།། མཐིང་ནག་འཇིག་བྱེད་ཁྲོ ་རྒྱལ་དགྲ་བོའི་གཤེད།། ཐམས་ཅད་འཆིང་བྱེད་ཞགས་པ་ཀླད་ལ་བསྐོར།། མ་མོའི་གཤེད་བྱེད་ཁྲོ་རྒྱལ་གཤིན་རྗེའི་གཤེད།། སྐུ་མདོག་གསལ་འགྱུར་མ་མོ་གཅེར་བུར་འགྱུར།། འཇིག་བྱེད་རྔམ་པའི་ཁྲོ་རྒྱལ་ཚོགས ་དང་བཅས།། གློ་སྙིང་ཞལ་དུ་གསོལ་ཞིང་སྙིང་ཁྲག་དྲོན་མོ་འཇིབས།། མི་མགོ་ཀླད་ཁྲག་ཉིད་ཀྱི་ཞལ་དུ་གསོལ།། ཁྲོ་རྒྱལ་འཇིག་བྱེད་ཧ་ལ་ཧ་ལའི་སྐུ།། ལྗགས་འདྲིལ་ཙམ་གྱིས་རྡོ་རྗེའི་ཐོག་ཆེན་འབེབས།། ཀུན་གྱི ་གཤེད་བྱེད་མ་མོ་འདུལ།། མ་མོ་དབང་དུ་བསྡུ་ལ་ཕྱག་འཚལ་བསྟོད།། པདྨ་དབང་གི་སྐུ་ནི་བརྗིད་པ་ཆེ།། བཅོམ་ལྡན་ཕྱག་ན་རྡོ་རྗེ་ཀླུ་འདུལ་བརྗིད།། མི་གཡོ་མགོན་པོས་བདུད་དང་སྲིན་པོ་འདུལ།། གཤིན་རྗེ ་གཤེད་ཀྱི་དགྲ་བོ་མ་རུངས་འཇོམས།། རྟ་མགྲིན་ཉིད་ཀྱིས་ཐམས་ཅད་འགུགས་པར་བྱེད།། ཁྲོ་རྒྱལ་བགེགས་རྣམས་འཇོམས་ལ་ཕྱག་འཚལ་བསྟོད།། ཧཱི་ཏ་ཡ་པདྨ་ཀྲོ་ཏ་ཧཱུཾ་ཧཱུཾ་མ་ར་ཡ་ཛ་ཛ། གསང ་སྔགས་དབང་པོས་བསྐུལ་བྱས་ལ།། བགེགས་རྣམས་འདུལ་བའི་ཏིང་འཛིན་ལྡན།། དེ་ལྟར་ལས་རྣམས་རྫོགས་པར་བྱའོ།། དཀྱིལ་འཁོར་སྦྱོར་བ་རྫོགས་པར་བྱའོ།། སྔགས་དང་ཕྱག་རྒྱའི་དབང་རྫོགས་བྱ།། བཅོམ ་ལྡན་དབང་ཆེན་སྐུ་ཉིད་ལ།། འཁོར་གྱི་ལྷ་དང་ཀླུས་བསྟོད་ནས།། རང་རང་སྟན་ལ་མངོན་པར་འདུག། ཡི་དྭགས་རྣམས་ནི་བྲེད་ཅིང་སྔངས།། འབྱུང་པོ་ཤ་ཟའི་གདོན་ལས་ཐར།། ལས་རྣམས་ཐམས་ཅད་འགྲུབ་པར ་འགྱུར།། ཆེན་པོ་ལས་ནི་ཤིན་ཏུ་ཆེ།། དབང་ཆེན་གསང་བའི་རྒྱུད་འདི་ནི།། རབ་ཏུ་འབྱུང་བར་དཀའ་བ་སྟེ།། ལྔ་བརྒྱ་དུས་ཀྱི་ཐ་མ་ལ།། རྒྱུད་འདི་འབྱུང་ཞིང་ལས་རྣམས་འགྲུབ།། རྫོགས་སངས་རྒྱས་དང་མཉམ་པར ་སྦྱོར།། དཀྱིལ་འཁོར་ཐམས་ཅད་འགྲུབ་པར་འགྱུར།། རྒྱུད་རྒྱལ་གསང་བ་འདི་ཉིད་ནི།། ཐམས་ཅད་འདུལ་བྱེད་གཉེན་པོ་སྟེ།། ཐམས་ཅད་རང་རང་བདེ་ལ་འགོད་པའོ།། ཨེ་མ་ཧོ།། དཀྱིལ་འཁོར་གསང་བའི ་བཀོད་པ་འདི།། འདི་ལྟར་རབ་ཏུ་བྱ་བར་གསང་།། དབུས་སུ་དམར་ནག་གྲུ་གསུམ་མཛེས།། ཟླ་གམ་གསུམ་ནི་སྔོ་ནག་བྲི།། དེ་ཡི་ཕྱི་རིམ་དག་ཏུ་ཡང་།། གྲུ་བཞི་སྒོ་དང་བཅས་པ་བྲི།། ཕྱི་རིམ་ཟླུམ་པོ་མུ་ཁྱུད ་བྲི།། དེ་ལྟར་དཀྱིལ་འཁོར་བྲིས་བྱས་ལ།། དབུས་སུ་དཔལ་གྱི་གཏོར་མ་དང་།། དབང་ཆེན་བསྒྲུབ་པའི་རྫས་ནི་བཞག། ཟླ་གམ་གསུམ་གྱི་སྟེང་དག་ཏུ།། ལྕགས་ཀྱི་ཕུར་པ་རེ་རེ་ལ།། དར་དམར་གདུགས་ནི་ཕུབ ་པའོ།། སྒོ་བཞིར་དགྲམ་པའི་རྫས་རྣམས་ནི།། ཤར་དུ་ཤེལ་གྱི་ཕུར་པ་ལ།། དར་དཀར་གདུགས་དང་བཅས་པའོ།། ལྷོ་རུ་སྐྱེར་བའི་ཕུར་པ་ལ།། དར་སེར་གཙང་མའི་གདུགས་ཀྱིས་ཕུབ།། ནུབ་ཏུ་སིང་ལྡེང་ཕུར་པ ་ལ།། དར་དམར་དག་གི་གདུགས་ཀྱིས་ཕུབ།། བྱང་དུ་ལྕགས་ཀྱི་ཕུར་པ་ལ།། དར་ལྗང་དག་གི་གདུགས་ཀྱིས་ཕུབ།། བྱང་ཤར་མཚམས་ཀྱི་གྲུ་ཆད་སྟེང་།། ལྕགས་ཀྱི་ཕུར་པ་དག་བཙུགས་ལ།། དར་ཚོན་དག་གི་ཅོད ་པན་བཏགས།། ཤར་ལྷོ་མཚམས་གྱི་གྲུ་ཆད་སྟེང་།། དུག་རྣམས་བྱུགས་པའི་ཕུར་པ་སྟེ།། དར་ནག་དག་གི་ཅོད་པན་བཏགས་པའོ།། ལྷོ་ནུབ་མཚམས་སུ་བཞག་པ་ནི།། སེང་ལྡེང་ཕུར་པ་ཁྲག་གིས་བྱུགས།། དར་ནག ་ཅོད་པན་བཏགས་པའོ།། ནུབ་བྱང་མཚམས་སུ་མཆོག་ཕུར་ནི།། མཐིང་ནག་དར་གྱི་ཅོད་པན་བཏགས།། གྲུ་ཆད་ཕྱི་མ་བཞི་པོ་ལ།། གཏོར་མ་རེ་རེ་གཞག་པར་བྱ།། དེ་ལྟར་རྫས་རྣམས་བཤམས་པའོ།། བསྒྲུབ་པའི ་སྐབས་སུ་ཤེས་པར་བྱ།། བསྙེན་པའི་སྐབས་སུ་དཔལ་གཏོར་དག་གིས་སོ།། ལས་ལ་སྦྱོར་བའི་དུས་ཙམ་ནས།། ཁྲག་དང་དུག་ཐུན་ཐུན་རྫས་བསག། རང་རང་ཐུན་དང་འདྲ་བར་བཤད། དེས་ནི་ལས་རྣམས་འགྲུབ ་པར་གསུངས།། གང་ཞིག་ལོངས་སྤྱོད་ཉམས་པ་ཡིས།། འདི་ལྟར་སྤྱད་ན་དངོས་གྲུབ་འབྱུང་།། ཚེ་དང་བསོད་ནམས་རྒྱས་པར་འཕེལ།། སྐྱེ་དང་མི་སྒོའི་སྡུག་བསྔལ་བྲལ།། འདིས་ནི་བསམ་པ་ཉེ་བར ་འགྲུབ་པའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། ཐམས་ཅད་ཟློག་བྱེད་མཚོན་ཆའི་ལེའུ་སྟེ་བཅུ་གཅིག་པའོ།། རྫོགས་སོ།། །། @#།། རྒྱ་གར་སྐད་དུ། སརྦ་མ་ཁ་སུ་ར་ཨ་མ་ཐ་ག ་སུ་ནཱ་མ། བོད་སྐད་དུ། བདུད་རྩི་ནང་དུ་ཐམས་ཅད་སྦྱོར་བའི་ལུང་ཞེས་བྱ་བ། བཅོམ་ལྡན་ཆེ་མཆོག་ཧེ་རུ་ཀ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་དེ་ཉིད་ཆེ་མཆོག་ཧེ་རུ་ཀ་ཞེས་བྱ་བར་གྱུར་ནས། བདུད ་རྩི་ཐལ་བའི་སྦྱོར་བའི་ལེའུ་འདི་གསུངས་སོ།། ཀྱེ་མ་ཀོའུ་རཱི་འཁོར་རྣམས་ཉོན།། ཁམས་གསུམ་རྣམ་རྒྱལ་ཡུམ་ཉིད་ཀྱིས།། བྷ་གའི་དབྱིངས་ནས་བཀའ་སྩལ་པ།། བདུད་རྩི་སྦྱོར་བ་འདི་ཉིད་ལས།། སྦྱོར་བ་དམ་པ ་འདི་ལྟ་སྟེ།། སྐུ་ཡི་སྦྱོར་བ་བདུད་རྩི་འདི།། ཐང་ལས་བྱུང་བའི་བདུད་རྩི་དང་།། ནམ་མཁའ་དག་ལས་བྱུང་བ་དང་།། དེ་བཞིན་རང་ལས་བྱུང་བ་དང་།། སྣ་ཚོགས་དག་ནི་རྫས་བསགས་ལ།། སྨན་ནི་རྣམ་པ་ཅི་སྙེད ་དང་། དེ་བཞིན་དུག་ཀྱང་རབ་ཏུ་གསུངས།། དུག་ལྔ་བདུད་རྩིའི་སེལ་བའི་ཕྱིར།། རྩ་བ་ལྔ་ཡི་སྦྱོར་བ་ལས།། ཡན་ལག་བསམ་གྱིས་མི་ཁྱབ་བསྟན།། སྦྱོར་བའི་རྫས་ཀྱི་ཐེམ་ལས་ནི།། ཨོཾ་དང་ཨཱ་དང་ཧཱུཾ་དག ་གིས།། སྦྱོར་བ་བྱིན་གྱིས་བརླབས་ནས་ནི།། བདུད་རྩི་ཆེན་པོ་བསྒྲུབ་པ་འདི།། ཤིན་ཏུ་དབེན་ཞིང་ཉམས་དགའ་བའི།། གནས་ནི་རབ་ཏུ་བཙལ་ནས་ཀྱང་།། གནས་ཀྱི་མཚན་ཉིད་བརྟགས་པ་ནས།། འཇུག་པའི་དུས ་ཉིད་བསྟན་པའོ།། གནས་ཀྱི་མཚན་ཉིད་བརྟག་པ་ནི།། ནགས་ཚལ་རབ་ཏུ་མང་བའོ།། བྱ་སྐད་སྣ་ཚོགས་སྒྲོགས་པ་དང་།། བྲག་རི་མཐོ་བར་འདུག་པ་དང་།། མེ་ཏོག་སྣ་ཚོགས་འཁྲུངས་པ་དང་།། གཙང་མའི་ཆུ ་འབབ་ཉི་མ་རྟག། བཅུད་དང་འབྲས་བུ་སྨིན་པ་རུ།། གནས་ནི་ཟླ་གམ་དབྱིབས་དག་ཏུ།། བསྒྲུབ་པའི་དཀྱིལ་འཁོར་ཞལ་ཕྱེ་སྟེ།། དཀྱིལ་འཁོར་མདའ་གང་ཚད་དུ་བྱ།། ཡུག་གིས་མ་ཕོགས་དཔངས་མཐོ་བ།། ཤིན ་ཏུ་བྱུགས་པས་ལེགས་པ་ལ།། དྲི་ཆུས་ཆག་ཆག་ལེགས་བཏབ་ལ།། དེ་ནས་ཆག་དེ་བསྐམ་པ་དང་།། ཕྱི་རོལ་དག་ཏུ་སོང་ལ་ནི། ཆ་གསུམ་བཏང་དང་ཕྱི་བཤགས་རྣམས།། གཞུང་དང་མཐུན་པར་རབ་བྱས་ལ།། ཕྱི ་མཚམས་ལ་སོགས་དེ་བཞིན་བྱ།། དེ་ནས་ནང་དུ་འོངས་ནས་ནི།། ནང་མཚམས་གསང་བའི་མཚམས་ཡང་གཅད།། དེ་ནས་ནང་བཤགས་ཚུལ་བཞིན་བྱ།། དེ་ནས་དཀྱིལ་འཁོར་དེ་ཉིད་ལ།། ཆང་ཕུད་གཙང་མ་མ ་ཉམས་པས།། ཆག་ཆག་ལེགས་པར་གདབ་པར་བྱ།། དེ་ནས་དཀྱིལ་འཁོར་དེ་ཉིད་ལ།། ཚངས་ཐིག་ལ་སོགས་ཐིག་རྣམས་ནི།། གནམ་ཐིགས་ཐིག་ཚུལ་བཞིན་བྱ།། དེ་ནས་ཚོན་རྩི་སྣ་ཚོགས་ཀྱིས།། དཀྱིལ་འཁོར ་དེ་ལ་དགོད་པར་བྱ།། དབུས་ཀྱི་ཕོ་བྲང་ཟླུམ་པོ་ལ།། དཀྱིལ་དུ་མཐིང་ནག་གྲུ་གསུམ་སྟེ།། ཟླ་གམ་དབུས་ཀྱི་ཁ་དོག་ནི།། སེར་དང་དམར་དང་དཀར་བའོ།། དེ་ཡི་ཟ་མ་དག་ཏུ་ནི།། འཁོར་ལོ་རྩིབས ་བརྒྱད་དག་ཏུ་བྱ།། འཁོར་ལོའི་རྩིབས་ཀྱི་རྩེ་མོ་ལ།། ནོར་བུ་འོད་འབར་རེ་རེ་བྱ།། འཁོར་ལོའི་མདོག་ནི་སེར་པོར་བཏང་།། དེ་ཡི་ཕྱི་རིམ་གྲུ་བཞིའི་སྟེང་།། ལྗང་གུའི་མདོག་ནི་རབ་ཏུ་གསུངས།། དེ་ཡི་ཕྱི་རིམ་དག ་ཏུ་ཡང་།། ཟླུམ་པོ་སྒོ་དང་བཅས་པ་བྲི།། དཀྱིལ་འཁོར་ཆེན་པོ་དེ་ཉིད་ཀྱི།། གྲུ་ཆད་བཞི་ཡི་ཟུར་དག་ཏུ།། བསྒྲུབ་པའི་ཡུམ་བཞི་གཞག་པར་བྱ།། དེ་ནས་བསྒྲུབ་པའི་མཚན་ཉིད་བསྟན།། དེ་ནས་རྡོ་རྗེ་ཁམས་གསུམ ་གནམ་ཞལ་མས།། བདུད་རྩི་ཆེན་པོའི་སྦྱོར་བ་དང་།། བདུད་རྩིའི་སྣོད་དང་དམ་རྫས་གཞག། གཙོ་བོ་ཡབ་ལ་རབ་ཏུ་ཞུས།། ཀྱེ་མ་ཁྲོ་བདག་ཆེན་པོའི་སྐུ།། དཀྱིལ་འཁོར་ཆེན་པོ་དེ་ཉིད་ལ།། བསྒྲུབ་པའི་རྫས་ནི་ཇི ་ལྟར་དགོད།། ཉེ་བའི་འཁོར་ལ་བཀའ་སྩོལ་ཅིག། དེ་ནས་མངོན་རྫོགས་རྒྱལ་པོ་ཡིས།། ཡུམ་གྱི་བྷ་ག་དམ་པ་ལས།། སྦྱོར་བ་བརྡའ་ཡིས་རབ་བསྐུལ་ནས།། ཉེ་བའི་འཁོར་ལ་བཀའ་སྩལ་པ།། ཉོན་ཅིག་ཉེ་བའི ་འཁོར་རྣམས་ཉོན།། བསྒྲུབ་པའི་དཀྱིལ་འཁོར་དེ་ཉིད་ཀྱིས།། སྟེང་དུ་རྫས་རྣམས་བསགས་པ་ནི།། མཐིང་ནག་དབུས་ཀྱི་སྟེང་ཉིད་དུ།། རིགས་བཟང་བྷནྡ་མཚན་ལྡན་དང་།། དམངས་རིགས་མོ་ཡི་བྷན་དྷ ་གཉིས།། ཁ་དོག་རིགས་དང་རི་མོ་གཉིས།། ཕོ་ལ་འཁོར་ལོ་དཔག་བསམ་ཤིང་།། ཡི་གེ་ལྟ་བུའི་རི་མོ་རྣམས།། ཕོ་ལ་བྱུང་ན་བཟང་བར་བཤད།། པདྨ་དག་དང་མེ་ཡི་རིས།། མཚན་མ་ལྟ་བུར་བྱུང་བ་ནི།། མོ་ཡི ་རིགས་ལ་བཟང་བར་བཤད།། དབྱིབས་དང་ཁ་དོག་རབ་བརྟགས་ལ།། དབུས་སུ་རབ་ཏུ་གཞག་པར་བྱ། འཁོར་ལོའི་རྩིབས་མ་རེ་རེ་ལ།། བུམ་པ་མཛེས་པ་རེ་རེ་གཞུག། བུམ་པ་དེ་དག་རེ་རེ་ཡི།། རྩ་རུ་ཕུར་པ་རེ ་རེ་ལ།། ཁྲོ་བོ་བཅུ་ཡི་སྔགས་རྣམས་ཀུན།། རེ་རེ་དག་ལ་བྲིས་ལ་བཀོད།། ཕུར་པ་བཅུ་པོ་དག་ལ་གདགས།། དར་དམར་ཅོད་པན་རེ་རེ་བཏགས།། དེ་ཡི་ཕྱི་རིམ་གྲུ་ཆད་ལ།། མདའ་དང་མེ་ལོང་དར་སྣ་དང་།། རལ ་གྲི་གཏོར་མ་རེ་རེ་བཞག། དཀྱིལ་འཁོར་དེ་ལ་སྒོ་བཞི་ལ།། བུམ་པ་རིགས་དང་མཐུན་པ་རེ།། རས་དཀར་མགུལ་ཆིངས་དག་དང་བཅས།། ཤར་དུ་མཛེས་པའི་སྤྱན་ཕྱེ་ལ།། ལྷོ་ཡི་བུམ་པ་དེ་ཉིད་ལས།། མཛེས་པའི ་ཞལ་ཉིད་བྲི་བར་བྱ།། ནུབ་བྱང་གཉིས་ལ་མ་དང་ཧཱུཾ།། ལེགས་པར་བྲིས་ལ་དགོད་པར་བྱ།། དེ་ནས་ཉེ་བའི་འཁོར་རྣམས་ཀྱིས།། གཙོ་བོ་ཡབ་ལ་དོན་ཞུས་པ།། ཀྱེ་ཀྱེ་བཅོམ་ལྡན་ཧེ་རུ་ཀ། དམ་རྫས་མཚན་ཉིད་དེ ་ལྟར་ན།། སྨན་གྱི་རིགས་རྣམས་གསུང་དུ་གསོལ།། དེ་ནས་རྣམ་གྲོལ་ཧེ་རུ་ཀས།། ཉེ་བའི་འཁོར་ལ་བཀའ་སྩལ་པ།། ཀྱེ་མ་ཉོན་ཅིག་ཡུམ་གྱི་ཚོགས།། སྨན་གྱི་རིགས་རྣམས་འདི་ལྟ་སྟེ།། རིགས་ནི་ལྔ་རུ་ང་ཡིས ་བཤད།། རྩ་བ་འབྲས་བུ་ལྔ་རུ་བཤད།། བསྒྲུབ་པའི་དཀྱིལ་འཁོར་དེ་ཉིད་ཀྱིས།། དབུས་ཀྱི་ཐོད་པ་དག་ཏུ་ཡང་།། དྲི་ཆེན་སྐམ་པོ་སྲང་གཅིག་བཞག། ཤར་གྱི་བུམ་པའི་ནང་དག་ཏུ།། བྱང་ཆུབ་སེམས ་ནི་སྲང་ཕྱེད་བཞག། ལྷོ་རུ་བསྒྲལ་བའི་མཱཾ་ས་ཉིད།། མིག་དང་སྣ་ལ་གཞི་བླངས་ལ།། དེ་བཞིན་སྙིང་དང་མཁལ་མ་དང་།། མཆིན་པ་ལ་སོགས་སྲང་གསུམ་བཞག། ནུབ་ཏུ་སྣ་ཚོགས་རཀྟ་ཉིད།། བསྒྲལ་བའི་རཀྟ་སྣ ་ཚོགས་ནི།། སྲང་གསུམ་ཚད་དང་མཉམ་པར་བཞག། བྱང་གི་བུམ་པའི་ནང་དག་ཏུ།། དྲི་ཆུ་སྣ་ཚོགས་བསྲེས་པ་ནི།། ཕུལ་ཟག་གང་གི་ཚད་དུ་བྱ།། དེ་ནས་ཤར་དུ་ཕོར་སྣོད་དག་ཏུ་ནི།། ར་ས་ཡ་ན་ལ་སོགས ་ཏེ།། ཉུང་ཀར་གུ་གུལ་དག་དང་ནི།། རྡོ་རྗེ་ཕུར་བ་དག་དང་ནི།། གོ་རོ་ཙ་ན་ཆེན་པོ་དང་།། རཀྟ་ལ་སོགས་གཞག་པར་བྱ།། དེ་ནས་དཀྱིལ་འཁོར་ལྷོ་ཕྱོགས་སུ།། བསྒྲུབ་པའི་ཡུམ་ཉིད་བཞག་ནས་ནི།། རྒྱན་ཆ་སྣ ་ཚོགས་རབ་ཏུ་བརྒྱན།། དཔྲལ་བར་ཐལ་ཆེན་མཚན་མ་བཏབ།། དཀྱིལ་འཁོར་དབུས་ཀྱི་ཕྱོགས་དག་ཏུ།། སྒྲུབ་པོ་ཡབ་ཡུམ་འདུག་ནས་ནི།། དཀྱིལ་འཁོར་བྱང་གི་ཕྱོགས་དག་ཏུ།། དགྲ་བགེགས་ཟློག་པའི་མཚོན ་ཆ་བཞག། དབུས་ཀྱི་ཕོ་ཐོད་དག་ལ་ཡང་།། གོང་གི་རི་མོ་མེད་པ་ན།། རྡོ་རྗེ་ཉིད་དང་ཧྲི་དང་ཐ།། དམངས་རིགས་མོ་ཡི་བྷནྡ་ལ།། གོང་གི་རི་མོ་མེད་པ་ན།། པདྨ་དང་ནི་ཨོཾ་ཞེས་བྲིས།། དེ་ཡི་ནང་དུ་བླུག་པའི ་སྨན།། ཤ་ཆེན་དང་ནི་ཁྲག་ཆེན་དང་།། དེ་བཞིན་རིན་ཆེན་བྱང་ཆུབ་སེམས།། དྲི་ཆུ་ལ་སོགས་གཙོ་བོ་ལྔ།། དེ་ཡི་འབྲས་བུ་ཆེན་པོ་ནི།། མིག་དང་སྣ་དང་རྣ་བ་ལྕེ།། ཙིཏྟ་ལ་སོགས་ཆ་མཉམ་སྟེ།། སྲང་ནི་ཕྱེད་དང ་གསུམ་དག་བཞག། དེ་ཡི་འཕྲོད་དུ་བསྟན་པ་ནི།། གུར་གུམ་དང་ནི་ཙན་དན་དང་།། སྤང་སྤོས་དང་ནི་རྒྱ་སྤོས་དང་།། དེ་བཞིན་སྦྲུལ་སྤྲ་མའམ་སྒྲུབ་མ་རྣམ་ལྔ་ཡང་།། ཆ་མཉམ་སྲང་ཕྱེ་ཚད་དུ་བཞག། དེ་ཡི་འབྲས ་བུ་སྦྱར་བ་ནི།། མི་དང་རྟ་དང་ཁྱི་དང་ནི།། དེ་བཞིན་གླང་དང་ལུག་ལ་སོགས།། མཁྲིས་པ་ལྔ་དང་ཀླད་པ་ལྔ།། རྒྱུངས་པ་ལྔ་དང་དྲི་ཆེན་ལྔ།། ཆ་མཉམ་སྲང་གི་ཕྱེད་དང་གཉིས།། དེ་ཡི་འཕྲོད་ཉིད་སྨན་བསྟན་པ།། ག ་པུར་དང་ནི་མུ་ཏིག་དང་།། ལན་ཚྭ་དང་ནི་རྒྱ་སྐག་དང་།། ཤིང་ཚ་དག་དང་ཆ་མཉམ་ལ།། ཞོ་གཅིག་དག་གི་ཚད་དུ་བྱ།། དེ་རྣམས་ཚད་དུ་བསྟན་པ་ཡིན།། དམངས་རིགས་དྲི་ཆེན་དག་དང་ནི།། རྟ་དཀར་དང་ནི་གླང ་པོ་ཆེ།། ཁྱི་དཀར་དག་དང་ཤང་ཤང་གི། དྲི་ཆེན་དག་ནི་ཆ་མཉམ་ལ། ཞོ་ཕྱེད་དག་གི་ཚད་དུ་བྱ།། དེ་ཡི་འཕྲོད་དུ་བསྟན་པ་ནི།། ཁྱི་ཤ་དང་ནི་ཁམ་བུ་དང་།། སྙིང་ནི་ཞོ་ཤ་དག་དང་ཨ་རུ་ར།། སུག་སྨེ་ཉིད་དང་ཆ ་མཉམ་ལ།། ཞོ་གཅིག་དག་གི་ཚད་དུ་བྱ།། འབྲས་དང་ཏིལ་དང་གུར་གུམ་དང་།། དྲི་ཆུ་ཆ་མཉམ་སྦར་བར་བྱ།། ཚད་ནི་གསུམ་མམ་གཅིག་ཏུ་བཏང་།། ཤིང་ཐོག་ཨ་འབྲས་སྐྱུ་རུ་ར།། བ་རུ་ར་དང་ལི་ག་དུར།། ཐལ ་དཀར་རྡོ་རྗེ་དག་དང་ནི།། ཆ་མཉམ་སྦྱར་དེ་ཞོ་ཕྱེད་ཙམ།། ནཱ་ག་གེ་སར་ཀླུ་སྨན་དང་།། གླ་རྩི་དང་ནི་ཙན་དན་དང་།། ཁ་རུ་ཚ་དང་རྒྱ་སྤོས་དང་།། ཛ་ཏི་ཕ་ལ་ཤུ་མོ་ཟ།། ཆ་སྙོམས་སྦྲང་རྩི་དག་ཏུ ་སྦྱར།། གསེར་དང་དངུལ་དང་ཟངས་དང་ལྕགས།། གཡུ་དང་དུང་དང་ར་གན་དང་།། ཞིབ་ཏུ་བརྡར་ལ་ཆ་སྙོམས་ལ།། དྲོད་ལ་ཕབ་ནས་ཞོ་གཅིག་བཏང་།། དེས་ནི་འོད་རྣམས་འབྱུང་བར་འགྱུར།། དཀར་པོའི་རུས ་དང་བྱི་ལའི་སྙིང་།། དྲ་བའི་ཁུ་བ་དག་དང་སྦྱར།། སྲན་མ་གསུམ་གྱི་ཚད་དུ་བཏང་།། ཞག་བདུན་བསྒྲུབ་པ་བྱས་པ་ན།། དྲི་ནི་སྣ་ཚོགས་འབྱུང་བར་འགྱུར།། གླ་རྩི་དང་ནི་ཙན་དན་དང་།། སེང་གེའི་ལྕི་བ་གོ་ཤིར ་།། གུར་གུམ་ཆུ་དང་སྦྱར་བྱས་ནས།། ནམ་གཉིས་དག་ནི་བཏང་གྱུར་ནས།། ཞག་ལྔ་ལོན་པ་དག་དང་ནི།། དྲི་ཞིམ་པ་དང་དུ་བ་འབྱུང་།། དེ་ལྟར་རང་རང་སྣོད་དག་ཏུ།། དཀྱིལ་འཁོར་མཐའ་མར་བཤམས ་ནས་ནི།། ཚེས་ནི་བརྒྱད་ལ་ཞུགས་པ་དང་།། ཞག་གཅིག་དབང་གི་བྲོ་བརྡུང་ཞིང་།། དཀྱིལ་འཁོར་དེ་ལ་བྱིན་བརླབ་བྱ།། དེ་ནས་སྨན་གྱི་རིགས་རྣམས་ཀུན།། ཁ་དོག་རིགས་རྣམས་མིག་གིས་དབྱེ།། ཁ་དོག་དཀར ་པབ་ཐམས་ཅད་ཀུན།། རྡོ་རྗེ་རིགས་ཀྱི་སྨན་དུ་བཤད།། དེ་བཞིན་སེར་དང་དམར་བ་དང་།། ལྗང་དང་མཐིང་ག་ལ་སོགས་རྣམས།། རིགས་ནི་སོ་སོར་ཕྱེ་བ་རྣམས།། དཀྱིལ་འཁོར་ཤར་གྱི་ཕྱོགས་ཉིད་དུ།། ལྕགས་ཀྱི ་གཏུན་བུས་རབ་ཏུ་བཏགས།། ཡུམ་དང་རྡོ་རྗེ་རྒྱལ་པོས་བཏགས།། ཤིན་ཏུ་ཞིབ་པར་བཏག་བྱ་ཞིང་།། སྔགས་འདིས་རབ་ཏུ་བཏག་པར་བྱ།། ཨོཾ་ཨ་མྲྀ་ཏ་བཛྲ་ཧ་ན་ཧ་ན་ཧཱུཾ། དེ་སྐད་བརྗོད་ཅིང་སྨན་རྣམས ་བཏགས།། དེ་ནས་སྨན་རྣམས་ཐོགས་པ་དང་།། གསང་བ་རྡོ་རྗེ་སློབ་དཔོན་གྱིས།། བྱིན་བརླབ་བྱ་ཞིང་སྨན་རྣམས་བསྲེ།། བསྲུང་བའི་སྔགས་འདི་ཀུན་གྱིས་བཟླས།། ཨོཾ་ཨ་མྲྀ་ཏ་མུ་ས་ལེ་སྭཱ་ཧཱ། དེ་སྐད་བརྗོད་ཅིང ་ཞིབ་ཏུ་བསྙམས།། དེ་དག་སྨན་གྱི་རིགས་རྣམས་ཀུན།། གླང་པོ་ཆེ་ལས་བྱུང་བ་ལྔ།། འོ་མ་སྐྲག་སྒོང་དག་གིས་དགང་།། དྲི་ཆུ་འོ་ཀོན་ཙམ་དུ་སྦྱར།། དམངས་རིགས་མོ་ཡི་བྷནྡ་རུ།། ཤོང་ཚད་བླུགས་ལ་ཕོ་ཡིས ་དགག། འཕེལ་ནས་གཉིས་ཀ་ཁེངས་པ་དང་།། དངོས་གྲུབ་ཆེན་པོ་ཐོབ་པར་གསུངས།། གང་ཡང་རུང་བའི་ཐོད་པ་ལྔར།། ལྷག་མ་བླུགས་ལ་གྲུ་བཞིར་བཞག། སྣ་ཚོགས་དར་གྱིས་ཁ་བཅད་དེ།། དབུས་ཀྱི་བྷནྡྷ་ཁ ་སྦྱར་ལ།། དར་དམར་དག་གིས་ཟུམ་བུར་གཡོགས།། མཆེད་ལྕམ་དུ་ཡོད་གཟུངས་ཐག་བཏག། དེ་ནས་རས་དཀར་གཙང་མ་ཡིས།། ཡོལ་བ་དག་ནི་རབ་ཏུ་བྱ།། འཛབ་ཏུ་བགྲང་བའི་སྔགས་འདིའོ།། ཨོཾ་ཨཱཿཧཱུཾ། སརྦ ་པཉྩ་ཨ་མྲྀ་ཏ་ཧཱུཾ་ཧྲཱིཿཋ། དབྱངས་དང་བཅས་པས་རབ་ཏུ་བགྲང་།། ཕྲིན་ལས་གང་ཡང་རུང་བ་བསྲང་།། དེ་ནས་རྟགས་རྣམས་བྱུང་བ་དང་།། དངོས་གྲུབ་བླང་བའི་ཆོ་ག་བྱ།། དེ་ནས་བདག་ཉིད་ཏིང་འཛིན ་གྱིས།། དཔལ་ཆེན་ཆེ་མཆོག་ཧེ་རུ་ཀར།། རབ་ཏུ་གསལ་བར་བསྒོམ་པ་ནི།། དབུ་མང་ཕྱག་ཀྱང་མང་པོ་སྟེ།། སྨུག་ནག་སྐུ་ནི་རབ་ཏུ་འབར།། དབུ་ནི་ཉི་ཤུ་རྩ་གཅིག་སྟེ།། ཕྱག་ཀྱང་བཞི་བཅུ་རྩ་གཉིས ་ཏེ།། དཀྱིལ་འཁོར་དུས་གཅིག་བསྒོམ་པའོ།། བདག་ཉིད་གཙོ་བོ་བསྐྱེད་པའི་སྔགས།། ཨོཾ་བཛྲ་མ་ཧཱ་ཤྲཱི་ཧེ་རུ་ཀ་རཾ་ཛ་ལ་ཧཱུཾ། བདག་ཉིད་གཙོ་བོར་གསལ་བར་བསྒོམ།། གསང་བའི་ཡུམ་ཀྱང་ཡབ་དང་འདྲ།། སྔགས ་འདས་ཡུམ་ཉིད་གསལ་བར་བསྐྱེད།། ཨོཾ་མ་ཧཱ་ཀྲོ་དྷི་ཤྭ་རཱི་སརྦ་ཏ་ཐཱ་ག་ཏ་མུ་དྲ་ཨ་བྷི་ཥིཉྩ་ཧཱུཾ། དེ་ལྟར་བསྐྱེད་རིམ་རྫོགས་ནས་ནི།། སྒྲུབ་པོ་ཡབ་ཡུམ་ཉིད་དུ་སྦྱར།། ཡབ་ཡུམ་སྤོས་ཆུ་འོ་མས་བཀྲུ།། གུར་གུམ་སྲན ་མའི་རིལ་བུ་ཙམ།། པདྨའི་ནང་དུ་དྲིལ་ཏེ་གཞུག། དེ་ནས་སྦྱོར་བ་རབ་བྱས་ནས།། བྱང་ཆུབ་སེམས་དང་རཀྟ་སྦྱར།། དེ་ཉིད་དབུས་སུ་གཞག་པར་བྱ།། དེ་ནས་ནུབ་ནི་གཉིས་པ་ནས།། གུ་ཧྱེའི་སྔགས་འདི་རབ་ཏུ ་བགྲང་།། ཨོཾ་བཛྲ་ཙིཏྟ་ས་མ་ཡ་ཧཱུཾ། རབ་འབྲིང་ཟ་མ་གསུམ་དུ་བགྲང་།། དེ་ནས་དཀྱིལ་འཁོར་དེ་ཉིད་ཕྱོགས།། དབུས་སུ་བྱང་སེམས་རྣམ་སྣང་སྟེ།། ཤར་གྱི་འཁོར་ལོའི་རྩིབས་སྟེང་དུ།། རྡོ་རྗེ་དྲི་ཆུ་སྣ་ཚོགས་ཏེ།། ལྷོ ་རུ་བྱང་གཡག་ཤ་ཆེན་དང་།། ཤ་བའི་ཤ་རྣམས་དགོད་པའོ།། ནུབ་ཀྱི་འཁོར་ལོ་དེ་ཉིད་ལ།། འབྱུང་བ་ལྔ་ཡི་རཀྟ་དང་།། མཱཾ་ས་དང་ནི་རཀྟ་ལ་སོགས་པའི།། སྣ་ཚོགས་རཀྟ་གཞག་པར་བྱ།། བྱང་དུ་བསྒྲལ་བའི་དྲི་ཆུ ་གཞག། སྨན་གྱི་རིགས་རྣམས་གསལ་བ་དང་།། སྔགས་འདིས་ཐམས་ཅད་བྱིན་གྱིས་བརློབ།། ཨོཾ་སྭ་ཧཱུཾ་ཧྲཱིཿཧ། རྩ་བའི་སྙིང་པོར་ཤེས་པར་བྱ། ཞོ་ཤ་སྙིང་དང་མཁལ་ཞོ་ཤ།། ཀོ་རོ་ཞོ་ཤ་དག་དང་ནི།། ཤུ་དང་ཀུ་རེ་རྟ ་དང་ཤུ་དག་སྲེ་མེ་དང་།། ནབ་སེ་ཤུ་དག་དག་དང་ཨ་རུ་ར།། ར་མོ་ཤ་གདང་སྐྱེར་བཱི་ཁ་ཎྜ་དག་དང་ནི།། སྐྱེས་པའི་ཆུ་དང་སྦྱར་བ་ནི།། སྲང་ཕྱེད་དག་གི་ཚད་དུ་བྱ།། སྨན་གྱི་སྦྱོར་བ་དེ་དག་ཀུན།། དཀྱིལ་འཁོར་བྱང ་དུ་ཁ་དོག་དབྱེ།། ཤར་དུ་སྨན་ཉིད་བཏག་པར་བྱ།། ལྷོ་རུ་འཁར་གཞོང་ནང་དུ་ནི།། སྨན་སྣ་ཚོགས་ཚད་བསག་པར་བྱ།། སྣ་ཚོགས་སྦྱར་བ་ནུས་པ་ཆེ། སྨན་གྱི་རིགས་ནི་སྣ་ཚོགས་ཀུན།། བསྲེ་པའི་སྔགས་ནི་འདི ་དག་བརྗོད།། ཨ་མྲྀ་བི་ཤོ་དྷ་ཡ། བསྲེ་དང་བཙག་པའི་སྔགས་སུ་བརྗོད།། དེ་ནས་རབ་འབྲིང་རྟགས་བྱུང་ནས།། དངོས་གྲུབ་དབབ་པའི་སྔགས་འདིའོ།། ཨོཾ་མ་ཧཱ་སརྦ་པཉྩ་ཨ་མྲྀ་ཏ་སུ་ཁ་ཧྲི་ཕེཾ་ཕེཾ།། གཡབ་དོར་ལ ་སོགས་སྣ་ཚོགས་བྱ།། སྨན་གྱི་རང་བཞིན་དེ་དག་ཀུན།། མཆོག་ཆེན་ལག་པ་གཡོན་གྱིས་དཀྲུགས།། མཆོག་ཆེན་གླིང་བུ་འབུད་པས་གཡབ།། དུང་དང་རྔ་དང་དྲིལ་བུ་དང་།། ཅང་ཏེའུ་པི་ཝང་ལ་སོགས་སྒྲ།། སྒྲ་ནི ་སྣ་ཚོགས་དཀྲོལ་ཞིང་འབུད།། དེ་ནས་དཀྱིལ་འཁོར་ངོས་བཞི་ནས།། མཆེད་ལྕམ་རྣམས་ཀྱིས་དབྱངས་འདི་བླང་།། རང་བྱུང་གདོད་ནས་དག་པ་ཡི།། རྩ་བརྒྱད་སྟོང་ལ་སྦྱར་བའི་སྨན།། ར་སཱ་ཡ་ན་ལ་སོགས ་རྫས།། རྩ་བ་འབུམ་ཕྲག་ཡོངས་ཀྱི་བཅུད།། གཉིས་མེད་བདེ་ཆེན་ལས་བྱུང་བའི།། བྱང་ཆུབ་སེམས་ནི་རྡོ་རྗེ་སྟེ།། ཤ་ཆེན་མཆོད་པ་རིན་པོ་ཆེ།། ཟས་མཆོག་ཚེ་ཡི་རིན་པོ་ཆེ།། པདྨ་མེ་ཏོག་ཡང་དག ་ལྡན།། རྡོ་རྗེ་ཆུ་སྟེ་དྲི་ཆུ་མཆོག། ག་པུར་ཤེལ་གྱི་སྤོས་ཕོར་གསུམ།། རིན་ཆེན་མེ་ལྟར་འབར་བའི་མཆོག། རིན་ཆེན་འབུམ་ཕྲག་ཡངས་པའི་བཅུད།། རིགས་ལྔ་དམ་ཚིག་ལྔ་ཡི་དངོས།། ཡེ་ཤེས་ལྔ་རྫོགས་གྲུབ་པའི ་རྫས།། རྒྱུད་ལྔའི་སེམས་ཅན་ཀུན་སྒྲོལ་བ།། དུག་ལྔ་སེལ་བའི་ཐབས་མཆོག་སྟེ།། ཐམས་ཅད་བདུད་རྩིའི་རྣལ་འབྱོར་ཆེ།། མ་ལུས་འདུས་པའི་བདུད་རྩི་ཆེ།། སངས་རྒྱས་ཀུན་དང་མཉམ་སྦྱོར་ཕྱིར།། གཅིག་ཏུ ་དཔའ་བོའི་རོ་རྣམས་དང་།། གཉིས་སུ་མེད་པར་རང་སྦྱར་ནས།། དུས་གསུམ་བུདྡྷ་ཐམས་ཅད་དང་།། རྒྱལ་བ་རྒྱ་མཚོ་རྣམས་ལ་མཆོད།། དབྱངས་དེ་བླངས་ཤིང་དངོས་གྲུབ་བླང་།། དེ་ནས་ཡུམ་གྱིས་སྨན་བླངས ་ལ།། གཞུང་བཞིན་དག་གི་ཆོ་ག་བརྗོད།། དེ་ནས་ནུབ་ནི་ལྔ་པ་ན།། བདུད་རྩི་བྱིན་བརླབས་སྔགས་འདི་བརྗོད། བཛྲ་ཨ་མྲྀ་ཏ། ཨོཾ་ཨཱཿཧཱུཾ་ཧྲཱིཿཋ། དེ་ལྟར་བྱིན་བརླབས་རྫོགས་ནས་ནི།། དངོས་གྲུབ་བླངས་པའི་སྔགས ་འདི་བརྗོད།། ཨ་ཧོ་སུ་ཁ་དྷརྨ་ཀཱ་ཡ་ནི།། ཨོཾ་ཨ་མྲྀ་ཏ་སིདྡྷི་ཧྲཱིཿ། སྔགས་ཀྱི་ཡི་གེ་དེ་དག་ཀུན།། འོད་དུ་ཞུ་ནས་དངོས་གྲུབ་བླང་།། ཡི་གེ་དེ་དག་རེ་རེ་ལས།། ལྷ་ཡི་སྐུ་ནི་རེ་རེ་སྟེ།། ཡི་གེ་མཐུ་ནུས་དངོས་གྲུབ ་བླང་།། དེ་ནས་དངོས་གྲུབ་རྫོགས་ནས་ནི།། སློབ་མ་དེ་ལ་དངོས་གྲུབ་དབང་ཉིད་བསྐུར།། དབང་གི་གནས་ལྔ་བསྟན་པ་ནི།། སྤྱི་གཙུག་བདེ་བའི་དཀྱིལ་འཁོར་དེར།། ཟླ་བའི་དཀྱིལ་འཁོར་རྒྱ་ལོང་ཁ་སྦུབ ་ཙམ།། དེ་ཡི་སྟེང་དུ་ཨཽ་ཉིད་བསམ།། ལྕེ་ཉིད་པདྨར་གྱུར་སྟེང་དུ།། ཡི་གེ་ཨཱཿཉིད་འོད་འབར་བསམ།། ཐུགས་ཀར་ཉི་མའི་དཀྱིལ་འཁོར་བསམ།། དེ་ཡི་སྟེང་དུ་ཧཱུཾ་ཉིད་བསམ།། ལྟེ་བར་རཏྣ་ཐུར་བརྒྱད ་སྟེང་དག་ཏུ།། རིན་ཆེན་འོད་འབར་སྟེང་དུ་ཡང་།། ཡི་གེ་སྣ་ཉིད་རབ་ཏུ་བསམ།། གསང་བའི་གནས་སུ་ཧ་ཉིད་བསམ།། ཡི་གེ་འབྲུ་ནི་ལྔ་པོ་ལས།། རིགས་ལྔའི་སྐུ་ནི་འོད་འབར་ཏེ།། འོད་ཟེར་ལྔ་ལྔ་རབ་ཏུ་འབར།། ་ཕྱག་རྒྱ་འཁོར་ལོ་རྩིབས་བརྒྱད་འབར།། དེ་ནས་དངོས་གྲུབ་དབང་རྫོགས་ནས།། འོད་ཟེར་གཙོ་བོའི་དབང་ཉིད་བསྐུར།། ཨོཾ་དཀར་སྤྱི་བོར་བསམ་པར་བྱ།། ལྕེ་ལ་ཨཱཿདམར་འོད་འབར་བསམ།། སྙིང་གར་ཧཱུཾ་ཉིད ་མཐིང་གའོ།། ལྟེ་བར་ཡི་གེ་སྭཱ་སེར་བསམ།། གསང་བའི་ཡི་གེ་ཧཱ་ཉིད་ལྗང་གུའོ།། དཀར་དམར་འོད་ནི་མདངས་དང་ལྡན།། རང་ཉིད་བསམ་ཞིང་བུ་ལ་སྤྲོ།། དེ་ནས་བུ་ལ་འདུས་གྱུར་པས།། ཕྱག་མཚན་ཡི་གེ་དག ་ཏུ་གྱུར།། ཨོཾ་ལས་འཁོར་ལོ་རྩིབས་བརྒྱད་འབར།། འབར་ནས་དྲི་ཆེན་བདུད་རྩིར་ཞུ།། ཧཱུཾ་ལས་རྡོ་རྗེ་རྩེ་ལྔ་འབར།། འབར་ནས་བྱང་ཆུབ་སེམས་སུ་ཞུ།། སྭ་ལས་རིན་ཆེན་འོད་འབར་ཏེ།། འབར་ནས་མཱཾ་ས་བདུད ་རྩིར་ཞུ།། ཧྲཱིཿལས་འོད་ཟེར་སྣ་ཚོགས་འཕྲོས།། འཕྲོས་ནས་རཀྟའི་ཐིག་ལེ་ཞུ།། ཧཱ་ལས་སྐུ་ནི་འོད་འབར་བསམ།། འབར་ནས་དྲི་ཆུ་བདུད་རྩིར་ཞུ།། བུ་ཡི་དབང་ཉིད་རྫོགས་ནས་ནི།། སློབ་དཔོན ་གསང་བའི་ཡུམ་ལྡན་དེས།། དབང་བསྐུར་ཚིག་ནི་འདི་སྐད་བརྗོད།། ཧོ་གདོད་ནས་རྣམ་དག་མ་སྐྱེས་ཆོས་ཀྱི་དབྱིངས།། དག་དང་མ་དག་རྣམ་རྟོག་མཐའ་ལས་འདས།། དུག་གསུམ་གཅིག་ལ་སྐུ་བསྟན་སྤྱི་ཤོལ ་མེད།། དངོས་གྲུབ་བརླན་ཅན་སྣ་ཚོགས་འབར་བ་ཅན།། སུ་འདོད་སྦྱིན་གྱིས་འདི་ལ་ད་ཚུར་ལོངས།། སྐམ་པར་འབྲེངས་པའི་གཏི་མུག་མཐུན་པ་ལ།། སྤྲིན་མཐོངས་ཁུད་པར་ཉི་ཤར་དྲོ་བ་ལྟར།། བདུད་རྩིའི་རྒྱལ་པོ ་དབང་ཆེན་འདི་སྦྱིན་པས།། རིག་འཛིན་རྒྱལ་པོ་གཙོ་བོའི་གོ་འཕང་འཐོབ།། ཚེ་དང་སྐད་དང་ཡིད་དུ་འོང་བ་དང་།། བགེགས་རྣམས་ཞི་ལ་སོགས་པ་སྟེ།། ནད་དང་བྲལ་ནས་ཅི་འདོད་པ།། ཡོན་ཏན་བརྒྱ་རྩ་འདི ་ཡིས་འཐོབ།། དེ་སྐད་རབ་ཏུ་བརྗོད་པར་བྱ།། དེ་ནས་སློབ་མའི་དབང་བསྐུར་རྣམས།། ཐམས་ཅད་རིམ་པ་རྫོགས་པར་བྱ།། བདུད་རྩི་གཙོ་བོའི་དབང་བསྐུར་ཏེ།། གཙོ་བོ་གསང་གནས་སྤྱི་བོར་བསྐུར།། ཁ་ནི་མི ་དབྱེ་གཙོ་བོར་བསྐུར།། སྔགས་འདིས་ཐམས་ཅད་ཀུན་ལ་བསྐུར།། ཨོཾ་ཨཱཿཧཱུཾ། ར་ས་ཡ་ཏ་ར་ས་ཡ་ན་ཛྙཱ་ན་གུ་ཎ་སིདྡྷི་ཡིན་ནམ་ཛ་ན་གྷུ་ན་སི་ཏི་ཧཱུཾ་ཧྲཱིཿཛཱ། ཞེས་པས་ཀུན་ལ་དབང་དུ་བསྐུར།། བུམ་པ་ལ་སོགས་སྨན་སྣ ་རྣམས།། རིམ་རེ་བསྐུར་ཞིང་རིམ་རེ་བསྒོམ།། སྤྱི་གཙུག་དབང་རྟེན་རལ་པ་ལ།། དར་གྱི་ཅོད་པན་རེ་རེ་ལ།། སྔགས་འདི་ལན་བརྒྱད་བརྗོད་ཅིང་གདགས། ཨོཾ་ཤྲཱི་པ་ཊ་ཨ་བྷི་ཥིཉྩ་ཧཱུཾ། དེ་སྐད་བརྗོད་ཅིང་དབང་དེ ་བསྐུར།། ནས་ནི་འབྲས་བུ་བདུན་ཉིད་ལ།། གོང་མའི་སྔགས་ནི་བདུན་བརྗོད་ལ།། ཀུན་ལ་ཞག་གྲངས་ཙམ་རེ་གདགས།། གསང་བའི་མཚན་ཡང་གདགས་པར་བྱ།། དབང་གི་དངོས་གྲུབ་དེ་དག་ཀུན།། གཞན་གྱིས ་མི་འཕྲོག་ཟིལ་གནོན་ཕྱིར།། སྦྱིན་སྲེག་ཆོ་ག་རྒྱས་པར་བྱ།། དབང་དང་སྨན་གྱི་སྦྱོར་བ་རྣམས།། ཤིན་ཏུ་རྒྱས་པ་ཉིད་དུ་བྱ།། སངས་རྒྱས་རྣམས་ཀྱི་རྫུ་འཕྲུལ་དང་།། སྨན་གྱི་བྱིན་བརླབས་ནུས་མཐུས་ནི།། ནད་དང ་འབྱུང་པོ་ཐམས་ཅད་སེལ།། སྐྱེ་མེད་བྱང་ཆུབ་འབྲས་བུ་ཐོབ།། རིག་འཛིན་གསུམ་གྱི་འབྲས་བུ་ཐོབ།། དེ་ཡང་བསྒྲུབ་པ་ཆེན་པོའི་ཚེ།། ལྷ་ཡི་སྐུ་ནི་བསྒོམ་པར་བསྟན།། དེ་བཞིན་སྙིང་པོ་དག་ཀྱང་བསྟན།། གསང ་སྔགས་གསུང་གི་དངོས་གྲུབ་ནི།། ཐམས་ཅད་འགྲུབ་པར་གདོད་མི་ཟ།། བདུད་རྩི་ཆེན་པོ་ཐལ་བའི་ལུང་།། ལུང་འདི་བདག་གིས་རབ་བཤད་པས།། བསྒྲུབ་པ་ཆེན་པོ་ཐམས་ཅད་ཀྱི།། མིག་དང་དབང་པོ་ལྟ་བུར ་འགྱུར།། ཀྱེ་མ་ཉོན་ཅིག་ཡེ་ཤེས་འཁོར་ཆེན་ཉིད།། བདུད་རྩི་ཆེན་པོའི་ངེས་ཚིག་འདི།། ཐམས་ཅད་ངེས་པར་ལུང་འདི་བསྟན།། རྣམ་གྲོལ་ཧེ་རུ་ཀ་ཡིས་ཀྱང་།། བདུད་རྩིའི་ངེས་ཚིག་འདི་དག་གསུངས།། བདུད ་ཀྱིས་འཁོར་བའི་གཅོང་རོང་འདོན།། རྩི་ཡིས་ཡེ་ཤེས་ཐབས་ལ་སྨོན།། བདུད་ནི་འཁོར་བ་ཆེན་པོ་ལ།། རྩི་ཡིས་ཆོས་ཉིད་དོན་ལ་སྐྱེལ།། བདུད་རྩིའི་དོན་དག་གད་རྒྱངས་ཆེ།། བདུད་ནི་བར་ཆོད ་བགེགས་ཆེན་ལ།། རྩི་ཡིས་ཆེ་མཆོག་ལྟ་བུར་འགྱུར།། བདུད་ནི་ཁུ་རླངས་སྤྲིན་ལྟ་བུར། ཉི་མ་ལྟ་བུའི་རྩི་བཏབ་ནས།། ཡེ་ཤེས་དོན་ལ་ཐོགས་པ་མེད།། བདུད་ནི་མུན་ཁུང་ལྟ་བུ་ལ།། མར་མེ་ལྟ་བུའི་རྩི་བཏབ ་ནས།། སྣང་བ་ཐམས་ཅད་ཐོགས་མེད་འགྱུར།། ཀྱེ་མ་ཆེ་མཆོག་ཧེ་རུ་ཀ། ནམ་མཁའ་ལྟ་བུའི་རྩི་ཆེན་ལ།། སྤྲིན་ཕུང་ལྟ་བུའི་བདུད་ཀྱིས་བསྒྲིབས།། ཤེལ་སྒོང་ལྟ་བུའི་རྩི་འདི་ལ།། དྲི་མ་ལྟ་བུའི ་བདུད་ཀྱིས་བསྒྲིབས།། བདུད་རྩི་ཆེན་པོ་མཆོག་གི་ལུང་།། འདི་ནི་སྣང་བ་གོ་འབྱེད་པའོ།། མ་རིག་བདུད་ལ་རིག་པ་རྩིའི།། རྒྱ་ཡིས་བཏབ་ཅིང་འགྱུར་བ་མེད།། དེ་བཞིན་བདུད་རྩིའི་སྦྱོར་བ་འདི།། ཧེ་རུ་ཀ་ཡིས་རབ ་ཏུ་གསུངས།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། དབང་ཐམས་ཅད་ཀྱི་དེ་བཞིན་ཉིད་བསྟན་པའི་རྒྱུད། བདུད་རྩི་ཐལ་སྦྱོར་གྱི་ལུང་བསྟན་པའི་ལེའུ་སྟེ་བཅུ་གཉིས་པའོ།། རྫོགས་སོ།། །། ་རྒྱ་གར་སྐད་དུ། དུ་པ་སརྦ་གྷ་ན་སུ་ཀ་ནཱ་མ། བོད་སྐད་དུ། ཐམས་ཅད་སྒྲོལ་བྱེད་ཚོགས་ཀྱི་ལུང་ཞེས་བྱ་བ། བཅོམ་ལྡན་འདས་རིགས་ལྔ་འཁོར་དང་བཅས་པ་ལ་ཕྱག་འཚལ་ལོ།། དེ་ནས་བཅོམ་ལྡན་འདས ་པདྨ་དབང་གི་སྤྱན་སྔར་རིགས་ལྔའི་དེ་བཞིན་གཤེགས་པ་རྣམས་ཀྱིས།། བཏུད་དེ་ཐལ་མོ་སྦྱར་ནས། རང་རང་གི་འཁོར་འཁོས་ཏེ། ཚོགས་ཆེན་པོའི་མཆོད་པ་འདི་སྨྲས་སོ།། ཀྱེ་སེམས་དཔའ་ཆེན་པོ་ཉོན། གང་དག ་མི་ཡི་རིགས་རྣམས་ཀུན།། འཁོར་དང་ལོངས་སྤྱོད་ཉམས་པ་དང་།། ལོངས་སྤྱོད་ཆུང་བར་གྱུར་པ་དང་།། རྒྱུ་ཡི་ཚོགས་ལ་བརྟེན་འདོད་ན།། བསོད་ནམས་སྐྱེ་བར་འདོད་པ་ཡིས།། ཚོགས་ཀྱི་མཆོད་པ་བཤམ་པར ་བྱ།། ཕྱི་མཚམས་སྤྱི་བཤགས་རྫོགས་བྱས་ལ།། ཞི་བའི་དཀྱིལ་འཁོར་བཞེངས་སུ་གསོལ།། རྫས་དང་ཡོ་བྱད་ཅི་འབྱོར་བཤམས།། ཁ་ཟས་འབྱོར་བཤམས་སྣ་ཚོགས་པའོ།། དཀྱིལ་འཁོར་དེ་ཡི་དབུས་དག ་ཏུ།། ཟངས་ཆེན་ནང་དུ་ཚོགས་ཀྱིས་བཀང་།། ཀ་ར་བུ་རམ་ལ་སོགས་པའི།། དཀར་དང་གཙང་མའི་གཏོར་མ་དང་།། བཤོས་ཟན་བརྒྱ་དང་རྩ་བརྒྱད་དང་།། ཞི་བའི་ལྷ་ཚོགས་མཉེས་པ་ཡི།། རྫས་ནི་སྣ་ཚོགས ་གཞག་པར་བྱའོ།། དེ་ལྟར་སྔོན་འགྲོ་རྫོགས་ནས་ནི།། ཞི་བའི་ཕྲིན་ལས་རྫོགས་བྱ་ཞིང་།། མཆོད་པ་སྣ་ཚོགས་དབུལ་བར་བྱ།། བསྒྲུབ་པའི་རྫས་དེ་ཐམས་ཅད་ལ།། ཡི་གེ་འབྲུ་གསུམ་བྱིན་གྱིས་བརླབས།། བདག ་ཉིད་ཏིང་འཛིན་ལྡན་བྱས་ལ།། ཞག་གསུམ་ཚོགས་ཀྱི་འཁོར་ལོ་བསྐོར།། དུས་བཞིར་ཚོགས་ཀྱི་རྒྱུན་མི་གཅད།། དེ་ལྟར་ཏིང་འཛིན་བྱིན་བརླབས་ནས།། ཚོགས་རྣམས་སྤྱན་དྲང་འདི་སྐད་དོ།། ལྕགས ་ཀླུའི་ཕྱག་རྒྱ་ཐུགས་ཀར་བཅའ།། ལྕགས་ཀྱུའི་བར་ནས་ཛཿའཕྲོས་པས།། ཞི་བའི་ལྷ་ཚོགས་སྤྱན་དྲངས་བསམ།། དེ་ནས་སྤྱན་དྲངས་འདི་སྐད་དོ།། ཧཱུཾ། བདེ་བར་གཤེགས་སོ་རིགས་ལྔའི་ཚོགས།། རྒྱལ་བ་རྒྱ ་མཚོ་འཁོར་དང་བཅས།། སེམས་དཔའ་དང་ནི་སེམས་མ་དང་།། ཐུབ་དྲུག་ཀུན་བཟང་ཡབ་ཡུམ་དང་། སྒོ་བ་ཡབ་ཡུམ་འཁོར་བཅས་དང་།། ཞི་བའི་ཕོ་བྲང་འཁོར་བཅས་རྣམས།། ཚོགས་ཀྱི་གནས་འདིར་གཤེགས ་སུ་གསོལ།། ཚོགས་མཆོག་དཀྱིལ་འཁོར་སྤྱན་འདྲེན་གྱིས།། རིན་ཆེན་གར་དང་གཟི་མདངས་འཕྲོ་བའི་ཚུལ།། ཚོགས་ཀྱི་མཆོད་པ་རབ་འབྱམས་མ་ལུས་ཀུན།། ལོངས་སྤྱོད་ཚོགས་ཀྱི་གནས་འདིར་གཤེགས་སུ ་གསོལ།། གཉིས་མེད་འཁྲིལ་སྦྱོར་ཡུམ་བཅས་གཤེགས་སུ་གསོལ།། དེ་ནས་ཚོགས་བསྒྲལ་བ་ནི།། རལ་གྲིའི་ཕྱག་རྒྱ་བཅའ་ལ།། ཚོགས་ནི་དུམ་བུར་གཏུབ་བྱེད་ལ།། བསྒྲལ་བའི་མཆོད་པ་འདི་སྐད་དོ།། ཧཱུཾ།། ་ཚོགས་རྗེ་ཚོགས་བདག་དབང་དང་ལྡན།། སློབ་དཔོན་འཁོར་བཅས་དགོངས་སུ་གསོལ།། གཉིས་མེད་དབྱིངས་ལས་བསྐྱེད་པ་ཡི།། ཞི་བའི་ལྷ་ཚོགས་དགོངས་སུ་གསོལ།། བདག་ཉིད་དཔའ་བོའི་སྟོབས་དག ་གིས།། ཐབས་མཁས་ཐུགས་རྗེའི་བྱིན་རླབས་ལས།། བཟའ་བཏུང་རྒྱུའང་བསྒྲལ་བར་བྱ།། ཚོགས་ཀྱི་རྒྱུ་ནི་བྱང་ཆུབ་སེམས།། བྱང་ཆུབ་རྒྱུ་ནི་སྟོང་བདག་མེད།། རིག་པ་མེད་པས་རིག་ལས་འདས།། མཚན་མའི ་ཡུལ་མེད་མངོན་སངས་རྒྱས།། བསྒྲལ་བའི་རྒྱུ་མེད་དབྱིངས་སུ་བསྒྲལ།། སརྦ་པྲ་པ་ན་ཧཱུཾ་ཁཱ་ཧི་ཁཱ་ཧི། དེ་ནས་མཆོད་པ་ནི་འདི་སྐད་དོ།། ཧཱུཾ། རྣམ་པར་སྣང་མཛད་བཀྲ་ཤིས་འབྱུང་བའི་གཏེར།། ཡིད་བཞིན་འཛུམ ་པའི་སེམས་ཀྱི་ཚོགས་འདི་བསྔོ།། བཟའ་བཅའ་དང་ནི་ལོངས་སྤྱོད་ཐམས་ཅད་བསྔོ།། ཡེ་ཤེས་ཀློང་ཡངས་འཁྱིལ་པའི་དཀྱིལ་འཁོར་ནས།། རྒྱལ་བའི་སྐུ་ལ་བཞེངས་བཞུགས་མི་མངའ་ཡང་།། འགྲོ་བའི་དོན་ལ ་དགོངས་པས་ཚོགས་འདི་བཞེས།། ཤར་ཕྱོགས་འཁོར་ལོའི་རྩིབས་སྟེང་ན།། བཅོམ་ལྡན་མི་བསྐྱོད་རྡོ་རྗེ་ལ།། བྱང་ཆུབ་སེམས་དང་གཉིས་མེད་ཕྱིར།། དག་པའི་འོད་ཟེར་ཕྱོགས་བཅུར་འཕྲོ།། ཡབ་ཡུམ་གཉིས་མེད ་ཚུལ་གྱིས་བཞེས་སུ་གསོལ།། ལྷོ་ཕྱོགས་འཁོར་ལོའི་རྩིབས་སྟེང་ན།། རིན་ཆེན་འབྱུང་ལྡན་སྣ་ཚོགས་ཅིར་ཡང་སྤྲུལ།། འཁོར་དང་ལོངས་སྤྱོད་བཅས་ཏེ་འབུལ་ལགས་ན།། ཡབ་ཡུམ་གཉིས་མེད་ཚུལ་གྱིས་བཞེས་སུ ་གསོལ།། ནུབ་ཕྱོགས་འཁོར་ལོའི་རྩིབས་སྟེང་ན།། སྣང་བ་མཐའ་ཡས་སྦྲུལ་སྐུ་བྱང་ཆུབ་སེམས།། སེམས་ཅན་དོན་ལ་དགོངས་པའི་ཐུགས་རྗེ་ཅན།། རིག་པ་གཉིས་མེད་ཚུལ་གྱིས་ཁྱབ་མཛད་པ།། མཱཾ་ས་དང་ནི་རོ ་མཆོག་ཚོགས་འདི་ནི།། ཡབ་ཡུམ་གཉིས་མེད་ཚུལ་གྱིས་བཞེས་སུ་གསོལ།། བྱང་ཕྱོགས་འཁོར་ལོའི་རྩིབས་སྟེང་ན།། དོན་ཡོད་གྲུབ་པ་གཉིས་མེད་གར་བསྒྱུར་ཞིང་།། འདུ་འབྲལ་མེད་པའི་ཚུལ་དུ ་ཡབ་ཡུམ་སྦྱོར།། ལོངས་སྤྱོད་མ་ལུས་འདུས་པའི་རྫས་ཆེན་འདི།། བདག་ཉིད་མཉམ་པར་བཞག་པའི་ཚུལ་འདིས་འབུལ་ལགས་ན།། ཡབ་ཡུམ་གཉིས་མེད་ཚུལ་གྱིས་བཞེས་སུ་གསོལ།། བྱང་ཤར་འཁོར་ལོའི ་རྩིབས་སྟེང་ན།། རྡོ་རྗེ་སེམས་དཔའ་གཉིས་མེད་གྱུར་པའི་ཚུལ།། ཕྱག་ན་རྡོ་རྗེ་དཔའ་བོའི་ཚུལ་གྱིས་བསྟན།། སྤྱན་རས་གཟིགས་དབང་འགྲོ་བ་སྟོབས་ཀྱིས་འདུལ།། སྐུ་མདོག་འོད་ཟེར་ལྔ་ཡི་ཕྲེང་བ་ཅན།། དགྱེས ་ཏེ་འཛུམ་པའི་ཚུལ་གྱིས་གླུ་བླངས་པས།། སེམས་དཔའི་ཚོགས་ལ་གཉིས་མེད་མཆོད་པར་འབུལ།། པི་ཝང་སྒྲ་དང་གླིང་བུའི་སྒྲ་འབྱིན་པ།། སྣ་ཚོགས་སྒྲ་ཡི་མཆོད་པ་དམ་པ་འབུལ།། རྫས་དང་ལོངས་སྤྱོད་ཐམས ་ཅད་མཆོད་པའི་མཐུས།། སེམས་དཔའ་སེམས་མ་རྣམས་ལ་མཆོད་པར་འབྲལ།། རིན་ཆེན་སེམས་དཔའ་པད་མའི་སེམས་དཔའ་དང་།། ཆོས་ཀྱི་སེམས་དཔའ་ལས་ཀྱི་སེམས་དཔའ་ལ།། གཉིས་མེད་མཐུན་སྦྱོར ་ཚོགས་མཆོད་དམ་པ་འབུལ།། ཕྱོགས་སྐྱོང་ཡབ་ཡུམ་དང་ནི་ཐུབ་པ་དྲུག། ཞི་བའི་ལྷ་ཚོགས་ཀུན་ལ་མཆོད་པར་འབུལ།། གཟུགས་དང་སྒྲ་དང་དྲི་དང་རོ།། འདོད་ཡོན་ལྔ་ལྡན་མཆོད་པར་འབུལ།། ཨ་ལི་ཨུ་ལི་ཧཱ་ལི ་ཏ་པ་ལི། ཞེས་རྫོགས་པ་རང་བྱུང་ཆེན་པོའི་རྒྱུད་ལས། ཞི་བའི་ཚོགས་བསྒྲལ་བའི་ལེའུ་སྟེ་གསུམ་པའོ།། རྫོགས་སོ།། །། @#།། རྒྱ་གར་སྐད་དུ། བུདྡྷ་ལིང་ཀྲོ་ཧ་སུ་ཀ་ནཱ་མ། བོད་སྐད་དུ། ་ཁྲོ་བོའི་རང་བཞིན་དུ་ཚོགས་བསྒྲལ་བའི་ལུང་ཞེས་བྱ་བ།། བཅོམ་ལྡན་འདས་པད་མ་དབང་གི་ལྷ་ལ་ཕྱག་འཚལ་ལོ།། དེ་ནས་ཡང་ཁྲོ་བོའི་ལྷ་ཚོགས་འཁོར་དང་བཅས་པ་རྣམས་ཀྱིས་འདི་སྐད་ཅེས་སྨྲས་སོ།། ཀྱེ་ཀྱེ ་རང་རང་འདུས་པའི་ཚོགས་རྣམས་ཉོན།། གང་ཞིག་ལོངས་སྤྱོད་འཕེལ་འདོད་པས།། སྦྱོར་སྒྲོལ་ཚོགས་ཀྱི་མཆོད་པ་བཤམ།། ཁྲོ་བོའི་དཀྱིལ་འཁོར་བཞེངས་སུ་གསོལ།། ཁྲོ་བའི་རྫས་དང་ལོངས་སྤྱོད་བསགས།། ཁྲོ ་བོཔོའི་ཕྲིན་ལས་རྫོགས་པར་བྱའོ།། གསང་སྔགས་བྱིན་བརླབ་ལྡན་པར་བྱ།། བསྒྲལ་བའི་མཆོད་པ་འདི་སྐད་དོ།། ཧཱུཾ། བདག་ཉིད་པདྨ་གར་ལྡན་པས།། ཐབས་མཁས་པདྨ་དབང་ཆེན་གྱིས། འགྱིངས་པའི་སྟབས་ཀྱིས ་གར་བྱས་པས།། བསྒྲལ་བའི་རྒྱུ་རྣམས་དབྱིངས་སུ་བསྒྲལ།། བསྒྲལ་བའི་རྒྱུ་ལ་བསམ་ཡས་ཀྱང་།། སྲོག་ཅན་དང་ནི་སྲོག་མེད་རྒྱུ།། འདི་ནི་སྲོག་མེད་རྒྱུ་ཡིན་པས།། གིང་ཆེན་ཤེས་རབ་ཐབས་ལྡན་པས།། གཟུང ་འཛིན་རྐང་པ་བསྣོལ་ནས་ནི།། གཉིས་མེད་བྱང་ཆུབ་སེམས་སུ་བསྒྲལ། པྲ་བེ་ཤ་ཡ་ཧཱུཾ་ཨཱ་བེ་ཤ་ཡ་ཨཱ་བེ་ཤ་ཡ་ཕཊ་ཕཊ། དེ་ལྟར་ཚོགས་དེ་བསྒྲལ་བྱས་ལ།། ཆ་གསུམ་དག་ཏུ་གཅད་པར་བྱ།། རྡོ་རྗེ་རྒྱལ་པོས་ལས ་ཀྱི་དྲི་ཆབ་ཀྱིས།། ཚོགས་དེ་བསངས་ཤིང་མཆོད་པར་བྱ།། དང་པོ་དཔའ་བོ་སྐེགས་པས་མཆོད།། གཉིས་པ་དྲི་མེད་དྲིན་ཆེན་འཁོར་ལོས་མཆོག། གསུམ་པ་གཉིས་མེད་བཤགས་པས་མཆོད།། དེ་ལྟར ་ཁྲོ་བོའི་མཆོད་རྫོགས་བྱའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། ཁྲོ་བོ་རང་བཞིན་གྱི་ཚོགས་ཀྱི་ལེའུ་སྟེ་བཅུ་བཞི་པའོ།། རྫོགས་སོ།། །། @#།། རྒྱ་གར་སྐད་དུ། ཏི་སྟ་སརྦ་ཀ་ཡ་ནཱ ་མ། བོད་སྐད་དུ། སྤྱི་ཚོགས་བསྒྲལ་བའི་ལུང་ཞེས་བྱ་བ།། བཅོམ་ལྡན་དབང་ཆེན་འདུས་པའི་སྐུ་ལ་ཕྱག་འཚལ་ལོ།། དེ་ནས་ཡང་འཁོར་ཉེ་བའི་སྲས་མཆོག་རྣམས་ཀྱིས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན ་དབང་གི་ལྷ།། འདས་པའི་འཁོར་རྣམས་ཁྲོ་གཉེར་ལ།། སྤྱི་ཚོགས་བསྒྲལ་བ་བསྟན་དུ་གསོལ།། དེ་སྐད་ཞུ་བ་ཕུལ་གྱུར་ནས།། རང་རང་སྟན་ལ་ཉེ་བར་འདུག། དེ་ནས་ཉིད་ཀྱིས་རབ་ཏུ་བཤད།། ཀྱེ་མ་འདུས་པ་ཆེན ་པོ་ཉོན།། ཚོགས་ཀྱི་ལུང་འདིར་བསྒྲལ་འདོད་པས།། བསྒྲལ་དང་སྤྱན་འདྲེན་མཆོད་རྫོགས་བྱ།། དཔའ་བོ་སྦ་བཤགས་པ་དང་།། བསྟབ་པ་གསུམ་གྱི་མཆོད་པ་བྱ།། དེ་ནས་གིང་ཆེན་རྒྱན་ལྡན་དེས།། སྔགས་དང ་ཕྱག་རྒྱས་བྱིན་བརླབས་པས།། ཏིང་འཛིན་རྟ་མཆོག་སྐུར་ལྡན་པས།། མཆོད་པའི་ཕྱག་རྒྱས་ཉེར་མཆོད་དེ།། ལྷ་མོ་བཞི་ཡིས་ཉེར་མཆོད་དེ།། འདི་སྐད་བརྗོད་ཅིང་གླུ་ཆེན་བླང་། ཧཱུཾ། མཆོད་པའི་གླུ་ཚིག་དབྱངས་ལྡན ་པའི།། ཞི་ཁྲོ་ཚོགས་དང་སེམས་དཔའ་ལ།། གཉིས་མེད་གར་གྱིས་མཆོད་པ་འབུལ།། ཆོས་དང་སེམས་དང་ཡིད་ཀྱིས་མཆོད།། ཨེ་མ་སངས་རྒྱས་ཀུན་སྦྱོར་བའི།། མཉམ་པའི་མཆོད་པ་ཆེན་པོས་མཆོད།། སྤྱན་ལས ་མཆོད་པའི་ལྷ་འཕྲོས་པས།། གཟུགས་ཀྱི་མཆོད་པ་སྣ་ཚོགས་འབྱུང་།། ལག་གཉིས་གར་བསྒྱུར་བུམ་འཛིན་མས།། རྒྱལ་བ་མཉེས་ནས་སྤྱན་ལ་ཐིམ།། སྒྲ་ལས་མཆོད་པའི་ལྷར་གྱུར་པས།། སྒྲ་ཡི་མཆོད་པ་སྣ་ཚོགས ་འབྱུང་།། ལག་གཉིས་གར་བསྒྱུར་རོལ་མོ་མས།། རྒྱལ་བ་མཆོད་བྱས་སྙན་ལ་ཐིམ།། ཤངས་ལས་མཆོད་པའི་ལྷར་གྱུར་ནས།། དྲི་ཡི་མཆོད་པ་སྣ་ཚོགས་འབྱུང་།། སྤྲོས་པས་རྒྱལ་བའི་སྐུ་མཆོད་ནས།། ལག་གཉིས ་གར་བསྒྱུར་དྷ་པེ་མས།། རྒྱལ་བ་མཉེས་བྱས་ཤངས་ལ་ཐིམ།། ལྗགས་ལས་མཆོད་པའི་ལྷར་གྱུར་པས།། རོ་ཡི་མཆོད་པ་སྣ་ཚོགས་བྱུང་།། སྤྲོས་པས་རྒྱལ་བའི་སྐུ་མཆོད་ནས།། ལག་གཉིས་གར་བསྒྱུར་ནི་ཝི ་ཏེས།། རྒྱལ་བའི་སྐུ་མཆོད་ལྗགས་ལ་ཐིམ།། མཆོད་པའི་ལྷ་མོ་དེ་དག་ཀྱང་།། ལག་པས་གར་བསྒྱུར་རྐང་པས་སྟབས།། གཉིས་མེད་མཆོད་པ་རོལ་མོ་དང་།། པི་ཝང་འཛིན་དང་སྤོས་ཕོར་འཛིན།། ཞལ་ཟས་སྣ ་ཚོགས་འཛིན་བྱེད་ཅིང་།། མཆོད་པའི་གླུ་དང་སྟབས་དང་ནི།། གར་གྱིས་ཐམས་ཅད་ཚིམ་པར་མཆོད།། ཡང་དག་སྐུ་དང་ཆོས་ཀྱི་སྐུ།། སངས་རྒྱས་ཞིང་ཁམས་རབ་འབྱམས་སུ།། ལྷ་མོ་བཞི་ཡིས་ཁེངས་གྱུར་ཏེ།། ་ཐམས་ཅད་མཆོད་པས་མཉེས་བྱས་པ།། ཁྲོ་རྒྱལ་ཁྲག་འཐུང་ཐམས་ཅད་དང་།། ཞི་བ་རྣམས་ལ་ཡང་མཆོད་པར་འབྲལ།། ཨ་ལ་ལ་སྟེ་མཆོད་པར་བཞེས། ཨོཾ་བཛྲ་གྷརྦྷེ་གྷན། བཛྲ་དྷཱུ་བེ་དྷཱ། པུཥྤེ་པྲ། ་བཛྲ་ནི་ཝི་ཏེ་ཛ། ཨོཾ་བཛྲ་ཨཱརྱ་ཏེ་ཛ་ཏིང་ཧཱུཾ་ཛ། ཧཱུཾ། རྒྱལ་བཞི་ཁྲོ་ཀུན་ལ་མཆོད་པ་ནི།། རང་བཞིན་མ་བསྐྱེད་རྫོགས་པ་ཡི།། ཡེ་ཤེས་ལྷ་ཚོགས་རོལ་ཅིག་དགོངས་སུ་གསོལ།། རྔ་དང་གླིང་བུཾ་དང་ནི་དུང་མཆོག ་གིས།། རྒྱལ་བཞི་ཁྲོའི་ཚོགས་ལ་མཆོད་པ་འབུལ།། ཆ་ལང་དང་ནི་པི་ཝང་སྒྲ་མཆོག་དང་།། མཆོག་ཆེན་ལ་སོགས་སྒྲ་ཡི་རོལ་མོ་ཡིས།། རྒྱལ་བཞི་ཁྲོའི་ཚོགས་ལ་མཆོད་པ་འབུལ། ཧཱུཾ། བུ་རམ་དང་ནི་ཀ་ར་སྦྲང་རྩི ་ཡིས།། རྒྱལ་བཞི་ཁྲོའི་ཚོགས་ལ་མཆོད་པ་འབུལ།། ཆང་དང་མཱཾ་ས་ཀེའུ་འབྲས་ལ་སོགས།། རོ་ལྡན་བྲོ་མཆོག་ཡེ་ཤེས་མཆོད་པ་ཡིས།། རྒྱལ་བ་ཞི་ཁྲོའི་ཚོགས་ལ་མཆོད་པ་འབུལ།། རཀྟ་དང་ནི་བདུད་རྩི་ཆེན་པོ ་དང་། དྲི་ཆུ་དྲི་ཆེན་བྱང་སེམས་དཀར་དམར་གྱིས།། རྒྱལ་བ་ཞི་ཁྲོའི་ཚོགས་ལ་མཆོད་པ་འབུལ།། ཛ་གད་ལ་སོགས་རོ་མཆོག་བརྒྱ་རྣམས་ནི།། རྒྱལ་བ་ཞི་ཁྲོའི་ཚོགས་ལ་མཆོད་པ་འབུལ།། ཧཱུཾ་སྤོས་དང་རྒྱ་སྤོས་དང ་ནི་ཙནྡན་དང་།། དྲི་མཆོག་ལ་སོགས་དྲི་སྣ་ཚོགས་རྣམས་ཀྱིས།། རྒྱལ་བཞི་ཁྲོའི་ཚོགས་ལ་མཆོད་པ་འབུལ།། ཧཱུཾ་རས་མཆོག་དང་ནི་དར་མཆོག་དམ་པ་དང་།། འཇམ་ཞིང་དྲོ་བའི་རེག་བྱ་སྣ་ཚོགས་ཀྱིས།། རྒྱལ་བ་ཞི ་ཁྲོའི་ཚོགས་ལ་མཆོད་པ་འབུལ།། སེམས་མཆོད་དང་ནི་ཡིད་ཀྱི་མཆོད་པ་ཡིས།། རྒྱལ་བ་ཞི་ཁྲོའི་ཚོགས་ལ་མཆོད་པ་འབུལ།། རྣམ་ཤེས་ལ་སོགས་ཚོགས་ཀྱི་མཆོད་པ་ཡིས།། རྒྱལ་བ་ཞི་ཁྲོའི་ཚོགས་ལ་མཆོད་པ ་འབུལ།། རྟ་དང་གླང་ཆེན་ལ་སོགས་གསེར་དང་དངུལ།། བཻ་ཌཱུརྱ་དང་མན་ཤེལ་བྱི་རུ་ཡིས།། རྒྱལ་བ་ཞི་ཁྲོའི་ཚོགས་ལ་མཆོད་པ་འབུལ།། དུང་དང་རྡོ་ཡི་དབྱིག་དང་ཟངས་ལྕགས་དང་།། གཡུ་དང་ནོར་དང་འབྲུ་དང ་བང་མཛོད་ཀྱིས།། རྒྱལ་བཞི་ཁྲོའི་ཚོགས་ལ་མཆོད་པ་འབུལ།། གོས་དང་སྟན་དང་མལ་ཆ་ལ་སོགས་ཏེ།། སྣ་ཚོགས་གཟུགས་ཀྱི་མཆོད་པ་དམ་པ་བཞེས། ཧཱུཾ། བཅོམ་ལྡན་རྒྱལ་བཞི་ཁྲོའི་ལྷ་ཚོགས་ལ།། རྣལ ་འབྱོར་ཚོགས་མཆོད་འབུལ་ལོ་བཞེས་སུ་གསོལ།། ཡོ་བྱད་སྣ་ཚོགས་པ་ཡི་མཆོད་པ་འདིས།། རྒྱལ་བ་ཞི་ཁྲོའི་ཐུགས་དམ་བསྐང་གྱུར་ཅིག། ཨོཾ་ཚོགས་ཀྱི་འཁོར་ལོ་བསྐོར་བའི་ཡོན་ཏན་གྱིས།། ཚེ་རབས་སྔ་ཕྱི་མེད ་པའི་སྒྲིབ་པ་རྣམས།། ཞི་ཁྲོའི་སྤྱན་སྔར་སྐད་ཅིག་ཙམ་གྱིས་བྱང་། ཚེ་རབས་ཕྱི་མ་གནས་ནི་གར་སྐྱེས་ཀྱང་།། ཡོ་བྱད་ཆུང་བ་དག་ཏུ་མི་འགྲོ་ཞིང་།། རྟག་ཏུ་ཆོས་ཀྱི་འཁོར་ལོ་བསྐོར་བར་འགྱུར།། རིན་པོ་ཆེ་དང ་འབྲུ་ལ་ལོངས་སྤྱོད་ཅིང་།། རྫས་དང་ལོངས་སྐྲོད་ལྡན་པའི་སྐྱེས་བུར་འགྱུར།། དེ་བས་ལྷག་པའི་ཡོན་ཏན་འདི་ལྟར་འཐོབ།། ཡེ་ཤེས་པར་དོར་རང་སྣང་དག་པ་མཐོང་།། དེ་ལ་གོམས་ནས་མི་འགྱུར་ས་ལ ་གནས།། སྤྲུལ་པ་སྟོང་གསུམ་གང་བར་འགྱེད་པར་གྱུར།། དེ་ལྟར་བུ་ཡི་ཡོན་ཏན་ཐོབ་པར་འགྱུར།། ཡོན་ཏན་ཚོགས་ཀྱི་མཆོད་པ་དམ་པ་འདིས།། རྒྱལ་བཞི་ཁྲོའི་ཚོགས་ལ་མཆོད་པར་འབུལ།། ཨ ་ལ་ལ་སྟེ་མཆོད་པར་བཞེས།། ཨ་ལ་ལ་ཧོ་ཐུགས་རྗེས་དགོངས་སུ་གསོལ།། ཨ་ལ་ལ་སྟེ་ཐུགས་རྗེས་དགྱེས་པས་བཞེས།། རྣལ་འབྱོར་བདག་ལ་དངོས་གྲུབ་སྩལ་དུ་གསོལ།། བདག་ལ་དབང་བསྐུར་ཚོགས་མཆོད ་དགྱེས་པར་རོལ།། ཨ་ལི་ཨུ་ལི་ཏཱ་ལི་ཏ་པཱ་ལི། ཁཱ་ཧི་ཁཱ་ཧི། མཱཾ་ས། རཀྟ། ཙིཏྟ། མ་ཧཱ་བ་སུ་ཏ། གོ་རོ་ཙ་ན་བ་ལིདྷ་ཁཱ་ཧི། དེས་ནི་ཚོགས་ཀྱི་ལས་ཐམས་ཅད་ཤེས་པར་བྱའོ།། ཞེས་རྫོགས་པ་རང་བྱུང་ཆེན་པོའི་རྒྱུད ་ལས། སྤྱི་ཚོགས་བསྒྲལ་བའི་ལུང་བསྟན་པའི་ལེའུ་སྟེ་བཅོ་ལྔ་པའོ།། རྫོགས་སོ།། །། @#།། རྒྱ་གར་སྐད་དུ། སརྦ་ཤཱན་ཏིང་བོ་དྷི་ས་ཏྭ་ཨ་བྷི་ཥིཉྩ་ནཱ་མ།། བོད་སྐད་དུ། ཞི་བ་བྱང་ཆུབ་སེམས ་དཔའ་ཐམས་ཅད་ཀྱི་དབང་བསྐུར་བའི་ལེའུ་ཞེས་བྱ་བ་སྟེ། བཅོམ་ལྡན་འདས་དཔལ་ཀུན་ཏུ་བཟང་པོའི་སྐུ་ལ་ཕྱག་འཚལ་ལོ།། དེ་ནས་དབང་ཐམས་ཅད་ཀྱི་བདག་ཉིད་དབང་གི་སྐུ་དེས། ཕྱི་ནང་སྣོད་བཅུད་ཐམས ་ཅད་དབང་གིས་རང་བཞིན་དུ་བྱིན་གྱིས་བརླབས་ནས། ཞི་བ་བྱང་ཆུབ་སེམས་ཀྱི་ངང་དུ་དབང་བསྐུར་བ་ཞེས་བྱ་བ་འདི་རྣམ་པར་བཤད་དོ།། གསལ་བར་བྱའོ།། མངོན་པར་བསྟན་ནོ།། རྒྱས་པར་བཀྲལ་ལོ།། རིག ་པར་ཡོངས་སུ་སྣང་ངོ་།། དེ་ནས་བཅོམ་ལྡན་འདས་དེས། འཁོར་གྱི་སྲས་མཆོག་རྣམས་ལ་བོས་ཏེ། འདི་སྐད་གསུངས་སོ།། ཀྱེ་མ་ཀྱེ་མ་འཁོར་ཉོན་ཅིག། མ་རྟོགས་པ་རྣམས་རྟོགས་བྱེད་པའི།། དབང་གི་རྒྱལ་པོ་འདི ་བསྟན་པས།། མ་སྨིན་པ་རྣམས་སྨིན་པར་འགྱུར།། དབང་གི་ངོ་བོ་འདི་བསྟན་པས།། ཆོས་ཀྱི་དབྱིངས་དང་མཉམ་པ་སྟེ།། བྱང་ཆུབ་ཉིད་དུ་ཉེ་བར་བསྟན།། རིག་པའི་ཡེ་ཤེས་མི་གསལ་བ།། དབང་འདི་བསྐུར་བས ་གསལ་བར་འགྱུར།། དེ་རྣམས་གསལ་བར་འདོད་པ་ན།། དབང་བསྐུར་དམ་པ་འདི་ཉིད་བསྟན།། གྲོང་རྡལ་ཆེན་པོའི་དབུས་དག་ཏུ།། རྣལ་འབྱོར་པ་ཡིས་དོན་མི་འགྲུབ།། གྲོང་དང་གྲོང་ཁྱེར་ཟད་མཐའ ་དང་།། ནགས་སམ་རི་བྲག་ལུང་སྟོང་དུ།། རྣལ་འབྱོར་བདག་གི་དོན་ལ་འཇུག། བསྒྲུབ་པ་ལ་བརྩོན་རིགས་སྣང་བརྟག། རྫོགས་པ་ཆེན་པོའི་དོན་བསྟན་པའོ།། ཐེག་པ་ཕྱི་ནང་ཐམས་ཅད་ཀྱི།། དབང་རྣམས་འདི ་ཡིས་ལེགས་པར་བཤད།། དེ་ལ་དབང་བསྐུར་བྱེད་ཙམ་ན།། ཕྱི་མཚམས་ལ་སོགས་རྫོགས་པར་བྱ།། སྟ་གོན་ཆོ་གའི་གཞུང་རྫོགས་བྱ།། ཁྲུས་དང་རྡོ་རྗེའི་ཆུ་ཡང་བླུད།། དམ་ཚིག་མནའ་ཆུ་དམ་མནའ ་བསྐྱལ།། དཀྱིལ་འཁོར་བྲི་བ་གྲུ་བཞིའམ།། འདོམ་གང་གྲུ་བཞི་གནས་དང་སྦྱར།། ཐིག་དང་ཚོན་རྣམས་བྱིན་གྱིས་བརླབ།། མུ་ཁྱུད་ཟླུམ་པོ་ཕོ་བྲང་མཛེས།། འཁོར་ལོ་རྩིབས་བཞི་རིགས་དང་སྦྱར།། མུ་ཁྱུད་དམར ་ཟོ་རྗེ་རྗེའི་ར།། ཕྱི་རིམ་གྲུ་བཞི་གྲུ་ཆད་ལྡང་།། གྲུ་བཞི་དག་གི་ཕྱི་རིམ་དུ།། མུ་ཁྱུད་ལྗང་གུ་ཟླུམ་པོར་བཤད།། ཟླ་གམ་བཞི་ནི་ཁ་དོག་སེར།། ཕྱི་རིམ་གྲུ་བཞི་སྒོ་དང་བཅས།། གྲུ་ཆད་རིགས་དང་འདྲ ་བར་བཤད།། ཕྱི་རིམ་པར་དུ་ཟ་ར་ཚག། སྒོ་ནི་རིགས་དང་འདྲ་བ་ལ།། མུ་ཁྱུད་ཟླུམ་པོ་སྒོ་ཁྱུད་བཅས།། དེ་ལྟར་དཀྱིལ་འཁོར་གསལ་བྲིས་ལ།། རྫས་དང་ཡོ་བྱད་ཚོགས་པར་དགྲམ།། དབང་བསྐུར་ཡོ་བྱད་སྣ ་ཚོགས་གཞག། རྟགས་ཀྱི་ཕྱག་རྒྱ་སྣ་ཚོགས་སྣང་།། མཐའ་ཡས་སེམས་ཀྱི་དབང་དུའོ།། བྱ་ཕྱིར་དཀྱིལ་འཁོར་རྫས་ཚོགས་བྱ།། རྟེན་པ་དང་ནི་བརྟེན་པ་ཅན།། ལས་རྣམས་རྫོགས་ཕྱིར་གཞག་པར་བྱ།། གསང་བའི ་རྟགས་ཉིད་བསྟན་པ་ཡི།། རྫས་ཀྱི་རྣམ་པ་འདི་ལྟ་སྟེ།། དབུས་སུ་མནྡིལ་སྟེང་དག་ཏུ།། ཟངས་ཀྱི་ནང་དུ་གཏོར་མའོ།། གཏོར་མའི་ཁ་ནི་དར་དཀར་མཛེས།། འཁོར་ལོ་རྩིབས་དང་ལྟེ་བ་ལ།། རྨ་བྱའི་མདངས་ནི་རེ་རེ ་གཟུག། རྩིབས་མཚན་གཏོར་མའི་ཁ་རུ་ཡང་།། མེ་ལོང་སྐྱོན་མེད་རེ་རེ་བཞག། གྲུ་ཆད་ལྗང་གུའི་སྟེང་དག་ཏུ།། སྙིང་པོ་དང་བཅས་རལ་གྲི་བཞག། ཟླ་གམ་སེར་པོའི་སྟེང་དག་ཏུ།། ནས་ཀྱི་གདན་ནི་འདབ་མ ་བརྒྱད།། སྟེང་དུ་དུམ་པ་རེ་རེ་བཞག། དར་དཀར་མཛེས་པའི་མགུལ་ཆིངས་དང་།། ནང་དུ་ཆུ་གཙང་འོ་མ་སྟེ།། ཙན་དན་ཆུ་དང་སྤོས་ཆུ་དང་།། བྱང་ཕྱོགས་དག་ཏུ་གུར་གུམ་ཆུ།། ཁ་རྒྱན་དག་དང་བཅས་པའོ།། སྒོ ་བཞིར་མདའ་ནི་མཛེས་པ་ལ།། མེ་ལོང་དར་སྣ་བཅས་པའོ།། ཁ་ཚར་མ་ཉམས་རས་དག་གིས།། དཀྱིལ་འཁོར་དག་གི་ཕྱི་ཡོལ་བྱ།། སྟེང་ན་སྣ་ཚོགས་དར་གྱི་གདུགས།། དེ་ལྟར་དཀྱིལ་འཁོར་རྒྱན་བཀྲམ་ཞིང་།། བུ ་རྣམས་སྤོས་ཀྱི་ཆུ་ཡིས་བཀྲུ།། རྡོ་རྗེའི་གྲལ་ཕྱག་བྱས་ནས་ནི།། རྡོ་རྗེའི་གྲལ་ལ་འཁོད་པར་བྱ།། དེ་ནས་སློབ་དཔོན་དབང་ལྡན་དེས།། སྟ་གོན་ཆོ་ག་རྫོགས་པར་བྱ།། དཀྱིལ་འཁོར་གནས་པར་བྱ་བ་དང་།། བུམ་པ ་སྟ་གོན་གནས་པར་བྱ།། སློབ་མ་སྟ་གོན་གནས་བྱ་དང་།། སྟ་གོན་ཆོ་གའི་ཏིང་འཛིན་བསར།། དེ་ནས་རིགས་ཀྱི་སློབ་མ་རྣམས།། གྲལ་དུ་སྣང་བས་གོ་བར་བྱ།། གྲལ་དུ་བཀོད་པའི་སྐལ་ལྡན་ལ།། དབང་རྫོགས ་བྱས་ལ་མན་ངག་བྱིན།། ཕྱི་ནང་གསང་བ་ཡོངས་རྫོགས་ཀྱི།། དབང་བསྐུར་རྫོགས་པར་བྱེད་པ་ན།། དང་པོ་ཞི་བའི་དབང་རྫོགས་བྱ།། རྟེན་འབྲེལ་རྫས་ཀྱི་དོན་མཚོན་ནས།། སྐུ་གསུམ་འབྲས་བུ་ཐོབ་པའོ།། དེ ་རྣམས་མཚོན་བྱེད་གསང་དབང་ནི།། ཕྲིན་ལས་རྫོགས་པར་འདོད་པས་ན།། སློབ་དཔོན་དབང་དང་ལྡན་པ་དེས།། དབང་བསྐུར་རྒྱན་རྣམས་གོན་པས་ནི།། ཕྲིན་ལས་འདི་རྣམས་རྫོགས་པར་བྱ།། སྟོབས་ལྡན་པདྨ ་དབང་གི་སྐུ།། གསང་བའི་དཀྱིལ་འཁོར་ཡེ་ཤེས་ལྔ་ལྡན་འདི།། བུ་ཡི་དབང་རྣམས་རྫོགས་པར་བགྱི་འཚལ་ན།། བདག་ལ་དབང་རྩོལ་བུ་ལ་གནང་བར་མཛོད། དཀྱིལ་འཁོར་ཞལ་བལྟ་མན་ངག་ཐོབ་བྱའི ་ཕྱིར།། འདིར་མཆིས་ཞལ་སྟོན་དཔའ་བོས་གནང་བར་མཛོད།། འདོད་ཆགས་སྤངས་ནས་དག་པའི་ལམ་དུ་འཇུག། ཞེ་སྡང་སྤངས་ནས་དལ་གྱི་སྐུ་དང་སྦྱོར།། གཏི་མུག་སྤངས་ནས་ཤེས་རབ་ཡུལ་ལ ་འཇུག། འཁོར་བ་སྤངས་ནས་ཡེ་ཤེས་བལྟ་བའི་ཕྱིར།། འདིར་རིག་དཀྱིལ་འཁོར་བུ་ལ་སྣང་བའི་ཕྱིར།། རྡོ་རྗེ་ཆེ་གེ་མོ་འཁོར་དང་བཅས་པ་རིག་པའི་ཡུལ་བལྟ་བས།། སློབ་མ་དཀྱིལ་འཁོར་འདིར་ཆུག་ལས་རྣམས ་སྒྲུབ་པར་གྱིས།། ཧོ་རྡོ་རྗེ་སློབ་དཔོན་གཉེན་གྱི་དབུ་བཟུང་ནས།། ཡི་དམ་ལྷ་དང་མཁའ་འགྲོ་དམ་ཚིག་ཅན།། ཐམས་ཅད་བདག་ལ་དགོངས་སུ་གསོལ།། དམ་ཚིག་ནོད་ཀྱིས་བདག་ལ་གནང་བར་མཛོད།། དཀྱིལ ་ཁོར་འདིར་ཆུག་བདག་ལ་དབང་བསྐུར་གསོལ།། རྡོ་རྗེ་སློབ་དཔོན་གསང་བ་བདག་ལ་བསྐུར།། ཧཱུཾ་རྡོ་རྗེ་དམ་ཚིག་ཁྲོ་ཆུ་ཁོལ་མ་འདི།། ཁྱོད་ལ་གཏད་ཀྱིས་ཐུབ་པར་གྱིས།། ཉམས་ན་དམྱལ་བའི་རྒྱུ་ཡིན་ཏེ།། ཐུབ ་ན་ཡོན་ཏན་བརྒྱ་རྩ་འཐོབ།། དེ་བས་ཁྱེད་ཀྱིས་གུས་པས་ལོངས། ས་མ་ཡ་སྠཱམ། བག་ཤ་ནི་ཧོ།། རྡོ་རྗེའི་དམ་ཚིག་བདག་གིས་བླང་བར་བྱ།། བསྐལ་པ་ཞིག་ཀྱང་མི་གཏང་གཟུང་བར་བགྱིད།། དངོས་གྲུབ་ཆུ་བོས་པ ་དག་གི་དྲི་མ་འཁྲུ།། མྱུར་དུ་དམ་ཚིག་ཆུ་བོ་བདག་ལ་སྩོལ།། རྡོ་རྗེ་དྲི་ཆུ་བདག་གིས་གཟུང་བར་བགྱི།། ཨོཾ་བཛྲ་ཏིཥྛ་ལྷན། ཆོས་ཉིད་རང་རྟགས་སྲོག་གི་འཁོར་ལོ་ཡི།། རྡོ་རྗེ་དྲིལ་བུ་ཁྱོད་ཀྱིས་ཡང་དག་ཟུང་།། ཆོས ་ཉིད་གསུང་སྒྲས་ཐམས་ཅད་ཟིལ་གནོན་ཕྱིར།། དྲིལ་བུ་དཀྲོལ་ཞིང་རྡོ་རྗེ་ཡང་དག་གསོར།། ཆོས་ཉིད་སྟོང་པ་ཡེ་ཤེས་དག་པ་ཡི།། རྣམ་དག་དོན་ལྔ་ཡེ་ཤེས་བུམ་པ་འདིས།། སྐལ་ལྡན་འདི་ལ་དབང་བསྐུར ་བས།། སྟོང་རིག་གསལ་བའི་དོན་ལྡན་ཤོག། ཨོཾ་བཛྲ་ཙིཏྟ་ཡ་ཏིཥྛ་བཛྲ་ཡཱ་མི་སྟྭཾ། ཧཱུཾ་སྟོང་ཉིད་ཡེ་ཤེས་ལས་བྱུང་བའི།། ཆོས་སྐུ་དག་པའི་རང་བཞིན་ལས།། ཡེ་ཤེས་དག་པའི་ཕོ་བྲང་འདིར།། བཀྲ་ཤིས་དག་པའི་བུམ ་པ་འདིས།། སྐལ་ལྡན་འདི་ལ་དབང་བསྐུར་གསོལ།། ཨོཾ་རཏྣ་ཨེ་ཝ་ཏི་ཛ་ཧཱུཾ། ཧཱུཾ་རྟོག་པའི་དྲི་མ་སེལ་བའི་བུམ་པ་འདི།། དག་པའི་ཡེ་ཤེས་གཉིས་དང་སྦྱོར།། ཡེ་ཤེས་སྟོན་པའི་བུམ་པ་རབ་མཛེས་པས།། སྐལ་ལྡན ་འདི་ལ་དབང་བསྐུར་གསོལ།། ཨོཾ་པདྨ་དུ་ཏི་ཤྲི་ཧཾ་བ་གཏམ། ཧཱུཾ་བྱང་ཆུབ་ལས་བྱུང་བདུད་རྩིའི་སྣོད།། ཉོན་མོངས་སེལ་བའི་བུམ་པ་འདི།། སྐལ་ལྡན་སྐྱེས་བུ་འདི་ལ་དབང་བསྐུར་གསོལ།། ཨོཾ་ཀརྨ་ཛྙཱ་ན་ཏ་མ་བག ་ཤ་ཧཱུཾ། ཡེ་ཤེས་གསལ་བའི་སྒོ་བཞིར་ལྡན།། ཤེས་རབ་བསྐྱེད་པའི་མདའ་བཞི་ཡིས།། སྐལ་ལྡན་འདི་ལ་དབང་བསྐུར་བས།། སྣང་བ་བཞི་དང་འཕྲད་པར་ཤོག། ཨོཾ་ཛཿཧཱུཾ་བཾ་ཧོཿཁ་གད་ཏ་ཛ་ཡ། ཤེས་རབ་དོན ་སྟོན་རལ་གྲི་བཞིས།། སྐལ་ལྡན་འདི་ལ་དབང་བསྐུར་བས།། མཉམ་པ་ཉིད་ཀྱི་དོན་རྟོགས་ཤོག། ཨོཾ་བཛྲ་པྲད་ཛྙཱ་མ་ཧཱ་ཏམ་པ་ག་ཤ་ཧཱུཾ། ཆོས་ཉིད་རྣམ་དག་སྟོང་པའི་རྒྱུ།། ཡི་གེ་ཧཱུཾ་ལས་འོད་ཟེར་འཕྲོས།། ཐམས་ཅད ་དེ་ཡི་དོན་ལ་གནས།། ཆོས་དབྱིངས་ཡེ་ཤེས་མཚོན་པའི་དཔེ།། མེ་ལོང་འདི་ལ་བརྟེན་པ་ཡིས།། སྐལ་ལྡན་འདི་ལ་དབང་བསྐུར་རོ།། ཆོས་དབྱིངས་ཡེ་ཤེས་དོན་རྟོགས་ཤོག། ཨོཾ་དྷརྨ་དྷཱ་ཏུ་ཛྙཱ་ན ་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཉོན་མོངས་དག་པ་ཡེ་ཤེས་རྒྱུ།། གསལ་འགྲིབ་མེད་པའི་དོན་བསྟན་པ།། རྫས་ཀྱི་མེ་ལོང་དམ་པ་འདིས།། སྐལ་ལྡན་འདི་ལ་དབང་བསྐུར་རོ།། མེ་ལོང་ཡེ་ཤེས་དོན་རྟོགས་ཤོག། ཨོཾ་ཨཱ ་དཪྴ་ཛྙཱ་ན་བཛྲ་སྭ་བྷ་ཝ་ཨཱཏྨ་ཀོ&ཧཾ། ཡབ་ཡུམ་གཉིས་མེད་དཀྱིལ་འཁོར་ལྡན།། ཡེ་ཤེས་སྟོང་གསལ་མཉམ་པའི་མེ་ལོང་འདིས།། སྐལ་ལྡན་འདི་ལ་དབང་བསྐུར་རོ།། མཉམ་ཉིད་ཡེ་ཤེས་དོན་རྟོགས་ཤོག། ཨོཾ་རཏྣ ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཐམས་ཅད་འབྱུང་བ་ཡེ་ཤེས་དག་པའི་རྫས།། སྐལ་ལྡན་འདི་ལ་དབང་བསྐུར་རོ།། སོར་རྟོགས་ཡེ་ཤེས་དབང་ཐོབ་ཤོག། ཨོཾ་པདྨ་ཨ་ཏི་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཐམས་ཅད་གཉིས ་མེད་གཅིག་ཏུ་འདུས་པའི་ཡེ་ཤེས་ཏེ།། ཆོས་རྣམས་བྱ་བར་རྫོགས་པར་མཛད་པ་ཡི།། སྐལ་ལྡན་འདི་ལ་དབང་བསྐུར་རོ།། བྱ་གྲུབ་ཡེ་ཤེས་དོན་རྟོགས་ཤོག། ཨོཾ་ཀརྨ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ&ཧཾ། ཁ་དོག་ཐམས ་ཅད་སྟོན་མཛད་པའི།། ལྷུན་གྲུབ་དཀྱིལ་འཁོར་ཐམས་ཅད་ཀྱིས།། མུ་ཁྱུད་ར་བ་སྟོན་མཛད་པའི།། འོད་ཆེན་རྣམ་ལྔའི་མེ་ཏོག་འདིས།། སྐལ་ལྡན་འདི་ལ་དབང་བསྐུར་རོ།། རིན་ཆེན་སྦུབས་སུ་སངས་རྒྱས་ཤོག། ཨོཾ ་པྲ་བེ་ཤ་ཡ་དུ་ཤ་ཧཱུཾ། སྣ་ཚོགས་པ་ཡི་རྫས་ཆེན་འདིས། འདི་དང་ཕྱི་མ་གཉིས་ཀ་རུ།། ལོངས་སྤྱོད་ཆེན་པོ་འཕེལ་བར་འགྱུར།། བྱིན་བརླབས་དྲག་པོའི་གཏོར་མ་འདིས།། སྐལ་ལྡན་འདི་ལ་དབང་བསྐུར་རོ།། བར ་ཆད་ཐམས་ཅད་བསལ་བ་དང་།། སངས་རྒྱས་བྱིན་རླབས་སྣང་བར་ཤོག། ཨོཾ་བ་ལིངྒ་དུ་ཤ་ནི་ཧཱུཾ། རྣམ་དག་དྲི་མེད་ཆོས་ཀྱི་སྤྱན།། དོ་ནུབ་ཁྱོད་ལ་གསལ་འགྱུར་ཤོག། སྤྱི་དང་རང་གི་དོན་ཤེས་པ།། གང་ཡང་མ ་འགགས་ཤེས་རབ་སྤྱན།། དོ་ནུབ་ཁྱོད་ལ་གསལ་བར་གྱིས།། ཕྱི་དང་ནང་མེད་ཀུན་གསལ་བ།། རང་བཞིན་མ་གཡོས་རིག་པའི་སྤྱན།། དོ་ནུབ་ཁྱོད་ལ་གསལ་གྱུར་ནས།། རིགས་པའི་དཀྱིལ་འཁོར་གསལ་བར ་ལྟོས།། དངོས་དང་དངོས་མེད་སྣང་བ་དང་།། བདག་གཞན་ཐམས་ཅད་དོན་གསལ་བའོ།། ཐམས་ཅད་མཁྱེན་ཉིད་གཞི་ཡི་སྤྱན།། དོ་ནུབ་ཁྱོད་ལ་གསལ་གྱུར་ནས།། རང་རིག་རྫོགས་པའི་དཀྱིལ་འཁོར ་ལྟོས།། ཐོགས་པ་མེད་པའི་སྤྱན་ལྔ་ཡིས།། དཀྱིལ་འཁོར་ཕྱོགས་མཚམས་ཀུན་ལ་ལྟོས།། ཤར་གྱི་སྒོ་ནི་རིགས་པ་གསལ།། རིག་པའི་ཡེ་ཤེས་མཚོན་པའི་ཕྱིར།། ཡེ་ཤེས་དག་པའི་སྣང་བ་འཆར།། དེ་ཕྱིར་ཤར་གྱི་སྒོ ་ཞེས་བྱ།། དེ་ཡང་ཁྱོད་ལ་བསྟན་པར་བྱ།། མ་བྲེད་མ་སྔངས་མྱུར་དུ་ལྟོས།། ཆགས་མེད་སྤྱན་གྱིས་བལྟས་བྱས་ན།། འགྱུར་མེད་ཡེ་ཤེས་དག་པ་མཐོང་།། ལྷོ་སྒོ་ཡེ་ཤེས་བསྐྱེད་པའི་སྒོ།། སྣང་བ་ལྷུག་པར་འཆར་བའི ་རྟགས།། ཡེ་ཤེས་ཉི་ཤུ་རྩ་གཅིག་རྫོགས།། དེ་ཕྱིར་ལྷོ་ཡི་སྒོ་ཞེས་བྱ།། སྣང་བ་བསྟན་གྱིས་ལེགས་པར་ལྟོས།། དུས་འདིར་ཁྱོད་ཀྱིས་མ་བལྟས་ན།། ཕྱིས་ནས་རྙེད་པར་ག་ལ་འགྱུར།། ཡེ་ཤེས་མིག ་གིས་མ་ཆགས་ལྟོས།། ནུབ་སྒོ་བག་ཆགས་ནུབ་པའི་སྒོ།། དུག་ལྔ་ཡེ་ཤེས་ལྔ་ལྡན་འོད།། འོད་ལྔ་མ་འདྲེས་རྫོགས་པའི་ས།། ཤེས་རབ་མིག་གིས་བལྟས་བྱས་ནས།། ཁྱོད་ཀྱིས་དཀྱིལ་འཁོར་ལྷ་ཚོགས་མཐོང་།། བྱང ་སྒོ་ས་ལམ་བྱང་བའི་སྒོ།། སྐུ་ལྔ་ལྷུན་གྱིས་གྲུབ་པའི་སྒོ།། ལས་རབ་རྫོགས་པའི་སྒོ་ཆེན་འདི།། མཁྱེན་གསལ་མིག་གིས་མྱུར་དུ་ལྟོས།། རྡོ་རྗེ་རང་རྟགས་ཆེན་པོ་ནི།། སེམས་ཅན་ཀུན་གྱི་ལམ་རྒྱུད་ལ།། དཀྱིལ་འཁོར ་དེ་བཞིན་གནས་པ་ཡིན།། རྡུལ་ཚོན་དཀྱིལ་འཁོར་འདི་བཞིན་དུ།། རང་གི་ལུས་ལ་ཡོད་པ་ཡིན།། དེ་བཞིན་ཕོ་བྲང་དཀྱིལ་འཁོར་ལྟོས།། རང་ལུས་གཞལ་ཡས་ཁང་གི་ཚུལ།། ལྷ་རྣམས་མ་བསྐྱེད་ལྷུན་གྱིས ་རྫོགས།། དེ་ཕྱིར་དབང་གི་དཀྱིལ་འཁོར་ལྟོས།། མྱུར་དུ་བལྟས་ན་དངོས་གྲུབ་འཐོབ།། ཨོཾ་སརྦ་ཏ་ཐཱ་ག་ཏ་མཎྜལ་སཏྭ་ཧཱུཾ། དེ་ལྟར་རིམ་པ་རྫོགས་པར་བྱ།། དབང་གི་མཛད་སྤྱོད་ཏིང་འཛིན་བརྟན།། ལས་རྣམས ་རྫོགས་པར་བྱེད་པའོ།། བུ་རྣམས་དངོས་གྲུབ་འདོད་པ་ལ།། སྟ་གོན་ལྔ་བརྡོལ་ཏིང་འཛིན་ཏེ།། མིག་དང་རྣ་བ་སྣ་དང་ལྕེ།། ཡིད་ལ་སོགས་པ་ཐམས་ཅད་ལ།། མངའ་གསོལ་བྱིན་བརླབས་མཐུ་བརྟན ་པས།། དབང་པོ་ལྔ་ཡི་དབང་ཐོབ་ནས།། དངོས་གྲུབ་སྣ་ཚོགས་འཐོབ་པར་ངེས།། དེ་ལྟར་ཕྱི་ཡི་དབང་རྫོགས་ནས།། ལོངས་སྤྱོད་ཐམས་ཅད་འཕེལ་བར་འགྱུར།། ཆོས་ཉིད་སྐུ་ཡང་བག་གིས་མཐོང་།། ཕུང་པོ ་ལྔ་ལས་དབང་བསྐུར་བས།། ཡེ་ཤེས་ལྔ་ཉིད་རང་རྫོགས་པའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། ཞི་བ་བྱང་ཆུབ་སེམས་སུ་དབང་བསྐུར་བའི་ལེའུ་སྟེ་བཅུ་དྲུག་པའོ།། རྫོགས་སོ།། ། ་།། རྒྱ་གར་སྐད་དུ། སརྦ་ཨ་བོ་ཀྲོ་ཏ་སུ་ན་མ། བོད་སྐད་དུ། ཁྲོ་བོ་ཐམས་ཅད་རང་བཞིན་དུ་དབང་བསྐུར་བའི་ལུང་ཞེས་བྱ་བ། བཅོམ་ལྡན་འདས་པདྨ་དབང་གི་སྐུ་ལ་ཕྱག་འཚལ་ལོ།། དེ་ནས་བཅོམ་ལྡན ་འདས་པདྨའི་རྒྱལ་པས་འདི་སྐད་ཅེས་གསུངས་སོ།། ཀྱེ་ཀྱེ་འདུས་པའི་ཚོགས་བཅས་ཉོན།། ཁྲོ་བོའི་དབང་བསྐུར་རྫོགས་བྱེད་ན།། མཆོད་པའི་གཞུང་རྣམས་རྫོགས་བྱས་ལ།། དཀྱིལ་འཁོར་ཉིད་དང་རྒྱན་ལྡན ་ཕྱིར།། ཤིན་ཏུ་དབེན་པའི་ཉམས་དགའ་བར།། གནས་ཀྱི་མཚན་ཉིད་བརྟག་པར་བྱ།། གྲོང་རྡལ་ཟད་པའི་མཐའ་དག་དང་།། རྩི་ཤིང་ནགས་ཚལ་སྨིན་པའི་སར།། མེ་ཏོག་སྣ་ཚོགས་འཁྲུངས་པ་དང་།། ནུབ་ཕྱོགས ་མཐོ་ལ་ཤར་ཉིད་གདེང་།། བྱང་ཉིད་སྦྱོར་བ་འདྲ་བ་དང་།། ལྷོ་ཕྱོགས་བརྡལ་བ་འདྲ་བའི་གནས།། བདག་ཉིད་མངོན་པའི་ཕྱོགས་དག་ཏུ།། གྲོགས་པོ་སལ་སུལ་མེད་པ་དང་།། ནུབ་ན་གཟུགས་པོ་མེད་པ ་དང་།། སེམས་ཅན་ལྟ་བུའི་གཟུགས་མེད་དང་།། རྒྱབ་ནི་བྲག་ལ་གཏད་པ་དང་།། ལོགས་ན་ཤིང་ཏོག་སྣ་ཚོགས་འབར།། མདུན་ན་ནེའུ་སིང་ཆུ་བོ་འབབ།། ཡང་ན་ཚེ་ཟན་ལྟ་བུའི་གནས།། ར་རྒྱུད ་རྣམས་ནི་མ་ཆད་པར།། བྱ་སྐད་སྣ་ཚོགས་སྒྲོགས་པའོ།། དེ་ལྟ་བུ་ཡི་གནས་དག་ཏུ།། དཀྱིལ་འཁོར་འདོམ་གང་གྲུ་བཞི་ལ།། ཛ་གད་ཕུད་ཀྱིས་ཆག་ཆག་གདབ།། དེ་ལྟ་བུ་ཡི་དཀྱིལ་འཁོར་ལ།། ཐིག་ནི་རབ་ཏུ་གདབ ་པར་གསུངས།། ནུབ་ནས་ཤར་དུ་ཁ་བལྟ་ལ།། ཚངས་པའི་ཐིག་ནི་འགྱུར་མེད་གདབ།། དེ་ནས་ལྷོ་ནས་བྱང་དུའོ།། ཤར་ལྷོ་ནས་ནི་ནུབ་བྱང་དུ།། ལྷོ་ནུབ་ནས་ནི་བྱང་ཤར་དུ།། ལྷོ་ཡི་ཚངས་ཐིག་སྟེང་དག ་ནས།། ནུབ་ཀྱི་ཚངས་ཐིག་སྟེང་དུའོ།། ཤར་ཉིད་ནས་ནི་ལྷོ་ཡི་སྟེང་།། བྱང་ཤར་དུ་ནི་སློབ་མས་གདབ།། ནུབ་ནས་བྱང་དུ་དེ་བཞིན་ནོ།། ནུབ་ནས་ཕྱེད་མར་གཉིས་པོ་ལ།། ཤར་ཕྱོགས་དག་ཏུ་ཟིངས་ཀྱི་གདབ།། ལྷོ ་ནས་བྱང་དུ་དེ་བཞིན་ཤེས།། དེ་དག་ལ་ནི་གྲུབ་ལ་གཏུག། དེ་ནས་ཕྱེད་ཕྱེད་ནས་ནིའོ།། དེ་ལྟར་ཡེང་ནི་སྤྲས་ལ་འདྲ།། དེ་ལྟར་ཐིག་ཉིད་རབ་རྫོགས་བྱའོ།། དེ་ནས་ས་ཚོན་བྱིན་གྱི་བརླབ།། དཀྱིལ་འཁོར་དག ་ལ་ཚོན་གྱིས་དགྱེ།། དབུས་ཀྱི་ཐིག་ནི་ཆ་གསུམ་ལ།། ཟླུམ་པོ་མུ་ཁྱུད་ལྗང་གུའོ།། ནང་དུ་གྲུ་གསུམ་མཐིང་ནག་མཛེས།། ཟླ་གམ་རྣམ་གསུམ་དབང་གི་ཚུལ།། ཚངས་ཐིག་ནས་བཙལ་བཞི་པ་ལ།། མུ་ཁྱུད་ཟླུམ་པོ ་དག་ཏུ་བྲི།། དེ་ཡི་ནང་དུ་འཁོར་ལོ་བརྒྱད།། ཁ་དོག་སེར་པོ་དག་ཏུ་བྱ།། རྩིབས་མཚན་དག་ནི་མཛེས་མཚོན་ནོ།། ཚངས་ཐིག་དག་ནས་ལྔ་པ་ལ།། གྲུ་བཞི་སྒོ་དང་བཅས་པ་བྲི།། གྲུ་ཆད་ལྗང་གུ་མཛེས་པར་བྱ།། དེ ་ནས་ཐིག་གཅིག་སྒོ་ལའོ།། དེ་ལྟར་གྲུབ་ལ་སྒོ་ཡི་ཕྱི།། སྒོ་ནི་རིགས་དང་འདྲ་བར་བཤད།། དེ་ནས་ཐིག་ནི་བཅུ་པ་ལ།། ཕྱི་རིམ་ཟླུམ་པོ་དག་ཏུ་བྲི།། ཟླུམ་པོ་བར་ནི་ནག་པོས་དགང་།། རྡོ་རྗེའི་ར་བར་བཅས ་པའོ།། ཕྱོགས་བཞི་ཟླ་གམ་རིགས་དང་འདྲ།། སྒོ་དང་སྒོ་རྒྱན་རབ་ཏུ་མཛེས་པའོ།། དེ་ལྟར་དཀྱིལ་འཁོར་རབ་བྲིས་ལ།། མངོན་པའི་རྫས་ནི་འདི་ལྟར་དགྲམ།། རྫས་རྣམས་བྱིན་གྱིས་བརླབས་ནས་ནི།། དཀྱིལ ་འཁོར་སྟེང་དུ་རྫས་དགྲམ་སྟེ། དབུས་ཀྱི་གྲུ་གསུམ་སྟེང་དག་དུ།། སྐྱེས་པ་བུད་མེད་བྷནྟ་གཉིས།། ཡང་ན་རབས་ཆད་ནག་པོའམ།། སྣརེལ་གྲི་མོ་ཡི་ཐོད་པ་སྟེ།། ནལ་བུ་ཡོད་ན་མཆོག་ཏུ་གསུངས།། ཡང་ན ་ལོངས་སྤྱོད་ལྡན་པ་ཡི།། ཕོ་ཐོད་དག་ལ་ཡི་གེ་བྷྲཱུཾ།། མོ་ཐོད་དག་ལ་མ་ཞེས་བྲི།། གང་ཡང་རུང་བའི་ཐོད་པ་གཅིག། ཡི་གེ་ཡཾ་དང་ལྡན་པའོ།། མོ་ཟོད་ནང་དུ་བླུག་པའི་རྫས། བུད་མེད་བུ་མ་སྐྱེས་པའི་ཚིལ།། ཕོ་ཐོད ་ནང་དུ་བླུག་པའི་རྫས།། བྱང་ཆུབ་སེམས་ནི་དཀར་དང་དམར།། ཐོད་པ་གཅིག་གི་ནང་དུ་ཡང་།། ཤ་ཁྲག་སྣ་ཚོགས་གཏོར་མའོ།། ཕོ་ཐོད་དར་དཀར་དག་གིས་གཏུམ།། མོ་ཐོད་དར་དམར་དག་གིས་དག་པ།། ཟླ ་གམ་གསུམ་གྱི་སྟེང་དུ་ཡང་།། རིན་ཆེན་བུམ་པ་གསུམ་བཞག་སྟེ།། རིན་པོ་ཆེ་ཡི་སྙིང་པོ་གསལ།། སྨན་ནི་སྣ་ཚོགས་ནང་དུའོ།། ཁ་དོག་དམར་པོ་དག་གིས་བྱུགས།། དར་དམར་དག་གིས་མགུལ་ཆིངས ་སོ།། འཁོར་ལོའི་སྟེང་དུ་སྐུ་བརྒྱད་དོ།། གྲུ་ཆད་སྟེང་དུ་རྫས་བརྒྱད་དོ།། གྲུ་ཚད་དག་ནི་རེ་རེ་ལ།། མེ་ལོང་རེ་དང་རྨ་བྱའོ།། ཕྱི་རིམ་ཟླ་གམ་སྟེང་དག་ཏུ།། ཤར་ཕྱོགས་ཟླ་གམ་སྟེང་དག་ཏུ།། བྷནྡ་བཞི་གླིང་མཚན ་ལྡན་དུ།། གཏོར་མར་བདུད་རྩི་བྲན་བའོ།། མཐིང་ནག་དར་གྱིས་ཁ་བཅད་དོ།། ལྷོ་ཕྱོགས་ཚིལ་གྱི་མར་མེ་སྟེ།། དར་སེར་དག་གི་ཡོལ་བ་སྟེ།། ནུབ་ཏུ་སེང་ལྡིང་ཕུར་བུ་ལ།། ལེ་བརྒན་དར་གྱིས་གདུག་ཀྱིས ་དགབ།། བྱང་དུ་མར་མེ་ལྔ་ཉིད་བལྟམ།། དར་ལྡང་དག་གིས་ཡོལ་བ་བྱ།། དེ་ལྟར་རྫས་རྣམས་ཚོགས་པ་དང་།། དེ་ནས་དཀྱིལ་འཁོར་དེ་ཉིད་ལ།། དར་དཀར་དག་གིས་ཞལ་ཉིད་དགབ།། རས་སེར་ཁ་ཚར་མ ་ཉམས་པས།། དཀྱིལ་འཁོར་དེ་ཉིད་ཕྱི་ཡོལ་བྱ།། དེ་ནས་རྫས་རྣམས་བཀོད་པ་དང་།། དབང་དང་རིམ་པ་རྫོགས་པར་བྱ།། དེ་ནས་སློབ་དཔོན་དབང་ལྡན་དེས།། དབང་བསྐུར་མན་ངག་ལུང་བསྟན་པས།། ཚིག་འདི ་རྣམས་ཀྱིས་དབང་རྫོགས་བྱའོ།། དབང་གི་ཆས་ཀྱིས་རབ་རྒྱས་པའི།། ལས་ཀྱི་རྡོ་རྗེ་རྒྱལ་པོ་ལ།། དཔྲལ་བར་ཐལ་ཆེན་མཚོན་པ་བྲི།། ལྕེ་ལ་རཀྟའི་ཐིག་ལེའོ།། སྙིང་གར་ཞག་གི་ཐོ་རིས་ཏེ།། མགོ་ལ་དབང་ཞུ ་ལེགས་པར་བརྒྱན།། ལག་ན་རྡོ་རྗེ་དྲིལ་བུའམ།། ཁ་ཊྭཱཾ་རྔེའུ་ཆུང་གིས་མཚན་པའོ།། དེ་ནས་བུ་ལ་དབང་རྫོགས་བྱའོ།། དེ་ནས་དབང་རྣམས་རྫོགས་བྱ་ཡི།། མཚན་མ་རྟགས་ཀྱི་ཐིག་ལེ་བྱ།། དེ་ལྟར་མཚན་མ་བསྟན ་ནས་ནི།། འདི་ལྟར་ཚིག་དབང་བསྟན་པའོ།། ཁྲོ་རྒྱལ་ཡབ་དང་ཡུམ་དུ་བཅས།། ཐམས་ཅད་གནས་འདིར་གཤེགས་སུ་གསོལ།། བགེགས་དང་ལོག་འདྲེན་ཐམས་ཅད་ཀུན།། ཁྲོ་བོའི་མཚན་ཐོས་ཙམ་གྱིས ་ཀྱང་།། ཐམས་ཅད་བརྒྱལ་ཞིང་འོ་དོད་འབོད།། སྡུག་བསྔལ་ཆེན་པོས་ཟིན་པས་ན།། གནས་འདིར་མ་འདུག་གཞན་དུ་དེངས།། ཧོ་དགོངས་ཤིག་རོལ་ཅིག་ཁྲོ་རྒྱལ་རྣམས།། སློབ་མ་ཆུག་ཅིག་གནས་པར་མཛད་དུ ་གསོལ།། དུག་གསུམ་རྩད་གཅོད་འཁོར་བ་དབྱིངས་ནས་ཐོན།། ང་ནི་ཁྲོ་རྒྱལ་པདྨ་སྟེ།། ང་ནི་དཀྱིལ་འཁོར་རྫས་སྟོན་གྱིས།། འབྱུང་པོའི་ཚོགས་རྣམས་རབ་ཏུ་དེངས།། ཁྱེད་ལ་དབང་གི་སྐལ་བ་མེད།། དབང ་མཆོག་ཐོབ་པར་མི་འགྱུར་གྱིས།། ཕྱི་མ་དུས་ཀྱི་ཐ་མ་ལ།། སྟོན་པ་རྡོ་རྗེ་མི་བསྐྱོད་པས།། ཁྱེད་ལ་དབང་གིས་བརྡ་སྟོན་གྱིས།། འདི་ལ་སྐལ་མེད་དེར་དེངས་ཤིག། ཧོ་དབང་གི་སྐལ་བ་དང་མི་ལྡན་པ་རྣམས་ནི།། ་དབང་གི་དཀྱིལ་འཁོར་འདི་ཡང་། ས་ཚོན་གྱི་དཀྱིལ་འཁོར་འཇིགས་པ་དང་བཅས་པར་མཐོང་བར་ཡིན་ནོ།། རྫས་རྣམས་ཀྱང་དཔའ་བརྟུལ་དང་མི་ལྡན་པ་ཡིན་ནོ།། གསང་བའི་དབང་གི་དཀྱིལ་འཁོར་འདི་ལ་ཡིད ་མི་ཆེས་པ་དང་། དེ་ལྟ་བུ་ཡི་འདུ་ཤེས་དང་ལྡན་པ་རྣམས་ལ། རིན་པོ་ཆེ་འདི་ཡི་སྐལ་བ་མེད་པས། དབང་བསྐུར་ཡང་དབང་གི་ནུས་པ་མི་འབྱུང་བས། རིགས་ཀྱི་བུ་རྣམས་དེ་ལྟར་མ་བྱེད་ཅིག། ཐུགས ་རྗེའི་འོད་དང་མཉམ་པར་གྱུར་བ་ཡིས།། སྣང་སྲིད་ཐམས་ཅད་ཡེ་ཤེས་ལྔ་ཡི་འོད།། འབྱུང་བ་ལྔ་ལ་ཡེ་ཤེས་ལྔ་ཡིས་ཁྱབ།། ཡེ་ཤེས་ལྔ་ལས་བྱུང་བའི་འོད་ལྔ་འདིས།། གཉིས་མེད་སྦྱོར་བ་གཞལ་ཡས་ཁང་།། ཡབ ་ལྔའི་དངོས་གྲུབ་བླང་བའི་ཕྱིར།། འབྱུང་བ་དག་པའི་མར་མེ་དམ་པ་འདིས།། སེམས་ཅན་འདི་ལ་དབང་བསྐུར་བས།། རྣམ་པར་དག་པའི་ཞིང་ཁམས་སུ།། རྒྱལ་བ་ཡབ་དང་མཉམ་པར་ཤོག། ཨོཾ་པུ་ཏི་ཤ་སྙོམ་ཤ་ནི།། ་ཡེ་ཤེས་ལྔ་དང་འོད་ལྔ་དང་།། ཡབ་ལྔ་དང་ནི་ཡུམ་ལྔ་ཡི།། དབང་བསྐུར་དམ་པ་ནོད་པའི་ཕྱིར།། ཡེ་ཤེས་རང་ལུས་དཀྱིལ་འཁོར་ལྡན།། རྡོ་རྗེའི་དོན་དང་གཉིས་མེད་བརྗིད་པའི་འོད།། དབང་གི་ཡེ་ཤེས་འོད་མཆོག ་དམ་པ་དང་།། རང་གི་ཙིཏྟ་དཀྱིལ་ན་གནས་པའི་འོད།། ངས་བསྟན་ཁྱེད་ཀྱིས་ཉེ་བར་ལོངས།། འདི་བསྟན་པ་ཡི་ཡོན་ཏན་གྱིས།། རང་སྣང་དག་པ་མཐོང་བར་ཤོག། ཨོཾ་མ་ཧཱ་སུ་གད་ཤ་སྟཾ་བྷ་ག་ཤ་ཧཱུཾ། འབྱུང་ཆེན ་རྣམ་ལྔ་ཡེ་ཤེས་ལྔ་ལས་བྱུང་།། རིག་པ་ཉིད་མཚོན་ཡེ་ཤེས་རྫས།། ཀུན་དང་མི་མཉམ་ཡེ་ཤེས་ལྔ་འོད་ཀྱིས།། འགྱུར་མེད་ཕོ་བྲང་བསྟན་གྱིས་ཉེ་བར་ལོངས།། འབྱུང་བ་ཡེ་ཤེས་དག་པའི་རྫས་ཆེན་འདིས།། སེམས ་ཅན་ཁྱོད་ལ་དབང་བསྐུར་བས།། ཡེ་ཤེས་གཅིག་ཆོད་འཆར་བར་ཤོག། ཨོཾ་འདུ་ཀ་ཤ་ཏི་ཏ་མ་བཀ་ཤ་ཧཱུཾ། འབྱུང་བ་ཐམས་ཅད་དབང་གི་དཀྱིལ་འཁོར་ཏེ།། དྲི་མེད་དབང་གི་ཡེ་ཤེས་རོལ་པ་ཡི།། དབང་བསྐུར ་སངས་རྒྱས་ཀུན་དང་མཉམ་པའི་འོད།། འོད་ལྔ་ཉིད་ལ་རིག་པའི་སྐུ་ལྔ་གསལ།། ཡེ་ཤེས་དུས་དང་ལྡན་པའི་རྫས་ཆེན་འདིས།། སེམས་ཅན་འདི་ལ་དབང་བསྐུར་བས།། ངོ་བོའི་སྣང་བ་མཐོང་བར་ཤོག། ཨོཾ་ཛྙཱ་ན་སྟྭཾ ་བག་ཤ་ཧཱུཾ། རྡོ་རྗེའི་རིགས་དང་བུདྡྷའི་རིགས།། རིན་ཆེན་རིགས་དང་པདྨའི་རིགས།། ལས་ཀྱི་རིགས་ལ་སོགས་པ་ཡི།། སངས་རྒྱས་ཀུན་གྱི་བྱིན་བརླབས་ཀྱིས།། བདག་ཅག་ཡང་དག་མཐོང་གྲོལ་ཤོག། ཨོཾ་ད་དུ་ཤ ་སྟྭཾ་བག་ཤ་ཧཱུཾ། བྷན་དྷ་ཡེ་ཤེས་རྣམ་པར་དག། ལྕང་ལོ་དབྱིངས་དང་འདུ་འབྲལ་མེད།། རྣམ་དག་ཡེ་ཤེས་གཞལ་ཡས་ཁང་།། སེམས་ཅན་འདི་ལ་དབང་བསྐུར་བྱ།། འདི་ལ་བསྐུར་བའི་ཡོན་ཏན་གྱིས།། འདི་ཡི་བར ་ཆད་བསལ་བ་དང་།། ཕྱི་མར་གཞལ་ཡས་ཁང་ལྡན་ཤོག། ཨོཾ་བྷནྡ་སིདྡྷི་ཧཱུཾ། དགྲ་དང་བགེགས་བཟློག་ཕུར་པ་འདིས།། གང་ལ་བཏབ་པ་རླག་པར་བྱེད།། ཐལ་བ་བཞིན་དུ་བརླགས་ནས་ཀྱང་།། བགེགས་ཞེས་བྱ ་བའི་མིང་ཡང་མེད།། རིག་པ་འདི་དང་དབྱེར་མེད་ཚུལ།། རང་ལ་ཡོད་པའི་ཡེ་ཤེས་དེ།། བར་ཆད་བསལ་ནས་མཐོང་བར་འགྱུར།། དེས་ན་ཕུར་པའི་དབང་བསྐུར་ལོངས།། ཨོཾ་བཛྲ་ཏ་ཀཱི་ལི་ཀཱི་ལ་ཡ་ཀ་ས་ཡ་ནི་ཧཱུཾ།། ་རྒྱལ་བ་ཀུན་གྱི་དབང་བསྐུར་མཛད་པ་ཡི།། ཐོད་པ་མར་མེ་ཚིལ་ཆེན་རྣམ་གསུམ་གྱིས།། སྐུ་གསུང་ཐུགས་ཀྱི་བྱིན་རླབས་ཀྱིས།། དབང་བསྐུར་བདག་ལ་རྫོགས་པར་མཛོད།། ཨོཾ་ཨགྣེ་བྷྲཱུཾ། རིག་པ་དང ་ནི་ཡེ་ཤེས་ཀྱི།། སྣང་བ་དམ་པ་འདི་ཡིན་པས།། རིགས་ཀྱི་བུ་ཁྱོད་མྱུར་དུ་ལྟོས།། ཕྱི་ཡི་དབྱིངས་དང་རིག་པ་གཉིས།། འདུ་འབྲལ་མེད་པ་དེ་བཞིན་ནོ།། རྫས་ཀྱི་དབྱིངས་དང་རིག་པ་འདིས།། དོ་ནུབ་ཁྱོད་ལ་དབང ་བསྐུར་བས།། རྣམ་དག་དབྱིངས་དང་ཡེ་ཤེས་ཀྱི།། དབང་བསྐུར་དམ་པ་འཐོབ་པར་ཤོག། ཨོཾ། ཡེ་ཤེས་རིག་པའི་ཀློང་དཀྱིལ་ནས།། ཐུགས་རྗེའི་སྟོབས་ནི་ཁྱོད་ལ་སྣང་།། དྲི་མེད་འདུ་འབྲལ་མེད་པ་འདིས།། དོ ་ནུབ་ཁྱོད་ལ་དབང་བསྐུར་བྱའོ།། ཨོཾ། གསང་བ་དག་པས་ཤེས་རབ་ཐབས་ལྟར་སྣང་།། དབྱིངས་དང་རིག་པ་གཉིས་མེད་ཤེས་རབ་ཐབས།། རྡོ་རྗེའི་དོན་ཉིད་རྣམ་སྦྱར་རིག་པར་ལྡན།། རྟོགས་པའི་དོན་ལྡན་ཤེས ་རབ་དབྱིངས་དང་ལྡན།། དོ་ནུབ་ཁྱོད་ལ་དབང་བསྐུར་བར་བྱའོ།། ཨཱི། ཐབས་འདི་ཀུན་ལ་དཀོན་པའི་ཐབས།། ཤེས་རབ་ཀུན་ལ་ཁྱབ་པའི་རྟགས།། ང་ཡིས་ཐབས་བསྟན་ཁྱེད་ཀྱིས་ལོངས།། གསང་སྔགས་རྒྱལ ་པོའི་ཐབས་འདི་དག། དོ་ནུབ་ཁྱོད་ལ་དབང་བསྐུར་བར་བྱའོ།། ཨཱ། དབྱིངས་དང་རིག་པ་གཅིག་གྱུར་ནས།། རིགས་ལྔ་རྒྱལ་བ་ཡབ་ཡུམ་བཅུར།། དབང་བསྐུར་རྡོ་རྗེའི་དཀྱིལ་འཁོར་རྫོགས།། དབང་ནི་རང་རང ་ཙིཏྟའི་དཀྱིལ།། རྡོ་རྗེའི་དཀྱིལ་འཁོར་བསྟན་གྱིས་གུས་ཕྱག་འཚོལ།། ཨ། ཡང་དག་བདེ་བའི་ས་ལ་མི་འགྱུར་འཁོར་ལོ་བསྐོར།། འདི་ཡང་ཁྱོད་ཀྱི་རང་རྟགས་ཏེ།། དོ་ནུབ་ང་ཡིས་བསྟན་པར་བྱ།། ཨོཾ་ཙཀྲ་སི་ཏི ་ཧཱུཾ། ཐེག་པ་དགུ་དང་ཡེ་ཤེས་དགུ།། ས་དགུ་ལམ་དགུ་སྟོན་པའི་རྒྱུ།། མ་རིག་པ་ལས་ཐར་པའི་ཡེ་ཤེས་ཏེ།། འགྲོ་བ་འདུལ་བྱེད་སྤྲུལ་པའི་སྐུ་ཐོབ་སྟེ།། ཀུན་གྱི་མཚོན་བྱེད་མཆོད་རྟེན་དམ་པ་འདིས།། དོ་ནུབ་ཁྱོད་ལ ་དབང་བསྐུར་བས།། སྤྲུལ་པ་སྐུ་ཡི་ས་ཐོབ་ཤོག། ཨོཾ་པྲ་ཏི་ཤ་ཛ། སྤྲུལ་པའི་སྐུ་ལས་ཐུགས་རྗེ་འབྱུང་བའི་ཕྱིར།། སྦྲུལ་སྐུར་གྱུར་ནས་འགྲོ་བ་འདྲེན་པ་དང་།། ཡེ་ཤེས་ཐབས་ཀྱི་ཕ་རོལ་སྒྲོལ་གྱུར་ཅིག། ཨོཾ་བཛྲ་ཙཎྜ ་ནི་ཤ་ཡ་ན་ཧཱུཾ། ཡེ་ཤེས་བསྐྱེད་པའི་ཤེས་རབ་མེ་ཆེན་འདིས།། འགྲོ་བ་མ་རིག་སྒྲོན་མར་གསལ།། སྐྱེ་མེད་དབྱིངས་སུ་སྒྲོལ་བྱེད་མེ་ཆེན་འདིས།། དོ་ནུབ་ཁྱོད་ལ་དབང་བསྐུར་བས།། སྐྱེ་མེད་ཡེ་ཤེས་དོན་རྟོགས ་ཤོག། ཨོཾ་ཨགྣེ་ཀ་ལ་ཤ་ཨ། རིག་པའི་ཡེ་ཤེས་དགོས་འདོད་སྐོང་མཛད་པའི།། ཡེ་ཤེས་འགག་མེད་ཤེས་རབ་དོན་ལྡན་ཞིང་།། སྣ་ཚོགས་ཅིར་ཡང་སྟོན་པ་རིག་པའི་དབང་།། དགོས་འདོད་སྐོངས་མཛད་རིན་ཆེན ་དབང་བསྐུར་བས།། རིག་པ་ངོ་བོ་ཉིད་དང་ལྡན་གྱུར་ཅིག། ཨོཾ་རཏྣ་ཨེ་བམ་ཧཱུཾ། དྲི་མེད་སྐྱོན་བྲལ་ཡེ་ཤེས་དག་པའི་རྫས།། རིག་པ་ཆགས་མེད་སེམས་ལས་གྲོལ་བ་སྟེ།། རྣམ་རྟོག་མེད་པའི་རིག་པ་ཆོས་ཀྱི་སྐུ།། དྲི ་མེད་སྐྱོན་བྲལ་པདྨའི་སྡོང་པོ་འདིས།། སྐལ་ལྡན་ཁྱོད་ལ་དབང་བསྐུར་རོ།། ཨོཾ་པདྨ་ཀྲོ་ཏི་ནི་ཧཱུཾ། ཤེས་རབ་དང་ནི་གཉིས་མེད་སྦྱོར་བ་མཛད།། དཀྱིལ་འཁོར་ཉིད་དང་ཡེ་ཤེས་རྒྱུ་ལ་རོལ།། གཉིས་མེད ་མཚོན་པའི་ཤེས་རབ་རལ་གྲི་འདིས།། སྐལ་ལྡན་ཁྱོད་ལ་དབང་བསྐུར་བས།། ཤེས་རབ་ཆེན་པོས་རང་རྒྱུད་གྲོལ་བར་གྱིས།། ཨོཾ་པྲ་ཛྙཱ་ཀཱ་ཡ་སིདྡྷི་ཧཱུཾ། དཀྱིལ་འཁོར་དང་ནི་དབྱིངས་ཀྱི་ཡེ་ཤེས་དང་།། དབྱིངས་དང་ཡེ ་ཤེས་དོན་སྦྱར་བས།། ཕྱི་དབྱིངས་དང་ནི་ནང་ཡེ་ཤེས།། གསང་བའི་ཡེ་ཤེས་ཆོས་ཉིད་དབང་དུ་འདུས།། དབྱེར་མེད་ཚུལ་གྱིས་དེ་བཞིན་གནས་པ་རྣམས།། ང་ཡིས་བསྟན་གྱིས་ང་ལ་ལེགས་པར་ཉོན།། ཡེ་ཤེས་དག ་པའི་རྫས་ཀྱི་སྤྲིན་ཆེན་འདིས།། དོ་ནུབ་ཁྱོད་ལ་དབང་བསྐུར་བས།། དབྱིངས་དང་ཡེ་ཤེས་རྟོགས་ནས་ཀྱང་།། ཐུགས་རྗེ་ཕྱོགས་བཅུར་མཛད་པར་ཤོག། ཨོཾ་དྷ་ཏུ་ཛྙཱ་ན་ཧྲཱི་ཏཱཾ། སྟོང་པ་ཉིད་དང་ཡེ་ཤེས་སྐུ།། སྣ་ཚོགས ་འབྱུང་བ་རོལ་པའི་སྐུ།། ཆོས་སྐུ་མཚན་མའི་སྐུ་མཆོག་འདིས།། སེམས་ཅན་ཁྱོད་ལ་དབང་བསྐུར་བས།། མཐར་ཕྱིན་འབྲས་བུ་ཐོབ་པར་ཤོག། ཨོཾ་བཛྲ་ཀཱ་ཡ་ཧཱུཾ། སྐྱེ་དང་འཆི་མེད་རྡོ་རྗེའི་སྐུ།། སྟོང་ཉིད་རྡོ་རྗེའི་སྙིང ་པོ་ཅན།། དག་པའི་ཡེ་ཤེས་མཚོན་པའི་ཕྱིར།། དྲི་མ་དངས་པའི་གཟུགས་སྐུར་ལྡན།། ཆོས་དབྱིངས་དག་པའི་ཡེ་ཤེས་མཚོན།། སྐྱེ་མེད་མཚོན་པའི་སྐུ་མཆོག་འདིས།། དོ་ནུབ་ཁྱོད་ལ་དབང་བསྐུར་རོ།། ཨོཾ་ཨ་ཀ་ཤ ་ཡ་ནི་ཧཱུཾ། རྡོ་རྗེ་འགྱུར་མེད་རིག་པའི་དུས།། རང་རྟགས་མཚན་པ་དབང་གི་སྒྲ།། འགྱུར་མེད་ཀུན་རྫོགས་སངས་རྒྱས་ཀྱི།། ས་ལམ་མཐར་ཕྱིན་གྲོལ་བར་ཤོག། ཨོཾ་བཛྲ་ཀྲ་ས་མ་ཧཱུཾ། སྙིང་པོའི་དོན་ཉིད་རྣམ་སྦྱང ་ཕྱིར།། ཡེ་ཤེས་དག་པའི་ལམ་ཆེན་དང་།། སྙིང་པོ་རང་ཆས་རྡོ་རྗེའི་དོན།། སངས་རྒྱས་བཞི་ཡི་སྙིང་པོར་བཅས།། དེ་བཞིན་ཀུན་ལ་གནས་པ་ཡིན།། སྙིང་པོའི་དོན་ཉིད་འདི་བསྟན་པས།། རྟོགས་པ་རྒྱུད་ལ་སྐྱེ་འགྱུར། ་ཤོག། ཨོཾ་བཛྲ་ཙིཏྟ་ཀཱ་ཡ་ཧཱུཾ། སངས་རྒྱས་ཀུན་གྱི་དབང་བསྐུར་ནི།། བུམ་པ་འདི་ལ་མཛད་པ་ཡིན།། དབང་བསྐུར་འདི་ལ་བྱིན་གྱིས་བརླབ།། ཆོ་འཕྲུལ་རྒྱས་པར་སྟོན་པ་ཡི།། བུམ་པ་འདི་ལ་ཕྲིན་ལས་རྫོགས།། ཡེ ་ཤེས་དག་པའི་དབང་བསྐུར་འདིས།། མ་རིག་འཁོར་བའི་རྒྱུན་གཅད་ཕྱིར།། དོ་ནུབ་ཁྱོད་ལ་དབང་བསྐུར་རོ།། ཨོཾ་བཛྲ་དོ་ཤ་ཧཱུཾ། ཐབས་དང་ཤེས་རབ་གཉིས་མེད་པས།། རྒྱལ་བ་ཡབ་ལྔ་ཡུམ་ལྔར་གསལ།། ཐབས ་དང་ཤེས་རབ་དོན་ལྡན་པས།། ལོངས་སྤྱོད་རྫོགས་སྐུ་སྣང་བར་གསལ།། རྣམ་དག་སངས་རྒྱས་མཛད་སྤྱོད་དེ།། དེ་གནས་བརྟན་པ་ཐོབ་བྱ་སྟེ།། སངས་རྒྱས་ཀུན་དང་མཉམ་པ་ཡི།། ཡེ་ཤེས་དག་པའི་ཚོམ་བུ ་འདིས།། དོ་ནུབ་ཁྱོད་ལ་དབང་བསྐུར་བས།། རང་སྣང་བར་དོར་བརྟན་པར་ཤོག། ཨོཾ་བཛྲ་སི་ཏ་ཀ་ཧཱུཾ། ཡེ་ཤེས་རང་རྟགས་རྡོ་རྗེའི་དོན་ཉིད་ལྡན།། སྐྱེ་འཇིག་བྲལ་བའི་སྐུ་ཡང་འོད་གསལ་བཞུགས།། འཆི་དང་བྲལ ་བའི་གསུང་གི་ཟེར་ལ་རོལ།། སྐྱེ་དང་འཆི་མེད་རྡོ་རྗེ་དུས་མཚོན་སྐུ།། སྐྱེ་བ་མེད་པའི་ཡི་གེ་ཨ་དཀར་འདི།། སེམས་ཅན་རྣམས་ལ་རྟག་པར་ཡོད་པ་སྟེ།། དེ་ཡི་དོན་ནི་མཚོན་པའི་འོད་ལྔ་གསལ།། ཡང ་དག་པ་དང་དབྱེར་མེད་མཉམ་པ་ཡིན།། དོན་མཚོན་ཡེ་ཤེས་རང་རྟགས་མཉམ་སྦྱར་བས།། སངས་རྒྱས་ཀུན་དང་དགོངས་པ་མཉམ་པ་ཡིན།། རྡོ་རྗེ་སྐྱེ་མེད་རང་རྟགས་མཉམ་པ་འདིས། སེམས་ཅན་ཁྱོད་ལ་དབང ་སྐུར་བས།། སྐེ་མེད་ཡེ་ཤེས་རྟོགས་ནས་སངས་རྒྱས་ཤོག། ཨོཾ་བཛྲ་ཏན་མ་ཀ་ར་ཧཱུཾ། ཆོས་ཉིད་སྟོང་པ་ཡེ་ཤེས་དག་པའི་རྒྱུ།། གསང་སྔགས་ལམ་ལ་སྦྱོར་བ་སྟེ།། སྟོང་ཉིད་བུམ་པ་སྨན་གྱིས་གཏམས།། བདུད་རྩིར ་དབང་རྫོགས་དཀྱིལ་འཁོར་རྫོགས་པ་སྟེ།། འཇིག་རྟེན་འདི་ན་ནད་མེད་འཚོ་བ་དང་།། ཕྱི་མ་ཡེ་ཤེས་རྟོགས་ནས་གྲོལ་གྱུར་ཅིག། བདུད་རྩི་དག་པའི་བཀྲ་ཤིས་བུམ་པ་འདིས།། སྐལ་ལྡན་འདི་ལ་དབང་བསྐུར ་བས།། རྣམ་དག་བདུད་རྩི་ཡེ་ཤེས་དོན་ལྡན་ཤོག། ཨོཾ་ཛྙཱ་ན་ཨཱཏྨ་ཀོཉྫ་ཧཾ། སྟོང་པ་ཉིད་དང་ཡེ་ཤེས་ཀྱི།། དབང་བསྐུར་བདག་གིས་བླང་བའི་ཕྱིར།། རྫས་མཆོག་དམ་པ་བདུད་རྩིའི་བུམ་པ་འདི།། སྐྱེ་མེད་དབྱིངས ་ནས་ཡེ་ཤེས་མཚོན་པའི་ཕྱིར།། སངས་རྒྱས་ལམ་དང་ཡེ་ཤེས་དག་པའི་ལམ།། ལམ་མཆོག་སྦྱངས་ནས་ཡེ་ཤེས་ལྔ་དང་སྦྱར།། འདུ་འབྲལ་མེད་པའི་རིག་པ་རྟོག་མེད་པར།། དབང་བསྐུར་འཁོར་བའི་ས་ལས་མཐར ་ཕྱིན་ནས།། ཡེ་ཤེས་རྟོགས་པའི་དོན་ཆེན་དེ་ཐོབ་ནས།། རིན་ཆེན་ལྷུན་གྱིས་གྲུབ་པའི་ས་ཆེན་དེར།། སྤྲུལ་པ་འགགས་མེད་ཕྱོགས་བཅུར་གསལ་བར་མཛོད།། དེ་ལ་གནས་ནས་སེམས་ཅན་དོན་ལ་སྦྱོར།། དེ་ལྟར ་ཡོན་ཏན་ཀུན་ལྡན་བུམ་པ་འདིས།། དོ་ནུབ་ཁྱོད་ལ་དབང་བསྐུར་བས།། སྟོང་ཉིད་སྙིང་པོ་མཐར་ཕྱིན་ཤོག། ཨོཾ་བཛྲ་བྷི་ཨཱཿཧཱུཾ། ཡེ་ཤེས་རྒྱུ་མཚོན་དག་པའི་རིག་པ་དང་།། གསང་སྔགས་ཀུན་གྱི་ཡེ་ཤེས་མཚོན་པའི ་ཕྱིར།། རྫས་ཀྱི་བུམ་པ་སྟོང་ཉིད་དག་པ་འདིས།། གཞོན་ནུ་བུམ་པའི་སྐུ་ལ་མཐར་ཕྱིན་པའི།། རང་བཞིན་མ་འགགས་ཉི་མའི་འོད་བཞིན་གསལ།། ཐུགས་རྗེ་ཀུན་ནས་འགྲོ་བ་ཡོངས་ལ་ཁྱབ།། སྟོང་གསུམ་ལྡན ་པས་ཆོས་ཉིད་དག་པའི་དོན།། རང་གི་དེ་བཞིན་ཉིད་ཀྱི་བུམ་པ་འདི།། དག་པའི་ལམ་མཚོན་བཀྲ་ཤིས་བུམ་པ་དང་།། དག་པའི་དོན་ཉིད་ཡེ་ཤེས་རྣམ་ལྔར་སྦྱར།། རྒྱུ་མཚན་དག་པའི་བཀྲ་ཤིས་བུམ་པ ་འདིས།། ཀུན་གྱི་དོན་ཉིད་ཡེ་ཤེས་མཚོན་པའི་ཕྱིར།། དག་པའི་ལམ་དང་ཡེ་ཤེས་གསང་ལམ་དང་།། ལམ་ཆེན་འབྲས་བུའི་དུས་འདིས་མཚོན་པའི་ཕྱིར།། དོ་ནུབ་ཁྱོད་ལ་དབང་བསྐུར་རོ།། ཨོཾ་ཨཱཿཧཱུཾ་ཧྲཱིཿརྣམ་དག་ཡེ ་ཤེས་ཐོད་པའི་གཞལ་ཡས་ཁང་།། རིགས་ལྔ་ལྷུན་གྲུབ་ཡེ་ཤེས་ཐོད་པ་འདི།། གང་ཟག་དག་པའི་ཞིང་དུ་ཡཾ་གང་དུ་ཡང་བྱུང་གིས་སྤྱོད།། ཡི་གེ་ཡཾ་ལྡན་རྡོ་རྗེ་ཐོད་པ་སྟེ།། ཡཾ་གྱིས་དེ་བཞིན་མཁའ་ལ་རབ་བསྐྱོད ་ནས།། འགྲོ་བ་དབྱིངས་སུ་འདྲེན་མཛད་དབྱིངས་ཀྱི་ཡེ་ཤེས་ཟོད་པ་འདི།། དག་པའི་དོན་ལྡན་གཞལ་ཡས་ཁང་གི་ཚུལ།། རྣམ་དག་དོན་སྤྱོད་རིན་ཆེན་ཐོད་པ་འདི།། དགོས་འདོད་རེ་བ་ཐམས ་ཅད་སྐོང་མཛད་པའི།། རིན་ཆེན་ཟུར་བརྒྱད་བཀྲ་ཤིས་ཐོད་པ་འདིས།། སེམས་དང་ཡེ་ཤེས་སོ་སོར་འབྱེད།། རབ་ཏུ་གསང་བྱེད་བཀྲ་ཤིས་ཐོད་པ་འདིས།། སྐལ་ལྡན་ཁྱོད་ལ་དབང་བསྐུར་བས།། གཞལ་ཡས་ཁང་དུ ་ཡཾ་གིས་བསྐྱོད་གྱུར་ཤོག། ཨོཾ་བཛྲ་བྷནྡ་ཧཱུཾ་ཡཱཾཿབསྐྱེད་པའི་ཡེ་ཤེས་མ་ཡིན་ཏེ།། རྫོགས་པ་ཀུན་ལ་ཁྱབ་པའི་དོན།། སངས་རྒྱས་ཀུན་དང་མཉམ་སྦྱར་བས།། ཡི་གེ་འབྲུ་བསྟན་དབྱིངས་སུ་འཁྱིལ།། བྷྲཱུཾ་གྱིས་མ་བསྐྱོད ་ཆོས་ཉིད་མཁའ།། ཡེ་ཤེས་དག་པའི་ཐོད་པ་འདིས།། སྐལ་ལྡན་ཁྱོད་ལ་དབང་བསྐུར་བས།། དབྱིངས་ལས་ཕྱིར་མི་ལྡོག་པར་ཤོག། ཨོཾ་བྷནྡ་ཛྙཱ་ན་དུ་ཡཾ་ནི་ཧཱུཾ། ཤེས་རབ་དང་ནི་སྐུ་གསུང་ཐུགས།། ངོ་བོ་འགྱུར་མེད ་ཆོས་ཀྱི་དོན།། རང་བཞིན་འགག་མེད་ལོངས་སྐུའི་དོན།། ཐུགས་རྗེའི་སྤྲུལ་པ་ཕྱོགས་བཅུར་འཕྲོ།། སྐུ་གསུམ་དོན་ལྡན་ཡི་གེ་ཨེ།། སྣ་ཚོགས་ཨེ་ཡིས་གཞལ་ཡས་ཁང་།། ཨེ་དང་ལྡན་པའི་ཐོད་པ་འདིས།། སྐལ་ལྡན ་འདི་ལ་དབང་བསྐུར་བས།། སྐུ་གསུམ་འབྲས་བུ་མཐར་ཕྱིན་ཤོག། ཨོཾ་ཨཱཾ་ཏྲཱཾ་ཧཱུཾ་བྷྲཱུཾ་ཕཊ། ཤེས་རབ་དོན་བྱེད་ཡེ་ཤེས་དོན།། རང་རིག་སྒྲོན་མེ་འོད་ཆེན་ལྡན།། ཤེས་རབ་བསྐྱེད་པའི་པོ་ཏི་འདིས།། སྐལ་ལྡན་ཁྱོད་ལ ་དབང་བསྐུར་བས།། ཤེས་རབ་རྟོགས་པའི་དོན་ལྡན་ཤོག། ཨོཾ་པྲ་ཛྙཱ་ཤ་ཡ་ཧཱུཾ། ཧཱུཾ་སྣང་ཞིང་སྲིད་པའི་ཆོས་རྣམས་ལ།། མ་རྨོངས་ཅི་བཞིན་ཤེས་གྱུར་པའི།། ཕྱི་ནང་སྣང་བའི་ཆོས་རྣམས་ལ།། གང་ལ་ཐོགས་མེད་ཤེས ་གྱུར་ནས།། བསམ་གཏན་ལྡན་ཞིང་སྐུ་འབར་དང་།། འགྲོ་བ་ཕ་རོལ་སྒྲོལ་བར་ཤོག། ཨོཾ་བཛྲ་གད་མ་ཧཱུཾ། ཤར་ཉིད་རྡོ་རྗེ་དབྱིངས་ཀྱི་སྒོ།། ཚོམ་བུ་བལྟ་ན་འདི་ལྟོས་ཤིག། ལྷོ་སྒོ་ལོངས་སྤྱོད་རྫོགས་པའི་སྒོ།། ཡེ་ཤེས ་བལྟ་ན་འདིར་ལྟོས་ཤིག། ནུབ་སྒོ་སྐུ་ལྔ་མཐར་ཕྱིན་སྒོ། རིགས་ཉིད་བལྟ་ན་འདིར་ལྟོས་ཤིག། བྱང་སྒོ་རྡོ་རྗེ་སྙིང་པོའི་སྒོ།། རིགས་ལྔ་བལྟ་ན་འདིར་ལྟོས་ཤིག། ཕོ་བྲང་པདྨ་རྣམ་དག་སྐུ།། རང་ལུས་བལྟ་ན་འདིར ་ལྟོས་ཤིག། ཨོཾ་མཎྜ་ལ་ཨ་ཧཱུཾ། རང་རྟགས་རྡོ་རྗེའི་དོན་ཉིད་དེ།། དར་དང་འབྲུ་ཡི་རང་རྟགས་ཀྱིས།། འཇིག་རྟེན་འདི་ཡི་བར་ཆད་བསལ་བའི་ཕྱིར།། དབང་རྟགས་རྡོ་རྗེ་ཉིད་དང་འདུ་འབྲལ་མེད།། འཇིག་རྟེན་ལྷ ་དང་མཁའ་འགྲོ་རྣམས།། འདི་ལ་བསྲུང་ཞིང་བསྐྱབ་པ་དང་།། དབང་རྟགས་འདི་ནི་མཐོང་བ་ཙམ་གྱིས་ཀྱང་།། བགེགས་རྣམས་བརྒྱལ་ཞིང་གཞན་དུ་འབྲོས།། ཡམས་དང་རིམས་ནད་ཀུན་ལས་ཐར་པ ་དང་།། དབང་རྟགས་འདི་ཡིས་རབ་ཏུ་བསྐྱབ་པའི་ཕྱིར།། གནོད་སྦྱིན་རྣམས་དང་གསང་བའི་རིགས་རྣམས་དང་།། དེ་བཞིན་མཁའ་འགྲོའི་རིགས་དང་ནི།། པདྨ་དང་ནི་དེ་བཞིན་ལས་ཀྱི་རིགས།། ས་དང་བར ་སྣང་གནས་པ་དང་།། རི་རབ་དང་ནི་མཚོ་ལ་གནས།། མཁའ་འགྲོ་དང་ནི་བཅས་པ་ཡིས།། འདི་ལ་སྐུ་ཡི་བསྲུང་བར་གྱིས།། ནད་དང་ཡམས་ལས་ཐར་བར་མཛོད།། དབང་རྟགས་འདི་ཉིད་བཏགས ་པ་ཡིས།། ལམ་ཆེན་ལྔ་པོ་བསྟན་པར་གྱིས།། རྡོ་རྗེ་དོན་དང་འབྲལ་བ་མེད་པ་དང་།། ཡང་དག་ས་ལ་དེ་བཞིན་གནས་པ་དང་།། གསང་སྔགས་ཀུན་གྱི་དགོངས་པ་ལོན་པར་ཤོག། ཨོཾ་བཛྲ་དུཥྚཱན་སརྦ་སྭཱ་ཧཱ་ན་ཧཱུཾ།། ་ལས་ཀྱི་རིགས་ཀྱི་གསང་མཚན་གང་ཡིན་པས།། སེམས་དཔའ་ལས་ཀྱི་རིགས་རྣམས་ཀྱིས།། སྐལ་ལྡན་འདི་ལ་དབང་བསྐུར་རོ།། རིན་ཆེན་རིགས་ཀྱི་གསང་མཚན་གང་ཡིན་པས།། སྐལ་ལྡན་འདི་ལ་དབང་བསྐུར ་རོ།། པདྨ་རིགས་ཀྱི་གསང་མཚན་གང་ཡིན་པས།། སྐལ་ལྡན་འདི་ལ་དབང་བསྐུར་རོ།། རྡོ་རྗེ་རིགས་ཀྱི་གསང་མཚན་གང་ཡིན་པས།། སྐལ་ལྡན་འདི་ལ་དབང་བསྐུར་རོ།། དེ་བཞིན་རིགས་ཀྱི་གསང་མཚན་གང ་ཡིན་པས།། སྐལ་ལྡན་འདི་ལ་དབང་བསྐུར་རོ།། དེ་ལ་སོགས་པའི་བདེ་གཤེགས་ཐམས་ཅད་ཀྱི།། གསང་མཚན་དམ་པ་གང་ཡིན་པས།། སྐལ་ལྡན་འདི་ལ་དབང་བསྐུར་རོ།། ཨོཾ་བཛྲ་རཏྣ་པདྨ་ཀརྨ་བུདྡྷ་སྟྭཾ། དེ་ལྟར ་དབང་རྣམས་རྫོགས་པར་བྱ།། དེ་ནི་ཕྱི་དབང་རྫས་ཀྱིས་བསྐུར།། ལེགས་པར་བཤད་ཅིང་བཀྲོལ་བའོ།། རྫོགས་པ་ཆེན་པོའི་ལུང་བསྟན་པས།། ཏིང་ངེ་འཛིན་ལས་མ་ཡེངས་པར།། ཏིང་འཛིན་བརྟན་ན་དངོས་གྲུབ ་འཐོབ།། ཅེས་རྫོགས་པ་རང་བྱུང་ཆེན་པོའི་རྒྱུད་ལས། ཁྲོ་བོའི་རིགས་ཀྱི་དབང་བསྐུར་བའི་ལེའུ་སྟེ་བཅུ་བདུན་པའོ།། །། རྫོགས་སོ།། །། ་རྒྱ་གར་སྐད་དུ། རཏྣ་ཨཱ་ཡུརྫྫ་ན་པྲི་ཏི་ནཱ་མ། བོད་སྐད་དུ། ཚེ་དབང་རིན་པོ་ཆེ་ཡེ་ཤེས་ཀྱི་ལུང་ཞེས་བྱ་བ་བཅོམ་ལྡན་འདས་ཚེ་དཔག་མེད་ཀྱི་ལྷ་ལ་ཕྱག་འཚལ་ལོ།། དེ་ནས་པདྨའི་སྐུ་ལ་ཚེ་དཔག་མེད ་ཀྱིས་བསྐོར་ཏེ། འདི་སྐད་ཅེས་གསོལ་པ། ཀྱེ་ཀྱེ་བཅོམ་ལྡན་དབང་ཕྱུག་ཆེ།། ཀླུ་འདུལ་དབང་གི་རྒྱལ་པོ་ཉིད།། ཚེ་དང་ཡེ་ཤེས་ལྷུན་རྫོགས་པས།། ཚེ་དབང་དབང་ཆེན་བདག་གིས་སྨྲ།། དཔའ་བོ་ཉིད་ཀྱིས་གནང ་བར་མཛོད།། དེ་ནས་དབང་གི་རྒྱལ་པོ་ཡིས།། ཚེ་མཆོག་ཉིད་ལ་ལུང་བསྟན་ཏེ།། ཀྱེ་ཀྱེ་ཚེ་མཆོག་རིན་ཆེན་ཕྲེང་།། ཁྱོད་ཀྱིས་ལེགས་པར་ཚེ་མཆོག་སྨྲོས།། དེ་ནས་ཉིད་ཀྱིས་རབ་ཏུ་སྨྲས།། ཚེ་དབང་རིན་ཆེན་སྐུར ་བྱེད་ན།། འདི་ལྟར་ལས་རྣམས་རྫོགས་པར་བྱ།། ཤིན་ཏུ་དབེན་པའི་གནས་དག་ཏུ།། དཀྱིལ་འཁོར་མདའ་གང་གྲུ་བཞི་སྟེ།། ཐིག་རྣམས་གཞུང་དང་མཐུན་པ་སྟེ།། ཚོན་རྣམས་བྱིན་གྱིས་བརླབ་བྱ་སྟེ།། ཚོན་རྣམས ་རབ་ཏུ་དགྱེ་བར་བྱ།། དབུས་སུ་གྲུ་བཞི་ལམ་པ་སྟེ།། ཕྱི་རིམ་དག་ནི་ཟླུམ་པོར་བྱ།། དེ་ཡི་སྤྱི་རིམ་གྲུ་བཞི་སྟེ།། སྒོ་དང་བཅས་པར་རབ་ཏུ་བཤད།། ཕྱི་རིམ་ཟླུམ་པོ་རྡོ་ར་བཅས།། དེ་ལྟར་དཀྱིལ་འཁོར་གསལ་བྲིས ་ལ།། དགོད་པའི་རྫས་ནི་འདི་ལྟ་སྟེ།། བུམ་པ་མཛེས་པར་དཀར་གསུམ་སྟེ།། དར་དམར་དག་གིས་མགུལ་ཆིངས་ཏེ།། སྣ་ཚོགས་འབྲུ་ཡི་གདན་ལ་བཞག། འབྲས་ཆང་དག་ནི་ནང་དུའོ།། ཤ་དང་མར ་དང་བུ་རམ་དང་།། ཁ་ཟས་རོ་ཞིམ་སྣ་ཚོགས་གཞུག། དེ་ཡི་སྟེང་དུ་བཞག་པའི་རྫས།། ཚེ་ཡི་འབྲང་རྒྱས་མཛེས་པ་ལ།། ཁ་ཟས་རོ་ཞིམ་རྣམས་ཀྱིས་བརྒྱན།། བྱ་རྒོད་སྒྲོ་ཡང་གཟུག་པ་སྟེ།། དར་སྣ་མེ་ལོང་མདའ་ལ ་བཏག། མདའ་དེ་ཉིད་ལ་བཏག་པའི་རྫས།། སྐུད་པ་དམར་པོ་སུམ་བསྒྲིལ་ལ།། སྣ་ཚོགས་དར་གྱི་འཕུར་ལྕེ་གདགས།། སྲིན་ལག་བཟུང་ལ་གསང་སྔགས་བཟླས།། གྲུ་བཞི་ཕྱོགས་དང་མཚམས་ཉིད་དུ།། ཚེ་ཡི ་འབྲང་རྒྱས་མཛེས་པ་རེ།། མདའ་དང་བཅས་པ་གདགས་པར་བྱ།། སྒོ་བཞིར་མདའ་དང་མེ་ལོང་སྟེ།། གྲུ་བཞིར་རལ་གྲི་རེ་རེའོ།། དེ་ལྟར་དཀྱིལ་འཁོར་རྫས་བཀོད་ལ།། རས་དཀར་གཙང་མའི་ཡོལ་བ་བྱ།། སྟེང་ན ་དུགས་ཀྱང་རབ་ཏུ་བཤད།། མཆོད་པའི་རྫས་ནི་རྫོགས་པར་བྱ།། བདག་ཉིད་དབང་ཆེན་ཏིང་འཛིན་བརྟན།། ཡི་གེ་ནརྀ་ནི་འོད་འབར་བས།། སློབ་མ་ཚེ་དཔག་མེད་པར་བསམ།། བདག་ཉིད་དབང་ཆེན་བྱིན ་བརླབས་ལས།། སངས་རྒྱས་སྐུ་ནི་གྲངས་མེད་བསམ།། སྐུ་དེ་འོད་དུ་གསལ་བ་དང་།། བདག་དང་སློབ་མའི་བར་ཉིད་དུ།། ཡི་གེའི་ཨཱཿདཀར་དགུ་ཡང་བསམ།། རྒྱུན་ཆད་མེད་པའི་འོད་དཀར་བསམ།། དེ་ལྟར་ཨཱ ་ཉིད་གནས་པ་ལས།། ཨཱཿཱཿཞེས་ནི་དགུ་བརྗོད་པས།། འོད་ཟེར་དམར་པོ་འོད་འབར་ཏེ།། སློབ་མའི་ལུས་ལ་ཐིམ་པར་བསམ།། དེས་ནི་ཚེ་དབང་ཐོབ་པར་བསམ།། གསང་སྔགས་ཚེ་ཡི་དབང་ཐོབ་ཕྱིར།། ཡི་གེ་ཨཱཿ ་དམར་འོད་འཕྲོས་བསམ།། ཡི་གེ་དེ་དག་རེ་རེ་ལས།། ཚེ་དཔག་མེད་པ་རེ་རེ་བསམ།། ཚེ་དཔག་མེད་པའི་སྐུ་མདོག་ནི།། དམར་སྐྱ་མཛེས་པ་བརྒྱན་ལྡན་ཏེ།། དཔེར་ན་མཚལ་ཉིད་བཟང་པོ་ལ།། ཁ་བ་དག་ནི་བབ ་པ་ལྟར།། དམར་སྐྱ་འོད་ཟེར་འབར་བར་བསྒོམ།། གཡས་ན་ཚེ་ཡི་བུམ་པ་སྟེ།། གཡོན་ན་རིན་ཆེན་འོད་འབར་རོ།། ཡང་ན་སྐུ་མདོག་འདི་ལྟ་སྟེ།། སྐུ་སྟོད་སེར་ལ་འོད་ཟེར་འབར།། ལྟེ་བ་མན་ཆད་ལྗང་གུ་སྟེ།། ཕྱག ་མཚན་གོང་དང་མཐུན་པའོ།། དེ་ལྟར་གསལ་བར་རྣམ་པར་བསྒོམ།། ཚེ་ལ་སོགས་པའི་རྫས་རྣམས་ཀྱང་།། འོད་དང་ཁ་དོག་དཀར་ལ་དམར།། སྔགས་པ་དབང་ཆེན་དག་གིས་ཀྱང་།། དཀྱིལ་འཁོར་དེ་ཡི་ཤར་ཉིད ་དུ།། གོས་ནི་དམར་པོ་གྱོན་བྱས་ཏེ།། ཁ་ནི་ནུབ་ཕྱོགས་དག་ཏུ་བལྟ།། མཆེད་རྣམས་ཀུན་གྱི་སྔགས་འདིའོ།། ཨོཾ་ཨཱཿཧཱུཾ། ཨ་པ་རི་མི་ཏ་ཨཱ་ཡུརྞྞ་ན་བཛྲ་དྷྲིཀ་ཛ་ཧཱུཾ་སྭཱ་ཧཱ། སྔགས་དེ་ཀུན་གྱིས་བརྗོད་པར་བྱ།། སྔགས ་ཀྱི་འོད་ཟེར་དམར་པོར་བསམ།། ཆོས་ཀྱི་སྐུ་དང་དབྱེར་མེད་ཕྱིར།། ལྷ་དང་དབྱེར་མེད་ཏིང་འཛིན་ཏེ།། ཨཱཿདང་དབྱེར་མེད་གནས་པར་བསྒོམ།། ཆོས་ཉིད་འོད་དང་སྐུ་ལྟར་འཕྲོ།། སྐྱེ་བ་མེད་ལ་འཆི་མེད་སྟེ།། འཆི། ་མེད་རྡོ་རྗེ་ཐོབ་བྱའི་ཕྱིར།། ཚེ་དབང་རིན་ཆེན་རྒྱས་པར་བསྟན།། ཚེ་དབང་རིན་ཆེན་རབ་རྫོགས་ཏེ།། ཚེ་ཡི་རང་བཞིན་ཡི་གེ་ཡུ།། སྐུ་ཡི་རང་བཞིན་ཡི་གེ་ཨཱཿ།། ཨཱ་དང་ཡུཿཡི་མངོན་གསལ་བས།། ཚེ ་དབང་ཆེན་པོ་རྫོགས་པར་བཤད།། དེ་ལྟར་ཏིང་འཛིན་མ་ཡེངས་ན།། ཚེ་དབང་དངོས་གྲུབ་ཐོབ་པ་སྟེ།། ཚེ་དང་ཡེ་ཤེས་རབ་གསལ་བས།། ཚེ་དབང་དཀྱིལ་འཁོར་ཉིད་ཀྱང་འཐོབ།། དེ་ལྟར་ཚེ་ཡི་ལས་རྫོགས ་ནས།། ཚེ་ཉིད་འགུགས་པའི་ཕྲིན་ལས་བྱ།། ཧཱུཾ་ཤར་གྱི་ཕྱོགས་ནས་ཚེ་འགུགས་མ།། རྡོ་རྗེ་ཡིད་མགྱོགས་ཆེན་མོ་སྟེ།། ཚེ་དབང་དཀྱིལ་འཁོར་སྟོན་མཛད་མ།། ཤར་གྱི་ཕྱོགས་ནས་ཚེ་ཁུག་ལ།། རྣལ་འབྱོར་བདག་ལ ་ཚེ་དབང་སྩོལ། ཧཱུཾ་ལྷོ་ཡི་ཕྱོགས་ན་ཚེ་འགུགས་མ།། རྡོ་རྗེ་ཡིད་འཕྲོག་ཆེན་མོ་སྟེ།། ཚེ་ལ་དབང་བའི་རིག་འཛིན་གྱི།། ཚེ་ཁུག་གནས་འདིར་གཤེགས་སུ་གསོལ།། ལྷོ་ཡི་ཕྱོགས་ནས་ཚེ་ཁུག་ལ།། རྣལ་འབྱོར་བདག་ལ ་ཚེ་དབང་སྩོལ།། ཧཱུཾ་ནུབ་ཀྱི་ཕྱོགས་ནས་ཚེ་འགུགས་མ།། རྡོ་རྗེ་ཡིད་འཕྲོག་ཆེན་མོ་སྟེ།། ཚེ་དང་བཀྲག་ལ་དབང་བསྒྱུར་མ།། ནུབ་ཀྱི་ཕྱོགས་ནས་ཚེ་ཁུག་ལ།། རྣལ་འབྱོར་བདག་ལ་ཚེ་དབང་སྩོལ། ཧཱུཾ། བྱང་གི་ཕྱོགས ་ནས་ཚེ་འགུགས་མ།། རྡོ་རྗེ་ཡིད་བསྐྱོད་ཆེན་མོ་སྟེ།། ཚེ་དང་རྫས་ལ་དབང་བསྐུར་མ།། བྱང་གི་ཕྱོགས་ནས་ཚེ་ཁུག་ལ།། རྣལ་འབྱོར་བདག་ལ་ཚེ་དབང་སྩོལ།། ཧཱུཾ་དབུས་ཀྱི་ཕྱོགས་ནས་ཚེ་འགུགས་མ།། རྡོ་རྗེ་སྣ ་ཚོགས་འབྱུང་མ་སྟེ།། ཕྱོགས་སྐྱོང་བཅུ་ཡི་ལག་པ་ནས།། ཚེ་ཁུག་རྣལ་འབྱོར་བདག་ལ་སྩོལ།། དེ་ལྟར་བརྗོད་ཅིང་ཏིང་འཛིན་གསལ།། ཚེ་རྣམས་འཕེལ་བར་བྱེད་པ་ཡི།། ཆོ་ག་འདི་ནི་རབ་ཏུ་བརྗོད།། ཧཱུཾ་ཤར ་ཕྱོགས་ཚེ་ཡི་མངའ་བདག་མོ།། སྐུ་མདོག་དཀར་སེར་འོད་ཟེར་འཕྲོ།། ཆིབས་སུ་འབྱུང་བ་ས་ལ་བཅིབས།། ཕྱག་ན་རྡོ་རྗེ་ཚེ་བུམ་འཛིན།། ཤར་ཕྱོགས་ཚེ་ཡི་དཀྱིལ་འཁོར་སྒོ་ཕྱེས་ལ།། ཚེ་ཡི་དཀྱིལ་འཁོར་དར་ཞིང ་རྒྱས་པར་མཛོད།། རྡོ་རྗེའི་དངོས་གྲུབ་བདག་ལ་སྩོལ།། ཧཱུཾ་ལྷོ་ཕྱོགས་ཚེ་ཡི་མངའ་བདག་མོ།། སྐྲ་མདོག་དམར་སེར་འོད་ཟེར་འབར།། ཆིབས་སུ་འབྱུང་བ་ཆུ་ལ་བཅིབས།། ཕྱག་ན་རིན་ཆེན་ཚེ་ཡི་བུམ་པ ་བསྣམས།། ལྷོ་ཕྱོགས་ཚེ་ཡི་དཀྱིལ་འཁོར་སྒོ་ཕྱེས་ལ།། ཚེ་ཡི་དཀྱིལ་འཁོར་དར་ཞིང་རྒྱས་པར་མཛོད།། རིན་ཆེན་ཚེ་ཡི་དངོས་གྲུབ་བདག་ལ་སྩོལ།། ནུབ་ཕྱོགས་ཚེ་ཡི་མངའ་བདག་མོ།། སྐུ་མདོག་དམར་པོ་དབང ་གི་སྐུ།། ཆིབས་སུ་འབྱུང་བ་མེ་ལ་བཅིབས།། ཕྱག་ན་པདྨ་ཚེ་བུམ་བསྣམས།། ནུབ་ཕྱོགས་ཚེ་ཡི་དཀྱིལ་འཁོར་སྒོ་ཕྱེས་ལ།། པདྨ་ཚེ་ཡི་དཀྱིལ་འཁོར་རྒྱས་པར་མཛོད།། པདྨ་ཚེ་ཡི་དངོས་གྲུབ་བདག་ལ་སྩོལ།། བྱང ་ཕྱོགས་ཚེ་ཡི་མངའ་བདག་མོ།། སྐུ་མདོག་ལྡང་ནག་འབར་བའི་སྐུ།། ཆིབས་སུ་འབྱུང་བ་རླུང་ལ་བཅིབས།། ཕྱག་ན་ལས་གྲུབ་ཚེ་ཡི་བུམ་པ་བསྣམས།། བྱང་ཕྱོགས་ཚེ་ཡི་དཀྱིལ་འཁོར་སྒོ་ཕྱེས་ལ།། ལས་གྲུབ་ཚེ་ཡི ་དངོས་གྲུབ་བདག་ལ་སྩོལ།། དབུས་ཀྱི་ཕྱོགས་ནས་བཅོམ་ལྡན་ཚེ་ཡི་མངའ་བདག་མོ།། སྐུ་མདོག་མཐིང་ནག་འགྱུར་བ་མེད།། ཆིབས་སུ་ནམ་མཁའི་འཇའ་ཚོན་བཅིབས།། ཕྱག་ན་བདུད་རྩི་ཚེ་ཡི ་བུམ་པ་བསྣམས།། དབུས་ཕྱོགས་ཚེ་ཡི་དཀྱིལ་འཁོར་སྒོ་ཕྱེས་ལ།། བདུད་རྩི་ཚེ་ཡི་དངོས་གྲུབ་བདག་ལ་སྩོལ།། ཚེ་མཆོག་དཀྱིལ་འཁོར་དབབ་ཏུ་གསོལ།། ཚེ་ཡི་དབང་ཉིད་བསྐུར་བར་བྱ།། དབང་བསྐུར་གནས་སུ ་ཡང་དག་སྟེ།། ཏིང་འཛིན་རབ་ཏུ་རྫོགས་བྱས་ཏེ།། རབ་ཏུ་གསང་བའི་ལས་གང་ཡང་།། གསུམ་དང་རྒྱུ་ཡི་ཡང་དག་སྟེ།། བསྡུ་དང་དམིགས་པ་གསལ་བར་བྱ།། སྐུ་གསུང་ཐུགས་ལ་གཟུང་བར་བྱ།། གནས་སུ་བཞག ་པ་འདི་སྐད་དོ།། བཅོམ་ལྡན་རིགས་བཞིའི་སངས་རྒྱས་དང་།། རིགས་བཞིའི་ལྷ་མོ་འཁོར་དང་བཅས།། སེམས་དཔའ་དང་ནི་སེམས་མ་དང་།། བདེ་གཤེགས་ཡབ་ཡུམ་འཁོར་དང་བཅས།། དབང་བསྐུར་གནས ་འདིར་གཤེགས་སུ་གསོལ།། དབང་བསྐུར་གནས་འདིར་གཤེགས་ནས་ཀྱང་།། སེམས་ཅན་འདི་ལ་དབང་ཞིག་བསྐུར།། ལོངས་སྤྱོད་རྫོགས་སྐུ་རྡོ་རྗེའི་སྐུ།། ཚེ་དབང་འདི་ལ་བསྐུར་དུ་གསོལ།། དཀྱིལ་འཁོར་འཁོར ་ལོའི་ལྟེ་བ་ནས།། བཅོམ་ལྡན་ཚེ་དཔག་མེད་པ་ནི།། སྐུ་ལ་རིན་ཆེན་ཚེ་ཡི་བེར་ཆེན་གསོལ།། ཕྱག་ནས་རིན་ཆེན་ཚེ་ཡི་དངོས་གྲུབ་སྩོལ།། ཞལ་ནས་རིན་ཆེན་ཚེ་ཡི་འོད་ཟེར་འཕྲོ།། ཚེ་དང་ལོངས་སྤྱོད་རྒྱས་པར ་མཛོད།། སེམས་ཅན་འདི་ལ་དབང་སྐུར་ཅིག། དབང་གི་དཀྱིལ་འཁོར་བརྟན་པར་མཛད་དུ་གསོལ།། བཅོམ་ལྡན་འཁོར་དང་བཅས་པ་ཡིས།། སེམས་ཅན་ལས་ནི་སད་མ་ལ།། རིན་ཆེན་ཚེ་ཡི་དཀྱིལ་འཁོར་སྤེལ ་བའི་ཕྱིར།། ལོ་བརྒྱ་འཚོ་དང་སྟོན་བརྒྱ་མཐོང་།། ཚེ་ལ་དབང་བའི་རིག་འཛིན་གྱི།། དངོས་གྲུབ་ཆེན་པོ་ཐོབ་པར་ཤོག། ཨོཾ་བུདྡྷ་ཨཱ་ཡུར་ཛྙཱ་ན་ཧཱུཾ། བཛྲ་ཨཱ་ཡུཛྙཱ་ན་བྷྲཱུཾ་ཏཱཾ། རཏྣ་ཨཱ་ཡུརྫྫ་ན་ཨེ། པདྨ་ཨཱ་ཡུདྡྷཱ་ན་ཨཱ། ཀརྨ་ཨཱ ་ཡུརྡྷ་ན་ཧཱུཾ་ཧྲཱིཿདེ་ལྟར་སྔགས་དང་ཏིང་འཛིན་གསལ།། ཚེ་དང་ཡེ་ཤེས་གསལ་སྣང་བས།། ལྷུན་རྫོགས་བྱང་ཆུབ་སེམས་སུ་སྣང་།། ཚེ་དང་ཡེ་ཤེས་རྒྱས་པའི་སྐུ།། མི་འགྱུར་ཚེ་ཡི་དངོས་གྲུབ་སྟེ།། རྡོ་རྗེ་ཚེ་ཡི་ལས ་རྣམས་འགྲུབ།། འགྱུར་མེད་ཚེ་དབང་ཐོབ་པའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། ཚེ་དབང་བསྐུར་བའི་ལེའུ་སྟེ་བཅོ་བརྒྱད་པའོ།། རྫོགས་སོ།། །། ་རྒྱ་གར་སྐད་དུ། ཨད་མ་ཨ་སུ་ཀ་ཨ་བྷི་ཥིཉྩན་མ། བོད་སྐད་དུ། རང་ལུས་ཞིང་ཁམས་ཀྱི་དབང་གསང་བ་ཞེས་བྱ་བ། བཅོམ་ལྡན་འདས་ལུང་ལས་གྲོལ་བ་ཉིད་ལ་ཕྱག་འཚལ་ལོ།། དེ་ནས་དུས་དེ ་ཚེ་འཁོར་བསམ་གྱིས་མི་ཁྱབ་པའི་དབུས་ནས། རྡོ་རྗེ་སེམས་དཔའ་ཉིད་སེང་གེ་རྣམ་པར་འགྱིང་བའི་ཏིང་ངེ་འཛིན་ལ་སྙོམས་པར་ཞུགས་བཞིན་དུ། ཕྱག་ན་རྡོ་རྗེ་ལ་དབང་བསྐུར་ཏེ། འདི་སྐད་ཅེས་བསྒོའོ།། ཨེ་མ ་གསང་བདག་རྡོ་རྗེ་འཛིན།། ཁམས་གསུམ་སེམས་ཅན་ཐམས་ཅད་ནི།། མ་སྨིན་མ་གྲོལ་ཐར་བར་དཀའ།། གཟུང་འཛིན་དྲི་མས་བཅིངས་པའི་ཕྱིར།། ཀུན་ཀྱང་ཐར་བར་དཀའ་བས་ན།། རང་ལུས་དཀྱིལ་འཁོར ་རྫོགས་བྱེད་པའི།། དབང་གི་ལུང་བསྟན་ཁྱོད་ཀྱིས་ཟུང་།། དེ་ནས་རྡོ་རྗེ་འཛིན་པ་ཡིས།། བདེ་བའི་སྟན་ལས་ལངས་ནས་ནི།། དགའ་མགུ་ཡི་རང་ཐལ་མོ་སྦྱར།། གདུང་བའི་ཤུགས་བྱུང་རྩོལ་བསྐྱེད་ནས།། དགའ ་བའི་མདངས་བསྐྱེད་འདོད་སྒོ་གསལ།། ཤེས་རབ་མཆོག་ཆེན་ཐོབ་ནས་ཀྱང་།། རྡོ་རྗེ་འཆང་ལ་དོན་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སེམས་ཅན་མ་སྨིན་སྨིན་བྱེད་པའི།། དབང་གི་ཐབས་ཆེན་གསུང་དུ ་གསོལ།། དེ་ནས་རྡོ་རྗེ་འཆང་གིས་བཀའ་སྩལ་པ།། ཀྱེ་མ་ཉོན་ཅིག་རྡོ་རྗེ་འཛིན།། གསང་སྔགས་ཐབས་ལ་རབ་བརྟེན་ནས།། དབང་དང་རིམ་པ་རྫོགས་པར་བྱ།། རང་ལུས་དབང་དུ་ངོ་སྤྲད་ན།། ཤིན་ཏུ་དབེན་པའི ་གནས་དག་ཏུ།། དཀྱིལ་འཁོར་འདོམ་གང་གྲུ་བཞི་ལ།། ཆག་ཆག་ལ་སོགས་གདབ་བྱ་ཞིང་།། ཚོན་རྣམས་རབ་ཏུ་དགྱེ་བར་བྱ།། དབུས་སུ་མུ་ཁྱུད་ཟླུམ་པོ་སྟེ།། འཁོར་རཱ་ཏྲའི་སྟེང་དུ་བྱའོ།། ལོའི་རྩིབས་བརྒྱད་རབ་ཏུ ་མཛེས།། ཁ་ཕྱེ་བ་དང་མ་ཕྱེ་དང་།། པདྨ་དག་དང་སྤེལ་བའོ།། སྣ་ཚོགས་པདྨ་འདྲ་བར་འདོད།། ཕྱི་རིམ་ཟླུམ་འོད་ལྔའི་པོ་དེ་བཞིན་ནོ།། ཕྱི་རིམ་གྲུ་བཞི་སྒོ་དང་བཅས།། ཕྱི་རིམ་ཟླུམ་པོ་བུམ་པའི་དབྱིབས།། ཁ་མིག ་སྒྲ་དང་བཅས་པའོ།། དེ་ལྟར་དཀྱིལ་འཁོར་ཉིད་བྲིས་ལ།། རྫས་ནི་རབ་ཏུ་དགོད་བྱ་སྟེ།། ཚོགས་དང་གཏོར་མ་གོང་དང་མཐུན།། དཀྱིལ་འཁོར་ལྟེ་བའི་དབུས་དག་ཏུ།། ཕོ་ཟོད་མོ་ཐོད་དག་དག་ནི།། རྨ་བྱ་མེ་ལོང ་བྱང་སེམས་དཀར།། ཕྱི་རོལ་པདྨའི་སྟེང་དག་ཏུ།། བྱང་སེམས་དམར་དང་ཁྲོ་སྐུའོ།། དེ་ལྟར་རྫས་རྣམས་བསགས་ནས་ནི།། དབང་བསྐུར་ལས་རྣམས་རྫོགས་པར་བྱ།། འདི་ལྟར་ཡེ་ཤེས་འོད་སྐུ་སྟེ།། དག་པས་དག ་པའི་རྒྱ་མཚོན་ཏེ།། གང་བས་གསལ་བའི་འོད་ལྡན་པའོ།། ཆོས་སྒྲ་ལྷུན་རྫོགས་བདེ་བ་ཆེ།། སྟོང་ཉིད་རང་གསལ་དབང་བསྐུར་རོ།། མ་ཧཱ་ཨ་ནུ་སྲ་ཏྲ་ཡ།། ཨ་བྷི་ཥི་ཉྩ་མ་མོ། ཆོས་ཉིད་གསལ་འཚར་གཡོ་བ་མེད།། ་རྗེ་སྐྱོན་བྲལ་བྱང་ཆུབ་སེམས།། བདུད་རྩི་དག་པ་ཆོས་ཉིད་རྒྱུ།། འཁོར་འདས་མ་རྟོག་དབང་བྱང་སེམས་དཀར་པོར་བྱིན་ནོ།། བསྐུར་རོ།། བོ་དྷི་ཙིཏྟ་བཛྲ་ཨ་བྷི་ཥིཉྩ་ཨཱ་ཨཱ། འཁོར་བའི་སྐྱོན་སྤངས་ཡེ་ཤེས ་དམར།། འདོད་ཆགས་མ་སྤངས་ཆོས་ཉིད་སྟོང་།། ཆགས་མེད་ཡེ་ཤེས་པདྨར་གསལ།། ཨེ་ལྡན་བྷ་ག་སྟོང་ཉིད་དེ།། བདག་ཉིད་བྱང་སེམས་དམར་པོ་བྱིན་སྙིང་པོའི་དབང་བསྐུར་རོ།། ས་མན་ཙརྱ་སུ ་ར་ག་ཨ་བྷི་ཥིཉྩ་ཧཱུཾ་ཧཱུཾ། དཔའ་བརྟུལ་རྡོ་རྗེའི་རང་བཞིན་ལ།། ཐ་དད་གཉིས་སུ་མི་འཛིན་ཅིང་།། རྒྱན་དང་ཆ་ལུགས་འོད་ཟེར་འབར།། རང་གསལ་ཆོས་གསང་བ་ཤེས་རབ་དབང་ཉིད་མེ་ལོང་སྐུ།། གཟུང་དང་མེ ་ལོང་ལ་ཁྲག་འཐུང་ཡབ་ཡུམ་དང་། རིགས་ལྔ་ཡབ་ཡུམ་བསྟན་རང་ལུས་ལ། འཛིན་པ་གཉིས་ལས་འདས།། འགྱུར་མེད་དབྱིངས་སུ་དབང་བསྐུར་རོ། ཨོཾ་ཨཱཿཧཱུཾ། ཀྲོ་ཏ་ས་ཡ་ནུ་ཡ་ཏ་དྷརྨ། ཞེས་རྫོགས་པ་རང་བྱུང ་ཆེན་པོའི་རྒྱུད་ལས། རིག་པ་རང་གི་དབང་བསྟན་པའི་ལེའུ་སྟེ་བཅུ་དགུ་པའོ།། །། རྫོགས་སོ།། །། @#།། རྒྱ་གར་སྐད་དུ། ས་ཀ་ར་ཨ་བྷི་མུ་ཏྲ་ནཱ་མ། བོད་སྐད་དུ། བཀའ་རྟགས ་ཕྱག་རྒྱའི་དབང་ཞེས་བྱ་བ། བཅོམ་ལྡན་འདས་རང་བྱུང་གི་སྒྲོན་མ་འབར་བ་ལ་ཕྱག་འཚལ་ལོ།། དེ་ནས་འདུས་པའི་ཚོགས་རྣམས་ཀྱི་ནང་ནས། གསང་བའི་བདག་པོ་ཉིད་ལངས་ནས། འདི་སྐད་ཅེས་གསོལ ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཁམས་གསུམ་སེམས་ཅན་ཐམས་ཅད་ནི།། གྲོལ་ཞིང་ཐར་པའི་སྐབས་མེད་ན།། འདི་ནས་ཚིག་ཆད། བཅོམ་ལྡན་མགོན་པོས་བཀའ་སྩོལ་ཅིག། དེ་ནས་རྡོ་རྗེ་འཆང་ཆེན ་དེས།། འཁོར་དེ་ཉིད་ལ་བཀའ་སྩལ་པ།། ཨེ་མ་གསང་བདག་གོས་སྔོན་ཅན།། སེམས་ཅན་རྟོག་པ་སྦྱོང་སླད་དུ།། ཆོས་སྐུ་ཐོབ་པར་བྱ་བའི་ཕྱིར།། བཀའ་རྟགས་ཕྱག་རྒྱའི་དབང་བསྐུར་བྱ།། བཀའ་རྟགས་ཕྱག་རྒྱའི ་དབང་བསྐུར་ནི།། ཤིན་ཏུ་དབེན་ཞིང་ཉམས་དགའ་བར།། དཀྱིལ་འཁོར་འདོམ་གང་གྲུ་བཞི་སྟེ།། ཆག་ཆག་ལ་སོགས་ཐིག་གདབ་བྱ།། ཚོན་ཚོགས་རྒྱས་པར་དགྱེ་བར་བྱ།། ཕོ་བྲང་མཐིང་ནག་གྲུ་གསུམ་སྟེ།། ཕྱི ་རིམ་འཁོར་ལོ་རྩིབས་བཞིར་ལྡན།། ཟླུམ་པོ་རྡོ་རྗེ་ར་བར་བཅས།། དེ་ཡི་ཕྱི་རིམ་དག་ཏུ་ཡང་།། གྲུ་བཞི་སྒོ་དང་བཅས་པ་བྲི།། མཚམས་ཀྱི་གྲུ་ལ་བུམ་པ་བྲི།། ཕྱི་རིམ་ཟླུམ་པོ་དག་ཏུ་བཤད།། དེ་ལྟར་དཀྱིལ་འཁོར ་བྲིས་བྱས་པར།། རྫས་ནི་རབ་ཏུ་དགྲམ་པར་བྱ།། དབུས་སུ་དབང་གི་རྫས་བཞི་བཞག། བུམ་པའི་སྟེང་དུ་བུམ་པ་རེ།། རྒུན་དང་བཅས་ཏེ་གཞག་པར་བྱ།། ཚོགས་དང་གཏོར་མ་གོང་དང་འདྲ།། དེ་ལྟར་དཀྱིལ་འཁོར ་རབ་རྫོགས་ནས།། བཀྲ་ཤིས་ཉི་མ་ཕྱེད་དག་ལ།། སློབ་མ་ཤེས་རབ་ལྡན་པ་དེས།། དབང་གི་དོན་ལ་འཇུག་པར་བྱ།། དྲི་ཞིམ་ཆུ་ཡིས་ལུས་བཀྲུས་ཏེ།། དབང་ནོད་ཚིག་ཀྱང་བརྗོད་པར་བྱ།། དེ་ལྟར་གུས་པའི་ཚུལ ་བྱས་ཏེ།། དབང་ཉིད་འདི་ལྟར་བསྐུར་བར་བྱ།། ཆགས་མེད་ཡེ་ཤེས་དྲི་མ་མེད།། རྣམ་དག་འོད་གསལ་ཤེས་རབ་ཐབས།། སྐུ་གསུམ་ཤེས་རབ་འབྱུང་བའི་གཏེར།། བྱང་ཆུབ་སེམས་ལས་སྦྲུལ་སྐུ་བསྐྱེད།། ཆོས་ཉིད ་རྟོགས་མེད་རྫས་བཞི་སྟེ།། གཉིས་འདས་ཆོས་སྐུའི་དབང་བསྐུར་རོ།། སུ་ཁ་བཛྲ་པྲ་ཏི་སྟ་ཧ་ཧ་ཨོཾ་ཨཱ། བྱང་ཆུབ་སྙིང་པོ་སྟོད་པའི་སྐུ།། སྐུ་གསུམ་ངོ་བོ་ཉིད་ལ་ནི།། ཡེ་ནས་མ་སྐྱེས་རང་རྫོགས ་པས།། གཞན་ལ་བཙལ་བར་མི་བྱ་ཞིང་།། རང་ཉིད་ལྷ་ཡི་ལྷ་ལྟར་མཆོད།། རྫོགས་ཆེན་འདུ་འབྲལ་མེད་པ་ཡི།། སྟོང་པའི་ཡེ་ཤེས་དབང་བསྐུར་རོ།། སྭ་བྷཱ་ཝ་ཨ་ཊ་རི་ཤ་ཨེ་བཾ་ཧཱུཾ་ཨ། ཆོས་སྐུ་རྟོག་ལས་འདས་པས ་ན།། བསམ་འདས་བརྗོད་མེད་ངོ་བོ་སྟོང་།། རང་བཞིན་རྫོགས་ཆེན་ལྷུན་གྲུབ་པས།། ཐིག་ལེ་གཅིག་པར་དབང་བསྐུར་རོ།། ཨ་བེ་སྟ་བྷ་ཡ་ཨ་ཧཱུཾ། ཨེ་མ་ངོ་མཚར་རྨད་བྱུང་བའི།། སྟོང་ཉིད་སྙིང་པོ་འོད་གསལ ་དང་།། མ་ཆགས་གོས་མེད་བྱང་ཆུབ་སེམས།། དྲི་མེད་དག་པའི་རིག་སྣང་སྟེ།། རྫོགས་ཆེན་མཐའ་དང་དབུས་མེད་པས།། སྣང་བ་གཅིག་རྫོགས་དབང་བསྐུར་རོ།། ཨོཾ་སྭ་མམ་རཏྣ་ལམ་ཧཱུཾ། ཆོས་སྐུ་སྟོང་པ་ཉིད་ཀྱི ་ངདང་།། རང་བྱུང་ཡེ་ཤེས་རྟོག་མེད་དབྱིངས།། སྟོང་གསལ་རིག་པ་སྙིང་པོར་ལྡན།། སྟོང་ཞིང་བདག་མེད་ཡེ་ཤེས་དང་།། ཆོས་རྣམས་ལྷུན་གྲུབ་རྫོགས་པ་ཆེ།། ཡང་དག་ཡེ་ཤེས་འོད་གསལ་བ།། སྟོང་པ་ཉིད་དུ་དབང ་བསྐུར་རོ།། ཨ་ཨཱ་ཨི་ཨི་ཨཽ་ཧཱུཾ། ཞེས་རྫོགས་པ་རང་བྱུང་ཆེན་པོའི་རྒྱུད་ལས། བཀའ་རྟགས་ཕྱག་རྒྱའི་དབང་གི་ལེའུ་སྟེ་ཉི་ཤུ་པའོ།། རྫོགས་སོ།། །། ་@།། རྒྱ་གར་སྐད་དུ། གྷཱ་ཡ་ཛྙཱ་ནཱ་ཨ་བྷི་ཀ་ལ་ཀྵ་ཏ་ན་མ། བོད་སྐད་དུ། གསང་བ་ཡེ་ཤེས་ཐིག་ལེའི་དབང་།། མཁའ་དབྱིངས་བུམ་པ་ལྟར་བསྐུར་བ་ཞེས་བྱ་བ། བཅོམ་ལྡན་འདས་མངོན་རྫོགས་ཐིག་ལེའི་སྐུ་ལ ་ཕྱག་འཚལ་ལོ།། དེ་ནས་འདུས་པའི་འཁོར་རྣམས་ཀྱི་ནང་ནས།། གསང་བའི་བདག་པོ་ཉིད་ལངས་ཏེ།། འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་དབང་ཆེན་སྐུ།། སེམས་ཀྱིས་བཅིངས་པའི་འཁོར་བ ་ལས།། གསང་བ་དབང་གི་བདག་ཉིད་ཀྱིས།། ཐབས་ནི་གང་གིས་གྲོལ་བར་འགྱུར།། འདིར་འདུས་འཁོར་ལ་བཀའ་སྩོལ་ཅིག། དེ་ནས་གསང་དབང་དོན་གསུངས་པ།། ཀྱེ་མ་ཉོན་ཅིག་རྡོ་རྗེ་འཛིན།། གསང་སྔགས ་གསང་བའི་དབང་རྟགས་ནི།། ཅི་ལྟར་རྫོགས་པར་བྱེད་པ་སྟེ།། སློབ་མ་དམ་ལྡན་གསང་བ་ཐུབ།། དམ་ཚིག་ལྡན་པའི་སློབ་མ་ལ།། གསང་བའི་དབང་ནི་རྫོགས་བྱེད་ན།། གསང་བ་དབང་གི་རྫས་བསགས་ཏེ།། སློབ ་མ་རིགས་ལྡན་གསུམ་མམ་ལྔ།། བདུན་ལས་འདས་ན་གསང་སྔགས་འཚལ།། དེ་ལྟར་གསང་ཐུབ་བུ་རྣམས་ལ།། གསང་བའི་དབང་ཉིད་བྱེད་འདོད་ན། གཟུང་མཆོག་ཡིད་དང་འཐད་པ་བཙལ།། དེ་ཡང་མཚན་ཉིད ་བརྟག་པ་གཅེས།། དེ་ཡི་མཚན་ཉིད་བརྟག་པ་ནི།། རིགས་ནི་རྣམ་པ་བཞིར་བཤད་དེ།། འབྲས་བུ་སྐུ་བཞི་ངེས་པ་ཐོབ།། རིགས་ནི་རེ་རེ་དག་ལ་ཡང་།། ཁ་དོག་མང་ཞིང་བརྟག་པར་དཀའ།། རིགས་ནི་འདི་ལྟར ་ཤེས་པར་བྱ།། པདྨའི་རིགས་དང་དུང་ཅན་ཏེ།། རི་མོ་ཅན་དང་ཧ་སྟི་ཡི།། རིགས་ནི་དེ་ལྟར་བརྟག་པ་གཅེས།། ཁ་དོག་འགྲོས་དང་སྐད་ཀྱིས་བརྟག། ཁ་དོག་བརྟག་པ་འདི་ལྟ་སྟེ།། པདྨའི་རིགས་སུ ་གང་འདོད་པ།། ཁ་དོག་འགྲོས་དང་སྐད་ཀྱིས་བརྟག། བྱད་ནི་ཟླུམ་ཞིང་ཁ་དོག་སྨུག། སྐད་ཕྲ་ཡིད་དུ་འོང་སྨྲ་ཞིང་།། གཟུགས་དང་བོངས་ནི་ཐུང་ཞིང་སྦོམ།། ཡིད་དུ་འོང་ཞིང་ཆགས་པ་སྐྱེ།། སྐྲ་ནི་མདོག་སེར་ལི་ལ ་འཇམ།། སེན་མོའི་མདོག་ཀྱང་དམར་ལ་དངས།། སྨིན་མཚམས་པར་ཡང་མ་ཆད་དང་།། ལོ་ནི་བཅོ་ལྔ་ཉིད་ལོན་པ།། པདྨའི་མཚན་ཉིད་ཡིན་པར་འདོད།། དུང་ཆེན་དག་གི་མཚན་ཉིད་ནི།། བྱང་ཉིད་ཆེ་ཆུང་སྙོམས ་པ་སྟེ།། ཁ་དོག་དཀར་ཞིང་སོ་ཡང་དཀར།། ལུས་པོ་རགས་ཤིང་དཔའ་བརྟུལ་ཆེ།། གཟུགས་བཟང་ཡིད་དུ་འོང་བ་སྟེ།། མིག་རྩ་ཡིད་ཙམ་དམར་བ་ལ།། སྐྲ་ཡང་ནག་ཅིང་འཛུམ་ཁ་སྟི།། སོར་མོ་ཕྲ་ཞིང་མཉེན་ལྷུག ་ལེགས།། སེང་གེ་ལྟ་བུའི་འགྲོས་དང་ལྡན།། སྐད་ནི་ཚངས་པའི་དབྱངས་དང་མཚུངས།། བཅུ་དྲུག་ལོ་དང་ལྡན་པ་ན།། དུང་ཆེན་ཡིན་པར་རབ་ཏུ་བཤད།། རི་མོ་ཅན་གྱི་མཚན་ཉིད་ནི།། ཁ་ཉིད་ཆུང་ཞིང་ཤ་ཡང ་སེར།། བྱད་ཀྱི་དཀྱུས་ཀྱང་རིང་བ་སྟེ།། གཟུགས་ཉིད་ཕྲ་ཞིང་སྨྲ་བ་ཉུང་།། མིག་གི་འབྲས་བུ་དཀར་ནག་འབྱེད།། སྐད་ནི་ང་རོ་ཆུང་བ་སྟེ།། ཤ་སྲབ་མཚོན་སྤུ་གསལ་བ་སྟེ།། ཡིད་དུ་འོང་ཞིང་གླང་ཆེན ་འགྲོས།། དཔའ་བརྟུལ་ཆེ་ཞིང་ཞུམ་པ་ལྟར།། བཅུ་བཞི་ལོ་དང་ལྡན་པ་སྟེ།། རི་མོ་ཅན་དུ་ཡང་དག་འདོད།། ཧསྟི་མ་ཡི་མཚན་ཉིད་ནི།། བྱད་དཀྱུས་དག་ནི་རིང་བ་སྟེ།། ཤ་ཡི་མདོག་ནི་ཡིད་ཙམ་སྔོ།། སོ་དཀར་མིག ་གི་འབྲས་བུ་ནག། གཟུགས་ཆེ་སྐེད་སྐབས་ཕྱེད་པ་སྟེ།། སྣ་རྒྱུད་བཟང་ཞིང་སྨིན་མ་བཟང་།། སྐབས་སྐབས་སྐད་ཀྱང་འཛེར་བར་བྱེད།། སྤྱོད་པ་དལ་ལ་ཚིག་འཇམ་སྨྲ།། བ་གླང་འགྲོས་འདྲ་བརྟུལ་ཤུགས ་ལྡན།། སུམ་ཅུ་མན་ཆད་ལོ་རྣམས་སོ།། དེ་ལྟར་མཚན་དང་ལྡན་པ་། ཧསྟིའི་རིགས་སུ་ཡང་དག་འདོད།། གསང་བའི་ཡུམ་དེ་རེ་རེ་ཡི།། འབྲས་བུ་རེ་རེ་ཐོབ་པ་སྟེ།། རི་མོ་ཅན་དང་ཧ་སྟི་མཆོག། ཡང་ན་བུ་མང ་ལོངས་སྤྱོད་ལྡན།། ལོ་ཚད་ངེས་པ་མེད་པར་བསྟན།། ཡང་ན་ཡིད་འོང་གཞོན་ནུ་མ།། སྐྱེས་པས་མ་གཙེས་བརྟུལ་ཤུགས་ཅན།། བཅུ་བཞིའི་ལོ་དང་ལྡན་པའོ།། དེ་ལྟར་བསྟེན་པའི་ཡུམ་ལ་ཡང་།། སྦྱོར་བས་འགྲུབ ་དང་བརྟེན་པས་འགྲུབ།། བསམ་པས་འགྲུབ་དང་མཐོང་བའོ།། རི་མོ་ཅན་ལ་སྦྱོར་བས་ཏེ།། དུང་ཆེན་བསྟེན་པའི་སྟོབས་ཀྱིས་འགྲུབ།། པདྨ་དག་ནི་བསམ་པར་བྱ།། ཧསྟི་མཐོང་ཞིང་རེག་པས་སོ།། དབང་ཉིད་རྒྱས ་པར་བྱེད་པ་ན།། རིགས་ནི་བཞི་ག་ཚང་བར་བྱ།། དེ་མེད་ན་ཡང་སོ་སོར་བཤད།། སྦྱོར་བ་བྱས་ན་དངོས་གྲུབ་རབ།། བསྟེན་པས་དངོས་གྲུབ་འབྲིང་དུའོ།། བསམ་པས་དངོས་གྲུབ་ཐ་མའོ།། མཐོང་བས་གསུམ་ཀའི ་གྲོགས་སུ་བསྟན།། དེ་ལྟར་གཟུངས་དང་ལྡན་པར་བྱ།། དེ་ལྟར་ཡུམ་དང་ལྡན་པས་ནི།། དབང་བསྐུར་དོན་ལ་འཇུག་པར་བྱ།། ཤིན་ཏུ་དབེན་པའི་གནས་དག་ཏུ།། དཀྱིལ་འཁོར་འདོམ་གང་གྲུ་བཞི ་བརྩིག། ཆག་ཆག་ཐིག་གདབ་ཚོན་འགྱེད་དེ།། མཆོད་རྫས་གོང་དང་འདྲ་བ་ལ།། དཀྱིལ་འཁོར་དག་ནི་བྱ་བ་སྟེ།། ཕོ་བྲང་ཟླུམ་པོ་འོད་ཟེར་ཅན།། པདྨ་འདབ་མ་བརྒྱད་ལྡན་བྱ།། བུམ་པའི་གཟུགས་དང་རི་མོར ་བཅས།། མུ་ཁྱུད་ཕྱི་རིམ་རྩིབས་འཁོར་བརྒྱད།། ཕྱོགས་ཀྱི་རྩིབས་མཚན་པར་དག་དུ།། སྒོ་ནི་རིགས་དང་ལྡན་པ་བཀོད།། མུ་ཁྱུད་ཕྱི་རིམ་གྲུ་བཞི་འབར།། དེ་ཡི་ཕྱི་རིམ་ཟླུམ་པོར་བཀོད།། བར་ཁྱམས་དག་ནི་བུམ ་བསྣོལ་ཏེ།། དེ་ལྟར་དཀྱིལ་འཁོར་བྲིས་བྱས་ཏེ།། དེ་ལ་རྫས་ནི་དགྲམ་པར་བྱ།། དབུས་ཀྱི་ལྟེ་བའི་དཀྱིལ་དག་ཏུ།། རྣམ་སྣང་མངོན་བྱང་སྐུ་ཉིད་བཞག། དེ་ཡི་སྟེང་དུ་སྣང་མཐའ་ཡས།། སྣང་བ་མཐའ་ཡས་སྤྱི་གཙུག ་ཏུ།། བཅོམ་ལྡན་དབང་ཆེན་དེ་ཉིད་དོ།། དེ་ཡི་སྟེང་དུ་རྨ་བྱའི་གདུགས།། སྣ་ཚོགས་དར་གྱིས་བརྒྱན་པ་བཞག། རྫས་དེ་རྣམས་དང་ལྡན་པ་ནི།། དབང་ནི་ཆུ་བོ་བཞིན་ཉིད་ཐོབ།། སྐུ་ཡི་རྣམ་པ་དེ་རྣམས་ཀྱང་།། ཤར ་ནས་ནུབ་ཏུ་ཁ་ཡང་བསྟན། གསང་བ་དབང་བྱེད་སློབ་དཔོན་ཡང་།། ནུབ་ནས་ཤར་དུ་ཁ་བལྟས་སོ།། དབུས་ཀྱི་ལྷ་ཚོགས་མདུན་དུ་ཡང་།། བཀྲ་ཤིས་མཛེས་པའི་བུམ་པ་བཞག། ཁ་རྒྱན་སྙིང་པོར་བཅས་པའོ།། དར ་དམར་མགུལ་ཆིངས་རབ་ཏུ་བཤད།། ལྷ་དེ་ཉིད་ཀྱི་མདུན་དུ་ཡང་།། མེ་ལོང་གསལ་མཛེས་དགྲམ་པར་བྱ།། ཤར་ཕྱོགས་ཉིད་ཀྱི་ཆ་ལ་ཡང་།། རབས་ཆད་ཟོད་པ་མཚན་ལྡན་དུ།། བྱང་ཆུབ་སེམས་ནི་དམར་པོས ་གཏམས།། དཀྱིལ་འཁོར་བྱང་གི་ཆ་ལ་ཡང་།། མེ་ལོང་ཡུ་བ་ཅན་དུ་ཡང་།། བྱང་ཆུབ་སེམས་ནི་དཀར་པོ་སྟེ།། དཀྱིལ་འཁོར་ལྷོ་ཡི་ཆ་ལ་ཡང་།། བུ་མ་སྐྱེས་པའི་བུད་མེད་ཚིལ།། ཤ་དང་མར་མེ་དག་དང་ནི།། རྫས ་ནི་བཞི་ཡང་དེ་ལྟར་དགོད།། དེ་ལྟར་རྫས་ནི་ཚོགས་ནས་ནི།། སྒྲུབ་པོས་ཡུམ་རྣམ་ཆས་སུ་གཞུག། པདྨའི་རིགས་ལ་དར་དམར་གོས།། བྱི་རུའི་རྒྱན་དང་ལྡན་པའོ།། སྤོས་ཆུས་ལེགས་པར་བཀྲུས་ནས་ནི།། དབུ་རྒྱན ་དར་གྱི་ཅོད་པན་གདགས།། འགྱིང་བའི་བག་ལྡན་གར་སྟབས་བྱ།། རྡོ་རྗེ་དྲིལ་བུ་ལག་བཟུང་སྟེ།། དཀྱིལ་འཁོར་ནུབ་ཏུ་གཡོན་ཕྱོགས་བཞག། དུང་ཆེན་མ་ནི་རས་དཀར་གོས།། གུར་གུམ་ཆུ་ཡིས་ལུས་བཀྲུས ་ཏེ།། དུང་དང་བ་སོའི་རྒྱན་རྣམས་གདགས།། དབུ་རྒྱན་ཅོད་པན་ཀུན་ལའོ།། དཀྱིལ་འཁོར་ཤར་དུ་གཞག་པར་བྱ།། ཧ་སྟི་ལ་ནི་དར་སྔོན་བརྒྱན།། ཨུཏྤལ་སྔོན་པོའི་རྒྱན་དང་ལྡན།། ཙན་དན་ཆུ་ཡིས་ལུས་བཀྲུས ་ཏེ།། དབུ་རྒྱན་དར་སྔོན་ཅོད་པན་ཅན།། རྡོ་རྗེ་དྲིལ་བུ་ལག་བཟུང་སྟེ།། འགྱིང་བའི་སྟོབས་ལྡན་བྱང་དུའོ།། རི་མོ་ཅན་ལ་དར་སེར་གོས།། འབྲས་བུ་གསུམ་གྱི་ཆུས་བཀྲུས་ཏེ།། མེ་ཏོག་གསེར་གྱི་རྒྱན་ལྡན ་བྱའོ།། དབུ་རྒྱན་དར་སེར་ཅོད་པན་བཅིང་།། རྡོ་རྗེ་དྲིལ་བུ་ལག་བཟུང་སྟེ།། འགྱིང་བག་ལྡན་པ་ལྷོ་རུ་དགོད།། དེ་ནས་ཏིང་འཛིན་རབ་ལྡན་པས།། སྦྱོར་དང་སྒྲོལ་བའི་ལས་བརྩམས་ཏེ།། དབང ་བསྐུར་རྒྱས་པར་བྱེད་འདོད་ན།། དབང་གི་དུས་དང་བསྐུར་ཐབས་དང་།། འཇུག་པའི་དུས་དང་བསྐུར་དུས་སོ།། ཕྱི་ནང་དབང་ཉིད་རྫོགས་བྱས་ནས།། གསང་བའི་དབང་ལ་འཇུག་པར་བྱ།། དབང་གི་དུས་ནི་འདི ་ལྟར་ཏེ།། འབྲས་བུ་སྨིན་པའི་དུས་ཡིན་ནོ།། འཇུག་པའི་དུས་ནི་ཚེས་ལྔ་སྟེ།། བསྐུར་བའི་དུས་ནི་ནམ་ཕྱེད་དོ།། གཏོར་མ་ནམ་ལངས་དག་ལའོ།། དེ་ལྟར་བྱ་བ་སྔོན་སོང་ནས།། གསང་བའི་དོན་ལ་འཇུག་པར ་བྱ།། དེ་ནས་སློབ་བུ་དད་ལྡན་དེས།། རང་གི་ཡུམ་དང་བཅས་པ་ཡང་།། སྤོས་ཆུ་འོ་མས་བཀྲུས་བྱས་ལ།། རྒྱན་དང་ཆ་ལུགས་ལྡན་བྱས་ཏེ།། དཀྱིལ་འཁོར་བསྐོར་ཞིང་དབང་བྲོ་བརྡུང་།། ཞུ་སྐྱེམས་དྲང་ཞིང ་དབང་བསྐུར་གསོལ།། མཁའ་གསང་གཉིས་སྦྱོར་དབང་སྐུར་གསོལ།། ཤེས་རབ་ཐབས་ལྡན་སྦྱོར་སྒྲོལ་དབང་།། དཔའ་བོ་ཆེན་པོས་བཀའ་སྩོལ་ཅིག། གསང་བདག་རྡོ་རྗེ་འཛིན་རྒྱལ་སྐུ།། མ་རིག་རྨོངས་པའི་ཡིད ་ལྡན་པས།། ཤེས་རབ་མིག་གི་དབང་བསྐུར་གསོལ།། རྨུགས་ཤིང་མྱོས་པས་སྒྲ་མི་ཐོས།། གཉིས་མེད་སྙན་གྱི་དབང་བསྐུར་གསོལ།། རྣམ་རྟོག་བདག་ཏུ་འཛིན་པ་ཡིས།། རྣམ་དག་འོད་གསལ་དྲི་མ་ཚོར།། ཡེ་ཤེས ་ཤངས་ཀྱི་དབང་བསྐུར་གསོལ།། འཁོར་འདས་གཉིས་འཛིན་སྤྱོད་པ་ཡིས།། ཆོས་ཉིད་དག་པའི་རོ་མ་མྱོང་།། རང་རིག་བཅུད་ལྡན་དབང་བསྐུར་གསོལ།། ཕྱི་ནང་ཡུལ་ལ་ཆགས་གྱུར་པས།། དབྱིངས་དང་རིག་པའི ་ཡུལ་མ་མཐོང་།། འོད་གསལ་ལུས་ཀྱི་དབང་བསྐུར་གསོལ།། དྲན་པས་ཀུན་དུ་མཚོན་ཕྱེད་པའི།། རང་སྣང་སྙིང་པོའི་དོན་མ་རྟོགས།། ལྟ་བ་རིག་པའི་དབང་བསྐུར་གསོལ།། དེ་ལྟར་སློབ་བུ་དད་ལྡན་དེས།། དེ་སྐད ་བརྗོད་ཅིང་གསང་དབང་ཞུ།། དེ་ནས་རྡོ་རྗེ་སློབ་དཔོན་དེས།། གསང་བའི་དབང་ཉིད་བསྐུར་བ་ཡི།། བུ་རྣམས་གྲལ་དུ་འཁོད་ནས་ཀྱང་།། སྦྱོར་བ་བརྡ་ཡིས་བསྐུལ་བར་བྱ།། བསྒྲུབ་པའི་ཡུམ་གཅིག་གཡོན་བཞག ་ལ།། བདག་ཉིད་ཆས་དང་རྒྱན་བགོས་ལ།། དང་པོ་རྫས་ཀྱི་དབང་བསྐུར་བྱ།། ཡེ་ཤེས་རྣམ་དག་འོད་གསལ་ཆོས་སྐུའི་དབྱིངས།། སྐྱེ་མེད་རང་གསལ་ཐུགས་རྗེའི་དབྱིངས་ལས་བྱང་ཆུབ་སེམས།། དྲི་མེད་སྐྱོན་བྲལ ་རིག་པ་ཞི་བའི་ཡབ།། སྟོང་པ་ཉིད་མཚོན་རྒྱུ་ལ་བྱང་ཆུབ་སེམས།། འཁོར་བར་མི་གནས་ཡེ་ཤེས་རང་སྣང་སྐུ་ལ་སྣ་ཚོགས་འཕྲོས།། དག་པའི་རྒྱུ་མཚན་བདེ་བའི་ཐིག་ལེ་སྟེ།། ཆགས་ལ་ཆགས་མེད་དགའ་བ་དེའི ་དབང་བསྐུར་རོ།། སརྦ་དྷརྨ་རཏྣ་ཙན་ཏྲ་ཨཱ།། སྟོང་ཉིད་དམར་དང་ཤེས་རབ་དབང་གི་སྐུ།། ཆོས་ཉིད་མཁའ་མཉམ་སྣང་སྲིད་ཤེས་རབ་ཡུམ།། གསང་སྔགས་ལས་བྱུང་ཐིག་ལེ་འདྲེན་མཛད་མ།། རཀྟའི་རང ་བཞིན་ཐིག་ལེ་འདྲེན་མཛད་མ།། ཤེས་རབ་དྲིལ་ནས་སྐུ་ཡི་སྣང་བ་འཆར།། བྷ་གའི་དབྱིངས་ནས་སྤྲུལ་པ་དུས་གསུམ་བྱུང་།། ཆགས་མེད་ཆ་མཉམ་བདེ་བ་སྐྱེད་པར་བྱེད།། ཡི་གེ་མུཾ་ལྡན་གསང་བའི ་རིགས་སུ་སྣང་།། དབང་གི་རྟགས་སུ་འོད་ཟེར་ལེ་བརྒན་འཕྲོས།། རྟོག་མེད་ཤེས་རབ་དབྱིངས་ལས་དབང་བསྐུར་རོ།། ཨོཾ་མུཾ་སུ་ར་གྷ་ཡ་ཧཱུཾ། སྐྱེ་མེད་རོ་ལྡན་མཱཾ་ས་ཚིལ་ཆེན་བཅས།། རྒྱལ་བ་ཀུན་དང་སྐྱེ་མེད་སྙིང ་པོར་མཉམ།། རིག་པའི་སྐུ་དང་སོ་སོ་ཐ་མི་དད།། དབྱིངས་དང་མི་འབྲལ་ཤེས་རབ་པདྨ་ལྡན།། སྒོ་ལྔ་མ་འགགས་ཞི་གནས་ལྷག་མཐོང་སྟེ།། བསྐྱེད་པ་མ་ཡིན་རང་བྱུང་རྫོགས་པ་ཆེ།། སྣ་ཚོགས་འོད་འཕྲོ་ལོངས་སྐུ ་ཉིད་ཀྱི་ལུས།། མ་བསྒྲིབས་དྲི་མེད་ཤེས་རབ་ཡེ་ཤེས་སྤྱན།། གསང་བའི་མཛོད་འཛིན་ཐུགས་ནི་ཙིཏྟའི་ངང་།། མི་དམིགས་སྟོང་གསལ་དྲན་སྟོང་གཉིས་ལས་འདས།། གཉིས་འཛིན་ཡུལ་དག་ཆོས་ཉིད་དག་པའི ་སྙན།། འཁོར་བའི་སྐྱོན་སྤོང་ཡེ་ཤེས་དྲི་མེད་ཤངས།། ཐེ་ཚོམ་གཉིས་བསལ་པདྨ་དག་པའི་ལྗགས།། སྐྱེ་བ་རྒྱུན་བཅད་ཡེ་ནས་སྐུ་གསུང་ཐུགས།། མ་སྐྱེས་ཐིག་ལེའི་ངང་དུ་དབང་བསྐུར་རོ།། ཨ་ཡཾ་སོ་ཏི་ཏ་ཨ་ཧཱུཾ་ཨཱཿ ་སྟོང་པ་ཉིད་དང་ནམ་མཁའི་སྐུར་མཚོན་ཏེ།། སྟོང་ཞིང་བདག་མེད་མཐའ་གཉིས་རྣམ་པར་གསལ།། རྒྱ་མ་ཆད་པའི་ཡེ་ཤེས་བུམ་པའི་སྐུ།། སྟོང་ཉིད་དབྱིབས་ཟླུམ་ཡེ་ཤེས་ཐིག་ལེའི་ངང་།། རྒྱུད་གསང་རྨད་བྱུང་སྐུ་ནི ་དུ་མར་སྟོན།། མཐའ་དང་དབུས་མེད་ཡངས་པ་སྙིང་པོའི་དོན།། རང་སྣང་ཆོས་ཉིད་ཡེ་ནས་གཟུང་འཛིན་བྲལ།། ཆོས་ཉིད་ལས་ནི་སྐུ་ཉིད་སོ་སོར་གསལ།། ཡང་གསང་དོན་སྟོན་ཁ་རྒྱན་སྙིང་པོར་བཅས།། དག་པ ་ཉིད་ཀྱིས་དག་པའི་སྙིང་པོར་སྟོན།། བུམ་པའི་གཟུགས་ལ་སྐུ་བཞི་ཡེ་ཤེས་གསལ།། སྐུ་གསུམ་སྟོང་པའི་མཐའ་གཉིས་རང་སྣང་སྟེ།། ཐབས་མཁས་ཡེ་ཤེས་སྤྲུལ་པ་ཕྱོགས་བཅུར་འགྱེད།། ཚིག་དང་བརྗོད་བྱ་གཉིས ་ལས་རབ་ཏུ་འདས།། སངས་རྒྱས་དང་ནི་རིག་པ་སྟོང་ཉིད་གསལ།། ཡེ་ཤེས་དང་ནི་སྐུ་ཡང་མ་བསྒྲིབས་གསལ།། ཆོས་ཉིད་རང་བྱུང་རྟོག་མེད་པས།། མཁའ་ཀློང་དབྱིངས་སུ་དབང་བསྐུར་རོ།། ཨོཾ་ལཾ་དུ་ལང་ཏྲི་ཏ་ཧཱུཾ། ་དེ་ལྟར་རྫས་ཀྱི་དབང་རྫོགས་ནས།། ཡང་དག་དབང་ལ་འཇུག་པར་བྱ།། ཡང་དག་དབང་ལ་འཇུག་ཚེ་ན།། གཡོན་གྱི་ཡུམ་ལ་དམིགས་བྱས་ཏེ།། བྱང་ཆུབ་སེམས་ཉིད་འདྲེན་པའི་ཕྱིར།། བྷ་གའི་ནང་དུ་རི་ལུ ་གཞུག། ཕྱེད་འདྲེན་ན་ནི་ན་གཅིག་སྟེ།། ལྷག་མ་མེད་པར་རྫོགས་བྱེད་ན།། ཆེ་ཆུང་སྲན་མའི་ཚད་དུ་མཉམ།། དེས་ནི་གཉིས་ཀ་འདྲེན་པར་བྱེད།། ཐིག་ལེ་ཟློག་པར་བྱེད་པ་ན།། ཡི་གེ་འབྲུ་བཞི་དྲན་པར་བྱ།། དམར ་པོ་རང་ལ་སྟིམ་བྱེད་ན།། འབྲུ་གཉིས་དགུ་དང་བཅས་པའོ།། དེ་ལྟར་དྲན་ཞིང་གསལ་བྱས་ནས།། རྡོ་རྗེ་ཆུ་འཐུང་ཞེས་བྱར་འགྱུར།། རིལ་བུ་བཅུག་ལ་སྦྱར་བྱས་ཏེ།། དཀྱིལ་འཁོར་ནུབ་ཀྱི་ཕྱོགས་དག་ཏུ།། སྒྲུབ་པོ ་ཡབ་ཡུམ་སྦྱོར་བྱེད་པའི།། སྦྱོར་བའི་བརྡ་ཡིས་འདི་སྐད་བསྐུལ།། ཧོ་བདག་ཉིད་ལས་ནི་སྣ་ཚོགས་སྡང་། རྒྱལ་བ་ཐམས་ཅད་མཉམ་སྦྱོར་བས།། མཁའ་ལས་སེམས་བབས་འོད་དུ་ཞུ།། འོད་འཕྲོས ་སྦྱོར་བའི་བརྡས་བསྐུལ་ལོ།། ས་མ་ཡ། མཉམ་པར་སྦྱོར་ཅིག་རྡོ་རྗེ་རྒྱལ། མུཾ་ཨ། བདེ་གསལ་ལོངས་སྤྱོད་ཆོས་ཀྱི་སྐུ།། གཉིས་མེད་དབྱིངས་སུ་བརྡ་སྦྱོར་འཁྱུད།། མུཾ་ཨཱཿབདེ་ལྡན་ཕུན་སུམ་ཚོགས་པའི་ས།། རྡོ་རྗེ་ལ ་ནི་ཏི་པ་སྟེ།། པདྨ་ལ་ནི་བཛྲ་ཧཱུཾ།། སྡོམས་ཤིག་སྟོང་ཉིད་མུ་དྲ་སྟེ།། བསྟིམས་ཤིག་བྱང་ཆུབ་དབྱིངས་སུ་བསྟིམ། ཏྲ་ཏ་མ་ཧཱུཾ་ལམ། དེ་ནས་སློབ་མ་དད་ལྡན་གྱིས།། མེ་ལོང་མ་ཆགས་མ་གས་པར།། བྱང་ཆུབ་སེམས་ནི ་ལྕེ་ཡིས་བླངས།། བླངས་ཏེ་སློབ་དཔོན་ཉིད་ལ་འབུལ།། དེ་ནས་སློབ་དཔོན་གསང་བ་ཉིད།། འགྱིང་བག་ཆས་སུ་ཞུགས་ནས་ནི།། བུ་ལ་གནང་བའི་སྐབས་ཕྱེ་སྟེ།། སྟ་གོན་ཆོ་ག་རྫོགས་བྱས་ལ།། དང་པོ་སྤྱི་གཙུག། ་དབང་བསྐུར་ཏེ།། ཏིང་འཛིན་རིམ་པ་འདི་ལྟ་སྟེ།། བུ་ཡི་སྟེང་དུ་བཞག་པའི་ཚེ།། རྫས་དེ་ཡི་གེ་ཧཱུཾ་དུ་བསམ།། ཧཱུཾ་ཉིད་དམར་རྩ་དག་ཏུ་བསམ།། དེ་ནས་འོད་ཟེར་རབ་འཕྲོས་པས།། ཡི་གེ་དེ་ཉིད་ལེ་བརྒན་ཏེ།། འོད ་ཟེར་ཕྱོགས་བཅུར་འཕྲོས་པར་བསམ།། དེ་ནས་ཚངས་པའི་བུ་གར་ཐིམ།། དུང་ཁང་འབར་བར་བབས་པ་བསམ།། ཧཱུཾ་དེའི་འོད་ཟེར་འཕྲོས་པ་ལས།། ཁྲོ་བོའི་དཀྱིལ་འཁོར་མགོ་ལ་བསམ།། དེ་ནས་ཆོས་ཉིད ་རྩར་ཐིམ་པས།། ཧཱུཾ་དེ་འོད་ཀྱི་ཐིག་ལེར་བསམ།། དེ་ནས་ཙིཏྟར་ཐིམ་པར་བསམ།། ཧཱུཾ་དེ་སྣ་ཚོགས་འོད་དུ་བསམ།། དེ་ཉིད་ལས་ནི་ཞི་སྐུར་བསམ།། ཐུགས་ལ་དཀྱིལ་འཁོར་རྫོགས་པར་བསྒོམ།། དེ་ནས་ཡི་གེ་ཧཱུཾ་དེ ་ཡང་།། སྒལ་ཚིགས་ཉིད་ཀྱི་རྟ་བརྒྱུད་ནས།། ཕོ་མོ་གང་ཡིན་གསང་གནས་སུ།། ཡི་གེ་དེ་ཉིད་བབས་པར་བསམ།། བརྒྱུད་པའི་དབང་ཉིད་མ་རྫོགས་པར།། ཡེ་ཤེས་དེ་ཉིད་བརྟན་པར་བསམ།། དེ་ལྟར་བབས ་ལུགས་རྣམ་བཞི་བསྒོམ།། དེ་ལྟར་ཏིང་འཛིན་གསལ་བྱས་ལ།། བྱང་ཆུབ་སེམས་ཀྱི་སྣོད་དེ་ཡང་།། གྲུབ་མཆོག་དག་དང་ལྡན་པ་ཡིས།། གསང་བའི་གནས་སུ་གཞག་བྱ་སྟེ།། བྱང་ཆུབ་སེམས་ནི་མཱཾ་དང་ཨཱ།། དེ་ཉིད ་འོད་དུ་འཕྲོས་པ་ལས།། བྱང་ཆུབ་སེམས་ནི་འོད་དུ་བསམ།། མཱཾ་དང་ཨ་ཡིས་ཕུལ་གྱུར་ནས།། གསང་བའི་མཁའ་ལ་ཐིམ་པར་བསམ།། ཧཱུཾ་དང་གཉིས་མེད་འཁྲིལ་བར་བསམ།། གཉིས་མེད་ཡི་གེ་དེ་དག་ནི།། ཡཾ ་གྱིས་སྤངས་དག་རྩར་བསྐྱོད་ནས།། ལྟེ་བའི་རྩ་ལ་ཐིམ་པར་བསམ།། དེ་ཉིད་འོད་དུ་ཞུ་བ་ལས།། གང་དག་སྐྱེ་མེད་འདོད་པ་རྣམས།། ཡི་གེ་དེ་ཡི་བྱིན་བརླབས་ལས།། སྐྱེ་བའི་སྒོ་ཡང་བཅང་བར་བསམ།། གང་དག ་བུ་དང་ཚ་འདོད་པས།། དེ་ཡི་འོད་དང་ཟེར་ལྡན་པས།། དབང་པོའི་དངས་མ་མིག་ཏུ་བསམ།། དེ་ལ་ཤ་གཟུགས་དོད་པར་བསམ།། དེ་ནས་ཡན་ལག་རྒྱས་པར་བསམ།། སྲིད་པའི་ཤ་གཟུགས་དོད་པའོ།། དེ་ནས ་ཙིཏྟར་བརྒྱུད་པར་བསམ།། ཞི་བའི་སྐུ་ལ་ཐིམ་གྱུར་པས།། སྐུ་རྣམས་འོད་དང་ལྡན་གྱུར་པས།། ཡབ་ཡུམ་སྦྱོར་བ་བྱས་པར་བསམ།། མཁའ་ལ་སེམས་དང་འོད་འཕྲོས་པས།། ལྟེ་བའི་སྲས་ལ་དབང ་བསྐུར་བསམ།། དེ་ནས་ཡཾ་གྱིས་བསྐྱོད་ནས་ནི།། ཆོས་ཉིད་སྟོང་པའི་རྩ་བཞིར་ཧཱུཾ།། ཐིག་ལེའི་སྐུ་ལས་འོད་འཕྲོས་པས།། དངས་མ་སྙིགས་སུ་ཕྱེ་གྱུར་ནས།། དངས་མ་ལྔ་ཡི་འོད་འཕྲོས་ནས།། ཡཾ་གྱིས་དུང་ཁང་ནང ་དུ་བསྐྱོད།། དེ་ལས་འོད་ཟེར་ལྔ་བྱུང་བས།། ཁྲོ་བོའི་སྐུ་རྣམས་འོད་ལྡན་བསམ།། ཧཱུཾ་དང་ཨ་གཉིས་རྣམ་དག་པས།། ཁྲོ་བོ་ཡབ་ཡུམ་སྦྱོར་བར་བསམ།། དེ་ཉིད་ཐིག་ལེའི་སེམས་སྦྱར་བས།། བྱང་ཆུབ་སེམས་ནི་འོད ་དུ་ཞུ།། དེ་ནས་ཧཱུཾ་གིས་མར་བདས་ནས།། སྲོག་པ་རྩ་ཡི་རྟ་བརྒྱུད་ནས།། ལྟེ་བའི་སྲས་ལ་དབང་བསྐུར་བསམ།། ཐིག་ལེ་དེ་ལ་བསྟིམས་ནས་ནི།། ཧཱུཾ་དེ་སླར་ལ་ལོག་པར་བསམ།། ཧཱུཾ་ལས་སྒྲ་དང་འོད་བྱུང་བས།། བུ ་ཡི་ཚངས་པའི་བུ་ག་རུ།། ཧཱུཾ་ཉིད་འོད་དང་བཅས་པར་བསམ།། ཨ་ཉིད་མི་གནས་བྱུང་སྟེ་གནས།། མུཾ་གཉིས་རྣ་བ་གཡས་གཡོན་ནོ།། དེ་ལྟར་ཡིག་འབྲུ་རབ་གསལ་ཏེ།། སྤྱི་གཙུག་ཧཱུཾ་ཉིད་དེར་སྐུར་བསམ།། དེ་ལས ་འོད་འཕྲོས་དབང་ཆེན་སྐུ།། ཡབ་ཡུམ་བཅས་པ་རབ་གསལ་བསྒོམ།། དབང་ཆེན་ཡབ་ཡུམ་སྦྱོར་བར་བསམ།། བྱང་ཆུབ་སེམས་ཉིད་བབ་པ་ལས།། བུ་ཡི་ལུས་ཉིད་ཐིམ་གྱུར་པས།། ལུས་ཉིད་འོད་དུ་ཞུ་བར ་བསམ།། དེ་ལས་སྟོང་ཉིད་དེར་སྐུར་བསམ།། ཆོས་སྐུའི་སྲས་སུ་ཡང་དག་བསམ།། མིག་གི་ཨ་ཉིད་ལོངས་སྤྱོད་སྐུ།། བཅོམ་ལྡན་སྣང་བ་མཐའ་ཡས་བསམ།། ཡབ་ཡུམ་གྲངས་མེད་འཕྲོས་བསམས་ཏེ།། ཛཿཧཱུཾ་བཾ ་ཧོཿའི་བརྡས་བསྐུལ་ནས།། ལས་ཀྱི་ཕྱག་རྒྱར་བསྟིམ་བྱས་ཏེ།། ཡབ་ཡུམ་གཉིས་མེད་བདེ་བ་ལས།། མཁའ་ལ་བྱང་ཆུབ་སེམས་བབས་པས།། ལུས་དང་དབང་པོ་ཚིམས་བྱས་ཏེ།། ལུས་རྣམས་འོད་དུ་ཞུ་གྱུར ་ཏེ།། ལོངས་སྤྱོད་སྐུ་དང་དབྱེར་མེད་བསམ།། ལོངས་སྐུའི་སྲས་སུ་གྱུར་པའོ།། དེ་ནས་མཱཾ་ལ་དམིགས་བྱས་ཏེ།། མཱཾ་ཉིད་འོད་དུ་ཞུ་བ་ལས།། སྦྲུལ་སྐུ་རྡོ་རྗེ་འཛིན་དུ་བསམ།། དེ་ཉིད་འོད་དུ་ཞུ་བ་ལས།། རྣམ་སྣང ་མངོན་བྱང་ཡབ་ཡུམ་བསམ།། ཛཿཧཱུཾ་བཾ་ཧོཿའི་བརྡས་བསྐུལ་བས།། ལས་ཀྱི་ཕྱག་རྒྱ་བསྡོམས་གྱུར་ནས།། ཡབ་ཡུམ་གཉིས་མེད་སྦྱོར་བར་བསམ།། མཁའ་ལས་སེམས་ཕབ་འོད་འཕྲོས་པས།། བུ་ཡི་ལུས་ལ་ཐིམ ་གྱུར་ནས།། ལུས་ནི་འོད་དུ་ཞུ་ནས་ནི།། དབང་རྫོགས་མངོན་ཤེས་དྲུག་ལྡན་པའི།། སྦྲུལ་སྐུ་ཉིད་ཀྱི་སྐུ་ཐོབ་སྟེ།། སྦྲུལ་སྐུ་རྡོ་རྗེའི་སྲས་དབང་ཐོབ།། རྫོགས་སངས་རྒྱས་དང་ཆོས་སྐུ་ཐོབ།། དེ་ལྟར་དབང་ཉིད་རབ ་རྫོགས་ནས།། རྒྱུ་ནི་རྣམ་པ་བཞི་ཡིན་ནོ།། དེ་ནས་སྐུ་གསུམ་རྫོགས་པའི་དབང་།། རང་བྱུང་དབང་ཉིད་རབ་ཏུ་རྫོགས།། སྐུ་གསུམ་དབྱེར་མེད་ཐོབ་པའོ།། དབང་བསྐུར་དཀྱིལ་འཁོར་རྫོགས་བྱེད་ན།། དང་པོ་སྦྱོར ་བ་བྱེད་ཚེ་ནས།། བདག་དང་བསྒྲུབ་པའི་ཡུམ་ཉིད་ཀྱི།། སྤྱི་གཙུག་བདེ་བའི་གནས་སུ་ཡང་།། ཡི་གེ་འདི་ལྟར་བསྒོམ་པར་བྱ།། ཡུམ་ལ་མུཾ་ཉིད་མར་པོ་སྟེ།། ཡབ་ལ་ཨ་དཀར་འོད་འཕྲོའོ།། དེ་གཉིས ་འོད་འབར་འཕྲོ་འདུ་ལས།། ཚངས་པའི་བུ་གར་ཐིམ་པར་བསམ།། དེ་ཉིད་འོད་དུ་བསྡུས་པ་ལས།། ས་མ་ཡ་ཞེས་སྒྲ་བྱུང་ནས།། དམ་ཚིག་ཕྱག་རྒྱས་འཁྱུད་ནས་ནི།། ཡབ་ཡུམ་གཉིས་མེད་སྦྱར་བར་བསམ།། མཁའ ་ལས་བྱང་ཆུབ་སེམས་བབས་པས།། རྩ་བཞིའི་ནང་དུ་ཐིག་ལེ་སྟོང་།། དེ་ལས་གཟི་ལྡན་འོད་འཕྲོས་པས།། ཐིག་ལེ་དངས་སྙིགས་ཕྱེད་ནས་ནི།། དངས་མ་འོད་ཟེར་རྣམ་ལྔ་སྟེ།། སྙིགས་མ་དཀར་པོའི་ཐིག ་ལེའོ།། དངས་མ་ཙིཏྟའི་ནང་དུ་བབས།། དེ་ལས་འོད་ཟེར་རབ་འཕྲོས་པས།། དངས་མ་སིད་ཏིའི་སྒྲས་བྱུང་བས།། ཞི་བ་ཡབ་ཡུམ་བརྡས་བསྐུལ་བས།། ཆོས་ཀྱི་ཕྱག་རྒྱས་འཁྱུད་ནས་ནི།། ཡབ་ཡུམ་གཉིས་མེད་སྦྱོར ་བར་བསམ།། བྱང་ཆུབ་སེམས་ཉིད་བབས་པ་ལས།། འོད་ཟེར་སྣ་ཚོགས་འཕྲོས་པ་ཡིས།། ཆ་ཤས་འོད་ཟེར་ཐམས་ཅད་ཀྱང་།། སྒལ་ཚིགས་ཐིག་ལེ་དག་ལ་ཐིམ།། ལས་ཀྱི་རླུང་གིས་དེད་ནས་ནི།། སྒལ་ཚིགས་ཉིད ་ཀྱི་རྟ་བརྒྱུད་ནས།། གསང་བའི་མཁའ་ལ་བབས་གྱུར་ནས།། བདག་ཉིད་སྦྱོར་བའི་བརྡས་བསྐུལ་ཏེ།། ཆོས་ཀྱི་ཕྱག་རྒྱས་འཁྱུད་བྱས་ཏེ།། ཡུམ་གྱི་བསྐྱོད་བཞིས་བདེ་བ་བསྐྱེད།། ཡབ་ཡུམ་གཉིས་མེད་ལྷུན་སྦྱར ་ཏེ།། བདེ་གསང་ཆོས་ཉིད་དབང་བསྐུར་རོ།། སྙིང་པོའི་སྐུ་ཡང་དེས་ཐོབ་བོ།། དང་པོའི་སྐས་སུ་ཤེས་པར་བྱ།། དེ་ལྟར་དབང་བསྐུར་རྫོགས་ནས་ནི།། སྦྱོར་བའི་དབང་བསྐུར་འདི་ལྟར་བརྗོད།། རིགས་ངེས་བསྟན ་པའི་ཚིག་འདི་བརྗོད།། འདི་ནི་རིགས་ངེས་རྒྱལ་བའི་སྲས།། ཨེ་མ་ཧོ། དེ་རིང་ཕན་ཆད་རྒྱལ་བའི་སྐུ།། འདི་ནི་སངས་རྒྱས་ངེས་པའི་ལམ།། སྐུ་གསུམ་འབྲས་བུ་རང་སྣང་སྟེ།། ཕྱིན་ཅི་མ་ལོག་དབང་ཐོབ ་ནས།། སངས་རྒྱས་ཀུན་དང་དབྱེར་མེད་མཉམ།། རྫོགས་སངས་རྒྱས་པའི་སྐུ་ཐོབ་པས།། ཕྱིར་མི་ལྡོག་པའི་ས་ཡང་ཐོབ།། གདོད་ནས་མ་ཆགས་སྙིང་པོའི་དོན།། སྔ་མ་ཁྱོད་ཀྱིས་མ་ཐོབ་སྟེ།། དུས་འདི་ཉིད་དུ་ཐོབ ་པས་ན།། དེ་རིང་ཕན་ཆད་རྫོགས་སངས་རྒྱས།། ཡང་དག་ངེས་པའི་ས་ཐོབ་པས།། སངས་རྒྱས་ཀུན་དང་མཉམ་པར་སྦྱོར།། ཐིག་ལེ་ཉག་གཅིག་དབང་ཐོབ་བོ།། ལྔ་གསུམ་དགུ་ལ་རྫོགས་པའོ།། རྡོ་རྗེ་འཆང་གི ་གྲལ་ཐོབ་པས།། དེ་ལ་ལྷུན་གྱིས་གནས་པར་སྤྱོད།། བདག་གིས་སྲས་སུ་བྱས་ནས་ནི།། སངས་རྒྱས་ཉིད་དང་མཉམ་པ་ཡི།། རབ་ཏུ་དགྱེས་པའི་དབང་ཐོབ་བོ།། ཨ་མ་སྲ་མོང་སྟན་པ་ཤཎྜ་ཧཱུཾ། ཨ་ལྡན་བྱང་ཆུབ ་སེམས་ཀྱི་རང་བཞིན་དཀར་ལ་དངས།། མཱཾ་ལྡན་བྱང་སེམས་དམར་དང་འོད་ཟེར་འཕྲོས།། གཉིས་མེད་སྐུ་ཡང་རབ་ཏུ་གསང་བའི་ཐིག་ལེ་སྟེ།། སྐུ་གསུམ་ཡོན་ཏན་བྱང་ཆུབ་སེམས་མཉམ་པས།། བྱང་ཆུབ་སྙིང་པོ་སྐུ ་མ་ལྷུན་གྲུབ་སྐུ།། ཐ་དད་མི་འབྱེད་ཆོས་སྐུ་སྟོང་བདག་མེད།། དཀར་དང་དམར་དང་ཤེས་རབ་ཐབས་མཁས་སྐུ།། ཆོས་ཉིད་སྟོང་པ་མཁའ་ཁྱབ་ཀུན་ལ་རོལ།། ཆགས་མེད་ཆགས་པའི་ཚུལ་བསྟན ་བྱང་ཆུབ་ཉིད་ཀྱི་སྐུ།། མཚན་མ་སྤྲོས་བྲལ་གསང་བའི་ཡུམ་གྱི་དབང་།། ཐབས་མཁས་ཐུགས་རྗེ་ཆེན་པོ་ཡིན་པས་ན།། དེང་ནས་བཟུང་སྟེ་རྒྱལ་བའི་སྲས་སུའོ།། ཨོཾ་བོ་དྷི་ཙིཏྟ་ཨི་བ་ཀེ་ཡ་ཨཱ། ཨེ་མ་ངོ་མཚར་བལྟ ་བའི་དཀྱིལ་འཁོར་ཆེ།། དཀྱིལ་འཁོར་ཉིད་ལ་དཀྱིལ་འཁོར་ཉིད་བསྟན་པས།། སྔོན་ཆད་མ་བཙལ་དེང་ནས་བདག་གིས་ཤེས།། རང་གི་རང་བཞིན་ཡིན་པར་དེ་ཤེས་པས།། གཞན་ནས་མ་བཙལ་ཕྱི་ནང་དབང་ཐོབ ་པས།། གསང་བའི་དབང་དང་ཡོངས་རྫོགས་དུས་འདིར་ཐོབ།། དཔའ་བོས་གནང་བས་བཀའ་དྲིན་རབ་ཏུ་ཆེའོ།། ཧ་ཧ་ཧེ་ཧེ་རིག་ངེས་སོ།། ཨ་ཨ་ཨི་ཨི་ངོ་མཚར་རོ།། དབང་རྫོགས་ཡོན་ཡང་འབུལ་བར ་བྱའོ།། སློབ་དཔོན་ཉིད་ཀྱིས་ད་ལ་བསྡུའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། གསང་བ་མཁའ་དབྱིངས་བུམ་པའི་དབང་བསྐུར་བའི་ལེའུ་སྟེ་ཉི་ཤུ་རྩ་གཅིག་པའོ།། རྫོགས་སོ།། ་རྒྱ་གར་སྐད་དུ། དར་ས་ཡ་སིང་ཨ་ནུ་བུ་ནཱ་མ། བོད་སྐད་དུ། རྫོགས་པ་ཆེན་པོ་རང་སྣང་གི་དབང་ཞེས་བྱ་བ། བཅོམ་ལྡན་འདས་རྡོ་རྗེ་སྙིང་པོའི་སྐུ་ལ་ཕྱག་འཚལ་ལོ།། དེ་ནས་དེའི་ཚེ། དུར་ཁྲོད་ཆེན་པོའི ་གནས་སུ། འཁོར་བསམ་གྱིས་མི་ཁྱབ་པའི་ཚོགས་འདུས་ཏེ། གསང་བའི་བདག་པོས་འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བློ་འདས་རྫོགས་པ་ཆེན་པོ་དབང་།། གང་གིས་འཐོབ་པར་འགྱུར ་བ་ལགས།། འདུས་པའི་ཚོགས་ལ་བཀའ་སྩོལ་ཅིག། དེ་ནས་སྙིང་པོ་བྱང་ཆུབ་སྐུས།། ཉེ་བའི་འཁོར་ལ་བཀའ་སྩལ་པ།། ཀྱེ་མ་ཉོན་ཅིག་རྡོ་རྗེ་འཛིན།། ཡང་དག་ངེས་པའི་ལུང་འདི་ཡིས།། རྫོགས་པ་ཆེན་པོའི་གནས ་ལུགས་སྟོན།། ཀྱེ་མ་ངོ་མཚར་བསྟན་པ་ཡིས།། རྫོགས་ཆེན་སྐུ་ཡང་འདིར་བསྟན་གྱིས།། འདིར་ནི་ངེས་པའི་རྒྱལ་པོ་ཐོབ།། ཁྱད་པར་དབང་རྫོགས་བྱེད་པ་ན།། ཤིན་ཏུ་དབེན་པའི་གནས་ཉིད་དུ།། དཀྱིལ་འཁོར ་འདོམ་གང་ཚད་དུ་བྱ།། དྲི་སྣ་ལྔ་ཡི་ཆག་ཆག་གདབ།། ཐིག་གདབ་ཚོན་ནི་དགྱེ་བར་བྱའོ།། ཕོ་བྲང་ཟླུམ་པོ་དག་ཏུ་བྱའོ།། དེ་ནས་ཕྱི་རིམ་འཁོར་ལོར་བསྐོར་བྱ་སྟེ།། མཐིང་ག་ལ་སོགས་རིམ་ལྔ་བྱ།། ལྟེ་བ་ལ་ཡང ་བུམ་པ་སྟེ།། བུམ་པའི་ཕྱོགས་བཞིར་བུམ་པ་བྲི།། ཟླུམ་པོ་དེ་ཡང་བུམ་པ་བྲི།། དེ་ཡི་ཕྱི་རིམ་དག་ཏུ་ཡང་།། འཁོར་ལོ་ལྔ་རིམ་དག་ཏུ་བྱ།། འཁོར་ལོ་དེ་ཡི་དབུས་སུ་ཡང་།། ཕྱོགས་སུ་བུམ་པ་རེ་རེ་བྲི།། དེ་ལྟར ་དཀྱིལ་འཁོར་ཉིད་བྲིས་ཏེ།། སྟེང་དུ་རྫས་ཉིད་དགྲམ་པར་བྱ།། བུམ་པའི་སྟེང་དུ་བུམ་པ་རེ།། མགུལ་ཆིངས་རྒྱན་དང་བཅས་པའོ།། དེ་ནས་དཀྱིལ་འཁོར་ཉིད་ཕྲབ་སྟེ།། དེ་ཡི་སྟེང་དུ་དར་གྱི ་གདུགས།། སྣ་ཚོགས་མཛེས་པ་དག་གིས་འབུབ།། ངེས་པའི་རྒྱལ་པོ་ཐོབ་བྱའི་ཕྱིར།། མདའ་དང་མེ་ལོང་དར་སྣའོ།། དེ་ལྟར་རྫས་རྣམས་རྫོགས་བྱས་ལ།། དབང་བསྐུར་ལས་ཀྱང་རྫོགས་པར་བྱ།། དེ་ནས་ཆོས་ཉིད ་སྟོང་པ་ཡི།། རྫོགས་ཆེན་བཞི་ཡི་དབང་རྫོགས་བྱ།། སྐུ་གསུང་ཐུགས་དང་མི་འབྱེད་པར།། ཡང་དག་གསང་བའི་དབང་རྫོགས་ནས།། རྫོགས་པ་ཉིད་ཀྱང་དབང་བསྐུར་ཕྱིར།། བུ་ཉིད་དད་དང་ལྡན་པ་དེས།། དྲི་སྣ ་ལྔ་ཡིས་ལུས་བཀྲུས་ཏེ།། རྒྱན་དང་ཆ་ལུགས་མཛེས་རྒྱན་ཏེ།། ཞུ་བའི་ཚིག་རྣམས་རྫོགས་པར་བྱ།། དེ་ནས་སློབ་དཔོན་གསང་བ་ཡིས།། རང་གི་རྒྱན་ཆ་མཛེས་གོན་ལ།། འགྱིང་བའི་སྟབས་ཀྱིས་གར་བྱས་ཏེ།། དམ ་ག་ཆུ་བོ་བྱིན་ནས་ནི།། ཡེ་ཤེས་དག་པའི་དབང་བསྐུར་བྱ།། འདི་ཡི་ཐམས་ཅད་གྲོལ་བར་གསུངས།། ཡང་དག་གསང་བའི་རྡོ་རྗེ་རིགས་ལྡན་པས།། མཚན་མའི་སྐོན་བྲལ་ཡེ་ཤེས་ཆེན་པོར་སྦྱོར།། ཤར་ཉིད་ནས ་ཀྱང་ཤར་མེད་ཡང་དག་རིག་པ་ཆེ།། ཆོས་ཀྱི་སྐུ་ལས་ཆོས་སྐུའི་སྙིང་པོ་ཡང་གསང་སྟེ།། བསྒྲུབ་མེད་བསྒྲུབ་པའི་དཀྱིལ་འཁོར་ཞལ་ཕྱེས་ཏེ།། བལྟ་མེད་ལྟ་བའི་འོད་སྣང་ཆོས་སྐུར་བསྟན།། ཆོས་མེད་ཆོས་ཀྱི་སྐུ་དང ་མཉམ་པར་སྦྱོར།། ཐབས་ཀྱི་མཛད་པ་ཅི་ཡང་མཛད།། ཆོས་སྐུ་སྐྱེ་མེད་རྡོ་རྗེ་ཉིད་དུ་དབང་བསྐུར་རོ།། ཨོཾ་ལང་སྟ་ན་བཛྲ་ཤྲ་དྷ་ཡ། ཡང་དག་སྤྲོས་མེད་རིན་ཆེན་ཕུང་པོ་ལྟར།། རྫོགས་སངས་རྒྱས་དང་གཉིས་མེད ་ཡུལ་ལས་འདས།། འོད་གསལ་སྤྲོས་བྲལ་བློ་ཡི་ཡུལ་ལས་འདས།། ཆོས་མེད་བག་ཆགས་ཐམས་ཅད་སྲེག་བྱེད་པའི།། བྱང་ཆུབ་སྙིང་པོར་སྤྲུལ་པས་དབང་བསྐུར་རོ།། སྭ་ཏ་ཏྲ་ཐར་མང་། ཡང་དག་ཉིད་དུ་སྐུ་ལས ་སྣང་མཐའ་ཡས།། རིག་པའི་སྐུ་ལ་མདུན་དང་རྒྱབ་མེད་དང་།། ཤེས་རབ་རང་བྱུང་སྐུ་ནི་ཐ་མི་དད།། སངས་རྒྱས་རྣམས་ཀྱི་འོད་འདིས་དབང་བསྐུར་རོ།། ཏྲ་ཐ་རཏྣ་ཨ་བྷི་ལཿ། དྲི་མེད་རང་གསལ་དོན་ཉིད་གྲུབ་པ ་སྟེ།། ཡང་གསང་ཐུགས་ཀྱི་ཉི་མའི་འོད་ཟེར་སྟོང་།། བྱང་ཆུབ་སེམས་ནི་བྱ་བ་ཡེ་ནས་རྫོགས།། རྣམ་དག་མེད་ཀྱང་ངང་དུ་དབང་བསྐུར་རོ།། ཨ་བུ་སོ་ཏྲི་ཡ་ཧཱུཾ། དེ་ལྟར་ཡང་དག་དབང་རྫོགས་ནས།། བསྒོམ་པའི་རིམ ་པ་འདི་ལྟ་སྟེ།། ཤར་ཕྱོགས་ཆུ་ཡི་བུམ་པ་བླང་བྱས་ཏེ།། སྤྱི་བོའི་གཙུག་ཏུ་བསྐུར་བྱས་ལ།། འབྲས་བུ་གྲོལ་ལམ་དབང་ཐོབ་སྟེ།། རྫོགས་སངས་རྒྱས་དང་དབྱེར་མེད་མཉམ།། མཉམ་པ་འདི་ཡི་དབང་ཐོབ་སྟེ།། འདི ་ལྟར་བསམ་རྫོགས་དབང་བསྐུར་བྱ།། བུམ་པ་ཉིད་ལ་ཧཱུཾ་བསམ་སྟེ།། ཧཱུཾ་ཉིད་འོད་དུ་ཞུ་བ་ལས།། བུམ་པ་ཉིད་ལ་ཁྲོ་སྐུར་བསྒོམ།། དེ་ཡིས་དབང་བསྐུར་ལས་རྫོགས་བསམ།། ལྷོ་ཕྱོགས་བུམ་པ་མགྲིན་པ ་རུ།། ཨཱཿཉིད་འོད་འཕྲོས་ཐིག་ལེའི་སྐུ།། དེ་ལས་གོང་ལྟར་དབང་བསྐུར་བསམ།། ནུབ་ཀྱི་ལྟེ་བའི་གནས་སུ་བསྐུར།། ཡི་གེ་སྣ་ཉིད་འོད་ཞུ་བས།། སྐྱེ་བ་མེད་པའི་དབང་བསྐུར་བསམ།། བྱང་ཕྱོགས ་གསང་བའི་གནས་སུའོ།། ཧཱ་ལས་འོད་འཕྲོས་དགའ་བདེའི་དབང་།། དུས་དེ་ཉིད་དུ་ཐོབ་པར་བསམ།། དབུས་ཀྱི་བུམ་པ་ཐུགས་ཀ་རུ།། ཨོཾ་ལས་འོད་འཕྲོས་ཞི་སྐུར་བསམ།། ཞི་བའི་སེམས་ལ་དབང་ཐོབ ་བསམ།། དེ་ལྟར་ཏིང་འཛིན་རྫོགས་པར་བྱ།། ཨེ་མ་ཧོ།། སྟོང་པ་ཉིད་ཀྱི་སྐུ་གསུམ་མ་སྤངས་རྫོགས།། རང་གསལ་ཡིད་འོང་འོད་འཕྲོས་ཆོས་སྐུའི་ངང་།། མཁའ་མཉམ་སྙིང་པོ་ཡེ་ཤེས་ཆོས་སྐུ་ཀུན་འབྱུང་ཀློང་།། སྐུ ་གསུམ་མ་བསྐྱེད་ཆོས་ཉིད་དབྱིངས་སུ་རྫོགས།། རྒྱུ་མེད་རྐྱེན་བྲལ་རྡོ་རྗེ་སེམས་དཔའ་ཆེ།། རྡོ་རྗེ་ས་འཛིན་བློ་གྲོས་མཐའ་ཡས་ཤིང་།། རྡོ་རྗེ་སྐུ་འབར་ཡེ་ཤེས་ལྷུན་རྫོགས་བརྗིད།། རྡོ་རྗེ་སེམས་དཔའ་ཡབ་ཡུམ ་དཀྱིལ་འཁོར་ཆེ།། རྡོ་རྗེ་འབྱུང་པོ་རོ་ལངས་ཀུན་གྱི་བདག། རྡོ་རྗེ་མདའ་འཕེན་ཤེས་རབ་མཚོན་ཆ་སྟེ།། རྡོ་རྗེ་ཡངས་པ་དབྱིངས་ལ་གར་བསྒྱུར་ཞིང་།། རྡོ་རྗེའི་སྐུ་ཉིད་ཡངས་པ་ཆེ། མཚན་མ་མེད་པ་རྡོ་རྗེའི ་སྐུ།། བུམ་པ་རྡོ་རྗེ་ཐབས་སྟོབས་ཆེ།། སྐུ་དང་ཐུགས་ནི་རྡོ་རྗེའི་བདག། ཡང་དག་རྡོ་རྗེ་ཀུན་འབྱུང་ལམ།། ཡང་དག་ངེས་པའི་རྡོ་རྗེ་འདིས།། ཐམས་ཅད་དབང་གི་རྡོ་རྗེར་བསྟན།། དབང་ཉིད་ལས་ནི་རྡོ་རྗེ་འཕྲོ།། རྡོ ་རྗེ་དབང་གི་རང་བཞིན་ལས།། རྡོ་རྗེ་གསང་བའི་རྒྱལ་མཚན་ལས།། གསང་སྔགས་རྡོ་རྗེའི་དབང་ཐོབ་སྟེ།། དེང་ནས་བཟུང་ནས་རྡོ་རྗེའི་སྐུ།། རྫོགས་སངས་རྒྱས་པ་རྡོ་རྗེའི་གསུང་།། དེང་ནས་བསྐལ་པ་སྟོང་དུ ་ཡང་།། མི་འཇིག་བརྟན་པ་རྡོ་རྗེ་ཐོབ།། རང་རིག་བརྟན་པ་རྡོ་རྗེའི་སྐུ།། སྐུ་དང་ལྡན་པར་མ་གྱུར་པར།། སྐུ་གསུམ་བསྟན་པའི་དབང་ཐོབ་ནས།། འགྱུར་བ་མེད་པ་རྡོ་རྗེའི་ཐུགས།། འཁྲུལ་པ་སྤང་བས་ཡང ་དག་ཐུགས།། ཆོས་ཀྱི་སྐུ་དང་ཡང་གསང་རྡོར།། མཁའ་གསང་གཙུག་གི་ནོར་བུ་སྟེ།། ཆོས་དང་ཆོས་ལས་རབ་འདས་པའི།། ཆོས་ཉིད་དབང་ཡང་དེར་ཐོབ་བོ།། ཞེས་རྫོགས་པ་རང་བྱུང་ཆེན་པོའི་རྒྱུད ་ལས།། རྫོགས་ཆེན་རང་གི་ལྟ་བ་བསྟན་པའི་ལེའུ་སྟེ་ཉི་ཤུ་གཉིས་པའོ།། །། རྫོགས་སོ།། ། @#།། རྒྱ་གར་སྐད་དུ། ཀཱ་ཡ་ཙཀྲ་རཏྣ་ཨ་ཤ་ན་མ། བོད་སྐད་དུ། འཁོར་ལོ་རིན་པོ ་ཆེ་སྐུ་ལྟར་བསྐུར་བ་ཞེས་བྱ་བ།། བཅོམ་ལྡན་འདས་རྣམ་པར་སྣང་མཛད་ལ་ཕྱག་འཚལ་ལོ།། དེ་ནས་འདུས་པའི་འཁོར་བསམ་གྱིས་མི་ཁྱབ་པས། བཅོམ་ལྡན་འདས་དེ་དག་ལ་འདི་སྐད་ཅེས་ཞུས་སོ།། ཀྱེ་ཀྱེ་བཅོམ ་ལྡན་རྣམ་གྲོལ་བདག། འཁོར་བའི་སེམས་ཅན་འདི་དག་རྣམས།། འཁོར་བ་ཉིད་ལས་བསྒྲལ་བའི་ཕྱིར།། དཀྱིལ་འཁོར་ལྷ་ཚོགས་ཐམས་ཅད་ཀྱི།། སྐུ་ཡི་དབང་བསྐུར་ཅི་ལྟར་ལགས།། རྡོ་རྗེ་འཛིན་པས་བཀའ་སྩོལ ་ཅིག། དེ་ནས་མོས་འཁོར་དེ་དག་ལ།། རྡོ་རྗེ་འཛིན་པས་བཀའ་སྩལ་པ།། ཨེ་མ་རྡོ་རྗེ་གསང་བདག་ཉོན།། ང་ཡིས་ལེགས་པར་བསྟན་པར་བྱ།། སྟོབས་དང་ལྡན་པའི་སེམས་ཀྱིས་ཉོན།། སྐུ་ཡི་དབང ་བསྐུར་བྱེད་ཚེ་ན།། ཤིན་ཏུ་དབེན་པའི་གནས་དག་ཏུ།། དཀྱིལ་འཁོར་འདོམ་གང་གྲུ་བཞི་ལ།། དྲི་སྣ་ལྔ་ཡི་ཆག་ཆག་གདབ།། ཐིག་གདབ་ཚོན་ཡང་དགྱེ་བར་བྱ།། དེ་ལྟར་བྱས་པའི་སྟོང་ཉིད་དུ།། དབུས་སུ་རིན་ཆེན ་བུམ་པ་ཟླུམ།། ཁ་རྒྱན་མགུལ་ཆིངས་བཅིངས་པ་བཞག། ནས་ཀྱི་སྟེང་དུ་དེ་བཞག་སྟེ།། རིགས་ལྔའི་སྐུ་ཡང་དེ་བཞིན་བལྟས།། ཤར་ཉིད་དུ་ཡང་བུམ་པ་སྟེ།། རིགས་གསུམ་སྐུ་དང་གོས་དཀར་ཅན།། ལེགས་པར ་ཕྱོགས་སུ་དགྲམ་པར་བྱ།། ལྷོ་ཉིད་དུ་ཡང་བུམ་པ་སྟེ།། རིག་གསེར་ཕྲེང་དང་ཚེ་དཔག་མེད།། ཕ་རོལ་ཕྱིན་དང་སྨན་གྱི་བླ།། ལྷོ་ཡི་ཕྱོགས་སུ་དེ་བཞིན་གཞག་པར་བྱ།། ནུབ་ཏུ་ཡང་ནི་བུམ་པ་སྟེ།། རིགས་ལྔ་ཁྲོ་སྐུ ་རྣམ་པར་བཞག། བྱང་གི་ཕྱོགས་སུ་བུམ་པ་སྟེ།། སྒོ་བ་བཞི་ནི་ཕྱོགས་ཕྱོགས་བཞག། བྱང་ཤར་མཚམས་སུ་བུམ་པ་སྟེ།། རིགས་གསུམ་ཁྲོ་དང་རྣམ་འཇོམས་སོ།། ཤར་ལྷོ་མཚམས་སུ་བུམ་པ་སྟེ།། རྣམ་འཛིན་ཞལ ་དང་སྟོབས་དྲུག་དང་།། གཤིན་རྗེ་ཞགས་པ་སྟོང་ཐོགས་ཀུན་བཟང་ངོ་།། ལྷོ་ནུབ་མཚམས་སུ་བུམ་པ་སྟེ།། རིགས་ལྔའི་ཡུམ་ནི་དེ་བཞིན་བཞག། ནུབ་བྱང་མཚམས་སུ་བུམ་པ་སྟེ།། ཀྲོ་ཏི་ཤྭ་རི་ལྔ་ཉིད་དོ།། ཕྱོགས ་བཞི་མཚམས་དང་བརྒྱད་དུའོ།། དེ་ཡང་བཀྲ་ཤིས་ནས་ནི་རེ་རེའོ།། བུམ་པ་དེ་དག་རེ་རེའི་རྩར།། ཕུད་དང་བཅས་པའི་གཏོར་མ་རེ།། མཁས་པས་རབ་ཏུ་གཞག་པར་བྱ།། བྷནྡ་མཚན་ལྡན་དེ་བཞིན་ནོ།། དེ་ལྟར ་རྫས་རྣམས་བཤམས་ནས་ནི།། དབང་བསྐུར་ཆོ་ག་རྫོགས་པར་བྱ།། དེ་ནས་འདི་སྐད་བརྗོད་བྱ་ཞིང་།། གསལ་བ་གསུམ་དང་ལྡན་པའོ།། ཏིང་འཛིན་རྒྱལ་པོ་བསྒོམ་བྱ་ཞིང་།། ཚིག་དང་བཅས་པས་སྐུ་དེ་དག། རང ་རང་གནས་སུ་བསྐུར་བར་བྱ།། ཧཱུཾ་ལྔ་ལྡན་རྡོ་རྗེ་འབར་བའི་དཀྱིལ་འཁོར་དུ།། རྡོ་རྗེ་འདུ་འབྲལ་མེད་པའི་སྐུར་གསལ་ལས།། གསང་བདག་རྡོ་རྗེ་རིགས་ཀྱི་དབང་བསྐུར་ཞིང་།། རྡོ་རྗེ་འདུས་པའི་སྲས་སུ་དབང ་བསྐུར་རོ།། དཀྱིལ་འཁོར་ལྔ་དང་སྐུ་དང་ཡེ་ཤེས་དང་།། དུས་དང་གནས་དང་ཚིག་དང་རྡོ་རྗེ་ཡི།། གསང་བ་བདེ་ལྡན་རྡོ་རྗེ་གར་གྱི་བདག། བདག་དང་གཞན་དང་སྐུ་ལྔ་མཐར་ཕྱིན་ནས།། མི་འགྱུར་གསང་མཆོག ་དགྱེས་པའི་གད་མོ་ཆེ།། རིག་དང་སྟོང་དང་བྱ་དང་བྱེད་པའི་སྟོབས།། ཆོས་དང་གནས་དང་སེམས་དང་ཡིད་ལ་བསྐུལ།། ཨ་ལ་ལ་ཧོ་རྡོ་རྗེ་མོས་པ་རྩལ།། རིགས་དང་ས་དང་རྡོ་རྗེ་དྲག་པོ་རྩལ།། དཀྱིལ་འཁོར ་མཆོག་སྟོན་རྡོ་རྗེ་བཞད་པ་རྩལ།། སྟོང་དང་དགྱེས་མཆོག་རྡོ་རྗེ་འོད་འབར་རྩལ།། ཆོས་ཉིད་རང་སྣང་རྡོ་རྗེ་གཏེར་དབང་རྩལ།། དཀྱིལ་འཁོར་ཡང་གསང་རྡོ་རྗེ་རབ་བསྔགས་རྩལ།། དམར་ལྡན་ཡིད་འཕྲོག་རྡོ་རྗེ ་གསུང་ཐོབ་རྩལ།། དཀྱིལ་འཁོར་རྒྱས་མཛད་དཀྱིལ་འཁོར་རིག་འཛིན་རྩལ།། ཨེ་མ་ཧོ།། ཧེ་ཧེ་ཏི་སྟ་རྡོ་རྗེ་གསང་མཆོག་ཁྱོད།། དབང་ལྡན་དབང་གི་རིགས་ལྡན་རིགས་མཆོག་སྟེ།། འབར་བ་འོད ་འཕྲོ་འཁོར་ལོའི་གཞལ་ཡས་སུ།། བདེ་ལྡན་དབྱིངས་མཆོག་སྐུ་ལྔས་དབང་བསྐུར་རོ།། ཆོས་ཉིད་དབྱིངས་ལ་རིག་པའི་དབྱིངས་ཤར་བས།། མཐོང་བ་ཉིད་དང་ཡེ་ཤེས་ཐབས་ཀྱི་སྐུ།། ཙིཏྟ་རིན་ཆེན་འཁོར་ལོའི ་གཞལ་ཡས་སུ།། བདེ་མཆོག་ཐུགས་ཀྱི་འཁོར་ལོའི་དབང་བསྐུར་རོ།། བདེ་ལྡན་དབྱིངས་ཤར་ཤེས་རབ་དབྱིངས་ཀྱི་ངང་།། གསལ་འཚེར་ལྷུན་སྡུག་རྡོ་རྗེ་རབ་གསང་འབར།། གསང་བའི་མཁའ་དབྱིངས་བྷ་གའི ་གཞལ་ཡས་སུ།། ཆོས་ཉིད་སྤྲོས་བྲལ་བདེ་ཆེན་དབང་བསྐུར་རོ།། རྡོ་རྗེ་གསང་བ་བདེ་མཆོག་དབྱིངས་སུ་སྒྲོལ།། ཤེས་རབ་ཐབས་ལྡན་ཀ་དག་ཡངས་པའི་ངང་།། སེམས་དཔའི་དཀྱིལ་འཁོར་སེམས་མའི་རང ་བཞིན་མཆོག། ཆོས་རྣམས་དམིགས་མེད་རྡོ་རྗེ་སེམས་དཔའི་སྐུ།། ནམ་མཁའི་མཐའ་ལས་ཆོས་དབྱིངས་རོ་གཅིག་ཏུ།། ལས་རྣམས་མཐར་ཕྱིན་སྟོང་ཉིད་གདལ་བའི་སྐུ།། སེམས་དང་སྟོང་ཉིད་ཆོས་ཀྱི་སྐུ་ལ ་དབང་།། མཚན་ལྡན་སྲིད་སྐྱེད་ལྟེ་བའི་གཞལ་ཡས་སུ།། རྡོ་རྗེ་ལས་གསང་ཐུགས་ཀྱི་དབང་བསྐུར་རོ།། གསལ་བ་རབ་བརྗིད་ཡེ་ཤེས་སེམས་དཔའི་ངང་།། ཤེས་རབ་འོད་འཕྲོ་ཉོན་མོངས་ཟིལ་གྱིས་གནོན།། རྡོ་རྗེ ་མདའ་འཕེན་ཤེས་རབ་དབྱིངས་སུ་འཕེན།། དཀྱིལ་འཁོར་མཐའ་སྡུད་ཡེ་ཤེས་གསང་བའི་བདག། སངས་རྒྱས་ལྔར་ལྡན་ཐུགས་ཀྱི་ཅོད་པན་ཅན།། རིན་ཆེན་རྒྱུག་བྱེད་རྩ་བའི་གཞལ་ཡས་སུ།། མཉམ་ཉིད་འོད ་འཕྲོ་ཆོས་སྐུའི་དབང་བསྐུར་རོ།། རྡོ་རྗེ་བདེ་ལྡན་ཐུགས་ཀྱི་གསང་མཆོག་སྐུ།། ཡང་དག་གསང་བ་ཐུགས་ཀྱི་དཀྱིལ་འཁོར་བདག། གསང་ལྡན་དབྱིངས་དང་ཡེ་ཤེས་འོད་འཕྲོ་ཞིང་།། ཕྱོགས་མེད་རང་སྣང་ཆོས་སྐུའི ་དཀྱིལ་འཁོར་བདག། བདེ་ལྡན་ཆོས་དབྱིངས་གསང་བར་དབང་བསྐུར་རོ།། གསང་སྔགས་སྐུ་དང་ཡང་དག་མཐའ་འདས་དང་།། ས་རྣམས་མཐར་ཕྱིན་ཡེ་ཤེས་རྣམ་པར་དག། ཆོས་ཉིད་སྣང་སྟོང་ཀ་དག་ཉིད་དུ ་སྣང་།། བྷནྡ་གསལ་འཕྲོ་འཁོར་ལོའི་གཞལ་ཡས་དབྱིངས།། རྟོག་མེད་བསམ་ཡས་སྙིང་པོ་ལྔ་ཡི་སྐུ།། རྡོ་རྗེ་ཐུགས་ཀྱི་སྲས་སུ་དབང་བསྐུར་རོ།། དེ་ལྟར་ཚིག་དོན་རྫོགས་བྱས་ནས།། སྔགས་དང་ཕྱག་རྒྱ་འདི་ལྟར ་བསྟན།། མཁས་པ་ཏིང་འཛིན་ལྡན་པ་ཡིས།། དེ་ལྟར་ཏིང་འཛིན་ལྡན་པར་བསྐུར།། རྣམ་སྣང་མངོན་བྱང་ཕྱག་རྒྱ་ཡིས།། སྤྱི་གཙུག་གནས་སུ་རྣམ་པར་བཞག། ཨོཾ་ཨཱཧཱུཾ་སྭཱ་ཧཱ། བུདྡྷ་ཙཀྲ་པ་ཙཧཱུཾ་ཧཱུཾ། འོད་ཟེར་འཕྲོ ་འདུ་ལྡན་པ་ཡི།། མངོན་བྱང་སྐུ་དང་དབྱེར་མེད་བསམ།། གཡས་ནི་རྡོ་རྗེ་རྩེ་གསུམ་ཚུལ།། གཡོན་ན་དྲིལ་བུ་དཀྲོལ་བའི་ཚུལ།། མགྲིན་པའི་གནས་སུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧ། བཛྲ་ཙཀྲ་པ་ཙ་ཧཱུཾ་ཧཱུཾ། ལག ་གཉིས་མཉམ་པར་བཞག་པ་ཡིས།། ཐུགས་ཀའི་གནས་སུ་རྣམ་པར་བཞག། ཨོཾ་ཨཱཧཱུཾ་སྭཱ་ཧཱ།། རཏྣ་ཙཀྲ་པ་ཙ་ཨ་བྷི་ཥིཉྩ་ཛ་ཨ་ཨ་ཨ། ལག་གཉིས་མཉམ་པར་བཞག་པ་ཡིས།། ལྟེ་བའི་གནས་སུ ་བཞག་ནས་ནི།། དེ་ལ་ཡང་ནི་འདི་སྐད་དོ།། ཨོཾ་ཨཱཿཧཱུཾ་སྭཱ་ཧཱ།། པདྨ་སརྦ་ཀུ་ལ་ན་ཧ་ཧ་ཧཱུཾ་ཨ། ལག་གཉིས་མཉམ་པར་བཞག་པ་ཡིས།། དཔྲལ་བའི་གནས་སུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ།། ཀརྨ་དུཥྚཱན་གྷར་ཨཉྩ་ཧཱུཾ ་ཀྲ་བྷ་རྩ་མ་ཧྲི་ཧྲི་དྷཱི། གཡས་པ་རལ་གྲིའི་ཚུལ་བྱས་ལ།། གཡོན་པ་ཐུགས་ཀར་རྣམ་པར་བཞག། ཨོཾ་ཨཱཿཧཱུཾ་སྭཱ་ཧཱ། མ་ཛུ་ཏ་སྔ་བཛྲ་སིད་ཏི་ཧ་ཧ་ཧ། ལག་གཉིས་མཁྲིག་མ་བསྣོལ་ནས་ནི།། སྣ་ཚོགས་རྡོ་རྗེ་ཚུལ་དུ ་བྱ།། སྙིང་ག་ཉིད་དུ་རྣམ་པར་བཞག། ཨོཾ་ཨཱཿཧཱུཾ་སྭཱ་ཧ། ཨོཾ་ནཱ་ག་ལམ་བཛྲ་ཀྲོ་དྷ་ཧཱུཾ་ཧཱུཾ་ཕཊ་ཕཊ། གཡས་པ་བརྐྱངས་ཏེ་ཐུགས་ཀ་རུ།། ཐལ་མོ་སྐྱབས་སྤྲིན་ཚུལ་དུ་བཟེད།། གཡོན་པ་བརྐྱངས་ཏེ་དེ་བཞིན་ནོ།། སྙིང་ག ་དག་ཏུ་གཞག་པར་བྱ།། ལག་གཡས་གུར་ཀྱི་ཚུལ་བྱས་ལ།། སྤྱི་གཙུག་ཉིད་དུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། བེ་ཤེད་སྭཱ་ཧཱ་ཧཱུཾ། གཡས་པས་བརྡེག་པ་ལྟར་བྱས་ལ།། སྙིང་གའི་གནས་སུ་གཞག་པར་བྱ།། ཨོཾ་ཨཱཿཧཱུཾ ་སྭཱ་ཧཱ། ཨོཾ་བཛྲ་དྷྲྀཀ། སཱ་རཏྣ་དྷྲྀཀ། པཱཾ་རཱ་ག་ར་ཏི། མཱཾ་མོ་ཧ་ར་ཏི། ཨཱཾ་ཨཱ་རོ་ལི་ཀ། བཛྲ་ས་ཏྭ་ཧཱུཾ་ཧཱུཾ་སྭཱ་ཧཱ།། རྡོ་རྗེ་ཁུ་ཚུར་བསྣོལ་བྱས་ལ།། སྙིང་གའི་གནས་སུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། པྲ་ཛྙཱ་སརྦ་ཧཱུཾ་སྭཱ་ཧཱ། ་ཨ་བྷི་ཥིཉྩ་ཛ།། རིན་ཆེན་སྒྲོམ་བུ་ལྟར་བྱས་ལ།། གསང་བའི་གནས་སུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། བཛྲ་ཨཱ་ཡུ་སྭཱ་ཧ། ཧཱུཾ་ཧཱུཾ་ཨ། ལག་གཉིས་པདྨ་ལྟར་བྱས་ལ།། སྙིང་གའི་གནས་སུ་གཞག་པར་བྱ།། ཨོཾ་ཨཱཿཧཱུཾ་སྭཱ ་ཧ། ཨ་མྲི་ཏ་རུ་པ་ཧ་ལ་ཧཱུཾ། གཡོན་པ་སྡིགས་མཛུབ་ཕྱག་རྒྱ་ཡི།། ལག་པའི་མཐིལ་དུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། ཨ་ཀྲོ་རཏྣ་ཨ་བྷི་ཥིཉྩ་ཨཱ་ཨཱ། གཡས་པས་སེ་གོལ་ཕྱག་རྒྱ་ནི།། ལྟ་བའི་གནས་སུ་གཞག་པར་བྱ།། ་ཨོཾ་ཨཱཿཧཱུཾ་སྭཱ་ཧཱ། ཧ་ཡ་གྲཱི་བ་སརྦ་ཀུ་ལ་ན་སི་ཏི་ཧཱུཾ། ལག་གཉིས་ཁྱུང་གཤོག་ལྟར་བྱས་ལ།། སྨིན་ཕྲག་ཉིད་དུ་གཞག་བྱས་ལ།། ཨོཾ་ཨཱཿཧཱུཾ་སྭཱ་ཧཱ། བྷུ་བྷུ་ཀྲོ་ཏ་སརྦ་ཀྲ་ཙམ་ཨ་བྷི་ཥིཉྩ་ཧཱུཾ། ལག་གཉིས་བུམ་པ་ལྟར་བྱས ་ལ།། དཔྲལ་བའི་གནས་སུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། ཀུཎྜ་ལི་ཨ་མྲྀ་ཏ་ཀརྨ་ཧཱུཾ། ལག་པ་སྲིན་ལག་མཐེབ་སྦྱར་ལ།། ལྕེ་ཡི་སྟེང་དུ་རྣམ་པར་བཞག། ཨོཾ་ཨཱཿཧཱུཾ་སྭཱ་ཧཱ། བཛྲ་ཀྲིལ་ཧྱ་སི་སྱ་ནྱ་བྷུམ་ཕཊ།། གཡོན ་པས་ལྕག་ཀྱུའི་ཕྱག་རྒྱ་ཡིས།། སྙིང་གའི་གནས་སུ་བཟུང་བྱས་ལ།། ཨོཾ་ཨཱཿཧཱུཾ་སྭཱ་ཧཱ། ཛ་བ་རྒྱ་ཕཊ་ཕཊ་སྭཱ་ཧཱ།། ལག་གཉིས་ཞགས་པའི་ཕྱག་རྒྱ་ཡིས།། མིག་གི་གཡས་སུ་རེག་བྱས་ལ།། ཨོཾ་ཨཱཿཧཱུཾ་སྭཱ་ཧཱ། བཛྲ་སིང་ཧ་ཕཱ ་ལ་ཡཱ། བྷོ་ཏི་ཧོ་ཧོ་ཧོ།། ལག་གཉིས་འཁྱུད་བརྒྱུད་སྒྲོག་བསྡམས་ལ།། དཔུང་པ་གཡོན་དུ་གཞག་པར་བྱ། ཨོཾ་ཨཱཿཧཱུཾ་སྭཱ་ཧཱ། ཨོཾ་མང་དུ་ས་ཡ་ཧཱུཾ་ཨ་ཧོ།། གཡས་གདེངས་གཡོན་སྐུམ་ཁུ་ཚུར་གྱིས།། སྙིང་ག་ཉིད་དུ་བསྟན ་བྱས་ལ། ཨོཾ་ཨཱཿཧཱུཾ་སྭཱ་ཧཱ།། གྷ་ན་བཛྲ་ཀ་པ་ཙ་ཧཱུཾ་ཧཱུཾ། ལག་གཉིས་དགྲ་སྟའི་ཕྱག་རྒྱ་ཡིས།། པུས་མོ་གཡོན་དུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ།། ཀ་ལ་ཧྲི་སྟི་ཀུ་ལ་ན་ནྱེ་ཕཊ་ཕཊ་སྭཱ་ཧཱ། ལག་གཡས ་མགོའི་ཕྱག་རྒྱ་ཡིས།། སྤྱི་བོའི་གཙུག་ཏུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧ།། པད་མཱནྟ་ཀྲྀད་ཧཱུཾ་ཁ་ཡ་སྭཱ་ཧཱ།། གཡས་པ་རྩེ་གསུམ་ཕྱག་རྒྱ་ཡིས།། ལག་གཉིས་བུམ་པ་ལྟར་བྱས་ལ།། སྤྱི་གཙུག་དག་ཏུ་གཞག་པར་བྱ།། ཨོཾ ་ཨཱཧཱུཾ་སྭཱ་ཧ་ཙན་བཛྲ་ན་ཡེ་ཧྱེ་ཧྱེ་ཕཊ་ཕཊ་སྭཱ་ཧཱ། ལག་གཉིས་གཞུ་འགེངས་ཚུལ་དུ་བྱ།། གཡོན་གྱི་མཛུབ་མོ་སྣ་རྩེར་བཞག། ཨོཾ་ཨཱ་ཧཱུཾ་སྭཱ་ཧཱ། བཛྲ་ཀུན་རེ་སེར་སེར་ཧཱུཾ་སྭཱ་ཧཱ། ལག་གཡོན་ལྕག་ཀླུའི་ཕྱག་རྒྱ ་ཡིས།། སྙིང་ག་ཉིད་དུ་བཟུང་བྱས་ལ།། ཨོཾ་ཨཱཿཧཱུཾ་སྭཱ་ཧཱ། བཛྲ་དུ་ཤན་ཀཱ་ཡ་བཛྲ་ཧཱུཾ་ཧཱུཾ། ལག་གཉིས་ཐོད་ཕྲེང་ཕྱག་རྒྱ་ཡིས།། སྤྱི་བོར་གཙུག་ཏུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། བཛྲ་མ་འཛུ་ཀ་ཊ་ར་མ་སུ་དྷ་ཧཱུཾ་ཧཱུཾ། ལག ་གཉིས་མཉམ་པར་བཞག་པ་ཡི།། མགྲིན་པའི་གནས་སུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། སི་ལ་སི་ཧཱུཾ་ཨཱ། ལག་གཉིས་སེ་གོལ་བསྣོལ་མ་ཡི།། རྩིབ་ལོགས་གཡས་སུ་གཞག་པར་བྱ། ཨོཾ་ཨཱཿཧཱུཾ་སྭཱ་ཧཱ། མ་ནུ་པ་རི་ཤ་ཨཱ ་བྷི་ཥིཉྩ་ཧཱུཾ་ཨོཾ། གཡས་པའི་མཐབ་མས་གཡོན་མཛུབ་མནན།། རྩིབ་ལོགས་གཡོན་དུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། ཨ་ལ་ཧྲི་ཨ་བྷི་ཥིཉྩ་ཨཱ།། གཡས་པ་རལ་གྲི་ལྟ་བུ་ཡི།། ལྕེ་ཡི་སྟེང་དུ་གཞག་པར་བྱ།། ཨོཾ་ཨཱཿཧཱུཾ ་སྭཱ་ཧཱ། མཱཾ་བྷྲཱུཾ་ཨ་བྷི་ཥིཉྩ་ཨོཾ་ཧཱུཾ།། ལག་གཡོན་དག་གིས་སོར་མོ་ནི།། མཐིབ་དང་མཛུབ་དང་མཐེའུ་ཆུང་སྤྲད།། ལྷག་མ་གཉིས་ནི་བསྒྲེང་བར་བྱ།། གཡས་པས་ཐལ་མོ་གདེངས་པ་ཡིས།། ལྷག་པའི་ཁུང་དུ་གཞག་པར ་བྱ།། ཨོཾ་ཨཱཿཧཱུཾ་སྭཱ་ཧ། སྟི་མི་སརྦ་ཨ་བྷི་ཥིཉྩ་སྭཱ་ཧ། ལག་པ་རྩེ་གསུམ་བསྒྲེང་བ་ཡིས།། རྣ་ལྟག་གཉིས་སུ་བཞག་པར་བྱ།། ཨོཾ་ཨཱཿཧཱུཾ་སྭཱ་ཧ། བཛྲ་པུན་ཧ་ཨ་བྷི་ཥིཉྩ་སྭཱ་ཧ།། ལག་པ་མཐེ་བོང་བསྒྲེང་བ་ཡིས།། རྣ་ལྟག ་གཡོན་དུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། མུ་ཐ་ཤི་ཨ་བྷི་ཥིཉྩ་ཨ། ལག་གཡོན་མཐེའུ་ཆུང་མཛུབ་བརྐྱངས་ཏེ།། ལྐོག་མའི་གནས་སུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། མུཾ་ལཾ་ཧཾ་ཏི་ལ་རི་ཨ་བྷི་ཥིཉྩ་ཨཱ། ལག་གཉིས་པདྨ ་ལྟར་བྱས་ཏེ།། ནུ་མ་གཡས་སུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། ས་ལམ་ཀྲོ་ཏི་ཨ་བྷི་ཥིཉྩ་ཨ། ལག་གཡོན་རྩིབས་བཞི་ལྟར་བྱས་ལ།། མཚོགས་མའི་སྟེང་དུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། བྷི་ཤིར་ཨ་བྷི་ཤི་ཏི་ན་ཤ ་ཨཱ། ལག་གཉིས་སོར་མོ་བསྣོལ་བྱས་ཏེ།། སྤྱི་གཙུག་སྟེང་དུ་གཞག་པར་བྱ།། ཨོཾ་ཨཱཿཧཱུཾ་སྭཱ་ཧཱ། བྷི་ཤ་སྟན་ཏ་ཤ་ར་ཨ་བྷི་ཥིཉྩ་ཨཱ། སྐྱོབ་པ་མཐར་ཕྱིན་སྔགས་ལྡན་པའི།། བདེ་གཤེགས་དབུ་ཡི་དབང་བསྐུར་ནི།། བཀྲ ་ཤིས་གདུགས་ལ་བརྟེན་བྱས་ནས།། དེར་མཆོག་བུ་ལ་གནས་པར་གྱིས།། ཨོཾ་ཨཱཿཧཱུཾ་སྭཱ་ཧ། པི་བག་གྷ་ཡ་སི་ཨ་བྷི་ཥིཉྩ་ཨཱ། ལྟ་བྱེད་མ་འགགས་དོན་མཚོན་པའི།། བདེ་གཤེགས་སྤྱན་གྱིས་དབང་བསྐུར་ནི།། བཀྲ་ཤིས ་ཉ་ལ་བརྟེན་ནས་ནི།། དེང་མཆོག་བུ་ལ་གནས་པར་གྱིས།། ཨོཾ་ཨཱཿཧཱུཾ་སྭཱ་ཧཱ། པྲ་ནི་པ་ཡ་བ་ཐུ་ག་བ་ཨ་བྷི་ཥིཉྩ་ཨཱ། སྒྲ་བྱེད་ཕ་རོལ་སྒྲོལ་ལ་མཁས།། སངས་རྒྱས་ལྗགས་ཀྱི་དབང་བསྐུར་ནི།། བཀྲ་ཤིས ་པདྨ་ལ་བརྟེན་ནས།། དེང་མཆོག་བུ་ལ་གནས་པར་གྱིས།། ཨོཾ་ཨཱཿཧཱུཾ་སྭཱ་ཧཱ། ཏི་ཀ་ཏ་ཡི་སི་ཨ་བྷི་ཥིཉྩ་ཨཱ། ཆོས་རྣམས་ལམ་བྱུང་ཆོས་དབྱིངས་ཟླུམ།། སངས་རྒྱས་མགུར་གྱི་དབང་བསྐུར་ནི།། བཀྲ་ཤིས་བུམ་པ་ལ ་བརྟེན་ནས།། དེང་མཆོག་བུ་ལ་གནས་པར་གྱིས།། ཨོཾ་ཨཱཿཧཱུཾ་སྭཱ་ཧཱ། ཏིཥྛ་ཀཱ་ལ་ཤ་ཨ་བྷི་ཥིཉྩ་ཨཱ། མི་ནུབ་རྒྱལ་མཚན་ཆོས་སྐུའི་དོན།། སངས་རྒྱས་རྣམས་ཀྱི་སྐུ་ཡི་དབང་།། བཀྲ་ཤིས་རྒྱལ་མཚན་ལ་བརྟེན་ནས།། དེང ་མཆོག་བུ་ལ་གནས་པར་གྱིས།། ཨོཾ་ཨཱཿཧཱུཾ་སྭཱ་ཧ། བྷི་ཤད་དྷེ་ཨ་ཡ་ཨ་བྷི་ཥིཉྩ་ཨཱ། སྒྲ་དབྱངས་རྟོག་མེད་དོན་མཚོན་པའི།། སངས་རྒྱས་རྣམས་ཀྱི་གསུང་གི་དབང་།། བཀྲ་ཤིས་དུང་ལ་བརྟེན་ནས་ཀྱང་།། དེང་མཆོག་བུ ་ལ་གནས་པར་གྱིས།། ཨོཾ་ཨཱཿཧཱུཾ་སྭཱ་ཧཱ། པི་ཀྲ་ཡ་རྒྷ་ཨ་ཨ་བྷི་ཥིཉྩ་ཨཱ། གསལ་འོད་ལྡན་པ་དཔལ་བེའུའི་ཟུགས།། སངས་རྒྱས་རྣམས་ཀྱི་ཐུགས་ཀྱི་དབང་། བཀྲ་ཤིས་དཔལ་བེའུ་ལ་བརྟེན་ནས།། དེང་མཆོག་བུ་ལ ་གནས་པར་གྱིས།། ཨོཾ་ཨཱཿཧཱུཾ་སྭཱ་ཧཱ། ཙིཏྟ་ཡ་ཨ་བྷི་ཥིཉྩ་ཨཱ། ཐོགས་མེད་མྱུར་མགྱོགས་འཁོར་ལོའི་ཞབས།། སངས་རྒྱས་རྣམས་ཀྱི་ཞབས་ཀྱི་དབང་།། བཀྲ་ཤིས་འཁོར་ལོ་ལ་བརྟེན་ནས།། དེང་མཆོག་བུ་ལ་གནས ་པར་གྱིས།། ཨོཾ་ཨཱཿཧཱུཾ་སྭཱ་ཧཱ། ཙཀྲ་པུ་ལ་བྷིན་ཀུ་ཨ་བྷི་ཥིཉྩ་ཨཱ།། དབང་དང་ལྡན་པའི་དཀྱིལ་འཁོར་ནི།། དབང་མཆོག་རྫས་བྱིན་བྱས་ནས་ནི།། དཀྱིལ་འཁོར་ཐམས་ཅད་རྫོགས་བྱས་ཏེ།། དད་ལྡན་འཁོར་ལ་རྫོགས ་བྱ་སྟེ།། བདེ་ལྡན་གསང་མཆོག་བདེ་བའི་དབྱིངས།། ཡང་གསང་ཐུགས་ཀྱི་རྡོ་རྗེ་མཆོག། སངས་རྒྱས་ཀུན་དང་མཉམ་སྦྱོར་བས།། མཁའ་ལ་དབྱིངས་ལྡན་ཐམས་ཅད་དུ།། བདག་གིས་དབང་མཆོག་བསྐུར་བ ་བཞིན།། དེང་ནས་བཟུང་སྟེ་ཐོབ་པར་ཤོག། ཐོབ་ནས་འགྱུར་མེད་བརྟན་པར་ཤོག། ཡང་དག་གསང་བའི་དོན་ལྡན་དེས།། འཇིག་རྟེན་པ་ཡི་སྐུ་གསུང་ཐུགས།། དེང་ནས་བཟུང་སྟེ་མ་བཏང་ཞིག། ཨེ་མ་སངས་རྒྱས ་ཀུན་གྱི་དངོས།། རྡོ་རྗེ་འཆང་ཆེན་མ་བཏང་བར།། ཐུགས་ཀྱི་དཀྱིལ་དུ་ལེགས་པར་ཟུང་།། ཨ་ལ་ལ་ཧོ་རྫོགས་སངས་རྒྱས།། བདག་གིས་དེང་ནས་བཟུང་ནས་ནི།། བསྐལ་བ་བརྒྱ་སྟོང་བར་དུ་ཡང་།། བདག་གི་སྟོང ་པ་ཉིད་ཀྱི་སྐུ།། ནམ་དུ་ཡང་ནི་མི་བཏང་ངོ་།། དེ་ལྟར་དབང་རྫོགས་བྱས་ནས་ནི།། ཕྱག་རྒྱ་སྔགས་དང་བཅས་པ་རྣམས།། སྐུ་ཡི་བར་དུ་བསྐུར་ནས་ནི།། གསང་སྔགས་ལྡན་པས་རྫོགས་པར་བྱ།། ཆེ་གསང་ཆེན་པོ ་འདི་བཤད་པས།། ཐམས་ཅད་རྫོགས་སངས་རྒྱས་ཀྱི་སྐུ་ཉིད་ཐོབ།། དེ་ལྟར་གཉིས་མེད་ལམ་མཆོག་ནི།། སངས་རྒྱས་རྣམས་ཀྱི་ཡེ་ཤེས་ཐུགས།། འདི་ནི་ངེས་པའི་ཡུལ་ཡིན་པས།། ཐབས་དང་ལྡན་པའི་ཡུལ་ཡང ་ཡིན།། ཡི་དམ་སེམས་ཀྱི་དཀྱིལ་འཁོར་ནས།། ཆོས་ཀྱི་སྐུ་དང་དབྱེར་མེད་པས།། གཉིས་སུ་མེད་པ་ཐོབ་བྱའི་ཕྱིར།། འདི་ནི་ངེས་པའི་རྒྱུད་ཆེན་གསང་།། བདེ་མཆོག་ངེས་པའི་རྒྱལ་པོས ་བཤད།། གསང་བའི་གསང་མཆོག་ངེས་པའི་ལུང་།། དབང་དང་ལྡན་པའི་དབང་ཉིད་ནི།། རྫོགས་པའི་སངས་རྒྱས་རྣམས་ཀྱིས་གསུངས།། སངས་རྒྱས་རྣམས་ཀྱི་སྐུ་གསུང་ཐུགས།། རྡོ་རྗེ་གསང་བའི་ལས ་འདིའོ།། ཆོས་ཉིད་གསང་བའི་ལེགས་པའི་ལམ་རྒྱན་ནི།། སྐུ་དང་རྡོ་རྗེ་ཡིད་བཞིན་ནོར་བུའི་ཀློང་།། རྡོ་རྗེ་སེམས་དཔའི་སྐུ་གསུང་ཐུགས།། མདོར་བསྡུས་དབང་ཆེན་ཉིད་ཀྱིས་བཤད།། ཅེས་རྫོགས་པ་རང་བྱུང་ཆེན ་པོའི་རྒྱུད་ལས། འཁོར་ལོ་རིན་པོ་ཆེ་ལྟར་བཀོད་པའི་ལེའུ་སྟེ་ཉི་ཤུ་རྩ་གསུམ་པའོ།། རྫོགས་སོ།། །། @#།། རྒྱ་གར་སྐད་དུ།། རཏྣ་ཨ་བྷོ་ཥིཉྩ་ཨ་ནུ་ཙཀྲ་པྲ་སེ་ནཱ་མ། བོད་སྐད་དུ། དབང ་རིན་པོ་ཆེ་འཁོར་ལོ་རྣམ་པར་བཤད་ཞེས་བྱ་བ། བཅོམ་ལྡན་འདས་པདྨ་དབང་ལ་ཕྱག་འཚལ་ལོ།། དེ་ནས་པདྨ་དབང་ཆེན་ལ།། གསང་བའི་བདག་པོས་འདི་སྐད་གསོལ།། ཀྱེ་ཀྱེ་བཅོམ་ལྡན་དབང་ཆེན་སྐུ།། གསང ་བའི་དབང་གི་རྣམ་པའི་ཚོམ།། དབང་ཆེན་ཉིད་ཀྱི་བཀའ་སྩོལ་ཅིག། དེ་ནས་ཕྱག་ན་རྡོ་རྗེ་ལ།། གསང་བའི་གསང་བདག་ཆེན་པོ་ཡིས།། གསང་བའི་དབང་ནི་འདི་སྐད་བཤད།། ཀྱེ་རྡོ་རྗེ་འཛིན་པ་ཉོན་ཅིག། ངས ་བསྟན་ལེགས་པར་ཡིད་ལ་ཟུང་།། དབང་གི་རྣམ་པ་བཤད་བྱ་ཡི།། དཀྱིལ་འཁོར་ཚོན་དང་རྫས་རྣམས་བཤད།། སྐུ་གསུང་ཐུགས་དང་ཚོན་ཡིག་བཤད།། ཕྱི་དང་ནང་དང་གསང་བ་བཤད།། ཡོངས་སུ་རྫོགས་པ་ཆེན ་པོ་བཤད།། ཕྱི་ལྟར་བཤད་པ་འདི་ལྟ་སྟེ།། དཀྱིལ་དང་འཁོར་དང་བྷནྡ་དང་།། དཀྱིལ་ནི་དབང་གི་གཞི་ཡིན་ལ།། འཁོར་ནི་དབང་གི་ལམ་ཡིན་ནོ།། བྷན་ནི་འཛིན་པའི་དོན་ཡིན་ལ།། དྷ་ནི་གསང་མཆོག་བདེ་བའི ་གནས།། སྐུ་ནི་སྤྲུལ་པའི་གསང་མཆོག་སྟེ།། རྡོ་རྗེ་ཐུགས་ཀྱི་དོན་ཡིན་ནོ།། དྲིལ་བུ་རྟོགས་པ་མཆོག་གསང་ཡིན།། སྤྱན་ལ་དབང་ནི་བསྐུར་བ་ནི།། ཐུགས་གསང་རྡོ་རྗེའི་སྐུ་ཐོབ་ཡིན།། དྲི་མེད་སྤྱན་ནི་རྣམ་པ་ལྔ། མི ་རྟོག་ཐོབ་པ་ཐེ་ཚོམ་མེད།། རྡོ་རྗེ་ལས་ཀྱི་ཆུ་ཉིད་ནི།། རྒྱུ་གཅིག་འབྲས་བུ་ཁྱད་པར་ཆེ།། གཉིས་སུ་ཟད་ཅིང་བརྟགས་པ་གཉིས།། འཁོར་དང་མྱ་ངན་འདས་པའོ།། དགོངས་སུ་གསོལ་བའི་ཐ་ཚིག་ནི།། ཐོབ་པའི ་རྒྱུད་དང་བླང་ཟབས་སོ།། སྙན་གྱི་དབང་དག་བསྐུར་བ་ཡང་།། ཐོགས་མེད་སྙན་ནི་རྣམ་དྲུག་གིས།། དོན་དང་ལས་ནི་རྫོགས་པའོ།། ཤངས་ལ་དབང་ནི་རྫོགས་བྱེད་པ།། དྲི་ལྡན་མཚན་མ་གསུམ་ཐོབ་སྟེ།། གནས ་བྱེད་ལྗགས་ལ་དབང་བ་ན།། རོ་ལྡན་འབྲས་བུ་བརྒྱད་ཐོབ་པོ།། དེ་ལྟར་རྫོགས་བྱེད་དབང་གི་ཚིག། མཁས་པ་ཡིས་ནི་རྫོགས་པར་བྱ།། འདུས་པ་བཞི་ཡང་རྫོགས་པ་སྟེ།། མེད་པ་བཞི་ཡང་ཐོབ་པ་སྟེ།། སྣང་བ ་གསུམ་ལ་དབང་བསྐུར་ཐོབ།། རྡོ་རྗེ་གསང་ཐོབ་དྲུག་ཐོབ་སྟེ།། འཛིན་པ་བཅུ་ལས་རྣམ་པར་ཐར།། སྟོང་པ་ཉིད་ནི་རྣམ་གསུམ་རྫོགས།། སྟོང་པའི་ཡུལ་ནི་གཞི་དག་ལ།། རང་དབང་ཉིད་དུ་བསྐུར ་དབང་ཐོབ།། ལོག་པ་ཉིད་ལས་རྣམ་པར་གྲོལ།། ས་མཆོག་བཅུ་གཅིག་ཡོངས་སུ་རྫོགས།། མཚན་མ་བཅུ་དྲུག་ཟིལ་གྱིས་གནོན།། གཅིག་ལས་འབྲས་བུ་རྣམ་གསུམ་ཐོབ།། གཉིས་རྫོགས་ས་ལ་རྣམ་པར ་གནས།། མཆོག་ཏུ་ལྡན་པ་གསུམ་ཡིག་ཡིན།། བྱ་བྲལ་ཐེག་པ་གསུམ་ཐོབ་སྟེ།། སྐྱེ་མེད་འཁོར་ལོ་དྲུག་ཀྱང་བསྐོར།། ཏིང་འཛིན་དྲུག་ལ་དབང་བསྒྱུར་ཞིང་།། སྡུག་བསྔལ་གསུམ་ལས་རྣམ་པར་ཐར།། བྱེད་པའི་སྦྱོར ་བ་ཤིན་ཏུ་ཐོབ།། ཁམས་ལན་གསུམ་ལས་ནི་རྣམ་པར་བརྒལ་ཀྱང་བྱུང་། གསུམ་ལས་ནི་རྣམ་པར་རྒྱལ།། འདུས་པའི་རྩ་ནི་སྟོང་ཕྲག་ལས།། བདེ་བའི་རླུང་ནི་བརྒྱད་ཅུ་ཐོབ།། འཚེར་བའི་ཐིག་ལེ་རྣམ་དགུ་ལས།། སྟོང་པའི་བདེ ་བ་བཅོ་བརྒྱད་ཐོབ།། གསང་བ་ལུས་ནི་གསུམ་དག་ལ།། བརྟེན་པའི་འབྲས་བུ་བཅུ་བདུན་ནོ།། གསང་མཆོག་བདེ་བ་གཉིས་ལས་ནི།། འདོད་པའི་འབྲས་བུ་དྲུག་ཐོབ་བོ།། རིགས་ནི་རྣམ་པ་དྲུག་དག་ལས།། སོ་སོའི ་མཚན་ཉིད་བཅུ་གཉིས་ཐོབ།། སྟོང་ཉིད་ཤེས་རབ་བདུན་ལས་ནི།། ཟད་ཀའི་འབྲས་བུ་བདུན་ཐོབ་པོ།། གསང་བའི་དཀྱིལ་འཁོར་བཅུ་དགུ་ལས།། མུན་པ་བཅུ་གཅིག་རྣམ་པར་སངས།། རིག་པ་རྩལ་དབང་བཅོ ་བརྒྱད་ལས།། སྣང་བ་འཆར་ཚུལ་བཅོ་ལྔ་ཐོབ།། སྦྱོར་བའི་མཚན་ཡིག་དྲུག་ཅུ་ལས།། ཕྱག་མཚན་དྲུག་ཅུ་རྩ་གཉིས་གསལ།། ལྷ་ཡི་མཚན་མ་དྲུག་ཅུ་གཉིས།། སྐུ་གསུང་ཐུགས་དང་བཅས་པ་གསལ།། གཉིས་དང ་གཉིས་ལས་བཞིར་འགྱུར་དང་།། ཕྱེད་ཕྱེད་དྲུག་པ་སུམ་ཅུ་བདུན།། ལྷག་མ་ལྷག་མ་དང་པོའི་བདུན།། དྲུག་ཚོ་དག་ལ་བདུན་འགྱུར་རོ།། བརྒྱད་ཆ་ལ་ནི་ས་བོན་དངོས།། དྲུག་ཅུ་གཉིས་ནི་རྣམ་པར་གསལ། ཕྱག ་རྒྱ་རྣམ་པ་བཞི་ལྡན་ལས།། བདེ་གསང་ཕྱག་རྒྱ་བཞི་གཉིས་ཐོབ།། མཚན་མེད་སྐུ་ནི་རྣམ་དྲུག་ལས།། སེམས་ཀྱི་དཀྱིལ་འཁོར་རྣམ་ལྔ་རྫོགས།། ཀ་ལི་ཡི་གེ་བཞི་བཅུ་ལས།། མཚན་མའི་དབང་ནི་བཞི ་གཉིས་ཐོབ།། རྟགས་ཀྱི་ཕྱག་རྒྱ་བདུན་ལས་ནི།། དབང་ཆེན་འཁོར་ལོ་རྣམ་གསུམ་ཐོབ།། གསུང་གི་འཁོར་ལོ་སུམ་ཅུ་ལས།། ཐུགས་ཀྱི་ཏིང་འཛིན་ལྔ་བཅུ་ཐོབ།། གསང་བའི་སྦྱོར་ཐོབ་དྲུག་ལས་ནི།། ཡབ་ཡུམ་བདེ ་བ་སུམ་ཅུ་ཐོབ།། དོན་གྱི་སྙིང་པོ་སོ་གཅིག་ལས།། རྟགས་ཀྱི་ཕྱག་རྒྱ་ང་གཅིག་ཐོབ།། བསྒྲལ་བའི་ཡན་ལག་བཅུ་དགུ་ལས།། ཐུགས་ལྡན་དཀྱིལ་འཁོར་བརྒྱད་ཅུར་སྣང་།། ཉི་ཟླ་གཉིས་ནི་སུམ་འགྱུར་ལས།། སྐུ ་གསུམ་འབྲས་བུ་བརྒྱ་འགྱུར་ཐོབ།། ཆོ་འཕྲུལ་བརྒྱད་ཅུ་རྩ་ལྔ་ལས།། ཡི་དམ་སུམ་ཅུ་རྩ་གཉིས་སྙེད།། སྟོང་རིག་གསལ་ལྡན་ཉི་ཤུ་ལ།། རྟོགས་པའི་འབྲས་བུ་བཅུ་གཉིས་ཐོབ།། ཁྱབ་བྱེད་རླུང་ནི་ལྔ་དག་ལས།། སྐྱེ ་མེད་འབྲས་བུ་གསུམ་ཡང་ཐོབ།། རྟོག་པ་མེད་པ་ཆོས་ཀྱི་སྐུ།། རྣམ་པ་དྲུག་ནི་འདིར་སྣང་སྟེ།། ཐབས་ལྡན་བདེ་བ་ཉི་ཤུ་ཐོབ།། གསང་བའི་ངོ་བོ་གསུམ་ལ་ནི།། སྟོང་པ་ཉིད་ཀྱི་ཆོས་ལྔ ་རྫོགས།། ས་བོན་འབྲས་བུ་དྲུག་ལས་ནི།། ཟད་ཀའི་འབྲས་བུ་རྣམ་དྲུག་བཟློག། སྟོང་པའི་མཚན་མ་བསམ་ཡས་ལས།། མཐའ་བཞི་བྲལ་བའི་དྲི་མེད་ཐོབ།། ཤེས་རབ་རྣམ་པ་བཞི་དག་གིས།། མུན་པའི་རྒྱུ་ནི་རྣམ ་དྲུག་བཅད།། ཕྱོགས་མཚམས་བུམ་པ་བརྒྱད་ཀྱིས་ནི།། རྣམ་ཐར་སྟོང་པ་བཅུ་དྲུག་ཐོབ།། གསང་བའི་སྐུར་ཐབས་འདི་དག་ལས།། ཡོན་ཏན་འབྲས་བུ་བརྒྱ་རྩ་ཐོབ།། ཕྱིན་པའི་བལྟ་བ་རྣམ་བཞི་ལས།། དྲོད་རྟགས ་བཞི་བཅུ་རྩ་གཉིས་རྫོགས།། སྐུ་ཡི་རང་བཞིན་ལྔ་དག་ལས།། མཐོང་བའི་སྐྱེས་ཚུལ་གསུམ་ཡང་ཐོབ།། སྣང་བ་རྣམ་པ་བཞི་དག་ལས།། མཐོང་བའི་ཐབས་ནི་སོ་སོར་ཐོབ།། འདིར་སྣང་གཅིག་ལས་མ ་འདས་ཚེ།། བདེན་པའི་ཁྱད་ནི་རེ་རེ་ལས།། ཡུལ་ནི་སོ་སོར་གཅོད་པར་ངེས།། འབྲས་བུའི་སྣང་བ་སྐྱེས་ཚུལ་ཐོབ།། བར་གྱི་སྣང་བ་དང་པོ་ལས།། མཐོང་བའི་ཡུལ་ནི་རེ་རེ་སྟེ།། འཇུག་དང་གྲོལ་བའི་དུས ་གསུམ་ཐོབ།། སྨིན་པའི་འབྲས་བུ་ཡིད་ཆེས་གསུམ།། བར་གྱི་སྣང་བ་ཐ་མ་ལ།། འཇུག་པའི་སྣང་བ་སོ་སོ་དྲུག། མཐོང་སྟོང་ལམ་ཡང་དེ་བཞིན་ཏེ།། མུན་པའི་འཁོར་སྒོ་དྲུག་ལས་ཐར།། ཕྱེད་ཕྱེད་འདས ་པའི་མཚམས་འཇུག་ཚེ།། སྤྲུལ་པའི་རྒྱུ་ནི་རྣམ་གཉིས་ཐོབ།། ལྔ་བརྒྱ་དག་ན་གྲོལ་བར་ངེས།། གསུང་མཆོག་གསུང་ནི་དྲུག་ཕྲག་བདུན།། མ་བཅོས་རྒྱུ་ལྔ་ལས་འཕྲོས་ནས།། བཞི་ནི་རྣམ་པར་བཅད་བྱས ་ནས།། འཁྲུལ་པ་བཞི་ལས་རྣམ་པར་ཐར།། ཨཱ་ལི་སྒྲ་བསྒྱུར་སྟོང་ཕྲག་ལས།། འཇུག་པའི་ས་བོན་བདུན་ཉིད་དང་།། མཐར་ཕྱིན་ངེས་པའི་ས་ལ་ཐོབ།། གསང་བའི་ཕྱག་རྒྱ་དགུ་ལས་ནི།། སྐྱེ་མེད་མཚོན་པ་དགུ ་འཐོབ་བོ།། ཨེ་མ་ཧོ་མགོན་པོ་རྫོགས་སངས་རྒྱས།། ཐོབ་བྱེད་སྡོམ་པ་བཤད་དུ་གསོལ།། རྫོགས་སངས་རྒྱས་ཀྱིས་བཀའ་སྩལ་ཏེ།། ཀྱེ་མ་ཉེ་དབང་གསང་བའི་བདག། ཐོབ་བྱེད་རྟགས་ཀྱི་འབྲས་བུ་ལས།། ཐབས ་ནི་རྣམ་པ་སྡོམ་སྟེ་བཤད།། སྨིན་པར་བྱེད་པ་དྲུག་ཚེ་ན།། གཞི་དང་བཞེངས་དང་བཞག་པ་དང་།། ཡོངས་སུ་གྲོལ་པ་བཞི་ཡིན་ནོ།། རྫོགས་པའི་སྟོང་པ་བརྒྱད་ཚེ་ན།། ཁྲེགས་ཆོད་ཐོད་རྒལ་གཉིས་ཡིན་ནོ།། མཚན ་མ་བཞི་བཅུའི་ཚེ་ན་ནི།། རྒྱས་འདེབས་རང་གྲོལ་གཉིས་ཡིན་ནོ།། རྟགས་ཀྱི་འབྲས་བུ་དྲུག་ཚེ་ན།། དངོས་དང་མཚན་མེད་གཉིས་ཡིན་ནོ།། རབ་ཏུ་བསྐུར་དང་རྫས་དྲུག་ཆེ།། སྟོང་པ་རང་གསལ་སྐྱེད་གསུམ ་ཡིན།། ཕྱག་རྒྱ་རྣམ་པ་བཞི་ཚེ་ན།། སྟོང་དང་མཚན་མ་རྒྱས་འདེབས་སོ།། གནས་པ་དྲུག་གི་ཚེ་ན་ཡང་།། བཞག་ཐབས་རྣམ་པ་བཞི་ཡིན་ནོ།། མཚན་མ་གནས་བསྒྱུར་གསུམ་ཚེ་ན།། ཐར་ཆགས་སྐད་ཅིག་གཉིས ་ཡིན་ནོ།། བུམ་པ་བརྒྱ་རྩའི་ཚེ་ན་ཡང་།། ཐིག་ལེ་གཅིག་དང་སྟོང་ཉིད་དོ།། ལུས་ཀྱི་གནས་ལུགས་བཞི་ཆེ་ན།། རྩ་དང་རླུང་དང་ཐིག་ལེའོ།། འབབ་ལུགས་རྣམ་པ་བཞི་ཆེན།། ཡི་གེ་དགོངས་པ་འོད ་ཟེར་རོ།། རྒྱུད་པ་རྣམ་པ་བཞི་ཚེ་ན།། དམ་དང་ཆོད་དང་ཆེན་ལས་སོ།། སྒྲུབ་ཐབས་རྣམ་པ་བཞི་ཚེ་ན།། ཐབས་དང་རྒྱུ་དང་ཡོན་ཏན་ནོ།། རྫས་ནི་རྣམ་པ་བཞི་ཚེ་ན།། བདེ་འཁོར་ཆོས་དང་ལོངས་སྤྲུལ་ལོ།། ཏིང ་འཛིན་རྣམ་པ་བཞི་ཚེ་ན།། རྫོགས་དང་ཡན་ལག་མ་ཡིན་ནོ།། ཐོབ་ལུགས་རྣམ་པ་བཞི་ཚེ་ན།། ངོ་དང་ཆོས་དང་ལོངས་སྤྲུལ་ལོ།། ཡོན་ཏན་རྣམ་པ་བཞི་ཚེ་ན།། སྟོང་དང་གསལ་དང་བསྐུར་གནས་སོ།། བསྐུར་བའི ་གནས་ནི་བཞི་ཚེ་ན།། བསྟིམ་དང་ཐིམ་དང་ཐོབ་དེ་མཐོང་།། མ་བསྐུར་སྐྱོན་ནི་བཞི་ཚེ་ན།། སྡུག་དང་སྔངས་དང་བྲིད་རྟབ་བོ།། གསང་བ་རྣམ་པ་བཞི་ཚེ་ན།། ཐབས་དང་རྒྱུ་དང་ཡོན་ཏན་ནོ།། འབྱུང་བ་རྣམ་པ་བཞི ་འཚར་ན།། འབྱུང་དང་སྟོང་དང་གསལ་འཚར་རོ།། རྟོགས་ལུགས་རྣམ་པ་བཞི་ཚེ་ན།། འགུལ་དང་འཕྲིགས་དང་ལྡེམ་མེའོ།། འབྲས་བུ་རྣམ་པ་བཞི་ཚེ་ན།། སྟོང་དང་སྣང་དང་གསལ་ཕྱིན་ནོ།། ཐུགས་རྗེ་རྣམ་པ་བཞི ་ཚེ་ན།། འཕྲོ་དང་མཆེད་དང་སྐུ་རྫོགས་པའོ།། མེད་པའི་ལམ་ནི་བཞི་ཚེ་ན།། འཆར་དང་འགགས་དང་འཕྲོག་གནས་སོ།། ཐོབ་དང་རྒྱུ་མཐུན་རྣམ་བཞིན།། སྐྱེ་དང་འཆི་དང་ན་བྲལ་ལོ།། མ་བསྐུར་རྫོགས་པ་བཞི་ཚེ ་ན།། ཁྲེགས་ཆོད་ཐོད་རྒལ་རང་བཞག་གོ། རྩལ་ལས་ཤར་ལུགས་བཞི་ཚེ་ན།། ཟད་ཀར་རང་གྲོལ་ཟིལ་གནོན་ནོ།། གཞི་ལ་རྫོགས་པ་བཞི་ཚེ་ན།། མ་བསྒྱུར་མ་བཅོས་མ་བསླད་དོ།། གཞི་ལ་བསྐྱང་ཚུལ་བཞི་ཚེ ་ན།། རང་དག་རྦད་ཆོད་ཀ་དག་གོ།། ལམ་དུ་བླང་བ་བཞི་ཚེ་ན།། རང་དག་ལྷ་དང་གཞི་བཞག་གོ།། འབྲས་བུར་དྲིལ་བ་བཞི་ཚེ་ན།། ཡེ་དག་ཡེ་རྫོགས་ཡེ་ཉིད་དོ།། སྣང་བ་རྣམ་པ་བཞི་ཚེ་ན།། གཅོད་དང་བཟློག་དང ་བསྒྱུར་བཏང་ངོ་།། རིག་པ་རྣམ་པ་བཞི་ཚེ་ན།། རྟོགས་དང་གྲོལ་དང་མཐར་ཕྱིན་ནོ།། སྦྱོར་བ་རྣམ་པ་བཞི་ཚེ་ན།། ཡུལ་དང་སེམས་དང་རྟོགས་སྐུའོ།། སེམས་ལ་དབང་བ་བཞི་ཚེ་ན།། ཕྱི་ནང་གསང་པ་ཡོངས་རྫོགས ་སོ།། གསལ་བ་རྣམ་པ་བཞི་ཚེ་ན།། མ་དང་བུ་དང་ཐད་ཀའོ།། གསལ་བའི་ཡུལ་ནི་བཞི་ཚེ་ན།། རྫོགས་དང་སྣང་དང་བསྒྱུར་བའོ།། སྟོང་པ་རྣམ་པ་བཞི་ཚེ་ན།། སེམས་དང་ཆོས་དང་མཚན་མའོ།། གསལ་བའི ་གདམས་པ་བཞི་ཚེ་ན།། དངོས་དང་དངོས་མེད་རང་གསལ་ལོ།། དངོས་པོ་རྣམ་པ་བཞི་ཚེ་ན།། མཚན་མའི་མིང་དང་ཡི་གེའོ།། མཆོག་ལྡན་དངོས་གྲུབ་རྣམ་པ་བཞི་ཡི་ཚེ།། དངོས་དང་སྣང་དང་རང་བཞིན་ནོ།། སྟོང ་བཔབའི་ཐིག་ལེ་དྲུག་གི་ཚེ།། ངོ་དང་འོད་དང་ནམ་མཁའོ།། མཚན་མའི་ཡིག་འབྲུ་གཉིས་ཀྱི་ཚེ།། དཀར་དང་དམར་དང་འཕྲོ་འདུའོ།། ཐབས་དང་ཤེས་རབ་འཁྲིལ་སྦྱོར་ཚེ།། ཡུལ་དང་རིག་པ་བདེ་བའོ།། དཀྱིལ་འཁོར ་རྣམ་བཞི་བསྟིམ་པའི་ཚེ།། མི་དམིགས་གསུམ་དང་འོད་དྲུག་གོ། ལྷ་ཡི་མཚན་མ་འཇུག་ཚེ་ན།། སྟོང་ཉིད་གསུམ་དང་རང་གསལ་ལོ།། ཆོས་སྐུའི་བདེ་བ་དྲུག་ཕྱེད་ཚེ།། ས་དང་དཀྱིལ་འཁོར་རྫོགས ་སྐུའོ།། སྨིན་བྱེད་ཐོབ་པའི་ཡུལ་བཞིའི་ཚེ།། ས་བོན་མྱུ་གུ་འབྲས་བུའོ།། དགའ་བདེའི་ཡུལ་ནི་བཞི་ཚེ་ན།། སྣང་བ་རྒྱས་འདེབས་བདེ་ཆེན་རོལ།། རྟོག་མེད་ལམ་ནི་བཞི་ཡི་ཚེ།། སྣང་དང་མི་སྣང་ཆོས་མཆོག ་གོ། འཇུག་པ་རྣམ་པ་གསུམ་གྱི་ཚེ།། མཐོང་དང་རྟོགས་དང་ཐོབ་པའོ།། ལས་ཀྱི་རྣམ་པ་བཞི་ཡི་ཚེ།། རྟགས་དང་མཚན་མ་དུས་ཚོད་དོ།། རླུང་གི་འཕྲོ་འདུ་བཞི་ཡི་ཚེ།། གནས་དང་ལམ་དང་འཆར་སྒོ་གཙུན།། འགྱུར ་བའི་དུས་ཚོད་བཞི་ཚེ་ན།། གནད་དང་གཙུན་དང་བརྟན་བཟློག་གོ། ཐིག་ལེ་བདེ་བ་གཉིས་ཀྱི་ཚེ།། དྲན་དང་བསྟིམ་དང་བསྐོར་ལོག་གོ། བསྐོར་ལོག་རྣམ་པ་བཞི་ཚེ་ན།། མུཾ་དང་ཨ་དང་སྤོ་བསྡུའོ།། མཚན་མའི་ཡི ་གེ་གཉིས་ཀྱི་ཚེ།། སྒྲ་དང་མཚན་མ་ཁ་དོག་གོ།། གསང་བའི་འཕོ་འདུ་གཉིས་ཀྱི་ཚེ།། བདེ་དང་སྟོང་དང་ཁྱབ་བཞིའོ།། དྲན་པ་རྣམ་པ་བཞི་ཡི་ཚེ།། སྨིན་དང་གྲོལ་དང་བལ་བའོ།། བཀྲ་ཤིས་མཚན་མ་བཞི་ཡི ་ཚེ།། གཞལ་ཡས་རྣམ་པ་བཞི་ཡིན་ནོ།། མཚན་མ་བྷན་དྷ་བརྒྱད་ཀྱི་ཚེ།། སྐུ་དང་དབྱིངས་དང་རྣམ་ཐར་རོ།། གསལ་འཚེར་ཡུ་པ་ཅན་གྱི་ཚེ།། དབྱིངས་དང་ཐབས་དང་རབ་སྣང་ངོ་།། ཆལ་ཆེན་དུམ་བུ་གཅིག་པའི ་ཚེ།། ཉག་གཅིག་སྤྲོས་བྲལ་གཞི་རྫོགས་སོ།། དཀར་འཚེར་དམར་ལ་དངས་པའི་ཚེ།། རྒྱས་གདབ་ཏིང་འཛིན་རོ་མྱང་གཉིས་ཡིན་ནོ།། སྦྲུལ་སྡུག་ཡིད་འོང་ལྔ་ཡི་ཚེ།། འོད་དང་ཁ་དོག་མཚན་མའོ།། མུ་མེད་གསལ ་འཚེར་ལྔ་ཡི་ཚེ།། གཞི་དང་ལམ་དང་འབྲས་བུའོ།། རིན་ཆེན་རོ་མཆོག་བཅུད་ཀྱི་ཚེ།། འཛིན་དང་རྫོགས་དང་རྟོགས་པའོ།། པདྨ་སྲེ་བྱེད་ལུ་མའི་ཚེ།། ཤེས་རབ་ཡུམ་དང་སེམས་མའོ།། ལས་རྣམས་གྲུབ་བྱེད་ལས་ཀྱི ་ཚེ།། སྐུ་ལྔ་ཡེ་ཤེས་ལྔ་ཆོས་ལྔའོ།། ལས་ཀྱི་རྫས་ནི་བརྒྱད་ཀྱི་ཚེ།། བསྐུར་དང་ཐོབ་དང་འབྲས་བུའོ།། རིན་ཆེན་རྫས་ནི་བརྒྱད་ཀྱི་ཚེ།། ཐོབ་དང་གནས་དང་བརྟན་པའོ།། དཀྱིལ་དང་འཁོར་ནི་གཉིས་ཀྱི་ཚེ།། རིག ་དང་ཡེ་ཤེས་ཡུལ་ཡིན་ནོ།། སྐུ་གསུམ་ཡུལ་དང་སྣང་བའི་ཚེ།། གསལ་དང་དྲོ་དང་བསིལ་བའོ།། སྣང་དང་མུན་དང་སྣང་བསྒྱུར་ཚེ།། འདྲིས་དང་ཤེས་དང་ཐག་ཆོད་དོ།། སོ་སོའི་མཚན་ཉིད་གསལ་བའི་ཚེ།། འོད་དང ་ཁ་དོག་སྐུ་ལྔའོ།། རིག་གསལ་ཆོས་ཉིད་གཉིས་ཀྱི་ཚེ།། གནས་པ་དང་ནི་མཁའ་དབྱིངས་སོ།། གསལ་བའི་ལམ་བཞི་སྒོ་འབྱེད་ཚེ།། རིག་པ་ཡོན་ཏན་དངོས་གྲུབ་བོ།། རྫོགས་དང་གསལ་དང་འཕྲོ་བའི་ཚེ།། ཡུལ ་དང་སྣང་བ་རྟོགས་ལུགས་སོ།། སེམས་ཀྱི་ཡུལ་དང་རིག་ཡུལ་ཚེ།། གསལ་དང་འཕྲོ་དང་རྫོགས་གྲུབ་བོ།། བཤད་བྱེད་རྣམ་གཉིས་བསྐུར་བའི་ཚེ།། ཡི་གེ་ཕྱག་མཚན་འཁོར་ལོའོ།། འདས་དང་འཛིན་དང་དམ་ཚིག ་ཚེ།། གཟུང་དང་གནས་དང་སྐྱོན་ཡོན་ནོ།། གསང་བའི་དམ་ཚིག་དྲུག་གི་ཚེ།། གསུམ་དང་དྲུག་དང་ཆ་དགུའོ།། སངས་རྒྱས་གསུམ་དུ་འགྱུར་བའི་ཚེ།། འཁོར་དང་འཁྲུལ་དང་བཟློག་ལུགས ་སོ།། འབྱུང་བ་རྣམ་པ་གཉིས་ཀྱི་ཚེ།། བྱུང་ས་གནས་ས་གྲོལ་ལུགས་སོ།། རིག་པ་ཉིད་ཀྱི་གནས་ལུགས་ཚེ།། གྲོལ་ལུགས་རྟོགས་ལུགས་ཐོབ་ལུགས་སོ།། སྐྱེ་མེད་ཡུལ་ལ་གནས་པའི་ཚེ།། ལྟ་ཐབས་བཞག་ཐབས ་བསྐྱལ་ཐབས་སོ།། རང་བཞིན་རྣམ་པ་ལྔ་ཡི་ཚེ།། མིག་དང་ནམ་མཁའི་རིགས་སྣང་ངོ་།། སྟོང་པ་ཉིད་ཀྱི་ཆོ་འཕྲུལ་ཚེ།། རྫོགས་དང་རང་བཞིན་སྣང་བའོ།། གསང་སྔགས་འབྲས་བུ་བརྟག་པའི་ཚེ།། རང་བཞིན ་སེམས་དང་སྤྱོད་ཡུལ་བྲལ།། སེམས་ཀྱི་འཁོར་ལོ་གནས་བྱུང་ཚེ།། ཆོས་དང་ཆོས་མིན་འཁྲུལ་པའོ།། ཡུལ་སེམས་གཉིས་སུ་སྣང་བའི་ཚེ།། ཆོས་ཉིད་གནས་དང་འབྲས་བུའོ།། ཡང་གསང་འབྲས་བུ་གཉིས་ཀྱི ་ཚེ།། སྟོང་པ་ཉིད་དང་ཆོས་སྐུའོ།། ས་ལམ་རྣམ་པར་རྫོགས་བྱེད་ཚེ།། བཅུ་དང་ལྔ་དང་བཞི་ཡིན་ནོ།། རྟགས་དང་དབྱིངས་རིག་གསལ་བའི་ཚེ།། སྣང་བའི་ཡུལ་དང་བཟུང་ཐབས་སོ།། ཡེ་ཤེས་གཉིས་ལ་ལམ་གྱི ་ཚེ།། སྣང་དང་མུན་དང་གོ་དབྱེའོ།། གོ་བའི་དུས་ནི་རྣམ་བཞིའི་ཚེ།། ཅོག་བཞག་རང་གྲོལ་མ་བསྐྱེད་པའོ།། ཕྱི་ནང་གསལ་བྱེད་གདམས་པའི་ཚེ།། ཞིང་ཁམས་ལུས་དང་ཐིག་ལེའོ།། སྐྱོན་མེད་རང་བཞིན་དག་པའི ་ཚེ།། ཀ་དག་ལྷུན་གྲུབ་མ་ངེས་པའོ།། ལོངས་སྐུའི་མཚན་ཉིད་སྣང་བའི་ཚེ།། དཀར་དང་དམར་དང་སེར་ལྡང་ངོ་།། དེ་ནི་ཡང་དག་རྫོགས་པའི་ལམ།། གདམས་པའི་དུས་སུ་ཤེས་པར་བྱའོ།། དེ་བཞིན་གཤེགས་པ ་བཅོམ་ལྡན་འདས།། རྫོགས་པའི་སངས་རྒྱས་དབང་ཆེན་སྐུ།། དེ་དག་རྣམ་པ་བཤད་པའི་ཚོམ།། དཔའ་བོ་རྡོ་རྗེ་དབང་གི་སྐུས།། ལེགས་པར་དགོངས་ཏེ་བཀའ་སྩོལ་ཅིག། རྡོ་རྗེ་ཁྲོ་བོས་རང་སྣང་བ།། གར་ལྡན་ཉིད ་ཀྱིས་བཀའ་སྩལ་པ།། དཔའ་བོ་རྡོ་རྗེ་སེམས་དཔའི་སྐུ།། ལེགས་པར་བཤད་པར་བྱ་བ་ནི།། གང་དག་དེ་ལ་དཔེ་སྤྱོད་ཅིང་།། སྒྲ་ནི་བདུན་ཕྲག་ཉི་ཤུ་ལས།། ལྷག་མ་རྣམ་ལ་སུམ་ཆ་ཕྱེད།། དངོས་པོ་ལ་ནི་དྲུག་འགྱུར ་རོ།། ཡན་ལག་རྣམ་པ་གསུམ་གསུམ་ཕྱེད།། རབ་ཀྱིས་གདམས་པ་ཉིས་འགྱུར་ཚེ།། རབ་ཀྱིས་ལྷག་མ་ཕྱེད་ཕྱེད་དོ།། འབྲིང་ལ་གདམས་པ་ཉི་ཤུ་གཅིག། ལྷག་མ་ལ་ནི་བཞི་བཞིའོ།། ཐ་མ་ལ་ནི་ཉིས་འགྱུར ་རོ།། གསུམ་གསུམ་ལ་ནི་ཕྲག་ཡས་དྲུག། ལྷག་མ་གསུམ་ནི་རེ་རེའོ།། དེ་ནས་བཞི་ནི་དྲུག་འགྱུར་རོ།། དབང་པོའི་ཡུལ་ནི་སུམ་ཆ་སྟེ།། ལམ་ལ་ལྔ་ལྔ་ཟུང་དུ་འཇུག། བཞི་ལ་གསུམ་གསུམ་དགུ་འགྱུར་རོ།། འབྲས ་བུ་ལ་ནི་དྲུག་འགྱུར་རོ།། ལྷག་མ་རྣམས་ལ་ཕྱེད་ཕྱེད་དོ།། གསུམ་ལ་ཕྱེད་ནི་དྲུག་དྲུག་གོ། དེ་དག་རྣམས་ལ་སོ་སོའི་ལུང་།། མདོ་ནི་རྣམ་པ་བཅོ་བརྒྱད་ལས།། ལྔ་ལྔ་ཟུང་དང་ཕྱེད་འགྱུར་རོ།། བདེ་བ་སྟོང་པ་ཉིད ་ལས་ནི།། དང་པོ་བར་དང་ཐ་མར་འགྱུར།། སྟོང་པའི་ལམ་ནི་འདུས་པའོ།། དེ་རྣམས་ལ་ནི་དང་པོའོ།། བདེན་པ་འདུས་པས་བཞི་སྣང་ལ།། ལམ་ནི་དྲུག་དྲུག་ཕྱེད་སྣང་ངོ་།། དེ་ནི་གསང་བའི་གནས ་དྲུག་ཡིན།། ཆོ་འཕྲུལ་ཡིག་འབྲུ་གསུམ་དག་ཡིན།། དྲན་པ་ལ་ནི་སུམ་འགྱུར་རོ།། ཤེས་པའི་དུས་ནི་གཅིག་ཤེས་སོ།། སྣང་བ་མཐོང་བའི་ཡུལ་དུས་ནས།། ཡུལ་ལས་ཐེ་ཚོམ་གཉིས་ཡིན་ནོ།། གཉིས་གཉིས་གསུམ ་འགྱུར་དགུ་སྣང་སྟེ།། ཕྱག་མཚན་སུམ་ཅུ་རྩ་གཉིས་འགྱུར།། མཚན་མ་སྣང་བའི་རྒྱུ་དྲུག་ལས།། སོ་སོའི་ལམ་ནི་བརྒྱད་ཕྲག་གོ། གསང་བའི་ལམ་ནི་བདུན་ཅུ་གཉིས།། རྒྱུ་ལས་གནས་པ་དྲུག་འགྱུར་རོ།། རྟགས་ལ ་གཉིས་གཉིས་ལམ་འགྱུར་ཚེ།། གསང་བའི་སྐུ་གསུམ་གཉིས་ཏེ་དྲུག། དང་པོ་དཀར་དམར་གཉིས་དག་ལས།། ཐ་མ་དཀར་དམར་ལྔ་འགྱུར་རོ།། དེ་དག་རྣམས་ལ་ཕྱེད་ཕྱེད་དོ།། རྣམ་པར་འཕྲོ་བ་ཉིད་ཀྱང ་ཡིན།། རྟགས་ཀྱི་ལྷག་མ་བཞི་བཞིའོ།། བྱ་བྲལ་འབྲས་བུ་ཐོབ་པའི་ཚེ།། ལྷག་མའི་ངེས་ཤེས་སུམ་ཆ་ཕྱེད།། སྟོང་པ་ཉིད་ནི་བདུན་འགྱུར་རོ།། ལྷག་མའི་འབྲས་བུ་གཅིག་ཏུ་གསལ།། ཆོས་ཀྱི་རྒྱུ་ནི་བདུན་གཉིས ་ལས།། རྟོགས་པའི་འབྲས་བུ་དེ་ཕྲག་གོ། གཅོད་བྱེད་ཤེས་རབ་དེ་བཞིན་ཆ།། དང་པོ་ལས་ཀྱི་ཕྱེད་བཀྱེད་པ།། རང་རང་སྣང་བ་རྫོགས་པར་བཤད།། དེ་འོག་ལས་ནི་ཉིས་འགྱུར་ལས།། དབང་གི་སྣང་བ་ཉིས་འགྱུར ་རོ།། ཕྱེད་མ་ལས་ནི་ཕྱེད་འགྱུར་བ།། དེ་ཡི་འབྲས་བུ་རྫོགས་པའོ།། དེ་དག་དྲུག་ཆ་ཉིས་འགྱུར་ལས།། ཟད་ཀའི་འབྲས་བུ་རྫོགས་པའོ།། དེ་ཡི་སྣང་གསུམ་རྫོགས་པ་ལས།། ཞིང་ཁམས་རྣམ་པ་དྲུག་འགྱུར ་རོ།། ལས་ཀྱི་འབྲས་བུ་ཉིས་འགྱུར་ལས།། དབང་རྫོགས་འབྲས་བུ་གཉིས་ཡིན་ནོ།། དབང་རྫོགས་འབྲས་བུ་ཉིས་འགྱུར་ལས།། རང་བཞིན་དབང་གི་འབྲས་བུ་དྲུག། དེ་ནི་ཕྱེད་དང་ཉིས་འགྱུར་ལས།། བཞི་རྫོགས ་དབང་གི་འབྲས་བུའོ།། དེ་ཡི་རང་བཞིན་དྲུག་ལས་ནི།། ལམ་གྱི་དབང་གི་འབྲས་བུའོ།། དེ་ཡི་གཅོད་བྱེད་ཉིས་འགྱུར་ལས།། རང་བཞིན་དབང་བའི་འབྲས་བུ་དྲུག། དེ་ནི་ཕྱེད་དང་ཉིས་འགྱུར་ལས།། བཞི་རྫོགས ་དབང་གི་འབྲས་བུའོ།། དེ་ཡི་རང་བཞིན་དྲུག་ལས་ནི། ཁམས་ཀྱི་དབང་གི་འབྲས་བུའོ།། དེ་ཡི་གཅོད་བྱེད་རྣམ་དྲུག་ལས།། རིག་པ་རྩལ་དབང་འབྲས་བུའོ།། དེ་ཡི་འགྱུར་མེད་འབྲས་བུ་ལས།། འབྲས་བུའི་དབང ་གི་འབྲས་བུའོ།། དེ་ཉིད་རྣམ་པ་གསུམ་ལས་ནི།། གཞི་ལམ་དབང་གི་འབྲས་བུའོ།། དེ་ཡི་ལུང་ནི་རྣམ་བཞི་ལས།། ཡིད་ཆེས་དབང་གི་འབྲས་བུའོ།། དེ་ཡི་ལས་ནི་རྣམ་བདུན་ལས།། མཚོན་པ་དབང་གི་འབྲས ་བུའོ།། དེ་ལྟར་རྫོགས་བྱེད་ལམ་ལྔ་ལས།། བློ་གཞན་དབང་གི་འབྲས་བུའོ།། དེ་ལྟར་རྟོགས་པའི་སྐྱེས་བུ་དེས།། སྐྱེ་མེད་ས་ལ་རྣམ་པར་ཕྱིན།། མཐར་ཕྱིན་དབང་གི་འབྲས་བུའོ།། རྫོགས་སངས་རྒྱས་དང་མཉམ་སྦྱོར ་བ།། དཀྱིལ་འཁོར་ཐམས་ཅད་མ་བསྒྲུབས་འགྲུབ།། ཐེ་ཚོམ་རྟོག་པ་ཆོད་པའོ།། ཞེས་རྫོགས་པ་རང་བྱུང་ཆེན་པོའི་རྒྱུད་ལས། དབང་རིན་པོ་ཆེ་འཁོར་ལོ་རྣམ་པར་བཤད་པའི་ལེའུ་སྟེ་ཉི་ཤུ་རྩ་བཞི ་པའོ།། རྫོགས་སོ།། ། གཏེར་ནས་གཏེར་དུ་སྩལ་བ་ལགས།། སྔགས་ཀྱི་སྲུང་མས་སྲུང་ཤིག་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ།། དེ་ནས་སྒྲ་ཐམས་ཅད་གཏན་ལ་ཕབ ་པའི་མན་ངག་དོན་དང་ཡེ་ཤེས་ཀྱི་འབྲེལ་པ། གསང་སྔགས་ཀྱི་ལྷ་ཕུག་དོན་ཐམས་ཅད་ཀྱི་འདུས་ས། ཡེ་ཤེས་ཆེན་པོའི་མདོ་འདི་བསྟན་ཏེ། དེ་ལ་སྒྲའི་སྡོམ་བྱང་འདི་ལྟ་སྟེ། ཐམས་ཅད་དུ་སྒྲ་གར་གྲགས་པར། ་རང་བཞིན་རང་བྱུང་གི་ཐུགས་རྗེའི་ཡི་གེར་འདི་ལྟར་ཤེས་པར་བྱའོ།། དེ་ལ་འོག་ནས་བཤད་དེ། ཨཿནི་སྐྱེ་མེད་ཀྱི་ཡི་གེར་ཀུན་ཏུ་ཤེས་པར་བྱའོ།། ཧ་ནི་དག་པའི་ཡི་གེར་ཤེས་པར་བྱའོ།། ས་ནི་མི་འགྱུར་བའི་ཡི ་གེར་ཤེས་པར་བྱའོ།། ཤ་ནི་ཤེས་རབ་ཀྱི་ཡི་གེར་ཤེས་པར་བྱའོ།། ལ་ནི་གཅོད་བྱེད་ཀྱི་ཡི་གེར་ཤེས་པར་བྱའོ།། ར་ནི་རང་བྱུང་ཐུགས་རྗེའི་ཡི་གེར་ཤེས་པར་བྱའོ།། ཡ་ནི་རང་སྣང་གི་ཡི་གེར་ཤེས་པར་བྱའོ།། འ་ནི ་འགག་མེད་ཀྱི་ཡི་གེར་ཤེས་པར་བྱའོ།། ད་ནི་མཚོན་པའི་ཡི་གེར་ཤེས་པར་བྱའོ།། ཀ་ནི་སྐུ་གསུམ་གྱི་ཡི་གེར་ཤེས་པར་བྱའོ།། ཁ་ནི་གཉིས་སྣང་གི་ཡི་གེར་ཤེས་པར་བྱའོ།། ག་ནི་སྐྱོབ་པའི་ཡི་གེར་ཤེས་པར ་བྱའོ།། ང་ནི་འཁོར་བའི་ཡི་གེར་ཤེས་པར་བྱའོ།། ཙ་ནི་ལྕི་བའི་ཡི་གེར་ཤེས་པར་བྱའོ།། ཆ་ནི་རྒྱན་གྱི་ཡི་གེར་ཤེས་པར་བྱའོ།། ཛ་ནི་སྣང་བའི་ཡི་གེར་ཤེས་པར་བྱའོ།། ཉ་ནི་ཤེས་པའི་ཡི་གེར་ཤེས་པར་བྱའོ།། ཏ་ནི ་རྟག་པའི་ཡི་གེར་ཤེས་པར་བྱའོ།། ཐ་ནི་ཤིན་ཏུ་འཐུག་པའི་ཡི་གེར་ཤེས་པར་བྱའོ།། ད་ནི་ཆད་པའི་ཡི་གེར་ཤེས་པར་བྱའོ།། ན་ནི་ལུས་ཀྱི་ཡི་གེར་ཤེས་པར་བྱའོ།། པ་ནི་སྟོང་པའི་ཡི་གེར་ཤེས་པར་བྱའོ།། ཕ ་ནི་ཐབས་ཀྱི་ཡི་གེར་ཤེས་པར་བྱའོ།། བ་ནི་མ་རིག་པའི་ཡི་གེར་ཤེས་པར་བྱའོ།། མ་ནི་གཞི་མཉམ་པའི་ཡི་གེར་ཤེས་པར་བྱའོ།། ཙ་ནི་ལམ་གྱི་ཡི་གེར་ཤེས་པར་བྱའོ།། ཚ་ནི་འབྱུང་བའི་ཡི་གེར་ཤེས་པར་བྱའོ།། ཛ ་ནི་འཛིན་པའི་ཡི་གེར་ཤེས་པར་བྱའོ།། མཚན་མ་ལམ་གྱི་ཡི་གེ་ནི།། ཝ་ཞེས་བྱ་བ་ཤིན་ཏུ་ཉུང་ངོ་།། ཞ་ནི་བཞག་ཐབས་ཀྱི་ཡི་གེར་ཤེས་པར་བྱའོ།། ཟ་ནི་སྣང་བ་རང་ལོག་པའི་ཡི་གེར་ཤེས་པར་བྱའོ།། དེ་ལ ་འདོགས་དང་ཡན་ལག་ནི།། དང་པོའི་དབང་དུ་འབོད་པར་བྱའོ།། སྒྲ་མི་ཤེས་པའི་ཡི་གེ་ནི་འདི་ལྟ་སྟེ།། ཐ་ལ་རབ་བཏགས་བྱུང་བ་ནི།། ཐར་ཞེས་འབོད་པར་བྱའོ།། ཨ་ཡང་དེ་བཞིན་ནོ།། དེ་བཞིན་དུ་ན་དང་། ཞྭ ་དང་། ཟ་དང་། འ་དང་། ཨ་དང་། ར་བཏགས་མི་འབྱུང་བ་ཐམས་ཅད་ལ་དེ་བཞིན་དུ་འབོད་པར་བྱའོ།། ཏ་ལ་ཡ་བཏགས་བྱུང་བ་ན།། ཏད་ཅེས་བྱ་བར་འབོད་པར་བྱའོ།། ཐ་ལ་བྱུང་ན།། ཚེ་ཞེས་བྱ་བ་འབོད ་པར་བྱའོ།། ད་ལ་བྱུང་ན།། སྲིད་ཅེས་བྱ་བ་འབོད་པར་བྱའོ།། ན་ལ་བྱུང་ན།། སྣིར་ཞེས་འབོད་པར་བྱའོ།། འ་ལ་འབྱུང་ན་འོད་ཅེས་འབོད་པར་བྱའོ།། ཙ་ལ་བྱུང་ན་ཙན་ད་ཞེས་འབོད་པར་བྱའོ།། ང ་ལ་བྱུང་ན། ཏྲི་ཞེས་འབོད་པར་བྱའོ།། ཉ་ལ་བྱུང་ན་མཉན་ཞེས་འབོད་པར་བྱའོ།། ས་ལ་བྱུང་ན། སིན་ཞེས་འབོད་པར་བྱའོ།། ཨ་ལ་བྱུང་ན། བྲིད་ཅེས་འབོད་པར་བྱའོ།། ཙ་ལ་བྱུང་ན། འདུད་ཅེས་འབོད་པར ་བྱའོ།། ཆ་ལ་བྱུང་ན།། ཨོཾ་ཞེས་འབོད་པར་བྱའོ།། ཛ་ལ་བྱུང་ན། ལྟེ་བ་ཞེས་འབོད་པར་བྱའོ།། ཧ་ལ་བྱུང་ན།། སིབ་ཞེས་འབོད་པར་བྱའོ།། དེ་མ་ཡིན་པའི་མི་རིགས་པ་གང་ལས་བྱུང་ཡང་།། འོད་ཅེས་བྱ་བར་འབོད ་དོ།། དེ་ཡང་རྡོ་རྗེ་སེམས་དཔའི་སྒྲ་དོན་གྱི་མན་ངག་ཏུ་བཤད་པའོ།། དེ་བཞིན་སྒྲ་ལས་ཐབས་གྱི་ཡན་ལག་འབྱུང་བར་བསྟན་པའོ།། སྔགས་ཀྱི་གཏན་ཚིགས་རྒྱས་པར་བསྟན་པའི་ལེའུ་སྟེ་ཉེར་ལྔ ་པའོ།། །། ཨི་ཐི། གྷུ་ཧྱ། ཁ་ཟ་མ་རྫོགས་སོ།། རྫོགས་པ་རང་འབྱུང་གི་རྒྱུད་མ་བུ་བཅུ་གཉིས་པ་རྫོགས་སོ།། །། ཤག@ ་