བོད་ཡིག

e-texts produced with BDRC’s OCR application

rgya gar skad du/ shrI dz+nyA na rA dza tan+t+ra rA dza/ bod skad du/ dpal ye shes rgyal po'i rgyud kyi rgyal po// dpal bde ba chen po la phyag 'tshal lo// kye ma sangs rgyas kyi sangs rgyas// kye ma sangs rgyas mdzad pa legs// gang phyir sems can thams cad kyis// mya ngan 'das pa thob bya'i phyir// dad dang brtson 'grus rdzogs byas te// bla ma'i rjes su 'jug par bya// rang rig gnyis su med pa la// gzhan rig gnyis su 'dzin pas 'khrul// gzod nas ma skyes ma grub la// skyes dang grub par 'dzin pas 'khrul// dngos po ro mnyam gyur pa la// dman dang gya nom 'dzin pas 'khrul// 'khor ba yongs su shes pa nyid// mya ngan 'das par brjod pa la// sangs rgyas sems can rtog pas 'khrul// rang bzhin lhun gyis grub pa la// rgyu dang rkyen gyis skye bas 'khrul// brda dang tha snyad bral ba la// blo yi spyod yul byed pas 'khrul// mtha' bral dbu mar gnas pa la// rtag dang chad par 'dzin pas 'khrul// shes brjod yul las 'das pa la// bdag dang bdag gir 'dzin pas 'khrul// dngos po mtshan ma la sogs pa'i// rnam rtog kun gyis stong pa la// dngos por rjes su 'dzin pas 'khrul// rang nyid gnyis su med pa la// bden pa gnyis su 'dzin pas 'khrul// gdul bya sna tshogs 'dul ba yi// theg pa du ma'i gong 'og la// sgro dang skur pa 'debs pas 'khrul// sems can 'khrul pa sna tshogs kyis// las kyi rnam smin la sogs la// blta bas skur pa 'debs pas 'khrul// rang rig gzod nas 'od gsal la// sku mdog phyag mtshan la sogs pa// rdo rje 'dzin par 'dod pas 'khrul// 'khrul pa dang ni 'khrul pa'i gzhi// 'dod chags 'dod chags chen po ste// 'khrul gzhi 'khrul pa las 'das na// 'dod chags chen po bcom ldan 'das// zhe sdang zhe sdang chen po dang // de bzhin zhe sdang bcom ldan 'das// gti mug gti mug chen po ste// de bzhin gti mug bcom ldan 'das// 'di yis nges par grol 'gyur gyi// 'di spangs gzhan gyis grol/ bamin// bdag po lha dang bla ma spun// bdag po lhan cig rnal 'byor tsam// theg pa spyi bsdus de las gzhan// skye bo'i bems po che dang brgyad// de dag rang rig thob pa'i rgyu// de phyir dam tshig gtso bor bsrungs// 'bras bu'i khyad par rang rig 'byung // kye ma mgon po kye sangs rgyas// 'dod chags dbye ba de ltar na// de yi ngo bo ji ltar lags// zhe sdang la sogs de dang 'dra// rdo snying po snying rje che// legs par nyon la yid la zung // las dang las kyi rnam smin gyi// rgyu 'bras mi shes gti mug ste// lus sems kun nas 'khrugs pa dag/ zhe sdang yin te sgo gsum gyis// kun nas bslang ste nor bu'i mthar// sa bon 'byung ba 'dod chags so// dbang sogs ngo bo gang ma shes// 'dod chags la sogs chen por nges// rang rig ngo bo gang la gnas// 'og ma spongs pa'i gnyen po ste// ngo bo sgyu mar gang shes dang // dbang po'i sgo bsdus thabs yin te// gong ma skye ba'i rgyur 'gyur ba'i// phyir yang chen por gyur pa ste// gzhan gyi don du gyur pa dang // de las gzhan dag mos 'gyur dang / mang po mi mos spong ba dang // nyon mongs spyi yis zil mnon// bye brag 'dod chags zhe sdang sogs// zil gyis mi non 'og ma yi// nam chog gang yang mi skye dang // nyon mongs spyi dang bye brag spong // gnyen po yin par nges pa dang // nyon mongs snga rtse tsam mi skye// gnyis ni gong dang 'dra ba ste// bcu gnyis 'dod chags chen po dag/ bcom ldan/ 'das su gsungs pa ste// zhe sdang la sogs de bzhin no// zab mo'i lha spyod ma rtogs par// sngags spyod bzlas pa la sogs byed// de dag ngal ba don med yin// de dag bla ma dam pa lags// man ngag dam pa btsal bya ste// 'khrul pa dang ni 'khrul gzhi las// sad par byed pa'i cho ga zang // de'i tshe rgyud kyi don la dga' zhing rjes su yi rang bar gyur to// dpal ye shes rgyal po zhes bya ba'i/ rgyud kyi rgyal po rdzogs so// rgya gar gyi mkhan po ga ya ng+gir dang / lo tsa ba dge slong shAkya ye shes kyis bsgyur ba'o// /