Wylie

e-texts produced with BDRC’s OCR application

རྒྱ་གར་ས་སྐྲྀ་ཏའི་སྐད་དུ། ཏི་ལ་ཀ་པྲ་བསྟན་པྲ་ཀ་ཊ་ཏནྟྲ་མ་ཧཱ་ནཱ་མ། བོད་སྐད་དུ། སྤྲོས་བྲལ་དོན་གསལ་ཆེན་པོའི་རྒུད་ཅེས་བྱ་བ། དཔལ་རྡོ་རྗེ་འཆང་ཆེན་པོ་ཐམས ་ཅད་མཁྱེན་པའི་སྐུ་གསུང་ཐུགས་ལ་ཕྱག་འཚལ་ལོ།། སུམ་ཅུ་རྩ་གསུམ་གྱི་གནས་བརྩེགས་པ་མེད་པའི་ཁང་བཟང་ཆེན་པོ་ན། ལྷ་ཡི་དབང་པོ་བརྒྱ་བྱིན་ཞེས་བྱ་བ་ལྷ་རྣམས་ཀྱི་གཙོ ་བོར་གྱུར་པ། འཁོར་ལྷ་ཕྲན་མང་པོས་བསྐོར་ནས་བཞུགས་པ་དེས་ལྷ་མ་ཡིན་གྱི་འཁྲུག་པ་ཆེན་པོ་བྱེད་པའི་གཡུལ་ངོར་བཟློག་ནས་བདེ་བ་ལ་འགོད་པའི་མན་ངག་དྷརྨ་སརྦ་ཏི་ལ་ཨ ་ཀ་ཧཾ་རུ་བི་ཏི་ཀ་ཡ་ཏྲི་རུ་ཀ་རུ་ས་དུ་པ་ཧི་ན་མ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རང་རིག་རྟོགས་པ་མངོན་གྱུར་གྱི་རྡོ་རྗེ་འཆང་ཆེན་པོ་དེ། སྐུ་ཡེ་ཤེས ་རྩལ་སྣང་ལ་རང་བཞིན་མེད་པ། སྐུ་མདོག་སྣ་ཚོགས་སུ་བཞུགས་པ། ཆ་ལུགས་མཉམ་པའི་སྐྱིལ་མོ་ཀྲུང་ལ། ཕྱག་རྒྱ་ཆོས་འཆད་པའི་ཚུལ་དུ་མཛད་པ། ཡེ་ཤེས་ཀྱི་སྐུ ་ཡིན་པའི་ཕྱིར། ཞལ་ཕྱོགས་བཅུ་ཀུན་ཏུ་མ་འགགས་པར་ཐལ་ལེ་གསལ་བ། གནས་རང་བཞིན་གྱིས་རྣམ་པར་དག་པ་པད་མ་བདེ་གསལ་ཞེས་བྱ་བ། ཡེ་ཤེས་ཀྱི་རྩལ་འོད་དུ་མ ་འགགས་པར་ཤར་བ་ལས་རྒྱུ་གྲུབ་སྟེ་ཁ་དོག་ལྔ་ཡིས་རྒྱུ་བྱས། དབྱིབས་གྲུ་བཞིར་གྱུར་པ། རྩིགས་པ་རིན་པོ་ཆེ་ཁ་དོག་ལྔས་བྱས་པ། ཕོ་བྲང་ཟླུམ་པོ། འཁོར་ལོ་རྩིབས་བཞི་མུ་ཁྱུད ་ཀྱིས་བསྐོར་བ། གྲུ་ཆད་དང་བཅས་པ། བར་འཁྱམས་ལྷ་མོ་དང་ལྡན་པ། སྒོ་བཞི་རྟ་བབས་དང་བཅས་པ། འདོད་ཡོན་གྱི་སྣམ་བུ་ལ་མཁའ་འགྲོ་མ་སྣ་ཚོགས་དང་བཅས་པ། མཐའ་རྡོ ་རྗེའི་རྭ་བ་པད་མས་བསྐོར་བ། དེ་དག་སྣང་ལ་རང་བཞིན་མེད་པ། བར་སྣང་གི་གཞའ་ལྟ་བུ། དེ་ལྟ་བུའི་གཞལ་ཡས་ཁང་ཆེན་པོ་ན། སྟོན་པ་བཅོམ་ལྡན་འདས་རྡོ་རྗེ་འཆང་ཆེན་པོ།། འཁོར་ཡེ་ཤེས་ཀྱི་རྩལ་མ ་འགགས་པ་རིགས་ལྔར་སྣང་བ་དང་། གཞན་ཡང་ཡེ་ཤེས་ཀྱི་རྩལ་མ་འགགས་པ་སེམས་དཔའ་དང་། སེམས་མ་དང་། ཁྲོ་བོ་དང་། ཁྲོ་མོ་དང་། ཞུ་བ་པོའི་འཁོར་གསང་བའི་བདག་པོ་ཕྱག་ན་རྡོ་རྗེ་དང་། སྡུད་པ ་པོའི་འཁོར་དགའ་རབ་རྡོ་རྗེ་དང་། གཞན་ཡང་མཁའ་འགྲོ་མ་རྣམ་པ་ལྔ་སྟེ། པུརྞ་ཉེ་བར་ཞི་བ་དང་། རྡོ་རྗེ་ཁྲོ་གདོང་མ་དང་། གཙུག་གི་རྒྱན་གཅིག་མ་དང་། རོ་ཟན་ཤཱནྟི་ཐོད་པའི་ཕྲེང་བ་ཅན་དང་། རྡོ་རྗེ་རླུང་གི་ག ་ཤོག་པ་ཅན་དང་ལྔ་སྟེ། དེའི་རང་རང་ཉེ་འཁོར་ན་མཁའ་འགྲོ་མ་གྲངས་མེད་པ་དང་བཅས་པས་བསྐོར་ནས་བཞུགས་སོ།། དེའི་ཚེ་གསང་བའི་བདག་པོས་སྣ་དྲངས་ཏེ། འཁོར་རྣམས་ཀྱིས་བསྐོར་བ་ལན་བདུན་བྱས ་ཏེ་མདུན་དུ་འདུག་ནས་སྟོན་པ་ལ་འདི་སྐད་ཞུས་སོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ།། རང་རིག་དོན་རྟོགས་རྩལ་ལ་དབང་ཐོབ་པ།། སྐུ་གསུམ་ལྷུན་གྲུབ་ལོངས་སྐུའི་ཚུལ་དུ་བཞུགས།། རིག་པ་སྤྲོས་དང ་བྲལ་བ་ཆོས་སྐུར་རྫོགས།། འགྱུ་བའི་རྩལ་མི་འགག་པས་སྦྲུལ་སྐུར་འཆར།། སྣང་ལ་རང་བཞིན་མ་གྲུབ་ལོངས་སྐུའི་ཚུལ།། འཁྲུལ་རྟོག་གཉིས་ཀ་བསལ་བས་འགྲོ་དོན་འབྱུང་།། དུས་ཀྱི་སྙིགས་མ་དག་ལ་ཉེ་བའི ་ཚེ།། ཐེག་དགུ་བགྲོད་པའི་ལམ་ནི་གྲུབ་ཐག་རིང་།། ཉོན་མོངས་དུག་ལྔ་རྒྱུད་ལ་ཤིན་ཏུ་སྨིན།། ཡིད་སྨོན་ལྟ་བ་གོམས་ཀྱང་བློ་ཡི་ཆོས།། རང་རིག་ཇི་ལྟར་ཡིན་པའི་དོན་རྟོགས་ནས།། རྩལ་གཉིས་ཇི ་ལྟར་འཆར་ཡང་རང་གྲོལ་བའི།། ཡུལ་གྱིས་གནོད་མི་ནུས་པའི་གདམས་ངག་ཏུ།། ཚིག་གི་སྒྲོན་མས་དོན་ཆེན་མཚོན་ནས་ནི།། ཚིག་དོན་འབྲེལ་བའི་གཏན་ལ་ཕེབས་ངེས་པའི།། བཀླགས་པས་ཤེས་ནས་དེ་ཡིས ་དོན་གོ་བས།། ཆོས་སྐུ་ཅིག་ཆར་བསྟན་པའི་གདམས་ངག་ཏུ།། སྤྲོས་བྲལ་དོན་གསལ་རྒྱུད་ཆེན་མན་ངག་ཞུ།། མ་རིག་མུན་པས་ཆོས་སྐུ་བསྒྲིབས་ལགས་ན།། རང་རིག་སྒྲོན་མས་ཆོས་སྐུ་བསྟན་པར་ཞུ།། ཞེ་སྡང་མ ་ཡིས་རང་རྒྱུད་བསྲེགས་ལགས་ན།། ཡེ་ཤེས་བདུད་རྩིས་མེ་ཆེན་བསད་པར་ཞུ།། མ་རིག་མུན་པས་ཤེས་རབ་རྨོངས་ལགས་ན།། ཡེ་ཤེས་སྒྲོན་མས་གཏི་མུག་བསལ་བར་ཞུ།། འདོད་ཆགས་ལན་ཚའི་ཆུ་ཡིས་གདུང ་ལགས་ན།། ཡེ་ཤེས་བདུད་རྩིས་གདུང་བ་བསལ་བར་ཞུ།། ང་རྒྱལ་རི་བོས་རང་རིག་མནན་ལགས་ན།། རང་རིག་དོན་རྟོགས་རི་བོ་བསལ་བར་ཞུ།། ཕྲག་དོག་གཅོང་རོང་ལྟ་བུས་བསྡམས་ལགས་ན།། སྤྲོས་བྲལ ་དོན་རྟོགས་གཅོད་རོང་བསལ་བར་ཞུ།། སྐྱེ་རྒས་ན་འཆིའི་ཆུ་བོ་མ་བརྒལ་ན།། ཡེ་ཤེས་གྲུ་ཡིས་ཆུ་བོ་བསྒྲལ་བར་ཞུ།། སྲིད་པའི་ལ་ཆེན་དག་ལ་མ་བསྒྲལ་ན།། རང་གྲོལ་སྲིད་པའི་ལ་ལས་བསྒྲལ་བར་ཞུ།། འཁོར ་བའི་གཡེ་ཟང་ཆེན་པོར་བསྐྱོད་ལགས་ན།། ཡེ་ཤེས་བརྩོན་འགྲུས་རྟ་ཡིས་བསྒྲལ་བར་ཞུ།། གཟུང་འཛིན་ལྕགས་སྒྲོག་རང་རྒྱུད་བཅིངས་པ་ལ།། ཡེ་ཤེས་ལྡེ་མིག་ལྕགས་སྒྲོག་དབྱེ་བར་ཞུ།། བདག་ཏུ་ལྟ་བའི་བརྩོན ་ར་དམ་པོར་ཆུད་ལགས་ན།། ཐུགས་རྗེས་སྒོ་དབྱེ་བདག་འཛིན་དགྲོལ་བར་ཞུ།། མ་རྟོགས་འཁྲུལ་པའི་འདམ་གྱིས་ཟིན་ལགས་ན།། ཡེ་ཤེས་ཆུ་བོས་འདམ་རྫབ་བཀྲུ་བར་ཞུ།། ལོག་རྟོགས་འཛིན་པའི་གཅོང་ནད ་ཟིན་པ་ན།། ཡེ་ཤེས་སྨན་པས་གཅོང་ནད་གདོན་པར་ཞུ།། ལོག་རྟོགས་ཆད་པའི་མཐའ་རུ་ལྷུང་བ་ལ།། ཡེ་ཤེས་གསལ་ཆའི་ངང་གི་མཐའ་ལས་གདོན་པར་ཞུ།། ཐེག་དགུས་ཕྱོགས་རྟོགས་ཡང་དག་དོན་མ ་རྟོགས།། ཡང་དག་དོན་ཆེན་མ་ནོར་བསྟན་པར་ཞུ།། ཆོས་རྣམས་ལྡེམ་དགོངས་བློ་སྣ་སྟོར་བ་ལ།། ངེས་དོན་ཅར་ཕོག་དག་ཏུ་བསྟན་པར་ཞུ།། རང་ངོ་མ་ཤེས་ལྟ་བ་སྤྱི་སར་ལས་པ་ལས།། རང་རིག་རང་ལ་ཅར་ཕོག ་བསྟན་པར་ཞུ།། ལོག་སྣང་རིག་པར་བསྲེས་པའི་གྲུབ་མཐའ་ལ།། སྐུ་གསུམ་རྩལ་དང་བཅས་པའི་མན་ངག་ཞུ།། ཞི་གནས་མུན་པས་ཡེ་ཤེས་འཐིབས་པ་ལ།། ཡེ་ཤེས་ལྷག་མཐོང་སྒྲོན་མ་འདེགས་པར་ཞུ།། རྟག ་པ་ཐེར་ཟུག་ནད་ཀྱིས་ཟིན་པ་ལས།། རང་བཞིན་སྟོང་པས་རྟག་པ་གཞིག་པར་ཞུ།། ཚིག་ཚོགས་ཐ་སྙད་བྱེད་སྙིང་འཛིན་པ་ལ།། རྩ་བ་རང་རིག་སྙིང་པོ་བསྟན་པར་ཞུ།། ཚིག་གི་སྒྲོན་མས་དོན་གྱི་དཔེར་མཚོན ་ནས།། དེ་རྣམས་རྟོགས་པའི་གདམས་ངག་ཆེད་པོ་རུ།། ཚིག་དང་དོན་གཉིས་དུས་གཅིག་སྟོན་པ་ཡི།། བཀླགས་པས་ཤེས་ཤིང་བསྟན་པས་གོ་བའི་ཆོས།། རིན་ཆེན་ཀུན་འབྱུང་སྤྲོས་བྲལ་དོན་གསལ ་གྱི།། མན་ངག་བཤད་པའི་རྒྱུད་ཆེན་བཤད་པར་ཞུ།། སྔར་འདས་ཤཱཀ་ཐུབ་ལ་སོགས་སྟོན་པ་ཡིས།། རྒྱུད་དྲུག་ཉོན་མོངས་ཀུན་གྱི་གཉེན་པོ་རུ།། ཐེག་དགུ་ལ་སོགས་བརྒྱད་ཁྲི་བཞི་སྟོང་རྣམས།། རིག་པ་ཅར་ཕོག ་དག་ཏུ་བསྟན་པ་མེད།། རང་རིག་ཅར་ཕོག་དག་ཏུ་བསྟན་པར་ཞུ།། ཐུགས་རྗེ་མངའ་བདག་རྡོ་རྗེ་འཆང་ཆེན་གྱིས།། དུས་ཀྱི་སྙིགས་མའི་གདུལ་བྱའི་དོན་ཆེད་དུ།། ཐོས་བསམ་སྒོམ་ལ་རག་མ་ལས་པ་ཡིས།། རང ་རིག་སྙིང་པོ་སྤྲོས་དང་བྲལ་བའི་དོན།། ཅིག་ཆར་ཅར་ཕོག་དག་ཏུ་བསྟན་པར་ཞུ།། དེ་སྐད་ཞུས་པའི་དོན་གསན་ནས།། གསང་བདག་ལ་སོགས་འདུས་པའི་ཚོགས་རྣམས་དང་།། མ་འོངས་གདུལ་བྱ་རྣམས་ཀྱི་དོན ་ཆེད་དུ།། རང་རིག་རང་རྟོགས་རྡོ་རྗེ་འཆང་ཆེན་ངས།། འདུས་པའི་ཚོགས་དང་མ་འོངས་དོན་ཆེད་དུ།། སྔར་བཤད་གཞན་གྱིས་བསྟན་པ་མེད་པ་ཡི།། ཐོས་བསམ་སྒོམ་པར་རག་ལས་མེད་པའི་དོན།། རང་རིག་ཆོས ་སྐུ་ཅར་ཕོག་བསྟན་པ་ཡི།། ཚིག་ཆུང་དོན་ཆེ་གོ་བར་སླ་བའི་ཆོས།། བསྟན་པ་ཙམ་གྱིས་བློ་དམན་ཀུན་གྱིས་རྟོགས།། ཆོས་རྣམས་ཀུན་གྱི་སྙིང་པོ་དོན་ཆེན་ཡིན།། འཁོར་འདས་ཐེག་པ་ཀུན་གྱི་རྩ་བ་ཡིན།། ལུང་མདོ ་མན་ངག་ཅིག་ཆར་པ།། རྒྱུད་ཀྱི་སྙིང་པོ་རང་རིག་ཅར་ཕོག་དོན།། དོན་འདྲིལ་མཐའ་གཅོད་སྤྲོས་བྲལ་དོན་ཆོད་བསྟན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གླེང་གཞི་དང་གླེང་བསླང ་བའི་ལེའུ་སྟེ་དང་པོའོ།། །། ཀྱེ་གསང་བའི་བདག་པོ་ཕྱག་ན་རྡོ་རྗེ། རྩེ་གཅིག་གུས་པས་ང་ལ་ཉོན། བར་སྣང་གི་ངོ་བོ་མ་གྲུབ་པ་ལ། གང་ཟག་ལ་ལ་ལ་ནམ་བསྲོས། ལ་ལ་ལ་ཉི་མ་ཤར། ནམ་བསྲོས་པ་ནི་སྣང་བ ་གསལ་བ་མེད་དེ། མུན་པའི་སྨག་ཆེན་པོར་སོང་། ཉི་མ་ཤར་བ་ནི་མུན་པའི་སྐྱེ་མཆེད་དག་ནས་ཉི་མ་ནུབ་མི་སྲིད་དོ།། ཨ་ཛྙཱ་ན་དྷརྨ་ཀཱ་ཡ། མུན་པའི་སྨག་ཆེན་པོ་དེ་བསལ་བའི་ཐབས་དེ་གང་གིས་བྱ་བ་དང་། མུན ་པའི་སྨག་ཆེན་པོ་དེ་བསལ་ནས་ཉི་མ་ལ་ནུབ་པ་མེད་པའི་དགོངས་པ་བསྟན་པའོ།། དེ་ལ་གང་ཟག་གི་རྒྱུད་ལ་འཆར་ལུགས་ནི། དང་པོ་གཞི་དུས་བསྟན་པ་དང་། དེ་ནས་རྟོགས་དུས་བསྟན་པ་དང་། དེ་ནས་འཁྲུལ ་དུས་བསྟན་པ་དང་། དེ་རྟོགས་དུས་གོམ་པས་དག་ལུགས་དང་། མཐའ་རུ་དག་པ་ཆེན་པོ་བསྟན་པའོ།། ཞེས་གསུངས་སོ།། གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ།། གང་ཟག་སྣོད ་ལྡན་ཕྱི་མའི་དོན་ཆེད་དུ།། བསྟན་པས་གོ་ཞིང་བཀླགས་པས་ཤེས་པའི་རྒྱུད།། རྩ་རྒྱུད་བཤད་རྒྱུད་གསང་བ་མན་ངག་རྒྱུད།། གཅིག་ཏུ་དྲིལ་ཞིང་ཟབ་ཅིང་རྒྱས་པ་ཞུ།། བཅོམ་ལྡན་རྡོ་རྗེ་འཆང་གིས་ཡང་གསུངས ་པ།། ལྔ་བརྒྱ་ཐ་མ་དུས་ཀྱི་སྙིགས་མ་ལ།། ཉོན་མོངས་རག་པས་སྡུག་བསྔལ་དྲག་པོ་འབྱུང་།། སྡུག་བསྔལ་དྲག་པོས་དད་པ་རགས་པ་བསྐྱེད།། དད་པ་རགས་ཀྱང་རྒྱུ་འབྲས་ཆོས་ལ་སྤྱད་དབང ་མེད།། དེ་དུས་བསྟན་པ་ཙམ་གྱིས་གོ་བ་ཡི།། བཀའ་རྒྱུད་ཀུན་གྱི་རྩ་བའི་མན་ངག་འདི།། གདུལ་བྱ་དྲང་ཕྱིར་སྟོན་པ་ང་ཡིས་བཤད།། དང་པོ་གཞི་ཡི་གནས་ལུགས་བསྟན་པ་དང་།། བར་དུ་བཟང་རྩལ་ངན་རྩལ ་གཉིས་སུ་འཆར་ལུགས་བསྟན་པ་དང་།། ངན་རྩལ་དག་ལས་འགྲོ་ལ་ཐབས་ཐུན་མོང་ཁྱད་པར་བསྟན་པ་དང་།། གྲོལ་ནས་རྩལ་འཆར་ཐིམ་དུས་བསྟན་པའོ།། གཞི་ནི་འཁོར་འདས་གཉིས་ཀའི་གཞི་ཡིན་ཏེ།། དེ་ཡི ་གནས་ལུགས་མཚོན་ལུགས་རྒྱས་པར་བཤད།། རྩལ་ནི་གཞི་ཡི་རྩལ་དེ་རྟོགས་འཁྲུལ་གཉིས།། རྟོགས་པ་ལོངས་སྐུའི་ས་ཟིན་ཐུགས་རྗེ་ཡིས།། འགྲོ་བའི་དོན་བྱས་ཆོས་སྐུ་ཉིད་དུ་ཐིམ།། མ་རྟོགས་རྩལ་ནི་འཁྲུལ ་བའི་རྒྱུ་རྐྱེན་གྱིས།། ཁམས་གསུམ་འཁོར་བའི་གནས་སུ་དུག་ལྔས་རང་རྒྱུད་བསྲེག། ངན་རྩལ་དེ་ལས་བཟང་པོའི་རྩལ་དག་གིས།། སྒྲོལ་བའི་ཐབས་སུ་གཉེན་པོ་ཐེག་པའི་བྱེ་བྲག་བསྟན།། དེ་ཡང་བརྒྱད་ཁྲི་བཞི ་སྟོང་ཆོས་བསྟན་ཀྱང་།། བསྡུ་ན་ཐེག་པ་རིམ་པ་དགུ་རུ་འདུས།། དེ་དག་ཀུན་གྱི་རྩ་བ་ཅར་ཕོག་རྒྱུད་ཆེན་འདི་རུ་འདུས།། འདི་ཉིད་ཁྱད་པར་གྲོལ་ཐབས་ཡིན་ཏེ་ཤིན་ཏུ་ཟབ། གྲོལ་ཟབས་འདི་ལ་ལྟ་སྒོམ་སྤྱོད་འབྲས ་བཞི་ཡི་ཆ་རྐྱེན་དུ།། མན་ངག་བྱེ་བྲག་མང་དུ་བསྟན་གྱིས་ལེགས་པར་ཡིད་ལ་ཞོག། གྲོལ་དུས་ལོངས་སྐུས་གདུལ་བྱ་གཞན་གྱི་དོན་བྱས་ཏེ།། མཐའ་རུ་ཆོས་སྐུར་ཐིམ་དུས་བསྟན་པའོ།། ཐིམ་ལུགས་ཆོས་སྐུའི་ས་ན ་གནས་ལུགས་འདི་ལྟར་ཡོད།། རང་གི་རིག་པ་གསལ་བར་མི་རྟོག་དང་།། ཐིམ་པ་ལ་ནི་མ་རྨུགས་དང་།། ཡོད་ལ་བདག་ཏུ་འཛིན་པ་མེད།། སོ་སོར་མ་འདྲེས་ཡོངས་སུ་འབྱེད་པ་མེད།། མཐའ་རྣམས་ཀུན་དང་བྲལ ་བས་ཕྱོགས་སུ་ལྷུང་བ་མེད།། མྱ་ངན་སྡུག་བསྔལ་བྲལ་བས་བདེ་བ་རྒྱུན་མི་ཆད།། རང་བྱུང་མཐའ་རུ་འདུག་པས་རྐྱེན་གྱིས་འཇིག་བྲལ་མེད།། འབྲས་བུ་མངོན་དུ་བྱས་པས་རེ་དོགས་གཉིས་དང་བྲལ།། མ་བཙལ ་ལྷུན་གྱིས་གྲུབ་པས་གཞན་ལ་རག་མ་ལས།། འཁྲུལ་པ་རྣམ་པར་དག་པས་འཁོར་བར་ལྡོག་མི་སྲིད།། རིག་པའི་རྩལ་མ་འགགས་པས་ཐམས་ཅད་མཁྱེན་པར་ཤར།། རང་གི་ངོ་བོས་སྟོང་པས་བག་ཆགས་བསག་ཏུ ་མེད།། རྡོ་རྗེ་འཛིན་པ་ལེགས་པར་ཟུང་ཞིག། དང་པོ་གཞི་ཡི་གནས་ལུགས་བསྟན་པ་ནས། འབྲས་བུ་མཐར་ཐུག་པའི་བར་དུ་དེ་ལྟར་ཤེས་པར་བྱའོ།། ཞེས་བཀའ་སྩལ་ཏོ།། སྤྲོས་བྲལ་དོན་གསལ་ཆེན་པོའི་རྒྱུད ་ལས། སྤྱི་ཁོག་བསྡུས་པ་མདོར་བསྟན་པའི་ལེའུ་སྟེ་གཉིས་པའོ།། །། ཨ་ཨ་ཨ་སརྦ་ཛྙཱ་ན་དྷརྨ་ཀཱ་ཡ་ན་མ། ནམ་མཁའི་མཐའ་འདི་སྤྲོས་དང་བྲལ་བ་ལ་མུན་སྣང་གཉིས་ཀ་མ་གྲུབ་པ་ཞེས་བྱ་བ་སྟོན་ཏེ། གསང ་བའི་བདག་པོས་ཡང་ཞུས་པ། ཀྱེ་བཅོམ་ལྡན་རྡོ་རྗེ་འཆང་ཆེན་པོ།། འཁོར་དང་མྱང་འདས་གཉིས་ཀའི་གཞིར་གྱུར་པ།། དངོས་པོའི་གནས་ལུགས་ཇི་ལྟར་གནས་པའི་དོན།། དེ་ལས་རྩལ་བྱུང་ཇི་ལྟར ་འབྱུང་བའི་རྒྱུ།། དེ་དག་རྒྱས་བཤད་ཇི་ལྟར་ཕྱི་ལ་བཤད།། བཅོམ་ལྡན་རྡོ་རྗེ་འཆང་གིས་བཤད་པར་ཞུ།། བཅོམ་ལྡན་རྡོ་རྗེ་འཆང་གིས་གསུངས་པའི་དོན།། དང་པོ་གཞི་ཡི་གནས་ལུགས་བསྟན་པ་དང་།། གཉིས་པ ་གཞི་ལས་རྩལ་གྱི་འབྱུང་ལུགས་དང་།། གསུམ་པ་གཞི་ཡི་བྱེ་བྲག་བསྟན་པ་དང་།། བཞི་པ་གཞི་ཡི་མཚོན་དཔེ་བསྟན་པ་དང་།། ལྔ་པ་གཞི་ཡི་བརྗོད་ཚིག་བསྟན་པ་དང་།། དྲུག་པ་གཞི་ཡི་མདོར་བསྡུས་བསྟན་པ ་དང་།། བདུན་པ་གཞི་ཡི་ངོས་བཟུང་བསྟན་པའོ།། དང་པོ་གཞི་ཡི་གནས་ལུགས་བསྟན་པ་ནི།། འཁོར་འདས་རྟོགས་འཁྲུལ་མེད་པའི་གོང་རོལ་ན།། རྒྱུ་རྐྱེན་གཉིས་ལས་འདས་པ་རང་བྱུང་སྟེ།། བདེ་གཤེགས་ཐུགས ་རྗེ་དག་ལས་མ་བྱུང་དང་།། སེམས་ཅན་རྣམས་ཀྱི་ལས་ཀྱིས་མ་བསྐྱེད་དང་།། ཕྱི་རོལ་འབྱུང་བ་ལྔ་ཡིས་མ་བསྐྱེད་དང་།། ནང་གི་རྣམ་རྟོག་དག་ལས་མ་གྲུབ་དང་།། གང་ཟག་ལམ་པའི་བློ་ཡིས་མ་བཅོས་པའོ།། མིང ་དང་མཚན་མ་གང་ཡང་བཏགས་པ་མེད།། ཤེས་མེད་རྟོག་མེད་མ་རིག་འཁྲུལ་པ་མེད།། འཁྲུལ་དང་བག་ཆགས་རྟོག་པ་སྣ་ཚོགས་དང་།། ཡེ་ཤེས་རྩལ་སྣང་འབྲས་བུའི་ཆོས་རྣམས་ནི།། རང་བྱུང་གནས་ལུགས་གཞི ་ལ་དབྱེ་བ་མེད།། ཐོག་མའི་དུས་དང་སྔ་ཕྱི་གྲུབ་པ་མེད།། བཟང་ངན་བླང་དོར་སྒྲུབ་བྱ་གང་ཡང་མེད།། མཐའ་དང་དབུས་མེད་ཕྱོགས་དང་རིས་སུ་མེད།། ངོ་བོ་མ་བཅོས་མ་བསླད་གཉུག་མར་གནས།། སོ་མ་རང ་ལུགས་མ་བྱུང་མ་སྐྱེས་སོ།། གཉིས་མེད་མཉམ་ཉིད་བཟང་ངན་གར་མི་འབྱེད།། བདེན་རྫུན་ཡོད་མེད་གར་ཡང་འཛིན་པ་མེད།། བསམ་མེད་རྟོག་མེད་ནམ་མཁའ་དག་པ་འདྲ།། ངོ་བོ་གཟུགས་དང་དངོས་པོའི་མཚན ་མ་མེད།། གནས་དང་མི་གནས་སྣང་དང་སྟོང་པ་མེད།། རྟག་དང་ཆད་དང་གཅིག་དང་དུ་མ་མེད།། དགའ་དང་མི་དགའི་རྩིས་གདབ་དག་ལས་འདས།། མདོར་ན་མཐའ་དང་ཕྱོགས་འཛིན་གང་ཡང་མེད།། རིགས ་དྲུག་སེམས་ཅན་འཁྲུལ་པ་སྣ་ཚོགས་དང་།། རྒྱལ་བའི་སྐུ་དང་ཡེ་ཤེས་སྣང་བ་དང་།། རིམ་དགུ་ལ་སོགས་ཐེག་པའི་བྱེ་བྲག་རྣམས།། དངོས་པོའི་གནས་ལུགས་གཞི་ལ་གྲུབ་པ་མེད།། ཇི་བཞིན་མ་བཅོས་ཀུན་གྱི་གཞི ་ཡིན་ཏེ།། རང་བྱུང་ལྷུན་གྲུབ་ཀུན་གྱི་འབྱུང་གནས་དེ།། མ་བསླད་སྙིང་པོ་ཀུན་ལ་ཁྱབ་པའི་དོན།། རང་གནས་བྱང་ཆུབ་ཀུན་གྱི་གཞི་མ་ཡིན།། མ་ཕྱེ་མི་འབྱེད་རང་གནས་ངོ་བོ་སྟེ།། འགྲོ་དང་འོང་ཞིང་འབྱུང་འཇུག ་ཀུན་ལས་འདས།། རྩང་དང་མ་མྱང་འཇུག་དང་མི་འཇུག་མེད།། སྟོར་དང་མ་སྟོར་མེད་པས་བཙལ་མི་དགོས།། དངོས་མེད་ཀུན་གྱི་སྙིང་པོ་ཀུན་གཞི་སྟེ།། ཆགས་དང་མ་ཆགས་བྱ་བྱེད་ཀུན་དང་བྲལ།། སྐྱེ་མེད་འགྲུ ་མེད་སྣང་བའི་ཡུལ་ལས་འདས།། རང་ལུས་རང་གནས་མ་བཅོས་བྱང་ཆུབ་སེམས།། གདོད་ནས་ལྷུན་གྲུབ་རིན་ཆེན་ཀུན་གྱི་མཛོད།། རྟོག་མེད་མཉམ་ཉིད་གསལ་ཆའི་རྩལ་མ་ཤར།། ཤེས་པ་སྒོ་ལྔར ་མ་དོན་ཉམས་མྱོང་མེད།། འགྱུ་བ་རང་སྣང་མ་བཅོས་རྣལ་མར་གནས།། ནང་གི་རིག་པའི་རྩལ་ནི་སྔར་མ་འགྱུས།། བསམ་འཕེལ་རིན་པོ་ཆེ་ལས་དགོས་འདོད་འབྱུང་བ་བཞིན།། མན་ཤེལ་རྣམ་པར་དག་ལས་འོད ་ལྔ་ལྷུན་གྲུབ་བཞིན།། ཏིལ་འབྲུ་ལ་སོགས་མར་ཁུ་ལྷུན་གྲུབ་བཞིན།། སྙིང་པོའི་གཞི་ལ་རྩལ་གཉིས་ལྷུན་གྱིས་གྲུབ།། རྟོགས་ན་གཞི་ལ་རྩལ་གཉིས་སྐུ་རུ་འཆར།། མ་རྟོགས་གཞི་ལ་འཁོར་བ་རང་ཁམ།། ཞེས ་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གཞིའི་གནས་ལུགས་ཀྱི་ལེའུ་སྟེ་གསུམ་པའོ།། །། ཨ་ཨ་རཏྣ་དྷརྨ་ཀཱ་ཡ། ནམ་མཁའ་རྒྱ་མཚོ་མེ་ལོང་ཅན་གྱི་གནས་གཡུའི་མཎྜལ་ཆེན་པོ་ཁོད་སྙོམས ་པའི་སྟེང་ན། རིན་པོ་ཆེའི་མཆོད་རྟེན་ཁྲི་འཕང་ལྔ་པ། ཤེལ་གྱི་ཟ་མ་ཏོག་ཆེན་པོའི་ནང་ན་གནས་པ་ལ། རླུང་གི་རྟ་ཕོས་བདག་པོ་བྱེད་པའི་མན་ངག་གསང་བའི་བདག་པོ་ཕྱག་ན་རྡོ་རྗེས་རྡོ་རྗེ་འཆང་ལ་ཡང་ཞུས་པ། ་གོང་གསུངས་གཞིའི་གནས་ལུགས་དེ་ལགས་ན།། རྩལ་འཆར་གཞི་དང་གཞི་སྣང་དོན།། འདུས་པའི་འཁོར་ལ་གསུང་དུ་གསོལ།། རྡོ་རྗེ་འཆང་གིས་བཀའ་སྩལ་པ།། རིགས་ཀྱི་བུ་རྒྱུད་ཐམས་ཅད་ཀྱི་དོན། གཞི་དང ་གཞི་སྣང་ཆེན་པོའི་འདུག་ཚུལ་ང་ཡིས་སྨྲ་ཡིས་མ་ནོར་ཡིད་ལ་ཟུང་ཞིག། ངོ་བོ་ཉིད་ཀྱི་སྣང་བ་ལ། ངོ་བོ་ཉིད་ཀྱི་སྐུར་ཤར་ཏེ། ཆོས་སྐུ་ཐིག་ལེ་ཉག་གཅིག་མ་བཅད་པའི་ཡུལ་ཅན། སྙིང་པོ་བཅུད་དུ་འདྲིལ་བ། དཔེ ་ནམ་མཁའ་དང་ཉི་མ་ལྟ་བུར་གནས་སོ།། ཀྱེ་གསང་བའི་བདག་པོ་ངེས་པར་ཟུང་ཞིག། ངོ་བོ་ཉིད་ཀྱི་སྣང་བ་ནི་ཡུལ་ཆོས་ཀྱི་དབྱིངས། སངས་རྒྱས་ཀྱི་ཞིང་ཁམས་རྣམ་པར་དག་པ་སྟེ། དེ་ལ་ནི་མཐའ་དང་དབུས་མེད ་པ། སྟེང་འོག་ཕྱོགས་མཚམས་མེད་པ། དུ་མ་དང་རྟེན་པ་མེད་པ། དེ་རྡོས་པ་ཅན་གྱི་ཆོས་མིན་པས་མནན་ན་ནེམ་པ་སྙམ་བྱེད་པ། བཏེགས་ན་འཕར་བ་སྙམ་བྱེད་པ། གར་ཡང་གསལ་བ་ཟང་ཐལ་བ། ཀུན་ཏུ་རྒྱ་མ ་ཆད་པ། སྤྲོས་བྲལ་གྱི་དབྱིངས། འགྱུར་མེད་ཀྱི་ཀློང་ངོ་།། ངོ་བོ་ཉིད་ཀྱི་སྐུ་ནི་ཕྱོགས་ལྷུང་མེད་པའི་ཤེས་རབ། རྒྱ་མ་ཆད་པའི་ཡེ་ཤེས། ལྷུན་གྱིས་གྲུབ་པའི་སངས་རྒྱས་དངོས་མེད་ཟང་ཐལ་བ། བྱེད་པ་པོའི ་མཐའ་ཐམས་ཅད་ལས་འདས་པ། མ་བཅོས་པ་སྒྲོ་སྐུར་གྱི་མཐའ་ཐམས་ཅད་ལས་འདས་པ། མ་བསླད་པ་སྐྱོན་གྱི་མཐའ་རྣམ་པར་དག་པ། དང་པོ་རྒྱུ་མེད་པ། བར་དུ་རྐྱེན་མེད་པ། ཐ་མ་གཉེན་པོ་མེད་པས་མི ་འགྱུར་བ། མ་རིག་པ་དང་ལོག་པར་ལྟ་བ་དང་། མ་དད་པ་དང་ལེ་ལོ་ལ་སོགས་པ་དྲི་མར་མ་གྱུར་པ་རྟག་ཆད་ཀྱི་མཐའ་དང་། ཡོད་མེད་ཀྱི་མཐའ་དང་། བེམ་རིག་དང་གཟུང་འཛིན་གྱི་མཐའ་དང་བྲལ ་བའོ།། འཁོར་འདས་ཀྱི་ཆོས་ཐམས་ཅད་ཀྱི་དོན་གྱི་ངོ་བོར་གྱུར་པའོ།། ཤར་པ་ནི་ཡེ་ཤེས་དབྱིངས་ལས་ཤར། དབྱིངས་རིག་པ་དང་ལྡན། མཐའ་རྣམ་པར་མི་འབྱེད། ཤེས་པས་གུད་དུ་མི་གཅོད ་དོ།། རིག་པས་དབྱིངས་ལ་ཁྱབ། ཡེ་ཤེས་ཀུན་ཏུ་བརྡལ། ཆོས་ཉིད་རིག་པར་འདུས་སོ།། རིགས་ཀྱི་བུ་དེ་ལྟར་ངོ་བོ་ཉིད་ཀྱི་སྣང་བ་དང་ཆོས་སྐུ་གཉིས་སུ་བརྗོད་ཅིང་མཚོན་ཀྱང་། དོན་གོང་མ་བཞིན་དུ་གཉིས་སུ ་མེད་པས། མཐའ་བླ་ན་མེད་པའི་སྦུབས་སུ་འདུས་ཤིང་། སྦུབས་བླ་ན་མེད་པས་མཐའ་དབུས་ཡོངས་ལ་ཁྱབ་སྟེ། དོན་གཉིས་མེད་ཆོས་ཀྱི་སྐུ་ཐིག་ལེ་ཉག་གཅིག་གོ། དེ་ཅིའི་ཕྱིར་ཞེ་ན། མ་བཅད་པའི་ཡུལ་ཅན་ཡིན ་པས་སོ།། དེ་ཡང་མ་བཅད་པའི་རིག་པ་ལ་འཛིན་རྟོགས་མ་སྐྱེས་ཏེ། ཡུལ་དུ་ཡང་མ་བཟུང་། གཟུང་འཛིན་གཉིས་སུ་མེད་ཀྱང་། ཡུལ་རང་སྣང་ཆེན་པོ་དེ་དང་ལྡན་པས། ཡེ་ཤེས་འོད་དུ་གསལ་ནུས་ཏེ། ཡུལ་ཅན ་ཞེས་ལྡན་ཚིག་གོ། སྙིང་པོ་བཅུད་དུ་དྲིལ་བ་ནི། དབྱིངས་ཀྱི་སྙིང་པོ་རིག་པའོ།། དེའི་སྙིང་པོ་ནི་ཡེ་ཤེས་ཀྱི་རང་གདངས་ལྔའོ།། དེའི་སྙིང་པོ་ནི་ཡེ་ཤེས་ཀྱི་སྐུ་ལྔའོ།། རིགས་ཀྱི་བུ་བཅུད་དང་ཡང་དེ་བཞིན་དུ་སྦྱར ་རོ།། དྲིལ་བ་ནི་སྒྱུ་མ་ལྟ་བུས་ཡེ་ཤེས་ཀྱི་སྣང་བ་ཡིན་པས་སོ།། དཔེ་ཅི་ལྟ་བུ་ཞེ་ན། ནམ་མཁའ་ལ་ཉི་མ་ཤར་བ་ལྟ་བུའོ།། རིགས་ཀྱི་བུ་ངོ་བོ་ཉིད་ཀྱི་སྣང་བ་ནི། ནམ་མཁའ་སྤྲིན་དང་བྲལ་བ་ལྟ་བུའོ།། ངོ་བོ་ཉིད་ཀྱི ་སྐུ་ནི་ཉི་མའི་སྙིང་པོ་ལྟ་བུའོ།། ཞེས་དོན་གྱི་སྙིང་པོ་དགོས་འབྲེལ་ཆེན་པོ་དང་སྦྱར་ནས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གཞི་དང་གཞི་སྣང་ཆེན་པོའི་འདུག་ཚུལ་བསྟན་པའི་ལེའུ་སྟེ་བཞི ་པའོ།། །། དེ་ནས་ཡང་བཅོམ་ལྡན་འདས་རྡོ་རྗེ་འཆང་ཆེན་པོ་གཞིའི་མཚན་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་གསང་བའི་དག་པོས་ཞུས་པ། ཀྱེ་བཅོམ་ལྡན་རྡོ་རྗེ་འཆང་ཆེན ་པོ།། གཞི་ཡི་བྱེ་བྲག་གསུང་དུ་གསོལ།། ཞེས་ཞུས་པས། གཞིའི་ཏིང་ངེ་འཛིན་ལས་བཞེངས་ཏེ། བཀའ་སྩལ་པ། རིགས་ཀྱི་བུ་གཞིའི་ངོ་བོ་ནི་གཉིས་སུ་མེད་པའོ།། ངེས་ཚིག་ནི་ཐམས་ཅད་འབྱུང་བས་ན ་གཞིའོ།། ཡང་ན་འཁོར་འདས་གཉིས་ཀྱི་རྟེན་དུ་གྱུར་པའོ།། མཚན་ཉིད་ནི་ཡེ་ཤེས་ལྔའོ།། དབྱེ་བ་ནི་གསུམ་སྟེ། ཡེ་དོན་གྱི་ཀུན་གཞི་ནི་ཡང་དག་པའི་གཞིའོ།། སྣ་ཚོགས་བསགས་པའི་ཀུན་གཞི་ནི་བག་ཆགས་དང ་འདྲེས་པའི་ཤེས་པ་ཚོགས་བརྒྱད་དོ།། གནས་ལུགས་དོན་གྱི་ཀུན་གཞི་ནི་འདུག་ཚུལ་བརྒྱད་ཀྱི་དཔེའོ།། གཞན་སེལ་ནི་རིག་པར་འདུག་པས་བེམ་པོ་སེལ། སྟོང་པར་འདུག་པས་དངོས་པོ་སེལ། གཉིས་མེད་ཡིན ་པས་གཉིས་སྣང་སེལ། རང་བྱུང་ཡིན་པས་རྒྱུ་རྐྱེན་སེལ། ལྷུན་གྲུབ་ཡིན་པས་རེ་དོགས་སེལ། ཡང་དག་ཡིན་པས་དྲི་མ་སེལ། མེད་པས་ཡོད་པའི་རྟག་མཐའ་སེལ། ཡོད་པས་མེད་པའི་ཚད་མཐའ་སེལ། ཀྱེ་རྡོ ་རྗེ་འཛིན་པ་ལེགས་པར་ཟུང་ཞིག། ཡང་དག་པ་དོན་གྱི་གཞིའི་ཕྱི་མོ་ནི། རང་དང་རིགས་མཐུན་པ་ལས་ཀྱང་ལོག་པ་སྟེ། རིག་པ་ཙམ་དུ་མཐུན་པ་ཚོགས་བརྒྱད་ལས་གྲོལ་ལོ།། དེ་ཡང་ཇི་ལྟར་གྲོལ་ཞེ ་ན། འཕེལ་འགྲིབ་མེད་པས་ཀུན་གཞིའི་རྣམ་ཤེས་ལས་གྲོལ། ངར་འཛིན་མེད་པས་ཉོན་མོངས་པའི་ཡིད་ལས་གྲོལ། གཟུང་འཛིན་མེད་པས་ཡིད་ཀྱི་རྣམ་ཤེས་ལས་གྲོལ། སྐྱེ་འགག་མེད་པས་སྒོ་ལྔའི་རྣམ་ཤེས་གྲོལ ་ཞིང་ལོག་པའོ།། གསང་བའི་བདག་པོ་སྟོང་པར་རིགས་མཐུན་ལས་ལོག་སྟེ། རང་བཞིན་དག་པས་ནམ་མཁའ་ཁ་དོག་དང་བཅས་པ། དབྱིབས་དང་བག་རྡུལ་དང་བཅས་པ་འདི་མ་ཡིན་ནོ།། ཀྱེ་སེམས་དཔའ་ཆེན ་པོ།། རིགས་མི་མཐུན་པ་ལས་ཀྱང་ལོག་སྟེ། རིག་པ་དང་རིགས་མི་མཐུན་པས་བེམ་པོ་མིན། སྟོང་པ་དང་ནི་རིགས་མི་མཐུན་པས། ཕྱི་ནང་གཉིས་ཀྱི་འབྱུང་བ་བཞི་ལས་གྲུབ་ཅིང་བསྐྱེད་པའི་དངོས་པོ་མེད ་དོ།། རིགས་ཀྱི་བུ་དོན་ཆེན་པོ་དེས་ན། གཉིས་ཀ་ལས་ཀྱང་ལྡོག་པ་ཤེས་པར་བྱའོ།། གཉིས་ཀ་མ་ཡིན་པའི་དངོས་པོར་འཛིན་པ་དང་བྲལ་བའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ་གཞིའི་བྱེ་བྲག་བཤད་པའི་ལེའུ་སྟེ་ལྔ་པའོ།། །། དེ་ནས་ཡང་མཚོན་པ་དཔེའི་དགོངས་པ་ལ་བཞུགས་སོ།། གསང་བའི་བདག་པོས་ཡང་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། དེ་བཞིན་མཚོན་དཔེ་གསུང་དུ ་གསོལ།། ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་འཛིན་པ་ཁྱོད་ཉོན་ཅིག། ངས་གཞི་དང་གཞི་སྣང་ཆེན་པོ་དཔེ་དང་བརྡས་བཤད་པར་བྱའོ།། མི་གཡོ་བ་རྒྱ་མཚོའི་གཏིང་ལྟ་བུའོ།། སྟོང་པ་ཁྱབ ་པ་དང་ཡངས་པ་ནམ་མཁའ་ལྟ་བུའོ།། དྲི་མ་མེད་པ་མན་ཤེལ་ལྟ་བུའོ།། དག་ཅིང་གསལ་ལ་མ་རེག་པ་མེ་ལོང་གི་གཟུགས་བརྙན་ལྟ་བུའོ།། སྣ་ཚོགས་སུ་སྣང་ཡང་དྲི་མས་མ་གོས་པ་པདྨ་ལྟ་བུའོ།། འགྱུར་བ་མེད་པ ་གླང་པོའམ་རྡོ་རྗེ་ལྟ་བུའོ།། ཐམས་ཅད་འབྱུང་བས་ས་གཞི་ལྟ་བུའོ།། དངོས་སུ་མི་སྣང་ལ་བྱིན་རླབས་ལས་འབྱུང་བ་ཡིད་བཞིན་གྱི་ནོར་བུ་ལྟ་བུའོ།། རང་གི་ངོ་བོ་གསལ་ལ་མི་འགག་པ་ཉི་མའི་སྙིང་པོ་བཞིན ་ནོ།། རྒྱུན་ཆད་མེད་པ་ཆུ་བོ་བཞིན་ནོ།། བརྟན་པ་རི་བོ་ལྟ་བུའོ།། གཅིག་དུ་མར་སྣང་བ་ཉི་ཟླ་བཞིན་ནོ།། གཅིག་ཀུན་ལ་ཁྱབ་པ་ཆུའི་ལྦུ་བ་ལ་བྱད་ཀྱི་གཟུགས་བརྙན་བཞིན་ནོ།། ཆོས་ཉིད་ལ་ཆོས་སྐུར་ཤར་བ་ནི་མེ ་ལོང་ལ་ཉི་མ་ཤར་བ་བཞིན་ནོ།། ཆོས་ཉིད་ལ་ཆོས་སྐུས་ཁྱབ་པ་ནི་འོ་མ་དང་མར་བཞིན་ནོ།། ཆོས་ཉིད་ཀྱི་སྙིང་པོ་རིག་པར་གནས་པ་ནི་ནམ་མཁའ་དང་ཉི་མ་བཞིན་ནོ།། ཆོས་ཉིད་མི་རྟོག་པ་ལ་ཆོས་སྐུའི་རྩལ ་གཅོད་པ་ནི་སྤུ་གྲིའི་ལྷག་པ་དང་སོ་བཞིན་ནོ།། མ་འདྲེས་པ་ལ་རྫོགས་པ་ནི་ས་འོག་གི་གུར་ཁྱིམ་དང་གཟུགས་བརྙན་བཞིན་ནོ།། སྣ་ཚོགས་སྣང་ལ་གཉིས་སུ་མེད་པ་ནི་ཤིང་གི་གྲིབ་མ་བཞིན་ནོ།། གཞི་ལས་རྩལ ་འདུ་འཕྲོ་ནི་རྒྱ་མཚོ་ལ་ཆུ་བྲན་འདུ་བ་བཞིན་ནོ།། གཞི་ལ་སྐུ་གསུམ་རྫོགས་པ་ནི། ཉི་མའི་སྙིང་པོ་ལ་འོད་ཟེར་མ་འགགས་པ་བཞིན་ནོ།། ངོ་བོ་རང་བཞིན་ཐུགས་རྗེ་གསུམ་གྱི་དཔེ་ནི་རྨ་བྱའི་སྒོ་ངའམ ་ཉི་མའམ་ནམ་མཁའི་སྤྲིན་དང་ཆར་བཞིན་ནོ།། ཡང་ན་མན་ཤེལ་བཞིན་ནོ།། འཁོར་འདས་གཉིས་སྐྱོན་ཡོན་དུ་ཤར་ཡང་ངོ་བོ་གཅིག་པ་ནི་ག་བུར་བཞིན་ནོ།། གནས་ལུགས་དང་སྣང་ཚུལ་ནི་མར་མེ་དང་མེ་ལོང ་བཞིན་ནོ།། རིག་པ་དང་ཡེ་ཤེས་ཀྱི་དཔེ་ནི་གསེར་དང་སེར་པོ་བཞིན་ནོ།། སྐུ་གསུམ་ངོ་བོ་རང་ཉིད་ཡིན་ཡང་ངོ་མ་ཤེས་པ་རྒྱལ་བུ་དམངས་སུ་འཁྱམས་པ་བཞིན་ནོ།། རྒྱུ་རྐྱེན་གང་གིས་མ་བྱས་པ་བར་སྣང་འདུས་མ ་བྱས་པ་ལྟ་བུའོ།། རང་གི་ངོ་བོ་དུས་གསུམ་དུ་འགྱུར་པ་མེད་པས་གསེར་ལྟ་བུའོ།། མིང་གང་དུ་ཡང་མ་ཐོགས་པས་རྒྱུས་མེད་ཀྱི་ཡུལ་དུ་ཕྱིན་པ་ལྟ་བུའོ།། དགོས་འདོད་རང་ལ་ཡོད་ཀྱང་སྤྱད་པར་མ་ཕན་པ་གྱད་ཀྱི ་ནོར་བུ་ལྟ་བུའོ།། གཞི་སྣང་ཆེན་པོའི་དཔེ་ལ་ཨ་ཞེས་ཟེར་རོ།། དཔེའི་དོན་རྟགས་སུ་འབྱོར་པས། དཔེ་ཨོཾ་གྱི་སྒྲ་དེ་བཞིན་རྗེས་འཇུག་རྣམས་ཀྱིས་ལེགས་པར་དགོངས། འབོད་སྐད་ཐབས་གསུམ་དོན་གྱི་ཁྲིགས་སྡེབ ་ལ། གར་བྱུང་དཔེ་དང་དོན་དུ་འབྱོར་པར་ངེས། དཔེ་ཁ་གཅིག་ནི་ཀུན་ཏུ་རྒྱུག་པར་བྱའོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གཞི་མཚོན་པའི་དཔེ་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང ་བཅོམ་ལྡན་འདས་རྡོ་རྗེ་འཆང་ཆེན་པོ་ཚིག་དོན་གསལ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། དེ་ཡི་བརྗོད་ཚིག་ངོས་བཟུང ་གསུང་དུ་གསོལ། ཞེས་ཞུས་སོ།། ཡང་སྟོན་པས་གསུངས་པ། ངས་བསྟན་རྒྱུད་ལུང་ཐམས་ཅད་ནས། གཞི་ཡི་ཚིག་ཚོགས་མང་གིས་ཀྱང་།། མདོར་བསྡུས་ངས་བཤད་ཁྱོད་ཀྱིས་ཉོན།། འཁོར་འདས་ཀྱི་ཆོས་ཐམས ་ཅད་ཀྱི་ངོ་བོར་གྱུར་པས་ན། ངོ་བོ་ཉིད་ཀྱི་སྐུའོ།། དེ་རང་སྣང་ཡིན་པས་ན། ངོ་བོ་ཉིད་ཀྱི་སྣང་བའོ།། དེ་ཡང་རང་གདངས་ཆེན་པོ་མི་འགག་པས་སྣང་བ་ཆེན་པོའོ།། འཁོར་འདས་ཀྱི་ཐ་སྙད་ལས་གྲོལ་བས་ཆོས་ཀྱི ་སྐུའོ།། ཡོན་ཏན་དུས་ཕྱིས་འབྲས་བུ་ཆོས་སྐུར་གསལ་བས། འབྲས་བུའི་མིང་རྒྱུ་ལ་བཏགས་པས་ཆོས་ཀྱི་སྐུའོ།། མ་རིག་པ་དང་བེམ་པོ་ལས་ལོག་སྟེ། ཡང་དག་པའི་ཤེས་པའི་ངོ་བོར་གནས་པ་ནི་རིག་པའོ།། རྒྱུ ་རྐྱེན་ལས་འདས་པས་རང་བྱུང་ངོ་།། གློ་བུར་དུ་བྱུང་བ་མིན་ཏེ། ཡེ་ནས་གནས་པའི་རིག་པའི་བདག་ཉིད་དུ་གྱུར་པས་ན་ཡེ་ཤེས་སོ།། རང་སྣང་ལས་གཞན་སྣང་མེད་ཅིང་ངོ་བོ་མི་འགྱུར་བས་ན། སྣང་བ་རང་སྣང ་པོར་གསལ་བའི་ཐིག་ལེ་ཉག་གཅིག་གོ། དེའི་གོང་ན་གཞན་མེད་པས་ཆེན་པོའོ།། དེ་བས་སྔ་བ་གཞན་མེད་པས་སྔོན་བྱུང་ངོ་།། ཐམས་ཅད་དེ་ལས་ཤར་ཅིང་སྣང་བས་ཀུན་བྱེད་དོ།། འཁོར་འདས་ཐམས་ཅད ་དེ་ལས་སྣང་བས་གཞིའོ།། ངོ་བོ་གསལ་ལ་མི་འགག་པས་ཟང་ཐལ་ཏེ། སྒྲིབ་པ་མེད་པས་ཀུན་གཞི་མེ་ལོང་ལྟ་བུའོ།། ཡེ་ཤེས་ཡུལ་ཆོས་ཉིད་སྟོང་པ་དང་། རིག་པ་འདུས་མ་བྱས་སྟོང་པ་དང་། སྟོང་པ ་དབྱེར་མེད་གསལ་བ་ཟང་ཐལ་གྱི་ངང་ན་སྐུ་གཉིས་ནང་གསལ་དུ་བཞུགས་ཤིང་འདུ་འབྲལ་མེད་དེ། དོན་དབྱེར་མི་ཕྱེད་པ་རྡོ་རྗེ་འཆང་ངོ་།། སྐུ་ལྔ་ངོ་བོ་ཉིད་དང་དྲུག། ཡེ་ཤེས་ལྔ་མི་གནས་པའི་ཡེ་ཤེས་དང ་དྲུག། ཡུལ་ལྔ་བདག་ཏུ་མེད་པའི་ཀློང་དང་དྲུག། རིགས་ལྔ་ཨའི་རིགས་དང་དྲུག། འོད་ལྔ་རང་བཞིན་གྱི་འོད་དང་དྲུག། འབྱུང་བ་ལྔ་རང་བྱུང་གི་འབྱུང་བ་དང་དྲུག། ཡུལ་ལྔ་དབྱིངས་ཀྱི་ཡུལ་དང་དྲུག། ཉོན་མོངས ་པ་ལྔ་ཁོང་ཁྲོ་བ་དང་དྲུག། འགྲོ་བ་རིགས་དྲུག་རྣམས་དོན་གཉིས་སུ་མེད་པར་བཞུགས་ཤིང་ཕྱིས་ཡོན་ཏན་དུ་མི་འགག་པས་དྲུག་པ་རྡོ་རྗེ་འཆང་ངོ་།། གཟུགས་སྐུའི་སངས་རྒྱས་གྲངས་ལས་འདས་པས། ཐམས་ཅད ་དེའི་དོན་རྟོགས་པ་ལས་ཤར་ཅིང་བྱུང་བས་ན། སངས་རྒྱས་ཐམས་ཅད་ཀྱི་མེས་པོའོ།། རང་གི་ངོ་བོ་དྲི་མ་མེད་ཅིང་ཡེ་ཤེས་ཀྱི་རང་གདངས་ཆེན་པོ་མི་འགག་པར་གསལ་བས། དེ་ཀུན་གྱི་གོང་དུ་གྱུར་པ་དང་། རིག ་པ་རང་ཆས་སུ་མི་འགྱུར་བས་ཐོག་མའི་སངས་རྒྱས་འོད་མི་འགྱུར་བའོ།། ཡོན་ཏན་གྱི་བྱེ་བྲག་ཅིར་ཡང་སྣང་བ་ལས། རང་གི་ངོ་བོ་ལ་དབྱེར་མེད་པས་ཐམས་ཅད་གཉིས་མེད་ཆེན་པོར་རོ་གཅིག་པས་ཀུན་ཏུ་བཟང ་པོའོ།། ཆོས་ཉིད་གསལ་བའི་རང་གདངས་ལ།། ཡེ་ཤེས་དག་པའི་ཟེར་མདངས་ཤར།། འགག་མེད་འོད་ཀྱི་གཞལ་ཡས་ཁང་།། སྙིང་པོ་སྐུ་ལྔ་ནང་ན་གསལ་བས་ན།། གཞོན་ནུའི་སྐུའོ།། བགྲེས་པ་མི་མངའ་བས ་གཞོན་པའོ།། རིག་པ་དང་ཡེ་ཤེས་འདུ་འབྲལ་མེད་པས།། ཐབས་འགག་པ་མེད་པའི་ཡེ་ཤེས་དང་། ཤེས་རབ་འགྱུར་བ་མེད་པས་ཡེ་ཤེས་སོ།། ཆོས་ཉིད་ཀྱི་ཀློང་དུ་རིག་པ་གྲུབ་ཅིང་རིག་པའི་ཀློང་དུ་ཡེ་ཤེས་ཀྱི་རང ་གདངས་ལྔ་གྲུབ་སྟེ། འོད་ཀྱི་སྦུབས་ན་སྐུ་ལྔ་གྲུབ་པས་རང་བཞིན་ལྷུན་གྱིས་གྲུབ་པའི་སངས་རྒྱས་སོ།། ངོ་བོ་ཉིད་ཀྱི་སྐུ་དབྱེར་མི་ཕྱེད་པའི་ངང་ནས། རང་བཞིན་འོད་ཀྱི་བུམ་པ་ལྔ་གསལ་སྟེ། ཐུགས་རྗེའི་སྙིང་པོ་སྐུ ་ལྔ་ཕྱག་རྒྱ་མ་སྲེས་པའི་ཚུལ་དུ་གནས་པས་ན་ངོ་བོ་རང་བཞིན་ཐུགས་རྗེ་གསུམ་མོ།། ཞེས་རྡོ་རྗེ་འཛིན་པས་ལེགས་པར་ཟུང་ཞིག། གཞན་ཐམས་ཅད་ཐ་སྙད་ཡིན་ལ། ཡང་དག་པའི་དོན་དེ་ལྟར་གསལ་བས་ན།། ་དང་པོའི་གནས་ལུགས་སོ།། རང་བྱུང་གི་ཡེ་ཤེས་ཡིན་པས་ན། དང་པོའི་སངས་རྒྱས་རྒྱུ་མེད་པ། སངས་རྒྱས་ཐོག་མཐའ་མེད་པའོ།། གཟིགས་སྣང་ལས་འདས་པའི་གསལ་བ་མི་འགག་པས་ཡེ་ཤེས་ཀྱི་མིག ་གོ། གཉིས་སུ་སྣང་བས་རྟག་ཆད་དང་ཡོད་མེད་ཆེ་ཆུང་མཐོ་དམན་དང་། ཡངས་དོག་གཟུང་འཛིན་དགག་བསྒྲུབ་དང་། དག་དང་མ་དག་ཕྱི་ནང་ཡང་དོག་དང་། བླང་དོར་ཡིན་མིན་གཉིས་ཀྱི་ཆོས། དེ་བཞིན་དུ ་གཉིས་སྣང་མེད་པས་གཉིས་མེད་དོ།། མི་མཐུན་པའི་སྣང་བ་མེད་པས་གཅིག་གོ། སྒྲིབ་པ་མེད་པས་ཟང་ཐལ་ལོ།། འཁོར་འདས་ཐམས་ཅད་དེ་ལས་འབྱུང་ཞིང་ཐུག་པས་ན་རྩ་བའོ།། བརྗོད་མེད ་བསམ་གྱིས་མི་ཁྱབ་ཀྱང་། དོན་ཡང་དག་པ་དེ་ལས་མི་འདའ་བས་ན་བརྗོད་པ་ཞེས་བྱའོ།། མ་བཅོས་པར་ངང་གིས་གནས་པས་གཤིས་སོ།། ཐམས་ཅད་དེ་ལས་བྱུང་བས་རྒྱུའོ།། གཞི་ཆེན་པོ་དེ་ལས་ཐམས་ཅད ་བསྐྱེད་ཅིང་འབྲེལ་པས་ས་བོན་ནོ།། ཀ་དག་པའི་ཡེ་ཤེས་ཡིན་ཏེ། དྲི་མ་མི་གནས་པས་རྣམ་པར་དག་པའོ།། འཁོར་འདས་ཐམས་ཅད་དེ་ལས་འབྱུང་བས་ན་རིན་པོ་ཆེའོ།། རིགས་ཀྱི་བུ་གཞན་ཡང་འདི་ལྟ་སྟེ། སྣ ་ཚོགས་སུ་སྣང་ཞིང་ཤར་ཡང་ངོ་བོ་མི་རྟོག་པས་འབྱེད་པ་མེད་པའི་ཤེས་རབ་བོ།། རང་གི་ངོ་བོ་རིག་པ་དངོས་མེད་ཡེ་ཤེས་ཡེ་དག་ཟང་ཐལ་དུ་གནས་ལ། དེ་རྡོས་པ་ཅན་གྱི་ཆོས་མིན་པས། ཡོན་ཏན་གྱི་སྒོ་ཡངས་པ ་ནི་ཆོས་ཐམས་ཅད་ཀྱི་འབྱུང་གནས་ཏེ། ངོ་བོ་རྒྱ་མ་ཆད་པའོ།། ཀྱེ་རྡོ་རྗེ་འཛིན་པ་ངས་བསྟན་རྒྱུད་ལུང་དུ། ཚིག་དེ་རྣམས་གང་བྱུང་ཡང་། གཞི་མཚོན་པའི་ཚིག་ཏུ་ཤེས་པར་གྱིས་ཤིག། ངོ་བོ་ཉིད་ཀྱི་སྐུ་ཞེས་པ་ནས་རྒྱ ་མ་ཆད་དོ།། ཞེས་པ་ཡན་ཆད་དུ་བསྟན་པའི་ཚིག་འདི་རྣམས་ངས་འདིར་བསྟན་ཅིང་བཤད་པ་བཞིན་དུ། རྒྱུད་ལུང་ཐམས་ཅད་དུ་ཤེས་པར་གྱིས་ཤིག། གཞན་ཡང་འབོད་སྐད་ཐབས་གསུམ་དང་སྦྱར་ལ་གཞི་མཚོན ་པའི་ཚིག་ཏུ་འགྲོ་བ་ལ་འབྱུང་བ་ན་དེ་དང་མཐུན་པར་འབྲུ་མནན་ནོ།། ཞེས་གསུངས་ནས། ཆོས་ཉིད་མཚོན་པའི་ཚིག་བཀའ་སྩལ་པ། ཀྱེ་གསང་བདག་སྣང་བ་ཆེན་པོ་ཟེར་ན། སྣང་བ་ནི་ཡུལ་འགག་པ་མེད་པར ་གྱིས་ཤིག། ཆེན་པོ་ནི་སྣང་བ་དེ་མ་བྱས་པ་དང་། དེའི་གོང་ན་གཞན་མེད་པ་དང་སྣང་བ་གཞན་ལས་འཕགས་པར་ཤེས་པར་བྱའོ།། རང་སྣང་ཟེར་ན་གཞན་མི་སྣང་སྟེ་གཟུང་འཛིན་དང་བྲལ་བའོ།། སྣང་བ་རྣམ་པར ་དག་པ་ཟེར་ན། སྣང་བ་ལ་དུ་མ་མེད་པར་ཤེས་པར་བྱའོ།། ཆོས་ཉིད་ཟེར་ན་ཡུལ་འགྱུར་བ་མེད་པའོ།། དབྱིངས་ཟེར་ན་ཡུལ་སྤྲོས་པ་དང་བྲལ་བའོ།། ཀློང་ཟེར་ན་ཡངས་པ་ཆེན་པོ་ཆ་ཤས་དང་བྲལ་བའོ།། སྟོང་པ ་འགྱུར་བ་མེད་པར་ཤེས་པར་བྱའོ།། ཡུལ་ཟེར་ན་བཞུགས་པའི་གནས་དང་དེའི་སྣང་བ་ལ་ཤེས་པར་བྱའོ།། སྟོང་པ་ཟེར་ན་མཚན་མ་ལས་འདས་ཏེ་དངོས་པོ་མེད་པའོ།། ཡངས་པ་ཟེར་ན་གང་ལ་ཡང་དོག་པ་མི ་མངའ་སྟེ། དེ་ཉིད་ཀྱི་ཁྱད་པར་དང་དེ་ལས་སྣང་བ་དུ་མ་མི་འགག་པར་འཆར་བའི་རྟེན་དུ་ཤེས་པར་བྱའོ།། དབྱིངས་རྣམ་པར་དག་པ་ནི། སྙིགས་མའི་འབྱུང་བ་མ་གྲུབ་པས་བག་རྡུལ་མེད་ཅིང་ཡེ་ཤེས་ཀྱི་གདངས ་འཆར་ནུས་པ་ལ་བྱའོ།། པདྨ་བདེ་གསལ་ཟེར་ན། དྲི་མ་མེད་པའི་སྣང་བ་ལ་གནོད་པ་མི་སྐྱེལ་སྟེ། རང་གསལ་འཛིན་མེད་དུ་ཤེས་པར་བྱའོ།། སྤྲོས་བྲལ་གྱི་དབྱིངས་ཟེར་ན་འབྱུང་བ་བཞིའི་མཚན་མ་དང་བྲལ ་བའོ།། འགྱུར་མེད་ཀྱི་ཀློང་ཟེར་ན་ཆོས་ཉིད་ལ་ཁ་གཏིང་མེད་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གཞི་དངོས་པོའི་གནས་ལུགས་དང་སྣང་ཚུལ་མཚོན་པའི་ཚིག་ངོས ་བཟུང་བའི་ལེའུ་སྟེ་བདུན་པའོ།། །། གསང་བའི་བདག་པོས་ཡང་ཞུས་པ།། ཀྱེ་ཀྱེ་རྡོ་རྗེ་འཆང་ཆེན་པོ།། གཞི་ཉིད་རྒྱས་པར་བཤད་པ་དེ་ལགས་ན། གཞི་ཉིད་བསྡུས་ནས་བཤད་པ་དང་། དེ་དོན་ངོས་བཟུང ་བསྟན་པ་དང་། དེ་ལ་འཁྲུལ་རྟོག་འཆར་ལུགས་དང་། ཡར་ལ་ཇི་ལྟར་གྲོལ་ལུགས་དང་། གྲོལ་ནས་ཐིམ་དུས་བཤད་པར་ཞུ།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གིས་བཀའ་སྩལ་པ།། དང་པོ་གཞི་ཡི་བསྡུས ་དོན་ནི།། གཞི་ཉིད་མ་བཅོས་མ་བསླད་པ།། རིག་པ་གསལ་བས་ནམ་མཁའ་ལྟ་བུར་མེད།། དངོས་པོར་མ་གྲུབ་བེམ་པོ་མེད།། རིག་པ་གསལ་སྟོང་གཉིས་མེད་ཟང་ཐལ་ཡིན།། རིག་པ་རླུང་བཞིན་འགྱུ་ཞིང་སྤྱོད་པར ་ནུས།། རྟག་ཆད་ལ་སོགས་མཐའ་བརྒྱད་དག་དང་བྲལ། རྟོགས་དང་མ་རྟོགས་ཤན་མ་ཕྱེད། རིག་དང་མ་རིག་ཡེངས་དང་མ་ཡེངས་དང་། ཡིན་མིན་གང་གི་འཛིན་པ་མ་ཞུགས་སྟེ།། གོང་གི་མིང་དང་བརྡའ་རུ ་བཏགས་པ་མེད།། ཤེས་རིག་ཙམ་དུ་ཡོད་ཀྱང་དེར་མ་ཤེས།། ཐམས་ཅད་ལྷུན་གྱིས་གྲུབ་ཀྱང་འབྱུང་མ་ནུས།། གཞི་ཡི་ངོ་བོ་རང་བྱུང་སྟོང་གསལ་དག་ཏུ་ངེས་པ་ལ།། ངེས་པའི་ཤེས་པ་ཤར་དང་མ་ཤར་གཉིས་མ ་ཕྱེ།། རྩལ་ནི་མ་ངེས་གང་འགྱུ་ངེས་པ་མེད།། དཔེར་ན་ནོར་བུ་རིན་ཆེན་ཡོན་ཏན་ལྷུན་གྲུབ་སྟེ།། བསོད་ནམས་ཆེ་ཆུང་གཉིས་ཀྱི་རྐྱེན་གྱིས་ནི།། དགོས་པ་བཟང་སྣང་ངན་སྣང་ངེས་པ་མེད།། དེ་ལྟ་བུ་ཡི་གཞི་དེ ་ནི།། ཐ་མལ་རང་རྒྱུད་ད་ལྷའི་ཤེས་པ་ལ།། ངོ་ཡིས་ཙིར་གྱིས་བཟུང་བར་ང་ཡིས་བསྟན།། དེ་ལྟར་གཞི་ཉིད་ངེས་པར་ཤེས་གྱུར་ན།། ལྟ་སྒོམ་སྤྱོད་འབྲས་ངེས་པ་དུས་གཅིག་འཆར།། ཀུན་ལ་སྤེལ་བའི་སྣོད་མི ་ལྡན།། ཐེག་པ་གཞན་དུ་དེ་ལྟར་བསྟན་པ་མེད།། གཞི་ཡི་ངོ་བོ་མ་བཅོས་མ་བསླད་ཅིང་།། སོ་མ་རང་བྱུང་དངོས་པོའི་གནས་ལུགས་ལས།། རང་རྩལ་མི་འགགས་དང་པོ་གཞི་རུ་འཆར།། དང་པོ་གཞི་ལས་རྩལ་དེ ་གཡོ་ཙམ་འབྱུང་།། གཡོ་མི་གཡོ་ལས་ཡིད་ཙམ་གཡོས།། དེ་ལས་ཤེས་པ་རྩལ་འགྲུས་པ།། རང་གཟུགས་འོད་དུ་སྣང་བ་མཐོང་།། ཚོར་བས་ཡར་ཆད་མར་ཆད་བྱུང་།། ཡར་ཆད་རང་སྣང་འཛིན་མེད་ཀྱིས།། རྡོ་རྗེ ་འཆང་ཆེན་ཡར་ལ་གྲོལ།། མར་ཆད་འཛིན་པ་བརྟས་པ་ཡིས།། འགྲོ་དྲུག་སེམས་ཅན་མར་ལ་འཁྲུལ།། འཁྲུལ་པ་རྟོག་པའི་བྱེ་བྲག་རྣམས།། རྒྱས་པར་འོག་ནས་གསལ་བར་བསྟན།། སྣང་བ་རང་སྣང་འཛིན་མེད་མ ་ཤེས་པས།། ལྷན་ཅིག་སྐྱེས་པའི་མ་རིག་པ་རུ་བྱུང་།། དེ་ལ་བརྟགས་པས་ཀུན་བརྟགས་མ་རིག་ཡིན།། དེ་ལྟར་རྒྱུ་གཉིས་རྐྱེན་ནི་བཞི་རུ་བྱུང་།། ཕྱི་ནང་སྣོད་བཅུད་དག་ཏུ་ནི།། ཡེ་ཤེས་དང་ནི་སེམས་ཅན་གཉིས་སུ ་ཆགས།། ཆོས་ཀྱི་དབྱིངས་ལ་ཡེ་ཤེས་ལྔ་ལས་ནི།། མ་རིག་ཡེ་ཤེས་དུག་ལྔར་འཁྲུལ།། ཆོས་ཀྱི་སྐུ་ཡི་རྩལ་ལས་ལོངས་སྐུ་དེ་ལས་ལུས་སུ་འཁྲུལ།། དེ་གཉིས་ཚོགས་པའི་རྩལ་ལས་ནི།། སྦྲུལ་སྐུ་དེ ་ལས་ངག་ཏུ་འཁྲུལ།། ཕྱི་ཡི་ཆོས་དབྱིངས་མ་ཤེས་པས།། འགྲོ་བ་རིགས་དྲུག་སྣང་བར་ཤར།། དེ་ལྟར་འཁྲུལ་པས་ཁམས་གསུམ་སེམས་ཅན་ལ།། སྐུ་གསུམ་ཡེ་ཤེས་རྣམ་ལྔ་ལྷུན་གྱི་གྲུབ།། བག་ཆགས་སྦུབས་ན་སྐུ ་གསུམ་གནས་པ་ལ།། བླ་མའི་གདམས་ངག་རྐྱེན་གྱིས་རྟོགས་པར་བྱ།། རྟོགས་པ་གོམས་ནས་དག་པའི་སྣང་བ་འཆར།། ཟག་བཅས་ལུས་དང་བྲལ་ན་རིན་ཆེན་སྦུབས་འཆར་ཏེ།། ལོངས་སྐུའི་འགྲོ་དོན་བྱས་ནས ་ཆོས་སྐུར་གསལ།། དེ་ལས་སྐུ་གསུམ་ལྷུན་གྱིས་འགྲུབ།། རྒྱས་པར་འོག་ནས་འབྱུང་བས་ཤེས་པར་གྱིས།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གཞི་བསྡུས་སྟེ་བསྟན་པ་དང་དངོས་བཟུང ་འི་ལེའུ་སྟེ་བརྒྱད་པའོ།། །། ཤེལ་གྱི་ཟ་མ་ཏོག་གིས་མ་ཐུབ་པར་གཡུའི་མཎྜལ་ལས་མཆོད་རྟེན་གྱི་གདངས་ཕྱི་རུ་ཕྱུང་བ་སྟེ། གཞིའི་མན་ངག་ལྷ་ཚོགས་ལྔ་ཤར་བའི་མན་ངག། ཨ་བྷི་ཏ་ད་ཀ་ན་པཉྩ་པྲ་པ་རཱ ་པྲ་ར་ཀ་ལ་དྷཱ་ཨ་ཧ་ར། དེའི་ཚེ་སྟོན་པ་རྡོ་རྗེ་འཆང་ཆེན་པོ།། ཡེ་ཤེས་གསལ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཡང་དེའི་ཚེ་གསང་བའི་བདག་པོས་ཞུས་པ།། གོང་གསུངས་གཞི་སྣང་ཆེན་པོ་དེ།། གློ་བུར ་མ་ཡིན་ཡེ་ཤེས་དེ།། ད་ལྟ་མ་འོངས་རྗེས་འཇུག་ལ།། ཡེ་ཤེས་དོན་རྣམས་གསུང་དུ་གསོལ།། ཞེས་ཞུས་སོ།། སྟོན་པ་ཡེ་ཤེས་གསལ་བའི་དགོངས་པ་ལས་བཞེངས་ནས་བཀའ་སྩལ་པ། རིགས་ཀྱི་བུ་ཉོན་ཅིག། ངས ་ཡེ་ཤེས་ཀྱི་དོན་མདོར་བསྡུས་ལ་བསྟན་ནོ།། ཡེ་ཤེས་ཀྱི་ངོ་བོ་དང་།། ཡེ་ཤེས་ཀྱི་ངེས་ཚིག་དང་། དབྱེ་བ་རྣམ་གྲངས་དང་བཅས་པ་དང་། མཚོན་དཔེ་དང་སྦྱར་ལ་བཤད་དེ། ཡེ་ཤེས་ཀྱི་ངོ་བོ་ནི་གསལ་ལ་མི་རྟོག ་པའོ།། དེ་ཡང་རང་བཞིན་རྣམ་པར་དག་པ་གཞི་གནས་ཀྱི་ཡེ་ཤེས་དངོས་མེད་ཟང་ཐལ་ལོ།། སྐུ་དང་སྦྱར་ན་ཆོས་སྐུའོ།། རིག་པ་དང་སྦྱར་ན་ངོ་བོའོ།། རིགས་ཀྱི་བུ་འདུག་ཚུལ་འོད་དུ་གནས་པས། སྐུ་དང་སྦྱར་ན ་གཟུགས་ཀྱི་སྐུའོ།། ཡེ་ཤེས་དང་སྦྱར་ན་མཚན་ཉིད་འཛིན་པའི་ཡེ་ཤེས་ལྔའོ།། སྣང་ཚུལ་ཕྱི་ནང་མེད་པར་སྣང་བས་སྒྲིབ་མེད་དུ་གསལ་བའི་ཡེ་ཤེས་སོ།། དེ་ཡང་རང་བཞིན་རྣམ་པར་དག་པས་རྟག་པའི་མཐའ་ལས ་འདས། འདུག་ཚུལ་འོད་དུ་འདུག་པས་ཆད་པའི་མཐའ་ལས་འདས། སྣང་ཚུལ་ཕྱི་ནང་མེད་པས་གཟུང་འཛིན་གྱི་མཐའ་རྣམ་པར་དག་པ་ནི་ཡེ་ཤེས་ཀྱི་ངོ་བོའོ།། ངེས་ཚིག་ནི་ཡེ་ནས་ཡིན་པའི་དོན་དེ་མ་ནོར་བར ་ཤེས་པས་ཡེ་ཤེས་སོ།། དབྱེ་བ་རྣམ་གྲངས་དང་བཅས་པ་ནི་རིག་པ་དངོས་མེད་ཡེ་དག་ཟང་ཐལ་ཆེན་པོ་དེ་ལས། འཁོར་འདས་ཐམས་ཅད་སྣང་བས་ན་གཞི་གནས་ཀྱི་ཡེ་ཤེས་སོ།། དེ་སྟོང་པར་གནས་པས་ན་ཆོས ་ཀྱི་དབྱིངས་ཀྱི་ཡེ་ཤེས་སོ།། སྟོང་པ་དེ་རིག་པ་འགག་པ་མེད་པར་འདུག་པས་མེ་ལོང་ཡེ་ཤེས་སོ།། སྟོང་པ་དེ་ཉིད་རིག་པ་ཡིན་ལ་རིག་པ་དེ་ཉིད་སྟོང་པ་ཡིན་ཏེ། སྟོང་རིག་དབྱེར་མི་ཕྱེད་པས་མཉམ ་པ་ཉིད་ཀྱི་ཡེ་ཤེས་སོ།། སྟོང་པ་དང་རིག་པ་གཉིས་སུ་མེད་པ་སོ་སོར་མཁྱེན་པས་སོ་སོར་རྟོགས་པའི་ཡེ་ཤེས་སོ།། རིག་པ་དངོས་མེད་ཀྱི་ཡེ་ཤེས་རྡོས་པ་ཅན་གྱི་ཆོས་མ་ཡིན་པ་ཡོན་ཏན་གྱི་སྒོ་ཡངས་པ་སྟེ། རྩལ ་ཕྱོགས་མེད་དུ་གང་ལའང་མ་ཐོགས་པར་འབྱུང་བས་བྱ་བ་གྲུབ་པའི་ཡེ་ཤེས་སོ།། དེ་ལྟར་ཚིག་ཕྱོགས་རེ་ནས་བརྟགས་ཀྱང་། དོན་ཕྱོགས་ཆ་དང་བཅས་པ་མི་སྣང་བས་མི་གནས་པའི་ཡེ་ཤེས་སོ།། ཀྱེ་ཧོ་རིགས་ཀྱི་བུ ་དེ་ལྟར་ཤེས་པ་ནི། རང་གིས་རང་རིག་པས་རིག་པའི་ཡེ་ཤེས་སོ།། དེ་ལ་བྱེད་པ་པོ་མེད་པས་རང་བྱུང་གི་ཡེ་ཤེས་སོ།། དེའི་དོན་ལས་མི་འདའ་བས་ན། འདའ་ཀ་ཐུགས་ཀྱི་ཡེ་ཤེས་སོ།། དཔེ་བསྟན་ན་གཞི་གནས ་ཀྱི་ཡེ་ཤེས་ཀྱི་དཔེ་ནི། ཐམས་ཅད་འབྱུང་བས་ས་གཞི་རིན་པོ་ཆེ་ལྟ་བུའོ།། ཆོས་ཀྱི་དབྱིངས་ཀྱི་ཡེ་ཤེས་ནི་ནམ་མཁའ་ལྟ་བུའོ།། མེ་ལོང་ཡེ་ཤེས་ཀྱི་དཔེ་ཆུ་དངས་པའམ་མེ་ལོང་གཡའ་དག་པ་ལྟ་བུའོ།། མཉམ་པ ་ད་ཀྱི་ཡེ་ཤེས་ཀྱིས་ནི་དུས་གསུམ་མཉམ་པ་ཉིད་ཀྱི་དཔེ་ཆུ་བོ་ལྟ་བུའོ།། གཉིས་སུ་མེད་པའི་ཡེ་ཤེས་ཀྱི་དཔེ་ནི། གསེར་དང་སེར་པོ་ལྟ་བུའོ།། སོ་སོར་རྟོགས་པའི་ཡེ་ཤེས་ཀྱི་དཔེ་ནི། རྒྱ་མཚོར་གཟའ་སྐར་ཤར ་བ་ལྟ་བུའོ།། བྱ་བ་གྲུབ་པའི་ཡེ་ཤེས་ཀྱི་དཔེ་ནི། རླུང་དང་ཉི་མ་བཞིན་ནོ།། མི་གནས་པའི་ཡེ་ཤེས་ཀྱི་དཔེ་ནི་ཆུ་ཟླ་བཞིན་ནོ།། རང་རིག་པའི་ཡེ་ཤེས་ཀྱི་དཔེ་ནི་མན་ཤེལ་དང་འོད་བཞིན་ནོ།། རང་བྱུང་ཡེ་ཤེས་ཀྱི ་དཔེ་ནི་རྡོ་རྗེ་ལྟ་བུའོ།། འདའ་ཀ་ཐུགས་ཀྱི་ཡེ་ཤེས་ཀྱི་དཔེ་ནི། རྒྱལ་པོའི་བཀའ་ཁྲིམས་ལ་གནས་པའི་ཕྱག་རྒྱ་མོ་ལ་མི་ཡིས་གླགས་མི་འཚོལ་བ་བཞིན་ནོ།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ ་ལས། ཡེ་ཤེས་ཡོངས་སུ་ངོས་བཟུང་བ་བསྟན་པའི་ལེའུ་སྟེ་དགུ་པའོ།། །། དེ་ནས་ཡང་སྟོན་པས་བཀའ་སྩལ་པ། ངས་བསྟན་པ་ཡི་རྒྱུད་ལུང་དག་ནས།། ཐམས་ཅད་འབྱུང་བར་སྨྲ་ན། གཞི་གནས་ཀྱི་ཡེ་ཤེས ་ཡིན། དངོས་མེད་སྟོང་པར་བརྗོད་ན་ཆོས་ཀྱི་དབྱིངས་ཀྱི་ཡེ་ཤེས་ཡིན། འགག་པ་མེད་པར་བརྗོད་ན། མེ་ལོང་ལྟ་བུའི་ཡེ་ཤེས་ཡིན། གཉིས་སུ་མེད་པར་བརྗོད་ན། མཉམ་པ་ཉིད་ཀྱི་ཡེ་ཤེས་ཡིན། མ་འདྲེས་ཡོངས ་སུ་རྫོགས་པར་བརྗོད་ན།། སོ་སོར་རྟོགས་པའི་ཡེ་ཤེས་ཡིན། གང་ལ་ཐོགས་པ་མེད་པར་བརྗོད་ན། བྱ་བ་གྲུབ་པའི་ཡེ་ཤེས་ཡིན།། མཐའ་དང་བྲལ་བར་བརྗོད་པ་ན།། མི་གནས་པ་ཡི་ཡེ་ཤེས་ཡིན།། རིག་པ་འོད ་གསལ་བརྗོད་པ་དང་།། རང་རིག་ཞེས་སུ་བརྗོད་པ་ན།། རིག་པའི་ཡེ་ཤེས་ཆེན་པོ་ཡིན།། འགྱུར་བ་མེད་དང་འདུས་མ་བྱས།། རྡོ་རྗེ་ལྟ་བུའི་ཚིག་བརྗོད་ན།། རང་བྱུང་ཡེ་ཤེས་ཆེན་པོར་བཤད།། འདའ་རུ་མེད་པ་དང ་འདའ་མི་སྲིད་པ་དང་མི་འདའ་བ་ནི་འདའ་ཀ་ཐུགས་སུ་འབྲུ་རྣམས་མནན། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ཡེ་ཤེས་མཚོན་པའི་ཚིག་བསྟན་པའི་ལེའུ་སྟེ་བཅུ ་པའོ།། །། ཉི་མའི་སྙིང་པོ་ལ་འོད་ཟེར་མི་འགག་པའི་མན་ངག། ཛྙཱ་ན་ཨཱ་ཤ་ཏ་རཏྣ། ཀཱ་ལ་པྲ་ས་ཧ་དུ། བཅོམ་ལྡན་འདས་ཐུགས་རྗེ་རྩལ་གྱི་དགོངས་པ་ལ་ཞུགས་སོ།། ཡང་གསང་པའི་བདག་པོས་དགོངས་པ ་མཁྱེན་ནས་ཞུས་པ། ཆོས་སྐུ་གཅིག་ལ་ཐ་དད་སྣང་། རིག་པའི་རྩལ་དེ་ཤར་ལུགས་གསུང་དུ་གསོལ། ཞེས་ཞུས་སོ།། སྟོན་པས་བཀའ་སྩལ་པ། རིག་པ་དངོས་མེད་ཟང་ཐལ་ལ།། སྟོང་པ་མི་འགག་དབྱེར་མི ་ཕྱེད།། དེར་ཤེས་ཐོགས་པ་མེད་པ་ནི། ཡེ་ཤེས་ལྔ་རུ་རང་ཤར་བའོ།། ཆོས་དབྱིངས་འོད་ཀྱི་ཡེ་ཤེས་རང་གདངས་ལས།། སྟོང་པའི་ངང་ནས་མཐིང་ག་གསལ།། མེ་ལོང་ཡེ་ཤེས་རང་གདངས་ནི།། འགག་མེད་དང ་ནས་དཀར་པོར་གསལ།། མཉམ་ཉིད་ཡེ་ཤེས་རང་གདངས་ནི།། དབྱེར་མེད་ངང་ནས་སེར་པོར་གསལ།། ཀུན་རྟོགས་ཡེ་ཤེས་རང་གདངས་ནི།། དེ་ཤེས་དང་ནས་དམར་པོར་གསལ།། བྱ་གྲུབ་ཡེ་ཤེས་རང་གདངས ་ནི།། ཐོགས་མེད་ཀློང་ནས་ལྗང་གུར་གསལ།། དེ་ལྔ་ཆོས་ཉིད་ཀློང་དུ་ཤར།། ཡེ་ཤེས་འོད་དུ་ཤར་ཅེས་བྱ།། རྟོགས་པས་སྐུ་དང་ཡེ་ཤེས་སྣང་།། མ་རྟོགས་སྣོད་བཅུད་གཉིས་སུ་ཤར།། དཔེར་ན་མེ་ལོང་དག་པ ་ལ།། གང་འཕྲད་རྐྱེན་གྱིས་སྣང་མོད་ཀྱང་།། སྣང་བའི་དུས་ནས་གོས་པ་མེད།། གོས་པ་མེད་ཀྱང་དེ་ལྟར་སྣང་།། དེ་བཞིན་རིག་པ་ཆོས་སྐུ་ལ།། ཡོན་ཏན་མ་འགག་སྣ་ཚོགས་ཤར།། ཤར་ཀྱང་རང་རིག་གཅིག་པུར ་གསལ།། གཅིག་པུར་གནས་ལ་དུ་མ་མེད།། དུས་དང་གནས་སྐབས་ཐམས་ཅད་དུ།། དངོས་མེད་དག་པ་ཆེན་པོར་གནས།། སྒྲིབ་མེད་གསལ་བ་ཟང་ཐལ་གནས།། གཟུགས་སྐུ་གཉིས་ཀྱི་སྣང་བ་ཡང་།། རང་ལ་མི ་སྣང་རྣམ་པར་དག། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། རིག་པའི་རྩལ་འབྱུང་བ་དང་། རྩལ་རྣམ་པར་དག་པ་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་གསང་བའི ་བདག་པོ་ཞུས་པ། དེས་མཚོན་ཚིག་རྣམས་གསུང་དུ་གསོལ། ཞེས་ཞུས་སོ།། སྟོན་པས་བཀའ་སྩལ་པ། ངས་བསྟན་རྒྱུད་ལུང་ཐམས་ཅད་དུ།། རྩལ་ཞེས་བྱུང་ན་འདི་སྐད་བཤད།། རིག་པའི་རྩལ་ནི་ཡེ་ཤེས་ལྔ།། དེ ་ཡི་རྩལ་ནི་འོད་ཟེར་ལྔ།། འོད་ལྔའི་རྩལ་ནི་འབྱུང་བ་ལྔ།། ནམ་མཁའི་རྩལ་ནི་སྤྲིན་དང་ཁུ་རླུང་གིས་གོ་འབྱེད།། རླུང་གི་རྩལ་འུར་སྒྲ་དག་བསྐྱོད་པའོ།། ཆུ་ལས་ཤྭ་སྒྲ་དང་རླན་ཅིང་སྡུད་པའོ།། ས་ལས་གཟུགས་དང ་སྣང་རྟེན་བྱེད་པའོ།། མེ་ལས་ཚ་བ་དང་བསྲེག་པ་སྨིན་པའོ།། འོད་དཀར་པོ་ལས་ཤ་དང་རུས་པ། འོད་སེར་པོ་ལས་མཁྲིས་པ་དང་ཆུ་སེར། འོད་དམར་པོ་ལས་ཁྲག་དང་དྲོད། འོད་ལྗང་གུ་ལས་དབུགས། འོད་ཐིང ་ག་ལས་ལུས་ཀྱི་སྐབས་འབྱེད་པའོ།། འབྱུང་བ་ལྔའི་རྩལ་ནི་སོ་སོར་ཤར།། ཕྱི་ནང་གཉིས་སུ་བསྟན་པ་ཡིན།། ཐིག་ལེ་ཕྱི་ནང་རྩལ་ཞེས་བྱ།། དེ་ལྟར་སྣང་ནུས་སྟོབས་སུ་བཤད། དེ་ལྟར་འབྱུང་བས ་རང་བྱུང་ངོ་།། གཞན་ལས་མ་བྱུང་རང་ལས་རང་བྱུང་བས།། ཡོན་ཏན་འབྱུང་བས་རང་བྱུང་ཡིན།། དེ་ལྟར་ཤར་བས་རང་ཤར་ཡིན།། ཡོན་ཏན་ཞེས་བྱ་དེ་ལ་བྱ།། ཐམས་ཅད་འབྱུང་དང་ཀུན་འབྱུང་དང་།། མང་པོ ་རགས་པ་འབྱུང་བ་རྣམས།། རིག་པར་ཤར་བས་རང་ཤར་ཡིན།། སྐུ་ལྔ་རང་སྣང་ཡུལ་ལྔར་སྣང་།། དེ་བཞིན་སེམས་དཔའ་སེམས་མར་སྣང་།། དེ་བཞིན་ཐུགས་རྗེའི་མཛད་སྤྱོད་སྣང་།། དེ་མཚུངས་སྣང་བ་སྣ་ཚོགས ་སྣང་།། སྒྱུ་མ་ལྟ་བུར་གསུངས་པ་དང་།། སྣང་ལ་རང་བཞིན་མེད་པ་དང་།། གསལ་ལ་རྟོག་པ་མེད་པའོ།། ཞེས་བྱུང་ན། རྩལ་ལ་རང་བཞིན་མེད་པར་བཤད། ཐམས་ཅད་རང་སྣང་རང་ཤར་ཡིན།། ཞེས་གསུངས ་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། རིག་པའི་རྩལ་འབྱུང་བ་དང་། དེ་མཚོན་པའི་ཚིག་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ།། སྟོན་པ་ཐུགས ་རྗེ་ཆེ་མངའ་བ།། རྩལ་གྱི་ངོ་བོ་ཇི་ལྟར་ལགས།། དེའི་ངེས་ཚིག་དབྱེ་བ་ཇི་ལྟར་ལགས།། དེ་ཡི་མཚོན་དཔེ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། ངོ་བོ་ནི་མ་འགགས་པའོ།། རྩལ་གྱི་ངེས་ཚིག་ནི།། ་འབྱུང་བའི་སྟོབས་དང་ལྡན་པས་ན་རྩལ་ལོ།། དབྱེ་བ་ནི་རིག་པ་འཁོར་འདས་གཉིས་སུ་སྣང་བའོ།། དཔེར་ན་ཉི་མ་གཅིག་དུ་མར་སྣང་བའམ། ཉི་མ་ལ་འོད་དང་འོད་ཟེར་མི་འགག་པའམ། བཙན་དུག་གམ། ག ་པུར་རམ་གློག་འགྱུས་པ་ལྟ་བུའོ།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། རྩལ་བསྡུས་ནས་བསྟན་པའི་ལེའུ་སྟེ་བཅུ་གསུམ་པའོ།། །། གསེར་གྱི་སོར་གདུབ་ལ་གཡུའི་ཕྲ་བཅུག་པའི་མན ་ངག། ཛཾ་ཨ་ཏྲ་ཨཱ་ན་ཀྵ་ལ་ཨ་ཧཾ། དེ་ནས་བཅོམ་ལྡན་འདས་ཆོས་ཉིད་ཀྱི་རྒྱན་མ་འགགས་པར་རོལ་པའི་ཏིང་ངེ་འཛིན་ལ་སྙོམས་པར་ཞུགས་སོ།། ཡང་དེའི་ཚེ། གསང་བའི་བདག་པོས་ཞུས་པ། ཀྱེ་ཀྱེ་སྟོན་པ་ཀུན ་བཟང་རྡོ་རྗེ་འཆང་།། སྣ་ཚོགས་རྩལ་དུ་སྣང་བ་དེ།། རྒྱན་དང་རོལ་པ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། རྒྱན་གྱི་ངོ་བོ་ངེས་ཚིག་དང་།། དབྱེ་བ་མཐུན་པའི་སྒོ་ནས་བསྟན།། རོལ་པ་ལ་ཡང་དེ ་བཞིན་བསྟན།། ངོ་བོ་དབྱེ་བའི་སྒོ་ནས་བསྟན།། ངེས་ཚིག་མཛེས་པའི་རྒྱན་ཞེས་བྱ།། དབྱེ་ན། ཆོས་ཉིད་རྒྱན་ནི་སྐུ་གསུམ་ཡིན།། ཆོས་སྐུའི་རྒྱན་ནི་སྐུ་གཉིས་ཡིན།། མཚན་ཉིད་མཚོན་པའི་ཡེ་ཤེས་ལྔ།། གཉིས་ཀའི ་རྒྱན་དུ་དེ་བཞིན་བརྗོད།། མཚོན་དཔེ་གསེར་ལ་གཡུས་སྤྲས་འདྲ།། ངེས་ཚིག་དོན་གྱི་དབྱེ་བ་ནི།། ཆོས་ཉིད་དག་ལ་ཆོས་སྐུས་བརྒྱན་པ་ནི།། སྟོང་ལ་ཕྱང་ཆད་གསལ་བས་མཛེས།། ཆོས་ཀྱི་སྐུ་ལ་ཡེ་ཤེས ་བརྒྱན།། ཡོན་ཏན་འགག་པ་མེད་པར་མཛེས།། ཡེ་ཤེས་གསལ་ལ་ཐུགས་རྗེས་བརྒྱན།། འགྲོ་དྲུག་རང་སར་འདྲེན་པས་མཛེས།། དེ་ཕྱིར་མཛེས་པས་རྒྱན་ཞེས་བྱ།། དེ་ནས་རོལ་པའི་དོན་བསྟན ་པ།། མ་འགགས་གཉིས་མེད་སྦྱོར་བ་ནི།། རོལ་པའི་ངོ་བོ་ཡིན་པར་བསྟན།། ཅི་ཕྱིར་རོལ་པར་བཏགས་ཤེ་ན།། རང་ལས་ཤར་ཞིང་རང་ལས་གྲོལ།། ངེས་ཚིག་གཏན་ཚིགས་བཅས་པ་ཡིན།། དབྱེ་ན་རྣམ་པ་གཉིས ་ཡིན་ཏེ།། དག་པ་ཆོས་ཉིད་རོལ་པ་དང་།། འཁོར་བ་རང་རྒྱུད་རོལ་པའོ།། དག་པ་ཆོས་ཉིད་རོལ་པ་ནི།། མ་བཅོས་པ་ཡི་ཆོས་ཉིད་དང་།། མ་གཡོས་པ་ཡི་ངང་ཉིད་ལས།། རང་བཞིན་འགག་པ་མེད་པར ་ཤར།། བག་དང་བྲལ་བའི་ནམ་མཁའ་ལ།། འབྱུང་བ་བཞི་ཡི་གདངས་ཤར་བཞིན།། སྣང་ལ་རང་བཞིན་མེད་པར་ཤེས།། མ་འགགས་རང་གདངས་ཆེན་པོར་གསལ།། འཁོར་བ་རང་རྒྱུད་རོལ་པ་ནི།། ཕྱི་ནང་སྣོད ་བཅུད་བསྡུས་པའི་ཆོས།། གཟུགས་སུ་སྣང་བ་སྐུ་ཡིན་ཏེ།། ཆུ་ཟླ་ལྟ་བུར་གཟུང་དུ་མེད།། སྒྲ་སྐད་ཐམས་ཅད་གསུང་ཡིན་ཏེ།། བྲག་ཆ་བཞིན་དུ་རང་བཞིན་མེད།། དྲན་དང་རྟོག་པ་ཐུགས་ཡིན་ཏེ།། ཆུ་ལ་རི་མོ་བྲིས ་པ་བཞིན།། འཛིན་པ་རང་རྒྱུད་ཡོད་མ་ཡིན།། དེ་ལྟར་གཟུགས་སྣང་ཐམས་ཅད་སྐུ་ཡི་རོལ་པ་ཡིན། སྒྲ་སྐད་ཐམས་ཅད་གསུང་གི་རོལ་པ་ཡིན།། དྲན་རྟོག་ཐམས་ཅད་ཐུགས་ཀྱི་རོལ་པ་ཡིན།། དེ་ལྟར་མ་ཤེས་མཚན ་མ་རང་རྒྱུད་འཛིན།། དེ་ནི་འཁོར་བའི་རོལ་པ་ཡིན།། གང་ཞིག་རྣལ་འབྱོར་རྟོགས་ལྡན་ལ།། རྒྱན་དང་རོལ་པ་སྣ་ཚོགས་ཀུན།། སྒྱུ་མའི་དཔེ་བཞིན་སྣང་ཡང་རང་བཞིན་མེད།། ཆོས་ཉིད་ཆོས་སྐུ་མི་སྣང་རང་བཞིན ་ཡོད།། ཡོད་པས་མེད་པར་རྟོགས་པས་མཚན་མ་ཟིལ་གྱིས་གནོན།། མེད་པས་ཡོད་པར་རྟོགས་པས་རིག་པ་རང་ས་ཟིན།། དེ་ཡི་ཆེད་དུ་རྒྱན་ཏི་ཀ་བཀོད་པ་བཞི་ལྡན་མཛེས།། ཀྱེ་ཀྱེ་གསང་བའི་བདག་པོ་རྒྱན་དང ་རོལ་པ་གར་བྱུང་ཡང་།། ངས་དོན་གསལ་འདིར་སྨྲས་པ་བཞིན་དུ་ཤེས་པར་གྱིས། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། རྒྱན་དང་རོལ་པ་བསྟན་པའི་ལེའུ་སྟེ་བཅུ་བཞི་པའོ།། །། དེ ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེས་མཚོན་ཚིག་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ངས་བསྟན་རྒྱུད་ལུང་ཐམས་ཅད་དུ།། ཆོས་ཉིད་ངང ་ལ་ཆོས་སྐུ་གནས།། དེ་སྐད་བརྗོད་པའི་ཚིག་བྱུང་ན།། ཆོས་ཉིད་ལ་ཆོས་སྐུ་རྒྱས་པར་བཤད།། རིག་པའི་མཚན་ཉིད་ལྔར་བཅད་ཅིང་།། དེ་ལྔ་ཡེ་ཤེས་ལྔ་ཡི་མཚན་ཉིད་དང་།། དེ་ཡི་གདངས་སུ་བརྗོད་པས་ན།། ཆོས ་ཀྱི་སྐུ་ལ་ཡེ་ཤེས་བརྒྱན་པར་བཤད།། ཡེ་ཤེས་འོད་ལྔ་སྐུ་རུ་རྫོགས་ལུགས་དང་།། རིགས་དང་ཁ་དོག་དབྱིབས་བརྗོད་པ།། ཡེ་ཤེས་དག་ལ་ཐུགས་རྗེས་བརྒྱན་པར་བཤད།། རྩལ་དང་རོལ་པ་རྒྱན་དང་མཛད་སྤྱོད ་དང་།། རིམ་པར་བཀོད་དང་དུ་མར་སྣང་།། པདྨ་ཅན་དང་མཛེས་དང་སྡུག། མ་འགགས་ཤར་དང་ཐུགས་དང་སྟོབས།། སྣང་སྲིད་རྒྱན་དུ་བཀོད་པ་དང་།། ལུང་རྣམས་རྒྱན་དུ་བཀོད་པ་དང་།། མན ་ངག་རྒྱན་དུ་བཀོད་པ་དང་།། འགྲོ་དྲུག་རྒྱན་དུ་བཀོད་པ་དང་།། དེ་རྣམས་བརྗོད་པའི་ཚིག་ཏུ་མང་ཡང་བསྡུས་པ་ཡིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། རྒྱན་དང་རོལ་པའི་ཚིག ་མདོར་བསྡུས་ནས་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ། དེ་མཚོན་དཔེ་རྣམས་ཇི་ལྟར་ལགས། ཐབས་ལ་མཁས་པས་གསུང་དུ་གསོལ།། ཞེས་ཞུས་སོ།། སྟོན་པས ་བཀའ་སྩལ་པ། ནམ་མཁའི་དཀྱིལ་ན་ཉི་ཟླ་གསལ་བར་གནས་པ་དང་གཅིག། རིན་ཆེན་གསེར་ལ་གཡུའི་ཕྲ་བཅུག་པ་དང་གཉིས།། ཆོས་ཉིད་ཆོས་སྐུའི་བརྒྱན་པའི་དཔེ་རུ་བསྟན། རྨ་བྱའི་སྒོ་ང་ཁ་དོག་ལྔ་ལྡན ་དང་།། མན་ཤེས་སྐུ་ལྔ་འོད་ལྔ་མི་འགག་པས།། ཆོས་ཀྱི་སྐུ་ལ་ཡེ་ཤེས་བརྒྱན་པའི་དཔེ།། མན་ཤེལ་རྐྱེན་འཕྲད་སྣང་བ་ཕྱིར་འབྱུང་དང་།། སྒོ་ངའི་བྱིས་ཕྲུག་སྨིན་ཏེ་ཕྱིར་འབྱུང་བྱ་བ་བྱེད།། ཉི་མའི་སྙིང་པོ་འོད་དང ་ཟེར་འབྱུང་བ།། ཡེ་ཤེས་དག་ལ་ཐུགས་རྗེས་བརྒྱན་པའི་དཔེ།། རྒྱ་མཚོར་ཆུ་བྲན་འཕྲོ་ཞིང་འདུ་བ་དང་།། སྒྱུ་མའི་སྦྱོར་པས་གཟུགས་བརྙན་སྣ་ཚོགས་སྣང་།། ཡོན་ཏན་མ་འགགས་རོལ་པ་ཅིར་ཡང་འབྱུང་།། དེ་ཡིས ་དཔེ་རྣམས་མང་ཡང་བསྡུས་པ་ཡིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། རྒྱན་དང་རོལ་པ་མཚོན་པའི་དཔེ་བསྟན་པའི་ལེའུ་སྟེ་བཅུ་དྲུག་པའོ།། །། ཡུལ་ཡངས་པ་ཆེན་པོ་པདྨ་བདེ ་གསལ་གྱི་གྲོང་ཁྱེར་བྱ་བ་ན། རྒྱལ་པོ་ནོར་བུ་འོད་ལྡན་ཞེས་བྱ་བ་བཞུགས་པས། ཁོང་ལ་ནོར་བུ་རིན་པོ་ཆེའི་ཟ་མ་ཏོག་ཆེན་པོ་གཅིག་རིན་པོ་ཆེ་ཕྲ་མོ་མང་པོས་བཀང་ནས་ཡོད་པ་ལ་ཁོང་ཕྱི་རོལ་དུ་ཞབས་འཆག ་ཅིང་ཡུལ་གཟིགས་སུ་བྱོན་པ་ལས། རྒན་མོ་ལིང་ཏོག་ཅན་བྱ་བ་དང་འཕྲད་ནས། རྒན་མོས་སླའོ་ལ་བྲིད། རྐུན་མོ་མི་ལྔས་བར་དུ་ཟ་མ་ཏོག་བརྐུས། སྨེ་ཤ་ཅན་གྱི་གྲོང་ཁྱེར་དྲུག་ཏུ་མུན་པའི་མི་དྲུག་ལ་བཙོངས། ་མུན་པའི་མི་དྲུག་གིས་ནོར་བུ་ལ་མཆོད་པ་དང་བཀུར་སྟི་ཆག། ནོར་བུ་ལ་ཡང་དགོས་འདོད་མ་བྱུང་། ཁོང་ཡང་ཡིད་ཅུང་ཐེ་ཙོམ་ཟོས་སོ།། ཕྱིས་རྒྱལ་པོ་ལ་ལྡམ་པོ་གཅིག་བྱུང་།། རྒན་མོས་སླའོ་ལ་བྲིད། རྐུན་མ་མི ་ལྔས་བརྐུས། སྨེ་ཤ་ཅན་གྱི་གྲོང་ཁྱེར་དྲུག་ཏུ་མུན་པའི་མི་དྲུག་ལ་བཙོངས་སོ་བྱས་པས། རྒྱལ་པོ་ཐུགས་ནུར་ཏེ། རྒན་མོ་བསད། གྲོང་ཁྱེར་དྲུག་བཅོམས་མུན་པའི་མི་དྲུག་ལ་ཆབ་བསལ། རྐུན་མོ་ལྔ་བྲན་དུ་བཀོལ། ་ནོར་བུ་རིན་པོ་ཆེ་དང་ཕྲད་ནས་ཡུལ་བཟུང་བའི་མན་ངག། བཛྲ་ཨ་ཧཾ་རཏྣ། ཛྙཱ་ན་པཉྩ་པྲ་པ་ར་ཨ་ཧཾ་བྷ་ཏི། དེ་ནས་ཡང་བཅོམ་ལྡན་འདས་སྣང་བ་རྣམ་པར་བཀོད་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེའི ་ཚེ་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གོང་གསུངས་རྩལ་དང་རོལ་པ་དེ།། མ་རྟོགས་གཟུངས་འཛིན་འཁྲུལ་པར་སྣང་།། འཁོར་བ་རང་རྒྱུད་རོལ་པར་བྱུང་།། དེ་ཡི ་འཁྲུལ་ལུགས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རིགས་ཀྱི་བུ་ལེགས་པར་ཉོན་ཅིག། གཞི་འགྱུར་བ་མེད་པར་ཡེ་ནས་སངས་རྒྱས་པ།། བཅོམ་ལྡན་འདས་རྡོ་རྗེ་འཆང་ཆེན་པོ་ཡིན་པས།། ་སྔར་ཡང་འཁྲུལ་མ་མྱོང་། ད་ལྟ་ཡང་མ་འཁྲུལ། ཕྱིས་ཀྱང་འཁྲུལ་མི་སྲིད་དོ།། དཔེར་ན་ཉི་མའི་སྙིང་པོ་དེ་ལ། མུན་པའི་གཞི་མེད་པ་ལྟ་བུའམ། མན་ཤེལ་ལ་རྐྱེན་དང་གང་འཕྲད་དེ་ལ་སྣང་ཡང་། དག་པའི་སྟོབས ་ཀྱིས་སྣང་མོད་ཀྱི། ཁོ་ལ་འབྱར་དང་གོས་པ་མེད།། དེ་བཞིན་དུ་ཕྱོགས་སུ་ལྷུང་བ་མེད་པའི་ཤེས་རབ་ནི།། མགོན་པོ་གཞི་ནས་རྫོགས་སངས་རྒྱས།། བག་ཆགས་འཁྲུལ་པ་ཀ་ནས་དག། མ་འཁྲུལ་པ་ཡི་སངས་རྒྱས ་ལ།། འཁྲུལ་པའི་ཐ་སྙད་ག་ལ་ཡོད།། འོན་ཀྱང་དེ་ལྟར་མ་རྟོགས་ཏེ།། ཉི་མ་གཅིག་ལས་མེད་བཞིན་དུ།། ཡུལ་ཁམས་རེ་ན་ཉི་མ་རེ།། མཐོང་བའི་རྟོབས་ཀྱིས་སྣང་བ་ལྟར།། རང་རིག་གཅིག་ལས་མེད་བཞིན ་དུ།། འཁོར་འདས་གཉིས་ལ་དུ་མར་སྣང་།། སྨན་དུག་ག་བུར་དབྱེར་མེད་ཀྱང་།། སྨན་དང་དུག་ཏུ་སྣང་བ་བཞིན།། གཉིས་མེད་གཞི་སྣང་ཆེན་པོ་དེ།། གཉིས་མེད་ངང་ལས་མ་གཡོས་ཀྱང་།། ཡོན་ཏན་སྟོབས་ཀྱིས ་སྣང་བའོ།། དུ་མར་སྣང་བའི་ཡོན་ཏན་ལ།། འཁྲུལ་པར་འགྱུར་བས་ཡོན་ཏན་སྐྱོན་དུ་འཆར།། གོང་ལྟར་རྟོགས་པས་སྐྱོན་ཉིད་ཡོན་ཏན་གྲོལ།། འོན་ཀྱང་འཁྲུལ་ལུགས་རྒྱས་པར་ངས་བསྟན་གྱིས།། འཁྲུལ་པའི་གཞི ་དང་རྒྱུ་དང་དུས།། འཁྲུལ་པའི་རྐྱེན་དང་འཁྲུལ་པ་དངོས།། འབྲིང་པོ་རྣམས་ལ་ངས་བསྟན་ཉོན།། དང་པོ་འཁྲུལ་པའི་གཞི་བསྟན་པ།། དེ་ལ་ཡང་ནི་རྣམ་པ་གསུམ།། ཆོས་ཉིད་ཡུལ་གྱི་འཁྲུལ་གཞི་དང་།། རིག་པ ་སེམས་ཀྱི་འཁྲུལ་གཞི་དང་།། འོད་ལྔ་ལུས་ཀྱི་འཁྲུལ་གཞི་བསྟན།། དང་པོ་ཆོས་ཉིད་རིས་མེད་སྟོང་།། བར་དུ་ཡེ་ཤེས་རྣམ་པར་ཤར།། ཐ་མར་འཛིན་རྟོག་བག་ཆགས་བསྟས།། དེ་ལ་སྙིང་པོ་མེད་བཞིན་སྣང་།། དེས ་ནི་ཡུལ་གྱི་འཁྲུལ་གཞི་བསྟན།། ད་ནི་སེམས་ཀྱི་འཁྲུལ་གཞི་བཤད།། དང་པོ་རིག་པ་འགག་མེད་འགྱུས།། བར་དུ་གདངས་ལ་འཛིན་པ་སྐྱེས།། ཐ་མར་སེམས་ཀྱི་ཡིད་འགྱུས་པ།། དེ་ལས་སེམས་རྟོག་དུ་མ ་ཤར།། སེམས་ཀྱི་འཁྲུལ་གཞི་དེར་བསྟན་ཏོ།། འདིས་ནི་ལུས་ཀྱི་འཁྲུལ་གཞི་བསྟན།། དང་པོ་རིག་པ་ཀློང་ནས་ཤར།། བར་དུ་ཆོས་ཉིད་ཀློང་དུ་ཤར།། ཐ་མ་དེ་ལ་བག་ཆགས་པས།། གཟུགས་ཀྱི་ཕུང་པོ་རྡོས་བཅས ་སྣང་།། ལུས་ཀྱི་འཁྲུལ་གཞི་དེས་བསྟན་ཏོ།། ཀྱེ་ཀྱེ་གསང་བདག་ངེས་པར་ཟུང་།། གཞི་གསུམ་འཐད་པ་ངས་བཤད་ཀྱི།། ཆོས་ཉིད་ཡུལ་གྱི་འཁྲུལ་གཞི་འཐད།། ཅི་ཕྱིར་རིག་མེད་དེ་ལ་བེམ་པོར་སྣང་།། རིག་པ ་སེམས་ཀྱི་འཁྲུལ་གཞིར་འཐད།། ཅི་ཕྱིར་རིག་ཙམ་ཕྱོགས་མཐུན་ཕྱིར།། འོད་ལྔ་ལུས་ཀྱི་འཁྲུལ་གཞིར་འཐད།། ཁ་དོག་དབྱིབས་སུ་ཕྱོགས་མཐུན་ཕྱིར།། ཕྲ་དང་རག་པའི་ཁྱད་པར་ལས།། གཞི་དང ་དངོས་ཀྱི་ཁྱད་པར་བསྟན།། དེས་མཚོན་ཚིག་རྣམས་ངས་བཤད་ཉོན།། འཁྲུལ་པ་ཞེས་སུ་བཤད་པ་དང་།། རིག་པ་ཞེས་སུ་བརྗོད་པ་དང་།། འོད་ཟེར་ཞེས་སུ་བརྗོད་པ་དང་།། བསྐལ་པ་དང་པོར་བརྗོད་པ ་དང་།། ཐོག་མ་ཞེས་སུ་བརྗོད་པ་དང་།། འདས་དང་མ་འོངས་གོང་རོལ་ནས།། ཞེས་པ་དང་། ང་མེད་པ་ཡི་སྔོན་རོལ་ན།། སེམས་ཅན་བྱ་བ་གདོད་ནས་མེད།། སེམས་ཅན་མེད་པའི་སྔོན་རོལ་ནས།། འབྱུང་བ་ཆེན ་པོ་ཡེ་ནས་འཕགས།། འབྱུང་བ་མེད་པའི་སྔོན་རོལ་ནས།། ནམ་མཁའ་ཆེན་པོ་ཡེ་ནས་འཕགས།། ནམ་མཁའ་མེད་པའི་སྔོན་རོལ་ནས།། ཆོས་ཉིད་རྣམ་དག་ཡེ་ནས་འཕགས།། ཆོས་ཉིད་རྣམ་དག་ཀློང་ཡངས ་ནས།། ཆེན་པོ་ལྔ་ཉིད་ཡེ་ནས་རྣམ་པར་དག། ཆེན་པོ་ལྔ་ཡི་སྙིང་པོ་རུ།། ང་ཉིད་གཅིག་པུ་སྔོན་དུ་བྱུང་།། དེ་ཕྱིར་བསྐལ་པ་འབུམ་ཁྲི་འབུམ་སྟོང་སྔོན་རོལ་དུ།། ང་ཉིད་གཞན་པས་སྔ་བར་བྱུང་བའི་ཕྱིར།། ཞེས་ངས ་བཤད་པ་རྣམས་ནི། འབོད་སྐད་ཀྱིས་སྡེབས་ལ་འཁྲུལ་གཞིར་འབྲུ་གནོན། རིགས་ཀྱི་བུ་ཞིབ་ཏུ་གཞི་སྣང་གི་སྐབས་སུ་བསྟན་པས་འདིར་མ་བརྗོད་དོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པའི་རྒྱུད ་ལས། ཡང་དག་པའི་གཞི་ལ་འཁྲུལ་པ་མེད་པར་བསྟན་པ་དང་། ཡོན་ཏན་གྱི་སྣང་བ་འཁྲུལ་པའི་གཞི་གསུམ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་སྟོན ་པ་རྡོ་རྗེ་འཆང་། འཁྲུལ་པའི་རྒྱུ་ནི་གང་གིས་བྱས།། འཁྲུལ་པའི་དུས་ཚོད་ཇི་ཙམ་ལགས།། ཞེས་ཞུས་སོ།། སྟོན་པས་གསུངས་པ། འཁྲུལ་པའི་རྒྱུ་ནི་མ་རིག་པ།། ལྷན་ཅིག་སྐྱེས་དང་ཀུན་ཏུ་བརྟགས། ངོ་བོ་ངེས་ཚིག ་དབྱེ་བ་དང་།། མཐུན་པའི་ཚུལ་དུ་བརྗོད་ཚིགས་བསྟན།། རིགས་ཀྱི་བུ་མ་རིག་པའི་ངོ་བོ་ནི། གཏི་མུག་དང་དེ་མ་ཡིན་ལ་དེར་འཛིན་པའོ།། ངེས་ཚིག་དོན་ལ་རྨོངས་པའི་ཕྱིར་ན་མ་རིག་པའོ།། དབྱེ་བ་རྣམ་གཉིས་ཏེ།། ་ལྷན་ཅིག་སྐྱེས་པའི་མ་རིག་པ་དང་ཀུན་ཏུ་བརྟགས་པའི་མ་རིག་པའོ།། ལྷན་ཅིག་སྐྱེས་པའི་མ་རིག་པ་དེ་གང་ལས་གང་དུ་ལྷན་ཅིག་ཏུ་སྐྱེས་ནས་གང་གི་གང་མ་རིག་ཅེ་ན། རིགས་ཀྱི་བུ་གང་ལས་ཞེ་ན། གཞི་འཛིན ་པའི་རིག་པ་ལས་སོ།། གང་དང་གང་ཞེ་ན། ལྷན་ཅིག་སྐྱེས་པའི་ཡེ་ཤེས་དང་མ་རིག་པའོ།། གང་ཞེ་ན་བཅོས་པས་མ་བཅོས་པའི་ཆོས་ཉིད་ཀྱི་ཀློང་དུ་མ་རིག་པའོ།། གང་གི་གང་མ་རིག་ཅེ་ན། རང་བཞིན་གྱི་འོད ་བྱད་ལྟ་བུས་གཟུགས་བརྙན་གྱི་འོད་བྱད་ཀྱི་རྣམ་པ་མེ་ལོང་ལ་སྣང་བ་ལྟ་བུ་མ་རིག་པའོ།། དོན་དེ་ལྷན་ཅིག་སྐྱེས་པའི་མ་རིག་པ་ཅེས་བྱའོ།། ཀུན་ཏུ་བརྟགས་པའི་མ་རིག་པ་ནི། ཡུལ་ལ་རྟོགས་པ་ཕྲ་རགས་སུ་སྐྱེས ་ཏེ། སྐད་ཅིག་མ་སྔ་ཕྱིའི་ཚུལ་ལོ།། དཔེ་རྒན་མོ་ལོང་མ་དང་འདྲའོ།། ཀྱེ་མ་རིགས་ཀྱི་བུ། མ་རིག་པ་དེ་ཡང་དག་པར་ཡོད་པ་མ་ཡིན། འོ་ན་ཇི་ལྟ་བུ་ཞེ་ན། ཟོ་ཡོར་རམ་ཟག་པ་ལ་མི་བདེན་པ་བཞིན་དུ ་རྒྱུརྒྱས་མེད་དམ་སྔར་སུན་པའི་མི་ལ་དགྲར་སྣང་བའམ། སྣང་བ་མ་དག་པ་ལས་ཐག་པ་ལ་སྦྲུལ་དུ་སྣང་བ་ལྟ་བུའོ།། དེ་ནི་ཡང་དག་པར་མེད་བཞིན་དུ་སྣང་། སྣང་བཞིན་དུ་སྟོང་པའོ།། རིགས་ཀྱི་བུ་དཔེ་དེ་བཞིན་དུ།། ་མ་རིག་དངོས་སུ་མེད་ལ་ཉམས་སུ་ཡོད་པའོ།། དེ་ཅི་ལས་བྱུང་ཞེ་ན། ལུས་ཀྱི་ཐ་མ་རྫོགས་པས་ཤེས་རབ་ཀྱི་རྩལ་མ་རྫོགས་ཏེ། ཤེས་རབ་ཀྱི་རྩལ་མ་རྫོགས་པས་མཐོང་བའི་ཡུལ་ཡེ་ཤེས་ཀྱི་རང་གདངས་ལྔ་ལ་ཤེས ་པའི་དྲན་པ་མ་སད་དོ།། དེ་ཡང་མ་གཡོས་པའི་ངང་ཀུན་ཏུ་བཟང་པོ་ལས། ངང་གི་རང་བཞིན་ཡེ་ཤེས་ཀྱི་འབྱུང་བ་ཡུལ་མ་འགགས་པར་སྣང་བ་ལ། སྔར་མཐོང་མ་མྱོང་བ་དེ་ལས་ཡིད་འགྲོགས་ཏེ། རང་སྣང་ཆེན ་པོར་རྟོགས་པའི་མཐའ་མཆོད་དོ།། རིགས་ཀྱི་བུ་མ་རིག་པའི་གཏན་ཚིགས་སོ།། མ་རིག་པ་དང་། མ་ཤེས་པ་དང་། གཏི་མུག་དང་། མ་རྟོགས་པ་དང་། མ་གོམས་པ་དང་། དོན་མ་མཐོང་བས་འཁྲུལ་པ་དང་། ཕྱིན ་ཅི་ལོག་པ་ལ་སོགས་པ་བྱུང་ཡང་མ་རིག་པ་གཉིས་སུ་བཤད། ཅེས་གསུངས་སོ།། ཀྱེ་གསང་བའི་བདག་པོ་འཁྲུལ་པའི་དུས་ནི་རང་གི་ལུས་ལས་ཤར་སྟེ་འཛིན་པ་སྐྱེ་བའི་དུས་སོ།། ཞེས་གསུངས་སོ།། སྤྲོས་བྲལ་དོན ་གསལ་གྱི་རྒྱུད་ཆེན་པོ་ལས། འཁྲུལ་པའི་རྒྱུ་དང་དུས་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། འཁྲུལ་པའི་རྐྱེན་རྣམས་གསུང་དུ ་གསོལ། ཞེས་ཞུས་སོ།། སྟོན་པས་བཀའ་སྩལ་པ། རིགས་ཀྱི་བུ་ངས་བཤད་ཁྱོད་ཀྱིས་ཡིད་ལ་ཟུང་། རྒྱུ་དང་རྒྱུ་ཡིས་རྐྱེན་དུ་བསྟན།། བདག་པོའི་རྐྱེན་དང་དམིགས་པའི་རྐྱེན།། མཚུངས་པའི་རྐྱེན་དང་དེ་བཞིའོ།། རྒྱུ ་དང་རྒྱུ་ཡིས་རྐྱེན་བཤད་པའོ།། རྒྱུ་ནི་རིག་པ་འགག་པ་མེད། རྐྱེན་ནི་ཆོས་ཉིད་སྟོང་པ་ཡིན། རིག་པ་ཆོས་སྐུའི་མཚན་ཉིད་ནི། རིག་སྟོང་དབྱེར་མེད་ཤེས་རབ་ཐོགས་པ་མེད། མཐིང་ག་དཀར་སེར་དམར་དང་ལྡང ་གུ་ཡིས། སོ་སོའི་མཚན་ཉིད་འཛིན་ཅིང་རང་རང་རྒྱུར་གནས་པའི།། ཆོས་ཉིད་དག་པ་མེ་ལོང་ལྟ་བུར་ཤར། ཡེ་ཤེས་འབྱུང་ལྡན་ནམ་མཁའི་གཞའ་ལྟར་ཡལ། དེ་ཡི་སྐད་ཅིག་ཕྱི་མ་ལ། དེ་ལས་དེ་བཞིན་བྱད་དང ་གཟུགས་བརྟན་བཞིན།། རང་ལས་བྱུང་བའི་རྣམ་རྟོག་བདག་རྐྱེན་ཤར།། དེ་ཡི་སྐད་ཅིག་ཕྱི་མ་ལ།། དམིགས་པའི་རྣམ་པ་ཡུལ་དུ་སྣང་།། རྐྱེན་དུ་འཛིན་པའི་རྟོག་པ་བྱུང་།། དེ་ལ་དམིགས་པའི་རྐྱེན་ཞེས ་བརྗོད།། དེ་རྣམས་མཚུངས་པས་འཁྲུལ་རྐྱེན་བྱས།། དེ་ལ་མཚུངས་པའི་རྐྱེན་ཞེས་བརྗོད།། དེ་དུས་གཟུང་འཛིན་རྣམ་རྟོག་གིས།། རང་བཞིན་འོད་ལྔ་གསལ་མ་ནུས།། གཟུགས་བརྙན་ལྔ་ལ་བག་ཆགས ་པས།། མཚོ་ལ་དར་ཆགས་ཞོ་ལ་སྤྲིས་ཆགས་ལྟར།། གླིང་བཞི་རི་རབ་གླིང་ཕྲན་སྣང་།། དེ་ཡི་བཅུད་ལ་སྲིད་པའི་སྒོ་ང་དང་།། རྩི་ཤིང་སྨན་དང་མེ་ཏོག་ནགས་ཚལ་འཁྲུངས།། རླན་དང་དྲོད་ལས་སྐྱེས ་པ་ཡིན།། དེ་ལྟར་བར་གྱི་བསྐལ་པ་ལས།། སྣོད་ཀྱི་འཇིག་རྟེན་ལོགས་སུ་བསྐལ།། ཤེས་པས་མ་བཟུང་རླན་དང་དྲོད་ལས་སྐྱེས།། མཆོག་ཏུ་པདྨའི་སྒོ་ང་གྲུབ།། ཨུ་དུམྦ་ར་དག་ལ་བརྟེན།། དྲི་མེད་ཡེ་ཤེས་བརྫུལ ་ནས་སྐྱེས།། འབྱུང་བ་ལྔ་ཡི་བདག་ཉིད་ཅན།། སྲིད་པའི་སྒོ་ང་མ་དག་སྟེ།། ཤེད་བུ་ཤེད་རིགས་དེ་ལས་སྐྱེས།། ཆགས་སྡང་གཉིས་ཀྱི་བདག་ཉིད་ཅན།། དེ་ནི་ལུས་ཀྱི་རྟེན་ཡིན་ནོ།། ཞེས་གསུངས་སོ།། རིགས་ཀྱི་བུ ་དེ་ལ་མཚོན་པའི་ཚིག་བསྟན་པ། དང་པོ་གཞི་མཚོན་གོང་དུ་བྱུང་།། སངས་རྒྱས་སེམས་ཅན་འོག་ནས་འབྱུང་།། དེ་གཉིས་བར་དུ་རྩལ་འཕྲོ་བ།། བར་གྱི་བསྐལ་པར་བཤད་པ་ཡིན།། རང་གི་ས་ལ་གནས་པས ་ན།། མི་བསྐྱོད་པ་ཞེས་དེ་ལ་བྱ།། དེ་མ་ཡིན་ལ་དེར་འཛིན་གྱིས།། འོད་ལྔ་འགྲིབ་ཅིང་རིག་པ་སྟོངས།། མི་བསྐྱོད་རྡོ་རྗེ་ཡིན་པར་བཤད།། འགྲོ་མ་ནུས་པས་འཕྱེ་བོ་ཡིན།། ངོ་བོ་གསལ་ལ་མི་འགོག་པ།། དངོས་སུ ་གསལ་མ་ནུས་པ་ཡིན།། མི་གསལ་གསལ་བའི་བདག་ཉིད་ཅན། གཞི་ལས་འཕགས་ཞིང་སེམས་ཅན་སངས་རྒྱས་དངོས་མ་ཡིན། བར་ན་མྱུ་གུ་ཇི་བཞིན་ནོ།། མྱུ་གུ་འབྱུང་ཞེས་དེ་ལ་བྱ།། དེ་བཞིན་ངས་བསྟན་རྒྱུད ་ལུང་དུ།། གང་བྱུང་དེ་བཞིན་ཤེས་པར་གྱིས།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་བཤད་པའི་རྒྱུད་བཀླགས་པས་ཤེས་པ་ལས། འཁྲུལ་པའི་རྐྱེན་དང་བར་གྱི་བསྐལ་པ་ལ་ཡུལ་གྱི་འཁྲུལ་པ ་ལུས་ཀྱི་རྐྱེན་དང་བཅས་པ་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་ཡང་གསང་བའི་བདག་པོས་ཞུས་པ། སྣོད་ཀྱི་འཇིག་རྟེན་དེ་ལྟར་ན། བཅུད་ཀྱི་རིགས་དྲུག་ཇི་ལྟར་ཆགས། ཞེས་ཞུས་སོ།། སྟོན ་པས་བཀའ་སྩལ་པ། རིགས་ཀྱི་བུ་ངས་བསྟན་གྱི་མ་ནོར་བར་ཟུང་ཞིག། ནམ་མཁའ་སྟོང་པ་ལ་ནི་རླུང་འགྱུ་བཞིན།། ཡིད་ཀྱི་རླུང་ཡང་གླང་ཆེན་ཀུན་ཏུ་རྒྱུག། སྤྱན་གྱི་སྦྱོར་བས་སྲིད་པའི་སྒོ་ང་མཐོང་།། ཐུགས་ཀྱི ་སྦྱོར་བས་སྲིད་པའི་སྒོ་ང་ལེགས་ཤིང་མཛེས་པར་མཁྱེན།། ཞལ་གྱི་སྦྱོར་བས་དེ་ལ་ཆགས་སེམས་སྐྱེས།། རིག་པ་ཡིད་དང་བཅས་པ་ཞུགས།། སེམས་ཀྱི་རྩ་བ་ཕོ་མོ་གཉིས་སུ་སྨིན།། སྐྱེ་བ་བཞི་ལས་སྒོ་ང ་ཡིན།། གཞི་ལ་ཆེན་པོ་ལྔ་ཡིས་ཕུང་པོ་ལྔ་གྲུབ་ཅིང་།། རྟེན་ལས་འབྱུང་བ་ལྔ་ཡི་ཆ་རྫོགས་པས།། ཕུང་པོ་ཁམས་དང་སྐྱེ་མཆེད་གྲུབ།། ཤེད་བུ་ཤེད་ལས་རབ་ཏུ་གྲགས།། དེ་ལས་མངའ་ལས་སྐྱེས་པ་བྱུང་།། མི་མཇེད ་འཇིག་རྟེན་རིམ་པར་ཆགས།། ཉོན་མོང་རགས་ཤིང་འབྲས་བུ་ངན།། མཐའ་མ་མནར་མེད་གནས་ལ་ཐུག། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ནང་བཅུད་ཀྱི་གྲུབ་ཚུལ་བསྟན་པའི་ལེའུ ་སྟེ་ཉི་ཤུ་པའོ།། །། དེ་ནས་ཡང་གསུངས་པ།། ཀྱེ་ཀྱེ་རྡོ་རྗེ་འཛིན་པ་ཁྱོད་ཉོན་ཅིག། ང་ཡིས་རྒྱུད་ལུང་ཐམས་ཅད་དུ།། བསྐལ་པ་ཐ་མའི་ཚིག་བརྗོད་པ།། ཚོགས་བརྒྱད་ལྡན་པའི་སེམས་ཅན ་ཡིན།། རྒྱུ་བྱེད་སྦུབས་དང་དབུགས་ཀྱང་བཅས་པའི་རྟོགས་བྱེད་སེམས་སུ་བཤད། མང་པོ་འདུས་པས་ཕུང་པོ་ཡིན།། འདུས་པའི་ཕྱིར་ན་དེ་བཞིན་ནོ།། ཁམས་ནི་མཚན་མའི་ཆོས་ཉིད་ཅན།། མཚན་མ་བསྐྱེད་ཕྱིར ་སྐྱེ་མཆེད་ཡིན།། སོ་སོ་དག་གི་སྒོ་གསལ་ཞིང་།། རང་རང་ཡུལ་ལ་དབང་བྱེད་དབང་པོར་བསྟན།། གཟུགས་ནི་ཁ་དོགས་དབྱིབས་སུ་བསྟན།། སྒྲ་ནི་རྣ་བའི་ཡུལ་དུ་བསྟན།། དྲི་ནི་སྣ་ཡི་ཡུལ་དུ་བསྟན།། རོ་ནི་ལྕེ་ཡི ་ཡུལ་དུ་བསྟན།། རེག་ནི་ལུས་ཀྱི་ཡུལ་དུ་བསྟན།། དེ་ཡི་ཕྱིར་ན་དེ་སྐད་བཤད།། ཚོར་བ་དུ་མ་མྱོང་བ་ཡིན།། འདུ་ཤེས་ཡུལ་ལ་མཚན་མར་འཛིན།། འདུ་བྱེད་སེམས་ལ་གཡོ་བར་བྱེད།། ཡིད་ལ་བྱེད་པ་དམིགས་པ ་སྟེ།། རིག་པ་དག་གིས་གང་གཅོད་པའོ།། རྣམ་ཤེས་རྣམ་པར་རིག་པའོ།། ཐམས་ཅད་ཀུན་ལས་བྱེད་ཕྱིར་དང་།། རྒྱུ་རྐྱེན་ལས་བྱུང་འདུ་བྱེད་ཡིན།། རླན་ལས་སྐྱེས་པས་གློ་བུར་ཡིན།། རྫོགས་པར་སྨིན་པས་རྫུས ་སྐྱེས་ཡིན།། མངའ་སྐྱེས་རིམ་པར་སྨིན་པའོ།། སྒོ་ང་ལས་སྐྱེས་འགྱུར་ཏེ་སྨིན།། དམྱལ་བ་གདུང་པའི་ལམ་པ་ཡིན།། ཡི་དྭགས་འགོག་པའི་ལམ་པ་ཡིན།། བྱོལ་སོང་མུན་པའི་ལམ་པ་ཡིན།། མི་ཡི་ལམ་ནི་འདོམ ་པ་ཡིན།། ལྷ་ཡི་ལམ་ནི་གཡེང་བའོ།། གནས་པའི་ཕྱིར་དང་བགྲོད་ཕྱིར་ལམ།། རྐྱེན་དང་རྟེན་པ་མི་འབྲལ་བ།། འཁོར་དང་མྱ་ངན་འདས་པའི་ལམ།། དམྱལ་བའི་གནས་ན་བཟོད་དང་ལྡན།། ཡི་དྭགས་གནས་ན ་ཡིད་དང་ལྡན།། བྱོལ་སོང་གནས་ན་མྱོས་པ་དང་།། མི་ཡི་གནས་ན་འདོད་དང་ལྡན།། ལྷ་མིན་གནས་ན་རྩོད་དང་ལྡན།། ལྷ་ཡི་གནས་ན་དགའ་ལྡན་ནོ།། རྟེན་པའི་དོན་ཕྱིར་གནས་སུ་བསྟན། རིགས་ཀྱི་བུ་དེ་དག་གི ་རྒྱུ་ནི་ཉོན་མོངས་པ་སྟེ། དེ་ཡང་རང་རང་སྒྲ་ལ་འཇུག་པའི་རྒྱུ་མཚན་དང་། དོན་གྱི་བྱེ་བྲག་སོ་སོར་ཕྱེ་ན་ལས་རྒྱུ་འབྲས་དང་། དེ་ཁོ་ན་ཉིད་ཀྱི་དོན་མ་ཤེས་པས་མ་རིག་པའོ།། འདོད་ཆགས་ནི་ཞེན་པའོ།། ང་རྒྱལ་ནི ་ཁེངས་པའོ།། ཁོང་ཁྲོ་བ་ནི་མནར་སེམས་པའོ།། ཞེ་སྡང་ནི་འཁྲུག་པའོ།། ཕྲག་དོག་ནི་མི་བཟོད་པའོ།། དེ་དག་ནི་རྒྱུ་དྲུག་གོ། དེ་ལས་ངོ་བོ་དྲུག་དང་། འབྲས་བུ་དྲུག་སྨིན་པའོ།། ཀྱེ་གསང་བའི་བདག་པོ།། དེ་དག ་ནི། འགྲོ་བ་དྲུག་ལ་ད་ལྟར་གནས་པའི་ཆོས་ཏེ། རྒྱུད་གར་བྱུང་ཡང་བསྐལ་པ་ཐ་མའི་ཆོས་སུ་འདིར་བཤད་པ་ལྟར་ཤེས་པར་གྱིས་ཤིག། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འབྱུང་བ་ལྔ ་མདོར་བསྡུས་ནས་བསྟན་པའི་ལེའུ་སྟེ་ཉེར་གཅིག་པའོ།། དེ་ནས་ཡང་གསང་བའི་བདག་པོས་ཞུས་པ། འཁོར་བ་རྒྱན་དང་རོལ་པར་ཤར་བའི་དོན་དེ་ལྟར་ལགས་ན། དེ་ལྟར་འབྱུང་བའི་འབྱུང་བ་ལྔ་བཤད་དུ ་གསོལ། ཞེས་ཞུས་སོ།། སྟོན་པས་བཀའ་སྩལ་པ།། འབྱུང་བ་ལྔ་ཡི་ངོ་བོ་ངེས་ཚིག་དང་།། དབྱེ་བ་དཔེ་དང་བཅས་པ་རྣམས།། ངས་བཤད་ཁྱོད་ཀྱིས་ཡིད་ལ་ཟུང་།། ངོ་བོ་དབྱེ་བའི་སྒོ་ནས་བསྟན།། ་འབྱུང་བའི་དངས་མ་ལྔ་དང་སྙིགས་མ་ལྔ།། དངས་མ་ལྔ་ཡི་ངོ་བོ་ནི།། མཚན་ཉིད་འཛིན་པའི་ཡེ་ཤེས་ལྔ།། སྙིགས་མ་ལྔ་ཡི་ངོ་བོ་ནི།། ས་ཆུ་མེ་རླུང་ནམ་མཁའ་ལྔ།། འབྱུང་བ་ལྔ་ཡིས་ངེས་ཚིག་བསྟན་པ་ནི།། རིག ་པའི་རྩལ་དུ་འཆར་བ་དང་།། རྩལ་ལས་འཁོར་འདས་སྣང་བའོ།། དབྱེ་ན་མུ་བཞིར་ཤེས་པར་བྱ།། དངས་མ་སྙིགས་མ་རྣམ་པ་གཉིས།། རེ་རེ་ལའང་དེ་བཞིན་ཏེ།། རིགས་ཀྱི་བུ་ཁྱོད་ལེགས་པར་ཟུང་ཞིག། འབྱུང ་བའི་དངས་མ་འོད་ལྔའོ།། སྙིགས་མ་ས་ཆུ་མེ་རླུང་ངོ་།། དངས་མའི་སྙིགས་མ་ཤ་དང་རུས་ལ་སོགས།། སྙིགས་མའི་དངས་མ་འཇའ་ཚོན་རྣམ་པ་ལྔ།། དཔེ་ནི་ཉི་མའི་འོད་ཟེར་དང་།། མན་ཤེལ་དག་ལ་འོད་སྣང ་བཞིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འབྱུང་བ་ལྔ་མདོར་བསྡུས་ནས་བསྟན་པའི་ལེའུ་སྟེ་ཉེར་གཉིས་པའོ།། ། ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྫ ་འཆང་།། སྙིགས་མ་དངས་མ་ལྔ་ལས་ཇི་ལྟར་ཤར།། དངས་མ་འབྱུང་བའི་མཚན་ཉིད་ཇི་ལྟར་ལགས།། ཆོས་ཉིད་དོན་ལ་སྦྱར་ན་ཇི་ལྟར་སྦྱར།། སྙིགས་མ་དངས་མར་གྲོལ་ན་ཇི་ལྟར་གྲོལ།། ཞེས་ཞུས་པས། སྟོན ་པས་བཀའ་སྩལ་པ། རྡོ་རྗེ་འཛིན་པ་ཉོན་ཅིག། ས་ཡི་མཚན་ཉིད་སྲ་བ་ཡིན།། ཆུ་ཡི་མཚན་ཉིད་གཤེར་བ་ཡིན།། མེ་ཡི་མཚན་ཉིད་ཚ་བ་ཡིན།། རླུང་གི་མཚན་ཉིད་ཡང་ཞིང་གཡོ།། ནམ་མཁའི་མཚན་ཉིད་ཡངས ་ཤིང་གོ་འབྱེད་པའོ།། རང་རང་ལས་ཀྱང་དེ་བཞིན་དབྱེ།། དངས་མའི་ས་ལས་འོད་ཟེར་དཀར་པོ་བྱུང་།། དེ་ལས་སྙིགས་མ་ས་རུ་སྣང་།། དེ་བཞིན་དངས་མའི་འབྱུང་བ་ལས།། འོད་ཟེར་རྣམ་པ་བཞི་རུ་བྱུང་།། དེ་ལ ་སྙིགས་མ་བཞི་རུ་སྣང་།། དངས་མའི་སྙིགས་མའི་མཚན་ཉིད་ནི།། སྲ་བ་མེད་པར་བརྟན་པ་དང་།། གཤེར་བ་མེད་པར་སྡུད་པ་དང་།། གཡོ་བ་མེད་པར་བསྐྱོད་པ་དང་།། ཚ་བ་མེད་པར་བསྲེག་པའོ།། ཁྱབ་པ་མེད ་པའི་གདངས་ཅན་ཡིན།། ཆོས་ཉིད་ཆོས་སྐུ་འགྱུར་བ་མེད།། དབྱེར་མེད་སྲ་བ་མེད་པར་བརྟན་པའི་ས།། ཆོས་ཉིད་ཆོས་སྐུ་གཉིས་མེད་དེ།། དག་པ་ཟང་ཐལ་དྲི་མ་མེད།། ཐམས་ཅད་དེ་ཡི་ངང་དུ་འདུས།། གཤེར་པ ་མེད་པར་སྡུད་པའི་ཆུ།། ཆོས་ཉིད་ཆོས་སྐུ་དབྱེར་མེད་དེ།། གཡོ་བ་མེད་པར་ཐོགས་པ་མེད།། གཡོ་བ་མེད་པར་བསྐྱོད་པའི་རླུང་།། མ་སོང་གནས་སུ་ཕྱིན་པའོ།། ཆོས་ཉིད་ཆོས་སྐུ་གཉིས་མེད་པས།། ཡེ་ཤེས་ཆེན་པོ ་རང་གི་གདངས་ལ་བཞུགས།། གཞན་དུ་སྣང་བའི་རྣམ་པར་རྟོག་པ་མི་མངའ་བས།། ཚ་བ་མེད་པར་བསྲེག་པ་མེད།། གཞན་སྣང་མེད་པར་རང་གསལ་བ།། ཁྱད་པར་ཡེ་ཤེས་གདངས་དང་བཅས།། ནམ་མཁའ་ཁྱབ ་པ་མེད་པས་གདངས་ཅན་ཡིན།། སྙིགས་མའི་འབྱུང་ལྔ་འོད་ལྔའི་ནང་དུ་གྲོལ།། འོད་ལྔ་དངས་མའི་གོ་རུ་ཐིམ།། དེ་བཞིན་རྟགས་ཀྱང་རིམ་པར་འགྱུར།། ཞེས་གསུངས་སོ།། སྤྲོས་བྲལ་དོན་གསལ ་ཆེན་པོའི་རྒྱུད་ལས། འབྱུང་བའི་མཚན་ཉིད་བསྟན་པ་དང་། ཤར་ལུགས་ཐིམ་ལུགས་དོན་དང་སྦྱར་ནས་བཤད་པའི་ལེའུ་སྟེ་ཉེར་གསུམ་པའོ།། །། དེ་ནས་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ། ་རྗེ་འཆང་།། འབྱུང་བ་ལྔ་ལ་གནས་པ་ལ།། བསྐལ་པ་ཞེས་སུ་གྲགས་པ་སྟེ།། དེ་ཡི་དོན་བཤད་གསུང་དུ་གསོལ།། ཞེས་ཞུས་སོ།། དེ་ནས་ཡང་སྟོན་པས་གསུངས་པ། ཀྱེ་ཀྱེ་རྡོ་རྗེ་འཛིན་པ་ཉོན་ཅིག། བསྐལ་པའི་ངོ ་བོཔོ་བསྟན་པ་ནི།། དང་པོ་ཡེ་ཤེས་ཡུལ་ཤར་བ།། ཤར་བྱ་ཤར་བྱེད་ལྟར་སྣང་བས།། དང་པོ་དུས་སུ་ཆོས་ཉིད་བསྐལ།། ངར་དུ་འཛིན་པའི་རྣམ་རྟོག་གིས།། ཡེ་ཤེས་སྣང་བ་ནང་དུ་ནུབ།། སྣོད་ཀྱི་འཇིག་རྟེན་བསྐལ ་ཞེས་བཤད།། མཐའ་མ་བཟུང་འཛིན་གཉིས་སུ་བསྐལ།། སངས་རྒྱས་སེམས་ཅན་དེ་བཞིན་བསྐལ།། ངེས་ཚིག་གཏན་ཚིགས་བཅས་པ་ཡིན།། དབྱེ་བ་རྣམ་པ་གསུམ་ཡིན་ནོ།། ཡུན་དུ་གནས་པའི་བསྐལ་པའི ་སྒྲ།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས།། བསྐལ་པ་གསུམ་བསྟན་པའི་ལེའུ་སྟེ་ཉེར་བཞི་པའོ།། ། ནམ་མཁའི་མཐོང་ནས་སྣང་གསལ་གྱི་སྒྲོན་མེ་ཤར་བས། མཚན་མོ་མུན་པ་སེལ་བའི ་མན་ངག། ཨ་བཛྲ་ཧཾ་མ་རཏྣ་ཀཱ་ཡ་ཨོཾ་ཛྙཱ་ན་ཀ་ལ་བ་ག་བེ་ཀུ་ལ་ཡ་སན་ཙ་ཧཱུཾ་དྷ་རྨ་ས་ར་ཀེ་ཏུ་ཧ་དུ་ཡ་ཨཱ། དེའི་ཚེ་བཅོམ་ལྡན་འདས་རྡོ་རྗེ་འཆང་ཆེན་པོ།། ཐུགས་རྗེ་འབྱུང་བ་སྐུ་གསུམ་གྱི་དགོངས་པ་ལ་སྙོམས་པར ་ཞུགས་སོ།། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། འཁོར་བའི་རོལ་པར་ཤར་བ་དེ་ལྟར་ན།། དེ་ཡི་འདུལ་བྱེད་གཉིས་པོ་རུ།། དག་པ་ཆོས་སྐུ་ཆེན་པོ་ལས།། སྐུ་གཉིས་རོལ་པ ་ཇི་ལྟར་ཤར།། ཞེས་ཞུས་སོ།། སྟོན་པས་བཀའ་སྩལ་པ། ཐུགས་རྗེའི་སྐྲ་གཉིས་སྣང་བ་ཡང་།། ནམ་མཁའ་ལྟ་བུའི་ཆོས་ཉིད་ལ།། མན་ཤེལ་ལྟ་བུའི་རིག་པ་གསལ།། ཉི་ཟེར་ལྟ་བུའི་ཐུགས་རྗེ་བྱུང་།། ནད་པ་ལྟ་བུའི ་རིགས་དྲུག་ལ།། མུན་པ་ལྟ་བུའི་གཏི་མུག་པས།། དུག་གསུམ་ནད་རྣམས་སེལ་བར་བྱེད།། ཅེས་གསུངས་སོ།། ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་མགོན་པོ་རྡོ་རྗེ་འོད་དཔག་མེད།། ཆོས་སྐུ་གཞི ་ཆེན་པོ་ལ།། འབྲས་བུ་ལོངས་སྐྲ་ཇི་ལྟར་རྫོགས།། ཞེས་ཞུས་སོ།། སྟོན་པས་བཀའ་སྩལ་པ།། ཐུགས་རྗེ་སྐ་གཉིས་སྣང་བ་ཡང་།། གདུལ་བྱ་རྣམས་ལ་ཤར་བར་བཟད།། རང་ལས་ཤེས་རབ་སྐར་སྣང ་བར།། མཚན་མར་བཅས་པའི་སྐུ་མི་སྣང་།། ཡེ་ཤེས་རང་རིག་ཆེན་པོ་ལ།། མཚན་མ་གཞན་སྣང་རྣམ་རྟོག་མེད།། ཡང་གསང་བའི་བདག་པོས་ཞུས་པ། ཀྱེ་ཀྱེ་སྟོན་པ་ཐུགས་རྗེ་ཆེ་མངའ་བས།། ཤེས་རབ་སྐུ ་ལྔ་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རིག་པ་གཅིག་གིས་ངོ་བོ་ལས།། ཐམས་ཅད་འཆར་ཞིང་སྣང་བའི་ཕྱིར།། ཀུན་སྣང་ཆེན་པོ་ཞེས་ཀྱང་བྱ།། རང་རིག་ཡོན་ཏན ་མ་འགགས་པས།། རང་བྱུང་ཆེན་པོ་ཞེས་སུ་བཤད།། ཐུགས་རྗེའི་སྟོབས་དང་ལྡན་པས་འོད་དཔག་མེད།། ཤེས་རབ་ཐོགས་པ་མེད་པས་དོན་ཡོད་གྲུབ།། དེ་ཉིད་འགྱུར་བ་མེད་པས་མི་བསྐྱོད་པ།། སྟོང་པ་རིག་པ ་གཉིས་མེད་ཡེ་ཤེས་ཐོགས་པ་མེད།། ཤེས་རབ་སྐུ་ལྔའི་ངོ་བོ་ཡིན།། དབྱེ་བ་ཡོན་ཏན་སྒོ་ནས་དབྱེ།། ངེས་ཚིག་ཤེས་རབ་ལ་དེ་ལྟར་མཁྱེན་པ་མ་འགགས་པས་ཤེས་རབ་ཀྱི་སྐུའོ།། ཡང་ན་རང་ལ་ཤེས་རབ་མ ་འགགས་ལ། གདུལ་བྱ་ལ་སྐུར་སྣང་བའི་ཕྱིར་ན་ཡང་དེ་སྐད་ཅེས་བཏགས་སོ།། ཡང་གསང་བའི་བདག་པོས་ཞུས་པ། རང་ལ་སྐུ་མི་སྣང་བའི་གཏན་ཚིགས་ཇི་ལྟར་ལགས། ཞེས་ཞུས་སོ།། ཀྱེ་གསང་བའི་བདག་པོ ་ལེགས་པར་ཟུང་ཞིག། རང་གི་རིག་པ་དངོས་མེད་ཡེ་དག་ཟང་ཐལ་ཆེན་པོ་ཡིན། དེ་དོན་རྒྱས་པར་བསྟན་པ་ནི།། གཞན་སྣང་མེད་པའི་རང་བཞིན་གཞི།། གཟུགས་སྐུ་མཚན་མ་མེད་པས་རིག་པ་དངོས་མེད ་ཡིན། སྤྱན་གཉིས་དག་ནས་ཡེ་ཤེས་སྤྱན་མངའ་ཡེ་དག་ཟང་ཐལ་ཡིན། དེའི་གོང་ན་གཞན་མེད་པས་ཆེན་པོར་བཤད། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཆོས་སྐུ་ལས་ཐུགས་རྗེ ་གཟུགས་སྐུ་གཉིས་འབྱུང་བར་བསྟན་པ་དང་། ཆོས་སྐུ་ཉིད་ལ་རིག་པར་རང་སྣང་ལས་སྐུ་གཉིས་མེད་པར་བསྟན་པའི་ལེའུ་སྟེ་ཉེར་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན ་རྡོ་རྗེ་འཆང་།། གདུལ་བྱ་ཞེས་ནི་གང་ལ་བགྱི།། སྐ་རུ་སྣང་ཚུལ་ཇི་ལྟར་སྣང་།། ཞེས་ཞུས་པས། སྟོན་པས་གསུངས་པ། གསང་བའི་བདག་པོ་ལེགས་པར་ཟུང་ཞིག། རྣམ་དག་སྟུག་པོ་བཀོད་པ་ཡི།། ཆོས་ཉིད་ཆོས ་སྐུར་དབྱེར་མེད་ཀློང་།། ཡེ་ཤེས་རང་གདངས་བུམ་པ་ལྔ།། མ་འགགས་པ་ཡི་མྱུ་གུ་སྣང་།། ཆོས་ཉིད་དག་པའི་སྣང་ཆ་ལྔ།། མཐིངས་ག་དཀར་སེར་དམར་དང་ལྡང་།། མ་འདྲེས་གསལ་བའི་ཡེ་ཤེས་རྫོགས།། དེ་ལྔའི ་ནང་ནས་སྐུ་ལྔ་གྲུབ།། ཕྱོགས་བཞི་དབུས་དང་ལྔར་གནས་ཏེ།། དབུས་ནི་ཀུན་སྣང་ཡེ་ཤེས་ལ།། བཞི་པོ་རྣམ་སྣང་ཀུན་ཏུ་ཞལ།། མི་བསྐྱོད་རིན་འབྱུང་ཆེན་པོ་དང་།། འོད་དཔག་མེད་དང་དོན་གྲུབ་ཆེན་པོར ་སྣང་།། ཕྱག་མཚན་རང་གི་ཐུགས་ལ་གནས།། ཁ་དོག་ལྔ་ཡི་བདག་ཉིད་འཛིན།། གདན་གསུམ་ངང་ལ་ཡོངས་སུ་རྫོགས།། གདུལ་བྱ་རིགས་བཞིའི་སངས་རྒྱས་ཏེ།། དག་གཙང་གསལ་བའི་མེ་ལོང་ལ།། བྱད་ཀྱི ་རྣམ་པ་ཤར་བ་ལྟར།། མཚན་རྫོགས་རྡོ་རྗེ་འཆང་གིས་ནི།། ཆོས་ཉིད་དག་པའི་སྣང་བ་ལ།། མི་བསྐྱོད་རྡོ་རྗེ་རིན་ཆེན་འབྱུང་ལྡན་དང་།། སྣང་བ་མཐའ་ཡས་དོན་གྲུབ་ཤར།། གདན་གསུམ་ངང་ལ་ལྷུན་གྱིས ་རྫོགས།། རང་རང་ཕྱག་མཚན་ཐུགས་ལ་གབ།། དབྱེར་མེད་རྡོ་རྗེ་སྐྱིལ་ཀྲུང་བཞུགས།། ཡེ་ཤེས་ལྔ་ཡི་སྦུབས་ན་གསལ།། རང་རང་སོ་སོར་ཆོས་ཉིད་ཆེན་པོ་ལས།། ལྔ་པོ་སོ་སོའི་སྦུབས་ན ་གནས།། རེ་རེ་ལ་ཡང་བཞི་བཞིས་བསྐོར།། ཡེ་ཤེས་ལྔ་རྫོགས་རྩལ་གྱི་མཚན་ཉིད་འཛིན།། གཉིས་མེད་ཡུལ་ལྔ་ལུས་དང་གྲིབ་མ་བཞིན།། ཐབས་དང་ཤེས་རབ་གཉིས་མེད་ཞལ་སྦྱོར་གནས།། རྣམ་སྣང་ཞལ ་གཟིགས་དགོངས་པ་གཟིགས་མཁྱེན་ཡང་།། རྣམ་སྣང་རང་ལས་གཞན་སྣང་མེད།། རང་བྱུང་རང་སྣང་རང་ཤར་རང་གི་མཁྱེན།། རང་རྩལ་རྩེ་གཅིག་འབྱེད་པ་མེད།། ཅེས་གསུངས་སོ།། སྤྲོས་བྲལ་དོན་གསལ་ཆེན ་པོའི་རྒྱུད་ལས།། ཤེས་རབ་ཀྱིས་གདུལ་བྱ་ལ་སྐུ་ཕྱག་རྒྱར་གསལ་ལུགས་དང་གདུལ་བྱའི་སྐུར་རྫོགས་ཤིང་མཁྱེན་པར་ཤར་བ་བསྟན་པའི་ལེའུ་སྟེ་ཉེར་དྲུག་པའོ།། །། དེ་ནས་ཡང་གསང་བའི་བདག་པོས་ཞུས ་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ།། གནས་དང་གདན་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། གནས་མེད་གནས་ཆེན་ཆོས་ཉིད་རྣམ་དག་ན། མ་བྲིས་དཀྱིལ་འཁོར་འགགས ་མེད་འོད་དུ་གསལ།། ཡང་དག་གསང་བའི་དཀྱིལ་འཁོར་མཆོག། བཞུགས་གནས་ཆེན་པོར་དེར་བཤད་དོ།། དེར་བཞུགས་གདན་གྱི་ཁྱད་པར་གྱིས།། རྟགས་དང་ཁྱད་པར་ཆོས་ཀྱི་གདན།། རྟགས་ལ་རྣམ་པ་ལྔར ་བཤད་དེ།། སྐུ་གསུམ་འདུ་འབྲལ་མེད་པའི་རྟགས།། རྩལ་གསུམ་རྫོགས་པ་སེང་ཆེན་གདན།། སྐུ་གསུམ་ཆོས་ཉིད་དང་ན་གནས།། མི་འགྱུར་གླང་ཆེན་གདན་དུ་བཏིངས།། དངོས་མེད་བརྡའ་ཡིན་ཆོས་ཉིད་ངང་ལ ་བཞུགས།། སྐུ་གཉིས་ཆོས་ཉིད་སྤྱོད་པའི་རྟགས།། བསྐྱོད་པའི་ཤུགས་འཆང་རྟ་མཆོག་གདན།། མཚོན་པའི་བརྡར་བྱེད་ཐུགས་རྗེའི་ཤུགས་ཀྱིས་བསྐྱོད།། ཐུགས་རྗེས་འགྲོ་ལ་མཛེས་པའི་དོན་བྱེད་པས།། མཛེས་པ ་རྨ་བྱའི་གདན་མཆོག་བཏིང་།། དེས་མཚོན་དཔེ་ཡིས་མཐུན་པར་སྣང་།། རྫུ་འཕྲུལ་སྟོབས་ཀྱིས་ཕྲིན་ལས་ཐོགས་མེད་མཛད།། དེ་ཡི་རྟགས་སུ་མཁའ་ལྡིང་ཐོགས་མེད་གདན།། དེ་རང་མ་ཡིན་ཆོས་མཐུན་མཚོན་པའི ་དཔེ།། དངོས་སུ་ཐུགས་རྗེ་རྫུ་འཕྲུལ་སྟོབས་དང་ལྡན།། ཐབས་མ་འགགས་པའི་ཡེ་ཤེས་དང་། ཤེས་རབ་འགྱུར་བ་མེད་པའི་ཆོས་ཉིད་ལས།། གཉིས་མེད་སྐུ་དང་ཡེ་ཤེས་གསལ།། དེ་རྟགས་ཉི་ཟླ་རྣམ་གཉིས ་གདན།། བརྗོད་མཚོན་སྒྲ་སྟེ་སྟོང་པའི་ཡེ་ཤེས་དངོས།། རང་རིག་ཁོང་ནས་ཡེ་ཤར་དྲི་མས་གོས་པ་མེད།། དེས་མཚོན་པདྨའི་གདན་ཏེ་དངོས་མེད་དོན་ལ་སྦྱོར།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད ་ཆེན་པོ་ལས། བཞུགས་གནས་དང་གདན་བསྟན་པའི་ལེའུ་སྟེ་ཉེར་བདུན་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གདན་གྱི་ངོ་བོ་ངེས་ཚིག་དང་།། དབྱེ་བ་དཔེ ་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ངོ་བོ་ཆོས་ཉིད་འགྱུར་མེད་ཡིན།། བསྡུས་པ་དེ་ལས་མེད་མོད་ཀྱི།། དབྱེ་བའི་སྒོ་ནས་མཚོན་ནས་ཀྱང་།། རྟགས་ཀྱི་གདན་ལ་རྣམ ་པ་ལྔ།། ཁྱད་པར་གདན་ལ་རྣམ་པ་གཉིས།། ཆོས་ཉིད་གདན་ལའང་དེ་དང་མཚུངས།། རང་རང་དོན་གྱི་ངོ་ལས་སྦྱོར།། ངེས་ཚིག་དེ་ལ་བཞུགས་ཕྱིར་གདན་ཞེས་བྱ།། དབྱེ་བ་རྣམ་པ་གསུམ་ཡིན་ཏེ།། རྟགས་དང ་ཁྱད་པར་ཆོས་དང་གསུམ།། དེ་ལས་ཕྱེ་བས་གོང་མ་བཞིན།། དཔེ་ནི་རྒྱལ་བློན་གདན་ལ་བཞུགས་པ་བཞིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གདན་གྱི་དོན་བཤད་པ་བསྟན་པའི ་ལེའུ་སྟེ་ཉེར་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གདན་ལ་རྫོགས་པའི་གཙོ་བོ་ལས།། འཁོར་གྱི་སྣང་བ་ཇི་ལྟར་ཤར།། ཚོམ་བུའི་དཀྱིལ་འཁོར་ཇི་ལྟར ་ལགས།། རྗེས་འཇུག་འཁོར་ལ་བཤད་དུ་གསོལ།། ཞེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། བཅོམ་ལྡན་རྡོ་རྗེ་མི་བསྐྱོད་ལས།། ས་སྙིང་བྱམས་པ་གཡས་དང་གཡོན།། ཐུགས་རྗེ་ཐབས་ཀྱི་སྐུ་རུ ་ཤར།། ཡུམ་ཆེན་སངས་རྒྱས་སྤྱན་དག་ལས།། ལཱ་སྱ་པུཥྤེ་གཡས་དང་གཡོན།། ཐབས་དང་ཐབས་ཀྱི་ཆ་འཛིན་ལས།། ཤེས་རབ་ཤེས་རབ་ཆ་འཛིན་པས།། རེ་རེ་ལའང་གཉིས་གཉིས་སྣང་།། ཚོམ་བུའི་དཀྱིལ་འཁོར ་གཅིག་ནང་གསལ།། དེ་བཞིན་རིན་ཆེན་འབྱུང་ལྡན་ལས།། ཀུན་བཟང་ནམ་མཁའི་སྙིང་པོ་གཉིས།། གཡས་དང་གཡོན་དུ་ཤར་ཅིང་གསལ།། མཱ་མ་ཀཱི་ལས་གཡས་གཡོན་དུ།། མཱ་ལེ་དྷ་པེ་གཉིས་སུ་གསལ།། ཚོམ ་བུའི་དཀྱིལ་འཁོར་ཆེན་པོ་གཅིག། བཅོམ་ལྡན་སྣང་བ་མཐའ་ཡས་ལས།། སྤྱན་རས་གཟིགས་དང་འཇམ་དཔལ་གཉིས།། མ་འགགས་གཡས་དང་གཡོན་ན་གསལ།། ཡུམ་ཆེན་ན་བཟའ་དཀར་མོ་ལས།། གཱི་ཏཱི་མ ་དང་ཨཱ་ལོ་ཀེ། གཡས་དང་གཡོན་དུ་དེ་བཞིན་གནས།། ཚོམ་བུའི་དཀྱིལ་འཁོར་ཆེན་པོ་གཅིག། བཅོམ་ལྡན་དོན་ཡོད་གྲུབ་པ་ལས།། ཕྱག་ན་རྡོ་རྗེ་སྒྲིབ་པ་སེལ།། གཡས་དང་གཡོན་དུ་རྣམ་པར་གསལ།། ཡུམ་ཆེན ་དམ་ཚིག་སྒྲོལ་མ་ལས།། ནརྀ་ཏཱི་གནྡྷེ་གཡས་དང་གཡོན།། ཚོམ་བུའི་དཀྱིལ་འཁོར་མ་ཆེན་པོ་གཅིག། ཡབ་རྣམས་ཀུན་ཏུ་བཟང་པོ་ལ།། ཡུམ་རྣམས་ཀུན་ཏུ་བཟང་མོའོ།། དེ་ཡིས་ཀུན་བཟང་ཡབ་ཡུམ་གསལ།། དེ ་རྣམས་ཕྱིན་ཅི་ལོག་བཞི་ཡི།། མཐའ་གཉིས་ལས་ནི་རབ་འདས་ཤིང་།། རྟག་ཆད་མཐའ་བཞི་རྣམ་པར་དག། བསྣོལ་བའི་སྒོ་བ་ཡབ་ཡུམ་བརྒྱད།། ཡོན་ཏན་རྩལ་རྫོགས་མ་འགགས་བཞི་བཅུ་གཉིས།། མཚན་དང ་དཔེ་བྱད་མ་ལུས་རྫོགས།། ཐུགས་རྗེའི་མཛད་སྤྱོད་རྒྱན་དང་རོལ་པར་ཤར།། རྣམ་རྟོག་མི་མངའ་ཅིར་ཡང་ས་ལེར་མཁྱེན།། ཡེ་ཤེས་ལུས་ལ་ཆོས་ཀྱི་སྤྱན་མངའ་བས།། མངོན་པར་རྫོགས་པའི་སངས་རྒྱས་རྣམ ་པ་ཐམས་ཅད་མཁྱེན།། མ་འགགས་རང་བྱུང་ཡེ་ཤེས་གསུང་ནི་འགྱུར་མེད་ཡི་གེ་དྲུག། ཐུགས་རྗེ་སྦྲུལ་སྐུར་བྱ་བའི་གཞི་མ་འགགས།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ ་ལས།། ལོངས་སྐུའི་འཁོར་བསྟན་པའི་ལེའུ་སྟེ་ཉེར་དགུ་པའོ།། ། དེ་ནས་ཡང་སྟོན་པས་གསུངས་པ། དེ་ཡིས་མཚོན་པའི་ཚིག་རྣམས་བཤད་ཀྱིས་ལེགས་པར་ཟུང་ཞིག། རྒྱུད་དང་ལུང་དུ་ངས་བཤད་པའི།། ལོངས་སྐུ ་ཞེས་སུ་འབྱུང་ན་དེ་སྐད་བཤད།། དཀྱིལ་འཁོར་ཞེས་སུ་འབྱུང་བ་དང་།། གཙོ་འཁོར་ཞེས་སུ་འབྱུང་བ་དང་།། ལྔ་ལྡན་རྫོགས་ལྡན་ཞེས་སུ་འབྱུང་བ་དང་།། དེ་བཞིན་གཤེགས་པ་ཞེས་པ་དང་།། རིགས་ལྔའི་སངས ་རྒྱས་ཞེས་པ་དང་།། སེམས་པ་སེམས་མ་ཞེས་པ་དང་།། འོད་གསལ་རང་སྣང་ཞེས་པ་དང་།། མཚན་རྫོགས་རྡོ་རྗེ་འཆང་གིས་ཞེས་པ་རྣམས།། ཚིག་དོན་མང་ཡང་མདོར་བསྡུས་བསྟན་པ་ཡིན།། སྐུ་ལ་མཚན་དཔེས ་རབ་བརྒྱན་པས།། མཚན་རྫོགས་རྡོ་རྗེ་འཆང་ཞེས་སོ།། འབོད་སྐད་ཐབས་གསུམ་དོན་གྱིས་ཁོག་སྡེབས་ལ།། ལོངས་སྐུའི་སྣང་བ་དེ་བཞིན་བཤད།། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས།། ་ལོངས་སྐུ་མཚོན་པའི་ཚིག་བསྟན་པའི་ལེའུ་སྟེ་སུམ་བཅུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཡེ་ཤེས་སྐུ་སྟེ་རང་བྱུང་བ།། སངས་རྒྱས་སྐུ་ལྔའི་བདག་ཉིད་ཅན།། སུམ་ཅུ་རྩ་གཉིས་མཚན ་འཆང་བ།། ལོངས་སྤྱོད་རྫོགས་སྐུ་སྐུ་ཡི་རྒྱལ།། བཞི་བཅུ་རྩ་གཉིས་འོད་གསལ་བའི།། སྤྱི་ཡི་མཚན་ཉིད་ཇི་ལྟར་ལགས།། རང་རང་དོན་ལ་ཇི་ལྟར་སྦྱར།། ཞེས་ཞུས་སོ།། སྟོན་པའི་བཀའ་རྩལ་པ། སྤྱི་ཡི་མཚན་ཉིད ་བསྟན་པ་ནི།། མཚན་ཉིད་འཛིན་པའི་ཡེ་ཤེས་ལྔ།། བྱས་པ་མེད་པར་རང་བྱུང་བས།། ལོངས་སྤྱོད་ཆེན་པོ་འོད་ཀྱི་སྐུ།། གྲུབ་ཚུལ་མཚོན་ཚུལ་བསྡུས་པ་ཡིན།། སངས་རྒྱས་སྐུ་ལྔའི་བདག་ཉིད་ཅན།། མཚན་གྱི་རྣམ ་གྲངས་གཙོ་བོར་བསྡུས།། རྣམ་སྣང་ལ་སོགས་རིགས་ལྔའི་སྒྲ།། མེ་ལོང་ནང་གིས་གཟུགས་བརྙན་བཞིན།། སྣང་ལ་རང་བཞིན་མེད་པའི་སྐུ།། ཐུན་མོང་མཚན་དང་ལྡན་པའི་སྐུ།། སྐུ་རེ་ལ་ཡང་ཡོངས ་རྫོགས་པའི།། ཐུན་མོང་སྤྱི་ཡི་མཚན་དཔེ་བསྟན།། ལོངས་སྤྱོད་རྫོགས་པ་སྐུ་ཡི་རྒྱལ།། སྐུ་ཡི་རྔམས་དང་གཟི་བརྗིད་ཀྱིས།། སྦྲུལ་སྐུའི་མཚན་མ་ཟིལ་གྱིས་གནོན།། ཆེ་བའི་ཡོན་ཏན་མདོར་བསྡུས་ཡིན།། བཞི་བཅུ ་རྩ་གཉིས་འོད་གསལ་བ།། རང་རང་ལྷ་ཡི་དོན་བཤད་ན།། སྐུ་གཅིག་སྐུ་ལྔར་གསལ་བ་རྣམ་པར་སྣང་མཛད་ཡིན།། དེ་ལ་འགྱུར་བ་མེད་པ་མི་བསྐྱོད་པ།། ཡོན་ཏན་ཕྱོགས་མེད་འབྱུང་བས་རིན་ཆེན་འབྱུང་ལྡན ་ཡིན།། དྲི་མས་མ་གོས་ཐུགས་རྗེའི་རྩལ་སྣང་ནི།། འོད་དཔག་མེད་དེ་པདྨའི་སྐུ།། གང་ལ་ཐོགས་མེད་བདག་གཞན་དོན་འགྲུབ་པས།། ཕྲིན་ལས་མཐར་ཕྱིན་དོན་ཡོད་གྲུབ་པའི་སྐུ།། ཡོན་ཏན་ཆེན་པོ་ཀུན་ཏུ་རྒྱས་པ ་དང་།། ཤེས་རབ་རྣམ་གཉིས་ཀུན་བསྐྱོད་ལོངས་སྤྱོད་པས།། ཐུགས་ཀྱི་རང་བཞིན་འཁོར་ལོ་རྩིབས་བརྒྱད་པ།། སྒྲ་ལྔ་ཡེ་ཤེས་ལྔ་ལྡན་མི་འགྱུར་མི་བྱེད་པས།། ཐུགས་ཀྱི་རང་བཞིན་རྡོ་རྗེ་རྩེ་ལྔ ་གསལ།། ངོ་བོ་མི་འགྱུར་རང་བཞིན་མི་འགག་པར།། ཐུགས་རྗེའི་ཡོན་ཏན་ཐམས་ཅད་འབྱུང་བས་ན།། ཐུགས་ཀྱི་རང་བཞིན་ནོར་བུ་རིན་ཆེན་གསལ།། རང་གིས་ངོ་བོ་དྲི་མེད་རྣམ་དག་པས།། ཐུགས་ཀྱི་རང་བཞིན ་པདྨ་འདབ་བརྒྱད་གནས།། ཐུགས་ཀྱི་དགོངས་པ་མཐའ་བཞི་ལས་འདས་ཤིང་།། ཚད་མེད་ཡེ་ཤེས་ཕྲིན་ལས་རྣམ་པ་བཞིས།། འགྲོ་དོན་མ་ལུས་རྫོགས་མཛད་པས།། ཐུགས་ཀྱི་རང་བཞིན་རྡོ་རྗེ་རྒྱ་གྲམ ་གསལ།། ཡུམ་ནི་ཡེ་ཤེས་སྣང་བ་སྟེ།། སྐུ་མདོག་ཕྱག་མཚན་ཡབ་དང་མཐུན།། གཉིས་མེད་ཡེ་ཤེས་འོད་དུ་གསལ།། མ་བཅོས་རང་བཞིན་ཡོངས་ལ་ཁྱབ་པའི་དབྱིངས།། ཡུམ་གྱུར་ཀུན་ཏུ་བཟང་མོའི་དོན།། རང ་བཞིན་མི་འགྱུར་ངོ་བོ་འགག་པ་མེད།། ཡུམ་ཆེན་སངས་རྒྱས་སྤྱན་གྱི་དོན་ལ་སྦྱར།། ཡོན་ཏན་མདོར་བསྡུས་རང་བཞིན་མཉམ་པར་སྦྱར།། ཡུམ་གྱུར་མཱ་མ་ཀཱི་ཡི་དོན་ལ་སྦྱར།། ཡོན་ཏན་སྨིན་བྱེད་རང་བཞིན་ཀུན་དྲོ ་བས།། འོད་ཀྱི་མདངས་དང་ལྡན་པས་དྲི་མས་མ་གོས་སོ་སོར་སྦྱོར།། ཡུམ་གྱི་རང་བཞིན་གོས་དཀར་མོ་དང་སྦྱར།། རང་བཞིན་སྐྱེ་བ་མེད་ཅིང་མི་ལྡོག་གནས་སུ་སྒྲོལ།། མི་འདའ་འགྱུར་མེད་ངང་ལ་གནས་པས ་ན།། དམ་ཚིག་སྒྲོལ་མ་ཞེས་བགྱི་དོན་ལ་སྦྱོར།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྤྱིའི་མཚན་ཉིད་བསྟན་པ་དང་། རིགས་ལྔ་ཡུམ་ལྔར་སྦྱོར་བ་བསྟན་པའི་ལེའུ་སྟེ་སོ་གཅིག ་པའོ།། །། དེ་ནས་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། འཁོར་རྣམས་དོན་ལ་ཇི་ལྟར་སྦྱར།། ཞེས་ཞུས་སོ།། སྟོན་པས་བཀའ་སྩལ་པ། ཀྱེ་ཀྱེ་རྡོ་རྗེ་འཛིན་པ། འཁོར་གྱི་རྣམ་གྲངས ་མང་མོད་ཀྱང་།། ཡབ་ཀྱི་ཆ་འཛིན་ཡབ་ལ་སྦྱོར།། ཡུམ་གྱི་ཆ་འཛིན་ཡུམ་ལ་སྦྱོར།། ཡབ་ཡུམ་གང་ཡང་གོང་དུ་སྦྱར་བ་བཞིན།། ཞེས་གསུངས་སོ།། དེ་ནས་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ ་འཆང་།། འཁོར་རྣམས་དོན་དུ་སྦྱར་བ་གསུང་བར་ཞུ།། ཞེས་ཞུས་སོ།། སྟོན་པས་བཀའ་སྩལ་པ། མི་བསྐྱོད་ཆེན་པོའི་ཞལ་གཟིགས་པས།། མེ་ལོང་ཡེ་ཤེས་དོན་རིག་པ།། ས་ཡི་སྙིང་པོ་དོན་ཀྱི་མཚན།། གསལ་བའི ་རྟེན་གྱུར་མ་སྐྱེས་བྱམས་པའི་དོན།། གཟིགས་པའི་རྣམ་པ་མ་འགགས་པས།། དེ་གཉིས་དུས་མཚུངས་ལཱ་སྱ་པུཥྤེའི་མཚན།། རིན་བྱུང་ཆེན་པོ་ཞལ་གཟིགས་པས།། མཉམ་ཉིད་ཡེ་ཤེས་རིག་པ་ཀུན་ཏུ ་བཟང་།། གསལ་བའི་རྟེན་གྱུར་མ་སྐྱེས་ནམ་མཁའི་དོན།། དོན་གྱི་དྲི་གསལ་མཱ་ལེ་དྷ་པེའི་དོན།། འོད་དཔག་མེད་ཀྱི་ཞལ་གཟིགས་པས།། སོ་སོར་ཀུན་རྟོགས་ཡེ་ཤེས་དོན་རིག་པ།། སྤྱན་རས་གཟིགས་ཀྱི་དོན་དང ་སྦྱར།། གསལ་བའི་རྟེན་གྱུར་མ་སྐྱེས་འཇམ་དཔལ་དོན།། སྐྱེས་པའི་ཡུམ་གྱུར་གི་ཏཱི་མ།། ཡེ་ཤེས་དོན་རྣམས་སོ་སོར་བསྟན།། ཇི་ལྟར་བསྐྱེད་དུ་མར་མེ་གསལ།། དོན་གྲུབ་ཆེན་པོའི་ཞལ་མཐོང ་པབ།། བྱ་གྲུབ་ཡེ་ཤེས་ལྔར་དོན་ཡང་གཟིགས་པས།། ཕྱག་ན་རྡོ་རྗེའི་དོན་གྱི་མཚན།། སྐྱེ་བའི་རྟེན་གྱུར་མ་སྐྱེས་སྒྲིབ་པ་རྣམ་པར་སེལ་བའི་དོན།། བསྐྱེད་བྱ་སྐྱེད་བྱེད་དུས་དེས་ནརྀ་ཏི་གནྡྷེ་མ།། བརྗོད་བྱ་མང་ཡང ་མདོར་བསྡུས་པའོ།། གཉིས་མེད་དབྱིངས་དང་ཡེ་ཤེས་ཀུན་བཟང་ཡབ་ཡུམ་དོན།། མཐའ་བཞི་ལས་གྲོལ་བདུད་བཞི་ངང་གིས་བཅོམ།། ཕྱིན་ཅི་ལོག་ལས་གྲོལ་བའི་སྒོ་བ་བཞི།། ཡེ་ཤེས་ཚད་མེད་བཞི་ཡི་དོན ་མཛད་སྒོ་མ་བཞི།། སྐུ་ལྔ་ངོ་བོ་ཉིད་ཀྱི་སྐུ་དང་དྲུག། མ་འགགས་ཐུབ་པ་དྲུག་གི་དོན་དང་སྦྱོར།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས།། ལོངས་སྐུའི་འཁོར་གྱི་དོན་ངོ་བོ་ལ་སྦྱོར་བ་བསྟན ་པའི་ལེའུ་སྟེ་སོ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལོངས་སྐུ་ཤར་ལུགས་དེ་ལྟར་ན།། སྤྲུལ་པ་སྐུ་ཡི་ཞིང་ཁམས་འདིར།། སྟོན་པ་བྱོན་ལུགས་ཇི ་ལྟར་ལགས།། སྤྲུལ་པའི་སྐུ་རྣམས་ཇི་ལྟར་ཤར།། ཞེས་ཞུས་སོ།། ཀྱེ་ཀྱེ་རྡོ་རྗེ་འཛིན་པ་ཉོན་ཅིག། ཆོས་སྐུའི་འོད་གྱུར་ལོངས་སྐུ་བཞི་བཅུ་གཉིས།། དེ་ཡིས་གསུང་ལས་རོལ་པའི་སྦྲུལ་སྐུ་རྣམས།། གདུལ་བྱ་དྲུག་ལ ་སོ་སོར་འཚམས་པར་བཤད་པའོ།། ཞེས་གསུངས་སོ།། ཡང་གསང་བའི་བདག་པོས་ཞུས་པ། སྟོན་པ་བྱོན་གཞི་དེ་ལྟར་ན།། སྐུ་ཡི་འཁྲུངས་རྟེན་གང་ཞིག་གིས།། རྟོགས་པའི་ཤེས་རབ་ཇི་ལྟར་སྐྱེས།། ཞེས་ཞུས ་སོ།། སྟོན་པས་བཀའ་སྩལ་པ།། ཕ་དང་མ་ལ་མ་རྟེན་པར།། བུང་བ་མེ་ཏོག་འཛིན་པ་ལྟར།། ཨུ་དུམ་ཝ་རའི་མེ་ཏོག་ལ།། རིག་པའི་ཡེ་ཤེས་ལས་ཞུགས་བརྫུས་ནས་སྐྱེས།། ཞེས་གསུངས་སོ།། ཡང་བཀའ་སྩལ་པ།། ་རྡོ་རྗེ་འཛིན་པ་ཉོན་ཅིག། ངས་ལེན་མ་མྱོང་བའི་ལུས་བླངས་པས།། མཐོང་མ་མྱོང་བའི་ཡུལ་གཉིས་མཐོང་།། ཤེས་མ་མྱོང་བའི་གཏམ་ཅིག་ཤེས།། བརྗོད་མ་མྱོང་བའི་ཚིག་ཅིག་བརྗོད།། དེ་ཚེ་རྟོགས་པའི་ཤེས་རབ ་སྐྱེས།། ཞེས་གསུངས་སོ།། ཡང་ཞུས་པ། རྟོགས་པའི་ཤེས་རབ་ཇི་ལྟར་སྐྱེས།། ཞུས་སོ།། ང་ཡི་ཆོས་སྐུ་དག་པ་ལས།། ཐམས་ཅད་མཁྱེན་པའི་ཡེ་ཤེས་ཤར།། ལོངས་སྐུ་མ་བསྐྱེད་ལྷུན་རྫོགས་པས།། རྣམ་པ་ཐམས ་ཅད་མཁྱེན་པར་ཤར།། ད་རང་སྤྲུལ་པའི་གྲཝ་ཡིན་པས།། ཆོས་རྣམས་རང་བྲང་ཆེན་པོར་ཤར།། ང་མི་གཞི་ལ་དབང་བཞི་རྫོགས།། ཆུ་བོ་ཆེན་པོ་བཞི་རུ་བཅས།། དེའི་ཚེ་རང་དབང་དང་གིས་ཐོབ།། ཐུགས་རྡོའི་སྒོ ་མ་འགགས་པས།། གདུལ་བྱའི་ཞིང་དག་ཐུགས་རྗེས་ཟིན།། ཡིད་ཀྱི་རྣམ་ཤེས་རང་བྱུང་བས།། ཤེས་རབ་འབྱུང་བའི་གཞི་མ་འགགས།། ལྕེ་ཡི་རྣམ་ཤེས་སྤྲུལ་པའི་སྐུ།། ཚིག་རྣམས་རང་རང་དོན་ལ་སྦྱོར།། ཞེས ་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། སྤྲུལ་པའི་སྐུ་ཇི་ལྟར་འཇིག་རྟེན་དུ་བྱུང་ཚུལ་བསྟན་པའི་ལེའུ་སྟེ་སོ་གསུམ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ ་ཀྱེཀྱི་སྟོན་པ་རྡོ་རྗེ་འཆང་།། སྐུ་གསུམ་གྱི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ཆོས་སྐུའི་ངོ་བོ་ནི་ཕྱོགས་ལྷུང་མེད་པའི་ཤེས་རབ་དང་གཉིས་སུ་མེད་པའོ།། ལོངས་སྐུའི་ངོ་བོ་ནི། ་མཚན་ཉིད་འཛིན་པའི་ཡེ་ཤེས་གསལ་བ་ལ་མི་རྟོག་པའོ།། སྤྲུལ་པའི་སྐུའི་ངོ་བོ་ནི། ཐུགས་རྗེ་མ་འགགས་པའོ།། ཆོས་སྐུའི་ངེས་ཚིག་ནི་ཁྱབ་པ་དང་རྟེན་བྱེད་པའོ།། ལོངས་སྐུའི་ངེས་ཚིག་ནི། ཞིང་དག་པ་དང ་འཁོར་སྨིན་པ་དང་ལོངས་སྤྱོད་པའོ།། སྦྲུལ་སྐུའི་ངེས་ཚིག་ནི་མ་འགགས་པའི་ཐུགས་རྗེ་སྣ་ཚོགས་པར་སྤྲུལ་པའི་ཕྱིར་སྦྲུལ་སྐུའོ།། ཡུན་ཐུང་བའི་ཕྱིར་སྦྲུལ་སྐུའོ།། མཐུན་པར་སྣང་བའི་ཕྱིར་སྦྲུལ་སྐུའོ།། མ་ངེས་པར ་སྣང་བའི་ཕྱིར་ན་སྦྲུལ་སྐུའོ།། ཆོས་སྐུ་ལ་དབྱེ་ན་གསུམ་སྟེ། རིག་པ་ངོས་བཟུང་བྲལ་ཞིང་མི་འགྱུར་བས། ཆོས་སྐུའི་ཆོས་སྐུའོ།། རིག་པ་ཤེས་རབ་ཀྱིས་སྐུ་ལ་མཁྱེན་པ་མ་འགགས་པས་ཆོས་སྐུའི་ལོངས ་སྐུའོ།། གདུལ་བྱ་ལ་སྣང་བའི་སྐུ་ལྔ་ནི། ཆོས་སྐུའི་སྦྲུལ་སྐུའོ།། རིགས་ཀྱི་བུ་དེ་ལ་ནི་ངོ་བོ་རང་བཞིན་ཐུགས་རྗེ་གསུམ་ཞེས་ཀྱང་བྱའོ།། གཞི་ལ་གནས་པའི་སྐུ་གསུམ་ཞེས་ཀྱང་བྱའོ།། འབྲས་བུ་གཞི་ལ་གྲུབ་པ་ཞེས ་ཀྱང་བྱའོ།། སྐུ་གསུམ་ཛ་ལོག་ཆེན་པོ་ཞེས་ཀྱང་བྱའོ།། འབྲས་བུའི་ངང་ལ་གནས་པ་ཞེས་ཀྱང་བྱའོ།། ལོངས་སྐུའི་ཆོས་སྐུ་ཆེན་པོ་ནི་རྣམ་པར་སྣང་མཛད་ཆེན་པོའོ།། ལོངས་སྐུའི་ལོངས་སྐུ་རིགས་བཞིའོ།། ལོངས ་སྐུའི་སྦྲུལ་སྐུ་ནི་སེམས་པ་དང་སེམས་མའོ།། དེ་རྣམས་ལ་མཚན་གྱི་བྱེ་བྲག་ནི། འབྲས་བུ་མངོན་དུ་གསལ་བ་ཞེས་བྱའོ།། སྐུ་གསུམ་རྣམ་པར་བཞག་པ་ཞེས་བྱའོ།། ལོངས་སྐུའི་སྐུ་གསུམ་མོ།། སྦྲུལ་སྐུའི་སྐུ་གསུམ ་ནི། རིགས་བཞི་ཆོས་ཀྱི་སྐུའོ།། སེམས་དཔའ་སེམས་མ་ལོངས་སྐུའོ།། ཐུགས་རྗེའི་འོད་ཟེར་སྤྲུལ་པའི་སྐུའོ།། ཀྱེ་སེམས་དཔའ་ཆེན་པོ་དེ་ལ་ནི་ཐུགས་རྗེ་འབྱུང་བའི་སྐུ་གསུམ་ཞེས་ཀྱང་བྱའོ།། སྐུ་གསུམ་མཐའ་ལ ་བསྐྱལ་བ་ཞེས་ཀྱང་བྱ། དེ་རྣམས་རྡོ་རྗེ་སེམས་དཔའི་ཐུགས་ལ་གནས་ཤིང་། སྟོན་པའི་དོན་མཛད་པས་འགྲོ་བ་འདུལ་བའི་སྐུ་གསུམ་ཞེས་བྱའོ།། ཀྱེ་གསང་བའི་བདག་པོ་ངེས་པར་ཟུང་ཞིག། ང་རྡོ་རྗེའི་སེམས་པ་ནི ་སྦྲུལ་སྐུའི་ཆོས་སྐུའོ།། ང་ཡི་དབུ་ཡི་ཐོ་ཚུགས་དང་། མཛོད་སྤུའི་བུ་ག་དང་། ཤངས་ཀྱི་སྒྲོམ་ལ་སོགས་པ་རྣམས་ནས་སྐུ་འཇམ་དཔལ་དྲི་མེད་སྙིང་པོ་ལ་སོགས་པ་རྣམས་ནི་སྦྲུལ་སྐུའི་ལོངས་སྐུའོ།། ཐུབ་པ་དྲུག ་དགའ་རབ་རྡོ་རྗེ་ལ་སོགས་པ་རྣམས་ནི་སྦྲུལ་སྐུའི་སྦྲུལ་སྐུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྐུ་གསུམ་བྱེ་བྲག་བསྟན་པའི་ལེའུ་སྟེ་སོ་བཞི་པའོ།། །། དེ་ནས་ཡང་གསང་བའི ་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེ་མཚོན་ཚིག་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། ཀྱེ་གསང་བའི་བདག་པོ། ངས་བསྟན་རྒྱུད་ལུང་ཐམས་ཅད ་དུ། ངོ་བོ་ངེས་ཚིག་དབྱེ་བ་རྣམ་གྲངས་གང་བྱུང་ཡང་།། ངས་བསྟན་གོང་བཞིན་ཤེས་པར་གྱིས་ཤིག། ཡང་གསང་བའི་བདག་པོས་ཞུས་པ། རྣམ་གྲངས་དོན་རྣམ་གསུང་དུ་གསོལ།། ཞེས་ཞུས་སོ།། སྟོན་པས་བཀའ ་སྩལ་པ། ངོ་བོ་ནི་མ་བྱས་པ། མ་བཅོས་པ། མ་སྨད་པ། མི་འགྱུར་བ་རང་བཞིན་རྣམ་པར་དག་པ། འདུས་མ་བྱས་པའི་ཡེ་ཤེས་ཆེན་པོ།། ནམ་མཁའི་ལྟ་བུའི་ཆོས་ཉིད། སྟོང་པ་རྡོ་རྗེའི་ཆོས་ཅན། རིག་པ་དངོས་མེད ་ཡེ་དག་ཟང་ཐལ་ཆེན་པོའོ།། རང་བཞིན་ནི་གཞི་གནས་ཀྱི་ཡེ་ཤེས་ཆེན་པོ་ལ། མཚན་ཉིད་འཛིན་པའི་ཡེ་ཤེས་ལྔ། མ་འགགས་པར་ངོ་བོ་ནང་ན་འོད་གསལ་བའོ།། ཐུགས་རྗེ་ནི་སྙིང་པོ་སྐུ་ལྔ། ཕྱག་རྒྱ་མི་འགགས ་པར་གསལ་བའོ།། རིགས་ཀྱི་བུ་ངོ་བོ་ཆོས་ཀྱི་སྐུ། རང་བཞིན་ལོངས་སྐུ། ཐུགས་རྗེ་སྦྲུལ་སྐུ་སྟེ། ཐམས་ཅད་ཀྱི་གཞི་མ་འགགས་པར་གནས་པས་གཞི་གནས་ཀྱི་སྐུ་གསུམ་མོ།། རྒྱུ་དག་པ་ཆོས་ཀྱི་སྐུ་ལ། འབྲས་བུ ་དག་པ་ཆོས་ཉིད་གཟུགས་སྐུ་གཉིས་ནང་གསལ་དུ་གནས་པ་ནི། ཡོན་ཏན་དུ་གྲུབ་པ་སྟེ། གཞི་ལ་གྲུབ་པའི་སྐུ་གསུམ་ཞེས་བྱའོ།། སྐུ་གསུམ་ཛ་ལོག་ཞེས་བྱ་བ་ནི། མཚན་ཉིད་སྡེ་གསུམ་ལས་ཛ་ལོག་སྟེ། འདུས ་བྱས་ཀྱི་ཆོས་ཀ་ནས་དག་པའི་རང་བྱུང་གི་ཡེ་ཤེས་ལྷུན་གྱིས་གྲུབ་པའོ།། སྔགས་ཕྱི་པ་ལས་ཛ་ལོག་སྟེ། རིགས་ལྔ་གདུལ་བྱ་ལ་སྣང་བས་སྤྲུལ་པ་སྟེ། ལོངས་སྐུ་ལ་སྦྲུལ་སྐུ་རྔ་ལོག་གོ།། རྫོགས་པ་ཆེན་པོ་ལ་སོགས་པ ་ཕྱི་ཐུན་མོང་ལས་ཛ་ལོག་སྟེ། བདག་གིས་མ་བསྒོམས་མི་བསྒོམ་བདག་ཉིད་ཆེན་པོའི་དགོངས་པ་དང་མི་འབྲལ་བར་གནས་སོ།། འདུག་ཚུལ་ཛ་ལོག་སྟེ། ཆོས་སྐུ་གཟུགས་སྐུ་གཉིས་ཀྱི་བདག་མེད་བསམ་འདས་ཀྱི ་སྐུ་ཡིན་པས། ཆོས་སྐུ་ཛ་ལོག་གོ།། ལོངས་སྐུ་སྦྲུལ་སྐུར་ཛ་ལོག་ཅིང་། སྦྲུལ་སྐུ་ལོངས་སྐུར་ཛ་ལོག་པས་ན་ཛ་ལོག་གོ།། རིགས་ཀྱི་བུ་དེས་ན་ལོངས་སྐུ་མན་ཆད་ནས་ལྟོས་པའི་བརྗོད་ཚིག་གོ།། དེ་ལ་བྱེད་པ་མེད ་པར་རང་བཞིན་གྱིས་དེ་ལྟར་གནས་པས་ན་ཆེན་པོའོ།། སྐུ་གཉིས་རང་གི་གཞིའི་ངང་ལ་གནས་ཤིང་འབྲས་བུའི་ངང་ལ་གནས་པས་ན། དོན་འགྱུར་བ་མེད་པར་གནས་སོ།། ཀྱེ་གསང་བའི་བདག་པོ་རྣམ་སྣང་ལ ་ལོངས་སྐུའི་ཆོས་སྐུར་བཞག་པ་ནི། རྣམ་སྣང་ལ་རིགས་བཞི་འབྱུང་ཞིང་རྣམ་སྣང་གི་ཡོན་ཏན་གྱིས་ཁྱབ་པ་སྟེ། རིགས་བཞིའི་གཞི་འམ་ཤེས་བྱར་གྱུར་པའོ།། རིགས་བཞི་ཡང་ཡང་རྣམ་སྣང་གིས་ཐུགས་རྣམ་པར ་དག་པ་ལ་ལོངས་སྤྱོད་མར་འཁོར་དུ་སྨིན་པས་སེམས་དཔའ་དང་སེམས་མ་ལ་ཐུགས་རྗེ་སྤྱོད་པའོ།། དེས་ན་རིགས་བཞི་ལོངས་སྐུའོ།། དེ་ལས་ཐུགས་རྗེ་བྱེ་བྲག་མི་འདྲ་བར་མཁྱེན་པས་སེམས་དཔའ་སེམས་མར ་སྤྲུལ་པའོ།། དེ་བཞིན་ཆོས་སྐུ་སྐུ་གསུམ་གྱི་བཞག་ལུགས་དང་སྦྲུལ་སྐུ་སྐུ་གསུམ་གྱི་བཞག་ལུགས་ཀྱང་ཤེས་པར་བྱའོ།། སྐུའི་ཆེ་བ་ཡོངས་སུ་རྫོགས་ཏེ་གདུལ་བྱ་འཁོར་སྨིན་པ་རྣམས་ལ་མངོན་པར ་སྣང་བས། འབྲས་བུ་མངོན་པར་གསལ་བའི་དུས་ཤེས་པར་བྱའོ།། ཐུགས་ཀྱི་མཁྱེན་པས་ཡར་ཆོས་སྐུར་གསལ་ཞིང་། སྤྱན་གྱི་སྤྲུལ་པས་མར་སྤྲུལ་སྐུར་གསལ་ཏེ། བར་ན་སྐུ་མཆོག་གསལ་བས་ན། རྣམ་པར་བཞག ་པའོ།། ཆོས་ཀྱི་སྤྱན་གྱིས་རྣམ་རྟོག་མི་མངའ་བས་གཟིགས་ལ་ཞལ་གྱི་བར་ནས་ཡི་གེ་དྲུག་གིས་འོད་འཕྲོ་བས། འཛམ་བུ་གླིང་བྱེ་བ་ཕྲག་བརྒྱ་ན་རྡོ་རྗེ་སེམས་དཔར་གསལ་ཞིང་། འགྲོ་དྲུག་སྤྱིའི་སྣང་ན་ཐུབ ་པ་དྲུག་གནང་བས། ཐུགས་རྗེ་འབྱུང་བའི་སྐུ་གསུམ་ནི། ཐུགས་རྗེ་འབྱུང་ལུགས་པར་པ་ནས་འབྱུང་བའི་ཕྱིར་རོ།། དེས་སེམས་ཅན་གྱི་དོན་དངོས་མཛད་པས་སྤྲུལ་པའི་སྐུ་སྟེ། འགྲོ་བ་འདུལ་བའི་སྐུ་གསུམ་མོ།། མ ་འགགས་པ་སྤྲུལ་པའི་སྐུ་སྟེ། རྩལ་ལམ་ཐུགས་རྗེ་དེ་ལྟར་སྣང་བའོ།། དེ་ནས་ཆོས་སྐུ་ཞེས་པ་དང་། ལོངས་སྐུ་ཞེས་པ་དང་། ཐུགས་རྗེ་ཞེས་པ་དང་། སྤྲུལ་པའི་སྐུ་ཞེས་པ་དང་། མགོན་པོ་ཞེས་པ་དང་། དཔལ་ཞེས ་པ་དང་། སྐྱབས་ཞེས་པ་དང་། སྟོན་པ་ཞེས་པ་དང་། འཇིག་རྟེན་གྱི་སྒྲོན་མ་ཞེས་པ་མདོར་བསྡུས་ནས་བསྟན་པའོ།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། སྐུ་གསུམ་མཚོན་པའི་ཚིག་དང ་སྐུའི་རྣམ་གྲངས་བསྟན་པའི་ལེའུ་སྟེ་སོ་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ། སྐུ་གསུམ་ཡེ་ནས་སངས་རྒྱས་པའི།། སངས་རྒྱས་ངོ་བོ་ངེས་ཚིག་དང་།། དབྱེ་བ་རྣམ་གྲངས་གསུང ་དུ་གསོལ།། ཞེས་ཞུས་པས་སྟོན་པས་བཀའ་སྩལ་པ། སངས་རྒྱས་ཀྱི་ངོ་བོ་དྲི་མ་མེད་པའི་ཡེ་ཤེས་སོ།། ངེས་ཚིག་ནི་ཉོན་མོངས་པའི་དྲི་མ་དག་ཅིང་། མཁྱེན་པའི་ཡེ་ཤེས་རྒྱས་པས་ནའོ།། དབྱེ་ན་གཉིས་ཏེ་གཞི་ལྷུན ་གྲུབ་དང་། རྟོགས་པ་མངོན་གྱུར་ཞེས་བྱའོ།། དེ་ལ་ནི་གོང་གི་གཞི་དེའི་མཚན་དང་ལྡན་པས་ན། སངས་རྒྱས་ཞེས་བྱའོ།། ཆོས་སྐུ་ལས་ལོངས་སྐུ་མཆེད་ཅིང་། དེས་སྦྲུལ་སྐུར་སྟོན་པ་སྟེ། སྦྲུལ་སྐུས་འགྲོ་བ་ལ་འཆད ་པའི་ཕྱིར་ན་སྟོན་པའོ།། རྟོགས་པའི་ཤེས་རབ་ཀྱིས་ལོག་པར་རྟོགས་པའི་བདུད་བཅོམ་སྟེ། མཁྱེན་པའི་སྟོབས་དང་ལྡན་ཞིང་། གཟུང་འཛིན་གྱི་མཐའ་ལས་འདས་པས་ན་བཅོམ་ལྡན་འདས་སོ།། དེ་ལྟར་མཁྱེན ་པས་རྟོགས་པ་བདག་གིས་དཔལ་ལོ། ཀུན་གྱི་དོན་བྱེད་ཅིང་འཆད་པས་ན་ཐུགས་རྗེ་གཞན་གྱི་དཔལ་ལོ།། འགྲོ་བའི་མ་རིག་པའི་མུན་པ་སེལ་བའི་སྒྲོན་མའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི ་རྒྱུད་ལས། སངས་རྒྱས་ཀྱི་ངོ་བོ་ངེས་ཚིག་དབྱེ་བ་དང་། མཚན་མདོར་བསྡུས་ནས་བསྟན་པའི་ལེའུ་སྟེ་སོ་དྲུག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཆོས ་སྐུའི་བདུད་འཇོམས་ཇི་ལྟར་ལགས།། ལོངས་སྐུའི་འདུད་འཇོམས་ཇི་ལྟར་ལགས།། སྦྲུལ་སྐུའི་བདུད་འཇོམས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། ཆོས་སྐུ་འགག་པ་མེད་པས ་འཆི་བདག་གི་བདུད་བཅོམ། མཚན་མ་མེད་པས་ཕུང་པོའི་བདུད་བཅོམ། དེ་གཉིས་སུ་མེད་པས་ཉོན་མོངས་པའི་བདུད་དང་ལྷའི་བུའི་བདུད་བཅོམ། དེ་ནི་ངང་གིས་བཅོམ་པ་ཡིན། སྲོག་མེད་སྐུ་ལྔས་འཆི་བདག་གི ་བདུད་བཅོམ། ཡེ་ཤེས་སྒྱུ་མས་ཕུང་པོའི་བདུད་བཅོམ། སེམས་རྟོག་མེད་ཀྱིས་ཉོན་མོངས་པའི་བདུད་དང་ལྷའི་བུའི་བདུད་བཅོམ། ཆོས་སྐུ་དོན་ལྡན་རྟོགས་པའི་འཆི་བདག་གི་བདུད་བཅོམ། རྡོ་རྗེ་སེམས་དཔའ ་སྤྲུལ་པའི་སྐུའི་དོན་ལྡན་རྟོགས་པས་ཉོན་མོངས་བདུད་དང་ལྷའི་བུའི་བདུད་ཀྱང་དེ་བཞིན་བཅོམ། ལོངས་སྐུའི་དོན་ལྡན་རྟོགས་པའི་ཕུང་པོའི་བདུད་ཀྱང་བཅོམ། ཞེས་གསུངས་སོ།། ཡང་གསང་བའི་བདག་པོས ་ཞུས་པ། ཆོས་སྐུའི་ལྡན་ལུགས་ཇི་ལྟར་ལགས།། ལོངས་སྐུའི་ལྡན་ལུགས་ཇི་ལྟར་ལགས།། སྦྲུལ་སྐུའི་ལྡན་ལུགས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། ཆོས་སྐུ་ཡོན་ཏན་སྒོ་ཡངས་པས།། ཡེ ་ཤེས་ལྔ་དང་སྐུ་གཉིས་ལྡན།། ལོངས་སྐུ་མཚན་དང་དཔེ་བྱད་ལྡན།། དགོངས་པ་ཡེ་ཤེས་ལྔ་དང་ལྡན།། མངོན་པར་ཤེས་པའི་ཆོས་དྲུག་ལྡན།། སྦྲུལ་སྐུ་ཆོ་འཕྲུལ་རྫུ་འཕྲུལ་ལྡན།། ཟུར་ཙམ་བསྡུས་ནས་བསྟན་པ ་ཡིན།། ཡང་གསང་བའི་བདག་པོས་ཞུས་པ། སྐུ་གསུམ་འདས་ལུགས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། ཆོས་སྐུ་མཐའ་རྣམས་ཀུན་ལས་འདས།། ལོངས་སྐུ་གཟུང་འཛིན་འཁོར་བའི་ཆོས ་ལས་འདས།། སྦྲུལ་སྐུ་ཤེས་རབ་ཆེན་པོ་ཐུགས་རྗེའི་ཐབས་ལྡན་པས།། འཁོར་འདས་གཉིས་ཀའི་མཐའ་ལ་མི་གནས་འདས།། འདས་ལུགས་མང་ཡང་བསྡུས་ནས་བསྟན་པ་ཡིན།། ཞེས་གསུངས་སོ།། ཡང་གསང ་པབའི་བདག་པོས་ཞུས་པ། ཆོས་སྐུའི་སངས་རྒྱས་ཇི་ལྟར་ལགས།། ལོངས་སྐུའི་སངས་རྒྱས་ཇི་ལྟར་ལགས།། སྦྲུལ་སྐུའི་སངས་རྒྱས་ཇི་ལྟར་ལགས།། ཞེས་ཞུས་སོ།། སྟོན་པའི་བཀའ་སྩལ་པ། ཆོས་སྐུ་མཚན་མའི་ཆོས ་གཉིས་སུ་སྣང་བ་ཐམས་ཅད་སངས།། རང་གསལ་གཉིས་མེད་ཡེ་ཤེས་རྒྱས།། ལོངས་སྐུ་འཁོར་བའི་ཆོས་རྣམས་སངས།། རྣམ་པ་ཐམས་ཅད་མཁྱེན་ཉིད་དང་།། སྐུ་ཡི་ཆེ་བའི་ཡོན་ཏན་རྒྱས།། སྤྲུལ་པའི་སྐུ་ཡི་མ ་རིག་པ་དང་།། ལོགས་པར་ལྟ་བ་ཐམས་ཅད་སངས།། འཁོར་བ་འཁྲུལ་པའི་སྣང་བ་སངས།། ཤེས་རབ་ཐབས་དང་ཐུགས་རྗེ་རྒྱས།། ཞེས་གསུངས་སོ།། ཡང་གསང་བའི་བདག་པོས་ཞུས་པ། སྐུ་གསུམ་དྲི་མ་ཇི་ལྟར ་དག། སྟོན་པས་བཀའ་སྩལ་པ།། ཆོས་སྐུ་ངོ་བོ་ཉིད་ཀྱི་དྲི་མ་དག། ལོངས་སྐུ་ཤེས་བྱའི་དྲི་མ་དག། སྦྲུལ་སྐུ་ཉོན་མོངས་དྲི་མ་དག། ཅེས་གསུངས་སོ།། སྤྲོས་བྲལ་དོན་གསལ་རྒྱུད་ཆེན་པོའི་རྒྱུད་ལས། སྐུ་གསུམ་གྱི ་བཅོམ་ལྡན་འདས་སངས་རྒྱས་དང་དྲི་མ་དག་ཚུལ་བསྟན་པའི་ལེའུ་སྟེ་སོ་བདུན་པའོ།། །། དེ་ནས་ཡང་གསང་བའི་བདག་པོས་ཞུས་པ།། སྐུ་གསུམ་ཐུགས་རྗེ་མ་འགགས་པས།། འགྲོ་དོན་མཛད ་ཚུལ་ཇི་ལྟར་ལགས།། སྟོན་པས་བཀའ་སྩལ་པ། རིགས་ཀྱི་བུང་དང་པོ་བྱིས་པ་ལོ་བརྒྱད་ལོན་པའི་ཚད་དུ་སྐྱེས་སོ།། དེ་ནས་ལོ་བརྒྱད་ཀྱི་བར་དུ་ཤེས་རབ་ཀྱི་སྲོག་ཤིང་ལ་ཡེ་ཤེས་ལྔའི་འཁོར་ལོ་བསྐོར་ནས། རྟོགས ་པས་བདག་བསྒྲལ་ཏེ། དགོངས་པ་ཉིད་ལ་ཉིད་འགྲེལ་ལོ།། དེ་ནས་ལོ་བརྒྱད་ཀྱི་བར་དུ་སྤྲུལ་པ་མང་དུ་ཕྱུང་ནས་འགྲོ་བའི་དོན་བྱས་ཏེ། ལྷ་གནས་དང་པོར་འཁོར་རྣམས་ཀྱི་སྡུག་བསྔལ་གྱི་གདུང་པ་བསལ་ཏེ། རིན ་པོ་ཆེའི་དར་སྐུད་ལ་མུ་ཏིག་གི་ཕྲེང་བ་བརྒྱུས་ནས་འཁོར་ལོ་ཕྱིར་བསྐོར་ཏེ། ཐུགས་རྗེ་གཞན་བསྒྲལ་བའི་ཕྱིར། ལྡེམ་པོའི་དོན་ལ་དགོངས་ནས་ཐེག་པ་ཐུན་མོང་རྣམས་བཤད་དོ།། དེ་ནས་ཡང་མེ་རི་འབར་བའི་རྩེ ་མོ་ལ་སངས་རྒྱས་ཀྱི་བདེན་པ་ངེས་པར་མཐོང་ནས། སྣང་བ་སྟོང་པའི་ཆོས་རྣམས་བཤད་དོ།། དེ་ནས་བྱ་རྒོད་ཕུང་པོའི་རི་ལ། རྒྱུད་ཆེན་པོ་གསང་བ་རྨད་དུ་བྱུང་བ་རྣམས་ཐུགས་ལས་བཀྲོལ། མགུར་གྱི་བུམ་པ་ལ ་འདྲི་ལ། ལྗགས་ཀྱི་པདྨ་ལ་བསྐྱོན། ཡོན་ཏན་རྣམ་པ་ལྔའི་རྣམ་པར་ཤེས་པས་བཀྲམས། རིག་པའི་ཁུ་བྱུག་གསུང་དབྱངས་ཡན་ལག་དྲུག་ཅུ་དང་ལྡན་པ་གཅིག་ཏུ་བཤད་དེ། འཁོར་གྱི་བློའི་ཐེ་ཚོམ་དང་སྤྲོས་པ་བཅད ་དོ།། ལོ་ཉི་ཤུ་རྩ་བཞིན་མྱ་ངན་ལས་འདའ་ཁར་ཞལ་ཆེམས་རྣམ་པ་གསུམ་བཤད་དོ།། རྗེས་འཇུག་གི་དོན་དུ་སྤྲོས་བྲལ་དོན་གསལ་དང་གཅིག། གཅིག་ཤེས་ཀུན་གྲོལ་དང་གཉིས། རིན་ཆེན་ཀུན་འདུས་དང་གསུམ ་བཤད་དོ།། ངའི་རྗེས་སུ་ནི་འཇུག་ལ་ང་དང་ཕྲད་པའི་སྐལ་བ་མེད་པ་རྣམས་ཀྱི་དོན་དུ་བཞག་པའོ།། ངའི་སྐུ་གསུམ་གྱི་གདུང་རྟེན་དེ་བཞིན་དུ་བཞག་ནས། ང་ཡོངས་སུ་མྱ་ངན་ལས་འདས་སོ།། ཞེས་མ་འོངས་པའི ་དོན་དུ་དེ་སྐད་སྨྲོས་ཤིག། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྦྲུལ་སྐུའི་དོན་འཛད་ལུགས་བསྟན་པའི་ལེའུ་སྟེ་སོ་བརྒྱད་པའོ།། །། དེ་ནས་ཡང་སྟོན་པས་མཚོན་པ་བསམ་གྱི ་མི་ཁྱབ་པའི་དགོངས་པ་ལ་བཞུགས་སོ།། དེའི་ཚེ་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་ཐབས་ཀྱི་བདག། ལྡེམ་པོའི་དོན་ལ་དགོངས་པ་ཡི།། ཐེག་བརྒྱད་དོན་རྣམས་གསུང་དུ་གསོལ།། ཞེས་ཞུས ་སོ།། རིན་པོ་ཆེ་མཆོད་རྟེན་བང་རིམ་དགུ་པའི་སྟེང་ནས་སྟོན་པ་གཡུའི་བྱ་ཁུ་བྱུག་སྐད་ལན་བཞིན་འདོན་པའི་མན་ངག། སྭཱ་ཧཱ་སརྦ་ཡཱ་ན་པྲ་ས་ར་ཡ་དུས་ཡ། སྟོན་པས་བཀའ་སྩལ་པ། ཀྱེ་ཀྱེ་གསང་བའི་བདག་པོ ་ལེགས་པར་ཟུང་ཞིག། ང་དང་ང་ཡི་སྤྲུལ་པ་ཡིས། ཐུན་མོང་སྤྱི་དང་ཁྱད་པར་གྱི་འཁོར་གདུལ་བྱ་རྣམ་པ་གཉིས་ལ། ལྡེམ་དགོངས་སུ་བསྟན་པའོ།། ལྡེམ་པོའི་ལྟ་བ་འདི་ལྟར་ཏེ།། ཉན་ཐོས་རང་རྒྱལ་སེམས་དཔའ ་དང་།། ཀྲི་ཡོག་སྡེ་གསུམ་བསྐྱེད་རྫོགས་གཉིས།། བདེན་པ་ཕྱོགས་རེ་ནས་བཟུང་ནས།། གཟའ་གཏད་བཅས་པའི་ལྟ་བ་བརྒྱད།། བློ་ཡུལ་གཉིས་ཀྱི་མུར་འཛིན་པས།། རང་རིག་ཡེ་ཤེས་ལ་མ ་ཟློས།། དེ་བས་ཕྱིན་ཅི་ལོག་པ་ཡིན།། དོན་ལས་ཉམས་དང་གོལ་བའི་ཕྱིར།། ཞེ་འདོད་བློ་ཡི་ལྟ་བ་ཡིན།། ཀྱེ་གསང་བའི་བདག་པོ་ཞེ་འདོད་ཆས་པའི་ལྟ་བ་བརྒྱད། གང་ཟག་བདག་མེད་རྟོགས་ཀྱང་ཆོས་ཀྱི་བདག ་མ་སྤངས།། ཆོས་ཀྱི་བདག་ནི་གཟུང་འཛིན་གཉིས་སུ་སྣང་།། འཛིན་པའི་རྒྱུན་རྟོག་སྐད་ཅིག་འགགས།། རྟགས་ཆད་གཉིས་ལས་འདས་པར་བལྟ།། དཔེར་ན་ཆུ་བོ་གངྒཱ་བཞིན།། གཟུང་བྱ་ཀུན་རྫོབ་རྣམ་པར ་གསལ།། དོན་དམ་རྡུལ་ཕྲན་རྫས་སུ་འདོད།། དཔེར་ན་གཡག་རྔ་ནི་སེང་བཞིན།། མདོ་སྡེ་བྱེ་བྲག་གཉིས་སུ་འདོད།། ཉན་ཐོས་ཞེ་འདོད་ཡིན་པས་ན།། གཉིས་མེད་བདེ་ཆེན་དོན་དང་འགལ།། གང་ཟག་བདག་མེད ་གང་མཐུན་ངེས་རྟོགས་ལ།། ཆོས་ཀྱི་ཁམས་ལ་ཕྱོགས་གཅིག་བདག་མེད་ལྟ།། དེ་གཉིས་མཚན་མར་ངེས་འཛིན་པ།། རང་རྒྱལ་ཞེ་འདོད་ལྟ་བ་ཡིས།། གཉིས་མེད་བདེ་ཆེན་དོན་ལས་ཉམས།། བདག་གཉིས་བྲལ ་བར་བལྟ་ཞིང་བདེན་གཉིས་ཚུལ་དུ་འདོད།། དོན་དམ་སེམས་སུ་བལྟ་བ་དང་།། ཀུན་རྫོབ་སྐུར་པ་མི་འདེབས་པ།། དཔེར་ན་རྨི་ལམ་སྨིག་རྒྱུ་བཞིན།། བྱང་ཆུབ་སེམས་དཔའི་ལྟ་བ་ཡིན།། གཉིས་མེད་ཡེ་ཤེས་དོན ་ལས་གོལ།། མི་རྟོག་སྐྱེ་འགག་མེད་པའི་ངང་ལས་མ་གཡོས་ཀྱང་།། སེམས་དཔའ་རྣམ་གཉིས་རྗེ་དང་བྲན་དུ་བལྟ།། ཀྲི་ཡཱའི་ལྟ་བ་ཞེ་འདོད་དང་བཅས་པས།། ཀུན་བཟང་བདེ་ཆེན་དོན་དང་འགལ།། མི་རྟོག་དང ་ལས་མ་གཡོས་སྐྱེ་འགག་བྲལ་བཞིན་དུ།། སེམས་དཔའ་རྣམས་གཉིས་སྤུན་དང་གྲོགས་པོར་བལྟ།། ཨུ་པ་ཡོ་གའི་འདོད་པ་ཡིས།། དབྱེར་མེད་ཡེ་ཤེས་བདེ་ཆེན་དོན་ལས་འགལ།། མ་སྐྱེས་འགག་པ་མེད་ཅིང་མི ་རྟོག་གཡོ་བ་མེད་བཞིན་དུ།། ཁམས་དང་སྐྱེ་མཆེད་ལྷ་དང་ལྷ་མོར་བལྟ།། མ་ཧཱ་ཞེ་འདོད་མཚན་མར་འཛིན།། སྤྲོས་བྲལ་བདེ་བ་ཆེན་པོའི་དོན་ལས་གོལ།། མ་གཡོས་མི་རྟོག་སྐྱེ་འགག་མེད་བཞིན་དུ།། དབྱིངས ་དང་ཡེ་ཤེས་ལྷ་དང་ལྷ་མོར་འཛིན།། ཨ་ནུའི་ཞེ་འདོད་ལྟ་བ་ཡིན།། དངོས་མེད་ཟང་ཐལ་རང་སྣང་བདེ་ཆེན་དོན་ལས་གོལ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས།། ཐེག་པ་བརྒྱད་ཀྱི་གྲུབ ་མཐའ་བསྟན་པའི་ལེའུ་སྟེ་སོ་དགུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་སྟོན་པ་རྡོ་རྗེ་འཆང་།། ཐེག་པ་བརྒྱད་དུ་དེ་ལྟར་གསུངས་པ་དེ།། དགོངས་པ་ཉམས་སུ་ཇི་ལྟར་ལེན།། ཞེས་ཞུས ་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། དམིགས་གཏད་བཅས་པའི་བསྒོམས་པ་བརྒྱད།། རྩོལ་བའི་བློ་ཡིས་ཡུལ་བཟུང་ནས།། ཉན་ཐོས་ཐེག་པས་འདི་ལྟར་བསྒོམ།། རང་ལུས་རྡོས ་བཅས་ཕུང་པོ་ལ།། མི་གཙང་རྫས་སུ་འདུ་ཤེས་བསྐྱེད།། རྣམ་པར་སྔོ་དང་བམ་པ་དང་།། རུལ་བ་མྱགས་པར་བསྒོམ་པ་སྟེ།། གཟུགས་ཕུང་ཞེན་པའི་མཐའ་ལས་བཟློག། ཞི་གནས་ཡན་ལག་བཅུ ་གཉིས་ལྡན།། ཚོགས་དྲུག་ཡུལ་དང་རྟོག་པ་སྤང་།། རང་རྒྱལ་འདོད་པ་འདི་ལྟར་བསྒོམ།། དང་པོ་མ་རིག་ལ་སོགས་ནས།། མཐའ་མ་རྒ་ཤིར་ཟུག་པར་བསྒོམ།། རང་གི་དཔྲལ་བར་སེམས་གཏད་དེ།། ཀེང་རུས ་དཀར་པོ་མཐེབ་ལོངས་ཙམ།། དེ་ལ་སེམས་ཟིན་བརྟན་པ་དང་།། དེ་ལས་མཆེད་ནས་ཀེང་རུས་བལྟ།། དེ་ནས་རིམ་པར་འགག་པར་བསྒོམ།། བྱང་སེམས་འདོད་པ་འདི་ལྟར་བསྒོམ།། དེ་ཡང་བློ་ཡིས་འདོད་པ ་ཡིས།། སེམས་ཙམ་སེམས་ཉིད་རང་གསལ་བསྒོམ།། དབུ་མ་བདེན་པ་དབྱེར་མེད་ནམ་མཁའི་དཀྱིལ་ལྟར་བསྒོམ།། ཀྲི་ཡའི་འདོད་པ་འདི་ལྟར་བསྒོམ། སྟོང་པའི་ལྷ་ཚོགས་སྔོན་སོང་ནས།། རིགས་གསུམ་ཕྱག་རྒྱ ་ལྡན་པར་བསྒོམ།། ཡོ་གའི་ཞེ་འདོད་འདི་ལྟར་བསྒོམ།། བྱང་ཆུབ་རྣམ་ལྔ་སྔོན་སོང་ནས།། སུམ་ཅུ་རྩ་བདུན་ཕྱག་རྒྱ་བཞི་དང་ལྡན་པར་བསྒོམ།། མ་ཧཱ་ཡོ་གའི་བསྒོམ་པ་ནི།། ཏིང་འཛིན་རྣམ་གསུམ་སྔོན་སོང ་ནས།། ཞི་ཁྲོ་རབ་འབྱམས་བསྒོམ་པར་བྱེད།། ཕྱག་རྒྱ་བཞི་ལྡན་བསྒོམ་པའི་མཆོག། ཨ་ནུ་ཡོ་གའི་ཞེ་འདོད་བསྒོམ་པ་ནི།། སྙིང་པོ་བརྗོད་པ་སྔོན་སོང་ནས།། ཕུང་པོ་ལྷ་ཡི་ཕྱག་རྒྱ་བཞི།། དཔེར་ན་ཆུ་ལས་ཆུ་བུར ་དང་།། ཚྭ་ཚྭ་བརྐོས་ཕོར་ནང་ནས་བཏོན་པ་བཞིན།། སྐད་ཅིག་མ་ལ་གསལ་བར་བསྒོམ།། བསམ་ཏན་ཡན་ལག་སྔོན་སོང་ནས།། དངོས་གཞི་བྱེ་བྲག་དེ་ལྟར་བསྒོམ།། དགོས་ཆེད་མཐར་ཕྱིན་འབྲས་བུ་ཐོབ།། ཅེས ་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཐེག་པ་བརྒྱད་ཀྱི་བསྒོམ་པ་བསྟན་པའི་ལེའུ་སྟེ་བཞི་བཅུ་པའོ།། །། དེ་ནས་ཡང་གསང་བའི་བདག་པོས་ཞུས་པ། རང་རང་དོན་ལ་བསྒོམ་དུས ་སུ།། སྤྱོད་པའི་བྱེ་བྲག་ཇི་ལྟར་སྤྱད།། ཅེས་ཞུས་སོ།། སྟོན་པས་བཀའ་སྩལ་པ། གསང་བའི་བདག་པོ་ལེགས་པར་ཟུང་ཞིག། ཐེག་བརྒྱད་རང་གི་སྤྱོད་པ་བསྟན།། སྡུག་བསྔལ་རྩོལ་བསྒྲུབ་བཅས་པར་སྤྱོད།། སྤྱོད་པ ་བླང་དོར་མེད་པར་མ་རྟོགས་པས།། ཐུན་མོང་མ་ཡིན་བླང་དོར་སྤྱོད།། ཉན་ཐོས་སྤྱོད་པའི་ཁྱད་པར་ནི།། མ་བྱིན་ལེན་དང་མི་ཚངས་སྤྱོད།། སྲོག་གཅོད་རྣམ་པར་སྤང་པ་སྟེ།། ལུས་ཀྱི་སྤྱོད་པ་རྣམ་པར་དག། ངག ་གི་སྤྱོད་པ་དག་པ་ནི།། རྫུན་དང་ངག་འཁྱལ་ཕྲ་མ་དང་།། ཞེ་གཅོད་ཚིག་རྣམས་མེད་པར་སྤྱོད།། ཡིད་ཀྱི་སྤྱོད་པ་དག་པ་ནི།། བརྣབ་སེམས་གནོད་སེམས་ལོག་ལྟ་བྲལ་བ་ཡིན།། དགེ་བཅུ་རྣམས་ནི་རང་གི་དོན ་དུ་སྤྱོད།། རང་རྒྱལ་བ་ཡི་སྤྱོད་པ་ནི།། རྫུ་འཕྲུལ་ཡ་མ་ཟུང་འགའ་ཡིས།། འགྲོ་དོན་ཤས་ཙམ་སྤྱོད་པར་བྱེད།། བྱང་ཆུབ་སེམས་པའི་སྤྱོད་པ་ནི།། ཚད་མེད་བཞི་དང་བསྡུ་བ་བཞི།། གཙོ་རུ་གཞན་གྱི་དོན་དུ་སྤྱོད།། ཀྲི ་ཡ་པ་ཡི་སྤྱོད་པ་ནི།། ཕྱི་ནང་རྫས་གསུམ་དག་པར་སྤྱོད།། ཡོ་ག་དག་གི་སྤྱོད་པ་ནི།། ཕྲིན་ལས་རྣམ་པ་བཞི་དག་དང་།། ཁོ་ན་ཉིད་བཞི་སྤྱོད་པར་བྱེད།། མ་ཧཱ་ཡོ་གའི་སྤྱོད་པ་ནི།། ཐབས་དང་ཤེས་རབ ་གཉིས་སྒོ་ནས།། འགྲོ་དོན་མཐའ་རུ་ཕྱིན་པར་སྤྱོད།། ཨ་ནུ་ཡོ་གའི་སྤྱོད་པའི་གནས་སྐབས་ནི།། གཉིས་སུ་མེད་པའི་ཚུལ་གྱིས་སུ།། དབྱིངས་དང་ཡེ་ཤེས་རྣམ་པ་གཉིས།། གཉིས་མེད་གཅིག་ལ་ཡོངས ་སུ་སྤྱོད།། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ཐེག་པ་བརྒྱད་ཀྱི་སྤྱོད་པ་བསྟན་པའི་ལེའུ་སྟེ་ཞེ་གཅིག་པའོ།། །། དེ་ནས་ཡང་གསང་བའི་བདག་པོས་ཞུས་པ། སྟོན་པ་ཐུགས ་རྗེ་ཟབས་ཀྱི་བདག། དེ་ཡིས་འཇུག་སྒོ་བསྲུང་མཚམས་དང་།། སྒྲུབ་པའི་ཐབས་རྣམས་ཇི་ལྟར་ལགས།། སོ་སོའི་འབྲས་བུ་ཅི་ལྟར་སྨིན།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ངེས་ཟུང ་ཞིག། ཞུགས་ནས་དེ་ཡི་དོན་སྤྱོད་པས།། སོ་སོའི་འཇུག་སྒོ་སྤྱོད་པར་བསྡུ།། ལྟ་བའི་དོན་ལས་མི་འདའ་བས།། སོ་སོའི་དམ་ཚིག་ལྟ་བར་བསྡུ།། སོ་སོའི་ལྟ་བ་གོམས་པས་བསྒྲུབ་པའི་མཆོག། དེ་ལ་དེ་ཉིད་དེར ་བསྡུས་པའོ།། ཐེག་པ་སོ་སོའི་འབྲས་བུ་ནི།། ལྟ་བ་མངོན་དུ་གྱུར་པ་འབྲས་བུའི་མཆོག། ཉན་ཐོས་དག་གི་འབྲས་བུ་ནི།། ལྷ་སྒོམ་སྤྱོད་པ་མཐར་ཕྱིན་པས།། འབྲས་བུ་ཟུང་བཞི་ཡ་བརྒྱད་སྨིན།། རང་རྒྱལ་དག་གི། ་འབྲས་བུ་ཡང་།། ལྷ་སྒོམ་སྤྱོད་པ་མཐར་ཕྱིན་པས།། དགོས་པ་འབྲས་བུ་རྣམ་གཉིས་ཐོབ།། དཔེར་ན་ནེ་ཙོ་བསེ་རུ་བཞིན།། བྱང་སེམས་དག་གི་འབྲས་བུ་ཡང་།། ལྟ་བ་སྒོམ་པ་སྤྱོད་པ་རྣམས།། མངོན་འགྱུར་ས་བཅུ ་རིམ་སྦྱངས་ནས།། ཀུན་དུ་འོད་ལ་གནས་པར་འདོད།། ཀྲི་ཡའི་འབྲས་བུ་རྫོགས་པས་ནི།། རང་གི་ལྷ་སྒོམ་དོགས་ཆོད་པས།། རིགས་གསུམ་སྐུ་གསུམ་ངོ་བོར་འདོད།། རྡོ་རྗེ་འཛིན་པའི་ས་ནོན་པའོ།། ཡོ་ག་དག་གི ་འབྲས་བུ་ནི།། ལྷ་སྒོམ་སྤྱོད་པའི་བྱིན་རླབས་ཀྱིས།། སུམ་ཅུ་རྩ་བདུན་མངོན་རྫོགས་ཏེ།། སྐུ་གསུམ་རང་བཞིན་ལྷུན་གྱིས་གྲུབ།། མ་ཧཱ་ཡོ་གའི་འབྲས་བུ་ནི།། ལྟ་བ་ལ་སོགས་མངོན་གྱུར་ནས།། ཕྱག་རྒྱ་ཆེན་པོར ་མངོན་རྫོགས་པས།། བཅུ་གཅིག་ཀུན་ཏུ་འོད་ཀྱི་ས་ལ་མངོན་པར་འགྲུབ། ཨ་ནུ་དག་གི་འབྲས་བུ་ཡང་།། ལྟ་བ་དག་གི་དགོས་པ་ནི།། རྡོ་རྗེ་སེམས་དཔའ་མཚན་ཡོངས་སུ་རྫོགས་པའི་ས་མནོན་ནས། མ་ཆག་པདྨ ་ཅན་གྱི་ས་ལ་གནས། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཐེག་པ་སོ་སོའི་འབྲས་བུ་དང་། འཇུག་སྒོ་བསྲུང་མཚམས་སྒྲུབ་ཐབས་གསུམ་ལྟ་སྒོམ་སྤྱོད་པའི་བསྡུ་ཐབས་བསྟན་པའི་ལེའུ་སྟེ། ་ཞེ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཐེག་བརྒྱད་ལྟ་སྒོམ་སྤྱོད་པ་དང་།། འབྲས་བུ་མཐར་ཕྱིན་དེ་ལྟར་ན།། ཨ་ཏིའི་དོན་ལ་འཇུག་པ་ཡི།། མན་ངག ་རིམ་པ་ཇི་ལྟར་ལགས།། འགྲོ་བ་སེམས་ཅན་ཐམས་ཅད་ལ།། སྐུ་གསུམ་ཡེ་ཤེས་རྣམ་པ་ལྔ།། རང་ལ་རང་ཆས་ཡོད་པ་ལ།། གང་ཟག་ལམ་དུ་ཞུགས་པ་རྣམས།། ཀུན་གྱི་མི་རྟོགས་ཇི་ལྟར ་ལགས།། ཕྱི་ཡི་ཡུལ་ཉིད་ཆོས་ཉིད་ལ།། གཞན་གྱི་སྒྲིབ་པ་མེད་པ་སྟེ།། མཐོང་བ་མེད་པ་ཇི་ལྟར་ལགས།། རྡོ་རྗེ་འཆང་གིས་བཤད་དུ་གསོལ།། དེ་སྐད་ཅེས་ནི་ཞུས་པ་ལས།། རྡོ་རྗེ་འཆང་གིས་བཀའ་སྩལ་པ།། ཉོན ་ཅིག་གསང་བདག་ཞུ་བ་པོ།། སྐུ་གསུམ་ཡེ་ཤེས་ལྔ་ཡི་དོན།། ངོ་བོ་གཅིག་ལ་མཚོན་ཚུལ་ཕྱེ།། དེ་དོན་གཅིག་ཏུ་དྲིལ་བ་ནི།། རང་རིག་ཆོས་ཀྱི་སྐུ་རུ་འདུས།། རང་རིག་རྟོགས་པར་བྱ་བའི་ཐབས།། དུས་གསུམ་སངས ་རྒྱས་ཀུན་གྱིས་ཀྱང་།། བརྒྱད་ཁྲི་བཞི་སྟོང་ཆོས་བཤད་ཀྱང་།། ཅར་གྱིས་བསྟན་པའི་གདམས་ངག་མེད།། དེ་ཕྱིར་ལམ་དུ་ཞུགས་ཚད་ཀྱིས།། རང་གི་རིག་པ་ཆོས་ཀྱི་སྐུ།། རང་ལ་རང་ཆས་ཡོད་གྱུར་ཀྱང་།། རྟོགས ་པར་གྱུར་པ་མ་ཡིན་ནོ།། རང་རིག་ཆོས་སྐུར་མ་རྟོགས་པས།། ཕྱི་ཡི་འབྱུང་བ་རྣམ་པ་ལྔ།། ཆོས་ཀྱི་དབྱིངས་ཉིད་ཡིན་གྱུར་ཀྱང་།། འབྱུང་བ་རྣམ་ལྔ་རང་གར་བཟུང་།། དེ་ཕྱིར་ཆོས་ཉིད་རྟོགས་པར་དཀའ།། དེ་སྐད ་ཅེས་ནི་གསུངས་པ་དང་།། གསང་བའི་བདག་པོས་ཡང་ཞུས་པ།། སྟོན་པ་རྡོ་རྗེ་འཆང་ཆེན་པོ།། གང་ཟག་ཕྱི་མའི་དོན་ཆེད་དུ།། ད་ལྟ་ཉིད་དུ་རྟོགས་པ་ཡི།། ཅར་གྱིས་བསྟན་པའི་གདམས་ངག་ནི།། ཐུགས ་རྗེས་འཁོར་ལ་གསུང་དུ་གསོལ།། དེ་སྐད་ཅེས་ནི་ཞུས་པ་ཡིས།། རྡོ་རྗེ་འཆང་གིས་ཡང་གསུངས་པ།། ཐ་མལ་རང་རྒྱུད་ཤེས་པ་ནི།། ཅར་གྱིས་བསྟན་པས་རྟོགས་པའི་ཆོས།། གང་ཟག་ཕྱི་མའི་དོན་ཆེད་དུ།། བསྟན ་ཀྱང་སྣོད་ནི་ཤིན་ཏུ་དཀའ།། དཔེར་ན་ཨུ་དུམ་ཝ་ར་བཞིན།། བརྒྱ་སྟོང་ཁྲི་ལས་རེ་རེ་ཞིག། འགའ་ཙམ་ཟུང་ཙམ་འབྱུང་སྲིད་ན།། དེ་ཡིས་དོན་དུ་ང་ཡིས་བསྟན།། དེ་སྐད་སྟོན་པས་གསུངས་པ་དང་།། གསང་བའི ་བདག་པོ་ཡང་ཞུས་པ།། སྟོན་པ་རྡོ་རྗེ་འཆང་ཆེན་པོ།། སངས་རྒྱས་ཀུན་གྱི་དགོངས་པ་དང་།། སེམས་ཅན་ཀུན་གྱི་གནས་ལུགས་དོན།། ཅར་གྱི་བསྟན་པས་རྟོགས་པའི་ཆོས།། སལ་གྱིས་བསྟན་པའི་གོ་བའི ་དོན།། འདི་དོན་སྟོན་པའི་སློབ་དཔོན་དེ།། ཅར་ཕོག་མན་ངག་མཁས་པ་དང་།། སློབ་མའི་སྣོད་རྟོགས་མཁས་པ་དང་།། སྣོད་ལྡན་ཐུགས་རྗེ་འཛིན་པ་དང་།། བལྟ་བསྒོམ་དོན་ལ་གནས་པ་དང་།། སྤྱོད་པ་རྐྱེན་གྱིས ་མི་ཚུགས་པ།། དེ་ལྟ་བུ་ཡི་སློབ་དཔོན་དེ།། གཞན་གྱི་སྐྱོན་སྣང་མཆིས་གྱུར་ཀྱང་།། ལུས་ངག་ཡིད་གསུམ་དང་བ་ཡིས།། ཡང་དག་སྐྱེ་མེད་དོན་ཆེན་ཞུ།། ཡང་ནི་སྟོན་པས་གསུངས་པ་ནི།། ཡང་དག་སྐྱེ་མེད་བསྟན ་པའི་སྣོད།། དད་བརྩོན་བརྟུལ་ཞུགས་ཤེས་རབ་ཆེ།། གཏོང་ཕོད་མོས་གུས་བརྣགས་པ་ཆེ།། ལ་ཟློའི་ཆོས་དང་སློབ་དཔོན་དང་།། འདི་ཉིད་དོན་ལ་མོས་པ་ཆེ།། སེར་སྣའི་མདུད་ཁྲོལ་ལོངས་སྤྱོད ་འབུལ།། ལོངས་སྤྱོད་མེད་ན་རང་ལུས་འབུལ།། མན་ངག་ཞུ་བའི་དོན་ཆེད་དུ།། བུ་དང་ཆུང་མ་ལ་སོགས་ཏེ།། སྲོག་ལ་བབ་ཀྱང་གཏོང་ནུས་ན།། ཡང་དག་སྐྱེ་མེད་ཅར་གྱིས་བསྟན།། དེ་སྐད་སྟོན་པས ་གསུངས་པ་དང་།། གསང་བའི་བདག་པོས་ཡང་ཞུས་པ།། སློབ་དཔོན་མན་ངག་ལྡན་པ་དེས།། སློབ་མ་གོང་བཞིན་སྣོད་ལྡན་ལ།། ཅར་གྱིས་བསྟན་པའི་མན་ངག་འདིས།། ལྔ་བརྒྱའི་དུས་ལ་ཉེ་བའི་ཚེ།། ཐོས་པ་བྱ། ་རུ་ཚེ་ཚད་ཐུང་།། དགོན་པ་བསྟེན་དུ་འཚོ་བ་ཉམས།། སྤྱི་རུ་བཤད་པའི་མན་ངག་འདིས།། ཤེས་རབ་ཅན་དང་ཐོས་པ་ཅན།། ཇི་སྲིད་ཆ་ཡིས་རྟོགས་སྲིད་ཀྱང་།། རང་གི་མཚན་ཉིད་མཐོང་བ་མེད།། ཐོས་ཆུང་ཤེས ་རབ་ཆུང་བ་ཡིས།། རྟོགས་པའི་དོན་དང་མི་ལྡན་པས།། ཐོས་པ་ཆེ་ཆུང་མེད་པ་དང་།། ཤེས་རབ་ཆེ་ཆུང་མེད་པ་ཡིས།། རང་གིས་མཚན་ཉིད་མ་ནོར་བར།། བསྟན་པ་ཙམ་གྱིས་རྟོགས་པའི་དོན།། རྡོ་རྗེ་འཆང་གིས ་གསུང་དུ་གསོལ།། ཨེ་མ་ཐུགས་རྗེ་བདག་པོ་ལགས།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གིས་བཀའ་སྩལ་པ།། ཉོན་གཅིག་གསང་བའི་བདག་པོ་ཉོན།། བརྒྱད་ཁྲི་བཞི་སྟོང་ཆོས་བསྟན་ཀྱང་།། གང་ཟག ་བློ་དང་སྦྱར་བ་ལས།། ངེས་དོན་ཅར་གྱི་བསྟན་པ་མེད།། བརྒྱད་ཁྲི་བཞི་སྟོང་ཐེག་དགུར་འདུས།། ཐེག་པ་རིམ་དགུ་གསུམ་དུ་འདུས།། མཚན་ཉིད་སྡེ་གསུམ་རྒྱུ་ཡི་ཆོས།། གསུང་གི་སྤྲུལ་པ་ཤཱཀ་ཐུབ་ཀྱིས།། གཏན ་ལ་ཕབ་ཅིང་བསྟན་པའོ།། ཕྱི་རྒྱུད་སྡེ་གསུམ་འབྲས་བུའི་ཆོས།། སྐུ་ཡི་སྤྲུལ་པ་རྣམ་སྣང་གིས།། གཏན་ལ་ཕབ་ནས་བསྟན་པ་ཡིན།། བསྐྱེད་རྫོགས་རྣམ་གཉིས་ནང་པའི་ཆོས།། ཐུགས་ཀྱི་སྤྲུལ་པ་གསང་བདག ་གིས།། གཏན་ལ་ཕབ་ནས་བསྟན་པའོ།། ཐེག་བརྒྱད་རྫོགས་ཆེན་མིང་མ་ཐོབ།། དེ་ཕྱིར་གནས་ལུགས་མ་རྟོགས་ཕྱིར།། སྐུ་གསུང་ཐུགས་གསུམ་འདུས་པ་ཡི།། སྦྲུལ་སྐུ་དགའ་རབ་རྡོ་རྗེ་ཡིས།། རྫོགས་པ་ཆེན་པའི ་ཆོས་རྣམས་བཤད།། དེ་ནི་རྫོགས་ཆེན་མིང་ཐོབ་སྟེ།། དེ་ལ་བཤད་ཐབས་རྣམ་པ་བཞི།། བསྐྱེད་པས་སྣང་བའི་སྤྲོས་པ་ཆོད།། ལུང་སྡེ་རྒྱུད་སྡེ་ཀློང་སྡེ་གསུམ།། སེམས་སྡེ་ལ་སོགས་བཞི་ཡིས་བཤད།། ཡུལ་ལ་སྤྲོས ་གཅོད་བསྐྱེད་པ་ཡིན།། བསྡུས་པའི་ལུས་སེམས་ཤན་མ་ཕྱེ།། དེ་ཡིས་དོན་ལ་སྤྲོས་གཅོད་པས།། སྡུད་པ་དག་ཏུ་བསྟན་པ་ཡིན།། ཅར་ཕོག་དག་གི་མན་དག་ནི།། རིག་པ་དག་ལ་སྤྱོད་གཅོད་པས།། ཅར་བའི་མན ་ངག་དག་ཏུ་བསྟན།། དེ་ཡིས་འཁྲུལ་པ་རྩད་གཅོད་མཁས།། གཞན་ལ་ལྟོས་ནས་ཟབ་འགྱུར་ཏེ།། ཅར་གྱི་བསྟན་པའི་མན་ངག་མེད།། དེ་ཕྱིར་དོན་གྱི་ངོ་མ་འཕྲོད།། ངོ་མ་འཕྲོད་པས་དྲང་དོན་ཡིན།། ཡང་དག་དོན ་གྱི་ངེས་དོན་ནི།། ཚིག་དོན་གཉིས་སུ་འབྲེལ་བ་ཡིས།། ཅར་གྱི་བསྟན་པས་ཡེར་གྱིས་རྟོགས།། སལ་གྱི་བསྟན་པས་ཝལ་གྱིས་རྟོགས།། ཚིག་དོན་བསྟན་པས་རང་ངོ་ཤེས།། དེ་ལྟ་བུ་ཡི་མན་ངག་ལ།། བརྟེན་ན་ངོ། ་སྤྱོད་གཅིག་གིས་ཆོག། དབྱེ་ན་ངོ་སྤྲོད་རྣམ་པ་བདུན།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས།། ཨ་ཏིའི་དོན་ངོ་སྤྲོད་པ་ཞུས་ལེན་དང་བཅས་པ་བསྟན་པའི་ལེའུ་སྟེ་ཞེ་གསུམ་པའོ།། །། ཨ་དྷརྨ ་ཀ་ཡ། མུན་པའི་སྨག་རུམ་ཆེན་པོ་རུ། ཉི་མ་ཤར་བས་མུན་པའི་སྨག་གཏན་ནས་སངས་པར་བྱེད་པའི་མན་ངག་ཅེས་བྱ་བ་འདི།། ངོ་སྤྲོད་བདུན་གྱིས་གཏན་ལ་ཕབ་དགོས་སོ།། ཞེས་གསུངས་སོ།། ཀྱེ་ཀྱེ་རྡོ་རྗེ་འཆང ་ཆེན་པོ།། ངོ་སྤྲོད་རྣམ་པ་བདུན་པོ་ཡི།། དང་པོ་འབྱུང་བ་དངས་སྙིགས་ནི།། ཕྱི་ལ་རང་ངོ་སྤྲད་པ་དེ།། ཕྱི་རབས་དོན་དུ་གསུང་དུ་གསོལ།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གིས་བཀའ་སྩལ་པ།། འབྱུང་བ ་དངས་སྙིགས་དབྱེ་བ་ཡི།། ངོ་སྤྲོད་བསྟན་པ་འདི་ལྟ་སྟེ།། དང་པོ་ཤན་དབྱེ་སྐྱོན་བསལ་དང་།། བར་དུ་སྤྱི་དང་བྱེ་བྲག་ངོ་ཡིས་བཟུང་།། ཐ་མ་སྐུ་དང་དབྱིངས་སུ་ལ་བཟླ་བ།། དང་པོ་ཤན་དབྱེ་སྐྱོན་བསལ་བ།། ཕྱི་ཡི ་ཡུལ་དང་ནང་གི་ཤེས་རིག་གཉིས།། ཕྱི་ཡི་ཡུལ་ནི་འབྱུང་བ་རྣམ་པ་ལྔ།། ནང་གི་ཤེས་རིག་རྣམ་པ་བསྟན་པ་ནི།། རྣམ་པར་ཤེས་པའི་ཚོགས་བརྒྱད་ཡིན།། ཕྱི་ཡི་འབྱུང་བ་རྣམ་ལྔ་བསྟན་པ་ནི།། ཆོས་ཀྱི་དབྱིངས་ཉིད ་མ་ཤེས་གོལ་བ་སྟེ།། གར་བྱུང་གནས་དང་གར་འགྲོ་བ།། དེ་དོན་གོང་འོག་རྣམས་སུ་ཤེས་པར་བྱ།། འཁྲུལ་ནས་རེག་པའི་འབྱུང་བ་རྣམ་པ་ལྔ།། ཕྲ་བ་ཡེ་ཤེས་འོད་ཀྱི་ཁ་དོག་ལྔ།། ཆོས་ཉིད་སྟོང་པའི་ངང་དུ་ཤར་བ ་སྟེ།། རྟོགས་པའི་དོན་ལྡན་རྣམས་ལ་ཆོས་ཉིད་ཡིན།། མ་རྟོགས་པ་ལ་འཁྲུལ་སྣང་ཡུལ་དུ་ཤར།། ཆོས་ཉིད་ངོ་ཡིས་བཟུང་ན་འདི་ལྟ་སྟེ།། ཆོས་ཉིད་སྟོང་པ་ཉིད་དང་ཆོས་ཉིད་མ་འགགས་པ།། ཆོས་ཉིད་གཉིས་སུ ་མེད་དང་ཆོས་ཉིད་དྲི་མ་མེད།། ཐོགས་པ་མེད་པ་དང་ནི་ལྔ་རུ་བཤད།། ཡུལ་གྱི་དངོས་པོ་སྣང་གྲག་ཆོས་ཅན་འདི།། ཆོས་ཉིད་དེ་ལ་མ་གྲུབ་སྟོང་པའོ།། ཆོས་ཉིད་ངང་དུ་སྐུ་གསུམ་ཡེ་ཤེས་ལྔ།། མི་འགག་པ་རུ་འཆར ་དེཉིད་དོ།། ཆོས་ཉིད་དག་པ་གཉིས་སྣང་མེད་པ་ཡིན།། ཕྱི་དང་ནང་གཉིས་ཞེས་སུ་བསྟན་པ་ཡིན།། ཆོས་ཉིད་དོན་ལ་སྤྲོས་པ་མེད་པར་དག་པའོ།། ཆོས་ཉིད་ངོ་བོས་ཁྱབ་པས་ན།། ཆོས་ཉིད་ཐོགས་པ་མེད་པར ་བཤད།། ཆོས་ཉིད་བྱེ་བྲག་ཤན་དབྱེ་ངོས་བཟུང་བསྟན་པ་ནི།། ཆོས་ཉིད་སྐྱོན་གྱི་མཐའ་བསལ་འདི་ལྟ་སྟེ།། རྣམ་རྟོག་དག་པས་དྲི་མ་རགས་པ་སྟེ།། འབྱུང་བ་རྣམ་པ་ལྔ་རུ་བརྟས་པ་ཡིན།། དབུས་ཀྱི་རི་བོ་མཆོག ་རབ་ནས།། རྡོ་བྲན་ས་བྲན་ཤིང་བྲན་ཡན་ཆད་ནི།། འབྱུང་བ་ས་ཡི་དངོས་པོ་བརྟས་པར་རགས་པ་ཡིན།། རྒྱ་མཚོ་ཆུ་ཀླུང་ཆེན་པོ་མན་ཆད་ནས།། རླན་ཙམ་གཤེར་ཙམ་ཆུ་ཡི་ཐིགས་པ་ཡན་ཆད་ནི།། རྣམ་རྟོག་ཆུ་རུ ་བརྟས་པས་རགས་པ་ཡིན།། བསྐལ་པའི་མེ་ཆེན་འབར་པ་མན་ཆད་ནས།། གཙུབ་ཤིང་མེ་སྟག་ཕྲ་མོ་ཡན་ཆད་པ།། རྣམ་རྟོག་མེ་རུ་བརྟས་པས་རགས་པ་ཡིན།། རྡོ་རྗེ་རྒྱ་གྲམ་རླུང་ཆེན་ནས་བཟུང་སྟེ།། སེར་བུ་ཕྲ་མོ ་ཡན་ཆད་རྒྱུ་བ་རྣམས།། རྣམ་རྟོག་རླུང་དུ་བརྟས་པས་རགས་པ་ཡིན།། འབྱུང་བ་རྣམ་པ་བཞི་ཡིས་ནི།། ཆོས་ཉིད་སྟོང་པ་སྤྲོས་བྲལ་དེ་ལ་བསྒྲིབས།། འབྱུང་བ་ཕྲ་བའི་དྲི་མ་སེལ།། ངན་རྩལ་དེ་ནི་ཆོས ་ཉིད་ངང་དུ་འཆར་བ་ཡིན།། འོད་དང་གདངས་དང་ཡེ་ཤེས་རྩལ་ལ་བསྒྲིབས།། དྲི་མ་ཕྲ་བ་ཡུལ་གྱི་རགས་པ་སྟེ།། ཡུལ་ནི་དངོས་པོ་མཚན་མ་ཅན།། སྣ་ཚོགས་དག་ལ་སྤྱོད་པའི་ཡུལ་གྱི་རགས།། སྐྱེ་ལུགས་རགས ་པས་ཡུལ་གྱི་དངོས་པོ་ལྔ།། དབང་པོ་སྒོ་ལྔ་དངོས་པོ་མཚན་མར་སྐྱེས་པས་རགས།། དབང་པོ་རྣམ་ལྔ་སྤྱོད་པས་རགས།། དེ་ཡིས་གང་ལ་བསྒྲིབ་གྱུར་ན།། དབང་པོ་སྒོ་ལྔའི་དབྱེ་བར་བཅས་པ་ཡིས།། འབྱེད་པ་མེད ་པའི་ཤེས་རབ་བསྒྲིབས།། དངོས་པོ་སྣ་ཚོགས་བདག་ཏུ་འཛིན་པ་ཡིས།། དགོངས་པ་འཛིན་མེད་ཉག་ཅིག་དོན་ལ་བསྒྲིབས།། སྒོ་ལྔ་སྐྱེ་འགག་བཅས་པ་དེས།། སྐྱེ་འགག་མེད་པའི་ཡེ་ཤེས་བསྒྲིབས།། ཕྲ་བ་ཡིད ་གཉིས་དག་ཏུ་བསྟན་པ་དེས།། ཡུལ་གྱིས་ཕྲ་སྟེ་དངོས་པོ་ལ་མི་སྤྱོད།། སྐྱེ་ལུགས་ཕྲ་སྟེ་སྣ་ཚོགས་གཟུགས་མི་སྤྱོད།། གྲངས་ཀྱིས་ཕྲ་སྟེ་དབང་པོ་སྒོ་ལྔ་བལྟ་རུ་མེད།། ཡིད་ཀྱི་རྣམ་ཤེས་གཟུང་འཛིན་ཏེ།། ཉོན་མོངས ་ཡིད་ནི་ངར་འཛིན་ཡིན།། སྒོ་ལྔའི་རྣམ་པར་ཤེས་པས་ཡུལ་ལ་སྤྱད་པ་ནི།། དེ་ཡི་རྗེས་སུ་རྟོག་པས་ཤེས་པ་ཡིད་ལ་ཝ་ལེ་བ།། དེ་ལྟར་ཤེས་པ་དེ་ནི་ཡིད་ཀྱི་རྣམ་ཤེས་ཡིན།། དེ་ཡིས་གཟུང་འཛིན་ཉོན་མོངས་ཅན ་གྱི་ཡིད།། དེ་ལྟར་ཚོགས་བདུན་ས་བོན་ཏེ།། བསགས་པ་དེ་ལ་ཀུན་གཞི་ཞེས་བྱའོ།། ཡིད་གཉིས་དག་གིས་རང་རིག་སྤྲོས་བྲལ་དེ་ལ་བསྒྲིབས།། ཡིད་ཀྱི་རྣམ་ཤེས་གཟུང་འཛིན་བཅས་པ་དེས།། འཛིན་པ་མེད ་པའི་རང་གསལ་དག་ལ་བསྒྲིབས།། ཉོན་མོངས་ཅན་གྱི་ཡིད་ནི་ངར་འཛིན་བཅས་པ་དེས།། འཛིན་པ་མེད་པའི་རིག་པ་དེ་ལ་བསྒྲིབས།། ཚོགས་བདུན་གཞིའམ་རྩ་བ་ཕྱེད་པའི་ཕྱིར།། སྦྱོར་བ་དོན་གྱི་ཀུན་གཞི་ཞེས ་སུ་བཤད།། རྣམ་ཤེས་ཚོགས་བདུན་དེ་དག་གིས།། དགེ་བ་སྤྱད་ན་གཞི་ལ་དགེ་བ་འཕེལ་ཞིང་སྡིག་པ་འགྲིབ།། སྡིག་པ་སྤྱད་ན་སྡིག་པ་འཕེལ་ཞིང་དགེ་བ་འགྲིབ།། ལུང་དུ་བསྟན་ན་ལུང་དུ་བསྟན་པ་རྣམ་འཕེལ ་ཏེ།། མ་བསྟན་སྤྱད་ན་མ་བསྟན་འཕེལ་བར་འགྱུར།། མདོར་ན་སྦྱོར་བ་དོན་གྱི་ཀུན་གཞི་དེ།། ཚོགས་བདུན་སྤྱོད་པས་ལས་རྣམས་འཕེལ་བར་འགྱུར།། ཚོགས་བདུན་མ་སྤྱད་ལས་རྣམས་འགྲིབ།། ཚོགས་བདུན་གཞི ་རྩ་བྱེད་པ་ཡི།། ཀུན་གཞི་དེ་དག་གིས་ནི་གང་ལ་བསྒྲིབ་འགྱུར་ན།། རིག་པའི་མཚན་ཉིད་ལྔ་ལྡན་དེ་ལ་བསྒྲིབས།། སྤྱི་ཡི་ངོས་བཟུང་རིག་པའི་མཚན་ཉིད་བྱེ་བྲག་ནི།། སྐུ་གསུམ་ཤན་དབྱེ་སྐྱོན་གྱི་མཐའ་བསལ ་དང་།། སྤྱི་དང་བྱེ་བྲག་གཉིས་སུ་ངོས་བཟུང་བའོ།། ཆོས་སྐུ་ངོས་བཟུང་ལ་ཤན་དབྱེ་བ་དང་།། སྐྱོན་གྱི་དྲི་མ་བསལ་བ་དང་།། འབྱུང་བའི་དྲི་མ་ཕྲ་རགས་གསུམ་བྲལ་བ།། ཆོས་ཉིད་དག་གསལ་མེ་ལོང་གི་དཀྱིལ ་འཁོར་གཡའ་ཕྱིས་པ་ལྟ་བུ་ལ། རིག་པ་སེམས་ཀྱི་དྲི་མ་ཕྲ་རགས་གསུམ་དང་བྲལ་བ་ཡི། རང་གསལ་འཛིན་མེད་མར་མེ་རླུང་གིས་མ་བསྐྱོད་པ་ལྟ་བུ་ནི། ཆོས་ཉིད་ངང་དུ་ཤར་བ་དེ།། ཡེ་ཤེས ་དབྱིངས་ལས་ཤར་བ་ཡིས།། མཐའ་རྣམས་རྣམ་པར་མི་འབྱེད་དོ།། འཕྲལ་དུ་འབྱུང་བ་ལྟ་བུ་མ་ཡིན་ཏེ།། ཡེ་ཤར་ཡེ་བརྡལ་ཆེན་པོ་ཡིན།། ཆོས་སྐུ་མཚན་ཉིད་བདུན་ལྡན་ཏེ།། སྟོང་པ་འགྱུར་བ་མེད་པ་དང་།། ཡོན ་ཏན་འབྱུང་ཞིང་དྲི་མ་མེད།། ཐོགས་པ་མེད་དང་མཚན་མ་ཡི།། ཆོས་དང་བྲལ་བས་སྟོང་པའོ།། རང་བྱུང་ཆོས་སྐུ་རྐྱེན་གྱིས་མི་ཤིགས་འགྱུར་བ་མེད།། སྐུ་དང་ཡེ་ཤེས་མི་འགག་པས།། ཡོན་ཏན་འགག་པ་མེད ་པའོ།། ངོ་བོ་སྐྱོན་མེད་པས་ནི་དྲི་མ་མེད་པའོ།། རྩལ་མི་འགག་པས་ཕྱོགས་གཅིག་རྒྱ་ཆད་མེད།། མཚན་མའི་ཆོས་ཅན་མ་ཡིན་པས་ནི་སྟོང་།། ཅར་གྱིས་བསྟན་ན་མཚན་ཉིད་བཞི།། རིག་པ་ཆོས་སྐུ་རྣམ ་པ་གཉིས།། ངོ་བོ་གཅིག་པར་བསྟན་པ་ཡིན།། དེ་ཡི་མཚན་ཉིད་འདི་བཞི་ཡིན།། རང་རིག་ཆོས་སྐུའི་ངོ་བོ་སྟོང་།། དེ་ནི་ཆོས་ཉིད་སྟོང་པའོ།། ངོ་བོ་སྟོང་པ་དེ་ཉིད་གསལ།། རང་གསལ་དག་ཏུ་གནས་པ ་ཡིན།། གསལ་བའི་རྩལ་ནི་གཉིས་སུ་འབྱུང་།། འགྱུ་བ་རླུང་དང་སྣང་བ་འོད།། འགྱུ་བའི་དབང་གིས་ཉམས་སུ་མྱོང་བ་འཆར།། ཡེ་ཤེས་ལྔ་ཤར་རྩལ་དུ་འོད་ལྔ་ཤར།། དེ་དག་སྐུ་གསུམ་རྫོགས་པར་རྟོག་པ་སྟེ།། ཆོས ་སྐུ་གསལ་ལ་མི་རྟོག་པའོ།། དེ་ཉིད་ཅར་གྱིས་ངོ་སྤྲད་པ།། དཔེ་སྐྱོན་གཉིས་སུ་ཤེས་བྱ་སྟེ།། དཔེ་ནི་མུན་པའི་སྒྲོན་མ་ཡིས།། རིན་ཆེན་སྟོར་བ་རྙེད་པ་འདྲ།། སྐྱོན་གྱི་མཐའ་གསལ་ཤན་དབྱེ་བ།། ཡོད་པའི་མཐའ་དང ་རྟག་མཐའ་ཡིས།། ཆོས་སྐུ་སྟོང་པ་སྤྲོས་བྲལ་བསྒྲིབས།། མེད་མཐའ་དང་ནི་ཆད་མཐའ་ཡིས།། འཛིན་པ་མེད་པའི་རང་གསལ་བསྒྲིབས།། དེར་འཛིན་ཤེས་པ་ཆ་ཕྲ་འདིས།། ཆོས་སྐུ་སྟོང་པ་སྤྲོས་བྲལ་བསྒྲིབས།། ཕྲ ་བའི་ཤིན་དུ་ཕྲ་བ་ཡིས།། ནམ་མཁའ་སྟོང་པ་འདི་ཡིས་ནི།། དྲི་མེད་རྣམ་དག་ཆོས་ཀྱི་སྐུ་ལ་བསྒྲིབས།། དྲི་མ་ཕྲ་རགས་དེ་རྣམས་ཀྱིས།། ཆོས་ཀྱི་དབྱིངས་ལ་བསྒྲིབས་པས་ན།། ཆོས་སྐུ་ངོ་མ་ཤེས་པས་ལྷན་སྐྱེས་མ ་རིག་བྱུང་།། རྒྱུ་རྐྱེན་གཉིས་ཀྱིས་རྣམ་རྟོག་རགས་པ་བརྟས།། དེ་ཡི་སྐྱོན་གྱིས་སྐུ་གསུམ་དོན་མ་གསལ།། ཆོས་ཉིད་དོན་ཀྱང་མ་གསལ་རགས་པར་བརྟས།། ཕྱི་ཡི་ཡུལ་ཉིད་འཁྲུལ་པ་དང་།། མ་འཁྲུལ་པ་ཡི་བྱེ་བྲག ་དེ་ལྟར་བྱུང་།། རིག་པའི་མཚན་ཉིད་སྐུ་གསུམ་ཡེ་ཤེས་ལྔ་ཡིས་དོན་ཡིན་ཏེ།། དེ་ཡང་མཚོན་ཚུལ་སོ་སོར་དབྱེ་བ་ནི།། རིག་པ་ཆོས་སྐུ་ལོངས་སྐུ་སྦྲུལ་སྐུ་དང་།། སྟོང་པ་ཉིད་ལ་སོགས་པའི་ཡེ་ཤེས་རྣམ་པ་ལྔ།། དང ་པོ་རིག་པ་ལ་ཡང་ངོ་ཡིས་བཟུང་བ་དང་།། ཤན་དབྱེ་སྐྱོན་གྱི་དྲི་མ་བསལ་བའོ།། རིག་པ་ངོས་བཟུང་བསྟན་པ་འདི་ལྟ་སྟེ།། མཚན་ཉིད་རྣམ་པ་ལྔ་རུ་བསྟན་པ་ཡིན།། འབྱེད་མེད་འཛིན་མེད་རང་གསལ་དང་།། རྒྱ་མ ་ཆད་པའི་ཡེ་ཤེས་དང་།། ལྷུན་གྱིས་གྲུབ་པའི་སངས་རྒྱས་དང་།། རང་གི་ཡེ་ཤེས་དེ་ལ་གཞན་སྣང་གི་རྟོག་པ་མེད་པ་ཡིས། ཤན་དབྱེ་ངོས་བཟུང་སྐྱོན་བསལ་བའོ།། སྐྱོན་གྱི་མཐའ་བསལ་བ་འདི་ལྟ་སྟེ། ་རིག་པའི་དྲི་མ་རྣམ་པ་གསུམ་ཡིན་ཏེ།། རགས་དང་ཕྲ་དང་ཤིན་ཏུ་ཕྲ་བའོ།། རགས་པ་དབང་པོའི་སྒོ་ལྔར་ཤར་བའོ།། ཕྲ་བའི་ཡིད་གཉིས་ཕྲ་བ་ཀུན་གཞིའོ།། དབང་པོ་སྒོ་ལྔ་རགས་པར་ཅིའི་ཕྱིར་ན།། ཡུལ་དང་སྐྱེ ་ལུགས་གྲངས་དང་གསུམ་གྱིས་རགས་པའོ།། ལོངས་སྐུ་ཤན་དབྱེ་སྐྱོན་གྱི་མཐའ་བསལ་དང་།། བར་དུ་སྤྱི་དང་རང་གི་མཚན་ཉིད་ངོས་བཟུང་དང་།། མཐའ་མ་སྐུ་དང་ཡེ་ཤེས་དག་ཏུ་ལ་བཟླའོ།། ལོངས་སྐུའི་ངོ་བོ ་བསྟན་པ་དང་།། ཆོས་སྐུ་དྲི་མེད་རྣམ་དག་པ།། དོན་ལ་ཡེ་ཤེས་རྣམ་པ་ལྔ་རུ་གྲུབ་པ་སྟེ།། ཆོས་སྐུ་རྩལ་བྱུང་ཡེ་ཤེས་ལྔ།། ཡེ་ཤེས་ལྔ་ཡི་གདངས་ཤར་བས།། ལོངས་སྐུའི་མཚན་ཉིད་བསྟན་པའོ།། རང་རིག་ཡེ་ཤེས ་ལྔ་ལྡན་དེ།། གདངས་གཉིས་འོད་ལྔར་ཤར་བས་རིགས་ལྔའི་སྐུ་རུ་བྱུང་། འོད་ལྔ་གཅིག་ཏུ་གྲུབ་པས་རྣམ་སྣང་ཆེན་པོའི་སྐུ་རུ་རྫོགས། ཡོན་ཏན་རྩལ་ལྔ་ཁ་དོག་རྣམ་པ་ལྔ། སོ་སོའི་ཆ་ལས་རིགས་ལྔར་ཤར་བ ་ཡིན།། སྐུ་མདོག་ཕྱག་མཚན་གདན་ཁྲི་ལ་སོགས་པ།། སྣང་ཡང་ཡང་དག་དོན་དུ་གྲུབ་པ་མེད།། ཆོས་སྐུའི་ཡོན་ཏན་ཙམ་དུ་སྣང་བ་ཡིན།། རྩལ་དང་མདངས་སུ་མ་འགགས་ཆ་ཙམ་ཤར་བ་ཡིན།། མཁྱེན་པའི་ཤེས ་རབ་ཙམ་ལས་གསལ་བ་ཡིན།། ལོངས་སྐུའི་སྐྱོན་གྱི་མཐའ་བསལ་བ།། དྲི་མ་རགས་པའི་ཕུང་པོ་རྣམ་པ་ལྔས།། ལོངས་སྐུ་རིགས་ལྔ་དག་ལ་བསྒྲིབས་པ་ཡིན།། དྲིལ་བས་ལོངས་སྐུ་རྣམ་སྣང་དེ་ལ་བསྒྲིབས།། ཕྲ ་བས་རིགས་ལྔ་བློ་ལ་བསྒོམ་པ་དག་གིས་ཀྱང་།། ལོངས་སྐུ་རིགས་ལྔ་ཆོས་སྐུའི་རྩལ་ཅན་དེ་ལ་བསྒྲིབས།། དངོས་སུ་ཞེན་པ་ཕྲ་མོ་དེ།། ལོངས་སྐུ་བསྒྲིབས་བྱེད་ཕྲ་མོ་ཡིན།། ལོངས་སྐུ་མཐོང་དུ་མི་སྟེར་སྒྲིབ་བྱེད་དྲི ་མའོ།། ལོངས་སྐུ་དང་ནི་སྒྲིབ་བྱེད་ཕྱི་ལ་ཤན་འབྱེད་དོ།། བར་དུ་སྤྱི་དང་བྱེ་བྲག་ངོས་བཟུང་བ།། སྤྱི་ནི་གོང་དུ་སྨོས་པ་བཞིན།། ལོངས་སྐུའི་བྱེ་བྲག་ངོ་ཡིས་བཟུང་བ་ནི།། ཆོས་སྐུ་གསལ་སྟོང་དེ་ཉིད་ལ།། གསལ་ཆ ་རླུང་འགྲུས་དུས་སུ་འོད་བྱུང་བ།། དེ་ཉིད་ལོངས་སྐུ་ཁོ་ན་ཡིན་པའོ།། མདོར་ན་གསལ་སྟོང་གཉིས་མེད་ཆོས་ཀྱི་སྐུ།། ལྷུན་གྲུབ་ཆོས་ཀྱི་སྐུ་ཞེས་དེ་ལ་བྱ།། མ་རྟོགས་དུས་ན་ངོ་བོ་ཉིད་ཀྱི་སྐུ།། རྟོགས་པའི་དུས་ན་ཆོས ་སྐུ་ཁོ་ནའོ།། ཆོས་སྐུའི་རྩལ་མདངས་འཆར་ནས་ལོངས་སྒྲ་སྦྲུལ་སྐུའོ།། ཆོས་སྐུ་ངོ་འཕྲོད་དུས་ན་ལོངས་སྐུ་སྦྲུལ་སྐུ་གཉིས་ཀ་འཕྲོད། བྱེ་བྲག་ངོས་འཛིན་ལོངས་སྐུ་ངོ་སྤྲོད་ཁོ་ནའོ།། སྐུ་གསུམ་ལ་ཟློ་གོང་འོག ་གཞན་ན་གསལ། སྦྲུལ་སྐུ་ཤན་དབྱེ་སྐྱོན་གྱི་མཐའ་བསལ་དང་། བར་དུ་སྤྱི་དང་རང་གི་མཚན་ཉིད་ངོས་བཟུང་དང་། མཐའ་མ་སྐུ་གསུམ་དག་ཏུ་ལ་བཟླ་བའོ།། དང་པོ་ཤན་དབྱེ་སྐྱོན་གྱི་མཐའ་བསལ་བ།། ཆོས ་སྐུ་རང་རིག་གསལ་སྟོང་ལ།། འོད་གདངས་ལྷུན་གྲུབ་ཤར་བ་ལོངས་སྐུ་སྟེ།། དེ་གཉིས་རྩལ་ཤར་གདུལ་བྱའི་ངོ་ལ་ནི།། འོད་དང་རིག་པའི་རྩལ་གྱིས་སྐུར་སྣང་བ།། འགྲོ་བ་དྲུག་ལ་མཐུན་སྣང་འཆར ་བ་དེ།། ཐུབ་དྲུག་ལ་སོགས་སྤྲུལ་པའི་སྐུར་སྣང་ངོ་།། སྒྲིབ་བྱེད་གཟུགས་ཀྱི་ཕུང་པོ་རགས་པས་བསྒྲིབས།། མདོར་ན་རིག་པ་གསལ་སྟོང་དེ་ལ་ནི།། འོད་དང་རླུང་མ་བྱུང་བའི་ཆ་ནས་ནི།། ཆོས་སྐུའི་ངོ་བོ་ཞེས་ནི་དེ ་ལ་བྱ།། འགྱུས་ཏེ་འོད་བྱུང་སྐུ་དང་ཐུགས་ཚོགས་པ།། དེ་ལྟར་རྫོགས་པའི་ཆ་ནས་ལོངས་སྐུའོ།། སྐུ་དང་ཐུགས་ལས་བྱུང་བའི་ཆ་ནས་སྦྲུལ་སྐུའོ།། ཆོས་སྐུ་ངོ་འཕྲོད་དུས་ན་སྐུ་གསུམ་ངོ་འཕྲོད་པའོ།། ཅིའི་ཕྱིར་ཞེ་ན ་སྐུ་གསུམ་ལྷུན་གྲུབ་ཕྱིར།། སྐུ་གསུམ་མ་རྟོགས་ལུས་ངག་ཡིད་གསུམ་སྟེ།། རྟོགས་པའི་དུས་ན་སྐུ་གསུམ་དུས་གཅིག་འཆར།། ཆོས་ཀྱི་སྐུ་ལ་གསུམ་ག་དུས་གཅིག་རྫོགས།། ཅི་ཡི་ཕྱིར་ན་ལྷུན་གྱིས་གྲུབ་པའི ་ཕྱིར།། སྐྱོན་བསལ་ངོས་བཟུང་ལ་བཟླ་རྣམས།། རང་རང་སྐབས་ནས་རྫོགས་པར་འགྱུར།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཆོས་ཀྱི་དབྱིངས་དང་རིག་པ་ཆོས་ཀྱི་སྐུ་ལ་སོགས་པ་སྲ ་གསུམ་ངོ་སྤྲོད་པའི་ལེའུ་སྟེ་ཞེ་བཞི་པའོ།། །། དེ་ནས་ཡང་གསང་བའི་བདག་པོ་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། ཡེ་ཤེས་ལྔ་ཡི་ངོ་སྤྲོས་གསུང་དུ་གསོལ།། ཞེས་ཞུས་པས། རྡོ་རྗེ་འཆང་གིས་བཀའ་སྩལ ་པ།། སྐུ་གསུམ་དོན་ལས་མ་གཡོས་ཀྱང་།། མཚོན་ཚུལ་ཡེ་ཤེས་ལྔར་བྱུང་བས།། ཡེ་ཤེས་ལྔ་ཡི་ངོ་སྤྱོད་བསྟན།། ཤན་དབྱེ་སྐྱོན་གྱི་མཐའ་བསལ་དང་།། རང་དང་སྤྱི་ཡི་མཚན་ཉིད་ངོས་བཟུང་བ།། ཐ་མ་ཡེ་ཤེས་ལྔ ་རྣམས་ལ་བཟླའོ།། དང་པོ་ཤན་དབྱེ་སྐྱོན་གྱི་མཐའ་བསལ་བ།། རིག་པའི་ངོ་བོ་སྟོང་པར་འདུག་པས་ན།། སྟོང་པ་ཉིད་ཀྱི་ཡེ་ཤེས་ཡིན།། རིག་པ་སྟོང་པ་དེ་ཉིད་མ་འགགས་གསལ་བ་ཡིས།། མེ་ལོང་ལྟ་བུའི་ཡེ་ཤེས ་ཡིན།། རིག་པ་སྟོང་གསལ་གཉིས་སུ་མེད་པར་མཉམ་པ་ཡིས།། གཉིས་མེད་མཉམ་པ་ཉིད་ཀྱི་ཡེ་ཤེས་སོ།། རིག་པ་དེ་ཡི་ངོ་བོ་ལ།། སྟོང་པའི་ཕྱོགས་ནས་བལྟས་ན་སྟོང་པར་གསལ།། གསལ་བའི་ཕྱོགས་ནས ་བལྟས་ན་གསལ་བར་འདུག། གཉིས་མེད་ཕྱོགས་ནས་བལྟས་ན་གཉིས་མེད་དེ།། དེ་ལྟར་སོ་སོར་མ་འགགས་ཆ་ནས་ནི།། སོ་སོར་རྟོགས་པའི་ཡེ་ཤེས་སོ།། དོན་དེ་རྟོགས་པའི་རྩལ་གྱིས་ནི།། བྱ་བ་ཐམས ་ཅད་ཐོགས་པ་མེད་པར་འགྲུབ།། བྱ་བ་གྲུབ་པའི་ཡེ་ཤེས་སོ།། དེ་ལྔར་མ་རྟོགས་དུག་ལྔར་ཤར།། སྐྱོན་གྱི་མཐའ་བསལ་འདི་ལྟ་སྟེ།། ཡེ་ཤེས་ལྔ་ལ་སྒྲིབ་བྱེད་དེ།། རགས་པ་ཉོན་མོངས་དུག་ལྔས་བསྒྲིབས།། ཕྲ་བ ་འཛིན་བྱེད་ཕྲ་མོས་བསྒྲིབས།། ཤིན་དུ་ཕྲ་བ་ངོ་མ་ཤེས་པས་བསྒྲིབས།། སྒྲིབ་པའི་ཕྱིར་ན་དྲི་མའོ།། ཤན་དབྱེ་བ་ནི་འདི་ལྟ་སྟེ།། ཡེ་ཤེས་ལྔ་དང་དུག་ལྔ་དབྱེ།། སྐྱོན་གྱི་མཐའ་ནི་དུག་ལྔར་གསལ།། ངོས་བཟུང་སྤྱི་རུ ་ཤེས་པར་བྱ།། རང་གི་མཚན་ཉིད་ངོས་བཟུང་བ།། རང་བྱུང་ཡེ་ཤེས་རང་སྣང་དེ།། རང་བྱུང་ཡེ་ཤེས་ཆེན་པོ་ཞེས་པ་སྟེ།། དུག་ལྔ་མངོན་དུ་གྱུར་པ་ནི།། བཅོས་པའི་ཤེས་པ་ཞེས་པ་སྟེ།། མ་བཅོས ་གཉུག་མར་གནས་པའི་དོན།། དེ་ནི་རང་བྱུང་ཡེ་ཤེས་ཏེ།། ཡོན་ཏན་ཡེ་ཤེས་ལྔ་རུ་འཆར།། ལ་ཟློ་ལྟ་སྒོམ་སྤྱོད་པར་ཟློ།། ཡེ་ཤེས་ལྔ་པོ་དེ་དག་དང་།། སྐུ་གསུམ་དོན་ལ་དབྱེ་བ་མེད།། ཆོས་ཉིད་སྟོང་ཆ་རིག་གསལ ་དང་།། གཉིས་སུ་མེད་པའི་ཆ་ཡིས་ནི།། ཆོས་ཀྱི་སྐུ་ཡི་ངོ་བོ་ཡིན།། སྐུ་གཉིས་རྩལ་མི་འགག་པ་སྟེ།། སོ་སོར་མ་འགགས་ཆ་ནས་འོད་འབྱུང་བ།། ལོངས་སྐུའི་ངོ་བོ་དེ་ཉིད་ཡིན།། ཐུགས་རྗེས་འགྲོ་བའི་དོན་མཛད ་པ།། སྦྲུལ་སྐུ་བྱ་གྲུབ་ཡེ་ཤེས་ཡིན།། སྐུ་གསུམ་ཡེ་ཤེས་ལྔ་པོ་དེ།། ཆོས་སྐུའི་ངངལ་ལྷུན་གྱིས་གྲུབ།། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ཡེ་ཤེས་རྣམ་པ་ལྔ་ངོ་སྤྲོད་པའི་ལེའུ་སྟེ་ཞེ་ལྔ ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། ཚོགས་བརྒྱད་གཏན་ལ་ཕབ་སྟེ་ངོ་སྤྲད་པ།། ཕྱི་རབ་དོན་དུ་གསུང་དུ་གསོལ།། ཞེས་ཞུས་པས། རྡོ་རྗེ་འཆང་གིས་བཀའ ་སྩལ་པ། ཚོགས་བརྒྱད་གཏན་ལ་ཕབ་སྟེ་ངོ་སྤྲོད་འདི་ལྟར་ཤེས་པར་གྱིས། ཚོགས་བརྒྱད་གྲངས་ནི་འདི་ལྟ་སྟེ། སྒོ་ལྔའི་རྣམ་པར་ཤེས་པ་དང་། ཡིད་ཀྱི་རྣམ་པར་ཤེས་པ་དང་། ཉོན་མོངས་པ་ཅན་གྱི་ཡིད་དང་། ་ཚོགས་གསོག་པའི་ཀུན་གཞི་དང་བརྒྱད་ཡིན་ཏེ། དེ་དག་ནི་འཁོར་བའི་ཆོས་ཡིན་ནོ།། དེ་འཁོར་བ་འགྲོ་བ་ནི། གཞི་དོན་གྱི་ཀུན་གཞི་ངོ་མ་ཤེས་པས། རིག་པའི་རྩལ་གྱིས་ཡུལ་ལ་འཇུག་པ་ཡིན་ཏེ། དེའི་ཕྱིར ་ཚོགས་བརྒྱད་འཆར་བ་ཡིན་ཏེ། དེ་ལ་སྒོ་ལྔ་རིག་པ་རྩལ་མ་འགགས་པ་རྟེན་མེད་དེ་རྟེན་དབང་པོ་དང་བཅས་པས་མིག་གི་ཡུལ་དུ་གཟུགས་མཐོང་། གཟུགས་སྡུག་མི་སྡུག་ལ་ཆགས་སྡང་སྐྱེ། དེ་བཞིན་དུ་རྣ་བའི ་ཡུལ་དུ་སྒྲ་དང་། སྣའི་ཡུལ་དུ་དྲི་དང་། ལྕེའི་ཡུལ་དུ་རོ་དང་། ལུས་ཀྱི་ཡུལ་དུ་རེག་བྱ་ལ་སོགས་སྤྱད་ནས། བྲན་ལྟ་བུར་བྱས་ཏེ། ཡིད་ཀྱི་རྣམ་པར་ཤེས་པ་ལ་བསྐུལ་ཏེ། ཇོ་བོ་ལ་གཏད་པ་ལྟ་བུའོ།། དེས་ཉོན་མོངས ་པ་ཅན་གྱི་ཡིད་ལ་བསྐྱལ་ཏེ། དེ་ཆགས་སྡང་ལ་སོགས་པའི་ཉོན་མོངས་པ་ཡིས་དམ་པར་བཟུང་སྟེ། ཁྱོས་ཆུང་མ་ལ་གཏད་ནས་གཉེར་བྱས་པ་ལྟ་བུའོ།། དེས་བག་ཆགས་སུ་སོང་སྟེ། དེ་གསོག་པའི་གཞིའམ་སྣོད་ལྟ ་པྲ་སྟེ། སྣ་ཚོགས་གསོག་པའི་ཀུན་གཞིའོ།། རིག་པ་འགྲུ་བའི་རྩལ་དེ་རླུང་གིས་འགྱུ་བ་ཡིན་ཏེ། དེ་ལ་ཡིད་ཅེས་བྱའོ།། ཡིད་དེ་ཉིད་ལས་བྱེད་པའི་ཆ་ནས་ཚོགས་བརྒྱད་དུ་ཞུགས་པས་ཡིད་དེ་གསལ་ཆ་མི་འགག ་པར་དེས་ཡུལ་ལྔ་སྤྱོད་པས་ཁ་ཕྱིར་བལྟས་ཏེ་སྒོ་ལྔའོ།། ཡིད་དེ་སྒོ་ལྔས་སྤྱད་པའི་ཉོན་མོངས་པ་བཟུངས་སུ་བཟུང་སྟེ། ཁ་ནང་དུ་བལྟས་པའི་ཆ་ནས་ཉོན་མོངས་པའི་ཡིད་དེ། མདོར་ན་ཡིད་ཁ་ཕྱིར་བལྟས་ནས ་ཡུལ་སྤྱོད་པའི་ཆ་ནས་སྒོ་ལྔའོ།། ནང་དུ་བལྟས་ནས་བཟུང་བས་ཉོན་མོངས་པའི་ཡིད་དོ།། བསགས་པའི་གཞིའི་ཆ་ནས་སྣ་ཚོགས་གསོགས་པས་ཀུན་གཞིའོ།། རིག་པས་ཕྱིར་བཅད་པ་ནང་དུ་སྐྱེལ ་བའི་ཆ་ནས་ཡིད་དོ།། མ་རྟོགས་པའི་དབང་གིས་དེ་ལྟར་བྱུང་།། གཞིའི་དངོས་པོའི་གནས་ལུགས་གོང་དུ་སྨོས་པ་ཏེ་རྟོགས་ན་ཡེ་ཤེས་ལྔར་འཆར་ཏེ། ཐམས་ཅད་མཁྱེན་པ་འབྱུང་བ་ཡིན། རྟོགས་པའི་ཐབས་ནི་ངོ ་སྤྲོསྤྱོད་པའི་རྟོགས་པ་འཆར་ཏེ། དེ་ངོ་སྤྱོད་ཀྱི་གདམས་ངག་ཅར་ཕོག་ཏུ་བསྟན་ན་གོང་གི་ཚིག་གིས་ཤེས་པ་ཡིན་ཏེ། གཞིའི་སྐབས་ཀྱི་རང་བྱུང་གི་ཡེ་ཤེས་དེ་ཉིད་ཅར་ཕོག་ཏུ་བསྟན་ན། ཚིག་དོན་འབྲེལ་བ་ཡིན་ཏེ།། ངོ ་འཕྲོད་པ་ནི་དབང་པོ་རྣོ་རྟུལ་མེད་དོ།། ཐོགས་པ་མེད་པར་རང་ངོ་རང་གིས་ཤེས་སོ།། དེ་མཚན་ཉིད་ལྔ་དང་ལྡན་ཏེ། ངོ་བོ་སྟོང་པ་རང་བཞིན་གསལ་བ། མཚན་ཉིད་གཉིས་སུ་མེད་པ། ཐུགས་རྗེ་འགག་པ་མེད་པ། ་ཡོན་ཏན་མ་བཙལ་ལྷུན་གྱིས་གྲུབ་པ་སྟེ།། དེ་ལ་ཡེ་ཤེས་ལྔ་ཞེས་ཀྱང་བྱའོ།། དེ་ལྟར་ངོ་ཤེས་པས་ངོ་བོ་སྟོང་པ་མི་རྟོག་པས་འཛིན་པ་མེད་པའོ།། རང་བཞིན་གསལ་བ་མ་འགགས་པས་སྒོ་ལྔའི་རྣམ་པར་ཤེས་པ་དང ་བཅས་པ་སྟེ། སེམས་ཅན་གྱི་དུས་ན་ཡུལ་རྣམ་པ་ལྔ་ལ་རང་ཁ་མར་སྤྱོད། རྟོགས་ལྡན་གྱི་དུས་ན་རང་སྣང་འཛིན་མེད་དུ་གྲོལ། སངས་རྒྱས་པའི་དུས་ན་ཐམས་ཅད་མཁྱེན་པར་འབྱུང་སྟེ་སྟོང་པའོ།། གསལ་བ ་གཞི་ཐོག་ཏུ་རང་གསལ་ལོ།། གསལ་བའི་རྩལ་རླུང་གིས་འགྱུས་ན། ཡུལ་ལ་སྤྱོད་བཞིན་དུ་མི་འཛིན་པ་རྟོགས་པའི་རྩལ་ལོ།། གསལ་བ་དང་སྟོང་པ་ཡེ་ནས་གཉིས་སུ་མེད་དེ།། གསལ་བའི་རྩལ་ལས་གདངས་འོད ་ལྔ་བྱུང་། གཉིས་མེད་དེ་ལས་རྩལ་ཕྲིན་ལས་ཐོགས་པ་མེད་པ་བྱུང་སྟེ།། དེས་གདུལ་བྱའི་དོན་ཐམས་ཅད་ལྷུན་གྱིས་གྲུབ་པའོ།། འོད་རྣམ་ལྔ་འཆར་བས་སྣང་བ་ལྷུན་གྱིས་གྲུབ་པའོ།། དེ་ལྟར་རྟོགས་པས་ངོ་འཕྲོད་པ ་ཡིན་ནོ།། ལ་བཟླ་བ་ནི་ལྟ་བའི་སྐབས་སུ་བཤད་དོ།། གསང་བའི་བདག་པོ་དེ་ལྟར་ཤེས་པར་གྱིས་ཤིག། ཅེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ཚོགས་བརྒྱད་གཏན་ལ་ཕབ་ནས་ངོ་སྤྱོད ་པའི་ལེའུ་སྟེ་ཞེ་དྲུག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། ཚོགས་བརྒྱད་ཕྱེ་སྟེ་ངོ་སྤྲད་དེ་ལྟར་ན།། ཐོག་མཐའ་བཅད་དེ་ངོ་སྤྲད་པ།། རྡོ་རྗེ་འཆང་གིས་གསུང་དུ ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ། འཁོར་བ་རྒྱུད་ནས་པ་བདས་མུ་ནས་རྩད་བཅད་པས།། སྙིང་པོ་གཞི་ལ་ཟུག་གིས་ཟུག། གཞི་ཉིད་ངོ་ཡིས་ཙིར་བཟུང་བས།། ངོ་སྤྲོད་ཅེས་སུ་བསྟན་པ ་ཡིན།། གཞི་ཉིད་རྟོགས་པ་ལྟ་བའི་མཆོག། བ་བདས་གྱེན་ལ་བདས་པ་ནི།། འཁོར་བ་རང་སར་ལྡོག་པ་སྟེ།། འཁོར་བ་འདི་དག་ཅི་ལས་བྱུང་།། འཁོར་བ་རྐྱེན་དང་རྒྱུ་ལས་བྱུང་།། འཁོར་བའི་རྐྱེན་གཞི་བདས་པས ་ནི།། དེ་མ་ཟག་པའི་སྐད་ཅིག་འཕེལ།། དེ་ཡང་དམིགས་པའི་རྐྱེན་ལས་བྱུང་།། དམིགས་པ་ཡུལ་ལ་དམིགས་པ་ཡིན།། ཡུལ་དམིགས་བདག་པོའི་རྐྱེན་ལས་བྱུང་།། བདག་པོ་ཡིད་ཀྱི་འཛིན་བཅས ་ཡིན།། བདག་པོ་རྒྱུ་ཡི་རྐྱེན་ལས་བྱུང་།། རླུང་གིས་ཡིད་འགྲུས་རྒྱུ་ཡི་རྐྱེན།། འཁོར་བའི་རྒྱུ་གཉིས་འདི་ལྟ་སྟེ།། མ་རིག་རྣམ་པ་གཉིས་ཡིན་ཏེ།། ཀུན་བརྟགས་མ་རིག་འོད་ལྔ་བརྟགས་པས་བརྟས།། ལྷན་སྐྱེས ་གསལ་ཆ་འོད་ལྔར་སྣང་བ་ལ།། རང་སྣང་ཡིན་པར་ངོ་མ་ཤེས་པའོ།། དེ་དག་འགྱུ་བས་ཡིད་བཞི་བསྐྱེད།། གཡོ་དང་འགྱུ་དང་ཚོར་བ་དང་།། གཅོད་པ་ཡི་ནི་ཡིད་བཞི་ནི།། མ་རིག་རྒྱུ་རྐྱེན་དེ་ལས་བྱུང་།། སྤྱོད་པ ་འོད་ལས་ཡུལ་དུ་སྤྱོད།། ཚོར་བ་འོད་ཀྱི་སྣང་བ་ཚོར།། འགྱུ་བ་རླུང་གིས་རིག་རྩལ་འགྱུས།། གཡོ་བ་གཞི་ནི་རླུང་གིས་གཡོས།། རླུང་ནི་རང་གི་རིག་པའི་རྩལ།། རླུང་གི་མཚན་ཉིད་འགྱུ་བ་སྟེ།། རིག་པའི་རྩལ་ནི ་འགྲུ་བའི་རླུང་།། རླུང་ལས་འབྱུང་ལྔ་ལྷུན་གྱིས་གྲུབ།། རླུང་དེ་སྡུད་པས་ཆུ་ཡིན་ནོ།། རླུང་དུ་སྨིན་པས་མེ་ཡིན་ནོ།། རླུང་དུ་བརྟས་པས་ས་ཡིན་ནོ།། རེ་རེ་དག་ལ་རྫོགས་པའོ།། རིག་པ་ཡེ་ཤེས་ལྔ་ལྡན་དེའི།། རྩལ་ནི ་གདངས་ལྔ་འོད་ལྔ་ཤར།། དེ་དག་ཕྱི་ཡི་ཡུལ་དུ་བརྟགས།། གཞི་ཉིད་རྒྱས་པར་བཤད་པ་སྟེ།། རྒྱུད་ཀྱིས་སྟོན་ནས་གསལ་བར་བཤད།། ངེས་བཟུང་འདི་རུ་བསྟན་པ་སྟེ།། ངོ་སྤྱོད་ཅར་གྱིས་བསྟན་པ་སྟེ།། ཡིད་དང ་རྒྱུ་རྐྱེན་རྩ་བ་ནི།། འཁོར་འདས་ཀུན་གྱི་གཞིར་གྱུར་པ།། དེ་ཡི་ངོས་འཛིན་འདི་ལྟར་ཡིན།། ཧད་དེ་ས་ལེ་སོ་ལེ་བ།། དེ་ཉིད་ལས་ནི་འཁོར་འདས་ཐམས་ཅད་འབྱུང་།། གཞི་ཡི་རང་རྩལ་གཉིས་ཡིན་ཏེ།། རླུང་དང ་འོད་གདངས་གཉིས་སུ་བྱུང་།། གཞི་ནི་གཡོ་འགུལ་མེད་པ་ལ།། རྩལ་ནི་མ་འགགས་རླུང་གཡོས་པས།། གཡོ་བ་ཡིས་ནི་འགྱུ་བ་བྱུང་།། འགྲུས་པའི་འོད་ཀྱི་སྣང་བ་ཚོར།། འོད་དེ་རང་སྣང་མ་ཤེས་པས།། ལྷན ་གཅིག་སྐྱེས་པའི་མ་རིག་བྱུང་།། རང་སྣང་མ་ཤེས་ཡུལ་དུ་བཅད།། གཅོད་པའི་ཡིད་ཅེས་དེ་ལ་བྱ།། འོད་ལ་བརྟགས་པས་ཀུན་བརྟགས་མ་རིག་བྱུང་།། རྩལ་ནི་ཡིད་དུ་འགྱུས་པ་དེས།། རྒྱུ་ཡང་བྱས་ཏེ་རྐྱེན་ཡང ་བྱས།། རྒྱུ་ཡིས་རྐྱེན་ཞེས་དེ་ལ་བྱ།། འགྱུ་བའི་ཡིད་ནི་རླུང་ཅན་དེས།། འཁོར་བ་བསྐྱེད་ནས་འཁོར་བའི་བདག་པོ་བྱེད།། མྱ་ངན་འདས་ན་དེ་ཡིས་བདག་པོ་བྱེད།། གང་བསྐྱེད་བདག་པོ་དེ་ཡིས་བྱེད།། དེ་ཡིས་རྐྱེན ་བྱས་བདག་པོའི་རྐྱེན།། འགྱུ་བ་འོད་ལ་དམིགས་པའི་རྐྱེན།། དེ་ལ་འཁྲུལ་པས་བརྟགས་བྱས་ནས།། སྐད་ཅིག་དེ་མ་ཟག་པའི་རྐྱེན། དེ་ལྟར་འཁོར་བ་བསྐྱེད་པས་ཏེ།། གོང་དུ་ཤིན་ཏུ་གསལ་བར་བཤད།། གཞི་ཉིད ་ངོས་འཛིན་འཕྲད་པའོ།། གཞི་ལས་གསལ་བའི་ཆོས་སྐུ་ཡིས།། སྤངས་ནས་མྱ་ངན་འདས་ལུགས་ནི།། གཞན་ནས་བསྟེན་པ་དེ་བཞིན་དུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འཁོར་བ ་རྒྱུ་ནས་པ་བདས་མུ་ནས་རྩད་བཅད་ནས་ངོ་སྤྲོད་པའི་ལེའུ་སྟེ་ཞེ་བདུན་པའོ།། །། གསང་བའི་བདག་པོས་ཡང་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དུས་གསུམ་ཕྱེ་ལ་ངོ་སྤྲད་པ།། ཐུགས་རྗེ ་ཅན་གྱིས་གསུང་དུ་གསོལ།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་གསང་བའི་བདག་པོ་རྡོ་རྗེ་ཅན།། དུས་གསུམ་ཕྱེ་ལ་ངོ་སྤྲད་པ།། གང་ཟག་གཅིག་གི་ཤེས་རྒྱུད་ལ།། ཤེས་པ ་བསམ་གྱིས་མི་ཁྱབ་ཀྱང་།། ཤེས་པ་བཞི་རུ་འདུས་པའོ།། དུས་གསུམ་དག་གི་ཤེས་པ་དང་།། དུས་མེད་རྟོགས་པའི་ཤེས་པའོ།། དུས་གསུམ་ཤེས་པ་ངོས་བཟུང་ན།། འདས་པ་རྗེས་གཅོད་ཤེས་པ་དང་།། མ་འོངས ་སྔོན་བསུ་ཤེས་པ་དང་།། ད་ལྟ་ཉིད་དུ་འཕྲོས་པ་ཡི།། སྒོ་ལྔ་ཡུལ་ལ་ཤོར་བའི་ཤེས་པའོ།། དོན་དྲན་རྟོག་གློ་བུར་ཤེས་པའོ།། འདས་པ་རྗེས་གཅོད་ཤེས་པ་ནི།། སྔར་བྱས་བློ་ལ་དྲན་པའོ།། མ་འོངས་སྔོན་བསུའི་ཤེས ་པ་ནི།། ཕྱི་མ་བློ་ལ་དྲན་པའོ།། ད་ལྟ་དྲན་རྟོགས་གློ་བུར་བ།། སྒོ་ལྔ་ཡུལ་ལ་བསྐྱེད་པ་ཡིས།། དེ་བཞིན་རྟོགས་པའི་ཤེས་པའོ།། དེ་གསུམ་འཁོར་བའི་ཆོས་ཡིན་ཏེ།། དེ་གསུམ་གློ་བུར་ཤེས་པ་ཡིས།། བདག་མེད ་འཛིན་གྲོལ་དུས་གསུམ་དག། མ་བྱས་མ་བཅོས་མ་སྨད་པ།། རང་བྱུང་ཡེ་ནས་གནས་པ་སྟེ།། དེ་ཉིད་ཤེས་པས་ཡེ་ཤེས་ཡིན།། དེ་ཉིད་ལྷག་གིས་ངོ་སྤྲད་པ།། ཧད་དེ་ཝ་ལེ་སལ་ལེ་བ་ཉིད།། དེ་ལས་རང་བྱུང་ཡེ་ཤེས ་ཏེ།། རྒྱུ་རྐྱེན་མེད་པས་རང་བྱུང་ངོ་།། དེ་ཉིད་ཤེས་པའི་ཡེ་ཤེས་ཡིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། དུས་གསུམ་ཕྱེ་ནས་ངོ་སྤྲད་པའི་ལེའུ་སྟེ་ཞེ་བརྒྱད་པའོ།། །། དེ་ནས་ཡང ་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དུས་གསུམ་ངོ་སྤྲོད་དེ་ལགས་ན།། ངོ་སྤྲོད་རྣམ་བཞི་གསུང་དུ་གསོལ།། ཞེས་ཞུས་པས།། སྟོན་པ་རྡོ་རྗེ་འཆང་གིས་བཀའ་སྩལ་པ།། རྡོ་རྗེ་འཛིན་པ ་ངེས་བཟུང་ཞིག། རང་གི་བྱད་ཀྱི་མཚན་ཉིད་ནི།། མེ་ལོང་དག་ལ་རབ་བརྟེན་ནས།། ཇི་ལྟར་གཏན་ལ་འབེབས་པ་ལྟར།། སྐུ་གསུམ་འདུ་བྲལ་མེད་པའི་དོན།། ཡེ་ནས་རང་ལ་ལྷུན་གྲུབ་པས།། བརྡའ་ཡིས་གཏན་ལ ་དབབ་པར་བྱ།། ཀྱེ་གསང་བའི་བདག་པོ་ཁྱོད་ཉོན་ཅིག། ངོ་སྤྲོད་བཞི་རུ་ཤེས་པར་བྱ།། ཅིའི་ཕྱིར་ཡུལ་བཞིར་ངེས་པས་སོ།། བཞི་པོ་གང་ཡིན་ཇི་ལྟར་ཡིན།། སྐུ་ལྔ་རིན་པོ་ཆེའི་སྦུབས་དང་གཅིག། ལོངས་སྐུ་ལྔ་ལྡན ་དེ་དང་གཉིས།། སྦྲུལ་སྐུའི་བར་དོ་དེ་དང་གསུམ།། སྐུ་གསུམ་འདུ་འབྲལ་མེད་པར་རྫོགས་ལྡན་ནོ།། དེ་བཞི་མི་རྫུན་ངེས་པས་ཐེ་ཚོམ་དང་བྲལ་བའོ།། བདེན་བཞིའི་ཚུལ་གྱི་རྣམ་པ་ཅན།། ངོ་སྤྲོད་བྱ་བའི་ཤེས་པ་མ ་འགགས་པའོ།། རིགས་ཀྱི་བུ་ཁྱོད་ལེགས་པར་ཉོན།། གྲངས་ལྡན་གཏན་ཚིགས་བསྟན་པའོ།། བླ་མས་གདམས་ངག་སྒྲོགས་པའི་ཚེ།། གོ་རིམ་གཉིས་སུ་བསྟན་པ་ནི།། གཞི་ཉིད་ལྷུན་གྲུབ་དག་གི་གོ་རིམ ་དང་།། རྟོགས་པ་མངོན་གྱུར་དག་གི་གོ་རིམ་མོ།། ཀྱེ་གསང་བའི་བདག་པོ་ལེགས་པར་ཉོན་ཅིག། དེ་ལ་གཞི་ཉིད་ལྷུན་གྲུབ་ནི།། དང་པོ་ཆོས་སྐུའི་ངོ་སྤྲོད་དང་།། དེ་ནས་ལོངས་སྐུའི་ངོ་སྤྲོད་དང་།། དེ ་ནས་སྦྲུལ་སྐུའི་ངོ་སྤྲོད་བསྟན་པ་དང་།། དེ་ནས་སྐུ་གསུམ་འདུ་འབྲལ་མེད་པའོ།། སྤྲད་པའི་ཐབས་ལ་གཉིས་ཡིན་ཏེ།། བརྡ་དང་ངག་ཏུ་བསྟན་པའོ།། མཚོན་པའི་བརྡ་ལ་རྣམ་པ་བཞི།། རྡོ་རྗེ་སེམས་དཔའི་མེ་ལོང ་བསྟན་པ་དང་།། འདྲ་འབག་དག་ལ་བརྟེན་པ་དང་།། འོད་ཁྱིམ་དག་ལ་བརྟེན་པ་དང་།། ཉི་མ་དག་ལ་བརྟེན་པའོ།། བརྗོད་པའི་སྒྲ་ལ་རྣམ་བཞི་སྟེ།། དང་པོ་ཆོས་སྐུ་མཚོན་པའི་ཚེ།། ཀྱེ་སྣོད་ལྡན་སློབ་མ་ངལ ་ཉོན།། ཐུགས་ཀྱི་མེ་ལོང་མན་ཤེལ་འདི།། ཆོས་སྐུ་དངོས་ནི་མ་ཡིན་ཏེ།། འདི་ཉིད་ཅི་འདྲར་ཤེས་པར་བྱ།། མན་ཤེལ་ཕྱི་ནང་མེད་པ་ལྟར།། རང་གི་རིག་པ་ཆོས་སྐུ་ཡང་།། ཕྱི་ནང་མེད་པར་ཤེས་པར་བྱ།། མན་ཤེལ ་མདུན་རྒྱབ་མེད་པ་ལྟར།། ཆོས་སྐུ་ཡང་ནི་མདུན་རྒྱབ་མེད།། མན་ཤེལ་ཟང་ཐལ་གསལ་བ་བཞིན།། ཆོས་སྒྲ་དྲི་མེད་དག་པ་ཟང་ཐལ་ཡིན།། འདི་ན་ནང་མེད་ནང་ན་རྐྱེན་མེད་འོད་ལྔ་གསལ་བ་ལྟར།། ཆོས་སྐུ ་ཟང་ཐལ་ནང་ན་ནི།། སྐུ་གསུམ་ནང་གསལ་དུ་ནི་གནས་པ་སྟེ།། སྟོང་པ་ཡེ་ཤེས་སྙིང་པོ་ཅན་དུ་ཤེས་པར་གྱིས།། དཔེ་འདིའི་ནང་ནས་འོད་ལྔ་ཕྱི་རུ་འཆར་བ་ལྟར།། ཆོས་ཀྱི་སྐུ་ལས་གཟུགས་སྐུ་གཉིས།། གདུལ་བྱ ་གཉིས་ལ་སྣང་བའོ།། རིགས་ཀྱི་བུ་དག་ཚུར་ཉོན་དང་།། ལོངས་སྐུ་དག་ལ་གདམས་པ་ནི།། འདྲ་འབག་མེ་ལོང་ངོས་ལ་བསྟན་པའི་ཚེ།། མེ་ལོང་དག་ཅིང་གསལ་བ་ལྟར།། ཆོས་ཉིད་དག་ཅིང་གསལ་བའོ།། མེ་ལོང ་ང་གི་གཟུགས་བརྙན་སྣང་ལ་རང་བཞིན་མེད་པ་ལྟར།། ཆོས་ཉིད་ཀློང་ན་སྐྲ་ལྔ་སྣང་ལ་རང་བཞིན་མེད་པར་གསལ་བར་གནས།། ཀྱེ་རིགས་ཀྱི་བུ་དག་ཚུར་ཉོན་དང་།། སྦྲུལ་སྐྲ་བརྡའ་དང་ངག་ཏུ་སྦྱར་དུས ་སུ།། ངག་གི་མེ་ལོང་དག་ཅིང་གསལ་བ་ལྟར།། ཆུ་ཡི་སྒྲོན་མ་དག་གི་དབྱིངས།། མེ་ལོང་ངོས་ལ་སྐུ་ལྔ་གསལ་བ་ལྟར།། རྟགས་ཀྱི་ཡེ་ཤེས་སྦྲུལ་སྐུ་འོད་དུ་གསལ།། སྐུ་གསུམ་འདུ་འབྲལ་མེད་པར་བརྡ་དང་ངག་སྦྱོར ་བས།། ཀྱེ་མ་གསང་བདག་ངེས་ཟུང་ཞིག། ཉི་མའི་སྙིང་པོ་འོད་ཟེར་བཅས་པ་བཞིན།། ཆོས་ཀྱི་སྐུ་ལ་ཐུགས་རྗེ་གཟུགས་སྐུར་བརྒྱན།། ཉི་མའི་འོད་ཟེར་ཉིད་དང་མི་འབྲལ་ལྟར།། སྐུ་གསུམ་ཡེ་ནས་འདུ་འབྲལ་མེད ་པར་གནས།། ཀྱེ་གསང་བདག་ངེས་པར་ཟུང་ཞིག། རྟོགས་པ་མངོན་གྱུར་གོ་རིམ་ནི།། བར་དོ་མན་ཆད་རྩི་བ་སྟེ།། སྤྲུལ་པ་སྐུ་ཡི་ངོ་སྤྲོད་ནི།། ཆོས་ཉིད་བར་དོའི་ངོ་སྤྲོད་ཡིན།། ལོངས་སྤྱོད་རྫོགས་སྐུའི་ངོ་སྤྲོད ་ནི།། ལྔ་ལྡན་དག་གི་ངོ་སྤྲོད་ཡིན།། སྐུ་གསུམ་འདུ་འབྲལ་མེད་པ་ནི།། རྫོགས་ལྡན་དག་གི་ངོ་སྤྲོད་ཡིན།། ཆོས་སྐུ་དག་གི་ངོ་སྤྲོད་ནི།། རྫོགས་ལྡན་ཆེན་པོའི་ངོ་སྤྲོད་ཡིན།། གདམས་ངག་གོང་དང་མཐུན་པ་ལ།། དང ་པཽ་བར་དེའི་ངོ་སྤྲོད་བྱ།། དེ་རྟོགས་སྐུ་རུ་སྣང་བས་ན།། དེ་ནས་ལྔ་ལྡན་ངོ་སྤྱོད་བྱ།། དེ་ནས་མངོན་ཤེས་ལ་སོགས་པའི།། ཆེ་བ་ཡོངས་སུ་རྫོགས་པས་ན།། རྫོགས་ལྡན་ངོ་སྤྱོད་བྱ་བ་ཡིན།། ཐུགས་རྗེ ་བྱུང་ན་མྱ་ངན་འདས།། དེ་བས་རྫོགས་ལྡན་ཆེན་པོ་ཡིན།། ངོ་སྤྲོད་གདམས་ངག་གསལ་བར་བསྟན།། དེས་ནི་གོང་གི་བརྡའ་བཞི་ལ།། རྟགས་ནི་བྱང་ཆུབ་སེམས་ཡིན་ཏེ།། ངོ་སྤྲོད་བཞི་ཡིས་འགྱུར་མེད ་བསྟན།། དོན་ནི་སྐུ་གསུམ་འདུ་འབྲལ་མེད།། བདེན་དོན་རྣམ་པ་བཅུ་གཉིས་ཡིན།། སྤྲོད་པའི་ཡུལ་བཞི་གང་བསྟན་པས།། དེ་ཉིད་རྣམ་པ་བཅུ་དྲུག་རིག། དེ་ལ་དགོངས་པ་རྣམ་པ་བཞི།། ལྷུན་གྲུབ་ངེས་པའི ་གདམས་པ་བཞི།། ངོ་སྤྱོད་རྟོགས་པས་ཐོབ་པར་འགྱུར།། མངོན་གྱུར་ཡུལ་གྱི་གདམས་པ་བཞི།། ངོ་སྤྲོད་རྟོགས་པ་ཐོབ་པར་འགྱུར།། དེ་ནི་དགོངས་པ་མདོར་བསྡུས་ཡིན།། དེ་ཡིས་མཚན་ཉིད་བརྒྱད་བཤད ་ན།། ཐིག་ལེ་ཉག་གཅིག་ངོ་སྤྲོད་ཀྱིས།། ཆོས་སྐུ་རང་གསལ་དོན་རྟོགས་ཤིང་།། རིན་ཆེན་སྦུབས་ཀྱི་དགོངས་པ་ཆོད།། མ་ཧཱ་ཡོ་གའི་ངོ་སྤྲོད་ཀྱིས།། ཡེ་ཤེས་ལྔ་ལྡན་དགོངས་པ་ཆོད།། རྫོགས་པ་ཆེན་པོའི་ངོ་སྤྲོད ་ཀྱིས།། སྦྲུལ་སྐུ་རང་གནས་དོན་རྟོགས་ཤིང་།། ཆོས་ཉིད་བར་དོའི་དགོངས་པ་ཆོད།། ཨ་ནུ་ཡོ་གའི་ངོ་སྤྲོད་ཀྱིས།། སྐུ་གསུམ་འདུལ་འབྲལ་མེད་པར་རང་གནས་དོན་རྟོགས་ཤིང་།། རྫོགས་ལྡན་དགོངས་པ་ཆོད་པ ་ཡིན།། ངོ་སྤྱོད་རྣམ་བཞི་བྱས་པ་ཡིས།། ཡུལ་བཞི་རིམ་པར་ཤར་བའི་ཚེ།། ཤེས་པའི་དྲན་པ་རེ་རེ་སད།། སོ་སོའི་གྲུབ་མཐའ་རྫོགས་པའོ།། མཐོང་བའི་ཡུལ་ལ་ཤེས་པའི་དྲན་པ་སད།། དྲན་པ་བཞི་ཡི་ཏིང་འཛིན ་རྒྱལ།། དེ་ཚེ་མངོན་པར་སངས་རྒྱས་ཤིང་།། ཞི་བ་མྱ་ངན་འདས་པས་ན།། རྣམ་པ་ཉི་ཤུས་བྱང་ཆུབ་པའོ།། དེ་ལྟར་རྟོགས་ནས་སངས་རྒྱས་པས།། རྣམ་པ་ཀུན་རིག་སངས་རྒྱས་མཆོག། ངོ་སྤྱོད་བཞི་ཡི་དགོངས་པ ་ཡིན།། དེ་རྣམས་མི་ལྡན་ངོ་མ་སྤྲད་པའི་སྐྱོན།། རྡོ་རྗེ་འཆང་ཆེན་བདག་གིས་བཤད།། ཅེས་གསུངས་སོ།། སྤྲོས་བྲལ་དོན་གསལ་གྱི་རྒུད་ཆེན་པོ་ལས། ངོ་སྤྲོད་བཞི་བསྟན་པའི་ལེའུ་སྟེ་ཞེ་དགུ་པའོ།། །། ཀྱེ་ཀྱེ ་བཅོམ་ལྡན་རྡོ་རྗེ་འཆང་ཆེན་པོ།། སྐུ་གསུམ་ལྷུན་གྲུབ་ངོ་སྤྲོད་དང་།། དཔེ་དོན་རྟགས་ཀྱི་ངོ་སྤྲོད་ལ།། མདོ་རུ་བསྟན་པ་དེ་ལགས་ན།། ངོ་སྤྲོད་རྣམས་ནི་ལ་བཟླའི་ཕྱིར།། ཕྱི་ནང་གསང་གསུམ་ངོ་སྤྲོད་གསུང་དུ ་གསོལ།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་རྡོ་རྗེ་འཛིན་པ་སོགས།། ཕྱི་ནང་གསང་གསུམ་སོ་སོའི་ངོ་སྤྲོད་ནི།། ངོ་སྤྲོད་རྣམས་ལ་ལ་བཟླ་སྟེ།། ལྟ་བའི་དོན་དང་སྦྱར ་བའོ།། དེ་ལ་ཕྱི་ཡི་ངོ་སྤྲོད་ནི།། སྣང་བ་ཆོས་དབྱིངས་ངོ་སྤྲོད་དོ།། ནང་གི་ངོ་སྤྲོད་བསྟན་པ་ནི།། གཟུགས་སྐུ་གཉིས་ཀྱི་ངོ་སྤྲོད་དོ།། གསང་བའི་ངོ་སྤྲོད་བསྟན་པ་ནི།། རིག་པ་ཆོས་སྐུར་ངོ་སྤྲོད་དོ།། ཀྱེ་ཀྱེ་རྡོ་རྗེ་འཆང ་ཆེན་པོ།། ཕྱི་ཡི་ངོ་སྤྲོད་ཅི་ལྟར་སྤྲོད།། ནང་གི་ངོ་སྤྲོད་ཅི་ལྟར་སྤྲོད།། གསང་བའི་ངོ་སྤྲོད་ཇི་ལྟར་སྤྱོད།། དེ་དག་དཔེ་དོན་གསུང་དུ་གསོལ།། ཞེས་ཞུས་པས།། རྡོ་རྗེ་འཆང་གིས་བཀའ་སྩལ་པ།། རིག་པ ་ཆོས་སྐུའི་དཔེ་བསྟན་པ།། མན་ཤེལ་ཡོངས་སུ་དག་པ་སྟེ།། གསལ་བར་ཡོད་ལ་ངོས་གཟུང་མེད་པ་བཞིན།། འོད་ཀྱི་གསལ་ཆ་ཕྱི་རུ་འབྱུང་།། བྱུང་ཡང་མན་ཤེལ་དག་པ་ལ།། རང་རྒྱུད་པ་རུ་གྲུབ་པ་མེད།། གསལ ་བའི་རྩལ་ནི་གཉིས་སུ་འབྱུང་།། རིག་པའི་གསལ་ཆ་སྒོ་ལྔར་ཤར།། གཟུགས་ཀྱི་གསལ་ཆ་འོད་ལྔར་ཤར།། རིག་པའི་ངོ་བོ་མ་གྲུབ་པ།། མན་ཤེལ་རྣམ་པར་དག་པ་འདྲ།། དེ་ཉིད་མི་འགག་གསལ་བ་དེ།། མན་ཤེལ ་རྣམ་པར་དག་པ་འདྲ།། གསལ་སྟོང་གཉིས་སུ་མེད་པ་ལ།། གཟུགས་སྐུ་གཉིས་སུ་འཆར་བ་དེ།། མན་ཤེལ་གསལ་བ་སྒོ་ལྔ་དང་།། འོད་ལྔ་མི་འགག་འཆར་བ་འདྲ།། རིག་པ་གསལ་སྟོང་གཉིས་སུ་མེད་པ་ལ།། སྒོ་ལྔ ་མ་འགག་གསལ་བ་ནི།། ཆོས་སྐུ་སྒོ་ལྔ་ཚང་པའོ།། རིག་པའི་ཆ་ནས་ཆོས་ཀྱི་སྐུ།། འོད་ཀྱི་ཆ་ནས་ལོངས་སྐུའོ།། སྒོ་ལྔ་གསལ་བའི་ཆ་ནས་སྣ་ཚོགས་འགྱུ།། དེ་ཉིད་སྤྲུལ་པའི་སྐུ་རུ་བསྟན།། ལོངས་སྐུའི་དཔེ་བསྟན ་འདི་ལྟ་སྟེ།། སྤྲིན་མེད་ཉི་མ་ཤར་བ་ལ།། མན་ཤེལ་བསྟན་ཅིང་བྲིས་སྐུ་དགྲམ།། མན་ཤེལ་ཉི་མའི་ངོས་སུ་ཕྱར།། བྲིས་སྐུ་འོད་བརྡལ་དངོས་སུ་དགྲམ།། ཤེལ་དང་བྲིས་སྐུ་གཉིས་ཀ་ལ།། མ་ཡེངས་མིག་ནི་བཙུག་ལ ་བལྟ།། རེས་མོས་བལྟ་ཞིང་ནམ་མཁར་བལྟ།། མན་ཤེལ་ཉི་མའི་འོད་ཕོག་དང་།། བྲིས་སྐུ་ཁ་དོག་དབྱིབས་ལྡན་པར།། མིག་བཙུག་ལ་ནི་བལྟ་བར་བྱ།། མིག་བསྒྲིམ་ནམ་མཁའ་སྟོང་པར་བལྟ།། བྲིས་སྐུ་གང་ཡིན་ཁ ་དོག་དབྱིབས།། དབང་པོ་མིག་གི་མངོན་གསུམ་དུ།། སྣང་ལ་རང་བཞིན་མེད་པ་འབྱུང་།། དེ་བཞིན་ལོངས་སྐུ་རྣམ་པ་ཡང་།། ཆོས་སྐུ་གསལ་སྟོང་གཉིས་མེད་ལ།། ཡོན་ཏན་ཡེ་ཤེས་ལྔ་རུ་སྣང་།། དེ་རྩལ་ཁ་དོག་འོད ་ལྔ་ཤར།། འོད་ཉིད་ལོངས་སྐུར་བསྟན་པ་སྟེ།། འོད་ལྔ་གཅིག་ཏུ་འདྲིལ་བ་ལ།། རྣམ་པར་སྣང་མཛད་ཀུན་ཏུ་བཟང་།། ལོངས་སྐུ་ཆེན་པོར་བསྟན་པ་སྟེ།། མཚན་དང་དཔེ་བྱད་རྫོགས་པས་སྤྲས།། དེ་དག་ཕྱོགས་རེའི ་ཆ་བཟུང་བ།། རིགས་ལྔ་སེམས་དཔའི་ཚོགས་སུ་བྱུང་།། དེ་དག་སྣང་ལ་རང་བཞིན་མེད།། གསལ་ལ་རྟོག་པ་མེད་པ་སྟེ།། དཔེར་ན་བར་སྣང་འཇའ་དང་འདྲ།། སྐུ་ནི་འོད་ཀྱི་སྐུ་ཡིན་ཏེ།། ཐུགས་ནི་གསལ་སྟོང་ཆོས ་སྐུ་དེ།། གཉིས་མེད་རྟོག་བྲལ་ཆེན་པོ་ཡིན།། སྐུ་དང་ཐུགས་གཉིས་འདུས་པ་ལས།། རྩལ་ནི་མི་འགག་བདག་ཉིད་ཀྱི།། གདུལ་བྱ་གང་དང་མོས་ཕྱོགས་སུ།། གང་ལ་གང་འདོད་འབྱུང་བ་དེ།། སྤྲུལ་པའི་སྐུ་ཡི་གནས ་ལུགས་ཡིན།། དཔེ་ནི་སྒྱུ་མ་མཁན་པོ་ཡིས།། རྫས་དང་སྔགས་ཀྱི་རྟེན་འབྲེལ་གྱིས།། ལྷས་མོའི་མི་ཡི་མིག་སྔ་རུ།། གང་འདོད་གཟུགས་སུ་ཡོད་པ་འདྲ།། དེ་བཞིན་དཔེ་ནི་སྒྱུ་མ་ཡི།། གཟུགས་བརྙན་སྣ་ཚོགས་སྣང ་བ་འདྲ།། ཆོས་སྐུའི་རྩལ་མ་འགགས་པ་ཡིས།། གཟུགས་སྐུ་གཉིས་སུ་སྣང་བའོ།། རིག་པའི་ཆ་ནས་ཆོས་ཀྱི་སྐུ།། དེ་གསལ་གཟུགས་ཆ་མི་འགག་པས།། འོད་སྣང་ཆ་ནས་ལོངས་སྐུའོ།། འགྲུ་བ་དྲན ་རིག་ཆ་ནས་ནི།། སྒོ་ལྔ་ཡུལ་དུ་སྣ་ཚོགས་འགྲུ།། དེ་དག་སྤྲུལ་པའི་སྐུ་ཡིན་ཏེ།། སྐུ་ནི་ལོངས་སྐུར་བསྟན་པའོ།། གསུང་གི་ཆ་ལས་སྦྲུལ་སྐུའོ།། ཐུགས་ཀྱི་ཆ་ནས་ཆོས་སྐུའོ།། དེ་ལྟར་སྐུ་གསུམ་ལྷུན་གྱིས་གྲུབ།། ཆོས ་ཀྱི་སྐུ་ལས་གཟུགས་སྐུ་གཉིས།། རྩལ་ལམ་ཤུགས་ལས་བྱུང་བའོ།། དེའི་ཕྱིར་ཆོས་སྐུ་ངོ་སྤྲོད་པས།། གཟུགས་སྐུ་གཉིས་པོ་ཤུགས་ལ་འཕྲོད།། གོང་བཞིན་ཆོས་སྐུའི་གནས་ལུགས་དེ།། ཡེ་ནས་བདག་གི་རང་བཞིན ་ཡིན།། དེ་དག་རང་ལ་ངོས་བཟུང་སྟེ།། ངོ་བོ་རང་གིས་མཐོང་བ་ན།། དེ་དག་ངོ་ཡིས་ཅིར་བཟུང་ནས།། ཐ་མལ་ཤེས་པ་དེ་ཉིད་ལ།། བྱ་བཏང་རྩོལ་དུ་བྲལ་དུས་སུ།། དབང་པོ་ཡིད་ནི་ཧད་དེ་བ།། དེ་དག་གཞི་ཡི ་ངོ་བོ་སྟེ།། ངོ་བོ་གཉིས་ཀྱི་སྐུ་ཞེས་བྱ།། ལྷུན་གྲུབ་སངས་རྒྱས་ཞེས་ཀྱང་བྱ།། དེ་ཉིད་རྟོགས་པ་མངོན་གྱུར་ནི།། ཕྱི་ལྟར་དབྱེ་བའི་ལྟ་བ་སྟེ།། དེ་ཉིད་རྟོགས་པ་ཞི་གནས་ཡིན།། ནང་གི་ཡེ་ཤེས་མ་ཤར་བས།། སྟོང་པ ་བཏང་སྙོམས་ཆ་ནས་ནི།། ཕྱི་ཡི་ཉོན་མོངས་ཞི་བ་ཙམ།། དེ་ལ་ཞི་གནས་ཞེས་སུ་བསྟན་པ་ཡིན།། གོང་གི་གཞི་ཉིད་ངོས་བཟུང་བ།། དེ་ལ་གསལ་ཆ་བརྟན་པ་སྟེ།། ལྷག་མཐོང་རིག་པ་ཆོས་སྐུ་ཡིན།། གསལ་ཆ་གོང ་འོག་ཀུན་ཏུ་ནི།། ཤིན་ཏུ་ཞིབ་པར་བསྟན་པ་སྟེ།། སྟོང་པའི་ཆ་དང་གསལ་བའི་ཆ།། གསལ་བ་རང་གསལ་དག་དང་ནི།། འགྲུས་པས་སྒོ་ལྔ་ཡུལ་ལ་གསལ།། རྗེས་སུ་མི་འཛིན་རྟོགས་པ་ཡིན།། གཟུགས་རྩལ་འོད ་གདངས་དག་ཏུ་འཆར།། རང་གི་སྣང་བ་ཤར་བ་སྟེ།། དེ་ལ་མི་འཛིན་མི་རྟོག་པའོ།། རང་གི་མཚན་ཉིད་རྟོགས་པ་ཡིན།། དེ་ལྟར་ཆོས་སྐུ་གསལ་སྟོང་ལ།། སྐུ་གསུམ་ཡེ་ཤེས་ལྔ་རྫོགས་པ།། ལྟ་བའི་དམ་པ་ཁོ ་ན།། གསལ་རྩལ་གང་ཡང་མི་འགག་པ།། མི་འཛིན་མི་རྟོག་མི་འབྲང་བ།། ལྟ་བའི་དམ་པ་ཁོ་ནའོ།། གསལ་བའི་རྩལ་དང་མི་ལྡན་ན།། ཞི་གནས་བརྟན་པོ་ཞི་བ་ལས།། གསལ་རྩལ་དག་གིས་བོགས་དབྱུང ་སྟེ།། འོག་ནས་གོང་དུ་འཕར་བར་འགྱུར།། རྟོག་པ་གསལ་དང་བརྟན་པ་ཡིས།། ཉོན་མོངས་སྒྲིབས་པ་ཆ་ཡིས་འབྲལ།། དོན་ལ་ཆེད་དུ་སྤང་དུ་མེད།། བོགས་དང་འཕར་བ་དག་ཀྱང་མེད།། རྟོག་པ ་གསལ་དང་གདེངས་ལྡན་པས།། ཉོན་མོངས་ཆ་ཡིས་འགགས་པ་ལ།། ལམ་གྱི་མིང་དུ་བཏགས་པ་ཙམ།། ཡེ་ནས་གནས་པས་གཞི་རུ་བསྟན།། འཁོར་འདས་འབྱུང་ཕྱིར་གཞི་རུ་བསྟན། དེ་དག་རང་ངོ་སྟོན་པ ་ལ།། ངོ་སྤྲོད་ཞེས་སུ་སྟོན་པ་ཡིན། དེ་དོན་རྟོགས་པ་ལྟ་བ་ཡིན།། རྒྱུད་ལ་གསལ་བ་སྒོམ་པར་སྟོན།། རྒྱུན་དུ་འཁྱེར་བ་སྤྱོད་པའོ།། མངོན་གྱུར་འབྲས་བུའི་གཞི་མར་རིག། དག་པ་ཆེན་པོའི་མཐར་ཐུག་པའོ།། ལྟ་བ ་མདོར་བསྡུས་བསྟན་པ་ནི།། མཐའ་རྣམས་ཀུན་དང་མ་སྤངས་བྲལ།། མཐའ་བྲལ་ཆེན་པོ་གྱུར་པས་ན།། ཕྱོགས་སུ་ལྟུང་བ་གང་ཡང་མེད།། མ་བསྔལ་ལྷུན་གྱིས་གྲུབ་པས་ན།། རྩལ་རྣམས་གང་ཡང་མི ་འགག་འཆར།། ཐམས་ཅད་མཁྱེན་པ་དེ་ལས་རྒྱུད།། རྩ་བ་གསལ་སྟོང་ཆེན་པོའོ།། རིག་པ་ཆོས་སྐུར་ངོ་སྤྲད་པས།། གཟུགས་སྐུ་གཉིས་པོ་ཤུགས་ལས་འཆར།། གཟུགས་སྐུ་གཉིས་པོ་ངོ་སྤྲད་པས།། སྐུ་གསུམ་ལྡན ་གྱིས་གྲུབ་པས་ན།། ཕྱི་ཡི་ཆོས་དབྱིངས་བསྟན་པ་ནི།། སྟོང་པར་འོད་གདངས་ཤར་བའོ།། སྣང་བ་རང་སྣང་མི་འཛིན་པས།། ཆོས་དབྱིངས་ངོ་ནི་འཕྲད་པའོ།། མ་རྟོགས་འཁྲུལ་པར་རགས་པར་བརྟས།། དེ་ལ་རྟོགས ་ལྡན་གང་ཟག་གིས།། རང་སྣང་འཛིན་མེད་ཆགས་པ་མེད།། གང་ཟག་རྟོགས་ལྡན་ཆོས་དབྱིངས་ཡིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ཕྱི་ནང་གསང་བ་གསུམ་གྱི་ངོ་སྤྲོད ་བསྟན་པའི་ལེའུ་སྟེ་ལྔ་བཅུ་པའོ།། །། རྡོ་རྗེ་འཛིན་པ་ལེགས་པར་ཟུང་ཞིག། ངོ་སྤྲོད་བདུན་གྱིས་ངོ་སྤྲད་པས།། རང་གི་མཚན་ཉིད་རྟོགས་པར་འགྱུར།། ཞེས་གསུངས་སོ།། ཀྱེ་ཀྱེ་རྡོ་རྗེ་འཆང་ཆེན་པོ།། ངོ་སྤྲོད ་རྣམས་ཀྱི་ངོ་བོ་ངེས་ཚིག་དབྱེ་བ་དང་།། བརྗོད་པའི་ཚིག་རྣམས་གསུང་དུ་གསོལ།། ཞེས་ཞུས་པས།། སྟོན་པས་བཀའ་སྩལ་པ། གསང་བའི་བདག་པོ་ཉོན་ཅིག། ངོ་བོ་ནི་རང་སེམས་རང་གི་ངོ་བོའོ།། ངེས་ཚིག་ནི ་རང་ངོ་རང་ལ་བསྟན་སྟེ་སྤྲད་པས་འཕྲོད་པའོ།། དབྱེ་བ་ནི་བདུན་དུ་བསྟན་པ་སྟེ།། གོང་དུ་གསལ་ཞིང་རྒྱས་པར་བསྟན་པའོ།། བརྗོད་པའི་ཚིག་ནི་ངོ་སྤྲོད་ཅེས་ཀྱང་བྱ།། ངོ་བོ་མཐོང་བ་ཞེས་ཀྱང་བྱ། རང་ངོ་ཤེས་པ ་ཞེས་ཀྱང་བྱ། གཞིའི་དོན་ཤེས་པ་ཞེས་ཀྱང་བྱ། རིག་པ་ཆོས་སྐུར་རྟོགས་པ་ཞེས་ཀྱང་བྱ། དོན་མ་ནོར་བར་མཐོང་བ་ཞེས་ཀྱང་བྱ། རང་གིས་མཚན་ཉིད་བསྟན་པའི་གདམས་ངག་ཅེས་ཀྱང་བྱའོ།། ཞེས་གསུངས ་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས།། ངོ་སྤྲོད་འཇུག་བསྡུ་བའི་མན་ངག་གི་ལེའུ་སྟེ་ང་གཅིག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ངོ་སྤྲོད་གཏན ་ལ་དབབ་པ་ཡིས།། བསྟན་པའི་དོན་འདི་ཇི་ལྟར་ལགས།། ཕྱི་རབས་དོན་དུ་གསུང་དུ་གསོལ།། རྡོ་རྗེ་འཆང་གིས་བཀའ་སྩལ་པ།། ཨ་ཀཱ་ཡ་ཏྲི་ཛྙཱ་ན་པཉྩ། ཉི་མའི་སྙིང་པོ་ལ་འོད་ཟེར་གསལ་བས། མུན་པ་གཏན་མི ་གནས་པ་ཞེས་བྱ་བ་འདི་གསུངས་སོ།། བལྟར་མེད་ལྟ་བའི་དོན་བསྟན་པ།། ཨ་ཏིའི་ལྟ་བ་གཟའ་གཏད་བྲལ།། དངོས་མེད་ཡེ་ཤེས་ཟང་ཐལ་བས།། རང་རིག་ཡེ་ཤེས་ལྷུན་གྱིས་གྲུབ།། དེ་ལས་མ་རྟོགས་གཞན་མེད ་པས།། སོ་སོར་རང་རིག་ཡེ་ཤེས་ལ།། ཅིར་སྣང་ཡེ་ཤེས་ཆེན་པོའི་གདངས།། ཡེ་ཉིད་བཅོམ་ལྡན་རྡོ་རྗེ་འཆང་།། དེ་བས་གཞི་སྣང་རྫོགས་སངས་རྒྱས།། སངས་རྒྱས་ཡུལ་མེད་གཟུང་འཛིན་རྣམ་པར་དག། རང་རིག ་ཡེ་ཤེས་རང་གི་གདངས་ལ་བཞུགས།། འབྱུང་བཞི་རང་བཞིན་དག་པའི་ནམ་མཁའ་ལ།། ཆོས་ཉིད་དོན་གྱི་ནམ་མཁས་ཡེ་ནས་ཁྱབ།། ཆོས་ཉིད་དོན་གྱི་ནམ་མཁའ་ལ།། རང་རིག་ཡེ་ཤེས་ཉི་མ ་ཤར།། ཕྱོགས་རེས་མེད་པ་ཀུན་ཏུ་བཟང་།། ཡིད་ཀྱི་རྣམ་རྟོག་ཅི་འགྱུ་ཡང་།། མ་འགགས་རང་བཞིན་མེད་པའི་དོན།། བལྟས་ཤིང་གསལ་བའི་མཐོང་རྙེད་ལ།། ཕྱི་ནང་གཉིས་ཀ་ཕྱི་ཉིད་ནང་།། ཟབ་པའི་ཆ་ཤས ་རྟོགས་ཡུལ་བྲལ།། ཕྱི་ནང་སྣོད་བཅུད་ཐམས་ཅད་ཀུན།། བྱིས་པའི་སྐྱེ་བོ་རྣམས་ལ་སྣང་མོད་ཀྱི།། ལྟ་བ་རང་རིག་ཡེ་ཤེས་དངོས་མེད་ཟང་ཐལ་བ།། དངོས་པོ་མཚན་མའི་སྒྲིབ་པ་ཡེ་ནས་རྣམ་པར་དག། ཀུན་བཟང ་ཞལ་ནི་ཕྱོགས་བཅུ་ཀུན་ཏུ་གསལ།། ཡུམ་གྱི་བྷ་ག་བདེ་ཀློང་གཅིག་ཏུ་འཁྱིལ།། དེ་བས་ཁམས་གསུམ་མ་ལུས་སྤྲོས་བྲལ་ཆེན་པོར་གཅིག། ལྟ་བ་རྣམ་དག་རང་རིག་ཡེ་ཤེས་ལ།། སངས་རྒྱས་མེད་པས་སངས་རྒྱས ་མིང་ཡང་མེད།། སེམས་ཅན་མེད་པས་ཁམས་དང་འབྱུང་བ་མེད།། མན་ཤེལ་སྐུ་ལྟར་རང་གི་རྒྱུད་དག་པས།། དྲི་མེད་ཟང་ཐལ་དག་པ་ཆོས་ཀྱི་སྐུ།། ས་ཆུ་མེ་རླུང་ནམ་མཁར་སྣང་བ་ཡང་།། མ་རྟོགས་བློ་ལ་ཚད ་མར་སྣང་མོད་ཀྱི།། སྣང་ལ་རང་བཞིན་མེད་དེ་ཡེ་ཤེས་གདངས་སུ་གསལ།། དཔེར་ན་མཁའ་ལ་མཛའ་ཚོན་གསལ་བ་ཡང་།། མཁའ་ལས་ལོགས་ན་མེད་ཀྱང་ལོགས་པར་སྣང་།། མཁའ་ཡི་ངང་དུ་གནས་ཤིང ་མཁའ་དང་མི་ཕྱེད་ལྟར།། ཆོས་ཉིད་ཆོས་སྐུ་དབྱེར་མེད་དོན་གྱི་ནམ་མཁའ་ལ།། རང་ཤར་རང་སྣང་རང་གསལ་ཡེ་ཤེས་གདངས།། ལོགས་ལྟར་སྣང་ཞིང་འགགས་པ་མེད་པར་གསལ།། གསལ་ལ་རྟོག་མེད་ཡེ་ཤེས ་ཆོས་ཀྱི་སྐུ།། རང་ལ་རང་སྣང་སྣོད་བཅུད་ཡེ་སངས་རྒྱས།། ལས་དང་ཐུགས་རྗེའི་མཐའ་གཉིས་རྣམ་པར་དག། ས་དང་རྣམ་ཐར་བྱང་ཆུབ་མཆོག་ལ་རིང་།། བགྲོད་དུ་མེད་དེ་ཆོས་ཉིད་བྱང་ཆུབ་མཆོག། བགྲོད་པར ་འདོད་ན་ཡེ་ཤེས་མཐའ་ལ་རིང་།། མ་བསགས་བཞིན་དུ་ཚོགས་གཉིས་ཡེ་ནས་རྫོགས།། མ་སྦྱངས་བཞིན་དུ་སྒྲིབ་གཉིས་ཡེ་ནས་བྱང་།། མ་བྱུང་མ་སྐྱེས་འོད་ཀྱི་དཀྱིལ་འཁོར་ལ།། བཀོད་པ་ལྷ་ཡི་དཀྱིལ་འཁོར ་བསྒོམ་མི་དགོས།། དཀྱིལ་འཁོར་ཁྲོ་གཉེར་ཆ་ལུགས་ཀྱིས།། ཁྲོ་བདག་ཆེན་པོའི་སྐུར་བསྐྱེད་ནས།། སྐུ་གསུམ་ཐུགས་ཀྱི་བཟླས་པ་དག། ཆུ་ཡི་རྒྱུན་ལྟར་བཟླས་ན་ཡང་།། རང་རིག་ཡེ་ཤེས་རྒྱབ་ཀྱི་ཕྱོགས།། ཡེ་ནས ་བྱས་ཟིན་ད་གདོད་བཙལ་བ་མེད།། ཆེད་དུ་བྱར་མེད་ཆེད་དུ་དགག་ཏུ་མེད།། མར་མེའི་སྙིང་པོ་རང་གི་འོད་ལ་གནས་པ་ལྟར།། རང་རིག་ཡེ་ཤེས་རང་གི་གདངས་ལ་གནས།། འདས་དང་མ་བྱོན་ད་ལྟའི་སངས་རྒྱས ་དང་།། གཉིས་མེད་རོ་གཅིག་ཆུ་ལ་ཆུ་བཞག་བཞིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། བལྟ་བ་སྤྱི་རུ་བསྟན་པའི་ལེའུ་སྟེ་ང་གཉིས་པའོ།། །། དེ་ནས་ཡང་གསང་བའི་བདག་པོས ་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེ་ལྟར་ལྟ་བ་བསྟན་པ་དེ།། ཕྱི་ལྟར་དབྱེ་བར་འདུག་པ་ན།། རང་གི་མཚན་ཉིད་ལྟ་བ་དེ།། མ་ནོར་ངེས་པར་བསྟན་དུ་གསོལ།། ཞེས་ཞུས་པས། རྡོ་རྗེ་འཆང ་གིས་བཀའ་སྩལ་པ།། ཕྱི་རབས་དད་ལྡན་དོན་ཆེད་དུ།། རང་གི་མཚན་ཉིད་ལྟ་བ་ནི།། མ་ནོར་ངེས་པར་ངས་བཤད་ཉོན།། སྣང་བ་ཆོས་དབྱིངས་ཆོས་ཉིད་དང་།། རང་བྱུང་རང་རིག་ཆོས་ཀྱི་སྐུ།། ཝལ་གྱིས་རྟོགས ་པའི་ལྟ་བ་ཡིན།། དེ་ཉིད་ཅར་གྱིས་ངོས་བཟུང་ན།། ཐ་མལ་ཤེས་པ་འདི་ཉིད་ལ།། ཧད་དེ་ས་ལེ་སོ་ལེ་བ།། ཐིག་གེ་ས་ལེ་སང་ངེ་བ།། དེ་ཉིད་རང་གི་མཚན་ཉིད་ཡིན།། རིག་པ་ཆོས་སྐུ་བཞི་ལྡན་ཡིན།། རང་གི་ངོ་བོ ་མ་གྲུབ་པས།། ཆོས་ཉིད་སྟོང་པའི་ཆ་ཡིན་ནོ།། ངོ་བོ་མི་རྟོག་པ་ཞེས་བྱ།། སྟོང་པ་དེ་ཉིད་རང་གསལ་ཡིན།། རིག་པ་རང་གསལ་ཞེས་བྱ་སྟེ།། གསལ་བའི་དུས་ན་དངོས་པོ་མེད།། དངོས་མེད་དེ་ཉིད་གསལ་བར ་ཤར།། གསལ་སྟོང་གཉིས་སུ་མེད་པའོ།། གསལ་བ་ལ་ནི་རྣམ་པ་གཉིས།། ཡེ་ཤེས་ལྔ་རུ་མ་འགགས་ཏེ།། དེ་ལ་གདངས་ལྔ་འོད་ལྔ་ཤར།། དེ་ཉིད་མ་རྟོགས་དུག་ལྔར་འཁྲུལ།། འོད་ལྔ་མ་རྟོགས་འབྱུང་ལྔར ་འཁྲུལ།། ཡེ་ཤེས་ལྔ་པོ་མ་ཤེས་པས།། འགྱུ་བའི་རླུང་ནི་དུག་ལྔར་ཤར།། དེ་བཞིན་གཅིག་ལ་ཚང་ལུགས་ཡིན།། དེ་ལ་སྐུ་གསུམ་རྫོགས་ལུགས་ནི།། རང་བྱུང་གསལ་སྟོང་གཉིས་སུ་མེད།། དེ་གཉིས་མི་འཛིན་མི ་རྟོག་པས།། རྟོག་མེད་ཆོས་ཀྱི་སྐུ་ཡིན་སྟེ།། ཆོས་སྐུ་དེ་ལས་གདངས་བྱུང་བས།། ལོངས་སྤྱོད་རྫོགས་པའི་སྐུ་ཡིན་ནོ།། དེ་གཉིས་རྩལ་ནི་མི་འགག་པས།། ཐུགས་རྗེ་སྤྲུལ་པའི་སྐུ་ཞེས་བྱ།། རང་བྱུང་རིག་པའི་རྩལ ་ས་པས།། སྐྲ་གསུམ་ཡོངས་སུ་དེ་ལྟར་རྫོགས།། ལྟ་བ་རང་བྱུང་རིག་པ་ལ།། ཡེ་ཤེས་ལྔ་ཡི་རྫོགས་ལུགས་ནི།། རིག་པའི་ངོ་བོ་མ་གྲུབ་པས།། སྟོང་པ་ཉིད་ཀྱི་ཡེ་ཤེས་རྫོགས།། དེ་ཉིད་མ་འགགས་གསལ་བས ་ན།། མེ་ལོང་ལྟ་བུའི་ཡེ་ཤེས་རྫོགས།། དེ་ཉིད་གཉིས་མེད་མཉམ་པས་ན།། མཉམ་པ་ཉིད་ཀྱི་ཡེ་ཤེས་རྫོགས།། མ་འགགས་སོ་སོར་གསལ་བས་ན།། སོ་སོར་རྟོགས་པའི་ཡེ་ཤེས་རྫོགས།། རྩལ་ནི་སྒོ་ལྔར་བཅས ་པ་ཡིས།། ཐམས་ཅད་གྲུབ་པར་གྱུར་པས་ན།། བྱ་བ་གྲུབ་པའི་ཡེ་ཤེས་རྫོགས།། རྒྱུད་དང་རྐྱེན་གྱིས་མ་བསྐྱེད་པས།། རང་བྱུང་ཡེ་ཤེས་ཞེས་བྱའོ།། རང་རིག་གཅིག་གི་ཡོན་ཏན་ཡིན།། རང་གི་རིག་པ་ཆོས་སྐུ ་ལ།། ཡོན་ཏན་ཐམས་ཅད་ལྷུན་གྱིས་གྲུབ།། གང་ལ་ཐོགས་མེད་ཟང་ཐལ་ཡིན།། མན་ཤེལ་དག་པའི་དཔེ་བཞིན་དུ།། གསལ་དངས་རྟོགས་མེད་ཟང་ཐལ་ལོ།། དཔེར་ན་མར་མེ་གསལ་བ་བཞིན།། རང་གསལ་དག ་གི་ངོ་བོར་ཡོད།། སྣང་བ་ཆོས་དབྱིངས་ལྟ་བ་ནི།། མཚན་མར་མ་གྲུབ་སྟོང་པ་ལ།། རིག་པ་དག་གི་རྩལ་ཤར་བས།། གདངས་དང་འོད་ཀྱི་རྣམ་པ་བྱུང་།། རང་སྣང་དག་ཏུ་ཤར་བས་ན།། རིག་པ་རང་སར་གྲོལ་བ ་དང་།། སྣང་བ་རང་སར་དག་པའོ།། དཔེར་ན་ནམ་མཁའ་སྟོང་པ་ལ།། ཉི་མ་གསལ་ཞིང་འཕྱོ་བ་བཞིན།། ཡུལ་ཉིད་སྟོང་པའི་ཆོས་ཉིད་ན།། རང་རིག་ཆོས་སྐུ་གསལ་སྟོང་འཕྱོ།། གང་ཟག་རྟོགས་ལྡན ་ལམ་ཞུགས་ཀྱིས།། འཁྲུལ་སྣང་འདི་ལ་དེ་བཞིན་སྦྱར།། ཐམས་ཅད་རང་ཉིད་རྟོགས་པས་གྲོལ།། རང་སར་བཞག་པའི་ལྷ་ངོས་ཟིན།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ལྟ་བ་རང་གི ་མཚན་ཉིད་བསྟན་པའི་ལེའུ་སྟེ་ང་གསུམ་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། མ་འོངས་སྐལ་ལྡན་དོན་ཕྱིར་དུ།། ལྟ་བ་རང་གི་མཚན་ཉིད་དེ་ལྟར་ན།། རྒྱས་པར་བཤད་པ་ཇི་ལྟར་ལགས།། དེ་སྐད་ཅེས་ནི ་ཞུས་པ་ཡིས།། རྡོ་རྗེ་འཆང་གི་བཀའ་སྩལ་པ།། ཕྱི་རབས་རྣལ་འབྱོར་དོན་ཆེད་དུ།། ལྟ་བ་རྒྱས་པ་ང་ཡིས་བཤད།། ལྟ་བའི་རྒྱུ་རྐྱེན་ངོ་བོ་དང་།། ངེས་ཚིག་རང་བཞིན་མཚན་ཉིད་དང་།། དབྱེ་བསྡུ་དགོས་ཆེད་གོལ་ས ་དང་།། སྐྱོན་དག་ལྷུན་གྱིས་གྲུབ་ལུགས་དང་།། གཏན་ཚིག་མཚོན་པའི་དཔེ་དང་ནི།། རྟོགས་ཆད་མ་རྟོགས་སྐྱོན་བསྟན་དང་།། གཞན་སེལ་རང་ངོ་བཟུང་བ་དང་།། ལ་བཟླ་སྤྲོས་བྲལ་ཆེན་པོའོ།། ལྟ་བའི་རྒྱུ་ནི་རང ་བྱུང་ཆེན་པོ་ཡིན།། ཅིའི་ཕྱིར་རང་བྱུང་ཆེན་པོ་ཡིན་ཞེ་ན།། རང་རིག་ཆོས་སྐུ་རང་ལ་གནས་པ་དེ།། སངས་རྒྱས་ཐུགས་རྗེ་དག་ལས་མ་བྱུང་དང་།། སེམས་ཅན་རྣམས་ཀྱི་ལས་ཀྱིས་མ་བསྐྱེད་དང་།། ནང་གི་མ་རིག ་འཁྲུལ་པས་མ་བསྐྱེད་དང་།། ཕྱི་ཡི་འབྱུང་བ་ལྔ་ལས་མ་གྲུབ་དང་།། གང་ཟག་ལམ་པའི་བློ་ཡིས་མ་བཅོས་དང་།། སྒྲ་དང་གཏན་ཚིགས་དག་གིས་གཏན་ལ་མ་ཕབ་དང་།། སྔགས་དང་ཕྱག་རྒྱའི་བྱིན་རླབས་དག་ལས ་མ་བྱུང་དང་།། རྒྱུ་ཡི་མ་བསྐྱེད་རྐྱེན་གྱིས་འཇིག་མི་འགྱུར།། མ་བཅོས་མ་བསླད་སོ་མ་རང་བྱུང་ཆེན་པོ་ཡིན།། དེ་ཕྱིར་རྒྱུ་མེད་རྒྱུ་དེ་རྒྱུ་ཡི་མཆོག། རྐྱེན་ནི་བླ་མ་དམ་པའི་གདམས་ངག་སྟེ།། ཅིའི་ཕྱིར་མན་ངག་བླ་མ ་ཡིན་ཞེ་ན།། བླ་མ་དམ་པས་གདམས་ངག་བསྟན་པ་ཡིས།། རང་བྱུང་གསལ་སྟོང་གཉིས་མེད་དོན་རྟོགས་སོ།། དེ་ཕྱིར་རྐྱེན་ནི་བླ་མ་དམ་པའི་གདམས་ངག་ཡིན།། ངོ་བོ་རང་རིག་གསལ་སྟོང་གཉིས་མེད་ཡིན།། དེ ་དོན་རྟོགས་པ་ལྟ་བའི་ངོ་བོ་ཡིན།། ལྟ་བའི་ངེས་ཚིག་རང་རིག་ཡེ་ཤེས་ཡིན།། གཞན་ལ་རག་མི་དགོས་པས་རང་ཞེས་བྱ།། བེམ་པོ་དག་ལས་ལོག་པས་རིག་པའོ།། དུས་ནི་གློ་བུར་མ་བྱུང་ཡེ་ཞེས་བྱ།། དེ་ཉིད་དོན ་དང་ངོ་སྤྲོད་ཤེས་པ་ཡིན།། ལྟ་བའི་རང་བཞིན་གསལ་དངས་ཆེན་པོ་ཡིན།། རང་རིག་གསལ་བའི་དེ་རྩལ་འོད་ལྔར་ཤར།། རང་ནི་རང་བྱུང་རིག་པའི་དོན་ཡིན་ཏེ།། གཞི་ལས་གསལ་རྩལ་འོད་གདངས་ཤར ་པའོ།། དེ་ཡི་གོང་ན་གཞན་མེད་ཆེན་པོ་ཡིན།། ལྟ་བའི་མཚན་ཉིད་ཡེ་ཤེས་ལྔ་ལྡན་ཡིན།། རང་བྱུང་རིག་པ་ཆོས་སྒྲ་དེ་ལ་ནི།། ངོ་བོ་མ་གྲུབ་སྟོང་ཉིད་ཡེ་ཤེས་ཡིན།། མ་འགགས་གསལ་བས་མེ་ལོང་ལྟ་བུའི་ཡེ་ཤེས ་ཡིན།། དེ་ཉིད་གཉིས་སུ་མེད་པར་མཉམ་པ་ཡིས།། གཉིས་མེད་མཉམ་པ་ཉིད་ཀྱི་ཡེ་ཤེས་ཡིན།། དེ་རྣམས་མ་འགགས་སོ་སོར་གསལ་བ་ཡིས།། སོ་སོར་རྟོགས་པའི་ཡེ་ཤེས་ཞེས་བྱའོ།། དེ་ལྟ་བུ་ཡི་ཡེ ་ཤེས་དེ་རྩལ་གྱིས།། གསལ་བ་མ་འགགས་གང་ཡང་གྲུབ་པས་ན།། བྱ་བ་གྲུབ་པའི་ཡེ་ཤེས་ཞེས་སུ་བསྟན།། དེ་ལས་གསལ་རྩལ་འོད་ལྔ་ཤར་བས་ན།། མཚན་ཉིད་འཛིན་པའི་ཡེ་ཤེས་ལྔ་ཞེས་བྱ།། ལྟ་བའི་དབྱེ་བ ་རྣམ་པ་གསུམ་དུ་བསྟན།། རང་གི་རིག་པ་ཆོས་སྐུར་བསྟན་པ་དང་།། བར་གྱི་རིག་རྩལ་མ་འགག་བསྟན་པ་དང་།། ཕྱི་ཡི་སྣང་བ་ཆོས་དབྱིངས་བསྟན་པའོ།། ནང་གི་རིག་པ་རྟོགས་ན་ཆོས་ཀྱི་སྐུ།། རྩལ་ནི་གཟུགས་སྐུ ་གཉིས་སུ་སྣང་བའོ།། ཆོས་སྐུ་ཕྱེ་ན་ཡེ་ཤེས་ལྔ་རུ་བསྟན།། དེ་ཡི་རྩལ་ནི་ཁ་དོག་འོད་ལྔར་ཤར།། ནང་གི་འགྱུ་བ་སྒོ་ལྔར་བཅས་པ་ཡིན།། ཕྱི་ཡི་ཡུལ་ལ་སྤྱོད་ཀྱང་རང་སར་གྲོལ།། འཛིན་རྟོག་མེད་པས་འགྱུ་བ ་ཟང་ཐལ་ཡིན།། ཕྱི་ཡི་རང་བྱུང་རིག་པ་གསལ་གྱུར་ན།། ཕྱི་ཡི་ཡུལ་ནི་ཆོས་དབྱིངས་སྟོང་པ་ལ།། འོད་ལྔ་ཤར་བས་འབྱུང་བ་ལྔ་རུ་བརྟས།། བར་གྱི་གདངས་ནི་རང་རང་ལུས་སུ་གྲུབ།། མ་རིག་ལས་བྱུང་ཉོན་མོངས ་དུག་ལྔ་ནི།། རང་རིག་རང་གསལ་འཛིན་མེད་ངོ་ཤེས་ན།། རང་ཆས་ཤར་བས་རང་སྣང་དག་ཏུ་བསྟན།། འཛིན་པ་འགྱུས་ཀྱང་གར་འགྱུས་རང་སར་གྲོལ།། ཕྱི་ཡི་སྣང་བ་ཡུལ་ལ་མ་ཞེན་ཅིང་།། ནང་གི་རང་བྱུང་རིག ་པ་གསལ་གྱུར་ན།། རང་རིག་ཆོས་ཀྱི་སྐུ་ཞེས་དེ་ལ་བྱ།། སྟོང་གསལ་མི་རྟོག་བདེ་ལྡན་པས། ཀུན་གྱི་དོན་ཤེས་རྗེས་སུ་འཛིན་པ་མེད།། རིག་པ་ཆོས་ཀྱི་སྐུ་ཞེས་དེ་ལ་བྱ།། ལྟ་བའི་བསྡུས་དོན་བསྟན་པ་འདི་ལྟར ་ཡིན།། རིག་པའི་ངོ་བོ་མ་གྲུབ་སྟོང་པའི་ཆ།། དེ་ཉིད་གསལ་བར་འདུག་པས་སྟོང་གསལ་ཆེན་པོ་ཡིན།། གསལ་བ་མི་འགག་རྩལ་དུ་བསྟན་པ་ནི།། འགྱུ་བ་རྗེས་མེད་ཐམས་ཅད་མཁྱེན་པའི་རྒྱུ།། གསལ་ཆ་གཟུགས ་མི་འགག་པས་འོད་ལྔའི་གདངས།། ཡུལ་ལ་འཛིན་པ་མ་ཞུགས་ཆོས་ཀྱི་དབྱིངས།། སྟོང་ཆ་གསལ་ཆ་སྣང་ཆ་འགྲུས་ཆ་བཞི།། འཛིན་མེད་དོན་གྱི་ཟིན་པས་ལྟ་བ་ཡིན།། ལྟ་བའི་དགོས་ཆེད་བསྟན་པ་ན།། ལྟ་བ་མིག ་དང་འདྲ་སྟེ་ཐམས་ཅད་གསལ།། ལྟ་མེད་རྒྱུད་དག་སངས་རྒྱས་ཐོབ་མི་སྲིད།། ལྷ་མེད་མ་རིག་མུན་པ་སངས་མི་སྲིད།། ལྟ་མེད་བསྒོམ་པ་བྱས་ཀྱང་དོན་མི་འགྱུར།། ལྷ་མེད་སྤྱོད་པ་བྱས་ཀྱང་སྤྱོད་རྒྱུ་མེད།། ལྟ་མེད ་འཁོར་བའི་གནས་ནས་ཐར་མི་སྲིད།། ལྟ་མེད་སྡུག་སྔལ་དག་ལས་གྲོལ་མི་སྲིད།། ལྟ་མེད་བདེ་བ་ཆེན་པོ་ཐོབ་མི་སྲིད།། དེ་ཕྱིར་ལྟ་བ་དགོས་ཆེད་ཤིན་ཏུ་ཆེ།། ལྟ་བའི་གོལ་ས་བཅད་པར་བསྟན་པ་ནི།། རང་བྱུང ་ཡིན་པས་རྒྱུ་རྐྱེན་གོལ་ས་ཆོད།། སྟོང་པར་འདུག་པས་དངོས་པོའི་གོལ་ས་ཆོད།། གསལ་བར་འདུག་པས་སྟོང་པའི་གོལ་ས་ཆོད།། རིག་པ་ཟང་ཐལ་ཤར་བས་གཞི་གནས་གོལ་ས་ཆོད།། གསལ་བ་འོད་དུ་འཆར ་བས་རིག་པ་སྟོང་པའི་གོལ་ས་ཆོད།། མ་བཅོས་མ་བསླད་གནས་པས་བསྐྱེད་རིམ་གོལ་ས་ཆོད།། འདུ་འབྲལ་མེད་པར་གསལ་བས་བསྒོམ་པའི་གོལ་ས་ཆོད།། རང་ཉིད་ཡིན་པས་གཞན་ལ་རེ་བའི་གོ ་ལས་ཆོད།། ཕྱོགས་མེད་འཆར་བས་ཕྱོགས་མཚམས་གོལ་ས་ཆོད།། ཀུན་གྱི་རྩ་བ་ཡིན་པས་ཐེག་པའི་གོལ་ས་ཆོད།། བསྟན་པ་ཙམ་གྱིས་རྟོགས་པས་ཐོས་བསམ་གོལ་ས་ཆོད།། རང་ངོ་རང་གི་ཤེས་པས་གཞན་དུ ་གོལ་མི་སྲིད།། སྐྱོན་རྣམས་དག་པར་བསྟན་པ་ནི།། གོལ་ས་ཆོད་པས་སྐྱོན་རྣམས་རྣམ་པར་དག། རྟག་མཐའ་དག་ལ་ཆད་མཐའ་དག། ཡོད་མཐའ་དག་ལ་མེད་མཐའ་དག། སྣང་མཐའ་དག་ལ་སྟོང་མཐའ ་དག། གཅིག་མཐའ་དག་ལ་དུ་མ་དག། མཐའ་རྣམས་ཐམས་ཅད་དག་པ་ནི།། ལྟ་བ་རྣམ་དག་ཆེན་པོ་ཡིན།། ཆེན་པོ་ཞེས་ནི་ཅི་ཕྱིར་བྱ།། རྣམ་དག་དོན་ལ་ལྷུན་གྲུབ་པས།། དག་པ་ཆེན་པོ་ཞེས་བྱའོ།། ལྟ་བ་ལྷུན ་གྲུབ་བསྟན་པ་ནི།། སྐྱོན་རྣམས་དག་པས་ཡོན་ཏན་ལྷུན་གྱིས་གྲུབ།། དེ་ཡང་སྐུ་གསུམ་ཡེ་ཤེས་རྣམ་པ་ལྔ།། ལྷུན་གྱིས་གྲུབ་པས་ཐམས་ཅད་རྫོགས་པ་ཡིན།། བལྟ་བ་ལྷུན་གྲུབ་ཆེན་པོ་ཡིན།། དཔེར་ན་བསམ་འཕེལ ་ནོར་བུ་ལ།། དགོས་འདོད་ཐམས་ཅད་འབྱུང་བ་འདྲ།། སྐྱོན་རྣམས་དག་པས་ཆེད་དུ་སྤངས་པ་མ་ཡིན་ཏེ།། རང་གི་ངོ་བོ་རྟོགས་པས་རྐྱེན་རྣམ་དག། དཔེར་ན་ཉི་མ་ཤར་བས་མུན་པ་མི་གནས་བཞིན།། ཡོན ་ཏན་ཐམས་ཅད་ལྷུན་གྱིས་གྲུབ་པ་ནི།། བསྒྲུབས་པས་གྲུབ་པ་མ་ཡིན་ཏེ།། རང་ངོ་རྟོགས་པས་ཐམས་ཅད་མཁྱེན་པར་འཆར།། དཔེར་ན་རིན་ཆེན་རྙེད་པས་དགོས་འདོད་འབྱུང་བ་ལྟར།། ལྟ་བ་མཚོན་པའི་དཔེ ་བསྟན་པ།། རྒྱས་པར་བསྟན་ན་བསམ་གྱི་མི་ཁྱབ་སྟེ།། བསྡུ་ན་མཚོན་དཔེ་སུམ་ཅུ་དག་ཏུ་བསྟན།། རྣམ་པར་དག་པའི་མན་ཤེལ་དྲི་མེད་འདྲ།། ལྷུན་གྱིས་གྲུབ་པས་ནོར་བུ་རིན་ཆེན་འདྲ།། མཐའ་དང་བྲལ་བའི་ནམ ་མཁའ་ཆེན་པོ་འདྲ།། ཐམས་ཅད་འབྱུང་བས་ས་གཞི་ཆེན་པོ་འདྲ།། ཉོན་མོངས་སྡིག་སྒྲིབ་བསྲེག་པས་མེ་དང་འདྲ།། མི་གཙང་ལྡན་ལྗིན་འཁྲུ་བས་ཆུ་དང་འདྲ།། གང་ལ་ཐོགས་པ་མེད་པས་རླུང་དང་འདྲ།། ངོ་བོ་མ ་གྲུབ་པར་སྣང་སྟོང་བ་འདྲ།། གསལ་ལ་མི་འགག་ཉི་མའི་ཟེར་དང་འདྲ།། གསལ་ལ་མི་རྟོག་མེ་ལོང་མན་ཤེལ་རྐྱེན་འཕྲད་འདྲ།། བདེ་ལ་མི་རྟོག་བྱང་ཆུབ་སེམས་དཔའ་འདྲ།། གང་གི་སྐྱོན་གྱིས་མ་གོས་མེ་ཏོག་པདྨ ་འདྲ།། ཕྱིར་མི་ལྡོག་པས་སེམས་ཅན་དུག་ཟོས་ཚེ་དང་འདྲ།། རྒྱུན་མི་འཆད་པས་ཆུ་བོའི་གཞུང་དང་འདྲ།། ངོ་བོ་གཅིག་ལ་རང་རྩལ་མི་འགག་པ།། རྒྱ་མཚོ་ཆེན་པོ་དག་ལས་རླབས་འཆར་འདྲ།། འོད་གདངས་ལྷུན ་གྲུབ་མན་ཤེལ་རྐྱེན་འཕྲད་འདྲ།། ཉོན་མོངས་རང་གྲོལ་སྦྲུལ་གྱི་མདུད་པ་འདྲ།། རྟོག་པ་རང་ངོ་རང་གི་ཤེས་པ་ནི།། རྒྱལ་བུ་དམངས་ནས་རྒྱལ་སར་བཏོན་པ་འདྲ།། དུས་གསུམ་འགྱུར་བ་མེད་པས་རིན་ཆེན་གསེར ་དང་འདྲ།། ནང་དུ་གསལ་བས་བུམ་ནང་མར་མེ་འདྲ།། གཅིག་གིས་ཕྱི་ཡི་ཡུལ་ལྔ་སྤྱོད་པས་ན།། རིན་ཆེན་གསེར་སྦྲུལ་མིག་དང་འདྲ།། ཞེ་ལ་ཡོད་ཀྱང་ཁ་རུ་མི་ཐོན་པ།། དིག་པས་ཁ་རུ་བུ་རམ་མྱོང་བ ་འདྲ།། རང་རིག་རྟོགས་པས་མ་རིག་སེལ་བ་ནི།། སྒྲོན་མེ་བཏེག་པས་མུན་པ་སེལ་བ་འདྲ།། ཕར་ལ་འཇོམས་ཤིང་ཚུར་ལ་མི་ཚུགས་པས།། མི་འགྱུར་མི་ཤིགས་རྡོ་རྗེ་ཕ་ལམ་འདྲ།། ངོ་བོ་འདུས་མ་བྱས་པས་ནམ ་མཁའ་འདྲ།། རང་རིག་དོན་རྟོགས་ཉོན་མོངས་དག་པ་ནི།། ཉི་མ་ཤར་བས་ཐམས་ཅད་གསལ་བ་འདྲ།། མ་བསྒོམས་གསལ་རྩལ་བྱད་དང་མེ་ལོང་འདྲ།། མ་བཅོས་མ་བསླད་རང་རིག་གཉུག་མ་འདྲ།། མཚོན་དཔེ ་སུམ་ཅུ་ཐམ་པས་ལྟ་བའི་དོན་གྱི་ཕྱོགས་རེ་མཚོན།། ལྟ་བ་བློ་དང་འཐས་པའི་ཡུལ་ལས་འདས་པས་ན།། འདི་ཡིན་འདི་དག་ཁོ་ན་ཞེས་སུ་བསྟན་པ་ཤིན་ཏུ་དཀའ།། དོན་གྱི་ཟུར་ཙམ་ཕྱོགས་ཙམ་མཚོན་པ ་ཡིན།། གཏན་ཚིགས་མང་བར་བསྟན་ཀྱང་གསུམ་ཡིན་ཏེ།། ལུང་གིས་གཏན་ལ་ཕབ་པའི་གཏན་ཚིགས་དང་།། མན་ངག་དག་གི་གཏན་ཚིགས་བསྟན་པ་དང་།། དེ་གཉིས་འཛོམ་པའི་རྗེས་སུ་རིགས་པའི་གཏན ་ཚིགས་སོ།། ལུང་གི་གཏན་ཚིགས་རྡོ་རྗེ་འཆང་གི་བཀའ།། མན་ངག་གཏན་ཚིགས་བཀའ་ལུང་བཅུད་ཀྱི་དོན།། རིག་པའི་གཏན་ཚིགས་རང་རིག་མངོན་སུམ་དོན།། ལུང་དང་མན་ངག་གཉིས་ཀྱིས་ངོ་སྤྲད་པའོ།། ལྟ ་དོན་རང་རིག་མངོན་སུམ་རྟོགས་པའི་ཚེ།། ངོ་སྤྱོད་ཤེས་པས་རང་ངོ་ཤེས་པ་སྟེ།། ཉམས་སུ་མྱོང་བས་རང་ལས་འབྱུང་བའི་དོན།། ཉོན་མོངས་དུག་ལྔ་ལ་སོགས་རང་གྲོལ་དུ།། འདོད་པའི་ཡོན་ཏན་ལྔ་ལ་མ་ཞེན ་དང་།། ཉམས་རྟོགས་ཐམས་ཅད་རང་ལས་འབྱུང་བ་དང་།། དུས་གསུམ་དག་ཏུ་འགྱུར་བ་མེད་པ་ཡིས།། བར་དུ་གཅོད་པའི་བདུད་ཀྱིས་ཚུགས་མི་འགྱུར།། ནང་གི་རིག་པ་ཆོས་ཀྱི་སྐུ་རུ་རྟོགས།། གསལ་སྟོང་གཉིས ་མེད་སྤྲོས་དང་བྲལ་བའི་གདེངས།། བར་གྱི་རྩལ་ནི་འགྱུ་བ་རང་སར་གྲོལ།། རིག་པ་ཟང་ཐལ་ཅི་སྤྱོད་ཡེ་ཤེས་སོ།། ཕྱི་ཡི་སྣང་བ་བདེ་སྡུག་རང་སར་གྲོལ།། མ་བཅོས་སྟོང་ཉིད་ཆོས་ཀྱི་དབྱིངས་སུ་གྲོལ།། རིག་པ ་བསྟན་པས་རྐྱེན་རྣམས་ཐམས་ཅད་བྲལ།། དེ་ལྟར་ཤེས་ན་ལྟ་བ་རྟོགས་པའི་ཚད།། ལྟ་བ་མ་རྟོགས་པ་ཡི་སྐྱོན་བསྟན་པ།། དཔེར་ན་བྱེ་མའི་རི་ལ་མཁར་བརྩིག་འདྲ།། བྱེ་མ་ཉིལ་ནས་མཁར་སྡེ་འཇིག་པ་ལྟར།། ཡང ་དག་མ་རྟོགས་བྱང་ཆུབ་ལམ་ཞུགས་པས།། གནས་སྐབས་ཙམ་ལས་མཐར་ཐུགས་འབྲས་བུ་མེད།། དེ་ཕྱིར་ལྟ་བ་མ་རྟོགས་སངས་མི་རྒྱ།། ལྟ་བའི་ངོས་འཛིན་ངོ་སྤྱོད་སྐབས་ན་གསལ།། ངོ་ཡིས་ཟིན་ན་འཕྲལ་དུ ་རྟོགས་པ་འཆར།། ཅི་ཕྱིར་ཞེ་ན་ཅར་ཕོག་བསྟན་པ་ཡིན།། དེ་ཕྱིར་ངོས་འཛིན་ངོ་སྤྱོད་ཤིན་ཏུ་གཅེས།། ལྟ་བའི་དོགས་བཅད་ཤིན་ཏུ་གཅེས།། མི་མཐུན་པ་ཡི་རྐྱེན་ལས་བཟློག་པར་འགྱུར།། དེ་ཡང་རྣམ་པ་གཉིས་སུ ་བསྟན་པ་སྟེ།། མི་མཐུན་ཕྱོགས་དང་མཐུན་པའི་ཕྱོགས་ལས་བཟློག། མི་མཐུན་ཕྱོགས་ལས་བཟློག་པར་བསྟན་པ་ནི།། རིག་པ་ཡིན་པས་བེམ་པོ་དག་ལས་བཟློག། མཐུན་པའི་ཕྱོགས་ལས་ལྡོག་པར ་བསྟན་པ་ནི།། ནང་གི་རྣམ་ཤེས་ཚོགས་བརྒྱད་ལྡོག་པའོ།། ཤེས་རིག་ཙམ་དུ་མཐུན་སྣང་གྱུར་ན་ཡང་།། འཛིན་པའི་རྟོགས་པ་ཡོད་མེད་ཁྱད་པར་ཆེ།། དེ་ཡང་སྒོ་ལྔའི་རྣམ་པར་ཤེས་པ་ནི།། ཡུལ་དེ་སྣང་བས་ཤེས ་པར་སྐྱེ་བར་འགྱུར།། ཡུལ་མི་སྣང་ན་ཤེས་པ་སྐྱེ་མི་འགྱུར།། དེ་ཡང་ཡུལ་ལ་འཛིན་པ་བཅས་ནས་སྐྱེ།། དེ་ཕྱིར་སྒོ་ལྔའི་རྟོགས་པ་རང་ཁ་མ།། རྟོག་པ་གསལ་ན་སྒོ་ལྔའི་འཛིན་པ་འགགས།། ཡིད་ཀྱི་རྣམ་ཤེས་མཚན ་ཉིད་བསྟན་པ་ནི།། ཕྱི་རུ་ཡུལ་ལྔ་སྤྱོད་པའི་བདག་པོ་བྱེད།། ནང་དུ་དེ་ལས་བཟུང་བའི་ཉོན་མོངས་ཡིད།། གཟུང་དང་འཛིན་པ་གཉིས་ཀྱི་བདག་པོ་ཡིན།། དེ་ཕྱིར་རྣམ་པར་རྟོག་པ་རྣམས།། རང་གི་རིག་པ་དག ་གི་རྩལ་ཡིན་ཏེ།། འཛིན་མེད་གསལ་བའི་རིག་པ་དེ་ཉིད་ནི།། རིག་པ་འགྲུས་ཀྱང་འཛིན་པའི་རྗེས་མེད་དེ།། ཕྱི་རུ་ཡུལ་ལ་སྤྱད་ཀྱང་མ་བཟུང་ན།། ལྟ་བ་ཟང་ཐལ་ཡིན་ཏེ་ཡིད་ལས་ལྡོག། ཉོན་མོངས་ཡིད་ཀྱི་མཚན ་ཉིད་ནི།། ཡུལ་གྱི་རྟོག་པ་བྱེད་པ་དེ་དག་ནི།། ཡིད་ལ་བཟུང་བའི་ཆ་ནས་ཉོན་མོངས་ཡིད།། འཛིན་མེད་རིག་པ་གསལ་བ་ལྟ་བ་ཡིན།། དོན་ལ་རིག་པའི་རྩལ་ནི་མ་འགགས་པས།། མ་ཤེས་ཡུལ་ལ་གཟུང་བས་རྟོག ་པའི་ཚོགས་སུ་ཤར།། ཤེས་ནས་ཡུལ་ལ་འཛིན་པ་མེད་པ་ནི།། ཡེ་ཤེས་ཟང་ཐལ་བལྟ་བའི་མཐར་ཟུག་ཡིན།། སྦྱོར་བ་དོན་གྱི་ཀུན་གཞིའི་མཚན་ཉིད་བསྟན་པ་ནི།། ཚོགས་བདུན་རྟོག་པའི་གཞི་ལ་བྱ།། ཚོགས ་བདུན་དག་ལ་རྟོག་པ་མི་གསོག་ན།། སྦྱོར་བ་དོན་གྱི་ཀུན་གཞི་དེ་ལས་བཟློག། མཐུན་ཕྱོགས་ཚོགས་བརྒྱད་དག་ལས་དེ་ལྟར་བཟློག། ནང་རིག་པའི་ཚོགས་བརྒྱད་དག་ལས་བཟློག་པ་ཡིན།། ཕྱི་ཡི་ཆོས་དབྱིངས ་དག་ལས་བཟློག་པ་ཡིན།། འབྱུང་བ་ལྔ་ནི་རགས་པ་རྡོས་པ་ཅན།། ལྟ་བ་ཆོས་ཀྱི་དབྱིངས་ནི་སྟོང་པ་ལ།། འོད་གསལ་དག་ནི་རྩལ་གྱི་སྣང་བ་འཆར།། དེ་ཕྱིར་ཆོས་སྐུ་ཆོས་དབྱིངས་ཤར་ཙམ་ན།། འཁྲུལ་པའི་སྣང་བ ་ལས་ནི་བཟློག་པ་ཡིན།། ལྟ་བའི་ལ་ཟློ་སྤྲོས་དང་བྲལ་བ་ཡིན།། ཅི་ཕྱིར་སྤྲོས་དང་བྲལ་ཞེ་ན།། སྤྲོས་པའི་མཐའ་ནི་མཐའ་ལྷུང་སྟེ།། དེ་དང་བྲལ་ན་སྤྲོས་བྲལ་ལོ།། མཐའ་ཡང་འཁོར་བའི་མཐའ་ཡིན་ཏེ།། འཁོར ་བའི་མཐའ་ཡང་ཕྱི་ནང་གཉིས་ཡིན་ཏེ།། ཕྱི་ཡི་འབྱུང་ལྔ་རྡོས་པའི་མཐའ།། འབྱུང་བ་ལྔ་ནི་འདུས་བྱས་ཏེ།། འདུས་མ་བྱས་ཤིང་འཛིན་པ་མེད་པས་མཐའ་ལས་གྲོལ།། ནང་ནི་ཉོན་མོངས་དུག་ལྔ་འཛིན་པའི ་མཐའ།། འཛིན་པའི་ཕྱོགས་སུ་མ་ལྷུང་མཐའ་དང་བྲལ།། ཕྱི་ནང་སྣོད་བཅུད་མཐའ་ལས་དེ་ལྟར་གྲོལ།། གསལ་ལ་འཛིན་པ་མེད་པས་ཆད་པའི་མཐའ་ལས་གྲོལ།། མི་རྟོག་སྟོང་པས་རྟག་པའི་མཐའ་ལས ་གྲོལ།། ཕྱོགས་ཆ་གང་ཡང་མེད་པས་རིམ་དགུའི་མཐའ་ལས་གྲོལ།། ཕྱི་ནང་སྣོད་བཅུད་ཀུན་གྱི་མཐའ་ལས་གྲོལ།། སྐུ་གསུམ་ཡེ་ཤེས་ལྔ་རུ་འཛིན་མེད་པས།། མྱ་ངན་འདས་པའི་མཐའ་ལས ་གྲོལ།། ཕྱོགས་རིས་གང་ཡང་མེད་པས་མཐའ་རྣམས་ཀུན་དང་བྲལ།། འཛིན་པ་གང་ཡང་མེད་པས་ཕྱོགས་སུ་ལྷུང་བ་མེད།། བློ་ཡི་ཡུལ་ལས་འདས་པས་བརྗོད་པའི་ཚིག་དང་བྲལ།། དོགས་པ་མེད་ཅིང་རེ་གནས ་མེད་པས་སངས་རྒྱས་ད་ལྟ་ཉིད།། རེ་དོགས་ཀུན་དང་བྲལ་བས་འབྲས་བུ་ད་ལྟ་ཉིད།། དེ་ལྟར་ཤེས་ཤིང་རྟོགས་པའི་གང་ཟག་དེ།། འཁོར་བའི་གནས་སུ་འདུག་ཀྱང་འབྲས་བུ་སྐུ་གསུམ་རྫོགས།། ཡེ་ཤེས་ལྔ་ཡིས ་དོན་ལས་འགྱུར་བ་མེད།། རང་བྱུང་རིག་པའི་དོན་དེ་མངོན་དུ་ཤར།། ཡང་བག་ཚ་མེད་པས་ཁྱུང་ཆེན་ནམ་མཁར་ལྡིང་པ་འདྲ།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ལྟ་བ་རྒྱས་པར ་བཤད་པའི་ལེའུ་སྟེ་ང་བཞི་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལྟ་བ་རྒྱས་པར་བསྟན་པ་དེ་ལགས་ན།། ཕྱི་རབས་གང་ཟག་སྣོད་ལྡན་དོན་ཆེད་དུ།། ལྟ་བ་རང་གི་མཚན་ཉིད་དེ་དག་ལ།། གནད་ཀྱི་མན ་ངག་མི་འཁྲུལ་དེ་དག་གི།། གཅིག་སྲོག་གཅིག་གིས་བཟུང་བ་བཤད་དུ་གསོལ།། ཞེས་ཞུས་པས། དེ་ནས་སྟོན་པས་བཀའ་སྩལ་པ།། རང་རིག་ཆོས་སྐུ་གཏན་ལ་དབབ་པ་ནི།། རང་རིག་ཡོན་ཏན་བརྗོད་ཀྱིས་མི ་ལངས་ཀྱང་།། ཡོན་ཏན་བཅུ་ལྡན་རང་རིག་ཆོས་ཀྱི་སྐུ།། རྒྱུ་དང་རྐྱེན་གྱིས་མ་བསྐྱེད་རང་བྱུང་ཆ།། དངོས་པོ་མཚན་མར་མ་གྲུབ་སྟོང་པའི་ཆ།། རང་རིག་རང་གསལ་རིག་པ་ནང་གསལ་ཆ།། རིག་རྩལ་སྒོ་ལྔར་ཤར ་བ་ཕྱི་གསལ་ཆ།། སྒོ་ལྔའི་རྗེས་སུ་འཇུག་པ་འགྱུ་བ་ཟང་ཐལ་ཆ།། རིག་རྩལ་འོད་དུ་ཤར་བ་གཟུགས་ཀྱི་ཆ།། གསལ་སྟོང་གཉིས་མེད་དོན་ལ་གཅིག་པའི་ཆ།། ཡོན་ཏན་མ་བཙལ་ལྷུན་གྱིས་གྲུབ་པས་ལྷུན་གྲུབ ་ཆ།། སྐྱོན་རྣམས་མ་སྤངས་དག་པས་རྣམ་དག་ཆ།། ཡུལ་རྐྱེན་རང་སར་གྲོལ་བས་འཛིན་མེད་ཆ།། རྒྱུ་རྐྱེན་གཉིས་ཀྱིས་མ་བསྐྱེད་རང་བྱུང་ནི།། བདེ་གཤེགས་ཐུགས་རྗེ་དག་ལས་མ་བྱུང་རང་བྱུང་དང་།། སེམས་ཅན ་རྣམས་ཀྱི་ལས་ཀྱིས་མ་བསྐྱེད་དང་།། ཕྱི་ཡི་འབྱུང་བ་ལྔ་ཡིས་མ་བསྐྱེད་དང་།། ནང་གིས་རྣམ་རྟོག་དག་ལས་མ་བྱུང་དང་།། གང་ཟག་ལམ་པའི་བློ་ཡིས་མ་བཅོས་པའོ།། དེ་ཕྱིར་རང་བྱུང་རྒྱུ་རྐྱེན་མེད་པའོ།། དངོས་པོ ་མཚན་མར་མ་གྲུབ་སྟོང་པ་ནི།། གློ་བུར་མ་ཡིན་གདོད་མ་ནས་ཀྱི་སྟོང་པ་དང་།། གསལ་བའི་ངོ་བོ་མ་གྲུབ་སྟོང་པ་དང་།། བློ་ཡིས་མ་བཅོས་མ་བསླད་པ་ཡི་སྟོང་པ་དང་།། རྫས་དང་མཚན་མར་མ་གྲུབ་སྟོང་པ ་དང་།། ཉོན་མོངས་བག་ཆགས་མ་གྲུབ་སྟོང་པའོ།། དེ་ཕྱིར་ཆོས་ཉིད་སྟོང་པ་ཉིད་ཅེས་བྱ།། རིག་པ་ནང་གསལ་ངོ་བོ་བསྟན་པ་ནི།། གཞན་ལ་རག་མ་ལས་པར་གསལ་བ་དང་།། གློ་བུར་མ་ཡིན་གདོད་མ་ནས་ཀྱི ་གསལ་བ་དང་།། གསལ་ཙམ་ཉིད་ནས་ངོ་བོ་མ་གྲུབ་གསལ་བ་དང་།། གསལ་བའི་དུས་ན་བདེ་ཡིན་གསལ་བ་དང་།། ཡོན་ཏན་ལྷུན་གྱིས་གྲུབ་པས་གསལ་བའོ།། དེ་ཕྱིར་རང་རིག་རང་གསལ་དག ་ཡིན་ནོ།། སྒོ་ལྔའི་རིག་རྩལ་ཕྱི་གསལ་བསྟན་པ་ནི།། མིག་གི་ཡུལ་དུ་གཟུགས་རྣམས་སྣང་བ་དང་།། རྣ་བའི་ཡུལ་དུ་སྒྲ་རྣམས་གྲག་པ་དང་།། སྣ་ཡི་ཡུལ་དུ་དྲི་རྣམས་སྣོམ་པ་དང་།། ལྕེ་ཡི་ཡུལ་དུ་རོ་རྣམས་བྲོ་བ ་དང་།། ལུས་ཀྱི་ཡུལ་དུ་རེག་བྱ་ཚོར་བའོ།། སྒོ་ལྔ་དེ་རྣམས་རིག་པ་དག་ལ་ཆང་།། སྒོ་ལྔའི་རྗེས་འཇུག་འགྱུ་བ་ཟང་ཐལ་ཡིན།། མིག་ལ་བརྟེན་ནས་གཟུགས་ཀྱི་རྣམ་པར་སྤྱོད།། རྣ་བ་ལ་བརྟེན་སྒྲ་ཡི་རྣམ ་པར་སྤྱོད།། སྣ་ལ་བརྟེན་ནས་དྲི་ཡི་རྣམ་པར་སྤྱོད།། ལྕེ་ལ་བརྟེན་ནས་རོ་ཡི་རྣམ་པར་སྤྱོད།། ལུས་ལ་བརྟེན་ནས་རེག་བྱའི་རྣམ་པར་སྤྱོད།། སྤྱོད་པའི་རྗེས་སུ་འབྲང་ན་འཁྲུལ་པ་ཡིན།། ཡུལ་ལ་མ་སྤྱད་རང་སར་གྲོལ ་བས་ཟང་ཐལ་ཡིན།། རིག་རྩལ་འོད་དུ་ཤར་བས་གཟུགས་རྩལ་ཡིན།། སྟོང་ཉིད་ཡེ་ཤེས་རྩལ་ནི་མཐིང་གར་ཤར།། མེ་ལོང་ཡེ་ཤེས་རྩལ་ནི་དཀར་པོར་ཤར།། མཉམ་ཉིད་ཡེ་ཤེས་རྩལ་ནི་སེར་པོར་ཤར།། སོར ་རྟོག་ཡེ་ཤེས་རྩལ་ནི་དམར་པོར་ཤར།། བྱ་གྲུབ་ཡེ་ཤེས་རྩལ་ནི་ལྗང་གུར་ཤར།། རྩལ་གཉིས་རང་སར་མི་འཛིན་མི་རྟོག་པ།། རང་སྣང་རང་སར་གྲོལ་བ་རྟོགས་པའི་ཚད།། གསལ་སྟོང་གཉིས་མེད་དོན་ལ་ཅིག་ཅར ་ནི།། ཐ་དད་གཉིས་སུ་མ་གྲུབ་གཉིས་མེད་དང་།། གསལ་སྟོང་གཉིས་སུ་མ་གྲུབ་གཉིས་མེད་དང་།། གདོད་ནས་འབྲལ་མ་མྱོང་བའི་གཉིས་མེད་དང་།། རང་བྱུང་རྒྱུ་རྐྱེན་མེད་པའི་གཉིས་མེད་དང་།། བཟང་ངན་མེད ་པས་མཉམ་པ་ཉིད་ཀྱི་ཡེ་ཤེས་དང་།། གཉིས་མེད་སྟེང་དུ་འཛིན་མེད་ལྟ་བའི་མཆོག། ཡོན་ཏན་མ་བཙལ་ལྷུན་གྱིས་གྲུབ་པའི་ལྷུན་གྲུབ་ནི།། རྩོལ་བ་གང་གིས་མ་བཙལ་ལྷུན་གྲུབ་དང་།། ཡོན་ཏན་ལྷུན་གྱིས་གྲུབ ་པས་ལྷུན་གྲུབ་དང་།། འདོད་པའི་ཡོན་ཏན་ཆར་བས་ལྷུན་གྲུབ་དང་།། གློ་བུར་མ་ཡིན་གདོད་ནས་རྫོགས་པས་ལྷུན་གྲུབ་བོ།། དེ་ཕྱིར་མ་བསྒྲུབ་ལྷུན་གྲུབ་ཆེན་པོ་ཡིན།། སྐྱོན་རྣམས་མ་སྤངས་དག་པའི་རྣམ་དག ་ནི།། རང་གི་རིག་པ་ཆོས་སྐུ་དེ་ལ་ནི།། རྣམ་རྟོག་མཚན་མ་ཐམས་ཅད་རྣམ་པར་དག། དངོས་པོ་རྟག་མཐའ་ཐམས་ཅད་རྣམ་པར་དག། མེད་མཐའ་དང་ནི་ཆད་མཐའ་རྣམ་པར་དག། དྲང་དོན་ཐེག་པའི་བཀྲི་དྲང་རྣམ ་པར་དག། མ་རིག་གཏི་མུག་བློ་ནི་རྣམ་པར་དག། ཡུལ་རྐྱེན་རང་སར་གྲོལ་བའི་མཚན་ཉིད་ནི།། དོན་རྟོགས་སྣང་རྐྱེན་རང་སར་གྲོལ་བ་སྟེ།། རིག་པ་ཆོས་སྐུ་ལྟ་བའི་དོན་རྟོགས་པས།། ཡུལ་རྐྱེན་ཇི་ཤར་འཛིན་པ ་མེད་པར་གྲོལ།། མིག་གི་ཡུལ་དུ་གཟུགས་ཤར་འཛིན་མེད་གྲོལ།། རྣ་བའི་ཡུལ་དུ་སྒྲ་བྱུང་འཛིན་མེད་གྲོལ།། སྣ་ཡི་ཡུལ་དུ་དྲི་བྱུང་འཛིན་མེད་གྲོལ།། ལྕེ་ཡི་ཡུལ་དུ་རོ་མྱོང་འཛིན་མེད་གྲོལ།། ལུས་ཀྱི་ཡུལ་དུ་རེག ་ཚོར་འཛིན་མེད་གྲོལ།། དོན་རྩལ་རང་ཤར་རིག་པ་ཟང་ཐལ་ཡིན།། རང་རིག་ཆོས་ཀྱི་སྐུ་ཡི་དོན་རྟོགས་ན།། སྣང་བ་རང་སྣང་འཛིན་པ་རང་གྲོལ་ལོ།། དེ་ཕྱིར་རང་སྣང་རང་ཤར་ཞེས་སུ་བཤད།། དེ ་ལྟར་ཡོན་ཏན་བཅུ་ལྡན་དེ།། གཅིག་སྲོག་གཅིག་གིས་བཟུང་བས་མཐར་མི་ལྟུང་།། ལ་ཟློ་སྤྲོས་པའི་མཐའ་རྣམས་ཀུན་དང་བྲལ།། དེ་ཕྱིར་རང་རིག་བློ་ཡི་ཡུལ་ལས་འདས།། བཏགས་ཚད་མིང་ཡིན་བསམ་ཚད ་བློ།། སྣང་ཚད་ཡུལ་ཡིན་བྱས་ཚད་འཇིག། དུས་གསུམ་རྟོག་པ་ཐམས་ཅད་འཇིག་པས་ན།། མ་བྱུང་མ་སྐྱེས་རང་བྱུང་ཆེན་པོའི་སྐུ།། མ་བཅོས་མ་བསླད་མ་བསྒྲུབས་མ་ཞེན་པ།། མི་རྟོག་མི་འཛིན་མི་ཞེན་མི་ལྟོས ་སོ།། རིག་པའི་གནས་ལུགས་དེ་ལྟར་གནས་པའོ།། ལྟ་བ་རང་བྱུང་རིག་པའི་དོན་རྟོགས་པས།། སྣང་བ་ཆོས་ཉིད་སྟོང་པའི་ངང་ལས་རིག་རྩལ་འོད་ལྔར་ཤར།། མ་རྟོགས་པ་ལས་འབྱུང་བ་ལྔ་རུ་བརྟས།། རང་གི ་རྩལ་སྣང་བླང་དོར་མཐའ་དང་བྲལ།། རང་སྣང་རང་གྲོལ་ཞེན་པ་ཀུན་དང་བྲལ།། རང་རིག་དོན་རྟོགས་འགྱུ་བ་རང་གྲོལ་ན།། སྒོ་ལྔའི་ཡུལ་ལྔ་དག་གིས་གནོད་མི་ནུས།། རང་བྱུང་ཡེ་ཤེས་ལྟ་བའི་དོན་རྟོགས་ན།། མ ་བསླད་མ་བྱུང་མ་བྱས་མ་བཙལ་བ།། མི་འཁྲུལ་མི་རྟོག་མི་ལྟོས་མི་ཞེན་ནོ།། ངོ་བོ་གཅིག་ལ་ཡོན་ཏན་ལྡན་ལུགས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ལྟ་བ་གཅིག་སྲོག་གཅིག་གིས་བཟུང་ནས་བསྟན ་པའི་ལེའུ་སྟེང་ལྔ་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལྟ་བའི་སྲོག་བཟུང་དེ་ལགས་ན།། ལྟ་བ་བསྒོམ་པ་སྤྱོད་པ་གསུམ།། གཅིག་ཏུ་དྲིལ་ཏེ་བསྟན་པར་ཞུ།། རྡོ་རྗེ་འཆང་གིས་བཀའ་སྩལ་པ།། ལྷ ་སྒོམ་སྤྱོད་པ་དྲིལ་བ་ནི། རང་གི་རིག་པ་ཆོས་ཀྱི་སྐུ་སྤྲོས་པ་དང་བྲལ་བ་ཡིན་ཏེ། དེ་ལ་དབྱེ་ན་གསུམ། ནང་རིག་པ་ཆོས་ཀྱི་སྐུ་དང་། ཕྱི་སྣང་བ་ཆོས་ཀྱི་དབྱིངས་དང་། བར་དུ་རིག་པའི་རྩལ་མི་འགག་པ་དང་གསུམ ་མོ།། ནང་རིག་པ་ཆོས་ཀྱི་སྐུ་ནི་རིག་པ་གསལ་སྟོང་གཉིས་སུ་མེད་པ་ཡིན་ཏེ།། དེ་ཡང་རང་གི་རིག་པ་མ་བཅོས་པར་ས་ལེ་བ་དེ་ཉིད་ཅིའི་ངོ་བོར་ཡང་མ་གྲུབ་པ་དེ་ཆོས་ཉིད་ཀྱི་སྟོང་ཆ་ཡིན་ནོ།། མ་གྲུབ་པ་དེ་ཀ་རང ་རིག་པ་ས་ལེ་འདུག་པས་རང་རིག་གི་གསལ་ཆའོ།། སྟོང་པ་དང་གསལ་བ་ཐ་དད་དུ་མ་གྱུར་པས་གསལ་སྟོང་གཉིས་སུ་མེད་པའོ།། དེའི་ཕྱིར་ན་གཉིས་མེད་ཀྱི་བདེ་ཆ་ཞེས་བྱའོ།། གཉིས་མེད་ལ་རྩལ་མ་འགགས ་པར་འགྱུ་བས། རྩལ་གྱི་འགྱུ་ཆ་ཞེས་བྱའོ།། འགྱུ་ཆ་མེད་ན་ཞི་གནས་ལྟེངས་པོ་ཞེས་བྱ་སྟེ། ཐམས་ཅད་མཁྱེན་པ་འཆར་མི་སྲིད་དོ།། རིག་པའི་རྩལ་འགྲུས་པས་དེ་སྒོ་ལྔ་ལ་བརྟེན་ནས། ཡུལ་གར་བྱུང་ཡང་ཤེས་པ ་འཆར་བས་གསལ་བའི་ཆ་ཡིན་ནོ།། སོ་སོ་སྐྱེ་བོ་ནི་རང་ཁ་མ་ཡིན་ཏེ་འཛིན་པ་དང་བཅས་པའོ།། རྟོགས་ལྡན་ནི་ཡུལ་ལ་འགྱུ་ཡང་འཛིན་པ་རང་སར་གྲོལ་ཏེ་བག་ཆགས་ཀྱིས་གནོད་མི་ནུས་པ་ཡིན་ནོ།། རིག་པ ་གསལ་སྟོང་གཉིས་སུ་མེད་པ་དེའི་རྩལ་གཟུགས་སུ་ཤར་བ་ནི་འོད་ཁ་དོག་ལྔ་རུ་ཤར་བའོ།། བར་གྱི་རྩལ་མ་འགགས་པ་ནི་རིག་པ་གསལ་སྟོང་གཉིས་སུ་མེད་པ་དེ་གསལ་བའི་ཆའོ།། དེ་ནི་ཕྱིའི་ཡུལ ་ལ་འགྱུ་བ་དེ་ཡིན་ཏེ། དེ་ཡང་འགྱུ་བའི་གསལ་ཆ་མི་འགག་པ་ལ་འཛིན་པ་མེད་དེ་འཛིན་པའི་ཤེས་པ་རང་རྒྱུད་པ་དེ་གྲོལ་བའོ།། དེ་ཡང་འགྱུ་བ་རང་གྲོལ་དུ་སོང་བ་སྟེ།། བར་གྱི་རྩལ་མི་འགགས་པ་དེ་ཡེ་ཤེས ་ཟད་ཐལ་ཞེས་བྱའོ།། རིག་པ་ཆོས་ཀྱི་སྐུ་གསལ་སྟོང་གཉིས་སུ་མེད་པར་སྤྲོས་པའི་མཐའ་དང་བྲལ་བ་དེ་ལྟ་བུ་གཅིག་རང་བྱུང་དུ་རང་གསལ་ཙམ་ན། ཕྱིའི་ཡུལ་མི་འགག་རིག་པ་འགྱུ་བ་སྒོ་ལྔ་ལ་བརྟེན་ནས་འགྱུར ་ཡང་འཛིན་པ་རང་སར་གྲོལ་བའི་ཡུལ་དེ་གསལ་རུང་མི་གསལ་རུང་། སྣང་རུང་སྟོང་རུང་ཡུལ་ཆོས་ཀྱི་དབྱིངས་ཡིན་པར་ལ་བཅད་དོ།། དེ་ལྟར་རྟོགས་པ་དེ་ལྟ་བ་ཡིན་ཏེ། དེ་ཉིད་རྒྱུད་ལ་གསལ་བ་དེ་བསྒོམ ་པའོ།། དེ་ཁོ་ན་འགྲོ་ཉལ་འདུག་སྡོད་མི་འབྲལ་བར་མ་ཡེངས་ལ་ཡེངས་ནས་རྣམ་རྟོག་བྱུང་ཡང་རང་སར་གྲོལ་བ་ནི་སྤྱོད་པའོ།། རྟོགས་པའི་དོན་དང་མི་འབྲལ་བ་འབྲས་བུའོ།། ཞེས་གསུངས་སོ།། སྤྲོས་བྲལ་དོན ་གསལ་གྱི་རྒྱུད་ཆེན་པོ་ལས། ལྷ་སྒོམ་སྤྱོད་པ་གཅིག་ཏུ་དྲིལ་ནས་བསྟན་པའི་ལེའུ་སྟེ་ང་དྲུག་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གང་ཟག་སྤྲོས་པ་བཅད་པའི་ཕྱིར།། རང་བྱུང་རིག་པ་ཕྱོགས་རེ ་ནས།། ཡོན་ཏན་བྱེ་བྲག་བརྗོད་པ་དང་།། སྤྲོས་པའི་མཐའ་རྣམས་བཅད་པའི་ཕྱིར།། རྒྱས་བསྡུས་སྤྲོས་དང་བྱེ་བྲག་མང་བསྟན་ཀྱང་།། རང་བྱུང་རིག་པའི་ངོ་བོ་དེ།། དོན་གྱི་ལ་ཟློ་ཅི་ལྟར་ཟླ།། དེ་སྐད་ཅེས་ནི་ཞུས་པ ་ཡིས།། རྡོ་རྗེ་འཆང་གིས་བཀའ་སྩལ་པ།། རང་རིག་ཆོས་སྐུའི་ངོ་བོ་དེ།། ལྟ་བ་མ་ནོར་དམ་པ་ཡིན།། དཔེ་དང་གཏན་ཚིགས་ཐ་སྙད་དང་།། ངོ་སྤྲོད་ལྟ་བསྒོམ་སྤྱོད་འབྲས་དང་།། འཁྲུལ་དང་རྟོགས་དང་གོམས་པ ་རྣམས།། བློ་དམན་ལམ་གྱི་ཆ་རྐྱེན་ལས།། དོན་ལ་མ་གྲུབ་བཏགས་པ་ཙམ།། ངོ་བོ་རིག་པ་ཆོས་སྐུའམ།། རང་བྱུང་ཡེ་ཤེས་བྱ་བ་དེ།། རང་རིག་ཆོས་སྐུའི་ངོ་བོ་ལས།། འཁོར་བ་མེད་ཅིང་མྱང་འདས་མེད།། གཞི་མེད ་ལམ་མེད་འབྲས་བུ་མེད།། ཐེག་པ་མེད་ཅིང་གང་ཟག་མེད།། ཆོས་དང་ཆོས་མིན་གང་ཡང་མེད།། འཁོར་བའི་རྒྱུ་དང་འབྲས་བུ་མེད།། རྒྱུ་ནི་མ་རིག་གཉིས་བསྟན་དང་།། རྐྱེན་གཞི་ལ་སོགས་གང་ཡང་མེད།། འབྲས ་བུ་འདོད་ཆགས་ཞེ་སྡང་དང་།། གཏི་མུག་ང་རྒྱལ་ཕྲག་དོག་མེད།། དུག་ལྔ་ལ་སོགས་ཉོན་མོངས་མེད།། རིགས་དྲུག་འཁོར་བའི་སེམས་ཅན་མེད།། ཕྱི་ཡི་འབྱུང་བ་ལྔ་ཡང་མེད།། ས་མེད་ཆུ་མེད་མེ་རླུང་མེད།། ནམ ་མཁའ་དག་ཀྱང་བཏགས་པ་ཙམ།། དེ་ལྟར་སྣོད་བཅུད་གང་ཡང་མེད།། འཁོར་བ་འཁྲུལ་པས་བཏགས་པ་ཙམ།། འཁོར་བ་མེད་ཅིང་མྱང་འདས་མེད།། རྟོགས་པས་སངས་རྒྱས་བཏགས་པ་ལས།། དོན་གྱི་ངོ་བོ་ཆོས ་སྐུ་ལ།། སངས་མེད་རྒྱས་མེད་གང་ཡང་མེད།། བཅོམ་མེད་ལྡན་མེད་འདས་པ་མེད།། བྱང་མེད་ཆུབ་མེད་སེམས་དཔའ་མེད།། དེ་བཞིན་མེད་དེ་གཤེགས་པ་མེད།། དགྲ་བཅོམ་ཟག་པ་ཟད་པ ་མེད།། སྤང་བྱ་སྤང་ཞིང་ཐོབ་བྱ་ཐོབ་ཏུ་མེད།། སངས་རྒྱས་བྱ་བ་རྡུལ་ཙམ་མིང་ཡང་མེད།། དེས་གསུང་ལམ་དང་ཐེག་པ་མེད།། ལམ་ལྔས་བཅུ་ལ་སོགས་མེད།། ཐེག་དགུ་རྒྱུ་འབྲས་ཕྱི་ནང་མེད།། ཐབས་ལམ་དང ་ནི་གྲོལ་ལམ་མེད།། རིམ་གྱིས་དང་ནི་གཅིག་ཅར་མེད།། བསྒོམ་དང་མི་བསྒོམ་སྤྱོད་དང་མི་སྤྱོད་མེད།། ལྷ་དང་དཀྱིལ་འཁོར་ཏིང་འཛིན་འཕྲོ་འདུ་མེད།། ཡོད་དང་མེད་དང་སྣང་དང་སྟོང་པ་དང་།། གཅིག་དང་དུ་མ ་རྟག་དང་ཆད་པ་དང་།། དགའ་དང་མི་དགའ་སྙན་དང་མི་སྙན་དང་།། རྙེད་དང་མ་རྙེད་གྲུབ་དང་མ་གྲུབ་དང་།། སངས་དང་མ་སངས་རྒྱས་དང་མ་རྒྱས་དང་།། བྱེད་དང་མི་བྱེད་ལ་སོགས་གང་ཡང་མེད།། འདོད་དང ་མི་འདོད་དབང་གིས་གཉིས་སུ་བྱུང་།། དོན་ལ་གཉིས་མེད་བྱ་བ་དག་དང་ནི།། བློ་ཡི་ཡུལ་ལ་སྤང་བླང་རྡུལ་ཙམ་མེད།། ཡོད་པ་བཀག་ནས་མེད་པ་བསྒྲུབ་ཏུ་མེད།། མེད་པ་བཀག་ནས་ཡོད་པ་བསྒྲུབ་ཏུ ་མེད།། མདོར་ན་མཐའ་ཡི་སྤྲོས་པ་ཀུན་དང་བྲལ།། ཡུལ་ལ་རྩལ་འཕྲོས་སྤྲོས་པ་སྟེ།། ཕྱོགས་སུ་བཟུང་བས་མཐའ་ཞེས་བྱ།། ཡུལ་འཕྲོས་ཞེན་ཅིང་ཆགས་པ་མེད།། མཐའ་ཡི་ཕྱོགས་སུ་མ་ལྷུང་བས།། སྤྲོས་པའི ་མཐའ་རྣམས་ཀུན་དང་བྲལ།། བློ་འདས་ཡིད་ཀྱི་ཡུལ་ལས་འདས།། ལུས་ཀྱིས་བྱས་ཤིང་ངག་གིས་སྨྲས་པ་དང་།། བློ་ཡིས་བསམས་ཤིང་ཡིད་ཀྱིས་མནོ་ལས་འདས།། རང་རིག་ཆོས་སྐུ་བྱ་བ་ཡང་།། བཏགས་པ་ཙམ ་ལས་དོན་ལ་འདི་འདྲ་མེད།། སྐུ་གསུམ་ཡེ་ཤེས་ལྔ་སོགས་ཀྱང་།། མཚོན་པ་ཙམ་དུ་བསྟན་པ་ཡིན།། བྱང་ཆུབ་བསྒྲུབ་བྱ་བསྒྲུབ་ཏུ་མེད།། དེ་དག་རང་གི་ངོ་བོ་སྟེ།། རིག་པ་ཆོས་སྐུ་ཙམ་དུ་བཏགས།། ལྟ་བ་ལ་ཟློ་དེ ་བཞིན་ཡིན།། གདེངས་ཆེན་དེ་ལ་ཡིད་ཆེས་གྱིས།། བརྗོད་མེད་བསམ་མེད་མཐའ་བྲལ་དེ།། ཡེ་ནས་གནས་པའི་ཆ་ནས་གཞི།། དེ་མ་རྟོགས་ལས་འཁྲུལ་པ་བྱུང་།། དེ་རྟོགས་མཚོན་དཔེ་ངོ་སྤྲོད་ཡིན།། ཇི་ལྟར་གཞི ་མཐོང་ལྟ་བ་ཡིན།། མཐོང་དོན་གསལ་བས་བསྒོམ་པ་ཡིན།། དེ་ཉིད་དུས་གསུམ་རྒྱུན་ཁྱེར་བ།། སྤྱོད་པ་ཙམ་དུ་བཏགས་པ་ཡིན།། མངོན་གྱུར་འབྲས་བུ་ཞེས་སུ་བསྟན།། ལྟ་བ་ལམ་འཁྱེར་དུས་སུ་ནི།། ངོ་བོ་རྩལ ་དང་བཅས་པ་གསུམ།། ཕྱི་ཡི་ཡུལ་རྐྱེན་འབྱུང་བའི་ཆ།། དོན་ལ་གྲུབ་པ་མེད་པས་ན།། རང་སྣང་རང་གྲོལ་དངོས་མེད་ཡིན།། ཡུལ་གྱིས་དོན་ལ་གནོད་མི་ནུས།། གདེངས་ཆེན་ལ་ཟློ་དེ་བཞིན་ནོ།། ཞེས་གསུངས ་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ་ལས། ལྟ་བ་ལ་བཟླ་བའི་ལེའུ་སྟེ་ང་བདུན་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བསྒོམ་དུ་ཡོད་མེད་ཇི་ལྟར ་ལགས།། ཞེས་ཞུས་སོ།། དེ་ནས་སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། ངས་བསྟན་བདེ་ཆེན་གཉིས་མེད་ལ།། བསྒོམ་དུ་ཡོད་དང་མེད་པ་ཡི།། ཐ་སྙད་ཐམས་ཅད་རྣམ་པར ་དག། ཤེས་རབ་སྟོབས་ཆེན་རང་རིག་དོན་རྟོགས་པས།། གཉིས་མེད་བདེ་ཆེན་ངང་དུ་འདུ་བྲལ་མེད།། མ་བཙལ་བཞག་པས་ངང་ལས་མ་གཡོས་ཀྱང་།། རྒྱུན་ཆད་མེད་པར་ཆུ་བོ་གངྒཱ་བཞིན།། དབང་པོ་ཡང་རབ ་དོན་དུ་དེ་བསྟན་ཏོ།། རྟེན་གྱི་གང་ཟག་ཤེས་རབ་འབྲིང་རྣམས་ལ།། མི་བསྒོམ་བསྒོམ་པར་བསྟན་པ་ཡིན།། རྣལ་འབྱོར་ཤེས་རབ་རྩལ་ཆུང་ལ།། མ་བསྒོམས་སངས་མི་རྒྱ་བར་བསྟན།། ཀྱེ་གསང་བདག་ངེས་པར ་ཟུང་ཞིག། པདྨ་འདམ་ན་གནས་ཀྱང་སྐྱོན་གྱིས་མ་གོས་ལྟར།། ཕྱི་ནང་འཁྲུལ་པར་ཤར་ཀྱང་ནི།། རང་རིག་ཡེ་ནས་གོས་པ་མེད།། མ་འཁྲུལ་པ་ཡི་སངས་རྒྱས་ཡིན།། རིགས་ཀྱི་བུ་གཞི་དག་པ་ཆོས་ཀྱི་སྐུ་ལ། འབྲས ་བུ་དག་པ་གཟུགས་ཀྱི་སྐུ་གཉིས་ཀྱི་བརྒྱན་ནས། དོན་སྐུ་གསུམ་འདུ་འབྲལ་མེད་པ་ནི།། བུམ་པའི་ནང་གི་མར་མེ་ལྟར།། ཡེ་ཤེས་ནང་ན་གསལ་བའོ།། རིགས་ཀྱི་བུ་གཟུགས་ཀྱི་ཕུང་པོ་ཕྱི་སྣོད་འཇིག་རྟེན། གཞལ ་ཡས་ཁང་འགྲོ་བ་འདུལ་བའི་དཀྱིལ་འཁོར་གྱི་ནང་ན། སྐུ་གསུམ་གྱི་རང་གདངས་འགག་པ་མེད་པའི་ཡེ་ཤེས་ཀྱི་གཞལ་མེད་ཁང་དུ་འོད་གསལ་ལོ།། དེའི་ནང་ན་སྐུ་བཞི་སྐུ་གསུང་ཐུགས་དང་ལྡན་ཏེ།། རང་བཞིན ་རྣམ་པར་དག་པའི་དཀྱིལ་འཁོར་འགག་པ་མེད་པར་གནས་པའོ།། དེའི་ཐུགས་རྗེ་ཧེ་རུ་ཀ་ལྔར་སྣང་བ་མི་འགག་པས། ཐུགས་རྗེ་རང་བྱུང་གི་དཀྱིལ་འཁོར་སྟེ། དེ་ལྟར་གནས་པ་ནི་མ་འཁྲུལ་པའི་བུདྡྷའོ།། རིགས་ཀྱི ་བུ་མ་འཁྲུལ་པའི་བུདྡྷ་ལ། མ་བྱས་པའི་ཆོས་ཉིད་བསྟན་པ་ནི། ཐུགས་ཀྱི་མེ་ལོང་ཡིན་ཏེ། དཔེར་ན་ཟག་བཅས་ཀྱི་ཕུང་པོ་འདི་བྱས་པའི་མེ་ལོང་གིས་གཏན་ལ་ཕེབ་པ་ལྟར། ཟག་པ་མེད་པའི་ཡེ་ཤེས་འགག་པ་མེད ་པར་གསལ་བ། ཀུན་གཞི་མེ་ལོང་ལྟ་བུའི་ཡེ་ཤེས་གསལ་ལ་དག་པ། ཐམས་ཅད་འབྱུང་བའི་གཞི་མ་འགགས་པའི་དོན། མགར་བའི་ལག་གི་འདུ་བྱེད་ཀྱིས་མ་བྱས་པ། སྣང་བ་མཐའ་ཡས་ཀྱི་ཐུགས་ཀྱི་ཀློང་ནས། ་རང་བྱུང་དུ་རང་ཤར་བའི་ཤེལ་གྱི་མཆོད་རྟེན་ཁྲི་འཕང་ལྔ་པ། ཐུགས་ཀྱི་མེ་ལོང་དུ་གྱུར་པ་སྟེ། བརྡར་བསྟན་པའི་ཚེ་ཟག་བཅས་ཀྱི་སྒྲོམ་བུས་ཟག་མེད་ཀྱི་ཡེ་ཤེས་མི་ཐུབ་པར་ཐུགས་ཀྱི་ཡེ་ཤེས་ཀྱི་མེ་ལོང་ལ་ཇི་ལྟ། ་བ་བཞིན་དུ་སྣང་ངོ་།། དེའི་འཁྲུལ་གཞི་མན་ངག་ཏི་ཀ་ཆེན་པོ་ལས་གཏན་ལ་ཕབ་པའོ།། དོན་རང་བྱུང་གི་ཡེ་ཤེས་ཆེན་པོ་ཡིན་པས། དུས་གསུམ་དུ་འགྱུར་མ་མྱོང་སྟེ། མི་འགྱུར་བའི་ལྟ་བ་ཟོད་རྒལ་ཆེན་པོའོ།། དེ ་ནི་འཁྲུལ་པ་ལོག་ནས་ཡེ་ཤེས་ཀྱི་དེ་ཁོ་ན་ཉིད་ཀྱི་ཏི་ཀ་ཆེན་པོའོ།། དེས་ནི་རྟགས་ཀྱི་སྒོ་ནས་མི་འགྱུར་བའི་གཟེར་བཏབ་པའོ།། ལུང་གི་ཏི་ཀ་ཆེན་པོས་དོན་ལ་སྦྱོར་རོ།། བདག་ཉིད་ཆེན་པོ་དེ་ཁོ་ན་ཉིད་ཀྱི་ཏི་ཀ་ལ ་གཞི་བཅས་པའོ།། དེའི་དོན་རྟོགས་ནས་བསྒོམ་དུ་མེད་དེ་ཡོན་ཏན་ནོ།། དེ་ཡང་རང་ཆས་སུ་གནས་པས་འདུ་འབྲལ་མེད་དོ།། ཡུལ་དང་ཡུལ་ཅན། བསྒོམ་བྱ་དང་སྒོམ་བྱེད། དངོས་པོ་དང་མཚན་མར ་དམིགས་སུ་མེད། དཔེར་ན་གར་སྦྱིན་ལ་སྦྲང་མའི་འདབ་མ་ཆག་པ་ལྟ་བུའོ།། ཆོས་ཉིད་ཀྱི་དོན་ཐ་མལ་གྱིས་མི་རྟོགས་པས། སོ་སོའི་སྐྱེ་བོ་ཐ་མལ་གྱིས་མི་གོ་སྟེ། གོང་ལྟར་རྟོགས་དགོས་པས། ཡེངས་སུ་མེད་དེ ་སྐྱོན་ཅན་ནོ།། ངེས་པར་རྟོགས་ཙ་ན། ཡེངས་པ་མེད་དེ་ཡོན་ཏན་ནོ།། ཡོངས་སུ་མེད་པ་ནི།། འདུག་ཀྱང་ཆོས་ཉིད་རང་སྣང་གི་ངང་ལས་མ་གཡོས་པ་ཙམ་དུ་འདུག་ལ། འགྲོ་ཡང་ཡེ་ཤེས་ཀྱི་རང་གདངས་ལ། རང ་བཞིན་མི་འགག་པ་ཙམ་དུ་འགྲོ་སྟེ། མར་མེའམ་ཉི་མ་རང་སྣང་དང་ཆས་ནས་འགྲོ་བ་བཞིན་ནོ།། ཉལ་ཡང་དང་ལས་མ་གཡོས་པའི་ཀློང་རིག་པ་ཟང་ཐལ་གྱི་ངང་ནས་རྩལ་གཞི་ལ་འདུས་ཏེ། རང་བཞིན ་གཞི་ལ་ཟིམ་མོ།། མཚན་མ་རང་སར་གྲོལ་ནས་དོན་ལ་སྦྱོར་བ་ཆེན་པོར་འགྱུར་རོ།། ལངས་ཀྱང་ངག་མ་གཡོས་པ་ལས་ལངས། རིག་པ་རང་ཤར་ཏེ་རང་བཞིན་མ་འགགས་པར་གསལ་ལོ།། ཀྱེ་མ་རིགས་ཀྱི་བུ ་ལེགས་པར་ཡིད་ལ་ཟུང་ཞིག། སྤྱོད་ལམ་བཞི་ཅི་སྤྱད་ཀྱང་། རང་གི་གདངས་ལས་མི་འདའ་ཞིང་། ཆོས་ཉིད་དང་ལས་མ་གཡོས་པ། དཔེར་ན་བྱ་ཡིས་གར་འཕུར་ཀྱང་། མཁའ་ལས་འདའ་བ་མེད། ཉ་ཡིས་གར ་འཕྱོས་ཀྱང་ཆུ་ལས་མི་འདའ་བ་དང་། མི་ཡིས་གར་ཕྱིན་ཡང་ས་ལས་མི་འདའ་བ་བཞིན། རྣལ་འབྱོར་རྟོགས་ལྡན་དང་ལས་གཡོས་པ་མེད། རིགས་ཀྱི་བུ་བསྒོམ་བྱ་ཡང་དག་པར་རྫོགས་པའི་སངས་རྒྱས་སོ།། དེ་ཡི ་དོན་ལོགས་ན་མེད་དེ། རང་རིག་ཆོས་ཀྱི་སྐུ་ཁོ་ནའོ།། ཤར་བ་རྣམས་ཐམས་ཅད་ནི་རང་ཤར་བ་སྟེ། རིག་པ་ཆོས་སྐུ་སྟོང་པ་དང་འགག་པ་མེད་པ་དང་། དེ་ཉིད་དབྱེར་མེད་པ་དང་། དེ་ལྟར་ཤེས་པའི་ཤེས་རབ་མི ་འགག་པ་དང་། དེ་ལ་ཐོགས་པ་མེད་པ་དང་། མཚན་ཉིད་ལྔར་ཤར་རོ།། དེ་ལྔ་ཡེ་ཤེས་ལྔར་ཤར་རོ།། ཡེ་ཤེས་ལྔ་འོད་དུ་ཤར་རོ།། འོད་ལྔ་རིགས་ལྔར་ཤར་རོ།། རིགས་ལྔ་སྐུ་ལྔར་ཤར་རོ།། སྐུ་ལྔ་ཡུམ་ལྔ་མི ་འགགས་སོ།། ཡབ་ཡུམ་ལ་སེམས་དཔའ་དང་སེམས་མ་མི་འགགས་སོ།། སེམས་མ་རྣམས་ལས་ཡུལ་དུ་ཤར་རོ།། སེམས་དཔའ་རྣམས་ལས་དབང་པོ་དང་རྣམ་ཤེས་སུ་ཤར་རོ།། དེས་ན་རིག་པ་རང་ཤར ་གྱི་དགོངས་པས་སྣང་བ་ལ་རྒྱས་གདབ་སྟེ། ཐམས་ཅད་རང་སྣང་གི་ཡེ་ཤེས་ལས་གཞན་སྣང་གི་རྟོག་པ་མེད་དོ།། འགགས་པའི་དུས་སུ་མཚན་མ་རང་གྲོལ་གྱི་དགོངས་པ་རྩལ་གཞི་ལ་འདུག་ཏེ། ཡུལ་ལྔ་སྒོ་ལྔའི་ངང ་དུ་གྲོལ། སྒོ་ལྔ་སེམས་དཔའ་སེམས་མའི་ངང་དུ་གྲོལ། སེམས་དཔའ་སེམས་མ་རིགས་ལྔ་ཡབ་ཡུམ་གྱི་ངང་དུ་གྲོལ། དེ་ཡང་ཡེ་ཤེས་ལྔ་རུ་གྲོལ། ཡེ་ཤེས་ལྔ་ཡང་རིག་པའི་མཚན་ཉིད་ལྔར་གྲོལ། མཚན་ཉིད་ལྔ་རིག ་པ་འཛིན་མེད་རང་གསལ་དུ་གྲོལ་སྟེ། དབང་པོ་གནད་བསྡུས་ཀྱི་མན་ངག་འབྱུང་བ་མ་ལ་ཞ། ཡེ་ཤེས་དབྱིངས་སུ་ཐིམ་པའོ།། དེ་ལྟར་གྲོལ་ནས་ངང་ལས་མ་གཡོས་པ་ནི། ཤེས་བྱ་བུམ་པར་ཆུད་པ་སྟེ། ་ཆོས་ཉིད་ཆོས་སྐུ་དབྱེར་མེད་ཟང་ཐལ་གྱི་བུམ་པ་ན། རང་རིག་པའི་ཡེ་ཤེས་མར་མེ་རླུང་གིས་མ་བསྐྱོད་པ་ལྟར་གསལ་བ། ཤེས་བྱ་བུམ་འཇུག་གི་མན་ངག། གཏི་མུག་གཉིད་ལ་སོགས་པ་ཤེས་རབ་ཀྱི་དོན་དེ་ཁོ་ན ་ཉིད་ལ་འབྱོར་པའོ།། ཐམས་ཅད་བྱུང་ཡང་རང་ལས་བྱུང་། སྣང་ཡང་རང་ལས་སྣང་། གསལ་ཡང་རང་ལས་གསལ། དག་ཅིང་གྲོལ་ཡང་རང་གི་ངང་དུ་གྲོལ་བས་ན། ཡེ་ཤེས་ཡང་དག་ཆེན་པོའོ།། དེ་ནི་ངོ་བོ་ཉིད་ཀྱི ་སྣང་བ་རང་སྣང་ལས་གཞན་སྣང་མེད་པའོ།། སྤྲིན་དང་ཁུ་རླངས་བྱུང་ཡང་ནམ་མཁའ་ནས་བྱུང་། སྣང་ཡང་ནམ་མཁའི་ངང་ལ་སྣང་། གནས་ཀྱང་ནམ་མཁའི་ངང་ལ་གནས། དག་ཀྱང་ནམ་མཁའི་ངང་དུ་དག། གྲོལ ་ཡང་ནམ་མཁའི་ངང་དུ་གྲོལ་བ་ལྟ་བུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བསྒོམ་དུ་ཡོད་མེད་བློ་དང་སྦྱར་བར་བསྟན་པ་སྟེ། བློ་འབྲིང་ལ་རྒྱུན་གྱི་ཏིང་ངེ་འཛིན་གཏན་ཚིགས་དང ་བཅས་པ་བསྟན་པ་སྟེ་ལེའུ་ང་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བསྒོམ་དུ་ཡོད་ལ་བཤད་དུ་གསོལ།། ཞེས་ཞུས་པས། སྟོན་པས་བཀའ་སྩལ་པ། རྡོ་རྗེ ་འཛིན་པ་ངེས་ཟུང་ཞིག། བློ་གཞན་རྣམས་ལ་བསྒོམ་པ་བསྟན།། བསྒོམ་དུ་མེད་པར་མ་ཤེས་ན།། མ་ཚོར་ཡིད་ལ་བྱེད་པ་དང་།། བྱ་རྩོལ་བྲལ་བ་མི་རྟོགས་ཏེ།། རྒྱུན་གྱི་ཏིང་འཛིན་དོན་མི་གསལ།། བསྒོམ་དུ་ཡོད ་པར་མ་ཤེས་ན།། སྐྱེ་བོ་རྣམས་དང་ཁྱད་པར་མེད།། ཐ་མལ་རང་རྒྱུད་གོལ་བར་འགྲོ།། མི་བསྒོམ་བསྒོམ་པའི་དོན་ཤེས་པས།། སངས་རྒྱས་ཉག་གཅིག་དོན་དུ་འདུ་འབྲལ་མེད།། བསྒོམ་པ་མི་བསྒོམ་དོན་ཤེས ་པས།། དམིགས་གཏད་བློ་ཡི་མཐའ་ལས་བཟློག། གཉིས་སུ་མེད་པའི་དོན་རྟོགས་པས།། ཕྱོགས་རེར་འཛིན་པའི་མཐའ་དང་བྲལ།། བསྒོམ་དུ་ཡོད་པའི་དོན་བསྟན་པར།། བསླབ་ཐབས་བསླབ་བྱ་ལོབས་པའི ་ཚད།། རྣམ་པ་གསུམ་དུ་བསྟན་པ་ཡིན།། བསླབ་ཐབས་རྣམ་པ་གསུམ་དུ་བསྟན།། ཕྱི་དང་ནང་དང་གསང་བའོ།། ཕྱི་ནི་ལུས་ངག་ཡིད་གསུམ་གློད།། བྱ་བ་བཏང་ལ་སྡོད་པ་ཡིན།། ནང་ནི་རྩ་ཡི་རླུང་སྒོ ་བསྡོམས།། རང་བྱུང་དབྱིངས་ཀྱི་ཐིག་ལེ་ལས།། དང་པོར་ལུས་ཀྱི་སྲིད་པ་ཆགས།། དེ་ལས་ཡས་མར་རྩ་གཉིས་ཤར།། རྩ་གཉིས་འདུས་ནས་རྩ་མདུད་ལྟེ་བར་གྱུར།། དེ་ལས་རྩ་བྲན་རྣམས་ཀྱི་ལུས་བྱིངས ་བསྐྱེད།། དེ་ནས་སྙིང་ལ་སོགས་པའི་ནང་ཁྲོལ་རྒྱས།། དེ་ལས་དབུགས་ཡོད་དེ་ལས་རྣམ་རྟོག་ཤར།། དེ་ལ་རྩ་བར་བཏགས་པ་མིག་ཡིན་པས།། ཅི་སྣང་རང་སྣང་ཡིན་གྱི་རྣམ་རྟོག་མ་བྱེད་ཅེ་རེ་ལྟོས།། རྟགས་མ ་བསྐུལ་བས་དེ་ནས་རིག་པ་རྩལ་མི་འགྱུར།། རྩལ་དང་མ་འགྲོགས་རླུང་དང་སེར་བུ་བཞིན།། མ་བསྡུས་རང་སར་ཞོག་ཅིག་འཕྲོ་མི་ནུས།། དེ་བས་རླུང་ཅེས་དེ་ལ་སྐྱོན་མི་བལྟ།། རླུང་ཡོད་རྟོགས་པའི ་ཤེས་རབ་ཡོངས་སུ་རྒྱས།། ཐབས་ཀྱི་ཟིན་པས་མི་རྟོག་རང་སར་གནས།། སྐབས་སུ་ཧ་དང་ཕཊ་ཅེས་རླུང་རོ་འབུད།། གསང་བར་བསླབ་པའི་ཐབས་གསུམ་སྟེ།། རྒྱལ་པོ་གདན་ལ་བཞག་པ་དང་།། བློན་པོ་བཙོན་དུ ་བཟུང་བ་དང་།། དམངས་རྣམས་ཆམ་ལ་ཤུགས་ཀྱིས་ཕེབས་སོ།། ཀྱེ་རྡོ་རྗེ་འཛིན་པ་ལེགས་པར་ཟུང་ཞིག། རྒྱལ་པོ་ནི་རང་རིག་དག་པ་ཆོས་ཀྱི་སྐུའོ།། གདན་ནི་རང་བཞིན་དག་པ་ནམ་མཁའི་ཡུལ་དུ་སྣང་བ ་འདིའོ།། དོན་ནི་དབྱིངས་ཀྱི་ཐིག་ལེ་ཡུལ་སྣང་བ་འདིའོ།། དེ་ཉིད་ཀྱི་དོན་བདག་དང་བྲལ་བ་ནི། དབྱིངས་རྣམ་པར་དག་པ་རིག་པའི་ཡེ་ཤེས་བཞུགས་པའི་གདན་ཏེ། ད་ལྟ་བྱང་ཆུབ་སེམས་ཀྱི་སྒྲོན་མ། ཆུའི་རང ་བཞིན་དག་ཅིང་གསལ་བ་ལ་སྦྱར་རོ།། དེ་ཡང་འདུག་ཚུལ་གྱིས་གནས་པ་དང་། སྣང་ཚུལ་གྱིས་འབྱམས་པ་སྟེ། དཔེར་ན་བྱ་ཁྲ་གནས་རི་བྲག་གི་ནང་ན་གནས་བཅས་ནས། སྡོད་ས་ཚང་སྒོར་སྡོད་པ་བཞིན། དཔེ་དེ ་བཞིན་དུ་རིག་པའི་ཡེ་ཤེས་ཙིཏྟ་རིན་པོ་ཆེན་བཞུགས་པ་སྟེ། རང་གི་ངོ་བོ་རྟགས་ལ་མངོན་པར་གསལ་ལོ།། གདན་ལ་བཞུགས་པ་ཡེ་ཤེས་ཀྱི་སྣང་བ་ནི། དེ་ནི་ཀུན་གཞི་མེ་ལོང་ལྟ་བུའི་ཡེ་ཤེས་གསལ་བ་ཟང་ཐལ ་ལོ།། དེ་བས་ན་དབྱིངས་རྣམ་པར་དག་པའི་ཐིག་ལེ་ནི། ཆུའི་སྒྲོན་མའོ།། ནང་དུ་ཙིཏྟ་གོང་བཞིན་དུ་ཡེ་ཤེས་ཀྱི་སྣང་བ་འོད་དུ་གསལ་ལོ།། གདན་ལ་བཞུགས་པ་ཡེ་ཤེས་ཀྱི་སྣང་བ་ནི། ཡེ་ཤེས་ཆེན་པོའི་ཐིག་ལེ་མ ་འགགས་པར་རང་གསལ་ལོ།། ཡེ་ཤེས་སྙིང་པོ་རིག་པར་གནས་ཤིང་། རིག་པ་ལ་ཡེ་ཤེས་གསལ་བས། ལྷུན་གྱིས་གྲུབ་པའི་ཐིག་ལེས་མཚན་མ་དང་། རྣམ་རྟོག་བཅོམ་པའོ།། དེ་ལྟར་མི་འགྱུར་བར་གནས་ཤིང་། ་རང་སྣང་ལས་གཞན་སྣང་མེད་དོ།། དེ་ནི་ལྷུན་གྱིས་གྲུབ་པའི་ཐིག་ལེ་སྟེ། དོན་སྣང་བ་གསུམ་སྦྱོར་དུ་བསྟན་ན། མཐོང་བྱ་རང་བཞིན་དག་པའི་ནམ་མཁའ་ནི།། ནམ་མཁའ་དག་པའི་རང་གདངས་ཡིན།། དེ་ཡི་ངོ་བོ ་དག་པ་དང་།། མཐོང་བྱེད་ཆུ་ཡི་སྒྲོན་མ་ནི།། ཆོས་ཉིད་དག་པའི་ཡེ་གདངས་སོ།། རིག་པ་ཡུལ་ལ་ཤར་བའི་སྣང་བ་ནི།། ཡེ་ཤེས་དག་པའི་ཟེར་གདངས་སོ།། ཀྱེ་མ་ནམ་མཁའ་དག་པའི་རང་གདངས་ནི།། མཚམ ་མོའི་ནམ་མཁའ་ལྟ་བུའོ།། ཆོས་ཉིད་དག་པའི་ཡེ་གདངས་ནི།། ནམ་ལངས་པའི་ནམ་མཁའ་ལྟ་བུའོ།། ཡེ་ཤེས་ཆེན་པོའི་ཟེར་གདངས་ནི།། ནམ་མཁའ་ལ་ནི་ཉི་མ་ཤར་བ་ལྟ་བུའོ།། རྒྱལ་པོ་གདན་ལ་བཞུགས་པ་ནི།། ་སྤྲོས་བྲལ་གྱིས་དབྱིངས་འགྱུར་མེད་ཀྱི་ངང་དུ་རིག་པ་ཡེ་ནས་དག་པ་སྟེ། དེ་ལས་མ་གཡོས་པར་བཞག་གོ།། འཆི་བདག་བདུད་ཀྱི་སྒོ་ནས་ཡེ་ཤེས་ཀྱི་རླུང་རྒྱུ་བའི་རྩ་གསུམ་གནས་པས། དེ་གསུམ་གཙུན་ཏེ། ་བཞིན་གཤེགས་པའི་དགོངས་པ་ལ་ཟུག་པ་མེད་དེ། མཚན་མར་མི་གནས་པས། སྤྱན་ནམ་མཁའི་དཀྱིལ་དུ་བལྟས་ཏེ། རྩ་རླུང་གི་སྒོ་བསྡམས་སོ།། བྱང་ཆུབ་སེམས་དཔའི་ཏིང་ངེ་འཛིན་ནི། སངས ་རྒྱས་སེམས་ཅན་གྱི་བར་ན་གནས་པས། སྤྱན་པར་སྣང་དུ་བལྟའོ།། མགྲིན་པ་ཅུང་ཟད་གཅུས་ཏེ། དཔུང་པའི་ཁར་ཨོག་མ་བཞག་གོ།། རྩ་གསུམ་རླུང་གི་འགྱུ་སྲང་བཅད་པའོ།། ལྷ་དང་མིའི་བསམ་གཏན་དང་། ་སེམས་འཛིན་ནི་མཚན་མ་ཤས་ཆེ་བས་གོང་མ་གཉིས་པོ་བས་དཀའ་སྟེ། སྤྱན་ས་ལ་བལྟའོ།། དེ་ནི་མགྲིན་པ་ཅུང་ཟད་བཀུག་སྟེ། ཨོག་མ་བྲང་ལ་རེག་ལ་ཁད་དུ་བྱའོ།། དེ་ནི་རྒྱལ་པོ་གདན་ལ་བཞུགས་ཤིང ་གདན་ཐོག་ཏུ་བཏང་བའི་ཐབས་སོ།། དེས་རིག་པ་རྒྱལ་པོ་དང་འདྲ་སྟེ་རང་ས་འཛིན་པའོ།། བློན་པོ་ནི་སེམས་ཏེ། རིག་པའི་རྩལ་རླུང་ཐོག་ཏུ་མ་ཤོར་བས། རྟོག་བཅས་སུ་མི་རྒྱུ་རྟོག་མེད་དུ་གསལ་ཏེ། དཔེར་ན་བློན ་པོ་བཙོན་དུ་ཟིན་པས་གྲོས་བློ་དང་བྱ་བ་བྱེད་མཁན་མེད་པ་ལྟ་བུའོ།། ལུས་དང་མ་བྲལ་བར་དབུགས་ཡོད་དེ། རིག་པ་ལ་རྟ་ཡོད་པས་བློན་པོ་ལྟ་བུའོ།། བཙོན་དུ་ཟིན་པ་འདྲ་སྟེ། རྟོག་པའི་རླུང་ཡོད་ལ་རྒྱུ་མི་ནུས ་སོ།། སྒོ་ལྔ་འབངས་དང་འདྲ་བས་ལས་བྱེད་པ་ཡིན་ནོ།། དུས་དེར་གསལ་ལ་རྟོག་པ་མེད་དོ།། དེ་ནི་འབངས་ཆམ་ལ་འབེབས་པ་ལྟ་བུའོ།། ཀྱེ་རིགས་ཀྱི་བུ་བསླབ་པར་བྱ་བ་ནི།། ངང་དངས་རང་བཞིན་བདག་ཉིད ་ཆེན་པོའོ།། རང་བཞིན་དག་པའི་ནམ་མཁའ་དང་།། ཆོས་ཉིད་དག་པའི་ནམ་མཁའ་གཉིས།། རྣམ་རྟོག་བྲལ་བའི་རིག་པ་གསུམ།། དབྱེར་མེད་སྟོང་ཞིང་མི་རྟོག་པས།། མ་བཅོས་པ་ཡི་ངང་ཞེས་བྱ།། རང་རིག་ཡེ ་ཤེས་གསལ་བ་དང་།། འབྱུང་བཞི་གདངས་སུ་ཤར་བ་གཉིས།། རང་བཞིན་མ་འགགས་ཡེ་ཤེས་གདངས།། གསལ་བར་སྣང་ལ་རང་བཞིན་མེད།། སྟོང་པ་མེད་ན་རང་བཞིན་ཡོད།། དབྱེར་མེད་བདག་ཉིད་ཆེན་པོའི ་དོན།། མདོར་ན་རང་རིག་ཡེ་ཤེས་ཡིན།། ལོབས་པའི་ཚད་ནི། ཤེས་པ་རྐྱེན་གྱི་དབང་དུ་མི་འགྲོ་ཞིང་། རྣམ་རྟོག་རྒྱུན་བཅད་མཚན་མ་ཟིལ་གྱིས་གནོན་པའོ།། དྲོད་རྟགས་མི་འདོད་བཞིན་དུ་འབྱུང་།། འདུས་བྱས ་ཞིང་ལམས་ཆེན་པོར་ལྡོག། ལུང་སྟོན་རིམ་པར་འབྱུང་བ་ཡིན།། བླ་མ་ཡི་དམ་མཁའ་འགྲོ་ལས།། དངོས་དང་འབྱུང་བའི་སྒྲ་ལ་བརྟེན།། དེ་ཡིས་ངེས་པར་རྒྱུད་ལ་སྐྱེའོ།། ཞེས་གསུངས་སོ།། སྤྲོས་བྲལ་དོན་གསལ ་ཆེན་པོའི་རྒྱུད་ལས། བསྒོམ་དུ་ཡོད་པར་བསྟན་པའི་དགོངས་པ་དང་། བསྒོམ་ཐབས་རྒྱས་པར་བསྟན་པའི་ལེའུ་སྟེ་ང་དགུ་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བསྒོམ་དུ་ཡོད་མེད་ས་མཚམས་ཡང་།། བློ ་དང་སྦྱོར་བ་དེ་ལགས་ན།། རང་གི་མཚན་ཉིད་བསྒོམ་པ་དེ།། མ་ནོར་ལེགས་པར་བསྟན་དུ་གསོལ།། ཞེས་ཞུས་པས། སྟོན་པས་བཀའ་སྩལ་པ།། རང་གི་མཚན་ཉིད་བསྒོམ་པ་དེ།། རང་གི་རིག་པ་ཆོས་ཀྱི་སྐུ།། ངོ ་སྤྱོད་བདུན་གྱིས་རྟོགས་པ་དེ།། ཞེ་ལ་གདེངས་སུ་ཆུད་གྱུར་པས།། དེ་དོན་རྒྱུད་དུ་གསལ་གྱུར་ན།། བསྒོམ་པ་རང་གི་མཚན་ཉིད་ཡིན།། རིག་པ་ཆོས་སྐུར་རྟོགས་གྱུར་ན།། སྐུ་གསུམ་ལྷུན་གྱིས་གྲུབ་པ ་ཡིན།། ཡེ་ཤེས་ལྔ་ཡང་ལྷུན་གྱིས་གྲུབ།། རང་རིག་ཆོས་སྐུ་དེ་ལས་ནི།། རྣམ་རྟོག་ཡུལ་གྱི་རྐྱེན་གྱུར་ནས།། འཁྲུལ་བའི་རྟོག་པ་བྱུང་གྱུར་ན།། སྤྱོད་ལམ་གདམས་པ་བཞིན་དུ་ཁྱེར།། ཡེ་ནས་གནས་པའི་ཆ་ནས ་གཞི།། དེ་ཉིད་རྟོགས་པ་ལྟ་བུའོ།། དེ་གསལ་བསྒོམ་པ་ཙམ་དུ་བཏགས།། རྒྱུན་དུ་ཁྱེར་བ་སྤྱོད་པའོ།། མངོན་གྱུར་འབྲས་བུར་བསྟན་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བསྒོམ་པ ་རང་གི་མཚན་ཉིད་བསྟན་པའི་ལེའུ་སྟེ་དྲུག་བཅུ་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བསྒོམ་ཡོད་བསྒོམ་མེད་བསྟན་པ་དང་།། བསྒོམ་པར་རང་གི་མཚན་ཉིད་བསྒོམ།། རྒྱས་པར་བཤད་པ་དེ་ལགས ་ན།། ཐེག་པ་བརྒྱད་ཀྱི་གོལ་ས་དང་།། སྤྱི་ཡི་གོལ་ས་བསྟན་པ་རྣམས།། རྡོ་རྗེ་འཆང་གིས་གསུང་དུ་གསོལ།། དེ་སྐད་ཅེས་ནི་ཞུས་པ་ལས།། རྡོ་རྗེ་འཆང་གིས་བཀའ་སྩལ་པ།། རིམ་དགུ་བསྒོམ་པའི་གོལ་ས ་དག། གོང་འོག་སྐབས་ནས་གསལ་བར་བཤད།། སྤྱི་ཡི་གོལ་ས་འདི་ལྟར་བཤད།། ཞི་གནས་སྟོང་པའི་གོལ་ས་ལྔ།། ལྷག་མཐོང་གསལ་བའི་གོལ་ས་ལྔ།། དེ་ཉིད་སྤྱི་ཡི་གོལ་ས་གཉིས།། གོལ་ས་བཅུ་གཉིས་དག་ཏུ ་བཤད།། སྟོང་པའི་ཕྱོགས་ཀྱི་གོལ་ས་ལྔ་པོ་ནི།། ཞི་གནས་ཧད་པོའི་གཽལ་ས་ནི།། རྣམ་རྟོག་ཞི་གནས་ཡིན་པས་ནའོ།། བཏང་སྙོམས་སྙིང་པོའི་གཽ་ལ་ས་ནི།། རྩོལ་བ་མེད་དེ་དང་གནས་པའོ།། སྟོང་པ་ཆད་པོའི་གོལ ་ས་ནི།། བེམ་རིག་གང་ཡང་མི་འདོད་པའོ།། མི་རྟོག་འཐོམ་པའི་གོལ་ས་ནི།། དྲན་མེད་གསལ་ཆ་འགགས་པའོ།། འཛིན་མེད་ཧད་པོའི་གོལ་ས་ནི།། ཡུལ་གྱི་རྣམ་པ་སྣང་གྱུར་ཡང་།། གང་ཡང་གཏན་ལ་མ་ཕེབས ་པས།། རང་ངོ་མ་ཤེས་འཛིན་པ་མེད།། འཛིན་པ་མེད་ཀྱང་གསལ་ཆ་མེད།། དེ་ཕྱིར་གོལ་སར་བསྟན་པའོ།། ཀྱེ་གསང་བའི་བདག་པོ་ཉོན་ཅིག། གསལ་བ་ལྷག་མཐོང་གོལ་ས་ནི།། ཀུན་བརྟགས་ལྷ་ཡི་གོལ་ས ་དང་།། མཚན་མ་འོད་ཀྱི་གོལ་ས་དང་།། རྩ་རླུང་བདེ་བའི་གོལ་ས་དང་།། གཟུང་འཛིན་ཡུལ་གྱི་གོལ་ས་དང་།། འཁོར་བ་སྡུག་བསྔལ་གོལ་ས་རྣམས།། གསལ་བ་དག་ལས་གོལ་སའོ།། ཆེད་དུ་བྱས་པའི་གོལ་ས ་ནི།། མ་ཚོར་ཡིད་ལ་བྱེད་པའོ།། མ་བསྒོམས་འཁྲུལ་པའི་གོལ་ས་ནི།། སྐྱེ་བོ་རང་ཁར་འཛིན་པ་སྟེ།། འཁྲུལ་པ་ཕྱི་རུ་ཤོར་བ་ཡིན།། ལྟ་བ་རྟོགས་དོན་གསལ་གྱུར་ན།། གོལ་སྒྲིབ་སྡུག་བསྔལ་འབྱུང་མི་སྲིད།། ཅེས ་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བསྒོམ་པའི་གོལ་ས་བསྟན་པའི་ལེའུ་སྟེ་རེ་གཅིག་པའོ།། །། ཀྱེ་ཀྱེ་རྡོ་རྗེ་འཆང་ཆེན་པོ།། བསྒོམ་པ་རང་གི་མཚན་ཉིད་ནི།། མ་ནོར་བསྟན་པ་དེ་ལགས ་ན།། དེ་ལྟར་མ་ཤེས་བསྒོམ་པའི་སྐྱོན་དུ་འགྱུར་བ་སྟེ།། དེ་ཉིད་མི་གོལ་གདམས་ངག་མ་ནོར་གསུང་དུ་གསོལ།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གི་བཀའ་སྩལ་པ།། ཉོན་ཅིག་གསང་བདག ་རྡོ་རྗེ་འཆང་།། རང་གི་རིག་པ་ཆོས་སྐུ་དེ་ལ་ནི།། རྒྱུ་རྐྱེན་མ་བསྐྱེད་རང་བྱུང་ཡིན་པས་ན།། གློ་བུར་བྱས་བསམ་དག་གི་གོལ་ས་ཆོད།། རང་གི་ངོ་བོ་སྟོང་པར་འདུག་པས་ན།། དངོས་པོ་རྟག་པ་ལ་སོགས་གོལ་ས ་ཆོཚོད།། དེ་ཉིད་ངོ་བོ་གསལ་བ་ཡིན་པས་ན།། ཆད་པ་སྟོང་པ་རྣམས་ཀྱི་གོལ་ས་ཆོད།། གསལ་སྟོང་གཉིས་མེད་གཅིག་པའི་བདག་ཉིད་པས།། ཏིང་འཛིན་རྣམ་གསུམ་རིག་པའི་གོལ་ས་ཆོད།། ཡོན་ཏན་ཐམས་ཅད ་ལྷུན་གྱིས་གྲུབ་པས་ན།། འབྲས་བུ་གཞན་ནས་རེ་བའི་གོལ་ས་ཆོད།། ཐུགས་རྗེ་འགག་པ་མེད་པར་འབྱུང་བས་ན།། འགྲོ་བའི་དོན་མེད་ཐུགས་རྗེ་རྒྱུན་ཆད་གོལ་ས་ཆོད།། གསལ་བའི་རྩལ་གཉིས་མི་འགག ་པས།། ཞི་གནས་བཏང་སྙོམས་མི་རྟོག་གོལ་ས་ཆོད།། ཆོད་སྐུ་རང་གནས་བསྒོམ་མི་དགོས་པ་ཡིས།། ལྷ་སྒོམ་ཀུན་བརྟགས་བསྒོམ་པའི་གོལ་ས་ཆོད།། ཆོས་སྐུ་མཚན་མ་གང་དུ་མི་གནས་པས།། མཚན་མ་འོད་དུ ་བསྒོམ་པའི་གོལ་ས་ཆོད།། རིག་པ་བདེ་སྟོང་གསལ་ལ་མི་རྟོག་པས།། རྩ་རླུང་ཐིག་ལེ་ལུས་ལ་བརྟེན་པའི་གོལ་ས་ཆོད།། དངོས་པོ་རང་རྒྱུད་མ་ཡིན་པས།། འཇིག་རྟེན་དངོས་པོ་རང་གར་འཛིན་པའི་གོལ་ས ་ཆོད།། ཡེ་གསལ་ཆེན་པོ་ཆུ་བོའི་རྒྱུན་དུ་གནས་པས་ན།། སེམས་འཛིན་ཐུན་བསྒོམ་རྩོལ་བའི་གོལ་ས་ཆོད།། ཡུལ་གཉིས་སེམས་སུ་བསྡུས་ནས་མི་བསྒོམ་པས།། སྣང་བ་ཆོས་སྐུར་འདོད་པ་རྣམས་ཀྱི་གོལ་ས ་ཆོད།། ད་ལྟའི་དུས་སུ་ཆོས་སྐུ་རང་ཤར་བས།། འབྲས་བུ་ཕྱི་ནས་ཐོབ་པའི་གོལ་ས་ཆོད།། རྩ་བ་ཆོས་ཀྱི་སྐུ་ལ་བདག་འཛིན་མ་གྲུབ་པས།། འཛིན་པ་ཞེ་འདོད་ཅན་གྱི་གོལ་ས་ཆོད།། བསྒོམ་དང་མི་བསྒོམ་ཡེངས་དང ་མ་ཡེངས་མཐའ་དང་བྲལ་བ་ཡིས།། མ་ཚོར་ཡིད་ལ་བྱེད་པའི་གོལ་ས་ཆོད།། ཆོས་སྐུའི་ངོ་བོ་རྟག་པ་ཆེན་པོ་ལས།། སྨོན་ལམ་འདུས་བྱས་དག་ལ་རེ་བའི་གོལ་ས་ཆོད།། ད་ལྟ་ཉིད་དུ་འབྲས་བུ་མངོན་དུ་གྱུར་པས ་ན།། ས་ལམ་རིམ་གྱིས་བགྲོད་པའི་གོལ་ས་ཆོད།། སྤྱི་ཡི་གོལ་ས་བཅོ་བརྒྱད་ཡིན།། ཐེག་པའི་རིམ་པའི་གོལ་ས་རྣམས།། རང་གི་མཚན་ཉིད་མཐོང་ན་གོལ་མི་སྲིད།། ཅེས་གསུངས་སོ།། སྤྲོས་བྲལ་དོན་གསལ་ཆེན ་པོའི་རྒྱུད་ལས། བསྒོམ་པའི་གོལ་ས་བཅད་པའི་ལེའུ་སྟེ་རེ་གཉིས་པའོ།། །། གསང་བའི་བདག་པོས་ཡང་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྤྱོད་པའི་བྱེ་བྲག་གསུང་དུ་གསོལ།། ཞེས་ཞུས་སོ།། སྟོན་པས ་བཀའ་སྩལ་པ།། རྡོ་རྗེ་འཛིན་པ་ངེས་ཟུང་ཞིག། བླང་དོར་མེད་པའི་སྤྱོད་པ་ནི།། སྤྲད་རྒྱུ་མེད་པ་སྤྱོད་པའི་མཆོག། ཆོས་ཉིད་དོན་གྱི་སྤྱོད་པ་ནི།། མཚན་མ་མེད་པས་ནམ་མཁའ་བཞིན།། ཆོས་ཅན་མཚན་མར་མི་བལྟ ་བར།། རྣལ་འབྱོར་ཟག་མེད་རབ་ཀྱིས།། དངོས་མེད་ནམ་མཁའ་བཞིན་དུ་སྤྱད།། རང་རིག་ཡེ་ཤེས་སྤྱོད་པ་ནི།། དཔེར་ན་རིན་ཆེན་མེ་ལོང་བཞིན།། ཡེ་ཤེས་རང་བཞིན་མ་འགགས་པས།། རང་ཤར ་རང་སྣང་ཆགས་སྡང་བྲལ་བར་སྤྱོད།། ལྟ་བ་དོན་གྱི་སྤྱོད་པ་ནི།། ཁྱུང་ཆེན་མཁའ་ལ་ལྡིང་བ་བཞིན།། བྱ་བྲལ་ལྷུན་གྱིས་རྫོགས་པར་སྤྱད།། དགོངས་པ་དོན་གྱི་སྤྱོད་པ་ན། དཔེར་ན་ཆུ་བོ་གངྒཱ་བཞིན།། རྒྱུན་གྱི་རྣལ ་འབྱོར་ཆེན་པོར་སྤྱོད།། འབྲས་བུ་དོན་གྱི་སྤྱོད་པ་ནི།། ཉི་མ་འོད་ཟེར་བཅས་པ་བཞིན། སྐུ་གསུམ་འདུ་འབྲལ་མེད་པར་སྤྱད།། དགོངས་པའི་ངང་ལས་མ་གཡོས་པར།། ཤེས་རབ་ཆེན་པོས་དོན་ལ་སྤྱད།། རྣལ་འབྱོར ་ཡིད་ཀྱི་སྤྱོད་པ་ཡིན།། རྣལ་འབྱོར་ངག་གི་སྤྱོད་པ་ནི།། དཔེར་ན་བྲག་ཆ་སྒྲ་སྒྲོགས་ལྟར།། སྒྲ་རྣམས་ཞེན་པ་མེད་པར་སྤྱད།། ལུས་ངག་ཡིད་གསུམ་སྤྱོད་པ་ནི།། འཇིག་རྟེན་འཁོར་འདས་ཆོས་འདི་ལ།། དཔེར་ན་མེ ་ལོང་གཟུགས་བརྙན་བཞིན།། སྣང་ལ་ཞེན་ཆགས་མེད་པར་སྤྱད།། དྲན་པ་མེད་པའི་སྤྱོད་པ་ནི། རྣལ་འབྱོར་ཚུལ་འཆོས་མི་བྱ་བར།། གླང་ཆེན་སྨྱོན་པ་བཞིན་དུ་སྤྱད།། བུང་བ་མེ་ཏོག་འཇིབ་པ་བཞིན།། གཅིག་ཏུ ་ཞེན་མེད་རྣལ་འབྱོར་གང་བདེར་སྤྱོད།། ཐུགས་རྗེ་ཆེན་པོའི་སྤྱོད་པ་ནི།། དཔེར་ན་ཉི་མའི་སྙིང་པོ་བཞིན།། ལུས་ངག་ཡིད་ཀྱིས་འགྲོ་དོན་རྫོགས་པར་སྤྱད།། ཐུགས་རྗེ་གདུང་བའི་སྤྱོད་པ་ནི།། བུ་གཅིག་པ་ཡི་མ ་བཞིན་དུ།། རྣལ་འབྱོར་པ་ཡིས་འགྲོ་དོན་སྤྱད།། གཉིས་སུ་མེད་པའི་སྤྱོད་པ་ནི།། ཆེད་དུ་མི་དགག་ཆེད་དུ་བསྒྲུབ་པ་མེད།། ཆེད་དུ་མི་སྤྱད་ཆེད་དུ་མི་སྤང་ངོ་།། མ་བཅོས་ངང་ལ་རང་བཞིན་འགགས་མེད་སྤྱད།། ཅེས ་གསུངས་སོ།། སྤྲོས་བྲལ་དོན་གསལ་ཆེན་པོ་རྒྱུད་ལས། སྤྱོད་པ་བསྡུས་ནས་བསྟན་པའི་ལེའུ་སྟེ་རེ་གསུམ་པའོ།། །། གསང་བའི་བདག་པོས་ཡང་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྤྱི་ཡི་སྤྱོད་པ་དེ་ལྟར ་ན།། རང་གི་མཚན་ཉིད་སྤྱོད་པ་གང་།། རྡོ་རྗེ་འཆང་གིས་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། སྤྱི་ཡི་སྤྱོད་པ་གོང་བཞིན་ཏེ།། གང་ཟག་ཉམས་སུ་ལེན་པ་ལ།། རང་གི་མཚན་ཉིད་སྤྱོད ་པ་ནི།། དབང་པོ་ཡང་རབ་གྱུར་པ་ལ།། ལྟ་བ་ལྷག་གིས་རྟོགས་པ་ཡི།། དེ་ཡི་ངང་ལས་མི་འབྲལ་བས།། ལྟ་སྒོམ་སྤྱོད་པ་དུས་གཅིག་རྫོགས།། འབྲས་བུ་གཞན་ནས་མི་འཚོལ་བས།། དུས་དེ་ཉིད་དུ་ཅིག་ཅར ་རྫོགས།། འབྲིང་དང་ཐ་མའི་སྤྱོད་པ་ནི།། དུས་བཞི་དག་གི་སྤྱོད་པ་དང་།། དུས་གསུམ་གཅིག་པའི་སྤྱོད་པའོ།། དུས་བཞི་དག་གི་སྤྱོད་པ་ནི།། ཉལ་ཁར་རྩལ་ལྔ་གཞི་ལ་བསྡུ།། དབང་པོ་རྣམ་ལྔ་གཞི་ཡི་རྩལ།། གཞི ་ཡི་གསལ་ཆ་མ་འགགས་པས།། དབང་པོ་ལ་བརྟེན་ཕྱི་ཡུལ་སྤྱོད།། གཟུང་འཛིན་གཉིས་སྣང་དུག་ལྔ་བསྐྱེད།། དེ་དག་གཉིད་དུ་འགྲོ་ཁ་རུ།། གསལ་ཆ་གཞི་ཡི་སྟེང་དུ་འདུས།། ཐ་མལ་གཏི་མུག་ཉིད་དུ་འགྲོ།། གང ་ཟག་རྟོགས་དང་ལྡན་པ་ལ།། རྨི་ལམ་མེད་པར་སོང་གྱུར་ནས།། ཤེས་བྱ་བུམ་པར་ཆུད་པ་ཡིན།། མ་བསྒོམས་རྨི་ལམ་འབྱུང་གྱུར་ཡང་།། མེད་པའི་བར་དུ་བུམ་འཇུག་གོ། རྨི་ལམ་དག་དང་སད་དུས ་སུ།། རིག་པ་རང་གསལ་གདམས་ངག་ཏུ།། རྨི་ལམ་དྲན་རྟོག་བྱུང་བ་འམ།། སད་པའི་དྲན་རྟོག་བྱུང་བ་ན།། དོན་དྲན་འཛིན་པ་རང་གྲོལ་བས།། སྣང་བ་རང་སྣང་རང་སར་དག། འཛིན་པ་གྲོལ་བས་སྣང་བ ་དག། གོམས་པ་བརྟས་ན་རྨི་ལམ་ཆད།། འཛིན་པ་གྲོལ་བའི་སྤྱོད་པ་ནི།། མར་མེ་བཞིན་དུ་རང་གསལ་ལོ།། ལངས་དུས་ཡུལ་ལྔ་རྒྱས་བཏབ་སྟེ།། མིག་ཡུལ་གཟུགས་ལ་རྣ་ཡུལ་སྒྲ།། སྣ་ཡུལ་དྲི་ལ་ལྕེ་ཡུལ ་རོ།། ལུས་ཡུལ་རེག་བྱ་ལ་སོགས་པ།། ཡུལ་ནི་རྣམ་པ་ལྔ་ཡང་སྣང་།། རང་སྣང་ཞེས་སུ་བསྟན་པ་ཡིན།། བསྐྱོད་པར་བྱེད་པས་འགྱུ་བ་རླུང་གི་རྩལ།། ཡུལ་དང་སྣང་བ་གཟུགས་ཙམ་ཡིན།། རང་སྣང་ཡུལ་ལ་འཛིན ་ཞེན་མེད་གྱུར་ན།། ཕྱི་ཡི་ཡུལ་ལ་རྒྱ་ཡིས་ཐེབས་པ་ཡིན།། སྣང་བ་རྒྱ་ཡིས་བཏབ་ཅེས་བྱ།། རྟོག་པ་སྐྱེས་ནས་དོན་དྲན་པས།། འཛིན་མེད་སྐྱེ་བས་འཛིན་པ་གྲོལ།། གྲོལ་འཛིན་ཡུལ་ལ་རྟོག་མི་འཇུག། ཉམས་བླངས ་གོམས་ན་རྟོག་པ་ཡལ།། དུས་བཞིར་འགྱུ་བ་མེད་པར་ནི།། རང་རིག་ཆོས་སྐུ་རང་གསལ་ཏེ།། དཔེར་ན་ཉི་མའི་སྙིང་པོ་དེ།། གསལ་དང་མི་གསལ་འགྲོགས་ནས་ཡོད།། རིག་པ་ཆོས་སྐུ་དེ་བཞིན་པས།། དུས་བཞི ་འགྱུར་མེད་གདེངས་ཀྱིས་བཟུང་།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྤྱོད་པ་རང་གི་མཚན་ཉིད་དུས་བཞི་མཉམ་སྦྱོར་གྱི་མན་ངག་བསྟན་པའི་ལེའུ་སྟེ་རེ་བཞི་པའོ།། །། དེ་ནས ་ཡང་གསང་བའི་བདག་པོས་ཞུས་པ། ཀྱེ་ཀྱེ་རྡོ་རྗེ་འཆང་ཆེན་པོ།། དུས་བཞིའི་སྤྱོད་པ་དེ་ལྟར་ན།། དུས་གསུམ་སྤྱོད་པ་ཇི་ལྟར་ལགས།། ཞེས་ཞུས་སོ།། རྡོ་རྗེ་འཆང་གིས་བཀའ་སྩལ་པ།། གང་ཟག་སྣོད་ལྡན་དོན ་ཆེད་དུ།། དུས་གསུམ་སྤྱོད་པ་འདི་ལྟར་སྤྱད།། རང་རིག་ཆོས་སྐུ་དུས་གསུམ་དུ།། ཉི་མ་གསལ་དང་མི་འབྲལ་བཞིན།། རང་རིག་གསལ་དང་མི་འབྲལ་ཏེ།། ངོ་མ་ཤེས་པའི་སྟོབས་དག་གི། བག་ཆགས་ངན་པས ་གསལ་སྒྲིབ་འབྱུང་།། དེ་ཕྱིར་དུས་གསུམ་སྤྱོད་པ་གཅེས།། རང་རིག་རང་གསལ་མཉམ་བཞག་དུས།། དེ་ལས་ཡེངས་པ་རྗེས་ཐོབ་དུས།། དུག་ལྔ་ལངས་པ་རྣམ་རྟོག་དུས།། དེ་གསུམ་ཆོས་སྐུ་མི་འབྲལ་བ།། སྤྱོད ་པའི་ལ་ཟློ་ཡིན་པར་བཤད།། མཉམ་གཞག་ཆོས་སྐུ་གསལ་བ་ལ།། དེ་ལས་ཡེངས་པ་བྱུང་དུས་སུ།། ཡུལ་ནི་གང་བྱུང་རྩལ་སྣང་དེ།། འཛིན་བྱེད་རྟོག་པ་རང་གྲོལ་བས།། རང་རིག་ཆོས་སྐུ་རང་དྲན་པས།། ངར ་འཛིན་པ་ཡི་རྟོག་པ་སྟོང་།། དེ་ཕྱིར་སྣང་བ་རང་སྣང་ལ།། འཛིན་བྱེད་རྟོག་པར་རང་སར་གྲོལ།། རགས་པ་དུག་ལྔ་སྐྱེས་པའི་ཚེ།། ཞེ་སྡང་དགྲར་སྣང་རང་སྣང་ལ།། འཛིན་བྱེད་དགྲར་སྣང་རང་གྲོལ་ཡིན།། རང་རིག ་ཆོས་སྐུའི་དོན་རྟོགས་པས།། འཛིན་རྟོག་ཕྲ་རག་རང་སར་གྲོལ།། དུག་ལྔ་གཞན་ལའང་དེ་བཞིན་སྦྱོར།། རང་རིག་ཆོས་སྐུའི་རྩལ་ལས་བྱུང་།། ཞི་ཡང་ཆོས་སྐུའི་ངང་དུ་ཞི།། དཔེར་ན་ནམ་མཁའི་རང ་བཞིན་ལ།། སྤྲིན་དང་དུ་བ་ཁུ་རླངས་འབྱུང་།། བྱུང་ཡང་ནམ་མཁའི་ངང་ལས་བྱུང་།། ཞི་ཡང་ནམ་མཁའི་ངང་དུ་ཞི།། རང་བྱུང་རང་སྣང་རང་བཞིན་ནམ་མཁའི་དང་།། ཕྱི་ཡི་ཡུལ་ཉིད་སྣང་བ་ལ།། ནང་གི་རིག་པ ་རྩལ་ཤར་བ།། འཛིན་པ་དག་གིས་བཟུང་གྱུར་ན།། རྣམ་པར་རྟོག་པ་ཟང་ཐལ་ཡིན།། འཁོར་བའི་སེམས་ཅན་རྣམས་ཀྱི་ལས།། ཡུལ་ལ་འགྱུ་བའི་ཤེས་པ་མ་འགགས་ཏེ།། འཛིན་བྱེད་རྟོག་པ་རང་གྲོལ་བ།། ཡེ་ཤེས ་ཟང་ཐལ་རྟོག་པའི་ལས།། རང་གི་ཤེས་པས་སྤྱད་ཀྱང་ནི།། རང་སྣང་རང་གྲོལ་འཛིན་པ་མེད།། ཡུལ་སེམས་ཆ་མཉམ་འཕྲད་གྱུར་ན།། འཛིན་པ་གྲོལ་བ་དུས་མཉམ་དག། སྣང་བ་དུས་མཉམ་དག་པ་ཡིན།། ཞེས ་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དུས་གསུམ་མཉམ་སྦྱོར་གྱི་སྤྱོད་པའི་ལེའུ་སྟེ་རེ་ལྔ་པའོ།། །། གསང་བའི་བདག་པོས་ཡང་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལྷ་སྒོམ་སྤྱོད་པའི ་གདེང་མེད་པར།། བདུད་ཀྱི་སྤྱོད་ཡུལ་ཇི་ལྟར་འབྱུང་།། དེ་ཡི་བཟློག་ཐབས་ཇི་ལྟར་ལགས།། དེ་སྐད་ཅེས་ནི་ཞུས་པ་ཡིས།། རྡོ་རྗེ་འཆང་གིས་བཀའ་སྩལ་པ།། ལྷ་སྒོམ་སྤྱོད་པའི་གདེང་དང་ལྡན་གྱུར་ན།། བདུད ་ཀྱི་སྤྱོད་ཡུལ་མི་འབྱུང་སྟེ།། ཇི་སྲིད་གདེང་དང་མ་ལྡན་ན།། བདུད་ཀྱི་སྤྱོད་ཡུལ་བཅོ་བརྒྱད་བྱུང་།། ལྟ་བ་གོལ་ཞིང་གདེང་མེད་ན།། གཟུང་འཛིན་ཉོན་མོངས་དུག་ལྔ་འབྱུང་།། བསྒོམ་པ་གདེང་མེད་གོལ་གྱུར ་པས།། བྱིང་དང་རྒོད་པའི་བདུད་གཉིས་བྱུང་།། སྤྱོད་པ་གདེང་མེད་གོལ་གྱུར་པས།། སྤྱོད་པ་དག་ལ་བདུད་བདུན་བྱུང་།། ལྟ་སྒོམ་སྤྱོད་པའི་གདེང་མེད་པས།། ཉམས་ཀྱི་བདུད་ནི་བཞི་འབྱུང་སྟེ།། དེ་ལྟར་དོན་དང་མི ་ལྡན་པས།། བདུད་ཀྱི་སྤྱོད་ཡུལ་འབྱུང་བར་འགྱུར།། རང་འབྱུང་ཡེ་ཤེས་རང་ལ་ཡོད་གྱུར་ཀྱང་།། རྒྱལ་བུ་དམངས་སུ་འཁྱམས་པ་བཞིན།། རང་ངོ་རང་གི་མ་ཤེས་པས།། གདམས་ངག་མེད་དེ་རྟོགས་པ་མ་ཤར ་བས།། ལྟ་བ་གདེངས་སུ་མ་གྱུར་པ།། དུག་ལྔ་ཡུལ་སྣང་ཤར་བའི་ཚེ།། དེ་ལ་འཛིན་པའི་ཤེས་པ་འཇུག་པར་འགྱུར།། སྒོ་ལྔ་དག་ལ་བརྟེན་ནས་འཇུག། ཞེ་སྡང་གཟུང་ཡུལ་དགྲར་སྣང་ཚེ།། འཛིན་པ་ཡིད་ཀྱི་རྣམ ་རྟོག་ནི།། མིག་གི་ཡུལ་དུ་གཟུགས་སྣང་བར།། ཞེ་སྡང་བར་ནི་སྐྱེ་འགྱུར་རོ།། རྣ་བར་ཚིག་རྩུབ་བྱུང་བ་དང་།། ཡིད་འཛིན་ཞེ་སྡང་ལྷག་གི་བསྐྱེད།། རང་སྣང་འཛིན་མེད་མི་བདེན་བདུད།། རང་གར་བཟུང་ན་བདུད ་ཀྱི་ལས།། ཁམས་གསུམ་འཁོར་བའི་གནས་སུ་འཁྱམས།། དེ་བཞིན་ཉོན་མོངས་གཞན་ལ་ཡང་།། གཟུང་འཛིན་གཉིས་ཀྱིས་ལོག་པར་སྤྱོད།། བདུད་ལས་བཟློག་ཕྱིར་ཉོན་མོངས་གྲོལ་བ་ནི།། དགྲ་ཉིད་རིག་པའི ་རྩལ་སྣང་བ།། རང་གི་ངོ་བོ་སྟོང་གསལ་ཡང་།། སྟོང་གསལ་འཛིན་པ་མ་གྲུབ་པས།། ཞེ་སྡང་འཛིན་པ་རང་སར་གྲོལ།། དེ་བཞིན་ཉོན་མོངས་གང་ལ་ཡང་།། རང་སྣང་རང་གྲོལ་དག་ཡིན་ཏེ།། རང་གི ་ཡུལ་ལ་ཕར་དཔྱད་ན།། རང་གི་རྩལ་ཤར་རང་སར་གྲོལ།། ཡུལ་ཉིད་ཚུར་ལ་མངོན་ཤར་ན།། དེ་ལ་ཤེས་པ་ཕར་འཇུག་པས།། རང་སྣང་འཛིན་མེད་རང་སར་གྲོལ།། ཡུལ་སེམས་དུས་མཉམ་འཕྲད་གྱུར་ན།། རང ་གསལ་ཡུལ་གསལ་འཛིན་མེད་གྲོལ།། ཆོས་སྐུ་རང་གསལ་ཆེན་པོ་ལས།། དུས་གསུམ་འགྱུར་བ་མེད་པའོ།། རྣམ་རྟོག་འགྱུ་བ་གློ་བུར་ཡིན།། ཡུལ་ལ་འཛིན་པ་གཉིས་ཀ་ནི།། འཁྲུལ་རྩལ་ཡིན་པས་གློ་བུར ་ཡིན།། དེ་ལྟར་ཤེས་པས་ལྟ་བདུད་ཆོམ།། བདུད་ཆོམ་སངས་རྒྱས་ད་ལྟ་ཉིད།། ལྟ་བ་གདེང་དང་ལྡན་གྱུར་ན།། སྒོམ་སྤྱོད་ཉམས་ཀྱི་བདུད་ཀྱང་ཆོམ།། སྒོམ་པའི་བདུད་ནི་གཉིས་ཡིན་ཏེ།། བྱིང་དང་རྒོད་པ་རྣམ ་གཉིས་སོ།། བྱིང་རྒོད་བདུད་ནི་གང་བྱུང་ཡང་།། བྱིང་རྒོད་རང་སར་རང་གྲོལ་ལོ།། ཇི་ལྟར་བྱིང་རྒོད་བྱུང་གྱུར་ཀྱང་།། ཆོས་སྐུ་འགྱུར་མེད་གདེང་གིས་བཟུང་།། སྤྱོད་པ་མན་ངག་ཇི་བཞིན་ནོ།། རང་བྱུང་རང་སྣང་རང ་གསལ་ཏེ།། རང་རིག་འགྱུར་མེད་རྩལ་སྣང་སྟེ།། ཉི་མའི་འོད་བཞིན་གསལ་ཞིང་འབྲལ་བ་མེད།། རྣམ་པར་རྟོག་པ་གློ་བུར་ཙམ།། དེ་ལྟར་རྟོགས་པའི་གང་ཟག་གིས།། བྱིང་རྒོད་བདུད་ལས་གྲོལ་བར་འགྱུར།། སྤྱོད ་པའི་དོན་ལས་གོལ་གྱུར་པས།། སྤྱོད་པའི་བདུད་ནི་བདུན་དུ་བྱུང་།། འདུ་འཛི་ལོངས་སྤྱོད་གཡེང་བའི་བདུད།། ཤེས་བྱ་ཡོན་ཏན་གཡེང་བའི་བདུད།། ལོངས་སྤྱོད་བདུད་ལ་རྣམ་པ་གཉིས།། འདོད་པའི་ལོངས་སྤྱོད ་འགྲུབ་ཏུ་རེ་བ་དང་།། མི་འདོད་དགྲ་ལྟར་དགག་པའོ།། ཤེས་བྱ་ཡོན་ཏན་ལ་ཡང་གཉིས་སུ་བསྟན།། འགྲུབ་ཏུ་རེ་དང་མ་འགྲུབ་དོགས་པའོ།། གང་ལ་སྤྱོད་པ་གང་ལ་སྐྱེ་གྱུར་ཡང་།། འགྲུབ་པ་མེད་དེ་བདུད་དུ ་འགྱུར།། ཕྱི་རུ་ཚུལ་འཆོས་བདུད་དང་ནི།། ནང་ན་ཉོན་མོངས་རང་གིས་སྤྱོད་བདུད་དྲུག། བྱེ་བྲག་ཡིན་ཏེ་དེ་ལས་དབྱེ་ན་བསམ་མི་འཁྱབ། གང་ལ་ཆེད་དུ་འཛིན་པ་དེ།། བདུད་རྣམས་ཀུན་གྱི་སྤྱི་ཡིན་ཏེ།། ཆེད ་འཛིན་མེད་ན་བདུད་མི་འབྱུང་།། སྤྱོད་པའི་བདུད་བདུན་གང་ལ་ཡང་།། རང་ལས་བྱུང་ཞིང་རང་ལས་སྣང་།། དེ་དག་རང་སར་གྲོལ་བ་ཡིས།། གོང་གི་ལྟ་སྒོམ་སྤྱོད་སྐབས་བཞིན།། གོང་གི་གདེང་བཅས་དུས་བཞིན ་དུ།། ལྟ་བར་རང་བྱུང་རང་སྣང་གདེང་ལྡན་པས།། སྤྱོད་པའི་བདུད་ཀྱིས་མི་ཚུགས་ཏེ།། མདོར་ན་བདུད་རྣམས་གང་བྱུང་ཡང་།། རང་བྱུང་རང་སྣང་རང་སར་གྲོལ།། དེ་ལྟར་རྟོགས་ན་བདུད་དང་བྲལ།། ཉམས་ཀྱི ་བདུད་བཞི་བསྟན་པ་ནི།། ལུས་ངག་ཡིད་ལས་བྱུང་བ་དང་།། བྱིན་གྱི་རློབ་པ་ལུང་སྟོན་འབྱུང་།། དང་པོ་ལུས་ཀྱི་བདུད་བསྟན་པ།། དེ་བཞིན་གང་ཡང་ཡིད་ལ་ཡང་།། མཚན་མ་རྟགས་སུ་འབྱུང་བ་ནི།། དེ་ལ་ཡང ་དག་འཛིན་པ་ཡིན།། དེ་བཞིན་ངག་དང་ཡིད་ལ་ཡང་།། མཚན་རྟགས་དམ་པར་བལྟ་བ་ནི།། དེ་ཉིད་ངག་དང་ཡིད་ཀྱི་བདུད།། ལུས་ལ་བདེ་བ་ལ་སོགས་འབྱུང་།། ངག་ལ་བདེ་ཐོབ་ཆོས་སྨྲ་ལ་སོགས ་འབྱུང་།། སེམས་ལ་མངོན་ཤེས་ལ་སོགས་འབྱུང་།། ཕྱི་རུ་བྱིན་རླབས་ལུང་བསྟན་འབྱུང་།། དེ་ལྟར་དམ་པར་དགོངས་སྤྱོད་དུ།། བཟུང་ན་ཉམས་ཀྱི་བདུད་དུ་འགྱུར།། དེ་དག་བདུད་ལས་འགྲོལ་བ་ནི།། དེ་བཞིན་ལྟ ་སྒོམ་སྤྱོད་པ་ལ།། གདེང་གིས་ཟིན་པ་ཇི་བཞིན་དུ།། ཉམས་བདུན་བཞི་སོགས་ངོས་ཟིན་ན།། ཉམས་ལ་བདེན་པར་འཛིན་པ་དེ།། རང་སྣང་རང་གྲོལ་དག་ཏུ་འགྱུར།། ཆེད་འཛིན་རང་སར་གྲོལ་གྱུར་བས།། ཉམས ་ཀྱི་རིམ་པ་ཅི་བྱུང་ཡང་།། དེ་ལྟར་ལྟ་སྒོམ་སྤྱོད་པའི་རྟགས།། རང་བྱུང་ཡེ་ཤེས་རང་ཆས་ལས།། མཚན་རྟགས་ཆེད་དུ་མི་བསྒྲུབ་སྟེ།། ཤུགས་ལས་འབྱུང་བ་མི་དགག་གོ། དཔེར་ན་རིན་ཆེན་དགོས་འདོད་འདྲ།། ཞེས ་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བདུད་ཀྱི་སྤྱོད་ཡུལ་བཅོ་བརྒྱད་བསྟན་པའི་ལེའུ་སྟེ་རེ་དྲུག་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བདུད་ཀྱི་སྤྱོད་ཡུལ་གྲོལ་གྱུར་ནས།། ཐེ་ཙོམ ་གེགས་རྣམས་སེལ་གྱུར་ན།། ཉམས་ཀྱི་རིམ་པ་ཇི་ལྟར་འཆར།། རྡོ་རྗེ་འཆང་གིས་གསུང་དུ་གསོལ།། དེ་སྐད་ཅེས་ནི་ཞུས་པ་ལས།། རྡོ་རྗེ་འཆང་གིས་བཀའ་སྩལ་པ།། ཉོན་ཅིག་གསང་བའི་བདག་པོ་ཁྱོད།། གང ་ཟག་ཕྱི་མ་ལྟ་སྒོམ་དང་།། སྤྱོད་པ་དག་ལ་གནས་པ་ལ།། ཉམས་ཀྱི་རིམ་པ་འབྱུང་བ་ནི།། དབང་པོ་རབ་འབྲིང་ཐ་གསུམ་ལས།། རབ་ནི་རྟོགས་པས་གྲོལ་བ་སྟེ།། བདུད་དང་ཐེ་ཙོམ་གེགས་རྣམས་སེལ།། སྒོམ་སྤྱོད ་གཉིས་ལ་སྦྱང་མི་དགོས།། རྟོགས་གྲོལ་སངས་རྒྱས་ད་ལྟ་ཉིད།། ཉམས་ཀྱི་རིམ་པ་བརྩི་རུ་མེད།། ཐ་མལ་ལུས་དང་མ་བྲལ་ཀྱང་།། དགོངས་པ་སངས་རྒྱས་ཐུགས་ལྟར་གནས།། རང་རིག་ཆོས་སྐུ་གསལ་སྟོང ་འཕྱོ།། ཐིག་ལེ་ཉག་གཅིག་སྤྲོས་དང་བྲལ།། ངོ་བོ་འགྱུར་བ་མེད་པ་ལ།། རྩལ་མི་འགག་སྟེ་སྒོ་ལྔར་ཤར།། དེ་ཕྱིར་རྩལ་ནི་ཟང་ཐལ་འཛིན་པ་མེད།། སྐུ་གསུམ་འགྱུར་བ་མེད་པར་གནས།། གང་ཟག་འབྲིང་དང་ཐ ་མ་ལ།། བདུད་དང་ཐེ་ཙོམ་གེགས་འབྱུང་སྲིད།། དེ་ལ་གོལ་ས་གོང་ལྟར་ཆོད།། གོལ་ས་ཆོད་པས་ཉམས་རྟོགས་འབྱུང་།། བདུད་མེད་ཉམས་ནི་མྱུར་དུ་འབྱུང་།། དྲོད་དང་རྟགས་དང་ཉམས་དང་གསུམ།། དྲོད་ནི་རང ་ལ་གསལ་བ་ཡིན།། རྟགས་ནི་གཞན་ལ་གསལ་བར་འབྱུང་།། གཉིས་ཀ་ལ་ནི་ཉམས་སུ་རྟོགས།། དེ་དག་རྣམས་ཀྱི་རིམ་པ་ནི།། ལུས་ངག་ཡིད་ལ་འབྱུང་བར་འགྱུར།། འོག་མ་རྣམས་དང་ཆ་བསྟུན་པ།། གཡོ་ཐོབ ་གོམས་བརྟན་མཐར་ཕྱིན་པའོ།། དེ་ཡང་རྟོགས་དང་དག་པ་དང་།། དག་པ་ཆེན་པོ་གསུམ་དུ་འདུས།། དང་པོ་གཡོ་བའི་ཉམས་བསྟན་པ།། ངོ་སྤྱོད་གདམས་ངག་ཞུ་དུས་སུ།། རང་ངོ་འཕྲོད་པས་རྟོག་པ ་གཡོས།། རྟོགས་པ་ལྷག་གིས་སྐྱེ་བར་འགྱུར།། ལུས་ཀྱང་བདེ་བ་དེ་ལ་འབྱུང་།། ངག་ཀྱང་འཁྲུལ་གཏམ་ཤས་ཆུང་ངོ་།། དེ་ནས་ཐོབ་པའི་རྟགས་བསྟན་པ།། ལྟ་བ་གདེང་དུ་གྱུར་པ་དེ།། ཐོབ་པའི ་ཉམས་ནི་ཡིན་པར་བསྟན།། དེ་ཕྱིར་ལྟ་བ་གདེང་ཟིན་ཐོབ།། ལྟ་བ་གདེང་གིས་ཟིན་པ་ནི།། རང་རིག་ཆོས་སྐུ་རྟོགས་པ་སྟེ།། རང་བྱུང་ཡེ་ཤེས་ཡིན་པའི་ཕྱིར།། དུས་གསུམ་འགྱུར་བ་མེད་པར་གོ།། འགྱུས་པ་རང་སར ་གྲོལ་བས་ན།། འགྱུ་བ་ཡེ་ཤེས་ཟང་ཐལ་ཡིན།། འགྱུ་བའི་སྲོག་ནི་ཆོད་པའོ།། ཡིད་ནི་ཆེད་འཛིན་བྲལ་བས་སེམས་བདེ་སྟེ།། ངག་ཀྱང་འཁྲུལ་པའི་གཏམ་རྣམས་འགགས།། གོམས་པའི་ཉམས་ནི་འདི་ལྟར ་འབྱུང་།། གོང་གི་དོན་དང་མ་བྲལ་བ།། དུས་གསུམ་རྒྱུན་དུ་ལམ་འཁྱེར་བས།། གོམས་པའི་ཉམས་སུ་བསྟན་པ་ཡིན།། སྤྱོད་པའི་མན་ངག་ཅེས་པ་སྟེ།། དུས་བཞིའམ་དུས་གསུམ་གོང་ལྟར་རོ།། དེ་དག་ཤིན་ཏུ ་གོམས་གྱུར་ན།། ཡེངས་དང་མ་ཡེངས་མེད་པ་ཡིན།། མཉམ་བཞག་རྗེས་ཐོབ་གཉིས་དང་བྲལ།། ཡེངས་དང་མ་ཡེངས་གཉིས་ཀ་མེད།། རང་རིག་ཆོས་སྐུའི་ངོ་བོ་ལ།། སྐུ་གསུམ་ཡེ་ཤེས་ལྷུན་གྲུབ་སྟེ།། རང་ཡིན ་དུས་གསུམ་འབྲལ་བ་མེད།། འཁྲུལ་པའི་སྣང་བ་འབྱུང་གྱུར་ཡང་།། འཛིན་པའི་བློ་དང་བྲལ་བས་ན།། ཡུལ་རྐྱེན་ཅི་བྱུང་རང་སར་གྲོལ།། རིག་པ་དེ་ལྟར་ཤར་བའི་ཚེ།། ལུས་སེམས་འཁྲུལ་པའི་དབང་མི ་འགྱུར།། རིག་པ་མངོན་ཤེས་ཕྲ་མོ་འབྱུང་།། ངག་ཀྱང་བདེན་པ་ཐོབ་པར་འགྱུར།། ལུས་ལ་ན་ཚ་སྡུག་བསྔལ་བྲལ།། དགྲ་བགེགས་ཕྱི་ནང་སྲིན་འབུ་རྣམས།། དེ་ཡི་གནོད་པས་ཚུགས་མི་འགྱུར།། ངག་གིས་མ ་བསླབས་ཆོས་རྣམས་སྨྲ།། མཁའ་འགྲོ་བདེ་གཤེགས་ལུང་སྟོན་འགྱུར།། དགྲ་བགེགས་གཉིས་ལ་བདེན་པ་འཇུག། གོམས་པ་བརྟན་པའི་ཉམས་ཡིན་ནོ།། གོམས་པའི་གཞུག་ལ་བརྟན་པ་འབྱུང་།། གོམས་པ་ཤིན་ཏུ ་གསལ་བར་འབྱུང་བའོ།། དེ་ལ་དག་པའི་སྣང་བ་ཤར།། ཕྱི་ཡི་འཁྲུལ་སྣང་འདི་དག་ལྡོག། དག་པའི་སྣང་བ་འོད་སྣང་འཆར།། ལུས་དག་པ་ནི་འོད་ཀྱི་ལུས།། རིག་པ་ཆོས་སྐུ་འགྱུར་མི་སྲིད།། རྣམ་པར་རྟོག་པ་རྩད ་ནས་ཆོད།། བདག་ཏུ་འཛིན་པ་གཞི་ནས་གྲོལ།། མངོན་པར་ཤེས་པ་ལྔ་ག་འཆར།། ཐ་མལ་ལུས་དང་བྲལ་དུས་སུ།། ནད་གཅོད་སྐྱེ་ཤིའི་སྡུག་བསྔལ་མེད།། ལུས་དང་བྲལ་ནས་རིན་ཆེན་སྦུབས།། ལོངས་སྐུའི་སྣང ་བ་འཆར་བར་འགྱུར།། དེ་དག་གོང་འོག་གཞན་ན་གསལ།། མཐར་ཕྱིན་ཉམས་ནི་ལོངས་སྐུའི་དུས།། ཡོན་ཏན་བརྗོད་ཀྱིས་མི་ལངས་སོ།། བདེ་བ་དུས་གསུམ་ཟད་མི་སྲིད།། ཉམས་ལྔ་ལམ་ལྔར་སྦྱར་བ ་ནི།། ཚོགས་ལམ་སྦྱོར་ལམ་དུས་ན་གཡོ་ཉམས་འབྱུང་།། མཐོང་བའི་ལམ་ལ་ཐོབ་པའོ།། བསྒོམ་པའི་ལམ་དང་གོམས་ཉམས་གཅིག། བརྟན་དང་མཐར་ཕྱིན་ཉམས་གཉིས་ཀྱང་།། མི་སློབ་ལམ་དང་ངོ་བོ ་གཅིག། ཉམས་དང་ལམ་དུ་སྦྱོར་བའོ།། རྟོགས་པ་དོན་གྱི་ངོ་བོ་ལ།། རང་རིག་ཆོས་སྐུ་འགྱུར་བ་མེད།། དེ་ལ་རྟགས་མཚན་བློ་སྣང་ཡིན།། འབྲིང་དང་ཐ་མའི་བློ་དག་ལ།། རྣམ་རྟོག་དག་གིས་བསྒྲིབས ་པ་སྟེ།། རྟོག་པ་གསལ་ཞིང་འཁྲུལ་པ་འགགས།། དེ་ལ་ཉམས་ཀྱི་སྣང་བ་འབྱུང་།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཉམས་བསྟན་པའི་ལེའུ་སྟེ་རེ་བདུན་པའོ།། །། དེ་ནས་གསང ་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་ཆེན་པོ།། དང་པོ་གཞི་ཡི་གནས་ལུགས་ནས།། འབྲས་བུའི་དོན་ལ་ཐུག་གི་བར།། ཐེ་ཚོམ་གེགས་རྣམས་ཇི་ལྟར་སེལ།། སེལ་བའི་ཡོན་ཏན་ཇི་ལྟར ་ལགས།། རྡོ་རྗེ་འཆང་གིས་གསུང་དུ་གསོལ།། དེ་སྐད་ཅེས་ནི་ཞུས་པ་ལས།། རྡོ་རྗེ་འཆང་གིས་བཀའ་སྩལ་པ།། གསང་བའི་བདག་པོ་ང་ལ་ཉོན།། གཞི་ནས་འབྲས་བུར་ཐུག་པར་ལ།། གེགས་བདུན་དྲག་གིས་སེལ ་འགྱུར་ཏེ།། གཞི་ཡི་གེགས་དང་འཁྲུལ་པའི་གེགས།། ལྷ་སྒོམ་སྤྱོད་པ་ཉམས་ཀྱི་གེགས།། འབྲས་བུའི་གེགས་དང་བདུན་གྱིས་བསྟན།། ཀྱེ་ཀྱེ་རྡོ་རྗེ་འཆང་ཆེན་པོ།། གེགས་བདུན་རྒྱས་པར་གསུང་དུ་གསོལ།། ཞུས ་པའི་དོན་གསན་བཀའ་སྩལ་པ།། དང་པོ་གཞི་ཡི་གེགས་བསྟན་པ།། སངས་རྒྱས་སེམས་ཅན་གཉིས་མེད་དེ།། དངོས་པོའི་དོན་གྱི་གནས་ལུགས་དེ།། ཀ་དག་ཡིན་ནམ་ལྷུན་གྲུབ་ཡིན།། སངས་རྒྱས་ཡིན་ནམ་སེམས ་ཅན་ཡིན།། སངས་རྒྱས་ཡིན་ན་འཁྲུལ་མི་སྲིད།། ཇི་སྲིད་སེམས་ཅན་ཡིན་གྱུར་ན།། ངེས་པ་ཡིན་ནམ་མ་ངེས་ཡིན།། ཇི་སྲིད་ངེས་པ་ཡིན་གྱུར་ན།། སྤྲོས་བཅས་ཡིན་ནམ་སྤྲོས་མེད་ཡིན།། མཐའ་ཅན་ཡིན་ནམ་མཐའ ་བྲལ་ཡིན།། གཞི་ཡི་ངོ་བོ་ལྷུན་གྲུབ་དེར།། འཁོར་འདས་ཐམས་ཅད་ལྷུན་གྱིས་གྲུབ།། ངོ་བོ་ངེས་པ་ཆེན་པོ་ལ།། རྩལ་ནི་མ་ངེས་སྣ་ཚོགས་སྣང་།། མཚོན་ཚུལ་གང་དུ་ཤན་མ་ཕྱེད།། གཞི་ཡི་ཐེ་ཚོམ་དེ་ལྟར ་ཆོད།། འཁྲུལ་པའི་གེགས་ནི་འདི་ལྟར་བསལ།། མེད་ལ་ཡོད་འཛིན་འཁྲུལ་པ་ལ།། ཕྱིན་ཅི་ལོག་ཏུ་རྟགས་པ་ཡིན།། ཡང་དག་རྟོགས་ན་འཁྲུལ་པ་དག། དེ་ཡིས་འཁྲུལ་པའི་ཐེ་ཚོམ་མཆོད།། ལྟ་བའི་གེགས་ནི་གང ་སེལ་ན།། རང་བྱུང་ཆེན་པོ་ཡིན་པས་ན།། གློ་བུར་སྐྱོན་གྱིས་གོས་པ་མེད།། ངོ་བོ་འགྱུར་མེད་གསལ་སྟོང་ལ།། རྩལ་ནི་སྣ་ཚོགས་འཛིན་མེད་འཆར།། གང་གི་མཐའ་རུ་མི་འགྱུར་བས།། མཐའ་ཡི་སྐྱོན་གྱིས་འཇིགས ་མེད་པས།། ལྟ་བའི་ཐེ་ཚོམ་དེ་ཡིས་ཆོད།། གོལ་ས་གཅོད་པའི་སྐབས་ན་གསལ།། བསྒོམ་པའི་གེགས་ནི་གང་སེལ་ན།། བསྒོམ་དུ་ཡོད་ན་འོག་མར་འགྱུར།། མེད་ན་རྟོགས་མེད་སངས་རྒྱས་འགྱུར།། ཡང་ན་སོ་སོ་སྐྱེ ་བོཔོར་འགྱུར།། རང་བྱུང་ཡེ་ཤེས་རང་གནས་པའི།། ངོ་སྤྱོད་རང་ངོ་ཤེས་ཙམ་ན།། རང་གིས་རང་ཉིད་གསལ་བ་ལས།། བློ་ཡིས་བསྡུ་ཞིང་བསྒོམ་དུ་མེད།། དབང་པོ་འབྲིང་ལ་དྲན་པ་ཙམ།། ཆོས་སྐུ་གསལ་ན་དྲན་པ ་སྟོང་།། མ་བསྒོམས་རྒུན་དུ་འབྲལ་མ་མྱོང་།། བསྒོམ་དང་མ་བསྒོམས་དོན་ལ་མེད།། བསྒོམ་པའི་ཐེ་ཚོམ་དེ་ཡི་ཆོད།། སྤྱོད་པའི་གེགས་རྣམས་གང་སེལ་བ།། སྤྱད་པས་གྲོལ་ལམ་མ་སྤྱད ་གྲོལ།། མ་སྤྲད་གྲོལ་བའི་སྒྲ་མི་འཇུག། སྤྲད་ན་ཆེད་སྤྲད་དག་ཏུ་འགྱུར།། རིག་པ་དང་ནི་སྣང་བ་གཉིས།། རྩལ་མི་འགག་པའི་སྟོབས་ཀྱིས་ནི།། དེ་གཉིས་ཕན་ཚུན་རོལ་པ་ལས།། ཆེད་དུ་སྤྱད་པས་སྤྲད་རྒྱུ་མེད།། འོ ་བོ་སྤྲོས་དང་བྲལ་བ་ལ།། རྩལ་ནི་མི་འགག་སྣ་ཚོགས་འཆར།། དེ་ཡང་ཡུལ་ལ་བརྟེན་ནས་འཆར།། རང་ཤར་རང་གྲོལ་སྤྱོད་པ་སྟེ།། ཡུལ་རྐྱེན་སྣ་ཚོགས་ཤར་གྱུར་ཀྱང་།། འཛིན་མེད་རང་སར་གྲོལ་བ་ཡིས།། སྤྱད ་རྒྱུ་མེད་དེ་ཤུགས་འབྱུང་ཙམ།། སྤྱད་མེད་དོན་དང་མི་འབྲལ་ཙམ།། མ་འགགས་ཞེན་མེད་སྤྱོད་པའི་མཆོག། སྤྱོད་པའི་ཐེ་ཚོམ་དེ་ཡིས་ཆོད།། ཉམས་ཀྱི་གེགས་ནི་གང་སེལ་ན།། རང་བྱུང་ཆོས་སྐུ་འགྱུར ་མེད་ནི།། ཉམས་མྱོང་མཐའ་ལས་འདས་པ་སྟེ།། རེ་ཞིག་གང་ཟག་མ་གོམས་པས།། བདེན་པ་གསལ་ནི་འདེབས་པ་ལ།། ཆོས་སྐུ་གསལ་ཞིང་རྟག་པ་འགྲིབ།། དེ་ཡི་ཉམས་མྱོང་ཤུགས་ལས་འཆར།། ཉམས་ལ་ཆེད ་འཛིན་འདོད་པ་མེད།། སྤྲིན་དེངས་ཉི་མ་གསལ་བ་འདྲ།། ཉམས་ཀྱི་ཐེ་ཚོམ་དེ་ཡིས་ཆོད།། འབྲས་བུའི་གེགས་ནི་གང་སེལ་ན།། འབྲས་བུ་རང་བྱུང་ཆོས་སྐུ་དེ།། གདོད་ནས་ཡོད་ན་བཙལ་མ་དགོས།། གློ་བུར་འདུས ་བྱས་འཇིག་པར་འགྱུར།། གདོད་ནས་རང་བྱུང་ཆོས་སྐུ་དེ།། རང་ངོ་མ་ཤེས་རྟོག་པས་བསྒྲིབས།། དེ་ཉིད་ངོ་ཤེས་རྟོགས་ཙམ་ན།། དང་པོ་རང་བྱུང་རང་ངོ་འཕྲོད།། རྟོགས་པ་གྲོལ་ནས་མངོན་དུ་འགྱུར།། རྒྱལ་བུ ་དམངས་འཁྱམས་རྒྱལ་སར་བཏོན།། རང་ས་ཟིན་པ་ཇི་བཞིན་ནོ།། འབྲས་བུའི་ཐེ་ཚོམ་དེ་ཡིས་ཆོད།། རང་བྱུང་རིག་པ་ཆོས་སྐུ་དེ།། གང་གི་ངོ་བོར་མ་གྲུབ་པས།། མཚན་མ་འདུས་བྱས་ཐེ་ཚོམ་ཆོད།། གསལ་ལ་མི ་འགག་འཆར་བ་ཡིས།། སྟོང་པ་ཞི་གནས་ཐེ་ཚོམ་ཆོད།། རྩལ་ནི་འོད་དུ་སྣང་བ་ཡིས།། རིག་པ་རྐྱང་པའི་ཐེ་ཚོམ་ཆོད།། གསལ་བ་སྣ་ཚོགས་འཆར་བ་ཡིས།། མི་རྟོག་ལྟེངས་པོའི་ཐེ་ཚོམ་ཆོད།། གང་ལ་འཛིན་པ་མེད ་གྱུར་པས།། མ་ཚོར་ཡིད་ལ་བྱེད་པ་བྲལ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཐེ་ཚོམ་དང་གེགས་བསལ་བའི་ལེའུ་སྟེ་རེ་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས ་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེ་ཡིས་འབྲས་བུ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་ཟུང་ཞིག། འབྲས་བུ་ལྟ་བ་མངོན་གྱུར་ཏེ།། དེ་ཡི་གནས་ལུགས་བསྟན་པ ་ནི།། ཆོས་ཉིད་ཕྱི་ནང་མེད་པར་གསལ།། རིག་པ་ཕྱི་ནང་མེད་པར་ཁྱབ།། གཉིས་མེད་ཆོས་སྐུ་རྡོ་རྗེའི་ལུས།། རང་གསལ་འཛིན་མེད་ངང་དུ་གནས།། དེ་ལས་མཁྱེན་པ་མ་འགགས་པས།། རང་རིག་ཡེ་ཤེས ་ལོངས་སྤྱོད་རྫོགས་པའི་སྐུ།། ཡུལ་གྱི་རང་བཞིན་ཡེ་ཤེས་སྤྱན་གྱི་བུམ་པ་ལྔ།། སྣང་ལ་དངོས་མེད་ནམ་མཁའི་འཇའ་ཚོན་བཞིན།། དེ་ཡི་ངང་ན་སྤྲུལ་པའི་སྐུ་ལྔ་གསལ།། གསལ་ལ་མི་རྟོག་བུམ་པའི ་མར་མེ་བཞིན།། སྐུ་གསུམ་ནང་གསལ་འདུ་འབྲལ་མེད་པར་གནས།། རིག་པ་རང་སྣང་གསལ་བ་ཟང་ཐལ་བས།། སྐུ་གཉིས་ཡུལ་དུ་མི་སྣང་ཞིང་།། ཡོན་ཏན་མ་འགགས་འདུ་འབྲལ་མེད།། སྐུ་གཉིས་མ་འགགས ་ཡོད་པས་མེད་པ་སྟེ།། ཆོས་སྐུ་མི་འགྱུར་མེད་པས་ཡོད་པ་ནི།། མཁར་གཞོང་བཅུད་དང་མེ་ལོང་གཟུགས་བརྙན་བཞིན།། སྣང་ལ་རང་བཞིན་མེད་པས་མཚན་མའི་སྐྱོན་དང་བྲལ།། མི་སྣང་རང་བཞིན་ཡོད་པས་ཆད ་ལྟ་སྟོང་པའི་སྐྱོན་ལས་འདས།། མཐའ་བཞི་ལས་གྲོལ་འཁོར་བ་རྒྱ་ཡིས་ཐེབས།། དོན་ལ་འགྱུར་མེད་རིག་པ་རང་ས་ཟིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འབྲས་བུ་ཇི་ལྟར་འབྱུང་བ ་བསྟན་པའི་ལེའུ་སྟེ་རེ་དགུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཐེག་པའི་ངོ་བོ་ངེས་ཚིག་དང་།། དབྱེ་བ་དཔེ་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན ་པ་ལེགས་ཟུང་ཞིག། ཐེག་པའི་ངོ་བོ་ཤེས་རབ་སྙིང་རྗེ་ཡིན།། དེ་གཉིས་ཆེ་ཆུང་ཐེག་པ་ཆེ་ཆུང་སྣང་།། ཐེག་པའི་ངེས་ཚིག་འདེགས་དང་བསྐྱོད་པ་ཡིན།། དབྱེ་ན་མང་ཡང་བསྡུ་ན་གཉིས་ལས་མེད།། རྒྱུ་རྐྱེན་ལམ་ཁྱེར ་མཚན་ཉིད་ཐེག་པ་དང་།། འབྲས་བུ་ལམ་ཁྱེར་གསང་སྔགས་ཐེག་པ་གཉིས།། རྒྱལ་བ་གྲུ་གཟིངས་མཚན་ཉིད་ཐེག་པའི་དཔེ།། ཟམ་པ་ས་གཞི་གསང་སྔགས་ཐེག་པའི་དཔེ།། ཞེས་གསུངས་སོ།། སྤྲོས་བྲལ་དོན ་གསལ་ཆེན་པོའི་རྒྱུད་ལས། ཐེག་པའི་དོན་བཤད་བསྡུས་ཏེ་བསྟན་པའི་ལེའུ་སྟེ་བདུན་བཅུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཐེག་པ་སོ་སོའི་ལྟ་བསྒོམ ་དང་།། སྤྱོད་པ་འབྲས་བུའི་དོན་གསུངས་པ།། དེ་ཡི་ངོ་བོ་ངེས་ཚིག་དང་།། དབྱེ་བ་མཐུན་དཔེ་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ལྟ་བའི་ངོ་བོ་སོ་སོའི་དབྱེ་བ་ལས་བཤད་པར་བྱའོ།། ངེས ་པའི་དོན་ལྟ་བ་རང་རིག་ཡེ་ཤེས་ཀྱི་ངོ་བོ་ནི། ཕྱོགས་ལྷུང་མེད་པའི་ཤེས་རབ་པོ།། ངེས་ཚིག་ནི་ཡང་དག་པའི་ཤེས་བྱ་གྲུབ་མཐའི་མཐར་གྱུར་པས་ན་ལྟ་བའོ།། དབྱེ་ན་གཉིས་སོ།། ཡང་དག་པའི་ལྟ་བ་དང་། ཡང ་དག་པའི་ལྟ་བ་མ་ཡིན་པའོ།། ཡང་དག་པའི་ལྟ་བ་ནི་ཨ་ཏི་ཡོ་གའོ།། ཡང་དག་པའི་ལྟ་བ་མ་ཡིན་པ་ནི་ཨ་ནུ་མན་ཆོད་དོ།། ལྟ་བའི་དཔེ་ནི་གཉིས་ཏེ། ཡང་དག་པའི་དཔེ་ནི་མན་ཤེལ་དང་སྣང་བ་ལྟ་བུའོ།། ཡང་དག ་པ་མ་ཡིན་པའི་དཔེ་བརྒྱད་དོ།། རིགས་ཀྱི་བུ་ལེགས་པར་ཟུང་ཞིག། ཉན་ཐོས་རང་རྒྱལ་ཆུ་རྒྱུན་ནེ་སེང་བཞིན། བྱང་ཆུབ་སེམས་དཔའི་དཔེ་ནི་ནམ་མཁའ་སྒྱུ་མ་སྐྲ་ཤད་དང་།། ཆུ་ཟླ་ལ་སོགས་མེད་བཞིན་སྣང་།། ཀྲི ་ཡ་རྗེ་དང་འབངས་ལྟ་བུའོ།། ཡོ་ག་སྤུན་དང་གྲོགས་པོའི་དཔེ།། མ་ཧཱ་ཡོ་ག་རྒྱལ་པོ་མངའ་དར་བཞིན།། ཨ་ནུ་ཡོ་ག་ཕོ་མོ་སྙོམས་འཇུག་བཞིན།། ཨ་ཏི་ཡོ་ག་ཁྱུང་ཆེན་མཁའ་ལ་ལྡིང་བ་བཞིན།། ཞེས ་གསུངས་སོ།། ཡང་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེས་མཚོན་པའི་ཚིག་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། ངས་བསྟན་རྒྱུད་ལུང་ཐམས་ཅད་དུ།། ལྟ་བ་ཞེས་པའི་ཚིག ་རྣམས་དང་།། གྲུབ་མཐའ་ཞེས་པའི་ཚིག་རྣམས་དང་།། ཡང་དག་ཞེས་པའི་ཚིག་རྣམས་དང་།། མཐར་ཟུག་པ་དང་མཐར་ཕྱིན་དང་།། འབྲས་བུ་ཞེས་པ་གང་བྱུང་ཡང་།། དེ་མཚོན་ཚིག་ཏུ་བསྡུས་པ་ཡིན།། སོ་སོའི ་གནས་སྐབས་ཤེས་པར་བྱ།། ཀྱེ་སེམས་པ་ཆེན་པོ། གཟུང་འཛིན་གཉིས་སུ་འདོད་པ་ཉན་ཐོས་ལྟ་བར་བཤད། འཛིན་པ་ཡོད་པས་གཟུང་དུ་མེད་དོ་ཟེར་ན་རང་རྒྱལ་ལྟ་བར་བཤད། སེམས་དང་སེམས་ཀྱི་རྣམ་པར ་སྨྲ་བ་དང་། དོན་དམ་དང་ཀུན་རྫོབ་ཏུ་སྨྲན། བྱང་ཆུབ་སེམས་དཔའི་ལྟ་བར་བཤད། དོན་དམ་ཐམས་ཅད་མཐུན་པ་ལ། རིགས་གསུམ་འདོད་པ་ཀྲི་ཡའི་ལྟ་བར་བཤད། ཆ་གཉིས་འདོད་པ་ཨུ་པ་ཡ་ཡི་ལྟ་བར ་བཤད། སེམས་དཔའ་རྩ་བདུན་འདོད་པའི་ཚིག་བྱུང་ན། རྣལ་འབྱོར་ཡོ་གའི་ལྟ་བར་བཤད། བཞི་བཅུ་རྩ་གཉིས་ལྔ་བཅུ་རྩ་བརྒྱད་སོགས་མ་ཧཱ་ཡོ་གའི་བལྟ་བར་བཤད། མ་བསྐྱེད་རྫོགས་པའི་ཚིགས་ཚོགས ་དང་།། དབྱིངས་དང་ཡེ་ཤེས་ཚིག་བྱུང་ན།། ཨ་ནུ་ཡོ་གའི་ལྟ་བ་ཡིན།། བྱ་རྩོལ་འདས་པའི་ཚིགས་ཚོགས་དང་།། རང་བྱུང་ཡེ་ཤེས་ཚིག་རྣམས་དང་།། ལྷུན་གྲུབ་ཡེ་སངས་རྒྱས་ལ་སོགས།། འདི་རྣམས་རྫོགས་ཆེན་ལྟ། ་བར་བཤད།། ཟུར་ཙམ་མདོར་བསྡུས་བསྟན་པ་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ལྟ་བའི་དོན་བཤད་པ་དང་མཚོན་པའི་ཚིགས་བསྟན་པའི་ལེའུ་སྟེ་དོན་གཅིག ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དགོངས་པ་བསྒོམ་པ་རྣམ་ཕྱེ་བ།། དེ་ཡི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ ་འཛིན་པ་ལེགས་པར་ཟུང་ཞིག། ངོ་བོ་ངེས་ཚིག་དབྱེ་བ་དང་།། མཐུན་དཔེ་བརྗོད་པའི་ཚིག་ཏུ་བསྟན།། ངོ་བོ་གཅིག་ཏུ་གནས་པ་ཡིན།། བསྒོམ་པའི་ངེས་ཚིག་རྣམ་པ་བཞི།། དོན་ལ་དམིགས་པའི་བསྒོམ་པ ་ཡིན།། མ་ཡེངས་པས་ན་བསྒོམ་པ་ཡིན།། མི་འབྲལ་བས་ན་བསྒོམ་པ་ཡིན།། གོམས་ཤིང་འདྲིས་དང་མི་འཕྲོ་བའོ།། དབྱེ་བ་རྣམ་པ་གཉིས་སུ་བསྟན།། མཚན་བཅས་མཚན་མེད་གཉིས་ཡིན་ནོ།། མཚན་མེད་ལའང ་གཉིས་ཡིན་ཏེ།། རྩོལ་བྲལ་ཆེན་པོའི་བསྒོམ་ཐབས་དང་།། རྩོལ་བ་བྲལ་བའི་བསྒོམ་པའོ།། མཚན་བཅས་ལའང་དེ་བཞིན་ནོ།། མདོར་ན་བསྐྱེད་རྫོགས་རྣམ་གཉིས་ཏེ།། བསྒོམ་པ་མཚོན་པའི་དཔེ་བཞི་སྟེ།། མར་ཁུ ་སྡོང་བུ་གནས་པ་དང་།། ཆུ་དང་འོ་མ་འདྲེས་པ་དང་།། ནོར་བུ་ཆུ་དངས་ལྟ་བུ་དང་།། བུམ་པའི་མར་མེ་ལྟ་བུའོ།། ཀྱེ་གསང་བའི་བདག་པོ་ངེས་པར་ཟུང་ཞིག། དགོངས་པ་ཞེས་པ་གང་བྱུང ་ཡང་།། བསྒོམ་པ་བསམ་གཏན་ཏིང་འཛིན་དང་།། མ་ཡེངས་མ་འཕྲོས་འདུ་འབྲལ་མེད།། གནས་དང་གོམས་དང་འདྲིས་པ་དང་།། དེ་རྣམས་གང་བྱུང་འབོད་སྐད་སྡེབས་ལ་བཤད།། ཅེས་གསུངས་སོ།། སྤྲོས་བྲལ ་དོན་གསལ་ཆེན་པོའི་རྒྱུད་ལས། བསྒོམ་པའི་དོན་བཤད་པ་མཚོན་པའི་ཚིག་དང་བཅས་པའི་ལེའུ་སྟེ་དོན་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བསྒོམ ་མེད་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ལག་ན་རྡོ་རྗེ་ངེས་ཟུང་ཞིག། བསྒོམ་མེད་ངོ་བོ་ངེས་ཚིག་དང་།། དབྱེ་བ་མཐུན་དཔེ་བརྗོད་ཚིག་བཤད།། ངོ་བོ་རང་རིག་རྒྱུན་ཆད་མེད ་པ་ཡིན།། ཡིད་ལ་མི་བྱེད་དེ་ཡི་ཕྱིར་ན་བསྒོམ་དུ་མེད་པའི་ཚིག། ངང་གནས་མི་ཕྱེད་ཕྱིར་དང་བྱ་མི་དགོས་པའོ།། བསྒོམ་མེད་དབྱེ་བ་རྣམ་པ་གཉིས།། མཚན་བཅས་བསྒོམ་དུ་མེད་པ་དང་།། མཚན་མེད་བསྒོམ་དུ ་མེད་པའོ།། རེ་རེ་ལའང་རྣམ་པ་གཉིས།། གཞི་ལ་བསྒོམ་དུ་མེད་པ་དང་།། རྟོགས་པས་བསྒོམ་དུ་མེད་པའོ།། མ་བསྒོམས་རྒྱུན་ཆད་མེད་པའི་དཔེ།། ཆུ་བོ་ལྟ་བུར་བསྟན་པ་ཡིན།། མ་བསྒོམས་དོན་དང་མི་བྲལ ་བས།། སྦྱོར་སྦྱིན་སྦྲང་མའི་འདབ་མ་བཞིན།། མ་བསྒོམས་ངང་གིས་གསལ་བ་ནི།། གསལ་གདངས་ཉི་མའི་སྙིང་པོ་འདྲ།། ཀྱེ་གསང་བའི་བདག་པོ་ངེས་ཟུང་ཞིག། ངས་བསྟན་རྒྱུད་ལུང་ཐམས་ཅད་ནས།། བསྒོམ ་མེད་ཞེས་པའི་ཚིག་རྣམས་དང་།། གནས་མི་དགོས་པའི་ཚིག་རྣམས་དང་།། བསྒྲུབ་ཏུ་མེད་པའི་ཚིག་རྣམས་དང་།། འདུ་འབྲལ་མེད་པའི་ཚིག་རྣམས་དང་།། རང་དངས་རང་བཞིན་བདག་ཉིད་ཆེན་པོ་དང་།། ཡེ་ནས ་འདུ་འབྲལ་མེད་པ་དང་།། བྱ་རྩོལ་རྣམས་ལས་འདས་པ་དང་།། ལམ་ལ་བགྲོད་དུ་མེད་པ་དང་།། རྟོགས་པ་མངོན་གྱུར་སངས་རྒྱས་དང་།། རང་བྱུང་ཡེ་ཤེས་ཆེན་པོ་དང་།། ལྷུན་གྲུབ་ཡེ་སངས་རྒྱས་པ་དང་།། ཡིད ་ལ་བྱ་རྒྱུ་མེད་པ་དང་།། དམིགས་པའི་ཡུལ་ལས་བྲལ་བ་དང་།། བསྒོམ་མེད་བློ་བཞག་ཅེས་པ་དང་། བསྒོམ་དུ་མེད་པའི་ཚིག་ཐམས་ཅད་ནི། འབོད་སྐད་ཀྱིས་བསྡེབས་ལངས་འདིར་བསྟན་པ་བཞིན་དུ་ཤེས་པར ་གྱིས་ཤིག། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བསྒོམ་མེད་དོན་བཤད་བརྗོད་པའི་ཚིག་དང་བཅས་པ་བསྟན་པའི་ལེའུ་སྟེ་དོན་གསུམ་པའོ།། །། དེ་ནས་ཡང་གསང ་བདག་པོས་ཞུས་པ། ཀྱེ་ཀྱེ་བཅོམ་ལྡན་ཐབས་ལ་མཁས།། སྤྱོད་པའི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། གསང་བའི་བདག་པོ་ལེགས་པར་ཟུང་ཞིག་སྤྱོད་པའི་ངོ་བོ་ངེས་ཚིག ་དང་།། དབྱེ་བ་མཐུན་དཔེ་བརྗོད་ཚིག་དང་།། བསྡུས་ཏེ་བརྗོད་པའི་དོན་བཤད་པ། སྤྱོད་པའི་ངོ་བོ་ནི། སྤྱོད་པ་མ་འགགས་པར་དོན་ལ་སྦྱོར་བའོ།། སྤྱོད་པའི་ངེས་ཚིག་ནི་དོན་སོ་སོ་དང་མཐུན་པར ་འཇུག་ཅིང་ལོངས་སྤྱོད་པས་ནའོ།། དབྱེ་ན་རྣམ་པ་གཉིས་ཡིན་ཏེ། བླང་དོར་ཡོད་ཅེས་སྤྱོད་པ་དང་།། བླང་དོར་མེད་ཅེས་སྤྱོད་པའོ།། དཔེ་ནི་སྣ་ཚོགས་སྒྱུ་མའི་གར་མཁན་ལྟ་བུ་དང་།། གང་ལྟར་ཡང་བ་དེ་དོན་ལ ་སྦྱོར་ཤེས་པའི་དཔེ།། བཟོ་བོ་མཁས་པའི་སྐྱེས་བུ་ལག་གི་འདུ་བྱེད་མཁན་ལྟ་བུའོ།། ཀྱེ་གསང་བའི་བདག་པོ། ངས་བསྟན་རྒྱུད་ལུང་ཐམས་ཅད་ནས།། སྤྱོད་པ་དང་ནི་ཕྲིན་ལས་དང་།། བྱ་བ་བྱེད་པའི་ཚིག་རྣམས ་དང་།། རྣལ་འབྱོར་རབ་འབྲིང་ཐ་མ་དང་།། གཞི་ལམ་འབྲས་བུའི་སྤྱོད་པ་རྣམས།། གང་བྱུང་ཡང་ངས་བསྟན་པ་བཞིན་དུ་སྤྱོད།། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྤྱོད་པ་བསྡུས་ནས ་བསྟན་པའི་ལེའུ་སྟེ་དོན་བཞི་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། འབྲས་བུའི་དོན་བཤད་གསུང་དུ་གསོལ། ཞེས་ཞུས་སོ།། སྟོན་པས་བཀའ་སྩལ་པ།། ཀྱེ་རྡོ ་རྗེ་འཛིན་པ་ལེགས་པར་ཟུང་ཞིག། འབྲས་བུའི་ངོ་བོ་ངེས་ཚིག་དང་།། དབྱེ་བ་མཐུན་དཔེ་བརྗོད་ཚིག་རྣམས།། བསྡུས་པ་ང་ཡིས་ངེས་པར་བཤད།། འབྲས་བུའི་ངོ་བོ་ནི། སོ་སོའི་ལྟ་བ་ཡོངས་སུ་རྫོགས་པའོ།། ངེས ་ཚིག་ནི། གྲོལ་སྨིན་རྫོགས་མཐར་ཕྱིན་ཕྱིར་མི་ལྡོག་པའོ།། དབྱེ་ན་ཟག་བཅས་ཟག་པ་མེད་པའོ།། རིམ་བཞིན་གཅིག་ཆར་རྫོགས་པའི་དཔེ།། ཤིང་རྟོག་ལོ་རྟོག་སྨིན་པའམ།། ཨུ་དུམ་ཝ་རའི་འབྲས་བུ་བཞིན།། ཀྱེ ་གསང་བདག་ངེས་པར་ཟུང་ཞིག། ངས་བསྟན་རྒྱུད་ལུང་ཐམས་ཅད་དུ།། སོ་སོའི་འབྲས་བུ་གར་བྱུང་ཡང་།། འདི་བསྟན་བཞིན་དུ་ཤེས་པར་བྱ།། འབྲས་བུ་མཚོན་པའི་ཚིགས་ཚོགས་ནི།། མཐར་ཕྱིན་པ་དང་རྫོགས ་པ་དང་།། སྨིན་པ་དང་ནི་གྲུབ་པ་དང་།། གྲོལ་དང་ཕྱིར་མི་ལྡོག་ལ་སོགས།། དང་པོ་དགྲ་བཅོམ་ཞེས་པ་ནས།། ཐ་མ་རང་ས་ཟིན་པ་དག། ངས་བསྟན་བཞིན་དུ་ཤེས་པར་གྱིས།། ཞེས་གསུངས་སོ།། སྤྲོས་བྲལ་དོན ་གསལ་ཆེན་པོའི་རྒྱུད་ལས། འབྲས་བུའི་དོན་བཤད་པའི་ལེའུ་སྟེ་དོན་ལྔ་པའོ།། །། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལྷ་སྒོམ་སྤྱོད་པ་ཡོངས་རྫོགས་པའི།། ཐེག་པ་དགུ་ཡི་མིང་གི་ངེས་ཚིག་གསུང་དུ ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། སོ་སོའི་ངེས་ཚིག་ནི།། ངས་བསྟན་ཁྱོད་ཀྱིས་ཡིད་ལ་ཟུང་།། སྟོན་པས་གསུང་པའི་དོན་ཚིག་རྣམས།། རྣ་བའི་དབང་པོས་ཉན་ཞིང་ཡིད་ཀྱི་དབང་པོས་ཐོས།། རང ་རིག་ཁོང་ནས་མི་འཆར་བ།། སྟོན་པའི་གསུངས་ལ་རག་ལུས་པ།། དེ་དོན་གཞན་ལ་སྒྲོག་བྱེད་པ།། ཉན་ཐོས་མིང་གི་ངེས་ཚིག་ཡིན།། སྟོན་པ་གཞན་ལ་མི་ལྟོས་པར།། གོམས་པའི་མཐུ་ཡིས་བསྒྲུབས་པས་རང ་སངས་རྒྱས།། རང་རྒྱལ་མིང་གི་ངེས་ཚིག་ཡིན།། སྤང་དང་ཡེ་ཤེས་ཐུགས་རྗེ་དང་།། ཕྲིན་ལས་ཕུན་སུམ་ཚོགས་ལྡན་པས།། བྱང་ཆུབ་སེམས་དཔའི་མིང་གི་ངེས་ཚིག་ཡིན།། ཁྲུས་དང་གཙང་སྦྲ་གཟའ ་དང་རྒྱུ་སྐར་གཙོར་བཏོན་པ།། ཀྲི་ཡའི་མིང་གི་ངེས་ཚིག་ཡིན།། སྤྱོད་པ་མས་འཛེགས་ལྟ་བ་ཡས་འབུབ་པས།། ཨུ་པ་ཡ་ཡི་མིང་གི་ངེས་ཚིག་ཡིན།། རིགས་བཞིའི་སངས་རྒྱས་དོན་གྱི་རྣལ་མ་ལ།། རང་གི་ལུས་ངག ་ཡིད་གསུམ་སྦྱོར་ཞིང་གཞན་དོན་བྱེད།། ཡོ་གའི་མིང་གི་ངེས་ཚིག་ཡིན།། ཏིང་འཛིན་རྣམ་གསུམ་ཐབས་དང་ཤེས་རབ་གཙོར་བཏོན་པས།། དོན་ལ་འཇུག་ཕྱིར་མ་ཧཱ་ཡོ་གའི་མིང་གི་ངེས་ཚིག་ཡིན།། མ་བསྐྱེད ་རྫོགས་དང་དེ་ཡི་དོན་ལ་འཇུག་པའི་ཕྱིར།། རྫོགས་པ་ཨ་ནུའི་མིང་གི་ངེས་ཚིག་ཡིན།། སྣང་ཞིང་སྲིད་པའི་ཆོས་རྣམས་ཀུན།། ཆོས་སྐུ་ཡེ་ནས་རྫོགས་སངས་རྒྱས།། གཉིས་མེད་ཚུལ་གྱི་འཇུག་པ་ནི།། རྣལ་འབྱོར ་རྫོགས་ཆེན་མིང་གི་ངེས་ཚིག་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཐེག་པ་སོ་སོའི་ངེས་ཚིག་དང་། གཏན་ཚིགས་བསྟན་པའི་ལེའུ་སྟེ་དོན་དྲུག་པའོ།། །། དེ་ནས་ཡང་གསང ་པབའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཐེག་པ་དགུ་ཡི་ཁྱད་པར་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་ཟུང་ཞིག། མ་རྟོགས་ལོག་རྟོགས་གཉིས་ལས ་ཉན་ཐོས་འཕགས།། དེ་ཡང་ཅི་ལྟར་འཕགས་ཞེ་ན།། གང་ཟག་བདག་མེད་རྟོགས་པས་ལྟ་བ་འཕགས།། དགེ་བཅུ་རང་གིས་དོན་དུ་སྤྱོད་པས་སྤྱོད་པ་འཕགས།། བདེན་པ་བཞི་ཡི་སྒོ་ནས་བསྒྲུབ་པས་སྒྲུབ་པ ་འཕགས།། དགྲ་བཅོམ་ལ་སོགས་ཟུང་བཞི་ཡ་བརྒྱད་ཐོབ་པས་འབྲས་བུ་འཕགས།། ཉན་ཐོས་དག་ལས་རང་རྒྱལ་འཕགས་པ་ཡང་།། གཟུགས་ཕུང་ཆོས་ཁམས་ཕྱོགས་གཅིག་ལ།། བདག་མེད་རྟོགས་པའི་ལྟ་བ ་འཕགས།། དགེ་བཅུའི་སྟེང་དུ་རྫུ་འཕྲུལ་ཡ་མ་ཟུང་འགའ་ཡིས།། འགྲོ་དོན་མཛད་ཤས་ཙམ་པས་སྤྱོད་པ་འཕགས།། དགེ་བའི་བཤེས་གཉེན་མི་བསྟེན་པར།། གོམས་པའི་ཤུགས་ཀྱིས་བསྒྲུབ་པས་སྒྲུབ་པ ་འཕགས།། ནེ་ཙོ་བསེ་རུ་ལྟ་བུའི་འབྲས་བུ་ཁྱད་པར་འཕགས།། རང་རྒྱལ་དག་ལས་བྱང་སེམས་འཕགས་པ་ཡང་།། བདག་མེད་རྣམ་གཉིས་རྟོགས་པས་ལྟ་བ་འཕགས།། ཚད་མེད་བསྡུ་བ་རྣམ་བཞིས་དོན་མཛད་སྤྱོད ་པ་འཕགས།། ཕ་རོལ་ཕྱིན་བཅུ་བསྒྲུབ་པས་བསྒྲུབ་པ་འཕགས།། ཀུན་ཏུ་འོད་ཀྱི་ས་ནོན་འབྲས་བུ་འཕགས།། བྱང་སེམས་དག་ལས་ཀྲི་ཡ་འཕགས་པ་སྟེ།། དོན་དམ་སྐྱེ་བ་མེད་པར་རབ་རྟོགས་ཏེ། ཀུན་རྫོབ་བདག ་དང་ཡེ་ཤེས་ལྷ།། རྗེ་འབངས་ལྟ་བུར་བལྟ་བས་ལྟ་བ་འཕགས།། དག་པ་རྣམ་གསུམ་སྤྱོད་པས་སྤྱོད་པ་འཕགས།། གོམས་དང་བསྒྱུར་དང་བྱིན་རླབས་སྒོ་ནས་བསྒྲུབ་པས་སྒྲུབ་པ་འཕགས།། རིགས་གསུམ་འབྲས ་བུ་ཐོབ་པས་འབྲས་བུ་འཕགས།། ཀྲི་ཡ་དག་ལས་ཨུ་པ་ཡ་འཕགས་ཏེ།། ལྷ་དང་དཔོན་གཡོག་བལྟ་བས་ལྟ་བ་འཕགས།། མཚན་མ་ཡོད་མེད་བསྒོམས་ནས་འགྲོ་དོན་མཛད་པས་སྤྱོད་པ་འཕགས།། དེ ་ཁོ་ན་ཉིད་བཞི་ཡི་སྒོ་ནས་བསྒྲུབ་པས་སྒྲུབ་པ་འཕགས།། རིགས་བཞིའི་འབྲས་བུ་ཐོབ་པས་འབྲས་བུ་ཁྱད་པར་འཕགས།། ཨུ་པ་ཡ་ལས་ཡོ་ག་འཕགས་པ་ཡང་།། ཀུན་རྫོབ་ལྷ་དང་གྲོགས་པོར་བལྟ་བས་ལྟ་བ ་འཕགས།། ཕྲིན་ལས་རྣམ་བཞི་སྤྱོད་པས་སྤྱོད་པ་འཕགས།། ཕྱག་རྒྱ་རྣམ་བཞི་བསྒྲུབ་པས་སྒྲུབ་པ་འཕགས།། རིགས་ལྔའི་སངས་རྒྱས་ཉིད་དུ་བསྒྲུབ་པས་འབྲས་བུ་འཕགས།། ཡོ་ག་དག་ལས་མ་ཧཱ་བཞིས་འཕགས ་ཏེ།། རང་ལུས་རྒྱལ་བའི་དཀྱིལ་འཁོར་བལྟ་བས་ལྟ་བ་འཕགས།། སྦྱོར་སྒྲོལ་གཉིས་ཀྱིས་འགྲོ་དོན་མཛད་པས་སྤྱོད་པ་འཕགས།། ཐབས་དང་ཤེས་རབ་གཉིས་ཀྱི་སྒོ་ནས་བསྒྲུབ་པས་སྒྲུབ་པ་འཕགས།། ཀུན་ཏུ་འོད ་ཀྱིས་ནོན་འབྲས་བུ་འཕགས།། མ་ཧཱ་དག་ལས་ཨ་ནུ་བཞིས་འཕགས་ཏེ།། དབྱིངས་དང་ཡེ་ཤེས་གཉིས་མེད་རྟོགས་པས་ལྟ་བ་འཕགས།། དབྱིངས་ཀྱི་ལོངས་སྤྱོད་ཡེ་ཤེས་དག་ལས་སྤྱོད་པ་དང་།། ཡེ་ཤེས ་ལོངས་སྤྱོད་དབྱིངས་ལ་སྤྱོད་པས་སྤྱོད་པ་འཕགས།། ཕུང་པོ་ལྔ་དང་འབྱུང་ལྔ་རིགས་ལྔ་ཡབ་ཡུམ་བསྒྲུབ་པས་སྒྲུབ་པ་འཕགས།། མ་ཆགས་པདྨ་ཅན་གྱི་ས་ཐོབ་འབྲས་བུ་འཕགས།། ཨ་ནུ་དག་ལས་ཨ་ཏི་བཞིས ་འཕགས་ཏེ།། སྣང་སྲིད་ཐམས་ཅད་ཆོས་སྐུའི་སངས་རྒྱས་བལྟ་བས་ལྟ་བ་འཕགས།། ཆོས་སྐུའི་བྱིན་བརླབས་སྒོ་ནས་འགྲོ་དོན་མཛད་པས་སྤྱོད་པ་འཕགས།། བྱ་རྩོལ་མེད་པར་བསྒྲུབ་པས་སྒྲུབ་པ་འཕགས།། བཅུ ་གསུམ་འཁོར་ལོ་ཚོགས་ཆེན་ཡན་ཆད་ནས།། ཉི་ཤུ་རྩ་གཅིག་མན་ཆད་ས་ནོན་འབྲས་བུ་འཕགས།། ཀྱེ་རིགས་ཀྱི་བུ། ངས་བསྟན་རྒྱུད་ལུང་ཐམས་ཅད་དུ།། འཕགས་པ་འཕགས་ཆེན་ཨ་ནུ་དང་།། གོང་འོག་ཤན ་དབྱེ་གང་བྱུང་བ།། འདིར་བཤད་བཞིན་དུ་ཤེས་པར་གྱིས།། ཞེས་གསུངས་སོ།། སྤྱོད་བྲལ་དོན་གསལ་ཆེན་པོའི་རྒྱུད་ལས། ཐེག་པ་བརྒྱད་ཀྱི་འཕགས་ལུགས་བསྡུས་ནས་བསྟན་པའི་ལེའུ་སྟེ་དོན་བདུན ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། འཕགས་པའི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། ངས་བཤད་ཁྱོད་ཀྱིས་ལེགས ་པར་ཟུང་།། འཕགས་པའི་ངོ་བོ་ངེས་ཚིག་དང་།། དབྱེ་བ་ཞེས་བྱ་འཕགས་པའི་དཔེ།། རྣམ་པ་བཞི་རུ་བསྡུས་ལ་བཤད།། འཕགས་པ་དག་གི་ངོ་བོ་ནི།། ཁྱད་པར་དོན་ཆེན་མཆོག་གྱུར་པའོ།། འཕགས་པ་དག་གི་ངེས ་ཚིག་ནི།། མི་གནས་རིང་པོར་གང་གྱུར་ཕྱིར།། ངེས་ཚིག་གཏན་ཚིགས་བཅས་པ་ཡིན།། དབྱེ་བ་རྣམ་པ་གཉིས་ཡིན་ཏེ།། གནས་སྐབས་འགྱུར་བས་འཕགས་པ་དང་།། འགྱུར་མེད་མཐར་ཐུག་འཕགས་པའོ།། རེ་རེ ་ལའང་བཞི་བཞི་སྟེ།། ལྷ་སྤྱོད་སྒྲུབ་དང་འབྲས་བུའོ།། དཔེ་ནི་མཆོད་རྟེན་ཁྲི་འཕང་བཞིན།། ཨ་ཏི་མ་འདྲེས་ཡོངས་སུ་རྫོགས།། གཉིས་མེད་ཆོས་སྐུ་དབྱེར་མེད་ཤེས་རབ་ལ།། བཟང་ངན་ཆེ་ཆུང་མཐོ ་དམན་མི་གནས་ཀྱང་།། བློ་དང་སྦྱར་ནས་དྲང་བའི་ཐབས་སུ་བསྟན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འཕགས་པའི་དོན་བཤད་པའི་ལེའུ་སྟེ་དོན་བརྒྱད་པའོ།། །། དེ་ནས་ཡང ་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྤྲོས་བྲལ་འཕགས་པ་ཆེ་བ་སྟེ།། ཆེ་བའི་བྱེ་བྲག་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ངེས་ཟུང ་ཞིག། གནས་སྐབས་འགྱུར་བའི་ཆེ་བ་རྣམས།། ཐེག་པ་སོ་སོའི་ཆེ་བ་ཡིན།། མཐར་ཐུག་ཆེན་པོ་རྣམ་པ་ལྔ།། ཡེ་ནས་འདུ་འབྲལ་མེད་པ་ནི།། ཕུན་སུམ་ཚོགས་པ་རྣམ་པ་ལྔས།། མངོན་པར་སངས་རྒྱས་ཆེ་བ ་དང་།། བཞུགས་གནས་དབྱིངས་ཀྱི་མཚན་ཉིད་ལྔས།། ཆོས་དབྱིངས་སངས་རྒྱས་ཆེ་བ་དང་།། བདག་ཉིད་ཆེན་པོ་རང་ལ་རྫོགས་པ་ཡིས།། བདག་ཉིད་སངས་རྒྱས་ཆེ་བ་དང་།། གཏན་ལ་འབེབས་པའི་ཐབས་ཆེན ་ལྔས།། དེ་ཉིད་སངས་རྒྱས་ཡིན་པས་ཆེ་བ་དང་།། དྲི་མེད་རྣམ་པ་ལྔ་ཡིས་འཕགས་པས་ཆེ་བ་དང་།། ཐམས་ཅད་སངས་རྒྱས་པས་ནི་ཆེ་བ་རྣམ་ལྔ་ཡིན།། ཞེས་གསུངས་སོ།། ཡང་གསང་བའི་བདག་པོས་ཞུས་པ།། ཀྱེ ་ཀྱེ་བཅོམ་ལྡན་རྡོ་རྗེ་འཆང་།། མངོན་པར་སངས་རྒྱས་ཆེ་བ་ཇི་ལྟར་ལགས།། ཞུས་པས།། སྟོན་པས་བཀའ་སྩལ་པ།། བདག་མེད་སྐུ་ནི་སྟོན་པ་ཆེ།། རང་རིག་ཡེ་ཤེས་བསྟན་པ་ཆེ།། མ་བྲིས་དཀྱིལ་འཁོར་གནས་སུ ་ཆེ།། སྲོག་མེད་སྐུ་ལྔ་འཁོར་དུ་ཆེ།། ཡེ་ནས་ལྷུན་གྲུབ་དུས་སུ་ཆེ།། ཞེས་གསུངས་སོ།། ལག་ན་རྡོ་རྗེ་ཞུས་པ། ཆོས་དབྱིངས་སངས་རྒྱས་ཆེ་བ་ཇི་ལྟར་ལགས།། ཞེས་ཞུས་སོ།། ཡང་སྟོན་པས་བཀའ་སྩལ་པ།། ཆོས ་སྐུའི་དཀྱིལ་འཁོར་བཞུགས་པའི་གདན།། རྣམ་དག་དབྱིངས་ཀྱི་ཐིག་ལེ་ལ།། གཅིག་ལ་མཚན་ཉིད་ལྔ་དང་ལྡན།། འགྱུར་བ་མེད་པ་རྡོ་རྗེ་དབྱིངས།། ཡོན་ཏན་སྡུད་པ་རིན་ཆེན་དབྱིངས།། དྲི་མ་མེད་པ་པདྨའི ་དབྱིངས།། ཐོག་མེད་བསྟན་པས་ལས་ཀྱི་དབྱིངས།། མ་བསྒྲིབས་གསལ་ཁྱབ་ནམ་མཁའི་དབྱིངས།། རང་རིག་ཡེ་ཤེས་གདངས་ཤར་བས།། ཡེ་ཤེས་དབང་གི་བུམ་པ་ལྔ།། སྐྱེ་མེད་ཀློང་ནས་འགག་པ་མེད།། དེ་ཡིས ་དངལ་འདུ་འབྲལ་མེད།། ས་ཆུ་མེ་རླུང་ནམ་མཁའ་ལྔ།། དེ་ཡི་སྩལ་དུ་སྣང་བ་སྟེ།། ཆོས་ཉིད་ལྔ་རུ་ཡེ་སངས་རྒྱས།། ཡེ་ཤེས་ལྔ་དང་སྐུ་གསུམ་གྱི།། བཞུགས་པའི་གནས་ཏེ་ཀུན་ལས་ཁྱད་པར་འཕགས།། ས་ཆུ་མེ ་རླུང་རྣམ་པར་དག་པས་ཆེ།། ཞེས་གསུངས་སོ།། ལག་ན་རྡོ་རྗེ་ཡང་ཞུས་པ།། བདག་ཉིད་སངས་རྒྱས་ཆེ་བ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། སྦྲུལ་སྐུའི་སྣོད་གྱུར་འབྱུང་བ་ལྔ།། རང་ལས་བྱུང ་བའི་ཆོས་ཉིད་པས།། ལས་ལ་མ་རྨོངས་ཐབས་ཀྱིས་ཞི།། གཟུང་འཛིན་མི་གནས་རྣམ་པར་དག། བདག་ཉིད་ངང་དུ་མངོན་སངས་རྒྱས་པས་ཆེ།། ཕུང་པོ་ལྔ་རྣམས་སྣང་བ་ཡང་།། རིགས་ལྔའི་སངས ་རྒྱས་རྣམས་ཀྱི་སྐུ།། སྐུ་ལྔ་རིན་ཆེན་འོད་དུ་འབར།། མ་བཙལ་རང་ལ་ཡེ་ནས་ལྷུན་གྱིས་གྲུབ།། ཡེ་ཤེས་རང་སྣང་ཡིན་པས་ཆེ།། རྣམ་ཤེས་བརྒྱད་དུ་བལྟ་བ་སྣང་བ་ཡང་།། སེམས་དཔའ་བརྒྱད་དུ་རང་ལ ་རྫོགས།། གཞན་མ་ཡིན་པར་རང་སྣང་ཡིན་པས་ཆེ།། རྣམ་པར་ཤེས་པའི་ཡུལ་བརྒྱད་ཀྱང་།། རང་ལ་སྣང་བའི་སེམས་མ་བརྒྱད།། མ་བཙལ་རང་ལ་ལྷུན་གྱིས་གྲུབ།། ཡེ་ཤེས་རང་སྣང་ཡིན་པས་བདག་ཉིད ་ཆེཚེཆེ།། རང་ལས་བྱུང་ཞིང་རང་ལས་སྣང་།། རང་སྣང་ཡིན་པས་ཡུལ་དང་བྲལ།། ཡུལ་མེད་རང་སྣང་ཆེན་པོ་ལ།། བགྲོད་དུ་མེད་པས་ཀུན་ལས་ཆེ།། རང་ཆས་ཡིན་པས་བཙལ་དུ་མེད།། མ་བཙལ་ལྷུན་གྱིས་གྲུབ་པས ་ཆེ།། རང་ལ་རང་ཆས་གྲུབ་པས་ན།། མ་བསྒྲུབས་རྩོལ་བསྒྲུབ་འདས་པས་ཆེ།། རང་བཀའ་སྩལ་པ། དེ་ལྟར་གཏན་ལ་འབེབས་པ་ནི།། མཚོན་པའི་བརྡ་བཞི་ཀུན་ལས་འཕགས་པའི་དཔེ་རུ་ཆེ།། སྐུ་གསུམ་འདུ ་འབྲལ་མེད་པས་དོན་དུ་ཆེ།། རྒྱང་ཞགས་ཆུ་ལ་ཡེ་ཤེས་སྣང་བ་གསལ་བས་རྟགས་སུ་ཆེ།། བརྡ་བཞི་དཔེ་རུ་ཡིན་པར་ངེས།། སྐུ་གསུམ་འདུ་འབྲལ་མེད་པ་དོན་དུ་ངེས།། ཡེ་ཤེས་སྒྲོན་མ་རྟགས་སུ་ངེས།། དེ་བས ་ངེས་པ་གསུམ་གྱིས་ཆེ།། དང་པོ་སྟོན་པ་ལ་སོགས་ཚོགས་ནས་གཏན་ལ་ཕབ་པས་གཏན་ཚིགས་ལྔ་ཡིས་ཆེ།། ཞེས་གསུངས་སོ།། ལག་ན་རྡོ་རྗེ་ཡང་ཞུས་པ། ཐམས་ཅད་སངས་རྒྱས་པས་ནི་ཆེ་བ་ཇི་ལྟར ་ལགས།། ཞེས་ཞུས་སོ།། སྟོན་པས་བཀའ་སྩལ་པ། རང་རིག་འགྱུར་མེད་ཆོས་སྐུ་ལ།། ངོས་བཟུང་མེད་པས་བསམ་ལས་འདས།། བསྒོམ་དུ་མེད་པས་ཁྱད་པར་འཕགས།། ཆོས་སྐུ་དངོས་མེད་ཟང་ཐལ ་ལ།། དམིགས་པར་བྱ་བའི་ཡུལ་མེད་པས།། གཉིས་སུ་མེད་པར་ཁྱད་པར་འཕགས།། རིག་པ་དངོས་མེད་ཞི་བ་ལས།། སྤྲོས་པའི་དངོས་མེད་མཚན་མ་མེད།། རང་གདངས་ཆེན་པོ་འཕགས་ཏེ་ཆེ།། རང་རིག་ཆོས་སྐུ ་གཉིས་མེད་ཆེན་པོ་ལ།། མཚོན་དུ་མེད་པས་འཕགས་ཏེ་ཆེ།། ཆོས་སྐུ་རང་བྱུང་ཡེ་ཤེས་ལ།། རྒྱུ་རྐྱེན་མེད་པས་འདུས་བྱས་མེད།། འགྱུར་བ་མེད་པས་འཕགས་ཏེ་ཆེ།། རང་རིག་དྲི་མ་ལྔ་དང་བྲལ་བས་ཐམས་ཅད་ཡེ ་སངས་རྒྱས།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཐེག་པ་བརྒྱད་ལས་ཆེ་བ་ལྔས་འཕགས་པའི་ལེའུ་སྟེ་དོན་དགུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ ་ལྡན་རྡོ་རྗེ་འཆང་།། ཐེག་པ་རིམ་དགུའི་བྱེ་བྲག་རྣམས།། གདུལ་བྱའི་ཡུལ་དང་སྦྱར་ནས་གསུངས།། དེ་ཡི་གོལ་སྒྲིབ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང ་ཞིག། ཐེག་པ་དགུ་ཡི་གོལ་སྒྲིབ་རྣམས།། དབྱེ་ན་བསམ་གྱིས་མི་ཁྱབ་སྟེ།། བསྡུ་ན་སུམ་ཅུ་རྩ་དྲུག་ཡོད།། ལྷ་སྒོམ་སྤྱོད་པ་འབྲས་བུ་བཞི།། མཚན་ཉིད་སྡེ་གསུམ་སྒྲིབ་པ་མང་།། སུམ་ཅུ་རྩ་དྲུག་རྩ ་གཉིས་དང་།། རྩ་བརྒྱད་གསུམ་ལ་རིམ་པ་ཡོད།། གོལ་ས་བཅུ་གཉིས་བརྒྱད་དང་བཞི་གནས་སོ།། ཕྱི་པ་སྡེ་གསུམ་གོལ་སྒྲིབ་མཉམ།། སྒྲིབ་པ་བཅུ་གཉིས་མུན་པས་ཆོད།། ལྟུང་ས་གོལ་ས་བཅུ་གཉིས་ཡོད།། ནང ་པ་སྡེ་གཉིས་གོལ་ས་མང་།། སོ་གཉིས་རྩ་བརྒྱད་རིམ་པར་ཡོད།། སྒྲིབ་པ་བཅུ་དང་དྲུག་ཏུ་གནས།། རྫོགས་ཆེན་ཐིག་ལེ་ཉག་གཅིག་ལ།། གོལ་དང་མ་གོལ་གཉིས་སུ་མེད།། གོལ་ས་རང་བཞིན་རྣམ་པར་དག་ཀུན ་བྲལ་ཉག་གཅིག་སྤྱིར་མ་སྤངས།། ཨ་ཏིའི་ལྷ་སྒོམ་སྤྱོད་པ་དང་།། འབྲས་བུ་ཡེ་ནས་གཉིས་མེད་པས།། གཉིས་སུ་སྣང་བའི་གོལ་སྒྲིབ་མེད།། ལྷ་སྒོམ་སྤྱོད་པ་འབྲས་བུ་བཞི།། ཡེ་ནས་རང་བྱུང་ཡེ་ཤེས་གསལ།། རྒྱུ ་རྐྱེན་འདུས་པའི་གོལ་སྒྲིབ་མེད།། རྫོགས་ཆེན་ལྟ་བ་སྒོམ་པ་དང་།། སྤྱོད་པ་འབྲས་བུ་ལྷུན་གྲུབ་པས།། སྒོམ་སྒྲུབ་བརྩོལ་བསྒྲུབ་རེ་དོག་རྩོལ་བ་ཡི།། གོལ་ས་སྒྲིབ་པ་རྣམ་པར་དག། ང་ཡི་གོང་ན་གཞན་མེད ་པས།། སྒྲིབ་མེད་གསལ་བ་ཡེ་ཤེས་ཡིན།། ཐེག་བརྒྱད་འོག་མ་སྣང་བ་ཡང་།། ང་ཡི་ཐུགས་རྗེའི་མཛད་སྤྱོད་ཡིན།། འབྱེད་མེད་ཤེས་རབ་དང་ལ་གནས།། ངང་ལས་མ་འདྲེས་རྫོགས་པའི་ཡེ་ཤེས་པས།། ལྟུང་བའི ་གོལ་ས་རྣམ་པར་དག། འབྱེད་པ་མེད་པའི་ཤེས་རབ་རང་གསལ་ལ།། གོལ་ས་སྒྲིབ་པ་གཉིས་སུ་དབྱེར་མེད་གསལ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གོལ་སྒྲིབ་ཐེག་པ་བརྒྱད་ལ ་ཡོད་པར་བསྟན་པ་དང་། ཨ་ཏི་ལ་གོལ་སྒྲིབ་མེད་པར་བསྟན་པའི་ལེའུ་སྟེ་བརྒྱད་ཅུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གོལ་སྒྲིབ་དོན་བཤད་གསུང་དུ ་གསོལ།། ཞེས་ཞུས་པས།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། ངོ་བོ་ངེས་ཚིག་དབྱེ་བ་དང་།། མཚོན་དཔེ་ཚིག་དང་བཅས་ནས་བསྟན།། གོལ་སྒྲིབ་ངོ་བོ་མ་རིག་པ།། གོལ་སྒྲིབ་ངེས ་ཚིག་བསྟན་པ་ནི།། གོང་མའི་དོན་མ་མཐོང་བས་སྒྲིབ་པ་ཡིན།། གོང་མས་འོག་མའི་དོན་སྤྱོད་གོལ་བ་ཡིན།། དེ་ཕྱིར་གོལ་སྒྲིབ་མིང་གི་ངེས་ཚིག་ཡིན།། གོལ་སྒྲིབ་དབྱེ་ན་རྣམ་གྲངས་ཏེ།། བསྡུ་ན་རྣམ་པ་བཞི་ཡིན། ་ནོ།། ལྟ་སྒོམ་སྤྱོད་པ་འབྲས་བུ་བཞི།། རེ་རེ་ལའང་གོལ་སྒྲིབ་གཉིས།། གོལ་སྒྲིབ་མཚོན་པའི་དཔེ་རུ་བསྟན།། བྱང་དུ་དོན་གཉེར་ལྷོ་རུ་ཕྱིན།། ལྷོར་ཕྱིན་བྱང་གི་དོན་མི་འགྲུབ།། གོང་མའི་དོན་འདོད་འོག ་མ་སྤྱད།། འོག་མས་གོང་མའི་དོན་མི་གཉེར།། ཅེས་གསུངས་སོ།། ཀྱེ་རིགས་ཀྱི་བུ། ངས་བསྟན་རྒྱུད་ལུང་ཐམས་ཅད་དུ།། ནོར་ཞེས་ཟེར་ན་དེ་སྐད་བཤད།། མ་ཤེས་མ་རྟོགས་བྱུང་ན་དེ་སྐད་བཤད།། གོལ་ས་སྒྲིབ ་པ་བྱུང་ན་དེ་ལྟར་བརྗོད།། གོལ་སྒྲིབ་མེད་པར་བཤད་ན་དེ་སྐད་བཤད།། གཞན་ཡང་འབོད་སྐད་ངག་གི་ཁོག་སྡེབས་ལ།། དོན་གསལ་ནང་འདིར་བསྟན་པ་བཞིན་དུ་སྤྱད།། ཅེས་གསུངས་སོ།། སྤྲོས ་བྲལ་དོན་གསལ་ཆེན་པོའི་རྒྱུད་ལས། གོལ་ས་བཤད་པ་དང་མཚོན་ཚིག་བསྡུས་པ་བསྟན་པའི་ལེའུ་སྟེ་གྱ་གཅིག་པའོ།། །། དཀོར་མཛོད་གསུམ་གྱི་སྒོ་ཕྱེ་ནས།། གསལ་ཞིང་སྒྲོན་མེས། རྒྱལ་བློན་དམངས་དང ་གསུམ་གྱིས་ནོར་འབྱིན་ཅིང་མུན་པ་སེལ་བའི་མན་ངག། ཏནྟ་ཨ་ནུ་ཨུ་པ་ཨརྷ་ཀ་ལ་ས་ཏ་ཧཱུཾ། དེའི་ཚེ་བཅོམ་ལྡན་འདས་གསང་བ་བླ་ན་མེད་པ་མཚོན་པའི་དགོངས་པ་ལ་བཞུགས་སོ།། དེ་ནས་ཡང་གསང ་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་དོན་གསལ་མཁྱེན།། ཐེག་པ་སྤྱི་ཡི་མཚན་ཉིད་དང་།། རང་གི་དོན་རྣམས་དེ་ལྟར་ན།། རང་དོན་མ་ལུས་ཀུན་བཤད་པའི།། རྒྱུད་ལུང་མན་ངག་ཇི་ལྟར་བཤད།། རྒྱུད་ཀྱི ་ང་ཚད་ཇི་ལྟར་ལགས།། དེ་ཡི་ནང་ནས་གསུངས་པ་ཡི།། སྦྱང་བ་མེད་པའི་ས་རྣམས་དང་།། བགྲོད་དུ་མེད་པའི་ལམ་རྣམས་དང་།། སྨད་མི་དགོས་པའི་ཕ་རོལ་ཕྱིན་པ་རྣམས།། སྒྲ་མཐུན་དོན་དཔག་ཇི་ལྟར ་ལགས།། སྦུབས་ཞེས་སྤྲོས་པ་ཇི་ལྟར་ལགས།། སྣང་བ་ཞེས་པ་ཇི་ལྟར་ལགས།། ཆ་ལུགས་རྣམ་བཞི་ཇི་ལྟར་ལགས།། སེམས་དང་ཡེ་ཤེས་ཇི་ལྟར་ལགས།། བར་དོ་བཞི་ནི་ཅི་ལ་བགྱི།། གྲོལ་དང་མ་གྲོལ་ཇི་ལྟར ་ལགས།། སྤྱན་ཞེས་བྱ་བ་ཇི་ལྟར་ལགས།། ལུས་སེམས་བྲལ་ཞེས་བྱ་བ་ཇི་ལྟར་ལགས།། ལྔ་ལྡན་རྫོགས་ལྡན་ཇི་ལྟར་ལགས།། ཐུགས་རྗེའི་བྱེ་བྲག་ཇི་ལྟར་ལགས།། མྱ་ངན་འདའ་ལུགས་ཇི་ལྟར་ལགས།། པས ་རྒོལ་རྩོད་པ་ཅི་ལྟར་བཟློག། སྣ་ཚོགས་འབྲུ་རྣམས་ཇི་ལྟར་གཞོམ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས།། ཞུ་ཚིག་ངེས་པའི་སྡོམ་དང་བཅས་པའི་ལེའུ་སྟེ་གྱ་གཉིས་པའོ།། །། དེ་ནས ་སྟོན་པས་བཀའ་སྩལ་པ།། རྡོ་རྗེ་འཛིན་པ་ངེས་ཟུང་ཞིག། རྒྱུད་ནི་ཕུན་སུམ་ཚོགས་པ་རྣམ་ལྔས་བཤད།། དེ་ལ་དབྱེ་བ་རྣམ་གསུམ་སྟེ།། ཆོས་སྐུ་ཕུན་སུམ་ཚོགས་པ་དང་།། ལོངས་སྐུ་ཕུན་སུམ་ཚོགས་པ་དང་།། སྦྲུལ ་སྐུ་ཕུན་སུམ་ཚོགས་པའོ།། ཆོས་སྐུ་ཕུན་སུམ་ཚོགས་པ་ལྔ།། སྟོན་པ་འགྱུར་མེད་ཆོས་ཀྱི་སྐུ།། བསྟན་པ་མི་ནུབ་རྒྱལ་མཚན་ནི།། གསང་བ་རིག་པའི་རྒྱུད་ཆེན་ལྔ།། འདུས་པའི་འཁོར་ཚོགས་གཉིས་ལས་མི ་གཞན་པ།། རིགས་ལྔ་བདེ་གཤེགས་འོད་དུ་འབར་བ་ལྔ།། བཞུགས་གནས་སྐྱེ་མེད་ཆོས་ཀྱི་དབྱིངས།། དུས་ནི་འདས་དུས་མ་བྱོན་སྔོན་རོལ་ནས།། རྟོག་མེད་སྟོན་པས་བྱིན་གྱི་རླབས་ཀྱིས་བཤད།། ཉིད་ལས་མི ་གཞན་སྐུ་ལྔ་རང་རང་གིས།། རྒྱུད་ཆེན་བྱིན་གྱི་རླབས་ཀྱིས་གོ།། དེ་ནས་ཡང་སྟོན་པས་ལོངས་སྐུའི་ཕུན་སུམ་ཚོགས་པ་ལྔ་གསུངས་སོ།། སྟོན་པ་རིགས་ལྔ་བདེ་བར་གཤེགས་པ་ལྔ།། བསྟན་པ་གསང་བའི་རྒྱུད་ཆེན ་ལྔ།། འདུས་པའི་འཁོར་ནི་སེམས་དཔའ་སེམས་མའི་ཚོགས།། བཞུགས་པའི་གནས་ནི་ཡེ་ཤེས་གཞལ་མེད་འོད་ཀྱི་ཀློང་།། དུས་ནི་དེ་རྣམས་རིག་པ་ཡུལ་དུ་ཤར་བའི་ཚེ།། ཚིག་དང་ཡི་གེའི་སྒོ་ནས་མི ་འཆད་པར།། སྐུ་ཡི་ཆ་བྱད་སྒོ་ནས་སྟོན།། བདེ་གཤེགས་རྣམ་པར་སྣང་མཛད་ཀྱིས།། རིགས་བཞིའི་སངས་རྒྱས་འདུས་པ་ལ།། སྐུ་ཡི་རྒྱུད་ཆེན་རང་གི་ངོ་བོས་བཤད།། བཅོམ་ལྡན་རྡོ་རྗེ་མི་བསྐྱོད་པས།། རྡོ་རྗེ ་རིགས་ཀྱི་འཁོར་རྣམས་ལ།། ཐུགས་ཀྱི་རྒྱུད་ཆེན་རང་གི་ངོ་བོས་བཤད།། བཅོམ་ལྡན་རིན་ཆེན་འབྱུང་ལྡན་གྱིས།། རིན་ཆེན་རིགས་ཀྱི་སེམས་དཔའ་སེམས་མ་ལ།། ཡོན་ཏན་རྒྱུད་ཆེན་རང་གི་ངོ་བོས ་བཤད།། བཅོམ་ལྡན་སྣང་བ་མཐའ་ཡས་ཀྱིས།། པདྨའི་རིགས་ཀྱི་སེམས་དཔའ་སེམས་མ་ལ།། གསུང་གི་རྒྱུད་ཆེན་རང་གི་ངོ་བོས་བཤད།། བཅོམ་ལྡན་དོན་ཡོད་གྲུབ་པ་ཡིས།། ལས་ཀྱི་རིགས་ཀྱི་འཁོར་རྣམས ་ལ།། ཕྲིན་ལས་རྒྱུད་ཆེན་རང་གི་ངོ་བོས་བཤད།། ཐུགས་ཀྱི་དགོངས་པ་ཡེ་ཤེས་རྣམ་ལྔར་གསལ།། བཤད་པ་མ་ཡིན་མཉན་པ་མེད།། གཙོ་བའི་ཞལ་གཟིགས་ཐུགས་ཀྱི་དགོངས་པ་གསལ།། རང་གི་ངོ་བོས་བཤད ་ཅེས་བྱ།། ཏིང་ངེ་འཛིན་གྱི་དགོངས་པས་བཤད།། སྟོན་པས་སྦྲུལ་སྐུའི་ཕུན་སུམ་ཚོགས་པ་ལྔ་གསུངས་པ།། སྟོན་པ་རྡོ་རྗེ་འཆང་ཆེན་ངས།། བསྟན་པའི་སྙིང་པོ་གསང་བའི་རྒྱུད་ཆེན་ལྔ།། དེ་སོགས་ཕྱི་ནང་གསང ་བས་བསྡུས་པ་རྣམས།། ཐུགས་ཀྱི་ཀློང་དུ་ཤེས་རབ་ཆེན་པོས་བཀྲོལ།། མགུར་གྱི་བུམ་པར་ཡེ་ཤེས་རླུང་གིས་དྲིལ།། ཞལ་གྱི་ལྗགས་ལ་མ་འདྲེས་གསལ་བར་བཀྲམ།། ཚེམས་ཀྱི་བར་ནས་ཚིག་དོན་སོ་སོར ་བཤད།། ཡན་ལག་དྲུག་ཅུ་སྡེབ་སྦྱོར་ལེགས་པར་བཤད།། ཁྱུང་ཆེན་ལྡིང་ཐབས་དོན་གྱི་སྤྱི་ཁོག་ཕུབ།། སྟག་མོའི་མཆོད་སྟབས་དཀྱུས་ཀྱི་ས་ཆེན་བཅད།། རུས་སྦལ་འགྲོས་ཀྱིས་ཚིག་གི་འབྲུ་རྣམས་བཅོམ།། སེང ་གེའི་གདངས་སྐད་ལྟ་བུས་ཐེག་བརྒྱད་ཟིལ་གྱིས་མནན།། གླག་མོ་གཟན་འཛུམ་ལྟ་བུས་མན་ངག་འདྲིལ།། འདུས་པའི་འཁོར་ཚོགས་སངས་རྒྱས་རབས་བདུན་ལ།། ལྷ་གནས་གསུམ་དུ་བདུད་རྩིའི་ཆར་ཆེན ་ཕབ།། པདྨ་བརྩེགས་པའི་གནས་མཆོག་རྣམ་གསུམ་མོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཕུན་སུམ་ཚོགས་པ་ལྔ་ཡི་ལེའུ་སྟེ་གྱ་གསུམ་པའོ།། །། དེ་ནས་ཡང་གསང་བའི་བདག ་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཕུན་སུམ་ཚོགས་པའི་དོན་བཤད་དང་།། དེ་ཡི་དགོས་པ་གསུང་དུ་གསོལ།། ཞེས་ཞུས་པས། སྟོན་པས་བཀའ་སྩལ་པ།། ཀྱེ་ཀྱེ་བཅོམ་ལྡན་རྡོ་རྗེ་འཛིན་པ་ལེགས་པར ་ཟུང་ཞིག། ཕུན་སུམ་ཚོགས་པའི་ངོ་བོ་དང་།། ཕུན་སུམ་ཚོགས་པའི་ངེས་ཚིག་དབྱེ་བ་དང་།། ཕུན་སུམ་ཚོགས་པའི་དཔེ་རྣམས་བསྟན།། དང་པོ་ངོ་བོ་བསྟན་པ་ནི།། རྒྱུ་ནི་ངོ་བོ་ཚོགས་པ་ཡིན།། དགོས་པ་རྒྱུ་རྐྱེན ་ཚོགས་པར་སྦྱོར།། ཅི་ཕྱིར་ཕུན་སུམ་ཚོགས་ཟེར་ན།། ཀུན་ནས་དགོས་པ་ཚང་བས་ཕུན་སུམ་ཚོགས།། ངེས་ཚིག་གཏན་ཚིགས་བཅས་པ་ཡིན།། དབྱེ་བ་གོང་དུ་བསྟན་པ་བཞིན།། དཔེར་ན་རྒྱལ་བློན ་དམངས་དང་གསུམ།། གང་ལ་གང་ཚོགས་བཀའ་བགྲོས་འབྱུང་།། དེས་མཚོན་ཕྱོགས་གཅིག་དཔེར་བསྟན་པའོ།། ཞེས་གསུངས་སོ།། ཡང་གསང་བའི་བདག་པོས་ཞུས་པ།། ཕུན་སུམ་ཚོགས་པ་རྣམ་པ་ལྔ།། སྨོས ་པའི་དགོས་པ་ཇི་ལྟར་ལགས།། མ་བསྟན་སྐྱོན་ཏུ་ཇི་ལྟར་འགྱུར།། ཞེས་ཞུས་སོ།། སྟོན་པས་བཀའ་སྩལ་པ། སྟོན་པ་ཕུན་སུམ་ཚོགས་པ་སྨོས་པའི་དགོས་པ་ནི།། གང་ཟག་རིག་བཅོས་མ་ཡིན་པར།། སངས་རྒྱས ་ཞལ་ནས་གསུངས་པ་ཡིད་ཆེས་ཏེ།། མི་བསླུ་བདེན་པའི་གཏན་ཚིགས་དག་ཏུ་འགྱུར།། བསྟན་པ་ཕུན་སུམ་ཚོགས་པ་སྨོས་པའི་དགོས་པ་ནི།། བབ་ཅོལ་མ་ཡིན་དོན་དང་ལྡན་པར་ཡིད་ཀྱང་ཆེས།། འདུས་པའི་འཁོར ་ཚོགས་སྨོས་པའི་དགོས་པ་ནི།། ཀུན་གྱི་ཐུན་མོང་མ་ཡིན་པའི།། ངེས་པར་སྟོན་པས་གསུངས་པར་ཡིད་ཀྱང་ཆེས།། གནས་ཀྱི་བྱེ་བྲག་གསུངས་པའི་དགོས་པ་ནི།། གཞན་དུ་བསྟན་པའི་སྙིང་པོ་མ་གསུངས ་པར།། ངེས་པའི་གནས་དེར་གསུངས་པར་ཡིད་ཀྱང་ཆེས།། དུས་ཀྱི་ཕུན་སུམ་ཚོགས་པ་སྨོས་པའི་དགོས་པ་ནི།། གནས་སྐབས་སྔ་ཕྱི་མ་བསྐལ་བར།། དུས་ཚོད་མཚུངས་ཤིང་ཟིན་པས་ཡིད་ཀྱང་ཆེས།། ཞེས ་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཕུན་སུམ་ཚོགས་པ་ལྔའི་དོན་བཤད་དགོས་པ་དང་བཅས་པའི་ལེའུ་སྟེ་གྱ་བཞི་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ ་ལྡན་རྡོ་རྗེ་འཆང་།། རྒྱུད་རྣམས་དོན་བཤད་ཇི་ལྟར་ལགས།། ཞེས་ཞུས་པས། སྟོན་པས་བཀའ་སྩལ་པ།། རྒྱུད་ཀྱི་ངོ་བོ་ངེས་ཚིག་དང་།། དབྱེ་བ་མཐུན་པའི་དཔེ་རུ་བཤད།། རྒྱུད་ཀྱི་ངོ་བོ་བསྟན་པ་ནི།། ཚིག་གི་རྒྱུད ་ཀྱི་ངོ་བོ་དང་།། དོན་གྱི་རྒྱུད་ཀྱི་ངོ་བོའོ།། དོན་གྱི་རྒྱུད་ཀྱི་ངོ་བོ་ནི།། རང་རིག་ཡེ་ཤེས་ཆེན་པོ་ཡིན།། ཚིག་གི་རྒྱུད་ཀྱི་ངོ་བོ་ནི།། མ་བསྣན་མ་ཕྲིས་མ་བྱས་དགོས་པ་ཚང་།། གླེགས་བམ་ཚིག་གི་ཚོགས་སུ་བསྟན།། རྒྱུད ་ཀྱི་ངེས་ཚིག་རྣམ་པ་ལྔ།། འབྲེལ་དང་མ་ཚང་མེད་པ་དང་།། ཡོངས་སུ་རྫོགས་དང་དཀྲུགས་པ་དང་།། ཕུན་སུམ་ཚོགས་པའི་ཕྱིར་རྒྱུད་དོ།། དབྱེ་བ་ཚིག་དང་དོན་རྒྱུད་གཉིས།། གོང་བཤད་བཞིན་དུ་ཤེས་པར ་བྱ།། འབྲེལ་བའི་དཔེ་ནི་དྲ་བ་བཞིན།། དགོས་པ་ཚང་བའི་ནོར་བུ་བཞིན།། ཡོངས་སུ་རྫོགས་པ་ལྗོན་ཤིང་བཞིན།། དཀྲུགས་པས་ཟགས་ཀྱི་སྤྱན་བཞིན་ནོ།། ངས་བསྟན་རྒྱུད་རྣམས་དེ་ལྟར་བཤད།། ཅེས་གསུངས ་སོ།། སྤྲོས་བྲལ་དོན་གསལ་གསལ་ཆེན་པོའི་རྒྱུད་ལས། རྒྱུད་ཀྱི་དོན་བཤད་བསྟན་པའི་ལེའུ་སྟེ་གྱ་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གོང་བཤད་རྒྱུད་ཀྱི ་ལྡང་ཚད་བཤད་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། རྒྱུད་ཀྱི་ལྡང་ཚད་རྣམ་པ་བཅུ།། དབང་དང་དམ་ཚིག་གཉིས་སུ་བཤད།། དཀྱིལ་འཁོར ་ཕྲིན་ལས་གཉིས་སུ་བསྟན།། མཆོད་པ་རྣལ་འབྱོར་གཉིས་སུ་བཤད།། སྔགས་དང་ཕྱག་རྒྱ་གཉིས་སུ་བཤད།། བསྙེན་པ་བསྒྲུབ་པ་གཉིས་སུ་བསྟན།། ཀྱེ་རྡོ་རྗེ་འཛིན་པ།། དབང་ལ་རྣམ་པ་གསུམ་དུ་བསྟན།། གཞི ་ལ་རྫོགས་ཚུལ་བསྟན་པ་དང་།། རིམ་པས་བབས་ལུགས་བསྟན་པ་དང་།། དབང་གི་དངོས་པོ་བསྟན་པའོ།། དང་པོ་གཞི་ལ་རྫོགས་ཚུལ་ནི།། མི་རྟོག་འགྱུར་མེད་ཆོས་སྐུ་ལ།། མཁྱེན་པའི་ཡེ་ཤེས་རྣམ་ལྔ ་གསལ།། རང་ལས་མི་གཞན་སྣང་བ་ནི།། རིན་ཆེན་འོད་འབར་སྐུར་གསལ་བའི།། ཉིད་ལས་མི་གཞན་དབང་གི་ཆུ་བོ་བཞི།། མ་སྐུར་གཞི་ལ་ཡེ་ནས་རྫོགས།། སྐུ་ལྔའི་ཐུགས་རྗེ་མ་འགགས་པར།། ཁྲག་འཐུང་ཧེ་རུ ་ལྔར་སྣང་བས།། ཐུགས་རྗེ་རང་བྱུང་དབང་གི་ཆུ་བོ་བཞི།། མ་བཙལ་གཞི་ལ་ཡེ་ནས་རྫོགས།། དེ་ཉིད་ཡེ་ཤེས་ལུས་ཅན་རང་སྣང་ལ།། དེ་ཉིད་དང་ལ་གནས་ཤིང་ངང་དུ་གྲོལ།། ཡེ་ཤེས་ཆེན་པོའི་དབང་གི་ཆུ་བོ ་བཞི།། མ་བཙལ་མ་བསྐུར་གཞི་ལ་ཡེ་ནས་རྫོགས།། དེས་མཚོན་གསུང་གི་ངོ་བོ་ནི།། རིན་པོ་ཆེ་ཡི་ཡི་གེ་ལྔ།། མ་བཙལ་གཞི་ལ་ཡེ་གནས་པས།། དཔའ་བོ་འབྲུ་ལྔ་དབང་གི་ཆུ་བོ་བཞི།། མ་བཙལ་མ་བསྐུར་གཞི་ལ ་ཡེ་ནས་རྫོགས།། དེ་ལྟ་བས་ན་གཞིའི་ཡེ་ཤེས་གཞན་ལ་རག་མི་ལུས་ཤིང་རྒྱུ་རྐྱེན་གྱི་དབང་དུ་འགྲོ་མི་སྲིད་པའོ།། རིགས་ཀྱི་བུ་རིམ་པས་བབས་ལུགས་བཤད་པ་ནི། ཤེས་རབ་ཀྱི་སྐུ་བཞིས་དེ་བཞིན་གཤེགས ་པ་ཀུན་སྣང་གི་ཡེ་ཤེས་ལ། དབང་བཞི་རྫོགས་སུ་གནས་པ་སྟེ། མཁྱེན་པའི་སྟོབས་མི་འགགས་པས། གཞི་འགྱུར་བ་མེད་པའི་ཆོས་སྐུ་ལ། ཤེས་རབ་འགགས་པ་མེད་པའི་དབང་ཐོབ་པའོ།། ཤེས་རབ་འགགས་པ ་མེད་པའི་སྐུ་བཞི་ལས། གདུལ་བྱ་ལ་སྣང་བའི་སྐུ་བཞི་ཤར་བའི་ཚེ། ཉིད་ལས་མི་གཞན་པའི་སྐུ་བཞིའོ།། ཞལ་གཟིགས་པས་ཐུགས་མཁྱེན་ཏེ། ཤེས་རབ་རིག་པའི་སྐུ་ལྔ་ལ། རང་དབང་ཡས་བབས་སུ་ཐོབ ་པའོ།། དེ་བཞིན་དུ་རིགས་བཞི་ལས། སེམས་དཔའ་སེམས་མ་རང་དབང་ཡས་བབས་སུ་ཐོབ་པའོ།། ང་སྤྲུལ་པའི་སྐུ་ཤར་ཏེ། ཐུགས་ཀྱི་ཀློང་ནས་རང་ཆས་སུ་གནས་པས། ངས་མཐོང་ཞིང་གསལ་ཏེ། དེའི་ཚེ་ངས ་རྟོགས་པའི་ཡེ་ཤེས་རང་དབང་སྐད་ཅིག་མ་ལ་ཐོབ་བོ།། དེ་བཞིན་དུ་ཁམས་གསུམ་པ་ཐམས་ཅད་རང་ལ་དབང་བཞི་རྫོགས་སུ་གནས་པས། རིམ་པས་རིག་པ་རྩལ་གྱི་དབང་འཐོབ་པར་འགྱུར་བར་ངས་ལུང་བསྟན ་ཏོ།། ཞེས་གསུངས་སོ།། ཀྱེ་རྡོ་རྗེ་འཛིན་པ་ལེགས་པར་ཟུང་ཞིག། དབང་གི་དངོས་གཞི་ནི་བསྐུར་ཐབས་གཉིས་ཏེ། ཁྱད་པར་གྱི་དབང་རྫས་བཞི་ཤེས་རབ་ལ་བརྟེན་ནས། གཞི་རྫོགས་རིག་པ་རྩལ་དབང་དུ་བསྐུར ་བ་དང་། ཐུན་མོང་གི་དབང་རྫས་བཞི་ལ་བརྟེན་ནས། རྡོ་རྗེ་སློབ་དཔོན་གྱི་གདམས་ངག་དང་སྦྲེལ་ཏེ། བསྐུར་ཞིང་ཐོབ་པར་བྱེད་པའོ།། ཁྱད་པར་གྱི་དབང་རྫས་བཞི་ཤེས་རབ་ལ་བརྟེན་ནས་གཞི ་རྫོགས་ཆེན་པོ་རིག་པ་རྩལ་དབང་དུ་བསྐུར་བ་དང་། རྒྱུད་འཛིན་བུམ་པའི་དབང་ལྔ་སྟོང་ཉིད་དུ་བསྐུར་ཏེ། མཁའ་ཀློང་རྣམ་པར་དག་པའི་ངང་ན། ཡེ་ཤེས་ཀྱི་སྤྱན་མ་འགགས་པ། འོད་ཀྱི་བུམ་པ་ལྔར་གསལ་ཏེ། དེ ་བཞིན་གཤེགས་པ་ལྔ་བཞུགས་པའི་རྟེན་དུ་གྱུར་པས་ན། བུམ་པ་ཞེས་བྱ་སྟེ། ངོ་བོ་དབྱིངས་སྟོང་པ་ཉིད་དུ་བསྟན་པ་ལས། དོན་སྟོང་པ་ཉིད་དུ་རིག་སྟེ། དངོས་པོའི་མཐའ་ལས་ལོག་གོ།། རྒྱལ་པོ་རང་རྟགས་ཕྱག ་རྒྱའི་དབང་བསྐུར་ནི། བུམ་པ་ལྔའི་ཀློང་ན་དེ་བཞིན་གཤེགས་པ་ལྔ་བཞུགས་ལུགས་བཤད་དེ། ཤེས་རབ་ཀྱི་བདག་ཉིད་ཡེ་ཤེས་ལྔར་གསལ་ཞིང་། ཐུགས་རྗེའི་བདག་ཉིད་ཕྱག་རྒྱ་ལྔར་གསལ་བས། སྣོད་བཅུད ་དངོས་པོ་དང་མཚན་མར་སྣང་བ་ཐམས་ཅད་ཕྱག་རྒྱ་མ་བསྐྱེད་པའི་དེ་བཞིན་གཤེགས་པ་ལྔ་དང་། ཕྱག་རྒྱ་གསལ་བའི་དེ་བཞིན་གཤེགས་པ་ལྔར་འགྱུར་བས། དེ་བཞིན་གཤེགས་པ་ཡིན་པ་ལ་ཡིན་པར་རིག་སྟེ། ་དངོས་པོ་དང་མཚན་མ་མ་ལུས་པར་སྐུ་དང་ཡེ་ཤེས་སུ་དག་པ་སྟེ། མཚན་མ་ཟིལ་གྱིས་གནོན་ཏོ།། རྒྱལ་སྲིད་རིན་པོ་ཆེ་སྣ་བདུན་གྱི་དབང་ནི། འཕགས་པའི་ནོར་བདུན་ཏེ། དཔེར་ན་རྒྱལ་པོ་ལ་རྒྱལ་སྲིད་ནོར་བདུན ་ཡོད་པ་འདྲ་བར། རང་གི་ངོ་བོ་གང་ལ་ཡང་མི་གནས་ཤིང་། ཡོན་ཏན་ཅིར་ཡང་སྣང་བས། སྦྱིན་པའི་ཕ་རོལ་ཏུ་ཕྱིན་པ་སྟེ། ཡིད་བཞིན་གྱི་ནོར་བུ་རིན་པོ་ཆེ་ལྟ་བུར་རིགས་སོ།། རང་རིག་པའི་ཡེ་ཤེས་རང་བཞིན ་གྱིས་རྣམ་པར་དག་པ་ཐམས་ཅད་འབྱུང་བའི་གཞི་མ་འགགས་པས། ཡོན་ཏན་འཁོར་འདས་སུ་འབྱུང་ཞིང་ཉོན་མོངས་པ་མི་མདའ་བས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་ལྡན་ཏེ་བཙུན་མོ་ལྟ་བུར་རིགས ་སོ།། རིག་པ་ཆོས་སྐུ་ལ་འགྲན་པའི་ཟླ་མེད་དོ།། རིག་པ་སྐུ་ལྔར་སྣང་ཡང་དོན་གཉིས་སུ་མེད་པས། ཡུལ་གྱི་མཚན་མ་ངང་གིས་བཅོམ་སྟེ། ཉོན་མོངས་པ་མེད་པས་བཟོད་པའི་ཕ་རོལ་དུ་ཕྱིན་པ་དང་ལྡན་པས།། ་དམག་དཔོན་ལྟ་བུར་རིགས་སོ།། རང་རིག་པའི་ཡེ་ཤེས་བྱ་རྩོལ་མི་མངའ་བར་ཡོན་ཏན་རང་ལ་རྫོགས་ཏེ། ཐུགས་རྗེ་ཤུགས་ཀྱིས་འཆར་ལ། བརྗེད་པ་མེད་པའི་གཟུངས་ཐོབ་པའི་བརྩོན་འགྲུས་དང་ལྡན་ཏེ། རྟ ་རིན་པོ་ཆེ་ལྟ་བུར་རིགས་སོ།། རང་རིག་པའི་ཡེ་ཤེས་དེ་རང་གི་ངོ་བོ་ལས་མི་འདའ་བས། ངང་ལས་མ་གཡོས་པར་གནས་པས་བསམ་གཏན་ཏེ། གླང་པོ་ཆེ་ལྟ་བུར་རིགས་སོ།། རིག་པ་ཆོས་ཀྱི་སྐུ་དེ་ཕྱོགས་ལྷུང་མེད ་པས་ཤེས་རབ་ཏུ་གནས་ཤིང་། རྩལ་སོ་སོར་རྟོག་པའི་ཤེས་རབ་མི་འགག་པར་དཔྱད་པས་ཤེས་རབ་ཀྱི་ཕ་རོལ་དུ་ཕྱིན་པ་དང་ལྡན་ཏེ། འཁོར་ལོ་ལྟ་བུར་རིགས་སོ།། རང་རིག་པའི་ཡེ་ཤེས་དེ་ཐབས་མ་འགགས ་པས་དང་། སྟོབས་མ་འགགས་པས་དང་། ཐམས་ཅད་དུ་རོ་སྨོན་དུ་འགྱུར་བས་ཡེ་ཤེས་ཀྱི་ཡོན་ཏན་ཏེ། དེ་བཞིན་དུ་བཤད་པའི་ཡོན་ཏན་དང་། ཡེ་ཤེས་ལྡན་ཏེ། བློན་པོ་ལྟ་བུར་རིགས་སོ།། དེ་ལྟར ་ཚིག་དབང་བསྐུར་བས་རྟོགས་པ་རྒྱུད་ལ་སྐྱེས་ཏེ། གྲུབ་པའི་མཐའ་ལ་ཡོན་ཏན་གྱི་སྒོ་མ་འགགས་པས་ཡོན་ཏན་སྐྱོན་དང་བྲལ་བའོ།། དེ་ལྟར་རྟོགས་པའི་སྤྲོས་པ་ཆོད་དེ། སྤྲོས་པ་གཅོད་པའི་ཆོས་བཞིས། རྒྱུད་ཀྱི ་སྙིང་པོ་གསུམ་གྱི་ལྟ་བ་ལ་ཟློས་པས། དོན་གྱི་དགོངས་པ་བཞི་ལ་གནས་པས་ནི། དོན་བརྒྱད་རྫས་སུ་བསྟན་པའི་མཐུན་མོང་གི་རྫས་ལ་རག་མ་ལུས་ཏེ། ཐུགས་རྗེས་སེམས་ཅན་ལ་འོད་འཕྲོ་བའོ།། རིགས་ཀྱི་བུ ་དེས་ནི་རིག་པའི་ཚན་ཉིད་རྟོགས་ཤིང་།། རྩལ་མ་འགགས་པར་རྟོགས་པས། དབང་ཡེ་ཤེས་བཞི་རྫོགས་སུ་ཐོབ་པའོ།། ཀྱེ་རྡོ་རྗེ་འཛིན་པ། ཐུན་མོང་གི་རྫས་ལ་བརྟེན་ནས་དབང་བསྐུར་བ་ཐོབ་པས་ཚིག་དབང་རིན ་པོ་ཆེ་སྟེ། ཕྱིར་དབང་རྫས་ལ་བརྟེན་ཏེ་བསྐུར། ནང་དུ་བག་ཆགས་ལུས་ལ་བསྐུར། སྐུ་གསུམ་བཞི་རྫོགས་སུ་ངོ་བསྟན་ནོ།། རིགས་ཀྱི་བུ་དབང་ནི་ཡེ་ཤེས་སྤྱི་བླུག་དང་།། རྒྱལ་རྟགས་ཕྱག་རྒྱ་དང་། རིག་པ་རྩལ་གྱི ་དབང་གསུམ་སྟེ། ཕྱིར་རྫས་ཀྱི་བུམ་པ་ལྔ་ལ་བརྟེན་ནས་དབང་བསྐུར། ནང་དུ་ལོངས་སྐུ་རང་ལ་གྲུབ་ལུགས་དང་ལྔ་ལྡན་གྱི་དགོངས་པ་རྫོགས་པར་བཤད་དོ།། ཕྱིར་ཕྱག་མཚན་དྲུག་ལ་བརྟེན་ཏེ་དབང་བསྐུར། ནང ་དུ་ད་ལྟ་ཚོགས་དྲུག་སྤྲུལ་པ་ཤར་ལུགས་དང་། རྫོགས་ལྡན་གྱི་སྐབས་སུ་སྦྲུལ་སྐུ་བྱོན་ལུགས་སུ་བཤད་དོ།། ཕྱིར་དབང་རྫས་བཞི་ལ་བརྟེན་ལ་དབང་བསྐུར། ནང་དུ་ཆོས་སྐུའི་གནས་ལུགས་དང་། རིན་པོ་ཆེའི ་སྦུབས་བཤད་དོ།། རིན་པོ་ཆེའི་གདམས་ངག་དང་འབྲེལ་བར་བཤད་དོ།། དེའི་རིམ་པ་ནི་ངས་བསྟན་པའི་ཡེ་ཤེས་བླ་མ་རུ་ཤེས་པར་བྱའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། རྒྱུད་ཀྱི ་ལྡང་ཚད་སྡོམ་དང་། དབང་བསྡུས་ནས་བསྟན་པའི་ལེའུ་སྟེ་གྱ་དྲུག་པའོ།། །། ད་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དབང་གི་དོན་བཤད་གསུང་དུ་གསོལ།། ཞེས་ཞུས ་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། དབང་གི་ངོ་བོ་ངེས་ཚིག་དང་།། དབྱེ་བ་མཐུན་པའི་དཔེ་བཤད་པ།། དབང་གི་ངོ་བོ་རང་བྱུང་གི་ཡེ་ཤེས་གཞན་དབང་དུ་མ་གྱུར་པའོ།། དབང ་གི་ངེས་ཚིག་ནི། འཁོར་འདས་ཀྱི་ཆོས་ཐམས་ཅད་ལ་མངའ་མཛད་ཅིང་དབང་བསྒྱུར་བས་ནའོ།། དབྱེ་ན་ཐུན་མོང་དང་ཁྱད་པར་གོང་བཞིན་ནོ།། དཔེ་ནི་རྒྱལ་པོ་ལ་གླང་པོ་ཆེས་དབང་བསྐུར་བས་རྒྱལ་པོར་རང ་དབང་ཐོབ་སྟེ། རྒྱལ་ས་ཟིན་པ་ལྟ་བུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དབང་གི་དོན་བཤད་པ་གསལ་བར་བསྟན་པའི་ལེའུ་སྟེ་རྒྱ་བདུན་པའོ།། །། དེ་ནས་ཡང་གསང་བའི ་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དམ་ཚིག་གསང་བ་བཤད་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རིགས་ཀྱི་བུ་ངེས་པར་ཟུང་ཞིག། དམ་ཚིག་དབང་ལས་སྐྱེ ་བས་ན།། མ་བསྐུར་པ་ཡི་དབང་ཆེན་ལ།། བསྲུང་དུ་མེད་པའི་དམ་ཚིག་བཞི།། མ་ཉམས་ཡེ་བསྲུངས་གདེངས་དང་ལྡན།། ང་ཡི་དམ་ཚིག་གསང་བ་ནི།། རང་རིག་ཡེ་ཤེས་ཆེན་པོ་ལ།། བསྲུང་བྱ་སྲུང་བྱེད་གཉིས་མེད ་པས།། ཉམས་དང་མ་ཉམས་གཉིས་སུ་མེད།། ཐེག་བརྒྱད་བཅོས་མའི་དམ་ཚིག་གྲངས།། མི་བསྲུང་བས་ན་མེད་ཅེས་བྱ།། འོག་མའི་དམ་ཚིག་ལས་གྲོལ་ཞིང་།། རང་གི་སྒོ་གསུམ་ཡངས་པས་ན།། ཕྱལ་པ་ཞེས་སུ ་བཏགས་པ་ཡིན།། བསྲུང་དུ་མེད་པའི་དམ་ཚིག་ལ།། འདའ་མི་སྲིད་པའི་བསྲུང་ཐབས་ནི།། རང་རིག་ཡེ་ཤེས་གཅིག་པུ་ལས།། གཅིག་པུ་ཞེས་སུ་བཏགས་པ་ཡིན།། རང་གི་ཡེ་ཤེས་གཅིག་པུ་ལ།། བྱ་བཙལ་མེད ་པར་ཡེ་བསྲུངས་པས།། ལྷུན་གྲུབ་ཅེས་སུ་བཏགས་པ་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དམ་ཚིག་བསྟན་པའི་ལེའུ་སྟེ་གྱ་བརྒྱད་པའོ།། །། དེ་ནས་ཡང་གསང་བའི་བདག་པོས ་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དམ་ཚིག་དོན་བཤད་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། དམ་ཚིག་ངོ་བོ་ངེས་ཚིག་དང་།། དབྱེ་བ་མཐུན ་པའི་དཔེ་རུ་བསྟན།། དང་པོ་ངོ་བོ་བཤད་པ་ནི།། འདའ་མི་སྲིད་པའི་ངོ་བོ་དེ།། བལྟ་བ་རང་རིག་ཡེ་ཤེས་ཡིན།། བསྲུང་བ་དོན་གྱི་ངེས་ཚིག་ཡིན།། འདའ་རུ་མེད་པའི་དམ་ཚིག་ཡིན།། མ་ནོར་ངེས་པའི་དམ ་ཚིག་ཡིན།། དེ་ལས་མི་འདའ་བས་ན་དམ་ཚིག་གོ།། དབྱེ་བ་རྣམ་པ་གཉིས་ཡིན་ཏེ།། བསྲུང་མཚམས་བཅས་པའི་དམ་ཚིག་དང་།། བསྲུང་མཚམས་མེད་པའི་དམ་ཚིག་གོ།། གོང་དང་འོག་ཏུ་ཤེས་པར་བྱ།། དམ་ཚིག ་དོན་ལ་མི་འདའ་བ།། ཐམས་ཅད་ནམ་མཁའི་ངང་ལས་མི་འདའ་ལྟར།། རང་རིག་ཡེ་ཤེས་དོན་ལས་འདའ་བ་མེད།། འདའ་མི་སྲིད་པའི་དམ་ཚིག་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད ་ལས། དམ་ཚིག་གི་དོན་བསྟན་པའི་ལེའུ་སྟེ་གྱ་དགུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དཀྱིལ་འཁོར་ཕྲིན་ལས་ཇི་ལྟར་ལགས།། ཞེས་ཞུས་སོ།། སྟོན་པས ་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། དང་པོ་དཀྱིལ་འཁོར་བཤད་པར་བྱ།། ངོ་བོ་དང་ནི་ངེས་ཚིག་དང་།། དབྱེ་བ་མཐུན་པའི་དཔེ་རུ་བཤད།། དབྱེ་ན་རྣམ་པ་གསུམ་དུ་བཤད།། མཚོན་པ་བརྡའ་ཡི ་དཀྱིལ་འཁོར་དང་།། དམ་ཚིག་ཏིང་འཛིན་དཀྱིལ་འཁོར་དང་།། རང་བཞིན་ལྷུན་གྱིས་གྲུབ་པའི་དཀྱིལ་འཁོར་རོ།། ངོ་བོ་རྣམ་པ་གསུམ་ཡིན་ཏེ།། མཚོན་པ་བརྡའ་ཡི་དཀྱིལ་འཁོར་ངོ་བོ་ནི།། བྲིས་དང་འབུར་དུ ་བཏོང་བ་ཡིན།། དམ་ཚིག་ཏིང་འཛིན་ངོ་བོ་ནི།། གང་བསྒོམ་ཡིད་ལ་གསལ་བ་ཡིན།། རང་བཞིན་ལྷུན་གྱིས་གྲུབ་པའི་དཀྱིལ་འཁོར་ནི།། སྐུ་གསུམ་རྒྱལ་བའི་དཀྱིལ་འཁོར་ཡིན།། རིག་པ་དཀྱིལ་ལ ་ཡེ་ཤེས་འཁོར།། ཆོས་སྐུའི་ངོ་བོ་ངེས་ཚིག་ཡིན།། གཙོ་བོ་དཀྱིལ་ལ་སེམས་དཔའ་ཡབ་ཡུམ་འཁོར།། ལོངས་སྐུའི་ངོ་བོ་ངེས་ཚིག་ཡིན། ཀུན་གཞི་དཀྱིལ་ལ་ཚོགས་བརྒྱད་འཁོར།། སྦྲུལ་སྐུའི་ངོ་བོ་ངེས་ཚིག ་ཡིན།། དཔེ་ནི་ཉི་ཟླ་གཟའ་སྐར་ཤར་བ་བཞིན།། བརྗོད་ལུགས་མང་ཡང་བསྡུས་པ་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དཀྱིལ་འཁོར་བསྟན་པའི་ལེའུ་སྟེ་དགུ་བཅུ ་པའོ།། །། དེ་ནས་ཡང་སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། མ་བྲིས་མ་བསྐྱེད་མ་བསྒོམས་པར།། རང་བཞིན་གསལ་བའི་དཀྱིལ་འཁོར་ལ།། བྱ་རྩོལ་འདས་པའི་ཕྲིན་ལས ་ཀྱིས།། ཐོག་མ་མེད་པར་དོན་མཛད་དེ།། སྐུ་གསུམ་རྒྱལ་བའི་དཀྱིལ་འཁོར་དུ།། སྟོན་པས་སྐུ་གསུམ་དོན་མཛད་དེ།། སྐུ་ཡི་འོད་དང་གསུང་གི་འོད་ཟེར་ལས།། སྟོན་པས་སྐུ་གསུམ་རྩལ་དུ་གྲུབ།། བྱིན་རླབས་ངང ་གི་ཚིག་སྦྱོར་གྱིས།། ཕྲིན་ལས་འགྲོ་དོན་ཐོགས་མེད་མཛད།། བྱས་པ་མེད་པར་ལྷུན་གྱིས་གྲུབ།། ཅེས་གསུངས་སོ།། ཡང་གསང་བའི་བདག་པོས་ཞུས་པ།། ཕྲིན་ལས་དོན་བཤད་གསུང་དུ་གསོལ།། ཞེས་ཞུས ་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། ཕྲིན་ལས་ཀྱི་ངོ་བོ་བྱ་བ་གྲུབ་པའི་ཡེ་ཤེས་ཡིན། ཕྲིན་ལས་ཀྱི་ངེས་ཚིག་ནི།། རང་བཞིན་བྱ་རྩོལ་ལས་འདས་པས།། སོ་སོའི་དོན་མཛད་ཕྲིན ་ལས་ཡིན།། དབྱེ་བ་རྣམ་པ་གཉིས་ཡིན་ཏེ།། རྩོལ་བ་ཡོད་དང་མེད་པའོ།། རྩོལ་བྲལ་ཕྲིན་ལས་རྣམ་པ་བཞི།། ཆོས་སྐུ་དངོས་མེད་སྤྲོས་དང་བྲལ།། རྟོགས་པས་སྤྲོས་པ་ཐམས་ཅད་ཞི།། ཞི་བའི་ཕྲིན་ལས་ཞེས་སུ ་བྱ།། ཡོན་ཏན་ནོར་བུ་བཞིན་དུ་འབྱུང་།། རྒྱས་པའི་ཕྲིན་ལས་ཞེས་སུ་བྱ།། ཐམས་ཅད་འབྱུང་ཡང་དེ་ལས་འབྱུང་།། ཐམས་ཅད་གནས་ཀྱང་དེ་ལ་གནས།། ཐམས་ཅད་ཐིམ་ཡང་དེ་ལ་ཐིམ།། ཐམས་ཅད་ལ་ཡང ་དབང་བསྐུར་པས།། དབང་གི་ཕྲིན་ལས་ཞེས་སུ་བྱ།། རིག་པ་དངོས་མེད་རྡོས་པའི་ཆོས་མེད་པས།། ཕྱོགས་མེད་གང་ལའང་ཐོགས་པ་མེད་པར་འཆར།། ཐུགས་རྗེའི་སྟོབས་ཀྱིས་སྣང་ཞིང་བསྡུས་པས་ན།། དྲག་པོའི ་ཕྲིན་ལས་ཞེས་སུ་གསུངས་པ་ཡིན།། བྱ་རྩོལ་མེད་པར་ཉི་མའི་འོད་ཟེར་གྱིས།། ཁམས་གསུམ་མཚན་མའི་མུན་པ་སེལ་བ་ལྟར།། ཐོགས་པ་མེད་པའི་ཐུགས་རྗེ་ཆེན་པོ་ཡིས།། བྱ་རྩོལ་མེད་པའི་ཕྲིན་ལས་ཆེན་པོ ་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཕྲིན་ལས་ཀྱི་རང་བཞིན་བྱ་རྩོལ་མེད་པའི་དོན་བསྟན་པའི་ལེའུ་སྟེ་གོ་གཅིག་པའོ།། །། དེ་ནས་གསང་བའི་བདག་པོས་ཞུས་པ། ཀྱེ་ཀྱེ ་བཅོམ་ལྡན་རྡོ་རྗེ་འཆང་།། མཆོད་པའི་རྣལ་འབྱོར་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། ཆོས་ཉིད་དག་པའི་ཕོ་བྲང་དུ།། རང་རིག་ཡེ་ཤེས ་མ་འགགས་ཤར།། ཡེ་ཤེས་དབྱིངས་ལ་ཤར་བ་ཡིས།། དབྱིངས་དང་ཡེ་ཤེས་གཉིས་མེད་འགྱུར།། ཡེ་ཤེས་གཉིས་མེད་མཆོད་པ་ཡིན།། མཚན་རྫོགས་རྡོ་རྗེ་འཆང་གི་སར།། ཡབ་ཡུམ་བཞི་བཅུ་རྩ་གཉིས ་འཕྲོས།། ཡེ་ཤེས་ལྔ་ཡི་དང་ལ་རོལ།། མ་འགགས་གཉིས་མེད་མཆོད་པ་ཡིན།། སྦྲུལ་སྐུའི་མཆོད་པ་རྣམ་པ་ལྔ།། མཆོད་རྫས་གཟུགས་སྒྲ་དྲི་རོ་རེག། སེམས་དཔའི་ཁྱེའུ་ཆུང་ལྔས་བླངས་ནས།། རིག་བྱེད་དང་དུ ་གཉིས་མེད་ཐིམ།། རྒྱ་མཚོ་ཆུ་ཡི་འཕྲོ་འདུ་བཞིན།། མཆོད་པ་རྒྱུན་མི་ཆད་པའོ།། ཞེས་གསུངས་སོ།། དེ་ནས་ཡང་རྣལ་འབྱོར་གསུངས་པ།། སྐུ་གསུམ་འདུ་འབྲལ་མེད་པ་ནི།། དོན་ལ་མོས་བྱེད་རྣལ་འབྱོར ་ཡིན།། རྣལ་འབྱོར་ཆེན་པོ་བསྒོམ་ལས་འདས་པར་རྟོགས།། རྟོགས་པའི་དོན་ལ་བྱ་རྩོལ་མི་མངའ་བར།། རང་གདངས་ཆེན་པོའི་ངང་ལས་གནས་པ་ཡིན།། རྣལ་འབྱོར་དབང་ཆེན་བྱ་རྩོལ་འདས་པ་ཡིན།། དེ་དོན ་རང་ལ་གནས་པ་ནི།། རྣལ་འབྱོར་བླ་ན་མེད་པ་ཡིན།། རྣལ་འབྱོར་དག་གི་ངོ་བོ་ཡང་།། གཉིས་སུ་མེད་པའི་དགོངས་པ་ཡིན།། རྣལ་འབྱོར་དག་གི་ངེས་ཚིག་ཀྱང་།། བློ་དངོས་གཉིས་མེད་འབྱོར་པ་དང་།། སྐུ་གསུམ ་གཉིས་མེད་འབྱོར་པས་འབྱོར་ཞེས་བྱ།། དབྱེ་བ་རྣམ་པ་གཉིས་ཡིན་ཏེ།། མིང་དང་དོན་དུ་ང་ཡིས་བཤད།། དོན་གྱི་རྣལ་འབྱོར་གོང་བསྟན་བཞིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ་མཆོད་པ་དང་རྣལ་འབྱོར་བསྟན་པའི་ལེའུ་སྟེ་གོ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ། སྔགས་དང་ཕྱག་རྒྱ་ཇི་ལྟར་ལགས། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ ་ལེགས་པར་ཟུང་ཞིག། དང་པོ་སྔགས་ཀྱི་དོན་བཤད་པ།། མཆོག་ཏུ་གྱུར་པའི་སྔགས་དོན་ནོ།། ངོ་བོ་ངེས་ཚིག་དབྱེ་བ་བསྟན།། དབྱེ་བ་རྣམ་པ་གསུམ་ཡིན་ཏེ།། གསང་སྔགས་རིག་སྔགས་གཟུངས་སྔགས ་གསུམ།། གསང་སྔགས་དག་གི་ངོ་བོ་ནི།། ཤེས་རབ་སྙིང་རྗེ་གཉིས་སུ་བསྟན།། རིག་སྔགས་དག་གི་ངོ་བོ་ནི།། ཤེས་རབ་དང་ནི་ཡེ་ཤེས་ཡིན།། གཟུངས་སྔགས་དག་གི་ངོ་བོ་ནི།། ཤེས་རབ་དང་ནི་ཏིང ་འཛིན་ཡིན།། སྔགས་གསུམ་དག་གི་ངེས་ཚིག་ནི།། ཤེས་སྐྱོབས་ཕྱིར་ན་དེས་བརྗོད་པའོ།། སྔགས་གསུམ་དག་གི་ཕྲིན་ལས་ནི།། གཞི་གནས་བག་ཆགས་སེལ་བ་དང་།། མ་རིག་ལོག་ལྟ་སེལ་བ་དང་།། འཕྲལ་བྱུང ་བག་ཆགས་སེལ་བར་བྱེད་པ་ཡིན།། ཞེས་གསུངས་སོ།། སྟོན་པས་བཀའ་སྩལ་པ།། ཕྱག་རྒྱ་ཆེན་པོའི་ངོ་བོ་ནི།། འགྱུར་བ་མེད་པའི་རང་བཞིན་ཡིན།། ཕྱག་རྒྱ་ཆེན་པོའི་ངེས་ཚིག་ནི།། མི་འདའ་བས་ན་ཕྱག་རྒྱ ་ཡིན།། དབྱེ་བ་ཕྱེ་དང་བསྡུས་པ་ཡིན།། ཕྱག་རྒྱ་བཞི་དང་རྩ་ལྔ་ཡོད།། འདི་རུ་བསྡུས་ཏེ་བཞི་བསྟན་པ།། ཆོས་ཉིད་མ་བྲལ་ཆོས་ཀྱི་སྐུ།། ཕྱག་རྒྱ་ཆེན་པོ་ཡིན་པར་བཤད།། རང་རིག་ཡེ་ཤེས་དབྱིངས ་ལས་ཤར།། དབྱིངས་ཉིད་རིག་པ་དང་ལྡན་པས།། དབྱིངས་དང་ཡེ་ཤེས་གཉིས་སུ་མེད་པ་ནི།། དམ་ཚིག་ཕྱག་རྒྱ་ཡིན་པར་བཤད།། རང་བྱུང་ཡེ་ཤེས་མ་འགགས་པ།། གསལ་བ་ཆོས་ཀྱི་ཕྱག་རྒྱ་ཡིན།། ཐུགས་རྗེའི ་སྐུ་གཉིས་མི་འགག་པས།། རྟོག་མེད་ཐུགས་རྗེའི་དོན་འཛིན་པ།། ལས་ཀྱི་ཕྱག་རྒྱར་ངས་བསྟན་པའོ།། ཕྱག་རྒྱའི་དཔེ་ནི་ནམ་མཁའ་དང་།། རྒྱལ་པོས་ཕྱག་རྒྱས་བཏབ་པ་ལ།། དེ་ལས་འདའ་བར་མི་ནུས ་བཞིན།། གསང་སྔགས་མ་ཡིན་ཤེས་རབ་མ་འགགས་པའོ།། ཕྱག་རྒྱ་མ་ཡིན་ཐུགས་རྗེ་མ་འགགས་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྔགས་དང་ཕྱག་རྒྱ་བསྟན་པའི་ལེའུ་སྟེ་གོ ་གསུམ་པའོ།། །། དེ་ནས་ཡང་གསང་བའི་བདག་པོས་ཞུས་པ།། བསྙེན་པ་བསྒྲུབ་པ་ཇི་ལྟར་ལགས།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། ལྟ་བ་རང་རིག་ཡེ་ཤེས་དེ།། ངོ་སྤྲོད་བཞི ་ཡི་གཏན་ལ་འབེབས།། རང་རིག་མཚན་ཉིད་ཉམས་སུ་མྱོང་།། དེ་ནི་བསྙེན་པའི་དོན་དུ་བསྟན།། ལམ་ལ་གནས་པ་ཉེ་བསྙེན་ཡིན།། ལམ་གྲོལ་གྱུར་པ་བསྒྲུབ་པ་ཡིན།། ལམ་གྱི་འབྲས་བུ་མཐར་ཕྱིན་པས།། བསྒྲུབ ་པ་ཆེན་པོར་གྱུར་པའོ།། གསང་སྔགས་མི་བཟླའ་དོན་ལ་བཞག། ཕྱག་རྒྱ་མི་བསྒོམ་མ་བསྐྱེད་ལྷུན་གྱིས་རྫོགས།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས།། བསྙེན་བསྒྲུབ་རྣམ་པ་གཉིས་བསྟན ་པའི་ལེའུ་སྟེ་གོ་བཞི་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཞལ་ནས་གསུངས་པའི་ལུང་ཆེན་རྣམས།། བཤད་པའི་ཐབས་རྣམས་གསུང་དུ་གསོལ།། ཞེས་ཞུས ་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། ལུང་རྣམས་ཆེ་བ་ངས་བཤད་དེ།། སྟོན་པའི་ཞལ་ནས་གསུངས་པ་ལས།། གཞན་གྱི་ལུང་ལ་མ་བརྟེན་པར།། ལུང་གིས་ཡིད་ཆེས་པའི་ཆེ་བ ་དང་། སྟོན་པའི་ཐུགས་རྣམ་པར་དག་པ་ལ། དང་པོ་རྒྱུ་མེད་པར་དུ་རྐྱེན་མེད། ཐ་མ་མི་འགྱུར་བས། འགྱུར་མེད་ནམ་མཁའི་ལུང་གིས་ཆེ་བ་དང་། ཉེས་པ་ཟད་པས་རྫུན་གྱི་ཚིག་སྨྲ་བར་མི་བྱེད་པས་རྫུན་མེད་པའི ་ཞལ་ནས་གསུངས་པའི་བདེན་པའོ།། སྟོན་པ་མཁས་པའི་བདག་ཉིད་ལས།། ཚིག་དང་འབྲུ་གཉིས་དོན་སྡེབས་ལེགས།། དེ་བཞིན་ཉིད་ལས་མི་འདའ་བས།། ཡིད་ཆེས་ལུང་གི་ཆེ་བའོ།། ངས་འཁོར་ཀུན་ལས ་འཕགས་གྱུར་པའི།། དགའ་རབ་རྡོ་རྗེའི་དོན་ཆེད་དུ།། སྟོན་པས་ཞལ་ནས་གསུངས་པ་ལ།། ལུང་མ་ནོར་བར་བྲིས་པ་ནི།། རིན་ཆེན་གསེར་གྱི་གླེགས་བམ་ལ།། བཻ་ཌཱུ་ར་ཡ་ནི་ཞུན་མ་ཡིས།། རང་ནན་དག་ཏུ་ལེགས ་བྲིས་པས།། ཚིག་གི་ལྷག་ཆད་མ་ཞུགས་སྟེ།། དེས་ནི་ལུང་གི་ཆེ་བའོ།། བསྐྱེད་དང་རྫོགས་པ་རྣམ་པ་གསུམ།། འདུ་འབྲལ་མེད་པའི་དགོངས་པ་ནི།། ལོ་མ་མེ་ཏོག་འབྲས་བུའི་ཚུལ།། ཟ་མི་དད་དུ ་བསྟན་པས་ནི།། གསང་སྔགས་ཀུན་དང་མཐུན་གྱུར་ཏེ།། གསང་སྔགས་སྤྱི་ལུང་མི་འགལ་བས།། གསང་སྔགས་ཀུན་གྱི་བཀའ་འདུས་པས།། ལུང་གི་ཡིད་ཆེས་ཆེ་བའོ།། ཞེས་གསུངས་སོ།། སྤྲོས་བྲལ་དོན་གསལ ་ཆེན་པོའི་རྒྱུད་ལས། ལུང་གི་ཆེ་བ་ལྔ་བཤད་པའི་ལེའུ་སྟེ་གོ་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལུང་གི་དོན་བཤད་གསུང་དུ་གསོལ།། ཞེས་ཞུས ་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། ལུང་གི་ངོ་བོ་ངེས་ཚིག་དང་།། དབྱེ་བ་ཐུན་མོང་དཔེ་རྣམས་བཤད།། རིགས་ཀྱི་བུ་ལུང་གི་ངོ་བོ་ནི། དབྱེ་བའི་སྒོ་ནས་བསྟན་པར་བྱ་སྟེ། དོན་གྱི ་ང་གི་ངོ་བོ་ནི།། མི་འགྱུར་སེམས་ཀྱི་ལུང་ཞེས་བྱ་སྟེ། རིག་པ་ཉིད་དོ།། ཚིག་གི་ལུང་གི་ངོ་བོ་ནི།། སྟོན་པའི་ཞལ་ནས་གསུངས་པ་ལས།། མ་བསྣུན་མ་ཕྲིས་མ་བྱས་པའི་ཚིག་གོ།། ཚིག་གི་ལུང་ལ་གཉིས་ཏེ། སྙན ་ཁུང་ལས་རྒྱུད་པ་དང་། མངོན་དུ་ཕྱུང་བའོ།། དེ་ལ་གཉིས་སྟེ། དྲང་དོན་དང་ངེས་དོན་ནོ།། ལུང་གི་ངེས་ཚིག་ནི། ཚིག་གི་དོན་མཚོན་པས་ལུང་ཞེས་བྱ། ཡིད་ཆེས་པར་བྱ་བའི་ཕྱིར་ལུང་ཞེས་བྱ། ཟིན་པས་ལུང་ཞེས ་བྱ། བདེ་བླག་ཏུ་རྟོགས་པར་བྱ་བས་ལུང་། བཀྱེར་བདེ་བས་ཀྱང་ལུང་། ཀུན་དང་འབྲེལ་དུ་བཏུབ་པས་ཀྱང་ལུང་ངོ་།། དཔེ་ནི་རྒྱལ་པོས་བཀའ་སྩལ་པ་ལྟ་བུ། སྣོད་སྤྱད་ལུང་ནས་ཟིན་པ་ལྟ་བུ་དང་། སྣོད་ལུང་མེད ་བཀྱེར་མི་བདེ་བ་ལས། ལུང་ཅན་བཀྱེར་བདེ་བ་ལྟ་བུ་དང་། འདམས་ཀྱི་ཕུར་པ་ལྟ་བུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ལུང་གི་དོན་བཤད་བསྟན་པའི་ལེའུ་སྟེ་གོ་དྲུག ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། མན་ངག་བཤད་ལུགས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང ་ཞིག། མན་ངག་དོན་གྱིས་བཤད་ལུགས་ནི།། སྤྱི་དོན་རྣམ་པ་ལྔ་ཡིས་བཤད།། ལོ་རྒྱུས་དོན་དང་རྩ་བའི་དོན་དུ་བཤད་པའོ།། ཚིག་གི་དོན་དུ་བཤད་པ་དང་།། ཡོ་གའི་དོན་དུ་བཤད་པ་དང་།། དགོས་ཆེད་ཀྱི་དོན་དུ ་བཤད་པའོ།། ལོ་རྒྱུས་ཀྱི་དོན་ལ་གསུམ་སྟེ། གང་ཟག་དག་གིས་འཕྲལ་ལ་བྱས་པ་མ་ཡིན་པར།། དུས་གསུམ་སངས་རྒྱས་ཀུན་གྱི་དགོངས་པ་རྒྱུད་པས་བཤད།། སངས་རྒྱས་ཞལ་ནས་གསུངས་པ་ཡིད་ཆེས ་འགྱུར།། ངེས་པ་དོན་གྱི་འཁོར་ཡིན་པས།། རིག་འཛིན་བརྡ་ཡི་བརྒྱུད་པས་བཤད།། ལྡེམ་པོའི་དོན་ལ་དགོངས་པ་མ་ཡིན་པར།། ངེས་པའི་དོན་དུ་གསུངས་པའི་ཡིད་ཆེས་འགྱུར།། དེ་བཞིན་བཤད་པའི་དུས་སུ་གང ་ཟག་རྣ་བར་བརྒྱུད་ནས་བཤད།། བརྒྱུད་པ་འབྲེལ་མ་ཆད་པས་ངེས་པར་ཡིད་ཆེས་འགྱུར།། རྩ་བའི་དོན་དུ་བཤད་པ་ནི།། རང་རིག་ཡེ་ཤེས་ཆེན་པོར་བཤད།། ཚིག་གི་དོན་དུ་བཤད་པ་ནི།། བྱིན ་རླབས་ངོ་བོ་ངེས་ཚིག་བསྡེབ་པ་སྟེ།། སྐུ་གསུམ་རྒྱལ་བའི་བཤད་ལུགས་ཡིན།། མཚོན་བྱེད་ཚིག་གིས་ངེས་པའི་དོན་བཤད་པས།། གོང་དུ་བཤད་པ་བཞིན་དུ་ཤེས་པར་བྱ།། ཡོ་གའི་དོན་དུ་བཤད་པ་ནི།། ཐེག་པའི ་ལ་ཤན་ཕྱི་ལ་བཤད།། དེ་ཡང་དོན་གསལ་འདིར་བསྟན་བཞིན།། དགོས་ཆེད་དོན་དུ་བཤད་པ་ནི།། འཁྲུལ་པ་གསུམ་པོ་རབ་འབྲིང་རིམ་པས་གྲོལ།། རིན་ཆེན་སྦུབས་སུ་གྲུབ་མཐའ་རྫོགས་པར་བསྟན།། ཞེས ་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། མན་ངག་དགོས་ཆེད་ལྔས་བཤད་པའི་ལེའུ་སྟེ་གོ་བདུན་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། མན ་ངག་རྣམ་གསུམ་མཛོད་གྱུར་ཇི་ལྟར་ལགས། ཞེས་ཞུས་པས་སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། སྐུ་དང་གསུང་དང་ཐུགས་དང་གསུམ་གྱི་མཛོད།། མན་ངག་ཀུན་གྱི་གཞི་ཡི་གནས ་ལུགས་དང་།། དེ་བརྗོད་ཚིག་གི་མན་ངག་དང་།། ཚིག་དང་དོན་སྦྱོར་མན་ངག་གསུམ།། བསྡུས་པའི་མན་ངག་ཚིག་གསུམ་པ།། སྐུ་གསུང་ཐུགས་ཀྱི་མཛོད་ནས་ཕྱུང་།། སྙིང་པོ་གསུམ་དུ་ཤེས་པར་བྱ།། ཞེས་གསུངས ་སོ།། ཡང་གསུངས་པ། མན་ངག་དོན་གྱི་ངོ་བོ་དང་།། མིང་གི་ངེས་ཚིག་བསྟན་པ་དང་།། དེ་ཡི་བྱེ་བྲག་ཇི་ལྟར་དཔེ་དང་བཅས་པ་བསྟན།། དེ་ཡི་དབྱེ་བ་བསྟན་པ་ནི།། ཚིག་དང་དོན་དུ་ཤེས་པར་བྱ།། དོན་གྱི་མན ་ངག་ངོ་བོ་ནི།། ཁོང་ནས་གབ་སྦས་དོན་འབྱིན་པ།། སྟོན་པ་རྡོ་རྗེ་ཐུགས་ལ་གནས།། གསལ་བར་ཞལ་དུ་བརྗོད་པའོ།། ཚིག་གི་མན་ངག་ངོ་བོ་ནི།། ཞལ་ནས་གསུངས་པའི་ཚིག་དོན་ཀུན།། མ་ནོར་དོན་དང་ཁྲིགས ་བསྡེབས་ནས།། བདེ་བླག་རྟོགས་ཕྱིར་དཀར་ཆག་མནན།། ཚིག་དོན་གསལ་བར་བྱེད་པ་ཡིན།། ངོ་བོ་དབྱེ་བ་དེ་བསྟན་ནོ།། དེ་ཡི་ངེས་ཚིག་བསྟན་པ་ནི།། ཚིག་ཆུང་དོན་ཆེའི་མན་ངག་གོ།། ངེས་དོན་གདམས་ངག ་གང་ཡིན་པ།། བརྗོད་བྲལ་གསང་ཕྱིར་མན་ངག་གོ།། ངེས་ཚིག་གཏན་ཚིགས་བཅས་པ་ཡིས།། མ་ཡིས་གདམས་པ་བུ་ལ་སྨྲས་པ་བཞིན།། སྤྱིར་ན་རྒྱུད་ལུང་མན་ངག་གསུམ།། རྗེ་བློན་འབངས་དང་འདྲ་བར ་བཤད།། ཅེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། མན་ངག་དོན་བཤད་པའི་ལེའུ་སྟེ་གོ་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ། མན་ངག་ལུང་གི་ས་ལམ་དང་།། ཕ ་རོལ་ཕྱིན་པ་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། མན་ངག་རྫོགས་པ་ཆེན་པོ་ལ།། ས་ལ་སྦྱང་དུ་མེད་པ་ཡིན།། ལམ་ལ་བགྲོད་དུ་མེད་པ་ཡིན།། ཕ ་རོལ་ཕྱིན་བཅུ་སྤྱད་དུ་མེད།། འོན་ཀྱང་ཐེག་པ་སྤྱི་དང་སྒོ་བསྟན་པས།། སྦྱང་དུ་མེད་པའི་ས་རིམ་དང་།། བགྲོད་དུ་མེད་པའི་ལམ་རིམ་དང་།། སྤྱོད་དུ་མེད་པའི་ཕ་རོལ་ཕྱིན་པ་སྤྱད།། ཅེས་གསུངས ་སོ།། དེ་ནས་ཡང་གསང་བའི་བདག་པོས་ཞུས་པ། སྦྲང་དུ་མེད་པའི་ས་རིམ་གསུང་དུ་གསོལ།། ཞེས་ཞུས་སོ།། རྫོགས་ཆེན་ཆོས་ཉིད་ས་གཅིག་པ།། ཡོན་ཏན་རྟོགས་ཚུལ་བཅོ་ལྔ་བརྩིས།། རྒྱུད་ལུང་སྤྲི་ཡི ་ཁོག་དོན་ཀུན་བཀྲོལ་ནས།། ངོ་སྤྲོད་རྣམ་བཞིས་ཚེ་འདིར་བདེན་པ་མཐོང་།། དེ་ལ་རབ་ཏུ་དགའ་བའི་ས་ཞེས་བྱ།། མན་ངག་དོན་གྱིས་བློ་ཡི་ཐེ་ཚོམ་བསལ།། རང་གི་རྒྱུད་ལ་ངེས་པའི་ཤེས་པ་སྐྱེས།། དྲི་མ་མེད་པའི ་ས་རུ་བཏགས་པ་ཡིན།། གསུམ་པ་འོད་བྱེད་པ་ནི་སེམས་ཉིད་ཡེ་ཤེས་སུ་དབང་དུ་འདུས་སྟེ། དེ་ཉིད་རྩལ་དུ་ཤེས་པས་དོན་བརྗོད་རག་མ་ལུས།། བཞི་པ་འོད་འཕྲོ་དེ་དོན་ཀུན་ཏུ་སྒྲོགས།། ལྔ་པ་དུག་ལྔ་དུག་གསུམ ་ནང་དུ་དག། དྲུག་པ་སྦུབས་གསུམ་སྐབས་ཀྱི་སྐུ་གསུམ་གསལ།། བདུན་པ་ཐེགས་བརྒྱད་དོན་ལས་རབ་ཏུ་འཕགས།། བརྒྱད་པ་རང་གི་དོན་ལས་མ་གཡོས་མཁྱེན།། དགུ་པ་ཡོན་ཏན་རང་ལ་རྫོགས་པར ་མཁྱེན།། བཅུ་པ་ཆོས་རྣམས་གང་ལའང་ཐོགས་མེད་མཁྱེན།། བག་ཆགས་སྦུབས་སུ་རྟོགས་པ་སྐྱེ་ལུགས་ཡིན།། རྟོགས་ལྡན་འཁྲུལ་པའི་སྣང་བ་འགགས་པའི་ཚེ།། ཆོས་ཉིད་ཀློང་དུ་ཡེ་ཤེས་འོད་དུ་གསལ།། བཅུ ་རྫོགས་གཅིག་ལ་གནས་པ་ཀུན་ཏུ་འོད་ཀྱི་ས།། དེ་ཉིད་རང་སྣང་ཡིན་པས་མཁྱེན་པ་ཁོང་ནས་ཤར།། ཤེས་རབ་སྐྱེས་པའི་སྟོབས་ཀྱི་སྐུར་གསལ་བ།། ཚོམ་བུ་ལྔ་པ་ཆོས་ཀྱི་སྤྱན་དྲུག་ཤར།། གསལ་ལ་མི་གནས་པདྨ ་ཅན་གྱི་ས།། གསུང་གི་ངོ་བོ་རང་བྱུང་ཡི་གེ་དྲུག། ལྗགས་ལས་འོད་འཕྲོས་སྤྲུལ་པའི་སྐུར་གྱུར་པས།། བཅུ་གསུམ་ཡི་གེ་འཁོར་ལོ་ཚོགས་ཆེན་ས།། སྤྲུལ་པའི་སྐུ་ཡི་འགྲོ་དོན་རྫོགས་མཛད་པ།། རྡོ་རྗེ་འཛིན་པ་བཅུ ་བཞིའི་ས་རུ་བཞག། ཡེ་ཤེས་སྦུབས་སུ་རྫོགས་སངས་རྒྱས་པ་ཡིས།། ཐུགས་རྗེས་གནས་ནས་སྒྲོལ་ཞིང་རང་རང་གཞི་ལ་སྦྱོར།། གསང་བའི་དོན་གྱིས་སྦྱོར་སྒྲོལ་ཞེས་སུ་བཏགས།། རང་བྱུང་ཚིག་ལྔ་ཞི་བ་མྱ་ངན ་འདས།། རིན་ཆེན་སྦུབས་སུ་སྐུ་ལྔ་ཀློང་ནས་འཁྱིལ།། དཔེར་ན་གནམ་སྟོང་ཟླ་བ་ཡོངས་རྫོགས་ཀྱང་།། ཉི་མའི་སྟོབས་ཀྱིས་ཟླ་བ་མི་སྣང་བ།། ཚེས་གཅིག་དགོང་ནས་བཅོ་ལྔ་རྫོགས་གྱུར་ཏེ།། དེ་ནས་ཟླ་བ་སྐྱེ་བ ་མེད་པ་ལྟར།། རིན་ཆེན་སྦུབས་སུ་འདུ་འབྲལ་མེད་ཀྱིས་ཀྱང་།། འཁྲུལ་པའི་སྟོབས་ཀྱིས་དངོས་སུ་གསལ་མ་ནུས།། དང་པོའི་ས་ནས་བཅོ་ལྔ་ཡོངས་རྫོགས་ཏེ།། དེ་ལས་ཡར་གཤེགས་དགུ་ལ་ཤུལ་མི་མངའ།། ཉི་ཤུ ་རྩ་གཅིག་སུམ་ཅུ་རྩ་སོགས་རྣམས།། བཅོ་ལྔའི་འདུག་ཚུལ་ཡོན་ཏན་ཟུར་ཙམ་ཡིན།། བརྩི་བ་མས་བརྩི་ཤེས་པ་ཐད་ཀར་ཆོད།། གཟིགས་པ་མ་འགགས་ཡས་གཟིགས་ཏེ།། རྣམ་རྟོག་མི་མངའ་ས་ལེར་མཁྱེན ་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས།། ས་དང་ཕ་རོལ་ཕྱིན་པ། ལམ་ལྔ་འཁྲུགས་པའི་བསྡེབ་དང་། སའི་རིམ་པ་དངོས་བསྟན་པའི་ལེའུ་སྟེ་གོ་དགུ་པའོ།། །། དེ ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ས་ཡི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། ངོ་བོ་ངེས་ཚིག་དབྱེ ་བ་དང་།། མཐུན་པའི་དཔེ་རུ་བསྡུས་ལ་བཤད།། ཀྱེ་རིགས་ཀྱི་བུ་ས་ཡི་དོན་གྱི་ངོ་བོ་ནི། ཆོས་ཉིད་མི་འགྱུར་བའོ།། མཐོ་དམན་གྱི་ངོ་བོ་ནི། ཤེས་རབ་དང་སྙིང་རྗེ་ཆེ་ཆུང་ངོ་།། ས་ཡི་དབྱེ་བ་ནི། འཇིག་རྟེན་པའི་ས ་དང་འདས་པའི་སའོ།། འདས་པའི་ས་ལ་གཉིས་ཏེ། ཐེག་པ་ཆེན་པོའི་ས་དང་། ཐེག་པ་འོག་མའི་སའོ།། ཐེག་པ་ཆེན་པོའི་ས་ལ་ཐུན་མོང་དང་ཁྱད་པར་རོ།། ཁྱད་པར་འདིར་བསྟན་པའོ།། ངེས་ཚིག་ནི་མི་འགྱུར ་གནས་པའི་ཕྱིར་སའོ།། དཔེ་ནི་མ་འདྲེས་ལ་རྫོགས་པ་མཆོད་རྟེན་གྱི་ཁྲི་འཕང་ལྟ་བུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སའི་དོན་བཤད་བསྟན་པའི་ལེའུ་སྟེ་བརྒྱ་ཟམ ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བགྲོད་ཅིང་འཇུག་ཏུ་མེད་པ་ཡི།། ལམ་གྱི་རིམ་པ་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། ལག ་ན་རྡོ་རྗེ་ངེས་པར་ཟུང་ཞིག་ལམ་མེད་ལམ་དུ་འཇུག་པ་རྣམས་ལམ་གྱི་ནད་ཆེ་བ། ཕྱིན་པར་འདོད་པ་རི་དྭགས་སྨིག་རྒྱུར་བསྙེགས་པ་འདྲ། དེ་བས་ངེས་པའི་ལམ་མ་ཡིན།། བགྲོད་མེད་ལམ་ལ་རབ་གནས ་པའི།། འདུ་འབྲལ་མེད་པའི་དགོངས་པ་ལས།། མ་ནོར་ངེས་པའི་ལམ་ཆེན་གཅིག། བགྲོད་དུ་མེད་པའི་ཆོས་ཉིད་བྱང་ཆུབ་སེམས།། རྩོལ་བས་འགྲོ་བས་ཡེ་ཤེས་མཐའ་ལ་རིང་།། འཇུག་དུ་མེད་དོ་རང་རིག་ཡེ་ཤེས ་ལམ།། འཇུག་པའི་རྩོལ་བས་སྡུག་བསྔལ་མཐའ་རུ་ལྷུང་།། འོན་ཀྱང་མ་བཤད་གོ་བར་མི་འགྱུར་བས།། བགྲོད་མེད་ལམ་གཅིག་རྟོགས་པའི་ཐབས།། སྒྲ་མཐུན་དོན་འཕགས་ལམ་ལྔ་བཤད།། བླ་མར་བསྙེན་བཀུར ་ཡོངས་རྫོགས་ནས།། དམ་པའི་དྲུང་ན་གནས་པ་ནི།། ཚོགས་ཀྱི་ལམ་ཞེས་དེ་ལ་བྱ།། བླ་མས་དམ་པའི་དོན་བཤད་དེ།། གདམས་ངག་གཉིས་ཀྱི་དོན་ལ་སྦྱོར།། སྦྱོར་པའི་ལམ་དུ་ང་ཡིས་བཤད།། ངོ་སྤྱོད་རྣམ་པ ་བཞིའི་སྒོ་ནས།། ཚེ་འདིར་ངེས་པའི་བདེན་པ་མཐོང་།། མཐོང་བའི་ལམ་དུ་ང་ཡིས་བཤད།། བསྒོམ་དུ་མེད་པའི་བསྒོམ་པ་དང་།། བསྒོམ་དུ་ཡོད་པའི་མེད་པ་གཉིས།། འདུ་འབྲལ་མེད་པར་གནས་པ་ནི།། བསྒོམ ་པའི་ལམ་དུ་ང་ཡིས་བསྟན།། སངས་རྒྱས་དགོངས་པ་གདེང་ཆེན་བཞི།། མི་གནས་ཚུལ་གྱིས་མཐར་ཕྱིན་པས།། མཐར་ཕྱིན་ལམ་དུ་ང་ཡིས་བཤད།། ཅེས་གསུངས་སོ།། སྤྱོད་བྲས་ལ་དོན་གསལ་ཆེན་པོའི་རྒྱུད་ལས།། ་འབྲས་བུ་ངེས་པའི་ལམ་ལྔ་བསྟན་པའི་ལེའུ་སྟེ་བརྒྱ་དང་གཅིག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལམ་གྱི་དོན་བཤད་གསུང་དུ ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། གསང་བའི་བདག་པོ་ངེས་ཟུང་ཞིག། ལམ་གྱི་ངོ་བོ་ངེས་ཚིག་དང་།། དབྱེ་བ་མཐུན་པའི་དཔེ་རུ་བཤད།། ངས་བསྟན་ལམ་གྱི་ངོ་བོ་ནི།། འདུ་འབྲལ་མེད་པའི ་རྣལ་འབྱོར་ཡིན།། ལམ་གྱི་ངེས་ཚིག་བསྟན་པ་ནི།། གཞན་དུ་བགྲོད་ཅིང་འཇུག་ཏུ་མེད།། མི་འབྲལ་གནས་པས་ལམ་ཞེས་བྱ།། དབྱེ་བ་རྣམ་པ་གཉིས་ཡིན་ཏེ།། རྒྱུ་ཡི་ལམ་དང་འབྲས་བུ་ངེས་པའི་ལམ།། དཔེ་ནི། ་འཇིག་རྟེན་ལམ་དང་འདྲ།། རྩོལ་བྲལ་ལམ་གྱི་མཚོན་དཔེ་ནི།། མཁའ་ལ་ཁྱུད་ཆེན་ལྡིང་བ་འདྲ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ལམ་གྱི་དོན་བཤད་བསྟན་པའི་ལེའུ་སྟེ་བརྒྱ་དང ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རྩོལ་བསྒྲུབ་དག་ལས་འདས་པ་ཡི།། སྤྱད་མེད་ལྷུན་གྱིས་གྲུབ་པ་ཡི།། འབྲས་བུ་ཕ་རོལ་ཕྱིན་པ་བཅུ།། སྒྲ ་མཐུན་དོན་འཕགས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། ཕ་རོལ་ཕྱིན་པ་ཆེན་པོ་བཅུ།། ཟིན་པས་རྩོལ་པའི་ནད་སྤངས་པ།། ལྷུན་གྱིས་གནས་པས ་བཞག་པ་ཡིན།། སྙིང་པོ་ཡེ་ནས་སངས་རྒྱས་པས།། རྩོལ་བའི་བསམ་པས་དབྱིངས་མི་བསྐྱོད།། བསམ་གཏན་ཏིང་འཛིན་སངས་རྒྱས་སྐུ་ལ་བསྒྲིབས།། སངས་རྒྱས་སྐུ་ནི་མ་སྒྲིབས་ཀུན་ཏུ་གསལ།། ལྷུན་གྲུབ་ཆེན ་པོར་མ་རྟོགས་པ།། ངེས་པའི་ཕ་རོལ་ཕྱིན་པ་མིན།། ཡང་དག་ངེས་པའི་དོན་ཆེན་དེ།། ངོ་བོ་ནམ་མཁའ་ལྟ་བུ་ལ།། ཡོན་ཏན་སྣང་བ་ཕྱོགས་མེད་ཤར།། ཤར་ཡང་རང་རིག་རྣམ་པར་དག། དེ་ཉིད་སྦྱིན་པའི་ཕ་རོལ ་ཕྱིན།། དྲི་མེད་རྣམ་དག་ཚུལ་ཁྲིམས་ཕ་རོལ་ཕྱིན།། འགྲན་ཟླ་མེད་པས་བཟོད་པའི་ཕ་རོལ་ཕྱིན།། བརྗེད་པ་མེད་པས་བརྩོན་འགྲུས་ཕ་རོལ་ཕྱིན།། གཡོ་བ་མེད་པས་བསམ་གཏན་ཕ་རོལ་ཕྱིན།། འགག་པ་མེད་པས ་ཤེས་རབ་ཕ་རོལ་ཕྱིན།། གཏི་མུག་མ་རིག་མེད་པས་དེ་བཞིན་ནོ།། བྱ་རྩོལ་མི་མངའ་ཐབས་ཀྱི་ཕ་རོལ་ཕྱིན།། སྐད་ཅིག་སྤྱོད་པས་སྟོབས་ཀྱི་ཕ་རོལ་ཕྱིན།། ཡོན་ཏན་རང་ལ་རྫོགས་པས་སྨོན་ལམ་ཕ་རོལ ་ཕྱིན།། གཞི་གནས་ཡེ་ཤེས་ཡིན་པས་ཡེ་ཤེས་ཕ་རོལ་ཕྱིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཕ་རོལ་ཏུ་ཕྱིན་པ་བཅུའི་སྤྱོད་པའི་ལམ་གཞི་རྫོགས་སུ་བསྟན་པའི་ལེའུ་སྟེ་བརྒྱ་དང ་གསུམ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དོན་གྱིས་ཕ་རོལ་ཕྱིན་པ་བཅུ།། དེ་ཡི་དོན་བཤད་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། རྡོ ་རྗེ་འཛིན་པ་ལེགས་པར་ཟུང་ཞིག། ཕ་རོལ་ཕྱིན་པའི་ངོ་བོ་དང་།། ངེས་ཚིག་དབྱེ་བ་མཐུན་དཔེ་རྣམས།། བསྡུས་ཏེ་དོན་དུ་གསལ་བར་བཤད།། དང་པོ་ངོ་བོ་བཤད་བྱ་བ།། རྣམ་གྲངས་ངེས་པའི་དོན ་ལ་བཞག། དབྱེ་བའི་སྒོ་ནས་ཤེས་པ་ཡིན།། ངེས་ཚིག་གཏན་ཚིག་བཅས་པ་ནི།། མི་གནས་མཐར་རྫོགས་ཕ་རོལ་ཕྱིན།། དབྱེ་བ་རྣམ་པ་གཉིས་སུ་འདུས།། རྒྱུ་ཡི་ཕ་རོལ་ཕྱིན་པ་དང་།། འབྲས་བུའི་ཕ་རོལ་ཕྱིན ་པའོ།། དཔེར་ན་དོན་གཉེར་ལམ་ཞུགས་པས།། འདོད་པའི་ཡུལ་དུ་ཕྱིན་པའམ།། གྲུ་ལ་བརྟེན་ནས་མཚོ་ལས་ཐར།། སྐྱེས་བུའི་མཐེབ་མོས་མདའ་བསྐྱོད་བཞིན།། མཐར་ཕྱིན་གྲུབ་པའི་ས་ལ་གནས།། ཞེས་གསུངས ་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འབྲས་བུ་ཕ་རོལ་དུ་ཕྱིན་པའི་དོན་བཤད་བསྟན་པའི་ལེའུ་སྟེ་བརྒྱ་དང་བཞི་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ ་འཆང་།། སྟོན་པས་གསུངས་པའི་རྒྱུད་ལུང་ལས།། སྦུབས་ཞེས་གསུངས་པ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། སྦུབས་ཀྱི་ངོ་བོ་ངེས་ཚིག་དང་།། དབྱེ ་བ་མཐུན་པའི་དཔེ་ཡིས་བཤད།། དབྱེ་བ་རྣམ་པ་གསུམ་ཡིན་ཏེ།། རིན་ཆེན་སྦུབས་དང་འོད་ཀྱི་སྦུབས།། བག་ཆག་སྦུབས་དང་གསུམ་ཡིན་ནོ།། དང་པོ་མཚན་ཉིད་འཛིན་པ་ནི།། རྣམ་དག་ཟང་ཐལ་མི་རྟོག་འགྱུར་བ ་མེད།། འགག་མེད་ཀུན་གསལ་ཡེ་ཤེས་སྐུ།། ཕྱོགས་གཅིག་མཚན་མ་མན་ཤེལ་བཞིན།། ཞིབ་ཏུ་གོང་བསྟན་གཞི་སྣང་བཞིན།། རིན་ཆེན་སྦུབས་ཞེས་ཆོས་སྐུ་ཡིན།། བར་པའི་མཚན་ཉིད་བསྟན་པ་ནི།། འགག་མེད ་ཡེ་ཤེས་འོད་ཀྱི་སྐུ།། སུམ་ཅུ་རྩ་གཉིས་མཚན་འཆང་བ།། ཚོམ་བུའི་དཀྱིལ་འཁོར་ཆེན་པོ་ལྔ།། གསལ་མཚེར་ལྷུན་སྡུག་གཟི་བརྗིད་འབར།། འོད་ཀྱི་སྦུབས་དེ་ལོངས་སྐུ་ཡིན།། ཐ་མའི་མཚན་ཉིད་བསྟན་པ ་ནི།། བག་ཆགས་རྣམ་བཞི་ཡོངས་རྫོགས་པ།། ཕུང་པོ་ཁམས་དང་སྐྱེ་མཆེད་བཅས།། ཚོགས་བརྒྱད་སེམས་དང་བཅས་པ་ནི།། བག་ཆགས་སྦུབས་སུ་ང་ཡིས་བསྟན།། དེ་ལ་སྦུབས་གསུམ་ངོ་བོ་ནི།། གོང་བསྟན་སྐུ ་གསུམ་ཡིན་པར་བཤད།། སྦུབས་ཞེས་བྱ་བའི་གཏན་ཚིགས་ནི།། ཞུགས་པའི་རྟེན་དུ་གྱུར་པ་ཡིན།། སྦུབས་ཞེས་བྱ་བའི་བརྗོད་ཚིག་ནི།། སོ་སོའི་ངེས་ཚིག་བསྟན་པ་ཡིན།། ཡོན་ཏན་ཀུན་འབྱུང་རིན་ཆེན ་སྦུབས།། སྣང་ལ་རང་བཞིན་མེད་པ་འོད་ཀྱི་སྦུབས།། ཆུ་ཟླ་མེ་ལོང་གཟུགས་བརྙན་དང་།། འཇའ་ཚོན་ལྟ་བུའི་དཔེ་ཡིས་བསྟན།། རྣམ་རྟོག་མཐུ་བརྟས་བག་ཆགས་སྦུབས།། ཞེས་གསུངས་སོ།། སྤྲོས་བྲལ་དོན ་གསལ་ཆེན་པོའི་རྒྱུད་ལས། སྦུབས་བསྟན་པའི་ལེའུ་སྟེ་བརྒྱ་དང་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྟོན་པས་གསུངས་པའི་རྒྱུད་ལུང་དུ།། སྣང་བའི་བྱེ ་བྲག་གསུངས་པ་རྣམས།། དེ་ཡི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང་ཞིག། སྣང་བའི་ངོ་བོ་ངེས་ཚིག་དང་།། དབྱེ་བ་སོ་སོའི་དང ་རུ་བསྟན།། དང་པོ་དབྱེ་བ་རྒྱས་བསྡུས་གཉིས།། རྒྱས་པ་ལ་ཡང་རྣམ་པ་བཞི།། འགྲོ་དྲུག་ཞེན་པའི་སྣང་བ་དྲུག། རྒྱུ་འབྲས་བློ་ཡི་སྣང་བ་བཅུ།། རྟོགས་ལྡན་དོན་གྱི་སྣང་བ་གཅིག། དབྱེར་མེད་ཀུན་ཏུ་བཟང་པོའི ་སྣང་བ་བཞི།། བསྡུས་པའི་སྣང་བ་རྣམ་པ་གསུམ།། མ་དག་འཁྲུལ་པའི་སྣང་བ་དང་།། དག་པ་འཇིག་རྟེན་པའི་སྣང་བ་དང་།། ཡང་དག་པ་ཡེ་ཤེས་ཀྱི་སྣང་བའོ།། དང་པོ་སྣང་བ་རྒྱས་བཤད་པ།། འགྲོ་དྲུག་ཞེན་པའི ་སྣང་བ་དྲུག། ཤེས་བྱའི་དཀྱིལ་འཁོར་མ་འགགས་པས།། སྣང་བའི་དངོས་པོ་འདི་ཉིད་ལ།། དམྱལ་བས་ཚ་གྲངས་གཉིས་སུ་མཐོང་།། ཡི་དྭགས་གསུམ་ལ་སྣང་བ་གསུམ།། ཕྱི་ནང་སྤྱི་མཐུན་སྣང་བའོ།། ཕྱི་ཡིས་ཟས ་ལ་རྣག་ཁྲག་དང་།། གོས་ལ་ཚེར་མ་ལྟ་བུའོ།། གཅིག་ལ་ཟས་སྣང་སྲུང་མས་བསྲུང་།། གཅིག་ལ་སྲུང་མེད་ཟོས་པ་དུག། དེ་བཞིན་ཡི་དྭགས་གསུམ་དུ་སྣང་།། བྱོལ་སོང་གཉིས་ལ་སྣང་བ་གཉིས།། བྱིངས་ན་གནས ་པས་མུན་པ་སྟེ།། ཁ་འཐོར་གནས་པས་གྱེན་ཐུར་སྣང་།། མི་ལ་མཐུན་སྣང་འདི་ཉིད་སྟེ།། རང་རང་ཡུལ་མི་ཁྱིམ་ཚེས་སོགས།། ལྷ་མ་ཡིན་ལ་གོ་མཚོན་སྣང་།། ལྷ་ལ་རིན་ཆེན་བདུད་རྩིར་སྣང་།། བློ་སྣང་ཞེན་པའི ་བག་ཆགས་ཡིན།། རྒྱུ་འབྲས་བློ་ཡི་སྣང་བ་བཅུ།། མུ་སྟེགས་རྟག་པའི་སྣང་བ་ཡང་།། རྟག་པའི་དངོས་ལས་གཞན་མི་སྣང་།། མུ་སྟེགས་ཆད་པའི་སྣང་བ་ཡང་།། འདི་ཡོད་ཕྱི་མ་མེད་པ་སྟེ།། སྣང་འདི་གློ་བུར་བྱུང་བ ་དང་།། ཞིག་པས་འབྱུང་ལྔའི་ངང་དུ་ཞ།། ཆད་པར་སྣང་ལས་གཞན་མི་སྣང་།། ཉན་ཐོས་གཡག་རྔ་ནེའུ་སེང་དང་།། གོང་བུ་ཆ་ཤས་མེད་པ་ལྟར།། གཟུང་འཛིན་ཆོས་ཀྱི་བདག་ཏུ་འཛིན།། རང་རྒྱལ་གོང་མཐུན ་ཕྱོགས་གཅིག་སྟོང་།། ཕུང་པོ་ཁམས་ལ་ཕྱོགས་གཅིག་བདག་མེད་པ།། མདོ་སྡེ་དོན་དམ་སྟོང་པ་ཉིད།། ཀུན་རྫོབ་སྒྱུ་མ་ཙམ་དུ་སྣང་།། གསང་སྔགས་ཕྱི་ནང་གཉིས་ཀ་ཡང་།། དོན་དམ་མདོ་སྡེ་མཐུན་པ་ལ།། ཀུན ་རྫོབ་སྣང་བ་སོ་སོར་མཐོང་།། ཀྲི་ཡས་རིགས་གསུམ་རྗེ་ཁོ་ལ་མཐོང་།། ཨུ་པས་ལྷ་དང་དཔོན་གཡོག་མཐོང་།། ཡོ་གས་སྤུན་དང་གྲོགས་པོར་མཐོང་།། མ་ཧཱས་ཕུང་པོ་ལྷར་སྣང་མཐོང་།། ཨ་ནུས་དབྱིངས་དང་ཡེ ་ཤེས་མཐོང་།། ཀུན་གྱིས་རྒྱུ་འབྲས་མི་སྤངས་ཤིང་།། དངོས་པོ་མི་བདེན་བློ་ལ་སྣང་།། རྒྱུ་འབྲས་བློ་ཡི་སྣང་བ་ཡིན།། རྟོགས་ལྡན་དོན་གྱི་སྣང་བ་ནི།། རྫོགས་ཆེན་རྟོགས་པའི་སྣང་བ་ཡིན།། ཐམས་ཅད་ཆོས་སྤུའི ་ངོ་བོ་མཐོང་།། ཀུན་ཏུ་བཟང་པོའི་སྣང་བ་ཡིན།། གོང་མ་དང་མཚུངས་གཉིས་མེད་སྣང་།། ཐོག་མའི་གཞི་སྣང་འདུག་ཚུལ་ཡིན།། བསྡུས་པའི་སྣང་བ་རྣམ་པ་གསུམ།། མ་དག་འཁྲུལ་སྣང་གོང་བསྟན་རིགས་དྲུག ་ཡིན།། དག་པ་འཇིག་རྟེན་པའི་སྣང་བ་བཅུ་ནི་བྱང་ཆུབ་སེམས།། ཡང་དག་ཡེ་ཤེས་སྣང་བ་བཞི་པོ་གོང་དང་མཚུངས།། སྣང་བའི་དབྱེ་བ་རྒྱས་བསྡུས་བསྟན་པའོ།། སྣང་བའི་ངོ་བོ་བསྟན་པ་ནི།། དབྱེ ་བ་གོང་ནས་ཤེས་པར་གྱིས།། འོག་ཏུ་ཟུར་ཙམ་བརྗོད་མི་ལང་།། ཡང་དག་ངེས་པའི་ངོ་བོ་ནི།། ཆོས་ཉིད་གདངས་དང་སྣང་བ་དག་གི་ངེས་ཚིག་ནི།། འགག་མེད་ཡུལ་དུ་མཐོང་བས་སྣང་བར་བཏགས།། དཔེ་ནི་དབྱེ ་བའི་ཁོག་ཏུ་བསྟན།། འདི་རུ་ངེས་པའི་དཔེ་བསྟན་པ།། ཉི་མ་དག་ལས་ཟེར་སྣང་དང་།། མར་མེ་ལ་སོགས་སྣང་འོད་བཞིན།། སྣང་ཞིང་རང་གི་གདངས་ལ་ཞུགས།། དེ་བཞིན་ཡེ་ཤེས་ཆེན་པོ་ལས།། ཡེ་ཤེས་རང ་གདངས་ཟང་ཐལ་སྣང་།། ཡེ་ཤེས་རང་གི་གདངས་ལ་ཞུགས།། ཆོས་ཉིད་དག་པའི་དཔེ་བསྟན་པ།། མེ་ལོང་ལ་སོགས་བཞིན་སྣང་བཞིན།། གོང་དུ་བཤད་པས་འདིར་མ་བརྗོད།། བསྡུས་པས་གནས་པའི་ཡུལ་མ ་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྣང་བའི་དོན་བསྡུས་གསལ་བར་བསྟན་པའི་ལེའུ་སྟེ་བརྒྱ་དང་དྲུག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ ་ལྡན་རྡོ་རྗེ་འཆང་།། སྣང་བ་དེ་ལ་གནས་པ་ཡི།། འཆར་ལུགས་བཞི་པོ་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། ལག་ན་རྡོ་རྗེ་ལེགས་པར་ཟུང་ཞིག། དང་པོ་ཐུགས་རྗེ་རྩལ་གྱི་འཆར་ལུགས ་ནི།། རིག་པ་མཚན་ཉིད་ལྔར་སྣང་བས།། རང་བྱུང་ཡེ་ཤེས་འོད་དུ་གསལ།། དེ་ལས་གཟུང་འཛིན་རྟོག་འགྱུས་པས།། འོད་དེ་ལུས་ཀྱི་རྟེན་དུ་གྱུར།། ཐུགས་རྗེ་རྩལ་གྱི་འཆར་ལུགས་ལ།། དེ་ནི་འཁྲུལ་པའི་སེམས ་ཅན་ལའོ།། ཐུགས་རྗེ་སྦྲུལ་སྐུའི་འཆར་ལུགས་ནི།། ལོངས་སྐུ་ཡབ་ཡུམ་ཞལ་བར་ནས།། ཡི་གེ་དྲུག་པ་འོད་དུ་འཕྲོ་བའོ།། སྲིད་པ་བཞི་ཡི་འཛིན་ལུགས་ནི།། དང་པོ་བག་ཆགས་ལུས་འདི་ལ།། བརྟགས་ནས་སྲིད་པ ་གཟུང་བའོ།། དེ་ནས་ལུས་བྱིངས་བསྐྱེད་པའོ།། མིག་གཉིས་དག་ནས་རྩ་གཉིས་ཤར།། དེ་ལས་རྩ་ཡི་མདུད་པར་གྱུར།། དེ་ལས་ལུས་བསྐྱེད་རྩ་ཡིས་ཡན་ལག་རྒྱས།། དེ་ཡི་ནང་དུ་ཙིཏྟ་དང་།། གློ་བ་ལ་སོགས་ནང ་ཁྲོལ་རྣམས།། དོན་སྙིང་སོ་སོར་རྫོགས་པར་འགྱུར།། སྡུད་བྱེད་ལུས་ཀྱི་ཆགས་ལུགས་ཡིན།། ལུས་བྱིངས་བསྐྱེད་རྫོགས་གཡོ་བར་བྱེད།། ནང་གི་བཅུད་ཀྱི་ཆགས་ལུགས་ནི།། མ་བུའི་ལྟེ་བ་གཉིས་འབྲེལ་ཏེ།། ལྟེ ་བས་ནང་ནས་བསྐྱེད་པར་བྱེད།། དེ་ཡིས་སྟོབས་དང་གཟི་མདངས་འཕེལ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། ཆགས་ལུགས་བཞི་བསྟན་པའི་ལེའུ་སྟེ་བརྒྱ་དང་བདུན་པའོ།། །། དེ ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རྒྱུད་ལུང་ཀུན་ནས་གསུངས་པ་ཡི།། བར་དོ་རྣམ་བཞི་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། རིགས་ཀྱི་བུ་ལེགས ་པར་ཉོན་ཅིག། བར་དོ་རྣམ་པ་བཞི་པོ་ནི།། རང་བཞིན་དག་པའི་བར་དོ་དང་།། ཏིང་ངེ་འཛིན་གྱི་བར་དོ་དང་།། ཆོས་ཉིད་འོད་གསལ་གྱི་བར་དོ་དང་།། སྲིད་པའི་བར་དོ་དང་རྣམ་པ་བཞིའོ།། དེ་ལ ་རང་བཞིན་བར་དོ་ནི།། ད་ལྟའི་འཁྲུལ་སྣང་འདི་ཉིད་ཡིན།། ཏིང་ངེ་འཛིན་གྱི་བར་དོ་ནི།། ལས་སུ་མ་རུངས་བསྒོམ་དུས་ཡིན།། ཆོས་ཉིད་པར་དོ་ཞེས་བྱ་བ།། འཁྲུལ་སྣང་འགགས་ནས་ཞག་ལྔའི་བར།། རང་རིག་ཡེ ་ཤེས་འོད་དུ་ཤར།། འོད་ལ་གནས་པ་བར་དོ་ཡིན།། སྲིད་པའི་བར་དོ་ཞེས་བྱ་བ།། ཆོས་ཉིད་འོད་གསལ་སྣང་བ་ཡང་།། རྟོགས་པའི་ཤེས་རབ་མ་སྐྱེས་པས།། སྔ་ནས་ཡེ་ཤེས་བག་ལ་ཞ།། སྔར་གྱི་བག་ཆགས་སྣང ་བ་ཤར།། དབང་པོ་ཀུན་ཚང་ཐོགས་མེད་ལྡན།། སྲིད་པའི་ཤ་གཟུགས་སྔོན་དུ་ཤར།། རང་དང་རིགས་མཐུན་ལྷ་མིག་མཐོང་།། ལུས་དང་འདུག་ས་ཚོལ་བར་བྱེད།། ངོ་བོ་དབྱེ་བར་བཅས་པའོ།། ངེས་པའི་དོན་ལ་མི ་གནས་པས།། རང་ས་མ་ཟིན་པར་དོ་ཡིན།། ངེས་པའི་གཏན་ཚིགས་ཞེས་བྱའོ།། དཔེར་ན་འཇིག་རྟེན་དོན་གཉེར་བ།། འགྲོ་སར་མ་ཕྱིན་ཞག་ས་བཞིན།། རང་བཞིན་གནས་པའི་བར་དོ་ལ།། རྒྱུད་ལུང་ཀུན་གྱི་ཁོག། ་དགྲོལ་ཏེ།། ངོ་སྤྱོད་བདུན་གྱིས་གཏན་ལ་ཕབ།། རང་རིག་ལྟ་བས་ཟག་ཆོད་པའོ།། ཏིང་འཛིན་པར་དོ་གསལ་བར་བྱ།། ཆོས་ཉིད་བར་དོ་ཡེ་ཤེས་ངོས་བཟུང་བའོ།། གལ་ཏེ་དེ་ལྟར་མ་གྱུར་པས།། སྲིད་པའི་བར་དོ ་ལས་ཀྱི་འཕྲོ་མཐུད་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བར་དོ་བཞི་བསྟན་པའི་ལེའུ་སྟེ་བརྒྱ་དང་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ ་ལྡན་རྡོ་རྗེ་འཆང་།། ཆོས་ཉིད་བར་དོར་གྲོལ་བའི་ཐབས།། སེམས་དང་ཡེ་ཤེས་ཇི་ལྟར་དབྱེ།། ཞེས་ཞུས་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ངེས་པར་ཟུང་ཞིག། སེམས་དང་ཡེ་ཤེས་རྣམ་པ ་གཉིས།། གཅིག་མིན་ཐ་དད་མ་ཡིན་ཏེ།། དབྱེ་བ་རབ་ཏུ་དཀའ་བའི་ཆོས།། སེམས་ཉིད་ཡེ་ཤེས་རྩལ་ཡིན་ཏེ།། སེམས་ཀྱི་གཞི་མ་ཡེ་ཤེས་ཡིན།། དེ་ལ་སེམས་དང་ཡེ་ཤེས་གཉིས།། གཅིག་པ་དང་ནི་ཐ་དད ་པས།། གྲོལ་དང་མ་གྲོལ་ཞེས་བྱའོ།། སེམས་དང་ཡེ་ཤེས་དབྱེ་བ་ནི།། ངོ་བོའི་སྒོ་ནས་དབྱེ་བ་དང་།། གནས་ཀྱི་སྒོ་ནས་དབྱེ་བ་དང་།། ལམ་གྱི་སྒོ་ནས་དབྱེ་བ་དང་།། འབྱུང་བའི་སྒོ་ནས་དབྱེ་བ་དང་།། སྐྱོན་ཡོན་སོ ་སོའི་སྒོ་ནས་དབྱེ་བའོ།། དེ་ལ་ཡེ་ཤེས་ངོ་བོ་ནི།། རང་བཞིན་རྣམ་པར་དག་པ་ཆོས་ཀྱི་སྐུ།། འདུག་ཚུལ་འོད་དུ་འདུག་པས་གཟུགས་ཀྱི་སྐུ།། སྣང་ཚུལ་ཕྱི་ནང་མེད་པས་ཡེ་ཤེས་ཟང་ཐལ་ཡིན།། སྐུ་གསུམ་དབྱེ་མེད ་དངོས་པོའི་སྒྲིབ་ལས་འདས།། ཞིབ་ཏུ་གོང་བཤད་འདིར་ནི་མ་བརྗོད་དོ།། སེམས་ཀྱི་ངོ་བོ་བསྟན་པ་ནི།། སྦུབས་དང་བཅས་པའི་གཟུང་འཛིན་ཡིན།། སེམས་དང་ཡེ་ཤེས་གནས་བསྟན་པ།། ཡེ་ཤེས་ཆེན་པོའི ་བཞུགས་གནས་ཡིན།། རྣམ་དག་དབྱིངས་ཀྱི་ཐིག་ལེ་ཡིན།། དེ་ལྟར་རིན་ཆེན་སྦུབས་ན་བཞུགས།། འདུག་ཚུལ་གནས་དང་སྣང་ཚུལ་རྣམས།། གོང་དང་འོག་ཏུ་ཤེས་པར་བྱ།། སེམས་ནི་རླུང་ཅན་གྲོང ་ན་བཞུགས།། ལམ་ཡང་རྣམ་པ་གཉིས་སུ་བསྟན།། རིན་ཆེན་རྒྱ་མཚོར་འབྲེལ་བ་ཡིན།། དཀར་འཇམ་ཁོག་པ་སྟོང་པའི་རྩ།། ཐིག་ལེ་ཁྲག་གིས་མ་གང་བར།། ཡེ་ཤེས་ཆེན་པོ་ཀུན་ཏུ་རྒྱུ།། དེ་ནི་ཡེ་ཤེས་ལམ་དུ ་བཤད།། མགྲིན་པ་སེམས་ཀྱི་ལམ་དུ་བཤད།། དེ་ནི་དབུགས་རྒྱུའི་འགྱུ་སྲང་ཡིན།། སྒོ་ནི་རྣམ་པ་གཉིས་སུ་བཤད།། ཡེ་ཤེས་སྒོ་དང་སེམས་ཀྱི་སྒོ།། ཡེ་ཤེས་སྒོ་ནི་གཉིས་ཡིན་ཏེ།། ཁྱབ་པ་མི་སྣང་སྒོ་དང་ལྐོག་གྱུར ་སྒོ།། རྣམ་པ་གཉིས་སུ་བསྟན་པ་ཡིན།། གསལ་བའི་བདག་ཉིད་ཟང་ཐལ་བས།། མངོན་གྱུར་སྒོ་དེ་སྤྱན་དུ་བསྟན།། སེམས་སྒོ་འདོད་པའི་སྒོ་གསུམ་ཡིན།། དབུགས་རྒྱུ་མི་རྒྱུའི་རྣམ་ཤེས་དབྱེའོ།། ཡེ་ཤེས་ཡོན ་ཏན་ཀུན་སྣང་རྫོགས།། སེམས་ཀྱི་སྐྱོན་ནི་འཁོར་བའི་ཆོས།། དེ་དང་དེ་ལས་བྱུང་བའི་རྩི།། ཀྱེ་མ་རིག་ཀྱི་བུ་ལེགས་པར་ཉོན་ཅིག། དོན་དེ་ཟབ་མོའི་བརྡར་བསྟན་ན། སྔོན་རི་རབ་ཀྱི་རྩེ་མོ་རྒྱ་མཚོའི་ཉི་མ་ཅན་ན།། ་ཀླུའི་རྒྱལ་པོ་ནོར་བུ་འོད་ལྡན་བྱ་བ་བཞུགས་སྐད། ཁོ་སྐྱོ་ནས་ཡས་མར་གཟིགས་པས། རྣམ་དག་པད་མའི་ཚལ་བྱ་བ་ན་རིན་པོ་ཆེའི་ཁང་པ་ཉི་ཟླས་བརྒྱན་པ་བྱ་བ་འདུག་པ་མཐོང་། དེར་ཁོང་ཡང་བྱོན་ཏེ་བཞུགས ་པའི་ཕོ་བྲང་བྱས་སྐད་དོ།། གོང་མ་ལ་མཆོད་ཁང་བྱས་ཏེ་བཞུགས་སྐད། དེ་ནས་མར་གཟིགས་པས་རླུང་ཅན་གྱི་གྲོང་ན། བློན་པོ་ཀུན་བྱེད་བྱ་བ་འདུག་པ་མཐོང་ངོ་།། དེར་བྱོན་ནས་བློན་པོར་བསྐོས་སོ།། རྒྱལ་བློན ་འཁྲུགས་པར་གྱུར་སྐད་དོ།། དེ་ནས་བློན་པོས་བསྐྱོད་པ་ཤུགས་ཀྱི་རྟ་ལ་ཞོན་ནས། ཀུན་ཏུ་རྒྱུའི་སྲང་དུ་ཕྱིན་ཏེ། འཐབ་རྩོད་ཀྱི་སྒོ་གསུམ་དུ་བྱོན་ཏེ། རིན་པོ་ཆེ་རྣམ་པ་ལྔ་བཙལ་ནས། རྒྱལ་པོ་ལ་དཔྱ་ཕུལ་བས། ་རྒྱལ་པོ་མཉེས་པ་དང་ཚིམས་པར་མ་གྱུར་ཏེ། དམངས་དང་བློན་པོ་ཡི་མུག་ག་ཆད་ནས། རྒྱལ་བློན་འཐབ་པས། རྒྱལ་པོས་བློན་པོ་ལ་ཆབ་བསལ། འབངས་ཆམ་ལ་ཕབས་ནས། རྒྱལ་བློན་བྲལ་བས་མཆོད་པ་རྒྱུན ་ཆད་དེ། རྒྱལ་པོ་ཕོ་བྲང་དུ་བསྐྱོད་དེ། འཐབ་ཟླ་མེད་པས་ཤིན་ཏུ་སོ་བསོད་དོ་སྐད། ཛྙཱ་ན་ཙིཏྟ་པྲ་བེ་ཤ་ཡ་ས་དུ་ཨ་ཧཱ་ཀཱ་ལ། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སེམས་དང་ཡེ་ཤེས་དབྱེ ་བ་བསྟན་པའི་ལེའུ་སྟེ་བརྒྱ་དང་དགུ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གང་གསུངས་དོན་རྣམས་རྟོགས་པ་ཡིས།། འཁྲུལ་པའི་སྣང་བ་ཇི་ལྟར ་འགགས།། ཡེ་ཤེས་སྣང་བ་ཇི་ལྟར་འཆར།། རང་རིག་ཤེས་པ་ཇི་ལྟར་འཇུག། རྟགས་ཀྱི་ཤེས་པ་ཇི་ལྟར་འབྱུང་།། རབ་འབྲིང་གྲོལ་ལུགས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ།། གསང་བདག ་ངེས་པའི་དོན་འདི་ཟུང་།། འཇིག་རྟེན་འཁྲུལ་པའི་སྣང་བ་འདི།། དང་པོ་རང་ལས་ཤར་བའི་ཕྱིར།། མཐའ་མར་རང་གི་ངང་དུ་གྲོལ།། གང་བསྟན་རང་ཤར་རང་གྲོལ་བཞིན།། སྣང་བ་སེམས་ཀྱི་དབང ་དུ་འདུས།། གཟུང་བར་བྱ་བའི་ཡུལ་དང་བྲལ།། སེམས་རྟོགས་ཡེ་ཤེས་དབང་འདུས་པས།། འཛིན་པར་བྱེད་པའི་སེམས་དང་བྲལ།། གཟུང་འཛིན་བྲལ་བའི་རིག་པ་ལ།། ཡེ་ཤེས་རང་དང་ས་འོད་གསལ་བ།། མཁའ ་ལ་འཇའ་ཚོན་གསལ་བ་ལྟར།། ཆོས་ཉིད་ཀློང་ན་ཡེ་ཤེས་གསལ།། མཐའ་དབུས་མེད་པར་ཀུན་ཏུ་ཁྱབ།། དེ་ཚེ་ཤེས་པ་དེ་ལ་འཇུག། དངས་མའི་འབྱུང་བ་རྣམ་པ་ལྔ།། ཆོས་ཉིད་ངོ་བོ་ཉིད་ལ་ཤར།། དེ་ལ་སྣང་བའི ་འབྱུང་བ་ལྔ།། རང་རང་ངང་དུ་དག་ཅིང་ཐིམ།། འབྱུང་བའི་སྐབས་སུ་བསྟན་པ་ཡིན།། དང་པོ་ས་ལ་ས་ཐིམ་པས།། ལུས་ལྕི་ཤེས་པ་འགྲིབ་པ་ཡིན།། དེ་ནས་ཆུ་ལ་ཆུ་ཐིམས་པས།། ལུས་པོ་ཁ་སྣ་སྐམ་པ་ཡིན།། དེ ་ནས་རླུང་ལ་རླུང་ཐིམ་པས།། ལུས་དང་ཤེས་པ་ལྗི་ཞིང་བྱིངས།། དེ་ཚེ་མེ་ལ་མེ་ཐིམ་པས།། ལུས་ནི་དྲོད་དང་བྲལ་བ་ཡིན།། རྣམ་ཤེས་ནམ་མཁའི་ངང་དུ་ཐིམ།། ཚོར་བ་བདེ་སྡུག་རྣམ་རྟོག་བྲལ།། ཁྱབ་པ་མེད་པའི ་གདངས་ལ་གནས།། ཆོས་ཉིད་རང་གི་ངོ་བོ་ལྔ།། ཐིག་ལེ་ལྔ་ཡི་བདག་ཉིད་ཅན།། རང་བཞིན་དག་པའི་ནམ་མཁའ་དང་།། གཉིས་མིན་གཅིག་མིན་དོན་གྱིས་གནས།། ཅི་ཡི་ཕྱིར་ན་ལོགས་ན་མེད།། བག་དང་མ ་བྲལ་ཁ་དོག་དབྱིབས།། དེ་ལ་དེ་སྣང་དེ་ཡི་ངོ་བོ་ལ།། དེ་ཕྱིར་དེ་ལ་དེ་སྐད་ཅེས་བརྗོད་པའོ།། ཡེ་ཤེས་གཞི་ལ་འབྲོས་པའི་རྟགས།། རི་རབ་རྩེ་ནས་ཉི་མ་ནུབ།། རླུང་བཞི་རིམ་པས་ཞི་གྱུར་ནས།། ལས་ཀྱི་རླུང་གིས ་བསྐྱོད་པའི་བདག། འཆི་བདག་བདུད་ཀྱི་གྲོང་ཁྱེར་ནས།། བདུད་ཀྱི་སོ་བ་མིག་གཅིག་པོ།། དུས་ལ་བབ་དང་མ་བབ་བལྟ།། མང་ཡང་རྟགས་ཀུན་བསྡུས་པ་ཡིན།། ཞེས་གསུངས་སོ།། སྤྲོས་བྲལ་དོན་གསལ་ཆེན ་པོའི་རྒྱུད་ལས། གྲོལ་ས་སྤྱིའི་མཚན་ཉིད་བསྡམས་པ་དང་རྟགས་བསྟན་པའི་ལེའུ་སྟེ་བརྒྱ་དང་བཅུ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གང་ཟག ་ལུས་སེམས་འབྲལ་མི་འབྲལ།། རྟགས་ཀྱི་བྱེ་བྲག་ཇི་ལྟར་འབྱུང་།། དེ་སྐད་ཞུས་པའི་ལན་གསུངས་པ།། ཉོན་ཅིག་གསང་བའི་བདག་པོ་ཁྱོད།། གང་ཟག་ལུས་སེམས་འབྲལ་མི་འབྲལ།། རྟགས་ཀྱི་བྱེ་བྲག་ངས ་བསྟན་ཉོན།། འཆི་ལྟས་བཅུ་གསུམ་དག་ཏུ་བསྟན།། གངས་ཀྱི་རླངས་པ་ཡལ་མ་ཡལ།། ཉི་མའི་ངོས་ལ་རླངས་པ་ཡལ་མ་ཡལ།། རླངས་པ་ཡལ་ན་ལུས་སེམས་འབྲལ་བར་འགྱུར།། གཞུང་རྩ་ཉམས་ཏེ་རླངས་པ ་མེད་པ་ཡིན།། གསལ་བ་ཤེལ་གྱི་མེ་ལོང་གི། གདངས་དེ་ནུབ་བམ་མ་ནུབ་བལྟ།། མེ་ལོང་བཙིར་བས་བལྟས་པ་དེར།། མདངས་ཤོར་གཞི་འདུས་འཆི་བས་རྟགས།། དཔགས་བསམ་འདབ་མ་ཆག་གམ་མ་ཆག ་བཿ།། སྠཱ་དང་བསྒྲ་ལོག་ན་མོ་འདབ་བསྐམས།། རྩ་ཟན་ནང་དུ་འཐམས་པས་འཆི་བའི་ནགས།། མཁའ་འགྲོའི་སྒྲ་སྔགས་ཆག་གམ་མ་ཆག་བརྟ།། རྣ་བ་གཅིས་བཙར་བས་ནི་མངོན་པཀྵ། ་གཞི་ལ་རྩལ་འདུས་འཆི་བའོ།། གནམ་སའི་འབྲེལ་ཟག་ཆད་དམ་མ་ཆད་བརྟག། ལག་དང་མིག་སྔར་བྱར་བས་བརྟག། ཆད་ན་ཨ་ཧོ་ལི་ཀ་ཉམས་ཏེ་འཆི།། ཐབས་དང་ཤེས་རབ་བྲལ་ལམ་མ་བྲལ་ནི།། ས་ཐག ་གཉིས་ཀྱི་དབུགས་ལ་བལྟ་བ་སྟེ།། དབུགས་ལ་རིང་ཐུང་བྱུང་ན་རྩ་འགགས་འཆི།། རྟ་མཆོག་ཁང་བཟང་གཏིབ་བམ་མ་གཏིབ་བརྟག། སྣ་བྲག་ཞོམ་ན་ཁང་བཟང་གཏིབ་སྟེ་འཆི།། དོན་སྙིང་གྷོ་རྩ་ཐམས་པས ་འཚལ།། ཐག་གི་རྒྱ་མཚོ་བ་རྣམས་སམ་མ་བསྐམས་པ།། ། མཐར་ཆོས་བཀྲག་ལ་བས་ཏེ་ཐམས་ན་འཆི།། ཁྲག་རྣམས་ནང་དུ་འདུས་པ་ཡིན།། ཀློག་དབང་ཟེ་འམ་མཐེ་ལྕེ་ལ་བརྟགས།། ཀྱེ་སྡེབས་ཀྱ་ན ་འཐམས་པས་འཆི།། བཅན་པོའི་མཁར་གྱི་སྒོ་མཆོད་དམ་མཆོད་མཐ།། མཆོད་རྩ་ནང་དུ་ཐོས་པས་མཆུ་ནི་བསམ་མི་ཤེས།། རི་རབ་སྐང་ནས་བདུད་ནག་ལངས་མ་ལངས།། མཛུབ་པྲ་ཁ་སྦྱར་ཟིན་ལག ་བསྡུམ།། སྦྱིན་ལག་བྱེད་དམ་མྱ་བྱེད་པསྟེ།། བྱེད་ན་སྦྱང་རྒྱ་འཛུམས་པས་འདི།། གཟུགས་བརྙན་རྒྱོ་འཕྲུལ་ཡུལ་མྱ་ཡུལ།། རང་གྲིབ་པར་སྣང་གཟུགས་ལ་བརྒྱ།། གཟུགས་མྱེད་སྣང་བ་ལོག་པས་འཚོ།། དུས་ཀྱྀ་ཙྪ ་ཀླུང་མལ་ན་ཉལ་མ་ཉལ།། བླ་རྩ་འཁྱམས་པོ་མེད་ན་འཆི།། དེ་ལྟར་འཆི་ལྟས་བྱུང་ན་ནི།། ཚེ་ཡི་འདུ་བྱེད་བྱེར་བར་འགྱུར།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། འཆི་ལྟས་རྒྱས་པར ་བསྟན་པའི་ལེའུ་སྟེ་བརྒྱ་དང་བཅུ་གཅིག་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གང་ཟག་རྟོགས་ཤིང་གོམས་ལྡན་ལ།། བར་དོའི་སྣང་བ་ཇི་ལྟར་འཆར།། དེ ་ཉིད་ཞུས་པའི་ལན་གསུངས་པ།། སྤྱི་དང་བྱེ་བྲག་གཉིས་སུ་བསྟན།། བྱེ་བྲག་དབང་པོ་རབ་འབྲིང་གི། གོ་རིམ་བཞིན་དུ་འཆར་བར་འགྱུར།། རྟོགས་ལྡན་སྤྱི་རུ་འདི་ལྟར་འབྱུང་།། ལུས་སེམས་བྲལ་ཏེ་སྐུ་གསུམ ་འཆར་དུས་སུ།། འཁོར་བའི་ཆུ་བོ་བཞི་ལས་བརྒལ།། སྐྱེ་རྒས་ན་འཆི་བཞི་ཡིན་ནོ།། སྲིད་པའི་ལམ་ཆེན་ལྔ་ལས་བརྒལ།། ཉོན་མོངས་ཆགས་སྡང་རྣམས་ལྔའོ།། སེམས་ཀྱི་རྟེན་ཕུར་ཕྱུང་བ་སྟེ།། བེམ་རིག་བྲལ་བའི ་དུས་ཡིན་ནོ།། མྱ་ངན་ཟང་ཆེན་དག་ལས་བརྒལ།། འཇིག་རྟེན་འདི་ཡི་སྡུག་བསྔལ་ལོ།། ལྷན་ཅིག་སྐྱེས་པའི་གྲོགས་དང་བྲལ།། ལྷན་སྐྱེས་མ་རིག་སངས་པ་ཡིན།། རྟག་པའི་ཡུལ་དང་བྲལ་བར་གྱུར།། འཇིག་རྟེན ་སྣང་བ་འདི་ཉིད་འགགས།། ཡུན་རིང་འགྲོགས་པའི་གྲོགས་དང་བྲལ།། འཇིག་རྟེན་འདི་ཡི་སེམས་ཡིན་ནོ།། འགྱུར་ལྡོག་ཅན་གྱི་བློ་དང་བྲལ།། གཟུང་འཛིན་རྟོག་པ་སྣ་ཚོགས་སོ།། རྟག་ཏུ་ན་བའི་ནད་དང ་བྲལ།། དེ་ནི་འཁོར་བའི་སྡུག་བསྔལ་ལོ།། དུས་ཀྱི་དམར་ཟག་ཆད་པ་ཡིན།། སྐད་ཅིག་དུས་མཐའ་ཟད་པའི་དུས།། དངས་མའི་རང་སྣང་ཤར་བའི་དུས།། རིག་པ་རང་ངོ་རང་གི་ཤེས་པའོ།། འཛིན ་པའི་ཤེས་པ་མེད་པས་ན།། སྣང་བའི་རྐྱེན་གྱིས་བསྐུར་མི་ཚུགས།། རང་སྣང་ཤར་ཀྱང་རང་སར་གྲོལ།། འགྱུ་བ་མི་ཤེས་ཟང་ཐལ་ཡིན།། འོག་འགྱུའི་སྲོག་གཅོད་དང་མ་སངས།། རིག་པ་རང་སར་ཟིན་པ ་ཡིན།། རིག་པ་མ་དང་འཕྲད་དེ་ལྡོག་མི་སྲིད།། སྣང་བ་རང་སྣང་ཉིད་དུ་སྣང་བ་ལ།། རིག་པ་འཛིན་མེད་འཁྲུལ་མི་སྲིད།། སྐུ་གསུམ་ལྷུན་གྱིས་གྲུབ་པ་ལ།། འབྲས་བུ་གཞན་ནས་མི་འཚོལ་རྩོལ་སྒྲུབ་བྲལ།། ལོངས ་སྐུར་བྱོན་ནས་གཞན་དོན་མཐའ་རུ་འབྱུང་།། གཞན་དོན་རྫོགས་ནས་ཆོས་སྐུ་ཉིད་དུ་ཐིམ།། དེ་ཉིད་དུས་ན་གཞན་དོན་གཟུགས་སྐུ་མན་ཆད་ནས།། འཇིག་རྟེན་དག་དང་ཐེག་པའི་མཐའ་རྣམས་བྲལ།། ཞེས་གསུངས ་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། བར་དོའི་འབྲས་བུས་བསྟན་པའི་ལེའུ་སྟེ་བརྒྱ་དང་བཅུ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྤྱི་ཡི ་བྱེ་བྲག་དེ་ལྟར་ན།། རབ་འབྲིང་ཐ་མའི་གྲོལ་ལུགས་རྣམས།། མ་ནོར་རིམ་པས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། དབང་པོ་ཡང་རབ་གྱུར་པ་ལ།། ཡེ་ནས་ཟང་ཐལ་ཆེན་པོ་པས།། བར ་དོ་མེད་ཅིང་སྐད་ཅིག་མར།། དེ་ལྟ་ཉིད་དུ་གནས་པ་ཡིན།། རང་བཞིན་དག་པའི་ནམ་མཁའ་ལ།། ཆོས་ཉིད་དག་པའི་ངོ་བོ་གནས།། དེ་ལ་རིག་པ་ཟང་ཐལ་ཤར།། ཤར་བ་མ་ཡིན་གནས་པ་ཡིན།། དཔེར་ན་ནམ ་མཁའ་ཟང་ཐལ་ལ།། ཁང་ཁྱིམ་བྱས་པས་ནམ་མཁའ་གུད་དུ་བཅད།། ཁང་པའི་ནང་གི་ནམ་མཁའ་དང་།། རང་བཞིན་དག་པའི་ནམ་མཁའ་གཉིས།། སྒོ་འམ་མཐོང་ན་སྒྲིབ་མེད་པས།། ནམ་མཁའ་གཉིས་པོ་སྒྲིབ ་མེད་གསལ།། བག་ཆགས་སྦུབས་ཀྱི་རིག་པ་དང་།། མཁའ་ལ་གནས་པའི་རིག་པ་གཉིས།། ཡེ་ཤེས་སྒོ་ཡིས་མཚམས་སྦྱར་ནས།། བག་ཆགས་ལུས་ཀྱིས་མ་བསྒྲིབས་པར།། གཉིས་མེད་ཟང་ཐལ་ཆེན་པོར ་གནས།། རྟོགས་པའི་དོན་ཆེན་དེ་ལྟར་ནི།། སེང་གེའི་མཆོངས་པས་ས་ཆོད་ལྟར།། ཡེ་ཤེས་ཟང་ཐལ་ཆེན་པོ་ཡིས།། བར་དོ་སྐྱེ་འགགས་མི་གནས་པར།། རིན་ཆེན་སྦུབས་ཀྱི་ནང་དུ་གཅོད།། དེ་བས་ཡེ་གྲོལ་ཆེན ་པོར་གནས།། དེ་ལ་རྩིས་གདབ་མི་བྱའོ།། ཇི་ལྟར་དོན་བརྗོད་མི་ཤེས་པ།། དབང་པོ་དམན་པའི་གང་ཟག་ལ།། གྲོལ་ལུགས་རྩིས་གདབ་བྱ་རུ་མེད།། བྱས་ཀྱང་ངེས་པ་མི་རྙེད་པས།། སྐྱེ་བ་གཅིག་གིས་ཐོགས་པར ་བཤད།། དེ་ནས་དེ་ཉིད་འཕྲད་པར་འགྱུར།། འབྲིང་ལ་རབ་འབྲིང་ཐ་མ་གསུམ།། འབྲིང་གི་རབ་དང་འབྲིང་གི་འབྲིང་།། འབྲིང་གི་ཐ་མ་རྣམ་པ་གསུམ།། འབྲིང་གི་རབ་ཀྱི་གྲོལ་ལུགས་ནི།། སྐད་ཅིག་གསུམ་ལ ་གྲོལ་བར་འགྱུར།། དང་པོ་སྣང་བ་ཚུལ་ལ་འཇུག། སྒོ་ལྔའི་རྣམ་ཤེས་དག་ལའོ།། ནང་གི་འབྱུང་བ་འོད་ལ་འདུ།། རྣམ་ཤེས་ལྔ་པོ་དེ་ལྟར་འཇུག། རྩལ་སྣང་བཞི་ལ་འདུས་པ་ནི།། ཚོན་གྱི་གྲུ་གུ་བསྡོག ་པ་བཞིན།། དེ་ཚེ་རླུང་བཞི་རིམ་བཞི་ནས།། སྙིང་རྗེ་མེད་པའི་ལས་ཀྱི་རླུང་།། སྲོག་པ་རྩ་ནས་ལྡང་བར་འགྱུར།། དེ་ཚིག་གནས་ནས་ལམ་དུ་འཇུག། ལམ་ནས་སྒོ་རུ་མྱུར་དུ་འཇུག། སྒོ་ཡི་སྣང་བ་ཆོས་ཉིད་ཀློང་དུ ་འཆར།། ཐུགས་རྗེ་རྒྱུན་གྱི་ཐེག་པ་ཟང་ཐལ་ལ།། ཞོན་ནས་ཡེ་ཤེས་རང་གི་གདངས་ལ་འཇུག། དེ་ཡི་སྐད་ཅིག་དང་པོ་ལའོ།། དེའི་ཚེ་སྐུར་སྣང་ཤེས་རབ་སྐྱེ།། བཞི་བཅུ་རྩ་གཉིས་མངོན་གསལ་བ།། མེ་ལོང་ནང་གི ་གཟུགས་བརྙན་བཞིན།། ཡེ་ཤེས་ལྔ་ལྡན་དགོངས་པ་ཡིན།། གོང་དུ་ཞིབ་པར་བརྗོད་པའི་ཕྱིར།། འདི་རུ་བརྗོད་པར་མི་བྱའོ།། དེ་ལས་མངོན་ཤེས་ཆོས་སྤྱན་ཤར།། སྐུ་གསུམ་རྣམ་པར་བཞག་པ་སྟེ།། ཡི་གེ་དྲུག་པོ ་འོད་ཟེར་འཕྲོ།། སྤྲུལ་པའི་སྐུར་འགྱུར་དོན་རྣམས་བྱེད།། དེ་ཚེ་རྫོགས་ལྡན་དགོངས་པ་རྫོགས།། དེ་ཡི་སྐད་ཅིག་གཉིས་པ་ལའོ།། དེ་ནས་མྱ་ངན་འདས་གྱུར་ཏེ།། བློ་དང་འཁོར་བའི་ཆོས་ཅན་ལས།། འདས་ཏེ་མི ་གནས་ངང་དུ་ཐིམ།། ཡེ་ཤེས་སྤྱན་གཅིག་འགྱུར་མེད་གསལ།། རྫོགས་ལྡན་ཆེན་པོའི་དགོངས་པ་རྫོགས།། དེ་ཡི་སྐད་ཅིག་གསུམ་པའོ།། འབྲིང་གི་འབྲིང་གི་གྲོལ་ཚུལ་ནི།། དང་པོ་ཕྱི་ནང་འཁྲུལ་པ་དག། གཉིས ་པར་རང་གདངས་འོད་དུ་གསལ།། གསུམ་པར་དེ་ལ་སྐད་ཅིག་གནས།། བཞི་པར་རང་སྣང་ཤེས་རབ་སྐྱེ།། མ་རིག་བདུད་བཞི་ངེས་བཅོམ་སྟེ།། བཞི་བཅུ་རྩ་གཉིས་མངོན་སངས་རྒྱས།། འབྲིང་གི་འབྲིང་གིས་ལྔ ་ལྡན་དགོངས་པ་རྫོགས།། མངོན་ཤེས་དྲུག་ལྡན་རྗེས་དྲན་དྲུག། ནམ་མཁའི་མཐོངས་ནས་ཉི་ཤར་ལྟར།། རྣམ་པ་ཀུན་མཁྱེན་ཡེ་ཤེས་ཤར།། འ་སོགས་ཡི་གེ་རྣམ་དྲུག་འཕྲོ།། དེ་ནི་སྦྲུལ་སྐུའི་རྒྱུ་ཡིན་ཏེ།། ལས་དག ་གང་ཟག་རྣམ་པ་གཉིས།། འདུ་འཕྲོ་བྱེད་པའི་བར་དུ་འཕྲོ།། དཀར་དམར་རྣམ་གཉིས་ལུས་ཀྱི་རྒྱུ།། ཡི་གེ་དྲུག་པའི་བྱང་ཆུབ་སེམས།། ལུས་ཀྱི་རྒྱུ་ལས་སེམས་ཤར་བས།། དཀར་དམར་ཀློང་དུ་གནས་པ ་ནི།། གནས་ལ་གནས་གབ་ལུས་དང་སེམས་ཀྱི་ཚུལ།། དེ་ནས་ལུས་ཀྱི་སྤྲུལ་པས་འགྲོ་དོན་མཛད།། འགྲོ་བ་མ་ལུས་ཐམས་ཅད་ལ།། རང་རིག་ཡེ་ཤེས་ཡེ་གནས་པ།། སྙིང་པོ་འགྱུར་མེད་འགག་པ་མེད།། དེ་དོན ་ངེས་པ་ཀུན་ལ་སྒྲོགས།། ཐུགས་ཀྱི་སྙིང་པོ་འགྲོ་ལ་འཆར།། སྟོན་པའི་དགོངས་པ་ལོངས་འགྱུར་བས།། ཡིད་འདྲེས་བཅུད་ལ་བཅུད་གབ་འགྱུར།། དེ་ཡིས་ངེས་པར་གྲོལ་བར་འགྱུར།། འབྲིང་གིས་རྫོགས་ལྡན ་དགོངས་པ་རྫོགས།། དེ་ནས་སྐད་ཅིག་དྲུག་པ་ལ།། སངས་རྒྱས་མྱ་ངན་ཡོངས་འདའ་སྟེ།། ཡེ་ཤེས་རླུང་གི་སྟོབས་རྣམས་ཀྱིས།། དང་པོ་ཆོས་སྐུར་གཟུགས་སྐུ་བསྐྱེད།། ཐ་མ་གཙོ་འཁོར་རིམ་པས་ཐིམ་གྱུར་ཏེ།། ཡེ ་ཤེས་རླུང་གིས་ཆོས་ཉིད་ངང་ལ་སྤྱོད།། དེ་ཚེ་འབྱུང་བའི་མཚན་མ་རང་སར་ཐིམ།། སྦྲུལ་སྐུའི་འབྱུང་ལྔ་འོད་ལྔའི་ནང་དུ་ཐིམ།། དེ་ཡང་ཡེ་ཤེས་འབྱུང་བའི་ངོ་བོར་གྲོལ།། དང་པོ་མ་ལས་ཤར་བསམ ་ཡི་ངང་དུ་ཞི།། དང་པོ་ཤར་ཡང་དབྱིངས་ཀྱི་ངང་ནས་ཤར།། བར་དུ་གནས་ཀྱང་ཆོས་ཉིད་ངང་དུ་གནས།། ཐ་མ་ཐིམ་ཡང་ཆོས་ཉིད་ངང་དུ་ཐིམ།། སྤྱན་གསུམ་རྣམ་དག་འགྱུར་མེད་གཅིག་ཏུ་གསལ།། ཆོས་ཉིད་དང ་ན་རིག་པའི་ཡེ་ཤེས་གསལ།། ཕྱིར་མི་གསལ་ལ་ཡེ་ཤེས་ནང་དུ་གསལ།། བུམ་པའི་ནང་དུ་མར་མེ་གསལ་བ་བཞིན།། དེ་ཚེ་འགྱུར་མེད་སྐུ་གསུམ་རང་ས་ཟིན།། འབྲིང་གིས་རྫོགས་ལྡན་ཆེན་པོའི་དགོངས་པ ་རྫོགས།། འབྲིང་གི་ཐ་མའི་གྲོལ་ལུགས་ནི།། ཕྱི་ཡི་འབྱུང་བ་རྣམ་པ་ལྔ།། ཕྱི་ཡི་སྣང་བྱེད་སྒྲོན་མ་ལ་ཚུར་ཤར་ཏེ།། གཟུང་བའི་ཡུལ་དང་བྲལ་བའོ།། སྒོ་ལྔ་གསལ་བའི་སྒྲོན་མ་ནི།། ཡེ་ཤེས་དབང་དུ་འདུས་པས ་འཛིན་རྟོག་བྲལ། ནང་གི་འབྱུང་བ་རྣམ་པ་ལྔ། རིག་པའི་སྒྲོན་མ་ཡེ་ཤེས་རྩལ་སྣང་ལྔ་ལ་འདུས། དེ་ནི་རྩལ་གཞི་ལ་འདུས་པར་བསྟན་པའོ།། དེའི་ཚེ་ཐུགས་རིན་པོ་ཆེ་ཉི་ཟླ་ཁ་སྦྱོར་གྱི་ཀློང་ཡངས་ན།། འབྱེད་པ་མེད ་པའི་ཤེས་རབ་ཀློང་གཅིག་དུ་དྲིལ་བའོ།། དེ་ནི་བག་ཆགས་ཀྱི་སྦུབས་རང་སངས་ཏེ།། སྐད་ཅིག་མ་དང་པོ་ལ་གནས་སོ།། དེའི་དུས་ན་འབྱུང་བ་བཞི་བྲོས་པས། རྟགས་རིམ་པར་འབྱུང་ངོ་།། སྙིང་རྗེ་མེད་པ་ལས་ཀྱི ་རླུང་ལ་སོགས་པ་རླུང་ལྔ་གནས་པར་བྱེད་པ་ནི་འདེགས་པར་བྱེད་པའི་རླུང་ཚིགས་པ་ལ་གནས་ཏེ། ལུས་ཡང་ཞིང་བསྐྱོད་ནུས་པའོ།། དེ་ཞི་བས་ལུས་མི་ཐེག་སྟེ། དེ་ནི་ས་དང་གྲོགས་པའི་རླུང་ངོ་།། བཀྲག་དང་གཟི ་མདངས་སྐྱེད་པའི་རླུང་ལུས་ལ་སྤྱིར་ཁྱབ་པར་གནས་ཏེ། དེ་ནི་ཁྱབ་བྱེད་ཀྱི་རླུང་ཞེས་བྱ་སྟེ། ལུས་ཀྱི་སྣུམ་བཀྲག་དང་གཟི་མདངས་འབྱིན་པའོ།། ཤིན་ཏུ་ཡང་བས་རྐྱེན་ཕྲ་མོས་ཀྱང་བསྐྱོད་ནུས་ཏེ། ལུས་མདངས་དང ་བཀྲག་འཆོར་བའོ།། དེ་ནི་ཆུ་དང་འགྲོགས་པའི་རླུང་སྟེ། ཞི་བས་མདངས་ཉམས་པའོ།། མེ་དང་དུས་མཉམ་པའི་རླུང་ཕོ་བ་ན་གནས་ཏེ། དེར་ཟས་འཇུ་བ་དང་ལུས་བྱིངས་དྲོད་སྐྱེ་བར་བྱེད་དོ།། ཞི་བས་དྲོད་འཆོར ་བས་ཟས་མི་འཇུ། དེ་ནི་མེ་དང་འགྲོགས་པའི་རླུང་ངོ་།། དངས་སྙིགས་འབྱེད་པའི་རླུང་ནི་སྟེང་སྒོ་འོག་སྒོ་གཉིས་ལ་ཁྱབ་པར་གནས་ཏེ། དེ་ནི་རླུང་གི་རླུང་སྟེ་ཟས་དངས་སྙིགས་འབྱེད་པ་དང་། སྙིགས་མ་གྱེན་མཐུར ་དུ་སེལ་བར་བྱེད། ཐིག་ལེ་དཀར་དམར་དང་དྲི་ཆུ་ལ་སོགས་པ་སེལ་བའོ།། དེ་ཞི་བས་ཕོ་བ་བརྫངས་པ་དང་། ཤེས་པ་དང་ལུས་བྱིང་ངོ་།། སྙིང་རྗེ་མེད་པ་ལས་ཀྱི་རླུང་ནི། རླུང་འཁོར་བ་སྲོག་རྩ་ན་གནས་ཏེ། སྲོག ་འཛིན་པའི་རླུང་ཡིན་པས། ཇི་སྲིད་གནས་ཀྱི་བར་དུ་ལུས་སེམས་མི་འབྲལ་བའོ།། དེ་ནི་རྣམ་པར་ཤེས་པ་དང་འགྲོགས་པའི་རླུང་སྟེ། དེ་བསྐྱོད་པས་སྙིང་ནས་ལམ་རྩ་དར་དཀར་གྱི་སྐུད་པ་འདྲ་བ་དེར་བསྐྱོད་དེ། ་རྟགས་ཀྱི་གསང་སྒོར་ཕྱིན་ནོ།། དེའི་ཚེ་ཉི་མ་ཤར་གྱི་ལ་ཁར་ཕྱིན་པས། འོད་ནུབ་རི་ལ་འབྱུང་ལ། བར་ན་འོད་ཟེར་ཟག་པ་བཞིན་དུ། རིག་པའི་ཡེ་ཤེས་སྒོ་ལྔར་གནས་ལ། དེའི་སྣང་བ་ཡུལ་ཆོས་ཉིད ་ན་གསལ་ཏེ། ཡེ་ཤེས་ཟང་ཐལ་ཡིན་ཏེ། བར་ཆད་མེད་པ་ཐུགས་རྗེ་རྒྱུན་གྱི་ཟག་པས་སྦྲེལ་ཏེ། ཐུགས་རྗེ་རྒྱུན་གྱི་ཟག་པ་ལ་ཞོན་ནས་རང་གི་གདངས་ལ་འཇུག་གོ།། ཡེ་ཤེས་ཀྱི་གདངས་ལ་ཞག་ལྔར་གནས་ཏེ། ་ཤར་བ་ཅིག་ཅར་ཤར་བའོ།། ཡང་ཡེ་ཤེས་ཀྱི་སྣང་བ་ནམ་མཁའ་ལ་འཇའ་ཤར་བ་ལྟར་སྣང་བའོ།། དེ་ལ་རྟོགས་པའི་ཤེས་རབ་རིམ་པས་སྐྱེ་སྟེ། ཞག་དང་པོ་ལ་འོད་མཐིང་ག་གསལ་བས། རིག་པ་ངོས་བཟུང་དང ་བྲལ་བས་ཆོས་ཀྱི་དབྱིངས་ཀྱི་ཡེ་ཤེས་རང་སྣང་རང་ཤར་རང་གདངས་རང་གསལ་དུ་ཤེས་པས། ཤེས་བྱ་ལ་གཅོད་བྱེད་མེད་དོ།། ཞག་གཉིས་པ་ལ་ཆོས་དབྱིངས་ཡེ་ཤེས་གསལ་བའི་སྟེང་དུ་མེ་ལོང་ཡེ་ཤེས་ཤར ་རོ།། འོད་དཀར་པོ་ཡུལ་དུ་སྣང་བའི་ཚེ། དེ་ཉིད་རིག་པ་འགག་པ་མེད་པའི་མེ་ལོང་ཡེ་ཤེས་སུ་ཟག་ཆོད་དོ།། ཞག་གསུམ་པ་ལ་འོད་ཟེར་སེར་པོ་ཡུལ་དུ་སྣང་བའི་ཚེ། དེ་ཉིད་རིག་སྟོང་དབྱེར་མེད་རང་སྣང་མཉམ་པ ་ཉིད་ཀྱི་ཡེ་ཤེས་གདངས་སུ་གསལ་ལོ།། ཞག་བཞི་པ་ལ་འོད་དམར་པོ་ཡུལ་དུ་སྣང་བའི་ཚེ།། དེ་ཉིད་ཤེས་པའི་ཤེས་རབ་མ་འགགས་པའི་རང་སྣང་སོ་སོར་རྟོགས་པའི་ཡེ་ཤེས་ཀྱི་གདངས་སུ་གསལ་ལོ།། ཞག་ལྔ་པ ་ལ་འོད་ལྗང་གུ་ཡུལ་དུ་སྣང་བའི་ཚེ། དེ་ཉིད་བྱ་བ་གྲུབ་པའི་ཡེ་ཤེས་ཀྱི་གདངས་སུ་གསལ་ལོ།། སྐྱེ་བ་རིམ་པས་སྐྱེ་བས་ཞག་ལྔ་ལ་ཡེ་ཤེས་ཀྱི་སྣང་བ་རེ་རེ་གསལ་ལོ།། ཆོད་པ་ཟད་ཀར་ཆོད་པས། སྣང་བ་རེ་རེ་ལ ་རྟོགས་པའི་ཤེས་རབ་རེ་རེ་སྐྱེ་སྟེ། སེམས་མེད་པའི་ཤེས་པ་སྐྱེས་ཀྱང་གཅོད་བྱེད་མེད་དོ།། ཞག་ལྔ་ལ་ལུས་མཐའ་རྫོགས་པས་ཤེས་རབ་མཐའ་རྫོགས་ཏེ། སྐད་ཅིག་མ་ལ་ཆོས་ཉིད་འོད་གསལ་གྱི་དཀྱིལ་འཁོར་ན།། ་ཚོམ་བུ་ལྔར་ཕྱག་རྒྱ་མི་འགག་པར་གསལ་ལོ།། དེས་ཐ་མའི་ལྔ་ལྡན་གྱི་དགོངས་པ་རྫོགས་སོ།། སྐུ་དེ་རྣམས་ལ་མངོན་པར་ཤེས་པ་དྲུག་འཆར་ཏེ། སྤྱན་གསུམ་ལས་ཆོས་ཀྱི་སྤྱན་ནོ།། དེ་ཅི་ལྟར་འཆར་ན། སྤྱན་གྱི ་མངོན་པར་ཤེས་པས།། ཡར་གཟིགས་སུ་མེད་པ་ཆོས་སྐུ་རིན་པོ་ཆེའི་སྦུབས་ནས།། གཟིགས། ཐད་ཀ་ནས་ལོངས་སྤྱོད་རྫོགས་པའི་སྐུ་བཞི་བཅུ་རྩ་གཉིས་མ་འགགས་པར་འོད་དུ་གསལ་ལོ།། མར་སྤྲུལ་པ་སྐུའི ་ཞིང་ཁམས་བག་ཆགས་སྦུབས་ན་ཇི་ལྟར་གནས་པ་ཐམས་ཅད་གཟིགས་སོ།། སྙན་གྱི་མངོན་པར་ཤེས་པ་ནི། ཡར་དུས་གསུམ་གྱི་སངས་རྒྱས་ཐམས་ཅད་ཐུགས་རྗེ་ཡེ་ཤེས་རྩེ་གཅིག་པ་ལ། ཉིད་ལ་ཉིད་གླེང ་བསླངས་པ་ཡང་གསན། ཐད་ཀར་ལོངས་སྤྱོད་རྫོགས་སྐུ་ཚོམ་བུ་ལྔ་གསལ་ལོ།། མར་སྤྲུལ་པའི་སྐུའི་ཞིང་ཁམས་ན། ཇི་སྐད་སྨྲ་བ་ཐམས་ཅད་གསན་ནོ།། ཐུགས་ཀྱི་མངོན་པར་ཤེས་པས། ཡར་ཆོས་སྐུ་རིན་པོ་ཆེའི ་སྦུབས་ནས་འབྱེད་པ་མེད་པའི་ཤེས་རབ་འཛིན་པ་མེད་པའི་རང་གསལ། གཞན་སྣང་གི་རྣམ་རྟོག་མེད་པར་བཞུགས་པར་མཁྱེན་ནོ།། ཐད་ཀར་རང་གི་དགོངས་པ་མ་འགགས་པར་གསལ་ལོ།། མར ་སེམས་ཅན་གྱི་རྣམ་རྟོག་མངོན་དུ་མཁྱེན་ནོ།། གནས་ཀྱི་མངོན་པར་ཤེས་པ་ནི། སྐུ་གསུམ་གྱི་ཞིང་ཁམས་དང་། ཆོས་ཀྱི་དབྱིངས་དང་འོད་ཀྱི་སྣང་བ་དང་།། འབྱུང་བ་བཞི་ལ་བརྟེན་པ་བཅའ་ལུགས་བཞིན་གྱི་རིགས ་དྲུག་གི་གནས་གཞན་མ་འགགས་པར་གསལ་ལོ།། ལས་ཀྱི་མངོན་པར་ཤེས་པ་ནི། སྔོན་རང་གིས་ཇི་ལྟར་སྤྱད་པ་དང་། ད་ལྟ་འགྲོ་བ་གཞན་ཇི་ལྟར་སྤྱོད་པ་མཁྱེན་ནོ།། ཐུགས་རྗེ་བྱིན་རླབས་ཀྱི་མངོན་པར་ཤེས་པ ་ནི། མཐུན་པའི་སེམས་ཅན་རྣམས་ལ་སྣང་བས། རིགས་དྲུག་མཐུན་པས་མཐུན་པར་སྣང་བས་འདུལ་བ་གཟིགས་ཏེ། སྤྲུལ་པའི་སྐུ་ས་དྲུག་ཤར་ལུགས་མཁྱེན་ནོ།། རིགས་ཀྱི་བུ་དེ་ལ་ཆོས་ཀྱི་སྤྱན་ཞེས་ཅིའི་ཕྱིར ་གདགས་ཤེ་ན། སྤྲུལ་པའི་སྐུ་འཁོར་བའི་ཆོས་དང་། ཆོས་སྐུ་རིན་པོ་ཆེ་མྱ་ངན་ལས་འདས་པའི་ཆོས་གཉིས། རྣམ་རྟོགས་མི་མངའ་བར་གསལ་བས་ཆོས་ཀྱི་སྤྱན་ནོ།། དོན་ལ་རྣམ་པར་མཁྱེན་པ་ནི་ལྐོགས་སུ་གྱུར་པ ་མཁྱེན་པའོ།། སྤྱན་ནི་གསལ་ལ་མི་རྟོག་པ་སྟེ། གཟུགས་བརྙན་ལ་སོགས་པ་བཞིན་ནོ།། དེ་ཚེ་རང་བྱུང་གི་ཡི་གེ་དྲུག་འཆར་བ་ཡང་། འ་དང་། ཨ་དང་། ཧ་དང་། ཤ་དང་། ས་དང་། མ་དང་དྲུག་སྟེ། རིགས་ཀྱི་བུ་ཡི ་གེ་དྲུག་པོ་དེ་གཞི་ཆོས་སྐུ་ལ་དོན་ལྡན་དུ་བཞུགས་སོ།། དབྱིངས་དང་རིག་པ་དང་། ཡེ་ཤེས་དང་། ཤེས་རབ་དང་། མི་འགྱུར་བ་དང་། མཉམ་པ་ཉིད་དང་། དབྱེ་རུ་མེད་པར་གནས་པའོ།། བག་ཆགས་ལུས་ཅན ་སྦྲུལ་སྐུ་ལ། ལུས་ཀྱི་གནས་དྲུག་ལ་གནས་ཏེ། གསུང་འགག་པ་མེད་པར་དོན་ལ་སྦྱར་བའོ།། ལོངས་སྐུའི་ལྗགས་ལས་འཕྲོ་བ་ནི། ཐུགས་རྗེ་འབྱུང་བའི་གཞི་མ་འགགས་པ། ཡི་གེ་དྲུག་པོ་ལས་རིན་པོ་ཆེའི་སྲད་བུ ་བསྒྲིལ་བ་འམ། སྣལ་མའི་ཚོན་སྐུད་བསྒྲིལ་མ་བཞིན་འཕྲོས་པས། ལས་དག་པ་སྤྲུལ་པ་ཕོ་མོའི་སྤྱན་ནས་འཇུག། སེམས་ཅན་ལས་ཀྱི་སྐྱེ་བ་མངལ་ནས་འཇུག་པའོ།། བདེ་བ་ཆེན་པོའི་གསང་གནས་ནས། འོད ་འབར་བ་བདེ་བའི་རྟ་ལ་ཞོན་ཏེ། བདེ་ཆེན་ཡོངས་ལ་ཁྱབ་པའི་ཐིག་ལེ་ལ། སྣོད་དང་བཅུད་ཀྱི་ཚུལ་དུ་གབ། དེ་སྤྲུལ་པའི་སྐུར་གྱུར་ནས་སེམས་ཅན་གྱི་དོན་བྱེད་པའོ།། དོན་ཡོད་འགྲོ་བའི་དོན་བྱེད་པའོ།། རྟོགས ་མེད་དུ་འབྱུང་བ་ཀུན་གྱི་དོན་མ་སྤངས་པའོ།། དེ་བཞིན་གཤེགས་པ་སྔ་མ་ལས་ཕྱི་མ་འཆར་ཏེ། དེ་ཉིད་སྤྲུལ་པ་རྒྱུན་མི་ཆད་པས། སངས་རྒྱས་སྤྲུལ་པའི་རྒྱུད་འཆང་བའོ།། ཕྱོགས་གཅིག་ཏུ་མ་ངེས་ཏེ། གདུལ་བྱ་གང ་ན་གནས་པའི་དོན་མཛད་པས་ན། ཕྱོགས་བཅུར་སྤྲུལ་པ་སྣ་ཚོགས་འགྱེད་པའོ།། མཐུན་པས་མཐུན་པ་འདུལ་བར་གཟིགས་པས་ན། ཇི་བཞིན་འགྲོ་བའི་དོན་བྱེད་པའོ།། དངོས་སུ་ཐུབ་པ་དྲུག་གིས་འགྲོ་བ་དག་གི ་དོན་བྱེད་པའོ།། ཐུགས་རྗེའི་ལྕགས་ཀྱུས་ཞིང་དག་པ་དེ་ཡང་དག་པའི་ས་ལ་འཛིན་པའོ།། རྫོགས་ལྡན་གྱི་དགོངས་པའོ།། དེ་ནས་བདག་ཉིད་ཆོས་སྐུར་གྲོལ་བས་ནི། མི་གནས་པའི་ཡེ་ཤེས་ཆེན་པོས ་འབྱེད་པ་མེད་པའི་མཁའ་ཀློང་དུ་འཁོད་སྙོམས་སོ།། དེ་བས་ཐ་མས་རྫོགས་ལྡན་ཆེན་པོའོ།། ཞེས་གསུངས་སོ།། གསང་བའི་བདག་པོས་ཞུས་པ། མངོན་པར་རྫོགས་པར་སངས་རྒྱས་པའི་དཔེ་ཇི་ལྟ་བུ་ལགས། མ ་རྟོགས་པ་ལ་བར་དོ་ན་སེམས་དངོས་སུ་མེད་པར་སེམས་ཕྱིས་འཆར་བའི་དཔེ་ཇི་ལྟ་བུ་ལགས། སྤྲུལ་པའི་སྐུས་དོན་བྱས་ནས་རང་གྲོལ་བའི་དཔེ་ཇི་ལྟ་བུ་ལགས། མྱ་ངན་ལས་འདས་པའི་དཔེ་ཇི་ལྟ་བུ་ལགས། ཞིང ་ཁམས་གཅིག་པ་ལ་སྙིང་པོ་ཐ་དད་པའི་དཔེ་ཇི་ལྟ་བུ་ལགས། རིག་པ་གཅིག་ལ་རྩལ་སོ་སོར་རྫོགས་པའི་དཔེ་ཇི་ལྟ་བུ་ལགས། རང་ས་ན་གྲོལ་ཞིང་རང་ས་ནས་དབྱེར་མི་ཕྱེད་པའི་དཔེ་ཇི་ལྟ་བུ་ལགས། མུ་བཞིའི ་དཔེ་ཇི་ལྟ་བུ་ལགས། ཡེ་ཤེས་རང་ལ་གནས་པའི་དཔེ་ཇི་ལྟ་བུ་ལགས། རྟོག་པ་མེད་པར་བསྒོམ་པས་མི་གྲོལ་བའི་དཔེ་ཇི་ལྟ་བུ་ལགས། རིན་པོ་ཆེའི་སྦུབས་ན་དགོངས་པ་གསལ་ལ་གཞན་གྱིས་མི་གཟིགས་པའི ་དཔེ་ཇི་ལྟ་བུ་ལགས། དང་པོ་རིན་པོ་ཆེའི་སྦུབས་ལས་འཁྲུལ་པའི་དཔེ་ཇི་ལྟ་བུ་ལགས། ཕྱིས་མི་འཁྲུལ་པའི་དཔེ་ཇི་ལྟ་བུ་ལགས། དཔེའི་ངོ་བོ་གང་ལགས། ངེས་ཚིག་གང་ལགས། དབྱེ་བ་ཇི་ལྟར་ལགས། དགོས ་ཆེད་ཇི་ལྟར་ལགས། ཞེས་ཞུས་སོ།། སྟོན་པས་བཀའ་སྩལ་པ། རིགས་ཀྱི་བུ་ངེས་པར་ཟུང་ཞིག། མངོན་པར་རྫོག་པར་སངས་རྒྱས་པའི་དཔེ་ནི། ནམ་ལངས་པས་རི་ཀླུང་མེད་པར་གསལ་བ་ལྟ་བུ་དང་རྒྱ་མཚོ་ལ ་གཟའ་སྐར་ཤར་བ་ལྟ་བུ་དང་ཆུ་ཟླ་ལྟ་བུའོ།། བར་དོ་ལ་སེམས་དང་པོ་མེད་པར་ཕྱིས་འཆར་བའི་དཔེ་ནི། ས་བོན་སྒྱེའུ་ལ་མྱུ་གུ་སྔོན་པོ་མེད་པར་ཕྱིས་འབྱུང་བ་ལྟ་བུའོ།། སྦྲུལ་སྐུའི་དོན་བྱས་ནས་རང་གྲོལ་བ་ནི། ཆུ ་བྲན་རྒྱ་མཚོར་འདུ་བ་ལྟ་བུའམ་ཉི་མ་ནུབ་ཁར་ཟེར་འདུ་བ་བཞིན་ནོ།། མྱ་ངན་ལས་འདས་པའི་དཔེ་ནི་འཇའ་ཚོན་ནམ་མཁར་ཐིམ་པ་ལྟ་བུའོ།། ཞིང་ཁམས་གཅིག་ལ་རིགས་ཐ་དད་པའི་དཔེ་ནི། མར་མེ་མང་དུ ་བཏང་བའི་འོད་མི་ཕྱེད་པར་སྙིང་པོ་སོ་སོར་གསལ་བ་ལྟ་བུའོ།། རིག་པ་གཅིག་ལ་རྩལ་སོ་སོར་རྫོགས་པའི་དཔེ་ནི། ས་བོན་གཅིག་ལ་སྡོང་བུ་སོ་སོར་གྱེས་ནས་དེ་ལ་སྙིང་པོ་སོ་སོར་བྱུང་ནས། འབྲས་བུ་མང་པོ ་རྫོགས་པ་བཞིན་ནོ།། རང་ས་ནས་རང་གྲོལ་ནས་དབྱེར་མེད་དུ་གནས་པའི་དཔེ་ནི་ནམ་མཁའ་གུད་དུ་བཅད་པ་བཏང་བ་ལྟ་བུའོ།། མུ་བཞིའི་དཔེ་ནི་གཅིག་དང་ཐ་དད་ལས་གྲོལ་བ་གསེར་དང་སེར་གྱི་སེར་པོ་ལྟ ་བུའོ།། མ་གྲོལ་བ་སྨིག་སྒྱུ་ཆུ་ཟླ་ལྟ་བུའོ།། གྲོལ་བའི་མ་གྲོལ་བ་ཁམས་དང་བུམ་པ་ལྟ་བུའོ།། མ་གྲོལ་བའི་གྲོལ་བ་ཉི་མ་དང་འོད་ལྟ་བུའོ།། ཡེ་ཤེས་རང་ལ་གནས་པའི་རྟགས་ཀྱི་དཔེ་ནི་ཆང་འཐུང་བས་ར་རོ་བ་ལྟ། ་བུའོ།། རྟོག་པ་མེད་པའི་བསྒོམས་པས་མི་གྲོལ་དཔེ་ནི། རི་མོའམ་ལྡེར་སོ་ལྟ་བུའོ།། རིན་པོ་ཆེའི་སྦུབས་ནས་དགོངས་པ་གསལ་བ་གཞན་གྱིས་མི་མཐོང་བའི་དཔེ་ནི། གནས་ཁང་ཡངས་པར་མཚན ་མོ་མགྲོན་པོ་སྔ་ཕྱི་ཚོགས་ནས་ཉལ་བ་ལྟ་བུའོ།། དང་པོ་རིན་པོ་ཆེའི་སྦུབས་ནས་འཁྲུལ་པའི་དཔེ་ནི། བྱིས་པས་མེ་ལོང་དུ་ཤར་བའི་བྱད་ངོ་མ་ཤེས་པར་གཞན་དུ་མཐོང་བ་ལྟ་བུའོ།། ཕྱི་མས་མི་འཁྲུལ་པའི་དཔེ་ནི། ་བྱིས་པས་རང་གི་ན་རྫོགས་ནས་རང་བྱད་ལ་རང་གི་ངོ་ཤེས་པ་ལྟ་བུའམ། ལོ་ཐོག་ནས་སུ་སྨིན་ནས་ནང་པར་ལྡང་བར་མི་འགྱུར་བ་ལྟ་བུའོ།། རིགས་ཀྱི་བུ་དཔེའི་ངོ་བོ་ནི། སོ་སོར་མཚོན་པའི་དཔེ་ཇི་བཞིན ་པའོ།། དཔེའི་ངེས་ཚིག་ནི་ཕྱོགས་མཐུན་འདྲ་བའི་སྒོ་ནས་མཚོན་པར་བྱེད་པའི་ཕྱིར་ནའོ།། དབྱེ་བ་ནི་གཞི་མཚོན་པའི་དཔེ། རྩལ་མཚོན་པའི་དཔེ་དང་། གྲོལ་བ་མཚོན་པའི་དཔེ་དང་། གཉིས་མེད་མཚོན་པའི ་དཔེའོ།། དགོས་པ་ནི་དོན་རྟོགས་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དབང་པོ་ཡང་རབ་ལ་གྲོལ་དུ་མེད་པར་བསྟན་པ་དང་། འབྲིང་ལ་རབ་འབྲིང་ཟ་གསུམ་གྱི་དབྱེ་བ་དང་། ལྔ ་ལྡན་རྫོགས་ལྡན་ཟད་ཀར་ངོས་བཟུང་བ་དང་། མངོན་ཤེས་དྲུག་ཟུགས་རྗེའི་འབྱུང་ལུགས་དང་བཅས་པ་དང་། རྫོགས་ལྡན་ཆེན་པོ་སོ་སོར་ཕྱེ་སྟེ་བསྟན་པའི་ལེའུ་སྟེ་བརྒྱ་དང་བཅུ་གསུམ་པའོ།། །། དེ་ནས་ཡང ་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། དེ་ཡི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། གསང་བའི་བདག་པོ་ངེས་པར་ཟུང་ཞིག། སོ་སོ་ངོ་བོ་ངེས་ཚིག ་དང་།། དབྱེ་བ་མིང་དང་མཐུན་དཔེ་བསྟན།། འཁོར་བའི་ཆོས་ལ་མི་གནས་པར།། མྱ་ངན་འདས་པའི་དོན་ལ་གནས།། གྲོལ་བ་སྤྱི་ཡི་ངོ་བོར་བཤད།། རང་རང་སོ་སོའི་ངོ་བོར་ཏེ།། ལུས་ལས་གྲོལ་བའི་ངོ་བོ ་ནི།། རང་གདངས་ཆེན་པོ་གསལ་བ་ཡིན།། ཡུལ་ལས་གྲོལ་བའི་ངོ་བོ་ནི།། རིག་པ་དངོས་མེད་རིན་ཆེན་སྦུབས།། སེམས་ལས་གྲོལ་བའི་ངོ་བོ་ནི།། རྟོག་མེད་དྲི་དག་རང་གསལ་ཡིན།། གྲོལ་བ་ཞེས་པའི་ངེས་ཚིག ་ནི།། རྩོལ་བའི་ཆོས་ལས་རབ་འདས་ཤིང་།། འཁྲུལ་པ་གསུམ་གྱིས་མ་བཅིངས་པས།། ངེས་ཚིག་གཏན་ཚིགས་བཅས་པ་ཡིན།། དབྱེ་བ་ངོ་བོའི་སྐབས་སུ་བཤད།། དཔེ་ནི་སྦྲུལ་ལ་མདུད་བོར་དང་།། རྔ་མ་དག་གི ་མདུད་པ་བཞིན།། ཐུགས་རྗེའི་ངོ་བོ་ངེས་ཚིག་ནི།། ངོ་བོ་མ་འགགས་གཟུགས་སྐུ་གཉིས།། ཅིའི་ཕྱིར་ན་ཐུགས་རྗེ་ཞེས་བྱ་ན།། མ་འགགས་གནོད་པ་སེལ་བའི་རྟགས།། དབྱེ་ན་ཆེན་པོ་ཆུང་ངུ་གཉིས།། རྟོག་མེད་དང ་ནི་རྟོག་བཅས་སོ།། འཛིན་པར་བྱེད་པས་ལྕགས་ཀྱུ་བཞིན།། སྒྲོལ་བར་བྱེད་པའི་གྲུ་བཞིན་ནོ།། མ་རིག་སེལ་བས་ཉི་ཟླ་བཞིན།། སྡུག་བསྔལ་ནད་སེལ་སྨན་དང་སྨན་པ་བཞིན།། ཞེས་གསུངས་སོ།། སྤྲོས་བྲལ་དོན ་གསལ་ཆེན་པོའི་རྒྱུད་ལས། གྲོལ་བ་དང་ཐུགས་རྗེའི་དོན་བསྟན་པའི་ལེའུ་སྟེ་བརྒྱ་དང་བཅུ་བཞི་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། བག ་ཆགས་སྦུབས་ན་གནས་པའི་དཔེ་ཇི་ལྟར་ལགས། སྦུབས་འཕོ་བའི་དཔེ་ཇི་ལྟར་ལགས། འདིར་རྟོགས་པས་བར་དོར་ཤེས་པ་སྐྱེ་བ་ཇི་ལྟར་ལགས། བག་ཆག་སྦུབས་བོར་པའི་ཚེ་ཡེ་ཤེས་དང་མི་འབྲལ་བའི་དཔེ་ཇི ་ལྟར་ལགས། འཁྲུལ་པ་ལྡོག་པའི་དཔེ་ཇི་ལྟར་ལགས། རྟོགས་པ་ཅན་འཆི་ཁར་ནད་དང་རྐྱེན་གྱིས་དཀྲུགས་ཀྱང་། ཤེས་པ་ཕྱིས་མི་འཁྲུལ་པའི་དཔེ་ཇི་ལྟར་ལགས། ཆོས་སྐུ་ལུས་ལས་མ་བྱུང་བར་ཡེ་ཤེས་སྔོན་དུ ་འཆར་བའི་དཔེ་ཇི་ལྟར་ལགས། སྐད་ཅིག་མའི་ཆོས་སྐུ་གསུམ་དུ་བསྡུ་བར་གསུངས་པ་གང་ལགས། སྐད་ཅིག་མ་ལ་གྲོལ་བའི་དཔེ་གང་ལགས། ཡེ་ཤེས་ཀྱི་གདངས་ལ་ཤེས་པ་མྱུར་དུ་འཇུག་པའི་དཔེ་ཇི་ལྟར ་ལགས། ཆོས་ཉིད་ལས་ཡེ་ཤེས་ཀྱི་སྣང་བ་འཆར་བའི་དཔེ་ཇི་ལྟར་ལགས། ཕྱིར་མི་ལྡོག་པའི་དཔེ་ཇི་ལྟ་བུ་ལགས། ཞེས་ཞུས་པས། སྟོན་པས་བཀའ་སྩལ་པ། རིགས་ཀྱི་བུ་ངེས་པར་ཟུང་ཞིག། བག་ཆགས་སྦུབས ་ན་གནས་པ་ནི།། སེང་ཕྲུག་དང་ཁྱུང་ཕྲུག་ལྟ་བུའོ།། སྦུབས་འཕོ་བའི་དཔེ་བྱེ་ཕྲུག་སྒོ་ང་ནས་འབྱུང་བ་དང་། སྦྲུལ་སྐགས་པ་དང་བྲལ་བ་བཞིན་ནོ།། འདི་རྟོགས་པས་བར་དོ་ཆོད་པ་ནི། སྔར་འདྲིས་པའི་མི་ཕྱིས་ངོ། ་ཤེས་པ་ལྟ་བུའོ།། སྦུབས་འཕོ་ཁར་ཡེ་ཤེས་དང་མི་འབྲལ་བར་འགྲོགས་པ་ནི། ཚང་བང་ནས་མེ་སྒྲོན་ཕྱིར་བཏོན་པས་ཚང་བང་མུན་པར་གྱུར་ཏེ། མིའི་ལག་པ་སྒྲོན་མེ་དང་མ་བྲལ་བས་འགྲོ་སར་ཕྱིན་པ་ལྟ། ་བུའོ།། འཁྲུལ་པ་ལྡོག་པའི་དཔེ་གཉིད་སད་པ་ལྟ་བུའོ།། རྟོགས་པ་ཅན་འཆི་ཁར་ནད་དང་རྐྱེན་གྱིས་དཀྲུགས་ཀྱང་མི་བརྗེད་པའི་གཟུངས་ཐོབ་སྟེ། སྣང་གི་ཡུལ་བའི་དཔེ་ནི། ཆུ་ཟླ་ལ་རྡོ་བརྒྱབ་ནས་འཁྲུགས་ནས་མི ་གསལ་ཀྱང་ཆུ་དངས་པའི་འཕྲོ་ལ་གསལ་བ་ལྟ་བུའོ།། ཆོས་སྐུ་ལུས་ལས་མ་བྱུང་བར་ཡེ་ཤེས་སྔོན་རོལ་དུ་འཆར་བའི་དཔེ་ནི། ཉི་མ་ཤར་གྱི་ལ་ཀ་ན་འདུག་ཀྱང་འོད་ནུབ་རི་ལ་འཆར་བ་ལྟ་བུའོ།། སྐད་ཅིག་མའི ་ཆོས་སྐུ་གསུམ་ནི། འཛིན་པར་བྱེད་པའི་ལྕགས་ཀྱུའི་འོད་ལྔས་མ་བཟུང་བ་གཟུང་བར་འགྱུར་བ་དང་། སྡུད་པར་བྱེད་པའི་དངས་མ་ཆོས་ཀྱི་ངོ་བོ་ཡེ་ཤེས་ཤར་བའི་ངང་དུ་ཐིམ་པ་དང་། མི་བརྗེད་པའི་གཟུངས་རྒྱུན ་གྱི་ཐག་པ་དང་གསུམ་མོ།། སྐད་ཅིག་མ་གཅིག་ལ་གྲོལ་བའི་དཔེ་ནི། སེང་གེ་མཆོངས་པ་ལྟ་བུ་དང་། བུམ་པ་ཆག་པས་མར་མེ་གསལ་བ་ལྟ་བུ་དང་། སྐར་མདའ་ནམ་མཁའ་ལ་རྒྱུག་པ་ལྟ་བུའོ།། ཡེ་ཤེས་ལ་ཤེས་པ ་མྱུར་དུ་འཇུག་པ་ནི་གསེར་གྱི་ཐུར་མ་ལྟ་བུའོ།། ཆོས་ཉིད་ལ་ཡེ་ཤེས་ཀྱི་སྣང་བ་འཆར་བའི་དཔེ་ནི། ནམ་མཁའ་ལ་འཇའ་ཤར་བ་ལྟ་བུའོ།། ཕྱིར་མི་ལྡོག་པའི་དཔེ་ནི་ཐོག་དང་དཔག་ཆེན་གྱི་མདའ་བཞིན་ནོ།། ཞེས ་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། དཔེ་སྤྱིར་དྲིལ་ནས་དོན་བཤད་དང་བཅས་པའི་ལེའུ་སྟེ་བརྒྱ་དང་བཅོ་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ ་བཅོམ་ལྡན་རྡོ་རྗེ་འཆང་།། མྱ་ངན་འདའ་ལུགས་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ།། སངས་རྒྱས་མྱ་ངན་འདའ་བའི་ཚུལ།། ཟུར་ཙམ་གོང་དུ་ངས་བསྟན་ཡང་།། ཁྱོད་ཀྱི་ངེས་པར་མ་ཤེས ་ན།། རྒྱས་པར་ངས་བཤད་ལེགས་པར་ཟུང་།། ཤེས་རབ་མཁའ་ལ་འདེགས་པ་ཡི།། མ་བསྐྱོད་ཤུགས་ནི་བསྐྱོད་པར་བྱེད།། འབྱུང་བ་མ་ལ་ཞ་བ་ཡི།། མཚན་མ་རང་སར་གྲོལ་བར་བྱེད།། ཡེ་ཤེས་དབྱིངས་སུ་ཐིམ་པ ་ཡིས།། རྩལ་རྟོག་བཞི་ལ་ཐིམ་པར་སྟོན།། ཤེས་རབ་མཁའ་ལ་ཐིམ་པ་ཡིས།། སྐུ་གསུམ་ཡེ་ནས་ནང་གསལ་སྟོན།། རིག་པར་རང་ས་ཟིན་པ་ཡིས།། དགོངས་པ་འགྱུར་བ་མེད་པར་སྟོན།། ཞེས་གསུངས་སོ།། དེ ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རང་བྱུང་ཚིག་ལྔའི་དགོངས་པ་དེ་ལྟར་ན།། སོ་སོའི་མཚན་ཉིད་རྣམ་གྲངས་དང་།། དཔེ་དང་དོན་གྱི་གྲོལ་ལུགས་རྣམས།། ད་ལྟར་གནས ་དང་རྗེས་འཇུག་ལ།། ཐབས་ལ་མཁས་པས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། ལག་ན་རྡོ་རྗེ་ངེས་ཟུང་ཞིག། ཤེས་རབ་མཁའ་ལ་འདེགས་པ་ལ།། མཚན་ཉིད་རྣམ་གྲངས་རྣམ་པ ་བཞི།། སྟོབས་ལྡན་མ་དང་ཤུགས་འཆང་མ།། འདེགས་བྱེད་མ་དང་བརྟན་མ་བཞི།། སྟོབས་ལྡན་མས་ནི་འཆར་བ་དང་།། གཉིས་སུ་མེད་པར་སྦྱོར་བར་བྱེད།། ཤུགས་འཆང་མ་ཞེས་བྱ་བ་དེ།། དང་པོ་རིག་པའི་རྩལ ་དུ་ནི།། སྐུ་དང་ཡེ་ཤེས་འཆར་བ་ཡང་།། རྩོལ་བ་མེད་པའི་ངང་གིས་ཤར།། ཐ་མ་འཁོར་རྣམས་གཙོ་བོ་ལྔ་ལ་འདུས།། གཙོ་བོ་ལྔ་ཡང་རིན་ཆེན་སྦུབས་སུ་གཤེགས།། གཙོ་དང་བཅས་ཏེ་བསྐྱོད་པ་མ་ཡིན ་ཡང་།། ངང་ངམ་ཤུགས་ཀྱིས་གྲོལ་བའི་ཕྱིར་ན་ཤུགས་འཆང་མའོ།། དེའི་དུས་ན་ཆོས་སྐུ་རིན་པོ་ཆེ་ལྟ་བུ་ལ་རྡོས་པ་ཅན་གྱི་ཆོས་མེད་དེ།། ཆོས་ཉིད་ནམ་མཁའ་ལྟ་བུ་དང་། ཆོས་སྐུ་ནམ་མཁའ་ལྟ་བུ་གཉིས།། གཉིས ་སུ་མེད་པ་ཟང་ཐལ་བ།། མ་བྱེད་སེང་ངེ་གནས་པས་འདེགས་བྱེད་མ།། དེ་ཙམ་དུས་ན་ཡེ་ཤེས་རླུང་གིས་མི་གཡོ་བས་བརྟན་མའོ།། དེ་རྣམས་རླུང་གི་མཚན་ཉིད་གཅིག་ལ་གནས་པའོ།། རིགས་ཀྱི་བུ་འབྱུང་བ་མ་ལ ་ཞ་བའི་མཚན་ཉིད་ལ་ལྔ་སྟེ། འཁྲུལ་པའི་འབྱུང་བ་རྣམ་པ་ལྔ།། ཡེ་ཤེས་ལྔ་ཡི་གདངས་ལ་འདུས།། ཡེ་ཤེས་ལྔའི་འོད་གདངས་ཀྱང་། རང་བྱུང་འབྱུང་བ་ལྔ་ལ་འདུས། དེའི་ཚེ་ན་རླུང་གི་རྒྱ་གྲམ་བཀོད་ལེགས་ཏེ ་གདན་དུ་བཏིང་བའོ།། དེ་ཡང་རླུང་ནི་མ་བྱིང་བའོ།། དུས་དེར་རླུང་གཡོ་བྱེད་མེད་པར་གནས་པས་ཀྱང་རྒྱ་གྲམ་ལྟ་བུའོ།། དེ་ནི་གཡོ་བྱེད་མིན་པར་བསྐྱོད་པ་ལྟ་བུའོ།། ཆུ་ཤེལ་གྱི་འཁོར་ལོ་བརྩེགས་ལེགས་ཏེ། ་འབྱེད་པ་མེད་པའི་ཤེས་རབ་ཀློང་གཅིག་དུ་དྲིལ་ཏེ། གཤེར་བ་མེད་པའི་ཆུའོ།། དེ་བཞིན་རྣམ་པར་དག་པའི་དབྱིངས་དེ་བརྩེགས་ལེགས་སོ།། དེ་ཡང་དབྱིངས་རྣམ་པར་དག་པའི་ངང་ན། རིག་པ ་གསལ་སྟོང་དབྱེར་མེད་དོ།། དེའི་ངང་ནས་ཡེ་ཤེས་ཀྱི་སྤྱན་མ་འགགས་པར་ཤར་བ་འོད་ཀྱི་བུམ་པ་ལྔར་གནས་ལ། དེའི་སྙིང་པོ་རིགས་ལྔའི་སྐུ་གསལ་ལ་མ་འདྲེས་པར་གནས་སོ།། དེས་ན་བརྩེགས་ལེགས ་སོ།། རིགས་ཀྱི་བུ་རང་གསལ་འཛིན་པ་མེད་པའོ།། དེའི་དུས་སུ་སྲ་བ་དང་བཅས་པའི་ས། སྲ་བ་མེད་པའི་ངང་དུ་གྲོལ་ཏེ། དོན་འགྱུར་བ་མེད་པའོ།། དེ་ཡང་རང་གི་ངོ་བོ་འགྱུར་བ་མེད་པའི་ངང་ན། གོང་མ་བཞིན ་མ་འདྲེས་པར་ཡོངས་སུ་རྫོགས་པར་གནས་པ་མཆོད་རྟེན་ལྟ་བུའོ།། དེ་ལ་བཟང་ངན་དང་ཆེ་ཆུང་དང་ཡངས་དོག་མེད་པར་གནས་པས་ཀུན་ཏུ་ཁོད་སྙོམས་པའོ།། འདུག་ཚུལ་སྐུ་དང་ཡེ་ཤེས་ལ། སྣང་ཚུལ་སྐུ་དང ་ཡེ་ཤེས་ལྔར་ཤར་བས། རྟོགས་ཚུལ་གཉིས་མེད་ཆེན་པོར་རྟོགས་ཏེ། དབྱེ་བ་མེད་པའི་ཚུལ་ཤེས་པའོ།། རིགས་ཀྱི་བུ་དུས་དེར་ཚ་བ་དང་བཅས་པའི་མེ་ཚ་བ་མེད་པའི་ངང་དུ་གྲོལ་ཏེ། རང་རིག་པའི་ཡེ་ཤེས་ལས ་གཞན་སྣང་གི་རྟོག་པ་མེད་པའོ།། དྲི་མ་མེད་པའི་རིག་པ་ལ་སྐུ་དང་ཡེ་ཤེས་སུ་གནས་ཀྱང་། དོན་གཉིས་སུ་མེད་པར་གསལ་ཏེ། ས་བོན་འབྲས་བུར་སྨིན་ལ་འབྲས་བུ་འགྱུར་བ་མེད་པར་གནས་པ་ནི། མེ་ཏོག་པད ་མ་འདྲ་བར་འོད་འབར་ཏེ། མ་སྨིན་པ་སྨིན་པར་བྱས་སོ།། རིག་པའི་ཡེ་ཤེས་འབྱུང་བ་ལས་འདས་པའི་རང་གདངས། འོད་ལས་འདས་པའི་ཡེ་ཤེས་ཡིད་ལས་འདས་པའི་ཤེས་རབ་དུས་ཐམས་ཅད་དུ་སྐྱེ་འགགས ་དང་ནུབ་པ་མེད་པར་གནས་པ་ནི། ནམ་མཁའ་ཁྱབ་པ་མེད་པའི་གདངས་ཅན་དེ། རྒྱལ་མཚན་གྱི་རྩེ་མོ་ལྟ་བུའོ།། དེ་ལྟར་འབྱུང་བ་ལྔ་པོ་མ་ཐོག་ནས་ཤར་བས། མ་ཐོག་ཏུ་གྲོལ་ཏེ། མི་གནས་པས་འབྱུང་བ་མ་ལ ་ཞའོ།། དེ་ཡང་དང་པོ་དབྱིངས་དང་རིག་པ་དབྱེར་མེད་ཀྱི་ངང་ལ་ཤར་བས། ཐ་མ་ཡང་དེའི་ངང་དུ་དག་ཅིང་ཐིམ་པས་ཡེ་ཤེས་དབྱིངས་སུ་ཐིམ་པའི་མན་ངག་ཡེ་ཤེས་དབྱིངས་སུ་ཐིམ་པས་སོ་སོར་རྟོགས་པའི་ཤེས ་རབ་ལས་འདས་ཤིང་། གཟིགསམི་གནས་པས་ཡེ་ཤེས་རྩེ་གཅིག་པར་གསལ་བ་སྟེ། ཡེ་ཤེས་ཀྱི་སྤྱན་རྣམ་པར་དག་པའོ།། དེའི་ཚེ་ཤེས་རབ་ཀྱི་སྤྱན་དང་ཆོས་ཀྱི་སྤྱན་ལས་གྲོལ་བའོ།། རིགས་ཀྱི ་བུ་ཡེ་ཤེས་ཀྱི་དབྱིངས་སུ་ཐིམ་ཀྱང་། སྟོང་པ་བྱང་ཆད་དུ་མ་གྱུར་ཏེ། དབྱིངས་ཀྱི་ཐིག་ལེ་གཤེར་བ་མེད་པའི་ཆུས། ནང་མེད་པའི་ནང་དུ་འདུས་ཏེ། སྐུ་དང་ཡེ་ཤེས་ནང་གསལ་དུ་གནས་པས། ཤེས་རབ་མཁའ་ལ ་འཁྱིལ་བའོ།། དེ་ཡང་རྒྱས་པར་བསྟན་ན་མཚན་ཉིད་བཞི་སྟེ། སྐུ་དང་ཡེ་ཤེས་དབྱིངས་སུ་ཐིམ་ཀྱང་།། རིག་པ་རང་གསལ་དབྱིངས་ན་མི་གནས་པས། ཐིམ་པ་ལ་མ་རྨུགས་པའོ།། མ་རྨུགས་ཀྱང་སེམས་ཉིད་རྣམ ་པར་དག་པ་སྟེ། རང་རིག་པའི་ཡེ་ཤེས་ལས་གཞན་སྣང་རྟོག་པ་མི་མངའ་བས། འཛིན་རྟོག་བྲལ་བའི་ཡེ་ཤེས་སོ།། རིགས་ཀྱི་བུ་དེ་ནི་གཞན་མ་ཡིན་ཏེ། རང་གི་རིག་པ་འདི་ཉིད་དོ།། འདི་ཉིད་རྟོག་པ ་ལྟར་སྣང་བ་ནི། རྐྱེན་ཕྲ་མོས་སྣང་བའོ།། དོན་ཤེས་པ་གནས་འགྱུར་མ་ཡིན་ཏེ། དཔེར་ན་ཁྱིམ་ཀྱི་ནམ་མཁའ་སྒྲིབ་པས་བཅད་ཀྱང་རྒྱ་མཐོངས་ན་ཡར་ཟང་ཐལ་ཏེ། ནམ་མཁའ་དབྱེར་མེད་དོ།། དེ་བཞིན་དུ་བག ་ཆགས་སྦུབས་ཀྱིས་བཅད་ཀྱང་། དོན་ཡེ་ཤེས་ཟང་ཐལ་ཏེ། བརྟགས་ན་མ་བསྒྲིབས་པར་ཟང་ཐལ་ལོ།། དེ་བས་ན་ཡིན་པ་ལ་བདག་མེད་པའོ།། དེའི་ངང་ལ་དུས་གསུམ་གྱི་སངས་རྒྱས་བཞུགས་ཀྱང་། འབྱེད་པ ་མེད་པའི་ཤེས་རབ་རང་གསལ་རྟོག་པ་མེད་པར་བཞུགས་སོ།། རིག་པའི་ཡོན་ཏན་དང་པོ་ཀློང་ནས་ཤར་བ། ཐ་མར་མི་འགགས་པ་རང་གི་ཀློང་ན་གནས་ཏེ། ཡུམ་གྱི་བུམ་པ་ཡེ་ཤེས་ཀྱི་སྐུ་ལྔ་སོ་སོར་གནས་ཏེ། ་རང་སྣང་ལས་གཞན་སྣང་མེད་པའོ།། དོན་དེ་སོ་སོར་མ་འདྲེས་པ་ལ་མི་འབྱེད་པར་བཞུགས་སོ།། དུས་དེར་རིག་པ་རང་ས་ཟིན་ཏེ། གཉིས་མེད་ཆོས་སྐུ་མི་འགྱུར་བས། སྟོང་པ་ཉིད་རྡོ་རྗེ་ལྟ་བུའི་སྐུ་ཐོབ ་བོཔོ།། གཉིས་སུ་མེད་པ་ཆོས་སྐུའི་ངང་ན་རིག་པ་ཡེ་ཤེས་ཀྱི་སྤྱན་འགགས་པ་མེད་པར་གསལ་བས། ལོངས་སྤྱོད་རྫོགས་པའི་སྐུ་འགགས་པ་མེད་པའི་གསུང་གཡུང་དྲུང་ལྟ་བུའི་ཚེའོ།། རིགས་ལྔ་སྤྲུལ་པའི་སྐུ་ཡེ་ཤེས ་ཀྱི་སྤྱན་གྱི་ངང་ན་གསལ་བས་དེ་གསུམ་དབྱེ་བ་མེད་པའི་ཤེས་རབ་ཀློང་གཅིག་དུ་འཁྱིལ་ནས་ཐུན་མེད་པའི་ཐུན་ཆེན་པོ་གཅིག་གི་ངང་དུ་གྲོལ་ཏེ། རྒྱུན་གྱི་ཏིང་ངེ་འཛིན་རྩེ་གཅིག་གི་ངང་ལ་གནས་སོ།། དེའི་ཚེ་ཡུལ ་ཉིད་ལས་གྲོལ་ཏེ། རང་སྣང་ལས་གཞན་སྣང་མེད་དོ།། སྤྱན་གཉིས་དག་ནས་ཡེ་ཤེས་རང་གསལ་གྱི་སྤྱན་རྩེ་གཅིག་པའོ།། ལུས་གཉིས་ལས་འདས་ཏེ། རིག་པ་རྐྱང་པ་རིན་པོ་ཆེ་ལྟ་བུ་དྲི་མ་དང་བྲལ་ཏེ། གཅེར་བུ ་རུ་གནས་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། མྱ་ངན་ལས་འདས་པའི་དགོངས་པ་དང་། དེ་མཚོན་པའི་ཚིག་ལྔའི་དོན་བཤད་པའི་ལེའུ་སྟེ་བརྒྱ་དང་བཅུ་དྲུག་པའོ།། །། དེ་ནས ་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་མཐའ་ལས་འདས།། མྱ་ངན་འདས་པའི་དོན་བཤད་ཇི་ལྟར་ལགས།། ཞེས་ཞུས་སོ།། སྟོན་པས་བཀའ་སྩལ་པ། རིགས་ཀྱི་བུ་ངེས་པར་ཟུང་ཞིག། ངོ་བོ ་ངེས་ཚིག་དབྱེ་བ་དང་།། མཚན་ཉིད་དབྱེ་བ་བཞི་ཡི་བཤད།། མྱ་ངན་འདས་པའི་ངོ་བོ་ནི།། མི་གནས་ཡེ་ཤེས་ཆེན་པོའོ།། ངེས་ཚིག་སྡུག་བསྔལ་གྱི་མཐའ་ལས་འདས་པ་སྟེ། མི་རྟོག་པའི་བདེ་བ་ཆེན་པོ་ལ་གནས ་པའི་ཕྱིར་ནའོ།། དབྱེ་བ་ནི་ཟག་བཅས་ཀྱི་མྱ་ངན་ལས་འདས་པ་དང་། ཟག་པ་མེད་པའོ།། མཚན་ཉིད་ནི་མཐའ་རྣམ་པ་བཞི་ལས་འདས་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། མྱ ་ངན་ལས་འདས་པའི་དོན་བཤད་བསྟན་པའི་ལེའུ་སྟེ་བརྒྱ་དང་བཅུ་བདུན་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་། རྟོག་མེད་གསལ་བ་སྤྱན་གྱི་དོན ་རྣམས་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ། རྒྱུད་ལུང་ཀུན་གྱི་ནང་ན་སྤྱན་ཞེས་བརྗོད་པ་ནི། ངས་བསྟན་འདི་ལྟར་ཤེས་པར་བྱའོ།། ངོ་བོ་དབྱེ་བ་བཅས་པ་ནི། ཡེ་ཤེས་ཀྱི་སྤྱན་འབྱེད་པ་མེད ་པ་ནི་རྩེ་གཅིག་ཏུ་གསལ་བ་དང་། ཆོས་ཀྱི་སྤྱན་རྟོག་པ་མེད་པར་རྣམ་པར་མཁྱེན་ཅིང་གསལ་བ་དང་། ཤེས་རབ་ཀྱི་སྤྱན་རྣམ་པར་དཔྱོད་ཅིང་དོན་སོ་སོར་གསལ་བ་དང་། ལྷའི་སྤྱན་རྣམ་པར་དག་པ་བག་ཆགས ་ད་པ་ལ་སྣང་བ་དང་། ཤའི་སྨན་རྣམ་པར་དག་པ་ཏིང་ངེ་འཛིན་ལས་སུ་རུང་བ་ལ་གསལ་བ་དང་། ཆུ་བུར་གྱི་མིག་བག་ཆགས་ཀྱི་ལུས་ཅན་རྣམས་ལ་ཐུན་མོང་དུ་སྣང་ཞིང་གསལ་བའོ།། ངེས་ཚིག་ནི་དོན་མཐོང ་ཞིང་མ་འགགས་པར་གསལ་བས་ནའོ།། མཚན་ཉིད་སྤྱི་ནི་སྒྲིབ་པ་དང་བྲལ་བའོ།། དཔེ་ནི་ཉི་མའི་སྙིང་པོ་ལྟ་བུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྤྱན་གྱི་དོན་བསྟན་པའི་ལེའུ་སྟེ ་བརྒྱ་དང་བཅོ་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྣམ་པར་མཁྱེན།། རྒྱུད་ལུང་མན་ངག་ལས་བྱུང་བའི།། མུ་བཞིའི་དོན་ཡང་བཤད་དུ་གསོལ།། ཞེས་ཞུས ་སོ།། སྟོན་པས་བཀའ་སྩལ་པ། རྡོ་རྗེ་འཛིན་པ་ལེགས་པར་ཟུང་ཞིག། མུ་བཞིའི་ངོ་བོ་ངེས་ཚིག་དང་།། དབྱེ་བ་མཐུན་པའི་དཔེ་རྣམས་ཏེ།། དཔེ་ནི་གོང་ལྟར་ཤེས་པར་བྱ།། ངོ་བོ་དབྱེ་བ་བཅས་པ་ནི།། མུ་བཞི་རྣམ་པ ་གཉིས་ཡིན་ཏེ།། དུས་དང་གྲོལ་བ་ལ་སོགས་བརྩི།། དང་པོ་དུས་ཀྱི་མུ་དབྱེ་ན།། ལུས་ཀྱི་མཐའ་རྫོགས་པའི་དུས་དང་། ཤེས་རབ་ཀྱི་རྩལ་རྫོགས་པའི་དུས་དང་། ལས་ཀྱི་མཐའ་ཟད་པས་ཆེ་བའི་ཡེ་ཤེས་མཐར ་རྫོགས་པའི་དུས་དང་། ཡང་དག་པར་རྫོགས་པའི་སངས་རྒྱས་ལ་ཐུགས་རྗེའི་རྩལ་ཟད་པའི་དུས་སོ།། གྲོལ་བའི་མུ་བཞི་ནི། གཅིག་པ་དང་ཐ་དད་པ་ལས་གྲོལ་བའི་ཐིག་ལེ་དང་རང་བྱུང་གི་ཡེ་ཤེས་སོ།། རིགས་ཀྱི ་བུ་ཅིའི་ཕྱིར་ན་རང་བྱུང་ཡེ་ཤེས་ཉིད་ཐིག་ལེ་ཡིན་ལ། ཐིག་ལེ་ཉིད་ཀྱང་རང་བྱུང་གི་ཡེ་ཤེས་སུ་གསལ་བས། གཅིག་དང་ཐ་དད་དུ་བརྗོད་པ་ལས་འདས་པའོ།། གཅིག་པ་དང་ཐ་དད་པ་ལས་གྲོལ་བ་ནི། ཆོས་སྐུ་དང ་ནམ་མཁའོ།། རིགས་ཀྱི་བུ་ཅིའི་ཕྱིར་ན། དེ་གཉིས་ཐ་དད་པའི་ཕྱིར་དེ། རང་བཞིན་དག་པའི་ནམ་མཁའ་ནི། ཁ་དོག་དང་དབྱིབས་ཀྱི་བདག་ཉིད་དང་། འབྱུང་བའི་རང་བཞིན་དག་ཀྱང་། བག་དང་མ་བྲལ་ཏེ་ངོ་བོ ་རིག་མེད་སྟོང་པ་ཡིན་པའི་ཕྱིར་རོ།། ཆོས་སྐུ་ཐིག་ལེ་ཆེན་པོ་ནི། སྟོང་པར་མཐུན་ཀྱང་དེ་རྣམས་ལས་ལྡོག་སྟེ། དོན་དེས་གཅིག་པ་དང་ཐ་དད་པ་ལས་གྲོལ་བའོ།། གྲོལ་བའི་མ་གྲོལ་བ་ནི་སེམས་དང་ཡེ་ཤེས ་ཏེ།། གྲོལ་བ་ནི་གཞི་གཅིག་པའོ།། སེམས་རྟོག་བཅས་སུ་གསལ་ལ། ཡེ་ཤེས་རྟོག་མེད་དུ་བཞུགས་པས། དོན་དེས་རྩལ་གྱི་ངོ་བོ་ནས་མ་གྲོལ་བའོ།། མ་གྲོལ་བའི་གྲོལ་བ་ནི་ཐིག་ལེ་དང་ཡུལ ་ཏེ། ཐིག་ལེའི་རིག་པ་འགགས་པ་མེད་པ་དང་། ཡུལ་མེད་སྟོང་པར་གནས་པས་མ་གྲོལ་བའོ།། གྲོལ་བ་ནི་ཆོས་ཐམས་ཅད་ཐ་དད་པ་ལྟ་བུ་མ་ཡིན་པས། སྟོང་པ་དབྱེར་མེད་དུ་གནས་པས། སོ་སོར་བརྗོད་པ་ལས ་འདས་པའི་གསལ་བ་ཟང་ཐལ་ལོ།། དོན་དེས་མ་གྲོལ་བའི་གྲོལ་བའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། མུ་བཞིའི་དོན་བསྟན་པའི་ལེའུ་སྟེ་བརྒྱ་དང་བཅུ་དགུ་པའོ།། །། དེ་ནས ་ཡང་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྒྲ་ཡི་དོན་བཤད་གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། ངས་བཤད་རྒྱུད་ལུང་ཐམས་ཅད་དུ།། སྒྲ་རྣམས་ཇི་ལྟར་སྣང ་མོད་ཀྱི།། སྒྲ་ཡི་དབྱིངས་དང་སྒྲུབ་བྱེད་དང་།། གཞན་སེལ་ཕན་པའི་རྐྱེན་ཅན་ནོ།། རྣམ་པ་བཞི་རུ་བསྡུས་ལ་བསྟན།། སྒྲ་ཡི་དབྱིངས་ནི་འ་དང་ཨའོ།། དེ་གཉིས་ཀུན་གྱི་འབྱུང་གནས་ཡིན།། དེ་ཡང་ཇི་ལྟར་འབྱུང་ཞེ ་ན།། དེ་གཉིས་སུ་མེད་པར་མ་བྱུང་བའོ།། དེ་གཉིས་མི་འགྱུར་བས་སའོ།། དེ་གཉིས་ཀྱི་བར་དུ་ཡེ་ཤེས་མི་འགག་པར་རང་བྱུང་བས་ཧའོ།། དེ་ལས་ཤེས་རབ་སྐྱེ་བས་ཤ་འབྱུང་བའོ།། དེ་གཉིས་ཀ་ཕྱི་མོ་ཡིན་པ་དང་། ་དེ་ལྟར་སྣང་བའི་སྐུ་གཉིས་ཐུགས་རྗེར་འབྱུང་བས་ཀའོ།། དབྱིངས་ཀྱི་ངང་ལས་མི་འདའ་ཞིང་ངང་གིས་ནང་ན་གནས་པས་ན་ཁའོ།། དེ་གཉིས་རྒྱ་མ་ཆད་པས་གའོ།། དེ་གཉིས་སུ་མེད་པ་ལ་ཐམས་ཅད་འཆར་པས ་ངའོ།། དེ་གཉིས་ཀུན་གྱི་འབྱུང་གནས་ཡིན་པས་ཙའོ།། དེ་ཉིད་གཉིས་སུ་མེད་པར་ཉམས་སུ་མྱང་བས་ཚའོ།། དེ་མ་འགགས་པར་ཐུགས་རྗེས་འཛིན་པར་བྱེད་ཅིང་དེ་གཉིས་འདུ་འབྲལ་མེད་པས་ན་ཛའོ།། ཨ་རིག་པ ་ཡིན་པས་ན་ཏའོ།། གཞི་གནས་མཐར་གྱུར་པས་ན་བའོ།། དེ་གཉིས་སུ་མེད་པར་བྱུང་ན་ཤེས་བྱ་མ་བཅོས་པ་སྟེ་ངའོ།། ཡེ་ཤེས་སུ་འབྱུང་བས་ན་ཉའོ།། མ་རྟོགས་པ་སེམས་སུ་སྣང་བས་ནའོ།། དེ་གཉིས་སུ་མེད་པ ་ཆོས་ཀྱི་སྐུ་ཡིན་པས་པའོ།། ཐབས་འགག་པ་མེད་པས་པའོ།། རྩལ་སྐུར་སྣང་བས་པའོ།། དེ་གཉིས་ཀྱི་ཐུགས་རྗེ་སྐུ་བཞི་ལས་གྲུབ་པ་ཡའོ།། ཐུགས་རྗེ་དང་མི་འབྲལ་བས་རའོ།། དེ་གཉིས་ལས་ཐམས་ཅད་འཕྲོ་ཞིང ་འདུས་པས་ལའོ།། དེ་གཉིས་ལས་རྟོགས་མ་རྟོགས་ལྟར་སྣང་བས་ཊ་ལོག་དང་ཌ་ལོག་པའོ།། དེ་བས་ན་འ་དང་ཨ་ནི་སྒྲ་ཡི་དབྱིངས་སོ།། དེ་གཉིས་སྒྲུབ་པར་བྱེད་པ་ནི། ཨ་གཉིས་ཀྱིས་ཡི་གེ་ཐམས་ཅད་དག་པར ་བསྒྲུབ་པའོ།། འས་ཐམས་ཅད་སྤྲོས་པ་དང་བྲལ་བར་བསྒྲུབ་པའོ།། དེ་གཉིས་འབྲེལ་བར་གྱུར་པས་རིག་པ་སྟེ།། རྒྱུན་ཆད་མེད་པར་བསྒྲུབ་པའོ།། ཧ་དང་འབྲེལ་བས་ན་ཆེན་པོ་སྟེ། མ་བྱས་པ་སྒྲུབ་པར་བྱེད ་པའོ།། ཡེ་ཤེས་རང་བརྩེགས་འབྱུང་བས་ཟུག་པ་སྟེ། སྐྱེ་འགག་མེད་པར་བསྒྲུབ་པའོ།། ཧ་དང་ཞབས་ཀྱུས་ཀྱང་ཡི་གེ་དང་བར་འབྲེལ་བས་ཐུང་བ་སྟེ་སྡུད་པའོ།། ཛ་དེའི་ཕན་པའི་རྐྱེན་ཅན་ནོ།། པ་ར ་ཏ་ས་ར་དང་བཅས་པ་ནི་སྤྲོས་པར་བྱེད་པའི་སྒྲུབ་པའོ།། ས་དང་ཏ་ནི་དེ་ལ་ཕན་པའི་རྐྱེན་ཅན་ནོ།། ཐ་ལོག་ཐམས་ཅད་ཐུན་མོང་མ་ཡིན་པའི་བསྒྲུབ་པའོ།། རང་ངོ་ཐམས་ཅད་ནི་དབྱིངས་བསྒྲུབ་པའོ།། དེ་བཞིན་དུ ་འ་དང་ཨ་ལས་ཤར་བ་ཐམས་ཅད་དོན་ཕྱོགས་རེ་དང་ལྡན་པས། ཨའི་དོན་ཕྱོགས་རེ་བསྒྲུབ་པའོ།། དེ་ནི་སྒྲའི་སྒྲུབ་བྱེད་དུ་བཞག་པའོ།། དེ་རྣམས་ཀྱི་འ་དང་ཨའི་མིང་མ་མཐུན་པའི་ཕྱིར་མཐུན་པའི་ཕྱོགས་སེལ ་ཅིང་། སྒོ་སོ་སོའི་མི་མཐུན་ཕྱོགས་སེལ་བས་གཞན་སེལ་ལོ།། དེ་རྣམས་ཀྱི་འཕྲུལ་ལུགས་ཀྱིས་རང་རང་གི་དོན་སྒྲུབ་པའི་གྲོགས་སུ་འགྱུར་བ་དང་། སྤྱིར་གཞིའི་ཡོན་ཏན་བསྒྲུབས་པས་དོན་གྲོགས་སུ་འགྱུར་པས་ན།། ་སྒྲ་ཕན་པའི་རྐྱེན་ཅན་ནོ།། ཞེས་ཞུས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྒྲའི་དོན་བསྟན་པའི་ལེའུ་སྟེ་བརྒྱ་དང་ཉི་ཤུ་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ ་རྗེ་འཆང་།། རྒྱུད་ལུང་མན་ངག་གང་གསུངས་པ།། ཚིག་ཚོགས་ཐམས་ཅད་དེ་ལྟར་བཤད་ལགས་ན།། འབྲུ་རྣམས་ཇི་ལྟར་གཞོམ་པ་གསུང་དུ་གསོལ།། སྟོན་པས་བཀའ་སྩལ་པ།། རྡོ་རྗེ་འཛིན་པ་ལེགས་པར་ཟུང ་ཞིག། རྒྱུད་ལུང་མན་ངག་གི་དོན་ཐམས་ཅད་གོང་ལྟར་བཤད་ལ། གནས་སྐབས་ཐམས་ཅད་འབོད་སྐད་ཀྱིས་བསྡེབས་ལ།། གོང་དུ་བཤད་པ་འབྲུ་མནན་ནོ།། རིགས་ཀྱི་བུ་ལེའུ་ཞེས་པ་ནི། སོ་སོའི་ས་མཚམས་དང ་ཆོས་གཞན་མ་འདྲེས་ཏེ། གང་མཚོན་པའི་དོན་གཙོ་བོར་བཤད་པའོ།། སྐབས་ཤེས་པ་ཐམས་ཅད་ལེའུ་དོན་དང་དོན་འབྱུང་བའི་གཞི་མ་འགགས་པར་ཤེས་པ་ལ་བྱའོ།། སྤྲོས་བྲལ་ཐམས་ཅད་ནི་མི་འགྱུར་མ ་འགགས་པར་ཤེས་པར་བྱའོ།། སྣང་བ་ཐམས་ཅད་ཡུལ་ལོ།། ཡུལ་ཐམས་ཅད་བཞུགས་པ་དང་སྣང་བར་ཤེས་པར་བྱའོ།། རིག་པ་ཆོས་སྐུ་དང་དོན་མཁྱེན་པ་དང་བེམ་པོ་ལས་ལོག་པ་དང་མ་རིག་པ་ལས་ལོག ་པའོ།། མ་རིག་པ་ཐམས་ཅད་དོན་མ་ཤེས་པའོ།། ཡོན་ཏན་ཐམས་ཅད་མཐུན་པའི་ཕྱོགས་དང་། བཞི་ལྡན་པ་དང་མ་འགགས་པར་བཤད་དོ།། སྐྱོན་ཐམས་ཅད་མཐའ་དང་གཟུང་འཛིན་དང་། མ་རིག་པ་དང་ལོག་ལྟ ་དང་། དོན་སོ་སོ་དང་མི་མཐུན་པ་དང་། སྤང་བྱར་བཤད་དོ།། གྲུབ་མཐའ་ཐམས་ཅད་བལྟ་བ་དང་འབྲས་བུར་བཤད་དོ།། འབྲས་བུ་ཐམས་ཅད་དོན་མཐར་ཕྱིན་པའོ།། དོན་ནི་ཐ་དད་དོ།། དགོངས་པ་ཐམས་ཅད ་ངདང་དངས་རང་བཞིན་བདག་ཉིད་ཆེན་པོར་བཤད་དོ།། ངང་ནི་མ་བཅོས་པ་དང་མི་གཡོ་བ་དང་། མི་འདའ་བ་དང་མི་གནས་པ་དང་། མི་འགྱུར་བར་བཤད་དོ།། རང་རང་ནི་མ་འགགས་པ་དང་། མི་མཐུན་པ་དང་སོ། ་སོའི་ཆོས་ཉིད་དུ་བཤད་དོ།། བདག་ཉིད་ཆེན་པོ་ནི་ཐམས་ཅད་རིག་པ་དབྱེར་མེད་པར་བཤད་དོ།། རང་བཞིན་ནི་གཞན་ལ་རག་མ་ལུས་པའོ།། འགྲུ་བ་ཐམས་ཅད་ནི་རྩལ་ལོ།། སྦུབས་མེད་པའི་འགྱུ ་བ་རྟོག་མེད་ཀྱི་རྩལ་ལོ།། སྦུབས་ཅན་རྟོག་བཅས་སོ།། དེ་ལྟར་དེ་བཞིན་དེ་འདྲ་ཞེས་པ་ནི་གར་བྱུང་ཡང་ཚིག་སྔ་ཕྱིའི་དཔེ་དང་སྦྱར་རོ།། དེ་ནི་ཞེས་པ་ཐམས་ཅད་ནི་སྔ་མ་འོག་ཏུ་རྒྱས་སུ་བསྟན་པའོ།། ད་ནི་ཞེས་པ ་ནི་སྔ་མ་བཤད་ནས། དེ་དང་དེ་ལས་བཟློག་པ་གཅིག་སྟོན་པའོ།། འདི་ནི་ཞེས་པ་ནི་ཐམས་ཅད་དོན་ལོགས་སུ་བཀར་བའོ།། ཅན་ཐམས་ཅད་ཡོན་ཏན་དུ་སྣང་བ་དང་སྦྱར་བའོ།། དཔལ་དང་སྟུག་པ་དང་མཛེས་པ་ནི ་མཐུ་སྟོབས་དང་བྱིན་རླབས་སོ།། འདི་ཡང་ཞེས་པ་ཐམས་ཅད་དོན་དབུས་མ་གོང་འོག་དུ་བསྟུན་པའོ།། ཅི་ཕྱིར་གང་གིས་ཕྱིར་ན་དེ་ཕྱིར་ནི། གཏན་ཚིགས་སུ་བསྟན་པའོ།། རྣམས་དང་མ་ལུས་པ་དང་ཐམས་ཅད ་དང་ཀུན་དང་དེ་དག་ནི། ཚིག་གི་དོན་ལྷག་མ་མ་ལུས་པར་བསྟན་པའི་ཚིག་གོ།། བྱང་ཞེས་པ་རིག་པ་ཆུབ་པ་ཡེ་ཤེས་སོ།། བྱང་བ་ཆོས་སྐུ་ཆུབ་པ་ལོངས་སྐུ། སེམས་དཔའ་སྦྲུལ་སྐུའོ།། གཞི་དང་རྩལ་དུ་ཡང་བཤད ་དོ།། ཆོས་ཉིད་མི་འགྱུར་བ་དང་རང་གི་མཚན་ཉིད་དང་དབྱིངས་སུ་བཤད། ཤེས་རབ་ཅེས་པ་ནི་ཕྱོགས་ལྷུང་མེད་པ་དང་། སོ་སོར་དཔྱོད་པ་དང་མ་འགགས་པར་བཤད། སྒྲོན་མ་ནི་གསལ་བྱེད་དོ།། མུན་པ་མ ་རིག་པའོ།། ཤར་བ་ཡུལ་ལ་ཤར་བ་དང་། རྟོག་པ་དང་རྩལ་ཏེ། དོན་ཟད་ཀར་སྦྱར་རོ།། རང་བྱུང་ནི་འདུས་མ་བྱས་པ་དང་རྩལ་ལོ།། གནས་སྐབས་ཤེས་པ་གཅེས་སོ།། འོད་སྣང་ལ་རང་བཞིན་མེད་པ་དང་། གསལ ་ལ་མ་བསྒྲིབས་པའོ།། མཚོན་བྱ་གཞིར་བཤད་དོ།། མཚོན་བྱེད་ཐབས་སུ་བཤད། མུ་གནས་པས་ནི་མཐའ་དང་བྲལ་བར་བཤད་དོ།། རྣམ་པར་དག་པ་ནི་ཕྱོགས་ཐམས་ཅད་ནས་དག་པའོ།། མཚན་མའི་ཆོས་ལས ་གྲོལ་བའོ།། བདག་མེད་པ་ནི་བདག་གཉིས་དང་བྲལ་བ་སེམས་ལས་གྲོལ་བའོ།། གཞི་ནི་ཆོས་ཉིད་དང་ཆོས་སྐུ་དང་།། ཡེ་ཤེས་ཏེ་སྐབས་དང་སྦྱར་ཞེས་པའོ།། རྩལ་འོད་དང་འཁོར་འདས་སོ།། རོལ་པ་ནི་ཡུལ་དང ་རྣམ་པར་བཤད། མཛད་སྤྱོད་ནི་མཐུན་པར་སྣང་བའོ།། རྫོགས་པ་ནི་ལྷག་མ་མ་ལུས་པའོ།། ཆེན་པོ་ནི་མ་བྱས་པ་དང་། གོང་ན་མེད་པའོ།། ཡེ་ཤེས་ཉིད་ནི་དང་པོའི་ཤེས་པའོ།། དེ་ཉིད་ནི་གཞིའོ།། དེ་ལྟར་རྟོགས ་པས་གྲོལ་བའོ།། མཁའ་འགྲོ་མ་ནི་རྡོ་རྗེ་དང་ཡེ་ཤེས་དང་ལས་དང་ཤ་ཟར་བཤད་དོ།། འགྲོ་བ་ནི་རྟོགས་པས་མཁའ་ལ་འགྲོ་བ་དང་།། ཐུགས་རྗེ་དང་ལས་དང་ཤུགས་ཀྱིས་འགྲོ་བའོ།། འབར་བ་ནི་མ་འགགས་པར ་གསལ་བའོ།། མཛོད་ནི་ཞུགས་གནས་སུ་གྱུར་པའོ།། སྒོ་ནི་འབྱུང་ཞིང་འཇུག་པའོ།། ལྡེ་མིག་ནི་འབྱེད་ཅིང་གྲོལ་བའོ།། དམ་ཚིག་ནི་དབྱེར་མི་ཕྱེད་པའོ།། དཔལ་ནི་བདག་གཞན་གཉིས་ཀྱིའོ།། ཐུགས་རྗེ་ནི་ཐུན ་མོང་དང་བྱིན་རླབས་ལས་བྱུང་བའོ།། སྐྱེས་བུ་ནི་དོན་མཆོག་ཏུ་གྱུར་པས་འགྲོ་བའི་ཁ་ལོ་གྱེན་དུ་བསྒྱུར་བའོ།། མ་ནི་སྐྱེ་བའི་གཞི་འབྱུང་བའི་གནས་སོ།། མོ་ནི་ཤེས་རབ་ཀྱི་བདག་ཉིད་དོ།། ཐབས་ནི ་དོན་བསྒྲུབ་པའི་རྐྱེན་ནོ།། ཡན་ལག་ནི་གང་ཡིན་པ་ལས་འཕྲོ་བའི་ཆོས་ཅན་ནོ།། མེད་པ་ནི་འགྱུར་བའི་དོན་སྤྱོད་མེད་པའོ།། གསེར་ནི་མི་འགྱུར་བའོ།། གཞུང་ནི་གཞན་དང་མ་འདྲེས་པའི་ལུགས་སོ།། རང་ལུགས ་ནི་མ་འདྲེས་པའི་དོན་ནོ།། འཁོར་ལོ་ནི་གཅོད་པ་དང་ཅིར་ཡང་སྣང་བའོ།། སྲིད་པ་ནི་མི་ཁེགས་པ་དང་མེད་པ་ལས་ཡོད་པར་སྣང་ནུས་པའོ།། འཆང་བ་ནི་འདུ་འབྲལ་མེད་པའོ།། རྒྱུན་ནི་སྐད་ཅིག་མས་འདབ་སྦྱོར ་རོ།། ཐ་སྙད་ནི་ཕྱོགས་རེ་ནས་སྤྲོས་པའི་ཆོས་སོ།། མིང་ནི་མཚོན་པའི་སྒྲ་ཚིག་གོ། གདངས་ནི་རང་སྣང་བ། ཆོས་ནི་མཚན་མ་ཕྲ་རགས། རྟོག་ཚོགས་གཟུང་འཛིན་ཆོས་ལས་འདས་པའི་སངས་རྒྱས་སོ།། གཟུང ་འཛིན་དང་བྲལ་བའི་རིག་པ་འབྱུང་བ་ལ་འདས་པའི་གདངས་ནི། རིག་པ་རང་སྣང་རང་གསལ་ཟང་ཟལ། སྐུ་ལས་འདས་པའི་ཡེ་ཤེས་ཆོས་སྐུ་མཁྱེན་པར་ཤར་བ། ཚིག་ལས་འདས་པའི་རང་སྣང་། བརྗོད་བྲལ ་གཞན་སྣང་མེད་པའོ།། ལམ་ནི་གནས་པ་དང་འཇུག་པའོ།། སེམས་ཅན་ནི་མ་ཤེས་པའི་རྟོག་བཅས་སོ།། འཁོར་བ་ནི་གཅིག་ཏུ་མི་གནས་པར་འཁྲུལ་པའོ།། སེམས་ནི་དྲན་པ་ངེས་པའོ།། བསྐྱོད་པ་ནི་གཤེགས ་པའོ།། བསྐྱོད་དུ་མེད་པ་ནི་མི་བགྲོད་པའོ།། སྡུག་བསྔལ་ལས་གྲོལ་བའི་བདེ་བ་ཆེན་པོ་ཡིན་པས་བྱང་ཆུབ་པའོ།། ཤེས་པ་ནི་མཁས་པས་དེ་དོན་ལ་མ་རྨོངས་པའོ།། གནས་པ་ནི་རྩོལ་བས་མ་སོང་བར་ཕྱིན ་པའོ།། གྲུ་ནི་སྒྲོལ་བ་སྟེ་ཐབས་སོ།། ཏིང་ངེ་འཛིན་ནི་གསལ་བ་སྟེ་རྩེ་གཅིག་པའོ།། རབ་ནི་འགྲན་ཟླ་མེད་དེ་ཆེན་པོར་གྱུར་པའོ།། མཆོག་ནི་ངོ་མཚར་བ་སྟེ་འཕགས་པའོ།། ཕུལ་དུ་ཕྱིན་པ་ནི་ཁྱད་པར་འཕགས ་པའོ།། བླ་ན་མེད་པ་ནི་དེའི་གོང་དང་ལོགས་ན་མེད་པ་སྟེ། དབང་བྱེད་པ་མེད་པའོ།། རྡོ་རྗེ་སེམས་དཔའ་ནི་སྟོང་པ་ཉིད་དྲན་པ་ངེས་པ་ནི་མཚན་མ་སྣ་ཚོགས་པའོ།། ཟབ་པ་ནི་གཏིང་རིང་ཞིང་དཔག་པར་དཀའ ་བའོ།། གཏིང་དཔག་དཀའ་བ་ནི་ཕྲ་བས་ནའོ།། ཆོས་ནི་མཚན་ཉིད་འཛིན་པ་དང་། རྣམ་པར་དཀར་བ་དང་གཞན་ལ་རྟེན་པ་དང་། ཀུན་འབྱུང་བས་ནའོ།། བྱང་ཆུབ་སེམས་དཔའ་ནི། བདག་གཞན་ལ་སེམས་དཔའ ་དང་ས་ནོན་པའོ།། ཕུང་པོ་གསུམ་ནི། སངས་རྒྱས་དང་བྱང་ཆུབ་སེམས་དཔའ་དང་སེམས་ཅན་ནོ།། བྱང་ཆུབ་སེམས་དཔའ་ནི། ཡར་སངས་རྒྱས་དང་སྣང་བ་མི་མཐུན་ལ། མར་སེམས་ཅན་དང་མི་མཐུན་ཏེ། གཉིས ་ཀ་མ་ཡིན་པའོ།། དེ་ཡིས་ཕུང་པོ་གསུམ་དུ་བཞག་པའོ།། བག་ཆགས་ནི་གཞི་གནས་དང་འཕྲལ་འབྱུང་ངོ་།། དག་ལུགས་ནི་རང་དེངས་སུ་འགྲོ་བ་དང་། ཕྲ་བའི་གདམས་པ་ལ་རག་ལུས་པའོ།། དཔེ་གངས་ལ་ཁ་བ ་བབས་པ་དང་། མཚོ་ལ་དར་ཆགས་པ་དང་། རས་ལ་དྲི་མས་གོས་པ་བཞིན་ནོ།། གཞི་གནས་ཀྱི་དབྱེ་བ་ནི་ཆུ་དང་འོ་མ་ལྟ་བུའོ།། འཕྲལ་འབྱུང་གི་དཔེ་ཆུ་དང་ཟླ་བའོ།། སེལ་བའི་དཔེ་ནི་རལ་གྲི་ལྟ ་བུ་དང་ལྕགས་ཀྱུ་ལྟ་བུའོ།། གསང་བ་ནི་གབ་པའོ།། སངས་རྒྱས་ནི་མཐར་ཕྱིན་པའོ།། མ་རིག་པ་ནི་འཁྲུལ་པའོ།། སྐྱོབ་པས་ན་ལྷའོ།། མཛེས་པས་ན་ལྷ་མོའོ།། བྱམས་པས་ན་མགོན་ནོ།། མཛད་པ་སྣ་ཚོགས ་པས་ན་ཕྲིན་ལས་སོ།། བདག་པོ་ནི་དབང་ཆེན་པོའོ།། ཡོན་ཏན་མ་འགགས་པའོ།། དྲི་མ་མེད་པ་དང་། མི་འགྱུར་བ་དང་། ཐམས་ཅད་མཁྱེན་པའི་ཐུགས་སོ།། སྣ་ཚོགས་སྟོན་པས་གསུང་ངོ་།། གཟི་བརྗིད་ལྡན་པས ་ན་སྐུའོ།། ཐབས་དང་ཤེས་རབ་འཛིན་པས་ན་ཡབ་ཡུམ་མོ།། བྱང་ཆུབ་ཆེན་པོ་དང་ལྡན་ཞིང་བསྐྱེད་པས་སྲས་སོ།། དེ་ལྟར་ངས་བསྟན་པའི་རྒྱུད་ལུང་ཐམས་ཅད་དུ་ཤེས་པར་གྱིས་ཤིག། ངས་བསྟན་པའི་དོན་དེ ་རྣམས་ལ་རྩོད་པར་གྱུར་ན་གང་རྩོད་པ་དང་། རྗེ་བློན་དམངས་གསུམ་དཔང་དུ་བཞག་ལ། འདྲི་ལུགས་དང་དམ་བཅའ་མ་ནོར་བར་བྱས་ལ། སྒྲུབ་བྱེད་ཀྱིས་གང་ཡིན་པ་སྒྲུབ་ཅིང་། གཞན་སེལ་གྱིས་མི་མཐུན་པའི ་ཕྱོགས་ཐམས་ཅད་སྤངས་ལ། ཕན་པའི་རྐྱེན་ཀྱིས་བསྟངས་བཏབ་སྟེ། དོན་མི་འགྱུར་པའི་དབྱིངས་ལ་བསྐྱལ་ལོ།། ལོག་ལྟ་ཅན་གྱི་སྒྲུབ་བྱེད་ལ། སྐྱོན་གྱིས་སྒྲུབ་བྱེད་མི་མཐུན་པའི་ཕྱོགས་བཏང་ངོ་།། ཁོང་གིས ་གཞན་སེལ་ནི། མི་མཐུན་པའི་སྒྲུབ་བྱེད་བཏང་ངོ་།། ཕན་པའི་རྐྱེན་ལ་གནོད་པའི་འགལ་རྐྱེན་བཏང་ངོ་།། རང་རིག་པའི་ཡེ་ཤེས་དགག་སྒྲུབ་དང་བྲལ་བ་ནི། དབྱིངས་སུ་བཞག་སྟེ་བཙན་པའི་ཡུལ་མཁར་ལྟ ་བུའོ།། དེའི་ཕྱོགས་ནས་བསྒྲུབ་པའོ།། གཏན་ཚིགས་གསུམ་དང་བཞིས་ཕན་པའི་རྐྱེན་བྱས་པའོ།། གནོད་པའི་རྐྱེན་དུ་ཡང་དེ་རྣམས་བསྟན་ནོ།། གཞི་སྣང་ལ་སོགས་པ་གང་རྩོད་ཀྱང་། གྲོགས་དེ་རྣམས་ཀྱིས་བྱས་ལ།། ་ངས་བཤད་པ་བཞིན་དོན་གྱི་གནད་དྲི་བ་དང་ལན་གདབ་པར་བྱའོ།། མཐུན་ན་སྒྲུབ་བྱེད་ཀྱི་དབྱིངས་ལ་སྦྱར། མི་མཐུན་ན་གཞན་སེལ་གྱིས་བརྒལ་ལོ།། དོན་ངེས་པར་བྱེད་པ་དང་། ཐེ་ཚོམ་དང་བྲལ་བར་བྱེད་པ ་དང་། ཤེས་བྱ་གཏན་ལ་འབེབས་པས་ན་གཏན་ཚིགས་ཞེས་བྱ་སྟེ། དེ་དང་རྗེས་སུ་མཐུན་པར་བཤད་དོ།། དེས་ཡིད་གཉིས་ཟ་བ་དང་བྲལ་བར་འགྱུར་རོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད ་ལས། འབྲུ་འཐོར་བ་སྡུད་པ་དང་། ཐེ་ཚོམ་དང་བྲལ་བར་བྱེད་པ་དང་། སྐྱོན་གྱི་མཐའ་བསལ་བའི་ལེའུ་སྟེ་བརྒྱ་དང་ཉེར་གཅིག་པའོ།། །། དེ་ནས་ཡང་སྟོན་པས་རྒྱུད་ཀྱི་མཚན་ཡོངས་སུ་བསྟན་པའི་ལེའུ་འདི ་གསུངས་སོ།། གསང་བའི་བདག་པོ་རྡོ་རྗེ་འཛིན་པ་ཉོན་ཅིག། དོན་གྱི་མན་ངག་རྩ་བ་ཅར་ཕོག་གི།། དེ་ཉིད་སྤྲོས་བྲལ་དོན་གསལ་བསྟན་པ་ཡི།། མན་ངག་རྒྱུད་ཀྱི་སྤྱི་འགྲེལ་ཆེན་པོ་འདི།། གསང་བདག་ཞུ་བའི ་འཁོར་དང་དགའ་རབ་སྡུད་པའི་འཁོར།། གཞན་ཡང་འདིར་མོས་འདིར་འདུས་ཚོགས་པའི་འཁོར།། ང་ཡི་སྤྲོས་བྲལ་དོན་གསལ་རྒྱུད་ཆེན་འདིས།། ཆོས་རྣམས་ཀུན་གྱི་རྩ་བ་ཅར་གྱིས་སྟོན་པས ་ན།། རྩ་བ་ཅར་ཕོག་རྒྱུད་ཆེན་ཞེས་སུ་ཟུང་།། གཅིག་ཤེས་ཀུན་ཏུ་གྲོལ་བར་སྟོན་པས་ན།། ཡང་ཏིག་ལྡེ་མིག་ཆེན་པོའི་རྒྱུད་དུ་ཟུང་།། ད་ལྟ་བུདྡྷ་ཉིད་དང་མཉམ་སྦྱོར་བས།། སངས་རྒྱས་མཉམ་སྦྱོར་ཆེན་པོའི་རྒྱུད་དུ ་ཟུང་།། ལ་ཟློ་སྤྲོས་དང་བྲལ་བར་སྟོན་པས་ན།། སྤྲོས་བྲལ་དོན་གསལ་རྒྱུད་ཆེན་ཞེས་སུ་ཟུང་།། རང་ངོ་རང་ལ་ངོ་སྤྲོད་སྟོན་པས་ན།། གསང་བའི་ངོ་སྤྲོད་ཆེན་པོའི་རྒྱུད་དུ་ཟུང་།། གནས་ལུགས་ཇི་ལྟར་ཡིན་པ་རྫོགས ་པར་སྟོན་པས་ན།། རྫོགས་ཆེན་ནང་ནས་ཡོངས་རྫོགས་ཆེན་པོའི་རྒྱུད་དུ་ཟུང་།། ལྷ་བསྒོམ་དྲི་མེད་དག་པ་ཆེན་པོ་སྟོན་པས་ན།། དྲི་མེད་ཀ་དག་ཆེན་པོའི་རྒྱུད་དུ་ཟུང་།། སྐྱོན་རྣམས་ཡོན་ཏན་དག་ཏུ་ལྷུན་གྱིས་གྲུབ ་པར་སྟོན་པས་ན།། ལྷུན་གྲུབ་ཆེན་པོའི་རྒྱུད་ཆེན་ཞེས་སུ་ཟུང་།། རང་བྱུང་ཡེ་ཤེས་རང་ལ་འཆར་བར་སྟོན་པས་ན།། ཡེ་ཤེས་རང་ཤར་ཆེན་པོའི་རྒྱུད་དུ་ཟུང་།། མ་རིག་མུན་པ་རྩད་ནས་སྨག་རྣམས་སེལ་བས་ན།། མ ་རིག་མུན་སེལ་ཆེན་པོའི་རྒྱུད་དུ་ཟུང་།། འཁོར་བ་ཐམས་ཅད་དོང་ནས་སྤྲུགས་པས་ན།། དོང་སྤུག་ཆེན་པོའི་རྒྱུད་ཆེན་བྱ་བར་ཟུང་།། འཁྲུལ་པ་ཐམས་ཅད་རྩད་ནས་གཅོད་པས་ན།། འཁྲུལ་པ་རྩད་གཅོད་རྒྱུད་ཆེན་བྱ ་བར་ཟུང་།། འཁོར་བའི་ཆུ་བོ་གྲུ་ཡིས་སྒྲོལ་བས་ན།། གྲུ་སྒྲོལ་ཆེན་པོའི་རྒྱུད་ཆེན་བྱ་བར་ཟུང་།། ཉོན་མོངས་གཅོང་ནད་གཏིང་ནས་འདོན་པས་ན།། སྨན་པ་ཆེ་མཆོག་རྒྱུད་ཅེས་བྱ་བར་ཟུང་།། བདུད་བཞི་རྩད་ནས ་འཇོམས་པར་འདོན་པས་ན།། བདུད་འཇོམས་ཆེན་པོའི་རྒྱུད་ཆེན་ཞེས་སུ་ཟུང་།། དོན་ཆེན་ལྷག་མེད་སྤྲུགས་ནས་སྟོན་པས་ན།། རྩལ་ཆེན་སྤྲུགས་པའི་རྒྱུད་ཅེས་བྱ་བར་ཟུང་།། ཀྱེ་མ་ཀྱེ་མ་མ་རིག་འཁྲུལ་པས་སྙིང་རེ ་རྗེ།། འཁྲུལ་པའི་ཆོས་ལ་བདེན་པར་མ་འཛིན་པར།། འདི་ལ་སྐུར་བ་མ་འདེབས་དོན་གསལ་རྗེས་སུ་འབྲངས།། རང་བྱུང་ཡེ་ཤེས་འགྱུར་མེད་མ་ཤེས་ནས།། དངོས་པོ་རྫས་གྲུབ་བདེན་པར་མ་འཛིན་པར།། སྤྲོས ་བྲལ་དོན་གསལ་འདི་ཡི་རྗེས་སུ་འབྲངས།། འོན་ཀྱང་མི་འགྱུར་རྟག་པ་རྟོགས་པར་འགྱུར།། དངོས་མེད་ཞི་པ་ཆོས་སྐུ་མ་རྟོགས་པར།། སྟོང་པ་ཅང་མེད་མཐའ་ལ་མ་འཛིན་ཀ།། དོན་གསལ་འདི་ཡི་རྗེས་སུ་འབྲེངས ་པ་ན།། འོན་ཀྱང་སྟོང་ཉིད་ཞི་བ་རྟོགས་ཏེ་འོང་།། གནས་ལུགས་སྣང་ལུགས་རྣམ་གཉིས་མ་རྟོགས་པས།། གཉིས་ཀྱི་མཐའ་ལ་བདེན་པར་མ་འཛིན་ཀ།། སྐུར་པ་མ་འདེབས་དོན་གསལ་རྗེས་ཕྱིར་འབྲངས།། འོན ་ཀྱང་གཉིས་མེད་རང་སྣང་རྟོགས་ཏེ་འོང་།། སྐུ་གསུམ་འདུ་འབྲལ་མེད་པར་མ་རྟོགས་པས།། བློས་བཏགས་བསྐྱེད་རྫོགས་རྣམ་གཉིས་བདེན་པར་མ་འཛིན་ཀ།། སྒྲོ་སྐུར་མ་འདེབས་དོན་གསལ་རྗེས་སུ ་འབྲངས།། འོན་ཀྱང་ཡེ་ནས་ལྷུན་རྫོགས་རྟོགས་ཏེ་འོང་།། དོན་གྱི་སྤྲོས་བྲལ་དོན་གསལ་མ་རྟོགས་པར།། ཚིག་དང་ཡི་གེའི་སྒྲ་ལ་མ་ཞེན་ཀ།། དོན་གྱི་སྤྲོས་བྲལ་དོན་གསལ་ཉམས་སུ་ལོངས།། འོན ་ཀྱང་ཡེ་ཤེས་དོན་གསལ་རྒྱུད་ལ་འཆར།། ཞེས་གསུངས་སོ།། དེ་ནས་ཡང་གསང་བའི་བདག་པོ་ལ་སོགས་ཏེ་འདུས་པའི་ཚོགས་རྣམས་ཀྱིས་ཐལ་མོ་སྦྱར་ཏེ་བསྐོར་བ་ལན་མང་དུ་བྱས་ནས།། ཀྱེ་ཀྱེ་བཅོམ་ལྡན་རྡོ་རྗེ ་འཆང་།། བདག་ཅག་འདུས་པའི་ཚོགས་རྣམས་ལ།། སྤྲོས་བྲལ་དོན་གསལ་རྒྱུད་བཤད་པས།། མ་རིག་མུན་པ་རྒྱུད་འདིས་བསལ།། འཁོར་བ་རྩད་ནས་རྒྱུད་འདིས་བཅད།། ཉོན་མོངས་གཡུལ་ལས་རྒྱུད་འདིས ་བཟློག། ཆུ་བོ་བཞི་ལས་རྒྱུད་འདིས་བསྒྲལ།། ངན་སོང་དོང་ནས་རྒྱུད་འདིས་སྤྲུགས།། བག་ཆགས་ལྡན་ལྗིན་རྒྱུད་འདིས་བསལ།། འཁྲུལ་པ་ཐམས་ཅད་རྒྱུད་འདིས་བཅད།། རང་ངོ་རང་ལ་རྒྱུད་འདིས་སྤྲད།། གཅིག ་ཤེས་ཀུན་ལས་རྒྱུད་འདིས་གྲོལ།། གནས་ལུགས་དོན་ཆེན་རྒྱུད་འདིས་གོ།། ལོག་ལྟ་ཚར་ཆེན་རྒྱུད་འདིས་བཅད།། ཐེག་དམན་ཤན་ཐང་རྒྱུད་འདིས་ཕྱེ།། འབྱུང་བ་དངས་སྙིགས་རྒྱུད་འདིས་ཕྱེ།། ཉོན་མོངས་དུག་ལྔ ་རྒྱུད་འདིས་བསལ།། ལམ་ལ་རྩོལ་མེད་རྒྱུད་འདིས་བྱས།། རང་བྱུང་ཡེ་ཤེས་རྒྱུད་འདིས་ཤར།། འཁོར་བ་དངས་སྙིགས་རྒྱུད་འདིས་ཕྱེ།། ལོག་པའི་ལམ་ཞུགས་རྒྱུད་འདིས་བཟློག། ཆོས་འདིས་རྩ་བ་རྒྱུད་འདིས ་བཅད།། མན་ངག་རྒྱུད་སྒྲོག་ཆེན་པོ་རྒྱུད་འདིས་ཁྲོལ།། སྐུ་གསུམ་ཡོངས་རྫོགས་རྒྱུད་འདིས་ཐོབ།། ཡེ་ཤེས་རྣམ་ལྔ་རྒྱུད་འདིས་ཤར།། མ་མཐོང་ཡུལ་ཆེན་རྒྱུད་འདིས་མཐོང་།། མ་མཇལ་ཞལ་ཆེན་རྒྱུད་འདིས ་མཛལ།། མ་ཐོས་གཏམ་ཆེན་རྒྱུད་འདིས་ཐོས།། འབྱུང་བ་མ་ལ་རྒྱུད་འདིས་ཞ།། གྲོལ་ཞིང་ཐིམ་པ་རྒྱུད་འདིས་བྱས།། འཁོར་བའི་ལ་ལས་རྒྱུད་འདིས་བཟླས།། རྩོལ་མེད་འབྲས་བུ་རྒྱུད་འདིས་ཐོབ།། ཀྱེ་ཀྱེ ་བཅོམ་ལྡན་རྡོ་རྗེ་འཆང་ཆེན་པོ།། དགོས་འདོད་རེ་སྐོང་ནོར་བུ་རིན་ཆེན་ལྟ་བུ་ཁྱོད་ལ་བསྟོད།། མ་རིག་མུན་པ་སེལ་མཛད་ཉི་མ་ལྟ་བུ་ཁྱོད་ལ་བསྟོད།། འཁོར་བའི་བག་ཆགས་བསྲེག་མཛད་མེ་དཔུང་ལྟ་བུ་ཁྱོད་ལ ་བསྟོད།། ཉོན་མོངས་དྲི་མ་འཁྲུད་མཛད་ཆུ་བོ་ལྟ་བུ་ཁྱོད་ལ་བསྟོད།། རང་གསལ་དོན་ཉིད་གསལ་མཛད་མེ་ལོང་ལྟ་བུ་ཁྱོད་ལ་བསྟོད།། རྣམ་དག་དོན་ཆེན་སྟོན་མཛད་མན་ཤེལ་ལྟ་བུ་ཁྱོད་ལ་བསྟོད།། སྐྱོན་གྱིས་མ ་གོས་སྟོན་མཛད་པད་མ་ལྟ་བུ་ཁྱོད་ལ་བསྟོད།། ཚེགས་ཆུང་དོན་ཆེན་དོན་མཛད་མན་ངག་ལྟ་བུ་ཁྱོད་ལ་བསྟོད།། འཁོར་བའི་གཡུལ་ངོ་བཟློག་མཛད་དཔའ་བོ་ལྟ་བུ་ཁྱོད་ལ་བསྟོད།། འཁོར་བའི་གཅོང་རྙིང་འདོན ་ཛད་སྨན་པ་ལྟ་བུ་ཁྱོད་ལ་བསྟོད།། འགྲོ་དྲུག་བདེ་བར་སྒྲོལ་མཛད་ཐུགས་རྗེའི་བདག་པོ་ཁྱོད་ལ་བསྟོད།། ཅེས་གསང་བའི་བདག་པོས་བསྟོད་དོ།། སྤྲོས་བྲལ་དོན་གསལ་ཆེན་པོའི་རྒྱུད་ལས།། རྒྱུད་ཀྱི་མཚན ་ཡོངས་སུ་བསྟན་པ་དང་། བསྟོད་པ་ཕུལ་བའི་ལེའུ་སྟེ་བརྒྱ་དང་ཉི་ཤུ་རྩ་གཉིས་པའོ།། །། དེ་ནས་ཡང་རྡོ་རྗེ་འཆང་གིས་གསུངས་པ།། ང་ཡི་སྤྲོས་བྲལ་དོན་གསལ་རྒྱུད་ཆེན་འདི།། བསྟན་པས ་ཤེས་ཤིང་བཀླགས་པས་གོ་བ་སྟེ།། ད་ལྟ་རང་ངོ་རང་གི་ཤེས་ཏེ་དུས་གསུམ་འགྱུར་བ་མེད།། རིག་པ་ཆོས་སྐུ་ཤེས་ཤིང་སྣང་བ་ཆོས་ཀྱི་དབྱིངས་སུ་ཤེས།། གཉིས་མེད་དོན་ཆེན་རྒྱུད་ལ་གསལ་བ་ཡིས།། སྙིང་པོའི ་གཞི་རྩ་ཆོད་པས་འཁོར་བའི་གཡང་སར་ལྷུང་མི་སྲིད།། དགོས་འདོད་རེ་བ་བསྐང་མཛད་ནོར་བུ་རིན་ཆེན་ལྟ་བུ་ཡི།། རྩ་རྒྱུད་བཤད་རྒྱུད་མན་ངག་རྒྱུད་དུ་བསྟན་པ་འདིས།། སྣོད་ངན་དམ་ཚིག་མེད་པ་རྣམས་ལ་ཤོར ་སྲིད་དོ།། སློབ་དཔོན་གསང་ནས་རང་ཆེ་འབྱིན་པ་རྣམས་ལ་ཤོར་སྲིད་དོ།། རང་གིས་ནོར་མ་ཤོར་བར་གདམས་ངག་འདོད་པ་རྣམས་ལ་ཤོར་སྲིད་དོ།། འཇུར་བུ་རང་འདོད་ཅན་གྱི་མི་ལ་ཤོར་སྲིད་དོ།། ཁ་གསགས ་གཡོ་སྒྱུ་ཅན་གྱི་མི་ལ་ཤོར་སྲིད་དོ།། ཟོག་པོ་རྫུན་པོ་ཆེ་ཡི་མི་ལ་ཤོར་སྲིད་དོ།། མཐར་ཟུག་ལ་ཟློའི་ཆོས་ལ་མོས་པ་མི་བྱེད་དང་།། རྡོ་རྗེ་སློབ་དཔོན་གཉེན་པར་མི་སེམས་དང་།། ལུས་ཀྱི་སྒོ་ནས་དམ་ཚིག་མི་བསྲུང ་བར།། བཀུར་སྟི་རིམ་གྲོལ་ཞབས་ཏོག་མི་བྱད་དང་།། ངག་གི་སྒོ་ནས་དམ་ཚིག་མི་བསྲུང་བར།། སྙན་པར་མི་སྨྲ་སློབ་དཔོན་མིང་ནས་འབོད།། ཡིད་ཀྱི་སྒོ་ནས་དམ་ཚིག་མི་བསྲུང་བར།། མོས་གུས་ཆུང་ཞིང་གདུང ་བའི་སེམས་དང་བྲལ།། ཇི་སྲིད་དེ་འདྲའི་གང་ཟག་བྱུང་གྱུར་ན། ཁོང་དུ་སྦྲུལ་ཞུགས་སྙིང་ལ་མི་འབར་ཞིང་།། སྐོ་ལ་གྲྀ་གཏུབ་མགཽ་ལ་ཐོག་འབེབས་ཀྱང་།། དམ་མེད་སྣོད་ངན་རྣམས་ལ་ཤོར་སྲིད་དོ།། གཙེས་པའི ་ལུས་སྲོག་འབྲལ་བའི་རྐྱེན་བྱུང་ཡང་།། དམ་མེད་སྣོད་ངན་རྣམས་ལ་ཤོར་སྲིད་དོ།། ཆོས་སྐྱོང་སྲུང་མ་དམ་ཅན་རྒྱ་མཚོ་དང་།། ཨེ་ཀ་ཛ་ཊཱི་གུ་ཧྱ་རལ་གཅིག་མས།། འཇིག་རྟེན་འདི་རུ་ཚེ་ཐུང་ནད་མང་མི་བདེ་སྣ ་ཚོགས་འོང་།། དམ་ཚིག་ཉམས་པས་ཕྱི་མ་རྡོ་རྗེ་དམྱལ་བར་སྐྱེ།། གཞན་གྱི་རྣམ་སྨིན་བདེ་གཤེགས་ཐུགས་རྗེས་འབྱངས།། དམ་ཚིག་ཉམས་པས་སངས་རྒྱས་བཀས་མི་སྐྱོབས།། དེ་བས་དམ་ཚིག་གཉེན་པོ་སྙིང་བས ་ལྷག་པར་བསྲུང་།། ལུས་ངག་ཡིད་གསུམ་དམ་ཚིག་ལྡན་པ་ཡིས།། རྒྱུད་འདི་རང་གིས་སྙིང་བས་ལྷག་པར་ཆོངས།། སྣོད་ལྡན་འགའ་ཙམ་ཟུང་ཙམ་མ་གཏོགས་པར།། སྣོད་མེད་རྣམས་ལ་ཤོར་བ་སྲིད་དོ་ཀ།། དམ ་མེད་རྣམས་ལ་ཤོར་བ་འོང་ངོ་ཀ།། དད་མེད་རྣམས་ལ་ཤོར་བ་སྲིད་དོ་ཀ།། ཞེས་གསུངས་སོ།། ཞུ་བ་པོའི་འཁོར་གསང་བའི་བདག་པོ་དང་། སྡུད་པ་པོའི་འཁོར་དགའ་རབ་རྡོ་རྗེ་ལ་སོགས་པ་རྣམས་རྗེས་སུ་ཡི་རང ་ངོངོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། རྒྱུད་གཏད་པའི་ལེའུ་སྟེ་བརྒྱ་དང་ཉི་ཤུ་རྩ་གསུམ་པའོ།། །། ཏནྟ་རཱ་ཛ་མ་ཧཱ། སངས་རྒྱས་མཉམ་སྦྱོར་དོན་གསལ་ཆེན་པོའི་རྒྱུད་མཐོང་བས་གྲོལ་བ་འདི་ཡོངས ་སུ་རྫོགས་སོ།། །། གུཧྱ། གཏད་རྒྱ་རྒྱ་རྒྱ། ཨི་ཟི། ཡང་གསང་བ་མན་ངག་གི་རྒྱུད་ཆེན་པོ་འདི་སྡུད་པའི་འཁོར་དགའ་རབ་རྡོ་རྗེས་བསྡུས་ནས་ཚིག་དང་ཡི་གེར་བཀོད་ནས་གུ་རུ་འཇམ་དཔལ ་བཤེས་གཉེན་ལ་བཤད། དེས་གུ་རུ་ཤྲཱི་སེང་ཧ་ལ་བཤད། དེས་ཨོཾ་རྒྱན་གུ་རུ་པད་མ་ལ་བཤད་དོ།། གུ་རུ་པད་མ་འབྱུང་གནས་ངས།། ལྔ་བརྒྱ་དུས་ཀྱི་སྙིགས་མ་ལ།། ལྡན་གསུམ་སྐྱེས་བུའི་དོན་ཆེད་དུ།། ཆོས ་རྣམས་ཀུན་གྱི་མ་ཆེན་མོ།། ཀུན་བསྐྱེད་རང་གཞུང་ཚུགས་ཤིང་རྫོགས།། སྤྲོས་བྲལ་དོན་གསལ་རྒྱུད་ཆེན་སྦས།། སེམས་ཅན་སངས་རྒྱས་མཉམ་སྦྱོར་དོན།། ཐོས་བསམ་བསྒོམ་ལ་མི་ལྟོས་ཤིང་།། བསྟན་པས་རྟོགས ་ཤིང་དྲན་པས་གསལ།། འཕྲད་པས་དབང་ཐོབ་མཐོང་བས་གྲོལ།། འབྲས་བུ་ད་ལྟ་ཐོབ་པའི་ཆོས།། ཡིད་བཞིན་ནོར་བུ་ལྟ་བུ་ཡིན།། ཐུགས་གཏེར་ཡང་གཏེར་གསང་མཛོད་འདིས།། མ་ཚངས་ཁ་བསྐང་ཤུལ་ཚོ། ་སྡུད།། འཕྲལ་ཐོག་ཉམས་སུ་བླང་ཆོག་མ།། སྙིང་ནོར་ཡིན་ནོ་མིག་འབྲས་ཡིན།། བདག་ཀྱང་ཐོས་ཆུང་མ་ཡིན་ཏེ།། རྡོ་རྗེ་འཆང་དང་མཁྱེན་པ་མཉམ།། དེ་ཕྱིར་ཐུགས་ཀྱི་གསང་གཏེར་འདི།། གནམ་སའི་བར་ན ་གཏེར་གཅིག་མའོ།། ལས་འཕྲོ་ཅན་དང་འཕྲད་ནས་ཀྱང་།། བཅོ་ལྔ་ལོ་བར་ཡིད་ལ་བརྣག། གསང་དམ་དམ་བསྲུང་དུས་ཐལ་ཚེ།། འཁོར་བ་བློས་ཐོང་ངེས་དོན་འཚོལ།། བླ་མ་ལ་གུས་སྲོག་འདོར་ཕོད།། གསུམ་ལ ་དཔེ་གཏོད་ཀུན་ལ་མིན།། དུས་ལ་བབ་ན་འགྲོ་དོན་ཡོང་།། སྙན་རྒྱུད་དུ་ཐོབ་ལ་སྐལ་ལྡན་སྐྱོངས།། རྒྱུད་མཆོག་བླ་མེད་ནུབ་དོགས་ནས།། རྒྱུད་འདི་གཏེར་ཁ་གསུམ་དུ་སྦས།། གཅིག་ནི་བྱང་གཏེར་པྲ་དུན ་རྩེར།། རྣམ་སྣང་ཐུགས་ཀར་སྦས་ཏེ་བཞག། སྟག་གི་ལོ་ལ་འབྱིན་པར་འགྱུར།། གཅིག་ནི་ཡང་གཏེར་འདིར་སྦས་སོ།། སྦྲུལ་གྱི་ལོ་ལ་འབྱིན་པར་འགྱུར།། གཅིག་ནི་མཁའ་རི་དགེ་རིའི་ཕུག། སྤྲེའུའི་ལོ་ལ་འབྱིན ་པར་འགྱུར།། དེ་ཡང་འདིར་ནི་མ་བུ་ཚང་།། ཡང་གཏེར་རྒྱུད་གསུམ་བུ་ཡི་ཚུལ།། ཅིའི་ཕྱིར་མ་ཡི་བཅུད་བསྡུས་པའོ།། དོན་གསལ་རྒྱུད་མཆོག་མ་ཡི་ཚུལ།། ཅི་འདོད་ཀུན་བསྐྱེད་རང་གཞུང་ཚུགས།། དེ་ལྟར་ཟབ ་ཕྱིར་ཐུགས་གཏེར་ཡང་།། ཡང་གཏེར་ཐིམས་སུ་འདི་མ་བསྟན།། ད་ལྟ་སངས་རྒྱས་མཉམ་སྦྱོར་དོན།། འདིས་སྟོན་ཕྱིར་ན་རྒྱུད་སོར་བཞག། འགྲེལ་པའི་མུན་པས་གཡོག་ཏ་རེ།། ཊི་ཀའི་སྦར་མོས་བསྡམ་ཏ ་རེ།། ལུང་དྲངས་ལྷོ་ཚིལ་བསླུས་ཏ་རེ།། དེ་ཕྱིར་བཀའ་རྒུད་རང་སོར་ཞོག། དོན་འགྲོལ་དཀའ་ན་སྔ་མ་བསྟེན།། ཚོགས་བརྒྱ་རྩ་དང་མཎྜལ་དབུལ།། ཞིབ་ཏུ་དཔེ་ལྟར་དོན་ལ་དཔྱད།། བལྟས་པས་གྲོལ་བ་ཁོ ་ནའོ།། ཤེས་རབ་བློ་ལྡན་སྙིང་རྗེ་ཅན་དང་འཕྲད་པར་ཤོག། ཅིའི་ཕྱིར་གསང་སྔགས་ངོ་བོ་ཤེས་རབ་ཡིན།། སྐྲྀ། གུ་ཧྱེ། རྒྱ་རྒྱ་རྒྱ། ཨེ་མ་ཧོ།། བདག་འདྲ་གཏེར་སྟོན་ཆོས་དབང་ལ།། དུས་གསུམ་སངས་རྒྱས ་བཀའ་འབབས་ཏེ།། སྙིང་པོའི་རྒྱུད་མཆོག་འདི་འདྲ་བདོག། ཆེན་ངོ་མཚར་དེ་ཆེ་མོད།། སྦྲུལ་སྐུ་ཆོས་ཀྱི་དབང་ཕྱུག་ལ།། གཞུ་སྟེའི་སྣང་དོན་དད་སེང་གིས།། ལྷོ་བྲག་ལྔ་བྲོ་དགོན་པ་རུ།། སྦྲུལ་གྱི་ལོ ་ལ་ཞུས་ནས་བྲིས།། དེ་ལས་བྱུང་བའི་དགེ་བ་ཡིས།། ཀུན་གྱི་རྒྱུད་འདི་རྟོགས་གྲོལ་ཤོག།། རྒྱ་གར་སྐད་དུ། སརྦ་གྲ་རཱ་ཛཱ་ཀ་ཤ་ཛྭ་ལ་ཏནྟྲ། བོད་སྐད་དུ། རྒྱུད་ཐམས་ཅད་ཀྱི་རྩེ་རྒྱལ་ནམ་མཁའ ་