| Wylie | e-texts produced with BDRC’s OCR application |
རྒྱ་གར་སྐད་དུ། མ་ཧཱ་སནྟི་ས་མནྟ་བྷ་དྲ་ཛྙཱ་ན་པྲ་ཀ་ཊ་ཤ་སྟྲཻ་ཏནྟྲ་པཤྩི་མ་ཙ་པཤྩི་མ་ན་མ། བོད་སྐད་དུ།། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད། ཕྱི་མའི་ཡང་ཕྱི་མ་ཞེས ་བྱ་བ་བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་འཁོར་རྣམས་ལ་བཀའ་སྩལ་པ།། ཀྱེ་ཉོན་ཅིག་རྡོ་རྗེ་འཛིན་པ་རྣམས།། རིག་པ་སྟོང ་གསལ་རྟོགས་འདོད་ན།། དང་པོ་སེམས་ཉིད་བཟུང་བ་དང་།། དེ་ནས་ལམ་དུ་བསླང་བར་བྱ།། ཞེས་བཀའ་སྩལ་ཏོ།། དེ་ནས་རྡོ་རྗེ་སེམས་དཔས་གསོལ་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རིག་པ་སྟོང་གསལ ་རྟོགས་འདོད་པ།། སེམས་བཟུང་རིམ་པ་ཇི་ལྟར་ལགས།། དེ་སྐད་ཅེས་ནི་གསོལ་པའི་ཚིག་གསན་ནས།། རྡོ་རྗེ་འཛིན་པས་བཀའ་སྩལ་པ།། སེམས་བཟུང་རིམས་པ་འདི་ལྟ་སྟེ།། མཐོ་དང་རི་མོ་འཇམ་རླུང ་དང་།། ཐིག་ལེ་གདུགས་དང་འཁོར་ལོ་དང་།། ཡིག་འབྲུ་དང་ནི་ཤེས་རབ་མ།། སློབ་དཔོན་འགྲན་རླུང་ནམ་མཁའོ།། ཞེས་གསུངས་སོ།། རྒྱུད་ཕྱི་མའི་ཕྱི་མ་ལས་ལེའུ་སྟེ་དང་པོའོ།། །། དེ་ནས་གཞན་ཡང ་བཀའ་སྩལ་པ།། དང་པོ་མཐོ་ལ་བཟུང་བ་ནི།། མདུན་དུ་མཐོ་ལ་གཏད་དེ་བཟུང་།། རི་མོ་དག་ལ་བཟུང་བ་ནི།། བདེ་བའི་སྟན་ལ་འདུག་པ་དང་།། མདུན་དུ་རི་མོའི་ནང་དུ་བཟུང་།། འཇམ་རླུང་དག་ལ་བཟུང་བ ་ནི།། སྟེང་འོག་པར་རླུང་གར་བདེར་བཟུང་།། ཐིག་ལེ་དག་ལ་བཟུང་བ་ནི།། སྨིན་མཚམས་དག་གམ་སྣ་རྩེ་རུ།། ཐིག་ལེ་དག་ལ་གཏད་ལ་བཟུང་།། དེ་བཞིན་གདུགས་ལ་བཟུང་བ་ནི།། འོག་ཏུ་རྒྱ་གདུགས་འཁོར་ལོ ་བཟུང་།། འཁོར་ལོ་དག་ལ་བཟུང་བ་ནི།། ཤོ་གུའི་གདུགས་བྱ་བླ་ན་བསྐོར།། སྣ་རུ་བདུག་པ་རྣ་བར་སྒྲ།། མ་ཡེངས་གཏད་ལ་བཟུང་བར་བྱ།། ཡིག་འབྲུ་དག་ལ་བཟུང་བ་ནི།། སེམས་ཀྱི་གནས་པ་བཞི་རུ་ཡང་།། ཨ ་ལ་སོགས་པའི་ཡིག་འབྲུ་དག་ལ་གཟུང་བར་བྱ།། ཤེས་རབ་མ་ལ་བཟུང་བ་ནི།། མཁའ་གསང་བརླབས་ཤིང་དབང་པོ་སྤྲད།། ཐིག་ལེ་གཅིག་ཤོར་གཉིས་ལ་བཟུང་།། སློན་དཔོན་དག་ལ་བཟུང་བ་ནི།། སྤྱི་བོའི ་གཙུག་ཏུ་བསམ་ལ་བཟུང་།། དྲག་རླུང་དག་ལ་བཟུང་བ་ནི།། ཤེས་པའི་འགྲེན་རྟེན་བྱས་ལ་བཟུང་།། ནམ་མཁའ་དག་ལ་བཟུང་བ་ནི།། ཁྲུ་གང་དག་ལ་གཏད་ལ་བཟུང་།། ཞེས་གསུངས་སོ།། རྒྱུད་ཕྱི་མའི་ཕྱི་མ ་ལས། སེམས་བཟུང་བའི་ལེའུ་སྟེ་གཉིས་པའོ།། །། དེ་ནས་ཡང་བཀའ་སྩལ་པ།། ཉོན་ཅིག་དཔལ་ལྡན་རྡོ་རྗེ་འཛིན།། སེམས་འཛིན་པ་ཡི་དུས་ཉིད་དུ།། ཡོན་ཏན་སྐྱོན་དུ་སྣང་བའི་ཕྱིར།། སྐྱོན་རྣམས་བཅོས ་པ་འདི་ལྟར་བྱ།། རླུང་སྐྱེས་པར་ནི་གྱུར་པ་ན།། དེ་ནས་རྒོད་ཅིང་གཉིད་མི་ཕེབས།། དེ་ལ་སྐུ་མཉེ་བཅུད་ཅན་བསྟེན།། སེར་པོ་དམར་པོའི་སྣང་བའོ།། དེ་ལ་བསིལ་བར་བསྒོམ་ཤིང་བསིལ།། སྨན་བསིལ་ཟས་ནི ་བཅུད་ཅན་བཏང་།། བད་ཀན་སྐྱེས་ན་ཅད་འཁྲོག་བྱེད།། དང་ག་མི་བདེར་གྱུར་པ་ན།། ཁ་ཟས་བསིལ་བཏང་བཅག་པར་བྱ།། སེམས་འཛིན་པ་ཡི་བར་དུ་ཡང་།། གཡེངས་པའི་འཁྲུལ་པ་ཟག་བཅད ་ལ།། མ་ཡེངས་པར་ནི་བཟུང་བར་བྱ།། སེམས་ནི་མ་ཟིན་བར་དུ་ཡང་།། མཚན་མོའི་སེམས་འཛིན་ཁ་དོན་དང་།། སེམས་ཀྱི་རྒྱུ་འགྲུལ་བཅད་དེ་ཡང་།། དེ་ནས་སེམས་འཛིན་བརྟན་པ་དང་།། རིག་པ་སྟོང་གསལ་ལྟ། ་བ་སྟེ།། དེ་ཡིས་དང་གནས་བསྒོམ་པའོ།། དེ་ལ་མ་ཡེངས་སྤྱོད་པ་ཡིན།། དེ་ལས་འབྲས་བུ་སྐུ་དང་ནི།། ཡེ་ཤེས་ལྔ་རུ་སྣང་བའོ།། དེ་ནི་ལམ་དུ་བསླང་བའི་དོན་ཞེས་གསུངས་སོ།། རྒྱུད་ཕྱི་མའི་ཕྱི་མ་ལས། སྐྱོན ་བཅོས་པའི་ལེའུ་སྟེ་གསུམ་པའོ།། །། དེ་ནས་དཔལ་ལྡན་ཀུན་ཏུ་བཟང་པོས། རྡོ་རྗེ་སེམས་དཔའ་ལ་སོགས་པའི་འཁོར་རྣམས་ལ་བཀའ་སྩལ་པ། རྒྱུ་འདི་ལ་མ་ཚང་བ་ཁ་སྐོང་བའི་རྒྱུད་ཕྱི་མའི་ཕྱི་མ་ཞེས ་སྟེ། འཁོར་བ་ཐམས་ཅད་མྱ་ངན་ལས་བསྒྲལ་ཞིང་། སྐུ་དང་ཡེ་ཤེས་སུ་ལ་ཟླ་བའི་ཕྱིར། ཤིན་ཏུ་གཅེས་པར་གྱིས་ལ་བཟུང་ཞིང་བཅང་བར་བྱའོ།། ཞེས་བཀའ་སྩལ་ཏེ། སྟོང་གསལ་དུ་སངས་རྒྱས་པར་གྱུར ་ཏོ།། རྒྱུད་ཕྱི་མའི་ཕྱི་མ་ལས། འཁོར་རྣམས་ལ་རྒྱུད་གཏད་པའི་ལེའུ་སྟེ་བཞི་པའོ།། །། རྫོགས་པ་ཆེན་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མའི་ཕྱི་མ་ཞེས་བྱ་བ་རྫོགས་སོ།། ཤྲཱི་སིདྷ་དང་ཡང་དབང ་གཏེར་གྱིས་བསྒྱུར།། འདི་མཚམས་ཕྱི་མ་གསང་བའི་རྒྱུད་དང་མཐར་ཟུག་གི་རྒྱུད་འཛུད།། ། @#།། རྒྱ་གར་སྐད་དུ། ཛྙཱ་ན་ཙཀྲ་ཏནྟྲ། བོད་སྐད་དུ། ཡེ་ཤེས་འཁོར་ལོའི་རྒྱུད། བཅོམ ་