བོད་ཡིག

e-texts produced with BDRC’s OCR application

rgya gar skad du/ Ar+ya aSh+Ta saN+Da la ka nA ma ma hA yAn sU tra bod skad du/ 'phags pa dkyil 'khor brgyad pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ 'di skad bdag gis thos pa dus gcig na/ bcom ldan 'das ri mu 'dzin na/ 'phags pa spyan ras gzigs dbang phyug gi gnas na byang chub sems dpa' bye ba khrag khrig 'bum phrag du ma dang thabs cig tu bzhugs te/ de nas byang chub sems dpa' sems dpa' chen po rin chen snying po zla ba snang ba zhes bya ba byang chub sems dpa'i ledze ra nyid du 'dus par gyur nas 'dug pa de stan las langs nas/ chos gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba der logs su thal mo sbyar ba btad de/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phyen/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis/ byang chub sems dpa' sems dpa' chen po rin chen snying po zla ba snang ba la 'di skad ces bka' stsal to// rin chen snying po zla ba snang ba khyod ci dang ci 'dod dris shig dang ngas dris pa de dang de'i lung bstan pas khyod kyi sems rangs par bya'o// de skad ces bka' stsal pa dang / byang chub sems dpa' sems dpa' chen po rin chen snying po zla ba snang bas/ bcom ldan 'das la 'di skad ces gsol to// bcom ldan 'das rigs kyi bu 'am/ rigs kyi bu mo gang la la zhig dkyil 'khor brgyad pa bgyid pa 'tshal na/ des ji ltar bgyi/ bcom ldan 'das kyis bka' stsal pa/ rigs kyi bu khyod skye bo mang po la shin tu phan pa dang skye bo mang po la bde ba dang / dus gsum du skyes pa'i sems can rnams kyi mtshungs pa med pa'i ye shes sgrub pa'i phyir// rigs kyi bu khyed spobs pa skyes pa ni bzang ste legs so legs so// rigs kyi bu de'i phyir snying po gang brjod pa tsam gyis mtshams med pa lnga 'byang zhing / dngos grub thams cad kyang thob par 'gyur ba/ byang chub sems dpa' brgyad kyi snying po nyon cig/ oM mu ne/ hU~M ma hA bIr swA hA/ snying po 'dis ni dbus kyi bcom ldan 'das mdzad do// i pri hU~M pad+ma pri ya swAH/ 'phags pa spyan ras gzigs dbang phyug gi snying po'o// oM me hAr NA swA byams po'i sring po'o// oM a gar+b+ha ya swAhA/ nam ma kha'i snying po'i snying po'o// oM ma mr-i hi rA dza ya swA hU~M/ kun tu bzang ba'i snying po'o// oM n+d+ra ru bin ra ba swAH/ lag na rdo rje'i snying po'o/ oM shI ai raM ga swA hA/ 'jam dpal gzhon nur gyur pa'i snying po'o// oM ni sA raM ba sU hA/ sgrib pa thams cad rnam par sel ba'i snying po'o// oM k+Shi tri ha ra dza swAhA/ sa'i snying po'i snying po'o// byang chub sems dpa' brgyad kyi snying po'o// de bzhin gshegs pa dang ldan pa 'di rigs kyi bu 'am/ rigs kyi bu mo gang la la zhig gis dkyil 'khor gyi mdun du lani cig brjod na/ de'i don thams cad 'grub par 'gyur te/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// bcom ldan 'das kyis de skad ces bka' stsal nas/ byang chub sems dpa' sems dpa' chen po de dag sa rangs te/ bcom ldan 'das kyis gsungs pa la mngon par bstod do// 'phags pa dkyil 'khor brgyad pa zhes bya ba theg pa chen po'i mdo rdzogs so// gar gyi mkhan po dzi na mi tra dang dAn shI la dang / zhu chen gyi lo tsa ba ban d+he ye shes sdes bsgyur cing zhus te/ skad gsar bcad kyis kyang bcos nas gtan la phab pa/ @