བོད་ཡིག

e-texts produced with BDRC’s OCR application

bcom ldan 'das kyis gsungs pa la mngon par bstod do// 'phags pa nor gyi rgyun zhes bya ba'i gzungs rdzogs so// / de nas bcom ldan 'das ma nor rgyud ma'i rtog pa bshad par bya ste/ dang po re zhig dpyid zla tha chung gi dkar po'i phyogs kyi tshes gcig la rgya mtshor 'bab pa'i chu bo song ste/ de nas nu ma'i bar du chu'i nang du nub par byas te 'dug la/ nyi ma la sngon du phyogs par yongs su brtags la ji snyed gnas kyi bar du bzlas pa bya'o// bza' ba thams cad spangs te nyon mongs shing smra bcad byas te/ nub bdun du bzlas par bya'o// de nas bcom ldan 'das ma'i thang sku'ang dbu skra ma gtogs par gur kum dang tsan dan gyis byug par bya ba ni nub mo snga bar langs te/ chur khru bdun/ zheng du khru gsum ste/ khru bcu dang bcas pa la tshon sna ma lus pa gsong sbyong dang ldan pa'i lha bzos bcom ldan 'das ma mdog ljang ser sna tshogs pa'i rgyan gyis brgyan pa phyag g.yas pa na 'bras bu chen po bsnams pa phyag g.yon pa na sgrub pa po rnams la ster ba'i rin po che'i za ma tog mu tig dang / rdo rje pha lam dang / bai DUR+Ya'i 'bras bu can bsnams pa'i phyag dang ldan pa bya'o// steng du lha'i bu rin po che'i char mngon du 'bebs bzhin pa bya'o// g.yas logs su dpal chen mo pad+ma'i phyag can sgrub pa po la nye bar dgos pa la gnas pa bzhin pa bya'o// g.yon logs su pad+ma'i dpal rin po che'i snyim pa gang ba bya'o// 'og tu sgrub pa po pad+ma'i lag can pa'o// de nas thang sku sku gdung dang bcas pa'i mchod rten gyi drung du nub phyogs su kha bstan la bkram ste/ de nas nye bar spyod pa'i gtor ma ma gtogs pa mdzod kyi bzhes pa'ang dbul zhing dri zhim po me tog gis mchod pa chen po byas la/ tsan dan dang a ka ru'i bdug pas bsreg par bya'o// zhun mar gyi mar me brgya dbul bar bya'o// de nas stan gcig la gnas la bcom ldan 'das ma'i zhal la dmig la nub mo mtshan yal bzlas pa byas na de nas skya rengs shar ba'i dus su skyes bu chen po tsam gyi nor rin po che thams cad kyi rgyun 'bab cing khang pa gang bar 'gyur ro// yang na mtshan mo phyed na chu'i nang du zhugs la brgyad brgya bzlas par bya'o// zla ba gcig tu gcig gi sbyor bas nor gyi rgyun 'bab par 'gyur te/ mi shes par kha cig 'phel bar 'gyur ro// yang na rgyal po'i dkor mngon par 'dod na nyin mo chu'i nang du bzlas pa bya zhing / mtshan mo'i byed na til gyi sbyin sreg brgyad brgya byas na rgyal rigs las rnyed pa chen po 'thob bo// yungs kar mar la bsres nas sbyin sreg byas na rgyal po dbang du byed do// kun tu ra'i sbyin sreg byas na rgyal po'i blon po dbang du byed do// kha cig gis ni sbyor ba gang gis mtshan mo bcom ldan 'das pad+ma'i gdan can dran par byas ni sprin bdag chen por 'gyur ro// yang na sgrub thabs chen po bshad par bya ste/ cho 'phrul gyi dkar po'i phyogs kyi tshes gcig nas brtsams te/ zas ji srid du bcad nas gdung dang bcas pa'i mchod rten gyi drung na thang ka nub phyogs su bstan la dgram zhing / nyin mo shes rab kyi pha rol tu phyin pa bklag cing / mtshan mo bstan gcig la gnas pas nub yal gyis bzlas pa byas na nor gyi phung po chen po rnyed de/ 'thor gnod byas kyang 'dzad par mi 'gyur te/ lha khang chen po bya'o// cho ga 'di'i cho 'phrul gyi dkar po'i phyogs la bzlas pa byas na 'khor los sgyur ba 'thob cing / bcom ldan 'das ma nor rgyun ma dngos su mthong zhing phyir mi ldog pa'i byang chub sems dpar 'gyur ro// ji ltar de ltar tshangs spyod bya zhing kha na ma tho ba'i zas tshong dang nya sha la sogs pa spangs shing mtshan mo bzlas pa byas na dbul por mi 'gyur ro// de nas bcom ldan 'das la 'phags pa kun dga' bo dang / zla ba bzang po yongs su dga' nas khyim bdag zla ba bzang po'i don du gsung ba la mngon par bstod do// bcom ldan 'das ma nor rgyun ma'i rtog pa rdzogs so// / na mo rat+na tra yA ya/ oM bA su d+ha re swA hA/ snying po'o// na mo rat+na yA ya/ oM bA su shI swAhA/ nye ba'i snying po'o// na mo rat+na tra yA ya/ oM bA sU swA hA/ nye ba'i snying po'i yang nye ba'i snying po'o// thal mo sbyar te gung mo gnyis dang / de nas srin lag gnyis dang / mthe'u chung gnyis gshibs te sdigs mdzub phan tshun sbrel la/ mthe'u chung gnyis cung zhig bsnol te// rtse mo gnyis rgyab spyad de khab lta bu byas la/ gung mi rtse sprad pa la mtheb mo zung gcig de'i 'og tu sbyar te/ reg pa bcas pa ni rab tu bzung ba'i rtog pa las gsungs pa ste/ las thams cad sgrub pa'i bcom ldan 'das mnor rgyun ma'i gzungs 'di/ thub pas gsungs pa'o// na mo rat+na tra yA ya/ oM shrI yi shrI ka ri/ d+ha na ka ri d+ha na ka ri swA dru/ bsgrub par bya ba'i sngags so// rigs pa 'di'i dang po de'i gdam tshig gi phyag na ni sor mo rnams bral mo sbya ra la mtheb chen dbus su gcig pa ni bcom ldan 'das su'i dam tshig gi phyag rgya'o// oM sa ma yai/ sem sa ma ya kA ri/ ma hA sa ma ye swAhA/ dam tshig gi phyag rgya dang sngags so// phyag rgya de nyid la gung mo dang sdigs mdzub kyi tshogs gsum pa bskul zhing mthe'u chung gnyis cung zad phyir phyung ba ni bcom ldan 'das ma'i phyag rgya'o// 'di ni dbab pa dang / bsdu ba dang / bsgrub bya'i sngags kyis bya'o// phyag rgya de nyid la sdigs mdzub gnyis brkyang ba ni me tog gi phyag rgya yin te/ oM drA sud+d+he swAH/ me tog gi phyag rgya de nyid las gung mo btung ba ni bdug spos kyi phyag rgya yin te/ sngags ni// oM bA su d+ha re swAhA/ phyag rgya 'di nyid la ming med brkyang ba'i phyag rgya yin te/ sngags na/ oM dA su d+ha me ti shrI ye swAhA/ phyag rgya 'di nyid la mthe'u chung gi sen mo mtheb chen gyis bkab de/ sor mo gzhan rnams ni rdo rje'i mtshan nyid du byas pa ni mar me'i phyag rgya ste/ sngags ni oM ba su d+ha ri Ni swahA/ sen mo gan kyal du byas la mtheb bong gnyis logs su sbyar ba ni gtor ma'i phyag rgya ste/ sngags ni oM drA su d+ha re Ni swa lkog ma nye bar spyod pa nyi shu rtsa ba'i sngags kyis thun mong gi phyag rgya'am/ sngags kyis bsgrub par bya'o// bcom ldan 'das ma'i thang ka'i cho ga ni nyams pa med cing / sgra'i nyams pa med pa srur pa ma chad pa'i ras zheng du mtho gang gi tshad nyid la ring du mdzod byas te/ steng du bcom ldan 'das bri/ g.yas su 'phags pa spyan ras gzigs bya// g.yon du rdo rje 'chang bya/ bcom ldan 'das kyi 'og drang ka'i dbus su bcom ldan 'das ma bris te/ gser gyi mdog can rgyan thams cad kyis brgyan pa/ gros srab mo'i sham ka gau mnabs pa/ de bzhin du gos srab mo'i stod g.yogs can/ kha dog sna tshogs kyi sham thabs dang ldan pa'o// de nas 'og phyogs su sgrub pa po lag na mchod pa'i cho ga bya'o// de nas sgrub pa pos gtsang sbrabs gos gtsang mgyon te/ gso sbyong yan lag brgyad bya'o// de'i mdun du bsnyen pa 'bum phrag gcig byas la ji ltar 'byor pas mchod pa'i cho ga bya'o// de nas sgrub pa po dang ldan pas spring ba byas te/ zhing gi dbus su thang sku bzhugs su gsol te// dri dang // me tog dang / bdug pa dang / nye bar longs spyod pa'i gtor ma byas la brgyad brgya bzlas par bya'o// thang ka'i 'og tu lan brgya rtsa gcig gis sngags byas pa'i bum pa chus yongs su gang ba gnag par bya'o// bum pa'i chus gtor ma btang shing / glang bu dang thong 'dzin gnyis la gtor bar bya'o// glang bu'i mgul ba dang thong 'dzin gyi mgul bar me tog gi 'bring ba gdags par bya'o// rnams kyi mdun du sngags pas chu'i rgyun zhing la lan g.yas logs su bskor bar bya ba ni sngags pas mdun du 'gro zhing / sngags pa'i rting ni zhing rmor 'gro bar bya'o// phyis sa bon 'debs pa'i dus su// cho ga 'dris brgyad brgya bsngags la sa bon spar ba gang la lan bdun bzlas te zhing la gtor bar bya'o// sa bon gdab pa'i cho ga'o// de ni zhing rnga ba'i dus su yang cho ga 'dis bya'o// cho ga lhag pa ni 'dir dge slong bzhi la zhing gi mtshams bzhir ci 'dod kyi ston mo byas te/ de nas sngags pas tshong pa bdun bzlas pa byed cing rnga ba ni lo tog rtsa ba bya ba'i cho ga'o// da ni g.yul 'chag pa bya ba'i cho ga bshad par bya ste/ g.yul 'chag pa'i dus su sngags pas rang nyid gtsang sbra byas la gos gtsang ma gon la shar du zhal bstan te/ sku gzugs bzhugs su gsol la dri dang / me tog dang / bdug pa dang / yang na nye bar longs spyod pa'i gtor ma byas la bzlas pa byas te/ 'bru'i phung po mtshams bzhir gzhon nu ma gsar du bag ma byas shing khyo yod pa'i bud med bzhi la ston mo byas la/ de snyed kyi mthar zad pa med par gnas so// de nas skyes bus 'bru 'jal zhing grangs byed pa'i dpral ba la sngags dgos par bya'o// bcom ldan 'das ma'i sngags de snyed du smra bcad byas la bzlas pa bya'o// ji snyed du sngo la bltas na gnyis 'gyur du 'gro bar 'gyur ro// de snyed 'das pa bya'o// de nas 'bru'i lhag ma de mi 'jal bar 'chings pa'i mi la sogs pa bos shing sbyin pa 'am/ dge 'dun la sbyin par bya'o// g.yul 'chag pa'i cho ga'o// da ni 'bru bang mdzod du 'jug pa'i cho ga bshad par bya ste/ dang po re zhig mdzod kyi sgo g.yas g.yon du 'byung po gnyis gcer bu gsus pa 'phyang ba// dngong po 'phyang ba/ g.yon pa'i lag na 'bru'i snod bzung zhing 'bru sdug bzhin pa/ gser gyi mdog rgyun thams cad kyis brgyan pa gnyis bri bar bya'o// mdzod kyi khang par yang dri dang / byug pa dang mcho/ yon sbyin zhing gdugs dang / rgyal mtshan dang / ba dan la sogs pas bcom ldan 'das ma'i thang ka'i mdzod kyi nang du gzhug par bya'o// de nas 'o ma'i chu rgyun gtor bzhin pa'i sngags pas 'gro bar bya zhing de'i rgyab nas de nas bri bar khyim du gzhug par bya'o// de'i rjes la 'bru'i mdzod khang du phyag rgya gzhag par bya'o// de nas mdzod kyi khang pa'i sgo ru dge 'dun gyi ston mo byas la dri dang / me tog dang / bdug pa la sogs pas mchod do// nor rgyun ma'i gzungs rdzogs par bklag par bya'o// gtor ma rgya chen po byas la thang ka'i mdun du de nas skyes bus 'bru phyir 'byin par byed de/ de nas bcom ldan 'das ma dang 'dra bar bsams la gur kum gyis grog la sngags bris la spyi bor bcings la kha gos kyis bkab la nyi ma re re ning 'bru phyir dbyung bar bya'o// mdzod khang gi sgo ru nyi ni re nor rgyun ma zhes pa'i gzungs kyi mdo bklag par bya'o// sngags pas bsgrub bya'i sngags bltas la dus gsum du brgyad brgya bzlas pa bya'o// ji ltar rnyed pa'i bcom ldan 'das ma nor rgyun pa'i rtog pa rdzogs so// / rgya gar skad du/ ar+ya ga Na pa ti hr-i da ya/ bod skad du/ 'phags pa tshogs kyi bdag po'i snying po/ sangs