བོད་ཡིག

e-texts produced with BDRC’s OCR application

rdzogs so// rgya gar skad du/ shrI de bi kA li pra ma rA dza tan+ta ka li/ bod skad du/ dpal lha mo nag mo'i bstod nga rgyal po'i rgyud/ rig sngags dang gsang sngags kyi mnga' bdag dpal phyag na rdo rje la phyag 'tshal lo// 'di skad bdag gis thos pa dus gcig na/ ri rab kyi rtse mo rtsub 'gyur gyi tshal chen po na/ bcom ldan 'das dpal drag po chen po phyag na rdo rje lus bskal pa'i me ltar 'bar ba/ srid pa gsum las rnam par rgyal ba/ nyi ma stong gi gzi brjid dang ldan nas bzhugs so// 'khor ni brgya byin dang / sha za dang / srin po dang / ma mo'i tshogs bye dadung phyur gyis bskor te bzhugs so// de'i tshen dpal phyag na rdo rje pad+ma'i gdan la bzhugs te bka' stsal pa// nga'i 'khor du gtogs pa'i ldum srin sde brgyad nyon cig/ 'dod pa'i khams 'di na bdud kyi yung gshin rje'i sring mo zhes bya ba rgyal tshab chen po sangs rgyas thams cad kyi bstan pa 'dzin pa zhig yod de/ khyed kyis de la mchod pagyis shig/ bstod pa gyis shig/ ngas kyang khyed la byin gyis brlab bo zhes bka' stsal pa dang / 'khor gyi nang nas lha'i dbang po brgya byin stan las langs te/ dpal lha mo nag mo la dge ba bcu'i sgo nas bstod pa/ sngon 'das bskal pa dang po'i pha rol na// dge bcu'i las la sems rab cher spangs nas// lam gyi khyad par gong mo rab rdzogs kyang // mtho ris skyes gnas rnams la dge bcu yi// tshul gyis don mdzad phyi rol bsgyur ba yi// dpal ldan lha mo khyod la phyag 'tshal bstod// 'das pa'i dus na srog gcod rab spangs pas// sku tshe ring zhing gzugs byed phun sum tshogs// gzhan gyi lan chags gnod pa'i rkyen dang ldan// 'chi bdag 'joms mdzad khyod la phyag 'tshal bstod// ma byin len pa'i tshul la rab spangs pas// bsod nams tshogs kyis longs spyod phun sum tshogs// gter gyi longs spyod mi 'grib rab brtan brnyes// / sbyin pa'i gter 'chang khyod la phyag 'tshal bstod// mi tshangs spyod pa'i bka' rnams srung ba dang // mngal gyi grong khyer dman las rnam par 'phags// srid pa'i 'dod chags ring du spangs pa ste// dge sbyong chen mo khyod la phyag 'tshal bstod// nyon mongs brdzun tshig spangs pa'i rnam smin gyis// gsung gi dngos grub 'jig rten 'dul ba'i gtso// gsung mchog rnam dag brnyes pa'i rang bzhin te/ bden par gsung ba khyod la phyag 'tshal bstod// phra ma'i skyon spangs mi phyed 'khor dang ldan// nyid la rnam par 'dul ba'i 'khor gyis bskor// lha dang lha min bden pas 'dul mdzad ma// dkar me'i 'khor tshogs khyod la phyag 'tshal bstod// ngag 'khrul spangs pa'i yon tan sbyin pa yis// ting 'dzin rtse gcig mi g.yo bar chad spangs// dgos 'brel tshul gyis bstan pa skyong mdzad ma/ khyis/ ba 'dul mdzad khyod la phyag 'tshal bstod// nga rgyal khengs sems spangs pa'i yon tan gyis// zhi ba'i tshig 'jam lha mo dbyangs snyan ma// tshig rtsu ba ga she ba'i gnyen po byed pa ste// ngag rtsub 'dul mdzad khyod la phyag 'tshal bstod/ rang sems brnab sems spangs pa'i khyad par ni// 'dzin pa'i rnam rtog rnam par spangs pa'i rtag so// bdag med rtags su song gis rna ba brgyan// brnab sems spangs pa khyod la phyag 'tshal bstod// gzung ba'i yul la gnod sems rnam par spangs// phyi rol yul 'di gnyis med chos su gzugs brnyan khyod// gang la gnod sems yang dag spangs pa'i rtags// sbrul gyi rna rgyan can la phyag 'tshal bstod// log par lta ba'i chos phyogs rnam spangs te// sangs rgyas chos las 'khrungs pa'i gzugs brnyan khyod// de lta rnam par dag pa'i ngang tshul can// spros bral don dam ston la phyag 'tshal bstod// 'jig rten 'di na las gnyis dag ma dag/ ma dag mi dge bcu las ngan song grub// dag pa'i dge ba bcu las mtho ris grub// las 'di dge ba dang por rab sbyangs pas// gong nas gong ma'i sa la rab gnas kyang // dge bcu'i rtags ni dman pa'i zhing 'dir bstan// gdug pa'i tshul can 'gro ba 'dren mdzad ma// bstod par 'os pa khyod la phyag 'tshal bstod// de nas dpal lha mo nag mo chen mo la// gnod sbyin gyi rgyal po rnam thos sras kyis lam rnam pa lnga'i tshul gyis bstod pa/ dam pa rnams bgrod pa'i khyad par ni// tshogs kyis sbyangs pa'i don dam mthong ba yis// gnyen po shes rim par sgom pa la// mthar phyin pa la gshegs pa'i don mchog lags// de bas lha mo khyod kyi mtshan nyid ni// 'di ltar rab ldan khyod kyi khyad par te// dang po'i tshogs las yang dag rab bsags pas// dang po sa las sbyor ba'i ting 'dzin brnyes// rab tu dga' bu'i sa la don dam ni// rnam par mi rtog skye med tshul gyis gzigs// dpal ldan byang chub sems dpa'i khyad par ni// rang sems sa gnyis dag la rab brten nas// de bzhin sa gsum dag pa'i pha rol son// rang sems bzhi pa'i sa la cher bsgoms pas// lnga pa'i sa la bsam gtan pha rol son// rang sems drug pa'i sa la cher sbyangs pas// bdun pa la ni thabs kyi pha rol son// rang sems brgyad pa nyid la cher bsgoms pas// dpal ldan lha mo nag mo'i smon lam nyid// dgu pa la yang stobs kyi yon tan sgrub// de yi stobs kyis ye shes 'phen par 'grub// 'di dag rnam par rdzogs par byas nas ni// sangs rgyas pa la smin/ papa'i smon lam can// sa brgyad non pas gzhon nu'i tshul 'chang ma// 'gro ba 'dul phyir drag mo'i tshul ston cing // gdug pa 'dul mdzad khyod la phyag 'tshal bstod// bdag kyang khyod kyi lam ltar myur 'grub shog// de nas mi 'am ci'i rgyal po ljon parta mgo can gyis// dpal lha mo nag mo chen mo la gnyis su med pa'i sgo nas bstod pa/ dpal ldan lha mo gnyis su med pa ste// don dam spros/ bral chos nyid 'di las btsal// don dam kun rdzob gnyis su med pas bden// 'khor ba mya ngan gnyis su med pas zab// sems can sangs rgyas gnyis su med pas 'phags// las dang rnam smin gnyis su med pas bstod// rgyu dang 'bras bu gnyis su med pas smin// yul dang yul can gnyis med gcig gi dang // spos dang spros med don dam dbyings kyis bsdus// bsod nams ye shes gnyis med tshogs chen te// mthong dang dam pa gnyis med dag pas bstod// bdag dang gzhan gyi chos ni ngang tshul gcig/ gzung dang 'dzin pa gnyis med zab mo'i mthu// mtho ris ngan song gnyis bral dag pa'i zhing // bzang ngan gnyis med rang bzhin gcig gis bstod// bskyed med rdzogs pa gnyis me lhun grub mchog/ sems dang phung po gnyis med sems nyid de// sgrub dang bsgrub bya gnyis med grub pa'i ngang // bdag gzhan gnyis med tshul mchog gcig gis bstod// yab dang yum mkha' gnyis med byang chub sems// thabs dang shes rab gnyis su med pa'i don// stong dang mi stong gnyis med zhi ba'i ngang // gyur dang 'gyur med rtsol bral phyag 'tshal bstod// sgra tshig gnyis med brjod pa med pa'i ngang // lus ngag gnyis med sems nyid gcig pa'i tshul// rtsol byed rtsol bya gnyis med don gcig pas// rnam par spros med don dam dbyings kyis bstod// mu stegs sangs rgyas gnyis med tshul gcig pas// dbyings dang rig pa gnyis med don rtogs te// sring dang rnam grol yang dag don gcig pas/ thams cad gnyis med sku la phyag 'tshal bstod// phyi dang nang med gnyis med gcig gi dang // sems ldan sems med rnam dag zhi ba'i tshul// snang dang mi snang gnyis med gcig gis mthong // gnyis med don mchog khyod la phyag 'tshal bstod// 'di dag rnams ni don du ma zab mo'i tshul// spros pa med pa'i don dang 'brel ba ste// 'di rnams lha mo khyod kyi thugs la gsal// 'di ltar bstod pas bdag kyang khyod ltar shog/ de'i tshe de'i dus na dri za'i rgyal po zur dud lnga pas// dpal lha mo la 'phrin las kyi sgo nas bstod pa// sems nyid 'phrin las rnam bzhi'i khyad par ni// sems nyid gud na med cing sems kyang med// don dam spros bral kha dog gzugs kyang med// kun rdzob sgyu ma tsam du rang gi sems// 'thun par bstan pa'i zhi ba dpal lha mo// zhi mdzad ni 'gyur zhi ba'i ngang tshul can// zhi ba'i 'khor gyis/ bskor ba'i gtso mo ni// rtags kyi sku mdog dkar mo shin tu mdangs// kun tu ni mdzad khyod la phyag 'tshal bstod// bdag gi dgra dang nad rnams zhi bar mdzod// mthun par bstan pa'i rgyas pa'i dpal lha mo/ rgyas mdzad rgyas 'gyur rgyas pa'i ngang tshul can// rgyas pa'i 'khor gyis bskor ba'i gtso mo ni// rtags kyi sku mdog ser mo shin tu brjid// kun tu rgyas mdzad ma la phyag 'tshal bstod// bdag gi bsod nams/ ye shes rgyas par mdzod// mthun par bstan pa'i dbang gi dpal lha mo// dbang mdzad dbang sgyur dbang gi ngang tshul can// dbang gi 'khor gyis bskor ba'i gtso mo ni// rtags kyi sku mdog dmar po shin tu brjing / kun tu dbang mdzad khyod la phyag 'tshal bstod// bdag gi nad dang dgra rnams dbang du mdzod// mthun par bstan pa'i drag po dpal lha mo// drag mdzad dag 'gyur drag mo'i ngang tshul can// drag mo'i 'khor gyis bskor ba'i gtso mo ni// rtags kyi sku mdog nag mo shin tu brjid// kun tu drag mdzad khyod la phyag 'tshal bstod// bdag gi nad dang dgra rnams drag pos sor// khyod kyi rang bzhin cir yang ma grub la// 'di ltar 'dzin nyid cir yang snang ba ni// 'phrin las rnam bzhis 'gro don mdzad pa lags// bdag kyang las bzhi rang bzhin lhun grung nas// khyod ltar gzhan gyi don la brtson par shog/ / de nas dpal lha mo nag mo la// klu'i rgyal po dga' bos sku'i yon tan gyi sgo nas bstod pa// gsang sngags rnal 'byor grub pa'i bdag nyid ma// yon tan rnams kyi sku mdog phyag 'tshal ni// don du snang ba med kyang gdul bya'i phyir// rtags kyi phyag rgya 'di ltar bstan pa'o// khams gsum gdul phyir gdan du bong bu zhon// mya ngan mi 'da'i rtags su lcags sgrog mnga'// bdag don lhun grub glang chen ko bas brgyan// gzhan don phun sum tshogs phyir re ldes dkris// byang chub sems ldan spyi gtsug sa rgyas gsal// shes rab rtogs phyir lte banyims brgyan// dug gsum sdong po gcod pa'i ral gri dang // bsod nams gter gyi phyag mtshan ne'u le bsnams// dbang drag rdzogs phyir ral pa'am nag sdug/ nyon mongs 'dren phyir rjod pal mche ba gtsigs// 'khor ba sngags la bkar phyir dkan spa 'debs// gdug pa zhi la gnon phyir sdang mig bgrad// thams cad dbang du sdud phyir spyan rtsa dmar// snyoms pa'i tshogs mchog mi 'gyur sku mdog gnag/ ma mo 'dul phyir dur khrod rgyan gyis brgyan// sku gsung thugs rtags/ phyag rgya la T+wAM gsor// sku gsum rdzogs byed thod pa'i 'phreng bas brgyan// drag po myur mgyogs bstan phyir tshub mas brgyan// nyon mongs sreg phyir me phung nang na bzhugs// 'dod khams bskyang phyir yongs 'du shing la brten// lha min 'dul phyir rdzing gi dka' bzlog ma// dpa' brtan brtan phyir stag gi sham thabs mnabs// bstan pa srung phyir drag mo'i cha lugs rdzogs// nga rgyal dbang sdud bdag med sgra sngogs phyir// thabs kyi snyan cha g.yas pa seng ges brgyan// zhe sdang dbang 'dul dug chen 'dul ba'i phyir// shes rab snyan cha g.yon pa sbrul gyis brgyan// 'du byed mi rtag rtags su dril bu sgrogs// chags phyir rngam mdzad rak+ta'i dra glong 'thung // dam tshig srung phyir zhing lpags rgyan du mdzad// tha dad las rnams 'dul phyir rma bya'i 'phrul// nyon mongs sgrib pa'i tshogs rnams rab sbyangs nas// ye shes rig pa'i tshogs rnams shar ba'i phyir// rang bzhin gnas mchog byang shar mtshams na brtan// dbu ma'i sa la gnas phyir dre'u zhon// nyon mongs gdug pa 'dul phyir mi yi tshul// mkha' 'gro ma mo khyod la phyag 'tshal bstod de nas grul bum gyi rgyal po sbrul mgo dgu pas// dpal lha mo la sku gsung thugs kyi sgo nas bstod pa/ don dam gnyis med byang chub sems yin yang // srid gsum 'dul phyir rtags kyi/ phyabargya ni// rang sems rnam dag drag po'i gzhal yas khang // rak+ta khrag gi rgya mtsho 'khyil ba las// keng rus thod 'phreng zhing gi rgyan dang ldan// sku mdog gnag la rab 'jigs khro mo rgyal// sngon mo ral pa 'dzing/ pa'i sprul 'gyed pa// sku yi sprul pa dpal ldan na ma Ti// gru gsum sor nag zhal gyi dbyings su bzhengs// yon tan rgyas mdzad ser mo mkha' la bzhad// 'dzin las rgyas pa thams cad nye bar mdzod// gsung gi sprul pa dpal ldan re ma ti// gru gsum dmar nag zhal gyi dbyings nas bzhengs// dmar mo chen mo dmar chen gtum ma ste// dbang gi 'phrin las thams cad grub par mdzod// sku gsung thugs ldan sprul pa rgya mtsho/ ma// drag po 'joms mdzad bdud dpung zil gyis gnon// 'gro drug sgrol mdzad sems can kun gyi ma// bstan pa rgyas mdzad ma la phyag 'tshal bstod// bdag gi lus ngag yid gsum byin gyis rlabs// de nas dpal lha me la/ lha ma yin gyi rgyal po thag bzangs ris kyis don dam pa'i sgo nas bstod pa/ spos bral 'od gsal yang dag zhi ba'i ngang // thugs kyi thugs mchog rnam dag bden pa'i yum/ gdong nas gnyis med nam mkha'i snying po ni// dpal ldan khyod kyi rang bzhin khyang par gsal// 'di ltar rnam dag brjod med ngo bo la// byis pa rnams kyi bstod pa byed pa ltung // thun po rnams kyis dngos por rab brtags nas// gzugs can tshul du gang zhig bstod pa'i tshig/ rgyal ba'i don yangs thugs chud khyod nyid la// tshig dang yi ge'i sgo nas bstod pa rnams// rnams kyang grol bar 'gyur ba'i chos nyid min// gdod nas gnyis med bde chen ma gtogs par// khyod kyi smon lam brtags kyi cho 'phrul la// don du bzung nas gang zhig bstod pa rnams// khyod la brten nas thams cad btub par 'gyur// gang zhig skye ba med par shes pa dang // gdod nas gnyis med snying po bsgom nus na// gang zag des ni khyod nyid bstod pa yin// khyod kyi gzugs dang kha dog 'dzin pa yis// bskal pa grangs med 'das par rab bltas kyang // khyod kyi gzug dang kha dog mthong mi nus// gang zhig gzugs su mi 'dzin rnams kyis mthong // sgra dang tshig dang brjod pa thams cad kyis// khyod ni bos kyang bskal par mi thos te// 'di dag spangs pa'i rnal 'byor de yis ni// khyod kyang bos la de yang khyod kyis thos// gang zhig lus ngag dge pas khyod sgrub pa'i// blun po de yis rnams kyang khyod nyid spangs// lus ngag spangs pa'i sems kyis khyod mchod nas// mchod na dngos grub de yis gter thob 'gyur// khyod ni rgyal ba mang po'i yon tan sdud// chos kyi dbyings na rgyal ba rnams dang mo la// zab mo dbu ma'i rang bzhin ston pa'i phyir// mi mjed 'jig rten shin tu rtsub pa 'dir// phyi rol tshul gyis thams cad 'dren mdzad ma// khyod kyi sku ni 'di ltar rab brtags pa// sgrib pa mang po stong nyid dang du gshegs// stong nyid dam pa stong pa yang dag khyod// stong pa gnyis med shes pa rnams kyis bstod// 'di ltar bstod na bstod par 'gyur grangs pas// khyod ni bstod pa'i yul can ma yin yang // byis pa drang phyir don la 'di ltar bstod// / de nas nam mkha' lding gi rgyal po rdo rje gser mig can gyis/ dpal lha mo la bstod pa/ dpal ldan lha mo dpag par dka' ba'i don// thabs kyi cho 'phrul nam mkha'i mkha' la spyod// byang chub sems dpa'i sprul pa khyod nyid la// sgo gsum rdul sbed dbyangs kyis phyag 'tshal bstod// bdag gis khyod ni mchod pas ma bsgribs kyang // dpal ldan dngos grub dam pa thob bya'i phyir// 'dod pa'i yon tan mkha' la cher babs pas// mchod pa'i tshogs 'dis dbang po rgyal gyur cig/ dpal ltaran khyod ni dge sdig bdag po ste// bdag gi lus ngag yid kyi sdig pa'i tshogs// khyod kyi thad du 'gyod pas rab bshags na// thugs rje'i shugs kyis sgrib pa byang bar mdzod// khyod kyi khyad par yongasu 'phags pa ni// 'gro ba'i don mdzad bdag don phun sum tshogs// dga' 'thun phrag dog med pa'i spros pa ni// rjes su yi rang khyod kyi rgyud la 'bul// 'di ltar yon tan ldan pa'i sku mchog ni// nag mo bzang mo 'jigs pa'i mthu stobs kyis// phyogs bcu'i dus gsum kun tu 'gro don la// sgyu 'phrul dra ba'i tshul gyis bskul bar spobs// yang dag khyod kyi yon tan sku mchog ni// gdug pa 'dul zhing bstan pa bsrung ba'i phyir// sems can zad par ma gyur bar du ni// mya ngan mi 'da' bzhugs par gsel ba gdab// 'di ltar phyag 'tshal mchod nas bshags pa dang // rjes su yi rangs bskul zhing gsol btab nas// dge ba 'di yis ngan song stongs gyur te// thams cad tshogs rdzogs byang chub chen por bsngo// de nas dpal ldan lha mo nag mo la// nam mkha'i lha bran rnams kyis bstod pa/ bskal pa me ltar 'bar ba'i grong dkyil na// rlung nag dgu pa'i grong 'khyil pho brang nas// ma cig 'dod pa'i khams kyi dbang phyug ma// bdud kyi yum lagashin rje'i lham gcig ma/ dpal ldan lha mo rem ti// nag mo za byed rngam pa'i mche ba can// mthing nag gcer bu khrag gi ral pa can// khyod kyi sku mdog nag mor bzhugs pa ni// don dam dbyings kyi spyod pa med pa'i rtags// dbu sA g.yas nas g.yon du 'khyil ba ni// yul gyi mkha' la sprul pa 'gyed pa'i rtags// dbu gtsug ral pa gcig tu 'khyil ba ni// don dam dgongs spyod gcig tu mdzad pa'i rtogs/ ral pa'i gseb nas me stag 'phro ba ni// thugs kyi sprul pa phyogs bcur 'gyed pa'i rtags// dbul thong rngon 'phreng ba bcings pa ni// thugs rje'i sprul skas 'gro don mdzad pa'i rtags// g.yas na seng ge 'gying zhing mchod pa ni// sman mo thams cad zil gyis gnon pa'i rtags// g.yon na sbrul mgo'i gdengs ka 'phyar ba ni// zhe sdang ba spangs dbyings su dge ba'i rtags// snyan cha gser gyi dril bu 'khrol ba ni/ sangs rgyas kun la bsnyen sgrub byed pa'i rtags/ spyan rtsa dmar la sdang mig bgrad pa ni// srid gsum rnal 'byor dam tshig gzigs pa'i rtags// zhal gyi drag po hom khung gdengs pa ni/ bsten pa 'jig pa'i ru tra sgrol ba'i rtags// rno gdug mche bzur gsum gtsigs pa ni// bsgral ba'i zhing bcu sa la sgrol ba'i rtags// sku la zhing lpags g.yang gzhi gsol ba ni// yang dag chos dang don dam ldan pa'i rtags/ glang chen ko rlon snams phyed dkris pa ni// theg pa mchog gi don dang ldan pa'i rtags// re lde nag pos snams phyed dkris pa ni// 'jig rten 'di na che btsan ldan pa'i rtags// lte ba'i khung nas nyi ma 'char ba ni// sdug bsngal rgya mtsho gting nas skems pa'i rtags// spyi bo'i gtsug nas zla ba 'char ba ni// dug gsum ma rig mun pa sel ba'i rtags// zhabs la dbang gi lcags sgrog 'khril ba ni/ thabs dang shes rab zung du 'brel ba'i rtags// phyag g.yas shang lang nag po bsnams pa ni// sdug bsngal skye shi rtsed nas gcod pa'i rtags// phyag g.yon thong rlon dmar chen 'thung ba ni// 'khor ba'i sdug bsngal khrag lngar 'thung ba'i rtags// bong bu gru ba phyin phyogs zhon pa ni// log par lta ba'i sems can sgrol ba'i rtags// srin po'i o ga mas snga ru byas pa ni// srin yul lang ka pu rangs 'dul ba'i rtags// sbrul nag chun pos gong rmed bas pa ni// zhe sdang dbang gis dgra bgegs 'joms pa'i rtags// rus sbal nag po'i phob bu btang ba ni// klu bdud nag po dam la btags pa'i rtags// snga sha g.yas pa bdud kyi khram bab ni/ dam tshig nyams pa khram la 'debs pa'i rtags// phyi shar nad kyi rkyal ba btags pa ni// bstan pa 'di la gnod pa'i dgra bo la// nad ka 'bebs shing dal kha bsgyur ba'i rtags// don dam bcud kyi rtags su zhag gi zo ris btang // thugs rje chags pa'i rtags su rak+ta'i thig les brgyan// 'dul byed 'phrin las rtags su thal ba'i mtshan mas gdab// ma mo 'bum phrag phran/ du khol ba ni// khams gsum khyab par 'phrin las mdzad pa'i rtags// macig la nas me 'bar rgya mtsho sems// rdo rje 'phyar bas ri rab tshogs por 'phen// bdag gis btsun par lha mo khyod la bstod/ denas yang gshin rje nag pos dpal lha mo la che ba'i yon tan gyi sgo nas bstod pa/ lha mo dpal ldan mkha' 'gro nag mo khyod la ni// rgyun du til mar gyis byugs lan bu gcig ma ste// ro nye rna chas bsgyings shing cha lugs mang po 'chang byed ma// rgyan du rkang sgrog lcags la byas pa gcig gis rkang pa mdzes par brgyan pa ste// mtshan mo bong bu zhon nas 'gro ba de ni nag mo khyod nyid yid par shes/ ral pas bdag nyid mdzes par brgyan te khyod kyi spyod pa mtsho chen don dag su yis shes// 'khor ba 'jig pa'i tshe na mi rus dag la khrag dang zhag 'dzag du ba 'phrul ba na// nag mo mche ba mi bzang khyod kyi zhal du 'gro kun skad cig tsam du bzhugs par 'gyur// lha mo lag na mi thod thogs pa khyod ni rnal 'byor grub pa'i rnal 'byor can du dur khrod dgyes// khyod ni g.yog bcas mya ngan med cing 'chi ba'i 'jigs pa med par dril bu'i sgra yang sgrogs// khyod ni dpa' bo dag gi mgo bcad g.yul du mtshon gyis bsad pa yi// mgo 'phreng lag na thogs shing gar stabs bskor zhing lag pa brkyang bskum che// rkub tshos che la klu dbang gshibs pa'i ska rags bcings shing lag na mdung dang ni// ba dan thogs shing khrag gi chang gis re ro myos te mig rtsa dmar por byas// mtshan mo dur khrod rgyu ba'i lha mo khyod ni 'byung po phal chen kun gyis mthong // rkang pa'i gos ni ko rlon mtshan pas drangs pas snams kyi phyed ni re ldes dkris// mi yi rgyu ma gsar pas zhal gyi zla ba brgyan cing khrag zhag tshome bus thig ler brgyan// mi sha so sar che ma che ma za yin mi ro'i cod pan mgo la brgyan pa ste// bdag la skyob pa'i drag mo mi sha thogs khyod snga nas ma mthong gzod mthong na// bdud dang srin mo ma mo rnams kyang mig rtsa rig rig sngags shing khyod la 'dud// lha mo bzang mo lus mdog gnag cing bzod par dka' ba khyod la ni// brgya byin sogs kyis bstod pa byed pa'i gshin rje'i rgyal po nyid kyang rtag tu 'dud// lha rnams dang ni 'gro ba ma lus pa rnams 'jug phyir rab brtul bas na rna ba ya gcig la// brang gis 'gro ba sbrul mgo gdengs ka sdong dang ldan zhing phung sgrogs gcig gis brgyan nas rgyan du byas// ya gcig la ni seng gre mtshungs med thogs shing rgya mtsho bskor zhing sa gzhi gnon pa'i steng gi ni// phyogs nas rgya ba'i nyi ma zla ba lha mo khyod kyi rkeng nas 'char zhing srid gsum zil gyis gnon// rgya mtsho glong nas me 'bar chu rnams skems par byed par nus pa'i bud med thams cad zhi mdzad ma// lha chen sku dang 'tsham par bzhugs pa'i dka' bzlog nag mo mi nang phyugs nad kun la 'jigs pa med// ma cig dpal ldan lha mo khyod nyid la ni bdag ni gus par phyag 'tshal mchod cing bstod par bgyis/ de nas dpal ldan lha mo nag mo la / bram ze mchog sred kyis kun rdzob kyi bden pa brten par bstod pa/ macig lnga mo dpal lha mo// rdo rje lha monag/ mo che// mthu chen khyod la phyag 'tshal bstod// bdag gis btsun par khyod bstod kyis// bkra shis mchog grub sems gter gnas// yid myur gzugs chen kun tu grags// ma mor grags shing 'jig rten skyong // dpa' rtul drag spyod brtson 'grus che// 'thab mo g.yul las rtag tu rgyal// gshin rje'i sring mo yin par bstod// gos su dar gos sngon po gsol// sdug dang mi sdug cha lugs 'chang // sman mig mthong na mi sdug kun tu sdang // dad cing tshogs pa'i mi rnams sdud// re 'ga' ri brag zab mor gnas// re 'ga' tshal dang shing la gnas// re 'ga' dur khrod dbus na gnas// lha mo'i gnas rten de ru 'tsho'// gnas de ri dang tshal dgon du// rtag tu lha mo khyod bstod na// de yi dgongs pa skong bar byed// bdag gis rtag tu bstod byas na// bdag gi bsam pa grub par mdzod// rma bya'i sgro la rgyal mtshan byas// gang zhig rtag bsten srung bar byed// gnag lug phyugs rnams 'phel bar byed// seng ge stag dang spang ki yis// rtag tu kun nas bskor nas kyang // rdo rje dril chen snyan par sgrogs// byin te dril chen snyan par sgrogs// lan 'ga' lag na tri shU la thogs// lan 'ga' nyi zla'i ru mtshon 'phyar// mar gyi tshes dgu bcu gcig na// de yis dus su mchod pas na// lha mo khyod las lhag pa med// bdud 'dul lha min srin mor ston// dgra dang 'brang tsho d+hal bar byed// bung med nang na mchog smin te// tshig drung 'jig rten mgon po 'dra rgyal po'i 'ban pa d+ma 'dra// zhal bzang thu bas pa'ang // chul nas na grubs tha 'phongs pa rnams kyi gnon pa shes 'od// lha dang lha min g.yul 'gyed tshe// lha mo khyod kyi skye ba la// lha rnams kun gyi rdzong bcas nas// lha dmag dkar po rgyal bar byas// lha me yin rnams pham par byed// lag na mdung dmar chems sa cham// ru mtshon pa dan me ltar 'bar// dgra 'dul g.yul bzlog khyed la bstod// / de nas drang srong chen po kau dri n+yas/ dpal lha mo la dpe byad kyi sgo nas bstod pa/ 'jig rten gtso la rtag tu gus phyag 'tshal// ma rnams nang na khyod ni rtag tu mchog yin te// 'jig rten gsum po thams cad khyod la bstod// byad bzhin sdug mdzes kun gyis blta bar mos// yon tan rnam pa sna tshogs lus rab brgyan// mig yangs 'dam skyes sngon po'i 'dab ma 'dra// bsod nams ye shes snang ba grags pas brgyan// dper na rin thang med pa'i nor bu 'dra// deng bdag pad+mo khyod la bsngags pas kyang // sems la bsams pa thams cad 'grub par 'gyur// yang dag ye shes gya nom bkra shis pa// pad+ma lta bur shin tu rnam par dag/ lus mdog rab mdzes kun gyis blta bar mos// mtshan ma yon tan rnam pa sna tshogs brgyan// dri med ye shes kun nas rab mdzes pa// dran pa rnams kyi nang nas mchog tu gyur// ji ltar seng ge gcan gzan mchog gyur bzhin// sngags bstod tshig ni 'di las 'byung ba yis// bsam pa'i dngos po thams cad 'grub par shog/ ces bstod do// de nas dpa' phyag na rdo rjes 'dus pa rnams la bka' stsal pa/ khyed kyis dpal lha mo la bstod pa legs so// da yang bstod pa 'di/ dag gi don sgoms shig/ yid la rtag tu zlos shig/ lha mo 'di la bstod pa ni ngal bstod pa yin no// sangs rgyas thams cad la bstod pa yin no// lha mo de dag kyang mi 'di srung bar byed do// skyob par byed do// ci 'dod pa'i dngos grub ster ro zhes bka' stsal pa dang / 'khor de rnams rab tu dga' nas/ bcom ldan 'das phyag na rdo rje la rgyan gyi char chen po phab nas so so'i gnas su 'khod do// bstod pa'i rgyal po'i rgyud rdzogs so// // rgya gar skad du/ shri de wi kA li aSh+Ta sha ta ka/ bod skad du/ dpal lha mo nag mo'i mtshan brgya rtsa brgyad pa/ sangs rgyas dang