| Wylie | e-texts produced with BDRC’s OCR application |
རྒྱ་གར་སྐད་དུ། ཨཱརྱ་ཏ་ཐཱ་ག་ཏ། པྲ་ཏི་བི་མ་བ། པྲ་ཏིཥྛ་ཨ་ནུ་ཤངས། སམ་པརྣན་ན་མཱ་དྷརྨ་བརྒྱ་ཡ། བོད་སྐད་དུ། འཕགས་པ། ་དེ་བཞིན་གཤེགས་པའི་གཟུགས་བརྙན་གཞག་པའི་ཕན་ཡོན་ཡང་དག་པར་བརྗོད་པ་ཞེས་བྱ་བའི་ཆོས་ཀྱི་རྣམ་གྲངས། ཐམས་ཅད་མཁྱེན་པ་ལ་ཕྱག་འཚལོ།། ་འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྤྲིན་གྱི་ཀུན་དགའོ་བ་ན་བཞུགསོ།། ་དེའི་ཚེ་དགེ་སློང་རབ་ཏུ་མང་པོ་དག་ཅིག་རིམ་འགྲོའི་གནས་སུ་ལྷགས་ཏེ། འདུས་ནས་བར་སྐབས་དེར་གཏམ་འདི་ལྟ་བུ་ཞིག་གླེངས་སོ།། ཁྱེད་ཅག་ལ་བྲམ ་ཟེའམ། ཁྱིམ་བདག་དད་པ་ཅན་ཐོས་པ་འཛིན་པ་ཟོས་པ་བསགས་པ། དགེ་བ་ཇི་ལྟར་བྱ་ཞེས་ཚོལ། དེ་བཞིན་གཤེགས་པའི་གཟུགས་བརྟན་བྱ་བར་སྤྲོ་བ་སྐྱེད། ་པ་དག་སྣང་ལ། དེ་དག་གལ་ཏེ་བདག་ཅག་གི་དྲུང་དུ་ལྷགས་ནས། བཙུན་པ་བདག་དེ་བཞིན་གཤེགས་པའི་གཟུགས་བརྙན་བགྱིད་པའི ་གང་ཟག་སྦྱིན་པ་པོ་ལ། ཕན་ཡོན་ཇི་ཙམ་ཞིག་མཆིས་པར་རིག་པར་བགྱི་ཞེས་རྨེད་ན། དེ་བཞིན་གཤེགས་པའི་གཟུགས་བརྙན་བགྱིད་པ་ལ་ཕན་ཡོན་ཇི་ཙམ ་ཞིག་ཡོད་པ་བདག་ཅག་གིས་མ་ཤེས་ཏེ། དེའི་ཚེ་དེ་དག་ལ་བདག་ཅག་གིས་ཇི་ལྟར་ཆོས་དང་མཐུན་པར་ལན་གཏབ་པར་བྱ། གང་དོན་འདི་དག་ཉིད་ནི། བཅོམ་ལྡན ་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་མཁྱེན་པ། ཐམས་ཅད་གཟིགས་པ། ཐེ་ཚོམ་ཐམས་ཅད་གཅོད་པར ་མཛད་པ། སྟོན་པ་དེ་དག་ལ་བདག་ཅག་གིས་ཞུའོ།། འོན་ཏམ་བཅོམ་ལྡན་འདས་དེ་བདག་ཅག་ལུང་སྟོན་པར་མཛད་དེ། བདག་ཅག་གིས་དེ་བཞིན་གཟུང་ནས། ་བྲམ་ཟེ་དང་། ཁྱིམ་བདག་དད་པ་ཅན་རྣམས་ལ། རྒྱ་ཆེར་བྱེད་སྟེ་ལན་གདབ་པར་བྱའོ་ཞེས་བགྲོས་སོ།། དེ་ནས་དགེ་སློང་རབ་ཏུ་མང་པོ་དག། བཅོམ་ལྡན་འདས ་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ།། ཕྱོགས་གཅིག་ཏུ་འཁོད་ནས། དགེ་སློང ་རབ་ཏུ་མང་པོ་དག་གིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཙུན་པ་བདག་ཅག་དགེ་སློང་རབ་ཏུ་མང་པོ་དག། རིམ་འགྲོའི་གནས་དེར་ལྷགས་ཏེ་འདུས ་པ་དང་། བར་དེར་བཀའ་མཆིད་དེ་ལྟ་བུ་ཞིག་གླེངས་ཏེ། ཁྱེད་ཅག་ལ་བྲམ་ཟེའམ། ཁྱིམ་བདག་དད་པ་ཅན་ཐོས་པ་འཛིན་པ། ཐོས་པ་བསགས་པ། དགེ་བ་ཇི་ལྟར་བགྱི། ་ཞེས་ཚོལ་བ། དེ་བཞིན་གཤེགས་པའི་གཟུགས་བརྙན་བགྱི་བར་སྤྲོས་པར་བསྐྱེད་པ་དག་གདའ་ལ། དེ་དག་གལ་ཏེ་བདག་གི་དྲུང་དུ་མཆིས་ནས། བཙུན་པ་དག་དེ་བཞིན ་གཤེགས་པའི་གཟུགས་བརྙན་བགྱིད་པའི་གང་ཟག་སྦྱིན་པ་པོ་ལ་ཕན་ཡོན་ཇི་ཙམ་ཞིག་མཆིས་པར་རིག་པར་བགྱི་ཞེས་རྨེད་ནས། དེ་བཞིན་གཤེགས་པའི་གཟུགས ་བརྙན་བགྱིད་པ་ལ། ཕན་ཡོན་ཅི་ཙམ་ཞིག་མཆིས་པ་བདག་ཅག་གིས་མ་འཚལ་ན། དེའི་ཚེ་དེ་དག་ལ། བདག་ཅག་གིས་ཇི་ལྟར་ཆོས་དང་མཐུན་པར་ལན་གདབ ་བར་བགྱི། གང་དོན་དེ་དག་ཉིད་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་མཁྱེན་པ། ཐམས་ཅད ་གཟིགས་པ། ཐེ་ཙོམ་ཐམས་ཅད་གཅོད་པར་མཛད་པ་སྟོན་པ་དེ་ལ་བདག་གིས་ཞུ་བར་བགྱིའོ།། འོན་ཏམ་བཅོམ་ལྡན་འདས་དེ་བདག་ཅག་ལ་ལུང་སྟོན་པར་མཛད་དེ། ་བདག་ཅག་གིས་དེ་བཞིན་བཟུང་ནས། བྲམ་ཟེ་དང་། ཁྱིམ་བདག་དད་པ་ཅན་རྣམས་ལ། རྒྱ་ཆེར་ཕྱེས་སྟེ་ལན་གདབ་པར་བགྱིའོ།། སྙམ་བགྱིད་དེ། བཙུན་པ་བཅོམ ་ལྡན་འདས་དོན་དེ་དག་ཉིད། བདག་ཅག་ཞུ་ཞིང་མཆིས་ནས། བཙུན་པ་དེ་བཞིན་གཤེགས་པ། གཟུགས་བརྙན་བགྱིད་པའི་གང་ཟག་སྦྱིན་པ་པོ་ལ་ཕན་ཡོན་ཇི་ཙམ ་ཞིག་མཆིས་པར་རིག་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང ་པོ་ལ་བདེ་བ་དང་། སྙིང་བརྩེ་བ་དང་། ལྷ་དང་མི་རྣམས་ལ་ཕན་པ་དང་། བདེ་བའི་ཕྱིར་ཞུགས་ཏེ། ཁྱེད་གང་དེ་བཞིན་གཤེགས་པ་དགྲ་བཅོམ་པ་ཡང་དག་པར ་རྫོགས་པའི་སངས་རྒྱས་ལ། དོན་འདི་དག་ཉིད་ཞུ་བར་སེམས་དཔའ་ལེགས་སོ།། ལེགས་སོ།། དགེ་སློང་དག་དེའི་ཕྱིར་ལེགས་པར་རབ་ཏུ་ཉོན་ལ། ཡིད་ལ་ཟུང ་ཤིག་དང་། བསྟན་པར་བྱའོ།། དགེ་སློང་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོ་ལ། ཕན་ཡོན་འདི་ལྔ་ཡོད་དེ། ལྔ་གང་ཞེ་ན། གཞལ ་མེད་ཁང་ཆེན་པོར་གནས་པ་དང་བོང་སྟེང་བཟང་པོར་གྲགས་པ་དང་། སྤྲོ་བ་མང་བ་དང་། ཚེ་རིང་བ་དང་། གྲགས་པ་དང་ལྡན་པ་དང་། བདེ་བ་མང་བ་དེ། དགེ་སློང ་དག་འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོའི།། ཕན་ཡོན་དང་པོ་ཡིན་ནོ།། གཞན་ཡང་ཕྱུག་པ་དང་། ནོར་མང་བ་དང་།། ་ལོངས་སྤྱོད་ཆེ་བ་དང་། ནོར་རྫས་དང་། ཡོ་བྱད་མང་བ་དང་། བདག་དབང་བ། བདག་གིར་བྱ་བ་མང་བ་དང་། ནོར་དང་། འབྲུ་དང་། དབྱིག་དང་། གསེར་དང་། མཛོད ་དང་། བང་བའི་ཚོགས་མང་བ་དང་། རྟ་དང་གླང་པོ་ཆེ་དང་། བ་ལང་དང་ལུག་དང་། བྲན་དང་བྲན་མོ་དང་། ལས་བྱེད་པ་དང་། ཞོ་ཤས་འཚེ་བ་དང་། བློན་པོ་དང་། ་མཛའ་བཤེས་དང་། གཉེན་དང་། སྨག་གི་གཉེན་མཚམས་མང་པོར་འགྱུར་རོ།། དགེ་སློང་དག་འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག ་སྦྱིན་པ་པོའི་ཕན་ཡོན་གཉིས་པ་ཡིན་ནོ།། དགེ་སློང་དག་གཞན་ཡང་གཟུགས་བཟང་བ་དང་། ལྟ་ན་སྡུག་པ་དང་། མཛེས་པ་དང་། མདོག་གསེར་ལྷར་བཟང་བ་དང་། མགོ། ་གདུགས་ལྟར་ཟླུམ་པ་དང་། ལག་པ་རིང་བ་དང་། འབྲལ་བཱི་དབྱེས་ཆེ་བ་དང་། སྨིན་མཚམས་པར་མ་མཆད་པ་དང་། ཡན་ལག་དང་ཉིན་ལག་ཐམས་ཅད་དང་ལྡན ་པ་དང་། རྒྱན་ཐམས་ཅད་ཀྱིས་བརྒྱན་པར་གྱུར་ཏེ། དགེ་སློང་དག་འདི་ནི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོའི་ཕན་ཡོན ་གསུམ་པ་ཡིན་ནོ།། དགེ་སློང་དག་གཞན་ཡང་འཁོར་ལོ་སྒྱུར་བའི་རྒྱལ་པོ་འཁོར་བཟང་པོ་ཆེ་རིན་པོ་ཆེ་སྣ་བདུན་དང་ལྡན་པ་དང་། བུ་སྟོང་གིས་བསྐོར་བར ་འགྱུར་ཏེ། དེའི་བུ་འམ། ཆུང་མ་འམ། བྲན་ནམ་ཉེ་བར་འཚོ་བ་གང་ཡིན་པ་དེ་དག་ཐམས་ཅད་དེ་ལ་གུས་པར་ཉན་པ་དང་། བཀའ་ཉན་པར་བྱེད་དེ། དགེ་སློང ་དག་འདི་ནི། དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག། སྦྱིན་པ་པོའི་ཕན་ཡོན་བཞི་པ་ཡིན་ནོ།། དགེ་སློང་དག་གཞན་ཡང་དེ་ལུས་དང ་བྲལ་ན། བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་དུ་སྐྱེ་བར་འགྱུར་ཏེ། དེར་སྐྱེས་ནས། ལྷའི་རྒྱལ་པོ་ཁྱད་པར་ཅན་ལྷ་དང་། ལྷའི་བུ་དང་། ་ལྷའི་བུ་མོ་རྣམས་ཀྱི་རྟེན་དུ་འགྱུར་ལ། གནས་བཅུ་པོ་ལྔའི་ཚེ་དང་། ལྷའི་མདོག་དང་། ལྷའི་སྟོབས་དང་། ་ལྷའི་བདེ་བ་དང་། ལྷའི་དབང་ཕྱུག་ལ། དབང་བྱེད་པ་དང་། ལྷའི་གཟུགས་དང་། སྒྲ་དང་། དྲི་དང་། རོ་དང་། རེག་བྱ་རྣམས་ཀྱིས་དགའ་བར་བྱེད་དེ། ་དགེ་སློང་དག་འདི་དེ་བཞིན་གཤེགས་པའི་གཟུགས་བརྙན་བྱེད་པའི་གང་ཟག་སྦྱིན་པ་པོའི་ཕན་ཡོན་ལྔ་པ་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས ་བཀའ་སྩལ་བ་དང་། དགེ་སློང་དེ་དག་བཅོམ་ལྡན་འདས་ཀྱིས་གསུངས་པ་ལ་ཡིད་རངས་ཏེ། མངོན་པར་བསྟོད་དོ།། འཕགས་པ་དེ་བཞིན ་གཤེགས་པའི་གཟུགས་བརྙན་བྱེད་པའི་ཕན་ཡོན་ཡང་དག་པར་བརྗོད་པ་ཞེས་བྱ་བའི་ཆོས་ཀྱི་རྣམ་གྲངས་རྫོགས་སོ།། ། སརྦ་མངྒ་ལཾ།། ་དགེའོ།། @རྒྱ་གར་སྐད་དུ། ཨཱརྱ་སང་ག་ཊ་སུ་ཏྲ་དྷརྨ་པརྱ་ཡཱ། བོད་སྐད་དུ། འཕགས་པ་ཟུང་གི་མདོའི་ཆོས་ཀྱི་རྣམ ་