བོད་ཡིག

e-texts produced with BDRC’s OCR application

lo ts+tsha ba shAkya ye shes kyis bsgyur ba'o// rgya gar skad du/ shrI kha sa ma tan+ta rA dza nA ma/ bod skad du/ dpal nam mkha' dang mnyam pa'i rgyud kyi rgyal po zhes bya ba/ dpal bde ba chen po la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje btsun mo'i b+haM gA la snyoms par zhugs so// de'i tshe 'khor 'dus pa de dag gi nang nas mkha' spyod dang / sa spyod dang / sa 'og na spyod ma gsum la bcom ldan 'das kyis zhal 'dzum pa mdzad nas gsang ba'i don 'di gsungs pa/ dad ldan snying rjer ldan dang rtse gcig sems// lus ngag gus bcas gzhan la phan sems ldan// 'jigs med brtul zhugs ldan/ zhing zab mo yi// lam la spro bar gyis nas legs par nyon// mkha' 'gro khyod kyi mtshan nyid ni// nga yis khyod la bshad par bya// mkha' spyod steng sgo'i rlung yin te// sa spyod par du thig le'i sgo/ sa 'og spyod pa shu kra'i sgo// sgo gsum sku gsung thugs yin te// dang po mkha' spyod mtshan nyid kyang // rnam pa gsum du shes bya ste// bems po'i rlung dang rnam rtog rlung // kun gyi mtshan nyid ye shes rlung // mdor bstan de nyid rim pas dbye// gnyis med rlung ni ma ning ste// zung 'jug thabs dang shes rab rlung // ldang 'jug sku gsung thugs kyi rlung // snying dang gzhang kha mgrin pa dang // lte ba'i lus ni khyab pa ru// rigs lnga'i rlung ni khyab par gnas// rgyu ba bzhi ni 'byung ba'i rlung // dngas snyigs 'byed pa brgyad du 'gyur// 'di nyid rlung ni thun brgyad de// thun re la ni 'pho ba gnyis// rlung gi 'pho ba bcu drug yin// 'pho ba gcig la chu tshod gnyis// chu tshod re la dbyug gu gnyis// rlung gi dbyug gu drug cu bzhi// de bzhin chu tshod sum cu gnyis// nyi khri chig stong drug brgya sogs/ sems dang sems med 'dres pa'i rlung // rags pa dang ni phra ba la// mkhas pas sems kyi bzhon par bzung // rnam rtog gzung 'dzin sems kyi rta// gzung 'dzin gnyis 'gags dbu mar gnas/ de nyid ye shes rdo rje'i rlung // dbye ba thabs dang shes rab gnyis// 'di rnams mkha' spyod rang bzhin te// de dag man ngag mkhas pas brtag/ yon tan skyon dang rtags rnams kyi// rlung gi mtshan/ nyid shes par bya// de dag kun gyi rten nyid kyang // gzhol ma dang ni g.yon pa ma// 'di ni gzhu yi rnam par gnas// bems po rlung gi lam yin te// dbang po mngon sum la ma yin pas// sna yi ri rab gling bzhi la// nyi zla byang nub lhor rgyug gis// thabs dang shes rab skor sogs la// 'bad pas sems ni gzung bar bya// 'di dag bems pos yang dag gnas// mi shes pa yi rab rib kyis// rin chen sems ni dri can byas// 'di ni rnam rtog rlung yin te// 'di nyid kyi ni lam gyur pa// ro ma dang ni brkyang ma'o// sbrul 'khril lta bu'i rnam pa ste// rnal 'byor gyi ni dmigs pa'i yul// gnas der rnam rtog rlung 'gag go// rang rig gdod nas ma skyes pa// 'di nyid ye shes rdo rje'i rlung // kun 'dar ma yi rtsa la rten// tsad+d+hi lI ni shing lta bu// rang rig ye shes spyod yul te// gnas der babad de rang rig gzung // mkha' spyod rlung gi rang bzhin phyir// 'di dag rdo rje'i lam yin te// de nas sa spyod bshad bya ste// rang rig ye shes gang 'dod pas// tsaN+Da l-I yi bye brag brtag/ dang por rang bzhin tsat+tA lI// gnyis pa gtum mo tsat+tA lI// gsum pa kha sbyar tsaN+Da lI// de bzhin gcer bu'i tsad+d+hi lI// de nyid la yang dbye ba ste// gcer bu gtum mo shin tu gtum// yang dag gtum mo gzhan sbyar dang // bye brag kun la sbyar bar bya// gcer bu shin tu gcer bu dang // shin tu gcer bu gcer bu sogs// 'di dag kun la sbyar bar bya// dbye na rnams pa bcu/ gnyis te// yan lag bcu tshan bzhi dang brgyad// sa spyod ma yi rang bzhin te// stong phrag bdun cu rtsa gnyis sogs// gzhan skyes kyi ni khro mo tsam// phra ba de las bzlog pa'o// brgya dang nyi shu sgra yi rtse/ sum cu rtsa gnyis sgra yi rtse// lnga yi cha ste gtso bo gsum// gsum 'dus yungs kar gyi ni tshad// dbus dang g.yas g.yon phra sgrom bya// gnyis 'gyur bye brag shes par bya// dngas ma dang ni snyigs ma'i rtsarang rang bzhin du ni gnas pa la// yi ge lta bu'i rtsa mdud kyang // dang po'i sgra ru gang shes pa// sa spyod ma yi rang bzhin no// gnas la sogs pa gzhan nas shes// 'di nyid nor bu rin po che// 'di la brten nas thams cad 'byung // rigs 'chol gnas 'chol tshad 'chol dang // dbyibs dang kha dog grangs la sogs// 'chol pa las ni dngos grub min// de nyid bral ba'i rang bzhin ni// sa spyod// ma yi dngos grub ste// thams cad kun gyi rten yin no// sa 'og spyod ma'i rang bzhin te// de nas yang dag rab bshad pa// byang chub sems ni rnam pa gsum// dang po chos nyid sems yin te// 'di ni shes brjod yul las 'das// gnyis pa rang rig byang chub sems// dper na rkyen gyis shel sgong bzhin// gsum pa bems po'i byang chub sems// sih+la dang ni ga pur te// don dam kun rdzob gnyis su gsungs// las kyi rlung dang las kyi mes// g.yo ba kun rdzob byang chub sems// ye shes rlung dang ye shes mes// g.yo ba don dam sems yin te// dngas snyigs las ni rim pa yin// dbyibs dang kha dog las kyis ni// sems kyi khyad par shes par bya// las kyi rlung gis mi g.yo zhing // las kyi me yis mi 'dzag par// kha ba lta bu'i mtshan nyid las// mi shigs haM gi dbyibs 'dra ste// nor bu kun da'i mdog lta bu// dkar la 'tsher dang gzi mdangs snum// bde ba chen po'i slar byung ba// 'di ni don dam byang chub sems// dmar la gdang ba'i rang bzhin la// khyad par bzhini thun mong ste// 'di ni shes rab byang chub sems// de las bzlog pa'i dman pa gnyis// 'og sgor gnas shing srid pa ste// dman pa'i rkyen gyis g.yo bar byed// de phyir don dam kun rdzob kyi// sems kyi mtshan nyid shes par byed// rgyu 'chol pa las dngos grub med// rkyen 'chol ba la de bzhin te// bla ma'i zhal nas shes par bya// don dam sems kyi spyod yul yin// kun rdzob tshor ba bden pa'i yul/ sa 'og spyod pa'i rang bzhin te// rdo rje gsum sgom mi phyed pa// de nyid rdo rje sems dpa' ste// yi ge dang ni yan lag dang // bsdus pa'i don dang spyi yi don// sbas pa'i don dang mthar thug don/ sna tshogs sems las 'byung bar 'gyur// nor bu dang ni sil snyan bzhin// rtog med rkyen las sna tshogs 'byung // A li kA li ma ning dang // drug tu sbyor ba brtag par bya// sgra mtha' yi ge bsam ma khyab// yan lag rnam pa gsum yin no// rgyu 'bras brda dang brda can dang // brjod bya dang ni rjod byed do// de las bzlog pa bsdus par bshad// theg pa gsum dang de las gzhan// thun mong spyi ru nges pa ste// bye brag rang las shes par bya// sbas pa dbang dang sngags su dbye// sngags la bzhi ste dbang la gnyis// chos ni spyi dang bye brag go// de dag kun gyi mtshan nyid kyang / bla ma'i zhal nas shes par bya// snod dang snod min bye brag kyang // bla mas legs par brtag bya ste// de nyid yang dag rtogs gyur na// ston pa med cing bstan pa med// bsam gtan la sogs/ 'jigs pa med// sangs rgyas gzugs ni sna tshogs 'byung // bya ba bcu gnyis la sogs dang // chos kyi 'khor lo sna tshogs bskor// dman pa rnams la bya ba'i rgyud// bya min rnal 'byor de lhag la/ de rjes rnal 'byor nyid gsungs te// rnal 'byor nang ba de lhag la// phyi nas rnal 'byor ma rgyud ni// shes rab snying po rtser gyur pa'i// thabs dang shes rab bsrubs shing la// gnyis med thugs kyis bsrubs pa las// bdud rtsi'i ron nyi shu bzhi// nor bu rin chen rgyud ces brjod// 'jig rten 'jig rten 'das pa yi// dngos grub thams cad 'di las 'byung // ji ltar ma bkrogs 'o ma las// 'dod pa gang yang 'byung ba min// de bzhin lo grangs mang po las// dngos grub myur du 'byung ba min// de phyir rin chen nyi shu bzhi// bdud rtsi'i ro 'dra seng ge gzugs// gnas ni nyi shu bzhi nyid kyang // sku gsung thugs kyi byin brlabs te// mkha' 'gro nyi shu bzhi la gtad// phyag rgya bzhi yis rgyas btab bo// dam du sba zhing dam du spel// rgya las 'das na dam tshig nyams// sngags dang dbyibs/ dang chos bdag nyid// sku gsung thugs kyi rang bzhin te// de yi ngo bor rgyud kun brtag/ sngags dang dbyibs dang chos bdag nyid// dbyibs kyang gnyis su shes par bya// re re'i bye brag dbye ba yang / bla ma'i zhal nas shes par bya// phyi nang sbas pa mthar thug bzhi// rgyud kun phyag rgya bzhi yin te// de nyid dbye ba mkhas pas brtag/ de nyid rtogs na rgyud dang ldan// de las bzlog pa 'das pa'o// rang bzhin gyi ni tsaN+Da lI// gnas ni nyi shu rtsa bzhi ste// rtsa gsum gyis ni byin gyis brlabs// gnas ni nyi shu rtsa bzhi ru// mkha' 'gro nyi shu rtsa bzhi la// rgyud ni nyi shu rtsa bzhi gtad// pu ru rab gtum gsang rdo rje/ dza ru gtum mig gsang ba gcod// oM ru 'od ldan bsam mi khyab// U ru sna rtse nam mkha' mnyam// go ru brtan blo nam mkha' che// ra ru mi'u thung sku gsung thugs// de ru lang ka rin chen 'phreng // ma ru shing grib dam tshig che// ka ru e ra stobs po che// oM ru 'jigs byed ye shes gsang // tri ru rlung shugs ye shes 'phreng // ko ru chang 'thung ye shes 'bar// ka ru sha ma rma ba'i 'phreng // la ru shin bzang rin chen 'bar// ka ru rta rna nyi ma'i 'khor// he ru kha kha ye shes rgyal// phre ru 'khor shugs mkha' 'gro gsang // gri ru khaN+Da gsang me 'bar// so ru shon ti gsang bdud rtsi// su ru 'khor lo dur khrod brgyan// na ru shin dpa' rdo rje rgyal// si ru stobs chen ye shes rgyal// ma ru 'khor sbyar chags pa'i rgyal// ku ru brtson 'grus mkha' 'gro sdom// de dag gtad do legs par spos// nang du tsat+tA li dag ni// nyi shu bzhi ni gtad pa ste// dang po gsang ba gnyis pa yang // rang bzhin yin te de nas dbang // rkyen ni tha mas gsungs pa ste// mkha' 'gro khyed kyi rang bzhin te// de nas dngos grub gang 'dod sbyin// dngos grub dam pa gang 'dod pa// dbang dang dam tshig ldan byas te// rta dang glang po la sogs dang // bu dang chung ma nor gyi dbyig/ bsnyen bkur dag gis bsnyen byas te// bdud rtsi'i r-i yi ra li las// bla ma'i zhal nas dngos grub blang // yid la zung la dran par gyis// de nas 'khor 'dus pa de dag thams cad rjes su yi rang bar gyur to// sku gsung thugs kyi rang bzhin dpal nam mkha' dang mnyam pa'i rgyud kyi rgyal po zhes bya ba rdzogs so// paN+Di ta ga ya d+harAr dang / dge slong shAkya ye shes kyis zhus shing bsgyur ba'o// rgya gar skad du/ shrI ma hA kha sa ma tan+da rA dza/ bod skad du/ dpal nam mkha' dang mnyam pa chen po'i rgyud kyi rgyal po/ dpal bde ba chen po la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje btsun mo'i b+ha ga la bzhugs so// gzhan yang dpa' bo dang / mkha' 'gro ma grangs med pa dang thabs gcig tu bzhugs so// de rnams kyi nang nas byung / chub sems dpa' sems dpa' chen po rdo rje snying pos/ bcom ldan 'das la g.yas phyogs nas bskor ba lan gsum byas te/ phyi nang gsang ba'i mchod pas mchod nas 'di skad ces gsol pa/ kyitshe bcom ldan 'jigs pa che// bcom pa gang lags ldan pa gang // 'jigs pa gang lags chen po grang // bdag la khyod kyis bshad du gsol/ bcom ldan 'das kyis bka' stsal pa// bcom pa bdud bzhi bcom pa ste// re re la yang bzhi bzhi ste// bcu drug grangs su shes par bya// ldan pa de yi gnyen po ste// dang po bum dbang bdud bzhi yang // kha dog dbyibs la log rtog gis// bskyed pa'i gzung 'dzin du ma dag/ phung po'i bdud du rab tu grags// 'dod chags zhe sdang la sogs pa// nyon mongs pa yi bdud yin no// yang dag lam ston bla ma med / zhe sdang ru trar skye ba yi// rgyu dang lam ston grogs ngan dag/ lha yi bu yi bdud yin te// las dang nyon mongs pa yi rgyus// srog 'chad pa ni 'chi bdag bdud// bskyed pa'i rim la legs gnas nas// lha yi bu yi bdud kyang bcom// log rtog du ma'i rtog pa 'gag/ des ni phung po'i bdud bcom mo// rten dang brten pa ro mnyam pas// nyon mongs pa yi bdud bcom mo// dus min 'chi dang tshe zad pas/ 'di dag 'chi bdag bdud yin te// tshe lo stong sogs thub pa yi// tshe yis 'chi ba'i bdud bcom mo// gzhan yang bdud 'joms bye brag ni// phyi yi tshe yi bcud kyis len// grub na 'chi bdag bdud 'joms so// de bzhin lus kyi phung po ste// longs spyod kyis ni nyon mongs 'joms// sems kyis lha yi bdud bcom ste// rten dang brten ni sgyu mar/ ldan/ 'de nas gsang dbang bdud bzhi yang // phyag mtshan khro tshul gar la sogs// phyi ru du ma phung po'i bdud// rags pas yid ni nyon mongs pas// nyon mongs pa yi bdud yin no// dman pa'i lam gang ston pa yi// bla ma lha yi bu yi bdud// phyi yi tshe yi bcud kyis len// de nyid 'chi bdag bdud yin no// gzhan yang bdud kyi bye brag ni// sgo gsum 'khrul par gang ston pa// bla ma lha yi bu yi bdud// sgo gsum las ni du ma'i cha// de nyid ma shes phung po'i bdud// de nyid 'bad de bsgrubs byas kyang // 'bras bu mi 'byung sems nyon mongs// nyon mongs pa yi bdud yin te// de yis tshe yi bar chad byed// de nyid 'chi bdag bdud yin no// rlung sogs gnas pa'i tshul shes pas// lha ya~M bu yi bdud bcom mo// de nyid sgyu mar shes pa dang // de nyid shes pas phung po dang // nyon mongs pa 'i bdud bcom mo// dngos po'i mthar lhung skye bas 'chi// rgyu med las skye 'chi ba ste// rgyu rkyen ma bskyed rang bzhin gnas// sgyu mas 'chi bdag bdud bcom mo// tshe la dbang sgyur ma lta bu// gnyen po'i// spobs dang ldan pa'o// shes rab ye shes badrud bzhi yang // rtswa dang shu kA la sogs pa'i// dman pa'i lam ston lha yi bdud// de nyid du ma phung po'i bdud// de skom rang bzhin nyon mongs pas// nyon mongs pa yi bdud yin pas// kha dog dbyings ni skyes pas 'jig/ de nyid 'chi bdag bdud yin no// gzhan yang bdud kyi bye brag kyang // 'dod chags chen po'i lam ston pa'i/ bla ma lha yi bu yi bdud// dga' ba bzhi ni du ma ste// rgyud la spangs pas phung po'i bdud// rang sems nyon mongs pa yi bdud// 'khor bar ltung bas skye ba ste// skye ba las byung 'chi bdag/ bdud// rnam par rtog pa skyes pas so// 'dod chags kyis ni 'chi bdag bdud// ma spangs sum cu drug nyid dang // des pa sum cu rtsa drug gis// lam brten bla mas lha bdud bcom// dga' bzhi sgyu ma rang bzhin med// bde chen ror gyur phung po bcom// 'bras bu rang rig ye shes sbyin// rang sems nyon mongs sdug bsngal bral// nyon mongs pa yi bdud bcom mo// de/ yis 'chi ba dang bral bas// de nyid 'chi bdag bdud bcom mo// 'og gi lam gyi bdud bzhi yi// dman pa'i stobs kyis zin pa ste// rgyal po dmangs su phab pa bzhin// de nyid lam gyi bdud kyis zin// rgyal po rgyal sa shor ba bzhin// bzhi pa dang 'brel bdung bzhi no// gsum pa'i snod dang ldan pa la// bzhi pa'i lam ston bla ma ni// lha yi bu yi bdud yin te// bdud gsum bla ma'i zhal las shes// snod min gsang ba sgrogs pa dang // mar dang kha ra la sogs pa// 'thungs te ma zhu dug 'gyur bzhin// khyad par bdud kyis zin pa ste/ rigs ngan rgyal sa 'dzin pa 'dra// dbang dang gdam ngag 'brel bcas pa'i// bdud 'joms lam gyi stobs dang ldan// ye shes lnga 'am yon tan drug/ ldan pa dag tu rab tu grags// bla ma gcig la snod bcud gnyis// thob na de nyid dam pa ste// bla ma gcig la dbang thob nas// bla ma gcig la mnyan par bya// bla ma rnam pa gnyis su gsungs// phyi yi bla ma de nyid de// nang gi bla ma/ bdag po'i lha// bdud dang dgra yi sde rnams kun// thams cad 'jigs shing skrag byed pas// 'jigs pa zhes ni gsungs pa ste// dgra dang bdud kyi g.yul las rgyal// dmigs pa lha sogs bdun dang ldan// de phyir chen po zhes ni gsungs// de'i tshe 'khor 'dus pa de dag dang / byang chub sems dpa' sems dpa' chen po rdo rje snying po dang / thams cad rgyud la dga' zhing mgu nas rjes su mi/ rang bar gyur to// dpal nam mkha' chen po'i rgyud kyi rgyal po rdzogs so// / rgya gar gyi mkhan po ga ya d+ha ra dang / lo ts+tsha ba dge slong shAkya ye shes kyis bsgyur ba'o//