བོད་ཡིག

e-texts produced with BDRC’s OCR application

yin// 'phags pa 'jam dpal gyi mtshan brgya rtsa brgyad pa gzungs sngags dang bcas pa rdzogs so// / 'phags pa sgrib pa thams cad rnam par sel ba'i mtshan brgya rtsa brgyad pa gzungs sngags dang bcas pa// byang chub sems dpa' sems dpa' chen po sgrib pa thams cad rnam par sel ba la phyag 'tshal lo// oM a mr-i ta/ bin+du dza pra/ ma hA su kha swA hA/ de nas bcom ldan 'das de bzhin gshegs pa rnam par snang mdzad kyis phyag g.yas pa brkyang ste/ byang chub sems dpa' sems dpa' chen po sgrib pa thams cad rnam par sel ba tshim par mdzad nas bka' stsal pA/ yon tan rin po che'i tshegs can khyod kyi gzungs sngags 'di byung bas/ sems can rnams kyi bde ba chen po bskyed pa legs so legs so// kye rgyal ba'i sras gang la la gzungs sngags 'di thos pa ni/ de bzhin gshegs pa gang+gA'i klung bcu'i bye ma snyed kyi spyan sngar dge ba'i rtsa ba bskyed pa dang ldan par 'gyur ro// gang la la'i rna lam du grags par gyur pa de'ang sgrib pa dang bral bar 'gyur ro// sku gdung dang ldan pa'i mchod rten gyi drung du zla ba yar gyi ngo chos brgyad dem// tshes bco lnga la spang bar 'dug cing / gso sbyong dang ldan par byas te/ spos dang bdug pa dang shamar me dang / me tog dang / me tog 'phreng dang / brug pa la sogs pas mchod la// bskor ba byas nas bzlas brjed byas na/ dam pa ci 'dod pa thob par 'gyur to// sdig pa thams cad dang / sdug bsngal ba dang / 'jigs pa thams cad las thar par 'gyur ro// byang chub sems dpa' sgrib pa thams cad rnam par sel ba la spos la sogs pas mchod de bzlas brjod byas na rmi lam du ston par 'gyur te/ bsam pa thams cad yongs su rdzogs par byed cing / nyon mongs pa dang sdug bsngal thams cad sel bar byed do// de nas rdo rje me tog thed chen po sa gsum gyi dbang phyug dang thabs cig tu 'khor gyi dkyil 'khor chen po de'i nang nas stan las langs te/ byang chub sems dpa' chen po sgrib pa thams cad rnam par sel ba la btud nas mtshan brgya rtsa brgyad kyis mngon par bstod pa// sems can kun gyi gtso bo che// byang chub sems dpa' tshul che ba// nye mongs dri ma kun las 'das// chos dbyings khyed la phyag 'tshal lo// sgrib pa kun las nges par grol// nyon mongs dri ma kun sel cing // nyes pa kun las rnam grol ba// skyon bral khyod la phyag 'tshal lo// lam srung gcig pu'i tshul ston cing // theg pa gcig pu'i tshul gcig pa/ theg pa chen po'i tshul brnyes te// theg pa dag pa khyod phyag 'tshal// snang chen por snang ba brnyas// yon tan dkyil 'khor 'jig rten bdag/ zla ba bzhin du 'od dkar ba// 'jig rten 'das pa khyod phyag 'tshal// theg pa chen po dag du che// sangs rgyas theg pa rtogs gyur cing // rdo rje'i dkyil 'khor rnams grags pa// rdo rje chen po khyod phyag 'tshal// dpa' bo chen po bdud las rgyal/ dpa' bo chen po nyon mongs chom// bgegs thub gshin rje thub pa ste// rin chen dra ba khyod phyag 'tshal// zla ba chen po nyi ma che// lhun po chen po dbang phyug che// lha chen mgon po chen po ste// 'byor pa chen po khyod phyag 'tshal// sgrib pa thams cad gcod mdzad cing // sgrib pa thams cad sel mdzad pa// kun mkhyen yon tan bdag nyid che// rnam sel khyod la phyag/ 'tshal lo// sangs rgyas spyod yul bzhugs pa ste// chos kyi spyod yul gshegs pa lags// yeng shes dbang phyug ye shes che// sred bral khyod la phyag 'tshal lo// sku mdzes yon tan snying po mkhyen// rdo rje yi ni dkyil 'khor brgyan// sangs rgyas la mo ste don yod che// ye shes dag pa khyod phyag 'tshal// bstan pa gnas dbang bdag po ste// bde mdzad thugs kyang zhi ba ste/ yangs pa dri med shes rab can// snang ba dag pa khyod phyag 'tshal// zab cing brtan la rnam par gnon// zhi ba 'jig rten dag par mdzad// ston pa skyabs 'os srid gsum na// dpa' btsan khyod la phyag 'tshal lo// skal pa chen po nyin mongs bcom// 'khor ba'i dkyil 'khor 'joms pa ste// zhi bzhi mdzad bde 'byung ba// chu bzhi mdzad khyod phyag 'tshal// thar pa'i rgyu ste chos lugs che// bde 'gror gnas pa dri ma med// rnam dag thugs mnga' zhi ba mkhyen// nyes sel khyod la phyag 'tshal lo// rtse mo yangs pa rnam par grags// sngags chen mang pos 'dul mdzad pa// snying po chen po dkyil 'khor mchog/ dkyil 'khor mkhyen pa khyod phyag 'tshal// sdug bsngal gsum sel gsum gyi mchog/ dkon mchog gsum dang spyod yul 'dra// rnam gsum mkhyen pa brnyes pa'i bdag/ rnam thar gsum khyod phyag 'tshal lo// byang chub sems dpa'i yon tan gyi// 'byor pa brnyes shing mnyam nyid brnyes// bskul pa dag na grangs med par// tshogs chen bsags khyod phyag 'tshal lo// sa la gnas pa sa chen brnyes// sa yi 'bras bu phun sum tshogs// yang dgas 'dzin las byung ba// ye shes sa khyod phyag 'tshal lo// ting nge 'dzin la mngara' brnyes pa/ nyis gsum spong zhing sdig pa sel// ting 'dzin mkhyen cing rgya che ba// mnyam pa nyid mnyam khyod phyag 'tshal// mgon po chen po snang ba che// sdug bsngal chen po dri ma sel// zhi gyur ma lus zhi mdzad pa// yon tan pha mtha' khyod phyag 'tshal// sangs rgyas kun mtshungs gsung ldan pa// chos kun zhi ba phun sum tshogs// dkon mchog gsum rigs dpe med pa// rin chen mtha' yas khyod phyag 'tshal// rdo rje chen po dri med mchog/ rdo rje mtshon bsnams sdig mi mnga'// nam mkha' ma lus yul dang ldan// ye shes spyod yul rgya mtsho mnga'// de bzhin gshegs/ dang yul gcig pa// sel ba po ste dri ma sbyong // shes rab chen po rgyal ba'i sras// sred gcod khyod la phyag 'tshal lo// rdo rje dkyil 'khor rdo rje'i mchog/ rdo rje 'dul ba rdo rje 'chang / rdo rje rtsal can rnams kyi rtsal// rdo rje snang ba khyod phyag 'tshal// rin chen chen po rin chen blo// rin chen rdo rje'i 'od che ba// rin chen 'od mdzes rin chen 'byung // rin chen bstan pa srung mdzadapa stong pa nyid kyi yul brnyes shing // ye shes stong pa nyid kyis ston// stong nyid longs spyod yul dang ldan// stong nyid mchog khyod phyag 'tshal lo// shes rab mtshungs med shes ras na/ dag pa rnam dgas dang bral/ chos gcig las byung snang ba bo// 'jig rten 'das pa'i tshul chen lags// 'jig rten snang mdzad smra mkhas pa// 'jig rten chos las snang bar 'das// 'jig rten mkhyen pa'i yon tan brnyes// rgyan par mdzad pa dkyil 'khor dag/ nyes pa ma lus sel ba ste// phyag chen skye bo kun la phan// sa 'dzin rnam par grags pa po// kun mkhyen khyod la phyag 'tshal lo// dga' mkhyen dga' la longs spyo ba// dga' ba'i rigs mchog rnams kyi mchog/ dga' bar mdzad pa'i rtog pa can// dga' ba ldan pa khyod phyag 'tshal// sgeg chen 'dzin zhing dgongs par ldan rnam par sgeg la spyod pa brtan// rdo rje rig pa sgeg pa'i mchog/ sgeg chen khyod la phyag 'tshal lo// sangs rgyas byang chub sems dpa'i mchog/ rdo rje mchog gi dkyil 'khor che// theb pa chen po'i tshul la gnas// bla med mchog khyod phyag 'tshal lo// dpa' bo byang chub sems dpa'i mchog/ sgrib pa thams cad sel mdzad la// rdo rje'i dkyil 'khor 'khor rnams kyis// ming brgya rtsa brgyad kyis bstod nas// rdo rje bstan pa rnam grags pa// bcom ldan rdo rje can gyis gsungs// kye ma 'byor chen snang ba yis// dkyil 'khor rgyal ba'i dkyil 'khor ba// gang zhig ming brgya rtsa brgyad pa// 'di dag so sor rjod byed na// nga ni nyes pa kun zlog cing // rtag tu de yi phyi bzhin 'brang // nang par langs nas gtsang ma yis// sgrib pa thams cad sel ba la// blo ldan gang zhig bstod byed pa// de yi sdig pa med par 'gyur// gang zhig ming brgya rtsa brgyad mchog/ nang par langs nas rjod byed pa// snang ba thams cad de dbang 'gyur/ bgegs rnams kyis kyang yongs su btang // sdig pa dag pa 'thob pa dang // de bzhin bsod nams 'phel ba dang // ye shes rgya mtsho longs spyod cing // sa mchog chen po thong par 'gyur// gang zhig nges par gnas byas la// ming brgya rtsa brgyad mchog 'don pa// des ni 'byor chen sangs rgyas so// ring por mi thogs thob par 'gyur// rgyud chen ldan zhing blo cho ga/ gang zhig ming mchog 'don pa ni// rdo rje dkyil 'khor bstan pa la// ring por mi thogs 'jug par 'gyur// byang chub sems dpa' chen po sgrib pa thams cad rnam par sel ba'i mtshan brgya brgyad pa gzungs sngags dang bcas pa rdzogs so// / 'phags pa sa'i snying po'i mtshan brgya rtsa brgyad pa gzungs sngags dang bcas pa/ dkyil 'khor